Ngo amatora y’abadepite aherutse yagenze neza

Ibi ni ibyatangajwe na Mme Aichatou Mindaoudou wayoboye indorerezi z’Umuryango wa Africa yunze ubumwe hamwe na Prof Gertrude Kazoviyo uyobora Umuryango uharanira uburenganzira bwa muntu mu karere k’Ibiyaga bigari(LDGL).

Mindaoudou agira ati "Twishimiye ko ku nshuro ya mbere abadepite bo mitwe ya politike itavuva rumwe na Leta yinjiye mu Nteko ishinga amategeko, ibi ni kimwe mu bimenyetso bigaragaza ko amatora yabaye mu mucyo n’ubwisanzure".

Mme Aichatou Mindaoudou wayoboye indorerezi z’Umuryango wa Africa yunze ubumwe

Prof Kazoviyo nawe akomeza ashima uruhare rw’inzego z’umutekano, umutuzo n’imyitwarire myiza by’abaturage, uburyo abaturage bakanguriwe kwitabira amatora, ibikoresho by’itora n’uburyo ahatorerwa hari hateguye, uburyo abantu bose bahariye NEC ibijyanye no gutangaza ibyavuye mu matora.

Izi ndorerezi mpuzamahanga zikomeza zisaba inzego cyane cyane Komisiyo y’Igihugu y’Amatora gukomeza kwigisha abaturage guharanira uburenganzira bwabo mu bihe by’amatora.

Izi ndorerezi zagiranye ikiganiro n’abanyamakuru mbere y’uko zitaha

Abo bagore batorewe mu ntara zose z’igihugu ndetse n’Umujyi wa Kigali kuri uyu wa kabiri, ni aba bakurikira.

Aba ni abazahagararira Intara y’Uburasirazuba

Abazahagararira Intara y’Uburengerazuba

Abazahagararira Intara y’Amajyepfo

Abazahagararira Intara y’Amajyaruguru

Abazahagararira Umujyi wa Kigali

Abadepite bashya bategerejwe mu nteko izamara imyaka itanu

FPR yaje ku isonga n’amajwi 74% akibarurwa, mu gihe yakurikiwe na PSD yabonye amajwi 9% ahwanye n’imyanya 5, PL igira amajwi 7% ahwanye n’imyanya 4.

Green Party na PS Imberakuri yo yabonye amajwi ahwanye na 5% kuri buri shyaka, biyaha amahirwe yo kwegukana imyanya ibiri kuri buri shyaka.

Abakandida bigenga bose nta n’umwe wabashije gukomeza nkuko byanagaragaraga mu majwi y’agateganyo yashyizwe ahagaragara.

Bivuze ko FPR hamwe n’amashyaka yayiyometseho byegukanye imyanya 40 muri 53 yahatanirwaga.

Amajwi yabaruwe ku mugoroba wo kuri uyu wa Kabiri tariki 4 Nzeri 2018, aracyari ay’agateganyo kuko hagitegerejwe amajwi azava mu y’inzego zihagarariye abagore.

Abashyigikiye FPR-Inkotanyi batangiye kubyina intsinzi

FPR ikurikiwe na PSD ifite amajwi y’agateganyo 8.5% na PL ifite 7%. ishyaka Democratic Green Party na PS Imberakuri binganya amajwi angana na 4.5%.

Amajwi y’agateganyo yashyizwe ahagaragara nyuma y’uko igikorwa nyirizina cyo gutora cyatangiye tariki 2 Nzeri ku Banyarwanda baba mu mahanga na tariki 3 Nzeri ku Banyarwanda bari imbere mu gihugu.

Prof Kalisa Mbanda uyobora NEC, yavuze ko abakandida bigenga bo batagifite amahirwe yo kwinjira mu nteko ishinga amategeko.

Ati “Abakandida bigenga uko ari bane bose bafite amajwi makeya, ay’ejo [asigaye kubarurwa] ntacyo azahinduraho kugira ngo babe babona umwanya mu nteko ishinga amategeko.”

Dr. Vincent Biruta uyobora ishyaka PSD avuga ko kuba harajemo amaraso mashya mu matora y’uyu mwaka bifite icyo byahinduye kuko “amajwi n’iyo yaba make ariko agasaranganywa n’abahatana bose agira icyo ahindura ku ishusho y’amatora.”

Kugeza ubu amashyaka abiri, Democratic Green Party na PS Imberakuri ntarakatisha itike yo guhagararirwa mu nteko ishinga amategeko, kuko yombi afite amajwi 4,5%.

Aya mashyaka yombi ategereje ko amajwi 30% asigaye na yo abarurwa, ariko Dr. Frank Habineza uyobora Democratic Green Party ngo afite icyizere ko amajwi atanu ku ijana basabwa bazayuzuza.

Ati “Haracyari amahirwe kugira ngo tubone amajwi 5% atwinjiza mu nteko, hasigaye 30% atarabarurwa ku buryo tutaburamo atwinjiza mu nteko, tuzabonamo andi turenze ibice bitanu tubura.”

Uko amashyaka akurikiranye by’agateganyo

N’ubwo aya mashyaka agifite icyizere cyo kubona amajwi asabwa kugira ngo yinjire mu nteko ishinga amategeko, abayobozi ba yo bavuga ko baramutse batanabonye ayo majwi bakwemera ibyatangajwe na Komisiyo y’amatora, kandi ngo ntibyababuza gukomeza politiki.

Amatora arakomeza kuri uyu wa Kabiri hatorwa abadepite 26, barimo 24 bangana na 30% by’abagize inteko ishinga amategeko umutwe w’abadepite batorwa mu bagore.
batowe n’inteko ya bo itora igizwe n’abantu 131,400.

Haratorwa kandi abandi badepite babiri batorwa mu rubyiruko na bo bakaza gutorwa n’inteko ya bo igizwe n’abantu 262, ibyavuye mu matora ku buryo bw’agateganyo bikaza gutangazwa ku mugoroba wo kuri uyu wakabiri.

Hatagize igihinduka, amajwi FPR yabonye mu matora y’uyu mwaka yaba yenda kungana n’ayo yabonye mu matora ya 2013 angana na 76.2%. icyo gihe yari yifatanyije n’amashyaka ane ari yo PDI, PSR, PPC na PDC.

Uyu mwaka ho FPR yiyunze ku mashyaka atandatu ari yo PDI, PSR, PDC, PPC, UDPR na PSP.

Yabyaye abana batatu bameze neza

Umubyeyi yahisemo kwita umwana we Mukadepite nyuma yo kubyara abana batatu amaze gutora abadepite mu gitondo cyo kuwa 3 Nzeri 2018.

Uwo mubyeyi witwa Maniraguha Claudine,wo mu kagari ka Nyagahinga umurenge wa Cyanika, avuga ko yabyutse mu gitondo yumva munda araribwa nkuko bimaze iminsi bimugendekera, ariko kubera guha amatora y’abadepite agaciro arihangana ajya gutora.

Avuga ko akimara gukandagira mu rugo avuye gutora yumvise ibise bitangiye kuza, mu gihe yitegura kujya mu bitaro ahita abyara abana batatu kandi abyara neza.

Agira ati “Nkigera mu rugo mvuye gutora abadepite, nagerageje gushaka uko nagera mu bitaro biranyangira mpita mbyara abana batatu b’abakobwa, ikigo nderabuzima cy’iwacu nicyo cyamfashije kugera hano”.

Uwo mu byeyi uba mu cyiciro cya mbere cy’ubudehe bigaragara ko atishoboye, aho Kigali Today yamusanze mu bitaro bya Ruhengeri, yita ku bana be bari mu byuma bifasha abana bavuka bafite ibibazo (Néonatologie), arasaba ubufasha abadepite nyuma yo kwitanga akabatora kandi yari akuriwe.

Ati “Icyo nasaba, ni uko abadepite mvuye gutora bamfasha kuko icyo nakoze ni ukwitanga no kubaha agaciro,kuba nabyariye mu rugo byonyine babyumve ko nabitangiye, iyo ntajya gutora mba nagejejwe kwa muganga, ni nayo mpamvu umwe mu mpanga zanjye ngiye kumwita Mukadepite kugira ngo numvishe abadepite ko bagomba kumvasha, bakampa inka abana bakabona amata”.

Umubyeyi Maniraguha asanzwe afite izindi mbyaro esheshatu

Maniraguha, wamaze kubyara abakobwa batatu, yabishimiye nyuma yo kuba yari amaze kubyara imbyaro eshanu zose abyara abahungu.

Avuga ko yishimiye kurera abana be, bakabaho neza mu gihe Leta igize icyo imufasha kuko batunzwe no guca inshuro.

Umugabo we witwa Harerimana Emmanuel twasanze ku bitaro aherekeje umugore n’abana be, avuga ko kuba babyaye abana batatu bitoroshye kubarera kubera ubukene bubugarije.

Ati “Nabyishimiye birumbikana, none se wabona abana ntubishimire bibaho?, gusa ikizakurikiraho ni Imana ikizi kuko turakennye cyane, dutunzwe no gukorera abandi duca inshuro kubona ibyo kubarera ntibishoboka mu gihe Leta itadufashije”.

Byagaragaye ko nta bushobozi uwo muryango ufite wo kurera neza abo bana, aho uwo mubyeyi yashakiwe mituweri byihuse nyuma yo kubyara bagasanga nta mituweri yari afite.

Ubu abana bari gukurikiranwa n’abaganga mu bitaro bya ruhengeri kandi ngo abana bose bameze neza.

Tumusime Alex wari wiyise indorerezi y’amatora

Tumusime Alex yazindukiye kuri site y’itora y’Urwunge rw’Amashuri rwa Nyagatare, atangira gukurikirana amatora mu cyumba cya Nyagatare ya 1.

Tumusime yari yambaye ikarita yatazwe na komisiyo y’igihugu y’amatora iri mu mazina ya Ingabire Betty woherejwe na Rwanda Civil Society Platform.

Tumusime avuga ko Ingabire Betty wamwohereje kumukorera akazi mu mwanya we.

Yari yambaye ikarita y’umugore kandi ari umugabo

Yemeza ko iwabo ari mu mudugudu wa Tabagwe Akagari ka Tabagwe Umurenge wa Tabagwe. Uretse umuyobozi w’isibo nta wundi muyobozi yari azi amazina cyangwa isura.

Nta cyangombwa na kimwe kimuranga yari afite ahubwo yemezaga ko yabisize iwabo mu rugo.

Yatahuwe ubwo yasabaga abakorerabushake ba komisiyo y’amatora raporo ndetse agerageza no kubambura lisiti y’itora, barebye ku ikarita yari yambaye basanga iriho amazina y’umugore bahuruza Polisi imuta muri yombi.

Urubyiruko rutoye bwa mbere rurishimira ko rwagize uruhare rwo kwitorera abadepite

Abiganjemo abanyeshuri babitangaje mu gitondo cyo kuri uyu wa Mbere tariki 3 Nzeri 2018, ubwo bitabiraga amatora bwa mbere kuko ari bwo bari bacyuzuza imyaka ibemerera gutora.

Furaha Azera umwe muri bo, yavuze ko n’ubwo manda iheruka abatowe bayoboye neza, ariko nabo bumvaga bafite ubushake bwo kugira uruhare mu itorwa ry’abadepite b’iyi manda.

