Urubyiruko rurasabwa kongera imbaraga mu bucuruzi bukorerwa kuri Internet

Rukundo yavuze ko kuri ubu hari imishinga igera kuri 60 yo kuri Internet, ikoresha uburyo bw’ikoranabuhanga (ICT), mu kugurisha ibicuruzwa bitandukanye, ariko ngo igomba kongerwa.

Ikigo cy’urubyiruko kigamije kugeza umusaruro w’umuhizi n’ubworozi ku isoko (Afri-Farmers Market), cyafunguye irindi shami ryo kugurisha umusaruro i Kigali, kinatangaza ko gifite gahunda yo kongera andi masoko mu myaka iri ibere.

Afri-Farmers kivuga ko ibi bizakorwa muri gahunda bihaye yo kuzamura abahinzi n’aborozi, kibabonera amasoko n’ibiciro byiza, ariko n’umuguzi abone ibiribwa byiza.

Ibi byatangajwe na Mugisha Norman, washinze akaba n’umuyobozi mukuru wa Afri-Farmers, ubwo hafungurwaga ku mugaragaro iryo soko i Kibagabaga, ku wa Gatanu italiki 25 Kanama 2023, hakaba hari n’abayobozi muri Minisiteri y’Ubucuruzi n’Inganda (MINICOM) n’abafatanyabikorwa mu buhinzi n’ubworozi.

Afri-Farmers yari isanzwe ifite isoko icururizamo umusaruro muri Kimironko, ikanawugurisha ikoresheje uburyo bw’ikoranabuhanga rya Internet.

Mugisha avuga ko bafasha abahinzi guhinga bigezweho, gukurikirana ibikorwa byabo mu mirima no kugeza ibicuruzwa ku isoko, bikagabanya igihombo cy’umusaruro wangirikira mu mirima kuri 70%, bityo bigatuma amikoro y’abahinzi yiyongeraho 50%, mu gihe umusaruro wabo ugurwa kuri 30% yiyongera ku giciro gisanzwe.

Norman Mugisha

Ubu bucuruzi bwatangiye mu gihe cya COVID-19 mu 2020, bakavuga ko nyuma y’imyaka itatu bakora bateganya gufungura amaduka menshi, kugira ngo isoko ry’abahinzi ryiyongere kandi binjize amafaranga arenze 30%, y’inyongera isosiyete itanga ku bicuruzwa byabo.

Mugisha avuga ko kugira ngo bakomeze guteza imbere abahinzi n’aborozi, bafite gahunda yo gufungura andi masoko.

Ati "Mu myaka mike iri imbere turateganya gufungura andi mashami atanu muri Kigali, n’amaduka atatu mu yindi mijyi minini yo mu Rwanda, rikaba ari isoko ryizewe ry’umusaruro w’abahinzi".

Mugisha yavuze kandi ko bateganya kwagura ubucuruzi bwabo bwa e-ubucuruzi, mu bindi bihugu bya Afurika nk’u Burundi, DRC, Tanzaniya, Uganda, Malawi na Zimbabwe, bakoresheje amahirwe yatanzwe n’amasezerano y’ubucuruzi ku mugabane wa Afurika.

Isoko ry’Abahinzi-borozi rigaragaza ko uburyo bwabo bw’ubucuruzi, butandukanye n’ahantu hasanzwe h’ubuhinzi bw’imboga, kuko butanga ubwiza bw’umusaruro kuva mu guhinga basaruye.

Abahinzi bakorana n’urwo rubyiruko bahamya ko bahungukira byinshi

Ubu buryo bugaragaza ko imbuto zikoreshwa ziba zifite ubuziranenge, bityo umusaruro ukagurwa ku giciro kinini.

Mugisha ati "Tuzarenga ku guha abahinzi ibiciro byiza no kubona isoko, ahubwo dutange n’inama ku bahinzi zibafasha kongera umusaruro."

Abahinzi bakorana na Afri-Farmers Market, bavuga ko igihombo cyagabanutse, kabone n’iyo haba hari ibibazo bijyanye n’imihindagurikire y’ikirere.

Irakoze Augustin, Umuhizi w’i Rwamagana ati "Umusaruro wacu ukusanyirizwa mu murima, sinzogera kugushwa n’igare ntwaye umusaruro ku isoko. Ubu mbasha kwizigamira, ntunze ihene zindwi, ndetse mfite gahunda yo kugura isambu”.

Mu munsi ishize MINICOM yatangaje gahunda yo kongera ubucuruzi kuri Internet (e-commerce), nyuma yo gutangiza urubuga rw’ikoranabuhanga ruzashyirwaho ibicuruzwa byo Rwanda, ubu hakaba hamaze kujyaho ibigera kuri 400.

Tony Nsanganira

Tony Nsanganira, Umujyanama mu kigo cya Tony Blair Institute for Global Change, yavuze ko bazashyigikira ingero nziza nka Afri-Farmers Market, kuko ari ingenzi mu gushishikariza urubyiruko gukoresha ikoranabuhanga, mu kuzamura imibereho y’abahinzi-borozi.

Bamuritse umusaruro w’amagi ku munsi w’Umuganura, bishimira ko igwingira ryagabanutse

Ubushakashatsi bw’imibare ku buzima (DHS) bwerekana ko u Rwanda rwashoboye kugabanya igwingira (mu bana bari munsi y’imyaka 5), kuva kuri 51% mu 2005, kugera kuri 41% muri 2010, rikagera kuri 38% muri 2015, na 33% guhera muri 2020 (kugeza ubu). Ugeranyije n’intego yo kugeza kuri 19% mu cyerekezo cy’Igihugu cy’imyaka irindwi (NST1), ari nayo ntego mpuzamahanga isabwa n’Ishami ry’Umuryango w’Abibumbye ryita ku Buzima (OMS), mu bihugu biri munsi y’ubutayu bw’ Afurika, ubona ruzayigeraho.

Uturere twa Musanze, Gicumbi, Nyamasheke, Kirehe, Gasabo, Ngororero, Nyabihu, Rubavu, Rutsiro na Burera, nitwo tugaragaramo umubare munini w’ingwingira, aho riri hejuru ya 40%, nk’uko bitangazwa n’Ikigo cy’Igihugu gishinzwe Imikurire no kurengera Umwana (NCDA).

Inzobere mu guhindura imyumvire y’abaturage, zivuga ko utu turere tugifite imitekerereze ikiri hasi ku mirire myiza, cyane cyane ku kugaburira abana igi rimwe kuri buri mwana ku munsi.

Justin Rutayisire, ushinzwe Ubukangurambaga bugamije guhindura imyumvire n’imyitwarire (SBC), mu Ishami ry’Umuryango w’Abibumbye ryita ku Bana mu Rwanda (UNICEF- Rwanda), avuga ko ibiryo bifite intungamubiri biboneka mu Rwanda, ariko imbogamizi zikaba mu guhindura imitekerereze y’ababyeyi ku mirire y’abana babo, cyane cyane kubaha igi rimwe kuri buri mwana ku munsi.

Barakataje mu buhinzi bubabyarira inyungu

Mu gihe utundi turere turwana no guhindura imitekerereze y’imiryango, abagore bo muri Bugesera baragaragaza ibanga bakoresheje mu kugira imirire myiza no kurwanya igwingira, kuko ubu rigeze kuri 26%, mu gihe ku rwego rw’Igihugu riri muri 33%.

Ibanga rya mbere bavuga ko Bugesera yafashe gahunda yo gukangurira no kwigisha abaturage gutegura indyo yuzuye, no kugira uturima tw’igikoni bifashishije abajyanama b’ubuzima n’ab’ubuhinzi, bakorora amatungo magufi, cyane cyane inkoko kuri buri rugo, bakabigira umuco.

Abaturage ba Bugesera bavuga ko ibyo bakoze bishobora kwiganwa nk’utundi turere mu kugabanya ikibazo cy’igwingira.

Mukarurangwa Theopista ufite abana bane ati “Ubu kuri buri funguro tuba twatetse imboga duhinga mu turima tw’igikoni iwacu, kandi ibyo ntabwo bihenze. Ikindi ni uko ubu iyo umugore agize amahirwe yo kubona amafaranga, agura inkoko zitera amagi, kuko yibitsemo intungamubiri nyinshi”.

Mukabadege Adela, ahamya ko korora inkoko bibafasha mu mirire myiza y’abana

Mukabadege Adela, umubyeyi w’abana babiri, akaba anafite ubumenyi mu budozi, avuga ko yahuguwe ku mirire myiza, kandi ko yizigamira ku mafaranga yinjiza, akagura inkoko yorora iwe mu rugo, ubu akaba agira amagi agurisha n’ayo kurya mu rugo.

Umuyobozi w’Akarere ka Bugesera, Richard Mutabazi, avuga ko bateganya gushyira imbaraga mu bukangurambaga no guhugura abajyanama n’abakozi bashinzwe ubuzima rusange, ndetse n’abashinzwe ubuhinzi kugira ngo bagere ku miryango myinshi.

Mutabazi yagize ati "Intambwe ya mbere twateye muri uyu mwaka, ni ugutanga telefone nshya za Mara ku bajyanama bose, kugira ngo zibafashe guhuza amakuru no kugera ku miryango myinshi, hakoreshejwe umuyoboro w’ikoranabuhanga."

Mu gihe hasigaye amezi make ngo u Rwanda rugere ku ntego ya 2024, y’uko igwingira ryaba riri kuri 19%, Guverinoma mu cyumweru gishize yatangaje ko yatangije gahunda nshya y’ubukangurambaga ku mirire myiza, hakoreshejwe ubundi buryo budasanzwe, bwa Gahunda y’Imyaka ibiri ihuza inzego zose (Two-year Multi-Sectoral Plan).

Muri iyo gahunda izatangirana n’uku kwezi kwa Kanama, hazabamo gutanga inkoko ku miryango itishoboye, no gukurikirana ibyo bikorwa cyane cyane mu turere 10 dufite igwingira riri hejuru ya 40%, nk’uko bitangazwa na NCDA.

Bikorimana Isaac, Impuguke mu Mirere muri NCDA, avuga ko gutanga inkoko bizafasha muri gahunda y’Igi rimwe ku mwana, igamije kurandura igwingira burundu ku buryo umubare w’abana barya amagi uva kuri 7% u Rwanda ruriho ubu, ukiyongera.

Iradukunda Nadine wo mu Murenge wa Nyamata, yishimira ko abana be bakura neza

Bikorimana ati “Kugeza ubu ntiturabona ingengo y’imari n’ibyo abafatanyabikorwa biyemeje mu gufasha muri iyi gahunda, ariko turateganya kuyishyira ku mugaragaro mu mpera z’uku kwezi".

Bhai Shelly, umuyobozi Ushinzwe Gahunda yo Guhindura Imyumvire muri UNICEF-Rwanda, avuga ko uyu muryango wishimiye gushyigikira iyi gahunda, ifite intego yo guca burundu igwingira mu Rwanda.

Iby’iyi gahunda yo kurwanya imirire mibi, byagarutsweho mu Karere ka Bugesera ku munsi w’Umuganura, wabaye mu cyumweru gishize.

Bamwe mu babyeyi mu Karere ka Bugesera bishimira ibyo bagezeho

Ni ibirori byaranzwe n’imbwirwaruhame zitandukanye ku mateka yo Kwibohora, umubano w’u Rwanda n’u Buhinde, iterambere n’ubukerarugendo mu Rwanda, ndetse n’amahirwe rutanga mu rwego rw’ishoramari.

Mu ijambo rye, Dr. Samir Saran, Umuyobozi w’ikigo cya Observer Research Foundation (ORF), yabwiye abari bateraniye aho ko u Rwanda ari Igihugu gifite ubuyobozi bwiza. Mu bunararibonye bwe nk’Umuyobozi w’ikigo gitegura inama izwi nka Kigali Dialogue, yatangaje ko u Rwanda ari inyenyeri imurika mu rwego rw’imiyoborere myiza.

Bwana Rudra Chatterjee, uhagariye inyungu z’u Rwanda muri Kolkata, yatanze ikiganiro ku mahirwe u Rwanda rutanga mu ishoramari. Nk’umushoramari mu Rwanda, yasobanuye birambuye ko Leta y’u Rwanda yoroheje ishoramari, hashyirwaho politiki n’ingamba zoroshya ubucuruzi, ndetse akangurira abashoramari bo mu Buhinde gushora imari yabo mu Rwanda.

Alem Tsehaye Woldemariam, Ambasaderi wa Eritereya akaba n’Umuyobozi wa ba Ambasaderi bahagarariye ibihugu byabo mu Buhinde, yagaragaje ko mu myaka 29 ishize u Rwanda rwateye intambwe ishimishije nyuma ya Jenoside yakorewe Abatutsi, yongeraho ko bigaragazwa n’uko u Rwanda rugenda rugaragara mu myanya myiza ku rwego mpuzamahanga, nko mu koroshya ishoramari no kugira umubare munini w’abagore mu nzego zifata ibyemezo, by’umwihariko mu Nteko Ishinga Amategeko.

Ambasaderi Jacqueline Mukangira uhagarariye u Rwanda mu Buhinde, yasobanuye ko kuri uyu munsi wo Kwibohora hibukwa igihe Ingabo zahoze ari iza RPA, zatsinze Leta yariho icyo gihe, yateguye kandi igashyira mu bikorwa Jenoside yakorewe Abatutsi. Amb Mukangira yashimiye Ingabo zahoze ari iza RPA ku bwo kwitanga zitizigama, zikabohora u Rwanda. Yahaye icyubahiro kandi Intwari zasize ubuzima ku rugamba rwo kubohora Igihugu.

