Perezida wa Zambiya, Hakainde Hichilema

Ku cyumweru tariki 29 Kanama 2021, Perezida Hichilema yatangaje abayobozi bashya b’ingabo za Zambia, izirwanira mu kirere n’izishinzwe izindi serivisi imbere mu gihugu ndetse n’abungiriza babo hamwe n’umuyobozi mukuru mushya wa Polisi.

Abakomiseri bose ba polisi mu karere bakuwe ku mirimo yabo ariko ababasimbuye ntibahise batangazwa, nk’uko bytangajwe na VOA.

Perezida Hichilema yavuze ko abahawe imirimo mishya bagomba gukorana akazi kabo umutima ushaka, kandi bagakorera igihugu bashishikaye bubahiriza uburenganzira bwa muntu n’ ubwisanzure byubahirizwa.

Yavuze ko abapolisi bagomba gukora igenzura rikwiye mbere yo gufunga abakekwaho icyaha kandi ko "ntawe ugomba gufatwa mbere y’uko iperereza rirangira".

Hichilema watorewe kuba Perezida wa Zambia mu ntangiriro z’uku kwezi ku ntsinzi itoroshye, mu bihe byashize yakorewe ubugizi bwa nabi na Polisi aho yagiye arangwa no gufatwa agafungwa kenshi nyuma yo kugerageza kuba prezida inshuro eshanu (5) atsindwa, akaza gutsinda ku nshuro ya 6.

Icyakora Perezida Hichilema yari yaragiye asezeranya ko azakemura ibibazo bikomeye byavugwaga mu nzego z’umutekano.

Ubutaka bwarumagaye kuko hashize imyaka ine nta mvura ihagwa

Photo: imyaka mu mirima yarumye, iyindi irarumba bituma abaturage barya ibihore ndetse n’ibyondo

Umuryango w’Abibumbye uvuga ko Madagascar iri mu kaga ko guhura n’inzara ya mbere ku isi "inzara y’imihindagurikire y’ikirere" ku mubumbe wose, LONI ivuga ko abantu ibihumbi icumi basanzwe bafite ikibazo cy’inzara n’ibura ry’ibiribwa nyuma y’imyaka ine nta mvura.

Amapfa ya mbere akomeye, mabi mu myaka 40 yiganje cyane mu baturage b’abahinzi mu majyepfo y’igihugu, bituma imiryango ishakisha udukoko two kurya kugira ngo ibashe kubaho.

Shelley Thakral, Umuyobozi wa gahunda y’Umuryango w’Abibumbye ushinzwe ibiribwa, yagize ati "Ibi ni ibintu bikomeye cyane, ni inzara idasanzwe iterwa n’imihindagurikire y’ikirere, ntabwo ari amakimbirane n’imvururu zayiteye".

Umuryango w’Abibumbye uragereranya ko abantu 30.000 muri iki gihe muri Madagascar, bafite ikibazo cyo kwihaza mu biribwa, kiri ku rwego rwa gatanu, ni ukuvuga rukeneye ibiribwa ku kigero kitigeze kibaho ku isi. Kandi hari impungenge ko umubare w’abashonje ushobora kwiyongera cyane kubera ko Madagascar yinjiye mu bihe bidasanzwe mbere yo gusarura.

Madamu Thakral ati "Ibi ntibyigeze bibaho. Aba bantu ntacyaha bakoze kugira ngo bagire uruhare mu ihindagurika ry’ikirere. Ntabwo batwika ibicanwa bihindanya cyangwa ngo byanduze ikirere, nyamara dore ni bo bagezweho n’ingaruka zitigeze zibaho kubera iyo mihindagurikire y’ikirere”.

Mu mudugudu wa kure witwa Fandiova, mu karere ka Amboasary, imiryango iherutse kwereka itsinda rya WFP ryari ryabasuye, inzige bari batetse ari zo birira gusa.

Umubyeyi w’abana bane witwa Tamaria yagize ati "Ngerageza gusukura udukoko neza uko nshoboye ariko nta mazi ahari".

Yongeyeho ati "Jye n’abana banjye tumaze iminsi umunani turya ibi bihore buri munsi, kuko nta kindi dufite cyo kurya kandi nta mvura ntacyo twari gusarura mu byo twabibye".

Umubyeyi w’abana batatu wundi witwa Bole ati "Uyu munsi nta kindi dufite cyo kurya uretse amababi ya cactus (igiti kizwiho kugira amazi ashaririye cyihanganira izuba ariko kikaba cyarakoreshwaga nk’umuti w’amatungo)".

Abantu barya ibihore kugira ngo barebe ko baramuka

Yavuze ko umugabo we aherutse gupfa azize inzara, kimwe n’umuturanyi we na we wapfuye akamusigira abandi bana babiri bo kugaburira.

Agira ati "Navuga iki? Ubuzima bwacu bwose ni ugushakisha amababi ya cactus inshuro nyinshi kugira ngo tubeho".

Ingaruka z’amapfa muri iki gihe zirimo kugaragara mu mijyi minini yo mu majyepfo ya Madagascar, aho abana benshi bahatiwe gusabiriza mu muhanda ngo babone ibiryo, abandi barapfa umusubirizo kubera indwara zikomoka ku mirire mibi.

Photo: Loni ivugako abana barenga ibihumbi 500 bakeneye inkunga y’ibiribwa yihuse bataratangira gupfa no kurwara indwara zituruka ku mirire mibi

Tisna Endor ukorera umuryango utabara imbabare muri Tolanaro agira ati "Ibiciro ku isoko bizamuka inshuro eshatu cyangwa enye buri kwezi. Abantu bagurisha ubutaka bwabo kugira ngo babone amafaranga yo kugura ibiryo bikeya".

Abaturage bo mu yindi mijyi yabashije kugira icyo ihinga nk’imyumbati ngo barara mu mirima yabo barinda imyaka abaturage bandi bashonje baba bashaka ibyo kurya.

Ethiopia ivuga ko iteganya gutangiza umushinga wo kwihangira imbuga nkoranyambaga zayo nyuma yo gushinja amasosiyete mpuzamahanga nka Facebook, Twitter, WhatsApp na Zoom kuba akora nabi agakorera ngo cyane mu nyungu z’ibihugu ibi bigo biba biturukamo mu gusenya umudendezo n’ituze by’ibindi bihugu.

Umuyobozi w’ikigo cya Leta gishinzwe umutekano kuri murandasi no gutangaza amakuru, Shumete Gizaw, yatangarije itangazamakuru ryo mu gihugu cya Ethiopia ko Facebook na Twitter cyane cyane byahindutse ibikoresho by’abanyapolitiki usanga kenshi baharanira inyungu zabo gusa bitwaje ko bahirimbanira rubanda.

Bwana Shumete yamaganaga kuba hari konti zimwe zafunzwe zitagakwiye gufungwa burundu, izindi zirahagarikwa.

Avuga kuri ibi bigo, ngo hari amakonti bifunga byose abihera ku kuba mbere y’amatora yo muri Kamena, Facebook yavuze ko yafunze icyo yise urusobe cyangwa ihuriro rya za konti nyinshi kandi mpimbano zahujwe n’ikigo cya Leta gishinzwe gukurikirana itumanaho na interineti. Iki kigo cyikaba cyari cyaragiye ngo kizifungura zigamije gushyigikira Leta muri ibi bikorwa.

Uretse gusimbuza imbuga nkoranyambaga nka Facebook na Twitter, Shumete yavuze kandi ko Ethiyopia irimo gutegura urubuga rukomeye ishobora gusimbuza porogaramu cyangwa ikoranabuhanga ryamenyekanye cyane mu kohererezanya ubutumwa ari ryo rya WhatsApp hamwe n’irindi koranabuhanga rikoreshwa mu nama nyinshi z’iyakure ryitwa Zoom.

Col Rwivanga yatangarije Kigali Today ko abarwanyi benshi muri Awasse bivuganywe n’ingabo z’u Rwanda ku bufatanye n’iza Mozambique.

Yagize ati "Birashoboka ko imibare irenga kuko abarwanyi bagiye batwara imirambo ya bagenzi babo mu kwanga ko ibarwa".

Itsinda rihuriweho n’ubuyobozi bw’intara n’ubuyobozi bw’ingabo zihuriweho n’u Rwanda, Botswana, Zimbabwe n’abanyamakuru basuye ibirindiro byari iby’inyeshyamba byamaze gufatwa, ndetse basura n’ibikorwa remezo izo nyeshyamba zari zarigaruriye ubu zasize zangije, birimo sitasiyo y’amashanyarazi.

Agace ka Awasse kegereye ibice bindi bikomeye nka Mueda na Nangade mu Majyaruguru y’Intara ya Cobo Delgado.

Abasirikare ba Mozambike n’u Rwanda bamaze kwigarurira uduce nka Awasse na Diaca ndetse hafatirwa ibikoresho bya gisirikare birimo intwaro n’amasasu.

Ibitangazamakuru byandikirwa muri Mozambique nka DW bitangaza ko hakoreshejwe imbaraga z’indege hafi y’umujyi wa Mocímboa da Praia ahari ibirindiro bikuru by’inyeshyamba.

Awasse ni hamwe mu hatangirijwe intambara n’inyeshyamba muri 2017, mu mujyi wa Mocímboa da Praia uri ku nkombe z’inyanja mu Majyaruguru y’Intara ya Cabo Delgado, gaherereye ku birometero 70 mu majyepfo ahari umushinga wo gushakisha gaze karemano, uyobowe n’ikigo cy’Abafaransa cya Total.

Mu mpera za Kamena 2020 muri Mocímboa da Praia ni ho habaye imirwano ikomeye hagati y’ingabo za Leta n’imitwe y’inyeshyamba, bituma igice kinini cy’abaturage bahunga.

Minisitiri w’Ubuzima w’u Bwongereza, Sajid Javid na Minisitiri w’umurimo muri Kenya, Simon Chelugi, bashyize umukono kuri ayo masezerano ku munsi wa gatatu w’uruzinduko rwa Perezida Uhuru Kenyatta i Londres.

Iyi gahunda yugururiwe abakozi b’ubuzima bo muri Kenya babishoboye ariko badafite akazi, ni inyungu za Kenya, nk’uko byatangajwe na guverinoma y’Ubwongereza.

Iyo gahunda yasabwe na Kenya kandi igomba kwemerera inzobere mu buzima n’abayobozi bazahabwa uburyo bwihariye bwo kugenda binyuze muri gahunda y’abinjira n’abasohoka y’Abongereza, nyuma bakazagarurwa ku kazi mu rwego rw’ubuzima muri Kenya, nk’uko byatangajwe n’ikinyamakuru Daily Nation dukesha iyi nkuru.

Ibisobanuro na byo ku bikubiye muri ayo masezerano bigomba kwemezwa mbere y’Ukwakira uyu mwaka.

Ihuriro ry’abaganga muri Kenya mu myaka yashize ryagaragaje impungenge z’umubare munini w’abashomeri mu baganga n’abaforomo bo muri icyo gihugu.

Amasezerano n’u Bwongereza ashobora kugoboka abakozi benshi b’ubuzima kuko bagiye bagaragaza akarengane, imikorere mibi y’akazi, umushahara muke ndetse hakaba bamwe bemeza ko bakoze amezi menshi nta mushahara bahabwa.

Ariko hari impungenge n’ubwoba ko umenyi buke bushobora gutuma bamwe batemerwa guhabwa ako kazi.

Abayobozi b’Abongereza bavuga ko kuri ubu hari Abanyakenya bagera kuri 900 bakorera mu kigo cy’igihugu gishinzwe ubuzima mu Bwongereza mu nzego zitandukanye.

Ibihugu byombi byatangije kandi ubufatanye mu nzego z’ubuzima za Kenya n’u Bwongereza bizamura ubushakashatsi n’ubufatanye hagati ya kaminuza z’u Bwongereza na Kenya, ndetse n’ibitaro mu gusangira ubunararibonye.

Ubufatanye bwa mbere buzafasha guteza imbere ubuvuzi no guha Kenya imiti n’ibikoresho byifashishwa mu kuvura indwara ya kanseri.

Rebecca Akufo-Addo, umugore wa Perezida wa Ghana yagenewe umushahara kimwe n’abandi bagore b’abazayobora icyo gihugu

Abafasha b’Abakuru b’icyo gihugu, bagiye kujya bahabwa amafaranga y’umushahara angana n’aya ba Minisitiri, bikaba bibaye nyuma y’uko icyo cyifuzo cyashyigikiwe n’umutwe w’Abadepite mu Nteko Ishinga Amategeko kuva mu mwaka wa 2019.

Umugore wa Perezida n’uwa Visi-perezida amafaranga bajyaga bahabwa yafatwaga nk’uduhimbazamusyi mu myaka myinshi yatambutse, mu rwego rwo kubafasha kubahiriza zimwe mu nshingano babaga bitabiriye zifitanye isano n’ibikorwa bya Leta.

Minisitiri w’itangazamakuru, Kojo Oppong Nkrumah, yasobanuye ko ibyari bisanzweho birimo guhindurwa.

Icyakora Abanya Ghana ntibishimiye icyo cyemezo cy’Inteko, aho abenshi babwiye BBC ko mu gihe ubukungu bwifashe nabi atari igihe cyo kugena imishahara mishya.

Icyo cyemezo cyo guhemba umugore wa Perezida amadorari agera ku 3.500 (asaga miliyoni 3.5 z’Amafaranga y’u Rwanda) ku kwezi, kizahita gitangira kubahirizwa bahereye mu mwaka wa 2017 ariko hakaba hatasobanuwe niba abo bagore bazahita bahabwa amafaranga y’iyo myaka yose.

Abandi baturage badashyigikiye umwanzuro w’Abadepite bavuze kandi ko nta ngingo n’imwe yo mu Itegeko Nshinga iteganya umushahara w’umugore wa Perezida kuko ngo nta rwego rwa Leta aba yarahawe kuyobora nk’inshingano.

Hagati aho Ishami ry’urubyiruko rw’ishyaka rikomeye ritavuga rumwe n’ubutegetsi, Kongere y’igihugu iharanira demokarasi, ryatangaje ko rizatanga ikirego mu rukiko rw’ikirenga kugira ngo ryamagane icyo cyemezo cy’Abadepite.

Minisitiri w’Intebe wa Ethiopia, Dr Abiy Ahmed, avuga ko kuvana ingabo n’abayobozi ba Leta bari boherejwe mu ntambara mu karere ka Tigray gaherereye mu Majyaruguru, bidakwiye gufatwa nk’ikimenyetso cyerekana ko uruhande rwa Guverinoma rwatsinzwe intambara.

Yavuze ko amakimbirane, intambara n’imvururu byamaze amezi umunani barwanya inyeshyamba za Tigray kandi ko yabaciye intege.

Ministri Ahmed yemeza ko ingabo z’igihugu zigifite ubushobozi bwo kurwana ariko ashimangira ko hakenewe amahoro kugira ngo Ethiopia itere imbere. Akomeza avuga ko nyuma y’inama zitandukanye yagiranye n’abafatanyabikorwa banyuranye n’abashoramari ngo bamweretse impungenge n’ibyago bituruka ku ntambara.

Mu ijambo yagejeje ku Nteko Ishinga Amategeko, ntiyigeze asubiza ku rutonde rw’ibyo Guverinoma yemeje bigomba gukurikizwa n’inyeshyamba za TPLF kugira ngo habeho guhagarika imirwano ku mpande zombi.

Ibihumbi n’ibihumbi by’abasivili muri Tigray bafite ibibazo n’inzara, uburwayi bwiganjemo icyorezo cya covid-19, biturutse ku makimbirane kandi inzego z’ubutabazi zigarasaba ko zakoroherezwa kugeza imfashanyo ku bagizweho ingaruka n’intambara badafite ubutabazi.

Leta ya Ethiopia yavuze ko itangazo rihagarika imirwano ari akanya kuri buri wese ko gutekereza no kwigira ku byabereye muri Tigray.

Abaharanira uburenganzira bwa muntu bashinja Leta gukandamiza abanyamadini

Kiliziya Gatolika ni rimwe mu madini ane yemerewe gukorera mu gihugu kizwiho kutajenjekera amadini, ayandi yemewe akaba ari Itorero rya Orthodox ya Eritrea, itorero ry’ivugabutumwa Abaluteriyani(evangelical Lutherans) hakiyongeraho n’Abisilamu bo mu bwoko bw’Abasuni.

Igitangazamakuru cya BBC kivuga ko ubu ubwoba ari bwose muri Kiliziya Gatolika yo muri Eritrea.
Cyanditse kiti: “Benshi mu babikira, abafurere n’abapadiri bakoraga umwuga wo kwigisha nta kazi bafite.”

Mu bihe byashize, Guverinoma ya Eritrea yemeje ko ibyo byose bijyanye n’imitungo byafashwe ndetse ishimangira ko, uburezi n’ubuzima ari inshingano za Leta, atari iz’amadini n’amatorero.

Ibi ariko ntabwo byibasiye gusa umuryango w’Abagatolika, ibi byanateje ikibazo mu madini yandi.
Impirimbanyi n’abaharanira uburenganzira bwa muntu bashinja Eritrea gukandamiza amadini ya gikirisitu.

Umwe mu bapasitoro babashije guhunga Rev. Dr. Berhane Asmelash yagize ati: "Mu 2002, Guverinoma yafunze itorero ryanjye kandi itangira no gufata abapasiteri bose nibwo nahise mfata icyemezo cyo guhunga. Bagenzi banjye bamwe barishwe abandi barafunzwe badushinja kugambanira igihugu."

Akomeza agira ati: "Nari nzi ko, ninsubira mu gihugu cyanjye, nahita njya muri gereza".

Amatsinda amwe n’amwe ya gikirisitu cyane cyane abakristu ba pentekote n’abakora mu itorero ry’iyamamazabutumwa, bakunze gushinjwa kuba ibikoresho bya Guverinoma z’amahanga.

Imiryango mpuzamahanga ivuga ko bitoroshye kugerageza kunga Leta n’amadini ya gikirisitu, dore ko muri iki gihugu hakaba haboneka bumwe mu butaka bwubatsweho insengero za gikirisitu zo hambere zifite amateka ya kera adasanzwe ku mugabane wose wa Afurika.

Hari impungenge z’uko abarwanyi ba Leta ya Kisilamu bakomeje kwihuza n’indi mitwe y’iterabwoba ikorera hirya no hino muri Afurika

Uyu mutwe utagifite ingufu mu bice watangiriyemo nka Siriya na Irak, imbaraga zawo ziragenda ziyongera ku mugabane wa Afurika.

U Butaliyani buvuga ko Leta ya kisilamu iteje akaga gakomeye umutekano w’agace kabarizwamo inyanja ya Mediterane ihuza u Butaliyani n’ibihugu bya Afurika cyane ko uyu umutwe wahereye mu bihugu bya Libya, Misiri, Algeria, Tunisia ndetse no mu bice byo mu butayu bwa Sahara.

U Bwongereza bwiyemeje gutanga inkunga nyinshi zo guhangana n’ishami rya Leta ya kisilamu muri Afurika y’Iburengerazuba, iryo shami rikaba rikorana n’abarwanyi ba Boko Haram bashinjwa ubwicanyi, ihohoterwa ku basivili bo mu bihugu bya Tchad, Kameruni, Niger, Mali na Nigeria.

Ibendera ry’abarwanyi ba Boko Haram muri Nigeria, na bo bavugwaho gukorana n’umutwe w’iterabwoba wa Leta ya Kisilamu

Umutwe wa Leta ya Kisilamu uravugwaho kwihuza n’umutwe witwaje intwaro abaturage ba Mozambique bakunze kwita ‘Al-Shabab’, imaze igihe ibuza amahoro abatuye mu Ntara ya Cabo Delgado ihana imbibi na Tanzania. Iyo ntara ngo ituwe ahanini n’Abayisilamu, ariko guhera mu 2017, iyo mitwe y’iterabwoba irabatwikira, abagabo bafashwe bakicwa nabi mu buryo bw’indengakamere bakabaca imitwe, bakabakorera n’ibindi bibi.

Imibare itangwa n’Umuryango w’Abibumbye ivuga ko kuva iyo mitwe y’iterabwoba yatangira kugaba ibitero mu Majyaruguru y’Iburasirazuba bwa Mozambique, abantu bagera ku 2,800 bamaze guhitanwa na yo mu gihe abagera ku 800.000 bamaze kuvanwa mu byabo.

Rwiyemezamirimo wo muri Amerika wakoze porogaramu irinda mudasobwa kwandura virus, John McAfee, basanze yapfiriye muri kasho yo mu mujyi wa Barcelona nyuma y’amasaha make urukiko rwo muri Espagne rwemeye kumwohereza muri Amerika kugira ngo akurikiranweho icyaha cyo kunyereza imisoro.

Ishami ry’ubutabera muri Kataronya ryatangaje ko abaganga bagerageje kumugarurira ubuzima ntibabasha kugera kuri ayo mahirwe.

Mu itangazo rwashyize ahagaragara rigira riti "Ibimenyetso by’ibanze byose byerekanye ko McAfee yiyahuye”.

Umugabo wari ugeze mu myaka y’ubukure 75 utavugwaho rumwe mu isi y’ikoranabuhanga, akaba inzobere mu guhanga programu za mudasobwa, isosiyete ye ni yo yasohoye porogaramu ya mbere y’ubucuruzi irwanya virusi.

Umwihariko ikoranabuhanga ryo kurinda mudasobwa "McAfee VirusScan"ni uko yafashije mu guteza imbere inganda kandi na yo ubwayo yakoreye akayabo ka miliyoni z’Amadolari, mbere y’uko ishyirwa ku isoko aho yaje kugurishwa ku kigo cy’igihangange mu ikoranabuhanga cya Intel ku kandi kayabo karenga miliyari 7.6 $ z’Amadolari ya Amerika.

Ubuzima budasanzwe bwa John McAfee wakoreye ibigo bikomeye bya Leta harimo nka NASA ishinzwe iby’isanzure, yashinjwe gucuruza ibiyobyabwenge, imbunda, gukorana ubucuruzi n’abo Amerika yita abanzi, yagiye kandi avugwa mu byaha byo gufata ku ngufu rimwe agatabwa muri yombi nyuma akongera akarekurwa.

McAfee yafatiwe muri Espagne azira icyaha cyo kunyereza imisoro

Mu Kwakira 2020, McAfee yafatiwe muri Espagne ubwo yari agiye gufata indege yerekeza muri Turukiya, ashinjwa kuba yarananiwe gutanga imenyekanisha ry’umusoro mu gihe cy’imyaka ine, n’ubwo yinjije za miliyoni nyinshi Z’Amadolari mu kazi ko kugishwa inama, ibikorwa yagiye atumirwamo, gukoresha amafaranga y’ikoranabuhanga no kugurisha uburenganzira ku nkuru y’ubuzima bwe byose byamwunguye akayabo.

Ishami ry’ubutabera muri Amerika ryavuze ko McAfee yahunze kwishyura imisoro ku
mafaranga yageraga kuri konti ya banki no kuri konti ye ifaranga ry’ikoranabuhanga byose byari byarashyizwe ku mazina y’abandi bantu.

Yashinjwaga kandi guhisha umutungo we, harimo ubwato n’undi mutungo utimukanwa, nabyo biri mu mazina y’abandi.

Mu gitondo cyo ku wa Gatatu tariki 23 Kamena 2021, ni bwo urukiko rw’igihugu cya Espagne rwemeje ko yoherezwa muri Amerika kugira ngo akurikiranwe.

Ikinyamakuru El Pais cyo muri Esipanye cyatangaje ko mu myaka yashize, McAfee yavuze kenshi ko hari umugambi wo gushaka kumuta muri yombi, nyamara urukiko rwavuze ko nta "bimenyetso bifatika" byerekana ibyo yatangaje ko yari akurikiranyweho impamvu za politiki cyangwa icengezamatwara.

Mu iburanisha mu ntangiriro z’uku kwezi yari yavuze ko ibyo aregwa bishingiye kuri politiki kandi ko ubuzima bwe bwose azabumara muri gereza aramutse asubiye muri Amerika.

Ariko Nishay Sanan wunganiraga McAfee, yavuze ko yari afite umugambi wo kurwanya ibyo birego byose.

Ku wa Gatatu, Bwana Sanan yabwiye igitangazamakuru NPR ati "Ubu ni bwo Guverinoma ya Amerika igerageza gushyira mu bikorwa umugambi wo guhanagura izina rya John McAfee. Uyu mugabo yari umurwanyi. Kandi mu bitekerezo by’abantu bose bamuzi, azahora ari umurwanyi."

Rwiyemezamirimo ufite n’ubwenegihugu bw’Abongereza wavukiye i Gloucestershire, mu Bwongereza yaje kumenyekana bwa mbere mu myaka ya za 1980 ubwo yashingaga isosiyete ye y’ikoranabuhanga maze akarekura McAfee VirusScan.

N’ubwo MacAfee ari intangiriro y’umutekano muri programu za mudasobwa, yigeze kwiyemerera kuri BBC muri 2013, ko atigeze akoresha porogaramu yakoze kuri mudasobwa ye, cyangwa porogaramu iyo ari yo yose irwanya virusi kuri icyo kibazo.

Ati "Ndirinda, mpora mpindura aderesi ya IP (Internet Protocol), mu kudahuza izina ryanjye ku gikoresho icyo ari cyo cyose nkoresha, kandi ntajya ku mbuga ushobora gufata no gukuraho virusi".

John MacAfee muri politiki

Uyu mugabo ufite amateka atangaje yatangije umushinga wo kugaragaraza ko atigeze akatirwa n’inkiko kugira ngo abe umukandida w’ishyaka rya Libertarian ndetse ahatane mu matora ya Perezida wa Amarika mu 2016 na 2020.

Muri 2019, McAfee yagaragaje ko yanze kwishyura imisoro ku bushake, yanditse ku rubuga rwa twitter ko amaze imyaka umunani adakozwa ibyo gutanga imenyekanisha ry’umusoro kubera ko "gusora ngo bitemewe."

Muri uwo mwaka, yafunzwe by’agateganyo muri Repubulika ya Dominikani azira kuba yarakoranye n’abantu binjije intwaro mu gihugu nyuma ararekurwa.

by’umwihariko ise umubyara na we akaba yariyahuye ubwo MacAfee yari afite imyaka 15 aho yirashe mu mutwe akoresheje imbunda ntoya, kuva icyo gihe na we yakuriye mu buzama bwo gukunda inzoga no gukoresha ibiyobyabwenge ariko akaba yari afite n’umuhamagaro wo kwiga kandi akarangwa no gutsinda mu mashuri akomeye yizemo.

Agace ka Sinahamaro kibasiwe cyane, byaye ngombwa ko imiryango mpuzamahanga ibanza kubagemurira ibiribwa bihiye mu rwego rwo kuzanzamura abanegekaye

Imiryango nka Amnesty International ndetse n’Ishami ry’Umuryango w’Abibumbye rishinzwe ibiribwa (PAM) yongeye kuvugako amahanga ari kwirengagiza ikibazo cy’inzara idasanzwe itarigeze ibaho mu myaka 40, yaturutse ku mapfa akomeye yugarije ibice byose mu majyepfo y’igihugu.

Umuyobozi mukuru wa PAM, David Beasley uherutse gusura ibyo bice, yavuze ko nta mfashanyo ibasha kugera muri ako karere aho abantu ibihumbi 500 by’abaturage ngo bakeneye inkunga yihutirwa ariko byumwihariko irimo n’ibiribwa bitetse kuko abantu biganjemo abakuze n’abana bashobora gupfa ari benshi bitewe n’ibyo yiboneye.

Yavuze ko yatunguwe cyane n’ibyo yabonye mu Majyepfo ya Madagascar ahagaragara abana n’abakuru bananutse ku rwego rudasanzwe, abarenzwe n’imirire mibi, aho imiryango irya ibyondo n’imbuto z’igihingwa cyitwa ‘cactus’ kizwiho kwihanganira izuba ariko ngo na cyo nta kindi gitanga uretse amazi, kuko nta kindi cyo kurya bafite.

Imbuto z’iki giti cyitwa cactus ngo bapfa kuzirya kuko badafite ibindi biryo. Iki giti gikunze kuboneka mu bice by’ ubutayu. Kibika amazi abantu batanywa ahubwi ubusanzwe afatwa nk’umuti w’amatungo

Bwana Beasley yavuze ko iki kibazo cyatewe n’imihindagurikire y’ikirere, n’icyorezo cya covid-19. Ayo mapfa yatumye imiryango myinshi ihunga ingo zayo, ayo mapfa akaba amaze imyaka myinshi yibasira icyo gihugu n’ubusanzwe kidafite ubukungu buhagaze neza.

Yavuze ko ibihugu byo mu karere n’ibihugu bikomeye bigomba kwihutira gufasha. Ubusanzwe iyo batabariza igihugu cyugarijwe n’inzara ngo ntibaca igikuba, ariko ubu ngo ntibisanzwe, ako gace kakaba ngo gakeneye ubutabazi bwihuse n’ubwo ibihugu byinshi na byo ubukungu bwabyo bwazahaye, ibindi bikaba bikomeje guhangana n’icyorezo cya COVID-19.

Ku wa mbere tariki 21 Kamena 2021, umunyamabanga uhoraho w’ubuzima, Dr Kennedy Malama, yatangaje ko ubushobozi bw’imibiri bwagabanutse avuga ko umubare w’abantu bapfa buri munsi bazize Covid-19 muri icyo gihugu "utigeze ubaho", bituma birenga ubushobozi bw’uburuhukiro bwo mu gihugu.

Yavuze ko ubwandu bushya bwa gatatu bwa Covid-19 muri icyo gihugu ari "ibintu biteye ubwoba", kuko babaruye abantu 47 bapfuye ku munsi umwe wo ku wa mbere.

Yagize ati "Umubare wa buri munsi w’impfu za Covid-19 turimo kubona ntabwo byigeze bibaho mu gihugu. Turavuga ko abantu barenga 407 bapfuye mu cyumweru cya gatatu kuva ubwandu bushya bugeze mu gihugu.

Ubwiyongere bw’ubwandu bushya bwahuriranye no kwiyamamaza mu matora rusange ateganyijwe ku ya 12 Kanama 2021, aho ibikorwa byo kwiyamamaza byatangiye ku ya 12 Gicurasi 2021.

Kugeza ubu Zambiya imaze kugira abantu ibihumbi 129.033 banduye Coronavirus n’abamaze gupfa 1.691.

Ibipurizo birimo umwuka wa gaz bihambiriyeho utundi duturika duto ni byo aba barwanyi barimo gukoresha mu guteza inkongi ku butaka bwa Israel

Muri iki cyumweru Leta ya Israel yongeye gukoresha indege kabuhariwe z’urugamba mu kugaba ibindi bitero ku birindiro by’umutwe wa Hamas mu gace ka Khan Younis mu Karere ka Gaza muri Palestine.

Israel yatangaje ko yagabye igitero gikomeye kuri Hamas nyuma y’uko ibipurizo bihazemo umwuka uturika wa gaz binahambiriyeho utuntu duto duturika birashwe mu kirere cyayo, bivuye muri Gaza.

Ikomeza ivuga ko abarwanyi bubuye aya mayeri nyuma y’aho intwaro zabo ntacyo ziri kubafasha kuko ibisasu bya misile byabo barwanyi bikomeye byagiye bisandarira mu kirere bikaburizwamo n’ikoranabuhanga ry’igisirikare cya Isreal (IDF), ntacyo birangiza.

Ubu buryo bw’ibipurizo ngo buri guteza inkongi mu mirima y’ Abanyasiraheli bigatwika imyaka ndetse bugateza n’izindi nkongi nyinshi ku gice gihana imbibi na Gaza.

Ibi ni ibitero bishya bije nyuma y’aho ku itariki ya 21 Gicurasi impande zombi zemeranyije guhagarika imirwano no guhana agahenge, nyuma y’intambara yashyamiranyije impande zombi yamaze iminsi 11.

Ntiharamenyakana abandi basivile bashya baguye n’abakomerekeye muri iki gitero ariko igisirikare cya Israel kivuga ko inkongi zatewe n’aba barwanyi zose hamwe ari 20 ariko zateje ibikomere bidakomeye ku baturage bake bageragezaga guhangana no kuzimya kuko batewe batunguwe.

Yeruzalemu, umujyi umaze imyaka irenga ibihumbi bitanu ubayeho ni wo zingiro ry’amakimbirane kuko ari agace karwanirwa n’impande zombi.

Ibi bipurizo bibanza kuzuzwamo umwuka wa Gaz

Mu butumwa umutwe wa Hamas watangaje binyuze ku muvugizi wayo, wavuze ko ukangurira abaturage ba Palestinea gukomeza kwirwanaho mu cyo wise ubutwari bwo gutsimbarara ku rugamba no guharanira uburenganzira bwabo ku mujyi wa Yeluzaremu bafata nk’ubutaka butagatifu bwabo cyane cyane agace k’Iburasirazuba.

Babivuze mu gihe Israel yiteguraga kwizihiza umunsi ngarukamwaka bafatiyeho Yeluzaremu, by’umwihariko aka gace k’Iburasirazuba Abayahudi na bo bafata nk’umujyi mutagatifu w’abakurambere babo bari baranyazwe bakaza kongera kuwigarurira mu ntambara idasanzwe yo mu Burasirazuba bwo hagati mu mwaka wa 1967.

Ku wa Kane w’icyumweru gishize nibwo uyu munsi wagomba kwizihizwa n’Abayahudi ariko igipolisi kiza kuwusubika bitewe n’uko byari guteza imirwano kuko umuhanda mugari bakoresha mu mutambagiro mutagatifu wa Yeruzalemu, unyura mu bice bituwe cyane n’abarabu hakiyongeraho ko banahafite umusigiti ukomeye wa Al AQsa. Bavuga ko guhomba ako gace ari uguhomba uwo musigiti bafata nk’umutagatifu, ari na byo byabaye intandaro y’imirwano ikomeye yo mu kwezi gushize.

Uyu munsi w’Abayahudi waje kongera gusubukurwa na Guverinoma nshya ku wa Kabiri, ariko Minisitiri ushinzwe ububanyi n’amahanga Yair Lapid yanenze abo ku ruhande rwa Isreal yise intagondwa zikomeje kugaragaza amagambo y’urwango n’irondaruhu muri uyu mutambagiro agira ati : Birababaje! Muri twe harimo abafite imyitwarire mibi. Ni gute umuntu afata ibendera ry’igihugu akagenda aririmba ngo urupfu ku barabu, turabihakanye ntabwo twifuza kubiba irondaruhu.

Abayahudi mu mutambagiro baririmba urupfu ku barabu

Muri iki gikorwa cyabaye, Polisi yatangaje ko Abanyepalestina 30 bakomeretse abandi 20 barafungwa mu rwego rwo guharura amayira y’Abayahudi ubwo bari muri uyu mutambagiro.

Mu mwaka wa 2017 nibwo Leta zunze Ubumwe za Amerika zemeje ku mugaragaro ko zishyigikiye iyimurwa ry’umurwa mukuru wa Israel, ukareka kuba Tel Aviv ugahinduka Yeruzalemu ndetse ihita ifata iya mbere mu kwimurirayo Ambassade ya Amerika, n’ibindi bihugu birakurikira. Icyakora kugeza magingo aya Abanyepalestina ntibaremera ko bahebye ubu butaka, ari yo ntandaro yo gushyamirana.

Abaturage batangiye kujya kureba ibyabo byangiritse birimo n’amazu yasenyutse nyuma y’iruka ry’ikirunga cya Nyiragongo, benshi baka bagerageje gushakisha abo mu miryango yabo babuze.

Ku wa Gatandatu tariki 22 Gicurasi 2021 nibwo ikirere cy’aho Nyiragongo iherereye cyahindutse umutuku maze mu masaha make gitangira gusohora ibyotsi bidasanzwe, mu kanya gato gitangira kuruka, cyohereza igikoma cy’umuriro cyahagarariye hafi ya Goma, umujyi utuwe na miliyoni ebyiri ukaba uherereye mu majyepfo y’icyo kirunga.

Kugeza ku wa Mbere tariki 24 Gicurasi 2021 habarurwaga abantu 15 bapfuye, ariko umubare ushobora kwiyongera kuko abayobozi bari bategereje kugera mu turere twibasiwe cyane, dore ko byari bikigoranye bitewe n’uko hataramenyekana niba ikirunga cyahagaritse kuruka.

Icyenda mu bapfuye bazize impanuka yo mu muhanda mu mubyigano n’umuvundo mu gihe abantu bahungaga.

Ku cyumweru tariki 23 Gicurasi 2021, umuvugizi wa Guverinoma ya Congo, Patrick Muyaya, yatangaje ko abandi bane bishwe ubwo bageragezaga gutoroka gereza mu gihe babiri batwitswe n’ikirunga kugeza bapfuye.

Ishami ry’Umuryango w’Abibumbye ryita ku bana (UNICEF) rigaragaza impungenge z’uko abana barenga 170 bashobora kuburirwa irengero naho abandi 150 bakaba bagaragaye baburanye n’imiryango yabo.

Igikoma kigizwe n’amazuku kiva mu kirunga mu gihe cyo kuruka cyashegeshe bikomeye ibice by’Akarere ka Buhene, mu nkengero za Goma, gitaba inzu nyinshi harimo into n’inini, aho bivugwa ko kongera kuzubaka bishobora gufata amezi menshi.

Innocent Bahala Shamavu yabwiye ibiro ntaramakuru by’Abanyamerika, Associated Press, ati: "Amazu menshi mu byaro byo mu gace ka Buhene yatwitswe ndetse anyurwaho n’igikoma cy’amabuye y’umuriro asohoka mu kirunga."

Amazuku y’ikirunga yatwitse ndetse arengera amazu y’abaturage

Ahandi, aya mabuye yirema mu gikoma gishyushye ava mu kirunga yafunze umuhanda umwe uhuza Goma n’umujyi wa Beni. Byafunze inzira y’ingenzi yari kwifashishwa mu kugeza ubutabazi ku bice byibasiwe. Icyakora, ikibuga cy’indege cy’umujyi ntikigeze kigerwaho, n’ubwo hari amakuru yari yavuzwe mbere ko hari igice cy’ikibuga cyahiye.

Ikirunga giherereye mu birometero 10 uvuye i Goma, giheruka kuruka mu mwaka wa 2002, gihitana abantu 250 gisiga abantu ibihumbi 120 batagira aho baba.

Abaturage batangiye kuva mu ngo zabo na mbere y’uko Guverinoma itangaza gahunda yo kwimuka. Ikirunga kigitangira kuruka mu masaha y’ijoro, abantu benshi bagaragaye barimo bahunga n’amaguru hamwe na matela n’ibindi bintu.

Icyakora ku Cyumweru bamwe batangiye gusubira iwabo muri Congo n’ubwo hari abandi bagumye mu Rwanda batinya ko imitingito ishobora guteza ibindi bibazo bikomeye, dore ko bari bafite n’impungenge z’uko ikirunga gishobora kongera kikaruka.

Umuriro wa Nyiragongo wari ufite ubukana

Ibitero bishya by’indege byashegeshe bikomeye Gaza

Misitiri Netanyahu yagize ati "Twongeye kwinjira mu mirwano, kandi twiteguye gukora buri kimwe, n’ubwo bizatwara igihe ariko turiteguye”.

Abayobozi bo muri Gaza bavuze ko abantu 42 barimo abagore 16 n’abana 10 bapfuye mu bitero by’indege bya Isiraheli biherutse.

Ku rundi ruhande, Leta ya Israel yavuze ko abantu icumi, barimo abana babiri, baguye mu bitero by’ibisasu bikomeye umutwe wa hamas wagabye kuva mu ntangiriro z’icyumweru gishize.

Minisiteri y’Ubuzima igenzurwa na Hamas, ivuga ko muri rusange abapfuye muri Gaza ubu bagera ku 188, barimo abana 55 n’abagore 33, abakomeretse ni 1,230. Isiraheli ivuga ko abarwanyi ba hamas benshi bari mu bapfuye.

Igisirikare cya Israel kivuga ko cyibasiye bikomeye abayobozi n’ibikorwa remezo bifitanye isano na Hamas.

Mu mpera z’icyumweru gishize uwo mutwe wa Hamas warashe ibisasu bishya bya roketi mu bice byo mu majyepfo ya Isiraheli.

Hagati aho, akanama k’Umuryango w’Abibumbye gashinzwe umutekano ku isi kakoze inama yihutirwa, aho bavuze ko inzira yo gushyiraho abahuza bo ku rwego mpuzumahanga muri icyo kibazo, ari inzira yo guhagarika imirwano.

Umunyamabanga mukuru w’Umuryango w’Abibumbye, Antonio Guterres, yafunguye iyo nama avuga ko ibikorwa by’ubwicanyi biteye ubwoba, bityo ko imirwano igomba guhita ihagarara.

Igitero cy’indege zidasanzwe cyakozwe na Israel ni cyo gitero bivugwa ko cyahitanye abantu benshi muri iyo ntambara kuva yatangira, aho cyakozwe mu masaha akuze yijoro.

Abashinzwe ubutabazi muri Palesitine bagiye bakora ibishoboka bashakisha mu matongo inkomere aho inyubako eshatu zasenyutse, babakuramo.

Abatabazi barakora ibishoboka ngo bafashe abantu bagwiriwe n’inyubako muri ibi bitero

Igisirikare cya Israel cyavuze ko cyibasiye amazu y’umuyobozi wa Hamas, Yahya Sinwar na murumuna we Muhammad Sinwar, wavuze ko ari umuyobozi w’ibikoresho n’abakozi muri uyu mutwe.

Leta ya Israel ivuga ko umutwe wa Hamas umaze kubarasaho ibisasu bya roketi ibihumbi 3000 ariko hafi ya byose byaburijwemo hifashishijwe irindi koranabuhanga ridasanzwe rituma bisandarira mu kirere bitaragera ku butaka.

Ingabo za Ethiopia ziri mu butumwa bw’Umuryango w’Abibumbye (UNAMID)zitegura kujya mu bikorwa byo gucunga umutekano mu masaha ya nijoro mu gace ka Gereida mu Majyepfo ya Darfur (Ifoto: Reuters)

Abo basirikare bamaze igihe babungabunga amahoro mu gace ka Darfur karanzwe n’imvururu n’intambara ya gisivili.

Abenshi muri bo bavuga ko ubwoba bafite bushingiye ku kuba mu Ntara ya Tigray hamaze igihe imvururu n’ubwicanyi bukorerwa by’umwihariko abaturage n’abandi bafitanye isano bo muri ako gace abandi na bo bakavuga ko batinya gutotezwa.

Hari abahanga barimo n’umuyobozi mukuru w’idini rya Orthodox Patriarch Abune Mathias umwe mu bantu ba mbere bubashywe cyane; bakomeje kwemeza ko ibyabereye mu mvururu za Tigray mu mezi atandatu ashize aho abayobozi b’ako gace bari bigometse kuri Leta ngo ari ubwicanyi bwa Jenoside kandi bikorwa na Leta ya Ethiopia.

Agira ati: "Ibyo Leta iri gukora ntabwo ari byo wagira ngo si abaturage b’Abanyetiopia iri kubikorera, guverinoma irakora umunsi ku wundi ijoro n’amanywa igamije gusenya no gukuraho burundu Tigray kandi ntabwo nzi ko byashoboka hagakwiye gukoreshwa inzira y’ibiganiro cyane ko igisirikare cyatsinze aba bigometse ariko hari n’inzirakarengane ziri kubigenderamo.