Yagize ati “Numvaga mfite amatsiko ngo menye ukuntu bigenda. byahoraga bimbabaza cyane bitewe n’uko numvaga gutora Perezida n’izindi nzego habamo uruhare rwanjye byanshimishije ko kubagiye kujyaho nagize uruhare muri icyo gikorwa.”

Uwineza Jospine we yungamo ati “Hari nk’igihe batoraga ndi murugo nkumva nshaka kujyayo basi ngo nirebere. Nabaga numva imyaka yaratinze kugera ngo najye ntore.”

Furaha Azera wari wararambiwe no kugeza imyaka yo gutora arashyize abigeraho

Icyifuzo cy’uru rubyiruko nuko abadepite bazatorwa bazabafasha kuborohereza, kugira ngo bazige kaminuza kuko ibyiciro by’ubudehe bamwe bashyizwemo bibabangamira bigatuma batabona ubushobozi bwo kwirihira kaminuza, nk’uko Uwizera Liliane abivuga.

Ati “Numva badufasha bakatworohereza ku bijyanye n’imyigire ya Kaminuza. Hari igihe abana barangiza nka segonderi ariko bitewe n’ibyiciro by’ubudehe babashyizemo umwana ntabashe kujya kwiga.”

Urubyiruko rusaba ko abadepite bazatorwa bazabafasha kuborohereza kwiga kaminuza

Nyirabizimana Seraphine umuyobozi w’amatora mu Murenge wa Gihundwe, avuga ko batunguwe no kubona hari urubyiruko rwaje rwitwaje irangamuntu ruje gutora rutarageza igihe.

Ati “Byantunguye kubonamo n’abana bafite imyaka 16 akumva ko kuba afite irangamuntu yabaye umuntu mukuru wakwitorera abayobozi babereye u Rwanda, kugira ngo ubibasobanurire basubireyo byabaye urugamba ariko twabasobanuriye barabyumva.”

Komisiyo y’igihugu y’amatora (NEC) igena ko Umunyarwanda wemerewe gutora ari ufite kuva ku myaka 18 kuzamura. Abitabiriye itora batarageza igihe basobanuriwe ko bagomba gutegereza imyaka yabo ikagera.

Musenyeri Smaragde asanga abadepite bashya bakwiye kurwanya ihuzagurika mu nzego

Musenyeri Smalagde yabitangaje amaze gutora abadepite kuri Site ya Kabgayi mu Karere ka Muhanga aho yabwiye abanyamakuru ko yifuza kubona buri rwego rukora inshingano zarwo hagamijwe iterambere.

Kuri iyo Site y’itora ya kabgayi Musenyeri Smalagde Mbonyintege yasohotse n’igikumwe gisize wino y’bururu, aremera tumufotora tumufata n’amajwi nk’undi munyarwanda wese wemerewe gutora.

Nk’inararibonye hari ibyo yisabira abadepite bagiye mu Nteko ahereye ku iterambere ry’abaturage, igihe abakandida bigenga n’imitwe ya Politiki iharanira intebe muri iyi nteko nshya baramuka bagiriwe icyizere bagatorwa.

Yagize ati, “Njyee ahombona bashyira imbaraga ni ukumvikana ku buryo bwo gukora iterambere, kuko ubona mu kintu cyo guharanira itera mbere hakizamo akantu ko guhuzagurika”.

Mukagatare Marthe we ngo yifuza umudepite uzatuma arya akaryama nta bibazo byinshi

Hagati aho urubyiruko rw’abanyeshuri rwitabiriye amatora ku nshuro yarwo bwa mbere rwagaragaje ko rwishimiye kuba ruteye intambwe yo kwishyiriraho abayobozi maze na rwo rugira icyo rwisabira abadepite bagiye kuruhararira mu Ntako ishinga amategeko.

Uwimana Jeannette akomoka mu Karere ka Nyarugenge, we akaba yifuza ko abadepite bazita ku kibazo cy’inguzanyo ihabwa abanyeshuri barangije ayisumbuye bagiye kwiga muri kaminuza.

Ati ”Ndishimye cyane kuba mu buzima mbashije kwitorera umuyobozi, nize neza ku myaka 18 nzajya muri kaminuza, nifuza ko abadepite bazanoza ikibazo cy’imitangire y’inguzanyo kuko hari benshi ibangamira muri kaminuza”.

Abanyeshuri ba GS Saint Joseph Kabgayi batoye bwa mbere bifuza ko hashyirwaho integanyanyigisho imwe ihamye

Naho mugenzi we Simbi, ngo ikibazo cy’imihindagurikire y’integanya nyigisho, abadepite bazakirebeshe amaso yombi kandi bagisesengurane ubushishozi kuko ingaruka cyamugizeho atifuza ko zazaba ku boasize inyuma.

Ati “Nk’ubu ndangije umwaka wa gatandatu integanya nyigisho nshya zitarashyirwa mu bitabo nigiye mo urumva kwiga umwaka wose ntabitabo ko ari ikibazo, abadepite bazirinde guhora integanya nyigisho zihindagurika”.

Ku bibazo n’ibyifuzo by’aba banyeshuri, Musenyeri Smalagde asanga ibyiciro bine by’abafite uburezi mu nshingano na byo bikwiye kwirinda guhuzagurika kugira ngo uburezi bufite ireme bukomeze butere imbere mu Rwanda.

Ati “Ababyeyi, abarezi, ubuyobozi n’abanyeshuri bafite ibibazo buri rwego ntabwo ruhagaze mu nshinano zarwo, abadepite nifuza ko bazashyiraho uburyo bwo guhagarara mu nshingano kwa buri rwego kandi abatabikoze bagahamagazwa bakabisobanura”.

Umaze gutora yashyirwagaho ikimenyetso cy’uko yabirangije

Muri rusange abatoye bose bishimiye kubaka u rwanda rubereye gutanga ibitekerezo no gusaba abagiye kubahagararira kutazaba ingwiza murongo mu Nteko ishinga amategeko ahubwo ko bazabazita ku bitekerezo by’umuturage bagiye guhagararira.

Aha ni mu biro by’itora ariko ntiwapfa kubirabukwa

Nyuma y’umwaka umwe, mu matora y’Abadepite hari aho abaturage bongeye kwiyibutsa ibyo bihe bategura ibiro by’itora nk’aho ari ahantu habereye ibirori cyangwa havugiwe imisango y’ubukwe.

Hari abahisemo gutegura ibicuba by’amata, abandi bataka amatara y’amabara atandukanye, mu gihe hari abakoze mu nganzo bandika amagambo y’ikaze ku baje gutora.

Imitegura ntingana n’iyagaragaye mu matora ya Perezida muri 2017, ariko umuhate wo gukora itandukaniro ku munsi nk’uyu ugaragaza ko Abanyarwanda bashaka kwerekana ko amatora muri Afurika adasobanuye intambara cyangwa imidugararo.

Dore amwe muri ayo mafoto:

Iyo mitako yose iba yakozwe n’abaturage kandi nta faranga na rimwe leta iba yatanze

Ibisabo by’amata byari byateguwe ahantu hatandukanye habereye amatora

Ibisabo by’amata byari byateguwe ahantu hatandukanye habereye amatora

Hari n’aho abaturage batatse amasaha yibutsa abaje gutora igihe

Umusanzu w’uwo mutako watanzwe n’umwe mu baturage

Iyo mitako yasobanuraga ko bafite inka zikamwa

Azi akamaro ko kwitorera umuyobozi yifuza

Umuseseri yabanje kwereka abitabiriye itora ko agasanduku batoreramo nta kindi kirimo

Uwo munyabugeni na we yakoze mu nganzo

Umukandida wigenga Ally Hussein Sebagenzi ni uko yaje gutora yigendera

Ibyishimo byari byose kubera ko batoye bwa mbere mu buzima

Umuyobozi wa Green Party na we yitabiriye amatora

Musenyeri Mbonyintege Smaragde, umushumba wa Diyosezi ya Kabgayi nawe yitabiriye amatora

Ababyeyi baje kubyarira ku bitaro bya Kacyiru, harimo ababanje gutora

NEC ivuga ko itaramenya umubare w’abantu batajyaga bitabira amatora kubera ko babaga barwaye cyangwa barwaje, ariko ngo yasanze ari benshi cyane.

Umunyamabanga nshingwabikorwa wa NEC, Charles Munyaneza yagize ati "Nk’ubu nageze mu bitaro bya CHUK nsanga abarwayi n’abarwaza barimo gutora ari benshi cyane.

"Tuzashaka uburyo iyi gahunda ihoraho ndetse ikazagezwa no mu bindi bitaro itarageramo".

Site y’itora ya Kacyiru II mu Karere ka Gasabo iri mu zashyize icyumba kimwe cy’itora mu bitaro bya Kacyiru kugira ngo abaganga n’abarwayi badacikanwa.

Umuyobozi w’iyo site, Nsabimana Jean Damascene agira ati "Dufite abagomba gutorera kuri iyi site bangana na 10,721, ariko icyumba kimwe cy’itora cyashyizwe mu bitaro kugira ngo gifashe abarwayi bafite imbaraga, hamwe n’abarwaza".

Ibitaro bya Kacyiru mu Mujyi wa Kigali ni bimwe mu byashyizweho icyumba cy’itora

Umuganga uhagarariye icyumba cy’itora muri bitaro bya Kacyiru, Mushimiyimana Angeline ashimangira ko kwegerezwa uburyo bwo gutora byafashije abakozi b’ibitaro barenga 100 kwita ku barwayi uko bikwiye.

Umwe mu bafite abarwayi ku bitaro bya Kacyiru witwa Pacis, avuga ko we n’uwo bari kumwe batari kujya gutora atari uko batabishaka ahubwo ari ukubera iyo mpamvu y’uburwayi.

Bitewe n’uko abatorera mu bitaro bataba bari kuri lisiti y’itora yo mu kagari ibitaro bibarizwamo, Komisiyo y’Amatora yateganije ko bandikwa kuri lisiti y’umugereka, bagatora berekanye indangamuntu.

Kuri za site z’itora zitandukanye mu Karere ka Gasabo, nta mirongo miremire cyane y’abaturage bazindutse baza gutora. Abayobozi bazo bakemeza ko isaha yo gusorezaho gutora iza kugera bose nta n’umwe usigaye.

Uwo musaza n’uwo mugore bari bamaze gutora ahagana mu ma saa Moya n’igice

Kuri uyu wa Mbere tariki 3 Nzeri 2018, mu gihugu cyose Abanyarwanda bazindukiye mu gikorwa cy’amatora cyo gutora abadepite bazabahagararira mu nteko.

Nk’uko bisanzwe mu matora yo mu Rwanda igikorwa cy’uyu munsi cyagiye kigenda neza, by’umwihariko mu Murenge wa Nyabimata uherereye mu Karere ka Nyaruguru, ahavuzwe ibikorwa by’ubugizi bwa nabi mu minsi ishize.

Ingabo z’u Rwanda zifatanije n’abaturage zagaruye ihumure zinafasha abaturage bagizweho ingaruka n’ubwo bugizi bwa nabi, ku buryo nyuma y’amezi abiri ubuzima bwongeye kumera uko bwari busanzwe.

