Iyi nzu yuzuye itwaye amafaranga 12.000.106 frw, ifite ibyumba bitatu n’uruganiriro, ikagira n’ubwiherero byose byubatse mu buryo bugezweho.

Umuyobozi wa ACPLRWA Kanyagisaka Justin, avuga ko biyemeje kurenga umwuga wabo, bagafatanya n’abandi Banyarwanda kubaka igihugu.

By’umwihariko, mu gihe cyo Kwibuka Jenoside yakorewe Abatutsi mu Rwanda mu 1994, uretse kwibuka abayizize, habaho no kuzirikana ko hari n’abo yatwaye imiryango ikanabakenesha.

Kanyagisaka agira ati: “Ntabwo ari ukwibuka gusa ko hari abantu bazize Jenoside yakorewe Abatutsi. Ahubwo twibuka ko hari n’abo yatwaye imiryango, ikabakenesha, abo ngabo dushimira Leta ko yakoze ibishoboka, ariko hari n’abo yubakiye zigasenyuka. Inzu zihora zisanwa, natwe turazifite kandi duhora tuzivugurura. Hari n’abataragerwaho n’icyo gikorwa, ni muri urwo rwego natwe, twavuze ngo n’ubwo dukora imirimo idaharanira inyungu, ariko dukora ibikorwa bifasha kuzamura imibereho myiza y’abaturage”.

Akomeza ati: “Guhera mu kwezi kwa kane, ukwa gatanu n’ukwa gatandatu, dukora ibikorwa bigaruka ku kwita ku barokotse Jenoside yakorewe Abatutsi, binyuze muri IBUKA no mu nzego bwite za Leta kuko aribo badufasha kumenya urutonde rw’abakeneye ubufasha”.

Kabaganwa Marthe washyikirijwe inzu yubakiwe na ACEPLRWA, afite imyaka 65, avuga ko yishimiye iki gikorwa kuko bimuremeye icyizere cy’uko imbere ari heza cyane.

Ati: “Byanshimishije cyane, ndetse byanandenze. Ubusanzwe twabaga mu nzu y’icyumba na salo kuburyo itadukwiraga, ariko ubu bampaye amasaziro meza nanjye nshobora gufasha abandi”.

Umuyobozi wungirije wa IBUKA mu Karere ka Kicukiro Butera Claudine, nawe yavuze ko iki gikorwa bacyakiriye neza kuko byihutisha gahunda yo kubakira Abarokotse Jenoside yakorewe Abatutsi, cyane ko urutonde ruba ari rurerure.

Agira ati: “Twishimye cyane kuko ubusanzwe Abarokotse Jenoside yakorewe Abatutsi mu Rwanda bubakirwa na MINUBUMWE. Urebye urutonde ruba ruhari, aba ari rurerure cyane. Iyo tubonye umufatanyabikorwa nk’uyu, aba ari igikorwa twishimira cyane”.

Butera avuga ko mu ibarura ryakozwe muri 2023, imibare igaragaza ko abarokotse Jenoside yakorewe Abatutsi bakeneye kubakirwa ari 186, naho abakeneye gusanirwa ari 214.

Itorero rya Pentekote rya Assemblies of God Rwanda (RPAG) ryatashye ku mugaragaro Ikigo cy’amahugurwa ya Gikristo, kigamije guteza imbere imibereho n’imyigire y’abigishwa n’abavugabutumwa.

Iki kigo giherereye ku cyicaro gikuru cy’itorero I Nyandungu mu karere ka Kicukiro, kikaba gifite ubushobozi bwo kwakira abanyeshuri 140.

Iki kigo kigizwe n’inyubako ebyiri cyatashywe ku wa 5 Gashyantare 2025, mu muhango witabiriwe n’abayobozi barenga 300 bo mu matorero atandukanye ndetse n’abayobozi mu nzego bwite za Leta.

Iki kigo cyubatswemo amazu agezweho, ku nkunga y’amadorari arenga 370,000 yaturutse mu nshuti ndetse no mu Bakirisitu ba Assemblies of God mu Rwanda no muri Amerika azateza imbere imibereho y’abanyeshuri biga ivugabutumwa, bari basanzwe bagira mu nyubako zidahagije, kandi zishaje.

Mu ijambo yagejeje ku bitabiriye umuhango wo gutangiza iki kigo, Bishop Emmanuel Ngabonziza, umuyobozi wa RPAG, yavuze ko ibi bigize umushinga w’iterambere w’imyaka 10, aho Itorero rya AoG rizakomeza gushinga no kubaka ibigo by’amahugurwa.

Yagize ati: “Iki ni ikigo kigenewe abakirisitu bose. Ibyo twasabye Imana yarabisubije, kandi turabona ibimenyetso by’uko irimo kubisohoza. Ubu dufite ikigo cy’amahugurwa ya gikirisitu n’ishuri rya Bibiliya, kandi dufite n’undi mushinga imbere wo kubaka ikigo cy’amahugurwa y’abashumba ndetse n’inama mpuzamahanga z’abapasitori, i Nyamata mu Karere ka Bugesera.”

Dr. Rod Loy, uhagarariye Assemblies of God muri Amerika, yavuze ko ubufatanye bafitanye n’u Rwanda ari ingenzi mu guteza imbere itorero rya gikirisitu mu gihugu. Mu nyigisho ye, yasabye abantu kugira umutima utanga.

Ati: “Iyi nyubako dutashye ni icyubahiro cy’Imana. Ni ikimenyetso cy’ubwiza bw’Imana, kandi izafasha abanyeshuri kumenya ijambo ry’Imana no kugira ubunararibonye bukomeye mu guhura n’Imana, kugira ngo iryo jambo rigere hose mu Gihugu.”

David Wiginton, uhagarariye abatwerereye amafaranga binyuze mu muryango The Stone Table and Friends wo muri Amerika, yashimiye ubufatanye n’u Rwanda, asaba ko iki kigo cyabamo ubwiza bw’Imana kandi kigafasha kwamamaza ijambo ry’Imana mu gihugu hose.

Nate Lashway, umuyobozi wa Assemblies of God muri EAC, yavuze ko biyemeje gukomeza gushyigikira itorero rya gikirisitu mu Rwanda no kuriteza imbere, rikagira uruhare mu kubaka umuryango mugari wa gikirisitu hirya no hino ku isi, aho ubu rifite abayoboke barenga miliyoni 86.
Yongeyeho ko iki kigo kizagira uruhare rukomeye mu ivugurura ry’itorero rya gikirisitu mu Rwanda, ariko ko Abanyarwanda bagomba kwibuka amateka y’igihugu kugira ngo bagire impinduka zifatika mu buryo bw’umwuka.

Agira ati: “Niba dushaka amahoro arambye n’iterambere, ntidushobora kwishingikiriza gusa ku mategeko, ahubwo tugomba kugira impinduka zishingiye ku mwuka. Turashimira Leta ku byo irimo gukora, ariko hari uruhare itorero rigomba kugira.”

Abayobozi b’amatorero yo mu Rwanda nabo bashimye ibikorwa bya Assemblies of God, biyemeza gukurikiza urugero rwatanzwe.

Intumwa Yoshua Ndagijimana Masasu, washinze akanayobora Itorero Evangelical Restoration Church, akaba n’umuyobozi w’Ikigo Bible Communication Centre, yavuze ko yohereje abapasitori basaga 80 mu rugendoshuri mu bindi bigo bya Gikirisitu biri hirya no hino mu gihugu, ariko ko Assemblies of God yababereye urugero rukwiye mu kwigirwaho na bose.

Apostle Masasu yavuze ko nta mwanya wo gukina n’ivugabutumwa mu Rwanda, kuko niba hari Abanyarwanda batigeze babona Imana, byanze bikunze babonye Satani mu gihe cya Jenoside yakorewe Abatutsi, bityo ko hagomba kubaho ibikorwa bifatika mu guhindura abatuye igihugu cy’uRwanda.

Pasiteri Isaïe Ndayizeye, Umuyobozi Mukuru wa ADEPR, yavuze ko iki kigo atari icy’Abapentekote gusa, ahubwo ari icy’Abanyarwanda bose n’akarere muri rusange, aho cyizafasha abavugabutumwa gukorera Imana bafite ubumenyi buhagije.

Ndayizeye yemeje ko amatorero menshi afite ibigo by’amahugurwa, ariko ko bikunze kubura igice cyo gutegura abakozi b’Imana ngo bashobore gukemura ibibazo biri muri sosiyete.

Ingabire Assoumpta, Umuyobozi mukuru wa NCDA

Ni ubukangurambaga buzamara ukwezi, bwatangiranye n’icyumweru cyahariwe kwita ku konsa (Breastfeeding Week) kuva tariki ya 01 kugeza tariki 30 Kanama 2024 ku nsanganyamatsiko iragira iti, "Umwana wonse neza, Ishema ryacu”.

Ubu bukanurambaga bwateguwe mu rwego rwo gukomeza guteza imbere ubuzima bw’umwana n’imikurire ye myiza, ku bufatanye bw’Ikigo cy’Igihugu Gishinzwe Imikurire no Kurengera Umwana (NCDA) n’Ikigo cy’Igihugu Gishinzwe Ubuzima (RBC) ndetse n’abafatanyabikorwa batandukanye.

Umuyobozi w’Ikigo cy’igihugu gishinzwe imikurire no kurengera umwana, Ingabire Assoumpta, wari uhagarariye Ministre w’Umuryango, yavuze ko Leta y’uRwanda yita kuri iki gikorwa kuko umwana ari uw’igihugu.

Ati: “Kugira ngo umwana w’umunyarwanda wese uvutse akure neza, agire ubuzima bwiza nkuko igihugu kibyifuza, ni uko atangira yonka umuhondo ahabwa n’umubyeyi we. Tuributsa kandi ababyeyi ko n’ubwo umwana murera ari uwanyu ariko ni umwana w’umunyarwanda, niyo mpamvu igihugu gishyira imbere cyane cyane iyi gahunda kugira ngo dufatirane umwana akivuka”.

Ubushakashatsi butandukanye bwagaragaje ko hari icyuho gikomeye mu konsa, ku bana bari munsi y’amezi 6 bakagombye gutungwa n’amashereka gusa, aho igipimo cyavuye ku 10% kigera kuri 16%.

Ingabire Assoumpta yagaragaje impamvu zituma konsa bigenda bigabanyuka.

Yagize ati: “iyo dusuzumye dusanga mu mpamvu zituma ababyeyi batacyonsa cyane, hari ubuzima bugenda buhinduka, bugasaba ko umubyeyi w’umugore nawe ajya gushakisha ibitunga urugo, bigatuma yibagirwa konsa. Indi mpamvu ni ubumenyi buke, ari nabwo butuma umubyeyi yumva ko hari ibindi byasimbura amashereka ariko babyeyi, nta kintu na kiwe gisimbura amashereka”.

Mu zindi mpamvu Ingabire yagaragaje harimo kuba umubyeyi abura umufasha imirimo amaze kubyara no kubona indyo yuzuye ndetse n’umuhangayiko bigatuma adahembera neza, amakimbirane mu muryango no gusiganira guhahira urugo.

Dr. Uwimana Aline, Umuyobozi ushinzwe Ishami ry’Ubuzima bw’Umubyeyi n’Umwana muri RBC yavuze ko umwana utonkejwe neza ashobora kugira ikibazo cy’imirire mibi no kugwingira, kandi ko umubyeyi agomba kuba atekanye kugira ngo bigerweho.

Yagize ati: “Iyo umubyeyi yitaweho neza akagira ubuzima bwiza no mu bijyanye n’imitekerereze, arahembera. Ariko iyo ahungabanye amashereka nayo aragenda kuko bihera mu bwonko.”

Guverineri w’Intara y’Iburengerazuba, Dushimimana Lambert, yashimiye abafatanyabikorwa bagira uruhare mu kwita ku buzima bw’umwana n’umubyeyi, anibutsa ko buri wese akwiye kugiramo uruhare kugira ngo umwana yonke kandi neza.

Guverineri w’Intara y’Iburengerazuba Dushimimana Lambert

Ati: “N’ubwo utanga ibere ari nyina w’umwana, abagize umuryango, Se w’umwana ndetse n’abakoresha dufite inshingano ikomeye yo kubigiramo uruhare […] twibukiranye ko umwana wonse neza, agira ubwenge agateza Igihugu n’umuryango imbere.”

Sindikubwaho Mathias na Nyiramajyambere Thacienne batuye mu Murenge wa Kabatwa mu Kagari ka Gihorwe, ni bamwe mu bavuga ko batari bazi neza akamaro ko konsa umwana.

Nyiramajambere ati: “Sinari nzi neza ko amashereka agira uruhare rukomeye mu buzima bwose bw’umwana, haba mu mikurire mu gihagararo ndetse no mu bwenge.”

Sindikubwabo nawe ati: “Njyewe nari nziko iyo umugore wanjye yabyaye nkamuhahira ibyo arya biba bihagije. Ariko hano batubwiye ko ibyo bidahagije, ahubwo uba ugomba no kumuba hafi umafasha imirimo yo mu rugo ukanamubwira amagambo meza igihe yonsa kuko bimufasha kubona amashereka.”

Ubushakashatsi bwakozwe ku buzima n’imibereho y’ingo mu 2015 (DHS 2015), bwagaragaje ko muri uwo mwaka u Rwanda rwari rufite abagore bonsa abana babo amezi atandatu nta kindi babavangiye bangana 87,3%. Nyuma y’imyaka itanu, ni ukuvuga muri 2020 umubare wabo waragabanutse ugera kuri 80,9%.

Ababyeyi baganiriye na Kigali Today ni ababarizwa mu Itsinda “Umwana nk’abandi”, rigizwe n’ababyeyi 19 n’abana babo 23, abenshi bahuriye ku kuba bafite ubumuga bukomatanyije, abafite ubumuga bwo mu mutwe, abafite ubumuga bw’ingingo, n’ibindi.

Bimwe mu bibazo aba babyeyi bagaragaza bahura nabyo, harimo guhabwa akato n’abo mu miryango yabo, abo bashakanye ndetse n’abaturanyi muri rusange.

Harimo kandi kuba batabasha kubona uburyo bwo kwita kuri aba bana cyane ko abenshi ntacyo baba bakora kibazanira amafaranga, kuko bibasaba kuguma hafi y’abana babo ndetse n’abari bafite akazi bagiye bagahagarika nyuma yo kubyara abana bafite ubumuga.

Icyakora bavuga ko nyuma y’urugendo rurerure rugoranye, bagize umugisha wo guhura n’umuryango utari uwa Leta witwa International Community Center (ICC Rwanda), ukora ibikorwa bitandukanye birimo n’ibyo kwita ku bana bafite ubumuga, ubahuriza hamwe maze buri wese abasha kumva ko atari wenyine.

Muhimpundu Assia, utuye mu Mudugudu w’Akanyirazaninka mu Kagari ka Mumena avuga ko afite umwana w’umukobwa w’imyaka 24, ufite ubumuga bwa Autisme. Avuga ko umwana we yagenze afite imyaka 11, akaba yaramenye ko afite ubwo bumuga ku myaka 7.

Assia avuga ko mbere yajyaga ahisha umwana we, nyuma yigira inama yo kumujyana mu bigo bivuga ko bibitaho ariko ntiyahagirira ubuzima bwiza, amukurayo kuko yabonaga aho kugira icyo yiyungura ahubwo yasubiraga inyuma. Ndetse ngo yanamujyanye mu ishuri ariko yagerayo abarimu bakananirwa kumwihanganira bakamwirukana.

Ati: “Ntarahura n’uyu muryango twari tubayeho mu bwigunge, ntitwari tuziranye, twariho mu buzima budatinyuka kujya mu bandi, ariko ubu twabashije kwiyakira kuko ahanini wadufashije kwegerana, tuba hamwe, turayaga, tukumva tugize morale”.

Uwitwa Nyirarugwiro Esperance, ufite umwana w’umukobwa w’imyaka 14, ufite ubumuga bukomatanyije, akaba ari nawe muyobozi w’itsinda “Umwana nk’abandi”, avuga ko guhura na bagenzi be, babifashijwemo na ICC, kandi ko byamugiriye akamaro gakomeye cyane cyane kuva mu bwigunge no mu bwihebe.

Ati: “Mbere twari mu bwigunge, buri wese yumva ari wenyine. ICC imaze kudusura, yadusabye kwishyira hamwe idushyira mu itsinda uko turi 19. Kuri ubu duhura inshuro imwe mu kwezi tukaganira, ndetse tugahana n’amafaranga 1000, uyakira agatahana ibihumbi 19, hakaba n’amafaranga 100 y’ingoboka ashyirwa mu isanduku yacu.”

Undi mubyeyi utashatse ko amazina ye atangazwa, afite umwana w’imyaka 7 ufite ubumuga bukomatanyije, burimo ubwo mu mutwe n’ubw’ingingo. Avuga ko mbere yo guhura na bagenzi be yabagaho mu bwigunge, kuburyo yumvaga ariwe wagwiriwe n’ishyano wenyine.

Ati: “Njyewe kuba hamwe na bagenzi banjye duhuje ikibazo byaramfashije cyane kuko numvaga ari jye wagwiriwe n’ishyano nkibaza icyo Imana yampoye. Ku mezi 6 nibwo namenye ko umwana wanjye afite ikibazo, ntabwo numvaga ko bizakomeza yemwe nari nzi ko nzanasubira mu kazi kuko nacuruzaga caguwa. Ariko byarangiye ntasubiye mu kazi kuko uyu mwana nta muntu wakwemera kumugunsigaranira bitewe n’ukuntu ameze. Yiyitumaho, ntiyicara, ntiyeguka, nijye umenya ko ashonje kuko atavuga ntiyabyivugira, mbese mumenyera byose ngasa nkamutekerereza.”

Akomeza ati: “Guhurira hamwe byaradufashije cyane, turaganira, turizigama, tukagurizanya, tugasurana, tugasangira ubuzima. Aho kuba nasaba abandi banseka, nsaba mugenzi wanjye duhuje ikibazo, tubana mu itsinda. Nagira ikibazo cya pamper ngasaba mugenzi wanjye nkamubwira akampa cyangwa nanjye nkamuha”.

Mu bibazo aba bayeyi bahurizaho bibagora harimo ibijyana n’ubuvuzi kuko bavuga ko hari imiti bakenera itishyurwa na mituweri, ubugororangingo (Kinesitherapie), uburyo bwo kuba babageza kwa muganga kuko guheka umwana mukuru biba bigoye. Muri aba bana harimo abafite imyaka iri hejuru y’irindwi kuzamura, baticara, bateguka bahora baryamye, batavuga, batumva n’ibindi.

Hari kandi kuba badashobora kubasiga ngo bajye gukora uturimo tubateza imbere kuko ibyo bakora byose bibasaba gukorera hafi y’aho batuye kugirango babashe no kwita ku bana babo, kubona ibikoresho by’isuku birimo pampers ndetse no kubabonera ibibatunga bikwiriye.

Icyakora bavuga ko n’ubwo bimeze bityo, bashimira umuryango ICC ubafasha gukora imishinga mito, aho ku ikubitiro babahaye ibihumbi 50 by’amafaranga y’uRwanda, ku nshuro ya kabiri bakaba babahaye amafaranga ibihumbi 200 y’uRwanda kuri buri wese, yo kwagura ibyo bakora.

Mu mishinga mito bakora ibafasha kubona amafaranga make, babitewemo inkunga na ICC, harimo gukora amasabune, ubudozi, gucuruza amakara, ubucuruzi bwa Mobile money, n’indi ituma babasha kuba hafi y’abana babo.

Umuhoza Laurence, ushinzwe kwita ku bagore muri ICC avuga ko mu bundi bufasha baha aba babyeyi b’abana bafite ubumuga harimo no kubitaho mu buryo bw’isanamitima, agasaba abantu bafite ibigo bikora ibijyanye n’ubuzima bwo mu mutwe kubegera bagafatanya.

Umuhoza agira ati: “Turasaba abantu bafite ibigo bikora ibijyanye n’ubuzima bwo mu mutwe ko batwegera tugafatanya kwita kuri aba bayeyi kuko baba barakomeretse kabiri. Bwa mbere bakomeretswa no kuba barabyaye aba abana, imiryango yabo ikabakomeretsa ndetse na sosiyete muri rusange”.

Habanabakize Omar umuyobozi wa International Community Center (ICC) mu Rwanda, avuga ko bashingiye ku Ntego za Leta y’uRwanda za SDGs, mu guhitamo gahunda bakorera mu Rwanda, mu rwego rwo kuzamura imibereho myiza y’abaturage.

Habanabakize Omar Umuyobozi wa ICC Rwanda

Avuga ko bafite gahunda zijyanye no kurwanya ubukene, mu rwego rw’uburezi bakishyurira abana batishoboye amafaranga y’ishuri no kubagurira ibikoresho, kugurira abatishoboye ubwisungane mu kwivuza, aho bamaze gutanga uburenga 1000 mu gihe cy’imyaka ibiri, n’ibindi.

1. Fata bol (Agasorori) ushyiremo igi urikubite rinoge
2. Shyiramo amata y’akazuyazi igice cy’agakombe
3. Shyiramo amavuta ibiyiko 2 binini cyangwa bleu band wayagije uvange neza
4. Shyiramo umusemburo wa pakmaya utuyiko 2 duto uvange binoge, pfundikira iminota 10
5. Ufate akandi kabole cyangwa agasorori ko guteguriramo pate, shyiramo ifarine udukombe 2
6. Shyiramo isukari ibiyiko 2 binini, umunyu agace k’akayiko gato uvange .

7. Suka rwa ruvange muri ya farine ugende uvanga hanyuma uponde pate yawe neza inoge, ugenda ushyiraho utuvuta kugira ngo itagufataho
8. Shyira muri ka gasorori, usigeho utuvuta hejuru upfundikire, utereke ahantu hashyushye bimare isaha 1
9. Wongere uponde hanyuma ushyire ku mufuniko w’isafuriya wasizeho utuvuta impande zose, ushyireho n’agafarine hejuru. Ubumbe umugati wawe uwuha forme ushaka ugenda urambika kuri wa mufuniko.

10. Fata igi rimwe n’amata makeya uvange binoge hanyuma usige kuri ya migati ukoresheje uburoso bwabigenewe (ushobora gukoresha bumwe ba mucoma bakoresha basiga inyama)
11. Fata umucanga ushyire mu isafuriya nini, ushyiremo agashyiga kamwe bashyira hejuru kuri gaz ya 6 kg cga utubuye duto utwifashishe nk’udushyiga. Terekamo wa mufuniko uriho imigati.

Iyo safuriya uyipfundikize undi mufuniko hejuru ushyireho amakara uvanye ku mbabura yafashwe neza. Hanyuma utereke ku muriro muke ku mbabura wagabanyijeho ya makara. Ubushyuhe bwo hasi n’ubwo hejuru nibwo buhisha umugati mu minota 30 gusa.

Muryoherwe!

Prof Dr Mutesa Leon ashyikirizwa igihembo yagenewe

Ni igihembo cyagenewe Umunyafurika wagize uruhare mu kubungabunga ubuzima bw’uturemangingo ndangasano (African Prize for Lifetime Contribution in Human Genetics), gitangwa n’umuryango HUGO-Human Genome Organisation (Umuryango Mpuzamahanga ushyigikira imishinga y’inzobere muri siyansi).

Prof. Dr. Mutesa, yahembewe gukora ubushakashatsi ku buryo ihungabana abarokotse Jenoside yakorewe Abatutsi mu 1994 bagira, rishobora no kugera ku babakomokaho.

Ubushakashatsi yakoze ku barokotse Jenoside yakorewe Abatutsi, bwerekana ko hari impinduka ziba ku turemangingo ndangasano (DNA) twabo, bityo tugahererekanywa ku babakomokaho.

Ubu bushakashatsi ngo butanga icyizere mu gufasha abanganga gusobanukirwa isano riri hagati y’ihungabana rihererekanywa mu bantu, cyane cyane abatuye mu bice bigaragamo amakimbirane.

Prof Dr Mutesa avuga ko iki gihembo yahawe gifite icyo kivuze haba kuri we ubwe, ku gihugu cye cy’u Rwanda ndetse no ku mugabane w’Afurika.

Ati "Iki gihembo nahawe kiragaragaza ko urwego rwa siyansi n’ubuvuzi rumaze gutera imbere, ndetse ko uyu murimo witaweho muri Afurika, by’umwihariko mu Rwanda nk’Igihugu cyanyuze mu mateka mabi ya Jenoside yakorewe Abatutsi, mu myaka 30 ishize".

Akomeza agira ati "Ibi binyongereye imbaraga zo gukomeza gukora ibirenzeho, kandi byereka Umuryango Mpuzamahanga ko u Rwanda rufite isomo ryo kuwigisha”.

Yunzemo ko iki gihembo kuri we, gihesha ishema urwego rw’ubuvuzi muri Afurika, mu Rwanda ndetse no ku Isi yose.

Akomeza ashishikariza urubyiruko rw’Abanyarwanda n’Abanyafurika bari mu rwego rwa Siyansi, baba abashakashatsi, abaganga n’abandi gukora ibirenzeho bagateza imbere sosiyete.

Prof. Dr. Mutesa Leon kuri ubu ni Umwarimu muri Kaminuza y’u Rwanda, mu ishami ry’ubuvuzi, akaba azwi nk’umuganga w’inzobere mu bushakashatsi bw’uturemangingo ndangasano.

Mu gihe icyorezo cya COVID 19 cyadukaga, afatanyije n’abashakashatsi bagenzi be, bagize uruhare mu kunoza uburyo bwo gupima abantu, no guhangana n’ikibazo cy’ubuke bw’ibikoresho mu gupima icyo cyorezo.

Hari uburyo bwinshi bwo kwirinda umubu burimo inzitiramubu (moustiquaire)ikoreshwa iyo umuntu aryamye, ariko hari igihe imibu ibuza abantu amahoro mu gihe batararyamya bari mu ruganiriro (salon) cyangwa mu kazi n’ahandi.

Aha rero ni ho tugiye kwibanda, tureba bimwe mu bimera bitanga impumuro yirukana imibu.

Umucyayicyayi

Ni ikimera kizwiho kugira akamaro kanini ku buzima bw’umuntu, ariko ukaba ufite n’ubushobozi bwo kwirukana imibu mu nzu.

Umucyayicyayi

Ufata ibyatsi byacyo ukabiteka mu mazi akabira neza hanyuma ukayatereka mu nzu. Impumuro yayo yirukana udusimba twinjira mu nzu, cyane cyane imibu. Ku bashobora kubona amavuta akorwa muri mucayicayi (huile essenielle), ni yo yakoreshwa.

Lavande (Lavandula)

Ikimera kizwi nka Lavande

Ikimera kizwi nka Lavande kizwiho kugira impumuro nziza ikoreshwa mu gutunganya imibavu, amasabune, amavuta n’ibindi. Impumuro yacyo ibasha no kwirukana imibu mu nzu ndetse n’utundi dusimba.

Umwenya (Menthe Poivrée/Mentha piperita)

Umwenya na wo ni ikimera kizwiho kuvura indwara nyinshi zirimo izo mu myanya y’ubuhumekero, ariko kikaba cyifitemo umubavu ubasha kwirukana imibu.

Ibibabi by’inyanya

Ufata ibibabi by’inyanya ukabishyira ahantu imibu yinjirira nko ku idirishya, ku muryango w’inzu cyangwa mu mbuga ndetse no mu busitani. Bituma imibu ihunga. Ikindi, ushobora kubifata ugasa n’ubivugutira mu ntoki buhoro buhoro ukisiga ahantu hatambaye nko ku maboko, ku maguru (niba utambaye ipantaro) no ku birenge. Ibyo bibabi wavuguse ushatse wabishyira no ku kameza kari imbere y’uburiri bwawe bityo imibu ntikwegere.

Geranium

Ibindi bimera bizwiho kwirukana imibu ni Jeraniyumu (Geranium) n’ibibabi by’inturusu (Eucalyptus).

Vinaigre yera

Nubwo Vinaigre atari ikimera, ariko na yo yirukana imibu. Fata ikirahure cyangwa agakombe wuzuzemo vinaigre hanyuma ugatereke ku idirishya cyangwa mu muryango, ntabwo imibu izinjira ikarenzeho.

Ndorimana Jean Claude

Ni ibyagarutsweho n’Umuyobozi mukuru ushinzwe iteranbere ry’ubworozi muri MINAGRI, Ndorimana Jean Claude, mu gikorwa cyabereye mu Mujyi wa Kigali, cyo gushishikariza abantu kurya inyama z’ingurube n’iz’inkoko ndetse no kubigisha uburyo butandukanye bwo kuzitegura, hagamijwe kurwanya imirire mibi.

Ndorimana Jean Claude yagize ati: “Mu gikorwa Minisiteri y’ubuhinzi n’ubworozi MINAGRI ifatanyamo n’ikigo cy’Ababiligi gishinzwe iterambere cyitwa ENABEL, twateguye iki gikorwa dutumira abantu b’inzobere mu guteka (Abachef), berekana uburyo butandukanye bwo gutegura inyama y’inkoko n’inyama y’ingurube. Icya mbere ni ukumenya kuzitegura, ndetse abantu baboneyeho umwanya wo kumva uko zitandukanye mu mitegurirwe no kuryoha”.

Akomeza ati: “Turagira ngo uko dushyira imbaraga mu kuzamura umusaruro w’inkoko n’ingurube, abantu bakangurirwe kuzirya bazi no kuzitegura mu rwego rwo kurwanya imirire mibi.”

Ndorimana Jean Claude avuga ku bijyanye no kurya inyama y’ingurube mu Rwanda, yagize ati: “Urugendo ruracyari rurerure, birasaba ko dufatanya. Ubundi inyama yingurube niyo nyama iribwa n’abantu benshi ku isi, ndetse bashobora kuba bagera kuri 30% by’abatuye isi. Icyo navuga, uretse uwo ukwemera kwe kutamwerera kurya inyama y’ingurube, abandi twabashishikariza kwitabira kurya inyama y’ingurube. Akenshi abantu babangamirwa no kuba batazi uburyo zitegurwa ari nayo mpamvu abazishaka bazirira mu tubari no mu mahoteli”.

Abantu batandukanye bahawe umwanya wo kumva uburyohe bw’inyama n’ingurube

Ku bijyanye n’inyama y’inkoko igifatwa nk’ifunguro ry’abifite, Umuyobozi Mukuru ushinzwe iterambere ry’ubworozi muri MINAGRI, avuga ko barimo gushishikariza aborozi n’abafite amabagiro kujya batanga inyama zijyanye n’ubushobozi bwa buri wese ubagana nk’uko no mu bihugu byateye imbere bigenda.

Ati: “Turabashishikariza, duhereye ku mabagiro, umuntu niba agiye kugura inyama y’inkoko ntumutegeke kugura inkoko yose, ubundi ahandi ushobora kugura amaguru abiri cyangwa se amaboko abiri y’inkoko, n’aha rero tugenda twigisha abakora mu bworozi bw’inkoko n’amabagiro kuba yagufungira irobo cyangwa se inusu bitewe n’ubushobozi bwawe. Bigenze gutyo umuntu wese yabasha kugura inyama z’inkoko, kuko ikintu cya mbere ni ukumenya akamaro kazo”.

Aborozi b’inkoko n’ingurube bitabiriye iki gikorwa cyo kumurika uburyo butandukanye bwo gutegura inyama z’inkoko n’iz’ingurube, bavuga ko abanyarwanda bagenda bitabira kurya ibikomoka kuri aya matungo.

Bamwe mu borozi b’ingurube bari babukereye

Umworozi w’inkoko, Uwamahoro Peace agira ati: “Abantu bagenda basirimuka, basobanukirwa ku buryo uyu munsi tubona abaguzi b’amagi n’abahaha inyama z’inkoko. Hari n’abo wasangaga bafite ubwo bushobozi ariko batitabira kurya inyama y’inkoko n’amagi.”

Akomeza avuga ko nk’aborozi barimo gushishikariza abaturage kwiyororera inkoko kugira ngo bajye babasha kurya ibizikomokaho ku kigero bishimiye.

Niyoyita Agnes, worora ingurube, we avuga ko abantu bataramenyera ko bashobora kurya inyama z’ingurube biteguriye mu ngo iwabo.

Ati: “Umubare munini w’abarya ingurube, uboneka mu mahoteli no mu tubari, kuburyo abaguzi bacu ari amahoteli n’utubari”. Umuco nyarwanda ugira ingaruka ku bworozi bw’ingurube, ku buryo mu bihe byashize, usibye no kuzirya, wasangaga no kuvuga ko umuntu yorora ingurube ari ikibazo! Ibi rero bituma n’abazirya baba bake, kandi nyamara arizo zihendutse. Iwacu aho ntuye iBugesera ikiro cy’inyama z’inka, imvange, kigura ibihumbi 5! Ni nde muturage wo mu cyaro ubasha kucyigondera?”

Akomeza ati: “Turashaka ikizatanga inyama ku isoko ku buryo buri muturage wese azashobora kubona inyama byibuze ku bihumbi 2 cyangwa bitatu, nta handi zizava rero atari ku ngurube, bitewe n’ukuntu yororoka vuba, itanga ibyana byinshi kandi igatanga inyama nziza”.

Abucuri barasabwa gufunga neza inyama bita no ku mikoro

Ndorimana Jean Claude avuga ko binyuze mu mushinga PRISM, MINAGRI ifatanyamo n’Ishami ry’Umuryango w’Abibumbye ryitwa IFAD ndetse na ENABEL, hubatswe amabagiro y’ingurube hirya no hino mu gihugu mu turere dutandukanye mu cyiciro cyayo cya mbere, ndetse hakaba hazakomeza kubakwa n’andi.

Ndorimana avuga ko aya mabagiro agamije gukuraho kubaga mu buryo bwa gakondo bwo kubagira mu rutoki n’ahandi hatemewe, mu rwego gufasha abaturarwanda kurya inyama zapimwe, zizewe ubuziranenge bwazo.

Insanganyamatsiko y’uyu mwaka igira iti: "Uruhare rw’Amazi mu Kwimakaza Iterambere”, hazirikanwa ko umutungo kamere w’amazi ufatiye runini abaturage, hanafatwa ingamba zo kuwukoresha neza no kuwubungabunga.

Mu gutangiza inama yabereye i Kigali yahuje abafite mu nshingano amazi, isuku n’isukura, Umuyobozi Mukuru wungirije w’Ikigo gishinzwe umutungo kamere w’amazi, Evariste Nsabimana, yavuze ko bashima cyane ibimaze kugerwaho ku bufatanye na GWLP.

Yagize ati: “RWB ku bufatanye na GWLP ndetse n’abandi bafatanyabikorwa batandukanye, twishimira intambwe imaze guterwa haba mu kugena gahunda y’imari yihariye igamije gukemura ikibazo cy’imicungire y’amazi mu buryo burambye mu gihugu cyacu n’uburyo bwo kumenyekanisha iby’ibanze muri gahunda y’ibikorwa biteganyijwe”.

Umuyobozi Mukuru wungirije wa RWB, Evariste Nsabimana

Akomeza ati: “Ikindi habayeho kongerera ubushobozi imiryango n’ibigo mu buryo bukomatanyije ndetse no kwigisha abakoresha amazi, biganisha ku guhangana n’ibibazo by’amazi bigira ingaruka kuri gahunda zose z’ubuzima, guteza imbere imicungire y’umutungo kamere w’amazi mu buryo burambye no guhugura abaturage b’igihugu cyacu bagahabwa ubumenyi bufatika ku micungire yayo.

Georges SANGA, Umuyobozi mukuru wa GWLP muri Afurika y’Iburasirazuba, ari na ho u Rwanda ruherereye, avuga ko bafasha u Rwanda gukemura ibibazo byagaragaye ko bibangamira ishyirwamubikorwa ry’intego z’Iterambere rirambye (SGDs), mu micungire y’amazi n’isuku yayo.

Ati: “Nk’uko mubizi ingingo ya 6 ya SDGs (SDGs6) yizeza abatuye isi bose ko bagomba kugerwaho n’amazi, kuri buri muntu wese mu buryo buhoraho, burambye, bucunzwe neza kandi akaba yujuje ubuziranenge. Ni ingamba rero zikomeye zashyize imbere ibisabwa, byatuma u Rwanda nk’Igihugu gishobora kugera ku ntego z’iterambere rirambye hitabwa ku birebana n’amazi, isuku n’isukura”.

Ingamba z’ingenzi zo gusubiza ibibazo by’amazi n’ihindagurika ry’ikirere, harimo gushyiraho urubuga rufatika rw’abafatanyabikorwa batandukanye, gushyira mu bikorwa uburyo bwo gukusanya amakuru, guhuza uburyo bwo gusaranganya umutungo, gukora isuzuma ry’ibikenewe ku baturage, gutegura gahunda z’amahugurwa yihariye no guteza imbere ubufatanye mu bushakashatsi, ibigo byigisha ndetse na za kaminuza. Ibi byose bigamije guteza imbere umuco wo gukomeza gutera imbere no guhanga udushya mu micungire y’amazi.

GWLP ihamagarira abafatanyabikorwa barimo ibigo bya Leta, imiryango itari iya Leta, abaturage bo mu Karere u Rwanda ruherereyemo, ndetse n’abikorera kugira uruhare mu gusigasira umutungo kamere w’amazi no kurengera ibidukikije.

Abaturage bo mu Murenge wa Gikomero bigishijwe uko koza amenyo bikorwa

Byagarutsweho ku munsi mpuzamahanga wo kwita ku isuku yo mu kanwa, uba buri mwaka tariki ya 20 Werurwe, aho kuri iyi nshuro wari ufite insanganyamatsiko igira iti “A happy mouth, is a happy body” (Mu kanwa hazima ubuzima bwiza).

Mu rwego rwo kwizihiza uwo munsi, umuryango ‘Total Blooming life Organization’ ku bufatanye na ‘Rwanda Dental Surgeons Organization’ hamwe n’ishyirahamwe ry’abanyeshuri biga ubuganga ishami ryo kuvura amenyo, bateguye ubukangurambaga bw’iminsi ibiri hagamijwe gushishikariza abatuye mu Karere ka Gasabo, mu Murenge wa Gikomero, kwita ku isuku yo mu kanwa no kwirinda indwara z’amenyo.

Ni igikorwa cyitabiriwe n’abaturage benshi bo mu Murenge wa Gikomero w’Akarere ka Gasabo, aho basuzumwe indwara zo mu kanwa n’iz’amenyo, bigishwa ku isuku yo mu kanwa ndetse banahabwa umuti n’uburoso bisukura amenyo, hakaba haratanzwe ibigera ku 2000.

Bamwe mu baturage ba Gikomero bavuga ko batari bazi uko isuku yo mu kanwa ikorwa, bakaba bishimiye inyigisho bahawe, ndetse biyemeje ko bagiye gufata ingamba nshya zo kubungabunga ubuzima bwo mu kanwa.

Hari abavuga ko bozaga amenyo no mu kanwa rimwe ku munsi bakumva bihagije, ndetse ngo hari n’abatabyitagaho, ahubwo bakihutira kwikuza amenyo mu gihe abariye.

Basingize Adeodatus, asobanurira abaturage iby’indwara zo mu kanwa

Dr Mukandoli Alphonsine, Umuganga uvura amenyo, avuga ko ubuzima bwiza butangirira mu kanwa, ari na yo mpamvu ku munsi mpuzamahanga wahariwe isuku yo mu kanwa biyemeje kwegera abaturage bakabasanga hafi yabo, kugira ngo babahe serivisi bijyanye.

Dr Mukandori avuga ko mu baturage bitabiriye iki gikorwa yasuzumye, harimo uwo yasanze mu menyo 32 umuntu mukuru yakabaye afite, amazima asigaranye atarenze 6.

Yagize ati “Nk’ubu umurwayi wa mbere nsuzumye, nsanze mu menyo 32 yakabaye afite, atanasigaranye amenyo 6. Ari ay’imbere, ari ibijigo, hose yarashize rwose. Sinibaza n’ukuntu abasha kurya kuko n’utwitwa ngo twasigayemo twagiye ducikiramo ni imizi gusa, harimo n’amashyira”.

Akomeza ati “Birakwiye ko dufatanya twese, nta mpamvu yo kugira ngo umuntu abeho gutya kandi dufite ubuvuzi ndetse n’ubwishingizi bwa mituweli, yishingira ubuvuzi bw’amenyo kugera no ku bitaro bikuru. Dufite amahirwe mu gihugu cyacu, kuko ahandi mu mahanga usanga indwara zo mu kanwa zitishingirwa”.

Adeodatus Basingize, Umunyeshuri muri Kaminuza y’u Rwanda (UR) ishami ry’ubuvuzi bw’amenyo, ubwo yasubizaga ibibazo byabajijwe n’abaturage muri ubu bukangurambaga, yibukije akamaro ko gusukura mu kanwa ndetse n’igihe ntarengwa uburoso bw’amenyo bugomba gukoreshwa.

Ati “Turabizi ko koza mu kanwa, gusukura amenyo birwanya indwara zo mu kanwa ndetse n’impumuro mbi yaho. Ikindi, mwibuke ko uburoso bw’amenyo budakwiye kurenza amezi 3, kugira ngo murusheho kugira ubuzima bwiza bwo mu kanwa”.

Basingize yakomeje yibutsa ko kugira ngo bagire ubuzima bwiza bw’amenyo no mu kanwa, basabwa kugabanya inzoga ndetse n’itabi.

Tariki 20 Werurwe, umunsi wa mbere w’ubu bukangurambaga wahujwe n’umunsi mpuzamahanga wo kwita ku isuku yo mu kanwa, abaturage bigishijwe ku isuku yo mu kanwa n’indwara ziterwa n’isuku nke, naho ku wa 21 Werurwe, Abajyanama b’ubuzima bahawe ubumenyi butuma bazabasha gufasha abaturage mu kwita ku isuku yo mu kanwa.

OMS igaragaza ko isuku nke mu menyo, kurya ibiribwa ndetse n’ibinyobwa bifite isukari nyinshi, kunywa itabi n’inzoga, biza imbere mu bitera indwara z’amenyo.

Muri 2022, imibare ya OMS yagaragaje ko ku Isi abagera kuri Miliyari 3.5 bibasirwa n’indwara zo mu kanwa, naho Miliyari 2 bakaba bafite ikibazo cyo gutoboka amenyo (caries dentaires).

Muri 2023, Ubushakashatsi bwakozwe n’Ikigo cy’Igihugucyita ku Buzima (RBC), ku ndwara zitandura, bwagaragaje ko 57.1% bataritabira na rimwe kwisuzumisha indwara zo mu kanwa, ubu bushakashatsi kandi bugaragaza ko abantu 19.3% ari bo boza amenyo byibura inshuro 2 ku munsi.

Abaganga b’amenyo n’abanyeshuri biga ubuvuzi bw’amenyo muri UR

Umwijima kandi ni yo nyama nini kuruta izindi zo mu nda, kuko ufite santimetero 28 z’ubugari, santimetero 16 z’uburebure n’umubyimba wa santimetero 8. Umwijima ubwawo upima ikiro 1 n’igice (1.5kg), hakiyongeraho garama 800 z’amaraso (800 g) aba awurimo.

Ubusanzwe umwijima ni urugingo rwigenga, rukabasha no kwigenzura rwikorera isuku ubwarwo, ariko hari igihe intungamubiri z’ibyo umuntu afata ziba umurengera, bikananiza umwijima ndetse bikawangiza bigatuma habaho imikorere mibi y’umubiri muri rusange.

Bityo ni ngombwa ko umuntu afungura ibifasha umwijima gusohora imyanda, bityo iby’ingenzi mu binyobwa bifasha gusukura umwijima ni ibi:

- Amazi: Amazi aza ku mwanya wa mbere mu bifasha gusukura umwijima ndetse n’impyiko. Kunywa amazi ahagije bivuze, kunywa byibuze litiro 2 cyangwa ibirahuri 8 by’amazi buri munsi, bikagufasha gusohora imyanda mu mubiri, bityo bikurinde ko umwijima wakwangirika.

– The vert/ Green tea: Icyayi cy’icyatsi cyangwa thé vert igira uruhare runini mu gusukura umwijima, kubera ko ikungahaye ku binyabutabire bizwi nka catechins, bifasha mu gusukura no gusohora imyanda mu mubiri, bityo igafasha umwijima gukora neza no kwirinda uburozi.

- Umutobe w’indimu: Umutobe w’indimu ubonekamo aside izwi nka citric ifasha umwijima gukora igikoma cya bile, gifasha gusohora imyanda mu mubiri.
Ni byiza gufata amazi y’akazuyazi arimo indimu buri gitondo.

- Tangawizi: Tangawizi ni ingenzi cyane mu gusukura umwijima. Ishobora gukoreshwa mu buryo busanzwe, aho yatekwa mu mazi ikanyobwa nk’icyayi, cyangwa se igakorwamo ifu ishyirwa ku mafunguro. Bibaye tangawizi wayitekana n’ibisate by’indimu nyuma ugashyiramo ubuki kugira ngo birusheho kugira akamaro.

- Apple cider vinegar/ Vinaigre de Cidre: Apple cider vinegar ivanze n’amazi y’akazuyazi ukabinywa buri munsi bishobora kugufasha kurinda umwijima wawe uburozi butandukanye.

- Umutobe w’amacunga: Umutobe w’amacunga urinda umwijima gutwikirwa no kuzuramo ibinure, ukarinda amavuta mabi ashobora kujya ku mwijima, ukagabanya cholesterol mbi ndetse ugafasha kongera imikorere myiza y’umusemburo wa insulin. Ufasha kandi kuringaniza igipimo cy’isukari mu maraso.

- Umutobe ukorwa mu mboga: Hari imboga zitandukanye zikize ku myunyungugu, vitamin zitandukanye n’izindi ntungamubiri z’ingenzi na fibres zifasha mu gusukura umubiri.
. Umutobe w’inyanya, ni isoko nziza ya lycopene, ifasha mu gusohora uburozi mu mubiri no kugabanya ibyago byo kurwara kanseri cyane cyane iya prostate n’indwara z’umutima.

. Umutobe wa Karoti, concombre (cucumber), beterave (beetroot), epinari n’izindi mboga ushobora gukoramo imitobe ni zimwe mu zigirira akamaro umwijima, kuko zifasha mu gusohora imyanda.

Mu bindi bifasha mu gusukura umwijima harimo umutobe w’ishu ritukura, umutobe wa aritishoke, igitunguru, radi, pome, umutobe w’imizabibu, imitini n’amapera.

Ibindi byo kwitaho mu kubungabunga ubuzima bw’umwijima ni ukumenya ko ukenera kuruhuka, kurya umunyu uringaniye, amavuta aringaniye, intungamubiri ziri ku rugero rukwiriye ikindi kandi ibinyampeke byuzuye (ni ukuvuga ibitatunganyirijwe mu nganda) n’imboga bikitabwaho.

Amafunguro ni ingenzi ku buzima bwiza bw’ibihaha

Ibihaha ni byo umubiri wacu wifashisha kugira ngo twinjize umwuka mwiza wa oxygen tukanasohora umwuka mubi wa gaz carbonique. Ariko se ni ayahe mafunguro dukwiye gufata kugira ngo bibashe gukora neza nta nkomyi?

Ibishyimbo: Mu bishyimbo harimo intungamubiri zinyuranye, muri izo iy’ingenzi ku buzima bw’ibihaha ni vitamini B9 izwi nka folate cyangwa folic acid.
Ifi za salmon n’ubunyobwa: Izi fi ndetse n’ubunyobwa bikungahaye ku binure bya omega-3, bikaba bizwiho kurwanya kubyimbirwa mu mubiri, by’umwihariko ku bihaha.

Asima ni imwe mu ndwara zo kubyimbirwa kw’ibihaha, ibituma ibyo ibonekamo biba ibyo kurya byiza mu guhangana nayo no kurinda ko ihora igaruka.

Inkeri: Inkeri zikungahaye ku ntungamubiri nyinshi harimo vitamini E, polyphenols, ibirwanya uburozi mu mubiri na anthocyanins. Ibi byose biboneka mu nkeri bituma zifasha mu kurinda indwara zifata ibihaha ziterwa na mikorobi.

Tangawizi: Iki kirungo kiri mu biza ku mwanya wa mbere mu gufasha imikorere myiza y’ibihaha, kubera ko ifite ubushobozi bwo gusohora imyanda mu nzira z’ubuhumekero.

Tungurusumu: Iki kirungo gifite byinshi kimariye umubiri, gusa icy’ingenzi ni uko ituma umubiri w’umuntu hari enzyme ukora, ifasha umubiri n’ibihaha gusohora imyanda n’ibitera kanseri birimo.

Karoti: Muri zo dusangamo carotenoids, zizwiho guhangana na kanseri y’ibihaha. Kugirango uzibone zihagije bisaba ko karoti ziribwa ari mbisi aho kuziteka. Gusa niyo waziteka wakirinda kuzikaranga bityo ibyiza byazo bikakugeraho uko bingana.

Amapera: Amapera akungahaye kuri Vitamine C biyaha ubushobozi bwo kurinda indwara y’umusonga ifata ibihaha cyane cyane ikunze kwibasira abana bato.

Pome: Pome ikize ku bisukura umubiri hamwe na fibre. Ubushakashatsi bwerekanye ko kurya pome bigabanya ibyago byo kurwara indwara z’ubuhumekero, ndetse bavuga ko pome imwe ku munsi yakurinda kujya kwa muganga, bityo wakongeraho ngo umuganga w’ibihaha.

Icyinzari: Mu Cyinzari dusangamo curcumin ikaba kuva na kera izwiho kurinda no kuvura kanseri. Uretse ibi kandi binafasha mu kurwanya kubyimbirwa bityo bikarinda asima n’izindi ndwara zibasira ibihaha.

Amazi: Gusohora imyanda n’uburozi, ibihaha bibifashwamo nuko mu mubiri hari amazi ahagije.

Ibi ni bimwe rero mu byo wafungura ukaba wizeye ko ibihaha byawe bizajya bikora neza kandi ubirinze kwangirika bya hato na hato.

Impuguke mu birebana n’imirire ya muntu , Valens Ngaboyisonga, mu kiganiro yagiranye na Kigali Today, avuga ko gukora neza kw’ibihaha gushingiye ku kubona vitamin A na C, kuko bituma uturandaryi (epithelial tissue) twubakika neza Kandi Vitamin C ikarwanya imyanda ihibasira, ndetse n’ubudahangarwa bwabyo bukaba buhamye.

Ikindi yasobanuye ku irebana n’ibirungo nka Turmeric, tungurusumu n’ibindi, ni uko impumuro yabyo (essential oil) igira uruhare mu kwica udukoko (microbes) zibasira imyanya y’ubuhumekero.

Ati: “Kubw’ibyo rero bigatuma biba inshuti y’imyanya y’ubuhumekero.”

Icyitonderwa: Ukwiye kuzirikana ko ugomba no kugendera kure ibyangiza ibihaha harimo kunywa itabi, kutivuza ku gihe, kimwe no guhumana kw’ikirere.

Iyo imisemburo y’umubiri ibaye mike cyangwa myinshi bigira ingaruka zinyuranye ku mikorere yawo muri rusange, ndetse bishobora no kuvamo uburwayi bukomeye bukenera kujya kwa muganga.

Habaho ubwoko bwinshi bw’imisemburo iba mu mubiri w’umuntu. Tugiye kwibanda ku misemburo ya kigore.

Kuva mu bwangavu kugera umugore acuze, imisemburo ye igenda ihindagurika bitewe n’igihe arimo.

ibi bivuze ko uko imisemburo iba imeze ari mu gihe cy’uburumbuke siko iba imeze iyo ari mu mihango, uko iba imeze iyo atwite si kimwe n’iyo yabyaye cyangwa yonsa, ndetse n’uri mu gihe cyo gucura.

N’ubwo ari uko bimeze, iyo izi mpinduka zibaye atari mu gihe cyazo bitera ikibazo ndetse kiba gikwiye gushakirwa umuti.

Impamvu zitera kutaringanira kw’imisemburo ya Kigore.

1. Stress: Yumvikana nk’uruhurirane rw’ibintu byinshi bitera umuntu kudatuza.

Harimo akazi, ubuzima abayeho, umuryango, n’ibindi byinshi bitera umuntu kumva adatuje.

Hari kandi uburwayi, kubura ibitotsi, byose biri mu bitera stress nuko nayo ikabyara ingaruka yo kutagira imisemburo iringaniye.

Stress ituma hakorwa umusemburo mwinshi wa cortisol, bigatuma umusemburo wa progesterone ugabanyuka, cyangwa se uyu wa cortisol ukawubuza gukora.

Ubwinshi bwa cortisol butuma ubutumwa buvuye mu bwonko buzimira nuko iyoborwa ry’ikoreshwa rya progesterone ntirikorwe ryanakorwa rigakorwa nabi.

2. Igogora: Kutituma cyangwa kwituma impatwe, guhitwa, kuzana ibyuka mu nda, gutumba inda, ikirungurira ibi byose byerekana ko mu nzira y’igogora harimo ikibazo, nko kuba bagiteri mbi ziba zabaye nyinshi kurenza inziza mu nzira y’igogora, bigatuma indurwe na aside bihindagurika.

Ibi bigira ingaruka ku mvubura ya hypothalamus na hypophyse, zigira uruhare mu ikorwa rya ya misemburo ijyanye n’imyororokere.

3. Imikorere mibi y’umwijima: Umwijima nawo ugira uruhare mu ikorwa rya estrogen na progesterone buityo imyanda itabasha gusohoka neza, bigatera izamuka rya estrogen.

Ikindi ni uko imikorere mibi y’umwijima bishobora gutuma hakorwa estrogen zifite ikibazo bikaba byazavamo kurwara kanseri y’amabere.

4. Imikorere y’imbubura ya Tiroyide: Imvubura ya thyroid ishobora gutuma igipimo cya progesterone kigabanyuka. Niyo mpamvu ari byiza gusuzuma imikorere yayo mu gihe cyose umugore agaragaza ibimenyetso by’uko imisemburo ye itaringaniye.

Umusembuo wa testosterone nubwo ari uw’abagabo ariko n’abagore barawugira ku gipimo cyo hasi.

Uyu musemburo iyo ubaye mucye cyane bigira ingaruka zo kutifuza gukora imibonano, kutagira ingufu mu mubiri, no kutarangiza mu gihe cy’imibonano.

Iyo ubaye mwinshi cyane bitera kwiyongera ibiro, ibiheri byinshi mu maso, ubwanwa no kurwara ibimeze nk’ibibyimba mu mirerantanga.

Ibimenyetso bigaragaza ko imisemburo itari ku rugero rukwiriye

Ibimenyetso byakwereka ko imisemburo y’umubiri wawe itaringaniye birimo kwiyongera cyangwa gutakaza ibiro mu buryo bwihuse, kugira uruhu rwumagaye, kubura ibyuya mu buryo budasobanutse, kugira imbeho nyinshi cyane cyangwa se ubushyuhe bwinshi (icyokere), kuribwa umutwe w’uruhande rumwe, kugugara cyangwa kugira ibyuka mu nda (ballonnememt), gutera nabi k’umutima n’ibindi.

Hari kandi ibimenyetso bijyana n’imitekerereze n’amarangamutima: Kugabanyuka k’ubushake bw’imibonano mpuzabitsina, kugira ununaniro udasanzwe, kumva ufite agahinda n’ubwoba, kubura ibitotsi, guhindagurika k’ukwezi k’umugore, guhindura ijwi, kubabara amabere.

Ese guhindagurika kw’imisemburo ya kigore birakosorwa?

Ni byiza kugana muganga, kuko niwe usuzuma yamara kumenya icyateye guhindagurika kw’imisemburo ya kigore akaba aricyo avura.

Abaveterineri bari mu biganiro

Ni ibyagarutsweho na Ndorimana Jean Claude, umuyobozi mukuru muri MINAGRI ushinzwe iterambere ry’Ubworozi, ubwo hatangizwaga ku mugaragaro Ikimina cy’abaveterineri cyiswe ‘Gera ku isonga’.

Ndorimana avuga ko uburyo iki kimina cyubatse, gifasha abaveterineri kubona amafaranga mu buryo bwihuse kandi ahendutse, bityo akabafasha kugura ibikoresho runaka bifashisha mu mwuga wabo no mu kunoza akazi kabo muri rusange. Avuga ko Minisiteri y’ubuhinzi n’ubworozi ibashyigikiye.

Ati “Turabashyigikiye, ndetse n’amafaranga yakoreshejwe mu gutangiza iki kimina yatanzwe n’umushinga wa MINAGRI, wo guteza imbere ubworozi bw’inka z’umukano witwa RDDP, ariko na bo bashyizemo uruhare rwabo bikora ku mufuka kugira ngo bagihe imbaraga”.

Akomeza agira ati “Tukaba rero dukangurira abaveterineri kugana iki kimina, kwibumbira mu makoperative bakongera ubushobozi n’ubumenyi, bityo bakarushaho kuvugurura umwuga wabo”.

Mbaga Daniel umwe mu bagize komite nyobozi y’abashinze urugaga rw’abaganga b’amatungo mu Rwanda, asobanura ko iki kimina cyashinzwe hagamijwe gufasha abaveterineri bikorera kwiyubakira ubushobozi cyane ko abenshi aribwo baba bakirangiza amashuri.

Akomeza avuga ko bibagora kugana amabanki n’ibigo by’imari, kubera ko bibasaba ingwate ndetse n’inyungu nini.

Mu mikorere y’iki kimina cy’Abaveterineri, abazajya bahabwa inguzanyo ni abakirimo kandi bakaba n’abanyamuryango b’Urugaga, bigahuzwa n’amategeko akigenga, hakaba n’uburyo bwashyizweho, aho muri buri Ntara hari komite igizwe n’abantu bazaba bashinzwe gukurikirana imitangire y’inguzanyo, abazihawe no kwishyuza igihe biri ngombwa.

Ati “Abazajya bahabwa inguzanyo ni abantu bazajya baba bazwi, banditse mu rugaga, bafite ibyangombwa bibemerera gukora (Licenses), ari n’inyangamugayo. Ikindi ni uko Ikimina cyacu gishingiye ku cyizere hagati yacu no kwishingirana, aho buri wese mbere yo guhabwa inguzanyo azajya agomba kuba afite abantu bamwishingira, banemeza ko ayo mafaranga azayakoresha neza ndetse ko azagaruka ku gihe”.

Mbaga akomeza avuga ko icyo cyizere no kwishingirana aribyo bisimbura ingwate, kuko abanyamuryango bakenera izo nguzanyo nta mitungo itimukanwa baba bafite.

Mbaga avuga ko buri munyamuryango ahabwa inguzanyo ihwanye n’inshuro eshatu z’umugabane amaze kwizigamira, ndetse ko kugeza ubu bafite ubushobozi bwo gutanga inguzanyo yose umuntu yakenera.

Ku ikubitiro Abaveterineri bahawe amafanga n’ikimina Gera ku Isonga ni 12, bakaba bavuga ko bishimira ubu buryo bashyiriweho bubafasha kunoza umwuga wabo ndetse no kwiteza imbere.

Harindintwari Emmanuel wo mu Karere ka Nyamasheke, avuga ko amafaranga yahawe azayabyaza umusaruro ku buryo azabasha kunoza serivisi aha abaturage.

Ati “Aya mafaranga mpawe 480.000Frw, ku muveterineri ntabwo ari makeya. N’ubundi nsanzwe nkora, ariko ngiye kurushaho kunoza ibyo nakoraga, ni nk’ikibatsi kigiye kongera igishoro cyanjye, cyane cyane kugira ngo ndusheho kubona ibikoresho by’umuveterineri w’umunyamwuga nyawe”.

Hari abamaze guhabwa inguzanyo mu kigega bashyiriweho

Dusabemariya Athanasie wo mu Karere ka Kamonyi, acuruza farumasi y’amatungo, avuga ko yahawe 600,000Frw, bityo ko azayabyaza umusaruro yongera imiti ikunze gukenerwa n’aborozi ndetse n’abaganga b’amatungo bamugana.

Ndorimana avuga ko aba baveterineri Leta ibahanze amaso cyane ko baba abakorera Leta n’abigenga, bose bahurira ku gufasha umworozi, kumwunganira mu kunoza ubworozi bwe bityo akabasha kwiteza imbere n’Igihugu muri rusange.

Kugeza ubu, Urugaga rw’Abaveterineri rugizwe n’abanyamuryango 4,727 mu basaga ibihumbi 5,000 babarirwa mu Rwanda hose. Muri abo, abakorera Leta ni 12% na ho abasigaye 88% ni abikorera.

Mu gihe kwituma impatwe biza bigahita, akenshi biba byatewe n’imyitwarire mu mirire (urugero nko kutanywa bihagije cyane cyane amazi, mu yandi magambo kuba umubiri ufite umwumwa), kuguma ahantu hamwe, n’ibindi.

Hari ibimenye bigaragaza ko umuntu yagize ikibazo cy’ipatwe: Kwituma umusarane ukomeye, muke ukaragashuye, kwituma ukumva umwanda ntushizeyo usa nucikirijemo, gusuragura kenshi kandi binuka, kubabara mu nda, kumva uguwe nabi muri rusange ndetse no kubura ubushake bwo kurya.

Abantu bibasirwa cyane no kwituma impatwe

Urubuga rwandika ku buzima doctissimo.fr, ruvuga ko Abagore batwite bakunze kwibasirwa n’iki kibazo kubera imisemburo iba yahindaguritse bigatuma amara adakora, nyababyeyi iba yaremereye igatsikamira urura runini bigatuma umwanda utihuta mu nzira yawo.
Abandi bavugwaho kwibasirwa n’iki kibazo ni abantu bageze mu zabukuru, kubera kudakresha umubiri cyane ndetse rimwe na rimwe bikanaterwa n’imiti baba bafata kubera kurwaragurika byo muri icyo kigero baba bagezemo.

Ni iki wakora mu gihe ufite ikibazo cyo kwituma impatwe?

Iyo kwituma impatwe biri ku rwego rworoheje, ivurwa hakemurwa ikibazo cyayiteye. Niba yatewe n’imyitwarire mibi mu mirire no kudakora imyitozo ngorora ngingo, ibyo nibyo bikorwa mu rwego rwo kwivura.

Ku bijyanye n’imirire, ni byiza kurya amafunguro yiganjemo fibre nk’imboga n’imbuto, mu binyampeke byuzuye (bitatunganyirijwee mu nganda).
Ikindi ni ukunywa bihagije, gukora imyitozo ngororangingo.

Amafunguro yo kwirindwa mu gihe ufite ikibazo cyo kwituma impatwe:

– Ibinyampeke byatunganyirijwe mu nganda (nk’umugati ukoze mu ifarini itunganyije izwi nk’ifarini y’umweru, aha wasimbuzwa ukoze mu ngano yuzuye, uzwi nka pain complet).

– Inyama zaba izitukura cyangwa iz’umweru kuko zikennye kuri fibre ntabwo zafasha umuntu ufite ikibazo cyo kwituma impatwe. By’umwihariko, inyama zitukura rwose mu gihe ufite iki kibazo ukwiye kuzirinda kuko zitinza inzira y’igogora n’umwanda munini kugera mu rura runini.

– Ibindi byo kwirinda n’ibiribwa bikungahaye ku mavuta, umunyu mwinshi (byaba byiza usimbujwe ibirungo by’umwimerere), kugabanya ibisindisha n’itabi

Muri rusange, hari imyitwarire ikwiye kwitabwaho:

– Ukwiye kurya ibirimo fibre byibuze garama 30 ku munsi (Kurya imboga n’imbuto bihagije, ndetse na byabinyampeke byuzuye), kunywa amazi n’imitobe y’imbuto itongewemo isukari (ibirahure hagati ya 8-10 ku munsi), Kwimenyereza kujya ku musarani ku isaha idahinduka cyane cyane mu gitondo kandi ukiha umwanya uhagije, gukora imyitozo ngororamubiri, byibuze iminota 150 mu cyumweru (ushobora kwiruka, kugenda n’amaguru, gutwara igare no koga).

Icyitonderwa: Iyo kwituma impatwe byabaye indwara cyangwa se karande, ibi byose bikorwa ntibitange umusaruro, ni byiza kujya kwa muganga, ugasuzumwa, ugahabwa imiti yabigenewe

Perezida w’u Bufaransa, Emmanuel Macron

U Burayi bugomba gufata ibyemezo by’ukuri kandi bishyigikira Ukraine, ndetse birimo udushya, mu mezi ari imbere hagamijwe kongera no kunoza ubufasha mu bya gisirikare buhabwa Ukraine.

Ibi ni ibyagarutsweho na Perezida Emmanuel Macron mu ruzinduko yari yagiriye muri Suède.

Yagize ati: «Tugomba kwitegura kugira icyo dukora, kurengera no kurwanirira Ukraine uko byagenda kose ».
Ati: “Dufite amahirwe yo kuba Leta zunze ubumwe za Amerika ziri ku ruhande rwacu, ariko tugomba no kwita ku kuba Ukraine ari igihugu kiri ku mugabane wacu”.

Mu kiganiro aherutse kugeza ku ngabo z’u Bufaransa, Emmanuel Macron yongeye gushimangira ko yiyemeje guhagarika intambara ihanganishije u Burusiya na Ukraine vuba bishoboka, n’ubwo kuri we asanga bizongera amafaranga y’Abafaransa mu gutera inkunga igisirikare cya Ukraine, amaze kugera kuri miliyari nyinshi z’amayero.

Muri icyo kiganiro cyabaye ku wa Gatanu tariki 19 Mutarama 2024, yagize ati: “Tuzakomeza gufasha abanya Ukraine [...] kugera ku nganda mu buryo bw’ubukungu bwifashishwa mu ntambara.

Ati: "Ntabwo ari intero (amagambo gusa), tugomba kugira ibigo bifite ubushobozi bwihuse kandi bukomeye. Ubu butumwa rero burasobanutse: tugomba gukora byinshi, kandi mu buryo bwihuse. Ariko bizadusaba ikiguzi kingana gute”?

Imibare iherutse gutangazwa mu Ugushyingo 2023, yagaragazaga ko Ubufaransa bumaze gutanga imfashanyo mu byagisirikare kuri Ukraine y’amadolari akabakaba Miliyari 3.2.

Yashimangiye ko “mu byumweru biri imbere”, biteganyijwe ko muri Ukraine hazoherezwayo intwaro nshya, igikorwa cyatewe inkunga n’Umuryango w’ubumwe bw’ibihugu by’Uburayi ariko n’Ubufaransa ubwabwo.

Izaba igizwe n’ibikoresho birimo imbunda 6 zo mu bwoko bwa Caesar, misile 40 za Scalp na misile zirenga 50 zoherezwa mu kirere, n’izindi.

Perezida Kagame yanenze abayobozi bakorana batavugana

Yatanze urugero rw’aho usanga abantu batavugana, kandi nta Minisiteri n’imwe cyangwa umuntu n’umwe, wabasha gukemura ikibazo wenyine, abaza impamvu ituma abantu badakorana na bagenzi babo.

Yagize ati “Sisitemu kugira ngo ikore neza, igomba guhererekanya amakuru, kuvugana, kuganira, kumva ibibazo kimwe no gushaka ibisubizo. Impamvu binanira abantu kugira ngo bumvikane bavugane ni iyihe? Kuko kenshi usanga abantu batavugana, kandi nta muntu umwe ushobora gukemura ibibazo, Minisiteri imwe ntishobora gukemura ibibazo, umuyobozi aho ari ho hose ntashobora gukemura ibibazo wenyine, ntibibaho, ntibishoboka”.

President Kagame yakomeje anenga abayobozi batakaza umwanya wabo bagakoresheje bakemura ibibazo bakawukoresha mu nama zidafite umumaro.

Ati “Ibyo wagombaga gukora mu nshingano zawe ufitiye ubushobozi, ugashaka ko habanza gutegurwa inama nabyo bigatwara iminsi, abazizamo bakaza bakererewe, baseta ibirenge, abandi na bo bakaza bakicaramo ntibagire icyo bavuga, ubundi bagataha, wahura na we wamubaza ngo wari uri he ati nari mu nama. Mu nama wari urimo wavuze iki, wayifashije iki, kwicaramo gusa? Ubuza abantu ‘oxygen’ mu cyumba wari wicayemo, nicyo watwayeyo gusa? Iyo ubigumana n’aho wari uri?”

Umukuru w’Igihugu kandi yagaragaje ko hari abayobozi bitwaza gutinya gukora amakosa, bigatuma badafata ibyemezo, aho gutinya ingaruka zo gukora ubusa.

Ati “Ariko baranabizi, ibyo bavuga ngo batinya gukora iki kugira ngo hatavamo ikosa, abenshi tuvuga ntabwo ari abantu usanga ari abo ku muhanda batazi n’icyo bakora, abo bavugwa ni abo twirirwa turihira amafaranga bafite za PHD, za Doctorat, bafite ibintu byose? Ibyo se wiga iby’iki? Nugaruka ukavuga ko utinya gukora ikintu ngo kitavamo ikosa, iyo ntabwo ari impamvu rwose”.

Arakomeza ati “Nagira ngo mbisubiremo kugira ngo mwese mwumve, ibyo bintu munabyivanemo muzabivane no mu magambo yanyu muvuga. Iyaba mwatinyaga, ntabwo wakora ku buryo cyangwa ntukore ku buryo abantu batakaza, ukwiye gutinya ko Igihugu gitakaza. Ni imikorere mibi, bikwiye guhagarara”.

Umukuru w’Igihugu yavuze ko iyi Nama y’Umushyikirano ibaye ku nshuro ya 19 yagenze neza, ndetse ko yari isobanutse kurusha izabanje, bigaragaza ko u Rwanda rutera imbere, ariko ko bidakwiye kugarukira aho, ndetse ko itaha igomba kuzagenda neza kurushaho.

Yongeye kwibutsa abayobozi mu nzego zitandukanye bitabiriye iyi nama, gutekereza ku myanzuro iyivuyemo kugira ngo barusheho gutera intambwe no gukora neza, bakosora vuba na bwangu ibyo basanze bitameze neza, cyane ko ibyinshi basanze biri mu bushobozi bwabo.

Amafoto: Eric Ruzindana

Agasebe ku rurimi nk’ikimenyetso cya Syphilis iri ku rwego rwa kabiri rworoheje

Iyi ndwara ya Sifilisi yibasira umubiri mu buryo butatu: ubw’ibanze, ubwisumbuye n’ubwo hejuru cyane, gusa mu gihe igifata umuntu hari ibimenyetso bimwe na bimwe igaragaza.

Ibimenyetso bya Syphilis

1. Ibiheri cyangwa ibituri ariko bitababaza

Iki ni cyo kimenyetso cya mbere kigaragara ku barwayi b’iyi ndwara. Ku bagabo, ushobora kubona igiheri kirimo amazi cyangwa akabyimba gato, ariko wumva kitababaza ku gitsina.

Ku bagore, akenshi hari igihe kiba kiri imbere nko mu nkondo y’umura ku buryo bitakorohera kukibona, ariko hari n’igihe kiza inyuma ku gitsina, ntugire uburyaryate cyangwa ububabare wumva.

2. Kuribwa imikaya

Uburibwe bw’imikaya cyane cyane aho ingingo zihurira ni kimwe mu bimenyetso byayo bikunze kugaragara iyo ukiyandura.

3. Kugira umuriro

Sifilisi iyo igeze mu rwego rwisumbuye, utangira kugaragaza ibimenyetso nk’umuriro, kuma mu mihogo ndetse no kubyimbirwa mu mvubura za lymph nodes (kugira inturugunyu mu nsina z’amatwi).

Akenshi ibi bimenyetso bitangira wumva ari umunaniro uhoraho no kumva utamerewe neza muri rusange.

4. Gutakaza ubushake bwo kurya

Kunanirwa kurya no gutakaza ibiro bikunze kugaragara mu gihe igeze ku rwego rwisumbuye.

Ibisebe byiyongereye ku rurimi nk’ikimenyetso cya syphilis igeze ku rwego rwa kabiri

5. Imikorere mibi y’urwungano rw’imyakura

Sifilisi mu gihe itavuwe neza, uko igenda ikura niko yibasira urwungano rw’imyakura iyo igeze ku rwego rwo hejuru cyane, izwi nka neurosyphilis. Yibasira ibice bitandukanye by’ubwonko, ikaba yatera gutakaza ubushobozi bwo kumva, gutakaza ubushobozi bwo gufata mu mutwe, kuvuga no guhora utitira.

6. Ibibazo by’urwungano rw’umutima

Bagiteri zitera Sifilisi zifite ubushobozi bwo kwibasira urwungano rw’umutima. Nubwo bidakunze kubaho cyane, ariko ishobora gutera umutima guhagarara, bitewe no kugabanuka kw’udutsi tw’amaraso no kubyimbirwa kw’imijyana.

Ibi biba iyo igeze ku rwego rwo hejuru cyane, mu gihe itavuwe neza, ndetse bishobora no kuba nyuma y’imyaka 10 uyanduye!

7. Ibibazo by’amaso no kutabona neza

Ibibazo byo kureba neza nabyo akenshi biterwa na sifilisi yamaze kugera mu bwonko, neurosyphilis. Bagiteri za syphilis ziragenda zikibasira imitsi ituma ubona neza. N’ubwo bitaba kenshi ariko ishobora no gutera ubuhumyi, cyangwa kubona ibicyezicyezi.

Uko ivurwa

Sifilisi ni indwara iterwa na bagiteri, bivuze ko mu kuyivura hakoreshwa imiti ya antibiyotike.

Mu gihe ukeka ko urwaye syphilis ni ngombwa kugana kwa muganga ukaba watanga ibizamini, nuko ugahabwa imiti. Imiti uhawe ugomba kuyinywa neza, kandi yose ukayimara.

Bagiteri ya treponema itera syphilis uko igaragara mu byuma by’ikoranabuhanga

Gusa n’ubwo icyayi kitagira caffeine nyinshi, izwiho kuba inkanguramubiri ituma ubwonko bukora mu buryo budasanzwe, ariko uko ukinywa cyane niko igenda yiyongera mu mubiri.