Shri V. Muraleedharan na Amb Jacqueline Mukangira

Yagaragaje kandi inzira yo kwiyubaka u Rwanda rwanyuzemo kuva muri 1994, n’iterambere rugezeho cyane cyane mu rwego rw’ibikorwa remezo, ubukungu n’imibereho myiza y’abaturage. Yakanguriye abari bateraniye aho gusura u Rwanda ,bakihera ijisho ibyiza nyaburanga birutatse.

Shri V. Muraleedharan, Umunyamabanga muri Minisiteri y’Ububanyi n’Amahanga y’u Buhinde, akaba n’Umushyitsi Mukuru, yifurije u Rwanda umunsi Mukuru wo Kwibohora. Yashimye kandi umubano mwiza hagati y’u Rwanda n’u Buhinde, ashima kandi yuko yakiriwe neza ubwo aheruka gusura u Rwanda mu 2021 na 2022. Yijeje ko Ubuhinde buzakomeza gufatanya n’u Rwanda mu nzira rurimo y’iterambere.

Ibi birori kandi byaranzwe n’igitaramo cy’imbyino z’Umuco Nyarwanda, aho umuhanzi Jules Sentore n’Abanyeshuri b’Abanyarwanda biga muri Kaminuza zitandukanye mu Buhinde, basusurukije abari bateraniye aho. Itorero ryo mu Ntara ya Haryana naryo ryagaraje umuco w’Abahinde mu mbyino zitandukanye.

Barakataje mu kwikorera imihanda

Iyi gahunda yatangijwe ku mugaragaro ku wa Gatatu itariki 28 Kamena 2023, n’Umuyobozi Nshingwabikorwa w’Akarere ka Kicukiro, Bwana Antoine Mutsinzi.

Uwo mushinga wo kubaka imihanda ya metero 872 mu byiciro bine, uzatwara Miliyoni zisaga 258.5Frw, uzahera ku nzu ndangamurage y’ubuhanzi y’u Rwanda (kwa Habyarimana), kugeza mu midugudu ya Gate Hills (Kwa Sekimondo), Mukoni, Uruhongore n’Indatwa.

Muri ayo mafaranga, Miliyoni 181Frw (70%), ni inkunga y’Umujyi wa Kigali, mu gihe abaturage bo basabwa guteranya 30% bihwanye na Miliyoni 77.5Frw.

Mu Murenge wa Nyarugunga biteganyijwe ko imiryango 151 izatanga umusanzu wa 300,500Frw kuri buri rugo. Kugeza ubu imiryango 116 yiyemeje gutanga uwo musanzu.

Umuyobozi wa komite ishinzwe uyu mushinga mu Murenge, Bwana Edouard Barema Mudenge, yagize ati "Intwererano zisigaye zizaza, mu gihe dukomeje kubikangurira abaturage no kubereka ko imihanda irimo gukorwa ari iterambere ".

Uyu mushinga urimo ibyiciro bine aribyo: Icyiciro cya mbere cyo kubaka umuhanda wa metero 570 - KK 106 ST, kuva ku Ngoro ndangamurage kugera mu gace kitwa Akagoroba (kaburimbo n’umuferege).

Edouard Barema Mudenge

Icyiciro cya kabiri ni ukubaka metero 302 ku muhanda wa KK 38 ST ugera mu Mudugudu w’Uruhongore (kaburimbo n’umufurege).

Icyiciro cya 3 n’icya 4 bizaba ari ukubaka inzira z’amaguru no gushiraho amatara agezweho, azamurikira iyo mihanda yombi.

Mudenge ati "Mu cyumweru gitaha tuzatangira icyiciro cya kabiri, kuko twashoboye kurangiza icya mbere mu gihe gito, aho dusigaje kubaka za rigore no gushyira kaburimbo ku muhanda wa mbere".

Mutsinzi yavuze ko uruhare rw’abaturage muri iyi gahunda ari runini cyane, kuko Akarere gateganya kubaka kilometero 7 muri uyu mwaka, muri iyi gahunda nshya ya nkunganire ku mihanda yubakwa n’abaturage ubwabo.

Ati “Imiryango myinshi yasabye iyi nkunga ariko ntiyujuje ibisabwa (gukusanya 30%), nyamara urugero rw’abaturage bamwe muri Nyarugunga ruzashishikariza abandi kugira ubushyake bwo kubikora”.

Antoine Mutsinzi, Umuyobozi Nshingwabikorwa w’Akarere ka Kicukiro

Imihanda ya kilometero 7 iteganyijwe kubakwa muri Kicukiro, izatwara Miliyari imwe na Miliyoni 500, nk’uko Mutinzi yabitangarihe abanyamakuru. Ubu abaturage bakaba bamaze gukusanya asaga Miliyoni 300Frw, kugira ngo zubake kilometero 5, cyane cyane mu Mirenge ya Niboye, Kagarama, Kigarama na Nyarugunga.

Mutinzi yagize ati "Umwaka utaha tuzazamura intego yo kubaka kugeza kuri kilometero 30 ku mwaka, kuko turabona ko abaturage bafite ubushake bwo gutanga imisanzu, aho kugira ngo bategereze imihanda ya Leta kuko bisaba igihe kirekire."

Abatuye Umurenge wa Nyarugunga bavuga ko umuhanda uhuza imidugudu itatu, uzafasha mu bwikorezi bw’abantu n’ibintu muri ako gace, ubona karimo gutera imbere mu miturire igezweho n’ubucuruzi.

Madamu Sofia Kagaba ati “Uyu muhanda ubundi ntiwagendwaga mu gihe cy’imvura. Twaraganiriye twemeranya gutanga umusanzu mu kwiyubakira imihanda yacu”.

Si ubwa mbere abatuye mu Karere ka Kicukiro bubatse imihanda nta nkunga ya Leta, kubera kwiha intego no gushyira hamwe.

Urugero muri 2019, abaturage ba Kicukiro mu Mirenge ya Kanombe na Nyarugunga, berekanye imihanda ibiri ya kaburimbo ifite kilometero 3,850 yubatswe mu Midugudu ya Ubumwe na Beninka.

Muri uwo mwaka kandi biyubakiye umuhanda wa kaburimbo mu mudugudu wa Mukoni (w’abasirikari bakomerekeye ku rugamba), mu kagari ka Kamashashi mu Murenge wa Nyarugunga; igikorwa cyatwaye Miliyoni 7Frw (harimo Miliyoni 2 yatanzwe n’abanyeshuri bo muri Green Hills Academy).

Mu 2021, abaturage ba Nyarugunga bubatse imihanda yatwaye Miliyoni zirenga 100Frw, mu mudugudu wa Runyonza n’Amahoro mu Kagari ka Rwimbogo. Mu muhango wo gutaha ibiro by’Akagari ka Gatare mu Murenge wa Niboyi muri Werurwe 2022, abaturage batangije ibikorwa byo kubaka umuhanda wa metero 870 ufite agiciro ka miliyoni 24.9Frw.

Indi mihanda y’abaturage yubatswe mu Murenge wa Gahanga, Akagari ka Gahanga mu Mudugudu wa Rwintanka, ifite agaciro ka miliyoni 700Frw.

Bamwe mu bakora akazi ko gucuruza resitora, bavuga ko badafite ubumenyi buhagije ku bipimo basabwa mu gushyira umunyu mu biryo bategura, bityo bagasaba ko bahugurwa kugira ngo bateke ibitagira ingaruka ku buzima bw’ababagana.

Ubwo Kigali Today yaganiraga na bamwe mu bacuruza resitora ziciriritse mu Karere ka Gasabo mu Mujyi wa Kigali, bavuze ko ubumenyi bafite bwo guteka babukomora mu miryango bakuriyemo, aho bavuga ko babyigiye ku babyeyi babo kandi bakaba bakeneye ubumenyi bwisumbuye.

Ibi bivugwa nyuma y’uko imibare y’Ikigo cy’Igihugu Gishinzwe Ubuzima (RBC), kigaragaje ko habayeho kwiyongera kw’Abanyarwanda bakoresha umunyu mwinshi, mu bushakashatsi bwakozwe hagati ya 2020 na 2021.

Eric Ndayisaba, umusore muto ukunda kurya muri resitora avuga ko akunda kongera umunyu mu biryo, kandi nta ngaruka zabyo arabona.

Ati "Mba numva nta munyu urimo uhagije, bityo nkongeramo undi kugira ngo ndyoherwe ".

Yongera ati "Mba numva ntacyo bintwara kuko nkora siporo buri munsi, nza mu kazi n’amaguru ngataha n’amaguru".

Muri ubu bushakashatsi RBC igaragaza ko muri rusange, 8.8% (1,056,000) by’Abanyarwanda bafite akamenyero ko kongera umunyu mu biryo, mbere cyangwa mu gihe barya kandi ababikora cyane ni abagabo kuruta abagore.

Ubu bushakashatsi buvuga ko 2.8% gusa by’Abanyarwanda buri gihe barya ibiryo bitunganyijwe birimo umunyu, kandi nta tandukaniro rikomeye riri hagati y’ibitsina byombi.

Impuzandengo y’umunyu ukoreshwa n’umuntu umwe ku munsi ni amagarama 8.8, ibi birenze ibipimo bya garama 5 umuntu yemerewe ku munsi, byasabwe n’ishami ry’Umuryango ry’Umuryango w’Abibumbye ryita ku buzima (OMS).

Umuyobozi w’ishami rishinzwe indwara zitandura muri RBC, Dr. Ernest Ntaganda ati "Ubusanzwe umuntu yemerewe kurya umunyu ungana n’amagarama atanu ku munsi, ariko usanga benshi batabyubahiriza ahubwo bakawurenza".

Nk’uko bigaragazwa n’inzobere mu by’ubuzima, umunyu mwinshi ufite ingaruka ku buzima ari zo umuvuduko ukabije w’amaraso (high blood pressure), indwara z’umutima, kubabara umutwe, kunanirwa k’umutima, indwara z’impyiko, amabuye y’impyiko, osteoporose, kanseri y’igifu na sitroke (stroke), ariko kugabanya umunyu no gukora siporo buri gihe akenshi bishobora kugabanya ibi byago harimo n’impfu.

Imibare mu Rwanda igaragaza ko abamaze kurwara kanseri y’igifu (ishobora guterewa n’umunyu mwishi) igeze kuri 161 mu bagabo naho mu bagore ni 136, mu gihe izindi ndwara zitandura nazo imibare igaragaza ubwiyongere mu Rwanda, kuko ari 34% by’izindi indwara.

N’ubwo harimo ingaruka mbi mu kurya umunyu mwinshi, cyane cyane ku bantu bakuze, nk’uko bitangazwa na Dr. Ntaganda, ngo bamwe mu Banyarwanda bavuga ko kurya umunyu mwinshi ari ingeso bakurana, bakura muri gakondo bityo bakaba batazi ingaruka zawo ku buzima.

Gusa ubu Leta y’U Rwanda imaze gushyira imbaraga mu kwimakaza umuco wo gukora siporo, imyitozo ngororamubiri no kwisuzumisha indwara zitandura ku buntu buri kwezi, ku munsi wa siporo rusanga (Car-Free day) n’ubukangurambaga mu kuzirinda.

Ikindi gitanga ikizere ni uko iyo utembereye mu mujyi wa Kigali n’indi mijyi (Muhanga, Nyagatare, Rwamagana na Kayonza), usanga Abanyarwanda bakunze kwitabira siporo rusange no gukora imyitozo ngororamubiri ku giti cyabo, mu gihe abandi basigaye bakunda kunyonga amagare cyangwa kugenda n’amaguru.

Mu gihe u Rwanda ruri ku rugamba rukomeye rw’iterambere bigaragara ko hari umubare munini w’abana bafite ubumuga kandi bakeneye kurengerwa na sosiyete ifite inshingano zo kubafasha ariko ifatanyije na Leta ndetse n’imiryango itayegamiyeho.

Inyigo zitandukanye zakozwe ku buzima bw’abana bafite ubumuga zigaragaza ko benshi muri bo bagiye batereranywa n’imiryango yabo abandi bagahabwa akato biturutse ku mpamvu zitandukanye ziganjemo ubukene n’ubujiji.

Leta nk’umwishingizi mukuru w’aba bana bafite ubumuga imaze kubona ko hari imiryango idashaka kurera abana bayo n’iyindi itabishoboye yahisemo gufatanya n’abakorerabushake, abagiraneza ndetse n’imiryango yigenga mu gufasha aba bana mu mikurire yabo kuko muri bo harimo n’imfubyi.

Uruhare rwa Leta

Inama y’Igihugu y’abafite ubumuga (NCPD) ifite mu nshingano zayo gukangurira ababyeyi kudatererana abana bavukanye ubumuga cyangwa se bamugaye bakuze. Ifite inshingano kandi yo gukangurira ababyeyi b’aba bana guhindura imyumvire kuko hari abumva batabaha urukundo nk’aho ari bo ba nyirabayazana bw’ ibibazo bafite by’ ubumuga.

Mu kiganiro twagiranye na Tuyizere Oswald ushinzwe ishami ry’abana bafite ubumuga muri NCPD, yavuze ko iri shami rifasha abana bafite ubumuga, kubavuza, kubigisha, kubaha ibikoresho by’ishuri harimo amakaye, matera n’ibindi bikenewe.

