Uko kwerekana imideri itandukanye, wabaye umwanya wo kugaragaza ibikorerwa mu gihugu, muri ‘Commonwealth’ ndetse uba n’umwanya wo kwigaragaza ku banyamideri.

Mu banyamideri bo mu Rwanda berekanye ibyo bakora harimo Haute Baso, Sonia Mugabo, Inzuki, Rwanda Clothing, Uzi Collection, Izubaa ndetse na Amike.

Mu banyamahanga baje kumurika imideri bakora harimo Pichulik yo muri Afurika y’Epfo, Kiko Romeo, Amu Clothing bo muri Kenya, Keneea Linton George baturutse Jamaica, Pepper Row na Dye Lab bo muri Nigeria, Larry Jay bo muri Ghana ndetse na Georgia Hardinge na Maximilian Raynor bo mu Bwongereza.

Muri iryo murikamideri ryateguwe mu gihe cya CHOGM, abaryitabiriye barenze ibyo kwerekana ubwiza bw’imideri bakora, ahubwo baganira ku buryo imideri yaba isoko yo guhangana n’imihindagurikire y’ikirere n’ibindi.

Precious Moloi Motsepe, Umuyobozi mukuru wa ‘Africa Fashion International’, yasabye ko hazajya habaho gukorana mu rwego rwo kugira ngo imideri ya Afurika ikomeze gutera imbere, cyane cyane hitabwa ku kintu cy’uko ibikoresho byinshi bikoreshwa mu mideri bituruka muri Afurika, ariko byamara gutunganywa bikagaruka bihenze cyangwa se ntibyungure cyane abo byagombye kungura.

Motsepe ati “Dushobora kandi dusabwa gukora ku buryo tuzamura urubyiruko n’abagore bakora mu bijyanye n’imideri muri Afurika, kugira ngo buri wese ukora muri urwo rwego abone imibereho ikwiye kandi babikore babyishimiye”.

N’ubwo inganda zikora imyenda ari nazo zikoreshwa ahanini n’abo banyamideri, ngo zigira uruhare mu iterambere ry’ubukungu, ariko kandi ngo abashakashatsi b’Umuryango w’Abibumbye ku bidukikije no mihindagurikire y’ikirere, bavuga ko izo nganda zigira uruhare rukomeye mu gutuma ikirere gishyuha, kuko zisohora 10% y’umwuka uhumanya ikirere (carbon) ku rwego rw’Isi muri rusange.

Mu gihe mu Bwongereza urwo rwego rw’imideri rwakoze ku buryo rugira uruhare mu gukemura ibibazo biriho nk’imihindagurikire y’ikirere, rukabungabunga ibidukikije, bifashisha ibikoresho byakoreshwa kenshi (recyclable material), nk’uko byasobanuwe na Caroline Rush, Umuyobozi mukuru w’inama y’imideri mu Bwongereza (British Fashion Council). Gusa muri Jamaica na ‘Caribbean’, uko ibintu bimeze ubu, ni byo Moloi- Motsepe ashaka kubona bihinduka.

Keneea Linton-George, ari we muyobozi wa Keneea Linton Boutique, akaba yari ahagarariye Jamaica fashion designers, yavuze ko Caribbean igihura n’ibibazo bitandukanye biri muri urwo rwego rw’imideri.

Yagize ati “Twe turareba abategura guhunda za Leta (policy makers), kuko hari gahunda zimwe na zimwe usanga zidusigaza inyuma. Ugusanga turagira uruhare rukomeye mu gushaka ibikoresho byifashishwa mu guhanga imideri, ariko byagera aho byongererwa agaciro kurushaho, ugasanga nta nyungu biduha”.

Perezida Kagame n’Igikomangoma Charles

Perezida Kagame wari mu ruzinduko rw’akazi rw’iminsi itatu muri Repubulika ya Congo, abinyujije ku rubuga rwa Twitter, yatangaje ko bagiranye ibiganiro byibanze ku ngingo zitandukanye, harimo n’ibyerekeranye no gukemura ibibazo by’imihindagurikire y’ikirere.

Iki kiganiro kibaye mu gihe hasigaye amezi abiri kugira ngo u Rwanda rwakire inama ihuza Abakuru b’Ibihugu na za Guverinoma bigize umuryango w’ibihugu bikoresha ururimi rw’Icyongereza (Commonwealth) izabera i Kigali mu Cyumweru kizatangira tariki 20 Kamena 2022.

Muri Werurwe uyu mwaka nibwo igikomangoma Charles w’U Bwongereza yatangaje ko we n’umugore we Camilla bazitabira iyi nama ihuza ibihugu (54) byo hirya no hino ku isi.

U Rwanda na Mozambique ni byo bihugu biri muri uyu muryango bitakolonijwe n’u Bwongereza. U Rwanda rwinjiye muri uyu muryango mu mwaka wa 2009.

Ibi bihugu 54 bigize Commonwealth bifite abaturage bagera kuri miliyari 2.5 bangana na kimwe cya gatatu cy’abatuye isi kandi ibi bihugu biri mu bice byose by’isi. 60% by’abagize uyu muryango ni urubyiruko ruri munsi y’imyaka 30.

Uruherekane rw’ibicuruzwa hagati y’ibihugu bigize Commonwealth bingana na 20% by’ubucuruzi bwose bwo ku Isi.

Had a productive phone conversation with Prince Charles @ClarenceHouse who we look forward to welcoming to #CHOGM2022. We discussed partnerships that include addressing climate change and the ongoing success of the Sustainable Markets Initiative.

— Paul Kagame (@PaulKagame) April 12, 2022

Biteganyijwe ko CHOGM izabera i Kigali guhera tariki 20 Kanama 2022

Itangazo ryasohowe na Commonwealth kuri uyu wa Mbere tariki 31 Mutarama 2022, rivuga ko Umunyamabanga Mukuru w’uwo muryango, Patricia Scotland hamwe na Perezida Kagame bemeje itariki nshya y’iyo nama yagombaga kubera mu Rwanda mu kwezi kwa Kamena 2020, ariko ikaba imaze gusubikwa inshuro ebyiri kubera icyorezo cya Covid-19.

Inama ya CHOGM iteranira muri kimwe mu bihugu bigize Commonwealth buri myaka ibiri, igafatirwamo imyanzuro ikomeye irebana na demokarasi, iterambere ridaheza, kubaka inzego n’imiyoborere, ubutabera n’uburenganzira bwa muntu.