Ese ni ibihe byiza byo kunywa icyayi cy’umukara (mukaru)?

Ubushakashatsi butandukanye bwagiye bukorwa ku cyayi bwagaragaje ibyiza byacyo: Kubera ko gikungahaye kuri anti-oxydant, by’umwihariko ku kinyabutabire cya polyphénols, bituma ukinywa agira ubuzima bwiza bw’umutima, imikorere myiza y’umubiri, n’iy’urwungano ngogozi ndetse n’imikorere myiza y’ubwonko.

1. Imikorere myiza y’umutima

Ubushakashatsi bugaragaza ko ku bijyanye n’imikorere myiza y’umutima, kunywa icyayi byibuze itasi imwe ku munsi bigabanya ibyago byo kwibasirwa n’indwara z’umutima ku kigero cya 2% ndetse na 4% by’impfu ziziturukaho.

2. Kugabanya ubwinshi bwa cholesterol

Icyayi cy’umukara kandi kizwiho kugabanya ibinure bibi mu mubiri (Cholesterole).

3. Ubuzima bwiza bw’amara:

Kubera za polyphenols ziri mu cyayi, zituma mu mara habonekamo bagiteri nziza nyinshi bityo zikaburizamo kubaho kwa bageteri mbi zitera indwara zo mu mara.

4. Imikorere myiza y’ubwonko

Ubushakashatsi bwagaragaje ko icyayi gifite 4 % bya kafeyine na acide amine izwi nka theanine, byombi bifasha mu gutuma umuntu agira imbaraga z’ubwonko akabasha gukorana ubushishozi, ari nayo mpamvu hari abantu bavuga ko bumva baguwe neza nyuma yo kunywa icyayi cya mukaru.

Mu bindi byagaragajwe n’ubushakashatsi ku cyayi, ni uko gifasha mu kuringaniza isukari mu mubiri, ubuzima bwiza bw’amagufwa, ubw’amenyo ndetse no mu kanwa muri rusange. Icyakora nanone, kunywa icyayi kenshi bishobora kwanduza amenyo akazaho amabara.

Ingaruka zo kunywa icyayi cy’umukara kirengeje urugero

Mu kiganiro Kigali Today yagiranye na Valens Ngaboyisonga impuguke mu bijyanye n’imirire, avuga ko Kafeyine ituma habaho gutera cyane k’umutima no kudasinzira neza kimwe no Kubura ibitotsi.

Akomeza ati: “Nubwo icyayi bivugwa ko kigabanya gukanyarara kw’imitsi (arteriosclerosis) n’indwara z’umutima, ariko ubushakashatsi bwakorewe mu bwongereza bugaragaza ko abantu bakunda kunywa uturahuri 8 twacyo bakunda gupfa bishwe n’indwara z’umutima cyangwa se guturika no kuziba kw’imitsi ijyana amaraso mu bwonko (stroke)”.

Ngaboyisonga akomeza agaragaza ko iyo Kafeyine iba mu cyayi yica vitamin B1, by’umwihariko iyo ari icyayi kirimo n’amata.

Ati: “Bityo kukigira akamenyero nk’ikinyobwa aho kuyikoresha nk’umuti bikaba byatuma uzimiza iyo vitamine y’ingenzi mu mikorere y’ubwonko”.

Yerekana ko Vitamin B1 ituma isukari ihindurwamo ingufu, ikabungabunga ubutaraga bw’ubwonko n’ubw’imitekerereze, kuyibura bikaba byaba intandaro y’indwara nk’agahinda gakabije, umunaniro, impatwe, no kunanirwa k’umutima.

Ikinyamakuru amelioretasante.com, nacyo kigaragaza ko umuntu anyweye amatasi abiri cyangwa atatu ku munsi ku munsi ntacyo bitwaye, ko bitangira kuba ikibazo mu gihe umuntu atangiye kunywa icyayi nk’akamenyero ku buryo anyway amatasi ane cyangwa atanu ku munsi.

Ubushakashatsi bwasohotse muri iki kinyamakuru cyandika ku buzima, bugaragaza ingaruka zo kunywa icyayi kirengeje urugero:

• Kubura amaraso (Anémie)
• Umuvuduko w’amaraso uri hejuru (Hypertension)
• Kuribwa umutwe
• Kugira isesemi no kuruka
• Gushikagurika no kugira ubwoba (anxiété)
• Kumva injereri mu matwi
• Kubura ibitotsi cyangwa gusinzira nabi
• Guhumeka nabi

Icyayi cya mukaru hari aho kibujijwe

Ku bantu bagira ikibazo cyo guhorana ubwoba (troubles anxieux), abagira ikibazo cyo kubura amaraso, abagira ibibazo by’ihindagurika ry’imisemburo (hormones). Ni byiza aba babanzakubaza muganga mbere yo kunywa icyayi cya mukaru.

Icyayi kiri mu mumurima kitaratunganywa

Abantu bakoresha imiti ikurikira nabo mbere yo kukinywa mu gihe barimo kuyifata bakwiye kubanza kubaza muganga:
• Éphédrine
• Clozapine
• Oestrogènes
• Carbamazépine
• Antibiotiques (quinolones)
• Imiti ivura asima
• Phénylpropanolamine
• Imiti ikoreshwa mu kuvura umutima (diurétiques)
• Imiti ifasha mu kurekurana kw’amaraso (Anticoagulants)
• Imiti yo kuboneza urubyaro
• Imiti ikoreshwa mu kuvura indwara y’agahinda (Antidépresseurs)

Ubwo bubabare bubaho kuva ku nshuro 1 mu cyumweru kuzamura, bushobora kuba ari ikimenyetso cy’ikindi kibazo mu mubiri, ni byiza kudakomeza kwivura magendu ahubwo ukagana kwa muganga. By’umwihariko mu gihe ubona bimwe muri ibi bimenyetso wibisuzugura, gerageza kwisuzumisha kwa muganga.

1. Iyo kuribwa umutwe bigenda byongera ubukana
2. Iyo kuribwa umutwe biherekejwe no kugira umuriro
3. Iyo uburibwe ubwumvira mu gice cy’imbere n’inyuma y’amaso
4. Uburibwe bw’umutwe buturuka mu misaya
5. Kuribwa cyane mu kanya gato ugasa n’uworohewe, mu kandi kanya ukaribwa bigasimburana bityo bityo.

Ubu buribwe buteye butya ndetse rimwe na rimwe ukaba wagira ngo ni nk’ikintu bagukubise, ukwiye kubwitondera cyane, kuko bushobora guterwa no kuvira mu bwonko, cyangwa ikindi kibazo mu bice bibugize.

Mu gihe wumva umutwe ukurya muri ubu buryo, uba ukwiye guhita wihutira kugana kwa muganga.

6. Mu gihe abantu bari ahantu hamwe bose bakumva bamenetse umutwe: Iki gishobora kuba ikimenyetso cy’uko aho muri hari umwuka uhumanye (carbon dioxid/ gaz carbonique).

FAO ivuga ko mu myaka itari mike, ibipimo by’imirire mibi byagiye byiyongera, aho abarenga 9% by’abatuye isi bafite inzara idakira, naho 1/3 cy’abatuye isi bakaba baba mu bihugu bifite ikibazo gikabije cy’ibura ry’ibiribwa.

Mu rwego rwo guhangana n’iki kibazo, Ishami ry’Umuryango w’abibumbye ryita ku biribwa n’ubuhinzi (FAO), ku itariki 10 Ukuboza 2023, ryashyize ahagaragara ishusho yerekana uburyo bwo guhuza ikibazo cy’inzara ku isi n’intego zashyizweho mu rwego rwo guhangana n’ihindagurika ry’ikirere.

Ni mu gihe mu masezerano yiswe aya Paris yo muri 2015 ku mihindagurikire y’ikirere yafatiwemo umwe mu myanzuro y’ingenzi wagiraga iti: Kurangiza inzara ku isi ndetse no kugabanya igipimo cy’ubushyuhe ku rugero rwa degere selisiyusi +1,5(°C) ugereranyije no mu gihe cya mbere y’inganda.

Ishami ry’Umuryango w’abibumbye ryita ku biribwa n’ubuhinzi (FAO), ryabonye COP28 nk’umwanya mwiza wo kugaragaza ko ibihugu bikwiye kurwana uru rugamba rwo guhuza ingingo yo kwihaza mu biribwa n’imihindagurikire y’ikirere.

Marie Cosquer, impuguke akaba n’umuvugizi mu birebana n’ibiribwa ndetse n’imihindagurikire y’ikirere mu muryango utegamiye kuri Leta (Action contre la faim), agira ati: “Umusaruro w’ibiribwa na wo ni imwe mu ngaruka ziterwa n’ubushyuhe bukabije ku isi kuko wihariye hafi kimwe cya gatatu cy’ibyuka bihumanya ikirere bituruka ku bantu.”

Indi mpuguke, Quentin Ghesquière ushinzwe gukurikirana ibibazo by’ubuhinzi, ibiribwa ndetse n’ihindagurika ry’ikirere muri OXFAM, yagize ati: “Iyi nyandiko ya FAO ni intambwe y’ingenzi iganisha ku iterambere kuko idufasha gusenya ikinyoma cyashinze imizi hagati y’izo ngingo zombi.” Yashimangiye ati: “Uyu munsi, ubushakashatsi bwinshi bwerekana ko ikibazo kiri inyuma y’ibura ry’ibiribwa ari uburyo abantu bagerwaho n’ibiribwa ndetse n’uburyo bisaranganywa.”

Mu rwego rwo guhangana n’ikibazo cy’ibura ry’ibiribwa, FAO yasabye ibihugu ko byiha intego z’ibigomba kuba byagezweho mu gihe cy’imyaka 2, bikazatangarizwa mu nama ya COP30.

Urugero rwa zimwe mu ngamba zashyizweho na FAO, ni nko kongera imbaraga mu nkunga rusange hagamijwe gufasha abatuye isi bose kubona indyo yuzuye, ndetse no kugabanya ingano y’ibyo abatuye mu bihugu bikize barya, ndetse no guteza imbere ibikoresho by’ubuhinzi bigezweho kandi bitangiza ikirere.

Ikindi kandi FAO ivuga ko umubare w’abantu bafite inzara yabaye karande ugomba kuzaba wagabanutse ukagera kuri miliyoni 150 mu 2025, uvuye kuri miliyoni 735 wariho muri 2022 naho mu mwaka wa 2030 bakazaba bageze kuri 0. Mu mwaka wa 2050, abatuye isi bose bagomba kuzaba bashobora kubona indyo yuzuye.

Ku ruhande rw’uRwanda, Minisiteri y’Ubuhinzi n’Ubworozi ivuga ko iri mu rugamba rwo gushakira ibisubizo iki kibazo, aho Abanyarwanda bagera hafi kuri 20% batihagije mu bijyanye n’ibiribwa.

Umuyobozi Mukuru w’Ikigo cy’Ubuhinzi n’Ubworozi (RAB) Dr. Telesphore Ndabamenye, avuga ko nubwo hari aho bataragera neza nk’Igihugu ariko abagera ko abagera kuri 80% by’abagituye bihaza neza mu biribwa.

Imbatabata

Iki kimera cyageze muri Amerika kijyanywe n’abazungu ku buryo Abanyamerika kavukire babyise ‘ibirenge by’abazungu’, kubera ko ahantu hose umuzungu yakandagiraga yahasigaga imbuto zacyo zabaga zihishe munsi y’inkweto.

Abanyamerika kavukire (Abasangwabutaha baho) na bo baracyemeye, ndetse gihinduka igice cya farumasi yabo kimwe n’ibimera gakondo.

Muri iki gihe, imbatabata icuruzwa ikomoka ahanini mu Burayi bwi Burasirazuba.

Akamaro k’imbatabata

Muri rusange, imbatabata izwiho kuvura ububyimbirwe bwo mu myanya y’ubuhumekero, mu mazuru, mu muhogo no mu kanwa ndetse n’umuyoboro ubihuza n’urwungano ngogozi.

Uko imbatabata ikoreshwa mu kuvura ubwandu bufata imyanya y’ubuhumekero (bronchite, sinusite, grippe, n’izindi).

• Kubiza imbatabata garama 1.5 (ibibabi bitoto), muri mililitiro 150 z’amazi mu gihe cy’iminota iri hagati ya 10 na 15. Ufata agatase k’aya mazi inshuro 2 cyangwa 4 ku munsi.

• Kwinika mu mazi akonje angana na mililitiro 150, garama 1.5 z’ibibabi by’imbatabata byo ku mutwe hejuru ku kimera (bitoto), bikamaramo isaha 1 cyangwa 2, ukabiyungurura, hanyuma ukajya usa n’uwiyunyuguza mu kanwa no mu muhogo (gargarisme).

Icyo ubushakahatsi buvuga

Hari ikigo cyo mu Budage kivuga ko ubushakashatsi bwa vuba aha, bugaragaza ko imbatabata yemewe mu kuvura ubwandu n’ububyimbirwe bufata imyanya y’ubuhumekero ndetse n’izifata umuyoboro uhuza amazuru, akanwa n’urwungano ngogozi.

Buvuga kandi ko yemewe no mu kuyikoresha ku ruhu inyuma mu kuvura ubwivumbure bwo ku ruhu, bwatewe no kurumwa n’udusimba bwaba uburyaryate ku ruhu cyangwa se uduheri twaturutse kuri uko kurumwa.

• Ikindi kandi Komisiyo E ikomeza ivuga ko iki kimera cy’imbatabata cyifashishwa muri za laboratwari mu gukora imiti yifashishwa mu kuvura inkorora (expectorantes et antitussives).

• Mu mwaka wa 1980, ubushakashatsi bwemeje ikoreshwa ry’imiti irimo imbatabata, mu kuvura bronchite yabaye karande.

Ubushakashatsi bwakorewe mu Budage ku bantu 593 bahawe imiti yateguwe, ishingiye ku mbatabata, mu gihe cy’iminsi 10 byoroheje ibimenyetso by’inkorora.

Ubu bushobozi imbatabata ibukesha kuba yifitemo ikinyabutabire kizwi nka polysaccharide, kizwiho kuvura indwara ziterwa n’agakoko kitwa bactérie Streptococcus pneumoniae4.

Naho kuvura indwara z’uruhu, imbatabata ibikesha kuba yifitemo ikizwi nka L’aucubine, gifasha mu kurwanya ububyimbirwe no guhangana n’imiyege.

Iki kimera kandi gikize kuri acide caféique, izwiho kuburizamo imikurire ya virus izwi nka herpès (HSV-1).

• Ibyo kwitondera

Imbatabata ntikoreshwa n’abagore batwite kuko ubushakashatsi bwakozwe, bwagaragaje ko ishobora kugira ingaruka ku mwana uri mu nda.

Muri Tchad amatora asize Itegeko Nshinga rishya ryemejwe bidasubirwaho

Uru rukiko rwanze ubujurire bw’Umuryango w’Abibumbye n’ihuriro ry’abatavuga rumwe n’ubutegetsi, bari basabye ko aya matora aseswa kubera amakosa menshi yagaragaye mu migendekere yayo.

Urukiko rw’Ikirenga rwa Tchad rwemeje burundu, ku wa Kane tariki ya 28 Ukuboza, ibyavuye mu matora ya kamarampaka ku Itegeko Nshinga rishya, ryateguwe n’umutwe w’abasirikare bari ku butegetsi, mu gihe cy’imyaka ibiri n’igice, intambwe y’ingenzi igomba kuba inzira y’amatora ateganyijwe mu mwaka wa.

Aya matora yanenzwe n’abatavuga rumwe n’ubutegetsi ndetse n’imiryango itari iya Leta, bavuga ko ibyayavuyemo bisa n’amayeri yo gutegura amatora ya Perezida w’inzibacyuho, Jenerali Mahamat Idriss Déby.

Bavuga ko inyandiko nshya y’itegeko nshinga ntaho itandukaniye cyane n’iyari isanzweho, kandi ko ikomeje guha imbaraga umukuru w’igihugu.

Ku myaka 37, Mahamat Déby yatangajwe n’itsinda ry’ingabo zari zigizwe n’Abajenerali 15 yari ayoboye, ku ya 20 Mata 2021 nka Perezida w’inzibacyuho.

Byabaye nyuma y’urupfu rwa se Idriss Déby Itno, wishwe n’inyeshyamba ubwo yerekezaga ku rugamba atabariye igihugu, nyuma y’uko yari amaze imyaka irenga 30 ategeka iki gihugu.

Uyu mujenerali ukiri muto yahise asezeranya Umuryango w’ubumwe bw’Afurika kuzategura amatora nyuma y’inzibacyuho y’amezi 18, ndetse yemeza ko ataziyamamariza umwanya wa Perezida wa Repubulika.

Amezi 18 arangiye, ubutegetsi bwe bwongereye inzibacyuho imyaka ibiri kandi bumwemerera kuba umukandida mu matora ya Perezida ateganijwe mu mpera za 2024.

Abantu 10,000 bagerageza kwambuka buri munsi

Ibi byatumye ku wa Gatatu tariki 27 Ukuboza 2023, Umunyamabanga wa Leta muri Amerika, Antony Blinken, afata urugendo rwo kujya muri Mexique kugira ngo agerageze kugishakira igisubizo.

Ku mupaka wa Mexique hagaragara igihiriri cy’abantu bagenda n’amaguru bava Tapachula, mu majyepfo y’iki gihugu, ku buryo abari hagati ya 6,000 na 10,000 baturutse mu bihugu 24 bitandukanye, kuri ubu barimo gufata inzira yo kugerageza kugera muri Amerika, bashaka ejo hazaza heza.

Guverinoma ya Leta Zunze Ubumwe za Amerika irasaba Mexique gufata ingamba, zo gukumira iyinjira ry’abimukira baturuka muri Amerika yo Hagati, Cuba na Haiti.

Perezida wa Mexique, Andrés Manuel López Obrador, yavuze ko yiteguye gutanga ubufasha, ariko ko yifuza kubona iterambere mu mibanire hagati ya Amerika, Cuba na Venezuwela, ndetse no kongera inkunga mu iterambere ryo muri ako karere.

Umuvuduko w’ingendo z’abimukira bambuka ku mupaka uhuza Mexique na Amerika, ukomeje kwiyongera mu buryo bwihuse mu byumweru bishize, aho impuzandengo igera ku 10,000 ku munsi nk’uko polisi ibivuga. Habarurwa abantu barenga Miliyoni 2.4 bambutse uyu mupaka kuva mu kwezi k’Ukwakira 2022 kugeza Nzeri 2023, umubare munini ugereranyije n’abambutse mu myaka yashize.

Ku mupaka haba huzuye abantu

Ikibazo cy’abimukira gikomeje kuza mu ngingo z’ingenzi ziteye inkeke muri Amerika, mu gihe amatora ya perezida wa Repubulika mu mwaka wa 2024 yegereje.

Abo mu ishyaka ry’abarepuburika bakunze kurisha iturufu y’uko bashoboye kugenzura imipaka no kwinjira rwihishwa kw’abimukira mu rwego rwo guca intege bakeba babo b’abademokarate.

Muri Kigali abakiriya b’inyama ngo babaye bake

Ku isoko rya Kimironko, abacuruza inyama, baganiriye n’umunyamakuru wa Kigali Today, hari mu ma saa sita z’amanywa, bavuze ko ubusanzwe izo saha babaga bamaze kugurisha inyama z’inka zirenga zirindwi, ariko zikaba zari zigihari uko zakabaye.

Inyama z’ingurube zizwi nk’akabenzi zo igiciro cyazamutse, aho zirimo kugura 4000/ ku kilo, zivuye ku 3800.

Ni mu gihe ibinyobwa bisembuye byo ngo birimo kunyobwa nk’uko bisanzwe mu minsi isoza icyumweru (weekend). Ahatangirwa izindi serivisi ho ahenshi harafunze.

Agasembuye ko ariko ngo kitabiriwe nk’ibisanzwe

Naho ku birebana n’imodoka zitwara abagenzi mu mujyi wa Kigali, aho umunyamakuru wa Kigali Today yabashije kugera, yahasanze imirongo miremire, abagenzi bavuga ko babuze imodoka zibageza muri gare ya Nyabugogo, kugira ngo bafate iziberekeza iwabo mu ntara.

Abagenda muri Kigali ngo bagowe no kubona imodoka

Serivisi nyinshi ntizafunguye imiryango

Hari banki zitakoze

Kugeza ubu ibikorwa byo gushakisha ababa barokotse uyu mutingito, ariko bakiri munsi y’inyubako zabagwiriye birakomeje, nk’uko ibitangazamakuru bya Leta byabigarutseho.

Uyu mutingito wari ufite ubukana bwa 5.9 wangije ibikorwa remezo birimo imiyoboro y’amazi, amashanyarazi ndetse n’inzu, byatumye abaturage bakambika mu mihanda.

Perezida Xi Jinping w’u Bushinwa yahamariye inzego z’umutekano, gushyiramo imbaraga zose zishoboka kugira ngo abakiri bazima batabarwe, ndetse no kwita ku mutekano w’abarokotse uyu mutingito hamwe n’ibyabo.

Usibye abantu 128 bamaze kumenyekana ko bahitanywe n’uyu mutingito, amakuru yatangajwe na CCTV yo mu bushinwa, aravuga ko hari n’abandi benshi bakomeretse mu ntara ya Gansu.

Mu ntara bihana imbibi ya Qinghai mu mujyi wa Haidong, abantu 11 bahasize ubuzima n’abakomeretse babarirwa mu magana.

Igihugu cy’u Bushinwa gikunze kwibasirwa n’imitingito, uheruka wabaye muri Kanama uyu mwaka wari kuri 5.4 mu Burasirazuba bw’iki gihugu, wakomerekeyemo abantu 23 usenya n’inzu zibarirwa muri za mirongo. Uyu wakurikiye uwabaye muri Nzeri 2022, wari kuri 6.6 mu ntara ya Sichuan, wahitanye abantu bagera mu 100.

Ni mu gihe uwabaye muri 2008, wari ufite ubukana bukabije bwa 7.9 watwaye ubuzima bw’abaturage basaga 87,000, barimo abanyeshuri 5,335.

Perezida Abdel Fattah al-Sisi

Ukuriye urwego rushinzwe amatora, Hazem Badawy, yatangaje ko aya matora y’umukuru w’igihugu mu Misiri yitabiriwe ku rugero rwa 66.8 % muri Miliyoni 67 z’abaturage, bivuze ko abarenga Miliyoni 39 batoye Abdel Fattah al-Sisi.

Uyu mugabo uri ku butegetsi kuva muri 2014, yari ahanganye ku mwanya w’Umukuru w’igihugu na Hazem Omar, uyobora ishyaka ryitwa Parti Populaire Républicain, wabaye uwa kabiri n’amajwi 4.5 %, Farid Zahran, ndetse na Abdel-Sanad Yamama.

Abaturage baganiriye na AFP nyuma yo gusohoka mu biro by’itora ku masite atandukanye, batangaje ko batigeze bamenya abandi bakandida kuko uwo bazi ari umwe rukumbi.

Intsinzi ya Abdel Fattah Al-Sisi muri manda ya 3, igezweho mu gihe hari ibibazo byinshi by’ubukungu n’umutekano birimo ibishingiye ku gutakaza agaciro kw’ifaranga, ibiciro by’ibiribwa bizamuka buri cyumweru ndetse n’intambara irimo kubera muri Gaza baturanye.

Nk’uko biteganywa n’Itegeko Nshinga ry’iki gihugu, iyi ni yo manda ya nyuma kuri Perezida Abdel Fattah Al-Sisi.

Iyi rapport ya CPJ ikomeza igaragaza ko ugereranyije, buri munsi hapfa byibuze umunyamakuru cyangwa undi ukora muri uru rwego.

FIJ nayo iherutse gushyira ahagaragara raporo yayo igaragaza imibare y’abanyamakuru bamaze kwicwa guhera mu myaka ya za 1990, yemeje ko iyi ntambara y’iGaza ari yo imaze guhitana umubare munini w’abanyamakuru kurusha izindi.

Iyi raporo igira iti: "Intambara y’i Gaza imaze guhitana ubuzima bw’abanyamakuru n’abandi bakora muri uwo mwuga kuruta abaguye mu yindi midugararo yabayeho kuva mu 1990."

Raporo z’iyi miryango yombi zigaragaza ko byibuze abanyamakuru 64 bishwe muri iyi ntambara, abenshi muri bo bakaba ari abanyapalesitina aho bagera kuri 57.

CPJ yongeraho ko abanyamakuru 4 muri abo baguye mu ntambara y’i Gaza, ndetse n’abandi 3 b’aba nyalibani biciwe ku mupaka uhuza Liban na Isiraheri.

CPJ kandi igaragaza ko hari abandi banyamakuru babarirwa muri 13 bakomeretse 19 batawe muri yombi na 3 baburiwe irengero.

Ishami rya FIJ mu Bufaransa, ryateguye imyigaragambyo yabaye ku cyumweru tariki 17 ukuboza yabereye iParis, isaba ko anayamakuru bose bakorera iGaza, Cisjordanie no ku mupaka wa Liban, barindwa kandi bagahabwa uburenganzira bwabo bwo kugenda nta nkomyi.

Inkuru dukesha France24, ivuga ko 90% by’ibyaha bikorerwa abanyamakuru ku isi yose, bidakurikiranwa mu butabera ngo ababikoze babiryozwe nk’uko bigaragazwa muri raporo ya Reporters sans frontières.

Amabara y’imiceli

N’ubwo kuri ubu umuceri uri mu moko agera ku bihumbi 40, akamaro kawo ku buzima ni kamwe.

Icyakora uburyo watunganyijwemo nyuma yo kuwusarura, bishobora kugabanya intungamubiri wifitemo cg se zikagumamo.

Umuceri udakoboye (wuzuye), ni ukuvuga utaratunganyirijwe mu ruganda, umwe uba ufite ibara ry’ikigina niwo mwiza ku buzima kuko intungamubiri zawo ziba zikirimo zose uko zakabaye.

Kigali Today yaganiriye na Ngaboyisonga Valens, impuguke mu birebana n’imirire, asobanura Impamvu uyu muceri ari wo mwiza.

Agira ati: “Ni wo mwiza kubera ko intungamubiri z’ikinyampeke ziba hafi y’ahaba uturemangingondodo (Fibres/fibers). Rero iyo wakobowe ugahinduka umweru, uba watakaje utwo turemangingondodo, ari nayo mpamvu uba na mwiza ku barwayi ba diabete”.

Akamaro k’umuceri ku buzima

Umuceri ni isoko ya vitamin zinyuranye nka vitamine B1, B3, B6, B9 na vitamin D. Urimo kandi imyunyungugu nka karisiyumu, ubutare, manganese, selenium na phosphore. Ibi byose bifasha mu mikorere y’umubiri, kongera ubudahangarwa no gukomeza amagufa.

1. Umuceri ni isoko y’ingufu

Ukungahaye ku binyasukari binyuranye, ari nabyo umubiri uhinduramo imbaraga ukenera.

2. Ni ingenzi ku mikorere myiza y’umutima

Impamvu ari mwiza ku mikorere myiza y’umutima no ku mitsi itwara amaraso, ni uko mu muceri nta cholesterol ibamo, ndetse ukaba ugira na sodiyumu nke cyane.

3. Kurinda kanseri

Umuceri wuzuye (w’ibara ry’ikigina) nkuko twabibobonye, uba ukungahaye kuri fibres bityo bikawugira ingenzi mu kurinda kanseri zinyuranye. Uretse fibres, ubamo kandi Vitamin A na C n’ibindi binyabutabire binyuranye bifasha mu gusohora imyanda mu mubiri ari nayo ishobora kubyara kanseri mu gihe ikugumyemo.

4. Ufasha kugira uruhu rwiza

Kubera ko umuceri ukungahaye kuri thiamin, kuwurya bituma umuntu agira uruhu rwiza, bikanarwanya kugira impinkanyari imburagihe.
Amazi yamininwe mu muceri mu gihe cyo kuwuteka, afasha kurwanya uburyaryate bwo ku mubiri bunyuranye no kubyimbirwa.

5. Urinda indwara ya Alzheimer

Iyi ndwara ahanini ikunze gufata abageze mu zabukuru ikabatera kwibagirwa. Kurya umuceri rero, by’umwihariko uw’ikigina bituma umubiri ukora injyanabutumwa zihagije zigafasha mu kurwanya iyi ndwara.

6. Ubamo Amidon

Dusangamo amidon/starch ifasha mu kororoka kwa bagiteri nziza zo mu mara ari na zo zifasha mu gusya no gukamura intungamubiri mu byo turya. Inafasha kandi mu kurwanya impiswi no kuribwa mu nda.

Icyitonderwa

N’ubwo twavuze ko umuceri urwanya impiswi, ariko umuceri wuzuye (udakoboye), ugira umwihariko wo kurwanya kwituma impatwe.
Abarwayi ba diyabete si byiza kurya umuceri w’umweru ahubwo barya uw’ikigina kuko wo ufite igipimo cy’isukari kiri hasi.

Uyu muceri utanga hafi 100% bya manganese umubiri ukeneye kandi iyi manganese ni yo ifasha umubiri gukura imbaraga mu binyasukari na poroteyine. Umuceli unafasha kandi mu gukora imisemburo y’imyororokere.

James Cleverly yunamiye abaruhukiye muri urwo rwibutso anashyira indabo ku mva

Minisitiri James Cleverly kandi yunamiye abaruhukiye muri urwo rwibutso anashyira indabo ku mva zabo.

Mu butumwa yanditse mu gitabo cy’abasura urwibutso rwa Jenoside rwa Kigali ku Gisozi, Minisitire w’umutekano mu Bwongereza James Cleverly yashimiye abamufashije gusobanukirwa ayo mateka n’icyemezo Abanyarwanda bafashe cyo kwimakaza amahoro.

Minisitire Cleverly yagize ati: "Murakoze kumfasha gusobanukirwa no kumenya ububabare mwanyuzemo, nshimira nanone icyemezo mwahisemo cyo kwimakaza amahoro. Ntidukwiye na rimwe kwibagirwa, ahubwo tugomba kwiga, tukagura ndetse tugaharanira gukora kugira ngo tuzagire ejo hazaza heza."

Ageze ku kibuga cy’indege cya Kigali yakiriwe n’Umunyamabanga Uhoraho muri Minisiteri y’Ububanyi n’Amahanga n’Ubutwererane, Clementine Mukeka

Iyi ntumwa yoherejwe na Guverinoma y’u Bwongereza yageze ku Kibuga cy’Indege Mpuzamahanga cya Kigali mu gitondo cyo kuri uyu wa Kabiri tariki 5 Ukuboza 2023.

Uruzinduko rwe i Kigali rwitezweho kuba intambwe ya nyuma y’amasezerano y’u Rwanda n’u Bwongereza ku bijyanye n’Ubufatanye mu iterambere ry’Abimukira n’Ubukungu, MEDP treaty (Migration and Economic Development Partnership).

Minisitiri w’ububanyi n’amahanga w’u Rwanda na Minisitiri w’umutekano mu Bwongereza ni bo bari bushyire umukono kuri aya masezerano

Ibiro by’ubuvugizi bwa guverinoma (OGS) bwatangaje ko uyu muhango uri bubere ku cyicaro cya Ministere y’Ububanyi n’Amahanga n’ubutwererane saa munani n’igice z’isaha ya Kigali, ukaza gukurikirwa n’ikiganiro n’abanyamakuru.

U Bwongereza burashaka kwifashisha ayo masezerano, bukohereza mu Rwanda abimukira binjiye ku butaka bwabwo mu buryo bunyuranyije n’amategeko.

Aya masezerano mashya, agiye gusinywa nyuma y’aho mu kwezi gushize, Urukiko rw’Ikirenga mu Bwongereza rwatangaje ko iyi gahunda inyuranyije n’amategeko. Ibi byatumye u Bwongereza bwiyemeza kuyavugurura kugira ngo busubize ibibazo byose yanenzwe n’inkiko.

Ni amasezerano ari bushyirweho umukono na Minisitiri w’Umutekano mu Bwongereza, James Cleverly ku ruhande rw’ U Bwongereza, naho ku ruhande rw’ U Rwanda akaza gusinywa na Minisitiri w’ububanyi n’amahanga n’ubutwererane w’u Rwanda, Dr Vincent Biruta.

Kuva icyo gihe, u Bwongereza bwatangiye kuganira n’u Rwanda kuri aya masezerano mashya, by’umwihariko ku ngingo zirimo ko abo bimukira mu gihe bazaba boherejwe mu Rwanda rutazabirukana ngo basubire mu bihugu bakomokamo.

Alba & Rosie

Kwiyongera kw’imibare y’imbwa n’injangwe zitabwa mu Bwongereza, byatumye Umuryango Animal Rescue Centre (ARC) ukorera mu mujyi wa Bristol, wiyemeza kuzibyaza umusaruro.

Uko gutabwa guturuka ku izamuka ry’ibiciro no gutakaza agaciro kw’ifaranga, byatumye bamwe mu bazitunga badashobora kuzibonera ubwishingizi, ubuvuzi n’ibyo kurya nk’uko Bee Lawson, umuhanga mu myitwarire y’inyamanswa yabitangarije AFP dukesha iyi nkuru.

Mu mbwa zitozwa imirimo itandukanye na ARC, harimo izitwa Rosie na Alba.

Izi mbwa kuri ubu zirimo gukora ubutaruhuka kuko ibihangano byazo bizagurishwa mu Ukuboza 2023.

N’ubwo ibihangano byazo ngo byafatwa nk’ibidasobanutse cyangwa se nk’iby’akozwe n’abana bato, intego y’uyu muryango wiyemeje kwita kuri izo mbwa, ngo ni yo ifite agaciro kurusha kunenga ibihangano byazo.

ARC, ivuga ko mu rwego rwo gushaka ubushobozi bwo kwita kuri izo mbwa, nazo ubwazo zibigizemo uruhare, zatojwe gukora imirimo itandukanye irimo no gushushanya hakoreshejwe amarangi (L‘art de la peinture), ibihangano bikagurishwa mu cyamunara.

Ni muri urwo rwego ibihangano by’imbwa Rosie na Alba bizagurishwa mu Ukuboza, ku giciro cy’amayero 370 (asaga ibihumbi 500 by’amafaranga y’uRwanda).

Bee Lawson, Avuga ko gushushanya byanafashije imbwa zatoraguwe gukira ibikomere zatewe n’agahinda ko gutabwa na ba shebuja, kumara igihe zizerera ntabyo kurya, ndetse no kutitabwaho.

Lawson agira ati "kuko izi mbwa zishushanya zifashishije ururimi, amajanja yazo, guhunahuna, kurigata no guhekenya biyifasha kumva ituje kuko biri mu miterere yazo”.

Kuva mu ntangiriro z’uyu mwaka kugera mu Ukwakira umuryango wita ku nyamanswa mu Bwongereza wakiriye impuruza ku mbwa zatawe 17.838.

Uyu muryango ukomeza uvuga ko bikomeje bitya, uyu mubare ushobora kwiyongera imbwa zitabwa zikagera ku 21.500 mu mwaka wose wa 2023, zivuye ku 16.000 zariho muri 2020.

Iyi nama ya COP28, izatangira ku itariki ya 30 kugeza ku ya 12 Ukuboza, biteganyijwe ko izitabirwa n’abantu basaga 70.000 barimo na Papa François.

Amakuru aturuka muri Maison blanche akomeza avuga ko Biden ashobora kuzohereza umuhagararira muri iyi nama, John Kerry, ufite mu nshingano ze ibigendana n’ihindagurika ry’ikirere.

Ibiro by’umukuru w’igihugu ntabwo byatangaje impamvu yatumye Joe Biden afata icyemezo cyo kutazitabira inama ya COP 28.

Icyakora, ibitangazamakuru bitandukanye, byagaragaje ko yaba yabitewe n’uko kuri ubu ahugiye cyane ku bibazo by’intambara iteye inkenke mu Burasirazuba bwo hagati, ihanganishije Israel na Hamas.

Ni mu gihe amasezerano arimo gushyirwa mu bikorwa, yo gutanga agahenge no guhererekanya abantu bafashwe bugwate ku mpande zombi yagizwemo uruhare na Perezida Joe Biden wa Leta Zunze ubumwe za Amerika.

Amerika yaherukaga guhagararirwa mu nama ya COP27 yabereye el-Cheikh muri Égypte, ndetse n’iyabaye ku nshuro ya 26, yabaye mur 2021 iGlasgow, yatangarijwemo ko Leta Zunze ubumwe za Amerika ziyemeje kugaruka mu ruhando rwo guhagana n’ibihumanya ikirere.

Mbere y’uko Perezida Joe Biden ajya ku butegetsi, ntabwo byari ngombwa ko Amerika ihagararirwa muri iyi nama yiga ku ihindagurika ry’ikirere.

Muri Kamena 2017, Perezida Donald Trump wabanjirije Biden, yafashe icyemezo cyo kuvana igihugu cye mu masezerano y’iParis, arebana n’ihindagurika ry’ikirere yashyizweho umukono n’ibihugu 195 mu ukuboza 2016.

Icyemezo cyo kwikura muri aya masezerano cyanenzwe cyane na Perezida w’uBufaransa Emmanuel Macron na Chanceliere w’uBudage Angela Merkel.

Ni mu gihe Donald Trump we yavugaga ko igihugu cye cyikuye mu masezerano ya Paris arebana n’ihindagurika ry’ikirere, bizatuma ubukungu bwacyo buhungubana bikagira ingaruka ku murimo no ku baturage bacyo.

Mu byiciro byose by’imyaka no mu turere twose tw’isi, kwigunga no kwibana bigira ingaruka zikomeye cyane ku buzima bwa muntu mu buryo busanzwe ndetse n’ubwo mu mutwe, hamwe no ku mibereho myiza ye n’iy’abandi muri rusange.

Imibare itangazwa n’Ishami ry’umuryango w’Abibumbye ryita ku buzima (WHO/OMS), igaragaza ko mu bantu bakuru, umuntu 1 muri 4, agerwaho n’ubwigunge buturuka ku kuba wenyine.

Ni mu gihe mu ngimbi n’abangavu, ababarirwa hagati ya 5 na 15%, bahura n’ikibazo cy’ubwigunge no gutabwa.

OMS ikomeza ivuga ko kwibana, gutabwa, cyangwa kwigunga, bifitanye isano n’indwara y’agahinda gasaze, kwiheba no kwigunga, kwiyahura, kugira indwara yo guturika kw’imitsi y’ubwonko (strock) ndetse no kwibasirwa n’indwara z’umutima.

Ibi Ntabwo byangiza umuntu ubwe wenyine, ahubwo byangiza n’abamwegereye baba abo mu muryango we, n’abandi ba hafi muri sosiyete.

Ubushakashatsi bwagarageje ko iterambere rya muntu, imibereho myiza no kugira ubuzima bwiza, bigendana n’uburyo we abana n’abandi haba mu muryango, mu baturanyi, mu kazi ku ishuri n’ahandi.

Abantu bibana cyangwa babaho mu bwigunge baba bafite ibyago byinshi byo gupfa imburagihe

Ubuyobozi bw’abaganga bandika inkuru z’ubuzima kuri Livi.fr, batanga inama z’ingenzi zafasha mu kurwanya kuba wenyine cyangwa kubaho mu bwigunge:

Kwihatira guhindura imiterere yawe (N’ubwo hari ubwo kujya mu bandi bibanza kugtera ubwoba mu bihe bya mbere, ariko ni imwe mu ntamwe zo gukira

Kugira ibiguhuza n’abantu mudahuje imyaka, batari urungano rwawe gusa. Guhura no kuganira n’abo uruta cyangwa abakuruta bigufasha kumva utari wenyine

Kugerageza kuvuga ndetse no kumva abanda: Kumva undi muntu, ukamutega amatwi ndetse ukaba wanamubaza ibibazo bituma ikiganiro kitaba umujyo umwe. Bituma ubasha kubona ibintu ukundi, ukumva ukanamenya.

Kwitabira ibikorwa rusange: Niba ubona ufite umwanya ariko udafite icyo uwukoresha, ni byiza gushaka ibigufasha guhuga, kandi biguhuza n’abandi (Kujya kureba films, theatre, sport rusange, n’ibindi)

Gukora ibikorwa by’ubukorerabushakeKu

Kugerageza kubwira abakuri hafi ko wumva uri mu bwigunge, kuko iyo ubicecetse birakura bikavamo ubwigunge n’agahinda gasaze.

Mu gihe wumva bikabije, wegera abaganga bashinzwe kuvura indwara zo mu mutwe. N’ubwo kuba wenyine cyangwa kuba mu bwigunge Atari indwara, ariko iyo bitinze, bibyara indwara zibasira ubuzima bwo mu mutwe nk’agahinda gasaze (depression).

Umuganga w’inzobere mu ndwara za rubagimpande Patrick Sichère, abinyujije mu kinyamakuru doctissimo.fr yasobanuye zimwe mu mpamvu zishobora gutera ubwo bubabare.

Icya mbere ubwo bubabare bushobora kuba buherekejwe n’ibi bimenyetso:

• Kugira ibinya no gufatwa n’imbwa rimwe na rimwe bigera no mu ntoki
• Kubyimbirwa
• Kumva ufatwa n’ibimeze nk’amashanyarazi cyangwa se uburyaryate mu ntoki
• Kumva mu kuboko nta mbaraga zirimo
• Kumva ukuboko kudashobora kunyeganyezwa uko ubishaka

Dore zimwe mu mpamvu zishobora kuba zitera ubu bubabare bw’ukuboko kw’ibumoso

 Disike zo ku gikanu zishobora kuba zavuye mu mwanya wazo (La hernie discale)

 Indwara y’amagufwa izwi nka tendinite (ifata mu rutugu)

 Gutsikamirwa k’umutsi witwa nerf cubital

Nk’uko bisobanurwa na Dr Patrick Sichere, gutsikamirwa k’uyu munsi birangwa no kumva ibinya mu ntoki ebyiri za nyuma.

 Izindi mpamvu: Ikibyimba ku ruti rw’umugongo
ahagana hejuru, ububyimbirwe mu rutugu bwatewe n’impanuka, uburwayi bw’umutima n’ibindi.

Mu gihe ubu bubabare bw’ukuboko buherekejwe no kuribwa mu rwasaya usabwa kwihutira kureba muganga kuko hari igihe biba ari ikimeyetso cyo guhagarara k’umutima (accident cardiaque).

Umutwe ushobora kuba ukubabaza hejuru y’amaso, uruhande rumwe, cyangwa se ukurya impande zose n’ahandi. Ibyo rero bifite icyo bivuze ku buzima bwawe nk’uko Dr Gérard Kierzek, ubarizwa mu ihuriro doctissimo, abisobanura.

Dr Gerard avuga ko kuribwa umutwe bishobora guterwa n’umuhangayiko (stress), imiti, ihindagurika ry’ikirere, ndetse ubwo bubabare bw’umutwe bukaba bwaza ari ikimenyetso cy’indi ndwara yoroheje cyangwa ikomeye.

Kubabara umutwe uruhande rumwe

Uyu mutwe w’uruhande rumwe uzwi nka migraine, ushobora kugira impamvu zitandukanye zirimo umuhangayiko (stress), urumuri rwinshi, kubura ibitotsi, gusonza, n’ibindi nk’uko Dr Kierzek abivuga.

Ububabare ku mpande zombi z’umutwe

Iyo umuntu yumva ububabare ku mpande zombi z’umutwe, ndetse bukazamuka buturutse mu mutwe w’inyuma bukoze igisa n’ingofero, na bwo bushobora kuba buterwa na ‘stress’ cyangwa ububabare bw’imikaya.

Ububabare bufata umutwe w’inyuma

Ubu bubabare buzwi kandi nka “nevralgie d’Arnold” bufata guhera mu mutwe w’inyuma cyangwa se agahanga k’inyuma, bukagera ku ruhande ruzwi nka ‘tempe’.

Buterwa no gutsikamirwa k’umutsi witiriwe Arnold, ari wo mutsi munini uzamuka hagati y’urutugu ukanyura inyuma y’ugutwi, ari ho ububabare bwumvikanira cyane.

Kuribwa k’uyu mutsi n’umutwe w’urwo ruhande, bishobora guterwa n’indwara y’amagufwa izwi nka arthrose cyangwa se uburwayi bw’uduce (disques) duhuza urutirigongo (hernie discale).

Ububabare bufata hejuru y’amaso

Ni ububabare bufata hejuru y’amaso, ahagana mu gahanga bushobora guterwa n’uburwayi bwa sinezite (sinusite).

Ububabare busimburana buva ku ruhande rumwe bukajya ku rundi

Ubu bubabare si byiza kubwihererana kuko bushobora kuba ari ikimenyetso cy’indi ndwara y’ubwonko, urugero nk’igicuri nk’uko Dr Kierzek akomeza abisobanura.

Ububabare bw’umutwe n’ijisho

Ububabare bw’umutwe buherekejwe no kuribwa ijisho ndetse no kubona ibikezikezi, bushobora guba integuza y’uko waba urwaye amaso, by’umwihariko indwara y’amaso izwi nka glaucoma. Iyi ndwara y’amaso iyo itavuwe ku gihe kandi neza, ishobora kuvamo ubuhumyi.

Mu nkuru zacu zahise twavuze ku kamaro k’utwo tubuto, muri iyi nkuru tugiye kureba akamaro k’amababi y’igiti cy’ipapayi.

Amababi y’igiti cy’ipapayi atogosheje mu mazi, akanyobwa nk’icyayi ni ingirakamaro cyane haba imbere mu mubiri ndetse n’inyuma ahagaragarira amaso.

Ibibabi by’igiti cy’ipapayi bizwiho:

Kurwanya kugugara

Ibibazo byo kugugara byatewe n’ubwandu, uburibwe bwo mu gifu, cyangwa se aside nyinshi, bishobora kumarwaho n’icyayi cy’ibibabi by’ipapayi. Iki cyayi gifite ubushobozi bwo kurinda urwungano ngogozi guhera mu kanwa kugeza aho umwanda munini usohokera.

Kugabanya ububyimbirwe bwatewe n’umubu wo mu bwoko bwa Dengue:

Anzime ziba mu ipapaye zifite ubushobozi bwo guhangana n’umuriro ndetse n’ububyimbirwe bwatewe n’uyu mubu kimwe n’ibicurane biterwa nawo.

Bifasha kurwanya ubwivumbure bw’umubiri kuri gluten, iboneka mu binyampeke nk’ingano n’ibindi

Kurwanya Kanseri

Gufata icyayi cy’ibibabi by’ipapayi byibuze inshuro 4 mu cyumweru, bifasha mu kwirinda kanseri ariko utibagiwe kwita ku ndyo yuzuye, wirinda kunywa itabi n’amafunguro yahinduwe, wita cyane ku myitozo ngororangingo.

Kuvura indwara y’ibishishi

Ibibabi by’ipapayi bifasha mu guhangana n’ibishishi bikunze kwibasira ingimbi n’abangavu kubera ihindagurika ry’imisemburo mu mubiri wabo, ndetse na bamwe mu bakuze.

Icyo gihe usabwa gukora masque (masike) y’ibibabi by’ipapayi iboneka hakorshejwe amazi n’ibyo bibabi. Urabihuza, ukabisya bikavamo ikimeze nk’urusukume, ukarwisiga mu maso rukamaraho iminota 15 ugakaraba. Bikorwa kenshi kugira ngo bitange umusaruro.

Birinda kubyimba k’urugingo rwa porositate (prostate)

Mu umugabo cyangwa umusore afite ibimenyetso byo kubyimba kwa Porositate afata icyayi cy’ibibabi by’ipapayi.
Ibyo bimenyetso birimo: kubabara mu gihe wihagarika, gukenera kwihagarika inshuro nyinshi, kugira umuriro no guhorana umunaniro.

Kugira ubuzima bwiza bw’umusatsi

Ufata amazi watetsemo ibibabi by’ipapayi ukayavanga n’isabune bameshesha mu mutwe (shampo), ukajya ubikora iteka uko ukeneye koga mu mutwe. Bituma umusatsi wari utangiye kwangirika ugarura ubuzima bwabo bw’umwimerere.

Kurwanya kwituma impatwe

Nkuko no kurya ipapayi ubwaro bifite uyu mumaro ku buzima, ni nako n’icyayi cy’ibibabi byayo bifasha muri iki gikorwa cyo kwituma neza.

Kurwanya uburibwe mu gihe cy’imihango

Abagore n’abakobwa bagira ikibazo cyo kuribwa mu gihe cy’imihango, bagirwa inama yo kunywa icyayi cy’ibibabi by’ipapayi, bityo bikabarinda gufata imiti yakorewe mu nganda kuko igira izindi ngaruka zitari nziza ku buzima.

Kurinda uruhu gusaza imburagihe:

Kunywa itasi imwe y’icyayi cy’amababi y’ipapayi ku munsi birinda uruhu gusaza imburagihe no kurwanya iminkanyari ikunze kuza ku gahanga (lignes d’expression).

Kongera ubushake bwo kurya

Kongera ubudahangarwa bw’umubiri

Intungamubiri ziri mu bibabi by’ipapayi zifasha mu kwirinda indwara z’umutima, kanseri, gusaza imburagihe, ubwivumbure bw’umubiri (allergies), ndetse n’ubwandu bw’amaraso.

Perezida wa Ukraine Volodymyr Zelensky

Ibi yabitagaje kuwa mbere tariki 6 Ugushyingo 2023, mu ijambo rye agenera abaturage b’iki gihugu buri munsi.

Yagize ati « Dukwiye kwemeranya ko iki ari igihe cyo kwirwanaho, igihe cy’urugamba, ari naho leta n’abaturage bazashingira bubaka ahazaza h’igihugu, atari ku bwicanyi uBurusiya butegereje muri Ukraine. Ndakeka rwose ko iki atari igihe cy’amatora ».

Ati: « Tugomba kunga ubumwe, ntabwo ari igihe cyo kwirema ibice no gutatanya imbaraga duhugira mu nduru ndetse n’izindi gahunda zitihutirwa ».

Perezida Zelensky atangaje ibi mu gihe ari mu gihirahiro cy’uko amahaga amushyigikiye akomeje kumwotsa igitutu ngo ategure amatora, kandi hafi 20 % by’ubutaka bw’igihugu cye buri mu maboko y’uBurusiya ndetse na miliyoni z’abaturage b’igihugu cye bari mu buhungiro.

Hari ibintu bimwe na bimwe bishobora kwirindwa, nyamara ugasanga hari abatabyitaho mu gihe bigira uruhare mu kugabanya ubudahangarwa bw’umubiri. Iby’ingenzi ni ibi:

-Kugira umubyibuho ukabije

Ubushakashatsi bwerekana ko umubyibuho ukabije ugabanya ubudahangarwa bw’umubiri, ukongera ibyago byo kwibasirwa n’ubwandu (infection) zitandukanye bikiyongera.

-Guhora ku miti cyane cyane ‘antibiotiques’

Kuyikoresha cyane, igihe kirekire bishobora gutuma umubiri winangira ku miti (résistance), bivuze ko hari igihe kigera warwara ikaba itakikuvura, ndetse bikaba byanagabanya ubudahangarwa bw’umubiri, binyuze mu kugabanya urugero rwa poroteyine zitabazwa mu gukora abasirikare b’umubiri.

Ni ngombwa gufata imiti yo mu bwoko bwa antibiotique, ari uko wayandikiwe na muganga gusa, kandi ukayifata neza uko yabikubwiye, yose ukayimara.

-Isuku nke

Kutagira isuku ihagije, bibangamira cyane ubwirinzi bw’umubiri, kuko uba ufite ibyago byinshi byo kwinjirwamo na mikorobe, zishobora gutera infection n’ubundi burwayi butandukanye.

-Kunywa inzoga nyinshi

Kunywa inzoga nyinshi bigira uruhare runini mu kwangiza abasirikare bashinzwe kurinda umubiri wawe, bigatuma ushobora kwibasirwa n’indwara.

Zimwe mu ndwara zikomeye zikunze kwibasira abanywi b’inzoga ku buryo bukabije harimo n’igituntu.

-Guhorana Stress

Guhorana stress buri munsi bigabanya cyane ubudahangarwa bw’umubiri.

Kuba wagira stress umunsi umwe, ibyo ni ibisanzwe nta ruhare runini bigira mu kugabanya ubudahangarwa bwawe, ariko guhorana stress idashira buri munsi, bitera ibibazo bitandukanye, nibwo utangira kwibasirwa n’indwara nk’ibicurane, kuribwa mu gifu, umutwe udakira n’izindi infection.

-Kuryama utinze kenshi

Ubushakashatsi bwakozwe, bwerekana ko abagabo baryama kugeza ku masaha 4 rimwe mu cyumweru, baba bafite mikorobe z’ibicurane nyinshi mu mubiri, kurusha abaryama amasaha 7 cyangwa 8.

-Kudakora sport

Gukora sport buri gihe bishobora gufasha mu kongera ubudahangarwa, kuko sport zongera urugero rw’uturemangingo tw’amaraso tw’umweru, dufasha mu kurwanya mikorobe zitera uburwayi butandukanye.

-Kunywa isukari nyinshi

Kunywa isukari nyinshi bishobora kugabanya ubudahangarwa, n’ubushobozi bw’umubiri bwo kwirinda indwara buragabanuka cyane ku rugero ruri hejuru.

Iyo unyweye isukari nyinshi, itangira kugabanya vitamin C (vitamin y’ingenzi mu kongera ubudahangarwa) mu mubiri, ndetse ishobora no kwangiza imiterere y’uturemangingo twitabazwa mu kurinda umubiri.

-Kunywa itabi

Uburozi bwinshi buboneka mu itabi bugabanya ubudahangarwa bw’umubiri, bubuza uturemangingo turinda umubiri gukora ndetse no kwiyongera. Ibi byose nibyo bituma abanywi b’itabi bakunze kwibasirwa n’indwara z’ibihaha nk’umusonga, gukorora cyane ndetse na asima.

-Guhora urakaye

Guseka byongera abasirikare b’umubiri ndetse bikagabanya imisemburo itera stress. Niba ukunda guhora urakaye, iki nicyo gihe cyo kubihindura kuko bikwangiriza ubuzima, bigabanya ubudahangarwa bw’umubiri wawe.

Ubushakashatsi bwerekanye ko kureba filime zisekeje byibuze isaha 1, byongera cyane ubudahangarwa bw’umubiri.

-Kurya umunyu mwinshi

Ubushakashatsi bwasohotse mu kinyamakuru Science Translational Medecine muri Mata 2020, bwagaragaje ko kurya umunyu mwinshi bigabanya ubudahangarwa bw’umubiri, kuko bigira ingaruka zirimo n’uburwayi bw’umutima. Si byiza kurenza garama 5 z’umunyu (akayiko k’isukari) ku munsi.

Ikindi wamenya ni uko vitamine zose umubiri ukenera ari 13: A, C, D, E, K, B1, B2, B3, B5, B6, B8, B9 na B12.

Vitamine ni zimwe mu ntungamubiri umubiri ukenera, zitifitemo ibitera imbaraga na bike, kandi zidakorwa n’umubiri w’umuntu, ahubwo ziboneka mu byo umuntu arya, usibye gusa vitamine D, B2, B3 na Vitamine K. Icyakora Vitamine B1 igira uruhare rukomeye mu guhindura isukari mo ibitera imbaraga.

Nubwo vitamine ziboneka mu biribwa bitandukanye ku kigero gito cyane, ariko zibasha kugera ku mumaro wazo.

Vitamine umubiri ukenera zigendana n’ibyiciro abantu barimo haba imyaka, igitsina, imyitozo ngororamubiri umuntu akora, imiterere y’ubuzima (umurwayi w’indwara runaka, umubyeyi utwite, …) n’ibindi.

Kigali Today yabateguriye inkuru ndende kuri izo vitamine uko ari 13, mu gice cya mbere tukaba tugiye kwibanda kuri vitamine B1, aho tugiye kureba akamaro kayo, amafunguro ibonekamo n’ingaruka ziba ku muntu mu gihe umubiri we ukennye kuri yo.

Akamaro ka Vitamine B1

Vitamine B1 (Izwi nanone nka thiamine) ifite akamaro ko gufasha ubwoko bw’isukari izwi nka glucide guhindurwamo imbaraga umubiri ukeneye by’umwihariko iz’ubwonko bukenera, bityo igafasha mu mikorere myiza yabwo.

Ifasha kandi mu mikorere myiza y’imikaya harimo n’iy’umutima

Ifasha mu kugabanya alcool mu marasaro, ari nayo mpamvu uwabaswe n’inzoga bamuha inyonganiramirire ya Vitamine B1 mu rugendo rwo kuzimukuraho.

Aho iboneka

Vitamine B1 ishobora kuboneka mu bikomoka ku bimera ndetse no mu bikomoka ku nyamanswa.

Muri rusange, Vitamine B1 iboneka mu binyampeke (amasaka, uburo, ingano, n’ibindi) no biryo bikozwe muri byo nk’umutsima, umugati n’igikoma.

Iboneka mu muceri, mu mboga ndetse no mu binyamavuta (nk’ubunyobwa, ibihwagari), mu tubuto duto nka sezame na makadamiya, mu nyama y’ingurube, mu mafi no mu muhondo w’igi.

Ingaruka zo kuyibura

Kubura vitamin B1 mu mubiri birangwa no kugira intege nke cyangwa se guhorana umunaniro, gutakaza ubushake bwo kurya ndetse n’ibiro.

Abantu bakunze kugira ikibazo cyo kubura iyi Vitamine B1 mu mubiri ni abantu babaswe n’inzoga, abakora sport nyinshi n’abarwayi ba diyabete.
Iyo yabaye nke bikabije, bitera ibibazo mu mikorere y’imyakura ndetse n’iy’umutima.

Kuba yaba nyinshi mu mubiri byo ntibikunze kubaho kuko umubiri ukoresha iyo ukeneye, isigaye ukayisohora binyuze mu nkari. Uyu ukaba ari umwihariko kuri vitamine zose zo mu bwoko bwa B.

Vitamine B2 na B3

Vitamine B2:

Vitamine B2 (izwi nanone nka riboflavin), yifashishwa n’umubiri mu ikorwa ry’imbaraga nkuko biri kuri Vitamine B1, ndetse no mu ikoreshwa ry’intungamubiri zitandukanye nka protéines, amasukari yo mu bwoko bwa glucides, n’ibinyamavuta (lipides).

Ikindi ifasha mu kugira ubuzima bwiza bw’amaso, no ikorwa rya kératine, intungamubiri y’ingenzi mu kugira ubuzima bwiza bw’uruhu, ubw’umusatsi n’inzara.

Vitamine B2 yangizwa vuba n’imirasire y’izuba, ari nayo mpamvu amafunguro ibonekamo ari ngombwa kuyabika kure yayo.

Ni mu yahe mafunguro ibonekamo?

Muri rusange Vitamine B2 iboneka cyane mu bikomoka ku nyamanswa nko mu mata, amagi, amafi, n’inyama.

Mu bimera, imboga z’ibara ry’icyatsi zikungahaye cyane kuri vitamin B2.

Ahandi iboneka ni mu binyampeke ndetse no mu musemburo ukoreshwa mu kwenga inzoga.

Bigenda bite iyo ibaye nke mu mubiri ?

Ntibikunze kubaho ko iba nke, ariko hari ibintu bituma umuntu yagira ibyago byinshi byo kuba yabura vitamin B2: Kuba umuntu ari kuri rejime imubuza kurya ibikomoka ku nyamanswa, abafata iiti yo kuboneza urubyaro yo mu bwoko bw’ibinini, abanywa inzoga nyinshi, abakora sport nyinshi mu buryo buhoraho, ababyeyi bonsa.

Vitamine B3

Akamaro kayo

Kimwe na Vitamine B1 na B2, iyi Vitamine B3 (izwi nka niacin) yifashishwa n’umubiri mu ikorwa ry’imbaraga, ndetse no mu ikoreshwa ry’intungamubiri zitandukanye nka protéines, amasukari yo mu bwoko bwa glucides, n’ibinyamavuta (lipides).

Vitamine B3, igira uruhare mu gutunganya uturemangingo fatizo twa ADN ndetse no mu gusana utwangiritse.

Vitamine B3 kandi igira uruhare rukoeye mu mikorere myiza y’urwungano rw’imyakura.

Vitamine B3 ifasha mu mikorere myiza y’umwijima, ukabasha gusohora ibyo umubiri ufata nk’uburozi.

Aho iboneka

Dore ibiribwa bya mbere mu kugira Vitamine B3 nyinshi:

Muri make Vitaine B3 iboneka mu mafi, inyama, ibinyampeke bitatunganyirijwe mu nganda (céréales complètes), mu binyamisogwe, umuceri (riz complet).

Iyo yabaye nke bigenda bite?

Kugabanuka kwa Vitamine B3 mu mubiri birangwa no kumva ibinya mu ntoki no mu birenge, gutakaza ubushake bwo kurya, kunanirwa nta mpamvu, kuribwa umutwe, kugira isereri, no kumva udashaka urumuri.

Abantu bakunze kwibasirwa no kubura iyi vitamine B3 mu mubiri ni ababaswe n’inzoga n’abahora ku miti.

Tumenye vitamine B5 na B6

Akamaro:

Vitamine B5 (Acide pantothénique) ifasha umubiri guhindura ibiryo mo intungamubiri zirimo isukari, amavuta na za poroteyine, ikabibika ndetse ikanafasha mu kugena uko umubiri ubikoresha.

Ifasha mu mikorere myiza y’ubwonko.

Vitamine B5 yifashishwa mu kuvugurura uturemangingo tw’uruhu, bityo igatuma gukira igisebe byihuta no gukura k’imisatsi.

Igira umumaro cyane ku banyeshuri kuko ifasha mu kwiga no gufata mu mutwe.

Iboneka hehe?

Vitamine B5 iboneka mu mafunguro menshi kandi ku kigero kinini.

Ibikomoka ku nyamanswa ni byo bikungahaye cyane kuri vitamine B5:

• Inyama
• Amafi
• Amagi
• Amata

Mu bikomoka ku bimera, iboneka mu mboga, ibinyamisogwe, ibihumyo (ibyobo) no mu bigori.

Bigenda bite iyo ibaye nkeya mu mubiri?

Nk’uko twabibonye, kubera ko iboneka mu mafunguro menshi, ntabwo bikunze kubaho ko iba nkeya mu mubiri w’umuntu.

Icyakora hari impamvu zishobora kuba intandaro yo kugabanuka kwayo mu mubiri zirimo:

• Ku bantu bakunda kurya ibiryo byatunganyirijwe mu nganda bibikwa mu bikombe (plats préparés, conserves).

• Kubatwa n’inzoga.

• Kuba umuntu hari imiti afata mu buryo buhoraho (nka za corticoïdes)

• Indwara zimwe na zimwe nka diabète na cancers.

Iyo vitamine B5 yabaye nkeya mu mubiri birangwa no gufatwa n’imbwa (crampes), kugira ibinya mu birenge no guhorana umunaniro.

Vitamine B6

Vitamine B6 na yo ifasha umubiri mu ikorwa rya za poroteyine no mu mikoreshereze yazo.

Vitamine B6 igira uruhare mu ikorwa ry’imisemburo itandukanye ifite akamaro gakomeye ku marangamutima ya muntu, imikorere myiza y’ubwonko n’uburyo bwo kwibuka, ndetse ikanafasha mu itunganywa ry’umunyungugu wa manyeziyumu.

Ifasha mu ikorwa ry’insoro zitukura no kubaka ubudahangarwa bw’umubiri.

Inyunganiramirire zirimo Vitamine B6, zifasha cyane umugore utwite, zikamurinda indwara ikunze guhitana ababyeyi benshi ku isi izwi nka pre-eclampsie, isesemi no kuruka, ndetse no mikurire myiza y’urwungano rw’imyakura ku mwana uri mu nda.

Iboneka he?

Vitamine B6 na yo iboneka mu biribwa byinshi:

• Amafi
• Inyama
• Imboga nka puwaro, borokoli, karoti, epinari
• Ibinyamisogwe
• Imineke
• Ibirayi
• Imbuto z’ibihwagari na sesame
• Mu mutobe w’ibinyomoro

Iyo yabaye nkeya bigenda bite?

Nubwo bidakunze kubaho ko na yo yaba nkeya mu mubiri, ariko hari abagira ibyago byinshi byo kuba bakwibasirwa n’iki kibazo nk’abarwayi ba diyabete, abakoresha ibinini mu kuboneza urubyaro, ababaswe n’itabi n’inzoga ndetse n’abakora sport nyinshi.

Vitamine B6 iyo yagabanutse mu mubiri bigaragazwa no kubyimbirwa ku munwa n’ururimi, kugira uburakari n’umujinya nta mpamvu bishobora kuganisha ku ndwara y’agahinda gakabije, gutakaza imikorere myiza y’ubwonko ndetse n’indwara zifata uruhu.

Sobanukirwa Vitamine B8, B9 na B12

Vitamine B8:

Akamaro

Vitamine B8 (Biotine), ihuje umumaro na za vitamin zindi twabonye mbere zo mu bwoko bwa B, ndetse n’aho ziboneka ni hamwe.

Na yo ntikunze kuba nke mu mubiri kuko iboneka mu biribwa bitari bike, icyakora iyo yabaye nke kubera impamvu zirimo nko kuba umuntu arwaye indwara yo mu mutwe ibuza umuntu ubushake bwo kurya izwi nka annorexie, konsa, ububata ku itabi n’ibindi, bimugiraho ingaruka zirimo:

• Umunaniro
• Kugira iseseme
• Kubura ibitotsi
• Kwibasirwa n’indwara y’agahinda gasaze (depression), ndetse akaba yanagira ikibazo cyo kubona no kumva ibidahari (hallucination)
• Kuribwa imikaya
• Kwibasirwa n’indwara z’uruhu, no gutakaza ubushake bwo kurya

Vitamine B9:

Akamaro

Vitamine B9, izwi nka (Folates), ifite umwihariko wo kuba igira umumaro mu kuvugurura uturemangingo fatizo.

Ifite kandi uruhare mu gukumira indwara z’umutima. Inakenerwa cyane n’umubyeyi utwite kuko igira uruhare mu mikurire myiza y’umwana uri munda.

Kimwe n’izindi vitamine zo mu bwoko bwa B iboneka mu bikomoka ku nyamanswa, mu binyampeke no mu mbogarwatsi.

Kubera ko yangizwa n’ubushyuhe, ni byiza ko imboga ziribwa zitararaba, aho bishoboka zikaribwa zidatetse (salade), izitekwa nazo ntizishye cyane cyangwa se zigatekeshwa umwuka.

Abakenera Vitamine B9 kurusha abandi:

• Abana
• Ingimbi n’abangavu
• Ababyeyi batwite n’abonsa
• Abafata imiti iboneza urubyaro cyane cyane abakoresha ibinini n’agapira ko mu mura (stérilet)
• Abari kuri rejime (regime) yo kunanuka.

Iyo yabaye nkeya mu mubiri birangwa no kubura amaraso, indwara z’ishinya n’iz’amara.

Vitamine B12

Akamaro:

Vitamine B12 (Cobalamine) igira uruhare mu gutondeka neza uturemangingo fatizo twa ADN ndetse no mu mikorere yatwo.

Ifasha mu kugeza umwuka mwiza (Oxygene) mu maraso no mu mikorere myiza y’ubwonko.
Ifasha mu mikurire myiza y’umwana uri mu nda, ikanagira uruhare mu kurinda indwara z’umutima.

Vitamine B12 iboneka ku rugero runini mu bikomoka ku nyamaswa, ndetse no mu mboga nke cyane ku gipimo gito, by’umwihariko mu ishu.

Abantu bakunze kwibasirwa no kubura vitamine B12 mu mubiri ni abatarya inyama n’ibindi bikomoka ku matungo nk’amata, fromage, amagi, n’ibindi.

Kimwe na Vitamine B9, kubura vitamine B12 bizana ingaruka zirebana n’imikorere mibi y’ubwonko ndetse n’indwara y’agahinda gakabije (depression).

Umwanzuro:

Izi vitamine zo mu bwoko bwa B, zifite ibyo zihuriyeho ariko buri yose ikanagira umwihariko wayo, bityo nta n’imwe ikwiye kubura mu mubiri w’umuntu kuko zose zikorera mu bumwe cyangwa se zikuzuzanya.

Adele

Uyu muhanzi w’imyaka 35, ukomoka mu Bwongereza, yatunguwe no kubona umuganga wamubyaje atungutse, ahagarika igitaramo, araceceka aramwitegereza.

Ntabwo yatekerezaga ko yamubona mu bakunzi be yari ategereje muri icyo gitaramo cyabereye Caesars Palace de Las Vegas, muri Leta Zunze Ubumwe za Amerika ari na ho atuye.

Muganga wa Adele, yamutunguye ubwo yari arimo gusobanura umutwe w’indirimvo ye yise "When We Were Young", nuko ahita aceceka, akimara kubona uwo muganga we atungutse muri iyo mbaga y’abantu bari aho.

Uyu muririmbyi, ntiyabyihanganiye, ngo agume ku rubyiniro wenda baze kuramukanya igitaramo gisoje, ahubwo yahise atangira gushaka inzira mu kivunge cy’abaje kuryoherwa n’umuziki we, nuko agenda abanyuramo, ari nako yivugisha ati: « Mana yanjye, Colin! Mana yanjye ! Ni muganga wambyaje uruhinja rwanjye! Sinari nguherutse hashize imyaka myinshi!"

Amushyikiriye yahise amugwa mu gituza aramuhobera.

Ikinyamakuru cyo muri Amerika cyitwa People, kivuga ko yamufashije kwibaruka umuhungu we wavutse mu 2012.

Aba bageni ngo hari ubutumwa bashakaga gutanga

Aba bageni bari baberewe, inkumi nziza mu ikanzu yera n’agatimba, umusore na we muri kositimu nziza y’umukara, biyemeje gufatira amafoto y’urwibutso imbere y’umusozi umenwaho imyanda.

Uyu mukobwa ubarizwa mu muryango mpuzamahanga urengera ibidukikije uzwi nka GREENPEACE, yiyemeje ko ku munsi w’ubukwe bwe azakora ubukangurambaga muri ubu buryo, kugira ngo ashishikarize abitabiriye ibirori byabo kwirinda kurundanya imyanda itari ngombwa, cyane cyane itabora.

Ubu bukwe bwabaye muri uku kwezi k’Ukwakira 2023, ababwitabiriye baje bitwaje ibikoresho byo gutahanamo ibisigazwa by’ibyo kurya bazimaniwe, nk’uko bari babisabwe na Iris Hsueh na fiyanse we ku butumire bw’ubukwe.

Uyu muryango utuye i Taipei wakoze kandi urugendo rw’amasaha atatu n’amaguru, ari nako bagenda bifotoza, muri komine ya Puli, iturukamo imyanda myinshi imenwa kuri icyo kimoteri kurusha izindi.

Taïwan, ikirwa gituwe na miliyoni 23 z’abaturage, yashyizeho gahunda mu gihugu cyose yo guhindura imyanda mo ibikoresho bishya (recyclage) kuva mu 1987.

Hejuru ya 50% by’imyanda itunganywa muri ubwo buryo, ari na cyo kigero cyo hejuru ku isi kugeza ubu, n’ubwo bigaragara ko imyanda ikomeza kwiyongera cyane muri icyo gihugu muri iyi myaka ya vuba aha.

Umuyobozi ushinzwe isuku muri Komine ya Puli, avuga ko iki kimoteri cyakira toni 50 z’imyanda ku munsi, bivuye kuri toni 20 cyakiraga mu myaka isaga 40 ishize. Akomeza avuga ko nubwo abaturage b’iyi Komini bagabanuka, imyanda yo ikomeza kuzamuka buri mwaka.

Uburo

Nubwo iyi mvugo hari abatayivugaho rumwe, ariko ntihabanye cyane n’ukuri, kuko imirire ni ubuzima, kuko ishobora kubwangiza cyangwa se ikabubera urukingo rw’indwara nyinshi ndetse izindi ikazivura.

Muri iyi nkuru tugiye kureba akamaro k’uburo ku buzima bwa muntu.

Twibutse ko uburo bushobora kuribwa ari umutsima (ubugari), cyangwa bukanyobwa ari igikoma.

Dore akamaro uburo bufitiye umubiri w’umuntu:

Uburo bukingira uruhu kuko bukungahaye kuri Vitamine B3, nanone izwi nka PP, burinda umwingo kuko bufite iode, bwongera amaraso kuko bufite fer (ubutare) ndetse bukaba bwiza ku barwaye igituntu.

Uburo bufasha mu gukumira indwara zo mu ngingo, ndetse bukanafasha ubwonko gukora neza, bityo bukaba ari ingenzi ku bantu bakoresha ubwenge cyane.

Uburo kandi ni bwiza ku babyeyi batwite, bukanakumira indwara ya kanseri mu gihe iba ikizerera mu maraso. Uburo bufasha mu kugira ubuzima bwiza bw’amenyo, umusatsi, inzara z’amano n’iz’intoki.

Abantu bafite ikibazo cy’amara n’igifu bidakora neza, bagirwa inama yo gufata uburo, ndetse n’abashaka kugira ibiro biri ku rugero.

Ubushakashatsi bwakozwe kandi bwagaragaje ko uburo bufasha kugabanya igipimo cy’isukari mu maraso (insulin na glucose), bityo abantu barwaye diabete bakaba bagirwa inama yo kurya cyangwa kunywa uburo ndetse n’abarwaye igifu, kimwe n’abakunda kugira ikibazo cyo kugugara.

Ikindi uburo bufasha kurwanya kororoka kwa bacteries zo mu kanwa, bugatuma umuntu adashobora kugira impumuro mbi mu kanwa. Uburo kandi bufasha guhagarika impiswi no kuruka.

Ibi byose, uburo bubikesha kuba bukungahaye ku ntungamubiri n’imyunyungugu birimo Vitamine B1, B2, B3, Fosphore, umuringa (cuivre), Magnesium, Ubutare, Silise, Fluore, Manganèse, Zinc, isukari ndetse n’amavuta.

