Urukiko rwa rubanda rwa Paris

Laurent Bucyibaruta, wasabye ko amasaha y’urubanza yagabanywa kuko ngo afite intege nke, yitabiriye urubanza, aho yinjiye mu rukiko yitwaje imbago imwe. Ni urubanza rwamaze amasaha hafi ane, ubushinjacyaha ndetse n’ubwunganizi bw’uregwa, bwabajije ibibazo Dr Helene Dumas, ku mpamvu avuga ko Laurent Bucyibaruta atakagombye kwiregura, avuga ko atamenye iby’ubwicanyi bwaberaga muri Perefegitura yayoboraga.

Umushinjacyaha yabajije Mme Dumas, niba akurikije uburyo inzego zari zubatse icyo gihe, byarashobokaga ko Laurent Bucyibaruta atamenya ko hari ubwicanyi bwabereye muri Perefegitura ayobora, asubiza ko inzego zari zubatse kuva kuri perefegitura kugera kuri serire ,bahanaga amakuru na gahunda zari zigamije kurimbura abatutsi, kandi ko zayoborwaga n’abayobozi bakuru, zimwe mu nama zikaba zarakorwaga na Laurent Bucyibaruta.

Yavuze ko guhera ku itariki ya 20-21 Mata, abatutsi basaga ibihumbi 50 bari bamaze kwicwa ku ishuri rya ETO Murambi, kuri Kiliziya ya Cyanika na Kaduha, kuko bari babanje kubegeranya bose bababwira ko ari ukubarindira umutekano.

Nyamara nyuma yaho, Laurent Bucyibaruta yakoresheje inama yise yo kugarura umutekano muri Gikongoro, aho yavugaga ko ibyabaye ari ugusubiranamo hagati y’amoko, ndetse ari n’ibikorwa by’urugomo.

Muri iyo nama yitabiriwe n’abayobozi bakomeye mu nzego z’ubuyobozi bwite bwa Leta ndetse n’iza gisirikare, Laurent bucyibaruta yasabye abayobozi ba za komini kubwira abaturage gukaza umutekano, ndetse no gushyira za bariyeri ahantu hanyuranye, nko kuri kilizya za Cyanika na Kaduha, ku kigo nderabuzima cya Murambi, kandi ko bagomba kurwanya umwanzi. Dr Dumas, yavuze ko iyo nama ntacyo yatanze, kuko abantu barushijeho kwicwa.

Ubushinjacyaha bwamubajije kandi kugira icyo avuga ku mvugo zakoreshwaga mu gihe cya Jenoside, asubiza ko hari amagambo asanzwe akoreshwa mu Kinyarwanda, ariko adasobanuye ibintu bibi, nko gukora, guhiga, ku buryo kumva cyangwa gusoma ibyo abayobozi bavugaga wakumva ari ibisanzwe. Nyamara ariko, yari yarahinduriwe igisobanuro cyayo, akoreshwa mu guhamagarira abahutu kwica Abatutsi.

Me Jean Marie Biju Duval wunganira uregwa, yabajije niba kuba Jenoside yari ivanze n’intambara, bitashoboraga gutuma bamwe mu bayobozi batakaza ubushobozi bwabo. Mme Dumas avuga ko hari aho byagiye biba, abayobozi batitabiriye umugambi wa Jenoside bakicwa, ariko ko ibi bitari rusange mu gihugu hose.

Biteganyijwe ko ku wa Mbere tariki 16 Gicurasi 2022, hazumvwa umutangabuhamya Dismas Nsengiyaremye, wabaye Minisitiri w’Intebe w’u Rwanda, kuva muri Mata 1992 kugera muri Nyakanga 1993.

Miss Ingabire Grace arashimira abamugariye ku rugamba rwo kubohora igihugu

Ni igikorwa cyateguwe mu rwego rwo kwizihiza umunsi wo kwibohora ndetse nk’urubyiruko guha ababohoye u Rwanda agaciro harimo no kubashimira ndetse no kubigiraho mu rugendo rwo gusigasira ibyagezweho.

Miss Ingabire yavuze ko kuba izo ngabo zaramugariye ku rugamba bidakwiye kugira uwo byatera ipfunwe, kuko ni umukoro ukomeye ku rubyiruko rw’ubu.

Akomeza avuga ko ingufu zabo zitapfuye ubusa kuko nk’urubyiruko rubashimira kandi ibyagezweho bizakomeza kubungwabungwa.

Mu bikoresho byatanzwe harimo insimburangingo, inyunganirangingo, amagare yifashishwa n’abafite n’ubumuga, n’ibindi bitandukanye.

Miss Ingabire Grace aganira n’abo yasuye

Jean Pierre uhagarariye ikigo cya HvP Gatagara yagize ati “Twe nk’ikigo iki ni icyemezo cyatworoheye cyane kuko dusanzwe dukorana na Commission ishinzwe gusubiza mu buzima busanzwe Ingabo. Na none tuzi neza icyo abagenerwa bikorwa bagejeje ku gihugu cyacu ni yo mpamvu tutabajya kure".

Yabijeje ubufatanye bazakomeza kugirana na Komisiyo ishinzwe gusezerera no gusubiza mu buzima busanzwe Ingabo, ndetse banasaba iyo Komisiyo ko bazakomeza imikoranire myiza.

Brig. General Peter John Bagabo, Komiseri muri Komisiyo yo gusezerera no gusubiza mu buzima busanzwe abari abasirikare (RDRC), by’umwihariko ushinzwe Umujyi wa Kigali, yasabye izo Ngabo gukomeza discipline zigaragaza, ndetse ko igihugu kibatekereza mu byo bakora byose.

Yakomeje ashimira abategura Miss Rwanda ndetse na ba Nyampinga bose ubufatanye bwiza bakomeje kugirana na Komisiyo dore ko atari bushya, ariko byose byerekana ko bifitanye isano no kuba urubyiruko rugomba guhora runezezwa n’iterambere rihari, ko rukwiye gukomeza gusigasira ibyagezweho, kuko ishimwe rya mbere ababohoye igihugu rizabanezeza ari ryo kubona u Rwanda rukomeza gutera imbere, rufite amahoro, ari igihugu gitemba amata n’ubuki kandi ibi byose bijyana n’iterambere rirambye.

Miss Rwanda ukomeje gukora ibikorwa bitandukanye avuga ko iki gikorwa yagitekereje nk’urubyiruko, ariko na none nka Nyampinga w’u Rwanda agomba kumenya amwe mu mateka yaranze urugamba rwo kubohorora igihugu.

Ati “Ibi bikoresho twazanye hano kubufatanye na HVP Gatagara ni ikimenyetso cy’uko tubaha agaciro kandi tuzi neza ko muri ab’agaciro mu buzima bwacu”.

Brig. Gen Peter John Bagabo

Yakomeje ashimira cyane ikigo cya HVP Gatagara nk’abafatanyabikorwa beza ndetse ashimira Komisiyo yemeye kumuha umwanya wo kugira amahirwe nk’ayo nka Miss Rwanda 2021 bimwigisha byinshi.

Yongeye gushimira abamugariye ku rugamba ndetse n’Ingabo z’igihugu muri rusange kuba barabohoye u Rwanda.

Miss Ingabire akomeje gukora ibikorwa byinshi bitandukanye aho mu minsi ishize yoroje amatungo magufi abajyanama b’ubuzima mu Karere ka Rwamagana.

Abaturage basutse amazi akonje ku mwana mu muhango wo gusaba ko imvura yagwa mu gace batuyemo

Ibi byabereye mu gace ka Bundelkhand mu Ntara ya Madya Pradesh, kamaze igihe kibasiwe n’amapfa yatewe n’izuba ryinshi ryacanye igihe kirekire.

Hirya no hino ku mbuga nkoranyambaga hasakaye video zigaragaza abana bato b’abakobwa, batambuka bambaye ubusa, bafite ibibando biboheyeho ibikeri ku rutugu. Abo bana babarirwa mu kigero cy’imyaka 5, bari baherekejwe n’abagore bagendaga baririmba indirimbo zihimbaza Imana. Abatuye muri aka gace, bemera ko uyu muhango ushimisha Imana cyane, maze na yo ikabaha imvura.

Imiryango irengera uburenganzira bw’abana mu Buhinde yabwiye ubutegetsi bw’iki gihugu ko uwo muhango ufatwa nko kubangamira uburenganzira bw’abana, naho igipolisi cya Madhya Pradesh kikavuga ko cyatangiye iperereza ryo kumenya neza ikigamijwe, n’ubwo nta wigeze atanga ikirego cy’uko abana bahohotewe. Igipolisi kikavuga ko hari ingamba zizafatwa, mu gihe kizasanga hari abana bahatiwe kugenda bambaye ubusa mu muhanda.

Umuyobozi w’Akarere ka Damoh witwa Krishna Chaitanya, avuga bagiye gusobanurira abaturage ko iyo mihango ntacyo imaze, ko atari byo bizatuma imvura igwa.

Abahanga mu mitekerereze ya muntu bavuga ko imihango nk’iyi igaragaza ko abaturage bamaze kwiheba, bagashaka ibibarangaza, ku buryo babona ko nta kindi bakora ku kibazo cy’inzara bafite.

Yashyize ifoto kuri urwo rubuga rwe, yandikaho amagambo y’icyongereza agaragaza ko Manchester United ayikunda bidasanzwe.

Yagize ati “I’m back where I belong. My never ending love”, tugenekereje mu Kinyarwanda akaba yagize ati “Nsubiye iwacu, aho ngomba kuba ndi. Urukundo rudashira”.

Munsi y’iyo foto, Cristiano yagaragaje ko kuba azakomeza kwambara numero 7, bizakomeza kumuha amahirwe, kuko ngo umubare karindwi ukora ibitangaza. Yagize ati “7 is the magic number”, bishatse kuvuga ngo 7 ni umubare ukora ibitangaza.

Iyo nimero, ni yo yambaraga mbere y’uko ava muri Mancherser United yerekeza muri Real Madrid, akomezanya na yo kugeza muri Juventus none ni na yo azokomeza kwamba n’ubundi muri Manchester United.

Manchester United yemeye kwishyura miliyoni 12,8£ ku masezerano y’amezi 10 Cristiano Ronaldo yari asigaje muri Juventus, bagakomezanya urugendo rw’umupira w’amaguru mu gihe cy’imyaka 2, amasezerano ashobora kongerwa.

Gusa, Ronaldo yahisemo gusubira muri Manchester United aho yamaze imyaka itandatu, atwara ibikombe bitatu bya Premier League, kimwe cya Champions League, bibiri bya League Cup, FA Cup imwe, Igikombe cy’Isi cy’Amakipe na Community Shield ubwo yatozwaga na Sir Alex Ferguson.

Mu itangazo ryashyizwe hanze n’Urwego rw’Igihugu rushinzwe Imfungwa n’Abagororwa (RCS), rwatangaje ko uyu muhanzi yazize ikinyobwa yikoreye afatanyije na bagenzi be bari bafunganywe muri Gereza ya Nyarugenge iherereye mu Murenge wa Mageragere.

RCS yatangaje ko Jay Polly, afatanije n’uwitwa Gilbert Harerimana, na Jean Clement Iyamuremye, bafatanije mu kuvanga alcool yifashishwa n’imfungwa/abagororwa mu kwiyogoshesha, amazi ndetse n’isukali, maze bakanywa urwo ruvange.

Jay Polly wari ufunzwe akurikiranyweho ibyaha bitandukanye, harimo n’icyo gukoresha ibiyobyabwenge, yajyanywe ku ivuriro rya gereza tarikibya 01/09 ahagana muma saa kumi n’ebyiri za nimugoroba, yitabwaho n’abaganga. Gusa, yakomeje kuremba, ari bwo yahise ajyanwa mu bitaro bya Muhima, gusa birangira yitabya Imana mu rukerera rwo kuwa 02/09 ahagana saa kumi n’igice za mugitondo.

Kuri ubu, Urwego rw’Igihugu Rushinzwe Ubugenzacyaha (RIB) hamwe na Rwanda Forensic Laboratory (RFL) bakaba batangiye iperereza kugira ngo hamenyekane icyateye uru ruphu.

Jay Polly ni umwe mu bahanzi nyarwanda bakundwaga na benshi, haba imbere mu gihugu ndetse no mu Karere.

Bruce Melodie

Muri iyo Festival, Bruce Melodie azahurira ku rubyiniro na Harmonize ukomoka mu gihugu cya Tanzaniya, na we ukomeje kuzamuka neza mu gihugu cye no muri Afurika y’Iburasirazuba.

Nyuma y’iyi Festival azitabira muri Canada, Bruce Melodie azakomereza i Dubai, aho azitabira igitaramo cyiswe ‘Kigali Night’ kizabera hagati mu mazi, mu bwato bunini buzwiho kwakira ibirori binyuranye.

Umujyanama we, Lee Ndayisaba, aganira n’itangazamakuru yagize ati “Bruce Melodie yiteguye guhagararira umuziki w’u Rwanda muri ‘African Music Festival’ mu gihugu cya Canada, kandi imyiteguro kugeza ubu iragenda neza.

Ndayisaba yavuze kandi ko igitaramo kizabera i Dubai tariki ya 30 Ukuboza 2021 ari kimwe mu bitaramo byinshi Melodie ateganya kuzitabira, kuko afite umushinga munini wo kuzenguruka ibihugu byinshi ku isi.

Muri gahunda yo gukora ibitaramo hirya no hino, harimo ko yagombaga gukora igitaramo mu gihugu cy’u Burundi, ariko kikaba kitarabaye kubera icyorezo cya Covid-19.
Bruce Melodie, ni we muhanzi wabaye uwa mbere mu Rwanda mu gusinya amasezerano yo kwamamaza ku mafaranga menshi, aho aherutse gusinyana amasezerano yo kwamamariza ikigo cyitwa ‘Food Bundles Ltd’, ikigo kigura kikanagurisha ibicuruzwa binyuranye kuri internet, kuri miliyari y’Amanyarwanda.

Cecile Kayirebwa, ni umwe mu bahanzikazi bafatwa nk’icyitegererezo mu Rwanda, haba mu ijwi ndetse n’ubuhanga mu gutondekanya amagambo y’ikinyarwanda cy’umwimerere mu ndirimbo ze.

Kayirebwa, kuri ubu ufite imyaka 75 y’amavuko, yatangiye kuririmba kuva mu bwana bwe, ariko yatangiye kubigira umwuga amaze kugera mu Bubiligi mu myaka ya 1973.

Uretse kuririmba, akigera mu Bubiligi, yanatangije itorero “Inyange", aho yigishaga urubyiruko, baba abazungu n’Abanyarwanda, iby’ingenzi mu muco nyarwanda, harimo kubyina no guhamiriza.

Kugeza ubu, Cecile Kayirebwa arakunzwe cyane, kuko benshi bakunda ku mutumira mu misango y’ubukwe n’ibitaramo, kugira ngo bongere baryoherwe n’ubwiza bw’ijwi rye, mu ndirimbo nyinshi bakunze. Zimwe mu ndirimbo ze abantu bakunze cyane, harimo Tarihinda, Cyusa, Umulisa, Inkindi, Kayitesi, n’izindi.

Perezida Farmajo yisubiyeho ku cyemezo cyo kwiyongeza imyaka ibiri ku butegetsi

Kuva ku wa Gatandatu tariki ya 24 Mata 2021, hatangiye imirwano yashyamiranyije abasirikare bashyigikiye Farmajo n’abatemera ko agundira ubutegetsi, imirwano yaje gukaza umurego ku cyumweru mu murwa Mukuru Mogadishio.

Ku mugoroba wo ku wa Kabiri tariki ya 28 Mata 2021, Perezida Farmajo yagejeje ijambo ku baturage, atangaza ko yisubiyeho ku cyemezo yari yafashe, ndetse ko hagiye guhita hasubukurwa gahunda yo gutegura amatora.

Muri iryo jambo yagize ati "Ndifuza kongera kwemeza nk’uko nabikoze mu gihe cyashize, ko ibikorwa byose bigomba kuba biharanira amahoro ndetse n’uburenganzira bw’abaturage ba Somalia. Tugiye gutegura amatora y’Umukuru w’Igihugu, kandi na yo azaba mu mahoro".

Muri iryo jambo, yanashimiye Minisitiri w’Intebe wa Somalia, avuga ko ibikorwa bye abishyigikiye. Ni mu gihe hari hashize amasaha make atangaje ko adashyigiiye gahunda ya Farmajo, yo kongera imyaka 2 kuri manda ye yarangiye.

Perezida Farmajo yavuze ko ku wa gatandatu azaba ari mu Nteko Ishinga Amategeko, aho azasubizaho amasezerano yo ku itariki ya 17 Nzeli 2020 ajyanye na gahunda y’ibikorwa by’amatora, aya akazasimbura ayari yemejwe n’abagize Inteko Ishinga Amategeko ku itariki ya 12 Mata, yo kumwongerera indi myaka ibiri y’Ubutegetsi.

Ayo masezerano yo mu 2020 avuga ko abakuru b’amoko muri Somalia bahitamo ababahagarariye mu Nteko itora, abo na bo bagahitamo abadepite bo ku rwego rwa Leta, ari na bo bahitamo ugomba kuba Perezida.

Abaturage muri Somalia bari bamaze iminsi bahunga ibikorwa by’urugomo, ndetse bafite ubwoba ko intagondwa za Al-Shabaab zanyura mu cyuho cy’umutekano muke uhari, zikawuhungabanya birushijeho.

Perezida Farmajo yasabye ko abasirikare bahagarika imirwano, ahubwo bagashyira imbere kubungabunga umutekano w’abasivili, kugira ngo hatagira amaraso ameneka.

Izo nkweto zikuyeho umuhigo wari ufitwe n’iza Nike Air Jordan 1s, zaguzwe asaga miliyoni magana atandatu z’Amafaranga y’u Rwanda mu mwaka wa 2020.

Inzu igurisha ibintu by’agaciro muri cyamunara ya Sotheby’s, ku wa mbere yavuze ko ari zo nkweto za siporo ziguzwe asaga miliyoni y’Amadorari, kuko zaguzwe miliyoni 1.8 z’Amadolari ya Amerika.

Izo nkweto zaguzwe na RARES, urubuga rwo kuri Internet rushora imari mu myambaro idasanzwe yo ku birenge. Abarukoresha bashobora kugura imigabane mu nkweto nk’uko abashoramari bagura imigabane muri kompanyi runaka, zikaba zaragurishijwe na kompanyi y’ubucuruzi bw’inkweto ya Ryan Chang.

Ubwo Kanye West yari yambaye izo nkweto muri Grammy Award ya 2008

Hari hashize iminsi mike Kansiime agaragaje ifoto ku mbuga nkoranyambaga, ahishurira abakunzi be ko agiye kubyara, akaba yari yarabanje kubigira ibanga. Icyo gihe, yavuze ko yari agishaka uburyo bwiza bwo kubibabwiramo. Yagize ati "Numvaga ntazi aho nahera. Nari ntegereje uburyo bwiza bwo kubitangaza, vuba njye na Skylanta tugiye kugira umwana wiyongera ku muryango wacu."

Kansiime abyaranye n’umuhanzi Skylanta bakundanye kuva muri 2018, nyuma y’uko muri 2017 atandukanye na Gerald Ojok bari barashakanye mu mwaka wa 2013.

Inkuru bijyanye:

Umunyarwenya Anne Kansiime yatangaje ko atwite

Narikoye, nikorera ubukwe, n’ubu biracyambabaza – Anne Kansiime

Ubwo Alberto yafatwaga na Polisi

Uwo musore yatawe muri yombi mu mwaka wa 2019, nyuma y’aho umuturanyi we ahuruje, avuga ko hari ibidasanzwe akeka ko Alberto yaba akorera mu nzu ye. Abapolisi binjiye mu nzu, basanze uwo musore yishe nyina María Soledad Gómez w’imyaka 66, ndetse bagasanga ibice by’umubiri we binyanyagiye hirya no hino mu nzu, ibindi yabifunze mu masorori ya pulasitiki, nk’uko bitangazwa n’ikinyamakuru LeParisien.

Alberto Sánchez Gómez, mu kwiregura, avuga ko atibuka niba koko yarishe nyina, ndetse akagerekaho no kumurya.

Birakekwa ko uwo musore yaba yari asanzwe afite uburwayi bwo mu mutwe, ndetse akaba azwiho kuba yarafataga ibiyobyabwenge bikomeye. Ngo si ubwa mbere yari atawe muri yombi, kuko yahoraga afungwa azira guhohotera nyina.

Alberto n’imbwa ye

Akimara gufatwa ubwo yari afite imyaka 26, Alberto yari yemeye ko yanize nyina, ndetse ko hari ibice bye yari amaze kurya, ibindi akabigaburira imbwa ye.

Urubanza rw’uwo musore ruracyakomeje.

Derek Chauvin yahise yambikwa amapingu ajyanwa muri gereza

Derek, yahamijwe ibyaha bitatu yashinjwaga muri urwo rubanza, rwakurikiwe cyane n’abantu banyuranye ku isi, cyane abirabura bo muri Leta Zunze Ubumwe za Amerika, bari bategereje umwanzuro w’urukiko.

Ubwo umucamanza yasomaga icyemezo cy’urukiko, humvikanye urusaku rwishi, abantu bakoma amashyi bishimiye imikirize y’urubanza.

Itsinda ry’abacamanza, ryakoresheje amasaha make mu gufata umwanzuro ku rubanza, kuko ibimenyetso ku birego byose byahamaga Derek.

Video igaragaza Chauvin atsikamiye ijosi rya Floyd, yakwirakwije henshi ku mbuga nkoranyambaga mu gihe gito, bituma hahita havuka inkubiri yo guharanira agaciro k’ubuzima bw’abirabura "Black Live Matters".

Ababuranira Chauvin bari bireguye bavuga ko Floyd yazize kuba yarafataga ibiyobyabwenge, akaba yari afite ubuzima busanzwe bufite ibibazo, ariko iyi ngingo ntiyanyuze abacamanza.

Umucamanza yatangaje ko Derek Chauvin w’imyaka 45 azasomerwa igihano mu byumweru 8 biri imbere, ahita yambikwa amapingu ajyanwa mu buroko.

Ubwo Floyd yicwaga atsikamiwe ku ijosi

Ni ubwa mbere umupolisi w’umuzungu ahamijwe icyaha cyo kwica umwirabura mu mateka ya Leta ya Minnesota. Abaturage b’abirabura, bakomeje gusaba ko bahabwa ubutabera mu manza nk’izi zinyuranye, ziregwamo abapolisi bahohotera abirabura babahoye ibara ry’uruhu rwabo.

Nyuma y’urupfu rwa Floyd, abantu benshi bagiye mu mihanda bamagana iyicwa ry’abirabura muri Amerika

Navalny yajyanywe mu bitaro by’imfungwa

Navalny, amaze ibyumweru 3 yiyicisha inzara aho afungiye. Abinyujije ku rubuga rwa Instagram, yatangaje ko anywa amazi gusa, ibyo ngo yabikoze kugira ngo amenyekanishe iyicarubozo akorerwa muri gereza, kuko atemererwa kubonana n’abaganga be kandi afite uburwayi bukomeye bw’umutima, impyiko n’umugongo.

Ubwo burwayi ngo bwaturutse ku burozi yahawe, bikekwa ko yarozwe na Leta y’u Burusiya. Avuga kandi ko yahohotewe ubwo ubuyobozi bwa gereza bwageragezaga kumuha ibiryo ku gahato, kugira ngo atagaragaza akarengane ke.

Ubuyobozi bw’amagereza mu Burusiya, bwatangaje ko Navalny ameze neza, kuko ngo yahawe abaganga bakurikirana ubuzima bwe muri gereza.

Ibihugu by’I Burayi birimo u Budage, u Bufaransa ndetse n’Umuryango w’Ubumwe bw’Ibihugu by’u Burayi, byasabye ko Navalny yakwitabwaho akavurwa uko bikwiye n’abaganga bizewe ndetse, bisaba ko yarekurwa nk’uko byatangajwe na France 24.

Navalny yafashwe akekwaho kwigwizaho imitungo

Ku cyumweru, Joe Biden, Perezida wa Leta Zunze Ubumwe za Amerika, yavuze ko ibyo Putin ariho akorera Navalny ari ihohoterwa rikabije, kandi ko naramuka apfuye, u Burusiya bwahura n’ibibazo bikomeye.

Dimitri Peskov, umuvugizi wa Leta y’u Burusiya, yavuze ko ibivugwa n’ibyo bihugu nta gaciro bigomba guhabwa, kuko ngo atari byo bibaha uburyo bafata abaturage babo.

Alexei Navalny, afunzwe ashinjwa kwigwizaho umutungo, akoresha nabi umutungo ugera kuri miliyoni 5 z’Amadorari ya Amerika, impano yahawe mu gushyigikira Fondasiyo ye igamije kurwanya ruswa mu Burusiya.

Jennifer Lopez na Alex Rodriguez bemeje ko batandukanye

Ubwo Jennifer Lopez yari mu kiganiro The Today Show, mu gitondo cyo kuri uyu wa 15 Mata 2021, yemeje ayo makuru.

Yagize ati “Ni byo, twasanze kubana nk’inshuti ari byo bitubereye, none ni byo dushaka gukomeza”.

Alex Rodriguez, nawe wari mu kiganiro yagize ati “Tuzakomeza gukorera hamwe, twe n’abana bacu, ndetse n’imishinga yacu yose”.

Lopez w’imyaka51 na Rodriguez w’imyaka 45, batangiye gukundana mu mwaka wa 2017, bambikana impeta y’urudashira imyaka 2 nyuma yaho.

Bivugwa ko bapfuye ku kuba Rodriguez yaracaga inyuma Lopez, ku cyamamare mu bijyanye no gutunganya imisatsi, Madison LeCroy, wabihakanye avuga ko we babana nk’inshuti zisanzwe.

Ubwo Jennifer Lopez yaririmbaga mu birori byo kurahiza Joe Biden

Lopez na Rodriguez, bari babanje guhakana gutandukana kwabo nyuma y’aho inkuru kuri uko gutandukana itunguriye abana babo, bagahitamo kutabababaza.

Impanga Max na Anne b’imyaka 13, Lopez yababyaranye n’umuririmbyi w’icyamamare Marc Anthony, Natasha w’imyaka 16 na Ella w’imyaka 12, Rodriguez yabyaranye na Cynthia Scurtis

Ubuhamya bwanditse mu bitabo, ubw’amajwi cyangwa amashusho bwose busigasira amateka ya Jenoside

CNLG ivuga ko yatangiye gahunda yo gukusanya ubutumwa bunyuranye, bwaba ubw’abarokotse cyangwa abagize uruhare mu gutegura no gushyira mu bikorwa Jenoside, kuko bwose buba bubitse amateka n’ibimenyetso bikomeye.

Donatien Nikuze, Umushakashatsi muri CNLG, mu kiganiro na Kt Radio yavuze ko ubuhamya bushobora gutangwa n’abarokotse cyangwa n’abagise uruhare muri Jenoside.

Yagize ati “Ubuhamya kuri Jenoside bushobora gutangwa n’impande zombi. Abarokotse bavuga uko byagenze, aho bihishe, ababo babuze n’ibindi, ariko kandi n’abagize uruhare, batinyutse gutanga ubuhamya ku buryo bitwaye mu gihe cya genoside, ni ikimenyetso n’amateka bikomeye, byafasha n’abahakana ko Jenoside yabayeho, kujya babyisomera mu buhamya bw’abayikoze”.

Kuri ubu hamaze gukorwa ibitabo byinshi birimo bumwe mu buhamya bagiye bakusanya, ndetse buri mwaka CNLG ikaba isohora igitabo cy’ubuhamya.

Nikuze avuga ko buri muturage wese ufite ubuhamya yumva ashaka gutanga kuri Jenoside, yabikora.

Ati “Aha ntawe uhejwe mu gutanga ubuhamya. Umuntu yabikora ku buryo bumworoheye, inyandiko, amajwi, amashusho, akabigeza ku bakozi ba CNLG bakorera hirya no hino mu turere, nabo bakabukusanya, bukabikwa neza”.

Yakomeje avuga ko uko imyaka ihita, ari ko abantu babonye Jenoside bagenda basaza, bityo hakaba hakenewe ubuhamya bwabo kuko bizafasha n’abazavuka nyuma kumenya neza uko Jenoside yagenze, babyumva ababibonye babyivugira.

Ibitabo birimo inyandiko n’ubuhamya bwa bamwe kuri Genoside, bishobora gusomwa na buri wese ndetse abakeneye gukora ubushakashatsi kuri Genocide bakaba babyifashisha. Ibi bitabo, biboneka mu isomero rusange rya CNLG, kandi kubisoma nta kiguzi bisaba.

Battah uri ibumoso ari kumwe na Messi

Battah w’imyaka 27, yabaye icyamamare ku mbuga nkoranyambaga muri icyo gihugu cya Misiri, aho akunzwe cyane n’abafana ikipe ya FC Barcelone.

Battah, yatangarije ibitangazamakuru ko abantu batangiye kumubwira ko asa na Messi, mu gihe yatangiraga gutereka ubwanwa. Yagize ati "Hari ubwo nanjye narebaga amafoto nkabona koko turasa", nk’uko tubikesha Reuters.

Battah yabaye icyamamare, abana bamwifotorezaho

Asura ikigo cy’imfubyi cya Zagazig, Battah yavuze ko ibijyanye no gukina umupira w’amaguru ntacyo abiziho cyane, ariko ko amahirwe yagize yo gusa na Messi, azagerageza kuyakoresha mu kuzamura impano y’abana bato, bashaka kuba abanyamwuga mu mupira w’amaguru. Avuga ko gukoresha imbuga nkoranyambaga bizamufasha muri iki gikorwa.

Battah ubundi akora akazi ko gusiga amarangi

Battah ngo ibya ruhago si ibintu bye

Ku wa kabiri tariki 23 Werurwe 2021, abantu 3251 baraphuye mu masaha 24, nk’uko byatangajwe na Minisiteri y’Ubuzima muri icyo gihugu, abamaze guhitanwa nayo bamaze kurenga ibihumbi 298 kuva mu mpera za Gashyantare 2020.

Kugeza ubu, abanya Brazil nta ngamba zihamye zo gukumira icyo cyorezo bashyiriweho na Leta yabo, dore ko Perezida Jair Bolsonaro, yavuze ko ingamba za Guma mu rugo ari uguhohotera no gukenesha abaturage kurushaho. Avuga ko ubukene bwica kurusha Covid-19, ko imirimo igomba gukomeza uko bisanzwe.

Ibitaro hirya no hino bivuga ko bimaze kurengerwa, aho abaganga bavuga ko batakigira aho bashyira abarwayi, n’aho bakirira indembe hakaba hamaze kuzura kugera kuri 80%, ndetse ngo ibikoresho n’imiti n’umwuka uhabwa indembe byabaye ingorabahizi.

Perezida Jair, yijeje abaturage ko bagiye gutangira gukikingirwa, aho mu mpera z’umwaka wa 2021, iki gihugu kizakira inkingo zigera kuri miliyoni 500.

Gusa bamwe, bavuga ko batizeye ko izi nkingo, nubwo zidahagije zizaboneka, kuko Perezida Jair, atahwemye kuvuga ko batagomba kuzizera, ndetse incuro nyinshi yazibijeje bakaba batarazibonye.

Abayobozi b’Intara bagerageje gushyiraho gahunda ya guma mu rugo, bamaganwe na Perezida Bolsonaro abita abanyagitugu, ariko bo ngo ntibazahindura iyo gahunda.

Perezida Jair, witegura kongera kwiyamamaza mu mwaka wa 2022, yavuze ko yifatanyije n’ababuze ababo bazize Covid-19, ijambo ryakiriwe n’urusaku rw’abaturage, bahonda amabido n’amasafuriya mu mijyi ikomeye nka Rio de Janeiro, Sao Paulo, Brasilia n’ahandi, bavuga ko barambiwe imiyoborere ya Jair Bolsonaro.

Inteko Ishingamategeko ya Brézil, yamaze kwemeza ihindurwa ry’izina rya Maracana Stadium, ikitwa ‘Rei Pele Stadium’. Hategerejwe ko Guverineri w’Umujyi wa Rio de Janeiro yemeza ibyanzuwe n’Inteko, imirimo yo guhindura ibirango kuri iyo Stade igahita itangira.

Ijambo Rei mu rurimi rw’igi ‘Portugais’ risobanuye Umwami, bivuze ko iyo stade tugenekereje mu kinyarwanda izaba yitwa "Umwami Pelé".

Edson Arantes do Nascimento, (amazina ya Pelé) wamaze kwizihiza isabukuru y’imyaka 80, yatsindiye igitego cya 1,000 kuri iyo stade mu 1969 ubwo ikipe ya Santos yakinaga na Vasco da Gama.

Maracana Stadium

Maracana Stadium, yakiriye imikino ya nyuma y’igikombe cy’isi cyo mu 1950 no mu 2014, yakiriye kandi ibirori byo gutangiza imikino Olempike mu 2016.

Pelé, yamenyekanye cyane ku kuba yaratwaye ibikombe by’isi 3, ndetse akaba ari we muntu rukumbi ku isi waciye agahigo ko gutsinda ibitego 1,281 mu mikino 1,363 akinira ikipe ya Santos, kandi atavuye mu gihugu cye cya Brézil.

Yakirwa na Perezida wa Irak, Barham Saleh, yavuze ko yari yarategereje igihe kirekire ngo asure Irak, dore ko ari ubwa mbere mu mateka Papa asuye iki gihugu. Yahise atanga ubutumwa bw’amahoro, asaba abanya Irak guhagarika ihohoterwa, bakareka n’ubutagondwa ndetse bakiga koroherana. Yagize ati “Imbunda ziceceke!”

Uru ruzinduko, rutegerejwemo kongera kwagura umuryango w’abagatolika uri kugenda ugabanuka muri iki gihugu, ndetse anashishikarize amadini anyuranye guhurira mu biganiro, birinda gusenyana. Biteganyijwe ko Papa azahura n’umukuru w’abasilamu b’aba-Shia, avugire isengesho i Mosul anasome misa muri stade.

N’ubwo hari icyorezo cya Covid-19 gihangayikishije Irak, Papa yavuze ko atazasubika uru rugendo, ahubwo hakazwa ingamba zo kumucungira umutekano, cyane ku bijyanye na Covid 19. Abantu ibihumbi 10, barateguwe kugira ngo bafashe muri icyo gikorwa cyo kumucungira umutekano.

Mu myaka 20 ishize, umuryango w’abakristu urambye cyane ku isi wo muri Irak, waragabanutse cyane, kuko wavuye kuri miliyoni 1 n’igice, ugera ku bihumbi 250 by’abawugize.

Mutesi yahamije ko yatandukanye na Egide Mbabazi bari barashakanye

Mutesi Aurore wabaye Miss Rwanda 2012 akaba kuri ubu aba muri Leta Zunze Ubumwe za Amerika, yamaze kwemeza ko urugendo rwo kubana nk’umugore n’umugabo hagati ye na Egide Mbabazi, barushyizeho iherezo.

Ibyo yabitangaje mu kiganiro imbonankubone yagiranye n’umunyamakuru, Ally Soudy, nawe uba muri Leta Zunze Ubumwe za Amerika.

Mutesi yagize ati "Icyo nahamya ni uko urugendo rwanjye na Egide rwarangiye, twaratandukanye, ariko iki kibazo kirareba impande ebyiri. Ni yo mpamvu nta kindi kintu kinini ndi bubivugeho, gusa twaratandukanye."

Ibyo abitangaje nyuma y’aho hari hamaze iminsi hibazwa niba ayo makuru ari yo koko, kuko abo bombi nta wari ugikurikira undi ku mbuga zabo za Instagram, ndetse n’amafoto yabo bari bafitanye yose barayasibye.

Tariki 29 Nyakanga 2018, nibwo bari bakoze imihango y’ubukwe, yitabiriwe na bake mu miryango yabo n’inshuti za hafi, ubukwe bwabereye muri Leta Zunze ubumwe za Amerika.

Nyuma y’igihe gito babanye, mu Kuboza 2018, Mutesi na Mbabazi bigeze gukekwaho kuba batakibana, ariko Mutesi avuga ko ari ibyo abantu baketse, kuko yari yavuye ku rubuga rwa Instagram ashaka kuruhuka ngo mu mutwe.

Bamwe mu bitabiriye ubukwe bwabo

Abasenateri 56% batoye bemeza ko urubanza rukomeza, muri bo hakaba harimo abo mu ishyaka ry’aba Repubulikani ari naryo Trump abarizwamo, naho 44 batoye bavuga ko urwo rubanza rwahagarikwa.

Donald Trump akurikiranyweho ibyaha byo guteza imigumuko, ku ngoro ikorerwamo inama zikomeye “Capitol’’ iri i Washington DC, imigumuko yabaye tariki ya 06 Mutarama 2021, aho abantu babarirwa mu bihumbi bamushyigikiye bisuganije, bagakora imyigaragambyo yahitanye ubuzima bw’abantu 4, bamagana ibyavuye mu matora, aho bavugaga ko bibwe amajwi.

Aba Democrate bo mu ishyaka rya Joe Biden, bavuga ko ijambo rya Donald Trump yavuze tariki ya 06 Mutarama 2021, ari icyaha gikomeye cyane.
Senateri Jamie Raskin wo muri Maryland, yagize ati "Iryo jambo ni ryo nyirabayazana ku bibazo byose byabaye, ni icyaha cy’agahomeramunwa, kandi kigomba guhanwa".

Abunganira Trump, bavuze ko nubwo Abasenateri bemeje iyi ngingo, urwo rubanza runyuranyije n’Itegeko Nshinga, kandi ko aba Democrates bari kubikora mu nyungu za poliiki.

Kugira ngo Donald Trump byemezwe ko atsinzwe urubanza, ni uko nibura 2/3 by’abasenateri batora babyemeza, ibintu bisa n’ibidashoboka kuko abenshi mu ishyaka rye bari ku ruhande rwe.

Aramutse ahamijwe ibyo byaha, Donald Trump, yaba atakaje amahirwe yari agifite, yo kongera kwiyamamariza kuyobora Leta Zunze Ubumwe za Amerika.

Ni ukuvuga ko niba uyu munsi muri Sudani y’Epfo bafite saa sita z’amanywa (12h00), guhera tariki ya 01 Gashyantare 2021, bazaba bakiri saa tanu zuzuye (11h00), bivuze ko ku isaha mpuzamahanga (GMT), bazasubira inyuma ho isaha imwe.

Mbere y’uko Sudani y’Epfo yiyomora kuya Ruguru, isaha yayo yari imbere ho amasaha 3 (GMT+3), kimwe n’ibindi bihugu byo muri Afurika y’Iburasirazuba nka Kenya, Uganda na Tanzania. Kuva ku itariki ya 01Gashyantare 2021, isaha muri Sudani y’ Epfo izaba ihura neza n’isaha yo mu Rwanda n’u Burundi.

Bamwe mu baturage bo muri iki gihugu, batangarije BBC ko guhindura amasaha, bizabicira zimwe muri gahunda bari basanzwe bamenyereye, ariko abandi biganjemo abanyeshuri, bakaba babyishimiye, kuko ngo bizatuma babona igihe gihagije cyo kwitegura, bakagera ku ishuri badakererewe, kuko ku gihe gisanzwe, bazaba bongereweho isaha yose.

Iki cyemezo cyateye impungenge bamwe mu babyeyi, bibaza uko abana babo bazarangiriza kimwe n’abiga mu ntara, kandi bo barakomeje amasomo yabo.

Kankuyo Grace, utuye ku gisozi, yagize ati: “Ubu abana bacu bazarangiza porogaramu, bagendere hamwe n’abo mu Ntara? Ubwo se ibizamini bazabitsinda batarabonye umwanya uhagije wo kwiga? Jyewe aya mashuri anteye impungenge.”

Rwakayiro Daniel, nawe ufite abana bahagaritse kwiga, agira ati “Mfite ubwoba ko abana bacu bazasubira ku ishuri babirukansa muri porogaramu, kugira ngo bafate ababasizeho ibyumweru bibiri. Ibyo kubigishiriza mu rugo, nubundi nta somo rishya biga, birabafasha ariko hari igihe kiri kubasiga.”

Kuri iki kibazo, Umuyobozi w’Ikigo cy’Igihugu cy’Uburezi, Dr Alphonse Sebaganwa, mu kiganiro Urubuga rw’Itangazamakuru cyo kuri uyu wa 24 Mutarama, yavuze ko iki kibazo ababyeyi kitari gikwiye kubahangayikisha, kuko baeganya uburyo bunyuranye abana bazafashwamo, bakagendana n’abandi kandi bitabahungabanije.

Yagize ati: “Hazarebwa uburyo ibigo biri muri Kigali bihabwa ingengabihe yihariye, nibiba ngombwa bazongererwa iminsi yo kwiga kugira ngo bagaruze igihe cyatakaye, kandi abana ntibibagireho ingaruka.”

Dr Alphonse, asaba ababyeyi afite abana mu rugo, kugerageza kubafasha gusuiramo amasomo bari bamaze kwiga, ndetse bakanakurikira gahunda yo kwigishiriza kuri radio na televiziyo, kugira ngo batazasubira ku ishuri barabyibagiwe.

Uyu ni umwe mu banyujije ibibazo byabo kuri Twitter. Perezida Kagame yamwemereye ko agiye kugikurikirana

Twitter ni urubuga nkoranyambaga rufatwa nk’urwubahwa mu Rwanda n’ahandi ku isi, kuko ruhuriraho abayobozi bakomeye muri Leta, abakora mu nzego zinyuranye z’abikorera, ndetse n’abaturage basanzwe.

Kuri ubu, hari benshi mu baturage bamaze gufata uru rubuga nk’imwe mu nzira yo gukemura ibibazo, akenshi biba byaragejejwe mu nzego bireba ntibikemurwe, cyangwa bikaba ari akarengane abaturage bagiriwe. Udafite uru rubuga, yitabaza bamwe mu bakoresha uru rubuga, bakurikirwa n’abantu benshi, bagashyira ubutumwa bwe ku rukuta rwabo, kugira ngo bugere kure byihuse.

Pamela Mudakikwa, umwe mu banyarwandakazi bakoresha cyane uru rubuga, avuga ko rutanga umwanya wo kuganira, kwisanzura, kandi rugahuza abantu benshi, ku buryo uvuga aba yizeye ko hari abamwumvise. Buri wese, akoresha uru rubuga, bitewe n’inyungu ze mu kazi cyangwa mu buzima busanzwe.

Yagize ati “Twitter ituma hari ibibazo bikemuka, kuko ababa bashinzwe kubikemura bashyirwaho igitutu n’ababibonye, kuko ikibazo kiba cyageze mu ruhame.”

Avuga ko n’ubwo hari inzira yateganyijwe ibibazo bikemurirwamo, hari ubwo binanirana, umuntu akabikemurira kwanga gufatwa nabi muri rubanda.

Oswald Mutuyeyezu, umunyamakuru ukoresha cyane Twitter, avuga ko kuba ibibazo byinshi bihakemurirwa, bigaragaza ko hakiri icyuho mu gukora akazi neza, umuntu adakoreye ku jisho.
Yagize ati “Ubundi umuntu yagombye gukemura ibibazo, akora neza akazi ashinzwe. Iyo bikemutse kuko byashyizwe kuri Twitter, bigaragaza ko ikibazo cyarangaranywe, kigakemurwa kuko kigeze ku karubanda”.

Akomeza agira ati “Hari abaturage benshi bampa ibibazo byabo, nkabishyiraho, hashira iminsi mike, nkabona anyandikiye anshimira ko ikibazo cyakemutse, nyamara cyari kimaze imyaka n’imyaka gisa n’aho cyashyizwe mu kabati.”

Bamwe mu baturage ariko, bakunze gusaba mu gutanga ibibazo byabo ko amazina yabo atagaragazwa ku rubuga, ku bwoba bw’uko bashobora guhohoterwa.

Oswald Mutuyeyezu asanga kuba abayobozi bakuru bakoresha Twitter barimo na Perezida Kagame, ari imwe mu mpamvu ituma ikibazo kihavugiwe abo kireba bihutira kugikemura kugira ngo atakibona akakibabazaho bataragikemura.

Urubuga rwa Twitter ni rumwe mu zikunze guhuza Umukuru w’Igihugu n’abaturage, ndetse hakaba n’abamugezaho ibibazo binyuranye. Bamwe bakavuga ko abayobozi bahita bihutira gukemura ikibazo, kuko iyo bitinze umuturage acyigereza kuri Perezida wa Repubulika.

Perezida Paul Kagame ni umwe mu bakuru b‘ibihugu bakoresha cyane urubuga rwa Twitter, ndetse akaba ari n’umwe mu bari mu mushinga wo gukwirakwiza Internet yihuta hirya no hino ku isi.

Nyuma y’iki cyemezo, Minisiteri ya Siporo mu Rwanda (MINISPORTS), yatangaje ko abatuye muri Kigali batemerewe ibikorwa bya siporo rusange. Icyakora abantu bemerewe gukorera siporo mu ngo zabo, cyangwa bakayikora batarenze imbibi z’Umudugudu batuyemo.

Itangazo ry’iyo Minisiteri kandi risaba abakora siporo kuyikora bubahiriza ingamba zo kwirinda Covid-19, birinda gukorera siporo mu matsinda.

Ubwandu bwa Covid-19 bwakomeje kwiyongera cyane kuva mu mpera z’Ukuboza 2020, aho imibare myinshi y’abanduye ndetse n’abapfa igaragara mu Mujyi wa Kigali.

Abayobozi mu ishyaka rya Bobi Wine, batangaje ko atigeze yemererwa gusohoka mu nzu ye, bakaba kuva ku cyumweru tariki 17 Mutarama 2021 batabaza imiryango mpuzamahanga kubafasha gusaba ko yarekurwa.

Bobi Wine yagize amajwi 34,8%, mu gihe Museveni yagize 58,6 %. Ntiyahwemye kuvuga ko aya matora yaranzwe n’ubujura bw’amajwi aho yemezaga ko ari we watsinze.

Ku butumwa yahaye umunyamakuru akoresheje ikoranabuhanga rya ‘Zoom’ yagize ati: "Ubu ni ubwicanyi mu bundi. Nta biryo tugifite, ntawemerewe gusohoka cyangwa kwinjira mu rugo". Ubu butumwa na bwo bwakozwe mu buryo bw’ibanga, kuko hashize iminsi 6 imiyoboro ya internet ifunzwe muri iki gihugu.

Kyagulanyi avuga ko yiteguye gukoresha inzira zose zubahirije amategeko, zidahohotera, harimo no gutegura imyigaragambyo y’amahoro agaragaza akarengane yagiriwe.

Kuva ku wa Kane tariki 14 Mutarama 2021, urugo rwe ruri mu murwa mukuru Kampala rugoswe n’inzego za polisi n’igisirikare, aho adashobora gukoresha ikoranabuhanga rya internet.

 Depite Francis Zaake yatawe muri yombi ku wa Gatanu ubwo yageragezaga kwinjira mu rugo rwa Bobi Wine, ajyanwa mu bitaro kuko yakubiswe agakomeretswa bikomeye n’inzego z’umutekano.

Biteganyijwe ko itumanaho rya internet riza gusubizwaho kuri uyu wa Mbere tariki 18 Mutarama 2021, nk’uko byatangajwe n’umuvugizi wa Guverinoma ya Uganda, Ofwono Opondo, uvuga ko iryo tumanaho ryari yakuweho hirindwa abatanga amakuru atari yo ku matora.

It’s now four days since the military surrounded our home and placed my wife and I under house arrest. We have run out of food supplies and when my wife tried to pick food from the garden yesterday, she was blocked and assaulted by the soldiers staged in our compound. (ADMIN) pic.twitter.com/MLEtSbyCcW

— BOBI WINE (@HEBobiwine) January 17, 2021

Lady Gaga na Jennifer Lopez (wambaye ingofero) bazasusurutsa abazitabira umuhango wo kurahira kwa Joe Biden

Uyu muhango uzakorwa ku buryo budasanzwe mu rwego rwo kwirinda icyorezo cya Covid-19, no kurwanya ikintu cyose cyateza umutekano muke.

Lady Gaga ni we uzaririmba indirimbo yubahiriza igihugu, naho Jennifer Lopez, azaririmba indirimbo zinyuranye zizashimisha abazaba bakurikiye uyu muhango.

Aba bahanzikazi bombi, bakunze kugaragaza, ku mbuga nkoranyambaga, ko bashyigikiye Joe Biden mu gihe yiyamamazaga. Ibi byatumye Biden yita Lady Gaga "inshuti magara", dore ko ubwo yari Visi Perezida ku butegetsi bwa Barack Obama, banakoranye cyane mu bukangurambaga bwo kurwanya ihohoterwa rishingiye ku gitsina.

Ku nsanganyamatsiko izagenderwaho yiswe "Amerika yunze Ubumwe", uyu muhango uzaba ku buryo budasanzwe, aho mu kwirinda icyorezo cya Covid-19, abanyamerika basabwe kuzaguma mu rugo, bakazakurikira uyu muhango kuzi televiziyo cyangwa ku buryo bw’ikoranabuhanga rya Internet. Ni umuhango uzarangwamo no gukaza umutekano ku buryo bukomeye, hirindwa ko abashyigikiye Donald Trump, kugeza ubu utaremera ko yatsinzwe amatora, bagaba igitero bagahungabanya umutekano.

Nyuma yo kurahira, Joe Biden, ari kumwe n’abahoze bayobora Amerika, Barack Obama, Bill Clinton na George W. Bush, bazajya gushyira indabo ahashyinguwe umusirikari utazwi, ku irimbi ry’igihugu rya Arlington, nk’ikimenyetso cyo guhamagarira Abanyamerika kunga ubumwe.

Donald Trump, uzaba ashoje ikivi cye mu kuyobora iki gihugu, yamaze gutangaza ko atazakandagiza ikirenge cye ahazabera uyu muhango.

Uguhangana gukomeye kwagaragaye hagati ya Yoweri Kaguta Museveni w’imyaka 76 y’amavuko umaze imyaka 35 ku butegetsi, na Robert Kyagulanyi w’imyaka 38, winjiye muri politiki asanzwe amenyerewe nk’umuhanzi uzwi ku izina rya Bobi Wine.

Umuyobozi wa Facebook muri Afurika yo munsi y’ubutayu bwa Sahara, Kezzia Anim-Addo, yatangarije Ibiro Ntaramakuru by’Abafaransa, AFP, ko Facebook yafunze konti za bamwe mu bayobozi, zatangazaga ubutumwa bubangamira umudendezo wa rubanda, muri ibi bihe bidasanzwe by’amatora.

Yagize ati "Hari abari barahimbye izindi konti za Facebook, bagasebya abo batavuga rumwe, bagashyira ibitekerezo biharabika ku nkuta za bamwe mu bakandida, bigize abaturage basanzwe, abandi bakajya mu matsinda, basakaza ibitekerezo biteranya abaturage".
Uwo muyobozi yavuze ko ku buryo bwihutirwa izo nkuta zabo zahise zihagarikwa.

Don Wanyama, umujyanama mu kumenyekanisha amakuru mu biro bya Yoweri Museveni, wafungiwe urukuta rwa Facebook na Instagram, yahise avuga ko ibi ari ukwivanga mu matora ya Uganda. Yagize ati : ‘’Biteye isoni, kumva ko abanyamahanga bazakomeza gutegeka igihugu cyacu, banyuze ku gufunga imbuga nkoranyambaga z’abo mu ishyaka rya NRM, tuzakomeza kurwanira uburenganzira bwacu’’.

Inkuta zafunzwe ziganjemo iz’abo mu ishyaka rya Yoweri Museveni, NRM, aho izisaga 10 zahagaritswe. Icyakora inkuta z’umukuru w’igihugu zo ntabwo zafunzwe.

Amenyo yarangiritse kubera kuyahekenya

Leandre Bitwayiki, umuganga w’amenyo, avuga ko iki kibazo gituma amenyo yangirika cyane, ku buryo atakaza ubushobozi bwo gukora akazi kayo. Mu kiganiro na Kigali Today yagize ati: “Iki kibazo benshi barakigira, ariko n’iyo ubwiye umuntu ko ahekenya amenyo asinziriye, ashaka kubihakana nk’aho biteye isoni. Nyamara ni uburwayi, umuntu ubufite yajya arebera ku menyo ye, aho yose aba aringaniye, ubona asa n’aho bayabaje. Usanga iryinyo ry’ibwene, rigomba kuba risongoye, ryararinganiye utabasha kuritandukanya n’andi menyo. N’ubwo ari ryo ribigaragaza cyane, n’andi menyo yose aba yaragize ibibazo ku buryo ashobora kuba magufi cyane cyangwa se agashiraho.’’

Akomeza avuga ko igikorwa cyo guhekenya amenyo gituruka mu mikaya yo mu mugongo, izamuka ku bitugu, ikazamukira mu musaya aho guhekenya bibera, ndetse abashakashatsi bavuga ko iyo umuntu ahekenya afite umujinya, imbaraga akoresha zishobora kugera kuri Toni 6.

Leandre Bitwayiki, avuga ko hari abantu bajya kwivuza amenyo yabo, yaratewe ikibazo no kurara bayahekenya, ariko ngo ubu burwayi buterwa n’imihangayiko (stress) umuntu aba yaraciyemo cyangwa se umuntu akaba yagiye kuryama afite umujinya. Yagize ati “umuntu ugira iki kibazo agomba kwirinda kuryama afite umujinya, no kwirinda gutekereza cyane ibibazo afite mbere yo kuryama. Byaba byiza umuntu agiye yinjira mu buriri yumva koko afite ibitotsi, agahita asinzira atabanje gutekereza cyane”.

Abana bato bahura n’iki kibazo, bikunze guterwa n’imihangayiko nyina yanyuzemo amutwite, cyangwa nyuma yo kuvuka mu gihe avukiye mu muryango urimo amakimbirane.

Akomeza avuga ko umuti wavura indwara ya “Bruxisme nocturne” ari ukwegera abaganga bavura ibibazo byo mu mutwe, bakoresha ibiganiro n’ubundi buryo bunyuranye bufasha umuntu, ku buryo ibibazo umuntu aba afite bamufasha kubisohokamo.

Polisi ya Buenos Aires ikaba yamaze gufatira ibiro ndetse n’urugo rwa Dr Luque, kugira ngo bakomeze bakusanye ibimenyetso bishobora kugaragaza ko uwo muganga yaba yaragize uburangare mu kuvura Maradona, bikamuviramo kwitaba Imana.

Mu kinaniro n’abanyamakuru, Dr Luque w’imyaka 39 yagize ati “Murashaka kumenya icyo banshinja? Ndazira kuba narakunze Maradona, nkamwitaho mu gihe ubuzima bwe bwari bugoye, nkamwongerera iminsi yo kubaho kugeza ku iherezo”.

Yakomeje avuga ko atewe ishema n’ibyo yakoreye Maradona byose, kuko kuri we yumva yari inshuti ikomeye ya Maradona, ndetse akanamufata nk’umubyeyi, kuko kuri we atari umurwayi gusa.

Yavuze kandi ko atazi icyatumye Maradona agira ikibazo cy’umutima igihe yari iwe muri Tigre, kuko ngo icyo yakoze kwari ukumubaga mu mutwe, ndetse byagenze neza, ibindi byari kubazwa abaganga bagombaga gukomeza kumwitaho.

Gusa yakomeje anavuga ko Diego Maradona yari afite amabwiriza agoye ku buzima bwe, aho yashatse kujya mu rugo rwe, yanga kujya kurwarira mu kigo kirimo abaganga bagombaga gukomeza kumwitaho.

Maradona yakundaga kwambara amasaha abiri

Uretse gukina umupira w’amaguru, uyu Munya-Argentine yakunze kugaragara yambaye amasaha abiri, ku kuboko kw’iburyo n’i bumoso.

Uretse kuba yaramamarije uruganda rukomeye rukora amasaha rwa ‘Hublot’, rwakuye inyungu nyinshi ku kuba yarambaraga amasaha abiri yarwo icyarimwe, Maradona, na we ku giti cye yari afite impamvu yambara amasaha abiri.

Impamvu yambaraga amasaha abiri, ngo ni uko yashakaga guhora amenya amasaha muri Argentine bagezeho, no mu gihe yabaga atari ho ari.

Yavuze ko mu buzima bwe afite urukundo rukomeye ku gihugu cye, ku buryo isaha imwe yahoraga iri ku masaha yo mu gihugu cye, indi akayishyira ku masaha y’igihugu agiyemo cyangwa aherereyemo.

Maradona wambaraga amasaha ahenze cyane kuko yamamarizaga ibigo bikomeye, yanakundaga kwambara imitako ihenze ku mubiri we, irimo amaherena ya diyama yambaraga ku matwi yombi.

Ibi yabitangaje ku wa Gatatu tariki wa 25 Ugushyingo 2020, aho yavuze ko hari ubwo atabashaga gusinzira neza, yibuka ibitutsi n’amagambo mabi abantu baba bamubwiriye kuri Twitter.

Yavuze ko ibyo byamuteraga uburakari cyane, akaba yarahisemo kujya ataha akaganira n’umugore we, akaryama neza, akabyuka ajya ku kazi nta mujinya afite.

Kenyatta, yavuye kuri Twitter, mu gihe konti ye bwite yari afite abasaga miliyoni eshatu bamukurikiraga, kuri ubu hakaba hazajya hakoreshwa konti y’Ibiro bya Perezida wa Kenya, ifite abayikurikira basaga miliyoni imwe.

Si Uhuru Kenyatta gusa wibasirwa n’Abanyakenya kuri Twitter, kuko aba bazwiho kwirekura bakavuga icyo batekereza ku mbuga nkoranyambaga, baza mu baturage bahimba ibyitwa (Hash Tag) nyinshi, aho akenshi baba bagaragaza ibyo batishimiye, ndetse bakanashyamirana n’abo mu bindi bihugu banyuze ku mbuga nkoranyambaga.

Williams Uchemba ni umukinnyi wa Films ukunzwe cyane ku mbuga nkoranyambaga kubera ubufasha akunda guha abatishoboye.

Pretty Mike abinyujije ku rukuta rwe rwa Instagram, yavuze ko ibyo babona atari film ari gukina, ahubwo ko abo bakobwa 6, bitegura kuba ba nyina b’abana be!