Iyi nama kandi ifatirwamo imyanzuro yo guteza imbere ubukungu no kwagura ubucuruzi bushingiye ku kwigira, guteza imbere urubyiruko ndetse no kungurana ibitekerezo ku birebana n’imihindagurikire y’ibihe, imyenda(amadeni) n’ubusumbane hagati y’abantu.

Perezida Kagame yahaye ikaze abazitabira iyi nama izabera i Kigali mu Rwanda, avuga ko yitezweho umusaruro.

Yakomeje agira ati “Imyaka ibiri ishize yatweretse ko duhuje cyane kurusha na mbere kandi dukwiriye gukorera hamwe kugira ngo tugere ku ntego n’umusaruro twifuza. Iyi nama yari ihanzwe amaso igihe kirekire izaba umwanya mwiza wo guhura tukaganira ku mbogamizi zatewe na Covid-19, hamwe no kubaka amahirwe ashingiye ku ikoranabuhanga n’ubukungu kugira ngo dukemure ibibazo byugarije abaturage bacu.”

Patricia Scotland wa Commonwealth na we yakomeje avuga ko yishimiye kubona uyu muryango wongeye guhurira hamwe nyuma y’imyaka ine habaye indi nama ya CHOGM i Londres mu Bwongereza.

Yagize ati "Inama zacu mu Rwanda zizaduha amahirwe nyayo yo kwemeza indangagaciro ziduhuza nka Commonwealth no kwibanda ku bibazo by’ingutu birimo icyo kuzahuka muri Covid-19, imihindagurikire y’ibihe n’ubukene, kwagura ubucuruzi n’iterambere rirambye, bikaba ari ibintu byakemurwa n’ibyemezo binyuze mu butwererane n’ubufatanye".

Scotland yakomeje avuga ko hari inama zakorwaga n’aba minisitiri hifashishijwe ikoranabuhanga, ariko ko yishimiye kongera kubonana kw’abantu bari kumwe imbona nkubone.

Scotland yavuze ko Inama ya CHOGM izabera mu Rwanda muri 2022 ibaye iya mbere ibereye ku mugabane wa Afurika kuva mu myaka 10 ishize, agasaba Abanyarwanda umuhate n’ubwitange kugira ngo hazabeho inama y’intangarugero.

Yanashimiye Abanyarwanda bose kuba barakomeje gukora ibishoboka bitegura kuzagira CHOGM irangwa n’umutekano, umutuzo kandi igatanga umusaruro wateza imbere Umuryango Commonwealth muri ibi bihe bigoye.

Uyu muryango uhuza ibihugu 54 byo hirya no hino ku isi bituwe n’abaturage barenga miliyari ebyiri na miliyoni 500(muri miliyari zisaga umunani zituye isi).

President @PaulKagame and @commonwealthsec Secretary-General @PScotlandCSG have announced that the Commonwealth Heads of Government Meeting (CHOGM) will take place the week of 20 June 2022. #CHOGM2022
👉🏽 https://t.co/XBixwwimdg pic.twitter.com/XjS4QHOU9a

— CHOGM Rwanda 2022 (@CHOGM2022) January 31, 2022

Itangazo ryashyizwe ahagaragara n’ubunyamabanga bwa Commonwealth rivuga ko iyo nama yasubitswe bitewe n’uko icyorezo cya COVID-19 gihagaze muri bimwe mu bihugu bigize uwo muryango.

Uwo muryango kandi uvuga ko ushima uko u Rwanda rwari ruhagaze mu myiteguro, bikaba biteganyijwe ko nisubukurwa n’ubundi izabera mu Rwanda.

Minisitiri Tariq Ahmad na Perezida Kagame baganiriye ku myiteguro y’inama ya CHOGM ihuza ibyo bihugu, ikaba izabera mu Rwanda muri Kamena 2021.

Minisitiri Tariq Ahmad kandi yagiranye ibiganiro na Minisitiri w’Ububanyi n’amahanga n’ubutwererane Dr. Vincent Biruta, ku bijyanye n’aho u Rwanda rugeze rwitegura iyo nama mpuzamahanga iri mu zikomeye u Rwanda ruzaba rwakiriye mu mateka yarwo. Minisitiri Tariq Ahmad ari mu Rwanda mu ruzinduko rw’akazi rw’iminsi ibiri.

Ubusanzwe Inama ya CHOGM (The Commonwealth Heads of Government Meeting) ihuza abakuru b’ibihugu na za Guverinoma bihuriye muri Commonwealth, iba buri myaka ibiri, Inama iheruka yabaye mu 2018, ibera mu Bwongereza. Indi nama yagombaga kuba mu 2020 ikaba yaragombaga kubera mu Rwanda, ariko ntiyaba bitewe n’icyorezo cya Covid-19 ikaba ari yo yimuriwe muri uyu mwaka.

Minisitiri Tariq Ahmad yavuze ko u Bwongereza bwashimye akazi u Rwanda rumaze gukora rwitegura kwakira neza iyo nama ya CHOGM 2021 mu ituze n’umutekano.

Yavuze ko u Bwongereza bwiyemeje gushyigikira iterambere ry’u Rwanda, no kurufasha kubaka ubukungu bahamye n’iterambere rumaze kugeraho nyuma ya Jenoside rwanyuzemo mu myaka makumyabiri n’irindwi ishize”.

Minisitiri Tariq Ahmad kandi yasuye urwibutso rwa Jenoside yakorewe Abatutsi rwa Kigali ruri ku Gisozi, ashyira indabo ku mva ziruhukiyemo imibiri isaga ibihumbi 250 y’inzirakarengane zishwe muri Jenosid yakorewe Abatutsi mu 1994.

Mu bandi bakingiwe harimo abatwara abagenzi kuri moto, abakora mu mavuriro yigenga n’abageze mu zabukuru.

Mbere yaho ku wa Gatatu tariki 10 Werurwe 2021 mu Rwanda hakingiwe ababarirwa mu bihumbi icyenda, buzuza umubare w’abagera ku bihumbi 230 bari bamaze gukingirwa mu gihugu hose.

Biteganyijwe ko iyo nama izabera mu Rwanda mu kwezi kwa Kamena muri uyu mwaka wa 2021.

Mu gitondo cyo kuri uyu wa Kane tariki 11 Werurwe 2021, uwo muyobozi yagiranye ibiganiro na Minisitiri w’Ububanyi n’amahanga w’u Rwanda, Dr Vincent Biruta ku bijyanye n’iyo myiteguro.