Uburo kandi butera imbaraga, bukanigiramo ibyubaka umubiri (proteins), glucide, fibres n’ibindi nka méthionine, leucine na isoleucine.

Amavuta y’inka

Hari abavuga ko batinya indwara zituruka ku mavuta zirimo umubyibuho ukabije, na wo ugira uruhare mu gutuma uwufite agira ibyago byinshi byo kurwara indwara z’umutima, diyabete, n’izindi.

Ariko umutu yakwibaza niba amavuta yose ari mabi ku buzima. Ubusanzwe amavuta amenyerewe gukoreshwa muri sosiyete nyarwanda ni akomoka ku bimera (nk’ubunyobwa, ibihwagari, amamesa, elayo, n’ibindi) hakaba n’amavuta y’inka ari nayo tugiye kuvugaho muri iyi nkuru.

Amavuta y’inka akungahaye kuri vitamine nyinshi umubiri ukenera

Iy’ingenzi ibonekamo ni vitamine A, izwiho kugira akamaro gatandukanye nko kuba ifasha mu mikurire myiza y’amagufwa n’amenyo, kugira uruhu rwiza no kururinda ubwadu butandukanye. Ikindi iyi vitamine A igira uruhare mu kurinda utunyangingo tw’umubiri (antioxidant), ndetse no kugira ubuzima bwiza bw’amaso, ikanatuma umubiri ukora imisemburo ukeneye ku gipimo cyiza.

Mu mavuta y’inka habonekamo izindi vitamine nka D, E na K.
Vitamine K iboneka mu mavuta y’inka ni izwi nka vitamine K2, iba mu vuta n’amata y’inka zagaburiwe ubwatsi gusa, ifasha umubiri kuyungurura Karisiyumu iwurimo.
Kuyibura mu mubiri bitera indwara zinyuranye nk’iz’umutima, kanseri, n’indwara yo kuribwa amagufa no kumungwa kwayo.

Amavuta y’inka ni isoko y’imyunyu-ngugu inyuranye

Imyunyungugu iboneka mu mavuta y’inka ni manganeze, korome (chrome), zenke (zinc), umuringa (fer), Iyodine na seleniumu ishinzwe kuvana imyanda ifatwa nk’uburozi mu mubiri.

Amavuta y’inka ni isoko y’ibinure byuzuye

Ibinure byuzuye (saturated fats) byamaze kuboneka ko bifasha mu kurwanya cholesterol mbi, kandi bigafasha umuntu guhaga vuba, bityo umubiri ugakoresha ibinure wifitemo, bikarwanya umubyibuho. Ikindi kandi bifasha umubiri kurwanya mikorobi ndetse bikanatuma igogora rikorwa neza.

Amavuta y’inka aringaniza ibinure bya omega-3 na omega-6

Habamo aside izwi nka arachidonic acid ikaba ifasha mu mikorere myiza y’ubwonko, kugira uruhu rwiza ndetse bikanafasha mu ikorwa ry’imisemburo irwanya kubyimbirwa.

Habonekamo kandi Glycosphingolipids. Ibi ni ibinure bizwiho kurinda igifu n’amara gufatwa na mikorobi zinyuranye.

Mu mavuta y’inka no mu rukoko rw’amata habonekamo intungamubiri yitwa Wulzen cyangwa anti-stiffness Factor irinda kubyimba no kuribwa mu ngingo, kimwe na rubagimpande, ikanatuma kalisiyumu ijya mu magufa aho kwigira mu ngingo kuko iyo ibayemo nyinshi bitera indwara y’imitsi.

Icyitonderwa:

Ibi byose umubiri ubasha kubyakira binyuze mu mafunguro yateguranywe n’amavuta y’inka, icyakora baranayisiga haba ku mubiri no mu musatsi.

Umwana utarageza imyaka 5 si byiza kuyamugaburira kuko umubiri we uba utaragira ingufu zo kuyatunganya ngo ukuremo ibikenewe gusa.

N’ubwo Amavuta y’inka akungahaye kuri izo ntungamubiri nyinshi zifitiye umubiri akamaro, cyane cyane Vitamin A, abahanga mu by’imirire batanga inama zo kutarya menshi, ahubwo akaribwa ku kigero kiringaniye.

Iyi nkuru tuyikesha: www.Passeportsante.net, www.umutihealth.com

Perezida wa Leta Zunze Ubumwe za Amerika, Joe Biden, ageza ijambo ku bitabiriye uruzinduko rwe muri Israel

Muri uru ruzinduko, Perezida wa Amerika wakiriwe na Minisitiri w’Intebe wa Israel Benyamin Netanyahu, yatangaje ko yazanywe no gushyigikira Israël.

Yagize ati: « Nifuje kugera aha uyu munsi, kubera impamvu yoroheje. Ni ukugira ngo abaturage ba Israel ndetse n’abatuye isi muri rusange bamenye uruhande duhagazemo. »

Mu izina ry’abaturage ba Amerika, Biden yihanganishije Benyamin Netanyahu n’abanyaisiraheri bose, ababwira ko batari bonyine, ahubwo ko Leta Zunze Ubumwe za Amerika ziri kumwe nabo.

Mu ijambo rye kandi, Biden yagarutse ubugira kabiri ku ndangagaciro ibihugu byombi bihuriyeho: Ubwisanzure, ubutabera n’amahoro.

Perezida Joe Biden yagiranye ibiganiro na Benyamin Netanyahu, Minisitiri w’Intebe wa Israel

Minisitiri w’Intebe wa Israel yashimangiye ko iyi ari intambara idasa n’izindi kuko Hamas ari umwanzi utameze nk’abandi, ndetse ko ishobora kuba ariyo yagize uruhare mu guhitana ubuzima bw’abaturage b’inzirakarengane.

Joe Biden nawe yongeyeho ko Israël igomba kwirwanaho ku bitero bya Hamas ndetse ko Leta Zunze Ubumwe za Amerika zizakomeza kubaha ubufasha bwo kwirwanaho.

Biden yagize ati: « Mbabajwe cyane n’ubwicanyi bwatewe n’ibisasu byarashwe ku bitaro bya Gaza... Nshingiye kubyo niboneye, bigaragara ko byakozwe na Hamas, ntabwo ari mwe. »

Ni umushinga watwaye akayabo ka Miliyari 50 z’Amafaranga y’u Rwanda, yakoreshejwe mu kongerera ubumenyi abarimu n’abanyenshuri mu masomo y’Icyongereza n’imibare.

Umunyamabanga wa Leta ushinzwe uburezi muri Minisiteri y’Uburezi (MINEDUC), Claudette Irere, yashimiye abafatanyabikorwa bagize uruhare mu guteza imbere ireme ry’uburezi.

Yasabye REB, NESA, abayobozi b’ibigo by’amashuri ndetse n’abarimu, gukomeza gushyigikira ibikorwa bya BLF yatangije, kuko byagaragaye ko imitsindire y’abanyenshuri muri ayo masomo yazamutse ku rugero rushimishije.

Yabibasabye mu muhango wo gusoza ku mugaragaro, ibikorwa MINEDUC yari ifatanyije na BLF, wabaye mu mpera z’icyumweru gishize.

Umunyamabanga wa Leta ushinzwe uburezi muri MINEDUC, Claudette Irere

Isuzuma ryakozwe na BLF ryagaragaje ko abanyeshuri biga mu mwaka wa mbere, kugera mu wa gatatu, batsinze isomo ry’Icyongereza ku kigero cya 54% ugereranyije na 19% bari bafite mu 2018.

Aha isuzuma rya BLF ryagaragaje ko abanyeshuri bo mu cyiciro cya mbere cy’amashuri abanza, batsinze neza isuzuma ryo gusoma no kwandika Icyongereza. Naho mu isomo ry’imibare icyo kigereranyo cyari kuri 39% kivuye kuri 16%.

BLF yahuguye abarimu barenga ibihumbi 30, abayobozi b’ibigo by’amashuri 3,300, abayobozi bashinzwe uburezi mu turere twose ndetse n’abayobozi ba za TTC zihugura abarimu.

BLF yatanze ibitabo by’abanyeshuri by’imibare n’Icyongereza mu mashuri yose uko ari 3,300 kuri buri munyenshuri. Hashyizweho amahuriro y’abakobwa, Girls clubs mu mashuri, yatumye abana b’abakobwa bigirira icyizere mu mitsindire yamasomo ya siyansi.

Dr Nelson Mbarushimana

Umuyobozi mukuru wa REB, Dr Nelson Mbarushimana, yashimye BLF uburyo yatanze abakozi batanu b’inararibonye bafashije mu kunoza imikorere y’ibigo bishamikiye kuri MINEDUC.

Muri ubwo bufasha harimo kuvugurura amabwiriza areba imyigirire y’abakobwa, Girls Education policy, amabwiriza arebana no guhugura abarimu ndetse n’arebana n’ubugenzuzi bwo mu mashuri ariyo Inspection Framework.

Umuyobozi wa BLF, Silas Bahigansenga, yashimiye Leta n’abafatanyabikorwa bafashije uyu mushinga, by’umwihariko abarimu n’abayobozi b’ibigo by’amashuri bakomeje gushyira mu bikorwa ubumenyi bahawe.

Yabasabye kuzafata neza ibikoresho bahawe, no guhanahana ubumenyi muri bagenzi babo bashya mu mwuga.

Umushinga BLF usoje mu gihe Leta y’u Bwongereza itangaje ko izatanga akayabo ka Miliyoni 60 z’Amapound (hafi Miliyari 90Frw) umwaka utaha, azakoreshwa mu bikorwa byo guteza imbere uburezi bw’umwana w’umukobwa mu Rwanda.

Ibimenyetso by’ingenzi by’igogora ritagenze neza:

Kumva uremerewe mu nda, gutumba (ballonnement), rimwe na rimwe kumva ububabare budakabije, kugira ikirungurira n’ibindi.

Dore zimwe mu nama zagufasha gukemura ikibazo cy’igogora:

Kurya indyo yuzuye:

Kurya indyo yuzuye ni ryo bwiriza rya mbere rirebana no kugira urwungano ngogozi rukora neza, umuntu afata intungamubiri zose umubiri ukeneye, hirindwa kurya amafunguro akungahaye ku binure bibi birushya igogora.

Guhekenya witonze no kunoza neza ibyo urya mbere yo kumira

Guhekenya ni cyo cyiciro cya mbere kibanziriza igogora, mbere y’uko bigera ku zindi ngingo zibishwe.

Mu gihe igifu cyakiriye ibiryo bitanoze mu guhekenya, gikoresha imbaraga nyinshi ndetse bikanagisaba gukora acide nyinshi, bishobora no kugitera kumva cyokerwa. Ni byiza rero kwita ku cyiciro cyo guhekenya bigakorwa neza.

3. Gukoresha ibirungo bifasha igogora

Urusenda ruri mu bimwe mu birungo bifasha igogora, ariko ku batarukunda cyangwa ku batemerewe kururya kubera impamvu z’ubuzima, bashobora gukoresha puwavuro (poivre) ndetse na tangawizi (gingembre) bifasha cyane mu mikorere myiza y’amara.

4. Kurya ibikungahaye kuri za fibure (fibres)

Ibi bigira umumaro cyane mu gutuma igogogra rigenda neza cyane. Fibure ziboneka mu mineke no mu mbuto muri rusange, mu mboga, mu binyampeke byuzuye (bitatunganyirijwe mu nganda).

5. Kumenya amafunguro agutera kugugara ukayareka

Bitewe n’uko imibiri y’abantu itandukanye, hari abantu bagira ikibazo cy’igogora bitewe n’uko bagira ubwivumbure (allergie) bw’umubiri ku bintu runaka.

Urugero, hari abagira ubwivumbure ku mata bitewe n’isukari ibamo yitwa lactose, hakaba n’ababugira kuri gluten iboneka mu binyampeke. Bityo rero iyo wamaze kubigerageza kenshi bikakugwa nabi, ni byiza kubihagarika.

NB: Izi ni zimwe mu ngero, ariko si zo gusa, urutonde rwaba rurerure, kuko hari n’abo usanga bavuga ko batarya inyama kubera ko zibatera gutumba (kugugara), soya, n’ibindi.

6. Kunywa bihagije

Igogora rikorwa kandi hifashishije ibinyobwa. Uretse amazi, hari n’ibindi binyobwa bifasha igogora birimo umutobe w’imbuto, amasupu, ndetse n’ibyayi bitandukanye (tisanes) ukuyemo icyayi cy’umukara n’ikawa kuko byo hari abo bishobora gutera uburyaryate mu gifu.

7. Kugenda n’amaguru

Gukora urugendo rugufi n’amaguru mu gihe cy’iminota byibuze 15 bifasha igogora kugenda neza.

8. Kurya utuje (mu mutuzo)

Kurira ahantu hari urusaku, mu kavuyo, cyangwa se wumva ubangamiwe hari ubwo bituma ubwonko budatanga amakuru y’uko wahaze, bityo ukaba warya ukarenza urugero, bigatuma igogora ritinda bikakuviramo kugugara.

Ibi turabikesha urubuga rwa Internet www.passeportsante.net

Ni umushinga ugiye kwita ku burezi bw’umwana w’umukobwa

Ni inama yateguwe n’umushinga Building Learning Foundations, uterwa inkunga na Leta y’u Bwongereza.

Iyi nama yitabiriwe na Minisitiri Ushinzwe Iterambere mu Bwongereza n’Umugabane wa Afurika, Andrew Mitchell, ari kumwe Umunyamabanga wa Leta muri MINEDUC ushinzwe uburezi, Claudette Irere.

Abitabiriye iyi nama barebeye hamwe uko ibikorwa byo kwita ku burezi bw’umwana w’umukobwa wataye ishuri byashyigikirwa, muri uwo mushinga batangije ku mugaragaro, ndetse n’uburyo abafatanyabikorwa bahuza imbaraga mu guhangana n’ibibazo byugarije umwana w’umukobwa bimuza kwiga neza.

Zimwe mu ngorane zigaragazwa n’abana b’abakobwa, harimo gutwara inda imburagihe, ubumenyi buke ku buzima bw’imyororokere, guharirwa imirimo yo mu rugo ntibafatanye na basaza babo, kubura ibikoresho by’isuku mu gihe bari mu mihango bigatuma basiba ishuri, ndetse no kugira ababyeyi badashyigikira abana babo.

Abana bahawe umwanya wo gutanga ibitekerezo

Umushinga BLF washyizeho amatsinda yiswe Girls Clubs, ahurizwamo abakobwa bafite ibibazo byihariye nk’ubumuga, abasiba kenshi, abava mu miryango ikenye cyane, ihoramo amakimbirane n’abatsindwa mu ishuri.

Abakobwa nibo biganza muri ayo matsinda kuko ari 80% abahungu bakaba 20% bafite ibibazo byihariye. Ni amatsinda abera ku mashuri kandi ayoborwa n’abarimu babihuguriwe. Baterana rimwe mu cyumweru bagahabwa imfashanyigisho ibafasha imikoro ikorerwa mu rugo hamwe n’ababyeyi.

Igenzurwa ryakozwe na BLF rigaragaza ko abakobwa biga mu mwaka wa mbre kugera mu wa 3, bari ku kigero cy’imitsindire kijyanye n’imyaka bigamo, biyongereyeho 34% mu gihe cy’imyaka 5 mu isomo ry’Icyongereza. Abakobwa bigira mu mashuri yo mu Ntara y’Amajyaruguru, nibo baza ku isonga mu mitsindire y’Icyongereza.

Naho mu isomo ry’imibare, biyongereye ku kigero cya 24% mu gihe urugero rw’imitsindire mu mibare rwiganje mu Mujyi wa Kigali.

Muri rusange iri genzura ryakozwe ryerekanye ko abakobwa n’abahungu bari ku kigero kimwe cy’imitsindire mu gihugu hose.

Muri iyi nama hatumiwemo abanyeshuri bibumbiye muri ayo matsinda, bavuga ko batojwe kwitinyuka, gukunda amasomo ya siyansi, kuvuga mu ruhame ndetse n’ubuzima bw’imyororokere.

Umuyobozi wa BLF, Silas Bahigansenga, avuga ko uyu mushinga umaze imyaka 5 ukorera mu Rwanda, ufasha abarimu n’abanyeshuri mu mashuri abanza kunoza imyigire n’imyigishirize y’ururimi rw’Icyongereza n’imibare, avuga ko hashyizwe n’imbaraga mu gufasha abana b’abakobwa bafite ibibazo byihariye mu miryango bituma batiga neza.

Igenzura ryakozwe na BLF rigaragaza ko abakobwa bibumbiye muri aya mastinda bari ku kigero cya 92%, bifitiye icyizere cyo kuziga bagasoza amasomo yabo muri za kaminuza, mu gihe abagera kuri 94% bazi ko abakobwa bafite ubushobozi bungana bwo kwiga amasomo y’imibare na siyansi kimwe na basaza babo.

Ba Minisitiri Andrew Mitchell na Claudette Irere bari kumwe n’abana

Andrew Mitchell yavuze ko Leta y’u Bwongereza yatanze Miliyari 90Frw, zizakoreshwa mu mushinga wiswe GIRL- Girls in Rwanda Learn, mu bikorwa biteza imbere imyigire n’imyigishirize y’umwana w’umukobwa.

Minisitiri Irere yashimye Leta y’u Bwongereza idahwema gutera ingabo mu bitugu u Rwanda mu burezi.

Yagize ati “Uyu mushinga mushya wiswe GIRL, ni twebwe uzagirira akamaro nubwo washyizweho umukono na UNICEF. Dushimiye BLF yakoranyije iyi nama nyunguranabitekerezo, kugira ngo twige uburyo twakemura ibibazo byugurije umwana w’umukobwa mu myigire ye”.

Umushinga wiswe GIRL, uzaza usimbura uwa BLF uzasoza imirimo yawo mu mashuri mu kwezi gutaha.

Minisitiri Andrew Mitchell ageza ijambao ku bitabiriye icyo gikorwa

Karakye Charles, Umunyamabanga uhoraho muri MINEDUC

Bahigansenga Silas, umuyobozi wa BLF

Ubu ni bumwe mu buryo bushobora kugufasha kugumana uruhu rwawe rworoshye kandi rutoshye.

1. Karaba mu maso inshuro ebyiri ku munsi

Gukaraba mu maso inshuro ebyiri ku munsi mu gihe ubyutse no mugihe ugiye kuryama ni bimwe mu bintu bishobora gufasha uruhu rwawe kumera neza bikaba akarusho wifashishije amazi y’akazuyazi kandi wabanje gukaraba neza intoki.

2. Irinde gukaraba amazi ashyushye

Impamvu ni uko ashobora kwangiza uruhu rwawe rugatakaza amavuta y’umwimerere rukumagara.

3. Irinde kwisiga amavuta uruhu rwamaze kumagara

Ni byiza kwisiga ukimara gukaraba mu maso kandi ukirinda guhora ku mavuta amwe bitewe nuko uko ibihe bisimburana ari nako amavuta uruhu rukenera aba atandukanye (Urugero: mu gihe cy’itumba uruhu rukenera amavuta atandukanye n’ayo mu gihe cy’izuba).

4. Irinde kwisiga ibirungo by’ubwiza mu maso buri gihe wikurikiranya

Ibi bituma uruhu rwawe ruruhuka no mugihe wabyisize ntukibagirwe gukaraba mu maso mu gihe ugiye kuryama.
Ikindi ukwiye kwitondera ni ubwoko bwabyo. Usabswa gushishoza mbere yo kubigura kuko hari ibiba byifitemo ibinyabutabire byangiza uruhu (nka Paraben n’ibindi).

5. Nywa amazi ibirahure 6 kugeza ku 8 byibura ku munsi

Uretse kuba amazi ari ingenzi mu buzima busanzwe agira n’uruhare rukomeye mu gufasha umuntu kugira uruhu rworoshye kandi rufite itoto.

6. Kwita ku gufata amafunguro agizwe n’imboga n’imbuto

Uretse kuba imbuto n’imboga ari byiza ku buzima bwa muntu, ni n’ingenzi mu gutuma ugira uruhu rutoshye.

Alicia Herbert OBE aganira n’abana

BLF ni umushinga uterwa inkunga na Leta y’u Bwongereza (UKAid), hagamijwe kuzamura ireme ry’uburezi mu mashuri abanza kuva mu mwaka wa mbere kugera mu wa gatanu, by’umwihariko mu isomo ry’Icyongereza n’iry’imibare.

Uwo mushinga ufasha kandi mu kongerera abarimu n’abayobozi b’ibigo ubumenyi, no kububakira ubushobozi binyuze mu mahugurwa, ndetse no gutoza abana b’abakobwa kwigirira icyizere no kwirinda ihohoterwa rishingiye ku gitsina binyuze mu matsinda y’abakobwa.

Alicia Herbert OBE, uyoboye itsinda ry’Abagore baturutse mu Bwongereza bitabiriye inama yaberaga mu Rwanda ya Women Deliver 2023, ku wa 18 Nyakanga 2023, yahuye n’itsinda ry’abana biga mu bigo bibiri by’amashuri, aribyo EPAK (Ecole Primaire d’application Kimihurura) na GS Mburabutoro bagirana ibiganiro.

Ibi ni bimwe mu bigo by’amashuri 40 bihabwa ubufasha na BLF mu kongerera ubushobozi amatsinda y’abakobwa (Girl’s Clubs), nk’imwe muri gahunda zayo, akorera mu turere 10 tw’u Rwanda.

Herbert OBE yagize ati “Kuva aho mviriye inaha mu mwaka wa 2018, hari impinduka igaragara rwose, kandi birashimishije cyane kubona intambwe abana bamaze gutera mu kuganira mu rurimi rw’Icyongereza”.

Yongeyeho ko igihugu cy’Abaturanyi cya Tanzania, aho batangije umushinga nk’uyu, gikwiye kwigira ku Rwanda, uburyo cyabasha kuva mu gukoresha ururimi rw’Igiswahili, kigana mu gukoresha Icyongereza.

Herbert kandi avuga ko yagize amahirwe yo kuganira n’aba bana bibumbiye mu matsinda y’abakobwa, ndetse aba n’umuhamya kuko yiboneye ubwe n’amaso, uburyo abana b’abakobwa b’u Rwanda bigishijwe kwirinda ihohotera rishingiye ku gitsina, n’uburyo batojwe kwigirira icyizere binyuze mu masomo bahabwa arebana nabyo.

Umuyobozi Mukuru ushinzwe Politiki y’Uburezi n’Isesengura muri Minisiteri y’Uburezi, Rose Baguma, wari kumwe n’iri tsinda ry’abayobozi basuye aba banyeshuri ba EPAK na GS Mburabuturo, avuga ko u Rwanda rufite politiki nziza irebana n’uburinganire bw’ibitsina byombi, ariko ko uruhare rw’abafatanyabikorwa ari ngombwa cyane mu ishyirwa mu bikorwa ryayo.

Yagize ati “Iyo udafite abafatanyabikorwa, twebwe nka Minisiteri hari aho tutabasha kugera. Ariko iyo dufite abafanyabikorwa, bakagera kuri abo banyeshuri biradufasha cyane. Ikindi twabasabye ko umushinga utagomba kurangira gutyo, ko bakomeza gufasha abana muri izo gahunda”.

Herbert yavuze ko aya matsinda y’abakobwa yafashijwe na Ambasade y’u Bwongereza mu Rwanda ku bufatanye na Education Development Trust (EDT), bazakomeza kubafasha no mu myaka iri imbere.

Ahamya ko umushinga BLF, watangiye muri 2017 ugomba gusoza imirimo yawo muri Nzeri 2023, wagize impinduka zigaragara mu burezi by’umwihariko mu isomo ry’imibare n’Icyongereza.

Minisitiri w’Ubuzima, Dr Sabin Nsanzimana

Ibi ni ibyagarutsweho na Minisitiri w’Ubuzima, Dr Sabin Nsanzimana, ku wa 13 Nyakanga 2023, ubwo hasozwaga ku mugaragaro umushinga wa Ingobyi Activity, umaze imyaka itanu mu bikorwa byo kurwanya umubare w’abagore bapfa babyara n’abana bapfa bavuka, ndetse no kurwanya malariya.

Dr Nsanzimana yavuze ko nta mubyeyi n’umwe ukwiye gupfa abyara cyangwa se ngo hagire umwana n’umwe upfa avuka.

Yagize ati “Ntabwo dukwiye kwemera ko habaho Impfu z’ababyeyi bapfa babyara n’abana bapfa bavuka, mu gihe dushobora kubikumira kabone n’ubwo yaba ari umwana umwe cyangwa umubyeyi umwe, kandi dufite ibikoresho ndetse n’uburyo bwo kubikora burahari, mureke tubishyire mu bikorwa”.

Yakomeje ati “Ikindi kintu nshaka gushimangira, birashoboka ko twagabanya izi mpfu, kuko iyo ushaka gukumira ikintu, usuzuma imiterere y’ikibazo kare bikajyana no kugishakira ibisubizo kare”.

Yunzemo ati “Abantu bashobora kwibwira ko bafite igihe gihagije bazabikoreramo mu myaka iri imbere, ariko nituramuka twihaye intego mu buryo buhamye bizadusunikira kumva ko icyo gihe ntacyo dufite. Niyo mpamvu turimo gukora amavugurura mu rwego rw’ubuzima duhereye ku bajyanama b’ubuzima, ndetse no kongera kwita ku mikorere y’amavuriro y’ibanze (Poste de Sante), kuko ahenshi aba asa n’adakora neza, ndetse amwe ntakinakora”.

Minisitiri Nsanzimana avuga ko ibi nibiramuka bishyizwe mu bikorwa, abajyanama b’ubuzima bakongererwa ubumenyi, amavuriro y’ibanze akitabwaho ndetse akongererwa n’ubushobozi, impfu zihitana ababyeyi babyara n’abana bapfa bavuka zizagabanuka. Ikindi kandi n’imibare iri hejuru y’abakirwa n’ibitaro byo ku rwego rwisumbuye izagabanuka.

Impfu z’abana bapfa bavuka n’abagore bapfa babyara kandi zitizwa umurindi n’abaganga bake u Rwanda rufite, aho umuganga umwe yita ku barwayi benshi bityo n’umubare w’abahitanwa no kutabonera ubufasha ku gihe ukiyongera.

Ubusanzwe OMS igaragaza ko abaganga bane ari bo bagakwiriye kwita byibuze ku barwayi 1000, ikagaragaza ko ibihugu bya Afurika bifite iyo mibare bitarenze bitatu, mu gihe ibindi ari umwe ku barwayi igihumbi.

Kugeza ubu harebwe ibikenewe byihutirwa, mu nzego zimwe na zimwe urasanga nibura hakenewe ababyaza 1000 kugira ngo babashe gukemura ikibazo gihangayikishije urwego rw’ububyaza, nk’uko Minisitiri Nzanzimana abivuga.

Imibare ya Minisiteri y’ubuzima, igaragaza ko mu myaka itanu ishize, Umushinga Ingobyi Activity wahuguye abaganga, abaforomo n’ababyaza 11,575 hamwe n’abajyanama b’ubuzima 20,074.

Bongerewe ubumenyi n’ubushobozi bubafasha kwita ku babyeyi n’abana, ndetse no kurwanya malariya.

Hari ubwoko bune bw’imyitozo bugomba kwitabwaho burimo imyitozo ifasha umutima n’imyanya y’ubuhumekero gukora neza, ikomeza imikaya, ituma umuntu yoroha (kumva atiremereye) ndetse n’ituma aguma ku biro bijyanye n’uburebure bwe.

Ishami ry’umuryango w’abibumbye ryita ku buzima (OMS) rigira inama abantu bafite hejuru y’imyaka 65 kuzamura, ko bakwiye gukora byibuze urugendo rw’iminota 150 buri cyumweru. Bigakorwa mu buryo buhoraho kandi budahinduka.

Usibye urwo rugendo rw’amaguru, hari n’imikino itandukanye abakuze bari mu kigero cy’imyaka 65 kuzamura bashobora gukora bikabafasha kwita ku buzima bwabo.

Iyo mikino irimo: Guterera imisozi, kwiruka, tenisi, ski, ping pong, badminton, koga (natation) n’iyindi.

Ariko nanone ku bantu badakunda imikino n’imyitozo ngororangingo, bagirwa inama yo gukora mu busitani (jardinage), imirimo isanzwe yo mu rugo cyangwa se gutemberana n’itungo ryo mu rugo akunda (nk’imbwa cyangwa injangwe/ipusi).
Iyi myitozo yose ifasha abakuze kutaguma hamwe ndetse no gufasha ibihaha n’umutima gukora neza.

Gutwara igare nabyo ni ingenzi ku babishoboye. Abahanga mu by’ubuzima, bavuga ko umuntu unyonga igare atwika ibinure biri hagati ya kalori 300 na 500 ku isaha.
Ikindi ni ukwirengagiza gukoresha ibyuma bizamura abantu mu nyubako ndende (ascenceur), umuntu akibanda ku gukoresha uburyo bw’amaguru azamuka anamanuka amadarajya (escaliers).

Abantu bakuze kandi bagirwa inama yo kubyina kuko nabyo biri mu myitozo ngororangingo inafasha mu kuzamura umusemburo w’ibyishimo. Ushobora kubyina injyana zitandukanye zaba iza gakondo cyangwa iz’amahanga biterwa n’izo ukunda, nka zumba, salsa, rock, tango, country, n’izindi.

Imyitozo ngororangingo yose twabonye ifasha mu kugabanya imisemburo itera stress nka adrénaline, noradrénaline na cortisol, bityo bikagabanya ibyago byo kurwara indwara yo kwigunga n’agahinda (depression) ikunze kwibasira abageze mu zabukuru.

Icyitonderwa: Siporo ni ingenzi cyane kandi ni ngombwa mu byiciro byose by’abantu, icyakora hari ubwo biba ngombwa ko umuntu agendera ku nama za muganga.

Urugero nk’umuntu ufite uburwayi bumubuza gukora imyitozo ngororangingo runaka, asabwa gusuzumwa na muganga akaba ariwe umuyobora siporo imubereye.

Ibi usanga bituruka ahanini kucyo twakwita urwitwazo, hakaba ababyitirira uburyo cyangwa se amikoro. Hari n’abafite ubwo bushobozi ariko bakabyica kubera kutamenya (ubumenyi buke) cyangwa imyumvire.

Si byiza kurya gusa kugira ngo umuntu ahage, yuzuze igifu, ahubwo ni ingenzi guhuza imirire no kugubwa neza, kugira ubuzima bwiza (kwirinda indwara, kugira imbaraga, kubaka umubiri n’ibindi).

Tugiye kwibanda ku mafunguro afasha umuntu kumva aguwe neza.

1. Utubuto twa sésame (sezame)

Sezame zikungahe kuri vitamine B6 ifasha mu kugira akanyamuneza kubera ko ifasha mu ikorwa ry’umusemburo w’ibyishimo uzwi nka sérotonine (hormone du plaisir) cyangwa umusemburo w’umunezero uzwi nka dopamine (hormone du bonheur).

2. Amafi yo mu bwoko bwa saumon

Aya mafi akungahaye kuri oméga-3, ifasha mu kurwanya ibinure bibi (cholesterol). Ikindi ubushakashatsi bwagaragaje ko abantu bakunze kurya aya mafi badakunze kwibasirwa n’indwara y’agahinda gasaze (depression).

3. Ibinyamisogwe

Ibinyamisogwe bikungahaye kuri glucide bifasha umubiri w’umuntu kuzamura akanyamuneza.

4. Ubunyobwa n’ibindi biri mubwoko bumwe

Ubunyobwa n’ibindi biri mu bwoko bumwe nabwo, bizwiho kuba bikungahaye ku munyu ngugu wa magnesium ufasha kumva umuntu aruhutse mu mubiri.

5. Chocolat

Intungamubiri ziri muri chocolats (shokola), zituma ikinyabutabire kizwi nka tryptophane gihindurwamo umusemburo w’ibyishimo (sérotonine) iyo kigeze mu bwonko.

6. Soya

Soya yifitemo ikizwi nka tyrosine, igira umumaro ukomeye ku buzima bwa muntu, nayo ihindurwamo umusemburo w’umunezero dopamine (hormone du plaisir), ufasha kurwana umuhangayiko.

Hari n’ibindi birimo imboga za Epinari ndetse n’utubuto twa chia.

Minisitiri Gaspard Twagirayezu aganiriza abitabiriye iyo nama

Umunyamabanga wa Leta muri Ministeri y’Uburezi (MINEDUC) ushinzwe amashuri abanza n’ayismbuye, Gaspard Twagirayezu, avuga ko hari imbaraga nyinshi u Rwanda rwashyize mu burezi bw’ibanze, zatumye rubasha kuba ruhagaze aho ruri muri uru rwego.

Agira ati “Ntabwo navuga ko u Rwanda ruhagaze neza cyane, ariko hari imbaraga nyinshi zakoreshejwe mu ngamba zirimo kongera ibyumba by’amashuri, kunyuza amasomo kuri za radiyo na Televiziyo, kongera umubare w’abarimu, gusa haracyari byinshi byo gukora ndetse n’amafaranga arahari yo gukora ibikenewe”.

Yongeraho ko iyo urebye, usanga mu bihugu byahuriye muri iyi nama, ibibazo byugarije imyigire y’abana biga mu myaka 3 ya mbere n’ibisubizo byabyo bisa.

Ati “Mu bibazo dufite, harimo kuba bikitugoye gufasha abarimu bacu kumenya kwigisha neza, dufite abarimu bashyashya barenga ibihumbi 30 bagiye mu burezi mu myaka ibiri ishize. Turafite umukora wo kubafasha kugira ngo bigishe neza”.

Ati “Hari ugushyira imbaraga mu kubona ibikoresho byifashishwa mu kubara no kwandika muri iyi myaka itatu ya mbere, ikindi ni uguteza imbere ikoranabuhanga mu burezi, dufite aho tugeze nk’uRwanda haba mu bikoresho no kongera Internet”.

Minisitiri Twagirayezu kandi avuga ko hari n’izindi nzitizi mu bumenyi bw’ibanze, zirimo umubare w’abanyeshuri ukiri munini mu ishuri, aho kuri ubu impuzandengo ku rwego rw’Igihugu ari abana 59, ndetse ngo hakaba n’aho ushobora kurenga. Ariko ngo hari aho u Rwanda rwavuye, kuko uwo mubare wavuye kuri 73.

Ikindi kibazo ni icy’abana biga ingunga ebyiri ku munsi (double shift), aho bamwe biga mbere abandi nyuma ya saa sita, bituma badashobora kurangiza porogaramu Igihugu kiba cyarateguye. Ikindi ni umubare muto w’abana bajya mu mashuri y’incuke, bigatuma hari abajya mu mwaka wa mbere w’amashuri abanza batiteguye.

Mu gukemura iki kibazo yagize ati “Twongereye umubare w’abarimu n’umubare w’ibyumba by’amashuri, ndetse no guhindura porogaramu igenderwaho mu myaka itatu ya mbere, kugira ngo duteze imbere ubwo bumenyi bw’ibanze”.

Silas Bahigansega, Umuyobozi w’umuryango Education Development Trust mu Rwanda, avuga ko habayeho gutakaza mu myigire kubera igihe abana bamaze batiga mu gihe cya COVID-19, ndetse ingaruka zabyo zikaba ari rusange mu bihugu byo mu Karere.

Ku birebana n’umubare w’abana b’incuke bitabira kujya mu ishuri ukiri hasi, n’ubwo Leta hari ingamba yashyizeho, Bahigansenga avuga ko n’ababyeyi bakwiye guhindura imyumvire.

Umuyobozi wa EDT Silas Bahigansenga

Bahigansenga avuga ko mu byo bigiye kuri bagenzi babo bitabiriye iyi nama, harimo kureba uburyo umubare w’abarimu uhuzwa n’umubare w’abanyeshuri, cyane ko umubare w’abanyeshuri ugenda uzamuka uko imyaka itaha.

Yatanze urugero kuri Ethiopia ifite abarimu ibihumbi 700 ku banyeshuri miliyoni 26, bityo ko habaho kubigiraho uburyo babigenza kugira ngo babashe gukurikirana no kugenzura imikorere y’abarimu bangana batyo.

Iyi nama yahuje u Rwanda rwayakiriye, Ethiopia, Kenya na Uganda, yabaye ku wa 22-23 Kamena 2023. (East Africa Learning Forum), yateguwe na MINEDUC ku bufatanye na Education Development Trust.

Ikibabaje n’uko hari ighe umwana abikorerwa ku ishuri, yagera mu muryango (mu rugo), akagaragaza impinduka zidasanzwe mu myitwarire ye, aho kumufasha nabo bakamusonga.

Catherine Verdier, Umuhanga mu mitekerereze ya muntu, akaba n’umuganga w’indwara zo mu mutwe avuga ko ubundi buri mpinduka yose ihutiyeho mu myitwarire y’umwana ikwiye kwibazwaho.

Bimwe mu bikorwa byo guhozwa ku nkeke ku ishuri harimo, gutukwa na bagenzi be, kumumwaza (kumushwaza), kumukoza isoni mu bandi, kumukubita, kumuha akato, n’ibindi.

Ese ni ibihe bimenyetso umwana uhohoterwa ku ishuri agaragaza?

1. Kwigunga no kuba wenyine:

Ikimenyetso cya mbere kigaragaza ko umwana ahohoterwa ku ishuri cyangwa se ahozwa ku nkeke, ni uguceceka cyane, kwigunga ndetse no kumva yaba wenyine

2. Kwanga kwandika ibyo bize (notes):

Umwana uhohoterwa na bagenzi be atangira kumva ntacyo yakora na kimwe harimo kutita ku bikoresho bye by’ishuri ndetse no kumva adashaka kwandika notes.

3. Kumva aguwe nabi:

Uyu mwana kandi akunze kurangw no kumva mu mubiri we hari ibtagenda neza biturutse kuri wa muhangayiko aterwa no guhozwa ku nkeke na bagenzi be cyangwa abarezi ku ishuri. Agaragaza ibimenyetso birimo nko kuribwa mu nda, kubabara umutwe, kugira isesemi n’ibindi, bityo agahitamo kumva atajya ku ishuri.

4. Kubura ibitotsi

Umwana uhozwa ku nkeke ku ishuri, agaragaza ikindi kimenyetso gikomeye cyo kubura ibitotsi no kugabanuka k’ubushake bwo kurya, ndetse akagaragara nk’udakifite amarangamutima.

5. Kugabanuka kw’amanota:

Ibi byose birangira bimugizeho ingaruka zo kugabanuka kw’amanota kuko aba atacyiga neza nk’ibisanzwe.

Ese umwana uhohoterwa ku ishuri yafashwa ate gusohoka muri iki kibazo?

Kugira ngo umwana afashwe gusohoka muri iki kibazo ababyeyi basabwa kumuganiriza byimbitse, batamushyiraho iterabwoba, ku bufatanye n’abarezi bo ku ishuri.

Ikindi ni ukumwereka ko wowe mubyeyi uhari ku bwe kandi ko umwumva ndetse witeguye kumuba hafi muri byose.

Ikindi kandi ni byiza ko umubyeyi ufite umwana wahuye n’iki kibazo asaba kugirana ibiganiro hamwe n’abandi babyeyi bagenzi be barera hamwe, ndetse n’ubuyobozi bw’ishuri.

Abayobozi batandukanye bari bitabiriye uyu muhango

Ibi ni ibyagarutsweho ubwo hatangizwaga icyumweru cyahariwe ubuzima bw’umubyeyi n’Umwana, kuwa mbere tariki 12 Kamena 2023. Ni icyumweru gifite insanganyamatsiko igira iti: “Hehe n’igwingira”.

Ni igikorwa cyabereye mu Karere ka Musanze ku rwego rw’igihugu, kikaba cyaranahuriranye no gutangiza ku mugaragaro ishyirwa mu bikorwa rya gahunda ikomatanyije y’imyaka ibiri yo kwihutisha igabanyuka ry’igwingira mu Rwanda.

Muri aka Karere ka Musanze, katangirijwemo icyi cyumweru cyahariwe kwita ku buzima bw’umwana n’umubyeyi, bigaragara ko igwingira ry’abana bato rikiri hejuru kuko rigeze kuri 32.6% nk’uko Meya w’aka karere Ramurli Janvier abivuga.

Aragira ati “Imibare yakusanyijwe yagaragaje ko tugeze kuri 32.6, biracyari hejuru ugereranyije n’icyerekezo Leta yihaye muri gahunda y’imyaka 7 cy’uko muri 2024 twagombye kuba tugeze byibuza kuri 19% tugabanya igwingira n’imirire mibi.”

Umuyobozi w’akarere ka Musanze, Bwana Ramuli Janvier

Ramuli Janvier akomeza agaragaza impamvu ziza ku isonga mu gutera ikibazo cy’igwingira mu bana n’imirire mibi, harimo ubumenyi buke ku bijyanye n’imirire, ndetse n’ingamba zihari zizatuma intego za Leta y’uRwanda yihaye zigerwaho.

Ati: “Ubumenyi ku bigendanye n’imirire turacyabubonamo icyuho, ari naho turimo gushyira imbaraga. Hari n’ikindi twabonye, muri iyo mirire, kubona poroteyine zikomoka ku matungo biragoye mu miryango imwe n’imwe, kuko ni bike cyane mu Karere ka Musanze”.

Niyo mpamvu mu ngamba twafashe nyuma ya gahunda y’Igi rimwe ku mwana, ubu twatangije gahunda twise inkoko ebyiri ku muryango, igwingira hasi.”

Akomeza ko bazakomeza no gufatanya n’abandi bafatanyabikorwa kugira ngo imiryango ibashe Korora amatungo magufi bityo babone za poroteyine ziyakomokaho.

Umuyobozi w’akarere ka Musanze kandi yagarutse ku bijyanye n’isuku nke iboneka mu Karere ka Musanze, nayo igira uruhare rukomeye mu igwingira, avuga ko indwara zituruka ku mwanda zirimo nk’inzokan’izindi. Ati: “inzoka zonka umwana na twatundi tutarimo intungamubiri yari yafashe zikatunyunyuza. Ababyeyi bakwiye kugirira abana isuku yaba ku mibiri, aho batuye no ku byo babagaburira. Ibyo byose bikubiye mu bukangurambaga bukomatanyije buzaza ari igisubizo ku kibazo cy’igwingira”.

Umuyobozi Mukuru w’Ikigo cy’Igihugu cyita ku buzima RBC, Prof. Mambo Muvunyi, avuga ko kwesa uyu muhigo igihugu cyihaye bizagerwaho ku bufatanye bw’inzego zitandukanye uhereye ku muturage.

Yagize ati: “Nkuko byateganyijwe muri gahunda y’imyaka 7 iyobowe na Nyakubahwa Prezida wa Repubulika y’uRwanda Paul Kagame, ni byiza ko twese dufatanya mu kurwanya igwingira”.

Umuyobozi Mukuru w’Ikigo cy’Igihugu cyita ku buzima RBC, Prof. Mambo Muvunyi

Arongera ati “Tuzabifatanyamo namwe bagenerwabikorwa, abafatanyabikorwa ndetse n’izindi nzego zose zaba iza Leta n’iz’abikorera ndetse n’abandi bose bafite aho bahuriye n’imikurire y’umwana, duharanira ko nta mwana ugomba kugwingira mu muryango”.

Ababyeyi bitabiriye itangizwa ry’icyumweru cyahariwe ubuzima bw’umwana n’umubyeyi nabo bemeza ko impanuro bahawe bagiye kuzishyira mu bikorwa mu rwego rwo gufatanya na Leta kugera ku ntego yo kurandura igwingira mu bana.

Umuyobozi Mukuru w’Ikigo cy’Igihugu gishinzwe kwita ku mikurire y’abana bato mu Rwanda (NCDA), Umutoni Gatsinzi Nadine, avuga ko n’ubwo hari uturere twagabanyije igwingira ry’abana bato ku buryo bugaragara, urugendo rukiri rurerure kugira ngo intego igihugu cyihaye igerweho.

Umuyobozi mukuru wa NCDA , Umutoni Gatsinzi Nadine

Avuga ko hari uturere igwingira ryiyongera aho kugira ngo rigabanuke harimo n’Akarere ka Musanze katangirijwemo Icyumweru cyahariwe ubuzima bw’Umwana n’Umubyeyi ndetse na gahunda ikomatanyije y’imyaka 2 yo kwihutisha ibikorwa bigamije kurwanya igwingira mu Rwanda.

Umuyobozi w’Intara y’Amajyarurugu Dancille Nyirarugero, nawe yemera ko Intara ayoboye ititwaye neza mu kurwanya igwingira ry’abana, ariko akizeza ko bagiye kubigira ibyabo bikazagaragazwa n’umusaruro uzaboneka, haba ku rwego rw’Intara ndetse no mu Karere ka Musanze by’umwihariko.

Guverineri w’intara y’amajyaruguru, Dancille Nyirarugero

Imibare ya 2015 igaragaza ko 38% by’abana bari munsi y’imyaka itanu mu Rwanda bagwingiye, abana 9% batari bafite ibiro bijyanye n’imyaka yabo, 3% bafite ikibazo cy’inzara mu gihe 78% by’abagore bonsaga abana bari hagati y’amezi 12 na 23 batafataga indyo yuzuye.

Imibare iheruka gushyirwa ahagaragara yerekana ko ku rwego rw’igihugu, abana 33% bafite ikibazo cy’igwingira mu gihe intego Leta y’uRwanda yihaye ari uko umwaka wa 2024 uzarangira bageze byibura kuri 19%.

Umutobe wa beterave

Abashakashatsi bo muri Kaminuza ya St Bartholomew’s Hospital na Kaminuza ya Queen Mary y’i Londres, bagaragaje ko 16% by’abarwayi ba angine bita (angine de poitrine), bakunze gufatwa n’indwara z’umutima, mu myaka ibiri nyuma yo kuvurwa hakoreshejwe insimburangingo yitwa Stent.

Bakomeza bagaragaza ko ku barwayi bafashe umutobe wa beterave buri munsi, ibyago byo kwibasirwa n’indwara z’umutima byagabanutse kugera kuri 7.5 %.

Stent ni insimburangingo yifashishwa mu gutuma imijyana itifunga burundu ku barwayi bagize icyo kibazo, ndetse ikanatuma hatabaho guhagarara k’umutima.

Abahawe ubu buvuzi, abenshi bakunze kugaragaza ingaruka ku buzima bw’umutima imyaka mike nyuma yo kubuhabwa, nk’uko aba bashakashatsi bakomeza babivuga.

Bakavuga ko ubushakashatsi bwabo bwagaragaje ko ku barwayi banywa umutobe wa beterave buri munsi, byongera imikorere myiza n’ubudahangarwa bwa stent.

«Ubushakashatsi bwakorewe muri Laboratwari bwerekana ko ikinyabutabire cy’umwimerere cya nitrate inorganique, kiri muri beterave gifasha abarwayi ba angine zo mu gituza (angines de poitrine) kugubwa neza, nk’uko byemezwa na Dr Krishnaraj Rathod, wayoboye ubu bushakashatsi.

Uyu muganga avuga ko bagiye gukomeza icyiciro cya kabiri cy’ubu bushakashatsi, ndetse bizera ko ibizavamo bizatuma abaganga bafata umwanzuro wo kujya bandikirwa, abarwayi bahawe insimburangingo ya stent, kunywa Umutobe wa beterave.

Kunywa umutobe wa beterave ntibireba gusa abantu bagezweho n’indwara z’umutima cyangwa abahawe insimburangingo ya stent, ahubwo n’ubusanzwe beterave ni ingenzi ku buzima bwa muntu, arimo no kuba ifasha mu guhangana n’ikibazo cyo kubura amaraso mu mubiri ikaba izwiho kandi gufasha igogora gukorwa neza.

Kuba beterave ikungahaye kuri fibres na antioxydants, biyiha kandi ubushobozi bwo gutuma habaho imikorere myiza y’umwijima.

Ubundi Prostate ni urugingo rw’umubiri rugirwa n’abagabo rujyanye n’imyororokere, ruherereye ahagana imbere munsi y’uruhago.

Prostate ishinzwe gukora amatembabuzi akungahaye kuri za enzymes, kuri poroteyine ndetse no ku myunyungugu biyifasha kurinda no gutunga intangangabo.

Ku muntu mukuru, Prostate iba ifite umurambararo wa milimetero 40, igapima amagarama 20, ariko nanone igenda yiyongera guhera ku myaka 40 kuzamura.

Zimwe mu ndwara zifata Prostate

Prostate ishobora gufatwa n’indwara zitandukanye, zirimo nk’ubwandu bufata urwungano rw’inkari (infection urinaire), bukaba bwagera no kuri Prostate.

Harimo kandi na mikorobe nk’iza mburugu zandurira mu mibonano mpuzabitsina na zo zishobora kujya muri Prostate zikayitera uburwayi.

Ubundi burwayi bushobora gufata Prostate bujyana n’uko umuntu agenda akura, kuko akenshi uko umuntu akura ni ko Prostate na yo ishobora kugenda ikura, guhera nko mu myaka 50.

Indi ndwara ikunze kwibasira urugingo rwa Prostate ni kanseri.

Nk’uko ikigo cy’ubushakashatsi ku ndwara ya kanseri (World Cancer Research Fund) kibitangaza, kanseri ya Prostate iza ku mwanya wa kabiri muri kanseri zibasira abagabo kandi igenda yiyongera cyane.

Ibimenyetso bya kanseri ya Prostate

Iyo umuntu akimara gufatwa ahanini nta bimenyetso agaragaza ariko uko indwara igenda ikura agira ibimenyetso birimo: Kwihagarika kenshi bikanababaza, ndetse wanarangiza kwihagarika hagakomeza kuza udutonyanga tw’inkari, gusohora ukababara, kuzana amaraso mu masohoro cyangwa mu nkari. Iyo indwara imaze gukura utangira kubabara umugongo.

Bimwe mu byongera ibyago byo kurwara Kanseri ya Prostate

Mu bintu by’ingenzi byongera ibyago byo kurwara kanseri ya Prostate harimo imyaka (ikunze kwibasira abagabo bakuze bari hejuru y’imyaka 40, kuba mu muryango hari umuntu wayirwaye, kugira umubyibuho ukabije, kunywa inzoga n’itabi.

Mu bindi bishobora gutera ibyago byo kwibasirwa na kanseri ya Prostate harimo imirire nk’inyama n’ibizikomokaho, amata n’ibiyakomokaho, no gufata amafunguro akungahaye ku munyungugu wa calcium ku rugero ruri hejuru.

Indwara ifata ubuzima bwo mu mutwe izwi nka Parknson na yo yongera ibyago byo kurwara kanseri ya Prostate.

Bimwe mu byo wakora kugira ngo ugabanye ibyago bya kanseri ya Prostate

– Gukora imyitozo ngororangingo ku buryo ubasha gutwika ibinure byibuze guhera kuri 400kcl mu cyumweru.

– Kurya amafunguro arimo imboga n’imbuto, akungahaye kuri Vitamine E, akungahaye kuri lycopene nk’inyanya, ndetse n’akungahaye kuri Selenium nka brocolis, ibitunguru n’amafi.

Ibi, Perezida Kagame yabitangarije abanyamakuru aho ari mu ruzinduko iDoha muri Qatar.

Ni uruzinduko yagiyemo kuva ku munsi w’ejo tariki 23 Gicurasi, akaba yaritabiriye inama yiga ku Bukungu bw’igihugu cya Qatar (Qatar Economic Forum), igiye kuba ku nshuro ya 3.

Ibiro by’Umukuru w’Igihugu, Village Urugwiro, byatangaje ko Perezida Kagame yakiriwe n’Umuyobozi wa Qatar Airways, Akbar Al-Baker.

Umukuru w’igihugu kandi yashimangiye ko imikoranire hagati yu Rwanda na Qatar mu guteza imbere ingendo zo mu kirere ikomeje kugenda neza.

Iki kibuga kizuzura gitwaye miliyari 2 z’amadorari, aho byitezwe ko kizafasha u Rwanda kuba ku isonga mu ngendo zo mu kirere ku mugabane wa Afurika, Qatar Airways ikazaba ifite imigabane ingana na 60%.

Iki kibuga gifite ubuso bwa metero kare ibihumbi 130 ndetse mu gihe icyiciro cya mbere kizaba kirangiye, kizaba kibasha kwakira abagenzi miliyoni umunani ku mwaka.

Mu cyiciro cya kabiri, bagere kuri miliyoni 14 buri mwaka. Kizaba kandi gifite ubushobozi bwo kwakira toni ibihumbi 150 z’imizigo buri mwaka.

Inama y’ihuriro y’ubukungu ya Qatar, itegurwa na Bloomberg, ku gitekerezo cy’umuyobozi w’Ikirenga wa Qatar, Sheikh Tamim bin Hamad Al Thani, iteganyijwe gutangira kuri uyu wa Kabiri tariki 23 kugeza 25 Gicurasi 2023.

Ni inama y’ingenzi mu bijyanye n’ubucuruzi n’ishoranari mu burasirazuba bwo hagati, yibanda ku bibazo bikomeye by’ubukungu bigaragazwa n’Abakuru b’ibihugu na za Guverinoma, abayobozi bakuru b’ibigo by’ubucuruzi n’abandi.

Iyi nama kandi igamije gutanga ibitekerezo bishya ku bibazo bibangamiye ubukungu, binyuze mu biganiro bitangwa n’abayobozi batandukanye.

Uretse Perezida Kagame uzatanga ibiganiro, abandi bazatanga ibiganiro muri iyi nama harimo Nana Addo Dankwa Akufo-Addo, Perezida wa Ghana, Perezida wa Paraguay, Minisitiri w’Intebe wa Georgia, Minisitiri w’Intebe wa Bangladesh, Minisitiri w’ububanyi n’amahanga wa Qatar n’abandi.

Iyi nama y’ubukungu ibera i Doha, igamije no kugaragaza ubushobozi bwa Qatar mu guhuza Aziya na Afurika n’ibindi bice by’Isi, ndetse no gushimangira ko iri huriro ari umwanya ukomeye wa diplomasi ku Isi.

Abahuguwe bishimiye ubumenyi bungutse

Aya mahugurwa yateguwe n’umushinga Building Learning Foundation (BLF) hamwe na Kaminuza y’u Rwanda Ishami ry’Uburezi (UR-CE) ndetse n’Ikigo cy’Igihugu cyita ku Burezi (REB). Yahawe abashinzwe Uburezi mu Rwanda basaga 2,750 agamije kubongerera ubushobozi mu miyoborere iteza imbere imyigishirize hagamijwe kuzamura ireme ry’uburezi.

Musabyimana Félicité wo mu Karere ka Ngoma uyobora ikigo cy’amashuri cya GS Kanazi kiri mu Murenge wa Sake hamwe na Uwitonze Jacqueline, Umuyobozi wa GS Gisesa mu Karere ka Gasabo, ni bamwe mu bahawe ayo mahugurwa. Bemeza ko yabagiriye akamaro mu kazi kabo ndetse ko yanatanze umusaruro mu kuzamura ireme ry’uburezi.

Musabyimana Félicité

Musabyimana Félicité ati: “Nahawe amahugurwa na BLF amfasha kurushaho kunoza neza akazi nshinzwe no kwegera abandi bayobozi b’ibigo by’amashuri kugira ngo na bo bubake ubushobozi bwabo mu kuyobora neza ibigo bashinzwe”.

Uwitonze Jacqueline na we yagize ati: “Mu masomo twahawe twigishijwe kuzamura ireme ry’uburezi n’imitsindire muri rusange. Ikindi ni uburyo bwo gufasha abana n’abarimu haba mu kwiyungura ubumenyi ku barimu ndetse no kugena uburyo dufasha abanyeshuri bafite ibibazo bitandukanye”.

Uwitonze Jacqueline

Silas Bahigansenga, Umuyobozi w’umushinga BLF, avuga ko aya mahugurwa azatuma abayobozi b’ibigo by’amashuri bamenya uko bafasha abarimu, abanyeshuri ndetse n’ababyeyi mu rwego rwo kugira ngo imyigishirize igende neza.

Yagize ati: “Iyi gahunda twayikoranye na UR-CE tugamije ko umuyobozi w’ishuri ataba umuntu ukorera mu biro gusa, ahubwo amanuka akajya mu ishuri akamenya ibihakorerwa, akamenya gufasha mwarimu n’umunyeshuri, akamenya gukorana neza n’umubyeyi, mbese akamenya impamvu zose zatuma imyigire n’imyigishirize igenda neza kurushaho”.

Silas Bahigansenga

Akomeza agira ati: “Aho dutangiye aya masomo bigaragara ko habayeho impinduka mu kuzamura ireme ry’uburezi ariko turacyabasaba gushyiramo imbaraga kugira ngo barusheho kunononsora ireme ry’uburezi mu mashuri”.

Abahuguwe kandi bemeza ko ubumenyi bahawe batazabwihererana ahubwo ko bazabusangiza bagenzi babo, bityo umugenerwabikorwa ari we munyeshuri akabona uburezi bufite ireme.

Umunyamabanga wa Leta muri MINEDUC ushinzwe amashuri abanza n’ayisumbuye, Twagirayezu Gaspard, yasabye abahuguwe ko ubumenyi bahawe bakomeza kububyaza umusaruro hagamijwe kuzamura ireme ry’uburezi mu Rwanda ndetse anabizeza ko Leta izakomeza kubaba hafi haba mu kububakira ubushobozi ndetse no kubaha ibikenerwa byose mu kurerera u Rwanda.

Umunyamabanga wa Leta muri MINEDUC, Twagirayezu Gaspard

Abayobozi b’ibigo by’amashuri, abashinzwe uburezi mu turere no mu mirenge bagera ku 2,759 nibo basoje aya mahugurwa mu gihugu hose, bahawe na BLF ku bufatanye na Leta y’u Bwongereza ndetse na Kaminuza y’u Rwanda ishami ry’Uburezi (UR-CE), akaba yarakozwe mu byiciro kuva muri 2018.

Umuhango wo gusoza aya mahugurwa no gutanga impamyabushobozi witabiriwe n’abayobozi batandukanye barimo Ambasaderi w’u Bwongereza mu Rwanda, Omar Daair.

1. Gukoresha Baking soda hamwe n’amazi arimo oxygene

Iyo baking soda ivanzwe n’aya mazi birushaho gutanga igisubizo cyo gukesha amenyo vuba, kuko ubusanzwe aya mazi akoreshwa mu koza mu kanwa, kwica udukoko dutera indwara zo mu kanwa n’amenyo ndetse no kwirukana impumuro mbi yo mu kanwa. Iyo ubivanze birushaho gutanga ibisubizo vuba.

2. Gukoresha Baking Soda n’Uburoso bw’amenyo

Ufata ako gafu ukagasuka mu gakombe, hanyuma ugatosa uburoso bw’amenyo, warangiza ukabukoza muri ka gafu, ubundi ukiborosa bisanzwe.

3. Gukoresha baking soda n’amazi

Ufata agafu ka baking soda kangana n’akayiko gato ukakavanga n’utuzi dukeya, bigakora ikimeze nk’umutsima. Hanyuma ugafata wa mutsima ukagenda uwusiga ku menyo ariko uzengurutse ku menyo ukora ikintu kimeze nk’uruziga, ibyo ukabikora ku menyo yose, hanyuma warangiza ukiyunyuguza mu kanwa.

4. Gukoresha baking soda, umunyu wo mu gikoni n’amazi

Ufata 1/4 cy’akayiko ka baking soda ugashyiraho n’akunyu gasanzwe gake twavuga nka 1/8 cy’akayiko, hanyuma ukabivanga, ugashyiramo utuzi tw’akazuyazi ubundi ukabivanga neza, ukaba aribyo wogesha amenyo buri munsi, utibagiwe no kwiyunyuguza n’amazi meza.

5. Gukoresha baking soda n’umutobe w’indimu

Ufata baking soda ukayivanga n’umutobe w’indimu ku buryo bungana, hanyuma ukajya ufata iyo mvange yabyo akaba ari yo ukoresha mu gusukura amenyo yawe, warangiza ukiyunyuguza mu kanwa bisanzwe. Ubu buryo bwose ntabwo butanga umusaruro wabwo bukoreshejwe inshuro imwe gusa, bisaba kubikora kenshi.

Icyitonderwa:

– N’ubwo Baking soda ifite umumaro ukomeye mu gukesha amenyo, ntugomba gukoresha nyinshi kubera ko ubimize bishobora kugutera ibibazo mu nda.

– Baking Soda ntisimbura imiti isanzwe ikoreshwa mu gusukura amenyo (dentifrices), kandi kubera ko mu biyigize hatarimo fluoride ntabwo ifasha amenyo gukomera.

– Gukoresha Baking Soda ntibikuraho gahunda yo kureba muganga w’amenyo n’indwara zo mu kanwa.
Baking Soda ku bayikeneye, biba byiza kuyigurira muri Pharmacies.

Muri make, kugikemura ni ukuvura impamvu yagiteye, bikunganirwa na bimwe mu biribwa bifasha kugira impumuro nziza mu kanwa.

Bimwe muri byo biribwa ni ibi bikurikira:

1. Imbuto zimwe na zimwe: Imbuto zikungahaye kuri vitamin C, zirimo nk’amaronji (amacunga), indimu, pomme n’inkeri n’izindi.

2. Umudarasini (Romarin): Ni icyatsi gikunze gukoreshwa nk’ikirungo mu cyayi no mu guteka inyama, nacyo kizwiho kuzana impumuro nziza mu kanwa ku muntu ukunda kugikoresha.

3. Yawurute: Ni ikinyobwa gikomoka ku mata kigira akamaro kenshi ku buzima bw’umuntu. Gifasha kandi igifu gukora neza, kikanasukura urwungano ngogozi bityo ntihagire umwuka mubi ushobora guturuka mu muntu.

4. Amazi arimo indimu: Nkuko twatangiye tuvuga ko hari imbuto zifasha mu kurwanya impumuro mbi, no kunywa amazi arimo indimu ni kimwe mu bifasha umuntu kuzana umwuka mwiza uturuka mu kanwa ke.

5. Cocombre: Iri mu biribwa bituma umuntu azana impumuro nziza mu kanwa, cyane cyane ku bantu bakunda kuyikoramo salade, kuko yica udukoko dushobora gutera mu kanwa guhumura nabi ndetse ikanakomeza ishinya ikayirinda kuba yakwangizwa n’ibibonetse byose kandi burya iyo ishinya ifite ikibazo bituma no mu kanwa hazana umwuka utameze neza.

6. Persil: Ni icyatsi cyo mu bwoko bwa sereri nacyo kikaba ingenzi cyane mu gufasha umuntu kuzana impumuro nziza mu kanwa, cyane cyane ku bantu bagikoresha nk’ikirungo ariko biba byiza kurushaho iyo uyihekenye.

Hari n’ibindi byinshi byafasha umuntu kugira impumuro nziza mu kanwa ku bantu bagira icyo kibazo, ariko ibyo ni bimwe mubyo twabahitiyemo.

Zirikana ko gufata aya mafunguro rimwe gusa bitazakemura ikibazo cyo kugira impumuro mbi mu kanwa, bisaba guhozaho.

Musoni Charles na Rugero Paulin ni bamwe mu bagarutse ku mateka y’aka Karere ka Nyanza mbere ya Genocide yakorewe Abatutsi.

Musoni Charles, yanenze cyane Abazungu kuko ahamya ko ari bo bazanye amacakubiri yagejeje kuri Genocide yakorewe Abatutsi.

Yavuze ko abaturage b’akarere ka Nyanza bari bafite ubumwe, bakaba abantu bari bafite gahunda nziza y’imiyoborere ariko kugira ngo ubuyobozi bubi bwariho bushobore kwimakaza amacakubiri nkuko byari biri mu gihugu hose, mu kubatobera, ngo bazanye abimukira baturukaga mu gice by’amajyaruguru.

Ibi byakozwe mu rwego rwo gutegura Genocide. Yavuze ko aba bimukira ari na bo bagize uruhare mu kwica Abatutsi.

Musoni yagize ati: "Mu bigo by’amashuri n’ibindi bya Leta hayoborwaga n’abazungu, kugira ngo nibajya kugenda bazasigemo abo bashaka".

Yakomeje agira ati: "Umututsi wize we, iyo atabaga umwarimu yabaga umugoronome, abafasha b’abaganga, n’indi mirimo iciriritse, ariko ntibyatubuzaga kwirwanaho tukiteza imbere."

Rugero Paulin nawe yashimangiye ko Nyanza yageze ubwo iturwa n’abimukira barimo Abazungu, Abarabu, Abatanzaniya n’abandi banyamahanga.

Avuga ko iNyanza hari abazungu b’incakura bari abacurabwenge babi, bagize uruhare mu gutegura Genocide kandi bari bafite imbaraga.

Rugero yakomeje avuga kandi ko uwabashaga kwiteza imbere wese yaba umuhutu yaba umututsi, yahitaga yitwa Umututsi. Ibi rero ngo byarifashishijwe cyane, bituma inzira zose zabagezaga ku iterambere zifungwa, maze abenshi bimukira iKigali gushakishayo ubuzima, ariko ngo amateka mabi yarabakurikiranye.

Yavuze ko bageze I Kigali nabwo bitaboroheye kuko we ubwe ari mu bafunzwe mu byitso. Ngo babajyanaga muri stade, bafungurwa bakabasubiza muri perefegitura babaga baraturutsemo.

Rugero yagize ati: "Batugejeje muri Stade Regional I Nyamirambo, baducamo amatsinda bakurije aho tuvuka, nuko batwuriza imodoka badusubiza iwacu".

Rugero yagarutse ku ruhare rw’abanyamadini mu gutegura Genocide yakorewe Abatutsi, agaragaza uburyo bakundishije Abanyarwanda Kikiziya Gatulika, ariko bikarangira bamwe banayihuzwe burundu.

Yagize ati: "Abazungu batubitsemo ubwoba badukundisha Kiliziya ku gahato, ariko bamwe byaje kutuviramo kuyanga.

Ati: "Abantu bahuzwe Kikiziya Gatulika, nanjye ndimo, kuko ubwo nari mfungiye I Nyanza mu byitso, batwigishije kuririmba ndetse bamwe tuba Abahereza.
Igihe kimwe twari mu misa nasabye igisabisho, maze nishyiriraho n’amagambo yanjye nihimbiye.

Ndavuga nti: dusabire abantu bafunze bose bitwa ibyisto by’inkotanyi. Mwimanyi utubabarire. Icyo gihe Padiri yarandebye, aranyitegereza, maze abwira umucungagereza ngo misa nirangira uyu munyururu mumuzane tumuhe penetensiya. Misa yararangiye, baramunshyira abwira Dirigiteri wa gereza ngo uyu munyururu mumushyire muri kasho amaremo amezi abiri. Kandi koko nafunzwe amezi abiri. Nuko nahuzwe Kiliziya, kuva icyo gihe kugeza uyu munsi sindongera guhazwa, sinzanasubirayo".

Rugero yasabye abanyamadini kwigisha urukundo mu rubyiruko kuko ari bo bazavamo abayobozi b’ejo hazaza.

Mu Ntara y’amajyepfo mu Turere twa Nyanza na Ruhango kimwe no mu byahoze ari Perefegitura ya Gitarama, Butare na Gikongoro, ni hamwe mu hantu hashegeshwe cyane na Genocide yakorewe Abatutsi.

Mu Karere ka Nyanza, kuri ubu habarirwa inzibutso 12, ziruhukiyemo Abatutsi bishwe muri Genocide basaga ibimbi 131.

Iki gitero cy’amasasu cyagabwe ku nzu y’akabyiniro izwi nka Mahogany Masterpiece Dance Studio mu mujyi wa Dadeville ku wa gatandatu tariki 15 Mata 2023.

Perezida Joe Biden yamaganye ubu bwicanyi asaba ko hashyirwaho amategeko aremereye yo agenga ibijyanye no gutunga imbunda.

Itangazo ryasohowe n’Ibiro by’Umukuru w’Igihugu Maison Blanche/White House ejo ku cyumweru, Perezida Biden yagaragaje impungenge afite ku hazaza ha Leta zunze ubumwe za Amerika mu gihe abana badashobora guhimbaza ibirori by’isabukuru y’amavuko ari ntacyo bikanga.

Ishyirahamwe Gun Violence Archive rivuga ko iki gitero kije gikurikira ibindi birenga 160 bimaze kubarurwa muri uyu mwaka.

Inzego zishinzwe umutekano muri uyu mujyi zivuga ko bagiye gukora iperereza kugira ngo hamenyekane abagize uruhare muri uku kurasa, ndetse ngo bagiye gukora ibishoboka byose kugira ngo imiryango yagizweho ingaruka nabyo ihumurizwe.

Mu ijambo Perezida Biden yageje ku baturage ba Alabama na Amerika muri rusange, yavuze ko igihugu cyongeye kujya mu gahinda kandi ko kwiyongera kw’ibitero by’amasasu mu kivunge ari ibintu bibabaje cyane bidashobora kwihanganirwa.

Yongeraho ko Abanyamerika bifuza ko inteko ishingamategeko yashyiraho amategeko abereye umutekano ku gutunga imbunda mu gihugu hose.

Minisitiri w’Ubuhinzi n’Ubworozi, Dr Ildephonse Musafiri

Byatangajwe na Minisitiri w’Ubuhinzi n’Ubworozi, Dr Ildephonse Musafiri, mu kiganiro yagiranye n’abanyamakuru nyuma y’urugendo Abakuru b’Ibihugu by’u Rwanda na Kenya, bagiriye mu Karere ka Bugesera, aho basuye Kaminuza y’Ubuhinzi ya RICA, ku wa Gatatu tariki 5 Mata 2023.

Minisitiri Musafiri avuga ko ikibazo cy’igabanuka ry’ubutaka buhingwaho giteye inkenke, ndetse ko gikwiye guhagararira aho kigeze.

Yagize ati “Ikibazo uko tukibona ni ko namwe mukibona, ariko turimo kuganira na Minisiteri y’Ibidukikije hamwe n’abandi bafatanyabikorwa, kugira ngo abantu bahindure uburyo bw’imikorere, ubutaka buhingwa bwe gukorwaho, ahubwo bukiyongera kurusha uko bwagabanuka, ndetse byaba byiza n’ahandi hatuwe, abantu bagombye kuhava bakajya gutura mu midugudu.”

Akomeza agira ati “Icyo ndakibijeje, ntawe uzongera gushaka gushyira ikindi kintu ku buso bwagenewe guhingwaho ngo bikunde, kuko umutekano w’ibiribwa ni ingenzi. Ntabwo twabaho tutarya. Minisitiri w’Intebe yagihaye umurongo, natwe turashaka gushyiraho akadomo.”

Minisitiri Musafiri avuga ko usibye kongera ubutaka buhingwaho, hari izindi ngamba Leta yashyizeho zigamije kongera umusaruro, zirimo gahunda ya nkunganire haba ku ifumbire no ku mbuto, gutanga imbuto nziza kandi ku gihe, kongera ubuso bwuhirwa kugira ngo n’iyo izuba ryava abahinzi bavomerere aho bishoboka n’ibindi.

Akomeza avuga ko ku gishushanyo mbonera bigaragara ko 45% by’ubutaka bw’u Rwanda, bwakabaye bukorerwaho ubuhinzi, ariko ko bumaze kuvaho ½ mu myaka 10 ishize.

Perezida Kagame na mugenzi we wa Kenya, William Ruto wari mu Rwanda mu ruzinduko rw’iminsi ibiri, basuye Ishuri Rikuru ry’Ubuhinzi n’Ubworozi butangiza ibidukikije (Rwanda Institute for Conservation Agriculture), hagamijwe gusangira ubumenyi n’ubunararibonye mu bijyanye n’ubuhinzi n’ubworozi.

Gusura iyi Kaminuza byakurikiye isinywa ry’amasezerano 10 hagati ya Kenya n’u Rwanda, arimo ajyanye n’ubuhinzi, uburezi, ikoranabuhanga n’ayandi, yitezweho kuzarushaho guteza imbere abaturage b’ibihigu byombi.

Ibi Umukuru w’Igihugu yabigarutseho nyuma y’uko yari amaze gutorerwa kuba Chairman w’Umuryango FPR Inkotanyi, mu matora yakurikiye Inama Nkuru y’uyu muryango yahuriranye n’isabukuru yayo y’imyaka 35, ku Cyumweru, tariki ya 2 Mata 2023.

Perezida Kagame yavuze ko buri gihe iyo bamugiriye icyizere, kuva kera kugeza n’uyu munsi, yishimira inshingano aba ahawe, ariko hakazamo no kumva afite umwenda ushingiye kuri icyo cyizere, yibaza niba nta wundi muntu washobora gukora nk’ibyo atorerwa gukora.

Yagize ati: “Iyo mwanshyizemo icyizere nk’iki buri gihe, kandi bimaze igihe kirekire harimo ibintu bibiri: Harimo kwishimira icyizere (imirimo), hakaza n’ikindi gitandukanye n’ibyo. Ntabwo ndi bubahishe, numva mfite umwenda! Hari ikikibuze tugomba guhora dushakisha uburyo bwo kukibona”.

Yakomeje agira ati “Icyo mvuga ni iki? Njyewe ikinshyiramo uwo mwenda, nk’umuyobozi wanyu muha icyizere kingana gityo, mfite umwenda wo kuvuga ngo iyaba byihutaga, uko dukora bigatuma haboneka undi wakora nk’ibyo muntorera gukora.”

Ati “Birasa nk’aho ari icyaha mfite cyo kuvuga ngo wananiwe gukora hamwe n’abo ukorana na bo ku buryo twibonamo abandi bashobora gukora nk’ibyo tugusaba gukorana nawe.”

Umukuru w’Igihugu yakomeje avuga ko uyu mwenda atawufite ku buyobozi bwa RPF gusa, ahubwo ko yumva awufite no ku buyobozi bw’Igihugu.

Yagize ati “Nunashaka, ntabwo ari ibyo kuba umuyobozi wa RPF gusa, ndanabyifuza ko byaba no ku buyobozi bw’Igihugu.”