Kuri video yashyize kuri Instagram, yagaragaye akora ku nda ya buri mugore utwite umwana we, agaragaza ibyishimo afite.

Munsi y’iyo video yagize ati "Abagiye kubyara abana banjye, umuryango ni wo byose kuri jye, ibi ni ibihe byiza".

Barack Obama n’umugore we Michelle Obama

Yabaye Perezida wa 44 asimburwa na Donald Trump, uherutse gutsindwa amatora, akazasimburwa na Joe Biden.

Obama yatangaje ko umuziki ufite agaciro gakomeye cyane mu buzima bwe, ngo ukaba ari kimwe mu byamufashaga gukora akazi ke neza igihe yayoboraga Amerika.

Abinyujije ku rukuta rwe rwa Twitter, yerekanye urutonde rw’indirimbo 20 zizahora zimwibutsa urugendo rwe, ubwo yayoboraga Amerika, aho yizera ko abakunzi be bazazumva, zikabaryohera.

Muri zo, harimo indirimbo yitwa "Michelle", iyi akaba ayikunda ko ifite izina ry’umugore we "Michelle Obama", aho muri iyo ndirimbo, umugabo aba aririmbira umugore we Michelle, avuga ko amukunda cyane kandi by’iteka ryose.

Kuri uwo rutonde kandi, hagaragaramo indirimbo ebyiri za Beyonce, uyu na we ukunzwe n’abatari bake.

Bamwe mu bagize impunzi zavuye muri Libiya zaje mu Rwanda mu bihe bishize

Gutuza izi mpunzi mu buryo bw’agateganyo mu Rwanda, biteganyijwe mu masezerano yiswe "Emergency Transit Mechanism - ETM”, yo gucumbikira impunzi mu gihe gito, yasinywe hagati ya Guverinoma y’u Rwanda, n’Ishami ry’Umuryango w’Abibumbye ryita ku mpunzi (UNHCR), ndetse n’Umuryango wa Afurika yunze Ubumwe (AU).

Guverinoma y’u Rwanda, igomba kwishingira umutekano ndetse n’imibereho myiza y’izo mpunzi, mu gihe hategerejwe igisubizo kirambye. Ibi ni ibyatangajwe na Minisiteri ishinzwe Ibiza mu Rwanda, ibinyujije ku rukuta rwayo rwa Twitter.

Izo mpunzi, zizacumbikirwa mu nkambi "Emergency Transit Center", iherereye i Gashora mu Karere ka Bugesera.

U Rwanda, rumaze kwakira impunzi, ndetse n’abandi basaba ubuhungiro bahunga intambara zibera mu duce tumwe twa Eritrea, Sudan, Somalia ndetse na Ethiopia, bagera kuri 306. Muri bo, abagera kuri 121 bakaba baramaze koherezwa mu bihugu nka Sweden na Canada, naho abagera ku 185 bakaba bakiri mu nkambi i Gashora. Iyi nkambi, ifite ubushobozi bwo kwakira abagera kuri 500.

Mu mwaka wa 2017, Perezida Paul Kagame yavuze ko u Rwanda rwiteguye kwakira impunzi zigera ku bihumbi 30 ku buryo bw’agateganyo, mu gihe Umuryango w’Ibihugu bya Afurika yunze Ubumwe ugishakisha igisubizo kirambye.

Mu kwezi kwa Kamena 2020, UNHCR yashimiye Leta y’u Rwanda ndetse n’abaturage bayo, ku bufatanye n’ubumuntu bagaragaje, ku mpunzi zisaga ibihumbi 150 bakiriye.

Diego Maradona yaramenyekanye cyane mu mupira w’amaguru

Mu gihe yavaga mu bitaro, Maradona yari ari mu modoka itwara indembe « ambulance », iherekejwe n’imodoka nyinshi z’abakunzi be, aho benshi bari bamaze iminsi bakambitse ku bitaro yari arwariyemo, baririmba indirimbo zimusabira gukira.

Isaha imwe mbere y’uko asohoka, muganga umukurikirana Dr Leopoldo Luque, yabanje gutangariza imbaga yari irimo n’abanyamakuru, ko Maradona yemerewe gutaha iwe mu rugo.

Diego Maradona w’imyaka 60 y’amavuko, azakomeza kondorerwa mu nzu iherereye ahitwa Tigre, hafi y’umukobwa we wa bucura Giannina, umwe mu bana batanu ba Maradona babashije kumenyekana.

Maradona yajyanywe mu bitaro afite ikibazo cyo kubura amaraso n’amazi mu mubiri tariki ya 02 Ugushyingo 2020, biza kugaragara ko afite ibibumbe by’amaraso byipfunditse mu mutwe we « hématome sous-dural », akaba yatangiye koroherwa nyuma yo kubagwa.

Diego Maradona (ufite igipfuko mu mutwe) n’umuganga we Leopoldo Luque

Michael Scofield, umukinnyi w’ibanze muri Prison Break, yagaragaye mu bice byayo bitanu, aho igice cya nyuma cyasohotse mu mwaka wa 2017.

Gusa, abinyujije ku mbuga nkoranyambaga ze, yatangaje ko yahagaritse gukina muri iyo filime, kuko ngo ibyo yakinaga byabaga ari uguhatiriza uwo atari we.

Wentworth Miller yagize ati “Sinshaka kuzongera gukina filime, zinyerekana ko nkunda abakobwa. Nkunda abahungu, kandi inkuru z’urukundo hagati y’abahungu n’abakobwa zaravuzwe ku buryo nta gishya kirimo. Ntimuzongera kumbona mu isura ya Michael. Niba mwari muntegereje mu kindi gice, ndabyumva ko bitabashimishije. Niba kandi ibi mbabwiye bibateye umujinya, kuko mwakunze umuhungu wakinaga uwo atari we, ibyo ni ibibazo bibareba”.

Kimwe mu byatumye afata iki cyemezo gikomeye, ngo ni ubutumwa bunyuranye yagiye yandikirwa ku mbuga nyinshi, kuva mu mwaka wa 2013, amaze gutangaza ko akunda abahugu.

Gusa yavuze ko kuri we ubutumwa nk’ubu nta kibazo bumuteye, kuko azi uko abyitwaramo. Yagize ati “Nta muntu wampohotera kubera iyo mpamvu. Mfite ububasha bwo kugusiba, kuguhagarika no kutigera ubona ibyo nandika ku mbuga zanjye”.

Prison Break, filime yakunzwe cyane mu ntangiriro, ariko abantu bakaza kuyitakariza urukundo mu gice cyayo cya gatanu, ishobora kuba igiye gushyirwaho akadomo, bitewe n’uko umukinnyi wayo w’imena atazongera kuyigaragaramo.

Kigali Today yaganiriye n’impuguke muri Politiki mpuzamahanga, akaba n’umwalimu muri Kaminuza Dr Ismael Buchanan, asobanura isano iri hagati yo gutorwa kwa Joe Biden n’ibyishimo by’Abanyafurika.

Kuki Abanyafurika benshi bishimiye itsinzi ya Biden?

Dr Ismael yatangiye asobanura ko ku butegetsi bwa Trump hagiye habaho kugabanuka gukomeye k’umubano wari warubatswe na Barack Obama, hagati ya Afurika na Amerika.

Yagize ati “Kuva Donald Trump yatorwa, yahise ashyiraho ihame ryo gushyira Amerika imbere y’ibindi byose. Ibi akaba yarabikoze ku buryo butari busanzwe bukorwa n’aba Democrates yari asimbuye.

Byagize ingaruka ku bukungu bwa Afurika, aho yagiye akuraho inkunga zahabwaga uyu mugabane mu byiciro binyuranye, ndetse akura na Amerika mu miryango imwe n’imwe yahuriragamo na Afurika. Ku bukungu bw’u Rwanda, rwahombye agera kuri 3% ku bicuruzwa rwohereza mu mahanga, nyuma y’aho Trump avanye imyenda mu mubare w’ibicuruzwa u Rwanda ruzajya rwohereza ku isoko rya Amerika bitatswe umusoro, muri gahunda y’ubucuruzi bimwe mu bihugu bya Afurika bifitanye n’icyo gihugu izwi nka AGOA (The African Growth and Opportunity Act).

Ni umwanzuro Amerika yafashe nyuma y’icyemezo cy’u Rwanda cyo kuzamura imisoro ku myenda n’inkweto byambawe bizwi nka caguwa, mu rwego rwo guteza imbere inganda zarwo.

Trump kandi yagiye akoresha amagambo akomeye agatuka abirabura, amagambo yafashwe nko gutesha agaciro Afurika.

Ese hari icyizere ko Biden azagarura umubano usesuye?

Dr Ismael yavuze ko icyizere gihari, ariko ko Abanyafurika batagomba kumva ko Biden hari igitangaza agiye gukorera Afurika.

Yagize ati “Nkurikije imbaraga zakoreshejwe mu gukuraho Trump, biragaragara ko icyizere Afurika yakuye kuri Amerika gishobora kuba cyasubiraho. Ariko ntibivuze ko byose bizagarukaho ijana ku ijana, kuko na we inyungu za mbere azihera ku Banyamerika.”

Akomeza avuga ko Joe Biden yakunze gusura cyane ibihugu bya Afurika igihe yari Visi Perezida, mu gihe Donald Trump arinze avaho atarakandagira ku butaka bwa Afurika, ibi bikaba bivuze byinshi ku bushake bwo kubana hagati ya Afurika na Amerika.

Akomeza avuga ko Joe Biden ubwe, akimara gutorwa, yavuze ko mu byo agiye kwitaho harimo imibanire n’ibihugu isa n’iyari yaradindiye. Aha wahita wumva ko ku bijyanye n’Umutekano, Joe Biden ashobora kongera amafaranga ahabwa Umuryango w’Abibumbye, mu kohereza abasirikare kubungabunga umutekano hirya no hino ku isi, amafaranga Trump yari yaragabanyije cyane. Ashobora kandi gusubiza Amerika mu Ishami ry’Umuryango w’Abibumbye ryita ku Buzima (OMS), kuko Trump yari yayikuyemo.

Bitewe n’uko aba Democrates bakunda cyane gutanga uburenganzira ku baturage hirya no hino ku isi, bakajya gutura muri Amerika, cyane ko hari aho iki gihugu kigikeneye amaboko, kandi kikaba cyubakwa n’abaturage bagiye bava hirya no hino ku isi, kubona uburyo bwo guturayo buzwi nka “Green cards”, cyangwa uburyo bwo kwigayo, bishobora kongera koroha.

Imbogamizi Joe Biden afite mu gushyira mu bikorwa gahunda ze

Dr. Ismael Buchanan, avuga ko n’ubwo Joe Biden ari Perezida, byinshi mu byemezo bikomeye azajya afata, bigomba kubanza no kwemerwa mu Nteko, Umutwe wa Sena. Aha rero ashobora kuzajya ahura n’imbogamizi, kuko muri Sena ya Amerika, harimo abo mu ishyaka ry’aba Repubulikani benshi, bashyigikiye ibyo Donald Trump yashyizeho. Iki, kiri mu bizamugora, ku buryo hari ibyemezo bizajya bitinda gushyirwa mu bikorwa, cyangwa se ibindi ntibikorwe byose nk’uko aba Democrates babyifuje.

Isomo kuri Afurika

Dr Ismael avuga ko Abanyafurika bari bakwiye gukura isomo kuri ubu butegetsi bwombi bw’aba Democrates n’aba Repubulikani, ntibumve ko bagomba gukorerwa byose, cyangwa kubeshwaho na Amerika. Bagomba guhora biteguye ko hashobora kuza uwahindura ibyo bari biteguye. Avuga ko bagomba kwiga gukora, bakigira ubwabo, n’uwabafasha akaza asanga hari icyo bafite, yanagenda kandi ntibumve ko ubuzima bwabo buhagaze.

Joe Biden yatsinze ku majwi 290, aba Perezida wa 46 wa Leta Zunze Ubumwe za Amerika, akaba atsinze Donald Trump wagize amajwi 214 umaze manda imwe gusa ku butegetsi.

Hari hashize iminsi igera kuri ine, Abanyamerika ndetse n’isi yose bibaza uza gutsinda amatora, yaranzwe no guhatana kutoroshye, cyane ko hajemo no guterana amagambo ku buryo bukomeye hagati ye n’uwo bari bahanganye ku butegetsi, Donald Trump.

Umudemokarate Joe Biden, wabaye na Visi Perezida ku butegetsi bwa Barack Hussein Obama, ahawe intsinzi na Leta ya Pennsylvanie, intsinzi ikomeje kuvugwa mu bitangazamakuru bikomeye ku isi.

Ku ntsinzi yari amaze iminsi ahatanira ku buryo butoroshye, Joe Biden wari wasabye abamushyigikiye gutuza bagategereza ko ibarura rirangira yagize ati “Ni iby’igiciro gikomeye cyane kuba ntorewe kuyobora Amerika. Nyuma yo guhura na byinshi bikomeye muri uru rugendo, abanyamerika benshi baratoye. Ibi byongeye gushimangira ko demokarasi iterera mu mutima wa Amerika”.

Yakomeje avuga ko “Abanyamerika bagomba gushyira imijinya n’urwango ku ruhande, bagafatanya nk’abanyagihugu kimwe”.

Impinduka ikomeye cyane nanone ku mwanya wa visi perezida, ahoBiden yahisemo umugore w’umwiraburakazi Kamala Harris w’imyaka 56 kuzamubera visi perezida, ibintu bibaye bwa mbere mu mateka ya Amerika.

Donald Trump ntiyemera ko yatsinzwe aya matora, cyane ko yakunze kuvuga ko yibwe amajwi, ndetse akaba yahise atangaza ko ibi bizakiranurwa n’Urukiko rw’Ikirenga.

Donald Trump abaye Perezida wa mbere utegetse manda imwe gusa kuva mu mwaka wa 1992, ubwo byabaye ku Murepubulikani George H. W. Bush.

Nubwo Donald Trump atemera ko yatsinzwe ariko, umunsi wo gutanga ubutegetsi wanditse mu Itegeko Nshinga rya Amerika, aho atagomba kurenza itariki ya 20 Mutarama 2021 saa sita z’amanywa akiri mu biro bya Perezida (White House).

Hagati aho, abatora b’ibanze (Grands Electeurs) 538, bagomba guterana mu kwezi k’Ukuboza, kugira ngo bemeze burundu ugomba kuba Perezida wa Amerika.

Ibarura ry’amajwi ryatindijwe ahanini n’uko ababarura bagombaga kubikorana ubushishozi, cyane ko amatora yabaye ku buryo butari busanzwe, aho impapuro zatoreweho nyinshi zagombaga koherezwa hakoreshejwe iposita, mu rwego rwo kwirinda icyorezo cya Covid 19.

Nubwo Amerika yibasiwe n’icyorezo cya Covid-19 kurusha ahandi ku isi, abagombaga gutora batoye ku kigero cya 66%, nk’uko byatangajwe na Komisiyo y’Amatora muri icyo gihugu.

Nyuma yo gutsinda Trump, Joe Biden yanditse kuri twitter ati “Amerika, Ndanezerewe cyane kuba mwampisemo ngo nyobore igihugu cyacu cyiza. Akazi kari imbere karakomeye, ariko ndabasezeranya ko nzaba Perezida w’Abanyamerika bose, abantoye n’abatarantoye. Nzakomeza icyizere mwampaye”.

America, I’m honored that you have chosen me to lead our great country.

The work ahead of us will be hard, but I promise you this: I will be a President for all Americans — whether you voted for me or not.

I will keep the faith that you have placed in me. pic.twitter.com/moA9qhmjn8

— Joe Biden (@JoeBiden) November 7, 2020

Donald Trump

Ku mugoroba wo ku wa Kane tariki 05 Ugushyingo 2020, zimwe muri televiziyo, zafashe icyemezo cyo gucamo kabiri ijambo rya Donald Trump, aho bavuga ko yavugaga amagambo yo gucamo ibice Abanyamerika, ndetse akanatangaza amakuru adafitiye gihamya. Muri yo, hari aho yavuze ko aba Democrates bari gukora uko bashoboye, bakiba amajwi, kugira ngo bibe ubutegetsi bwa Amerika.

Nibwo bwa mbere Trump yari avuze ijambo mu ruhame, kuva amatora nyirizina yatangira, kugeza ubu amajwi akaba akibarurwa. Perezida Trump, yavuze ko iyo amajwi aza kubarurwa mu buryo bwubahirije amahame n’amabwiriza, yari gutsinda byoroshye, nyamara ngo ubujura bw’amajwi bwatumye akomeza kuba inyuma. Gusa Donald Trump, nta gihamya kugeza ubu aratanga cyemeza ko koko ababarura amajwi bamwibye, bakayaha Joe Biden.

Zimwe muri izo televiziyo zikunzwe cyane muri Amerika, harimo NBC News, ABC News, ndetse na MSNBC. Babinyujije ku rubuga rwa Twitter rwa Televiziyo MSNBC, bagize bati “Bibaye ngombwa ko ducamo kabiri ijambo rya Perezida wa Amerika, ariko kandi aha tugamije no kumukosora”, aya magambo akaba yanavuzwe imbonankubone n’umunyamakuru wayo Brian Williams, bakimara gukuraho ijambo rya Trump.

Uretse izo televiziyo, ubuyobozi bw’urubuga nkoranyambaga rwa Facebook, rwafunze urukuta rw’itsinda ryari rimaze kugira abasaga ibihumbi 320 mu minsi itagera kuri ibiri, rwiswe “Stop the Steal”, bisobanuye ngo “Mureke ubujura”. Iri tsinda rishyigikiye Donald Trump, na ryo rirashinjwa gukwirakwiza amakuru y’ibihuha y’uko amatora atakozwe mu mucyo, ndetse ko umukandida wabo akomeje kwibwa amajwi.

Perezida Trump akomeje gusaba ko aho amajwi atararangira kubarwa baba babihagaritse, ibintu bikabanza kunyura mu mucyo. Abakurikirana amatora muri iki gihugu, bavuze ko iki ari ikimenyetso kigaragaza ko Donald Trump na we yabonye ko yamaze gutsindwa amatora, akaba atangiye gushakira impamvu aho bidashoboka.

Umu Democrate Joe Biden yakomeje kuza imbere mu kugira amajwi menshi, aho amaze igihe atangajwe ko afite amajwi 264, naho Donald Trump akagira 214. Bose baraharanira kugeza ku majwi 270, aho uyagize ari we uhita wemezwa nka Perezida mushya.

Lil Wayne yatangaje ko mu biganiro bagiranye harimo ibirebana n’amavugurura agomba gukorwa mu butabera, cyane ku birebana no gufunga abantu, ndetse na gahunda idasanzwe ya Donald Trump, ifitiye abirabura inyungu.

Lil Wayne yagize ati “Maze kugirana ikiganiro na Donald Trump, ku bijyanye n’ibyo amaze guhindura kugeza ubu mu butabera, kandi na gahunda ye izagirira abaturage akamaro. Yumvise ibyo twavuganye byose, kandi yavuze ko azakora uko ashoboye akabishyira mu bikorwa”.

Muri gahunda idasanzwe ya Donald Trump, harimo ko azatanga miliyari 500 z’amadorari ku baturage b’abirabura batishoboye, akazabaha ubuvuzi budahenze kandi bukwiye, ndetse agaha igishoro ku mishinga mito y’abirabura kugira ngo bizamure mu bukungu.

Umuhango wo gutura igihugu cy’u Rwanda Kristu Umwami, wabereye i Nyanza (ahazwi ubu nko muri Christ-Roi) mu Kwakira 1946, umara iminsi itatu yikurikiranya, guhera ku wa 26 kugeza ku wa 28 z’uko kwezi.

Ni mu birori byizihijwe mu buryo bukomeye kandi bunogeye amaso, bikaba byari byitabiriwe n’abanyacyubahiro b’ingeri nyinshi barimo: Musenyeri Classe, Ryekmans, Umwami Mutara III Rudahigwa n’umugabekazi Nyiramavugo Kankazi.

Mu gushaka kumenya byinshi kuri iri sengesho, Kigali Today yaganiriye na Pasiteri Ezra Mpyisi, wemeza ko yari ari mu gitambo cya misa Umwami Rudahigwa yavugiyemo iri sengesho.

Pasiteri Mpyisi yagize ati: “Uwo munsi rwose muri iyo misa nari mpari, wari umunsi mukuru ukomeye, cyane, ariko ibyo Rudahigwa yakoze ni we wari ubizi wenyine, kuko abandi bantu bari bagize ngo aratura u Rwanda Kiliziya cyangwa Papa”.

Akomeza avuga ko kuri uwo munsi abantu babanje kugaya Umwami, kuko batasobanukiwe n’agaciro igikorwa Umwami akoze gifite.

Pasteri Mpyisi, avuga ko kuba abantu muri icyo gihe batarasobanukiwe n’ibyo Umwami yakoze, bisa n’ibiriho ubu, aho hari ababwiriza ijambo ry’Imana, bamwe bakabyumva abandi ntibaryumve.

Avuga ko Umwami Rudahigwa yari yarabaye umukirisitu ukomeye, ku buryo ibyo yakoze hari n’abapadiri batabyumvaga. Ibi bikaba bivuga ko Imana itagenderera umuntu kuko ari Padiri cyangwa Pasiteri ahubwo ko igenderera umuntu ku giti cye, nk’uko yagendereye Umwami.

Rudahigwa, wabatijwe akitwa Mutara Charles Leon Pierre, ngo nta bapadiri bamubwirizaga ku buryo bwihariye, yakoraga nk’iby’abandi bakora, aho kenshi bigishwaga amasengesho bagomba guhora bavuga.

Iki gikorwa cyo gutura Igihugu Imana, ngo ni cyo cyashimangiye ko Umwami Rudahigwa yamenye Imana koko.

Iri sengesho Rudahigwa yavuze ngo ryari ritandukanye n’andi yose, kuo ryo ari irye ubwe, ataryigishijwe mu bitabo. Aha ngo yabwiraga Imana yamaze kumenya.

Pasteur Ezra Mpyisi, avuga ko n’ubwo Rudahigwa yari yaramenye Imana, agakora igikorwa cyiza abanyarwanda batacyumvise ngo bamukurikize, kuko ngo kugera uyu munsi abenshi batazi Imana.

Dore Isengesho Umwami Rudahigwa yavuze yitura Yezu Kristu, akamutura u Rwanda n’abaturage barwo.

“Nyagasani Yezu, Mwami w’abantu bose n’uw’imiryango yose, wowe hamwe n’umubyeyi wawe Bikira Mariya umugabekazi w’ijuru n’isi. Jyewe Mutara Charles Leon Pierre Rudahigwa ndapfukamye kugira ngo nemeze ko ari mwe bagenga b’inteko b’u Rwanda, mukagomba no kutubera umuzi ushingiweho ubutegetsi bwarwo n’ingoma yarwo. Nyagasani Kristu-Mwami, ni wowe warwiremeye, uruha abategetsi bo kurugenga mu izina ryawe. Ugumya kurugwiza uruyobora ku ngoma nyinshi rutarakumenya.”

Yamenyekanye cyane ku kuba yaratwaye ibikombe by’isi 3, ndetse akaba ari we muntu rukumbi ku isi, waciye agahigo ko gutsinda ibitego 1,281 mu mikino 1,363 akinira ikipe ye, kandi atavuye mu gihugu cye cya Brazil.

Dore tumwe mu dushya twaranze ubuzima bwe :

Pelé yirukanye umusifuzi mu kibuga

Tariki ya 18 Kamena 1968, ubwo ikipe yakiniraga ya Santos FC yahuraga mu mukino wa gicuti n’ikipe yo muri Colombia, umukino wabereye mu mujyi wa Bogota, umusifuzi witwa Guillermo Velazquez, yabwiye Pelé ko agomba gusohoka mu kibuga ku ikosa yari akoze. Aha, ibyo gutanga amakarita atukura byari bitarabaho, kuko byatangiye mu mwaka wa 1970.

Umusifuzi Velazquez (iburyo) yasohoye Pelé mu kibuga birangira ari we wisanze hanze

Aha, umusifuzi yavuze ko Pelé yari atutse myugariro w’ikipe ya Colombia. Abakinnyi b’ikipe ya Santos bahise bakora uruziga ku musifuzi, ndetse n’abaje kureba umupira bose batangira kuvuga ko Pelé arenganye.

Muri uwo mukino, umusifuzi Velazquez yahise asohoka mu kibuga, asimburwa n’umusifuzi wo ku ruhande. Mu kiganiro yahaye abanyamakuru mu mwaka wa 2010, Velazquez yatangaje ko icyo gihe abakinnyi ba Santos, bamubwiye ko byihuse, ahita ava mu kibuga, Pelé asubira mu kibuga.

Pelé ntiyigeze na rimwe akinira ikipe y’i Burayi

Mu gihe hari amakipe menshi y’i Burayi yamwifuzaga, nka Real Madrid, AC Milan, Pelé ntiyari yemerewe kuva muri Brazil ngo ajye kuyakinira. Santos FC yakomeje guhakanira amakipe yose yifuzaga kumugura, cyane ko muri iki gihe icyifuzo cy’umukinnyi ubwe nta gaciro gakomeye cyabaga gifite.

Byageze aho Guverinoma ya Brazil ivuga ko ibirebana no kugurisha Pelé ari yo bireba, bitewe n’igitutu amakipe y’i Burayi yashyiraga kuri Santos FC. Mu mwaka wa 1961, Perezida wa Brazil Janio Quadros yashyize hanze Iteka rivuga ko Pelé ari umutungo w’igihugu, kandi ko udashobora kugurishwa hanze. Gusa, nyuma yo kumara imyaka 18 akinira Santos FC, mu mwaka wa 1975, yerekeje muri Leta Zunze Ubumwe za Amerika, aho yakiniye ikipe ya New York Cosmos.

Aha yakiniraga ikipe ya New York Cosmos

Bwa mbere mu buzima bwe, Pelé yabaye kapiteni w’ikipe ku myaka 50

Nta hantu na hamwe uzigera ubona Pelé yambaye igitambaro cyo ku kuboko, cyambarwa na ba kapiteni b’amakipe, uretse mu mukino yakinnye mu mwaka wa 1990, ubwo yizihizaga isabukuru ye y’imyaka 50, umukino wabaye yaramaze kujya mu kiruhuko cy’izabukuru, agakina iminota 45 gusa.

Ku nshuro ya mbere, Pelé yabaye kapiteni w’ikipe ku myaka 50

Ni umukino wateguwe mu buryo bwa gicuti, aho ikipe ya Brazil yahuye n’ikipe yari igizwe n’abakinnyi baturutse mu makipe anyuranye, umukino wabereye mu mujyi wa Milan.
Indi myaka yose yabanje, Pelé, ntiyigeze yemera ko bamuha umwanya wo kuyobora bagenzi be mu ikipe.

Pelé yabaga ku rutonde rw’abasimbura umunyezamu bibaye ngombwa mu ikipe ya Santos FC na Brésil

Uretse guconga ruhago, Pelé yari n’umunyezamu mwiza. Mu buzima bwe mu kibuga, yagiye mu izamu rya Santos FC inshuro 4, kandi nta gitego cyigeze kimwinjirana. Muri icyo gihe, byari byemewe ko umuzamu asimbuzwa inshuro imwe yonyine mu mukino. Umukino uzwi cyane Pelé yari mu izamu, ni umukino wa kimwe cya kabiri cy’irangiza cy’igikombe cya Brazil, wabaye mu mwaka wa 1964.

Benshi bashatse kwitwa izina rye

Pelé yagize abantu benshi biswe amazina ye ku isi. Abakinnyi babaga ibyamamare mu bihugu byabo, bongeragaho akazina ka Pelé. Aha twavuga nk’umukinnyi wamamaye mu gihugu cya Ghana ndetse no mu makipe akomeye y’i Burayi, Abedi Ayew, wamenyekanye nka Abedi Pelé.

Izina rye rya batisimu « Edson », mu myaka ya 1950, ryari rimaze guhabwa abana basaga ibihumbi 43 muri Brazil. Pelé amaze gutwara ibikombe by’isi inshuro 3, agatsinda n’igitego cye cyuzuza umubare w’ibitego 1000, umubare w’abiswe Edson muri Brazil warenze ibihumbi 111.

Abedi Ayew, umunye-Ghana wamenyekanye nka Abedi Pelé

Habuze gato ngo Pelé ayobore igihugu cya Brazil

Pelé ntiyigeze atanga kandidatire ku mwanya wa Perezida, nk’uko yari yarabitangaje mu kiganiro n’abanyamakuru mu mwaka wa 1990. Yagombaga kwiyamamaza mu mwaka wa 1994.

Pelé yabaye Minisitiri wa Siporo

Gusa ariko, yamaze imyaka 3 ari Minisitiri wa Siporo kuva mu mwaka wa 1995-1998. Muri icyo gihe, yaharaniye ko abakinnyi b’umwuga bahabwa umwanya, bakagira uruhare ku bijyanye n’igura n’igurishwa ryabo mu makipe akomeye, amahirwe Pelé atigeze agira na rimwe.

Dr. Ndayambaje Irénée uyobora REB asaba ko habaho ubufatanye bw’inzego zitandukanye ndetse n’ababyeyi mu gusubiza abana ku ishuri

Valerie Nyirabazayire wo mu Karere ka Musanze, yagize ati: “Umukobwa wanjye yari agize imyaka 16, yari ageze mu wa gatatu w’amashuri yisumbuye, ubu yagiye i Kigali afite aho arera umwana bakamuhemba. Sinzi ko azankundira gusubira ku ishuri, kuko ubu abona amafaranga bamuha ari bwo buzima bwe”.

Mu turere dukora ubuhinzi bw’icyayi, abana bamwe bagiye bajya gukora ibiraka mu mirima y’icyayi, kuri ubu bamenyereye gukorera amafaranga. Havugimana Jean Damascene, umuturage wo mu Karere ka Rusizi yagize ati: “Hano muri Gisakura abana bafite nk’imyaka 12 kuzamura bagiye babona ibiraka mu mirima y’icyayi. Mbona wenda kuko batigaga ntacyo byari bitwaye, kuko hari ubwo biba ngombwa ko bunganira ababyeyi, ikibazo ni ukuzabavana mu cyayi ngo ubasubije mu ishuri. Aha bizasaba imbaraga za Leta”.

Umuyobozi w’Ikigo cy’Igihugu cy’Uburezi (REB), Ndayambaje Irénée, yabwiye Kigali Today ko ikibazo cy’abana bagiye bajya mu mirimo inyuranye muri iki gihe cya Covid-19 bakizi, ariko ko hari ingamba zo kugira ngo bose bazasubire kwiga, mu gihe ibyiciro by’amashuri yabo bizaba bitangiye.

Agira ati “Twese nka MINEDUC ndetse n’abafatanyabikorwa n’abandi baturage barabibona, hari abana bari hirya no hino mu mirimo inyuranye, ibi bikaba byaratewe n’uko abanyeshuri bamaze igihe kinini bari mu rugo, kubera Covid-19. Icyo twifuza ni uko mu gihe amashuri azaba atangiye, bose bagaruka bakiga”.

Yakomeje avuga ko bisaba imbaraga kugira ngo umwana watangiye gukorera amafaranga yongere agire umutima wo gusubira mu ishuri. Ikigo cy’Igihugu cy’Uburezi (REB) cyatangiye ubukangurambaga, aho bashishikariza abafatanyabikorwa mu burezi, abayobozi mu nzego zinyuranye, ibitangazamakuru n’ababyeyi, gufatanya muri iki gikorwa, bamenyekanisha ingengabihe y’amashuri yatanzwe, kugira ngo uwo bireba wese abyubahirize.

Avuga ko abarimu bo bamaze kwitegura itangira ry’amashuri, bareba uburyo bazasubiza abana ku gipimo bakwiye kuba bariho, cyane ko n’ubundi abana bose baba basanzwe batari ku kigero kimwe, mwalimu aba afite uko afasha buri mwana.

Ibi bazabifashwamo n’ubumenyi bafite bize mu ishuri nderabarezi, ndetse n’amahugurwa REB n’abafatanyabikorwa bazakomeza kubaha ku bijyanye no kugarura ku murongo abana bari bamaze igihe batiga (Remedial Strategies), kandi ntawe utaye umwanya.

Ku babyeyi bagiye bashora abana babo mu mirimo kubera amaburakindi, Ndayambaje uyobora REB yabasabye ko batagurana amafaranga make abana babaha n’ishuri rizababeshaho ubuzima bwose.

Yagize ati: “Kwiga ni uburenganzira bw’umwana. Amafaranga make cyane umwana yazana uyu munsi, yazikuba inshuro nyinshi mu gihe yaba yararangije kwiga, yinjira ku isoko ry’umurimo ashobora guhangana kugera ku isoko mpuzamahanga. Ababyeyi bazigomwe nk’uko basanzwe babigenza, ariko barebe kure h’abana babo”.

Mbere ya Covid-19, abana bagera kuri 98% by’abana bagomba kwiga, bari bari mu mashuri. Gusa ngo kubera Covid-19, abana bata ishuri bashobora kuziyongera, Minisiteri y’Uburezi ikazamenya neza ikigero cyabo mu gihe abanyeshuri bose bazaba bamaze kugera ku ishuri.

Reba HANO ingengabihe y’uko amashuri azatangira.

Inkuru bijyanye:

MINEDUC yatangaje uko ingendo zo gusubira ku ishuri ku biga bacumbikirwa zizakurikirana

Minisitiri Shyaka yasobanuye uko gahunda yo gushyira abaturage mu byiciro bishya iteye

Iri gerageza, rirabera mu turere twose tw’igihugu, mu Murenge umwe n’Akagari kamwe byagiye bitoranywa, aho abaturage ubwabo ari bo baza kubigiramo uruhare, kugira ngo hirindwe amakosa yagiye agaragara mu byiciro byabanje, aho bamwe mu baturage bavugaga ko bashyizwe mu byiciro badakwiye.

Minisitiri w’Ubutegetsi bw’Igihugu, Prof Anastase Shyaka, yatangaje ko ari igikorwa cy’igerageza kibanziriza igikorwa rusange, kizakorwa mu gihugu hose.

Mu kiganiro na RBA, Minisitiri Shyaka yagize ati “Kuri ubu hatoranyijwe Akagari kamwe, kari mu murenge umwe muri buri karere. Urubyiruko, abakorerabushake, n’izindi mpuguke zavuye ku rwego rw’Intara, zirahahurira zifashe abaturage gusobanura uko iki gikorwa kigenda”.

Minisitiri Shyaka, avuga ko iki gikorwa kiza gukorwa hirindwa icyorezo cya Covid-19, bubahiriza amabwiriza yose yashyizweho, cyane cyane bahana intera hagati yabo. Yakomeje avuga ko ibi byiciro atari iby’ubukene ahubwo ko ari byo gutuma Abanyarwanda bamenya aho bahagaze, buri wese agasobanukirwa aho agomba gushyira imbaraga ngo yiteze imbere.

Yagize ati: “Ibi byiciro byaganiriweho n’inzego zinyuranye zirimo abaturage, bikorwa hakurikijwe ibyifuzo byabo. Nta muntu ugomba kujya mu cyiciro yizeye ko azajya ahabwa serivisi runaka bishingiweho, kuko ubu n’umukene azajya afashwa akazamuka”.

Abaturage bazajya bafashwa na Leta, ni abo mu byiciro bya D na E bakennye cyane, aho abo muri E bo baba akenshi banafite ubumuga buhoraho, ntacyo babasha gukora cyabateza imbere. Abo mu cyiciro cya D, bazajya bafashwa muri gahunda zizamura abaturage nka VUP, na bo bagenda bazamuka mu bukungu.

Minisitiri Shyaka yasabye ko abaturage bose bagira iki gikorwa icyabo, kuko uruhare rwabo ari rwo rw’ingenzi, mu kwishyira mu byiciro, kuko ari bo baziranye. Yasabye abaturage kurangwa n’ubunyangamugayo batarwanira kujya mu byiciro by’abakene cyane, kuko nta serivisi bazongera guhabwa babishingiyeho, kuko n’umukene azajya afashwa kwifasha.

Umuganga umwe ashobora kugirana amasezerano y’umurimo n’ibitaro bibiri

Dr Dufatanye Eulade, umuganga w’indwara z’imbere mu mubiri, avuga ko atanga servise z’ubuvuzi mu bitaro byo muri Kigali ndetse no mu bitaro bya Munini muri Nyaruguru. Avuga ko akazi ke agakora ku buryo ibyo agomba gukora abikora neza muri ibi bitaro byombi.

Mu kiganiro yagiranye na RBA yagize ati “Mu bitaro byigenga nkora mu masaha nagenewe yo kuruhuka mu bitaro bya Leta, ni ukuvuga weekends, nimugoroba cyangwa iminsi yagenwe yo kuruhuka. Nduhuka amasaha 7 kuri 24. Iyo waruhutse neza ukaryama, gahunda urayitegura ku buryo wakora iminsi yose, utagize ibibazo by’umunaniro”.

Uyu muganga, ibi abihuriraho n’abandi benshi usanga bakora mu bitaro birenze kimwe. Ibi ahanini ngo biterwa n’uko abaganga b’inzobere bakiri bake ugereranyije n’abaturage baba bagomba kwakira, cyane ko abenhi mu nzobere usanga bakora mu bitaro bya Leta.

Abaganga bavuga ko iki cyemezo bacyakiriye neza, kuko hari igihe umuganga abura ku bitaro, bigatuma abarwayi babura serivisi. Kuri ubu ngo bazajya bahabwa gahunda ya muganga bitewe n’igihe ahari. Ibi kandi ngo bizafasha ibitaro byagiraga abarwayi benshi bigomba kwakira ariko bakabura abaganga bahagije bo kubitaho.

Ibitaro byigenga ariko, birasaba ko bizakora ishoramali kugira ngo izo nzobere zijye zisanga ibikoresho bihagije ku bitaro, bityo bite ku barwayi uko bikwiye, nk’uko bimeze mu bitaro bya Leta.

Bamwe mu baturage bavuga ko bafite impungenge ko ibi byabagiraho ingaruka, mu gihe umuganga akomeza ashakisha amafaranga yisumbuyeho akaba yakora ananiwe, ntatange servise nziza.

Dr Antoine Muyombano, Perezida w’ihuriro ry’amavuriro yigenga mu Rwanda, asanga amategeko ashyiraho imikorere y’abaganga azatuma bikorwa neza, aho buri muganga azajya avurira ahantu hazwi, n’abarwayi bahazi. Ibyo kujarajara ntibizabaho, kuko bazakorera mu mucyo, bakurikije amabwiriza ya Minisiteri y’Ubuzima izatangaza mu minsi iri imbere.

Bobi Wine yatangarije Ibiro Ntaramakuru by’Abafaransa (AFP), ko akomeje guhura n’ibibazo by’uko inzego z’umutekano zihora zinjira mu biro bye, zigatwara ibyangombwa ategura gutanga muri kandidatire ye.

Bobi Wine yavuze ko yafungiwe mu biro bye, aho yamaze amasaha menshi atemerewe gusohoka. Inzego z’umutekano ngo zatwaye ibyangombwa birimo impapuro ziriho imikono y’abantu asabwa kugira ngo abashe gutanga kandidatire.

Yagize ati ”Baje biteguye batwara ibitabo birimo sinyatire miliyoni zirindwi z’abashyigikiye ko niyamamaza mu gihe habura ibyumweru bibiri gusa ngo kandidatire zitangwe, batwara amafaranga agera ku mashilingi miliyoni 23 (ni ukuvuga asaga miliyoni 5 z’amanyarwanda), ndetse batwara n’ibindi bikoresho twari kuzakoresha mu gihe cyo kwiyamamaza”.

Umuvugizi w’igisirikare cya Uganda Flavia Byekwaso, yavuze ko umukwabu wakozwe mu biro bya Kyagulanyi, wari ugamije kuhakura imyenda n’ingofero bya gisirikare, bikunze kwambarwa n’abarwanashyaka be mu gihe babibujijwe.

Mu kwezi kwa Nzeri 2019, Guverinoma ya Uganda yashyizeho ibwiriza ribuza abaturage kwambara imyenda ya gisirikare, aho ubirenzeho ahanwa kugera ku gufungwa imyaka itanu.

Bobi Wine akomeza avuga ko Museveni akomeje gukoresha uburyo bwose bushoboka, kugira ngo akomeze agundire ubutegetsi.

Ingo zimwe zahindutse utubari

Bimenyerewe ko utubari, ari ahantu hahurira abantu bagamije gusabana, aho benshi iyo bamaze kunywa inzoga bahuza urugwiro, bamwe bagahoberana, bagafatana, ibi bikaba ari bimwe mu byongera ibyago byo kwanduzanya icyorezo cya Covid-19 ku kigero cyo hejuru.

Bamwe mu baturage twaganiriye, baduhishuriye uburyo bunyuranye bakoresha kugira ngo bahurire hamwe basangire inzoga.

Hari kandi n’abacuruzaga utubari bavuze ko bakomeje kureba uburyo bakwirwanaho ntibahagarike ubucuruzi burundu, kuko nta handi bavana imibereho.

Umwe yagize ati “Numvaga nta hantu nabona nicara ngo nywe inzoga. Nageze aha ntembera, gusa numvaga ndi buyigure nkayitwara mu rugo. Umwe mu nshuti zajye ni we wambwiye ko dushobora guhurira muri iyi alimentation, tukajya mu gikari cyayo, tugasangira kamwe. Mpageze nasanze hari abantu benshi, bicaye basangira inzoga, nanjye menya ntyo ko ahantu nk’aho hagihari”.

Mpagaze Emmanuel (izina tamuhaye), avuga ko nubwo utubari tutemerewe gufungura mu rwego rwo kwirinda icyorezo cya Covid-19, hari ubundi buryo bunyuranye abantu bagiye barema utubari.

Avuga ko uretse muri za alimentations zifite ibikari byihishe, hari na za resitora zisa n’izagizwe utubari. Ibi kandi abihuza na Jean Bosco Uwamungu (si izina rye), wadusobanuriye uko bigenda muri zimwe muri resitora zari zisanzwe zicuruza ibiryo cyangwa ahari akabari hahinduwe resitora.

Ati “Icyo bagusaba ni uko ukoresha komande y’icyo kurya, n’aho kaba akantu gato. Ntibisaba ko uba ubishaka, kuko ntibaguha inzoga utabanje gusaba ibyo kurya. Ubundi mukicara mukanywa. Iyo mumaze kurya, ibyo mwaririyeho, amasahani, umunyu, ibiyiko, babigumiza aha kuri aya meza, kuko abayobozi bashobora kwinjira batunguranye, baza kureba niba hatahindutse akabari”.

Akomeza avuga ko abakora mu tubari na bo hari amabwiriza baba barahawe, nko kudaha umuntu umwe amacupa abiri icyarimwe, kuko ku meza imwe hatagomba kugaragara amacupa menshi.

Amayeri menshi

Mu rwego rwo kugira abakiliya mu tubari, ba nyir’utubari ni bo bagenda batumira abo bazi bari basanzwe bahanywera, bakababwira ko bashobora kuza bakanywa inzoga nta kibazo.

Harerimana Claude, yagize ati “ Ubundi hari n’ubwo uba utazi ko akabari runaka wanyweragamo kagikora. Nyirako rero agenda ahamagara abo yari azi, akababwira ko akora, na bo bakabwirana ariko mu ibanga, ku buryo bitateza ibibazo”.

Hari n’abandi bahimbye uburyo bwo guhurira ku mbuga nkoranyambaga (Whatsapp Groups) ku buryo baba bazi aho bari buhurire n’uko bahura.

Kamali Leandre, agira ati “Ubundi telefone zarabyoroheje. Abantu turi mu itsinda rimwe tuba tuzi aho duhurira tukagenda turi bake bake, ku buryo bitagaraga. Birakorwa cyane”.

Gusa ariko bitewe n’uko ingamba zakajijwe, bamwe bahitamo guhurira mu ngo, aho bavugana urugo bazahuriramo birinda kuba bafatirwa mu kabari.

Anges Rugwiro agira ati “Kubera kwanga ko abantu banywa bacungana na polisi, akenshi akabari turakareka, tukavugana urugo duhuriramo. Ni byo bitagaragara cyane ko abantu bari kunywa inzoga. Turazigura tukazijyana”.

Kunywa inzoga ntibibujijwe, ikibi ni ukunywera mu tubari cyangwa aho abantu bateraniye ari benshi. Umuntu ashobora kugura inzoga akayijyana iwe, akayinywa kandi ntabe anyuranyije n’amabwiriza.

Gusa bamwe bamenyereye guhurira mu tubari, bavuga ko ibi ari ibintu bivunanye cyane. Agnes Rugwiro, nanone agira ati “Njyewe inzoga yo mu rugo ya njyenyine sinayimira. Bisaba ko mba ndi kumwe n’inshuti zanjye dusabana. Naho ubundi wataha ukaryama”.

Minisitiri w’Ubutegetsi bw’Igihugu Prof Anastase Shyaka, mu kiganiro yagiranye na Televiziyo y’u Rwanda, yavuze ko bigoye ko abantu basangira inzoga bakwirinda Covid-19, bitewe n’ubusabane budasanzwe bagirana uko bagenda basoma ku nzoga, iyi ikaba impamvu iyo serivise ikomeza gufungwa.

Agira ati “Iyo abantu bagiye mu kabari baba bagamije ubusabane. Iyo batangiye bahanye intera, kagenda kagabanuka uko basoma ku gacupa. Hari n’abatangira guhoberana, kandi agapfukamunwa ntibaba bakikambaye. Abo rero biragoye kubasaba kwirinda Covid-19”.

Minisiteri y’Ubutegetsi bw’Igihugu (MINALOC) ifatanyije n’Urwego rw’Igihugu rw’Iterambere (RDB), batangaje amabwiriza agenga imikorere ya Resitora, Hoteli n’andi macumbi muri ibi bihe byo kwirinda icyorezo cya COVID-19, aho resitora zemerewe gutanga ibinyobwa bisembuye, ariko ku bantu bicaye gusa kandi baje gufata amafunguro.

Ibi byatumye hari bamwe mu bakoraga ubucuruzi bw’akabari, bahindura imikorere bakabyita resitora, ariko bagakomeza gutanga inzoga.

Kamanzi (izina twamuhaye), afite akabari ariko ubu yamaze kugahindura resitora, aho yashyizemo serivisi yo kugaburira abantu amafunguro ya saa sita, atari asanzwe abikora.

Avuga ati “Leta ikimara kuvuga ko utubari dufunzwe, nibajije uko nzabaho, kuko ngomba gutunga umuryango w’abantu umunani. Ariko nyuma y’aho resitora zemerewe gukora, nanjye nahise ntangira uburyo bwo kujya nteka ibiryo abantu bakaza kurya mu masaha ya saa sita”.

Avuga ko nta mpungenge afite ko abahagana bakwanduzanya icyorezo kuko ngo bashyizeho ingamba z’ubwirinzi. Avuga ko abinjira bose babanza gukaraba intoki kandi bagahana intera.

Ati “Iyo hari abashaka n’inzoga turazibaha, ariko tukubahiriza amabwiriza yo kwirinda, kuko hagati y’intebe n’indi dusigamo intera ya metero imwe n’igice. Nyuma ya saa mbili n’igice, nta muntu twongera guha inzoga, kuko amasaha y’umukwabu aba yegereje tugomba gutangira gufunga”.

Avuga ariko ko ibyo guhana intera biba bigoye ariko ko bakomeza kunyura hagati y’aho abantu bicaye, babibutsa guhana intera. Kwambara udupfukamunwa byo ngo ntibiba byoroshye, kuko abantu baba bakomeza kurya no kunywa. Ati “Tugenzura ko badufite ariko batwambara batashye”.

Aba bacuruzi bavuga ko batahagarika ubucuruzi burundu, kuko ari bwo bubatungiye imiryango.

Steven Gahima, umwe mu bahagaritse ubucuruzi bw’akabari utuye mu Murenge wa Kimironko, avuka ko kuri ubu ubuzima butamworoheye.

Agira ati “Tukimara kubona amabwiriza yasohotse ahagarika ubucuruzi bw’utubari, nahise mfunga. Ariko ubuzima buragoye, ntibyoroshye gutunga umugore n’abana batanu ntacyo mfite cyinjiza amafaranga. Ubuzima burakomeye. Mpora numva nanjye nahindura izina akabari nkabyita resitora, ariko mba numva mfite impungenge z’ingaruka byangiraho. Nemeye kurya bike, nkaryama kare”.

Kunywera ku mureko, mu gapfukamunwa…na ruswa

Mu kibahima, ku mureko, mu gapfukamunwa, munsi y’igitanda… ni amwe mu mazina agenda ahabwa ahantu hanyuranye abantu baba baziranyeho ko hacururizwa inzoga mu buryo butemewe.

Damascene Hakiza, umwe mu banywera muri izo nzu, yatubwiye ko kuguha karibu bisaba kukwizera.

Agira ati “Ubundi iba ari inzu isanzwe, ku buryo gukeka ko abantu bajyamo bakanywa bigoye. Kereka hari umwe muri twe udutanze. Hari ubwo buri wese yizanira icyo kunywa, ariko ukaba ugomba no kugira icyo ugurira hano”.

Avuga ko aya mazu yabafashije gusabana, cyane ko bataba bikanga n’amasaha y’umukwabu.

Ati “Iyo saa moya zigufatiye aha, ubwo ni ukunywa kugera mu gitondo (igihe twaganiraga hari harashyizweho gahunda ntarengwa ya saa moya ). Icyo twirinda ni urusaku kuko mu ijoro abantu bose baba baryamye. Kandi abenshi tuba tunatuye hafi hano”.

Akomeza agira ati “Ibyo kubahiriza intera no kwambara agapfukamunwa naba nkubeshye pe, ntabyo twubahiriza”.

Ku bijyanye no gutinya ko banduzanya Covid-19, yatubwiye ko ibyo batarabihabona, kuko abahanywera bose kugeza ubu ntawe urayandura. Yagize ati “Hano twese turi bazima (abivuga aseka cyane). Nta muntu urarwara mu bantu bose baza aha”.

Bamwe mu baturage bavuga ko iyi myitwarire bayibona, ariko ntibabe bagira icyo bayikoraho kuko usanga utubari dukingirwa ikibaba na bamwe mu bayobozi.

Kamali Leandre yagize ati “Gufatwa ni ibyago. Hari urubuga mbanaho n’ushinzwe umutekano mu Kagali. Ubwo se yamfata ate tuba twasangiye? Erega na bo ni abantu”.

Samuel Ntwali utuye mu Karere ka Kicukiro, agira ati “Ubu se wowe ntubibona, aka si akabari gafunguye. Aha ndahanyura buri munsi nkikomereza, aba bantu ubareze bakabimenya wabakira? Uretse ko biri henshi, mbona kwirirwa umuntu aregana ari ukwiteranyiriza ubusa”.

Beatha Mukarwego na we utuye mu Karere ka Gasabo, agira ati “Inkeragutabara, ni zo zishinzwe kureba niba abantu batarenze ku mabwiriza. Aha kuri aka kabari, barabanza bakaziha zikanywa, na nijoro zikaza bakaziha. Usanga rwose na zo zishimye. Ubwo se wumva zajya kubarega”.

Kamanzi ufite akabari yahinduye resitora, yatubwiye ko umuntu agomba kumenya kubana neza n’abayobozi, akagira icyo abagenera kugira ngo akomeze akore.

Agira ati “ Ubundi abayobozi cyane aba ba hafi kugera ku murenge, abapolisi ugomba kumenya kubana na bo, mukaganira, mukaba inshuti. Nawe ariko gerageza ubyumve, tubaha akantu bagatuza. Kuko utagize icyo ubaha nawe ntiwakora”.

Mu bijyanye no kubana neza na bo, yatubwiye ko atari ruswa babaha, ahubwo ko hari ubwo babatumira bagasangira.

Bamwe batangiye guhanwa

Umuyobozi Nshingwabikorwa w’Akarere ka Kicukiro Solange Umutesi, avuga ko hari abayobozi bagiye bakurikiranwa, ariko ko batabaga bafatiwe mu cyuho cya ruswa, ahubwo ko byabaga ari ukutuzuza inshingano.

Agira ati “Hari abayobozi mu nzego z’ibanze bafatwaga bataje gukurikirana uko abaturage bubahiriza amabwiriza, tukabibona nk’uburangare cyangwa intege nke ariko ntitwabyita ruswa. Mu cyuho cya wa muyobozi warangaye ni ho n’abo banywa inzoga, bagakora utubari ahatemewe babikora. Hari abayobozi bemeye amakosa basaba imbabazi bagirwa n’inama, ariko hari abagera kuri 18 byabaye ngomba ko bavanwa ku mirimo”.

MINALOC, ivuga ko henshi mu hakorerwa ubucuruzi bw’utubari bahamenya, kandi ko ntawe uzihanganirwa mu gihe yarenze ku mabwiriza.

Minisitiri Shyaka Anastase mu kiganiro na Televiziyo Rwanda, ati “Hari utubari dusanzwe tuzwi, udukorera muri za hoteli, resitora, alimentation zahiduwe utubari, utwo twose ntitwemewe. Aho batazibwiriza kudufunga inzego zibishinzwe zizabafasha kubahiriza amabwiriza”.

Akomeza agita ati “Bamwe mwajyaga mubona binjira bakabanza gufata ka brochette kamwe, ubundi amacupa agacicikana, resitora ikaba akabari, ibyo turabizi. Ababikoraga babicikeho”.

Minisitiri w’Ubutegetsi bw’Igihugu, Prof. Shyaka Anastase

Dr Sabin Nsanzimana, Umuyobozi Mukuru w’Ikigo cy’Igihugu cy’Ubuzima mu Rwanda (RBC), na we yavuze ko hari benshi barenga ku ngamba zo kwirinda Covid-19, bashyira utubari aho tutari, bibangamira ingamba n’amabwiriza, bigatuma icyorezo cyiyongera.

Yagize ati “Utwo tubari turahari turabizi, hari n’amashusho y’abantu basinze njya mbona mu bitangazamakuru, ugasanga n’agapfukamunwa kamubereye imbogamizi aho kuba kamufasha. Icyo nabwira abantu ni uko buri wese yakumva ko ari ubuzima bwe arinda.

Ni we n’umuryango we bigiraho ingaruka iyo atirinze. Si ukurinda umupolisi, nubwo iyo wanduje abantu, bishobora kugera no kuri benshi utazi. Twatangiye gupfusha abantu, iki ni igihombo tugize ndetse kizamara imyaka myinshi”.

Imibare itangwa na Minisiteri y’Ubutegetsi bw’Igihugu, igaragaza ko kuva tariki 17 Nyakanga kugera tariki 12 Nzeri 2020, hari hamaze gufatwa utubari tugera ku 6,071 twari dukinguye ku buryo butemewe, abagera kuri 21,732 bafatirwa mu tubari, barenze ku mbwiriza yo kwirida Covid-19.

Umujyi wa Kigali washyizeho uburyo bwo guhana abantu bose bazafatwa batubahirije amabwiriza yo kwirinda ikwirakwiza rya Covid-19, amande n’ibihano ku bazafungura akabari ahatemewe hose, haba mu ngo, resitora, alimentations, hoteli…, aho nyir’ubucuruzi cyangwa nyir’urugo azahanishwa amande angana n’ibihumbi ijana na mirongo itanu (150,000 Frw), akanafungirwa ibikorwa bye mu gihe kiri hagati y’ukwezi kumwe n’amezi atatu, bigafungurwa abanje kwerekana ingamba yafashe mu kwirinda Covid 19.

Umuhanzi w’icyamamare David Adedeji Adeleke uzwi ku izina rya Davido, na we yatangaje ko yamaganye ibyo bikorwa, ndetse anasaba ko hahita hashyirwaho amategeko ahamye, ahana abapolisi bakoze ibyo byaha.

Mu kiganiro yagiranye n’Umuyobozi Mukuru wa polisi muri Nigeria Mohammed Adamu ku wa 12 Ukwakira 2020, yavuze ko afite icyifuzo cy’uko ibikorwa abapolisi bakora, bahutaza abaturage byahagarikwa.

Perezida wa Nigeria Muhammadu Buhari, yavuze ko kuba SARS yarasheshwe, ari intangiriro yo gukemura iki kibazo.

Yagize ati “Mfashe aka kanya kugira ngo ngire icyo mvuga ku mpungenge mufite nk’abaturage, ku mbaraga z’umurengera zikoreshwa, ubwicanyi budakurikije amategeko bikorwa na bamwe mu bapolisi na Nigeria.

Gusesa umutwe wa SARS ni intambwe ya mbere, kuko tugiye gukurikizaho amavugurura akomeye mu gipolisi, kugira ngo intego zacyo zikomeze kurinda ubuzima bw’abaturage aho kubushyira mu kaga. Abazafatirwa mu bikorwa nk’ibyo bazahanwa hakurikijwe amategeko”.

Donald Trump na Joe Biden bakomeje guhatanira kuyobora Lea zunze Ubumwe za Amerika

Ku ruhande rwa Donald Trump, ibintu byarushijeho kuba bibi, mu gihe kuri uyu wa 12 Ukwakira 2020 ari bwo yagombaga guhura n’abamushyigikiye, muri Leta ya Florida. Ikiganiro cya mbere mpaka yagiranye n’uwo bahanganye, Joe Biden, cyabaye tariki ya 29 Nzeri 2020, cyafashwe nk’ikitarageze ku ntego zacyo. Kuba Trump yararwaye Covid-19, byibukije byinshi yagiye atangaza, avuga ko Covid-19 atari indwara ikomeye. Nyuma yo kuva mu bitaro, Donald Trump yagiye akora udushya twatumye benshi bibaza ibyo arimo.

Perezida Trump, yavuze ko atazitabira ikiganiro cya kabiri hamwe na Biden, kuko ngo kugikora hifashishijwe ikoranabuhanga ari ukumutesha igihe. Iki kiganiro, cyari guha amahirwe menshi Joe Biden, kuko ari bwo bari gusubiza ibibazo abaturage babaza. Trump azwiho kudasubiza neza abantu benshi, bamubaza ku bijyanye n’akazi ke.