Baganiriye kandi ku zindi ngingo zitandukanye zirimo ibirebana n’ingamba zo guhangana n’icyorezo cya COVID-19 ndetse n’ibyerekeranye n’imihindagurikire y’ikirere.

Bishimiye uko u Rwanda rwiteguye CHOGM

Luis G. Franceschi, Umuyobozi ushinzwe imiyoborere n’amahoro mu muryango wa Commonwealth yabitangaje tariki ya 23 Gashyantare 2021 abinyujije ku rubuga rwa Twitter agaragaza amafoto y’aho yasuye n’ibyo yasanze byaramaze gukorwa, akavuga ko bishimiye cyane uko imyiteguro irimo kugenda.

Tariki 20 Gashyantare 2021 nibwo Franceschi yasuye urwibutso rwa Gisozi yunamira imibiri y’Abatutsi bazize Jenoside yabakorewe mu 1994 barushyinguyemo, ndetse ashyira indabo ku mva z’abarushyinguyemo anashimira Ambasaderi Monique wamwakiriye.

Ubuyobozi bwa Ambasade y’u Rwanda mu Bwongereza hamwe n’itsinda rya Commonwealth rishinzwe imiyoborere n’amahoro mu bunyamabanga bwa Commonwealth n’abanyamuryango b’uwo muryango, bakurikiye ibiganiro byabaye hifashishijwe ikoranabuhanga ku mitegurire ya CHOGM 2021 iteganyijwe kubera mu Rwanda.

CHOGM ni inama iterana rimwe mu myaka ibiri igahuza abakuru b’ibihugu na za Guverinoma z’ibihugu bikoresha ururimi rw’Icyongereza.

Iyo inama yari iteganyijwe kubera mu Rwanda muri Kamena 2020 ariko iza kwimurirwa muri 2021 kubera icyorezo cya Covid-19.

Iyo nama igiye kuba ku nshuro ya 26 biteganyijwe ko izabera i Kigali kuva tariki ya 21 Kamena 2021, harebwa ku hazaza ha Commonwealth mu guhuza imikoranire, guhanga udushya no guhindura imikorere.

Abayobozi bakuru n’ibihugu bazaganira ku buryo bwo gushyira mu bikorwa imyanzuro yafashwe muri CHOGM 2018 yabereye i Londres mu Bwongereza.

Biteganyijwe ko mbere y’inama abadepite, abaharanira uburinganire, n’abahagarariye sosiyete n’ubucuruzi bazahurira mu mahuriro adasanzwe kugira ngo amajwi y’abagore, urubyiruko, ubucuruzi n’indi miryango yumvikane muri CHOGM.

Itangazo ry’Umuryango wa Commonwealth rivuga ko Perezida wa Repubulika y’u Rwanda Paul Kagame n’Umunyamabanga Mukuru w’uyu muryango bemeje ko mu cyumweru kizatangira ku itariki ya 21 Kamena 2021 aribwo iyo nama izwi nka CHOGM izabera mu Rwanda.

Ni nyuma y’uko iyi nama yagombye kuba yarabaye muri Kamena 2020 yasubitswe kubera icyorezo cya COVID-19 cyugarije isi, ndetse kigatuma ingendo n’ibikorwa byo guhura mu ruhame bihagarara.

Kuba iyi tariki ya 21 Kamena 2021 yemejwe n’Ubunyamabanga bwa Commonwealth n’igihugu kizayakira, biratanga icyizere ko u Rwanda rwari rwakoze imyiteguro yo kwakira iyo nama muri 2020 rufite amahirwe yo kuzayakira muri 2021.

CHOGM ni inama isanzwe iba rimwe mu myaka ibiri. Ni inama yo ku rwego rwo hejuru ihuza inzego zitegura politiki y’uwo muryango, u Rwanda rukaba rwari rwemejwe kuzakira iyi nama muri 2020 mu nama iheruka yabaye muri 2018.

Umunyamabanga wa Commonwealth Patricia Scotland akaba yemeza ko iyi nama ifite amateka akomeye mu gihe ari yo ya mbere izaba ibereye ku mugabane wa Afurika.

Yagize ati “CHOGM 2021 ni yo nama ya mbere izaba ibereye ku mugabane wa Afurika mu bihe bya hafi, twiteguye ko ibizava muri iyi nama bizaba ari ibisubizo by’ibibazo duhura na byo.”

Umunyamabanga wa Commonwealth, Patricia Scotland, avuga ko guhurira mu Rwanda bizatanga amahirwe yo gushyiraho uburyo bwo guhangana n’ingaruka z’icyorezo cya COVID-19 n’ibindi bibazo byugarije isi birimo ibyerekeranye n’ubukungu, iterambere rirambye n’imihindagurikire y’ikirere bisaba abagize umuryango gushyira imbaraga hamwe.”

Perezida Kagame wemeje itariki u Rwanda ruzakiriraho iyo nama avuga ko CHOGM 2021 izaba mu mutuzo kandi igatanga umusaruro, ndetse ukaba umwanya mwiza wo kugaragaza amahirwe n’ibibazo biri mu muryango mu bice bitandukanye nk’ubukungu, ingaruka za COVID-19 mu rubyiruko, ikoranabuhanga no kurengera ibinyabuzima.”

Uretse kwakira inama y’abakuru b’ibihugu bigize umuryango wa Commonwealth, biteganyijwe ko hari inama z’abahagarariye inzego zitandukanye zirimo ihuriro ry’urubyiruko, iry’abagore, sosiyete sivile ndetse n’abacuruzi na zo zigomba kubera aho inama ya CHOGM 2021 izakirirwa.

U Rwanda ruri mu bihugu bigize umuryango wa Commonwealth rukaba rwarawinjiyemo mu mwaka wa 2009 ruba igihugu cya 54 kibaye umunyamuryango.

Umuryango wa Commonwealth ufite abaturage bagera kuri miliyari ebyiri na miliyoni 400 harimo ibihugu bikiri mu nzira y’iterambere, n’ibihugu bito byigenga nk’ibirwa.

Umuryango wa Commonwealth ugendera ku bintu bitatu abanyamuryango bagomba guhuriraho birimo, gufasha abanyamuryango kugera ku mahame y’umuryango, gufasha abatuye ibihugu bigize umuryango kugira demokarasi n’iterambere hamwe no guteza imbere uburezi binyuze mu nzira y’ikoranabuhanga.

Nubwo u Rwanda rutategetswe n’ubwami bw’Abongereza mu gihe cy’ubukoloni, Umuryango wa Commonwealth watangijwe n’ibihugu byakoronijwe n’u Bwongereza.