Izo mvururu kandi ngo zishobora kuba zifitanye isano n’amacakubiri ashingiye ku moko yarushijeho kwiyongera muri Ethiopia biturutse ku ntambara ibera mu majyaruguru ya Tigray.

Muri Gashyantare muri Sudani y’Amajyepfo irindi tsinda ry’abasirikare b’amahoro bo muri Etiyopiya bakomoka muri Tigray banze gutaha bavuga ko batinya gutotezwa.

Habayeho raporo nyinshi z’ihohoterwa ry’uburenganzira bwa muntu mu gihe cy’amezi atandatu ariko Leta ikabitera utwatsi.

Mu mwaka ushize nibwo imvururu zatangiye mu gihe abayobozi b’iyo Ntara bakoreshaga amatora rusange nyamara Minisitiri w’Intebe yari yayasubitse biturutse kuri covid-19, nyuma yo kubyemeranyaho n’abandi bayobozi b’ibindi bice, nyuma yo kubasaba kwegura abo muri Tigray bamusubiza ko Guverinoma ya Addis Abeba itabafiteho uburenganzira kuko manda yabo yarangiye bakanga gukoresha amatora babishaka bituma intambara itangira ahamaze gupfa abarenga ibihumbi 3000 b’abasivili mu mezi atandatu ashize, mu gihe ibihumbi 100,000 by’abasirikare bivugwa ko ari bo bamaze gupfira muri iyo mirwano.

Uwo mubyeyi yari yitezwe ko azabyara abana barindwi hashingiwe ku byo ikoranabuhanga ryari ryerekanye ryitwa ‘scan ultrasound’ yakorewe muri Mali na Maroc bigaragara ko itabonye izo mpinja ebyiri ziyongereyeho nyuma.

Ku wa kabiri, Ministri w’ubuzima Dr Siby yavuze ko impinja na nyina “bose bahumeka neza”. Biteganyijwe ko bazasubira mu rugo muri Mali mu gihe cy’ibyumweru bicye biri imbere.

Yashimye amatsinda y’ubuvuzi muri Mali na Maroc, bagerageje gukora ibishoboka mu bunyamwuga no gukorera hamwe "ubuhanga bwabo bukaba ari bwo nkomoko y’ibyishimo bivuye muri uku gutwita iyi nda no kuyibyara.

Ibiro ntaramakuru, Reuters byatangaje ko gutwita k’uwo mugore, Cisse unakiri muto byashimishije icyo gihugu cya Afurika y’Iburengerazuba, bikurura abayobozi ba Mali aho bahise bakora ibishoboka bakaba baramujyanye muri Maroc igihe yari akeneye ubuvuzi bwihariye kandi bwisumbuyeho kugira ngo yibaruke neza.

Umuvugizi wa Minisiteri y’ubuzima muri Maroc, Rachid Koudhari, yatangarije ibiro ntaramakuru AFP ko nta makuru bari bafite y’uyu mugore no gutwita abana icyenda, ahubwo ngo batangiye kuyamenya ari uko bari kumubyaza bageze ku mwana wa gatanu, avuga ko ari ibintu bidasanzwe.

Umwamikazi Mantfombi Dlamini yapfuye mu cyumweru gishize mu buryo bw’amayibera akaba akurikiye umugabo we

Ibirego byo gukiranura abasigarana ingomba byarangije kugera mu rukiko nyamara muri ubu bwami bwa Zulu baracyari mu kiriyo aho nta kwezi kurashira umwami zwelithini n’umwamikazi wari wamusimbuye bapfuye.

Umugore wa mbere, Umwamikazi Sibongile Dlamini, yaregeye urukiko aho yamagana ishyirwa mu bikorwa ry’icyifuzo cya nyakwigendera umwami kazi Mantfombi Dlamini cyo kujyena umwami uzasigarana ingoma ahubwo bikavugwa ko ubushake bwe bwa nyuma bushobora kuba bwarahimbwe bugahindurwa kubwinyungu z’abashaka gusigarana ingoma.

Umwamikazi Sibongile yifuzaga ko urukiko rwemera ko yashyingiranywe n’umwami nyakwigendera nk’ubumwe bwemewe n’amategeko. Yasabye kandi ko yakwegurirwa kugenzura 50% by’umutungo w’ibwami ugizwe n’inyubako n’ibindi.

Ku cyumweru, Minisitiri w’intebe wa Zulu, igikomangoma Mangosuthu Buthelezi, yavuze ko iki gikorwa cy’urubanza ari "isoni ku muryango w’ibwami", ubwo yavuganaga n’umunyamakuru wa SABC wo muri Afurika y’Epfo.

Agira ati: "Benshi mu bagize umuryango wa cyami mu by’ukuri batunguwe n’ibyo yakoze kuko yagiye mu nkiko kandi atararangiza icyunamo turimo . Bo, nk’abapfakazi b’Umwami by’umwihariko, kwihutira kujya mu rukiko mu buryo babikozemo nukuri biteye isoni. umuryango wa cyami.

Umwami w’abazuru Goodwill Zwelithini yitabye imana afite imyaka 72 akaba ariwe mwami warusigayeho muri afrika warumaze igihe cyinini kungoma kuko yayoboye ubwami bwe imyaka 50; akaba yarazize ibibazo by’uburwayi bwa diabete; nawe yashyunguwe muburyo butandukanye cyane n’ubumenyerewe kuko yashyinguwe mwijoro, ashyingurwa n’abagabo bake gusa nabo bamubaga hafi akaba kandi ntamugore wari wigeze agera kumva y’umwami ubwo yarari gushyingurwa nkuko byose byari bikubiye mu bushake bwe yari yasize atangaje mbere yo gupfa.

Perezida Cyril Ramaphosa nawe akaba arumwe mubagabo bacye cyane babashije gushyingura umwami w’abazuru nkuko yari yabyifuje.

Perezida Kenyatta yavuze ko inama y’ubutegetsi yose y’ikigo gishinzwe ubuvuzi (Kenya Medical Supplies Agency - KEMSA) muri iki gihugu yakojeje isoni Leta yose bitewe n’uruhurirane rw’amakosa akomeye bagiye bakora mu bihe bikurikirana aho bahise basimbuzwa abandi bazatangira akazi mu minsi itatu.

Ibi Kenyatta akaba yavuze ko yabikoze mu rwego rwo kongera kugarurira icyizere abaturage bari baratakariye ikigo gishinzwe imiti.

Ikigo cy’ubuvuzi cya Kenya (KEMSA) giheruka gutanga doze z’imiti igabanya ubukana bwa virusi ya SIDA yarangije igihe irenga doze ibihumbi 24.

Ubwoko bw’iyi miti yitwa Neverapine, Zidovudine, Lamivudine yakwirakwijwe mu mu mijyi 31 y’igihugu. Abarwayi bose bayihawe mu mwaka wa 2019 ngo byabagizeho ingaruka zikomeye.

Abarwayi ba SIDA bagize ingaruka zidasanzwe zirimo kubabara mu nda, kugwa igihumure, umunaniro, kubabara umutwe no kubabara imitsi. Si ibyo gusa kandi kuko hari n’abangiritse inyama y’umwijima.

Iki kigo KEMSA mu minsi ishize cyashinjwe gutuma doze z’imiti ibihumbi 200 igabanya ubukana bwa SIDA, yangirikira mu bubiko ku cyambu cya Mombasa; nyuma y’aho yari imaze amezi arenga ane itanzwemo inkunga na Leta zunze ubumwe za Amerika.

Ibi byateje uburakari bukomeye abaturage babyukira mu myigarambyo bamagana icyo bise ubugambanyi bwa Leta yabo no gushyira mu byago ubuzima bw’abanduye SIDA.

Abaturage binubira serivisi z’ubuvuzi bahabwa

Umwaka ushize, ikigo Kemsa cyashyizweho ibirego aho cyagize uruhare mu bivugwa ko cyakoresheje nabi miliyoni y’Amadolari ya Amerika agenewe kugura ibikoresho bya Covid-19. Ibi byagize ingaruka ku baganga barenga 80 bitabye Imana bishwe na covid-19 nyuma yo kubura ibikoresho bihagije bifashisha mu kurwanya iki cyorezo.

Inyerezwa ry’aya mafaranga ryateye uburakari abaturage bahita basaba ikigega mpuzamahanga cy’imari IMF kutongera kuguriza Leta yabo aho bavugaga yamunzwe na ruswa, babinyujije ku mbuga nkoranyambaga bakoresheje amatora mu butumwa bwari bufite insanganyamatsiko igira iti “Muhagarike inguzanyo yose mwahaga Leta yacu”.

Minisiteri y’Ubuzima ntacyo yahise itangaza kuri ibi birego byose mu gihe perezida Kenyatta byabaye ngombwa ko yifatira imyanzuro ikomeye.

Amafoto yafashwe n’icyogajuru (Satelite) yerekana ko kuva tariki 16 Mata 2021 inkongi nyinshi zibasiye amazu y’abaturage mu Karere ka Amhara.

Umuvunyi mukuru wa Etiyopiya avuga ko umubare w’abantu baguye mu mirwano ikomeje kuba hagati y’amoko abiri manini yo muri iki gihugu bamaze kurenga 300.

Raporo zabanje zavugaga ko abantu bagera kuri 50 bapfuye ku munsi wa mbere bapfuye bazize imirwano hagati y’amoko y’aba Amhara n’aba Oromo mu majyaruguru y’Akarere ka Amhara.

Umuvunyi mukuru, Endale Haile, yavuze ko abantu barenga ibihumbi 430 bahunze aho bavanywe mu byabo n’ubushyamirane bushingiye ku moko.

Yavuze ko hafi kimwe cya kane cy’amazu yo mu mujyi wa Ataye yatwitswe.

Imirwano myinshi yabereye mu gace ko mu kKarere ka Amhara gatuwe cyane n’abo mu bwoko bwaba Oromo.

Mu ntangiriro z’icyumweru Etiyopiya yatangaje ko ishyizeho ibihe bidasanzwe muri iki gice.

BBC ivuga ko byibazwa niba ubu bushyamirane butazaviramo amatora ateganyijwe muri Kamena gusubikwa.

Hashize igihe mu bice byinshi by’iki gihugu habera imirwano ikomeye, iyaherukaga yamaze amezi 6 yahuje leta n’abaturage bo mu karere ka Tigray yaguyemo abarenga ibihumbi 3000. nyuma yo kwigomeka kuri Guverinoma.

Uwahoze ari Minisitiri w’Intebe, Hailemariam Desalegn, yeguye muri 2018 nyuma y’aho amakimbirane afashe indi ntera aho abaturage baba Oromo benshi mu gihugu bamushinjaga kubabangamira mu bikorwa byabo by’ubuhinzi n’ubworozi ubwo hatangazwaga ibikorwa byo kwagura Umurwa mukuru Addis Abeba. Muri icyo gihe abaturage babarirwa mu magana barishwe, abandi benshi ibihumbi barafungwa harimo n’abayobozi b’amashyaka atavuga rumwe na Leta. Byagejeje ku butegetsi Ministri w’Intebe Dr Abiy Ahmed uri ho muri iki gihe.

Hari abahitamo kutavuga uburwayi bwabo bukamenyekana bamaze kwitaba Imana nk’uko byagenze ku wamenyekanye nk’umwami wa Wakanda, Boseman witabye Imana tariki ya 28 Kanama 2020. Yabanje kunanuka bikabije benshi mu bafana batangira kugira ubwoba n’amakenga aho batasibaga kwerekana impungenge batewe no kunanuka kwe. Nyuma yo kubura amakuru ahagije abandi bagakeka ko ari uburyo uyu muhanzi yinanuye bitewe ngo n’indi filime yari arimo gutegura bityo bagatekereza ko yifuzaga kugaragara ananutse. Nyamara byarangiye apfuye nyuma y’igihe atagaragara mu ruhame.

Ibimenyetso nk’ibyo cya Colon Canser ni byo bigaragara ku muhanzikazi Celine Dion wamamaye mu minsi ishize cyane cyane kubera ijwi rye ryakunzwe na benshi mu ndirimbo ze z’urukundo haba mu ndimi z’Icyongereza n’Igifaransa.

Celine Dion na we utari wari warigeze atangaza byinshi kuri iyi ndwara, hari abafana be benshi barimo n’inshuti z’umuryango we bemezaga ko kunanuka k’uyu muhanzi bituruka ku kuba yarananiwe kwakira urupfu rw’umugabo we René Angélil wazize kanseri yo mu muhogo mu mwaka wa 2016.

Mu bihe bishize yagaragaraga ameze neza afite ubuzima bwiza

Nubwo abahanzi benshi bafite ubukire bwatuma bivuriza aho bashaka hose ariko biranga bikarangira iyi ndwara ihitanye benshi kubera ko itarabonerwa umuti cyangwa urukingo.

Abakunzi ba Celine Dion batangiye kugira impungenge ko na we ishobora kumuhitana dore ko amaze igihe arembye cyane, akaba yaragiye anagaragara gake mu ruhame mu bihe bishize.

Perezida wa Nigeria Muhamadu Buhari ahagaze hagati y’abasirikare bakuru

Itegeko ryo gupima aba basirikare bakuru uko bose ari 417 ryasohotse nyuma y’aho umusirikare ukomeye ufite ipeti rya Major General John Olubunmi Irefin apfuye igitaraganya nyuma yo kugwa hasi akabura umwuka aho iyo nama yaberaga mu murwa mukuru Abuja bikaza kwemezwa ko yari arwaye covid-19 ikaba ari yo yatumye agira ikibazo cyo guhumeka akitura hasi.

Inama yari yahuje inzego nkuru z’igisirikare yahise ihagarikwa ibisubizo by’aba basirikare bakuru bikigera ahagaragara bigaragaza ko ababarirwa muri 30 muri bo banduye icyo cyorezo.

Muri Nigeria mu cyumweru gishize hagaragaye ukwiyongera kw’iki cyorezo, aho umubare w’abandura warushijeho gutumbagira bituma impungenge ziyongera bitewe n’icyiswe umuhengeri wa kabiri w’iki cyorezo ngo wateye iki gihugu ari na ko ubwoba burushaho kwiyongera. Muri Nigeria abantu barenga 1700 bamaze kwitaba Imana bazize covid-19 naho abarenga ibihumbi 80 ni bo bamaze kwandura.

Perezida Magufuli yihanangirije Guverinoma ye nshya, ayisaba kwirinda icyo yise “indwara idasanzwe” yo gutangaza amakuru y’ibanga yo mu kazi ku mahuriro ya za WhatsApp.

Perezida Magufuli kandi yihanangirije Abaminisitiri bifotora igihe bari ku kazi, avuga ko imirimo yabo “izagaragara” binyuze mu bisubizo n’umusaruro w’ibyagezweho atari mu mafoto.

Ibi yabitangaje ku wa gatatu w’iki cyumweru, mu birori byo kurahira kw’Abaminisitiri n’abungirije mu Guverinoma.

Mu magambo ye, Perezida Magufuli yagize ati “Muri Guverinoma ubu hari indwara idasanzwe yaje muri bamwe mu bayobozi aho amatangazo y’akazi kanyu cyangwa ya leta muyashyira ku matsinda n’amahuriro ya WhatsApp. Ibi bituma amabanga y’akazi atagakwiye kuba amenwa anyuzwa kuri watsapp. Reka dukurikize indahiro zacu”.

Magufuli yongeye gutorwa mu Kwakira mu ntsinzi itaravuzweho rumwe, aho abatavuga rumwe n’ubutegetsi bavuga ko yari yuje uburiganya. Perezida Magufuri yabonye amajwi 84%.

Icyakora na none Biden yavuze ko amezi ye ya mbere akigera ku butegetsi bitamworoheye ko yahita arangiza iki cyorezo cya coronavirus ariko atanga ibisobanuro bike ku ngamba azakoresha aho yizeza ko n’ubwo atacyirangiza ariko azagica intege ku buryo bugaragara mu Banyamerika bose.

Ku wa Kabiri tariki 08 Ukuboza 2020, nibwo hasohowe raporo itanga uruhushya kugira ngo urukingo rwa Pfizer/BioNTech rwemerwe kandi ruterwe Abanyamerika ku mugaragaro.

Hagati aho Perezida Donald Trump yitabiriye inama yasohoye iyi raporo, ikaba yabereye muri White House higwa ku bikorwa byo gutangira gukingira Covid-19 yiswe "Operation Warp Speed" yerekana ko uru rukingo rwatangiye gukoreshwa mu Bwongereza ku nshuro ya mbere guhera ku wa Kabiri ari urwo kwizerwa no kuri Amerika.

Nk’uko ubushakashatsi bwakozwe na Kaminuza ya Johns Hopkins bubitangaza, ngo Amerika imaze kubarura abantu barenga miliyoni 15 banduye covid-19, icyorezo kimaze kwica abandi ibihumbi 285.

Ibice byinshi by’igihugu byongeye kwisanga ibitaro byongeye kurengerwa n’imibare iri hejuru y’abanduye bashya muri iyi minsi. Ingendo zibarirwa muri za miliyoni abanyagihugu bakoze mu minsi mikuru yo gushimira izwi nka "ThanksGiving" ziravugwaho kuba ari zo zabaye intandaro yo kwiyongera kwa coronavirus.

Perezida watowe Joe Biden yari yitabiriye ikiganiro n’abanyamakuru i Delaware aho yerekanye umushinjacyaha mukuru wa Californiya, Xavier Becerra nk’umukandida ku mwanya w’ubunyamabanga bukuru bw’urwego rw’ubuzima ndetse no guhitamo Rochelle Walensky kuba umuyobozi w’ikigo gishinzwe kurwanya no gukumira indwara.

Bwana Biden yagize ati: "Iminsi 100 yanjye ya mbere ntabwo izarangiza virusi ya Covid-19. Sinshobora kubisezeranya. Nk’uko tutinjiye muri aka kajagari vuba, ntabwo n’ubundi tuzagasohokamo vuba."

Akomeza avuga ko icyo ashaka kumvikanisha ari uko mu minsi 100 ya mbere bashobora guhindura no kugabanya inzira n’ubukana bw’iki cyorezo bityo ngo ubuzima bw’Abanyamerika bukongera bukamera neza.

Gusubiza abana ku ishuri na byo biri mu mirongo y’ibizakorwa ku ikubitiro Biden akigera ku butegetsi nk’uko yabyemeje.

Bwana Biden yatanze ibisobanuro bike byerekana uburyo gahunda nini yo gukingira mu mateka ya Amerika izakorwa kandi mu gihe cya vuba gishoboka.

Gusa na none arinubira ko mu cyumweru gishize nta gahunda yo gutangiza ubuyobozi yigeze ahabwa na Perezida azasimbura ari we Trump. Umuhanga mu bumenyi bukomeye bw’ibikorwa byo gukingira byiswe Operation Warp Speed witwa Moncef Slaoui agomba guhura n’itsinda rya Joe Biden bikaba biteganyijwe ko azabikora muri iki cyumweru.

Mu bandi Joe Biden azakuramo abazamufasha harimo Dr Anthony Fauci nk’umujyanama mukuru wa Amerika mu by’ubuvuzi cyane cyane muri iki cyorezo Covid 19. Ni impuguke akaba imwe mu nzobere za mbere ku isi mu buvuzi bw’indwara z’ibyorezo byandura ndetse akaba yarabaye hafi cyane nk’umujyanama w’itsinda rya Prezida Trump - n’ubwo akenshi hari ibyo atumvikanagaho na Perezida Trump kubera ibitekerezo bye aho yagaragaje kenshi ukuvuguruza Perezida Trump ku byo yatangazaga n’amakuru ku cyorezo cya coronavirus.

Isaias Afwerki ni we wambuye ubwenegehugu Abayehova ku nshuro ya mbere

Mu 1994 ubwenegihugu bwose bw’abayoboke b’iryo dini ry’Abahamya ba Yehova bwavanyweho kuko batemewe, kandi abayoboke b’iri dini iyo bafatwaga bafungwaga nta rubanza rubayeho ndetse bagafungwa igihe kitazwi hakaba n’abapfira muri gereza.

Imwe mu mpamvu zatanzwe zituma aba Bahamya ba Yehova bafungwa ngo ni ugusuzugura itegeko ry’igihugu bakanga kujya mu gisirikare, mu gihe ubundi biba ari itegeko ku munyagihugu wese.

Mu itangazo iri dini bivugwa ko ritemewe mu gihugu cya Eritrea ryasohoye, riravugako abayoboke baryo barekuwe nyuma yo gufungwa igifungo kitazwi ariko kiri hagati y’imyaka 5 na 26.

Perezida Isaias Afwerki wa Eritrea, nyuma yo kujya ku butegetsi mu mwaka wa 1994, ni we wambuye Abahamya ba Yehova uburenganzira n’ubwenegihugu bwabo ubwo iki gihugu cyari kimaze kubona ubwigenge.

Kuva icyo gihe kugeza magingo aya Abahamya ba Yehova ntabwo bemewe muri icyo gihugu, ndetse n’itegeko ryo kuba babemera ntirijya rivugwa.

Eritrea ni kimwe mu bihugu biza imbere ku mubumbe bivugwamo ikandamiza n’igitugu ku baturage, aho nta murongo n’umwe wa politiki ishingiye kuri demukarasi ubaho mu gihugu.

Nta matora cyangwa inteko ishinga amategeko bibaho ndetse nta n’umushinga w’itegeko nshinga ugenderweho cyangwa ushyirwa mu bikorwa.

Amadini atatu yonyine ni yo yemewe mu gihugu, harimo idini ya gikirisitu ya Orutodogisi, idini ya Isilamu na yo y’Abasuni gusa n’itorero ry’Abaluteriyani.

Abanya-Uganda bamaze iminsi bari mu nkundura yo gushyigikira abakandida batandukanye bahatanira kuyobora igihugu

Akanama kateguraga izi mpaka zari ziteganyijwe gutangira kuri uyu wa gatanu kavuze ko iryo hagarikwa ry’ibiganiro ryatewe n’amikoro make, nk’uko bitangazwa n’ibitangazamakuru by’i Kampala.

Ako kanama kavuze kandi ko ikibazo cya Covid-19 ari cyo nyirabayazana w’iseswa ku munota wa nyuma ry’ibyo biganiro mpaka hagati y’abakandida. Izo mpaka zagombaga guhuza abakandida barenga 10 bahatanira kuyobora Uganda.

Ubukangurambaga muri Uganda n’ubushyamirane burakomeje ku bapolisi n’abayoboke b’abakandida biyamamaza bahuriza hamwe imbaga y’abantu bashinjwa kurenga ku mabwiriza yatanzwe na komisiyo y’amatora.

Umwe mu bakandida ku mwanya wa perezida, Robert Kyagulanyi uzwi ku izina rya Bobi Wine, yasabye urwego rw’amatora kurinda abanyapolitiki batavuga rumwe n’ubutegetsi batotezwa n’inzego z’umutekano.

Minisiteri y’ibidukikije, amashyamba n’ubukerarugendo muri Namibia yahamagariye ababishaka kuza bagapiganirwa kugura izo nzovu. Bagomba kuba bujuje ibisabwa harimo kubahiriza amahame mpuzamahanga ndetse bafite n’uruhushya rwo kohereza izi nyamaswa aho zikenewe.

Ababishaka bahawe kwandika basaba guhatanira iri soko, kwakira ubusabe bwabo bikazarangira ku itariki ya 29 Mutarama 2021.

Mu mwaka ushize iki gihugu cyafashe icyemezo cyo kugurisha inyamaswa zo mu gasozi zibarirwa mu gihumbi zashoboraga guhitanwa n’inzara kuko inzuri n’inzuzi zo muri pariki y’igihugu zumye.

Inyamaswa zari kugurishwa zirimo inzovu, imbogo, musumbashyamba (twiga) n’impala. Ibi ngo bizatuma Leta ibasha kuzigama nibura miliyoni imwe n’ibihumbi ijana mu madolari ya Amerika yagombaga kugenda mu bikorwa byo kubungabunga izo nyamaswa.

Muri raporo nshya, umuryango uharanira uburenganzira bw’ikiremwa muntu uvuga ko abapolisi n’abakozi bashinzwe iperereza bo muri Tanzania bakoze ibikorwa byo gushimuta, guhohotera, gukora iyica rubozo no gufunga binyuranyije n’amategeko Abarundi 11, ibikorwa byakozwe mu gihe cy’ibyumweru byinshi bigakorerwa kuri sitasiyo ya polisi i Kibondo, mu Karere ka Kigoma.

Raporo ivuga ko abayobozi ba Tanzania basubije ku gahato mu Burundi umunani muri izo mpunzi , aho bagezeyo bagafungwa nta cyaha, mu gihe batatu barekuriwe muri Tanzania.

HRW yavuze ko izindi mpunzi zirindwi harimo n’abasabaga ubuhungiro batawe muri yombi ku gahato abandi baburiwe irengero kuva muri Mutarama uyu mwaka wa 2020.

Abagenzuzi ba HRW bagize bati “Guverinoma ya Tanzania igomba gukora byihutirwa kandi itabogamye ku birego bivugwa ko Abarundi bashimuswe, bakorerwa iyicarubozo, kandi bashyikirizwa abayobozi b’Abarundi mu buryo butemewe n’amategeko, bityo buri muyobozi wakoze ibi barifuzako yabiryozwa”.

Abarenga ibihumbi by’Abarundi 150,000 baba mu nkambi za Tanzania, benshi muri bo bahunze urugomo n’imyivumbagatanyo yo mu Burundi nyuma y’icyemezo cy’uwari Perezida Pierre Nkurunziza witabye Imana, yafashe cyo kwiyamamariza manda ya gatatu itaravuzweho rumwe muri 2015.

HRW ivuga ko nta gisubizo cyatanzwe n’abayobozi ba Tanzania nyuma yo kohereza amabaruwa asaba ibisubizo ku iperereza kuri ibi birego byo gukorera ihohoterwa ku mpunzi z’Abarundi.

Bwana Biden w’imyaka 78 y’amavuko ngo ku wa Gatandatu ubwo yarimo gukina n’imbwa ye, yaranyereye akuba ikirenge bimuviramo kuvunika, nk’uko ushinzwe ubuzima bwe yabitangaje.

Ku munsi wakurikiyeho nibwo byabaye ngombwa ko yegera umuganga w’inzobere mu by’amagufa muri Newyork.

Umuganga we Kevin O’Connor yavuze ko ibipimo bya mbere byo muri Laboratwari byerekanye ko nta mvune ikanganye yagize ariko ngo nyuma yaho yakorewe irindi suzuma ryisumbuye ryerekana ko uyu musaza yavunitse amagufa abiri yo mu kirenge cy’iburyo .

Umuganga we O’Oconnor yagize ati: “Birashoboka cyane ko azakenera guhabwa inkweto zigenewe abavunitse akazazambara mu gihe cy’ibyumweru bitari bike kugira ngo ashobore kongera kubasha gutambuka.”

Ku Cyumweru nibwo Perezida Donald Trump bari bahanganye mu matora yo mu ntangiriro z’ukwezi kwa cumi yanyujije ubutumwa kuri Twitter amwifuriza gukira.

Joe Biden watsinze amatora ya Perezida wa Leta zunze Ubumwe za Amerika yitezweho gutangira inshingano ze nk’umukuru w’igihugu tariki 20 Mutarama 2021. Azaba abaye uwa mbere ugiye ku butegetsi muri Amerika afite imyaka myinshi kuko tariki 20 Ugushyingo muri uyu mwaka aribwo yizihije isabukuru y’imyaka 78 y’amavuko.

Ni mu gihe ibihugu by’Amerika, u Budage ndetse n’u Burusiya bikomeje guhatanira gushyira ahagaragara urukingo rwa coronavirus mu gihe gito gishoboka, aho inkingo byamaze kwerekana mu igerageza zose zerekanye ko zishobora gukora hejuru ya 90%.

OMS ivuga ko yasanze 1/3 cy’ibihugu byo ku mugabane wa Afurika ari byo byonyine bifite ibikorwa remezo by’ubuzima bifite ubushobozi bwo gukora ibikorwa byo gupima abaturage babyo iki cyorezo, kandi ngo ntabwo watanga urukingo mu gihe utazi uko icyorezo gihagaze mu gihugu runaka.

OMS ivugako ibihugu byo muri Afurika bikiri kure cyane mu bikorwa byo kwitegura kuba byakwakira no gukoresha urukingo urukingo rwa Covid-19, bityo ngo ibihugu birasabwa kwitegura kuza k’urukingo rushobora kuza mu gihe cya vuba bishoboka.

OMS ivuga ko 1/2 cy’ibihugu byo ku mugabane wa Afurika ari byo gusa byabashije kwerekana abo urukingo rwaterwa mbere mu gihe rwaba rwaje, ibihugu ngo byakoze ibirebana no gutera inkunga ibikorwa byo gupima no kugaragaza abakenera urukingo ku ikubitiro.

Ikigo Nyafurika gishinzwe kurwanya no gukumira ibyorezo (CDC), kivuga ko gukingiza abantu bizaba ikibazo gikomeye bitewe n’uko ibihugu byinshi bya Afurika bititeguye bihagije.

Umuyobozi wa CDC, Dr John Nkegasong, avuga ko ibi bishobora kuba intandaro yo gutinda kubona urukingo kuri bamwe mu Banyafurika; bikaba bishobora gutuma igikorwa cyo gukingira kigorana ndetse ngo ntishobora gutangira kugeza mu gihembwe cya kabiri cy’umwaka utaha 2021.

Afurika CDC yizeye gukingiza byibuze 60% by’abantu ku mugabane wa Afurika, ikavuga ko ibyo bigomba gufasha kugera ku budahangarwa bw’imibiri y’abantu.

Kugeza icyo gihe mu mwaka utaha ubwo urukingo ruteganyijwe kujya hanze, abantu basabwe gukomeza gushingira ku ngamba z’ubuzima rusange n’amabwiriza yashyizweho kugira ngo hirindwe ikwirakwizwa rya Covid-19 nk’uburyo buhari bwonyine bwo kuyirinda.

Ubutegetsi bwa Donald Trump bwakunze gufata ibyemezo bitavuzweho rumwe

Ibi ni ibiteganywa n’itegeko rishya rigena ingendo zirebana n’ubukerarugendo, ubucuruzi, n’ibijyanye no gutembera, rikazatangira gukurikizwa no kubahirizwa ku itariki ya 24 Ukuboza 2020.

Ibiro bya Leta zunze Ubumwe za Amerika bishinzwe ububanyi n’amahanga byavuze ko iyi gahunda izageragezwa mu gihe kingana n’amezi atandatu.

Ni gahunda izibanda ku basura ndetse n’abafite impushya (visa) z’ubucuruzi n’ubukerarugendo. Ibi ngo bizaba bigamije kwirinda abarenza igihe baba barahawe, ari na cyo viza zabo ziba zigomba kurangiriraho.

Perezida ucyuye igihe, Donald Trump, watsinzwe amatora aheruka kuba, yo kongera gutorwa muri manda ya kabiri; bimwe mu byaranze ubutegetsi bwe ku isonga harimo kugabanya ingendo z’abinjira n’abasohoka mu gihugu bikaba byari kimwe mu by’ingenzi yibanzeho cyane muri manda ye y’imyaka ine yamaze.

Perezida watowe Joe Biden w’Umudemokarate we yiyemeje guhindura ingingo nyinshi zirebana n’iyi politiki y’abinjira n’abasohoka zashyizweho na perezida Trump asimbuye, ariko guhindura iyi mirongo ya Trump ngo bishobora gufata amezi cyangwa imyaka.

Amategeko agenga viza yibasira cyane ibihugu bifite abenegihugu izi mpapuro zarangiriyeho kugeza ku gipimo kingana na 10% cyangwa kirenga muri 2019. Aba bazasabwa kwishyura ingwate y’amafaranga ariko ishobora gusubizwa ingana n’amadolari ibihumbi bitanu, ibihumbi icumi, cyangwa ibihumbi 15 by’Amadolari.

Ibiro ntaramakuru by’Abongereza (Reuters) bivuga ko ibihugu bifite igipimo cyo hejuru cy’abaturage bafite ibyangombwa byabo byarangiriyeho igihe kirekire ngo bazajya bahanishwa kwemererwa kohereza umubare w’abantu bake cyane muri Amerika.

Ibihugu bya Afurika birebwa n’iki cyemezo ni: Angola, Burkina Faso, Tchad, Repubulika Iharanira Demokarasi ya Kongo, Djibouti, Eritereya, Gambiya, Gineya-Bissau, Liberiya, Libiya, Mauritania, Sudani, Sao Tome and Principe, Cape Verde, n’u Burundi.

Iki cyorezo kandi cyatumye abantu babarirwa muri za miliyoni batakaza akazi mu nzego nyinshi z’ubukungu, aho amasosiyete n’inganda biri kurwana no kureba ko byaramuka cyangwa byamara kabiri, binyuze mu kugabanya abakozi ari na ko bigabanya imishahara no ku basigaye.

ubushakashatsi bwiswe “Gusuzuma ingaruka za Covid-19 ku bucuruzi, akazi n’amahirwe hagamijwe gushaka igisubizo”, bwakozwe hagati ya Nzeri n’Ukwakira 2020, bwagaragaje ko ubukerarugendo bukomeje kuba urwego rwibasiwe cyane n’ibihombo bingana na miliyoni 3.1 mu madolari ya Amerika.

Urwego rw’ubwubatsi rwafunzwe rwateje ibihombo 59%, ubwikorezi n’ububiko 58%, uburezi 57%, ubuhinzi 50%, mu gihe ubucuruzi bw’ibicuruzwa binini n’ibicuruzwa biciriritse byo byafunzwe kuri 50%.

Izi nzego zinyuranye nanone ziravuga ko hari kubaho isubukurwa ry’ibikorwa by’ubucuruzi, nubwo ngo bikigenda biguru ntege.

Ibigo byinshi byagaragaje igihombo no kubura abakiriya, ibibazo by’ubwishingizi, igiciro kinini cy’ibikoresho, kudashobora kwishyura imishahara no kugabanuka k’umusaruro w’umurimo.

Mu bukerarugendo, ibigo byose byakoreweho ubushakashatsi byatangaje ko bidashobora kwishyura imishahara y’abakozi ku rugero rwa 92%, bavuga ko byatewe no kubura abakiriya.

Mu rwego rw’ubuhinzi, amashyamba n’uburobyi bavuze ko ibikorwa byiyongereye ho 83% no gutakaza abakiriya bingana na 67%.Gutakaza abakiriya b’inganda zikora ibitandukanye byageze kuri 88%, imbogamizi zo kubona isoko ziri kuri 63%.

Muri Kamena 2020, Urugaga rw’Abikorera muri Kenya (KEPSA) rwari rwatangaje ko imirimo isaga miliyoni 5.9 (5,991.768) iziguye kandi n’itaziguye yaba yarahagaze cyangwa ugasanga abakozi boherejwe mu rugo mu kiruhuko badahembwa.

Mu kugerageza kuzahura ubukungu, Guverinoma yagerageje gushyiraho gahunda y’inguzanyo mu kuzahura ubucuruzi, hifashishijwe ingamba nyinshi zo kugabanya imisoro yo gufasha ingo n’ibigo mu gihe cy’icyorezo.

Ubushakashatsi bwakozwe na KEPSA bwitabiriwe n’ababajijwe 428 baturutse mu nzego zose z’ubukungu, bwerekana ko 70% by’ubucuruzi byagabanyije gukoresha amafaranga mu bikorwa by’ubucuruzi bidafite ishingiro, 47% byahagaritse by’agateganyo gahunda nshya y’ishoramari, mu gihe 34% bemeje gukoresha e-ubucuruzi hamwe n’ubundi buryo bw’ikoranabuhanga.

Itsinda ry’abikorera rivuga ko ingamba za leta zirimo kugabanya umusoro ku nyongeragaciro (VAT) no gufungura imipaka n’ubuhahirane hagati y’intara n’imijyi biri gufasha leta mu kugarura ubucuruzi ku murongo.

Aka karere ka EAC kaherukaga kwibasirwa n’inzige mu ntangiriro z’uyu mwaka

Ibihugu biburirwa cyane n’ibyo mu ihembe rya Afurika, aho izi nzige ngo ziri kugendana n’umuyaga udasanzwe wahawe izina rya ‘Gat’,i kuri ubu wageze muri Somalia, iki gihugu n’ubundi cyikaba cyari cyitararangiza guhangana n’inzige zahageze mu ntangiriro z’uyu mwaka zateje amapfa n’inzara mu baturage.

Hari impungenge ko mu gihe haza ikindi gitero cy’inzige byatuma ibintu birushaho kumera nabi, kuko aho zigeze mu myaka y’abaturage hahinduka nk’ubutayu bakamera nk’abatarigeze bahinga.

Muri iyi nkubi y’umuyaga wa Gati, ngo inzige ziri kuwororokeramo cyane ku buryo budasanzwe.

Ishami rya Loni rishinzwe ibiribwa n’ubuhinzi (FAO) ryatangaje ko inzige zadutse zishobora kwibasira amajyepfo ya Somaliya na Etiyopiya, zikazagera mu majyaruguru ya Kenya na Uganda, ngo zizatangira kwigaba guhera mu cyumweru cya kabiri cy’ukwezi k’Ukuboza.

Umuryango w’Abibumbye waburiye ko igipimo cy’inzige cyiri hejuru kuri iyi nshuro, mu byo wise igikorwa cyazo cyo “kwimuka”, ngo gishobora kuba kinini kurusha igitero cy’inzige zateye aka karere mu gihe gishize.

Mu ntangiriro z’umwaka wa 2020, amamiliyaridi y’inzige yangije ibihingwa mu karere kose k’uburasirazuba bwa Afurika, Loni itanga impuruza n’umuburo ko igitero cya kabiri cy’izi nzige cyizaba gifite ubukana bwo kona no kwangiza imyaka kurushaho.

Minisitiri w’Intebe wa Israel Benjamin Netanyahu (ibumoso) na Abdalla Hamdok (hagati) uyoboye inzibacyuho muri Sudan barashaka kunga ubumwe kuva mu 1948

Nta yandi makuru arambuye yatanzwe ku itsinda Israel yohereje, ariko mu cyumweru gishize Minisitiri w’Ubutasi wa Israel Eli Cohen, yavuze ko intumwa za mbere muri Sudan zizaba zigizwe n’abantu bake kandi ibiganiro bizibanda ku bibazo by’umutekano.

Yavuze ko hazakurikiraho kohereza intumwa nyishi ziri mu itsinda rinini kugira ngo rizazamure n’ubufatanye mu by’ubukungu na Leta Sudan.

Sudan ni cyo gihugu cya gatatu cyo mu muryango w’ibihugu byunze ubumwe bw’Abarabu (UAE) na Bahrein, aho kuva muri Nzeri byongeye gusubukura umubano na Israel, nubwo byagiye bigaragaza gushyigikira uruhande rw’Abanyapalestine mu ntambara bahora barwana na Israel.

Mu mezi ashize akaba ari bwo ibihugu byombi byateye intambwe y’amateka byemera kuzahura umubano nyuma y’amasezerano Sudan yari imaze kugirana na Perezida wa Leta zunze Ubumwe za Amerika Donald Trump, yo kuvana iki gihugu ku rutonde rw’ibihugu bishyigikira iterabwoba mu isi.

Sudan ikaba yarishyuye milioni zirenga 350 z’amadolari ya Amerika nk’indishyi z’akababaro ku miryango y’Abanyamerika baguye mu bitero byibasiye Ambassade za Amerika muri Kenya na Tanzania mu mwaka wa 1998 bigahitana abarenga 200.

Sudan yongeye gushinjwa gushyigikira abarwanyi b’abahezanguni bagendera ku mahame akaze ya kiyisilamu barimo Osama Bin Laden wari umuyobozi mukuru wa Al-Qaeda, aho ngo we n’abarwanyi be babaga muri iki gihugu imyaka itanu mbere yo kugaba ibindi ibitero byo ku itariki ya 11 Nzeri 2001; byibasiye umuturirwa y’ubucuruzi ya ‘World Trade Center’ na Minisiteri y’Ingabo ‘Pentegon’ bigahitana Abanyamerika barenga 3000.

Osam Bin Laden n’intagondwa z’ibyihebe ngo bakoresheje ubutaka bwa Sudan mu bikorwa by’imyiteguro ubwo bari mu mugambi wo gukora iterabwoba kuri Leta zunze ubumwe za Amerika.

Perezida wa USA Donald Trump ni we wari umujyanama mukuru mu kugarura umubano hagati ya Sudan na Israel

By’umwihariko, Sudan yari umwanzi wa Israel kuva yashingwa mu mwaka wa 1948.

Sudan yatangaje kumugaragaro urwango rwayo rudasanzwe kuri Israel mu mwaka 1967, ubwo Umuryango w’ibihugu by’Abarabu, wateraniraga mu murwa mukuru Khartoum, yarahiye ko “nta mahoro na Israel, nta kwemera Leta ya Israel, nta mishyikirano na yo”.

andi makimbirane akomeye yadutse mu myaka ya 1980 nyuma y’aho Sudani imenyeye ko imiryango y’Abayahudi bo mu bwoko bw’aba-Falasha babaga muri Ethiopia yagiye ijyanwa muri Isreal rwihishwa; yanyuzwaga ku butaka bwa Sudan, ibyo yise ko Israel yakoze ubushimusi bw’abantu igakoresha ubutaka bwa Sudan itatse uburenganzira.

Ibi byakozwe n’urwego rw’ubutasi rwa Israel rwa ‘Mossad’ ku itegeko rya Minisitiri w’Intebe wari uriho muri icyo gihe. Imiryango irenga ibihumbi 200 y’Abafalasha ni yo yanyujijwe muri sudan mu buryo bw’ibanga rikomeye, aho bajyanwaga mu mato yo gutembereramo cyangwa ay’ubucuruzi ku buryo byari bigoye kumenya ibikorwa Israel yari irimo.

Kuva icyo gihe Sudani yabifashe nk’agasuzuguro ndetse no kuvogera igihugu gifite ubusugire, ubu ibihugu byombi bikaba ari bwo biri gushaka uko byanoza umubano.

Muri Tanzania kirazira ko umukobwa watwaye inda akiri mu ishuri arisubiramo kuko ngo yakwanduza bagenzi be imico mibi

Uyu muryango, mu itangazo washyize ahagaragara, wavuze ko kujya mu rukiko ari bwo buryo bwa nyuma wari usigaranye nyuma y’imyaka myinshi uharanira ko guverinoma ikuraho iryo tegeko.

Guverinoma ya Tanzaniya ntacyo iratangaza ku mugaragaro ku byerekeranye n’iki kirego.
Itegeko ryatowe mu 2002 ribuza umukobwa wese watwaye inda akiri ku ntebe y’ishuri kongera kurisubiramo.

Iri tegeko rivuga ko abakobwa bashobora kwirukanwa burundu mu ishuri kubera gutwara inda.

Imiryango iharanira uburenganzira bw’umugore yagiye isaba Guverinoma guhindura amategeko ariko uko Leta zigenda zisimburana nta muperezida n’umwe ugerageza kumva ko umukobwa ashobora gutwara inda akabyara agasubira mu ishuri.

Perezida Magufuli yigeze gutangaza ko atiyumvisha ukuntu umukobwa wamaze gutwara inda yasubira mu ishuri akiga neza. Uretse ngo kuba yajya ahagarika amasomo akajya konsa, ibi bikaba byatuma n’abandi bakobwa bararuka bakumva ko gutwitira ku ntebe y’ishuri nta kibazo kirimo, bityo ngo byakwanduza abandi bakobwa imico mibi.

