Ni byiza ko umuganga abwira umurwayi ko imiti amuhaye hari ibyo ikiza ariko akamubwira ibindi bintu uyihawe yafata kugira ngo iyo miti itamugiraho ingaruka.

Dr Ngendahayo Flavien, umwarimu muri kaminuza akaba n’inzobere mu buvuzi bw’impyiko asobanura ko imiti yose kwa muganga baha abarwayi ngo ibakize uburwayi runaka iba ari uburozi(Drugs).

Uwo muti wica ibitera indwara runaka ngo ushobora no kwica uwawunyoye. Icyakora umuti ngo iyo utanzwe neza hakurikijwe icyiciro umuntu aba arimo, ngo ntacyo bihungabanya ku buzima bwe.

Dr Ngendahayo yagize ati “Burya umubiri w’umuntu uko wakira ibiwinjiramo byaba ibiryo cyangwa imiti, ubifata ko ari ikintu kindi kiwujemo (corps étranger). Hari ibyo rero bikiza cyangwa bikangiza.

Urebye ku miti, abayikora bagerageza kuvuga ko uyifashe hari icyo izamukiza, kandi ko hari ibyo izamutera nko kugira isesemi, isereri n’ibindi. Ibi ni byo byitwa effets secondaires biza bitaje kuvura ariko umuntu ashobora kubana na byo”.

Dr Ngendahayo akomeza asobanura ko nubwo abakora imiti hari byinshi baba barateganyije ko bishobora kubaho nyuma yo kuyifata, hari igihe na byo bihinduka hakaza ingaruka mbi zishobora no kwica umuntu.
Dr Ngendahayo ati “Hari igihe ushobora gufata umuti uvura indwara, aho kugukiza ukaba wajya muri koma(coma) ndetse bikaba byanakuviramo gupfa(effets néfastes)”.

Umubiri w’umuntu iyo wakiriye icyo kurya cyangwa kunywa hari inzira bicamo kugira ngo bigire icyo bimara. Mbere na mbere habanza kubaho igogorwa ry’ibyo umuntu yafashe, noneho bikabona kwinjira mu mubiri n’inzira bisohokeramo.

Dr Ngendahayo avuga ko burya umubiri uba ufite icyo wamenyereye iyo haje ikindi kintu urahinduka. Agira ati : “ Mu kanwa ku muntu harimo amacandwe, nkuko yamenyereye ibiryo,iyo ikinini kinjiyemo niyo kirura cyangwa kiryoherera niho ubona umuntu ashobora kugira isesemi,byagera no mugifu aside(acid)nayo ikazamuka bikaba byatera umuntu ikirungurira,ndetse no mu maraso cyangwa mu bwonko hakagira igihinduka ku wafashe umuti”.
Muganga akomeza agira abarwayi inama cyangwa abatanga imiti ko mbere ya byose bakwiye kujya
Bita ku kureba icyiciro cy’umuntu.

Agira ati : “ Nibyiza ko mbere yo kwandikira umuntu umuti wabanje kureba ibiro afite,imyaka kugira ngo za ngaruka ziterwa no gufata umuti runaka zibe zitagira icyo zi mutwara. Abatanga imiti bakwiriye kubwira ababagana uko yakwitwara mu gihe hatangiye kuza izo mpinduka mbi ku murwayi”.

Ubusazwe imiti igira umumaro mu mubiri w’umuntu kuko umukiza uburwayi. Si byiza gufata imiti utandikiwe na muganga kuko na we aba agomba gusobanurira ababagana uko bayifata no mu gihe hagize impinduka zikubaho nko kugira isesemi, isereri, kuruka, kuba utakireba neza uko wabigenza byaba byiza ugasubira kwa muganga.

Ni iki wakora kugira ngo wirinde izo mpinduka zakubaho mu gihe ufata imiti runaka ?

– Mbere yo gufata umuti runaka, banza usome ku gapapuro karimo imbere uko unywebwa, cyangwa ushake umuntu agusonaburire.

– Kurikiza amabwiriza wahawe na muganga y’uko bafata imiti.

– Ntukanywe imiti y’undi muntu kuko na we akubwiye ko yigeze kurwara iyo ndwara. Impamvu udakwiye kuyinywa ni uko muba mudahuje ibiro, imyaka irarumba nti muhuje ibiro,imyaka n’ibindi

Makanyaga Abdul n’abamufashaga ku rubyiniro ni uko baserutse

Ku wa gatanu tariki ya 27 Nyakanga ku mugoroba, abahanzi batandukanye bitabiriye igitaramo cyo gusususurutsa abatuye ndetse n’abatembera mu Mujyi wa Kigali.

Muri iki gitaramo hagaragayemo abahanzi b’imbyino gakondo ndetse n’abandi baririmba injyana zigezweho.

Nsengiyumva uzwi kw'Izina ry'Igisupusupu yatumye buri wese anyeganyega pic.twitter.com/tc90KGeOiP

— City of Kigali (@CityofKigali) July 26, 2019

Abacyitabiriye bagaragaje ibyishimo byinshi ndetse bagasaba ko ibyabaye byajya biba kenshi mu rwego rwo kubafasha kuruhuka nyuma y’icyumweru cyose baba bamaze bakora.

Umwe mu bitabiriye icyo gitaramo witwa Pacifique yagize ati “Ubu hano turi turishimye pe, kuko turabona bamwe mu bahanzi twumvaga indirimbo zabo ku maradiyo, bari ku turirimbira imbonankubone. Turishimye pe! Bibaye byiza byazakomeza buri gihe cyose mu mpera za buri cyumweru kuko bizajya bidufasha kwishima ndetse no kuruhuka mu mutwe nyuma y’akazi”.

Niganze Liévin wo mu Ikaze Iganze Group, umwe mu bari baje gusususrutsa abari babyitabiriye,we asanga icyo gitaramo ari umwanya mwiza wo kugaragariza Abanyarwanda cyane cyane abatuye Umujyi wa Kigali ko umuco nyarwanda mu mbyino ndetse no mu mivugo.

Niganze agira ati “Ubu ndi hano ndishimye. Yego nabyinnye, ariko nagaragaje injyana gakondo irimo umuco nyarwanda. Ndakeka ko kandi nemeza ko uyu mwanya twagaragaje ibjyanye n’imbyino z’umuco wacu. Nizera ko abari hano babashije kubona ko umuco wacu mu mbyino ari mwiza”.

Ku ruhande rw’umujyi wa Kigali ari na wo wateguye iki gitaramo, babona ko abanyarwanda bakwiye kwidagadura kandi bakamenya n’ibijyanye n’umuco wabo.

Busabizwa Parfait

Umuyobozi w’Umujyi wa Kigali wungirije ushinzwe Iterambere ry’Ubukungu, Busabizwa Parfait, yabwiye abari bitabiriye iki gitaramo ko kuri iyi nshuro barimo kugerageza iyi gahunda ariko abizeza ko bizarushaho kunozwa hakurikijwe ibyifuzo by’abaturage.

Yagize ati: “Nk’Umujyi wa Kigali turashaka ko iki gitaramo cyazajya kiba buri wa gatanu wa nyuma w’ukwezi, hanyuma mukajya mutubwira abahanzi mushaka ko tubagezaho.”

Ku nshuro ya mbere y’icyo gitaramo, mu bahanzi basusurukije abacyitabiriye harimo Nsengiyumva(Igisupusupu), Bruce Melody, Makanyaga Abdoul, Itorero Indatirwabahizi ry’Umujyi wa Kigali hamwe na Ikaze Iganze Group, umuhanzi Allioni, n’umusore mushya mu muziki, Michael Makembe.

Bruce Melody na we ari mu bahanzi basusurukije abitabiriye icyo gitaramo

Makanyaga Abdul on the stage 🎸🎷📯🎤 pic.twitter.com/iL3Yu6kjpE

— City of Kigali (@CityofKigali) July 26, 2019

Itorero Indatirwabahizi ry'Umujyi wa #Kigali niryo ritangije umudiho n'umurishyo w'ingoma pic.twitter.com/LNDKUKmVpV

— City of Kigali (@CityofKigali) July 26, 2019

Amafoto: Umujyi wa Kigali

Nyuma ya Jenoside yakorewe Abatutsi mu Rwanda, Leta y’u Rwanda yafashe icyemezo cyo guha agaciro umuco nyarwanda aho umuganura wahawe agaciro mu rwego rwo kongera kunga ubumwe bw’Abanyarwanda.

Mu rwego rwo kwitegura kwizihiza umuganura mu Rwanda muri uyu mwaka wa 2019, hashyizweho insanganyamatsiko igira iti “Umuganura, isoko y’ubumwe n’ishingiro ryo kwigira.”

Minisiteri y’Umuco na Siporo mu kiganiro yagiranye n’abanyamakuru tariki 26 Nyakanga 2019, yagaragaje uko umuganura wizihizwaga mu gihe cyo hambere, ahanini ko wari imwe mu nzira yahuzaga Abanyarwanda bagasangira n’umwami wavugaga umutsima agasangira n’abaturage.

Minisitiri Nyirasafari Espérance mu kiganiro yatanze yagaragaje ko umuco ari inzira y’ ibisubizo by’ibibazo mu muryango nyarwanda, nka gacaca, girinka n’ibindi.

Minisitiri Nyirasafari yagize ati “Umuganura w’uyu mwaka ushingiye ku ndangagaciro nyarwanda. Ubu rero umuganura ni kimwe mu bigomba gukomeza ubumwe bw’Abanyarwanda, kugira ngo hatazagira ikizongera kubiba amacakubiri”.

Ku ruhande rwa Minisiteri y’Ubutegetsi bw’Igihugu (MINALOC), ngo imyiteguro yo kwizihiza umuganura 2019 ihagaze neza kuko iyo Minisiteri n’inzego bafatanya begereye inzego z’ibanze, babasaba kubitegura neza.

Umunyanyamabanga wa Leta muri MINALOC, Mukabaramba Alvera, yagize ati “Twasabye ko abantu bazahurira hamwe aho batuye, bagasangira bishimira ibyo bagezeho. Ababashije guhirwa n’ibihe bagashimirwa n’aho abataragize icyo babona bagasangira n’abandi, bidakuyeho ko bashishikarizwa gukora ngo na bo baziteze imbere”.

Mu kwizihiza umuganura wa 2019, abana basabwa kwicarana n’ababyeyi babo mu muryango, bareba ibyagezweho ndetse n’ibyo bateganya gukora mu gihe kiri imbere.

Nyirahabimana Solina, Minisitiri ufite umuryango mu nshingano ze, yagize ati “Abana n’ababyeyi bakwiriye kwicara hamwe kuri uwo munsi bagasangira ibyo bejeje, bakaganira ku iterambere ryabo, kugira ngo bibabere isoko y’ubumwe no kwigira”.

Ibirori by’umuganura mu gihe cyo hambere byizihizwaga ku mwero w’amasaka, maze Abanyarwanda bagashimira Imana uburumbuke bw’umuryango, imyaka n’amatungo yabahaye. Muri iki gihe umuganura wa 2019 uzizihizwa harebwa ibyagezweho mu nzego zitandukanye kandi hateganywa n’uko iterambere ryagerwaho vuba.

Umuganura uteganyijwe kwizihizwa ku wa gatanu wa mbere w’ukwezi kwa Kanama, ni ukuvuga tariki ya 2 Kanama 2019 mu Karere ka Nyanza ku rwego rw’Igihugu. Uwo munsi uzabanzirizwa n’icyumweru cyahariwe umuganura.

Muri icyo cyumweru hateganyijwemo ibikorwa bitandukanye byerekeranye n’umuco, ndetse abahanzi bakazagaragaza inganzo zabo kuva tariki ya 29 Nyakanga 2019.

Ngo ni mu rwego rwo kwirinda ko abantu bajya bagendana amafaranga mu ntoki zabo noneho kwishyura mu ntoki bigatwara igihe.

Ku nshuro ya 22, urugaga rw’abikorera (PSF) rwateguye imurikagurisha rihuza Abanyarwanda ndetse n’abanyamahanga baba baje kumurika ibyo bakora, bikaba kandi ari n’uburyo bwo gufasha abantu kuza kwihahira ibyo bakeneye bikorerwa mu Rwanda cyangwa mu mahanga.

Kwinjira muri iri murikagurisha bisaba ko ugomba kwishyura amafaranga. Hanze y’ahabera imurikgurisha haba hari abantu bambaye imyenda ifite ikirango cy’isosiyete ya MTN icuruza serivisi z’itumanaho.

Baba bagurisha amatike yo kwinjiriraho ariko bakoresheje uburyo bwa Mobile Money aho wishyura bakaguha ubutumwa bwerekana ko wabonye itike.

Uwitwa Manishimwe Rachel ni umwe mu binjiye ahabera imurikagurisha abanje kwishyura itike akoresheje ubwo buryo bwa Mobile Money.

Yagize ati “Nageze hano nzi ko ntanga amafaranga mu ntoki cyangwa ngakoresha za karita za Tap&Go, nyuma abantu nasanze hariya hanze bambwiye ko ngomba gukoresha Mobile Money. Namuhaye amafaranga ayohereza kuri telefone yanjye maze anyereka ibyo nkora, mbona haje ubutumwa bugufi. Naje mbwereka bariya bakozi bari hariya hanze barambwira ngo injira warangije kwishyura”.

Abantu batandukanye bishimiye ubu buryo bwo kwishyura itike kuri telefoni, nk’uko Mukashyaka Diane abisobanura.
Aragira ati : “Yewe nkimenya ko ari ukwinjira wishyuye ukoresheje Mobile Money nabigerageje ndi mu rugo mbona rwose birashobotse. Nabonye nta mwanya bitwara kandi ntunatinda ku murongo nka mbere”.

Twumvirimana Eric na we waje muri iri murikagurisha, we wabonaga atishimye kuko yagaragaje ibibazo yahuye na byo igihe yajyaga kugura itike yo kwinjira.

Twumvirimana yagize ati “Njyewe naguze ubwa mbere itike bambwira ko amafaranga yanjye yoherejwe ku mu agent(ucuruza serivisi z’itumanaho), ariko nategereje ubutumwa bunyereka ko nshobora kwijira ndabubura, nyuma njya kubaza uko bigenze. Byantwaye igihe bagenzura koko niba nishyuye, hanyuma sinzi ibyo bakoze mbona barambwiye ngo ninjire. Ubu buryo ni bwiza ariko bunozwe kuko nta yandi mafaranga ufite waseba rwose”.

Ku ruhande rw’Urugaga rw’Abikorera(PSF) rwakoranye n’ikigo cya MTN mu gutanga iyi seivise, ngo udukosa tuboneka bahita bakora ibishoboka byose bakadushakira igisubizo kugira ngo abagana iri murikagurisha ku muryango bahabwe ibyiza.

Ni byo Eric Kabera, umuvugizi wa PSF yagarutseho ati “Twazanye ubu buryo bwo kwishyura ukoresheje Mobile Money bwaje busimbura ubwo gukoresha ikarita ya Tap&Go. Iyo rero hajemo ikibazo tuba turi kumwe n’abakozi ba MTN duhita twihutira kugikemura. Uburyo bukoreshwa n’ushaka kugura itike busaba kwandika muri telefoni *779# agakurikiza amabwiriza.

Umuntu uguze itike yo kwinjira akoresheje Mobile Money ahita abona ubutumwa bumwemerera kwinjira agahita abwereka umukozi ubishinzwe uri aho hafi na we ufite telefoni igenzura koko niba ari byo(scanner) hanyuma akemerera umuntu kwinjira cyangwa akamwangira. Ubwo butumwa bukora rimwe gusa.

Reba Video isobanura uko kugura itike kuri telefone bikorwa

Kuri uyu wa gatanu tariki 19 Nyakanga 2019 hateganyijwe ko abanyeshuri biga mu mashuri yisumbuye bava aho biga bagataha iwabo.

Bamwe mu bafite ibigo bitwara abagenzi batangarije Kigali Today ko biteguye gutwara abo banyeshuri mu bwitonzi n’ubushishozi.

Abo mu kigo gitwara abagenzi mu modoka rusange cya Horizon Express bavuze ko imyiteguro irimbanyije kuko kuri bo ibi bihe biba bidasanzwe byo gucyura abanyeshuri.

Mwitende ushinzwe imodoka muri iki kigo agira ati : “Ubu dufite abashoferi batanywa inzoga n’ibiyobyabwenge. Twabasabye kwitwararika mu ngendo bazakora bava ku bigo by’amashuri, kandi twabasabye ko n’umuvuduko w’imodoka batwaye ugomba kuzaba uri munsi y’uwateganyijwe na speed governor, mu rwego rwo kurinda impanuka abanyeshuri”.

Ubuyobozi bw’indi sosiyete itwara abagenzi ya Kivu Belt bwo buvuga ko bwafashe umwanya wo kongera gusubira mu bijyanye n’imikorere y’imodoka zabo kugira ngo barebe ko zimeze neza.

Bimenyimana Innocent ushinzwe ibikorwa muri iki kigo yagize ati: “Twavuganye n’abayobozi b’ibigo by’amashuli ngo baduhe mbere amalisiti y’abanyeshuri bazataha, kugira ngo tube ari bo tuzaheraho dutwara. Imodoka zacu bari kuzigenzura mu igaraje ndetse n’abashoferi bazatwara izo modoka ejo mu gucyura abanyeshuri twabahaye ikiruhuko. Yego akazi kazatubana kenshi kuko bije mu gihe cy’impera z’icyumweru, ariko tuzagerageza kandi twirinde impanuka”.

Bigirimana Emmanuel, umubyeyi ufite umwana wiga i Nyamata mu Karere ka Bugesera, yibutsa abatwara abantu ko bakwiye kumenya ko abo batwara basabwa kubagezayo amahoro.

Aragira ati : “Ni ngombwa ko umushoferi yita ku buzima bw’abo atwaye kuko bose ni abantu. Abanyeshuri rero turashaka ko na bo baza iwacu mu rugo amahoro. Bikwifuza gukorera amafaranga menshi birukanka. Rwose batubabarire bagende gacye kandi neza”.

Uwamariya Josée na we ufite umwana wiga mu mashuri yisumbuye yagize ati : “Rwose mfite umwana wiga mu mwaka wa mbere. Ubu bagiye gutaha namwiteguye, maze kugura isombe ni zo akunda. Rero abatwara imodoka bagende buhoro rwose bazabatugezeho amahoro”.

Umuvugizi wa Polisi ishami rishinzwe umutekano mu muhanda, SSP Jean Marie Vianney Ndushabandi yasabye ko abafite ibigo bitwara abantu bafata igihe bagasuzumisha ibinyabiziga byabo, kugira ngo barebe ko ari bizima.

SSP Ndushabandi yagize ati: “Turabasaba kandi gutunganya uru rugendo ku buryo abashoferi bazakoresha ntibazabe bafite umunaniro. Abashoferi kandi ntibagomba kwizera speed governor, ahubwo bagomba kugereranya umuvuduko w’aho bari haba ahamanuka cyangwa ahatambika n’ahari amakorosi, kandi ntibavange abanyeshuri n’abandi bagenzi basanzwe”.

Polisi kandi yanasabye abandi bantu bafite imodoka zitagenewe gutwara abantu kutazivanga muri izi ngendo, kuko bashobora kugwa mu bishuko byo gushaka gukorera amafaranga kubera ko abanyeshuri bazaba ari benshi bataha.

Iyi ni imwe mu mpamvu ngo zatumye habaho izamuka ry’ibiciro by’ibiribwa ku isoko, nk’uko bamwe mu bacuruzi bo mu Mujyi wa Kigali babyemeza.

Mu isoko rya Kigali (Kigali City Market) haba hari urujya n’uruza rw’abantu baje guhaha ibiribwa bitandukanye nk’imbuto ndetse n’ibindi.

Umucuruzi witwa Karegeya avuga ko mu byo acuruza ubu byahenze kubera ko nta musaruro mwinshi wabonetse.

Karegeya ati: “Yego urebye nkanjye hano ku bishyimbo hiyongereyeho amafaranga agera ku ijana ku kilo. Nk’ibishyimbo bya mutiki mu kwezi kwa mbere uyu mwaka byaguraga amafaranga 500 ku kilo naho ubu ni amafaranga 650 ku kilo, ibishyimbo bya shyushya byari 400fr naho ubu ni amafaranga 500 ku kilo, ibishyimbo bita Colta byo ikilo ni amafaranga 700”.

Karegeya akomeza kandi avuga ko uko kuzamura ibiciro na bo babiterwa n’uko baranguye. Ngo ubu ntabwo byagenze neza, kuko nta musaruro wabonetse uhagije mu mirima ngo ugezwe ku masoko.

Umuhinzi w’ibirayi wo mu Karere ka Rubavu witwa Maniraguha Aimable bakunze kwita ‘Boringo’ avuga ko mu gihembwe cy’ihinga A umusaruro utabonetse ari mwinshi nk’umwaka ushize, akomeza agira ati : “Aha iwacu ubu rwose imvura yatwangirije imyaka, yego twarasaruye ariko ibyo kujyana ku isoko ni bikeya kuko natwe kwihaza ntibikunda”.

Ku bijyanye n’imbuto, mu isoko rya Kimironko hari umucuruzi wazo witwa Mama Muhoza uvuga ko imbuto na zo zabuze. Ngo byatumye iziboneka zihenda, ahanini bigaterwa n’uko hari imbuto zitera mu Rwanda zaturukaga mu mahanga.

Si imihindagurikire y’ikirere gusa yazamuye ibiciro by’ibiribwa, kuko abacuruzi bavuga ko uko ifaranga ry’u Rwanda rigenda rita agaciro ugereranyije n’idolari rya Amerika na byo bigira uruhare mu gutuma ibiciro bizamuka.

Uwamungu ucuruza ibintu bitandukanye birimo ibiribwa, amavuta ndetse n’ibirungo bikoreshwa mu gikoni avuga ko bazamura ibiciro bagendeye ku buryo agaciro k’ifaranga ry’u Rwanda gahagaze.

Agira ati : “Urebye natwe nk’iyo tugiye kurangura abo tugurira bazamura ibiciro bakatubwira ko idolari na ryo ryazamutse. Ubwo natwe rero ntitwacuruza duhomba. Biba ngombwa ko tuzamura igiciro, bivuze ko igiciro ku byo ducuruza tukigena bijyanye n’uko idolari rihagaze”.

Mu Ntangiriro z’uyu mwaka wa 2019, Banki Nkuru y’Igihugu (BNR) yabwiye abanyamakuru ko muri uyu mwaka wa 2019 ibiciro by’ibicuruzwa bizazamuka ku kigero cya 3% bikava ku rugero rwa 1.4% byari bigezeho mu mwaka ushize wa 2018.

Abacuruzi bagaragaza ko ihindagurika ry’agaciro k’ifaranga ry’u Rwanda ari imbogamizi ikomeye, aho kuva mu kwezi kwa Mutarama kugera muri Nyakanga 2019, idolari rimwe rimaze kwiyongeraho amafaranga y’ u Rwanda 18, ibi bigatuma na bo bazamura ibiciro.

Leta iherutse kongera umushahara wa mwalimu kugira ngo abashe gukora akazi ke neza

Umwe mu myanzuro wafashwe n’inama y’abaminisitiri yateranye ku wa 28 Mutarama 2019 uvuga ko umushahara wa mwarimu ugomba kongerwaho 10% by’amafaranga ahembwa, mu mashuri abanza n’ayisumbuye ya Leta n’afashwa na Leta.

Uyu mwanzuro watangiye gushyirwa mu bikorwa mu kwezi kwa Werurwe 2019. Bamwe mu barimu baganiriye na Kigali Today bemeza ko iyo nyongera hari icyo yabafashije nubwo bakibangamiwe no guhaha ku isoko rimwe n’abandi aho usanga ibiciro biri hejuru bagereranyije n’uwo mushahara.

Umwalimu wigisha ku kigo cy’amashuli cya Murambi mu Mujyi wa Kigali witwa Kayitesi avuga ko ku ruhande rwe iyo nyongera ku mushahara bari basanzwe bahembwa hari ibyo yakemuye. Aragira ati “Urebye aya mafaranga yongeweho uretse kuba wajya muri banki bakaguha inguzanyo yisumbuye ku yo wari usanzwe ubona, mbona hari icyo byadufashije, ariko na none ni kibazo kuko ya mafaranga badukuraho muri SACCO yariyongereye ukabona dufata ubusa”.

Jean Claude na we wigisha mu Mujyi wa Kigali avuga ko iyi nyongera y’icumi ku ijana yabaye ingirakamaro mu kuba yahabwa inguzanyo, ariko na none mu mvugo ye ntajya kure ya mugenzi we, aho agira ati “Urebye aya mafaranga batwongereyeho adufasha kubona inguzanyo, byabaye byiza ku buzima bwacu”.

Umwalimu ukirangiza amashuri yisumbuye yahembwaga ibihumbi 44 by’Amafaranga y’u Rwanda ku kwezi, ni ukuvuga ko ubu ahembwa amafaranga 44,000 wongeyeho 4,400 yose hamwe akaba 48400. Icyakora hari abandi usanga bahembwa ibihumbi 90 frw ndetse hakaba n’abageza ku bihumbi 120.000.

Nzeyimana Simeon, umwalimu mu Karere ka Nyaruguru wigisha mu mashuri yisumbuye, ku bwe ngo inyongera bahawe ku mushahara we yamukijije ibibazo yajyaga agirana n’abaturanyi be cyane cyane b’abacuruzi mu dusantere.

Nzeyimana ati : “Urebye rwose aya mafaranga yaje akenewe. Nkanjye hiyongereyeho agera ku bihumbi 20, rero harimo agafuka k’umuceri,si nkikopesha mba nywifitiye mu rugo. Ntabwo rero ncyanduranya kuri butike ndetse no mu bandi baturage”.

Ikindi mwalimu Nzeyimana ashima ni uko yabashije kuba noneho yagurizwa amafaranga atubutse ku yo yabonaga bityo bikamufasha.

Agira ati “Nka mbere nabonaga inguzanyo ingana na miliyoni imwe n’ibihumbi magana ane, ariko ubu rwose ngeze ku kigero cy’uko nahabwa inguzanyo ya miliyoni ebyiri zibura nk’ibihumbi icumi n’andi make,urumva ko iyi nyongera y’10 ku ijana ari nziza”.

Mu buzima busanzwe nk’uko byagaragajwe na Sendika y’Abarimu mu Rwanda, mwalimu kugira ngo abeho nibura mu buzima bucirirtse kandi butanahenze ni uko yajya abona umushahara w’ibihumbi 150 buri kwezi kugira ngo abashe kuba yagura ibyo kurya n’ibikoresho by’isuku ndetse n’amafaranga yo gukodesha inzu.

Minisiteri y’Uburezi mu rwego rwo gushaka uko mwarimu yagira imibereho myiza, habayeho korohereza umwarimu kubona inguzanyo muri koperative umwalimu Sacco, aho abanyamuryango bahabwa inguzanyo ihendutse ku nyungu ya 11 ku ijana.

Clementine Yumvuyisaba

Yumvuyisaba asobanura ko yari amaranye igihe intego yo kuba igisubizo ku bikenerwa n’abantu iwabo mu ngo no gutanga akazi ku bandi.

Clementine Yumvuyisaba ni umwe mu bagore bafashe iya mbere bagakura amaboko mu mifuka bagakora. Ibi byaje ari uko agize inzozi zo kumva ko ashobora kwikorera akagira icyo ageraho.

Mu gihe cy’imyaka itatu yamaze akorera abandi, umushahara yahabwaga ngo ntiwatumaga abasha gukemura ibibazo byo mu rugo, kuri we guhora ateze amaboko asaba umufasha we ngo amuhe amafaranga bikamutera ipfunwe.

Muri uko gushaka uko yakwiteza imbere, Yumvuyisaba yabashije kugera ku ruganda rukora ibikoresho byo mu rugo nk’imyeyo, uburoso ndetse n’ibindi. Kigali Today yamusanze aho akorera asobanura urugendo yanyuzemo kugira ngo abigereho.

Mu Murenge wa Jali, Akagari ka Gateko, ni ho usanga abagore ndetse n’abagabo bateraniye bashishikajwe no gukora akazi. Bamwe baba babaza inkoni, abandi bateranya uburoso, hakaba n’abari mu yindi mirimo yo guteranya ibyo byose. Yumviyasaba aba ari kumwe na bo.

Yumvuyisaba ati “Uku mureba hano aho tugeze, twatangiye turi bane. Njye ku bwanjye nakoreraga ahantu bampemba amafaranga ibihumbi 80. Narakuburaga ngafasha no mu gutanga ibikoresho bikoreshwa mu isuku muri KIAKA. Narebaga uko bikenewe ibyo bikoresho ku isoko, mbona ko rwose undi muntu abikoze na we yagira icyo ageraho, mpitamo kwifatanya n’abandi ngo turebe icyo twakora”.

Bajya gutangira uyu mushinga ngo hari inzira banyuzemo kuko ntibyari byoroshye kubona amafaranga yo gutangiza dore ko batangije n’igishoro kigera kuri miliyoni 50 z’amafaranga y’u Rwanda.

Yumvuyisaba yongeyeho ati “Mu gihe nakoze kigera ku myaka itatu, narizigamiraga nkashyira amafaranga kuri banki, ku buryo mu myaka itatu hari icyo nari maze kubona. Nyuma nifatanyije na bagenzi banjye twagiye kwaka inguzanyo muri banki. Buri wese yazanye umugabane we, njye na mugenzi wanjye wundi ni twe twatse inguzanyo”.

Iraguha Jeannette, umubyeyi w’abana babiri, na we kuba yari amaze igihe mu bushomeri byatumye agira igitekerezo cyo gushaka uko yakora akiteza imbere, yegera Yumvuyisaba bishyira hamwe.

Iraguha agira ati “Nari umushomeri ndetse n’abandi, nyuma turaganira tureba ko turamutse dukoze bizinesi hari icyo byatugezaho. Twaterateranyije amafaranga tureba uko dutangira. Muri ibyo byose natse umugabo ku mafaranga kuko nashakaga gukora, aramfasha arayampa njya kwifatanya n’abandi. Mbere nategerezaga icyo umugabo azanye imuhira, ariko ubu nanjye ngira icyo nkora nk’ibikenewe mu rugo ngiramo uruhare”.

Umwe mu bagabo babafasha mu kazi ko gukoresha imashini

Bamaze kwishyira hamwe uko ari bane, byabaye ngombwa ko bashakisha umuntu ubafasha mu gushyira mu bikorwa uwo mushinga nyuma yo kubona inguzanyo ya banki, kuko ubumenyi bari bafite buke.

Yumvuyisaba agira ati “Tumaze kubona inguzanyo, twashatse umuntu ujya kutuzanira amamashini yo gukoresha no kuduhugura, hanyuma natwe dufata abaturage ba hano bakoraga imirimo nko kuzunguza, ndetse n’abigurishaga tubahuriza hamwe dutangira gukora. Twatangiranye amasoko ya hano mu Rwanda nko mu iduka rya 2000, dukorana na ba rwiyemezamirimo. Mbere ho twoherezaga hanze nko muri Uganda, Congo Kinshasa, Goma na Tanzania. Ibi byose twabikoze kubera kwigirira icyizere.

Kugira ngo babashe kubona inguzanyo muri banki, byabaye ngombwa ko abagabo babo bababera abinshingizi muri banki nk’uko Yumvuyisaba abivuga, ati “Birumvikana ko tutari guhita tubona ariya mafaranga yose. Umugabo wanjye yatubereye umwishingizi muri banki kugira ngo tubashe gutangiza uyu mushinga”.

Iyo utambuka aho mu ruganda rukora ibyo bikoresho uhasanga abari mu mirimo itandukanye. Bishimira ko ibyo bakoraga kera babiretse bakaba bari kwiteza imbere nk’uko Uwitonze Consolate abivuga. Aragira ati “Mbere nacuruzaga agataro. Buri munsi narafatwaga nkanafungwa, ariko ubwo nageze hano nigishijwe gukora ibi bikoresho. Ubu ndahembwa niyishyurira mituweli y’abana banjye batanu ndetse n’abuzukuru banjye, mbese nta kibazo mfite mu buzima”.

Mu yindi nguni y’uruganda uhasanga umubyeyi wicaye hasi kubera ko afite ubumuga,ariko ngo ibyo byose ntibimubuza kuba yaza gukora ngo na we abashe kubona uko abaho.

Nyiramajyambere Tatiana avuga ko mbere hari abataramugiriraga icyizere ngo bamuhe akazi

Nyiramajyambere Tatiana avuga ati “Mbere kubera ubumuga bwanjye ntawashakaga kumpa akazi kuko ntabashaga kugenda. Ariko ubu aha ndakora kuko nyuma yo kunyigisha ibi nanjye mbasha gukora bimwe mu bikoresho bakampemba amfaranga ibihumbi bibiri ku munsi”

Uru ruganda Top Bloom Brush rwatangiye bigisha abagore 80 n’abagabo 40 bakora akazi ka buri munsi. Ubu igishoro bafite kigeze kuri miliyoni magana atatu z’amafaranga y’u Rwanda ,bakaba banafite intego y’uko mu mwaka wa 2020 bazaba bahaza isoko ryo mu karere u Rwanda ruherereyemo, ndetse kandi abagore bagera kuri 300 bakazaba bafite akazi bazi gukora ibyabateza imbere binyuze mu bumenyi bakura muri uru ruganda.

Bosco Ntaganda

Urwo rukiko rwamuhamije ibyaha 13 by’intambara n’ibindi 5 byibasiye inyoko muntu. Ibi byaha byakozwe hagati y’imyaka ya 2002 na 2003 bikorerwa ahitwa Ituri mu Majyaruguru ya Repubulika iharanira Demokarasi ya Congo.

Urukiko rwahamije Bosco Ntaganda kuba umwicanyi wayoboye ku bushake ibitero ku baturage, ahabayeho gufata abagore ku ngufu, guhindura abantu abacakara b’ubusambanyi, ubwicanyi no gusahura nk’ibyaha by’intambara n’ibindi byakorewe inyoko muntu nk’uko umucamanza Robert Fremr yabitangaje.

Bosco Ntaganda bita ‘Terimonator’ yahamijwe ibyo byaha nyuma yo kwerekwa n’ubucamanza ko yabaye umwe mu bayoboye ubwicanyi bwahitanye abantu bagera ku bihumbi 60, aho yayoboye ndetse akanatanga amategeko muri ubwo bwicanyi.

Inkuru ya France 24 ivuga ko Bosco Ntaganda w’imyaka 45 y’amavuko , mu mwaka wa 2015 mu kwezi kwa Nzeri ubwo urubanza rwe rwatangiraga yahakanye ibyaha byose yaregwaga.

Ibyaha 13 by’intambara ndetse na 5 byibasiye inyoko muntu, ni byo byahamijwe Bosco Ntaganda wabaye Général mu ngabo za Congo, nyuma akaza kuba umwe mu bashinze umutwe wa M23 warwanyaga ubutegetsi muri Repubulika iharanira Demokarasi ya Congo watsinzwe na Leta muri 2013.

Bosco Ntaganda yavuye i Kigali muri Ambasade ya Amerika yerekeza ku rukiko mpuzampahanga mpanabyaha CPI, akaba ari umwe muri batanu mu bakuru b’inyeshyamba zirwanira mu gihugu cya Congo bashyikirijwe urukiko mpuzamahanga Mpanabyaha (CPI) kuva yashyirwaho mu mwaka wa 2002.

Urwo rukiko rwashyiriweho kuburanisha ibyaha ndengakamere byakozwe hirya no hino ku isi. Ibihano bizahabwa Ntaganda bizatangazwa mu minsi iri imbere.

Ibikorwa byaranzwe no gusibura inzira z’abanyamaguru

Ubu bukangurambaga bwa ‘Gerayo amahoro’ bumaze amezi abiri butangiye, bikaba biteganyijwe ko buzamara ibyumweru 52.

Gahunda yo kubungabunga ibikorwa remezo, yatangirijwe mu ntara y’Amajyaruguru mu karere ka Rulindo, aho abaturage bibukijwe ko ubu bukangurambaga ari ngombwa, ko buri wese akwiye kugira uruhare kugira ngo intego yo kwirindwa impanuka zo mu muhanda igerweho.

Umuyobozi w’intara y’Amajyaruguru Gatabazi Jean Marie Vianney ari kumwe n’umuyobozi wa Polisi muri iyi ntara Assistant Commissioner of Police (ACP) Jean Baptiste Ntaganira babwiye abaturage ko uku kwezi Polisi n’abafatanyabikorwa baguhariye kubungabunga ibikorwaremezo byo ku muhanda.

Gatabazi agira ati “Impanuka zo mu muhanda zitwara ubuzima bw’abantu benshi, niyo mpamvu Polisi y’u Rwanda yahisemo gutegura iki gikorwa kugira ngo buri muntu wese ukoresha umuhanda amenye uburyo ukoreshwa yubahiriza ibimenyetso biwugize kugira ngo impanuka zibashe kwirindwa no kugabanuka.”

ACP Ntaganira yavuze ko muri iki cyumweru cya munani (8) ubu bukangurambaga buzibanda mu gusibura inzira z’abanyamaguru hanaterwa ibyapa ku mihanda mu rwego rwo kurushaho kubungabunga umutekano wo mu muhanda.

Yakomeje avuga ko bidakwiye ko abantu bambukira ahariho hose kuko haba hari inzira zabugenewe zo kwambukiramo.

Ati “Uku kwezi dutangiye ni uko gusibura inzira z’abanyamaguru ndetse no gushyira ibyapa aho bitari. Izi nzira ziri mu mabara y’umweru n’umutuku kugira ngo umushoferi mu gihe ahageze ahabone hakiri kare abashe kumenya ko ageze ahantu hagenewe abanyamaguru agabanye umuvuduko."

Polisi kandi yibutsa abanyamaguru ko nubwo bemerewe kwambukira muri iyo mirongo, bitavuze ko bayinyuramo barangariye kuri telefoni cyangwa ngo bibagirwe kureba hirya no hino niba nta kinyabiziga cyabatanze kuyigeramo kimwe n’ibindi byateza impanuka.

Umupolisi yigisha abanyeshuri imikoreshereze y’umuhanda

Uretse mu ntara y’Amajyaruguru, mu mujyi wa Kigali iki gikorwa cyabereye mu bigo by’amashuri bya Camp Kigali, Ecole Primarie Ntwari na Ecole Primaire d’Application(EPA).

Umuyobozi ushinzwe ibikorwa mu ishami rya Polisi rishinzwe umutekano wo mu muhanda, Senior Superintendent (SSP) Emmanuel Manimba nawe yavuze ko ari byiza ko umunyamaguru amenya ko nawe afite uruhare mu kubahiriza amategeko y’umuhanda, yambukira ahabugenewe ndetse anabungabunga ibikorwa remezo biri mu muhanda.

Umuyobozi w’ikigo cya Camp Kigali Niyonsenga Jean de Dieu, yavuze ko ari byiza kubona Polisi y’u Rwanda yigisha abaturage uburyo bwo gukoresha umuhanda kugira ngo impanuka zirindwe.

Niyonsenga yavuze ko mu gufatanya na Polisi, ubu kuva mu mwaka wa mbere kugeza mu mwaka wa gatatu w’amashuri abanza, bigisha ibimenyetso byo mu muhanda ndetse n’ibyapa, bikaba bifasha abanyeshuri kugendera ahabugenewe kuko abana iyo babibonye bamenya icyo bisobanuye bityo bikabafasha kurinda no kwirinda impanuka.

Ibi bikorwa bikaba byatangiye kuri uyu wa 2 Nyakanga 2019, bitangirira mu mujyi wa Kigali no mu ntara y’Amajyaruguru bikazagera no mu gihugu hose.

Umuhanzi Emmery Gatsinzi wamenyekanye ku izina rya Riderman cyane cyane mu njyana ya R&B, ni umwe mu bahanzi bazasusurutsa abantu mu gitaramo cyo kwibohora 25.

Asaba urubyiruko ko mu gihe u Rwanda rwitegura kwizihiza ku nshuro ya 25 umunsi wo Kwibohora, bagomba kurangwa n’umutima wo gukunda igihugu no gusigasira ibyagezweho.

Riderman aragi ati “Kwibohora ni byiza, urubyiruko ntirugahe umwanya mwinshi abashaka kubashora mu bibi, ahubwo ruharanire gusigasira ibyiza byagezweho runabungabunga ubusugire bw’igihugu, bitandukanya n’abashaka kwangiza ibyagezweho”.

Mariya Yohana, ni umuhanzikazi wamenyekanye cyane kubera indirimbo ye “Insinzi” irata ubutwari bw’ingabo z’igihugu.

Mariya Yohana avuga ko mu gihe u Rwanda rwitegura kwibuka ku nshuro ya 25, abanyarwanda cyane cyane urubyiruko bakwiriye kwigira ku bandi bari mu kigero cyabo bafashe iya mbere mu kubuhora igihugu cyabo.

Mariya Yohana aragira ati “Urubyiruko rumenye amateka y’uko u Rwanda rwabohowe n’urubyiruko kubera ubwitange bwo gukunda igihugu. Ndasaba urubyiruko gukunda iguhugu babe banakwitangira igihugu cyabo, kugira ngo agahinda k’ubuhunzi ntikazongere kubaho ukundi.

Kwibohora bibe isomo kuri buri wese, kuko ukunda iwabo agomba gusigasira ibyagezweho akabirinda ikibi icyo ari cyo cyose”.