Inama ya mbere yahuje ibi bihugu byari byarategetswe n’u Bwongereza byiswe Dominions yabaye mu 1887. Indi yahuje ubwami n’ibihugu byategetswe n’u Bwongereza yabaye mu 1926 ihuza ibihugu nka; Australia, Canada, u Buhinde, Afurika y’Epfo n’ibirwa bigize igihugu cy’u Bwongereza.

Ubunyamabanga bwa Commonwealth bwagiyeho mu 1965 kugira ngo bukurikirane imirimo y’umuryango wa Commonwealth nyuma y’uko bimwe mu bihugu byari byishyize hamwe mu gutegekwa n’umwami w’u Bwongereza byagiye bisaba kwigenga ariko ntibive mu muryango.

Prof Shyaka yahagarariye u Rwanda (muri iyo nama yabaye hifashishijwe ikoranabuhanga), nk’igihugu giteganya kwakira abaperezida n’abayobozi ba za guverinoma zigize Commonwealth mu kwezi kwa Kamena k’umwaka utaha wa 2021.

Iyi nama yiswe CHOGM iba buri myaka ibiri, yari yateganyijwe kubera mu Rwanda muri Kamena uyu mwaka, ariko iza gusubikwa kubera kwaduka kw’icyorezo Covid-19.

Ni inama yiga kuri gahunda ziteza imbere ibihugu bitandukanye byo ku isi byakolonijwe n’u Bwongereza ndetse n’ibifite abaturage bakoresha ururimi rw’icyongereza.

Ku bijyanye n’ibizaganirwaho muri CHOGM byo kunoza imiturire n’imibereho mu mijyi, Prof Shyaka avuga ko u Rwanda ruzagaragariza amahanga uburyo rwiteguye guhindura imijyi n’ibyaro mu myaka 30 iri imbere.

Prof Shyaka yabwiye RBA arangije inama kuri uyu wa gatatu ati “Icyo twaganiriye by’umwihariko, ni ukureba uko ibiteganywa, n’ibivugwa n’ibyo inyigo zigaragaza bijyanye n’iterambere ry’imijyi ndetse no gutuza abantu neza, byava mu magambo, mu bitekerezo byiza no mu igenamigambi bigashyirwa mu bikorwa”.

Ati “Ibi biganisha ku nama y’abakuru b’ibihugu (CHOGM) kugira ngo bazafate umwanzuro kuri icyo cyerekezo, kandi icyo twababwiye ni uko ibizaba bisabwa ubuyobozi bw’uwo muryango u Rwanda rwiteguye kuzafatanya n’ibindi bihugu kubishyira mu bikorwa”.

Minisitiri w’Ubutegetsi bw’Igihugu avuga ko yagaragarije inama ya Commonwealth ko u Rwanda rwamaze gushyiraho igishushanyo mbonera cy’imikoreshereze y’ubutaka ku rwego rw’igihugu, kirufasha kuzaba rwateje imbere imijyi n’ibyaro mu myaka 30 iri imbere.

Muri 2050, 30% bazaba batuye mu midugudu igera ku 3,000 igezweho

Ati “Turifuza ko muri 2050, 60% by’abaturage bazaba batuye mu mijyi, by’umwihariko tukaba dufite Abanyarwanda biganjemo urubyiruko bari ku rugero rwa 60%, ariko n’abo 40% basigaye bazaba batuye mu midugudu igezweho imeze neza, babayeho neza”.

Kuri ubu Abanyarwanda batuye mu mijyi barangana na 18.4% nk’uko bigaragazwa n’Ikigo gishinzwe Imicungire n’Imikoreshereze y’Ubutaka (RLMA), ariko bakaba bagenda biyongera uko imirimo igenda ihaboneka.

RLMA ikomeza ivuga ko mu mwaka wa 2050, 70% by’abaturage bazaba batuye mu mijyi y’uturere 30 tugize igihugu hamwe no mu zindi santere z’ubucuruzi zigera kuri 73, abasigaye 30% bakazaba baratujwe mu midugudu igezweho izaba igera ku 3,000.

I Kigali tariki 09 Werurwe 2020 ku nyubako ya Kigali Convention Centre hazamuwe ibendera rya Commonwealth, habera n’ibirori byo kwizihiza umunsi wahariwe kuzirikana uwo muryango, hakaba ari na ho inama ya CHOGM yagombaga kubera muri Kamena 2020

Umuryango uhuza ibihugu bikoresha ururimi rw’Icyongereza (Commonwealth), ni wo watangaje ko iyo nama yasubitswe kubera icyorezo cya COVID-19, aya makuru kandi akaba yanemejwe n’abo ku ruhande rw’u Rwanda.

Itangazo ryashyizwe ahagaragara n’Umuryango wa Commonwealth rivuga ko iyi nama yari igiye kuba ku nshuro ya 26, ndetse n’ibindi bikorwa bijyanye na yo byimuriwe ikindi gihe kizatangazwa.

Iri tangazo rikomeza rivuga ko Perezida w’u Rwanda Paul Kagame yavuze ko mu mezi ari imbere, buri gihugu mu bigize umuryango Commonwealth, kizaba gihugiye mu guhangana na COVID-19 ndetse n’ingaruka zayo ku mibereho y’abaturage.

Ngo ni muri urwo rwego ubunanaribonye ndetse n’ubufatanye biranga ibihugu bigize uyu muryango bizagira umumaro ukomeye mu gutuma nta gihugu gisigara inyuma.

Perezida Kagame akomeza avuga ko u Rwanda rwiteguye guha ikaze Umuryango wa Commonwealth mu Mujyi wa Kigali, mu gihe icyorezo kizaba kimaze gutsindwa.

Umunyamabanga wa CommonWealth Hon. Patricia Scotland QC na we yagize ati: “Icyorezo cya COVID-19 cyahinduye amateka yacu muri iyi minsi. Hari abatakaje ubuzima, ubukungu buri gusubira inyuma, kandi imibereho y’abantu yangiritse. Biragoye kuba umuntu yamenya uko ibihe biri imbere bizaba bimeze."

“Tugomba kwitondera ibyago inama zihuza abantu benshi zishobora guteza. Uko ibintu byifashe ubu bisaba ko hafatwa ibyemezo bikomeye ariko bya ngombwa. Twifatanyije n’u Rwanda, kandi turashima ibihugu bigize umuryango wacu, by’umwihariko u Bwongereza, ku kuba bikomeje kudushyigikira n’ubufatanye bikomeje kwerekana muri ibi bihe bitoroshye. Niteguye kongera guhura n’abanyamuryango ba Commonwealth, amaso ku yandi, mu gihugu cyiza cy’u Rwanda.”