Perezida Kagame yavuze ko uko agaruka mu nshingano bituma uwo mwenda wiyongera, bityo bigatuma akomeza kuwutekerezaho buri gihe, anasaba Abanyamuryango ba FPR Inkotanyi ko na bo bakomeza kubitekerezaho.

Abafashwe ni umugabo w’imyaka 37 wari kumwe na mugenzi we w’imyaka 23 y’amavuko, bacukura amabuye yo mu bwoko bwa Gasegereti mu mudugudu wa Gatwa, Akagari ka Kazirabonde mu Murenge wa Rukoma, nk’uko byatangajwe ku rubuga rwa Internet rwa Polisi y’u Rwanda.

Umuvugizi wa Polisi mu Ntara y’Amajyepfo, CIP Emmanuel Habiyaremye, yavuze ko bafashwe biturutse ku makuru yatanzwe n’ubuyobozi bwa sosiyete ikora ibikorwa by’ubucukuzi muri icyo kirombe.

Yagize ati “Twahawe amakuru ku isaha ya saa kumi n’ebyiri n’igice n’ubuyobozi bwa sosiyete ya COMIKA Ltd., ko hari abantu babiri binjiye mu kirombe bakoreramo giherereye mu Kagari ka Kazirabondi baje gucukura amabuye y’agaciro. Polisi yahise ihagera bafatirwa mu cyuho n’ibikoresho gakondo bari bitwaje.”

CIP Habiyaremye yihanangirije abishora mu bikorwa byo gucukura no gucuruza amabuye y’agaciro batabifitiye uruhushya rutangwa n’inzego zibishinzwe ko ari icyaha, kandi gihanwa n’itegeko, avuga kandi ko ibikorwa byo kubafata bizakomeza bagashyikirizwa ubutabera.

Itegeko N° 58/2018 ryo ku wa 13/08/2018 rigenga ubucukuzi bw’amabuye y’agaciro na kariyeri Ingingo ya 54 ivuga ko Umuntu wese ushakashaka, ucukura, utunganya,ucuruza amabuye y’agaciro cyangwa kariyeri nta ruhushya, aba akoze icyaha.

Iyo abihamijwe n’urukiko, ahanishwa igifungo kitari munsi y’amezi abiri (2) ariko kitarenze amezi atandatu (6) n’ihazabu y’amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

Urukiko rutegeka kandi ubunyagwe bw’amabuye y’agaciro cyangwa kariyeri byafatiriwe biri mu bubiko, bicuruzwa cyangwa bitunganywa nta ruhushya.

Ubusanzwe turmeric ikoreshwa nk’ikirungo cyangwa se indyoshya ndyo, ariko ibiyigize biyiha ubushobozi bwo kugirira akamaro kanini ubuzima bwa muntu.

Iki kirungo cya Turmeric/ Curcuma gifite akamaro kenshi harimo n’ibijyanye n’ubwiza, ariko tugiye kwibanda ku birebana no kurinda ndetse no kuvura indwara.

1. Kurwanya ubwivumbure bw’umubiri: Ubushakashatsi bwagaragaje ko turmeric ibuza ikorwa rya histamine, ishobora gutera uduheri ku mubiri ndetse no kubyimbirwa byatewe n’ubwivumbure. Ifasha kandi mu korohereza abarwayi ba asima.

2. Ni cyiza ku ruhu: Abavuzi gakondo bo ku mugabane wa Aziya cyane cyane abahinde, bakunze kugikoresha mu kuvura ibishishi n’ibindi biheri byo ku ruhu. Ndetse ubushakashatsi bwa vuba bwerekanye ko curcumin iri muri iki kirungo ifasha mu kubivura.

3. Kongera icyizere cyo kubaho: Hari inyigo yakozwe itangazwa muri 2004 yerekana ko muri turmeric harimo tetrahydrocurcumin, ituruka kuri curcumin, ishobora gutuma icyizere cy’ubuzima cyiyongeraho 12%, kubera ko ifasha mu gusohora imyanda y’uburozi mu mubiri w’umuntu, bityo bikamurinda indwara zitandura nka kanseri.

4. Kurwanya rubagimpande n’indwara zinyuranye z’imitsi: Ubushakashatsi bwakozwe mu 2006 bwagaragaje ko turmeric ifite ubushobozi bwo kuvura indwara zifata mu ngingo harimo rubagimpande, indwara z’imitsi na goute. Ngo ni byiza kunywa amazi ashyushye arimo iki kirungo cya turmeric mu gitondo.

5. Kurwanya kanseri: Ubushakashatsi bwakozwe bwerekanye ko turmeric yifitemo ubushobozi bwo gutandukanya uturemangingo twiza n’udutera kanseri, igatuma habaho kwishwanyaguza kwa twa tundi tubi, dutera kanseri. Yifitemo kandi n’ibindi binyabutabire bibuza ikorwa rya nitrosamine na aflatoxin, byose bizwiho gutera kanseri.

6. Ubuzima bwiza bw ’umutima: Ubushakashatsi bwakozwe muri gashyantare 2008 bwerekanye ko curcumin iboneka muri turmeric irinda umutima kubyimbirwa mu buryo budasanzwe, ikanabuza umuvuduko udasanzwe, n’izindi ndwara z’umutima zinyuranye.

7. Kurwanya H.Pylori: Turmeric iza ku mwanya wa mbere mu bimera birwanya Helicobacter pylori, izwiho gutera ibisebe mu gifu na kanseri y’igifu.

8. Indwara yo kwibagirwa: Iyi ndwara yitwa Alzheimer, ikunze kwibasira abageze mu zabukuru, ku buryo uyirwaye aba ashobora no kwibagirwa aho ataha, uwo bashakanye cyangwa abana yibyariye. Ubushakashatsi bwerekanye ko mu buhinde aho icyinzari kitajya kibura ku ifunguro, abasaza baho badapfa kurwara iyi ndwara, n’ubwo ubushakashatsi bugikorwa.

Polisi yo muri Leta ya Texas, yavuze ko uyu mwana w’umukobwa w’imyaka itatu, yishe murumuna we w’umwaka n’igice akoresheje imbunda nto yo mu bwoko bwa pisitore (pistolet), yongera no kwibutsa ingaruka zo gutunga intwaro nk’izi mu ngo.

Polisi ikomeza ivuga ko uyu mwana yihishe ababyeyi be, yinjira mu cyumba cyabo abona imbunda ya pistolet, ku bw’ibyago ikaba yari irimo amasasu iteguye kurasa.

Ababyeyi bumvise isasu rivuze bagiye kureba basanga umwana warashwe yahise agwa aho.

Leta zunze Ubumwe za Amerika ni igihugu kirimo umubare munini w’imbunda zitunzwe n’abaturage zibarirwa muri miliyoni 400, aho umuntu mukuru umwe muri batatu aba atunze imbunda, ndetse hafi umuntu umwe mukuru muri babiri aba mu rugo rurimo imbunda.

Umwaka ushize, abantu basaga 44.000 bishwe n’imbunda nto, aho ½ cyabo bapfuye biyahuje isasu naho abandi ½ basigaye barishwe ku bw’impanuka cyangwa mu buryo bwo kwitabara nk’uko byemezwa n’urubuga Gun Violence Archive.

Leta ya Texas iherereye mu Majyepfo ya Amerika ituwe n’abaturage miliyoni 30, iri muri Leta byorohera cyane umuturage gutunga imbunda kuko amategeko yaho abyemera.

Minisitiri w’Ikoranabuhanga na Inovasiyo, Ingabire Paula

Ni gahunda izanyuzwa mu biganiro biteganyijwe kubera hirya no hino mu gihugu muri uku kwezi kwa Werurwe kwahariwe umugore.

Mu gutangiza iyi gahunda y’ibiganiro, i Kigali ku wa Gatatu tariki ya 8 Werurwe, MINICT yahuje abantu batandukanye barimo abakobwa bato bakirangiza amashuri, abatangiye akazi vuba mu bigo by’ikoranabuhanga hamwe n’abamaze imyaka myinshi bakoresha ikoranabuhanga barimo abayobozi mu bigo bitandukanye nka MTN, IREMBO n’ibindi kugira ngo babasangize ubunararibonye bwabo ndetse bababere icyitegererezo.

Umuyobozi mukuru muri MINICT ushinzwe inovasiyo n’ikoranabuhanga rishya, Esther Kunda, yagize ati: “Twahuje ibi byiciro byose by’abantu bakora mu ikoranabuhanga n’abakirangiza kugira ngo tubereke ko niba bashaka gukora mu bijyanye n’ikoranabuhanga no kwihangira imirimo bahanga udushya bishoboka, ndetse tunagamije ko abamaze imyaka myinshi na bo bamenyana n’abatangizi mu kazi”.

Yakomeje ati: “Nitudakora ibi biganiro ngo turebe uburyo abagore bagera ku ikoranabuhanga, icyuho cy’uko nta buringanire busesuye buhari, cyakwiyongera kandi turyihutishije na bwo ryadufasha kukiziba vuba”.

Kugeza ubu umubare w’abagore bitabira ikoranabuhanga uri hasi ugereranyije n’uw’abagabo nk’uko ibarura rusange rya 2022 ryabigaragaje aho abantu bafite hejuru y’imyaka 21 batunze telefoni zigezweho bangana na 62,9% muri bo abagabo ni 86,2% na ho abagore bakaba 79%.

Ni mu gihe ku rwego rw’isi umugore umwe muri batatu ari we ushobora kugera ku ikoranabuhanga byoroshye, naho mu bihugu bikennye abarigeraho ni 32,9 % ugereranyije n’abagabo.

Mu zindi gahunda u Rwanda rwatangiye gukora hagamijwe kuzamura umubare w’abagore bakoresha ikoranabuhanga harimo nka gahunda ya ‘Connect Rwanda’ yashyize umwihariko ku bagore.

Kunda yagize ati: “Twagiye duha telefone abagore bari mu bucuruzi cyane cyane ku mipaka, abagore bafasha abahinzi no mu zindi nzego zitandukanye. Ikindi tugenda dushyira imbaraga mu gushishikariza abagore batazi gusoma kwiga”.

Kunda yongeyeho ati: “Mu gihe cya covid-19 gukoresha ikoranabuhanga mu guhererekanya amafaranga, ababyitabiriye cyane ni abagore cyane cyane muri iyi myaka ibiri ishize. Ariko ntabwo turagera aho dushaka kugera, ni yo mpamvu tugomba gushyiramo imbaraga”.

Mu bindi biteganywa gukorwa harimo gushyiraho ibikorwa bifasha abantu batabangukirwa n’ikoranabuhanga vuba, ndetse hari gahunda Guverinoma y’u Rwanda yiyemeje ivuga ko umugore muri buri rugo agomba kugira telefone hagendewe ku cyerekezo NST1 ndetse bikazakomeza no mu cyerekezo 2050.

Mu bitabiriye ibi biganiro byateguwe na MINICT hamwe n’abandi bafatanyabikorwa harimo Umuyobozi mukuru wa MTN mu Rwanda Mapula Bodibe.

Mapula Bodibe

Mapula mu gusangiza abakiri bato amateka ye mu bijyane n’ikoranabuhanga, yavuze ko yigeze gukorana n’itsinda ry’abagabo benshi ari we mugore wenyine wari ubarimo, bakajya bamuca intege bamubwira ko ikoranabuhanga atazarishobora, ariko abyima amatwi akomeza kureba imbere ndetse agera ku ntego ze yifuzaga.

Minisitiri w’Ikoranabuhanga na Inovasiyo, Ingabire Musoni Paula, na we yagaragaje ko kimwe mu bikwiye gushyirwamo imbaraga ari uburyo bwatuma abagore bagera ku ikoranabuhanga nta n’umwe usigaye inyuma.

Ibi biganiro byanitabiriwe na Kagirimpundu Kevine umwe mu bashinze uruganda rw’inkweto rwa Uzuri KY.

Yavuze ko mu bucuruzi bwabo batangiye kubona inyungu mu buryo bushimishije ari uko batangiye gucururiza kuri murandasi kurusha mbere, bityo ashishikariza abagore kudasigara inyuma muri iryo terambere.

Iki kikaba ikibazo gikomeye ndetse cyanabyara urupfu kidakemuwe hakiri kare.
Ni iki cyakubwira ko watwitiye inyuma ya nyababyeyi?

Nyuma yo gukora imibonano mpuzabitsina, ukirenza (ukabura imihango) mu gihe bidasanzwe bikubaho, ni byiza kwisuzumish kwa muganga w’abagore.

Bitewe n’amakuru muganga ahawe, akora ikizami cy’amaraso, iyo kigaragaje ko utwite ariko yakora ikizami cya Echographie kikagaragaza ko muri nyababyeyi nta rusoro rurimo, nta kabuza uba watwitiye inyuma ya nyababyeyi.

Uru rusoro rushobora kubaho igihe kiri hagati y’ibyumweru 6 n’ibyumweru 8 rwatinda cyane rukamara hagati ya 12 na 16. Nyuma y’aho nibwo rushobora guturika kubera ko ruba rwakuze kandi ruri aho rutagenewe gukurira.

Ni iki gitera gutwitira inyuma ya nyababyeyi?
Akenshi gutwitira inyuma ya nyababyeyi bikunze kubera mu miyoborantanga aho urusoro rwigumira aho ntiruhave. Bikaba ahanini biterwa nuko imiyoborantanga yangiritse cyangwa yabyimbye ku buryo isa n’iyifunze.

Indi mpamvu ibitera ni impinduka mu misemburo, kuba urusoro rufite inenge cyangwa se ruremetse nabi.

Gusa hari ibyongera ibyago byo gutwitira inyuma ya nyababyeyi, bimwe muri byo hari:

• Kuba warigeze kugira iki kibazo cyo gutwitira inyuma ya nyababyeyi byongera ibyago byo kuba wakongera.
• Indwara zandurira mu mibonano mpuzabitsina nk’imitezi na mburugu zishobora gutera kuziba cyangwa kubyimba kw’imiyoborantanga.

• Ibinini bikoreshwa mu kuboneza urubyaro bizwi nka microlut bikunze gukoreshwa n’abagore bakibyara kugeza umwana agejeje ku mezi 6 na byo bishobora gutera iki kibazo kuko bihungabanya ukwinyeganyeza kw’imiyoborantanga
• Ikinini kirinda gusama gikoreshwa mu masaha 72, nyuma yo gukora imibonano na cyo gishobora kubitera iyo ugikoresheje ariko ukarenga ugasama.

• Gutwita nyuma yo guhabwa imiti ifasha gutwita, kimwe no gusama hifashishijwe uburyo bwo guterekwamo urusoro (in vitro), ndetse no kumara igihe kinini utarasama.

• Kuba usamye bwa mbere urengeje imyaka 35
• Kuba warabazwe nyababyeyi
• Kuba warasamye ukoresha agapira gashyirwa mu mura gakozwe mu muringa.

Nubwo ubusanzwe bidakunze kubaho ko wasama ukoresha aka gapira ariko iyo bibaye uba ufite ibyago byinshi byo gutwitira inyuma ya nyababyeyi.

• Kuba unywa itabi mu gihe uteganya gusama nabyo byongera ibyago byo gutwitira inyuma ya nyababyeyi.

Ibimenyetso bigaragaza ko umubyeyi yatwitiye inyuma ya nyababyeyi

• Kuva no kuribwa cyane mu kiziba cy’inda.
• Bitewe n’aho urusoro ruherereye ushobora no kumva uribwa intugu kandi ugashaka kwituma kenshi.

• Uko igi rikomeza gukura rishobora gutera umuyoborantanga guturika, bigatera kuva cyane kandi uviramo imbere, bijyana no kuremererwa umutwe, no kugwa igihumure. Utihutishijwe kwa muganga hashobora gukurikiraho urupfu.

Inda iri inyuma ya nyababyeyi nta buryo bushoboka bwo kuyiramira ngo umwana azavuke, ahubwo abaganga baba bafite amahitamo yo kuramira ubuzima bw’umubyeyi gusa.

1. Amaso yumye

Kugira amaso yumye biterwa n’impamvu nyinshi zinyuranye, ariko nyamukuru ikaba ari ukutagira amarira ahagije mu maso, biva ku kuba imvubura ziyakora zifite ikibazo.

Iki kibazo kiravurwa kuko imiti ikivura iboneka ariko yanditswe na muganga w’amaso nyuma yo kugusuzuma.

2. Urumuri rw’ibikoresho by’ikoranabuhanga

Gukoresha cyane ibikoresho bifite urumuri nka televiziyo, mudasobwa, telefoni nabyo bizwiho gutera amaso kunanirwa agatukura.

Niba akazi ukora kagusaba gukoresha ibi bikoresho usabwa kujya unyuzamo buri minota 30 ukaba ubigiye kure byibuze iminota yindi hagati ya 2 na 5. Niba ari telefoni yo byibuze buri minota 15 usabwa kuba uretse kuyirebamo ahubwo ugakora umwitozo wo guhumbaguza kugirango amaso yongere abobere.

3. Gukomereka

Iyo hari ikintu gikoze mu jisho cyangwa kiguyemo nacyo kiritera gutukura, bitewe nuko imitsi y’amaraso yakomeretse. Ibi nabyo bivurwa na muganga

4. Kunywa itabi: Umuti wabyo ntawundi ni ukurireka kuko n’ubundi nta cyiza cyaryo kuko ritera izindi ndwara nyinshi zirimo cencer, indwara zifata imyanya y’ubuhumekero, umutima n’izindi.

5. Urumogi: Mu rumogi habamo ikinyabutabire cyitwa THC (Tetrahydrocannabinol) kizwiho gutera imitsi kurega bikaba bituma amaraso areka mu maso. Naho ntawundi muti uretse kureka urumogi.

6. Kudasinzira: Amaso atukura, abyimbye ni ikimenyetso cyo kudasinzira neza, kubera akazi, kubura ibitotsi, indwara n’ibindi.

Inama nziza ni ugufata umwanya ukaruhuka ukaryama ugasinzira neza kuko birikiza iyo wabashije gusinzira neza.

7. Impinduka z’ikirere: Gishobora kuba gihumanye, izuba ryinshi, imbeho ikabije, umuyaga n’ivumbi ni bimwe mu mpinduka zo mu kirere zishobora kugira ingaruka ku maso.

Kubyirinda ni ugukoresha amadarubindi akingira amaso naho kubivura hakoreshwa imiti irwanya ubwivumbure wandikirwa na muganga.

8. Inkorora n’ibicurane

Kuko akenshi inkorora n’ibicurane bigendana no kwitsamura, kwipfuna no gukorora bituma imitsi ijyana amaraso mu maso irega nuko bikaba byayatera gutukura. Iyo uvuye iyo gripe uko ikira niko na ya maso agenda asubirana umwimerere wayo.

9. Zimwe mu ndwara z’amaso

Kubivura ni ukuvura iyo ndwara yateye ikimenyetso cyo gutukura kw’amaso kuko iyo ikize no gutukura birakira.

Niba atukura by’igihe kinini kandi ukaba mu mpamvu tumaze kuvuga nta n’imwe ubona yaba ibigutera ni byiza kugana kwa muganga bakakurebera ikibazo gihari.

1. Soda na byeri

Soda

Ibyo kunywa bya soda bibonekamo isukari nyinshi kandi itandukanye na za calories nyinshi. Inzoga za byeri nazo, zimenyerewe ku izina rya rufuro zikaba ziri mu byongera ibinure, cyane cyane byo ku nda kuko zituma isukari umubiri winjije uyihinduramo ibinure.

2. Amafiriti

Abenshi iyo bavuze ifiriti bahita bumva iy’ibirayi. Nyamara ibyo kurya byose bitetswe mu mavuta gusa nta mazi, byitwa ifiriti. Yaba iy’intoryi cyangwa amashu, yaba iy’amateke, karoti, cyangwa iy’inyama, ifiriti zose usabwa guca ukubiri nazo niba ufite gahunda yo kugabanya ibiro byawe.

Aho kurya amafiriti ahubwo, yoboka ibitogosheje mu mazi n’ibibisi kuko nibyo bizagukuramo ibinure bigufashe kugabanya ibiro.

3. Inyama zitukura

Inyama zitukura n’ubwo zo atari mbi nk’amafiriti, ariko nazo kuzirya byongera ibinure aho kubigabanya. Zikungahaye ku binure bityo zongera ubwinshi bwa calories muri wowe. N’ubwo ukeneye poroteyine ariko wazikura ahandi hatari mu nyama zitukura, nko mu nyama z’umweru cyangwa se ibikomoka mu Nyanja, mu bishyimbo na tofu.

Inyama zitukura ziri mu bigomba kwirindwa

4. Ibikomoka ku nyama

Ibikomoka ku nyama tuvuga hano ni ibindi bitunganywa bivuye mu nyama harimo za bacon, sosiso, hot dogs n’ibindi.

Ibi uretse kuba bikungahaye ku binure binongerwamo sodium kugira ngo bibashe kubikwa igihe kirekire. Iyi sodium iyo ibaye nyinshi mu mubiri ituma udasohora amazi, maze uretse kwiyongera kw’ibiro bikaba byanagutera kwiyongera k’umuvuduko w’amaraso.

5. Ibinyampeke byanyuze mu ruganda n’ibyongewemo isukari

Ibinyampeke byanyuze mu ruganda twavuga ifarini y’ingano, umuceri w’umweru, injugu, spagethi, macaroni n’ibindi bikomoka ku binyampeke biba byanyujijwe mu nganda nk’imigati, amandazi n’ibindi. Imigati wakoresha iy’ikigina ndetse n’ifarini ukayisimbuza ifu y’ingano n’izindi mpeke zuzuye.

Imigati n’ibindi bikorwa mu ifarini

Ibyongerwamo isukari twavuga nk’ibisuguti, imigati, keke, bombo na shokola. Ibi n’ubwo biryohera ariko wabisimbuza imbuto n’imitobe yazo itongewemo isukari; imyiza ikaba iyo wowe wikoreye.

Si ibi gusa usabwa kwirinda, ariko biri ku isonga mu byo ugomba kwirinda niba ushaka kugabanya ibiro.

Amafiriti azwiho kongera ibiro

Twagiramungu wahoze ari umwalimu mu ishuri ryisumbuye rya EAV Kaduha, yafatiwe mu Budage aregwa ibyaha bya jenoside ahafungirwa imyaka ibiri mbere yo koherezwa mu Rwanda mu 2017.

Kuri uyu wa kane, urukiko rusoma umwanzuro warwo, rwavuze ko rwashingiye ku buhamya bushinja n’ubushinjura Twagiramungu bwatanzwe mu rukiko ku ruhare yakekwagaho muri genocide yakorewe Abatutsi ahitwa i Mbazi, kuri komine Musange, no ku Kiliziya ya Cyanika.

Twagiramungu w’imyaka 49, wari warakatiwe gufungwa burundu n’urukiko gacaca, yaburanye uru rubanza, rumaze imyaka itanu ahakana ibyaha yashinjwaga.

Urukiko rwavuze ko imvugo z’abatangabuhamya bamwe bemeza ko bamubonye mu bitero bitandukanye zifite ishingiro kandi zigize ibimenyetso ku byaha aregwa.

Rwavuze ariko ko hari izindi mvugo z’abatangabuhamya zidashobora gushingirwaho kuko basanze zirimo kuvuguruzanya gukomeye no kutagira ibimenyetso byamuhamya icyaha.

Urukiko rwavuze ko nubwo nta kimenyetso cyerekana ko Twagiramungu ubwe yishe abatutsi, ariko hari ibigaragaza ko yagiye agaragara aharimo kubera ubwicanyi nk’i Mbazi no ku Kiliziya ya Cyanika, ari kumwe n’abapolisi, abasirikare, n’interahamwe na bamwe mu bategetsi bashyize mu bikorwa uwo mugambi wa jenoside.

Umucamanza yavuze ko ashingiye ku gikorwa yakoze cyo kujya mu bitero, urukiko rusanga ahamwa n’icyaha cya jenoside yakorewe abatutsi, amukatira gufungwa imyaka 25.

Umucamanza amaze kuvuga ibyo, Twagiramungu yahise ahaguruka abwira urukiko ko ajuririye iki gihano.

Nk’uko Meya Matt Florido w’iyo komini yabitangaruje AFP, abakozi b’abasilibateri babumazemo imyaka itanu, bahawe ibihembo bihwanye n’umushahara w’iminsi itatu. Hari n’abandi bahawe umunsi umwe w’ikirihuko wishyurwa (congé payé).

Mu ijambo rye rihumuriza aba basilibateri, Matt yavuze ko ababumazemo imyaka yose bamaze bavutse, bahabwa ama pesos 28.000 pesos (475 euros).

Yavuze ko bitewe n’uko aba bakozi batagira inshingano nyinshi mu rugo, uko bakenewe mu kazi baboneka aho abubatse ingo babuze, bityo ko azirikana umuhate wabo.

Mu bakozi 289, 37 nibo bahawe ibi bihembo nyuma yo gusuzuma neza niba koko ari abaselibateri.

Byemejwe n’iperereza ryakozwe hasubizwa ibibazo bijyanye n’igihe bamaze bibana, igihe batandukaniye n’abakunzi babo n’impamvu yateye uko gutandukana, nk’uko Florido yakomeje abitangariza AFP.

Ibi bihembo byateguriwe abasilibateri muri Filippine, byatanzwe mu ijoro ryo kwizihiza umunsi w’abakundana, ku wa 14 Gashyantare 2023, binashyushywa n’imikino ijyanye no kubashishikariza gushaka.

Aho bitandukiniye ni uko iz’ubu zongerwamo isukari n’ibindi bituma ziryohera, gusa uburyo ziribwa ni bumwe, kuko zose zihekenywa, ubundi ukamira amacandwe kugeza igihe ishiriyemo uburyohe, ukayijugunya.

Habaho ubwoko butandukanye bwa shikarete, ariko izo tugiye kwibandaho ni izitabonekamo isukari, kuko arizo zitangiza amenyo.

Dore akamaro k’ingenzi ko guhekenya Shikareti:

1. Zirwanya impumuro mbi mu kanwa: Impumuro mbi ishobora guterwa n’indwara yo kunuka mu kanwa, kuba wariye ibitunguru, tungurusumu cyangwa se wanyoye inzoga.

Shikarete zitarimo isukari zifasha guhumuza mu kanwa no gukesha amenyo, binyuze mu gukora amacandwe menshi afasha kurwanya bagiteri zishobora gutera iyo mpumuro mbi.

2. Zifasha gukomeza kugira mu kanwa heza

Guhekenya shikarete ni ingenzi cyane mu gutuma mu kanwa hawe hahora hasa neza.

Uko uhekenya, niko byongera ikorwa ry’amacandwe, bityo bigafasha kugabanya aside yo mu kanwa no gukuramo imyanda. Ibi bifasha amenyo gukomera, kuyarinda gucukuka no kurinda ishinya korohera cyane.

3. Zifasha kurinda aside nyinshi mu gifu: Ku bantu bakunda kugira ikibazo cya aside nyinshi mu gifu n’ikirungurira, guhekenya shikarete ni umuti mwiza wo kubirwanya.

Niba ukunda kugira ikibazo cyo kugaruka kwa aside, ushobora guhekenya shikarete nyuma yo kurya. Bikaba byiza uriye izitarimo isukari kandi zitabonekamo mint.

4. Zigabanya stress: Uko uhekenya shikareti, bifasha kugabanya urugero rwa ‘cortisol’ mu mubiri, ariwo musemburo utera stress, bikanafasha kandi kurwanya kudatuza.

5. Zifasha kugabanya ibiro: Iyo urimo guhekenya shikarete bigufasha kugabanya inzara, bigatuma igihe ugiye kurya utarya byinshi.

Bifasha kandi kumva udashaka ibiryo birimo isukari, ari nabyo biza ku isonga mu kongerera umuntu ibiro.

6. Guhekenya shikareti bigufasha kwita cyane ku byo urimo gukora (concentration): Uko ugenda uhekenya niko amaraso agera ku bwonko yiyongera, ibi bikongera umwuka mwiza ugera ku bwonko (oxygen), bityo bugakora neza, bukagira ubushobozi bwo kwibuka ndetse bugatekereza vuba.

Ubushakashatsi bwasohotse mu kinyamakuru British Journal of Psychology, bwagaragaje ko guhekenya shikarete bishobora kugufasha gukora umurimo neza igihe kirekire, cyane cyane imirimo isaba gutekereza cyane.

Ibyo kuzirikana:

• Niba ugiye kurya shikareti, ni byiza guhitamo izitarimo isukari, kuko yangiza amenyo.

• Niba uribwa cyane mu bijigo mu gihe uhekenya shikarete, ni byiza ko wazireka ukabanza kumenya impamvu ituma ubabara.

• Guhekenya shikarete ntibigomba gukuraho koza amenyo kuko ntacyabisimbura.

Chancelier w’u Budagi, Olaf Scholz na we bivugwa ko yafashe icyemezo cyo kohereza nibura ibimodoka nk’ibyo 14 byo mu bwoko bwa Leopard 2.

Ibi biravugwa mu gihe Ambasaderi w’u Burusiya muri Amerika, yamagana aya makuru aho avuga ko ibi ari ubushotoranyi bweruye.

Abategetsi muri Ukraine bavuga ko ibi bimodoka bya chars bishobora gufasha ingabo zayo kubohoza ubutaka bwigaruriwe n’Abarusiya.

Icyakora kugeza ubu ntiharamenyekana igihe ibyo bikoresho by’intambara bizagerera ahabera urugamba muri Ukraine, ndetse bivugwa ko bishobora gufata amezi cyangwa imyaka kugira ngo bigereyo.

Nk’uko bivugwa n’ibinyamakuru bya Amerika, abategetsi b’u Budage bari bashimangiye ku giti cyabo ko bazemera kohereza izi chars zo mu bwoko bwa Leopard 2 muri Ukraine, mu gihe gusa Amerika nayo yohereje M1 Abrams.

U Bwongereza nabwo bumaze gutangaza ko buzohereza chars zo mu bwoko bwa Challenger 2 muri Ukraine.

Muri iki cyumweru, Pologne yatangaje ko ishaka kohereza muri Ukraine chars ya Leopard 2, ariko ikabanza gutegereza guhabwa uburenganzira na Leta y’u Budage kuko ariho yakorewe.

Muri rusnge, ibihugu nibura 16 by’i Burayi na OTAN bitunze izi modoka z’intambara za chars zo mu bwoko bwa Leopard 2, nk’uko bivugwa n’ikigo International Institute for Strategic Studies.

Icyakora siko byose bizohereza muri Ukraine chars, ariko icyemezo cya Scholz gisobanura ko ubu bishobora kuzoherereza Ukraine, mu gihe cyose byaba bibishaka.

Hagati aho, Marie-Agnes Strack-Zimmermann wo mu ishyaka FDP, ari na we uyoboye Komisiyo ishinzwe ubusugire bw’igihugu n’umutekano mu Nteko Ishinga Amategeko y’u Budage, yavuze ko yishimiye iyi nkuru.

Aya makuru atangajwe nyuma y’uko ku wa kabiri tariki 24 Mutarama 2023, umuyobozi w’ibiro by’umukuru w’igihugu wa Ukraine, Andriy Yermak, yahuruje ibihugu byo mu Burengerazuba asaba ko Kyiv yahabwa chars zibarirwa mu magana, kugira ngo ishobore gutsinda intambara yashojweho n’u Burusiya.

Umwana utunzwe no konka gusa ntabwo ari ngombwa ko buri munsi yituma. Impamvu ni uko amashereka ari amazi kandi intungamubiri hafi ya zose zirimo zikaba zikoreshwa. Nyamara ku rundi ruhande abana batungwa n’ibindi bitari amashereka yaba amata y’inka cyangwa ayo mu makopo, bashobora kwituma hagati y’inshuro 3 na 4 ku munsi.

Niba umwana ari kwituma neza ntacyo bitwaye, gusa uko ugenda umugaburira agenda yituma ibikomeye, ndetse rimwe na rimwe kwituma bikaba ikibazo.

Ibimenyetso biranga kugomera k’umwana

1. Inshuro yituma zirahinduka

Inshuro umwana yituma ku munsi ubona zigenda zihinduka akenshi zigabanuka. Niba ubonye hari icyahindutse mu kwituma kwe rero biragaragaza ko yatangiye kugomera.

2. Kwanga kwituma

Niba umwana ari kwanga kwituma, ndetse niba atangiye gukura wamubwira kujya kuri pot ukabona ararira, ni ikimenyetso cy’uko yagomeye. Kugomera bituma n’iyo yitumye biza bikomeye cyane bityo kuko bibabaza, iyo bigiye kuza ararira ndetse ukabona ntashaka kwituma.

3. Amaraso mu byo yitumye

Ibi biba no ku bantu bakuru. Iyo wituma impatwe akenshi bikobora mu mwoyo bityo umwanda ukaza uvanzeho uturaso. Ku mwana rero naho niko bigenda, ndetse uko yikanira niko umwanda umukobora mu mara, hagasohoka amaraso.

4. Kugira inda ikomeye

Kuba umwana atari kujya kwituma bituma inda ye ibyimba kandi igakomera. Kubyimba gusa nta cyo bitwaye kuko niyo ahaze agomba kugira inda, gusa iyo ikomeye biba byerekana ko yagomeye.

5. Kwanga kurya cyangwa konka

Birumvikana ko kubera kutituma umwana yumva ahaze bityo akaba atifuza kugira icyo afungura.

Ni iki gitera kugomera?

Ubusanzwe akenshi umwana wonka gusa, ni ukuvuga uri munsi y’amezi 6 kandi akaba nta kindi avanga n’amashereka, iyo agomeye biba biterwa n’ibyo nyina arya. Nyamara iyo atangiye kurya cyangwa ahabwa ibindi bivangwa n’amashereka, na byo bigira uruhare mu kugomera kwe cyane cyane amata, yawurute, umuceri wanyuze mu ruganda n’ibindi.

Ni yo mpamvu mu gihe utangiye kugaburira umwana, ari byiza kugenda umuha ubwoko bumwe bumwe ukareba uko umubiri we ubyakira.

Uko wafasha uwana wagomeye

Niba ubonye ko umwana wawe agaragaza ibimenyetso byo kugomera, ugomba kugerageza bumwe cyangwa bwinshi mu buryo bukurikira, iyo byanze ugomba kumujyana kwa muganga.

1. Umwana wonka cyangwa unywa amata

Niba umwana yonka gusa, usabwa guhindura imirire. Ifunguro ryawe rigomba kuba ririmo ibikungahaye kuri fibre, amazi ndetse n’imbuto. Mbese nk’uko nawe wakivura urwaye impatwe. Naho niba wamuhaga amata hindura ubwoko bw’ayo wamuhaga, urebe niba hari icyo bitanga.

2. Mu gihe arya ibiryo

N’ubwo ibiryo bimwe bitera kugomera ariko ibindi birabivura. Niba rero umwana yaratangiye kurya, gerageza kongera mu ifunguro rye ibikize kuri fibre. Mu byo kurya bye washyiramo:

• Amashu
• Pome wahaseho igishishwa
• Ipapayi
• Mu mwanya w’umuceri uvuye mu ruganda, muhe ibindi binyampeke bitanyuze mu nganda nk’ibikomoka ku masaka, ingano n’uburo. Ibi na byo biramufasha.

Muhe inombe

Niba umwana wawe waratangiye kumugaburira, ibyo kurya umuha binombe, niba ufite akamashini kabugenewe ubinyuzemo. Kumuha inombe byorohera igifu cye kubisya neza.

Ongera ibyo kunywa

Amazi ahagije mu mubiri ni ingenzi mu kurinda ikibazo cyo kugomera ku bana. Amashereka kimwe n’amazi meza atetse ni ingenzi. Imitobe wikoreye mu mbuto z’umwimerere nayo ni myiza kandi ifasha umwana kwituma neza. Niba umutobe wakoze wumva uryohereye cyane wawufungura n’amazi.

Siporo

Ushobora kumva bigutunguye kumva ko umwana na we akoreshwa siporo, ariko si isaba ingufu. Niba umwana atarabasha kugenda umuryamisha agaramye ugafata mu bworo bw’ikirenge ukamera nk’umunyongesha igare. Ibi ukabikora ugeza utubero twe ku nda ku buryo akabuno kaba gafunguye kandi ugasa n’ukanda ku nda ukoresheje amaguru ye.

Massage

Mukorere massage yoroshye ku nda uzamura umanura gahoro unyuzamo ugasa n’ukanda, na byo bituma umwana yituma. Ubikore kenshi ku munsi kugeza yitumye.

Iyo ntacyo bitanze

Niba ugerageje ibi tuvuze haruguru byose ntibigire icyo bitanga, hari ibindi binyuranye ushobora gukora. Ushobora kubikora mu rugo gusa niba utabimenyereye wakwegera umuganga akagusobanurira.

1. Kumwina

Nubwo akenshi kwina umwana kera byakoreshwaga, hifashishijwe imiti ya gakondo ariko siyo burya ituma umwana yituma, ahubwo ituma umwanda woroha ukabasha gusohoka. Ushobora gukoresha umupira wagenewe kwina abana, cyangwa akandi kantu korohereye wabasha kwinjiza mu mwoyo w’umwana. Iyo ukoresheje umupira ushobora gushyiramo utuzi tw’akazuyazi ariko dutetse (nk’utwo kunywa).

2. Ibinini bya Glycerin bishyirwa mu kibuno

Niba mu byo umwana yituma hari kuzamo amaraso, uyu niwo muti mwiza umufasha. Ibi binini biraboneka muri farumasi gusa habaho iby’abato n’abakuru, nujya kubigura uzibuke kuvuga ko ushaka iby’umwana.

3. Imiti yoroshya umwanda

Imiti ikoreshwa hano nayo ituma umwanda w’umwana woroha bikamufasha kwituma. Urugero twatanga ni Microlax y’abana, nayo ikaba inyuzwa mu kibuno. Uko ikoreshwa ubisobanurirwa n’ukora muri farumasi aho uyiguze.

Iyo ubu buryo bwose ntacyo butanze usabwa kujyana umwana kwa muganga, umuganga w’abana akamusuzuma ikindi cyaba kimutera kutituma, nk’uko tubikesha Umutihealt.

Abategetsi i Kinshasa bavuga ko barimo gusukura imihanda ngo izabe icyeye, mu gihe uwo Mushumba wa Kiliziya Gatolika ku Isi azaba ahageze.

Bamwe mu bacururiza ku mihanda binubiye ko polisi yakoresheje imbaraga z’umurengera ndetse n’ibimodoka bisenya mu kwirukana aba bacuruzi, byaviriyemo bamwe muri bo kuhatakariza ibicuruzwa byabo.

Imihanda irimo gutunganywa irimo Boulevard Lumumba, umuhanda mugari uva ku kibuga cy’indege ari nawo uzaberaho ibirori byo guha ikaze Papa i Kinshasa.

Ariko abacururiza ku mihanda barakajwe n’uko barimo kuvanwa ku mpande z’imihanda n’ahandi hose mu murwa mukuru, utuwe n’abagera kuri miliyoni 17.

Ni mu gihe ubuzima bw’imiryango myinshi muri uwo mujyi bushingiye ku bucuruzi buciriritse, bw’ibiribwa n’amafunguro atetse burimo ubukorerwa ku mihanda, mu mazu matoya ndetse n’abatembereza ibicuruzwa babyikoreye ku mitwe.

Umuvugizi w’igipolisi yavuze ko barimo gukora ibi bikorwa ku mabwiriza y’abakuriye umujyi wa Kinshasa, nk’uko ibiro ntaramakuru Reuters bibivuga.

Gusa Victor Ntambwe umwe mu bapadiri ba Kiliziya Gatolika i Kinshasa, avuga ko abategetsi bakabaye barateguye uru ruzinduko neza kandi hakiri kare.

Yagize ati “Byari ngombwa ko dutegereza ko Papa adusura ngo dukore ibi? Sinzi neza niba byari ngombwa ko dutegereza ko Papa adusura ngo dutangire gusukura imihanda no kwirukana abayicururizaho.”

Biteganyijwe ko Papa Francis agera i Kinshasa tariki 31 z’uku kwa Mutarama, mbere y’uko ahagera yohereje ubutumwa bwihanganisha imiryango y’abagizweho ingaruka n’igitero cyahitanye abantu barenga 10 bari mu masengesho, yaberaga mu rusengero rw’itorero ry’Abaporotesitanti ruri mu mujyi wa Kasindi mu burasirazuba bw’iki gihugu.

Intumwa ya Papa i Kinshasa yabwiye ibiro ntaramakuru Reuters, ko itazi ibyo bikorwa byo ‘gutunganya umujyi’ mu kwakira Papa, ko nta ruhare ibifitemo.

Uwo avuga ko Vatican yasabye gusa ko kwitegura kwakira Papa Francis byakorwa mu buryo bushoboka kandi budakabya.

Ise ni indwara y’uruhu

Aka gakoko mu busanzwe kaba ku mubiri w’umuntu ku ruhu, gusa nta kibazo gatera mu mubiri ndetse kakaba kanafasha kurinda zimwe mu ndwara z’uruhu.

Hari igihe aka gakoko gashobora kwiyongera mu bwinshi ari nabyo biza gutera indwara y’ise. Icyo gihe nibwo ku ruhu hatangira kugaragara amabara yijimye cyangwa se yerurutse bitewe n’uko uruhu rwawe rusa. Ikunda gufata mu gituza, ku nda, mu kwaha no ku bibero. Ishobora no gufata ahandi nko mu isura no kuruhu rw’umutwe.

Ibimenyetso by’ise

• Kwishimagura cyane ahantu wazanye ibyuya
• Amabara ku ruhu

Ibitera indwara y’ise

N’ubwo utu dukoko two mu bwoko bw’imiyege dusanzwe tuba ku ruhu, dore ibintu bishobora gutuma twiyongera cyane:

• Kubira ibyuya byinshi
• Iyo ubudahangarwa bw’umubiri bwagabanutse
• Kuba ahantu hashyuha cyane.
• Kurwara indwara z’imirire mibi
• Kurwara indwara zigabanya ubudahangarwa bw’umubiri nka diyabete na SIDA.
• Ihindagurika ry’imisemburo

Uko ivurwa: Ni indwara ivurwa igakira

Dore imwe mu miti ushobora gusanga muri farumasi yagufasha gukira indwara y’ise:

• Selenium sulphide shampoo (Selsun): uyu muti usabwa kuwoga kenshi gashoboka ndetse ukawumesesha n’imyenda yawe.
• Ketoconazole (Nizoral) shampoo cyangwa cream

Ushobora kandi no kuvura ise udakoresheje imiti yo muri farumasi. Urugero ni nk’uburyo bwo gukoresha vinaigre (vinegar) cyangwa se amazi y’igikakarubamba.

• Ufata igikakarubamba ugakamura, amazi avamo maze ukayasiga aho yafashe hose, ukareka bikararaho, ugakaraba bucyeye. Ukomeza gukoresha ubu buryo iyo aribwo wahisemo kugeza ukize.
• Vinegar/ Vinaigre: nayo uyisiga neza aho ise igaragara hose, ukabikora inshuro 3 kugera kuri 5 mu minsi igera kuri 3 y’icyumweru.

Uko warinda ise kugaruka nyuma yo kwivuza

Aka gakoko gatera ise gashobora gufata mu myenda ndetse no mu biryamirwa. Ibi bikaba aribyo bituma yakongera kugaruka nyuma yo kuyivuza.

Ni byiza kumesa imyenda n’ibiryamirwa muri uriya muti wa selenium sulphide shampoo, mu rwego rwo kubyirinda. Ku bakobwa ni ngombwa guhinduranya buri munsi amasutiye n’indi myenda y’imbere.

Uko indwara yo gucukuka amenyo yandura

Umwe mu baganga bavura indwara z’ameyo mu bana Dr. Ryan Roberts, yatangaje ko igikunze gutera ubu burwayi ari ibinyobwa cyanga se ibiribwa birimo isukari nyinshi, byaba bifatwa ku manywa cyangwa nijoro.

Bimwe muri ibyo binyobwa harimo imitobe (juices), amata asanzwe, amata arimo shokola (milk chocolate), ibisuguti n’ibindi. Iyo ibyo bisukari bimaze umwanya munini mu kanwa k’umwana bishobora kumuviramo kuba yarwara iyi ndwara yo gucukuka amenyo.

Mu kanwa habamo bagiteri, zimwe muri zo zitungwa n’amasukari. Iyo zihuye n’amasukari umwana yariye cyangwa se yanyweye, zitangira gukora aside zamara kuba nyinshi mu kanwa k’umwana zigatangira gucukura amenyo.

Iyi ndwara ishobora no kwandurira mu macandwe. Urugero nk’iyo umuntu uyirwaye akoresheje igikombe cyangwa se ikiyiko kimwe n’umwana, atacyogeje neza ashobora kumwanduza.
N’ubwo ari indwara ishobora kwandura byoroshye, ishobora kwirindwa hakiri kare.

Uko warinda umwana iyo ndwara

• Kwirinda kugaburira umwana cyane ibiryo birimo aside nk’indimu.
• Kwirinda guha umwana imitobe myinshi.
• Niba umwana wawe ugiye kumuha umutobe cyangwa amata, ni byiza ko yabinywa agotomera cyangwa se yihuta ntibitinde cyane mu kanwa (Mu yandi magambo ni ukumutoza kunywa atajundika).
• Guha umwana amazi yo kunywa
• Kwirinda gusangira n’umwana ibikoresho byo kunywesha cyangwa kurisha
• Kumwogereza amenyo niba yaratangiye kuyamera byibuze 2 ku munsi.

Icyitonderwa: Mu gihe umwana wawe yarwaye iyi ndwara, ni byiza ko wakwihutira kumujyana kwa muganga, akavurwa hakiri kare.

Yasanganywe amajerekeni 156 ya mazutu mu nzu abamo

Uwazifatanywe ni uwitwa Mwesigwa Steven ufite imyaka 69 y’amavuko utuye mu mudugudu wa Kabirizi, akagari k’Amahoro mu murenge wa Muhima.

Umuvugizi wa Polisi mu Mujyi wa Kigali, Chief Inspector of Police (CIP) Sylvestre Twajamahoro, yavuze ko yafashwe ahagana saa saba n’igice z’ijoro biturutse ku makuru yizewe Polisi yari ifite ko akora ubu bucuruzi butemewe.

Yagize ati:”Tugendeye ku makuru twari twamaze kumenya ko Mwesigwa amaze igihe akora ubucuruzi butemewe bw’ibikomoka kuri Peteroli, hateguwe ibikorwa byo kubuhagarika. Abapolisi ubwo bageraga mu nzu abamo, bayisanzemo amajerekani 156 yuzuye Mazutu, amwe muri yo ari mu ruganiriro andi ari mu cyumba yararagamo.”

Yakomeje agira ati:”Ni ibintu byari biteye inkeke bitewe n’uko inzu yabagamo akodesha ubwayo yari ntoya, akagerekaho no kuyipakiramo mazutu ingana kuriya, bishobora kuba byateza n’ingaruka zikomeye abaturanyi be ndetse na we ubwe igihe haba hagize inkongi yayifata.”

Amaze gufatwa yavuze ko mazutu yafatanywe yayiguraga n’abashoferi b’amakamyo ahanini babaga bayikuye mu bubiko bayijyanye ku ma sitasiyo y’ibikomoka kuri Peteroli hirya no hino, na we akayigurisha n’abamotari, ndetse n’abashoferi b’imodoka ntoya.

Yashyikirijwe Urwego rw’Igihugu rw’Ubugenzacyaha (RIB) kuri sitasiyo ya Muhima kugira ngo hakomeze iperereza ku cyaha akurikiranyweho.

CIP Twajamahoro yibukije abaturage cyane cyane abatunze ibinyabiziga ko ubucuruzi bw’ibikomoka kuri peteroli bukorerwa ahantu hazwi kandi habugenewe, avuga ko ibyo uriya mucuruzi yakoraga binyuranyije n’amategeko, abasaba kandi kujya bihutira gutanga amakuru igihe hari umuntu bazi ko akorera ubwo bucurizi iwe mu rugo.

Ingingo ya 6 y’Itegeko no 85/2013 ryo kuwa 11/9/2013 rigenga ubucuruzi bwa peteroli n’biyikomokaho mu Rwanda iteganya ko Umuntu ukora ubucuruzi bwa peteroli n’ibiyikomokaho ubwo ari bwo bwose agomba kubiherwa uruhushya n’Urwego rubifitiye ububasha.

Ingingo ya 22 ivuga ko ahantu hihariye h’ububiko bwa peteroli n’ibiyikomokaho n’ahandi ibinyabiziga bitwara peteroli n’ibiyikomokaho biruhukira bigenwa n’Urwego rubifitiye ububasha.

Iki gikorwa cyo gusangira ku meza cyitabiriwe n’abandi bayobozi barimo Perezida wa Nigeria, Muhammadu Buhari, Umaro Sissoco Embaló wa Guinea-Bissau, Mokgweetsi Masisi wa Botswana n’Umuyobozi wa Komisiyo y’Umuryango wa Afurika yunze Ubumwe, Moussa Faki Mahamat.

Perezida Paul Kagame yageze mu Mujyi wa Niamey muri Niger ejo kuwa 24 Ugushyingo aho yitabiriye inama idasanzwe y’Umuryango wa Afurika Yunze Ubumwe yerekeye iby’inganda n’izindi nzego z’iterambere ry’ubukungu.

Iyi nama igaruka no ku bijyanye n’isoko rusange rya Afurika irimo kubera muri Niger kuva ku wa 20 kuri uyu wa 25 Ugushyingo 2022.

Insanganyamatsiko yayo igaruka ku ‘guteza imbere urwego rw’inganda muri Afurika ntawe uhejwe kandi hatirengagijwe izindi nzego z’ubukungu’.

Iyi nama yabimburiwe n’izindi zifitanye isano n’Inteko ya Afurika Yunze Ubumwe mu ntangiriro z’Ugushyingo zirimo iz’abayobozi bakuru n’abaminisitiri bashinzwe inganda, ubukungu n’isoko rusange rya Afurika.

Ni inama igamije kwerekana ubushake bwa Afurika bwo guteza imbere inganda nk’imwe mu nkingi zikomeye ziganisha uyu mugabane ku iterambere ry’ubukungu burambye.

Kugeza ubu, ibihugu 44 byo ku mugabane wa Afrika ni byo byamaze kwemeza amasezerano ashyiraho Isoko Rusange ry’Afurika, u Rwanda rukaba ruri mu bihugu umunani byatoranyirijwe gutangirizwamo iryo soko.

Iyo ndege yitwa 787-800 Boeing Converted Freighter (BCF) yagenewe gutwara imizigo, ije mu Rwanda ikenewe cyane kuko hari benshi bagiye bagaragaza ko baburaga uko bageza ingano y’ibicuruzwa byabo ku Isoko mpuzamahanga ikenewe n’abakiliya.

Ni serivisi kandi ikenewe cyane mu byerekezo byo muri Afurika by’umwihariko, nk’Umugabane uri mu nzira zo gutangiza Isoko Rusange ry’Afurika (AfCFTA).
Umuyobozi Mukuru wa RwandAir Yvonne Makolo, yagize ati: “Imizigo ikomeje kongerera agaciro ubwikorezi bwo mu kirere, ndetse nk’Igihugu kidakora ku nyanja, tuzirikana akamaro n’agaciro byo guhuza ibyerekezo by’imizigo.”

Yakomeje agira ati: “Turashaka guharanira ko Afurika ihuzwa n’Isi mu buryo bwihariye, bikazayobora iterambere ry’ubukungu ndetse bikihutisha ubucuruzi bikomeye.”

Umuyobozi w’ishami rya RwandAir rishinzwe serivisi yo gutwara imizigo Bosco Gakwaya, aheruka kubwira itangazamakuru ko iyi ndege izahera ku mizigo ijya n’ituruka i Dubai mu Burasirazuba bwo hagati, no mu byerekezo bike byo muri Afurika.

Yakomeje avuga ko iyo ndege ije mu gihe cyiza kandi ikaba ari ingirakamaro cyane mu guteza imbere ubucuruzi mpuzamahanga, by’umwihariko isoko rya Dubai ndetse n’andi yo muri Leta Zunze Ubumwe z’Abarabu (UAE).

Yagize ati: “Iyi ndege ifite ubushobozi bwo kwikorera toni 23 kandi zirahagije. Ibyerekezo byacu bya mbere twiteguye kubihaza dukurikije ubusabe tuba dufite.”

Iyo ndege ikoresha ibikomoka kuri Peteroli bikeya ku kigero cya 20% ugereranyije, kandi nanone n’ibyuka bihumanya ikirere isohora biri hasi cyane.

Iyi ndege ifite umuryango munini winjirizwamo imizigo, ikoranabuhanga rifata iyo mizigo mu ndege ndetse n’imyanya y’abantu bane.

Ni gahunda yatangajwe mu ntangiriro z’uku kwezi, na Leta ya Canada, ivuga ko izinjiza buri mwaka abimukira 500,000 kugeza mu 2025, abimukira hafi miliyoni 1,5 bakazaza muri icyo gihugu mu myaka itatu iri imbere.

Iyi gahunda izatuma Canada yakira hafi inshuro umunani z’abahabwa uburenganzira bwo kuba mu Bwongereza buri mwaka, n’inshuro enye kurusha umuturanyi wayo wo mu Majyepfo, Amerika.

Ariko ikusanyabitekerezo riheruka ryerekanye ko hari abanya-Canada batishimiye kwakira abo bantu bashya.

Mu 2021, Canada yari ifite intego yo kwakira impunzi 59,000, hafi inshuro eshatu kurusha abo yari yakiriye mbere.

Mu kiganiro na CBC, Minisitiri ushinzwe abinjira n’abasohoka, Sean Fraser, yavuze ko batabigezeho kubera gufunga imipaka ya Canada n’ahandi ku isi bitewe na Covid-19.

Kugeza mu 2023, Canada igamije gutuza impunzi 76,000.

ibice bimwe byafunzwe

Ku rundi ruhande, imijyi myinshi y’u Bushinwa yo yategetswe kongera gupima abantu bose mu kwirinda ko Covid-19 yakwira igihugu bigahungabanya ubukungu.

U Bushinwa bugaragaza ko abagera ku 28.127 basanzwemo iyi virus, abajya kungana n’abayanduraga buri munsi muri Mata 2022, mu gihe mu Murwa Mukuru, Beijing imibare ikomeza kuzamuka aho hitezwe ko hashobora kugaruka Guma mu Rugo.

Kuri uyu wa Mbere kandi iki gihugu cyagaragaje ko abantu babiri bamaze kwicwa n’iki cyorezo baje biyongera kuri batatu cyahitanye mu mpera z’icyumweru gishize.
Ibi bikaba bituma umubare w’abahitanywe n’iyi ndwara kuva muri Gicurasi uyu mwaka uba munini.

Reuters yanditse iyi nkuru, ikomeza ivuga ko abashoramari batangiye gutekereza ko izi ngamba ziri kongera gufatwa zishobora guhungabanya ubukungu cyane ko abaturage bashobora kongera kumara igihe badakora.

Mu kwezi k’Ukwakira, Inteko rusange ya EU yavuze ko ishobora guhagarika uburenganzira bwa Serbia bwo kutishyura visa yo kuwinjiramo, mu gihe yananirwa kuzibira abimukira bayikoresha nk’icyanzu.

Perezida Aleksandar Vucic wa Serbia, yagiranye ibiganiro n’abakuru b’ibihugu bya Autriche na Hongrie ku wa gatatu, ari nabwo yemeye kohereza abandi bapolisi ku rubibi rw’amajyepfo, inzira nyamukuru y’abinjira mu gihugu badafite ibyangombwa.

Mu misi ishize hagaragaye Abarundi batari bake, biganjemo urubyiruko bajya muri Serbia, aho bahita bakomereza mu bindi bihugu byo ku mugabane w’u Burayi, cyane cyane Ububiligi.

U Burundi na Serbia byari bisanzwe bifitaniye amasezerano y’uko abaturage babyo, bashobora kuva muri kimwe mu bihugu bajya mu kindi nta visa basabwe.

Ariko ibintu byahindutse nyuma, aho hari Abarundi bahuye n’ibibazo bageze mu bihugu nka Turukiya na Qatar, bagasabwa visa batari bafite bituma basubizwa inyuma.

Mu kwezi gushize, Leta y’u Burundi yafashe icyemezo cyo kubuza Abarundi kujya muri Serbia, no ku bafite impapuro z’inzira na visa.

Uyu mwanzuro wafashwe nyuma y’uko ibihugu by’u Burayi bitangiye kwinubira umubare munini w’abasaba ubuhungiro banyuze muri Serbia, kandi ukomeje kwiyongera.

Serbia ntiri muri EU, ariko bivugwa ko ibihugu bihana imbibi nka Hongrie na Roumanie biri muri uwo muryango bitanga amahirwe y’akazi, imibereho n’uburenganzira ku mpunzi.

Padiri Consolateur Innocent

Mu kiganiro yagiranye n’ababyeyi barerera mu Ishuri St Paul International School, ryashinzwe na we, Padiri Consolateur yibukije ababyeyi ko ishuri ritabasimbura. Yavuze ko muri iki gihe ababyeyi bataye inshingano kubera gushakisha ubuzima, ariko ko bidakwiriye, kuko Kurera aribyo bitandukanya umubyeyi n’inyamanswa kuko nazo zibyara ariko ntizirere.

Yagize ati “Ntabwo turera abana bazakomeza kugendera mu kigare, mu Gifaransa niho babivuga neza, aho bagira bati “D’un enfant Roi a l’enfant soldat”, bisobanura ko umuntu atangira ari umwana muto, ari Umwami, abantu bose bagomba kumwitaho, bakamushyigikira, bamurangariye, buri wese amuha icyo ashaka”.

Akomeza ati “Ariko icyo tumuha ni intwaro z’ubuzima, agasohoka mu maboko yacu ari umusirikare uhamye ugomba kurengera ubuzima”.

Padiri Consolateur mu kwibutsa ababyeyi impamvu zo kurera neza, yababajije icyo Igihugu kizabashimira.

Ati: “Ni iki Igihugu kizagushimira? Ni uko wabaye Agoronome mwiza, Minisitiri mwiza, umusirikare mwiza, umuganga mwiza, n’ibindi? Ukabyara nturerere Igihugu? Icyo ukorera umwana ni cyo azagusubiza ejo hazaza ni nacyo azakorera Igihugu. Amashuri yabaho, atabaho ababyeyi bahozeho kandi bazahoraho”.

Padiri Consolateur avuga ko kubyara ari byiza ariko kurera bigasumbaho, ndetse yibutsa ababyeyi kuzirikana ko kurera aribwo butumwa bwa mbere babereyeho ku Isi.

Avuga ko umutima n’ubumenyi bigendana, ndetse ko habuzemo kimwe umuntu aba atuzuye, ariko ikibanza ari umutima.

Yatanze urugero abaza ababyeyi ati: “Uwaguha umwana uzi imibare, uzi Igifansa, uvumbura ibintu n’ibindi ariko yahura na nyina akamusambanya cyangwa yahura na mwene nyina akamutera icyuma, cyangwa n’undi wese bigacika, uwo ni umwe. Akaguha n’undi utazi gusoma no kwandika, utazi kubara ariko ufite umutima wa kimuntu, ukunda abantu akamenya umuryango, wafata uwuhe ukareka uwuhe? Ababyeyi basubije ko bahitamo uwa kabiri utazi siyanse n’imwe.

Na we yabasubije ati “Tugize umwana wujuje byombi nibyo byaba byiza, ndetse nibyo St Paul International School yifuza”.

Yasabye ababyeyi ko habaho kurengera abana no kubagira abantu nya bantu ,bihereye mu rugo kuko ariho umwana yigira kuba umuntu.

Yibukije ababyeyi ko ibibazo by’amakimbirane n’intonganya bafite mu ngo zabo ari uguhekesha abana babo imisaraba, mu gihe urugo arirwo shuri rya mbere, ariho umuntu yigira ubuzima, kubaho no kubana.

Yagize ati “Niba hari n’ibibazo mufite, nimuze mutwegere, tubiganire kugira ngo turengere abana, ariko mwibuke ko ishuri atari ubuhungiro.”

Yavuze ko yashinze ishuri atagambiriye gucuruza, ko ahubwo nk’umwepisikopi, yari agamije kugarura indangagaciro za kimuntu zagendaga zikendera.

Ni mu gihe abamaze gusobanukirwa n’akamaro kabyo, hatabayeho ivangura ryaba irishingiye ku myaka cyangwa ku gitsina, nko mu Buyapani, ubu hasigaye hagezweho ibyo bise “crying clubs”, aho abantu bahurira bakarira, babifashijwemo no kuba bareba amashusho ateye agahinda.

Gusa uko umuntu arira kose cyangwa se gusohora amarira, siko gufitiye akamaro ubuzima kuko nko kuba warizwa no gukata igitunguru cyangwa kurizwa no gutokorwa, si kimwe no kubikora ubabaye.

Dore bimwe mu bigize akamaro ko kurira ku buzima bwa muntu

1. Kurira biruhura mu mutwe

Akenshi iyo ufite intimba cyangwa ikiniga wumva umutwe uremereye, iyo rero ubashije kurira niko ugenda ugabanya uko kuremererwa.

2. Kurira bisukura amaso

Ubushakashatsi bwerekanye ko 95% bya mikorobi zitera uburwayi bw’amaso zicwa no kurira. Uretse ibyo kandi amarira afasha gukesha amaso ndetse akazamo ubuhehere.

3. Kurira birwanya indwara

Iyo umuntu arize amarira atuma umusemburo uzwi nka adrenocorticotropic ugabanyuka. Bizwi ko iyo uyu musemburo ubaye mwinshi byongera ibyago byo kurwara umutima no kwigunga, ndetse n’umubyibuho udasanzwe.

4. Kurira bituma umubiri ukora umusemburo wa endorphins uhagije

Ni imisemburo ikorerwa mu bwonko izizwiho kugabanya uburibwe mu mubiri, kurwanya ubwoba na stress.

5. Kurira byongera imibanire

Iyo umuntu arize kubera mugenzi we, urugero nk’igihe arimo kumusaba imbabazi bitewe n’uko yamuhemukiye cyangwa se ababajwe n’ibyago bya mugenzi we, bigaragaza urukundo bafitanye.

6. Kurira bifasha umuntu guhangana n’ibimuhangayikishije

Iyo uumuntu agize agahinda, atewe no kwibuka ibibabaje byamubayeho, ni byiza ko arira kubera ko bituma adaheranwa na byo, bityo bikamurinda indwara y’agahinda gakabije.

Ikitonderwa: N’ubwo kurira bifitiye umubiri akamaro, nanone guhora urira byerekana ko ufite ikibazo wananiwe kwakira, bityo bikaba byiza wegereye abaganga bakagufasha.

Ikindi tutakwirengagiza ni uko hari n’abarira bagira ngo bagaragaze ko barengana, bicuza cyangwa se bari mu kuri nyamara ari ukurira ay’ingona. Ibyo rero ntacyo bimarira ubikora nk’uko igitangazamakuru Umutihealth.com kibisobanura.

Umuntu udafite nyababyeyi ntashobora kubyara

Kuri iyi nshuro, uwahawe nyababyeyi ni umugore w’imyaka 36 ayihawe na mukuru we, igikorwa cyagenze neza hatabayeho kubagwa bikomeye nk’uko Prof. Jean-Marc Ayoubi yabitangarije Ibiro ntaramakuru by’u Bufaransa, AFP dukesha iyi nkuru.

Umugore wahawe iyi nyababyeyi yari yaravutse ntayo afite bitewe n’indwara iterwa n’agakoko kitwa Rokitansky, iyi ndwara ikaba ifata nibura umwe mu bana b’abakobwa 4,000 bavuka mu mwaka.

Umuyobozi w’ishami rishinzwe ubuvuzi bw’imyanya myibarukiro y’abagore mu bitaro bya Foch biri mu Burengerazuba bw’Umujyi wa Paris, avuga ko iki gikorwa cyo gutera nyababyeyi muri uyu mugore cyamaze amasaha 18.

Nyababyeyi ni rumwe mu ngingo zigize imyanya myibarukiro y’umugore, rugizwe n’ibice bitandukanye birimo n’ibikora intanga ngore ndetse akaba ari naho umwana akurira mu gihe habayeho gusama. Iyo uru rugingo rudahari, ntihashobora kubaho gusama.

Mu mwaka wa 2019 itsinda ry’abaganga riyobowe na Prof. Ayoubi n’ubundi ni ryo ryabashije gutera nyababyeyi mu mugore witwa Déborah Berlioz mu gihugu cy’u Bufaransa na we wari urwaye indwara yaturutse ku gakoko ka Rokitansky.

Nyuma yo guhabwa iyi nyababyeyi, yabashije gusama biturutse kuri iyo nyababyeyi.

Ku isi yose, abantu 80 ni bo bamaze guhabwa za nyababyeyi.

Kugira ngo iki gikorwa kibe, umuntu asabwa kubona mugenzi we uyifite nzima akayimuha nk’ubukorerabushake, yaba mwene wabo wo mu muryango we cyangwa inshuti ye ya hafi bikanabanza gusuzumwa niba bizakunda mbere y’uko igikorwa nyirizina cyo kuyikura muri umwe no kuyishyira mu wundi gitangira.

Tariki 19 Ukwakira 2022, Inteko rusange y’Umutwe w’Abadepite mu Rwanda yemeje ishingiro ry’umushinga w’itegeko rigena imikoreshereze y’ingingo z’umuntu, aho bizafasha abarwayi bajyaga mu mahanga gushaka serivisi zo guhabwa impyiko n’umwijima n’izindi ngingo kuzibona imbere mu gihugu, mu rwego rwo koroshya ikiguzi cy’ubuvuzi no gutanga serivisi z’ubuvuzi zitabaga mu Rwanda.

Hari n’abazirya ari uko babuze uko bagira, ariko numara kumva akamaro zifite mu buzima bwa muntu, niba wari ufite imyumvire nk’iyo irahinduka.

Intoryi zigira amabara anyuranye: icyatsi, umweru na mauve.

Intoryi zikungahaye kuri Vitamin B1, B3, B6 na B9, Vitamin K, Potassium, Ubutare- Fer/Iron, Calcium, Umuringa (copper/cuivre) na Fibre.

Akamaro k’intoryi ku buzima

• Kubera izi ntungamubiri zose, uko wazirya kose ni ingirakamaro ku mikorere y’ubwonko.

• Zirinda amaraso kwipfundika, gusa kuzirya cyane ukarenza si byiza kuko byatuma iyo ukomeretse utinda gukama, cyane cyane ku bagore batwite cyangwa uwitegura kubagwa si byiza kuzirya cyane.

• Zifite ibyitwa ‘bioflavonoids’ bizwiho kuringaniza umuvuduko w’amaraso no kurwanya stress.

• Mu gishishwa habonekamo “nasunin” ikaba izwiho kurinda uturemangingo tw’ubwonko kwangirika. Kuzihata ugiye kuziteka rero si byiza. Icyakora ushobora kuzitonora zimaze gushya.

• Izo fibre zirimo zifite umumaro wo kurinda kanseri y’amara.

• Zifasha mu kurwanya kubura amaraso bitewe na ya vitamin B9 n’ubutare.

• Intoryi ziri mu bifasha kurwanya umubyibuho no kubyimbagana, kuko ziri mu bikamura amazi mu mubiri, icyakora umugore wonsa yazigabanya kuko zishobora gukamura amashereka.

• Bitewe n’uko nta sukari ikabije ibamo, ni uruboga rwiza ku barwaye diabete.

Dusoza, wazihekenya, wazitogosa, wazikaranga, ni imboga nziza ku buzima.

Kuzibura ku ifunguro byibuze 4 mu cyumweru ni uguhomba.

Twongereho ko wemerewe kuzishyira mu ifunguro ry’umwana igihe yujuje amezi 8 kuzamura, ariko ukibuka kuzitonora zimaze gushya.

Ni mu gihe atakaza amaraso menshi ashobora kurenga mililitiro 90, ku buryo atabasha kwifashisha ibikoresho by’isuku bisanzwe (Cotex/pad, tempons), cyangwa se mu gihe imihango imara igihe kirenze iminsi 7.

Ese ni ryari bikwiye gutera impungenge?

Mu gihe bibayeho inshuro zirenze ebyiri amezi akurikiranye, ni byiza kwihutira kujya kwa muganga, kugira ngo harebwe impamvu ibitera.

Ese ni iki gishobora kuba impamvu yo kugira imihango myinshi bikabije?

Ku bakobwa bari mu bwangavu, bagira imihango ya mbere, ni ibisanzwe kuba bakwirenza ukwezi ikaza itinze cyangwa ikaza mbere y’igihe gikwiriye, ndetse biranashoboka kugira imihango myinshi bitewe n’uko haba harimo kuba ihindagurika ry’imisemburo.

Naho ku bantu bakuru izi ni zimwe mu mpamvu z’ingenzi zatera kugira imihango myinshi irenze urugero:

1. Kuba umuntu yegereje igihe cyo gucura ( Pre-menopause).

2. Uburyo bwo kuboneza urubyaro bwifashisha agapira ko mu mura kazwi nka DIU (dispositif intra-utérin en cuivre).

3. Kuba waba ufite utubyimba tuzwi nka Fibromes

Ni iki cyakorwa mu guhangana n’iki kibazo?

1. Kunywa vinaigre de cidre utuyiko duto tubiri mu kirahure cy’amazi, ukabikora habura icyumweru kimwe ngo igihe cy’imihango kigere.

2. Habura icyumweru kimwe wajya unywa amazi arimo umutobe w’indimu inshuro 3 ku munsi (ikirahure kimwe kimwe)

3. Kurya imbuto n’imboga bihagije

4. Kunywa amazi ahagije

Ibi iyo bidatanze umusaruro ushobora kwifashisha imiti ukurikije inama ugirwa na muganga (Ibuprofene igabanya ububabare, ikanagabanya ingano yayo), imiti ikoreshwa mu kuboneza urubyaro ibamo ishobora gukerereza cyangwa kugabanya ubwinshi bw’imihango, ariko mu buryo bwagenwe na muganga. Iyo miti ni nk’ikoreshwa mu kuboneza urubyaro yifashisha udupira two mu kuboko n’ibindi.

Yakinnye adafite igitambaro mu mutwe

Elnaz Rekabi, umukobwa w’imyaka 33, yarenze ku itegeko rikaze rya Iran, ariko nyuma avuga ko hijab ye yavuyemo atabigambiriye.

Benshi bashidikanya iyo mpamvu yatanze mu butumwa yanditse kuri Instagram, bavuga ko babona yarahatiwe kuvuga atyo.

Abanya-Iran bamaze iminsi bakora imyigaragambyo ikomeye yamagana amategeko ya hijab n’abategetsi b’idini.

Abagore muri Iran bategetswe kwambara imyenda irekuye umubiri kandi ihishe umusatsi wabo, amaboko n’amaguru, itegeko rireba n’abakinnyi b’abagore.

Rekabi yafashwe nk’ikirango gishya cy’imyigaragambyo irwanya Leta, iyobowe n’abagore muri Iran nyuma y’uko ku cyumweru, video arimo kurushanwa kurira muri Korea ikwirakwiriye cyane.

Iyi myigaragambyo yakomotse ku rupfu rwa Mahsa Amini, umugore w’imyaka 22 wapfuye ari mu maboko ya Polisi y’imyifatire i Tehran mu kwezi gushize kwa Nzeri, ashinjwa kutambara neza igitambaro cyo mu mutwe.

Polisi yahakanye amakuru ko yakubiswe mu mutwe bikamuviramo gupfa, ivuga ko yishwe n’umutima bitunguranye.

KuBNwa mbere, hari uwahaye amakuru BBC dukesha iyi nkuru, ishami ry’igi-Perse ko inshuti n’umuryango ba Elnaz Rekabi batabashije kuvugana na we, nyuma y’uko yari yajyanywe guhura n’umutegetsi muri Iran.

Hari amakuru avuga ko passport ye na telefone byari byafatiriwe, kandi ko yari yavuye kuri hotel yari acumbitsemo i Seoul iminsi ibiri mbere yaho.

Ubusanzwe yakinaga uyu mukino yambaye hijab mu mutwe

Ambasade ya Iran yahakanye yeruye ibi ibyita ibinyoma n’amakuru atari ukuri kuri we.

International Federation of Sport Climbing (IFSC), yavuze ko yakomeje kuvugana na Rekabi n’impuzamashyirahamwe y’umukino wo kurira muri Iran, kandi irimo “kugerageza kumenya ibyabaye”.

Iti “IFSC ishyigikira byuzuye uburenganzira bw’abakinnyi, amahitamo yabo n’uburenganzira bwo kuvuga bisanzuye.”

Nawe ubaye uri mu batayikunda dore bimwe mu bintu byagufasha:

1. Tekereza ku ntego wifuza kugeraho

Ahanini bizakorohera nuba ufite intego wifuza kugeraho. Urugero ni nk’igihe wifuza kunanuka cyangwa kongera ibiro, kwirinda cyangwa kwivura indwara, gusa neza, kugira imiterere y’umubiri runaka wifuza, n’ibindi.

2. Wibikora uhatiririza kuko

Iyo ukoze ibintu bitakurimo ntumara kabiri, ugera aho ugacika intege utageze ku cyo wifuzaga.

3. Ihanganire ububabare bw’imikaya mu cyumweru cya mbere

Umuntu ugitangira gukora siporo atayimenyereye, kimwe n’iyindi mirimo imwe n’imwe mu bihe bya mbere yumva afite ububabare, ibi ni ibintu bisanzwe.

Kugira ngo bishire usabwa kwihangana mu bihe bya mbere, kugira ngo umenyereze umubiri wawe iyo myitozo bityo hashira igihe ukajya uyikora wumva nta kibazo na kimwe igutera.

4. Fata indyo yuzuye nturenze ibyo umubiri ukeneye

Ku bantu bashaka kugabanya ibiro, akenshi usanga bahagarika siporo kuko babona nta mpinduka iyo hashize iminsi mike cyangwa myinshi bayitangiye, bitewe n’imyitwarire mu bijyanye n’imirire.