Si ibyo gusa, kuko iyo biri ngombwa hari ababyeyi bashobora gusanirwa cyangwa bakubakirwa amazu ndetse bagahabwa amafaranga y’igishoro kugira ngo bashobore gutunga abana babo bafite ubumuga.

NCPD kandi ikorana bya hafi n’inzego zibanze z’ubuyobozi kugira ngo ishobore kumenya neza umubare w’abana bafite ubumuga imyirondoro yabo ikubiyemo aho baherereye kugira ngo bashobore gukirikiranywa bityo bitabweho.

Kugira ngo imibereho n’ubuzima bw’umwana ufite ubumuga bukomeze gutera imbere ndetse anahabwe agaciro muri sosiyete ntibyashobozwa ku mbaraga za Leta gusa, niyo mpamvu hazamo uruhare rukomeye rw’ imiryango ndetse n’amashyirahamwe ategamiye kuri Leta.

Uruhare rw’imiryango itari iya Leta

Umuyobozi Nshingwabikorwa Bwana NTIBANYENDERA Elissam yavuze ko uyu muryango wa “Collectif Tubakunde” wakoze ibikorwa byinshi kuva watangira muri 2005 nyuma yo kubona ko abafite ubumuga bahura n’ibibazo byinshi birimo no guhabwa akato, guhezwa mu miryango ndetse n’ibindi.

Ntibanyendera agira ati “Kugeza magingo aya, tumaze gushyiraho amashuri atanga amasomo yihariye ajyanye no gufasha abafite ubumuga ndetse mu gihugu hose kuri ubu dufite abanyesuri 3702 biga muri ayo mashuri tubifashijwemo n’abafatanyabikorwa b’uyu muryango”

Uruhare rw’Ikigo cy’ Igihugu gishinzwe Iterambere ry’ Umwana

Gukurikira ishyirwa mu bikorwa ya politike irengera abana bafite ubumuga mu gihugu hose niyo ntego nyamukuru y’ Ikigo cy’ Igihugu gishinzwe iterambere ry’ abana (NCD/Rwanda).

Kubavuza, kubagaburira indyo yuzuye ndetse mbonezamikurire, guhugura abayobozi bibanze ku burengenzira bw’abana bafite ubumuga, kwigisha abantu banyuranye kutabaha akato, kububakira amazu ni zimwe mu shingano za NCD/Rwanda.

Umuyobozi ushinzwe abana bafite ubumuga muri NCD, Jean Paul Nyandwi yavuze ko imicungire y’imbereho y’abana bafite ubumuga ireba inzego nyinshi kandi zo hejuru z’ igihugu (amadini, amashyirahamwe…) niyo mpamvu gutangaza ingengo y’ imari ikoreshwa buri mwaka bikomeye.

Ati “ Kugeza magingo aya Leta ishyiramo miliyoni 350 y’amanyarwanda buri mwaka mu rwego rwo gukemura ibibazo byibanze ariko hari n’ayandi menshi yongerwamo mu buryo butandukanye kugira ngo aba bana babashe kugira ubuzima bwiza kuko bafite uburenganzira nk’ubw’abandi bana bose b’igihugu”.

Yakomeje avuga ko gushakiriza abana bafite ubumuga, imiryango igomba kubarera ni rumwe mu rugamba rukomeye NCD/Rwanda ishyiramo imbaraga zikomeye.

Ikigo cy’ Igihugu gishinzwe iterambere ry’abana (NCD/Rwanda) kimwe na NCPD ( Inama y’ Igihugu gishinzwe abantu bafite ubumuga) ndetse n’iyindi miryango itandukanye irengere inyungu z’aba bana bihuriye kuri byinshi birimo ubuvugizi, gufasha ndetse no gukurikiranira hafi imibereho y’aba bana uko bwije n’ uko bukeye.

Uwamariya Christine afite umwana w’imyaka 13 y’amavuko yavukanye ubumuga bwo mutwe.Uyu mwana yakorewe ubuvugizi n’inzego zibanze Ubu afashwa n’ umuryango “Izere Mubyeyi” aho yiga muri iki kigo.

Uwamariya agira ati: " kurera umwana ufite ubumuga uri umwe biravuna cyane ariko kuva umwana wanjye yakirwa n’iki kigo ubuzima bwatangiye guhinduka ku buryo nsigaye mbona umwanya wo kumushakira ikimutunga n’ubwo bitoroshye.’’

Uwamariya kimwe n’abandi babyeyi bafite Abana bafite ubumuga badutangarije ko bigoranye cyane kwiyakira.

Bamwe bagira bati’’twabanjije kubihisha tukajya dukingirana Abana ariko hamwe ni kwigishwa imyumvire igenda ihinduka gahoro gahoro.’’

Bamwe mu babyeyi bavuga ko ibyo abana bafite ubumuga bakenera umunsi k’uwundi mu buzima birahenze cyane ku buryo ababyeyi bakennye bagorwa no kuyibona bigatuma basaba ubufasha ku miryango n’amashyirahamwe y’abagiraneza.

Urugero mu masomo yabo, mu gihe twasuraga ikigo cy’ishuri ry’abana bafite ubumuga bwo mutwe cya “Izere Mubyeyi” giherereye mu Murenge wa Busanza mu Karere ka Kicukiro umwalimu witwa Murama Priscille kuri ubu we wenyine yigisha 15 bituma akora akazi karenzeho kandi nta bikoresho bihagije.

Yavuze ko kwigisha aba bana bisaba ibikoresho byabugenewe (didactic materials) bikaba bihenze cyane kandi bibaye byiza kurushaho abana batatu bagomba kugira umwalimu umwe kugira ngo bashobora kwitabwaho nk’uko bikwiriye .Akomeza kuvuga kandi.

NCPD ivuga ko iziko abafite ubumuga bakenera byinshi mu buzima, uburezi, no kwivuza gusa ku kibazo cya mikoro ari make (budget) icyo bakora cya mbere ni ukemenya aho abana bafite ubumuga baherereye mu gihugu cyose bafatanyije n’inzego z’ibanze kugira ngo babakorere ubuvugizi ibicishije mu kigo cy’igihugu cy’urubyiruko kugira ngo bafashwe.

Umuryango wa UNICEF mu Rwanda uharanira ko uburenganzira bw’abana bose bubungabungwa, bagahabwa iby’ibanze mu buzima bwabo kandi bagakura bisanzuye usaba ko abafatanya bikorwa bose baranira ko hatagira umwana usigara inyuma mu Rwanda kandi abana bafite ibibazo kurusha abandi cyangwa abatitabwaho bagahabwa amahirwe yo kugira ubuzima buzira umuze, kugera ku nzozi zabo no kurindwa icyabagirira nabi cyose.

Myinshi mu miryango y’Abanyarwanda ikoresha kuri Noheli hafi 60% by’inyungu babona ku mwaka.

Ibihugu bitandatu byakorewemo igenzura; u Rwanda , Cameroon, Nigeria, Mexico, Lebanon na Philippines, kuri Noheli bikoresha ijana ku ijana cyangwa arenga ku nyungu ku kwezi.

Bijyanye n’iki gihe kidasanzwe, WorldRemet yakoze ubushakashatsi ku bihugu bitandukanye igamije kugaragaza ingano nyakuri y’ibikoreshwa kuri Noheli mu bihugu 14, yegeranya imibare kugira ngo yerekane ibigendera mu biribwa, gutegura aho kwiyakirira, ndetse no mu mpano byo muhango wa Noheli.

Mu bihugu 14 byakorewemo igenzura, imibare igaragaza ko mu Rwanda hari itandukaniro rinini cyane hagati y’ibikoreshwa mu minsi mikuru n’ibyo urugo rwinjiza, aho byagaragaye ko mu minsi mikuru urugo rukoresha 708% by’ibyo rwinjiza buri kwezi, bijya kungana na 60% by’inyungu rwinjiza ku mwaka.

Hagati aho, muri Philippines ho ku munsi mukuru wa Noheli, urugo rukoresha 257% by’ibyo rwinjiza ku kwezi bawizihiza mu ntangiriro z’ukwezi Kwa Nzeri, kugeza mu kwezi kwa Mutarama, ibintu bigora imwe mu miryango kubona iby’ibanze bibafasha kwizihiza umunsi mukuru wa Noheli. Kutagira umubare w’amafaranga runaka mu bihugu nka Philippines, kwizihiza Noheli biba bisa n’ibidashoboka.

Abasaga miliyoni 244 babarurwa ku isi nk’abimukiye mu bindi bihugu, nk’umubare munini wabo ubarurwa mu bihugu nka Leta Zunze Ubumwe za Amerika aho 14.4% by’abahatuye ari abahimukiye, u Bwongereza bukagira 9%, Australia ikagira 30% naho Canada ikagira 21.5% by’abaje kuhatura bya burundu baturutse mu bindi bihugu.

Mu gihe cy’iminsi mikuru, abimukiye mu bindi bihugu ndetse n’abakorera mu mahanga bakunze kudashobora kwifatanya n’imiryango yabo kuyizihiriza hamwe, bakisanga bakora kugira ngo bifashe ubwabo, n’imiryango yabo ndetse n’abo basize aho bakomoka.

Noheli ni imwe mu mpamvu z’ingenzi abagiye gutura mu bindi bihugu n’abagiye guhahira mu bindi bihugu bohereza amafaranga mu bihugu bakomokamo. Kubera guhenda kw’ibijyanye n’iminsi mikuru nk’ibikoresho, ibiryo, hakiyongeraho n’ingaruka za COVID-19 ku bucuruzi no guta agaciro kw’ifaranga, byakomye mu nkokora abajyaga boherereza amafaranga inshuti n’imiryango ngo bifatanye kwizihiza Noheli.

Nk’urugero, mu bihugu 14 byakorewemo ubushakashatsi bikunda koherezwamo bene ayo mafaranga, icumi muri byo imiryango ikoresha asaga 50% by’ibyo binjiza ku kwezi mu biruhuko by’iminsi mikuru. Kutaboneka kw’ariya mafaranga yoherezwa bituma ibiruhuko by’iminsi mikuru bitagenda neza, cyane ko ubundi kiba ari igihe kiza cyo gutanga, aho amasoko manini yo kohererezanya ku isi mu biruhuko by’iminsi mikuru akoresha ari munsi ya 3% by’ayinjira buri mwaka.

Imiryango 119 igizwe n’abantu 538 ni bo bahereweho kuri uyu wa Mbere ariko gahunda ikazakomeza, icyemezo cyo kwimura abo bantu kikaba cyafashwe mu rwego rwo kurengera ubuzima bwabo, kuko inkambi ya Gihembe ngo iri mu manegeka kandi igihe cy’imvura nyinshi cyatangiye.

Impunzi zo mu nkambi ya Gihembe zatangiye kwimurirwa i Mahama

Gahunda yo kwimura izo mpunzi z’Abanyekongo yari yarahagaritswe kubera ikibazo cy’abana biga bagombaga kurangiza umwaka w’amashuri, kuko hari abari barimuwe guhera muri 2020, cyane ko abagiye uyu munsi basanzeyo abandi bagera ku 2,200.

Zimwe mu mpunzi zaganiriye na Kigali Today, zivuga ko kwimukira i Mahama ari gahunda nziza ya Leta, n’ubwo bizabasaba kumenyera ubuzima bushya bw’ahantu hashyushye ugeranyije n’aho bavuye bari bamaze imyaka 23 batuye.

Impunzi zose zirimo kwimurwa zigomba kubanza gupimwa Covid-19 mbere yo kwinjira mu nkambi ya Mahama.

Icyo cyaha yagikoze ku itariki 07 Kamena 2021 ubwo yakaga umunyeshuli w’imyaka 19 wo mu kigo akoramo, umukufi wa zahabu (Gold Necklace) ufite agaciro k’Amafaranga y’u Rwanda agera kuri 1,500,000 kuko bitari byemewe kuwambara mu kigo cy’ishuri, akamubwira ko azawumuha batashye amasomo arangiye.

Igihe cyo gutaha cyarageze, umwarimu abwira umwana ko umukufi we wibwe, ibyo byabereye aho iryo shuri riherereye mu Karere ka Gasabo, Umurenge wa Rusororo, Akagari ka Nyagahinga, Umudugudu wa Kigarama.

Umuvugizi wa RIB, Dr. Murangira B. Thierry, yemeje ayo makuru agira ati “Ikirego twaracyakiriye, kirimo gukorwaho iperereza”.

Icyaha cy’ubuhemu mu Rwanda gihagaze gute?

RIB iributsa abantu bose ko itazihanganira uwo ari we wese uzafatwa yakoze icyaha nk’iki cy’ubuhemu, isaba abantu gukomeza kwirinda icyo cyaha kuko gihanwa n’amategeko.

Ingingo ya 176 y’itegeko Nº68/2018 ryo ku wa 30/08/2018, Itegeko riteganya ibyaha n’ibihano muri rusange (Icyaha cy’ubuhemu) Umuntu wese wahawe ikintu cyangwa wakirindishijwe kandi agomba kugisubiza cyangwa kugikoresha umurimo abwiwe akacyigarurira, akakirigisa, akagitagaguza cyangwa akagiha undi muntu, aba akoze icyaha.

