Queen Cha

Queen Cha amaze hafi umwaka wose nta ndirimbo ye wenyine asohoye, uretse gukorana indirimbo n’abandi bahanzi ‘collabos’, kandi iyo ishobora kuba ari yo mpamvu yatumye asezera kuri The Mane records.

Queen Cha wamenyekanye cyane mu ndirimbo yise ‘Umwe Rukumbi’ yagaragaje ibaruwa isesa amasezerano yari afitanye na The Mane records anayisangiza itangazamakuru.

Yatangiye gukorana n’iyo nzu y’umuziki muri 2018, ahahurira n’abandi bahanzi nka Safi, Jay Polly, Marina na Calvin Mbanda.

The Mane records yatangiye kugira ibibazo nyuma yo gutakaza umuhanzi Safi Madiba, wahoze aririmba muri Urban Boyz.

Queen Cha ariko, yashimiye iyo nzu itunganya umuziki ko yamufashije mu gusohora zimwe mu ndirimbo ze nka ‘Question’ no kumuha urubuga rwo kugaragaza impano ye mu muziki.

Queen Cha kandi azwi mu ndirimbo nka Winner, Ntawe Nkura, Baby Love n’izindi yagiye afatanya n’abandi bahanzi.

Lee Ndayisaba (ibumoso) ni we mujyanama mushya wa Bruce Melody watandukanye na Kabanda (iburyo wambaye indorerwamo)

Uwo muhanzi w’indirimbo zikunzwe muri iyi minsi nk’izitwa ‘Saa Moya’, ‘Ikinyafu’ n’izindi, yatangaje ayo makuru abinyujije ku mbuga nkoranyambaga, abwira abakurikira umuziki we ko yatandukanye na Kabanda wari umaze imyaka itanu amugira inama mu buhanzi bwe.

Aganira na Kigali Today, Bruce Melodie yemeje ko yagiranye amasezerano n’umujyanama mushya, ariko anavuga ko azakomeza gukorana na Kabanda mu yindi mishinga.

Bruce Melodie yagize ati “Nta kintu kibi kiri hagati yanjye n’uwahoze ari umujyanama wanjye mu by’umuziki, twemeranyije ko twazamura umuziki wanjye ukagera mu Karere, kandi inzira yo kubigeraho kwari ugushaka undi muntu ubishoboye. Lee ni we urusha abandi ubushobozi muri ako kazi.”

Ndayisaba Lee ni umuntu uzwi cyane mu bijyanye n’umuziki mu Karere ndetse no mu itangazamakuru cyane cyane muri Tanzania na Kenya.

Ndayisaba ni umuyobozi wa Televiziyo yitwa ‘Clouds Television’ ikorera mu Rwanda, akaba yarashoboye gutegura ibitaramo by’umuziki nka ‘Beer Fest’ agashobora gutumira abahanzi bakomeye nka Wizkid wo muri Nigeria akaza kuririmbira i Kigali.

Ku rundi ruhande, Kabanda yakoranye na Bruce Melodie guhera mu 2015, amufasha muri byinshi bijyanye n’umuziki we ndetse amufasha no kubona akazi ko kwamamaza ka za miliyoni nyinshi. Nk’uko Melodie abivuga, mu bikorwa Kabanda azakomeza gukurikirana harimo gucunga imikorere ya Televiziyo yitwa ‘Isibo Television’ kuko ari iyabo bombi.

Bruce Melodie ubu ufite imyaka 30 y’amavuko yamenyekanye cyane mu 2010 nyuma yo gusohora indirimbo ze ebyiri imwe yitwa ‘Tubivemo’ n’indi yitwa ‘Telephone’, uhereye ubwo ntarasubira inyuma.

Yvan Buravan

Gusa nyuma yo kubona icyo gihembo, yatangiye kugenda gahoro ku buryo bamwe mu bafana be bibaza niba icyo gikombe cyaramuteje imbere cyangwa niba cyaratumye asubira inyuma.

Mbere yo gutsindira icyo gihembo cya ‘Prix Découvertes RFI’, Buravan yasohoraga indirimbo yikurikiranya ku buryo abafana be babaga bizihiwe no guhora bumva indirimbo ze.

Nyuma y’uko Buravan asohoye indirimbo yise ‘Ndagukunda’itarakunzwe cyane, yahise asa n’uretse kuririmba wenyine ahubwo atangira kujya akorana indirimbo n’abandi, aho hakaba ari ho haturutse ibihuha ko inganzo ye yaba iri mu marembera.