Raporo ya Human Rights Watch ivuga ko byibuze abakobwa ibihumbi umunani (8,000) bo muri Tanzaniya birukanwa mu ishuri buri mwaka kubera gutwita.

Uyu muryango wavuze ko iryo tegeko nta kindi rikorera umwana w’umukobwa uretse ivangura kandi ko riteza ingaruka bene abo bakobwa zirimo iz’ubukene.

Iri tegeko kandi ngo rituma henshi mu miryango uburenganzira bw’umukobwa buhonyorwa akiri muto kuko hari ababyeyi bahitamo gukorera umwana wabo imigenzo ikunze kugaragara muri bimwe mu bihugu byo muri Afurika no mu bihugu by’Abarabu aho abakobwa bakatwa imwe mu myanya ndagagitsina bakiri bato mu rwego rwo gutuma batararikira abagabo, ibyitwa ‘Female Genital Mutilation’.

Gen muntu na Bobi Wine bombi bahatanira kuyobora Uganda

Umukandida ku mwanya wa Perezida wa Uganda, Gen Mugisha Muntu, yahagaritse kwiyamamaza kugeza igihe abandi bakandida batavuga rumwe n’ubutegetsi batawe muri yombi ku wa Gatatu barekuwe.

Gen Muntu wahoze mu gisirikare mbere yo gusubizwa mu buzima busanzwe, agahita yinjira mu bikorwa bya politiki ndetse no gushaka kuba Perezida.

Abinyujije kuri twitter, Gen Muntu yasabye ko Robert Kyagulanyi umuhanzi uzwi cyane ku izina rya Bobi Wine arekurwa hamwe na Patrick Amuriat.

Gen Mugisha Muntu yahagaritse kwiyamamaza, asaba ko abakandida bafunze bafungurwa

Abakandida bombi batawe muri yombi ubwo bari mu bikorwa byo kwiyamamaza. Ifatwa rya Bobi Wine ryateje imyigaragambyo mu gihugu yatumye abantu barindwi bapfa nk’uko umuvugizi wa Polisi ya Uganda abivuga.

Kyagulanyi yafungiwe mu gace ka Luuka, yajyanywe igitaraganya akuwe mu modoka ye. Arashinjwa guteranyiriza hamwe imbaga y’abantu barenga 200 bitandukanye n’amabwiriza yo kwirinda covid-19; aho mu bikorwa byo kwiyamamaza umukandida atagomba kurenza abantu 200 bitabiriye.

Afungiye muri gereza yo mu gace kitwa Nalufenya yamenyekanye cyane mu gufungirwamo abakora iterabwoba bitewe n’iyica rubozo bakorerwaga.

Bobi Wine umudepite utavuga rumwe na Leta yafunzwe bigumura benshi mu bice binyuranye by’igihugu

Bobi wine na Patrick Amuriat batawe muri yombi nyuma y’aho umukuru wa Polisi Martin okoth Ochola, yihanije abiyamamaza ko bari kwica amategeko n’amabwiriza yashyizweho mu rwego rwo kurinda abantu covid-19.

Gen Muntu yasabye Guverinoma kureka ibikorwa yise iby’ubuhubutsi muri iki gihe cyo kwiyamamaza, kuko bituma ibintu birushaho kumera nabi.

Hagati aho Leta zunze ubumwe za Amerika zamaganye ibiri gukorerwa abakandida perezida muri Uganda, isabako Leta ko yahagarika kugenza aba bagabo, yongeraho ko impande zombi zagerageza gushaka uburyo umwuka w’ubushyamirane ukomeje kugwamo abasivile zahagarara.

Ibi birego bitangiye gukurikiranwa nyuma y’iperereza ryakozwe n’igitangazamakuru BBC ku bujura n’ibikorwa byo kugurisha abana.

Iki gitangazamakuru cyari cyakoze inkuru igaragaza ko abana bibwe bavanwa kenshi mu bitaro bito n’ibigonderabuzima ariko ngo hari n’abibwa bavanywe mu bitaro bikuru bya Leta byo mu murwa mukuru Nairobi.

Abana bagurishijwe ku madolari ya Amerika 400 ni ukuvuga abarirwa mu bihumbi birenga 395 uyabaze mu mafaranga y’u Rwanda.

Umuyobozi mukuru wa polisi yategetse ko hakorwa iperereza ridasanzwe ku bitaro byose mu gihugu kugira ngo hamenyakane muri iryo tsinda ry’abaganga bagurisha abana abo bakorana na bo mu bitaro binyuranye ndetse no gucukumbura imikorere y’ibigo bishinzwe kurera no kwakira abana baba bakiri bato, cyane cyane mu murwa mukuru Nairobi.

Imyirondoro y’abo bayobozi ntirajya ahagaragara na bo ntibaragira icyo bavuga ku byaha bikomeye bashinjwa.

Muri Kenya abaganga barenga 35 bamaze kwitaba Imana bazize COVID-19

Abaganga barashinja Guverinoma kubashyira mu byago byo kwandura Covid-19. Ku wa Gatanu ushize honyine, abaganga bane barapfuye, n’ubwo bitatangajwe niba barigeze guhura n’abarwayi ba coronavirus.

Umunyamabanga mukuru w’agateganyo w’urugaga rw’abaganga muri Kenya, Mwachonda Chibanzi, yavuze ko batazahagarika imyigaragambyo kugeza igihe ibyo basabye Guvernoma byose babihawe.

Abaganga barashaka ko Leta itanga ibikoresho byujuje ubuziranenge kandi bihagije byo kurinda abakozi bose b’ubuzima mu bigo nderabuzima byose, harimo n’abakora mu bitaro byigenga.

Barashaka kandi ko Leta yaha abakozi bose b’ubuzima bari mu bikorwa byo kurwanya covid-19, amafaranga y’ubwishingizi ku buzima bwabo.

Bwana Mwachonda yagize ati: "Tuzaboneka mu bikorwa byose by’ubuvuzi mu byumweru bitatu biri imbere, bitabaye ibyo nta kundi twabigenza uretse guhuriza hamwe abanyamuryango bacu mu myigaragambyo idasanzwe mu gihugu hose."

Minisitiri w’Ubuzima, Mutahi Kagwe, yavuze ko kuri uyu wa mbere haterana inama yo kuganira ku bwiyongere bw’ubwandu bwa Covid-19 mu gihugu ndetse no mu bakozi b’ubuzima.

Kenya kugeza ubu yemeje ko abantu barenga 70,200 banduye coronavirus iki cyorezo kikaba kimaze guhitana abantu 1,269 muri icyo gihugu.

Amakuru aravuga ko yabikoze mu rwego rwo kwigaragambya yamaganaga ruswa n’imibereho mibi abayemo we n’umuryango we.

Uyu mugabo ngo yirukanywe ku kazi yakoraga muri banki azira kugaragaza ibyaha bya ruswa harimo n’ibikorwa n’abayobozi ba Leta.

Inkuru y’uyu mugabo utatangajwe amazina yakwirakwiriye ku mbuga nkoranyambaga, aho uwo mugabo mbere yo kwitwika yabanje kuvuga ko ubuzima bwe bumeze nabi kandi ko adashobora kwibeshaho ngo abesheho n’umuryango we.

Uyu mugabo ngo yateye abantu impungenge ubwo yajyaga mu muhanda rwagati afite akajerekani ka lisansi. Ngo akimara kuyimena ku mubiri we nibwo yasabye abapolisi n’abandi bantu bari aho kutamwegera.

Ibitangazamakuru byo mu gihugu bisubiramo amagambo yavugaga mu gihe yitwikaga agira ati: “Igihugu kiri gusenywa n’itsinda rito ry’abajura”. Ubwo yari arangije kuvuga ayo magambo nibwo yahise yishumika arashya bikomeye ariko abapolisi bari hafi bakoresheje uburyo bwose bushoboka babasha kumuzimya agihumeka, ahita ajyanwa kwa muganga aho ari kwitabwaho.

فيديو المواطن المصري اللي حرق نفسه في ميدان التحرير 😔😔 pic.twitter.com/BNMvrmW2Ly

— Noha Abdo (@NohaAbd02779097) November 12, 2020

Ibikorwa byo kwitwika si ubwa mbere bigaragaye mu bihugu by’abarabu. Mu mwaka wa 2010 umugabo wacururizaga ku muhanda mu gihugu cya Tunisia; witwaga Tarek el-Tayeb Mohamed Bouazizi yishumitse aritwika arakongoka nyuma y’uko abapolisi bari bamwambuye utuntu duke yacuruzaga.

Ibi byatangije imyigarambyo idasanzwe muri Tunisia yasize Perezida Zine El Abidine Ben Ali wari umaze imyaka irenga 24 ku butegetsi yegura.

Ibikorwa nk’ibi byo kwigumura kw’abaturage byahise byaduka no mu bindi bihugu by’abarabu byinshi nka Misiri, Koweit, Libya, Syria, Yemen, Iraq n’ahandi... aho bamwe mu bayobozi muri ibi bihugu bari bayoboye imyaka myishi bahise bahirikwa ku butegetsi bamwe baranicwa, ahandi bitera intambara za gisivili hagati y’abenegihugu zigikomeza kugeza na magingo aya.

Inkubiri y’Abarabu ni na yo yatumye Omar al Bashir wayoboye Sudan imyaka irenga 30 arekura ubutegetsi mu minsi ishize biturutse ku gitutu cy’abaturage.

Tundu Lissu

Mu Bubiligi ni ho n’ubundi yari yarahungiye mu minsi ishize, akaba ari na ho yari ari kwivuriza ibikomere by’amasasu 16 yarashwe n’abageragezaga kumwica mu mwaka wa 2017.

Nk’uko umunyamakuru wa BBC muri Tanzaniya abitangaza ngo Tundu Lissu yari yahungiye mu rugo rwa Ambasaderi w’u Budage i Dar es Salaam mu cyumweru gishize avuga ko afite ubwoba ko hari abashaka kumwica.

Uyu muyobozi w’ishyaka rya Chadema na bagenzi be benshi bari barafunzwe kuva amatora yo ku ya 28 Ukwakira 2020 yaba, kimwe n’abandi bagize ishyaka ritavuga rumwe n’ubutegetsi rya ACT Wazalendo.

Polisi yabashinje gutegura imyigaragambyo itemewe n’amategeko no kwigomeka, bamwe muri Chadema bakaba barashinjwaga gutegura gutwika sitasiyo ya lisansi n’amasoko muri Dar es Salaam.

Abatavuga rumwe n’ubutegetsi basabye ko amatora yakongera gukorwa, U Bwongereza na Amerika byahamije ko ibirego by’abatavuga rumwe bifite ishingiro.

Ariko komisiyo y’igihugu ishinzwe amatora muri Tanzaniya ivuga ko nta buriganya bwabayeho.

Tundu Lissu uvuga ko avuye mu gihugu kubera impamvu z’umutekano we, yasangije amashusho ku rubuga rwe rwa Twitter avuye aho ambasaderi w’u Budage yari atuye aherekejwe n’abadipolomate ku kibuga cy’indege:

✌🏾🇹🇿 pic.twitter.com/8qOQf6nAk0

— Tundu Antiphas Lissu (@TunduALissu) November 10, 2020

Umuyobozi w’ishyaka rya Chadema ibitangazamakuru bisubiramo amagambo ye byanditse ko avuga ko adahunze igihugu, ariko ko azakomeza guharanira demokarasi n’ubutabera ari mu Bubiligi, aho azaba yongeye guhungira ku nshuro ya kabiri nyuma yo kuvayo mu kwezi kwa karindwi 2020 agarutse kwiyamamaza.

Hagati aho Umuvugizi wa Guverinoma ya Tanzaniya yavuze ko nta kimenyetso cyerekana iterabwoba ku buzima bw’abayobozi batavuga rumwe n’ubutegetsi, ahubwo abashinja gushyira ibirego bidafite ishingiro ku nzego z’umutekano mu rwego rwo guhisha no kuyobya uburari ko batsinzwe amatora.

Ibiro bya Minisitiri w’intebe Dr. Abiy Ahmed byatangaje ko abasimbuye abirukanwe binyuze kuri Twitter ariko nta mpamvu yatanzwe kuri izi mpinduka mu ubuyobozi bukuru bw’ingabo, n’ubutasi ndetse no murwego rukuru rw’ububanyi n’amahanga.

Ku wa gatatu ushize, amakimbirane yari amaze igihe hagati ya Guverinoma n’ubuyobozi bw’ibanze mu ya Ntara Tigray yaje gukomera, bitera imirwano ikomeye hagati y’igisirikare cya leta n’abashinzwe umutekano muri Tigray.

Abantu benshi bataramenyakana bamaze kugwa muri iyi mirwano, abandi amagana bamaze gukomereka. Amakuru avuga ko ari ibitero bikomeye birimo gukoreshwamo indege z’intambara.

Hari ubwoba ko amakimbirane ashobora guteza intambara ya gisivile hagati y’abenegihugu, ashobora no guhungabanya ibihugu bituranye aho kugeza ubu Sudan yamaze gufunga umupaka uyihuza na Ethiopia.

Umuryango w’Abibumbye uvuga ko mu ntangiriro z’iki cyumweru imirwano ikomeye ubu hagati y’ingabo za leta n’ingabo za Tigray yakomereje mu bice umunani bitandukanye mu majyaruguru.

Loni ivuga ko abantu miliyoni icyenda bafite ibyago byo kuvanwa mu byabo n’imirwano yadutse. Ikindi giteye impungenge ni uko imfashanyo yaboneka idashobora kugera kuri aka gace ka Tigray kuko kafungiwe hagati, kandi itumanaho n’utundi turere na ryo ryarahagaritswe.

Inzego zavuguruwe

Umuyobozi w’ingabo, General Adem Mohammed yasimbuwe n’uwari umwungirije Geneneral Berhanu Jula.

Umuyobozi ushinzwe iperereza: uyu mwanya wahawe umuyobozi wa Leta ya Amhara, Temesgen Tiruneh yasimbuye Demelash Gebremichael, wahise agirwa komiseri mukuru wa polisi.

Minisitiri w’Ububanyi n’Amahanga: uyu mwanya washyizweho Demeke Mekonen, wari isanzwe yungirije Minisitiri w’Intebe, akaba yasimbuye minisitiri wari usanzweho mu bubanyi n’amahanga Gedu Andargachew.

Izi mpinduka zije nyuma y’umunsi umwe Inteko Ishinga Amategeko ikoze inama idasanzwe y’igitaraganya, aho yatoreye umwanzuro wo gusesa guverinoma yo mu gace ka Tigray. Inteko ivuga ko Tigray "yarenze ku itegeko nshinga, aho ibikorwa by’aka gace bibangamira imikorere y’itegeko nshinga”.

Debretsion Gebremichael, umuyobozi wa Tigray wirukanywe, ubu yahamagariye Umuryango w’Ubumwe bwa Afurika kugira icyo ukora, igihugu kitarinjira mu ntambara ya gisivili ishobora guhuza abaturage.

Mu magambo ye kuri televiziyo, yavuze ko Tigray izakomeza kwirwanaho kugeza igihe guverinoma nkuru yemeye imishyikirano.

Ku wa gatatu ushize, Ministri w’Intebe Dr Abiy Ahmed yategetse igisirikare gutangira kugaba ibitero kuri Tigray, nyuma y’uko ibirindiro by’ingabo i Mekelle byigaruriwe n’ingabo zubaha zikanagendera ku mahame n’amategeko ya guverinoma y’akarere ka Tigray.

Inama y’Abaminisitiri yatangaje ko hagiyeho ibihe bidasanzwe kandi byihutirwa mu gihe cy’amezi atandatu muri aka karere ko mu majyaruguru gahana imbibi na Eritereya.

Ni iki kiri inyuma y’amakimbirane?

Abayobozi ba Tigray bamaze imyaka myishi biganje mu butegetsi muri Ethiyopia, kugeza igihe Abiy Ahmed yagereye ku butegetsi mu mwaka wa 2018, byari biturutse ku myigaragambyo yo kwamagana guverinoma yari iriho, aho akigeraho yakoze ibishoboka byose mu kugabanya imbaraga zabo.

Mu kwezi kwa Nzeri uyu mwaka, ishyaka rigamije kwibohora riyobora Tigray, ‘Tigray People Liberation Front (TPLF)’ , ryanze icyemezo cya leta cyo guhagarika amatora mu gihugu, maze rikoresha amatora, nyuma guverinoma nkuru itangaza ko amatora atemewe n’amategeko.

Ibintu byari byatangiye kwangirika umwaka ushize, nyuma y’uko Ministri w’Intebe Abiy asheshe ihuriro ry’amashyaka yari ku butegetsi rigizwe n’amashyaka menshi yo mu turere ashingiye ku moko, asaba ko yahurizwa mu ishyaka rimwe ry’igihugu, rihabwa izina rishya ‘Ishyaka ry’iterambere n’uburumbuke’, ibintu ishyaka rya Tigray ‘TPLF’ ryamaganiye kure ryanga ishinga ry’ishyaka rishya, rihakana no kuryinjiramo.

Dr Abiy Ahmed wanegukanye igihembo cy’amahoro cyitiriwe Nobel mu mwaka wa 2019 kubera ko yafashije mu guhagarika amakimbirane n’intambara yari amaze imyaka myishi hagati ya Ethiopia na Eritereya, ku cyumweru tariki ya 8 Ugushyingo yasabye abandi Banya-Etiyopiya ku rubuga rwa Twitter, kwirinda ivangura ry’abaturage rishingiye ku moko rikorwa n’agace ka Tigray, kandi bagize 6% by’abaturage barenga miliyoni 100 z’Abanya-Etiyopia.

Umujyanama wa Trump mu by’amasengesho Paula White Cain na we ntiyicaye gusa ahubwo yahamagaye Abamalayika ngo bafashe Trump kwegukana intsinzi

Mu mashusho yakwiriye hose asenga ashishikaye, White-Cain yagize ati: "Ndumva ijwi ry’intsinzi, Uwiteka aravuga ko byakozwe. Kuko numva, intsinzi, intsinzi, intsinzi mu ijuru ndayumva muri jyewe."

Pasiteri White-Cain yemeje ko abamarayika boherejwe baje gufasha Trump gutsinda Biden, aho yagize ati: "Ndabumva barimo kuza mu izina rya Yesu.. imbaraga z’abamarayika ziramanutse".

Amashusho yakwirakwiriye cyane ku mbuga nkoranyambaga agaragaza uyu mupasteri asengera Trump. Icyakora bamwe mu bayabonye babisanishije no gusaza imigeri cyangwa se amatakirangoyi, mu gihe abantu benshi hira no hino ku isi bakomeje kubona ko Joe Biden afite amahirwe menshi yo kwegukana intsinzi.

Amajwi yatangajwe kuva kare kuri uyu wa Kane tariki 05 Ugushyingo 2020 yerekanye ko Joe Biden ari imbere n’amajwi 264 mu gihe Trump afite 214 naho ugomba kwegukana intsinzi akaba asabwa kugira amajwi 270.

White House adviser Paula White is calling in the “angelic reinforcement” from Africa and South America to help Trump win. pic.twitter.com/UAgOR8Bovk

— Guthrie Graves-Fitzsimmons (@GuthrieGF) November 5, 2020

Ubwitabire bw’abatora bwari ku kigero cya 54%, ibyavuye muri aya matora bikaba bitegereje kwemezwa n’urukiko rushinzwe kurengera itegekonshinga.

Ku wa mbere tariki 02 Ugushyingo 2020, abatavuga rumwe na Leta batangaje ko barimo gushyiraho Guverinoma y’inzibacyuho igomba gutegura andi matora.

Umuyobozi w’abatavuga rumwe n’ubutegetsi Pascal Affi N’Guessan yavuze ko imwe mu nshingano z’iyo Guverinoma y’inzibacyuho ari ugutegura amatora y’umukuru w’igihugu agomba kubera mu mucyo kandi ahuriyemo abaturage bose ba Côte d’Ivoire.

Pascal Affi N’Guessan uyobora abatavuga rumwe n’ubutegetsi yavuze ko hashyizweho akanama k’inzibacyuho y’igihugu kazashyiraho Guverinoma iyobowe n’uwahoze ari perezida Henri Konan Bédié, umuyobozi w’ishyaka riharanira demokarasi rya Côte d’Ivoire. Uyu muyobozi kuri uyu wa kabiri yatangaje ko yagabweho ibitero n’abantu bataramenyakana. Mu mujyi atuyemo humvikanye imirwano yakoreshwagamo imbunda ziremereye, kandi ko ibi bitero byibasiye n’abayoboke b’abayobozi batavuga rumwe na Leta ya Alassane Ouattara.

Bwana N’Guessan ati: "Kugumana Ouattara nk’umukuru w’igihugu birashoboka cyane ko bigiye gutera intambara hagati y’abenegihugu."
Ishyaka riri ku butegetsi ryihanangirije abatavuga rumwe n’ubutegetsi ribasaba kutagerageza guhungabanya umutekano w’ igihugu.

Bwana Ouattara yongeye kwiyamamaza nyuma y’uko muri Nyakanga 2020, uwo ishyaka rye ryari ryemeje nk’umusimbura we Ibrahim Coulibaly; yitabye Imana bitunguranye bivugwa ko yazize uburwayi. Abatavuga rumwe n’ubutegetsi babyise gutera "coup d’etat" amatora.

Kugeza mu gitondo cyo kuri uyu wa kabiri abantu babarirwa muri 30 bari bamaze kwicwa kuva ibikorwa byo kwiyamamaza byatangira no kugera ku umunsi w’itora.

Hari impungenge ko imvururu zadutse muri 2003, zakongera kwaduka nyuma y’uko uwahoze ari perezida Laurent Gbagbo atsinzwe amatora na Alassane Quattara; ariko akanga kuva ku butegetsi, imirwano yashyamiranyije impande zombi muri icyo gihe yaguyemo abaturage barenga ibihumbi bitatu.

umuhanzi Mwana FA ubu yinjiye muri politiki nk’umudepite

Mwana FA amazina ye ya nyayo ni Hamis Mwinjuma, akaba ari umudepite mushya uhagarariye agace ka Muheza.

Igitangaje kuri uyu muhanzi ni uko ari umwe mu bantu ba mbere batangaje ku mugaragaro ko banduye icyorezo cya coronavirus kicyaduka muri Tanzania, nyuma akaza gukira.

Icyakora Leta ya Tanzania iyobowe na Magufuli yaje kuvuga ko icyorezo cya COVID-19 kitakirangwa muri Tanzania, ndetse avuga ko icyorezo cyirukanywe n’imbaraga z’amashengesho, Leta ihita inahagarika kongera gutangaza ibirebana n’imibare mishya yaba iy’abapfuye n’abanduye.

Mwana FA yamenyekanye cyane mu Rwanda ubwo yakoranaga indirimbo n’itsinda rya Active, indirimbo bise "Go Mama" yanakunzwe na benshi.

Mwana FA yiyamamarizaga ku itike y’ishyaka rya CCM (chama cha mapinduzi) riri ku butegetsi aho yatowe n’abantu basaga gato ibihumbi mirongo ine na birindwi na magana atanu (47,578). Uwo bari bahanganye Yosepher Komba wo mu ishyaka rya Chadema na ryo rikomeye ariko ritavuga rumwe n’ubutegetsi yabonye amajwi ibihumbi cumi na bibiri (12.034).

Mwana FA abaye umuhanzi wa kabiri winjiye muri politiki nyuma y’undi muhanzi na we w’umuraperi Joseph Haule uzwi cyane ku izina rya "Professor Jay" na we wari usanzwe ari umudepite ariko akaba yaratakaje umwanya aho yatsinzwe nyuma yo kubura amajwi. Ubu na we yari yiyamamarije ku itike ya Chadema ariko abona amajwi 17.375.

Amatora y’umukuru w’igihugu ndetse n’ay’abagize inteko ishinga amategeko muri Tanzania yabaye ku wa Gatatu tariki 28 Ukwakira 2020. Icyakora ayo matora ntiyavuzweho rumwe, hakaba hari impungenge ko ibizayavamo bishobora kutazumvikanwaho n’impande zari zihanganye ndetse n’amahanga.

Leta zunze ubumwe za Amerika zibinyujije muri Ambasade yazo muri Tanzania zavuze ko zifite impungenge z’imigendekere y’amatora n’ibizayavamo kuko ngo ibirego by’amashyaka atavuga rumwe na Leta n’imiryango mpuzamahanga bakomeje gushimangira ko yabayemo uburiganya bw’amajwi kandi ngo n’ibirego bifite ishingiro.

Biteganyijwe ko ibyavuye muri ayo matora bizamenyekana nyuma y’icyumweru kimwe (bishobora gutangazwa ku wa Gatanu w’icyumweru gitaha).
Perezida John Magufuli wiyamamaje ahagarariye ishyaka Chama Cha Mapenduzi (CCM) arahabwa amahirwe yo gutsindira kuyobora icyo gihugu muri manda ye ya kabiri.

Uvugwa cyane mu bo bahanganye ni Tundu Lissu, wagarutse mu gihugu aturutse mu Bubiligi aho yari yaragiye kwivuriza ibikomere yatewe n’amasasu menshi yarashwe mu myaka itatu ishize.

Muri rusange abakandida 15 ni bo bahataniye kuyobora icyo gihugu mu matora aherutse gukorwa.

Perezida Macron yatangaje ingamba zikomeye zigamije guhangana n’icyorezo cya Coronavirus cyadutse mu isura nshya

Iki cyemezo gifashwe nyuma y’aho muri iki gihugu hakomeje kugaragara ubwiyongere buri ku rwego rwo hejuru bw’abandura COVID-19. Kuri ubu ibitaro mu Bufaransa byongeye kurengerwa n’umubare munini w’abanduye covid-19 barenga ubushobozi bw’ibitaro mu minsi mike gusa.

Perezida w’u Bufaransa, Emmanuel Macron, yavuze ko iki cyorezo cyongeye gukwira mu gihugu ku muvuduko udasanzwe ndetse urenze uwari witezwe.

Akomeza avuga ko ingamba zari zafashwe mu byumweru bibiri bishize zo kubuza urujya n’uruza cyane cyane mu masaha ya nijoro mu murwa mukuru i Paris no mu yindi mijyi ikomeye, ntacyo byafashije mu guhagarika ubwandu bushya bwiswe igice cya kabiri cy’icyorezo cyongeye kugaruka.

Abafite utubari batangiye kubika ibikoresho muri iyi guma mu rugo izamara ukwezi

Guhera mu ijoro ryo kuri uyu wa kane, utubari, amazu y’ubucuruzi, amaguriro, amasoko, hamwe n’imirimo inyuranye biraba byafunzwe ariko ku banyeshuri bo bazakomeza amasomo ku mashuri nk’ibisanzwe.

Macron yagiranye inama idasanzwe n’Abaminisitiri mu ntangiriro z’icyumweru; nyuma y’inama zatanzwe n’abakora mu rwego rw’ubuvuzi basabye ko hakongera gusubizwaho guma mu rugo kugira ngo iyi virusi igabanye umuvuduko iriho.

Iyi gahunda ya guma mu rugo ishobora kongera gusubizwaho mu bihugu by’i Burayi nk’uko umuryango w’ubumwe bw’ibihugu by’i Burayi ubitangaza ngo bitewe n’uko iki cyorezo kiri gukwira mu buryo bushya muri ibi bihugu, aho uwo muryango uvuga ko abantu barenga miliyoni 6 n’ibihumbi 500 by’Abanyaburayi bamaze kwandura Coronavirus yadutse mu yindi sura.

Tundu Lissu

Ku ruhande rwa komisiyo y’igihugu ishinzwe amatora yo, yavuze ko ibyo birego bidafite ishingiro.

Abakoresha Interineti bavuze kandi ko imbuga nkoranyambaga nyinshi harimo nka WhatsApp na Twitter, zose zari zafunzwe. Muri rusange ni amatora yabaye mu mutuzo nyuma y’ibikorwa by’ubushyamirane hagati y’inzego z’umutekano n’abo mu mashyaka atavuga rumwe na Leta muri Zanzibar byabaye ku wa kabiri aho polisi yahakanye ko yarashe abantu 3 nk’uko byari byemejwe n’abadashyigikiye Leta.

Ibiro by’itora byose ku mugoroba wo ku wa Gatatu byari byarangije gufunga hose mu gihugu, kandi ibizava mu matora biteganyijwe gushyirwa ahagaragara mu cyumweru kimwe.

Perezida John Magufuli ushaka manda ya kabiri ahagarariye ishyaka riri ku butegetsi rya Chama Cha Mapinduzi (CCM) ryayoboye Tanzaniya mu myaka myinshi kuva mu 1961.

Undi uhabwa amahirwe, uhanganye na Magufuli ndetse ufite abayoboke benshi ni Tundu Lissu, uyu yarokotse igitero cyari kigamije kumwica aho yarashwe amasasu 16, mu myaka itatu ishize. Yongeye gutahuka avuye mu Bubiligi muri Nyakanga aho yari maze iyi myaka yose yaragiye kwivuriza ibikomere by’amasasu.

Ku rubuga rwa Twitter, Bwana Lissu yavuze ko habaye uburiganya mu matora ati: “Ni amatora ateye isoni.“

Yongeye kugaragaza amashusho yerekana abaturage bafata igikapu cyuzuyemo amajwi bivugwa ko yabanje kuzuzwa mbere, avuga ko yakiriye raporo zigaragaza amakosa akabije, harimo no kuba abashinzwe amatora babuzaga abo ku ruhande rw’abatavuga rumwe n’ubutegetsi bakabuzwa kugera ku biro by’itora gukurikirana amatora.

Umuyobozi wa komisiyo y’igihugu y’amatora, umucamanza Semistocles Kaijage, yahakanye aya makuru avuga ko nta shingiro afite.

Muri rusange, abakandida 15 barahatanira kuba perezida. Barimo Bernard Membe wahoze ari Minisitiri w’Ububanyi n’Amahanga, wakoranye na Magufuli na we wanenze bwana Magufuli nyuma yo kwitandukanya n’ishyaka riri ku butegetsi. Ibi na byo biri mu bigarukwaho ko ishyaka CCM riri ku butegetsi ritagifite abayoboke benshi nko mu bihe byashize.

Ku wa Gatandatu tariki 24 Ukwakira 2020, bwana Tebboune yatangiye kwishyira mu kato k’iminsi itanu abigiriwemo inama n’abaganga be nyuma y’uko benshi mu bamufasha n’abamwegereye ndetse n’abayobozi ba Leta muri Guverinoma babasanzemo icyorezo cya coranavirus.

Ibiro bya Perezida Tebboune byavuze ko ubuzima bwe bugenda bumera neza aho ari kwitabwaho n’abaganga b’inzobere, kandi ko mu gihe gito aza gukomeza imirimo ye nk’ibisanzwe.

Abanya-Algeria ku Cyumweru tariki 01 Ugushyingo 2020 bazatora bazatora kamarampaka (referendum) igamije guhindura itegeko nshinga, ikazagabanya umubare wa manda perezida yemerewe kuyobora kandi bikazaha imbaraga n’ububasha inteko ishinga amategeko ndetse n’urwego rw’ubucamanza mu gihugu.

Umubyigano w’imodoka i Lagos muri Nigeria. Imodoka imwe muri enye zinjizwa muri iki gihugu iba ngo imaze imyaka isaga 20 ikoreshwa (Ifoto: Getty Images)

Ibi bitera indwara zirimo Kanseri n’izindi zibasira imyanya y’ubuhumekero ku bantu n’urusobe rw’ibinyabuzima, biturutse ku byuka bihumanye izo modoka zisohora.

Iperereza ryakozwe n’ishami rya ONU rishinzwe urusobe rw’ibinyabuzima hagati y’umwaka wa 2015 n’uwa 2018 ryerekanye ko imodoka zirenga miliyoni 14 zishaje cyane, zitujuje ubuziranenge zagiye zoherezwa muri Afurika zimwe zivuye i Burayi, izindi muri Amerika ndetse no mu Buyapani.

Imodoka zakoreshejwe mu Bushinwa ziratunganywa ngo zoherezwe muri Afurika (Ifoto: Getty Images)

Umuryango w’Abibumbye ukomeza uvuga ko ibihugu bike byo muri Afurika ari byo bigira amabwiriza n’amategeko agendanye n’ibigenderwaho mu kwemerera imodoka runaka kwinjira ku butaka bwabyo.

Muri Uganda by’umwihariko ngo icyegeranyo cyakozwe muri 2017, cyerekanye ko hafi imodoka zose zari mu gihugu zikoresha lisansi zari zishaje cyane ku buryo ngo zari zirengeje imyaka 20.

Umukandida Perezida Magufuli imbere y’inteko rusange y’ishyaka CCM riri ku butegetsi, rishinjwa gukandamiza uruhande rw’abadashyigikiye Leta

Ku wa Gatatu tariki ya 28 Ukwakira 2020, Abanyatanzaniya bagomba kujya mu matora yo kwihitiramo umukuru w’igihugu n’abadepite.

Abatavuga rumwe na Tanzaniya bahuye n’inzitizi mu rugamba rwabo rwo gushaka kuvana Dr Magufuli ku butegetsi yagiyeho muri 2015 binyuze mu matora.

Bavuga ko Guverinoma yatumye ibihumbi by’indorerezi zifuzaga gukurikirana ayo matora zatanzwe n’abatavuga rumwe na Leta zangiwe gukurikirana no kugenzura niba ibikorwa by’amatora bikorwa mu mucyo no mu bwisanzure kuko hari impungenge z’uko amajwi azanyerezwa.

Zitto Kabwe n’ishyaka rya ACT Wazalendo, umwe mu nkingi zikomeye mu ihuriro ry’abatavuga rumwe n’ubutegetsi, yatangarije ibiro ntaramakuru by’Abanyamerika, Associated Press ko hashobora kwaduka imvururu.

Agira ati: "Biroroshye kwiba amajwi, uburiganya bushobora kubaho mu buryo bworoshye."

Yatanze igisa n’umuburo ku kibazo gishobora gukurura urugomo, avuga ko ishyaka rye ritazemera ko amatora akorwa badafitemo indorerezi, ati: “Ni yo mpamvu ari ikibazo kimeze nk’igisasu gishobora guturika.”

Ubutegetsi bwa Magufuli wongeye kwiyamamaza, bwanenzwe kuba atarigeze yumvikana n’ abatavuga rumwe n’ubutegetsi bwe kuva yatsinda amatora mu 2015, cyane cyane harimo no kubuza amashyaka gukora amakoraniro rusange n’ibikorwa bigendanye no kwiyamamaza.

Perezida Magufuli ayoboye ishyaka riri ku butegetsi rya Chama Cha Mapinduzi (CCM) ryashinzwe mu 1977 rikaba rimaze imyaka ibarirwa muri za mirongo riri ku butegetsi. Ni mu gihe kuri iyi nshuro amahirwe menshi y’abatavuga rumwe n’ubutegetsi yo gutsinda amatora kwari ukwihuriza hamwe no gushyigikira umukandida umwe, ariko ibyo ntibyari biboroheye.

Mu cyumweru gishize; Amashyaka abiri akomeye atavuga rumwe n’ubutegetsi, ACT Wazalendo na CHADEMA, bemeye gushyira hasi ibibazo bari bamaze imyaka myinshi bafitanye bishingiye ahanini ku ngengabitekerezo y’amoko. Biyemeje kunga ubumwe no gushyigikira Tundu Lissu wa CHADEMA. Uyu mwaka yongeye kugaruka mu gihugu avuye mu Bubiligi nyuma yo gushaka kumwica muri 2017 aho yarashwe amasasu 16.

Kabwe avuga ko Lissu ari umukandida uzwi cyane mu bantu 15 bahatanira kuba Perezida. Avuga ko imbaga y’abantu bitabiriye imyigaragambyo ye ndetse n’ibiganiro yagiranye na bagenzi babo bo muri Tanzaniya bagaragaje ubushobozi bwe.

Avuga ko bigaragara ko amatora akozwe mu bwisanzure no mu mucyo byaha amahirwe Lissu yo gutsinda ariko ngo ikibuga bakiniraho ntabwo ari cyiza ku ruhande rw’abadashyigiye Leta.

Uruhande rwa Tindu Lissu rwabujijwe kwiyamamaza icyumweru kimwe mu ntangiriro z’uku kwezi.

Ku kibazo cye, umuyobozi mukuru wa Komisiyo y’igihugu ishinzwe amatora yavuze ko guhagarikirwa kwiyamamaza ari igihano yahawe nyuma yo kuvuga ko Magufuli yakoranye inama yihariye n’abashinzwe amatora.

Amashyaka atavuga rumwe n’ubutegetsi avuga ko hari abandi bakandida babo bamwe batemerewe kwiyamamaza ku mpamvu bavuga ko zidasobanutse.

N’umuyobozi wa CHADEMA, Freeman Mbowe, yagabweho igitero n’abantu batazwi muri Kamena nyuma yo gushinja Guverinoma guhisha ibipimo n’imibare y’icyorezo cya coronavirus. Perezida Magufuli aherutse gutangaza ko Tanzaniya yatsinze Coronavirus binyuze mu masengesho. Guverinoma yahagaritse kongera gutangaza ku mugaragaro umubare w’ubwandu n’abahitanwa na coronavirus muri Mata.

Umuvugizi wa Guverinoma ntacyo yashubije ku cyifuzo cyo gutanga ibisobanuro ku birego bivugwa ko abayobozi bahungabanije ibikorwa byo kwiyamamaza no gukurikirana amatora ku batavuga rumwe n’ubutegetsi.

Magufuli yatsinze amatora yo mu 2015 n’amajwi 58% mu gihe umukandida w’ishyaka ritavuga rumwe n’ubutegetsi, Edward Lowassa, yabonye 40%.

Iyi mibare yari yatumye abatavuga rumwe na Leta bavuga ko bizeye gutsinda bashyize hamwe, bitewe n’uko byagaragaye ko ishyaka CCM ritagifite abayoboke benshi.

Imiryango iharanira uburenganzira bwa muntu ivuga ko ubuyobozi bwa Magufuli bwaciye intege itangazamakuru na sosiyete sivile, bigabanya ubwisanzure bwo guterana no gutanga ibitekerezo. Kuvugira kumugaragaro ku ngingo iyo ari yo yose Leta itifuza ngo byagiye biviramo ibinyamakuru gufunga imiryango, n’abayobozi babyo bagafungwa.

Mu ntangiriro z’uyu mwaka, Guverinoma yahagaritse mu buryo budasubirwaho ikinyamakuru cya kabiri kinini muri iki gihugu, Tanzaniya Daima, gifitwe n’umuyobozi utavuga rumwe n’ubutegetsi Mbowe, bagishinja kurenga ku mategeko n’amahame ndetse n’imyitwarire y’umwuga, nta gutanga ingero zihariye.

Amnesty International yavuze ko kumenya amakuru yizewe ku matora yo kuwa Gatatu bitoroshye kuko Guverinoma yahinduye amategeko isaba abanyamakuru ba radiyo na televiziyo mpuzamahanga kugira uruhushya rw’urwego rushinzwe kugenzura ibyerekeranye n’ibitangazwa mu makuru.

Hagati aho, bamwe mu ndorerezi zikomeye bakurikiranira hafi amatora mpuzamahanga; ntibazemererwa gukurikirana amatora n’ibikorwa byo kubarura amajwi.

Emilio Rossetti, intumwa y’umuryango w’ubumwe bw’ibihugu by’i Burayi muri Tanzaniya yagize ati: "Bitandukanye na 2010 na 2015, abayobozi b’igihugu ntibatumiye Umuryango w’ubumwe bw’ibihugu by’i Burayi."

Bivugwa ko kandi andi matsinda arimo na kiliziya gatolika, yangiwe gukurikirana amatora

Mu kwezi gushize, umuyobozi w’abatavuga rumwe n’ubutegetsi Kabwe yagize ati: "Aya azaba amatora adafite indorerezi. Nk’uko twabibonye, amatora yamaze kwibwa mbere y’umunsi w’itora."

Nk’uko bitangazwa n’ubuyobozi bw’amatora muri Tanzaniya, abatora barenga miliyoni 29 biyandikishije gutora ku wa Gatatu.

Ku wa gatanu, Ambasaderi wa Amerika muri Tanzaniya, Donald J. Wright, mu ijambo rye yavuze ko Amerika yabonye ibirego n’amakuru avuga ko Guverinoma ya Tanzaniya ndetse n’abashinzwe umutekano babangamira abakandida batavuga rumwe na Leta kwiyamamaza mu bwisanzure.

Yanditse ati: "Mu gihe twegereje umunsi w’amatora, umuvuduko n’uburemere bw’izi mvururu birihuta kandi biriyongera".

Yongeyeho ati: "Twabonye ihohoterwa ry’abanyapolitiki, kubangamira ibitangazamakuru ndetse n’inzira yo gutanga umukandida ntiyari yoroshye. Ibi biha ishyaka riri ku butegetsi amahirwe yo gutsinda."

Ambasaderi wa Amerika muri Tanzaniya yavuze ko hakiri igihe cyo kugarura icyizere mu matora no gutuma ibintu bigenda neza mu gihe Leta yakwemerera indorerezi zigenga kureba ko ibyavuye mu biro by’itora bitangamu ruhame, kandi bagaha indorerezi z’amashyaka kopi z’impapuro z’itora zuzuye nyuma yo kubara amajwi.

Minisitiri w’intebe wa Sudani, Abdalla Hamdok, amaze igihe igihe asaba Amerika gukuraho ibihano bikomeye yafatiye Sudani

Iyo hazabu ngo ni indishyi y’akababaro igomba gushyikirizwa imiryango ifite ababo baguye muri ibyo bitero by’iterabwoba byibasiye Abanyamerika byategurwaga Sudani ibigizemo uruhare.

Minisitiri w’intebe wa Sudani, Abdalla Hamdok, yashubije avuga ko amafaranga barangije kuyoherereza Amerika, ariko ko nta byemezo bya Amerika byari byajya ahagaragara.

Sudani yashyizwe ku rutonde kuva mu 1993 igihe Osama Bin Laden wayoboraga umutwe wa al-Qaeda byahishurwaga ko yari inshuti ikomeye ya Guverinoma ya Sudani muri icyo gihe, ndetse n’abarwanyi bagabye ibi bitero byibasiye ambasade za Amerika muri Tanzania na Kenya mu 1998 ngo bari bamaze imyaka irenga itanu bategurirwa ku butaka bwa Sudani, bahabwa imyitozo n’ibindi.

Trump yavuze ko ibitero byabereye muri Tanzania na Kenya byahitanye abantu barenga 220 kandi amafaranga y’indishyi agomba gutangwa ku miryango y’Abanyamerika bapfuye.

Umubano hagati ya Amerika na Sudani wongeye gushinga imizi kuva ubwo uwahoze ari Perezida Omar al-Bashir yahirikwaga ku butegetsi nyuma y’igitutu n’imyigaragambyo y’abaturage yabereye mu mihanda mu mijyi itandukanye mu mwaka ushize wa 2019, akaba yari amaze imyaka 30 ayobora icyo gihugu. Abigaragambyaga bashinjaga Bashir gutegekesha igitugu, no kuba ari we wateje ibibazo bidasanzwe by’ubukungu bw’igihugu bwasubiye inyuma.

Inzobere mu bya politiki Mpuzamahanga zikurikiranira iki kibazo hafi, zivuga ko kuvana Sudani ku rutonde rw’umukara (blacklist) bizakemura ibibazo byinshi muri iki gihugu, aho ibiribwa, lisansi n’ibindi bikomoka kuri peteroli ndetse n’imiti bigenda birushaho guhenda kandi bikaba bike mu gihugu.