Gakwaya Paul ni umwe mu batuye uyu murenge wazindutse atora. Avuga ko bahageze ahagana ku isaha ya saa Moya z’igitondo, ku buryo saa Mbiri yari yamaze kwisubirira mu kazi ke.

Yagize ati “Hameze neza cyane (Nyabimata) n’umutekano turawufite. Umuntu araza agatora agahita yitahira. Nanjye nahageze ndatora ku buryo saa Mbili nari narangije, kubera ko umurongo ari muto, uje wese ahita atora akikomereza.”

Umuturage wese muhuye ahita akwereka ko we yabirangije

Umunyamakuru wa Kigali Today uri muri aka gace, yavuze ko yagiye abona abaturage mu mirima, abandi bafungura amaduka yabo ndetse n’ingendo zakomeje.

Yavuze ko abaturage baganiriye bamubwiye ko ibyabaye mu minsi ishize by’umutekano muke, babifashe nk’ubujura kuko kuva icyo gihe nta wundi bigeze bumva cyangwa babona agerageza guhungabanya umutekano.

Komisiyo y’Igihugu cy’Amtora (NEC) yatangaje ko ibyavuye mu matora by’agateganyo birara bitangajwe.

Eugene Mussolini yatorewe guhagararira abamugaye mu Nteko ishinga amategeko y’u Rwanda

Mussolini wari uhanganye n’abandi bakandida 10, yatsinze amatora ku bwiganze bw’amajwi 482 ahwanye n’a 75.5% by’abatoye.

Mussolini yahise anaba umudepite wa mbere uciye agahigo mu kwinjira mu nteko ishinga amategeko bwa mbere muri manda ya 2018/2023.

Abantu 668 bahagarariye abamugaye mu gihugu hose, ariko 641 bangana 96% ni bo bitabiriye amatora.

Mussolini na we wamugaye yari asanzwe ari mu bahagarariye abamugaye mu Karere ka Gasabo, ariko akaba yanakoraga mu Nama y’Igihugu ishinzwe abafite ubumuga.

Uwo bari bahanganye cyane ari we Rusiha Gaston wari usanzwe mu nteko ishinga amategeko yaje ku mwanya wa kabiri n’amajwi 93 angana na 14.5% by’abatoye.

Prof. Kalisa Mbanda, Perezida wa NEC yavuze ko amatora yo gushaka uzahagararira abamugaye yakozwe mu mucyo. Yagize ati “Twizeye ko no mu bindi bice by’amatora na byo bizarangwa n’amahoro.”

Mussolini hamwe n’abandi bakandida ubwo biyamamazaga

Kuri uyu wa Mbere tariki 3 Kanama 2018, nibwo amatora rusange yabaye mu gihugu cyose, aho abaturage batora abadepite 53 baturutse mu mashyaka atandukanye, bazajya mu nteko.

Ayo matora aje akurikira ay’Abanyarwanda baba hanze y’igihugu yo yabaye ku tariki 2 Nzeli, akaba yaranitabiriwe na Perezida Kagame na Madame Jeannette Kagame bari mu Bushinwa.

Turatsinze Jean-Claude (wa kabiri uturutse ibumoso) afite akabendera mu ntoki aho yamamazaga FPR kubera iterambere yamugejejeho

Mu kwamamaza abakandida-Depite mu karere ka Gasabo kuri uyu wa gatandatu, FPR-Inkotanyi yamuhisemo ngo atange ubuhamya nk’umuntu wahawe inka atishoboye, atunze umuryango w’abana umunani.

Benshi bamutangariye nk’umuntu uturuka mu muryango utaraboneje urubyaro, ubwo yari avuze ko avuka mu bana 30 bakomoka ku bagore batanu bashatswe n’umugabo umwe.

Akomeza avuga ko mu cyaro cy’i Rutunga nawe ubwe ahafite abana umunani urusaku rw’abantu rurushaho kwiyongera, ariko yashoje imbaga y’abantu yongeye gutuza imuteze amatwi.

Abanyamuryango ba FPR-Inkotanyi mu karere ka Gasabo basoreje ibikorwa byo kwamamaza abakandida-Depite mu murenge wa Gikomero

Turatsinze Jean Claude w’imyaka 48, avuga ko abanyamuryango ba FPR-Inkotanyi bamuhaye inka mu mwaka w’2005, bamubwira ko ifite agaciro ka miliyoni imwe y’amafaranga y’u Rwanda.

Ati ”Bampaye inka ntagira icyo kureresha abo bana n’umugore wanjye. Yakamwaga litiro 25 ku munsi nkazigurisha hamwe n’izo ibyaye, nza kuguramo hegitare 10 z’ubutaka”.

Turatsinze avuga ko ubwo butaka bwamufashije guteza imbere ubuhinzi n’ubworozi, yubaka inzu yo kubamo igezweho ndetse n’indi y’ubucuruzi.

Mu kwamamaza abakandida-Depite i Gikomero, hajemo n’inuma

Turatsinze akomeza asobanura ko yaje no gutangiza ubworozi bw’inkoko kuri ubu zigeze muri 500, ahinga inanasi, ndetse ngo yagiye no kwiga amasomo y’iyobokamana ashaka n’uruhushya rwo gutwara ibinyabiziga.

Ati ”Mbaze imitungo yose mfite kugeza ubu irarenga miliyoni 100. Gukora cyane kwari ukugira ngo mbone icyo gutunga abo bana”.

Avuga ko iyo Leta itumije inama y’abahinzi-borozi ba mbere mu gihugu, nta na rimwe ireka kumutumira.

Umwe mu banyamuryango bakuru ba FPR-Inkotanyi utashatse kwivuga amazina yemeza ko amakuru yatanzwe na Twahirwa ari ukuri, kuko ngo hari itsinda ry’abayobozi basuye ibikorwa bye.

Abandida-Depite Karenzi Theoneste, Nyirasafari Jeanne d’Arc, Murumunawabo Cecile na Karemera Francis bizeza abaturage b’i Gikomero, Rutunga na Bumbogo ko bazabavuganira bakabona amazi meza, amashanyarazi (aho ataragera) hamwe n’imiturire iboneye.

Perezida wa PL Mukabalisa Donatille yashimiye ababaye hafi

Tariki 1 Kanama 2018, niho basoje ibikorwa byo gusoza gahunda yo kwiyamamaza Abakandida ba PL bamazemo iminsi mu Turere twose tw’Igihugu.

Perezida wa PL Mukabalisa Donatille yashimiye abayoboke bayo mu Karere ka Nyarugenge, ahasorejwe igikorwa, kuba baje kubashyigikira.

Yagize ati “Ntidushidikanya ko namwe muzatera ibikumwe byanyu ku nyenyeri eshatu, maze tugakomeza kubabera intumwa nziza, ziharanira iterambere ry’Igihugu rishingiye ku Munyarwanda wese, mu Kwishyira ukizana, Ubutabera n’Amajyambere.”

Yijeje ko PL izakomeza guharanira kongera ingengo y’imari igenewe ubushakashatsi, bukifashishwa mu bikorwa byose haba mu buhinzi, ubucuruzi, uburezi, ubuzima, n’ahandi maze bikazanira Abanyarwanda ubukire.

Mukabalisa yavuze ko bazakomeza kugeza ibintu byiza byinshi ku Banyarwanda

PL ifite kandi gahunda yo gukomeza guharanira ko amashuri y’imyuga n’ubumenyingiro yiyongera, gukomeza gushyira imbere ihame ry’uburinganire bw’abagore n’abagabo hagamijwe kubaka umuryango kuko ari wo shingiro ry’ubukungu bw’Igihugu kandi igenamigambi rigahera mu muryango.

Yanavuze ko bazaharanira ko ababyeyi bazajya babyara abana bashoboye kubonera ibyangombwa, bakabarera neza maze bakazakura bakunda Igihugu maze bakazaba abayobozi beza b’ejo hazaza.

Iki ni cyo cyari igikorwa cya nyuma cya PL

Perezida Kagame yatoye abadepite

Byari biteganyijwe ko kuri iki Cyumweru tariki 2 Kanama 2018, ari ho Abanyarwanda baba hanze y’u Rwanda batora, naho abari mu gihugu bakazatora kuwa Mbere tariki 3 Kanama.

Urugendo rwa Perezida Kagame rwahise ruhurirana n’iki gikorwa, cyitabiriwe n’Abanyarwanda aho batuye hirya no hino ku isi.

Ibikorwa byo kwiyamamaza byo byahise bihagarara kugira ngo bitabangamira amatora.

Madame Jeanette Kagame nawe yatoye abadepite

Banashyizweho akamenyetso kemeza ko barangije gutora

Munyakaragwe ngo ashimira FPR-Inkotanyi kuba yaramusubije icyubahiro

Munyakaragwe w’imyaka 57, nubwo yavukanye ubumuga bw’uruhu rwera, umugore we n’abana batatu nta numwe wavukanye ubumuga nk’ubwe.

Mu myaka ikabakaba 30 yamaze abaho yifungiranye mu rugo kubera akato yahabwaga azira uruhu rwe, ngo byamugizeho ingaruka agera ubwo yibona nk’igicibwa, ndetse nawe ubwe ariyanga kugeza ubwo yirindaga kwegera aho abantu bateraniye.

Agira ati “Hari ubwo nirirwaga nikingiranye mu rugo, ngatinya kugera aho abandi bari kubera kungira igicibwa bintera kwiheba nkumva ko ntari umuntu nk’abandi”.

Avuga ko icyamubabaje atazibagirwa ari igihe abarimu bamurwanyije ageze mu mwaka wa gatanu w’amashuri abanze baramwirukana burundu ngo ararangaza abandi bana.

Ati “Nize ntotezwa ariko nkabasha kubyakira, nigira muri ubwo buzima bubi ndeze muwa gatanu w’amashuri abanza abarimu baranyirukana burundu, ngo sinzagaruke ngo ntacyo maze uretse kurangaza abandi bana”.

Abanyamuryango ba FPR-Inkotanyi bakomeje kwitabira ari benshi igikorwa cyo kwamamaza

Avuga ko yatashye ajya kwicara mu rugo ngo k’ubw’amahirwe FPR igera mu gihugu ibibazo bye bihita bikemuka aho bahise bamuha inka mu buryo bwo ku mufasha kuva m’ubuzima bubi yabayemo igihe kinini.

Ati “FPR-Inkotanyi imaze kuza, yankuye mu kaga n’akagane, babanza kunkubita inka, bangira Nyumbakumi mba umuyobozi”.

Munyakaragwe avuga ko n’ubwo yari yarirukanwe mu ishuri, ngo yahisemo kujya kwiga mu mashuri y’abakuze kuko imyaka yari imaze kuba myinshi, ngo yize byinshi byamufashije gutunganya neza inshingano z’ubuyobozi yagiye ahabwa.

Nyuma yo kuba nyumbakumi,ngo yagizwe umukangurambaga w’ubuzima mu kigo cya Nyakinama, ahabwa n’izindi nshingano zinyuranye.

Ati “Ntibyatinze nyuma yo kuba Nyumbakumi, nabaye animateur de santé w’ikigo cya Nyakinama, mu gihe gito bangira impuguke mu kagari ka wa Gasiza,ubu ndi umukangurambaga w’ubuzima muri ako kagari nkaba n’umushyushyarugamba w’umurenge wa Nkotsi.”