Iryo bendera ryazamuwe mu gitondo kuri uyu wa mbere tariki 09 Werurwe 2020 ku nyubako ya Kigali Convention Centre. Kuri iyo nyubako habereye n’ibirori byo kwizihiza umunsi wahariwe kuzirikana uwo muryango.

Ahazamuwe iryo bendera kuri iyo nyubako kandi ni na ho hazabera inama ikomeye izwi nka ‘CHOGM’ (Commonwealth Heads of Government Meeting) izahuza Abakuru b’ibihugu na za Guverinonma bigize Umuryango w’Ibihugu bikoresha Icyongereza.

Biteganyijwe ko iyo nama ihuruza amahanga kuri iyi nshuro izabera i Kigali kuva ku itariki ya 22 Kamena kugeza ku itariki ya 27 Kamena 2020, ikaba igiye kuba ku nshuro ya 26.

Afurika ifite umubare munini w’ibihugu mu muryango wa Commonwealth (ibihugu 19), igakurikirwa na Amerika na Karayibe (ibihugu 13).

Mu muryango wa Afurika y’Iburasirazuba, ibihugu biri mu muryango wa Commonwealth ni u Rwanda, Uganda, Tanzania na Kenya.

Uyu muryango watangiye uhuza ibihugu byakoronizwaga n’u Bwongereza ku migabane yose, gusa nyuma hagenda hinjiramo n’ibindi bivuga ururimi rw’Icyongereza.

Uyu muryango wa Commonwealth washinzwe mu 1949, ufatwa nk’umwe mu miryango ihuza ibihugu bikomeye ku isi. U Rwanda rwinjiye muri uyu muryango mu kwezi kwa cumi na kumwe mu mwaka wa 2009.

Inama u Rwanda ruzakira ni na yo nama ya kabiri ibereye ku mugabane wa Afurika, nyuma ya Uganda yayakiriye muri 2007.

Amafoto: Plaisir Muzogeye

Ni inama izahuza abakuru b’ibihugu na za Guverinoma z’ibihugu bigize Umuryango wa Commonwealth uhuriyemo ibihugu bikoresha Icyongereza, ikazaba muri Kamena 2020.

Ni igikorwa cyatangijwe n’umuganda wo gusana imihanda yangiritse mu Mudugudu w’Icyitegererezo mu Kagari ka Nyarutarama, gutera ibiti, guha abanyerondo ibikoresho bifashisha mu kazi, no gutanga inyigisho ku isuku n’umutekano.

Abaturage bari muri uwo muganda bavuga ko bageze ku rwego rwiza muri gahunda y’isuku n’umutekano, ariko bakavuga ko kwigisha ari uguhozaho ku buryo urugamba rwo kunoza isuku kuri bo rugikomeje.

Umwe muri abo baturage witwa Chantal uvuka mu Kagari ka Nyarutarama yagize ati: “Ubu se hari umuturage utazi akamaro k’isuku? Ubukangurambaga ni ngombwa ariko ntekereza ntawe utazi ingaruka z’umwanda.”

Undi muturage wari witabiriye umuganda wakozwe mu rwego rw’ubwo bukangurambaga yagize ati: “Buri wese mu bukangurambaga bukorwa mu bufatanye n’ubuyobozi unyuze ku mwanda agomba kuwutoragura, cyane ko muri iyi minsi hari indwara nyinshi ziterwa n’umwanda tugomba guhagurukira gukora isuku.”

Ati “Ni igikorwa gikomeye cyane kuko amahanga azi ko u Rwanda ari igihugu cy’icyitegererezo mu isuku bityo tugomba kuyinoza ku buryo n’abataraza bazakururwa n’isuku n’umutekano kuko ari cyo bagikundira”.

Umunyamabanga Nshingwabikorwa w’Umurenge wa Remera, Murekatete Patricie, yemeza ko ku bufatanye n’abaturage imihigo y’isuku n’umutekano izagerwaho.

Abayobozi bamaze gutera ibiti bashishikariza abaturage gukoresha kandagira ukarabe

Murekatete yagize ati: “Mu murenge wa Remera twiteguye kwakira CHOGM ariko turarushaho gukaza ingamba z’isuku n’umutekano”.

Yongeyeho ati “Turi gukangurira abaturage kwitabira isuku ahantu hose hatandukanye by’umwihariko ahakorerwa ibikorwa by’ubucuruzi kuko twiteguye kwakira abantu benshi. Turi gukorana na company z’isuku n’umutekano dutera indabo, hakorwa ubusitani kugira ngo muri iki gihe cy’imvura bizamere vuba kugira ngo inama tuzakira izasange u Rwanda rusa neza”.

Umuyobozi Nshingwabikorwa wungirije w’Akarere ka Gasabo, Mudaheranwa Nyirimbibi, yavuze ko bari gutanga inyigisho zo kwirinda icyorezo cya Coronavirus yugarije isi, mu gihe u Rwanda rwitegura kwakira inama ya CHOGM ihuza abakuru b’ibihugu na za Guverinoma bigize Umuryango wa Commonwealth w’Ibihugu bikoresha Icyongereza. Izo nyigisho ngo zigamije gutoza abaturage kurushaho kugira isuku nk’uko akomeza abivuga.

Ati “Amakuru yose dufite tuyabwira abaturage aho tubasobanurira ikigero icyorezo cya Coronavirus kigezeho uko yiyongera ndetse n’uko ibihugu igeramo bigenda byiyongera”.

Ati “Muri Gasabo dufite umwihariko umaze gusakara n’ahandi henshi aho ahantu hari nyabagendwa hahurira abantu benshi cyane tubashishikariza gukaraba intoki bifashishije kandagira ukarabe, ku biro hashyizwe uducupa turimo umuti ukarabwa ugakuraho udukoko ku ntoki kandi igikuru cyane ni ubukangurambaga ndetse abaturage barabyumva”.

Abaturage bitabiriye umuganda basuzumwe Hépatite B na C nka zimwe mu ndwara mbi zikomeye zikunze kwica abantu iyo batazisuzumishije hakiri kare

Umuryango wa Commonwealth watangiye uhuza ibihugu byakoronijwe n’u Bwongereza ku migabane yose, ariko nyuma hagenda hinjiramo n’ibindi bivuga ururimi rw’Icyongereza. Uyu muryango washinzwe mu 1949, ufatwa nk’umwe mu miryango ihuza ibihugu bikomeye ku isi, u Rwanda rukaba rwarawinjiyemo mu kwezi k’Ugushyingo 2009.

