Ni igitabo gikubiyemo ubutumwa bwereka Abanyarwanda inzira zo kurandura burundu ibiyobyabwenge agereranya n’igikoko kinini cyangwa se Goliyati uvugwa muri Bibiliya wari ugejeje habi ubwoko bw’Imana ariko akaza kwicwa na Dawidi wari umusore w’umugenda, nta bigango ndetse n’imbaraga z’umubiri afite.

Umuhango wo kumurika icyo gitabo wabereye ku Isomero rusange rya Kigali ku wa 29 Ukwakira 2019.

Musenyeri Bilindabagabo avuga ko uko ari nako u Rwanda rushobora guca ibiyobyabwenge nyamara hari abakomeye cyane bari mu bucuruzi bwabyo.

Ati “Kenshi abantu bagiye bavuga ku bakoresha ibiyobyabwenge, bati abana abana, ariko si bo kibazo, ikibazo ntabwo ari uwarozwe, ikibazo ni umurozi kubera ko ukuyeho umurozi, uwarogwa nta kibazo yagira, kandi ababikora barazwi. Muri iki gihugu hari ibintu byinshi byagiye bigerwaho kubera ubushake bwa politiki, ibyo rero na byo birashoboka. Burya nta munyabyaha ugira ingufu.”

Umunyamabanga nshingwabikorwa w’umuryango w’aba guides mu Rwanda, Umulisa Pascaline, avuga ko igitabo cya Musenyeri ari impamba ku rubyiruko rw’u Rwanda. Ati “Kuri twebwe urubyiruko ni twebwe rimwe na rimwe ducuruza ibiyobyabwenge, ni natwe bigiraho ingaruka, mwibuke ibibazo byugarije igihugu cyacu birimo ihohotera rikorwa abana n’abagore, ubujura rimwe na rimwe abo bajura ni urubyiruko, imiryango yabo barayiyogoje, abenshi muri twebwe barapfuye abandi bari mu bigo bifasha abazahajwe n’ibiyobyabwenge.”

Umunyamabanga wa Leta muri Minisiteri y’Ubuzima, ushinzwe Ubuvuzi bw’ibanze, akaba yari n’umushyitsi mukuru muri uwo muhango, Dr. Ndimubanzi Patrick, yavuze ko kurwanya ibiyobyabwenge bisaba imbaraga za buri munyarwanda wese nk’uko ari na wo murongo igihugu cyafashe.

Ati “Igihugu cyacu cyafashe umurongo uhamye wo kurwanya no guhashya ikoreshwa, icuruzwa n’ikwirakwizwa ry’ibiyobyabwenge, kubera ko bigira ingaruka ku miryango yacu n’ubukungu bw’igihugu muri rusange, zimwe mu ngamba twafashe harimo no gukomeza gukora ubushakashatsi tukumva mu mizi aho ibibazo bitangirira, kugira ngo tubashe no kubikemura.”

Umwe mu baganga ukorera mu bitaro bivura indwara zo mu mutwe bya Ndera watanze ubuhamya, yavuze ko guhera mu 2013 kugeza mu kwa munani uyu mwaka, ibyo bitaro bimaze kwakira abarwayi ibihumbi 11,510 bakoresheje ibiyobyabwenge.

Ubushakashatsi bwakozwe na Minisiteri y’Ubuzima ku bantu bafite indwara zo mu mutwe, bwerekanye ko 0,3% ari ukubera ibyobyabwenge, ni ukuvuga abantu basaga ibihumbi 40, naho 1,6% bafite indwara zo mu mutwe kubera ko babaswe n’inzoga.

Musenyeri Bilindabagabo yavuze ko yatekereje kwandika iki gitabo cy’amapaji 201, nyuma y’imyaka 14 atangiye kwinjira mu rugamba rwo gufasha Leta kurandura ibiyobyabwenge ku butaka bw’u Rwanda.

Ni igitekerezo avuga ko yagize nyuma yo kubona bamwe mu basore byakoresheje bakica mugenzi wabo umuryango we ugasigara mu gahinda na bo bagafungwa bakiri bato.

Ni nyuma y’uko hari abagenzi binubira amafaranga basabwa na bamwe mu bashoferi kugira ngo babatwarire imizigo, mu gihe abagenzi baba bakwiye kwishyurira imizigo bakoresheje ikarita ya Tap&Go nk’uko bishyura ingendo zisanzwe.

Umwe mu bagenzi waganiriye na Kigali Today yagize ati “Ikarita nabonye idakunze gukora ku bintu by’imizigo, nk’ubu uyu muzigo mfite arambwira ati zana amafaranga 500, yewe hari n’udatinya kuguca igihumbi hakaba n’ubwo aguca 300, biterwa n’umuzigo ufite uko ungana, umushoferi arakubwira ati kozaho ikarita yawe ariko ay’umuzigo urayampa mu ntoki.”

N’ubwo hari bimwe mu bigo bitwara abagenzi, byemerera umugenzi kuba yakoza ikarita ku mashini akiyishyurira ubwe ndetse akanishyurira umuzigo we, ibi na byo bisaba ko umugenzi aba afite amakarita abiri, kuko iyo ikarita ikojejwe ku mashini rimwe, bisaba iminota itanu kugira ngo yongere ikureho andi mafaranga.

Umuyobozi ushinzwe kugenzura serivisi zo gutwara abantu muri RURA, Anthony Kuramba, asaba abagenzi kujya batanga amakuru igihe umushoferi abasabye amafaranga mu ntoki cg akagaragaza indi myitwarire mibi.

Ati “Ibintu byo kwakira amafaranga mu ntoki ntabwo byemewe, ahubwo bajye baduha amakuru dukurikirane tubahane, hari n’abajya bafotora bakatwoherereza ubutumwa umushoferi ari kwakira amafaranga cyangwa ari gutuka abagenzi.”

Kuramba avuga ko hari ibihano bikomeye ku mushoferi wese ufashwe asaba amafaranga umugenzi, birimo no kwamburwa burundu uburenganzira bwo gutwara abantu mu modoka rusange.

Ati “Twavuganye n’abakoresha babo, niba umushoferi bigaragaye ko afite iyo ngeso akaba adashaka no kuyicikaho, birashoboka ko twanamusabira kwamburwa uburenganzira bwo gukora muri public transport (imodoka rusange zitwara abantu), kandi dufite ubushobozi bwo guhagarika umushoferi udashaka kujyana n’igihe.”

Hashize imyaka itatu mu mujyi wa Kigali hatangijwe uburyo bw’ikoranabuhanga mu kwishyura ingendo, aho umugenzi ashyira amafaranga ku ikarita ye, maze mbere yo kwinjira mu modoka agakoza iyo karita ku mashini yabugenewe, hakavaho amafaranga ahuye n’igiciro cy’urugendo rw’aho agiye. Ni uburyo bukomeje kunozwa, ndetse iryo koranabuhanga ryatangiye kugezwa mu ntara zose z’igihugu.

Umuyobozi mukuru wa RDB, Madamu Clare Akamanzi

Kimwe n’ubutaka, ubucuruzi cg se indi mitungo ifatika, igihangano cy’umuntu na wo ni umutungo we bwite mu by’ubwenge ashobora kwiyandikishaho, ndetse akagira amategeko ashobora kumurengera mu gihe hagize ukoresha icyo gihangano nta burenganzira yamuhaye, cg se uwagerageza kucyigana.

Ibi byasobanuwe mu biganiro byabaye ku wa 26 Ugushyingo 2019, bigahuza inzego zitandukanye zirimo Urwego rw’Igihugu rw’Iterambere (RDB), Urwego rw’igihugu rw’ubugenzacyaha (RIB), Urwego Ngenzuramikorere (RURA), abanyamategeko ndetse n’abahanzi mu ngeri zitandukanye.

Umuyobozi mukuru wa RDB, Madamu Clare Akamanzi, yavuze ko Leta igiye gushyira imbaraga mu rwego rw’ubuhanzi.

Yagize “Ni urwego rushya mu gihugu cyacu, ni urwego turi gushyigikira cyane kugira ngo turebe ko rwakwiyongera mu bukungu bwacu. Mu by’ukuri mu bihugu biteye imbere nka Leta zunze Ubumwe za Amerika ubona ko 10% by’ umusaruro mbumbe w’ubukungu (GDP) buri mwaka biva mu buhanzi, no muri Afurika y’Epfo ubuhanzi bwinjiza 5,4% ku bukungu bw’igihugu buri mwaka. No mu Rwanda ubuhanzi bwagira uruhare mu kuzamura ubukungu bwacu.”

Richard Iyaremye (ibumoso) ushinzwe ibyaha by’ubukungu n’imari muri RIB na Lt Col. Patrick Nyirishema(iburyo) uyobora RURA na bo bari bitabiriye ibyo biganiro

Umuyobozi mukuru w’Urwego Ngenzuramikorere (RURA), Lt Col. Patrick Nyirishema, yavuze ko urwego ayoboye rwahawe uburenganzira bwo gukurikirana uwakoresheje mu buryo bunyuranye n’amategeko igihangano kitari icye cyangwa se uwacyiganye, icyo gihangano kikaba cyahagarikwa mu bitangazamakuru.

Ku ruhande rw’ubugenzacyaha, umuyobozi ushinzwe gukurikirana ibyaha by’ubukungu n’imari, Richard Iyaremye, avuga ko iyo umuntu atanze ikirego ku mutungo we mu by’ubwenge, ahabwa ubutabera yaba yaracyandikishije cyangwa se kitarandikwa ariko akaba afite ibimenyetso bigaragaza ko uwo mutungo ari uwe.

Me Kavaruganda Julien avuga ko amategeko agena uburenganzira ku mutungo mu by’ubwenge agomba kubahirizwa

Amategeko agena uburenganzira ku mutungo mu by’ubwenge yubahirizwa mu bihugu byose nk’uko byatangajwe na Maître Kavaruganda Julien, perezida w’urugaga rw’abunganizi mu mategeko mu Rwanda, akaba n’umwe mu bagize inama y’ubutegetsi y’ihuriro ry’abanyamategeko muri Afurika y’Iburasirazuba.

Ati “Igihangano cyawe cyanditse mu buryo bwemewe n’amategeko, n’iyo cyakoreshwa muri Kenya, ufite uburenganzira bwo kurega kikaba cyahagarikwa kandi ugahabwa indishyi igihe bibaye ngombwa.”

Bamwe mu bakinnyi ba Filime nyarwanda batanze ibitekerezo muri iyo nama

Abahanzi basaba ko amategeko agenga iby’umutungo mu by’ubwenge avugururwa akagendana n’igihe kuko ibihano bikurikizwa ari ibya kera kandi ibintu byarahindutse.

Umuyobozi w’urugaga rw’abanditsi ba filimi, Niyomwungeri Aaron yagize ati “Ntabwo waca umuntu amande ya miliyoni ebyiri kugeza ku icumi, mu gihe twe gukora filimi kuri ubu bidutwara miliyoni ijana, amategeko akwiye gukazwa kugira ko ubuhanzi bwinjirize igihugu.”

Ibi biganiro byabanjirije inama mpuzamahanga yiga ku iterambere ry’imifatire n’imikoreshereze y’amashusho (Kigali Audio-Visual Forum) igiye kubera mu Rwanda ku nshuro ya kabiri, kuva tariki 27 kugeza tariki 28 Ugushyingo 2019.

Umuyobozi wa Star Times ushinzwe inozabubanyi n’imenyekanishabikorwa, Vlady Terimbere, atangiza iyo poromosiyo ku mugaragaro kuri uyu wa kane tariki 21 Ugushyingo2019, yavuze ko bagiye guha abakiriya impano zifite agaciro ka miliyoni 30 z’amafaranga y’u Rwanda.

Vlady Terimbere (iburyo) ushinzwe inozabubanyi n’imenyekanishabikorwa muri Star Times

Izo mpano zigizwe n’amateleviziyo agezweho, ibikoresho by’ishuri, imyambaro n’amakarita yo guhamagara, ziyongera ku bindi bikorwa icyo kigo gikora bigamije kuzamura Abanyarwanda, birimo gufasha abana batishoboye no gutera inkunga ibikorwa bitandukanye bigamije imibereho myiza n’iterambere bafatanya na SOS Children’s Village na UNAIDS.

Terimbere avuga kandi ko harimo impano z’umwihariko zigenewe abana z’ibikapu 170, amakayi 800 n’amakaramu, mu rwego rwo kugira uruhare mu guteza imbere uburezi mu Rwanda.

Poromosiyo Dabagira n’ibyiza bya Star Times izarangira tariki 31 Mutarama mu mwaka utaha wa 2020.

Abaguzi bashya barishyura amafaranga y’u Rwanda ibihumbi 20, bagahabwa dekoderi na antenne mu gihe ubundi byaguraga ibihumbi 29. Hiyongeraho kandi ukwezi k’ubuntu ku bantu bareba amashene (channels) ya classic bouquet, asanzwe agura ibihumbi 7,500.

Ku baguzi basanzwe na bo, uguze ifatabuguzi ry’ukwezi kumwe yongerwa ibyumweru bibiri by’ubuntu, naho uguze amezi abiri akongezwa ukwezi k’ubuntu.

Ku bamaze amezi arenga abiri batagura ifatabuguzi, bazajya bakubirwa kabiri buri fatabuguzi bahisemo kugura.