Umuhanzi Ruhumuriza James wamenyekanye ku mazina ya King James nawe ni umwe mu bahanzi bazitabira igitaramo cyo Kwibohora 25.

Mu kwitegura ibirori byo kwibohara, King James asaba urubyiruko gusigasira ibyagezweho nyuma ya Jenoside yakorewe Abatusti mu Rwanda mu mwaka 1994.

Aragira ati “Ni byiza kuba buri muntu wese abasha kuba yagira ijambo, twaribohoye. Hari ibyagezweho kandi hari n’ababikoze, rero urubyiruko ubu ni uruhare rwacu kubibungabunga no kubirinda umwanzi wese washaka kubihungabanya”.

Muri iki gitaramo cyo Kwibohora 25 kandi hazanagaragaramo umuhanzi Bruce Melodie.

Nawe arasaba urubyiruko kudatwarwa n’ikoranabuhanga cyangwa ibindi biva ahandi, ngo birengagize gusigasira ibyiza bagezeho.

Bruce Melodie ati “Nyuma y’uko hari abitanze bakabohora igihugu cy’u Rwanda, hari byinshi twagezeho, ni ngombwa rero ko nkatwe urubyiruko twakagize uruhare mu gusigasira ibyiza byagezweho”.

Umuhanzi Clarisse Karasira, wamenyekanye mu ndirimbo zirata umuco nyarwanda, nawe azitabira iki gitaramo.

Nyuma yo gushyira hanze indirimbo ‘Imitamenwa’ irata ubutwari bw’ingabo z’u Rwanda mu kubohora igihugu, mu kwizihiza umunsi wo kwibohora ku inshuro ya 25, kuri we asanga ari uruhare rw’abahanzi kurata ibigwi by’ingabo zabohoye u Rwanda.

Karasira aragira ati “Abanyarwanda bakwiye kujya buri gihe bazirikana intwari zatanze ubuzima bwazo mu kubohoza igihugu, ndetse n’abakomeje gusigasira ubusugire bw’igihugu burangwa n’imiyoborere myiza ndetse n’iterambere rusange. Abanyarwanda bakwiriye gushyira imbaraga mu gukomeza kubaka igihugu”.

Abahanzi nyarwanda bazitabira iki gitaramo cyo kwibohora ku nshuro ya 25 kizaba tariki ya 4 Nyakanga harimo, Riderman, Muyango, Mariya Yohana, Sgt. Robert, Bruce Melodie, King James, Charly na Nina, Buravan, Clarissa Karasira, Nsengiyumva, ndetse bikaba bivugwa ko hari n’umuhanzi uzaturuka mu karere u Rwanda Ruherereyemo.

Charly na Nina nabo bazitabira igitaramo cyo Kwibohora25

Julien Kavaruganda, umuhungu wa Kavaruganda Joseph

Muri iyi nkuru turarebera hamwe bamwe muri abo bana babaye abagabo n’abagore bazwi mu bucamanza, ubuhanzi, imikino, abanyamakuru ndetse n’ibindi.

1. Kameya Umuhoza Laetitia.

Uyu ni umukobwa wa Kameya André wari umunyamakuru. Akora umwuga w’itangazamakuru, akaba yarakoze kuri Radiyo Rwanda ubu yahindutse RBA. Ni umwanditsi w’ibitabo kuko mu mwaka wa 2009 yanditse ikitwa ‘Kami yanjye, urwibutso rwa data’.

Kameya André, umubyeyi wa Laetitia Kameya

Muri iki gitabo Kameya U Laetitia yagaragaje ukuntu se umubyara yishwe mu gihe cya Jenoside yakorewe Abatutsi mu Rwanda mu 1994. Anerekana kandi uko ababuze abo bakundaga muri icyo gihe, bashobora gukomeza kubaho batari kumwe.

Kameya Umuhoza Laetitia ni umwana wa gatatu mu muryango w’abana barindwi. Umubyeyi umubyara ni Kameya André.

Kameya André yavutse mu mwaka wa 1946, yari umurwanashyaka ukomeye wa PL muri icyo gihe ritavugaga rumwe n’ubutegetsi bwariho, yari kandi umunyamakuru.

Yakoreye ibitangazamakuru bitandukanye nka Kinyamateka, ORINFOR (Ikigo k’igihugu gishinzwe itangaza makuru) ndetse yanabaye umwandisti mukuru w’ikinyamakuru cyakoreraga muri Minisiteri y’Ubutabera.

Kameya André yari yaratangije ikinyamakuru ‘Rwanda Rushya’, muri Jenoside yakorewe Abatutsi mu 1994, we n’umufasha we Suzanne Nyiramuruta hamwe n’umukobwa wabo Olive barishwe.

2. Julien Kavaruganda

Ni umunyamategeko wabigize umwuga. Kavaruganda Julien niwe uhagarariye urugaga rw’abavoka mu Rwanda kuva mu mwaka wa 2015.

Julien Kavaruganda ni umuhungu wa Kavaruganda Joseph hamwe na Mukarubibi Kavaruganda Annonciata. Kavaruganda Joseph yakoze akazi kenshi gatandukanye aho yabaye umuyobozi muri Minisiteri y’Ububanyi n’Amahanga n’Ubutwererane, yayoboye caisse d’epargne, yabaye umushinjacyaha mukuru wa Repubulika, yanabaye Perezida w’urukiko rusesa imanza n’uw’urukiko rurinda itegeko nshinga.

Kavaruganda yishwe muri Jenoside yakorewe Abatutsi mu Rwanda, nyuma y’uko atumvikanaga n’ubuyobozi bwariho.

Kavaruganda Joseph, se wa Kavaruganda Julien

3. Iradukunda Valère Karemera

Iradukunda Valère Karemera ni umwe mu bana batatu basigaye b’umuhanzi wakunzwe cyane mu Rwanda Rodriguez Karemera wishwe muri Jenoside yakorewe Abatutsi mu 1994.

Yamenyekanye cyanye igihe yari umwana mutoya, ubwo yakoraga mu ngazo, ijwi rye ryakunze kumvikana kuri Radio Rwanda ndetse n’abandi bakamurebera kuri televiziyo ubwo yaririmbaga indirimbo “La Conta”

Iradukunda V Karemera yatangiye umuziki akiri muto cyane

Iradukunda yaririmbye bwa mbere afite imyaka itandatu, hari mu mwaka wa 1990, akaba yaratojwe nase umubyara kuririrmba.

Indirimbo La Conta (IHORERE MUNYANA), Iradukanda avuga ko ayifata nka kimwe mubimutera ishema.

Ati “Uretse ubutumwa buri muri iyi ndirimbo, nyifata nk’indirimbo iha urubuga umwana ndetse ikanamuhesha agaciro. Umwihariko wayo kandi ni uko ari indirimbo naririmbanye n’umubyeyi wanjye, iyo ndebye amashuhso yayo mbona ndi kumwe nawe buri gihe”.

Iradukunda V Karemera mu mwaka wa 2016 yatangaje ko atahagaritse umuziki, ko ahubwo hari ibyo yabanje gukora mbere nko kwiga, ubu akaba abarizwa mu igihugu cy’Ubufaransa aho akora umwuga w’ubuganga.

Indirimbo nyishi zakunzwe n’abantu kandi bagikunda nka Ubarijoro, Kwibuka, Mpinganzima, Mukazi, n’izindi zahimbwe zinaririmbwa na Rodriguez Karemera igihe yabarizwaga mu itsinda ry’umuziki ryitwaga ‘PAMARO’, ryari rigizwe n’abahanzi Pascal, Augustin, Martin na Rodriguez.

Iradukunda V karemera ubu yarakuze

4. Dorcy Ingeli Rugamba

Ni umwanditsi n’umuhimbyi w’ikinamico, yavukiye mu muryango w’abahanzi. Ingeli Rugamba yatangiye ibijyanye n’ubuhanzi igihe yari afite imyaka umunani, ubwo yinjiraga mu itorero ‘Amasimbi n’Amakombe’.

Dorcy Ingeli Rugamba ni umwana wa Rugamba Cyprien umuhanzi nyarwanda washinze itorero Amasimbi n’Amakombe, akaba we na bamwe mu muryango we ndetse na bamwe mu bo baririmbanaga barahitanywe na Jenoside yakorewe Abatutsi mu Rwanda mu 1994.

Mu mwaka wa 1990 nibwo yagaragaye bwa mbere mu ruhame agaragaza inganzo ye, hari mu bitaramo Amasimbi n’Amakombe bari bakoreye ku mugabane w’Uburayi.

Dorcy Rugamba mu buzima busanzwe yize ibijyanye na farumasi ‘pharmacy’ muri kaminuza y’u Rwanda, ndetse no mu Bubiligi, ariko nyuma amaze kubona ko afite impano yo kwandika amakinamico yagiye kubyigira abona impamyabushobozi mu ishuri rya muzika n’ubugeni ‘Concervatoire Royale de Musique’ mu Bubiligi.

Dorcy Ingeli Rugamba, umuhungu wa Rugamba Cyprien

5. Kalinda Nkubito Thierry

Yamenyekanye cyane kubantu bakundaga kumva amakuru kuri radio na televiziyo Rwanda (Orinfor) ubu yabaye RBA.

Kalinda Nkubito Thierry, uwumvise iri zina ahita arisanisha n’irya se, nawe wakoraga umwuga w’itangazamakuru mu ikigo cy’igihugu cy’itangazamakuri Orinfor.

Kalinda Viateur umubyeyi wa 5 Kalinda Nkubito Thierry

Amagambo ‘Urushundurwa rwanyeganyeze, Imana y’ibitego, kwamurura netse n’ayandi’, mu bakurikiranaga urubuga rw’imikino bari bazi Kalinda Viateur wazize Jenoside yakorewe Abatusi mu 1994, ariko inganzo ye n’ubumenyi umwana we yarabikurikije aba umunyamakuru.

6. Songa Aritside

Ni umwe bu batunganya umuziki hano mu Rwanda, akaba yaratangiye kubikora mu mwaka wa 2008, abikomora ku nganzo yo gukunda no gukora umuzibyo byo mu muryango we, aho impano yabyo ayikomora kuri se umubyara.

Songa Aritside akaba afite inzu itunganya imiziki yitwa ‘V- record Production’, akabifatanya n’akazi k’ubwarimu muri IPRC.

Songa ni umwana wa Sebanani André, wamenyekanye cyane mu Rwanda kubera kuririmba kwe no gucuranga muri ‘orchestra Impala’. Indirimbo azwimo hari nka ‘Mama Munyana, Karimi ka Shyari’ n’izindi.

Sebanani Andre yanakinaga amakinamico kuri Radio Rwanda, akaba yarazize Jenoside yakorewe Abatutsi mu Rwanda mu 1994.

7. Diane Damarara

Uyu ni umukobwa wakunze kuririrmba, inganzo ye nawe akaba ayikomora ku mubyeyi we. Nubwo atagaragara cyane mu muziki, ariko we n’umugabo we bakora akazi ko gutunganya umuziki. Umugabo we yitwa BARICK.

Damarara na we ni umukobwa wa Sebanani André.

8. Nyampundu Felecite

Uyu ni umukobwa wakunze kurangwa no kuririmba agaragaza impano ye, n’ubwo atabigize umwuga.

Mu buzima busanzwe akaba yarize amashuli ajyanye n’ibarurishamibare, muri kaminuza y’u Rwanda, akomereza muri Leta zunze Ubumwe za Amerika.

Nyampundu Felecite akaba ari umukobwa w’umuhanzi Uwizeye Johny, waririmbye indirimbo bwa mbere batarayisubiramo yitwa ‘Kugasozi ka Rusororo’.

Abaganga bemeza ko iyi ndwara atari amarozi

Ni mu gihe ubuvuzi bw’abo bana buhenze ku buryo buri mubyeyi ufite umwana uburwaye atabasha kumwivuriza.

Baranasaba kandi umuryango nyarwanda kumva ko umwana wavukanye ubwo bumuga ari umuntu nk’abandi atari inyamaswa nk’uko bakunze kubyita abo bana bakivuka aho bavuga ko bavukanye umurizo.

Abagore babiri bafite abana bavukanye ubwo bumuga, umwe afite umwana w’imyaka itanu y’amavuko, undi akagira uw’imyaka icumi.

Abo babyeyi bavuga ko nyuma yo kubyara abana bakavukana ubumuga bwa Spina Bifida bahuye n’ibibazo mu muryango nyarwanda birimo no guhabwa akato.

Umwe muri abo babyeyi we ngo kuva yabyara umwana ufite ubu bumuga, uwo bashakanye yahise amumutana arahunga. Uwo mubyeyi agira ati “Rwose njye nkimara kubyara, yahise anta arigendera ambwira ko atabana nanjye, kuko ngo mu muryango iwabo ntibabyara abana bafite imirizo”.

Mu muryango w’undi mugore ufite umwana ufite ubwo bumuga ngo nubwo we n’umugabo we babashije kubyakira ariko mu baturanyi ndetse n’abandi byari igisebo kinini, agira ati: “ nyine nawe urabyumva,nkimara ku mubyara na baganga ntibari bazi ubwo burwayi,baransetse ndetse na bamwe bavuga ko nabyaye igikoko,ngo ese azabaho,baba baguca intege ariko nk’umubyeyi ugakomeza kurera umwana wawe. Njye nanagize n’amahirwe kwa muganga bahita bamenya uburwayi umwana afite akivuka,bamwitaho”.

Iyi ndwara iterwa no kwirema nabi k’urutirigongo

Nubwo ubu bumuga bwa Spina Bifida kwa muganga bagerageza kuvura ababufite, ntibyorohera buri mubyeyi kuvuza umwana, kuko bisaba amikoro.

Umwe muri abo babyeyi akomeza agira ati: “Nk’ubu nkibyara, njye nari ndi kumwe n’undi mubyeyi na we wabyaye umwana nk’uwanjye, ariko we kuko atari afite ubushobozi bwo gukomeza ngo ajye mu bitaro bikuru sinzi uko byamugendekeye. Na none kandi kuvuza uyu mwana nk’uyu biba bigoranye, bisaba kumuvuza aho bamugorora ingingo, kunyura mu cyuma, byose ni amafaranga menshi, kandi mituweli ntabwo ibivuza, ntibabyemera”.

Mu gihe bamwe mu baturage bavuga ko ubu bumuga buturuka ku marozi cyangwa imivumo y’ababyeyi, Dr Ntahunga Lawrence, umuganga wimenyereza kubaga hamwe n’abo bishyize hamwe mu muryango witwa Rwanda Spina Bifida and Hydrocephalus Relief, avuga ko ubu ari uburwayi atari amarozi.

Agira ati “Ubundi ni ndwara ifata urutirigongo. Ibaho igihe umwana arimo kwirema muri nyababyeyi mu minsi 30 ya mbere umugore agisama. Aha urutirigongo rw’umwana ntiruba rufatanye neza,bityo rero akagira ubwo bumuga mu kuvuka kwe.

Byagaragaye ko ishobora guhererekanywa mu muryango cyangwa igaterwa n’imirire mibi y’umubyeyi aho ibyo afata biba bidafite ubutare bwa foleti (acide Folique),cyangwa igaterwa n’imiti ihabwa umubyeyi igihe afite uburwayi bwo mu mutwe”.

Abangaba basaba umubyeyi wese kwipimisha mu gihe atwite, noneho basanga umwana afite ubwo burwayi agatangira guhabwa imiti, ariko kandi ngo hari n’ubundi buryo umuntu yakwirinda.

Dr Ntahunga ati “Biba byiza iyo umubyeyi ariye ibiryo birimo ubutare bwa foleti bufasha mu iremwa ry’urutirigongo rw’umwana kuko bwarinda nibura 50 ku ijana ubwo bumuga ku mwana uvuka”.

Umwana ufite ubu bumuga ahanini ibice by’umubiri byo hasi ntibikora neza, aho uyu mwana kwituma cyangwa kwihagarika nta ruhare abigiraho, kuko biza uko bishatse cyangwa bikanga.

Iyo kwituma bigorana, bisaba ko umuntu urwaye Spina Bifida bamuha sonde ngo ajye abicishamo. Ikindi kandi ugira ubu bumuga hari igihe ashobora kujya agenda yifashishije insimburangingo.

Abantu bari benshi bitabiriye amahugurwa ngo bibonere amadorari

Uyu Munyakenya kandi yari yanijeje abazitabira amahugurwa kubaha insimburamubyizi y’amadorali ya Amerika 197, angana n’amanyarwanda hafi ibihumbi 180, nyamara nyuma Abanyarwanda nibo basabwe amafaranga ngo babashe kwitabira ayo mahugurwa.

RIB iratangaza ko Abanyarwanda 14 ndetse n’Abanyakenya batatu barimo Dr. Charles CK bari mu maboko y’ubugenzacyaha, bakurikiranyweho ubutekamutwe bujyanye no kubeshya abantu nk’uko umuvugizi wa RIB Mbabazi Modetse abisobanura.

Mbabazi Modeste, umuvugizi wa RIB avuga ko bagikora iperereza ku mubare w’amafaranga yatswe abaturage

Agira ati “Uyu mugabo aturuka mu gihugu cya Kenya, akurikiranyweho kuba yarashatse gukora inama hano mu Rwanda nta nzego yabimenyesheje, yashatse kwiba Abanyarwanda amafaranga, nyuma yo kubabwira ngo bitabire amahugurwa azabaha amadorari, ariko nyuma yaho atangira kubaka amafaranga ngo biyandikishe. Ibyo byafashwe nk’ubutekamutwe”.

Mu gitondo cya kare kuwa kabiri tariki ya 25 Kamena 2019, nibwo abantu benshi bazindutse bakereye kwitabira ayo mahugurwa yagombaga kubera muri Kigali Convetion Center, hanyuma abayitabiriye bagahwabwa amadorari 197.

Mu cyumba cyagombaga kwakira amahugurwa, abantu bari buzuye

Abari hanze barutaga abari bicaye imbere

Kubera uko gusezeranywa guhabwa amadorari, abantu barakubise baruzura barenga umubare wari wateganyijwe.

Ubuyobozi bwa Wealth Fitness bwari bwabatumiye mu mahugurwa, bwahise bufata icyemezo cyo kwishyuza andi mafaranga, bituma benshi babona ko ari ubwambuzi.

Mbabazi Modeste agira ati “Ubu turacyari mu iperereza ngo turebe ingano y’ayo mafaranga. Hari abantu bayoherereje bakoresheje telefoni zigendanwa (mobile money), turi kureba numero zagiye ziyakira ndetse n’abayohereje ngo tubikurikirane, hari n’ayoherejwe hakoreshejwe mudasobwa (online), tukireba ngo na yo tumenye umubare wayo, n’ayatanzwe mu ntoki. Turacyashakisha kandi n’abandi bayakiriye bakagenda”.

Urwego rw’ubugenzacyaha rusaba Abanyarwanda kwitondera gutanga amafaranga, bakajya bareba uwo bayahaye, impamvu bayamuhaye, kandi bakibaza uburyo azabagarukira.

Mu gihe imbere hari huzuye, hari abari bakiri hanze, abandi bakiza

Umubare w’abari batumiye warenze uwo abateguye iyo nama bashoboraga kwakira kuko bari bafite ubushobozi bwo kwakira abantu 500 ariko haza ababarirwa mu bihumbi bitandatu.
Abantu bari bitabiriye ayo mahugurwa bavuze ko ari ubutekamutwe kuko nyuma bishyujwe amafaranga, ndetse buri wese mu baje akaba yari yarahawe ubutumire yizezwa no guhabwa amafaranga.

Uwitwa Nshimiyimana Jean ukomoka mu Karere ka Nyabihu avuga ko yari amaze igihe yitegura ayo mahugurwa ariko akaba ababajwe n’uko atabaye. Yagize ati “Nari nzi ko muri ayo mahugurwa nzabonamo amadolari arenga ijana. Nahingiye abantu nshaka amafaranga ndetse mbika agera ku bihumbi icumi ari byo natezemo moto kuva iwacu ingeza hano, rwose sinzi uko rero ntataha nintabona ayo mafaranga banyemereye”.

Si we gusa ubona ko abateguye aya mahugurwa batabikoze mu mucyo. Abari bitabiriye ayo mahugurwa bavuga ko kwiyandikisha ngo byagendaga neza, ndetse bahabwa icyizere cyo guhabwa amafaranga, ariko abantu batunguwe no kubona basabwa amafaranga mu gitondo nk’uko Mukandori Jeanette abivuga.

Yagize ati “Rwose ubu twatunguwe no kubona barafashe abantu benshi barenze ubushobozi bw’aho bagomba kubakirira. Tumenya iby’inama byari ubuntu. Ariko twatunguwe no kubona batwaka ibihumbi bitanu ngo batwandike. Mbere bari batangiye kutubwira ko bazaduha amadorari 197 y’urugendo (ni ukuvuga abarirwa mu bihumbi 179 by’Amafaranga y’u Rwanda), ariko si ko byagenze”.

Benshi mu bari bitabiriye ayo mahugurwa bigaragara ko ari urubyiruko. Mu gushaka kumenya uko byagenze nyuma y’uko abateguye aya mahugurwa bashyikirijwe Urwego rw’Igihugu rw’Ubugenzacyaha (RIB),umuvugizi w’urwo rwego Mbabazi Modeste yabwiye Kigali Today ko bakiri mu iperereza kubijyanye n’abo bantu.

Abantu benshi mu bari bitabiriye ayo mahugurwa bahise berekeza ku biro bya RIB biherereye i Remera mu Mujyi wa Kigali. Abari batanze amafaranga kugira ngo bitabire ayo mahugurwa basabaga ko basubizwa nibura ayo batanze.

Mu mahugurwa yari ateganyijwe yo kongera ubumenyi mu bijyanye n’ubucuruzi yari yateguwe n’ikigo Wealth Fitness International, aho abantu byabasabaga kwiyandikisha binyuze ku mbuga nkoranyambaga, bakakubwira ko ugomba kuzahabwa amahugurwa,hanyuma ukabona nyuma itiki ibikwemera ,abantu batangajwe nuko mu gutangira basabwe amafaranga kuburyo babifashe nk’ubujura.

Abana bahawe amata, nka kimwe mu birinda kugwingira

Uwo muryango wabivugiye mu bukangurambaga wise ‘Umwana wanjye ishema ryanjye’ bwakozwe mu murenge wa Gitega akarere ka Nyarugrnge, kuwa gatandatu tariki ya 23 Kamena 2019, bugamije gushishikariza ababyeyi kwita ku bana.

Ubu bukangurambaga bwabanjirijwe n’igikorwa cyo gukora urugendo ku magare cyakozwe n’abagabo, abagore ndetse n’urubyiruko bo mu murenge wa Gitega mu karere ka Nyarugenge.

Ubukangurambaga bwatangijwe n’urugendo rwakozwe ku magare

Umunyamabanga Nshingwabikorwa w’umurenge wa Gitega Gabriel Mutuyimana, yibukije ababyeyi ko kugira ngo umwana agwingire biterwa n’ibintu byinshi, harimo n’imibanire mibi y’ababyeyi.

Agira ati "Burya imirire mibi ku mwana imutera igwingira, kandi n’imibanire mibi y’ababyeyi ituma batita ku bana babo, bityo mu mikurire, mu bwenge ndetse no ku mubiri bakagwingira".

Mutuyimana Gabriel, umunyamabanga nshingwabikorwa w’umurenge wa Gitega

Bamwe mu babyeyi bari bitabiriye ubu bukangurambaga, bemeza ko ari ingirakamaro kuko hari byinshi bahigiye.

Liliane Umumararungu agira ati “Burya umwana akenera byinshi mu mikurire.Ubu rero twasobanuriwe neza ko umwana akwiriye indyo yuzuye, nko kurya imboga, ibinyabijumba ndetse no kunywa amata mu buzima bwa buri munsi, kandi ko tugomba kujya tumukurikirana ngo turebe imikinire ye ndetse no kwiga kwe".

Béatrice Niyonsaba Kagabo uhagarariye umuryango ’Ndera nkure mubyeyi’, avuga ko bakoze ibi bikorwa kugira ngo bafatanye n’ababyeyi bo mu murenge wa Gitega kwita ku bana babo.

Avuga ko igice cya mbere kigizwe n’ubukangurambaga, aho beretse ababyeyi uko umwana agomba kwitabwaho arindwa igwingira iryo ari ryo ryose, bakabereka uko babategurira indyo yuzuye, kwita ku myigire yabo ndetse no kwitabwaho mu bundi buryo bwose.

Naho igice cya kabiri ni ugushinga ikigo mbonezamirire, aho ababyeyi bazajya barebera hamwe ubuzima bw’abana mu mirire ndetse n’imikurire yabo. Icyo kigo mbonezamirire kizubakwa mu murenge wa Gitega ku mashuri ya Cyahafi.

Muri ubu bukangurambaga, abana banahawe amata, mu rwego rwo kwereka ababyeyi ko umwana akeneye amata mu buzima bwe bwa buri munsi.

Ikibazo cy’igwingira ni kimwe mubyo Leta y’u Rwanda yahagurukiye kugira ngo abana b’Abanyarwanda bagire ubuzima bwiza.

Hari ingo zegereye cyane ruhurura

Iyo ruhurura iherereye mu gace ko mu murenge wa Muhima bakunda kwita muri kiba (Cuba).

Kuba idatwikiriye nicyo giteza umutekano mucye ku baturage bayituriye, kuko hari abayegereye cyane.

Mbonyinshuti umwe mu baturage baturiye iyo ruhurura, avuga ko iyi ruhurura ari imwe mu mpamvu z’umutekano mucye nubwo atari buri gihe.

Agira ati: “Ubundi hari abantu bavaga mu mujyi bakaza kunywera hano bwa buyoga buzwi nka surudiwiri mu tubari twubatswe ku ruhande rwa ruhurura, basohokamo bagahita bayikubitamo, urumva biba bibangamye”.

Ababyeyi baturiye iyi ruhurura basaba ko bibaye byiza iyi yatwikirwa kuko byarinda impanuka ku bana babo bajya bagwamo rimwe na rimwe, iyo bavuye cyangwa bajya kwiga,ndetse no mu gihe bakinira mu inzira ziri hafi yayo.

Gatera Andre agira ati: “Hari abana banyura hano bavuye ku ishuri, hano hepfo ku muhima bakagwamo, hari n’abantu basindira ahitwa la Fraicheur bakagwamo. Iramutse rero ipfundikiye byaba byiza kuri twe n’abana bacu”.

Aka gace kandi kegereye ahahoze gereza ya 1930, yaje kwimurirwa mu murenge wa Mageragere.

Abahatuye bavuga ko aho gereza yahoze hari umunuko ukabije uterwa n’abantu bahamena imyanda.

Nyirakamana uhatuye agira ati: “Urebye imyanda ishyirwamo na bamwe mu baturage bahegereye, ariko rwose iyo batabikuyemo biranuka”.

Umuyobozi w’Akarere ka Nyarugenge, Kayisiime Nzaramba, avuga ko muri gahunda bafite ku bijyanye n’umutekano w’abaturage baturiye za ruhurura ndetse n’abaca hafi yazo, ari ugukora neza ruhurura zidakoze neza, hanyuma kandi zigapfundikirwa.

Iyi ruhurura ibangamiye abayituriye

Agira ati: “Za ruhurura ndetse n’imiferege yo ku muhanda muri gahunda ziri imbere zigomba gupfundikirwa, ariko ubu twahereye kuri ruhurura zari zarangiritse tubanza kuzubaka.

Ikindi rero ni uko abantu bakamenye ko ruhurura atari iyo kumenamo imyanda. Ku makuru duhabwa n’abaturage twumvise ko hari ababikora, dufite gahunda yo kubaganiriza bakabireka, ababikomeje tukabaca amande”.

Mu karere ka Nyarugenga hari gukorwa ruhurura eshatu ziri mu murenge wa Muhima.

Izina Kiba (Cuba) ahaherereye iyi ruhuru ryaturutse he?

Abatuye muri aka gace ka Kiba (Cuba) bemeza ko ari agace gakunze kurangwamo umutekano mucye, bitewe n’utubari twinshi kandi ducururizwamo inzoga zihendutse.

Bavuga kandi ko ari agace karangwamo abagore n’abakobwa benshi bakora uburaya, nabyo bikaba imwe mu mpamvu z’umutekano mucye uhavugwa.

Izina Kiba rero, abahatuye bavuga ko hari umuryango wari uhatuye (umugabo n’umugore) mu myaka ya za 1980, wahoranaga amakimbirane.

Imirwano yarangwaga muri uru rugo abahatuye bayigereranije n’iyabaga mu gihugu cya Cuba cyo muri Amerika y’epfo, cyari mu ntambara muri iyo myaka.

Imirwano yarangwaga muri uyu muryango niyo yabaye intandaro y’iri zina rya Kiba.

Umusaza witwa Maritini utuye muri Kiba agira ati “Urugo rwa Paul na Berina bakundaga guhora barwana amanywa n’ijoro. Iyo wajyaga kubakiza ntibyashobokaga, intambara yabo abantu bageze aho bayita ngo imeze nkiyo muri Kiba (Cuba)”.

Ubuyobozi bw’akagari ka Kabeza gaherereyemo Kiba, buvuga ko kuri ubu muri Kiba harangwa umutekano usesuye, kuko n’abakora uburaya bakiharangwa batangiye kwigishwa kubuvamo.

Umunyamabanga nshingwabikorwa w’akagari ka Kabeza Ingabire Alphonsine agira ati “Ubu nta ndaya zikigaragara ku mihanda ziteze, n’ababa babikora ni mu bwihisho, turabaganiriza binyuze mu mugoroba w’ababyeyi tukabasaba kubireka ngo bashake ikindi bakora biteze imbere atari ukugurisha imibiri yabo”.

Muri Kiba ubu habarurwa abakora uburaya 83, muri bo abarenga 27 bamaze kwigishwa babivamo, abandi nabo baracyaganirizwa.

Umuryango wa Muhawenimana na Dusabimana baregeye indishyi kubera guhohoterwa

Iyi miryango irasaba indishyi zingana na miliyoni imwe n’ibihumbi ijana by’amadorari ya Amerika (1.100.000usd), nyuma yo kubafata mu buryo bunyuranyije n’amategeko, bagafungwa, bakanahohoterwa n’igisirikare cya Uganda binyuze mu rwego rwa gisirikare rushinzwe iperereza muri Uganda (CMI).

Muhawenimana Ezechiel w’imyaka 36 na Dusabimana Esperance w’imyaka 35 (umugabo n’umugore), bafashwe bagiye muri Uganda gutabara mu karere ka Rubanda binjiriye ku mupaka wa Cyanika, bafungirwa muri gereza ya Ndorwa I Kabale, bashinjwa kwinjira mu gihugu ku buryo bunyuranyije na mategeko.

Muhawenimana aragira ati “Twafatiwe muri Uganda tariki ya 23 Nyakanga 2018, tugiye gutabara, batubwira ko twinjiye muri iki gihugu nta byangobwa dufite. Byabaye ngombwa ko duca mu rukiko rwaho i Kabale, baduhamya icyaha, twamazemo amezi icyenda. Nkuko mubibona uyu mwana wacu niho yavukiye abaho ubuzima bubi”.

Hakorimana Musoni Venant w’imyaka 35 we yari umwarimu muri Ethiopia akaba yarabaga muri Uganda, nawe akaba yarahafungiwe amezi icyenda.

Hakorimana Musoni Venant nawe ari mu batanze ikirego

Agira ati “Njyewe nafatiwe i Kampala ubwo nari mvuye muri Ethiopia, kandi no muri Uganda mpafite umutungo, nanakoze muri icyo gihugu, rero nararenganyijwe”.

Umunyamategeko wunganira aba batanze ikirego Me Richard Mugisha agaragaza ko aba bantu bafashwe nabi mu gihe bari bafungiye muri Uganda, kandi ko ibyo baregwagwa byose byari ukubeshya.

Mugisha agira ati “Ubu abantu nunganira ni batatu, ariko hari n’abandi banyegereye kandi ntibizatinda tubirimo. Abo nunganira rero barahohetewe, bakorerwa iyicarubuzo ku mubiri wabo, bambuwe n’amafaranga. Ndizera ko uru rukiko ruzaca urubanza neza kuko ibihugu bigize uyu muryango bishaka ko haba imiyoborere myiza”.

Me Mugisha ahamya ko abakiriya be bahohotewe, bagomba guhabwa indishyi

Mu gushaka kumenya indishyi z’akababaro zisabwa bitewe n’ukuntu bavuga ko bahohotewe, umwunganizi mu mategeko Mugisha avuga ko indishyi ziri mu buryo bubiri.

Ati “Indishyi ziratandukanye. Kuri Hakorimana turasaba indishyi zigera kuri miliyoni y’amadorari ya Amerika, urebye we yari umwarimu muri Ethiopia yatakaje byinshi, naho kuri uriya muryango wa Muhawenimana Ezecheil na Dusabimana Esperance turabasabira ibihumbi ijana by’amadorari ya Amerika”.

Ikirego cyatanzwe n’aba Banyarwanda ntikizakurikirana urwego runaka, ahubwo hazakurikiranwa leta ya Uganda.

Me Richard Mugisha unahagarariye urugaga rw’abunganira abantu mu mategeko mu karere ka Afurika y’Uburasirazuba, ntabwo azaca amafaranga aba bahohotewe, kuko azabunganira ku buntu.

Aba bunganirwa mu mategeko bagarutse mu Rwanda tariki ya 26 Mata 2019.

Urukiko rw’Umuryango wa Afurika y’Uburasirazuba (East African Court of Justice) rwashyizweho mu mwaka wa 2011.

Urukiko rw’Umuryango wa Afurika y’Uburasirazuba / Aho batangira ibirego i Kigali

Range Rover imwe mu modoka zikunzwe

Mu magambo make, tugiye kukugezaho amakuru ajyanye n’imbaraga za moteri y’imodoka, ndetse n’iminywere yazo, dore ko ari kimwe mu bihenda nyir’imodoka muri iki gihugu kidacukura peterori.

Iby’ingenzi ukeneye kumenya: Ubunini bwa moteri n’icyo bisobanura.

Uburumbarare cyangwa ubunini ubonana imodoka, si bwo bugaragaza niba ishobora kunywa cyane cyangwa gahoro.

Ubwiza nabwo, cyangwa se ibara, ntaho bihurira n’iminywere y’imodoka.

Ubunini bwa moteri y’imodoka bubarwa mu mibare ihereye kuri 1.0 kuzamura.

Moteri ingana na 1.3 ikoresha Essence/Manuelle

Hyundai santa nayo ni imodoka ikundwa na benshi

Iyo tuvuze ko imodoka ifite moteri ingana na 1.3, bisobanuye ko iyi moteri itwika amavuta (lisansi cyangwa Mazutu) ingana na litiro 1.3 kugira ngo imodoka ibone ingufu zo kugenda.

Imodoka zifite iyi moteri kandi, zigira ibitembo bine.

Ibitembo, ari byo bita ‘cylindre’ mu gifaransa, nibyo bicamo ya mavuta igihe ari gutwikwa.

Kugira ngo aya mavuta atwikirwe muri bya bitembo, hari ikindi bisaba.

Imodoka ya Golf iri mu zikunzwe

Umwuka uturutse hanze wakirwa mu kuma ka moteri kitwa supapu, ugasunikwa n’utwuma dukubita twitwa pisito (piston). Ibi nibyo bishyushya wa mwuka ukagera kuri degere 900, ugatwika ya mavuta.

Imodoka ingana gutya rero inywa gute?

Imodoka ifite moteri ya 1.3, inywa litiro 7.2 kuri buri birometero ijana igenze.

Ni ukuvuga ko litiro imwe igenda ibirometero 13. Niho ujya wumva ngo iyi modoka yanjye inywera kuri 13.

Toyota Rav4 2018 imwe mu modoka zitunzwe na benshi mu Rwanda

Icyakora, iyi minywere ishobora kujya hasi ikagera kuri litiro 5.6 kuri buri birometero 100 igenze mu cyaro.

Burya mu cyaro imodoka inywa gake kuko idahura n’imodoka nyinshi ngo biyisabe gukoresha moteri akazi kenshi.

Zimwe mu modoka zifite moteri ya 1.3 ni nka: Toyota Starlet, Rav 4, n’izindi.

Aha ariko, hari icyo ugura imodoka agomba kwitondera.

Imodoka z’ubwoko bumwe, zasohokeye rimwe, zishobora kuza zifite moteri zitandukanye.

Ni ukuvuga ko, Uruganda rwa Toyota, bitewe n’isoko, rushobora guhitamo gusohora igihe kimwe Toyota Starlet ifite moteri ya 1.3, 1.5 n’izindi.

Ikindi kandi, imodoka ya automatique inywa kurusha iya manuelle kuko moteri ya automatique irikoresha, mu gihe manuelle yo isaba ko umushoferi agenda ahinduranya vitese.

Ikindi, uburyo amavuta atembera mu modoka bushobora gutuma imodoka inywa cyane cyangwa inywa gahoro.

Hari uburyo bubiri amavuta atembera mu modoka. Ubwo buryo ni :imodoka ikoresha karibirateri(carburateur), n’ubukoresha injegisiyo (injection).

Mu buryo bwa carburateur, amavuta agenda nta rutangira, aribyo bisonanuye ko, imodoka ikoresha ubu buryo inywa cyane.

Uburyo bwa injection bwo ni bwiza kuko moteri yakira gusa amavuta imodoka ikeneye andi ikayazigama.

Izi ni ngero za moteri za zimwe mu modoka zikunze gukoreshwa mu Rwanda n’iminywere yazo.

Uko icyo gitabo kigaragara inyuma

Icyo gitabo ngo ni n’uburyo bwo guhangana n’abahakana kandi bagapfobya Jenoside.

Umwanditsi Diogène Bideri, nyuma yo kurokoka Jenoside yakorewe Abatutsi mu Rwanda, na nyuma yo gukora ubushakashatsi bwimbitse ku nyandiko z’izindi Jenoside zabaye ku isi, yanditse igitabo mu buryo bwo kwibuka abe ndetse n’abandi bazize Jenoside yakorewe Abatutsi mu Rwanda.

Agira ati “Iki gitabo ni uguha icyubahiro ababyeyi banjye bishwe muri Jenoside, umuryango wanjye, abavandimwe banjye ndetse n’abandi bazize Jenoside. Nashatse kubaha icyubahiro ndetse n’umwanya wo kugira icyo bavuga, kuko muri iki gitabo abazima baravuga ndetse n’abatakiriho baravuga. Icyo nzi, icyo nabwiwe naracyanditse nerekana ko Jenoside atari impanuka ahubwo itegurwa”.

Muri iki gitabo kandi umwanditsi yerekana amateka y’ukuntu Jenoside yakorewe Abatutsi mu Rwanda kuva mu 1959 kugera mu 1994, aho Abatutsi bagiye bameneshwa, bafatwa nabi ndetse bikanabaviramo kwicwa. Agira ati “Kwita iki gitabo La Couleur d’un Génocide, mu Kinyarwanda ‘Ibara rya Jenoside’ ni ukwerekana ishusho nyakuri ya Jenoside yakorewe Abatutsi mu Rwanda. Murabizi neza mu Kinyarwanda iyo uvuze ngo ibara ryaguye bivuga ko ari ikintu ndengakamere kiba cyabaye.”

Bideri wanditse igitabo ’Rwanda 1994, La Couleur d’un Génocide’

Bideri akomeza agira ati “Burya iyo wandika uba ufite icyo ugamije. Abarokotse Jenoside yakorewe Abatutsi bavuye habi hashoboka, none icyo nifuriza urubyiruko ndetse n’abandi bazavuka ni uko bamenya ko Jenoside yakozwe n’ubutegetsi ndetse n’abakagombye kurinda abantu mu gihe bo bubakaga imashini yo kwica. Ubu ni uburyo bwo gukumira ngo ibyabaye mu Rwanda ntibizabe ukundi.”

Muri iki gitabo, hifashishijwe ubuhamya bw’abariho kandi umwanditsi akagera aho ubwicanyi bwakozwe muri Jenoside bwabereye. Bideri avuga ko ibikubiye muri icyo gitabo bivuguruza abahakana bakanapfobya Jenoside, kuko bo bandika ibijyanye n’ibitekerezo byabo bitagaragaza ibimenyetso.

Bamwe mu basomye iki gitabo bemeza ko kizafasha mu guhangana n’abantu bapfobya kandi bakanahakana Jenoside yakorewe Abatutsi mu Rwanda nk’uko umwanditsi Yaan Gwet akaba n’umunyamakuru wo mu gihugu cya Cameroun abivuga.

Yagize ati “Ndemera ko iki gitabo kizaba imwe mu ntwaro zo guhangana n’abapfobya kandi bagahakana Jenoside, kubera ko iki gitabo cyanditswe hifashishijwe ubuhamya bw’abantu. Kigaragaza kandi ubuzima bw’abantu bishwe muri Jenoside yakorewe Abatutsi mu Rwanda. Rero byagorana guhakana ko Jenoside yabayeho”.

Bideri avuga ko ajya kwita iki gitabo ‘La Couleur d’un Génocide’ ngo ntiyashakaga kuvuga ibara nk’umutuku cyangwa umukara, ahubwo ngo ni uburyo bwo kugaragaza uko Jenoside yakorewe Abatutsi yateguwe n’uko yashyizwe mu bikorwa.