Mu kwiyamamaza kandi, yakoresheje video igaragaza Dr Anthony Fauci ukuriye ikigo cya Amerika cyo kurwanya indwara zandura (National Institute of Allergy and Infectious Diseases) avuga ko "atibwira ko hari undi uwo ari we wese washoboraga gukora ibirenzeho" mu kurwanya Covid-19. Bigaragazwa nk’aho Dr Fauci yavugaga Donald Trump. Nyamara Dr Fauci yamaganye iyo video, avuga ko bayiciyemo amagambo, ndetse bakayikoresha batamubajije. We yavuze ko ibyo yavuze byarebaga abo bafatanya mu bikorwa byo kuvura n’ubushakashatsi kuri Covid-19.

Dr Fauci w’imyaka 79, yahise yoherereza ubutumwa ibiro ntaramakuru AFP, agira ati « Mu myaka yanjye igera hafi kuri 50 nkorera rubanda, nta na rimwe nigeze nshyigikira ku mugaragaro umukandida muri politiki »
.
Mu biganiro akomeje gukorera ku bitangazamakuru bikomeye muri Amerika, Donald Trump yakomeje kutavuga neza bamwe mu bakomeye muri Guverinoma ye, barimo William Barr uhagarariye abunganizi mu mategeko (Avocats) muri Amerika, n’umunyamanga wa Leta, Mike Pompeo. Aha, avuga ko William Barr ari we wakerereje dosiye igomba gukurikiranwamo Barack Obama na Joe Biden, ku mafaranga adafite ibisobanuro bahawe n’Abarusiya mu matora ya 2016. Yasabye ko bahita batangira gukurikiranwa.

Ngo byatewe n’uko Trump yanze kuzakora iki kiganiro ku buryo bw’ikoranabuhanga. Bitumye hasigara ikiganiro mpaka kimwe, kizaba mbere y’uko amatora atangira tariki 03 Ugushyingo 2020. Icyo kiganiro giteganyijwe ku wa 22 Ukwakira 2020.

Nyuma y’uko bimenyekanye ko Perezida Trump yanduye Covid 19, iyi komisiyo yahise itangira gutekereza ku buryo iki kiganiro cyakorwa ku buryo budashyira mu kaga ubuzima bw’abantu.

Igitekerezo cy’uko iki kiganiro cyagombaga kubera muri Miami ho muri Leta ya Florida, cyakorwa hifashishijwe ikiranabuhanga, cyahise cyamaganwa na Trump, wahise avuga ko nta mwanya afite wo guta kuri cyo, ahubwo ko azakomeza ibikorwa bye byo kwiyamamaza.

Ku mbuga nkoranyambaga zayo, iyi komisiyo yagize iti « Nta kiganiro mpaka kikibaye tariki ya 15 Ukwakira. Ubu imbaraga tugiye kuzishyira mu gutegura ikizaba tariki 22 Ukwakira, kizabera i Nashville».

Muri iki kiganiro cysubitswe, niho abatora bagombaga kubaza ibibazo by’ako kanya aba bakandida.

Joe Biden, yavuze ko « Trump adashoboye kuza gusobanurira abanyamerika gahunda ye », ndetse « biteye isoni kuba Trump ahunze ikiganiro rukumbi, cyari guha umwanya abaturage wo kwibariza ibibazo, ariko ngo ntibitangaje ».

Donald Trump, yahise atangaza ko kuri uyu wa gatandatu ahura n’abamushyigikiye, bagahurira aho ibiro bye bikorera, akaba ari nayo ncuro ya mbere agiye gukorera mu ruhame kuva avuye mu bitaro. Abamufasha mu bikorwa byo kwiyamamaza, batangaje ko azahura n’abaturage kuwa mbere tariki ya 12 Ukwakira, i Sanford muri Florida, agace yizeye ko kari mu tuzamuhesha intsinzi y’amatora.

Chauvin yishe Floyd amutsikamije ivi ku ijosi

Uyu yahoze ari umupolisi muri Amerika, akaba ashinjwa kwica umwirabura George Floyd w’imyaka 46, amutsikamije ivi ku ijosi kugera ashizemo umwuka.

Guhera uwo munsi, ibihumbi by’abaturage byahise byitabira imyigaragambyo yo kwamagara ihohoterwa rikorerwa abirabura mu cyiswe ‘Black Live Matters’, bivuze ngo ubuzima bw’abirabura bufite agaciro.

Inyandiko z’urukiko zigaragaza ko Chauvin yasohotse muri gereza kuwa gatatu tariki 7 Ukwakira 2020.

Nubwo yarekuwe ariko, ngo nta burenganzira afite bwo kugira aho ahurira cyangwa ngo avugane n’abo mu muryango wa Floyd. Agomba kandi gutanga imbunda ze zose, kandi ntiyemerewe gukora akazi karebana n’umutekano mu gihe akiburanishwa.

Ben Crump, umunyamategeko uburanira umuryango wa George Floyd, yavuze ko kurekurwa kwa Chauvin ari nk’agashinyaguro, cyane ko bakiri kure ku bijyanye no kubona ubutabera kuri Floyd. Biteganijwe ko abaregwa kwica Floyd bazaburanishwa mu kwezi kwa Werurwe 2021.

Trump yahise ajya mu biro bye, yemeza ko akomeza imirimo ye

Azamuye ibikumwe hejuru, Trump yagaragaje ko nta kibazo afite agakuramo agapfukamunwa imbere y’itangazamakuru. Akigera ku biro bye, yahise atangaza ko bidatinze agiye guhita akomeza gahunda zo kwiyamamariza kongera kuyobora Amerika.

Abinyujije ku rukuta rwe rwa Twitter, Trump yashyizeho video ebyiri zikoze mu buryo bwa filime, aho zigaragaza uko yinjiye muri Maison Blanche, atanga ubutumwa bugira buti “Iki cyorezo ntikigomba kuturusha imbaraga. Mwigira ubwoba, tuzagitsinda, dufite ubuhanga bukomeye n’ibikoresho bihambaye mu buvuzi. Musohoke mujye mu kazi ariko mwirinde”.

Ibi ariko hari abagaragaje ko bisa n’ibinyoma mu gihe abasaga ibihumbi 210 bamaze guhitanwa na Covid-19 muri iki gihugu.

Trump yakomeje agira ati “Tugiye gusubira mu mirimo yacu. Nk’umuyobozi, nagiye imbere y’abandi nubwo nari nzi ko biteye impungenge. Nararwaye ariko ubu meze neza. Uko meze ubu, nshobora kuba ubu ntakwanduza abandi, simbizi”.

Umuganga umukurikirana yavuze ko nubwo yihutiye gusubira mu kazi, atarakira neza. Abanyabitekerezo bikomeye muri Washington, bahise bavuga ko ibi ari ibyo kwitondera, kuko ashobora kwanduza abantu benshi.

Dr. Sean Conley, Muganga umukurikirana, yavuze ko nubwo atarakira neza, bakomeza kumukurikirana, bakora ibizamini bya ngombwa, ku buryo ashobora gutaha iwe.

Yagize ati “Turamuvura tumukurikirane amasaha 24 kuri 24, turamuha imiti yizewe ku rwego mpuzamahanga”.

Uyu muganga yanavuze ko imwe mu miti bakoresheje mu kuvura Trump ikiri mu igeragezwa, hagikorwa ubushakashatsi ngo yemerwe ku isoko ry’imiti ku isi.

Donald Trump azakomeza kuguma mu kato iwe mu rugo, mu gihe akivurwa ngo akire neza. Nubwo afite inyota yo kwiyamamaza, hari ingendo nyinshi mu Leta zimwe atazemererwa gukora.

R Kelly avuga ko atazi gusoma no kwandika, akaba ari yo mpamvu ituma hari byinshi atubahiriza mu nyandiko ahabwa, kuko aba atabisobanukiwe.

Tariki 23 Mata 2019, R Kelly yagombaga kwitaba urukiko, kugira ngo aburanishwe ku byaha aregwa. Gusa ku isaha yagombaga kuba ahari ntiyigeze ahagera, kuko ngo ibyo guhamagarwa atari yigeze abimenya.

Abamwunganira mu mategeko, Zaid Abdallah na Raed Shalabi, basobanuriye urukiko ko kuba atitabiriye urubanza, ari uko atamenye ibyanditse ku rupapuro rumuhamagaza. Bavuga ko iki cyamamare gifite ikibazo gituma atabasha kwiga, ‘trouble de l’apprentissage’, bikaba byaratumye atamenya gusoma.

R. Kelly mu kiganiro yagiranye n’ikinyamakuru TMZ, yavuze ko yagerageje kwiga gusoma no kwandika ariko bikanga. Yagize ati “Naragerageje, ndahatiriza, ariko numvaga bisa no kumva abantu bacuranga injyana ziterekeranye. Byamazemo imbaraga zanjye ndabireka”.

R Kelly, avuga ko n’amwe mu magambo make azi gusoma, ayakesha kuba yarageragezaga gusoma ubutumwa bugufi umukobwa we yamwandikiraga kuri telefone.

Iki kiganiro kiba gitegerejwemo impaka zikomeye, rimwe na rimwe hakazamo no guteshanya agaciro buri wese agamije kuzamura izina n’icyizere mu bazatora.

Mu ijoro ryo kuwa 29 Nzeri 2020, mu Mujyi wa Cleveland muri Leta ya Ohio, umunyamakuru Chris Wallace yayoboye ikiganiro cyahuje Perezeda Donald Trump, uhatanira kongera kwicara mu ntebe yo kuyobora Amerika, na Joe Biden, ukora uko ashoboye ngo ayimusimburemo.

Iki kiganiro ni cyo cyasize amateka adasanzwe mu biganiro mpaka nk’ibi byabaye mu mateka ya Amerika, kuko cyaranzwe no guterana amagambo no gucanamo kenshi.

Donald Trump umenyerewe ko atajya yihanganira umuntu uvuga byinshi imbere ye, yaciye mu ijambo Joe Binden incuro 73 mu kiganiro cyamaze iminota 90, kugeza ubwo Biden amubwiye ati “Wafunga umunwa nanjye nkavuga wa mugabo we”!

Si ubwa mbere Trump akoze ibi, kuko mu kiganiro nk’iki yagiranye na Hillary Clinton ubwo biyamamazaga kuri manda irangiye, yamuciye mu ijambo incuro 43, ibintu bavuga ko yarushijeho gukabya.

Umunyamakuru Chris Wallace yavuze ko Trump yaranzwe no kwica amategeko y’ikiganiro, abagera kuri 69%, bakaba bavuze ko cyabateye umujinya.

Bagarutse ku ngingo zivugwa cyane muri iyi minsi

Icyorezo cya Covid-19, ivangura rikorerwa abirabura, ubukungu, n’imigendekere y’amatora, ni zo ngingo zihariye ikiganiro.

Joe Biden yavuze ko Trump ari we watije umurindi icyorezo kugeza ubwo cyoretse imbaga muri Amerika, amamiliyoni y’abaturage bakandura, we agakomeza kubifata nk’ibisanzwe.

Trump we yemeje ko yarwanye urugamba rukomeye kuri iki cyorezo, avuga ko ubukungu buri kuzamuka ku muvuduko yagereranyije n’inyuguti ya ‘V’, avuga ko iyo aza kuba Biden Amerika yari guhura n’akaga gakabije inshuro nyinshi ibyo babonye.

Biden wahoze ari Visi Perezida, yavuze ko bahaye Trump igihugu gihagaze neza mu bukungu, akabyangiza. Trump ati “nakoze ibyo mutari kuzigera mukora, kuko nahanze imirimo ibihumbi 700”.

Ku myigaragambyo imaze iminsi muri iki gihugu irwanya ivanguraruhu, Trump yavuze ko ikorwa n’abo ku ruhande rw’Abademokarate bo kwa Biden.

Ibi ntibyashimishije abantu babyumvise, kuko ku mbuga nkoranyambaga abantu bagaragaje umujinya bavuga ko iki kibazo Trump ntacyo yigeze agikoraho, ahubwo bisa n’aho yari ashyigikiye abakora ihohoterwa.

Ku bijyanye n’amatora, Trump yongeye kugaragaza ko atizeye gutora hifashishijwe iposita, kuko ngo bizatiza umurindi uburiganya. Yari aherutse gutangaza ko nadatsinda amatora, ikibazo cye kizakemurirwa mu Rukiko rw’Ikirenga.

Icyorezo cya Covid-19 cyafashe iminota 20, ivangura ruhu rifata iminota 17, uko amatora azagenda bifata iminota 11, naho ihindagurika ry’ikirere rifata iminota 10.

Trump yavuze iminota 38, naho Biden avuga iminota 43 bimugoye, kuko Trump atahwemaga kumuca mu ijambo.

Ikindi kiganiro nk’iki, kizongera kuba tariki 15 Ukwakira, kibere i Miami muri Leta ya Florida.

Perezida wa Leta Zunze Ubumwe za Amerika Donald Trump, yatangaje ko azatanga utungana na miliyoni 150 mu baturage be, naho Ishami ry’Umuryango w’Abibumbye ryita ku Buzima OMS, ryemera ko rizatanga utungana na miliyoni 120 mu bihugu bikennye, ariko bikishyura.

OMS yavuze ko ifitanye amasezerano n’ibyo bihugu. Mu kiganiro n’abanyamakuru ku buryo bw’ikoranabuhanga, Dr. Tedros Adhanom Ghebreyesus, Umuyobozi Mukuru wa OMS yagize ati “Hari igice tuzabateramo inkunga, ariko dukeneye n’amafaranga agomba guturuka mu bihugu, kugira ngo turangize ibyo twiyemeje”.

Trump uri mu bihe bikomeye byo guhatanira kongera kuyobora Amerika, we yavuze ko utu dukoresho tuzagera no ku batishoboye. Yagize ati “Muri two, utungana na miliyoni 50 tuzafashishwa abatishoboye”.

Abarimu, inzu z’abasaza n’abakecuru, za kaminuza cyane cyane iz’Abirabura n’iz’Abahinde b’Abanyamerika, ni byo byiciro bizitabwaho kurusha ibindi.

Inzobere mu buzima zimaze iminsi ziharanira gukoresha uburyo bwihuse bwo gupima, bukaba ari uburyo bwizewe ku kigero cyo hejuru buhendutse, kandi igisubizo kikaboneka mu minota 15 gusa, mu gihe ubundi buryo bufata amasaha hafi 24.

Ubu buryo kandi ngo bwafasha cyane mu gihe hari agace kibasiwe cyane, bisaba gushyira mu kato abanduye ku buryo bwihuse. Butuma kandi abapimwa baba benshi, bigatuma hafatwa ingamba ku cyorezo bitewe n’ibisubizo byabonetse.

Aka gakoresho kamwe gahwanye n’amadolari atanu ya Amerika, ni ukuvuga asaga ibihumbi 4,800 by’amafaranga y’u Rwanda. Aya mafaranga ariko ngo ashobora kuzagabanuka mu gihe hakorwa udukoresho twinshi.

Yagize ati “U Buyapani bwiyemeje kuzakira imikino ya Olempike na Paralempike i Tokyo. Iyi mikino izaba ari ikimenyetso cy’uko ikiremwamuntu cyatsinze icyorezo cya Covid-19”. Yakomeje agira ati “Ubu ngiye kubika imbaraga muri jyewe, kugira ngo nzabashe kubakira mu mikino. Mbijeje ko iyi mikino izategurwa mu mutekano wose.”

Abategura imikino ya Olempike ya Tokyo, ndetse na Komite mpuzamahanga y’imikino Olempike, bavuze ko bamaze kugira icyizere ko iyi mikino yategurwa kandi ikaba umwaka utaha. Ibi ngo birashoboka, urukingo rwa Covid-19 rwaba rwabonetse cyangwa rutabonetse.

Ku wa kabiri tariki 28 Mata 2020, Perezida w’itsinda rishinzwe gutegura iyi mikino mu Buyapani bwana Yoshiro Mori, yari yatangaje ko iyi mikino u Buyapani butazayakira, niba icyorezo cya Covid-19 kitarangiye mu mwaka wa 2021. Mu kiganiro yagiranye n’ikinyamakuru Quotidien Sportif Nikkan, Bwana Yoshiro yavuze ko bikunze umwaka utaha wa 2021, imikino yakorwa ariko abantu badashyizwe mu kaga, kuko mbere ya byose bagomba kurinda ikiremwamuntu.

Yagize ati: “Niba iki cyorezo kitarangiye mu mwaka wa 2021, iyi mikino tuzahita tuyireka burundu. Ntabwo twakongera kuyimura bwa kabiri, ngo igere mu mwaka wa 2022.”

Imikino ya Olempike yari imenyerewe ko iba buri myaka ine, ikaba iba mu mwaka utari igiharwe. Uyu mwaka wa 2020, iyi mikino yagombaga kubera i Tokyo mu Buyapani, yiswe, “Les Jeux Olympiques de Tokyo 2020” yarasubitswe bitewe n’icyorezo cya Covid-19. Yavanywe ku matariki ya 24 Nyakanga 2020 - 09 Kanama 2020, ishyirwa mu mwaka wa 2021, ku matariki ya 23 Nyakanga 2021 kugeza tariki 08 Kanama 2021.

Ubu buribwe bukabije, benshi mu bagore, ngo babwibagizwa no kubona umwana, bikagora cyane abagore babyaye abana, ariko abana bakitaba Imana.

Mu rwego rwo gufasha abagore kubyara batababajwe n’ibise, ibitaro byitiriwe Umwami Faisal, byatangaje ko byatangije uburyo bufasha ababyeyi kubyara batababajwe n’ibise, uburyo bwitwa “Epidural analgesia for labor” mu cyongereza.

Dr. Sam Muhumuza, umuganga utera ikinya muri ibyo bitaro, yatangarije RBA ko hari uburyo bugabanyiriza ababyeyi ububabare bari basanzwe bifashisha, ariko ubu buryo bwa Epidural analgesia bukaba bufasha umubyeyi cyane. Yagize ati “Umubyeyi duhaye Epidural, akomeza afite ibise ariko ntababare. Ariko aba yumva ko afite ibise, ko umwana ashaka gusohoka”. Akomeza avuga ko umubyeyi aba afite umubyaza umukurikirana, akomeza areba aho umwana ageze. Ibipimo umubyaza akomeza afata, ni byo byerekana niba umwana ageze igihe cyo kuvuka, bakajyana umubyeyi aho abyarira.

Umwalimu muri Kaminuza ya Duke muri Leta Zunze Ubumwe za Amerika, akaba n’inzobere mu bijyanye no gutera ikinya, Prof. Ayedemi John Olufolabi, yasobanuye byinshi kuri ubu buryo bugiye gutangizwa mu Rwanda. Yagize ati “Hari inyigo nyinshi zakozwe kuri ubu buryo ubwo bwatangizwaga, hatangwa imiti ikomeye yateza ibibazo ubuzima bw’umugore ugiye kubyara. Ariko ubu OMS yamaze kwemezwa ko imiti ikoreshwa ubu nta bibazo itera kandi ifasha umubyeyi”.

Ubushakashatsi butandukanye bwakozwe, bwagaragaje ko uburibwe bukabije umugore agira mu gihe ategereje kubyara, bugira uruhare mu gutuma umubyeyi atinda ku nda, kuko ababyeyi bigera aho bikabarenga, hakaba n’abata ubwenge.

Ubu buryo kandi, buzagabanya ingaruka ziterwa no gutinda ku nda kw’abagore, kubera imyitwarire inyuranye bagira bitewe n’ububabare.

Mark Chapman wishe John Lennon amurashe ngo yashakaga kumenyekana

Ku nshuro ya 11, Mark Chapman yongeye kugezwa imbere y’urukiko, asaba ko yarekurwa ariko ruramuhakanira.

Yisobanura mu rukikoko, Chapman yavuze ko nta gisobanuro afite ku cyatumye yica Lennon, kuko yari umuntu mwiza.

Yagize ati “Icyo gihe numvaga Lennon afite amafaranga menshi, kandi indirimbo ze zikunzwe cyane. Nta mwanzi yagiraga. Ntibyanshimishaga kubona ubuzima abayemo, ngereranyije n’ubwo nabagamo, yari icyamamare cyane, akundwa na benshi”.

John Lennon yishwe tariki ya 8 Ukuboza 1980, yicwa na Mark David Chapman, wari ufite imyaka 25, kuri ubu akaba asaziye muri gereza, kuko amaze kugira imyaka 65.

Yamwishe amurashe amasasu ane, amusanze iwe mu rugo i Manhattan mu Mujyi wa New York, amwicira mu maso y’umugore we Yoko Ono.

John Lennon n’umugore we Ono

Abunganira Chapman bamusabye kuvuga ko yabikoreshejwe n’uburwayi bwo mu mutwe ngo icyaha cyorohe arabihakana, ahubwo avuga ko yabikoze yabiteguye, kuko yari amaze amezi atatu aguze imbunda yamwicishije.

Yavuze kandi ko yari afite urutonde rw’abandi bahanzi batatu b’ibyamamare yagombaga kwica, mu gihe yaba atabashije kwica John Lennon.

Henri Konan Bédié

Ibi yabitangaje mu izina ry’abatavuga rumwe n’ubutegetsi, aho yagize ati «Imyigaragambyo y’abaturge, nicyo gisubizo ku buriganya buri gukorwa». Iri jambo yavuze ku musozo wa Misa Nkuru, yahuje abayobozi bakomeye b’amashyaka atavuga rumwe n’ubutegetsi bwa Alassane Ouattara, ryakiriwe n’urufaya rw’amashyi y’abaturage.

Gusa, n’ubwo iyi myigaragambyo ari iyo guharanira demokarasi, hari ubwoba ko ishobora kuzamo guhohoterana bikabije, ndetse abantu bakitaba Imana.

Mu cyumweru gishize inama ishinzwe itegekonshinga yemeje abakandida bane, bazahatanira kuyobora iki gihugu, ari bo Alassane Ouattara, unayobora iki gihugu kugeza ubu, Affi N’Guessan Pascal, Henri Konan Bédié na Konan Bertin Kouadio.

Urwo rwego rwanategetse ko manda za Alassane Ouattara zisubizwa kuri zero bityo akaba yemerewe guhatanira indi manda.

Mu gihe yatorerwa kuyobora iki gihugu, Alassane Ouattara manda yayoboye zasubizwa kuri zeru, akaba ashobora kuzongera kwiyamamaza.

Ikibuga mpuzamahanga cy’indege cya Cap kiri muri bitatu byemerewe kwakira abagenzi muri Afurika y’Epfo

Abazaba badafite icyo cyemezo cya muganga, cyangwa abazagaragaza ibimenyetso bageze ku kibuga, bazajya bashyirwa mu kato, kandi biyishyurire ibizabatangwaho byose.

Abagenzi, bazajya bakoresha ibibuga by’indege 3 gusa (Johannesburg, Durban et Le Cap), kandi hari ibihugu bizaba bitemerewe kohereza ababiturutsemo muri Afurika y’Epfo, cyane cyane bimwe bikigaragaramo ubwandu buri ku kigero cyo hejuru.

Perezida Ramaphosa yavuze ko urutonde rw’ibyo bihugu ruzatangazwa hashingiwe ku mibare izaba yatanzwe na OMS.

Yagize ati «Tugiye kujya tworoshya gahoro gahoro, ku bijyanye n’ingendo mpuzamahanga, kandi tuzabikorana ubushishozi bwinshi. Hashize amezi 2 turi hejuru cyane mu kugira abanduye Covid-19 benshi, aho twagiraga abasaga ibihumbi 12 ku munsi. Kuri ubu tugeze ku mpuzandengo y’abantu 2000 ku munsi ».

Yakomeje agira ati « Turashaka kongera gufungurira amahanga imiryango, baze barebe imisozi yacu, imijyi yacu, bidagadure ku mazi yacu ndetse basure inyamaswa ahantu hanyuranye ». Yavuze ko ubukerarugendo bufatiye runini ubukungu bw’iki gihugu.

Perezida Ramaphosa kandi, yatangaje ko hari n’ibindi bikorwa bigiye gufungura nk’inama, amateraniro n’insengero, amahuriro yo kwidagadura, bikazakorwa hubahirizwa amabwiriza, ariko abaturage ngo bakongera kugira ubuzima busanzwe, nk’ubwo bari bafite mu mezi 6 ashize.

Iki gihugu, cyashyizeho gahunda yo gupima abaturage bose, kandi ngo iyi gahunda izakomeza. Imibare yerekana ko abasaga ibihumbi 653 banduye Covid-19, bakaba bakabakaba kimwe cya kabiri cy’abanduye ku mugabane wose, naho abasaga ibihumbi 15 bitabye Imana.

Bumvikanye ko bahabwa miliyoni 12 z’amadorari ya Amerika, ni ukuvuga asaga miliyali 11 na miliyoni 600 z’amafaranga y’u Rwanda.

Uretse aya mafaranga kandi, hagomba no guhita hakorwa amavugurura mu gipolisi cya Louisville. Ni ubwa mbere hatanzwe impozamarira y’amadorari menshi ku miryango y’abirabura bagiye bicwa n’abapolisi, bikabyara imyigaragambyo mu nkubiri yiswe ‘Black Lives Matter’.

Tamika Palmer, nyina wa Breonna Taylor, yavuze ko bitoroshye kumara amezi atandatu, uririra uwawe mu gihe abamwishe bidegembya.

Yagize ati “Uyu munsi ni umunsi ukomeye ku butabera kuri Breonna. Iyi ni intangiriro y’urugamba”.

Ubu bwumvikane bwakozwe, ngo ntibuzahagarika ikurikiranwa ry’abishe Breonna mu nkiko.

Breonna Taylor, umuforomokazi wari ufite imyaka 26 yishwe mu ijoro ryo kuwa 13 Werurwe 2020, ubwo abapolisi batatu bamusangaga iwe bafite impapuro zo guta muri yombi uwari inshuti ye wakekwagaho gucuruza ibiyobyabwenge.

Inshuti ya Breonna ibonye abo bapolisi, yatangiye kurasa akoresheje imbunda yari atunze ku buryo bwemewe, abapolisi na bo bahita barasa amasasu menshi kuri Breonna Taylor.

Inshuti ya Taylor, yasobanuye ko yarashe kuko abapolisi binjiye batabanje kwivuga, we akagira ngo ni abajura, akarasa. Imyigaragambyo yakurikiyeho, yatumye ubuyobzi bwa Louisville bwirukana umwe muri abo bapolisi witwa Brett Hankison, abandi babiri bahagarikwa by’igihe gito.

‘Black Lives Matter’, inkubiri yavutse mu kugaragaza akarengane abapolisi bakorera abirabura muri Amerika ndetse no ku isi, yatumye ibi byaha byabakorwaga ntibimenyekane, bihita bivugwa ndetse kenshi ubutabera bugatangwa.

Ibi, byafashwe nk’aho ari igitangaza, aho abantu benshi bahise batangira kubiganiraho ku mbuga nkoranyambaga zinyuranye. Nyamara ariko, ibi ntabwo ari bishya ku isi, kuko hari benshi bagiye bakoresha ubu buryo, ubu bakaba bafite abana bakuru. Ubu buryo kandi, bwagiye bukiza abagore batwitiye ibihangange ku isi, kuko bishyurwa amamiliyoni y’amafaranga.

Dore bamwe mu byamamare bikomeye ku isi bagiye bakoresha ubu buryo.

1. Cristiano Ronaldo

Cristiano Ronaldo, umukinnyi ukunzwe cyane ku isi mu mupira w’amaguru, yitabaje abakobwa babiri kugira ngo bamubyarire abana. Cristiano Ronaldo Jr.wavutse mu mwaka wa 2010, yavutse ku mugore wamubyaye, abizi neza ko atazaba umwana we, ahubwo akabikora nk’akazi azahemberwa. Mu mwaka wa 2017 yongeye kandi abyara izindi mpanga z’abahungu Eva na Mateo, aho yishyuwe asaga miliyoni 220 uyabaze mu mafaranga y’u Rwanda.

2. Kanye West na Kim Kardashian

Umuhanzi w’umunyamerika Kanye West, ndetse na Kardashian West ukunzwe cyane mu bitangazamakuru n’imbuga nkoranyambaga ku isi, akaba amurika imideli ndetse akina na films, bashatse umugore ubabyarira umwana wabo wa gatatu. Ibi, ngo babitewe n’uko bashakaga undi mwana, kandi Kardashian akaba atarashoboraga kongera kubyara, bitewe n’ibibazo yagize mu mubiri we. Chicago, ni umwana wavutse kuri icyo gikorwa, avuka tariki ya 16 Mutarama umwaka wa 2018.

3. Elton John et David Furnish

Elton John, umuhanzi ukunzwe cyane mu Bwongereza, ukunzwe cyane n’Umwamikazi Elizabeth, ndetse n’umugabo we David Furnish, bagerageje kenshi kugira umwana uwo batabyaye (adoption), ariko bikagenda byanga, kuko bavugaga ko ari umugabo ubana n’undi mugabo. Yahise ashaka umugore yishyura, kugira ngo azabatwitire umwana. Uyu mugore, yababyariye abana babiri, Zachary ufite imyaka 8 na Elijah w’imyaka 6. Uwo mugore, yishyuwe asaga miliyoni 45 uyabaze mu mafaranga y’u Rwanda kuri abo bana bombi.

4. Ricky Martin

Enrique Martín Morales wamenyekanye cyane ku izina rya Ricky Martin, ni umuhanzi akaba n’umukinnyi wa za filimi, ufite ubwenegihugu bwa Esipanye. Mu kwezi kwa Kanama 2008, nibwo yabyaye abana b’impanga, Mateo na Valentino. Uyu yatangaje ko umugore wemeye kumubyarira abana ntacyo atamuha, kuko yamukoreye ibikomeye mu buzima. Kuri ubu, Ricky Martin abana n’undi mugabo witwa Jwan Yosef, n’abahungu babo babiri.

Gabrielle Union na Dwyane Wade

Dwyane Wade, umukinnyi wakunzwe cyane mu mukino wa Basketball, aho yasoje ibijyanye no gukina mu mwaka wa 2019 akinira ikipe ya Miami Heat, akaba kandi yarakunzwe no muri Chicago Bulls, Clevaland Cavaliers, na we yabyaye umwana witwa Kaavia James Union Wade, unakunzwe cyane ku rubuga rwa Instagram (akurikirwa n’abasaga miliyoni) akoresheje ubu buryo, akaba yaravutse mu mwaka wa 2018.

Ntibyatunguranye kuko kuva yarekurwa n’igisirikare cyamuhiritse ku butegetsi, IBK yahise ajyanwa mu bitaro, kuko yari yagize ikibazo ku bwonko, abaganga basaba ko yahita ajyanwa kuvurirwa mu bitaro bifite ubushobozi buhagije bwo kumwitaho.

Mu gitondo cyo ku wa Gatandatu tariki 5 Nzrli, igihugu cya Emirat Arabe cyohereje indege idasanzwe i Bamako, kugira ngo ize gufata IBK imugeze ku bitaro by’aho agomba gukomeza kwivuriza.

Hari hashize iminsi, Umuryango w’Ibihugu bya Afurika y’Uburengerazuba (CEDEAO), uri mu biganiro n’igisirikare cyahiritse IBK, ku bijyanye n’uko yajya kuvurirwa hanze ya Mali. Itsinda ry’Umuryango w’Abibumbye ryoherejwe muri Mali, na ryo ryari rishyigikiye ibi biganiro.
Ku ikubitiro, mu bikubiye mu masezerano hagati y’igisirikare na CEDEAO, IBK yagombaga kubanza kumara ukwezi i Bamako, mbere yo gutekereza kujya kwivuriza hanze.

Gusa hagati aho, yahise ajyanwa mu bitaro ‘Clinique Pasteur’ byo mu murwa mukuru wa Mali. Abahagarariye CEDEAO, Umuryango w’Abibumbye na Afurika yunze Ubumwe, bahise bihutisha ibiganiro n’igisirikare.

Igisirikare cyasabye ko hasinywa inyandiko yemeza ko umunsi ubutabera bwahamagaje IBK, azitaba nta yandi mananiza. Nyuma yo gusinya iyi nyandiko, hakurikiyeho kureba abazamuherekeza, aho bemeje ko hazagenda umugore we, umuganga umwitaho, n’inshuti ye magara, ariko umuhungu we Bouba akaguma i Bamako.

Indege yahagurutse ku mugoroba wo ku wa Gatandatu, aho IBK yajyanywe mu bitaro yari asanzwe amenyereye biherereye mu Mujyi wa Abu Dhabi, kuko mu kwezi kwa Kamena 2020, yaharwariye ndetse akanabagwa.

Hari impungenge ko kubahiriza amabwiriza yo kwirinda Covid-19 bitashoboka ku mashuri

Hari abavuga ko byaba byiza hafashwe ingamba zo kwirinda ariko abana bakiga, abandi bakavuga ko byaba ari kare cyane ugereranyije n’uko icyorezo gihagaze.

Uwamaliya Marie Anne umwe mu babyeyi, avuga ko ibi biruhuko byabaye birebire mu rwego rwo kwirinda Covid-19, biteje izindi mpungenge.

Agira ati “Ubu umukobwa ndera iwanjye aratwite, inda imaze ibyumweru bitanu. Iyo ngiye ku kazi, na bo bahita bajya mu zindi gahunda zabo”.

Uyu mubyeyi avuga ko Leta yari ikwiye gushyiraho ingamba mu mashuri, ku buryo muri uku kwezi kwa Nzeri abana basubira ku ishuri.

Ibi kandi abihuriraho na Karenzi Jean Luc, ugira ati “Sinavuga ko abana bacu twabarambiwe, ariko rwose ni ibibazo. Ibyo gusubira mu masomo byo barabyibagiwe, bamwe ntibazi n’aho amakayi bayabitse. Baramutse basubiye ku ishuri byadufasha”.

Bamwe mu bayobozi b’ibigo by’abashuri, bavuga ko hari ingamba bamaze gufata, zizarinda abanyeshuri kwandura.

Umuyobozi ushinzwe amasomo mu ishuri ribanza rya Camp Kigali, agira ati “Itangira ry’amashuri twararyiteguye. Dufite aho abana bazajya bakarabira intoki, twagabanyije umubare w’abanyeshuri mu ishuri, ku buryo ku ntebe imwe hicaraho abana 2, kandi hagati yabo harimo metero.

Abanyeshuri bazajya bazana udupfukamunwa tubiri, ku buryo batambara kamwe umunsi wose. Umwanya w’akaruhuko ka saa yine na wo twawukuyeho, kuko byagorana kubuza abana gukina begeranye. Nibyemezwa ko amashuri atangira, turiteguye”.

Bamwe mu barimu batangiye kwishakira indi mirimo

Bamwe mu barimu cyane abo mu mashuri yigenga, bavuga ko abantu bagomba kwiga kubana n’icyorezo, bakirinda ariko amasomo agakomeza.

Banavuga ko hari n’abarimu batazagaruka mu kazi, kuko ngo kumara amezi menshi badahembwa, bamwe batangiye kwishakira indi mirimo.

Kalimunda Jean (izina twamuhaye), ni umwarimu mu kigo cyigenda cya APAPEC. Agira ati “Iki cyorezo mbona kitazashira. Abana bagomba kuza bakiga, naho ubundi bazamara imyaka bicaye usange n’ibyo bize barabyibagiwe.

Abarimu bo ahenshi batangiye kwigira mu kandi kazi, nko kuba abamotari, gucuruza, kuko iyi nzara yo kumara aya mezi yose udahembwa, utazi icyo utegereje, hari ababivuyemo”.

Hari ababyeyi ariko bavuga ko hakiri kare cyane kuba amashuri yafungurwa, cyane ko imibare y’abandura igenda irushaho kwiyongera.

Dative Uwingeneye, agira ati “Oya, gufungura amashuri babe babiretse, kuko kuzarinda abanyeshuri muri za interina, abana bato ukababwira kwambara agapfukamunwa, guhana intera, biragoye. Bahita banduzanya, bataha bakanduza n’abasigaye mu rugo”.

Leta iracyategura uburyo amashuri yatangira, bidateje ibindi bibazo

Umuyobozi w’Ikigo cy’Igihugu gishinzwe guteza imbere Uburezi (REB) Dr. Irenée Ndayambaje, avuga ko ababyeyi bakwiye gushakira abana umwanya, cyane ko REB yanashyizeho uburyo biga hakoreshejwe ikoranabuhanga rya Interineti, Radiyo na Televiziyo.

Ibi ngo bizabafasha gusubiramo amasomo, ndetse binabarinde kurangazwa n’ibishuko bishobora kubatera ibibazo. Ku bijyanye n’itangira ry’amashuri, Dr. Ndayambaje avuga ko hubatswe ibyumba ibihumbi 22 byiyongera ku byari bihari, bizafasha kugabanya umubare w’abanyeshuri mu ishuri.

Avuga ko hagitekerezwa uburyo abanyeshuri bazatangira, bidateje ikibazo kirenze igihari, cyo kwanduzanya icyorezo.

Ati “Sinahita nemeza cyangwa ngo mpakane ko amashuri azatangira muri Nzeri. Turacyareba ingamba zose zakoreshwa kugira ngo tutazakemura ikibazo duteza ikindi. Gahunda zose zizajya zimenyeshwa abantu kare, kugira ngo bitegure”.

Ingamba zitangwa n’inzego z’ubuzima mu kwirinda Covid-19, ni ukwambara neza agapfukamunwa, gukaraba intoki kenshi n’amazi meza n’isabune no guhana intera hagati y’umuntu n’undi. Iyi ngamba ya nyuma, bamwe bavuga ko ku mashuri byagorana cyane kuyubahiriza.

Ku bufatanye n’amabanki na sosiyete z’itumanaho zikorera mu Rwanda, hashyizweho uburyo bworohereza abaturage kwishyura serivisi nta kiguzi basabwe.

Uburyo bwo kwishyura hakoreshejwe ikoranabuhanga rya telefone ni bwo abaturage bakunda kwifashisha. Uburyo bwa Momo Pay, bamwe bakunda kwita ‘kwishyura kuri kode’, bworohereje abaturage bagura cyangwa bagurisha ibicuruzwa, byaba iby’amafaranga make cyangwa menshi, kuko nta kiguzi bisaba.

Hagati aho ariko, bamwe mu baturage bavuga ko nubwo ubu buryo buhari, bisa n’aho benshi mu bacuruzi nko mu masoko na za butike bataritabira kubukoresha, aho bagisaba ko umuguzi abishyura ‘cash’, cyangwa agakoresha uburyo busaba kongeraho amafaranga, nka Mobile Money na Airtel Money.

Jeane Gaudence Uwimana, umuguzi twasanze mu isoko rya Gisozi mu Karere ka Gasabo, agira ati “Aha abemera ko ubishyura kuri kode ni bake. Iyo unabibabwiye bakubwira ko bibagora, abandi ngo barazatse ntibarazibaha. Gusa byaba byiza bose bazifite”.

Jean Marie Nteziryayo, na we agira ati “Ahantu henshi mu isoko bisaba kubikuza. Umucuruzi ntiyumva ukuntu inyanya za 300 wazishyura kuri telefone. Utarengejeho ayo gukata ntiyabyemera. Keretse Leta ishyizeho itegeko ntihagire umucuruzi winjira mu isoko, cyangwa ngo afungure butique adafite kode”.

Basabye kode baraheba

Bamwe mu bacuruzi bavuga ko iyo kode ya Momo Pay bayibwiwe, ariko ko bazisabye muri MTN bakaba nta gisubizo barahabwa. Hari n’abavuga ko bishyuye amafaranga yo kuyigura ariko bagategereza bagaheba.

Claudine (izina twamuhaye), umucuruzi mu nyubako ya CHIC, avuga ko impamvu atarakoresha Momo Pay, ari uko yayisabye bakaba batarayimuha.

Ati “Narayisabye ariko sindayibona. Kuri MTN hari umurongo w’abasaba benshi, bisaba gutegereza”.

Kalisa ucururiza mu isoko rya Gisozi, we yavuze ko amaze amezi arenga abiri ayisabye ariko akaba atarayihabwa. Ati “Rwose iyi kode abantu bose barayimbaza, ariko narayibuze. Narasabye ariko ntibaransubiza”.

MTN ntabwo igurisha kode

Richard Muhire, ushinzwe ubucuruzi muri Mobile Money muri MTN, atangaza ko izo kode za Momo Pay zihari, kandi zihabwa abacuruzi bose ku buntu.

Agira ati “Abacuruzi bataragira izo konti ni ubushake buke bwabo, kuko turazitanga ku buntu. Icyo basabwa ni icyangombwa cyerekana ko ubucuruzi bwabo bwemewe muri RDB ku bacuruzi banini, n’ipatanti ku bacuruzi bato, ubundi tukayimuha ku buntu. Hirya no hino mu gihugu dufite aba ‘agents’ badufasha kuzitanga ku bacuruzi, ndetse na Sim Cards zazo tuzibahera ubuntu”.

Akomeza agira inama abacuruzi ko baba maso, kuko hari abatekamitwe biyita abakozi ba MTN, bakabaka amafaranga yo kugura kode, bikarangira ntazo babahaye.

Kwishyurana hakoreshejwe ubu buryo, ni ubuntu ku ruhande rw’umuguzi n’umucuruzi. Umucuruzi ashobora guhitamo guhita ashyira ayo mafaranga kuri konti ya banki, cyangwa na we akishyura undi muntu, byose bigakorwa ku buntu.

Itangazo ry’ibyemezo by’Inama y’Abaminisitiri yo ku wa 26 Kanama 2020, risaba abacuruzi bose kwemera kwishyurwa hakoreshejwe ikoranabuhanga nka bumwe mu buryo bwo kwirinda COVID-19.

Donald Trump (wambaye karuvati itukura) na Joe Biden barahatanira kuyobora Amerika muri manda itaha

Donald Trump yasabye ko ibi byakorwa mbere y’ikiganiro mpaka bazagirana muri uku kwezi kwa Nzeri 2020.

Trump kandi yavuze ko yabonye uburyo Joe Biden yagiye yitwara mu biganiro mpaka by’abo mu ishyaka rye, aho ngo yasanze Biden yarivuguruye mu mivugire n’imitekerereze.

Gusa Trump ntiyavuze niba hari ibimenyetso yaba afite bigaragaza ko Biden yaba afata ibiyobyabwenge, cyangwa ngo yerure ko yaba hari ibyo we afata.

Biden na Trump bagomba kuzahangana mu biganiro mpaka bitatu, mbere y’uko bahatana mu matora yo kuyobora Amerika azaba mu kwezi kw’Ugushyingo 2020.

Muri aya madini n’amatorero yose, si menshi wasanga ahuje imyemerere n’idini rya Gabola ryo muri Afurika y’Epfo, ryemera ko inzoga abandi bita agasembuye ari ko gatuma bagirana ubusabane n’Imana.

“Gabola” bisobanuye “Kunywa” mu rurimi rw’ahitwa SeTwana muri icyo gihugu.
Idini rya Gabola ryemera ko uko umuntu agenda arushaho gusoma ku gasembuye, mu gihe bari mu materaniro basenga, ari na ko yegera cyane Imana, akavugana na yo mu buryo bworoshye.

Umuyobozi w’iri torero Tsietsi Makiti yatangarije umunyamakuru wa BBC ko iri torero ari ryo ryonyine riha ikaze abasaritswe n’inzoga ku isi. Yagize ati: “Duha ikaze abo aya madini y’abakoloni yasize inyuma. Baraza bagasenga banasoma ku nzoga uko babyifuza.”

Igihugu cya Afurika y’Epfo cyashyizeho amabwiriza yo kugura no kunywa inzoga agomba gukurikizwa muri iyi minsi bahanganye n’icyorezo cya Covid-19. Birabujijwe ko abantu barenga 50 bateranira ahantu hamwe, ariko gusura inshuti n’abavandimwe biremewe. Muri icyo gihugu inzoga zizajya zigurishwa kuva kuwa mbere kugera kuwa kane, kuva saa tatu za mugitondo kugera saa kumi n’imwe za nimugoroba.

Kubera iyi mpamvu, abasengera muri iri dini bagiye guhindura imikorere, cyane ko bagiye bafatwa kenshi barenze ku mabwiriza yo kwirinda. Tsietsi Makiti yagize ati: “Ubu tuzajya duterana nta cyo kunywa dufite, kuko ntidushaka guhora twisanga muri gereza”. Bavuga ko ubu inzoga zose baba bagomba kunywera mu rusengero, bazinywera mu rugo, bakaza gusenga buri wese yageze mu kigero aganiriraho n’Imana.

Bavuga ko inzoga zikura umwanda wose mu mubiri, ari yo mpamvu byoroha kuvugana n’Imana.

Muri Gabola Church, bavuga ko kuba basenga muri ubwo buryo nta cyaha baba bakora, ndetse ko banga icyaha urunuka.

Col. Ismael Wague, uvugira uruhande rwahiritse ubutegetsi

Ibrahim Boubacar Keïta yahiritswe ku butegetsi n’itsinda ry’abasirikare tariki ya 18 Kanama, nyuma y’iminsi mike muri iki gihugu habaye imyigaragambyo ikomeye, abaturage basaba IBK kuva ku butegetsi.

Mu itangazo yashyize hanze, OIF yatangaje ko umwanya wayo wageze wo kugira icyo ivuga ku bibazo biri mu gihugu cya Mali.

Hifashishijwe ikoranabuhanga rya murandasi, abagize akanama gahoraho ka ‘Francophonie’ (CPF), bakoze inama idasanzwe ku wa kabiri tariki 25 Kanama, bemeza ko niba abahiritse ubutegetsi batemeye ibyo basabwa, ni ukuvuga, kurekura byihuse uwahoze ayobora iki gihugu Ibrahim Boubacar Keïta, Mali ibaye ikuwe ku rutonde rw’ibihugu biri muri uyu muryango.

Gusa ariko ibikorwa bijyanye no gufasha abaturage b’abasivili, ndetse n’ibikorwa biharanira kubaka demokarasi byo bizakomeza.

Uyu muryango kandi wasabye ko hahita hashyirwaho guverinoma, kandi ikaba iyobowe n’umusivili. Uyu muryango kandi, watangaje ko hari itsinda ryawo rigiye koherezwa muri icyo gihugu, kugira ngo rigenzure niba ibyo basabye bishyirwa mu bikorwa.

Umuryango w’ubukungu bw’ibihugu bya Afurika y’Uburengerazuba (CEDEAO), na wo uherutse guhagarika Mali, wohereje itsinda kugira ngo rigirane ibiganiro n’abahiritse ubutegetsi, ribasaba kurekura IBK ndetse agasubira ku butegetsi, ariko ibiganiro byarangiye nta mwanzuro bumvikanyeho.

Inama y’abakuru b’ibihugu bagize CEDEAO, yagombaga guterana kuri uyu wa gatatu ngo yige ku kibazo cya Mali, yimuriwe kuwa gatanu, tariki ya 28 Kanama 2020.

Abahiritse ubutegetsi barashaka gushyiraho inzibacyuho y’imyaka itatu (Ifoto Internet)

Umuvugizi w’itsinda ryoherejwe n’Umuryango w’Ibihugu by’Uburengerazuba (CEDEAO), mu biganiro n’igisirikare cyahiritse ubutegetsi, yatangaje mu ijoro ryo ku Cyumweru tariki ya 23 Kanama 2020, ko iyo myaka itatu bihaye ari iyo gushyira ku murongo ibijyanye n’imitegekere n’imiyoborere y’igihugu cya Mali, aho ubuyobozi bukuru bw’igihugu buzaba bufitwe n’umusirikare.

Yanavuze kandi ko mu baminisitiri bazaba bagize guverinoma, abenshi bazaba ari abasirikare. Uyu muvugizi, yatangaje kandi ko Ibrahim Boubacar Keïta ahita arekurwa akaba ashobora guhita ajya iwe.

Ngo afite n’uburenganzira bwo kujya aho ashaka nta kibazo, mu gihe yaba akeneye kwivuza cyangwa no gukora ibindi bikorwa.

Uwahoze ari Minisitiri w’Intebe Boubou Cissé, na we ugifungiye mu nkambi ya gisirikare ya Kati, azahabwa inzu icungiwe umutekano azabamo mu murwa mukuru Bamako.

Umunsi wa kabiri w’ibiganiro hagati y’igisirikare cyahiritse ubutegetsi n’intumwa zohererejwe na CEDEAO, warangiye nta ngingo zihamye zishyizweho umukono. Ibiganiro bikaba bikomeza kuri uyu wa mbere, tariki 24 Kanama.

Umuyobozi wa OMS Dr. Tedros Adhanom Ghebreyesus

Ibi yabitangarije i Genève mu Busuwisi, kuwa gatanu tariki 22 Kanama, aho yavuze ko hari n’ikindi cyorezo cyiswe ‘Spanish flu’, yigeze kwaduka mu mwaka wa 1918, bigatwara imyaka ibiri kugira ngo kirangire.

Yavuze ko ikoranabuhanga ari kimwe mu bizafasha kwihutisha guhangana no kurandura Covi-19. Dr. Tedros yagize ati “Ikoranabuhanga rishobora gutuma icyorezo gikwira vuba mu bantu. Ariko icyiza, ni uko hari n’ikoranabuhanga rizadufasha kuyihagarika, kuko rizatuma tumenya byinshi twakwifashisha byadufasha, kandi bikamenyeshwa benshi ku buryo bwihuse”.

Gusa yavuze ko ibi bitagerwaho hatabayeho ubufatanye mu bihugu ndetse no ku isi yose.

Icyorezo cya Spanish Flu, cyarangiye gihitanye abagera kuri miliyoni 50 ku isi. Kaminuza ya Johns Hopkins yo muri Leta zunze ubumwe za Amerika, itangaza ko mu basaga miliyoni 22 bamaze kwandura covid-19, abasaga ibihumbi 800 imaze kubahitana.

Col. Goita yanavue ko afite gahunda yo gukomeza gahunda zo kuyobora Mali.

Akikijwe n’abasirikare bafite imbunda, colonel Assimi Goita, ku mugoroba wo ku wa 19 Kanama, yiyeretse abaturage, aho yagize ati “Mali ntigifite uburenganzira bwo kwibeshya”.

Yavuze ko ari we uri inyuma y’ihirikwa ry’ubutegetsi bwa IBK. Mu kwiyerekana, yagize ati “Ndivuga, nitwa Colonel Assimi Goita, ndi Perezida wa Komite y’Igihugu iharanira ubushake bw’abaturage, (Comité National pour le Salut du Peuple (CNSP)”.

Yakomeje agira ati “Mali ubu ifite ikibazo gikomeye cy’ubukungu n’imibereho y’abaturage, ndetse n’umutekano. Nta burenganzira tugifite bwo kwibeshya. Mu gufata iki cyemezo, twashyize igihugu imbere ya byose. Icya mbere, ni igihugu cyacu cya Mali”.

Uyu musirikare yari yagaragaye kuri Televiziyo y’igihugu mu ijoro ryo kuwa kabiri rishyira kuwa gatatu, ubwo hatangazwaga ishingwa rya CNSP, ariko ntacyo yari yigeze atangaza.

Colonel Goita yiyeretse abaturage nyuma yo kubanza guhura n’abayobozi bakomeye mu ngabo z’igihugu no muri Minisiteri y’Ingabo, akavuga ko yabanje kuganira na bo, kugira ngo bashyireho umurongo uboneye igihugu gikomeza kuyoborwamo.

Uyu musirikare afite imyaka ibarwa muri 40, yabarizwaga mu kigo cya gisirikare cya Kati, akaba ari umwe mu basirikare batangwaho urugero muri Mali.

Kuri ubu, ni we uyobora ingabo zitabara aho rukomeye “Forces spéciales” muri Mali.

Ihuriro ry’abatavuga rumwe n’ubutegetsi bwa IBK, ryiswe M5-RFP ryatangaje kuwa gatatu ko ryiteguye gukorana na Col Goita, mu gukomeza gahunda yo kuganisha igihugu cya Mali mu nzira nziza, kandi abaturage bifuza.

Benshi bishimiye iki cyemezo cyo gufungura ubucuruzi bw’inzoga n’itabi

Ni nyuma y’uko bari bamaze igihe gisaga amezi abiri, batemerewe kugura inzoga, kabone n’ubwo byaba ari ukuyitahana mu ngo. Kimwe mu byari byatumye ubu bucuruzi buhagarikwa, ni uko ngo abaturage bamaraga gusinda, bamwe bakarwana bagakomeretsanya, impanuka mu muhanda zikiyongera, abantu bagakenera kujya mu bitaro bitandukanye, kandi n’abandura Covid-19 bakomeza kuba benshi bakenera services zo kwa muganga.

Perezida Cyril Ramaphosa, yatangaje mu ijoro ryo ku wa Gatandatu tariki ya 15 Kanama 2020, ko ubu abaturage bongeye kwemererwa kuba bajya mu nzu bakoreramo imyitozo ngororamubiri (gym), bashobora kujya mu biruhuko ahantu nyaburanga, ndetse bakaba bemerewe kugura no kunywa inzoga n’itabi.

N’ubwo ariko bashobora kwambuka Intara imwe bajya mu yindi, kugeza ubu imipaka isohoka mu gihugu iracyafunze. Perezida Ramaphosa yagize ati: “Ubu tugeze mu gihe cyo kwitwararika cyane no kuba maso, kandi hari ibyo tugomba kubahiriza. Birabujijwe ko abantu barenga 50 bateranira ahantu hamwe, ariko mushobora gusura inshuti n’abavandimwe biremewe. Inzoga zizajya zigurishwa kuva ku wa mbere kugera ku wa kane, kuva saa tatu za mugitondo kugera saa kumi n’imwe za nimugoroba”.

Imibare itangazwa ku bijyanye n’icyorezo cya Covid-19 muri iki gihugu, igaragaza ko mu minsi itanu ishize, abandura ku munsi bavuye ku bihumbi 12, bagera ku bihumbi 5, ibi ngo bikaba bitanga icyizere cy’uko bamaze kumenya uburyo bwo kwirinda no kugabanya ubwandu bushya.

N’ubwo Abanyafurika y’Epfo bongeye kwemererwa gusoma ku nzoga, ntibemerewe kurenza saa yine z’ijoro bataragera mu ngo zabo, ibikorwa n’ingendo bikongera gusubukurwa saa kumi za mugitondo.

Perezida Ramaphosa, avuga ko uretse no kuba ubwandu bugenda bugabanuka, guhagarika ubucuruzi bw’inzoga n’itabi, byatumye ubukungu busubira inyuma, abagera kuri miliyoni 3 batakaza akazi kabo, bituma abashomeri biyongera kugera kuri miliyoni 13.

Iyi filime yasohotse tariki 05 Kanama 2020, ikoze ku buryo bworoshye kumva, ku bashaka kumenya neza ibikorwa byaranze Kabuga Félicien, mbere ya Jenoside, muri Jenoside na nyuma yayo. Hagiye hifashishwa bumwe mu buhamya bunyuranye bw’abarokotse Jenoside, bari bazi bimwe mu bikorwa bya Kabuga.

Harimo kandi na bamwe bagiye bakorana mu gutegura Jenoside, barimo Bemeriki Valerie wari umunyamakuru kuri RTLM, kuri ubu ufunzwe azira icyaha cya Jenoside. Ku ruhande rwa Leta y’u Rwanda, hagaragaramo Dr Jean Damascène Bizimana, Umunyamabanga Nshingwabikorwa wa Komisiyo y’Igihugu yo kurwanya Jenoside, asobanura uruhare rwa Kabuga muri Jenoside.

Ambasaderi Pierre-Richard Prosper wari umushinjacyaha ukurikirana ibyaha byo kurema uduco dukora amabi, yahawe inshingano ku bijyanye no kurwanya ibyaha by’intambara kuva mu mwaka wa 2001, ari nabwo yahise ashyiraho inyigo yo guta muri yombi abantu bakomeye basize bakoze Jenoside mu Rwanda, bari hirya no hino ku isi. Izina Kabuga, ryagarukaga kenshi mu madosiye, nk’uko abyivugira muri iyi filime.

Amb. Pierre-Richard Prosper

Amb. Richard, avuga ko nubwo yari amenyereye gufata abicanyi, kenshi agahura n’imirambo, atari yiteguye kubona nk’ibyo yabonye kuri Jenoside yakorewe Abatutsi. Amb. Richard yavuze ko yashyizeho n’igihembo cya miliyoni 5 z’Amadolari ku muntu uzatuma Kabuga afatwa, akavuga kandi ko nta na rimwe yacitse intege ngo arekere aho gushakisha Kabuga.

Iyi filime igaragaza ibihugu byinshi Kabuga Félicien yagiye ahungiramo, nk’u Busuwisi, Congo Kinshasa na Kenya aho kenshi yakoreshaga impapuro mpimbano, akamara imyaka myinshi mu gihugu atuye asa nk’aho ntacyo yikanga, akingirwa ikibaba n’inzego z’ubuyobozi, kubera gukoresha amafaranga yari atunze.

Kabuga yinjiye mu Budage ku byangombwa bigaragaza ko ari Umunyatanzaniya

Harimo kandi byinshi mu bimenyetso byerekana uruhare rwa Kabuga mu gutegura Jenoside, birimo uko yaguze imihoro yahawe Interahamwe, uko bashinze Radio ya RTLM ndetse akaba ari na we uyiha umurongo w’ibyo igomba kujya itangaza. Kabuga Félicien, agaragara asobanura ko RTLM ari Radiyo ivuga ukuri ariko ko itashimisha bose, kandi ko nta n’umwe uzatinyuka gufunga iyi Radiyo. Umuyobozi wageragezaga kuvuguruza Kabuga yaricwaga.

Urupapuro rugaragaza uko Kabuga yaguze imihoro yakoreshejwe mu kwica Abatutsi

Ku musozo w’iyi filime mbarankuru bagaragaza mu mashusho ifatwa rya Kabuga Félicien i Paris mu Bufaransa, muri uyu mwaka wa 2020.

Uru ruhererekane kandi rugaragaza ibikorwa n’itabwa muri yombi ry’abandi bantu bashakishwa cyane ku isi, ari bo Ismael “El Mayo” Zambada Garcia wo muri Mexico, Umwongerezakazi Samantha Louise Lewthwaite, Umurusiya Semion Mogilevich ndetse na Matteo Messina Donaro ukomoka mu gihugu cy’u Butaliyani.

Netflix yashyize izi nkuru mu ndimi nyinshi zinyuranye, kuko igaragara mu Cyongereza, Igifaransa, Igitaliyani, Ikidage, … kugira ngo byorohereze benshi bazakenera kuyireba.