Iyo abihamijwe n’urukiko, ahanishwa igifungo kitari munsi y’imyaka itatu (3) ariko kitarenze imyaka itanu (5) n’ihazabu y’amafaranga y’u Rwanda atari munsi y’ibihumbi magana atanu (500.000 FRW) ariko atarenze miliyoni imwe (1.000.000 Frw).

RIB igaragaza ko hari ubwiyongere mu mibare y’ibyaha n’amadosiye yashyikirijwe ubushinjacyaha, ku gipimo cya 118.57% kuva mu mwaka wa 2018-2019 kugeza muri Kamena 2021.

Ahenshi bikunze kugaragara ni aho abatwara za moto barazipatanye, cyangwa batanga verisema, mu gihe runaka bakabeshya ba nyirazo ko bazibibye, abaragizwa amatungo bakayagurisha, abacururiza abandi bagatwara amafaranga y’abo bakorera, abahagarariye ibimina, abahagarariye amakoperative bakoresha amafaranga nk’aho ari ayabo, ababa barinze umutungo w’abandi bakawitwarira cyangwa bakawugurisha.

Imibare itangazwa na RIB y’ibyaha n’amadosiye ku cyaha cy’ubuhemu mu myaka itatu iheruka, igaragaza ko ibyaha byakozwe kuva muri Nyakanga 2018 kugeza muri Kamena 2019, byari 1,346 na ho amadosiye yashyikirijwe Ubushinjacyaha ni 1,139 mu gihe kuva muri Nyakanga 2019 kugeza muri Kamena 2020 ibyaha byabaye 2,058 na ho amadosiye aba 1,762.

Kuva muri Nyakanga 2020 kugeza muri Kamena 2021, ibyaha by’ubuhemu byabonetse ni 2,942 na ho amadosiye aba 2,486.

Me Nkundabarashi Moïse, umwe mu bavoka bakurikirana zimwe muri izo manza avuga ko ibijyanye n’uruherekane rw’amafaranga, ari ngombwa ko umuntu wese cyane cyane abacuruzi bakwirinda kugendera ku kizere gusa, kuko ngo iyo bigeze mu inkiko haba hakenewe ibimenyetso byemeza ko amafaranga yaratanzwe.

Me Nkundabarashi agirira abantu inama ko iyo amafaranga ari hejuru y’ibihumbi mirongo itanu y’Amafaranga y’uRwanda (50.000), ugomba kugira ikigaragaza ko wayatanze, yaba mu butumwa bugufi cyangwa mu nyandiko-mvugo.

Umuryango AVEGA-Agahozo ni umuryango washinzwe n’abapfakazi ba Jenoside mu 1995 ugamije kubahuriza hamwe kugira ngo bisungane, bahozanye ndetse bashobore gutangira urugendo rwo guhangana n’ingaruka zasizwe na Jenoside zirimo ibibazo by’ubuzima birimo ibikomere byo ku mubiri, abari barafashwe ku ngufu bandujwe agakoko gatera SIDA, abari bafite ihungabana no kumva ari bonyine.

Hari ibibazo by’imfubyi nyinshi zagombaga kwitabwaho, hari imibiri myinshi yagombaga gushyingurwa, hari ibibazo by’amacumbi n’ibindi.

Abanyamuryango ba AVEGA ndetse n’ababakomokaho bagerageje guhangana n’izo ngaruka ndetse uko imyaka ishira ni ko AVEGA igenda itera imbere, iharanira gukomeza kuba ingobyi y’ubudaheranwa ku banyamuryango ba AVEGA ndetse igira n’uruhare mu kubaka ubumwe bw’Abanyarwanda.

Ubwo bakiraga iyi nkunga ku wa Gatanu tariki 18 Kamena 2021, umuryango AVEGA watangaje ko wishimiye kwakira inkunga y’ibikoresho byo mu biro wahawe na Banki Nyafurika Itsura Amajyambere (AfDB). Umuyobozi wa AVEGA-Agahozo Madamu Mukabayire Valérie yavuze ko ibikoresho bahawe bizabafasha kurushaho gutanga serivisi nziza ku babagana barimo abanyamuryango bayo n’abandi bagenerwabikorwa muri rusange, muri serivisi zitandukanye zirimo n’iz’ubuvuzi, ubufasha mu by’amategeko n’iterambere.

Yavuze ko ari inkunga ikomeye mu mikorere n’iterambere ry’umuryango AVEGA kuko amafaranga yo kugura ibyo bikoresho azajya mu bindi bikorwa by’imibereho myiza y’abanyamuryango.

Yagize ati «Ni inkunga ikomeye kuri AVEGA. Mu myaka 27 ishize byaragaragaraga ko kugura ibikoresho bijyanye n’igihe ari ngombwa ariko ukabona ko hari ibindi bibazo abanyamuryango n’abagenerwabikorwa bafite umuryango ugomba kubanza gukemura. »

Ati « Ni ukuvuga rero ko ikibazo cy’ibikoresho byo mu biro gikemutse, ubundi bushobozi bwaboneka ni ugukomeza gushyira imbaraga mu kwiyubaka kw’abanyamuryango n’abagenerwabikorwa tubafasha mu bikorwa by’iterambere n’izindi serivisi. »

Umuyobozi wa AfDB Madamu AISSA TOURE SARR yavuze ko ibyo bikoresho biri mu rwego rwo gufasha AVEGA kwiyubaka no gukomeza kubaka ubudaheranwa bw’abapfakazi n’abandi bagenerwabikorwa umuryango witaho. Yanavuze kandi ko ari igikorwa bakoze mu rwego rwo kubafata mu mugongo muri iki gihe cyo kwibuka ku nshuro ya 27 Jenoside yakorewe Abatutsi mu 1994.

Ati « AVEGA ikora ibikorwa by’indashyikirwa, buri wese yishimira, kubunganira bagakorera ahantu heza kandi hari ku rwego rwiza bizafasha abakozi gukora batekanye kandi ingengo y’imali bateganyaga gukoresha izifashishwa mu bindi bikorwa byo kwita ku bapfakazi ba Jenoside ndetse n’abandi bagenerwabikorwa. »

Inkunga y’ibikoresho batanze igizwe n’intebe, ameza yo mu biro, ameza y’inama, utubati, imashini zitanga amashanyarazi n’ibindi.

Mu mwaka wa 2017 abanyonzi barindwi bagonzwe n’imodoka ya Bralirwa Nyakiriba. Muri aba bantu 7 bane bahise bitaba Imana harokoka batatu, babiri bakuramo ubumuga bwa burundu. Aba bakiri mu bitaro, uwunganira abandi imbere y’amategeko yabasanze mu bitaro avugana n’ababyeyi babo buri umwe amwemerera miliyoni ebyiri (2 000 000Frw) baramusinyira atwara dosiye yose na bo barataha baheruka ayo ntibazi ayo ikigo cy’ubwishingizi cyatanze mu izina ryabo.

Mukamutsinzi Dativa, ni umubyeyi utuye mu Gatsata. Umwana we w’imyaka icyenda yagonzwe na moto muri 2014 akuka amenyo abiri. Avuga ko yavuje umwana we mu ivuriro ryigenga, bamupima ubumuga, basanga afite 50%. Yashatse umwunganira mu by’amategeko amurangiwe n’umuntu bahuriye mu kabari amubwira ko yamufasha kuburana, bageze mu kigo cy’ubwishingizi ngo cyanga ibyavuye ku muganga wigenga.

Umuganga w’ikigo apimye yasanze ubumuga bwe buri ku kigero cya 17%. Ngo uwo wamuhagarariraga imbere y’amategeko yahise amutwara idosiye yose, anamwishyurira ibitaro. Iyi mibare y’ubumuga igenwa n’umuganga akurikije ubumuga impanuka yateye uwayikoze n’ingaruka bizamugiraho mu buzima bwe bwose. Iyo igipimo cy’ubumuga kiri hejuru bivuga ko uwo muntu aba ntacyo azakomeza kwimarira, cyaba kigabanuka bikavuga ko aba ashobora gukira neza akagira ibyo abasha gukora.

Uwamwunganiraga imbere y’amategeko ni we wakomeje gukurikirana idosiye, mu 2019 ikigo cy’ubwishingizi gihamagara nyina w’umwana bamuha ibihumbi Magana atanu.

Uyu mubyeyi asanga bitari bikwiye kuko umwana yakubise umutwe hasi, ubumuga bushobora kuzamugaruka, kandi umwana yamaze umwaka atiga. Uyu mubyeyi abona ko uwamwunganiraga imbere y’amategeko yamugambaniye mu kigo cy’ubwishingizi, cyane ko atanamwishyuje. Ku bwe yumva yaragombaga no kwishyurwa ingemu zamusangaga mu bitaro, ndetse akanarihwa iminsi yamaze adakora yita ku mwana.

Abakomisiyoneri mu mpanuka, muri dosiye…

Abakomisiyoneri ni abahuza hagati y’uwakoze impanuka, n’abunganira abandi imbere y’amategeko ndetse n’ikigo cy’ubwishingizi nk’uko bisobanurwa na Kagire wo mu kigo kimwe cy’ubwishingizi. Ati “Aba ni bo bakora akazi gakomeye muri ubu buriganya bw’abunganira abandi imbere y’amategeko. Ni bo birirwa bashaka abantu bakoze impanuka ngo babafashe kubaburanira ibyabo ndetse ni na bo bagaragara kenshi ahantu habereye impanuka n’ubwo uhageze agira ngo ni nk’abandi bose bahuruye ariko haba hari abari mu kazi.”

Nk’uko umwe mu bakozi ba kimwe mu bigo by’ubwishingizi abivuga, ati “Aba bakomisiyoneri biba na ngombwa bagafatanya n’abapolisi bo ku mihanda bapima impanuka. Babura uwayikoze bagasaba umupolisi wayipimye kubaha umwirondoro w’uwagonzwe bakabona kujya kumushakisha”.

Ibi kandi bishimangirwa na Nsengimana Felix, umuturage wo mu Ntara y’Iburengerazuba mu Karere ka Rubavu wakoze impanuka mu ntangiriro z’umwaka wa 2017, agongwa n’ikamyo ya Fuso muri Nyakiriba, ubwo we yagendaga n’igare. Uyu muturage avuga ko mu gihe yari mu bitaro bya Gisenyi, umupolisi yamukurikiranye aza kumwaka umwirondoro we arawumuha atazi ikigamijwe. Ati “Yansabye kumubwira aho ntuye n’amazina y’ababyeyi banjye n’abaturanyi, yabyandikaga muri telefoni ye. Naketse ko ari we warangiye abakomisiyoneri baje kunshaka bakampuza n’uwunganira abantu mu mategeko.”

Uruhare rw’abakomisiyoneri muri ubu buriganya ntiburangirira gusa mu kubona uwakoze impanuka kuko rurakomeza kugera uwagonzwe yishyuwe.

Kagire akomoza ku bakomisiyoneri, yagize ati “Iyo umukomisiyoneri agejeje ku wunganira abandi imbere y’amategeko umwirondoro w’uwagonzwe, yiga ikibazo uko kimeze, akagihuza n’amategeko, akabona aho yakungukira mu gihe yaba atangiye kuburanira uwakoze impanuka. Aha inyungu ze ziba ziri ahantu habiri: Hamwe ni ku wagonzwe yakwishyurwa akazamwishyura ahandi ni ukugura ikirego cyose agaha uwagonzwe intica ntikize maze we agakomeza kwishyuza ikigo cy’ubwishingizi.

Benshi mu bunganira abandi imbere y’amategeko bahitamo kugura ikirego cyose bakagitwara uwagonzwe bakamuha make bo bakazahangana n’ikigo cy’ubwishingizi. Uwunganira uwakoze impanuka mu mategeko iyo aguze ikirego bivuga ko yumvikana n’uwakoze impanuka akamuha amafaranga ubundi umunyamategeko agasigara yiyumvikanira n’ikigo cy’ubwishingizi akaba ari we kizishyura.

Uruhare rw’Abapolisi bo mu mihanda

Ubu buriganya butangirira mu muhanda ahabereye impanuka. Bitangira umupolisi ari gupima impanuka, agafata umwirondoro w’uwayikoze akamwizeza kuzamushakira umwunganira imbere y’amategeko, inyungu ze akazazihabwa n’uwo wunganira abandi imbere y’amategeko yarangiye umukiriya. Ahandi polisi igaragara muri ubu buriganya nk’uko twabibwiwe n’abakozi ba bimwe mu bigo by’ubwishingizi, ni mu mpanuka z’amagare. Inyinshi bemeza ko uwabagonze ari we uba uri mu makosa kandi n’abanyegare bagira amakosa. Ibi na byo umupolisi abikora mu nyungu ze kuko wa munyegare iyo yishyuwe amenya uwabimufashijemo.

Aha kandi ngo birashoboka ko umupolisi ashobora guhimba impanuka aho hatangwa urugero rw’umuntu ugonga igiti cyangwa imodoka ikagwa bakavuga ko yagonzwe.

Naho Nsengimana Felix wagongewe i Nyakiriba we avuga ko nyuma yo kwakwa umwirondoro n’umupolisi, haje abantu batatu barimo uwitwa Claude, Basile n’umugore witwa Vanessa bamusanga iwe mu rugo bamubwira ko bagiye gukurikirana iby’impanuka ye, nyamara ngo nibwo bwa mbere yari ababonye, bataziranye. Akeka ko bamenye icyaro atuyemo bakibwiwe n’umupolisi yari yaharangiye akamuha umwirondoro wose ntacyo asize. Ati “Abo batatu ntabwo bari abanyamategeko kuko bangejeje ku munyamategeko witwa Twagirayezu Christophe ufite n’ahantu akorera i Kigali ari na we wakomeje kumfasha n’ubwo na we bitarangiye neza.”