Amashuri yo muri Ethiopia yongeye gufungura guhera kuri uyu wa 19 Ukwakira, nyuma yo gufunga amezi arenga arindwi kubera icyorezo cya coronavirus.

Amashuri arafungura mu byiciro n’ibihe binyuranye, aho ku ikubitiro abanyeshuri baturuka mu ntara ari bo batangiye kugera ku bigo mbere y’abandi.

Amashuri yafunzwe nyuma y’uko iki gihugu gitangaje umuntu wa mbere wanduye coronavirus muri Werurwe.

Igihugu cyivuga ko cyihaye intego yo gufungura amashuri abanza n’ayisumbuye bitarenze ukwezi k’Ugushyingo.

Bamwe mu babyeyi bakomeje kwirinda kohereza abana babo ku mashuri, ariko mu kumara impungenge ababyeyi, Minisiteri y’Uburezi yavuze ko yari imaze igihe ifata ingamba zikomeye zikenewe kugira ngo virusi itazigera ikwira mu mashuri.

Imwe muri izo ngamba ni iyo gukwirakwiza udupfukamunwa miliyoni 50 ku banyeshuri n’abarimu.

Abiga mu mwaka wa nyuma w’amashuri yisumbuye biteguraga gukora ibizamini bisoza umwaka bo bazabikora mu mwaka utaha, aho bizakorwa hifashishijwe ikoranabuhanga bigakorerwa kuri interineti.

Ethiopia ni igihugu kitashyizeho ingamba zikomeye nko gushyiraho guma mu rugo ku baturage; icyakora hashyizweho ibihe by’amezi atanu byihutirwa birimo izindi ngamba na byo byarangiye mu ntangiriro zu ukwezi kwa Nzeri, kandi ubu igihugu cyasubiye mu buzima busanzwe.

Abinyujije ku rubuga nkoranyambaga rwa Instagram, Umuraperikazi Nicki Minaj w’imyaka 37; yatangaje ko yabyaye umwana w’umuhungu.

Yagize ati “Ndishimye ku bw’ibyiza mwanyifurije, ndi mu rukundo n’umuhungu wanjye”.

Nicki Minaj yohererejwe ubutumwa n’inshuti ze z’ibyamamare harimo Beyonce, Kim Kardashian na Kanye West n’abandi. Aha ni ho yagaragarije amarangamutima ashimira anagaragaza igitsina cy’umwana we.

Yanditse ati “Ndashimira Umwamikazi B (Beyonce), Kim na Ye, Riccardo Tisci, Winnie, Karol & abantu bose bohereje ubutumwa bw’urukundo muri iki gihe. Ndishimye cyane, ntewe ishema n’urukundo mfitiye umuhungu wanjye”.

Umuraperikazi yerekanye amakarita atanu yakiriye yo guha ikaze umwana we. Iya mbere yerekanye ni iyoherejwe na Beyonce, yanditseho ngo “Onika, Murakaza neza mu muryango w’ababyeyi”.

Ubwoherejwe n’umuryango wa Kim Kardashian na Kanye West na bwo bwari bugizwe n’amagambo magufi kandi aryoshye; aho bagize bati “Turabishimiye akandi turagukunda! Kim + Kanye”.

Ibihuha bivuga ko Nicki yari ategereje umwana hamwe na Kenneth byagiye bizenguruka kuva bashyingirwa muri 2019.

Yatunguye abafana nyuma gato yo gushyingirwa, muri Nzeri agaragaza ko yahisemo kuva mu muziki kugira ngo atangire umuryango.

Umuyobozi wa Polisi ya Nigeria avuga ko hashyizweho umutwe mushya wo gusimbuza iryo tsinda rirwanya abajura ryateje amakimbirane, rizwi ku izina rya Sars. Ryasheshwe nyuma y’imyigaragambyo ikomeye yamagana ihohoterwa ry’uburenganzira bwa muntu.

Polisi muri Nigeria imaze iminsi ihanganye n’abaturage bayishinja kubahohotera

Itsinda rishya rizamenyekana nka Swat "Special weapons and tactics" cyangwa itsinda ry’intwaro zidasanzwe hamwe n’amayeri.

Abaturage bitwaje ibyapa bamagana polisi

Ibitangazamakuru biravuga ko Abanyanijeriya benshi bagishidikanya kuba bava mu mihana aho bakomeje kwigaragambya basaba ko habaho ivugurura rikomeye rya polisi yose y’igihugu.

Mu rwego rwo gukemura ibi bibazo, umuyobozi mukuru wa Polisi yavuze ko abapolisi bose bo mu ishami rya Sars ryasheshwe bazakorerwa isuzuma n’ibizamini bijyanye n’imitekerereze n’ubundi buvuzi mbere yo kongera guhabwa andi mahugurwa, nyuma bakazongera kwemererwa gusubizwa mu kazi ka polisi.

Uwo muyobozi mukuru wa Polisi yategetse kandi kurekura bidasubirwaho abantu bose batawe muri yombi bari mu myigaragambyo yo kwamagana abo bapolisi bahohotera abaturage.

Abaturage bitwaje ibyapa bamagana polisi

Abahanzi bakomeye cyane muri Nigeria benshi bashyigikiye ibikorwa by’imyigaragambyo, abaturage bamagana imbaraga z’umurengera igipolisi kirwanya abajura Sars (special anti-robbery squad) gikoresha, ibyabaye imbarutso yo kuwusesa ndetse no gufungura abaturage bari barafunzwe bafatiwe muri iyi myigaragambyo.

Paul Okoye (Rudeboy) n’abandi bahanzi bifatanyije n’abigaragambya

Umuhanzi ukomeye Paul okoye uzwi nka Rudeboy wahoze mu itsinda ry’ impanga ryakanyujijeho rya P. Square, yifashishije imodaka ye y’agaciro yo mu bwoko bwa "Hammer" yandikaho ubutumwa bwamagana ihohoterwa rikorwa na polisi irikorera abaturage.

Ibyamamare byo muri Nijeriya nka Wizkid, Davido, Olamide, Don Jazzy, basabye Leta ya Nigeriya guhagarika icyo bise ubugome bwa polisi.

Aba bahanzi bazwi cyane mu myidagaduro bafite umutungo munini ubarirwa mu mamiliyoni bakaba banakurikirwa n’abantu benshi ku mbuga zabo za Internet. Bagiye bandika ubutumwa kuri Twitter na Instagram mu rwego rwo kwifatanya n’abamagana ibyo bikorwa bya Polisi byo guhutaza abaturage.

Ishusho igaragaza uko impfu ku migabane zihagaze

Uyu mugabane utuwe n’abaturage barenga miliyari imwe, ufite abarwayi bagera muri miliyoni eshanu n’ibihumbi magana atanu 1.5M, nk’uko amakuru n’icyegeranyo byakozwe na kaminuza ya John Hopkins bibyerekana.

Kugeza magingo aya ku mugabane wa Afurika icyorezo cya Coranavirus cyahitanye abantu barenga ibihumbi mirongo itatu na birindwi (37,000), ugereranyije n’ibihumbi birenga magana atanu na mirongo inani (580,000) bishwe na covid19; muri Leta zunze ubumwe za Amerika.

Mu Burayi, covid-19 imaze kwica abarenga ibihumbi magana abiri na mirongo itatu 230,000, yahitanye kandi abarenga ibihumbi magana abiri na bitanu 205,000 muri Aziya.

Iyi mibare y’impfu zo muri Afurika iri hasi cyane ugereranyije n’u Burayi, Aziya cyangwa Amerika, aho ndetse bikomeje kugaragara ko muri Afurika icyorezo kiri kugabanuka ku rwego rushimishije.

Ubushakashatsi buherutse gukorwa ku mugabane n’ikigo cy’ubufatanye bushingiye ku bimenyetso byegeranyijwe ku cyorezo Covid-19 “Partnership for evidence based on Response to Codi PERC”, bwerekanye ko umubare w’impfu kuri Covid-19 muri Afurika uri munsi y’uumubare w’impfu zabonetse ahandi hose ku isi.

Bwerekana ko ibyago bitakomeye kandi ibyavuyemo bitabaye bibi cyane mu baturage ba Afurika. Ubushakashatsi bukorwa hagendewe ku imibare y’ibigo byigenga ndetse n’ibigengwa na za Leta.

Umuyobozi w’ikigo cya Afurika gishinzwe kurwanya no gukumira indwara n’ibyorezo (Afurika CDC), Dr John Nkengasong, yatangaje ko igipimo cy’ibijyanye no kwipimisha bikomeje kubera imbogamizi ikomeye ku gisubizo mu kurwanya icyorezo ku mugabane, ariko yongeraho ko nanone nta kimenyetso cyerekana ko umubare munini w’impfu za Covid-19 zahishwe, cyangwa zitaburuwe.

None ni izihe mpamvu zituma umubare w’impfu ugabanuka muri Afurika ?

1. Gushaka byihuse igisubizo

Ubwo umuntu wa mbere wanduye coronavirus yagaragaraga kuri uyu mugabane, yabonetse mu mu Misiri ku ya 14 Gashyantare 2020. Hari ubwoba ko virusi nshya yashoboraga guhita irenga ubushobozi bw’inzego z’ubuzima n’ubuvuzi zifatwa nk’izidashinga ugereranyije no ku iyindi migabane ku mubumbe.

Kuva mu ntangiriro, guverinoma nyinshi zo muri Afurika zahise zitangira gufata ingamba zikomeye zo kugerageza kugabanya ikwirakwizwa rya virusi.

Ingamba z’ubuzima rusange, zirimo kwirinda guhana ibiganza cyane nko mu kuramukanya bahererekanya intoki, gukaraba intoki kenshi, kubahiriza ibijyanye no guhanahana intera hagati y’abaganira cyangwa aho abantu bakoranira no kwambara agapfukamunwa, byose byatangijwe vuba byihuse mu bihugu byinshi.

Ibihugu bimwe nka Lesotho byo bishimirwa cyane kuba byarashyize mu bikorwa ingamba zo kurwanya iki cyorezo nta muntu wanduye uragaragara ku butaka bwabyo.

Lesotho yashyizeho ibihe bidasanzwe hashyirwaho ingamba zihuse zirimo no gufunga amashuri yose mu gihugu ku ya 18 Werurwe 2020, ijya mu kato k’ibyumweru bitatu.

Nyuma y’iminsi 10 ni bwo n’ibindi bihugu byo mu majyepfo ya Afurika byatangiye kubona ko icyorezo gikomeye bitangira umurongo w’ubwirinzi.

Ibikorwa birimo n’iby’insengero byatangiye gufungurwa

Ariko iminsi mike nyuma y’ifungwa ry’ibikorwa byose, mu ntangiriro za Gicurasi, Lesotho ni bwo yatangiye kubona abantu banduye. Mu baturage barenga miliyoni ebyiri, kugeza ubu imaze kubarura abarwayi 1,700 ba covid-19 n’abapfuye 40.

2. Ubufasha bw’abaturage

Mu bushakashatsi bwakorewe mu bihugu 18 muri Kanama n’ikigo PERC, inkunga rusange ku ngamba zo kwirindira umutekano hagati y’abantu yari iri hejuru cyane, ku kigereranyo cya 85% by’ababajijwe bavuze ko bambaye agapfukamunwa mbere y’uko virusi itangira kugaragara mu bihugu byabo.

Raporo yagize ati “Hamwe n’ingamba zikomeye z’ubuzima rusange n’izo kugenzura imibereho y’abaturage, ibihugu bigize Umuryango w’Ubumwe bw’Ibihugu bya Afurika byatangiye kwandura iyi virusi hagati ya Werurwe na Gicurasi 2020”.

Aho ibihugu byinshi byatangiye korashya ingamba muri Kamena na Nyakanga kuva icyo gihe, hagabanutse cyane umubare w’abanduye n’impfu zemejwe hafi muri kimwe cya kabiri cy’ibihugu bigize umugabane.

3. Umuryango mugari ugizwe n’abakiri bato mu myaka

Imyaka y’abaturage mu bihugu byinshi bya Afurika na yo ishobora kuba yaragize uruhare mukurinda ikwirakwizwa rya Covid-19.

Ku isi hose, benshi mu bapfuye bafite imyaka irihejuru ya 80, mu gihe Afurika ituwe n’abafite impuzandengo y’imyaka 19, nk’uko imibare y’Umuryago w’Abibumbye ibigaragaza.

Ishami ry’Umuryango w’Abibumbye ryita ku Buzima (OMS) ryagize riti “Icyorezo cyagaragaye mu bagize amatsinda y’imyaka mike ahanini bakiri bato, abarenga kuri 91% banduye Covid-19 muri Afurika yo munsi y’Ubutayu bwa Sahara bari mu bantu bari munsi y’imyaka 60, naho ngo hejuru y’iyo myaka, ni ukuvuga bageze mu zabukuru, abarenga 80% bakaba batarigeze bagaragaza ibimenyetso”.

Ubusanzwe Afurika ifite abafite imyaka mike kurusha Amerika n’u Burayi.

Dr Matshidiso Moeti, umuyobozi wa OMS muri Afurika, yagize ati “Dufite (muri Afurika) abaturage bagera kuri 3% bafite imyaka iri hejuru ya 65”.

Ugereranyije, u Burayi, Amerika ya Ruguru hamwe n’ibihugu bikize bya Aziya bifite abaturage biganjemo abashaje.

Dr Moeti yongeyeho ati “Icyatije umurindi ubwandu mu bihugu by’iburengerazuba ni uko abantu bageze mu za bukuru babaga mu ngo zihariye bagenerwa, ibi byabaye intandaro yo kwandura no gupfa kuri beshi. Izi nzu ni gake zigaragara mu bihugu byinshi bya Afurika, aho usanga abantu bakuze baba mu bice by’icyaro”.

Afurika ifite abakiri abato kurusha Amerika n’u Burayi

Ni ihame mu bihugu byinshi bya Afurika abantu batangiye kugera mu myaka y’ubukure n’iyo kwerekeza mu kiruhuko cy’izabukuru usanga basubira kuba mu cyaro mu gihe basezeye ku kazi mu mijyi.

Ubucucike bw’abaturage mu cyaro buri hasi, bityo gukomeza no kubahiriza intera hagati y’abatuye muri ibyo bice biroroshye cyane.

Byongeye kandi, gahunda z’ubwikorezi bw’abantu mu mamodoka muri Afurika zidateye imbere mu bihugu no hagati y’ibihugu, bigaragara ko byabaye umugisha mu bihe bibi, kuko benshi bakoresha amaguru mu bice batuyemo mu ngendo.

Bishatse kuvuga ko Abanyafurika badakunda gukora ingendo nk’uko abantu babikora mu bihugu bifite ubukungu bwateye imbere cyane, ibi ngo bituma abantu bategerana cyane.

4. Ikirere cyiza

Ubushakashatsi bwakozwe n’abashakashatsi bo muri kaminuza ya Maryland muri Amerika, bwerekanye isano iri hagati y’ubushyuhe, ubuhehere n’uburebure, mu gukwirakwira kwa Covid-19.

Umushakashatsi mukuru, Mohammad Sajadi yagize ati “Twarebye ikwirakwizwa (rya virusi) hakiri kare mu mijyi 50 yo ku isi. Iyi virusi yari ifite igihe cyiyorohereza gukwirakwira mu bushyuhe buri hasi no mu gihe cy’ubukonje”.

Akomeza agira ati “Ntabwo ari uko idakwirakwira mu bindi bihe, ikwirakwira neza iyo ubushyuhe n’ubuhere bigabanutse, hajeho ubukonje budasanzwe”.

Ibihugu bya Afurika biri kure y’ikirere cyo muri (tropical) uburwayi bwari bwifashe nabi.

Ikwirakwizwa rya virusi ryihuse cyane muri Afurika y’Epfo mu gihe igice cy’ isi yo mu majyepfo cyagiye mu gihe cy’itumba n’ubukonje, ari na yo mpamvu Afurika y’Epfo igize hafi kimwe cya kabiri cy’impfu ku Mugabane wa Afurika, aho ari cyo gihugu kiza ku mwanya wa mbere mu kugira abishwe na covid ugereranyije n’ibindi bihugu.

5. Gutinya no kumenyera ibyorezo mu myaka yabanje

Icyorezo cya Covid-19 cyaje mu gihe Repubulika Iharanira Demukarasi ya Kongo yari ihanganye n’ikibazo gikomeye cya Ebola. Ibihugu bihana imbibi byari maso, kandi isuzuma ry’ubuzima n’ubwirinzi bwo kurwanya Ebola byakomeje kongerwa kugeza icyorezo cya Covid-19 gitangiye.

Ibihugu byinshi byo muri Afurika y’Iburengerazuba, byahanganye n’icyorezo cya Ebola ku isi kuva mu mwaka wa 2013-2016, byanize ingamba z’ubuzima rusange no kwirindira umutekano mu byoreozo byakoreshejwe mu gukumira Covid-19, harimo guha akato abanduye, gukurikirana abahuye n’abanduye bagashyirwa mu kato mu gihe bari gupimwa, ngo byari bimenyerewe mu gukurikirana ibyorezo ku Mugabane wa Afurika.

Ibihugu bya Afurika byamenyereye ibyorezo, harimo na Ebola

Byongeye kandi, muri Leta ituwe cyane muri Afurika, (Nigeria) na RDC, amatsinda y’abaganga yagiye mu midugudu gukingiza abana indwara y’igicuri na mugiga, yahise yongera kwifashishwa mu mugambi wo kwigisha abaturage icyorezo gishya cya coronavirus.

Mu gihe rero ibikorwa remezo by’ibitaro muri Afurika byinshi bidateye imbere cyane ugereranyije no mu bindi bice by’isi, imbaraga z’umugabane zashyizwe muri gahunda z’ubukangurambaga mu baturage, ngo byagize umumaro bitewe n’uko abaturage bari barumvise kenshi ibyorezo bikomeye bihitana abantu, n’ubwirinzi rusange butangirirwa aho mu kubirinda gukwira.

Iyo raporo ivuga ko muri uyu mwaka wa 2020, abantu barenga miliyoni esheshatu bamaze kwibasirwa n’imyuzure naho miliyoni 1.5 muri bo bakuwe mu byabo kubera imyuzure.

Ibice bitandukanye by’aka Karere ka Afurika y’Iburasirazuba ngo birimo imvura nyinshi itarigeze igaragara mbere muri iki kinyejana.

Ibiro by’Umuryango w’Abibumbye bishinzwe gukumira ibiza bivuga ko amakuru byakusanyije yerekana ishusho iteye impungenge kuri iyi myuzure.

Muri 2016 abantu barenga miliyoni bahuye n’imyuzure yafatwaga nk’ikomeye kuko inzu zabo n’ibikorwa by’ubucuruzi byabo byangiritse cyane, bisaba benshi gushaka aho guhungira. Muri 2019, iyo mibare yarazamutse cyane aho abagezweho n’ingaruka z’imyuzure bageze kuri miliyoni enye.

Hari impungenge z’uko imvura yo mu kwezi k’Ugushyingo izaba nyinshi cyane kandi ikagera henshi mu bihugu bya Afurika, bikarushaho kongera umubare w’abavanywe mu byabo n’imyuzure muri aya mezi ashize aho abenshi badafite aho kwikinga.

Bimwe mu bice byibasiwe cyane birimo Intara hafi ya zose zo muri Sudani zahuye n’umwuzure udasanzwe kuva muri Nyakanga, kimwe no mu bice bya Etiyopiya na Sudani y’Amajyepfo.

Ukwiyongera k’ubushyuhe bw’Inyanja y’Abahinde buri mu bituma imvura yiyongera nk’uko abahanga babigaragaza.

Aba ni bo bacamanza batatu bazaburanisha Kabuga Félicien

Ni nyuma y’uko Urukiko Rusesa imanza rwa Paris mu Bufaransa rwategetse ko Kabuga Félicien yohererezwa Urwego rwasigariyeho Inkiko Mpuzamahanga Mpanabyaha (IRMCT) rukaba ari rwo rumuburanisha.

Umucamanza wo muri Scotland witwa Iain Bonomy azayobora urugereko afashijwe n’umucamanza wo muri Uruguay witwa Graciela Susana Gatti Santana n’umucamanza uzaturauka muri Uganda witwa Elizabeth Ibanda-Nahamya, nk’uko Urukiko rw’Umuryango w’Abibumbye rwabitangaje.

Nubwo Kabuga yoherejwe kuburanira i Arusha mu rukiko rwa IRMCT mu rukiko rwa Loni, umwunganizi we yifuzaga ko yaburanishirizwa i La Haye mu Buholandi, avuga ko batewe impunge n’ubuzima bwe; imyaka ye, ndetse n’icyorezo cya coronavirus.

Kabuga Félicien ashinjwa gutera inkunga ikomeye Interahamwe zishe Abatutsi barenga miliyoni mu mezi atatu gusa

Itegeko ryo mu Bufaransa ku kohereza imfungwa kuburanira mu kindi gihugu cy’amahanga rivuga ko Kabuga azaba yagejejwe i Arusha mu gihe cy’ukwezi.

Tariki 16 Gicurasi 2020, nibwo Kabuga ushinjwa gutera inkunga ikomeye Jenoside yakorewe Abatutsi mu Rwanda mu 1994, yafatiwe mu nkengero z’Umurwa Mukuru wa Paris mu Bufaransa.

Abagenzi bemerewe kongera kwinira muri Afurika y’Epfo

Muri Werurwe 2020, iki gihugu cyafunze imbibi zacyo kugira ngo virusi idakomeza gukwirakwizwa.

Kuva kuri uyu wa kane, Afurika y’Epfo irafungura imipaka y’imbibi z’ubutaka hamwe n’ibibuga by’indege bitatu byingenzi i Cape Town, Durban na Johannesburg.

Minisitiri w’Ububanyi n’Amahanga Naledi Pandor, yavuze ko abagenzi bose bahageze bagomba kwerekana ko nta bwandu bwa covid-19 bafite, biturutse ku bipapuro bazajya berekana bipimishirijeho mu bihugu byabo, ariko nanone ngo bagomba kubanza gusuzumwa ku yindi nshuro, mu gihe bageze ku butaka bwa Afurika y’Epfo.

Abagenzi baturuka mu bihugu bifite ubwandu n’impfu ziri hejuru kurusha iki gihugu cya Afurika y’Epfo ntibazemererwa kwinjira muri iki gihugu.

Ariko nanone ngo hari abaturage bashobora kwemererwa kwinjira muri Afurika y’Epfo nubwo baba baturuka muri ibyo bihugu bifite ubwandu bwishi.

Ku wa gatatu, Madamu Pandor yabwiye abanyamakuru ati “Muri ibi bihugu tuzemera kwakira gusa abashoramari baturukayo, abadipolomate, abafite viza zishingiye ku bumenyi buhanitse ndetse n’abacuruzi [baturuka mu bihugu bifite ibyago byinshi], abo tuzabemerera ariko nta myidagaduro bazemererwa kujyamo”.

Abagenzi bagaragaza ibimenyetso bya Coronavirus cyangwa bipimishije bagasanga baranduye bo ngo bazakoresha amafaranga yabo mu kwiyishyurira ikiguzi cyose cyo kwivuza n’ubufasha bazahabwa.

Afurika y’Epfo ni cyo gihugu cyibasiwe cyane n’icyorezo mu kugira impfu nyishi, n’abarwayi benshi kurusha ibindi bihugu byose byo ku mugabane waAfurika.

Kugeza ubu imaze kwemeza abantu 674,000 banduye icyorezo covid-19, harimo abashya babonetse 1,767 ku wa gatatu. Iyi mibare iteye inkeke kuko igize hafi kimwe cya kabiri cy’imibare y’ubwandu bwose buvugwa muri Afurika.

Hagati aho kandi muri iki gihugu, abantu 16,374 ni bo bamaze kwitaba Imana bahitanywe n’iki cyorezo.

Abo bakozi ba OMS bagiye bakora ihohoterwa rinyuranye ku b’igitsina gore harimo no gufata ku ngufu, ndetse no gukoresha nabi abo babaga bahaye akazi muri ibi korwa.

Abakozi bashinzwe ubuzima ba OMS n’abandi bakozi b’ikigo gishinzwe imfashanyo bashinjwaga n’abagore 50 mu iperereza ryakozwe n’inzego z’ibigo bibiri bikomeye by’itangazamakuru.

Muri aba harimo abagore bavuga ko bahatirijwe kunywa ibisindisha mu bitaro aho bakoraga, ubundi bahatirwa gukora imibonano mpuzabitsina. Babiri muri abo, bavuga ko byabaviriyemo gutwara inda batiteguye biturutse ku ihohoterwa.
Ibyo byaha ngo byakozwe kuva mu mwaka wa 2018 kugeza muri Werurwe uyu mwaka 2020.

Itangazo rya OMS rigira riti “Umuntu wese uzagaragara ko yabigizemo uruhare azabibazwa kandi agomba guhura n’ingaruka zikomeye zirimo no kwirukanwa mu kazi bidatinze.

Guhemukira abantu mu baturage tuba dushinzwe cyangwa dukorera ubuvugizi tubyamaganye ku mugaragaro, ababikoze bagomba guhura n’ingaruka zikomeye”.

Umuryango w’Abibumbye n’ibigo bikora ubutabazi byasezeranyije ko bitazihanganira na gato ihohoterwa rishingiye ku gitsina nyuma y’ibirego bisa na bamwe mu bakozi babo bo mu bindi bihugu.

Umuvugizi w’ibiro by’ububanyi n’amahanga, Umuryango wa Commonwealth n’iterambere ry’u Bwongereza, yavuze ko bazakurikiranira hafi ibi birego bivugwa muri OMS.

Yongeraho ati “Gukoresha imibonano mpuzabitsina no guhohoterwa ni amahano rwose. Buri gihe dusuzuma abafatanyabikorwa bacu bose ku buryo bwo kubahiriza amategeko arengera umutekano”.

Ni nde uvugwa mu iperereza cyane?

Ibyinshi mu birego by’ihohoterwa rishingiye ku gitsina bivugwa ko byakozwe n’abagabo, harimo n’abaganga bakuru bivugwa bakorera OMS.

Mu bagabo barezwe harimo abaganga bakomoka mu bihugu by’ u Bubiligi, Burkina Faso, Canada, u Bufaransa, Ginea-Conakry na Cote d’Ivoire.

Ibiro ntaramakuru Thomson byatangaje ko abagabo benshi muri ibyo bikorwa byo gusambanya abagore ngo banze kwambara udukingirizo, ari yo mpamvu bamwe bavuga ko byabaviriyemo gutwita, aho abandi bafite impungenge ku buzima bwabo.

Abagore benshi bavuze ko bahatiwe gukora imibonano mpuzabitsina kugira ngo bahabwe akazi, icyo basanisha na “pasiporo yo guhabwa akazi”.

Utubari tugomba gukurikiza ingamba zashyizweho, aho abacuruzi babujijwe kutarenza saa yine z’ijoro (22h00) batarafunga.

Ibi byatangajwe na Perezida ubwe Uhuru Kenyatta ubwo yatangarizaga igihugu ku bikorwa bya Guverinoma biherutse gukorwa mu kurwanya COVID-19, no kongera guzahura ubukungu bwa Kenya bwagiye hasi muri aya mezi kubera coronavirus.

Perezida Uhuru kandi yongereye amasaha yo kugera mu rugo mu gihugu hose aho isaha yo kugera mu rugo ari saa tanu z’ijoro naho iyo kuva mu rugo no gutangira ingendo iba saa kumi za mu gitondo (04h00). Izi mpinduka zose ziratangira gukurikizwa kuri uyu wa kabiri.

Itangazo ryari ryitezwe kugira icyo ritangaza ku gufungura amashuri ariko ntacyo ryabivuzeho. Ku wa mbere w’iki cyumweru, Minisiteri y’Uburezi yari yategetse abarimu gusubira ku bigo by’amashuri bigishaho, ariko Perezida Kenyatta yavuze ko ibigo by’amashuri bishobora gufungura ari uko umutekano w’abanyeshuri bigaragaye ko ushobora kubahirizwa.

Kenya imaze kugira abanduye COVID-19 barenga ibihumbi 38. Ku wa Mbere hapfuye abantu icyenda, bituma umubare w’abahitanwa n’icyorezo wiyongera aho bamaze kurenga 700 bitabye Imana bazize coronavirus.

Habayeho kugabanuka kw’icyorezo gahoro gahoro mu mibare; mu byumweru bishize. Ku wa mbere, hamenyekanye abantu bashya 53 banduye COVID-19, nubwo impuguke mu by’ubuzima zagaragaje ko kwipimisha bikiri ku gipimo cyo hasi.

Udukingirizo twakoreshejwe babanzaga bakatwoza

Benshi ku mbuga nkoranyambaga batanze ibitekerezo bagira umuntu wese wajyaga muri Vietnam ubishoboye ko yajya yitwaza agakingirizo nyuma y’aya makuru yasohotse .

Polisi muri icyo gihugu yavuze ko yafashe abakozi benshi ngo bakoraga akazi ko kutwoza nyuma bakadusiga amavuta yo mu dukingirizo mbere y’uko bongera bakadufunga neza ubundi bakadusubiza ku isoko tukagurishwa.

Ibi bikorwa byakorerwaga mu ruganda ruherereye mu ntara ya Binh Duong mu Majyepfo ya Vietnam.
Photo:

Polisi ivuga ko yasanze hari utwo bamaze gupakira tugiye gukwirakwizwa, yongeraho ko hari n’utundi batazi umubare twinshi cyane twoherejwe mu baturage batabizi hirya no hino ku isi.

Imifuka yuzuye udukingirizo twakoreshejwe

Umugore witwa Pham Thi Thanh Ngoc w’imyaka 33, nyiri urwo ruganda yatawe muri yombi avuga ko yakiraga udukingirizo twakoreshejwe, bakadutunganya tugasubizwa ku isoko. Ngo yaduhabwaga rimwe mu kwezi n’umuntu watumuzaniraga utahise atangazwa amazina.

Udukingirizo ngo twasubizwaga ku isoko tukongera kugurishwa nk’aho ari dushyashya, hakaba hari impungenge ko benshi bashobora kuba barahanduriye indwara zinyuranye, abandi tukabacikiraho ariko ntibamenye impamvu cyane ko ngo tuba dufunze mu gashashi kabugenewe ku buryo ntawabashaga kudutandukanya n’utundi dushya.

Udukingirizo twakoreshejwe baratwoza bakongera bakatuzinga

Polisi ivuga ko udukingirizo twafatiriwe nk’ibimenyetso ariko ngo tuzangizwa kuko dufatwa nk’imiti yarangije igihe ikoreshwa kandi ngo itera ingaruka n’ibyago bikomeye ku buzima bw’abantu.

Nk’uko urubuga rw’amakuru VN Explorer rubitangaza, ngo ntibizwi umubare w’udukingirizo twakoreshejwe tumaze kugurishwa ariko umutwaro wose hamwe twari dufunzemo mu mifuka polisi yafashe; ngo wari ufite ibiro 360, kandi ngo twacuruzwaga mu mahoteli n’amaguriro anyuranye muri Vietnam no hanze y’igihugu.

Perezida Kim Jong Un yavuze ko ibyabaye bitakagombye kubaho

Ibi ni ibyatangaje n’ubutegetsi bwa Koreya y’Epfo buvuga ko umuyobozi wa Koreya ya Ruguru Kim Jong-un yasabye imbabazi zidasanzwe ku iyicwa ry’umuyobozi wa Koreya y’Epfo.

Bivugwa ko Bwana Kim Jong Un yabwiye mugenzi we wo muri Koreya y’Epfo Moon Jae-in ko ibyabaye bitagombaga kubaho.

Koreya y’Epfo yavuze ko uyu mugabo w’imyaka 47 bivugwa ko yashakaga guhungira muri Koreya ya Ruguru ubwo yafatwaga n’ ingabo zicunga umutekano wo mu mazi y’Amajyaruguru ya Koreya ya ruguru.

Ngo baramurashe baramwica bahita banatwika umurambo we, nk’uko Koreya y’Epfo ibitangaza.

Umupaka uhuza Koreya zombi urinzwe ku buryo bukomeye n’abo mu nzego z’umutekano benshi, kandi bivugwa ko Koreya y’ Amajyaruguru yashyizeho amabwiriza na politiki yo ‘Kurasa no Kwica’ kugira ngo Coronavirus itinjira mu gihugu.

Gusaba imbabazi byaje mu ibaruwa yoherereje Perezida Moon Jae in wa Koreya y’Epfo kandi yemera ko ibyabaye bitagombaga kubaho nk’uko byatangajwe n’ibiro bya Perezida byitwa "Blue House".

Bwana Kim yavuze ko yumva ababajwe cyane no "gutenguha" Bwana Moon ndetse n’abaturage ba Koreya y’Epfo, nk’uko Blue House yabitangaje.

Koreya y’Amajyaruguru kandi yahaye iy’Amajyepfo ibisubizo by’iperereza ryakozwe kuri iki kibazo. Umuyobozi ushinzwe umutekano w’igihugu cya Koreya y’Epfo, Suh Hoon, yatangaje ko amasasu arenga 10 yarashwe kuri uyu mugabo, nyuma y’uko yinjiye mu mazi ya Koreya ya Ruguru nyuma akananirwa kwerekana umwirondoro we, ahubwo akagerageza guhunga, bituma yicwa.

Koreya ya Ruguru yasobanuye ko itatwitse umubiri w’uyu mugabo w’umuyobozi muri Koreya y’Epfo ahubwo ko umurambo we wari ku bikoresho bireremba mu mazi ngo byari bimutwaye.

Bwana Suh yagize ati: "Nyuma yo kubaza Ingabo ntizashoboye kumenya uwakoze icyaha kitamenyekanye gishobora gusanishwa no kwambuka umupaka w’ikindi gihugu nta ruhushya, nibwo yarashwe umubiri we uratwikwa. Ibi ni itegeko ridasanzwe rya Leta ya Koreya ya Ruguru; mu rwego rwo gukumira icyorezo cya Coronavirus mu gihugu.”

Ku ruhande rwa Leta y’u Rwanda; Umunyamabanga Uhoraho muri Minisiteri y’Ubuzima, Iyakaremye Zacharie, yabwiye Kigali Today ko bishimira uburyo u Bushinwa bukomeje kubafasha muri iki cyorezo cyane ko bubaye ubugira kabiri u Bushinwa buha u Rwanda inkunga y’ibikoresho byo kurwanya coronavirus.

Yagize ati “Ibikoresho twakiriye navuga ko biri mu bwoko butatu harimo ibyongerera umurwayi umwuka (ventilator machine), udupfakamunwa, uturindantoki, n’imiti ikoreshwa mu gihe cyo gusukura intoki (hand sanitizers). Ni ibikoresho byinshi bizakomeza kudufasha kurwana n’iki cyorezo kandi bije bisanga n’ubundi ububiko twari dusanzwe dufite. Ni inyongera rero, ni ikintu dusanga ari icyo kwishimira.

Ku ruhande rwa Leta y’u Bushinwa, umuyobozi muri Ambasade ushinzwe Ubukungu n’Ubucuruzi, Hudson Wang Jiaxin, yavuze ko umubano mwiza hagati y’ibihugu byombi ; ari yo mpamvu ituma bazakomeza gufatanya n’u Rwanda mu rugamba rw’iterambere no kurwanya icyorezo cya COVID-19.

Yagize ati “Igihe cyerekanye ko u Rwanda n’u Bushinwa ari inshuti, abavandimwe, abafatanyabikorwa. Nk’u Bushinwa twabonye ubucuti bw’u Rwanda buzamuka. Kuva igihe u Bushinwa twatangarije umuntu wa mbere wanduye COVID-19, u Rwanda rwatweretse ubufatanye bukomeye, ntabwo tuzigera tubyibagirwa. Twishimiye uburyo Guverinoma y’u Rwanda yashyizeho ingamba zo kurwanya iki cyorezo, kandi abaturage harimo n’Abashinwa babarirwa mu bihumbi baba mu Rwanda bari barinzwe neza.”

Uyu muyobozi muri Ambasade y’u Bushinwa yakomeje asobanura ko muri 2017 Perezida w’u Rwanda Paul Kagame yasuye u Bushinwa, mu mwaka wakurikiyeho wa 2018 Perezida w’u Bushinwa Xi Jinping asura u Rwanda. Ibi ngo byazamuye umubano w’ibihugu byombi, hiyongeraho ubufatanye mu kurwanya iki cyorezo.

Ati “Tuzakomeza gufatanya n’ u Rwanda muri iki gihe cy’icyorezo kugeza igihe umuti n’urukingo bizabonekera.”

Mu bandi batanze inkunga y’ibikoresho byo kwirinda COVID-19, harimo ikigo IHS Group gikora iby’iminara; aho batanze ibikoresho n’amafaranga miliyoni 20 z’Amanyarwanda. Hari kandi na Lions club na yo yatanze ibikoresho birimo udupfukamunwa, imyambaro yabugenewe yo kwirinda, imiti isukura intoki izwi nka ‘Hand sanitizer’, n’uturindantoki.

General Abdel Fattah al-Burhan, Umuyobozi w’inzibacyuho ukomeje guharanira ubumwe na Amerika

Muri ibi biganiro by’iminsi ibiri, intumwa za Sudani ziyobowe n’umuyobozi w’igihugu, General Abdel Fattah al-Burhan.

Amerika yashyize Sudani kuri uru rutonde rw’ibihugu bitera inkunga iterabwoba mu 1993, kubera gushyigikira abarwanyi b’abahezanguni bagendera ku mahame ya kiyisilamu, barimo Osama Bin Laden; wari umuyobozi mukuru wa Al-qaeda, aho ngo we n’abarwanyi be babaga muri iki gihugu cya Sudani imyaka itanu mbere yo kugaba ibitero byo ku itariki ya 11 Nzeri mu mwaka 2001.

Ibyo bitero byibasiye umuturirwa w’ubucuruzi wa World Trade Center, na Minisiteri y’Ingabo ya USA Pentegone bigahitana Abanyamerika barenga ibihumbi 3000.

Osam Bin Laden n’intagondwa z’ibyihebe ngo bakoresheje ubutaka bwa Sudani mu bikorwa by’imyiteguro ubwo bari mu mugambi wo gukora iterabwoba kuri Leta zunze ubumwe za Amerika.

Mu rwego rw’imishyikirano, Amerika yasabye Sudani kwishyura amadolari arenga miliyoni 300 nk’indishyi z’akababaro ku miryango y’abazize ibitero by’iterabwoba.

Guverinoma ya Amerika kandi iragerageza kumvisha Sudani gushyira mu buryo umubano n’ubuhahirane hagati ya Sudani na Leta ya Isiraheli.

Sudani yaciye umubano na Isiraheli ahagana mu mu mwaka wa 1990; ubwo Isiraheli yajyanaga impunzi z’Abayahudi babanya-Ethiopia barenga ibihumbi 200 bo mu bwoko bw’Abafarasha, ibanyujije rwihishwa ku butaka bwa Sudani.

Leta ya Sudani yavuze ko Isiraheli yakoresheje igihugu gifite ubusugire mu gukora ibikorwa yasanishije no gushimutira abantu ku butaka bwayo.

Ibikorwa byo gutwara abo mu Bafarasha b’Abayahudi byatwaye ibyumweru bibiri, byose byakozwe mu rwego rudasanzwe rw’ubutasi n’igisirikare, ku buryo nta muntu n’umwe yaba umuyobozi cyangwa mu nzego z’umutekano muri Sudani wigeze umenya ko ibyo bikorwa birigukorerwa ku butaka bwabo.

Perezida Mokgweetsi Masisi yavuze ko abagore ba Botswana bashobora ku nshuro yabo ya mbere gutunga ubutaka kimwe n’abagabo babo.

Kugeza ubu, politiki y’ubutaka muri iki gihugu yabujije abagore gutunga amasambu mu igihe abagabo babo bari basanzwe bayafite.

Gusa abagore batashyingiwe, abapfakazi cyangwa abagore b’abagabo batari basanzwe bafite ubutaka bo bari basanzwe bemerewe kuba batunga ubutaka.

Ivangura rishingiye ku gitsina ngo ryabaye muri iki gihugu mu myaka ishize ku byerekeye umutungo w’ubutaka, ryasize miliyoni nyinshi z’abagore batabona ubutaka mu bice batuyemo.

Perezida yanditse ku rubuga rwa twitter ko itegeko ryahinduwe, rigira riti “Buri ‘Motswana’ (izina rihabwa umugore muri iki gihugu) azaba yemerewe kugenerwa ikibanza kimwe cyo guturamo ahantu baba mu gihugu, haba ku butaka bwa Leta ndetse no ku butaka bw’imiryango”.

Perezida yongeye gushimangira ko politiki nshya ku butaka igamije kurinda no kurengera abapfakazi n’imfubyi bafite imiryango basigaranye mu nshingano, cyangwa basigaye ari bo bakuru b’imiryango bakeneye ubutaka bwo gukoresha mu kuzamura imiryango basigaranye.

Imiryango iharanira uburenganzira bwa muntu yishimiye impinduka, ivuga ko hari hashize igihe iri tegeko baritegereje kuko hari abo ryabuzaga uburenganzira ku mutungo kandi babufite.

Ikinyabutabire giherutse guturikira i Beirut muri Liban abantu 250 bahasiga ubuzima

Abategetsi bo muri Sudani bataye muri yombi abantu 41 nyuma yo kubafatana icyo kinyabutabire cy’ibiturika kizwi nka Nitrate d’Ammonium. Biravugwako ko yari nyinshi cyane ku buryo buteye ubwoba.

Ikinyabutabire nk’iki giherutse guhitana abantu barenga 250 i Lebanon; aho cyari cyarabitswe ku cyambu cy’i Beirut. Bivugwa ko cyabitswe nabi bikaba ari byo byabaye intandaro y’iturika ryakomerekeyemo abarenga ibihumbi bitanu (5000).

Iki kinyabutabire cyari gitwawe muri kontineri enye ubwo abayobozi bagifataga. Umushinjacyaha mukuru Tagelsir El-Heber; yavuze ko iki kinyabutabire "Nitrate d’Ammonium" bafashe ngo kirahagije kugira ngo iturika ryacyo rishyire umurwa mukuru wose Kharthoum ku butaka ugahita uhinduka umuyonga mu masegonda.

Umuvugizi w’inzego z’umutekano Jamal Jumaa yavuze ko bamaze gufata abari batwaye icyo kinyabutabire biteza impungenge z’uko aba bashobora kuba bari mu migambi yo gushaka gukoresha iki kinyabutabire mu gutwika umujyi mu bikorwa by’iterabwoba mu rwego rwo kurwanya Guvernoma y’inzibacyuho yagiyeho nyuma y’uko uwahoze ari perezida Omar al Bashir ahiritswe ku butegetsi yari amazeho imyaka irenga 30. Icyakora na none uyu muvugizi nta gihamya y’ibi birego yigeze agaragaza.

Yoshihide Suga yari asanzwe akorana bya hafi n’uwo asimbuye Shinzo Abe

Nyuma yo gutsindira ubuyobozi bw’ishyaka riri ku butegetsi mu ntangiriro z’iki cyumweru, amajwi yo ku wa Gatatu yemeje ko uyu mwanya wegukanywe bidasubirwaho na Yoshihide Suga. Yahoze ari Umunyamabanga wa Leta ushinzwe ibikorwa bya Guverinoma akaba yarahoze hafi cyane ya Shinzo Abe. Ibi bivuze ko Minisitiri w’Intebe mushya azakomeza politiki y’abamubanjirije.