Gilbert Masengo, umwe mu barokotse utanga ubuhamya kuri Kabuga muri iyi filime

Jean Jacques Fontaine, umunyamakuru w’Umusuwisi wagiranye ikiganiro na Kabuga ubwo yari ari i Kinshasa

Umukobwa wa Kabuga, yamufashaga gusemura mu gifaransa ubwo yaganiraga n’umunyamakuru

Bemeriki Valerie avuga ko abayobozi bakoze Jenoside benshi bakidegembya hanze

Iyi Filime igaragaza uburyo Interahamwe zashishikarizwaga kwica Abatutsi

Amashusho agaragaza igikorwa cyo gufata Kabuga

Asnières, agace Kabuga yafatiwemo

Muri iyi filime y’uruhererekane, agace kavugwamo Kabuga kari ku mwanya wa 2

Ni imyigaragambyo yatangiye kuwa 12 Kanama, aho ishyigikiwe n’abo mu mashyaka atavuga rumwe n’ubutegetsi, ndetse n’imiryango itari iya Leta.

Iyi miryango n’abatavuga rumwe na Perezida Ouattara, bahamagariye abaturage gukomeza kwigaragambya kugeza igihe Ouattara azavuga ko atacyiyamamaje, kuko ngo ibi ari ukwica itegeko nshinga.

Itegeko Nshinga ry’iki gihugu riteganya ko Perezida ashobora kwiyamamaza kugeza kuri manda ebyiri gusa.

Iyi myigaragambyo yitabiriwe ahanini n’urubyiruko, aho abatavuga rumwe n’ubutegetsi bahangana n’abashyigikiye Ouattara. “ADO degage”, bivuga ngo “ADO agende” ni ryo jambo ryiganje ku byapa by’abigaragambya.

Mu kwezi kwa Werurwe 2020, Alassane Ouattara, urangije manda ye ya kabiri ku myaka 76, yari yatangaje ko atazongera kwiyamamariza kuyobora Côte d’Ivoire , ko agiye guha umwanya abakiri bato na bo bakayobora.

Uwo yari yaratanzeho umukandida yifuzaga ko yamusimbura, Amadou Gon Coulibaly, yitabye Imana bitunguranye mu ntangiriro z’ukwezi kwa Nyakanga, bituma Alassane Ouatara yongera gutangaza ko azahagararira ishyaka rye mu matora, ku mpamvu yise izidasanzwe, zitunguranye kandi ndakumirwa.

Joe Biden na Harris

Harris, umugore ufite inkomoko muri Aziya, ni we mugore wa mbere w’umwirabura ugenwe kuzajya muri uwo mwanya mu mateka ya Amerika.

Hariss, azwiho kuba amaze iminsi asaba ko hakorwa amavugururwa mu gipolisi cya Amerika, mu gihe abaturage bakiri muri gahunda yo kwamagana irondaruhu rikorerwa abirabura, ahanini rikozwe n’abapolisi.

Mu kiganiro n’abanyamakuru cyabereye ku biro bya Perezidansi ya Amerika ku wa kabiri tariki ya 11 Kanama, Perezida Trump yavuze ko Madamu Harris Kamala adashoboye, ndetse ko naniyamamaza ntaho azagera.

Yavuze ko ari ku rwego rwiza rwo kuba yashyirwa mu igeragezwa. Yavuze ko yatangajwe no kuba Biden yarahisemo umugore udashoboye ngo amubere Visi Perezida.

Ni mugihe Barack Obama wahoze ayobora Amerika, abinyujije ku rukuta rwe rwa twitter, yagaragaje ko yishimiye uguhitamo kwa Biden.

Yagize ati “Nzi neza Senateri Harris, kandi muzi kuva kera. Uyu mwanya arawukwiye rwose kandi arawushoboye, kuko yiteguye kuva kera. Mu mirimo ye, yaranzwe no guharanira kubahiriza itegeko nshinga. Uyu ni umunsi mwiza ku gihugu cyacu. Mureke tugende dutsinde aya matora”.

Amatora ya perezida muri Amerika, ateganijwe itariki ya 3 Ugushyingo 2020.

Umujinya washoye abaturage mu muhanda watewe n’iturika ryabaye kuwa kabiri w’icyumweru gishize ku cyambu cya Beirut hagapfa abantu barenga 220, abagera ku 110 bakaburirwa irengero, nk’uko byatangajwe na Guverineri wa Beirut Marwan Abboud.

Itangazo ryo kwegura kw’iyi guverinoma ryasomwe na Minisitiri w’Intebe Hassan Diab, kuri televiziyo y’igihugu mu ijoro ryo kuwa 10 Kanama 2020.

Mu kwigaragambya, abaturage bashinjaga iyo guverinoma kugira uburangare bukabije ndetse na ruswa, bakavuga ko ari byo byateye aka kaga.

Kugeza ku wa mbere tariki ya 10 Kanama, abigaragambya bari benshi mu mihanda ya Beirut, ari na ko bahangana n’inzego z’umutekano.

Atangaza iyegura rya guverinoma ye, Hassan Diab yagize ati “Uyu munsi turubahiriza icyo abaturage bashaka. Tuzakomeza kandi kubaza ababishinzwe icyabaye kugira ngo biriya binyabutabire bimare imyaka bibitse mu buryo butari bwo”.

Diab yagaragaje ko we na guverinoma ye bari bagamije kuzana impinduka mu gihugu, ariko bakananizwa na ruswa yari yaramaze gushinga imizi muri Liban.

Ku cyumweru, ibihugu binyuranye n’imiryango mpuzamahanga byakusanyije inkunga igomba guhabwa igihugu cya Liban, aho bahise bohereza agera kuri miliyoni 253 z’ama Euro, ariko bakavuga ko bazakomeza gutanga inkunga bitewe n’uko Liban izavugurura inzego z’ubuyobozi bwayo.

Aba Minsitiri babiri kuri ubu ni bo bamaze kwegura.

Abigaragambya bakaba bari bahuriye ku biro by’Inteko Ishinga Amategeko, biherereye hafi y’ibituro by’abahowe Imana. Bari bafite ibyapa byanditseho amagambo anyuranye, aho bimwe byagiraga biti “Turashaka ko abagize Guverinoma bose begura”.

Amashusho yagiye akwirakwizwa n’ibitangazamakuru byo muri Liban, yerekana ko ku bwinjiriro bw’Inteko Ishinga Amategeko hatwitswe, ndetse abigaragambya benshi bakaba babashije kwinjira mu biro bya Minisiteri ishinzwe gutuza abantu no gutwara abantu n’ibintu.

Kuwa gatandatu tariki ya 08 Kanama 2020, ibiro bya Minisiteri y’Ububanyi n’Amahanga byaratewe ndetse biratwikwa, naho ahakorera Ishyirahamwe ry’amabanki muri Libani, abigaragambya binjiyemo bamenagura ibikoresho byinshi.

Ku mugoroba wo ku cyumweru tariki 09 Kanama, Damianos Kattar, Minisitiri ushinzwe ibidukikije n’iterambere, yatangaje ko yeguye ku mirimo ye, aho yavuze ko yari arambiwe gukorana n’ubutegetsi budakoresha amahirwe yose bufite ngo buteze imbere abaturage.

Ku cyumweru kandi, Minisitiri ushinzwe gutangaza amakuru Manal Abdel Samad, yatangaje ko yeguye, na we avuga ko atakomeza gukorera guverinoma idashoboye, bikaba byarateje akaga ku cyambu cya Beirut.

Ikinyamakuru gisohoka buri munsi muri Liban ‘L’Orient-Le Jour’, kivuga ko gifite amakuru ko n’abandi ba minisitiri benshi bashobora kegura.

Umuyobozi wa Kiliziya Gatolika muri Liban, Bechara Boutros al-Raï, na we yasabye ko guverinoma yegura, niba idashoboye kuvugurura uburyo bw’imiyoborere.

Hagati aho, ibihugu binyuranye bikomeje gukusanya inkunga yo gufasha Liban, ariko bigasaba ko inkunga yahita igera ku baturage bidatinze.

Alassane Ouattara

Uwo yari yaratanzeho umukandida yifuzaga ko yamusimbura, bwana Amadou Gon Coulibaly, yitabye Imana bitunguranye mu ntangiriro z’ukwezi kwa Nyakanga. Alassane Ouatara, mu kwemera kongera kwiyamamaza yagize ati: " Ni ukubera ko habayeho impamvu zidasanzwe, zitunguranye kandi ndakumirwa (cas de force majeure), kandi ni inshingano mfite ku baturage. Ndi umukandida mu matora y’Umukuru w’Igihugu azaba tariki ya 31 Ukwakira”.

Ibi, akaba yabitangaje, mu gihe Côte d’Ivoire yizihiza imyaka 60 y’ubwigege kuri uyu wa Gatanu tariki ya 07 Kanama 2020.

Perezida Ouattara kandi, abinyujije ku rukuta rwe rwa Twitter yagize ati: "Nkurikije agaciro mpa ibyo niyemeje ndetse n’ibyo nasezeranyije abaturage, iki cyemezo mfashe ni ubwitange bukomeye kuri jyewe, kandi byose, nzabigeraho ku bw’urukundo mfitiye igihugu cyanjye.”

Mu kwezi kwa Werurwe 2020, Alassane Ouattara, urangije manda ye ya kabiri ku myaka 76, yari yatangaje ko atazongera kwiyamamariza kuyobora Côte d’Ivoire , ko agiye guha umwanya abakiri bato na bo bakayobora.

Emmanuel Macron

Aragera ku cyambu cya Beirut, ahari abantu ibihumbi kuri ubu batakigira aho baba, ndetse n’ubuzima bukaba bugoye kuko ibyabo byose batikiriye muri iryo turika.

Perezida Macron, aragera i Beirut saa sita z’amanywa, aganire n’abayobozi bakuru ba Liban, nyuma agirane ikiganiro n’abanyamakuru mbere yo gusubira mu Bufaransa.

Guverineri w’uyu Mujyi, wanagaragaye cyane ku mafoto ku.mbuga nkoranyambaga yuzuye amaraso, yavuze ko ibintu bimeze nabi cyane i Beirut. Yagize ati: "Ni ubwa mbere mu mateka ya Beirut habaye akaga kameze gutya. Abantu bagera ku bihumbi 300 ntibagira aho bakinga umusaya".

Abayobozi b’inzego zinyuranye, bavuga ko iri turika ryatewe n’ibinyabutabire byo mu bwoko bwa "Nitrate d’Ammonium" bipima toni 2 750 byari bimaze imyaka 6 bibitse kuri icyo cyambu, ariko bitarinzwe uko bikwiye.

Abatabazi baba abo muri Liban cyangwa aboherejwe n’ibindi bihugu, baracyagerageza gushakisha ngo barebe ko babona abandi bantu, kuko hari ababuriwe irengero kugera ubu. Liban, iri mu bihe bidasanzwe bizamara ibyumweru bibiri.

Imodoka zari hafi zahiye

Amashusho yerekana iri turika yakwirakwijwe ku mbuga nkoranyambaga zinyuranye, aho yerekana ikibatsi cy’umuriro mwinshi, ndetse n’amazu menshi yasenyutse. Imibare kandi iragenda yiyongera uko ibikorwa by’ubutabazi bikomeza. Inkomoko y’ibi biturika ntiyahise imenyekana, ariko umuyobozi mukuru w’ishami rishinzwe umutekano Abbas Ibrahim, yatangaje ko ibyo biturika byari bimaze imyaka myinshi biri kuri icyo cyambu.

Umuyobozi wa Croix-Rouge muri Liban Georges Kettaneh, yavuze ko kumenya umubare wa nyawo ku bahitanywe cyangwa bagakomeretswa n’iri turika bigoye cyane, kuko hari abandi bagwiriwe n’ibikuta bakigerageza gushakisha.

Minisitiri w’umutekano wa Libani Mohammed Fehmi, yavuze ko ibyo biturika byaba byatewe n’ibikoresho biturika cyane byari bibitswe kuri icyo cyambu.

Minisitiri w’Intebe Hassan Diab, yahise atangaza ko kuri uyu wa Gatatu tariki ya 05 Kanama 2020, ari umunsi wo kunamira abasize ubuzima muri iryo turika, no kuzirikana ku bakomeretse, imirimo yindi yose ikazahagarara muri iki gihugu.

Igihugu cy’u Bufaransa cyahise cyohereza ubufasha, naho Leta Zunze Ubumwe za Amerika zivuga ko ziteguye gutanga ubufasha bwose zasabwa.

Iri turika, ribaye mu gihe n’ubundi iki gihugu cyugarijwe n’ibibazo birimo imanuka ry’ubukungu rimaze imyaka myinshi, ryaranzwe no guta agaciro k’ifaranga, ubushomeri, biteza ibibazo byinshi abaturage.

Abatabazi bagerageza kuzimya no gutabara abaheze hagati y’ibikuta

Perezida wa Liban Michel Aoun yahise atumiza inama y’igitaraganya y’Abaminisitiri kuri uyu wa Gatatu, ategeka ko mu gihugu hose hashyirwaho ibihe bidasanzwe bizamara ibyumweru bibiri.

Umuyobozi Mukuru wa OMS, Dr. Tedros Adhanom Ghebreyesus

Ibi ni ibyavuzwe ku wa mbere tariki 03 Kanama 2020 n’umuyobozi wa OMS bwana Tedros Adhanom Ghebreyesus, mu kiganiro n’abanyamakuru, asaba ibihugu gukomera ku ngamba zo kwirinda, batoza abaturage uko babana n’icyorezo kandi ntikibagereho, aho gukomeza kwizera ko bazabona urukingo rushobora no kutazigera ruboneka.

Bwana Tedros yagize ati: “Ubushakashatsi bukorwa buraduha icyizere. Ariko ibyo ntibivuze ko byanze bikunze urukingo ruzaboneka.”

Gusa ariko, avuga ko iki cyorezo abantu bashobora kukigabanya, bubahiriza ingamba n’amabwiriza yatangajwe, ariko kandi hakaba n’ubushake bwa politiki mu bihugu byose, kuko ngo ibihugu bidakoranye n’abaturage babyo mu kwirinda ntacyagerwaho.

Imibare yatangajwe na kaminuza ya Johns Hopkins University kuwa 03 Kanama 2020 igaragaza ko icyorezo cya Covid-19, kimaze guhitana abasaga ibihumbi 690, abasaga miliyoni 18 baranduye naho abasaga miliyoni 10 baravuwe barakira.

Ibi byagaragajwe n’iperereza ry’ishami rya BBC ritangaza ibiganiro mu rurimi rw’Igiperse, rivuga ko imibare y’ukuri ntaho ihuriye n’itangazwa na Leta. Iri perereza rivuga ko mu kwezi kwa Nyakanga 2020, Leta ya Iran yagaragaje ko abantu bamaze kwandura Covid-19 basaga gato ibihumbi 278, mu gihe ngo imibare y’ukuri basagaga ibihumbi 450. Ku bahitanywe n’iki cyorezo, Leta ya Iran yatangaje ko bangana n’ibihumbi 14, mu gihe imibare yakusanyijwe mu iperereza yerekanaga ko bagera ku bihumbi 42.

Abakurikiranira hafi iby’iki cyorezo muri Iran ndetse n’inzego z’ubuzima, bavuga ko iyi mibare itangazwa iteye impungenge, kuko ishobora gutuma abantu birara, ikiyongera kurushaho. Abaganga bazi iby’uku gutangaza imibare itari iy’ukuri, batangarije abakoze iperereza ko Minisiteri y’Ubuzima ya Iran imaze igihe yotswa igitutu n’inzego z’umutekano n’iz’iperereza za Iran. Bavuga ko babanje guhura n’ikibazo cy’ibyuma bipima iyi virusi, ariko ngo n’aho bibonekeye, ntibikoreshwa uko bikwiye, dore ko n’imibare bitanga atari yo itangazwa.

Senateri Mitch McConnell ukuriye iri shyaka muri Sena, na mugenzi we Kevin McCarthy urikuriye mu Nteko Ishinga Amategeko umutwe w’Abadepite, bavuze ko Trump nta bubasha afite bwo gusubika amatora, kandi bibaye ngombwa ko yigizwa inyuma, bifatwaho icyemezo n’Inteko ya Amerika.

Senateri Mitch McConnel aganira n’itangazamakuru yagize ati "Nta na rimwe mu mateka y’iki gihugu, mu ntambara, mu bihe bitoroshye twigeze dusubika amatora, kandi yaberaga igihe cyagenwe”.

Kuwa kane, tariki 30 Nyakanga 2020, Perezida Trump yavuze ko uburyo bwo gutora hifashishijwe iposita, bishobora kuzana uburiganya mu mibare y’amatora. Yatanze igitekerezo cyo kuyigiza inyuma, akabanza agategurwa neza, nta buriganya kandi mu mutekano.

Si ubwa mbere Trump agaragaje impungenge ku bijyanye no kwifashisha iposita mu matora, ibi bikaba ari ingamba zafashwe zo korohereza abatora, hirindwa ko abantu bahura ari benshi, bakaba bakwanduzanya Covid-19.

Dr. Sabin Nsanzimana, Umuyobozi Mukuru wa RBC

Umuyobozi w’Ikigo cy’Igihugu cy’Ubuzima mu Rwanda, Dr. Sabin Nsanzimana, avuga ko nubwo bimeze gutya, Abanyarwanda bagomba gukomeza kubahiriza amabwiriza yo kwirinda Covid-19, kuko umuti n’urukingo bisanze atari bazima ntacyo byaba bimaze.

Mu kiganiro yagiranye na RBA, yagize ati “Kugeza ubu, harageragezwa ubwoko bw’inkingo zigera kuri 200 mu bigo bikora ubushakashatsi binyuranye ku isi. Kuri ubu ubwoko bubiri ni bwo bwageze ku cyiciro cyo kugeragerezwa ku bantu, kandi hari icyizere ko urukingo ruzaboneka.

Gusa ukurikije inzira urukingo runyuramo, izo na zo ntizizaboneka mbere y’amezi atandatu, bivuze ko bishobora kugera umwaka utaha. Abantu rero ntibagomba gukomeza kwishimira ayo makuru gusa, bagomba gukomeza kwirinda kugira ngo urukingo niruboneka, ruzasange ari bazima”.

Yavuze kandi ko bishoboka ko icyorezo twacyirinda dukomeje gukurikiza amabwiriza yatanzwe abantu bamaze kumenyera, arimo kwambara neza agapfukamunwa, gukaraba neza intoki kandi kenshi, kandi abantu bakirinda kujya mu kivunge cy’abantu benshi, baba banahagiye bagasiga intera ya metero hagati yabo.

Abo bashakashatsi bavuze ko kuri uyu wa mbere tariki 27 Nyakanga 2020, ari bwo batangira icyiciro cya nyuma cy’igerageza. Muri iki cyiciro, ngo igerageza bazarikorera ku bagera ku bihumbi 30, bakaba ari abaturage ba Leta Zunze Ubumwe za Amerika. Inyigo yo kwiga ibyavuye mu magerageza yose, izarangira tariki 27 Ukwakira 2022.

Ikigo cya Moderna cyabanje gutangaza ibyavuye mu cyiciro cya mbere cy’igerageza mu kwezi kwa Gicurasi 2020, aho bavuze ko uru rukingo rwongereye ubudahangarwa bw’umubiri ku bantu umunani bakoreweho igerageza.

Ibi ngo byatumye bagira icyizere cyane, aho bahita bageragereza ku bantu 600 mu cyiciro cya kabiri. Icyiciro cya gatatu ari na cyo cya nyuma cy’igerageza kiramutse kigeze ku ntego, ngo batangira gukora inkingo zahabwa abagera ku bihumbi 500 buri mwaka, cyangwa bakarenza bakageza ku nkingo miliyoni ku mwaka.

Iki cyemezo, cyamaganywe n’ubuyobozi bwa za kaminuza zikomeye muri Amerika, zirimo kaminuza ya Harvard n’iya Massachusetts Institute of Technology, aho iki cyemezo cyahise kivanwaho, bakemererwa abo banyeshuri bakaguma muri Amerika.

Ibiro bishinzwe abinjira n’abasohoka muri Amerika, byatangaje kuwa 24 Nyakanga 2020, ko abanyehuri b’abanyamahanga bifuza kwiga muri Amerika, basaba viza yo kwinjira muri Amerika, batazayihabwa, mu gihe amashuri bigamo azaba atanga amasomo akoresheje internet gusa. Ibi kandi, ngo bizakorwa muri kaminuza nyinshi muri iki gihugu, mu rwego rwo kwirinda icyorezo cya Covid 19.

Na mbere y’uko icyorezo cya Covid 19 cyaduka ku isi, ntibyari byoroshye kubona viza yo kujya muri Amerika, mu gihe ishuri ushaka kwigamo ritanga amasomo ku buryo bw’ikoranabuhanga. Leta Zunze Ubumwe za Amerika, zifite abanyeshuri basaga miliyoni b’abanyamahanga bigayo.

Aba bombi bahamwe n’icyaha cyo kunyereza agera kuri miliyoni 50 z’amadorari ya Amerika, yari agenewe kubaka amazu agera kuri 4,500, yemewe na Perezida Felix Tshisekedi ubwo yiyamamarizaga kuyobora Kongo Kinshasa.

Ku wa 24 Nyakanga 2020, Vital Khamerhe na Samih Jammal, bumviswe bwa mbere mu rukiko rw’ubujurire rwa Kinshasa. Ni urubanza rwamaze iminota mike, kuko urukiko rwahise rufata umwanzuro wo kurwimurira tariki ya 07 Kanama 2020, kugira ngo rubanze rusuzume neza dosiye y’ubujurire.

Muri uru rubanza, Vital Khamerhe yongeye gusaba ko yafungurwa, akazakomeza kuburana ari hanze. Abamwunganira mu mategeko, bashimangiye ubu busabe bavuga ko ubu nta mpamvu ihari yo gukomeza gufunga umuyobozi w’ibiro bya Perezida wa Repubulika.

Bavuga kandi ko bizeye ko umucamanza azigana ubushishozi ibikubiye muri dosiye y’ubujurire, kandi ngo bizeye ko umwanzuro azafata uzakuraho uwari wafashwe bwa mbere.

Kuwa kabiri tariki ya 21 Nyakanga 2020, yongeye kugirana ikiganiro n’abanyamakuru, ku bijyanye na Covid-19, ibiganiro yari yarahagaritse kuva mu mpere z’ukwezi kwa Mata 2020.

Trump yabwiye Abanyamerika ko icyorezo cya Covid-19 kigiye kurushaho kwiyongera, abasaba gukomeza kwirinda bambara udupfukamunwa ndetse bahana intera hagati yabo.

Trump yagize ati “Ibintu bigiye kurushaho kuba bibi, mbere y’uko dutsinda iki cyorezo. Sinkunda kuvuga amagambo nk’aya, ariko ni ko bimeze”.

Donald Trump uhanganye na Joe Biden, ntahabwa amahirwe menshi yo kuzatorwa, ndetse akaba yaragiye anengwa cyane uko yitwaye imbere y’icyorezo nka Covid-19.

Ubu muri Amerika abasaga miliyoni 3.8 bamaze kwandura, abasaga ibihumbi 141 bamaze guhitanwa na cyo. Impuzandengo yerekana ko abagera ku bihumbi 60 bandura, naho abagera kuri 700 bagapfa mu masaha 24 gusa.

Ni ubwa mbere bibaye mu mateka y’igihembo cy’umupira wa zahabu, kuva iki gihembo cyatangira gutangwa n’ikinyamakuru France Football mu mwaka wa 1956.

Ibi byatewe n’uko Covid-19 yateje ibibazo muri gahunda hafi ya zose zirebana n’umupira w’amaguru.

Ku wa mbere, France Football ari na yo itegura imihango yose ijyanye no gutanga Ballon d’Or, yatangaje ko itatangwa kuko amahirwe yaba atangana ku bayihatanira, bitewe n’ibibazo binyuranye bahuye na byo kubera icyorezo cya Covid-19.

Icyo kinyamakuru kigira kiti “Ntitwashyizeho impamvu n’uburyo byihariye byo gutanga iki gihembo uyu mwaka kubera Covid-19. Iki gihembo kirarinzwe cyane ku buryo twirinda ko cyagira inenge yaturuka aho ari ho hose. Gifite icyubahiro n’agaciro gakomeye”.

Lionel Messi, rutahizamu w’ikipe ya FC Barcelone umaze kwegukana iki gihembo inshuro esheshatu, n’Umunyamerikakazi Megan Rapinoe, batwaye iki gihembo mu mwaka wa 2019, ni bo bazaba bakigifite no mu mwaka wa 2020, bakazakimarana undi mwaka wose.

Urutonde rw’abakinnyi 30 rwakozwe n’abanditsi ba France Football rutangazwa buri mwaka, abanyamakuru bo mu bice byose by’Isi bagatora uwahize abandi, aho buri gihugu kiba gifite umuntu umwe ugihagarariye.

Imibare yatangajwe n’ibigo nderabuzima, ibitaro biherereye mu gace kitwa Machakos, katari kure y’Umujyi wa Nairobi, igaragaza ko abangavu bafite hagati y’imyaka 11 na 18, basaga ibihumbi bine batewe inda mu mezi ane gusa. Ni ukuvuga kuva mu kwezi kwa Werure kugera muri Kamena 2020.

Salome Muthama, uyobora Ikigo gishinzwe kwita ku bana muri ako gace ka Machakos, avuga ko ibi byiyongereye kubera ko benshi mu babyeyi baba mu Mijyi bazanye abana babo mu byaro kwa ba nyirakuru n’imiryango, ariko ntibakomeze gukurikirana imibereho n’uburere byabo.

Ibi byatumye abana benshi bishora mu mibonano mpuzabitsina idakingiye, abandi bagakora uburaya, abandi bagahohoterwa. Ikibazo cy’ubukene, ni kimwe mu bituma aba bangavu bishora mu buraya, kuko hari n’ababa batunze imiryango yabo, ku mafaranga babuvanamo.

Avuga ko ubuzima bw’abo bana buteye ikibazo, kuko benshi bazahita bashyingirwa bakiri bato, abandi bakaba batazasubira mu ishuri.

Nyuma y’uko ubuyobozi muri Kenya bwavugaga ko iki kitaraba ikibazo, ubu noneho batangiye gufata ingamba, aho Minisitiri w’Uburezi yavuze ko amashusho yose y’urukozasoni abujijwe kwerekanwa muri icyo gihugu.

Yavuze ko agiye gusaba Leta igafunga imbuga zose zigaragaraho amashusho y’urukozasoni, cyane ko ahamya ko nta wukeneye kuyareba.

Iki kibazo ngo ntikiri muri ako gace ka Machakos gusa, ahubwo ngo cyagiye kigaragara no mu tundi duce tw’igihugu.

Uwo mwana yashyingiwe abagabo babiri mu kwezi kumwe (Ifoto Internet)

Uyu mwana ngo yabanje gushyingirwa umugabo ufite imyaka 51, bamarana iminsi mike umwana aratoroka asubira iwabo. Akimara kuhagera, se yatangiye gushaka undi mugabo yamushyingira aza kongera kumuha umugabo w’imyaka 35 ngo amugire umugore, ibi byose bikaba byarakozwe mu kwezi kumwe gusa.

Uwo mwana kuri ubu ntakibana n’uwo mugabo, kuko inzego zishinzwe kurengera uburenganzira bw’abana zabimenye, zikamukurayo.

Uyu mwana w’umukobwa ngo yavuze ko mu kubura amahitamo, yari yariyemeje kuzihanganira umugabo wa kabiri, kuko we nibura ari muto ugereranyije n’uwa mbere. Muri Kenya, gushyingira umwana utarageza ku myaka 18 y’amavuko ni icyaha gihanwa n’amategeko.

Joshua Kaputah uyobora ishyirahamwe rigamije kurengera amahoro muri ako gace ka Narok, yatangarije BBC ko, ibibazo byo gushyingira abana muri Kenya, byiyongereye cyane nyuma y’aho abana batakijya ku mashuri, bitewe na Covid-19.

Bamwe mu babyeyi bafite abana b’abakobwa babagurisha ku bagabo kubera ubukene buri mu miryango yabo, aho baba biteze ko bazakura amafaranga mu nkwano bazahabwa.

Polisi ya Nairobi iracyashakisha abo bagabo babiri ndetse na se w’uwo mwana, kuko bahise bahunga bakaba batarafatwa ngo bahanwe ku cyaha bakoze.

Muri 2100 abatuye isi bazagabanuka ugereranyije n’uko byari byitezwe

Ibi ngo bizaterwa n’uko abatuye isi bagabanyije imbyaro, ndetse kugeza ubu byinshi mu bihugu bikaba bikomeza gushishikariza abaturage kuboneza imbyaro. Ubu bushakashatsi, bwerekaba ko abaturage b’isi mu mwaka wa 2100 bazaba ari miliyali 8.8, aho kuba miliyali 10.9.

Ibi ni inkuru nziza ku bidukikije ku isi, kuko birushaho guhungabanywa n’ubwiyongere bwa muntu, aho abantu bagenda barushaho kuvumbura byinshi byangiza ikirere, ndetse no gutura, guhinga, kwangiza amashyamba, amazi, inyamaswa, n’ibindi.

Ariko kandi ngo ibi bizaba ikibazo ku bukungu bw’isi, kuko abazaba bashoboye gukora bazagabanuka, naho abarengeje imyaka 80 y’amavuko bazikuba incuro esheshatu.

Muri ubu bushakashatsi, batanga inama ku bihugu ko bigomba gushyiraho ingamba z’igihe kirekire, bazirikana ko hari imyaka bazakenera abakozi benshi, nyamara abashoboye gukora ari bake.

Ubu bushakashatsi ariko buvuga ko muri Afurika yo munsi y’Ubutayu bwa Sahara, abaturage baziyongera cyane, bakava kuri miliyari imwe bakagera kuri eshatu mu mwaka wa 2100.

Nigeria abaturage baziyongera cyane mu mwaka wa 2100

Igihugu cya Nigeria gituwe cyane muri Afurika, kizava kuri miliyoni 200 zisaga z’abaturage, kigere kuri miliyoni 790 z’abaturage, aho kizaba ari igihugu cya kabiri gituwe cyane ku isi, kikazaza inyuma y’u Buhinde ariko kikarusha ubwinshi abaturage bazaba batuye U Bushinwa icyo gihe.

Dr John Pombe Magufuli

Mu kiganiro yagiranye n’abanyamakuru kuwa 17 Kamena 2020, Perezida Magufuli yavuze ko agifite inshingano zo kurangiza gahunda ye, igomba guhera mu mwaka wa 2020 kugera mu mwaka wa 2025. Yasabye abaturage gukomeza kumusengera, kuko ngo atangiye urugendo rukomeye, rusaba ubushake n’ubuntu bw’Imana kugira ngo agere ku ntego yiyemeje.

Abatavuga rumwe n’ubutegetsi bwa Magufuli bakomeje kumushinja ko atitwaye neza mu kurinda abaturage icyorezo cya Covid-19, ko nubwo nta mibare itangazwa guhera mu kwezi kwa Mata 2020, ubwandu ari bwinshi mu gihugu.

Bavuga ko bishobora kuzateza ibibazo mu gihe aya matora yakorwa iki cyorezo kigihari. Ni mu gihe Perezida Magufuli we, akomeje gusaba abaturage gusenga cyane, kuko ngo amasengesho ari yo azabarinda Covid-19.

Nk’uko biteganywa n’Itegeko Nshinga rya Tanzania, ku wa kabiri tariki ya 16 Kamena 2020, Perezida yasheshe Inteko Ishinga amategeko, kugira ngo hitegurwe amatora ataha, aho yavuze ko azarangwa n’ubwisanzure. Ni mu gihe abatavuga rumwe na we batahwemye gushinja ubutegetsi bwe kubiba ubwoba no guhohotera abaturage.

Perezida Ndayishimiye, agiye ku butegetsi mu gihe mu Burundi havugwa ibibazo byo gicikamo ibice mu baturage, ubukene, ibi byiyongeraho icyorezo cya Covid-19.

Evariste Ndayishimiye w’imyaka 52 y’amavuko, ararahirira i Gitega kuri Stade ya Ingoma, saa sita z’amanywa, mu buryo budasanzwe mu rwego rwo kwirinda Covid-19 ku bari buwitabire. Abaturage basabwe kuhagera kare kugira ngo bakarabe intoki ndetse bapimwe n’umuriro.

Abanyacyubahiro bahagarariye ibihugu byabo mu Burundi batumiwe muri uwo muhango, naho Perezida Félix Tshisekedi wa Congo Kinshasa biteganyijwe ko ari we mukuru w’igihugu wenyine uza kwitabira uwo muhango aturutse hanze y’u Burundi.

Perezida mushya Evariste Ndayishimiye asimbuye Pierre Nkurunziza w’imyaka 55, wari umaze imyaka 15 ku butegetsi. Yitabye Imana tariki ya 08 Kamena 2020 azize indwara y’umutima nk’uko byatangajwe na Leta y’u Burundi.

Urukiko rushinzwe kurinda Itegeko Nshinga rwafashe icyemezo cy’uko Evariste Ndayishimiye ahita arahira hatagiyeho Leta y’inzibacyuho. Ishyaka CNDD-FDD riri ku butegetsi ryiyemeje kugarura mu murongo mwiza igihugu cyaranzwe n’intambara n’ubwicanyi, bwahitanye abagera ku bihumbi 300 mu myaka 27 gusa.

Perezida Evariste Ndayishimiye, wari unashyigikiwe n’uwo yasimbuye Pierre Nkurunziza baturuka mu ishyaka rimwe, yiyemeje gukomereza aho mugenzi we yari agejeje. Gusa benshi bategereje kureba niba hari impinduka azakora cyane cyane nko mu kugarura umubano mwiza w’u Burundi n’ibindi bihugu ndetse n’imiryango mpuzamahanga, no kumvikanisha Abarundi, abahunze ubutegetsi bwa Nkurunziza bakaba bataha.

Minisitiri w’Ubuzima Dr. Daniel Ngamije

Tariki ya 16 Kamena 2020, hateranye inama y’Abaminisitiri idasanzwe, aho yafashe imyanzuro inyuranye ku birebana na Covid-19. Muri yo, hari ibikorwa bimwe byasubukuwe, birimo ubukerarugendo bukorwa ku buryo bwihariye, ibijyanye no gushyingira no gushyingura, imihango ikitabirwa n’abantu batarenze 30. Hari hashize iminsi hafunguwe ingendo zambukiranya Intara, ndetse na moto zongera gutwara abagenzi.

Minisitiri w’Ubuzima Dr Daniel Ngamije, mu kiganiro na RBA, yasobanuye ko nubwo imibare yiyongereye, nta mpungenge ko iki cyorezo cyakwirakwira mu gihugu hose, Abanyarwanda baramutse bakurikije amabwiriza yo kwirinda bahawe, kuko aho icyo cyorezo kiri cyane hazwi, kandi hashyizwe mu kato.

Yagize ati: “Abagaragarwaho ubwandu benshi bagaragaye muri Rusizi na Kirehe. Uyu munsi akarere ka Rusizi kari mu kato, aho nta wakwinjira cyangwa ngo asohoke muri ako Karere. Ibi ni nako bimeze mu Karere ka Rubavu nubwo ho hatagaragaye ikibazo nk’icya Rusizi.

Ahandi hari ikibazo ariko kizwi ni mu Karere ka Kirehe, aho ubwandu bwinshi tubusanga ku batwara imodoka zambukiranya imipaka. Aba na bo tubapima bakihagera, abanduye bagahita bashyirwa mu kato ku buryo ntaho bahurira n’abaturage”.

Minisitiri Ngamije, yavuze ko Akarere ka Kirehe ko katari mu kato nk’uko bimeze mu Karere ka Rusizi, kuko ho icyorezo kitari hagati mu baturage.

Yagize ati: “Twapimye abaturage mu masoko, mu nsisiro zinyuranye muri Kirehe, nta bwandu twasanze mu baturage. Bitandukanye na Rusizi aho icyorezo kiri hagati mu baturage. Ni yo mpamvu Kirehe itari mu kato kuko aho icyorezo kiri tuhazi”.

Minisitiri Dr Daniel Ngamije yakomeje asaba abaturage kubahiriza amabwiriza yo kwirinda Covid-19, cyane cyane abafite ibikorwa bihuriraho abantu benshi, bibuka gukaraba intoki neza, ndetse bahana intera hagati y’umuntu n’undi.

Yategetse ko bibujijwe ko abapolisi batsikamira cyangwa bagafata ku gikanu cy’uwo bata muri yombi, kereka mu gihe babona ko ubuzima bwabo buri mu kaga.

Ibi Trump yabikoze nyuma y’aho yagiye aganira n’abo mu miryango y’abahohotewe n’abapolisi, mu rwego rwo gusubiza bimwe mu byifuzo byabo ndetse n’iby’abigaragambya bamagana uko aba polisi bahohotera abo bafashe, cyane cyane abirabura.

Mu kiganiro n’abahagarariye guverinoma, abayobora polisi n’abagize inteko ishinga amategeko, Trump yagize ati “Abanyamerika bazi ukuri, nta gipolisi, nta mutekano. Nta burengazira buhari, haba hari igitugu. Nta mutekano uhari, byaba ari akaga”.

Madamu Nancy Pelosi, uhagarariye abo mu ishyaka ry’Abademokarate mu nteko, yahise avuga ko ibyo Trump yakoze bibabaje ndetse bidahagije, mu kurwanya ivangura n’ihohoterwa bikorerwa abirabura muri Amerika.

Kugeza ubu, abaturage benshi baracyari mu mihanda mu mijyi inyuranye ya Amerika, kuva George Floyd yakwicwa n’umupolisi ahejejwe umwuka, aho bavuga ko batiteguye kuhava ibyo basabye byose batabihawe.

Ibi ni ibyatangajwe na Minisitiri w’Ubutabera Célestin Tunda ya Kasende kuwa kabiri tariki 16 Kamena, avuga ko raporo ya kabiri ya muganga yemeje ko yishwe no kuba yaraviriye imbere mu bwonko.

Minisitiri Tunda yagize ati “Isuzuma rya muganga ryakozwe mu bice bibiri. Imwe yarebaga ku bice by’inyuma ku mubiri, indi ireba imbere aho umuntu atabonesha amaso. Raporo ya kabiri yemeje ko Raphael Yanyi Ovungu yaviriye imbere mu bwonko, nyuma yo gukubitwa ikintu gikomeye ku mutwe”.

Yavuze ko hatangiye iperereza kugira ngo hamenyekane abamwishe, ndetse bagezwe imbere y’ubutabera. Yasabye abaturage gutuza ndetse no kubaha umuryango wa Raphael Yanyi, yizeza ko abacamanza bose bakora akazi kabo neza badaha agaciro ababatera ubwoba ku manza baca.

Raphael Yanyi yishwe mu gihe yari ayoboye urubanza rwa Vital Khamerhe na bagenzi be, bashinjwa kunyereza agera kuri miliyoni 50 z’amadorari ya Amerika, yari agenewe kubaka inzu rusange.

Abagize Inteko Ishinga Amaktegeko muri RDC, barasaba ko buri wese yakongezwa agera ku bihumbi bibiri by’amadolari ya Amerika, ni ukuguva akabakaba miliyoni ebyiri z’amafaranga y’u Rwanda.

Mu gusobanura ibyo kongeza iyo mishahara, Célestin Musao Kalombo yagize ati “Imyaka myinshi abadepite bahora basaba ko abarimu, abasirikare, abacamanza, bongezwa imishahara kugira ngo ubuzima bwabo bugende neza. Kuki bo batabyisabira”?

Yavuze ko ibi byasabwe kuva mu kwezi kwa Nzeri 2019, kandi ko byanateganyijwe mu ngengo y’imari y’umwaka wa 2020.

Imiryango inyuranye itari iya Leta ivuga ko aba Badepite batari bakwiye gusaba ibi, mu gihe iki gihugu cyugarijwe n’ibyorezo binyuranye, harimo na Covid-19, aho bakeneye amafaranga menshi ngo bahangane na byo.

Ku mbuga nkoranyambaga, Abanyekongo bavuze ko ibi bidakwiye gukorwa n’abayobozi bitwa ko babahagarariye, bavuga ko ntaho bitandukaniye no gufata bugwate umutungo w’igihugu wose.

Raporo ya Polisi yavuze ko Brooks yagerageje kurwanya abapolisi mu gihe yatabwaga muri yombi. Indi raporo y’ibiro bishinwe iperereza muri Georgia, ivuga ko Brooks yari yasinze cyane, asinzirira mu modoka ye yari yahagaritse mu muhanda hagati. Abaturage bahamagaye polisi kugira ngo babafashe kuvana iyo modoka mu muhanda.

Amashusho yafashwe na Camera zicunga umutekano mu muhanda, agaragaza ko mu gihe Brooks yafatwaga, yagerageje kurwanya abapolisi, arasa umupolisi akoresheje imbunda irekura amashanyarazi ubundi ariruka.

Raporo ya Polisi ikomeza ivuga ko nyuma y’aho bagerageje kumukurikira, ashaka kongera kurasa amashanyarazi ku mupolisi ari bwo yahise amurasa isasu arakomereka. Yajyanywe kwa muganga, arabagwa ariko nyuma aza kwitaba Imana.

Bumwe mu bwoko bw’imbunda zirasa amashanyarazi

Umuyobozi w’Umunyi wa Atlanta Keisha Lance Bottoms, yahise atangaza ko umupolisi warashe Brooks agomba kwirukanwa mu kazi.

Imyigaragambyo yahise itangira muri uwo mujyi, aho bahise batwika resitora yitwa Fast Food Wendy’s yari hafi y’aho Brooks yiciwe. Abigaragambya bamagana uburyo abapolisi bakomeje kwica abirabura mu gihe babata muri yombi.

Urupfu rwa Rayshard Brooks, ruje mu gihe abaturage mu bihugu byinshi ku isi, nyuma y’urupfu rwa George Floyd, wishwe ahejejwe umwuka n’umupolisi, bakomeje imyigaragambyo bamagana ihohoterwa rikorerwa abirabura, cyane cyane bigakorwa n’abapolisi.

Iryo jambo rizaba ryanditse aho amazina y’abakinnyi ubusanzwe aba yanditse mu mugongo. Ibi byatangajwe n’ubuyobozi bushinzwe gutegura iryo rushanwa.

Abakinnyi bakina muri Premier League, ngo ni bo batanze icyifuzo cy’uko ijambo ‘Black Lives Matter’ ryaba ari ryo ryandikwa ku mipira yabo, nk’uko byatangajwe n’ubuyobozi bwa Premier League.

The Premier League stands alongside players, clubs, the FA, EFL, PFA, LMA, PGMOL and all those who oppose discrimination

The #PL will support players who ‘take a knee’ before or during matches

There is #NoRoomForRacism, anywhere.

Full Statement: https://t.co/fdShPIq2ID pic.twitter.com/A661OWzyrx

— Premier League (@premierleague) June 12, 2020

Ibi bizakorwa mu mukino ibiri y’ibirarane iteganyijwe tariki ya 17 Kamena 2020, aho Manchester City izakina na Arsenal, ndetse n’umukino Aston Villa izakina na Sheffield United, bikomeze no ku yindi mikino 10 yo ku munsi wa 30, izakinwa hagati yo kuwa gatanu tariki 19, no kuwa mbere tariki 22 Kamena 2020.

Ibi bizakorwa mu rwego rwo kwerekana uruhare rwabo mu kurwanya ivangura n’ihohoterwa rikorerwa abirabura ku isi.

Muri iyi mikino kandi, abakinnyi bazashaka gukora ikimenyetso cyo gutera ivi mu kibuga, byaba nyuma cyangwa mu gihe cy’umukino, bazaba babyemerewe. Iki ni ikimenyetso cyo guha icyubahiro umwirabura George Floyd, wishwe n’umupolisi amutsikamije ivi ku ijosi kugeza ashizemo umwuka, muri Leta Zunze Ubumwe za Amerika.

Premier League yatangaje ko nyuma y’iyo mikino 12, bazongera bagasubizaho amazina y’abakinnyi, ariko ijambo ‘Black Lives Matter’ na ryo rizaba ryanditse ku myenda bazakinana, ndetse bazongereho n’irindi ryo gushimira abaganga b’Abongereza, ku murava n’ubwitange bagaragaje mu kurwanya icyorezo cya Covid-19.

Minisiteri y’Ubuzima mu Buhinde, ivuga ko mu masaha 24 gusa, handura abasaga ibihumbi 10. Abasaga ibihumbi umunani bamaze guhitanwa n’icyo cyorezo.

Nubwo bimeze bityo ariko, gahunda ya Guma mu Rugo ntiyigeze ishyirwamo imbaraga muri iki gihugu, ndetse kuri ubu n’aho bagerageje kuyikora batangiye gusubira mu mirimo ya buri munsi ku buryo busanzwe.

Abaganga, bavuga ko bamaze kurushwa imbaraga n’umubare w’abarwayi bakira buri munsi. Dr Devenu Jaune wo mu bitaro bya Max Super Speciality biherereye mu mujyi wa New Dehli, mu kiganiro na AFP yagize ati: “Turifuza ko ibintu byagenda neza, ariko kuri ubu, twiteguye akaga, haba ku byo tubonesha amaso cyangwa mu byo umuntu yabasha gutekereza. Biragaragara ko igihugu cyacu kigiye guhura n’ibibazo bikomeye”.

Manuel Ellis na we yishwe ahejejwe umwuka

Mu itangazo yashyize hanze tariki 11 Kamena, Guverineri Jay Inslee yavuze ko hafunguwe iperereza rishya ku buryo Manuel Ellis yishwe, nyuma yo gutabwa muri yombi n’abapolisi ku itariki ya 03 Werurwe 2020 ahitwa Tacoma, aho na we yapfuye ahejejwe umwuka nk’uko byagenze kuri George Floyd.

Iki cyemezo cya Guverineri Inslee wo mu ishyaka ry’Abademokarate, ribarizwamo abirabura benshi, kije nyuma y’amashusho yashyizwe hanze yerekana Manuel Ellis yambaye amapingu, atakambira abapolisi avuga ko adashobora guhumeka. Iyi video, na yo yafashwe n’umugenzi wihitiraga akoresheje telefone.

Mu kiganiro n’abanyamakuru, umunyamategeko uri ku ruhande rw’umuryango wa Manuel Ellis yagize ati “Icyo twabonye muri aya mashusho, ni uko Ellis, atavuze ngo ‘sinshobora guhumeka’, ahubwo ko yavuze ati ‘Sinshobora guhumeka nyakubahwa".

Ati "Icyo ni icyerekana ko nubwo atabashaga guhumeka, yatakambiraga abapolisi atabarwanya, ahubwo akomeza kubereka ko abubashye”.

Raporo ya muganga wo mu gace ka Pierce, yerekanye ko Manuel Ellis yishwe, akaba yarazize guhera umwuka.

Abapoisi bane bakekwaho kwica Manuel Ellis, bavuze ko bamufashe ubwo yageragezaga gufungura imodoka y’abandi, akagerageza kubarwanya, bagakoresha imbaraga.

Vital Kamerhe

Ubushinjacyaha bwa Repubulika Iharanira Demokarasi ya Congo bwasabiye Vital Kamerhe igifungo cy’imyaka 20, ndetse hagafatirwa imitungo yose akomora kuri miliyoni zigera kuri 50 z’amadolari ya Amerika ashinjwa kunyereza. Umushinjacyaha yasabye urukiko ko rwahamya Vital Kamerhe ibyaha bya ruswa, kunyereza umutungo no kuwuhisha.

Muri iyo mitungo, hari iyanditse ku mugore we Amida Shatur Kamerhe, iyanditse kuri Soraya Mpiana, umukobwa w’umugore we ndetse n’indi yanditse kuri mubyara we Daniel Shangalume.

Ibi byose ngo yabikoze mu rwego rwo kuyobya uburari, yanga ko imitungo yose yayiyandikaho bikagaragara ko yigwijeho imitungo adafitiye ibisobanuro.

Mu byo yasabiwe, harimo kwamburwa uburenganzira bwo gutora no gutorwa, ndetse ntagire umwanya uwo ari wo wose ahabwa mu kazi ka Leta mu gihe kingana n’imyaka 10.

Umushinjacyaha yasabiye kandi umunya-Libani Jammal Samih, (wahawe isoko ryo kubaka izo nzu ku buryo bunyuranije n’amategeko) igifungo cy;imyaka 20, kandi akazahita yirukanwa burundu ku butaka bwa Congo Kinshasa mu gihe yaba arangije igihano cye. Iyi myaka kandi ni na yo yasabiwe Jeannot Muhima.

Vital Kamerhe ni umwe mu bahabwaga amahirwe yo kuzatsinda amatora y’umukuru w’igihugu ateganyijwe mu mwaka wa 2023. Abatavuga rumwe na Leta ya Tshisekedi bemeza ko uru rubanza ari uburyo bwakoreshejwe, kugira ngo Khamerhe atazabona uburyo bwo guhatana na Perezida Tshisekedi.

Roger Federer, abinyujije ku rukuta rwe rwa twitter yagize ati “Nifuje gufata igihe, kugira ngo nzongere gukina neza 100%. Abafana banjye, amarushanwa, nzabikumbura cyane, kandi ndifuza kuzabona buri wese, muri saison ya 2021”.

Si ubwa mbere abazwe kuri iryo vi, kuko mu kwezi kwa Gashyantare 2020 na bwo yari yabazwe, aho yumvaga ashobora kuzakina mu mikino iteganijwe muri iyi mpeshyi.

Yashyinguwe mu Mujyi wa Houston muri Leta ya Texas, umujyi yakuriyemo mbere y’uko yimukira muri Minneapolis, aho yiciwe.

Uyu muhango wamaze amasaha atatu, wabereye mu rusengero rw’Ababatisita rwitwa ‘Fountain of Praise’ rwo mu Mujyi wa Houston wari witabiriwe n’abo mu muryango wa George Floyd ndetse n’abandi bantu 500 batumiwe, barimo abo mu miryango y’abandi birabura bagiye bazira ivangura ryakozwe n’abapolisi, abanyapolitiki bakomeye n’abandi bafatwa nk’inkingi mu kurwanya ivanguraruhu nka Révérend Al Sharpton.

Muri video yerekanywe muri uwo muhango, Joe Biden, uzahagararira ishyaka ry’Abademukarate mu matora ataha, ishyaka ririmo abirabura benshi, yavuze ko isaha y’ubutabera buvangura uruhu yageze.

Yagize ati “Ntidushobora gukomeza kwihanganira ivanguraruhu kuko rikomeretsa roho zacu”.

Abo mu muryango we, bagiye bagaruka ku bigwi bye, n’urukundo rwamurangaga byatumye banamuhimba utuzina, kuko hari abamwitaga nka ‘Big George’, ‘superman’, ‘doux géant’, aho bavuze ko umupolisi atatinye igihagararo, kuko ngo yari afite metero zigera kuri ebyiri z’uburebure, ariko akamutsikamira iminota 8 n’amasegonda 46 kugeza ashizemo umwuka.

Révérend Al Sharpton, ari na we wasoje uyu muhango, yagize ati “Perezida Trump yahamagaye abasirikare ngo baze bamufashe guhosha imyigaragambyo mu mihanda ya Amerika, ariko ntacyo yigeze avuga ku minota 8 n’amasegonda 46 umupolisi yamaze yica Floyd”.

Al Sharpton, yavuze ko imyitwarire ya Trump idakwiye umuyobozi nka Perezida, kuko ari we utuma abapolisi bumva ko bari hejuru y’amategeko.

George Floyd yashyinguwe mu irimbi rya Pearland, aho yashyinguwe iruhande rwa Nyina. Abantu benshi bamuherekeje mu kumuha icyumahiro, ariko bavuga ko nubwo ashyinguwe, izina rye rizahindura byinshi.

Iyi mibare kandi, inzobere zikurikirana uko iki cyorezo gihagaze, zivuga ko ntaho ihuriye n’ukuri, ko Leta ya Brésil itangaza imibare mike cyane. Nubwo bimeze bityo ariko, Perezida Jair Bolsonaro akomeje kuvuga ko nta kibazo kiri mu gihugu cye.

Brésil ituwe n’abaturage miliyoni 212, ikaba ifite abaturage bakubye inshuro eshatu ab’igihugu cy’u Butaliyani, na cyo cyazahajwe n’iki cyorezo, kuko cyapfushije abasaga ibihumbi 33.

Brésil iza nyuma ya Leta zunze ubumwe za Amerika zapfushije abasaga ibihumbi 100, ndetse n’u Bwongereza bwapfushije abasaga ibihumbi 40.

Abaturage mu mijyi ya Brésil, cyane cyane Rio de Janeiro na Sao Polo, ibarirwamo abanduye benshi, bamaze iminsi ibiri mu myigaragambyo, bamagana uko Perezida Bolsonaro yitwaye imbere ya Covid-19.

Kugeza uyu munsi, Perezida Bolsonaro aracyasaba abaturage gukomeza ubuzima uko bisanzwe, ngo kuko Covid-19 atari indwara yababuza gukomeza akazi. Asaba abaturage kutubahiriza gahunda ya guma mu rugo, yagiye ishyirwaho na ba Guverineri b’Intara.

Yasabwe gutanga ingwate ingana na miliyoni y’amadorari, ni ukuvuga asaga miliyoni 942 z’amafaranga y’u Rwanda, akaburana adafunze ariko agahabwa amabwiriza y’uko agomba kwitwara, cyangwa agatanga miliyoni 1 n’ibihumbi 200 y’amadolari, ni ukuvuga asaga miliyali y’amanyarwanda kugira ngo arekurwe nta yandi mabwiriza uretse kwitaba urukiko.

Mu myenda y’ibara rya Orange yambikwa abagororwa muri Leta zunze ubumwe za Amerika, Chauvin w’imaka 44, yaburanye hafatwa amashusho, urubanza rwabereye muri gereza icunzwe cyane, ari na ho afungiye.

Yasubizaga ibibazo by’Umucamanza Jeannice Reding, wamubazaga niba ubwe azajya yitaba urukiko kandi agasubiza intwaro zose afite.

Uburanira Chauvin, Eric Nelson, ntiyigeze aburana kuri iyo ngwate, aho avuga ko bigoye ko Dereck Chauvin azayabona.

Umushinjacyaha Matthew Frank, avuga ko Chauvin yateje impagarara zikomeye ku isi, akaba yagaragaje impungenge z’uko Chauvin ashobora gutoroka, ahunga gukurikiranwa mu rukiko ndetse n’igitutu cy’abaturage.

Ashinjwa kwica Georges Floyd, amutsikamiye ku ijosi kugera ashizemo umwuka. Uru rupfu, rwateje impagarara mu mijyi inyuranye muri USA no mu Burayi, aho basaba ko imikorere ya polisi yasubirwamo, kuko ahenshi ihutaza abirabura.

Dereck kandi ngo afite dosiye aho yagiye agaragara mu bikorwa byinshi by’irasana n’urugomo byagiye bikorwa n’abapolisi. Uyu mugabo yabaye isura mbi, kuko iyo abantu bamuvuze babijyanisha n’amagambo nko guhutaza, kuvangura n’iyicarubozo mu gipolisi cya Amerika ndetse no ku isi yose.

Aramutse ahamijwe ibyaha ashinjwa, ashobora gufungwa imyaka igera kuri 40.

Biteganyijwe ko azongera kuburana tariki 29 Kamena, na ho abapolisi batatu bari kumwe na we, bamaze gutabwa muri yombi, aho bakurikiranyweho icyaha cy’ubufatanyacyaha.

Ijambo ‘Black Live Matter’ (Ubuzima bw’Abirabura bufite agaciro) ryamaze gukwira mu bihugu byinshi ku isi. Iyi myigaragambyo, yatangiye ubwo umwirabura George Floyd yicwaga n’umupolisi amutsikamiye ku ijosi kugeza ashizemo umwuka, muri Leta Zunze Ubumwe za Amerika.

Aha ni imbere ya Lincoln Memorial’ kuri uyu wa 06 Kamena

Washington, Philadelphia, Texas, New York, n’ahandi abaturage bigaragambije mu mahoro mu mpera z’icyumweru gishize. Ikinyamakuru The Washington Post, gihamya ko iyi myigaragambyo imaze ibyumweru bibiri iri mu ikomeye cyane yiyanditse mu mateka ya USA.

Kuwa gatandatu tariki 06 Kamena, mu Mujyi wa Melbourne abaturage bifatanyije n’isi mu kwamagana ihohoterwa n’ivanguraruhu.

Mu Buyapani

Abayapani na bo bagaragaje ko igihugu cyabo kitasigaye inyuma mu kwamagana ivangura n’ihohoterwa bikorerwa abirabura. Bavuga ko ibi babirambiwe.

U Bwongereza

Imbere y’inteko ishinga amategeko mu Mujyi wa London, kuwa 06 Kamena, abigaragambya bakomeje kwamagana imikorere y’abapolisi bahohotera abirabura.

U Bufaransa

Mu Mujyi wa Paris ni uku byari byifashe kuwa gatandatu tariki 06 Kamena. Abagera ku bihumbi 23 baramagana ivanguraruhu, bavuga ko badashaka kongera kubona abirabura bicwa bazira ubusa nk’uko byakorewe Adama Traoré mu Bufaransa na George Floyd muri USA.

U Budage

Uyu ni umukinnyi w’Umwongereza Jadon Sancho, yambaye umupira wanditseho ngo ‘Nta butabera, nta mahoro’, mu myitozo yo kuri uyu wa 06 Kamena mu Budage.

Tunisia

Mu Mujyi wa Tunis, abagera kuri 200 barasaba ubutabera kuri bose, basaba agahenge ngo bahumeke kuko ivanguraruhu ribaheza umwuka.

Canada

Kuwa gatanu no kuwa gatandatu, mu Mujyi wa Toronto, abaturage bagaragaje akababaro kabo ku ihohoterwa rikorerwa abirabura.

U Butaliyani

Aha ni ku cyumweru tariki 07 Kamena mu Mujyi wa Roma mu Butaliyani. Abaturage bavuga ko no muri iki gihugu abirabura bahohoterwa cyane n’inzego z’igipolisi.

Mu Mujyi wa Madrid, abaturage bavuga ko abirabura na bo bagomba guhabwa agaciro n’uburenganzira bwabo.