Aha Umunyamabanga Nshingwabikorwa w’Umurenge wa Remera yari amaze gusinyana amasezerano y’ubufatanye mu kwesa imihigo y’isuku n’uhagarariye Company y’isuku yitwa Inema

Ni inama ihuza Abakuru b’ibihugu na za Guverinonma bigize Umuryango w’Ibihugu bikoresha Icyongereza izwi nka ‘CHOGM’ (Commonwealth Heads of Government Meeting).

Iyo nama ihuruza amahanga kuri iyi nshuro izabera i Kigali kuva ku itariki ya 22 Kamena kugeza ku itariki ya 27 Kamena 2020, ikaba igiye kuba ku nshuro ya 26.

Imyiteguro igaragara by’umwihariko mu mihanda ya Kigali yumvikanisha akamaro k’iyi nama mpuzamahanga ikomeye kuruta izindi u Rwanda rwakiriye.

Amafoto ya Kigali Today agaragaza ko Kigali yatangiye kurushaho kurabagirana n’ubwo imyiteguro ikiri mu ntangiriro. Ni umujyi usanzwe urangwamo isuku n’ibimera bitoshye, ariko kuri iyi nshuro haritabwa ku buryo bwo kurimbisha cyane cyane imihanda.

Afurika ifite umubare munini w’ibihugu mu muryango wa Commonwealth (ibihugu 19), igakurikirwa na Amerika na Karayibe (ibihugu 13).

Mu muryango wa Afurika y’Iburasirazuba, ibihugu biri mu muryango wa Commonwealth ni u Rwanda, Uganda, Tanzania na Kenya.

Uyu muryango watangiye uhuza ibihugu byakoronizwaga n’u Bwongereza ku migabane yose, gusa nyuma hagenda hinjiramo n’ibindi bivuga ururimi rw’Icyongereza.

Uyu muryango wa Commonwealth washinzwe mu 1949, ufatwa nk’umwe mu miryango ihuza ibihugu bikomeye ku isi. U Rwanda rwinjiye muri uyu muryango mu kwezi kwa cumi na kumwe mu mwaka wa 2009.

Inama u Rwanda ruzakira ni na yo nama ya kabiri ibereye ku mugabane wa Afurika, nyuma ya Uganda yayakiriye muri 2007.

Amafoto: Plaisir Muzogeye

Inkuru bijyanye:

Ibintu ICUMI utazi kuri Commonwealth ije i Kigali

Kigali Arena ni imwe mu nyubako zifite imitako igaragaza umuco Nyarwanda / Photo:Internet

Amb. Gatete avuga ko imihanda n’ahagaragarira amaso hose muri Kigali no mu yindi mijyi nka Muhanga, Huye, Rusizi, Rubavu, Musanze na Nyagatare, ngo hagomba kuba hubatswe mu buryo buteye kimwe.

Yasobanuye ko imirongo yo hagati mu muhanda wa kaburimbo igomba kuba isigishijwe ibara ry’umuhondo, imirongo yo ku mpande ikaba igomba gusa n’umweru, inkengero z’umuhanda na zo zigasigwa amabara y’umukara n’umweru.

Mu bice by’umuhanda abantu bambukiramo (Zebra crossing) hagomba kuba hashyizwe kaburimbo y’umukara mwinshi, hanyuma bagashyiramo imirongo ifite ibara ry’umweru.

Minisitiri Gatete akomeza agira ati “Mu mujyi turashaka umuhanda mwiza ariko tukanawutaka ubusitani, kuva ku kibuga cy’indege (Kanombe) twatangiye gushyiramo indabo zitandukanye, zikazashyirwa no mu masangano y’imihanda (round about).

Ibiti na byo tugomba kureba ukuntu bigomba kuba bimeze ku buryo uzahareba agomba kubona umujyi mwiza, ibi kandi bigomba kuba byakozwe mbere y’uko inama ya CHOGM iterana muri Kamena 2020”.

Avuga ko amasangano y’imihanda yo ku Kisimenti (i Remera), Sonatube, ahahoze Minisiteri y’Ubutabera, kuri ‘Convention Center’, hafi ya Ambasade y’Abanyamerika ndetse na ‘Rond Point’ nini y’Umujyi wa Kigali, hagomba guterwa indabo no kubumbirwamo amashusho agaragaza umuco w’u Rwanda.

Biteganyijwe kandi ko inama ya CHOGM izaza isanga abaturiye imihanda bose barubatse inzitiro mu buryo buteye kimwe, kandi bakaba bagomba kuhashyira imitako bashingiye ku bigize umuco w’u Rwanda.

Minisitiri w’Ibikorwaremezo akomeza agira ati “Hari abantu batangiye gutaka umujyi bashingiye ku muco w’u Rwanda, na biriya bibumbano (ibishushanyo) bigomba kuba bitandukanye ku buryo umuntu yaza akahifotoreza.

Abubaka ibipangu bagomba kuba barubatse mu buryo bufitanye isano kuva mu mujyi kugera ku kibuga cy’indege, ariko ibyo dukora hano ni na byo twatangiye mu mijyi yunganira Kigali, kugira ngo bikurure abaza kuba mu Rwanda hamwe n’abarusura”.

Mu bindi bikorwa Minisitiri Gatete avuga ko bizatuma umujyi usa neza, ngo harimo ibishanga bizatunganywa nyuma y’uko byimurwamo abantu.

Byavugiwe i New York muri Leta zunze ubumwe za Amerika, aharimo kubera inama y’inteko rusange ya 74 y’Umuryango w’Abibumbye (ONU).

Biteganyijwe ko iyo nama izitabirwa n’Abakuru b’Ibihugu na za Guverinoma bo mu bihugu 53 bigize umuryango wa Commonwealth, ikazabera mu nyubako ya Kigali Convention Centre mu cyumweru kizatangira ku itariki 22 Kamena 2020.

Iyo nama iziga ku bijyanye n’ikoranabuhanga, guhanga udushya, n’impinduka zigamije kwihutisha iterambere mu rwego rwo guharanira ahazaza habereye buri wese.

Iyo nama kandi izibanda ku bijyanye n’imiyoborere myiza, kongerera ubushobozi urubyiruko n’abagore, kwita ku bidukikije ndetse no guteza imbere ubucuruzi.