Ishimwe Moses yasobanuye akaga gakomeye yahuye na ko muri Uganda

Agarutse mu Rwanda nyuma y’amezi ane yari amaze afunzwe n’urwego rw’iperereza rw’Igisirikare cya Uganda, CMI(Chieftaincy of Military Intelligence), hakaba ngo harakoreshejwe amashilingi ya Uganda angana na miliyoni makumyabili, harimo n’ayasabwe nka ruswa kugira ngo arekurwe.

Ishimwe yabaga mu gihugu cya Uganda kuva mu mwaka wa 2012. Amashuli ye ni ho yayize kandi yari umucuruzi. Avuga ko yabaga mu gihugu cya Uganda afite ibyangombwa bimwemerera kuhaba, akaba yarakoraga akazi ariko akunda no gusengera muri Zoe Fellowship Ministries.

Avuga ko yafashwe ari mu materaniro i Bugoloobi muri Kampala ubwo yasohokaga ajya kwitaba uwari umuhamagaye kuri telefoni igendanwa. Kuri uwo mugoroba, ngo yambitswe amapingu ajyanwa gufungirwa ku cyicaro cya CMI.
Mu kiganiro yagiranye n’itangazamakuru, Ishimwe, mu ijwi rituje, bigaragara ko nta ngufu afite kubera ibyamubayeho, yasobanuye inzira y’umusaraba yanyuzemo ubwo yafatwaga tariki ya 22 Ukuboza 2018.

Yagize ati “Nari nsohotse aho twari mu materaniro, kubera urusaku rw’imiziki nsohoka mu gipangu. Nari ngiye kwitaba kuko ni mama umbyara wari umpamagaye, maze umuntu araza arambaza ngo mfite ibyangobwa?”

Ati “Baramfashe mbabwira ko mbifite, banyambika amapingu, ndetse n’igitambaro mu mutwe ngo ntabona aho banjyanye i Mbuya kumfunga, ngo ni ho nari kubarizwa, narakubiswe ingumi n’ibindi. Muri ibyo byose naziraga ko naba ndi intasi y’u Rwanda muri Uganda, ngo hari abasirikari bakuru dukorana. Rwose sinigeze mba umusirikari kandi sinari intasi”.

Akomeza kandi avuga ko bararaga bambitswe amapingu, bakarara hasi bagipfutse mu maso, bumva gusa urusaku rw’amazi y’ikiyaga. Ibi byamuviriyemo uburwayi, asaba kuvuzwa, nyuma ajyanwa i Kileka.

Ishimwe ati “Nasabaga ko bamvura, ariko haza umuntu arambwira ngo ese waba uzi ko ntakuvuye nakwandika urupapuro rw’uko wapfuye nkarwoheraza mu Rwanda? Nyuma navanywe aho banyerekeza muri gereza ya Luzira, nza no gufungurwa”.

Nyuma y’iminsi itatu nibwo umuryango we wabashije kumenya ko Ishimwe Moses yaba yarafashwe afunze.

Mukuru we witwa Irumva Fred Rutare avuga ko bakimara kumenya ko umuvandimwe we yabuze, babimenyesheje Minisiteri y’Ububanyi n’Amahanga y’u Rwanda, na yo imenyesha ambasade y’u Rwanda muri Uganda batangira gukurikira no gushakisha Ishimwe.

Irumva agira ati “Nyuma y’iminsi itatu murumuna wanjye afatiwe muri Uganda, twifashishije inzego za Leta y’u Rwanda, n’ inshuti ziriyo ngo turebe noneho uko yafungurwa dore ko nta n’icyaha yari afite. Twatanze amashilingi miliyoni eshatu n’igice dushaka umwunganira mu mategeko, dutanga n’andi miliyoni 15 kugira ngo asomerwe urubanza.”

Yakomeje ati “Nyuma icyatangaje amaze gufungurwa by’agateganyo, umushinjacyaha yadusabye ruswa y’amashilingi miliyoni ebyiri ngo bamuhanagureho icyaha. Twarabikoze kugira ngo umuvandimwe wanjye abashe gutaha mu Rwanda”.

Ishimwe yafashwe tariki 22 Ukuboza 2018, afungurwa tariki 11 Werurwe 2019. Yageze mu Rwanda mu cyumweru gishize ku wa kane.

Abanyarwanda bakorera muri Uganda kimwe n’ababayo bakomeje kugaragaza ko bene ibi bibazo bikibabangamiye kuko nibura buri munsi ngo hafatwa Umunyarwanda agafungwa bamubwira ko ari umukozi(intasi) y’u Rwanda.

Abamotari bakurikiye ubutumwa bubagenewe mu bukangurambaga bwo kwirinda impanuka

Ubwo butumwa babunyujije mu nsanganyamatsiko igira iti “Irinde gutwara ikinyabiziga wasinze”. Ubu bukangurambaga bwabereye muri Nyabugogo ndetse na Remera aho abamotari bakunze guhagaraga bategereje abagenzi.

Mu gihe bikunze kuvugwa ko abamotari bakunze kurangwa ahanini no gukora amakosa mu muhanda batwaye abagenzi, rimwe na rimwe bakarangwa n’imvugo zidashimisha abo batwaye, no kuvugwa ko biba abo batwaye, ubuyobozi bwa Federasiyo y’abamotari buvuga ko bitakiri nka kera kuko hari ingamba zafashwe.

Ngarambe Daniel, umuyobozi w’iyo federasiyo yagize ati “Uyu mwuga w’ubumotari ukunda kurangwa n’ibibazo byo gukora impanuka zivuye ku businzi n’akajagari, harimo kutubahiriza amategeko y’umuhanda. Ubu bukangurambaga ndakeka ko buzadufasha kunoza akazi kacu neza, kuko noneho ndakeka bumvise ko kwirinda kunywa ibisindisha n’ibiyobyabwenge bizabafasha gutwara abantu neza nk’abashaka kubaho”.

SSP Ndushabandi Jean Marie Vianney yasabye abamotari kwirinda ibiyobyabwenge

Umuvugizi wa Polisi, ishami rishinzwe umutekano wo mu muhanda, SSP Ndushabandi Jean Marie Vianney, muri iki gikorwa, yashishikarije abatwara abagenzi kuri moto ko bakwiye kwirinda inzoga n’ibiyobyabwenge mu gihe batwaye abantu, kandi bakajya bubahiriza amategeko y’umuhanda, bakubahiriza n’ibyapa aho biri kuko ngo byagaragaye ko bakunda kuyirengagiza nkana.

Yagize ati “Abamotari bakunda gukora amakosa yo kudahagarara igihe polisi ibibasabye. Iyo birukanse bakanga guhagarara polisi ikeka ko nta byangobwa afite, cyangwa hari andi makosa bishinja, bigatuma rero haba izindi ngamba zo gushakisha iyo moto. Ubu rero turasaba ko bajya batwara abantu bakabagezayo amahoro, kandi bakirinda gutwara basinze kugira ngo bubahirize ibyapa n’igihe, bafite umuvuduko udakabije. Kunywa inzoga ukabivanga no gutwara ntibyemewe”.

Abamotari banengwa kuba bagenda nabi mu muhanda, banyura ahadakwiye, polisi yanabahagarika bakanga guhagarara bikabaviramo gukora impanuka

Ubu bukangurambaga bwo gukangurira abantu kwirinda impanuka zo mu muhanda, yaba abagenzi n’abatwara ibinyabiziga, polisi y’u Rwanda yabufatanyijemo n’abacuruza inzoga.

Nyuma yo kuganira n’abatwara moto, hazakurikiraho abatwara imodoka nini za bisi mu cyumweru gitaha, hakurikireho abatwara imodoka nto zitwara abagenzi (taxi voiture), igikorwa gisoreze ku batwara amakamyo, bakangurirwa kwirinda gutwara banyoye ibisindisha.

Abamotari bitabiriye ubukangurambaga ari benshi

Gahunda yo guhererekanya amafaranga hakoreshejwe ikoranabuhanga iracyafite imbogamizi z’abatazi gusoma no kwandika ndetse n’abadakorana n’amabanki

Iyo politiki iri muri gahunda ya Leta y’ u Rwanda yo guteza imbere ikoranabuhanga, aho biteganyijwe ko mu gihe kigera ku myaka itanu iri imbere, (ni ukuvuga muri 2024), Abanyarwanda bazaba bagenda nta mafaranga mu ntoki, ahubwo ko bazajya bakoresha ikoranabuhanga rya Cashless.

Leta yatangiye gushyira ingufu muri iyo gahunda kuva muri 2018. Ni gahunda iteganya ko nta muntu uzongera kugendana amafaranga mu ntoki, ndetse ko ibikorwa byose byo kwishyura no kwishyurwa amafaranga bizajya bikoreshwa ikoranabuhanga.
Hari bamwe babona ko ubwo buryo buzaba ari bwiza ariko ngo imbogamizi ziracyari nyinshi.

Abakunda guhaha bagaragaza ko bikiri imbogamizi kubona aho bashobora kwishyura badatanze amafaranga mu ntoki, dore ko haba hari abakoresha telefoni cyangwa amakarita mu kwishyura ariko abo bagannye nta buryo bwabugenewe bafite. Ibi birasaba ko abacuruzi na bo babisobanukirwa kuko hari abatarabyumva.
Umuturage witwa Muzindo waganiriye na Kigali Today yagize ati “Urebye hari ubwo uba ushaka kugura nk’isabune, isukari se, agatabi, cyangwa utundi tuntu, wagana muri butike umucuruzi akakubwira ko ashaka amafaranga mu ntoki, wamubwira ko ukoresha telefoni mu kwishyura, akagusubiza ko bimugora mu kujya kubikuza”.

Hari n’abagaragaza ko bigoranye kuri bamwe gukoresha ubwo buryo bwo guhererekanya amafaranga hakoreshejwe ikoranabuhanga, harimo abatazi gusoma no kwandika.

Uwitwa Ruvaga Anastase asanga kuba hari benshi batazi gusoma no kwandika, kandi uburyo bwa Cashless busaba ko umuntu aba abisobanukiwe, ari imbogamizi.

Ati “Iyi gahunda isaba kwishyura amafaranga ukoresheje ikoranabuhanga irashoboka pe ko yagerwaho mu Rwanda, ariko inzira iracyari ndende kuko urebye hari bamwe batazi gusoma no kwandika, hakaba n’abataramenya akamaro ko kubitsa muri banki”.

Ubukungu bw’igihugu bwaba bwiza kurushaho mu gihe abantu bishyuranye hakoreshejwe ikoranabuhanga, aho gukoresha amafaranga nk’uko biteganywa muri gahunda ya Leta y’imyaka itanu (2018-2024) ko kwishyurana bizaba bikorwa muri ubwo buryo.

Leta y’u Rwanda iteganya ko uburyo bwo guhererekanya amafaranga hifashishijwe ikoranabuhanga buzaba bugeze ku rwego rushimishije muri 2024

Minisiteri y’Ikoranabuhanga igaragaza ko mu rwego rwo gushyira mu bikorwa iyi gahunda hari byinshi byakozwe nko gukwirakwiza umuyoboro wa interineti uca munsi y’ubutaka (fibre optique) umaze gushyirwa ku burebure bwa kilometero ibihumbi birindwi (7000km).
Ikindi kigaragaza ko iyi gahunda izashoboka ni uko kuri ubu abakoresha telefoni zigendanwa bagera kuri 99% barimo abakoresha interineti yo ku rwego rwa 3G na 4G bari kuri 95% byabakoresha interineti. Ni mu gihe abakoresha serivise zo kwishyura no kubitsa amafaranga hakoreshejwe telefoni bageze ku kigero cya 65% by’abatunze telefoni.

Remy Habimana u shinzwe ubucuruzi bukoresha murandasi( Postal & e-commerce specialist) muri Minisiteri y’Ikoranabuhanga agaragaza ko hakiri imbogamizi kugira ngo iyi gahunda igerweho neza.

Agira ati “Ikibazo gihari ni uko abacuruza batumva uburyo bwiza bwo gukoresha cashless, kuko baracyifuza gukomeza gufata amafaranga mu ntoki, kandi n’abaguzi ntibari bumva icyiza cyabyo.”

“Ikindi kibazo ni kuri ariya mafaranga baca ukoresheje ikarita, nko kuri mobile POS turi kureba uko yajya nibura kuri 1% y’amafaranga yakoreshejwe”.

Kuva iyi gahunda y’imyaka itanu (2018-2024) yo gukangurira Abanyarwanda kuba bazajya bakoresha ikoranabuhanga mu byo bakora byose birebana n’amafaranga (E-Transaction) haba kwishyura no kwishyurwa, Minisiteri y’Ikoranabuhanga mu itumanaho na inovasiyo igaragaza ko mu mwaka 2018 abakoreshaga telefoni zigendanwa mu kwishyura amafaranga biyongereyeho 18.3%, naho abahererekanya amafaranga bakoresheje telefoni biyongereyeho 16,89%.

Ni mu gihe abiyandikishije kujya babitsa amafaranga kuri telefoni bakorana n’amabanki biyongereyeho 53,7%, naho abohererezanyije amafaranga hagati ya telefoni na banki biyongeraho 11,03%. Abakoresha amakarita yo kubitsa no kubikuza biyongereyeho 56,6%. Amabanki yinjiye muri ubu buryo bwa e - transaction ni cumi n’imwe mu Rwanda.

Ni mu gihe Umujyi wa Kigali na wo urimo kureba uburyo hakwemezwa imwe mu mihanda igenewe gusa ibinyabiziga binini bitwara abagenzi mu buryo bwa rusange.

Ubu buryo bwo guhuza imihanda igenewe gusa imodoka nini zitwara abagenzi (Bus Rapid Transit) bwitezweho kurangiza ikibazo cy’umubyigano ukabije w’ibinyabiziga bitwara abagenzi n’ibitwara abantu ku giti cyabo, ndetse n’ibitwara ibindi bintu bitandukanye.

Ikigo gishinzwe iby’imyubakire mu mujyi wa Kigali (Kigali Construction One Stop Centre (OSC), cyatangarije Kigali Today ko inyigo y’ishyirwa mu bikorwa by’uwo mushinga izemezwa mu cyumweru gitaha.

Umujyi wa Kigali uvuga ko urimo kwiga uko uwo mushinga wazajya mu bikorwa, ubu hakaba kandi hari n’ikigo cyagaragaje ko gishaka kuba cyaza gukora uwo mushinga nk’uko Fred Mugisha uhagarariye urwego rushinzwe imyubakire mu mujyi wa Kigali (OSC) yabitangaje.

Mugisha yagize ati “Hari sosiyete yo mu Bushinwa yagaragaje ubushake mu kubaka uyu muhanda. Si ngobwa ko twatangaza izina ryayo ubungubu”.

Mugisha akomeza kandi avuga ko biramutse bigenze neza gushyira mu bikorwa gahunda y’iyi mihanda izajya ikoreshwa n’imodoka nini zitwara abagenzi gusa bizaba mu myaka ibiri iri imbere.

Agira ati “Ni umushinga usabwa gushyiramo ingufu nyinshi, kandi tugomba guha agaciro. Ni yo mpamvu rero tugomba gukorana n’abikorera ndetse na Leta mu ishyirwa mu bikorwa ry’uyu mushinga”.

Amasosiyeti yo mu Bushinwa (Urugero nka China Roads) asanzwe agaragara mu mirimo myinshi yo guteza imbere ibikorwa remezo nk’imihanda n’izindi nyubako zitandukanye.

Uyu mushinga wo koroshya uburyo bwo gushyiraho imihanda igenewe imodoka zitwara abagenzi muri Kigali umaze igihe kinini uvugwa. Muri 2016, itsinda ry’Umujyi wa Kigali rishinzwe gutwara abagenzi muri Kigali ryari ryatangaje ko iyo mihanda yose hamwe izaba ifite uburebure bwa kilometero160, ikazakoreshwa n’imodoka nini, buri yose ifite ubushobozi bwo gutwara abagenzi basaga ijana.

Umujyi wa Kigali ukomeje gushaka uburyo bunoze bwo gutwara abagenzi

Buri muhanda izo modoka zizakoresha uzaba ufite ubutambike (ubugari) bwa metero 36. Iyo mihanda ituruka muri Nyabugogo izagana mu byerekezo bitanu byo mu bice bitandukanye by’Umujyi wa Kigali.

Icyerekezo cya mbere kigizwe n’umuhanda Nyabugogo – Yamaha - Down town - Nyamirambo.

Icyerekezo cya kabiri kigizwe n’umuhanda uzaca Kwa Mutangana, ukomeze ku biro bya polisi ishinzwe umutekano wo mu muhanda biri ku Muhima - Icyicaro cya RSSB – Rwandex - Zion Temple - Kicukiro centre.

Icyerekezo cya gatatu kigizwe n’umuhanda Nyabugogo – Kinamba - ULK - Fawe Gisozi – Kagugu.

Icyerekezo cya kane kigizwe n’umuhanda Nyabugogo – Zindiro muri Kimironko, noneho abakomeza berekeza i Kabuga, bakoreshe umuhanda Kinamba – Kacyiru – Kwa Lando, bagere muri Kimironko baciye kuri Prince House, bazamuke kuri Centre Christus –Remera. Uyu muhanda uzakomeza ugere no muri Zindiro, Ndera na Rusororo.

Icyerekezo cya gatanu kigizwe n’umuhanda uturuka kwa Lando, werekeza i Masaka unyuze kuri Sonatube – Niboye - Rubirizi no mu Busanza.

Ubwikorezi bw’abantu mu Mujyi wa Kigali busanzwe bukorwa n’ibigo bitatu bifitanye amasezerano n’Umujyi wa Kigali, ari byo RFTC, Royal Express na KBS.

Mufuti w’u Rwanda Sheikh Salim Hitimana

Bakaba basabwe ko bagomba kurangwa n’urukundo, ubworoherane no kubana neza n’abandi Banyarwanda bose.

Imihango yo gusoza igisibo cya Ramadhan ku rwego rw’igihugu yabereye I Nyamirambo kuri stade Regional. Nubwo imvura yaramukiye ku muryango wasangaga yitabiriwe na benshi, bavuga ko ari umwanya mwiza kuri bo wo kugaragaza ibyishimo ndetse no kwishimira ibyo baba baraharaniye mu kwezi kose.

Musa Ndayisaba ngo ku ruhande rwe ntabwo imvura yashobora kumubuza kwitabira uyu munsi. Ni yo mpamvu yemeye akanyagirwa kuko ari n’imigisha kuri we Allah yatanze.

Yagize ati “Naje hano mu i Rayidi, kuko maze iminsi igera kuri 30 mbyitegura nkora igisibo gitagatifu. Uyu munsi ni uwo gusoza icyo gisibo ariko kuri njye ni n’uwibyishimo. Imvura rero ntacyo yari gukora ngo imbuze kuhagera”.

Mukaruzima Zuhura w’imyaka 70 y’amavuko wari wazindutse mu kwizihiza uyu munsi mukuru wa Eid El Fitir ngo kuri we imvura ni imigisha myinshi, ariko akaba hari icyo yasaba ubuyobozi bwa Isilamu mu Rwanda ndetse n’ubuyobozi bwite bwa leta.

Mukaruzima agira ati “Uyu munsi abantu bagaragaje uburyo bubaha Imana mu by’ukuri, kuko uku kwemera kunyagirwa n’imvura murabibona. Ndetse n’isaha yo gusali yagera bakemera bakajya muri ariya mazi. Nkaba rero nasaba ubuyobozi ko bwadufasha tukabona ahantu hagutse twajya dusengera kandi hasakaye. Kandi n’urubyiruko rukomeze amasengesho birinde ibyo bari barigomwe”.

Mu butumwa bwahamwe abayisilamu mu gusoza igisibo gitagatifu cya Ramadhan, Mufuti w’u Rwanda Sheikh Salim Hitimana akaba yasabye aba isilamu kurangwa n’ingeso nziza.

Ati “ubutumwa bw’uyu munsi ku ba isilamu ni ugukomeza kurangwa n’urukundo, ubworoherane, ubufatanye nabandi baturarwanda muri rusange.bagomba kurangwa no kugaragara mu bikorwa bigomba kubateza imbere muri rusange “.

Mufuti w’u Rwanda Sheikh Salim Hitimana mu gusoza igisibo kandi yavuze ko igisibo cyagenze neza, aba isilamu bagaragaje ibikorwa cy’urukundo basangira na bagenzi babo ifutari (ifunguro rya nimugoroba ryo mu gisibo), kandi agashima na leta y’u Rwanda yahaye idini rya Islam agaciro.

Sheikh Salim Hitimana agira ati “muri uyu mwaka 2019, aba isilamu bo mu Rwanda kuburyo bw’umwihariko turashima imyaka 25 ishize. Ubu isilamu mu Rwanda bwahawe ubwisanzure n’agaciro bukwiye kubera imiyoborere myiza”.

Mu bikorwa byakozwe muri iki sibo gitagatifu cy’ aba isilamu muri uyu mwaka, twavuga nko gusangira ifunguro ry’ifutari ryateguwe ku rwego rw’umujyi n’intara, ndeste no kuremera abatishiboye mu rwego rwo kwiyegereza Imana, aho bahawe amazu yo kubamo ndetse n’ubwisungane. Uyu munsi kandi hakaba hari abinjiye idini mugihe hizihizwagwa Eid El Fitir.

Bamwe mu bo ifata bavuga ko itangira babona ari utuntu duto duto tw’amabara tuza ku ruhu rwabo, ariko nyuma bakazisanga byarakwiriye ku bice byinshi by’umubiri wabo.

Umwe mu bafashwe n’iyo ndwara kuva mu mwaka wa 2007, agaragaza uburyo yaba yarafashwe na yo, ati “Nagiye kubona utubara duto tuje munsi mu birenge byanjye ngira ngo bizashira, hanyuma mbona ku munwa no mu ijosi hose birahageze. Ubu iyo ari mu gihe cy’izuba birihuta kuba bifata ibindi bice by’umubiri. Mbifite ahantu hanini cyane rwose bigenda byiyongera”.

Undi na we wayirwaye avuga ko yabonye bitangira umubiri we ugenda uhinduka, ati “Yewe sinzi, kuko nabonaga amabara aza ku mubiri wanjye, bityo mbanza kugira ngo ni amarozi, mbanza kwivuza mu kinyarwanda, ariko nyuma nza kujya kwa muganga bambwira ko iyi ndwara ibaho. None mfata imiti, ntibikirukanka cyane ku mubiri wanjye, ariko bigenda nyine byiyongera”.

Ubushakashatsi bugaragaza ko iyi ndwara y’ibibara ‘Vitiligo’ iterwa ahanini no kubura umusemburo uba mu mubiri w’umuntu witwa ‘Melanin’ uboneka mu ruhu. Ibura ry’uyu musemburo riterwa no kwangirika cyangwa gupfa k’uturemangingo tuwukora. Iyi ndwara kandi ifata abantu abo ari bo bose baba abazungu cyangwa abirabura.

Dr Kimonyo Jeanne, inzobere mu kuvura indwara z’uruhu yagize icyo avuga kuri iyi ndwara, ati “Iyi ndwara ifata uruhu rw’umuntu ikarwambura uko rwasaga. Burya mu ruhu habamo uturemangingo bita ‘Melanocytes’ dukora melanine irinda uruhu nko kuba rwakwirinda imirasire y’izuba. Iyo melanine zitagikora akazi ko guha uruhu ibara ryarwo, aho zitari hatangira kuza irindi bara, hagahinduka ubona hasa nk’umweru. Nibwo Vitiligo igaragara. Ahanini iterwa n’uko umuntu yaba afite uburwayi bwa Addison, bwa Anemie n’ibindi”.

Iyi ndwara kandi ya Vitiligo ishobora kuba yavurwa, rimwe na rimwe igakira cyangwa ntikire kubera ikigero igezeho, nk’uko inzobere mu ndwara z’uruhu, Dr kimonyo, yakomeje abisobanura.

Ibimenyetso byayo bikunda kugaragara mu maso, ku ntoki, ku biganza, ku minwa, ku myanya ndangagitsina, n’ahandi ku mubiri.

Umuyobozi w’Akarere ka Nyagatare (iburyo) aganira n’abari bahagarariye Uganda muri icyo gikorwa cyo guhererekanya umurambo

Ibi byagarutsweho kuri uyu wa mbere tariki 27 Gicurasi 2019 ubwo Leta ya Uganda yashyikirizaga Leta y’u Rwanda ku mupaka wa Gatuna, umurambo w’Umunyarwanda warashwe nyuma yo kugerageza guhangana n’inzego z’umutekano zari zimuhagaritse zimukekaho kwinjiza mu Rwanda ibicuruzwa mu buryo butemewe.

Umudepite uhagarariye agace ka Rukiga muri Uganda witwa Kamusiime Caroline ni we wari kumwe n’abandi bayobozi bo muri Uganda baherekeje umurambo w’umunyarwanda wagombaga kugezwa mu gihugu cye.

Umurambo w’Umunyarwanda aha wari urimo ukurwa mu modoka yo muri Uganda yawuzanye

Umuyobozi w’Akarere ka Nyagatare, David Claudien Mushabe (ari na we uyobora agace uyu Munyarwanda yarasiwemo mu Murenge wa Tabagwe ubwo yashakaga kwambutsa magendu ayizana mu Rwanda, ariko abo bari kumwe bakamuhungishiriza muri Uganda nyuma yo kuraswa) yibukije abayobozi ba Uganda ko u Rwanda rutakwemerera buri wese ushaka kugira icyo azana binyuranyije n’amategeko, kandi abibutsa ko hari n’abandi banyarwanda bakigirirwa nabi muri Uganda na bo bakeneye gutaha iwabo.

Mushabe yagize ati “Kuki mutuzanira abapfuye, ntimuduhe abazima bafunzwe mu gihugu cyanyu bakomeza gukorerwa iyicarubozo?”

Abahagarariye Polisi mu bihugu byombi na bo bagiranye ibiganiro

Leta y’u Rwanda ikomeza kugaragaza ko hari Abanyarwanda benshi baba mu gihugu cya Uganda bakomeza guhohoterwa n’inzego z’ igisirikare cya Uganda zishinzwe iperereza.

Biteganyijwe ko umurambo w’uyu Munyarwanda ugomba gushyingurwa mu Karere ka Nyagatare. Impande zombi zemeranyije gukomeza iperereza ryimbitse kuri iki kibazo.

Depite Caroline Kamusiime wo muri Uganda aganira na Mayor Mushabe Claudien w’Akarere ka Nyagatare

Abari bahagarariye Uganda barangajwe imbere na Depite Kamusiime Caroline, baje bari kumwe n’abahagarariye ibihugu byabyo n’imiryango mpuzamahanga muri Uganda

Amafoto: Roger Marc Rutindukanamurego

Umwe mu banyeshuri ashyira mu bikorwa ibyo amaze amezi abiri yiga

Nyuma y’amezi abiri urubyiruko rwiga ibijyanye no gufotora amafoto yakoreshwa mu buryo butandukanye nko mu nkuru, mu bukwe n’ahandi, rurahamya ko kujya kwiga gufata amashusho hanze y’ishuri bibafasha kuba babasha kwiyungura ubwenge.

Mukeshimana Diane umwe muri aba banyeshuri avuga ko urugendo yagiriye I kayonza mu kigo gikora ubugeni kizwi nk’Imigongo art Center’, avuga ko byamubereye amahirwe yo gushyira mu bikorwa byinshi yari amaze iminsi yiga.

Yagize ati “Kuva mu ishuri ukajya gufata amashusho hanze nibyiza kuko biradufasha, dushyira mu bikorwa ibyo tuba twarize, yego biba bigoranye, kuko tutaramenyera neza. Ikindi kandi njye nishimiye kuba nabashije kugera hano nkabona uko bakora ibihangano mu migongo. Nabonye bakoresha n’amase byanejeje cyane”.

Abimana Erneste nawe wiga aya masomo, avuga ko yishimiye ibyo yahabonye. Ati “Urebye ubu mba mfite umwanya uhagije wo gufata camera, rero mfata amashusho menshi ajyanye n’ibyo mba narigishijwe, kandi icynaniye nkegera mwarimu akanyerekera”.

Ashimwe Charles umuyobozi bw’Imigongo Art Center

Abanyeshuli iyo banjya gushyira mu bikorwa ibyo bize ntabwo bagenda bonyine kuko n’abarimu barabaherekeza kugira ngo ibyo badasobanukiwe babafashe.

Ubuyobozi bw’Imigongo Art Center mu kwakira abanyeshuri baje babagana mu kwimenyereza gufotora, bwabwiye abo banyeshuri ko bafotora ibintu byose by’ubugeni bukorerwa aho, nk’aho baba bari mu kazi kuko byabafasha gufata ishusho nziza.

Ashimwe Charles rwiyemezamirimo ufite Imigongo Art Center yasobonuye abo banyeshuri impamvu yatekereje kuba yajya mu bijyanye n’ubukerarugendo ndetse n’ubugeni.

Ati “Nabonye ko muri aka gace ka Kayonza hakenewe ahantu h’ubukerarugendo, hakorerwa ibijyanye n’ubugeni. Urebye dufite abashushanyisha amarangi, abakora ibihangano by’imigongo bakoresheje amase, ndetse n’abakora ibiva mu ibumba. Ariko rero si yo mpamvu gusa, ahubwo nagirango mpange imirimo ku rubyiruko rwo muri aka karere ndetse kandi n’abataragize amahirwe yo gukomeza amashuri baze bige ubugeni”.

Ikiciro cy’aya masomo cyatangiye mu kwezi kwa Werurwe 2019, akaba atangwa n’ikigo cy’itangazamakuru Kigali Today ku bufatanye na minisiteri y’uburezi, mu rwego rwo guteza imbere ubumenyingiro.

Mukangango Sarah abaza ikibazo

Ni nyuma y’uko abatuye mu Murenge wa Gitoki bagaragaje ko batishimiye ibyiciro bashyizwemo kuko nta ruhare babigizemo, n’ababajijwe bakaba ngo bataramenye icyo ayo makuru batanze azamara.

Abari bitabiriye inama y’inteko y’abaturage mu Murenge wa Gitoki mu Karere ka Gatsibo tariki 07 Gicurasi 2019 bagaragaje ko batishimiye ibyiciro by’ubudehe bagiye bashyirwamo, kuko ahanini bitajyanye n’ubushobozi bwabo.

Uwitwa Umubyeyi Aline yafashe ijambo agaragaza ko icyiciro yashyizwemo kitamukwiriye kuko amakuru yatanze atakurikijwe.

Agira ati “Njyewe ndi mu cyiciro cya gatatu, kandi ntibijyanye n’uko mbayeho. Mbere barakubazaga, bati ese uri umuhinzi mworozi, urahinga ugasagurira isoko? Warasubizaga ngo yego. Mu by’ukuri guhinga kwanjye ni isambu ntoya mfite. Gusagurira isoko ni uko iyo nezaga nk’ibitoki najyanaga ku isoko ngo mbashe kubona uko nagura umunyu. Ibyo rero byatumye banshyira mu cyiciro cya gatatu, kandi no kurya hari igihe ari rimwe ku munsi, nta bushobozi mfite”.

Undi muturage witwa Uwimbabazi Godelive, we agaragaza ko n’amakuru yatanzwe n’abaturage mu gihe cy’ikusanyamakuru,atari ko yakurikijwe n’inzego z’ubuyobozi kuko icyiciro yari yashyizwemo yasanze baragihinduye bikamubera imbogamizi mu gutanga ubwisungane mu kwivuza.

Uwimbabazi akomeza agita ati : “Njyewe mu ikusanyamakuru nari nashyizwe mu cyiciro cya kabiri, ariko mu gihe cyo gutanga ubwisungane mu kwivuza, natunguwe n’uko nasanze narashyizwe n’ubuyobozi mu cyiciro cya gatatu. Byambereye imbogamizi mu gutanga amafaranga, na n’ubu gitifu w’umurenge arabizi”.

Bamwe mu bari bitabiriye inteko y’abaturage

Abaturage bo mu Murenge wa Gitoki mu Karere ka Gatsibo bagaragaza ko batishimiye uko ibyiciro barimo byakozwe. Batekereza ko gushyira abantu mu byiciro byakorwa n’abaturage ubwabo, hagashingirwa ku baturanye (isibo) kuko baba baziranye neza.

Rugwera Godfrey na we utishimira uburyo bwakoreshejwe mbere mu gushyira abaturage mu byiciro avuga ko hari icyakemura uku kwibeshya ku muntu bamushyira mu cyiciro.

Rugwera yagize ati :“Uramutse urebye neza burya abantu batuye mu isibo imwe baba baziranye neza. Ndakeka rero ikusanyamakuru rikorewe muri urwo rwego buri wese yakwibona mu cyiciro cyiza, kuko cyaba gifite amakuru nyayo”.

Mukangango Sarah kimwe n’abandi baturage bo muri uyu Murenge wa Gitoki, avuga ko kuba abantu ku rwego rw’isibo baba bari kumwe kandi baziranye neza byaba byiza mu gutanga amakuru ngo abantu bashyirwe mu byiciro, ati “Urebye byaba byiza kuko buri wese yaba azi ubuzima bwa mugenzi we aho batuye mu isiboero ndabona abayobozi bakagendeye kuri uru rwego mu gukusanya amakuru”.

Umuyobozi w’umurenge, Mushumba John

Umunyamabanga Nsingwabikorwa w’Umurenge wa Gitoki, Mushumba John, avuga ko ubuyobozi bwatangiye igikorwa cyo kwegera abaturage babaganiriza uko bifuza uko ibyiciro byagenda n’umubare wabyo, nyuma hakazabaho kuvugurura ibyiciro hagendewe kuri ayo makuru yakusanyijwe.

Mushumba ati “Mu biganiro twagiranye n’abaturage bagaraza ko ibyiciro byaba bitatu. Ku bijyanye rero n’ikusanyamakuru koko amakuru avuye ku rwego rw’isibo byaba ari byiza, byanatanga umusaruro mwiza, kuko amakuru yaba ari ay’ukuri bityo ntawashyirwa mu cyiciro adafitiye ubushobozi”.

Ubu mu Rwanda buri mudugudu ugabanyijwemo ibyitwa ‘Isibo’ ihuza ingo 30 mu mujyi, naho mu cyaro ingo ntizigomba kurenga 15 nk’uko amabwiriza agenga imitoreze y’intore abiteganya. Umurenge wa Gitoki utuwe n’abaturage ibihumbi 30 na 570.

Basannye inzu ya Mukabahizi yari yarangijwe n’ibiza

Ni nyuma y’uko abo baturage bahuriye mu gikorwa cy’umuganda rusange, ubwo mu Kagari k’Akabahizi mu Murenge wa Gitega basanaga inzu y’umukecuru w’imyaka irenga 90 y’amavuko yangijwe n’imvura yaguye muri uku kwezi kwa Mata.

Nk’uko mu gihugu hose buri wa gatandatu usoza ukwezi ari umunsi w’umuganda rusange, abatuye mu Mudugudu w’Iterambere mu Kagari k’Akabahizi mu Murenge wa Gitega na bo ku wa gatandatu tariki 27 Mata 2019 basannye inzu y’umukecuru Mukabahizi Virginia yari yarasenywe n’ibiza by’imvura.

Iyo nzu yari yarasenyutse uruhande rumwe biturutse ku mvura yaguye ari nyinshi mu byumweru bibiri bishize. Nyiri iyi nzu Mukabahizi ageze mu zabukuru kandi nta n’ubushobozi yari afite bwo kwisanira iyo nzu.

Abatuye mu Kagari k’Akabahizi uyu mukecuru Mukabahizi atuyemo bavuga ko nyuma yo kubona ko umwe mu bo baturanye yagize ikibazo, batabyirengagije.

Umwe muri bo witwa Rubanguka Maurice yagize ati “Iki ni igikorwa twakoze mu rwego rwo gufasha umuntu utishoboye, kuko kubona umuturanyi wawe arara hanze ntibyashimisha. Erega nk’ubu yari ku gasozi, uruhande rumwe rw’inzu ye rwari rwarasenyutse. Ibi rero ni igikorwa cy’urukundo kituranga”.

Mukabahizi yashimiye abaje kumusanira inzu

Mukabahizi wasaniwe inzu ashimira abaturanyi be ku gikorwa cyiza cy’urukundo bamugaragarije. Yagize ati “Yemwe ndishimye kubera iki gikorwa, pe uru ni urukundo! Ndashimira aba baturanyi ndetse na Leta”.

Ubuyobozi b’Umurenge wa Gitega mu rwego rwo kwita ku mutekano w’abahatuye ndetse n’abahagenderera, basabye abaturage ba Gitega kugira ubumwe n’ubufatanye muri byose, kuko ari byo byabafasha mu kwiteza imbere.

Umunyabanga Nshingwabikorwa w’Umurenge wa Gitega, Mutuyimana Gabriel, na we wari witabiriye iki gikorwa yagize ati “Ibi byakozwe mu rwego rwo gushakira umutekano abaturage ba Gitega. Uyu mukecuru rero ntabwo twakwishimira ko aba ahantu hadakoze nyuma yo kugwirwa n’ibiza. Ese yaba afite umutekano? Oya ,ni yo mpamvu twahisemo kumwubakira inzu ye yari yarasenyutse”.

Mutuyimana kandi yakomoje no ku kibazo cy’umutekano muke wakunze kuranga akagari k’Akabahizi mu gihe cyashize, aho hari abamburwaga ibyabo.

Mutuyimana yagize ati “Ubu rwose dushishikajwe n’uko abaturage bacu bagira umutekano usesuye. Ni yo mpamvu twashyize ingufu mu kurwanya abajura ndetse n’abandi bakora ibihungabanya umutekano, dukaza amarondo dufatanyije na polisi n’ingabo kugira ngo duhangane n’abo bashaka guhungabanya umutekano w’abaturage bacu”.

Mutuyimana Gabriel uyobora Umurenge wa Gitega yashimiye abaturage bahaye umuganda uwo mukecuru

Akomeza avuga kandi ko ashimira ubufatanye bw’abaturage n’inzego z’umutekano mu guhashya abakora ibikorwa by’ubujura ndetse n’urugomo, agira ati “Rwose ndashimira ubufatanye abaturage bari kugira mu kudufasha guhangana n’ubujura ndetse n’abacuruza ibiyobyabwenge, kuko nitubahashya neza n’umutekano uzasagamba”.

Muri aka Kagari k’Akabahizi mu Murenge wa Gitega, ku wa kane tariki ya 25 Mata 2019 hakajijwe umutekano binyuze mu marondo hafatwa abakekwaho ubujura ndetse n’abakekwaho gukorana na bo. Bahise batangira gukorwaho iperereza kugira ngo abo bihamye babihanirwe.

Ubuyobozi bwizeza abaturage ko amarondo agiye gukazwa, ariko bugasaba n’abaturage gushyira itara ry’umutekano kuri buri rugo.

Umwe mu baharwariye yabwiye Kigali Today ko mu ma saa kumi n’imwe aribwo umuriro w’amashanyarazi wagiye. Hashize nk’isaha ngo wagarutse ariko haba ikibazo cy’inkongi yashatse kubyibasira iturutse ku bibazo byabaye ku cyuma gishinzwe gutanga umuriro (transformateur) cyahise kibasirwa n’inkongi y’umuriro.

Ngo ubuyobozi bw’ibitaro bwihutiye gusohora abantu bose barimo, haza n’imodoka zishinzwe kuzimya umuriro, zifatanya n’abakozi b’aho ku bitaro bahosha iyo nkongi. Nyuma yo kuzimya uwo muriro, abari barembye babashyize ahabugenewe bakomeza kwitabwaho, nk’uko uwo muntu uharwariye yabisobanuye.

Polisi y’igihugu na yo yatangaje ko inkongi y’umurio yagaragaye mu bitaro by’umwami Fayçal nta muntu yahitanye kuko hahise hitabazwa polisi ishami rishinzwe kurwanya inkongi riza gufatanya n’abakozi bo ku bitaro bari batangiye kureba uko bazimya umuriro.

Umuvugizi wa Polisi, CP John Bosco Kabera yabwiye Kigali Today ko iyo nkongi ntacyo yangije.
Yagize ati “Baduhamagaye batubwira ngo ‘Transformateur’ itanga umuriro kwa muganga Faisal irahiye, turahagera dusanga abakozi baho bagerageza kuhazimya turabikora. Iyo nkongi y’umuriro ntabwo yangije ibitaro, ndetse nta n’umuntu wahasize ubuzima".

Icyateye iyo nkongi nticyahise kimenyekana. Urwego rushinzwe ingufu (REG) rwahise rutangira gusuzuma impamvu yari igiye gutuma ibyo bitaro bishya.

Abagenda muri aka gace bavuga ko no ku manywa bajya bibasirwa n’abajura

Abatuye muri ako Kagari k’Akabahizi barinubira ubujura buhakorerwa, bakemeza ko bukorwa n’abantu batahatuye. Aho hantu hakunda guca abantu benshi bava cyangwa bajya mu Mujyi wa Kigali (Centre ville). Ni ahantu hari inzira ya bugufi kuko umuntu uva muri Nyabugogo ashaka kujya mu mujyi, kuzamuka no kumanuka n’amaguru biramworohera.