Brazil

Mu Mujyi wa Sao Polo, abigaragambya baramagana ivanguraruhu ariko bamagana n’uko Perezida Bolsonaro yitwaye ku cyorezo cya Covid-19

‘Bend Memorial Planning Center’, ikigo kimenyereye gutegura imihango yo gushyingura mu Mujyi wa Houston, ni cyo kizashyingura Floyd. Umuyobozi wacyo Bobby Swearington yagize ati “Twateguye imihango yo gushyingura abantu bakomeye inshuro nyinshi, ariko uyu muhango ni wo udasanzwe, ni umuhango ukomeye cyane”.

Kuri uyu wa mbere, abaturage baraza gusezera bwa nyuma umurambo wa George Floyd. Bobby Swearington yavuze ko biteguye kwakira abantu benshi cyane.

Yagize ati “Kuri uyu wa mbere, twamaze gutegura kwakira abagera ku bihumbi 10. Abashaka kuza gusezera Floyd bose, abazana indabo, amafaranga, n’inyandiko zihanganisha umuryango we barabikora”.

Imihango yo gushyingura iteganijwe kuri uyu wa Kabiri. Bobby yagize ati “Abantu baturutse ku isi yose bazaza guha icyubahiro no guherekeza Floyd. Azashyingurwa i Houston-Pearland Texas iruhande rw’aho nyina ashyinguye. Kuko hazaba hari abantu benshi, kuri uyu wa mbere no kuwa kabiri, twakajije ingamba z’umutekano. Abapolisi baraba ari benshi, kugira ngo buri wese azabe afite umutekano”.

Mu gusezera Floyd, abantu 15 ni bo bemerewe kwinjira mu cyumba arimo, bakamaramo iminota 10, hakinjira abandi. Bose kandi bagomba kuba bambaye udupfukamunwa n’uturindantoki.

Abantu benshi bashatse kugura amatike yo kwinjira mu gushyingura Floyd, ariko Bobby avuga ko nta matike azagurishwa.

Joe Biden uzahagararira ishyaka ry’Abademokarate mu matora ataha, ategerejwe kuri uyu wa mbere, aho aza gusezera Floyd no kwihanganisha umuryango we. Gusa ntazaboneka mu muhango wo gushyingura, kuko ngo bishobora guteza impagarara muri uyu muhango.

Perezida Bolsonaro wa Brazil ashinja OMS kubogama akavuga ko ashobora kugera ikirenge mu cya Perezida wa Amerika agahagarika imikoranire na OMS

Ibi byakozwe nyuma y’amasaha make Minisitiri w’Ubuzima muri Brazil, atangaje imibare mishya, Perezida Jair Bolsonaro akavuga ko iyo mibare ntaho ihuriye n’ukuri.

Abinyujije ku rukuta rwe rwa Twitter, Perezida Bolsonaro yagize ati: “Imibare itangazwa ntaho ihuriye n’ukuri kuri mu gihugu. Turi gufata izindi ngamba zizatuma tumenya imibare ya nyayo kuri iki cyorezo”.

Ibi byakozwe ku wa Gatandatu tariki 06 Kamena 2020, ubwo imibare y’amezi yose yatanzwe kuri iki gihugu.

Perezida Bolsonaro ndetse na Minisiteri y’Ubuzima, ntibigeze batangaza impamvu basibye iyo mibare ku rubuga rwashyiriweho gutangaza uko icyorezo cya Covid-19 gihagaze mu bihugu.

Imibare iheruka, yerekana ko muri Brazil hamaze kwandura abagera ku bihumbi 672, kikaba ari cyo gihugu cya 2 mu kugira abantu benshi nyuma ya Leta Zunze Ubumwe za Amerika. Abasaga ibihumbi 36 bamaze gupfa bazira Covid-19 muri Brazil.

Inzego z’ubuzima ndetse n’imiryango itari iya Leta muri iki gihugu, ivuga ko n’ubundi imibare itangazwa na Leta ari mike cyane, bagereranyije n’ubukana iki cyorezo gifite muri iki gihugu.

Michael Jordan

Michael Jordan yavuze ko agiye gutanga Miliyoni 100 z’Amadolari afatanyije n’ikigo cye cy’ubucuruzi "Jordan Brand", ni ukuvuga asaga miliyari 93 na miliyoni 750 z’amafaranga y’u Rwanda mu gihe kingana n’imyaka 10.

Aya mafaranga azayaha ikigo giharanira ubutabera n’uburinganire bw’abaturage kikita no ku burezi buboneye kuri bose muri Leta Zunze Ubumwe za Amerika.

Michael Jordan yagize ati: "Turi mu mwaka wa 2020, umuryango wa Jordan wita ku bantu bose batuma ubaho neza. Nubwo ibintu byiza byinshi byagezweho, hari imyitwarire y’ubunyamaswa ikiri mu bantu".

Jordan abaye uwa mbere utanze inkunga nini mu ruhando rw’abakinnyi batandukanye ku isi, akayiha umuryango ufasha abaturage kandi udaharanira inyungu.

Mu nyuguti nini z’umuhondo, zanditse ku burebure bwa metero 200 z’umuhanda, iri jambo ryanditswe mu rwego rwo guha agaciro abantu bose bahohotewe n’Abapolisi muri Leta zunze Ubumwe za Amerika (USA).

Umuyobozi w’uyu mujyi Madamu Muriel Bowser, yavuze ko ibi yabikoze agira ngo yumvikanishe neza ko uyu muhanda ari uw’umujyi ayobora, kandi ko ibi ari icyubahiro yahaye abigaragambirije imbere y’inzu umukuru w’igihugu akoreramo kuwa 01 Kamena 2020, kuko ngo babikoze mu buryo bw’amahoro.

Iyi nyandiko, yanditswe muri uyu muhanda mu gihe imyigaragambyo ikomeje mu gihugu hose, nyuma y’uko umupolisi yishe umwirabura George Floyd mu mujyi wa Minneapolis, amutsikamiye ku ijosi kugeza aheze umwuka.

Umuyobozi wa Washington DC, Muriel Bowser, ni we wasabye ko uyu muhanda wandikwamo aya magambo

Abo baturage bavuga ko ntacyo yabashije gukora ngo iki gihugu kigire umutekano, ndetse n’ubukungu bukaba bwarazahaye muri iki gihugu ku butegetsi bwe.

Bamwe mu bigaragambya bavugaga amagambo bati "Imyaka 7 irahagije, IBK agomba kurekura ubutegetsi". “IBK agomba kumenya ko ari abaturage bamutoye, abo baturage ni bo bagarutse kumubwira ko batakimushaka. Agomba kububaha”.

Television y’Abafaransa, France24, ivuga ko iyi myigaragambyo yateguwe ku bufatanye bw’amashyaka atavuga rumwe n’ubutegetsi bwa IBK, ahuriye muri FSD (Front pour la sauvegarde de la démocratie) iyobowe na Imam Mahmoud Dicko, umugabo wumvwa cyane n’abaturage muri Mali, na EMK(Espoir Mali Koura), umuryango wa soiyete sivile uyobowe na Sheikh Oumar Sissoko wahoze ari Minisitiri w’Umuco.

Bose bahuriza ku kuba IBK ngo Ibrahim Boubacar Keita ntacyo yamariye igihugu mu byerekeranye n’ubukungu n’umutekano.

Mu bindi abigaragambya basaba, ni irekurwa ry’uwahoze ari Minisitiri w’Intebe Soumaila Cissé utavuga rumwe n’ubutegetsi muri Mali. Uyu, yashimuswe tariki 25 Werurwe 2020.

Mu gihe imyigaragambyo yari irimbanyije, abigaragambya ntibashoboraga guhana amakuru bakoresheje Internet, kuko umurongo wayo wari wakuweho. Bavuga ko batiteguye kuva mu muhanda icyo basaba batakigezeho.

Bahisemo kumara igihe kingana n’iminora 8 n’amasegonda 46, igihe umupolisi Dereck Chauvin yamaze atsikamiye ijosi rya Floyd, kurinda aheze umwuka.

Ibihumbi by’abantu byari byahuriye kuri Kaminuza yitwa ‘North Central University’, aho benshi bo mu muryango we n’umuyobozi w’Umujyi wa Minneapolis batangiye bapfukamye imbere y’isanduka irimo umurambo wa Floyd, barira ariko kandi baririmba indirimbo ‘Amazing Grace’ bivuga ‘Ubuntu butangaje’ yatangiye uwo muhango.

Umuvandimwe wa George Floyd witwa Philonise Floyd, yavuze ko George yazize icyo yise “Icyorezo cy’ivanguraruhu”.

Révérend Al Sharpton, wari uyoboye isengesho muri uyu muhango yavuze ko igihe kigeze kugira ngo ubutabera butangwe.

Yagize ati “Tugeze mu bihe tugomba kurwanya imyitwarire y’igipolisi. Nta gisobanuro gihari batanga, ku mpamvu yatumye uriya mupolisi amara igihe kingana gutya atsikamiye Floyd ku ijosi. Ntitugomba kureka ngo bigende ubusa”.

Biteganyijwe ko kuri uyu wa gatandatu tariki ya 06 Kamena 2020, hazaba undi muhango wo kwibuka George Floyd, uzabera ahitwa Raeford, muri Leta ya North Caroline, nyuma akazashyingurwa mu Mujyi wa Houston, muri Texas, aho yakuriye mbere yo kujya gutura muri Minneapolis.

Umuhango wa nyuma wo kumusezera uzaba kuwa kabiri tariki 9 Kamena, uzitabirwa n’abo mu muryango we gusa, n’inshuti za hafi.

Kuri ubu umucamanza yemeje ko Dereck Chauvin, akurikiranwaho icyaha cy’ubwicanyi buturutse ku bushake.

Akimara gufatwa, Dereck Chauvin wishe umwirabura yabanje gukurikiranwaho icyaha cyo kwica atabigambiriye, ibintu byarakaje abaturage benshi, bigatuma bajya mu muhanda, basaba ubutabera nyabwo kuri Floyd.

Amategeko mpanabyaha agenderwaho muri Amerika, ateganya ko icyaha cy’ubwicanyi buturutse ku bushake gihanishwa igihano cy’imyaka 40 y’igifungo, naho icyaha cyo kwica utabigambiriye kigahanishwa imyaka 25 y’igifungo.

Abapolisi batatu bari kumwe mu kazi na Dereck Chauvin, ubwo yatsikamiraga George Floyd ku ijosi akarinda ahera umwuka, bahanishijwe kwirukanwa burundu mu kazi, ariko na bo ngo bagiye gufatwa bakurikiranweho icyaha cy’ubufatanyacyaha mu bwicanyi.

Ibi bikaba ari byo abigaragambyaga bahoraga basaba mu by’ibanze byakorwa, kugira ngo Floyd ahabwe ubutabera. Abo mu muryango wa Floyd, bakaba batangaje ko iyi ari intambwe nziza itewe ku butabera, nk’uko byatangajwe na Ben Crump uhagarariye uyu muryango mu mategeko.

Yagize ati “Dushimishijwe no kumva iyi nkuru, mbere y’uko dushyingura George Floyd”.

Biteganyijwe ko Floyd azashyingurwa mu cyumweru gitaha, umuhango uzabera mu Mujyi wa Houston muri Leta ya Texas, aho yavukiye.

Jeannot Muhima, ushinzwe ibyinjira n’ibisohoka mu biro bya Perezida Felix Tshisekedi, ashinjwa kunyereza asaga miliyoni y’amadorari ya Amerika, yari agenewe kunyuza ibikoresho bizubaka izo nzu kuri gasutamo.

Muhima yisobanuye avuga ko ibyo ashinjwa ntacyo abiziho, aho avuga ko kwinjiza ibyo bikoresho mu gihugu byakozwe n’ibiro bya Perezida, kandi ko yari yahawe urupapuro rwo gukora ako kazi, rusinyweho na Vital Kamerhe, uyobora ibiro bya Perezida.

Vital Kamerhe yireguye avuga ko amasezerano yo kubaka inzu, dore ko atazi iby’amasezerano y’isoko ryo kubaka inzu zigera ku 4,500.

Yagize ati “Nubwo ayo masezerano ahari, ntayo nigeze mbona sinzi n’ibiyarimo. Sinasinya ibintu ntabonye”. Yavuze ko ibyo byose byabazwa minisiteri ibishinzwe.

Umunyaliban uregwa mu rubanza rumwe na Kamerhe, Jammal Samih, we avuga ko icyo yakoze ari uguhabwa isoko, akaba yari yiteguye gukora akazi, ibindi atabizi.

Justin Bitakwira wahoze ari Minisitiri w’Ibikorwa Remezo, na we wumviswe mu rubanza, yavuze ko ibyo kubaka izo nzu atabibazwa, kuko yakuriweho inshingano zo kuzikurikirana, bikozwe na Vital Kamerhe kuva tariki 22 Gicurasi 2019.

Icyo gihe hari hataratangwa isoko ryo kuyubaka. Avuga ko izo nshingano zahise zihabwa Minisiteri ishinzwe imyubakire n’imiturire.

Biteganyijwe ko kuri uyu wa kane hakomeza kumvwa abatangabihamya banyuranye muri uru rubanza.

Abigaragambya muri Amerika barasaba ko George Floyd wishwe atsikamiwe ku ijosi n’umupolisi yahabwa ubutabera, kandi ubuzima bw’abirabura b’Abanyamerika bugahabwa agaciro, bakareka kujya bahutazwa n’inzego za polisi.

Kuwa gatatu tariki 03 kamena 2020, Mark Esper Umuyobozi Mukuru w’igisirikare cya Amerika, yavuze ko nta basirikare bazoherezwa mu mihanda kurwanya abigaragambya.

Ibi Pentagon ibitangaje mu gihe kuri uyu wa 4 Kamena, abigaragambya bavuga ko bagifite gahunda yo gukomeza ibyo biyemeje, nyuma y’icyumweru cyose bigaragambya mu mahoro, ahandi bakagaragaza umujinya ukabije batwika imodoka n’inzu zinyuranye.

Abigaragambya kandi ntibita ku mukwabu washyizweho, aho bategetse kujya bava mu mihanda saa mbili z’ijoro, kuko barara mu mihanda ijoro ryose.

Kugeza ubu ariko utubari, insengero, amashuri n’ibindi bikorwa bihuza abantu benshi nk’ubukwe biracyabujijwe.

Minisitiri w’Ubutegetsi bw’Igihugu Prof. Shyaka Anastase, yavuze ko kuba izo serivisi zitafunguwe, atari uko abazifitemo inyungu bibagiranye cyangwa ngo habe harimo urundi rwango, ahubwo ko ibi bikorwa mu kurengera ubuzima bw’abaturage bose.

Mu kiganiro na Radiyo Rwanda kuri uyu wa 03 Kamena, yagize ati “Serivisi zitarafungurirwa na zo turazizi, kandi si uko ba nyirazo tubanga. Ahubwo hari gahunda zisaba kubanza kongera kugenzurwa, kugira ngo mu gihe zifunguwe zidateza ibindi bibazo. Turacyakomeza kubyigaho, kugira ngo tuzakore ibikwiye bitateza akaga”.

Yashimiye cyane ba nyiri serivisi kugeza ubu zigifunze, uburyo bakomeza kwihangana no gufatanya na Leta mu kurinda abaturage icyorezo cya Covid-19.

Yasabye kandi serivisi zafunguye, ko abazigana n’abazitanga bakomeza kuba maso, kuko nubwo bari ku kazi, icyorezo cyo kigihari.

Serivisi zemerewe gukora

Ibikorwa by’inzego za Leta n’iby’abikorera bizakomeza, ariko buri rwego rugakoresha abakozi b’ingenzi, abandi bagakomeza gukorera mu rugo.

Ibikorwa bya siporo y’umuntu umwe cyangwa izindi zikorwa abantu bategeranye (non-contact sports) biremewe. Amabwiriza arambuye kuri iyi ngingo azatangwa na Minisiteri ibishinzwe. Icyakora siporo ikorewe mu nyubako z’imyidagaduro (gyms) na siporo mu matsinda zirabujijwe.

Moto zemerewe gutwara abagenzi, uretse mu turere twa Rusizi na Rubavu. Ibi bikaba bishingiye ku byavuye mu isuzuma ry’inzego z’ubuzima riherutse gukorerwa hirya no hino mu turere. Abatwara moto barasabwa kubahiriza amabwiriza y’isuku no kwambara udupfukamunwa igihe cyose.

Ingendo hagati y’Intara zitandukanye cyangwa Intara n’Umujyi wa Kigali ziremewe, ariko kujya no kuva mu turere twa Rusizi na Rubavu birabujijwe. Icyakora amakamyo atwaye ibicuruzwa yemerewe kugenda mu turere twose, ariko ntatware abantu barenze babiri.

Imihango yo gushyingura igomba kujyamo abantu batarenze 30.

Ishyingirwa rikorewe imbere y’ubuyobozi rizakomeza, ariko rigomba kwitabirwa n’abantu batarenze 15.

Serivisi zizakomeza gufunga

Imipaka izakomeza gufungwa, kereka ubwikorezi bw’ibicuruzwa (cargo trucks).

Abanyarwanda n’abandi bantu basanzwe batuye mu Rwanda bemerewe gutaha, ariko bagahita bashyirwa mu kato (isolation) nk’uko amabwiriza y’ubuzima abiteganya. Abari mu kato biyishyurira ikiguzi cya serivisi zose bahabwa.

Ingendo mu modoka rusange mu turere twa Rusizi ba Rubavu zirabujijwe.

Amashuri azakomeza gufunga kugeza muri Nzeri 2020.

Insengero zizakomeza gufunga.

Inama n’amateraniro rusange cyangwa mu ngi z’abantu birabujijwe.

Utubari tuzakomeza gufunga.

Ibi birareba abacuruzi bose, byaba ari ukwishyura amafaranga make cyangwa menshi. Gusa ngo hari bamwe mu bacuruzi batemerera ababagana kwishyura bakoresheje uburyo bw’ikoranabuhanga.

Mu kiganiro na Radiyo Rwanda kuri uyu wa gatatu tariki 03 Kamena 2020, Minisitiri w’Ubutegetsi bw’Igihugu Prof. Shyaka Anastase, yavuze ko amafaranga ahererekanyijwe mu ntoki ari inzira yihuse ishobora gukwirakwiza Covid-19, akaba ari yo mpamvu hashyizweho uburyo bwo kwishyura hakoreshejwe ikoranabuhanga kuri serivisi zose.

Yagize ati “Amafaranga aba yanduye cyane, kandi iyo bayaguhaye ntubanza kuyamesa. Nta n’uwayanga ngo kuko yanduye. Ni yo mpamvu rero, abacuruzi bose basabwe kwemerera abaturage kujya bishyura badakoze ku mafaranga, baba abishyura bakoresheje ikarita za banki cyangwa imirongo y’itumanaho”.

Mu bishyurana hakoreshejwe imirongo ya telefone, hakuweho amafaranga uwishyura agomba kurenza ku giciro cya serivisi ahawe, kuko abacuruzi bahawe amakarita yo kwishyuriraho, batagombye gusaba abaguzi kurenzaho andi mafaranga.

Minisitiri Shyaka yavuze ko abacuruzi n’abaguzi bagomba kubyuhahiriza, batabanje gukomeza kwibutswa n’inzego z’umutekano cyangwa ngo babanze bahanwe, kuko ibihano atari cyo kigambiriwe, ahubwo icy’ingenzi ari ukurinda ubuzima bw’Abanyarwanda.

Kuva kuri uyu wa 03 Kamena, uretse mu Turere twa Rusizi na Rubavu, ingendo hagati y’intara n’Umujyi wa Kigali ndetse n’ingendo kuri moto byongeye gusubukurwa, aho abishyura basaba kwishyura badahererekanyije amafaranga mu ntoki.

Ni ijambo yavugiye mu biro bye ‘White House’, nyuma y’aho abo mu ishyaka ry’aba Repubulikani bari bamaze iminsi bamubwira ko agomba kugira icyo avuga ku bibera muri USA.

Trump yavuze ko ibyo aba baturage bariho bakora, aho barwanya inzego z’igipolisi, bagatwika inzu n’imodoka z’abashinzwe umutekano, ari ibikorwa by’iterabwoba.

Mu ijambo rye yagize ati “Ba Meya na ba Guverineri bagomba kohereza abashinzwe umutekano benshi mu mihanda, kugeza igihe imyigaragambyo ihosheje. Niba hari Umujyi cyangwa Leta inaniwe gufata ingamba zidasanzwe mu kurengera ubuzima n’ituze by’abaturage, ndohereza byihuturwa ingabo za Amerika, zize zikemure ikibazo byihuse”.

Yavuze ko mu Mujyi wa Washington aza kuhohereza ibihumbi by’abasirikare kugira ngo imyigaragamby irangire burundu.

Abinyujije kuri Twitter, Trump yanditse ko atazakomeza kureberera gusa ibikorwa muri USA, ko azohereza abasirikare bakajya gukora akazi kananiye abayobozi b’Intara.
Ubwo butumwa bwahise bukurwa ku rubuga n’ubuyobozi bwa Twitter, aho bavuze ko aya magambo arimo gutegura ibikorwa byo guhohotera abaturage batakwemera ko atambuka kuri urwo rubuga.

Nyuma yo gutangaza ibi, Trump yinjiye mu rusengero ruri imbere y’ahubatse ibiro bye, ‘Saint John’s Church’, bakunze kwita ko ari urusengero rw’aba Perezida.

Kugira ngo ahinjire, byasabye ko abigaragambya babatera ibyuka biryana mu maso, bakabarasa amasasu atica ‘balles en caoutchouc’ kugira ngo bamuhe inzira.

Afite Bibiliya mu ntoki, imbere y’urusengero, yahavugiye ijambo agira ati “Dufite igihugu kinini, tugomba kukirinda”.

Abigaragambya bavuze ko batiteguye kuva mu mihanda mu gihe ibyo basabye bitubahirijwe. Basabye ko Derrech Chauvin, umupolisi wishe George Floyd, yahamwa n’icyaha cyo kwica yabigambiriye, kandi n’abandi bapolisi batatu bari kumwe bagahanwa, kuko kugeza ubu babirukanye ku kazi gusa.

Basaba kandi ko umwirabura yafatwa kimwe n’umuzungu mu maso y’inzego zinyuranye muri USA.

Umucamanza Raphael Yanyi yapfuye mu cyumweru gishize

Radio Okapi yavuze ko raporo ya muganga ‘Autopsie’, yagaragaje ko Raphael Yanyi atazize indwara y’umutima nk’uko byari byatangajwe na Polisi ya Kinshasa, ahubwo ko yarozwe, ubu hakaba hasigaye gushakisha no kumenya uwamuroze, ubwoko bw’uburozi yahawe ndetse n’impamvu yishwe.

Ku mbuga nkoranyambaga zinyuranye, abantu batangiye kwibaza niba urupfu rwa Raphael Yanyi, ntaho rwaba ruhuriye n’urubanza rwa Vital Khamerhe na bagenzi be, bashinjwa kunyereza agera kuri miliyoni 50 z’amadorari ya Amerika, yari agenewe kubaka inzu rusange.

Biteganijwe ko uru rubanza ruzasubukurwa kuri uyu wa gatatu tariki ya 03 Kamena 2020.

Ibihumbi by’abantu bagaragaye bamagana ubwo bwicanyi mu Mijyi ya Berlin mu Budage n’i Londres mu Bwongereza, bagaragaza ko bamaganye uburyo George Floyd yishwe.

I Berlin, abigaragambya bahuriye imbere ya Ambasade ya Leta zunze ubumwe za Amerika, bavuga kandi bafite ibyapa byanditseho ngo “Ubutabera kuri Floyd”, “Mureke kutwica”, ibindi byanditse ho “Wahamagara nde mu gihe umupolisi ari we mwicanyi”!

Ifoto nini ya Floyd iherekejwe n’amagambo yavuze bwa nyuma “I Can’t Breathe” (Simbasha guhumeka) byamanitswe ku gisigazwa cy’urukuta rwa Berlin (Mur de Berlin).

I Londres, abigaragambya bahuriye imbere y’Inteko Ishinga Amategeko y’u Bwongereza, aho basoreje urugendo imbere ya Ambassade ya Amerika bafite ibyapa bigira biti “Ubuzima bw’abirabura bufite agaciro”.

Biteganyijwe ko kuri uyu wa kabiri tariki 02 Kamena, mu Mujyi wa Paris mu Bufaransa, haza kuba imyigaragabyo, aho abaturage basaba ubutabera kuri Adama Traore, umwirabura w’imyaka 24 wishwe mu mwaka wa 2016 yishwe n’abapolisi bamuhohoteye ubwo bamutaga muri yombi, nyamara raporo ya muganga yasohotse kuwa gatanu tariki 29 Gicurasi, ikagaragaza ko urupfu rwe nta ruhare abapolisi barugizemo.

Imyigaragambyo yabaye abapolisi baherekeza abigaragambya, aho basabwe kuba maso kugira ngo idafata intera ikabije nk’uko byifashe muri USA.

Abigaragambya barasaba ko ubuzima bw’abirabura bwahabwa agaciro kuko bakomeje guhohoterwa cyane.

Reba amashusho (Video) agaragaza uko byifashe mu mijyi inyuranye muri Leta zunze ubumwe za Amerika.

#USA: Imyigaragambyo yakajije umurego mu mijyi inyuranye
Iyi myigaragambyo yatewe n'urupfu rw'umwirabura George Floyd wishwe n'umupolisi amutsikamije ivi ku ijosi kugeza aheze umwuka.
Abigaragambya barasaba ko ubuzima bw'abirabura bwahabwa agaciro kuko bakomeje guhohoterwa cyane pic.twitter.com/WhVvAUvT7e

— Kigali Today (@kigalitoday) June 1, 2020

Gusa hari n’abandi bakomeje gufatwa banyuze ku ruhande, bagakora ibikorwa bishobora gushyira mu kaga abaturage. Aba ni abihisha bagakora ingendo zitemewe, abahurira mu ngo ari benshi bakanywa inzoga cyangwa bagasenga, abambara nabi udupfukamunwa, abadakaraba intoki,….

Minisitiri w’Ubutegetsi bw’Igihugu Prof. Shyaka Anastase, yatangarije kuri Radiyo Rwanda ko imyitwarire nk’iyo yo kutubahiriza amabwiriza ari yo ituma icyorezo kidacika burundu, asaba buri muturage kuba ijisho rya mugenzi we.

Yagize ati “Buri Munyarwanda abe umurinzi w’igihugu, utunge agatoki mu gihe ubonye utubahirije amabwiriza. Guhana gusa abafatiwe mu byaha ntacyo byaba bimaze, kuko dushobora no kubahana ariko bamaze kwandura cyangwa banduje benshi”.

Yasabye ababyeyi kujya babuza urubyiruko rutari ku ishuri muri iyi minsi gukora ingendo zitari ngombwa, basurana hirya no hino mu ngo.

Ati “Umubyeyi abuze umwana we ushaka kujya ahatari ngombwa. Nihagira ushaka kugusura, umubwire ko bihagije ko muvugana kuri telefone, ko muzasurana icyorezo cyarangiye”.

Mu byaha bigenda bikorwa biteye impungenge, Minisitiri Shyaka yagarutse kuri bamwe bagiye bafatwa bashyize amazi mu ducupa, bakavuga ko ari umuti wo gusukura intoki, kugira ngo babone icyo bereka inzego z’ubuzima n’umutekano. Ibi byose buri muturage akaba afite inshingano zo kubigaragaza, kuko kubihishira bishyira ubuzima bwa benshi mu kaga.

Asaba Abanyarwanda kubahiriza amabwiriza batabikorera kubyereka inzego z’umutekano, ahubwo bakabikorera kurinda ubuzima bwabo.

Ibi kandi ni kimwe no ku ruhande rw’abatwara abagenzi kuri moto, bari biteguye kuzindukira mu kazi, kimwe n’abagenzi batega izo moto.

Mu ijoro ryo kuri uyu wa 31 Gicurasi rishyira 01 Kamena, ni bwo Minisiteri y’Ubuzima yatangaje ko izo gahunda zose zongeye gusubikwa, bitewe n’uko hari abaturage bagaragaye mu Karere ka Rusizi baranduye Covid-19, bityo bakaba bagomba kubanza kumenya neza ababa barahuye n’abanduye icyorezo kitarafata indi ntera.

Mu kiganiro na Radiyo Rwanda, Minisitiri w’Ubutegetsi bw’igihugu Prof. Anastase Shyaka, yavuze ko byakozwe mu kurengera ubuzima bw’abaturage.

Yagize ati “Ejo twagize abandi bantu bagaragaye mu Karere ka Rusizi banduye Covid-19, dusanga ari ngombwa ko twongera gukaza ingamba kugira ngo icyorezo kidakwirakwira mu baturage. Nubwo hari ingamba zigenda zoroshywa, abaturage bamenye ko icyorezo kitashize mu gihugu”.

Yavuze ko atari ubwa mbere agace ko hanze ya Kigali kagaragayemo Covid-19, ariko ko bahita bakora ibishoboka ngo barinde abaturage hakiri kare.

Yagize ati “Iki kibazo cyigeze kugaragara no mu Karere ka Gicumbi, ariko kuko inzego zose zibishinzwe zahise zihaguruka kare, ikibazo cyarakemutse. Hanze ya Kigali iyo habonetse abanduye, tugira ibakwe hatarandura benshi. Abaturage nibabe bongeye kwihanganira kutambukiranya Intara tubanze tumeye neza uko bihagaze”.

Ku bijyanye no gutwara abagenzi kuri moto, Minisitiri Shyaka yavuze ko bigoye kubahiriza metero hagati y’utwaye moto n’umugenzi, bityo bikaba ari ibintu bagomba kwitondera cyane.

Akomeza asaba ko Abanyarwanda bose bakubahiriza ingamba zo gukomeza kwirinda, kuko iki cyorezo Abanyarwanda bose bafatanyije bazagihashya burundu.

Minisitiri w’Ubuzima Dr. Daniel Ngamije na we yavuze ko mu bantu 11 batangajwe ko bagaragaweho ubwandu ku cyumweru tariki 31 Gicurasi 2020, harimo batanu bagaragaye mu Karere ka Rusizi.

Ibi byatumye muri ako Karere Hoherezwa itsinda ry’abaganga ryunganira abari bahasanzwe mu rwego rwo gukurikirana abo bantu bagaragaweho Covid-19, no gushakisha abahuye na bo.

Dr. Ngamije asaba abaturage gukomeza kwitwararika bubahiriza amabwiriza yashyizweho yo kwirinda Coronavirus, kandi akizeza ko biramutse byubahirijwe, mu gihe gito izo ngendo zasubukurwa.

Perezida Trump uyobora Leta zunze Ubumwe za Amerika na Dr. Tedros uyobora OMS bamaze iminsi bagaragaza ukutumvikana ku ngingo zitandukanye zituma Amerika ishaka kwivana mu bihugu binyamuryango bya OMS

Trump na OMS ntibavuga rumwe kuva icyorezo cya Covid-19 cyatangira, aho ashinja OMS kuba yarakingiye ikibaba u Bushinwa, ku buryo bwitwaye ku cyorezo cya Covid-19, aho ngo bwatangaje amakuru atari yo kuri iki cyorezo, ndetse ngo bugatanga imibare itari yo ku banduye n’abahitanywe na cyo mu Bushinwa.

Yagize ati: "U Bushinwa nibwo butegeka OMS icyo ikora. U Bushinwa butanga miliyoni 40 z’amadolari ku mwaka naho twe tugatanga 450. Twabashyikirije ibyo dushaka ko bahindura, ariko ntibashaka kutwumva".

Ati “Duhagaritse umubano wose twari dufitanye na OMS, amafaranga twatangagamo, tuzayashyira mu bikorwa by’ubuzima byihutirwa ku isi, aho bikenewe hose”.

Ku wa Gatandatu tariki 30 Gicurasi 2020, Umuryango w’Ubumwe bw’ibihugu by’i Burayi (EU), wasabye Amerika kwisubiraho ku cyemezo yafashe cyo kuva muri OMS, ahubwo ngo bagatahiriza umugozi umwe mu guhangana n’icyorezo cya Covid-19.

Mu kwezi kwa Mata 2020, Trump yari yateguje OMS ko nitisubiraho ngo igaragaze ko idakoreshwa n’u Bushinwa, amafaranga yose Leta zunze ubumwe za Amerika zatangaga muri uyu muryango zizayahagarika.

Iki cyemezo cya Trump kije mu gihe iki cyorezo kigikomeza kwica abantu ku isi, aho muri Amerika hamaze gupfa abasaga ibihumbi 102, hakaba kandi impungenge zikomeye kuri Brazil imaze gupfusha abasaga ibihumbi 28 ku mibare yemerwa na Leta, nyamara inzego z’ubuzima muri icyo gihugu zikavuga ko abamaze guhitanwa na cyo basaga ibihumbi 60.

Ku isi yose, imibare itangazwa n’abashakashatsi muri kaminuza ya Hopkins, ivuga ko abamaze gupfa basaga ibihumbi 364, naho abasaga miliyoni 6 bakaba baramaze kucyandura.

Ibyuka biryana mu maso byatewe abigaragambya mu Mujyi wa Atlanta (Georgia)

Abigaragambya baramagana urupfu rw’umugabo w’umwirabura witwa George Floyd, wishwe n’umupolisi w’umuzungu amutsikamije ivi ku ijosi.

Biteganijwe ko George Floyd, umwirabura wishwe n’umupolisi mu Mujyi wa Minneapolis, ashyingurwa kuri iki cyumweru. Arashyingurwa mu Mujyi yavukiyemo wa Houston muri Leta ya Texas. Abigaragambya bakaba ari benshi muri uwo mujyi kuva kuwa gatandatu tariki 30 Gicurasi, kugeza mu gitondo cyo kuri iki cyumweru tariki 31 Gicurasi 2020.

Hagati aho imyigaragambyo irakomeje, aho abigaragambya bakajije umurego, batwika amamodoka, bagatwika inzu zikora ubucuruzi bunyuranye ndetse bagasahura ibirimo. Byabaye ngombwa ko hitabazwa abasirikare kugira ngo baze gufasha abapolisi bananiwe guhosha imyigaragambyo mu mijyi inyuranye.

Umukwabu washyizweho uvuga ko abantu bagomba kuba bageze mu ngo zabo saa mbili z’ijoro ntaho wubahirijwe, ahubwo abigaragambya bagiye biyongera cyane mu masaha y’umugoroba. Bigaragambya basaba ubutabera kuri George Floyd, basaba ko Dereck Chauvin yahamwa n’icyaha cyo kwica abigambiriye, ndetse n’abandi bapolisi batatu bari kumwe bagakurikiranwa mu mategeko.

Mu gihe Perezida Trump avuga ko iyi myigaragambyo igiye guhagarara mu buryo bwihuse, abigaragambya bo bavuga ko biteguye kuguma mu muhanda igihe cyose bizaba ngombwa.

Dore amwe mu mafoto n’uko byifashe hirya no hino muri Amerika:

Nubwo hashyizweho umukwabu wo gutaha saa mbili z’ijoro, abigaragambya baraye mu mihanda ijoro ryose. Aha ni mu Mujyi wa Louisville (Kentucky)

Minnesota, abaturage bazaniye abigaragambya ibyo kurya

Imodoka zatwitswe n’abigaragambya

Mu Mujyi wa Los Angeles, California, abigaragambya basaba ko abirabura bagira amahoro

Barasaba ubutabera kuri Floyd

"I can’t brethe" (sinshobora guhumeka), ijambo rya nyuma Floyd yavuze

Washigton imbere y’ibiro bya Perezida Trump, na ho abigaragambya barahari

Barasaba ko ubuzima bw’abirabura buhabwa agaciro

Iki kirego ngo yakigejeje mu rukiko kuwa gatanu tariki 29 Gicurasi 2020, umunsi n’ubundi umugabo we yahamijwe icyaha cyo kwica atabigambiriye, ndetse akirukanwa burundu no mu kazi.

Ubutumwa bwatanzwe na Madamu Kellie Chauvin, yavuze ko yababajwe cyane n’ibyo umugabo we yakoze. Yagize ati “Nashenguwe cyane n’urupfu rwa George Floyd. Nihanganishije cyane umuryango we, inshuti ze n’abandi bose batewe agahinda n’urupfu rwe”.

Kellie Chauvin yaherukaga gutsinda amarushanwa y’umugore mwiza muri Minnesota

Ababuranira Kellie Chauvin bavuga ko nubwo nta mwana yabyaranye na Derek, yasabye ko abana be babiri yabyaranye n’umugabo we wa mbere, ababyeyi be ndetse n’umuryango we wose, bacungirwa umutekano ndetse ntibakwirakwize ubuzima bwabo hanze muri ibi bihe bavuga ko na bo bitaboroheye.

Derek Chauvin w’imyaka 44, yatawe muri yombi kuwa gatanu tariki 29 Gicurasi 2020, akaba akurikiranyweho icyaha cyo kwica atabigambiriye.

Imyigaragambyo irakomeje hirya no hino mu mijyi itandukanye, aho abaturage ibihumbi, baba abazungu n’abirabura, basaba ko Dereck Chauvin ahanwa ku bwicanyi yakoze kandi abirabura batuye muri Amerika bagahabwa agaciro n’uburenganzira bakwiye.

Abo mu muryango wa Floyd ndetse n’abakomeje kwigaragambya, baravuga ko kuba Derek Chauvin yahamijwe icyaha cyo kwica atabigambiriye, ari intambwe yatewe mu butabera, ariko ko bidahagije kuko basaba ko icyaha cyamuhama ari icyo kwica yabigambiriye. Basabye kandi ko n’abandi bapolisi bari kumwe bakurikiranwa ku cyaha cy’ubufatanyacyaha mu bwicanyi, kuko ngo kwirukanwa mu kazi gusa bidahagije.

Mu mujyi wa Minneapolis, abigaragambya batwitse imodoka nyinshi ziganjemo iz’abashinzwe umutekano, batwika inzu z’ubucuruzi ndetse habaho n’ibikorwa binyuranye byo gusahura. Igipolisi kirifashisha ibyuka biryana mu maso kugira ngo gitatanye abigaragambya.

Urupfu rw’umwirabura George Floyd bigizwemo uruhare n’uyu mupolisi witwa Derek Chauvin, rwateje impagarara hafi muri Leta zunze Ubumwe za Amerika hose

Uyu mwirabura witwa George Floyd w’imyaka 46 yumvikanaga ataka, abwira umupolisi ko yumva adashobora guhumeka. Floyd yatakaga agira ati: "please, I can’t breathe" , "don’t kill me" bivuga ngo “mbabarira, sinshobora guhumeka, winyica!”.

Uyu mugabo yajyanywe kwa muganga, ariko ntibabasha kugarura ubuzima bwe. Abaganga batangaje ko yapfuye azira kubura umwuka.

Polisi yo muri Minnesota yatangaje ko yari ifite amakuru ko George Floyd akoresha impapuro mpimbano, ivuga ko Floyd yagerageje kurwanya inzego z’umutekano na zo zimushyira hasi, ariko ko yaje gupfa kubera ibikomere yatewe.”

Ku wa Gatanu tariki 29 Gicurasi 2020, Umushinjacyaha washinzwe gukurikirana Derek Chauvin, umupolisi watsikamiye George Floyd, yatangaje ko yahamijwe icyaha cyo kwica atabigambiriye, n’aho abandi bapolisi bari kumwe birukanwa burundu mu kazi.

Kuva ubwo, imyigaragambyo yakajije umurego mu mijyi myinshi ya Amerika, aho basaba ubutabera, ndetse n’umutekano ku birabura batuye muri Amerika.

Abigaragambya benshi barakoresha ijambo “BlackLivesMaters” bivuga ngo “Ubuzima bw’umwirabura bufite agaciro”, ijambo ryanakoreshejwe na miliyoni z’abatuye isi ku mbuga nkoranyambaga barwanya ubu bwicanyi.

Abigaragambya ni benshi imbere y’ibiro bya Perezida Trump, mu mijyi ka New York, aho abigaragambya babarirwa mu bihumbi, Dallas, Denver, Houston (ari na wo mujyi George Floyd avukamo), Las Vegas, Des Moines, Memphis et Portland. Mu Mujyi wa Atlanta, abigaragambya batwitse imodoka z’Abapolisi.

Ubu bwicanyi kandi bubaye nyuma y’aho mu mujyi wa Louisville, abahatuye basabaga ubutabera kuri Breonna Taylor, umugore w’umwirabura wishwe n’abapolisi bamusanze mu nzu ye, mu kwezi kwa Werurwe 2020.

Abaturage muri Amerika basaba inzego z’umutekano kujya zifata abirabura kimwe n’Abazungu, kuko kenshi ngo iyo bafashwe barahohoterwa, kandi akenshi ngo bahimbirwa ibyaha.

Umuyobozi wa Polisi i Kinshasa, colonel Miguel Bagaya yagize ati “Yumvise atameze neza ajyanwa kwa muganga, ariko umugore we yavuze ko mu gihe bari mu nzira bajyayo umutima we utari ugitera”.

Tariki ya 25 Gicurasi 2020, ni bwo Raphael Yanyi, yoboye urubanza ruregwamo Vital Khamerhe, uyobora ibiro bya Perezida Felix Tshisekedi, aho akurikiranyweho kunyereza miliyoni 50 z’amadolari ya Amerika, yari agenewe kubaka inzu rusange.

Uru rubanza Raphael Yanyi yari kuzarusubukura ku itariki ya 3 Kamena 2020, aho ababuranira Kamerhe bari basabye ko hazatumizwa abandi batangabuhamya barimo na Guverineri wa Banki Nkuru y’igihugu. Ni urubanza kandi rukurikirwa imbonankubone kuri televiziyo y’igihugu RTNC.

Minisitiri w’Ubuzima Dr Daniel Ngamije avuga ko abitwaye mu modoka na bo bagomba kwambara agapfukamunwa

Minisiteri y’Ubuzima mu Rwanda ivuga ko ari ngombwa cyane kwambara agapfukamunwa mu gihe usohotse mu rugo iwawe, kabone n’ubwo waba uri wenyine mu modoka, kuko n’ubundi haba hakiri ibyago byo kwandura Covid-19.

Mu kiganiro yagiranye na RBA, Minisitiri w’Ubuzima Dr Daniel Ngamije, yasobanuye impamvu umuntu uri mu modoka wenyine agomba kwirinda, yambara agapfukamunwa.

Yagize ati: “Umuntu uri mu modoka aba afite aho agiye. Aho ashobora kuhahurira n’abandi bantu banyuranye. Mu gihe atagafite, byaba ari ikibazo kuba yagera aho abandi bari atirinze. Ikindi ni uko na we ubwe ashobora kwiyanduza. Intoki zacu zikorakora ahantu hanyuranye, zishobora gukora ahantu cyangwa ku gikoresho cyanduye. Igihe rero utambaye agapfukamunwa, ushobora kwikora ku mazuru cyangwa ku munwa byoroshye ukaba uriyanduje”.

Dr Daniel Ngamije, akomeza asaba Abanyarwanda kutirara, kuko n’ubwo hari ibikorwa byinshi byafunguye, ndetse n’ibindi biteganya gufungura, bidasobanuye ko icyorezo cyarangiye mu Rwanda.

Yasabye kandi abaturage bose gukomeza kubahiriza amabwiriza yo kwirinda, bambara neza agapfukamunwa, batarinze gukomeza kubyibutswa n’inzego z’umutekano, kuko ibi bishobora kubaviramo gufatirwa ibihano.

Kemri-Wellcome Trust, ikigo gikora ubushakashatsi ku bijyanye n’ubuzima muri Kenya ku bufatanye na Kaminuza ya Oxford, kivuga ko abashaka kwitabira iki gikorwa, bagomba kuba batuye mu mujyi wa Mombasa, cyangwa mu mujyi wa Kilifi kuko ari ho iryo gerageza rizakorerwa.

Mu rwego rwo kubona abakandida bazageragerezwaho urwo rukingo, ikigo Kemri-Wellcome Trust cyitabaje ikindi kigo gikora ubushakashatsi ku buzima muri Kenya kugira ngo bifatanye gushaka abakwitabira.

Ibijyanye no kugeragereza urukingo rwa Covid-19 muri Afurika, byagiye bivugwaho na benshi, cyane abakomoka kuri uwo mugabane bavuga ko atari bo bafite ikibazo gikomeye kurusha Abanyaburayi, bityo ko atari bo bakwiriye kugeragerezwaho. Aha, abashakashatsi bakaba baravuze ko mbere yo gukora igerageza, babanza kuzuza ibisabwa byose, ndetse n’ibihugu bikabaha uburenganzira.

Aba bashakashatsi bo muri kaminuza ya Oxford, bavuga ko kurugeragereza ku banyakenya ari ingenzi cyane, kuko uru rukingo nirumara kwemerwa, ruzakoreshwa ku mugabane wa Afurika.

Si ubwa mbere uru rukingo rwiswe ChAdOx1 nCoV-19 rugiye kugeragerezwa ku bantu, kuko rwageragerejwe ku bagera ku 1000 mu Bwongereza.

Vital Kamerhe

Kuri uyu wa Mbere tariki 25 Gicurasi 2020, urubanza ruregwamo Vital Kamerhe na bagenzi be bashinjwa kunyereza agera kuri Miliyoni 50 z’Amadorari ya Amerika rwasubukuwe. Uyu munsi urubanza rwibanze ku masezerano yo gutanga isoko ryo kubaka inzu 4,500 muri gahunda yiswe iy’iminsi ijana (100 jours).

Muri urwo rubanza rwabereye mu Rukiko Rwisumbuye rwa Kinshasa-Gombe, Vital Kamerhe yahaswe ibibazo ku nzira byanyuzemo kugira ngo Sosiyete SAMIBO y;umunya-Libani Samih Jamal ibe ari yo ihabwa isoko.

Bwana Kamerhe yasubije ko atigeze yinjira mu gikorwa kirebana no gutanga isoko. Yavuze ko ibyo byabazwa bwana Justin Bitakwira wari Minisitiri w’ibikorwa Remezo muri icyo gihe.

Abajijwe uko izo Miliyoni zashyizwe kuri konti ya sosiyete SAMIBO, nyamara impapuro zibigena zose zitarasinywa, bwana Kamerhe yavuze ko ibyo atari we byabazwa, ahubwo ko byabazwa abashinzwe ibyo gusohora amafaranga, barimo Minisitiri ushinzwe ingengo y’imali.

Yagize ati: «Nta dolari na rimwe nigeze mpa uwo ari we wese. Jyewe nyobora ibiro bya Perezida, nta kindi.»

Urukiko rwatangaje ko ruzumva abatangabuhamya kuri urwo rubanza, tariki ya 03 Kamena 2020.

Mark Zuckerberg

Ibi yabitangarije mu nama yakoranye n’abakozi ba Facebook ku wa 21 Gicurasi 2020, hakoreshejwe ikoranabuhanga. Yavuze ko kimwe cya kabiri cy’abakozi bazakomeza gukorera mu rugo mu gihe cy’imyaka igera ku icumi.

Uyu munsi, abakozi bagera kuri 95% bakomeje gukora ariko batavuye aho baba. Mu kwezi kwa Mata, yari yavuze ko ashaka kongera abakozi, bakagera ku bihumbi 55, kuko ngo iki cyorezo cyatumye haboneka uburyo bwinshi bwo gucuruza hakoreshejwe ikoranabuhanga.

Nubwo 50% by’abakozi bavuze ko bifuza gusubira mu biro byabo, Zuckerberg yababwiye ko ashaka ko Facebook iba ikigo cya mbere ku isi gikora mu nyungu nyinshi kandi abakozi batavuye mu rugo.

Yagize ati: “Covid-19 izamara igihe kirekire ku isi. Ibyo dukora si ibyo abakozi bacu badusaba, ahubwo dukora icyo abaturage dukorera badusaba, kandi tukarangwa n’udushya twinshi dushoboka”.

Yavuze ko ibi bizatanga amahirwe y’akazi ku bantu benshi aho baba bari hose ku isi, hakabaho kuzigama ku mafaranga yishyurwaga mu nyubako bakoreragamo kandi ntibitume hari abagomba kwimura ingo zabo ku mpamvu zo kwegera akazi.

Yagize ati: «Muri 2020, nifuza ko abakozi bacu bakoresha ikoranabuhanga mu kazi kabo, aho gutakaza amasaha bagenda mu muhanda mu modoka zihumanya ikirere”

Mu Rwanda, kuva gahunda ya guma mu rugo yakoroshywa, abakoresha basabwe gukomeza gahunda yo gukorera mu rugo ku bakozi babo, aho bidashoboka, abakorera hanze y’ingo zabo ntibarenge 50%.

Paul Makonda

Yasabye amaduka acuruza imyenda kugabanya ibiciro kugera kuri 80% kugira ngo abaturage babashe kugura imyenda y;umunsi mukuru.

Abaturage ba Tanzania, batangarije BBC ko bafite impungenge ku magambo yavuzwe na Paul Makonda, kuko ngo muri uwo munsi mukuru abaturage batazatekereza mu guhana intera hagati yabo, ibintu bishobora kwanduza benshi.

Kugeza ubu, nta rundi rwego ruratangaza ko Covid-19 yarangiye muri iki gihugu.

Hashize ukwezi, nta mibare y’abanduye cyangwa abahitanywe na Covid-19 itangazwa na Leta ya Tanzania, ariko Ambassade ya Leta zunze Ubumwe za Amerika muri Tanzania iherutse gutangaza ko ibitaro byinshi bibarizwa mu mujyi wa Dar es Salaam birimo abarwayi benshi ku buryo bamwe babuze aho babaryamisha.

Imibare ya nyuma yerekanaga ko muri Tanzania abagera kuri 509 banduye, naho abagera kuri 21 bishwe na Covid-19.

Joe Biden

Ibi barabishingira ku magambo yatangaje ku wa Gatanu tariki 22 Gicurasi 2020, ubwo yari mu kiganiro “The Breakfast Club” kinyura kuri Radiyo ikunzwe cyane mu mujyi wa New York, kigakorwa n’umugabo w’umwirabura witwa Charlamagne Tha God.

Muri iki kiganiro, umunyamakuru yabwiye Joe Biden ko yifuza ko yazasura iyi Radio aramutse aje i New York mbere y’amatora yo mu kwezi wa 11, kuko ngo hari ibibazo byinshi bagifite.

Joe Biden wabaye Visi Perezida ubwo Barack Obama yayoboraga Amerika, yasubije umunyamakuru agira ati: “Mufite ibibazo byinshi? Reka mbabwire, niba mufite ikibazo cyo guhitamo niba muzantora cyangwa muzatora Trump, ubwo ntimuri abirabura”.

Charlamagne Tha God, Umunyamakuru waganiraga na Biden

Abo mu ishyaka rya Donald Trump, babinyujije kuri Twitter, bahise batangaza ko ayo magambo yatangajwe na Joe Biden ari ivangura rishingiye ku ruhu, ndetse ko iyo myumvire itubaha ikiremwamuntu.

Tim Scott, Umusenateri w’umu Repubulikani, umwirabura rukumbi uhagarariye iri shyaka muri Sena, yavuze ko atashimishijwe n’ibyatangajwe na Joe Biden, kuko hari abirabura basaga Miliyoni batoye Donald Trump mu mwaka wa 2016.

Yagize ati: “Ntabwo byantunguye cyane kuko aba-Democrate bishyizemo ko mu matora, baba bizeye gutorwa n’abirabura cyane, none batangiye gutera ubwoba abatari kumwe na bo”.

Hillary Clinton wahanganye na Donald Trump mu matora ya 2016 ndetse na Barack Obama, batangaje ko bashyigikiye Joe Biden mu matora, aho bavuga ko igihe kigeze ngo Amerika iyoborwe n’ibitekerezo bitayishora mu kaga.

Abafashwe bose barafunzwe ubu dosiye zabo zikaba zarashyikirijwe inkiko.

Ku itariki ya 10 Mutarama 2020, mu karere ka Gasabo, umurenge wa Kacyiru, akagari ka Kinyinya mu mudugudu wa Kagugu, abakozi ba REG babifashijwemo n’inzego z’umutekano ndetse n’abaturage, bafatiye mu cyuho uwitwa Tugizwenayo Jean Aimé Pierre, ucumbitse mu nzu ya Mujawamariya Claudine, yiba amashanyarazi.

Ku itariki ya 07 Mutarama 2020, mu karere ka Musanze, umurenge wa Nyange, akagari ka Kabeza, umudugudu wa Kibingo, abantu batatu ari bo TURATSINZE Bienvenue, TUYISHIME Emmanuel n’undi umwe wabafashaga, barafashwe na bo bakaba bakurikiranyweho kwiba umuriro w’amashanyarazi aho bakorera akazi ko gusudira.

Ku itariki ya 11 Werurwe 2020, abantu 6 barimo UWASE Cedrick w’imyaka 24, RUKUNDO Sylvain w’imyaka 23, IRADUKUNDA Olive w’imyaka 28, TWAGIRIMANA Eric w’imyaka 24, IYADUHAYE Leontine w’imyaka 25 na NKURUNZUZA Innocent w’imyaka 24, bafatiwe mu midugutu inyuranye igize umurenge wa Gacaca, mu karere ka Musanze, bakurikiranyweho ibikorwa byo kwiba umuriro w’amashanyarazi, aho bashukaga abaturage ngo babafashe kurahura umuriro, na bo bakabaha amafaranga. Aba bantu 6 bavuzwe haruguru, bakoreraga ikigo cya baringa cyitwa «Chris Energy Ltd » cy’uwitwa NZIYONSENGA Christophe.

Tariki 17 Mata 2020, abantu batatu ari bo Sudu Claude w’imyaka 18, Ntakirutimana Gilbert w’imyaka 20 na Niyigena Emmanuel w’imyaka 19 bafatiwe mu murenge wa Mimuli, mu karere ka Nyagatare, biba urutsinga rw’amashanyarazi ahari kubakwa umuyoboro mushya w’amashanyarazi muri Mimuli.

Tariki ya 21 Mata 2020, uwitwa Nsabimana Provier wubakaga imiyoboro y’amashanyarazi ku buryo butemewe akaniba za mubazi z’amashanyarazi mu kagari ka Nunga mu karere ka Kicukiro, yafatiwe mu cyuho bari muri ibyo bikorwa by’ubujura mu karere ka Kicukiro.

Ku itariki ya 05 Gicurasi 2020 mu karere ka Musanze, abantu babiri ari bo ZIRIMWABAGABO Emmanuel na NGAYABERURA Jean Baptiste barafashwe bakaba bakurikiranyweho icyaha cyo kwiba amashanyarazi.

Tariki ya 20 Gicurasi 2020, mu karere ka Rulindo, umurenge wa Shyorongi mu mudugudu wa Bugarama, abantu babiri, Ntagungira Noel na Kavamahanga Pacifique, bafatiwe mu cyuho biba amashanyarazi, aho bakoreraga akazi ko gutobora ibyuma bakoresheje imashini, bahita batabwa muri yombi.

Abafashwe bose bemera ibyaha bakoze, dosiye zabo zikaba zarashyikirijwe Urwego rw’Igihugu rw’ubugenzacyaha (RIB), mbere y’uko bagezwa imbere y’inkiko.

NKUBITO Stanley, umukozi wa REG ushinzwe ibikorwa byo kurwanya ibihombo muri EUCL-REG, yavuze ko kwiba amashanyarazi ari icyaha gihanwa n’amategeko, avuga kandi ko REG itazihanganira ubwo bugizi bwa nabi, kandi ko hafashwe ingamba zikomeye zo kurwanya ubujura bw’amashanyarazi. Avuga kandi ko kwiba amashanyarazi bibangamira iterambere ry’igihugu kandi bikaba bishobora guteza ibyago bikomeye. Bwana Nkubito avuga ko abo bafashwe kugira ngo ubuzima bw’abaturage burusheho kugenda neza.

Yanavuze kandi ko hatanzwe amatangazo ku maradio na televiziyo, ahamagarira abaturage gukorana na REG ndetse n’inzego z’umutekano, mu gutunga agatoki uwo ari we wese bakeka ko yaba yiba umuriro w’amashanyarazi, ndetse hakaba n’ibihembo biteganyijwe ku bagaragaza ubwo bujura.

Itegeko N°52/2018 ryo ku wa 13/08/2018 rihindura itegeko Nº21/2011 ryo ku wa 23/06/2011 rigenga amashanyarazi mu Rwanda nk’uko ryahinduwe kugeza ubu, mu ngingo yaryo ya 11 ivuga ibyerekeranye no kwiba amashanyarazi.

Iyo ngingo ivuga ko umuntu winjira muri mubazi mu buryo butemewe, ukoresha uburyo butemewe mu gufata, gukurura, kuyobya, gutuma hafatwa, havanwa ku muyoboro w’umuriro w’amashanyarazi cyangwa ukoresha umuriro w’amashanyarazi yahawe mu buryo bw’uburiganya cyangwa butemewe n’amategeko aba akoze icyaha.

Iyo abihamijwe n’urukiko, ahanishwa igifungo kitari munsi y’amezi atandatu (6) ariko kitarenze umwaka (1) n’ihazabu y’amafaranga y’u Rwanda atari munsi ya miliyoni imwe (1.000.000 frw) ariko atarenze miliyoni eshanu (5.000.000 frw) cyangwa kimwe gusa muri ibyo bihano. Iyo uwakoze icyaha ari umukozi w’ikigo gitanga umuriro w’amashanyarazi, ahabwa igihano cyo hejuru mu biteganyijwe mu gika cya 2 cy’iyi ngingo.”

Perezida Trump yagize ati “Iyo dukomeza kubona imibare y’abanduye izamuka, jyewe simbibonamo ikibazo. Mbona ahubwo ari ibintu bikwiye kubahwa, kuko biba bigaragaza ko uburyo dukoresha mu gupima buri hejuru cyane. Ibi rero mbona bikwiye kuduhesha umudali w’icyubahiro”.

Leta Zunze Ubumwe za Amerika, zimaze gupima abasaga miliyoni 11, nk’uko byatangajwe ku wa Mbere w’iki cyumweru n’ikigo gishinzwe kurwanya no kwirinda ibyorezo muri icyo gihugu.

Abasaga miliyoni n’igice, ni bo bamaze kugaragara ko banduye, ni ukuvuga 14% by’ibipimo byose byafashwe, naho abasaga ibihumbi 91 bamaze guhitanwa n’iki cyorezo.

Perezida Trump akunze kugaruka cyane ku bijyanye no gupima abaturage, aho avuga ko ari kimwe mu bisubizo byo kwirinda Covid-19.