Kuri ibi kandi hiyongeraho igabanywa ry’ibiciro bya teleziyo ya Star Times.

Impano zitandukanye zizatangwa zose hamwe ni 1,064 zirimo amateleviziyo, ibikoresho by’ishuri, imyambaro, amakarita yo guhamagara n’ibindi.

Mohamed Morsi yahiritswe ku butegetsi arafungwa

Morsi w’imyaka 67 y’amavuko, yituye hasi by’amarabira, ubwo yari imbere y’urukiko yiregura ku byaha by’ubutasi, ahita ashiramo umwuka nk’uko byatangajwe na Televiziyo y’igihugu cya Misiri.

Mohamed Morsi wo mu ishyaka ry’Abavandimwe b’Abayislamu (Muslim Brotherhood) yagiye ku butegetsi tariki 30 Kamena 2012 abukurwaho ahiritswe na Jenerali Abdel Fattah al-Sisi tariki 03 Nyakanga 2013.

Kuva yakurwa ku butegetsi yahise atabwa muri yombi, yagiye akurikiranwaho ibyaha bitandukanye birimo iterabwoba ndetse n’iryo shyaka rye riracibwa mu Misiri rishinjwa ibikorwa by’iterabwoba. Ibyo byaha byatumye ubushinjacyaha bumusabira igihano cy’urupfu yaje gukurirwaho muri 2016.

Mohamed Morsi yari yagiye ku butegetsi binyuze mu matora, yegukana intsinzi nyuma yo kugira ubwiganze bw’amajwi muri ayo matora.

Kuva yahirikwa ku butegetsi ndetse agafungwa, benshi mu baturage bakomeje kwigaragambya bamagana ibyakozwe n’igisirikare.

Amacunga ari mu byagufasha

Muri iki gihe, usanga abantu benshi bataka umunaniro kubera gukora cyane ndetse abenshi ntibabona umwanya uhagije wo kuruhuka.

Nyamara burya hari uburyo dushobora kwirinda umunaniro binyuze mu byo turya nk’uko urubuga TopSanté rwandika ku buzima rubivuga. Hari ubwoko bwinshi bw’ibiribwa byifitemo ubushobozi bwo kurinda umubiri w’umuntu umunaniro. Muri ibyo biribwa higanjemo imboga n’imbuto.

Mu mbuto, Amacunga aza ku mwanya wa mbere mu kurwanya umunaniro. Kubera ingano ya vitamini C ziba mu icunga rimwe, uru rubuto rwongera ubudahangarwa bw’umubiri ndetse rukanarinda udutsi duto tujyana amaraso mu bwonko kwangirika.

Hari kandi na Epinari

Aha ugirwa inama yo kurya byibura icunga rimwe mu gitondo ubyutse kandi ukarirya ari umwimerere kuko iyo urikozemo umutobe ritakaza ubushobozi bwo kurinda umunaniro.

Imboga za Epinari (épinards) n’ubwo zidakungahaye ku mwunyungungu wa feri (fer), zikize cyane ku wa manyeziyumu (magnesium) ufasha umubiri mu ikorwa ry’ingufu zirinda uturemangingo kwangirika.

Izi mboga kandi zifasha cyane abagore batwite haba mu kubarinda indwara ubwabo ndetse n’umwana uri mu nda.

Ushobora no kwifashisha imboga za Sereri

Sereri nazo ni imboga nziza mu kurwanya umunaniro kubera ko zikungayahe kuri feri aho muri garama 100 dusangamo miligarama 4,32.

N’ ubwo abenshi baziko sereri zijya mu nyama gusa, burya ushobora no kuzishyira muri salade; mu mafi no mu biryo nk’umuceri n’ibindi.

Mu biribwa birwanya umunaniro Tungurusumu nayo iza imbere kuko ikungahaye kuri vitamini C, ikabamo imyunyungungu nka magnesium, calcium na potassium byose biyiha ubushobozi bwo kurwanya umunaniro.

Tangawizi

Tangawizi nayo burya irinda umunaniro. Mu gihe wumva wacitse intege, ikirahuri kimwe cy’amazi ashyushye wavanzemo tangawizi byagarurira umubiri ubuyanja kubera ubushobozi bwo kongerera umubiri ingufu tangawizi yifitemo.

Icyayi kizwi nka Thé vert, ni ingenzi cyane mu kurwanya umunaniro kubera ingano ya vitamine C kigira ndetse kandi iki cyayi gifasha mu gucagagura ibinure umubiri udakeneye, bityo ukaba wabasha kugabanya ibiro igihe ubangamiwe n’umubyibuho ukabije.

Kunywa iki cyayi mu bihe bitandukanye by’umunsi bishobora no kurinda indwara z’umutima nk’umuvuduko w’amaraso n’izindi.

Tangawizi

Davido ubu niwe Munyafurika ufite indirimbo yarebwe kurusha izindi muri Afurika

Abahanzi bose muri iki gihe baharanira ko indirimbo zabo zirebwa inshuro nyinshi ku rubuga rureberwaho amashusho rwa YouTube.

Uretse kuba ari ishema ku muhanzi kuba indirimbo ye yarebwa cyane, uru rubuga rugira n’amafaranga rwishyura umuhanzi cyangwa undi wese washyize amashusho kuri uru rubuga akarebwa inshuro nyinshi.

Davido ubusanzwe witwa David Adedeji Adeleke, yasohoye iyi ndirimbo tariki 2 Kamena mu 2017. Kuva icyo gihe kugeza ubu imaze kurebwa inshuro 99,181,942. Nta yindi ndirimbo yo muri Afurika irabasha kugeza aha.

Urutonde rw’indirimbo z’abahanzi rurangiranwa zimaze kurebwa cyane, ruyobowe n’abahanzi bo muri Nigeria. Iki gihugu kuri ni cyo kiyoboye umuziki wa Afurika.

Izindi ndirimbo enye zimaze kurebwa cyane kuri YouTube harimo iyitwa Johnny ya Yemi Alade iza ku mwanya kabiri. Imaze kurebwa inshuro 98,122,914.

Ku mwanya wa gatatu ni iyitwa Personally ya P Square, imaze kurebwa inshuro 86,576,831.

Ku mwanya wa kane hari Pana ya Tekno imaze kurebwa inshuro 86,372,888. Naho ku mwanya wa gatanu hari indirimbo Mad Over You ya Runtown imaze kurebwa inshuro 78,297,272.

Uru rutonde rushobora guhinduka kuko uko indirimbo irebwa ari ko imibare y’abayirebye (views) izamuka.

Niba utazi iyi ndirimbo Fall yirebe aha

Inyanya mbisi zifitiye akamaro umubiri kurusha iziteswe

Ibi bitandukanye n’ibyo abantu bari basanzwe batekereza ko kubanza kuzikaranga mu mavuta cyangwa kubanza kuzikuraho igishishwa ari byo byiza.

Niba nawe ariko wajyaga ubigenza, si byiza na gato. Inyanya zikaranzwe cyangwa izakuweho igishishwa burya nta kamoro kanini zigirira umubiri.

Inyanya, ni kimwe mu biribwa bifite ubushobozi bwo kurinda ubuzima bw’umuntu. Uretse kuba zikungahaye mu ntungamubiri, zifite n’ubushobozi bwo kurinda umubiri indwara zitandukanye.

Inyanya zigira vitamine zitandukanye, harimo vitamine C kuko muri garama 100 z’inyanya habamo mirigarama 17 za vitamine C, zibonekamo umunyungugu wa magnesium, uwa calcium, fer, zink, cuivre, manganèse na Iyode (Iode).

Nk’uko urubuga TopSanté rubivuga, mu runyanya rumwe ruringaniye ubwo ni nka garama 123, dusangamo ibi by’ingenzi bikurikira: Calories 22 (zitera ingufu umubiri); Garama 5 z’amasukari; Garama 1 ya protein; Vitamin A (ingana na 28% y’iyo ukenera ku munsi); VItamin C (ingana na 22% y’iyo ukenera ku munsi); Vitamini E; Potasiyumu, acide folique, Lycopène, n’ibindi.

Lycopène, ni intungamubiri iba mu runyanya ifasha uruhu kudasaza, rugahora rutoshye kandi rukazira ibiheri biza mu maso.

Ku muntu wariwe n’inzuki, ibitangangurirwa cyangwa se utundi dusimba, agirwa inama yo gusiga umutobe w’inyanya aho yarumwe, kuko zifite ubushobozi bwo kurwanya ububabare bw’aho yarumwe kandi hakaba hanakira vuba.

N’ubwo zigira ibyitwa calorie, 93% byazo ni amazi ibi bikaba bituma zibasha kurwanya ibinure mu mubiri. Ibi kandi bituma abakunze kuzirya ari mbisi bagira munda hato, kandi zikarwanya n’ikibazo cyo kubura amazi mu mubiri.

Ku bantu bakunda kugira ikibazo cyo kunanirwa kwituma, burya bakwifashisha inyanya mbisi, kuko zirimo umunyungugu wa Potasiyumu utuma umuntu yituma bitamugoye.

Inyanya mbisi kandi zishobora gukorwamo umutobe cyangwa se zigatekwa mu biryo nka kimwe mu birungo, gusa ngo iyo zitetswe zitakaza umwimerere wazo, ni ukuvuga ko intungamubiri twavuze hari icyo zigabanukaho cyane.

Agashishwa n’imbuto zazo nabyo ngo bituma igogorwa rikorwa neza. Abantu bakunze kugira ikibazo cyo mu mara, bagirwa inama yo gushishura bitonze agashishwa kazo no kuzihanduramo imbuto nyuma bakarya umunopfu wazo gusa.

Ku banywi b’itabi, inyanya zifasha mu gusana ibyangijwe n’umwotsi w’itabi.

Zifitemo Vitamini A na C, bifasha mu gusohora imyanda mu mubiri, bikanafasha mu koza umuyoboro w’inkari. Guhekenya inyanya mbisi kandi, bivura impyiko aho bifasha mu gusohora imyanda iba yaribumbabumbiye mu mpyiko.

Abagore bonsa bagirwa inama yo kurya isosi yazo buri munsi, kuko bifasha mu kongera ibyitwa lycopène mu mashereka, byongerera umwana ubudahangarwa bw’umubiri.

Ku bagabo kurya isosi y’inyanya bifasha abagabo kwirinda kanseri ya porositate (prostate) ifata imyanya myibarukiro. Ku barwaye indwara z’umutima, si byiza kurya nyinshi.

Uzajya akoresha imodoka ya automatic ikizami ni nayo azajya atwara yonyine

Mu butumwa yanyujije ku rubuga rwe rwa Twitter kuri uyu wa kabiri 27 Ugushyingo, Depite Rukumbura John yagize ati “Itegeko riri mu nzira kandi ndabizeza ko nzarishyigikira 100%.

Abumva ko abantu bakoresha ibizamini imodoka za automatic akenshi bashobora guteza impanuka mu muhanda, iyo myumvire siyo. Uburyo imodoka ikoze ntaho bihuriye no kwica amategeko y’imikoreshereje y’umuhanda.”

Rukumbura yavuze ibi asubiza icyifuzo cyari gitanzwe n’umuturage kuri Twitter, asaba Polisi y’Igihugu kwemerera abantu gukoresha ibizamini imodoka za automatic.

Uwitwa Kamikazi Fiona, nawe akoresheje Twitter yatanze igitekerezo kigira kiti “Mu bihugu bimwe ibi birakorwa, uruhushya ubonye rukaba ari urukwemerera gutwara imodoka ya automatic gusa.”

Hagati aho ariko, si ubwa mbere ibyifuzo kuri iri tegeko bitangwa

Muri Mata uyu mwaka, umuturage witwa Shumbusho Frank yandikiye abagize Inteko Nshingamategeko abasaba gutora itegeko ryemerera abantu gukoresha imodoka za automatic mu bizamini bitanga urushya rwo gutwara ibinyabiziga.

Shumbusho yasabye abashyiraho amategeko (abadepite), gushyiraho itegeko riha ukora ikizamini uburenganzira bwo guhitamo imodoka akoresha, yaba automatic cyangwa isanzwe.

Mu ibaruwa y’ubwo busabe, yavuze ko uburyo bukoreshwa mu kubona uruhushya rwo gutwara ibinyabiziga hakoreshejwe imodoka zisanzwe (manual), bizitira abafite imodoka za automatic kandi bose ari Abanyarwanda bwakiye kugira uburenganzira bungana. We yabyise ivangura.

amavuta atukuza yatangiye gucibwa ku masoko

Uwo mukwabu wo guhiga Mukorogo, wakorewe mu Mujyi wa Kigali rwagati ahazwi nka Downtown na Quartier Matheus no mu yandi maduka yo mu mujyi.
Umuvugizi wa Polisi y’u Rwanda, CP Kabera Jean Bosco yavuze ko gucuruza no gukoresha amavuta ahindura uruhu binyuranije n’amategeko kandi bikaba byangiza uruhu rw’abakoresha ayo mavuta.

CP Kabera yatangaje ko atari ubwa mbere igikorwa nk’icyo kibayeho kuko ngo basanzwe babikora, mu rwego rwo kugenzura imiti n’ibiribwa bitemewe bishobora kuba byarinjiye mu gihugu.