Bigusaba kurya indyo yuzuye ariko ukagabanya ibyongera ibiro kandi ugafata ibyo umubiri ukeneye. Iyo byubahirijwe hamwe na siporo bitanga umusaruro.

5. Kugira umuntu mukorana siporo

Biba byiza iyo hari umuntu ugutera imbaraga zo gukomeza gukora siporo, kuko iyo muri babiri cyangwa benshi, aho umwe ananiwe abandi bamufasha gukomeza kugera ku ntego bihaye, bikaba byiza kurushaho iyo ari abantu bataguca intege.

6. Hitamo siporo wumva ukunda kandi igufitiye akamaro

Iyo utangiye gukora siporo ari ukwigana abandi bishobora guhita biguca intege. Byaba byiza rero uhisemo siporo ukunda kurusha uko wakora siporo runaka, ngo ni uko ariyo inshuti zawe zikora.

Ibi rero iyo bikurikijwe bitanga umusaruro kandi ntibikurushya.

Ni ibyagarutsweho tariki 11 Ukwakira 2022, na Mukanyirigira Judith, Umuyobozi w’Akarere ka Rulindo mu birori byo kwizihiza umunsi mpuzamahanga w’umwana w’umukobwa, ku rwego rw’Akarere wabereye mu rwunge rw’amashuri rwa Shyorongi.

Abakobwa biga muri GS Shyorongi bitabiriye umunsi wahariwe umwana w’umukobwa

Yagize ati: “Turashimira abafatanyabikorwa mu kwita ku burezi bw’abana b’abakobwa, nka BLF yateye inkunga iri shuri hamwe n’andi ari hirya no hino mu Gihugu. Yahuguye abarimu ku mahame y’uburinganire n’ubwuzuzanye ndetse iha n’abana b’abakobwa ubumenyi bw’ibanze burebana n’ubuzima bw’imyororokere.”

Akomeza agira ati: “Turashishariza n’abandi bafatanyabikorwa barimo ababyeyi kurushaho kwita ku bibazo bireba umwana w’umukobwa duharanira kwita ku burenganzira bwe bwose”

Ibibazo byugarije umwana w’umukobwa usanga biterwa ahanini n’imigenzo n’imico byo hambere bikomeza guha ishingiro ihezwa n’ihohoterwa rikorerwa umukobwa ndetse no kugira ubumenyi buke ku birebana n’ubuzima bwe bw’imyororokere. Aha ni ho usanga abakobwa baterwa inda zitateganyijwe bikabaviramo gucikiriza amashuri bakiri bato.

Mu rwego rwo gukemura ibibazo byugarije umwana w’umukobwa bibangamira imyigire y’umwana w’umukobwa, umushinga BLF uterwa inkunga na Leta y’u Bwongereza watangije gahunda y’amahuriro y’abakobwa yiswe Girls Clubs mu mashuri abanza.

Izi clubs zihuriramo abakobwa bagahabwa amahugurwa ku buzima bw’imyororokere, gukunda kwiga amasomo ajyanye na siyansi ndetse no gutinyuka bakigirira icyizere, bityo bakabasha kugera ku ntego zimwe na basaza babo.

Kuri uyu munsi wahariwe umwana w’umukobwa, BLF yageneye ibihembo abanyenshuri 44 bari mu batsinze neza amasomo y’Imibare n’Icyongereza, hashingiwe ku kigereranyo cy’amanota bari bafite mu gihembwe cya mbere n’ayo basoje bafite mu mwaka w’amashuri wa 2021-2022.

Ubwo yashyikirizaga aba bana ibihembo byabo, Umuyobozi mukuru wa BLF, Salome Ong’ele, yagize ati: “Hashize umwaka urenga BLF ihugura abakobwa bibumbiye muri club mu mashuri abanza.”

Ati: “Dushimishijwe cyane no kubona ko abo bakobwa twabonaga bafite ibibazo byatumaga rimwe na rimwe badatsinda amasomo nk’Imibare n’Icyongereza, ubu bakaba barabashije kongera amanota muri ayo masomo. Uyu munsi rero abo bakoze neza turabaha ibihembo.”

Umuyobozi wa BLF ashyikiriza abanyeshuri ibihembo

Uwari uhagarariye Ambasade y’u Bwongereza mu Rwanda muri ibi birori byabereye muri GS Shyorongi, Jane Mbabazi, yavuze ko Leta y’u Bwongereza izakomeza gufatanya n’u Rwanda mu guteza imbere uburezi bw’umwana w’umukobwa.

Yakomeje avuga ko mu gihe cy’imyaka itanu iri imbere, u Bwongereza buzashora miliyoni 60 z’Amapawundi (asaga miliyari 70 Frw) mu guteza imbere uburezi bw’ibanze bw’imyaka 12 hibandwa cyane cyane ku mwana w’umukobwa.

Umuyobozi mukuru muri Minisiteri y’Uburezi, Rose Baguma, yavuze ko uburere bw’Umwana w’umukobwa bureba inzego zose zaba iz’uburezi, iz’umutekano n’iz’ibanze ariko cyane cyane ababyeyi.

Ati “Abana bahohoterwa, baterwa inda, ni ababyeyi, ni umuryango nyarwanda muri rusange bafite inshingano zo kubarinda kugira ngo abana bashobore kwiga bagere ku ntego baba bariyemeje”.

Yakomeje avuga ko ubutumwa bageneye abana kuri uyu munsi bugamije kubereka ko bashoboye, ndetse ko bakwiye kwitinyuka no kumenya kuvuga “oya” ku bintu byose byabasubiza inyuma, mu rwego rwo guhakanira abagabo babashukisha ibintu bagambiriye kubasambanya.

Buri mwaka tariki ya 11 Ukwakira, Isi yose yizihiza umunsi mpuzamahanga w’umwana w’umukobwa. Uyu munsi washyizweho kugira ngo ibibazo bireba umwana w’umukobwa bimenyekane ndetse hafatwe ingamba zo guhangana na byo, birimo guhohoterwa, kubuzwa uburenganzira bwo kujya kwiga, gukoreshwa imirimo ivunanye n’ibindi.

Rose Baguma ahemba umwana

Mu Rwanda by’umwihariko uyu munsi wizihijwe hibandwa ku nsanganyamatsiko igira iti: “Ubuzima bwanjye, agaciro kanjye”. Ku rwego rw’Akarere ka Rulindo, uyu munsi wizihirijwe mu rwunge rw’amashuri rwa Shyorongi.

Kwizihiza uyu munsi, byahuriranye no gutangiza ku mugaragaro ukwezi kwahariwe “Ubukangurambaga ku miyoborere n’imibereho myiza mu muryango”, hagamijwe guhuriza hamwe imbaraga mu gukumira no gukemura imbogamizi zikibangamiye umuryango nyarwanda, bukazasozwa ku itariki ya 10 Ukuboza 2022 ubwo hazaba hanasozwa iminsi 16 yo kurwanya ihohoterwa, hakazaba ari no ku Munsi Mpuzamahanga w’Uburenganzira bwa Muntu.

Lee (iburyo) na Kim Kardashian

Cherri, ukomoka muri Koreya y’Epfo, yabazwe inshuro 15 mu gihe cy’imyaka 8, arwana no kugira ngo agere ku ntego ye yo kugira imiterere n’isura nk’iya Kim Kardashian.

Lee yongerewe ingano y’ikibuno n’iy’amabere ndetse yibagisha n’isura yo mu maso, ibyo byose abigeraho yishyuye Amayero 60.000 (asaga miliyoni 61Frw).

Lee nyuma yo guhindurwa uko yaremwe, agira ati “Icyizere cyanjye kigezweho, ndanezerewe cyane bitigeze bibaho mu buzima bwanjye. Sinzabyicuza, ahubwo icyari kuntera kwicuza ni kimwe gusa, ni uko ntari kubigeraho”.

Ambasaderi Rwamucyo, mu butumwa yanyujije ku rubuga rwe rwa Twitter, yavuze ko yiteguye gukomeza gushimangira umubano w’u Rwanda na Thailand.

Ambasaderi Rwamucyo asanzwe ahagarariye u Rwanda mu Buyapani, Malaysia, Philippines na Thailand, akaba afite icyicaro i Tokyo mu Buyapani.

Colonel Edmond Mbilika ukuriye iri tsinda yatangaje ko bazasura ibigo bya Leta bitandukanye mu Rwanda bagamije kongera ubumenyi ku bijyanye n’uko urwego rwa gisirikare rwakwagura uruhare rwarwo mu mutekano mu nzego zose z’imibereho.

Iri tsinda ry’abasirikare ryanasuye Urwibutso rwa Jenoside rwa Kigali, Ingoro y’Amateka yo guhagarika Jenoside ndetse n’Ishuri Rikuru rya Gisirikare rya Nyakinama riri mu Karere ka Musanze.

Basuye kandi Icyicaro gikuru cy’Ingabo z’u Rwanda basangizwa urugendo rwo kwiyubaka rw’Ingabo z’ u Rwanda nyuma y’urugamba rwo kubohora Igihugu mu mwaka wa 1994.

Iri tsinda kandi rizanasura ibigo nka Zigama CSS, Ikigo cya Gisirikare cy’Ubwishingizi ku Ndwara (Military Medical Insurance), Horizon Ltd ndetse n’Ibitaro bya Gisirikare mbere y’uko basoza uru rugendoshuri, nk’uko iyi nkuru Kigali Today ikesha igisirikari cy’u Rwanda (RDF) ibivuga.

Bivuze ko u Rwanda rwakubye inshuro zirenga ebyiri impuzandengo ya 26.4%, igenderwaho ku rwego mpuzamahanga mu bushakashatsi bukorwa n’Ihuriro ry’Inteko Zishinga Amategeko ku Isi.

U Rwanda kandi nicyo gihugu gifite abagore benshi mu Nteko Ishinga Amategeko bari munsi y’imyaka 45, kuko impuzantengo y’Isi yose iri kuri 29.85%.

Iyo mibare itangajwe mu gihe kuva ku ya 11 kugeza ku ya 15 Ukwakira 2022, u Rwanda ruzakira inama ya 145 y’Ihuriro ry’Inteko Zishinga Amategeko ku Isi (Inter-Parliamentary Union/IPU), izibanda cyane ku ruhare rw’izo Nteko mu kwimakaza ihame ry’uburinganire n’ubwuzuzanye, bigira uruhare mu mpinduka ziganisha ku kubaka Isi yihagije kandi itekanye.

Iyi nama hamwe n’izindi ziyishamikiyeho yitezweho guhuriza hamwe abantu bagera ku 1000, bazaba barimo na ba Perezida b’Inteko Zishinga Amategeko bagera kuri 60.

Iyi nama yitezweho kuba urubuga rwo gusangira ubuhamya bw’ibihugu byateye intambwe nziza mu kwimakaza ihame ry’uburinganire, n’umusaruro byatanze mu guharanira impinduka Isi ikeneye muri iki gihe.

IPU ikomeje guharanira kuziba icyuho cy’abagore n’urubyiruko bitabira inteko n’inama zayo, ndetse impinduka ziragaragara.

Inteko Zishinga Amategeko zigera ku 120 ni zo biteganyijwe ko zizitabira, hazaba harimo n’intumwa z’u Burusiya na Ukraine biri mu ntambara yayogoje ubukungu bw’Isi yose.

Byitezwe ko akanama ka IPU gashinzwe gukurikirana ibiganiro by’amahoro bigamije gukemura intambara yo muri Ukraine, kazahura kagasuzuma inshingano zako ku bihugu byombi.

Nyuma yo gusuzuma impande zose kazatanga raporo ku banyamuryango, igaragaza mu buryo bwuzuye intambwe yatewe n’ibiteganyijwe gukorwa, mu guharanira kugarura amahoro arambye muri Ukraine.

Intego y’aka kanama kagizwe n’Abadepite umunani kayobowe na Dr Ali Al Nuami wa Leta Zunze Ubumwe z’Abarabu (UAE), ni ugukora isesengura ku ruhare Inteko Zishinga Amategeko zishobora kugira mu kurangiza intambara yo muri Ukraine.

Byitezwe kandi ko iyi nama izafata imyanzuro ku byakorwa mu gukemura ikibazo cy’abimukira no kurwanya icuruzwa ry’abantu n’ihungabana ry’uburenganzira bwa muntu, harimo n’irishyigikiwe na za Leta.

Ibindi bizigwaho birimo iyangirika ry’ibidukikije, ingaruka z’intambara n’ubwicanyi bukorerwa abasivili, intambara n’ihindagurika ry’ikirere biteza Isi akaga k’inzara, hakazarebwa no ku burenganzira bw’abagize Inteko Zishinga Amategeko ku Isi.

Mu gitondo cyo kuri uyu wa Gatanu, Perezida Kagame yasuye Kaminuza yitwa “Nanyang Technological University (NTU Singapore), ageza ikiganiro ku banyeshuri n’abakozi bayo.

Ni ikiganiro cyayobowe n’Umuyobozi wa NTU Singapore Prof Subra Suresh. Abacyitabiriye bahawe umwanya wo kubaza ibibazo Perezida Kagame n’Umuyobozi wa NTU Singapore.

Muri uru ruzinduko ruzasozwa tariki 2 Ukwakira, Perezida Kagame yayoboye umuhango wo gushyira umukono ku masezerano y’ubufatanye hagati ya NTU na Minisiteri y’uburezi mu Rwanda.

Perezida Kagame yakurikiranye isinywa ry’amasezerano yo guhererekanya abanyeshuri ba Kaminuza hagati ya Singapore n’u Rwanda

Isinywa ry’aya masezerano rizatuma umwaka utaha wa 2023 u Rwanda rwohereza abanyeshuri kwiga muri iyi Kaminuza iri mu za mbere zikomeye ku isi.

Uruzinduko rwa Perezida Kagame muri Singapore, ruje rukurikira urwa Minisitiri w’Intebe wa Singapore Lee Hsien Loong i Kigali, rwabaye mu mpera z’ukwezi kwa Kamena 2022, nyuma gato y’inama ya CHOGM.

Perezida Kagame yatanze ikiganiro muri Kaminuza ya NTU

Umukuru w’Igihugu yaherukaga gukorera uruzinduko rw’akazi muri Singapore muri Nzeri 2015, rukaba rwaraje rukurikira urwa mbere yagiriye muri icyo gihugu mu mwaka wa 2008.

U Rwanda na Singapore bifitanye umubano ushingiye kuri byinshi birimo ubucuruzi, ishoramari n’ubukungu, uburezi, ubutabera, ubwikorezi bwo mu kirere n’ikoranabuhanga.

President Kagame concluded his visit to @NTUsg by planting the traditional Rwandan medicinal plant “Umukunde”. Known as Asam in Singapore, the tree represents versatility and resilience in pursuit of innovation and sustainability. pic.twitter.com/wDk4UmY9Ai

— Presidency | Rwanda (@UrugwiroVillage) September 30, 2022

Amafoto: Village Urugwiro

Minisitiri w’Ubutegetsi bw’igihugu aherekejwe n’Umuyobozi Mukuru Ushinzwe Igenamigambi ry’Imiturire n’Imitunganyirize y’Umujyi wa Kigali, Madamu MUHIRWA Marie Solange, yabashyikirije ibiribwa bagenewe na Leta y’u Rwanda byo kwifashisha mu gihe cy’ukwezi ari nako bakomeza kwisuganya mu buzima bushya batangiye muri Busanza.

Minisitiri Gatabazi, yavuze ko basuye aba baturage mu rwego rwo kubashyigikira babashyikiriza ibiribwa bigizwe n’umuceri, kawunga n’amavuta ariko banareba ibindi bibazo bibabangamiye.

Yagize ati “Iyo umuntu yimutse cyangwa yagize ubukwe, aba akeneye gushyigikirwa. Twabazaniye ibiribwa kuko Guverinoma yemeye ko bahawa ibiryo by’ukwezi bigizwe n’umuceri, kawunga, ibishyimbo ndetse n’amavuta.”

Yakomeje ati “si ibyo gusa kuko aba baturage bakwiye kubona serivise zose za ngombwa. Twagombaga kureba niba abana barabonye amashuri yo kwigamo, kureba niba bivuza mu buryo bukwiriye, niba babona aho bahahira ndetse no kureba niba ubuyobozi bw’Akarere ka Kicukiro kabakiriye bubikora uko bikwiye”.

Abaturage bo muri uyu mudugudu w’icyitegererezo wa Busanza bishimiye ibiribwa bashyikirijwe ndetse n’ibiganiro bagiranye n’aba bayobozi babasuye, banababwira ibibazo bikibabangamiye.

Umuturage witwa Mpakaniye Vedaste, umwe mu bimukiye muri uyu mudugudu w’icyitegererezo wa Busanza, ufite umuryango ugizwe n’abantu batandatu, avuga ko ukurikije uko byari bimeze bakihimukira mu byumweru bibiri bishize, ubu barimo kugenda bamenyera ndetse ko bizagenda biba byiza kurushaho.

Mukakagaju Zilipa, umubyeyi w’abana batanu na we wa Gatandatu avuga ko bishimiye ko bashyikirijwe ibyo kurya ariko ko byaba byiza abadafite uburyo bwo gukora bafashijwe kubona igishoro na bo bakabasha kwitunga.

Yagize ati “Ibiryo twabibonye, Leta yaduteye inkunga, nyuma y’ukwezi natwe tuzaba twariyubatse dushakishe uko twabaho.”

Akomeza ati “Abadafite igishoro byaba byiza dutewe inkunga. Nkanjye by’umwihariko mbana n’abana banjye batanu, nanjye wa gatandatu kandi mfite ubumuga bw’ukuguru, ku buryo ntabasha kwiruka ngo nshakishe, ariko mbonye inkunga nakora nkabatunga”.

Usibye ikibazo cy’imikorere ku badafite amikoro, aba baturage bagaragaje ko bafite ibindi bibazo birimo nk’icy’imodoka rusange zitwara abagenzi (bus), kuko batega inshuro nyinshi berekeza mu mujyi aho bamwe basanzwe bakorera imirimo yabo bikabahenda.

Minisitiri Gatabazi yavuze ko ibibazo aba baturage babagaragarije, bigiye kuganirwaho n’inzego zibifite mu nshingano bigashakirwa ibisubizo.

Minisitiri Gatabazi aganira n’umwe mu batujwe mu Mudugudu wa Busanza

Yanasabye Umujyi wa Kigali guha umwihariko uyu mudugudu kugira ngo uzabe uw’icyitegererezo koko, bakawuherekeza kugira ngo abawutuye barusheho kugira imibereho myiza n’iterambere ryifuzwa.

Ati “Turasaba Umujyi wa Kigali n’Akarere ka Kicukiro kubafasha muri bya bikorwa bibafasha kwiteza imbere ku bantu bashoboye gukora badafite aho bahera. Leta igomba kwinjira muri ubwo buzima bwabo bakabona igishoro kugira ngo n’isoko bahawe babashe kurikoreramo”.

Minisitiri Gatabazi yashimangiye ko aba baturage bagomba kubona serivise zose z’ibanze mu Mudugudu wabo.

Reba ibindi muri iyi video:

Ku ikubitiro ibihugu 40 birimo ibyo ku mugabane wa Afurika n’ibindi biri mu nzira y’amajyambere ni byo byabanje guhura, byungurana ibitekerezo ku mirongo migari byifuza ko byakwitabwaho mu ishyirwa mu bikorwa by’ayo mabwiriza y’ubuziranenge.

Catherine Chevauché, Umuyobozi w’itsinda rya tekiniki ku ishyirwaho ry’ayo mabwiriza y’ubuziranenge muri ISO, avuga ko hari amasomo ibihugu bikize byakwigira ku biri mu nzira y’amajyambere, kuko ngo impungenge zihari ari iz’uko ibihugu byateye imbere bihorana inyota yo gukoresha ibintu byinshi.

Murenzi Raymond, Umuyobozi Mukuru w’Ikigo cy’Igihugu gishinzwe ubuziranenge (RSB), avuga ko iyi nama igomba no kugaruka ku bitekerezo by’abahagarariye ibihugu by’Afurika n’ibindi bihugu bikiri mu nzira y’amajyambere, kugira ngo bitazagirwaho ingaruka n’amabwiriza y’ubuziranenge.

Ubuyobozi bwa RSB buvuga ko ari ubwa mbere inama nk’iyi irimo kubera i Kigali, ibereye ku mugabane w’Afurika.

Lt Gen Muhoozi usanzwe ari n’Umugaba w’Ingabo zirwanira ku butaka muri Uganda, aheruka mu Rwanda muri Werurwe 2022, mu ruzinduko rw’iminsi itatu rwasojwe Perezida Paul Kagame amugabiye inka z’Inyambo nk’uko Lt Gen Muhozi yabitangaje.

Icyo gihe bagiranye ibiganiro ku munsi wa mbere, ku wa Kabiri Lt Gen Muhoozi asura Urwibutso rwa Jenoside rwa Kigali ruri ku Gisozi n’ibindi bice bya Kigali birimo Kigali Arena (ubu yahindutse BK Arena).

Lt Gen Muhoozi yanditse kuri Twitter ati "Nishimiye gutangaza ko vuba aha nzasura data wacu (Uncle), Nyakubahwa Paul Kagame, kugira ngo nige biruseho ibijyanye n’ubworozi bw’inka. Nizeye guhura n’inshuti nyinshi i Kigali. Imana ihe umugisha Uganda n’u Rwanda!"

Happy to announce that I will be visiting my uncle, H.E. @PaulKagame, soon to get more tips on cattle keeping.😊
Look forward to meeting with more friends in Kigali. Godbless Uganda and Rwanda! 🇺🇬 🇷🇼 💪 pic.twitter.com/UCxKP5QvG3

— Muhoozi Kainerugaba (@mkainerugaba) September 23, 2022

Ubucye bwazo rero nibwo bushobora gutera umubiri kwibasirwa n’indwara kuko ingufu zo guhangana ziba zagabanutse.

Muri iyi nkuru tugiye kureba ibiribwa 10 bya mbere byagufasha kongera ubwinshi n’ingufu z’abasirikare b’umubiri, ushobora no kwihata kurya mu gihe urwaye kugira ngo bigufashe gukira vuba.

1. Imbuto zo mu bwoko bwa citrus

Ibi birimo indimu, icunga na mandarine. Izi mbuto zikungahaye kuri vitamini C kandi izwiho kongera ubwinshi bw’insoro zera. Kuko umubiri wacu utabasha gukora iyi vitamini cyangwa ngo uyibike, bisaba ko buri munsi turya ibyo ibonekamo.

2. Poivron

Poivron cyane cyane izitukura zifite vitamin C ikubye kabiri iyiboneka mu ndimu cyangwa amacunga. Kuzirya si ukuzikaranga, ushobora kuzikatira ku byo kurya bihiye cyangwa ukayishyira kuri salade.

3. Amashu

Amashu yo mu bwoko bwose yaba chou-fleur, asanzwe, ay’ibibabi, ni isoko ya vitamini A, C, E na K. Mu kuyarya si byiza kuyateka ngo ashye cyane, ushobora kuyarya nka salade cyangwa se ukayanyuza ku muriro gacye, mbese akaba ari imitura. Izo vitamini zirimo zose cyane cyane A, E na C ni ingenzi mu budahangarwa.

4. Tungurusumu

Kuba yongera ingufu z’abasirikare b’umubiri biva ku kuba ikize kuri allicin, ikinyabutabire kirimo soufre. By’umwihariko, tungurusumu ikaba izwiho guhangana n’umuvuduko udasanzwe w’amaraso.

5. Tangawizi

Iki kirungo gikoreshwa akenshi mu cyayi, inafasha guhangana n’inkorora, gikize kuri vitamin C, ikabamo kandi capsaicin, izwiho guhangana n’uburibwe bwa karande nk’ubukomoka ku mpanuka cyangwa kanseri. Kuyikoresha bituma ubwo buribwe bugabanuka.

6. Epinari

Izi ni imboga ziboneka henshi, zikize na zo kuri vitamin C, kuri beta-carotene, yongerera ubudahangarwa bwo guhangana n’indwara ziterwa na mikorobe. Kuziteka ntizishye cyane bituma vitamin A igumamo ahubwo bikagabanya oxalic acid. Ni imboga nziza kandi ku mwana urimo kwiga kurya kuko ibibabi byazo nta dutsi dukomeye tubamo, bityo bikoroshya igogorwa, no kuzisya cyangwa kuzinomba bikoroha.

7. Yaourt

N’ubwo kuyikoresha cyane atari byiza, ariko yaourt izwiho kuba ikungahaye kuri vitamin D. Yaourt iboneka bavanga amata n’imbuto nk’inkeri, pomme cyangwa ibindi, bikaba bituma iba nziza no ku mwana kuruta kumuha amata yonyine. Vitamini D nayo ifasha mu mikorere myiza y’ubwirinzi bw’umubiri wacu.

8. Ubunyobwa

Iyo tuvuga ubwirinzi, ntitwibagirwa vitamin E iboneka mu bunyobwa. Icyiza cyayo ni uko yo ibikika mu mubiri, bityo ntibisaba ko warya ubunyobwa buri munsi. Kuko ibaye nyinshi nabyo si byiza. Kuburya 2 cyangwa 3 mu cyumweru birahagije.

9. Green tea/ thé vert

The Vert ikungahaye kuri flavonoids, zikaba zizwiho gusohora imyanda mu mubiri. Si ibyo gusa kuko inifitemo L-theanine ikaba ifasha mu ikorwa rya lymphocytes T. Izi zizwiho guhangana na mikorobi cyane cyane virusi.

10. Ipapayi

Buriya mu ipapayi imwe, usangamo 224% za vitamini C ukeneye ku munsi. Kuba birenze 100% ntibigutere ikibazo kuko vitamin C iyo ibaye nyinshi umubiri usohora idakenewe. Iyi vitamini izwiho kurwanya indwara ziterwa na mikorobi, kongerera ingufu umubiri, by’umwihariko kurwanya inkorora n’ibicurane.

Si ibi byonyine byongera ingufu z’ubwirinzi ahubwo hari n’ibindi nk’ibihwagari, inyama y’inkoko, ibyo kurya byo mu nyanja bizwi nka shellfish; twavugamo crabs, lobster na mussels.

Inzego z’ubuyobozi zatangaje ko zitangira gusenya zimwe muri izo mva kuri uyu wa Gatanu icyakora ngo ntiharamenyekana neza uburyo abo bantu bishwemo ariko bikekwa ko bamwe barashwe abandi bakicwa no kubura ubuvuzi.

Inkuru ya BBC ivuga ko hari ibimenyetso ko abahashyinguye baba barimo n’ingabo za Ukraine.

Umuyobozi wa Polisi muri ako karere, Vlodymyr Tymoshko, yatangaje ko abagera kuri 400 baba ari bo bashyinguwe muri izo mva.

Izyum n’indi mijyi yo mu karere ka Kharkiv yabohowe muri uku kwezi mu bitero bikaze Ukraine yagabye itunguye ingabo z’u Burusiya birangira zinaniwe kwirwanaho ngo zigumane ibirindiro byazo.

Ukraine ivuga ko yatahuye ibyaha byinshi by’intambara byakozwe n’u Burusiya birimo ibyo kwica abasivile no gusambanya abagore ku gahato uhereye igihe Putin yafataga icyemezo cyo gutera Ukraine ku wa 24 Gashyantare uyu mwaka wa 2022.

Ingabo za Ukraine zavuze ko zabonye imva rusange n’ibimenyetso by’uko hari abasivile bishwe baboshywe amaboko n’amaguru.

Urukiko Mpuzamahanga rwamaze koherereza muri Ukraine itsinda ry’abajya gukora iperereza hamwe n’abahanga mu by’ibimenyetso bya gihanga.

Ni umuhango ubera mu murwa Mukuru rwagati w’icyo gihugu ari wo Luanda, ahitwa Praca da Republica, aho Minisitiri w’Intebe Dr. Ngirente, yahagarariye Perezida wa Repubulika, Paul Kagame, nk’uko byatangajwe n’urubuga rwa Twitter rw’ibiro bya Minisitiri w’Intebe.

Uwo muhango witabiriwe kandi n’Abakuru b’ibihugu bya Afurika 12, ndetse n’abahagarariye za Guverinoma zo hirya no hino ku Isi.

Icyakora ishyaka ritavuga rumwe n’ubutegetsi bwa Perezida João Lourenço, ari ryo UNITA, ntiryishimiye uyu muhango kuko rivuga ko ari ryo ryatsinze amatora.

Mu myiteguro y’irahira ry’Umukuru w’Igihugu cya Angola, umubare munini w’abapolisi n’abasirikare wagaragaye mu Mujyi wa Luanda aho bacunze umutekano kugeza n’ubu, nyuma y’amakuru y’uko abatavuga rumwe na Leta bashobora kuba bateguraga kubangamira uyu muhango.

Ibyo byanatumye bamwe mu batavuga rumwe na Leta bavuga ko abasirikare n’abapolisi bakwijwe mu bice bitandukanye, ari uburyo bwo gutera ubwoba abaturage bashakaga kwigaragambya bamagana ibyavuye mu matora.

Ubusanzwe, umuvuduko w’amaraso uri ku gipimo gikwiriye ku bantu bakuru ni utarengeje 120/80 ariko ntunajye munsi ya 90/60, ari na ho bavuga ko habayeho Hypotension.

Umuvuduko muke w’amaraso uterwa n’iki?

Muri rusange abantu bose bagira igihe umuvuduko wabo w’amaraso umanuka. Icyakora kubera ko bimara agahe gato ntibabimenya.

Hari ibyo uba ugomba kwitaho byatuma ukurikirana umuvuduko wawe:

• Mu gihe uri umugore utwite.

• Uwakoze impanuka agakomereka bikamuviramo kuva amaraso menshi

• Mu gihe ufite uburwayi bw’umutima imitsi ijyana amaraso ntikore neza.

• Gucika intege bijyana no kubura amazi mu mubiri nka nyuma yo kumara igihe utarya cyangwa uhangayitse.

• Kugira ubwivumbure budasanzwe ku kintu runaka cyane cyane imiti yo mu bwoko bwa pénicilline.

• Kugira ubwandu bw’amaraso.

• Imikorere mibi y’imisemburo nko kurwara diyabete, impyiko, cyangwa.

Hari n’imiti imwe n’imwe ishobora gutera hypotension muri yo twavuga nk’ifasha gusohora amazi mu mubiri, ivura dépression, kimwe n’iyongera ubushake bwo gukora imibonano mpuzabitsina.

Ni ibihe bimenyetso bya hypotension?

Iyo umuntu afite umuvuduko muke (uri munsi ya 90/60), birangwa n’ibi bikurikira: Umunaniro, kumva umutwe uremereye, ikizungera, isesemi, guta ubwenge, kureba ibicyezicyezi, kwiheba no kwigunga, kugira uruhu ruhorana urumeza.
Si ibyo gusa kuko hari aho bigera umuntu akumva fite intege nke ndetse akaremba akumva yakwigumira mu buriri.

Ni byiza kujya kwa muganga mu gihe wumva ufite ibi bimenyetso, ugasuzumwa na muganga kugira ngo amenye ikigutera icyo kibazo, ari na cyo avura.

Mu bindi usabwa kwitaho harimo: Kunywa amazi ahagije, gufata amafunguro yagufasha kuzamura umuvuduko w’amaraso ukajya ku gipimo cyiza, mu gihe nta mpamvu izwi igaragara ituma ugira iki kibazo. Muri byo twavuga:karoti, beterave, ikawa, kongera urugero rw’umunyu mu mafunguro ufata ariko ntukabye, indimu, teyi, umwenya, ibyo kurya byo mu Nyanja, tungurusumu, nibindi.

Icyitonderwa: Irinde kuzamura umunyu cyane kuko ushobora kugera aho urenza urugero cyane cyane iyo wongereye umunyu mu byo urya.

Abana bishimiye ubumenyi bahawe

Ibi babigarutseho ubwo bitabiraga izi ngando z’iminsi ibiri zateguwe na Building Learning Foundations (BLF), umushinga Minisiteri y’Uburezi iterwamo inkunga na Leta y’u Bwongereza, ukaba ugamije guteza imbere imyigire n’imyigishirize mu mashuri yose abanza ya Leta n’afashwa na Leta, hibandwa ku isomo ry’Imibare n’Icyongereza. Uyu mushinga ushyirwa mu bikorwa n’Imiryango itatu ari yo Education Development Trust (EdDevTrust), British Council na VSO ku bufatanye n’Ikigo cy’igihugu gishinzwe uburezi bw’ibanze (REB).

BLF kandi ifite umwihariko wo kwita ku burezi bw’umwana w’umukobwa binyuze mu matsinda y’abakobwa, iyi gahunda ikaba imaze hafi umwaka igeragezwa mu bigo 21.Ubusanzwe BLF ikorera mu mashuri yose abanza ya leta.

Ni mu rwego rwo kuganira ku mikorere y’izo clubs iziingando z’abagize komite z’amatsinda mu mashuri zateguwe, aho abanyeshuri 105 n’abarimu 42 bashinzwe ayo matsinda bahuriye i Kigali mu gihe cy’iminsi 2 bahabwa amahugurwa ku buzima bw’imyororokere, kwigirira ikizere no kugira intumbero y’ejo hazaza.

Irasubiza Ange Louana witabiriye izi ngando wiga ku ishuri ribanza rya Gahogo mu Karere ka Muhanga, yavuze ko bahigiye ibintu byinshi birimo ubumenyi butandukanye burimo kumenya agaciro k’Umwana w’Umukobwa, kwitinyuka no kwigirira ikizere, ndetse ko yifuza kuzaba Perezida w’u Rwanda.

Ati: “Twungutse ubumenyi burimo kumenya agaciro k’umwana w’umukobwa, kwitinyuka ukamenya uwo uri we, ukanagira ikizere kubyo ukora. Nk’ubu nahise ngira intego, ndashaka kuzahagarara ku birenge nkagaragaza ko umwana w’umukobwa ashoboye nkazaba Perezida.”

Ni ingando ahanini ziba zigenewe abana b’abakobwa

Mu genzi we Ganza Keny wiga mu mwaka wa kane k’Urwunge rw’amashuri rwa Shyorongi mu Karere ka Rulindo, avuga ko avuye muri izi ngando yize ko umwana w’umuhungu n’umukobwa bose ari bamwe.

Ati “Nungutse kwigirira ikizere ndetse no gutinyuka nkumva ko umuhungu n’umukobwa twese turi bamwe, akazi umukobwa yakora ko mu rugo natwe abahungu twagakora”.

Avuga ko mu bindi yigiye muri izi ngando, harimo kwikunda akifatira umwanzuro umuganisha aheza mu bihe biri imbere, kuko yifuza kuziga akaminuza akazaba Dogiteri.

Niyitegeka Pascasie, Umuyobozi w’Urwunge rw’amashuli rwa Rukingo, riherereye mu Ntara y’Amajyaruguru mu Murenge wa Rusiga, avuga ko uretse kuba hari icyo izi ngando zifasha abana mu kwidagadura, bibafasha kungurana ibitekerezo n’abandi baturutse hirya no hino, bituma bitinyuka bakavuga ibibazo bahura nabyo by’ihohoterwa, bakagura n’imitekerereze ndetse no kwigirira ikizere.

Yagize ati “Abana bigishijwe gutinyuka, kwisobanura, kuvugira mu ruhame, kwagura ibitekerezo, bize ku bijyanye n’imibanire yabo na bagenzi babo, kumenya uko babana n’abandi birinda amakimbirane no kugaragaza ihohoterwa bakorerwa batanga amakuru. Hri kandi gushimangira uburyo bwo kwigirira ikizere no kwiga bagakunda siyanse, cyane ko byagaragaye ko abana b’abakobwa benshi uko amashuri agenda azamuka, bagenda bahunga amasomo ya siyanse.”

Ganza Kenny, umwe mu bahungu bitabiriye icyo gikorwa

Niyitegeka akomeza avuga ko aya matsinda y’abana b’abakobwa ku mashuri, agamije kuzamura umwana w’umukobwa akure yitinyutse, abashe kwiga ariko kandi afite ubuzima bwiza, atarahuye n’ihohoterwa runaka yaba yarahishe.

Munyaneza Jean Marie Vianney, Umukozi wa Building Learning Foundations, avuga ko iyi gahunda y’amatsinda y’abakobwa ku mashuri ifite umwihariko wo kwita cyane ku bana b’abakobwa ariko hakajyamo n’abahungu, iganirwamo imbogamizi zishingiye ku muco zituma abana b’abakobwa batiga neza cyangwa se bakanabireka.

Avuga ko ibiganiro n’amasomo bitangirwa muri aya matsinda y’abakobwa bigaruka ku bibazo bikomeye birimo n’inda ziterwa abana b’abakobwa, ndetse n’imihindagurikire y’umubiri mu gihe cy’ubugimbi n’ubwangavu.

Ati “Twatekereje ko itsinda rigira amasomo abumbiye mu ngingo 9, buri somo rikagira ibiganiro bitandukanye by’umwihariko, rero hari ikiganiro cyerekeye kumenya imihindagurikire y’umubiri mu gihe cy’ubugimbi n’ubwangavu, ibijyanye n’imihango y’abakobwa cyangwa se abahungu kwiroteraho, uburyo umuntu ashobora gutera cyangwa guterwa inda, hanyuma no kumenya ngo ni gute umuntu yayirinda.”

Uretse isomo rigaruka ku buzima bw’imyororokere, ndetse no ku nda ziterwa abangavu, hari n’andi masomo bigishwa ku bijyanye n’ihohoterwa rishingiye ku gitsinda ribera ku mashuri.

Hashize amezi 9 izi clubs zikorera mu mashuri. Abazijyamo ahanini ni abanyeshuri bafite ibibazo by’imyigire, abasiba kenshi, abatsindwa n’abafite ubumuga.

Umwihariko w’izo clubs ni uko zivanzemo n’abahungu bake bafatwa nk’intangarugero mu guhindura imyumvire ya bagenzi babo.

Munyaneza Jean Marie Vianney, umukozi wa BLF

Itangazo rya Minisiteri y’Ingabo muri Turukiya rivuga ko ubwato bwitwa Razoni bwahagurutse ku cyambu cya Odessa bwerekeza ku cyambu cya Tripoli ku ruhande rwa Liban.

Minisitiri w’ibikorwaremezo muri Ukraine, Oleksandre Koubrakov, yatangaje ko ubu bwato bwatwaye tone ibihumbi 26 (26.000 T) by’ibigori.

Antonio Guterres, Umunyamabanga mukuru wa ONU, yatangaje ko yishimiye cyane iki gikorwa, avuga ko isubukurwa ryo kohereza ibinyampeke mu mahanga ari inkuru nziza ku batuye isi.

Umuyobozi ushinzwe ubutwererane muri Ukraine Dmytro Kouleba nawe yongeyeho ko Ukraine ari umufatanyabikorwa mwiza kandi ko idateze kubireka mu gihe cyose uBurusiya buzubahiriza ishyirwa mu bikorwa ry’amasezerano ku ruhande rwabwo.

Amasezerano yasinywe kuwa 22 Nyakanga i Istanbul hagati y’u Burusiya na Ukraine, Turukiya n’Umuryango w’Abibumbye, yemera isubukurwa ryo kohereza ibinyampeke bya Ukraine mu mahanga bikagenzurwa ku rwego mpuzamahanga.

Andi masezerano agendana n’aya yasinyiwe iMoscou yemeza iyoherezwa mu mahanga ry’ibikomoka kubuhinzi hamwe n’ifumbire.

Aya masezerano yombi agamije koroshya ikibazo cy’ibura ry’ibiribwa gikomeje kugaragara ku isi, cyibasiye cyane cyane bimwe mu bihugu bikennye cyane.

Aya masezerano avuga kandi ko ubwato buzajya bubanza kunyura ku cyambu cya Turukiya kugira ngo bukorerwe igenzura ry’imizigo butwaye mbere y’uko bwerekeza aho bugiye, bigakorwa n’itsinda ry’inzobere zituruka muri Ukraine, u Burusiya, Turukiya na ONU.

Ubwato bwahagutse uyu munsi bwerekeje ku cyambu Tripoli ku ruhande rwa Liban mu gihe iki gihugu cya cyugarijwe n’ibura ry’umugati n’ibikomoka ku binyampeke mu gihe cy’ibyumweru bibiri bishize.

Karoti zivamo amavuta meza

Nyamara burya ushobora kwikorera amavuta akozwe mu bimera biboneka hano iwacu, agafasha uruhu rwawe kandi adatera ingaruka.

Bumwe mu bwoko bw’amavuta ushobora kwikorera mu rugo iwawe ni aya karoti, izwiho kugira ibinyabutabire birinda gusaza (antioxidant), bityo ikarinda uruhu gusaza imburagihe.

Dore uburyo akorwa:

Amavuta ya Karoti ntakorwa nk’andi yose kuko adasaba gufata imbuto zayo no kuzisya, yo ari mu bwoko bw’ayo bita macérât huileux, yoroshye gukorwa.

1. Uburyo bwa mbere wakoramo amavuta ya karoti:

Fata karoti yogeje neza n’amazi meza, uyiharagate (raper). Fata amavuta ya elayo (huile d’olive) arengeye za karoti hanyuma ushyire ku muriro muke cyane kugira ngo amazi ya karoti akamukemo. Ibi bituma amavuta yawe adasaza vuba (atagaga).

Utereke ahore nurangiza uyungurure wifashishije akayunguruzo k’utwenge duto cyane cyangwa agatambaro keza. Ibikatsi bijugunywe, amavuta ubonye uyabike mu gacupa keza wateguye.

2. Uburyo bwa kabiri wakoramo amavuta ya karoti:

Fata Karoti yogeje neza uyiharagatemo uduce tunanutse hanyuma utwumishe. Ni byiza ko twumuka neza kugira ngo ya mazi ya Karoti akamukemo burundu kuko yakwangiriza amavuta.

Ushobora kumisha karoti yawe wifashishije izuba. Aha ufata ya karoti waharagase ukayishyira ku isahane cyangwa ikindi kintu kigaramye, ugatwikirizaho agatambaro koroshye kugira ngo hatajyaho udusimba n’undi mwanda.

Ushobora kandi kuyumisha ukoresheje ifuru ikamaramo amasaha make kuri degree celisiyusi 60.

Karoti yumishijwe

Iyo karoti yawe imaze gukamukamo amazi neza, urayifata ukayishyira mu gasorori (bocal) hanyuma ugasukaho amavuta ya elayo (cyangwa andi y’ibimera ayo ariyo yose) akarengera za karoti.

Aka gasorori cyangwa bocal uyashyizemo kagomba kuba gapfundikirwa neza, kandi kakaba gahwanye n’ingano y’amavuta usukamo kugira ngo umwuka utabona aho unyura akangirika.

Icyiciro cya nyuma, utereka aya mavuta yawe ahantu ugategereza ibyumweru bine, ukayungurura ukoresheje agatambaro keza cyangwa akayunguruzo k’utwenge duto cyane ukabona kuyisiga.

Amavuta ya karoti

Aya mavuta ashobora kubikika igihe kirekire atangiritse, nk’uko byemezwa n’urubuga lessavonsdelionel.com twakuyeho aya makuru.

Perezida Putin na Ebrahim Raisi wa Iran

Akigera i Tehran, Putin yabonanye na mugenzi we wa Iran, President Ebrahim Raisi, byitezwe kandi ko ahura n’umutegetsi w’ikirenga wa Irani, Ayatollah Ali Khamenei, hamwe na president wa Turukiya Recep Tayyip Erdogan.

Nyuma yo kubonana na Raisi, Putin yavuze ko imigenderanire hagati y’u Burusiya na Irani irimo gutera imbere ndetse ko igeze ku ntambwe nziza.

Perezida Putin akora ingendo mpuzamahanga nke, mu bihugu byahoze bigize Ubumwe bw’Abasoviyeti kuva ashoje intambara muri Ukraine.

Putin kandi yavuze ko ibihugu byombi bikomeje gukorana neza haba mu bijyaye n’umutekano mpuzamahanga, ubucuruzi no kurangiza ikibazo cya Syria.

Muri Kamena, Putin yakoze urugendo rwe rwa mbere muri ubwo yagendereraga Tajikistan na Turkmenistan, byompi byari mu cyahoze ari URSS.

Urugendo rwo kuri uyu wa Kabiri rugamije gushimangira ubucuti hagati ya Perezida Putin na mugenzi we wa Irani, kimwe mu bihugu bike bigifitanye imigenderanire na Moscou ndetse binasangiye ibihano by’ubukungu byashyiriweho n’ibihugu by’Uburengerazuba bw’u Burayi.

Uru rugendo ruje nyuma y’ibyavuzwe n’abategetsi ba Amerika mu cyumweru gishize, ko Tehran yariho itegura guha u Burusiya amagana y’indege zitagira abapilote (drones), bushobora kwifashisha mu ntambara muri Ukraine.

Mu kiganiro n’abanyamakuru cyabaye ku wa mbere tariki 18 nyakanga 2022, Yuri Ushakov, umujyanama mukuru wa Putin mu by’imigenderanire n’amahanga yagize ati "Guhura kwa Putin na Khamenei ni ingirakamaro cyane. Ibiganiro byizewe byateye imbere hagati yabo ku bibazo nyamukuru hagati y’ibihugu byombi ndetse no ku rwego mpuzamahanga”.

N’ubwo ababyeyi bose batabyimba ibirenge, abo bibaho bashobora kubyivura cyangwa kwiyorohereza mu buryo bukurikira:

Kunywa amazi ahagije: Byibuza ku munsi, umubyeyi utwite aba agomba kunywa litiro n’igice y’amazi. Gusa ushobora kunywa ibindi bintu byoroshye nabyo byagufasha, nk’amasupu y’imboga, imitobe y’imbuto, amata n’ibindi.

Kwirinda ibiribwa birimo umunyu mwinshi: Mu gihe utetse umunyu jya wirinda gushyiramo mwinshi, kandi n’ibiryo bigurwa bikoranye umunyu ubyirinde.

Kwirinda imyambaro ituma ibirenge birushaho kubyimba: Nk’amapantaro afashe amaguru cyane kuko atuma amaraso adatembera neza. Ni byiza kandi kwambara inkweto ziciye bugufi kandi zoroshye.

Kwirinda kwicara no guhagarara umwanya munini: Mu gihe ubyimba ibirenge utwite jya uzirikana ko kwicara umwanya munini no guhagarara cyane, nabyo bituma urushaho kubyimba ibirenge. Jya unyeganyeza ibirenge byawe.

Gukora imyitozo ngororamubiri: Hari imyitozo ngoraramubiri myiza ku mugore utwite kandi ikanamurinda no kubyimba ibirenge. Muri iyo hari kugendagenda no koga. Ibi bituma amaraso atembera neza ku buryo bworoshye.

Wagerageza kwambara ba (Bas de contention): Zituma amaraso atembera neza, ndetse zigatuma wumva uburemera bw’amaguru bugabanuka.

Kwegura isaso (matela) ahagana ku mirambizo: Gusegura amaguru igihe uryamye cyangwa wicaye nabyo bituma amaraso atembera neza mu mubiri, cyane cyane ninjoro ukagerageza kwegura matela.

Koga amazi akonje: Ushobora kwiyuhagira amazi y’akazuyazi, warangiza ugatera amazi akonje ku maguru, wibanda cyane ku birenge mu gihe cy’amasegonda 30.

Kugenzura ibiro byawe: Kwiyongera cyane kw’ibiro ku mugore utwite biri mu bituma ibirenge bibyimba.

Icyitonderwa: Kubyimba ibirenge utwite bishobora kuba ikimenyetso cy’uko waba ufite ikindi kibazo nk’umuvuduko w’amaraso udasanzwe (hypertension). Ni byiza ko ubanza ukajya kwa muganga bakareba ko nta kibazo ufite.

Ku wa mbere tariki 16 Gicurasi 2022, nibwo Zimbabwe yasabye ibihugu by’i Burayi ko byayishyigikira bityo ikabona uburenganzira bwo kugira ngo ibe yagurisha ayo mahembe y’inzovu.

Leta ya Zimbabwe ivuga ko inyungu izava mu kugurisha ayo mahembe y’inzovu yari ifite mu bubiko bwayo, izifashishwa mu gusigasira urusobe rw’ibinyabuzima, cyane cyane inyamaswa, ndetse no gufasha abaturage b’icyo gihugu baturiye za Pariki.

Ibyo byagarutsweho n’umuyobozi mukuru wa ZimParks, ikigo cyo muri Zimbabwe kimenyerewe mu gucuruza amahembe y’inzovu mu buryo bwemewe n’amategeko, ubwo yaganiraga na ba Ambasaderi b’ibihugu by’i Burayi, bari mu ruzinduko muri icyo gihugu.

Guhera mu 1989, ubucuruzi mpuzamahanga bw’amahembe y’inzovu burabujijwe, hagendewe ku masezerano mpuzamahanga abuza ubucuruzi bw’ibinyabuzima (ibimera n’inyamaswa) byo mu gasozi, biri mu nzira yo kuzimira.

Kubuza ubwo bucuruzi ngo byari bigamije guca intege ababukoraga hirindwa ko inzovu zakomeza kwicwa kugira ngo amahembe yazo agurishwe.

Nk’uko bitangazwa na France 24, muri Afurika ngo inzovu ziri hagati y’ibihumbi 20 na 30 zirahigwa mu buryo bunyuranyijwe n’amategeko buri mwaka.

Igihugu cya Libya kimaze igihe kivugwamo ibibazo by’umutekano muke

Ni mu gihe hari habayeho kandi guhangana hagati y’imitwe y’ingabo z’impande zitavuga rumwe zose zivuga ko ari zo ziyoboye.

Guverinoma ya Abdelhamid Dbeibah yakomeje kunangira ivuga ko itazasubiza ubutegetsi Guverinoma yatowe n’Inteko Ishinga Amategeko, ya Fathi Bachagha.

Ibiro ntaramakuru by’iyo Guverinoma byatangaje ko Minisitiri w’Intebe Fathi Bachagha hamwe na benshi mu ba Minisitiri be bahunze Tripoli hagamijwe kurinda umutekano w’abaturage, nyuma y’uko imitwe y’ingabo y’izo mpande zombi ikozanyijeho mu rukerera rwo ku wa Kabiri.

Ni nyuma y’uko mu masaha y’amanywa yo ku wa Mbere tariki 16 Gicurasi 2022, ibyo biro ntaramakuru bya Leta ya Libya, byari byatangaje ko Minisitiri w’Intebe Fathi Bachagha, hamwe n’Abaminisitiri ayoboye binjiye mu mujyi wa Tripoli, kugira ngo batangire imirimo yabo.

Ibyo yabigarutseho ku wa kabiri mu kiganiro kuri telephone cyamaze isaha imwe, yagiranye na Perezida Emmanuel Macron w’u Bufaransa, nk’uko ibiro bya Kremlin byabitangaje.

Abategetsi mu Bufaransa bavuze ko Putin yemeye gahunda yahawe yo kuba abaturage bavanwa muri uwo mujyi. Nyuma yaho Minisiteri y’Ingabo y’u Burusiya, yatangaje agahenge k’umunsi umwe wo ku wa kane.

Ku wa kane mu gitondo, Minisitiri w’Intebe wungirije wa Ukraine, yavuze ko bus z’icyo gihugu zari mu nzira zigana i Mariupol kugerageza gukurayo abasivili, ndetse yanavuze ko Croix Rouge yemeje ko u Burusiya bwemeye gufungura inzira ku basivili ngo bahunge.

Ayo makuru avuzwe mu gihe amafoto mashya y’icyogajuru yerekana uko uwo mujyi wasenyutse bikabije kubera ibisasu biwuraswaho.

Kenya, Somalia na Ethiopia byugarijwe n’ibura ry’imvura rya mbere rikaze mu myaka 40, mu gihe Sudan y’Epfo yo yiteze imyuzure, nk’uko OXFAM ikomeza ibivuga.

Uwo muryango werekana kandi ko icyo wita kurangara kw’ibihugu ku ntambara yo muri Ukraine, bituma hatitabwa ku kibazo cy’ubuke bw’ibiribwa mu karere ka Afurika y’Iburasirazuba.

Itangazo rigenewe ibinyamakuru rivuga ko ingamba mpuzamahanga zigamije guhangana n’icyo kibazo, zidafite ubushobozi buhagije kuko kuri miliyari esheshatu (6) z’Amadolari LONI ikeneye muri 2022, kugira ngo igoboke abari mu kaga muri Ethiopia, Somalia na Sudan y’Epfo, 3% yonyine ariyo amaze kuboneka.

Madame Gabriela Bucher, Umuyobozi Nshingwabikorwa wa Oxfam yagize ati "Ibihugu bya Ethiopia, Kenya, Somalia, Sudan y’Epfo n’ahandi bishobora guhura n’akaga. N’ubwo imvura yagwa muri uku kwezi kwa Werurwe, kwisuganya bizaba nk’ibidashoboka keretse hari igikozwe ubu."

Akomeza agira ati "Ingaruka z’intambara yo muri Ukraine mu guhererekanya ibiribwa zizagera mu bice byose by’isi, ariko abasanzwe bakennye n’abafite amikoro make, nibo zizashegesha cyane kandi byihuse."

Ibihugu bya Afurika y’Iburasirazuba bitumiza 90% by’ingano bikenera muri Ukraine n’u Burusiya, nk’uko iryo tangazo rikomeza ribivuga.

Soumeylou Boubèye Maïga witabye Imana

Soumeylou wari ufite imyaka 67, yatawe muri yombi muri Kanama 2021 ashinjwa uruhare mu kunyereza umutungo wa Leta.

Guverinoma ya Mali iyobowe n’igisirikare nyuma yo guhirika ubutegetsi muri Kanama 2020, nyuma y’amasaha menshi hatangajwe urupfu rwa Soumeylou, yasohoye itangazo ry’urupfu rwe no kwihanganisha umuryango we.

Nyuma y’uko bigaragaye ko ubuzima bwa Soumeylou burushaho kujya habi, abaganga basabye Leta ko yamuha uburenganzira bwo kohereza mu mahanga kuvuzwa.

Ibi byanashimangiwe n’umuryango we, basubiramo ibyavuzwe n’abaganga, mu kugaragaza inpamvu yo koherezwa hanze y’igihugu kugira ngo ubuzima bwe butabarwe, ariko Leta ntiyabiha agaciro.

Uyu munyapolitike wari ukomeye muri Mali, Soumeylou Boubèye Maïga, yabaye Minisitiri w’Intebe kuva mu 2017 kugera muri 2019, ku bwa Perezida Ibrahim Boubacar Keïta, wayoboye icyo gihugu kuva muri 2013. Yahiritswe ku butegetsi muri kanama 2020, yitaba Imana muri Mutarama 2021.

Soumeylou Boubèye Maïga, yabaye umunyamakuru nyuma yo kubyigira no kubihererwa impamyabumenyi muri Sénégal no mu Bufaransa. Yabaye Minisitiri w’Ububanyi n’amahanga, uw’Ingabo ndetse n’ukuriye inzego z’iperereza.

Yabaye umukandida mu matora y’Umukuru w’igihugu yabaye muri 2007, nk’uwari uhagarariye ishyaka ASMA-CFP (Alliance pour la solidarité au Mali-Convergence des forces patriotiques).

Mu bakomeye bagaragaje akababaro batewe n’urupfu rwe, harimo Perezida wa Nigeria, Mohamed Bazoum. Abinyujije kuri twitter yagize ati "Urupfu rwe muri gereza rwibukije urwa Perezida Modibo Keita (1960-1967). Natekerezaga ko impfu nk’izi zajyanye n’igihe cyazo."

Perezida wa komisiyo ya Afurika yunze Ubumwe, Moussa Faki, nawe yavuze ko yakiranye agahinda iyi nkuru y’urupfu rwe, hamwe n’umuyobozi w’ubutumwa bw’amahoro bwa LONI muri Mali (MINUSMA), El-Ghassim Wane, nawe yavuze ko yababjwe n’urupfu rwa Soumeylou.

Minisitiri w’Ububanyi n’amahanga wa Algérie, Ramtane Lamamra, wavuze ko yari inshuti ye yihariye, yoherereje ubutumwa bw’akababaro umupfakazi wa Soumeylou abinyujioje kuri twitter.

Abategetsi bo muri Mali bashinja ibyo bitangazamakuru byombi gutangaza ibinyoma byerekeye igisirikare cya Mali.

Ishyirahamwe rihuje Televiziyo na Radio zo mu Bufaransa (France Médias Monde), ryamaganye ibyo birego rivuga ko bidafite ishingiro.

Mu itangazo ryashyizwe ahagaragara kuri uyu wa Kane tariki 17 Werurwe 2020, Guverinoma y’inzibacyuho ya Mali yavuze ko yahagaritse ibiganiro by’ibyo bitangazamakuru, kugeza igihe hazatangarizwa umwanzuro mushya.

Guverinoma ya Mali ishinja ibyo bitangazamakuru kuba byaratangaje inkuru, yari irimo abatangabuhamya bavuga ko bahohotewe n’abasirikare mu ngabo za Mali, bafatanyije n’itsinda ry’abasirikare b’Abarusiya bakorera muri Mali rwihishwa. Bivugwa ko iyo nkuru yatambutse mu makuru ya France24 na RFI, ku wa 14 na 16 werurwe 2022.

Abize ibijyanye n’imitekerereze ya muntu n’ubuzima bwo mu mutwe (Psychologie), na bo bavuga ko uburyo umuntu akoresha ibice bye by’umubiri hamwe n’isura ye, bivuga byinshi ku miterere ye ndetse n’imitekerereze. Ni muri urwo rwego imyicarire y’umuntu, uko akora mu misatsi ye, n’ibindi nk’ibyo bigaragaza ibyifuzo bye.

Dore uburyo butanu bwo kwicara bukunze kugaragara n’icyo busobanura. Turifashisha amashusho ari hejuru aho twahaye amazina ya A, B, C, D, E.

Imyicarire ya A

Abantu bakunda kwicara muri ubwo buryo (amavi afatanye, amaguru asa n’akoze imitego ibirenge birebana) ni abantu muri rusange baba bakunda gukurikira cyane, ariko badakunda kwita ku guteganyiriza ahazaza habo, ntibinabahangayikisha na gato.
Ni abantu kandi mu miterere yabo bahubuka, ariko bahora bacecetse akenshi basa n’abibereye mu isi yabo y’ibitekerezo.

Imyicarire ya B

Abantu bakunda kwicara muri ubu buryo bwa B (barengeje ukuguru ku kundi), muri rusange ntibakunda gusohora ibitekerezo byabo kubera ko nta kizere bagirira abandi.

Ku rundi ruhande ariko ni abantu bazi kuvuga neza ku buryo ubateze amatwi aba yumva bakomeza bakivugira, ndetse bakunze gutangiza impaka zimbitse. Ni abantu batega amatwi kandi bakumva abandi batabacira imanza.

Aba bantu ngo ntibakunze kuboneka. Mu gihe ugize amahirwe yo kumenyana n’umuntu nk’uyu ntuzifuze kumurekura.

Imyicarire ya C

Abantu bakunda kwicara batya (amavi atandukanye, ibirenge bitambitse, mbese ibyo twakwita kwicara kirimwabo), ni abantu bizerwa ku rwego rwo hejuru. Bamenya neza aho bafite imbaraga kurusha aho bafite intege nke ndetse bakabasha no kuzikoresha bazibyaza umusaruro.

Ni abantu bakunda kubana neza n’abandi ndetse bakagira inshuti nyinshi ndetse akenshi bakumva bagaragara kuko baba bashaka kugaragaza impano bifitemo.

Ikindi ni uko usibye uko bagaragara, imbere muri bo hihishemo umuntu utuje, w’umugwaneza kandi wigenga ashingiye ku bushobzi yifitemo.

Imyicarire ya D

Abantu bakunda kwicara muri ubu buryo (reba ishusho hejuru), bakunze kuba ari abantu batuje, b’abagwaneza, kandi bagira urugwiro. Ni inyangamugayo kandi bagira ukuri, bumva abandi ndetse ntibabacire imanza.

Ntibatinda kugoboka abandi mu gihe bikenewe (ubufasha) biherekejwe n’urukundo rwinshi rudategereje inyungu.

Akenshi aba bantu bakunze kugambanirwa cyangwa guhemukirwa bitewe n’ubugwaneza bwabo bufatwa nk’ubugwari n’abo babana, bakorana, bagendana. Gusa nanone, ntibakunze gucika intege, n’ubwo haza ibicantege kuko baba bafite icyizere cy’uko ibintu byose bizagenda neza (optimists).

Imyicarire ya E

Abantu bicara batya (reba ishusho) babaho bafite intego biyemeje bazi icyo bashaka. Mu miterere yabo bagira gahunda, bakagira ubushake mu byo baba biyemeje kugeraho.

Akenshi ntibashobora kumva batekanye, bafite amahoro mu gihe cyose bari ahantu hajagaraye cyangwa se hari akajagari. Aba bantu kandi usanga bakunda kugenzura utuntu twose mu byo bakora ku buryo bibasunikira ku kubinoza birenze (perfectionniste/méticuleux).

Uburyo bicara amaguru yabo yegeranye asa n’aberamye, ngo binagaragaza ko babasha kubika ibanga, no gusoma ibitekerezo biri mu mitwe y’abandi nk’abasoma igitabo ariko bakaba badashobora kuvuga ibyo babavumbuyeho.

Imiterere y’aba bantu itangaje, ituma bagira rukuruzi ku bandi bityo buri wese akumva baba inshuti.

Ni inkuru dukesha www.santeplusmag.com

Guterres yasobanuye ko ibihugu 45 bya Afurika bitumiza 1/3 cy’ingano bikenera mu Burusiya no muri Ukraine, ndetse ko bimwe muri byo bitumiza izingana na 50%, nk’uko byatangajwe mu nkuru ya France 24.

Ibyo bihugu birimo nka Burkina Faso, Egypte, Repubulika Iharanira Demokarasi ya Congo, Liban, Yemen, Libya, Somalia na Soudan.

Yagize ati “Dukwiye gukora ibishoboka byose kugira ngo duhangane n’inzara, ndetse n’ibura ry’ibiribwa bishobora guterwa n’iyi ntambara yashojwe n’u Burusiya kuri Ukraine”.

Ni muri urwo rwego ku cyumweru abarwanashyaka ba Parti Destourien Libre, ishyaka ryo muri Tunisia babarirwa mu 2000, bakoze imyigaragambyo yabereye mu mujyi wa Tunis, yamagana ibura ry’ibiribwa n’izamuka ry’ibiciro, byatewe n’iyo ntambara irimo kubera muri Ukraine.

Urwara rutangira ruhindura ibara, rukabyimba, rukazagera ubwo rusa n’uruzamo amashyira, rukagenda ruhinduka umukara, rusa n’urubora byatinda rukazanavamo.

Ni byiza kwivuza kare ibyo bimemyetso byose bitaragaragara

Mikoze y’inzara ivurwa mu gihe kiri hagati y’amezi 3 na 6, bitewe n’uko muganga yabigennye n’imiti yandikiye umurwayi.

Icyokora hari n’uburyo bw’umwimerere bukoreshwa mu kuvura Mikoze y’inzara, bumwe muri bwo ni ubu bukurikira:

1. Vinaigre de cidre:

Fata amazi litiro 1, ushyire mu ibase, uvangemo ibiyiko 3 bya vinaigre de cidre, hanyuma ukandagiremo cyangwa se urambikemo ikiganza kiriho urwara rurwaye umaremo akanya.

2. Umutobe w’indimu:

Fata litiro 1 y’amazi y’akazuyazi uyashyire mu ibase, uvangemo umutobe w’indimu, ibiyiko 3, hanyuma ukandagiremo cyangwa urambikemo ikiganza umazemo akanya.

3. Bicarbonate de soude:

Fata amazi y’akazuyazi, ushyiremo ibiyiko 2 bya bicarbonate, hanyuma ukandaguremo cyangwa ushyiremo ikiganza kiriho urwara rurwaye.

Mikoze z’inzara zakwirindwa

1. Guca inzara neza no gukoresha ibikoresho bica inzara bisukuye, wirinda kubitizanya.

2. Kwirinda gutizanya ibikoresho by’isuku (nka esuwime).

3. Kumutsa cyangwa guhanagura neza intoki n’ibirenge nyuma yo koga cyangwa gukaraba.

4. Kwirinda gusiga verini inzara zirwaye.

5. Kwambara amasogisi akoze mu ipamba cyangwa lene (coton/ laine) aho gukoresha akoze mu gitambaro kinyerera cyangwa cyorohereye.

6. Kwirinda kwambara umuguru umwe w’inkweto iminsi myinshi ikurikiranye.

7. Ku bakora imyitozo ngororamubiri zibasaba kwambara uturindantoki (gants), si byiza kudutizanya.

Hari n’abahoberana ari ukugaragaza uburyo bishimanye (umwe yishimiye undi), ndetse bikunze gukorwa n’abari bagiranye amakimbirane nyuma yo kuganira no kubabarirana, nk’ikimenyetso cy’ubwiyunge.

Si aho akamaro ko guhoberana kagarukira ahubwo abahanga bagaragaza byinshi umuntu abyungukiramo.

1. Bitera akanyamuneza bikongera urukundo

Guhoberana bituma umubiri urekura umusemburo witwa Oxytocin utuma umuntu agubwa neza, akumva atari wenyine, ndetse akibagirwa n’umubabaro yari afite.
Abantu barwaye indwara yo kwiheba no kwigunga, kubahobera kenshi ni umuti ukomeye ubavura buhorobuhoro batabizi bakazisanga biyumva muri sosiyete nk’abandi.

Ibi biterwa n’uko guhoberana bituma umubiri urekura imisemburo ya ocytocine, endorphine na dopamine ifatwa nk’imisemburo y’urukundo.

2. Kugabanya umujagararo (Stress)

Ubushakashatsi bwakozwe n’abahanga bo muri kaminuza yitwa Carnegie Mellon, iherereye muri Leta ya Pennsylvania muri Amerika, bwagaragaje ko abantu bakunda guhoberana baba bafite ibyago bike byo kurwara stress, ugereranyije n’abatajya bahoberana. Guhoberana bigabanya urugero rw’umusemburo wa Cortisol utera umunaniro ukabije n’umujagararo (stress)

Prof Sheldon Cohen, wigisha isomo ryerekeranye n’imitekerereze ya muntu muri Carnegie Mellon University ari na we wari uhagarariye ubwo bushakashatsi, yagaragaje ko “guhoberana ari ikimenyetso cy’urukundo mvamutima, kandi bigafasha gutanga ibyiyumviro abantu baba bakeneranyeho, bityo bigatuma habaho impinduka nziza ku bwonko maze stress ikagabanyuka.

3. Kugabanya umuvuduko ukabije w’amaraso

Guhoberana bituma ibyumviro by’uruhu byohereza amakuru ku mitsi ikorana n’umutima, cyane cyane ku gice gishinzwe kugabanya umuvuduko ukabije w’amaraso, maze kigakora akazi kacyo neza ko kuwuringaniza.

4. Kubaka icyizere mu bantu

Abashakanye cyangwa abakundana ibi bashobora kubyumva vuba, burya iyo umukunzi wawe yakumenyereje kuguhobera maze igihe kimwe mwahura akaguhereza ikiganza, wumva umugizeho ikibazo ndetse bamwe bashobora no kubipfa.

Iyo ataguhobeye wumva ko atakikwishimira cyangwa se akaba afite undi muntu aharaye asigaye ahobera. Ni yo mpamvu guhoberana byongera icyizere mu bantu bafitanye umubano wihariye.

5. Kunoza imikorere y’umutima

Abashakashatsi bo muri Kaminuza ya North Carolina muri Leta Zunze ubumwe za Amerika, bagaragaje ko abantu badahobera abakunzi babo baba bafite umutima utera cyane, ku buryo ushobora gutera inshuro nyinshi mu munota ugereranyije n’uko umutima w’undi muntu ukunda guhoberana utera.

6. Gukora akazi kanoze

Ubushakashatsi bwakozwe n’Abadage bugaragaza ko iyo umuntu avuye mu rugo ahoberanye n’uwo bashakanye cyangwa se abagize umuryango we, yirirwana akanyamuneza, bityo agatanga umusaruro mwiza kurusha utabikora.

Guhoberana bikorwa mu buryo bwinshi, ariko twavuga bumwe muri bwo n’icyo busobanura

1. Kwihobera ubwawe (L’auto-câlin)

Ibi bikorwa n’umuntu wumva akeneye kwitabwaho ariko ntamubone ako kanya. Bituma yumva aruhutse, ndeste ni n’uburyo bwo kwivura mu buryo bw’imitekerereze.

2. Guhoberana abantu basa n’ababyina buhoro buhoro

Umwe azamura amaboko ku ntugu za mugenzi we, undi nawe akamufata mu mayunguyungu, bagasa n’abarebana akana ko mujisho, imitima ikavugana byinshi.

3. Guhoberana kw’abantu basumbana (Le Câlin à hauteur inégale)

N’ubwo umwe aba ari muremure asumba mugenzi we, ntibibabuza guhuza urugwiro, agerageza guca bugufi gato, undi nawe agasa n’uwisumbukuruza kugira ngo ashyikire umukunzi we. Bikorwa n’abantu bafitanye umubano udasanzwe.

4. Guhobera umuntu umututse inyuma (Une étreinte par le dos ou inversée)

Ubu buryo bwo guhobera mugenzi wawe buvuga byinshi mu rukundo. N’ubwo waba ntacyo uramubwira kijyanye no kuba umukunda, we ashobora guhita abyibwira. Ubu buryo busobanura kandi ko uwahobeye mugenzi we amuturutse inyuma agahuriza amaboko ye imbere, aba amwijeje kumwitaho no kumurinda.

5. Guhoberana buri muntu mu gituza cya mugenzi we (Câlin de coeur à coeur)

Ni bwo buryo bwa mbere bugaragaza urukundo mvamutima. Ni bwo buryo abakuru bo hambere bahoberanamo cyane cyane, umuntu ukuze akabikorera umuto asa n’umukandakanda mu mugongo, mu rushyi rw’ukuboko, biherekejwe n’amagambo akomeza (ahumuriza), y’urukundo.

6. Guhobera umuntu yitaje undi (L’étreinte en forme de A/ câlin de tipi)

Ubu buryo bwo guhoberana bukorwa hagati y’abantu bahuye bwa mbere, ariko bakaba bari bakumburanye, cyangwa se abakundana mu ibanga badashaka ko bimenyekana.

7. Guhoberana mu itsinda (L’étreinte de groupe)

Abantu bahoberana ari benshi icyarimwe, akenshi aba ari nk’ikimenyetso cy’ubumwe bafitanye. Bikunze gukorwa bishimira intsinzi runaka mu mushinga bemeranyije, bakanakorera hamwe.

8. Guhoberana hagati y’abagabo/abahungu bombi (L’étreinte masculine)

Ni guhoberana gukorwa n’abantu babiri b’igitsina gabo. Umwe akubita undi agapfunsi ko mu mugongo cyangwa se mu gihumbi, ntibimara akanya bahita barekurana, bigakomereza mu mvugo.

9. Guhoberana umwe ateruye undi (L’étreinte d’ours)

Bikunze gukorwa hagati y’abakundana, cyane cyane umugabo/hungu, agahobera umugore/kobwa, akanamuterura. Ni imwe mu ndamukanyo ikundwa n’abagore n’abakobwa kuko ituma bumva bakunzwe kurushaho.

Lt Col Paul-Henri Sandaogo Damiba

Ni igihe kizabarwa guhera ku wa Gatatu w’iki cyumweru, umunsi Lt Col Sandaogo Damiba, azarahirira kuyobora Burkina Faso mu nzibacyuho.

Icyo gihe cy’imyaka itatu cyemejwe na Lt Col Damiba, nyuma y’uko akanama kari kashyizweho na Guverinoma ko kari kasabye ko inzibacyuho itarenza amezi 30.

Iryo tegeko riteganya ko President w’inzibacyuho hamwe n’abagize Guverinoma 25 barimo na Minisitiri w’Intebe, batazaba bemerewe kwiyamamaza mu matora y’abazasimbura abo mu nzibacyuho, yaba ay’Umukuru w’igihugu, ay’Abadepite ndetse n’ay’Abayobozi b’inzego z’ibanze.

Iyi Guverinoma y’inzibacyuho mu nshingano zayo z’ibanze, harimo n’iyo guhashya imitwe y’iterabwoba no kugarura umutekano mu gihugu.

Lt Col Paul-Henri Sandaogo Damiba, ayoboye Burkina Faso mu nzibacyuho izamara amezi 36, nyuma yo guhirika ubutegetsi bwa Roch Marc Christian Kaboré, kuri ubu uri i Ouagadougou aho acungishijwe ijisho.

Yahiritswe ku butegetsi mu gihe yashinjwaga kugira intege nke mu mugambi wo guhashya imitwe y’iterabwoba no kureberera ibikorwa bya ruswa no kunyereza umutungo.

Ibi byatumye batinyuka kugaragara ku isoko ry’umurimo mu buryo bwagutse. Urugero ni aho hasohotse itangazo ry’akazi k’imyanya 30 igenewe abashoferi b’abagore ba gari ya moshi, abagasabye bari hafi 28,000.

Ikigo cy’abanya Esipanye gikora ubwikorezi bwa Gari ya moshi muri Arabia Sawudite cyitwa Renfe cyashyize ku isoko iyi myanya, cyemeye gutanga amahugurwa ku bagore batoranyijwe uko ari 30, kinabahemba mu gihe cy’umwaka umwe.

Abagore bari hagati y’imyaka 22 na 30, batoranyijwe hakurikijwe amashuri bize, n’ubushobozi bwabo bwo kuvuga no kwandika neza Icyongereza, bazatangira akazi ko gutwara gari ya moshi muri werurwe 2023.

Bazaba bashobora gutwara Gari ya moshi zigendera ku muvuduko wo hejuru, mu muhanda uhuza umujyi wa Maka n’uwa Madina, ukoreshwa cyane n’abayoboke b’idini ya Isilamu, babarirwa muri za millioni buri mwaka mu gihe cy’umutambagiro wabo.