Indirimbo za vuba, zirimo iyitwa ‘Oroha’ yakoranye na Charly Na Nina hakaba n’iyitwa ‘Closer’ yakoranye na Uncle Austin na Meddy, gusa Buravan ntiyemeranya n’abavuga ko umuziki we uri mu marembera, we avuga ko ibyo ari ibintu bisanzwe.

Yagize ati, “Ibyo ni ibintu bisanzwe gufata umwanya w’ikiruhuko nyuma yo gusohora umuzingo w’indirimbo (Album), n’ingendo nakoze, kandi abantu bemerewe kuvuga ibyo bashaka kugeza igihe uberekeye ibyo wari uhugiyemo. Gusa vuba ndaza guha abafana banjye ikintu gishya”.

Yvan Buravan ubwo yatsindiraga igihembo cya ‘Prix Découvertes RFI 2018’ kiba muri mwaka, yahawe Amayero 10.000 angana na Miliyoni icumi z’amafaranga y’u Rwanda.

Muri uwo mwaka wa 2018 kandi, Buravan yasohoye Album iriho indirimbo 17 akora ingendo mu bihugu 12 ku mugabane wa Afurika yongeraho n’ibitaramo yakoreye i Paris mu Bufaransa ndetse no muri Suwede.

Inganzo ye yatangiye kugaragara mu 2009 ubwo yatsindaga irushanwa ryiswe ‘Rwandatel Jingle Contest’, ryarebaga abafite impano mu by’umuziki hirya no hino mu gihugu.

Icyo gihe yari afite imyaka 14 gusa, nyuma yiyemeza kubanza kurangiza amashuri mbere yo kwinjira mu muziki neza.

Mu 2015 nibwo yasohoye indirimbo yiswe ‘Injyana’ yakoranye na Umutare Gabby. Nyuma yaho yasohoye n’izindi nyinshi harimo n’iyitwa ‘Malaika’ yakunzwe cyane, bitari mu Rwanda gusa ahubwo no hanze yarwo.

Izindi harimo ‘Urwo Ngukunda’ yakoranye na Uncle Austin ndetse na ‘Just a Dance’ yakoranye n’Umuhanzi w’Umunyatanzania witwa AY.

The Ben yavuze ko imyiteguro y’igitaramo ayigeze kure (Ifoto yo mu bubiko)

The Ben yavuze ko imyiteguro ayigeze kure, aho ategura kuzakora igitaramo akakigeza ku bafana be hirya no hino ku isi, yifashishije uburyo bw’ikoranabuhunga (live streaming), kugira ngo abakunda umuziki we, bakomeze bawubone no muri iki gihe cyo kuguma mu rugo kubera icyorezo cya COVID-19.

The Ben agiye gukoresha ubwo buryo bwo gutaramira abafana be yifashishije ikoranabuhanga nyuma y’uko hari n’abandi banyamuziki bo hirya no hino ku isi bamaze igihe bibikora.

Muri abo bahanzi bifashishije ikoranabuhanga mu gutaramira abafana babo, harimo Elton John, Bruce Melody, John Legend na Alicia Keys, aho bahinduye ibyumba byabo by’uruganiro urubyiniro, bagamije gushimisha abafana babo, kandi banubahiriza amabwiriza yashyizweho n’ibihugu mu rwego rwo kugabanya ikwirakwira rya COVID-19.

Aganira na Kigali Today, The Ben yagize ati, “Ubu ndagana ku musozo w’imyiteguro yo gukora igitaramo cyanjye (live streaming show). Kigamije gutuma abafana banjye bakomeza kubona umuziki wanjye, ariko kandi, kizaba ari n’igitaramo gikora ubukangurambaga mu kurwanya iki cyorezo cya Corona. Ndabizi ko tuzagitsinda nidukomeza kubahiriza amabwiriza Guverinoma yashyizeho”.
The Ben avuga ko ateganya gukora icyo gitaramo mu byumweru bibiri biri imbere, akaba yizeza ko azatanga amakuru arambuye ku bijyanye n’icyo gitaramo mbere y’uko igihe kigera.

The Ben avuga ko igitaramo cye kizaba kirimo ibintu byinshi bitandukanye kandi byiza, akabasaba, kuzaba biteguye baguze internet ihagije (internet bundles) kugira ngo itazabatenguha igitaramo kitarangiye.