Uyu akomeza avuga ko uyu munyamategeko yashatse kugura impanuka ye abicishije mu bakomisiyoneri be ariko ntibyakunda. Ati “Baje kunsaba ko bampa ibihumbi 500 ubundi nkabareka bakirwariza, ibyo nabibwiwe na Claude umwe mu baje kunshaka mbere, gusa narabyanze kuko bashakaga kumfatiranya n’ubukene, ibyo byaranze bakoresha ubundi buriganya bwo kunguriza amafaranga afite inyungu y’umurengera.”

Nsengimana Felix akomeza avuga ko byarangiye ikigo cy’ubwishingizi Radiant kimugeneye amafaranga angana na 1.308.500 arimo ayo kwivuza n’indishyi ariko ko muri aya mafaranga yahawemo atarenga ibihumbi 700 andi yose aribwa n’abo bitwa ko bamufashije.

Nsengimana avuga ko habayemo amanyanga kuko yari yumvikanye n’umunyamategeko wamwunganiraga ko azamwishyura ibihumbi 200 ariko amafaranga amaze kuboneka yiyishyura ibihumbi 400 amubwira ko hari abandi bamufashije barimo abaganga, abapolisi n’abandi.

Ibi by’ubu buriganya Me Twagirayezu Christophe tubimubazaho, yavuze ko atabyibuka, n’ubwo twamwoherereje ibimenyetso byashoboraga kubimwibutsa birimo inyandiko yagiye yandika akurikirana ubu bwishyu. Gusa ahubwo abicishije mu bakomisiyoneri be, yongeye kujya gutera ubwoba Nsengimana amubwira ko ari kumuteza abantu nk’uko amakuru yatugezeho abigaragaza.

Kubara umushahara fatizo ugenderwaho ngo uwakoze impanuka yishyurwe, na byo byaba bitera urunturuntu hagati y’ibigo by’ubwishingizi n’abacamanza. Bikorimana na we ukora mu kigo cy’ubwishingizi agira ati “Mu gihe hatarasohoka iteka rya Minisitiri rishyiraho umushahara fatizo mu Rwanda, ibigo by’ubwishingizi bishobora kuzahombywa n’ibyemezo by’abacamanza kuko babifata mu nyungu zabo, babarira abakoze impanuka kandi bikaba binashobora guterwa n’abunganira abandi imbere y’amategeko baganira na bo.”

Aha ibigo by’ubwishingizi bitanga urugero rw’umuntu utagira akazi kazwi (wo ku muhanda) ugongwa, ubutabera bukemeza ko yakoreraga ibihumbi 3 ku munsi kandi ngo ari na we wari utunze umuryango kugira ngo ibyo bamuha byiyongere . Gusa hano ntihagaragara aho umucamanza abonera inyungu mu guca urubanza gutyo abogamye.

Amakuru y’umukozi wo mu kigo cy’ubwishingizi avuga ko kandi hari abunganira abandi imbere y’amategeko ngo bajya mu bushinjacyaha bakabwira abahakora ko dosiye runaka y’impanuka itagomba kuzahava atari we uyiguze, akazitira uwakoze impanuka kuyibona kugira ngo abe ari we uzaburana urwo rubanza ategeke uwakoze impanuka ibyo ashaka.

Ikibazo ntikiri mu bacamanza n’amategeko gusa. Bamwe mu baganga na bo mu bitaro ntibaba ari shyashya mu gukora akazi kabo neza kuko bongera impanuka bakayikabiriza ku buryo bashobora kuyiha igipimo cy’ubumuga kiri hejuru kandi wenda yari ifite igipimo cy’ubumuga buri hasi.

Ibi ahanini bigaragara iyo uwakoze impanuka asabwe kwishakira undi muganga mu gihe atumvikanye ku buremere bw’impanuka n’umuganga w’ikigo cy’ubwishingizi. Aha ngo usanga bamwe mu baganga babaza uwunganira abandi imbere y’amategeko kuri telefoni ngo ko byananiranye uyu mukiriya wawe tumuhe kangahe. Bigatera kwibaza uburyo umuganga abaza uwunganira abandi imbere y’amategeko ibyerekeranye n’ubuvuzi.

Uruhererekane rw’abantu batandukanye muri iki kibazo

Muri rusange abakora mu bigo by’ubwishingizi bemera ko iki kibazo gihari ndetse kinakomeye kuko ari ho hantu hasigaye uburiganya bugaragara bwabuze ababurwanya. “Iki kibazo kirakomeye ku buryo ahantu hasigaye habera impanuka hakagera abunganira abandi imbere y’amategeko mbere ya polisi. Iyo abo banyamategeko batahageze, hagera abakomisiyoneri babo ku buryo babihinduye ubucuruzi kandi ntibite ku buzima bw’uwakomerekeye mu mpanuka.”

Abunganira abandi imbere y’amategeko twaganiriye na bo bemeza ko ibi bibaho ahanini ko ingufu zabo abaturage bazitinya babakangisha ko nibatemera ayo babahaye bari bureke gukurikirana ibibazo byabo.

Umwe mu bunganira abantu mu mategeko ati, “Bamwe mu bunganira abandi imbere y’amategeko barabikora bakagura impanuka yose bagatwara na dosiye yose ku buryo mutandukanye ntaho wahera ukurikirana ikirego, ikindi bakangisha abantu ko nibanga amafaranga babahaye bari bubivemo kandi ko ntawundi uzabishobora kuko ari we ufite dosiye yose.”

Ibigo by’ubwishingizi bivuga ko iki kibazo giteye inkeke n’ubwo kukirwanya bitoroshye kuko ahanini ari uruhererekane rwa Polisi, abanyamategeko baburanira abantu, abaganga ndetse n’inkiko zikabigiramo uruhare. Hiyongeraho kandi n’uwakoze impanuka.

Umwe mu bakozi bakuru ba kimwe mu bigo by’ubwishingizi mu Rwanda agira ati, “ Ntabwo twe twemera ko hagira umuntu wishingira undi twe twemera ko yamuhagararira gusa, ariko bigera nyuma uhagararira abandi imbere y’amategeko akabwira umuturage ko amwishingiye bikarangira amafaranga yose ari we uyahawe. Rimwe na rimwe uyu akamugezaho intica ntikize. Ibintu bigaragaza ubunyamwuga hafi ya ntabwo.”

Ubusanzwe uyu munsi uzwi nka World Hypertension Day wizihizwa ku itariki ya 17 Gicurasi buri mwaka ukibanda ku gushishikariza abatuye isi kwipimisha indwara zitandura (NCDs).

Mu Rwanda, iyi gahunda yateguwe n’Ikigo cy’Igihugu gishinzwe Ubuzima (RBC), igikorwa cyo gupima umuvuduko w’amaraso n’ingano y’isukari mu mubiri kikaba cyatangiriye mu Badepite n’Abasenateri bari mu Nteko Ishinga Amategeko y’u Rwanda, kibera ku Kimihurura aho Inteko Ishinga Amategeko ikorera.

Senateri Dr. Iyamuremye Augustin wabimburiye izindi ntumwa za rubanda kwisuzumisha yashimiye Leta y’u Rwanda kuba idahema gushakira Abanyarwanda ubuzima bwiza, avuga ko ari ngombwa ko Inteko Ishinga Amategeko yashyigikira iyi gahunda kugira ngo igere kuri benshi.

Dr. Iyamuremye Augustin

Ibi yabivuze mu gihe ubushakashatsi bwakozwe mu Rwanda ku ndwara zitandura bugaragaza ko hafi miliyoni imwe y’abanyarwanda bafite uburwayi bw’umuvuduko w’amaraso n’ubwo abagera ku bihumbi mirongo inani (80, 000) gusa ari bo bazwi kandi bipimishije iyi ndwara mu bigo nderabuzima mu gihugu hose.

Kugira ngo gahunda yo gukangurira Abanyarwanda kwirinda iyi ndwara inozwe, Dr. Uwinkindi François, umuyobozi w’ishami ry’indwara zitandura muri RBC avuga ko kwisuzumisha ari ngombwa nibura rimwe mu mwaka kuko ibiciro by’iyi serivisi birahendutse ku mafaranga atarenze magana abiri ku muntu ufite ubwisungane mu kwivuza (mutuelle de santé).

N’ubwo kwisuzumisha indwara zitandura bihendutse kandi bikaba binakorwa mu gihe cyihariye ku munsi wa siporo rusange buri kwezi, Abadepite bavuga ko hagikenewe imbaraga mu gutanga serivisi nziza mu buvuzi kugira ngo Abanyarwanda kwisuzumisha bakunde babigire umuco uhoraho.

Undi mudepite witwa Uwingabe Solange na we yemeza ko iyi gahunda igomba guhabwa ingufu ariko bigakorwa na buri wese.

Umukozi wa RBC ukorera mu ishami ry’itanzamakuru, Habarurema Gaspard, yabwiye Kigali Today ko ari ubwa mbere begereye abikorera cyane cyane amabanki kugira ngo gahunda y’ubukangurambaga mu kurwanya indwara zitandura ikorwe hifashishijwe ubushobozi buturuka imbere mu gihugu.

Biteganyijwe ko nyuma yo gupima Abadepite mu Nteko Ishinga Amategeko, iyi gahunda ikomereza ku bakozi b’ ibigo by’imari (banki) nka Banki ya Kigali, I&M Bank, Cogebanque, na Zigama CSS.

Impunzi ziri mu Rwanda zatangiye gukingirwa Covid-19

Ku ikubitiro mu ma saa ine z’iki gitondo hakingiwe impunzi 197 mu mpunzi 283 ziri muri iyo nkambi ya Gashora.

Hiyongeyeho abakozi 154 bakorera mu nkambi kugira ngo na bo bagire ubwirinzi ku cyorezo cya Covid-19 cyugariye u Rwanda n’isi kuva mu ntangiriro za 2020.

Abakozi ba Minisiteri ishinzwe Ibikorwa by’Ubutabazi (MINEMA) babwiye Kigali Today ko gukingira izi mpunzi bizabafasha mu gihe bakomeje gukirikirana ibyangombwa byabo bifuza kugira ngo bakomeze mu bindi bihugu bifuza gutuzwamo cyangwa gusabamo ubuhingiro.

Izi mpunzi n’abasaba ubuhunzi baje kare batonda imirongo, bigaragara ko biteguye kwakira urukingo rwa covid-19 rwa AstraZeneca rwahawe u Rwanda mu cyumweru gishize muri gahunda yiswe COVAX yo gufasha ibihungu bikennye kurusha ibindi.

Mu Rwanda hamaze gukingirwa ibyiciro bitandukanye birimo abaganga, abarimu, abasirikare, imfungwa n’abagororwa, abageze mu zabukuru n’abandi.

Ikigo cy’Igihugu cyita ku Buzima (RBC) kivuga ko izindi mpunzi zituye mu Rwanda zizakingirwa ariko hibandwa cyane ku bafite ibyago byinshi byo kwandura COVID-19, ni ukuvuga abakuze cyane n’abafite indwara zidakira vuba.

Igifungo cya burundu cyahawe Uwinkindi Jean cyagumyeho

Kuri uyu wa Kane tariki 24 Ukuboza 2020, Uwinkindi yagarutse mu rukiko rw’ubujurire kumva umwanzuro ku bujurire yari yaratanze kuri icyo gihano cyo gufungwa burundu yakatiwe aho yasabaga ko mu rubanza rwe harimo ibintu byinshi byirengagijwe mu mategeko no mu busabe bwe bityo akaba atemera uwo umwanzuro w’urukiko, akemeza ko ari umwere kugeza magingo aya.

Biciye mu buryo bw’ikoranabuhanga, Uwinkindi yakurikiye ubu bujurire bwe yicaye muri gereza ya Mageragere kuva saa yine n’igice ntiyagira icyo avuga gusa yakomeje gukurikira ari wenyine nta mwunganizi mu buryo bw’amategeko.

Urukiko rwasuzumye impamvu zatanzwe na Uwinkindi harimo kuba Urukiko Rukuru rwarafashe umwanzuro wo kumufunga burundu ku byaha binyuranye n’ibyo yarezwe n’Urukiko Mpuzamahanga Mpanabyaha rwa Arusha(ICTR), kuba atarahawe umwanya uhangije wo gushaka abatangabuhamya bamushinjura, kuba yarahawe ba avoka n’urugaga rw’Abavoka mu Rwanda atagishijwe inama bityo urubanza rwe rurayoba kubera ko abo bunganizi atigeze yemera ko bamuhagararira mu rubanza rwe.

Nyuma y’amasaha agera kuri ane asomerwa urwo urubanza rwaciwe kuva muri 2013, ibyashingiweho ku mpande zombi (uregwa n’ubushinjacyaha) urukiko rw’ubujurire rwerekanye uko byagenze muri bimwe Uwinkindi yagaragaje mu bujuririre bwe.

Urugero uru rukiko rwagaragaje ko ubwa mbere Uwinkindi yahawe abunganizi babiri bitewe n’uko yagaragaje ko nta bushobozi yari afite bwo kwiyishyurira ba Avoka ku giti cye. Ngo ibi byarabaye kandi urubanza ruraburanishwa bigera n’aho abo bunganizi baruvamo bitewe n’ikibazo cy’amikoro angana n’amafaranga yari abagenewe mu gukora iperereza bashakira umukiliya wabo ubuhamya bumushinjura.