Avuga kandi ko Amerika igaragaza imibare ya nyayo ku bijyanye n’iki cyorezo, agashinja igihugu y’u Bushinwa kuba cyaragiye gitangaza imibare itari yo ndetse n’amakuru atari yo kuri Covid-19, ibintu avuga ko byatumye isi yose ijya mu kaga, mu gihe igihugu cy’u Bushinwa kivuga ko nta shingiro bifite.T

Pasiteri yapfuye, ariko bo ngo bazi ko yagiye kuvugana n’Imana ngo imuhe umuti awubazanire

Benshi mu bayoboke be, barahuruye ubundi bifungirana mu rugo rwa nyakwigendera n’umurambo, ari nako basenga cyane baririmba, kugira ngo umushumba wabo azuke, maze akomeze asengere abarwayi ba Covid-19, kuko bizera ko iyo abasengeye bakira.

Abayoboke be ndetse n’abo mu muryango we barimo nyina umubyara, bavuga ko bahisemo kwifungirana n’umurambo wa Pasiteri Franklin, kuko kuri bo atapfuye, ahubwo ko ari uburyo bwo kwiherera n’Imana kugira ngo imuhe ibisubizo ku bibazo bamugejejeho, ko isaha ku isaha ari buzuke.

Aba bayoboke ba Franklin, basabwe gusohoka muri iyo nzu biba iby’ubusa kugeza ubwo inzego za Polisi zibateyemo ibyuka biryana mu maso mu rwego rwo kubatatanya, kuko ibyo kumvikana mu biganiro byari byananiranye.

Umurambo we ukaba warashyinguwe mu irimbi rya Bonaberi, ariko byasabye ko abashyingura bahagarikirwa na polisi n’Abajandarume bo mu mujyi wa Douala.

Hari impungenge ko uyu mupasiteri yaba yaranduje abantu benshi, kuko ngo mu kubasengera yabarambikagaho ibiganza.

Mu ijambo yavugiye kuri Televiziyo y’Igihugu, Perezida Sall, yagize ati “Tugomba kwiga kubana n’iyi Virusi, kuko ishobora kuzageza mu kwezi kwa Nzeri, na bwo ariko kuba yaba yarangiye byaba ari amahirwe. Tugomba gutangira kwiga uko tugomba gukomeza ubuzima busanzwe”.

Muri iryo jambo yatangaje ko guhera kuri iyo tariki ya 12 Gicurasi, insegero n’imisigiti bifungura, cyane ko iki gihugu cya Senegal abagera kuri 90% ari Abayisilamu, kuri ubu bari mu gisibo Gitagatifu cya Ramadan.

Ihuriro ry’Abepisikopi muri iki gihugu, ryatangaje ko insengero zabo zitazafungura kuko haba hakiri kare cyane, ibi ngo bishobora gushyira mu kaga ubuzima bw’abakirisitu babo.

Aba Bepiskopi kandi batangaje ko n’urugendo rukomeye rw’amasengesho rukorwa n’abakirisitu ahitwa Popenguine, rwagombaga kuzaba ku matariki ya 30 Gicurasi n’iya 01 Kamena rutazakorwa.

Mu bindi byemejwe ko bizafungura vuba, ni amashuri azatangira tariki ya 2 Kamena 2020, hakazabanza abanyeshuri basaga gato ibihumbi 500 mu banyeshuri basaga miliyoni eshatu bazakora ibizamini bya Leta gusa.

Guverineri w’Intara y’Amajyepfo Nyesom Wike, wari unahagarariye isenywa rya Hotel Edemete na Hotel Prodest Home, yatangaje ko zisenywe kuko zanze gufunga imiryango, nyuma y’aho babitegetswe na Leta. Yavuze ko icyemezo cyo gufunga hoteli zose, cyafashwe nyuma y’aho bagiye basanga abantu banduye Covid-19 muri za hoteli zinyuranye zo muri Rivers. Gusa ntiyigeze avuga niba hari abarwayi babonetse muri hoteli zasenywe.

Abayobozi b’izo hoteli na bo batawe muri yombi, ariko umuyobozi wa hoteli Prodest Home bwana Gogorobari Promise Needam, yatangarije BBC ko ibyo kuba baranze gufunga atari byo, ko ndetse na 70% by’abayikoragamo basezerewe ku kazi.

Yavuze ko ahubwo abakozi ba Leta muri Rivers, babasabye ko babaha amafaranga ubundi bakabareka bagakomeza gukora. Bwana Gogorobari yavuze ko yababwiye ko batari gukora muri iyo minsi kandi ko n’amafaranga basaba ntayo bafite, bagahita babahimbira ibyaha bituma babasenyera.

Ubuyobozi bwa Rivers bukaba buhakana iby;iyo ruswa, buvuga ko izi ari impamvu zo kwiregura zidafite ishingiro.
Abahanga mu by;amategeko bavuga ko ibyo ubuyobozi bwa Rivers bwakoze byo gusenya izo hoteli, ari icyaha gikwiye gukurikiranwa mu nkiko.

Kugeza kuri uyu wa kabiri tariki 12 Gicurasi 2020, mu gace ka Rivers habarurwa abagera kuri 15 banduye Covid-19, ikaba imaze guhitana 2.

Perezida wa Leta zunze ubumwe za Amerika, Donald Trump

Perezida Donald Trump, akimara kumva ibyasabwe n’iki kigo, yahise avuga ko we nta gahunda afite yo kwambara agapfukamunwa.

Mu kiganiro yagiranye n’abanyamakuru mu minsi ishize cyabereye mu nyubako y’ibiro bye (White House), Trump yagize ati: “Sintekereza ko ngiye gutangira kwambara agapfukamunwa kuko kukambara ni ubushake si itegeko”.

Abajijwe impamvu yumva we atazigera yambara agapfukamunwa, Perezida Donald Trump yagize ati: “Jyewe numva meze neza. Sinshaka kukambara. Sinibona nicaye mu biro byanjye byiza, binini, birimo intebe n’ameza byiza nambaye agapfukamunwa”.

“Ndumva bitandimo kukambara, mu gihe mpana ibiganza n’abandi ba Perezida, ba Minisitiri b’Intebe, Ibyihebe, Abami n’Abamikazi. Simbishaka. Wenda ntawamenya, nzagera aho mpindure imyumvire yanjye”.

Ibi ariko, ntibyakiriwe neza n’inzobere mu birebana n’ubuzima, dore ko Perezida Trump yakunze gushinjwa ko akinisha icyorezo cya Covid-19, cyibasiye cyane igihugu ayobora.

Hoteli zirasabwa kubika imyirondoro y’abakiliya bazo (Photo:Internet)

Uwo mwirondoro ukaba ugizwe n’amazina yombi, nomero ya telefone, isaha n’umunota umukiliya yahagereye, ndetse n’akarere umukiliya atuyemo.

Aya makuru ariko agomba kubikwa ku buryo bw’ibanga, akazifashishwa mu gihe byaba ngombwa, mu gushaka amakuru kuri Covid-19.

Uretse amahoteli, resitora n’ahandi hafatirwa ibyo kurya no kunywa, abakora muri za ‘salons de coiffures’ na bo Ikigo cy’Igihugu gishinzwe Ubuziranenge (RSB), mu minsi ishize cyatanze amabwiriza abasaba kujya babika imyirondoro y’ababagana, byose bikazifashishwa mu gukomeza guhashya icyorezo cya Covid-19.

Vital Kamerhe (wambaye karuvati itukura) asanzwe ari inshuti ya Perezida Tshisekedi (bari kumwe)

Ni ubwa mbere yitabye urukiko, kuva yatabwa muri yombi, tariki ya 08 Mata 2020 mu murwa mukuru Kinshasa, aho yahise afungirwa muri gereza ya Makala iri i Kinshasa.

Vital Kamerhe ufatwa nk’inshuti ya hafi ya Perezifa Felix Tshisekedi, ari kumwe n’abandi bagabo babiri muri uru rubanza, bakekwaho kuba abafatanyacyaha. Muri bo harimo Bwana Samih Jamal, umucuruzi ukomoka mu gihugu cya Libani, uyu akaba ari we wari wahawe isoko ryo kubaka inzu zigera ku 4500, zirimo amacumbi rusange, yagombaga guturwamo n’abasirikare ndetse n’abapolisi muri Repubulika Iharanira Demokarasi ya Congo (RDC). Izi nzu, zagombaga gutwara asaga miliyoni 49 z’Amadorari ya Amerika, ni ukuvuga asaga miliyari 46 z’Amafaranga y’u Rwanda.

Hari kandi na Bwana Jeanot Muhima Ndoole, uyu akaba ashinzwe ibyinjira n’ibisohoka mu gihugu muri Perezidansi ya Congo Kinshasa, akaba akekwaho kunyereza asaga Miliyoni y’Amadorari ya Amerika, ni ukuvuga asaga Miliyoni 940 z’Amafaranga y’u Rwanda. Bwana Muhima Ndoole, ngo ni we wagombaga gukurikirana ibijyanye no gusorera ibikoresho byagombaga kwinjira bizakoreshwa mu kubaka izo nzu, ndetse akamenya n’ibijyanye no kubigeza aho zizubakwa.

Amakuru Kigali Today ikesha BBC, avuga ko uru rubanza ruca imbonankubone kuri Televiziyo, aho abaturage benshi bashobora kurukurikirana.

Ababuranira Vital Kamerhe bavuga ko ibyo birego byose nta shingiro bifite, bagasaba urukiko ko rwakwigana uru rubanza ubushishozi.

Bimwe mu bikorwa byakomeje gufungwa, harimo nk’amashuri, insengero n’utubari. N’ubwo ibi bibujijwe gukora ariko, hari bamwe mu baturage bakomeje gufatwa bateraniye hamwe basangira inzoga mu tubari no mu ngo zabo, abandi bagafatirwa ku misozi no mu byumba by’amasengesho bateranye basenga.

Minisitiri w’Ubutegetsi bw’Igihugu, Prof. Shyaka Anastase

Mu kiganiro Urubuga rw’Itangazamakuru cyo ku cyumweru tariki ya 10 Gicurasi 2020, Minisitiri w’Ubutegetsi bw’Igihugu Prof. Anastase Shyaka, yavuze ko igihe cyo gufungura ibyo bikorwa kitaragera.

Yagize ati: “Igihe cyo gufungura insengero ntikiragera. Abemera Imana basabe kujya basengera mu mitima no mu ngo zabo, kuri Radiyo na Televiziyo kuko hose Imana irumva.”

Yavuze ko hari ibihugu byagiye bifungura insengero bikisanga icyorezo cyafashe undi muvuduko batari biteguye.

Minisitiri Shyaka, yavuze ko abashaka kunywa inzoga bitabujijwe ariko ko abayishaka bayigura bakayinywera mu ngo zabo. Yagize ati: “Kunywa inzoga ntibibujijwe ariko urayigura ukayinywera iwawe. Uko usohoka ujya guhaha, na yo wayigura ariko ukirinda kuyinywera mu kabari, cyangwa gutumira abantu benshi iwawe ngo musangire. Abantu ntibagomba kwimurira utubari mu ngo zabo kuko ntacyo byaba bidufasha.”

Yavuze ko iyi minsi bakomeje kuyiharira ingamba zose zafasha kurandura icyorezo cya Covid-19 mu gihugu, kandi ko iyi ntego nigerwaho bazongera bakicara, bakareba niba hari ibikorwa kuri ubu bikiri mu kato byakomorerwa, ababikora bagasubira mu kazi. Gusa, yavuze ko kubigeraho bisaba uruhare rwa buri wese, kuko iki kibazo cyugarije isi yose, kigera no ku muntu ku giti cye.

Kugeza kuri iki cyumweru tariki 10 Gicurasi 2020, mu Rwanda nta muntu urahitanwa na Covid-19, kandi n’abarwaye baravurwa bagakira, dore ko hamaze gukira 140, abandi 144 bakaba bakirimo kuvurwa.

Mu Rwanda hamaze iminsi hapimwa abantu barenze 1000 ku munsi, ariko ngo hari gahunda yo kongera umubare w’abapimwa ku munsi.

Umuyobozi w’Ikigo cy’Igihugu cyita ku Buzima, Dr. Sabin Nsanzimana, avuga ko bagiye kwifashisha izindi mashini zari zisanzwe zipima ubwandu bwa SIDA mu gupima Covid-19.

Yagize ati “Turashaka kwifashisha izi mashini ziri mu ntara zitandukanye, kandi turabikora vuba. Imashini twatangiranye dupima Covid-19 na zo zimaze kwikuba kabiri ariko abakeneye gupimwa na bo bariyongera umunsi ku wundi”.

Dr. Nsanzimana avuga ko ubushobozi nk’ubu butaza mu munsi umwe, ariko ko buri munsi hari icyiyongeraho mu bushobozi bwo gupima. Avuga ko hari gahunda yo kwegera abapimwa, ibizamini bigakorerwa hirya no hino mu gihugu bitabaye ngombwa ko byose bizanwa muri Laboratwari nkuru i Kigali.

Harategurwa kandi kongera ibigo byakira abarwayi ba Covid-19, byunganira ikigo cya Kanyinya n’icya Nyamata, mu gihe imibare y’abandura yakwiyongera.

Dr. Nsanzimana avuga ko uko abantu benshi basohoka mu ngo bajya mu mirimo inyuranye, ibyago byo kwandura byiyongera.

Ati “Imibare iramutse yiyongereye tudafite aho tubashyira byaba ari imbogamizi. Ni yo mpamvu tuba dufite itsinda rikurikirana rireba iyo mibare, rigategura n’aho gushyira abarwaye, ku buryo hari umubare biha wagera hagafungurwa ahandi ho kubashyira. Birashoboka ko umubare wagabanuka hakagira aho tuba dufunze”.

Akomeza avuga ko kugeza ubu ahavurirwa abantu ari habiri, kandi ko hagifite ubushobozi bwo kwakira abandi, ariko hategurwa n’ahandi bajyanwa babaye benshi.

Kugeza ubu abanduye Covid-19, baravurwa bagakira kandi kugeza ubu nta murwayi uricwa na Covid-19 mu Rwanda.

Leta yorohereje abanyenganda bakora udupfukamunwa, isaba ko twakwirakwizwa hirya no hino mu gihugu abaturage bakatubona ku buryo bworoshye.

Abacuruzi banyuranye bahise batangira gucuruza udupfukamunwa ariko ibi ni ukubyitondera kuko atari buri wese wemerewe kuducuruza.

Antoine Mukunzi, ushinzwe ubuziranenge mu kigo gishinzwe kugenzura ibiribwa n’imiti mu Rwanda (FDA), mu kiganiro yagiranye na KT Radio ku wa Gatatu, yavuze ko udupfukamunwa twashyizwe mu bwoko bw’ibikoresho byo kwa muganga, ku buryo ducuruzwa n’abantu bihariye.

Yagize ati “Kuri ubu ahantu hemerewe gucururizwa udupfukamunwa, ni muri za farumasi, supermarkets cyangwa ahandi hantu hemejwe na FDA. Ubu turavugana n’abajyanama b’ubuzima, amavuriro anyuranye hirya no hino kugira ngo buri muturage akagereho ku buryo bworoshye”.

Antoine Mukunzi yavuze ko abaducuruza bose bagomba kubahiriza amabwiriza ajyanye n’isuku. Ati “abaducuruza hirya no hino mu mitaka, na bo bagomba kuba barasobanukiwe amabwiriza yo kuducuruza, bafite isuku kandi bagacuruza udufunze neza”.

Yasabye abaguzi kujya babanza kureba niba ako bagiye kugura gafunze neza, handitseho ingano yako ndetse n’uruganda rwagakoze, kugira ngo yizere ubuziranenge bwako.

Samuel Mporanzi, Umuyobozi w’ishami rishinzwe Ubuziranenge mu ikoranabuhanga mu Kigo gishinzwe Ubuziranenge (RSB), yavuze ko abanyenganda bahawe uburenganzira bwo gushaka ibikoresho bapfunyikamo, ariko ko udupfukamunwa tutagomba gufungwa mu ishashi mu rwego rwo kubahiriza ingamba zo kurinda ibidukikije.

Abaguzi baba bagomba kureba niba ako baguze gafunze ku buryo kadahura n’umwanda.

Yavuze ko abaturage bakwizera ubuziranenge bw’uturi ku isoko uyu munsi, kuko utwakozwe tutari twujuje ubuziranenge, basabye abari badukoze kudukura ku isoko, kandi ko hirya no hino hari abagenzuzi ba RSB bagenda bareba niba koko uducuruzwa twujuje ubuziranenge.

Mu gihe cyo kujya no kuva ku kazi, abantu bategereza imodoka umwanya munini

Abakora ingendo mu mujyi wa Kigali bavuga ko amasaha yo kujya no kuva ku kazi, bahura n’ibibazo byo gutinda ku mirongo, kuko imodoka ari nke kandi zitwara abantu bake.

Bamwe mu bagenda mu modoka rusange, basabye ko Leta yakorana n’abafite imodoka zisanzwe zitwara abantu benshi ariko kuri ubu zidafite akazi, nk’imodoka zatwaraga abanyeshuri, abakerarugendo, n’izindi zikongerwa mu muhanda kugira ngo zifashe izisanzwe zikora ako kazi.

Mu kiganiro yagiranye na KT Radio, Umuyobozi Mukuru wa RURA, Lt Col Patrick Nyirishema, yavuze ko bihaye iminsi ine, kugira ngo barebe niba koko bizaba ngombwa ko hitabazwa izindi modoka, ziza kunganira izisanzwe zikora.

Yagize ati “Twihaye iminsi ine kugira ngo turebe niba umubare w’abantu bakoresheje imodoka, uzakomeza kuba munini nko mu minsi ya mbere. Byagaragaye ko hari abantu basohotse kuwa mbere, atari uko bagiye ku kazi, ahubwo ari uko bamaze iminsi mu rugo, bagira ngo bagende gusa. Mu minsi ine twihaye, ni bwo tuzamenya niba abari gukenera imodoka koko ari bo bazakomeza kuzikenera, tuzongere”.

Umuyobozi Mukuru wa RURA, yavuze ko batahita bazongera bataramenya neza umubare w’abazakomeza gukenera izo modoka, kuko na byo hari amafaranga bisaba gushyiramo.

Yagize ati “Kugira ngo ziriya modoka zidasanzwe zikora aka kazi zijye mu muhanda, tugomba gushyiramo ikoranabuhanga rya Tap and Go, n’ibindi bisaba amafaranga. Ntitwahita tubikora tutarabona ko bikenewe koko, ariko bibaye ngombwa, twamaze kuvugana n’abafite izo modoka, bahita baziduha nta kibazo”.

Abaturage, basabwa gusohoka mu ngo zabo mu gihe koko icyo bagiye gukora ari ngombwa, ababishoboye bagakomeza gukorera akazi kabo mu ngo zabo.

Umuyobozi mukuru wa RURA, Lt Col Patrick Nyirishema

Uru rwego kandi, rwahise rutangaza ibiciro bishya by’ingendo mu Mujyi wa Kigali ndetse no mu Ntara, aho ibiciro byiyongereye hagati ya 45 na 47 ku ijana ugereranyije n’ibyari bisanzwe.

Abakoresha ubu buryo mu ngendo, bibajije impamvu ibiciro by’ingendo byazamutse nyamara ibiciro bya lisansi byamanutseho amafaranga menshi.

Mu kiganiro yagiranye na KT Radio kuri uyu wa kabiri tariki 05 Gicurasi 2020, Umuyobozi Mukuru wa RURA, Lt Col Patrick Nyirishema, yavuze ko hari impamvu yatumye ibiciro by’ingendo byiyongera.

Yavuze ko igiciro cya mazutu na lisansi ari kimwe mu bigize igiciro cy’ubwikorezi (transport), ariko ko hari byinshi bigenderwaho mu kugena igiciro.

Yagize ati: “Ibiciro byazamutseho hagati ya 45 na 47 ku ijana ku ngendo, mu byo tureba tureba iyo lisansi imodoka izanywa, kuyikorera ibyangombwa bijyana na tekiniki, guhemba abakozi bayikoresha, tureba ku madeni ba nyiri imodoka baba bafitiye banki kandi bagomba kwishyura, … Aha rero, abatu bagomba kumenya ko iyo igiciro cya lisansi kitaza kumanuka, igiciro cy’ingendo cyari no kuzamuka kugera kuri 55%”.

Uretse ibi kandi, yatangaje ko umubare w’abagenzi na wo ugira kinini uhindura ku biciro by’imodoka. Yagize ati: “Kuko turi mu bihe bidasanzwe, umubare w’abagenzi mu modoka wagabanyijwemo kabiri, bivuze ko n’amafaranga yinjiraga yagabanutsemo kabiri. Icyo twagerageje gukora, ni ukureba uko impande zombi, ba nyiri imodoka n’abagenzi, bahurira hagati ku giciro, umugenzi ntabure serivisi kuko nyiri imodoka yananiwe gukomeza kuyimuha. Ubundi twajyaga twita ku nyngu za ba nyiri imodoka, aho babonaga inyungu ingana na 10%, ariko ubu ibirebana n’inyungu twarabyirengagije, kuko buri wese agomba kugira uruhare rwe muri iyi minsi duhanganye n’icyorezo”.

Ku biciro bishya by’ingendo, abagenzi bavuze ko amafaranga yabaye menshi cyane, naho ba nyiri imodoka bakavuga ko ari make cyane nta nyungu bazabona. Umuyobozi Mukuru wa RURA, Lt Col Patrick Nyirishema, yavuze ko bazakomeza gukurikirana uko ibihe bigenda bihinduka, byaba ngombwa kandi mu gihe gikwiye bakazagira icyo bahindura ku biciro.

Mu modoka abantu bagomba kuba bambaye udupfukamunwa

Mu bijyanye no gutwara abantu n’ibintu, imodoka rusange zemerewe gukora hubahirizwa amabwiriza y’isuku, arimo kwambara agapfukamunwa, gukaraba intoki no guhana intera ikwiye hagati y’abagenzi. Abashoferi ba za bisi, basabwe kugenzura niba buri mugenzi winjiye mu modoka yambaye agapfukamunwa.

Abatanga serivizi zo gutwara abantu basabwa kwerekana ku buryo bugaragara, hakoreshejwe ibimenyetso, intebe abagenzi bemerewe kwicaraho mu modoka, bakicara bahana intera hagati yabo. Abagenzi bose kandi basabwe gukurikiza amabwiriza mashya.

Nubwo hari umubare w’abifashishaga moto mu ngendo zabo za buri munsi, kuri ubu moto ntizemerewe gutwara abagenzi. Icyakora moto zifashishwa mu gutwara ibicuruzwa babigemurira abaguzi, zizakomeza gukora.

PhoAbagenzi bose mu modoka bagomba kwambara udupfukamunwa kandi bagahana intera hagati yabo

Ingendo, haba mu modoka za rusange cyangwa iz’abantu kugiti cyabo, hagati y’intara zitandukanye cyangwa se hagati y’intara n’Umujyi wa Kigali ntizemewe. Umuntu yemerewe gusa gukora ingendo hagati mu Ntara aherereyemo, kandi iri bwiriza rikubahirizwa kuri buri wese.

Ingendo kuva saa mbiri z’ijoro kugeza saa kumi n’imwe za mugitondo ntizemewe keretse ku bafite uruhushya. Abakozi, basabwa kujya barangiza imirimo yabo, bakagera mu rugo mbere y’iyo saha.

Minisitiri w’Ubutegetsi bw’Igihugu Prof. Anastase Shyaka, yasobanuye ko ibi bizarinda abantu guhura ari benshi nyuma y’amasaha y’akazi nk’uko byari bimenyerewe, cyane ko utubari benshi bahuriragamo dufunze.

Aya mabwiriza agamije gukomeza ingamba zo kwirinda ikwirakwizwa ry’icyorezo cya Covid-19, kandi buri muturage wese asabwa kuyubahiriza.

Abafaransa bagiye kujya bagendera ku magare mu rwego rwo kwirinda COVID-19

Leta y’ubufaransa, yashyize miliyoni 20 z’ama Euros, ni ukuvuga asaga miliyali 20 z’amanyarwanda, mu bikorwa byo gutunganya inzira z’amagare, aho ahagarara, mu rwego rwo korohereza abazayagendaho
.
Photo: Abafaransa barakangurirwa kugendera ku magare kurusha mu modoka rusange
Minisitiri ushinzwe ubwikorezi n’ibidukikije mu Bufaransa Elisabeth Borne, aganira n’ikinyamakuru Parisien yagize ati: “Turashaka ko kugenda ku magare biba umuco, igare rikaba igikoresho gikomeye kizadufasha gusubira mu buzima busanzwe”.

Mu Rwanda ubu buryo ntibwashoboka

Mu kiganiro Kigali Today yagiranye na Anthony Kulamba, Umuvugizi w’urwego ngenzuramikorere RURA, yavuze ko ubu buryo mu Rwanda butashoboka, kuko ayo magare atanaboneka ako kanya.

Yagize ati “Mu Rwanda tuzakomeza dukoreshe uburyo bwari busanzwe bwa za bus, ariko hubahirizwe intera hagati y’abantu, babe bafite uburyo bakaraba intoki, bambaye n’uduphukamunwa. Ubwo buryo bw’amagare ntibwashoboka, kuko n’ayo magare ubwayo nta yahari”.

Mu Rwanda hazakomeza gukoreshwa uburyo bwari busanzwe

Dr. Kalisa Egide, inzobere mu birebana n’imyuka ihumanya ikirere mu Kigo cy’Igihugu cyita ku Bidukikije (REMA), akaba n’umushakashatsi muri Kaminuza y’u Rwanda, uzobereye mu myuka yanduza ikirere n’uko yakwirindwa, yabwiye Kigali Today ko icyumweru cya mbere cya gahunda ya guma mu rugo, mu Mujyi wa Kigali, umwuka uhumanye wagabanutseho 20%.

Mu Rwanda ibinyabiziga imodoka na moto ndetse n’ibicanwa (inkwi n’amakara) biza ku isonga mu guhumanya ikirere.

Dr. Kalisa Egide avuga ko kuba ibinyabiziga bitakigenda cyane ari cyo cyatumye ahanini ibyuka bihumanye bigabanuka, ariko hakiyongeraho na zimwe mu nganda zitagikora nk’uko bisanzwe.

Gukoresha amagare, imodoka zikagabanuka cyane mu mihanda, ni kimwe mu byagabanya imyuka ihumanye ituruka ku binyabiziga.

Abazajya bafatirwa mu bikorwa byo gukata imyanya y’igitsina cy’abagore n’abakobwa bazajya bahanishwa gufungwa imyaka 3 (Photo:Internet)

Umuryango w’Abibumbye (LONI), uvuga ko 87% by’abagore n’abakobwa muri icyo gihugu baba baraciwe bimwe mu bice by’igitsina cyabo.

Ubundi igikorwa cyo gukata imwe mu myanya y’ibanga y’abagore, bifatwa nk’umuco, aho ngo bifite igisobanuro gikomeye mu gihe baba bategura abakobwa kuzubaka ingo zabo. Gusa ariko ibi ngo biteza ibibazo byinshi, birimo indwara zinyuranye mu myanya myibarukiro y’abagore, cyane ko n’ibikoresho bikoreshwa, nk’ibyuma, inzembe, biba bidafite isuku.

Ibi kandi ngo bitera ibibazo mu kubyara no gutwita, mu rwungano rw’inkari, kugira ibibyimba mu nda, ndetse no kugira ububabare bukabije mu gihe bakora imibonano mpuzabitsina.

Si muri Sudani gusa bagira umuco wo gusiramura abakobwa, kuko muri Afurika bikorwa mu bihugu 29, nk’uko byagaragajwe na raporo ya UNICEF mu mwaka wa 2018.

Itegeko rihana abakora ibikorwa byo gukata imyanya y’igitsina cy’abagore, ryemejwe tariki ya 22 Mata 2020, aho risobanura ko haba kwa muganga cyangwa ahandi hose bibujijwe gusiramura abagore n’abakobwa, ubifatiwemo akazacibwa amande n’igifungo cy’imyaka itatu.

Ababikora bakoresha ibikoresho birimo inzembe (Photo:Internet)

Abagore n’abakobwa muri Sudani, bavuga ko batuye umutwaro wari ubaremereye cyane, ariko ko bagomba kujya bakurikirana niba byaba bidakorwa mu byaro, kuko n’ubundi bisa n’aho atari ibintu byakorwaga ku buryo bweruye.

Inteko Ishinga Amategeko muri icyo gihugu, yari yateye utwatsi ibyo gukuraho ibikorwa byo gusiramura abagore n’abakobwa, ku butegetsi bwa Omar El Bashir, ari cyo cyatumye abagore n’abakobwa bafata iya mbere mu myigaragambyo yahiritse ubutegetsi bwe, kuko bamushinjaga guhonyora no kubangamira uburenganzira bw’abagore.

Peninah aganira n’abanyamakuru

Peninah, yagize ati: “Sinzi gusoma, sinzi kwandika, ubusanzwe nakoraga akazi ko kumesa imyenda mu ngo zinyuranye, nkabona icyo ntungisha abana, ariko muri iki gihe cya gahunda ya guma mu rugo, ako kazi ntigashoboka. Nahisemo guteka amabuye kugira ngo abana baze gusinzira bazi ko ari ibiryo byatinze gushya, ko baza kubyuka bakarya”.

Umuturanyi we witwa Prisca Momanyi, yahise akwiza ayo mafoto ku mbuga zinyuranye ndetse n’ibitangazamakuru binyuranye bitangira kuvuga kuri uwo mugore. Abaturage bahise batangira gukusanya amafaranga hifashishijwe Mobile Money, ndetse anafungurizwa konti muri banki ijyaho amafaranga yafashishijwe.

Peninah, usanzwe ubaho mu buryo bwa gikene, mu nzu itagira amazi n’umuriro mu Mujyi wa Mombasa, yavuze ko ibyamubayeho ari igitangaza cy’Imana. Ati:

“Natangajwe n’ubumuntu abanyakenya banyeretse, kuko nyuma yo kubona ayo mafoto benshi batangiye guhamagara umuturanyi wanjye bamubaza uko bashobora kumfasha. Gusa hari n’abambwiraga ko ari ibyo nahimbye ngo mfashwe, ariko ntacyo nabikoraho kuko nta kintu nari mfite ngaburira abana”.

Isafuriya yari atetsemo amabuye

Yavuze ko icyamushimishije cyane, ari uko noneho ari buteke ibiryo, abana bakabona ko batari bategeje kurya ubusa.

Peninah, yabaye umuphakazi mu mwaka wa 2019, ubwo umugabo we yicwaga n’abagizi ba nabi.

Abavuzi Gakondo bo mu Rwanda batangiye gushaka umuti wa COVID-19

Bamwe mu bavuzi gakondo mu bihugu bya Afurika, na bo bakomeje gushaka imiti yavura iki cyorezo, ndetse hari n’aho iyi miti yatangiye guhabwa abaturage, nko muri Madagascar, Zimbabwe,n’ahandi, nubwo itaremerwa ku rwego mpuzamahanga.

Mu Rwanda, abavuzi gakondo bahuriye mu rugaga ‘AGA Rwanda Network’, na bo bamaze gushakisha imiti gakondo yafasha kuvura Covid-19, bakaba barayigejeje ku Kigo cy’Igihugu cy’Ubushakashatsi n’Iterambere mu byerekeye Inganda (NIRDA), kugira ngo kibasuzumire niba iyo miti yakoreshwa mu kuvura iki cyorezo.

Mu kiganiro Kigali Today yagiranye na Claire Mukeshimana, Umuyobozi wa NIRDA, yavuze ko kuva iki cyorezo cyagera mu Rwanda batangiye gukorana n’abavuzi gakondo, begeranya imiti bari basanzwe bakoresha, ubu bakaba bafite imiti igera kuri 14, igomba gukorerwa isuzumwa.

Yagize ati “Baratwandikiye basaba ko twabafasha gupimisha imiti yabo, ariko natwe tubanza gukora ubushakashatsi kuri iyo miti, tukareba niba ivanze neza, uburyo bwo kuyibika, kugira ngo turebe niba ahubwo idashobora kuvamo uburozi bitewe n’uburyo bayivanga.

Twabasabye ko batugaragariza ikigize buri bwoko bw’umuti, uko utegurwa, indwara usanzwe uvura, abo umaze kuvura ndetse n’icyegeranyo cy’abakize kugira ngo tubone aho duhera ubushakashatsi bwacu”.

Uyu muyobozi avuga ko aba bavuzi gakondo na bo bakomeje ubushakashatsi, kuko hari ibiti by’inturusu biri muri NIRDA basabye ko bahabwa.

Yagize ati “Haracyari ibyo tugikusanya, ntabwo twakwihutira guhita tuvuga ngo umuti ni uyu, nubwo muri iyo miti hari iyari isanzwe ivura indwara z’ubuhumekero”.

Abavuzi gakondo basabwe ko amakuru yose bagomba kuzayageza kuri NIRDA kuri uyu wa kabiri tariki 29 Mata 2020, kugira ngo na yo itangire ubushakshatsi bwayo.

Dr Egide Kayitare, inzobere mu bijyanye n’imiti, avuga ko abavuzi gakondo mu bihugu bya Afurika na bo bashobora gukora imiti, ariko ko ikigoye ari ukugira ngo uwo muti wemerwe, no ku rwego mpuzamahanga.

Mu kiganiro yagiranye na Televiziyo y’u Rwanda, yagize ati “Urebye urugendo uwo muti uba ugomba gukora, hari igihe biba ngombwa ko niba umuti uzakoreshwa ku isi hose, ibihugu birimo iby’ibihangange bigomba kuwemera umaze kwerekana ko ufite ubushobozi.

Ubushakashatsi busaba ko abakora umuti bagomba kuba bafite laboratwari iri ku rwego mpuzamahanga, bakaba bafite uburyo bashobora kwiga kuri virusi ifite ubukana nka Covid-19.

Ahenshi muri Afurika, baragerageza uburyo basanzwe bakoresha mu kwivura, ariko nta buryo bwa siyansi bwo kugaragaza ibiri muri iyo miti. Bamwe mu bavuzi gakondo babona umuti ariko badasobanukiwe neza ibiri muri wo”.

Dr. Kayitare avuga ko byanze bikunze kugira ngo umuti wemerwe bigomba kunyura muri iyo nzira y’ubushakashatsi bwemewe, kuko bisaba kugaragaza ko uwo muti uvura, ko abazawufata utazababera uburozi, kugira ngo abantu benshi bawizere.

Avuga ko abashakashatsi mu bihugu bya Afurika, bafashwa kubona za laboratwari zemewe ku rwego mpuzamahanga, kugira ngo ubushakashatsi bwabo bwihute kandi bwemerwe.

Ibihugu nk’u Budage n’u Bwongereza, na byo bikomeje ubushakashatsi ku muti n’urukingo bya Covid-19, aho byamaze gutangira gukorera amagerageza y’inkingo ku bantu.

Mu kiganiro yagiranye n’abanyamakuru kuwa Mbere w’iki cyumweru, Perezida wa Repubulika Paul Kagame yavuze ko u Rwanda rwemera amabwiriza ya siyansi kurusha ibivugwa n’abantu uko babishaka, cyane ko ngo hari byinshi abahanga mu by’amavirusi bataramenya kuri Covid-19.

Umukuru w’Igihugu yavuze ko ku bijyanye n’imiti, u Rwanda rugendera ku mabwiriza mpuzamahanga atangwa n’inzego zibishinzwe, ariko na rwo rukagerageza kugira ibyo rukora.

Perezida Kagame yagize ati “Mu buyobozi bw’iki gihugu twemera amabwiriza y’ubumenyi kurusha indagu, ubupfumu cyangwa ibyo abantu bavuga kuko ari ko babishaka, ibyo turabyirinda. Ku bijyanye na Covid-19, haracyari ibintu bitaramenyekana neza ku babizobereyemo, abafite ubumenyi buhanitse kuri za virusi, mu buvuzi, gusa hari ibyo bamaze kumenya nko kuyirinda no kuyirwanya”.

Ati “U Rwanda na rwo hari ibyo rukora bifasha mu buvuzi, nabonye abakoze imashini yongera umwuka (ventilator), wenda ejo hari abazaba bakoze ibishobora gupima Coronavirus. Bakora ubushakashatsi wenda bafatanyije n’abandi bakaba bagera ku miterere y’iyo virusi n’umuti wayivura, ni ibintu abantu bafatanya ku isi yose ariko n’u Rwanda ntirwasigaye inyuma”.

Icyakora Perezida Kagame yavuze ko nta cyo yavuga ku byagezweho n’Abanyarwanda ku by’ubuvuzi cyangwa ku by’urukingo rw’icyo cyorezo, kuko nta byo barageraho.

Bahisemo kwambara ubusa basaba guhabwa ibikoresho byo kwirinda COVID-19

Aba baganga bari basabwe guhagarika kuvura amenyo, kuva tariki ya 16 Werurwe 2020, bitewe n’uko ubuvuzi bakora, bwashoboraga gukwirakwiza icyorezo cya Covid-19 ku buryo bwihuse.

Mu kugaragaza ikibazo cyabo, bahisemo kwifotoza bambaye ubusa, ndetse bakwirakwiza amafoto ku mbuga nkoranyambaga zinyuranye. Ibi, babikoze kugira ngo bereke Leta ko igomba kubakemurira ikibazo ku buryo bwihutirwa.

Aba baganga bavura amenyo bavuga ko iyo bavura, bakora mu kanwa k’abantu banyuranye, ahari amatembabuzi ashobora kubanduza Covid-19, bityo ibikoresho bakoresha mu kwirinda bikaba byihariye, mu rwego rwo kwirinda ndetse no kurinda abo bavura.

Barasaba ko bazasubukura akazi bafite ibikoresho byo kwirinda

Bavuga ko ubwo basabwaga kuba bahagaritse imirimo yabo, ibikoresho byo kwikingira bakoreshaga babihaye abandi baganga, bari babikeneye kugira ngo bafashe abanduye Covid-19. Ngo ntibizeye kubona ibindi aho bari basanzwe babigura, kuko henshi byabaye bike, kandi igiciro cyikubye incuro 10 ugereranyije n’uko babiguraga.

Ijambo “#Dentisteàpoil”, riherekejwe n’amafoto y’abaganga b’amenyo bambaye ubusa, ryasakajwe ku mbuga nkoranyambaga zinyuranye, bakaba bizeye ko iyi mpuruza iza gutuma bahabwa ibikoresho bakeneye ku buryo bwa vuba.

Umugore utwite, aba agomba kurya indyo yuzuye kugira ngo we n’umwana atwite, badahura n’ikibazo cy’imirire mibi. Mu gihe bitagenze gutyo, umugore ashobora kubyara umwana ufite ikibazo cy’imirire mibi cyangwa wagwingiriye mu nda.

Machara Faustin, inzobere mu mirire y’ubuzima bw’umubyeyi n’umwana mu kigo cy’Igihugu cy’imbonezamikurire y’abana bato (NECDP), yatangarije Kigali Today ko imiryango ikennye cyane ishobora guhura n’ikibazo cy’uruhererekane mu kugwingira.

Machara Faustin

Yagize ati: “Igwingira cyangwa imirire mibi, biba uruhererekane mu miryango yazahajwe n’imirire mibi. Iyo umugore atwite, ariko afite imirire mibi, aba afite ibyago byinshi byo kubyara abana bafite imirire mibi, bafite ibiro bike cyangwa bagwingiriye mu nda. Abo bana iyo batitaweho ngo bonke neza kandi bagaburirwe neza, na bo bakurana imirire mibi, bakazaba ingimbi n’abangavu ariko baragwingiye. Iyo na bo bageze igihe cyo kubyara bakiri mu mirire mibi, na bo babyara abana bafite ibibazo ku buzima bwabo, bikaba uruhererekane”.

Gusa ariko, ngo byashoboka ko umwana yagwingira ari mu nda, ariko yavuka akitabwaho, akazakura nta kibazo afite. Yagize ati: “Iyo umwana yagwingiriye mu nda, haba hakiri amahirwe ko yakwitabwaho avutse, akonka neza ndetse yagira amezi 6, agahabwa imfashabere irimo intungamubiri zuzuye, akazakura neza, atarangwaho imirire mibi ndetse ntakomeze kugwingira.”

Mu Rwanda hashyizweho gahunda zihariye zo kwita ku buzima bw’umubyeyi n’umwana, ku buryo n’abana bavuka bafite imirire mibi bakurikiranwa bagakurana ubuzima bwiza.

Abashakashatsi mu mikurire y’umwana, bavuga ko umwana aba agomba kwitabwaho cyane mu myaka ibiri ya mbere y’ubuzima bwe kuva agisamwa, kuko 80% by’ubwenge bwa muntu, bwirema mu myaka itatu ya mbere.

Malaria ikwirakwizwa n’imibu

Uyu mubare ni munini ugereranyije n’uko mu mwaka wa 2018 abazize Malaria bari ibihumbi 450, abagera kuri miliyoni 228 bakaba barayirwaye ku isi yose. Muri aba banduye ndetse n’abapfuye, abagera kuri 94% ni abo mu bihugu bigize umugabane wa Afurika.

Dr Matshidiso Moeti uhagarariye OMS muri Afurika avuga ko ibihugu bya Afurika bigomba kwita kuri gahunda zo kurwanya Malaria, n’ubwo byinshi bihugiye mu kurwanya COVID-19. Mu kiganiro yagiranye na Radio Mpuzamahanga y’Abafaransa (RFI), yagize ati: “Ni ngombwa cyane ko twakomeza kwita ku ngamba zo kurwanya malaria, ntitugomba gusubira inyuma kandi twari tugeze kure”.

U Rwanda ni kimwe mu bihugu byafashe ingamba zikomeye zo kurandura Malaria, aho mu myaka itatu ishize, abahitanwa na Malaria bagabanutseho 60%.

Dr. Aimable Mbituyumuremyi, ukuriye ishami ryo kurwanya Malariya mu Kigo cy’Igihugu cyita ku Buzima (RBC) mu kiganiro yagiranye na Kigali Today, kuwa 22 Mata 2020, yavuze ko no muri ibi bihe bya COVID-19, ibikorwa byo kurwanya Malaria bitahagaze.

Avuga ko mu ngamba bafashe harimo gahunda yo gutanga inzitiramibu buri nyuma y’imyaka ibiri cyangwa itatu ku bantu bose, ndetse n’izihabwa ibyiciro bizahazwa cyane na Malaria birimo abagore batwite n’abana bo munsi y’umwaka, bazihabwa uko baje ku bipimo kwa muganga.

Avuga kandi ko hari gahunda yo gutera imiti yica imibu imbere mu nzu mu turere turimo malariya nyinshi, cyane cyane mu Ntara y’Iburasirazuba n’iy’Amajyepfo kuko ari ho hihariye 70% by’iyo ndwara mu gihugu cyose. Abaturage bagize ibyago byo kwandura malariya bavurwa hakiri kare, ahanini bavuwe n’abajyanama b’ubuzima kuko babari hafi, imibare ikaba yerekana ko mu mwaka ushize w’ingengo y’imari, abarwayi hafi 57% bavuwe n’abajyanama b’ubuzima, ari byo bigabanya impfu na malariya y’igikatu.

Ku itariki ya 10 Werurwe 2020, hatangijwe igeragezwa rizamara amezi 6, kuri gahunda yo kwica imibu isanzwe mu ndiri yayo, ahanini mu bishanga, hifashishijwe utudege duto tutagira abadutwara (drones), igikorwa cyatangirijwe mu gishanga cya Rugende, Umurenge wa Rusororo mu Karere ka Gasabo.

Byinshi mu bihugu bya Afurika bizahazwa na Malaria cyane bitewe n’ubukene, kuko biba bitegereje inkunga iva mu bihugu by’amahanga gusa.

Umuryango w’Abibumbye watangaje ko urukingo ari rwo rwonyine rwasubiza ubuzima bw’abatuye isi mu bihe bisanzwe. Mu Budage, ikigo gifite uburenganzira bwo kwemera inkingo, cyatanze uburenganzira kuri uyu wa 22 Mata, bwo kugeragereza urukingo rwa Covid-19 ku bantu.

Uru rukingo rwakozwe na Laboratwari y’Abadage yitwa ‘BioNTech’, iherereye mu Mujyi wa Mayence.

Umuyobozi w’iyi Laboratwari, Ugur Sahin, yatangaje ko iri gerageza ritangira mu mpera z’uku kwezi kwa Mata, ibizavamo bikazatangarizwa isi mu ntangirizo z’ukwezi kwa Nyakanga 2020.

Iri geragezwa ku ikubitiro rizakorerwa ku bantu 200 babyemeye ku bushake bwabo, bafite kuva ku myaka 18 kugera kuri 55.

Mu Bwongereza, igerageza riratangira kuri uyu wa kane tariki 23 Mata, aho izi nkingo zakozwe n’abashakashatsi bo muri kamizuza ya Oxford, ariko barebererwa cyane na Guverinoma y’u Bwongereza. Aha haraza kugeragerezwa ku bantu 510, na bo bari hagati y’imyaka 18 na 55.

Mu Bwongereza, harakorwa inkingo zigera kuri miliyoni, kugira ngo uru rukingo niruramuka rugeze ku ntego zarwo, ruzahite rukwirakwizwa henshi ku buryo bwihuse.

Ibi bikaba bije bikurikira ikindi cyemezo cyafashwe cyo kugabanya ingendo z’abashaka kwinjira muri Leta zunze ubumwe za Amerika.

Iteka ryemeza icyemezo cyo guhagarika gusaba no gutanga ibyangombwa byo gutura muri USA, rirahabwa amahirwe yo kwemezwa kuri uyu wa gatatu, tariki 22 Mata 2020. Kongera gusaba no gutanga ibi byangombwa, bizigwaho nyuma y’iminsi 60, bitewe n’uko icyorezo cya Covid-19 kizaba cyifashe.

Iki cyemezo Perezida Donald Trump yagifashe bitewe n’ihungabana ry’ubukungu ryatewe na Covid-19, aho ngo bizaha amahirwe menshi Abanyamerika yo kubona imirimo, ubwo gahunda ya guma mu rugo izaba irangiye.

Trump yagize ati “Ntabwo byaba ari byo, Abanyamerika basimbujwe abanyamahanga mu kubona akazi. Tugomba guhera ku baturage bacu mu gutanga akazi”.

Imibare itangwa na kaminuza ya Hopkins, igaragaza ko Amerika imaze gupfusha abasaga ibihumbi 45 bazize Covid 19, kikaba igihugu cya mbere ku isi kimaze kubura abantu benshi kubera iki cyorezo.

Bishimiye kubona urubyaro bari bamaze igihe bashakisha (Ifoto: Internet)

Noah Adenuga w’imyaka 70 ni umugabo w’uwo mugore. Yatangarije BBC ko bari bamaze imyaka 43 bagerageza gushaka umwana, aho bari bamaze kugerageza inshuro eshatu, uburyo bwo gutereka igi ryakorewe muri Laboratwari muri nyababyeyi (fécondation In Vitro), ariko bikanga.

Noah Adenuga avuga ko bashakaga umwana cyane, ku buryo bari baragiye no kugeragereza mu bitaro bikomeye mu Bwongereza, ariko bikanga Bakagaruka muri Nigeria, aho Imana yabakoreye igitangaza. Avuga kandi ko ngo yagiye yandikirwa ubutumwa n’abaganga b’inzobere mu myororokere, aho bamubwiraga ko ku myaka yabo, ibyo arimo bisa no kurushywa n’ubusa.

Dr Adeyemi Okunowo, ari na we wakurikiranaga uwo mubyeyi, yavuze ko kuba izo mpanga zavutse ari “Igitangaza”, ariko avuga ko abo babyeyi bafashe icyemezo gikomeye, cyo gutwita no kubyara, aho inda nk’izi zishobora guhitana umubyeyi mu gihe afite imyaka myinshi.

Ubuyobozi bw’ibi bitaro bya Lagos, buvuga ko na bwo bwafashe icyemezo gikomeye, cyo kwemera gutereka igi muri nyababyeyi y’umugore w’imyaka 68, aho na byo ngo byashoboraga kubaviramo ibibazo. Ubundi, iyo umubyeyi atwite kuva ku myaka 38-40, inda atwite iba ishobora kumuteza ibibazo (grossesse à risques).

Kuri ubu, abo bana na nyina ngo bameze neza, bakaba banasezerewe mu bitaro.

Kwitsamura muri iki gihe cya COVID-19 bitera bamwe impungenge (Ifoto: CanStockPhoto)

Umukoresha we ni we ngo wari umusabye kujya kwisuzumisha, amusaba no kuba afashe ikiruhuko.

Uyu mukozi ukora mu ishami ry’Imari n’ubucuruzi muri icyo gitangazamakuru, avuga ko yanze kujya kwisuzumisha kwa muganga kuko yitsamuye, ariko akavuga ko iryo atari ikosa ryatuma yirukanwa, kuko nta yindi baruwa imusaba ibisobanuro yigeze yandikirwa yihanangirizwa mu kazi, kuva yatangira gukorera icyo gitangazamakuru.

Umuyobozi mukuru w’icyo gitangazamakuru, Yahkham Mbaye, yatangarije BBC ko uyu munyamakuru yirukanywe ku mpamvu zirimo agasuzuguro, gutererwa icyizere, n’ikosa riremereye mu kazi.

Yagize ati: "Yageze ku kazi avuga ko arwaye ibicurane, yitsamura, bituma abakozi bose bahungabana. Ubuyobozi bukuru bwamusabye kujya kwisuzumisha arabyanga, dufata ibyemezo".

Uyu muyobozi, avuga ko n’amategeko y’ikigo amuha ububasha bwo guhagarika uwo ari we wese uteje ihungabana mu bakozi, akavuga ko Madamu Sall yabirenzeho.

Urugaga rw’abakozi barimo n’ab’igitangazamakuru Le Soleil, ruvuga ko Madamu Sall yoherereje abayobozi be, igipapuro cyo kwa muganga, cyerekana ko nta kibazo gikomeye afite, abinyujije kuri e-mail, urwo rugaga rugasaba ko ubuyobozi bw’icyo gitangazamakuru Le Soleil bwakwisubiraho ku cyemezo bwafashe, bugasaba imbabazi Madamu Sall, kuko ibyo yakorewe byamukomerekeje.

Bumwe mu buryo bwifashishwa mu kugeza ibicuruzwa ku babikeneye, harimo moto.

Ubucuruzi bukorerwa kuri murandasi, ni imwe mu nzira benshi bitabaje mu kugura no kugurisha ibicuruzwa binyuranye, nk’ibiribwa, imyambaro, ibikoresho byo mu biro, ibikoresho bijyanye n’ikoranabuhanga n’ibindi.

Kigali Today yaganiriye na bamwe mu bafite imbuga za interineti zikora ubucuruzi mu Rwanda, batubwira uko ubu bucuruzi buhagaze muri iyi minsi.

Albert Munyabugingo, Umuyobozi wa Vuba Vuba, avuga ko muri iyi minsi ubucuruzi kuri interineti bwazamutse cyane ugereranyije n’uko byari bimeze mbere ya gahunda ya #GumaMuRugo, ku buryo serivisi zabo ziyongereye kugera kuri 25-30%.

Ibi ndetse ngo byanatumye bongera serivisi batangaga, kuko bibandaga cyane ku bijyanye n’ibinyobwa n’ibiribwa gusa, ariko kuri ubu bakaba barongeyemo n’ibikoresho hafi ya byose bikenerwa mu buzima bwa burimunsi, aho babigeza ku babikeneye batarinze kuva mu rugo.

Yagize ati “Mu cyumweru cya mbere cya guma mu rugo, abadusaba serivisi bariyongereye cyane ugereranyije na mbere. Uko iminsi rero yiyongera, abantu benshi akazi kabinjirizaga buri munsi karahagaze, bisa n’ibigabanuka, ariko twashyizeho poromosiyo (promotions) ku biciro ugereranyije n’uko byahoze mbere”.

Munyabugingo avuga ko bamaze kugera ku nyungu ishimishije, kuko ababasaba serivisi biyongereye hagati ya 25 na 30%, ari nako bakomeza gushyiramo imbaraga mu gutanga serivisi zinoze, bagamije kongera umubare w’abakiliya.

Egide Butare, Umuyobozi wa Store2Door, ikigo gikora ubucuruzi burimo ibikomoka ku buhinzi, nk’imboga, imbuto, ibiribwa bitandukanye, ndetse n’ibindi bikoresho abantu bakenera buri munsi nk’iby’isuku, na we avuga ko muri iyi minsi, abasaba serivisi batanga biyongereye cyane.

Yagize ati “Abanyarwanda ubundi ibyo guhaha kuri interineti wabonaga batabyitabira cyane, kuko benshi babashaga kwigerera aho bahahira biboroheye. Ibi byitabirwaga cyane n’abanyamahanga. Ubu rero byarahindutse abantu barabyitabiriye, aho mu cyumweru cya mbere cya guma mu rugo, twabonye abakiriya benshi, bashakaga kugura byinshi banabika mu ngo zabo.

Ubu bagenda bagabanuka ariko n’ubundi umubare w’abo tubona ku munsi ntiwawugereranya n’abo twabaga dufite mbere y’iyi gahunda. Muri make, navuga ko muri iyi gahunda ya #GumaMuRugo, twazamutse kugera kuri 40% bya seriivisi dutanga”.

Avuga kandi ko na nyuma y’iyi gahunda bizera ko bazakomeza kubona abasaba serivisi benshi, kuko ubu bamaze kubimenyera kandi ko basanze bidahenze nk’uko hari ababitekerezaga.

Ibikoresho birebana n’ikoranabuhanga, na byo biri kugurwa n’abatari bake muri iyi minsi, cyane cyane nk’abanyeshuri bakeneye gukomeza gukurikira amasomo kuri murandasi, ndetse n’abakozi benshi bisanze bagomba gukorera mu ngo zabo, bikaba ngombwa ko bagura ibikoresho bakoresha.

Jean Leonard Ukurikirabakuru, Umuyobozi wa IHAHA Technologies, yabwiye Kigali Today ko muri iyi minsi, kugura hifashishijwe interineti byiyongereye cyane, aho avuga ko byavuye kuri 30% bikagera kuri 50%.

Yagize ati “Mbere ya gahunda ya #GumaMuRugo, abaguraga bifashishije ikoranabuhanga ntibari benshi cyane, kuko abenshi bashakaga kugura ikintu bageze hano.

Ariko ubu aho dukorera harafunze turakira abagura bakoresheje uburyo bwa “Online”. Ubu bwarazamutse kugera kuri 50%. Muri iyi minsi turacuruza cyane za Laptops, Imprimantes, ndetse na za WebCam ziriho zifashishwa cyane mu gukora inama hakoreshejwe ikoranabuhanga abantu barebana kandi batari kumwe”.

Ubucuruzi bukorerwa kuri interineti muri iyi minsi burinjiriza ba nyirabwo amafaranga menshi, kuko abantu benshi ari bwo bahitamo gukoresha, aho badashobora kuva mu ngo zabo.

Jeff Bezos, umuherwe wa mbere ku isi ufite ikigo cyitwa Amazon, gikora ubucuruzi bunyuranye kuri interineti, amaze kunguka asaga miliyari 22 z’amadolari ya Amerika, kuva icyorezo cya Covid-19 cyatangira kugaragara ku isi.

Hari bamwe mu bakoresha bahisemo kuba basubitse amasezerano y’akazi, abandi basezerera abakozi babo, bitewe n’impungenge yo kutazabona imishahara yo kubahemba, mu gihe nta kazi kinjiza amafaranga kakozwe.

Ibi ariko, ntibikorwa uko buri wese abishaka, kuko hagomba gukurikizwa icyo itegeko riteganya.

Twaganiriye na Me Maurice Munyentwali, Umunyamategeko, akaba no mu rugaga rw’aba Avocats mu Rwanda, atubwira icyo itegeko riteganya, ndete n’ibyo abakoresha bagomba kwitondera muri iki gihe abakozi benshi batakijya ku kazi.

Me Munyentwari avuga ko Itegeko ry’Umurimo mu Rwanda rya 2018, riteganya ibihe bitandukanye amasezerano ashobora kuba yasubikwa, ndetse rigateganya n’uko amasezerano ashobora guseswa burundu.

Gusubika amasezerano, ntibivuze ko amasezerano avuyeho. Ahubwo ni ukuvuga ko buri ruhande rusubitse zimwe cyangwa zose mu nshingano rufite muri ayo masezerano, kugeza igihe azasubukurwa. Gusesa amasezerano ku buryo bwa burundu na byo byakorwa ariko bikurikije amategeko.

Munyentwari avuga ko muri iki gihe cya Covid-19, amasezerano yasubikwa cyangwa agaseswa burundu kubera impamvu ebyiri zikurikira:

Impamvu ntarengwa cyangwa impamvu ntakuka (Force majeure)

Aha, ni igihe bitewe n’ibyago byabaye, akazi kakorwaga kadashobora gukomeza. Aha twavuga nk’ibiza (inkongi y’umuriro, umutingito, imyuzure), ibyorezo n’ibindi. Uyu munsi, twavuga ibi bihe bidasanzwe byatewe n’icyorezo cya Covid-19.

Kuri iyi mpamvu, umukoresha amenyesha umukozi mu nyandiko ko amasezerano asubitswe, akandikamo impamvu, kandi ko amasezerano azakomeza mu gihe impamvu ivuyeho.

Muri icyo gihe, umukozi ntahembwa ariko na we ntakora. Muri iyi minsi kandi, umukoresha ntiyemerewe kwirukana umukozi, ndetse n’umukozi ntiyemerewe gushaka akazi ahandi, kuko aba agifite amasezerano agomba gukurikiza, keretse abanje kubyumvikanaho n’umukoresha we, agasezera ku buryo bwemewe n’amategeko.

Umunyamategeko Maurice Munyentwali

Umukoresha kandi ntaba yemerewe gusimbuza umukozi wasubikiwe amasezerano. Ubu buryo, ni bwo bwakoreshejwe cyane muri iki gihe cya Covid-19.

Muri ibi bihe ariko hashobora kudasubikwa amasezerano, ahubwo umukozi n’umukoresha babyumvikanye, bashobora gufata iyi minsi nk’ikiruhuko cy’umwaka umukozi aba yemerewe, mu gihe iminsi amaze ku kazi, imwemerera gufata ikiruhuko. Ikiruhuko akazagihemberwa nubwo aba ataje ku kazi, ariko ntazagire ikindi afata muri uwo mwaka.