Munyakaragwe wari warihebye, atazi ko yabona umukobwa umukunda, yaje kubona umukobwa mwiza umukunda, bahita bashinga urugo aho bamaze kubyara abana batatu kandi ngo bose barize.

Avuga ko gutereta uwo mukobwa bitigeze bimugora kuko yari yifitiye icyizere, ati “Kwemeza uwo mukobwa ntibyigeze bingora, uko namubonye twahuriye mu rusengero arambwira ati ariko wa mugabo we ugira umugore? Nti oya, ati kuki udashaka? Nti ndumva nzibera aho nta nicyo bintwaye”.

Abashinzwe kwamamaza FPR-Inkotanyi mu karere ka Musanze aho bari mu murenge wa Nkotsi

Akomeza agira ati “Uwo mukobwa yakomeje kumbwira ati uzi ko nzaza kugusura?,ndamusubiza nti uzaze, ambwira umunsi ndamwitegura araza turaganira numva ndamukunze ndamubwira nti ndashaka ko uzaza tukabana ukabambera mutima w’urugo, ntiyazuyaza arabyemera ndamurongora”.

Munyakaragwe avuga ko yabyaye abana batatu mu kubahiriza amabwiriza ya Leta yo kubyara abo bashoboye kurera.

Ati “kubera ko Leta yanyubashye, nanjye nubahirije amategeko nirinda kurenza abana batatu, abakobwa babiri n’umuhungu umwe, bose bariga, FPR ibigishiriza ubuntu, barya neza, baratsinda nta kibazo”.

Munyakaragwe mu kurushaho gushakira iterambere urugo rwe, ubu akora mu bikorwa bya VUP bijyanye no kongera ibikorwaremezo mu cyaro, aho ahembwa buri kwezi amafaranga amufasha kwibeshaho.

Nyirabyimana Jacqueline ushinzwe kwamamaza umuryango wa FPR-Inkotanyi mu karere ka Musanze avuga ko FPR itazahwema gufasha abafite ubumuga mu kubageza ku iterambere rirambye no kubasubiza agaciro bari barambuwe.

Kandida-Depite Karemera yijeje abanyakabuga ko ibishanga bigiye kubabyarira umusaruro

Kandida-Depite Karemera Francis avuga ko kubyaza umusaruro icyo kiyaga kiri hagati y’uterere twa Gasabo na Rwamagana biri mu mishinga abadepite bazaharanira kugeraho muri manda nshya bazatorerwa.

Yagize ati "Tora FPR izabafashe gutunganya ikiyaga cya Mutukura kugira ngo kibyazwe umusaruro, ubuso buhingwaho umuceri hano bugomba kwiyongera".

Yakomeje yizeza ko i Kabuga hazashyirwa inzu y’urubyiruko(maison des jeunes), ndetse ko umuhanda ukozwe n’umucanga n’isima uva ku Murindi ugera mu mujyi wa Kabuga, ugomba gushyirwamo kaburimbo.

Umwe mu baturage witwa Mukamana avuga ko igishanga cya Rugende nta kamaro kanini cyari kibafitiye, bitewe n’uko igice kinini cyacyo ngo gihingwamo ubwatsi bw’inka ahandi nta myaka yahinzwemo.

Ati:"Dukeneye ko batwemerera tugahinga muri iki gishanga, nawe urabona ko harimo gupfa ubusa".

Hanabaye imikino itandukanye yo kugendera ku binyabiziga n’imbyino zitandukanye

Umuyobozi w’akarere ka Gasabo, Stephen Rwamurangwa avuga ko igishanga cya Rugende kigomba gutangira guhingwamo umuceri mu gihembwe cy’ihinga A muri izi mpera z’umwaka wa 2018.

Abakandida-Depite biyamamarije mu murenge wa Rusororo kuri uyu wa kane, abo muri RPF-Inkotanyi ni Jeanne D’Arc Nyirasafari, Karemera Francis, Murumunawabo Cecile, Karenzi Theoneste, ndetse na Mukabaranga Agnes w’ishyaka PDC ryiyunze kuri RPF.

Mu kwiyamamaza kw’abakandida-Depite ba FPR i Rugende hajemo n’amafarashi

Abakandida-depite ba FPR basabwe ko nibatorwa bazakorera ubuvugizi abatuye mu Bweyeye bakabona abaganga b’inzobere bahoraho

Abo baturage bavuga ko iyo hagize urwara indwara isaba kubonana n’abaganga b’inzobere, Ikigo nderabuzima kimwohereza ku bitaro bya Gihundwe biherereye ku birometero hafi 100.

Hategekimana Vianney yagize ati “Bisaba ko umuntu abona ibihumbi icumi nibura, kugira ngo ahagurutse ambulansi,iyo abibuze ashobora gupfa”.

Kabagwira Seraphine yungamo ati “Usanga indwara zaraheranye abantu bakabura uko bazivuza kubera kubura uko babonana n’inzobere z’abaganga kandi no kugera aho bari bihenze”.

Kugeza ubu,ibikorwa byo gusana umuhanda ugera muri uwo murenge watangiye gusanwa, ukaba witezweho kuzagabanya ibibazo byugarije abawutuye, cyane cyane ikibazo cy’ubuvuzi.

Icyo kibazo cyavugiwe mu bikorwa byo kwamamaza Abakandida ba FPR-Inkotanyi bifuza kuzahagararira abaturage mu nteko ishinga amategeko byabareye muri uwo murenge kuri uyu wa gatatu.

Uzabakiriho Felix, umuhuzabikorwa muri gahunda yo kwamamaza abakandida ba FPR-Inkotanyi, yabwiye abo baturage ko icyo kibazo ndetse n’ibindi bafite byose bizigwaho muri manda nshya y’Abadepite, bigakemuka.

Ati”Kuba bafite ikigo nderabuzima ni intambwe ya mbere.Uyu muhanda watangiye gusanwa, uzarushaho korohereza baturage kugera ku bitaro, ubwo rero n’ibindi basabye ni ibintu bizaganirwaho”.

Abatuye mu Murenge wa Bweyeye bifuza kuzabona abaganga b’inzobere bahoraho

Bweyeye ni umurenge w’Akarere ka Rusizi, uherereye mu gice cy’icyaro, ndetse abahatuye bemeza ko icyaro cyaho gitandukanye cyane n’ahandi hose.Ni umurenge uzengurutswe na pariki ya Nyungwe.

Kugera muri uwo murenge uvuye ku muhanda wa Kaburimbo hagati mu pariki ya Nyungwe, bisaba nibura ibirometero 98.Gusa ngo umuhanda numara gukorwa bizorohereza abo baturage.

Abagore bagize inteko itora mu Ruhango bavuga ko bifuza Umudepite udatora amategeko gusa

Byavugiwe mu gikorwa cyo kwiyamamaza kw’abakandida bifuza kuzahagararira abagore bo mu Ntara y’Amajyepfo mu nteko ishinga amategeko.

Abo baturage bavuga ko niba Abadepite babahagarariye koko, byaba byiza bagiye bagaruka kuganira ku migabo n’imigambi babagezagaho iyo biyamamaza bakanareba uko ishyirwa mu bikorwa.

Bayisenge Marie Chantal umwe mu bagore bazatora avuga ko umudepite bakeneye atari utora amategeko gusa ahubwo ko bakeneye ubakemurira ibibazo.

Agira ati “Niba hari ibyo yemeye kuzakora agaruke atubaze, ati ese konakoze ubuvugizi ngo mubone amazi byarakozwe, ese konasabye ishuri ry’inshuke muriga, ese amashanyarazi mwarayabonye, natwe tumubwire tuti ibi byagenze neza, ibi byaranze, asubireyo abikosore, uwo ni we mudepite nifuza”.

Uwanyirigira Consolee, wiyamamaza muri 30% by’abagore mu Nteko ishinga amategeko avuga ko bikwiye ko umudepite asanga abaturage bakaganira kuri gahunda zibateganirijwe kandi agasuzuma niba zibateza imbere koko, bitandukanye n’abiyamamaza babizeza ibitangaza.

Ati “Niba hari umudepite wiyamamaza yizeza abaturage ibitangaza, aba ababeshya kuko umudepite afite inshingano ze zirimo no gutora amategeko”.

“Nkanjye, mu gihe naba ngiriwe icyizere nkajya mu Nteko, najya mbanza nkareba ahari icyuho, ubundi ngasaba inzego zibishinzwe gusobanura impamvu hari ibitagenze nez, umudepite, akwiriye gukurikirana uko ibikorwa bya Guverinoma biteza imbere umuturage”.

Abakandida 62 ni bo bazatorwamo batandatu bazahagararira abagore mu Ntara y’Amajyepfo

Mutuyimana Lidiena wiyamamaza mu Ntara y’Amajyepfo mu bakandida bifuza guhagararira abagore mu Nteko, avuga ko bibaye ngombwa Inteko ishinga amategeko yahindura imikorere ariko umuturage agahabwa ijambo.

Ati “Icyiza ni uko umuturage yumva neza icyo itegeko rimushyirirwaho rimumariye, mu gihe bitamunyuze, imikorere igahinduka”.

Nyuma yokuzenguruka uturere dutandatu tugize Intara y’Amajyepfo, Abakandida 62 bagomba gutorwamo batandatu, ubu bageze mu Karere ka Muhanga, bakazakomereza mu Karere ka Kamonyi, akaba ari ho bazasoreza urugendo rwabo rwo kwiyamamaza.

Mukandutiye Anastasie avuga ko yari umugore ukennye none ubu akaba ari umukire

Munyandamutsa Ephrem wamamaza FPR-Inkotanyi mu Karere ka Musanze, avuga ko mu byo FPR-Inkotanyi yagejeje i Rwaza, harimo imihanda, amashuri abanza n’ayisumbuye muri buri kagari, ikigo nderabuzima n’amavuriro mato (Paste de santé) na gahunda nshya y’ubuhinzi yo kuhira imyaka.

Abaturage baremeza ko FPR-Inkotanyi yabahaye byose, ngo ikibazo basigaranye ni icy’umuriro utaragera iwabo.

Mu gikorwa cyo kwamamaza FPR-Inkotanyi muri uwo murenge, kuri uyu wa Mbere tariki 27 Kanama 2018, bavuze ko bategereje amashanyarazi nyuma y’umwaka amapoto ashinze ku marembo y’ingo zabo.

Abaturage bavuga ko itariki ibatindiye bagatora ku "gipfunsi"

Nsababera Nepomuscene wo mu Kagari ka Kabushinge ati “Hashize umwaka tubona amapoto ashinze ariko amashanyarazi reka da, reka dutore FPR-Inkotanyi ndabizi neza nyuma y’amatora izatwibuka.”

Abenshi mu bavuga ibigwi FPR-Inkotanyi, bashima ibyo uwo muryango wabagejejeho, ariko ikibazo cyo kutagira umuriro bakavuga ko kibaremereye.