Mu ijambo yavugiye i New York muri Leta zunze Ubumwe za Amerika ku wa kabiri tariki 24 Nzeri 2019, Perezida Kagame yavuze ko ari iby’agaciro gakomeye kwakira i Kigali abayobozi bo mu bihugu bihuriye mu muryango wa Commonwealth.

Ati “Tuzakora ibishoboka byose kugira ngo buri wese uzaba uri mu Rwanda azumve ko ari nk’aho ari iwe mu rugo.”

Perezida Kagame yongeyeho ko umwihariko w’inama ya Commonwealth izabera mu Rwanda mu mwaka utaha ari uko izibanda ku kurebera hamwe ibyo urubyiruko rushobora gukora rwifashishije ikoranabuhanga mu guteza imbere sosiyete n’ubukungu bw’ibihugu.

Umuryango wa Commonwealth ubumbiye hamwe abaturage babarirwa muri miliyari ebyiri na miliyoni 400 bo mu bihugu byateye imbere n’ibikiri mu nzira y’amajyambere.

Abaturage basaga 60% bo mu bihugu bigize uwo muryango, ni urubyiruko ruri munsi y’imyaka 30 y’amavuko.

Umunyamabanga mukuru wa Commonwealth, Patricia Scotland, yavuze ko kuba umubare munini w’abaturage b’ibyo bihugu ari urubyiruko ari amahirwe azafasha uwo muryango kugera ku ntego wiyemeje.

U Rwanda nirwo rwatoranyijwe kuzakira inama ya CHOGM ihata muri 2020

Babyemeje ubwo basozaga iyi nama kuri uyu wa Gatanu tariki 20 Mata 2018, nyuma y’iminsi itanu yari imaze ibera mu nzu w’Umwamikazi Elizabeth, i Londres mu Bwongereza.

Uzaba ari umwanya mwiza ku Rwanda wo gushimangira ubunararibonye mu kwakira inama zikomeye ku isi, nyuma y’imyaka igera ku 10 ruri ku isonga mu kunoza no mu migendekere myiza y’inama rwagiye rutegura.

Harabura imyaka ibiri ngo iyi nama iteranire i Kigali, ariko se ni iki wamenya kuri uyu muryango watangiye uhuza ibihugu byakoronizwaga n’u Bwongereza ku migabane yose?

Dore ibintu birindwi ushobora kuba utari uzi kuri uyu muryango washinzwe mu 1949, ufatwa nk’umwe mu miryango ihuza ibihugu ikomeye ku isi, u Rwanda rwatangiye kugiramo ijambo mu myaka umunani gusa rumaze rwemerewe kwinjiramo:

1. Agahigo gashya ku Rwanda

Mu myaka igera ku icyenda gusa u Rwanda rumaze muri Commonwealth rumaze kuba intangarugero

Bifashe u Rwanda imyaka Icyenda gusa kugira ngo rwakire inama ya Commonwealth (CHOGM), ari nayo myaka rwari rumaze muri uyu muryango. Iki gihe nicyo gito ugereranyije n’icyo ibindi bihugu byagiye byinjiramo nyuma byakoresheje ngo biyakire.

Inama u Rwanda ruzakira ni nayo nama ya kabiri ibereye ku mugabane wa Afurika mu myaka igera kuri 12 nyuma ya Uganda yayakiriya mu 2007.

2. Ibuhugu bigize Commowealth byikubiye 1/3 cy’abatuye isi

U Buhinde bwihariye kimwe cya kabiri cy’abatuye ibihugu bigize Commonwealth

Abaturage batuye ibihugu 53 bigize uyu muryango bose hamwe bakabakaba muri miliyari 2.4 ugereranyije n’abatuye isi babarirwa muri miliyari 7.4. igitangaje ni uko benshi muri bo bari munsi y’imyaka 30, bivuze ko ari umuryango ufite amaraso akiri mashya.

3. Ibihugu byose biwugize si ko byakolonijwe n’Abongereza

U Rwanda nicyo gihugu cya kabiri kinjiye muri Commonwealth kitarakolonijwe n’Abongereza

U Rwanda ni cyo gihugu cya kabiri kinjiye muri uyu muryango kitarakolonijwe n’u Bwongereza ndetse nta n’ikindi cyabihuzaga, nyuma ya Mozambique yabanje kwinjiramo bwa mbere mu 1995.

Gusa uko ibihugu bishya byaje hari n’ibyagiye bivamo nka Zimbabwe, nyuma y’aho mu 2003 ihagarikiwe kubera Robert Mugabe yashinjwaga uburiganya mu matora.

Pakistan nayo yahagaritswe mu 1999 kubera leta yari iriho yashinjwaga guhirika ubutegetsi bwariho, ariko yaje kongera gusubizwamo nyuma y’imyaka igera kuri ibiri.

Afurika y’Epfo yirukanywe muri uyu muryango mu 1961 nyuma y’uko ubutegetsi bwariho bakoreshaga politiki y’ivangura izwi nka “apartheid”. Iki gihugu cyaje gusubira muri uyu muryango mu 1994.

Igihugu giheruka kwikura muri uyu muryango ni ibirwa bya Maldives byasabye kuvamo mu 2016.

4. Umwamikazi w’u Bwongereza ayoboramo ibihugu 16

Umwamikazi Elizabeth wa Kabiri

Biratangaje kumva umuyobozi w’ikindi gihugu ayobora n’ikindi ariko ni ko bimeze. Umwamikazi Elizabeth niwe muyobozi mukuru w’ibihugu 16 bigize uyu muryango. Ni ukuvuga ko yungirizwa na Minisitiri w’Intebe akaba ari nawe ukora akazi ka buri munsi.

Ibyo bihugu byinshi bigizwe n’ibirwa ni Antigua na Barbuda, Australia, Bahamas, Barbados, Belize, Canada, Grenada, Jamaica, New Zealand, Papua New Guinea, Saint Kitts na Nevis, Saint Lucia, Saint Vincent na Grenadines, Solomon Islands, Tuvalu ubwami bw’u Bwongereza (UK).

Ibihugu bitandatu bisigaye bifite ubwami bwabyo bubiyobora naho 31 bisigaye bikaba ari repubulika ziyoborwa na baperezida.

5. Ibihugu biri muri Commonwealth bihagaze neza muri Afurika.

U Rwanda ruyoboye isi mu kugira abagore benshi mu buyobozi

Ibihugu birindwi mu icumi bifite uburinganire hagati y’abagore n’abagabo buri hejuru, muri Afurika yo munsi y’ubutayu bwa Sahari ni ibyo mu muryango wa Commonwealth.