Umukoresha kandi abyumvikanyeho n’umukozi, ashobora guhitamo guhemba umukozi umushahara utuzuye (nka 50%, 20%, …) bitewe n’uburemere bw’ikibazo bagize ndetse n’akazi kashobora gukorwa.

Gusubika amasezerano kubera impamvu y’ubukungu

Abantu benshi bafite impungenge ko uretse no muri iyi minsi abantu benshi badakora akazi kabo uko byari bisanzwe, no mu gihe icyorezo cya Covid-19 kizaba cyarangiye, ibigo byinshi bishobora kuzahura n’ikibazo cy’ubukungu, bitewe n’igihe byamaze bidakora.

Aha Itegeko ry’umurimo mu Rwanda ryemerera abakoresha kuba bagabanya abakozi kuko n’ubukungu buba bwagabanutse. Ibi ariko, bifite uko bikorwa hirindwa ko hari uruhande rwakwica itegeko.

Maurice Munyentwali avuga ko itegeko rivuga ko mu kugabanya abakozi, iyo umukoresha asezereye umukozi umwe cyangwa benshi kubera impamvu z’ubukungu ashyira ku rutonde abakozi bateganywa gusezererwa hakurikijwe ubushobozi ku murimo, amashuri, uburambe muri icyo kigo n’umubare w’abantu bemewe n’amategeko buri mukozi atunze.

Aha ntibareba ku bashatse cyangwa ababyaye gusa, kuko ushobora kuba utarashaka ariko ufite umuryango munini utunze. Aha umukoresha na we arareba agakoresha ubunyangamugayo bwe.

Aha kandi umukoresha asezerera umukozi mu gihe kitarenze iminsi 90. Iyo impamvu yatumye basezererwa irengeje iminsi 90 itaravaho, umukoresha asezerera umukozi burundu, akamuha n’ibyo amategeko amwemerera, (ibirarane, imperekeza,…).

Iyo ya mpamvu yateye ihungabana ry’ubukungu ivuyeho hatarashira amezi atandatu, umukoresha agashaka gutanga akazi, agomba guhera kuri wa wundi yasezereye, kandi nta kizamini akora. Iyo ibi byose bitubahirijwe, umukoresha aba yirukanye umukozi ku buryo butemewe n’amategeko.

SSP Hillary Sengabo, umuvugizi wa RCS

Mu kiganiro Kigali Today yagiranye n’umuvugizi w’Urwego rw’Imfungwa n’abagororwa mu Rwanda, SSP Sengabo Hillary, yagarutse ku ngamba bafashe, kandi bizera ko iki cyorezo kizarinda kirangira kitinjiye muri gereza.

Yagize ati “Twashyizeho gahunda yo gushyira mu kato imfungwa nshya ziba zigiye kwinjira muri gereza, aho zibanza kumara iminsi 14 zifungiye ahantu hihariye kugira ngo twizere neza ko baza kwinjira ahafungiye abandi ari bazima”.

Yavuze kandi ko gahunda zo gusura no kugemurira abafunze zavuyeho, kuva umuntu wa mbere wanduye yagaragara mu Rwanda. Hashyizweho uburyo bwo kuboherereza amafaranga, kugira ngo abagemurirwaga batazahura n’ikibazo.

Ati “Ubu abasuraga barohereza amafaranga bayanyujije kuri Mobile Money, akanyuzwa mu ishami rya gereza rishinzwe imibereho myiza, aho uwohererejwe ahita amenyeshwa ko afite amafaranga yaguramo icyo ashaka.

Buri gereza yatangaje nomero yayo ayo mafaranga anyuzwaho, abanje kohereza ubutumwa bugufi bw’umwirondoro y’uwo yoherereje amafaranga. Muri za kantine za gereza, twongeyemo ibicuruzwa ndetse bateka n’ubwoko bw’amafunguro anyuranye, ku buryo ntacyo umuntu yakenera kugura ngo akibure. Hashyiweho kandi na telefone, aho ufunze ashobora guhamgara abo mu muryango we akababaza uko bameze”.

Ikindi ni uko imirimo nyongeramusaruro yakorwaga, nk’ubuhinzi, yose yahagaritswe, kuko aho hari impungenge z’uko bashoboraga guhura n’abandi bantu batari abo muri gereza. Imirimo yose isigaye ikorerwa imbere muri gereza gusa.

Abacungagereza na bo muri iyi minsi nta handi bemerewe kujya, yewe nta n’ubwo bataha mu miryango yabo, na bo baguma kuri Gereza.

SSP Sengabo ati “Twirinze ikintu cyose cyatuma ufunze ahura n’umuntu uvuye hanze. Abacungagereza bari mu kazi, ntibemerewe gutaha. Ibyo bafashwa byose mu kazi, babifashwa bari kuri gereza. Ubu no ku cyicaro gikuru ntabwo dukora, turakorera kuri telefone na interineti gusa”.

SSP Sengabo avuga ko ibyo gusiga intera hagati y’abafungwa bitashoboka, kuko baba babayeho nk’uko umuryango umwe w’abantu ubayeho.

Ati “Ibyo gusiga metero hagati y’abafungwa, gukoresha udupfukamunwa, ntibyashoboka muri gereza. Babayeho nk’umuryango umwe, ni nk’uko utabwira umubyeyi n’abana be bari mu rugo, ngo bajye basiga metero hagati yabo, mu gihe bari mu rugo”.

SSP Sengabo Hillary, yavuze ko kugeza ubu nta cyemezo cyo kurekura bamwe mu bafunze kirafatwa, nk’uko byagiye bikorwa muri bimwe mu bihugu. Kugeza ubu, nta muntu n’umwe uragaragarwaho na Covid-19, haba muri gereza cyangwa mu bayirinda, kuko izi ngamba zafashwe zikurikizwa ku buryo butajenjetse.

Mu ntangiriro, bamwe bibazaga niba ibi bizashoboka abantu bakibuka koko, kuko ari ubwa mbere byari bikozwe muri ubu buryo.

Mu kiganiro Urubuga rw’itangazamakuru cyo ku wa 12 Mata 2020, Umuyobozi wungirije wa IBUKA, Nkuranga Egide, yavuze ko ubu buryo bwo kwibukira mu ngo, byatumye abantu benshi babohoka, bakavuga ku mateka yabo, ndetse ubu bamwe bakaba baratangiye no kwandika ibitabo ku mateka yabo.

Yagize ati: “twasanze abantu benshi barabonye umwanya wo kuvuga, bagatekereza, bakibuka amateka yabo, cyane ko batabibangikanyaga n’akazi ka buri munsi, ku buryo ndetse bamwe batangiye kwandika ibitabo. Hari abantu burya batinyaga gutanga ubuhamya bwabo mu ruhame, ariko twabonye ku mbuga nkoranyambaga abantu barifataga za video, bakandika ubuhamya bwabo, bakabusangiza abandi. Ibi ni byiza kuko byafashije benshi kwibuka”.

Yakomeje avuga ko kuri iyi nshuro nta bantu bahungabanye ku buryo hitabazwa ubufasha bwo kubajyana kwa muganga. Ikigaragara ni uko abaturage bagiye bafashanya ku nzego z’ibanze, kuko nta n’umwe wahamagaye numero ya 112, yateguwe kugira ngo abakeneye ubufasha burenze ku rwego rw’ibanze bagezwe kwa muganga. Ibi ngo byatewe n’uko abantu batahuriye hamwe ari benshi ngo hagire uhungabana, kuko akenshi abantu bahungabana kuko hari undi begeranye uhuye n’icyo kibazo, bigatuma benshi bahita na bo bahungabana.

Bwana Umuhire Valentin, umuyobozi w’ikinyamakuru Valuenews cyandika kuri murandasi uri mu Karere ka Musanze, yavuze ko abaturage bo muri Musanze bubashye cyane icyumweru cy’icyunamo. Yagize ati: “Bigitangira wabonaga batumva neza uko bazibukira mu ngo ariko iki cyumweru navuga ko abaturage babyubashye cyane, ku buryo n’abantu bagendagendaga mu mihanda, cyane urubyiruko na bo ntabagaragara. Kuri jye nk’umunyamakuru mbona abaturage benshi bataragaragaye mu mihanda kuko babaga bakurikira ibiganiro kuri radio, bigaragara ko babihaye agaciro. Gusa ubu sinabaha imibare y’ababikurikiranye, ariko hari benshi byigishije batajyaga babiha umwanya wabo”.

Bwana Sehene Emmanuel, umunyamakuru wakurikiranye gahunda zo kwibuka mu Mujyi wa Kigali, we yagize ati: “Nari mfite impungernge ko abantu bizagorana, ndetse agahinda kakaba kenshi mu bantu baba bakeneye kwibuka ababo. Ariko abo nagiye mvugana na bo nasanze bavuga ko byari bikenewe kuko hari abo byarebaga ariko wasangaga batabikurikirana, nk’urubyiruko aho usanga bashishikajwe cyane no gukurikirana ubuhamya n’amateka bivugwa n’ababibonye, ndetse n’ubuhanga butangwa n’abasobanukiwe imitegurire n’imikorere ya Jenoside. Byatumye kandi abantu bakurikira ibibera ahandi, bidasabye ko buri gihe bahurira hamwe, ahubwo bakoresheje ikoranabuhanga.”

U Rwanda ni kimwe mu bihugu byafashe ingamba zo kurinda abaturage babyo kwandura COVID-19, hirindwa ingendo zitari ngombwa, no guhurira ahantu hamwe ari abantu benshi. Gahunda ya “Guma mu rugo”, benshi mu Banyarwanda bamaze kuyimenyera, kandi bumva ko itajyanye no kubabangamira, ahubwo ko ari ukurinda ubuzima bwabo.

Mu gace ka Nyabugogo muri Kigali muri iyi minsi ni uku hasa, mu gihe mbere hahoraga urujya n’uruza rw’ibinyabiziga bisohora imyuka mibi ihumanya ikirere

Abashakashatsi mu by’ubumenyi bw’ikirere muri kaminuza ya Columbia, batangarije BBC ko muri New York, imyuka ihumanya ikirere yagabanutseho 50%, bitewe na gahunda ya guma mu rugo.

Mu Rwanda, Ikigo cy’Igihugu cyo kubungabunga ibidukikije (REMA), kivuga ko gahunda yo kuguma mu rugo, yatumye ibyateraga ikirere guhumana byinshi bitagikoreshwa, byasukuye ikirere muri rusange, kuko byatangiye kugaragara mu cyumweru cya mbere.

Mu kiganiro Kigali Today yagiranye na Dr Kalisa Egide, inzobere mu birebana n’imyuka ihumanya ikirere muri REMA, akaba n’Umushakashatsi wa Kaminuza y’u Rwanda uzobereye mu myuka yanduza ikirere n’uko yakwirindwa, yasobanuye ko icyumweru cya mbere cya gahunda ya Guma mu rugo, mu Mujyi wa Kigali, umwuka uhumanye wagabanutseho 20%.

Mu Rwanda, ibinyabiziga (imodoka na moto) ndetse n’ibicanwa (inkwi n’amakara) biza ku isonga mu guhumanya ikirere. Dr Kalisa Egide, avuga ko kuba ibinyabiziga bitakigenda cyane ari cyo cyatumye ahanini ibyuka bihumanye bigabanuka, ariko hakiyongeraho na zimwe mu nganda zitagikora nk’uko bisanzwe.

Kuri iyi karita, NASA yerekana uko ihumana ry’ikirere ryagabanutse mu bushinwa muri ibi bihe bya COVID-19

Gusa n’ubwo muri iyi minsi ikirere cy’isi cyaruhutse ikigero kinini cy’imyuka ihumanya, hari impungenge zikomeye ko nyuma y’iki cyorezo, abantu bazakuba inshuro nyinshi ibyo bakoraga, inganda zikarushaho kurekura ibyotsi byinshi bihumanya ikirere, ndetse n’abatwara imodoka, bakazazigendamo cyane, bagerageza kuziba icyuho mu bukungu batewe n’iki cyorezo.

Dr Kalisa, avuga ko izi mpungenge no mu Rwanda zihari, ariko ko hari ingamba zafashwe. Yagize ati: “Imodoka na Moto nizongera kujya mu muhanda, imyuka mibi na yo izatangira kugenda yiyongera gahoro gahoro.”

Icyakora mu Rwanda avuga ko hari ingamba zo kwirinda ko iki kibazo cyakongera, ndetse zimwe zo zatangiye gushyirwa mu bikorwa.

Yagize ati: “Turashaka ko mu Rwanda, na nyuma ya gahunda ya Guma mu rugo, imyuka ihumanya ikirere yakomeza kugabanuka. Mu ngamba zatangiye gukorwa, harimo nko kugabanya imodoka zishaje mu muhanda, izihari na zo zigakorerwa ubugenzuzi (Contole Technique), ku buryo zidasohora imyuka myinshi ihumanye. Hari kandi gahunda y’uko inganda na zo zatangira kujya zipima imyuka ihumanye zisohora, zikayigabanya ku buryo imyuka isohoka iba ku kigero cyemejwe (Standard) ku buryo mpuzamahanga.”

Mu mihanda ya Kigali nta bantu barimo, ibinyabiziga na byo ni bikeya

Dr Kalisa, akomeza avuga ko abatwara ibinyabiziga, bajya birinda guhagarara umwanya muremure, ikinyabiziga cyaka ariko kitagenda. Yagize ati: “Abashoferi mu gihe bahagaze, bajye bazimya imodoka, kuko burya imodoka yaka itagenda, ihumanya cyane ikirere kurusha imodoka igenda”

Buri mwaka, hafi miliyoni 7 z’abantu, bicwa n’indwara zituruka ku guhumana kw’ikirere, ikaba ari yo mpamvu buri gihugu ku isi cyagiye gisabwa gukora ibishoboka byose, kikagabanya ibikorwa bihumanya ikirere.

Ubugenzuzi bwakozwe na BBC, bwerekanye ko iyi miti yiganje cyane mu bihugu bikiri mu nzira y’amajyambere muri Afurika.

OMS, ivuga ko iyo miti ishobora kuzateza ibibazo bikomeye ku buzima bw’abayinywa. Umushakashatsi ku bijyanye n’imiti waganiriye na BBC, yavuze ko hashobora kuzaduka ibindi byorezo byaterwa n’iyi miti, kuko ngo igira ingaruka zikomeye ku buzima bw’abantu.

Dr. Charles Karangwa, Umuyobozi w’Ikigo gishinzwe ubugenzuzi bw’Ibiribwa n’Imiti mu Rwanda (Rwanda FDA), yatangarije Kigali Today ko iki kibazo mu Rwanda nta mpungenge bagifiteho.

Avuga mu Rwanda hari ubugenzuzi bukomeye bukorwa ku miti yinjira mu gihugu. Ati “Mu Rwanda ibyo ntibyakunda kuko imiti yinjira mu gihugu iciye mu nzira zikurikiranywe, cyane ko kugira ngo winjize imiti mu gihugu, bisaba ko usaba Visa muri FDA, tukareba niba imiti ugiye kuzana yemewe kuba yacuruzwa mu Rwanda, turebye urutonde watanze.

Iyo igeze mu Rwanda, hari icyemezo tumuha tumaze gukora ubugenzuzi niba ibyo yazanye ari byo”.

Yakomeje avuga ko n’iyo igeze muri za farumasi bakomeza gukurikirana niba imiti yose bafite iri ku rutonde, cyane ko farumasi zose zikoresha uburyo bumwe bwo kubika inyandiko bwitwa ‘Ishyiga’.

Ati “Ibi bikorwa n’abagenzuzi bagera kuri 50 ba FDA, bazenguruka mu Rwanda bareba niba nta miti ya magendu yinjijwe, kuko imipaka yacu ifunguye.

Iyo dusanze hari farumasi yabirenzeho, tumuha ibihano kugeza ubu tukiri kwigaho tuganiriye na ba nyiri ama farumasi”.

Ku isi yose, abantu benshi bagenda bagura imiti bita iy’ibanze bakayibika mu nzu zabo. U Buhinde n’u Bushinwa, ibihugu bya mbere ku isi mu gukora imiti, bivuga ko “muri iyi minsi twugarijwe na Covid-19, abakeneye imiti babaye benshi cyane kurusha imiti ikorwa”, bikaba ari byo bituma imiti y’imyiganano igurwa n’abantu benshi.

The Beatles

Mu myaka 7 gusa bamaze bari kumwe, The Beatles bakoze imizingo 12 y’imiziki (Albums), igizwe n’indirimbo 200 zakunzwe cyane ku buryo nta bandi baragera kuri ako gahigo.

Byinshi mu byakoreshejwe n’itsinda rya The Beatles, byari mu nzu ikora ibijyanye na cyamunara iherereye mu mujyi wa California yitwa Julien’s Auctions.

Urupapuro rwandikishije intoki, rwanditseho amagambo y’indirimbo « Hey Jude » rwagurishijwe ibihumbi 910 by’Amadolari ya Amerika, ni ukuvuga asaga miliyoni 850 z’Amafaranga y’u Rwanda.

Uru rupapuro rwaguzwe asaga 850.000.000 Frw

Paul McCartney ni we wayanditse mu mwaka wa 1968, nyuma y’aho John Lennon atandukaniye n’umugore we wa mbere witwaga Cynthia, amuziza ko yamuciye inyuma n’undi muhanzi w’umuyapani witwaga Yoko Ono.

Iyi ndirimbo, Paul McCartney yayanditse agira ngo akomeze umuhungu wa John Lennon witwa Julian, wari wahungabanyijwe no gutandukana kw’ababyeyi be. Mu ntangiriro, iyi ndirimbo yitwaga “Hey Jules” ariko mu kuyiririmba bahitamo kuyita “Hey Jude”. Amafaranga yaguzwe iyi nyandiko, yikubye inshuro eshanu, ugereranyije n’igiciro ntarengwa cyari cyashyizweho mu cyamunara.

Ringo Starr ni we wavuzaga izi ngoma mu itsinda rya The Beatles

Ingoma zifashishwaga mu ndirimbo zabo, zifite ikirango cy’izina “The Beatles” zanakoreshejwe mu mwaka wa 1964, ubwo The Beatles bazengurukaga umugabane wa Amerika, mu bitaramo byahuruzaga imbaga, zagurishijwe ibihumbi 200 by’Amadolari ya Amerika, ni ukuvuga asaga miliyoni 187 z’Amafaranga y’u Rwanda.

Cendrier yifashishwa igashyirwamo ivu ku banywa itabi, yakorehwaga na Ringo Starr mu myaka ya 1960, yaguzwe Amadolari ya Amerika ibihumbi mirongo itatu na bibiri na magana atanu (32.500), ni ukuvuga asaga miliyoni 30 z’Amafaranga y’u Rwanda.

Iyi Cendrier benshi bifuje kuyitunga iwabo, birangira iguzwe asaga 30.000.000 Frw

Urupapuro rwandikishije intoki rw’indirimbo Hello Goodbye, yanditswe mu mwaka wa 1967, rwagurishijwe Amadolari ya Amerika 83.200 ni ukuvuga asaga miliyoni 77 z’Amafaranga y’u Rwanda.

Ibindi bikoresho birimo za Guitares, byagiye bigurwa n’abakunzi ba The Beatles, ndetse n’abafite inzu ndangamateka, mu myaka itandukanye kuva iri tsinda ryasenyuka.

Imikino iba igamije kugira impinduka nziza ku buzima bw’abantu

Hope Azeda, ukuriye Mashirika Arts itegura iki gikorwa, yatangarije Kigali Today ko uyu atari umwanya wo gucika intege, ahubwo ko abantu bagomba gutekereza uko bajya bahangana n’ibihe bikomeye, kandi bagakomeza kugera ku ntego zabo.

Yagize ati “Nubwo hajemo imbogamizi, ntabwo twacite intege kuko gukoresha ikoranabuhanga tubifitemo inyungu z’uko ubutumwa bwacu buzagera kuri benshi. Kuri ubu, ibintu byinshi byahuzaga abantu birakoresha ikoranabuhanga.

Natwe twaricaye dusanga tugomba kubibyaza umusaruro, kuko uburyo tuzakoresha buzatuma abantu benshi ku isi bakurikira ibikorwa byacu, kurusha uko byari kubera mu cyumba kimwe gusa”.

Yavuze ariko ko bisaba kubitegura neza, kugira ngo n’abazitabira iki gikorwa bazabashe kumva neza ubutumwa, kandi amashusho ameze neza.

Yagize ati “Ntabwo byoroshye kubitegura, kuko ubu tuzakorana n’ibihugu bigera kuri 15, ariko ntituramenya niba byose bizabasha kwitabira kuko bizaterwa n’uko bahagaze ku bijyanye na interineti. Ntidushaka ko umuntu azajya atangira gahunda, hakaza ibibazo byo gucika kw’amashusho.

Ubu turacyaganira n’ibigo bikomeye bizobereye mu ikoranabuhanga mu bijyanye na “Live Streaming” kugira ngo intego yacu izagereho”.

Insanganyamatsiko y’uyu mwaka igira iti “Stop, Breathe, Live”, mu Kinyarwanda bisobanuye ngo “Hagarara, Uhumeke, Ubeho”.

Hope Azeda, avuga ko iyi bayitekereje barebye uko abantu ku isi babayeho muri iki gihe aho benshi bakora bataruhuka, bamwe bakicwa n’umunaniro, abantu batakigira umwanya wo gutuza ngo bitekerezeho.

Avuga kandi ko hari na byinshi mu bikorwa bya muntu bibangamiye isi, ibidukikije muri rusange, ku buryo abantu bafite ibibazo by’umwuka uhumanye cyane bahumeka.

Umuvuduko w’ikoranabuhanga, na wo ngo utuma abantu babaho ku buryo butabakwiye, aho usanga abana bato bareba amashusho, bumva amajwi arenze ikigero cyabo, ibi bikaba ari ibibazo byahungabanya isi.

Hope Azeda ukuriye Mashirika Arts itegura Ubumuntu Arts Festival

Hope Azeda mu magambo make yagize ati “Niba na telefone ishiramo umuriro ugakenera kuyicomeka, imodoka yashiramo amavuta ukayongeramo ngo yongere igende, kuki umuntu we atatekereza ko agomba gutuza, agahumeka akongera akabaho neza”?

Hope Azeda, avuga ko ibi byabatunguye ku buryo ubu bongeye gusubira ku baterankunga babafasha muri iki gikorwa, kugira ngo bumvikane ku buryo bw’amafaranga yari yarateganyijwe aziyongera. Gusa avuga ko afite icyizere ko bazabyumva, kuko isi yose ari bwo buryo iri gukoresha.

Amatariki iri serukiramuco rizaberaho ni kuya 17, 18 na 19 Nyakanga 2020, aho buri munsi igikorwa kizajya kimara amasaha abiri. Yavuze ko bagitegura neza iki gikorwa, amasaha kizajya kiberaho akazatangazwa mu minsi mike.

Abahuriye muri Diaspora nyarwanda mu gihugu cy’u Bwongereza, kuri ubu baribuka bakoresheje uburyo bw’ikoranabuhanga, kandi bagakurikira n’ibiganiro byo kwibuka bibera mu Rwanda.

Noel Ntakirutimana ushinzwe urubyiruko, umuco na siporo mu ihuriro (Dispora) ry’Abanyarwanda baba mu Bwongereza, akaba n’Umuyobozi wungirije w’ihuriro ry’Abanyarwanda baba mu Mujyi wa Manchester, yabwiye Kigali Today ko n’ubusanzwe bakora ibikorwa byo kwibuka buri mwaka, ariko kuri iyi nshuro na bo bakaba babikora bubahiriza uburyo bwo kwirinda COVID-19.

Noel Ntakirutimana yavuze ko uyu mwaka, bateganyaga gahunda nyamukuru ebyiri, ari zo gahunda yo kwibuka itegurwa na Ambasade y’u Rwanda i London, ariko iki gikorwa kikaba kitarabaye ku itariki ya 07 Mata nk’uko byari bisanzwe, ahubwo na bo bakaba barakurikiranye ibiganiro kuri Televiziyo, Radiyo n’ibindi bitangazamakuru byo mu Rwanda.

Ambassade y’u Rwanda mu Bwongereza kandi, ibinyujije kuri Twitter (@RwandaInUK), yateguye ibiganiro bijyanye no kwibuka, birimo ubuhamya mu mashusho, bakagenda babisangiza abandi. Ikindi gikorwa ni icyateguwe n’amahuriro anyuranye y’Abanyarwanda, aho buri mwaka batoranya umujyi umwe bakoreramo, bakaba barateganyije kuzibukira ahitwa Coventry kuri iyi nshuro ya 26, ku itariki ya 18 Gicurasi 2020. Iyi gahunda yo ikaba nta kirahindurwaho kuko batazi niba bazaba bakiri mu bihe bidasanzwe byo kuguma mu ngo zabo cyangwa bazaba barasubuye mu buzima busanzwe.

Muri ibi bihe, bashishikariza uwo ari we wese waba afite ubuhamya, gukoresha video, inyandiko, n’ubundi buryo butandukanye, akabisangiza abandi ku mbuga nkoranyamabaga nka Twitter, YouTube, Whatsapp …, kuko hari benshi bifasha. Yavuze kandi ko bakomeza no gukurikira ibiganiro byinshi bica ku bitangazamakuru n’imbuga nkoranyambaga byo mu Rwanda.

Mu gihe ugize agahinda, ukigunga, ushobora kukagabanya ukoresheje uburyo bunyuranye. Muri bwo harimo ubu bukurikira:

Kurira: Abashakashatsi mu by’imiterere ya muntu, bemeza ko kurira ari kimwe mu biruhura umuntu ufite agahinda. Amarira, ni kimwe mu bintu bisukura umubiri, aho asohora imyanda mu mubiri ndetse agasohora imisemburo itera agahinda mu mubiri. Iyo umuntu arira, aba atekereza cyane ku bintu byamuteye ako gahinda. Ibyo bituma abyemera, akabyakira akumva umutima uraruhutse.

Kuganira n’umuntu ukoresheje ikoranabuhanga: Imbuga nkoranyambaga, Telefone, …: Ubushakashatsi bwagaragaje ko iyo umuntu ababaye, cyane ku muntu wapfushije inshuti ya hafi, kumuganiriza ku nshuti ye ari kimwe mu byamufasha.

Aha rero mu gihe hari umuntu wizeye, waganiriza ku mateka yawe agoye waciyemo, byagufasha cyane mu gihe cy’agahinda. Aha ariko, bisaba ko umuntu uganiriza aba azi gutega amatwi, akakwereka ko ibyo umubwira abishyizeho umutima we.

Kwandika ku byakubayeho: Kimwe mu bizahaza abantu mu gihe bagize agahinda, harimo kwibikamo imbere muri bo, ibyababayeho bikababera umutwaro ukomeye. Kubisohora mu buryo bwose, harimo no kubyandika birafasha. Ni byiza ko mu kwandika ibyakubayeho wakoresha ikaramu n’intoki, kuko aribwo wandika neza amarangamutima yawe. Iyi nyandiko ushobora kuyibika, guhitamo kuyisangiza inshuti yawe cyangwa muganga wawe. Ku bijyanye na Jenoside yakorewe Abatutsi, abarokotse bashishikarizwa kwandika amateka yabo, kugira ngo atazibagirana.
Aha kandi wakoresha uburyo bwo kwandikira abawe bishwe muri Jenoside, ukabandikira ibyo wumva wababwira baramutse bahari, kuko biruhura.

Guhimba indirimbo, imivugo: Ushobora kunyuza amarangamutima yawe mu mivugo no mu ndirimbo. Ku bushake bwawe, ushobora guhitamo kubisangiza n’abandi benshi, kuko uretse wowe ubwawe, bifasha n’abandi benshi muhuje ikibazo.

Iyo umuntu agize agahinda, bisaba ko abantu bamuba hafi, kuko iyo bikabije bishobora kuba ikibazo gikomeye, gishobora no kumutera kwiyahura. Muri iki gihe cyo kwibuka ku nshuro ya 26 Jenoside yakorewe Abatutsi, abahuye n’ibibazo byo guhungabana ndetse n’agahinda gakabije, bafashwa n’abajyanama b’ubuzima, cyangwa hakifashihwa ibiganiro bikozwe ku buryo bw’ikoranabuhanga.

Abageni batawe muri yombi ntibahiriwe n’ubukwe bari bateguye (Ifoto: Times Live)

Aba bageni bagiye gutangirira ubuzima bwabo bw’urugo muri gereza, nyuma yo gutabwa muri yombi na Polisi ku cyumweru tariki 05 Mata 2020 mu Majyaruguru y’Intara ya Kwa Zulu Natal, mu gace kitwa Nseleni. Abo bageni bafatanywe n’abandi bantu bagera kuri 50 bari bitabiriye ubu bukwe, mu gihe abaturage bose bafite amabwiriza yo kuguma mu ngo zabo, no kudahurira hamwe ari benshi mu rwego rwo kwirinda icyorezo cya COVID-19.

Umuyobozi wa Polisi muri kariya gace yatangarije Ikinyamakuru TimesLIVE ko aba bafashwe nyuma yo guhabwa amakuru ko hari ahantu habereye ubukwe, ibi bikaba binyuranyije n’ingamba zashyizweho, zo kudahuriza abantu benshi ahabereye ibirori.

Yagize ati: "Turacyakurikirana iby’iki kibazo. Barajyanwa kuri Sitasiyo ya Polisi Empangeni, aho bari bube bafungiye".

Muri iyi Ntara, ni ubwa kabiri hafashwe abageni barenze ku mabwiriza yo kwirinda COVID-19, kuko ku cyumweru cyabanje, umuyobozi w’ishuri ry’ahitwa Nkandla witwa Jabulani Zulu w’imyaka 48, n’umukunzi we Nomthandazo Mkhize w’imyaka 38 na bo bafashwe bari mu mihango yo gusaba no gukwa.

Igice cya kane cya La Casa de papel cyarasohotse

Iyi filime yasohotse mu gihe isi yose iri mu kaga katewe n’icyorezo cya Covid-19. Abantu benshi kuri ubu bategetswe kuguma mu nzu zabo, mu rwego rwo kwirinda ikwirakwira ry’icyo cyorezo.

Kureba filime ni kimwe mu bintu benshi babifitiye ubushobozi bahugiyeho, bivuze ko iki gice cya kane cya La Casa de Papel, kizarebwa cyane, nk’uko ubuyobozi bwa Netflix bubivuga, bikazafasha benshi kandi na yo ikabigiriramo inyungu.

La Casa de Papel ni filime yatunguranye ku buryo budasanzwe mu gukundwa ku isi, kuko ubundi yatangiye yerekanwa kuri televiziyo yo muri Espagne, ifatwa nka filime itari mpuzamahanga.

Yatangiye kumenyekana ku isi yose guhera tariki 23 Ugushyingo 2017, ubwo yatangiraga kwerekanwa kuri Netflix imaze kugura uburenganzira bwo kuyikora no kuyerekana.

Muri make, igice cya mbere cy’iyi filime kivuga ku mugabo udasanzwe, wahimbwe izina rya Professeur (El Profesor), wari ufite umugambi wo kwiba banki, ku buryo butigeze bubaho ku isi.

Mu kuwushyira mu bikorwa, yahaye akazi bamwe mu nkozi z’ibibi, zidatewe ubwoba no guhara ubuzima, na bo ahitamo kubahimba amazina y’imijyi y’ibihugu binyuranye.

Muri abo bakinnyi harimo Tokyo (Umurwa mukuru w’u Buyapani), Nairobi (Umurwa mukuru wa Kenya), Río (Umurwa mukuru wa Bresil), Moscou (Umurwa mukuru w’u Burusiya), Berlin (Umurwa mukuu w’u Budage), Denver (Umurwa mukuru wa Colorado), Helsinki (Umujyi wo muri Finland) na Oslo (Umurwa mukutu wa Noruveje).

Iyi nkuru isozwa ku gice cya kabiri cya filime, ntibyari biteganyijwe ko hakorwa igice cya gatatu, kuko inkuru yari yarangiye, ariko urukundo yakunzwe ku migabane y’isi rwatumye hahimbwa indi nkuru ikurikiraho, bakora igice cya gatatu, cyasohotse tariki ya 19 Nyakanga 2019, kirangira bigaragara ko hazakorwa igice cya kane.

Tariki ya 08 Ukuboza 2019, Netflix yatangaje ko igice cya kane kizasohoka tariki ya 03 Mata 2020.

Coronavirus yateje ikibazo kuri murandasi ikenerwa na benshi ku isi

Abakinnyi ba La casa de papel

Muri iki gihe abantu bari mu ngo bahugira cyane kuri murandasi, mu bihugu bimwe hatangiye kugaragara ubuke bwayo kuko abayikoresha ari benshi kandi igihe kinini.

Netflix na yo yatangaje ko yagize abakiriya badasanzwe muri iki gihe cya Covid-19, ariko uwitwa Reed Hastings, umwe mu bashinze Netflix, avuga ko bazakemura iki kibazo bagerageza kugabanya ubunini bw’amashusho ho 25%, mu gihe cy’iminsi 30.

Ku buryo bw’umwimerere, ushobora kureba La Casa de Papel mu cyongereza, igifaransa n’iki espagnol.

Reba muri make igice cya kane cya La Casa de Papel

Perezida George Weah yatanze ubutumwa bwo kurwanya Coronavirus abinyujije mu ndirimbo (Ifoto: Hiiraan Online)

Afatanyije n’abahanzi bazwi cyane mu njyana ya Gospel, iririmbwa cyane n’abahimbaza Imana, yahimbye indirimbo ndetse aranayiririmba, atanga ubutumwa ko buri muturage wese arebwa n’ikibazo ndetse ko ari inshingano kwirinda no kurinda abandi.

Muri iyo ndirimbo, harimo amagambo avuga ati: « Ashobora kuba nyoko, ashobora kuba so, basaza bawe na bashiki bawe. Twese dufatanye turwanye icyo cyago.»

Perezida George Weah wamenyekanye cyane mu mupira w’amaguru, yahisemo gutanga ubutumwa mu ndirimbo, kuko mu gihugu cya Liberia, ibijyanye n’ikoranabuhanga rya Internet rikiri hasi cyane, abaturage batabona amakuru yihuse ku mbuga nkoranyambaga, ariko hafi ya bose bakaba bashobora kumva Radio.

Si Perezida George Weah gusa ukoze indirimbo atanga ubutumwa bwo kirinda Coronavirus, mu bihugu byinshi abahanzi bagiye baririmba indirimbo zitanga ubutumwa bwo kwirinda.

Umva indirimbo yo kurwanya Coronavirus yakozwe na Perezida George Weah.

Igitaramo cyiswe Each One Reach One, cyari kuririmbamo Misigaro Gentil na Adrien na Israel Mbonyi giherutse gusubikwa kubera Coronavirus, abahanzi bahitamo kugisubukura nta bandi bantu bari aho cyaberaga, bagikorera kuri YouTube

Si mu Rwanda gusa uyu muziki ukunzwe kuko hari n’abatangiye kuwukora ku buryo mpuzamahanga, aho bategura ibitaramo mu mahanga, bagakorana indirimbo n’abanyamahanga. Ibi rimwe na rimwe bisaba ko Abanyarwanda bakora umuziki basohoka hanze y’u Rwanda mu gutunganya no kumenyekanisha ibihangano byabo.

Minisiteri y’Ubuzima mu Rwanda iherutse gusohora amabwiriza agamije kwirinda icyorezo cya COVID-19, muri ayo mabwiriza hakaba harimo abuza abantu kujya ahahurira abantu benshi, harimo ibitaramo, ndetse guhera kuri uyu wa Gatanu tariki 20 saa sita z’ijoro, nta ngendo z’abava cyangwa abaza mu Rwanda zizongera kubaho, mu gihe cy’iminsi 30. Ibi rero, bigasa n’ibifunga isoko rya muzika.

Kigali Today yaganiriye na bamwe mu bafite inzu zikora muzika zikanarengera inyungu z’abahanzi babo, batubwira ibibazo bahuye na byo kubera icyorezo cya Covid-19.

Umuyobozi wa Kina Music, Ishimwe Clement, yatubwiye ko iki cyorezo kimaze kubatera igihombo kinini, haba mu kwinjiza amafaranga ndetse no mu bindi bikorwa bateguriraga abakunzi babo. Yagize ati: "Hari ibitaramo twateganyaga gukora icyari hafi ni icya Igor Mabano tariki ya 21 Werurwe. Ayo ni amafaranga menshi twahombye, kandi aha igihombo kijya ku bantu benshi. Ikibabaje cyane ni igihombo ku byishimo twagombaga guha abakunzi ba Igor, byo ntiwabona uko ubibara. Hari n’ibindi bitaramo bitandukanye abahanzi bagombaga kuririmbamo na byo bitakibaye. Hari ingendo twari dufite zo kujya mu mahanga gukora amashusho y’indirimbo, ibyo byose byarahagaze.

Aristide Gahunzire, umujyanama wa The Mane, yavuze ko byaba akaga gakomeye iki cyorezo kiramutse kigeze mu kwezi kwa Gicurasi.

Yagize ati: "Kuvuga umubare w’amafaranga tumaze guhomba biragoye cyane. Igihombo ni kinini cyane. Ahanini abantu dukora umuziki ahantu twungukira ni mu bitaramo cyane. Iyo bitaba rero, ni ibibazo mu ruganda rwose rwa muzika. Hari igitaramo kinini twateguraga muri uku kwezi kwa Werurwe, twari twatumiye n’umuhanzi wo hanze, twari dufitemo amafaranga menshi. Hari ibindi byinshi twateguraga biragoye kubisobanura. Ubwoba dufite ni uko iki cyorezo cyazageza mu kwezi kwa Gicurasi. Amezi atangira umwaka ibitaramo biba ari bike, ariko nyuma y’ukwezi kwa Mata, Covid-19 iramutse igihari twazagira igihombo gikomeye umuntu atabara. Imana ibiturinde. Ubu indirimbo, Video zidasaba gusohoka igihugu no guhuza abantu benshi, turabikora ntitwahagaze. Gusa urabyumva turasohora amafaranga ariko nta yinjira. Ubu turasenga ngo iki kibazo kibonerwe umuti mbere y’impeshyi (summer), kuko guhera mu kwezi kwa Gicurasi dufite ibitaramo byinshi twatumiwemo hanze y’u Rwanda."

Uzamberumwana Pacifique wamamaye nka Oda Paccy, uyobora Empire Records, we yavuze ko gutekereza ku gihombo bagize, umuntu ashobora guta umutwe (ibyo yise gusara). Yagize ati: "Hari indirimbo nyinshi twateganyaga gusohora. Ariko ubu gukora amashusho ni ikibazo tugomba kwirinda uko dushoboye kose. Kwamamaza ibikorwa byacu, indirimbo nshya, byose ni ukubikora umuntu adasohotse mu nzu. Biragoye hari n’ibidashoboka nyine ugahomba. Ibitaramo byo twateguraga, ibyo twari twatumiwemo, hari ubwo mba ntashaka no kubitekereza kuko wata umutwe. Ni igihombo gikabije, iki cyorezo cyadukozeho. Ubu icyo turi kwitaho ni ukwirinda, no kwirinda ibikorwa byose bishobora kugikwirakwiza".

Si mu muziki gusa, ahubwo n’abakora ubundi bucuruzi bunyuranye, bavuga ko iki cyorezo kimaze kubateza igihombo kinini, kuko ubu business nyinshi nk’utubari, resitora, amasoko, ... abantu batakiza kugura uko bisanzwe. Kugeza ku wa Gatatu tariki 18 Werurwe 2020, mu Rwanda hari hamaze kugaragara abantu 11 banduye COVID-19, ingamba zo kuyirinda zikaba zikomeje gushyirwamo imbaraga.

Miss Sylivia Sebastian yageze i Kigali

Akigera ku kibugampuzamahanga cy’indege cya Kanombe, Miss Sylivia yakiriwe na Miss Meghan Nimwiza, kuri ubu ari we ugifite ikamba rya Nyampinga w’u Rwanda.

Miss Tanzania 2020 Sylvia Sebastian (uwambaye ingofero) yakiriwe na Miss Nimwiza Meghan

Abakobwa bahatanira iri kamba ni 19, nyuma y’aho uwitwa Ingabire Jolie Ange aviriye mu irushanwa kubera uburwayi.

Irushanwa ryo gutora Nyampinga w’u Rwanda 2020, rizabera mu nyubako ya Intare Arena, guhera isaa kumi n’imwe za nimugoroba, aho abazaryitabira bazaba basusurutswa n’itorero Inganzo Ngali.

Ben Kanzira

Bwana Ben Kanzira uhagarariye Trade Pro mu Rwanda, ari yo ihagarariye Total mu Rwanda, yavuze ko, umumotari wese wahisemo gukoresha amavuta ya Total Hi-Perf, bazajya basaba akabido baguriyemo amavuta, kuko ari ko mahirwe yabo yo gutunga moto.

Yagize ati "Nyuma yo kwiyandikisha kwinjira mu irushanwa, ukagura amavuta, ni ukureba inyuma ku kabido ahari umubare w’ibanga winjiza muri telefone yawe, ubundi ukiha amahirwe yo kuba umubare wawe watsindira moto.

Dore uko wakwinjira muri Poromosiyo ya Dunda na moto, ukoresheje telefone yawe.

Intambwe ya mbere: Ukoresheje Telefone yawe, kanda *737*44# wemeze

Intambwe ya kabiri: Injiza umubare w’ibanga wabonye ku kajerekani

Intambwe ya gatatu: Kubona ubutumwa buvuga ko umubare wawe winjiye mu irushanwa rya poromosiyo ya Hi-Perf, Dunda na Moto

Biteganyijwe ko iyi poromosiyo izamara ibyumweru 10, kuko hazajya hatangwa moto eshatu buri cyumweru, zikaba ari moto 30. Abatsinze bazajya batangazwa kuri TV1, kandi hazakurikizwa amategeko aboneye, atanga amahirwe kuri buri wese.

Akarusho ku mavuta ta Total Hi-Perf, ni uko uyakoresha kuri moto, ahantu hose hakenera amavuta, haba kuri moteri, amburiyaje, n’ahandi.

Aya ni yo mavuta bazajya batomboreraho

Total, ifite icyicaro mu gihugu cy’u Bufaransa. Ikorera mu bihugu birenga 100 ku isi, kubera icyizere gikomeye ihabwa n’abakiriya bayo. Mu Rwanda, yibanda ku bucuruzi bw’amavuta na Gaz, ariko ikora n’ibindi bikorwa byinshi.

Total Hi-Perf, ikaba yiteguye ubufatanye bukomeye n’u Rwanda, cyane ko bahasanze abakiliya benshi ba moto, bakoresha amavuta ya Total Hi-Perf.

Bamwe mu bafatanyabikorwa bari bitabiriye itangizwa rya Poromosiyo Hi-Perf, Dunda na Moto

Kimwe mu bibazo benshi bemeza ko cyazanywe n’ikoranabuhanga, harimo kwigisha ibyerekeranye n’urukozasoni no gukwirakwiza amashusho n’amajwi by’urukozasoni.

Ibi, bigenda bikorerwa ku mbuga nkoranyambaga zitandukanye (Whatsapp, Facebook, YouTube,…), aho usanga akenshi ababikora bamwe bavuga ko ari umushinga ubyara inyungu, kuko baba baharanira ko ibyo bashyizeho birebwa n’abantu benshi, bakazabivanamo amafaranga.

Mugabo Jean (izina yahawe mu nkuru), ufite urubuga kuri YouTube, aganira na Kigali Today yagize ati: “Jyewe icyo mba nshaka ni uko urubuga rwanjye rukurikirwa n’abantu benshi kandi bakareba ku bwinshi ibyo mba nashyizeho. Iyo abantu batangiye kwibaza ku mutwe wahaye icyo ushaka ko bareba, nibwo babifungura ari benshi”.

Undi na we wahawe izina rya Kalisa André, yabwiye Kigali Today ko abantu muri iki gihe bashimishwa na byacitse, inkuru zidasanzwe cyangwa izivuga ku bitsina. Yagize ati: “Ubu nshyizeho ko Abanyarwanda benshi biteje imbere mu buhinzi, nta wabifungura. Ariko iyo ushyizeho ikintu kivuga ku bitsina, ukabiha umutwe udasanzwe, umunota umwe biba bimaze kurebwa n’ibihumbi”.

N’ubwo bamwe bavuga ko inkuru nk’izi zibinjiriza amafaranga, hari abasanga binyuranyije n’umuco w’Abanyarwanda, bikaba ngo bishobora kuzagera aho abantu bambara ubusa ku gasozi, ndetse kuvuga no gukora ibikorwa by’urukozasoni mu ruhame bigafatwa nk’ibintu bisanzwe.

Rutangarwamanoko Nzayisenga Modeste, impuguke mu by’umuco, mu kiganiro Urubuga rw’Itangazamakuru, yavuze ko bimwe mu binyura ku mbuga nkoranyambaga birimo ibihonyanga umuco w’Abanyarwanda. Yagize ati “Ubundi kuva kera, hari ibintu byo mu mbere, bitagomba kugaragazwa hanze. Nta mugore wakagiye ku gasozi ngo agaragaze ubwambure bwe, umuntu ngo ajye hariya avuge uko abonana n’abagore cyangwa abagabo. Ishyano ryaraguye”.

Bamwe mu babyeyi na bo barabibonamo impungenge ku bana babo, bavuga ko ababikora bakagombye kujya bakurikiranwa bagahanwa.

Umulisa Charlotte yabwiye Kigali Today ko hari ibyo yumva cyangwa abona akibaza niba abana be batabibonye. Ati; “Hari ubwo ndeba kuri Status za Whatsapp, YouTube, nkabona ibintu bakora, bavuga, nkibaza aho nzabihisha abana banjye. Ariko barabibona kuko aho birirwa, birirwana n’ababireba muri za telefone. Ibi bintu byari bikwiye guhagurukirwa, ababikora bagahanwa kuko birakabije”

Ntibyoroshye guhana icyaha cy’Urukozasoni

Ingingo ya 38 y’itegeko ryerekeye gukumira no guhana ibyaha bikoreshejwe ikoranabuhanga igika cya mbere ivuga ko umuntu wese utangaza, wohereza cyangwa utuma hatangazwa ubutumwa ubwo ari bwo bwose bw’urukozasoni akoresheje mudasobwa cyangwa urusobe rwa mudasobwa, aba akoze icyaha. Gusa ngo, kumenya niba ikintu ari urukozasoni ku buryo ugikoze ahanwa, ntigisobanutse mu itegeko.

Shema Akilimali ushinzwe kurwanya ibyaha bikoreshwa ikoranabuhanga mu Rwego rw’Igihugu rw’Ubugenzacyaha (RIB), avuga ko kuba ijambo “Urukozasoni” ridasobanutse neza ku buryo buri wese yabyemeza, ari ikibazo.

Yagize ati: “Hari abo duhamagaza, twe ubwacu twabonye ibyo bashyize ku karubanda, cyangwa n’abantu bakatugezaho ikibazo, ariko yahagera we akavuga ko atabona ko ari urukozasoni. Umuntu umwe yakwambara ijipo igera hejuru y’amavi, bamwe bakabona ari urukozasoni, abandi bakabona ari ibisanzwe. Aha rero haracyari ikibazo mu itegeko”.

Mu gukemura iki kibazo no kuziba iki cyuho kiri mu itegeko, Shema Akilimali yatubwiye ko ubu bashyizeho itsinda rigizwe n’abantu banyuranye barebwa n’umuco, impuguke mu buhanzi, n’abashinzwe kugenza no guhana ibyaha, kugira ngo hasobanurwe neza icyo urukozasoni ari cyo ku Banyarwanda, bakabona icyo bazajya bagenderaho bahana ibyaha.

Aha, akaba asaba abantu bose basakaza amashusho n’amajwi, kujya babanza kubaza umutima mbere yo kugira ibyo basakaza, kuko uretse n’ababireba, na bo ubwabo bishobora kubagiraho ingaruka.

Inkuru bijyanye:

Guhangana n’abatangaza ‘urukozasoni’ kuri YouTube bikeneye ivugururwa ry’amategeko agenga itangazamakuru

Joeboy

Joeboy, yatowe n’abakurikira urubuga rwa Twitter rw’abakunzi ba Kigali Jazz Junction ku majwi 66.2% aho yari ahatanye n’umunya Kenya Stella Mwangi ndetse na Innoss’B, na we wamenyekanye cyane mu ndirimbo Yope yakoranye na Diamond Platnumz.

Joeboy wamenyekanye cyane mu Rwanda mu mwaka wa 2019, kuri ubu akunzwe n’urubyiruko rwinshi, aho usanga n’indirimbo ze zikunzwe gucurangwa ahantu hanyuranye, mu tubyiniro, kuri radio, n’ahandi.

Joeboy yatangiye kuririmba ubwo yari afite imyaka 16, ku myaka 17 akora indirimbo. Mu ndirimbo yakoze zamenyekanye mu Rwanda harimo “Baby”, “Beginning” na “All for You”.

Reba hano indirimbo ya Joeboy “Beginning” yakunzwe n’abanyarwanda batari bake.

Mu kiganiro Samedi Détente cya Radio Rwanda, Safi yabwiye umunyamakuru ko amasezerano yagiranye na The Mane atubahirijwe ku kigero cya 80%.

Yagize ati: “Mu masezerano, harimo ko nta muhanzi mushya ugomba kwinjizwa muri Label ntabimenyeshejwe. Ariko abinjiyemo bose, sinzi uko baje. Ibi kandi nabishyize mu masezerano kuko nshaka kurengera izina ryanjye. Ibi ntibyubahirijwe”.

Ku birebana no kumenya uwishe amasezerano, Safi yavuze ko bikemurwa n’urukiko, ntibikorwa n’umuntu ku giti cye. Yavuze ati: “Iyo wumva warenganyijwe, ujya mu rukiko ukerekana uko amasezerano yari ateye ku ruhande rwawe, nanjye nkazana ayanjye, umucamanza ni we ufata icyemezo bitewe n’ibyo abonye mwari mwumvikanye mu masezerano”.

Ubuyobozi bwa The Mane, bwari bufitanye amasezerano na Safi guhera muri 2016, bwumvikanye mu itangazamakuru bumushinja kwangiza amasezerano, bunasohora ibaruwa bumenyesha abanyamakuru n’abandi bacuranga imiziki ko umuhanzi Safi Madiba atemerewe gukoresha indirimbo zose yakoreye muri The Mane harimo indirimbo nka Kontwari, Kimwe Kimwe, igifungo, My Hero, Good Morning, Ina Million ndetse na Original. Ku wa 19 Ukuboza 2019, Safi Madiba yagiye ku cyicaro cy’Urwego rw’Igihugu rushinzwe kwihutisha Iterambere (RDB) yandikisha izo ndirimbo zose, kuri ubu zikaba ari ize ku buryo bwemewe n’amategeko.

Iri tsinda riri mu yakunzwe cyane ku isi kuva mu myaka ya 1979, ryashinzwe na Pierre Edouard Decimus, waje guhamagara bagenzi be barimo Jacob Desvarieux, murumuna we Georges Décimus, Jocelyne Béroard, Jean-Philippe Marthély, na Jean-Claude Naimro. Mu mwaka wa 2010, iri tsinda ryabuze inshuti, umwe mu bari barigize Patrick Saint Eloi wari wararivuyemo mu mwaka wa 2002.

‘Kassav’ bisobanuye umugati ukoze mu myumbati mu ririmi rw’igi creole, ni izina bahaye iri tsinda, nyuma yo kugerageza andi menshi. Ryatangiye ricuranga ngo ryishimishe kuko icyo gihe mu muziki nta mafaranga yabagamo.

Bamaze kumenyekana mu birwa bya Guadeloupe, batangiye gukora ibitaramo ndetse no mu bihugu bitandukanye nka Congo-Brazzaville, Sénégal, Amerika, u Buyapani, rikaba ari ryo tsinda rya mbere ry’abirabura ryaririmbiye mu cyahoze ari Leta zunze ubumwe z’aba Soviete.

Abazitabira iki gitaramo bazagira amahirwe yo kureba no kuririmba imbonankubone zimwe mu ndirimbo za Kassav zakunzwe cyane mu Rwanda zirimo OU La, Rété, Siwo, Kolé Séré, n’izindi.

Abinyujije ku rukuta rwe rwa Instagram, umuhanzi Christopher yari yaciye amarenga ko ku munsi w’abakundana azashimisha abakunzi be, ariko ntiyasobanura uko azabikora.

Christopher ukunzwe mu ndirimbo zigaruka kenshi ku rukundo, azahurira ku rubyiniro na Kassav ku munsi w’abakundana. Si ubwa mbere Christopher akora igitaramo ku munsi nk’uyu, kuko tariki ya 14/02/2017 yakoze igitaramo amurika Album ye yise "Ijuru rito".

Iki gitaramo kizabera muri Kigali Conference and Exhibition Village hazwi nka Camp Kigali. Kwinjira bizaba ari 10,000 Frw ahasanzwe, 20.000Frw muri VIP ndetse na 30.000Frw muri VVIP.

Umva hano indirimbo yakunzwe na benshi ya Kassav

Dore bamwe mu ba Stars (ibyamamare) bashaka kuba Abanyafurika, bagashaka n’impapuro zibibemerera byemewe n’amategeko.

Samuel Leroy Jackson

Uyu munyamerika arazwi cyane mu gukora no gukina filime zinyuranye. Yagaragaye muri filime nyinshi zakunzwe nka ‘Iron Man’, ‘Snakes in the airplane’, ‘Avengers’ , ‘Spiderman’, n’izindi.

Samuel Leroy Jackson

Samuel Leroy Jackson we uyu munsi yamaze guhabwa ubwenegihugu bwa Gabon mu mwaka wa 2019. Akaba yaratangaje ko akimara kububona byamushimishije, ngo kuko nubwo atavukiye muri Afurika, Afurika iri muri we.

Gabon, n’ubwo ari igihugu gito kandi gikennye, kiri no mu myenda myishi y’ibihugu bikomeye kitarabasha kwishyura, ibyamamare binyuranye muri Amerika bikomeje kugaragaza ubushake bwo kwitwa abaturage bacyo.

Ludacris

Minisitiri w’Ububanyi n’Amahanga wa Gabon, Alain Claude Bilie By Nze, yamaze gutangaza ko yamaze guha Christopher Brian Bridges wamenyekanye ku izina ry’ubuhanzi nka Ludacris, urupapuro rw’inzira (Passport), ruhabwa abenegihugu ba Gabon.

Ludacris n’umuryango we bahawe ubwenegihugu bwa Gabon

Ibi, byakozwe mu mwaka wa 2014, kugira ngo Ludacris ashyingiranwe na Eudoxie Mbouguiengue, umugore w’umunya-Gabon bari barakundanye kuva mu mwaka wa 2009.

Cardi B

Uyu muraperikazi w’imyaka w’imyaka 27 ngo yashimishwa bikomeye no kwitwa umunya Nigeriyakazi.

Belcalis Marlenis Almánzar, wamamaye ku izina rya Cardi B, kuri ubu wamaze gutangaza ko azitwa ‘Chioma’, abinyujije ku rukuta rwe rwa twitter, ku itariki ya 03 Mutarama 2020, yanditse ko ashaka kuba umunya Nigeriakazi aho yanditse ati “Ndi gusaba ubwenegihugu bwa Nigeria.”

Cardi B ashaka kuzitwa Chioma

Zimwe mu mpamvu yatangaje zamuteye kubitekereza, no kubisaba, ngo ni imyitwarire ya Perezida wa America Donald Trump, aho atashimishijwe n’umwuka uri hagati ya Iran na Amerika.

Yagize ati: “Birababaje kubona Trump ashyira mu kaga Abanyamerika. Kwica General Qasem Soleimani ni igikorwa kigayitse cyane yakoze.”

Mu kwezi kwa 12 umwaka ushize, Cardi B yakoze ibitaramo muri Nigeria, aho yanaririmbanye ku rubyiniro na Davido, umunya-Nigeria wamamaye mu njyana ya Afrobeat.

Meek Mill

Meek Mill

Umuraperi Meek Mill, na we yavuze ko atakomeza kuba mu gihugu cya Amerika, mu gihe Trump akomeje gufata ibyemezo bisa n’ibihubukiweho, ndetse akica n’abantu.

View this post on Instagram

I’m out .. moving to Africa

A post shared by Meek Mill (@meekmill) on Jan 3, 2020 at 2:06pm PST

Abinyujije ku rukuta rwe rwa Instagram, yashyizeho ifoto y’indege, yandikaho ko arambiwe, agiye kuba muri Afurika.

Jay-Z

Uretse aba babikoze cyangwa bakabivuga ku buryo bweruye, abinyujije mu ndirimbo, "Mood 4 Eva" iri kuri Album "The Lion King: The Gift", Beyoncé Knowles aririmba ko ’se w’umwana we ibisekuru bye biri mu Rwanda’.

JAY-Z mu mukenyero n’inkoni bya kinyarwanda

Muri iyi ndirimbo Beyoncé afatanyijemo n’uyu mugabo we Jay- Z n’umuhanzi Childish Gambino, mu gitero cye aririmbamo ati: "My baby father, bloodline Rwanda".

Muri iyo minsi hagaragaye n’amafoto Jay Z yambaye umwitero wa Kinyarwanda.

Uwo mufana we yari yaravuze ko inzozi yifuza kuzakabya mu buzima bwe ari ugukorana indirimbo na The Ben.

The Ben akimara kubyumva, yavuze ko bimunejeje cyane kandi ko uwo mufana we inzozi azazikabya.

Ubwo yageraga i Kigali, The Ben yahise ajya gukora indirimbo na Fabien ndetse avuga ko ashimishijwe n’uko bazafatanya kuyiririmbira abazitabira igitaramo azaririmbamo tariki 01 Mutarama 2019.

Abantu batandukanye bamaze kugira umuco wo guhitamo umuziki bakurikira, bakomeje kugaragaza ko The Ben, ari umwe mu bahanzi babaha umuziki mwiza.

Ubwo yageraga ku kibuga cy’indege cya Kigali, benshi mu bafana barebaga amafoto ye ku mbuga nkoranyambaga, ntibishimiye umusatsi yaje afite. Bamwe batangiye no kumushushanya mu nzenya, bamucira amarenga ngo yiyogosheshe.

Mu masaha make yakurikiyeho, abinyujije ku rubuga rwe rwa Instagram, yagaragaje ishusho ye yiyogoshesha, ndetse avuga ko agiye kubaha ubushake bw’ abafana.