Uwamahoro Noelline wo mu Kagari ka Musezero ati “Nari umupfakazi w’umukene , nari narihebye, ariko FPR yaramfashe inyigisha umwuga. N’ubwo tutagira umuriro tukaba turi mu mwijima ariko FPR turayizera izawutugezaho nyuma y’amatora, itariki iratinze ni ku gipfunsi”.

Mu kwamamaza FPR-Inkotanyi ubwitabire buba buri hejuru

Nubwo abenshi basaba umuriro, hari bamwe bashoboye kuwizanira mu ngo zabo babikesha iterambere bagejejweho, ngo ni nyuma yo gukura amaboko mu mifuka bakiteza imbere babikesha umuryango wa FPR-Inkotanyi.

Mpembyemungu Winifride, umukandida wa FPR-inkotanyi mu Karere ka Musanze, yabwiye abaturage ko mu gihe bazaba batoye FPR-Inkotanyi iterambere rizakomeza n’uwo muriro basaba ukazabageraho bidatinze.

Perezida Kagame yari yagiye gushyigikira ibikorwa bya FPR-Inkotanyi byo kwiyamamaza

Kagame yabitangarije mu Karere ka Gisagara aho yari yagiye gushyigikira Abakandida bakomoka mu ishyaka rya FPR Inkotanyi abereye umuyobozi, bari kwiyamamariza kuzahagararira FPR Inkotanyi mu nteko ishinga amategeko.

Ibyo bikorwa byari byakomereje muri aka karere kuri uyu wa Kane tariki 23 Kanama 2018.

Yagize ati “Hari ubwo tumara gutora abantu, mwamara kubatora mugaheruka ubwo mwabatoye. Icyo nacyo ndabasaba ngo muduhe amahirwe tuzagikosore. Abo mutora bakwiye kubahagararira.

“Kubahagararira ntago ari ukujya iyo ngiyo mu murwa mukuru aho inteko yicara ngo babahagarariyeyo batazi icyo babahagarariyeyo. Bagomba na mwe.”

Yavuze ko iki kibazo kitareba abadepite gusa ko ahubwo iki kibazo kireba inzego zose zihagarariye abaturage.

Abanyamuryango ba FPR-Inkotanyi

Iki gikorwa cyabereye mu Murenge wa Muganza aho yaniyamamarije umwaka ushize ubwo yiteguraga amatoraya y’umukuru w’igihugu.

Yatangiye ashimira aba baturage uburyo bashyigikiye FPR ariko anabasaba gukomeza gukora ibbibateza imbere, kugira ngo barusheho kwiyubakira igihugu.

Yababwiye ko ibisigaye ubuyobozi bitoreye buzajya bubibagezaho, muri byo harimo nk’amashanyarazi n’ibikorwaremezo nk’imihanda, inganda ziciriritse n’ibindi.

Yanabemereye ko uyu mwaka uzarangira umuhanda wo mu Karere ka Gisagarara wamaze gutangira kubakwa ushyirwamo kaburimbo. Iryo ryari isezerano yari yarabahaye ubwo yiyamamarizaga muri aka karere.

Bakorewe umuhanda mwiza uborohereza ingendo no guhahirana n’utundi turere mu gihe bagitegereje ko umuhanda ushyirwamo kaburimbo

Amafoto: Plaisir Muzogeye

Kureba andi mafoto menshi kanda HANO

Hakizabose avuga ko FPR-Inkotanyi azayigwa inyuma kubera ibyiza yamukoreye

Ni ubuhamya yatangiye mu Murenge wa Shingiro ku itariki 20 Kanama 2018, mu gikorwa cyo kwamamaza umuryango wa FPR-Inkotanyi ku rwego rw’Akarere ka Musanze.

Hakizabose wahoze ari umusirikare mu ngabo za Leta yatsinzwe, yari afite ipeti rya Kaporari. Nyuma yo guhunga urugamba rwo guhagarika Jenoside yakorewe Abatutsi mu 1994 yaje kwinjira mu bacengezi guhera mu 1998.

Avuga ko atashoboraga gutaha ku neza, kuko amagambo babwirwaga n’ababayoboraga yabaga ari urucantege. Ngo bababwiraga ko utashye mu Rwanda bamwica urupfu rubi, ubwo bagahitamo kugaba ibitero by’ubwiyahuzi.

Avuga ko yafatiwe mu gitero abacengezi bagabye muri Nyamutera mu 2001, ngo akimara gufatwa yari azi ko ibye birangiye agiye kuraswa.

Yagize ati “Bakimara kumfata n’abagenzi banjye 15 mu gitero cya Nyamutera, nari nzi ko nta kindi bankorera uretse kuraswa.

"Ubundi mu mategeko y’intambara iyo ufashe umwanzi wawe nta kosa uhita umurasa. Ariko Leta y’ubumwe irangajwe imbere na FPR-Inkotanyi yaravuze iti ‘abo bantu ntimubarase’”.

Abaturage bo mu murenge wa Shingiro bacinye akadiho

Avuga ko Leta y’ubumwe yabajyanye mu ngando, bafatwa neza bayisoza mu 2001 mu kwezi k’Ukwakira.Bahise bajyanwa mu buzima busanzwe mu gihe bari bazi ko mu ngando ari ho bagiye kurasirwa.

Hakizabose avuga ko bagisoza ingando yatunguwe no kubona ahawe asaga ibihumbi 150Frw amuherekeza mu buzima busanzwe.

Ati “Nkigera mu rugo mu 2002 abaturage birengagije ibyo mvuyemo, kubera ko bari banziho ubunyangamugayo ntorerwa kuba umuyobozi w’akagari mu matora y’abayobozi b’inzego z’ibanze”.

Avuga ko amafaranga yahawe ari yo yahereyeho yubaka ubuzima bushya, ku buryo ubu inka yaguzemo yakomeje kubyara akajya agurisha kugeza atangiye kugura amasambu akaniyubakira inzu abanamo n’abana be biga.

Komiseri Utumatwishima Abdalah na Mpembyemungu Winifride bashimira abaturage uburyo babakiriye

Hakizabose avuga ko yiteguye gutora umuryango wa FPR-Inkotanyi mu matora y’abadepite kugira ngo akomeze awufashe kugeza Abanyarwanda ku iterambere.

Asaba abakiri mu mashyamba ya Congo gutahuka, bakubaka igihugu, birinda ababashuka bababwira ko nta mutekano uri mu Rwanda.

Ati “Natwe ubwo twari twaraheze mu mashyamba, batubwiraga ko ugeze mu Rwanda apfa, ariko twatunguwe n’umutekano n’iterambere twahasanze, ndakangurira abakiri mu mashyamba gutahuka bagafatanya n’abandi kwiyubakira igihugu”.

Komiseri Utumatwishima Abdalah na Mpembyemungu Winifride bashimira abaturage uko babakiriye

Abakandida-depite bari babukereye baje gusobanurira abazabatora imigabo n’imigambi yabo

Ibyo babisabye kuri uyu wa 16 Kanama 2018, ubwo abakandida 16 b’abagore bari muri 30% bo mu Mujyi wa Kigali biyamamarizaga mu Karere ka Nyarugenge, igikorwa cyabereye ku Kimisagara kuri Maison des Jeunes.

Ni igikorwa cyitabiriwe n’abaturage benshi ndetse na bamwe mu bayobozi bo mu turere tugize Umujyi wa Kigali.

Abo bakandida bose uko ari 16, buri wese yahabwaga iminota 10 akivuga uwo ari we, akavuga imigabo n’imigambi ye ndetse akanaboneraho gusaba amajwi abazatora , kugira ngo azatorwe muri 2 bazahagararira Umujyi wa Kigali mu Nteko.

Bamwe mu bakandida bagaragaje ibyo bazakorera abaturage cyane cyane abagore kugira ngo bihute mu iterambere.

Umwe ati “Nzakora ku buryo imirimo yiyongera abagore bagize uruhare mu kuyihanga, nimuntora nzajya ngaruka kenshi kureba cyane cyane ko abagore bayirimo ndetse n’abandi bayikeneye”.

Abaturage bari baje ari benshi kumva no kwirebera abakandida babo ngo bamenye abo bazaha amajwi

Undi ati “Nzita ku kugira umuryango uzira amakimbirane, bizatuma abana babaho neza cyane ko nzongera ingufu mu kurwanya igwingira mu bana”.

Abaturage na bo bahawe umwanya babaza ibibazo ndetse banatanga ibyifuzo byabo kugira ngo bazabyiteho nibagera mu Nteko.

Mukamusoni Pauline ati “Hari abantu benshi bari mu byiciro by’ubudehe batishimiye, bakibaza bati imashini ni yo yabikoze nkaho irusha ubwenge uyikoresha. Nimugera mu Nteko muzatuvuganire bikosorwe, umuntu ajye mu cyiciro kimukwiye kuko hari byinshi bigishamikiraho”.

Uwihirwe na we ati “Tumenyereye abaza kudusaba amajwi tukayabaha bakajya mu Nteko ishinga amategeko ariko tukabaheruka ubwo tukazongera guhura manda irangiye. Mwe ni iki kitwemeza ko muzajya mugaruka, mukava muri ziriya ntebe, mukaza kureba uko tubayeho.”

Hari n’uwabajije ikibazo cy’amarimbi make muri Nyarugenge, aho ngo utishoboye apfusha umuntu, kubona aho amushyingura bikamubera ihurizo rikomeye , bakifuza ko yakongerwa.

Kuri ibyo bibazo byose byabajijwe, abo bakandida basubije ko nibagira amahirwe yo gutorwa bakajya mu Nteko, bazabikurikirana ku buryo buhagije kugira ngo bibonerwe ibisubizo, hagamijwe iterambere ry’umugore n’iry’abaturage muri rusange.

Visi Perezida wa Komisiyo y’amatora (NEC), Mukamazera Rosalie wari witabiriye icyo gikorwa, yasabye abo bakandida kuzubahiriza gahunda baba baratanze ijyanye n’aho bagomba kwiyamamariza, kugira ngo hatazagira ibindi bibavangira ndetse banarindirwe umutekano.

NEC itangaza ko abagore bose mu gihugu batanze kandidatire zabo muri 30% ari 179, hakazavamo 24 bazasanga abazatorwa mu bindi byiciro bakuzura abadepite 80 bazaba bagize Inteko ishinga amategeko.

Mukabalisa Donatile uyobora ishyaka riharanira uwishyira ukizana PL yereka abaturage abakandida

Ibyo babisabye ubwo ishyaka PL ryari mu bikorwa byo kwiyamamaza, mu turere twa Muhanga na Ngororero, aho ryagaragaje ko umwihariko ku mutungo kamere ukomoka mu Karere ka Muhanga uzabyazwa umusaruro kurushaho.

Ishyaka PL ryiyamamarije mu busitani bwa Sitade ya Muhanga, ibikorwa byo kwamamaza iryo shyaka bikaba byitabiriwe n’abaturage batari benshi cyane ariko bafite Morale mu ndirimbo zirata ibibgwi by’ishyaka PL.

Umutungo kamere w’Akarere ka Muhanga ni kimwe mu byo PL yagaragaje ko uzarushaho kubyazwa umusaruro by’umwihariko ku mabuye y’agaciro ahagaragara, ndetse n’ibumba rihacukurwa.