Aganira na Kigali Today, The Ben yahamagariye abafana be kuguma mu rugo, bakubahiriza amabwiriza yashyizweho na za Guverinoma z’ibihugu mu rwego rwo kwirinda icyorezo cya COVID-19.

Abandi bahanzi b’Abanyarwanda bategura ibitaramo nk’ibyo byifashisha internet, harimo Adrien Niyonshuti, Bruce Melody ndetse na Tom Close utegura gukora igitaramo nk’icyo kuri uyu wa Gatandatu.

Sherrie Silver yarakoze cyane bituma agera ku nzozi ze, ubu akaba aherutse kwigurira inzu(apartment) i London mu Bwongereza kandi ngo ni nziza nk’uko abyemeza we ubwe.

Kigali Today yagerageje kumenya agaciro k’iyo nzu uwo mubyinnyi yaguze, ariko we yahisemo kutavuga umubare ahubwo agira ati, “ikwiranye n’urwego rwanjye.”

Sherrie Silver yakoranye n’abahanzi bazwi cyane(superstars) nka Rihanna, Gambino, Beyonce, n’abandi.

Muri videwo ngufi yashyize ku mbuga nkoranyambaga, Sherrie Silver yagize ati, “Mperutse kugura inzu i London kandi byari mu nzozi zanjye, kuko nifuzaga kugura inzu mu gihugu mbamo. Hari kandi n’ibibanza bibiri maze kugura. Ndashima Imana. Mbese sinjye uzabona Coronavirus irangira nkabona uko mpabereka. Ni heza.”

Sherrie Silver ni we washinze itsinda ry’ababyinnyi b’indirimbo zigezweho ryitwa ‘The Unique Silver Dancers’ ryatwaye igihembo cya ‘BEFFTA’ nk’itsinda ribyina neza kurusha andi muri 2013, ndetse ritwara n’igihembo cya MTV muri 2018.

Uwo mubyinnyi ubu ufite imyaka 26 y’amavuko, akomoka mu Karere ka Huye, akaba yarakoranye n’abahanzi bazwi cyane nka Childish Gambino. Yamenyekanye mu ruhando mpuzamahanga kubera kubyina muri videwo y’indirimbo ‘This is America’ ya Gambino, na yo yaje kwegukana igihembo cya MTV.

Sherrie Silver anakorana n’ikigega mpuzamahanga cyita ku iterambere ry’ubuhinzi(International Fund for Agriculture Development ‘IFAD’) muri Afurika, aho akora ingendo nyinshi hirya no hino ku mugabane wa Afurika mu rwego rwo guha icyizere abana bafite ibibazo bitandukanye.

Yakomeje kumenyakana cyane abinyujije mu gufata amavidewo agaragaza uko abyina, akayashyira kuri YouTube, ubu akaba afite abantu bamukurikira kuri YouTube barenga 255,000.

Hari n’imishinga Sherrie Silver yagiye akorera mu Rwanda ku giti cye, harimo nko gukodeshereza inzu abana batagira aho baba.

Sherrie yavutse ku itariki 27 Nyakanga 1994, avukira mu Rwanda mu Ntara y’Amajyepfo, nyuma aza kujya mu Bwongereza kubana na nyina, aza no gukomerezayo amashuri.

Ubu afite impamyabumenyi ya kaminuza mu bijyanye no kwamamaza ibikorwa by’ubucuruzi (business marketing) yakuye muri Kaminuza yitwa ‘University of Essex’.

Kigali Today yaganiriye na Umuhoza Milly ukora umwuga wo gusiga ibyamamare (makeup) , asobonura ibijyanye n’umwuga we, ibanga akoresha kugira ngo abakiriya be bahore bagaragara neza. Ikiganiro kikaba cyakozwe ku buryo bw’ibibazo n’ibisubizo.

Kigali Today (KT): Ese Milly ni muntu ki?

Milly: Milly ni umukobwa woroheje ,wihangiye umurimo, w’umunyabugeni kandi ukunda ibintu bya “fashion” nkaba mfite imyaka 25.

KT: Milly, mu by’ukuri n’iki cyagukundishije umwuga wo gusiga ibyamamare mbere na mbere?

Milly: Nkiri umwana muto, nakundaga kwisiga cyane mu isura, ku nzara, mu misatsi, kandi nisigaga ibyo mbonye byose, byaba ibyo mama yisigaga (makeup products), nkumva nshaka gusa bitandukanye n’uko nsanzwe, nyuma nza kubona ko nkunda ibintu bijyanye na ‘fashion’ cyane cyane kuba umunyabugeni ukora ibyo gusiga abantu (makeup artist).