Shinzo Abe yatangaje ko yeguye mu kwezi gushize avuga ko abikoze ku mpamvu z’ubuzima bwe butameze neza muri ibi bihe.

Kuri uyu wa Gatatu, Bwana Abe yakoresheje inama ye ya nyuma y’Abaminisitiri maze abwira abanyamakuru ko yishimiye ibyo yagezeho mu myaka hafi umunani amaze ku butegetsi.

Bwana Suga yatsindiye kuba Minisitiri w’Intebe w’u Buyapani mu matora y’abagize Inteko Ishinga Amategeko y’u Buyapani, yegukana amajwi 314 kuri 462.

Ikinyamakuru The Sun cy’Abongereza kivuga ko ukurikije uko ihuriro riyobowe n’ishyaka rye riharanira Demokarasi (LDP) rifite ubwiganze mu nteko, ngo byacaga amarenga y’ intsinzi ye.

Nyuma yo gutorwa, Suga na Guverinoma ye nshya bazemezwa n’Umwami mu muhango uzabera ku ngoro ya cyami nk’uko bigenda mu miyoborere y’u Buyapani.

Ibibazo biri imbere

Kimwe n’ibindi bihugu byinshi, u Buyapani burwana n’icyorezo cya Coronavirus cyateje kugwa hasi k’ubukungu bwifashe nabi cyane nyuma y’imyaka ishize ubukungu bw’u Buyapani bwarasubiye inyuma ugereranyije n’imyaka ya kera.

Igihugu kandi kirimo guhangana n’ikibazo cy’Abayapani biganjemo abatangiye kugera mu zabukuru. Hafi kimwe cya gatatu cy’abaturage barengeje imyaka 65.

Suga yamaze gusezeranya kuzakomeza gahunda nyinshi z’ubuyobozi bwabanjirije iyi manda ye, harimo na gahunda yo kuvugurura ubukungu, icyo yise "Abenomics".

Yoshihide Suga ni muntu ki?

Yavukiye mu muryango w’abahinzi b’inkeri (strawberry), ubu akaba ari umunyapolitiki w’inararibonye uzwiho kwicisha bugufi aho ibi bimutandukanya na benshi mu banyapolitiki bakomeye bo mu Buyapani.

Yoshihide Suga yavutse tariki ya 06 Ukuboza 1948 ni ukuvuga ko afite imyaka 71 y’amavuko. Yazamutse buhoro buhoro mu rwego rwa politiki. Yabanje kuba Umunyamabanga w’ihuriro LDP mbere y’uko atangira umwuga we wa politiki, kugeza abaye umunyamuryango w’inteko ishinga amategeko mu 1996.

Mu 2005 yabaye Minisitiri ushinzwe ibikorwa by’Inama y’Abaminisitiri y’u Buyapani yari iyobowe na Junichiro Koizumi kandi agira uruhare runini muri Guverinoma yakurikiyeho.

Kimwe mu byagaragaye cyane mu ruhame ni igihe yashyiraga ahagaragara izina ry’ibihe bishya byiswe "Reiwa" mu gihe cyo kuva ku ngoma ku Mwami w’Aabami Akihito weguye ku butegetsi, agasigira ingoma umuhungu we Naruhito muri 2019.

Umuryango Imbuto Foundation utera inkunga iyi mishinga ishingiye ku buhanzi n’umuco muri gahunda yiswe ArtRwanda-Ubuhanzi igamije guteza imbere ubuhanzi mu rubyiruko.

Ku ikubitiro abiganjemo urubyiruko 24 bagaragarije abagize akanama nkemurampaka imishinga yabo bateguye bashaka gukora yerekeranye n’ubuhanzi.

Abitabiriye iyo gahunda yo kugaragaza imishinga yabo baganiriye na Kigali Today bavuze ko ari amahirwe kuko bizabafasha kwiteza imbere ndetse no guhanga udushya mu bikorwa by’ubuhanzi n’umuco.

Imishinga izaterwa inkunga yatoranyijwe mu mishinga irenga 400 aho icyiciro cya nyuma cyagezemo mirongo ine na batanu 45; bagomba kuvamo mirongo itatu 30; bazegukana ibihembo birimo miliyoni 10 z’amafaranga y’u Rwanda kuri buri mushinga uzaza mu yahize iyindi.

Umuyobozi wa Imbuto Foundation, Sandrine Umutoni, avuga ko bamaze kubona ko ibikorwa by’ubuhanzi byagezweho n’ingaruka n’icyorezo cya covid-19, bahisemo gutanga umusanzu wabo; kugira ngo ubuhanzi bwongere butere imbere buteza imbere n’ababukora.

Yagize ati: “Ubushobozi bwari buhari ni ubwo guhemba aba mirongo itatu, ariko ntitwirengagije ko hari abahanzi benshi bakenewe guterwa inkunga turabizi ko benshi bagezweho n’icyi cyorezo.

Akomeza avuga ko bibanze ku berekanye imishinga ishobora no gufasha abantu benshi barimo n’abahanzi, bityo ko ibihembo bizakomeza kwiyongera mu rwego rwo kugira ngo bakomeze no gushishikariza indi miryango guteza imbere ibikorwa by’ urubyiruko.

Igikorwa cyo kwerekana imishinga ihatana kirakomeza kuri uyu wa kabiri aho abandi bahatana basigaye 21 na bo berekana imishinga yabo imbere y’akanama kayobowe n’ikigo cy’ubucuruzi BPN(Business Partners Network) nyuma abegukanye ibihembo 30 bakazagenerwa amahugurwa n’izindi nyigisho zibafasha gushyira mu bikorwa imishinga yabo mu gihe kingana n’amezi atandatu.

Reba Video igaragaza uko icyo gikorwa cyangenze

Byabereye ahitwa La Zurriola mu Mujyi wa San Sebastian uherereye mu Majyaruguru y’icyo gihugu. Icyakora nyuma y’uko bimenyekanye ko yarenze ku mabwiriza, yongeye gufatwa ndetse yambikwa n’amapingu kuko yasaga n’uteza amahane. Bagenzi be ngo ni bo bahamagaye abapolisi n’abaganga nyuma yo kumubona yavuye aho avurirwa akigira ku mazi.

Amakuru aravuga ko uyu mugore yari asanzwe akora nk’umurinzi ku mucanga uzwi cyane wa San Conastian mu gace ka La Concha.

Biteganyijwe ko azahanishwa igihano gikomeye azira kuva aho yari aherereye mu kato. Ashobora gucibwa agera ku 5.500 by’Amayero (abarirwa muri miliyoni esheshatu mu mafaranga y’u Rwanda).

Iki gihano ngo gishobora kwiyongeraho agera ku bihumbi 100 by’Amayero (miliyoni 114 mu mafaranga y’u Rwanda) mu gihe byaramuka bigaragaye ko hari umuntu yanduje COVID-19 biturutse kuri uko kurenga ku mabwiriza ku bushake.

Ibarurishamibare muri Afurika y’Epfo ryerekanye ko Ubukungu bwa Afurika y’Epfo bwagabanutseho 51% mu gice cy’umwaka wa 2020 ugereranyije n’icyo gihe mu mwaka ushize wa 2019.

Igabanuka ritigeze ribaho ryatewe n’ifungwa ry’ubucuruzi, hiyongeraho na gahunda ya guma mu rugo yagize ingaruka ku mikorere y’abaturage. Ibihe bidasanzwe byashyizweho ku ya 27 Werurwe 2020, byatumye ibikorwa byinshi by’ubukungu bihagarara.

Kugabanuka k’ubukungu ahanini byatewe no kugabanuka gukabije mu bikorwa by’ubwubatsi, inganda n’amabuye y’agaciro, aho byose byagabanutse kugera kuri 70%.

Ubukungu bwa Afurika y’Epfo, igihugu cyahoze ari icya mbere ku mugabane wa Afurika, bwari bumaze gusubira inyuma ku nshuro ya kabiri mu myaka ibiri ishize. Igihe icyo gihugu cyibasiwe na virusi ya corona, ubukungu bwagabanutseho kabiri ku ijana mu mezi atatu ya mbere y’uyu mwaka.

Abashinzwe ibarurishamibare bavuga ko kuba igihembwe cya kabiri cyarabaye icy’ibihombo ku gihugu ngo byagize ingaruka ku muvuduko ubukungu bwose bwagombaga kugenderaho, bituma ubukungu muri rusange bugwa mu gihombo kingana na 6.1 %.

Gusubira inyuma k’ubukungu bwa Afurika y’Epfo byatumye Nigeria ifata umwanya wa mbere muri iyi myaka ya vuba aho kugeza ubu Nigeria ifite umutungo ungana n’umusaruro mbumbe (GDP) ubarirwa kuri miliyari 444,543 z’amadolari naho Afurika y’Epfo ikaba ifite miliyari 358,893 mu madolari ya Amerika.

Inteko ya gisirikare yakuye ku butegetsi Perezida Ibrahim Boubacar Keita yahawe kugeza ku ya 15 Nzeri kugira ngo ishyireho umuyobozi w’umusivili uyobora inzibacyuho.

Abayobozi bo mu muryango wa ECOWAS bategetse kandi ko Perezida ndetse na Minisitiri w’Intebe b’abasivili bazayobora igihugu mu matora mashya.

Iyi nteko y’igisirikare kugeza ubu ntirasubiza kuri ibi byemezo byemejwe ku wa mbere mu nama yitabiriwe n’abakuru b’ibihugu umunani yabereye i Niamey mu murwa mukuru wa Niger.

ECOWAS yifuza ko inzibacyuho yakorwa mu gihe cy’umwaka umwe, ariko agatsiko k’igisirikare kahiritse ubutegetsi mu minsi ishize kavuze ko ari ngombwa ko gahabwa “igihe gikwiye ndetse gihagije cyo kubisuzuma cyingana nibura n’imyaka ibiri”.

Perezida wahiritswe ku butegetsei, Ibrahim Boubacar Keïta yerekeje muri Leta zunze ubumwe z’Abarabu kwivuza mu mpera z’icyumweru, nyuma yo kumara ikindi cyumweru kimwe arwariye i Bamako mu murwa mukuru, aho byemejwe ko yagize ikibazo cyo mu bwonko cyizwi nka ‘mini-stroke’.

Ibrahim Boubacar Keïta yaje kwemererwa n’igisirikare gushaka ubuvuzi yifuza mu mahanga ahabwa n’igisirikare igihe cyingana n’amezi atatu.

Yafunzwe iminsi 10 nyuma yo guhirikwa ku butegetsi ahita yegura ku ya 18 Kanama, nyuma y’amezi abiri y’imyigaragambyo n’igitutu cy’abaturage banengaga ko ubukungu bwikubise hasi n’ikibazo cy’umutekano muke.

Amerika yatangaje ko u Bushinwa buri gukuza imbaraga zirushijeho z’ubumara bwa ‘nuclear’ no kongera ibikorwa by’igisirikare mu bihugu by’amahanga.

Raporo ya Minisiteri y’ingabo y’Amerika, ivuga ko u Bushinwa buri mu migambi yo gushinga ibirindiro bya gisirikare mu bihugu bine bya Afurika.

Kenya, Seychelles, Tanzaniya na Angola, ni ibihugu byavuzwe mu bindi bihugu 10, aho u Bushinwa butekereza gushinga ibirindiro.

Kugeza magingo aya, Guverinoma enye zo muri Afurika ntacyo ziratangaza kuri iyi iyi raporo yashyizwe ahagaragara na Amerika ku bikorwa by’igisirikare bya Amerika.

Raporo yasohotse mu cyumweru gishize, ivuga ko bimwe mu bihugu bigomba gushingwamo ibirindiro bihakana ko biri mu biganiro n’u Bushinwa.

Raporo ivuga ko uretse ibirindiro biriho ubu i Djibouti, bishoboka cyane ko Repubulika y’u Bushinwa iri mu migambi yo kongera ibikoresho bya gisirikare mu bihugu by’amahanga by’umwihariko muri Afurika, kugira ngo u Bushinwa burusheho gukomeza no guteza imbere ingabo zabwo zirwanira mu mazi, mu kirere, no ku butaka.

Uretse muri Afurika, Amerika ivuga ko u Bushinwa buri kongera imbaraga mu bya gisirikare, ndetse ko itekereza gushyira ibirindiro mu bihugu nka Myanimar, Tailand, Singapore, Indonesa, Pakisitan, Sri Lanka, Leta zunze ubumwe z’Abarabu, Kenya, Seychelles, Tanzania, Angola na Tajikistan.

Hari amakuru yavugaga ko u Bushinwa bwarangije gusinyana amasezerano na Leta ya cambodia yo gukoresha amazi y’iki gihugu ku mato y’intambara y’u Bushinwa ku ruhande rw’agace kitwa Ream, ariko ibihugu byombi byabihakanye.

Mu gihe u Bushinwa bwaba butangiye gukuza imbaraga z’igisirikare hanze y’igihugu, bwaba bugiye kwiyongera kuri Leta zunze ubumwe za Amerika nk’igihugu cy’igihangange gifite umubare w’abasirakare mu birindiro binyuranye mu bihugu by’amahanga kurusha ibindi bihugu byo ku isi.

Kugeza ubu Amerika ifite ibirindiro by’igisirikare 800 mu bihugu byo ku isi 80, hamwe n’abasirikare hanze y’igihugu muri ibyo birindiro binyuranye bagera mu 200,000.

Umuyobozi wa gahunda ya OMS muri Afurika, Richard Mihigo, avuga ko icyiciro cya mbere cyabazakingirwa kizashyira imbere abakozi bashinzwe ubuzima n’imiryango itishoboye.

Mihigo yavuze ko ibihugu 54 bya Afurika byose byagaragaje ko byifuza urukingo rwa Covid-19. Afurika ituwe n’abaturage barenga miliyari 1.3.

Gahunda y’inkingo ku isi yitwa COVAX, irashaka gufasha mu kugura no gukwirakwiza neza miliyari ebyiri z’inkingo mu gihe zemewe kuzitanga byagera mu mpera z’umwaka wa 2021.

Iyi gahunda ifite inkingo icyenda zinyuranye ziri kugeragezwa hirya no hino ku isi, kugira ngo hazavemo izemezwa ko zahangana n’iki cyorezo.

Nk’uko byatangajwe n’umuyobozi wa ‘Coalition for Epidemic Preparedness Innovations (CEPI), Richard Hatchett, ngo ubwoko bw’inkingo ebyiri zinyuranye ziri kugeragerezwa ku mugabane wa Afurika.

Urugomero GERD rwateje umwuka mubi ruzuzura muri uyu mwaka wa 2020

Leta zunze Ubumwe za Amerika zahagaritse inkunga ya miliyoni 100 z’amadolari ya Amerika (ni ukuvuga miliyoni 75 z’amapawundi) yahaga igihugu cya Etiyopiya nyuma y’ubwumvikane buke n’amakimbirane akomeje kuvuka hagati y’ibihugu bikora ku ruzi rwa Nil ari byo Misiri na Sudani. Ni nyuma y’aho Ethiopia yubatse idamu nini iriho urugomero rw’amashanyarazi kuri Nil bigateza ubushyamirane.

Ibiro ntaramakuru by’Abongereza (Reuters) byatangaje ko "Amadolari agera kuri miliyoni 100 cyangwa arenga gato ari yo azahagarikwa. Muri ayo, miliyoni 26 z’Amadolari ni igice kimwe cy’inkunga yagombaga kuba yaratanzwe ku nkunga Amerika igomba Ethiopia ikaba yagombaga kurangirana n’umwaka w’ingengo y’imari .

Iki cyemezo cyafashwe mu rwego rwo gushaka kwerekana ko Perezida wa Leta zunze Ubumwe za Amerika Donald Trump ahaye igihano Ethiopia; nyuma y’uko iki gihugu cyanze imishyikirano; mu biganiro Ethiopia yari imaze igihe igirana n’ibihugu bitatu bikora kuri Nil bihanganye muri uru rugamba.

Ibyo bihugu byagiye byerekana impungenge z’uko uru rugomero ruri kuri iyi dam yiswe "Grand Ethiopia renaissance dam" ngo izagira ingaruka zikomeye zirimo kugabanuka kw’ingano y’amazi y’uruzi rwa Nil; mu gihe ubuzima bw’abaturage muri Misiri na Sudani bushingiye kuri uru ruzi mu bikorwa by’ubuhinzi no kuhira imyaka, ndetse n’amazi meza yo gukoresha mu ngo.

Umuryango w’Abibumbye (UN), uvuga ko imvura nyinshi yateje umwuzure yatumye amazi y’Uruzi rwa Nil yuzura ku igipimo kidasanzwe cya 17.5, igipimo cyitari bwabeho mu myaka 100 ishize. Amazi yarenze inkombe ateza imyuzure yakwiriye mu igihugu.

Umuryango w’Abibumbye uvuga ibikorwa byo kubahiriza isuku mu baturage bigoye kuko kubona amazi meza ari ikibazo kibakomereye, mu gihe igihugu kiri mu byibasiwe n’icyorezo cya coronavirus nac yo cyahungabanyije igihugu.

Isuzuma rya mbere ryakozwe na Loni rivuga ko amariba ashingiye ku masoko agera ku ibihumbi bibiri yanduye cyangwa yasenyutse.

Uturere twibasiwe cyane ni muri Sudani y’Iburasirazuba, ibice by’abaturiye mubice by’uruzi rwa Nil, hakiyongeraho n’Intara ya Darfur n’Umurwa Mukuru Khartoum, aho abantu 10,000 bavanywe mu byabo n’imvura n’imyuzure badafite aho kuba ndetse bakeneye inkunga yibiribwa n’ubufasha bwihutirwa.

Umwuzure ukomeye wateye ubwoba Abanyasudani n’Umuryango w’Abibumbye watewe n’imvura yatangiye kugwa kuva mu kwezi gushize, i Khartoum honyine, abantu barenga 21,000 bahuye n’umwuzure, kandi ku cyumweru gishize guverinoma yatangaje ko ibintu bidasanzwe muri Khartoum ishyiraho ibihe bidasanzwe kuri uy’umujyi (state of emergency).

Umuvugizi w’Ibiro by’Umuryango w’Abibumbye bishinzwe guhuza ibikorwa by’ikiremwamuntu (OCHA), yagize ati “Hirya no hino mu gihugu iyi mvura yatangiye kugwa guhera ku ya 25 Kanama, abantu 380,000 bagezweho n’ingaruka mu gihe tumaze kubura ubuzima bw’abantu 90 twabashije kubarura, ariko birakomeye dushobora kubona imibare igenda izamuka kuko hari aho tutari twageza ubutabazi tudafite amakuru ahagije”.

Imvura n’umwuzure byangije ibikorwa remezo birimo imihanda yangiritse, ku buryo bigoranye kugeza ubufasha ku miryango iri mu kaga kubera icyo kiza.

Minisitiri w’Uburezi muri Kenya George Magoha, yavuzeko bateganya gufungura amashuri mu kwezi kwa Mutarama mu mwaka utaha wa 2021, ariko yongeraho ko byakorwa gusa mu gihe coronavirus yaba ikomeje kugenza amaguru make.

Minisitiri Magoha yongeyeho ko amashuri makuru na za kaminuza bishobora gufungura imiryango mbere y’igihe giteganijwe, avuga ko gufungura amashuri biri mu inyungu z’umunyeshuri.

Minisiteri y’Ubuzima ivuga ko icyorezo gisa n’ikiri gucisha make ugereranyije n’imibare iyi Minisiteri iri kugaragaza y’abanduye bashya, aho yiteze ko abarwayi bazagabanuka ku kigereranyo cya 5% mu gihe cy’ibyumweru bibiri biri imbere kugira ngo hemezwe ko igihugu cyitakiri mu murongo utukura w’icyorezo.

Mu cyumweru gishize, OMS na UNICEF zavuze ko Leta zishobora gutangira kurekura abanyeshuri bari mu ngo bagasubira ku ishuri, ariko bigakorwa hakozwe inyigo y’umwihariko ijyanye n’ubwirinzi bwo kurwanya ikwira ry’icyorezo mu banyeshuri.

Iyi miryango yombi ivugako za Leta zishobora guhugira ku rugamba rwa covid-19, nyamara zigahomba ikiragano cy’abantu b’ahazaza, kuko mu gihe amashuri afunze abana bari mu ngo.

Ikinyamakuru Daily Nation kivuga ko kugeza magingo aya, Kenya ibarura abantu barenga ibihumbi 32,557 banduye icyorezo harimo abashya 193 bagaragaye ku wa kabiri, mu gihe covid-19 imaze guhitana abandi 554 harimo abashya batandatu bapfuye ku wa wa kabiri.

Abanyeshuri bo muri Afurika y’Epfo mu byiciro byose basubukuye amasomo ku wa mbere tariki 24 Kanama 2020 nyuma y’icyumweru kimwe cyari gishize Leta yongeye gufunga ibigo by’amashuri byose bitewe n’ubwiyongere bw’ubwandu bwa Coronavirus.

Abanyeshuri bose bongeye gusubira ku bigo byabo; bahasanga abandi banyeshuri bo mu mwaka wa nyuma bari basubukuye amasomo mbere mu cyumweru gishize; mu rwego rwo kwitegura gukora ibizamini bya Leta bisoza umwaka w’amashuri wa 2020.

Muri Nyakanga 2020, Perezida Cyril Ramaphosa yatanze itegeko ryo kongera gufunga amashuri; nyuma yo gufungurwa ariko mu gihe gito abaturage bagahita batabaza basaba ko hagira igikorwa kubera ubwiyongere bw’abagaragayeho coronavirus.

Kuri iyi nshuro, Leta ivuga ko yafashe icyemezo cyo kongera kwemerera amashuri gufungura biturutse ku kuba ngo umubare w’abandura covid-19, ugenda ugabanuka ugereranyije na mbere.
Minisitiri w’Ubuzima yavuze ko igihugu kiri kugerageza ibishoboka kugira ngo kive mu murongo utukura cyashyizwemo na Coronavirus.

Mu cyumweru gishize, ishami ry’umuryango w’Abibumbye ryita ku buzima (OMS) n’iryita ku bana (UNICEF), ayo mashami yasabye Leta z’ibihugu bya Afurika gufungura amashuri ariko hakoreshejwe ingamba z’umwihariko zo gukumira ikwirakwizwa rya Coronavirus.

Abayobozi muri Afurika y’Epfo bavuga ko biteguye neza ndetse bagategura n’ibishoboka byose kugira ngo bafungure amashuri ku buryo icyorezo cya COVID-19 kitazagaragara cyane mu mashuri.

Leta ivuga ko covid-19 iri kugenda irushaho kongera umuvuduko mu buryo budasanzwe, aho mu minsi umunani gusa bamaze kubarura abantu barenga 400 banduye.

Si abanyururu gusa byagaragaye ko banduye, kuko harimo n’umucungagereza umwe wanduye. Abeshi muri aba bagororwa bari batawe muri yombi bazira ibyaha binyuranye, ku mupaka wa Elegu i Amuru, akarere gahana imbibi na Sudani y’Epfo.

Bose hamwe bari bafungiye muri kasho imwe, aho byari biteganyijwe ko boherezwa muri gereza nkuru y’igihugu. Leta ya Uganda yatangaje umuntu wambere wanduye covid-19, mu kwezi kwa Werurwe, ndetse igenda ishyiraho ingamba n’amabwiriza yo kurwanya ikwirakwira ry’iki cyorezo, harimo izerekeye amagereza aho nta muntu wemerewe gusura umuntu ufunze.

Mu cyumweru gishize ni bwo Minisiteri y’Ubuzima yatangaje ko yatangiye gupima covid-19 mu banyururu bose, nyuma y’uko umwe yagaragaje ibimenyetso by’iki cyorezo agahita ashyirwa mu kato aho ari kwitabwaho n’abaganga.

Umuvugizi w’urwego rushinzwe amagereza Frank Baine, avuga ko basabye Leta gupima abanyururu bose uko ari ibihumbi 61,000, hakiyongeraho no gupima abacungagereza bose mu gihugu kugira ngo hamenyekane umubare w’abamaze kwandura.

Mu kwezi kwa Gicurasi ni bwo Leta yatangiye koroshya no kudohora ingamba zari zashyizweho zo kurwanya ikwirakwira ry’iki cyorezo, harimo na gahunda ya guma mu rugo no gufunga ibikorwa byose hagasigara ubucuruzi.

Kuva yakoroshya izo ngamba, imibare y’abandura ikomeje gutumbagira aho kuri ubu habarurwa abantu 2,200 banduye covid-19, mu gihe iki cyorezo kimaze kwica Abanyauganda 20.

Perezida Kim Jong Un biravugwa ko na we yatanze imbwa ye akunda barayibaga

Kim Kong-un yategetse abaturage n’abayobozi bose gutanga imbwa zabo kugira ngo zicwe ibyo kurya biboneke ku miryango yibasiwe n’inzara.

Raporo y’ikinyamakuru Chosun Ilbo cyo muri Koreya y’Epfo ivuga ko imbwa ziri mu kaga cyane kuko ubu inyama zayo ngo ziri kuribwa ku bwinshi abaturage babyishimiye.

Iki kinyamakuru kivuga ko iki cyemezo gishobora kuba kigamije guhosha uburakari bw’abaturage kubera ubukungu bw’igihugu bwikubise hasi. Amakuru avuga ko abayobozi bose bagaragaje ingo zifite imbwa batunze bategekwa kuzitanga ngo ziribwe cyangwa bazamburwe ku ngufu ku itegeko ryashyizweho n’umukuru w’igihugu.

Amatungo y’imbwa yamaze gukusanyirizwa hamwe, amwe ajyanwa mu nzu zigenewe inyamaswa ndetse izindi zikagurishwa muri za resitora zimenyereweho gucuruza inyama z’imbwa. Ikinyamakuru Daily Mail kivuga ko Koreya ya Ruguru ifite amaguriro azwiho gutunganya inyama z’imbwa ku buryo budasanzwe zigakundwa n’abaturage.

Muri iki gihugu, abantu basanzwe borora ingurube n’andi matungo asanzwe, ariko abayobozi bo mu rwego rwo hejuru ndetse n’abatunzi bo ngo usanga batunze imbwa cyane kuva mu myaka ya za 90 nk’ikimenyetso cyo kuba uri umukire cyangwa umuntu ukomeye.

Ikibazo cy’ibihingwa byangiritse muri covid-19 giteye gite?

Raporo iherutse gutangazwa n’Umuryango w’Abibumbye igaragaza ko abagera kuri mirongo itandatu ku ijana (60%) by’Abanyakoreya ya Ruguru bafite ikibazo gikomeye cy’ibura ry’ibiribwa.

Mu byumweru bishize, imvura nyinshi n’umwuzure byangije ibiribwa muri iki gihugu, byiyongera ku ngaruka zo kuba cyaragiye gikomanyirizwa ndetse kigahabwa ibihano bishingiye ku bukungu mpuzamahanga, biturutse ku gukora no kugerageza intwaro za kirimbuzi.

Umuryango utabara imbabare Croix-Rouge muri Koreya ya Ruguru ni wo muryango wonyine ushobora kugera mu ntara zose icyenda, kandi abakorerabushake barenga 43.000 bagiye bakorana n’itsinda ry’ubuzima mu bikorwa byo gukumira COVID-19; ndetse no gufasha imirimo ijyanye no kugoboka abibasiwe n’umwuzure, nk’uko Antony Balmain wo muri Croix-Rouge yabibwiye ibiro ntaramakuru by’Abongereza Reuters.

Balmain yagize ati: "Inzu amagana zarangiritse kandi ahantu hanini hari hahinze umuceri hangijwe n’imyuzure yatewe n’imvura nyinshi.

Mu kwezi gushize nibwo Perezida Kim Jong Un yatanze itegeko risa n’impuruza, asaba abaturage kwitwararika no kurushaho kwirinda iki cyorezo cya Coronavirus nyuma y’uko kigaragaye mu baturage benshi ariko imibare bikaba bitoroshye kuyibona bitewe n’uko bigoye kubona amakuru avugwa muri iki gihugu.

Amakuru yaho akenshi akunda gutangazwa na Korea y’Epfo byahoze ari igihugu kimwe.

Amakuru avuga ko Coronavirus yagaragaye bwa mbere mu gace kitwa Kaesong gahana imbibi na Korea y’Amajyepfo aho umugabo bivugwa ko yatorotse Leta ya Pyongyang agahungira muri Koreya y’Epfo muri 2017, ari we wagarutse mu mezi ashize afite ibimenyetso by’iyi ndwara bituma aka gace gashyirwa mu kato ariko bisa n’aho byari byakererewe kuko no mu tundi duce tw’igihugu yari yarangije gukwira.

Perezida Lungu avugwa kugira uruhare mu bucuruzi butemewe bw’ibiti biri gucika ku isi

Mu magambo ye, perezida Lungu yumvikanye agira ati: “Nababwiye ko kurwanya ruswa bishingiye kuri politiki n’ibikorwa bibi birimo abanyepolitiki bayoboye mu gihe cyashize n’abari kuyobora ubu. Abashinzwe kurwanya ruswa baramaranira kumpirika ku butegetsi, hamwe na Guverinoma yanjye ndetse n’abandi bayobozi bose bakora akazi kabo neza.”

Akomeza agira ati “Bazi aho ruswa iri n’aho ikabije ariko ntibashaka kujyayo. Icyo bashaka ni ukunkuraho na Guverinoma yanjye."

Perezida Lungu avuga ibi mu gihe mu minsi ishize Guverinoma ayoboye yashinjwaga ruswa, aho bamwe mu baminisitiri be bahamagajwe na komisiyo ishinzwe kurwanya ruswa kugira ngo babazwe, batange ibisonuro birambuye.

Minisitiri w’Ubuzima Chitalu Chilufya mu kwezi gushize yashinjwaga ibyaha bine byo kwigwizaho umutungo ukekwa kuba waravuye mu byaha ariko ahakana ibi birego byose n’ibyaha by’iyezandonke yaregwaga.

Abasesenguye amagambo ya bwana Lungu basanga bitazigera bishoboka ko avuga rumwe n’abashinzwe kurwanya ruswa kuko hazamo guhangana ku mpande zombi. Mu minsi ishize hari raporo perezida Lungu, aherutse guhakana ivuga ko we n’umukobwa we Tasila Lungu, Uhabwa Lubinda (Minisitiri w’Ubutabera), na Jean Kapata (Minisitiri w’ubutaka n’umutungo kamere), bafite agatsiko k’abagizi ba nabi bakoresha mu bucuruzi bw’igiti kiboneka ahantu hake cyitwa ‘Mukula’. Ako gatsiko uretse kuba kungukira mu bucuruzi buhenze butemewe n’amategeko bw’iki giti kiri gucika ku isi, ngo gakora ibikorwa birimo gushimuta, n’ubundi bwicanyi bwibasira abandi bacuruzi baba bahanganye.

Ibi biti birimo gucika ku isi ngo ni imari ikomeye

Ako gatsiko kiswe ‘Mukula Cartel’ ni abantu nyamukuru muri uyu muyoboro utemewe. Ibyo biti byashyizwe mu mwihariko w’ibirengerwa ndetse binarindiwe umutekano mpuzamahanga uherutse guhabwa ibiti bidasanzwe byo muri Afurika hashingiwe ku masezerano mpuzamahanga y’ubucuruzi mu bwoko bw’inyamanswa zo mu gasozi n’ibimera. Ayo masezerano akubiyemo n’ikigero kiriho cyo gukoreshwa, kuko ubu bwoko bw’Igiti ‘rosewood’ cyangwa ‘Mukulawood’ buramutse butarinzwe buri mu bushobora kuzimira vuba ku isi.

U Bwongereza mu mwaka wa 2018 bwahagaritse inkunga yari igenewe Zambia; nyuma y’uko bwari bwatanze inkunga y’amadolari miliyoni enye n’ibihumbi 300 agenewe imiryango ikennye, nyamara akaburirwa irengero atageze ku bo yari agenewe, ndetse ntihanatangwe ibisobanuro by’uburyo yanyerejwemo.

Minisitiri w’Intebe wa Canada, Justin Trudeau

Ugereranyije n’umwaka ushize wa 2019, ngo umubare w’ibitero byo gushaka kwica Minisitiri w’Intebe Justin Trudeau hamwe n’abandi bagize Guverinoma muri uyu mwaka wa 2020 byariyongereye ku buryo budasanzwe nk’uko igipolisi cya Canada kibyemeza.

Kuva mu kwezi kwa mbere kugera mu kwezi kwa karindwi, Polisi yerekanye ko hari hamaze kugeragezwa ibikorwa 130 byo kugirira nabi Minisitiri Trudeau mu gihe ngo mu mwaka ushize mu mezi nk’ayo ibikorwa nk’ibi byari 100 gusa.

Mu mwaka ushize wa 2019 mu gihe nk’icyo, ibyo bikorwa bigenza ubuzima bwe byari 100.

Umuntu witwaje imbunda yatawe muri yombi mu kwezi gushize ubwo yari yateye urugo rwa Minisitiri Trudeau agerageza kwinjira mu rugo.

Trudeau n’umuryango we ubu bimukiye mu yindi nzu mu gihe urugo rwa Minisitiri w’Intebe ruri kuvugururwa, bivugwa ko ubwo uyu muntu yateraga urugo rwe yasanze atari ho arimo kuba muri iyo minsi.

Ibindi bikorwa byo kugirira nabi abayobozi bakuru byabaye muri Canada birimo ibitero byagabwe kuri Julie Payette uhagarariye umwamikazi Elizabeth II; uwo akaba atuye ku muhanda umwe na Trudeau, ndetse vuba aha na Minisitiri w’Ibikorwa remezo Catherine McKenna na we aherutse guterwa.

Nyuma yo kohererezwa ubutumwa bwa email bumutera ubwoba, Minisitiri w’umuco n’urubyiruko uhagarariye Ontario, Lisa MacLeod, kuri ubu na we arindiwe umutekano mu buryo budasanzwe.

Umuvugizi wa Polisi ya Canada Daniel Brien, yavuze ko atavuga amakuru arambuye ku bikorwa bikomeje kwibasira ubuzima bw’abakomeye ariko ko igipolisi kimaze igihe kibikurikirana.

Ikigo Institute for Strategic Dialogue (ISD) muri raporo giherutse gushyira ahagaragara cyerekanye ko ibitekerezo by’urwango ku bagize Leta, by’umwihariko Minisitiri w’Intebe Justin Trudeau, byakajije umurego ku mpamvu bataramenya aho iyi raporo ibisanisha n’urwango cyangwa ivanguraruhu rikorerwa abayisilamu cyangwa Abayahudi.

Raporo ikomeza yerekana imibare y’ibyanyujijwe ku mbuga nkoranyambaga bigaragaza urwango kuri Minisitiri w’Intebe aho ibyanyujijwe kuri Facebook byari 11,4% naho ibyanyujijwe n’abahezanguni ku rubuga rwa YouTube ari 28%.

Abarwanya amategeko afungura imipaka ku bimukira n’abafite urwango ku bayisilamu ngo ni bo akenshi banga Trudeau n’ishyaka rye, nk’uko iyi raporo yabyerekanye.

Ubuhezanguni muri Canada bwakajije umurego muri uyu mwaka bisa cyane n’urwango rukorerwa Abayahudi, hamwe n’Umuryango w’Abibumbye ko ari bo bashyigikiye ingingo yo gufungura imipaka ku bimukira bajya mu bihugu by’i Burayi na Canada aho ngo uruhande rw’abazungu batabishyigikiye bagaragaza ko ibyo Leta yabo ikora n’Umuryango w’Abibumbye bigamije kurwanya ubwoko bwabo bw’abazungu.

Ni mu gihe ibihugu byishi muri iki gihe, urwego rw’ubuvuzi rusa n’uruhugiye mu guhangana n’icyorezo cya Covid-19, ariko ibi ntibyabujije u Rwanda gukomeza kwita no ku zindi ndwara nka malariya, nk’uko byemezwa n’umuyobozi ushinzwe ubuzima muri RBC, Dr. Mbituyumuremyi Aimable.

Dr. Mbituyumuremyi avuga ko ingamba zo kurwanya malariya zirimo kwivuza kare umuntu atararemba, ibikorwa byo gutera umuti wica imibu itera malariya, n’uko abantu bagenda barushaho kumenya akamaro ko kuryama mu nzitiramubu, zarushijeho gukazwa muri uyu mwaka, biba intandaro yo kugabanuka kwa malariya.

Agira ati “Twavuga ko nta kibazo iki cyorezo cya covid-19 cyaduteye mu bikorwa byo kurwanya malariya, kuko ahubwo iyo ugereranyije imibare y’abarwaraga malariya umwaka ushize n’uyu mwaka wa 2020 waranzwe na covid-19, abarwaraga bagabanutseho 1,200,000, mu gihe abahitanywe na yo bagabanutseho 100 muri uyu mwaka, tubara ko warangiye mu kwezi kwa Kamena”.

Uyu muyobozi kandi yasobanuye impamvu ibikorwa byo gutera imiti yica imibu byari byarateganyirijwe uturere 12 mu gihugu.

Akomeza agira ati “Ntabwo umuti wica imibu itera malariya tuwutera mu turere twose, kuko twahisemo udufite malariya nyishi cyane kurusha utundi, harimo uturere twose tw’Intara y’Iburasirazuba turindwi, n’utw’Intara y’Amajyepfo dutanu, hakiyongeraho n’imirenge irindwi y’Akarere ka Rusizi”.

Abantu basabwa gukomeza kumva akamaro k’inzitiramubu no kwivuza kare mu gihe hari ugaragaje ibimenyetso bya malariya, kuko ngo ari byo byafashije u Rwanda muri iki gihe cya covid-19, mu guca intege malariya.

Ingabo z’Abadage zishe abantu babarirwa mu bihumbi bo mu bwoko bw’aba Herero n’aba Nama, hagati y’umwaka wa 1904-1908, mu rwego rwo guhangana n’imyigaragambyo, yakorwaga n’abaturage ba Namibia barwanya abakoloni.

Umuryango w’Abibumbye (ONU), uvugako ko 75% byabaturage ba aba Herero hamwe na 1/2 cy’abo mu bwoko bwaba Nama, bishwe n’Abadage muri iyo myaka.

Ibihugu byombi muri 2015 ni bwo byatangije ikitwa imishyikirano ku ndishyi u Budage bugomba gutanga, ariko kugeza magingo aya leta zombi zimaze kugirana inama n’ibiganiro ku meza amwe inshuro zirenga umunani.

Ku wa kabiri tariki 11 Kanama, mu nama yagiranye n’itsinda ry’ Abanyanamibia ryashyizweho rihagarariye leta muri ibi biganiro, Perezida wa Namibiya, Hage Geingob, yavuze ko indishyi z’akababaro u Budage buri guha Namibia ari ikibazo gikomeye, ndetse ko guverinoma n’Abanyanamibia banze ku mugaragaro ibyo Abadage bari kubaha nubwo na nubu bitaramenyakana ingano.

Iri tangazo ryongeyeho ko u Budage bwemeye gusaba imbabazi Namibia mu buryo bwihariye, ariko ngo bwanga kwakira ko iki gikorwa kijyana n’ ijambo ’indishyi’, mu gihe Namibia isanga ijambo u Budage bwifuza gukoresha mui uku gusaba imbabazi ari ryo ’gukiza ibikomere’ ridahagije, ari ho bahereye bahakana icyo u Budage bushyira ku meza y’ibiganiro.

Ni nyuma y’uko hari amakuru yasohotse avuga ko umuti umenyerewe ku Migabane ya Asiya na Afurika mu kuvura Malariya ‘coartem’, wagaragaje gucika intege biturutse ku gakoko gatera malariya gasa n’akatangiye kuyimenyera.

Ukurikije amabwiriza n’amategeko y’Ishami ry’Umuryango w’Abibumbye ryita ku Buzima (WHO/OMS) agenga imiti, ku kigereranyo nk’iki cya 95%; umuti uba utarageza igihe cyo kuvanwa ku isoko kugira ngo uhindurwe.

Mu kiganiro yagiranye na Kigali Today, Umuyobozi muri RBC ushinzwe ibikorwa byo kurwanya malariya, Dr. Mbituyumuremyi Aimable, yavuze ko ari ibintu bisanzwe mubuvuzi ko agakoko gatera indwara runaka gashobora kugera igihe kagatangira kugaragaza ingufu no guhangana n’umuti wari usanzwe ukavura.

Agira ati “Ni mu buryo buri karemano udukoko tugenda tubyara utundi, utwo tuvuka bushya tukagerageza kwiyoberanya, twihinduranya ibyo twakwita nka ‘mitation’ kugira ngo ya miti itabasha kuduhangara, bikaba cyane cyane iyo umaze igihe ukoresha umuti. Ibyo birasanzwe muri uyu mwuga”.

RBC ivuga ko ibyavuye mu bushakashatsi yakoze mu gihugu kuri uyu muti, bigaragaza ko icyihutirwa ari ukuwukurikiranira hafi kuruta guhita ukurwa ku isoko.

Mbituyumuremyi akomeza agira ati “Turacyawufitiye icyizere ku kigereranyo kiri hejuru ya 95%, kandi bigendana n’uruhushya rwa OMS ku miti, ko mu gihe umuti ugikora kuri iryo janisha, uba ugomba gukomeza gukoreshwa aho guhita uvanwa ku isoko. Ni ibintu tugenda ducungira hafi cyane ko atari wo muti wonyine uvura malariya, ntabwo twagira ikibazo cy’umuti nk’u Rwanda”.

RBC ivugako ibikorwa byo kurwanya no kuvura malariya kugeza ubu u Rwanda ruhagaze neza, igasaba ko abantu bagakwiye kwirinda kuruta kwivuza, hubahirizwa ingamba zo kuryama mu nzitiramibu zikoranye umuti, n’izindi ngamba zo kurwanya malariya.

Kugaza ubu mu Rwanda hamaze gukwirakwiza inzitiramubu zingana na 5,200,000 mu baturage, mu gihe hateganyijwe gutangwa izingana na 7,000,000, uyu mwaka ukazarangira izisigaye zose na zo zitanzwe.

Umuhungu we Zondwa Mandela yabwiye igitangazamakuru cya SABC ko bitumvikana niba ari iyi ndwara ya coronavirus yamuteye urupfu. Avuga ko nyina ashyingurwa mu gitondo cyo kuri uyu wa Gatanu.

Zindzi Mandela, umukobwa muto wa Nelson Mandela akaba n’umurwanashyaka warwanyije ivanguramoko ‘apartheid’, yamubyaranye n’uwahoze ari umugore we Winnie Madikizela-Mandela.

Uyu na we afatwa nk’intwari yaharaniye ubwigenge bw’abirabura muri iki gihugu ndetse akabiherwa izina rya ‘Mother of Nation’ bishatse kuvuga umubyeyi w’igihugu.

Azwiho kuba yarafungwanywe n’umugabo we Nelson Mandela bose bazira kurwanya akarengane kakorerwaga abirabura babanye ubwo hari mu mwaka wa 1957, gusa baje gutandukana mu mwaka wa 1996 nyuma y’imyaka irenga 38 babana.

Uwo musirikare w’u Rwanda utaratangazwa amazina, yaguye mu gitero cyagabwe ku basirikare bari mu butumwa bw’amahoro muri Santarafurika, ku wa Mbere tariki ya 13 Nyakanga 2020.