Icyo kigo cya Ranfe, cyari gisanzwe gikoresha abagabo 80 batwara Gari ya moshi n’abandi 50 bari bakiri mu mahugurwa. Ni ubwa mbere mu mateka ya Arabiya Sawudite abagore bazaba bahawe uburenganzira bwo kwinjira muri uwo mwuga.

Mu mwaka wa 2018, nibwo abagore bo muri Arabiya Sawudite bemerewe gutwara imodoka, muri 2019 nabwo bahawe uburenganzira bwo gusohoka mu rugo nta ruhushya rw’umugabo (Se, musaza we cyangwa undi mugabo umufiteho uburenganzira).

Hashize igihe gito abagore bemerewe gutwara imodoka

Muri uwo mwaka kandi, nibwo bemerewe kuba bakwibana ndetse no kwihangira imirimo yabo bwite.

Ubushakashatsi bwakozwe n’ikigo cy’Abanyamerika, Brookings Institution, bwagaragaje ko imirimo ikorwa n’abagore ba Arabiya Sawudite bagize 42% by’abaturage bose, yavuye kuri 20 igera kuri 33% muri 2021.

Ni nyuma y’uko ku munsi wabanje, Perezida w’u Bufaransa, Emmanuel Macron, yari yatangaje ko azaba yamaze gukunda Ingabo ze muri Mali mu gihe cy’amezi atarenze atandatu, uhereye muri uku kwezi kwa Gashyantare.

Umuvugizi wa Guverinoma ya Mali mu itangazo yasomeye kuri Televiziyo y’igihugu, yavuze kandi ko Abategetsi bafashe iki cyemezo, batirengagije ko kinyuranyije n’amasezerano yasinywe hagati y’ibihugu byombi.

Ibi kandi bibaye nyuma y’uko u Bufaransa n’ibindi bihugu bihuriye mu mugambi umwe, wo guhashya imitwe y’iterabwoba mu gace ka Sahel, ku wa Kane tariki 17 Gashyantare 2022, bari batangaje ko bafashe icyemezo cyo gukura Ingabo zabo muri Mali, bayinenga ko bitacyoroshye gukorana na Guverinoma y’inzibacyuho y’icyo gihugu.

Ubwo buryo buteye imbere, bwavuye mu bushakashatsi bwatwaye hafi miliyari 1 y’Amadolari, bwakozwe na Guverinoma ya Abu Dhabi muri Leta zunze Ubumwe z’Abarabu (EAU).

Ikirwa cya Zanzibar na Abu Dhabi basanzwe bafitanye umubano ushingiye cyane ku bukerarundo umaze igihe, ndetse iki kirwa cyakira abagenzi benshi baturuka muri Leta zunze Ubumwe z’Abarabu.

Itsinda rya mbere r’abagenzi basuzumwe hakoreshejwe ubu buryo, ryageze ku kibuga cy’indege cya Zanzibar bwa mbere kuGwa gatatu tariki 16 gashyantare 2022.

Umwe mu bagenzi basuzumwe hakoreshejwe ubu buryo, yatangaje ko ari bwiza cyane kuruta ubusanzwe.

Yagize ati "Burihuta kandi burizewe. Sinamenye ko namaze gupimwa mu gihe gito, ndetse n’igisubizo cyanjye cyahise kiboneka muri ako kanya”.

Minisitiri w’Ubuzima muri Zanzibar, yatangaje ko nta bwandu bushya bwa Covid-19 buragaragara kuva mu ntangiriro za Mutarama uyu mwaka wa 2022, abayobozi bakaba bishimira ubu buryo buzorohereza abakerarugendo basura Zanzibar.

Ikibabaje kuruta ni uko biba biganisha ku mubyibuho ukabije, aho usanga umuzenguruko w’inda udahuye n’ibindi bice by’umubiri ndetse n’ibiro bidahuye n’indeshyo.

Si ibyo gusa kuko uwo mubyibuho ukabije na wo ukurura izindi ndwara zitandukanye zirimo diabete n’indwara z’umutima.

Dore ibikoresho ukeneye kugira ngo utegure umutobe wagufasha kugabanya ibyo binure byo ku nda mu gihe gito:

1. Umuneke umwe
2. Indimu imwe
3. Tangawizi akajumba kamwe
4. Pome imwe

Uruvange rw’umutobe

 Urafata indimu uyikamure, umutobe uwushyire ku ruhande, ibishishwa na byo ubishyire ku ruhande,

 Umuneke na wo urawutonora uwushyire ku ruhande, igishishwa na cyo ukwacyo,
 Ibishishwa by’umuneke n’iby’indimu, urabikatakatamo dutoduto, ubishyire mu isafuriya usukemo ikirahure cy’amazi kimwe ubitogose, hanyuma utereke hasi bihore.

 Urafata wa muneke, ya pome na tangawizi iharuye ubikatakatemo duto duto ubishyire muri Brenda (imashini ikora umutobe mu mbuto) usukemo wa mutobe wakamuye mu ndimu hamwe n‘uwa bya bishishwa watogosheje hanyuma ubisye. Umutobe ubonetse muri urwo ruvange uwufata buri munsi nyuma y’ifunguro rya mu gitondo, mu gihe cy’iminsi itatu biba bitanze impinduka nziza.

Ibi ariko ntibikuraho gukora imyitozo ngororamubiri no kurya indyo iboneye.

Icyo cyemezo cyafashwe ku wa Mbere tariki 14 Gashyanatere 2022, kizubahirizwa mu Ntara zose z’igihugu usibye Nord Kivu na Ituri.

Ikindi ni uko ubu abagenzi binjira muri RDC barakingiwe byuzuye, badasabwa kubanza kwipimisha Covid-19.

Ni icyemezo cyatangajwe n’ibiro bya Perezida Félix Tshisekedi, nyuma y’inama yagiranye n’itsinda ry’abayobozi bashinzwe kurwanya icyo cyorezo yabaye ejo ku wa Mbere.

Gukuraho kwipimisha ku bantu bakingiwe byuzuye mu kwinjira muri DR Congo, ni icyemezo gishobora gushimisha abakora ubucuruzi bwambukiranya imipaka, bava mu Rwanda cyangwa mu Burundi binjira muri icyo gihugu.

Kuva iki cyorezo cyagera muri DR Congo ituwe n’abaturage bakabakaba miliyoni 90, abantu 224.958 gusa nibo bamaze gukingirwa byuzuye, abasaga 1,350 bahitanywe nacyo mu gihe abakirwaye basaga 85.000 nk’uko inzego z’ubuzima zibitangaza.

Ishami ry’Umuryango w’Abibumbye ryita ku Buzima (OMS), rivuga ko kugeza ubu abantu barenga miliyoni 410 ku isi banduye Covid-19, mu gihe abarenga miliyoni 5.8 yabishe kuva yaza mu 2020.

Kubera kugabanuka kw’abandura no kwiyongera kw’abikingiza, ibihugu byinshi, cyane cyane ibyateye imbere, birimo kuvanaho amabwiriza yose byashyizeho yo kwirinda Covid-19.

Leta ya DR Congo yatangaje ko kuba yavanyeho izo ngamba bitavuze ko icyorezo kirangiye, ko izindi ngamba zizakomeza kubahirizwa.

Aya makara aboneka mu nzu zicuruza imiti ashobora kuboneka ari ifu cyangwa ibinini. Gukoresha amakara bizwi kuva mu myaka ibihumbi bitatu mbere y’ivuka rya Yezu/Yesu, aho Abanyegiputa bayakoreshaga mu gusukura amazi, ndetse na Hypocrate ufatwa nk’uwahanze ubuvuzi, akaba yarayakoreshaga mu kuvura.

Ese aya makara atunganywa ate?

Amakara akoreshwa nk’umuti, aboneka hatwikwa ibiti ku kigero cy’ubushyuhe kiri hagati ya 600 °C na 900 °C. Yongera gutwikwa kandi ku nshuro ya kabiri ku kigero cy’ubushyuhe kiri hagati ya 900°C na 1000 °C, cyangwa hagati ya 400 °C na 500 °C nk’uko ikinyamakuru www.femmeactuelle.fr kibigaragaza. Kuri iki cyiciro cya kabiri, yongerwamo umwuka utangwa n’amazi cyangwa ibyuya byayo mu gihe yabijijwe, ndetse na Gaz yitwa Gaz oxidant ari na byo biyaha ubushobozi bwo gukora nk’umuti.

Amakara akoreshwa mu kuvura indwara zitandukanye, harimo no gusohora uburozi n’indi myanda mu mubiri ndetse na virusi zimwe na zimwe. Zimwe muri zo ni:

 Ibibazo byo mu mara nko kwituma impatwe, gucibwamo, …
 Kugugara, kokerwa mu gifu, ikirungurira ndetse no gutumba (ballonnement)
 Kugabanya igipimo cya cholesterol mbi mu mubiri
 Gusohora uburozi bwaturutse ku mafunguro ahumanye
 Kurwanya impumuro mbi mu kanwa ndetse n’icyuya kibi ku mubiri. Icyakora urutonde rw’akamaro k’amakara si uru gusa, ahubwo rushobora kwiyongera.

Icyitonderwa:

• Mu gihe wanyweye amakara, usabwa kunywa amazi ahagije kuko yo ubwayo ntapfa gusohoka, akomeza guhumbahumba ubwo burozi n’imyanda yose tumaze kubona, kugeza igihe asohokanye n’umwanda munini.

• N’ubwo hari abayagura bakayakoresha uko biboneye, ni byiza kuyanywa wabisabwe na muganga cyangwa n’abize ibijyanye n’imirire, akanakubwira amabwiriza wubahiriza ndetse n’igipimo ufata bitewe n’uburwayi agiye kuvura.

• Amakara ntabwo afatirwa rimwe n’indi miti, icyakora ashobora kunyobwa mbere cyangwa nyuma y’amasaha atatu unyweye imiti.

• Ku bagore bafata imiti yo kuboneza urubyaro ikozwe mu misemburo (contraceptifs hormonaux), amakara ashobora kuyifata nk’uburozi akayisohora bityo bagasama batabiteguye.

Hari uburyo busanzwe bukoreshwa kwa muganga bwo kuyisuzuma hifashishijwe imashini zipima umuvuduko w’amaraso.

Ariko hari ibimenyesto byatuma ukeka ko uyifite ukihutira kureba muganga:

1. Kumva umutima utera cyane ukanabyumvira mu gutwi kumwe cyangwa yombi, cyane cyane uryamye cyangwa uri ahantu hacececetse.

2. Kuribwa umutwe biherekejwe no guhorana umunaniro, akenshi ubu bubabare bukunze kubaho mu gihe umuntu akangutse. Ishami ry’umuryango w’abibumbye ryita ku buzima (OMS) ritangaza ko umuntu mukuru umwe muri batatu aterwa umutwe n’umuvuduko ukabije w’amaraso.

3. Kutabona neza: Umuntu yumva ikizungera cyangwa isereri bigendana no kumva atabona neza cyangwa akabona ibikezikezi.

4. Kubira ibyuya: Gututubikana bidafite indi mpamvu bishobora kuba impuruza y’uko umuvuduko w’amaraso wazamutse.

5. Kuva imyuna (Kuva amaraso mu mazuru)

Indwara y’umuvuduko w’anaraso ihangayikishije abatuye isi. OMS itangaza ko abantu miliyari 1.28 bari hagati y’inyaka 30 na 79 barwaye umuvuduko ukabije w’amaraso, kandi ko 2/3 byabo ari ababa mu bihugu bikennye n’ibiciriritse. Ikindi kandi iyi ndwara ni imwe mu za mbere zitera gupfa imburagihe, cyangwa se gukenyuka kw’abatuye isi.

Hypertension ishobora kwirindwa

1. Gukora imyitozo ngororamubiri
2. Kurya ifunguro riboneye ririmo imboga n’imbuto
3. Kugabanya inzoga cyangwa ibisindisha no kwirinda kunywa itabi
4. Kugabanya umunyu
5. Kumenya guhangana na stress

Compaoré kuri ubu uri mu buhungiro muri Côte d’Ivoire, arashinjwa kuba ari we wari ku isonga mu gutanga itegeko ryo kwica uwo yasimbuye, Thomas Sankara, mu 1987.

Thomas Sankara yishwe hamwe n’itsinda ry’abantu 12 mu ihirikwa ry’ubutegetsi ryakozwe mu 1987.

Compaoré yashinjwe icyo cyaha nyuma yo kuvanwa ku butegetsi mu mwaka wa 2014, akaba yasabiwe icyo gihano adahari.

Undi baburanaga mu rubanza rumwe wasabiwe igifungo cy’imyaka 30, ni umusirikare wayoboraga itsinda ryari rishinzwe kumurinda, Hyacinthe Kafando, bivugwa ko ariwe wayoboye agatsiko kishe Thomas Sankara, hamwe n’abo bakoranaga ku itariki ya 15 Ukwakira 1987.

Hyacinthe Kafando nawe yaburanishijwe adahari, kuko ari mu buhungiro kuva mu mwaka wa 2016.

Mu bareganwa hamwe na bo uko ari 14, usibye abo babiri bari mu buhungiro, abanda 12 bose bitabiriye iburanisha kuva urubanza rwatangira.

Abantu bibwira ko stress igaragarira mu mutwe gusa cyangwa mu marangamutima gusa, nyamara ahubwo stress ikora mu mubiri wose.

Iyo ugize stress umubiri wose ugerwaho n’ingaruka zayo aho imiyoboro y’amaraso yifunga, umuvuduko w’amaraso ukazamuka ndetse n’umutima ugateragura cyane. Guhumeka na byo biriyongera, mu maraso hakiyongeramo imisemburo ya cortisol na adrenaline.

Iyo rero ya stress igutinzeho ntakabuza za mpinduka zibyara uburwayi nk’uko tugiye kubibona muri iyi nkuru.

Indwara ziza ku isonga mu ziterwa na stress

1. Indwara z’umutima

Umutima ni wo wa mbere ugerwaho n’ingaruka za stress aho ugira ikibazo cy’umuvuduko ukabije w’amaraso. Si ibi gusa kuko ishobora no gutera umutima guhagarara dore ko stress itera umutima gutera cyane, bityo bikazamura igipimo cya cholesterol na triglyceride mu maraso.

2. Asima

Ntabwo stress ubwayo itera asima ahubwo niba usanzwe uyirwara bikongerera kurembeshwa na yo (crise). Gusa ubushakashatsi bugaragaza ko ababyeyi bahorana stress baba bafite ibyago byinshi byo kubyara abana barwaye asima.

3. Umubyibuho ukabije

Ni umubyibuho ukabije wibanda cyane ku gice cy’inda, kubera ko stress ituma umusemburo wa cortisol ukorwa ku bwinshi kandi iyo ubaye mwinshi bituma ibinure by’umubiri byibika ku nda.

4. Diyabete

Stress yongera ibyago byo kurwara diyabete mu buryo bubiri:
Ubwa mbere, stress ishobora gutera kuryagagura no kunywa buri kanya, uburyo bwa kabiri ni mu gihe stress yazamura igipimo cy’isukari ku basanzwe barwaye diyabete.

5. Kurwara umutwe

Stress yongera ibyago byo kurwara umutwe by’umwihariko umutwe w’uruhande rumwe (migraine).

6. Agahinda gasaze (Depression)

Ni indwara irangwa no kwiheba, kwigunga no guhangayika. Ubushakashatsi bwagaragaje ko abantu baterwa stress n’akazi kandi kabahemba macye ugereranyije n’ingufu baba bakoresheje bagira ibyago byo kuzagira depression kurenza abo bakora kimwe ariko bahembwa menshi kubarusha.

7. Uburwayi bw’igifu n’amara

Stress ubwayo ntitera ibisebe mu gifu gusa iyo birimo ituma byiyongera. Ikindi ni uko stress ishobora gutera ikirungurira kidakira ndetse n’ibibazo mu mara bijyana no kurwara impiswi cyangwa kwituma impatwe.

8. Indwara yo kwibagirwa ikunze gufata abashaje (Alzheimer’s)

Ubushakashatsi bwagaragaje ko stress ituma indwara yo kwibagira irushaho gukara ndetse umuntua akaba yayirwara akiri mu myaka yo hasi n’ubwo ahanini ikunze gufata abageze mu zabukuru.

9. Ibicurane n’inkorora

Stress ituma ubudahangarwa bw’umubiri bugabanuka bigatuma indwara ziterwa na virusi cyangwa ubwivumbure bw’umubiri ziguca urwaho zikakwibasira kandi zikakurembya.

10. Gusaza imburagihe

Mu mikurire hari bimwe bigendana n’imyaka umuntu afite nko kumera imvi, gupfuka imisatsi cyane (uruhara), iminkanyari, rubagimpande n’ibindi biza ari uko umuntu ashaje. Stress rero yo ituma ibi bikuzaho mbere ho imyaka hagati ya 9 na 17. Ni ho uzasanga wazanye imvi ukiri muto cyangwa uruhara n’isura ishaje kandi imyaka ari mike.

11. Gupfa imburagihe

Nubwo urupfu ntawe urubuza kuza iyo igihe cyageze, ariko hari ibyongera ibyago byo gupfa ukiri muto. Ubushakashatsi bugaragaza ko ababa mu buzima bwuzuye stress bapfa byihuse ku kigero cya 63% ugereranyije n’abo bangana bibera mu buzima butagira stress.

Uburyo bwagufasha guhangana na stress

• Guhumeka

Mu gihe hari ikintu kiguteye stress, ukora umwitozo wo guhumeka winjiza umwuka mwinshi hanyuma ukawusohora buhoro ukabikora byibuze iminota ibiri.

Ibi kandi ushobora kubikorera aho waba uri hose, haba ku kazi, mu ishuri, mu nzira n’ahandi waba uherereye. Ibi bituma imikaya yawe iruhuka kandi biba byiza nyuma ya kwa guhumeka ukurikijeho kwinanura.

• Guha agaciro ibyo urimo

Mu gihe stress urimo kuyiterwa no kwiganyira ku bizaba ahazaza hawe cyangwa kwicuza ku byo wakoze, aho kubiha umwanya, gerageza kwita ku byo urimo gukora, niba urimo kugenda utege amatwi intambwe zawe, niba urimo kurya wumvirize icyanga cy’ibyo urimo kurya, niba uri mu kazi abe ari ko uha umwanya, niba urimo kumva umuziki wumve injyana ukunda n’ubutumwa burimo, n’ibindi bizagufasha.

• Kwiga kubaho bijyanye n’aho uri

Aho uri, ibyo urimo, abo muri kumwe ni kimwe mu bintu bigora bamwe kumenyera. Urugero niba utwaye imodoka wakererewe akazi none ugahura n’urujya n’uruza rw’imodoka nyinshi (embouteillage/traffic jam) bisaba guhagarara umwanya. Aho kwijujuta, kuko n’ubundi ntacyo uri bubikoreho, wafata ako kanya nk’amahirwe ubonye yo kwitekerezaho no kugira ibyo uhindura muri wowe.

• Kwirinda gutekereza ku bibazo gusa

Ntabwo mu buzima duhora mu bibazo gusa ahubwo tujya tugira n’aho dutsinda. Mu gihe stress ikugose ibuka ko hari igihe wabonye amahirwe, ibuka ko ufite umuryango, inshuti, ndetse ukiri muzima. Niba waramugariye mu mpanuka ibuka ko hari abo yahitanye, niba urangije kaminuza ukabura akazi ibuka ko hari urungano rwawe rutabashije no kwiga ayisumbuye, ibi bizagufasha kubona ko ubuzima ari uko tububamo.

• Kumva umuziki ukunda

Umuziki uza mu bintu biruhura umutima n’ibitekerezo. Ushobora kuwumva, kuwureba cyangwa kuwubyina byose bizagufasha kumva utuje kandi utekanye.

Si ibi gusa byagufasha kuko no gukora zimwe muri siporo zifasha kwitekerezaho no kuruhura ubwonko nka meditation na yoga biri mu bifasha guhangana na stress. Kugira inshuti uganiriza ibiguhangayikishije, kugira itungo ryororwa (injangwe, imbwa, …) na byo bifasha bamwe kurwanya stress.

Byakusanyijwe hifashishijwe imbuga za: www.Passeportsante.net, www.Umutihealth.com

Abu Ibrahim al-Hashimi al-Qurayshi yaguye muri Syria mu ijoro ryo ku wa Gatatu rishyira ku wa Kane, tariki 3 Gashyantare 2022, aho yazize igisasu yiturikirijeho kikamuhitana n’abo mu muryango we.

Bamwe mu bantu ba mbere bageze aho Abu Ibrahim al-Hashimi al-Qurayshi yaguye, bavuze ko bahasanze imirambo y’abantu 13 nyuma y’igitero cyari cyagabwe aho hantu.

Ibikorwa by’Ingabo za Leta Zunze Ubumwe za Amerika bikaba byari bigambiriye inyubako ebyiri intasi zakekaga ko ariho Abu Ibrahim ari. Ni inyubako ziri mu mujyi wa Atmeh mu Majyaruguru y’intara ya Idlib hafi y’umupaka wa Turukiya.

Leta Zunze Ubumwe za Amerika zatangaje ibi, nyuma y’ukwezi kumwe hatangiye ibikorwa byo guhiga bukware uyu muyobozi wa Islamic State.

Amakuru yatanzwe n’abatuye hafi y’inyubako Abu Ibrahim al-Hashimi al-Qurayshi yabagamo, ni uko Ingabo zidasanzwe za Leta Zunze Ubumwe za Amerika zimugabyeho igitero zifashishije indege za gisirikare, ariko nyuma y’urusaku rw’imbunda rwamaze amasaha abiri kajugujugu zahise zigenda.

Amerika yavuze ko umuryango wabaga mu nzu yo hasi wabanje guhungishirizwa ahantu hatekanye.

Umwe muri abo bakobwa waganiriye na BBC, Esnath Gideon, avuga ko n’ubwo adafite uwo asigira umwana, abarimu bamwereye kujya yiga ari kumwe n’uruhinja rwe rw’amezi ane.

Uwo mukobwa w’imyaka 19 watewe inda yiga mu mwaka wa kane w’amashuri yisumbuye, yari yaratakaje icyizere cy’ejo hazaza, ariko ubu avuga ko anejejwe n’uko inzozi ze zo kuzaba umucamanza azazigeraho.

Icyo cyemezo kije nyuma y’uko Perezida Samia Suluhu Hassan, ahinduye itegeko ryari ryarashyizweho na John Pombe Magufuli wari Perezida wa Tanzania, ryabuzaga abakobwa batwite n’ababyaye gukomeza kwiga.

Abakowa batwite barenga 1,500 birukanywe mu ishure mu Karere ka Mbeya, abagera kuri 240 muri bo bamaze gusubira kwiga, bakaba barashyiriweho gahunda yihariye yo kwiga mu gihe gito.

Igiraneza Abdoul yatwawe ku wa Gatandatu tariki 29 z’ukwezi gushize mu ijoro, bamusanze ari kumwe n’abandi bana aho bariho bakina muri zone Kinama, agace ka Muramvya mu mujyi wa Bujumbura.

Uwari ho byabereye yabwiye BBC dukesha iyi nkuru ko abantu bari muri Taxi baje bashyiramo abana bose ngo ibahe umunyenga. Bageze aho abandi bavamo ariko Igiraneza Abdoul washimuswe ntiyavamo.

Akomeza avuga ko bahise batangira gushakisha hose ndetse no ku mbuga nkoranyambaga.
Ku wa Mbere mu gitondo nibwo hatangiye kumvikana amakuru avuga ko abatwaye uwo mwana bafatiwe muri komine Kigamba iri mu ntara ya Cankuzo.

Umurambo w’uwo mwana wangijwe cyane, ngo wabonywe n’umwana wari uragiye amatungo ahita atabaza.

Umubyeyi wa Abdul w’imyaka 28 asanzwe afite abana babiri, umugabo we babyaranye akaba yarabataye kubera ubumuga bw’umwana wabo Igiraneza Abdoul.

Umuryango Albinos Sans Frontières uvuga ko hari iimyumvire itari yo yakwirakwiye mu bantu y’uko ibice by’umubiri by’abafite ubumuga bw’uruhu rwera babikoresha mu bupfumu bagamije gushaka ubutunzi.

Uyu muryango uvuga ko kugeza ubu abantu bafite ubumuga bw’uruhu rwera bamaze kwicwa mu Burundi ari 28.

Amb Joël Mayer yirukanywe ku butaka bwa Mali

Binyuze kuri televiziyo ya Leta, Guverinoma ya Mali yatangaje ko Ambasaderi w’u Bufaransa Joël Meyer, yahamagajwe mu biro bya Minisitiri w’Ububanyi n’amahanga wa Mali, ari na we wamuhaye ibaruwa imwirukana ku butaka bw’icyo gihugu mu gihe kitarenze amasaha 72.

Guverinoma ya Mali yasobanuye ko icyo cyemezo yagifashe biturutse ku byo abayobozi bakuru ba Leta y’u Bufaransa baherutse kuvuga, banenga abayoboye Guverinoma y’inzibacyuho ya Mali, nk’uko byatangajwe na France 24.

U Bufaransa bumaze iminsi burebana ay’ingwe na Mali, nyuma y’ihirikwa ry’ubutegetsi ryakozwe n’igisirikare kiyobowe na Col Assimi Goita.

U Bufaransa kandi ntibwishimiye umubano abayobozi bashya i Bamako bafitanye n’u Burusiya, nyuma yo guha rugari sosiyete yabo icunga umutekano izwi nka Wagner, ifatwa nk’abacanshuro.

Mali ivuga ko itagishaka u Bufaransa kubera imyitwarire isa nk’ubukoloni, ndetse no kwishyiramo abayobozi bayo.

Minisitiri w’Ububanyi n’Amahanga wa Mali, aherutse kuvuga ko uburyo u Bufaransa bwitwara ku bayobozi bahiritse ubutegetsi muri Mali, bitandukanye n’uko bwitwara ku bandi bayobozi bo mu karere bahiritse ubutegetsi.

Akamaro k’iyi vitamine D ni ugufasha imyunyu ngugu ya phosphore na calcium gucengera neza mu mumagufwa n’amenyo bikayaha gukomera uko bikwiriye. Ikindi kandi yongera ubudahangarwa bw’umubiri, ikanafasha mu mikorere myiza y’ubwonko.

Nk’uko byagaragajwe muri raporo nshya yo muri gicurasi 2020, n’ikigo cy’ubushakashatsi mu by’ubuvuzi cyo mu Bufaransa, inafasha abarwayi ba Covid-19.

Ikindi cyagaragaye ni uko ifasha mu guhagarika gukura kwa kanseri zimwe na zimwe, zirimo iy’ibere n’iya prostate, nk’uko byemezwa n’abashakashatsi bo muri Finlande na Espagne, mu nyigo yabo yo muri gicurasi 2020.

Ese bigenda bite iyo Vitamine D ibaye nke mu mubiri?

1. Amagufwa aroroha cyane bikaba byatuma avunika mu buryo bworoshye, cyangwa akibasirwa n’indwara zayo.

2. Kugabanyuka k’ubudahangarwa bw’umubiri.

3. Kurwara kanseri ifata urura runini, iya prostate, iy’ibere n’iy’ibihaha.

4. Ubushakashatsi bwakorewe muri Amerika muri Mata 2020, bwagaragaje ko abantu bakennye kuri Vitamine D, baba bafite ibyago byinshi byo kurwara Covid-19 yihinduranya inshuro ebyiri kurusha abafite vitamin D ihagije. Ibi kandi byongeye gushimangirwa n’ibyavuye mu nyigo nshya yakorewe muri Espagne, yagaragaje ko 82% by’abarwayi ba Covid-19 bashyizwe mu bitaro, imibiri yabo yari ikennye Vitamine D.

5. Umuntu ufite Vitamine D idahagije aba afite ibyago byinshi byo kurwara indwara yo kwibagirwa, izwi nka Alzheimer. Ubushakashatsi bwakorewe ku bantu bakuze 916 bakurikiranywe mu gihe cy’imyaka 12, basanze muri bo abagera ku 177 baragize indwara zibasira ubwonko muri abo, kandi 124 barwaye Alzheimer.

6. Kurwara indwara ya Parkinson.

Ese uretse kuba ikorwa n’uruhu rwifashishije imirasire y’izuba ahandi twayisanga ni he?

Vitamine D iboneka mu biribwa bimwe na bimwe nk’amafi, ibihumyo, amagi, ibikomoka ku mata nka yaourt na fromage, amata ya soya, tofu, marigarine, sardine, n’ibindi.

Iyo bibaye ngombwa, umuntu ashobora guhabwa ibyunganira imirire birimo vitamine D, ariko nyuma yo gusuzumwa na muganga, akaba ariwe ugena ingano ya vitamine D umubiri ukeneye.

Iyi vinaigre igira akamaro gatandukanye ku buzima, ikaba n’umuti w’indwara nyinshi. Bivugwa ko ahagana muri 400 mbere y’ivuka rya Yesu, Hippocrates, witwa sekuru w’abavuzi n’umubyeyi cyangwa uwatangije ubuvuzi, yakoreshaga imiti 2 gusa mu kuvura, umwe muriyo ni Vinaigre de cidre de pome.

Muri yo harimo amino acids zinyuranye zikora nk’izisukura cyangwa izica bagiteri n’imiyege. Dore akamaro kayo:

• Indwara zifata imitsi

Muri zo twavuga rubagimpande, goûte, indwara zose zifata mu ngingo zikahatera kuribwa no kubyimba. Izi ndwara akenshi ziterwa n’uko mu mitsi haretsemo acide nyinshi by’umwihariko iyitwa acide urique. Vinaigre de cidre rero ifasha kuvura ibi bibazo ikanabibuza kongera kubaho.

• Gutakaza Ibiro

Ituma umubiri utwika ibinure udakeneye bityo imikorere yawo ikagenda neza, ibiro bikagabanuka.

• Cholesterol mbi

Muri iyi vinaigre harimo ibyitwa pectins na acude amino/amino acids zinyuranye, zifasha mu kutwanya iyi cholesterol mbi bityo umubiri ukaba uwurinze indwara zinyuranye z’umutima.

• Imikorere y’umubiri

Iyi vinaire ituma umubiri uhorana ingufu mu mikorere yawo inyuranye no kuringaniza ibikenewe nk’ubushyuhe, ingano y’amazi, isukari yo mu maraso n’ibindi.

• Gusukura umubiri

Iyi vinaigre ni kimwe mu byo umubiri wacu ukenera kugirango usohore imyanda n’uburozi biwurimo. Twibutseko ubu burozi ahanini buba ari ibisigazwa byasigaye nyuma yuko umubiri ukamuye intungamubiri mu byo twariye, noneho hakagira ibidasohoka binyuze mu nzira zisanzwe zo gusohora imyanda mu mubiri. Iyi vinaigre rero by’umwihariko isukura amaraso.

• Diyabete

Iyi ndwara ya karande isaba ko umuntu ahora afata imiti buri munsi, ndetse akagirwa n’inama y’ibyo agomba kureka kurya n’ibyo agomba kurya . Fibre ziba muri iyi vinaigre ni ingenzi mu gutuma igipimo cy’isukari mu maraso kitazamuka.

• Uruhu

Vinaigre de Cidre/Apple cider vinegar ifasha uruhu gusubirana itoto, ikabuza utwengeruhu kwifunga ndetse igatuma intungamubiri zinjira neza mu ruhu.

• Imisatsi

Ifasha mu kurwanya imvuvu mu musatsi. Aha ushobora gufata ibiyiko 2 cyangwa 3 bya vinaigre ukabisiga ku mutwe, ukoga nyuma y’isaha.

• Impiswi

Pectin twavuze ibonekamo ifasha mu kurwanya impiswi. Iyi pectin kandi irinda amara kwangirika.

• Kwiheba no kwigunga

Abahanga mu buvuzi bahamya ko akenshi kwiheba bigendana cyangwa bishobora guterwa n’imikorere mibi y’umubiri kuruta uko byaterwa n’ibiri mu bwonko no mu bitekerezo. Bityo bakavuga ko Vinaigre de cudre/Apple cider vinegar isukura umwijima bigatuma kwiheba no kwigunga bishira.

• Asima

Abarwayi ba asima nabo bashobora kuyikoresha mu guhangana n’iyo ndwara. Bashobora kuyinywa cyangwa bagakoresha agatambaro bayinitsemo, bakagapfumbatiza cyangwa bakakazengurutsa mu bujana. Uko inyobwa turaza kubireba nyuma.

• Kanseri

Ntabwo ivura kanseri, ahubwo irwanya ibyayitera biba biri mu mubiri, ikanayirinda gukomeza gusakara cyane mu mubiri iyo wamaze kuyirwara. Ibi biterwa nuko harimo beta-carotene ikaba ariko kamaro kayo k’ibanze.

Vinaigre de cidre de pomme/Apple cider vinegar ikoreshwa ite?

• Uretse aho twabonye ko umurwayi wa asima akoresha agatambaro yinitse muri iyi vinaigre akakazirika mu bujana cyangwa akagapfumbatiza, irananyobwa ariko mu kuyinywa ntabwo inyobwa uko yakabaye ahubwo uvanga ikiyiko cyayo kinini ni ukuvuga 15ml mu mazi angana na 250ml ukanywa.

• Isukwa ku mboga ziribwa ari mbisi (salade) ariko ugakoresha nke bitewe na salade wakoze uko ingana.

Mu kubikusanya, twifashishije imbuga zirimo www.umutihealth.com na www.Passeportsante.net

Ese ubundi kuki kwiyongera kw’ibiro bigendana n’imyaka?

Ubusanzwe kugira ngo ibiro byiyongere ni uko umubiri wakira ibitera imbaraga (kalori/calories) nyinshi gusumba izo ukeneye. Nyamara uko umuntu asaza, adahindura imirire, agakomeza kurya ibyo yari asanzwe afata mu buto bwe cyangwa mu myaka yahise, za kalori yagiye afata ziragenda zikihinduramo ibinure bikitsindagira mu mubiri.

Inkuru dukesha urubuga PasseportSanté rwifashishije abahanga mu by’imirire, ruratanga inama zagufasha guhangana n’izamuka ry’ibiro nyuma y’imyaka 55:

1. Kurya imbuto n’imboga byibuze ubwoko butanu ku munsi: Kubera ko ibitera imbaraga ari bike cyane muri zo kandi zigatera guhaga bityo umuntu yajya kurya andi mafunguro ntarye menshi.

2. Kurya ibinyampeke, ibyiza bikaba ari ukurya ibitatunganyirijwe mu nganda (Ibyuzuye/Cereales complets)

3. Kurya inyama, amafi, amagi byibuze inshuro ebyiri ku munsi, bikaba byiza biriwe byokeje cyangwa se byatetswe n’umwuka.

4. Kwirinda amafunguro amwe n’amwe

• Ibinyamavuta ariko ntubireke burundu. Byaba byiza wibanze ku bikomoka ku bimera (amamesa, amavuta ya elayo, … )

• Amafunguro afite amavuta atagaragara nk’imigati, ibisuguti, ibibikwa bitetse, amasosi yo mu bikopo, n’amafiriti.

• Inzoga

5. Kwisuzumisha kenshi kwa muganga mu rwego rwo kumenya uko umubiri uhagaze (kureba niba nta ndwara z’umwingo zirakugeraho, kuko utera kwiyongera kw’ibiro n’izindi).

6. Kunyeganyega/ gukoresha ingingo z’umubiri byibuze urugendo rw’iminota 30 ku munsi.

7. Gusinzira neza no kuruhuka bikwiriye, byibuze amasaha ari hagati y’arindwi n’umunani mu ijoro.

8. Kunywa icyayi cy’icyatsi (thé vert) kuko gifasha gutwika ibinure.

9. Kwiyumva ukamenya koko niba ushonje mbere yo kurya.

Amavuta ya Elayo

Muri iyi nyigo, abashakashatsi bakurikiranye ubuzima bw’abagore 60.582 n’abagabo 31.801, batarwaye indwara z’umutima na cancer, nyuma bagereranya ubuzima bw’abafataga amavuta ya elayo, abayafataga rimwe na rimwe n’abatarayafataga namba.

Basanze abayafataga ku kigero cya garama 7 ku munsi (hafi igice cy’ikiyiko kinini) bari bafite ibyago bike cyane byo kurwara indwara z’umutima, cancer n’indwara zibasira imyanya y’ubuhumekero kurusha abatarayafataga.

Ubu bushakashatsi kandi bwagaragaje ko abasimbuzaga amavuta asigwa ku mugati (marigarine) ku gipimo cya garama 10 ku munsi, cyangwa igipimo cya mayoneze kigasimbuzwa icy’amavuta ya elayo, ibyago byo guhitanwa n’izindi ndwara byaragabanutse ku kigereranyo kiri hagati ya 8 - 34 %.

Abo bashakashatsi bavuga ko nta yandi mavuta yigeze agaragaza umumaro nk’uwo ku buzima bwa muntu.

Inyama y’inkoko ni isoko nziza ya vitamin n’imyunyu ngugu

Vitamin B zinyuranye dusangamo zirinda indwara z’amaso n’uruhu, kongerera ingufu ubudahangarwa, kurwanya intege nke, gufasha igogorwa no gufasha urwungano rw’imyakura. Zinafasha kandi mu kurinda kurwara umutwe w’uruhande rumwe uzwi nka migraine, indwara z’umutima, kuzana imvi imburagihe na diyabete.

Ikungahaye kuri proteine igafasha mu kugabanya ibiro

Ifunguro rikungahaye kuri poroteyine ni ryiza mu gihe wifuza gutakaza ibiro cyangwa kuguma aho uri. Impamvu ni uko iri funguro ritera igihagisha bityo rigatuma utarya byinshi kandi na none rigatuma umubiri ukoresha ibinure byawo bityo ibiro bikagabanyuka. Inyama y’inkoko rero igira poroteyine nyinshi na calories nkeya.

Kuvura ibicurane

Niba ibicurane bikumereye nabi togosha inyama y’inkoko ushyiremo ibirungo bisanzwe (igitunguru, poivron, tungurusumu n’ibindi by’ibimera) ubundi uhute uwo mufa, gukira ni nk’ako kanya.

Kuringaniza umuvuduko w’amaraso

Gufata inyama y’inkoko iherekejwe n’imboga n’imbuto ni ingenzi ku bantu bafite ikibazo cy’umuvuduko ukabije w’amaraso. Impamvu nyamukuru ni uko harimo potasiyumu, ubwinshi bwayo bukaba bugabanya sodiyumu ibujijwe ku bantu bafite ikibazo cy’umuvuduko ukabije w’amaraso.

Kugabanya ibyago byo kurwara kanseri

Ku bantu bakunda inyama, kurya izitukura byongera ibyago bya kanseri y’amara. Nyamara kurya inkoko n’amafi bigabanya ahubwo ibyo byago byaba kuri kanseri muri rusange na kanseri y’amara by’umwihariko. Ubushakashatsi buracyakorwa ngo harebwe ikinyabutabire kiri mu nkoko kirinda kanseri.

Ikungahaye kuri cholesterol nziza

N’ubwo mu nyama y’inkoko harimo cholesterol ariko ni ubwoko bwiza bwayo, dore ko cholesterol ibamo amoko abiri, inziza ndetse n’imbi. Cholesterol nziza ikaba iboneka mu mboga, ifi n’inyama z’inkoko, imbi ikaba ari isoko y’indwara z’umutima.

Hari abibaza ngo ese umufa w’inkoko wavura ibicurane gute kandi nazo zibirwara, burya ikintu cyose gifite ubuzima kiranarwara, ari nayo mpamvu ari ingenzi kwita ku buziranenge bw’ibiribwa ibyo ari byo byose mbere yo kubirya.

Umurwayi w’ibibembe ingingo zirahinamirana ndetse intoki n’amano bikaba byacika

Abaganga bakora mu Kigo cy’igihugu cy’ubuzima (RBC), mu ishami rishinzwe kurwanya igituntu n’izindi ndwara zandura harimo n’ibibembe, Nshimiyimana Kizito na Zawadi Jean Paul, baganiriye na Kigali Today, bavuga ko iyi ndwara Abanyarwanda bakunze kuyifata nk’amarozi, ndetse umuntu yagaragaza ibimenyetso ugasanga bamuha akato hakaba ubwo nawe iyo aketse ko ayifite abihisha ntabashe no kwivuza.

Ikindi, Abanyarwanda bazi ko yacitse itakinabaho, ndetse n’abaganga ntibayitaho ku buryo n’umurwayi ubagannye ayifite batibuka kuyisuzuma, kuko isa n’iyibagiranye.

Dr. Zawadi Jean Paul, yasobanuye ko ari indwara yandurira mu myanya y’ubuhumekero.

Agira ati “Ni indwara yandura aho uyirwaye, iyo akorora, yitsamura, avuga, cyangwa aririmba, iyo umwuka we usohotse, usohokana n’udukoko ku buryo ababana na we mu nzu, abegeranye na we aba ashobora kubanduza”.

Akomeza ati “Ibibembe n’ubwo byandura binyuze mu myanya y’ubuhumekero udukoko tukajya mu bihaha, ariko turahava tukajya mu maraso, tukajya mu ruhu kuko ni ho twikundira, tugakomeza tukazagera no mu myakura.”

Ibimenyetso by’ibibembe

Dr Zawadi avuga ku bimenyetso yagize ati:

1. Ikimenyetso cya mbere ni ibara cyangwa se ibibara byinshi ariko bitaryaryata ngo umuntu yumve yakwishima. Ku muntu w’inzobe, iryo bara riba ryerurutse na ho uwirabura hakazamo ibara ry’inzobe ku ruhu.
2. Ibindi bimenyetso bisa n’ibica amarenga ni ukumva ibinya mu ntoki cyangwa mu biganza, biba bisobanura ko imyakura yamaze kwangirika. Usanzwe ufite ibara ukagira n’ibi binya wakagombye kujya kwisuzumisha kuko ntibiba bisanzwe.

3. Kuzana inturugunyu mu maso, ku matwi cyangwa se n’ahandi ku mubiri.

4. Gutakaza imbaraga mu ntoki no mu birenge (Urugero nko kuba umuntu ateruye ikintu kikamucika).

5. Kugira ibikomere mu biganza no ku birenge kuko akomereka cyangwa yashya ntabimenye kubera ko imyakura ye iba yaratangiye kwangirika. (Ingero z’ibishobora gutuma umurwayi w’ibibembe agira ibikomere ku mubiri ariko bitababara ni nko kuba umuntu yaba arimo gukata ubwatsi bw’amatungo akikata ntabimenye, yaba arimo kwenyegeza mu ziko agashora mu muriro n’intoki ze ntabimenye).

Abaganga bavuga ko ibimenyetso umuntu ashobora kubimarana igihe kirekire (hagati y’imyaka 5 na 20)

Ese ingaruka z’ibibembe ni izihe?

Ibibembe bitera ubumuga buturuka ku myakura iba yarangiritse. Urugero intoki zikihinahina kubera ubushye, kudashobora guhumbya amaso, amano akaba yacika kubera ko akomereka umuntu ntabyumve akabimenya ari uko abonye amaraso.

Ese ibibembe biravurwa bigakira

Iyo umuntu yisuzumishije kare akavurwa kare arakira, n’ibimenyetso byose bigashira na bwa bumuga butarabaho. Icyokora iyo bwamaze kubaho biragoye kubukosora.
Kuvura ibibembe bikorwa mu gihe cy’amezi atandatu umuntu afata imiti buri munsi.

Ese abantu babana n’umurwayi w’ibibembe bakwitwara bate?

Umurwayi w’ibibembe ntakwiye guhabwa akato cyangwa se ngo na we ubwe akihe.
Umurwayi watangiye imiti ntabwo aba acyanduza kandi si ko ubana n’umurwayi w’ibibembe yandura, ariko na none, aba akwiriye kwisuzumisha kugira ngo na we amenye uko ahagaze bityo ahabwe umuti umukingira nk’uko abaganga babivuga.

Bamwe mu Banyarwanda barwaye ibibembe bakavurwa bagakira, baganiriye na Kigali Today, bahamya ko ibibembe ari indwara ivurwa igakira ariko na nyirubwite abigezemo uruhare.

Basaba Minisiteri y’Ubuzima ko yakwegereza abaturage abaganga babihuguriwe, cyane cyane abatuye mu byaro kugira ngo bafashwe batararemba, kuko ari na ho usanga hari abayivuza mu Kinyarwanda bibwira ko barozwe.

Ikindi basaba Minisiteri y’Ubuzima ni uguhugura abajyanama b’ubuzima kuri iyi ndwara y’ibibembe kuko aribo bahura n’abaturage cyane.

N’ubwo indwara y’ibibembe ari imwe mu zisa n’izibagiranye ntizitabweho ku isi, ariko u Rwanda ruri mu bihugu byagerageje gufasha no gukora ibikorwa byo kwita ku barwayi b’ibibembe mu duce yagaragayemo.

Aho ni nko mu Karere ka Rusizi, Nyaruguru, Gisagara n’ahandi hakora ku mipaka y’ibihugu bihana imbibi n’u Rwanda. Abarwayi bashya bagaragayeho ibibembe mu Rwanda mu mwaka wa 2021 bagera kuri 20.
Ku rwego rw’isi kuva muri 2019, abagaragayeho ubwandu bushya ni 200.000, na ho hagati ya miliyoni ebyiri na miliyoni eshatu bafite ubumuga baterwa n’ibibembe.

Bertin Ganza uri hagati, Armand Kwitonda (ibumoso) na Kamaro Bukoko Uwampojeje (iburyo)

Ganza aganira na Kigali Today, yavuze ko gutegura urwo rugendo babitekereje nyuma y’urwo bakoze baturuka I Kigali berekeza mu Karere ka Muhanga, rw’ibirometero bisaga 46.

Ganza avuga ko usibye kuba ari siporo, muri uru rugendo hari byinshi yungukiyemo.

Icya mbere ni uko hari ibitekezo byinshi yungutse bijyanye n’ubwanditsi bwe, kuko ubusanzwe ari umwanditsi w’ibitabo. Avuga ko iyo akora urugendo n’amaguru aribwo ibitekerezo bye byisukiranya (Inspiration).

Icya kabiri avuga ko bungukiye muri uru gendo, ni uko babashije kumenya imibereho y’abaturage b’aho bagiye banyura, kumenya ahantu (ubutaka, imyaka ihera n’ibindi).

Hari n’irindi somo yungutse yanasangije abamukurikira ku mbuga nkoranyambaga, rijyanye no kwishimira ubuzima umuntu afite, iryo somo avuga ko yarivanye aho bita mu Bigogwe.

Aha ngo bahasanze abantu benshi, barenga 80 mu gitondo mbere ya saa moya, barimo ababyeyi benshi, bategereje umuntu ushaka abahinzi.

Bamubwiye ko bakorera 1200Frw ku munsi, kandi uko bari aho bose si ko bari kubona akazi kuri uwo munsi.

Agira ati “Umuntu aba agomba kwishimira ubuzima arimo, kuko hari abantu benshi cyane baba bifuza kuba uko uri. Yego ni ngombwa kugira ishyaka ryo gukora cyane, kugira ngo utere imbere, urenge urwego uriho, ariko na none ugashima Imana uko ugenda utera intambwe.”

Zimwe mu mbogamizi bahuye nazo

Ganza avuga ko nta ngorane zikomeye bagize muri uru gendo rwabo, usibye kuba yaragize amahumane (allergie) yatewe n’izuba n’inkweto zamuriye.

Indi ngorane, ni ubwo bari bageze muri Gakenke urukweto ruramurya ndetse ashaka gusa n’ucitse intege ngo atege imodoka.

Ati “Tukinjira muri Gakenke urukweto rwarandiye, yemwe tugeze muri centre ya Gakenke dushaka aho nagurira inkweto turahabura”.

Ati “Tugeze ku musozi wa Buranga, byaranze rwose ku buryo nashatse gutega imodoka ngo bagenzi banjye bansange i Musanze, ariko ntekereje ko iki gikorwa maze amezi 10 ngitegura, abo turi kumwe ari jye wabajyanye, mfata icyemezo cyo kwihangana turakomeza tugera i Musanze amahoro, ndetse dukomereza i Gisenyi.”

Ganza inkweto zaramuriye biba ngombwa ko agura izindi

Ati “Muri uko kwihangana ibirenge byageze aho biramenyera, ndetse n’urwara rwari rwatangiye kuzamo amaraso ruramenyera. Hari aho ugera umubiri ukanga ariko iyo wihanganye ukora n’ibyo utatekerezaga ko wakora”

Ganza avuga ko aha yakuyemo isomo rikomeye asangiza n’abandi mu buzima bw’iyi si.

Ati “Isomo ririmo ni ukudacika intege. Ibyo dukora byose hari aho ugera ukumva nta yindi ntambwe warenzaho, urugero nko kwiga, akazi runaka, ukumva umutwe, umubiri n’ubwonko byose byananiwe, ariko nize ko iyo ubyemereye uguma aho nyine ntuharenge. Bivuze ko icyo utoje umubiri n’ubwonko aricyo bikora.”

Bageze i Musanze

Ganza na Bagenzi be, bavuga ko muri uru rugendo kuva rutangiye kugeza rusoje, bakoresheje amafaranga 50.000 frw kuri buri wese.

Ganza avuga ko gukora siporo nk’iyi, yabitangiye yiga mu mwaka wa kane w’amashuri abanza, aho yabyukaga kare, mbere yo kwitegura ngo ajye ku ishuri akabanza gukora urugendo rw’iminota 30 (kuva iwabo no gusubirayo). Avuga ko ageze mu mashuri yisumbuyeho yagiye yongera uburebure bw’urugendo n’igihe.

Nyuma yo gukora urugendo ruva i Kigali rwerekeza i Muhanga aho bakoze ibirometero bisaga 46, uru ruva i Kigali rujya i Rubavu nirwo rurerure yakoze. Arateganya ko mu kwezi k’Ukuboza uyu mwaka wa 2022, nabwo azakora urundi ruva i Kigali kugera i Rusizi.

Bageraga aho bakaruhuka

Ibimenyetso bigaragaza ko uyu muntu yagize isindwe birimo ibi bikurikira:

1. Kumeneka umutwe, kubara imikaya no kumvamo ibinya
2. Kumva umunaniro, kwiyanga no kugira icyaka cyinshi
3. Imyivumbagatanyo mu gifu no mu mara, kugira isesemi, gucibwamo no kuruka
4. Kubira ibyuya, gususumira, n’ibindi

Ibyo abenshi bakunze guhuriraho kenshi ni ukubabara umutwe, bitewe n’ingano y’inzoga umuntu yanyoye, imyaka, igitsina, uburyo inzoga ikwirakwira mu mubiri n’ibindi.

Usanga rero uyu muntu ubabara cyangwa se wamenetse umutwe yihutira gufata ikinini cya paracétamol ndetse hari n’ababigendana iyo biteguye kugasoma.

Nyamara ubushakashatsi bugaragara mu kinyamakuru Femme actuelle, bugaragaza ko uyu muntu aba arimo gufata uburozi bushobora no kumuhitana.

Umuhanga mu by’imiti Francisco Javier Otero Espinar, muri kaminuza ya Saint-Jacques-de-Compostelle muri Espagne, abinyujije mu kiganiro yagiranye n’ikinyamakuru Femme actuelle, asobanura uburyo ikinini cya paracétamol n’inzoga bibyara uburozi.

Ese ni gute inzoga ikwira mu mubiri ?

Iyo umuntu anyoye inzoga ikinyabutabire kirimo cyitwa éthanol kinyura byihuse mu nzira cyangwa se mu rwunge rw’inzungano z’igogora (guhera mu kanwa kugera mu nzira umwanda munini usohokeramo), hanyuma ikaboneza ijya mu mwijima ibifashijwemo na anzime (enzyme) zitwa (alcool-déshydrogénase/ADH).

Iyo umuntu anyoye inzoga igihe kirekire imikorere, ishobora kwangiza ubuzima bw’umwijima, bikaba byamuviramo indwara yawo izwi nka ‘hepatite alcoolique’, cyangwa iyisumbuyeho izwi nka cirrhose du foie.

Tugarutse kuri kwa kumeneka umutwe gutuma wumva wanywa ikinini cya paracétamol, ubundi gikoreshwa mu kurwanya umuriro n’ububabare, dusanga nacyo nk’uko uyu muhanga mu by’imiti abivuga, iyo kinyowe kinyura mu maraso, kigatunganyirizwa mu mwijima mbere y’uko ibisigazwa byacyo bisohoka binyuze mu mpyiko. Icyokora ngo iyo gikoreshejwe mu kuvura bisanzwe nta ngaruka kigira.

Ariko se bigenda bite ku muntu ugikoresha yivura isindwe ?

Paracétamol + alcool : Ni uruvange runaniza umwijima

Ikibazo nyamukuru kigaragara aha ni uko yaba etanol iboneka mu nzoga yihutira kuruhukira mu mwijima ibifashijwemo na anzime za ADH, hakiyongeraho n’iyo paracétamol na yo tubonye ko itunganyirizwa mu mwijima, maze ukabikubira hamwe byose bigafatwa nk’umwanda ugomba gusohorwa n’umubiri.

Ibi bituma uko umuntu arushaho kunywa ibisembuye, yarwara isindwe akihutira kunywa paracétamol, ni ko umwijima ugenda wangirika ukazagera aho upfa burundu. icyokora hari uburyo bwa kamere bwafasha umuntu guhangana n’isindwe.

1. Kunywa ariko wabanje kurya
2. Kunywa ikawa
3. Kurya ibikungahaye kuri vitamine C
4. Kwirinda kunywa uruvange rw’inzoga z’ubwoko butandukanye cyangwa se kwirinda kuvanga inzoga na Coca-cola.

Ibi bituma ubukare bw’inzoga butumvikana ndetse hakaniyongeramo uburyohe. Nyamara burya ni igisasu uba uri gushyira mu nda gishobora guturika isaha n’isaha, kubera impamvu tugiye kukubwira hano.

Impamvu ari bibi kuvanga Coca cola n’inzoga, iya mbere ni uko muri iyi soda ya Coca-Cola habonekamo ‘caffeine’ kandi mu gacupa gato habamo 34mg zayo.

Ubushakashatsi bugaragaza ko iyo uvanze caffeine na alukolo, ya caffeine iganza alukoro ku buryo ubwinshi bwa alukolo winjiza, bigora umubiri kubumenya.

Ibi rero bituma urushaho kwinjiza alukolo nyinshi kandi ntugaragaze ibimenyetso byo gusinda gusa, ahubwo na nyuma yaho usanga hari ibibazo biba ku mwijima n’impyiko.

Ndetse ubushakashatsi bugaragaza ko abatwara ibinyabiziga bakora impanuka cyane, ari ababa bavanze kurenza abanyoye inzoga gusa.

Impamvu ya kabiri ijyanye n’uburyo inzoga ikwira mu mubiri.

Gukwirakwira kw’inzoga mu mubiri biterwa n’impamvu nyinshi harimo kuba wariye cyangwa utariye, igitsina cyawe, uko ureshya, ibiro ufite ndetse n’akoko.

Kuvanga Coca na alukolo bituma inzoga ikwira vuba mu mubiri kurenza uwanyoye atavanze, ibi bituma ingaruka ziterwa n’inzoga zigera vuba ku wavanze kurenza utavanze.

Indi mpamvu ni uko hari ikinyabutabire kizwi nka Oxide de carbone/Carbon dioxide (CO2) cyangwa se gaz carbonique, kiboneka mu byo kunywa byaba ibisembuye cyangwa ibidasembuye, ari nacyo gituma bibikika igihe kirekire.

Iyo uvanze urumva ko uba uyongereye bikaba bigira ingaruka ku gifu ku buryo gishobora gutobagurika kuko alukolo iba ishaka kunyura mu nyama z’igifu ngo yinjire mu maraso.

Ibi bituma igipimo cya alukolo mu maraso (BAC) cyiyongera ndetse banafata ikizami cya alukolo (alcotest) bagasanga uwavanze ariwe ufite alukolo nyinshi mu maraso kurenza utavanze, n’iyo baba banyoye amacupa angana.

Kubera izi mpamvu rero, niba ugiye kunywa inzoga ni byiza kuyinywa yonyine cyangwa se washaka kuvanga ukayivanga n’imitobe (juices), kuko byibuze yo nta caffeine na CO2 biba birimo.

Murwanashyaka Evariste wa CLADHO na Shyaka J Baptiste mu kigariro

Ibi ni bimwe mu byavugiwe mu kiganiro cya KT Radio na Mastercard Foundation, giherutse gutambuka kuri KT Radio.

Umuyobozi ushinzwe guhuza ibikorwa muri CLADHO (Impuzamiryango y’imiryango iharanira uburenganzira bwa muntu), akaba n’umugenzuzi w’uburenganzira bw’abana ku rwego rwigihugu, Murwanashyaka Evariste, yavuze ko ubushakashatsi bakoreye mu turere turidwi no mu nkambi z’impunzi z’Abakongomani zose, bwaberetse ko abana bose batabashije kwiga bakoresheje ikoranabuhanga nk’uko byari biteganyijwe.

Yagize ati “Hari hariho uburyo bwo kwiga ‘online’ mu gihe abana batigaga, twasanze 29% badafite radiyo cyangwa televiziyo yo kwigiraho, 10% bari bafite uburyo bakwiga ariko hakabaho kudahuza kwabo n’ababyeyi, aho wasangaga bamwe bashaka gukurikira izindi gahunda mu gihe abana bashaka kwiga, bityo bakabigenderamo”

Shyaka Jean Baptiste, umwana uhagarariye abandi mu Karere ka Gasabo wari umutumirwa muri icyo kiganiro, yavuze ko usibye kuba hari abana batabashije kwiga mu gihe amashuri yari afunze, Covid-19 ngo yanabagizeho ingaruka mu buryo bw’imitekerereze, bakagira ubwoba ndetse n’igihe bari basubiye ku ishuri. Ibi bikaba byaratumye bamwe batsindwa.

Ati “Dusubira ku ishuri hari hari ubwoba bwinshi cyane mu banyeshuri, ngaho amashuri yafunguye, yongeye yafunze, ugasanga abana batazi ibirimo kuba. Ikindi no kumva amakuru ya Covid-19 umunsi ku wundi byabateraga ubwoba, harimo kwiyongera kw’imibare y’abapfuye, abarembye bityo bamwe bikabatera ihungabana”.

Arakomeza ati: “Ikindi cyabanje kutugora ni udupfukamunwa, aho usanga uwinjiye wese adusaba kwambara neza udupfukamunwa, yaba umwarimu, animateri, umuyobozi, bigatera abana stress.”

Ku rundi ruhande ariko Shyaka avuga ko yitanzeho urugero, hari n’abana bakoresheje neza icyo gihe batigaga barakora cyane, bariga ku buryo amanota yazamutse kurusha mbere ya Covid-19

Shyaka ati “Hari n’abandi bana bakoresheje icyo gihe neza, urugero nkanjye, nk’umwana ureba kure, narakoze cyane ku buryo n’amanota yanjye yiyongereye, ubu nsigaye mba n’uwa mbere mu ishuri.”

Murwanashyaka avuga ko CLADHO imaze kubona ko hari abana batabashaga kwiga, kubera kutagira ibikoresho by’ikoranabuhanga, nka radio na Televiziyo, yatanze amaradio akoreshwa n’imirasire y’izuba asaga ibihumbi bibiri (2000), ndetse banatanga ibyo kurya aho basanze imiryango ibayeho nabi mu turere twa Kamonyi, Nyaruguru, Gatsibo na Bugesera.

Syaka na we yibukije abana bagenzi be ko umunyeshuri ufite intego y’ejo hazaza, kwiga neza bishoboka mu gihe atabasha kubona ibikoresho by’ikoranabuhanga, yifashishije amakaye ye, asubiramo ibyo yize no mu myaka yahise.

Ingimbi n’abangavu bahuye n’ingorane zikomeye mu bihe bya Covid-19

Mu kiganiro cya KT Radio ku bufatanye na Mastercard Foundation, cyatambutse kuri uyu wa Mbere tariki 3 Mutarama 2022, cyavugaga ku ngaruka za Covid-19 ku ngimbi n’abangavu, hagaragajwe uburyo icyo cyiciro cyagizweho ingaruka zikomeye zigaragara none n’ejo hazaza h’igihugu, zitewe cyane cyane n’amikoro y’ababyeyi yagabanutse.

Umwana uhagarariye abandi mu Karere ka Gasabo, Shyaka Jean Baptiste, wari umutumirwa muri icyo kiganiro yavuze ko ingaruka abana, ingimbi n’abangavu bahura nazo muri iki gihe cya Covid-19 ari nyinshi, zirimo izishingiye ku kuba imirimo y’ababyeyi babo yarahagaze bikabasigira amikoro make, bikaviramo abana guta ishuri, inda zitateguwe, ubuzererezi n’izindi.

Shyaka yagize ati “Ingaruka twe nk’abana, ingimbi n’abangavu twahuye nazo muri iki gihe cya Coronavirus harimo kuva ndetse no guta amashuri kw’abana bitewe no kuba hari imirimo imwe n’imwe y’ababyeyi yafunzwe kugira ngo amabwiriza yo kwirinda ikwirakwira rya Covid-19 yubahirizwe. Abandi bahagaritswe ku mirimo bigatera amikoro make cyangwa ubukene ababyeyi ntibabashe kwishyurira abana amafaranga y’ishuri”.

Ati “Hari n’abana babonye akazi bahitamo kugakomeza aho gusubira mu ishuri. Izindi ngaruka ni ukwishora cyangwa gushorwa mu busambanyi no gukoresha ibiyobyabwenge, inda zitateguwe ku bana, na byo bitewe na bwa bukene buri mu miryango buturuka kuri Covid 19. Ikindi ni ubuzererezi bwiyongereye cyane cyane mu Mujyi wa Kigali bitewe n’amakimbirane na yo yagaragaye mu miryango muri iki gihe cya Covid-19”.

Shyaka Jean Baptiste

Murwanashyaka Evariste, umuyobozi ushinzwe guhuza ibikorwa muri Mpuzamiryango iharanira uburenganzira bwa muntu (CLADHO), akaba n’umugenzuzi w’uburenganzira bw’abana ku rwego rwigihugu na we yari muri iki kiganiro, yasobanuye ibyavuye mu bushakashatsi bakoreye mu turere turindwi no mu nkambi z’impunzi z’Abanyekongo, bigaragaza ingaruka ku bana, ingimbi n’abangavu.

Yagize ati “Twakoze ubushakashatsi mu turere turindwi tw’igihugu no mu nkambi zose z’impunzi z’Abanyekongo, twasanze 45% by’abana batubwiye ko bari bafite ubwoba kubera ko batari basobanukiwe n’ibirimo kuba, bikabatera ‘stress’. 12% batubwiye ko ubukene mu miryango yabo bwiyongereye kubera ko imirimo y’ababyeyi yahagaritswe cyangwa, imishahara ikagabanywa kuri bamwe, n’ibyinjira mu rugo bikagabanuka, ibyo bikagira ingarukaku mu mibereho y’abana ijyanye n’ibibatunga”.

Ati “Hari aho twasangaga umwana waryaga gatatu ku munsi asigaye arya rimwe ku munsi. Ikindi, 41% batubwiye ko ihohoterwa rikorerwa abana ryiyongereye, harimo gukubitwa, ibihano bibabaza umubiri n’ibikomeretsa umutima, aho wasangaga kubera kwirirwana n’ababyeyi igihe kinini kandi nabo bafite ibibazo, umwana akora agakosa gato akaba arakubiswe”.

Arongera ati “Imirimo mibi ibujijwe ku bana na yo yariyongereye. Ihohoterwa rikorerwa ku ikoranabuhanga ryariyongereye aho wasangaga abantu babasaba guhura ku matelefone. Abana bataye ishuri twasanze bari ku kigero cya 12%. Naho 1%, batewe inda baranashyingirwa nk’abagabo n’abagore, urugero nko mu Karere ka Rusizi hagaragaye abana 10 bashyingiwe muri ubwo buryo, babeshywa ko bari bagiye gufashwa kuva muri ibyo bibazo batewe na Covid-19.”

Murwanashyaka Evariste wa CLADHO

Murwanashyaka avuga ko ubushakashatsi nk’ubu buba bugamije kugaragaza ibibazo bihari kugira ngo bikorerwe ubuvugizi, bityo bikemurwe binyuze mu nzego zose bireba.

Yatanze urugero rw’abana bavanywe mu muhanda mu Karere ka Rubavu bagera ku 106 ndetse no mu mujyi wa Kigali, hashyizweho uburyo bwo kubakura mu mihanda bashyirwa aho bashobora gukurikiranwa.

Yavuze kandi ko ibibazo byinshi byagaragajwe byakemutse, ndetse ko hari n’ibyatumye ingengo y’imari ya Leta yongerwa kugira ngo bigerweho.

Murwanashyaka yavuze ko ibitarakemuka nabyo bakomeje kubikorera ubuvugizi, ku bufatanye n’izindi nzego bireba zirimo UNICEF n’Ikigo cy’igihugu gishinzwe abana.

Kurikira ikiganiro cyose ku buryo burambuye muri iyi video:

Ibihumyo rero ni indyo yuzuye, kuko nk’uko urubuga Wikipedia.org rubivuga, n’ubwo intungamubiri zibigize ziterwa n’ubwoko bwabyo, ariko byose bifite iz’ibanze bihuriraho, arizo:

Amazi ku kigero cya 82-92%

Igice gisigaye kikaba ari imyunyu ngugu, Hydrate de Carbone, Lecithine, Vitamines na Proteines, muri Afrika ho ngo ibihumyo bishobora gusimbura inyama n’amafi.

Ibihumyo n’ubwo bibarizwa mu itsinda ry’ibimera, ntibikora ikizwi nka photosynthèse gitanga ibara ry’icyatsi, ariyo mpamvu bitagira iryo bara ahubwo bigira iry’umweru.

Usibye izo ntungamubiri bihuriyeho muri rusange aho biva bikagera, ariko ibyinshi biboneka muri Afrika bigira izindi zikurikira:

• Sodium yo ku gipimo cyo hasi cyane
• Vitamin B zinyuranye nka riboflavin, folate, thiamine, pantothenic acid, na niacin.
• Vitamin D, nta kindi kimera ibonekamo usibye mu bihumyo gusa
• Selenium, potassium, umuringa, ubutare, na phosphore.
• Bigira fibre zizwi nka beta-glucans.
• Harimo na choline ifasha mu bitotsi, imikorere y’imikaya, kwiga no kwibuka.
•
Akamaro ku buzima

• Kuringaniza igipimo cya cholesterol

Ibihumyo muri byo nta binure ahubwo harimo proteine izwi nka lean, Fibre zirimo na za enzymes zinyuranye bituma igipimo cya cholesterol kigabanuka.

Si ibyo gusa kuko ya lean protein ifasha umubiri gutwika cholesterol iyo yinjiye. Twibutse ko kugira cholesterol mbi (LDL) mu mubiri byongera ibyago byo kurwara indwara zinyuranye z’umutima.

• Kurwanya Isereri

Ubusanzwe isereri iterwa no kugira ubutare bucye mu mubiri.

Umurwayi w’isereri arangwa n’umunaniro uhoraho, umutwe, imikorere mibi y’imitsi n’urwungano ngogozi. Ibihumyo rero ni isoko nziza y’ubutare (fer/iron) umubiri ukenera, bifasha kandi mu ikorwa ry’insoro zitukura bityo umubiri ugakora uko bikwiye.

• Kurwanya Kanseri y’ibere n’iya prostate

Kuba mu bihumyo dusangamo beta-glucans na linoleic acid, bibiha ingufu zo gufasha umubiri guhangana n’izo kanseri.

By’umwihariko linoleic acid ifasha mu gukuraho ingaruka z’umusemburo wa estrogen iyo yabaye nyinshi, kandi ubwiyongere bwayo nibwo buza ku isonga mu gutera kanseri y’ibere ku bagore bari mu gihe cyo gucura, naho beta-glucans zo zikabuza ikura ry’uturemangingo dutera kanseri cyane cyane kuri prostate.

• Kurwanya diyabete

Nk’uko twabibonye, ibihumyo nta binure bigira, nta cholesterol, bifitemo ibinyasukari bicye cyane, ahubwo bikize kuri za proteine, vitamine n’imyunyu ngugu, ndetse n’amazi ku gipimo cyo hejuru hamwe na fibre bizwiho gufasha abarwayi ba Diabete.

Ikirenze kuri ibyo, bifite insuline y’umwimerere na enzymes zibifasha gushwanyaguza isukari iri mu byo turya, kandi binafasha impindura, umwijima n’izindi mvubura mu mikorere yazo.

Si ibyo gusa kuko binafite ubushobozi bwo kurwanya indwara ziterwa na mikorobe zikunze kuzahaza abarwayi ba diyabete.

• Ni ingenzi ku buzima bw’amagufa

Kuba bikungahaye kuri calcium bifasha mu gukorwa no gukomera kw’amagufa, binafasha mu kurinda no kurwanya indwara zo kubabara mu ngingo, rubagimpande, goute n’indwara zose zitera guhinamirana.

• Bifasha mu kwinjiza intungamubiri

Ibihumyo nicyo kimera cya mbere dusangamo vitamin D, izwiho gufasha umubiri gukurura intungamubiri zinjijwe n’ibyo umuntu yariye, by’umwihariko calcium na phosphore. Kuba byo ubwabyo bikungahaye kuri iyo myunyu ngugu, bikagira na vitamin D muri byo, bibigira ifunguro ry’agaciro.

• Kongera ubudahangarwa

Ergothioneine, iboneka mu bihumyo izwiho guhangana no gusohora imyanda n’uburozi mu mubiri. Iboneka kandi mu bihumyo gusa, ikaba ubwayo irimo soufre, umunyu ngugu udakunze kuboneka mu byo kurya byinshi.

• Kurwanya mikorobi

Ibihumyo byifitemo antibiyotike z’umwimerere zimeze nk’izo dusanga mu miti yo mu bwoko bwa penicillin (twavuga amoxicillin, cloxacillin, ampicillin, n’izindi), kandi ni mu gihe kuko n’ubundi penicillin ikorwa mu miyege. Ibi bituma bifasha umubiri guhangana n’indwara ziterwa na bagiteri na zimwe mu ziterwa n’imiyege, bigafasha ibisebe gukira ntibinazane amashyira.

• Gushyira ku rugero rukwiriye umuvuduko w’amaraso

Ibihumyo bikize ku munyu ngugu wa potassium. Uyu munyu uzwiho gufasha mu gutuma imitsi y’amaraso yaguka bityo bigafasha mu guhangana n’indwara y’umuvuduko udasanzwe.

Kuba bikungahaye ku munyungugu wa Selenium, ubusanzwe uboneka cyane mu bikomoka ku matungo, bituma amagufa, amenyo, inzara n’imisatsi bikomera ndetse bikaramba, ukanafasha mu gusohora imyanda mu mubiri.

Ikindi kandi ibihumyo ni ifunguro ryiza ku bifuza gutakaza ibiro ariko na none ugasanga bakomeye, bitewe na ya lean protein ibonekamo.

Icyitonderwa

N’ubwo ibihumyo biribwa, ariko biri mu muryango w’ibyo twakwita imiyege, birimo ibiribwa n’ibitaribwa, ibitaribwa habamo n’ibifite uburozi bwica.

Mu kubitegura rero banza umenye neza ko ibyo ufite biri mu biribwa. Akenshi ibyo tuzi mu Rwanda biribwa harimo ibyobo, intyabire, imegeri, ibihepfu n’ibindi bitewe n’uko mu karere runaka babyita.

Niba utabisobanukiwe neza, mbere yo kubyica (kubisarura), wabaza umuntu ubimenyereye niba ibyo wabonye biribwa. Ibitica nabyo kandi bishobora gutera indwara zimwe na zimwe.

Twongereho ko ibihumyo bitekwa bigisarurwa, waba utari bubiteke ukabyanika cyangwa ukabibika muri frigo. Gusa iyo uhisemo kubishyira muri frigo urabironga noneho ugacamo udusate ukavangamo amavuta, ukabona kubishyiramo. Iyo bitinze birabora, kandi bikaba byazana muri byo uburozi.

Mu mwaka wa 2016, Ishami ry’Umuryango w’Abibumbye ryita ku Buzima (OMS) ryagaragaje ko ku isi yose abari bafite ikibazo cyo kugira ibiro by’umurengera bageraga kuri miliyari 1,9 y’abantu bakuru na miliyoni 650 by’abafite umubyibuho ukabije.

Ubu bushakashatsi bukomeza bugaragaza ko iyi mibare yikubye gatatu kuva mu mwaka wa 1975.

Ese ni ryari bavuga ko umuntu afite umubyibuho ukabije?

Umubyibuho udasanzwe uvugwa iyo umuntu afite ibiro bitajyanye n’uburebure bwe, afite igipimo cya BMI kirenze 25, aha bikaba bivuze ko ufite umubyibuho udasanzwe.

Zimwe mu mpamvu zitera umubyibuho ukabije.

N’ubwo benshi bavuga ko umubyibuho ukabije uterwa no kurya ibinyamavuta no kuryagagura, si ibyo gusa biwutera, hari n’izindi mpamvu zirimo:

1. Kurya nabi

Kurya nabi ni ukurya ibitujuje intungamubiri (ibitera imbaraga, ibirinda indwara n’ibyubaka umubiri), ahubwo ukibanda ku biwangiza birimo:

– Ibifite isukari y’inkorano

– Ibibonekamo amavuta menshi

– Ibigurwa bihita biribwa (fast food)

– Ibyongewemo ibitera imbaraga byinshi

Kuri ibi tumaze kuvuga, kenshi ni ukwiyongerera ibyago byo kugira umubyibuho ukabije.

2. Kudakora siporo

Gukora siporo, uretse kuba bifasha gukomeza umubiri binafasha gutwika ibinure n’ibitera imbaraga biba byinjiriye mu byo wariye.

3. Kumara igihe kinini ntacyo ukora

Umubiri udakora siporo hakiyongeraho guhora wicaye ahantu hamwe udakoresha ingingo z’umubiri nabyo biri mubyongera ibyago byinsi byo kugira umubyibuho ukabije.