Niga mu mashuri yisumbuye, nabibangikanyaga no kwiga ibijyanye no gusiga abantu, ibyo bituma ndushaho kuzamura ubumenyi ku bijyanye n’ibyo nakundaga kandi nakoraga kuva nkiri muto.

KT: Ni ukuvuga ko mu Rwanda dufite amashuri yigisha ibijyanye n’umwuga wo gusiga abantu “makeup profession”?

Milly: Yego rwose turayafite,by’umwihariko binyuze muri ya mashuri yisumbuye yigisha imyuga, nubwo usanga ibya “makeup” bititabirwa n’abanyeshuri benshi.

KT: Ni iyihe mpamvu ituma batabyitabira ?

Milly: Mu Rwanda, abantu batangiye kumenya ibya “makeup” cyane cyane abakora akazi gasaba ko isura zabo zigaragara cyane, ni ukuvuga abamamaza imideri, abakina za filime, ndetse n’abakora ibijyanye n’umuziki.

Mbere byari bigoye kubona videwo zakorewe hano iwacu zigurishwa ku mbuga mpuzamahanga, kuko kuri izo mbuga bagurisha amashusho asa neza, ibyo kandi bishingira kuri ‘makeup’, ariko ubu, abahanzi bacu bashora menshi muri “makeup”, kugira ngo bagaragare neza bijyanye n’akazi kabo.
Hari abantu bari bazi ko “makeup” ikorwa ku munsi w’ubukwe gusa, ariko isi yarahindutse cyane cyane muri ‘showbiz industry’.

KT: Ese kwita ku ruhu(skin care) byaba bifite akahe kamaro kandi ni iki umugore cyangwa umukobwa akora kugira ngo agaragare neza mu gihe yifotoza cyangwa se ari mu birori bitandukanye?

Milly: Kwita ku ruhu ni ikintu cy’ingenzi cyane, mbere y’uko ntangira gusiga umuntu, mbanza gufata umwanya munini wo gutegura uruhu rwe. Ikindi kandi, akenshi mbanza kubaza abakiriya banjye gahunda bagiyemo, kugira ngo mbasige bijyanye n’ibyo bagiyemo.Urugero, makeup nsiga umuhanzi ugiye ku rubyiniro, zitandukanye n’izo nsiga ugiye mu birori by’ubukwe cyangwa se ugiye mu biro gukora akazi.

KT: Ese ni izihe mbaraga utekereza makeup ifite ku bagore ?

Milly: Makeup ituma abagore bigirira icyizere , kubwirwa ko basa neza, ubwo bwiza butuma biyumva neza ubwabo.Hari ubwo ndimo gusiga umuntu, ngatangira kubona ko yatangiye kwigirira icyizere mu gihe nsiga isura ye.

KT: Ngaho tubwire ibyamamare, abahanzi umeze gukorana na bo muri uyu mwuga?

Milly: Nakoreye ibyamamare bitandukanye harimo nk’umuririmbyi Butera Knowless , Charly&Nina , itsinda rya Active , Umunyamideri Sisi Ngamije n’abandi bakora ibijyanye n’ubwiza.

KT: Ese gukora makeup ni umwuga watunga umuntu ?

Milly: Yego rwose,ni umwuga nk’indi, kandi ugomba kumenya ko icyo umuntu akora agikunze cyose kimwungura. Abantu benshi bo mu myaka yanjye, birirwa bahangayitse bashakisha akazi, nyamara njyewe wahisemo gukora ibyo nkunda, ubu nafunguye ahantu nkorera hanjye bwite hitwa ‘Milly Beauty’.
Ubundi kugira ngo nsige umuntu, muca amafaranga y’u Rwanda ibihumbi mirongo itanu (Rwf 50,000) kuzamura, bitewe na gahunda agiyemo, cyangwa se ubwumvikane tugirana n’umukiriya runaka n’uko dukorana.

KT: Gira icyo utubwira icyo ari cyose, nk’icyo waba wifuza kuzakora mu gihe kizaza?

Milly: Numva mfite inzozi zo kuzafungura ishuri mu Rwanda, rizaba ryigisha ibijyanye no gukora makeup gusa, numva kandi iryo shuri ryazaba umwihariko w’abakobwa, kuko abakobwa ari bo bakunda guhura n’ingorane nyinshi, hakabaho n’ubwo izo ngorane zipfukirana impano zabo.