Binyuze kuri Stéphane Dujarric, umuvugizi wa António Guterres, yavuze ko yamaganye yivuye inyuma icyo gitero bivugwa ko cyagabwe n’umutwe wa 3R (Return, Reclamation and Rehabilitation), ahitwa Gedze muri Perefegitura ya Nana-Mambere.

Bivugwa ko icyo gitero cyahitanye umusirikare umwe w’u Rwanda, ndetse kikanakomeretsa abandi babiri.

Umuvugizi w’agateganyo w’Igisirikare cy’u Rwanda (RDF), ku murongo wa telefoni yemeje aya makuru, ariko avuga ko amazina n’amakuru arambuye bizatangazwa nyuma yo kubimenyesha umuryango wa nyakwigendera.

Ibiro by’Umunyamabanga Mukuru wa Loni byanditse biti “Umunyamabanga Mukuru yihanganishije umuryango wa nyakwigendera, abaturage ndetse na Guverinoma y’u Rwanda. Yifurije abakomeretse gukira vuba.

Umunyamabanga Mukuru aributsa ko ibitero bigabwa ku ngabo ziri mu butumwa bw’amahoro ari ibyaha by’intambara, kandi ko bihanwa n’amategeko mpuzamahanga. Arasaba ubuyobozi bwa Santarafurika gushakisha abagize uruhare muri icyo gitero, bakagezwa mu butabera”.

Umunyamabanga Mukuru wa Loni yavuze ko Loni izakomeza gushyigikira ingufu z’igihugu mu kwimakaza amahoro n’umutekano muri Santarafurika, ikorana bya hafi n’abafatanyabikorwa mpuzamahanga.

Kompanyi yitwa Universal Music ni yo byanyuzemo kugira ngo Def Jam Recordings ize gukorera ku mugabane wa Afurika.

Mu bahanzi bo ku mugabane wa Afurika bari gutegurwa gukorana n’iyi studio ikomeye ku ikubitiro harimo Umuraperikazi wo muri Afurika y’Epfo witwa Nadia Nakai uri ku rutonde rw’abahanzi icyenda bazabanza kugirana amasezerano.

Muri aba icyenda harimo barindwi bakomoka muri Afurika y’Epfo na babiri bo muri Nigeria.

Umuraperikazi Nadia Nakai avuga kuri aya mahirwe ataragizwe n’undi muhanzi uwo ari we wese mu kiganiro yagiranye na BBC, yagize ati: “Ndumva bitangaje kuko nakuze ndeba amashusho y’indirimbo zifite kiriya kirango cya Def Jam. Numva ari ubuvandimwe n’ubufatanye budasanzwe bwa hip hop.”

Nakai akomeza agira ati: “Birema umurage. Ntekereza ko abantu bakeneye gushishikarizwa, guterwa imbaraga, kwiyumvamo no kumenya ko ibintu byiza biza kuri abo babikorera cyane. Ni byo nzanye muri iyi Label.”

Abandi bahanzi bari kuri uru rutonde rwa Label ya Def Jam barimo Cassper Nyovest wo muri Afurika y’Epfo, Nasty C, Tshego na Boity hamwe n’abandi bahanzi bo muri Nigeria Larry Gaaga na Vector.

Sipho Dlamini, umuyobozi wa Kompanyi ya Universal Music muri Afurika yo munsi y’ubutayu bwa Sahara yavuze ko iyi sosiyete yifuje no guteza imbere impano ku mugabane wa Afurika.

Yagize ati “Universal Music ifite uburambe n’ubukungu butuma ibasha gushora imari aho izindi nzu zifasha abahanzi (Labels) zidashobora gushora imari.”

Iyi sosiyete ishobora kuza ku mwanya wa mbere cyangwa uwa kabiri mu gufasha abahanzi ni yo yatumye ibyamamare n’abahanzi muri muzika nka Tupac, Nas, Notorious B.I.G., LL Cool J, Kanye West, Rihanna, Usher, Justin Bieber, Jay-Z n’abandi benshi cyane bamenyekana ku isi yose.

Nubwo bimeze gutyo ariko, Leta yatangaje ko amashuri yongeye gufungura nyuma y’uko yoroheje ingamba zo gufunga ibikorwa byose no gushyiraho akato byashyizweho mu mezi abiri ashize hagamijwe gukumira ikwira rya coronavirus.

Minisitiri w’Uburezi muri icyi gihugu yavuze ko 95% by’ibigo by’amashuri byujuje ibisabwa kugira byemererwe gufungura imiryango.

Guverinoma yasabye ibigo byose ndetse itanga n’ubufasha bw’uko bigomba kuba bifite imiti isukuru intoki kandi ikwirakwiza udupfukamunwa n’ibikoresho byo kurinda umuntu.

Ni nyuma y’aho kongera gufungura amashuri byari byasubitsweho icyumweru kimwe mu rwego rwo kubanza gusuzuma ngo huzuzwe ibisabwa byose.

Abayobozi b’ibigo by’amashuri basabwe kureba ko abanyeshuri bubahiriza intera hagati yabo, gukaraba intoki no kugenzura igipimo cy’ubushyuhe bwabo mu gihe baba bageze ku bigo by’amashuri.

Minisitiri w’Uburezi Angie Motshekga, yavuze ko barimo gukora ku mashuri atiteguye gufungura, kugirango ibibazo bigikomeye na byo bikemuke abashe gufungura.

Yavuze kandi ko biri kujyana no gusana ibigo bibarirwa mu 1000 byangiritse nyuma y’uko amashuri afunze, na byo agaragazamo nk’imbogamizi yo gutangira kw’ibigo byose.

Minisitiri yavuze ko nta shuri ritujuje ibisabwa rizemererwa kongera gufungura, ariko nanone asezeranya ko nta munyeshuri uzasigazwa inyuma.

Kanye West

Uwa uhagarariye Kanye West yabwiye CNN ati: “Kanye West yatanze miliyoni ebyiri z’Amadorali yo gutera inkunga imiryango y’abirabura George Floyd, Ahmaud Arbery na Breonna Taylor.”

“Iyi mpano ikubiyemo inkunga y’amafaranga yemewe agomba kwishyurira amashuri y’abana bo mu miryango ya Arbery na Taylor, no kugoboka abacuruzi b’abirabura bo mu mujyi Kanye West yavukiyemo wa Chicago bagezweho n’ibibazo binyuranye byaturutse ku bihe bidasanzwe bya Covid-19”.

Uhagarariye Kanye West yavuze ko uyu muraperi yashyizeho gahunda y’uburezi yiswe "529" kugira ngo yishyure byimazeyo amashuri makuru ya Gianna Floyd, n’undi umukobwa w’imyaka muto w’imyaka itandatu George Floyd yasize.

Inkunga ya Kanye West ije mu gihe imyigaragambyo yo kwamagana urupfu rw’abirabura bishwe mu bihe binyuranye ari bo Floyd, Arbery na Taylor. Ni imyigaragambyo yatangiye no gukorwa mu bindi bihugu nk’u Bwongereza.

Amajwi menshi y’ibihangange muri Politiki no mu myidagaduro akomeje kwamagana ivanguramoko rishingiye ku ruhu no kuri gahunda, yiswe iy’ubugome bwa Polisi mu gukoresha imbaraga z’umurengera ku birabura n’uburyo nta bushake mu buyobozi bwa Politiki bugaragara cyane mu kurwanya aka karengane gakorerwa abirabura.

Batatu mu bapolisi ba Minneapolis batawe muri yombi bazira urupfu rwa Floyd bitabye urukiko bwa mbere ku gicamunsi cyo ku wa kane tariki 04 Kamena 2020. Byahuriranye n’uko umuryango wa Floyd bwa mbere wakoze imihango yo kumwibuka.

Derek Chauvin, umupolisi wakubise Floyd hasi yarangiza akamutsikamiza ivi mu ijosi iminota igera kuri 9, bikaza kumuviramo kubura umwuka; yatawe muri yombi mu cyumweru gishize ashinjwa ubwicanyi bwo mu rwego rwa gatatu n’ubuhotozi bwo mu rwego rwa kabiri. Ku wa gatatu, abashinjacyaha bamushinje icyaha gikomeye cy’ubwicanyi bwo mu rwego rwa kabiri.

Ku itariki 23 Gashyantare, undi mwirabura witwa Arbery yarashwe ubwo yari arimo kwiruka hanze ya Brunswick, GA., icyo gihe Abazungu batatu bakaba baratawe muri yombi mu rupfu rwe.

Undi mwirabura witwa Taylor yarashwe inshuro umunani muri Werurwe ubwo abapolisi batatu binjiraga mu nzu ye ya Kentucky ku ngufu, FBI ikaba yaratangije iperereza ku rupfu rwe.

Muri iki gihugu hagaragaye abantu barenga 8,000 bemejwe ko banduye iyi ndwara ya covid-19, mu gihe abandi 38 bitabye Imana bazize iki cyorezo.

Aya makuru agisohoka yateye impungenge, gusa igiteye urujijo ni uko abakozi bashinzwe ubuzima bapimwe bagasanga baranduye bo bavuga ko badafite ikimenyetso na kimwe cya Coronavirus.

Abayobozi bavuga ko bamwe muri abo baganga batubahirije amabwiriza y’ubwirinzi mu kazi kabo kandi ko bagiye banduzwa n’abandi baturage basanzwe.

Kugeza ubu akarere ko hagati mu majyepfo ya Ghana ka maze kugira abantu banduye barenga 400, kandi 70 muri bo ni abashinzwe ubuzima.

Kugeza ubu haribazwa ikizava mu bindi bizamini mu gihe n’abandi baganga bo mu bindi bice bapimwa, ariho ubwoba buturuka kuri benshi mu gihe iki cyorezo cyageze no mu bashinzwe kugikumira.

Perezidawa Ghana, Nana Akufo-Addo yoroheje amategeko abuza guterana, kandi yafunguye amashuri ku banyeshuri bo mu mwaka wa nyuma n’abitegura gukora ibizamini bisoza umwaka, ariko nanone abarwayi bakomeza kwiyongera umunsi ku wundi ariko imipaka yo iracyafunzwe.

Aba baganga 70 banduye baje biyongera ku bandi baganga bakuru b’abadogiteri 13 na bo banduye covid-19 mu kwezi kwa Mata, bikavugwako impamvu yo kwandura kwabo yaturutse ku buke bw’ibikoresho byo kwirinda bigenewe abaganga muri icyo gihugu.

Haravugwa icyorezo cya COVID-19 mu bagororwa muri Kenya (Ifoto: BBC)

Abagororwa 31 ni bo bamaze kumenyakana ko banduye covid-19. Babonetse mu bikorwa rusange byo gupima bikomeje mu gihugu.

Babonetse kandi nyuma y’aho abagororwa 59 boherejwe ku bigo nderabuzima byo mu murwa mukuru Nairobi kugira ngo bapimwe iki cyorezo nyuma y’uko bari bamaze iminsi 21 mu kato nyuma y’uko bari bavuye mu rukiko gusomerwa imyanzuro ku byaha binyuranye bashinjwa.

Komiseri mukuru wa gereza, Wycliffe Ogallo, yatangaje ko bafashe ingamba zo gukumira ikwirakwizwa rya virusi muri za kasho zirenga 129 mu gihugu hose.

Ni mu gihe amagereza yo muri Kenya asanzwe azwiho kugira ubucucike bw’imfungwa ugereranyije n’umubare gereza ziba zigomba kwakira.

Guverinoma iherutse kurekura imfungwa 11,000 zari zifunzwe zizira ibyaha byoroheje kugira ngo irwanye ikwirakwizwa rya COVID-19.

Mu kiganiro cyanyujijwe kuri television ya NTV, Perezida Uhuru Kenyatta yavuze ko impuguke ziteganya ko iyi virusi izagabanuka muri Kenya hagati yo mu mezi ya Kanama na Nzeri 2020; kandi asaba ko buri muntu agira uruhare mu kurwanya iki cyorezo.

Muri Kenya, imibare yashyizwe ahagaragara kuri uyu wa mbere tariki 01 Kamena 2020 yerekana ko abamaze kurwara Covid-19 ari abantu 2,021. Muri, abakize ni 482 naho abapfuye ni 69.

Amatorero, imisigiti, insengero n’ahandi hantu hazwi ho gusengera hose hasabwa ko abahateraniye bazakomeza guhana intera hagati y’abantu mu rwego rwo kwirinda COVID-19.

Abantu 50 cyangwa bari munsi y’uyu mubare; ni bo bazemererwa kujya gusenga bitewe n’ubunini bw’aho basengera.

Abasenga bose bazasabwa kwambara agapfukamunwa no kubahiriza amabwiriza yo gukaraba hirindwa covid-19.

Perezida Ramaphosa yashimye uruhare abayobozi b’amadini bagira mu baturage, harimo ubujyanama n’amasengesho.

Yavuze ko iki cyorezo cyahungabanyije imibereho myiza y’amadini y’abantu benshi bityo hakaba hakenewe kongera gufungura ahasengerwa mu gihe igihugu kigenda kigera ku ntera ya gatatu yo kugabanya amabwiriza n’amategeko yashyizweho hagamijwe gukumira icyorezo cya coronavirus.

Perezida Ramaphosa kandi yanatangaje umunsi wo gusenga ku rwego rw’igihugu uteganyijwe ku itariki ya 31 Gicurasi 2020.

Muri icyo gihugu, ahantu ho gusengera hose harafunzwe guhera muri Werurwe 2020, ubwo igihugu cyinjiraga mu bihe bidasanzwe byo guhagarika ibikorwa byose abaturage bose bagasabwa kuguma mu rugo.

Muri icyo gihe, bamwe mu bayobozi b’amadini bahisemo kuba bifashisha uburyo bw’ikoranabuhanga, urugero nka Interineti mu bikorwa by’amasengesho.

Umuti wa hydroxychloroquine wahagaritswe kugeragezwa nk’uwavura Covid-19

Ishami ry’Umuryango w’Abibumbye ryita ku Buzima (OMS/WHO) ryatanze itegeko ryo guhagarika igeregezwa ry’umuti wa korolokine witwa ‘hydroxychloroquine’ usanzwe uvura malariya kuba wakongera kugeragerezwa ku barwaye icyorezo cya covid-19, kuko uko bawubatera ari na ko ukomeza guhitana beshi muri iri geregeza.

Inama y’ubutegetsi ya OMS yafashe uyu mwanzuro nyuma y’aho raporo yo ku itariki 20 Gicurasi 2020 yagaragajwe ku wa Mbere tariki ya 25 Gicurasi, yerekanye ko iyi hydroxychloroquine ikomeje kongera umubare w’impfu mu barwayi ba coronavirus.

Umuyobozi wa OMS, Dr. Tedros Ghebreyesus, abinyujije ku rubuga rwa twitter ndetse no mu kiganiro yagiranye n’abanyamakuru, yagize ati “Itsinda ryahagaritse by’agateganyo ubufatanye bwose mu kugerageza hydroxychloroquine, nyuma y’aho bigaragaye ko kurinda ubuzima bwa muntu kwawo bitari gushoboka”.

Yongeraho ko hari indi miti ikomeje gukorerwa igeregezwa kugira ngo harebwe niba harimo uwakingira cyangwa ukavura icyorezo cya covid-19.

uyu muti wa Hydroxycholoroquine wahagaritswe, ni keshi wavuzwe cyane ndetse wari ufitiwe icyizere na Perezida wa Leta zunze ubumwe za Amerika, Donald Trump hamwe n’abandi bayobozi ko wari utegerejwe nk’ubuvuzi bushoboka kuri Covid-19.

Umuyobozi w’igipolisi, Sebastian Ndeitunga, ubwo yari imbere y’itangazamakuru nkuko Namibiansun yabyanditse, yavuze ko kuba Abanyanamibia batari kunywa inzoga cyane ngo byagabanyije umubare w’ibyaha n’abafungwa bazira kurwana biturutse kubusinzi.

Ikindi ngo byagabanyije umubare w’abarwayi benshi ibitaro byakiraga bakomerekeye mu mirwano yaturutse ku businzi.

Sebastian Ndeitunga yasabye Abadepite gutekereza ku mushinga wo gushyiraho itegeko ryo kuzamura igiciro cy’inzoga na nyuma y’aho coronavirus izaba irangiye mu gihugu, mu rwego rwo kurinda abantu bazinywa cyane zikabatera kwishora mubyaha binyuranye kenshi bajyamo kubera gusinda.

Ati “Uyu muryango urimo kuba umuryango muzima cyane bitewe n’uko nta nzoga ziri kunyobwa cyane. Ndifuza ko byakomeza gutya no mubindi bihe bizaza”.

Muri iki gihe Namibia iri koroshya ingamba n’amabwiriza yashyiriwe kurwanya no gukumira covid-19, ariko utubari, utubyinirio n’ububiko bw’inzoga biracyakomeje gufungwa.

Resitora zongeye gufungura ariko abakiriya basabwa kwambara udupfukamunwa no guhana intera.

Kugeza ubu Namibia imaze kubarura abantu 16 byemejwe ko banduye coronavirus, 13 muri bo barakize kandi kugeza ubu nta muntu wapfuye azize icyo cyorezo muri iki gihugu.

Abaturage bazindukiye ku biro b y’itora ari benshi (Photo:BBC)

BBC imaze kuvugako hari abakoresha Virtual Private Network (VPN), bahisha umwirondoro w’uri kuyikoresha, ari bo gusa ngo bashoboraga kubona imbuga nkoranyambaga.

Ibiro by’itora byafunguwe mu gitondo cya kare.

Imiryango iharanira uburenganzira bwa muntu yari yasabye Guverinoma kudahagarika interineti ku munsi w’itora kuko bizabangamira kubona amakuru y’amatora akenewe gutangazwa.

Ibi birego byatanzwe bavuga ko iryo hagarikwa rizagira ingaruka no ku batavuga rumwe n’ubutegetsi batazashobora gushyira ahagaragara imyitwarire mibi yaranze amatora, mugihe baba hari ibyo bifuza gutangaza.

Riek Machar n’umugore we banduye Covid-19 (Photo:Internet)

Machar yavuze ko nta bimenyetso by’iyi virus yiyumvamo nubwo bayimusanzemo, ariko ko yemeza ko agiye kwishyira mu kato k’iminsi 14.

Umugore we ari na we uherutse kugirwa Minisitiri w’Ingabo, muri Guverinoma ihuriwo, Madamu Angelina Teny, na we bamusanzemo covid-19, na bamwe mu barinzi babo ndetse n’abandi bakozi batatangajwe imyirondoro yabo muri Minisiteri y’ingabo na bo babasanzemo covid-19.

Riek Machar yipimishije kuwa 13 Gicurasi 2020, nyuma y’uko umwe mu bagize itsinda rya Leta riyoboye ibikorwa byo kurwanya coronavirus yipimishije bakamusanga na we yaramaze kwandura covid-19.

Visi Perezida Machar kugera mu cyumweru gishize na we yari umwe mu bagize itsinda rishinzwe kurwanya by’umwihariko coronavirus.

Ishami ry’Umuryango w’Abibumbye ryita ku Buzima (OMS), rivuga ko Sudani y’Amajyepfo imaze kugira abantu banduye iyi virusi 282 mu gihe abantu bane bapfuye bahitanywe n’iki cyorezo.

Mu cyumweru gishize, Loni yavuze ko abantu babiri baba mu nkambi z’abavanywe mu byabo n’intambara ya gisivili imaze igihe muri iki gihugu, na bo banduye covid-19, bitangira kuzamura ubwoba bwishi n’impungenge ko coronavirus ishobora gukwirakwira vuba mu nkambi, ubusanzwe zirangwamo ubucucike budasanzwe bw’impunzi.

Kuri ubu inkuru yakwiriye mu bitangazamakuru byo muri Kenya iravuga ko abavandimwe b’umunyamakuru William Munuhe Gichuki wishwe agiye kumenyekanisha aho Kabuga yari yihishe muri Kenya; na bo batangiye gusaba ko bahabwa ubutabera ku muvandimwe wabo warashwe azira ko yari agiye gutangaza amakuru ya Kabuga ku rwego rushinzwe ubutasi rwa Amerika rwa (FBI).

Umwe mu bavandimwe b’uyu munyamakuru ukomeje gukurikirana iki kirego mu nkiko za Kenya witwa Josephat Muriithi Gichuki yabwiye itangazamakuru ko atigeze acika intege mu gushakisha ubutabera ku muvandimwe wabo. Uwo muvandimwe wabo yari umunyamakuru ukora inkuru zicukumbuye (investigative journalism). William Munuhe Gichuki yishwe agerageza gushyikiriza FBI Félicien Kabuga wari muri Kenya, nk’uko aba bo mu muryango we babivuga.

BBC yanditse ko mu kwezi kwa 12 mu mwaka wa 2002 uwo munyamakuru Kichuki Munuhe yagiye gusura umuryango we utuye mu karere ka Nakuru ababwira ko hari igikorwa kinini ari gukora kandi agifatanyije n’abo yise abazungu mu mvugo ye; yemezaga ko nikigenda neza azagihemberwa bishimishije ndetse bizahindura ubuzima bubi umuryango we wari ubayemo. Icyo gihe ngo nibwo baje kumenya ko umuvandimwe wabo yari yaramenye aho Kabuga yari yihishe muri Kenya, ariko ku bw’ibyago by’uwo munyamakuru aza kwicwa mu kwa mbere mu mwaka wa 2003 ataratanga ayo makuru.

Mu kwa gatatu; umuvandimwe w’uyu munyamakuru wishwe avuga ko aribwo inkiko zari gutangira kuburanisha urubanza aregamo Leta ya Kenya kuko yanze gukora iperereza ku rupfu rwa murumuna we Munuhe ndetse yongeraho ko icyababaje umuryango wabo cyane ari uko igipolisi n’abayobozi muri Leta batangaje ko umunyamakuru Munuhe yapfuye yiyahuye azize kubura umwuka kubera imbabura nyamara ngo ku murambo we bigaragara ko yarashwe isasu ryo mu mutwe ndetse ngo no ku maboko afite ibikomere byerekana ko yabanje kurwanya abamwishe.

Agira ati: “Ubwo twari tumaze kumenya amakuru y’urupfu rwa Munuhe, twagiye kumureba i Nairobi mu cyumba cy’abapfuye byagaragaraga n’amaso ko afite igikomere cy’isasu mu mutwe ndetse no ku bice by’amaboko byabonekaga ko yari afite ibikomere nk’aho yarwanye n’abamwishe.

Kabuga Félicien wafashwe ku wa gatandatu tariki 16 Gicurasi 2020, BBC ivuga ko yabaye igihe kinini muri Kenya akingiwe ikibaba na bamwe mu bategetsi kubera ruswa n’inyungu z’ubucuruzi.

Jenoside ikirangira mu Rwanda, amakuru atangwa n’inzego zitandukanye avuga ko Kabuga yahungiye mu Busuwisi. Amakuru akomeza avuga ko yahise ajya i Kinshasa muri Congo nyuma yerekeza i Nairobi muri Kenya aho kuva mu 1995 bivugwa ko yakoraga ubucuruzi mu gace kitwa Kilimani.

Umuvugizi w’Ubushinjacyaha bw’u Rwanda, Faustin Nkusi, avuga ko bishimiye icyemezo cyo guta muri yombi Kabuga Félicien ushinjwa kuba umuterankunga ukomeye wa Jenoside yakorewe Abatutsi mu 1994, kurema umutwe w’Interahamwe ndetse no gushinga radio RTLM.

Nkusi yabwiye KT Radio ko n’ubwo urwego IRMCT rukorera i Arusha muri Tanzaniya ari rwo rufite ububasha bwo kuburanisha Kabuga Félicien, ngo hari amadosiye rwagiye rwoherereza u Rwanda y’abantu batandukanye, ku buryo ngo n’iyo rwaramuka rumwoherereje inkiko z’u Rwanda ngo ziteguye kumuburanisha.

Urukiko rwa ICTR rwaburanishaga ibyaha bya Jenoside i Arusha muri Tanzania, mu 1998 rwasohoye impapuro zo guta muri yombi Kabuga. Muri icyo gihe Leta zunze ubumwe za Amerika na zo zashyizeho akayabo ka miliyoni eshanu z’Amadolari ku wari gutanga amakuru y’aho Kabuga yari yihishe kugira ngo atabwe muri yombi.

OMS yasabye Leta z’ibihugu bya Afurika kureba niba abaganga n’abaforomo bafite ibikoresho byo kubarinda kuko ngo hari bimwe mu bihugu aho abenshi bakomeje gukorera akazi ko kwita ku barwayi ba covid-19 nyamara badafite ibikoresho bihagije bishobora kurinda umuganga kwandura.

Umuntu wese ufite aho ahurira n’abakekwaho uburwayi n’abarwaye coronavirus agomba kwambara umwambaro wabugenewe wo kwirinda umeze nk’isarubeti, agahabwa n’ibikoresho byo kumurinda guhumeka iyi virus, n’ibimurinda mu maso ariko ngo usanga henshi abaganga badafite ibyo bikoresho, n’aho biri ugasanga ntibihagije cyangwa hari bimwe ibindi bidahari.

Abaganga bakorera mu bihugu aho iyi virus ishobora kugenda mu mwuka wo mukirere (airborne) cyangwa se bakaba bagira aho bahurira n’amacandwe yuzuyemo coronavirus, bo bagomba gukoresha urwego rwisumbuyeho rwo kwirinda, bagashakirwa ibikoresho byujuje ubuziranenge ndetse bitandukanye n’ibikoreshwa mu bindi bikorwa byo kurwanya icyi cyorezo cya covid-19.

Amakamyo atwara imizigo agiye gushyirwamo utwuma tugaragaza aho aherereye (Photo:Internet)

Iki cyemezo kije mu gihe impungenge zikomeje kwiyongera mu karere kubera umubare munini w’abashoferi bakora ingendo ndende zambukiranya imipaka bamaze kugira umubare munini w’abanduye covid-19.

Mu nama yahuje abo bakuru b’ibihugu ku wa Kabiri tariki 12 Gicurasi 2020, hifashishijwe ikoranabuhanga ry’amashusho, abakuru b’ibihugu bavuze ko gusangira amakuru ari cyo cy’ibanze, kandi iryo koranabuhanga rikazashyirwa mu modoka zikora ingendo ndende.

Rizajya rifasha kumenya amakuru n’ibice byose imodaka yagiye inyuramo mu gihe bigaragagaye ko umushoferi wayo yanduye coronavirus, bityo aho ikinyabiziga yari atwaye cyanyuze babashe kumenya amakuru y’abantu baho no gutabara abagiye bahura na we.

Kugeza ubu abashoferi bagenda ingendo ndende zambuka imipaka y’ibihugu ntibigeze bahagarikirwa ingendo n’akazi kabo kuko bafatiye runini akarere, aho batwara ibicuruzwa nk’ibyo kurya n’imiti muri Afurika y’Uburasirazuba.

Mu kwezi gushize, Perezida wa Uganda Yoweri Museveni, yagaragaje impugenge zikomeye ku gihugu cye, mugihe abashoferi b’aya makamyo baba bahagaritswe, avuga ko byagira ingaruka zikomeye ku baturage harimo no kwicwa n’inzara.

Museveni yumvikanye agira ati “Dukeneye imizigo, dukeneye ibicuruzwa. Ariko nanone ntidushaka indwara! Ntukore rero ku mushoferi, kandi umushoferi ntagomba kugukoraho”.

Abitabiriye iyi nama ni abayobozi b’ibihugu bine mu bigize uyu muryango ari byo u Rwanda, Kenya, Uganda na Sudani y’Epfo, ariko bagenzi babo ba Tanzaniya n’u Burundi ntibayitabiriye ndetse ntibari banahagarariwe.

Tanzaniya yanenzwe kenshi kuba itarafashe ingamba zikomeye zo kurwanya ikwirakwizwa rya Coronavirus muri iki gihugu, ndetse igashinjwa no guhisha amakuru ku mibare y’ukuri y’abagenda bapfa bazize iki cyorezo, ibirego byose Leta ya Tanzaniya irabihakana.

Mu cyumweru gishize, uwahoze ari Minisitiri w’Intebe wa Kenya, Raila Odinga, yatangarije televiziyo rusange yo muri Afurika y’Epfo (SABC) ko abaturanyi bo mu karere bashobora gufunga imipaka ibahuza na Tanzaniya mu gihe iki gihugu kidashyizeho ingamba zikarishye zo kurwanya iyi virusi.

Ku wa Mbere w’iki cyumweru, Zambiya yafunze umupaka wayo na Tanzaniya nyuma yo kubarura abantu 86 bashya banduye coronavirus ku mupaka wa Nakonde uhuza ibihugu byombi.

Minisitiri w’Ubuzima muri Zambiya yavuze ko 74 mu bantu bipimishije ari abashoferi b’amakamyo cyangwa abakora akazi ko gucuruza imibiri yabo bazwi nk’indaya.

Isesengura ry’icyitegererezo ryakozwe n’Ishami ry’Umuryango w’Abibumbye ryita ku Buzima (OMS) na UNAids, ryerekana ko ingaruka z’amezi atandatu isi yugarijwe na coronavirus zagize ihungabana ku miti igabanya ubukana bwa Sida, zishobora gusubiza inyuma isaha bikaba byakongera kumera nko mu mwaka wa 2008, igihe hagaragaye impfu zirenga 950.000 mu karere ka Afurika yo munsi y’ubutayu bwa Sahara.

Umuyobozi Mukuru wa OMS,Dr. Tedros Adhanom Ghebreyesus agira ati “Ni ikintu giteye giteye ubwoba abantu ibihumbi 500 muri Afurika baramuka batangiye gupfa bazize indwara ziterwa na sida, byaba ari nko gusubira mu mateka”.

Umuyobozi Mukuru wa UNAids, Winnie Byanyima, ashimangira ko ibikorwa by’ubuvuzi bwo kwita no gutanga imiti ku bafite ubwandu bwa sida hari aho byagaragye ko byagiye bikomwa mu nkokora no gufungirana abaturage mungo zabo mu kato, ibigo bimwe byatangaga imiti birafunga.

Ati “Bishobora no kuba kubera ko serivisi zisa n’izirengagijwe bitewe no guhatanira gushaka ibisubizo bigabanya ikwira rya Covid-19”.

Umuyobozi Mukuru wa OMS yavuze ko ibihugu bigomba kureba niba ababana na virusi itera Sida bubahiriza ubuvuzi n’amabwiriza yo gufata imiti neza, kandi ko serivisi zo gupima ubwandu na zo zitazahungabana.

Ibihugu bimwe na bimwe bimaze gutera intambwe y’ingenzi, urugero nko kureba niba abantu bashobora kwegeranya cyangwa guhabwa imiti n’udupaki twinshi two kwivuza n’ibindi bicuruzwa by’ingenzi, harimo ibikoresho byo kwisuzumisha, ibi ngo byagabanya igitutu kuri serivisi z’ubuzima n’abakozi bashinzwe ubuzima.

Dr. Tedros yongeyeho ati “Bizaba ngombwa ko ibihugu byashyira imbere uburyo bwo kubahiriza gahunda y’itangwa ry’imiti nkuko bisanzwe, no kureba ko abantu basanzwe bavurwa cyangwa bafata imiti igabanya ubukana bashoboye kuguma kwivuza no kuyifata neza”.

Ibi bamwe babifashe nk’amananiza yo kwangira indorerezi za EAC gukurikirana amatora yo mu Burundi azaba tariki 20 Gicurasi 2020 (asigaje iminsi icyenda gusa), bivuze ko indorerezi zitazabasha gukurikirana ibikorwa by’ amatora.

U Burundi bwatanze icyifuzo busaba ko abakozi ba EAC basanzwe muri iki gihugu bafata inshingano z’indorerezi, nk’uko bigaragara mu ibaruwa yanditswe na Isabelle Ndahayo, Minisitiri ushinzwe ibibazo by’Umuryango w’Ibihugu bya Afurika y’Iburasirazuba.

Igihugu kandi cyanze kwemerera indorerezi z’Umuryango w’Abibumbye ndetse n’indorerezi z’ imiryango itegamiye kuri Leta gukurikirana amatora; nk’uko ikinyamakuru Daily Nation cyabitangaje.

Amatora aheruka kuba mu 2015 yanenzwe n’inzego z’akarere ndetse n’amahanga bavuga ko atari yujuje ibisabwa kugira ngo amatora abe yizewe kandi abe mu bwisanzure.

Hagati aho, mu gihe amatora ateganyijwe kuba tariki ya 20 Gicurasi 2020, ibikorwa byo kwiyamamaza ku bakandida bazahatana mu matora birakomeje ari nako hakomeje kuvugwa ihohoterwa n’iterabwoba ku bayobozi b’amashyaka atavuga rumwe na Leta ndetse no ku bayoboke b’ayo mashyaka.

Urubyiruko rusaga ibihumbi icumi rudafite akazi rutuye mu midugudu irangwamo ubucucike i Nairobi rugiye kungukira muri gahunda igamije kubatera inkunga ibinjiriza buri munsi mu rwego rwo guhangana n’ingaruka z’icyorezo cya Covid-19.

Urubyiruko ruzahabwa amashilingi ya Kenya 616 ahwanye n’Amafaranga y’u Rwanda 5,536 buri munsi muri gahunda y’ukwezi kumwe.

Ni akazi kahanzwe na Leta, aho urubyiruko ruzatunganya ahantu hatandukanye nko mu mihanda no mu bindi bikorwa biteza imbere igihugu.

I Nairobi, urubyiruko 10,600 rutuye mu gace ka Mathare, Kibera, Mukuru na Korogocho rwihutiye kwiyandikisha mu cyiciro cya mbere cy’iyi gahunda aho biteganyijwe ko bazakora imirimo y’isuku, haba mu ngo mu mihanda n’ibidukikije buri munsi mu bice batuyemo.

Umunyamabanga mukuru muri Minisiteri y’imyubakire n’iterambere ry’imijyi, Charles Hinga, yavuze ko bazajya bahembwa buri munsi mu gihe bakora imirimo mu mayira n’imihanda mito n’isuku y’imihanda, gukusanya imyanda, no gukuraho ibihuru mu bice batuyemo nk’uko Ikinyamakuru Daily Nation kibivuga.

Bwana Hinga yagize ati: "Abakozi bazajya bandikirwa amafaranga bakoreye ku munsi, noneho bahembwe byibuze kabiri mu cyumweru binyuze mu kuboherereza amafaranga kuri telefone kugira ngo babone ibyo bakeneye mu bukungu n’ubuzima bwabo bwa buri munsi."

Yavuze ko umushinga watekerejweho kugira ngo utange ubufasha bw’imibereho mu guhanga akazi kihutirwa no kwita ku bikorwa by’isuku kugira ngo iyo mirimo ifashe urubyiruko guhangana n’icyorezo cya Covid-19 mu midugudu ituwe cyane yo mu mijyi.

Abagororwa batatu banduye mu minsi ishize bajyanywe mubitaro hanze ya gereza, abandi batandatu bari bagaragaje ibimenyetso bari bashyizwe mu kato muri gereza, ariko ngo aba bandi bashya 101 na bo bagiye kwitabwaho kuko bafite ibimenyetso byoroheje.

Imibare yatangajwe na BBC ivuga ko ku geza ubu, iki gihugu cyemeje abantu 682 banduye coronavirus mu gihe abandi bantu 34 bamaze kwitaba Imana bazize covid 19.

Perezida Magufuli yasabye abaturage gukomeza imirimo

Mu butumwa yageneye abaturage ku munsi mpuzamahanga w’umurimo, Perezida Magufuli yagize ati “Imana ni yo izabarinda”.

Yasabye abakozi by’umwihariko ko Coronavirus itagomba kubabuza gukorera Abanyatanzaniya.

Magufuli yavuze ko abakozi bagomba kubahiriza amabwiriza yatanzwe n’abashinzwe ubuzima kugira ngo birinde kwandura iyo virus.

Yavuze ko nubwo badashobora gukora ibirori byo kwizihiza umunsi wahariwe abakozi utangiza ukwezi kwa Gicurasi bitewe n’amategeko yo kubahiriza intera hagati yabantu, ariko ngo Guverinoma ishima imirimo ikorwa n’abakozi.

BBC ivugako Tanzania imibare y’abandura Coronavirus muri Tanzania imaze kwiyongera, aho kuri ubu abantu 480 banduye, mugihe abandi 16 bamaze kwitaba Imana bazize iki cyorezo, ariko Leta igashinjwa gutangaza imibare itari yo.

Nubwo Ishami ry’Umuryangow’Abibumbye ryita ku Buzima (OMS) ryagiriye inama Leta ya Tanzania yo gukaza no gukomeza ingamba zigamije kurinda abantu icyorezo cya Coronavirus, harimo kwirinda ibikorwa by’ubucuruzi, amakoraniro, n’ibiterane byamadini, Perezida Magufuli we ku bwe yashishikarije abantu gusengera hamwe mu matorero avuga ko virusi idashobora gutera imbere mu mubiri wa Kirisitu.

Abayobozi bavuga ko gereza ya Ouarzazate iherereye rwagati muri Maroc bayisanzemo abagororwa 303 banduye covid-19, mu gihe abandi bagororwa 10 banduye babonetse muri gereza ya Oudaya muri Marrakesh, na gereza ya Ksar Kebir mu majyaruguru y’uburengerazuba.

Uretse imfungwa, hanasuzumwe n’umubare muto w’abacungagereza.

Ipimwa rya rusange mu magereza ryatangiye nyuma y’uko umuntu umwe muri gereza ya Ouarzazate bamusanzemo icyorezo cya Coronavirus, mu cyumweru gishize.

Abayobozi bavuga ko batandukanyije abarwayi bose ndetse abanduye bose bashyizwe mukato, kandi abashinzwe umutekano bose bahawe ibikoresho byo kubarinda birimo amasarubeti yabugenewe, udupfukamunwa n’uturindantonki.

Muri gereza zinyuranye za Maroc hari abagororwa bagera ku bimbi 80. Mu ntangiriro za Mata 2020, abagororwa barenga 5.654 barafunguwe nyuma yo guhabwa imbabazi n’umwami Mohammed VI, kugira ngo bagabanye ibyago byo gukwirakwiza virusi muri gereza zizwi cyane.

Maroc ifite abantu 4,252 bemejwe ko banduye coronavirus, harimo 165 bapfuye.

Umunyamabanga wa Leta muri Amerika, Mike Pompeo, aha yari i Addis Ababa muri Ethiopia ageza ijambo kuri Komisiyo y’Umuryango w’Abibumbye ishinzwe kuzahura ubukungu bwa Afurika (Ifoto: @SecPompeo / Twitter)

Mu kiganiro yagiranye n’itangazamakuru, yamaganye abanenga Perezida Donald Trump, avuga ko ari ingaruka z’amakuru atari yo isi yabonye avuga ku ruhare rwa Amerika mu kurwanya COVID-19.

Bwana Pompeo yavuze ko bishoboka ko Amerika izakoresha amafaranga menshi kuruta mbere hose mu buzima ku isi, nubwo yahagaritse inkunga yatangaga mu Ishami ry’Umuryango w’Abibumbye ryita ku buzima (OMS).

Mike Pompeo yavuze ko nta kindi gihugu cyigeze kigira, cyangwa kizigera gikora byinshi mu guharanira ubuzima bw’isi kurusha Amerika.

Yongeyeho ko by’Umwihariko Amerika yiyemeje gukoresha Amadolari arenga miliyoni 170 (asaga miliyari 162 mu mafaranga y’u Rwanda) muri Afurika yonyine, kugira ngo yifashishwe mu kwirinda Coronavirus.

Yakomoje no ku isura ya Amerika mu mahanga yangiritse kubera amagambo Perezida Trump aherutse kuvuga ku bijyanye no kuvura COVID-19 hakoreshejwe imiti inyuranye, ariko asaba ibihugu bya Afurika kugirira icyizere Amerika.

Hari amakuru yari yatangiye kuvugwa ko Kim Jong Un yaba atakiriho

Moon Chung-in, umujyanama mu bya politiki y’ububanyi n’amahanga wa Perezida wa Koreya y’Epfo, Moon Jae-in, mu kiganiro na Television ya CNN yagize ati: "Igisubibzo cyacu n’umwanya Guverinoma yacu ihagazemo ni uko Kim Jong Un ari muzima kandi ameze neza. Yagumye mu gace ka Wonsan kuva ku ya 13 Mata 2020. Nyuma yaho nta zindi ngendo zikekwa ko yaba yarakoze."

Ku wa gatanu tariki 24 Mata 2020, amakuru y’ubutasi ya Koreya y’Epfo yavugaga ko i Wonsan habonetse gari ya moshi Kim Jong Un akunda cyane kugendamo, mu gihe indege bwite ye ngo yagumye mu murwa mukuru i Pyongyang.

Biravugwa ko ashobora kuba yarajyanywe i Wunsang mu kigo cyo mu gace k’Iburasirazuba kirinzwe cyane mu rwego rwo kwirinda icyorezo covid-19.

Kim Jong Un ngo ntaheruka kugaragara mu bitangazamakuru bya Leta ya Koreya ya Ruguru, dore ko aheruka kugaragara tariki 11 Mata 2020.

si ubwa mbere abura mu ruhame hagatangira gukekwa ko yapfuye. Kim yabuze mu ruhame ukwezi kurenga muri 2014; televiziyo ya Leta ya Koreya ya Ruguru nyuma yongera kumwerekana ari muzima agenda n’amaguru.

Dr Tedros Adhanom Ghebreyesus uyobora Ishami ry’Umuryango w’Abibumbye ryita ku Buzima (OMS)

Ibi ngo bishingiye ahanini ku kuba hari bimwe mu bihugu kandi byinshi bitaratangira ingamba zo kuyikumira no kuyirwanya ibindi ugasanga aribwo bikibitangira nyuma y’uko icyo cyorezo gikwirakwiriye mu gihugu.

Daily Nation yanditse ko iki cyorezo uretse kuba cyarateje ibibazo by’ubuzima bukajya mu kaga, ngo cyanahungabanyije ubukungu bw’isi yose, aho ubucuruzi butagikorwa nk’ibisanzwe, miliyoni z’abaturage mu bihugu bitandukanye batakaje akazi, ndetse n’abandi miliyoni nyinshi ngo bakomeje guhura n’inzara.

Iyi virusi kuva yatangira kwaduka muri Amerika mu kwezi kwa mbere, yahateje ubushomeri bukabije, hakiyongeraho n’ibikorwa by’ihungabana ry’amatora yari ateganyijwe mu Gushyingo.

Mu rwego rwo kurengera imirimo y’abanyagihugu, Perezida wa Leta zunze Ubumwe za Amerika, Donald Trump, yashyize umukono ku iteka rihagarika uruhushya rusanzwe ruhabwa abanyamahanga hirya no hino, bakaba batacyemerewe kuza gutura muri Amerika.

Inzobere mu by’ubukungu zatanze umuburo ko Amerika ishobora kwibasirwa cyane n’iki cyorezo bitewe n’uko iyi ndwara ifata nkibicurane by’igikatu izarushaho kugira imbaraga mu gihe cy’ubukonje Amerika yitegura kwinjiramo ngo bikaba byatizwa umurindi n’uko Amerika yatangaje ko ishobora gutangira kwemerera bimwe mu bikorwa by’ubucuruzi bigafungura bitewe n’uko ngo iyi virusi yatangiye kugabanya umuvuduko.

Ibihugu byo hirya no hino ku isi bikomeje urugamba rwo kurwanya iki cyorezo cyahitanye abantu barenga ibihumbi 193 kandi cyanduza abasaga miliyoni ebyiri n’ibihumbi 700 ku mubumbe wose.

ibihugu bikomeje no kurwana no gutekereza uburyo ubukungu butakomeza guhungabana ku rwego buriho mu kumanuka.