Uwitwa Kamali utuye muri ako gace ka Cyahafi mu Kagari k’Akabahizi avuga ko ubujura buhakorerwa bwabaye karande. Agira ati “Aha mpatuye igihe kinini ariko ubujura bwo burakabije. Nk’ubu ntiwavugira kuri telefoni ugenda barayigushikuza! Nk’ejobundi bambuye umukobwa telefoni rwose nka saa yine z’amaywa, bahita biruka bajya hariya muri dobandi barabura”.

Uwitwa Neema ucumbitse muri ako gace ni umwe mu bambuwe telefoni igendanwa. Avuga ko byamutunguye kwamburwa ku manywa y’ihangu.

Ati “Njyewe nta gihe kinini maze ntuye hano, ariko nari ndimo mvugana n’umuntu kuri telefoni, hanyuma numva abantu babiri, umwe asa nk’umvugishije. Mpindukiye ngo murebe, undi anshikuza telefoni yanye ahita yiruka na wa wundi amwirukaho nk’ushaka kuyimwaka, mbona barengeye epfo iyo, n’abantu bararebaga”.

Ngo si ukwambura telefoni gusa kuko haje n’ingeso yo kuniga umuntu, bakamucucura utwe twose cyane cyane mu masaha y’umugoroba. Uwitwa Andre Kubwimana ucururiza muri ako gace avuga ko biba kenshi.

Ni byo asobanura ati, “Yewe njye mbona ubujura bwarabaye umuco hano. None se ko ku mugoroba wumva umuntu avugije induru atabaza ko bamwambuye, twajya kureba abo babikoze bakarenga bajya za Mpazi cyangwa dobandi ukababura!”

Umwe mu bakora akazi k’umutekano utashatse ko amazina ye atangazwa yemeza ko ayo mabandi ahaba, bamwe ndetse ngo bajya bafatirwa muri ibyo bikorwa by’ubujura.

Yagize ati “Koko rwose abantu hano baramburwa. Nko mu cyumweru gishize twafashe umujura wari wambuye abantu ku manywa, yari yabajombaguye turunevisi mu mugogo, abakobwa babiri n’abahungu babiri, amaraso yarajojobaga cyane, ariko icyo gisambo twagishyikirije ubuyobozi bakijyana kugifunga.Twagifatiye hariya hepfo kuri Mpazi, cyari cyambutse kije kwihisha ino”.

Ubuyobozi bw’Umurenge wa Gitega ntibuhakana ikibazo cy’ubujura muri aka gace, ariko ngo bwaragihagurukiye.

Umunyamabanga Nshingwabikorwa w’Umurenge wa Gitega, Mutuyimana Gabriel, yagize ati “Ntitwavuga ko nta bujura buhari, ariko twabufatiye ingamba. Aho hantu tuhakora umukwabu dufatanyije n’inzego z’umutekano. Dukangurira n’abaturage kwirindira umutekano, bamenyekanisha ahari abajura ndetse n’aho bakunda guteranira, kandi banagire uruhare mu gutabarana, kugira ngo umutekano urusheho gucungwa neza”.

Ubuyobozi kandi busaba abaturage gushyira hose itara ry’umutekano nk’imwe mu nzira yabafasha kwirinda kwamburirwa mu mwijima.

Ubuyobozi buvuga ko bishoboka ko abantu bamburirwa aho irondo ndetse n’abapolisi baba bavuye mu gihe berekeje ahandi, bakaba barimo gushaka uburyo babona abashinzwe umutekano bahagije bakwira utuyira twose two muri Gitega.

Padiri Consolateur Innocent

Urwego rw’Igihugu rw’ Imiyoborere(RGB), rufatanyije n’amadini ndetse n’imiryango itegamiye kuri Leta, bagiranye ibiganiro barebera hamwe uko bakwiriye kurwanya ingengabitekerezo ya Jenoside kandi bunga Abanyarwanda binyuze mu isanamitima, bikaba byakozwe mu rwego rwo kwibuka ku nshuro ya 25 Jenoside yakorewe Abatutsi mu Rwanda.

Mu biganiro byatanzwe na Komisiyo y’Igihugu y’Ubumwe n’Ubwiyunge, yagaragaje ko inzira y’Ubumwe n’Ubwiyunge isaba ubutwari. Iyo komisiyo isanga uruhare rwa buri wese rukenewe kugira ngo ubwiyunge bwifuzwa bugerweho.

Padiri Consolateur Innocent, komiseri muri Komisiyo y’Igihugu y’Ubumwe n’Ubwiyunge, yavuze ko kugera kuri urwo rwego rwifuzwa atari inzira yoroshye kuko imeze nk’ahantu hazamuka.

Yagize ati “Inzira y’Ubumwe n’Ubwiyunge isaba ubutwari bwa buri wese”.
Imiryango ishingiye ku myemerere na yo yagaragaje ko hari bamwe muri bo mu gihe cya Jenoside yakorewe Abatutsi mu 1994 bagize intege nke mu gushyigikira Jenoside kandi banahembera ingengabitekerezo, ndetse na bamwe mu bayoboke b’ayo madini bica Abanyarwanda kuko ngo badahuje ubwoko.

Lambert Bariho, uturuka mu itorero Ellen Ministries Rwanda, avuga ko nyuma yo kubona ko Abanyarwanda bakwiriye kubaho mu buzima bwiza, batangije gahunda y’isanamitima. Icyakora ngo bisaba kudacika intege.

Ati “Hari gihe utangira ibintu wagera hagati ugazubira inyuma, icy’ingenzi ni ukudakica intege. Kimwe mu bikibura rero ni uko hari ya mitima itarashobora gusanwa, bitewe n’uko abayisana wenda na bo bagikomeretse, rero ni urugendo rw’abanyamadini bagomba gukomeza gukora basana imitima y’ababagana bityo na ya ngengabitekerezo ya Jenoside ntizabone aho ifata”.

Imiryango itari iya Leta ivuga ko mu myaka 25 ishize Jenoside yakorewe Abatutsi ibayeho, hari ibyakozwe, ariko kugira ngo bitange umusaruro mwiza binyuze mu isanamitima, ngo birakwiye ko Abanyarwanda babohoka mu mitima yabo.

Sekanyange Jean Leonard uyobora ihuriro ry’iyo miryango agira ati “Abanyarwanda barabana, ariko hakenewe isanamitima ku buryo abantu babohoka. Amateka ni ayacu kandi Jenoside yakozwe n’Abanyarwanda, rero ni twe tugomba kubaka igihugu cyacu, dufite imyumvire mizima, bityo abana b’u Rwanda bazabe mu gihugu cyiza”.

Akomeza avuga ko gusana imitima atari nko kunywa imiti bagura, ahubwo n’ibiganiro bigaragaza ko hakenewe ubwiyunge kugira ngo Abanyarwanda biyubakire igihugu kizira amacakubiri.

Dr Uster Kaitesi, Umuyobozi wa RGB

Dr Uster Kaitesi, Umuyobozi w’Urwego rw’Igihugu rw’ Imiyoborere (RGB), yasabye amadini ndetse n’imiryango itegamiye kuri Leta, gushyira imbaraga mu gusana imitima y’ Abanyarwanda dore ko ari na bo bahura n’abantu benshi buri munsi.

Dr Uster Kaitesi yagize ati “Turabasaba gukorera mu nyungu z’abaturage, mwubaka ubumwe bwabo, mubafashe mu kwiyubaka, banagira umwanya wo kwibuka. Burya kwibuka ni isoko yo kwiyubaka”.

Minisiteri y’Ubutegetsi bw’Igihugu na yo yasabye abanyamadini ndetse n’imiryango itari iya Leta kugira uruhare mu kurwanya ingengabitekerezo ya Jenoside kuko ikigaragara ku bwinshi. Ni mu gihe mu minsi ine ya mbere u Rwanda rwari rumaze ruri mu cyumweru cy’icyunamo, abagera kuri 47 bari bamaze gukekwaho ingengabitekerezo ya Jenoside, bakaba bakurikiranwa n’urwego rw’ubugenzacyaha.

Mucyo Jean Claude mbere yo gufungirwa muri Uganda yakoraga mu nzu itunganya umusatsi

Mucyo ni umusore w’Umunyarwanda ufite imyaka 28 y’amavuko. Avuga ko yabaga mu gihugu cya Uganda afite ibyangombwa bimwemerera kuhaba, akaba yakoraga akazi ko gucunga umutungo w’inzu bogosheramo (salon de coiffure) mu Mujyi wa Kampala.

Yafashwe ari ku mugoroba ava ku kazi afatanwa n’abo yakoreraga b’Abanyarwanda. Kuri uwo mugoroba, ngo bambitswe amapingu bajyanwa gufungirwa ku cyicaro cya CMI.

Aganira n’itangazamakuru, Mucyo yagize ati “Mu gihe najyaga gukoreshwa ibazwa, naratangaye ubwo nabazwaga mu kinyarwanda, kuko twumvikanaga mu rurimi bakansaba kwemera ko nkorera Leta y’ u Rwanda ubutasi cyangwa ndi umusirikare.”

“Bagezeho bampa andi mahitamo, yari uburyo bitaga ko ari bwiza, ngo njye gukorera umutwe wa RNC wa Kayumba Nyamwasa ushaka guhungabanya umutekano w’igihugu. Nababwiye ko ndamutse nshatse kujya mu gisirikare nataha nkagikorera iwacu.”

Iminsi Mucyo yamaze afunzwe n’urwego rw’iperereza rwa gisirikare avuga ko yakorerwaga iyicarubozo, ku buryo uwamubazaga wese w’umusirikare yamubwiraga ngo navuge ubwoko bwe.

Ati “Nashyizwe mu mazi akonje, ndetse undi nahasanze bamukubitishaga amashanyarazi avuye muri ayo mazi. Bambazaga niba ndi umuhutu cyangwa umututsi, nkahakana mvuga ko mu Rwanda nta moko tugira,ubwo ngakubitwa. Nyuma umwe abwira mugenzi we ngo ese ntabona ko ari umututsi? Baganiraga mu giswahili”.

Abanyarwanda baba kimwe n’abakorera muri Uganda bakomeje kugaragaza ko bene ibi bibazo bikibabangamiye kuko nibura buri munsi ngo hafatwa Umunyarwanda agafungwa bamubwira ko ari umukozi(intasi) y’u Rwanda.

Mucyo avuga ko aho yari afungiye hari Abanyarwanda bari bahamaze igihe kirekire bahafungiye. Uburyo bwo kuba uhafungiye yahava ngo ni ukwemera ko ajya gukorana n’umutwe urwanya Leta y’u Rwanda wa RNC, kuko abari babafunze ngo bababwiraga ko babibafashamo.

Mucyo wageze mu Rwanda tariki 06 Mata 2019 avuga ko aho bari bafungiye bafatwaga nabi bagakorerwa iyicarubozo, kuko bashyirwaga mu mazi akonje hanyuma bagakubitishwa amashanyarazi. Aho yari afungiye ngo yahasize Abanyarwanda bagera kuri 80. Avuga kandi ko hari n’abavaga aho bari bafungiye mu gihe cya saa cyenda z’ijoro bakerekeza mu ngabo za RNC babifashijwemo n’ubutegetsi bwa Uganda.

Bakoze urugendo ruva kuri IPRC Kigali berekeza ku rwibutso rwa Nyanza ya Kicukiro

Icyo gikorwa cyitabiriwe n’abo mu miryango y’abo bakozi bishwe cyatangijwe n’urugendo rwo kwibuka rwahereye ku ishuri ry’imyuga rya IPRC Kigali ahahoze hitwa kuri ETO Kicukiro rwerekeza ku rwibutso rwa Nyanza ahashyinguwe imibiri igera ku bihumbi 12. Muri bo, ababarirwa mu bihumbi bibiri na 500 baburiye ubuzima kuri uyu musozi wa Nyanza bamaze gukoreshwa urugendo rurerure kandi rugoye rugereranywa n’inzira y’umusaraba.

Nzamukosha Anonciata warokotse, yari afite umugabo wakoraga muri Electrogaz wishwe muri Jenoside. Nzamukosha yatanze ubuhamya agaragaza ko Jenoside yateguwe kuva kera. Nzamukosha abivuga ahereye ku rugero rw’aho yabaga mu yahoze ari Perefegitura ya Ruhengeri. Ngo mu 1990 baramutotezaga, bakamusaba ko ajya kwikorera umurambo wa Rwigema.

Nzamukosha yagize ati “Mbere Abatutsi bakoraga muri Electrogaz babaga bazwi, bityo rero n’umugabo wanjye yarahizwe bigera n’aho bimuviramo kwicwa azira uko yaremwe".

Nzamukosha ufite umugabo wakoraga muri Electrogaz yatanze ubuhamya

Umuyobozi wa REG, Ron Weiss, mu ijambo rye, yihanganishije imiryango yabuze ababo mu gihe cya Jenoside yakorewe Abatutsi.

Ron Weiss yagize ati “Ubwanjye sinagafashe ijambo kuko sinabona icyo navuga, ariko abarokotse bagomba gukora, bakiteza imbere baharanira gukomeza kubaho kandi neza."

Umuyobozi Mukuru wa WASAC, Engineer Aimé Muzola, yasabye abarokotse gukomera, asaba n’abakomoka ku bishwe muri Jenoside yakorewe Abatutsi kugira imbaraga no kugira ubumuntu.

Abishwe muri Jenoside yakorewe Abatutsi mu Rwanda bakoraga muri Electrogaz ni 173. Harimo gutegurwa gahunda yo gushyiraho ishyirahamwe rihuza abo basize, kugira ngo bakomeze bitabweho n’ibigo bya REG na WASAC.

Mu gutangiza ibikorwa bo kwibuka ku nshuro ya 25, Jenoside yakorewe Abatutsi, nk’uko bisanzwe byatangijwe n’ibikorwa byo gucana urumuri rw’icyizere ku Rwibutso rwa jenoside rwa Kigali, umuhango wakozwe n’umukuru w’igihugu, abagize guverenoma, abashyitsi baje kwifatanya n’Abanyarwanda n’imiryango yabarokotse jenoside.

Ibiganiro byakomereje muri Kigali Convention Center, ahari hateraniye abakuru b’ibihugu na za guverinoma bo hirya no hino ku isi, abahagaririye ibihugu byabo, inshuti z’u Rwanda barimo Perezida wa Repubulika ya Congo Denis Sassou Nguesso, Perezida wa Djibouti, Perezida wa Niger, Guverineri Jenerali wa Canada Julie Payette, Minisitiri w’intebe w’Ububiligi Charles Michel, Minisitiri w’intebe wa Etiyopiya, Abahoze ari pereza w’Ubudage, Nigeria na Tanzania n’abandi.

Mu ijambo yagejeje ku bari aho, Perezida Kagame yashimiye abantu bose bagize uruhare mu kongera kubaka u Rwanda barwanya ikibi cyose.

Ati “Mu mwaka w’1994 nta kizere cyari gihari, igihugu cyari umwijima, ariko ubu uyu munsi hari umucyo”.

Yakomeje avuga ko u Rwanda ari umuryango akaba ari nayo mpamvu rukiri ho, nubwo rwose hari byinshi rwanyuzemo.

Umukuru w’igihugu yakomeje anabwira bamwe mu Banyarwanda ndetse n’abanyamahanga bagifite ingengabitekerezo ya jenoside ko ibyo barimo ntacyo bizabagezaho.

“Utekereza ko u Rwanda rutabonye ikibi bihagije akibaza ko yaza kutuvangira, ni twe tuzamuha isomo rirenze iryo atekereza. Uwo ni wo mwuka utuyobora, kandi ibyabaye ntibishobora kongera ukundi”.

Perezida Kagame yafashe n’umwanya ashimira abacitse ku icumu rya Jenoside avuga ko kwihangana n’ubutwari byabo ari byo bigaragaza umunyarwanda nyawe. Yanavuze ko icyo umuntu yakura mu mateka y’u Rwanda, byose bitanga icyizere cy’isi.

Perezida Kagame yaboneyeho gushimira Abanyamahanga bagerageje gutabariza u Rwanda ubwo Jenoside yakorwaga n’ubwo ijwi ryabo ritumviswe, barimo uwari uhagarariye Ubuholandi, Nigeria, Repubulika ya Cheque muri UN n’ubwo ijwi ryabo ritumviswe.

AHUPA yiyemeje gufatanya na Ikirezi Group mu gutegura ibihembo bya Salax

Amakosa yagiye aboneka muri iri rushanwa mbere ngo ntazongera kuba ukundi kuko byabereye isomo AHUPA yahawe inshingano zo kuritegura.

AHUPA yafashe inshingano zo gutegura iri rushanwa nyuma yo kugirana amasezerano azamara imyaka itanu na Ikirezi Group. Icyakora ayo masezerano ntiyabujije irushanwa guhura na bimwe mu bibazo.

Ku ikubitiro hari abahanzi bashyizwe ku rutonde rw’abatoranywamo abazahembwa ariko basaba kuvanwa kuri urwo rutonde, bakavuga ko ridateguye neza.

Ku munsi wo guhemba abahize abandi kuri iyi nshuro yaryo ya karindwi, byagaragaye ko ibirori byatangiye bitinze ndetse n’ubwitabire bukaba bwari ku kigero cyo hasi.

Mu bindi bibazo biherutse kuvugwa muri iri rushanwa ni impinduka mu mafaranga yari ateganyijwe nk’ibihembo.

Abategura iri rushanwa na bo bemera ko hari ibitaragenze neza mu nshuro zaryo zarangiye ariko bakavuga ko ubutaha bitazongera, ahubwo ko bizaba byiza kurushaho.

Issiaka Mulemba, umuvugizi wa Salax Awards, agira ati “Mu kwakira inshingano nshya, AHUPA yashyizeho uko iri rushanwa rizagenda, ni muri urwo rwego hagiyeho ibyiciro bihatanirwa, hashyirwaho n’uko abahanzi bazatorwa.”
.
Ku bijyanye n’impinduka zabayeho mu mafaranga yari ateganyijwe guhemba uwahize abandi muri buri cyiciro, Mulemba akomeza agira ati “Ni byo koko habayeho icyo twakwita ikosa ryo kutamenyesha neza abitabiriye iri rushanwa ko habayeho impinduka ku mafaranga twari twateganyije, ku buryo byabaye ngombwa ko dufata ku yo twagombaga guhemba, nko kuri miliyoni tugakuraho magana atatu kugira ngo na bya byiciro bindi byiyongereyeho bibashe guhembwa.”

Ku ruhande rw’amakosa yagiye agaragara muri Salax Awards zatambutse, umuvugizi w’iri rushanwa akomeza avuga ko byabahaye amasomo mu gutegura andi marushanwa y’ubutaha kuko ho ngo bizaba ari byiza kandi binogeye buri wese.

Mulemba ati “Ndagira ngo rwose ibyabaye byaduhaye isomo, ko tugomba kuba dufite amafaranga. Urebye nk’ikibazo cyo gutangira utinze muri iri rushanwa rishize, nyiri ibyuma yashakaga amafaranga mu ntoki, twe tukamwereka ko tuyafite kuri konti tukamuha sheke(cheque banquaire) ntabyumve. Byasabye ko tuyashaka da. Ariko rwose ndahamya kandi mbwira abantu ko bizaba byiza. Ndabamenyesha ko duteganya kuzongera n’amafaranga y’ibihembo kuri buri cyiciro”.

Mu irushanwa rya Salax Awards ryabaye ku nshuro yaryo ya karindwi ryashojwe ku ya 31 Werurwe 2019 harimo abahanzi mirongo itatu na barindwi, muri bo ab’igitsina gore bari barindwi, ariko uwahembwe ni umwe.

Dore uko abahanzi bari mu byiciro, n’abagiye begukana ibihembo:

Abaririmba ku muco n’injyana gakondo:

Clarisse Karasira
Jules Sentore
Sophia Nzayisenga
Deo Munyakazi
Mani Martin (ni we watsindiye iki gihembo)

Abaririmba indirimbo zihimbaza Imana:

Israel Mbonyi (ni we watsindiye iki gihembo)
Serge Iyamuremye
Aime Uwimana
Patient Bizimana
Gentil Bigizi

Umuhanzi ukizamuka:
Sintex
Buravan (ni we watsindiye iki gihembo)
Alyn Sano
Marina
Andy Bumuntu

Abaririmba ari itsinda:
Just Family
The Same
Active (ni yo yatsindiye iki gihembo)
Tresor
Yemba Voice

Abaririmba mu njyana ya Afrobeat:

MC Tino
Danny Vumbi
Davis D
Uncle Austin (ni we watsindiye iki gihembo)
Mico The Best

Abaririmba mu njyana ya R&B:

Bruce Melodie (ni we watsindiye iki gihembo)
Yvery
Buravan
King James
Peace Jolis

Abakora Hip Hop:

Bull Dogg
Jay C
Riderman (ni we watsindiye iki gihembo)
Khalfan
Ama G The Black

Umuhanzi w’umugore:

Asinah Erra
Young Grace
Marina
Queen Cha (ni we watsindiye iki gihembo)
Alyn Sano

Umuhanzi w’umugabo:

Bruce Melodie (ni we watsindiye iki gihembo)
Israel Mbonyi
King James
Buravan
Riderman

Uburyo bwo guhindura indirimbo z’Abanyarwanda buzatuma umuziki nyarwanda na wo ucurangwa cyane hirya no hino ku isi

Umuziki nyarwanda umaze gutera imbere cyane mu gihugu, ariko ku rwego mpuzamahanga uracyari hasi, nkuko byemezwa na bamwe mu bagize iri tsinda.

Nyuma y’uko bamwe mu bavanga umuziki(DJs) mu birori ndetse no ku maradiyo hamwe n’abashyushyarugamba(MC) n’abatunganya umuziki (Producers) bishyize hamwe, bakareba uko umuziki nyarwanda wabyinika no hanze yarwo, abahanzi nyarwanda barabyishimiye kuko bizabafasha mu kumenyekanisha indirimbo zabo mu njyana zitandukanye.

Jules Sentore, umuhanzi nyarwanda agira ati “Nkanjye nk’umuhanzi, ubu buryo ndabushyigikiye, kuko urebye umuziki ni ikintu kinini kandi gikunzwe hose. Rero babikoze bagashyira umuziki wacu mu zindi njyana zibyinika, birafasha zikamenyekana kandi zikanakundwa.”

Daziz Musinga, umwe mu bagize igitekerezo cyo kuba bafata indirimbo nyarwanda bakazihindurira injyana zarimo, avuga ko babitewe n’uko ahanini usanga umuziki nyarwanda ucurangwa mu Rwanda nturenge imbibi z’igihugu.

Musinga asanga ibi nibikorwa bizatanga umusaruro ugaragara ku ndirimbo z’Abanyarwanda

Ati “Twagize igitekerezo cyo kuzisubiramo muri iyi njyana ya EDM kuko urebye ni yo irimo gucuruzwa ku isi hose muri ibi bihe turimo. Rero bizafasha abahanzi nyarwanda kumenyekana”.

Umushyushyarugamba (MC) witwa Rwabugiri Stephanie na we avuga ko indirimbo nyarwanda zicurangwa gake mu birori, mu gihe izo mu mahanga ari zo bakunda gucuranga kubera ko ziba ziri mu njyana zibyinika. Na we rero agasanga ubu buryo bushya buzafasha umuziki nyarwanda gucurangwa no kwamamara hirya no hino ku isi.

Ibi byo guhindura umuziki mu njyana warimo bakawushyira mu zindi njyana zibyinika bitangiye gukorwa hano mu Rwanda mu gihe ahandi byari bisanzwe biriho, bikaba bisa n’ibyo bita ‘Cover version’ cyangwa ‘Cover Song’.

Iri tsinda rya THE SUPER RAINBOWS rigizwe na Daziz Musinga, Rwabugiri Stephanie hamwe na Jumper Keellu. Biyemeje ko buri kwezi bagomba kujya bakora indirimbo z’abahanzi bane, ku bwabo bakaba bateganya ko nta muhanzi nyarwanda uzasigara badakoranye mu rwego rwo kumenyekanisha umuziki nyarwanda.

Byatangajwe ubwo iyo filime yerekanwaga bwa mbere i Kigali tariki 29 Werurwe 2019. Yerekanywe bwa mbere mu Rwanda nyuma yo gutwara igihembo i Ouagadougou muri Burkina Faso. Icyo gihembo cyitwa ‘Etalon d’Or de Yennenga’ iyo filime yagiherewe mu Iserukiramuco FESPACO 2019 rigamije guteza imbere sinema nyafurika, ihembwa nka filime ikoze neza.

Iyo filime yanditswe na Joel Karekezi, umwe mu bamaze igihe muri uyu mwuga wa filime.

Uwitwa Jarudi Homari wari waje kureba iyi filime yavuze ko bitangaje kubona Umunyarwanda abasha gukora filime yo ku rwego rwo hejuru nk’iyo.

Yagize ati “Sinari nzi ko hari Umunyarwanda wakora filimi nziza igeze kuri ruriya rwego. Ndabona ntaho itandukaniye na zimwe tubona zakozwe n’ibyamamare tuzi muri za filime. Iyi filime rwose ni nziza reka ihabwe n’igihembo pe!”

Iyi Filime yaherewe igihembo mu muhango Perezida Kagame na we yari yitabiriye

Benshi bari baje kureba filime ‘The Mercy of The Jungle’ bibazaga impamvu Umunyarwanda ashobora kwandika inkuru irimo intambara aho kwandika ibijyanye n’urukundo, nk’uko bikunze kugaragara muri zimwe mu zikinirwa mu Rwanda.

Mu ijambo Joel Karekezi yagejeje ku bitabiriye uwo muhango, yashimiye abantu bose bari bawitabiriye, ashimira na Leta y’u Rwanda yagaragaje ubufatanye bwinshi mu gushyigikira sinema nyarwanda, kuko ubwo yanahabwaga igihembo, na Perezida Paul Kagame yari ahari.

Asobanura uko byagenze kugira ngo abashe gukora iyo filime yo ku rwego rwo hejuru, Joel Karekezi yagize ati “Kera narebaga filime z’abasirikare, nanjye numva ko nagaragaza ubutwari bw’abasirikare b’u Rwanda, aho baba bafite ubumwe ku rugamba.”

Benshi batangazwa n’ubuhanga bwakoreshejwe mu gukina iyi Filime

Iki gihembo cya ‘Etalon d’Or de Yennenga’ cyahawe iyi filime ya Mercy of The Jungle cyatangiye gutangwa mu 1972 gitangwa buri myaka ibiri, kigahabwa umwanditsi wa filime nziza. Ubwo iyi filime yacyegukanaga, cyari gitanzwe ku nshuro ya 24.

Joel Karekezi avuga ko yagize igitekerezo cyo kwandika iyo filime mu mwaka wa 2011. Icyakora yakinwe mu mwaka wa 2017 aho byamusabye ko abanza gushaka inkunga hiryo no hino. Iyop filime yatwaye Amayero agera kuri miliyoni imwe nk’uko AURELIEN Bodinaux watunganyije iyi filimi (producteur) yabitangaje.

Birateganywa ko iyi filime izerekanwa mu bihugu 15 bya Afurika ikazerekanwa no mu bindi bihugu bitandukanye byo ku mugabane w’u Burayi.

Umukino wa Slot Machine uwawukinnye avuga ko nta kindi kintu ashoboa kuba yakora ngo abashe kubona amafaranga menshi kandi mu gihe gito. Icyakora ngo hari n’igihe bimubana amarira.

Baryaningwe w’umukarani mu mujyi wa Kigali utuye mu Murenge wa Cyahafi agira ati “Ubu njye nirirwa hano ku iseta, iyo mbonye nk’amafaranga 200,njya gushyiramo muri kiriya cyuma ngakuramo menshi nkabasha kurya, ngakora n’ibindi, mbese ni umushahara wanjye pe. Yego hari igihe kinyumutsa ariko ndihangana, kuko burya uwakinnye ibi ntiyabivamo pe”.

Aho bakinira ikiryabarezi mu Cyahafi, hari umugabo uri nko mu myaka 48 y’amavuko, uza buri munsi kugerageza amahirwe ye ngo arebe ko yabona inyongera ku mafaranga aba afite.

Uwo mugabo yabwiye Kigali Today ko ari umubyeyi w’abana bane. Afite iduka mu Mujyi wa Kigali, ariko uyu mukino ngo waramuryoheye ku buryo ayo yakoreye agomba kuza gushakishamo inyongera.

Undi mugabo witwa Charles avuga ko biba bitoroshye kuko nta buhanga bisaba ahubwo ko ari ukugerageza amahirwe.

Ati “Nyine ndaza ngakina, urebye nzana nk’ibihumbi ijana ngashakishamo ibiceri, hanyuma ngatangira gukina, ariko ntabwo nkibona inyungu nka kera, sinabireka nta kundi nyine.”

Umugore wa Charles, umubyeyi ukuze, we akunze kugaragara agendagenda hafi aho kugira ngo arebe ibyo umugabo we aba arimo. Iyo umuganirije agusubizanya agahinda kenshi, mu maso ye hazenga amarira.

Agira ati “Umugabo wanjye rwose ntanywa inzoga, ariko rwose kiriya gihanya cy’ikimashini kigiye kuzansenyera. Urebye buri munsi nyuma y’akazi araza akagera mu rugo, nta kindi atekereza, ubwo ni ko n’amafaranga kiyatumazeho, ntakita ku rugo, yewe ndabona ngiye gusenya!”

Uyu mugore akomeza anasaba ko ubuyobozi bukwiye kugira icyo bukora kugira ngo burokore benshi bagiye kuzahombywa n’uriya mukino.

Ati “Urabona koko nk’ubu ubuyobozi bwarebye uko buca uyu mukino kuko uratumaze! Ngaho umugabo, abana ndetse n’abagore, nta faranga tugitunga mu ngo zacu!”

Uwitwa Mama Boy we avuga ko nta giceri na kimwe agitunga mu rugo nyuma y’uko iyi mikino yaje muri aka gace. Agira ati “Ubu ngubu sinarambika hasi ifaranga, ureba hirya gatoya umwana akaba ararihitanye, ibiceri byo yewe naribagiwe kuko ntacyo ngitunga mu rugo!”

Muri Nyakanga 2016, Minisiteri y’Ubucuruzi n’Inganda yigeze gufata icyemezo cyo guhagarika iyo mikino mu buryo bw’agateganyo, nyuma yo kubona ko iyo mikino yakoreshwaga nabi n’Abanyarwanda, igateza amakimbirane mu ngo ndetse hakaba havamo no kwicana.

Abamaze igihe bakina iyo mikino bavuga ko kugira ngo ubashe kuba watsindira amafaranga ibihumbi 10 bigusaba ko ushyira muri iyo mashini amafaranga 800 inshuro 16.

Gasore Olivier ukora muri Minisiteri y’Ubucuruzi n’Inganda (MINICOM) ufite mu nshingano bene iyi mikino y’amahirwe yabwiye Kigali Today ko iyo Minisiteri, ku bufatanye n’inzego z’ibanze ndetse na Polisi bagiye bagerageza gufata imashini zikora zitujuje ibisabwa.

Sosiyete zicuruza bene iyo mikino zahawe impushya ariko zitujuje ibisabwa na zo ngo zarahagaritswe mu rwego rwo gushaka umuti wimbitse w’icyo kibazo. Gasore avuga ko izujuje ibyo zasabwaga zemerewe kongera gukora.

Icyakora isesengura ryakozwe mu Kuboza 2018 n’itsinda rya MINICOM, MINISPOC, RDB na Polisi, ryagaragaje ko hari zimwe muri izo mashini zikorera ahantu hatujuje ibisabwa. Ngo hari n’abandi bafungura inzu nshya zo kubicururizamo batabiherewe uburenganzira na MINICOM.

Mu rwego rwo kunoza imikorere y’ imikino y’amahirwe, Gasore avuga ko harimo gutegurwa amabwiriza ya Minisitiri w’Ubucuruzi n’Inganda ashyiraho imirongo ngenderwaho igenga iyo mikino n’ahantu hemewe ho gukinira iyo mikino y’amahirwe kugira ngo ikibazo cyo gukorera ahantu hatemewe gikemuke.

Ikindi ngo ni uko harimo gukorwa politiki ijyanye n’imikino y’amahirwe (National Gaming Policy) mu rwego rwo kunoza imikorere n’imicungire y’imikino y’amahirwe mu Rwanda.

Bamwe mu bahuguwe

Nyuma y’iminsi itatu bari bamaze bahabwa amahugurwa yo kubongerera ubumenyi mu kwakira neza ababagana (Customer Care), abo bagore bemeza ko ubumenyi bahawe ari ingenzi kandi ko bufite akamaro mu buzima bwabo.

Niyigena Emelyne w’imyaka 31 y’amavuko ukora mu kigo cy’ubukerarugendo cyitwa MEGA SAFALI Ltd avuga ko ibyo bahuguwemo byamufashije kumenya ko hari ibyo atajyaga akora.

Yagize ati “Ubu rwose mu bijyanye no kwakira abantu, ndemeza ko hari ibyo ntajyaga nkora, ariko banyeretse ko hari uburyo bwiza wakwereka ukugana bityo na we agahita agira icyizere cy’uko abona serivise nziza.”

Mu nyigisho bahawe harimo no kuba batinyuka bakaba bagira icyo bakwikorera aho kumva ko bakomeza gukorera n’abandi.

Belise Kariza ushinzwe ubukerarugendo muri RDB yasabye abahuguwe kubyaza umusaruro ubumenyi bahawe

Tumukunde Divine ukora muri Rain Bar avuga ko yiyongereyeho ubumenyi bugera nko kuri 80% ku bwo yari afite mu kwakira abantu. Si ibyo gusa kuko yanasobanuriwe ko ashobora kuba yakwihangira umurimo na we mu gihe kiri imbere.

Tumukunde yakomeje agira ati “Ubu namenye ko n’amafaranga make wayakoresha akaba yaguteza imbere. Mbere nibwiraga ko gukora bizinesi(business) bisaba amafaranga menshi. Make ufite yagufasha kuzamuka bigusaba kumenya icyo ushaka kugeraho”.

Halen Morris uhagarariye ishuri The Emirates Academy of Hospitality Management ryo muri Leta Zunze Ubumwe z’Abarabu avuga ko ibyo yahuguyemo abakobwa bagera ku ijana bizabafasha mu buzima bwabo bwa buri munsi mu kazi.

Helen Morris akomeza agira ati “Ndatekereza ko iyi ari intangiriro, kandi ibyo twabahaye bizabafasha nibabikurikiza.Yego igihe ni gito ariko bizabafasha”.

Urwego rw’Igihugu rw’Iterambere, RDB, rwemeza ko kwigisha umugore ari ukwigisha abantu benshi. Kuba abagore bagera ku 100 bahawe ubumenyi mu kwakira ababagana ngo bizafasha cyane.

Belise Kariza ukuriye ubukerarugendo muri RDB yagize icyo yisabira abongerewe ubumenyi, ati “Aya ni amahirwe abagore babonye yo gukoresha ibyo bahawemo ubumenyi, kuko iyo urebye ahanini nko mu kuyobora ba mukerarugendo byari bizwi ko ari abagabo, none rero n’abagore bagende babikore kandi berekane ko bashoboye, no gutanga serivise ku bagana”.

Bafashe ifoto y’urwibutso

Abo bagore bahawe amahugurwa na RDB ku bufatanye n’ikigo cyo muri Leta Zunze Ubumwe z’Abarabu. Icyo gihugu giteye imbere ku rwego rw’isi mu bijyanye n’ubukerarugendo.

Batanze ayo mahugurwa mu rwego rw’amasezerano bari baragiranye na Leta y’u Rwanda yo kongerera ubushobozi abagore 100 bakora mu bijyanye no gutanga serivise ku babagana mu bukerarugendo n’amahoteli.

Bamwe mu barimu barimo bahugurwa mu cyongereza mu mpera za 2018

Itangazo ryashyizwe ahagaragara n’ubuyobozi bw’ino Sendika izwi nka Syndicat National des Enseignants au Rwanda (SNER) rivuga ko muri kongere yayo iheruka hemejwe ko umusanzu wa mwarimu uva ku mafaranga 100 ukajya kuri 0.5% by’umushahara, bityo bagasaba abayobozi bose b’uturere gufasha ngo iki cyemezo gishyirwe mu bikorwa.

ni Sendika yagiyeho mu w’1996 igamije gufasha abarimu mu bijyanye n’ubuvugizi mu bibazo bimwe na bimwe bahura nabyo. kugirango iyi sendika ibashe gukora, basabye abanyamuryango ko batanga umusanzu ungana n’amafaranga 100 k’ubishaka.

Faustin Harerimana wari umuyobozi w’iyi sendika, avuga ko kugirango abantu babe abanyamuryango kandi batange umusanzu byasabaga kubegera kandi bakabyumvikanaho.

Ati “twatangiye mu gihugu hose turi abanyamuryango 3000. Mu kubasaba umusanzu byasabye ko dukora urugendo mu gihugu hose dusobanura impamvu y’uwo musanzu w’amafaranga 100 n’icyo azamara, hanyuma ubyemeye agahabwa ifishi akazuza agashyiraho n’umukono akabona gutanga amafaranga”.

Bamwe mu banyamuryanga ba SNER bavuga ko mugihe cyose bayatanze batigeze babasha kumenya icyo yaba yarakoze, cyakora ngo igihe bayatangaga babikoraga ku bushake bwabo nkuko umwarimukazi wo mu karere ka nyarugenge utifuje ko amazina ye atangazwa abivuga.

Yagize ati “mbere twatangaga amafaranga 100, ntacyo byari bidutwaye kuko batubwiraga ko bazatuvuganira. Ikibabaje ariko nuko mu igihe cyase twatanze amafaranga ntakintu na kimwe bigeze batumarira. None hiyongereyeho no kongera gufata ku gashahara kacu gake 0.5%. Uku ni ukutwigirizaho nkana no gukina na mwarimu”.

Mugenzi we wo mu karere ka Nyarugenge nawe yagize ati “ntabwo byumvikana ukuntu umuntu yafata ku mushahara wawe ntacyo akubwiye. Nabo bavuga ko baduhagarariye ntabo tuzi, ni abantu ba baringa bashyiraho gusa. Icyo nasaba rwose ntibazakore k’udufaranga duke rwose mpembwa.”

Mu mwaka w’1996 ubwo hatangizwaga iyi sendika y’abarimu, aya mafaranga ijana yakirwaga mu intoki akajyanwa kuri banki, naho kuva mu 2004 atangira kujya kuri konti akaswe k’umushahara w’umuntu.

Icyo gihe, abanyamuryango bari bageze ku ibihumbi 12, bivuga ko amafaranga yinjiraga yageraga kuri miliyoni 1,200,000 ku kwezi.

Nyuma yuko ubuyobozi bwariho bwashinjwe gokoresha ububasha bwari bufite mu nyungu zabwo bugatera igihombo iyi sendika y’abarimu bo muri leta, byabaye ngombwa ko uwari umuyobozi wayo Faustin Harerimana na bamwe mu bo bafatanyaga mu kuboyora begura nk’uko byemezwa na Mukangango Stephanie ubu uhagarariye iyi sendika.

Ati“nkuko mubibona ku ibaruwa uwari umuyobozi tumaze kumugaragariza ko yasesaguye umutungu mu nyungu ze afashijwe na bamwe mu bandi bayobozi, byabaye ngombwa ko begura, maze inama rusange iraterana ifata ibyemezo byo kubasimbura n’ibindi byagirira akamaro abanyamuryango”.

Mu byemezo byafashe na kongere y’iyi sendika harimo no kongera amafaranga azajya avanwa ku mushahara wa mwarimu akava ku mafaranga 100 akajya kuri 0.5% ,ni ukuvuga nk’umwarimu wo mashuri abanza uhembwa ibihumbi 44, buri kwezi azajya atanga umusanzu ungana n’amafaranga 220.

Abajijwe ku bijyanye n’uko bakata umushahara w’umuntu atabanje kubyemera kandi itegeko rivuga ko umushahara w’umuntu ari ntavogerwa, umuyobozi w’iyi sendika Mukangango Stephanie avuga ko ntacyo bakoze kinyuranyije n’itegeko kuko bayakuye ku bo bari basanzwe bakorana.

Agira ati “iki ni cyemezo cyafatiwe muri kongere, aho inama rusange yari yateranye. Bivuga ko hari abantu bagera kuri 61, kuko buri karere kohereza abantu babiri bagahagararira, hakiyongeraho abandi babiri bo muri biro. Icyo gihe mugenzi wanjye yari yareguye ni njye wari usigaye. Twafashe icyemezo cyo kuzamura umusanzu w’abanyamuryango ngo twikure mu igihombo gikabije twagize”.

Ku bijyanye nuko abagize kongere ari bo bafata ibyemezo, umuyobozi yasobanuye ko ugutora kwabo gukorwa mu buryo buziguye nkuko biteganywa n’itegeko rigenga iyi sendika mu ngingo ya 34, aho abarimu bo mu karere runaka bitoramo babiri babahagarira akaba ari bo bafatira abandi ibyemezo.

Iki kifuzo cya gufata 0.5% ku mushahara wa mwarimu, ubuyobozi bushya bwa SNER bwasabye ko cyatangira gushyirwa mu bikorwa muri Werurwe 2019.

Buri kwezi nibura iyi sendika yakira amafaranga agera kuri miliyoni eshanu n’imisago azajya akoreshwa ku buryo 50% bizakoreshwa mu bikorwa bya sendika, 25% ajye mu bikorwa byo kwigira aho guhanga amaso inkunga naho 25% asigaye akoreshwe mu bikorwa bifasha abanyamuryango kwiteza imbere.