The Ben ukunzwe cyane n’Abanyarwanda, afite intego zo kuzuza Kigali Arena ku Bunani.

Reba hano indirimbo nshya ya The Ben "Can’t Get Enough" afatanyije na Otile Brown

Kigali New Year Countdown: Ni igitaramo ngarukamwaka cyinjiza Abanyarwanda mu mwaka mushya. Igitaramo cyasozaga umwaka wa 2018 cyinjiza Abanyarwanda mu mwaka wa 2019, cyabaye mu ijoro ryo ku wa 31 Ukuboza 2018 muri Kigali Convention Centre.

Cyatumiwemo abahanzi bakomoka muri Nigeria Simi na Patoranking, aho bashimishije imitima ya benshi bacyitabiriye. Iki gitaramo cyaririmbyemo n’abahanzi b’Abanyarwanda nka Charly na Nina na Bruce Melodie, ndetse na bamwe mu bavanga umuziki (DJs) barimo , DJ Miller, DJ Toxxyk na DJ Waxxy ukomoka muri Afurika y’Epfo.

Miss Nimwiza Meghan akimara gutorwa

Miss Rwanda: Ni irushanwa rikomeye riba buri mwaka, ahatorwa Nyampinga, umukobwa mwiza mu bwenge, umuco n’uburanga uzahagararira Igihugu. Igitaramo cyo gutora Nyampinga wa 2019, cyabaye mu ijoro ryo kuwa 27/01/2019, hatorwa Meghan Nimwiza.

Iwacu Muzika Festival: Mu gusoza Iserukiramuco ‘Iwacu muzika Festival’, hateguwe igitaramo gitumirwamo umuhanzi umaze kubaka izina muri Afurika y’Iburasirazuba, Naseeb Abdul Juma, uzwi cyane nka Diamond Platnumz.

Ni igitaramo cyatangiye mu ijoro ku wa gatandatu gisozwa mu rukerera rwo ku cyumweru, tariki ya 18 Kanama 2019. Ni igitaramo cyaranzwe no kwizihirwa kw’abacyitabiriye, aho abakobwa bazamukaga ku rubyiniro, bakabyinisha bidasanzwe umuhanzi Diamond.

Kwita Izina Concert: Ababashije kwitabira iki gitaramo, banyuzwe cyane n’imibyinire y’Umunyamerika Shaffer Chimere Smith wamamaye mu muziki ku izina rya Ne-Yo, wari wagitumiwemo.

Iki gitaramo cyabereye mu nyubako ya Kigali Arena mu ijoro ryo ku wa gatandatu rishyira ku cyumweru, tariki ya 8 Nzeri 2019. Cyateguwe n’Urwego rw’Igihugu rw’Iterambere (RDB), mu bikorwa biri muri gahunda zo gusoza umuhango wo Kwita Izina abana 25 b’ingagi, wabereye mu Kinigi mu Karere ka Musanze ku wa 6 Nzeri 2019.

Ku rubyiniro, Ne-Yo yabanjirijwe n’abahanzi b’Abanyarwanda barimo itsinda rya Charly na Nina, Bruce Melodie, Riderman na Meddy.

Youth Connekt: Ubusanzwe Youth Connect ni gahunda yatangijwe na Perezida Paul Kagame, aho urubyiruko rwa Afurika ruhurira mu nama rukaganira ku bibazo rufite rugamije kugira uruhare mu gushaka ibisubizo.

Tariki ya 09/10/2019, yuma y’ibiganiro by’umunsi wa mbere byabereye muri Kigali Arena, habereye igitaramo cyitabiriwe n’umunya Nigeria Patoranking, wabanjirijwe ku rubyiniro na Queen Cha, Bruce Melody ndetse na Meddy.

Sounds of Summer: Iki gitaramo cyari cyatumiwemo umuririmbyi Ya Levis ukomoka muri Repubulika Iharanira Demukarasi ya Kongo, wasanze akunzwe cyane n’Abanyarwanda, mu njyana n’imibyinire ye, aho abyinisha umubiri wose, cyane cyane igice cyo hasi.

Uyu muhanzi yafatanyije na Maleek Berry n’Umunyagana Eugy. Mbere y’uko bajya ku rubyiniro, abitabiriye igitaramo basusurutswaga na Syntex, DJ Toxxyk n’umunyarwenya Michael Sengazi .

Rwanda Cultural Fashion Show: Ku nshuro ya karindwi, iki gitaramo kiba kimurika imideli inyuranye, hagamijwe kwereka Abanyarwanda ko umuco wabo ufite agaciro gakomeye, kandi ko ari bo bagomba kuwusigasira.

Inganzo yaratabaye: Ni igitaramo cyateguwe n’umuhanzi Jules Sentore uzwi cyane mu njyana ya gakondo, cyabaye kuwa 05 Nyakanga 2019, kibera muri Kigali Conference and Exhibition Village (KCEV) ahazwi nka Camp Kigali.

Iki gitaramo cyaranzwe n’umuziki w’umwimerere, abahanzi nka Intore Masamba, Ingangare, Ibihame Cultural Troupe ndetse na Gakondo Group na bo bakaba baragaragaje ko bazi gutarama kinyarwanda.

Bigomba guhinduka II: Ni igitaramo cyateguwe na Daymakers ihagarariwe na Clapton Kibonke. Batumiyemo abandi banyarwenya batandukanye bagaragaye ku rubyiniro barimo nka Michael Sengazi, Bishop Gafaranga, n’abandi batandukanye.

Harimo kandi n’umuhanzi Bushali ukunzwe muri iyi minsi mu njyana ya Kinyatrap, muri icyo gitaramo hakaba haratumiwe n’abavuza ingoma z’Abarundi.

Seka Live: Iki gitaramo cyabereye muri Marriott Hotel mu ijoro ryo ku cyumweru tariki 24 Ugushyingo 2019, cyayobowe na Nkusi Arthur ‘Rutura’ ukuriye Arthur Nation igitegura.

Kuri iyi nshuro hatumiwe abarimo Klint da Drunk wo muri Nigeria, Dr. Ofweneke wo muri Kenya. Cyari kirimo kandi abanyarwenya batandukanye bo mu Rwanda bakizamuka barimo Patrick, Milly, Merci, Divine wamenyekanye nka Mabuja, Zaba Missed Call ndetse n’abandi.

Edouard Bamporiki ari mu bashimiye Social Mula ku kazi gakomeye yakoze

Ma Vie album launch: Umuhanzi Social Mula, yamuritse album ye ya mbere yise ‘Ma Vie’ mu gitaramo gikomeye yakoze mu ijoro ryo kuwa 23 Ugushyingo 2019 muri Kigali Conference and Exhibition Village (KCEV) ahazwi nka Camp Kigali.

Ni igitaramo uyu muhanzi yatunguriwemo n’umusore Uwikunda Jean de Dieu, ufite ubumuga bwo kutabona, wamushushanyije, akamuzanira ifoto ye mu gitaramo.

Abitabiriye igitaramo cya Hillsong Kigali

Hillsong London: Ni igitaramo cyashimishije abakunda umuziki wo kuramya no guhimbaza Imana, cyabaye kuwa 06/12/2019. Byagaragaye ko cyari gitegerejwe n’abantu benshi, aho abantu bujuje icyumba cyaberagamo muri Kigali Arena.

City of Kigali: Mu rwego rwo gususurutsa abatuye Umujyi wa Kigali, buri wa gatanu wa nyuma w’ukwezi hategurwa igitaramo gifasha abatuye Umujyi wa Kigali kwidagadura batishyuye amafaranga, bagasusurutswa n’abahanzi banyuranye.

Muri uyu mwaka, hatumiwe abahanzi nka Dream Boys, Alyn Sano, Fireman, Makanyaga, King James, n’abandi.

Kigali Jazz Juction: Ibitaramo bya Kigali Jazz Juction, muri uyu mwaka byitabiriwe n’abahanzi mpuzamahanga banyuranye, aho bagenda bahurira ku rubyiniro n’abahanzi Nyarwanda, kugira ngo impano zabo zimenyekane ku rwego mpuzamahanga.

Muri uyu mwaka kandi, iki gitaramo cyitabiriwe n’umuhanzi ukomoka muri Repubulika iharanira demukarasi ya Kongo, Awilo Longomba.

Mu bahanzi bitabiriye ibi bitaramo mu mwaka wa 2019, twavuga nk’Umunyamerika Jidenna wahuye na Bruce Melody, Johnny Drille wahuye na Sintex, Nyashinski na Zahara bahuye na Amalon, …

Mu ndirimbo ziririmbanye ubuhanga, mu majwi y’umwimerere, Ndizihiwe Simbi Yvette na Ndikubwimana Gilbert, baririmbye indirimbo ya Rebecca Holden na Abraham McDonald “Dream Come True, bisobanuye “Inzozi zibaye impamo”, maze bagaragariza abitabiriye igitaramo ko urukundo rukiri rwose mu rugo rwabo. Simbi na Gilbert, bakoze ubukwe tariki 16 Gashyantare 2019, nyuma y’imyaka itandatu bari bamaze bakundana, aho n’ubundi bamenyaniye muri Chorale de Kigali.

Simbi na Gilbert basezeranye imbere y’Imana n’abantu kubana akaramata

Indirimbo nyinshi zaririmbwe muri iki gitaramo, zatangaga ubutumwa cyane bw’urukundo, aho baziririmbaga bakina ibivugwamo (Opera). Muri zo harimo nk’indirimbo Kleinzac, Ijuru n’Isi nibirangurure, n’izindi.

Iki gitaramo cyitabiriwe na bamwe mu bayobozi bakuru barimo Musenyeri Antoine Kambanda, Arkiyepiskopi wa Kigali, Minisitiri w’Intebe, Dr Edouard Ngirente, n’abandi. N’ubwo cyitabiriwe n’abantu benshi, buri wese waguze itike, yari ateganyirijwe intebe, iriho nimero isa n’iri ku itike yaguze, ibintu bidakunze gukorwa mu bindi bitaramo bihuza abantu basaga ibihumbi bibiri.

Ikindi gitaramo nk’iki, kizongera kuba tariki 20 Ukuboza 2020.

Amafoto: Roger Marc Rutindukanamurego

Imwe mu ngamba zashyizweho mu gukemura cyane cyane amakimbirane mu miryango, harimo umugoroba w’ababyeyi.

Umugoroba w’ababyeyi ni igitekerezo cyavutse mu mwaka wa 2010, ubwo watangiye witwa akagoroba k’abagore, kahuzaga abagore hirya no hino mu midugudu, bakaganira ku bibazo bibugarije mu miryango, ndetse hagashyirwaho ingamba zo kubikemura.

Akagoroba k’abagore kagize akamaro gakomeye mu koroshya amakimbirane, ariko ibibazo bigasa n’aho bikemurwa uruhande rumwe, kuko izo nama abagabo batazitabiraga.

Mu mwaka wa 2013, Inama y’Igihugu y’abagore yahinduye imikorere y’akagoroba k’abagore, ahubwo gahabwa izina ry’Umugoroba w’ababyeyi, uhuza ababyeyi bose, ni ukuvuga abagabo n’abagore.

Aha, abagabo n’abagore mu midugudu, bagena umunsi bahura, bakaganira ku buzima rusange mu ngo, ingo zifite amakimbirane zikaganirizwa, hakarebwa ikibitera hagashakwa ibisubizo. Si amakimbirane aganirwaho gusa, ahubwo baganira no ku bindi bikorwa byose by’iterambere.

Umunyamabanga Nshingwabikorwa w’Umurenge wa Kimisagara, Vuguziga Charles, avuga ko umugoroba w’ababyeyi waje ukenewe, kuko ufasha byinshi abaturage mu kwikemurira ibibazo bafite cyangwa n’izindi ntego baba bashaka kugeraho nk’umuryango.

Ati “Mu mugoroba w’ababyeyi mu midugudu, tureba umwihariko w’ibibazo birimo, ibiremereye kurusha ibindi bikaba ari byo duheraho, hagakorwa imyanzuro yanditse. Iyo ikibazo kinaniranye, cyohererezwa urwego rwisumbuyeho kugeza ikibazo gikemutse”.

N’ubwo bifasha abaturage ariko, ngo ubukangurambaga ntiburagera hose ku buryo umugoroba w’ababyeyi witabirwa na bose. Karegeya Jean Baptiste, Umunyamakuru ukora inkuru n’ibiganiro binyuranye ku mugoroba w’ababyeyi, avuga ko hari aho umugoroba w’ababyeyi witabirwa n’abafatwa nk’abatagira icyo bakora, abakozi n’abayobozi ngo ntibawugeramo. Aho yagiye asura bakora umugoroba w’ababyeyi mu Karere ka Nyarugenge, nta ngengo y’imali ihari, ku buryo no kubona impapuro n’amakaramu bikoreshwa biba bitoroshye ndetse no kubika amakuru bikagorana.

Politiki igena umugoroba w’ababyeyi, isaba uturere twose kuwushyira mu mihigo yatwo, no kugenzura niba intego zawo zigerwaho. Iyi gahunda akenshi, ikaba ikorwa n’abakorerabushake basanzwe bafite inshingano mu midugudu, nk’abakuru b’imidugudu, abajyanama b’ubuzima, abo mu nzego z’abagore, n’abandi.

Abatoni Peninah, umukozi muri Rwanda Women’s Network, avuga ko mu nyandiko umugoroba w’ababyeyi uteguye neza, ariko ngo ntibihura n’uko ushyirwa mu bikorwa. Avuga ko hari aho usanga n’abayobozi ubwabo batawitabiriye kandi ari bo baba bagomba gufata ibyemezo n’inyandiko ku byavuzwe. Avuga kandi ko ubwitabire bw’abagabo bukiri buke cyane, aho bakiwufata nk’inama z’ibibazo by’abagore. Gusa ngo, aho aba bose bitabira, usanga ibibazo byinshi babyikemurira.

Karegeya Jean Baptiste, avuga ko kimwe mu bituma hari abagabo batitabira umugoroba w’ababyeyi, ngo harimo kuba baba badashaka kugaragaza ibibazo bwite mu ruhame, kuko ngo baba bumva bisebeje. Hari abahitamo kujya kubyongorera abayobozi ariko ntibabivuge mu mugoroba w’ababyeyi. Yagize ati “Hari aho nasanze umugabo yihereranye Gitifu, amubwira ibibazo by’amakimbirane mu rugo rwe, avuga ko atatinyuka kubivugira imbere y’abantu mu mugoroba w’ababyeyi”

Inzego z’ibanze, imiryango itari iya Leta, basabwa gufasha abaturage kumva neza akamaro k’umugoroba w’ababyeyi, kugira ngo imyumvire ituma utagera ku ntego yose icike, kuko ngo umugoroba w’ababyeyi wafashije cyane mu gukemura ibibazo mu miryango.

Abaturage na bo, basabwa kuwitabira, gutanga inama n’ibitekerezo, bagaragaza ibibazo bafite batabihisha, bigakemurwa na bo ubwabo.

Muri kaminuza, yigaga ibijyanye n’ubucuruzi, ubumenyi n’ikoranabuhanga “Business and information technology”, ariko ntiyaminuje muri ayo masomo, kuko ngo yaje gusanga atari byo akeneye kwiga.

Kuri uyu wa gatanu tariki ya 25 Ukwakira 2019, mu kiganiro Boda to Boda cya KTRadio, yavuze ku muziki we, n’ahazaza hawo kuri we.

Buravan yagize ati “Sinkunda kubivuga kuko abantu bashobora kubifata nabi, ariko naretse kwiga kuko amasomo nigaga nasanze ntayakomeza, kuko nagombaga kwita ku mpano yanjye y’umuziki. Ndashaka kwiga amasomo ajyanye n’umuziki, no kuwucuruza”.

Buravan kandi avuga ko umuziki mu Rwanda uramutse uhawe agaciro kawo, wabyara amafaranga menshi nk’uko mu bihugu bimwe bimeze.

Yagize ati “Ibyo kwiga no guteza imbere umuziki, kuwubyaza umusaruro, mu Rwanda turabikeneye cyane. Mu bindi bihugu aho bateye imbere mu bijyanye na muzika, bawitaho cyane, ubabyarira amafaranga menshi cyane”.

Buravan, ukundwa cyane kubera ijwi rye rikora ku mitima ya benshi, yatangiye kugaragara mu muziki hagati mu mwaka wa 2015, atangirira ku ndirimbo “Urwo ngukunda” yakoranye n’umuhanzi akaba n’umunyamakuru Uncle Austin.

Kuva ubwo, izina rye ryarakomeye, akomereza ku ndirimbo nka Malaika, Oya, Si belle n’izindi, iyo aheruka gusohora akaba yarayise “Inkuru”, aho abara inkuru y’abantu bakundanye.

Gatsinzi Emery wamamaye ku izina rya Riderman

Riderman yigaga muri Kaminuza yigenga ya Kigali ULK, aho yigaga mu mwaka wa kabiri, mu bijyanye n’ubukerarugendo ndetse no kumenyekanisha ibikorwa.

Ubwo yari mu kiganiro DUNDA kuri KT Radio kuri uyu wa kabiri, Riderman yabajijwe niba yarasoje amashuri ye, ndetse n’uko ahuza umuziki we n’ibyo yize.

Riderman yasubije ati: “Ntabwo narangije kwiga kaminuza nk’uko bamwe babizi, nabiretse ngeze mu mwaka wa kabiri kugira ngo mpe umwanya uhagije impano yanjye y’umuziki, kuko nasanze umuziki ari ko kazi kanjye ka buri munsi.”

Yongeyeho ko yigaga ibirebana n’ubukerarugendo no kumenyekanisha ibikorwa, kandi ko abishyira mu bikorwa, ngo kuko no kuba ari kuri radiyo avuga, yazanywe no kumenyekanisha ibikorwa bye.

Riderman, ni umwe mu bahanzi binjiza amafaranga menshi mu Rwanda babikesheje umuziki, aho agenda agirana amasezerano yo kwamamaza ibigo bikomeye nka MTN, akaba anateganya gusohora album nshya mu kwezi kwa 12/2019.

Mu mwaka wa, yatwaye igihembo cy’umuhanzi wahize abandi mu irushanwa rya Primus Guma Guma Super Star, ndetse yagiye ahamagarwa mu bitaramo byinshi, kuko aba akunzwe n’abanyarwanda benshi.

Riderman, yarakunzwe cyane mu ndirimbo ze nka Kadage, Ziramoka, Inyuguti ya R, yagiye anafatanya n’abahanzi benshi mu ndirimbo , barimo nka Urban Boys, Bruce Melody, …

Zimwe mu ndirimbo ze nshya ziri hanze, harimo iyitwa Turn Up, yakoranye n’uwari umukunzi we Asina Erra, batigeze bacana uwaka kuva batandukana. Hari n’indirimbo Nta mvura Idahita yakoze wenyine, ishishikariza abantu gukora badacika intege.

Dube, yakuze arerwa na nyina gusa, kuko yatandukanye na se mbere y’uko avuka. Dube kandi, ngo akimara kuvuka, yagize uburwayi bukomeye cyane, ku buryo umubyeyi we yari yaratakaje icyizere cy’uko azabaho.

Dube, mu rurimi rw’iki Zulu bivuga « Imparage ». Amazina ye yose ni Lucky Philip Dube, umugabo wamenyekanye mu njyana ya reggae, aririmba « Umuntu » ku buryo bunyuranye.

Kuba Rasta si ukunywa ibiyobyabwenge

Abantu benshi bakunda kwitiranya kuba umu Rasta, no kunywa inzoga n’urumogi. Lucky Dube yemeraga ko abantu ari bamwe ku Mana, kandi ntiyigeze anywa itabi n’inzoga. We ubwe yagize ati : « Niba kuba Rasta ari ukugira dreadlocks (imisatsi ikunze kuranga aba Rasta), kunywa urumogi no gusinda, ubwo sindi rasta. Ndi rasta, niba kuba rasta ari ukugira amahame, n’uburyo bwo kubaho neza ».

Yavuze ko ababazwa n’uko abantu bumva ko kuba umu rasta ari ukunywa ibiyobyabwenge. Kuri we, ngo umuntu utagendera mu murongo w’urukundo, utubaha ubuzima bwe ngo agaragaze isura nziza mu bantu, atari umu rasta.

Mu ndirimbo ze, yagiye aririmba we ubwe, ubuzima yabayemo akiri muto, akaririmba amateka y’isi, politiki, cyane cyane yigisha urukundo mu bantu aho nyinshi mu ndirimbo ze arwanya ikintu cyose cyatuma umuntu ahemukira mugenzi we.

Lucky Dube yavuze ko indirimbo « One Love » ya Bob Marley, yayigendeyeho kenshi mu kwandika indirimbo ze, kuko ngo yumvaga irimo ubutumwa bukomeye, abantu bakeneye kumva. Mu myaka 25 gusa, Lucky Dube yasohoye albums 22, ziririmbye mu ndimi zitandukanye, zirimo iki Zulu, Icyongereza n’iki Afrikaans.

Muri Afurika y’Epfo, ni we muhanzi mu njyana ya Reggae wacuruje umuziki cyane kugeza n’ubu atakiriho, indirimbo ze ziracyatunze bamwe mu muryango we.

« Lucky Dube yishwe » ijambo ryakuye umutima benshi

Urupfu rwe rwatunguye buri muntu wese, kuko nta watekerezaga ko Dube, yakwicwa mu buryo bw’ubugome, ibintu yaririmbye kenshi, asaba abantu kujya kure yabyo. Yishwe arasiwe mu gace kitwa Rosettenville, mu nkengero z’umujyi wa Johanesburg, mu ijoro ryo ku wa 18 Ukwakira 2007, yicwa n’abajura bashakaga kwiba imodoka ye. Yarashwe ari kumwe n’abana be babiri, umuhungu w’imyaka 16 n’umukobwa w’imyaka 15, aho yari abajyanye gusura nyirarume w’abo bana.

Byavuzwe ko abamwishe bamurashe amasasu atanu bakaba barashakaga kwiba imodoka yari arimo. Abantu batanu bahise batabwa muri yombi. Batatu muri bo, bahamwe n’icyaha maze mu kwezi kwa Werurwe 2009, bakatirwa gufungwa burundu.

Hari Abanyarwanda bagize amahirwe yo kumubona imbonankubone, kuko yakoze ibitaramo inshuro eshatu i Kigali, aho ubwa nyuma yitabiriye FESPAD mu mwaka wa 2006.

Yasize umugore n’abana 7. Imyaka 12, irashize, ariko uyu muhanzi, yabaye umudapfa mu mitima ya benshi.

Buri mwaka, abakunzi be mu bihugu binyuranye, bakora urugendo cyangwa ibitaramo byo kumwibuka

Mani Martin

Mu butumwa yagiye acisha ku mbuga nkoranyambaga, haba kuri Twitter, Instagram na Facebook, Mani Martin yavuze ko atumva ukuntu baririmba indirimbo ze nk’aho atakiriho. Avuga ko niba byari ngombwa kuririrmba indirimbo ye, na we yagombaga gutumirwa akayiririmbira.

Dore Ubutumwa bwa Mani Martin

Mani Martin, yakomeje avuga ko ibi byagiye biba kenshi ariko akabirenza amaso, gusa ko bimaze gukabya kuko umuhanzi atungwa n’ibihangano bye.

Avuga ko niba aba banyeshuri biga umuziki, atumva ukuntu batajya baririmba indirimbo zabo bahanze, dore ko binabahesha amanota mu ishuri biga, kandi guhanga bikaba biri mu masomo biga. Yagize ati “Biga umuziki, kimwe mu byo bakwigishijwe ni uguhanga ibihangano kandi byiza bashobora no guserukana”.

Mani Martin avuga ko iki kibazo yanakimenyesheje Urugaga rwa muzika nyarwanda kugira ngo rugire icyo rukora, kuko ngo ibyakozwe bihabanye n’amategeko arengera iby’umutungo kamere w’ubwenge.

Ubuyobozi bw’Ishuri rya muzika rya Nyundo, buvuga ko nta kosa bwakoze

Umuyobozi w’Ishuri rya Muzika rya Nyundo, Murigande Jacques uzwi nka Mighty Popo, yavuze ko nta kosa aba banyeshuri be bakoze kandi ko nta tegeko bishe. Avuga ahubwo ko Mani Martin yakagombye kubyishimira, kuko ari uguteza imbere no kwamamaza ibihangano bye ku buntu. Avuga ko Mani Martin ashobora kuba atazi icyo itegeko ribivugaho.

Mighty Popo uyobora ishuri rya muzika rya Nyundo

Popo akomeza avuga ko nta mpamvu abona yo kubanza gusaba uburenganzira nyiri igihangano, mu gihe indirimbo iririmbwa “Live”, kandi ngo na Mani Martin arabizi ko abahanzi basanzwe babikora, ndetse ko yibutse neza yasanga na we yarabikoze kandi ntibamwishyuze.

Mani Martin akaba yaravuze ko n’ubwo Mighty Popo avuga ko biri mu nyungu za nyiri igihangano atari ko bimeze. Yagize ati: “Uko wabyita kose ntibikwiye ko harengwa kuri nyiri igihangano ngo hahabwe urubuga undi ugikoresha ku nyungu iyo ari yo yose atanabisabiye uruhushya nyiracyo”.

Intore Tuyisenge

Intore Tuyisenge, umuhanzi, akaba anahagarariye Urugaga rwa muzika nyarwanda yavuze ko ibaruwa ya Mani Martin bayakiriye ngo kandi barimo gukurikirana ikibazo. Ngo bagomba guhuza impande zombi, zikaganira mu rwego rwo gukemura ikibazo.

Icyo itegeko riteganya

Itegeko rishya rirengera umutungo bwite mu by’ubwenge ryasohotse mu igazeti ya Leta yo ku wa 24 Nzeri 2018.

Ingingo ya 261 igira iti :Umuntu wese, uretse nyiri igihangano, ukoresha igihangano kandi atabyemerewe na nyiri uburenganzira, ukora kimwe mu bikorwa bikurikira iyo abigambiriye cyangwa agize uburangare kandi agamije ubucuruzi:

1. Wigana uburenganzira bw’umuhanzi cyangwa uburenganzira bushamikiyeho burengerwa;

2. Ukora, ugurisha, utanga kugira ngo bagure, utanga kugira ngo bakodeshe, utunze cyangwa winjije ku butaka bw’u Rwanda ibicuruzwa by’ibyiganano agamije ubucuruzi;

3 Ukoresha izina ry’ubucuruzi ry’undi muntu haba ari mu buryo bw’izina ry’ubucuruzi, ikirango cyangwa ikirango gihuriweho;

4 Ukoresha ikirango gisa n’ikindi kugira ngo ajijishe rubanda; aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

Ingingo ya 262 yo ivuga ko Umuntu wese ukoresha uburiganya izina ry’umuhanzi cyangwa ikimenyetso cyihariye ku gihangano cyo mu rwego rw’ubuvanganzo, ubugeni cyangwa rw’ubumenyi, aba akoze icyaha. Iyo abihamijwe n’urukiko, ahanishwa ihazabu y’amafaranga y’u Rwanda atari munsi ya miliyoni zirimdwi (7.000.000 Frw) ariko atarenze miliyoni icumi (10.000.000 Frw).

–  Ku wa gatandatu tariki 12/10/2019 : Bigomba guhinduka : Ni igitaramo cy’abanyarwenya kizaba ku nshuro yacyo ya kabiri. Kizabera muri Camp Kigali guhera saa kumi n’ebyiri za nimugoroba. Abanyarwenya bazasetsa abantu barimo Etienne na Japhet, Clapton Kibonge, Nimu Roger, Kepha Lee, Divine, Joshua na Bishop Gafaranga.

Kwinjira ni 10.000Frw muri VIP, na 5.000Frw ahasigaye. Abanyeshuri bazishyura 2.000Frw.

–  Ku cyumweru, tariki 13/19/2019 : Casting ya Rwanda Modesty : Yateguwe n’Inteko Nyarwanda y’ururimi n’umuco, aho bagomba kuzamurika imideli y’abantu bikwije. Izabera mu Kiyovu kuri Scheba Hotel, guhera 14h00-18h00.

–  Ku cyumweru tariki ya 13/10/2016, Korari Maranatha izamurika Album yayo yise “Ibuye Rizima”. Igitaramo cyo kumurika iyo Album kizabera kuri ADEPR Rukiri guhera saa munani z’amanywa (14h00).

Sadio Mane ni umukinnyi ukomeye w’umupira w’amaguru mu ikipe ya Liverpool yo mu Bwongereza. Uwo mukinnyi yigeze no kuza mu Rwanda azanye n’ikipe y’igihugu ya Senegal ubwo yakinaga umukino wa gicuti n’amavubi, aho banasuye urwibutso rwa Jenoside rwa Gisozi.

Video nto y’indirimbo Slowly ya Meddy, yiganjemo icyongereza, yamaze amasaha atari make kuri Instagram Story y’umukinnyi Sadio Mane.

Meddy na we yahise agaragaza ko yashimishijwe no kuba indirimbo ye ikunzwe n’igihangange mu mupira w’amaguru.

Na we ku rukuta rwe rwa Instagram, yahise ashyiraho iyo video, munsi yandikaho ati “The Legend Sadio Mane was Jaming on Slowly” bivuze ngo “Igihangange Sadio Mane cyatwawe na Slowly”

Si kenshi indirimbo z’abahanzi b’abanyarwanda zigaragara ku ruhando mpuzamahanga, n’ubwo benshi baba bifuza ko byagenda bityo.

Kugira ngo benshi babigereho, basabwa gukora umuziki wujuje ubunyamwuga, kandi bakazirikana kumenya n’indimi mpuzamahanga zikurura n’abatari Abanyarwanda.

Calvin Mbanda

Mu bihembo uwegukanye iri rushanwa yagombaga guhabwa, harimo no gusinyana amasezerano na The Mane, bakamufasha gukora indirimbo ku buryo zimubyarira inyungu. Gahunzire Aristide ushinzwe kurengera inyungu za The Mane yatangaje ko uyu musore w’imyaka 20 yamaze gusinya amasezerano y’imikoranire, aho azafashwa kuzamuka mu muziki ariko na we akagira inyungu yinjiza muri The Mane.

Calvin yavuze ko n’ubwo yiyumvagamo impano yo kuririmba, atari yarigeze akora indirimbo. Indirimbo ye ya mbere irasohoka kuri uyu wa kane tariki ya 10 Ukwakira 2019.

Mbanda John Calvin yavukiye i Kigali ku Kimisagara mu 1999, akaba umwana wa karindwi mu muryango avukamo. Nyuma yaho, Calvin n’abo mu muryango we baje kwimukira mu Karere ka Musanze aho yize kuva mu mashuri abanza. Amashuri yisumbuye yayarangije umwaka ushize wa 2018.

Social Mula avuga ko kumurika Album ntaho bihuriye na Prix Découvertes

Kuva mu mwaka wa 2012, Social Mula yagiye ashyira hanze indirimbo zitari nke, zagiye zinakundwa na benshi, ariko ni ubwa mbere atangaje ko ashaka gusohora Album. Mu ndirimbo ze zakunzwe cyane, twavuga nka ‘Ku ndunduro’, indirimbo ‘Ndiho’ iri mu ndirimbo zishima Imana, ndetse na ‘Ma Vie’, ari na yo yitiriye Album ye.

Social Mula, aherutse kwemezwa nk’umwe mu bahanzi 10, bazahatanira igihembo gitangwa na Radio Mpuzamahanga y’Abafaransa, RFI (Prix Découvertes RFI 2019).

Social Mula yatangarije Kigali Today ko kuba agiye gushyira hanze iyi Album atari iturufu yo kuzatwara iki gihembo. Yagize ati, « Ibyangombwa byose bisabwa kuri Prix Découvertes narabitanze. Ubu nta kindi nkanjye nakora, uretse gukomeza gusaba abakunzi n’Abanyarwanda bose, gukomeza kuntora.»

Abanyarwanda babishaka bashobora gutora Social Mula bakoresheje umurongo wa Internet w’iyi Radio : https://musique.rfi.fr/prix-decouvertes/vote

Social Mula avuga kandi ko ibijyanye no gusohora Album yagiye abivugaho kenshi, ariko ko ubu ari bwo abonye umwanya n’uburyo bwo kubishyira mu bikorwa. Mu kumurika iyi Album ye, Social Mula arizeza abakunzi be kuzishima, cyane ko hari udushya twinshi azabaha batigeze babona mu bindi bitaramo.

Biteganyijwe ko iyi Album ‘Ma Vie’ azayimurika tariki ya 23/11/2019, ikazabera ahakunze kubera ibitaramo mu Ihema rya Camp Kigali.

Ibiciro byo kwinjira muri iki gitaramo bikazatangazwa mu minsi ya vuba.

Iyi gahunda yatangiye tariki ya 26 Nyakanga 2019, ibera muri «Car Free zone ».

Kuri iyi nshuro ariko, iki gitaramo kigiye kujya kizenguruka uturere tugize Umujyi wa Kigali twose, nk’uko byagiye bisabwa n’abawutuye.

Umuyobozi w’ishami rishinzwe iterambere n’imibereho myiza mu Mujyi wa Kigali, Ruzindana Jean Claude, yabwiye Kigali Today ko bagendeye ku byifuzo by’abitabira iki gitaramo, Ubuyobozi bw’Umujyi wa Kigali bwafashe icyemezo cy’uko iki gitaramo kitajya gihora kibera ahantu hamwe, ahubwo ko kizajya kizenguruka uturere twose tugize Umujyi wa Kigali.

Yagize ati « Abaturage bamwe bagiye batubwira ko dususurutsa abantu batuye igice kimwe, abatuye kure ntibibagereho. Ni yo mpamvu tugiye kujya tugera muri buri Karere, kugira ngo bose bisangemo ».

Jean Claude Ruzindana uyobora ishami rishinzwe iterambere n’imibereho myiza mu Mujyi wa Kigali

Ruzindana, Avuga ko iki gitaramo cyafashije benshi batajya babasha kwitabira ibitaramo biba kenshi, bikabera muma hotels akomeye, cyangwa bikishyuza amafaranga menshi.

Ati « abaturage bacu ubu bazajya babasha kwidagadurana n’abahanzi bakunda kandi ku buntu ».

Kugeza ubu, abahanzi baririmba muri ibi bitaramo, ntabwo baratangira kwishyurwa amafaranga, ahubwo ni abafatanyabikorwa b’Umujyi wa Kigali. Ruzindana avuga ko uretse Airtel yabahaye King James umwaka ushize, ndetse ikazabaha na Dream Boys, abandi bahanzi bose babikora mu rwego rw’ubufatanye.

Yagize ati : « Turashimira abahanzi kugeza ubu badufasha gususurutsa Abanyakigali badasabye amafaranga. Kugeza ubu babikora ku buntu, kuko na bo baba bifuza guhura n’abakunzi babo ».

Gusa avuga ko uko ubushobozi uko buzagenda buboneka, na bo bazajya bahabwa amafaranga ku bikorwa baba bakoze.

Alyn Sano, umwe mu bazasusurutsa Abanyakigali kuri uyu wa gatanu

Kuri uyu wa gatanu tariki ya 27/09/2019, iki gitaramo kizabera mu Karere ka Kicukiro, muri Expo Ground i Gikondo.

Abatuye Umujyi wa Kigali, ndetse n’abandi bose bazifuza kuhagera, bazasusurutswa n’abahanzi banyuranye, barimo Orchestre Impala, Itsinda rya Dream Boys, Fireman umenyerewe mu njyana ya HipHop, Alyn Sano, umukobwa benshi bakundira ijwi rye ry’umwimerere udasanzwe ndetse na Paccy Nyirantwali.

Iki gitaramo kizatangira saa kumi n’ebyiri za nimugoroba kugera saa yine z’ijoro (18h00-22h00).

Ibi bitaramo byitabirwa n’abatari bake

Victor Rukotana, aherutse kugirana ikiganiro na KT Radio mu kiganiro Sato Concord, ahishura ko umuhanzi utangiye kuzamuka mu muziki, avuga ko kimwe mu bituma badindira harimo n’uko bakuru babo mu muziki batabakunda, kuko usanga aho kubashyigikira ngo batere imbere ahubwo bagenda babazitira, byaba mu buryo bwo kumenyekana no kubona amafaranga.

Victor Rukotana

Yagize ati « Sinzi impamvu bakuru bacu batadukunda. Ntabwo bashimishwa n’uko twazamura izina. Kuko baba bafite n’amafaranga tutarabona, kenshi bagura amazina yacu, ku buryo tutigera tumenyekana ».

Avuga ko kenshi bakorana n’abanyamakuru, cyane abakora ibiganiro bacurangamo imiziki, ku buryo indirimbo z’abahanzi bakiri bato, zumvikana gake cyane. Ati "Biragoye ko mu ndirimbo icumi zikunzwe ku ma radiyo wakumvamo iy’umuhanzi ukizamuka.

Akenshi abahanzi bakuru, bahamagara abanyamakuru bakababwira ko indirimbo y’umwana itajya hejuru y’iye. Ibi rero biratubangamira".

Avuga ko ibi bituma batabona ibiraka, ubutumire mu birori n’ibitaramo bibaha amafaranga, kuko nta muntu uba wumvise ngo akunde ibihangano byabo.

Yongeyeho ati "Ni nde se waguha akazi atakuzi, atakumvise? Bisaba wowe ubwawe kuzenguruka ahantu wimenyakanisha, kandi ibyo biragoye cyane".

Ben Adolphe

Ben Adolphe, we abona ko abahanzi bakuru batekereza ko abana bazamuka bafite gahunda yo kubakura mu kibuga.

Ati "Niba batinya ko twaje kubabuza umugati, simbizi. Nta nama bashobora kutugira kandi baturusha ikibuga, kumusaba gukorana indirimbo kugira ngo nawe izina rizamuke, arabanza akakugora cyane, cyangwa akakubwira ko ukiri kure cyane, atakorana nawe. Yakora uko ashoboye ntumenyekane kabisa".

Nk’uko Victor Rukotana yabivuze, Adolphe na we yavuze ko abanyamakuru kuri radiyo na televiziyo, na bo benshi batumva abahanzi bazamuka.

Ati "Uzarebe za top 10 zikorwa, usanga indirimbo z’abamaze igihe ziza hejuru, kandi wenda atari na zo abaturage batoye. Abanyamakuru biyumva cyane mu bahanzi bakuru, kuko wenda ari bo bamaranye igihe".

Avuga ko hari indirimbo ye yatowe cyane, umunyamakuru yabajije abaturage, kugira ngo akore top 10, ariko akayinyonga ku nyungu z’undi muhanzi.

Ati "Indirimbo yanjye ‘Ni Rushya’ yigeze gutorwa cyane, ntungurwa no kubona umunyamakuru wabazaga abaturage atayishyize mu ndirimbo 10 zakunzwe. Ibi mbihagazeho byabaye ku manywa".

Akomeza avuga ko byaba byiza bemeye gufatanya, kuko icyo bose bashaka ari ugushimisha abantu no gutera imbere.

Mu kiganiro Ben Adolphe aherutse kugirira kuri KT Radio, yagaragaje ko benshi mu bahanzi basanzwe mu muziki bagaragaza kwijundika abasore n’inkumi barangije mu ishuri rya Nyundo, ndetse aba basore ngo byatangiye kubatera impungenge zo gutangira umuziki ugezweho ku buryo hari abahisemo kuyoboka inzira zo kuririmba mu bukwe no mu nsengero aho kwishora mu kibuga cya muzika kirimo urwango.

Mutuzo Jean Luc

Jean Luc Mutuzo, watangiye umuziki mu mwaka wa 2014, na we avuga ko hakiri inzitizi mu kuzamuka mu muziki.

Ati "Nigeze kujya numva bavuga ko umuntu yatanga amafaranga kuri radiyo, kugira ngo indirimbo z’umuhanzi muto zidakinwa, mbanza kubihakana ariko ubu natangiye kubyemera. Kuko numva indirimbo nziza cyane z’abana bato, wenda sinivuge, ziri ku ma radiyo, ariko ukibaza impamvu zidakinwa ngo zizamuke.

Ubu abahanzi bato bayobotse umuco wo gutanga amafaranga ya poromosiyo (azwi ku izina rya GITI), ariko aha nyine uyabuze, urumva ko nta kumenyekana. Ikindi, abahanzi bakuru bacu ubona basa n’abadashaka gukorana natwe, byaba kutugira inama cyangwa gukorana indirimbo. Wenda bashobora kugira umwanya muke birumvikana, ariko hari n’ubwo ubona nyine ko umuntu atabishaka".

Bamwe mu bahanzi bamaze igihe mu muziki, bavuga ko ibyo bibaho

Bull Dogg, uzwi cyane mu njyana ya Hip Hop, avuga ko ibyo na we ajya abyumva ariko ko atari ibyo gushyigikira kuko bisubiza inyuma umuziki.

Ati "Ibyo bikorwa n’abahanzi baba batiyizeye mu muziki wabo, babona abana bazamuka, mu jyana baririmba, bagahita bumva ko baje kubakura ku mugati. Agatangira gushaka uko yamuzimya, ibyo bibaho".

Bull Dogg

We avuga ko ahubwo, ibyaba byiza ari uko bose bahuza imbaraga, bagakorana kuko ari byo bitanga umusaruro.

Uzamberumwana Oda Paccy, umukobwa wamenyekanye akora Hip Hop, kuri ubu ufite n’inzu itunganya umuziki "Empire Records", ntahakana ko ibi bibaho, ariko avuga ko birimo ubwenge buke.

Ati "Icyo ni ikibazo ariko abantu babikora baba bafite ikibazo gikomeye cyane mu mutwe. Kuko, umuziki urahinduka, ibihe birahinduka, abakuru bakavamo hakaza abashya. Usanga abana bazamuka ngenda mfasha baba bibaza uko bazabigenza, aho bazazamukira, kuko baba babona ikintu cy’igihu. Ariko burya nababwira ko umuntu umwe cyangwa babiri ntibakumira umugisha wawe. Amaherezo iyo ukora, ugera ku ntego".

Oda Paccy avuga ko kuzimya abahanzi bato birimo ubwenge buke

Kuzimya umuhanzi mu itangazamakuru, si umugani, bibaho : Abanyamakuru barabyemeza.

Klepy Da Great, umunyamakuru kuri Contact TV, ukora ikiganiro cyitwa Klepy Live, ikiganiro gitoranya indirimbo 10 zikunzwe buri cyumweru, avuga ko ibiganiro nk’ibi bituma benshi mu bahanzi bavuga ko kwisanga kuri uru rutonde kenshi, byubaka izina ryawe.

Umunyamakuru Klepy

Klepy, na we yemera ko koko hari bamwe mu bahanzi bajya babahamagara, bababwira ko umuhanzi mushya runaka atagomba kuzamuka.

Yagize ati "Koko hari abaduhamagara, bakakubwira ko hari umwana bakora injyana imwe, ko ugomba gukora uko ushoboye ntazamuke"

Uretse n’abahanzi ku giti cyabo, Klepy, avuga ko n’inzu zifasha abahanzi ’Labels’ na zo zikora ku buryo bamwe batazamuka. Aha, ngo Label zikoresha abanyamakuru, bitewe n’ubucuti afitanye na ba nyirayo, cyangwa ibindi bumvikanye, bakagira abahanzi rwose batigera bakira kuri radiyo cyangwa televiziyo bakoraho.

Yagize ati "Hari nk’inzu z’abanyamuziki (Labels) zishobora kuza, bakakubwira ko indirimbo z’umuhanzi runaka, Label yindi runaka badashaka ko uzikina. Ibyo rero hari abanyamakuru bashobora kubyemera, ugasanga umuhanzi abigendeyemo. Hari n’abanyamakuru basiba indirimbo za bamwe mu bahanzi muri bubiko (server) ku buryo, na mugenzi we atazigera azibona ngo azicurange".

Phil Peter, umunyamakuru umaze igihe akora ibijyanye n’imyidagaduro

Phil Peter, umunyamakuru umaze imyaka umunani akora itangazamakuru ry’imyidagaduro, avuga ko niba hari umunyamakuru wemera kugurwa n’umuhanzi afite ikibazo, ndetse ataba azi ibyo akora.

Yagize ati "Ibyo bintu simbizi, ariko niba binabaho, ikibazo si abahanzi cyangwa Labels, kuko bo baba bari muri business, kandi burya business umuntu ntacyo atakora agishoboye ngo azamuke ajye hejuru y’abandi. Ikibazo kiri kuri abo banyamakuru (promoters) bemera gukoreshwa amakosa nk’ayo.

Ahubwo jyewe mbona umuziki mu Rwanda wicwa n’uko abantu baba bashaka gushyiramo amarangamutima cyane, kurusha uko bashyira imbaraga muri business. Umuntu akumva ko hari abantu bashinzwe kumuzamura, gucuranga indirimbo ye, nk’aho hari abamushinzwe, we akiyicarira gusa. Umuntu mudakorana yafashe ingamba zo kugucaho, umurakarira ushingiye kuki ? Gufashanya bishingiye kuri business ni sawa, ariko ibishingiye ku marangamutima simbishyigikiye".

Mu kiganiro Kigali Today yagiranye na Clement Ishimwe, ufite inzu itunganya ikanamenyekanisha umuziki w’abahanzi ’Kina Music’, avuga ko ibyo kuzimya umuhanzi uzamuka nta wabibonera umwanya.

Yagize ati "Muri Kina Music, ibyo nta wabibonera umwanya. Kuko hari n’abahanzi benshi baza ari bashya kandi bagakundwa. Ntitwabona umwanya n’imbaraga zo kumenyekanisha ibihangano ku bahanzi bacu, ngo tubone n’umwanya wo kujya kuzamura abandi.

Hari n’abo mba ntanazi rwose. Ahubwo abantu babona umuntu akora cyane, agashyira imbaraga muri promotion, babona azamutse, bagatangira gushaka andi mazina babyita, kuko ibyabo biba byaranze, bitewe n’uburyo n’imbaraga bakoresheje".

Clement Ishimwe, uyobora Kina Music

Ishimwe Clement avuga ko byaba ikibazo ari uko hazamuka indirimbo mbi kubera ruswa zitangwa, inziza zikazima.

Ati "Burya indirimbo iyo ari nziza ntibigusaba kuvunika, yo ubwayo irikina. Nta munyamakuru wakumva indirimbo nziza, ngo nze mubuze kuyikina. Izo mbaraga n’ubushobozi sinabibona".

Avuga ko abahanzi bari bakwiye gushyira imbaraga mu byo bakora, bakareka kujya bashaka impamvu zidahari.

Muri iyi minsi, haragenda humvikana amajwi y’abahanzi benshi bashya, bakora indirimbo nziza, cyane ko benshi muri bo bagize amahirwe yo kugera mu ishuri ryigisha muzika ku Nyundo.

Nubwo iryo shuri rya muzika risohora abanyeshuri buri mwaka, baba bagomba kuza guhangana ku isoko ry’umurimo, si ko bose bagira amahirwe yo gutungwa n’umuziki.

Pasiporo ariko si iya none, kuko iya mbere yabayeho mbere y’ivuka rya Yezu.

Dore bimwe bitangaje ku rupapuro rwa pasiporo:

Pasiporo ya mbere yagaragaye muri bibiliya

Mu gitabo cya Nehemiya, uyu yari umuhereza wa Divayi w’Umwami Aritazeruzi wa mbere (Artaxerxès I), Umwami wa Perise (Perse), avuga ko uyu mwami yahaye umwe mu bakozi be urwandiko rwagombaga gutuma yinjira i Yudeya (Judée).

Bibiliya ivuga kuri pasiporo

Urwo rupapuro, rwatumaga batamufata neza, akagera aho ashaka mu butumwa yari yoherejwemo.

Pasiporo zifite amafoto zatangiye gukoreshwa nyuma y’intambara ya mbere y’isi

Pasiporo ya mbere y’ifoto

Mu gihe cy’intambara ya mbere y’isi, intasi yakoreraga u Budage yinjiye ku butaka bw’u Bwongereza, ikoresheje pasiporo y’impimbano ya Amerika. Kuva ubwo, hahise hasohoka itegeko ko pasiporo zigomba kujya zishyirwaho amafoto, kugira ngo byorohe kumenya niba uyifite, ari we nyirayo koko.

Amafoto y’imiryango yigeze gushyirwa kuri pasiporo

Ifoto nk’iyi yashyirwaga kuri pasiporo

Mbere yo gutangira gukoresha ifoto y’umuntu ku giti cye, abantu bashakaga pasiporo bashoboraga gukoresha ifoto iyo ari yo yose, kabone n’ubwo yaba ari iy’umuryango wose. Ukeneye pasiporo ariko, yagombaga kugaragara ku ifoto.

Bamwe bakimara kubona iyo nkuru, bavuze ko ibyatangajwe na AHUPA atari byo kuko abahanzi batigeze banga kwishyura imisoro, cyane ko bazi akamaro kayo. Umwe mu bagize itsinda rya Active, yabwiye Kigali Today ko ikibazo kitari ku misoro, nk’uko AHUPA ibivuga. Yagize ati "Twebwe Ahmed ubwe, yadusabye kumuha nimero ya Konti yacu, turayimuha, atubwira ko agiye kuduha amafaranga ku munsi ukurikiyeho, ariko akazakuramo imisoro. Twarabyemeye hashize amezi arenga abiri dutegereje".

Abagize itsinda rya Active bavuga ko batigeze banga kwishyura imisoro

Kompanyi ya AHUPA ivuga ko mu bahanzi bamaze kubona amafaranga yabo, harimo Uncle Austin. Mu kiganiro Kigali Today yagiranye na Uncle Austin, yatangaje ko bamuhaye amarafanga ariko atuzuye, ku buryo hari ayo akishyuza. Yagize ati ‘Amafaranga barayampaye ariko bampaye igice. Bagombaga kumpa ibihumbi 700, ariko bampaye ibihumbi 500 gusa. Hari ibihumbi 200 bagomba kumpa’.

Uncle Austin avuga ko yishyuwe amafaranga atuzuye

Uretse Uncle Austin wahawe amafaranga atuzuye, abandi bahanzi bose batsindiye ibihembo bavuga ko nta n’umwe urabona amafaranga.

AHUPA isobanura impamvu amafaranga yagabanutse

Ahmed Pacifique uyobora AHUPA yateguye Salax Award, avuga ko koko mu ntangiriro buri muhanzi yagombaga guhabwa miliyoni imwe, kuko bategura Salax, byari ibyiciro 6 gusa. Nyuma yo gukorana inama n’urugaga rw’abahanzi, basabye ko byakongerwa, bigera ku byiciro 10, ariko ingengo y’imari yo ntiyiyongera.

Yagize ati « Jyewe nahawe Miliyoni esheshatu, kandi ngomba gukuramo imisoro ingana na 18%. Ni zo nagombaga kugabanya abahanzi. Gusa bo baje kumbwira ko imisoro bishyura 15% nk’uko babyumvikanye na Rwanda Revenue Authority, ko batakwirengera igihombo cya AHUPA. Ni yo mpamvu tuzabaha ibihumbi 700 havuyemo 15%. Buri muhanzi azabona ibihumbi 595Frw »

Ahmed avuga ko Uncle Austin ku mafaranga yahawe, bazamwongera ibihumbi 95.

Ahmed Pacifique, Umuyobozi wa AHUPA

Urugaga rw’abahanzi mu Rwanda ruvuga ko rutemera ibyo AHUPA ivuga

Umuhanzi witwa Intore Tuyisenge akaba ari na we Perezida w’ urugaga rw’abahanzi yabwiye Kigali Today ko muri ibi bihembo harimo byinshi bidasobanutse. Yagize ati “Ubundi umushinga watangiye buri muhanzi agomba guhabwa miliyoni imwe. Biba ibihumbi 700, abahanzi bemera kuyakira, none byageze kuri 500. Ibi ni ugutesha agaciro abahanzi kandi ntitwabyemera.”

Ku bijyanye n’imisoro, Intore Tuyisenge avuga ko na byo bitumvikana kuko ubundi umuhanzi atari we usorera igihembo. Yagize ati “Ubundi umuterankunga atanga amafaranga yabaze n’imisoro yose. Umuhanzi we agomba guhabwa amafaranga ye yuzuye. Ibyo kuzavana 15% mu bihumbi 700, bizaba ari ugusora kabiri, na byo ntitubyumva.”

Intore Tuyisenge, Perezida w’Urugaga rw’Abahanzi mu Rwanda

AHUPA ntizi igihe izishyurira, kuko StarTimes itarishyura

N’ubwo ku itariki ya 16/09/2019, Issiaka Mulemba uvugira AHUPA yari yabwiye Kigali Today ko amafaranga yo guha abahanzi ahari, ko ikibura ari ubwumvikane. Ahmed Pacifique uyobora AHUPA yavuze ko atazi igihe bazabishyurira, ariko ko byaba vuba, mu gihe StarTimes yaba imaze kubishyura.

Yagize ati «Muri StarTimes habayeho guhindura abayobozi, tubanza kongera gusobanurira abashya. Ubu nabashyiriye fagitire mu cyumweru gishize, ntibarishyura. Baramutse bishyuye natwe twahita twishyura abahanzi ».

StarTimes, umuterankunga wa Salax, ivuga ko nta deni ifitiye AHUPA

Vlady Terimbere ushinzwe ubucuruzi no kumenyekanisha ibikorwa muri StarTimes, yabwiye Kigali Today ko amafaranga yose bagombaga kwishyura AHUPA bayatanze. Ngo na bo batunguwe no kumva ko abahanzi batarishyurwa. Yagize ati « Amafaranga yose twagombaga guha AHUPA ku gikorwa cya Salax Awards, twarayatanze. Nta byinshi mfite byo kubivugaho, gusa natwe tugiye gukurikirana iki kibazo, kuko biratwanduriza izina. »

Vlady Terimbere, ushinzwe Ubucuruzi no kumenyekanisha ibikorwa muri StarTimes

Iby’uko amafaranga yagombaga guhabwa abahanzi yagabanyijwe, akava kuri miliyoni imwe akagera ku bihumbi 700, Vlady Terimbere avuga ko ibyo bitareba StarTimes. Ati « Ibyo kuba amafaranga bahawe ari make si ikibazo cyacu. Twe twateye inkunga igikorwa cyose. Ntitwari tuzi umubare w’abahanzi n’amafaranga bagenewe. Ibyo bireba AHUPA .»

Perezida w’urugaga rw’abahanzi avuga ko bagiye gushaka AHUPA, bakemeranya umunsi n’uburyo abahanzi bagomba kwishyurwa, bitakunda bakitabaza inzego zibishinzwe. Ati “Ntitwakwemera ko AHUPA yakwitwaza izina ry’abahanzi, ngo ikorere amafaranga hanyuma ntibahe ibyo bemeranyijwe. Tugomba kumvikana, bakishyurwa, byakwanga hari inzego z’ubutabera, tuzazigana.

Ibi bihembo, byatanzwe mu ijoro ryo ku wa 01/04/2019. Salax Awards, yatangijwe na “Ikirezi Group”, ariko kuri ubu, ifitanye amasezerano na AHUPA yo kuyitegura mu gihe cy’imyaka 3, ishobora kongerwa kugera kuri 5.

Uwabimburiye abandi bahanzi ni Mani Martin, aho abinyujije ku rukuta rwe rwa Instagram, yavuze ko imyidagaduro mu Rwanda igomba guhabwa ubutabera. Avuga ko abateguye gutanga ibyo bihembo kugeza ubu bataraha abahanzi amafaranga agomba guherekeza sheki z’ibimenyetso baherewe mu ruhame. Yakomeje asaba inzego nka Polisi, RURA, RIB, MINISPOC gukurikirana ibyo bigo kuko ari abambuzi.

Mani Martin ni we watangiye kugaragaza ko Salax yambuye abahanzi

Nyuma ya Mani Martin, abandi bahanzi barimo Yvan Buravan, abagize itsinda rya Active, ndetse na bamwe mu banyamakuru b’imyidagaduro, na bo ku mbuga zabo bagaragaje ko ibyo atari byo ndetse ko bitesha agaciro umuziki nyarwanda.

Abahanzi bagize itsinda rya Active na bo basabye ko Salax yabishyura

AHUPA, Ari na yo yateguye Salax Award 2019, ivuga ko itambuye abahanzi.

Mu kiganiro Kigali Today yagiranye na Issiaka Mulemba uvugira AHUPA, yavuze ko aba bahanzi bavuga ko bambuwe batavuga ukuri. Ati: "Umuntu avuga ko wamwambuye mu gihe wamuhaye itariki uzamwishyuriraho ntuyikurikize. Aba bahanzi rero ntitwabambuye, twatinze kubishyura".

Issiaka Mulemba uvugira AHUPA

Mulemba akomeza avuga ko amafaranga yo guhemba abahanzi ahari, ndetse ko StarTimes yatanze uruhare rwayo uko amasezerano yayo na AHUPA yari ateguye. Gutinda kwishyurwa ngo byatewe na bamwe mu bahanzi bananiwe kumva ko ariya mafaranga agomba gukurwaho imisoro ya Leta.
Ati: "Abahanzi twakoranye inama zirenga ebyiri, tubabwira ko abafite TIN number, tubaha amafaranga yose bakazisorera. Abatayifite tukayabaha havuyemo 18%. Ababyemeye nka Uncle Austin barayabonye, Riderman na we yari yabyemeye. Abandi mwabonye bandika biriya, ntibumva ko bagomba gusora, kandi natwe ntitwayabaha adasoze."

Uncle Austin yamaze guhabwa amafaranga ye

Sosiyete ya AHUPA, ivuga ko abazemera ibijyanye no gusorera ariya mafaranga bazayabona bitarenze uku kwezi.

Ubutumwa bwa bamwe mu bahanzi bushobora kuzabangamira Salax Award

Mulemba Issiaka avuga ko abahanzi bagiye bakoresha amagambo aremereye, nko kwita ikigo nka StarTimes abambuzi, ibi bikaba bishobora gutuma abaterankunga ba Salax Award bazanga kwiyanduriza izina kubera iri rushanwa.

Avuga ko nibabura abandi baterankunga, bashobora kuzasesa amasezerano bafitanye na Ikirezi Group yo gutegura Salax Award mu gihe cy’imyaka 3 ishobora kongerwa kugera kuri 5.

Igihombo kandi ngo cyagera no ku bahanzi nyarwanda batari bake, bazatakariza izina n’inyungu bari bafite muri ibi bihembo.