Perezida wa PL Mukabalisa Donatille yavuze ko hari itegeko riherutse gutorwa rirebana no kongera umusaruro w’ubucukuzi bw’amabuye y’agaciro, hifashishijwe ikoranabuhanga kandi ko gutora PL ari ugutuma iryo tegeko rishyirwa mi bikorwa.

Agira ati “Hano hari amabuye y’agaciro hafi mu Mirenge yose, hari ibumba ryiza rishobora kuvamo amasahani y’amadongo twohereza hanze, twatoye itegeko rizatuma tubibyaza umusaruro hifashishijwe ikoranabuhanga tuzareba uko rishyirwa mu bikorwa”.

Hon. Byabarumwanzi ni we ushinzwe ibikorwa byo kwamamaza ishyaka PL n’abakandida baryo 80

Niyomufasha Daniel n’abandi baturage bashimye gahunda za PL, ariko bayisaba ko ku nkingi y’uburezi n’imibereho myiza y’abaturage iryo shyaka ryazita ku bana bo mu muhanda, mu gihe ryaramuka ribonye imyanya mu nteko ishinga amategeko, kuko ngo icyo kibazo gihangayikishije cyane.

Ati “Mukabalisa yarize aba umuyobozi. Nibatita ku kurwanya ubuzererezi n’abana bo mu muhanda ntabwo bizakunda, kuko niba yarize agomba gutuma n’abandi bagira uburezi bufite ireme kandi ntibyashoboka bari mu muhanda”.

Ishyaka PL rimaze imyaka 27 rivutse, ubu riramamaza abazarihagararira bagera kuri 80, bakaba bageze mu Karere ka Muhanga baturutse mu Karere ka Ngororero, aho umuyobozi w’ishyaka yishimiye uburyo abayobozi b’inzego z’ibanze babafashije mu kubaha ikaze no kubacungira umutekano.

Nyirahabizanye Agnès watejwe imbere n’umuryango wa FPR-Inkotanyi

Mu buhamya yatangiye mu Murenge wa Cyuve tariki 14 Kanama 2018, mu gikorwa cyo kwamamaza umuryango wa FPR-Inkotanyi ku rwego rw’Akarere ka Musanze, yagaragaje imbamutima ze z’ubuzima bubi yahozemo mbere ya 2009 yishimira uko abayeho.

Nyirahabizanye, avuga ko yamaze imyaka myinshi abana n’abana be batanu mu gihuru imvura igwa ikamunyagira,atagira umuntu umwitaho.

Agira ati “Agnes mureba si uku nahoze, nahoze ndi umucanshuro nkorera utujumba ngo ndebe ko abana babona icyo bashyira mu nda, nareba uko nzabaho n’abo bana batanu mfite bikanyobera, ndi hanze ndi mu kidodoki.

“Nari naratinze utubaho tubiri nkadusasaho ibyatsi nkajya nturyamaho abana nkabasasira hasi y’utwo tubaho, ubundi nkiyorosa umutaka kugira ngo imvura itanyagira”.

Ubwitabire bwari ku rwego rwo hejuru mu kwamamaza umuryango wa FPR-Inkotanyi

Agnes avuga yagaruye ubuzima aho FPR-Inkotanyi imenyeye ikibazo cye, ngo uwo muryango wa FPR-Inkotanyi ntiwatinze kumutabara agezwaho amabati 30 yubakirwa inzu ahabwa n’inka yo kumutunga n’abana be.

Avuga ko inka yayoroye ibyaye inyana arayigurisha akuramo amafaranga ibihumbi 200Frw yamufashije kwiteza imbere agera ubwo yihaza mu biribwa aho afasha n’indi miryango.

Ati “Ndabamenyesha ko abana bo mu mudugudu bose baraza iwanjye bakanywa amata ibiryo bakarya, ubu ndi umuhinzi-mworozi, ushaka aze iwanjye arye anywe amata, iwanjye nta kibuze kubera FPR-Inkotanyi”.

Mu gihe yabagaho ntawe umwitaho ngo amenye ibibazo bye, ariko FPR-Inkotanyi ikamugoboka, Nyirahabizanye avuga ko mu murenge atuyemo ari mu bafite inzu nziza,akagira n’umuriro mu nzu ye ndetse ngo ubu ari mu bavuga rikumvikana aho atuye, yageze n’aho abaturage bamugirira icyizere bamutorera kuba umuyobozi w’umudugudu.

Ati “Ndavuga rikumvikana ndetse byageze n’aho abaturage bangirira icyizere barantora, ubu ndi umuyobozi w’umudugudu wa Mugarama.

Igikorwa cyo kwamamaza umuryango wa FPR-Inkotanyi cyaranzwe na morale

Ubwo nabagaho ntagira aho ndara, ubu ndi mu bantu bafite inzu nziza muri Cyuve, nshanira umudugudu wose, dutore FPR-Inkotanyi kuko uko muteraniye aha ntawe utarafashijwe n’uwo muryango”.

Nyirabyimana Jacqueline ushinzwe ibikorwa byo kwamamaza umuryango wa FPR-Inkotanyi mu Karere ka Musanze, yavuze ko hari ibikorwa byinshi by’iterambere ry’abaturage bimaze kubakwa muri ako karere bigizwemo uruhare n’umuryango wa FPR-Inkotanyi.

Ati “Hubatswe imihanda ya kaburimbo n’iy’ibitaka iratunganywa,hubakwa amashuri, amashanyarazi agezwa hose mu karere no mu mirenge y’icyaro,abaturage bakangurirwa guhuza ubutanga byongera umusaruro ,ubu harubakwa amahoteri kugeza ku rwego rw’inyenyeri eshanu n’ibindi”.

Gahunda yo kwamamaza umuryango wa FPR-Inkotanyi irakomeje mu mirenge inyuranye igize Akarere ka Musanze, ikazasozwa tariki ya 1 Nzeri, aho amatora azatangira ku itariki 2 Nzeri muri Diaspora, mu Rwanda amatora akazaba tariki 3 Nzeri 2018.

Morale yari yose ku Banyamuryango ba FPR-Inkotanyi mu Murenge wa Cyuve

Byari ibirori mu bitabiriye ibikorwa byo kwiyamamaza ku bazahagararira FPR mu nteko ishinga amategeko

Yabivuze kuri uyu wa 14 Kanama 2018, ubwo umuryango FPR Inkotanyi wamamazaga abakandida bawo mu karere ka Kicukiro, ahari hari aba abakandida bane ari bo Fransisca Tengera, Jane Mutamba, Fidèle Rwigamba na Dr Omar Munyaneza.

Icyo gikorwa kikaba cyitabiriwe n’abaturage benshi bari baje kwirebera abakandida babo ngo bamenye abo bazatora igihe nikigera.

Fidèle Rwigamba wari usanzwe ari mu Nteko, yavuze ko hari byishi byiza bakoze ariko ko kugenzura ibikorwa bya Guverinoma bitagezweho neza.

Agira ati “Twatoye amategeko yose twari twarashyikirijwe uko yari 315, ni igikorwa gikomeye. Icyakora ikijyanye no kugenzura ibikorwa bya Guverinoma numva tutarabikoze uko bikwiye, ntitwageze ku 100%, ni ho rero numva tuzongera ingufu ninsuba mu Nteko”.

Arongera ati “Kubyongeramo ingufu bigakorwa neza ni ko gufasha Nyakubahwa Perezida wa Repuburika kugera kuri gahunda ye y’imyaka irindwi”.

Umwe mu banyamuryango ba FPR witabiriye icyo gikorwa, Twagiramungu Egide wo mu murenge wa Gatenga, avuga ko FPR yamurokoye bityo ko agomba kuyitura.

Ati “Nkunda FPR kuko yandokoye muri Jenoside, impa umutuzo n’umutekano nari narabuze kuri Leta ya Habyarimana. Mbere sinabashije kwiga, naviriyemo mu wa gatandatu kubera gutotezwa ariko ubu abana banjye bariga mu mudendezo mu mashuri meza kubera ubuyobozi bwa FPR”.

Arongera ati “Abakandida bacu turabasaba kuzatuvuganira kugira ngo VUP igere ku bo igenewe bose kuko hari bo itageraho duturanye kandi bayikwiye. Hanyuma kuri 3 Kanama nzambara agakoti ubundi igikumwe cyanjye nkiboneze ku gipfunsi, nitorere FPR, iterambere ryiyongere”.

Komiseri mu muryango FPR Inkotanyi, Francine Uwera Havugimana wari uhagaragriye icyo gikorwa, yibukije abari bahari bimwe mu byo uwo muryango ushyize imbere.

Ati “Hari gahunda yo kwihutisha ubukungu bushingiye ku ishoramari ry’abikorera, ku bumenyi no ku mutungo kamere. Tuzakomeza guharanira kugira Umunyarwanda ushoboye, ufite ubumenyi ndetse uri mu muryango uzira amakimbirane, hashimangirwa imiyoborere myiza n’ubutabera”.

Kwamamaza abakandida b’umuryango FPR Inkotanyi, ab’andi mashyaka n’abigenga birakomeje bikazarangira hahita hakurikiraho amatora azaba mu ntangiriro za Nzeri 2018.

Murasangwe atanga ubuhamya bw’aho FPR Inkotanyi yamukuye

Murasangwe yaje mu karere ka Nyagatare ashakisha imibereho, aza guhabwa hegitari 2 n’ubuyobozi, atangira kuzihinga ibigori yasimburanyaga n’ibishyimbo ku buryo bwa kijyambere.

Yemeza ko umusaruro yakuyemo yaguriyeho izindi hegitari 11 ziba 13 ubu akaba akoreramo ubuhinzi n’ubworozi bya kijyambere.

Ati “ Nahingaga kijyambere, nkuramo amafaranga naguze ubundi butaka, nororeramo inka n’andi matungo magufi, umusaruro nakuyemo, nawubatsemo inzu ya miliyoni 35Frw, byose ni FPR kuko naje nkennye cyane.”

Mukaperezida avuga ko FPR yamukuye mu bwigunge bw’ubupfakazi

Mukaperezida Belancille ni umupfakazi w’imyaka 61 avuga ko mbere y’urugamba rwo kubohora igihugu, yari abayeho nabi kuko yabaga muri nyakatsi, akennye cyane ariko ubu akaba ameze neza.

Agira ati “ Naratekaga ibiryo bikajyamo ibisimba bituruka mu birere nari nsakaje inzu, ariko ubu mba mu ibati, abakecuru tuba mu matsinda, Sacco yaduhaye amafaranga twiteza imbere, ndiyambika abana bariga.”

Yemeza ko FPR yatumye agera ku ikoranabuhanga kuko koherereza abana amafaranga akoresha telefone akanavugana n’uwo ashaka atarinze gukora urugendo.

Kaboneka Francis komiseri mu muryango FPR Inkotanyi avuga ko kugira ngo iterambere rikomeze ari uko abantu bose batora FPR kugira ngo bafashe perezida kugeza ku baturage ibyo yabemereye yiyamamaza.

Imbaga y’abaturage baje gushyigikira ibikorwa byo kwiyamamaza bya FPR

Yemeza ko gutora FPR ari ugutora imibereho myiza, iterambere n’ibindi bigamije gufasha umunyarwanda kubaho neza kuko ariyo ntego zayo.

irebere mu mafoto uburyo iki gikorwa kiri kugenda hirya no hino mu gihugu.