Iteka rya Minisitiri w’Ubuzima, No 20/38 ryo ku wa 26 Gashyantare 2016, rigena urutonde rurerure rw’ibintu 1342 binoza kandi bisukura umubiri bitemerewe gukoreshwa mu Rwanda.

Abacuruzi bambuwe amavuta bacuruzaga, bavuze ko batari bazi ko ayo mavuta atemewe kuko ngo nabo baba bayaranguye mu maduka akomeye mu Mujyi wa Kigali, ubundi bakayacuruza mu buryo bwa detaye (detail) kugira ngo babone inyungu.

Abahanga mu buvuzi by’umwihariko ubw’uruhu bazwi mu Gifaransa ku izina rya ‘Dermatologues’ bavuga ko amavuta ahindura uruhu agira ingaruka zikomeye ku mubiri w’umuntu uyakoresha, harimo nko kurwara kanseri y’uruhu, kuba uyakoresha iyo akomeretse bitorohera abaganga kumudoda, gukomereka ntibakire vuba kuko uruhu ruba rwaratakaje ubwirinzi, n’ibindi.

Umukwabu wo guhiga Mukorogo, uje nyuma y’uko Perezida Kagame Paul asabye Minisiteri y’Ubuzima ndetse na Polisi y’Igihugu kugira icyo bakora ku kibazo cy’amavuta n’indi miti byangiza ubuzima bw’abantu.

MIn Biruta yasabye ko ibihugu byakongera imbataga mu kurengera ibidukikije kuko usanga bidahenze cyane

Iyi nama izamara icyumweru, yatangijwe n’ibiganiro ku ngamba zo kwagura no kubungabunga ibidukikije ndetse no kurengera ikirere. Habayeho kandi no gutangiza ku mugaragaro ubufatanye hagati y’u Rwanda n’umuryango ushyigikira ibihugu mu kurengera ikirere (NDC Partnership Plan).

Minisitiri w’Ibidukikije Biruta Vincent, yavuze ko iyi nama izafasha ibihugu by’Afurika mu gusangira ubumenyi; kumenya ibibera ahandi ku isi hagamijwe kwerekana ahari amahirwe mu rugendo rwo guteza imbere ibidukikije.

Ati “Turi hano kugira ngo tuganire ku iterambere ry’ibidukikije mu Rwanda n’ingamba zo gusana ikirere ndetse n’uburyo bizageza igihugu ku iterambere rirambye, bikazanafasha ibindi bihugu bya Afurika ndetse n’Isi muri rusange kumenya ahakwiye gushyirwa ingufu.”

Iyi nama Nyafurika ya mbere yiga ku iterambere ry’ibidukikije, yahuje abashoramari barenga 1000, abafata ibyemezo ndetse n’impuguke mu bukungu, bavuye mu bihugu bitandukanye ku mugabane wa Afurika kugira ngo bigire hamwe uburyo bwo guteza imbere ibidukikije ndetse n’inzitizi zikiri mu kurengera ibidukikije.

Insangamatsiko y’iyi nama imara icyumweru ni ‘Ku bw’Afurika itoshye ifite kirere gishya.’

Iyi nama yitezweho kureshya abashoramari mu gushora imari mu bidukikije, kwagura imyumvire ndetse no gukoresha imari nk’inzira yo gusana ikirere, kubaka ubufatanye hagati y’abagenerwabikorwa mu rwego rw’ibidukikije kugira ngo hashyirweho uburyo bwo guhuriza hamwe abafatanyabikorwa mu kongera umuvuduko w’iterambere ry’ibidukikije.

Avuga ku ngamba yo guteza imbere ibidukikije no kuzahura ikirere, Umuyobozi mukuru w’ikigo Global Green Growth Institute, Frank Rijsberman yavuze ko iterambere ry’ibidukikije rishoboka ndetse ngo ni uburyo bwiza bwo kugaragaza ihinduka ry’ikirere.

Ati “Ndashaka gukoraho imyumvire y’uko guteza imbere ibidukikije bihenze. Uretse kuba ari ngombwa, biranashoboka.”

Rijsberman kandi yasabye u Rwanda gushyira ingufu mu ngamba zo guteza imbere ibidukikije no kurengera ikirere (GGCRS); kugera ku kigero cya 100% mu kutohereza imyuka ihumanya ikirere; 100% mu gukoresha imodoka z’amashanyarazi, yavuze ko mu gihe gito izi modoka zizagabanyirizwa ibiciro; 100% mu nyubako zirengera ibidukikije; 100% mu buhinzi buteza imbere ibidukikije ndetse n’imirimo igera kuri miliyoni ijana mu bidukikije ku kiragano kiri imbere cy’urubyiruko rw’Afurika.

Rijsberman kandi, yavuze ko yashimishijwe no kumenya ko ikibuga cy’indege gishya cya Bugesera, kizaba ari cyo kibuga cya mbere gitoshye muri aka karere, kuko kizaba gifite inyubako zirengera ibidukikije.

Umuhuzabikorwa w’Umuryango w’Abibumbye mu Rwanda, Fodé Ndiaye, yavuze ko yabonye ko ari inshingano za buri wese guteza imbere ibidukikije, kurengera ikirere, ndetse no gukomeza kwigisha abantu muri rusange ku kugabanya ibyuka byoherezwa mu kirere, no kubungabunga umutungo kamere.

Abakobwa batanu barangajwe imbere na Nyampinga wahize abandi mu kwiyereka

Mu birori byabaye kuri uyu wa kabiri tariki 20 Ugushyingo 2018, ku isaha ya saa 06:30 z’umugoroba i Sanya, ubwo i Kigali byari saa sita z’amanywa, Iradukunda yaserutse yambaye ikanzu y’umweru werurutse ujya gusa na kaki, yadozwe n’inzu y’imideli ya Tanga Designs y’umunyamideli Niyitanga Olivier. Yari yambaye kandi n’inkweto ndende z’ umukara.

Muri ba Nyampinga bose biyeretse akanama nkemurampaka mu makanzu adodanywe ubuhanga, ako kanama kahisemo 32 batarimo Liliane uhagarariye u Rwanda, nyuma muri abo 32 gahitamo hagendewe ku manota batanu bahize abandi mu kuberwa no gutambuka neza.

Batanu bahize abandi bakurikiranye muri ubu buryo: uwa mbere yabaye Maёva Coucke wo mu Bufaransa; uwa kabiri aba uwo mu Bushinwa; uwa gatatu aba uwo muri Senegal; uwa kane aba uwo muri Korea; naho uwa gatanu aba uwo muri Afurika y’Epfo.

Umuhanzi ukomoka muri Mexique witwa Luis Fernando Allende Arenas niwe wasusurukije ibyo birori.

Luis Fernando Allende Arenas

Nyuma y’ iri rushanwa hazakurikiraho icyiciro cyitwa ‘Head to Head’ kigamije kureba umukobwa urusha abandi ubuhanga muri buri tsinda, nyuma abatsinze mu matsinda bagahatana hagamijwe gutoranya uhiga abandi mu buhanga.

Nyuma yo kudahirwa muri iki cyiciro, Abanyarwanda bakwitega itsinzi kuri Iradukunda mu cyiciro cy’ubuhanga.

Hagati aho gutora birakomeje ku rubuga rwa Facebook rwa Miss World ndetse no kuri application ya MobStar.

Mu Bugesera hari uruganda rukora inkweto hagiye gushyirwa ikindi gice cyahariwe inganda

Kuri uyu wa mbere tariki 19 Ugushyingo, Inama idasanzwe y’Abaminisitiri yemeje itegeko rya Minisitiri w’Intebe rishyiraho ‘Bugesera Special Economic Zone’ (BSEZ), Igice cyihariye cy’inganda mu karere ka Bugesera.

Mu gihe uturere twose mu Rwanda dufite ibice byihariye byagenewe inganda, aho abashoramari bashobora kubaka inganda, BSEZ ibaye igice cya kabiri cy’inganda cyemejwe n’Imana idasanzwe y’Abaminisitiri, nyuma y’igice cyihariye cy’inganda cya Masoro.

Mu bindi byemezo by’Inama idasanzwe y’Abaminisitiri, guverinoma yongereye abandi bakozi mu bigo bitandukanye.

Inama idasanzwe y’Abaminisitiri yemeje Iteka rya Perezida ritiza Ofisiye Mukuru n’Abofisiye bato 34 muriLaboratwari y’u Rwanda y’Ibimenyetso Bishingiye ku Bumenyi n’Ubuhanga Bikoreshwa mu Butabera (RFL)

Iteka rya Minisitiri ritiza ba Ofisiye bato 15 bo muri Polisi y’u Rwanda bakajya muri Laboratwari y’u Rwanda y’Ibimenyetso Bishingiye ku Bumenyi n’Ubuhanga Bikoreshwa mu Butabera (RFL).

Urwego rw’Igihugu rushinzwe Ubugenzacyaha (RIB) ruherutse gushyirwaho narwo rwongerewe abakozi 10 ku bo rwari rusanganywe.

Guverinoma kandi yashyizeho abandi bakozi batandukanye ba leta.

Mu kigo cy’Igihugu gishinzwe guteza imbere imyuga n’ubumenyingiro (WDA), Bwana Gatabazi Pascal yagizwe umuyobozi mukuru, asimbuye Bwana Gasana Jérôme wayoboye iki kigo kuva cyashingwa muri Mutarama 2008.

Mu Kigo cy’Igihugu gishinzwe Iterambere ry’Ubwikorezi
(RTDA), Munyampemba Imena yagizwe Umuyobozi Mukuru, mu gihe mu Kigega cy’Imari yo Gusana Imihanda (RMF), Sibomana Mathias yagizwe Umuyobozi Mukuru.

Mu Nama y’igihugu y’Amashuri Makuru (HEC), Ntukanyagwe Micomyiza Michelle yagizwe umuyobozi w’ishami rishinzwe ingamba, igenamigambi, inguzanyo z’abanyeshuri ndetse n’imicungire y’imari.

Uyu akaba afite akazi katoroshye ko kugaruza za miliyari z’amafaranga y’u Rwanda yahawe abanyeshuri nk’inguzanyo mu myaka yatambutse ariko leta ikaba yarananiwe kuyagaruza.

Hagati aho kandi, Komisiyo y’Igihugu y’Uburenganzira bwa Muntu yamenyesheje Inama idasanzwe y’Abaminisitiri ko yashyizwe mu rwego
rwa “A” ku nshuro ya kane. Iki cyiciro kikaba gishyirwamo inzego zita ku burenganzira bwa muntu zubahiriza byuzuye amahame yose y’Uburenganzira bwa Muntu.

Ikirezi Annaïs Déborah ni umukobwa wa Massamba Intore

Uretse Massamba, inganzo y’umusaza Sentore yarakuze igera no mu buzukuru be barimo Jules Sentore, King Bayo na Ruti.

Umurage wa Sentore Athanase wageze no ku wundi mwuzukuru we, uyu akaba umukobwa wa Massamba Intore, witwa Ikirezi Annaïs Déborah.

Ikirezi Déborah ufite imyaka 22 y’amavuko, asanzwe atuye mu Mujyi wa Ottawa muri Canada, uwo mukobwa na we akaba afite impano yo kuririmba.

Impano y’uwo mukobwa ukiri muto yashimangiwe n’irushanwa yagiyemo rya Ottawa Idol umwaka wa 2017. Iryo rikaba ari irushanwa rihuza abanyempano mu kuririmba muri Canada.

Nubwo ari umunyempano mu kuririmba ndetse ijwi rye rikaba rinyura benshi mu bamuzi, uwo mukobwa ntarasohora indirimbo ye ku giti cye.

Gusa yasubiyemo indirimbo Hallelujah ya Alexandra Burke, ibyitwa ‘Cover’ mu Cyongereza. Iyo ndirimbo iri kuri Youtube mu buryo bw’amashusho ndetse na Deborah agaragaramo.

Uwo mukobwa kandi yagiye afasha abahanzi batandukanye mu miririmbire, ibizwi nka ‘backing’ mu Cyongereza. Abo abahanzi barimo itsinda rya Sauti Sol, The Ben ndetse n’abandi bahanzi bakomeye bagiye bakorera ibitaramo muri Canada.

Deborah aherutse gutegura igitaramo cye cya mbere, cyabereye muri Canada tariki 17 Ugushyingo 2018. Icyo gitaramo kandi Massamba Intore yarakitabiriye ndetse aranaririmba mu rwego rwo gushyigikira umukobwa we.

Ikirezi Annaïs Déborah na Se Massamba Intore mu gitaramo

Avuga kuri icyo gitaramo, Massamba yagize ati “Ni ishema ryinshi, kubona umwana wanjye aririmba, ni ibintu bisa neza cyane. Ni umwana ufite ubuhanga ariko utarigeze afata igihe ngo yiyerekane. Kumushyigikira ntako bisa.”

Yakomeje avuga ko ku myaka uwo mukobwa we agezemo yatangiye kugaragaza imbaduko mu muziki, ari nayo nawe yarimo ubwo yambariraga gutabara, akajya ku rugamba rwo kubohora u Rwanda, bityo ngo ni ibintu bihura kandi bimunezeza.