Mu gihe utagira amahirwe yo kugenda n’amaguru, usabwa kubishyira muri gahunda zawe ku buryo ukora urugendo rw’amaguru byibuze iminota 30 ku munsi.

4. Kuba utaronse igihe gikwiriye mu bwana bwawe

Umwana wonka bimurinda kuba yazakurana ibiro by’umurengera. Ibi binagaragarira ku bana bato, aho usanga umwana wonka gusa n’utunzwe n’andi mata bagaragaza itandukaniro.

5. Kuba mu muryango wawe hari uwagize umubyibuho ukabije

Imiterere y’umubiri mvukanwa na yo ishobora gutuma ugira umubyibuho ukabije, gusa ariyo yonyine iyo hatabayeho izindi mpamvu ntabwo byatera umubyibuho ukabije.

6. Indwara

Indwara zimwe na zimwe nk’umwingo n’izindi, na zo zishobora gutuma ibiro byiyongera mu buryo budasanzwe iyo umuntu atabigenzuye.

7. Imiti

Imiti ikoreshwa mu kuboneza urubyaro, ikoreshwa mu kuvura indwara zo mu mutwe n’ivura diyabete ni imwe mu yishobora gutera umubyibuho ukabije, ari na yo mpamvu abayikoresha basabwa kugenzura izamuka ryabyo, bityo bagafata ingamba bakurikije amabwiriza y’abaganga.

1. Chocolat yirabura (Le Chocolat noir)

Ubu bwoko bwa chocolat bubamo ibikangura umubiri bizwi nka tyrosine, théobromine, anandamide, bituma umutima ukora cyane, si byiza rero kuyirya mbere yo kuryama mu gihe wifuza gusinzira neza.

2. Inzoga/Ibisembuye (Alcool)

Ibinyobwa bisembuye ni umwanzi w’ibitotsi n’ubwo hari abibwira ko bibitanga, nyamara si ukuri. Mu gihe umuntu asinziriye yabinyoye mu masaha yegereje kuryama, bimutera kugona, no gushikagurika cyane cyane mu gicuku. Ibi bituma abyukana umunaniro.

3. Ibikomoka ku nyama

Harimo nka Sosiso (Saucisson), pâté, kimwe n’amafiriti (chips) n’ibindi nka byo kubera ko biba bifite amavuta menshi bigasaba umubiri gukoresha imbaraga nyinshi kugira ngo igogorwa rikorwe neza, bityo umuntu ntasiznire neza.

4. Ibiryo birimo ibirungo byinshi (Les plats épicés)

Amafunguro arimo ibirungo si byiza kuyafata nijoro kubera ko atera uburibwe mu gifu ndetse no gutumba (kubyimba inda/ballonnements), bigatuma umuntu arara nabi. Ikindi kandi bitera umubiri ubushyuhe na byo bigatuma umuntu adasinzira neza.

5. Ibintu bikonje cyane

Ibintu bikonje cyane kandi biryohereye bikangura ubwonko bigatuma umubiri usa n’ufite imbaraga zo gukomeza gukora bityo umuntu akabura ibitotsi. Ibi birmo nka za Gato (Gateaux), kimwe n’imigati y’isukari.

6. Fromages

Kubera ko fromage ari amavuta, igora mu igogora mu masaha y’ijoro umuntu akeneye kuruhuka. Biba byiza iriwe mu saha yo ku manywa.

7. Inyanya n’izindi mboga zimwe na zimwe

Imboga zimwe na zimwe nk’inyanya si byiza kuzirya nijoro kuko zirekura umusemburo wa tyramine, ituma hakorwa undi witwa noradrenaline ugira ingaruka ku igogora ukanatuma ubwonko bukora cyane, bityo ibitotsi bikabura.

Ni kimwe n’imboga zizwi nk’ibibiringanya (ziri mu bwoko bw’intoryi ariko binini bifite ibara rijya gusa na mauve) zikize cyane kuri nicotine ikangura umubiri.

8. Inyama zitukura

Impamvu atari byiza kurya inyama zitukura nijoro, ni uko zikungahaye kuri za poroteyine (proteins) zigora igogora.

Ibi rero bituma habaho gushikagurika mu gihe umuntu asinziriye, agacikirizamo ibitotsi bigatuma abyukana umunaniro.

Mu mwanya wazo, nijoro umuntu yafata andi mafunguro arimo poroteyine zoroshye nk’inyama z’inkoko, dendo cyangwa yawurute (yaourt).

Personnalité igaragarira mu miterere y’umubiri cyangwa se uko yavutse (facteurs génétiques ou biologiques) hakabaho nanone imyitwarire umuntu akomora muri sosiyete abamo kenshi.

A. Troubles de la personnalité/personality disorders ni iki?

Ni indwara zifata imitekerereze, hanyuma bikagaragarira mu myitwarire, aho umuntu agira imyitwarire idasanzwe cyangwa se idahuye n’amahame ya sosiyete, abo babanye bakabibona nk’ihungabana, umuntu udasobanutse, utazi kubana cyangwa se umuntu bigoye kubana na we, n’ibindi bitandukanye.

B. Ni izihe ndwara zifata Personnalité n’ibimenyetso byazo?

1. La personnalité paranoïaque (paranoid personality)

Uyu afata ibikorwa by’abandi nk’ibimurwanya cyangwa ibimuheza, nta n’umwe yizera, agira gushotorana bidafite impamvu, kubabarira biba biri kure, ashobora kugaragara nk’umunyeshyari.

Uyu kandi arangwa no:

• Gupinga,
• Kudaha agaciro abandi cyangwa kunenga bihoraho bagenzi be, agahora atemera ibyo abandi bakoze kabone n’iyo byaba ari byiza akabishakamo ikibi kandi kidahari.

• Uyu kandi ntajya yumva ko hari ikosa yakoze.

2. La personnalité schizoïde (schizoid personality disorder)

Uyu arangwa n’ibimenyetso birimo:

• Kwitarura ibimuhuza n’abandi mu buryo bwose, kuri we ikimubera cyiza kikaba ari ukuba wenyine cyangwa se kwigunga cyane

• Kutagaragaza amarangamutima (emotions), ndetse no kumenya ibye biba bigoye.

• Ahora mu bihe bimeze nko kurota, nta gikorwa akora ngo akigereho muri byinshi aba atekereza.

3. La personnalité schizotypique (Schizotypal personality disorder)

Uyu arangwa no kugirana ibibazo bihoraho n’abo babana, agaragaza ubwoba cyangwa inkeke mu mibanire n’abandi, akarangwa kandi no guha ibisobanuro bitari byo igikorwa runaka.

Urugero: Ushobora kumusuhuza we akumva ko kuba umusuhuje hari undi mugambi wari ufite, wenda akaba yatekereza ko ushaka kumugirira nabi, kandi nyamara uko kumusuhuza ari ibintu bisanzwe. Uyu kandi hari ubwo azakwereka ko afite ubushobozi bwo kumenya ibihe bizaza cyangwa se kureba mu bitekerezo by’abantu, kugira intumbero (focus) ku kintu runaka biba bigoye kuri we, kandi akagira inshuti nkeya.

4. Personnalité antisociale

Uyu arangwa no kutubaha abandi ndetse no guhutaza uburenganzira bwabo.

5. Personnalité limite (borderline)

Urwaye iyi ndwara arangwa no kutagira umubano uhamye n’abandi ugasanga uhindagurika, ndetse no kwiyoberanya.

6. Personnalité narcissique

Uyu agira imiterere ituma yumva yahora ashimagizwa, akumva ko arenze abandi (sentiment de superiorité ntabe yabasha kumva abandi cyangwa ngo yishyire mu mwanya wabo).

7. Personnalité évitante

Kumva nta gaciro afite mu muryango, akumva ko adakenewe ndetse akababazwa birenze urugero no kugawa.

8. Personnalité dépendante

Uyu arangwa no kwicisha bugufi birenze ibikewe, no kumva yakwitabwaho cyane n’abandi.

9. Personnalité obsessionnelle-compulsive

Kwita cyane ku bintu bijyanye n’ikinyabupfura (la discipline), gushaka ko ibintu bikorwa mu buryo bunoze birenze ibikenewe (perfectionnisme) no kugenzura cyane ibyo abandi bakoze.

C. Ni iki gitera izi ndwara z’imitekerereze?

• Inzobere zivuga ko, ibihe umuntu anyuramo akiri umwana bigenga cyane imyitwarire y’ahazaza. Aha muri make bakaba basobanura ko izi ndwara zifite isoko mu bwana bw’umuntu.

• Abandi bavuga ko izi ndwara zituruka mu miterere ya muntu, ibyo umuntu akomora ku muryango we cyangwa ababyeyi be.

• Abandi na bo bavuga ko sosiyete umuntu abayemo (environnement) na yo yaba isoko y’izi ndwara ku muntu usanzwe yaravutse afite icyo kibazo.

D. Ese ziravurwa?

Hari uburyo bukoreshwa mu kuvura izi ndwara, bujyanye no kuganirizwa, yaba umuntu ku giti cye, itsinda ry’abantu cyangwa umuryango (Psychotherapie) cyangwa se byaba ngombwa hagakoreshwa imiti igenwa n’inzobere (psychiatres).

Byakusanyijwe hifashishijwe imbuga nka: psychologie-ge.ch, umutihealth.com

Kurya ibihumyo bishobora gufasha mu kugabanya ibyago byo kurwara depression, indwara y’agahinda gakabije nk’uko ubushakashatsi bubigaragaza.

Ibihumyo bisanzwe bizwiho ubushobozi bwo kurinda indwara nka kanseri n’izifata ubuzima bwo mu mutwe, ariko ibyavuye mu bushakashatsi bwakozwe na Kaminuza yo muri Amerika yitwa Penn State College of Medicine, byagaragaje ko iki kiribwa gitangaje kibasha no gutuma ubuzima bw’imitekerereze bugenda neza.

Abashakashatsi b’iyi Kaminuza bashingiye ku mibare ijyanye n’ubushakashatsi ku mirire n’ubuzima bwo mu mutwe, bwakorewe ku Banyamerika bakuze 24,000 hagati y’umwaka wa 2005 na 2016, basanze abantu baryaga ibihumyo kurusha abandi bagira ibyago bike cyane byo kurwara depression kurusha abatarabiryaga.

Mu bisobanuro batanze, bavuze ko ibi biterwa n’intungamubiri ibihumyo bihatse, zirimo nk’izo bita ‘ergothioneine’ ifasha kurinda uturemangingo tw’umubiri gusaza no kwangirika (antioxidant).

Ibiribwa biri muri iki cyiciro cy’ibirinda uturemangingo gusaza (antioxidants), byagaragaye kandi ko bifasha mu kurwanya izindi ndwara zibasira ubuzima bwo mu mutwe, nka schizophrénie, depression izwi nka trouble bipolaire.

Mu bihumyo kandi dusangamo intungamubiri zikurikira:
• Sodium
• Vitamin B zinyuranye nka riboflavin, folate, thiamin, pantothenic acid, na niacin.
• Vitamin D
• Selenium, potassium, Cuivre (umuringa), Fer (ubutare), na phosphore.
• Fibre zizwi nka beta-glucans.
• Choline, ifasha mu bitotsi, imikorere y’imikaya, kwiga no kwibuka.

Glossophobia biva ku ijambo ry’ikigereki ‘glossa’ bivuga ururimi (tongue/langue), phobos ni ubwoba cyangwa igihunga; ni uko glossophobia bikaba ubwoba cyangwa igihunga cyo kuvugira mu ruhame.

1. Ese ni ibihe bimenyetso ufite iyi ndwara ya Glossophobia agaragaza?

Umuganga wize ibijyanye n’imitekerereze (Psychologue), Catherine Depied-Farçat, avuga ko bigaragara mu byiciro bitatu:

 Mbere y’uko igihe cyo kuvugira mu ruhame kigera: Umuntu agira ibimeyetso bigaragarira ku mubiri (Physique), no kumva wahunga icyo gikorwa ntugere aho kizabera.

 Mu gihe atangiye kuvuga: Umuntu ashobora kudidimanga, kubura amagambo, kubira ibyuya byinshi cyane mu biganza, gutera cyane k’umutima, kumva udahagaze neza, ndetse hakaba n’abantu binanira bakagera ubwo bata ubwenge bakitura hasi.

 Nyuma yo kuvugira mu ruhame: Umuntu agira kwishinja ko atavuze neza, ndetse no kumva ko abantu batanyuzwe n’ibyo yababwiye cyangwa batabyakiriye neza.

2. Ese ni iki gitera ubwoba bwo kuvugira mu ruhame?

Psychologue Catherine avuga ko hari impamvu zifite inkomoko mu koko, bivuze ko umuntu ashobora kubikomora ku bo mu muryango we.

Indi mpamvu ishobora kuba ituruka ku byamubayeho mbere bitewe na sosiyete yabayemo cyangwa se abamukikije: Urugero no kuba umuntu yarigeze guhabwa ijambo yavuga agasekwa, agateshwa agaciro, agakozwa isoni n’ibindi bisa nk’ibyo.

Iyi ndwara n’ubwo ikunze kwibasira cyane abantu basanzwe bagira isoni, ariko biratandukanye. Aho bitandukaniye n’uko uyu muntu ugira isoni uko akomeza yigaragaza, uko umwanya agenda ushira avuga ni ko ubwoba bugenda bushira.

Naho umurwayi wa Glossophobie we uko umwanya ugenda ushira, uko agenda avuga ni ko akomeza gutekereza uko yitwaye, uko yiyumva ari nabyo bikomeza kumwongerera ubwoba muri icyo gikorwa.

3. Ingaruka zo gutinya kuvugira mu ruhame

Uko ubwoba bugenda bukura, birushaho kumutera guhunga abandi no kwirinda kwigaragaraza ahahuriye abantu benshi. Bimutera guhunga inshingano zituma ahagarara cyangwa se avuga mu ruhame, bityo ntabe yazamurwa mu ntera y’akazi ke.

Catherine Depied-Farçat agaragaza bumwe mu buryo bwafasha guhangana n’ubwoba bwo kuvugira mu ruhame.

 Kwitoza kuvuga uri wenyine imbere y’indorerwamo (mirroir) cyangwa imbere y’abantu bawe, inshuti zawe udafiteho ikibazo cyangwa se wumva wizeye ko zitaguseka.

 Kwifata amashusho urimo kuvuga.

 Kwiga amasomo ajyanye n’ikinamico.

 Gukora imyitozo ijyanye no kwirekura no gukoresha ubwonko

Ubu buryo iyo butagize icyo bufasha umurwayi wa Glossophobie ni byiza ko yareba inzobere (Psychologue) ikamufasha.

Hari uburyo bwa kamere abahanga bagaragaza bwafasha umubyeyi kongera ingano y’amashereka:

1. Niba ushaka kugira amashereka ahagije, icya mbere ni ukonsa. Uko umubyeyi yonsa cyane ni na ko amashereka yiyongera, uko ahunga gushyira umwana ku ibere ngo yonke ni ko amashereka yivumbura akagenda agabanuka ndetse agashira burundu.

2. Ikindi ni ukwirinda gukoresha inkongoro cyangwa se bibero (biberons)

3. Kugira amashereka bigendana no gufasha umwana konka neza (uburyo umubyeyi afata ibere, uburyo yicara yonsa ndetse n’uburyo afashe umwana mu gihe arimo konka ni ingenzi).

4. Umubyeyi asabwa kwishyira mu mutuzo mu gihe arimo konsa ntagire aho yerekeza ibitekerezo bye.

5. Ni byiza konsa umwana umubiri we n’uw’umubyeyi bihura cyangwa se bikoranaho (peau-à-peau).

6. Ni byiza konsa umwana amabere yombi mu gihe abasha kuyonka akayahumuza (akayamaramo), ibi bituma amashereka yongera akihembera kandi ku kigero kimwe. Birinda ikibazo ababyeyi bamwe bajya bahura nacyo cyo kugira amashereka mu ibere rimwe.

7. Ni byiza kandi kumenya amafunguro afasha kongera ingano y’amashereka (Ibi biterwa n’ibiboneka aho umuntu atuye, mu Rwanda twavuga nk’ikimera cyitwa Igisura, ibisheke, n’ibindi tuzareba mu nkuru itaha.

8. Gukama amashereka hifashishijwe akamashini kabigenewe nabyo bifasha kongera amashereka.

Uyu mugabo w’imyaka 54 n’umugore we w’imyaka 45 bamaze imyaka 26 babana.

Aganira n’ikinyamakuru cyo muri uwo mujyi wa Mombasa, uyu mugore avuga ko mu gihe yirwanagaho yanga ko umugabo we agera kuri icyo gikorwa cyo kumuca imyanya y’ibanga, yavunitse imbavu mu buryo bukomeye.

Avuga kandi ko iyi ari inshuro ya kabiri agerageje kumukorera iri yicarubozo kuko no muri Kanama yabigerageje ariko umugore akamugirira ibanga ku bwo kurengera ubuzima.

Mu ijambo yagejeje ku bitabiriye iyi nama, Perezida Kagame yashimiye Abdel Fattah El Sisi nk’umuyobozi mushya wa COMESA, na Andry Rajoelina ucyuye igihe ku bw’uruhare rwe mu guteza imbere intego z’umuryango.

Yavuze ko COMESA itigeze ijya kure y’intego zayo, mu bihe bya Covid-19 ndetse yakomeje gushyira imbere iby’ingenzi mu koroshya gahunda z’ubucuruzi.

Yagize ati: “Ibi kandi bigaragazwa n’urubuga rw’ikoranabuhanga rwemejwe n’inama y’Abaminisitiri umwaka ushize. Mu gihe rero iyi ari intambwe ya mbere mu kwimakaza ikoranabuhanga mu bucuruzi, umurava wacu ntabwo ukwiriye guhagararira aha, ndetse kandi tukizera ko abaturage bacu na bo babigiraho uburenganzira.”

Ati “Ni yo mpamvu, ngira ngo munyemerere ngire ibitekerezo bike ntanga byadufasha gukorera hamwe: Icya mbere tugomba gushyira imbaraga mu kwigisha ikoranabuhanga. Mu Rwanda turimo kwimakaza ubukungu bushingiye ku ikoranabuhanga ndetse muri 2024 turifuza kugera ku ntego ya 60% y’abakuze bazaba barize ikoranabuhanga.”

“Icya kabiri, birakwiye ko mu muryango wa COMESA hashyirwaho imirongo migari yoroshye, iciye mu mucyo kandi itekanye, yo kwishyura hakoreshejwe ikoranabuhanga ku bucuruzi buto n’ubuciriritse bwambukiranya imipaka.”

“Icyanyuma, ubuhahirane bwa Afurika buzagerwaho bishingiye ku guhozaho, gushyira imbere mu kwaguka n’iterambere ry’umugabane. Kuri iyi ngingo rero ndakirana ikaze raporo ya 17 y’umuryango wa COMESA y’inama y’Abaminisitiri b’bubanyi n’amahanga yateranye mu ntangiriro z’Ugushyingo 2021.”

“U Rwanda ruzakomeza gushyira imbere gukorana n’abafatanyabikorwa mu muryango wa COMESA mu rwego rwo kugera ku mahirwe menshi ahari mu bucuruzi n’iterambere ry’umuryango”.

Muri iyi nama ya COMESA iteranye ku nshuro ya 21, habaye ihererekanyabubasha hagati ya Misiri igiye kuyobora COMESA, ikaba isimbuye Madagascar yayoboye uyu muryango kuva mu mwaka wa 2016.

Inama ya COMESA ya 21, yabereye i Cairo mu Misiri ikaba yahuje abakuru b’ibihugu n’abahagarariye ibihugu byabo 21. Bamwe bayitabiriye imbonankubone, abandi bayitabira bifashishije ikoranabuhanga.

“Africa’s integration agenda will be achieved by continuing to put stability at the forefront of our continent’s growth and development.” President Kagame | #COMESASummit21 pic.twitter.com/nI9Ap0xaaD

— Presidency | Rwanda (@UrugwiroVillage) November 23, 2021

Habaho kandi n’amata agurwa akoze nk’ifu na yo akaba akozwe akenshi n’uruvange rw’amata y’inka yumishijwe akavangwa n’ibindi bituma abikwa igihe kirekire.

Hari andi mata abantu benshi bashobora kuba batazi nyamara na yo akaba amata akomoka ku bimera. Ayo ni amata y’umuceri.

Uko amata y’umuceri ategurwa

Amata y’umuceri ashobora gutegurwa mu buryo bubiri:

1. Gukoresha umuceri udatetse (mubisi):

• Kuwinika mu mazi ahwanye n’igipimo cy’umuceri (urugero, niba ugiye gukoresha agakombe kamwe k’umuceri urapima amazi muri ako gakombe), upfundikire neza umaremo amasaha 12.

• Kuwukura muri ya mazi winitswemo, ukawusya mu kamashini kabigenewe (Blender/mixeur), ushyizemo andi mazi mashyashya kandi asukuye (atetse cyangwa yatunganyirijwe mu ruganda).

• Kuyungurura mu kayungirizo gafite utwenge duto cyane cyangwa mu gatambaro kagenewe kuyungurura amata akoze mu bimera.

2. Uburyo bwa kabiri ni ugukoresha umuceri utetse

• Kwinika umuceri mu mazi mu gihe cy’amasaha 24
• Kuwukura muri ayo mazi
• Kuwuteka ukabira hanyuma ugatereka iminota 15
• Kuwusya no kuyungurura n’akayungirizo cyangwa agatambaro kabigenewe.

Ibikatsi na byo bifite umumaro

Ibikatsi ntibijugunywa kuko bishobora gukorwamo amandazi, umugati, n’ibindi.

Ikindi, ibikatsi ushobora kubyanika bikaba ifu wajya wifashisha uvanga n’amazi ukabiha umwana warwaye impiswi, ni umuti wayo w’umwimerere.

Icyitonderwa: Ibirungo bituma amata y’umuceri agira uburyohe runaka biterwa n’umuntu uko abishaka. Ushobora kuyanywa ntacyo wongeyemo cyangwa se ugashyiramo vanille (vaniye) n’ibindi.

Ibyiza aya mata arusha ayandi:

 Hari amata ashobora gutera umubiri ubwivumbure nk’ay’inka, n’aya soya. Amata y’umuceri yo rero, ashobora gukoreshwa na bose ndetse n’abagira ubwivumbure ku mata y’inka cyangwa ay’andi matungo nk’ihene, ndetse n’aya soya.

 Aya mata ntagira cholesterol, nta binure kuko mu gakombe kayo habamo garama 1 gusa y’amavuta.

 Akungahaye kuri manganeze na seleniyumu kurenza andi mata yose, kandi iyi ni imyunyungugu ya mbere mu gufasha umubiri gusohora imyanda no kuwurinda indwara ziterwa na mikorobe.

 Hejuru ya 80% by’ibigize aya mata ni amazi.

Hari ibyo amata y’umuceri anengwa

 Amata y’umuceri agira isukari yakirwa n’umubiri mu buryo bworoshye kandi bwihuse ku buryo ashobora kutaba meza ku bantu barwaye cyangwa bafite ibyago byinshi byo kurwara diyabete

 Kimwe n’andi mata akomoka ku bimera, amata y’umuceri ashobora gutuma habaho ibibazo bitewe n’imirire ituzuye (déséquilibres alimentaires). Bitandukanye n’amata y’inka, aya mata y’umuceri akennye cyane kuri za poroteyine n’umunyu wa kalisiyumu (protéines et de calcium).

Madamu Jeannette Kagame avuga ko isi itashobora kuba nziza mu gihe abagore badafite imibereho myiza

Ibiganiro byo kuri uyu wa Gatatu tariki 10 ugushyingo 2021, byibanze ku buringanire bw’ibitsina byombi no kongerera umugore ubushobozi muri Afurika.

Madamu Jeannette Kagame yifashishije ikoranabuhanga, mu ijambo rye yagejeje ku bitabiriye YouLeadAfrica 2021, yavuze ko “Isi idashobora kuba nziza (better place), mu gihe abagore badafite imibereho myiza”.

Yatanze urugero rw’uburyo urubyiruko rwinshi rw’abakobwa bata ishuri bakajyanwa gukoreshwa imirimo y’abantu bakuru.

Yavuze ko igisubizo kuri iki kibazo ari ugutanga uburezi kuri bose binyuze mu gushyira imbaraga muri gahunda yo kwigira Ubuntu mu mashuri abanza.

Madamu Jeannette Kagame kandi yavuze ko impano kuba umugore biha abagize umuryango (societe), ari ikinyuranyo cy’urwango n’urupfu, ngo abagore batanga urukundo n’ubuzima.

Yavuze ko Afurika nk’umugabane waranzwe no gutsikamirwa igihe kirekire, ariko ukabasha kubyigobotora, wakabyaje umusaruro imbaraga n’impano z’umugore mu kubaka Afurika yifuzwa.

Aha Madamu Jeannette Kagame yatanze urugero ku kongera kubaka u Rwanda nyuma ya Jenoside yakorewe Abatutsi mu 1994, aho imbaraga abantu bose bari bafite, urukundo ntagereranywa abagore bafitiye abana babo, byakoreshejwe mu komora umuryango nyarwanda muri rusange.

Ibyo biganiro byari biyobowe na Kassim Majaliwa, Minisitiri w’Intebe wa Tanzania wari uhagarariye Perezida Samia Suluhu Hassan, nawe yibukije uruhare rw’urubyiruko mu guteza imbere uburinganire hamwe n’imiyoborere y’abagore n’abakobwa.

Kassim Majaliwa yasabye urubyiruko guhora bigira ku bababanjirije. Yavuze ko Abanyafurika nibashyigikira abagore n’urubyiruko mu miyoborere ishingiye ku bukungu, bazashobora kubaka Afurika bifuza.

Ubushakashatsi bwagaragaje ko indwara y’umwingo yibasiye abatuye isi mu mwaka wa 2004 aho abagera kuri 15,8 % byabo bagezweho na wo, bitewe n’igabanuka ry’umunyu ngugu wa iyode ryagaragaye ku bantu bagera kuri miliyari 2 na miliyoni 200.

Nk’uko tubisanga mu gitabo cyitwa Anatomy and Physiology, cyanditswe na Stephen Tate, bavuga ko umwingo urimo amoko abiri.

 Ubwoko bwa mbere bw’umwingo buterwa no kubura imyunyu ngugu ya iyode mu maraso, ibi bigatuma iyo mvubura ibyimba ikaza inyuma (exterior of the neck) cyangwa ikagana mu ijosi imbere (interior in the neck).

 Ubwoko bwa kabiri bwo ngo buterwa no kwiyongera kw’ imisemburo ya thyroxine mu maraso. Icyo gihe na bwo iyo mvubura irabyimba n’ amaso agaturumbuka (toxic goiter).

Ibimenyetso bigaragara ku murwayi w’ umwingo:

 Kugira ubushyuhe bwinshi, haba mu gihe hakonje cyangwa hashyushye, bitewe n’uko ya misemburo yabaye myinshi bigatuma umubiri ukora cyane.
 Kugira isesemi no gusonza cyane.
 Kunanirwa guhumeka no kumira
 Kwitsamura kenshi no gukorora
 Kugira ijwi risaraye

Hari ibimenyetso byihariye biboneka bitewe n’ubwoko bw’umwingo.
Iyo ari umwingo watewe n’ikorwa ry’umusemburo wa thyroxine mwinshi (Hyperthyroïdie)

 Umurwayi atakaza ibiro cyane (kunanuka)
 Gutera cyane k’umutima
 Gususumira
 Kumva ufite ubwoba no kurakazwa n’ubusa
 Kugira icyocyere no kubira ibyuya mu buryo bukabije
 Gucibwamo, n’ibindi.

Mu gihe umwingo watewe n’ikorwa ry’umusemburo muke wa Thyroxine (Hypothyroïdie) umurwayi agaragaza ibi bimenyetso:

 Kubyimba mu maso bigendana no kwiyongera ibiro mu buryo budasobanutse (kubyibuha)
 Imikorere mibi (kugenda buhoro) y’ubwonko bishobora kuganisha ku kwiheba (Depression)
 Guhorana umunaniro
 Kwituma impatwe (Constipation),
 Gutera buhoro k’umutima

Icyakora ngo iyo umwingo ukiri muto nta bimenyetso ugaragaza, ahubwo bigenda biboneka uko ugenda ukura buhoro buhoro.

Abakunze kwibasirwa n’indwara y’umwingo

• Abagore barengeje imyaka 50
• Kuba mu muryango harimo uwigeze kuwurwara
• Gukoresha imiti imwe n’imwe,
• Abagore batwite

Ese Umwingo uravurwa ugakira?

Umwingo ni indwara ikira bitewe n’urugero igezeho cyangwa n’icyawuteye. Urugero mu gihe ufite umwingo uterwa no kubura imyunyu ngugu ya Iyode, kwa muganga bashobora gushishikariza umurwayi kurya amafunguro akungahaye ku myunyu ngugu ya iyode ndetse no kugabanya amafunguro akennye kuri iyo myunyu ngugu.

Usanga hari abashakira igisubizo cy’umunaniro n’umuhangayiko mu miti kugira ngo babashe kugira imbaraga zituma bakomeza akazi cyangwa amasomo, kuruhuka ndetse no gusinzira neza.

Abashakashatsi bakoze inyigo kuri iki kibazo basanga hari uburyo bwafasha guhangana n’umuhangayiko (stress) ndetse n’umunaniro ukabije ari bwo yoga, méditation (igikorwa cyo gutekereza byimbitse ku kintu runaka) ndetse no guseka ari na byo tugiye kwibandaho muri iyi nkuru.

Iyo ukomeje guseka cyane, imiyoboro y’amarira irifungura, uko mu kanwa hagenda hifunga bituma utinjiza umwuka uhagije, bityo isura igahindura ibara, ndetse ikiyegeranya cyane.

Dore akamaro ko guseka ku buzima bwawe:

1. Imikorere myiza y’umutima

Nk’uko siporo ari ingenzi ku buzima, ni ko guseka ari ingenzi ku mutima. Niba udashobora gukora siporo bitewe n’uburwayi cyangwa ibindi bibazo, kwisekera bizagufasha kwirinda indwara z’umutima.

Bituma umutima utera neza, amaraso akagera mu bice bitandukanye ndetse ugakoresha n’ingufu nyinshi (calories) ku isaha, nk’izo wakoresha mu gihe waba uri gukora siporo yo kugenda n’amaguru.

2. Bigabanya umuvuduko ukabije w’amaraso

Ubushakashatsi bwakozwe bwagaragaje ko abantu baseka cyane mu buzima bwabo ari bo bagira ibyago bike byo kwibasirwa n’indwara z’umuvuduko ukabije w’amaraso. Kwisekera bigabanya ibyago byo kwibasirwa n’indwara ya stroke no guhagarara k’umutima.

3. Bigabanya urugero rw’imisemburo itera stress

Guseka bigarura byihuse imikorere myiza y’umubiri, kuko bituma hasohorwa imisemburo ya endorphins. Iyi misemburo itera kwishima, ituma wumva ugize akanyamuneza ndetse ukumva utuje neza kandi uruhutse, bityo ntiwumve n’ububabare.

Mu gihe urugero rw’imisemburo ya stress rwagabanutse, bigabanya kumva udatuje ndetse n’ibindi bibazo stress itera, harimo no kugabanuka k’ubudahangarwa.

4. Birwanya indwara y’agahinda gakabije no kwigunga (depression)

Guseka bituma habaho ikorwa ry’imisemburo y’ibyishimo nka serotonine na andorphines ituma umuntu yishima akagira akanyamuneza.

5. Bikuraho uburakari

Guseka byirukana uburakari n’amakimbirane. Bifasha kumva ko ibibazo bidakomeye, ndetse bikagufasha gukomeza kubaho utibuka ibintu bibi cyangwa udatekereza ku bintu bibi gusa.

6. Guseka byongera ubudahangarwa bw’umubiri

Guseka byongera ikorwa ry’uturemangingo turinda umubiri, bityo bikagufasha guhangana n’indwara cyangwa ibindi byibasira umubiri. Uturemangingo tuzwi nka T-cells, ubu ni ubwoko bw’uturemangingo tw’amaraso tw’umweru tuzwi nk’abasirikare b’umubiri, ubushakashatsi bwakozwe bwerekana ko tuba ari twinshi cyane mu bantu bakunda guseka cyane.

7. Birinda umutima ku buryo bukomeye

Bifasha mu mikorere myiza y’udutsi duto dutwara amaraso ndetse bikongera imitemberere myiza y’amaraso. Ibi bigufasha kwirinda indwara nyinshi zishobora kuzahaza umutima harimo no guhagarara k’umutima (heart attack).

8. Byongera ubushobozi bwo guhanga udushya

Guseka bitera kwiyongera kw’imisemburo ya endorphine n’umwuka uhagije ukabasha kugera ku bwonko bikongera ubushobozi bwo guhanga udushya. Mu gihe ubwonko bukora neza ku rwego rwo hejuru, ubushobozi bwo gutekereza buriyongera kuko buba bukoresha igice kinini kurusha ubusanzwe.

Guseka ni igikorwa cy’umubiri gitangaje, kuko ni kimwe mu mvamutima zandura. Iyo ubonye umuntu aseka nawe uraseka kandi utazi neza impamvu ari guseka. Yaba roho ndetse n’umubiri byose muri iki gikorwa biba biri kumwe kandi bihanahana amakuru.

Si ibyo gusa ariko, kuko ihatse ibindi byiza byinshi ku buzima.

Usibye kuba ifasha uyinywa kumva aguwe neza, Kamomiye ifasha urwungano ngogozi gukora neza, kugabanya ububabare ndetse no guhangana n’indwara zikunze kwibasira abantu mu bihe by’ubukonje.

1. Ibyiza bya Kamomiye ku bitotsi no kurwanya ubwoba (Anxieté):

Nk’uko twatangiye tubivuga, uyu niwo mumaro uzwi cyane kuri kamomiye. Ikindi ni uko ifasha cyane no ku mikorere myiza y’ubwonko, bityo ikaba inarwanya umuhangayiko (stress), ubwoba ndetse n’umunaniro ukabije surmenage).

Mu gihe rero umuntu ari mu bihe bigoye bituma abura ibitotsi, ni byiza gufata icyayi cya Kamomiye mu buryo buhoraho kuko kimufasha kugubwa neza no kumva ufite amahoro. By’umwihariko kumufasha gusinzira neza no kuruhuka.

2. Akamaro ka Kamomiye ku rwungano ngogozi

Kamomiye izwiho gufasha urwungano ngogozi gukora neza. Mu gihe umuntu akunda kubyimba inda cyangwa se gutumba (ballonnement), imikorere mibi y’igifu, cyangwa se kugira ibibazo byo gucibwamo bya hato na hato, ni byiza ko wafata icyayi cya kamomiye nka bumwe mu buryo bwa kamere hatabayeho gufata imiti ikorerwa mu nganda.

Aha, umuntu agirwa inama yo kunywa icyo cyayi nyuma yo gufata amafunguro bityo kikamufasha mu igogora.

3. Kamomiye irwanya kubyimbirwa

Icyo kimera cyifitemo ibinyabutabire bizwi nka flavonoids (fulavonoyide), ari nabyo bifasha mu kurwanya ububyimbirwe n’ububabare bumwe na bumwe, nko kuribwa mu nda mu gihe cy’imihango.

4. Kamomiye ifasha kurwanya indwara zibasira abantu mu bihe by’ubukonje

Kamomiye izwiho kandi guhangana na za bagiteri (antibactérien), bityo ikaba ifasha mu guhangara virusi (nk’izitera ibicurane no kubabara mu muhogo bikunze kwibasira abantu mu bihe y’ubukonje) no kubaka ubudahangarwa bw’umubiri.

Ese Kamomiye ikoreshwa ite?

Bamwe bakoresha amavuta yayo akoze nk’imibavu (huille essentielle) icyokora iyo akoreshejwe cyane na none bishobora kugira ingaruka ku mubiri.

Ubundi buryo bwiza bwafasha kubona ibyiza byayo neza ni ukuyinywa nk’icyayi, no kuyogesha mu muhogo (gargarisme), cyane cyane nk’abantu bafite ikibazo cyo kubabara mu muhogo.

Ni mu gihe ishami ry’Umuryango w’Abibumbye ryita ku buzima (OMS) rivuga ko abazira Covid-19 bashobora kuba bakubye kabiri cyangwa gatatu imibare itangazwa kubera ko hari abapfira iwabo mu ngo bataragiye kwa muganga, abandi bakazira ingaruka ziyishamikiyeho, ndetse n’ibibazo byo kutayipimisha bigaragara mu bihugu bimwe na bimwe.

Leta zunze ubumwe za Amerika ziza imbere mu kugira abantu benshi bamaze gupfa bagera ku bihumbi 746 hagakurikiraho Brazil imaze gupfusha abantu bagera ku bihumbi 608, u Buhinde bukaba ubwa gatatu bumaze gupfusha abantu barenga ibihumbi 458.

Mu Rwanda, kugeza tariki 01 Ugushyingo 2021, iki cyorezo cyari kimaze guhitana abantu 1,332.

Covid-19 ubu ni impamvu ya gatatu ihitana abantu benshi ku isi, nyuma y’indwara z’umutima n’izo kuva amaraso mu bwonko.

Ikigo cy’ubushakashatsi ku mahoro cy’i Oslo muri Norvège kivuga ko Covid-19 imaze guhitana abantu bangana n’abazize intambara zose ibihugu byarwanye hagati yabyo ku isi kuva mu mwaka wa 1950.

Iyo mihindagurikire y’ubuzima ihuje ibimenyetso no gucura kw’abagore (ménopause), bigatandukanywa gusa n’uko ku bagabo ho kubyara bidahagarara ndetse n’ikorwa ry’amasohoro rirakomeza.

Andropause yo igendana gusa no kugabanuka kw’imisemburo y’ubuzima bw’imyororokere ikangura ikanagenga imiterere ya kigabo.

2. Ibi ni bimwe bibaho mu gihe cya andoropoze:

Kugabanuka k’umusemburo wa testosterone: Biterwa n’uko uturemangingo twitwa ‘leydig’ (cellules de Leydig) tuba mu dusabo tw’intanga ngabo (testicules) dukora 95% z’uyu musemburo, natwo tuba twabaye dukeya.

• Ikindi kandi haba habayeho kugabanuka k’umusemburo ukorerwa mu gice cy’ubwonko cya ‘hypophyse’, witwa LH (L’hormone lutéinisante) ari wo ushinzwe gukangura twa turemangingo twa Leydig dukora tesitositerone.

3. Andropause itangira ku myaka ingahe?

Si ihame ko abagabo bose bagira andropause, icyokora hari abo itangira ku myaka 45 kuzamura, hakaba n’abayigira imburagihe igatangira ku myaka 20 (andropause précoce).

4. Ibimenyetso byayo

 Kugabanuka k’ubushake bwo gukora imibonano mpuzabitsina.
 Guhorana umunaniro
 Imyivumbagatanyo mu gusinzira (Des troubles du sommeil).
 Kugira umujinya no kurakazwa n’ubusa.
 Kugaragaza ibimenyetso bisa n’ibyo kwigunga
 Kugabanuka kw’imikaya
 Kwiyongera k’umuzenguruko w’inda
 Koroha kw’amagufwa
 Kubabara kw’imikaya ndetse no mu ngingo
 Kugabanuka k’ubwoya bwo ku mubiri
 Kugira icyocyere cyinshi no mu gihe cy’ubukonje

5. Icyakorwa mu guhangana n’ibimenyetso bya Andropause

Icy’ibanze gikenewe ni ugushaka ibyongera umusemburo wa testostérone. Birashoboka gukoresha imiti ariko yanditswe na muganga.

Icyakora ubushakashatsi bwagaragaje ko iyi miti igira ingaruka zo kuba yakangura cyangwa se ikongera ubukana bwa Kanseri ya porositate ibaye isanzwe ihari, ariko ubwayo ntitera iyo kanseri.

Ikindi ni ukwiyitaho ukora imyitozo ngororamubiri ihoraho, kwirinda ibiro by’umurengera, guhagarika kunywa itabi ku basanzwe barinywa ndetse no gufata alukolo mu rugero.

Izo siporo ntizikuraho imikino y’abana isanzwe, kuko ubusanzwe bakina uko babyumva, ariko hari siporo zisaba ko umuntu mukuru amuyobora kuko bimufasha gukora ijyanye n’ikigero cye, itamuteza akaga kandi akanarushaho gutahura impano yifitemo.

Muri iyi nkuru twaguteguriye ubwoko bunyuranye bwa siporo bujyanye n’ikigero cya buri mwana ndetse n’uburyo ugomba kumufasha.

1. Kuva avutse kugeza afite imyaka 2

Kuri iki kigero nta siporo zihariye umwana asabwa gukora kuko imikurire ye n’ibyo akora bihagije gutuma umubiri we ukomera. Muri iki kigero ni ho yigira kwicara, guhaguruka, gukambakamba no kugenda, ndetse ibyo akora nibyo bimutegurira uko azaba nyuma y’iyo myaka.

2. Imyaka hagati ya 2 na 5

Muri iki kigero umwana aba amaze kumenya kugenda neza, azi kwirukanka, gusa na none aba atarageza imyaka yo kuba yakora siporo zisaba amategeko runaka. Siporo umwana wo muri iki kigero asabwa gukora ni izo kwishimisha gusa na none zimufasha gufunguka mu bwonko n’umubiri ugakora neza. Izo ni nko:

• Kwiruka
• Gukirana (akirana n’urungano cyangwa abamuruta gato, ariko hakaba umuntu mukuru ubaba hafi kugirango hatavamo kurwana cyangwa izindi mpanuka).
• Koga (byibuze guhera ku myaka 3, ariko umubyeyi akamuba hafi cyangwa umurezi we ndetse waba ubizi ukaba ari wowe umwitoreza)
• Kuva ku myaka 3 kandi ushobora kumwigisha gutwara igare ryagenewe abana
•
3. Imyaka hagati ya 6 na 9

Uko umwana agenda akura ni ko ubwonko bwe nabwo bugenda bwaguka ndetse bukanabasha kugendera ku mategeko amwe n’amwe yerekeye imikino, nko:

• Gusimbuka umugozi
• Igororangingo (gymnastic)
• Koga
• Tennis
• Umupira w’amaguru (udakurikiza amategeko nk’asanzwe)
• Gupikanwa cyangwa se tayari ku bakobwa
• Imikino njyarugamba (karate n’indi nka yo)
•
4. Imyaka hagati ya 10 na 12

Muri iki kigero umubyeyi aba amaze gusobanukirwa siporo nziza ku mwana, iyo akunda ndetse n’iyo ashoboye kurenza izindi. Ashobora no gukina imikino ifite amategeko yihariye nka basketball, volleyball, hockey na football.

Umubyeyi asabwa kuba hafi y’umwana

Kuba hafi umwana muri siporo zaba izo akora wenyine, izo mukorana cyangwa atozwa n’ababihugukiwe bizamufasha muri byinshi. Niba ari izo akora ari kumwe n’abandi, ushobora gusanga umutoza abakankamira cyangwa se yita cyane ku babyumva cyane, aha rero iyo utari hafi ngo ubimenye ushobora gusanga umwana azinukwa siporo ndetse akanayanga.

Ni byiza rero ko siporo umubyeyi azi neza kandi akunda ari yo afasha umwana gukora kugira ngo abone agaciro kayo. Ikindi na none, umubyeyi akwiriye kumenya ko abana badakura kimwe, ari na yo mpamvu utagomba kumushyiraho igitugu n’igitutu mu gukora siporo runaka.

Muri buri siporo jya ubanza wibaze ibi bibazo:

• Ese iyi siporo umwana ari buyikunde?
• Ijyanye n’ikigero cye?
• Niba ari abana benshi, buri mwana ari bugire umwanya we wo gutozwa no kwitabwaho?

Irinde kumenyereza umwana siporo imwe gusa akiri muto. Mureke akore siporo zose, iyo ashoboye kurenza izindi izagenda yigaragaza.

Gusa buri gihe cyose ibuka kandi uzirikane ko siporo itabereyeho kunaniza umuntu ahubwo ibereyeho kumukomeza no gutuma agira ubuzima buzira umuze. Nyuma ya buri siporo ni byiza kuganiriza umwana, kumuha icyo anywa cyangwa arya cy’umwimerere kugira ngo ingufu yatakaje zigaruke.

Na none kandi wibuke kumuba bugufi no kumurinda gukina n’abamuruta cyane kugira ngo bitaza kumuviramo impanuka zinyuranye.

Minisitiri Sheikh Shakhbout bin Nahyan Al Nahyan yasobanuriwe amateka ya Jenoside

Icyo gikorwa kiri mu byo yateganyaga by’ibanze agomba kugirira mu Rwanda mu ruzinduko arimo rw’akazi, nyuma y’uko yahuye na Perezida waRepubulika, Paul Kagame ejo ku wa kabiri tariki 26 Ukwakira 2021, nk’uko byatangajwe n’ikinyamakuru, New Times.

Mu ijambo yahavugiye, yasezeranyije ko UAE yiteguye gufatanya n’Abanyarwanda ndetsde n’isi yose muri rusange guharanira ko Jenoside itazongera kubaho ukundi, ndetse no gukorana bya hafi na hafi mu rwego rwo gushyiraho amahirwe arambye kuri ejo hazaza h’ibihugu byombi.

Kuva mu 1995, umubano hagati y’ibihugu byombi wagiye utera imbere ndetse byagiye binagirana amasezerano y’ubufatanye mu bintu bitandukanye.

Dore bimwe mu byiza byo gukora imyitozo ngororamubiri ku bana bato:

• Gukura neza: Imyitozo ngororamubiri ifasha abana gukura neza haba mu gihagararo no mu mitekerereze.

Imwongerera kandi imbaraga z’umubiri, ndetse no kutananirwa kw’ingingo z’umubiri.

Imyitozo ngororamubiri ituma umwana yongererwa ubushobozi bw’imikorere myiza y’umutima, n’imyanya y’ubuhumekero, ari na byo bituma abasha kugira ibiro bikwiriye, isukari iri ku rugero nyarwo ndetse n’urw’ibinure mu maraso.

Ibi kandi bifasha umwana kuzabasha guhangana n’indwara z’umutima, diyabete, umubyibuho ukabije hamwe n’ubwoko bumwe na bumwe bwa Kanseri (cancer) mu gihe ageze mu myaka y’ubukure.

• Gukomera amagufa: Imyitozo ngororamubiri ifasha umwana kutiremerera nk’igihe yurira ahantu cyangwa asimbuka ari byo binamufasha kongera uburemere bw’amagufa ye no gukomera kwayo.

• Kwigirira icyizere: Abana bakora imyitozo ngororamubiri bibongerera ubushobozi bwo kwigirira icyizere ndetse no kubika ishusho nziza y’umubiri wabo.

Bibafasha kandi kugabanya umuhangayiko (stress), n’ibimenyetso by’agahinda gakabije n’iby’ubwoba (anxieté).

• Kubana neza n’abandi: Imyitozo ngororamubiri ifasha abana kongera ubushobozi bwo kubana neza n’abandi. Kunyeganyega bituma ataguma atigunga bikamufasha kwisanga mu bandi.

• Gutsinda mu ishuri: Gukora imyitozo ngororamubiri bifasha umwana gufata mu mutwe mu buryo bworoshye ndetse no gufata ibyemezo byihuse.

Abana bakunda gukina kandi bibafasha kugira imyitwarire myiza no kwiyumvamo ishuri bigaho, ibyo byose bigatuma babasha gukora neza.

1. Burinda gusaza imburagihe

Gutereka ubwanwa bibuza uruhu guhura n’imirasire y’izuba ku kigero kingana na 90 kugera kuri 95%, bityo bikagabanya ibyago byo kurwara kanseri y’uruhu no kugira iminkanyari, nk’uko byagaragajwe mu bushakashatsi bwasohotse mu kinyamakuru “journal Radiation Protection Dosimetry”.

2. Gutereka ubwana bituma uca ukubiri n’imiburu ikunze kubaho nyuma yo kogosha ubwanwa rimwe na rimwe ikagira n’izindi ngaruka zirimo n’ibibyimba.

3. Gutereka ubwanwa bigabanya ibyago byo kurwara Asima (asthma) n’ibimenyetso bya aleriji (allergie).

Ibi biterwa n’uko ubwanwa bufata imikungugu n’utundi tuntu dutumuka mu kirere mbere y’uko tugera mu myanya y’ubuhumekero, nk’uko byatangajwe na Dr. Clifford W. Bassett, umuyobozi w’ikigo gishinzwe ibijyanye n’indwara zifata imyanya y’ubuhumekero harimo na asima i New York muri Leta zunze Ubumwe za Amerika.

4. Ubwanwa butera ubushyuhe
Nko mu gihe cy’imbeho ikabije cyane cyane mu bihugu bigira ibihe by’ubukonje bukabije (hiver), ubwanwa ngo bufasha ubufite kugira agashyuhe mu gice cy’isura.

5. Butuma uruhu ruhorana ubuhehere
Ubwanwa bufasha uruhu gufata amavuta karemano akorwa n’igice cy’uruhu kizwi nka epiderme, bityo uruhu rwo ku matama n’akananwa rugahora rutoshye.

Usibye n’ibyo kandi, umugabo ufite ubwanwa agaragara nk’umugabo kurusha uwogosha akamaraho burundu.

Indeshyo y’ubwanwa ikwiriye ni iyihe?

Ubushakashatsi bwasohowe n’ikinyamakuru Evolution and Human Behavior, buvuga ko baba abagabo n’abagore babona umugabo ufite ubwanwa nk’uwujuje ibyangobwa bya kigabo kurusha utabufite.
Ubu bushakashatsi kandi bukomeza buvuga ko ubwanwa buteretswe igihe kitarenze iminsi 10 buba buhagije.

Ese kogosha ukamaraho ntacyo bitwaye?

Mu kiganiro Kigali Today yagiranye na muganga w’ababyeyi, Dr. Butoyi Alphonse, avuga ko kogosha ukamaraho nabyo atari byiza.

Agira ati “Kumaraho nabyo si byiza cyane, kuko buriya bwoya bufite n’akamaro ku rundi ruhande n’ubwo bikiri urujijo no mu bashakashatsi. Icya mbere, ubwoya bwo ku gitsina bivugwa ko butuma umubiri w’umuntu usohora imisemburo yitwa pheromone itera umuntu kwifuza gukora imibonano mpuzabitsina”.

Arongera ati “Ikindi burinda kurwara infections zandurira mu mibonano mpuzabitsina, iyo rero habayeho kogosha ukamaraho biroroha kwandura izo ndwara zirimo (mburugu, imitezi n’izindi) kuko uruhu ruba rworoshye. Icya gatatu, iyo habayeho kumaraho burundu, hari igihe ahogoshwe usanga ubwoya bumerera imbere (poils incarnés), bigatera ibiheri bizwi nk’imiburu rimwe na rimwe ishobora no gutera ibibyimba”.

Ese n’ikihe gice cy’igitsina cyogoshwa ku bagabo?

Iki kibazo Dr. Butoyi agisubiza atya “Ahari ubwoya hose ku gitsina harogoshwa, gusa nyine umuntu akabikora yitonze, yirinda kuhakomeretsa cyangwa kuhasesereza”.

Ese ibikoresho byizewe ni ibihe?

Dr. Butoyi avuga ko imashini yogosha (tondeuse) ari yo nziza kuko ifasha kogosha idasesereza, itagera ku muzi w’ubwo bwoya. Avuga ko udukoresho tuzwi nka razwari (rasoirs) cyangwa jileti (gilette) atari twiza cyane kuko akenshi tuhakomeretsa mu buryo bugaragara n’ubutagaragara.

Ku bijyanye n’amavuta cyangwa se ‘crèmes’ zagenewe gukuraho ubwoya, si nziza ku bagore kuko iba ishobora kwinjira mu myanya y’ibanga ikaba yahonona. Dr. Butoyi atanga inama ku bagore ko bahitamo ubundi buryo butari iyo miti.

Ese ni ubuhe buryo bwizewe bwo kurwanya imiburu?

Hari abavuga ko bakoresha amazi arimo umunyu, indimu, n’ibindi bitagenewe gusukura aho hantu kandi nyamara ari ahantu hari uruhu rudasanzwe.

Dr. Butoyi avuga ko atari byiza, icyakora ngo umuntu yahanaguzaho umuti wica udukoko wa Alcool, ariko yibutsa ko uburyo bwiza kandi bwizewe bwo kwirinda imiburu ku myanya y’ibanga, ari ukwirinda kokosha usesereza (guharangura).

Bimwe mu byo warya bikakurinda impumuro mbi mu kanwa

Icya mbere gifasha gukuraho impumuro mbi mu kanwa ni ukuhagirira isuku, ariko ubwo byanga bigakomeza, icyo gihe rero ufite icyo kibazo yashakira umuti urambye mu mirire.

Hari ibibwa bituma umuntu ahorana impumuro nziza mu kanwa, kabone n’ubwo yaba asanzwe agira impumuro mbi.

Ibi ni bimwe mu by’ingenzi kandi byoroshye kubibona hano iwacu

Imbuto: Imbuto cyane cyane izikungahaye kuri vitamin C, zifasha umuntu kugira impumuro nziza mu kanwa ke iyo akunda kuzirya kenshi, ni ukuvuga nibura buri munsi akabasha kubona urubuto rumwe cyangwa kunywa ikirahuri kimwe cy’umutobe w’imbuto arizo, amaronji, indimu, pomme, inkeri. Amazi arimo umutobe w’indimu na yo afasha guhangana n’impumuro mbi mu kanwa.

Umudarasini (romarin): Ni ikirungo gikunze gukoreshwa mu cyayi no mu guteka inyama cyitwa umudarasini, nacyo gifasha umuntu kugira impumuro nziza mu kanwa.

Yawurute: Ubusanzwe yawurute ni ikinyobwa cyiza cy’ingirakamaro ku buzima bw’umuntu kuko gifasha igifu gukora neza, hanyuma ikanasukura mu rwungano ngogozi ku buryo nta mwuka mubi ushobora guturuka mu muntu.

Concombre: Concombre na yo iri mu biribwa bituma umuntu azana impumuro nziza mu kanwa, cyane cyane ku bantu bakunda kuyikoramo salade, kuko yica udukoko dushobora gutera mu kanwa guhumura nabi ndetse ikanakomeza ishinya, ikayirinda kuba yakwangirika.

Persil: Iki na cyo ni ikimera cyifashishwa nk’ikirungo cyo mu bwoko bwa sereri na cyo kikaba ari ingenzi cyane mu gufasha umuntu kuzana impumuro nziza.

Ibi ni byo by’ingenzi ariko utunde ni rurerure, harimo nk’ibikomoka ku mata, icyayi cy’icyatsi (thé vert), puwavuro zitukura n’ibindi.

Indwara y’ibisazi by’imbwa yandura ite?

Kwandura biba iyo inyamaswa ishishimuye cyangwa ikaruma indi nyamaswa cyangwa umuntu.

Urukonda rw’ inyamaswa yanduye narwo rushobora kwanduza indwara y’ ibisazi by’ imbwa igihe urwo rukonda ruhuye n’ igice cy’ umubiri w’ umuntu cyangwa w’inyamaswa gifite igisebe.

Virusi y’ibisazi by’imbwa igenda igana mu bwonko inyuze mu myakura ishamikiyeho, kuyandura bikagaragzwa n’igipimo cyo kwa muganga igihe ibimenyetso byatangiye kugaragara gusa.

Abantu benshi barwara ibisazi by’ imbwa akenshi ni ababa barumwe nazo. Mu bihugu bibonekamo imbwa zirwaye ibisazi, izirenga 99 ku ijana akenshi ziba zariwe n’ izindi mbwa.

Ese ibimenyetso byayo ni ibihe?

Ibimenyetso by’ibanze bishobora kuba umuriro, gutitira no kokerwa ahantu harumwe.

Ibyo bimenyetso bikurikirwa n’ikindi kimenyetso kimwe cyangwa byinshi muri ibi: guhubuka mu bikorwa, kutagira rutangira mu myitwarire, gutinya amazi, kudashobora kunyeganyeza ibice bimwe by’umubiri, kuvangirwa no guta umutwe.

Nyuma y’uko ibyo bimenyenyetso bigaragaye, ibisazi by’imbwa akenshi birangizwa n’urupfu.

Ese ibimenyetso bigaragara mu gihe kingana gite?

Igihe cyo kwandura iyo ndwara n’icyo kugaragaza ibimenyetso ubusanzwe kiri hagati y’ukwezi kumwe n’amezi atatu, ariko gishobora guhinduka, bikagaragara mu gihe kiri munsi y’icyumweru kugeza ku mwaka urenga.

Igihe gihindagurika bitewe n’uburebure bw’intera virusi igomba kugenda kugira ngo igere mu mitsi yo mu bwonko rwagati.

Porogaramu zishinzwe kugenzura no gukingira inyamaswa zagabanije umubare w’imbwa zishobora gufatwa n’ ibisazi mu turere tumwe na tumwe tw’ isi.

Ni gute ibisazi by’imbwa byirindwa?

Gukingira abantu mbere y’ uko bandura nibyo bikwiriye, cyane ku bantu bugarijwe n’iyo ndwara kurusha abandi.

Ku bantu bigeze kurwara ibisazi by’ imbwa, urukingo rwayo n’umuti wabyo nibyo bifite akamaro mu kwirinda.

Naho ubutabazi bw’ibanze bukorerwa umaze kurumwa n’imbwa cyane cyane idakingiye, ni ukogesha isabune n’ amazi meza aharumwe cyangwa ahanoshwe n’inzara z’imbwa hatarashira iminota 15.

Ushobora no gukoresha umuti wica udukoko nabyo bituma indwara y’ibisazi by’ imbwa idakwira mu maraso ngo igere no mu bwonko, ariko ntibubuza umuntu kwihutira kugera kwa muganga.

Wikipedia.org dukesha iyi nkuru ivuga ko buri mwaka, ku isi yose, indwara y’ibisazi by’imbwa ihitana abantu bari hagati ya 26,000 na 59,000, muri bo abarenga 95% bakaba babarizwa muri Afurika na Aziya.

Bagosora Théoneste

Colonel Bagosora wari ufite imyaka 80, yaguye muri gereza yo muri Mali aho yari yarakatiwe igifungo cy’imyaka 35 nyuma yo guhamwa n’icyaha cya Jenoside yakorewe Abatutsi.

Yatawe muri yombi mu mwaka wa 1996 muri Kameruni.

Mu muco w’Abanyarwanda, iyo umubyeyi yabyaye bamusuhuza bamubaza bati "Murannya muranyara?"

Mu bihugu by’i Burayi na ho ni nk’uko ngo hambere baramukanyaga bagira bati «Comment allez-vous à la selle?». Ugenekerereje mu Kinyarwanda ni nko kuvuga ngo « Ese murituma neza?»

Ariko usanga abantu babibafata nk’ikintu kitavugwa kandi nyamara iyo bigenda neza (kwihagarika no kwituma) ari kimwe mu bimenyetso bigaragaza ko ubuzima buhagaze neza.

Ese ubundi inkari zigira ibara risa rite?

Ubusanzwe inkari zigira ibara risa n’umuhondo wererutse, iyo mu mubiri harimo amazi macye zigira ibara ry’umuhondo.

Amabara atandukana bitewe n’impamvu zinyuranye

Iroza cyangwa umutuku

Ibiribwa bimwe na bimwe nka karoti, inkeri, beterave bishobora gutuma inkari zawe zitukura, ariko bishobora no guterwa n’imiti imwe n’imwe nka rufampin cyangwa phenazopyridine.

Igihe cyose ubonye kenshi zitukura ihutire kwisuzumisha kuko hashobora no kuba harimo amaraso.

Icyakora kuba zitukura si ko buri gihe bivuga ko ari ikibazo, ariko bishobora kuba ikimenyetso cy’uko urwaye impyiko, ubwandu bw’umuyoboro w’inkari, ikibazo cya porositate cyangwa kanseri.

Orange

Niba ubonye zisa na orange, bishobora guterwa nuko urimo gufata imiti irimo vitamini B2 nyinshi, cyangwa se umuti wa phenazopyridine cyangwa isoniazid.

Gusa niba utarimo gufata iyo miti, birerekana ko umubiri wawe nta mazi ufite, cyangwa se umwijima wawe ukaba ushobora kuba urwaye. Wagana kwa muganga bakagusuzuma.

Ubururu cyangwa icyatsi

Ibi bishobora guterwa n’ibyo wariye birimo aya mabara. Bishobora kandi no guterwa n’imiti nka propofol na promethazine, bitabaye ibyo, wagana kwa muganga bakareba ikibazo kibitera.

Zimeze nk’urufuro

Utitaye ku ibara zifite, igihe cyose wihagaritse ugasanga zirasohoka zimeze nk’urufuro, biba byerekana ko harimo poroteyine zirimo gusohoka, byaba byiza wihutiye kujya kwa muganga ukisuzumisha.

Inkari zigira iyihe mpumuro?

Ubusanzwe ntabwo zigira impumuro ikabije, icyakora bitewe n’ibyo wariye cyangwa wanyoye zishobora kugira impumuro yihariye. Gusa iyo nta mazi menshi ufite ukihagarika inkari z’umuhondo cyane, ziba zifite impumuro nk’iya ‘ammonia’.

Na none kandi igihe cyose wumvise inkari zifite impumuro idasanzwe, ushobora kuba urwaye diyabete (mu gihe wihagarika inkari zihumura), indwara z’umuyoboro w’inkari, ubwandu mu ruhago cyangwa ikibazo ku mpyiko.

Umuntu yihagarika kangahe ku munsi?

Nk’uko dutandukanye ni na ko imibiri yacu ikora mu buryo butandukanye. Gusa muri rusange ntibyagakwiye kurenga inshuro 8 ku munsi, ariko nk’iyo wanyoye inzoga cyangwa ibirimo caffeine izo nshuro zishobora kurenga.

Kwihagarika inshuro nyinshi bishobora no guterwa n’imiti imwe n’imwe, kuba utwite cyangwa ugeze mu zabukuru.

Icyakora nubona inshuro usanzwe unyara ku munsi ziyongereye bidatewe n’imwe muri izo mpamvu, bishobora kuba ikimenyetso cy’uko ufite uburwayi bwa diyabete, kuba prostate yabyimbye, ubwandu bw’umuyoboro w’inkari, indwara ya vaginitis ku bagore cyangwa ikibazo cy’imikorere y’uruhago.

Icyo gihe muganga ni we uzamenya ikibigutera amaze kugusuzuma, aguhe imiti ijyanye n’uburwayi ufite.

Na ho nubona wihagarika rimwe ku munsi cyangwa hagashira iminsi utabikora, kandi wanyoye, bizaba biterwa n’uruhago rukora bidasanzwe, nabwo wagana muganga akakubwira icyo wakora, ariko na none kwita ku mirire n’iminywere akenshi birabikemura.

Menya uko warinda ibihaha

Ibihaha ni byo bituma umubiri ubasha kwakira umwuka mwiza uwufasha gukora neza no guhumeka umwuka wa oxygène. Si ibyo gusa, kuko ibihaha bifite akandi kamaro karenze ako, kuko bikora umurimo wo kuyungurura uburozi n’ibindi bintu byakwangiza umubiri biwinjiramo binyuze mu myanya y’ubuhumekero.

Ibihaha rero, kimwe n’izindi ngingo zigize ubuzima bwa muntu nk’umutima n’impyiko, bihura n’indwara nyinshi n’ibindi bibazo binyuranye, cyane cyane mu bihe by’icyorezo nka Covid-19.

Ni gute byarindwa ibyo byago bigasigasirwa?

Kugira ngo ibihaha bikore neza kandi birindwe, umuntu agomba kumenya kwita ku mirire ye, kubikoresha (Imyitozo ngororangingo), gusukura aho uba, kwirinda imyuka ihumanya ikirere n’ibindi.

1. Kurinda ibihaha

Kwirinda kunywa itabi, kwirinda guhumeka imyuka yo mu kirere yanduye, kwivuza indwara zo mu buhumekero, gukingura amadirishya n’imiryango byibuze mu gihe cy’iminota 20 ku munsi kugira ngo hinjire umwuka mwiza ndetse no gusukura kenshi aho uba urwanya ivumbi.

Ni byiza kwambara agapfukamunwa (mask) mu gihe urimo gukora imirimo yatuma uhura n’ibihumanya ibihaha (gukubura ahari imikungungu cyangwa ivumbi, mu gihe urimo gukoresha imiti isukura irimo ibihumanya,…)

2. Kubikoresha

Gukora imyitozo ngororamubiri (kugenda n’amaguru ariko wihuta), kugenda ku igare mu gihe cy’iminota 30 byibuze inshuro eshatu mu cyumweru.

3. Gusukura ibihaha

Gukora imyitozo ya Yoga izwi nka "Khapalabati", mu gihe cy’iminota iri hagati y’itatu n’itanu byibuze inshuro eshatu mu cyumweru.

Uko ikorwa: Kwicara neza umugongo urambuye (wemye) ugashyitsa ibiganza ku bibero. Guhumeka inshuro ebyiri winjiza umwuka binyuze mu mazuru ukawusohora binyuze mu kanwa. Ibi bikorwa umuntu ashonje cyangwa se nyuma y’amasaha hagati y’abiri n’atatu amaze kurya.

4. Kwita ku mafunguro ufata

• Ibishyimbo

Mu bishyimbo harimo intungamubiri zinyuranye zituma biba ifunguro ry’ingenzi. Muri izo ntungamubiri iy’ingenzi ku buzima bw’ibihaha ni vitamini B9 (folate cyangwa folic acid). Ubushakashatsi bwagaragaje ko iyi vitamini ifasha umubiri guhangana na COPD, iyi ikaba indwara ya karande yangiza ibihaha cyane.

• Ifi za salmon

Izi fi zikungahaye ku binure bya omega-3, ibi bizwiho kurwanya kubyimbirwa mu mubiri, by’umwihariko ku bihaha.

Asima ni imwe mu ndwara zo kubyimbirwa kw’ibihaha, kandi mbi cyane. Rero kuba iyi omega-3 ifasha mu guhangana no kubyimbirwa bituma ibyo ibonekamo biba ibyo kurya byiza mu guhangana na yo no kurinda ko ihora igaruka. Ahandi iyi omega-3 iboneka ni mu bunyobwa.

• Inkeri

Inkeri zikungahaye ku ntungamubiri nyinshi harimo vitamini E, polyphenols, ibirwanya uburozi mu mubiri na anthocyanins. Ibi byose bizwiho kurwanya kanseri zinyuranye bityo bikaba bituma inkeri zifasha mu gutuma bitarwara kanseri bikanabirinda indwara zabifata ziterwa na mikorobi.

• Tangawizi

Iki kirungo kiri mu biza ku mwanya wa mbere mu gufasha imikorere myiza y’ibihaha. Impamvu nyamukuru ni uko tangawizi ifite ingufu zo gusohora imyanda mu nzira z’ubuhumekero. Iyi myanda ni yo itera ibibazo mu bihaha byanatera kanseri. Gukoresha tangawizi birwanya kubyimbirwa na kanseri byo mu bihaha.

• Tungurusumu

Tungurusumu ifite byinshi itumariye gusa icy’ingenzi ni uko ituma umubiri w’umuntu hari ‘enzyme’ ukora. Iyi enzyme ikaba ifasha umubiri n’ibihaha gusohora imyanda n’ibitera kanseri birimo. Ibi bituma Tungurusumu iba ingenzi mu kubisukura no gukuramo ibitera kanseri.

• Karoti

Muri zo dusangamo carotenoids, zizwiho guhangana na kanseri y’ibihaha. Kugirango uzibone zihagije bisaba ko karoti uzihekenya aho kuziteka. Gusa n’iyo waziteka wakwirinda kuzikaranga bityo ibyiza byazo bikakugeraho uko bingana.

• Amapera

Imbuto n’imboga bikize kuri vitamini C ntibirinda kanseri gusa ahubwo binafite ubushobozi bwo guhangana na virusi, bikaba rero bizwiho by’umwihariko guhangana n’umusonga, indwara y’ibihaha yibasira cyane abana bari munsi y’imyaka 5. Amapera rero akaba akungahaye kuri vitamini C bityo bikaba ari byiza kutabura ipera ku byo kurya.

• Pome

Mu gihe izindi mbuto ari nziza mu kurinda umubiri zikoresheje vitamini C izirimo, pome zo zikize ku bisukura umubiri hamwe na fibre. Ubushakashatsi bwerekanye ko kurya pomme bigabanya ibyago byo kurwara indwara z’ubuhumekero, ndetse bavuga ko pome imwe ku munsi yakurinda kujya kwa muganga.

• Ikinzari

Mu birungo by’ibinzari habamo ‘curcumin’ kuva kera izwiho kurinda no kuvura kanseri. Uretse ibi kandi binafasha mu kurwanya kubyimbirwa bityo bikarinda asima n’izindi ndwara zibasira ibihaha.

• Amazi

Kunywa amazi ni ingenzi kandi ni byiza mu buzima. Icyokora kugira amazi mu bihaha byo ni uburwayi, ariko kuba umubiri ufite amazi ahagije ni byiza kuri byo kuko abifasha gusohora imyanda n’uburozi.

Muri Guinea ubutegetsi buri mu maboko y’abasirikare baherutse gukuraho Perezida wari uriho

CEDEAO yemeje ko yamaganye itizigamye impinduka iyo ari yo yose yashingira ku buryo budakurikije itegeko nshinga ndetse ko inenze cyane abahiritse ubutegetsi.

Guinea yahagaritswe muri uyu muryango CEDEAO, ariko hirindwa gushyiraho ibihano bishingiye ku bukungu nko guhagarika ubuhahirine hagati y’ibindi bihugu no gufunga imipaka. CEDEAO kandi ntiyigeze ibuza abakoze iyi kudeta gukora ingendo hanze y’Igihugu.

Mu gihe ibintu bitarasobanuka muri Guinea, CEDEAO yihutiye kandi koherezayo itsinda kuri uyu wa kane rijya kubonana n’abayoboye iki gihugu nyuma yo guhirika ubutegetsi.

Icy’ibanze iri tsinda rishyize imbere mu biri buganirweho, ni irekurwa mu buryo bwihuse kandi budasubirwaho rya Perezida Alpha Konde wahiritswe agatabwa muri yombi n’abasirikare b’umutwe wihariye.

Icyakora i Conakry mu murwa mukuru ho nta cyo baravuga ku byemezo byafatiwe muri iyi nama, ariko Abdoulaye Oumou Sow, ushinzwe itangazamakuru mu mutwe w’ingabo zishinzwe kurinda itegeko nshinga yavuze ko atatunguwe n’ibyemezo bya CEDEAO, avuga ko ababajwe cyane n’uko ntacyo yakoze mbere y’uko habaho ihirikwa ry’ubutegetsi.

Tofu

Tofu imeze nk’umutsima ufite ibara ry’umweru, ikagira impumuro nkeya n’uburyohe butumvikana, ishobora kuribwa mu buryo butandukanye haba kuyirya mu isosi, yumutse, ivanze mu mboga mbisi (salade), mu mugati n’ahandi.

Dore zimwe mu mpamvu zagutera gukunda Tofu:

1. Tofu ifasha kuringaniza ibiro:

Kubera ko ifite ibitera imbaraga bike, ikaba ikungahaye ku myunyu ngugu ya manyeziyumu na manganeze, zenke (zinc), potassium, calcium, cuivre na vitamine A, biyiha ubushobozi bwo kuba ingenzi mu kugabanya ibiro.

2. Tofu ifasha guhangana n’ibibazo by’ubuzima bikunze kwigaragaza mu za bukuru

3. Tofu ikungahaye ku butare ibi bigatuma ifasha mu kurwanya ibura ry’amaraso mu mubiri, cyane ko ubutare bwayo buri ku kigero cyo hejuru kuruta iboneka mu nyama z’inka.
4. Tofu yoroshye gutekwa, ikindi kandi irahendutse kurusha inyama

5. Tofu ifasha mu kurinda igabanuka ry’imisemburo y’abagore izwi nka estrogènes ndetse no kugabanya ibinure bibi (mauvais cholestérol), ari na byo bituma umuntu adahura n’ibibazo bya hato na hato byo mu za bukuru.

Ntitwasoza tutababwiye ko Soya uko yaribwa kose irusha ibyubaka umubiri (protein) inyama n’amagi mu gihe ari byo bimenyerewe ko bikize ku bitunga umubiri kurusha ibindi biribwa.

Soya irusha ibyubaka umubiri inyama n’amagi kuko umuntu wariye garama 100 za soya 36,5% by’ibyo yariye biba ari ibyubaka umubiri, mu gihe umuntu wariye garama 100 z’inyama 20% by’ibyo yariye biba ari byo bigize ibyubaka umubiri gusa. Ku muntu wariye garama ijana z’amagi aba yariye 12,5% gusa z’ibyubaka umubiri.

Ku bw’ ibyubaka umubiri soya yifitemo, ifasha abayirya ku buryo bukurikira:

1. Abagore batangiye kurya soya bakiri bato bagira uburumbuke (fertilité) bwiza kandi igihe bageze muri ‘menopause’ nta bibazo byo mu za bukuru bahura na byo.

Kurya soya kandi ku bagore bituma imihango yabo igenda neza cyane cyane iyo bagira ibibazo bifitanye isano na oestrogen. Ibi byagaragajwe n’ubushakashatsi bwakozwe n’ikigo gishinzwe kurwanya kanseri muri Amerika.

2. Abagore barya soya ibarinda kurwara kanseri y’ibere, bishimangirwa n’ubushakashatsi bwakorewe ku bagore bo mu bihugu bikunda gukoresha soya nk’u Buyapani, Koreya, Ubushinwa.

3. Soya kandi ifasha abagore batwite n’abana bageze mu gihe cy’ubugimbi n’ubwangavu kubera ko ikize kuri calcium, fer na magnesium.