Ibihugu byinshi bikomeje kugenda byongera iminsi y’akato ku baturage kashegeshe bikomeye ubuzima bwa buri munsi bw’abantu nk’uko byemezwa n’umuyobozi w’Ishami ry’Umuryango w’Abibumbye ryita ku buzima, Tedros Adhanom Ghebreyesus.

Ibi kandi byashimangiwe n’inzobere mu buvuzi akaba n’umuyobozi w’ itsinda ry’Abongereza rishinzwe ubuzima no kurwanya ibyorezo, Prof Chris Whitty, wemeje ko za Leta z’ibihugu zikwiye gutangira kubwiza ukuri abaturage bazo ko ubuzima busanzwe budashoboka muri uyu mwaka wa 2020 ariko nanone ngo hari uburyo amategeko n’amabwiriza mu kurwanya ikumira ry’icyorezo yakoroshywa ariko hakaba n’ayandi akomezwa.

Mu nkuru yanditswe n’ikinyamakuru The Sun, Chris Whitty ubwo yari imbere y’itangazamakuru ry’Abongereza agaragaza urwego bagezeho bakumira COVID-19 no kubateguza ibiri imbere. Yagize ati: “Gutekereza ko ibintu bizasubira mu buryo mu gihe cya vuba, ubuzima busanzwe bukagaruka vuba ni ibintu nababwira ko bidashoboka muri uyu mwaka.

Gahunda ya Guma mu rugo (lockdown) n’ ingamba ngo zizakenerwa kugeza umwaka urangiye mu rwego rwo kurushaho kwirinda coronavirus kugeza igihe habonetse umuti cyangwa urukingo, nk’uko Chris Whitty abivuga.

Akomeza avuga ko Abaminisitiri bashinzwe ubuzima n’abakuru b’ibihugu bazareba ibintu bitandukanye byo kugabanya no gukuraho ingamba zikomeye mu byumweru biri imbere, ariko amategeko amwe azaba agikenewe igihe kirekire kiri imbere akagumaho.

Bamwe mu bari mu kato muri iki kigo batorotse ngo nibafatwa bazafungwa (Ifoto: Daily Nation)

Amakuru yagiye atambuka mu bitangazamakuru binyuranye yavugaga ko uko gutoroka kwateje impungenge kuko mu batorotse hashobora kuba harimo abanduye bakomeza kugenda bakwirakwiza COVID-19.

Polisi y’igihugu cya Kenya yatangaje ko irimo gushakisha abantu 50 bivugwa ko bahunze bava mu ishuri rikuru ry’ubuvuzi rya Kenya (KMTC) i Nairobi aho bari mu kato ubusanzwe habarirwaga abantu 200 bashyizwe mu kato.

Perezida Uhuru Kenyatta, yatangaje ko abantu benshi bafashwe amashusho batoroka bava aho bari bari mu kato mu murwa mukuru, Nairobi, bazafatwa kandi bagafungwa.

Mu gitondo cyo kuri uyu wa gatatu tariki 22 Mata 2020, nyuma y’amasaha make amashusho y’abo batorotse akwirakwijwe mu bitangazamakuru no ku mbuga nkoranyambaga, yerekana abantu bamwe basimbuka hejuru y’urukuta rwa kimwe mu bigo byashyizwemo abari mu kato, Perezida Kenyatta yavuze ko Guverinoma izi umwirondoro w’abantu bose bahunze n’abari mu kato kandi ko izabasubiza mu kigo ndetse ko nyuma bahanwa n’inkiko bagashinjwa ibyaha bihana abakekwaho gukwirakwiza iyi virus nkana.

Televiziyo ya Citizen TV yatangaje ko benshi batorotse ubwo imvura yatangiraga kugwa bagasimbuka igipangu bikavugwa ko hari n’abagiye baha ruswa abarinzi kugira ngo bitahire. Abandi ngo batorotse mu masaha y’igitondo ubwo babaga bagiye guhabwa ifunguro rya mu gitondo kubera ubwinshi bwabo bagacika abarinzi bagasimbuka urugo.

Ibi bibaye mu gihe Guverinoma ya Kenya yanenzwe bikabije kuba yarayoboye ibigo by’akato nka gereza, ikongerera iminsi nta jambo na rimwe igiranye n’abari muri ibi bigo.

Abari muri ibyo bigo mu kato banenga ko uretse kuba ibigo bimwe byatoranyijwe bitagakwiye gushyirwamo abantu benshi hakiyongeraho n’uko bishobora gutuma abari mu kato batanduye Coronavirus bashobora kwanduzwa n’abanduye. Abandi bari muri ibyo bigo bavuga ko Leta nta mafunguro ibagenera bamwe bikabasaba kwigurira ibiryo usanga ngo bihenze.

Umwe mu bari mu kato yatanze ubutumwa bw’impamvu itera bamwe muri bo gutoroka bugira buti:

“Tubyuka dutoye umurongo kugira ngo tubone ibyo kurya, ku murongo hari bamwe baba binuba bavuga ko amafaranga bakwa ibihumbi bibiri by’amashiringi ya Kenya, hafi ibihumbi 17 mu manyarwanda ku munsi ari menshi cyane ku buryo badashobora kuyabona.”

Undi witwa Peter Mwai wari mu kato muri iki kigo ku munsi wa 26, ngo abantu ku giti cyabo bashobora kuba baratorotse icyo kigo babitewe no kubura umudendezo wabo.

Agira ati: “Ndi hano kuva ku ya 27 Werurwe 2020, kandi nabonye abantu baza iminsi ibiri cyangwa itatu bakahava nyuma yo guha ruswa abayobozi kugira ngo barekurwe, nta muntu n’umwe witaye ku kubapima cyangwa witaye ko bashobora kugenda bakanduza abandi, ibyo ni byo niboneye n’amaso yanjye.”

Akomeza agira ati: “Nta kuntu umuntu ashobora guhunga aha hantu abayobozi ba hano batabizi. Nabonye n’abantu bamwe twazanye baragiye bagura ubwisanzure bwabo bakarekurwa nta nkomyi.”

Kugeza kuri uyu wa gatatu muri Kenya, imibare yashyizwe ahagaragara yerekana ko icyorezo COVID-19 kimaze guhitana abantu 14, muri 296 banduye, abandi 74 bakaba bamaze gukira.

Nubwo amazina y’uwo munyapolitiki atatangajwe, Visi Perezida w’Inteko Ishinga Amategeko wungirije, Tulia Ackson, yavuze ko umudepite aheruka kugirira ingendo mu murwa mukuru w’ubucuruzi, Dar es Salaam, izingiro ry’ahari guturaka iki cyorezo covid-19 kurusha ibindi bice byose bya Tanzania, akemeza ko ari ho umudepite yanduriye virusi.

Inteko Ishinga Amategeko yatangiye ibyumweru bitatu bishize, by’ibihe bidasanzwe, ariko umubare muke w’abadepite ukaba ari wo wemewe mu cyumba cy’inteko, mu masaha make yo kuganira ndetse n’impaka zimwe na zimwe zikorwa hifashishijwe ikoranabuhnga rya ‘video conference’ hamwe n’abandi badepite bari mu ngo.

Perezida w’Inteko Ishinga Amategeko ya Tanzania, Job Ndugai, we ashyigikiye igitekerezo cyo gukomeza ibikorwa by’inteko nk’ibisanzwe mu gihe cy’icyorezo, avuga ko ibikorwa by’ingenzi by’igihugu bigomba gukomeza.

Ndugai hamwe na Perezida John Magufuli, bo ntibakozwa ingamba zikaze nko gufunga ibikorwa bimwe na bimwe nk’insengero n’ibindi nk’ubucuruzi, kuko bavugako byatuma abaturage bicwa n’ubukene.

Kuri iyi ngingo, ntibemeranya na bamwe mu banyapolitike, aho hari abifuza ko Inteko Ishinga Amategeko ihagarikwa ndetse hagatangira igikorwa cyo gupima abadepite bose hagamijwe ko ubwandu bwa coronavirus budakwira mu cyumba cy’inteko, abagaragaye ko banduye bagashyirwa mu kato bakitabwaho n’abaganga.

Aganira n’ibitangazamakuru birimo na BBC, Zitto Kabwe, Umudepite utavuga rumwe n’ubutegetsi akaba n’umuyobozi w’ishyaka ACT-Wazalendo, yagize ati “Ntihazabaho amategeko abiri, ku badepite no ku baturage. Abadepite bose bagomba gutegekwa kuguma hamwe kugira ngo hatagira ukwirakwiza iki cyorezo. Kuva mu ntangiriro twagiriye inama Inteko Ishinga Amategeko ko idakwiye gukomeza gukora kuko harimo ibyago byishi”.

Undi mudepite utavuga rumwe n’ubutegetsi, Upendo Peneza, mbere yatanze igitekerezo cyo gufunga Umujyi wa Dar es Salaam kugira ngo wirinde ikwirakwizwa rya coronavirus.

Ati “Kubera ko Dar es Salaam ifite umubare munini w’abantu banduye ari na bo bagenda banduza abandi, abantu baho ntibagomba kwemererwa kujya ahandi mu bindi bice, kugira ngo bahagarike ikwirakwizwa ry’indwara mu tundi turere. Gusa hagomba kwemererwa kugenda ibicuruzwa na serivisi z’ibanze”.

Hagati aho imibare mishya ya Minisiteri y’Ubuzima ivugako hagaragaye abandi abantu bashya 84 banduye, abarwayi bashya bagaragaye mu turere 17 harimo Dar es Salaam (33), Arusha (4), Mbeya (3), Kilimanjaro (3), Pwani (3), Tanga ( 3), Dodoma (3) Manyara (2) Ruvuma (2) Morogoro (2) na Mwanza (3).

Abandi ni abo muri Rukwa (2), Lindi (1), Mara (1), Tabora (1), Mtwara (1), na Kagera (1).

Kugeza ubu imibare mishya y’abantu banduye coronavirus muri Tanzania igenda itumbagira aho kuri ubu igeze ku bantu 254 banduye, naho 10 bapfuye bahitanywe n’icyo cyorezo.

Umuyobozi ushinzwe amagereza yose muri icyo gihugu witwa Faycal Bourbala, yabwiye itangazamakuru ko abayobozi bagiye gutangiza amahugurwa yihuse cyane yo kudoda kugira ngo haboneke nibura udupfukamunwa ibihumbi 200 bikazakorwa n’imfungwa ziri muri gereza 30 hirya no hino mu gihugu kugira ngo bahaze isoko ry’udupfukamunwa dukenewe ku mfungwa n’abakozi b’inkiko.

Yongeraho ko imfungwa zizakora imyenda ndetse n’amasarubeti yabugenewe akingira abakora mu buvuzi, imfungwa zikazubaka n’ibyumba by’umwihariko bipimirwamo iki cyorezo.

Abagororwa bazitabira ku bushake ayo mahugurwa yo kudoda asanzweho; kandi ahanini abakangurirwa cyane kwitabira iki gikorwa ni abagore bafunzwe bifuza kumenya kudoda.

Abayobozi ba Algeria bavuga ko nta murwayi wa coronavirus uragaragara mu mfungwa ibihumbi 58 ziri muri gereza zinyuranye 150 zo muri iki gihugu.

Kuva mu mpera za Gashyantare hagaragaye abantu 348 bapfuye, n’abandi banduye 2,268 mu baturage bose hamwe miliyoni 44.

Minisitiri w’Imari w’u Budage, Olaf Scholz (w’uruhara) aha yari mu nama ya G20 yabaye hifashishijwe ikoranabuhanga yigaga ku gukuriraho iyo myenda ibihugu bikennye (Ifoto: Reuters)

Ni umwanzuro wavuye mu nama y’Abaminisitiri b’imari na ba Guverineri ba za banki nkuru z’ibihugu bifite ubukungu bukomeye ku isi bemereye ibyo bihugu bikennye guhagarika kwishyura inguzanyo kugeza mu mpera z’uyu mwaka, muri gahunda yo kubifasha guhangana n’ibibazo by’ubuzima n’ubukungu byatewe n’icyorezo COVID-19.

Aljazeera yatangaje ko hariho kandi guhamagarira abikorera ku giti cyabo ko bitabira iyi gahunda yo kuzahura ubukungu bw’ibihugu bikennye.

Ibihugu bigera kuri 76 bizakurirwaho inguzanyo, 40 muri byo bikaba biri muri Afurika yo munsi y’ubutayu bwa Sahara. Ku rutonde hagaragaraho n’ibihugu byari bisanzwe bifite ubukungu bukomeye muri Afurika harimo nka Nigeria, Kenya, Etiyopiya, Afurika y’Epfo hakazamo n’ibifite ubukungu buri hasi cyane, urugero nk’u Burundi, Liberiya, na Zimbabwe.

Mu kwezi gushize, abaminisitiri b’imari bo muri Afurika basabye inkunga yihuse ingana miliyari 100 z’Amadolari ari naho bahereye basaba ko ibihugu byabo byadohorerwa mu kwishyura imyenda minini bibereyemo ibihugu bikomeye.

Ku bihugu bimwe na bimwe bya Afurika, icyorezo cya COVID-19 cyateje ibibazo bikomeye by’ubukene bw’amafaranga ku bihugu cyane cyane byari byishingikirije ku bucukuzi bw’ibikomoka kuri peteroli, muri iyi minsi na byo bikaba byaratakaje agaciro bitewe na gahunda yo kugumisha abaturage mu ngo mu rwego rwo kurwanya ikwirakwira ry’icyorezo cya COVID-19.

Ibindi bihugu ngo byagezweho n’ingaruka z’ubukungu biturutse ku byo byoherezaga mu mahanga mu bucuruzi byakoranaga n’ibihugu biteye imbere.

Umubare w’abo baganga wa nyawo nturamenyekana, ariko bahagurutse mu mujyi witwa Tianjin, mu Ntara ya Sichuan berekeza muri Afurika.

Minisiteri y’Ububanyi n’Amahanga y’u Bushinwa yavuze ko bahagurutse mu gitondo cyo ku wa kane tariki 16 Mata 2020 berekeza muri ibyo bihugu.

Umuvugizi w’iyo Minisiteri Zhao Lijian, yagize ati: "Bazasangira ubunararibonye, batange inama mu bya tekinike mu gukumira icyorezo mu bihugu byombi bya Afurika, Ethiopia na Burkinafaso."

Ethiopia na Burkinafaso bibaye ibihugu bitatu nyuma ya Nigeria na yo iherutse kuvuga ko iteganya kuzana abaganga 18 b’Abashinwa muri iki gihugu kugira ngo bafashe kurwanya coronavirus, ariko abaganga baho bavuze ko batishimiye ko Leta iha akazi abaganga b’abanyamahanga kandi hari umubare munini w’abaganga b’imbere mu gihugu bicaye nta kazi bafite bamwe bakaba bamaze n’iminsi bandikira Leta ngo bagire icyo bafasha mu gukorera ubushake muri ibi bihe, ariko Leta ikaba yaranze kubasubiza ahubwo igitsimbaraye ku kuzana abaganga bo mu Bushinwa.

Ishyirahamwe ry’ubuvuzi rya Nigeria ryagaragaje impungenge z’uko abaganga b’Abashinwa batazamenyera umuco cyangwa ibibazo byo muri Nigeria.

Perezida Trump yahagaritse inkunga USA zageneraga OMS

Mu kiganiro n’abanyamakuru muri White House, Perezida Trump yashinje OMS gucunga nabi no guhisha amakuru ya nyayo ku ikwirakwizwa rya Coronavirus.

Perezida Trump yagize Ati “Uyu munsi ndategetse ihagarikwa ry’inkunga y’amafaranga iyo ari yo yose ku Muryango w’Ubuzima ku isi, mu gihe hagikorwa iperereza ricukumbuye n’ubushakashatsi bwo kugaragaza uruhare rwa OMS mu micungire mibi no guhisha ikwirakwizwa rya coronavirus”.

Yongeyeho ati “Isi yakiriye amakuru menshi y’ibinyoma yerekeye kwanduza no gupfa biturutse kuri Covid-19”.

Umunyamabanga Mukuru w’Umuryango w’Abibumbye, António Guterres, yagerageje gusubiza ibyari bivuzwe na Trump, avuga ko iki atari igihe cyo guhagarika inkunga kuri OMS. Kugeza ubu ariko, OMS nta kintu iratangaza ku byavuzwe na Perezida Trump.

Leta zunze ubumwe za Amerika ni we muterankunga mukuru wa OMS. Amerika yashyize asaga milioni 400 z’amadolari y’inkunga mu kigega cya OMS, n’amafaranga abarirwa ku kigereranyo cya 15% by’ingengo y’imari yose ya OMS.

USA kugeza ubu ni zo zugarijwe cyane n’icyorezo cya Coronavirus ugereranije n’ibindi bihugu byo ku mubumbe, kuko kugeza ubu abantu ibihumbi 25,981 bamaze kwitaba Imana bazize covid-19, mu gihe abandi ibihumbi birenga 608,377 bayanduye.

USA zivuga ko zikurikije amafaranga zishyira muri OMS, zibaza niba iyo neza n’ubuntu bwazo bikoreshwa uko bikwiye.

Ni mu gihe u Bushinwa bushinjwa guhisha amakuru ya nyayo kuri covid-19, bwo umusanzu wabwo uri hasi cyane ugereranyije na USA, kuko mu mwaka ushize bwashyizemo milioni 76 z’amadolari ya Amerika.

Abafunzwe barimo umwe mu bagize inteko ishinga amategeko, umucamanza ndetse n’abapolisi benshi basanzwe banywa inzoga mu tubari mu gihe abaturage bose basabwa kuguma mu ngo zabo.

Polisi yagabye igisa n’ibitero ku tubari two mu murwa mukuru wa Nairobi, aho utwinshi twakomeje gufungura no gukora nubwo hafashwe ingamba zikomeye zo gukumira ko abantu benshi bahurira ahantu hamwe.

Polisi ivuga ko abo bantu batawe muri yombi nyuma y’amakuru yatanzwe n’abaturage.

Ibi bibaye nyuma y’uko umuntu wa cyenda apfuye azize Coronavirus muri Kenya, kugeza ubu imaze gufata abantu 208 muri icyo gihugu.

Aba bafashwe bose bagomba gushyirwa mu kato bazamaramo iminsi 14 nyuma bakagezwa mu nkiko baregwa kurenga ku mabwiriza abuza abantu kwegerana no guteranira hamwe.

Minisiteri y’Ubuzima muri iki gihugu ivuga ko ubu Guverinoma ifite ubushobozi bwo gupima abantu barenga 1000 buri munsi, ikaba ivuga ko Leta itazorohereza abica nkana ingamba n’amabwiriza zafashwe zo kurwanya iki cyorezo.

Guverinoma ya Kenya yashimangiye kandi ko abantu bose bapfa bazize Coronavirus bashyingurwa mu masaha 24 ku bufatanye n’inzego zishinzwe ubuzima.

Ibi bije bikurikira kuba abaturage baravuze ko hari ukekwaho kuba yarishwe na Covid-19 washyinguwe byihuse mu Burengerazuba bwa Kenya kubera Pasika.

Urwego rw’Ubukerarugendo ruri mu zinjirizaga Afurika, ariko rwarahagaze muri ibi bihe (Photo:Internet)

Mu isuzuma ryakozwe na Banki y’Isi, ivuga ko ubukungu bw’akarere bushobora kugabanuka kugera kuri 5.1%.

Irerekana ingaruka coronavirus izagira ku bafatanyabikorwa bakomeye bo muri Afurika ndetse no kugabanuka kw’ibiciro by’ibikoresho fatizo nk’impamvu nyamukuru.

Ibihugu byinshi bya Afurika byafunze ibikorwa byose by’ubucuruzi bishyira abaturage babyo mu kato k’igihe kitari munsi y’ibyumweru, mu rwego rwo kugira ngo bigabanye ikwirakwizwa rya virusi.

Izi ngamba ibihugu byasabwe gushyira mu bikorwa mu buryo butunguranye, ngo zizagira ingaruka mbi kandi zikomeye ku izamuka ry’ubukungu bw’umugabane wa Afurika, umwe mu migabane yaranzwe no kugira ubukungu bwihuta cyane ku isi mu myaka ya vuba ishize.

Mu ntangiriro z’iki cyumweru, raporo y’Umuryango w’Ubumwe bw’Afurika (AU), yagaragaje ko imirimo igera kuri miliyoni 20 ku mugabane wa Afurika yugarijwe cyane ndetse iri mu bibazo byo guhagarikwa, ibintu byagira ingaruka kuri benshi biganjemo urubyiruko rushobora gukomeza kugarizwa n’ibibazo by’ubushomeri n’ubusanzwe bitari birworoheye.

ku mugabane wose wa Afurika, muri rusange kugeza ubu harabarurwa abantu barenga 11,000 banduye covid-19, ikaba imaze kwica abantu barenga 570.

Afurika y’Epfo, kimwe mu bihugu bifite ubukungu bukomeye ku mugabane wa Afurika, ni cyo gifite umubare w’abanduye coronavirus kurusha ibindi bihugu n’abantu barenga 1,900 banduye, kandi kigiye kwinjira mu cyumweru cya gatatu cyo gufunga bikomeye no gukomeza akato kashyiriweho abaturage nta bikorwa na bimwe bikorwa cyane cyane iby’ubucuruzi, cyeretse iby’ubuvuzi n’ibiribwa gusa.

Banki y’Isi yavuze ko Afurika yo munsi y’Ubutayu bwa Sahara nibura ishobora gukenera akayabo kabarirwa muri miliyari 100 z’amadorari ya Amerika, kugira ngo ayifashe kuzahura ubukungu buri kwikubita hasi ku rwego rudasanzwe.

Iyi gahunda igomba kuba irimo korohereza by’agateganyo ibihugu bya Afurika ku myenda bibireyemo ibihugu bikomeye ingana na miliyari 44 z’amadolari ya Amerika, nk’uko byagiye bigaragazwa n’abakuru b’ibihugu banyuranye barimo Ministiri w’Intebe wa Ethiopia Dr. Abiy Ahmed.

Albert Zeufack, impuguke mu by’ubukungu mu mabanki muri Afurika, yagize ati “Afurika yonyine ntizashobora kwihanganira iyi ndwara n’ingaruka zayo ku giti cyayo”.

Banki y’Isi ivuga ko muri rusange ubukungu bwa Afurika yo munsi y’Ubutayu bwa Sahara buzaba buto hagati ya 2.1% na 5.1%, mu mpera z’umwaka.

Ni raporo kandi igaragaza ko hazavuka n’ikibazo gikomeye cyo kwihaza mu biribwa, mu gihe umusaruro w’ubuhinzi n’ibitumizwa mu mahanga urushaho kugenda ugabanuka.

Usibye kugabanya imyenda, Banki y’Isi irasaba ko ibihugu byo muri Afurika yo munsi y’Ubutayu bwa Sahara bigomba kwibanda ku gushimangira gahunda z’ubuzima mu buryo buhamye.

Ikindi ngo bakwiye gushyiraho politiki yo gushyigikira umubare munini w’abantu bakoreshwa mu rwego rudasanzwe, badafite uburyo bw’ubwishingizi ubwo ari bwo bwose.

Mu kwezi gushize, mu kiganiro n’ikinyamakuru ‘Financial Times’, Minisitiri w’Intebe Dr. Abiy yavuze ko “Ubukungu bwa Afurika buzagwa”.

Yahamagariye ibihugu bigize G20 gutanga inkunga, cyane cyane muri gahunda z’ubuzima, avuga ko “Miliyoni z’abantu ziri mu kaga”.

Mozambique harekuwe imfungwa zirenga 5000 (Photo:Internet)

Leta ya Mozambique yo yarekuye imfungwa ibihumbi bitanu, mu gihe isi yose ihanganye n’ikwira ry’icyorezo cya covid-19, cyane mu gihugu byo mu Majyepfo ya Afurika imibare y’abandura ikomeje kwiyongera.

Inteko ishinga amategeko kuwa mbere ni bwo yatoye itegeko rigena imbabazi ku banyururu ibihumbi 5,032 barimo abanyagihugu n’abandi banyamahanga bafungiwe ibyaha byoroheje, byose biri mu rwego rwo kugabanya ubucike mu magereza mu rwego rwo kwirinda Coronavirus.

Ni itegeko rivuga ko abafungwa barekurwa ari abakatiwe igifungo kugeza ku mwaka umwe gusa.

Ibi leta ibikoze mugihe abantu 10 ari bo bamaze kugaragara banduye coronavirus muri iki gihugu.

Nubwo nta wo muri gereza uri muri aba, ariko ingamba zigomba gufatwa hakiri kare mu rwego rwo kurinda amagereza yo muri Mozambique ngo akabije ubucucike cyane bwikubye inshuro eshanu ugereranyije n’umubare w’agororwa gereza zagakwiye kuba zakira.

Mu cyumweru gishize, ni bwo Perezida wa Mozambique Filipe Nyusi yashyizeho ku mugaragaro ibihe bidasanzwe, byagombaga gutangirana n’itariki 1 kugeza tariki 30 Mata, mu rwego rwo guhangana na coronavirus.

Ibigo by’amashuri birafunzwe, ingendo zo mukirere zirahagarikwa, byose bigamije kurinda abanyagihugu kwandura ari beshi.

Muri Repubulika ya Demukarasi ya Kongo na ho Minisiteri y’Ubutabera yarekuye imfungwa 1,200 mu ngamba nshya zo kugabanya ubucucike mu magereza no gukumira ikwirakwizwa rya coronavirus.

Abarekuwe muri gereza ni abakoze ibyaha byoroheje nk’uko Minisitiri w’Ubutabera, Celestin Tunda abitangaza.

Gereza ya Makala mu murwa mukuru Kinshasa, iri mu zagabanyirijwe ubucucike, harekurwa imfungwa 700.

Abandi bagororwa benshi ngo bazarekurwa mu minsi ikurikira kandi, Minisitiri w’Ubutabera yasabye abacamanza n’abashinjacyaha, abanyamategeko gufunga gusa abagize uruhare mu byaha bikomeye nk’ubwicanyi no gufata ku ngufu.

DR Congo yemeje ko abantu 180 banduye coronavirus naho 18 bahitanywe na yo.

Guverinoma yashyizeho ibyumweru bibiri by’akato kihariye by’umwihariko ku gace ka Gombe kari mumu murwa mukuru Kinshasa.

Guverinoma ya Nigeria ivuga ko ishaka kuzana abaganga bo mu Bushinwa ngo batange umusanzu mu guhashya Coronavirus muri Nigeria (Ifoto: Internet)

Iri huriro mu ibaruwa ryandikiye Guverinoma, bayibwiye ko icyo gitekerezo kigayitse cyane ndetse batiyumvisha uburyo Leta yaha akazi abaganga baturutse hanze y’igihugu kandi yirengagije umubare munini w’abaganga b’abanyagihugu bicaye nta kazi bafite, rikavuga ko ari bo Leta yagakwiye guheraho mu gutanga akazi.

Umuyobozi w’ihuriro ry’abaganga, Francis Ohanyido, mu kiganiro n’itangazamakuru, yagize ati: “Ntabwo wakwihutira kuzana abaganga b’Abashinwa mu gihugu cyacu wirengagije abize ubuganga b’abashomeri birirwa mu rugo ntacyo gukora, ikindi ni uko aba Bashinwa batamenyereye umuco w’abanyagihugu bacu ndetse hari inzitizi z’uko abaganga batamenyereye gukorera muri Nigeria, twabyamaganye rwose.”

Ku wa Gatatandu tariki 04 Mata 2020 nibwo Guverinoma yatangaje ko abaganga b’Abashinwa batumiwe kuza gusangiza Abanya-Nigeria ubumenyi n’ubunararibonye bw’uburyo babashije kurwanya no guhashya icyorezo cya Coronavirus bakagicogoza ku butaka bw’u Bushinwa.

Bamwe mu baganga bo muri Nigeria bo ntibumva impamvu abaganga bo mu Bushinwa baza guhabwa akazi muri Nigeria kandi na ho hari abaganga b’abashomeri (ifoto: Esabod)

Muri Nigeria, abantu 232 ni bo bamaze kwandura icyorezo COVID-19 mu gihe kimaze guhitana abantu 5, bikavugwa ko abandi 33 babashije gukira iyi ndwara.

Ibikorwa byose by’ubucuruzi, iby’ingendo zo mu kirere no ku butaka byarahagaritswe abantu bategekwa kuguma mu ngo mu mijyi ibiri ikomeye; ari yo umurwa mukuru Abuja n’umujyi ukomeye w’ubucuruzi wa Lagos.

Zweli Mkhize, Minisitiri w’Ubuzima wa Afurika y’Epfo (Photo:Internet)

Afurika y’Epfo ni cyo gihugu gifite ubanduye icyorezo covid-19 benshi kurusha ibindi bihugu byo ku mugabane wa Afurika.

Mu minsi ishize Leta yatangaje ko yashyizeho itsinda ry’abaganga barenga ibihumbi 11, bo kuzenguruka urugo ku rundi bapima abaturage bareba abanduye, aho bishoboka bakagezwa kwa muganga, abandi bagashyirwa mu kato mu ngo zabo.

Minisitiri w’Ubuzima, Zweli Mkhize, yavuze ko kugeza ubu bamaze gupima abantu ibihumbi 47, 541, ariko avuga ko akurikije uburyo iyi virus yiruka cyane, bakeneye gushyiramo imbaraga zirenze izo bari gukoresha.

Yagize ati “ Keretse nitwongera umuvuduko naho ubundi twese tuzandura mugihe cya vuba”.

Yongeyeho ko mu kwezi kwa gatanu kurangwa n’ibicu n’imvura n’ubukonje bukabije, uburyo ibicurane bikunze kwibasira abantu beshi cyane, Coronavirus na yo ikaba ikwira cyane mu gihe cy’ubukonje, avuga ko biteguye ko ibitaro n’ibigo nderabuzima bizaba byuzuye abarwayi ba Coronavirus.

Ati “Mu gihe cy’ubukonje tugiye kwinjiramo ibintu bizarushaho kuba bibi cyane, ibitaro bishobora guterwa n’umwuzure utari uw’amazi ahuwo ari uw’abarwayi ba coronavirus”.

Kugeza ubu imodoka zirenga 67 zuzuye ibikoresho byo gupima zoherejwe mu gihugu hose, kdi abaganga ntabwo bazongera gutegereza ko abaturage baza kwipimisha babasanze kwa muganga, ahubwo ni igihe cyo kubasanga aho bari.

Ikoranabuhanga bari kwifashisha rishobora gutuma mu cyumweru gitaha bashobara kugera ku rwego rwo gupima nibura abantu ibihumbi 30,000 ku munsi.

Kugeza ubu abantu bane bamaze kwicwa na covid-19, mu gihe abantu barenga 1,400 na bo bamaze kuyandura.

Bifuza kwemererwa gukorana imibonano mpuzabitsina n’abagabo babo (Ifoto: HITNG)

Abo bagore basaba Leta ko yahindura amategeko amasaha yo gusura imfungwa akiyongera; ubundi mu gihe basuwe bakabasha kugira umwanya urambuye wo kwisanzurana n’abagabo babo bakagirana n’ibyo bihe byiza nk’abashakanye, kuko ngo ubusanzwe igihe bagenerwa cyo kuganira kiba ari gito ku buryo ntacyo babasha kumarirana.

Abagore babimburiye abandi mu kugaragaza icyo cyifuzo ni abafungiye muri gereza ya Mtangani. Abo bagore baganiriye n’abanyamakuru, maze amashusho yabo asakara ku mbuga nkoranyambaga, barisanzura bavuga ko bababazwa no kuba hari abamaze igihe kirekire muri gereza badakora imibonano mpuzabitsina, bagasaba ko Guverinoma yatekereza kuri abo bagore by’umwihariko abakatiwe gufungwa imyaka myinshi.

Umwe muri bo witwa Sofia Swale wakatiwe igifungo cya burundu yagize ati “Leta ibinyujije mu bashinzwe amagereza bagakwiye kudushyiriraho itegeko ritwemerera kuryamana n’abagabo bacu igihe badusuye kuko twumva ubwo burenganzira tubwamburwa kandi ari ubwacu.”

Akomeza agira ati “Nibaduhe igihe gihagije kigenewe umugororwa n’uwamusuye kugira ngo tubashe kwita ku bagabo twagiye dusiga mu ngo.”

Umwe mu bayobozi b’iyi gereza ya Mtangani witwa Nkatha Muthaura yavuze ko bo nk’abashinzwe Gereza badafite uburenganzira bushyiraho iryo tegeko ariko ngo Inteko Ishinga Amategeko ibyemeje bajya bemerera imfungwa n’abagororwa gukundana n’abo bashakanye nta nkomyi.

Muri 2014 nabwo iki gitekerezo cyari cyaganiriweho muri Guverinoma ariko birangira kitemejwe mu mategeko y’igihugu.

Icyo gihe hanzuwe ko bizakomeza kuganirwaho, hanarebwa uko ahandi mu magereza ku isi bigenda ku busabe nk’ubwo bw’abagororwa.

Ni nyuma y’aho Guverinoma ya Tanzania yasabye abanyagihugu kwirinda gusuhuzanya bahoberana, bahana ibiganza, abandi basomana mu rwego rwo kwirinda icyorezo cya Coronavirus gikomeje koreka imbaga muri iki gihe.

Perezida Magufuri yagaragaje icyifuzo cy’uko abantu batangira kujya basuhuzanya bakoresheje amaguru cyangwa ibirenge.

Amafoto yashyizwe hanze n’ibiro bya Perezida Magufuri, yerekana Perezida Magufuri we n’umunyapolitiki utavuga rumwe na Leta Maalim Seif Sharif Hamad barimo gusuhuzanya bahuza ibirenge aho guhana umukono nk’uko bimenyerewe.

Coronavirus kugeza ubu ntirabonerwa umuti cyangwa urukingo. Imaze guhitana abantu basaga ibihumbi bitatu (3000) hirya no hino ku isi, abeshi bakaba ari abo mu Bushinwa aho iyi virus yatangiriye mu mwaka ushize.

Icyakora amakuru mashya y’iyi virusi yadutse mu yindi sura ndetse igahabwa izina rishya rya COVID-19, avuga ko iri kugenda ikwirakwira ku muvuduko munini ku buryo abayanduye hanze y’u Bushinwa bamaze kwikuba inshuro 9 ugereranyije n’abari kuyandura imbere mu Bushinwa

Kugeza ubu ku mugabane wa Afurika ibihugu bya Misiri (Egypt), Morocco, Tunisia, na Aigeria, ndetse na Senegal nibyo bimaze kwemezako iyi virus yageze kubutaka bwabyo.

Kubeshya ngo bibangamira iperereza ndetse bigatuma hari ibyaha bitamenyakana biturutse ku kubeshya nyamara nyuma byamenyekana uwabikoze ntibimugireho ingaruka kuko nta tegeko rihana icyaha cyo kubeshya mu mateko ahana ibyaha mu Rwanda.

Mu gushaka kumenya niba byoroshye ko abantu bareka ingeso yo kubeshya, abaganiriye n’umunyamakuru wa Kigali Today na KT Radio bavuga ko iyo ngeso yo kubeshya yabaye karande mu bantu benshi bavuga ko hashyizweho itegeko, byajya bituma abantu benshi bavugisha ukuri.

Umwe muri aba utashatse kwivuga wahawe izina rya Chantal, avuga ko ku giti cye bigoye ko wakwirirwa utabeshye cyangwa utabeshywe.

Akomeza agira ati “Ukumva umuntu arakubeshye ikintu kikagira ingaruka ku buzima bwawe, cyangwa se n’ababeshya bagahishira abajura kandi babazi.

Mugenzi we na we wahawe izina rya Rurangwa, yabwiye umunyamakuru ati: “Buri munsi nta gihe umuntu atabeshya, kubeshya biba mu maraso y’abantu sinzi niba byacika, umuntu akubeshya azi ko byoroshye. Hagiyeho itegeko wenda bakajya bagufunga nk’amezi abiri ariko atari igifungo kinini byagabanya kubeshya.

Umunyamabanga mukuru w’Urwego rw’Igihugu rushinzwe Ubugenzacyaha (RIB), Col Ruhunga Jeannot, avuga ko mu rwego rw’amategeko n’ubugenzacyaha, kubeshya ngo bivamo guhishira uwakoze icyaha ndetse bikabangamira iperereza bigatuma ubutabera butagerwaho nk’uko byifuzwa, ibyaha bigapfukiranwa bigakomeza kuzerera mu muryango nyarwanda.

Col Ruhunga Jeannot avuga ko kuba nta tegeko ririho rihana ababeshya rimwe na rimwe bibangamira iperereza

Col. Ruhunga yagize ati “Ingero zo ni nyinshi ariko ntabwo twavuga ko kubeshya ari umuco nyarwanda. Jyewe si ko mbyemera ariko abantu babana na byo bakihangana umuntu arabeshya atumva ko hari ingaruka ziremereye zamubaho. Ushobora kugera ahantu hakorewe icyaha ukabaza umuntu uti ‘ninde wakubise uriya muntu, ni nde wibye, umuntu akakubwira ati jyewe simbizi nta n’ubwo nari mpari, nyuma bikaza kumenyakana ko yari ahari ndetse ari we watumye bitajya mu butabera. Umuntu nk’uwo ingaruka zagakwiye kumugeraho.”

Col. Ruhunga yakomeje agira ati: “Ariko mu mategeko dufite uyu munsi ntabwo kuba atavugishije ukuri wahita umwemeza icyaha cy’ubufatanyaha. Guhishira umugizi wa nabi byo birahanirwa ariko hari no gutanga amakuru asanzwe. Icyo gihe rero iyo umuntu agiye kubwira umuntu uri mu kazi k’ubutabera akwiye kubanza gutekereza kabiri akavuga ati nimbeshya ingaruka zizambaho zizaba zingana iki?”

Mu gihe uyu mushinga w’itegeko waba wasuzumwe n’inteko, ngo byagendana no guhana ababeshya muri rusange mu muryango nyarwanda.

Col. Ruhunga akomeza agira ati:”Kubeshya hari n’ibihugu biguhanisha ubwinjiracyaha. Bigomba kuva mu bantu ndetse n’umwana uvutse agakura yifitemo indangagaciro yo kuvugisha ukuri”

Ati: “Hari zimwe mu ngero z’ibyaha byo gusambanya abana ubaza umwana w’umukobwa akakubwira ko yatewe inda n’umuntu wamufashe ku ngufu amufatiye ku mugezi yagiye kuvoma kandi ari guhishira umwarimu we wamuteye inda. Nyuma amakuru akamenyekana ari uko umukobwa aje kurega igihe cyaramurenganye avuga ko hari ibyo yamusezeranyije atakimuha nk’amafaranga se cyangwa ibindi akabona kuvuga uwamuhohoteye ni ibintu tugomba kugenda turwanya.”

Ikibazo cyo kubeshya kiri mu bikomeye Perezida Kagame yagarutseho ubwo yatangiza umushyikirano w’abayobozi ku nshuro yawo ya 17, avuga ko kubeshya usanga biri no muri abo bayobozi, ndetse abasezeranya ko igihe kigeze ngo atangire guhangana na byo.

Ibi yabivuze ahereye ku wari Minisitiri w’Ubuzima, Dr. Diane Gashumba, weguye nyuma y’imikorere mibi irimo no kubeshya ku mubare w’ibikoresho u Rwanda rufite byarufasha gusuzuma no guhangana n’icyorezo cya Coronavirus.
Perezida Kagame yavuze ko Dr. Diane Gashumba bitari inshuro imwe akora amakosa arimo no kubeshya.

Perezida Kagame ati “Sinzi ukuntu byanjemo mu gitondo mbyutse, ntelefona bamwe mu bayobozi nanajya kwa Minisitiri w’Intebe ndavuga nti iriya Virus yateye mu Bushinwa, ko tugiye kujya mu mwiherero twese badupimye twajyayo tumeze neza kuko tuba tuzateranira mu cyumba kimwe dusabana, tunaganira. Badupime kandi bampereho.”

Ati “Hari hashize iminsi bambwiye ko twiteguye guhangana n’iki cyorezo kandi ko twamenya ko yatugezemo.”

Ariko ngo haje ubutumwa buvuye kwa Dr Diane Gashumba buvuga ko atari ngombwa ko abajya mu mwiherero babanza gupimwa, Umukuru w’Igihugu abyibazaho.

Gusa ngo Gashumba yari yanatanze amakuru ko hari ibikoresho byapima abantu ibihumbi 3500, avuga ko bavanyemo ibikoresho bipima abantu 400 bagiye mu mwiherero byaba byangije ibikoresho kandi bitari ngombwa.

Uwo Perezida yari atumye, ngo yabwiye Gashumba ko icyifuzo cy’Umukuru w’Igihugu gishobora no kuba itegeko, amubwira ko niba atabikoze yakwihamagarira Perezida akabimwibwirira.

Byageze aho abashinzwe umutekano bajya kugenzura muri Minisiteri y’Ubuzima bajya kureba niba koko ibyo bikoresho bipima abantu 3500 bihari, ariko ngo bagezeyo, basanze hari ibikoresho byo gupima abantu 95 gusa.

Umukuru w’Igihugu amaze kubona raporo ivuye mu nzego z’umutekano, yongeye kubaza Dr. Gashumba niba koko ibyo abona muri Raporo ari byo, Minisitiri Gashumba yemera ko ibyo bikoresho bidahari ndetse yemera ko byari ikinyoma.

Umukuru w’Igihugu yasabye abayobozi bari bateraniye mu mwiherero kwiga kuvugisha ukuri no ku bibazo biba bihari, no kudahishira abanyamakosa bari mu buyobozi. Yanasabye abakiri bato muri Leta kutagendera ku kinyoma mu gihe bashaka ko u Rwanda rutera imbere.

Mu biganiro biherutse guhuza Abadepite bari muri komisiyo y’Umutekano no kurengera Ubusugire bw’Igihugu, inzego z’ubutabera ndetse n’Urwego rw’Ubugenzacyaha, abari muri ibyo biganiro basabye ko mu Nteko Ishinga Amategeko batangira gutekereza ku nyigo y’umushinga w’itegeko rihana ababeshya ubucamanza n’inzego z’ipererereza mu buzima busanzwe kuko bibangamira uburyo bwo kugaragaza no kugenza icyaha bigatuma hari ibyaha biba mu muryango ariko ntibifatirwe ingamba zikwiye.

Abacuruzi bo mu Rwanda bashobora kuzabura ibicuruzwa/ Photo:VOA

Ni mu gihe u Rwanda ndetse n’isi yose muri rusange ruhangayikishijwe n’iki cyorezo cyateye mu Bushinwa mu kwezi gushize, aho kimaze guhitana abantu bagera hafi kuri 500.

Abanyarwanda bakura ibicuruzwa mu Bushinwa baravuga ko kugeza ubu nta ngaruka zari zatangira kwigaragaraza, ariko ko bahangayikishijwe n’ibishobora kuba mu mezi ari imbere.

Umwe muri bo avuga ko icyo cyorezo nikitabonerwa umuti cyangwa urukingo, nta kabuza ingaruka zishobora no kugera ku bacuruzi ndetse n’abaguzi muri rusange.

Agira ati “Mbona Abanyarwanda ari benshi mu Bushinwa, ntekereza ko tuzagira ingaruka nyuma yo mu kwa kabiri, bazafungura rero mu matariki 20, ntekereza ko kubera icyo kibazo kigihari bashobora kudafungura, duhagaritse kujya yo ibyinjiraga ntabwo byaba bikinjiye byatugiraho ingaruka”.