Ngo aba bunganizi bari basabye amafaranga asaga miliyoni ijana n’eshatu z’amafaranga y’u Rwanda (Rwf103million) ngo bahabwa ibihumbi 800 mu yo bari basabye ariko ngo bata urubanza ntibanagaragaza icyo bakoresheje ayo mafaranga.

Ngo n’ubwo urugaga rw’abavoka mu Rwanda rwamushakiye abandi bunganizi babiri bashya, uregwa avuga ko byakozwe atabizi ntibumvikana gusa urukiko rw’ubujurire rwo rwagaragaje ko kubera impamvu zo kuba Uwinkindi yari yagaragaje ko nta bushobozi afite bwo kwishyura abunganizi be, byari ngombwa ko atavutswa uburenganzira bwe bityo biba ngombwa ko ahabwa abandi ba Avoka kugira ngo aburane mu buryo busabwa n’amategeko mpunzamahanga y’ibyaha yaregwaga.

Ikindi ngo ni uko imvugo z’abatangabuhamya zitasuzumwe mu buryo bwimbitse kandi ngo yifuzaga ko yashaka abatangabuhamya be baba hanze y’u Rwanda ngo ariko ntibyakorwa bitewe n’uko nta bwumvikane bwabaye hagati ya Uwinkindi n’abavoka be bashya, kandi kuba abavoka ba mbere bari baragaragaje ubushobozi n’ibyangobwa bibemerera gukora iryo perereza, ngo nta shingiro rigaragaza ko atahawe ayo mahirwe.

Gusa ku kibazo cy’ibyangobwa byo gutegura urubanza rwe, Uwinkindi ngo yasabaga ko ahabwa umwanya uhagije (amezi 6) wo gutegura dosiye ye no gukusanya amakuru yuzuye, ariko ngo yahawe amezi abiri gusa bituma atagira umwanya uhagije nk’uwo ubushinjacyaha buhabwa, ariko Urukiko rw’ubujurire rwagaragaje ko igihe gihabwa ubushinjyacyaha ngo kitangana n’igihabwa uregwa bityo ngo nta mategeko yirengajijwe.
Umwanya munini mu rukiko rw’ubujurire wafashwe ku kibazo cy’abatangabuhamya

Urukiko rw’ubujurire rwagarutse ku kibazo cy’abatangabuhamya aho Uwinkindi yagaragaje ko ababajijwe bamubeshyeye, ubucamanza bwamusomeye bimwe mu byavuzwe bigaragaza uruhare rwe mu bikorwa byatumye habaho kwica Abatutsi basengeraga mu rusengero rwa ADEPR i Kanzeze yari ayoboye.

Urugero, ngo kuba abayobozi (Burugumesitiri Gatanazi n’abandi) muri ako gace barashoboraga kumva ijambo rya Uwinkindi bakanarikurikiza, ngo ntabwo yigeze abuza abicanyi gushinga za Bariyeri ahubwo yitabiriye izo nama z’ibitero byagabwe ahitwa Kariyeri muri Kanzeze kandi ngo hari n’aho yavuze ngo ntihagire ujya kurya inyama zasahuwe mu bitero nta kazi yakoze, bigaragara ko yatangaga amabwiriza y’ibitero anabikorera mu rusengero.

Gusa Uwinkindi avuga ko hari itandukaniro hagati y’urusengero n’agace ka Kariyeri n’ubwo abatangabuhamya bahuriza ku kuba intambwe zihari hagati ya Kariyeri n’urusengero ari nke kandi ngo uregwa yari yitabiriye iyo nama yatumijwe na Burugumesitiri Gatanazi.

Uwinkindi we avuga ko ibi bitashingirwaho kuko harimo kunyuranya kuri iyo nama. Gusa urukiko rwo rwasanze ko kuba abatangabuhamya bashobora kuba banyuranya ku munsi iyo nama yabereyeho bitatuma ubuhamya bwatanzwe budahabwa agaciro ku byaha Uwinkindi aregwa ari byo gutanga amabwiriza yo kwica Abatutsi muri ako gace.

Mu ma saa kumi z’igicamunsi, urukiko rw’ubujurire rwanzuye ko nyuma yo gusuzuma impamvu zose uregwa yatanze ajurira, rwasanze nta shingiro zifite bityo rugumishaho imikirize y’urukiko rukuru yo ku wa 30 Ukuboza 2015.

Ubu Uwinkindi ashobora kujuririra uyu mwanzuro mu rukiko rwisumbuyeho (rw’ikirenga) ku mpamvu z’akarengane gusa.

Uwinkindi yahoze ari umushumba mu itorero rya ADEPR mu cyahoze ari Komini Kanzenze mu yahoze ari Perefegitura ya Kigali Ngari ubu ni mu Karere ka Bugesera.

Urukiko rwamuhamije ibyaha birimo kuyobora ibitero simusiga byahitanye Abatutsi benshi ndetse no kujya kuri bariyeri zabaga zigamije kurobanura Abatutsi bari bwicwe, ibyaha yahamijwe ko yabikoranye ubugome ndengakamere.

Yitabiriye kandi inama nyinshi zanogerezwagamo imigambi yo kurimbura Abatutsi, bigize icyaha cyo kurimbura nk’icyaha cya Jenoside.

Akimara gusomerwa igihano yahawe, Uwinkindi yahise avuga ko akijuririye imbere y’urukiko rw’ubujurire.

Uwinkindi yafatiwe i Mbarara muri Uganda tariki 30 Kamena 2010, ava muri Repubulika Iharanira Demokarasi ya Kongo, ubwo yari yiyoberanyije amazina.

Yaje gushyikirizwa Urukiko Mpuzamahanga Mpanabyaha rwari rwarashyiriweho u Rwanda i Arusha muri Tanzania, nyuma rumwohereza mu Rwanda tariki 19 Mata 2012 ubwo rwendaga gusoza imirimo yarwo.

Inkuru bijyanye:

Pasiteri Uwinkindi arahabwa umwanzuro ku bujurire yatanze ku gihano cyo gufungwa burundu yakatiwe

Jean Uwinkindi

Uwinkindi yahoze ari umushumba mu itorero rya ADEPR mu cyahoze ari Komini Kanzenze mu yahoze ari Perefegitura ya Kigali Ngari ubu ni mu Karere ka Bugesera.

Urukiko rwamuhamije ibyaha birimo kuyobora ibitero simusiga byahitanye Abatutsi benshi ndetse no kujya kuri bariyeri zabaga zigamije kurobanura Abatutsi bari bwicwe, ibyaha yahamijwe ko yabikoranye ubugome ndengakamere.

Yitabiriye kandi inama nyinshi zanogerezwagamo imigambi yo kurimbura Abatutsi, bigize icyaha cyo kurimbura nk’icyaha cya Jenoside.

Akimara gusomerwa igihano yahawe, Uwinkindi yahise avuga ko akijuririye imbere y’urukiko rw’ubujurire.

Uwinkindi yafatiwe i Mbarara muri Uganda tariki 30 Kamena 2010, ava muri Repubulika Iharanira Demokarasi ya Kongo, ubwo yari yiyoberanyije amazina.

Yaje gushyikirizwa Urukiko Mpuzamahanga Mpanabyaha rwari rwarashyiriweho u Rwanda i Arusha muri Tanzania, nyuma rumwohereza mu Rwanda tariki 19 Mata 2012 ubwo rwendaga gusoza imirimo yarwo.

Gusoma umwanzuro w’urukiko kuri ubwo bujurire bwa Uwinkindi biraba hifashishijwe uburyo bw’ikoranabuhanga.

Uwinkindi aherereye muri gereza ya Mageragere aho afungiwe kandi ni na ho ari bukurikirire umwanzuro w’urukiko rw’ubujurire.

Urukiko ruherereye ku Kimihurura, mu Murenge wa Kimihurura, Akarere ka Gasabo mu Mujyi wa Kigali.

Urukiko rw’Ubujurire byarangiye na rwo rwemeje ko Uwinkindi akomeza gufungwa burundu. Kanda HANO usome inkuru irambuye.

Urubanza rwatangijwe n’abacamanza ba gisirikare babaza ababuranyi niba hari icyo bageza ku rukiko mbere y’uko basomerwa ibyaha baregwa, bityo ngo rubashe kubagezaho ibyaha barengwa muri rusange.

Maj (Rtd) Mudathiru we ku giti cye yabwiye urukiko ko yiteguye kuburana, ariko asaba Peresida w’urukiko ko yabanza kuvugana n’umwunganize we.

Maj (Rtd) Mudathiru ati “Umwuganizi wanjye yari yatinze kuhagera ariko ndabona yahageze, ndasaba ko mbanza kuganira na we kuri dosiye”.

Urukiko rukurikije amategeko n’uko ibyo yasabye biri mu nzitizi zemewe n’amategeko, rumwemerera ko yavugana n’umwunganizi we bicaye inyuma mu cyumba cy’iburanisha.

Mu birego bya rusange, aba 31 harimo na Maj (Rtd) Mudathiru, urukiko rwavuze ko rwaregewe n’ubushinjyacyaha harimo: kuba baragiye mu bikorwa no gukora ibikorwa by’ubugizi bwa nabi n’iterabwoba bakoresheje inkunga zaturukaga hanze, kuba bagambiriye gukuraho Leta y’u Rwanda iriho ubu, kurema umutwe wa gisirikare (P5), kwangiriza ibuzima n’ibintu by’abaturage b’u Rwanda cyane cyane mu Karere ka Musanze bafatanyije n’umutwe witwa Rudi-Urunana ubarizwa muri Kongo.

Bamwe mu baburanyi bameye ko bagiye muri iyo mitwe ya gisirikare ariko ngo atari kubushake bwabo.

Ildephone Rusigaje, wacuruzaga amandazi mu Rwanda akaba yaragiye muri iyi mitwe aciye muri Uganda, Kenya n’u Burundi, aregwa kuba yari maneko mukuru mu mutwe wa P5.

Afashijwe n’umwuganize we, Rusigaje avuga ko ku giti cye nta bushake yabigizemo, ahubwo yari azi ko agiye guhabwa akazi muri ibyo bihugu akanahakana ko yabakoreye nka maneko.

Umwunganizi we ati “Nta kimenyetso na kimwe kitaziguye kigaragaza ko yari afite umubano na leta y’u Burundi cyangwa Uganda, kuko nta muntu muri ibyo bihugu wagaragaje ko yigeze kuganira n’abantu bamushyize mu mugambi wo kugirira nabi Leta. Kandi yari muto ataragira imyaka y’ubukure. Ntabwo yari mu rwego rw’abo bantu, kandi turasaba ko yafatwa nka minor (umwana) nta ruhare”.

Urubanza rukomeje kumva abandi baregwa muri uru rubanza rumaze igihe kini kandi hagiye hiyongeramo umubare munini w’abandi baregwa, harimo n’abasirikare bato babarizwa mu gisirikare cy’u Rwanda.

Nyuma yo kumva impaka, ibimenyetso n’ibindi muri uru rubanza ruhuriweho n’ababuranyi 31, urukiko rwavuze ko gufata imyanzuro kuri bose bizagera mu kwezi kwa 12, gusa bakazahabwa umwanya umwe umwe, kugira ngo basomerwe imyanzuro y’urukiko.

Ubushinjyacyaha bwemeye iki gitekerezo gusa busaba ko biba iminsi ibiri mu cyumweru. Iki gitekerezo bamwe mu bunganizi bagishyigikiye ariko basaba ko imwe mu myanzuro yasomwa n’urukiko kugira ngo batahe bazi icyo bagenderaho.

Naho abandi bunganizi basaba ko imyunzuro yatangwa mu magambo, no munyandiko.

Urukiko rwavuze ko ku munsi wa mbere bose bangomba kuba bahari kandi imyanzuro izatangwa muri rusange, noneho buri umwe nyuma yaho yahabwa umwanzuro ku cyaha akurikiranyweho.

Ibi bizabaho tariki ya 7 n’iya 8 Ugushyingo 2020. Gusa bamwe mu baburanyi bataratanga imyanzuro yabo bavuze ko batazi gusoma no kwandika basaba ko urukiko rwabasabira abunganizi bagahabwa umwanya wo kumvikana (muri Gereza) n’abo bunganira mbere y’iki cyumweru gitaha.

Inkuru bijyanye:

https://www.kigalitoday.com/ubutabera/imanza/article/maj-rtd-mudathiru-aravugwaho-kuba-ku-isonga-mu-bashakishaga-abasore-bajyanwaga-muri-p5

https://www.kigalitoday.com/ubutabera/imanza/article/maj-rtd-habib-mudathiru-ukekwaho-gukorana-na-rnc-yemeye-ibyaha-aregwa

Nk’uko byatangajwe n’umuvugizi w’Ubushinjacyaha Bukuru, Faustin Nkusi, ngo iki kirego cyo gusaba urukiko kuburanisha ibi byaha mu mizi ni uko gishingiye ku kuba urwo rukiko ari rwo rwonyine rufite ubwo bubasha.

Ibi bije mu gihe Paul Rusesabagina arimo kuburana ubujurire ku ifungwa n’ifungurwa ry’inyogera y’iminsi 30, aho ubushinjacyaha bwasabye Urukiko Rwisumbuye rwa Nyarugenge ko hari ibindi bimenyetso bikenewe gukorerwa iperereza, bityo bugasaba ko akomeza gufungwa.