Igitaramo Deborah yahuriyemo n’umubyeyi we, yari yakise “Ikirezi live the Genesis.” Icyo gitaramo cyabereye ahitwa St. Joseph’s Parish Ottawa, Ontario, muri Canada, cyitabirwa n’abantu barenga 500. Abakitabiriye bemeza ko banyuzwe n’umuziki w’umwimerere wo mu bwoko bwa R&B Soul, Reggea ndetse n’injyana n’umudiho gakondo.

Igitaramo Ikirezi Deborah yateguye cyaritabiriwe cyane

Nyuma y’icyo gitaramo Ikirezi yatangaje ko agiye gusohora indirimbo eshatu ndetse ngo hari n’iyo azakorana n’umubyeyi we Massamba mbere y’uko ava muri Canada.

Umva indirimbo Hallelujah ya Alexandra Burke, Ikirezi Deborah yasubiyemo

Kwengerwa mu Rwanda bizatuma ihenduka

Bralirwa yatangaje ko izatangira kwenga iyi nzoga tariki 20 Ukuboza 2018. U Rwanda ruzaba rubaye igihugu cya cyenda gifite urushya rwo kwenga iki kinyobwa muri Afurika yose aho ruzaba rukurikira Nigeria, Afurika y’Epfo, Namibia, Algeria, Maroc, Misiri, Tunisia ndetse na Ethiopia.

Mu itangazo rigenewe abanyamakuru ryashyizwe hanze n’uru ruganda, Victor Madiela, Umuyobozi Mukuru wa Bralirwa Plc, yagize ati “Heineken izahita ihendukira abanyarwanda aho igiciro cyayo kizava ku 1000Frw kikagera kuri 800Frw ku icupa rya cl33 risubizwa, bifashe abanyarwanda kwishimira uburyohe bwa Heineken.”

Iri tangazo kandi rikomeza rivuga ko kwemerera u Rwanda gutunganya Heineken bigaragaza icyizere rwagiriwe n’uruganda HEINEKEN NV, ruharanira kugendera ku ndangagaciro yo gukora ibinoze no kudatakaza umwimerere.

Umuyobozi ushinzwe ikorwa n’ikwirakwizwa ry’Ibinyobwa muri Bralirwa Plc, Bokelman Sander, yavuze ko Heineken izagumana umwimemerere wayo bitewe n’uko idaturuka kure ndetse ngo uburyohe bwayo buzaba bungana nk’ubwo uyinywereye i Amsterdam yakumva.

Umuyobozi wa Bralirwa Plc uyobora yavuze ko kwengera iki kinyobwa mu Rwanda ari bizongera amahirwe y’ishoramari kuri uru ruganda ndetse n’abatanyabikorwa barwo kuko bazajya baranguza iyi nzoga ibihugu bituranyi by’u Rwanda.

Yongeyeho ati “Uyu mushinga uri muri gahunda ya ‘Made in Rwanda’, buri Munyarwanda akwiye kuwishimira. Mu kuva ku gutumiza hanze Heineken igatangira kwengerwa mu Rwanda, bizafasha Bralirwa Plc kurushaho kugira uruhare mu iterambere ry’ubukungu bw’igihugu.”

Igitekerezo cyo kwenga Heineken cyaturutse ku musore w’imyaka 22 y’amavuko, Gerard Adriaan Heineken waguze urwengero rwa De Hooiberg i Amsterdam mu 1864.

Mu gushaka gukora impinduka muri uru rwegero, mu 1886 yashinze laboratwari yo kuvumbura umusemburo wakoreshwa mu kwenga inzoga itandukanye n’izindi kandi ifite umwimerere.

Dr Hartog Elion w’Umufaransa niwe wahawe akazi ko gukora umusemburo, maze ku bufatanye na Louis Pasteur, bavumbura umusemburo wa A-Yeast na D-Yeast uru ruganda rukesha uburyohe n’impumuro yihariye y’iki kinyobwa.

Mu 1989, iyi nzoga yegukanye umudali wa zahabu mu imurikagurisha ryabereye i Paris.

Iyo nzoga igizwe n’ibintu bitatu, ingano za sayiri (barley), igihingwa kizwi nka hops n’amazi.

Iyi nzoga icuruzwa mu bihugu 170 ku isi, ikozwe mu bintu bitatu by’ingenzi, ingano za sayiri, hops ndetse n’amazi. Urugamba Heineken Nv rwohereza ku isoko ibinyobwa birenga miliyoni 25 buri munsi.

Bralirwa yari isanzwe itumiza ibinyobwa bya Heineken ku cyicaro cy’uruganda mu Buholandi guhera mu 1961.

Kuva mu 1971, Bralirwa yashinzwe yabaye Ishami rya Heineken Group aho iyifitemo imigabane ingana na 75%, mu gihe 25% ari iy’abanyamigabane bandi.

Dr Kaberuka Donald wahoze ayobora Banki Nyafurika itsura amajyambere na Bagenzi be bafashije Perezida Kagame mu mavugurura y’Umuryango wa Afurika Yunze ubumwe

Iyi nama y’ikirenga y’uyu muryango izitabirwa n’abayobozi b’ibihugu na za guverinoma 55.

Mu by’ingenzi iyi nama y’iminsi ibiri izibandaho, harimo kuba abayobozi b’ibihugu bazarebera hamwe aho amavugurura ageze, haba muri komisiyo ya AU, manda (mandate) ya biro y’iterambere ry’Afurika yunze Ubumwe (AUDA), ndetse n’ amikoro ya AU.

Perezida Paul Kagame akaba ari nawe uyoboye uyu muryango biteganyijwe ko ari we uzayobora iyi nama, akanageza ijambo ku bazayitabira.

Muri Nyakanga 2016, Perezida Kagame yahawe ishingano zo kuyobora akanama gakora amavugurura y’Afurika yunze Ubumwe, mu nshingano imwe mwikorezi ari yo “Gushaka uburyo bwakoreshwa mu ngo uyu muryango wigire.”

Kuva ubwo, inyandiko igaragaza uburyo uyu muryango wakishakamo amikoro udategereje inkunga z’amahanga yamurikiwe Umuryango wa Afurika yunze Ubumwe.

Mu gihe bamwe bakemangaga imishobokere y’aya mavugurura, Perezida Kagame, yashimangiriye abayobozi b’ibihugu ko nta cyakoma mu nkokora icyemezo cya Afurika cyo kwishakamo ubushobozi bwatuma uyu mugabane wigira udategereje inkunga hanze.

Uregero, Leta zunze Ubumwe za Amerika zarwanyije uburyo bw’uyu muryango bwo kwishakamo amikoro aho 0,2% by’ibitumizwa hanze na buri gihugu byajya mu gutera inkunga umuryango. Amerika yabirwanyije ivuga ko bitubahirije amategeko y’Umuryango Mpuzamahanga w’Ubucuruzi (WTO).

Dr Donald Kaberuka wahoze ayobora Banki Nyafurika Itsura Amajyambere (ADB) akaba n’umujyanama wa Perezida Kagame mu kanama gakora amavugurura muri uyu muryango, yagize ati “Niba hari amahoro, umutekano, n’iterambere muri Afurika, bizaba ari byiza ku rusange mpuzamahanga.”

Ku bwa Kaberuka ngo “Ni 0,2 %, si 2% … ku buryo Amerika yavuga ko ari ukunyuranya n’amategeko agenga WTO.” Ibi yabivuze mu Mwiherero wabereye mu karere ka Musanze mu Majyaruguru y’u Rwanda muri Gicurasi uyu mwaka.

Mu gushyiraho umusoro wa 0,2 % ku bitumizwa hanze y’umugabane, AU izajya ibona miliyari 1,2 y’ Amadorali yo gushyigikira ibikorwa by’umuryango buri mwaka.

Abafashije Perezida Kuvugurura Afurika yunze ubumwe bahuye kenshi na we bategura ayo mavugururwa

Ese ibihugu biri gutanga gute uyu musoro wa 0,2 % ?

Mu gihe iyi nama idasanzwe ya 11 igiye kuba, byamaze kumenyekana ko ingengo y’imari ya AU muri 2019 ari miliyoni 681,5 z’Amadorali ya Amerika.

Muri iyo ngengo y’ imari, miliyoni 158,5 z’Amadorali zizajya mu gutera inkunga ibikorwa by’umuryango, mu gihe miliyoni 249,8 z’Amadorali zizashorwa muri gahunda zawo.

Miliyoni 273,3 z’Amadorali muri ngengo y’imari zizatera inkunga ibikorwa by’amahoro.

Mu itangazo riheruka ry’Umuryango wa Afurika yunze Ubumwe, ngo umuvuduko ibihugu biriho mu gutanga ariya 0,2 % ku bitumizwa hanze, urashimishije.

Mu itangazo ryaraye risohotse rivuga kuri iyi nama, bagize bati “Umuvuduko w’ishyirwa mu bikorwa ryo gutanga 0,2% uri hejuru ndetse urebye uburyo imisanzu itangwa, iki nicyo kigero cyo hejuru kibayeho mu mateka y’umuryango. Afurika iri kugira ububasha busesuye mu igenamigambi ry’iterambere ryayo.”

Hagati aho, u rwanda ruri imbere mu gutanga umusanzu wa 0,2% hamwe n’ ibindi bihugu 13.

Ibyo bihugu ni Kenya, Ethiopia, Djibouti, Chad; Guinea, Sudan, Congo, Cameroon, Gambia, Gabon, Cote d’Ivoire, Sierra Leone na Ghana, mu gihe ibindi bihugu 23 biri ku rwego ruhindagurika mu gutanga umusanzu nk’uko AU ibitangaza.

Mu mavugurura agikomeje, abanyamuryango ba Afurika yunze Ubumwe bari gukora ku buryo batera inkunga 100% ibikorwa byabo, 75% ingengo y’imari y’imishinga, na 25% ibikorwa by’amahoro muri 2021.

Rwahama witiriwe aka gace ni umusirikare wavuye ku rugerero

“Kwa Rwahama” aho bisi zihagarara, hahawe iryo zina biturutse kuri nyiri iyo nyubako yazamuwe ku muhanda Kimironko na Ku Gicumbi cy’ Intwari. Iyo nyubako ni iya Coloneri (Rtd) Jackson Rwahama.

Ushobora kwibaza impamvu y’iri zina kuko, muri gahunda ya leta imihanda ntago ijya yitirirwa amazina y’ abantu ku giti cyabo, ahubwo usanga yitirirwa amazina agendanye n’icyerekezo cy’igihugu, nk’ umuhanda Ubumwe, African Union Boulevard, n’andi menshi.

Yewe na Rwahama w’imyaka 68 y’amavuko ubwe, ntazi uburyo izina rye ryabaye ikirango.

N’ ubwo bimeze bityo ariko, Kigali Today yahuriye na Rwahama ku nyubako ye muri uku kwezi, igira inyota yo kumenya ubuzima bwe n’amateka y’iyo nyubako, impamvu zateye abantu kumwitirira aho bisi zahagarara n’imihanda yegeranye no Kwa Rwahama.

Uburyo inyubako yubatswe ubwabyo ni inkuru idasanzwe.
Mu 1995, amezi make nyuma yo kugira uruhare mu guhagarika Jenoside, Rwahama yabonye isambu, arayisiza kugira ngo yubake inzu, niyo nzu ya mbere y’amabuye yari igiye kubakwa muri ako gace.

Uwo mushinga wari uremereye mu gihe icyo gihe amabanki nta mafaranga yari afite, yewe n’igihugu cyari gifite ingengo y’imari iri munsi ya miliyari 100.
Cyari igihe cy’ubukene bukabije kugeza ubwo leta itashoboraga guha abakozi imishahara ahubwo ikabaha ibiryo.

Rwahama wanabaye umuyobozi w’urwego rwa gisirikare rushinzwe imyitwarire (Military Police) ati “Uburyo nubatse iyi nzu ikinamico ikomeye.

“Akazi kanjye kanyemereraga kwirirwa nzenguruka umujyi. Aho nabonaga amatafari; amabuye n’imicanga byandagaye, narabitoraga ndetse bwari n’uburyo bwo gusukura umujyi.”

Aho atunga urutoki niho hamamaye ku izina ryo kwa Rwahama, hari icyapa cya bisi zitwara abagenzi

Rwahama yibuka inzira yanyuzemo yubaka iyi nzu nk’aho byabaye ejo.

Ati “Rwari urugendo rurerure. Gusa amaherezo byarangiye inzu yuzuye mu 1997. Muri icyo aha hose hari ishyamba. Iki nicyo gikorwa cy’ubucuruzi cya mbere cyari kigeze aha” ibi yabivuze atembereza abanyamakuru ba Kigali Today iyo inyubako.

Iyo umusanze mu biro bye biri mu nyubako, Rwahama akwakirana urugwiro. Nta gushidikanya, amagambo ye yose aba ashingiye ku kazi.

Uyu mugabo w’imyaka 68 ati “Ubucuruzi ni igice cy’ubuzima bwanjye ariko nshimishwa cyane n’ubwubatsi.”

Ubwo Kigali Today yabazaga Rwahama impamvu aho bisi zihagarara ndetse n’ahandi byegeranye hamwitirirwa, yaretse cyane.

Ati “Birambangamira.” “Ibaze kuba abantu bafata ahantu rusange n’umuhanda wa kaburimbo bakabikwitirira, birandemerera. Mushobora kugenda mukabaza abantu impamvu banyitirira ibyo bintu byose.”