1.Muhanga

I Muhanga bati "Igipfunsi, igipfunsi, igipfunsi". @rpfinkotanyi #ToraFPR pic.twitter.com/q7jx0WrKNR

— Rutindukanamurego (@rutindukanamure) August 14, 2018

#Muhanga : Genda @rpfinkotanyi utanga ibyishimo #ToraFPR pic.twitter.com/EBuvM98lHn

— Rutindukanamurego (@rutindukanamure) August 14, 2018

2. Rusizi

3. Nyagatare

4. Kicukiro

Kicukiro bati " Ntituzatatira igihango cya @rpfinkotanyi yadukamiye." #ToraFPR pic.twitter.com/8w8GR1n6HJ

— Rutindukanamurego (@rutindukanamure) August 14, 2018

5. Musanze

#Musanze: #ToraFPR uraba utoye ibyishimo byuzura umutima bigasesekara ku mubiri.@rpfinkotanyi pic.twitter.com/uCvVeFtLWr

— Rutindukanamurego (@rutindukanamure) August 14, 2018

#Musanze bati " Morale ni Full" ntawasenya ibyo #Kagame, Chairman wa @rpfinkotanyi yagejeje ku #Rwanda bareba. pic.twitter.com/Imgt1qYTZy

— Rutindukanamurego (@rutindukanamure) August 14, 2018

6. Gasaba

Abakandida biyamamariza guhagararira FPR mu nteko biyeretse abaturage

Ni igikorwa cyitabiriwe n’abayobozi bakuru b’igihugu ndetse n’abanyamuryango benshi ba FPR Inkotanyi n’ab’amashyaka ayishyigikiye ari yo PSR, PDI, UDPR, PPC, PSP na PDC.

Umunyamabanga mukuru wa FPR Inkotanyi Ngarambe François, yasabye abitabiriye icyo gikorwa gukora cyane kuko ari byo biteza imbere igihugu, bakagabanya amagambo .

Yagize ati “Kugira ngo tujye aheza twifuza, turasabwa gukura amaboko mu mifuka tugakora, ibikorwa byinshi binoze kandi bikozwe vuba, amagambo make. Ibyo ni byo bizatuma tugera ku cyerekezo twifuriza buri Munyarwanda ndetse tukanagira amategeko arengera buri wese”.

Ngarambe François, Umunyamabanga mukuru wa FPR-Inkotanyi

Yanasabye abaturage ndetse n’abakandida kwitwara neza muri iki gihe cyo kwiyamamaza.

Ati “Mu gihe cyo kwiyamamaza murasabwa kurangwa n’imyitwarire iranga intore nk’uko mwabitojwe, nta gusahinda ahubwo mukakira neza ubagana wese. Gusa musabwa kwegera buri Munyarwanda mukamusobanurira icyerekezo n’icyo mumutezeho, ari yo majwi kandi ndizera ko bazayaha FPR Inkotanyi”.

Bamwe mu bitabiriye icyo gikorwa bishimira ibyo FPR yabagejejeho ndetse bakanemeza ko bazayitora, uyu ni Gashayija Telesphore wo mu Murenge wa Masoro muri Rulindo.

Ati “FPR ndayishimira ibyo yatugejejeho, abatishoboye Girinka yarabazamuye, abandi VUP ibaha agafaranga n’ibindi byiza byinshi by’iterambere. Ikindi gikomeye ni umutekano dufite, nta muntu ugihohoterwa, ni yo mpamvu nzayitora”.

Abanyamuryango bari baje gushyigikira FPR mu bikorwa byo kwiyamamaza

Gashayija ariko anasaba abazatorwa kuzabavugira kugira ngo akagari atuyemo kazagezwemo amazi n’umuriro bityo na bo bihute mu iterambere.

Uwamahoro na we ati “Jyewe FPR yampaye inka n’ubu irahaka ku buryo mu gihe gito kiri imbere nzanywa amata n’umuryango wanjye. Abadepite bazatorwa ndabasaba kuzongera ibyo twagezeho kandi bakatugeraho kenshi kugira ngo tubahe ibyifuzo byacu nk’uko ari intumwa za rubanda”.

Sheikh Musa Fazil Harelimana, uhagarariye PDI rimwe mu mashyaka yishyize hamwe na FPR

Mu gihe abakandida ba FPR Inkotanyi biyamamarizaga mu Karere ka Rulindo kuri uyu munsi wa mbere, andi mashyaka na yo ndetse n’abakandida bigenda biyamamarije hirya no hino mu gihugu.

Amashyaka yiyemeje gufatanya na FPR nayo yari yabukereye

Kureba andi mafoto menshi kanda AHA

Berwa Gisèle afite inyota yo gukorera Umuryango nyarwanda ari umudepite

Berwa ufite imyaka 23, yarangije muri Kaminuza ya Kigali aho yize ibijyanye no gutanga amasoko (Procurement).

Avuga ko inshingano zitandukanye zo kuyobora bagenzi be yagiye ahabwa muri Kaminuza akazikora neza, ari kimwe mu bimuha icyizere cyo kuzatsinda amatora akaba yakomeza kugirira akamaro umuryango Nyarwanda ari umudepite.

Agira ati “Nkiri muri kaminuza nabaye mu nzego z’ubuyobozi kenshi, bakajya bampindurira inshingano kuko babonaga mbishoboye ndetse n’aho ntuye mba mu nzego z’urubyiruko. Uretse n’ibyo, kuba naratanze kandidatire ni uko numva nifitiye icyizere cy’uko nabishobora”.

Uwo mukobwa ngo yahagarariye uburinganire muri kaminuza (Gender Minister) mu gihe cy’umwaka aza no kuba ushinzwe imibereho myiza y’abanyeshuri (Social Affairs Minister) mu wundi mwaka.

Berwa avuga kandi uko yagize igitekerezo cyo gutanga kandidatire ngo azahatanire kuba umwe mu badepite.

Ati “Igitekerezo nakigize ngishinzwe uburinganire, nari mfite umuhigo wo kuzamura abakobwa ngo bajye mu nzego z’ubuyobozi kandi nabigezeho. Niyamamaza ku ishuri nari umukobwa umwe ariko nyuma y’ubukangurambaga, umwaka ukurikiyeho twiyamamaje turi barindwi”.

“Byanteye imbaraga, mbona ko nshoboye, mpita ntekereza nti niba mbasha kugera ku gikorwa nk’iki muri kaminuza, kuki ntagikorera igihugu cyose. Biri mu byatumye rero niyemeza guhatana nk’abandi”.

Berwa avuga kandi ko adatewe ubwoba n’uko ari muto muri politiki cyane ko ngo yumva nta nshingano atabasha kuzuza akanakangurira urubyiruko kuzitabira amatora.

Ati “Ndumva mfite amahirwe yo kuzatsinda kandi nta bwoba nagira kuko numva ishingano nzahabwa nzazuzuza cyane ko ari ugukorera Abanyarwanda. Nkangurira urubyiruko ruzatora kuzitabira amatora muri rusange kuko ari inshingano ku muntu wese ukunda igihugu cye”.

Uwo mukobwa azahatana n’abandi benshi mu matora yo muri Nzeri uyu mwaka, bifuza kwegukana imyanya ibiri yagenewe urubyiruko mu Nteko ishinga amategeko.

Aba ni abari bagize inteko ishinga amategeko umutwe w’abadepite basoje manda

Bamwe muri aba badepite basoje manda, harimo abatarifuje gukomeza muri manda itaha, hakabamo n’abari ku ntonde z’amashyaka bakomokamo, aho bateganya kuzakomezanya n’inteko nibaramuka bagiriwe icyizere n’abaturage.

Ihuriro ry’abadepite bari mu nteko ishinga amategeko, FFRP, bishimira ko hari byinshi bagezeho muri iyi manda, bakanatanga umukoro ku bazakomeza muri manda itaha.

Mu byo bavuga bishimira ko bagezeho nk’ihuriro, harimo kuba barakoze ubukangurambaga ku bagore, babagaragariza ko na bo bashoboye, byatumye umubare wabo ugenda wiyongera mu myanya ifata ibyemezo.

Nko mu nteko ishinga amategeko, umubare w’abagore bayirimo wavuye kuri 17% igihe FFRP yashingwaga mu mwaka w’1996, ugera kuri 48% muri 2003-2008, uba 56% muri 2008-2013, none muri 2013-2018 wari 64%.

Hari kandi n’amategeko yagiye atorwa, aturutse ku bitekerezo by’abibumbiye muri iri huriro nk’uko bivugwa na Hon. Anita Mutesi, Perezidante waryo.

Agira ati “Harimo itegeko ry’izungura, iry’umuryango, iry’ihohoterwa, iry’uburenganzira bw’umwana, iry’ubuzima bw’imyororokere, iryubahiriza uburinganire ku bakozi n’irishyira umugore mu kiruhuko cy’ububyeyi .”

Kandi ngo hari n’itegeko ry’ubutaka riha umugabo n’umugore uburenganzira bungana ku butaka, ndetse n’itegeko ngenga ryubahiriza ihame ry’uburinganire mu ngengo y’imari.

Hon. Henriette Mukamurangwa Sebera, umwe mu bashinze iri huriro nyuma y’imyaka ibiri Jenoside yakorewe Abatutsi ibaye, avuga ko barishyizeho hagamijwe ko nk’abagore bari mu nteko ishinga amategeko, bagira uruhare mu kuba umusemburo w’amahoro n’ubumwe n’ubwiyunge.

Agira ati “Harimo abaturutse hanze bamaze imyaka 30 mu buhungiro, harimo abahungutse bavuye muri Kongo, twari dufite abari mu gihugu bacitse ku icumu. Buri wese yari afite ibikomere bye.”

Kandi ngo babonye umugore n’umwana baragizweho ingaruka zikomeye na jenoside, mu gihugu harimo abagore bagomba kwita ku ngo zabo kuko nta bagabo bari bagifite, nuko biyemeza no kugaragariza umugore ko na we ashoboye.

Ihuriro FFRP rero ryishimira ibyo ryagezeho, ariko Hon. Donatilla Mukabarisa uyobora umutwe w’abadepite, yahaye abazarikomeza umukoro wo kwita ku kibazo cy’abana b’abakobwa babyara bakiri batoya ndetse n’amakimbirane mu ngo.

Yagize ati “Niba abagabo bari kwangiza bahereye mu ruhongore, intambwe izaterwa mu kugira ngo umwana w’umukobwa azagere mu kirenge cyacu, izahera hehe? Birakwiye ko buri wese yumva ko iki kibazo kimureba.”

Yasabye kandi abagabo kuzabigiramo uruhare, kuko atekereza ko na bo babishatse iki kibazo cyacika.

Ubundi ihuriro FFRP ryatangiwe n’abagore 12 bari mu mutwe w’abadepite mu mwaka w’1996. Kuri ubu rigizwe n’abadepite ndetse n’abasenateri 90 ku bagize inteko ishinga amatekeko 106.