Urukiko rwa Nyarugenge rwari rwarateganyije gusoma umwanzuro warwo ku itariki 20 z’uku kwezi k’Ugushyingo 2020.

Ibyaha birengwamo Rusesabagina uzwi muri filimi ya Hotel Rwanda, byagaragajwe muri dosiye yakorewe, aho ubushinjacyaha buvuga ko yateye inkunga mu buryo butandakanye akanakorana n’umutwe wa FLN.

Rusesabagina arasaba ko urubanza rwe rwimurwa

Rusesabagina asaba ko yahabwa igihe cyo kubonana n’undi mwunganizi uzakomeza kumwunganira.

Rusesabagina yabivuze kuri uyu wa Gatanu tariki 06 Ugushyingo 2020, mu rubanza Urukiko Rwisumbuye rwa Nyarugenge rwagombaga kuburanishamo ubujurire bwe, ku cyemezo cy’Urukiko rw’Ibanze rwa Kicukiro cyo kumwongerera igihe cyo gufungwa by’agateganyo.

Abunganiraga Rusesabagina ari bo Me Nyembo Emelyne na Me David Rugaza yari yahawe n’Urugaga rw’Abavoka, rwabasubiranye, ashaka uwa gatatu ari we Me Gatera Gashabana ariko akaba avuga ko batarahura.

Ubushinjyacyaha bwasabwe n’urukiko kuvuga kuri iki cyifuzo, busubiza ko ari uburenganzira bwa Paul Rusesabagina, ko yaburana afite abamunganira mu mategeko, gusa busaba ko urukiko rwashyira itariki yimuriweho urabanza hafi, kugira ngo ruburanishwe ku gihe.

Urukiko rwisumbuye rwa Nyarugenge rwavuze ko ibindi kuri uru rubanza, bizamenyeshwa ababuranyi, gusa rwibutsa ko aho ruzabera ari mu Rukiko Rwisumbuye rwa Nyarugenge.

Twabibutsa ko kuri uyu wa Gatanu, urubanza rwa Rusesabagina Paul, rwabereye mu nyubako z’Urukiko rw’Ubucuruzi kubera impamvu zikoranabuhanga ryari rikenewe kugira ngo Rusesabagina aburane ari muri Gereza ya Mageragere mu Mujyi wa Kigali.

Ni urubanza rutatwaye umwanya munini, aho abaregwa baburanye ku ifungwa n’ifungurwa ry’agateganyo.

Barimo uwitwa Mudathiru Habib wasezerewe mu ngabo muri 2013 afite ipeti rya Majoro, Desideriyo Fred wo muri Uganda, Ndirahiye Jean de Dieu wo mu Burundi na Bihoyiki Diogene.

Maitre Rwagasore Jean Claude wunganira babiri muri aba mu mategeko yasabye ko bafungurwa by’agateganyo, mu gihe hataboneka impamvu yumvikana yatuma bakomeza gufungwa.

Yavuze ko gufungura abaregwa byatanga ubutumwa bwiza bw’uko mu Rwanda batagamije gufunga abantu, anavuga ko byatuma n’abakiri mu mashyamba bayavamo bagataha mu Rwanda.

Mudathiru wasezerewe mu ngabo yasabye urukiko ko yakwemererwa gukurikiranwa ari hanze kuko afite aho abarizwa hazwi, byongeye akaba arwaye ku kaguru ku buryo atabasha kugira aho ajya kuko n’aho agiye hose bisaba guterurwa.

Umurundi Ndirahiye Jean de Dieu yasabye ko urukiko rwamurekura, anasaba Leta y’u Rwanda kumuha ubuhungiro kuko atizeye kubonera umutekano mu Burundi bitewe n’uko mu bamushutse ngo ajye muri RNC harimo na bene wabo bashobora kumugirira nabi.

Umugande Desideriyo Fred na we yasabye urukiko ko yakwemererwa kuburana ari hanze nk’abandi.

Maitre Rwagasore yasabye ko bishobotse abakiliya be babiri banyuzwa mu kigo cya Mutobo bagasubizwa mu buzima busanzwe, nk’uko byakozwe ku bandi bagiye bafatwa no ku batahutse bavuye mu mitwe ya gisirikare irwanya Leta y’u Rwanda.

Iki cyifuzo kandi cyanatanzwe n’abandi bunganizi mu iburanishwa ryabaye ku wa mbere tariki 21 Ukwakira 2019.

Urukiko ruyobowe na Lt Col Charles Madudu rumaze kumva ibyo abaregwa barusaba runashingiye ku cyifuzo cy’ubushinjacyaha bwa gisirikare, rwemeje ko umwanzuro ku ifungwa n’ifungurwa ry’abaregwa gukorana na RNC uzasomwa ku itariki 28 Ukwakira 2019.

Abaregwa muri urwo rubanza bakomereje aho bari bageze ubushize bisobanura ku kwemera no kutemera icyaha.

Abaregwa bari bambaye umwenda ukeye ugenewe imfungwa bambaye n’inkweto zenda gusa kandi bigaragara ko ari nshyashya.

Ibirego bose baregwa ni bine ari byo kujya mu mutwe w’ingabo, kugirana umubano n’ibindi bihugu bagambiriye gushoza intambara, ubugambanyi, no kurema umutwe w’abagizi ba nabi.

Kuri uyu munsi uwabimburiye abandi mu kuburana ni ildephonse Mbarushimana. Yavuze ko yemera icyaha cyo kujya mu mutwe w’ingabo no no kurema umutwe w’abagizi ba nabi, ibindi byose arabihakana.

Ildephonse Mbarushimana yavuze ko yinjiye muri uwo mutwe atabizi kuko ubwo yahuraga n’umuntu witwa Mandela ngo yari yabemereye kubona akazi muri Repubulika iharanira Demokarasi ya Congo.

Ngo bafashe urugendo rw’icyumweru kugira ngo bagere muri Congo bavuye mu Burundi.

Mbarushimana ati: "Ngezeyo saa yine z’ijoro nisanze ndi mu bindi bya gisirikare ariko ntabwo ari byo nari ngambiriye. Gusa ndabisabira imbabazi."

Uwunganira Mbarushimana yavuze ko umukiriya we ari umusore bigaragara ko yashakaga akazi kugira ngo abeho, amusabira ko yarekurwa by’agateganyo.

Uwa kabiri wireguye ni Gashumba André ukuze usa n’uri mu kigero cy’imyaka 50 y’amavuko.

Ngo Abarundi bamubwiye ko agiye gukora akazi k’ubucukuzi muri Congo. Nga baciye muri Uganda na Tanzania barara muri hoteli ngo baza guhabwa imyenda yabugenewe, barabatwara mu ijoro baciye mu mazi, bagezeyo batungurwa n’uko abo bahasanze babahaye ibikoresho bya gisirikare, nuko batangira kwitoza igisirikare.

Uwa gatatu wisobanuye ni Jackson Habarurema uri munsi y’imyaka 30. Avuga ko yemerewe akazi ko mu rugo n’umugore, ariko bageze muri Congo baramubwira ngo baragatanze. Yemera kuhaguma akora akazi gasanzwe ariko ngo yagerageje gutoroka biranga, aza guhamagara bamwe mu bantu yamenye aho muri Congo, aho kumufasha gutoroka, ahubwo bamusubiza muri uwo mutwe.

Icyaha cy’ubugambanyi aracyemera ariko ngo yabitewe n’uko yari afite ingufu nke, ababimushoyemo bakaba baramurushije ingufu.

Icyaha cyo kugirana umubano n’ibindi bihugu bagambiriye gushoza intambara aragihakana, icyaha cyo kurema umutwe ngo ntabwo abizi neza ariko yabigizemo uruhare.

Uwa kane uburana ni Lambert Ndibanje uri munsi y’imyaka 30 y’amavuko.

Avuga ko yaje kwinjira muri uwo mutwe avuye muri Malawi aho yabanaga n’ababyeyi be yiga mu mwaka wa kabiri w’amashuri yisumbuye. Ngo uwitwa Rashid yamubwiye ko agomba kuza akamurangira akazi ko mu bworozi bw’inka gahemba amadolari ya Amerika 300 ku kwezi kamara amezi atatu, ngo ariko amusaba kubigira ibanga niba ashaka kugeraho. Ngo yasabwe kudasezera ababyeyi n’inshuti, arabyubahiriza.

Ubwo ngo muri 2017 ahagana mu minsi ya Noheli hari ubushomeri ni yo mpamvu yemeye ako kazi.

Ati “Baduhaye imyenda yo kwambara kugira ngo tudasezera abandi bantu. Njye nasanzeyo abandi 5 bavuye mu nkambi y’impunzi ubwo tuba batandatu, dufata bisi kuva Lilongwe duca muri Tanzania ariko umunsi ukurikira tugeze muri Congo nahawe indangamuntu yanditseho "Silvestre Banje" na nasabwa kuvuga ko ngiye gutabara."

Ngo bagezeyo bakiriwe n’Abarundi, yumva bavuga ngo "Twazanye imineke 6 ariko ine irahiye indi 2 ntabwo irashya"

Bashyizwe mu gipangu aho basanzeyo abandi 18, babatangiza imyitozo ya gisirikare.

Ndibanje avugira imbere y’urukiko, yakoreshaga amagambo byumvikana ko ari ay’igisirikare, urugero nka ambushi ya aduyi, twaratawanyitse baduteye,…bigaragaza ko yari yarinjiye mu mutwe wa wa gisirikare nk’uko na we abyiyemerera.

Icyakora ngo baguye mu gico (ambush) cy’ababateze inshuro ebyiri muri Masisi muri Congo, atandukana n’uwari umukuriye (Afande) witwa Ali ahitamo kubivamo kuko ngo atabashaga kugenda n’amaguru kubera umunaniro n’inzara.

Uwamushutse witwa Habib ngo yamubwiraga ko muri Congo ari mu ijuru, ariko nyamara asanga ibyo bamwizezaga ari ibinyoma. Ngo ibyo bikorwa ntacyo byamumariye kuko ntacyo yagezeho, akaba abisabira imbabazi.

Icyaha cyo gukorana n’ibindi bihugu aragihakana akavuga ko atari we wahisemo kuva iwabo ngo yisange mu bindi bihugu kuko baramushutse.

Ndirahiye Jean de Dieu (Umurundi) we ngo yakoraga akazi mu isoko i Burundi. Avuga ko yijejwe guhabwa akazi ko gukora mu iduka. Ahura na Rashid amujyana mu gipangu ahasanga abandi basore bose hamwe baba 18.

Ngo muri icyo gipangu harimo abasirikare b’Abarundi barimo Ali, Richard na Musa. Batangiye imyitozo ya gisirikare ngo agira ubwoba aratoroka ariko ngo abasirikare ba Mayi-Mayi baramufata baramukubita banamusubizayo.

Ndirahiye avuga ko icyaha yemera ari kimwe gusa cyo kujya mu mutwe wa gisirikare.

Undi w’Umuganda witwa Fred Desideriyo ufite imyaka ibarirwa muri 23 ngo we yaje kwisanga muri RNC bitewe n’umumotari witwa Herbert wamubeshye ko agiye kumuhesha akazi ko gucuruza amandazi. Ngo ariko bihura n’uko nyina wa Fred yari arwaye, ubwo Herbert amushukisha ibihumbi 10 by’amagande yohereje mu rugo, bamuha n’andi ibihumbi 50 y’amagande akoresha mu rugendo yambuka agana i Burundi.

Ngo bamufatiye ku mupaka wa Uganda kubera ko ari umwana, ariko atanga ruswa y’ibihumbi 30 by’Amashilingi ya Uganda. Ageze ku mupaka w’u Burundi yongeye gutanga andi ibihumbi icumi, agerayo atyo yinjira mu mutwe wa RNC.

Umunyamategeko Rwagasore ubunganira avuga ko aba banyamahanga nta mutima mubi nta n’umugambi mubi bari bafitiye u Rwanda ahubwo ngo barashutswe. Ngo ntibigeze banarema imitwe ya gisirikare, ahubwo bisanzemo kubera ibibazo no kubabeshya.

Abarundi bari muri uru rubanza bane, n’Abanya-Uganda batatu bavuga ko bagiye muri uyu mutwe wa RNC batazi ibyo ari byo. Banasaba Leta y’u Rwanda imbabazi, bakavuga ko Leta y’u Rwanda ikwiye gukurikirana abo bayobozi baremye iyo mitwe n’iyo migambi yo gushoza intambara mu Rwanda.

Ubushinjacyaha bwa gisirikare buravuga ko bose baba Abanyarwanda cyangwa Abanyamahanga bagomba kuryozwa kimwe kuko bari mu bikorwa bitemewe.

Muri rusange, benshi mu bamaze kuburana bashinjwa gukorana na RNC ngo babaga bababeshye akazi karuta ako bakoraga cyangwa bakabizeza kuva mu bushomeri, ariko bakisanga mu bikorwa bya gisirikare.

Icyakora bamwe ngo baratoroka kuko babazana muri ibyo bikorwa bya gisirikare batababwije ukuri.

Abunganira abaregwa nka Me. Dativa Mujawamariya baravuga ko icyaha cyo kujya mu mutwe wa gisirikare kigomba gushakirwa mu bushake baba baragize.