Kuri ubu, Kwa Rwahama habaye agace k’ubucuruzi, by’umwihariko ni iwabo w’amaduka acuruza ibifatika (hardware).

Gusa ku kigero runaka, Rwahama yemera ko yabaye inkingi ya mwamba muri ako gace.

Inyubako ye, ikorerwamo ibikorwa by’ubucuruzi bitandukanye birimo ibigo biranguza ibinyobwa, insengero, ibigo bitwara abantu n’ibintu, ububiko (Stocks), n’ibindi.
Burya umusirikare ahora ari umusirikare

Rwahama ntazwi gusa kubera ahahagarara bisi gusa, ahubwo izina rye ryandittse mu ntwari zagize uruhare uruhare mu ntambara yo kubohora igihugu, yahaye ubwigenge bwuzuye u Rwanda muri Nyakanga 1994.

Muri za 1960, nibwo Rwahama wari muto yahunze igihugu kubera amacakubiri n’urwango byari mu Rwanda, bituma ibihumbi by’Abatutsi bari mu kaga bahunga.
Yahungiye mu baturanyi muri Uganda, aho yize uburezi ndetse abona impamyabumenyi y’ikirenga mu burezi. Nyamara ariko umwuga wo kuba umwarimu warakendereye.

Ati “Naretse iby’uburezi nyoboka igisirikare. Ninjiye mu gisirikare cya Uganda muri za 1970.”

Nk’uwabaye umusirikare kugeza muri za 2000, Col. Rwahama aracyatanga serivisi z’umutekano, gusa kuri ubu azitanga ku bantu ku giti cyabo.
Afite ikigo cy’abacunga umutekano kitwa Royal Security Consult. Iki kigo gikorera muri Kigali.

Iki kigo cyatangiye muri 2013, gicunga umutekano w’ibigo, imiryango n’abantu ku giti cyabo mu ngo bagirana amasezerano n’ikigo.
Iyo Rwahama atari ku kazi, gusoma ibitabo no kogera iwe nibyo bimutwarira umwanya w’ikiruhuko.

Gukunda koga kwe bifite amateka

Rwahama mu biro bye

Col. Rwahama wavukiye mu karere ka Gicumbi mu ntara y’Amajyaruguru, yize muri Seminari Nto ya Mutagatifu Dominiko Saviyo yo ku Rwesero.

Iri shuri rimaze imyaka 62, riherereye ku nkombe z’ikiyaga cya Muhazi mu murenge wa Bukure. Kuba ishuri rituranye n’ikiyaga byateye Rwahama gukunda koga akiri muto.

Ati “Igice cy’inyongera ku masomo yacu, harimo no koga. Nize koga mu gihe nari ku ishuri.”

Ku byerekeranye no gusoma, Rwahama agura ibitabo ndetse anafite isomero iwe mu rugo.

Ati “Mfite isomero iwanjye mu rugo no ku kazi mu biro byanjye. Nkura amakuru mesnhi mu bitabo no kuri murandasi (internet).

Igitabo akunda cyane ni ikitwa “Things Fall Apart” cy’umwanditsi Chinua Achebe.
Chinua Achebe yari umwanditsi w’Umunyanijeriya w’ibitabo mbarankuru, imivugo ndetse akaba n’umwarimu muri Kaminuza. Igitabo mbarankuru cye cya mbere ni Things Fall Apart, ugenekereje mu Kinyarwanda ni “Ibintu byadogereye.”

Iki nicyo gitabo gifatwa nk’igihambaye muri byinshi yanditse, ndetse ni nacyo gitabo cyasomwe cyane mu bitabo by’ubuvanganzo nyafurika bugezweho. Iyi niyo mpamvu Rwahama nawe yagisomye.

Rwahama aganira n’umunyamakuru wa Kigali Today ku bijyanye n’ubuzima bwe

Rwahama ni umugabo wubatse ufite n’abana, gusa umwe mu bana be yitabye Imana umwaka ushize nyuma yo kurangiza amasomo muri Leta zunze za Amerika.
Rwahama ni umugabo ugendera ku mahame cyane, buri munsi abyuka saa 5:00 z’igitondo akajya muri pisine koga.

Nyuma y’imyitozo yo koga, afata ibyo kurya bya mu gitondo mbere y’uko yerekeza ku kazi guhera saa 7:30 kugeza saa 6:00 z’umugoroba asubiye mu rugo.
Rwahama ntakunda ku ibiryo bibonetse byose.

Ati “Nkunda kurya ibiryo bifite intungamubiri ari bicye. Kurya ibiryo byinshi kuri iyi myaka yanjye ni bibi ku buzima.”

Rwahama, afite ubutumwa bumwe bworoshye aha urubyiruko: “Mukore cyane mubone ubuzima bwiza. Mwirinde kwishora mu biyobyabwenge.”

Amwe muri aya masezerano yashyizweho umukono na Clare Akamanzi uyobora RDB

Amasezerano atatu yasinywe, yakurikiranywe na Perezida Paul Kagame na Emir wa Qatar, Sheikh Tamim bin Hamad Al Thami.

Perezida Kagame uri mu ruzinduko rw’akazi rw’ iminsi ibiri muri Qatar, yakiriwe na Sheikh Tamim mu ngoro ya Amiri Diwan iri i Doha.

Nk’ uko itangazo ryashyizwe hanze n’ ibiro bya Perezida w’ u Rwanda ribivuga, abayobozi bombi bagiranye ibiganiro birambuye byibanze ku guteza imbere inzego z’ ubukungu ndetse n’ ubutwererane hagati y’ ibihugu byombi. Ibyo biganiro bikaba byabaye mbere y’ uko bakurikirana isinywa ry’amasezerano ku mpande zombi.

Mu rwego ry’ubucuruzi bushingiye ku buhinzi, yasinywe amasezerano yo gushora imari mu guteza imbere Gabiro Agro-processing Farm, ayo masezerano yashyizweho umukono ku ruhande rw’u Rwanda na Madamu Clare Akamanzi uyobora urwego rw’ igihugu rw’ iterambere (RDB) ndetse na Mohamed Badr Hashem Al-Sada uyobora Hassad Foods ku ruhande rwa Qatar.

Mu nama Nyafurika yo kwita ku bidukikije (Africa Green Revolution Forum) yabereye i Kigali muri Nzeri 2018, RDB yashishikarije abashoramari mu gushora imari mu mishanga itanu y’ ubuhinzi harimo n’uw’icyanya cy’ubuhinzi n’ ubworozi cya Gabiro kingana na hegitari ibihumbi 15,600.

Perezida Kagame mu ruzinduko rw’akazi muri Quatar

Hassad Foods ni ikigo cya mbere muri Qatar gishora imari mu biribwa ndetse no mu buhinzi. Cyatangiye gukora mu 2008, kikaba kigengwa n’ ikigo cy’ ishoramari cya Qatar (Qatar Investment Authority).

Kuva gitangiye, icyo kigo cyahanze uburyo bw’ishoramari bwibanda ahanini ku kwihaza mu biribwa muri Qatar ndetse n’agace iherereyemo.

Hassad Foods kandi yaguriye ishoramari mu bihugu nka Australia na Oman ndetse ikaba igiye gushora imari no mu bindi bice birimo n’u Rwanda.

Hagati aho kandi, Perezida Kagame yasuye n’ikigo Qatar Foundation giteza imbere uburezi, siyansi n’iterambere rusange, aho yatemberejwe mu isomero ry’igihugu cya Qatar (Qatar National Library), ndetse n’izindi nyubako z’ icyo kigo.

Sheikh Tamim yakiriye ku meza Perezida Kagame, nk’ ikimenyetso cy’icyubahiro cy’ uruzinduko yagiriye muri Qatar.

Umusifuzi azajya yiyambaza amashusho kugira ngo amenye koko ko icyo asifuye gifite ishingiro

Kuri uyu wa kane tariki 15 Ugushyingo, nibwo inama yahuje amakipe 20 yo muri iyi shampiyona yatoye umwanzuro wo gukoresha VAR, ndetse hahita hanasohorwa itangazo rivuga ko shampiyona y’umwaka utaha 2019-2020, ubu buryo buzatangira kwifashishwa.

Uburyo bw’imisifurire hifashishijwe amashusho bwatangiye gukoreshwa muri shampiyona ya Espagne (La Liga), ndetse no mu mikino y’igikombe cy’isi cy’uyu mwaka cyabereye mu Rusiya.

N’ubwo ubu buryo amakipe yo mu Bwongereza yari yabanje kwanga kubukoresha kubera impamvu zirimo iyo gutinza umukino no kubishya umupira, kuri ubu aya makipe yatangaje ko mu rwego rwo kuzamura imisifurire no guca impaka ku makipe ahura hakabamo abavuga ko umusifuzi yabogamye, ngo VAR igiye kwitabazwa.

Ubu buryo bukaba buzajya bwifashishwa mu kwemeza ibitego; mu kwemeza penaliti; mu kwemeza ikarita itukura y’ako kanya bitewe n’igikorwa kibaheyeho; ndetse no mu kwemeza umukinnyi ukoze ikosa kuko hari ubwo umukinnyi ahanwa nyamara atari we ukoze ikosa.

Kwifashisha amashusho mu misifurire bizajya bigabanya ubwumvikane buke mu kibuga

Nk’uko itangazo riri ku rubuga rwa Premier League ribivuga, ngo mu gihe hagitegerejwe ko Inama nkuru y’Ishyirahamwe mpuzamahanga rya ruhago ndetse FIFA bemeza ikoreshwa rya VAR muri Premier League, hagiye gutangira igeregezwa aho ubu buryo buzajya bukoreshwa mu marushanwa yandi nka FA, Carabao Cup n’indi mikino.

Gusa ariko ngo ntago bizaba ari uburyo bw’ako kanya (live) ku buryo umukino wahagarikwa cyangwa ngo umusifuzi afate icyemezo agendeye ku mashusho.

Ubu buryo bwo kwifashisha amashusho, buzajya bunafasha mu kwemeza ibitego

Byari uburyohe batembere muri Parike ya sanya

Ku isaha ya saa tatu za mugitondo, nibwo aba bakobwa b’uburanga binjiye muri iyi pariki izihwiho ishyamba rihoramo imvura.

Yalong Bay Tropical Paradise Forest Park, irimo inyamaswa z’inyamabere zirenga 50, inyamaswa zitaruka n’ibikururanda ndetse n’amoko 100 y’inyoni.
Iri shyamba kandi rifite ubwihariko wo kugira amoko yihariye y’ibinyugunyugu utasanga ahandi ku isi.

Iradukunda na bagenzi be batemberejwe iri shyamba ndetse banyuzwa no ku kiraro kinini kiri hejuru muri iyi pariki aho uba ureba ibinyabuzima biririmo ndetse ugahumeka n’umwuka mwiza uturuka mu biti by’ishyamba rya Yalong.

Miss iradukanda yamaze kumenyerana na bagenzi be

Mu butumwa bwo mu rurimi rw’icyongereza yanyujije kuri Instagram, Miss Iradukunda Liliane yagize ati “Ubu turi gutembera Sanya.”

Iri rushanwa rya Miss World 2018, ryatangiye tariki ya 08 Ugushyingo rikaba rizasozwa tariki 08 Ukuboza.

Ibirori byo gutoranya umukobwa uhiga abandi mu buranga ku isi, bizabera mu mujyi wa Sanya muri hoteli y’imyidagaduro ya Mangrove Tree Resort, aba bakobwa bacumbikiwemo.

Nyagahene Eugene umwe mu baherwe u Rwanda rufite

Ubwo yari impunzi muri Repubulika Iharanira Demokarasi ya Congo, mu 1991 ingabo za Mobutu zasahuye ubucuruzi bw’imodoka yakoraga bimutera umujinya wo kureka gucuruza ibintu bifatika (Hardware), atangira gucuruza ibidafatika bidashobora gusahurwa (Software). Ngo ntawasahura murandasi (Internet), itangazamakuru ndetse n’itumanaho.

Kuza mu Rwanda avuye i Burundi nyuma ya Jenoside yakorewe Abatutsi mu 1994, ngo ntizari impamvu z’ubucuruzi cyangwa se gushaka inyungu mu ishoramari, ahubwo byari byatewe n’uko yumvaga muri we agomba kugira igihugu, nyuma y’igihe kinini ari impunzi.

Gusahurirwa mu buhunzi ntibyamuciye intege

Gutangiza igitangazamakuru kigenga Radio 10, nyuma ya Jenoside yakorewe Abatutsi byari bigoye cyane, byasabaga gusobanurira buri muyobozi iby’icyo gitangazamakuru.

Gusa na none ngo gushora amafaranga mu itangazamakuru icyo gihe byari nko guhinga muri Sahara (Mu butayu), kuko yashoraga ariko ntagire icyo yinjiza.

Mu Kiganiro kirambuye yagiranye na Kigali Today yatanze inama zo kutiheba mu buzima, ashingiye ku kuba, nyuma yo gusahurirwa muri Congo, yarahavuye afite Amadorari 2000 gusa mu mufuka, akabasha kuyakoresha imishinga yamufashije kugera ku butunzi afite ubu.