Mpayimana Philippe ngo yizeye intsinzi

Babitangaje kuri uyu wa 8 Kanama 2018, ubwo Komisiyo y’igihugu y’amatora (NEC) yagiranaga inama n’Abakandida bose bari ku rutonde rw’abemerewe guhatana muri ayo matora, ikaba yari inama igamije kubasobanurira imyitwarire ikwiye kuranga Abakandida mbere y’uko ibikorwa byo kwiyamamaza bitangira.

Mpayimana Philippe , umukandida wigenga muri ayo matora wanahatanye mu matora y’Umukuru w’igihugu aheruka mu Rwanda ariko ntagire amahirwe yo kuyatsinda, avuga ko ubu yizeye intsinzi adashidikanya.

Agira ati “Aya matora atandukanye n’ay’ubushize kuko yo yari arimo ikipe ikomeye cyane kandi n’umwanya uhatanirwa wari umwe mu gihe ubu ari myinshi. Ubu rero nditeguye bihagije, ngiye kwerekana icyo nshoboye, cyane ko ubu byoroshye ugereranije n’ubushize”.

Arongera ati “Kuyobora igihugu no gushyiraho amategeko biratandukanye, ubushize twasabwaga 50% none turasabwa 5% gusa, nizeye kuyarenza”.

Ntibanyendera Elissam Salim, umukandida wigenga na we ngo ntashidikanya intsinzi

Undi mukandida wigenga, Ntibanyendera Elissam Salim, na we yemeza ko akurikije ubunararibonye afite mu buyobozi nta kibuza ko azarenza amajwi asabwa umukandida wigenga.

Ati “Nifitiye icyizere kuko ntagifite sinari guta umwanya nshaka imikono y’abanshyigikira. Ikindi ni imigabo n’imigambi yanjye ihamye nzageza ku Banyarwanda ndetse nkaba mfite n’ubunararibonye mu buyobozi, ndateganya kurenza 5% nkagira nibura 7%”.

Ntibanyendera ubusanzwe ngo amenyerewe mu bikorwa byo gufasha abafite ibibazo byo mu mutwe cyane ko ari n’umuyobozi wa HVP Gatagara, ikigo cyita ku bana bafite ubumuga bwo mu mutwe.

Abakandida basabwe kuzirinda amagambo asebanya mu gihe cyo kwiyamamaza

Perezida wa Komisiyo y’amatora, Prof. Kalisa Mbanda, yasabye abiyamamaza bose muri rusange kuzirinda imvugo zisebanya, hagamijwe imigendekere myiza y’amatora.

Ati “Kwiyamamaza ni ukwivuga ibigwi, si ukuvuga ibyo undi atabasha kugeza ku gihugu, ni ukwivuga ugamije kubona amajwi utavuga ibyayakura kuri mugenzi wawe. Tugomba kwiyamamaza tudasebanya, tudatera imvururu ndetse tutanatera amacakubiri mu Banyarwanda”.

NEC iteganya ko kwiyamamaza bizatangira kuri uyu wa mbere tariki 13 Kanama bigasozwa ku ya 1 Nzeri 2018, na ho amatora akazaba kuva ku itariki ya 2 kugeza ku 4 Nzeri 2018.

Prof Kalisa Mbanda n’abo bari bafatanije kuyobora iyo nama

Umubare w’abagore baziyamamariza imyanya mu nteko ishinga amategeko wazamutseho 10% uyu mwaka

Urutonde ntakuka rwashyizwe hanze na Komisiyo y’igihugu y’amatora (NEC) rugaragaza ko hemewere abantu 521 bemerewe kuziyamamaza. Muri bo harimo abagore 326 ugereranije na 221 bari bashyizwe ku rutonde rw’abantu 441 bari bemerewe kwiyamamaza muri manda ya 2013.

Ibyo bituma ababikurikiranira hafi bemeza ko muri rusange umubare w’abagore mu nteko ushobora kuzaruta kure igipimo cya 60% cy’abari batsindiye imyanya muri manda isoje.

Gusa nta mugore wagaragaye mu bakandida batanu bigenga bemerewe kuziyamamaza uyu mwaka.

Urutonde NEC yasohoye rw’abakandida bigenga rwiyongereyeho abandi babiri kuri babiri bari bemejwe mbere, ari bo Phillip Mpayimana na Elissam Salim Ntibanyendera, nk’uko Prof Kalisa Mbanda umuyobozi mukuru wa NEC yabitangaje.

Yagize ati “Kuri iyi nshuro urutonde rw’abakandida ntakuka ruriho bane nyuma y’uko abandi babiri bujuje ibisabwa.”

Abandi babiri biyongereyeho ni uwitwa Ally Husseine Sebagenzi na Janvier Nsengiyumva.

Ku rutonde rusange ntakuka kandi hiyongereyeho Mukabunani Christine umuyobozi w’ishyaka PS imberakuri utari washyizwe ku rutonde kubera ibyangombwa bye byaburagamo amafoto ya pasiporo.

Nk’uko bisanzwe ishyaka rya FPR-Inkotanyi n’ishyaka rya PL ni yo yihariye imyanya myinshi, kuko buri ryose rifite abakandida bazarihagararira 80.

Ishyaka rya Green Party rizaba rigaragaye bwa mbere kuri uru rutonde ni 32 bemejwe, naho PS-Imberakuri ikagira abakandida bemejwe 45.

Mu rubyiruko hemejwe abakandida 26 muri 32 bari bashyizwe ku rutonde rw’agateganyo, mu gihe abafite ubumuga 10 bose bemejwe kuzatangira ibikorwa byo kwiyamamaza bigomba gutangira tariki 13 Kanama 2018.

Prof. Mbanda yavuze ko amabwiriza yo kwiyamamaza atahindutse uretse uburyo bwo kuborohereza mu gukoresha ibyapa bibamamaza. Guhera ubu nta mukandida uzongera gusaba NEC icyemezo cyo kumanika ibyapa cyanywa amashusho byo kumwamamaza.

Abakandida kandi bazajya baganira n’ikigo cy’igihugu cy’Itangazakuru (RBA) kugira ngo ibamamaze, ariko NEC ikazakurikirana niba ibyo bavuga binyuze mu murongo biyemeje gusa.

Hagati aho umubare w’abiyandikishije kuzatora nawo wageze kuri 7.174.188 harimo abagore 3.868.910.

Bamwe mu bakandida bashyizwe ku rutonde rw’agateganyo rw’abaziyamamaza mu nteko

60% by’abagize uru rutonde ni abagore ariko abakandida bigenga barugaragaraho bemerewe kuziyamamaza ni babiri gusa.

Kalisa Mbanda umuyobozi mukuru wa NEC yavuze ko urutonde bari bafite rwari ruriho abakandida 537 ariko 37 baza kunanirwa kuzuza ibisabwa n’iyi komisiyo.

NEC yari yakiriye abakandida bigenga batanu ariko babiri ari bo Phillip Mpayimana wigeze kwiyamamariza ku mwanya wa Perezida na Elissam Salim Ntibanyendera nibo bemerewe gusa.

Abandi batatu ari bo Theodore Ntakaburimvano, Ally Husseine Sebagenzi na Janvier Nsengiyumva bashyizwe ku rutonde rw’agateganyo mu gihe bacyuzuza ibisabwa.

Amashyaka atanu ni yo yatanze abakandida muri Komisiyo y’Amatora, muri yo harimo atavuga rumwe na Leta ari yo Democratic Green Party of Rwanda (DGPR) na PS Imberakuri. Aya mashyaka kandi ni bwo bwa mbere yari atanze abakandida mu matora y’abadepite.

Andi mashyaka atatu ni PSD, Liberal Party (PL) na Rwanda Patriotic Front (RPF) iri hamwe n’itsinda ry’amashyaka yiyunze nayo.

Depite Rusiha Gaston azongera yiyamamaze mu guhagararira abafite ubumuga

Mu bakandida 80 ba PL, 79 ni bo bemerewe na komisiyo naho muri 80 batanzwe na FPR 78 muri bo ni bo bemerewe kuziyamamaza.

PSD yatanze abakandida 65 ariko 64 ni bo bonyine bemerewe. PS Imberakuri yari yatanze 54 ariko hemererwa 31 naho Green Party yemererwa 30 muri 34 yari yashyikirije komisiyo, nk’uko Mbanda yabitangaje.

Yagize ati “Abatarashyizwe ku rutonde rw’agateganyo rw’amashyaka ya politiki bazamenyeshwa ibyo batujuje n’impamvu bangiwe. Muri rusange ntitwabashyize ku rutonde kuko ubusabe bwabo hari ibyo butari bwujuje ariko mu minsi itanu mbere y’uko dutangaza urutonde ntakuka tuzaba tucyakira ibyo byaburagamo.”

Ku myanya idasanzwe y’urubyiruko, abakandida 27 nibo bemerewe muri 32 bari basabye, ababana n’ubumuga 10 bari basabwe bose bemerewe kuziyamamaza mu gihe abakandida 177 muri 179 bahagarariye abagore ari bo bemerewe kuziyamamaza.

Urutonde ntakuka ruzatangazwa tariki 6 Kanama 2018, amatora akazaba tariki 2 na tariki 3 Nzeri 2018.

Urutonde rw’agarteganyo rw’abakandida 500 warusanga AHA

Depite Nkusi Juvénal yari amenyerewe nk’umuyobozi ukaze muri PAC

PSD yasohoye itangazo rigaragaza urutonde rw’Abakandida 80 bazayihagararira mu matora y’Abadepite ateganijwe muri Nzeri uyu mwaka. Uru rutonde ntirugaragaraho Nkusi bwa mbere mu myaka 24 ishize.

Depite Nkusi yamamaye cyane kubera ko yari umuyobozi wa Komisiyo y’Inteko ishinga amategeko ishizwe gukurikirana imikoreshereze y’imari n’umutungo wa Leta.

Umunyamabanga mukuru wa PSD, Ngabitsinze Jean Chrysostome yemeje ko Depite Nkusi yanze kongera kwiyamamaza ku bushake bwe.

Yagize ati "Depite Nkusi na Bazatoha Adolphe ntibari ku rutonde. Ntibashatse kongera kwiyamamaza kugira ngo bahe umwanya abakiri bato na bo ngo bashobore kuba Abadepite."

Yunzemo ati "Turabashimira imyumvire bagaragaje. Bitangiye igihugu banaduhagararira neza nk’ishyaka."

Ngabitsinze yavuze ko ntacyo bahita bavuga ku myanya bazegukana kuko ari icyemezo cy’abatora. Ariko yizeza ko bazategura imigabo n’imigambi izatuma abatora babagirira icyizere.

Abandi Badepite batagaragaye kuri urwo rutonde harimo Depite Jacqueline Mukakanyamugenge na Theodomir Niyonsenga.

Bamwe mu bagarutse kuri uru rutonde harimo Vénéranda Nyirahirwa, Georgette Rutayisire na Jean Pierre Hindura.

Mu matora y’Abadepite aheruka mu 2013, PSD yari yatsindiye imyanya irindwi mu nteko ishinga amategeko.

Ishyaka rya PL ryo ryatangaje ko urutonde rw’Abakandida bazayihagararira mu matora y’Abadepite izarusohora muri iki cyumweru.

Hagati aho,umukandida rukumbi wigenga umwe, Philippe Mpayimana, ni we umaze gutangaza ku mugaragaro ko aziyamamaza mu matora y’Abadepite.