4. Soya ifasha abarwayi ba diyabete kubera ko baba bakeneye ibyubaka umubiri.

5. Amata ya soya aba meza ku bana no ku bantu bakuru kurusha amata asanzwe, kuko proteine zo mu mata ya soya igogora ryazo rigenda neza kandi ryoroha kurusha izo mu mata asanzwe, ndetse no ku nyama zisanzwe n’izikoze muri soya (tofu) na ho ni uko.

6. Ku bagabo kurya soya birinda kanseri ya prostate

7. Soya kandi irinda amabuye yo mu maraso bita ‘thrombose du sang’.

Icyitonderwa: Igihe ukoresha soya cyane ugomba kwirinda kurenza garama 55 ku munsi kuko iyo urya nyinshi nabwo ushobora kurwara zimwe mu ndwara twavuze ko irinda ku muntu wayiriye ku kigero cyiza.

Uretse gutwarira kandi habaho no guhurwa ibyo kurya cyangwa ibyo kunywa, umwuka w’ikintu runaka wamugeraho akagira isesemi akaba yanaruka. Hari n’abahurwa abagabo babo, bakumva batakwegerana.

Bamwe bavuga ko ari uburwayi abandi bakavuga ko ari ukubyishyiramo gusa, ndetse hari n’abavuga ko rimwe na rimwe umugore yitwaza ko atwite kugira ngo agere ku cyo yashakaga.

Ese siyansi n’ubuvuzi bibivugaho iki?

Gutwarira ikintu akenshi bituruka ku misemburo iba irimo gukorwa kandi igakorwa ari myinshi mu gihembwe cya mbere cyo gutwita ni ukuvuga mu mezi atatu ya mbere.

Gusa hari ibivugwa ko burya utwarira icyo umubiri wawe ukeneye kurenza ibindi, ugahurwa ibyo umubiri wawe udakeneye. Ibi akenshi bivugwa ku biribwa n’ibinyobwa. Icyakora na none bivugwa ko umugore uhurwa umugabo we akenshi baba basanzwe batameranye neza cyangwa se atajya yishimira uko bakora imibonano.

Ubushakashatsi bukomeza bwerekana ko abantu batabasha kubona indyo yuzuye uko bikwiye, umubiri ubwawo ubategeka icyo bagomba kuwuha mu batwite.

Urugero, nk’igihe umubiri ukeneye vitamini C kugira ngo ugire ubudahangarwa, icyo gihe ku mugore utwite ho biba akarusho kuko aba agomba kugaburira abantu babiri (we n’umwana atwite). Ibi rero bituma ashobora gutwita ararikiye amafunguro akungahaye kuri iyo vitamini.

Icyo wakora mu gihe watwariye ikintu

Gerageza kutabyishyiramo cyane ngo wumve ko nutakibona inda ishobora kuvamo. Icyakora niba watwariye ikintu kandi kitagoye kukibona, urugero nk’amata, aho kuyanywa ku bwinshi wafata akarahure kayo gato, bikaba bihagije.

Ikindi mu gihe wumva wifuza ikintu runaka, ugerageza gushaka icyo uhugiraho. (Urugero, kora urugendo n’amaguru ujya ahantu hatuma uhuga, kureba umukino ukunda, kujya muri korali kuririmbi n’ibindi ukunda).

Muri iki gihe cy’iterambere, no kuganira n’abantu ku mbuga nkoranyambaga kimwe no gusoma ibitabo cyangwa amakuru kuri Interineti birafasha.

Gusa niba urimo gutwarira ibintu bidasanzwe nko kurigata itafari, kurya ibitaka, akenshi biterwa n’uko umubiri wawe hari umunyu ngugu uba ubura, by’umwihariko ubutare. Ibyo bikosorwa no kurya ibikungahaye ku butare byaba ngombwa ugahabwa ibinini birimo ubutare.

Icyo gukora mu gihe wahuzwe

Guhurwa byo ni ikindi kintu kuko akenshi bijyana n’isesemi no kuruka. Icyo uba ugomba gukora, niba wahuzwe ikintu cy’ingenzi cyane, ushaka icyagisimbura bihuje intungamubiri. Niba wahuzwe ibishyimbo, warya amashaza.

Cyokora mu gihe umuntu yahuzwe uwo bashakanye, bisaba ko bakosora ibitagenda neza hagati yabo byaba na ngombwa bakitabaza impuguke mu bumenyamuntu.

Byari biteganyijwe ko hari irindi tsinda ryagombaga guhaguruka ku wa kane, rigizwe n’abagenzi bakabakaba 120.

Inkuru ya France24, iravuga ko icyo gikorwa cyo guhungisha abantu nyuma y’uko Afghanistani isubira mu maboko y’Abatalibani, gishobora kuzamara iminsi myinshi, cyatangiye ku wa Mbere, ubwo u Bufaransa bwahungishaga abantu babwo gusa.

President w’u Bufaransa, Emmanuel Macron, yakiriye izo mpunzi aziha ikaze, nk’uko bigaragara mu butumwa yanyujije kuri Twitter.

Abageze mu Bufaransa batarahawe urukingo rwa Covid-19, barapimwe banashyirwa mu kato k’iminsi 10, nyuma bakazahabwa urukingo.

Amakuru aturuka mu biro bya Perezida, avuga ko Abanya Afghanistani hafi 800 bakiriwe ku butaka bw’u Bufaransa mu rwego rwo kubarindira umutekano, hagati ya 2001 na 2014.

Na ho hagati ya Gicurasi na Nyakanga 2021, abari abakozi ba Ambasade y’u Bufaransa i Kaboul n’imiryango yabo bagera kuri 625 bakiriwe mu Bufaransa.

Umuntu wa kabiri wagaragayeho Ebola ni umunya Guineyakazi w’imyaka 18 wabonetse mu mujyi wa Abidjan, wageze muri Côte d’Ivoire ku itariki ya 11 kanama 2021.

Abo barwayi barimo kwitabwaho kwa muganga mu gihe gahunda yo gukingira Ebola abakora mu rwego rw’ubuzima muri icyo gihugu yatangiye ku wa mbere.

AFP dukesha iyi nkuru iravuga ko abatuye mu gace k’ubucuruzi uyu munyagineyakazi yashyikiyemo, bose bahise bahabwa urukingo rwa Ebola ejo ku wa kabiri.

Ni mu gihe kandi mu gihugu uyu mugore yaturutsemo cya Guineya, na ho harimo gushakishwa abantu bose baba barahuye na we mbere y’uko yerekeza muri Côte d’Ivoire.

Ebola yibasiye ibihugu bya Afrika y’Iburengerazuba guhera mu mpera z’umwaka wa 2013 kugera muri 2016, ikaba yarahitanye abantu basaga 11.300, Guineya ubwayo ikaba yari yihariye 2.500 by’abishwe na Ebola.

Bimwe mu biryo byagufasha kubyibuha

Dore amwe mu mafunguro yagufasha mu ntego yawe yo kongera ibiro:

1 - Imineke

Ushobora kurya umuneke nyuma yo gufata ifunguro rya mu gitondo cyangwa se ukawuvanga na yaourt.

2 - Ibigori

Mu gihe wifuza kongera ibiro cyangwa kubyibuha, ni byiza gufata amafunguro arimo ibigori (igikoma, umutsima wabyo cyangwa se kawunga), imvungure n’ibindi.

3 - Inkoko

Umuntu wifuza kongera ibiro agirwa inama yo kurya amafunguro akungahaye kuri proteine, muri zo n’inkoko irimo.

4 - Amavuta

Umubiri ukenera amavuta kugira ngo ibiro byiyongere. Wakoresha aya Elayo, amamesa, ibihwagari n’ayandi.

5 - Umugati

Ushobora kuwurya ku ifunguro rya mu gitondo cyangwa se ukawurenza ku mafunguro yandi.

6 - Imbuto ariko zidafite amazi menshi (Des fruits secs)

7 - Ibinyampeke (céréales)

Abantu batagira umwanya wo gufata ifunguro ry’amanywa, akenshi bakunze gufata ifunguro rya mu gitondo ririmo ibinyampeke kuko rifata mu nda. Ibinyampeke rero binifashishwa n’abashaka kongera ibiro, bakagirwa inama yo kubifata kenshi.

8 - Fromage

Fromage ikize ku bitera imbaraga (calories), ikaba ifasha kongera ibiro vuba kandi mu gihe gito.

9 - Mayonnaise
Mayonnaise na yo ikungahaye ku bitera imbaraga ikaba ifasha mu kongera ibiro.

Twibukiranye zimwe mu mpinduka zigaragara ku bantu bahawe urukingo n’ubwo zitaba zimwe ku bantu bose.

Yaba dose ya mbere cyangwa iya kabiri, hari abagira bimwe muri ibi:

• Kurwara umutwe
• Kumva ubabara ukuboko kwateweho urushinge
• Kugira intege nke
• Kugira umuriro
• Gutengurwa
• Kugira isesemi

Ibi ni bimwe mu byo umuntu akwiriye kumenya no kwitaho nyuma yo guhabwa urukingo rwa Covid-19.

• Imirire iboneye ni ngombwa cyane kugira ngo izamure ubudahangarwa bw’umubiri bityo n’izo ngaruka zigaragara mu gihe gito zigashira vuba zitazahaje uwikingije. Iyo abahanga mu by’imirire bavuze ‘imirire iboneye’ baba bavuze amafunguro akungahaye ku byubaka umubiri, ibirinda indwara n’ibitera imbaraga.
• Ni byiza kwirinda amafunguro akungahaye ku mavuta nka pizzas, hamburgers n’ibindi bisa nka byo nk’uko Umunyamerika w’umuhanga mu by’imirire, Dr Todd Born, yabitangarije ikinyamakuru Huffington Post. Dr Todd avuga ko ari byiza kwibanda ku mafunguro arimo imboga, impeke, imbuto, n’ibindi bikungahaye kuri za poroteyine kugira ngo habeho gukangura umubiri nyuma yo gufata urukingo rwa Coronavirus.

Ese ntacyo byatwara kuba umuntu yakingirwa Covid-19 yanyweye inzoga cyangwa akazinywa nyuma yo gukingirwa

Inkuru ya Dailmail ivuga ko abahanga mu by’ubuvuzi bavuga ko ari byiza kugenzura ingano y’inzoga umuntu anywa haba mbere ndetse na nyuma yo guhabwa urukingo rwa Covid-19.

Iyi nkuru ivuga ko inzoga zishobora gutuma urukingo rucika intege bityo intego yarwo yo guha umubiri ubudahangarwa ntigerweho neza.

Mu kiganiro yagiranye n’ikinyamakuru New York Times, Dr Ilhem Messaoudi, uyobora ikigo cy’ubushakashatsi kuri za virusi muri kaminuza ya California, yahumurije abantu avuga ko abanywa inzoga ntibarenze ibirahure bibiri ku munsi badakwiye kugira ubwoba.

Nk’uko Dr Todd akomeza abivuga, ibyo abantu basabwa kugira ngo bagire ubuzima bwiza mu bihe bisanzwe ni na byo byitabwaho cyane nyuma yo gukingirwa Covid 19, aho avuga ko ari byiza kunywa cyane, byumwihariko amazi n’icyayi kitarimo isukari, ahubwo ku bafite isesemi kikarungwa na tangawizi.

Ese ntacyo byatwara mu gihe umuntu wakingiwe afashe ibinini bigabanye ububabare mbere cyangwa nyuma yo gukingirwa?

Hari imiti ikunze gukoreshwa ndetse igurwa muri Farumasi bidasabye ko yandikwa na muganga, Paracetamol na Ibuprofene.

Ikinyamakuru Lavoixdunord.fr kivuga ko ari byiza gufata paracetamol nyuma y’urukingo ibimenyetso byarwo byatangiye kugaragara, na bwo mu gihe uwakingiwe yumva atabasha kwihanganira ububabare, kandi ntarenze ibinini bitatu ku munsi.

Icyakora ngo mbere yo gufata ibuprofene byaba byiza kubanza kubaza muganga, kuko mu biyigize harimo ibyabangamira intego y’urukingo ari yo gutanga ubudahangarwa bw’umubiri.

Wakwibaza isano iri hagati y’imirire na depression, ariko ni ntashidikanywa kuko amafunguro yihariye ku muntu urwaye depression afasha kuzamurira umurwayi morale, kuringaniza no kuguma ku biro bikwiriye, gufasha no kuringaniza imikorere myiza y’ubwonko.

Ubushakashatsi bwakozwe bugaragaza urutonde rw’amatsinda y’ibiribwa na za vitamine bifasha urwaye depression guhangana nayo, cyokora izi nama ntiziba zije kukubuza kugana muganga.

Ni byiza gufata amafunguro akungahaye kuri:
– Omega3
– Vitamine zo mu bwoko bwa B
– Tryptophane
– Kwirinda ibiribwa bitunganyirizwa mu nganda

Ibiribwa bikize kuri Omega-3

Ikunze kuboneka mu biribwa byo mu mazi. Igarama rimwe (1g) ku munsi rirahagije, hibandwa cyane cyane ku zikomoka ku mafi.

Ibiribwa bikize kuri N-acetylcysteine

Iyi Vitamine ihindurwa n’umubiri mo amino acid z’ingenzi cyane nka L-cysteine na glutathione zizwiho kugabanya depression cyane.

Iyi N-acetylcysteine iboneka cyane mu bishyimbo, inkori, epinari, imineke, amafi ya salmon na tuna.

Ibiribwa bikize kuri Vitamin D

Vitamin D irwanya depression binyuze mu buryo bwinshi, harimo kugabanya ububyimbirwe, kuringaniza ibyiyumviro no kurinda imikorere mibi y’imyakura yo mu bwonko.

Ibiribwa bikize kuri vitamines za B

Vitamines za B zigira uruhare rukomeye cyane mu mikorere y’imyakura no kuringaniza uko umuntu yiyumva. Vitamins B harimo folic acid, B12, B9 na B6 zirakenewe mu gukora no kuringaniza imyakura ntaramakuru mu bwonko izwi nka neurotransmitters.

Ubushakashatsi bwagaragaje ko iyo vitamin B12 na folic acid zabaye nkeya, bizamura ibyago byo kurwara depression.

Ibiribwa bikize kuri zinc

Zinc ni umunyungugu ukenewe mu buzima bw’ubwonko, no kuringaniza neurotransmitters. Kubura kwa zinc bihuzwa cyane no kwiyongera kw’ibyago byo kugira depression, nk’uko tubisanga ku rubuga www.passeportsante.net

Icyo kibazo cyabereye muri iki kigo cy’abihaye Imana

Nk’uko bivugwa mu bitangazamakuru byo muri icyo gihugu, ngo abo Basenyeri bari mu nama yo kwiga uburyo bamwirukana, bakamwambura ubupadiri, nyuma y’aho bivugiwe ko muri Kamena 2018 yafatanywe garama 1,8 z’urumogi.

Ikinyamakuru Ta Nea kivuga ko uwo mupadiri yinjiye mu kigo cy’abihaye Imana cya Petraki kiri i Athènes, agiye kubazwa n’abo Basenyeri maze akinjirana icupa rinini ririmo aside.

Umuzamu wamufashe ageze kw’irembo ry’icyo kigo, na we yatwitswe n’iyo aside, ahita ajyanwa kwa muganga.

Abasenyeri batatu ni bo bahiye bakaba barimo kuvurirwa mu bitaro kubera ubushye batewe n’iyo aside, ndestse n’umuporisi wirutse ajya gutabara na we ari mu bitaro.

Perezida w’u Bugiriki, Katerina Sakellaropoulou, yamaganye icyo gitero, na ho Minisitiri w’Intebe, Kyriakos Mitsotakis, avuga ko ababajwe cyane n’icyo gikorwa, akaba yijeje ko Leta izakora uko ishoboye mu kuvura abakomeretse kugira ngo bashobore gukira vuba.

Kigira amoko atandukanye: Imishaba (ibitoki bitekwa mu mavuta), Inyamunyo (kiribwa gitogosheje mu mazi ariko gishobora no gutekwa ifiriti), n’ikiribwa nk’imineke kirimo Kamaramasenge, Gros Michel, Poyo, Fiya n’ibindi byinshi bivamo n’imitobe ishobora gusemburwa igatunganywamo ibinyobwa bisembuye.

Ese wari uzi impamvu imineke iba irimo isukari nyamara wahekenya igitoki kibisi ntuyumvemo?

Burya biterwa n’uko habamo amidon/starch idapfa gushwanyaguzwa na za enzymes zo mu gifu bityo aho gukoreshwa nk’isukari mu mubiri igakora nka fibre. Iyo rero umuneke uhiye, ya amidon ni yo ihindukamo isukari wumva iryohereye mu muneke.

Si ibyo gusa kuko igitoki tugisangamo izindi ntungamubiri zinyuranye nka fibre, umunyungugu wa potasiyumu na vitamine B6. Habonekamo kandi Fosifore (phosphore), ubutare, Manyeziyumu (magnesium) na Zenke (zinc) ndetse na vitamine C.

Dore Akamaro k’igitoki ku buzima:

• Kugabanya ibiro

Bitewe n’uko mu gitoki dusangamo amidon igoye gushwanyaguzwa iri mu gifu, bituma kurya igitoki byafasha mu kugabanya ibiro kuko uwakiriye atinda gusonza nuko bigatuma umubiri we utwika ibinure byinshi.

• Kuringaniza isukari yo mu maraso

Kurya igitoki bituma umubiri urushaho kuzamura igipimo cya insuline bityo bikarinda kuba wagira isukari nyinshi ari byo bitera indwara ya diyabete. Kuba kandi harimo vitamine B6 bifasha mu kuringaniza isukari by’umwihariko ku bafite diyabete yo mu bwoko bwa 2 (iterwa n’isukari nyinshi mu maraso).

• Gufasha mu igogorwa

Mu gitoki kuba harimo fibure ndetse na amido igoye gushwanyaguza bituma kiba cyiza mu igogorwa no kurinda kugubwa nabi (gutumba) nyuma yo kurya. Gifasha kandi mu kurwanya indwara ziterwa na bagiteri zishobora gufata mu nzira y’igogorwa.

• Kurinda kanseri y’amara

Uko amidon itinda mu mara kubera kudapfa gushwanyagurika bituma za bagiteri zo mu mara nziza zikora umusemburo ziyifashishije nuko ukica bagiteri mbi zatera indwara zinyuranye zo mu mara harimo na kanseri ishobora gufata mu mara.

• Ikoreshwa ry’intungamubiri

Kurya ibitoki bifasha umubiri gukoresha no gukamura izindi ntungamubiri ziturutse mu bindi wariye. By’umwihariko bifasha umubiri gukoresha kalisiyumu n’indi myunyungugu.

• Kugabanya cholesterol mbi

Za fibres zirimo hamwe na amidon nibyo bifasha mu kugabanya igipimo cya cholesterol mbi mu maraso. Niyo mpamvu abantu bafite cholesterol iri hejuru bagirwa inama yo kurya igitoki kenshi kuko bizatuma igabanuka.

• Gukora neza k’umutima, ku muvuduko mwiza

Kuba kirwanya cholesterol mbi kandi birinda kuba imitsi yakwifunga bityo bikarinda umutima kuba watera nabi, bikanarinda indwara y’umuvuduko udasanzwe w’amaraso ukunze guturuka ku kwifunga kw’imitsi y’amaraso. Ibi kandi kibifashwamo no kuba gikungahaye kuri potasiyumu

• Igipimo cy’amaraso kiringaniye

Ibitoki bikize kuri vitamine B6 bikaba ari byo bituma biba ifunguro ryiza mu gutuma ugira insoro zitukura nyinshi bityo ukagira amaraso ahagije mu mubiri wawe.

• Imikorere myiza y’umubiri

Igitoki gifasha umubiri gukoresha ibinure ubitse bigahindukamo ingufu umubiri ukoresha. Kandi kuba harimo vitamin B6 bituma anzime (enzymes) zikora neza akazi kazo ko gushwanyaguza ibyo wariye bityo umubiri wose ugakora neza

• Gufasha impyiko

Igitoki gifasha mu kuringaniza amazi n’imyunyu mu mubiri bityo bigafasha impyiko kuko akazi kazo ka mbere ari ukuyungurura amaraso no kuringaniza amazi umubiri ukeneye. Kurya igitoki, bifasha mu kurinda indwara zinyuranye zishobora gufata impyiko harimo na kanseri y’impyiko.

• Imikorere y’ubwonko

Kuba igitoki gituma umubiri udatakaza amazi bituma kiba cyiza mu mikorere y’ubwonko. Dore ko bugizwe n’amazi ku gipimo cyo hejuru kandi kugabanyuka kwayo bikaba bibangamira imikorere myiza yabwo.

• Kurwanya impiswi

Ubwacyo cyifitiye anzime zifasha mu kurwanya impiswi kimwe n’izindi ndwara ziterwa n’ibyo kurya byanduye. Kubirya mu gihe urwaye impiswi bigufasha kuyikira vuba, gusa ntibisimbura imiti mu wahabwa na muganga.

• Kwiheba no kwigunga

Ibitoki birimo tiriputofane (tryptophan) ikaba poroteyine ihindurwamo serotonine, uyu ukaba umusemburo w’ibyishimo. Serotonine ifasha kuruhuka no kumva muri wowe utuje. Hano unabishoboye igitoki wagihekenya kuko niho ya tryptophan iba ari nyinshi kurenza mu gitetse na salade y’igitoki burya ibaho, ikaba nayo ifite akamaro.

• Kugira Uruhu rwiza

Aho kugura ibyo kwisiga bihenze gerageza guhekenya igitoki. Iyo ari kibisi kiba kirimo vitamine A, ikaba ingenzi mu gutuma ugira uruhu rucyeye kandi runoze.

• Kugira amagufwa akomeye

Igitoki kibamo kandi potasiyumu ikaba izwiho gufasha amagufa gukura neza no gukomera by’umwihariko ku bana bakiri bato no ku bageze mu zabukuru.

Ni gute kiribwa?

Ubishoboye wagihekenya ariko ubusanzwe igitoki kiribwa gitetse.
Ushobora kugiteka amaganda cyangwa impogora (kidatonoye), ukagitonora gihiye.
Ubundi buryo ni ukucyotsa, nabwo bikaba bikorwa kidatonoye ukagitonora kimaze gushya.

Ushobora kugiteka cyonyine cyamara gushya ukagikoramo umunyigi, nk’uko warika umutsima (usonga ubugari).

Kugiteka bisanzwe mu mazi ibyo twakwita gutogosa, noneho ukavangamo ibirungo ushaka byose ndetse washaka ukanakaranga.

Ushobora kandi kugiteka ifiriti, gusa twibutse ko ifiriti kubera ubushyuhe bw’amavuta ishobora kwangiza zimwe mu ntungamubiri by’umwihariko vitamine C.

Abana baramagana ababyeyi babasimbuje telefone

Muri iyo myigaragambyo yateguwe n’umwana witwa Emil Rustige ufite imyaka irindwi (7), bari bafite ibyapa byanditseho ngo: Turi hano turabivuga turanguruye amajwi, tubanenga guhoza amaso muri telefone zanyu.

Emil yagize ati “Ndifuza ko nyuma y’iyi myigaragambyo abantu bagabanya igihe bamara kuri telefone”.

Abashakashatsi bavuga ko ababyeyi bamara igihe kinini kuri telefone, bigira ingaruka ku myitwarire y’abana babo.

Emil yasoje atanga ubutumwa ku babyeyi bugira buti "Kina nanjye aho gukina na telefone yawe".

Twifashishije imbuga zandika ku buzima www.compagnie-des-sens.fr na acteurdemasante.lu, tugiye kureba ubwo bwoko butandukanye bwa dépression:

• Iyo bita “Dépression réactionnelle”
Ubu bwoko bwa dépression buva ku mihindukire y’ubuzima itewe n’ibihe bigwiriye umuntu. Urugero nk’urupfu rw’uwe yakundaga, gutandukana kw’abashakanye, cyangwa kuvanwa mu kazi.

• Ubwoko bwa dépression bita “endogène”
Iyi dépression irangwa no kumva utaguwe neza mu buzima, bitewe no gutakaza inyungu runaka, kumva utakwidagadura, ukumva nta kintu cyakuzamurira amarangamutima. Igaragazwa kandi no gukora buhoro cyangwa guhubuka kw’imikorere y’ubwonko, Kunanirwa kurya no gutakaza ibiro mu buryo bukabije, ndetse no gutakaza ubushobozi bw’imikorere y’ibimenyetso by’ubuzima.

N’ubwo iri jambo «endogène» ridakunze gukoreshwa cyane, ubu bwoko bugaragara cyane muri dépression zifite inkomoko mu muntu ubwe.

• Dépression yitwa “névrotique”
Ubu bwoko buhuriza hamwe ibimenyetso bya dépression yaba iyoroheje cyangwa se ikomeye akenshi bisemburwa n’ibintu bitugose cyangwa se bidukikije.

Ubu bwoko bwa dépression bukunze gufata cyane abantu basanzwe bafite imiterere yo kurakara vuba kandi cyane.

• Depression yitwa post-partum
Ni dépression ifata ababyeyi babyaye vuba ikigaragaza akenshi mu byumweru hagati ya bine (4) n’umunani (8) nyuma yo kubyara.

Igira ubukana butari bumwe bitewe n’imiterere y’umuntu ikarangwa n’imihindagurikire y’ibintu bimwe na bimwe nk’ihindagurika ry’imisemburo, imitekerereze, imibanire n’abandi,…

• Dépression ifata abantu bageze mu zabukuru
Ibintu bitandukanye bigera ku bageze muzabukuru nko gupfusha uwo bashakanye, indwara zitandukanye zibafata muri iyo myaka, biri mu bituma aba bantu bafatwa na dépression, ikibasira cyane cyane abadafite umuryango ubitayeho.

Icyakora nanone, ntabwo gusaza iteka bigendana na dépression kuko hari abantu benshi bagera muzabukuru kandi ugasanga banezererwa ndetse bakanyurwa n’imibereho cyangwa se ubuzima babayemo.

• Dépression igendana n’ibihe
Mu bihugu bigira ibihe by’ubukonje bwinshi (Hiver), bamwe mu babituye hari ubwo bigunga bakagwa muri dépression yitwa dépression hivernale iterwa n’ibyo bihe by’ubukonje no kutabona umucyo.

• Maniaco-dépressive ou bipolaire
Ni dépression yoroheje kuyimenya kuko uyirwaye agira amarangamutima ahindagurika, ikarangwa n’uko ibyishimo biri hejuru n’umubabaro uri hejuru bigenda bisimburana, kurakara cyane no gusetsa cyane nabyo bigasimburana ukabona asa nkaho muri we harimo abantu batandukanye.

Iyi dépression ni mbi cyane ndetse inakwiye guhangayikisha kuko umurwayi wayo akenshi agerageza no kuba yakwiyahura. Bisaba rero ko akurikiranwa na muganga.

• Dépression yihishe
Ni ubwoko bwa depression idahita igaragaza ibimenyetso bisanzwe bizwi cyokora ikaba isuzumirwa mu myitwarire n’imitekerereze y’umuntu.

• Dépression professionnelle

Iyi izwi nanone nka « burn out » kuko ari depression igira inkomoko ku kazi cyangwa umwuga umuntu akora.

Iterwa na stress irenze urugero iva ku kazi ka buri munsi. Mu gihe ubona ko ufatwa n’ubwoba kuwa mbere mu gitondo cyangwa se mu gihe ubona amasaha y’akazi kawe ni byiza kwisuzuma ukamenya aho ubwo bwoba buturuka (birashoboka ko waba ufite umuyobozi utaguha amahoro, kuba utishimiye urwego rw’akazi uriho, ibyo ukora, cyangwa se utabanye neza na bagenzi bawe mukorana,…) hanyuma ukabishakira igisubizo bikiri mu maguru mashya.

Dépression cyangwa indwara y’agahinda gakabije, kwiheba no kwigunga, ni indwara yo mu mutwe iboneka cyane ku isi, ariko nanone ikaba ari imwe mu zisa n’izibagirana mu buvuzi (zititabwaho).

Isoni, ubwoba, ubutamenya by’abarwayi ba depression ni bimwe mu bituma badahabwa ubufasha bakeneye.

Nyuma y’inkuru zirenze imwe tumaze kubagezaho kuri dépression, ukaba umaze kumva hari icyo uyimenyeho kandi wiyiziho, witinya kugana muganga no kuba wabiganiriza umuntu ukuri hafi wagufasha. Kumenya ko waba ufite iki kibazo no kubiganira, ni intambwe ya mbere yo kubaho wishimye.

Akenshi abarwayi ba dépression bakunze gusobanura uburwayi bwabo bagaragaza ishingiro ry’impamvu zayo.

Kugira ngo babashe kubona igisobanuro n’uburyo imibereho yabo ihagaze, bagerageza kumvikanisha uko bageze ku rwego rw’uwo mubabaro.

Muri rusange, intekerezo z’abo barwayi zigaruka ku mpamvu zijyanye n’ibibakikije, nko gutotezwa mu rwego rw’akazi, kubura uwo yakundaga, kuba wenyine, impamvu bwite yiyumva nk’umunyantege nke, nk’udafite agaciro, n’ibindi.

Dépression ituruka ku ruhurirane rw’impamvu nyinshi zitandukanye, zirimo:

• Impamvu zishingiye ku miterere y’umubiri

Ubushakashatsi bwinshi bwagaragaje ko imiterere y’umubiri igira uruhare mu gutera iyi ndwara.

Ibi bivuga ko dépression ishobora guturuka ku ruhererekane mu muryango. Mu gihe umwe mu babyeyi yaba yarayigize haba hari ibyago byinshi by’uko abamukomokaho na bo yabageraho.

Ubu bushakashatsi bukomeza buvuga ko izindi mpamvu zishamikira kuri iyi ijyanye n’imiterere y’umubiri, bityo zigasa n’iziyikangura.

• Impamvu zishingiye ku bikikije umuntu

Indwara ya dépression, hari ubwo igera ku muntu bitewe n’uko yananiwe gucunga (gérer) amarangamutima ye, imibanire n’abandi cyangwa umuhangayiko (stress), imyemerere ifite ibyo imubuza,…

• Impamvu zishingiye ku mibanire n’umuryango no ku mitekerereze

Gutakaza umurongo ngenderwaho, gutatana kw’abagize umuryango, ubwigunge (kuba wenyine), n’ibindi na byo biri mu bisembura dépression.

Muri make, buri muntu arihariye ku isi, ntawe basa, abaho, ahura, ndetse akanitwara bitandukanye n’iby’undi imbere y’ikibazo runaka.

Icyakora abahanga bagerageje gukora urutonde rushobora kuvugururwa rugaragaza ibindi bintu bisembura indwara ya dépression.

• Ibihe by’ihungabana (nko gupfusha, kwirukanwa mu kazi, intambara, ...), imihindagurikire y’imibereho y’umuntu;
• Indwara zitandukanye zidakira nka AVC, cancers zimwe na zimwe,...);
• Ububabare buhoraho;
• Ikoreshwa ry’ibisindisha mu buryo burenze urugero ndetse n’ibiyobyabwenge;
• Imiti imwe n’imwe irimo nk’igabanya ububabare, corticostéroïdes, ivura indwara z’umwingo, imiti imwe n’imwe ikoresha imisemburo mu kuboneza urubyaro, ...

Inama zigirwa abantu babana n’uwugarijwe na depression

Kumwumva no kumuha icyizere.

Kwereka uwugarijwe na dépression ko wumva amarangamutima ye, ibyiyumviro bye, akababaro ke ndetse ko atari we wabyiteye. Kumubwira ko ibihe arimo ari iby’igihe gito, ndetse ko bizarangira neza mu buryo butamugaragarira muri ako kanya.

Kumva no gutega amatwi ni bwo buryo bw’ibanze bwo kubanira neza uwugarijwe na dépression.

Ibyo utagomba gukora

Ntacyo bimaze kubwira umuntu wugarijwe na dépression ko akwiye gushyiramo imbaraga cyangwa kugaragaza ubushake bwo kwikura mu kibazo.

Amagambo azamura morali (morale) ntamukoraho ndetse arushaho kumutera kwibaza ko adashoboye.

Ni byiza kwirinda gukoresha amagambo cyangwa interuro nka: «Ufite byose byakaguhaye umunezero», «Nta mpamvu n’imwe ikwemerera kubabara».

Bene ayo magambo amwongerera kwishinja kuba nyirabayazana w’ibimubaho, no kumva ko ntawe umwumva kuko byongera ibimenyetso bya dépression bikanamwongerera ibitekerezo byo kwiyahura.

Mu gutegura iyi nkuru twifashishije urubuga rwa Internet: www.acteurdemasante.lu/fr

Inkuru bijyanye:

Ingaruka z’indwara y’agahinda gakabije, kwiheba no kwigunga

Menya uko wakwirinda agahinda gakabije mu gihe uri wenyine

Iyi si indwara yo kwirengagiza kubera ingaruka zikomeye igira ku buzima bw’umuntu zirimo no kwiyahura.

Dépression ubwayo ni indwara ikomeye kuko ibimenyetso byayo bikora ku buzima bw’umuntu ingaruka zayo na zo zikamuzanira ibibazo bikomeye ku mikorere y’umubiri.

Izo ngaruka ni izi:

1. Indwara zijyana n’imikorere mibi y’umubiri n’ubuzima bwo mu mutwe

Ni indwara zifite impamvu zidasobanutse mu buryo bwa kiganga. Muri zo harimo umunaniro uhoraho, ibibazo bigendana n’amagufwa n’imikaya biteza uburibwe butandukanye no kugenda nabi kw’igikorwa cy’imibonano mpuzabitsina.

2. Indwara z’umutima

Inyinshi mu ndwara z’umutima zituruka ku ndwara y’agahinda gakabije no kwigunga.

3. Diyabete

Ubushakashatsi bwagaragaje ko isano iri hagati ya diyabete na dépression ari ishingiye ku kwiyanga no kutita ku buzima bigaragara cyane ku murwayi wa depression.

4. Indwara zandura

Abahanga mu by’ubuzima bavuga ko abarwayi ba dépression baba bafite ibyago byinshi byo kurwara indwara zandura nk’agakoko gatera Sida (HIV) bitewe n’uko aba bantu bagira imyitwarire idasanzwe mu bijyanye n’imibonano mpuzabitsina.

Muri rusange indwara y’agahinda gakabije, kwiheba no kwigunga, igira ingaruka nyinshi zaba izishingiye ku buzima, ku kazi kari gatunze uyirwaye n’umusaruro atanga ndetse no ku mibanire ye n’umuryango we n’abandi bamukikije muri rusange.

5. Kwiyahura

Ingaruka ikomeye cyane kurusha izo zose ni uko umurwayi w’agahinda gakabije, kwiheba no kwigunga birangira yiyahuye iyo atitaweho ngo avurwe neza.

Ubushakashatsi bwakozwe n’itsinda ry’abaganga bo mu Bufaransa muri Gicurasi 2014, bugaragaza ko abarwayi ba dépression hagati ya 5 na 20 % biyahura.

Ubu bushakatsi kandi bwagaragaje ko mu barwayi ba dépression, abangana na 25% bonyine ari bo babasha guhabwa ubufasha bw’abaganga bukwiriye, mu gihe abenshi mu biyahuye byagaragaye ko ari abatarabonye imiti irwanya dépression.

Ubu bushakashatsi kandi bukomeza bugaragaza ko 70 % by’abantu biyahura baba bararwaye dépression, ibi byatanze umwanzuro uvuga ko dépression cyangwa indwara y’agahinda gakabije no kwigunga, ari impamvu nyamukuru itera abantu kwiyahura.

Icyakora na none, ngo ni byiza kumenya ko n’ubwo abantu benshi barwaye dépression batekereza kwiyahura batabasha kubigeraho.

Aba bantu biyahura kandi ngo ntabwo icyo baba bagendereye ari ugupfa, ahubwo ngo baba bashaka gushyira iherezo ku mibabaro baba batakibasha kwihanganira.

Mbese ngo kwiyahura bo babifata nk’uburyo bwo gucecekesha uwo mubabaro.

Mu gihe uwawe muganira ukumva afite ibitekerezo byo kwiyahura, ni byiza kumugeza kwa muganga byihuse aho kumutwama no kumubwira ibindi bintu byinshi kandi utari umuganga wabihuguriwe kuko watuma aremba kurushaho.

Mu gutegura iyi nkuru twifashishije imbuga za Internet:

www.santemagazine.fr
www.la-deprresion.org

Ibi ni bimwe mu bimenyetso byakwereka ko waba wugarijwe na depression, ku buryo mu gihe wakwisangaho kimwe cyangwa byinshi muri byo, ukwiye kugana inzobere mu by’ubuzima bwo mu mutwe zikagufasha. Ushobora no kubibona ku muntu mubana bya hafi na we ukaba wamugira inama yo kugana muganga.

• Guhora wirenganya cyangwa wishinja amakosa runaka

Igihe indwara yo kwigunga no kwiheba bikabije yakugezeho, kenshi utangira kwirenganya ku bintu byinshi bitagenda neza muri wowe no ku bandi. Niba hari uwo ukunda ubabaye, ukumva ko ari wowe ubitera, niba hari ikitagenda neza mu muryango ukumva ko ari wowe byose biturukaho.

• Kutita ku isuku y’umubiri wawe

Byinshi witagaho birahinduka, mu gihe wumva wigunze cg wihebye cyane. Ni hahandi utangira kubona umuntu atoga, adashobora gusasa uburiri bwe, gusukura aho aba, kumesa imyenda n’ibindi.

• Kumva ntacyo ukimaze

Abantu benshi bakunze kwibwira ko urwaye depression, bigaragazwa no guhora arira cyangwa agaragaza agahinda gakabije, guta umutwe bimwe abenshi bita ibisazi, nyamara hari igihe umurwayi wa depression aba ari umuntu ugenda bisanzwe gusa akumva muri we nta kintu amaze, ndetse nta n’icyo yafasha abandi.

• Kurakazwa n’ubusa

Kurakazwa n’ubusa no guhorana umunabi ni kimwe mu bimenyetso bya depression benshi bakunze kwirengagiza, ndetse bakabyitiranya na stress nyamara bishobora kuba ikimenyetso cy’indwara ikomeye yo kwigunga no kwiheba bikabije.

• Kubura ibitotsi

Depression itera ibibazo bitandukanye bijyanye n’ibitotsi, harimo kuba wabibura ukaba wajya kuryama wumva urushye cyane, wamara kugera ku buriri ibitotsi bikabura. Ku rundi ruhande, no kuryama cyane bishobora kuba ikimenyetso cyo kwiheba no kwigunga bikabije.

• Kunanirwa vuba

Kunanirwa gukora uturimo tworoheje nko koga, ugasanga biragusaba imbaraga nyinshi.
Mu gihe ubona utangiye kuzajya unanizwa no gukora uturimo tworoheje wari usanzwe ukora, ni ngombwa gusuzuma neza niba atari indwara yo kwiheba, kwigunga n’agahinda bikabije birimo kubigutera.

• Kurota ibintu bibi cyangwa biteye ubwoba

Abantu barwaye indwara ya depression bakunda kurota kenshi ibintu biteye ubwoba cyangwa bibi, ugereranyije n’abasanzwe.

• Kumva ntacyo ushaka gukora

Abenshi kuko baba batumva ibirimo kukubaho bazakwita umunebwe, kenshi bakubwira ko ntacyo ushoboye.

• Kumva ushaka kuba wenyine

Indwara yo kwigunga, kwiheba n’agahinda bikabije bijyana no guhora wumva uri wenyine, ukumva udashaka uba hafi yawe. Kubera ko uba wibwira ko ntawe ukumva, utangira kujya kure y’inshuti zawe, ukumva ntushaka kuba ahari abandi.

Mu gihe wumva utangiye kugira ibitekerezo byo kumva ushaka kuba wenyine, gerageza ushake uwo wizeye mwabiganiraho, kandi wirinde kuba wenyine igihe kirekire.

• Imikorere mibi y’umubiri

Ubushakashatsi bwakozwe n’ikinyamakuru Journal of Clinical Psychiatry mu mwaka wa 2004, bwerekanye ko depression igaragazwa n’imikorere mibi y’umubiri nko kuribwa mu ngingo, kubabara umugongo, ibibazo bitandukanye by’igifu, guhorana umunaniro no kubura ibitotsi.

Mu gihe wumva utangiye kugaragaza kimwe cyangwa byinshi muri ibi bimenyetso, nk’uko ujya kwivuza iyo warwaye izindi ndwara, ni ngombwa kugana inzobere mu byerekeye imitekerereze n’indwara zo mu mutwe (psychologist cyangwa psychiatrist).

Mu gihe wivuje hakiri kare uhabwa inama zigufasha kwikura muri iki kibazo byakwanga ukaba wahabwa imiti.

Ubutaha tuzareba ingaruka zikomeye zituruka kuri iyo ndwara zirimo no kwiyahura.

Gukora Vasectomie ni ugufunga imiyoboro itwara intanga

Hari ubundi buryo bwo kuboneza urubyaro bwa burundu ku bagabo butaramenyerwa, ndetse butinywa na benshi baba abagabo n’abagore babo, kuko hari ababyita gukona, bakibwira ko byabagiraho ingaruka zitandukanye zirimo no kuba byabatesha kuba abagabo babasha kuzuza inshingano z’abashakanye.

Mu kiganiro Kigali Today yagiranye na muganga w’ababyeyi, Dr. Butoyi Alphonse, arasobanura byinshi kuri ubu buryo bwa vasectomie.

Ese Vasectomie ni iki, ikorwa ite?

Dr Butoyi avuga ko uburyo bwa vasectomie ari uguhagarika intanga ngabo ntizibashe kujya mu masohoro.

Ati “Ubusanzwe intanga ngabo zikorerwa mu dusabo tw’intangangabo (testicules), kuri two haturukaho imiyoboro (canaux deferents) ari zo zitwara intanga ngabo (spermatosoides) zikajya guhura n’amatembabuzi yakorewe kuvubura bita glandes seminales na prostate. Iyo rero bafunze iyo miyoboro ntabwo intanga ngabo ziba zigifite inzira zinyuramo, zirahagarara ku buryo iyo umugabo asohoye, asohora amatembabuzi atarimo intanga, bitandukanye no gukona nk’uko bamwe babizi”.

Ese icyo gikorwa (operation) ntikibabaza? Nticyatuma se igihe umugabo agikorewe byamufata igihe cyo kurwara no kuryama?

Dr Butoyi asubiza ko uko kubagwa cyangwa operation ari akantu gato cyane.

Ati “Bifata iminota hagati ya 15 na 30 iyo bidatinze kugira ngo umuganganga abikore yitonze atiruka. Umugabo uyikorewe ahita ahaguruka akagenda, ubundi agahabwa imiti yoroheje igabanya ububabare nka paracetamol na brufen.

Ese umugabo ashobora gukorerwa Vasectomie afite imyaka ingahe cyangwa abyaye kangahe?

Dr. Butoyi avuga ko biva ku bwumvikane bw’abashakanye.

Ati “Ntibisaba imyaka runaka, bituruka gusa ku bwumvikane bw’umugabo n’umugore, bitewe n’umubare w’abana ntarengwa mwifuza kubyara.Icyakora bitewe n’imyumvire ya kinyafurika, baba batekereza ko hari igihe bazakenera kubyara nyuma yo kuboneza urubyaro mu gihe runaka, abenshi bakunze kubikora nyuma y’imyaka 40, kuko ari uburyo bwa burundu, ariko bitabujije ko wakora vasectomie ku myaka 20, 30, no kuzamura, waba ubyaye rimwe, kabiri cga se gatatu, bitewe n’uko mubyifuza”.

Ese umaze kuboneza urubyaro mu buryo wa vasectomie atangira gukora imibonano idakingiye mu gihe kingana gute?

Gukorerwa Vasectomie ntibivuze ko umugabo ahita atangira gukora imibonano idakingiye nk’uko Dr Butoyi abisobanura.

Agira ati “Ushobora gutera inda, bisaba gutegereza igihe cy’ibyumweru 12 (amezi 3). Ni byiza rero kwifata cyangwa ugakoresha agakingirizo”.

Nta ngaruka Vasectomie yagira ku mugabo wayikorewe cyangwa no ku mubano w’abashakanye?

Nta ngaruka n’imwe iba ku mugabo wakorewe vasectomie.

Dr. Butoyi abisobanura agira ati “Umugabo arasohora nk’uko bisanzwe, ubushake bwe bukomeza uko bisanzwe, ikiba cyabayeho nk’uko natangiye mbivuga, ni uko aho tuba twafunze aho intanga zinjirira zijya mu masohoro gusa, bityo umugabo agasohora amatembabuzi atagira intanga”.

Mu byo WhatsApp isaba abayikoresha, uretse ababa i Burayi, hari ukwemera gusangira amabanga na facebook, kompanyi nkuru y’urwo rubuga.

Kugera ku itariki 15 gicurasi 2021, abatazemera amategeko mashyashya ntibazashobora kubona urutonde rw’abantu bandikirana mu gihe bafunguye WhatsApp.

Icyakora ngo umuntu azaba ashobora kwitaba akoresheje WhatsApp ndetse no kuri video.

WhatsApp ivuga ko mu byumweru bishize yagiye yoherereza ubutumwa bwo kwibutsa abayikoresha kwemera amategeko mashyashya.

Yavuze ko mu misi mike iri imbere, ubwo butumwa bwo kwibutsa abayikoresha buzagaragara kenshi cyane kugeza ubwo bazagera aho bagafata icyemezo cyo kwemera amategeko mashyashya.

N’ubwo urwo rubuga rutazakurikirana abazaba batemeye ayo mategeko mashyashya, WhatsApp yo ngo izakurikiza amategeko yayo ngenderwaho ku makonti atagikora.

Ayo mategeko avuga ko igihe umuntu azamara imisi 120 adakoresha urwo rubuga, konti ye izahagarikwa mu rwego rwo kugabanya ibiri mu bubiko no gukingira amabanga y’abantu.

Abakoresha WhatsApp baragirwa inama ko bashobora kwimurira ahandi urukurikirane rw’ubutumwa bwabo nk’uburyo bwo gutuma batabutakaza.

Mu ntangiriro z’uyu mwaka, WhatsApp yari yavuze ko bumwe mu butumwa bw’abayikoresha nk’ubutumwa bugufi buzajya buhita bwoherezwa muri facebook kandi ko ishobora no kubikora uko ku mbuga za Instagram na Messenger, ibintu abayikoresha benshi batishimiye.

Bamwe mu bakoresha Whatsapp batangiye kuyivaho bimukira ku zindi mbuga nka Telegram na Signal.

Icyakora WhatsApp ivuga ko yigije inyuma igihe ntarengwa cy’ishyirwa mu bikorwa ry’amategeko mashyashya kugira ngo ifate umwanya uhagije wo gusobanura ko nta ngaruka iyo ari yo yose izaba ku mabanga y’ubutumwa bahanahana na bagenzi babo cyangwa imiryango.

Ikindi kandi WhatsApp ivuga ko yo na facebook nta bushobozi zifite bwo gusoma ubutumwa cyangwa kwumviriza ibyo abantu bavugira kuri telephone.

RDC iri mu bihugu byari byarahawe inkingo muri gahunda ya COVAX ariko ntizakoreshwa zikaba zigiye kohererezwa abandi

Izi nkingo zari zatanzwe muri gahunda mpuzamahanga ya Covax, zikaba zizarangiza igihe cyazo ku wa 24 Kamena, nk’uko UNICEF ibivuga.

Hafi doze miliyoni 1.3 kuri miliyoni 1.7 zigiye guhabwa ibindi bihugu birimo Senegal, Ibirwa bya Comores, Ghana na Angola.

RDC yatinze gutangiza gahunda yo gutanga inkingo za AstraZeneca yari yahawe muri Werurwe kubera impungenge z’uko zishobora gutera ingaruka y’ivura ry’amaraso.

RDC yatangiye gukingira ku wa 19 Mata 2021, abantu 1.265 bakaba ari bo bamaze guhabwa urukingo rwa AstraZeneca.

Iyi nkuru twateguye twifashishije imbuga zandika ku buzima irabafasha gusobanukirwa igihe umwana atangira kwambara isutiye ndetse n’uburyo umubyeyi yamufasha muri icyo cyiciro cy’ubuzima aba yinjiyemo.

Icya mbere ni ukubanza kumuganiriza kuri uwo mwambaro uje ari mushya mu buzima bwe. Ubundi iyo tuvuze isutiye, humvikana amabere na yo akavuga ubwangavu.

Ku babyeyi, babibona nk’ikimenyetso cy’igihe umwana wabo atangiye cyo kuva mu bwana agana mu cyiciro cy’abakuru kikaba n’igihe cyiza cyo gutangira kumuganiriza bundi bushya ku bijyanye n’imibonano mpuzabitsana, cyane cyane uhereye kuri iyo mihindagurikire y’umubiri we aba atangiye kubona.

Abana b’abakobwa bamwe uzasanga bisabira kwambara isutiye mu gihe hari abandi batayishaka ndetse batanumva n’impamvu yo kuyambara.

Aha ni byiza kuganiriza umwana ukamwereka akamaro ko kwambara isutiye kurusha kuba yaba igikoresho cyo gukurura abamureba, cyane ab’igitsina gabo (seduction).

Ni ku kihe kigero rero umwana azambara isutiye bwa mbere

Biterwa n’igihe umwana yatangiriye kumera amabere kuko ntazira igihe kimwe kuri bose, hari abinjira mu bwangavu mbere y’igihe. Icyakora hagati y’imyaka 10 na 12 umwana yambara isutiye n’ubwo nta mahame ntakuka ahari abishimangira.

Ni gute wahitiramo umwana isutiye ikwiye?

Ni byiza ko umwana yipima isutiye ugiye kumugurira, we ubwe akumva ko itamubangamiye. Kandi igihe cyo kumugurira iya mbere uzabanza umuhitishemo umuntu yumva bajyana kuyigura, ashobora guhitamo Mama we, nyina wabo, marraine, ise, cyangwa se undi muntu yiyumvamo cyane.

Ni byiza ko atangirira ku masutiye atarimo utwuma, kuko n’ubundi bitandukanye n’uko abantu babitekereza, ntitwagenewe gufata amabere, ahubwo dufasha kuyaha imiterere y’ishusho y’uruziga.

Ni byiza kandi kumwambika isutiye yambika ibere ryose, ibaye ifite ishusho rya mpandeshatu byaba byiza kurushaho.

Ikindi ni uko kugira ngo umwana abashe guhisha imoko z’amabere arimo kumera, ni byiza ko yambara isutiye idoze ku buryo imbere harimo ikindi gitambaro (double) cyangwa harimo ama ‘eponge’ ariko atari manini.

Ni byiza kandi kwambara adoze muri cotton. N’ubwo iba ari umwambaro w’umwana ntugomba kumufata nk’umwana cyane ngo umugurire isutiye ishushanyijeho udupupe.

Icyo ukwiye kwirinda kandi, ni ukumugurira isutiye ibonerana, cyangwa iriho za dentelle kugira ngo umurinde ko yakurura abantu. Mbese ni byiza ko wamufasha guhitamo isutiye mberabyombi (nziza ku jisho, imufasha kumva atabangamiwe kandi itagaragaza ubwana cyane), nk’uko urubuga Magicmaman.com rubisobanura.

Munyenyezi ashinjwa uruhare muri Jenoside yakorewe Abatutsi mu yahoze ari Perefegitura ya Butare mu Majyepfo y’u Rwanda.

Mu rukiko, byatangajwe ko mu kwezi kwa karindwi 1994 yahungiye muri Kenya, aho yabyariye abana b’impanga, nyuma akinjira muri Amerika nk’impunzi akabaho ahabwa ubufasha bw’abababaye.

Munyenyezi yize kaminuza, nyuma akora mu biro bya Leta, ariko nyuma aza gushinjwa ko yagize uruhare muri Jenoside i Butare aho ngo kuri za bariyeri yagaragazaga abagomba kwicwa.

Muri Amerika yahamwe n’icyaha cyo kubeshya urwego rw’abinjira n’abasohoka ku ruhare yaba yaragize muri Jenoside, kugira ngo abone ubwenegihugu bwa Amerika, akaba yari aherutse kurangiza igihano cyo gufungwa imyaka 10 yakatiwe kubera icyo cyaha.

Umugabo wa Munyenyezi witwa Arsene Shalom Ntahobari na nyirabukwe Pauline Nyiramasuhuko, bahamwe n’ibyaha bya Jenoside bakatirwa gufungwa n’urukiko rwa Arusha.

Habayeho kumuhererekanya ku mpande zombi

Muri iyi Video, umuvugizi wa RIB, Dr. Murangira B. Thierry, arasobanura ibyaha Munyenyezi akekwaho n’ibimenyetso byabyo.

Amafoto: Plaisir Muzogeye
Video: Roger Marc Rutindukanamurego

Si byiza guhana umwana umukubita

Hari ingero zagiye zigaragara mu nkuru zavuzwe, zimwe zanyuze kuri Kigali Today.com, aho usanga ababyeyi bahohotera abana bikabaviramo no kugezwa mu butabera kugira ngo bakurikiranwe hakurijwe amategeko y’u Rwanda.

Urugero rumwe ni urw’umubyeyi wo mu Karere ka Nyagatare mu Murenge wa Mimuli mu Kagari ka Mahoro, witwa Uwamahoro Evangeline w’imyaka 34 watawe muri yombi ku itariki ya 02 Mutarama 2021, akurikiranyweho guhana umwana we by’indengakamere.

Uwamahoro yakubise umwana we witwa Twagirimana Innocent w’imyaka 6, yamukubise mu maso akoresheje urusinga rw’amashanyarazi biviramo umwana gukomereka mu jisho no ku matwi.

Urundi rugero ni urw’ababyeyi bo mu Karere ka Nyabihu mu murenge wa Kabatwa bafatanyije gutwika umwana wabo w’imfura intoki bamuhora ko yafashe amafaranga akajya kuyagura amandazi, nkuko byatangajwe n’Umuvugizi wa Polisi mu Ntara y’Iburengerazuba, CIP Bonaventure Karekezi.

Izo ngero zombi zigaragaza ko ababyeyi bamwe batazi gutandukanya guhana no guhohotera umwana.

Guhana umwana ni iki?

Mu kiganiro Kigali Today yagiranye n’impuguke mu by’imitekerereze (Pscychologue) Mukamana Adelite, avuga ko igihano ari uburyo bwo kubwira umwana ko buri gihe iyo umuntu akora amakosa ashobora kugerwaho n’ikintu kitamunezeza, nko kuba yakwimwa ibintu asanzwe akunda (film, imineke n’ibindi).

Gukubita umwana: Mukamana avuga ko ari nko kwivura umujinya. Ati: Aha umubyeyi yibwira ko umwana aba yamubababaje noneho nawe akamwihimuraho kandi ntabwo umuntu akwiye kwihimura ku mwana”.

Akomeza avuga ko umugani w’Abanyarwanda ubisobanura neza ko ‘inkoni ivuna igufwa itavuna ingeso’, ko gukubita umwana bidakwiye.

Ati “Ku bavuga ko umunyafu ukenewe, si byo kuko ikibi cyawo ni uko utagira umupaka (mbese ntugira aho ugarukira), ari naho ushobora kuvamo guhohotera umwana”.

Mukamana avuga ko guhana biza mu gihe umwana yatannye cyangwa hari ibyo atakoze uko bikwiye.

Umubyeyi yakabanje kwibaza ngo ni iki umwana yakoze, ni ikihe kibazo cyabaye cyatumye umubyeyi atekereza ko umwana atabikoze neza? Hanyuma akabona kumubwira uko yakagombye kubikora binyuze mu kiganiro.

Iyo umwana abikoze mu buryo bwisubira, nibwo umubwira uti twarabivuganye, ubushize warabikoze none dore urongeye! Uti ubu rero ngiye kuguhana, ari nabwo umwima cya kintu akunda, ubundi ntabwo igihano kiza ku makosa umwana akoze ubwa mbere.

Ese hari ingaruka bigira iyo umwana ahanishwa inkoni?

Mukamana avuga ko umwana wamenyereye guhanishwa inkoni bimugiraho ingaruka kuko bimuhindura igikuke.

Ati “Icya mbere ahinduka igikuke, yarangiza akaba icyihebe. Ikindi nawe yiga ko ibibazo bikemurwa no guhohotera abandi cyangwa kubakubita. Iyo undi mwana mugenzi we amufatiye igikinisho aramukubita. Hanyuma akaba umuntu udashobotse, ntiyishobokere ubwe, ntashobokere abandi. Abo bavukana, umuryango mugari, ndetse n’igihugu akaba wa muntu wananiranye. Ujya wumva nk’umuyobozi ukubita abaturage, burya biba byaratangiye kera mu bwana bwe”.

Ese umwana atangira kuganirizwa mu buryo bwo kumuhana angana ate?

Mukamana avuga ko nta mwana n’umwe utaganirizwa mu buryo bwo kumuhana. Ati “Yemwe n’umwana muto w’uruhinja umureba nabi akabimenya ko umurebye nabi ndetse akamenya ko yakosheje. Uko imyaka igenda, uko akura ni ko ikiganiro mugirana kigenda cyiyungura”.

Amategeko y’u Rwanda avuga iki ku gukubita no guhohotera umwana?

Itegeko n°71/2018 ryo ku wa 31/08/2018 ryerekeye kurengera umwana mu ngingo ya 28 ivuga ko bitabangamiye ibihano birushijeho gukomera biteganywa n’andi mategeko, umuntu wese uhoza umwana ku nkeke cyangwa umuha ibihano biremereye cyangwa bitesha agaciro harimo n’ibyo ku mubiri, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’Amafaranga y’u Rwanda atari munsi y’ibihumbi magana abiri (200.000 FRW) ariko atarenze ibihumbi magana atatu (300.000 FRW).

Bitabangamiye ibihano birushijeho gukomera biteganywa n’andi mategeko, iyo icyaha kivugwa mu gika cya mbere cy’iyi ngingo kiviriyemo umwana ubumuga, igihano kiba igifungo kitari munsi y’imyaka irindwi (7) ariko kitarenze imyaka icumi (10), n’ihazabu y’Amafaranga y’u Rwanda atari munsi ya miliyoni imwe (1.000.000 FRW) ariko atarenze miliyoni ebyiri (2.000.000 FRW), iyo icyaha kiviriyemo umwana urupfu, igihano kiba igifungo cya burundu.

Uwanduye tirikomonasi aryaryatwa mu gitsina ku buryo ahora yishimagura

Iyo ndwara yibasira cyane abagore, gusa n’abagabo barayandura iyo bakoranye imibonano mpuzabitsina idakingiye n’abagore bayanduye.

Uko yandura

Trichomonas yandurira mu mibonano mpuzabitsina idakingiye, ariko ishobora no kwandurira mu bikoresho by’isuku nka (essuie mains, gants de toilette, indobo, amabase n’ibindi), ishobora no kwandurira kandi mu kwambarana imyenda y’imbere, nk’uko urubuga Journaldesfemmes.fr rubitangazwa.

Ibimenyetso bya Trichomonas ku bagore

• Mu gitsina havamo ururenda rwinshi rufite ibara rijya kuba icyatsi kandi runuka cyane ( Pertes verdâtres)
• Kumva ububabare mu gihe cyo kwihagarika
• Kumva uburyaryate no kwishimagura mu gitsina
• Kubangamirwa mu gihe cyo gukora imibonano mpuzabitsina
• Kumva ububabare bwinshi mu kiziba cy’inda

Ibimenyetso bya Trichomonas ku bagabo

• Guhisha no kumva ububabare ku mutwe w’igitsina
• Guhisha no kumva ububabare ku dusabo tw’intanga
• Kumva ububabare mu gihe cyo kwihagarika no kuzana ururenda kuri bamwe.

Ibyo bimenyetso akenshi birijyana hagati y’iminsi 5 na 28 ku bagore, ariko iyo bigiye ukibwira ko indwara yikijije utarigeze uyivuza neza uba wikururira ibyago bikurikira:

• Ku mugore utwite ingobyi y’umwana ishobora gufunguka bityo agakuramo inda.
• Iyo umwana avutse ayivukanye aba afite ibyago byo kutageza imyaka 5 mu gihe atavuwe.
• Umugore ufite iyi ndwara ahorana udusebe mu gitsina bityo kwandura SIDA bikoroha.

Uko Indwara ya Trichomonas isuzumwa

Iyo ndwara ipimirwa kwa muganga aho bapima inkari muri mikorosikopi, cyangwa se bagapima ururenda bakuye mu gitsina imbere ku bagore.

Uburyo iyo ndwara yirindwa

1. Gukoresha agakingirizo igihe cyose ukoze imibonano mpuzabitsina n’abantu barenze umwe.

2. Kwirinda guca inyuma uwo mwashakanye, niba uri ingaragu ukifata.

3. Ku bagore, ni ukwirinda gusangira imyenda y’imbere, ibikoresho byo kogeramo, ibitambaro byo kwihanaguza, ndetse n’imisarane bicaraho ya rusange mu gihe bishoboka.

4. Mu gihe ukeka ko wanduye ihutire kwivuza kandi ntugakore imibonano mu gihe utarakira neza.

Umwe muri abo bana witwa Doudou, wari ukiri munsi y’imyaka y’ubukure yitabye Imana mu kwezi kwa 10 k’uyu mwaka aguye mu nyanja, ubwo bari mu bwato berekeza muri Esipanye. Ni mu gihe se ngo yari yamwohereje kuba umwimukira muri icyo gihugu yizeye ko azavamo umukinnyi ukomeye w’umupira w’amaguru.

Inkuru dukesha Radio mpuzamahanga y’Abafaransa (RFI) iravuga ko aba bagabo uko ari batatu bahawe iki gihano nyuma y’uko bahamwe n’icyaha cyo gushyira ubuzima bw’undi mu kaga. Icyakora bagizwe abere ku kindi cyaha bashinjwaga cyo kuba abafatanyacyaha mu gucuruza abimukira.

Aba babyeyi bahamwe kandi n’ibyaha birimo icy’uburangare no kutagira icyo bitaho, kijyanye no kuba barateguye urugendo rw’aba bana ndetse bakanishyura amafaranga yarwo ari na byo byaje kuvamo urupfu rw’umwe muri aba bana ari we Doudou.

Ku ruhande rw’abashinzwe kuburanira aba babyeyi ariko, bo basanga badakwiye kwitwa abanyabyaha muri iki kibazo ahubwo ngo na bo bagizweho ingaruka, hakaba ngo harabayeho n’uburangare bwa Leta ya Senegal itaragize ubutumwa igeza ku miryango bubaburira kuri ibi ubutabera bwise ibyaha.

Imyate ikunze gufata ku gatsinsino ariko hari igihe ifata ku mano

Uyirwaye usanga ikirenge kiriho imisate (cyaragiye cyiyasa), ku buryo bworoheje cyangwa bukabije ndetse hari n’ubwo muri iyo misate hava amaraso cyangwa hakaza amashyira.

Imyate iterwa n’iki?

Ubu burwayi buterwa n’uko ibirenge biba byumye cyane noneho bigasaduka. Hari igihe bisaduka cyane bikanava amaraso, ibi bikaba byanatera izindi ndwara kuko mikorobi ziba zibonye aho zinjirira. Iyi ndwara abenshi bayishyira mu ndwara ziterwa n’isuku nke nyamara si ko biri.

Nk’uko tubivuze, kumagara ibirenge ni byo bitera imyate ariko hari impamvu zinyuranye zitera kumagara:

Ku isonga haza impamvu yo kubura amazi mu mubiri. Izindi mpamvu zirimo:

• Kudasiga amavuta ku birenge

• Kuba ukunda gukuba ibirenge ku ibuye ngo urashaka ko bicya twa tuvungukira tw’ibuye turinjira bikangiza ikirenge

• Guhora ibirenge biri mu mazi kenshi

• Kuba urwaye diyabete

• Umubyibuho ukabije (utuma ibirenge biremererwa)

• Sauna

• Guhora mu nkweto zifunze

• Kutambara inkweto

• No koga buri gihe amazi ashyushye

Ibi ni byo by’ingenzi bishobora gutera ubu burwayi.

Imyate ivurwa gute?

Hari imiti igurwa muri farumasi itandukanye ikoreshwa. Muri yo twavuga Heel Cream.

Gusa hari ibyo wakora nawe igakira burundu:

1. Fata imineke 2 minini uyivange n’igisate cya avoka. Urwo ruvange urusige ku myate (uhomeho) birareho ijoro ryose. Wibuke kubanza koga ukumuka neza mbere yo gusigaho umuti.

2. Fata agakombe k’ubuki ukavange n’amazi ashyushye yuzuye indobo (litiro 5) ukandagiremo umare iminota byibuze 30 buri joro.

3. Vanga ikiyiko cya vaseline n’ibiyiko 2 by’umutobe w’indimu. Bisigeho nk’uko basiga pommade. Buri joro mbere yo kubisigaho wabanza ugakandagira mu mazi ashyushye nyuma ukihanagura.

4. Isige amavuta ya elayo (olive) buri joro.

5. Niba ufite ikibazo cy’uburwayi bwa diyabete, kunywa imiti ya diyabete ni byo bizagufasha gukira imyate.

6. Kandagira mu mazi y’indimu umare iminota 10. Nyuma ukoreshe akangwe wiyogesha ukube aharwaye imyate, gusa ibi ntiwemerewe kubikora mu gihe imyate yawe iva amaraso.

7. Vanga amavuta ya elayo n’ibitonyanga by’amazi y’indimu ucuguse kugeza bibaye nk’ikivuguto ujye usiga aharwaye buri gitondo na nimugoroba. Buri gihe jya wibuka gucugusa mbere yo kuwisiga.

Imyate ifata ku gatsinsino

Ushobora no gukoresha amavuta y’ubuto akoreshwa mu guteka. Nyuma yo koga urayisiga noneho ugahita wambara amasogisi. Jya ubikora buri gihe mbere yo kuryama.

Ibi byose icyo uzahitamo gukora ubifatanye no kurya ifunguro rikungahaye kuri vitamini E.

Ese ni gute wakwirinda imyate?

Uburyo bwinshi mu bwo twavuze bukoreshwa mu kuvura ushobora no kubukoresha wirinda kuyirwara. Hari n’ibindi ariko ukwiye kwitaho:

• Niba itangiye kugufata irinde gukuba aharwaye cyangwa kuhashima ahubwo niba uri kuribwa ushobora gukandishaho balafu nyuma y’igihe gito biba byarangiye.

• Si byiza koga inshuro nyinshi ku munsi. Koga rimwe cyangwa 2 birahagije bitewe n’ibyo ukora. Kandi mu koga ukirinda amazi ashyushye cyane kimwe n’amasabune ashobora gutuma uruhu rwumagara. Aho kwikubisha igitambaro cy’amazi wihanagura ahubwo nyuma yo koga ushobora kurindira ukumuka, ukihanagura utuzi tagusigayeho ducye.

• Niba bishoboka irinde sauna.

• Igihe cyose umaze koga isige amavuta kandi niba bigushobokera wirinda amavuta arimo alukolo (amavuta menshi twita ay’amazi aba arimo alukolo) ahubwo wisige ayo twita igikotori, ku birenge.

Aya makuru yakusanyijwe hifashishijwe imbuga za Internet nka: piedreseau.com, umutihealth.com, lacliniquepodiatrique.com

Inkuru dukesha ikinyamakuru Lefigaro.fr, iravuga ko amajwi yabaruwe mbere Joe Biden yazaga imbere ya Trump amurusha amajwi 14,000. Asubiwemo ku nshuro ya kabiri agabanukaho gato aho Biden yarushije Trump amajwi arenzeho gato 12,200.

Iyi ntsinzi itangajwe nyuma y’iminsi itandatu yo kongera kubara amajwi agera kuri miliyoni eshanu y’abatoye, nyuma y’uko Perezida Donald Trump avuze ko habayemo uburiganya bugamije kumwiba amajwi.

Abanyametegeko ba Trump bo bakomeje gukoresha uburyo bwose bwatuma amajwi asubirwamo cyangwa agateshwa agaciro muri Leta zikomeye Biden yatsinzemo, bemeza ko bafite ibimenyetso by’uko Trump yariganyijwe amajwi.

Trump ukomeje guhakana ko yatsinzwe ashobora kongera gusaba ko amajwi asubirwamo nk’uko bigaragara mu itangazo ryashyizwe ahagaragara n’umunyamabanga wa Leta ya Georgia ushinzwe gutegura amatora.

Ubu bushyamirane bushingiye ku kuba abarwanashyaka ba CACH ya Tshisekedi bashaka gushyira iherezo ku masezerano yo kwishyira hamwe no gukorana na FCC ya Kabila.

Abashyigikiye Tshisekedi bavuga ko abo ku ruhande rwa Kabila badatuma Guverinoma y’ubumwe ikorera mu mahoro no mu mutuzo. Baherutse gutanga urugero rwa Minisitiri w’Imari José Sele Yalaghuli, wo muri FCC bamushinja kuba atambamira imishinga myinshi ya Félix Tshisekedi, Minisitiri Yalaghuli ariko we akabihakana.

Marcellin Bilomba, umujyanama w’ibanze wa Perezida Tshisekedi ushinzwe ubukungu, na we aherutse gushinja Yalaghuli ko mu mwanya wo guhemba abakozi ba Leta yahisemo gukoresha imishahara yabo mu kwishyura abakorana n’abo ku ruhande rwa Kabila mu mishinga yabo bwite.

Ni mu gihe José Sele Yalaghuli we ahakana ibi birego avuga ko imishahara y’abakozi ba Leta yitabwaho uretse gusa mu gihe habayeho ibindi byihutirwa, ariko ko hari itavogerwa kuko abahembwa ku ikubitiro ari abasirikare, hagakurikiraho abapolisi, abarimu hanyuma abaganga.

Bivugwa ko uyu mwuka mubi umaze igihe ushingiye ku masezerano atubahirizwa Kabila yagiranye na Tshisekedi mbere yo kumuha ubutegetsi muri 2019.

Aya masezerano avuga ko mu gihe haba hagiye gufatwa ibyemezo bikomeye, impande zombi zigomba kuganira zikabyemeranyaho, ariko ngo Tshisekedi n’ihuriro rye bashaka gukora ibintu mu buryo bwabo, mu gihe uruhande rwa Tshisekedi na rwo rushinja urwa Kabila kwivanga, dore ko FCC ya Kabila ifite imbaraga mu nzego nyinshi zikomeye.

Ni byiza kwitoza kuvumbura ibimenyetso bigaragarira ku birenge ariko bisobanura izindi ndwara zo mu mubiri ndetse rimwe na rimwe zinakomeye nka diyabete, umwingo, indwara z’umutima n’izindi. Kubimenya bigufasha kuba wakeka ko ubwo burwayi buhari, bityo ukaba wakwihutira kwisuzumisha kwa muganga hakiri kare.

Ibi ni bimwe muri ibyo bimenyetso n’indwara biteguza:

Ibirenge byumagaye binashishuka

Icyo gihe ukwiye gutekereza ku ndwara z’umwingo, cyane cyane mu gihe ukoresheje amavuta atuma uruhu ruhehera ntagire icyo agufasha kuri icyo kibazo. Ikindi kimenyetso kigaragarira ku birenge cy’indwara z’umwingo ni ukugira inzara zisaduka.

Mu gihe ubona ko ku mano yawe nta bwoya buhari

Ibi bishobora kukugaragariza ko ufite ibibazo bijyanye n’umutima. Nubona ubwoya bwo ku mano, ku kirenge no ku murundi bushiraho bwangu bizakubere integuza y’uko ushobora kurwara indwara z’umuvuduko w’amaraso. Ibi ni ibyagaragaye mu bushakashatsi bwakorewe muri Kaminuza ya North Shore University Hospital yo muri New York.

Kugira ibisebe ku kirenge bidakira

Iki na cyo ni ikimenyetso kigukangurira kwisuzumisha indwara ya diyabete. Urugero, ushobora kuribwa n’inkweto hakaza agasebe ntigakire, gusitara se, cyangwa no gukomeretswa n’ikindi kintu, igisebe kigakira bigoranye. Ibi biterwa n’uko iyo isukari itari ku rugero rukwiriye mu maraso, bituma adatembera neza mu mitsi, bityo ntagere mu kirenge, ari byo bitera cya gisebe kudakira. Igihe ubibonye ni byiza kwisuzumisha kwa muganga ukamenya uko isukari ihagaze mu maraso yawe.

Kumva ububabare bwinshi mu ino ry’igikumwe

Iki gikwiriye kukubera ikimenyetso cy’uko urwaye goutte, indwara y’amagufwa muri rusange ifata ino ry’igikumwe.

Kubona ufite uturongo duto dutukura mu rwara

Ibi byakuburira ko ushobora kuba urwaye indwara y’umutima.

Kubona imiterere y’ikirenge yahindutse

Ibi bikugaragariza ko ushobora kuba urwaye ibihaha cyangwa na kanseri y’ibihaha, indwara z’umutima, n’iz’amara. Kanseri y’ibihaha n’indwara z’umutima bigabanya kuramba kw’imitsi ijyana amaraso bigatuma umuvuduko w’amaraso ajya mu ntoki no mu birenge yiyongera, ibirenge n’intoki bikaba binini.

Inzara zizaho utwenge

Ibi bikubwira ko ushobora kurwara indwara y’uruhu yitwa psoriasis (igaragara nk’amaga), isobora gufata urwara rukabyimba, cyangwa igafata umubiri wose. Ibindi bimenyetso byayo ni amabara y’umweru n’uturongo duhagaze bigaragara ku nzara.

Umurongo wirabura uhagaze mu rwara

Ibi bishobora kukumenyesha kanseri y’uruhu ariko ikunze gufata ahantu hihishe ku mubiri. Icyakora kubera ko hari n’ubwo biba ari indwara y’imiyege, ni byiza kwisuzumisha igihe cyose ubibonye.

Bitewe n’uko akenshi indwara zijya zihuza ibimenyetso, ni byiza ko mu gihe umuntu abonye ikintu kidasanzwe ku mubiri we usibye no ku kirenge twibanzeho, yihutira kugana kwa muganga agasuzumwa.