Kugira Igihugu biri mu bimunezeza

Irebere ikiganiro kirambuye Nyagahene yagiranye na Kigali Today

Perezida Kagame ari i Doha mu gihugu cya Qatar

Muri uru ruzinduko biteganyijwe ko azahura na Sheikh Tamim Bin Hamad Al Than, Umwami wa Qatar, aho bazagirana ibiganiro biganisha ku bufatanye hagati y’ibihugu byombi.

Igikomangoma Sarah Zeid mu Nkambi ya Gihembe

Iyo nkambi icumbikiye impunzi z’Abanye-Congo zirenga ibihumbi 13,300. Izo mpunzi zimaze imyaka irenga 20 ziba muri iyo nkambi.

Sarah Zeid yagiranye ibiganiro n’abagore b’impunzi baba muri iyo nkambi, aho baganiriye ku bibazo bahura nabyo mu buzima bwabo bwa buri munsi. Yiboneye kandi ibibazo birimo iby’ubuzima, imirire, amacumbi atameze neza, ibura ry’ingufu z’umuriro w’amashanyarazi riteye inkeke ku mutekano, cyane cyane uw’ abari n’abategarugori.

Iyo yari inshuro ya kabiri Sarah asura inkambi ya Gihembe kuko yahaherukaga mu 2016.

Yagize ati “Mu gihe nasuraga inkambi ya Gihembe na Mahama mu myaka ibiri ishize, nabonye ingorane ndetse n’ibyari bikeneye ubuvugizi kugira ngo umutekano n’imibereho y’impunzi byari byifashe nabi bibe bikemuke. Nababajwe cyane no kubona ko imibereho y’impunzi i Gihembe itigeze ihinduka ahubwo yabaye mibi.”

Mu biganiro byo mu matsinda, yabonye ko ikibazo cyagarutsweho na benshi ari icy’ubuzima n’imirire, ibura ry’amatara atanga urumuri mu nkambi, ibura ry’ibicanwa byifashishwa mu guteka, ibura ry’imirimo ndetse n’ubwinyagamburiro bw’abana.

Sarah yasuye inzu yita ku babyeyi ndetse n’imirire mu nkambi ya Gihembe, aho yahuye n’abakozi bita ku buzima, abagore batwite n’ababyeyi bafite impinja.

Bwana Ahmed Baba Fall, uhagarariye ishami ry’Umuryango w’Abibumbye ryita ku mpunzi (UNHCR), yagize ati “Impamvu nyamukuru yo kuba ubuzima mu nkambi bukomeje gusharira, ni ibura ry’ amikoro ndetse n’inkunga. Ibikenerwa n’imbogamizi biriyongera mu gihe amikoro yo ayoyoka.”

Sarah Zeid yashimiye leta y’u Rwanda kuba yarakiriye impunzi, kugira ubufatanye bwa na UNHCR ndetse no kuba idahwema gufasha impunzi zirenga ibihumbi 150 ziri mu gihugu hose.

Madame Jeannette Kagame na Dr Diane Gashuma mu nama yita ku kuringaniza imbyaro

Ubwo yagezaga ijambo rifungura inama mpuzamahanga yiga ku kuboneza urubyaro (ICFP2018), kuri uyu wa kabiri, Madamu Jeannette Kagame yagize ati “Kuva kera cyane, abagore bagiye bagira imimaro ikomeye cyane, nyamara ntibahabwe agaciro, mu gutwita, kurera, kwigisha, kugaburira no gukuza isi, akenshi ibi, bikagira n’ingaruka ziremereye ku buzima n’imibereho myiza y’abagore.”

Ati “Twabonye abagore binjira mu mirimo ikomeye ndetse isaba n’ubwitange kandi bakaba inkingi za mwamba, bagahindura byinshi impande zabo.”

Nyamara ariko Madamu Jeannette Kagame, avuga kugeza n’ubu uruhare mu kuboneza urubyaro rukiri hasi, aha yabahaye ikibazo cyo kwibaza ati “Mwibaze uko byagenda abagore b’abayobozi baticaye ku meza, aho ibyemezo bireba umuryango mugari muri rusange bifatirwa. Imiryango, bahuzwa n’isano muzi; imiryango bumva neza kurusha abandi.”

Madamu Jeannette Kagame yahamagariye abagore bitabiriye iyi nama i Kigali, gukoresha uru rubuga mu gushishikariza abagore kugira uruhare mu kuboneza urubyaro, ndetse no kwitabira serivisi z’ubuzima bw’imyororokere.

Yanashimiye u Rwanda kandi kuba rwarahisemo kwakira iyi nama ICFP2018, kuko ngo yizeye ko izatuma hongerwa imbaraga mu itangwa rya serivisi nziza zo kuboneza urubyaro n’iz’ubuzima bw’imyororokere.

Yagize ati “Inzira yacu yo gutanga ibikenewe cyane kandi bitanga impinduka mu miryango, yagize akamaro kubera akazi kakozwe n’Umuryango w’Abibumbye ndetse na za guverinoma zacu.

Mu biganiro biryoheye amatwi by’abagore bitabiriye iyi nama byari biyobowe na Dr Alma Golden, Umuyobozi mukuru wungurije ushinzwe imiyoborere mu biro bya USAID, bishinzwe ubuzima rusange, abaganiriye bikije ku kamaro k’umugore mu gufata ibyemezo bibagiraho ingaruka bikanazigira ku muryango muri rusange ariko bikaba bidahabwa agaciro.

Madame Martine Moise umufasha wa Perezida wa Haiti

Urugero, Moise Martine, umufasha wa perezida wa Haiti, nawe wari muri ibyo biganiro, hamwe na Nyiri icyubahiro Igikomangomakazi Sarah Zeid wa Yorudaniya, Toyins Saraki, umunya Nigeria washinze umuryango wita ku mibereho myiza (Wellbeing Foundation Africa), yavuze ko abakobwa bakiri bato batabona serivisi zo kuboneza urubyaro cyangwa bakagira isoni zo kuzisaba kubera isoni biteye n’umuryango.

Martine yagize ati “Niba dushaka kuzamura ubuzima bw’abagore bose n’abakobwa muri Haiti, tugomba gushaka uburyo buteye imbere bwo kubegera, uburyo bubaha ububasha bwo kubona serivisi zo kuboneza urubyaro hibandwa cyane ku rubyiruko, aho bajya basaba izo serivisi bakakiranwa yombi nta wubaciriye urubanza.”

Ikomangomakazi Zeid, we yavuze ko abagore ari bo ba mbere bagerwaho n’ingaruka z’amakimbirane mu duce turimo intambara kandi ngo ni na bo ba mbere mu kurinda abana n’imiryango.

Ati “Iyo umugore afashe icyemezo, ntaba akifatiye we ubwe, ahubwo aba agifatiye umuryango we, ndetse n’umuryango mugari muri rusange.”

Ku rundi ruhande, Toyins Saraki washinze umuryango Wellbeing Foundation, umuryango wigisha ubuzima bw’imyororokere, yavuze ko kugira ngo umuryango wishime, ari uko guverinoma zagira ubushobozi bwo kubahiriza uburenganzira bw’abagore.

Abitabiriye inama yiga ku iringaniza ry’imbyaro

Yongeyeho ko ubwo burenganzira butagomba gusa guhera mu mategeko, ahubwo bukwiye guhera igihe umwana avutse, buri mwana ahabwa icyemezo cy’amavuko mu kigo nderabuzima cyose avukiyemo.

Ati “Ndashaka ko buri mwana avukira kwa muganga ndetse bikagirwamo uruhare n’umubyaza wabyigiye, ndetse n’impuguke igihe cyose umugore yaba agize ingorane mu gihe cyo kubyara. Umugore kandi akwiye gusama yabitekerejeho kugira ngo abana be bazahabwe uburezi bukwiye.”

Amazi WASAC yohereza mu bafatabuguzi yangirikira mu mayira atarabageraho

Byasohotse mu imurikwa ry’ ibikorwa byagezweho na (WASAC) kuva mu 2014, bitangarizwa mu biganiro yagiraye n’ikigo gishinzwe gukwirakwiza amazi meza ku baturage muri Malawi (LWB), icyo muri Kenya (EWASCO) n’Ikigo cy’Abayapani gishinzwe iterambere mpuzamahanga JICA nk’umuterankunga wayo.

Gashugi Innocent, Umuyobozi ushinzwe ibikorwa byo gusaranganya amazi muri WASAC, yagize ati: “Ku munsi WASAC itanga amazi mu masaha agera kuri 22 ariko amazi angana na 38.9% yangirikira mu nzira.

Rutagungira Methode,Umukozi wa WASAC ushinzwe gukwirakwiza amazi n’isukura mu mujyi wa Kigali, nawe yemeza ko hari amazi menshi yangirika atageze ku baturage gusa ariko hari impamvu avuga ko zitera iyi yangirika.

Yagize ati: “Kuba ayo mazi 38.9% acyangirika, bituruka kuri imwe mu miyoboro ishaje ya WASAC, bigaterwa kandi n’ivugururwa ry’ibikorwaremezo bindi birimo imihanda n’amazu yubakwa rimwe na rimwe bikagenda byangiza imiyoboro yacu.”

Akomeza avuga ko hari za mubazi ziba zishaje zitagifite ubushobozi bwo kubara neza, hakaba n’ abarangwaho ingeso yo kwiba amazi kubera kwanga kwishyura serivisi bahabwa ndetse n’abayanyuza ku ruhande bafite ibindi bayakoreha kugira ngo bayungukemo.

Rutagungira kandi asobanura ko kubera ko u Rwanda rugizwe n’imisozi miremire, mu gukwirakwiza amazi hariho igihe bifashisha imashini zongera umuvuduko nabyo bikagira ingaruka ku matiyo ashaje n’ayamenetse amazi akameneka ari menshi.

Ubutaka bwo mu bice bimwe na bimwe by’igihugu; nko muri Nyabihu na Burera ngo ntibuborohereza kuko ibikorwaremezo by’amazi biba bitabye mu butaka iyo itiyo igize ikibazo amazi aca mu makoro ntibabimenye.

Indi mpamvu Rutagungira atanga, ni ukuba ibikorwaremezo by’amazi hariho igihe byambutswa ibishanga habaho ko itiyo itobokera muri icyo gishanga, iki kigo kikabibona bitinze, ibyo nabyo bikabateza ibihombo.

Yavuze ko mu rwego rwo kugabanya ibyo bihombo habayeho gukorana na JICA bayisura mu Buyapani, ibagaragariza ibikoresho bakoresha bikomeye, akaba ari nabyo WASAC iri gushakisha ibifashijwemo n’icyo kigo cy’Abayapani.

N’ubwo bimeze ariko kugabanya ibyo bihombo bisaba amafaranga menshi kuko imiyoboro ubwayo ikeneye kuvugururwa isaba amafaranga abarirwa muri miliyari 50 buri mwaka, nk’uko Rutagungira abivuga. Gusa mu myaka 5 iri imbere hari icyo bizaba byakemuye.

Kugeza ubu WASAC ibasha gutanga amazi angana na miliyoni 53 za meterokibe ku mwaka.
Iki kigo ku munsi gitanga amazi meza angana na meterokibe 230.000 ku bafatabuguzi bayo bangana n’ingo 207.000, zingana n’abanyarwanda basaga miliyoni 5.5 bakoresha amazi atunganwa n’icyo kigo.

Rutagungira avuga ko ahereye kuri serivisi batanga zishingiye ku miti bakoreshwa mu gutunganya amazi, kwishyura amashanyarazi y’Ikigo cy’Igihugu gishinzwe gutanga amashanyarazi (REG), Kwishyura imisoro n’imishahara y’abakozi, ibikoresho bisohoka binishyurwa, ku kwezi ngo iki kigo cyinjiza agera kuri miliyari 1.200 y’amafaranga y’u Rwanda.

Tomonori Nagase, Umuyobozi mukuru wungirije uhagarariye Ikigo cy’Abayapani kita ku iterambere mpuzamahanga mu Rwanda (JICA) atangaza ko hashize igihe kinini batangiye ubufatanye na WASAC ku bijyanye no kubungabunga amazi yangirika atageze ku baturage.

Yatangaje ko kugaruza amazi yangirika akagera ku baturage ari iby’ingenzi kuko biramira amafaranga yatakaraga.

Tomonori yavuze ko mbere JICA itaratangira iyo gahunda yo gutera inkunga ibikorwa byo gucunga amazi yangirika neza mu Rwanda, babanje kubikorera mu bihugu bya Malawi na Kenya kandi ngo ibyo bihugu hari intambwe nziza bimaze gutera mu bumenyi butuma bibasha gucunga neza amazi agera ku baturage.

Ku bw’ibyo ngo yizeye neza ko u Rwanda mu gihe gito kiri imbere ruzaba rubasha gucunga neza no kugaruza amazi yangirikaga ntagere ku baturage kubera ubumenyi rwunguka kandi bazakomeza gutera inkunga ibyo bikorwa.

Stevie Kazembe witabiriye ibi biganiro aturutse muri Malawi mu kigo gishinzwe ibyo kwegereza amazi meza abaturage(LWB), yatatangaje ko mu gihugu cyabo bagifite ikibazo gikomeye cyo kwegereza amazi meza abaturage ku buryo agera muri buri rugo kuko hari acyangirika menshi.

Gusa ngo ibi biganiro bazungukiramo byinshi bizafasha kubungabunga amazi yangirika mu gihugu cyabo.