Ubuyobozi bwariho mbere bwahombye amafaranga agera kuri 21,082,150 mu yagenewe imishinga n’andi arenga miliyoni 21 y’imisanzu y’abanyamuryango.

Mayor Kayisime Nzaramba (hagati) na bamwe mu bakuze bitabiriye siporo rusange

Umuyobozi w’Akarere ka Nyarugenge, Kayisime Nzaramba, yabwiye abaturage ko bakwiriye kugira ubuzima buzira umuze kugira ngo iterambere bazarigereho ari bazima.

Guhera saa kumi n’ebyiri za mu gitondo kuri iki cyumweru, bamwe mu batuye mu Karere ka Nyarugenge bahuriye ku Kimisagara bakora siporo, mu rwego rwo kwirinda ko umubiri wabo warwaragurika.

Ni siporo yitabiriwe n’abantu b’ingeri zose baba abagabo, abagore, urubyiruko, ndetse n’abana na bo ntibasigaye.

Mukamazimpaka Charlotte w’imyaka 79 wari witabiriye iyi siporo avuga ko ari ingirakamaro kuri we.

Ati “Njyewe ubundi nkunda siporo kuko ahanini imfasha kutarwaragurika. Reba uko ngana uku, nta kibazo cy’indwara nkunze kugira kuko abandi tungana bakunze kurwaragurika”.

Umuhoza Claudia w’imyaka 20 y’amavuko na we wari muri iyi siporo, yavuze ko yishimiye uburyo bahuriye hamwe ari benshi bakayikorana.

Ati “Byamfashije kurambura imitsi nyuma y’igihe kirekire ntakora siporo, kuko urebye ubundi najyaga mbura aho nyikorera. Uku guhurira hamwe gutya byamfashije cyane.”

Nyuma yo gukora siporo, abari bayitabiriye babyifuzaga, bisuzumishije ku buntu kugira ngo barebe uko ubuzima bwabo buhagaze. Harebwaga niba umuntu atarwaye zimwe mu ndwara zitandura nk’umuvuduko w’amaraso na diyabete biterwa ahanini no kudakora siporo.

Mudaheranwa Leonard w’imyaka 50 y’amavuko, nyuma yo gukora siporo akanisuzumisha ngo arebe uko ubuzima bwe buhagaze, yasobanuye zimwe mu nama bamugiriye azajya akurikiza.

Ati “Bampimye basanga umuvuduko w’amaraso urengaho gato ku gipimo giteganyijwe, ariko bangiriye inama yo gukora siporo no kugabanya bimwe mu byo naryaga, bizamfasha”.

Umuyobozi w’Akarere ka Nyarugenge avuga ko iterambere rikwiye kubanzirizwa n’ubuzima bwiza

Ubuyobozi bw’Akarere ka Nyarugenge busaba ko abaturage bo muri ako karere bajya bagerageza bagakora siporo kuko ngo ntawakwifuza gutera imbere adafite ubuzima bwiza.

Ni byo Kayisime Nzaramba uyobora Akarere ka Nyarugenge yasobanuye ati “Igihugu gikeneye abantu bazima, ni ngombwa rero ko n’abaturage ba Nyarugenge baba bazima. Umuntu akwiriye gukora siporo tukiteza imbere dufite ubuzima buzira umuze”.

Abaturage basabwe kandi kugira siporo nk’umuco kuko bizarinda ubuzima bwabo.

Nyuma ya siporo, bagejejweho impanuro zibanze ku byiza bya siporo

Nk’uko isanzwe ikorwa kabiri mu kwezi ku rwego rw’Umujyi wa Kigali, biteganyijwe ko iyi siporo rusange mu Karere ka Nyarugenge na ho izajya ikorwa kabiri mu kwezi.

Siporo rusange yari isanzwe ikorerwa hamwe ku rwego rw’umujyi wa Kigali. Icyakora guhera kuri iyi nshuro yatangiye gukorwa ku buryo bwagutse, ikorerwa hirya no hino mu turere mu tugize umujyi wa Kigali.

Mu Karere ka Kicukiro yabereye ku kibuga cya IPRC no mu nkengero zaho, mu Karere ka Nyarugenge ibera ku Kimisagara no mu nkengero, mu Karere ka Gasabo ibera ku Gisozi muri ULK no mu mihanda iri hafi aho, ndetse n’i Gikondo ku cyicaro cy’Ikigo cy’Igihugu cy’Imisoro n’Amahoro (RRA), ahahuriye abahagurukiye mu Mujyi, mu Kanogo, kuri Sitade Amahoro n’abaturutse mu bice bya Kacyiru na Kimihurura.\

Iyi siporo kandi yitabiriwe n’ingabo z’igihugu ndetse na Polisi.

Abitabiriye siporo babishatse, bipimishije indwara zitandura

Umuyobozi w’Akarere ka Nyarugenge (uhagaze ku munzani) na we yisuzumishije indwara zitandura

Umusaruro w’ubuhinzi wabaye mwiza mu gihembwe cya 2 n’icya 3 muri 2018 wagize uruhare mu kuzamura ubukungu bw’igihugu

Mu gihembwe cya mbere bwazamutseho 10.4%, igihembwe cya kabiri buzamuka ku kigero cya 6.8%, naho mu gihembwe cya gatatu buzamukaho 7.7%. Mu gihembwe cya kane, ubukungu bw’igihugu bwazamutseho 9.6%.

Mu kiganiro n’itangazamakuru, Minisitiri w’Imari n’Igenamigambi, Dr Uzziel Ndagijimana, yatangaje ko bateganyaga ko ubukungu bw’u Rwanda buziyongeraho 7.2%, ariko iyo mibare ikaba yariyongereye bitewe n’impamvu zitandukanye zirimo ubuhinzi, inganda na serivisi zatanzwe.

Yagize ati “Ubuhinzi bwazamutse ku kigero cya gatandatu ku ijana(6%), inganda zizamuka ku kigero cya 10% naho serivisi zatanzwe ziyongeraho 9%”.

Minisiteri y’Imari yatangaje ko ubukungu bw’u Rwanda buziyongeraho 7.8% na 8% mu mwaka wa 2019 na 2020. Iyi minisiteri kandi yatangaje ko hari abakozi b’Ikigega cy’imari cy’Isi (FMI) bari mu Rwanda, bagira uruhare mu kureba uko ubukungu bw’u Rwanda bwazamuka.

Ibikorwa by’ubwikorezi byagize uruhare mu kuzamura amafaranga yinjiye aturutse muri serivisi kuko yiyogereyeho 16% mu gihe ingendo zo mu kirere zabigizemo uruhare kuko ziyongereyeho 36%.

Serivisi z’ubucuruzi zazamutseho 14%, serivisi zitangwa n’amahoteri na Resitora zizamukaho 11%, mu gihe serivisi zerekeranye n’iby’amafaranga zazamutseho 12%, ikoranabuhanga rizamukaho 14%, naho serivisi zijyanye n’imiyoborere zizamukaho 27%.

Ikigo cy’Igihugu cy’Ibarurishamibare cyivuga ko kuzamuka k’ubukungu mu buhinzi byatewe n’umusaruro w’ubuhinzi wabaye mwiza mu gihembwe cya kabiri n’icya gatatu cy’ihinga mu mwaka ushize wa 2018.

Ni mu gihe umusaruro ukomoka ku bworozi wo wazamutseho 14%, ariko ibyoherezwa mu mahanga bigabanukaho 4%.

Ukuzamuka mu bukungu kwa 12 % mu bijyanye n’inganda kwaturutse ku mirimo y’ubwubatsi yiyongereyeho 20% mu gihe ibikoresho byakozwe n’inganda byo byazamutseho 13%.

Muri rusange muri 2018 umusaruro mbumbe w’igihugu warazamutse ugera kuri miliyari 8,189 Frw (bingana na 8,6%) ukaba warazamutse uvuye kuri miliyari 7,600Frw zari zabonetse muri 2017.

Abayobozi ba BK mu ifoto hamwe n’umuyobozi mukuru wungirije wa BNR, Minisitiri w’imari ndetse n’abayobozi b’isoko ry’imari n’imigabane

Mu gufasha abantu bafite buzinesi ziciriritse mu kuba zatera imbere,n’abandi bashaka gushora imari binyuze muri BK Capital, ngo ubu ni uburyo bwiza Banki ya Kigali yabonye ko bwaza kongerwa mu bindi bari basanzwe bakora nka BK Securities, BK TecHouse na BK General Insurance.

Umutoni Carine uhagarariye BK Capital avuga ko ubu buryo ari bumwe mubuzafasha abantu mu kubasha kwiteza imbere, kuko ngo bazajya bakoresha uburyo bwizewe.

Umutoni agira ati “tuzafasha abantu tubagira inama aho bashora imari yabo, tuzabacungira umutungo, no gukusanya imari”.

Marc Holtzman umukuru wa BK Group avuga ko mubyo bakoze bashyiraho BK capital ni uko basanze bakwiye gufasha mu buryo bwo gushora imari “Mu Rwanda hari ibintu byinshyi bitigeze byitabwaho mu ishoramari, ni yo mpamvu natwe dushaka gufasha abantu mu gushora imari mu isoko ry’imari n’imigabane”.

Umutoni Carine uhagarariye BK Capital

Ishami rya kane rya BK Capital ryashyizwe ahagaragara, rizajya rifasha abantu mu gushora imari ku isoko ry’imari n’imigabane. Mu rwego rwo gufasha abantu kwiteza imbere bazajya bakorana n’ikigo cyo mu birwa bya Maurice kitwa SWAN. Umuyobozi wacyo Louis Rivalland yishimira kuba bagiye kugira ubufatanye mu ishoramari.

Agira ati “Tuzafatanya nabo dusangira ubunararibonye twembi dufite mu mwuga. Ni byiza gukorana na BK kuko yizewe, igaragaza ibyo izi gukora, kandi natwe ku bunararibonye dufite tukazakorana neza”.

Pierre Celestin Rwabukumba umuyobozi mukuru w’isoko ry’imari n’imigabane, avuga ko kuba BK Capital igiye kubaho bizafasha cyane ku isoko ry’imari n’imigabane.

Yagize ati “Ibi byongereye amaboko mu mikoranire yacu. N’ubundi bari basanzwe bafite ibikorwa ku isoko ry’imari n’imigabane… Ibi rero ni byiza cyane kuko dushaka ko Abanyarwanda babimenya”.

Minisitri w’ imari n’igenamigambi Dr. Uzziel Ndagijimana yatangaje ko muri gahunda y’imyaka irindwi kuva 2017-2024, mubijyanye nuko Kigali yahinduka ihuriro mpuzamahanga mugushora imari bigiye kugerwaho kubera ubufatanye bwa Banki ya Kigali binyuze muri BK Capital.

Nirere Madeleine uyobora Komisiyo y’Igihugu y’Uburenganzira bwa Muntu yasobanuye inshingano nshya ziyongereye ku zo komisiyo ayobora isanganywe

Mu mwaka wa 2014 Leta y’u Rwanda yashyize umukono ku masezerano mpuzamahanga yo kurwanya iyicarubozo n’ibikorwa bibabaza umubiri bikorerwa umuntu. Ayo masezarano ateganya ko buri gihugu cyashyizeho umukono gisabwa gushyiraho urwego rugomba gukurikirana ibyo bikorwa.

Nirere Madeleine ukuriye Komisiyo y’Igihugu y’Uburenganzira bwa Muntu avuga ko ikigo ayobora cyongerewe ishingano mu kubahiriza uburenganzira bwa muntu ijyanye n’amasezerano y’iyubahirizwa ku bushake y’inyongera ku masezerano yerekeye kurwanya iyicarubozo mu Rwanda.

Nirere agira ati “Izi nshingano ni ukureba uko uburenganzira bwa muntu bwubahirizwa, nk’ahaba hari abantu benshi, mu ma gereza, mu bigo by’abantu bafite uburwayi bwo mu mutwe, ku bibuga by’indege ahari abantu binjira mu gihugu, hagamijwe kureba uburyo uburenganzira bwabo bwubahirizwa, nta bikorwa bibabaza umubiri bibakorerwa”.

Mu gushyira mu bikorwa inshingano nshya zahawe Komisiyo y’Uburenganzira bwa Muntu, ngo nko muri gereza hazajya harebwa ko abarimo basurwa n’imiryango yabo, abafite ubumuga bwo mu mutwe hagasuzumwa niba ababitaho babafata neza.

Nirere Madeleine yakomeje agira ati “Ubona ko nk’iyo umuntu agize ikibazo cyo mu mutwe abantu bahita bihutira kumuzirika. Ibi si byo kuko baba bica uburenganzira bwe. Tuzareba kandi ku byiciro byihariye nk’abanyamahanga bafunze tureba ko babona ubutabera bukwiye, ko imiryango yabo yamenyeshejwe, cyangwa niba baraburanye mu rurimi bumva, bagahabwa abunganizi babasobanurira.”

Mu bindi iyo komisiyo izakora birimo kujya mu magereza bakareba ko uburenganzira bw’abana bafunganywe na ba nyina bwubahirizwa.

Nirere ati “Tuzareba ko abana babona indyo ikwiriye ndetse n’abayeyi batwite bitabwaho”.

Bamwe mu bitabiriye umuhango wo gusobanura inshingano nshya za Komisiyo bafashe ifoto y’urwibutso

Jean Baptiste Niyizurugero ukorera APT(Association of Prevention of Torture), umwe mu bafatanyabikorwa mu kubahiriza uburenganzira bwa muntu wari witabiriye itangizwa ku mugaragaro ry’iyi nshingano, ku ruhande rwe avuga ko aya masezerano y’inyongera aha inshingano nshya Komisiyo y’Uburenganzira bwa Muntu, agasanga byari ngombwa ko u Rwanda rushyiraho urwo rwego.

Yagize ati “Burya iyo wubaka inzu ukenera kongeraho irindi buye, ubu rero u Rwanda rwateye indi ntambwe mu kurwanya iyicarubozo. Ariko rero aya masezerano y’inyongera yo agamije gukumira iyicarubozo”.

Komisiyo y’Igihugu y’Uburenganzira bwa Muntu ubundi yari isanganywe inshingano zo guteza imbere uburenganzira bwa muntu, kurinda no kubungabunga uburenganzira bwa muntu, ikaba yahawe inshingano ya gatatu yo gukumira ibikorwa by’iyicarubozo.

Ni inshingano zisaba iyo komisiyo kongera ingufu mu gukurikirana iyubahirizwa ry’uburenganzira bwa muntu aho abantu bafungiwe, gukurikirana ibigo by’imfubyi n’abageze mu za bukuru ku buryo bwihariye harwanywa iyicarubozo.

Umwijima ni igice cy’ingenzi mu mikorere y’umubiri

Umwijima ni imwe mu nyama zo mu nda zifitiye umubiri akamaro kanini cyane. Ni rwo rugingo mu mubiri rugira uruhare runini mu mikorere y’umubiri. Mu byo umwijima ukora harimo gukora igikoma kizwi nka ‘bile’, nibura hagati ya litiro magana inani n’igihumbi ku munsi.

Icyo gikoma gifasha mu igogorwa ry’ibyo abantu bariye byose nko gusukura no gusohora uburozi mu maraso no kubika isukari (glucose) yitabazwa mu gutanga imbaraga zituma umubiri ukora neza.

Iyi nyama nini yo mu mubiri w’umuntu iyo itakibasha gukora ako kazi iba yangiritse ikaba yateza ikibazo kinini mu buzima bw’umuntu, ari byo bihinduka uburwayi.

Dr. Sabin Nsanzimana ushinzwe gahunda yo kurwanya Sida, indwara z’umwijima n’izandurira mu mibonano mpuzabitsina muri RBC avuga ko kwangirika kw’umwijima bisobanurwa mu buryo bune.

Ati “Iyi nyama ifitiye akamaro kanini umubiri w’umuntu. Hari igihe wangirika hari ikintu kiwukomerekeje nk’iyo umuntu yakora impanuka ukaba waturika. Hari igihe wangirika kandi biturutse ku miti abantu banywa nka bariya bafata imiti igihe kirekire, cyangwa abanywa imiti y’ibyatsi ndetse n’inzoga nyinshi. Hari igihe na none umwijima urwara kubera ko n’izindi nyama zarwaye. Hari n’uburwayi bw’umwijima buturuka ku gakoko (Virus) gashobora kuwinjiramo kagatera indwara izwi ku izina rya Hépatite”.

Dr Sabin Nsanzimana avuga ko indwara ya Hépatite umuntu ashobora kuyirwara igihe kirekire.

Ati “Iyi ndwara ushobora kuyimarana imyaka 20, ariko hari n’ubwo umubiri w’umuntu ushobora gukora ubwirinzi buyirwanya nka Hépatite B igakira, ariko bishoboka ku kigero cya 85% ku baba bayifite, naho Hépatite C umubiri ukaba wakora ubwirinzi bwo kuyirwanya ku kigero cya 15%”.

Dr Sabin Nsanzimana avuga ko u Rwanda rwihaye intego yo guhashya indwara zibasira umwijima

Indwara ya Hépatite B iravurwa ariko uwo yagaragayeho imaze igihe kirekire ahabwa imiti azajya afata ubuzima bwe bwose, nk’uko Dr Sabin Nsanzimana abisobanura. Akomeza kandi avuga ko bigoye ko umuntu warwaye Hépatite C ayikira.

Ati “Abagera kuri 20% mu bayirwara, umubiri wabo ni wo ubasha gukora ba basirikare babasha kuyirwanya. Ikindi gitera ikibazo ni uko iyi Hépatite C nta rukingo igira”.

Virusi zibasira umwijima ni nka Hépatite A,B,C,D n’izindi nto zidafite ubukana. RBC itangaza ko indwara y’umwijima ya Hépatite C iri ku kigero kiri hagati ya 4% na 5% by’Abanyarwanda bose ikaba ikunda kwibasira abantu bakuze.

Mu myaka ibiri n’igice ishize, Leta y’u Rwanda yashyize ingufu mu guhangana n’indwara zibasira umwijima. Dr Sabin Nsanzimana avuga ko hari byinshi bimaze kugerwaho.

Agira ati “Ku barwayi ba Hépatite B, abagera ku 1000 ubu bafata imiti ku buryo buhoraho. Naho abantu bagera ku bihumbi 15 bavuwe Hépatite C barakira. Leta y’u Rwanda iteganya kuvura abantu ibihumbi 110 muri gahunda y’imyaka itanu iri imbere yo guhashya Hépatite C”.

Ikindi cyagaragaye ku ndwara ya Hépatite C mu Rwanda ni uko ikunda kwibasira abantu bafite imyaka iri hejura ya 50, hamwe n’abantu batuye mu Ntara y’Amajyepfo ndetse n’Iburasirazuba.

Aha ho abayirwara bari ku kigero cya cumi n’umunani ku ijana(18%) nk’uko bitangazwa na RBC.

Bimwe mu bimenyetso by’ uburwayi bw’umwijima birimo guhora umuntu yumva yacitse intege kandi arushye, guhinduka kw’ibara ry’inkari, uruhu rugatangira gusa n’umuhondo, kubura ubushake bwo kurya, kugira iseseme no kuruka, ibibazo mu rwungano ngogozi no kubyimba mu ngingo.

Amazi aruzura akarenga ruhurura agateza ibibazo no muri Gare

Bamwe mu batuye mu mujyi wa Kigali bagaragaza ko bahangayikishijwe ahanini n’ibibazo by’ibiza cyane cyane mu gihe cy’itumba.

Mukashyaka Agnes ukodesha inzu mu Murenge wa Gatsata ngo we iyo igihe cy’imvura kigeze arasuhuka akazagaruka imvura yaracitse.

Yagize ati :“Ubu ahangaha iyo imvura yaguye, amazi aruzura cyane ndetse tukabura n’uko twambuka ngo dutahe kuko tuba twagiye gushakisha imibereho. Biragorana kwambuka kuko biba byabaye nk’ikiyaga”.

Amazi ajya aba menshi akarenga ruhurura akangiza umuhanda

Uwitwa Ndengeyingoma Oswald we avuga ko iyo imvura iguye agira impungenge ku buzima bwe. Akazi ke agakorera muri Nyabugogo bikamusaba gutaha mu Gatsata kuko atuye ahantu hahanamye.

Ati “Yewe mu gihe cy’imvura ni bwo ikibazo kigaragara cyane, kuko iyo imvura iguye amazi aramanuka ndetse ashobora no kuzasenyera abantu. Amazi ni yo yishakira inzira. Iyo ahuye n’ariya rero ava muri iriya ruhurura hariya hasi hose hahita huzura, bikaba ikibazo mu kwambuka tujya gukora cyangwa dutaha”.

Bamwe mu bakora ubucuruzi mu gace ka Nyabugogo na Gatsata bavuga ko iyo imvura yaguye kandi umugezi wa Nyabugogo wuzuye kubera ruhurura ya Mpazi imena amazi mu muhanda, akazi kabo karapfa.

Manzi Samuel umukanishi mu Gatsata avuga ko iyo imvura yaguye nta kazi babona kandi bimwe mu bikoresho byabo birangirika. Ni byo asobanura ati “Ikibazo cy’amazi kirakabije kuko iyo imvura iguye amazi yuzura umuhanda. Si ibyo gusa kuko ajya na hano mu mazu yacu ibicuruzwa byacu bikangirika”.

Ibikorwa byo kwagura ruhurura ya Mpazi n’ibindi byerekeranye no guhangana n’imyuzure ya Nyabugogo no mu nkengero biratangira mu mezi atatu bizatware abarirwa muri miliyari umunani

Umujyi wa Kigali wafashe ingamba zo guhangana n’iriya ruhurura ya Mpazi yakira amazi aturuka ku Kimisagara, ku Gitega no kuri Mont Kigali, nk’uko Parfait Busabizwa, umuyobozi w’Umujyi wa Kigali wungirije ushinzwe ubukungu abitangaza.

Ati: “Iyi ruhurura ya Mpazi idutera ibibazo, kuko ni ntoya ushingiye ku mazi yakira. Urebye aturuka nko muri ruhurura ya Katabaro, ndetse no ku mazu. Aya mazi rero aba agomba kujya muri Nyabugogo ariko iyi ruhurura yabaye ntoya.”

Busabizwa akomeza avuga ko bashaka kwagura iriya ruhurura.

Ati “Ubu habaye inyigo yo kwagura iriya ruhurura ngo ibashe kwakira ayo mazi yose, kugira ngo hatazagira icyongera kwangirika. Mu mezi atatu ari imbere tuzatangira kuyagura, azaba ari igikorwa cya mbere kizatwara miliyari ebyiri n’igice. Turateganya ko tuzanambuka kugeza aho amazi azagera mu mugezi wa Nyabugogo. Ariko turasaba kandi abaturage kudatema amashyamba, mu rwego rwo kudaha ingufu amazi y’imvura”.
Umujyi wa Kigali ukaba uvuga ko mu gukora iyi ruhurura hakenewe amafaranga agera kuri miliyari umunani. Iyi ruhurura yagiye izana amazi menshi afunga umuhanda ndetse agahitana byinshi cyane cyane nko muri Gare ya Nyabugogo.

Mu gihe cy’imyuzure ya Nyabugogo abanyamaguru, abanyabiziga n’abacuruzi barahangayika

Minisitiri Kamayirese Germaine uyobora Minisiteri y’Ibikorwa by’Ubutabazi (MINEMA) na we aherutse kuvuga ko iki kibazo cy’amazi ya Nyabugogo gifite imizi mu nkengero z’ikibaya cya Nyabugogo ahahurira amazi aturuka i Nyamirambo amanukira mu mugezi wa Mpazi, ava i Nyakabanda na Kimisagara hakaba n’aturuka i Gikondo ndetse n’aturuka Rwampara na Magerwa.

Ati “Ariya mazi yose yose ni yo agenda atemba amanuka muri Nyabugogo ni yo agera muri Nyabugogo ukabona Nyabugogo yuzuye kuriya.”

Avuga ko hari ibikorwa byinshi byatangiye gukorwa bigamije kuyagabanya birimo kwimura zimwe mu nganda za Gikondo kugira ngo bongere ibishanga bibasha kubika amazi kugira ngo aho kugira ngo yose amanukire muri Nyabugogo ibyo bishanga biyafate.

Ngo hari kandi umushinga w’Umujyi wa Kigali uzatangira muri Nyakanga uyu mwaka wo kubaka ingomero z’amazi (dams) kuri Mpazi ku buryo amazi yahurudukaga agana Nyabugogo azajya abanza akabona aho ahagarara noneho asagutse akaba ari yo agenda ajya Nyabugogo.

Izo ngamba ngo zikaba zinajyana n’ukuntu bazamuye ikiraro cya Nyabugogo hagamijwe gufasha amazi kubona inzira kugira ngo ajye akomeza amanuke aciye munsi y’ikiraro.

Mu Rwanda hari abagore benshi bazwiho gukunda umurimo, kuwunoza no kuwitangira, bikagaragarira mu mubare munini w’ababagana n’ababatangira ubuhamya.

Kigali Today yegereye bamwe mu bazwi mu mujyi wa Kigali mu rwego rwo kumenya neza ibyo bakora n’ibanga bakoresha mu kunoza umurimo wabo.

Murekatete Fatuma

Iyo ugeze i Nyamirambo ukaba ushaka icyo kurya cyane cyane nk’ababa bakunda capati, icyayi, asusa ndetse n’ibindi byo kurya bijyanye n’ubushobozi bwabo, buri wese ubajije akurangira kwa Fatuma.

Murekatete Fatuma ni umugore ugaragara nk’ukuze, ukunda kuba aseka. Mu byo akora byose, aba aganira n’abamusanze, abishimiye na bo bamwenyura.

Murekatete yavutse mu 1966. Ni umubyeyi w’abana bane. Batatu muri bo biga muri kaminuza, undi mu mashuri yisumbuye. Inzu Murekatete yubatse afatanyije n’umugabo we, ni yo babamo.

Aganira na Kigali Today, Murekatete yagize ati “Ku ruhande rwanjye ndagira inama abagore ko badakwiye kwitinya, bagatangira kwikorera. Erega nutegereza kuzagira amafaranga menshi, hari igihe uzarinda upfa utabashije kugira icyo ukora. Bagore twigirire icyizere naho ibindi byose birashoboka”. Fatuma amaze imyaka igera kuri 16 muri aka kazi.

Umwali Sandrine

Umwali Sandrine ni umukobwa w’imyaka 24 y’amavuko. Iyo yicaye imbere y’imashini adoda inkweto agaragaza koko ko ashishikariye akazi akora. Ubu ni we ufite ubuyobozi bwa Atelier Gatorano i Nyamirambo mu Biryogo.

Umwali Sandrine mu buhamya bwe, yagize ati “Natangiye kudoda inkweto ndi muto, kuko nakundaga imyuga cyane, ni bwo naje hano gukorana n’ababyeyi banjye”.

Yakomeje avuga ko amaze kugera ku rwego rwo kuba yakora inkweto z’ubwoko bwinshi butandukanye.

Angelique Mukaniyongira

Iyo uvuze ngo urashaka imbuto nziza zo kurya, abantu bakurangira uyu mubyeyi uzwi n’abatari bake, ibyo ab’ubu bita ko ‘yubatse izina’.

Mukaniyongira yavutse mu 1982, atangira gucuruza imbuto mu mwaka w’2001. Aranguza amafaranga ibihumbi bitanu, ubu akaba ageze ku rugero rwo kuranguza nibura miliyoni imwe mu kazi ke.

Afite umuryango w’abantu 12. Batandatu muri bo abishyurira amashuri.

Mukaniyongira yagize ati “Ni byiza ko umugore yakwigirira icyizere. Aha ndavuga umugore, naho ibindi byose birashoboka”.

Umutoniwase Rosine

Ni umwana w’umukobwa ufite imyaka 21, akaba ari umukanishi uzwi mu gukora ibijyanye no mu maguru y’imodoka(Suspension na Transmission).

Umutoniwase avuga ko mu gukora no guhitamo aka kazi yabitewe n’uko basaza be kenshi bamubwiraga ngo nta mugore waba umukanishi. Icyakora we ngo byaramuhiriye nk’uko abisobanura.

Yagize ati “Jye nakundaga gukora ibyo abagabo bakora. Narebaga uko basaza banjye bakanika ndabikunda.

“Nabijemo banseka nshyiraho umuhate none ubu biranshimisha iyo abantu bose baza babaza izina ryanjye ngo mbafashe”.

Uwo mukobwa avuga ko ako kazi kamufasha mu mibereho, we n’ababyeyi be.

Umuhoza Benisse

Ni umubyeyi w’imyaka 32. Afite abana babiri, akaba akora akazi ko kurinda umutekano w’abantu n’ibintu baba basohokeye ahantu(bouncer).

Umuhoza yatangiye gukora ako kazi mu myaka 13 ishize, ariko ngo mbere byabanje kumugora kuko abantu batiyumvishaga uburyo umukobwa yakora ako kazi.

Ni byo yasobanuye agira ati “Mbitangira ntibyari byoroshye kuko byonyine n’iwacu mu rugo byari bigoye kubyumva, yewe hari n’abanyitaga umutinganyi. Ariko uko iminsi igenda ishira bigenda bimenyerwa. Aka kazi karantunze n’umuryango w’abantu batanu.”

Ishemaryayo Jeanne Bovine

Ni umukobwa w’imyaka 25 ukora porogaramu za mudasobwa zifasha Abanyarwanda n’abanyamahanga mu buzima bwa buri munsi. Abikorera muri Kampani ye yitwa ‘Computer GEEK’.

Mu mwaka wa 2012 Ishemaryayo akirangiza amashuri yisumbuye nibwo yagize igitekerezo cyo kuzaba umwe mu bakora porogaramu zakenerwa n’Abanyarwanda.

Ati “Nabonye ko hari ibintu bikenerwa cyane n’abanyarwanda mu buzima bwa buri munsi, kandi nkurikije uko dutera imbere mu ikoranabuhanga mpitamo ibyafasha Abanyarwanda kugera ku byo bakora cyangwa bifuza bitabagoye”.

Mu maporogaramu yakoze harimo iyitwa ‘E-vuze’ ikoreshwa n’abantu mu gihe bashaka ubufasha bwa muganga. Wayigeraho ukoresheje telefoni yawe, ukanze *996# cyangwa urubuga rwa Interineti www.e-vuze.com

Hari n’indi porogaramu yakoze yitwa ‘E-saving’ (VPN based banking system). Iyi ni porogaramu ikoreshwa n’amabanki ndetse n’abayagana mu buryo bwo kugabanya ingendo. Iyo porogaramu ifasha abayikoresha kubitsa amafaranga no kuyabikuriza aho baba bari hose.

Ishemaryayo yakoze indi porogaramu yitwa ‘E-faming’ (Standalone application). Iyi ni porogaramu ikoreshwa n’abantu bo mu buhinzi, kugira ngo baganire n’umuhinzi, impuguke mu buhinzi ndetse n’abakora ibijyanye n’ubuhinzi bagamije kureba uko bazamura umusaruro w’igihingwa runaka.

Ishemaryayo ashishikariza abakobwa kutitinya, ahubwo ko bakwiye kujya mu ikoranabuhanga.
Ati “Ku bwanjye, hamwe n’abandi bagore ndetse n’Abanyarwanda, ndifuza ko mu ikoranabuhanga twazikorera amaporogaramu yacu aho kujya gushakisha ayo hanze mu gihe kiri imbere”.

Asterie Hitimana

Ni umukobwa w’imyaka 28, akaba akora imirimo ijyanye no kwambika abantu, ahanini bijyanye n’imwe mu myenda akora, agenda ahindaguranya.

Hitimana avuga ko gukora uyu mwuga byatewe n’uko yari yarabyihebeye kandi ashaka no kugira amafaranga. Ibi abikorera muri ‘Twinkle by Asty’.

Hitimana Asterie avuga ko amaze kwambika abantu benshi, kandi nibura ku munsi agatanga imyenda ku bantu babarirwa muri 45.

Twinkle yambika abantu bari hagati y’imyaka 18 na 45 b’igitsina gore.

Asma Murekeyisoni
Ni umubyeyi w’abana batatu. Afite imyaka 39 y’amavuko, akazi ke ka buri munsi kakaba ari kurimbisha abantu ku bijyanye n’ubwiza bwo mu maso(Make up).

Murekeyisoni yatangiye gukunda aka kazi akiri mu mwaka wa gatandatu w’amashuri abanza aho yabonaga nyina na we babimukorera. Mu gihe yabaga ari ku ishuri ngo na we yatangiye kujya abikorera bagenzi be bakamubwira ko afite impano.

Ati “Nabikoraga nk’imikino, ariko mugenzi wanjye agiye gukora ubukwe ndamufasha, nyuma yaho abantu benshi barabinsabye mpita mbigira akazi”.

Ubu Murekiyisoni Asma amaze imyaka 16 akora aka kazi, kandi ngo yinjiza nibura mu bihe byiza amafaranga ibihumbi magana atandatu ku munsi nubwo bidahoraho. Aka kazi ngo karamutunze n’umuryango we.

Uyu mugore yemera icyaha ariko akavuga ko yashutswe n’uwiyita umukozi wa REG

Ibyo icyo kigo cyabitangaje nyuma y’uko polisi itaye muri yombi umugore wakoreshaga umuriro wa REG mu buryo bunyuranyije n’amategeko akaba afungiye kuri station ya polisi ya Kicukiro.

Umugore ufite inzu y’ubucuruzi mu Karere ka Kicukiro wafashwe afite mubazi ebyiri harimo imwe yiba umuriro wa REG avuga ko atari azi ko yiba umuriro kuko yemeza ko yawuhawe n’abakozi ba REG.

Ni byo yasobanuye ati “Njye aho nkorera nagize ikibazo cy’umuriro, njya ku kigo kiwutanga, mu gihe ngishaka umfasha haza umuntu ambwira ko yampa nimero z’umukozi waho bakorana akaza kundebera. Nyuma yaraje ambwira ko aho nkorera bisaba cash power (mubazi) ebyiri. Yarazimpaye imwe ambwira ko ayimpanyemo umuriro ko nzakenera kugura undi kera cyane”.

Uyu mugabo arashinjwa kwiyita umukozi wa REG agatanga umuriro atabyemerewe

Uwo mugore akomeza avuga ko buri gihe cyose yagiraga ikibazo cy’umuriro yitabazaga uwo wawumuhaye kuko yari aziko ari umukozi wa REG, ariko nyuma yatunguwe n’uko hari abantu baje bakareba muri cash power akoresha bakamubwira ko harimo ikibazo, bakamusaba kubereka uwayimuhaye.

Uwo mugore ati “Naramuhamagaye kuko abo bari baje bari bambajije niba muzi ndemera, nyuma uwo Janvier yarambajije ngo ni bande babashije gufungura iyo cash power, ndamusobanurira, aransubiza ati hashobora kuba harimo abapolisi. Nakomeje musaba ko yaza bakavugana kuko nabonaga bose bakora mu kigo kimwe, ndategereza kurinda bwije, hanyuma nagiye kubona mbona banzanye hano kuri police bambwira ko niba umuriro.”

Nkubito Stanley ukora muri REG avuga ko abiba umuriro batazihanganirwa kuko bateza ibihombo

Uwo mugabo na we yaje gutabwa muri yombi akaba akurikiranyweho gutanga umuriro kandi adakora muri REG, akazi ke kahagaze mu mwaka wa 2013 ubwo yakoraga muri EWSA, ariko akomeza kugirana ubucuti bwihariye na bamwe mu basigaye mu kigo gikwirakwiza amashanyarazi. Icyaha akurikiranyweho na REG ntagihakana, ndetse akaba agisabira imbabazi.

Yagize ati “Ni byo koko uyu muriro narawibye kuko nari umushomeri muri iyi minsi. Nahuje faze yo muri cash power isohoka n’iyinjira. Bampaye amafaranga ibihumbi 28, mpamagara kuri EUCL haza imodoka n’umukozi waho hayuma turamukorera abona umuriro”.

Uwo wiyitaga umukozi wa REG yafatanywe n’izindi cash power mu rugo rwe.

Mbabazi Modeste, umuvugizi w’urwego rw’ubugenzacyaha (RIB), yavuze ko aba bantu bafashwe ku bufatanye bw’abaturage n’abakozi b’ikigo gishinzwe amashanyarazi REG.

Ati “Dufite abagenzacyaha bakorera muri REG, ndetse kandi n’iki kigo gifite abaturage gikorana na bo. Ni muri urwo rwego rero aba bantu bafashwe, kuko uyu mugore yafashwe afite coffe shop ikoresha cash power ebyiri zose ziba umuriro”.

Mbabazi Modeste akomeza avuga kandi ko icyaha cyakozwe n’uwo muntu umaze imyaka myinshi atagikora muri REG, cyateganyijwe mu gitabo cy’amategeko ahana y’u Rwanda nk’umuntu wiyitirira akazi adafite.

Mbabazi Modeste, Umuvugizi wa RIB arashimira abaturage na REG bafatanyije mu guta muri yombi abiba umuriro

Mbabazi ati “Umuntu wese wiyitirira akazi runaka ahanwa n’amategeko. Nk’itegeko No 66/2018 ryo kuwa 30 Ukwakira 2018 mu ngingo yaryo ya 279 n’iya 283, bihana umuntu wese wiyitirira akazi runaka kandi atagakora. Ahanishwa igifungo kitari munsi y’imyaka ibiri ariko itarenga itatu n’ihazabu itarenga miliyoni”.

Umuyobozi ushinzwe kurwanya ibihombo mu kigo gishinzwe gukwirakwiza amashanyarazi, Nkubito Stanley, avuga ko mu bikorwa byabo bya buri munsi barimo gushakisha abakomeza kwiba umuriro kuko bitera igihombo gikabije iki kigo.

Ati “Aba bafashwe n’abakozi bacu bagenzura abatwiba amashanyarazi. Ubu turabahiga aho bari hose, kuko uko bashyiraho umwete ngo biba amashanyarazi basenya ibikorwa remezo, natwe ni ko tubahiga dufatanyije n’inzego zibishinzwe. Kandi n’abandi bakozi bakorana na we bo mu kigo cyacu hari abafashwe n’abandi baracyashakishwa”.

Miliyari imwe na miliyoni Magana icyenda ni zo zibwe z’amashanyarazi mu mwaka washize wa 2018.

Mu rwego rwo kugaruza ibiba byarangijwe mu iyibwa ry’umuriro, buri kwezi hagaruzwa amafaranga agera kuri miliyoni makumyabiri, kandi abibye umuriro banakurikiranwa n’amategeko.

Ikindi cyagaragaye ni uko aba bajura bakorana na bamwe mu bakozi ba REG.

Mu rwego rwo gukoresha murandasi neza kandi ugakora ibintu byinshi bitandukanye, bamwe mu bayikoresha bavuga ko basigaye banahahiraho cyangwa bakaba banagurisha ibikenerwa n’abantu mu buzima bwabo bwa buri munsi.

Silas Kangabe ni umwe mu bahaha bifashishije ikoranabuhanga. Mu kazi ke ka buri munsi akenera ibintu bikunze kuboneka mu mahanga ya kure kandi atabasha guhora ajyayo buri gihe. Kangabe avuga ko guhaha akoresheje imbuga nkoranyambaga bimufasha kubona icyo ashaka mu gihe gito gishoboka.

Yagize ati “Nkanjye nk’umu IT, nkunda gukora ibintu bisaba ko ngura ku masosiyeti yo hanze, sinahorayo buri gihe, ariko ubu natangiye kubitumiza ndi hano, bikangeraho mu gihe cy’umunsi umwe”.

Icyakora Silas Kangabe asobanura ko mbere yo gutumiza bisaba ko uba ufite konti muri banki hano mu Rwanda, hanyuma ukareba icyo wifuza ukagitumiza iyo mu mahanga, hanyuma bihita bikugeraho mu gihe gito.

Richard Mugwaneza uhagarariye ikompanyi ‘The Samples’ ifite urubuga abantu bahahiraho ibyo kurya bidatetse, yemeza ko ibi bigabanya gutakaza umwanya kw’abahaha kandi ko bitanga n’akazi ku bantu bashobora kuba bakoresha imbuga za Interineti.

Ati “Nkatwe dufasha umuntu kumugira ku isoko tukamushakira ibyo akoresha mu kurya, tukabimugezaho. Hari n’igihe kandi waba ukoresha urubuga rwacu ukanarangira umuntu uko yahaha, aho guta umwanya nawe hari icyo ubona ku mafaranga uwo muntu aba yahahishije”.

Dusabe Madani na we ukoresha uburyo bwo guhaha akoresheje imbuga za Interineti, avuga ko mu gukoresha ubu buryo bw’ihaha bisaba kubamo icyizere gihagije.

Agira ati “Ugura biba byiza ko agezwaho ibyo yaguze. Ibyo bituma buri gihe ahorana icyizere agahaha, bityo bikamufasha gukomeza akandi kazi ke”.

Mu guhaha ukoresheje imbuga za Interineti wagura nk’imodoka, ibikoresho byo mu nzu, ibyo kurya bitetse, ibidatetse n’ibindi.

Kimwe mu bihangano by’umuhanzi Bernard Birasa

umunyabugeni Birasa Bernard avuga ko kugira ngo umuco nyarwanda umenyekane kandi ukwire ku isi yose, byakabaye byiza abanyabugeni bavanze amarangi ari ko bagaragaza n’umuco nyarwanda.