Muri Afurika yose kandi ibihugu birindwi bya mbere bifite imiyoborere myiza ni ni ibyo muri uyu muryango usanzwe ufite indangagaciro zo kwimakaza imiyoborere myiza, uburinganire no kubahiriza uburenganzira bwa muntu.

Muri ibyo bihugu byose muri ibyo byiciro uko ari bibiri u Rwanda ruri mu myaka y’imbere.

6. Uyu muryango ni mugali kurusha uko ubikeka

Canada nicyo gihugu kinini muri Commonwealth

Ibihugu bigize Commonwalth ubishyize ahantu hamwe byaba byihariye 1/4 cy’ubutaka bwisi.

Canada niyo ifasha uyu muryango kugira ubuso bunini kuko n’ubundi isanzwe ari igihugu cya kabiri kinini ku isi.

Ibihugu n’u Buhinde na Australia nabyo ni ibihugu bisanzwe ari binini ku isi byose bigira uruhare mu kwagura ubuso bw’uyu muryango.

Ikirwa cya Nauru kiri mu bihugu bito cyane muri Commonwealth

Gusa Commonwealth ifite ibindi bihugu bifite ubuso buto butangaje. Muri byo harimo ibirwa nka Nauru bihereye mu Nyanja ya Pacific, Samoa, Tuvalu na Vanuatu, Dominica na Antigua na Barbuda bihereye muri Caraibes.

Umuntu ntiyabura kwemeza ko u Rwanda narwo ruri mu bihugu bito bigize uyu muryango.

7. Commonwalth yahoze yitwa “British Commonwealth”

Ibihugu byashinzwe Commonwealth bwa mbere byawise "The British Commonwealth Nation states" ariko biza gukuraho ijambo "British"

Uyu muryango washinzwe ahagana mu kinyejana cya 20 ariko mu 1949 nibwo wavuguruwe, hatangira kurebwa inyungu rusange z’abawugize ari nabwo bahise bakuraho ijambo “British” mu rwego rwo kwirinda ko byagaragara nk’ubukoloni.

Ikindi gitangaje ni uko kuva uyu muryango washingwa umaze kuyoborwa n’abantu babiri gusawami George wa Kane n’Umwamikazi Elizabeth wa Kabiri ari nawe uriho ubu.

Ariko ntibivuze ko ari itegeko ko uyoborwa n’uturutse mu bwami bw’u Bwongereza. Gusa byitezweho ko Igikomangoma William ari we uzaba umuyobozi wawo wa gatatu namara kuba Umwami w’u Bwongereza.

8. Hari abakeka ko u Rwanda rwinjiye muri Commonwealth rwishongora ku Bufaransa. OYA

U Rwanda rwagaragaje ubushake bwo kwinjira muri Commonwealth kuva rwakwibihora

Kugira ngo u Rwanda rwinjire muri uyu muryango ntago byari byoroshye nk’uko umuntu yabitekerezaga.

Akanama kabirshinzwe kagiye kabanza kurwangira kenshi karusaba kubanza gukemura bimwe mu bitaragendaga neza, cyane cyane ko nta gihe kinini rwari rumaze ruvuye muri Jenoside yakorewe Abatutsi mu 1994.

U Rwanda ntirwacitse intege kuko rwagerageje gukemura ibyo rwasabwaga byose, bihurirana n’inzira y’iterambere ridaheza bose rwari rwarihaye, maze nyuma y’imyaka igera kuri 15 ruza kwemererwa.

Minisitiri Louise Mushikiwabo, icyo gihe wayoboraga Minisiteri y’Itangazamakuru, yatangaje ko u Rwanda rwasabye kwinjira muri uyu muryango rukurikiye amahirwe rwahabonaga.

Yagize ati "u Rwanda rwiteguye kwakira amahirwe mu by’ubukungu, politiki, umuco n’andi yose uyu muryango utanga."

9. U Bwongereza bwihariye igice kinini cy’ubukungu bw’uyu muryango

Ishusho igaragaza uko ibihugu by’ibihangange muri Commonwealth bihagaze

Ntibitangaje ariko umuntu ntiyabura kubikomozaho ko u Bwongereza ari cyo gihugu gikungayahe muri uyu muryango. Gusa hari ibindi bihugu bibuyingayinga nk’u Buhinde na Canada.

By’umwihariko u Buhinde bukaba bushobora kujya ku mwanya wa mbere bitewe n’umuvuduko bufite mu iterambere.

Imibare iheruka ya 2017 ku bukungu bw’imbere mu giihugu (GDP) uko buhagaze, u Bwongereza bwazaga ku isonga na miliyari 2.496 z’amadolari, u Buhinde bugakurikira na miliyari 2.454 na Canada ikaza ari iya gatatu na miliyari 1.600.

Uyu muryango kandi ufite ibihugu bikennye cyane nka Tuvalu ibarirwa muri miliyari 0.036, Nauru ibarirwa muri miliyari 0.114 na Kiribari ibarirwa muri miliyari 0.173.

10. Commonwealth nayo ifite ba mukeba

Ibihugu byahoze bikolonizwa na Leta zunze Ubumwe z’Abasoviets nabyo biherutse guhurira i Belarus mu Burusiya

Ba mukeba bakomeye b’umuryango Commonwealth tutagomba kwibagirwa barimo “Umuryango mpuzamahanga w’Ibihugu bikoresha ururimi rw’Igifaransa.

Hari kandi n’undi muryango ugizwe n’ibihugu byahoze bikoronizwa na Leza zahoze zunze Ubumwe z’Abasoviets witwa “Commonwealth of Independent States” washinzwe mu 1991.

Perezida Kagame yakiriwe n’Umwamikazi w’u Bwongereza Elizabeth

U Rwanda rwatoranyijwe kwakira iyi nama iba rimwe mu myaka ibiri, nyuma y’uko Malaysia yagombaga kuzayakira itagaragaye mu nama iheruka.

Perezida Kagame usanzwe unahagarariye umuryango w’Afurika yunze Ubumwe (AU), yari mu bitabiriye iyi nama imaze iminsi itanu.

U Rwanda by’umwihariko rushimwa n’ubuyobozi bw’uyu muryango, uburyo rudahwema gushakira abaturage barwo icyabateza imbere.

Si ubwa mbere rugiriwe icyizere cyo kwakira inama zikomeye ku isi, kuko ruherutse kwakira Inama y’umuryango wa Afurika yunze Ubumwe. Rwanakiriye inama y’Ubukungu bw’Isi (World Economic Forum).