Yagize ati: “Iyi nama iradufasha gufata ingamba n’uburyo butuma dushyira mu buryo ibyo twasangijwe kandi bizatanga umusaruro iwacu muri Malawi”.

Yongeyeho ko ariko bigisaba amafaranga menshi cyane kugira ngo iki kibazo gikemuke mu gihugu cyabo.

Singapour nicyo gihugu kiza ku mwanya wa mbere ku isi mu kugabanya amazi yangirika aho iri ku gipimo cya 5%, Malawi kuri 35%, U Rwanda kuri 38% naho iri Kenya kuri 40%.

Kuri uru rutonde nta gihugu cya Afurika kiza munsi ya 25%.

U Rwanda ruri ki isonga mu korohereza abashoramari kubaka inyubako zitandukanye zikorerwamo ubucuruzi

Uyu mwanya wagize u Rwanda igihugu rukumbi mu bifite ubukungu bukizamuka mu gutera iyi ntambwe. Muri aka karere, u Rwanda rukurikiwe na Kenya iza ku mwanya wa 61.

Perezida Paul Kagame yagarutse kuri uyu mwanya aho yagize ati “Kuva ku mwanya wa 41 tukaba tugeze kuwa 29 mu mwaka umwe gusa, hari ibyo turi kugeraho kandi dukwiye no gukora cyane mu mucyo kandi vuba.”

Yongeyeho ati “Mu by’ukuri u Rwanda nicyo gihugu cyonyine mu bigifite ubukungu bukizamuka kiri mu bihugu ijana bya mbere, n’ubwo bwose tutifuza kuguma mu cyiciro cy’ibihugu bikizamuka, turashaka kuva muri icyo cyiciro.” Ibi akaba yabivuze agendeye ku bufatanye mu iterambere n’ikigo cy’ubucuruzi bwo kuri interineti Ali Baba Group cy’umuherwe Jack Ma.

Perezida Kagame na Jack Ma batangije ku mugaragaro ubucuruzi bukoresheje ikoranabuhanga bwashyiriweho Afurika, bugamije korohereza ibigo by’ubucuruzi buciriritse n’uburinganiye byo mu Rwanda (SMEs) kugera ku bikorwaremezo by’ikoranabuhanga mu bucuruzi muri serivisi z’amahugurwa, kwishyura hakoreshejwe interineti n’ubukerarugendo.

Hagati aho, raporo ya Banki y’Isi ivuga ko 75% y’ibihugu 30 bya mbere, ari ibihugu bifite ubukungu buri hejuru (HICs) aho umuturage ku mwaka yinjiza amadorali y’Amerika 12 000.

U Rwanda ruracyari ku mwanya wa kabiri ku isi mu korohereza abashomari mu kwandikisha ibikorwa byayo, naho rukaba ruza ku mwanya wa gatatu ku isi mu gutanga amakuru yizewe ndetse no koroshya inzira zo kuyabona nk’uko iyi raporo ibyerekena.

Mu 2018, nabwo u Rwanda rwari ku rutonde ry’ibihugu icumi bya mbere byakoze amavugurura mu koroshya ishomari.

Mu bijyanye no korohereza abatangira ubucuruzi, igihugu cyashize ingufu mu ikoreshwa ry’imashini zitanga inyemezabwishyu binyuze mu kigo cy’imisoro n’amahoro (RRA), uburyo bufasha abosoreshwa kwishyura TVA ku mashini iyo ari yo yose.

Nk’uko tubikesha Ikigo cy’Igihugu cy’Iterambere (RDB), kuva mu 2005 igihugu cyashyize ingufu mu kuvugurura ubucuruzi n’ishoramari aho raporo y’ishoramari yagiye izamura u Rwanda kuva ku kigero cya 37,4% mu 2005 aho icyo gihe rwari ku mwanya wa 150 ku isi, none ubu ruri ku kigero cya 77,68% mu 2018, ibituma ruza ku mwanya wa 29 ku isi.

Nk’uko RDB ibihamya, ngo byasabaga iminsi 354 mu kwandikisha umutungo mu 2005, mu gihe muri uyu mwaka wa 2018 bitwara iminsi irindwi gusa.

Iyi mibare kandi igaragaza ko mu 2005 byatwaraga igiciro kiri ku kigero cya 317% kugira ngo umuntu yandikishe igikorwa cy’ishoramari gishya, mu gihe icyo giciro cyahantanutse kugeza munsi ya 15% mu 2018.

RwandAir iratangiza ingendo zigana muri Israel umwaka utaha

Mu butumwa yanyujije ku rubuga rwa Twitter, Ambasaderi wa Israel mu bihugu by’u Rwanda, Ethiopia n’u Burundi, Bwana Raphael Morav, yagize ati “Ni ibyishimo ndetse n’icyubahiro buri gihe guhura na Yvonne Makolo, umuyobozi mukuru wa RwandAir tuganira ku ifungurwa ry’ingendo zihoraho i Tel Aviv muri Israel umwaka utaha.”

Muri Kanama uyu mwaka, RwandAir yatangaje gahunda yayo yo kongera umubare w’abagenzi ukava ku 926 571 ukagera kuri 1 151 300 mu mwaka wa 2018/2019, ubwiyongere buhwanye na 24%.

Nk’uko tubikesha ubuyobozi bwa RwandAir, uko kongera umubare w’abagenzi bizagerwaho binyuze mu ngendo enye nshya zirimo urwa Addis Ababa, Guangzhou, TelAviv, Guinea n’umujyi wa New York. Ibyo bikazatuma ingendo z’iyo sosiyete zigera kuri 31.

Ambasaderi Morav akaba yanabonanye n’abandi bayobozi bakuru muri leta, barimo Minisitiri w’Ububanyi n’amahanga Dr. Richard Sezibera, Minisitiri w’Ubuhinzi Dr. Geraldine Mukeshimana, n’umuyobozi w’Ikigo cy’Igihugu cy’Iterambere (RDB), Madamu Clare Akamanzi.

Abarwayi ba Cancer bavurirwa by’umwihariko mu bitaro bya Butaro

Urugendo rwatangiriye ku Kimihurura kuri Minisiteri y’Ubutabera, rurangirira kuri cyicaro cy’ikigo cy’igihugu cy’imisoro n’amahoro (RRA), ahakorewe imyitozo ngororamubiri ndetse hakanatangirwa serivisi zo gupima kanseri y’ibere, umuvuduko w’amaraso no gupima ibiro byose bikozwe ku buntu.

Mu butumwa yanyujije ku rubuga rwa Twitter, Umuyobozi w’Umujyi wa Kigali Madamu Marie Chantal Rwakazina yagize ati “Gukunda igihugu, siporo no kurwanya indwara zitandura by’umwihariko umuvuduko w’amaraso ukabije, diyabete na kanseri y’ibere, nibyo byagariniweho. Umujyi wa Kigali uzakomeza gushyigikira Car Free Day ndetse unashishikarize abafatanyabikorwa kuyishyigikira.”

Iminsi ibiri mbere y’icyo gikorwa, Minisiteri y’ubuzima ibinyujije mu kigo cy’igihugu cy’ubuzima (RBC), yari yateguye ubukangurambaga bwo kurwanya kanseri ndetse no kwigisha uko yakwirindwa no kwita ku bayirwaye.

Muri icyo gikorwa, abarwaye iyo kanseri baboneyemo umwanya wo gutangaza ko igiciro cy’ubuvuzi bwayo gihanitse cyane.

Ku bw’abo barwayi ngo igiciro cy’imiti kirahanitse cyane ku buryo hari n’igihe abaganga batinya kwandikira umurwayi imiti kubera ko babizi ko igiciro cyayo umurwayi atakigondera.

Ubuvuzi bwa kanseri y’ibere buratandukanye bitewe n’icyiro igezeho. Hari ikitwa Chemotherapy, Radiation na Surgery.

Jeanne d’Arc Umuhoza, ubwo yari ageze mu myaka 40 muri 2014 yamenye ko arwaye kanseri y’ibere. Kuva icyo gihe yatangiye guhangana n’iyo ndwara aho buri kwezi yishyura miliyoni imwe n’ibihumbi magana arindwi agura imiti, ngo ibi kandi akabifatanya n’uburibwe buhoraho.

Yabwiye Kigali Today ati “Igiciro cyo kuvura kanseri kirahanitse cyane, by’umwihariko imiti yayo. Hari n’igihe muganga yanga kukwandikira imiti kuko aba atekereza ko utabasha kuyishyura.”

Umuhoza yasabye leta gushyiraho ikigega cyafasha mu kugabanya igiciro cy’imiti ndetse n’izindi serivisi zo kwita ku barwayi ba kanseri ndetse n’abayikize.

Françoise Gahamanyi uri mu kigero cy’imyaka 60 nawe yavuze ko abarwayi ba kanseri n’abayikize bahura n’ibibazo biturutse ku buryo bitabwaho budahwitse.

Yatanze urugero ko hari abarwayi bagiye babagwa bagatakaza ibice by’umubiri ntibamenye ko hari uburyo bw’insimbura ngingo kuko nta makuru baba bafite. Akaba yasabye abashinzwe kubitaho kujya babegera bakabamenyesha ko habaho n’insimburangingo kugira ngo uwaciwe ibere cyangwa urundi rugingo nawe abone ururusimbura.

Ati “Uburyo twe abagore twaremwe, tuba dushaka kugaragara neza ku buryo ubuze urugingo uba ugomba kurusimbuza kugira ngo ugaragare nk’udafite icyo ubura.”

Abagore bari mu myitozo ngororamubiri

Nta bwishingizi mu kwivuza bwishyurira umurwayi insimburangingo

Gahamanyi ariko yagarutse ku kuba igiciro cy’insimburangingo gihenze ku buryo abarwayi benshi mu Rwanda badafite ubushobozi bwo kuzigurira.

Ndetse ngo nta n’ubwishingizi mu kwivuza bwishyura izo nsimburangingo. Yasabye ko bakorerwa ubuvugizi mu bigo by’ubwishingizi ku buryo kanseri nayo yakongerwa ku rutonde rw’indwara bishingira.

Bisaba hagati ya miliyoni imwe na miliyoni icumi kugira ngo ubone insimburangingo nk’uko twabitangarijwe na Dr. Jules François Ndayisaba uyobora ishami rishinzwe indwara zitandura mu kigo cy’igihugu cy’ubuzima.

Gahamanyi yagiriye inama abarwayi, ababwira ko hari ubwo bishyira mu byago byo gucibwa urugingo runaka, kubera kunanirwa kwita ku gice kiba cyakuwemo ikibyimba.

Yagize ati “Hagomba kurindwa izuba, ibikoresho bityaye ndetse n’ibindi bikoresho bishobora kwangiza ahabazwe.”

Yongeyeho ko ku bakiri kuvurwa mu buryo bwa “Chemotherapy”, bahura n’ibibazo by’imirire kuko nta bumenyi baba bafite ku ndyo yabafasha bigendanye n’uburwayi bwabo.

Serivisi z’ubuvuzi zigenda buhoro

Hagati aho kandi ikibazo abarwayi ba kanseri bagarutseho, ni serivisi z’ubuvuzi zigenda gahoro, ibyo bigatuma bamwe babura ubuzima ndetse n’amikoro akabashirana.

Gahamanyi yavuze ko hari igihe umurwayi anyura mu cyuma bakamubwira ko ategereza amezi atatu kugira ngo abone ibisubizo, ngo n’igihe biziye abaganga bavura kanseri bakabyanga kubera ko biba byaratinze cyane.

Kuko ngo baba bashaka ibisubizo bigaragaza uko umurwayi ameze mu gihe cya vuba.

Hari ingufu zifatika zashyizwe mu kuvura kanseri

Kimwe mu bikorwa by’indashyikirwa leta y’u Rwanda yakoze ni ukubaka ibitaro bya Butaro byita ku barwaye kanseri.

Ibyo bitaro byafunguwe na Perezida Paul Kagame muri Mutarama 2011, byuzuye bitwaye miliyoni 5,8 z’Amadorali y’Amerika. Byakiriye abarwayi barenga ibihumbi bitandatu nk’uko Dr. Egide Nkwanumusingo wo kuri ibyo bitaro yabitangaje.

Ibyo bitaro byubatswe ku bufatanye na kaminuza yo muri Amerika Havard Medical School ndetse Partners in Health (PIH).

Cherly Mutabazi, umukorera-bushake uturuka muri Australia ukorera ikigo Breast Cancer Initiative East Africa (BCIEA), yakize kanseri mu myaka 20 ishize. Yashimye intambwe u Rwanda twateye, avuga ko kwivuza kanseri hakiri kare bigira uruhare mu gutuma umurwayi akira burundu. Nawe impamvu ngo yakize ni uko yavuwe hakiri kare.

Yavuze ko muri Australia ho ari ihame ko buri mwaka umuturage wese ajya kwa muganga kwisuzumisha kanseri y’ibere ndetse n’iyo mu bwonko.

Ni muri urwo rwego nawe yagiye ku muganga yumva ari muzima ariko bamusuzuma bagasanga arwaye kanseri y’ibere, agahita yitabwaho bwangu, mu kwezi kumwe gusa agahita akira.

Nk’uko Dr. Jules François Ndayisaba yabitangaje, mu Rwanda kanseri y’ibere yica abarenga 1,300 buri mwaka.