Birasa yagize ati ”burya iyo ushushanyije ibigaragaza umuco w’iwanyu, nk’urugero gushushanya ababyinnyi babyina kinyarwanda, intore, ugakora ibijyanye n’imigogo ndetse n’ibindi bigaragaza umuco, abakugurira cyane cyane abanyamahanga burya bajyana uwo muco wawe iwabo, bakamenya umuco wawe biciye mugihangano”.

akomeza agira ati ”burya nkatwe tuvangavanga amarangi ni byiza ko duhera ku muco wacu. Yego haba hari ibishushanyo bijimije (abstrait), ariko nabyo wabikora unagaragaza umuco wanyu. burya umunyamahanga ibyo by’iwabo bamwe bigana n’ubundi yabigurira iwabo”.

Birasa asanga kandi Abanyarwanda nibabona ibihangano bihishe umuco wa bo, bazabigura ku bwinshi.

Mu bugeni harimo ibihangano bikozwe mu biti, ibumba, no kuvanga amarangi.

Clare Akamanzi yahererekanyije ububasha na Dr. Eugene Mutimura

Ihererekanyabubasha ryabaye ku wa gatanu tariki ya 01/03/2019. Ku ruhande rwa RDB hari umuyobozi wayo mukuru, Clare Akamanzi, na Dr Eugene Mutimura, Minisitiri w’Uburezi. MINEDUC yahawe inshingano zo kugenzura ibirebana n’imyigishirize inoze muri iyo kaminuza.

Kaminuza ya Carnegie Mellon-Africa ifite ubuhanga mu myigishirize muri Afurika. Ku ruhande rwa Minisiteri y’Uburezi, ngo Abanyarwanda benshi bazahabwa amahirwe yo kuyigamo no kuvomamo ubumenyi bamwe bajyaga gushakira mu mahanga.

Ni byo Dr Eugene Mutimura yasobanuye ati “Turateganya ko kimwe cya kabiri ndetse no kurenzaho cy’abanyeshuri bo muri iyi kaminuza CMU bazaba ari Abanyarwanda. Ntakongera kohereza abanyeshuri hanze kujya gushakisha ubumenyi bashobora kubonera no muri iyi kaminuza”.

Kuva iyi kaminuza yagera mu Rwanda mu mwaka wa 2011, imaze kurangizamo ibyiciro bitanu muri ‘Masters’ byose hamwe byarangijemo abanyeshuri 145. Muri bo, 104 bangana na 80% ni Abanyarwanda nk’uko inkuru ya KT Press ibivuga.

Muri iyi kaminuza ya CMU-Africa iri mu Rwanda, amasomo y’icyiciro cya gatatu ‘Masters’ azajya atangwa mu gihe cy’imyaka ibiri nk’uko byemezwa na Cristal Rugege, umuyobozi muri CMU. Uyu mwaka Abanyarwanda bigamo bari ku kigero cya 50% by’abanyeshuri bose.

CMU yakira nibura 7% by’ababa barasabye kuyigamo, aho ngo baba babarirwa mu bihumbi ariko igatoranyamo abujuje ibisabwa. Imwe mu mbogamizi abashaka kuyigamo bahura na zo ni ukutamenya neza ururimi rw’icyongereza.

Clare Akamanzi uyobora RDB avuga ko kugira ngo ushaka kuyigamo abanza gukora ikizamini cya TOEFL (Test of English as a Foreign Language) ngo barebe aho ubumenyi bwawe bugeza mu icyongereza”.

Minisiteri y’Uburezi ivuga ko izakora ibishoboka byose kugira ngo Abanyarwanda bazatsinde icyo kizamini. Iyi kaminuza CMU ikaba by’umwihariko yaratangije umushinga wo kwigisha icyongereza mu mashuri yisumbuye.

Rugege avuga ko ku bwabo nka kaminuza bafashe inshingano zo gufasha abanyeshuri bayigamo kuba bamenya ururimi rw’icyongereza dore ko ari na rwo bigishamo. Rugege yagize ati “Twashatse umukozi ushinzwe gushaka abanyeshuri hano mu Rwanda. Twanatangije kandi indi gahunda yo kwigisha abantu icyongereza mu bihe by’ibyumweru bine mbere y’uko batangira amasomo”.

Urwego rwa RDB rwari rufite mu nshingano iyi kaminuza ya CMU, dore ko yafatwaga nk’umushinga uteza imbere ikoranabuhanga.

Urwo rwego rwemeza ko kuba iri mu Rwanda hari icyo bizongera ku iterambere ry’ubukerarugendo. Clare Akamanzi yagize ati “Kuba iyi CMU iri mu Rwanda bizatwinjiriza byinshi. Nk’ababyeyi b’aba banyeshuri b’abanyamahanga nibaza kubasura hari amafaranga bazasiga hano mu gihugu. Ibyo bizamura ubukungu, ikindi kandi bizanafasha abanyeshuri bacu kubona ubumenyi mpuzamahanga.”

Kaminuza ya Carnegie Mellon-Africa ikorera i Kigali mu nyubako ya Telecom House, ariko bikaba biteganyijwe ko igomba kujya mu nyubako yayo izuzura itwaye miliyoni 10 z’amadolari ya Amerika iherereye mu gace kahariwe inganda.

Ibikorwa byo kuyubaka bizatangira mu Ukuboza muri uyu mwaka wa 2019.

Muri Kigali hasanzwe hari ibindi bigo naza kaminuza zikomeye nka ALU(African Leadership University), AIMS (Africa institute for Mathematical Sciences ), ndetse n’amwe mu mashami ya Kaminuza y’u Rwanda.

Abakinnyi b’amafirimi nyarwanda barayitabiriye, bajya kwerekana impano zabo. Kigali today yegereye bamwe muri bo ibabaza byinshi ku buzima bwabo busanzwe ndetse n’ubwo muri sinema.

Dusabijambo Marie Clementine

Marie Clementine ahemberwa kuyobora Behind the World

Umukinnyi w’amafilimi nyarwanda Dusabimana Clementine yavukiye I Kigali mu mwaka w’1987. Dusebijambo Marie Clementine yize kaminuza mu bijyanye n’itumanaho rya elegitoronike. Yatangiye gukina amafirimi akorana n’ikigo kitwa Almond Tree Films collective.

Filimi ye yambere yatangiriyeho yitwa Mayibobo yagiye mu iserukiramuco ryitwa festival International du film de Rotterdam.

Mu mwaka 2010 yakoze filimi yitwa Lyiza yagiye mu irushwana rya Tribeca Film Institute.

2012 Clementine yahawe igihembo kitwa Prix cineforum mu iserukiramuco Festival du cinema africain d’Asie et d’Amerique latine.

Muri uyu mwaka kandi yakoze indi filimi ntoya yo mu bwoko bwa ‘Court metrage’, ijyanye no kurwanya ihohoterwa rikorerwa abari n’abategarugori, ayita Behind the world.

Iyi filimi yahesheje Clementine iguhembo cya Goeth Institut bituma abasha kwitabira andi marushanwa muri Amerika no mu Bufaransa.

Mu 2016 yakoze indi filimi ntoya yitwa ‘une place pour moi’, iyi filimi ivuga “ku buzima bw’umwana ufite ubumuga bw’uruhu ushakisha uko yabana n’abandi ku ishuri ariko bakajya bamukwena umunsi ku wundi.”

Muri uyu mwaka Dusabijambo Clementine ni umwe mu bitabiriye iserukiramuco FESPACO riri kuberwa Ouagadougou akaba yarajyaye filimi yitwa Icyasha.

Joel Karekezi

Joel Karekezi ni umunyarwanda ukina firimi, wavutse mu mwaka w’ 1985. Mu mwaka w’2009 yarangije amashuri ye mu bijyanye na sinema muri mu ishuri Cinecours.

Mu mwaka w’2009 ku bufatanye na Maisha Film Lab yabashije gukora firime yitwa The Pardon, aho iyo firimi yahawe igihembo mu gihugu cya Uganda.

2010 iyi filimi nto yabonye ikindi gihembo mu iserukiramuco rya sinema ryitwa Sillicon Valley African Film Festival nka filimi nziza.

Mu mwaka w’2012 uyu mugabo yanditse filimi ayita The mercy of the Jungle, akaba yarahawe igihembo na CFI cyitwa Award for the Most Promising Audiovisual Project mu iserukiramuco Durban FilmMat.

Mu mwaka wa 2014 yakoze filimi yitwa Imbabazi, ikaba yarabonye igihembo cya Nil Grand price 2014, muri Luxor African Film Fetival.

Mu mwaka w’2014 Joel Karekezi akaba yaragizwe umuyobozi mwiza w’amafilimi na International Images Filim Festival for Women.

Joel Karekezi yagiye yitabira amaserukiramuco ya sinema atandukanye, muri uyu mwaka akaba yarajyanyeyo filimi yitwa The mercy of the Jungle yakozwe mu mwaka 2018.

Jean Claude Uwiringiyimana

Ni umwanditsi, umwarimu w’amafilimi nyarwanda. Jean Claude Uwiringiyimana yize amashuri abanza n’ayisumbuye hagati y’umwaka w’1986-1996. Yize ayisumbuye muri petit seminaire ya Kabgayi no muri College Christ Roi i Nyanza.

1996 - 2000 yize muri kaminuza nkuru y’u Rwanda ahavana impamyabumenyi mu ishami rya Langues et Litteratures Africaines.

2000-2004 yakoze kuri televiziyo y’u Rwanda mu biganiro bijyanye n’umuco, ndetse akomeza kwigisha muri kaminuza UNR nk’umwarimu wungirije. Uyu mugabo yanahawe n’inshingano zo kuyobora akanama gashinzwe kuvugurura umuco n’ubugeni muri kaminuza.

2004-2005 yagiye gukomeza amasomo mu kiciro cya gatatu mu Bufaransa, mu bijyanye n’indimi n’umuco. Muri uwo mwaka kandi ni nabwa Jean Claude Uwiringiyimana yakurikiranye andi masomo mu buryo bw’ iyakure mu gihugu cya Canada mu bijyanye no kuyobora filimi.

Jean claude Uwiringiyimana akiri umunyeshuri muri Kaminuza nkuru y’u Rwanda yitabiriye irushanwa rya Fest Africa mu mwaka 2000. Iryo rushanwa ryari iryo kwandika filimi z’imbarankuru harimo “Urwandiko rw’Inzira” na “Souvenir d’un charognard”. Yahawe igihembo cya mbere.
2008 yitabiriye irushanwa ryitwa INMR naho mu 2009 yitabiriye bwa mbere FESPACO.

Ishimwe Clement mu kiganiro kuri KT Radio

Butera Ingabire Jeanne D’Arc ni umuhanzikazi wamamaye ku izina rya Knowless. Yatangiye gukora umuziki mu mwaka wa 2011. Knowless akorera umuziki mu nzu itunganaya umuziki izwi ku izina rya Kina Music ya Ishimwe Clement.

Producer Clement yashakanye na Butera Knowless nyuma y’uko hari hashize igihe kinini bivugwa ko bakundana mu buryo bwihariye ariko bo bakabihakana bakavuga ko ikibahuje ari umuziki gusa.

Icyakora igihe cyarageze bagaragaza mu ruhame urukundo rwabo, basezerana kubana nk’umugabo n’umugore ku cyumweru tariki ya 07 Kanama 2016.

Kuba Knowless agaragarizwa urukundo n’abantu benshi, ngo ibi birashimishije kuko bituma amafaranga yiyongera mu muziki akora nk’uko umugabo we Ishimwe Clement unamufasha mu muziki abitangaza.

Yagize ati “Iyo akunzwe biba ibintu byiza, bizana amafaranga, ni na yo mpamvu dukora umuziki kuko utuzanira amafaranga. Ikindi kandi biterwa n’ukuntu abafana berekana urukundo rwabo”.

Abajijwe niba kuba Knowless akundwa n’abafana benshi bidashobora kumujyana mu bishuko, producer Clement yasubije ko ibyo nta mpungenge bimuteye na gato kuko afitiye icyizere gihagije umufasha we.

Ati “Iyo ubana n’umuntu uba umuzi neza. Ku bijyanye n’uko yashukwa n’abandi, jye mufitiye icyizere gihagije ko ntabyo yakora, ntawabona aho amuhera”.

Ishimwe Clement na Butera Knowless bafitanye umwana umwe. Ishimwe avuga ko nubwo akora umuziki muri Kina Music, we na Knowless bakorana kinyamwuga.

Iby’urugo babitandukanya n’iby’akazi bibyara inyungu, dore ko atari Knowless wenyine ukorana n’inzu ya Kina Music, ahubwo iyo nzu ifite n’abandi bahanzi ikorana na bo batunganyirizamo indirimbo zabo.

Ubwo umuhanzi Israel Mbonyi yari avuye mu Buhinde asoje amasomo yasuhuzanyije n’umubyeyi we bahoberana

Umuco nyarwanda urangwa n’indangagaciro,ndetse na zakirazira bifasha abanyagihugu kubana neza, no kugira irangamuntu y’ubunyarwanda.

Iyo umuntu yasuhuzaga mugenzi we hari amagambo yaherekezaga iyo ndamukanyo. Amwe muri ayo magambo ni amashyo, gira so, gira inka cyangwa gira abana n’ibindi. Ibi byose byagaragaza urukundo.

Mu kiganiro na Muzehe Straton Nsanzabaganwa impuguke mu muco nyarwanda, aradufasha mu kumenya uburyo bwarangaga ugusuhuzanya mu ikinyarwanda.

1. Guhana Ikiganza

Straton Nsanzabaganwa agira ati “Ugusuhuzanya umuntu aha mugenzi we ukuboka ni bimwe mu byagaragazaga urukundo mu banyarwanda bo hambere, kuko mwakoranaga mu intoki”.
Akomeza avuga ko iyo waherezaga umuntu ukuboko wamubazaga amakuru ye nawe akakubwira uko ameze, ibi byagaragazaga ko ushaka kumenya uko mugenzi wawe amerewe.

2. Guhoberana

Ibi nabyo biri mubigize umuco nyarwanda, wahuraga n’umuntu kubera urukumbuzi wabaga umufitiye ukamusuhuza cyane, bikagaragazwa nuko wamuhoberaga.

Nsanzabaganwa ati ”iyo wasuhuzaga umuntu byaterwaga nuko wabaga utamuheruka, hanyuma muguhura nawe ukamugwa mu byano”.

3. Gukoma amashyi no gupfukama

Ubu nabwo bwari mu buryo bwakoreshwaga mu gusuhuzanya, kuko byakorwaga iyo wabaga uhuye n’abantu babanyacyubahiro bakuru.

Nsanzabaganwa akomeza agira ati ”kera iyo wahuraga n’umuntu mukuru nk’Umwami, ntabwo byashobokaga ko umukora mu kiganza cyangwa ngo umuhobere, ariko kumusuhuza byo wabikoraga ukoma amashyi kandi wapfukamye”.

4. Kuzunguza ibiganza (Gupepera)

Straton Nsanzabaganwa akomeza avuga ko ibi nabyo byageze mu umuco nyarwanda aho abantu batangiye gusuhuzanya bazunguza ibiganza.

Avuga ati ”ibi nabyo nsigaye mbona abantu iyo bategeranye ubasha kuba wamusuhuza, ukazunguza ukuboko nawe kandi akabikora, ubwo mukaba murasuhujanyije”.

Straton Nsanzabaganwa, mu kiganiro yagiranye na Kigali today, yavuzeko umuco nyarwanda muri iki gihe wahinduye isura mu gusuhuzanya.

”hari aho ubona umuntu agiye gusuguza undi bagahuza imisaya ukumva arimyoje, cyangwa ukabona barahuza ibipfunsi”.

Asoza avuga ko bidakwiye ko ibyo abanyarwanda babona mu mico y’ahandi bijya mu muco nyarwanda batabanje kureba koko niba itabangamiye indangagaciro nyarwanda.

Uyu mwanditsi yakoreye mu Rwanda inshuro nyinshi nk’umwarimu, umuvuzi w’indwara zo mumutwe n’ibindi

Mu gitabo cye ku rupapuro rwa 512 hari aho agira ati “kuba mu Rwanda ni ukwiziririza” ngo bisobanura ko mu gihe cyo hambere hari imiziririzo Abanyarwanda bari bafite ibategeka kubana neza, kandi bubaha ku buryo kwica mugenzi wawe bitari kubona aho bimenera.

Galabert yagize ati “ukurikije uko Abanyarwanda babanaga mbere sinumva ukuntu hageze igihe hakaba Jenoside yakorewe Abatutsi, kandi mu mateka yabo nkurikije ibyo nabonye nandika iki gitabo mu gihe cyo hambere barabanaga neza”.

Uyu mwanditsi avuga ko yandika iki gitabo “Les entants d’Imana” yashakaga gusubiza ibisubizo bya bamwe mu banyarwanda bashaka kumenya amateka y’u Rwanda, batagiye gushakisha ahandi mu masomero ari kure yiwabo.

Mugihe kiri imbere akaba ateganya no gukorana n’abanditsi b’Abanyarwanda mu kwandika iby’amateka y’u Rwanda.

Abanditsi b’ibitabo by’amateka mu Rwanda, basanga kwandika ku mateka y’u Rwanda bikwiye gukorwa n’Abanyarwanda kurusha abanyamahanga kuko ari ayabo bayazi kurusha undi wese.

Ndolimana Jean umwanditsi w’ibitabo by’amateka mu Rwanda wanditse ku mateka agaragaza uruhare rwa kiriziya Gatolika mu muri Jenocide yakorewe Abatutsi, mu bitabo nk’ ‘Imungu mubuyozi bwa kiliziya Gakorika’, avuga ko biteye isoni n’agahinda kubona abanyamahanga ari bo bandika amateka y’u Rwanda kurusha abenegihugu.

Yagize ati “iyo mbona ibitabo nk’ibi bivuga ku mateka yaranze igihugu cyacu avugwa ndetse akandika n’abanyamahanga, birambabaza cyane kuko twe tutiyandikira ibyacu kandi twe tubizi neza. Birakwiye ko urubyiruko rushyira ingufu mu gusoma kandi rukandika iby’amateka yabo”.

Prof. Bushayija Bugabo Antoine avuga ko kuba amateka yacu adakunda kumenywa n’urubyiruko, biterwa nuko badafite umuco wo gusoma. Ati “dufite ikibazo cyo kumva ko ibintu twakabibwiwe mu magambo. Ni ngobwa ko abantu bagira umuco wo gusoma cyane cyane abatoya”.

Mu myaka umunani yamaze yandika iki gitabo kivuga ku mateka n’imibanire mu Rwanda rwo hambere (Les Enfants d’Imana) Jean Luc Galabet ngo yabitewe nuko yashatse kumenya koko amateka yaranze u Rwanda no gucukumbura umuzi watumye bamwe bumva ko batsemba abandi.

Mu bitabo bimwe yasomye byanditswe n’Abanyamahanga, yasanze ibyinshi byarimo amateka ajyanye n’inyungu zabo zo gucamo amacakubiri Abanyarwanda, kugirango babashe kubaryanisha babone uko babategeka batagifite ubumwe bahoranye.

Jean Luc Galabert ni umuhanga mu mitekerereze ya muntu (Psychologue), akaba kandi impuguke mu mateka y’umuntu n’amateka, akaba yarakoreye mu Rwanda mu bihe bitandukanye nk’umuvuzi w’indwara zo mu mutwe ndetse n’umwarimu cyangwa se umwanditsi.

Yanditse ibitabo bivuga ku mateka y’u Rwanda nka “Les enfants d’Imana: Histoire sociale et culturelle du Rwanda ancien” na “Faire face au négationnisme du génocide des Tutsi”.

Umuhanzi Slaï yanyuze abakunzi b’injyana ya Zouk

Muri icyo gitaramo kandi, habaye umuhango wo kunamira Oliver Mtukudzi wo muri Zimbabwe witabye Imana tariki 23 Mutarama 2019.

Nk’uko byari byitezwe, abitabiriye icyo gitaramo bagaragaje ibyishimo byo kongera kumva injyana ya zouk iririmbye mu rurimi rw’igifaransa.

Umuhanzi Slaï akigera ku rubyiniro mu ma saa tanu z’ijoro yaririmbye indirimbo eshanu. Abari mu gitaramo bagaragaje ko inyinshi mu ndirimbo ze bari bazizi, bafatanya na we kuziririmba.

Muri iki gitaramo kandi ikindi cyatunguye abantu ni uko Slaï yumvikanye aririmba indirimbo ‘Slowly’ y’umuhanzi w’umunyarwanda Ngabo Medard, wamamaye ku izina rya ‘Meddy’.

Imwe mu ndirimbo zahagurukije abantu cyane ni indirimbo ‘Flamme’ yakunzwe n’abatari bake. Bayibyinaga bagaragaza akanyamuneza ku maso, ari na ko basubiragamo amagambo yayo yose uko yakabaye.

Umuhanzi Yverry na we yaririmbye muri iki gitaramo

Mu gihe yashaka gusoza igitaramo, abacyitabiriye bamugaragarije ko bagishaka ko abataramira, bamusaba gusubiramo indirimo yamugize icyamamare ku isi hose ari yo ‘Flamme’, na we yubaha ubusabe bw’abakunzi be ayisubiramo.

Slaï muri iki gitaramo ntiyahwemaga gushimira Abanyarwanda urugwiro bamwakiranye, avuga kandi ko akurikije indirimbo ajya yumva, zigaragaza ko mu Rwanda hari impano idasanzwe y’umuziki.

Umuhanzi nyarwanda Yverry na we waririmbye muri iki gitaramo yasusurukije abari bacyitabiriye, ndetse banamugaragariza ko indirimbo ze na zo bamaze kuzimenya kandi bazikunda, zirimo nk’iyitwa ‘Nk’uko Njya Mbirota’.

Abarangije muri Saint Joseph barizeza ko batahanye ubumenyi buzabafasha mu mibereho yabo

Kwisiga Amoni, intumwa ya Minisiteri y’Uburezi yabisabye abanyeshuli barangije icyiciro cya mbere cya kaminuza mu bijyanye n’amasomo y’ubumenyi mu by’ubwubatsi(Civil Engineering) mu ishuri ry’imyuga rya Saint Joseph riherereye mu mujyi wa Kigali.

Uwo muyobozi yababwiye ko nibashyira mu bikorwa ibyo bize bizabafasha kwigirira akamaro ndetse bakakagirira n’igihugu muri rusange.

Mu gihe basozaga amasomo yabo, bahabwa impamyabushobozi z’icyiciro cya mbere cya kaminuza mu bijyanye n’amasomo y’ubumenyi mu by’ubwubatsi, Kwisiga Amoni yababwiye ko barangije mu gihe cyiza, aho igihugu cy’u Rwanda gifite ibikorwa remezo byinshi birimo kwiyongera umunsi ku munsi, bityo ko ari amahirwe kuri bo.

Yagize ati “Yego muhawe ubumenyi, turabizeye, ariko nimube ibisubizo byo guhanga umurimo mushyira mu bikorwa ibyo mwize, aho gutegereza kwaka akazi”.

Kwizera avuga ko yizeye adashidikanya ko amasomo abo banyeshuri bahawe yari akenewe, kuko ibijyanye n’ubumenyingiro biri mu bikenewe ku isoko ry’umurimo hanze aha.

Abayobozi basabye abarangije gukemura ikibazo cy’ubushomeri bahanga akazi

Frère Pie Sebakiga, umuyobozi w’ishuri ry’imyuga rya Saint Joseph yemeza ko abanyeshuri bahawe impamyabushobozi bafite ubumenyi buhagije , kandi ko nta kabuza bazagaragaza ubuhanga mu byo bazakora.

Yagize ati “Hano twigisha abana tukabaha amasomo ajyanye n’ibikenewe ku isoko ry’umurimo mu bijyanye n’ubwubatsi. Akarusho muri ibyo ni uko ibijyanye no gushyira mu bikorwa ibyo bize (pratique)biba biri ku ikigero cya 70 ku ijana, naho kwiga mu magambo ni 30 ku ijana by’amasomo”.

Abanyeshuli barangije na bo bavuga ko biteguye guhangana n’abandi bababanjirije bari hanze mu kazi, kuko ngo bigishijwe neza. Mukashyaka Leoncie, umwe muri bo yavuze ko biteguye neza kujya ku isoko ry’umurimo.

Ati “Mu masomo twize hano harimo ajyanye no kumenya uko ubutaka bumeze, gukora imihanda, kubaka amazu ndetse no kumenya ibijyanye n’amazi. Icyo nshingirao mvuga ko twiteguye neza ni uko ahanini amasomo yacu twakoze pratique nyinshi kurusha ibiri mu magambo”.

Nshimiyimana Emmanuel we yavuze ko azagira uruhare mu kugabanya abashomeri.

Ati “Nyuma y’ibi byose nize ndabona ngiye guhanga umurimo aho nzashinga inzu ifasha abantu gukora inyigo mu by’ubwubatsi, kandi nzaha n’akazi abazaba babishoboye batagafite”.

Abanyeshuri bahawe impamyabushobozi mu ishami ry’imyubakire muri Saint Joseph Integrated Technical College ni 93, ikaba ari inshuro ya kane iryo shuri rishyize hanze abaryizemo imyuga. Muri abo 93, abakobwa ni 11 naho abahungu ni 82.

Kuri ubu umuhungu udapfukamye imbere y’umukunzi abantu bareba agaragara nk’udasirimutse

Ngarambe Francois Xavier umuhanzi w’imyaka 57 y’amavuko, wamenyekanye mu ndirimbo Umwana ni Umutware, avuga ko mu gihe cyo hambere iyo umuntu yajyaga gusaba umukunzi umubano, yabikoraga mu ibanga rikomeye.

Ngarambe Francois Xavier agira ati ”mu gihe cyacu, gusaba uwo ukunda ko muzabana, twabikoraga mu ibanga. Nkanjye ndibuka ko namwandikiye ibaruwa hanyuma nsiga utudomo musaba ko twakundana, yariyujurije turakundana.

Mu kumusaba kubana, ndibuka ko twajyaga tuganira na Nyogokuru akatubwira ko ashaka kuzabona ifoto yanjye atarapfa. byari bivuze kubona umwana wanjye. Nongeye kwandikira uwo nkunda musaba kuzakora ifoto nawe ahita abimenya. Murumva ko nabikoze mu ibanga”.

Ngarambe Francois Xavier we yemeza ko urukundo ari urumuri kandi ko rutagomba guhishwa niba koko abantu bakundana.

Ku bijyanye no gutera ivi imbere y’uwo ukunda, kuri we ngo biterwa n’icyo ugiye kubikora aba afite mu ibiterezo bye.

Ati ”Ese ni ukwiyamamaza? Ukwigaragaza? ni ukushimisha cyangwa kugaragaza ko urukundo rukiriho? si mbinenga ariko hakwiye ko abantu bamenya icyo bihishe”.

Ngarambe avuga kandi ko ubu abantu bari mu gihe cy’amashusho n’amafoto, agira ati ”Urebye abantu baba bashaka kugaragaza ibyo bakoze byose. Yewe n’iby’ibanga bigashyirwa ku mugaragaro. Ikibi n’uko urwo rukundo rwashyirwa ku mugaragara ku mafoto gusa, ariko babana bagasharirirwa n’ubuzima butakigira urukundo”.

Nsanzimana Rogers umugabo ufite 32 we ngo ntiyumwa igisonanuro cyo ‘gutera ivi’, kuko burya ubaza ikintu utazi.

Yagize ati ”Ese kuki bajya gukundana batahamagaje abantu ngo baze barebe? biriya njye mbibona nko kwifotoza kuko baba barabyumvikanyeho kera noneho bakaza kwerekana ko umukobwa atunguwe, ni ukubeshya abantu”.

Rogers avuga ko biriya ari ibyo batira mu mico yahandi bidafite icyo bivuze cyane iwacu.

Mu mico y’ahandi aho ‘Ugutera ivi’ bikomoka, byari ikimenyetso cyo guca bugufi imbere y’umukunzi, bityo na we bikamuha ishema ko yubashye, bivuga ko ubuzima mugiye kubana muzafatanya nk’uko tubikesha urubuga BIBA magazine.

Imyandikire y’amagambo amwe yo muri Bibiliya rero ngo ntikwiriye guhindurwa ngo ijyanishwe n’imyumvire y’aho umuntu aba ari, n’igihe agezemo, kuko Bibiliya ifite ibyo isobanura mu buryo bwinshi kandi butandukanye.

Pasiteri Gasare Michael kandi asanga ijambo ryose riri muri Bibiliya ridakwiye gufatwa nk’irishaka gusesereza, ntirifatwe mu buryo bwa muntu gusa, kuko hari igihe riba rifite ibisobanuro byo mu buryo bw’umwuka(Roho).

Muri Bibiliya hagaragaramo amagambo atagihabwa agaciro mu mvugo nyarwanda kuko afatwa nk’apfobya abavugwa. Ayo ni nko kwita abantu ibimuga, ibirema, impumyi, n’ibindi.

Pasiteri Gasare Michael ushinzwe itumanaho no kumenyekanisha ibikorwa by’umuryango wa Bibiliya mu Rwanda, abajijwe icyo batekereza kuri ayo magambo, yagize ati “Reka nguhe nk’urugero, iyo muri Bibiliya bavuze ngo umuntu ni impumyi cyangwa ikimuga, birashoboka ko waba uri impumyi ku mutima mu buryo bwa roho, n’ubw’umubiri”. Byagorana ko twabasha guhita tuyihindura, kuko tubanza kureba ubusobanuro kuri izo mpande zombi.”

Naho ku bakoresha Bibiliya bakayisobanura ku buryo bwabo bwite kubera indonke bashaka gukuramo, Pasiteri Gasare avuga ko bidakwiye kuko kwigisha bibiliya bisaba ko uba ufite ububasha bwo kumva ibyanditsemo.

Ati “Byakabaye byiza ko abigisha Bibiliya baba barize iyobokamana, kandi bashobora no kumva ibyo bagiye gusobanura”.

Yavuze kandi no ku magambo aboneka muri Bibiliya asa n’aho atari ikinyanywanda nk’ikusi n’ikasikazi. Ayo magambo ngo yari yaratiwe mu ndimi z’ahandi, ariko ubu ngo habonetse Bibiliya ifasha abanyarwanda kuyasobanukirwa neza.

Igitabo cya Bibiliya gifatwa nk’ijambo ry’Imana, kikaba kigizwe n’ibitabo 66 byakusanyirijwe hamwe. Abemera Bibiliya bavuga ko izo nyandiko nyinshi zashyizwe hamwe zanditswe n’abantu batandukanye ariko bakoreshwa n’imbaraga z’Imana ndetse n’umwuka wayo. Iki gitabo kimaze guhindurwa mu ndimi nyinshi zisaga 2,300 n’ikinyarwanda kirimo.

Kuri uwo munsi wahariwe abakundana, uzwi ku izina rya Saint Valentin cyangwa se Valentine’s Day, Kigali Today yaganiriye na bamwe mu bahanzi bo mu Rwanda bagira icyo batangaza ku rukundo ndetse n’uko bafata uwo munsi.

King James

James Ruhumuriza uririmba mu njyana ya R&B na Afrobeat wamenyekanye ku izina rya King James, yatangiye gukora umuziki mu mwaka wa 2006.

King James yabaye umuhanzi mwiza mu mwaka wa 2011 aho bya muhesheje igihembo muri Salax Awards. Mu mwaka wa 2012 yegukanye igihembo gikuru mu irushanwa rya Primus Guma Guma Super Star. Kuri Saint Valentin muri uyu mwaka wa 2019, King James yamaze impungenge abafana be badafite abakunzi ko abakunda.

Yagize ati “Urukundo ni kimwe mu bituma umunezero w’umuntu wuzura. Ni byiza ku bakundana, kandi urukundo rurizana. Umunsi mwiza ku bantu bakundana.”

Riderman

Gatsinzi Emery wamamaye ku izina rya Riderman ni umuhanzi ukora indirimbo ze mu njyana ya Rap.

Riderman yatangiye gukora umuziki mu mwaka wa 2006 ari mu itsinda rya UTP, akaba ari umwe mu bahanzi bafite abafana batari bake mu Rwanda.

Mu mwaka wa 2008 ni we watsinze bwa mbere Salax Awards, mu mwaka wa 2010 album ye yahembwe na Salax Awards, naho mu mwaka wa 2013 atwara Primus Guma Guma Super Star. Riderman ashishikariza abantu kugira urukundo, kandi ku bakundana ngo ntibikwiye kuba iby’akanya gato.

Yagize ati “Udakunda ntazi Imana, ibi ubisanga muri Bibiliya. Urukundo ni cyo kintu cyiza Imana yashyize hagati y’abantu. Umunsi mwiza ku bakundana.”

Dream Boys

Iri ni itsinda riririmba injyana ya R&B. Ryatangiye gukora umuziki mu mwaka wa 2009. Iri tsinda rigizwe na Nemeye Platini hamwe na Mujyanama Claude wamenyekanye nka TMC. Mu mwaka wa 2017 batwaye Primus Guma Guma Super Star.
Nemeye Platini wo muri Dream Boys ku bijyanye n’umunsi w’abakundana mu butumwa yatanze yagize ati “njye nemera ko urukundo ruriho, kandi ko abakundana bakwiriye kurwuhira ngo rukomeze rukure,umunsi mwiza ku bakundana.”

Jay Polly

Tuyishime Joshua (Jay Polly), ni umuhanzi wamenyekanye mu Rwanda mu njyana ya Hip Hop. Mu mwaka wa 2014 yegukanye irushanwa rya Primus Guma Guma Super Star. Yagiye akora indirimbo nyinshi kandi zakunzwe. Jay Polly ashishikariza abakundana kubigira ibya buri munsi.

Ati “Ni byiza ko uyu munsi wakwereka mugenzi wawe ko umukunda, mwasohokana, wamuha impano n’ibindi, ariko rero muba mukwiye kumvikana mu buzima bwanyu bwa buri munsi”.
Jay Polly yakomeje yifuriza umunsi mwiza kubakundana.

Knowless

Jeanne d’Arc Ingabire Butera (Knowless) yatangiye gukora umuziki mu mwaka wa 2011, akaba aririmba mu nyana ya R&B.

Mu mwaka wa 2013 yabonye umwanya wa gatatu muri Primus Guma Guma Super Star, muri uwo mwaka kandi yatwaye Salax Awards nk’umuhanzi mwiza w’umugore.

Mu mwaka wa 2015 yegukanye irushanwa rya Primus Guma Guma Super Star ryari ribaye ku nshuro yaryo ya gatanu.

Knowless abona ko urukundo ari ikintu cyiza, ndetse ko buri wese yakarugize, kuko iyo hari urukundo ibintu byose bigenda neza, kuko urukundo ari ishingiro ry’umunezero ku bantu.

Yagize ati “Burya n’iyo haje ibibazo mu bakundana, ahari urukundo murihanganirana, mukamenya uko mubishakira umuti. Abakundana bagire umunsi mwiza.”

Bruce Melody

Itahiwacu Bruce ni umuhanzi nyarwanda wamamaye ku izina rya Bruce Melody, Akunzwe na benshi kubera kuririmba indirimbo zirimo amagambo y’urukundo akora benshi ku mutima.
Mu mwaka wa 2018 ni we wegukanye irushanwa rya Primus Guma Guma Super Star. Bruce Melody avuga ko ari byiza gukunda ndetse kandi ukanakundwa.
Yagize ati “urukundo ruhatse byose mu buzima bwa muntu. Urukundo nirwogere ndetse rusange n’abatarugira nka ya ndirimbo. Umunsi mwiza ku bakundana.”

Bamwe mu byamamare na bo ntibatangwa mu kwizihiza uwo munsi, ndetse na nyuma yawo, babinyujije ku mbuga nkoranyambaga, bakerekana uko bawizihije, cyane cyane hagati yabo n’abakunzi babo.
Aba ni bamwe muri bo:

Kim Kardashian

Muri Leta zunze ubumwe za Amerika, Kim Kardashian, bamwe bafata nk’umwamikazi w’imbuga nkoranyambaga, muri 2017 ku munsi w’abakundana yashyize hanze ifoto ye asomana n’umukunzi we, umuraperi w’umunyamerika Kanye West. Icyo gihe byagaragaraga ko iyo couple yishimye nyuma y’ibibazo bari baraciyemo.

David Beckham

Umukinnyi w’icyamamare mu mupira w’amaguru ukomoka mu Bwongereza, David Beckham, muri 2017 yifurije umunsi mwiza w’abakundana umukunzi we bamaranye imyaka 17, Victoria Beckham, abinyujije ku rukuta rwe rwa Instagram. David Beckham yanditse amagambo akora ku mutima agira ati “Ndifuriza umunsi mwiza w’abakundana umugore wanjye ndetse n’umuryango yampaye, abahungu batatu n’umukobwa umwe”.

Mariah Carey

Uyu muririmbyi w’ikirangirire, ku munsi w’abakundana muri 2017, yahisemo kugaragaza urukundo rwe ashyira ku rukuta rwe rwa Istangram ifoto ye n’uwo yihebeye, James Parker.

Barack Obama

Umunyapolitiki wo muri Leta zunze ubumwe za Amerika, Barack Hussein Obama, muri 2017 ku munsi w’abakundana yeretse isi yose uburyo akundamo umufasha we Michelle Obama abinyujije mu magambo yanditse ku rukuta rwe rwa Twitter.
Yagize ati “Umunsi mwiza w’abakundana Michelle, imyaka 28 tubana buri gihe kuri jyewe mbona ari bishya.”

Michelle Obama

Michelle Obama na we ntabwo yabonye ubwo butumwa bw’umugabo we ngo aceceke kuko na we yifurije umukunzi we umunsi mwiza. Michelle Obama abinyujije kuri twitter, na we yagize ati “Umunsi mwiza w’abakundana mukunzi wanjye, musangirangendo wanjye ku kirwa.”

Will Smith na Jada Pinkett Smith

Muri uyu muryango w’ibyamamare mu mafilime, ku munsi w’abakundana ngo kuri bo byari igihe cyo kwerekana ko ikibatsi cy’urukundo hagati yabo kigihari.
Mu mwaka ushize wa 2018, Will Smith yashyize ifoto yo hambere kuri Instagram, igaragaza ibihe byiza yarimo icyo gihe n’umugore we, ayiherekeresha amagambo yifuriza ibihe byiza abakundana bose bo ku isi.

Carla Bruni na Nicolas Sarkozy

Carla Bruni, umugore wa Nicolas Sarkozy wahoze ari umukuru w’igihugu cy’u Bufaransa, na we ku munsi w’abakundana muri 2018 yifurije umukunzi we Nicolas Sarkozy umunsi mwiza w’abakundana. Abinyujije kuri Instagram, Carla Bruni yagize ati “Mwaramutse mukunzi wanjye Valentin, umunsi mwiza w’abakundana, Rukundo rwanjye.”

Diamond Platnumz

Mu gihe ibindi byamamare byasakaye mu itangazamakuru bigaragaza ibihe byiza basangiye n’abakunzi babo ndetse n’amagambo meza babwiranye ku munsi w’abakundana, ibyo si ko byagendekeye umuhanzi Diamond Platnumz.

Uwo muhanzi wo muri Tanzaniya yatandukanye n’umukunzi we Zari Hassan ku munsi w’abakundana muri 2018. Zari wafashe iya mbere mu guhagarika urukundo rwe na Diamond yagize ati “Mubyumve birangoye pe! Byagiye bivugwa ndetse hanaboneka ibimenyetso by’uko Diamond ari umusambanyi, nafashe icyemezo cyo kubihagarika kuko icyubahiro cyanjye sinshaka kugitesha ikuzo.”
“Turatandukanye nk’abakundana, ariko turacyari kumwe nk’ababyeyi”.

UNDP irishimira ibikorwa yagezeho birimo no guteza imbere urubyiruko

Bimwe muri ibyo harimo ukurwanya ubukene bafasha abantu mu kwihangira imirimo ibyara inyungu, ibikorwa byo kubungabunga ikirere binyuze mu kubaka amazu adahumanya ikirere, gufasha abantu kugera k’ubutabera, kwimakaza demokarasi n’imiyoborere myiza n’ibindi.

Stephen Rodriques uhagarariye UNDP mu Rwanda muri iri murikabikorwa ryabaye kuri uyu wa kabiri tariki 12 Gshyantare 2019, yatangaje ko babashije gukora imishinga igera ku 10 yatwaye miliyoni 70 z’amadorari y’Amerika.

Yagize ati “Twakoranye n’abafatanyabikorwa benshi kugirango iyi mishanga igerweho, k’uruhande rwacu twakoresheje miliyoni 70 z’Amadolari y’Amarika, dufatanyije na Leta y’u Rwanda”.

Rodriques akomeza avuga ko yishimira ibyo bagezeho mu myaka itanu ishize, kandi ko bategereje kuzakorana na Leta y’u Rwanda mu yindi mishinga ijyanye n’inshingano bafite nko gufasha urubyiruko kongera ubumenyi n’ubushobozi, imihindagurikire y’ikirere, gufasha abantu kugera k’ubutabera no kwimakaza demokarasi.

Mu izina rya Leta y’u Rwanda Minisitiri Rosemary Mbabazi minisitiri w’urubyiriko, yemeza ko ubufatanye bagiranye na UNDP bwafashije urubyiruko kwiteza imbere.