Ngo ibindi byaha ntabwo bifata abaregwa usibye icyo kwinjira mu mutwe wa gisirikare. Ngo ahubwo bakeneye ubutabera no kurenganurwa n’amategeko kuko ngo bakorewe ihohoterwa kandi bakeneye umutekano.

Nyuma yo kumva ibyo bisobanuro, urukiko rwafashe akaruhuko k’isaha imwe, nyuma rwumva impande zombi abaregwa n’ Ubushinjacyaha ku cyifuzo cyo gufungwa cyangwa kurekurwa by’agateganyo. Kubera ko batatu mu bunganira abaregwa batabonetse mu rubanza, urubanza rurakomeza kuri uyu wa kabiri saa munani haburana abasigaye bane.

Hari igihe abantu barwara umutwe cyangwa bakabyimba amaguru, cyangwa bakagira ikibyimba mu mutwe ariko ntibite ku kwisuzumisha no kwivuza.

Ibi ni bimwe mu bibazo byagaragaye muri ayo mahugurwa yatangiye ku wa mbere tariki 30 Nzeri 2019, akaba yahabwaga abaganga b’Abanyarwanda kugira ngo babashe kugira ubumenyi bw’ibanze ku ndwara zitandukanye zirimo izitandura kugira ngo babashe kwakira no gukemura bene ibyo bibazo.

Aya mahugurwa abayeho mu gihe muri iki gihe u Rwanda rufite abaganga b’inzobere b’Abanyarwanda batatu bavura indwara nk’izo zo mu mutwe. Ni mu gihe abavura indwara za kanseri u Rwanda rufite bane gusa.

Uyu mubare uracyari muto kuko bagomba kuvura Abanyarwanda babarirwa muri miliyoni 12.

Ni muri urwo rwego guhera ku wa mbere abaganga b’Abanyarwanda barimo guhabwa ubumenyi ku kuvura no gutahura indwara zishobora no kuvamo kanseri.

Urugero ku bantu baba basabwa kwisuzumisha bene izo ndwara ni nk’umuntu ufite ikibyimba mu mutwe, nk’umuntu uribwa mu nda, cyangwa se nk’abasaza n’abandi bantu usanga bagenda bunamye. Abakiri bato na bo ngo hari igihe babona ibimenyetso by’uburwayi ariko ntibivuze hakiri kare, ntibanisuzumishe, bikaba byabaviramo kanseri nk’aho bashobora kugira ikibyimba gikomeye cyane mu mutwe bikaba byabasaba kujya kwivuriza mu mahanga kuko uburwayi buba bugeze ku rwego rukomeye.

Ibyo ngo birabahenda mu gihe nyamara iyo bisuzumwa hakiri kare biba byarashoboraga kuvurwa.

Mu gihe abantu babona umuntu agenda atitira, yunamye, amaguru adakomeye ku buryo bigora umuntu kugenda, ibyo ngo biba ari ibimenyetso bigaragaza ko umuntu hari ikibazo afite cy’imitsi ikorana n’ubwonko.

Aya mahugurwa y’iminsi itanu yatewe inkunga na East African Development Bank (EADB) Biteganyijwe ko ayo mahugurwa y’ubwoko bwa gatatu azasozwa muri uyu mwaka akazasiga habonetse Abanyarwanda, Abanyakenya n’Abanyatanzaniya babasha gusuzuma no kuvura izo ndwara.

David Odongo, umwe mu bayobozi ba East African Development Bank mu Rwanda, ikaba ari yo yateye inkunga ayo mahugurwa mu rwego rwo kuzamura serivisi z’ubuzima mu bihugu bitandukanye

Iyi gahunda yo guhugura abaganga yatangiye muri 2016 bikaba biteganyijwe ko izasozwa nyuma y’imyaka ine, ahazahugurwa abaganga bagera kuri 600 bo muri ibyo bihugu.

Bahugurwa ku gusuzuma umurwayi no kumenya amakuru y’uwo murwayi nko kuba yaba yarigeze kunywa urumogi, cyangwa niba hari ibindi bibazo bikomeye yaba yarahuye na byo mu buzima bishobora kuba intandaro y’ubwo burwayi.

Nyuma ya 2020, bamwe muri abo bahuguwe bagaragaza ubushake bazahabwa amahirwe yo kujya i Burayi kwiyungura ubumenyi bwisumbuyeho mu kuvura izo ndwara.

Umuyobozi w’ibitaro bya CHUB, Dr Sendegeya Augustin, yavuze ko ayo mahugurwa ari ingirakamaro

Umuyobozi w’ibitaro bya Kaminuza by’i Butare (CHUB), Dr Sendegeya Augustin, yavuze ko aya mahugurwa yari akenewe cyane kuko umubare w’Abanyarwanda barwaye indwara zitandura wariyongereye.

Urugero ni nk’aho imibare igaragaza ko kuva muri 2017 kugeza ubu abantu bivuje izo ndwara bavuye ku 110 bagera ku basaga 500.

Guhugura abo baganga ngo bizabafasha kwita ku bafite ibyo bibazo by’uburwayi bitabweho bavurwe butaragera kure.

Ibi ni ibyagaragajwe ku wa gatatu tariki 07 Kanama 2019 ubwo Minisiteri y’ikoranabuhanga no guhanga udushya yatangizaga gahunda y’ubukangurambaga yitwa “Nahisemo” yo kumvisha Abanyarwanda akamaro ko gukoresha ‘akadomo rw.’

Ngo iyi gahunda izatuma Leta y’u Rwanda ikorana n’abikorera mu gutanga izi serivisi bumvikane uburyo Leta yabafasha kugira ngo batange iyi servisi ku kiguzi cyo hasi. Ikindi ni uko Leta itenganya kuganira n’ibigo binini bikorera mu Rwanda ngo bihindure bive ku gukoresha ‘akadomo com’ zijye kuri ‘akadomo rw.’

Gufunguza izina cyangwa konti y’urubuga nkoranyambaga (website) rwa akadomo rw ubu bihagaze ku mafaranga y’u Rwanda ibihumbi 12, naho kuyakira kuri murandasi ni amafaranga y’u Rwanda ibihumbi 80.

Ni mu gihe umuntu wahisemo gufungura izina rya website hanze y’u Rwanda iriho akadomo com, yishyura hagati y’Amafaranga y’u Rwanda ibihumbi 18 na 20 ($18-$20) cyangwa amafaranga y’u Rwanda ibihumbi 40.

Mu gutangiza ubu bukangurambaga, Minisitiri w’Ikoranabuhanga no guhanga udushya, Paula Ingabire, yavuze ko kongera umubare w’abantu bakoresha akadomo rw bifite inyungu kandi bigatuma u Rwanda rurushaho kumenyakanisha ibikorerwa mu gihugu, byongere na serivisi zitangwa mu Rwanda no hanze.

Kuri ubu, mu Rwanda harabarirwa indangarubuga zirenga ibihumbi umunani. Izigera ku bihumbi bine zanditse hakoreshejwe ‘.rw’ mu gihe izisigaye zandikishije .com, .org n’izindi.

Paul Ingabire (hagati) na Alvera Mukabaramba (ibumoso) mu Nteko Ishinga Amategeko ku wa 24 Nyakanga 2019

Abadepite bemeje uwo mushinga ku wa gatatu tariki 25 Nyakanga 2019. Ni mu gihe u Rwanda rurimo gutegura umushinga wo kurinda umutekano w’ibijyanye n’ikoranabuhanga n’amakuru y’umuntu bwite.

Uwo mushinga w’itegeko ku mutekano w’ibijyanye n’ikoranabuhanga n’amakuru y’umuntu bwite abikwa muri mudasobwa ukaba waremerejwe i Malabo muri Gineya Ekwatoriyale, ku wa 27 Kamena 2014.

Ubwo Minisitiri w’Ikoranabuhanga, Ingabire Paula, yagezega ko Nteko Ishinga Amategeko uwo mushinga tariki 24 Nyakanga 2019, yavuze ko aya masezerano azafasha u Rwanda mu kurwanya ibikorwa by’iterabwoba rufatanyije n’ibindi bihugu byo mu Muryango wa Afurika yunze Ubumwe (AU).

Minisitiri Ingabire Paula yagize ati “Aya masezerano ari mu nyungu zacu kuko dusabwa kuba hari amasezerano twaba twaremeje kugira ngo tubashe guhuza ibyo tumaze gukora mu kurinda umutekano w’amakuru y’ikoranabuhanga.”

Abadepite baganiriye no ku bufatanye hagati y’u Rwanda na Ethiopia

Inteko yakomeje kwiga ku mushinga w’itegeko ryemerera kwemeza burundu amasezerano y’ubufatanye hagati ya Guverinoma y’u Rwanda na Guverinoma ya Ethiopiya mu byerekeye itumanaho, amakuru n’itangazamakuru, yashyiriweho umukono i Kigali ku wa 28 Mata 2017.

Dr Alivera Mukabaramba, Umunyamabanga wa Leta ushinzwe Imibereho myiza y’Abaturage muri Minisiteri y’Ubutegetsi bw’Igihugu ni we wagejeje ku nteko uyu mushiga. Yavuze ko uzafasha u Rwanda mu guteza imbere itangazamakuru hagati y’u Rwanda na Ethiopiya.

Depite Frank Habineza yasabye ko itegeko ritakwemezwa ritaragera muri komisiyo kubera ko ridashyigikiye mu gufasha ibindi bitangazamakuru byigenga usibye itangazamakuru rya Leta (RBA), nyamara byaba byiza n’ibindi bitangazamakuru bifashijwe binyuze nko mu Rwego rw’Abanyamakuru bigenzura (RMC) cyane cyane ko rushinzwe gufasha abanyamakuru.

Iki gitekerezo cyashyigikiwe na Depite Niwemukobwa wasabye ko Minisitiri yasobanurira inteko uko aya masezerano yagirira akamaro n’ibindi bitangazamakuru byigenga.

Minisitiri Mukabaramba yasobanuye ko atahamya ko muri ayo masezerano harimo ibitanganzamakuru byigenga.

Ati “Muri aya masezerano ntago nkeka ko harimo ibitangazamakuru byigenga muri Ethiopiya ariko urebye harimo gukorana n’Inama nkuru y’Itangazamakuru mu Rwanda (Media High Council) ifite mu nshingano gufasha ibitangazamakuru bya Leta n’ibyigenga.”

Ku kibazo cy’uko hari ingingo zivuga ku kugeza ku baturage amakuru muri ibi bihugu, Ministiri Alvera Mukabaramba yavuze ko amatsinda y’ibihugu byombi (delegation) azajya ahura kugira ngo yumvikane ku makuru atangarizwa abaturage.

Ati “Igikuru gihari ni ugusangira ubunararimbonye bw’ibyavuye mu bushakashatsi bigamije guteza imbere itangazamakuru no gusakaza amakuru mu bihugu byombi.”

Aya amasezerano na yo yatorewe n’abadepite 43 bayemeza mu gihe abandi 10 bayanze.

Aya masezerano yombi yemejwe n’inteko bidaciye muri komisiyo z’inteko zisanzwe ziga ku mishinga imwe n’imwe cyangwa amasezerano mbere y’uko yemezwa n’inteko rusange y’Abadepite.

Urubanza rwo kuri uyu wa Gatatu rwitabiriwe n’abaturage bagera kuri 200

Utwo tugali uko ari dutatu tugize agace kamamaye ku izina rya “Bannyahe”, abadutuye bari bagejeje ikirega cyabo gifite nimero PST RAD 00025/2018/TGI/GSBO mu rukiko kugira ngo barenganurwe ku cyo bise kwimurwa ku gahato.

Kuri uyu wa Gatatu tariki 7 Ugushyingo 2018, ni bwo ku nshuro ya mbere urukiko rwumvise ikirego mu nama ntegura rubanza, aho ubwunganizi bwabo bwabwiye urukiko ko bashatse kubimurira mu nyubako ziherereye mu Busanza mu Karere ka Kicukiro kugira ngo ibibanza byabo byubakwemo ibikorwa by’ubucuruzi.

Basaba ko Akarere ka Gasabo kabaha impozamarira ku bikorwa byo gushaka kubimura mu buryo budaciye mu mucyo.

Abaturage bagera kuri 200 n’ababunganira bane bagaragaye imbere y’urukiko basaba ko batazimuka mu gihe Akarere ka Gasabo kazaba katarabishyura amafaranga.

Agace ka Bannyahe aho abaturage bavuga ko bimuwe ku ngufu

Justin Niyorushikana, wunganira Akarere ka Gasabo yabwiye urukiko ko uburyo abaturage batanzemo ikirego butari bwujuje amabwiriza agenga ubutabera.

Yagize ati “Abarega ntago batanze amakuru ahagije umuntu yagenderaho ndetse ntibanishyuye igarama ry’urubanza, tukaba tubona nta mpamvu yatuma ikirego cyabo cyakirwa.”

Jean de Dieu Shikama wari uhagarariye itsinda ry’abaturage barega, yavuze ko bahawe uburenganzira n’abaturage kandi bafite n’ibyangombwa by’ubutaka bwabo.

Urukiko rwanzuye ko abantu bose barega bagomba kuzana ibyangombwa bibemerera guhagararirwa mu rubanza bitarenze ukwezi k’Ukuboza.

Urukiko rwasabye ko abatazabitanga batazagerwaho n’impozamarira urukiko niruramuka rusanze abaturage bareze bazikwiye. Urukiko ruzasubukura tariki 27 Gashyantare 2019.