Yatanze inama ku bibeshya ko kanseri y’ibere ifata abagore gusa, kuko ngo muri abo 1300 bapfa buri mwaka, abagera kuri 40 ari abagabo.

Abagore bakoze imyitozo ngororamubiri kuri Rwanda Revenue Authority banabapima ku buntu Cancer y’amabere

Umubare muto w’abaganga b’inzobere mu kuvura kanseri

Dr. Ndayisaba ahamya ko u Rwanda rugifite umubare muto w’abaganga bazobereye mu kuvura kanseri ndetse n’imiti iracyahenze cyane.

Yavuze ko hari umuti umwe ugura miliyoni ebyiri z’amafaranga y’u Rwanda.
Dr. Ndayisaba yabwiye Kigali Today ko u Rwanda rwatangiye ibiganiro n’inganda zikora imiti ya kanseri ku buryo imiti yajya igera mu Rwanda ikiva ku ruganda kugira ngo igiciro kigabanuke.

Yongeyeho kandi ko RBC na Minisiteri y’ubuzima batangiye kuganira n’ibigo by’ubwishingizi ku buryo kanseri nayo yashyirwa mu ndwara ibyo bigo byishingira.

BK Group, Dr. Diane Karusisi ubwo yatangizaga igikorwa cyo kongera imigabane ku basanzwe ari abanyamigabane ba BK

Iki kigo cy’imari cyatangije ku mugaragaro igurishwa ry’imigabane ingana na miliyoni 222,2 z’amafaranga y’u Rwanda, aho umugabane umwe uri kugura amafaranga 270 ku Isoko ry’imari n’imigabane ry’u Rwanda.

BK yizeye kuzazamura igishoro cyayo kikagera kuri miliyari 60 binyuze mu kugurisha iyi migabane mishya yashyize ku isoko.

Igiciro cy’imigabane giheruka cyanganaga na 6,6%, icyo gihe umugabane umwe waguraga amafaranga 289.

Umuyobozi wa BK Group, Dr. Diane Karusisi ni we watangije igikorwa cyo kongera imigabane ku basanzwe ari abanyamigabane ba BK, cyabereye muri Marriott Hotel,

Yagize ati “Iki gikorwa cyo kongera imigabane ku basanzwe bafite imigabane muri BK, ni umwihariko no ku isoko ry’imari n’imigabane, kuri ubu tubarura abanyamigabane barenga ibihumbi 3800 bashoye imigabane muri BK. Gura umugabane umwe ku mafaranga 270 kuri buri migabane itatu.”

Mu myaka 7 n’amezi atatu ishize iki kigo gishyize imigabane ku Isoko ry’imari n’imigabane mu Rwanda, abayobora iryo soko bavuga ko iyi banki yamaze kurenza urwunguko yari yiteze.

Umuyobozi w’Isoko ry’imari n’imigabane wari witabiriye iki gikorwa, bwana Celestin Rwabukumba yagize ati “Icyo duhamya uyu munsi ni intambwe ikomeye isoko rimaze kugeraho.”

Mu rwego rwo kwagura isoko ryayo ry’imigabane, iyi banki ku wa gatanu tariki 30 Ugushyingo, izashyira imigabane ku isoko ry’imari n’imigabane rya Nairobi.

Iri gurishwa ry’imigabane rishya ryatangiye kuri uyu mbere tariki 29 Ukwakira rizarangira tariki ya 9 Ugushyingo.

Dr. Karusisi yasabye abanyamigabane babo kwihutira kwegera ababafasha ku isoko (Brockers) bakuzuza ibisabwa ubundi bakigurira indi migabane.

Ikibuga cya Drone giherereye i Shyogwe

Muri Gashyantare 2016, Leta y’u Rwanda yahaye ikigo Zipline Inc cyo muri California gikora za robo (robots), isoko ryo kubaka ikibuga cya drone Murenge wa Shyogwe, Akarere ka Muhanga mu Ntara y’Amajyepfo, mu rwego rwo kwihutisha amaraso yifashishwa n’ibitaro mu gutabara imbabare mu buryo bwihuse mu bice bitandukanye by’igihugu.

Ubusanzwe, ikibuga cya drone cya Shyogwe kigeza amaraso ku bitaro 18 byo mu majyepfo no mu burengerazuba, ariko ubu ikibuga gishya cya drone kiri i Kayonza mu Ntara y’Uburasirazuba kizongera uburyo bwo kugeza amaraso n’imiti gikubye inshuro 15.

Dr Saibu Gatare yabwiye Kigali Today ati “Ikibuga cya drone cya Kayonza kiteguye gutangira gukoreshwa, igisigaye ni uburenganzira bw’ikigo cy’igihugu cy’indege za gisivire (RCAA) kugira ngo dutangire kugikoresha.”

Saibu yavuze ko icyo kibuga kizongera umubare w’ibitaro byagerwaho na serivisi za drone ukagera kuri 30.

Ikindi kandi, ibibuga bibiri bya drone byombi bizatangira kugeza amaraso n’imiti ku bigo nderabuzima 400 mu gihugu hose.

Yavuze ko kuri ubu batangiye kugerageza izo drone, aho baziha gutwara amazi mu cyimbo cy’amaraso, mu gihe bagitegereje uburenganzira bwa RCAA.

Hagati aho, tariki ya 24 Ukwakira, inama y’abaminisitiri yemeje amasezerano hagati ya Leta y’u Rwanda n’ikigo Zipline mu gutwara ibikoresho by’ubuvuzi hifashishijwe drone.

Nk’uko Israel Bimpe, ushinzwe ishyirwa mu bikorwa ry’amasezerano muri Zipline yabitangaje, ngo gahunda yo gutwara ibikoresho byo kwa muganga mu Rwanda yari mu mishanga yabo ya mbere, ariko igomba gushyirwa mu bikorwa mu byiciro.

Yongeyeho ko kuri ubu ubwo leta yamaze kwemeza ayo masezerano bagiye guhita batangira kugeza ibyo bikoresho aho drone zijyana amaraso hose.

Gukoresha drone mu gutwara amaraso bimaze gutanga umusaruro mu rwego rw’ubuzima mu gihugu.

Kuva ubwo Perezida Paul Kagame yatangizaga iyo gahunda ku itariki 14 Ukwakira 2016, igihe cyo gutumiza no kwakira amaraso cyavuye ku masaha ane kigera ku minota 15 gusa.

Dr. Saibu Gatare, yabwiye Kigali Today ko ibitaro bimwe byakoraga urugendo rw’amasaha arenga atatu kugira ngo bigere ku kigo cy’igihugu gitanga amaraso (CNTS).

Dr Gashumba asaba Kiliziya kugira uruhare rufatika mu kurwanya ihoterwa rikorerwa abana

Ingingo zombi mu gitabo gishya cy’amategeko ahana ibyaha mu Rwanda; iya 123 na 124 zivuga ko gukuramo inda cyangwa kuyikuriramo umuntu ari icyaha gihanwa n’amategeko.

Gusa ku rundi ruhande, ingingo ya 125 yo ivuga ko nta gihano no gukurikiranwa mu mategeko bibaho, iyo gukuramo inda byabayeho kuko uwari wasamye iyo nda ari umwana. Kuba inda ibangamiye ubuzima bw’utwite cyangwa se ubw’umwana nayo ni indi ngingo yiyongera ku zindi zemerwa n’iri tegeko.

Kiliziya yo ivuga ko gukoramo inda ari icyaha gikomeye imbere y’Imana kandi igiteye agahinda ari uko muganga ubundi wakabaye atanga ubuzima ariwe itegeko ryemerera gukora icyo gikorwa.

Mu kiganiro n’itangazamakuru kuri uyu kane, Minisitiri w’Ubuzima, Dr Diane Gashumba, yavuze iryo tegeko ryagiyeho kugira ngo hasigasirwe ubuzima.

Yagize ati “Nta gishya cyaje muri iri tegeko kuko impamvu zo gukuramo inda zari ziri mu mategeko yacu ntabwo zahindutse. Impamvu iri tegeko ryagiyeho, ni ugusigasira ubuzima bw’abanyarwanda, mu kurinda ubuzima bw’uwo mubyeyi wari ugiye guhitanwa n’iyo nda, cyangwa se wa mwana wasamye inda atarageza igihe.”

Itegeko rivuga ko ushaka gukurirwamo inda abisabira uburenganzira bigasuzumwa.

N’ubwo bimeze bityo ariko, Kiliziya yo isanga nta mpamvu akwiye guhabwa ububasha bwo kuvutsa ubuzima undi, yewe kugeza no ku rusoro rukiri mu nda.

Minisitiri Gashumba yavuze ko Kiliziya Gatursika ifite uburenganzira bwo kutemera iby’iryo tegeko, gusa ayisaba kurushaho kugaragaza uruhare rwayo mu gukumira ibituma abantu baterwa inda batifuza.

Ati “Abandi bafite uburenganzira bwo kutabyemera ariko abaturage bacu iyo tubigishije barumva. Ikindi abo bose bavuga ko batabyemera, bagaragaze uruhare mu kwirinda bya bibazo. Bagaragaze uruhare mu kwirinda amakimbirane atuma abana bafatwa ku ngufu n’ihohotera ryiyongera.”

Kugeza ubu Kiliziya Gaturika ifite ibigo nderabuzima n’ibitaro bisaga 118 mu gihugu hose.

Si ubwa mbere ifata umwanzuro uvuguruza gahunda za leta, kuko mu 2016 yahagaritse mu mavuriro yayo yose serivisi zitari iza gakondo zikoreshwa mu kuboneza urubyaro.

Bamwe mu bayobozi b’ibigo by’imari bari kumwe n’abahagarariye Afrexim Bank

Iyi banki itanga inguzanyo, yavuze ko iyi nkunga iri muri gahunda yayo yo gushyigikira ubucuruzi, yatangirijwe i Kigali mu Rwanda kuwa 23 Ukwakira. Iyi nkunga ngo izafasha ibi bigo kwagura ubucuruzi bwabyo hose muri Afurika.

Abayobozi b’iyi banki bagiranye ibiganiro byimbitse n’abayobora ibigo by’imari mu Rwanda mu rwego rwo kubasobanurira inyungu z’iyi gahunda nshya.

Abayobozi ba Afrexim, bavuga ko iyi gahunda yo gushyigikira ubucuruzi igamije kongerera ikizere impande zombi mu ishyirwaho ry’uruhererekane ry’ubucuruzi imbere ndetse no hanze y’ibihugu, no gutsura umubano w’ibigo by’imari.

By’akarusho kandi, iyi gahunda iri mu murongo umwe n’amasezerano y’ubucuruzi buhuriweho (CFTA) yasinyiwe mu Rwanda muri Werurwe uyu mwaka. Ayo masezerano agamije kugira Afurika isoko rusange rihuriweho n’abanyafurika bose.

Impuguke mu ishoramari muri Afurika zasabye za guverinoma n’inzego z’abikorera gushakisha inkunga ziturutse muri byo niba koko ayo masezerano bifuza kuyashyira mu ngiro.
Nk’uko bwana Afolabi Obisesan, umuyobozi wa Afrexim ushinzwe ishoramari n’inkunga zihariye, ngo intego nyamukuru ya banki ni ugukoresha ibisubizo bivuye mu banyafurika mu gukemura ibibazo bya Afurika.

Yagize ati “Igitekerezo dufite ni ukuzamura ubucuruzi muri Afurika, kandi iyi gahunda irahura neza n’amasezerano y’ubucurzi buhuriweho muri Afurika. Ubu turi kubanza kwereka abanyafurika ko bashyize hamwe bazamura ubucuruzi bwabo, binyuze mu kwishakamo ubushobozi no kwagura ubucuruzi.

Ibigo by’imari 170 byo muri Afurika nibyo bizungukira muri iyi gahunda ya Afrexim nk’uko Obisesan yabitangaje. Kuri we ngo iki ni igihe nyacyo cy’ibigo by’imari bya Afurika cyo kungukira mu ishoramari ry’amabanki.

hifashishijwe iyo nkunga, ibigo by’imari bizafashwa mu kugeza imbere ubucuruzi bw’imbere ku mugabane ndetse binorohereze ibyo bigo mu gutumiza ibikoresho hanze.

Obisesan yambwiye Kigali Today ko iyi nguzanyo ya miliyari imwe y’amadorali izatangwa mu gihe cy’umwaka umwe n’imyaka ibiri guhera ubu, igamije gufasha mu bucuruzi bw’igihe gito.

Imibare ya Banki nyafurika itsura amajyambere, igaragaza ko ubucuruzibw’igihe gito mu karere, bushorwamo miliyari 120 z’amadorali y’Amerika.
Abayobozi b’ibigo by’imari mu Rwanda bishimiye iyi gahunda ya Afrexim.

Maurice Toroitich, umuyobozi mukuru wa BPR Atlas mara, yavuze ko iyi gahunda izafasha cyane abacuruzi b’Abanyarwanda bakora ubucuruzi bwo kohereza no gutumiza ibicuruzwa hanze y’igihugu ku mugabane wa Afurika.

Yagize ati “Urugero niba umucuruzi wo mu Rwanda ashaka kurangura muri Misiri, BPR Atlas izamuha urwandiko rumwemerera inkunga kandi Afrexim niyo izamwishingira, bityo abashe kwishyura mu buryo bworoshye.”