Yagize ati “Tumaze igihe dukorana na UNDP muri Youth Konnect, twahuguye urubyiruko tubaha ubufasha n’igishoro,twafashije abagera kuri 622,bahanze imirimo 839. Tukaba dufite rero gahunda yo kwagura imishinga dufasha muri Youth Konnect,kuko twongeye kubona ubufasha bwa UNDP”.

Mu rwego rw’imishinga ifasha mu kubungabunga ikirere, leta y’u Rwanda ifatanyije na UNDP babashije kubaka inzu zidahumanya ikirere zigahabwa abantu bavanwaga mu birwa, ibishanga ndetse no mu manegeka.

Faustin Munyazikwiye, umuyobozi mukuru wungirije wa REMA yagize ati “Kubufatanye na UNDP abantu bavanywe muri biriya bice, twabubakiye imidugudu itoshye, aho twabahaye inka, bafite biogaz, twabahaye n’ibigega by’amazi. Twakoranye kandi n’imishinga ireba ibijyanye no kubungabunga urusobe rw’ibinyabuzima”.

Akomeza avuga kandi ko mu byo bakomeje gufatanya harimo gukura amarebe mu byuzi byo mu rwanda.

Mu myaka itanu ishize, mu rwego rwo kwimakaza amahoro na demokarasi, UNDP yahaye amahugurwa abakoranabushake ibihumbi 70, babona ubumenyi mu bijyanye n’amatora.

UNDP ikaba kandi yemezako igiye gufatanya na Leta y’u Rwanda indi mishanga mu myaka itanu iri imbere binyuze muri gahunda y’imbaturabukungu (UDPRS).

Kuri MTN imirongo yari miremire

Mu gitondo cyo kuri uyu wa mbere tariki 11 Gashyantare 2019, nibwo abantu benshi baramukiye ku mashami ya MTN atandukanye mujyi wa Kigali, abenshi bitotombera ko imirongo yabo yahagaritswe ntibashobora kuba bahamagara cyangwa ngo bahamagarwe.

Uwitwa Anastase yagize ”Ejo guhera saa munani z’igicamunsi nibwo abantu bambwiraga ko umurongo wanjye wa MTN udakora, nanjye ngerageje guhamagara biranga, ariko bigaragara ko uriho. Nyuma naje kumenya ko atari njye ufite iki kibazo njyenyine, nabyukiye hano ngo ndebe ko bansubiza ku murongo”.

Urwego ngenzuramikorere (RURA), rwatanze igihe ntarengwa cyo kuba buri munyarwanda wese yaba yiyandukujeho imirongo y’itumanaho imwanditseho ariko adakoresha, bahabwa n’ uburyo bw’ikoranabuhanga bwo kwiyandukuzaho izo numero bitarenze tariki 31 Mutarama 2019. Umuntu yari yemerewe gutunga numero zimwanditseho zitarenze eshatu kuri buri murongo.

Umwe mu bo Kigali Today yasanze imbere y’ishami rya MTN yaje kubaza ibijyanye n’ihagarikwa rya numero ye yemeza ko sisiteme yo kwikuraho numero itigeze ikunda.

Yagize ati ”Rwose batubwiye ko kwibaruzaho imirongo ya telefoni itwanditseho, twakoresha uburyo batubwiye bw’ikoranabuhanga dukoresheje telefoni zacu, ariko byaranze pe, none dore bo bibwirije bakuraho izo dukoresha. Ibi ni ukutudindiriza akazi pe, kuki baba bazi ko uburyo bashyizeho budakora, hanyuma ntibanatumenyeshe ko bagiye gukora igikorwa nk’iki”.

Mugenzi we witwa Mateso yagize ati ”Naramukiye hano mu gitondo nje kureba ibyabaye ku murongo wanjye wa MTN, none kugera na n’ubu ntacyo bari bamfasha. Ubu se umwana wanjye uri ku ishuri anshatse byagenda gute?”.

Iyo winjiraga mu ishami rya MTN wasangaga abantu ari benshi batonze umurongo, ndetse bamwe buzuza impapuro ngo imirongo yabo isubizweho.

Mu gushaka kumenya icyo MTN ibivugaho, Teta Mpyisi ushinzwe itumanaho muri icyo kigo, yavuze ko ibi bintu bigomba gukorwa ku muntu utariyandukuzaho numero zimwanditseho.

Ati ”Mu rwego rwo gukurikiza itegeko ryashyizweho, twari twarasabye abafatabuguzi bacu kwiyandukuzaho nimero bo ubwabo, cyangwa bakagana amashami yacu aho ari hose abegereya”.

Igikorwa cya kwikuraho nimero zanditse ku irangamuntu y’umuntu mu Rwanda kigenwa n’itegeko N 004/R/ICT/RURA/2018 ryo kuwa 26/04/2018.

Byari biteganyijwe ko kirangira tariki 31 Mutarama 2018, aho umunyarwanda kuri buri murongo w’itumanaho ukorera mu Rwanda yemerewe kugira numero zitarenga eshatu, naho umunyamahanga yemerewe nimero imwe ibaruwe kuri passport.

Abafatabuguzi bakoresha umurongo w’itumanaho wa MTN bagera kuri miliyoni enye naho abari bahagarikiwe numero zabo bagera ku bihumbi magana atatu (300,000).

Don Moen yataramiye i Kigali benshi baranyurwa

Ibi yabivuze nyuma y’uko Don Moen wigaruriye imitima y’abatuye isi mu indirimbo zo kuramya Imana yataramiye Abanyarwanda ku mugoroba wo ku wa 10 Gashyantare 2019.

Inzozi zabaye impamo kuri bamwe mu banyarwanda benshi bakunda indirimbo zo kuramya, aho kuri uwo mugoroba umuhanzi Don Moen yataramiye abitabiriye igitaramo yatumiwemo cyabereye muri Kigali Conference and Exhibition Village (KCEV) ahamenyekanye nka Camp Kigali.

Byari byaravuzwe kuva kera ko uyu muhanzi akaba n’umuramyi, Don Moen, agomba kuzataramira mu Rwanda, ariko ntibyagiye bishoboka. Ku ruhande rwe ngo ni uko igihe cyari kitaragera.

Ubwo yari arimo asenga, Don Moen yagize ati “Imana yaciye inzira ngera muri iki gihugu, ndasabira iki gihugu ibyiza n’umugisha mu bihe byinshi .”

Mu gutaramira abanyarwanda benshi bakunda indirimbo zihimbaza, Don Moen yafataga umwanya akabwiriza abaraho ,aho yagize ati:” buri wese abayeho kubera amasengesho ya bene wabo, ba sogokuru na nyogokuru n’abandi. Ni ngombwa ko boherezwa ubutumwa bubashimira”.

Israel Mbonyi yaririmbye mu gitaramo yahuriyemo na Don Moen

Israel Mbonyi umwe mubitabiriye iki gitaramo akaba n’umwe mu basangiye uruhimbi na Don Moen, yemeza ko uyu muramyi atangaje.

Mbonyi ati “Umva uyu mugabo yamenyekana mu 1990 ntahinduka ngo yishyire hejuru. Birakwiye ko abavugabutumwa ndetse n’abaririmbyi ba Gospel bakwiye kumwigiraho ugucisha bugufi kwe, mu murimo w’Imana ntakwikuza”.

Mbonyi akomeza yemeza ko uku guca bugufi kwa Don Moen ari byo byatumye amenyekana ku isi hose kandi agakundwa.

Israel Mbonyi afata Don Moen nk’umuhanzi w’icyitegererezo

Muri iki gitaramo kandi abahanzi nka Dinah Uwera, Israel Mbonyi, Ihuriro rya gikirisitu riramya mu ndirimbo AFLEWO, umuhanzi w’umunyarwa uba muri Uganda Levixone na Columbus bagiye k’uruhimbi bararamya hamwe na Don Moen.

Indirimbo zaririmbwe n’uyu muramyi Don Moen ni
nyinshi ariko zimwe muri zo ni nka: God is Good All the
Time, God With Us, God Will make A Way, Our Father
n’izindi. Donald James wamenyekanye ku izina rya Don
Moen yavutse kuwa 29 Kanama 1950 muri Leta Zunze
Ubumwe z’Amerika.

Mai Atafo ni umuhanga mu gutegura ubukwe ukomoka muri Nigeria

Mai Atafo umunyamideri wambika abantu mu gihe cy’ubukwe n’ibindi birori ukomoka muri Nigeria, abona ko kurya neza bidahagije ku mubiri w’umuntu, ahubwo ko niyo wambaye neza ugaragara neza mu birori byawe.

Mu gihe hari gutegurwa igitaramo kiswe East African Wedding Show mu Rwanda kizahuza abantu bose bagira uruhare mu gutegura ubukwe bo muri Afurika y’uburasirazuba, ndetse n’ibindi bihugu byatumiwe, aho bagomba kurebera hamwe ko imico yo muri ibi bihugu yahurizwa hamwe ku bijyanye n’ubukwe, Amanda Louise wateguye iki gitaramo kubwe abona guhuza abantu b’abanyamideli kubijyanye n’ubukwe baturuka impande nyinshi zo muri afurika bifite akamaro kanini.

Agira ati ”uru n’ urubuga rwo guhuriza hamwe abakora ibikenerwa mu bukwe, haba imyambaro, ibiribwa, ama modoka, abafotora ndetse n’ibindi”.

Amanda akomeza yemeza ko hari igihe byakorwa n’undi muntu wo mugihugu runaka utanamenyereye igihugu cyawe nyamara ntibibuze ubukwe kuba bwiza, cyane cyane habayeho gukorera hamwe.

Ati ”ukeneye nk’imyenda wakwambara aho waba uri hose, yo mu gihugu runaka wayibona bitagoranye kandi bikaryohera ibirori byawe”.

Mai Atafo umunyamieli ukora imyenda yambarwa m’ubukwe ukomoka mu igihugu cya Nigeria witabiriye ibi birori, ngo m’ubukwe ibintu byose biba bikenewe ari ibijyanye n’imirire,imyambarire,make up,…,akomeza agira ati :”burya iyo wariye neza uba ukeneye no kwambara neza kugirango ukubona abone ucyeye hose”.

Iki gitaramo cya East African Wedding Show kizamara iminsi 2, kizahuza abakora ibijyanye n’ibikenerwa mu bukwe,ndetse hanagaragazwe buri muco w’igihugu. Ibihugu byitabiriye ni U Rwanda,Uganda, Kenya,Nigeria na Ghana.

Oda Paccy abaye umugore wa mbere mu Rwanda ushinze Studio

Oda Paccy yamaze gushinga Studio ye itunganya umuziki yitwa ‘Empire Records’.

Uyu muhanzikazi asanga igihe ari iki ku bana b’abakobwa bafite impano mu muziki kugira ngo bazishyire ahagaragara.

Oda Paccy amaze imyaka igera ku icyenda akora umuziki akaba yaramamaye mu Rwanda mu njyana ya Hip Hop.

Oda Paccy avuga ko yuzuye imutwaye miliyoni 11 z’Amafaranga y’u Rwanda

Oda Paccy avuga ko igitekerezo cyo gushinga inzu itunganya umuziki yari akimaranye igihe kirekire. Ngo yakigize nyuma yo kubona ko hari abandi bakobwa baba bafite impano mu muziki ariko bakabura ababatera umwete, n’ababaha ubufasha bwatuma batera imbere mu muziki.

Yagize ati “nk’uko nakoze umuziki nabonye ko ari ngombwa ko nagira inzu nanjye iwutunganya, ngafasha n’abandi bakobwa kuba babasha na bo kugaragaza impano zabo ndetse nanabagira inama mu muziki”.

Ni uko iyo studio igaragara imbere

Oda Paccy asobanura ko Empire Records izanafasha n’abagabo bazifuza gukora umuziki. Ati “uzanashaka ko dufatanya collabo nzamufasha, turebe ko na we yatera imbere”.

Oda Paccy asanga gushinga iyi nzu itunganya umuziki ari yo nzira nyayo yo kuzaba umugore wa mbere uzatunganya umuziki agafasha abandi. Ati “iyi Empire Records izambera inzira yo kwiga gutunganya umuziki kuko ni wo mwuga wanjye, bizaba ari ishema nk’umukobwa ukora akazi nk’ako”.

Studio Empire Records ya Oda Paccy izafasha abahanzi bose bazashaka gukorana na yo

Empire Records ni studio ya mbere mu Rwanda ishinzwe n’umuntu w’igitsina gore ikaba iherereye mu rugo kwa Oda Paccy mu Gatsata. Oda Paccy avuga ko yuzuye itwaye amafaranga y’u Rwanda angana na miliyoni 11.

Mu rwego rwo kwereka abandi ko iyo studio isobanutse, Oda Paccy arateganya gukoreramo n’indirimbo ze bwite.

Aba ni bamwe mu bamamaye, by’umwihariko muri iyi minsi bakunzwe n’abatari bake bitewe n’ubuhanga bagaragaza mu gukina filime.

1 .Lupita Nyong’o

Lupita Amondi Nyong’o yavutse tariki 01 Werurwe 1983. Ku myaka ye 35 y’amavuko, Lupita Nyong’o yegukanye igihembo cya Oscar, ibi bikaba ari ibihembo bihabwa filime n’abakinnyi bazo babaye indashyikirwa kurusha abandi, bigatangwa buri mwaka. Yavukiye muri Mexique, aho se, Peter Anyang’ Nyong’o w’umunyapolitiki yigishaga.

Ababyeyi ba Lupita Nyong’o bakomoka muri Afurika muri Kenya, Lupita Nyong’o na we akaba nyuma yo kuvukira muri Mexique yarahise aza kuba muri Kenya kuva ubwo yari amaze umwaka umwe avutse. Lupita Nyong’o afite ubwenegihugu bubiri, ubwa Kenya n’ubwa Mexique.

Benshi bakunda ubuhanga bwa Lupita Nyong’o mu gukina Filime

Lupita Nyong’o yize muri Leta Zunze ubumwe za Amerika muri Hampshire College aho yabonye impamyabumenyi (Bachelor’s degree) mu masomo y’ibijyanye na filime n’ikinamico muri 2007. Lupita Nyong’o ni umwe mu bakina amafilime w’igitsina gore ukunzwe cyane mu gukina filimi muri Amerika.

Ukumenyekana kwe biva kuri film yitwa ‘12 years a Slave’ yo muri 2013. Kuva ubwo yahise amenyekana atangirara gukina nko mu mafilimi nka Black Panther , The Jungle Book , Star War n’izindi.

2. Kandyse McClure

Iki cyamamare mu gukina filime cyo muri Afurika y’epfo, inzozi zo gukina filime ngo ntazo yari afite, dore ko we mu bwana bwe yumvaga azibera umuganga.

Nyuma y’uko akinnye mu ikinamico (Theatre) muri Canada akitwara neza, abahanga muri filime babonye ko yaba umukinnyi mwiza bityo ajya muri Amerika aho yagaragaye muri filime nka Romeo Must Die, Da Vinci’s inquest n’izindi.

3.Thandie Newton

Melanie Thandiwe Newton wamamaye nka ‘Thandie Newton’ yavukiye mu Bwongereza. Nyina umubyara ni uwo muri Zimbabwe naho se akaba umwongereza witwa Nick Newton.

Thandie Newton yakinnye mu mafilimi menshi yamamaye cyane, bituma aba umukinnyi w’igitsina gore ukunzwe cyane. Thandie Newton yatangiye gukina filime bwa mbere mu yitwa ‘Flirting’ mu 1991, nyuma akina mu zindi nka Interview with a Vampire, Mission impossible II, Norbit, n’izindi.

4. Ella Thomas

Yavutse kuri nyina w’umunya Eritrea ukomoka i Asmara no kuri se w’umunyamerika wari muri Eritrea mu butumwa bw’ingabo za Leta zunze ubumwe za Amerika zirwanira mu kirere.

Igice kinini cy’ubuzima bwe yakimaze aba mu gihugu cy’ Ubudage, akaba ari ho yatangiriye gukunda filime. Ella Thomas yakinnye muri filimi nka Entourage , CSI, Parenthood.

5.Megalyn Echikunwoke

Yavukiye muri Amerika, se umubyara akaba avuka muri Nigeria. Megalyn impano ye yatangiye kumenyekana afite imyaka 14. Echikunwoke yakinnye muri filime zirimo izitwa Who do you love(2008), a Good Day To Die, na Night School (2018)

6.Michelle Van Der Water

Yavukiye muri Afurika y’Epfo, yiga ibijyanye n’ubugeni. Yatangiriye gukina amafilimi ku yitwa ‘Minatour’. Yakinnye kandi mu mafilime y’uruhererekane nka NCSI : Los Angeles n’izindi.

7.Liya Kebede

Uyu mukinnyi w’amafilime yatangiye ari umunyamideli, yanatangiye akora imyenda ye. Muri 2007 yabaye umunyamideli wishyurwaga amafaranga menshi nk’uko ikinyamakuru Forbes cyabitangaje.

Kebede yavukiye muri Ethiopia. Mu gukina amafilime yagaragaye nko muri Fleur du Desert, Samba, Lord of War, Good Shepherd n’izindi.

8.Gugu Mbatha – Raw

Gugulethu Sophie Mbatha-Raw yavukiye mu Bwongereza, Se ni umwirabura wo muri Afurika y’Epfo. Yatangiye kuba umukinnyi w’amafilimi mu mwaka w’2004. Gugu Mbatha yatangiye gukina muri filimi z’uruhererekane nka Black Mirror, Belle, yakinnye kandi muri filimi nka La belle et La Bête.

9. Azie Tesfai

Ni umukinnyi w’amafilimi ufite inkomoko muri Afurika mu gihugu cya Eritrea. Tesfai yatangiye kugaragara mu mashusho y’amafilime nka Wicked Wicked Games , Melrose Place. Azie Tesfai yagaragaye no mu mafilime nka Kind Of Magic , na Two for Hollwood.

10. Charlize Theron

Uyu mukinnyi wa filime w’umunyamerika afite inkomoko muri Afurika y’Epfo, akanatunganya amafilimi. Mu mwaka w’1990 yakinnye muri filime yitwa The Devil’s Advocate. Charlize Theron yatwaye igihembo cya Academy Award. Guhera mu mwaka wa 2013 yakinnye muri filime nka Atomic Blonde, The Fate of The Furious n’izindi.

Ikirere cyiza ndetse n’ingagi zo mu birunga utasanga henshi ku isi bikiyongera ku isuku yashyize u Rwanda ku isonga mu bihugu bikeye muri Afurika ni bimwe mu by’ibanze mu bituma ubukerarugendo bw’u Rwanda bwakira benshi mu banyamahanga, haba abaje mu bucuruzi, ubukerarugendo ndetse n’ibindi.

Muri uku kwezi kwa Kabiri, mu karere ka Musanze haratangizwa ibijyanye no kubaka ikigo gishinzwe guteza imbere ubukerarugendo cyizitirirwa icyamamare Ellen Degeneres, uyu akaba aherutse gusura u Rwanda mu mpeshyi y’umwaka ushize wa 2018, aho yanejejwe cyane n’ingagi zo mu birunga.

Muri uku kwezi kwa kabiri kandi, icyamamaze cyamenyekanye muri firime y’uruhererekane Scandal Bellamy Young yasuye u Rwanda nawe agirana urugwiro n’ingagi zo mu birunga karahava.

Kigali Today yabateguriye urutonde rw’ ibyamamare bitanu mu myidagaduro mu ruhando rw’isi cyane cyane muri Leta zunze ubumwe z’Amerika byasuye u Rwanda mu mezi macye ashize.

1.Ellen DeGeneres

Ellen DeGeneres, ni umunyarwenya akanyobora ikiganiro kuri Televiziyo muri Leta zunze ubumwe za Amerika uzwi cyane, hamwe n’umugore we Portia De Rossi basuye u Rwanda aho bagiranye ibihe byiza n’ingagi zo mu birunga. Asubiye iwabo yahise akora ikiganiro gikubiyemo uburyo yakunze cyane ingagi zo mu birunga.

2. Peter Greenberg

Perezida Kagame na Peter Greenberg muri firime Rwanda the Royal Tour

Mu Nzeli umwaka w’2017 nibwo iki cyamamare gikora umwuga w’itangazamakuru ku bijyanye n’ubukerarugendo akaba akora amafilimi ”ibiganiro mbarankuru bishingiye ku mashusho”.

Mu kuba yarakunze u Rwanda ndetse kandi yishimira intambwe rumaze kugeraha mu iterambere yakoze Film yitwa “Rwanda the Royal Tour” yerekana ibice by’igihugu haba mu cyaro no mu mujyi, hanagaragaramo uko umukuru w’I gihugu cy’ u Rwanda Paul Kagame ari umugabo uzi igihugu kurusha undi wese nkuko bitangazwa na P.Greenberg.

Uyu munyamakuru w’inzobere kubijyanye n’ubukerarugendo yasuye u Rwanda mu bihe byinshi bitandukanye nkaho muri 2015 yanditse ku bijyanye n’inzoga y’urwagwa rw’ibitoki.

3. Bellamy Young

Ni umunyamideri ndetse kandi akaba n’umukinnyi w’amafilimi. Ubusanzwe amazina ye nyakuri yitwa Ami Maria Young. Uyu mugore wamamaye muri firime zikomeye muri Leta Zunze Ubumwe za Amerika nka Scandal, Scrubs n’izindi.

Muri Mutarama 2019 nibwo icyi cyamamare cyageze mu Rwanda, m’ uruzinduko rwe yabashije gushishikariza abakobwa n’abagore kwiga ubumenyi bushya no kwiyungura mu buryo babayeho. Ballamy Young mubijyanye n’imikorere ye n’abategarugori bo mu Rwanda yarishimye cyane agira ati:”Nabonye urukundo rwinshi I Kigali”.

4. Harrison Ford

Ni umukinnyi w’ikirangirire mu gukina filimi, akomoka muri Leta Zunze Ubumwe za Amerika. Harrison Ford yamenyekanye muri film nka Indian Jones, Air Force One, Six Days Seven Night n’izindi. Muri Nyakanga 2017 yasuye u Rwanda.

Ubutumwa yasize igihe yasuraga Urwibutso rwa jenoside rwa Kigali ku Gisozi yagize ati:”Akazi mukora kazubaka ahazaza h’Isi. Twifatanyije namwe mu kababaro kandi dushima cyane imbaraga mushyira mu bwiyunge”.

5. Scott William Winters

Uyu ni umukinnyi w’amafilimi ukomoka mu gihugu cya Leta Zunze Ubumwe za Amerika. Yamenyekanye muri filimi nka 24h Fringe na Good will Hunting n’izindi nyinshi.

Mu Kuboza 2018 yasuye u Rwanda, aho yasuye urwibutso rwa Jenoside rwa Kigali ku Gisozi. Mu butumwa yahatangiye yasabye abatuye isi kuza kureba ibyabaye mu Rwanda,bakigiraho ko bitazongera kuba ukundi ku isi.

Umuhanzi Alain Muku ngo umuziki nyarwanda niwo wagera kure

Mu gihe bamwe mu bahanzi bakunze kumvikana ko bishimira aho umuziki w’u Rwanda ugeze utera imbere, Alain Muku we si ko abibona.
Avuga ko n’ubwo hari ababibona uko, umuziki nyarwanda utarenga umutaru ahanini bishingiye ku kuba abahanzi bo mu Rwanda bakururwa n’iby’ahandi kurusha gakondo yabo.

Agira ati ”Dufata injyana z’ahandi tukabishyira mu Kinyarwanda, ibyo byose bifite umwimerere wabyo naho bituruka. Ariko dufashe umuduri cyangwa icyembe tukabicurangisha mu buryo bwiza, ndahamya ko abashaka iyo njyana ikozwe neza, aho baba bari hose baza hano mu Rwanda. Wareba nk’indirimbo ya Nsengiyumva (mariya jani) irakunzwe, kuki abahanzi tudakora kuriya”.

Yakomeje avuga ko abahanzi bagomba kumenya abo bahangira, bakamenya ko bwambere na mbere ari abanyagihugu, bakabakundisha ibicurangisho gakondo byabo ndetse n’injyana gakondo.

Agira ati ”iyo urebye nkahano muri Afurika muri Congo, Cote d’ivoire, Nigeria n’ahandi usanga bose baririmba injyana yabo bagerageza kujyanisha n’igihe kigezweho. Ibanza gukundwa n’abanyagihugu noneho ikabona igasakara amahanga yose”.

Nyuma yo kubona ko mu maserukiramuco y’umuziki mpuzamahanga abanyarwanda badakunze kugaragara bayitabira, ishuri ry’umuziki rya Nyundo mu byo bigisha bashyizemo amasomo ajyanye n’ibicurangisho gakondo.

Murigande Jacques (Mighty Popo) uyobora iri shuli aganira na Kigali Today yagize ati ”ubu twatangiye kwigisha inanga, umuduri, icyembe, ikondera n’umwirongi, kuko ari bimwe mu bicurangisho biranga umuco nyarwanda, kandi bigatanga umuziki w’umwimerere wacu. Ariko ibi byose bisaba ko abanyarwanda babanza gukunda iby’iwabo. Yego n’injyana z’ahandi ntacyo zitwaye”.

Mu gihe kiri imbere, ishuli ry’umuziki rirateganya gushyira ingufu mu kwigisha ibicurangisho gakondo ku buryo umuziki nyarwanda ugera kurwego rushimishije.

Mu ruhando mpuzamahanga hari abanyamuziki bamenyekanye kubera gukoresha ibikoresho gakondo bakabijyanisha n’igihe, harimo ba Ismail Lo, Anjelique Kidjo, Coumba Gawilo S, Magic System, Tiken Jah Fakoly n’abandi.

Uko iterambere rigenda rifata indi ntera hakoreshwa imbuga nkoranyambaga nka Facebook, Twitter, Instagram, Snapshot, YouTube n’izindi, abantu bakunda kuzikoresha cyane usanga bagira ababakurikira benshi (followers), abandi bakaba bavugwa mu itangazamakuru kubera ibyo bakora.

Mu Rwanda na ho hari bamwe mu bakobwa bamamaye kubera cyane cyane ibyo bashyira ku mbuga nkoranyambaga, ndetse bagakunda kumvikana bagiye mu mahanga, bigatuma abantu bibaza ku mibereho yabo ya buri munsi. Aba ni bamwe muri bo:

Oda Paccy

Uyu ni umwe mu bahanzikazi nyarwanda bagiye bamenyekana kubera ibihangano byabo. Uzamberumwana Pacifique uzwi ku izina rya ‘Oda Paccy’ yavutse tariki 06
Werurwe 1990.

Amashuri abanza yayize mu Gatsata, ayisumbuye ayiga muri EAV Bigogwe, Kaminuza ayiga muri KIST na RTUC, ishami rya Business Information and Technology.

Akazi akora ni umunyamuziki. Iyo urebye kandi ku mbuga nkoranyambaga akurikirwa n’abantu benshi, aho ubona cyane cyane amwe mu mafoto ashyiraho agenda avugisha benshi, hakaba abavuga ko yataye umuco, abandi ibyo akora bakabyita urukozasoni.

Urugero ni aho yagaragaye ku mafoto yambaye ubusa, imbere yikinze ikoma. Gusa hari n’abavuga ko ari uburenganzira bwe.

Hari n’aho agaragara ari mu bindi bihugu bikibazwaho na benshi bavuga ko ataba agenzwa na kamwe nyuma y’uko ashyira amafoto hanze ashotorana . Mu gushaka kumenya ibyo aba agiye gukora hanze, we yagize ati, “rimwe na rimwe mba ngiye gukora amashusho y’indirimbo, ariko kandi nkunda no kujya gutembera nkora izindi ‘business’ ”.

Asnah Erra

Mukasine Asnah yavutse mu 1991, amashuri abanza ayiga muri Kigali Parents’ School, ayisumbuye ayiga muri Fawe Girls School mu ishami ry’ibinyabuzima n’ubutabire (Bio – Chimie), akomereza muri APREDI Ndera mu ishami ry’Ubumenyamuntu (Sciences Humaines), Kaminuza ayiga muri RTUC.

Asinah yamenyekanye mbere ari umukunzi w’umuhanzi Riderman. Nyuma y’imyaka umunani bari bamaze bakundana, baje gutandukana ndetse mu buryo butari bwiza, Riderman yishakira undi mugore.

Asnah (bamwe bavuze ko byamugoye kubyakira) yahise atangira gukora umuziki, ndetse ahindura n’imyambarire dore ko mbere yakundaga kugaragara yambaye yikwije, ntibyagarukira aho kandi atangira gukwirakwiza amafoto n’amashusho ku mbuga nkoranyambaga, bituma avugwa cyane mu itangazamakuru.

Asnah Erra avuga ko yakuze akunda umuziki, atangira kuwukora mu mwaka w’2015 nyuma y’uko yakoraga akazi mu mahoteli. Ku mbuga nkoranyambaga akunda kugaragara yambaye rimwe na rimwe imyenda ikurura abagabo.

Umunyamakuru wa Kigali Today yamubajije ku bijyanye n’ingendo nyinshi akora hanze y’u Rwanda, maze agira ati, “Iyo ukora umuziki biba bisaba gutigita cyane (kugenda cyane), kurebera ku bandi bo hanze ibyo bakora kuko bimfasha mu gukuza umuziki wanjye, kandi n’ibihangano byanjye bikamenyekana. Mu mashuhso nyine hari ibyo bigusaba ukambara bijyanye n’indirimbo”.

Allioni

Buzindu Uwamwezi Aline yavutse tariki 22 Ugushyingo 1992, amashuli abanza yayatangiriye muri La Colombière i Kigali ayarangiriza muri St Joseph-Kicukironaho ayisumbuye ayiga muri La Colombière.

Allioni avuga ko arimo kwiga kaminuza yishyura amafaranga akuye mu muziki. Avuga kandi ko yakuze afite inzozi zo kuzaba umuganga (Doctor). Ubu ni umuhanzikazi nyarwanda mu njyana ya Afro Beat watangiye umuziki kuva mu mwaka w’2012.

Hari amafoto ye yagaragaye ku mbuga nkoranyambaga ari mu bihugu byo hanze y’u Rwanda nk’i Dubai muri Leta zunze Ubumwe z’Abarabu no muri Uganda.

Allioni ku ruhande rwe abona ko ikoreshwa ry’imbuga nkoranyambaga bimufasha kumenyekana no gutanga ubuhamya.

Yagize ati, « Buriya ni bwo buryo bwiza kuko haba bari benshi bakoresha imbuga nkoranyambaga, baragukurikira bakamenya ibyo ukora mu kazi kawe, kandi gutekereza ko kuba umuntu akora ingendo hanze agiye gushaka amafaranga mu buryo budakwiye acuruza umubiri we, si byo, ku ruhande rwanjye mba ngiye gukora indirimbo no gusura abavandimwe ».

Kate Bashabe

Bashabe Catherine wamamaye nka ‘Kate Bashabe’ yavutse mu 1991. Ni umwe mu banyarwandakazi bazwiho gukoresha imbuga nkoranyambaga cyane aho akunda gushyiraho amafoto yerekana ko akora akazi ko kuba ari umunyamideri.

Mu mwaka w’2010, Kate Bashabe yagizwe nyampinga wa MTN kubera uburanga bwe n’ikimero. Yanambitswe n’ikamba rya nyampinga wa Nyarugenge, kamwe mu turere tuvugwamo guturwamo n’ abakobwa bafite uburanga.

Kate Bashabe akunze gukoresha urubuga rwa Instagram ashyiraho amafoto amugaragaza ari ahantu hirya no hino ku isi. Icyakora twashatse kumenya byinshi kuri we atubwira ko muri iyi minsi atarimo kugirana ibiganiro n’itangazamakuru muri iki gihe.

Mu minsi ishize kandi yavuzweho kugirana ubushuti budasanzwe n’ibyamamare muri muzika byo muri Afurika, birimo umuhanzi Davido, n’abandi.

Shaddy Boo

Mbabazi Shadia ukoresha izina rya ‘Shaddy Boo’ ni umunyarwandakazi w’umunyamideli wamenyekanye kubera gukoresha imbuga nkoranyambaga cyane cyane Instagram, Facebook na YouTube.

Ikindi cyatumye amenyekana ni ukuba yaragaragaye mu mashusho y’indirimbo zimwe na zimwe, ndetse n’imyambarire ye igaragaza imiterere y’umubiri we mu bitaramo yagiye yitabira hirya no hino mu Rwanda no mu mahanga.

Shaddy Boo na Diamond

Shaddy Boo akunda no gushyira ku mbuga nkoranyambaga amashusho amugaragaza abyina imbyino bamwe bita ko ‘zishotorana’.
Twagerageje kumuvugisha kuri Telefoni ntiyitaba, ntiyasubiza n’ubutumwa bugufi twamwandikiye. Hagiye hagaragara ndetse bikanavugwa ko akunda kugirana ubushuti bwihariye n’abanyamahanga b’ibyamamare mu muziki nka Diamond wo muri Tanzaniya, Davido wo muri Nigeria, ndetse n’abandi.

Hari ibikunze kuvugwa ko bamwe mu byamamare, (by’umwihariko abagore n’abakobwa) bashyira amafoto ku mbuga nkoranyambaga bagamije kwimenyekanisha, kwigaragaza no gukurura abagabo.

Cyakora hari indirimbo mu mateka zagiye zimenyekana kurusha uko ba nyira zo bamenyekanye, cyangwa se umuhanzi akamenyekana ukwe ndetse n’indirimbo ikamenyekana ukwayo.

Kigali Today yabateguriye urutonde rw’indirimbo 10 zamenyekanye cyane kurusha ba nyirazo, rimwe na rimwe zigasubirwamo n’abandi rimwe cyangwa se kenshi, ugasanga ziri kwitirirwa abandi.

1. Freedom

Inddirimbo Freedom ya Ben Kayiranga yarabyinwe biratinda mu myaka ya za 1998

Iyi ni indirimbo yamenyekanye mu Rwanda ndetse no hanze yarwo mu myaka ya za 1998 ikaba yarakozwe na Ben Kayiranga.

2. Umulisa

Iyi ni indirimbo yakunzwe cyane n’abantu benshi, ku buryo hari n’abandi bahanzi bagiye bayisubiramo. Iyi ndirimbo imenyekana bwa mbere yaririmbwe mu mwaka 1985 na Heri Mukasa.

3. Igikobwa

Iyi ndirimbo Igikobwa yamenyekanye mu mwaka w’1988, iramenyekana cyane ariko bacye nibo bazi ko ari iya Sam Gody.

Benshi bamenye indirimbo z’umuhanzi akaba n’umunyamakuru Sam Gody kurusha uko bamumenye

4. Sekera mu gicumbi

Naho Sekera mu gicumbi ni iyo mu mwaka w’1988 nayo ikaba yarakozwe n’umunyamakuru akaba n’umuhanzi Sam Gody Nshimiyimana.

5. Delira

Iyi ndirimbo yamenyekanye mu Rwanda ndetse inakundwa n’abandi bahanzi benshi kuburyo bakunze kuyisuburamo mu bitaramo baba bakoze.
iyi ndirimbo yahimbwe inaririmbwa na Shyaka Gerard.

6. Ndayoboza

Ni indirimbo yakunzwe mu myaka y’1989, ikaba arimwe mu indirimbo zakozwe n’umunyamakuru ndetse umukinnyi wa za publicite Mugabo Justin.

7. Inyanja

Ni indirimbo yamenyekanye mu mwaka w’1990 mu Rwanda ndetse no mu mahanga, bitewe n’ubutumwa bwakoraga ku mitima ya benshi. Yatumaga bamwe mu bari barahunze bibaza igihe ibintu bizagira mu buryo bakagaruka mu gihugu cyabo, abandi bagakumbura imiryango yabo yari yarahejejwe ishyanga n’ubutegetsi bubi bw’icyo gihe. Iyi mdirimbo inyanja yaririmbwe na Ntawuhanundi John.

8. Hotel Kiyovu

Ni indirimbo yakunzwe cyane bikagaragazwa n’uburyo yasubiwe mo n’abantu benshi. Benshi mu bayikunda ntibaziko yaririmbwe na Nyirinkwaya Alex mu mwaka w’1984.

9. Urwo ngukunda

Ni indirimbo yamenyekanye, ikajya ica kuri radio inshuro nk’eshanu k’umunsi mu mwaka wa 2005, ikaba itanga ubutumwa bw’urukundo. Ni indirimbo ya Victoire ubu ubarizwa muri Canada.

10. Sindagira

Iyi ndirimbo yumvikanye bwa mbere mu mwaka 1989, aho kugeza na nubu abantu batari bakeye bakunda kuyumva. Ni indirimbo yakunze kuririmbwa n’umuhanzi Teta Diane, bigashimisha benshi mu bayumva. Hari abatazi ko ari iya Ntibahanana Theophlie.

11. Umurunga

Iyi ndirimbo yaramenyekanye cyane yahimbwe inacurangwa n’umuhanzi Kagame Alexs, uyu akaba yari impanga ya Kagambanye Alexandre.

12. Umva

Iyi ni Indirimbo ni indirimbo ihimbaza Imana yakunzwe n’abakunda gusenga ndetse n’abandi. Hari umubare munini w’abayikunze n’ubu bayikunda ariko batazi ko yaririmbwe na Group Sowers.

13. Umwari wanze umwarimu

Iyi ni indirimbo ya nyakwigendera Mwitenawe Augustin. Gusa yamenyekanye iririmbwa n’umugore ku buryo abazi ko ari iya Mwitenawe ari mbarwa.

14. Mama

Iyi ni indirimbo yaririmbwe na Mihigo Francois, wamenyekanya nka Mihigo Francois Chouchou. Ni indirimbo yakunzwe kubera amagambo arimo avuga ubuzima bw’umwana wakuze arerwa na se, nyina yarabataye kubera ubukene.

15. Dore ishyano re

Iyi ni indirimbo yamenyekanye cyane ikanaririmbwa kenshi ariko si buri wese uyizi usi ko ari iya Orchestre Abamararungu.

Bamwe mu bakurikirana umuziki nyarwanda bemezako kuba aba bahanzi bataramenyekanye ngo ni uko urebye bagiye bakora indirimbo imwe cyangwa ebyiri bakarekeraho.

Nikobizanzwe Andre Groumico ati ”Urebye mugihe cyabo ntabwo bigeze bafata umwanya wo kumenyekanisha ibihangano byabo, barekaga indirimbo ikizamura, abantu ntibari kumenya ngo ni iyande bitandukanye n’ubu. Abo bahanzi bakoraga umuziki bawukunze, bitandukanye .n’ubu aho abahanzi bakora umuziki nk’akazi kabatunze.

Ikindi cyatumye aba bahanzi batamenyekana nk’indirimbo zabo n’uko ahanini batigeze bakora ibitaramo ngo abantu bababone amaso ku maso baririmba izo ndirimbo, kandi nta ni ibitangazamakuru byari byinshi muri icyo gihe.

Reka turebe bamwe mu bahanzi nyarwanda, n’abandi bakora indi mirimo bakunzwe na benshi ariko bafite indi mirimo bakora.

Tom Close

Muyombo Thomas yavutse tariki 28 Ukwakira 1986. Ni umuhanzi nyarwanda ukunzwe na benshi kubera indirimbo ze.

Muyombo Thomas uzwi ku izina ry’ubuhanzi rya Tom Close yamenyekanye igihe yigaga mu yahoze ari kaminuza nkuru y’u Rwanda i Butare(UNR), mu ishami ry’ubuganga.
Tom Close yatangiye umuziki mu 2005 muri groupe yitwaga ‘Afro-Saint’ hamwe na bagenzi be bane. Indirimbo yakoze bwa mbere ku giti cye yitwa “Mbwira”.

Muyombo Thomas ni umuganga wita ku buzima bw’imbabare, nyuma yaho akanakomeza kuba umuhanzi kuko aracyashyira hanze indirimbo shya.

Danny Vumbi

Semivumbi Daniel yavutse tariki 28 Ukwakira 1978. Ni umuhanzi nyarwanda ukunzwe na benshi kubera indirimbo ze harimo nka ni ‘Danger’.

Ku izina ry’ubuhanzi akaba azwi ku izina rya ‘Danny Vumbi’. Afite impamyabumenyi ya Kaminuza yakuye muri KIE mu bijyanye no kwigisha.

Mu mwaka w’2002 ni bwo yatangiye gukora umuziki akiri ku ishuli muri KIE, icyo gihe akaba yari ari mu itsinda ryitwaga The Brothers.

Semivumbi Daniel ‘Danny Vumbi’ ni umwanditsi w’indirimbo yandikira abandi bahanzi, ndetse na we ubwe akiyandikira izp aririmba.
Danny Vumbi ubu yabaye rwiyemezamirimo aho asigaye afite akabari mu mujyi wa Kigali, ariko kandi akaba agikora umuziki kuko indirimbo ze ziracyasohoka.

AmaG the Black

Amani Hakizimana yavutse tariki 04 Nyakanga 1990. Ni umuhanzi nyarwanda ukunzwe na benshi kubera indirimbo nka ‘Ikiryabarezi’.
Mu buzima bwe busanzwe akora akazi ku gutunganya Frigo ziba zarahuye n’ibibazo.

Ziggy 55

Fikiri Nshimiyimana wamamaye nka ‘Ziggy 55’ ni umuhanzi nyarwanda ukundwa na benshi kubera indirimbo ze, ziri ahanini mujyana ya Rumba nk’iyitwa ‘Cherie Nanga’.