Undi mucuruzi avuga ko bishobora gutuma bafunga amaduka kuko n’ayo kwishyura ubukode ashobora kutaboneka kubera ko nta bicuruzwa biba bihari.

Agira ati “Ni ukuvuga ngo twabura ibyo ducuruza, kandi tuba dufite inzu dukodesha. Ibyo rero urumva byagira ingaruka zikomeye ku bukungu.Twari tuvuye mu minsi mikuru yabitwaye, hari hageze ngo turangure ibindi none ntibiri kudukundira”.

Icyakora ngo ibi ntibirazana impinduka zo kuzamura ibiciro, kuko hari abaranguye byinshi n’abakibifite muri za duwane.

Umuyobozi ushinzwe ubucuruzi bw’u Rwanda n’amahanga muri Ministeri y’Ubucuruzi n’Inganda, Alice Twizeye, avuga ko ingaruka zatangiye kwigaragaraza.

Agira ati “Kuba amakompanyi y’indege yose yahagaritse ingendo zerekeza mu Bushinwa, ni igihombo ku bijyanye n’ubwikorezi bwo mu kirere, muri rusange biragira ingaruka ku igabanuka ry’ubukungu mu rwego rw’isi yose. Ni ukuvuga ko abantu bose bakuraga ibicuruzwa mu Bushinwa, ubu nta byo bazongera kujya babona mu gihe hataraboneka igisubizo kirambye”.

Imibare iheruka ya Ministeri y’Ubucuruzi n’Inganda, igaragaza ko mu mwaka wa 2018 u Rwanda rwatumije mu Bushinwa ibicuruzwa bifite agaciro ka miliyari 205 z’amafaranga y’u Rwanda, mu gihe na rwo rwoherejeyo ibicuruzwa bifite agacrio ka miliyari 4.3 z’amanyarwanda.

Mugabo Pie wigeze kuba Minisitiri yitabye Imana azize uburwayi

Yitabye Imana azize uburwayi, aho yari amaze iminsi arwariye mu bitaro byitiriwe Umwami Faycal.

Uyu mugabo wari inzobere mu mategeko, yanabaye umucamanza, aba Perezida w’Urukiko Rukuru. Mbere y’uko yitaba Imana, yari asanzwe atanga serivisi zitandukanye mu bijyanye n’amategeko.

Amakuru ya mbere y’urupfu rwa Mugabo yatangajwe n’abayoboke b’ishyaka rya PL.

Ibyaranze ubuzima bwa Mugabo Pie

Pie Mugabo yavutse tariki ya 17 Mutarama 1952, avukira mu Ntara y’Amajyepfo. Yize amashuri abanza i Nyamiyaga mu Karere ka Nyanza, akomereza ayisumbuye mu Iseminari Nto ya Save na Kansi no mu muri Koleji ya Kiirisitu Umwami (College du Christ-Roi), kuva mu 1966 – 1972.

Mu 1978, Mugabo yarangije mu ishami ry’amategeko, mu cyahoze ari Kaminuza Nkuru y’u Rwanda.

Yakoze amahugurwa anyuranye, harimo ajyanye n’imisoro yakoreye i Kharthoum muri Sudani mu mwaka wa 1982, kwigusha abakuze mu Bufaranga mu mwaka wa 1987, yahawe amasomo ajyanye n’amashyirahamwe muri Philippines mu mwaka wa 1999, ahugurirwa n’ibijyanye n’umutungo n’abakozi muri Espagne mu mwaka wa 2000.

Mugabo Pie yakoze imirimo inyuranye harimo kuba umwarimu mu mashuri abanza ku Kamonyi, umukozi ushinzwe inguzanyo muri Banki y’Abaturage, umunyamategeko n’umujyanama mu Rukiko rw’Imari ya Leta, umunyamategeko muri ’Centre de Formation et de Recherches Coopératives – IWACU’, intumwa ya Leta, Minisitiri w’Imibereho Myiza y’Abaturage hagati y’umwaka wa 1994 kugeza mu mwaka wa 1997.

Mugabo Pie yakoze mu rwego rw’abafasha mu by’amategeko (Avoka), yabaye Umuyobozi Mukuru wa Tabarwanda, aba Umunyamabanga Mukuru w’Urukiko rw’Ikirenga, ndetse anaba Perezida w’Urugereko rw’Urukiko Rukuru rwa Nyanza, n’Umucamanza mu Rukiko Rukuru kugeza agiye mu kiruhuko cy’izabukuru mu mwaka wa 2017.

Mu 2017, Mugabo ari mu bacamanza bahawe umudali w’ishimwe kubera uruhare rwe mu mitangire ya serivisi inoze mu rwego rw’ubutabera mu Rwanda.

Ku wa 28 Mata 2017, Perezida w’Urukiko rw’Ikirenga yasohoye Iteka n° 027/2017 rimuha izina ry’icyubahiro ku ntera y’umucamanza w’Urukiko Rukuru.

Abanyeshuri bahawe impamyabumenyi basabwe guhanga ibishya

Yabivuze kuri uyu wa gatanu tariki 25 Ukwakira, mu muhango wo gutanga impamyabumenyi ku banyeshuri 2,398 barangije mu mashuri y’imyuga n’ubumenyingiro.

Minisitiri Mutimura yagize ati “Harimo abize kubaka, abize ikoranabuhanga ritandukanye, ubuhinzi bugezweho n’ibindi bitandukanye. Icyo basabwa ni ugushyira mu bikorwa ibyo bigishijwe, ariko bagashyiraho n’akarusho icyo nakwita guhanga ibishya bigaragaza ko bize ubumenyingiro koko.

Minisitiri Mutimura yasabye abarangije guhanga ibishya

Akomeza agira ati “Ni bwo bagitangira urugendo, ariko Leta izabibafashamo tuzabafasha gukomeza kwiga ariko icy’ingenzi si ibipapuro, ahubwo ni ugushyira mu bikorwa no kugaragaza ibyo wize mu gukemura ibibazo bitandukanye bihangira umurimo cyane ko hari urugero rwa bagenzi babo barangije mbere bagiye bakora ibikorwa by’indashyikirwa.

Abahawe impamyabumenyi ni abarangije mu mashuri umunani yigisha imyuga n’ubumenyingiro muturere dutandukanye.

Muri bo, abagabo ni 1,784, mu gihe abagore ari 606 barangije mu mashami 11 atandukanye yibanda ku buhinzi, ubwubatsi, itumanaho n’ ikoranabuhanga, ubukerarugendo, ubucukuzi bw’amabuye y’agaciro n’ibidukikije.

Mukamana Zipola urangije muri IPRC Kitabi, mu ishami ryo kwita ndetse no kubungabunga ibinyabuzima byo mu gasozi ‘wildlife management’, na Nirere Claudette urangije muri IPRC Tumba mu ishami ry’ikoranabuhanga n’itumanaho ‘electronics and telecommunication’ bari mu banyeshuri umunani bahawe igihembo cy’ibihumbi 500 by’amafaranga y’u Rwanda kuri buri umwe, bitewe n’uko batsinze neza kurusha abandi.

Abanyeshuri babaye indashyikirwa babiherewe ishimwe

Mukamana agira ati “Icyo nasaba Leta muri rusange bitewe n’uko ibintu twize bitamenyerewe ni ukuduhuza no kudushyiriraho ibigo byabasha kudukoresha”.

Naho mugenzi we Nirere, ati “Aya mafaranga mbonye ngiye kuyakoresha mu bikorwa bizatuma mbona intangiriro nziza yo gukora ibikorwa, n’imwe mu mishinga tuba twaragiye twiga mu mashuri”.

Minisitiri Mutimura kandi yabasabye kwigira kuri bagenzi babo barangije muri aya mashuri bagiye bakora ibikorwa by’indashyikirwa.

Kuri uyu munsi kandi, hatanzwe n’impamyabushobozi ku barimu 1,800 bahuguriwe kwigisha imyuga mu mashuri ya TVET, baje basanga abandi bahuguwe 2,178. Muri aba, 1,785 bangana na 40% bahuguriwe gutoza abandi mu Rwanda hose.

Kugeza ubu muri IPRC zose hamaze gutangwa impamyabumenyi ku banyeshuri 6,368 kuva zajyaho mu mwaka wa 2017, aho zatangiye gutanga impamyabumenyi ku nshuro ya mbere muri 2018.

Mu kiganiro yagiranye na Kigali Today, umuyobozi w’ishami rishinzwe gukumira no kurwanya ibyorezo muri RBC Dr. Nyamusore Josee, yemeje ko u Rwanda rwatumije inkingo nyishi kandi ko urukingo rwizewe.

Umuruyango w’abibumbye Loni, watangiye kwifashisha uru rukingo rushya mu bihugu byo mu Burengerezuba bwa Afurika, ndetse n’abantu barenga ibihumbi 60 begereye imipaka ya repubulika iharanira demukarasi ya Congo na Uganda na bo batangiye guhabwa uru rukingo.

Uru rukingo ariko ntiruremezwa ku rwego mpuzamahanga.

Dr. Nyamusore Josee avuga ko u Rwanda rwatumije izi nkingo kandi ko bafite amakuru meza y’umuti wa Ebola ushobora kuvura ku rugero rwa 90% .

Ati “Umuti warabonetse, ni inkuru nziza cyane ku isi, urukingo rurahari n’umuti wabonetse witwa MAP 114. Ni amakuru yadushimishije twese”.

Kuba umuti ushyirwa hanze nyamara hari urukingo rwabanje rugiye kumara imyaka ibiri rutaremezwa mu ruhando mpuzamahanga, Dr. Nyamusore avuga ko icyangombwa ari uko urukingo nta ngaruka rwagira ku warutewe.

Ati “Icy’ingenzi ni ukumenya ngo uru rukingo ruri gukora icyo rugomba gukora! Ntabwo warebera ngo abantu bashire ari rwo ufite, kandi uzi ko rukora, hasigaye ko umuntu azamura urutoki ngo yemeze ikintu”.

RBC kandi yemeza ko imaze kurenga urwego rwo kurwanya Ebola, kandi ko u Rwanda ruri kubaka urubyo burambye bwo guhangana n’ibindi byorezo byazagaragara mu myaka irimbere.

Mu kwezi kwa Mata ni bwo u Rwanda rwatangiye gukingira bamwe mu bakora n’abafasha mu rwego rw’ubuzima bashobora kwitabazwa gukumira Ebola, mu gihe yaba yageze ku butaka bw’u Rwanda.

Kugeza ubu RBC ikaba yemeza ko imaze gukingira abantu ibihumbi bitatu.

Umuhanzikazi Nick Minaj yaretse umuziki

Amakuru avuga ko Nicki Minaj ari mu rukundo na Kenneth Petty kandi bitewe n’uburyohe bw’urukundo ngo bamaze no kugera kure imishinga yo kubana nk’umugore n’umugabo.

Nicki Minaj abinyujije kuri twitter, yagize ati “Ngiye guhagarika umuziki nubake umuryango. Abafana banjye bose nzahora mbakunda”.

Kenneth Petty na Nick Minaj bagiye kubana nk’umugore n’umugabo

Umugabo Kennety Petty bivugwa ko ashobora kuba ari we ugiye kubana na Nicki Minaj aherutse no gusohora amahusho y’indirimbo ye nshya ’Megathron’, aba bombi bagaragaza ibihe by’urukundo barimo muri iki gihe.

Nicki Minaj yakundanye n’abagabo bandukanye harimo Safaree Samuels, Meek Mill, na Nas umuraperi ukomeye. Yagiye avugwaho gukundana na Lil Wayne ndetse na Drake nubwo aba bombi yagiye babihakana bavuga ko bakorana umuziki nk’akazi gusa.

Nicki Minaj w’imyaka 36 y’amavuko yamenyekanye cyane mu ndirimbo zakunzwe cyane, akaba kandi yaranabaye umukinnyi wa filime ndetse akaba afite n’ikiganiro cye kuri radiyo.

Kugeza ubu Nicki Minaj ntaratangaza niba ahagaritse ibikorwa by’umuziki burundu cyangwa niba ahagaritse ubucuruzi butandukanye akora.

Ikindi kandi hakomeje kwibazwa niba uyu mwanzuro udahutiyeho, aho benshi bakomeje gutekereza ko azisubiraho kuri iki cyemezo.

Indirimbo nka Starships, Anaconda, Superbass zatumye amenyakana cyane nk’umuraperikazi wa mbere isi yagize.

Abagore bafite umutima ukunda muri Kenya barakangurirwa kwitabira iyi gahunda yo gutanga amashereka ku buntu

Ibi bizakorwa abagore bajyana amashereka kuri iyi banki akabanza gupimwa kugirango abone kubikwa cyangwa se bakajya kuri iyo banki bakabakama.

Gloria ni umugore utaragize amahirwe yo konsa umwana we bitewe n’uburwayi avugako aya mashereka yafashije umwana we cyane.

Agira ati “Umwana wanjye yirirwaga arira najye bikantera agahinda… Ubu ari gukura neza ndetse abasha gusinzira ntakibazo. Ndashimira ababyeyi bagenzi banjye ku mutima w’ubumuntu.”

BBC dukesha iyi nkuru ivuga ko John Martin, umugabo wapfushije umugore we ari kubyara, yavuze ko aya mashereka ari kugoboka abana be b’impanga yasigiwe na nyakwigendera.

Agira ati “umugore wanjye amaze gupfa namenya amakuru ko ku ivuriro bashobora guha impanga zanjye amashereka. Nabanje kugira impungenge z’uko hari ingaruka amashereka yabatera kuko atari aya nyina wababyaye, ariko nyuma yo kunsobanurira ubu ntakibazo mfite ndetse abana banjye batangiye kongera ibiro kandi nta gihe kinini baramara. Biragaragara ko amashereka y’ikiremwamuntu ari ingirakamaro.”

Abagore ngo biteguye gukorera ubushake no gutanga ubu bufasha bw’amashereka kugirango bagoboke bagenzi babo batabasha konsa cyangwa abana bato batagira amahirwe yo konswa na ba nyina.

Aya mashereka kdi ngo abanza gupimwa ku buryo buhagije kugira ngo harebwe niba nta ndwara zirimo zishobora kugira ingaruka ku bana bayahawe.

Leta ya kenya ivuga ko izakomeza gufungura umubare wa banki z’amashereka nyishi mu bice bitandukanye by’igihugu harebwe uko iyi gahunda igenda yitabirwa.

Ishami ry’Umuryango w’Abibumbye rishinzwe ubuzima (OMS) ivuga ko abana barenga ibihumbi 800 bapfa buri mwaka bazize kutabona amashereka y’umubyeyi.

Anne Kansiime na Gerald Ojok ubwo bari bakirebana akana ko mu jisho

Yabivugiye mu kiganiro asanzwe akora binyuze ku rubuga rwa Internet rwa YouTube.

Mu magambo yumvikanyemo ikiniga ubwo yari yatumiye undi mugore witwa Nana Kaga, nibwo Kansiime yahishuye ko yahubutse agakora ubukwe atabitekejeho, atanamenye neza uwo bagiye kubana, akavuga ko ari na yo mpamvu umubano we n’umugabo we wageze ku ndunduro utamaze kabiri.

Anne Kansiime yatangaje ibi asembuwe n’uwo mugore ubwo barimo kuganira bibaza impamvu abantu bagiye gukora ubukwe bakunda kwaka amafaranga y’imfashanyo(intwererano) mu nshuti n’imiryango nk’aho ari bo bazabubakira urugo rugakomera.

N’ubwo yakomeje ubuzima nyuma yo gutandukana na Gerald Ojok ndetse akabona undi mukunzi, Anne Kansiime avuga ko bikimugoye kwibagirwa no kubabarira umugabo we wa mbere ari we Gerald Ojok.

Mu mashusho y’icyo kiganiro, Anne Kansiime agaragara ikiniga kimufata kuvuga bikamunanira. Kansiime agira inama abakobwa bashaka gushaka huti huti ko bashobora kwisanga bakoze ibyo na we yakoze byo kwitangira inkwano, akabagira inama yo kwitonda kugira ngo batazababara nk’uko yababajwe.

Ku bwa Kansiime, umugabo ngo ni uwabyutse n’amaguru ye abiri akishyura ibirebana n’inkwano byose, akakujyana mu rusengero mukambikana impeta, ngo nibwo uba ushatswe. Nyamara we yemeza ko kuri we ibyo byose bitigeze bibaho kuko ngo yikoreye byose mu bukwe bwe.

Akomeza avuga ko impamvu yamuteye kubyikorera ngo yashakaga ko mu bukwe bwe agaragara nk’ufite agaciro ndetse ko yakowe byinshi. Ngo yari agamije kwerekana ko yakoze ubukwe bw’igitangaza.

Mu myaka ibiri ishize nibwo urukundo rwa Kansiime Anne na Gerald Ojok rwageze ku musozo nyuma yo guterana amagambo akarishye ku mbuga za Internet, bafata umwanzuro wo kwaka gatanya.

Imiryango iharanira uburenganzira bwa muntu yafashe iki gikorwa nk’intsinzi ikomeye bitewe n’uko abantu b’ibinyabibiri muri Kenya bakorerwa ivangura ndetse n’ihohoterwa rikabije.

Ukwezi kwa munani kurasiga hamenyakanye umubare w’abantu bafite ibitsina bibiri. Biravugwa ko bashobora kuba barenga ibihumbi 700 muri millioni 49 z’abanyagihugu bose.

Umuyobozi w’ishyarahamwe ry’abafite ibitsina bibiri Ryan Muiruri yavuze ko iri barura rituma bamenyana n’abandi bavandimwe babo b’ibinyabibiri kandi ngo bizabafasha kwishyira hamwe batere imbere, barwanye akarengane bakorerwa ndetse na Leta ibashe kumva akababaro k’ubuzima babayeho.

Leta ya Afurika y’Epfo ni cyo gihugu cya mbere ku mugabane wa Afurika cyashyize mu mategeko itegeko rihana abakorera ivangura n’akarengane abantu baba baravukanye ibitsina bibiri.

Inkuru bijyanye

Impamvu zitera kugira ibitsina bibiri (Ikinyabibiri)

Boris Jonhson ni we Minisitiri w’Intebe mushya w’u Bwongereza

Boris atowe nyuma yo gutsinda amatora akomeye y’ishyaka riri ku butegetsi ry’aba conservateur (conservative party) rigizwe n’ibikomerezwa by’abanyabikingi n’aborozi bakomeye.

Yatowe n’amajwi ibihumbi 92,153 ni ukuvuga 66.4% mu gihe uwo bari bahanganye witwa Jeremy Hunt yagize amajwi 46,656 ni ukuvuga 33,3% mu gihe abatoraga babarirwa mu bihumbi 160,000.

Akimara gutorwa, abayobozi bakuru b’ibihugu bamwifurije ishya n’ihirwe barimo Minisitri w’Intebe wa Australia Scott Morrison.

Yagize ati “Uri umugabo nziho ubunararibonye bwo gushyira mu bikorwa ibintu bigakunda. Igihugu cyanjye kizakomeza gufatanya n’u Bwongereza.”

Undi wagize icyo abivugaho ni Perezida wa Leta Zunze Ubumwe za Amerika, Donald Trump, aho yagize ati “Boris Johnson ni we ubaye Minisitiri w’Intebe w’u Bwongereza. Ni ibintu by’agatangaza.”

Akimara gutorwa, Boris Johnson yahise ashimangira ko akomeje urugendo rwo kuvana u Bwongereza mu Muryango w’Ubumwe bw’Ibihugu by’i Burayi (EU) ndetse avuga ko nta gishyika cyangwa ubwoba afite bwo kubishyira mu bikorwa.

Yongeyeho ko bitarenze tariki 31 Ukwakira 2019 azaba yamaze gukura u Bwongereza mu bihugu bigize EU ngo bikazatuma u Bwongereza burushaho kugira ingufu.

Boris Johnson asimbuye mugenzi we baturuka mu ishyaka rimwe Madam Theresa May weguye nyuma yo kunanirwa kugaragaza icyo u Bwongereza bwaba cyo cyangwa uko bizagendekera abanyagihugu n’ubuzima muri rusange nyuma yo kuvana u Bwongereza mu muryango w’u Burayi.

Boris Johnson yize amashuri yisumbuye ku ishuri rikuru rya Eton mu gihe amasomo ya Kaminuza yayigiye kuri kaminuza ikomeye ya Oxford.

Yabaye mayor w’Umujyi wa London kuva muri 2008 kugera muri 2016, nyuma yaho aba Minisitiri w’Ububanyi n’Amahanga mu mwaka wa 2018.

Aba bakobwa bafashwe bagiye kujyanwa gucuruzwa mu Bushinwa banyuze muri Uganda. (Photo Imvaho)

Ubu bushakashatsi kandi bwerekanye ko abagore n’abakobwa ari bo bacuruzwa cyane kurusha ibindi byiciro by’abantu.

Ni ubushakashatsi bwatwaye imyaka ibiri, bukorerwa mu turere 16 tw’igihugu.

Minisiteri y’Ubutabera, ari na rwo rwego rwateye inkunga ubu bushakashatsi, ivuga ko banyuzwe n’ibibukubiyemo nk’uko bisobanurwa na Umurungi Providence, Umuyobozi w’Ishami rishinzwe ubutabera mpuzamahanga muri Minisiteri y’Ubutabera.

Umurungi Providence Umuyobozi w’Ishami rishinzwe ubutabera mpuzamahanga muri Minisiteri y’Ubutabera

Uyu muyobozi yasabye abantu gukorana n’inzego z’umutekano no gutanga amakuru ku gihe, mu rwego rwo gukumira icuruzwa ry’abantu.

Yagize ati “Ni ikintu twari dutegereje kugira ngo tubone ibivuyemo kuko bizadufasha mu gushyira muri gahunda yo guteganya icyakorwa mu rwego rwo kongera ingufu mu kurwanya icuruzwa ry’abantu”.

Yongeyeho ati “Nk’uko abashakashatsi babivuze, nkeka ko noneho uko imyaka igenda yiyongera ari na ko n’ubumenyi abantu bagenda barushaho kubwongera. Si ukuvuga ko iyi myaka ibiri ishize ari yo myaka ibi byaba byabaye byinshi. Bishobora kuba byarabaye ariko mu rwego rwo kubivuga no kubimenyekanisha ni uburyo bwashyizweho, bwo kongerera ubushobozi inzego zishinzwe gukurikirana ibyaha.”

Ubu bushakashatsi bwerekanye ko kuva mu mwaka wa 2016 kugera muri 2018, 95% by’abacurujwe bari abakobwa n’abagore. Madame Umurungi yagarutse ku mpamvu zituma abakobwa n’abagore bacuruzwa byoroshye.

Ati “Icuruzwa ry’abantu si ikibazo cy’u Rwanda gusa. Nta n’ubwo twavuga ko twugarijwe cyane, n’ubwo bwose tutavuga ko kitatureba ni ikibazo cy’isi yose. Mu mbogamizi bavuze z’ubukene, kutagira akazi abantu babashuka ngo bababoneye imirimo hanze, nk’abana b’abakobwa bagenda bavuga ngo babashakiye amashuri bagerayo bakabakoresha imirimo y’ubucakara.

Bamwe mu bitabiriye inama

Ibyo byose ni yo mpamvu igihugu gifata ingamba mu kurwanya no kumenyesha, kugira ngo uwo mwana bazajya bahamagara ngo twakuboneye akazi cyangwa umuntu wamwandikiye kuri internet ngo naze yamuboneye akazi, umuntu utazi ni ukubanza gutekereza kabiri mbere yo kujya muri izo nzira kuko kenshi ni bo bagenda bakabigwamo”.

Umuryango Never Again uvuga ko uretse ubukene n’ubushomeri mu rubyiruko biba intandaro yo gucuruzwa kw’abantu, hiyongeraho n’ ubuhunzi, amakimbirane mu miryango hamwe n’imbuga nkoranyambaga za internet.

Dr Nkurunziza uyobora Never Again Rwanda

Dr Joseph Nkurunziza uhagarariye Never Again avuga ko hari ibyo babonye bagiramo inama inzego za Leta kugira ngo ibikorwa byo gucuruza abantu bikumirwe mu Rwanda.

Agira ati “icyambere cy’igenzi ni ugukora kuburyo habaho ihananahana ry’amakuru cyane mukigo gishinzwe abinjira n’abasohoka, RIB, Police hamwe n’urwego rushinzwe ubutabera. Kugira ngo ikibazo gikemuke ni uko abantu baba bafite amakuru yuzuye kandi ya nyayo. Ni yo mpamvu byadutwaye imyaka ibiri duhuza amakuru”.

Akomeza avuga ko hakwiriye kujyaho ikigo gishinzwe gufasha abo, baba bahuye n’ibyo bibazo. Yongeraho ko hakwiye ubuvugizi, kwigishwa, hagatangwa amakuru avuga ko inshuti, abavandimwe cyangwa abantu baturanye ari bo kenshi bakora ubucuruzi bw’abantu, babanyuraho bakabakoresha kugirango bafashe kubona abo bajya gucuruza. Ati “Birasaba ingufu zaburi muntu wese.”

Avuga kandi ko n’itangazamakuru rikwiye kubigiramo uruhare, nk’umuyoboro wigisha abaturage bakanabaha amakuru ya nyayo kugirango bakumire ibyabuza abaturage kugira umutekano usesuye.

Ubushakashatsi bwa Never Again bwerekana ko ku kigereranyo cya 87% abacuruzwa ari urubyiruko mu gihe 18% by’abacurujwe batarageza imyaka 18 y’ubukure.

Akenshi abacuruzwa bajyanwa mu bihugu by’Abarabu, no mu Burasirazuba bwo hagati, bashukishwa gushakirwa imirimo myiza nyamara bagera mu mahanga bagatangira gukoreshwa imirimo y’ubucakara, abandi bakagirwa ibikoresho by’ubusambanyi mu tubari dutandukanye, abandi bagakoreshwa mu bucuruzi bw’ibiyobyabwenge, hakaba n’abakurwamo zimwe mu nyama zo mu nda zigahabwa abazikeneye baba batanze akayabo.

Dr Vincent Biruta minisitiri w’Ibikorwa remezo

Ibi Minisitiri Vincent Biruta yavivuze kuri uyu wa kabiri tariki 17 Mata 2019, ubwo Minisiteri ayoboye yari yitabye inteko ishingamategeko y’u Rwanda mu gikorwa cyo gusuzuma umushinga w’itegeko rigamije guca ibikoresho bikoze muri parasitike bikoreshwa inshuro imwe ubundi bikajugunwa.

Ministiri Biruta agaruka ku mpamvu nyamukuru bifuza no guca ikorwa, itumizwa mu mahanga, ikoreshwa n’icuruzwa ry’ibikoresho bikozwe muri parasitike bikoreshwa inshuro imwe,

Yagize ati “ubundi muzi ko mu Rwanda dusanzwe dufite itegeko rimaze imyaka 10 ryatowe mu mwaka wa 2008, rica amasashi ya parasitike kubera ingaruka afite ku bidukikije by’umwihariko umwanda atera kandi akaba ari ibikoresho bitabora byagiye mubutaka biheramo, amazi ntabashe kwinjira mubutaka neza iyo bigiye mumazi nabyo birayangiza byaba mu migezi no mu biyaga ugasanga ndetse rimwe na rimwe bibangamira ubuzima bwo muri ayo mazi, amafi ntakure neza cyangwa se amwe akanapfa ndetse no hanze hari igihe amatungo ajya yicwa n’amashashi."

Iryo tegeko rero ryagize akamaro, isuku iriyongera mu gihugu ndetse n’ingaruka zayo masashi kubidukikije zigenda zigabanuka

ariko uyu munsi nyuma y’uko iryo tegeko ritorwa hari n’ibindi bikoresho bikorwa muri parasitike byagiye biza ku isoko bigakoreshwa rimwe bikajugunwa. Hari imihehe, udukombe, amasahani, amakanya n’ibindi kandi ni ibikoresho bitabora.

Ministiri Biruta akomerezaho ati “twasanze rero aringombwa ko dutera intambwe tukongeraho n’ibyo bikoresho kugirango turengere ibidukikije kandi twongere n’isuku usibye no kutabora n’iyo bijugunwe usanga biteye umwanda hirya no hino.”

ikindi minisitiri Biruta yavuze ni uko bimwe muri ibyo bikoresho cyangwa byishi muri byo usanga bifite ibishobora kubisimbura.

Atanga urugero rw’ibikombe bya parasitike bitumizwa kandi hari ibindi bikoze mu ibumba, ndetse hakaba hari na parasitike cyangwa amasahani bikoreshwa inshuro nyishi badakoresha cyangwa bajugunya.

Hari kandi n’imiheha ikoze mu bipapuro n’indi ikoze mu biti iri ku isoko. Ibyo byose ni ibintu bigaragaza ko bimwe muri ibyo bikoresho wabyihorera ntibigire icyo bitwara ibindi muri byo bifite n’ibyabisimbura.

Umuyobozi wa komisiyo ishinzwe ubuhinzi, n’ibidukikije mu nteko ishinga amategeko, umutwe w’abadepite Nyirarukundo Ignacienne avuga ko bashyigikiye uyu mushinga.

Yemeza ko ufitiye inyungu Abanyarwanda ariko agaruka ku ishyirwa mu bikorwa ryawo mu buryo bwo kurundanya ibyo bikoresho bya parasitike bikoreshwa inshuro imwe.
Agira ati “icyo kutajugunya ahantu hose habonetse no ku bitwara babivana mu ngo iyo bihari mbona icyo cyaragezweho”

Akomeza ati “igisigaye ni ukubitandukanya noneho n’ugiye kubifata murugo akagenda asanga uwo mu rugo yabishyize ahantu hatandukanye. Uwo mu rugo natabikora amenye ko hari icyo atugomba kandi agomba kubibazwa n’amategeko.”

“Ubishyira mu modoka nawe, naramuka abivanze nyamara yabisanze mu rugo bitandukanye, uwo nawe yumve ko hari icyo atugomba kandi natabikora ari bubibazwe.”

Abadepite bifuje ko hakorwa urutonde rw’ibikoresho bya parasitike bitabora bitemewe mu Rwanda.

Ministiri Biruta yemeza ko hari n’ibikoresho bya parasitike bizajya byemererwa gukoreshwa bisabiwe uruhushya n’inzego zibishinzwe hamaze gukorwa isuzuma bikagaragara ko ibipfunyikwamo ntahandi byapfunyikwa ndetse byakwangirika biramutse bitari muri parasitike.

Nyuma yo gukora uru rutonde abadepite bifuzako hajya hakorwa igenzura ku bindi koresho bya parasitike byaba bigeze kumasoko ari bishya nabyo bikongerwa mu byaciwe; bigakorwa nyuma y’igihe runaka cyaba cyemejwe muri iri tegeko.

Umuyobozi wa REB yavuze ko u Rwanda ruzungukira byinshi mu kwikorera impamyabumenyi

Icyo kigo cyatangaje ko kuba impamyabumenyi z’abanyeshuri barangiza amashuri zisigaye zikorerwa imbere mu gihugu, bizatuma abarangiza amashuri batazongera kumara igihe kirekire bazitegereje.

Mu kiganiro ikigo REB cyagiranye n’itangazamakuru kuri uyu wa gatatu tariki 03 Mata 2019, umuyobozi wacyo yavuze ko u Rwanda rwungutse igihe, ndetse n’amafaranga yakoreshwaga mu gutumiza impamyabumenyi hanze.

Umuyobozi wa REB, Dr Ndayambaje Irenée, avuga ku cyo u Rwanda rwungutse kuva impamyabumenyi zatangira gukorerwa mu Rwanda, yagize ati, “Inyungu ya mbere nk’uko nabivuze ni iy’igihe. Burya igihe ni amafaranga nk’uko babivuga mu ndimi z’amahanga. Kuba kuzikorera hanze byaratwaraga umwaka cyangwa se n’imyaka ibiri ndetse no kurenga, burya uriya wayikoreye navuga y’uko mu by’ukuri yabaga adatuje, kandi byanashoboka ko na we ubwe muri kirya gihe yari ayikeneye hari amahirwe runaka yashoboraga kuba atageraho ijana ku ijana.”

Abayobozi ba bimwe mu bigo by’amashuri n’abanyamakuru basobanuriwe gahunda y’u Rwanda yo kwikorera impamyabumenyi

Yongeyeho ati “Indi nyungu ya kabiri ni uko iyo utumije ikintu hanze, ya mafaranga ajya hanze nyine akajya guteza imbere abandi ndetse muba mwubaka ikoranabuhanga ry’abandi aho kugira ngo mwubake iryanyu rishinge imizi.

Murumva ko hari rwa ruhare rwo kugira ngo twiyubakire ubushobozi ariko na none na ya mafaranga na yo tuba dukoresha mu by’ukuri na yo agume imbere mu gihugu.”

Abayobozi b’ibigo by’amashuri yisumbuye bahagarariye abandi mu Rwanda baganiriye na Kigali Today basobanuye zimwe mu mbogamizi zo gutegereza impamyabumenyi z’abanyeshuri.

Umwe muri bo witwa Nkurikiyumukiza Eduard uyobora ishuri ryisumbuye ryo mu Karere ka Kicukiro yagize ati “Zatindaga kugera ku bazikoreye bigateza ikibazo. Umwana yifuzaga kugira aho yerekana diplome ye kugira ngo akomeze mu buzima bwisumbuyeho ariko ntibikunde kuko yayibonaga bitinze byaramukerereje, akaza mu kigo ati ‘munyandikire akantu njya kwerekana ahandi’ rimwe yanagatanga ntibakemere, rwose yari imbogamizi!”

Kangabe Dative uharagarariye Lycée Notre-Dame de Cîteaux mu Mujyi wa Kigali we yagize ati “Imbogamizi ya mbere yabonekaga ni uko abanyeshuli bifuzaga kujya kwiga hanze byabagoraga. Impamyabumenyi zatindaga bigatuma batagenda uko babishaka.”

Uku ni ko ziteye. Zikoranye ubuhanga bumwe n’izakorerwaga i Burayi

REB ivuga ko izi mpamyabumenyi zikoranwe ikoranabuhanga, ku buryo bigoye kuzigana. Mu gihe kandi hari uwaramuka ayigizeho ikibazo, yibaza niba ari umwimerere, bitewe na serivise igiye gukoreshwamo, ngo biroroshye kubona amakuru ayerekeyeho ku rubuga rwa Internet rwa REB.

Ni ku nshuro ya kabiri REB isohora impamyabumenyi zakorewe imbere mu gihugu. Bwa mbere hari tariki 28 Kanama 2018, abari barangije amashuri bazikeneye zikaba zarabagezeho nyuma y’amezi atanu yonyine.

Kuri iyi nshuro, REB isanga yesheje umuhigo ukomeye kuko abari bazikeneye bazihawe nyuma y’iminsi 38 ishize hatangajwe amanota y’ibizamini bisoza amashuri yisumbuye. Ni mu gihe mbere zigikorerwa mu mahanga i Burayi zashoboraga kumara n’imyaka ibiri zitaraboneka.

Kuri iyi nshuro kandi REB ivuga ko yasohoye impamyabumenyi ibihumbi mirongo ine na kimwe n’ijana na makumyabiri n’eshatu (41 123).

Umunyabanga mukuru wungirije wa RIB, Isabelle Kalihangabo

Urwego rw’igihugu rushinzwe ubugenzacyaha RIB rwabitangarije mu biganiro rwagiranye n’abanyeshuri biga muri kaminuza ya Kigali, mu cyumweru cyahariwe ubutabera cyatangiye tariki ya 18.

Umunyamabanga mukuru wungirije wa RIB kalihangabo Isabelle yifashije urugero yasobanuye uburyo ndetse n’ingaruka zabimwe muri ibi byaha harimo n’icyicuruzwa ry’abantu.

Yagize ati “Abeshi babatwara mubihugu batazi babashukisha imirimo mu mahoteri, kumurika imideli, gukoreshwa mu nganda bikarangira bacuruzwa nk’amatungo, abandi bakabakuramo ibice by’imibiri bakabigurisha, abandi bagakoreshwa imirimo y’ubucakara.”

Avuga ko hari abandi babarirwa mu rubyiruko ruturuka mu bindi bihugu bagiye bafatirwa mu Rwanda babateyemo ibiyobyabwenge bakabimira kugirango babashe kubyambutsa imipaka. Ngo keshi bagatahurwa byatangiye kubagiraho ingaruka no kubarya munda.

Abanyeshuri ba kaminuza ya Kigali bavuze ko bungukiye byinshi muri ibi biganiro.

Semvura Vedaste wiga amategeko yagize ati “Hari umuntu washatse kumugurishaho ibuye ry’agaciro rya diyama (Diamond) ritujuje ubuziranenge amubwirako yayitoraguye ku modoka y’umuzungu yarimaze gukora impanuka muri DRC; birangira ancitse adahanwe kuko nari ntarasobanukiwe uburyo bwo kumutangaho amakuru.”

Nakibuuka madina we agira ati “Ubu maze gusobanukirwa urugero nyuze ku mugabo ari gusambanya umwana niteguye kumuhururiza agatabwa muri yombi mu gihe ntafite imbaraga zo kumutabara kuko munyuzeho ntacyo naba mariye umuryango nyarwanda.”

Mu rwego rwo gukumira ibyaha by’inzaduka kandi, umunyabanga wungirije wa RIB avuga kuri zimwe mu ngamba zirimo no gushakira imirimo urubyiruko,

Yagize ati “Icya mbere leta irinda urubyiruko irukangurira kwihangira imirimo, kubaha amahirwe yo kwiga angana, no kubahangira imirimo hagamijwe ko batishora mubikorwa by’ibiyobyabwenge no kwirinda ko ari bo bagerwaho n’ingaruka mbere na mbere.”

Agira ati “twebwe nka RIB kandi dushyira imbaraga mu bukangurambaga no gusaba abaturage kuduha amakuru hakiri kare kugira ngo turinde ibyaha ndetse tubikumire bitaraba.

Muri rusange RIB ivuga kuri bimwe mu byaha by’inzanduka mu mwaka ushize wa 2018, ivuga ko hakozwe ibyaha by’ikoreshwa ry’ibiyobyabwenge bingana n’ 3,307.

Hakozwe kandi ibyaha byo gusambanya abana bingana n’ 2,684 ibya ruswa no kunyereza umutungo 650, ibyo gusambanya ku gahato 373.
Hakowe kandi ibyaha bikoresheje ikoranabuhanga 81 naho ibyicuruzwa byabantu bigera kuri 49.

Ibisobanuro bya Minisitiri Mukeshimana byongeye kutanyura inteko

Nyuma yo gutanga ibisobanuro bikubiye munyandiko, ku nshuro yakabiri abadepite basabye minisitiri Mukeshimana kwitaba inteko maze agatanga ibisobanuro mu magambo ku bibazo 28 byagaragajwe mu buhinzi n’ubworozi.

Minisitiri Mukeshimana Geralidine asubiza ku kibazo cy’imbuto u Rwanda rutubura zikiri nkeya bigatuma u Rwanda ruhendwa mu kuzitumiza mu mahanga,

Yagize ati “Ubusanzwe twatumizaga ku mwaka ibigori bya hybrid bigera kuri toni 3,000, ingano zigera kuri toni 800, na soya zigera kuri toni 300. Kuva muri 2016 hatangiye gushyirwa imbaraga mu bushakashatsi bujyanye n’amoko y’imbuto, ndetse hanashyirwamo ingengo y’imari ingana na miliyari imwe na miliyoni 300 buri mwaka,"

"ubu hakaba hari amoko y’imbuto yamaze kuboneka agenda asimbura amoko ayari ashaje cyangwa se amoko twatumizaga hanze. Tukaba twizera ko mu mwaka utaha cyangwa se uyu tugiye gutangira w’ingengo y’imari, tuzaba twihagije ku kigero cya 65, naho ku mwaka twihaye wa 2021 tukaba tugeze 100%.”

Minisitiri Mukeshimana avuga kuri gahunda yo kurwanya imirire mibi binyuze muri gahunda u Rwanda rwihaye y’uko umuturage agomba kongera ibiti by’imbuto ziribwa nyuma yo kubonako biri gukendera yavuze ko biri mu gahunda yo gutera ibiti bivangwa n’imyaka.

Yagize ati “Mu mwaka w’ingengo y’imari tugiye kujyamo hazaterwa ibiti bigeze ku bihumbi 150 bya avoka n’ibindi ibihumbi 150 bya makadamiya. Hari gahunda twamaze gushishikariza abafatanyabikorwa dukorana harimo tubura, world vision, ICRAF n’ikigo cy’amashyamba duhurije hamwe yo gutera ibiti bitatu kuri buri muryango. Iyi ni gahunda yo kurwanya imirire mibi, ibi bikaba bizakorwa mu kiciro cyo gutera ibiti kigiye kuza.”

Bahereye ku igenzura bakoze, ndetse n’ibisobanuro bahawe na minisitiri Mukeshimana, abadepite barimo nabo mu kanama gashinzwe ubuhinzi n’ubworozi, umubare munini wagaragaje kutanyuzwe n’ibisubizo bya minisitiri Mukeshimana kubisobanuro yaramaze gutanga.
Abadepite Barikana, Ndagijimana, Habineza na Ngabitsinzi bagize bati:

“Mu by’ukuri imbuto turagenda tukazitera twarangiza tugaterera iyo. Nta kurikirana ryongera kubaho, ubwo ngubwo turatera iyindi y’iki?”

“Nanjye nagirango mbaze minisitiri ko nabonye hano bibanze ku mbuto eshatu ari yo avoka, imyembe na makadamiya. Ndibaza nti ese izo ni zo mbuto zonyine dufite mu Rwanda cyangwa se zahingwa? Kubera iki ari zo bibanze ho gusa?”

“Ahantu henshi batubwiye ingamba… Gushishikariza, gukangurira, kuvugurura, gukorana, njyewe nibajije ubundi ibi bintu biba byaragiyeho ari amagerageza? Keretse niba ari ukugerageza.”

“Njye ikibazo mfite, ibi bisubizo si ubwa mbere tubibona, ariko ukabona biba bidashingiye ku bibazo tuba twabonye aho ibikorwa bibera, ahubwo akaba ari ibisubizo biba bishingiye kuri gahunda minisiteri iba ifite ariko twagera mugiturage tugasangayo ibindi.”

“ Ku birebana n’uburambe bw’ibikorwa nyuma y’imishinga. Minisitiri aratubwiye ati hari umushinga dufite uzafasha, uwo mushinga ntawo twabonye, ahubwo imishinga uko igenda irangira nyuma y’imyaka ingahe, ukibaza niba iyo mishinga yarabayeho bikakuyobera. Njye nkabona ko hari ikibazo gikwiye gucukumburwa mu buryo bwimbitse, ari na cyo ngira ngo bamwe mu badepite bifuje ko hajyaho komisiyo ikajya gucukumbura mu buryo bwimbitse.”

Nyuma y’ibiganiro byamaze amasaha arenga atanu, abadepite 32 ntibanyuzwe n’ibisobanuro ministiri Mukeshimana yatanze mugihe 26 banyuzwe nabyo.

Ku musozo inteko yiyemeje gushyiraho akandi kanama gashinzwe gukora icukumbura ryimbitse no kwegeranya ibibazo byose biri muri MINAGRI, mu rwego rwo kuzamura ubukungu bw’u Rwanda ndetse nubwumuhinzi mworozi.