Ziggy 55 afite impamyabumenyi y’icyiciro cya kabiri cya Kaminuza yakuye muri KIE.

Mu mwaka w’2002 ni bwo yatangiye gukora umuziki akiri ku ishuli muri KIE, yari ari mu itsinda ryitwaga The Brothers. Fikiri Nshimiyiman ‘Ziggy 55’ akaba akora umuziki ariko ni n’umunyamakuru kuri TV1, ndetse agakora no muri Rwanda Revenue Authority.

Uncle Austin

Uyu ni umuhanzi nyarwanda wamenyekanye kubera indirimbo ze nka ‘Uwo nkunda’ na ‘Nzakwizirikaho’.

Mu buzima busanzwe afite akandi kazi afatanya n’umuziki n’Itangazamakuru.

Nkusi Arthur

Nkusi Arthur bakunze kwita ‘Rutura’ yavutse tariki 22 Mutarama 1990. Ni umunyarwenya hano mu Rwanda wamenyekanye kubera gusetsa abantu, akaba abarizwa mu itsinda ry’abanyarwenya rya Comedy Night.
Mu buzima busanzwe akora akazi k’itangazamakuru kuri Radio Kiss FM.

Mzee Kennedy

Mazimpaka Jones Kennedy yavutse mu 1960. Ni umukinnyi w’amafilimi ndetse n’ikinamico. Yize amashuri yisumbuye, akaba azwi ku izina rya Master J.K. igihe yasobanuraga amafilimi.
Master J.K. yamenyekanye asobanura film yitwa ‘Disco Dance’ mu mwaka w’1997. Nyuma yakomeje kwibera umukinnyi w’amafilimi ndetse n’ikinamico.

Mazimpaka J. Kennedy nyuma yo kuba umuhanzi akora undi murimo w’ivugabutumwa, akaba ari umushumba mu itorero LIVING WORD.

MC Tino

Kasirye Martin yavutse tariki 28 Ugushyingo mu 1986. Ni umuhanzi nyarwanda wamenyekanye mu ndirimbo ‘Njyewe nawe’.

Ku izina ry’ubuhanzi azwi nka ‘MC Tino’, akaba afite impanyabumenyi y’icyiciro cya kabiri cya kaminuza yakuye mu yahoze ari Kaminuza ya SFB muri Marketing.

MC Tino usibye kuba ari umuhanzi, akora n’akandi kazi, harimo kuba umushyushyarugamba,ndetse ni n’umunyamakuru .

Barore Cleophas

Cleophas Barore yavutse tariki 10 Ukwakira 1969. Ni umunyamakuru, umwuga yatangiye mu mwaka w’1997.

Yamenyekanye kubera ikiganiro yakoraga cyitwa ‘Makuruki mu binyamakuru’ . Barore arimo kurangiza icyiciro cya kabili cya kaminuza mu itangazamakuru.

Cleophas Barore si umwuga w’itangazamakuru akora gusa kuko anakuriye urwego rw’abanyamakuru bigenzura. Kuva mu mwaka w’2012 yahawe n’izindi nshingano z’ubushumba mu itorero rya ADEPR.

Anitha PENDO

Anitha PENDO ni umunyamakuru. Yavutse tariki 14 Gashyantare 1986. Aracyakomeza amashuli ya Kaminuza. Anitha Pendo yatangiye umwuga w’itangazamakuru mu mwaka w’2007.

Mu mwaka w’2008 yatangiye kuba MC ahantu henshi hatandukanye akaba anabifatanya kandi n’akazi k’itangazamakuru. Akora n’akandi kazi ko kuvanga imiziki (DJ).

Hari abandi benshi mu bo mukunda kubera ibyo bakora mwabamenyeyeho, ariko babifatanya n’undi mwuga turacyabibakoreraho ubushakashatsi tuzababagezaho mu minsi iri imbere.

P Fla na Jay Polly

Ibi bituma umuntu yibaza ikiba kibyihishe inyuma. Ese ni ugushaka kuvugwa mu itangazamakuru cyangwa koko ni urwangano ruba ruhari?

Mu rwego rwo gushaka kumenyakana mu muziki, hari bamwe bahitamo gushaka guhangana na bagenzi babo babinyujije mu ntonganya, kugira ngo babashe kumvwa nk’uko umunyamakuru Asinah Ashanti abibona.

Yagize ati “iyo urebye usanga aribwo buryo bukoreshwa cyane. Nko muri Amerika ho banabikora mu birori, abaririmbyi baterana amagambo ku rubyiniro (stage) ndetse ababakunda bakabafana. Ikindi kandi bituma na ba bandi bavugwa abantu bifuza kumva ibihangano byabo, bityo rero mbona ari inzira yo kumenyekana”.

Umuhanzi Jay Polly avuga ko ubu buryo ari bumwe mu kumenyekanisha ibyo umuntu aba akora mu muziki.

Ati “hari igihe umuhanzi aba ikiri hasi ashaka kumenyekana agashotora uri hejuru ye, nk’urugero umuntu agashaka kumvuga nabi, iyo musubije bihita bimenyekana bityo uwo muhanzi na we akazamuka.”

Hari kandi n’ubundi buryo abahanzi bakoresha hagati ubwabo bagaterana amagambo kugira ngo bavugwe mu bitangazamakuru, urabyumva neza ko bahita bamenyekana.”

Bamwe mu bari bagize Tuff Gang baranzwe no guterana amagambo

Ku ruhande rw’umuhamzi P Fla, we yemeza ko uguterana amagambo ari uburyo bwo kwereka mugenzi wawe ko umurusha, na we yaba ashoboye agafata umwanya akandika indi ndirimbo igusubiza.

Yagize ati “ushotora undi munyamuziki umubwira amagambo n’iyo ataba ari iby’ukuri kugira ngo urebe aho ageze mu muziki, niba akurusha cg umurusha”.

Akomeza yemeza ko ubu buryo bwatangijwe kera hagati y’abahanzi bijyana ya Hip Hop bo muri Leta Zunze Ubumwe za Amerika, ngo n’iyo mwagiranaga ikibazo muri studio byasabaga ko mwandika imirongo y’indirimbo ikabakiza.

Mu Rwanda hari ingero nyinshi zagiye zigaragara mu bahanzi bagiye bagirana ibibazo by’ubushyamirane mu muziki wabo.

Mu mwaka w’ 2012 hagati ya Jay Polly na P Fla

Aha ni nyuma y’uko itsinda rya Tuff Gang ryirukanye P Fla, hanyuma agahita atangira gushyira mu majwi Jay Polly ko ari we ubyihishe inyuma, bityo P Fla atangira guhimba indirimbo zisebya Jay Polly.

Hagiye habamo gusubizanya mu mirongo hagati y’aba bahanzi, bikaba byaratumye bamenyekana cyane ndetse buri wese yahoraga mu itangazamakuru ashaka gusobanura iki kibazo.

Amakimbirane hagati ya P Fla na Bull Dogg

Aba bahanzi bose bahoze mu itsinda rimwe Tuff Gang, ariko nyuma y’aho batandukaniye buri wese yaririmbaga indirimbo atuka undi. Ibi ku rundi ruhande byatumye indirimbo zabo zamamara.

Manager Alex Muyoboke

Mu mwaka wa 2013 havuzwe ubushyamirane hagati ya Muyoboke na Nizzo
Uku guterana amagambo byabaye nyuma y’uko itsinda rya Urban boys ryahagaritse Alexis Muyoboke wari umujyanama (manager) waryo.

Umuhanzi Nizzo wo muri Urban Boys

Hahise hatangira uguterana amagambo hagati y’abo bantu bombi aho Muyoboke yavuze ko abasore bagize itsinda rya Urban Boys bashyize inda imbere, yongera kuvuga ko umwe mu bagize iri tsinda (Nizzo) atabashaga kuvugana na we mu rurimi rw’icyongereza.

AMAG The Black na Danny Nanone

Ibi byabaye aho hasohokeye indirimbo ya Danny Nanone yakoranye n’itsinda Active aho bavugaga ku muhanzi Ama G de Black hamwe na Senderi Eric.

Mu guterana amagamo kw’aba bahanzi byatumye iyo ndirimbo ikundwa kandi bongera no kuvugwa mu itangazamakuru.

Mico the Best hamwe na Eric Senderi

Umwaka w’2013 nibwo aba bahanzi bagiye bumvikana baterana amagambo aho buri wese yashakaga kumvisha undi ko amurusha mu muziki.

Ku rundi ruhande, byatumye indirimbo zabo zikurikiranwa, abantu bashaka kumenya urusha undi.

Charly na Nina hamwe na Marina

Marina amaze iminsi yumvikana asa n’ushotora Charly na Nina. Mu bitaramo aheruka gukorera i Rusizi n’i Kigali, hari aho yageraga agasaba abafana guceceka akaririmba aho yavuze amazina ya bariya bahanzi Charly na Nina ariko aho kuvuga amazina yabo neza, bikumvikana asa n’uvuga ‘Shyari na Nyina’.

Habayeho gusabana imbabazi, ariko ku rundi ruhande byatumye bakomeza kuvugwa no kumenyekana.

Marina Debol

Ibi byo kutumvikana kw’abahanzi aho baterana amagambo (Beef), hano mu Rwanda hari ababikoresha nk’uburyo bwo kuba byabafasha kumenyekana.

Mu yandi mahanga ho hari n’igihe hazamo urwango no guhangana cyane bikaba byaviramo umwe kuhasiga ubuzima.

Uganda havugwa ukutumvikana hagati ya Bobi Wine na Bebe Cool

Ubushyamirane hagati y’aba bahanzi bumaze igihe kirekire, bikavugwa ko bwatangiriye aho bari batuye, kuko umwe yavaga mu muryango w’abakire undi akomoka mu bakene.

Bobi Wine, wiyita umwami wa Getho, yemeza ko umwana wo mu bakire ari we Bebe Cool ntacyo yamurusha mu muziki kuko we atabaye umwana w’umuhanda ngo yirwaneho azamuke.

Bebe Cool we ashinja Bobi Wine kuba mu ndirimbo ze yaragiye yibasira abana n’umugore ba Bebe Cool.

Ubu bushyamirane bwarushijeho gufata indi ntera. Dore ko Bebe Cool asanzwe ashyigikira perezida Museveni, naho Bobi Wine we akaba ku ruhande rw’abatavuga rumwe na Museveni.

Mu ntangiriro z’uyu mwaka wa 2019 nibwo aba bahanzi babashije kwicara hamwe ndetse no gusuhuzanya nyuma y’imyaka 15 batavuga rumwe.

Bebe Cool yavuze ko Bobi Wine akwiye gusaba imbabazi.
Ati “kuba yaragiye yibasira umuryango wanjye si byiza, agomba kubasaba imbabazi”.

Bobi Wine ku ruhande rwe yagize ati “Njye ndemera ko kera tukiri bato twakoze ndetse tuvuga ibintu, umwe yibasira undi mu muziki. Ubutumwa bwanjye ku bankunda ndetse n’abamukunda ni uko bareka gushyamirana kuko byangiza Uganda n’abayituye”.

Congo Kinshasa : ubushyamirane hagati ya Papa Wemba na Koffi Olomide

Aba bahanzi bazwi cyane mu muziki w’injyana ya Rumba muri Repubulika iharanira Demokarasi ya Congo. Ubushyamirane bwabo bwatangiye kera, ku buryo no mugushyingura Papa Wemba hibajijwe impamvu Koffi Olomide atahabonetse.

Byanavuzwe ko Olomide ashobora kuba mu bagambaniye Papa Wemba wapfuye mu buryo butunguranye, ndetse Koffi Olomide ntiyitabira n’umuhango wo gushyingura Papa Wemba.

Hari ibivugwa ko umwe yari yarabwiye undi ko uzapfa mbere y’undi, usigaye atazitabira umuhango wo kumushyingura.

Ibi byo kutumvikana byatangiye mu mpera z’umwaka w’1970 aho Koffi Olomide yari akiri umunyeshuri mu Bufaransa, ariko akundaga n’umuziki. Aho atahiye aje mu biruhuko muri Zaire akaba yarandikiraga Papa Wemba Jules indirimbo.
Aho Koffi Olomide yatangiriye kuririmba ni byo byakuruye ubushyamirane hagati ye na Papa Wemba.

Aba bahanzi bombi batekereje gukorana Album “Weke Up” nk’uburyo bwari kubahuza, nyuma y’igihe kinini bari bamaze batavugana neza.

Mu mwaka w’1990 nibwo Koffi Olomide yagiye azamuka cyane mu muziki aho yageze agakura Papa Wemba ku mwanya w’umuhanzi ukunzwe cyane (Grand Mopao), nyuma yindirimbo yasohoye harimo nk’iyo yise ‘Loi’ na ‘Attentant’.

Mu mwaka w’2015 Papa Wemba Jules Shungu Wembadio yakoze ubukwe, mu batumiwe harimo na Koffi Olomide ariko ntiyabonetse muri ubwo bukwe.

Tanzania: Ubushyamirane hagati ya Ali Kiba na Diamond Platnumz

Aba bahanzi bo muri Tanzania bigeze kuba inshuti zikomeye. Bivugwa ko Diamond yaririmbaga indirimbo za Ali Kiba igihe yishakishaga mu muziki.

Ikibazo cya vuba aha cyumvikanye ubwo mu gitaramo Chris Brown aherutse gukorera muri Tanzania, umuyobozi mu by’amajwi wa Diamond yavuzweho gukuraho micro ya Ali Kiba kuko yarushaga Diamond kuririmba neza.

Biranavugwa ko indirimbo ‘Lala Salama’ yaririmbwe na Diamond yayibye Ali Kiba. Uko guhangana (beef) hagati yabo ngo bituma badashobora kuba bakorana indirimbo (collabo) mu muziki, ariko ibi bikaba biha buri wese gukundwa kuko usanga harakozwe inkuta ku mbuga nkoranyambaga z’abashyigikiye buri muhanzi.

USA : Notorious B.I.G. na Tupac Shakur

Mu mwaka w’1996 hadutse ubushyamirane no guterana amagambo hagati y’umuraperi The Notorious B.I.G. na Tupac Shakur ubusanzwe bari inshuti.

Byaviriyemo Tupac kwicwa bigakekwa ko ari BIG wabigizemo uruhare kuko mu ndirimbo yari yarashyizwe hanze na Tupac Shakur yitwa ‘Hit’Em Up’ Tupac yavugaga ko yabonanye n’umugore wa BIG.

Umuhanzikazi w’umunyamerika Mariah Careh na Eminem

Ibi byabaye nyuma y’uko umuhanzi Eminem ashyize hanze indirimbo yitwa The Warning (2009), aho yavugaga ko yabashije gukorana imibonano mpuzabitsina na Mariah Carey, ariko uyu na we agahakana ko byabaye.

Nyuma, Mariah Carey na we yashyize hanze indi ndirimbo ivuga ko ahubwo uyu mugabo yaba yaratwawe ahubwo n’uburanga bwe akaba yibeshyera ahubwo ashaka kwamamara, indirimbo Mariah Carey ayita ‘Obsessed’.

Icyo byamariye aba bantu bari bahanganye mu magambo ni uko indirimbo ya Eminem ‘The Warning’ yageze ku mwanya wa munani muri US Bubbing Under R&B/Hip-Hop, naho Obsessed ya Mariah Carey yageze ku mwanya wa karindwi.

Uku guterana amagambo hagati y’abahanzi iyo bikoreshejwe neza bifasha benshi mu kwiteza imbere kuko nibwo buryo bwiza bubafasha kubasha gukurikiranwa n’abantu benshi, haba ku mbuga nkoranyambaga cyangwa ku ma radiyo na za televiziyo.

Dream Boyz yatahanye cheque ya miliyoni 24 ubwo yegukanaga Guma Guma mu 2017

Ni irushanwa ryategurwaga n’uruganda rwenga ibinyobwa bisembuye n’ibidasembuye Bralirwa, ku bufatanye na sosiyete izwiho gutegura ibikorwa by’imyidagaduro East African Promoters.

Bralirwa ibinyujije ku rubuga rwayo rwa interineti, ivuga ko iri rushanwa ryabaga rigamije guhuriza hamwe abahanzi bakunzwe kurusha abandi, ari nako abaritsinda bahabwa ubushobozi n’urubuga bituma umuziki wabo utera indi ntambwe.

Hashize iminsi bivugwa ko iri rushanwa ryahagaze.
Umuhanzi mu njyana ya Hip hop Khalfan, mu kiganiro Sato Concord cya KT Radio cyo kuwa gatandatu tariki 12 Mutarama 2019, yagize ati “Guma Guma yararangiye ni twe twayirangije. Ntabwo Guma guma izongera kubaho”.

Bamwe mu baryitabiriye bemeza ko ryabafashije mu rwego rw’amafaranga ndetse no kuba babasha gukomeza gukora byiza ngo bashimishe ababakunda, ariko n’impano zabo zizamuke.

Dr Muyombo Thomas uzwi nka Tom Close, umuhanzi watwaye primus Guma Guma ku nshuro ya mbere mu mwaka 2011 yagize ati “kuruhande rwanjye dore ko ari nabwo yari igitangira byatumye mbasha kubona amafaranga nkomeza gukora umuziki wanjye. Binafasha kandi kwerekana ko umuziki dukora ushobora kuba wacurangwa mu buryo bwa live”.

Tom Close niwe wegukanye Guma Guma Superstar ku nshuro ya mbere ahigitse King James

Platini Nemeye umwe mubagize Dream Boyz, itsinda ryatwaye Guma Guma mu 2017, avuga ko hari byinshi bashima iri rushanwa ariko kandi hakaba n’ibyo bagaya.

yagize ati “Iri rushwanwa ryadufashije byinshi mu buryo bw’amafaranga, hari kandi icyabashije kuzamuka. Byari bigoye kwibonera band, ndetse benshi ntawaciye mu ishuri rya muzika. Ntibyari byoroshye kubasha kwitegurira igitaramo cya live”.

Avuga kandi ko iri rushanwa ryatumaga abahanzi bakora cyane nk’abari kurushanwa, bigatuma bakore neza kurushaho gusa ngo hari n’ibyo kunenga.

Ati “Wasangaga abahanzi batareba kure ngo barenze Guma guma. Ndetse ryanashyizeho ikintu kimeze nka standard ‘Nyirantarengwa’ aho wacaga amafaranga bakakubwira bati ayo mafaranga uyasaba ute na Guma guma batayatanga?”

Bruce Melodie watwaye Primus Guma Guma ya 2018 benshi bemeza ko ari iyanyuma, ngo “Nanjye Primus Guma Guma yanfashije kumenyekana, kuko burya iyo uririmbira abantu benshi barakumenya, unamenya uburyo bwo kwitwara imbere yabo kugira ngo ubashimishe. Ku ruhande rwanjye kandi nabashije no gukuramo amafaranga mu gihe negukanaga umwanya wa mbere”.

Iri rushanwa rimaze igihe riri ku isonga ni rimwe muyahuzaga abantu bakunda umuziki nyarwanda, mu gihe cy’amezi atatu ryakorwagamo ryaritabirwaga mu kurebwa, n’abanyamuziki nyarwanda bakamenyekana.

M.C Tino umunyamuziki, akaba n’umushyushyarugamba wakoranye na Guma Guma igihe kinini, asanga ngo guhagarara kwa Guma Guma bibabaje.

Butera Knowless Umugore rukumbi wegukanye iri rushanwa

Ati “Primus Guma Guma ni urubuga twese abahanzi duhuriraho kugirango ibihangano byacu bimenyekane, nibyo dukora bikundwe n’abantu.

Na nyuma y’iryo rushanwa ukoresha concert abantu bakabyitabira kuko baba barabonye ibyo ushoboye”.

Umwe mu bakunzi ba muzika witwa Anastase avuga ko guhagarara kwa Guma Guma bibabaje, ati “mu by’ukuri iri rushanwa ryaradushimishaga cyane kuko wabaga umwanya mwiza w’ibyishimo no kwidagadura ku bakunzi ba muzika nyarwanda. Birababaje”.

Bralirwa, yateye inkunga Guma Guma, dore ko yanayihaye izina ry’inzoga yayo, ntiyashatse kugira icyo ivuga kuri aya makuru avuga ko Primus Guma Guma itazongera kubaho ukundi.

Umwe mubashinzwe itumanaho muri Bralirwa yagize ati “Ndumva nta makuru yo gutangaza kuri icyo kintu mfite”.

Umuyobozi wa East African Promoters isanzwe itegura iri rushanwa Boubou Mushyoma, ntiyabashije kugira icyo asubiza ibibazo by’umunyamakuru mu nyandiko, ndetse ntiyitaba na telefone ye.

Zimwe mu mpamvu abantu bavuga ko ziteye Guma Guma guhagarara, ni ukuba Bralirwa itakihariye isoko ry’ibyo kunywa, bityo ngo amafaranga yinjiza ashobora kuba yaragabanutse, ndetse no kuba abahanzi bakunzwe benshi baramaze kuvana ikirenge muri iri rushanwa nyuma yo kuyitwara.

Bruce Melodie niwe washyize akadomo ku bahanzi batwaye Guma Guma

Hari kandi abavuga ko nta mushinga utagira igihe urangirira, bakemeza ko imyaka umunani yari ihagije ku irushanwa nk’iri risaba benshi kurigiramo uruhare ngo hinjire amafaranga, umuterankunga yunguke nyuma yo kuvanamo ayo yakoresheje, ibintu ngo bigenda bikomera uko irushanwa rigenda rimara igihe.

Bimwe mu bihembo abitabiriye Guma Guma bagiye bahabwa harimo igihembo gikuru cya miliyoni zashoboraga kugeza kuri 24 ku muhanzi watwaye umwanya wambere, ndetse n’andi mamiliyoni yagendaga agabanywa abahanzi bagiye batwara imyanya ikurikiyeho, bitewe n’amategeko yagendaga ahindagurika uko ibihe byagendaga bisimburanwa.

Primus Guma Guma yatangiye mu 2011, ikaba akenshi yaratwaga n’agabo uretse inshuro imwe yatwawe n’umugore ariwe Butera Knowless wayitwaye ku nshuro yayo ya gatanu mu mwaka 2015.

Abitwaye Primus Guma Guma, ni Tom Close mu mwaka 2011, King James 2012, Riderman 2013, Jay Polly 2014 na Bruce Melodie 2018, ndetse namatsina nka Urban Boyz 2016 na Dream Boys 2017.

Mu yandi marushanwa mu by’umuziki yafunze twavuga nka Tusker Project Fame ryo muri Kenya, irushanwa ryamenyekanye cyane mu karere ka Afurika y’Uburasirazuba, irushwa ryanatwawe n’umunyarwanda Alpha Rwirangira inshuro zigera kuri ebyiri.

Aya marushanwa ahanini agenda arangwa n’udushya twinshi cyane tuba tutiteguwe na buri wese. Kigali Today yabateguriye udushya 15 twavuzwe cyane kurusha utundi kuva iri rushwanwa ryavugwa bwa mbere mu gihugu, kugeza uyu mwaka aharimo gushakwa Nyampinga w’u Rwanda wa 2019.

1. Mu 1992 miss Rwanda isa nk’itarabaye

Muri uwo mwaka, abateguye iryo rushanwa ndetse n’abaryitabiriye basaga nk’abatiteguye. Byarangiye abakobwa batsinze nta bihembo bahawe, ndetse n’uwabaye miss amenywa na bake cyane barimo abaryitabiriye gusa. Ibi bituma uyu mu miss adashyirwa ku rutonde rwa ba Miss igihugu cyagize.

2. Mu 1993 Miss Uwera Delila yahembwe ibihumbi 50

Ubwo iri rushanwa ryari ribaye bwa kabiri, byari bigoye kubona abakobwa baryitabira, ariko Lion Imanzi wabaye umushyushyarugamba, yavuze ko haje kuboneka abakobwa 10, maze hatorwa Uwera Delila, ahembwa ibihumbi 50 Frw, ndetse n’ibihembo birimo amasabune n’amavuta byatanzwe n’uruganda Sulfo Rwanda.

Ni irushanwa ryabereye muri Hotel Chez Lando, rikaba ryari ryateguwe n’iduka ‘Partners international’.

Miss Rwanda 1993 Uwera Delila

3. Hagati y’ 1994 n’ 2008 nta miss Rwanda watowe

Iki gihe kingana n’imyaka 14 nta Miss Rwanda yabaye, bitewe ahanini n’uko igihugu cyari cyarashegejwe na Jenoside yakorewe Abatutsi. Icyo gihe byinshi byari birimo gusubizwa mu buryo harimo n’itegurwa rya Miss Rwanda.

4. Mu 2009 Miss Bahati Grace yabyaye akiri miss

Uyu mukobwa watowe Abanyarwanda basa n’abari baribagiwe abandi basa nk’abarimo kumenya bwa mbere ibya miss Rwanda, yahuye n’ibihe bitoroshye birimo kuba yaramaranye ikamba imyaka itatu hataratorwa umusimbura.

Ibi byanamukururiye kuvugwa cyane igihe yabyaraga umwana w’umuhungu yabyaranye n’umuhanzi Muhire William uzwi nka K8 Kavuyo mu 2012, kuko yari akiri nyampinga w’u Rwanda kandi bitemewe kubyara ugifite ikamba.

Miss Grace Bahati n’umuhungu we

5. Muri 2012 Miss Aurore ntiyambitswe ikamba na Miss Grace yari asimbuye

Ku itariki ya 01 ukuboza 2012 nibwo hagombaga kumenyekana Miss Rwanda ugomba gusimbura Miss Bahati Grace wari umaze imyaka itatu yambitswe ikamba nka miss Rwanda 2009.

Abakurikiye iri rushanwa batangajwe no kubona ubaye Nyampinga muri uwo mwaka ari we Aurore Umutesi Kayibanda adashyikirijwe ikamba na Nyampinga Bahati Grace nyuma yuko atatumiwe muri ibi birori, kuko yari yarabyaye umwana, kandi mbere yo kuba miss yemera ko atazabyara cyangwa ngo ashake umugabo acyambaye ikamba.

Kayibanda Aurore yamaranye ikamba imyaka ibiri kuko umwaka yagombaga gusimburwamo wa 2013 nta matora ya Miss Rwanda yabaye.

6. Mu 2014 umukobwa yavuze igifaransa kitabaho

Iri rushanwa ryashojwe ku wa 23 Gashyantare 2014 ryegukanywe na Akiwacu Colombe aho yambitswe ikamba na Aurore Umutesi K.

Mu gihe abakobwa bari baturutse mu bice bitandukanye by’igihugu baharaniraga kuba ba nyampinga, mu bibazo bagiye babazwa n’abakemurampaka byagaragaye ko aba bakobwa batumvaga indimi z’amahanga babajijwemo bagasubiza ibiterekeranye n’ibyo babajijwe, kandi mu rurimi rupfuye. Iri rushanwa ryaranzwe n’indimi bamwe bise iz’umuriro.

Umuhoza Gislaine yasubije ikibazo bigaragara ko mu by’ukuri atazi ururimi yari abajijwemo.

Abakemurampaka: si vous étiez un jour nommée maire de la ville de Kigali, quel est le problème que vous allez régler, et pourquoi ce problème? (muramutse mubaye umuyobozi w’umujyi wa kigali ni ikihe kibazo wakwibandaho mu gukemura byihuse ?)

Umuhoza Gislaine yavuze igifaransa abantu barumirwa

Umuhoza Gislaine: Le problème que je vais régler, c’est la problème des enfants de la mère qui vont mourir avant né, la problème que je règles c’est la problème des enfants qui ont mort avant nés. Tugenekereje ibyo yashatse kuvuga, ngo azita ku kibazo cy’impfu z’abana bapfa bavuka, kugira ngo gishakirwe umuti.
Aha wakurikirana uko abahataniraga kuba ba Nyampinga w’u Rwanda bavuze indimi zitangaje.

7. Miss Colombe yahawe imodoka ishaje

Muri uyu mwaka kandi Miss Colombe wagizwe Nyampinga, yahawe imodoka ishaje y’ivatiri yo mu bwoko bwa Nissan ndetse bigeze aho iramunanira imara igihe kirekire mu igaraje yarabuze icyuma cyapfuye.

Bijya gutangira ngo Minisiteri y’umuco yari yaravuze ko izahemba uyu mukobwa imodoka yo mu bwoko bwa Hyundai I 10 Grand nshya ifite agaciro ka miliyoni 13, gusa birangira ahawe Nissan ifite agaciro kari munsi y’ayo mafaranga yari imaze igihe igenda mu muhanda, kuko yasohotse muri Magerwa taliki 27 Gashyantare 2013 ihabwa Miss Rwanda ku itariki ya 23 Gashyantare 2014.

Imodoka Miss Colombe yahawe yari imaze umwaka igenda mu mihanda ya Kigali

Muri uyu mwaka kandi amatora ya miss Rwanda yagaragayemo akajagari gakabije, kanatumye umuhango w’isozwa rya miss Rwanda umara iminsi ibiri kuko miss yamenyekanye byageze ku wundi munsi.

8. Ifoto ya Miss Colombe na Miss Aurore basoma King James yaravuzwe biratinda

Iyi ni ifoto yamamazaga ibikorwa bya sosiyete imwe ikora ibijyanye n’itumanaho mu gihugu. Benshi bavuze ko aba bakobwa bagombaga kuba icyitegererezo cy’umukobwa ufite umuco Nyarwanda baba barataye umuco bakajya gusomana ku karubanda, ikirenze ibyo bagasoma umuhungu umwe ari babiri. Cyakora aba bakobwa bavuze ko nta kibazo babonye mu byo bakoze.

Miss Colombe na Miss Aurore basomye King James benshi barabigaya

9. Mu 2015 Miss watowe yiswe umunyamahanga

Muri uyu mwaka hatowe Miss Kundwa Doriane, akimara gutorwa ibitangazamakuru byo muri Uganda byatangiye kwandika ko uyu mukobwa ari Umugandekazi uvuka i Kampala, ndetse bamwe bakeka ko ari bwamburwe ikamba, ariko birangira abantu bamenye ko ari Umunyarwandakazi uvuka mu karere ka Kicukiro.

Miss Doriane yiswe umunyamahanga birangira bigaragaye ko ari Umunyrwandakazi w’i Kicukiro

10. Muri 2016 miss watowe, nyuma bamugereranya na Michael Jackson

Ku nshuro yaryo ya 6 Finali ya nyampinga w’u Rwanda yabaye tariki 27 Gashyantare 2016, irushanwa ryegukanwa na Jolly Mutesi wambitswe ikamba na Doriane Kundwa. Miss Jolly wari ufite imyaka 20 icyo gihe yari ashabutse kandi azi kuvuga neza ikinyarwanda n’Icyongereza, benshi bakabona ko ashobora kuzagera kure mu marushanwa mpuzamahanga.

N’ubwo ari uko benshi babibonaga, Jolly nta kamba rinini yakuye muri Miss World, uretse kuba umushinga we waraje muri 20 ya mbere myiza. Uwabaye igisonga cya mbere cya Miss ari we Peace Ndaruhutse Kwizera, yaje kwegukana ikamba rya Miss Naiades 2016.

Miss Jolly yaje kuvamo inzobe yaka benshi bakeka ko yakoresheje amavuta ahindura uruhu

11. Mu 2017 Miss Igisabo yaravuzwe karahava, Kalimpinya na we asiga imvugo

Mu irushanwa ryashojwe ku itariki ya 26 Gashyantare 2017 ku nshuro yaryo ya 7 nibwo Iradukunda Elisa yatorewe kuba nyampinga wahize abandi naho Uwase Hirwa Honorine wavuzwe cyane kubera uburyo yari ateye neza, aba miss wakunzwe na benshi ‘Miss Popularity’.

Havuyemo umukobwa Habiba Ingabire utarigeze ubona ikamba rya Nyampinga w’u Rwanda nyuma yo kwiyamamariza guhagararira umujyi wa Kigali, bityo agaragaza umujinya mwinshi abinyujije ku rukuta rwe rwa Instagram atuka byimazeyo umwe mu bakemurampaka, Rwabigwi Gilbert. Nyuma Habiba Ingabire yagiye guhagararira u Rwanda muri Miss Supranational 2017.

Muri uyu mwaka kandi, izina ‘Kalimpinya’ ryagoye benshi cyane mu bari mu cyumba.

Ubwo Miss Kalimpinya, wari watomboye umubare 3, wanaje kuba igisonga cya Gatatu cya Miss Iradukunda Elsa, yageraga imbere y’akanama nkemurampaka yarivuze ati“Nitwa Queen Kalimpinya…” Mike Karangwa wari uyoboye akanama nkemurampaka amusaba gusubiramo, maze arongera ati“Nitwa Queen Kalimpinya…” abakemurampaka bamubajije icyo bivuze na we ati ”Bisobanuye Umuhandangabo, umuhanga w’umuheto”, n’ubwo benshi batamenye icyo bisobanuye ntawongeye kubimubazaho, bahise bajya ku bindi bibazo.

Miss Honorine wamenyekanye nk’Igisabo bamwe bavuga ko yavuzwe k’urugero rumwe na Josiane

Miss Queen Kalimpinya yadukanye inyogosho, yo guca akarongo mu musatsi, benshi baramwigana ndetse ako karongo bakita Akalimpinya.

12. Mu 2018 abakobwa bakamiye mu tudobo

Muri iri rushanwa ku inshuro yaryo ya 8 ryari ryitabiriwe n’abana b’impanga bagaragaye mu majonjora. Abo ni: Uwonkunda Belinda na Umutoni Belise ni abakobwa birabura bari bafite imyaka 22.

Hanabonetse kandi impinduka mu kanama k’abakemurampaka aho uwari ugakuriye Mike Karangwa atabashije kugaruka agasimburwa na Isheja Sandrine.

Muri iri rushanwa kandi hakunda no kugarukwa ku bijyanye n’umuco nyarwanda, ariko ibyabaye byo ni agahomamunwa aho abakobwa bahataniraga ikamba rya nyampinga bakamiye mu tudobo tuvamo isabune.

Abakobwa bakamiye mu tudobo benshi barabinenga

13. Muri 2019 Mwiseneza yaravuzwe karahava

Mu matora ya Nyampinga w’u Rwanda wa 2019 agikomeje, Mwiseneza Josiane yaravuzwe cyane bitewe n’impamvu na we adasobanukiwe neza.

Bamwe baketse ko ari uko akomoka mu cyaro ndetse akaba yaranaje n’ibirenge mu gihe hamenyerewe abakobwa baza bikozeho cyane ndetse bakaza mu modoka nziza, we si uko. Yaje yakoze urugendo rushobora kuba rugera ku biromotero 10 n’amaguru ndetse yanatsitaye, kuva ubwo izina Mwiseneza Josiane ryigarurira imitima y’abafana batari bake kugeza na magingo aya.

Hagaragayemo kandi umukobwa Isimbi Noeline waje guhatanira ikamba rya nyampinga nubwo bitamuhiriye ngo akomeze, uyu akaba ari umukobwa wiyemerera ko yabaye umwana wo mu muhanda ndetse akaba umumansuzi yewe akaba yarakoze byinshi bidahesha umukobwa w’u Rwanda icyubahiro, nko gufungwa henshi kandi kenshi, gusa akavuga ko yahindutse ndetse ashaka gutanga urugero rw’uko ubuzima bwose umuntu yanyuramo ashobora kuburenga akagera kuri byinshi byiza.

Mwiseneza Josiane yaravuzwe ku rugero ruruta undi mukobwa wese muri Miss Rwanda

14. Mu 2019 Abakemurampaka ni abagore gusa

Mu gihe mu myaka yashize wasangaga abakemurampaka bagizwe n’abagabo ndetse n’abagore barimo Dr Higiro Jean Pierre, Karangwa Mike, Rwabigwi Gilbert, Sandrine Isheja n’abandi, uyu mwaka si ko bimeze.

Kuva mu majonjora abakemurampaka ni abagore n’abakobwa gusa kuko ari Miss Jolly Mutesi (Miss Rwanda 2016), Uwase Marie France, umunyamakuru Iradukunda Michele, n’umunyamakuru Everyne Umurerwa.

15. Miss Rwanda, tike yo gutura hanze

Mu bakobwa umunani bambitswe ikamba rya Miss Rwanda, kugeza ubu babiri gusa na bo baheruka ni bo batuye mu Rwanda ari bo Miss Rwanda 2016 Mutesi Jolly, Miss Rwanda 2017 Iradukunda Elsa, na Miss Rwanda 2018 Iradukunda Liliane. Icyakora na bo, birashoboka ko ejo cg ejobundi bazakurikira bagenzi babo.

Miss Rwanda 1993 Uwera Delila yibera i Burayi, Miss Rwanda 2009 Bahati Grace yibera muri Amerika, Miss Rwanda 2012 Kayibanda Aurore na we aba muri Amerika, Miss Rwanda 2014 Akiwacu Colombe aba mu Bufaransa, mu gihe Miss Rwanda 2015 aba muri Canada.

Miss Aurore Kayibanda atuye muri USA

Miss Akiwacu Colombe ni umwe mu ba Miss bahise bajya gutura hanze

Akiwacu Colombe mu irushanwa rya Miss Supranational muri Pologne muri 2016

Alexia yababaje benshi bamukundaga

Nk’uko bitangazwa na Safari, musaza wa Alexia, ngo nyakwigendera yavutse mu mwaka w’ 1984, avukira Nairobi muri Kenya mu muryango w’abana batanu, bagizwe n’abakobwa batatu n’abahungu babiri.

akomeza avuga ko Alexia yabyawe na Alex K Mupende na Rose Mupende, Amashuri abanza ayiga I Nairobi ayarangiriza I Kigali muri Camp Kigali, ayisumbuye ayakomereza muri Kicukiro Academy ahiga umwaka umwe, akomereza ku ishuri Namashagari muri Uganda, arangiriza muri Saint Laurence muri Uganda.

Nyakwigendera Alexia yakomereje Kaminuza mu Rwanda muri Mount Kenya University.

Umuvandimwe wa Alexia avuga ko ibyo gukora ibijyanye n’imideri yatangiye kubikunda igihe yigaga mu mashuri yisumbuye muri Uganda, dore ko ku mashuri bagiraga isomo ryitwaga ‘culture and modeling’.

Yagize ati “Yifuzaga guteza imbere umwuga we akaba yahagararira igihugu mu bikorwa bihuza abanyamideri ku ruhando rw’isi nka Paris Fashion week”.

Uwera Alexia Mupenda yatangiye gukora ibijyanye no kwerekana imideri mu Rwanda ahagana mu 2005, atangira kumenyekana mu mwaka wa 2012 aho yatsinze irushanwa ‘Rwanda Premier Model Competition’.

Dusabe Jeannine Zahra nawe rekana imideri yabwiye Kigali today ati ”Alexia yari umuntu udakunda gucika intege, kuko yakundaga kutubwira ngo dukomeze mu mwuga uzabasha kudutunga mugihe kiri imbere.

Ibyo byose yabitubwiraga mugihe twabaga dutangiye gucika intege ngo tubivemo. Akatubwira ko kwihangana bifasha gutsinda, mugihe kiri imbere bizaba byiza kurushaho”.

Mu buzima bwe bwa buri munsi yari umuntu uhora yishimye, useka kandi ukunda gufasha abandi mubyo bakora. Kuruhande rwa Rwanda Fashion Models Union ngo babuze inkingi ya mwamba dore ko yari umwe mu bayobozi bayo aho yari umukuru w’akanama nkempuramaka.

Kabano Franco Umukuru wa Rwanda Fashion Models Union ngo ntibazongera kubona umuntu wubahirizaga igihe nkawe ati ”tubuze umuntu washishozaga mubyo twakoraga byose, dore ko iyo twagiraga ikibazo yadufashaga kugikemura kandi neza.

Alexia yari ikitegererezo cyacu twese kuko yashakaga ko dutera imbere ahanini adusaba kubahiriza amasaha mubyo dukora byose”.

Dusabe Jeannine Zahra avuga kandi ko nyakwigendera yari azwiho kwitanga cyane mu byo akora byose. Ati ”yari umuntu watwegeraga twese atitaye ku rwego agezeho akadufasha, bityo natwe tukugirira ikizere cy’uko tuzatera imbere”.

Mu bikorwa byo kumurika imideli Alexia Uwera Mupende yari afite inzozi zo gukomeza akajya imbere dore ko yagiye yitabira ibitaramo by’imidere ku isi nkaho yagaragaye muri Leta zunze ubumwe z’Abarabu muri Dubai Runway Season II.

Ukumurika imideli mu Rwanda bitangiye kugenda bikundwa, kuko ibirori byabyo bisigaye byitabirwa na benshi.

Alexia Uwera Mupende yishwe atewe icyuma, bikaba bikekwa ko umukozi wakoraga mu rugo iwabo ariwe wamwishe kuko yahise aburirwa irengero.

Uyu munyamideri yababaje benshi, bitangira no guhwihwiswa ko uwamwishe yatawe muri yombi, ariko urukuta rwa twitter rwa polisi y’igihugu rwahise rubeshyuza aya makuru, ruvuga ko ipererereza zikomeje, igihe yatawe muri yombi bikaba bizatangazwa.

Umukozi wakoraga mu rugo iwabo witwa Niyireba Antoine w’imyaka 23 niwe ukomeje gutungwa agatoki na benshi, cyane ko yanahise acika, inzego z’umutekano zikaba zikomeje kumushakisha.