David Nshimirimana afatanyije na Iragire Saidi bitwaye neza muri urwo rugamba.
Mu gice cya kabiri ikipe ya Mukura yabonye amahirwe aho Ndayishimiye Christophe yateye umupira hejuru.

Ni umukino warebwe n’abafana ba Mukura ndetse n’abanyarwanda batuye mu gihugu cy’Afurika y’epfo baririmbaga "Hobe hobe abi Kigali muraho" bishimira kunganya hagati ya Free State Stars na Mukura.

Umukino wo kwishyura uzaba ku itariki 5 ukuboza kuri stade Huye.Ikipe izarokoka ikazahura na Al Hilal Obeid yo muri Sudani

Abakinnyi babanje mu kibuga
Mukura VS: Rwabugiri Omar-Rugirayabo Hassan-David Nshimirimana-Iragire Saidi- Mutijima Janvier-Nkomezi Alexis-Gael Duhayindavyi-Ciza Hussein-Iddy Saidi Djuma-Ndizeye Innocent-Twizerimana Onesme

Muhitira ahagaze ahagenewe uwabaye uwa kabiri mu irushanwa

Iri rushanwa ryabereye mu mujyi wa Paris kuri iki Cyumweru tariki 14 Ukwakira 2018.

Iri siganwa ryatangiye mu 1979 ritangijwe na Michel Jazy ku bufatanye n’Umujyi wa Paris, rihuza abakinnyi bakomeye ku isi mu mukino wo kwiruka ku maguru.

Uyu mwaka wari umwihariko kuko ryari ryujuje imyaka 40 rishinzwe, aho Felicien yitwaye neza imbere y’abakinnyi bakomeye.

Abarenga ibihumbi 30 nibo bari biyandikishije kwitabira iryo siganwa.

Mu mwaka ushize ryegukanywe na Collins Chebii ukomoka muri Kenya, wakoresheje iminota 58 n’amasegonda 28.

Abarenga ibihumbi 30 bari biyandikishije kuzitabira iri rushanwa

APR FC izakina umukino utangiza Shampiyona ya 2018-2019, ihite ihabwa igikombe cy’Umwaka washize

Uwo munsi niho hazatangirwa ku mugaragaro igikombe cya shampiyona 2017-2018 cyegukanwe n’ikipe ya APR FC itozwa na Dr Petrovic.

Imikino ibanza ya shampiyona izaba kuva ku itariki 19 ukwakira isozwe ku itariki 20 mutarama 2019. Muri ayo mezi atatu (iminsi 94) yonyine,buri kipe igize shampiyona izaba yakinnye imikino 15 yose. Muri make buri kipe izajya ikina umukino wa shapiyona nyuma y’iminsi itandatu yonyine.

Imikino iba itegerejwe n’abakunzi ba sport mu Rwanda ni hagati ya APR na Rayon Sports, uwo mukino ubanza uteganijwe ku itariki 12 ukuboza 2018 naho umukino wo kwishyura ukazaba ku itariki 24 mata 2019.

Shampiyona y’umupira w’amaguru 2018-2019 izasozwa ku itariki 8 kamena 2019.
Umukino uzahuza APR na Espoir FC niwo mukino rukumbi uzakinirwa kuri Sitade Amahoro ku ngengabihe y’imikino ya shampiyona 2018-2019.

Imikino iteganijwe ku munsi wa mbere wa shampiyona yose izajya itangira saa cyenda n’igice.

Itariki 19 ukwakira 2018
APR FC vs Amagaju (Sitade ya Kigali i Nyamirambo)

Itariki 20 ukwakira 2018

Etincelles vs Rayon Sports (Sitade Umuganda)
Gicumbi vs Espoir (Sitade ya Gicumbi)
Mukura vs Sunrise (Sitade ya Huye)
Kirehe vs SC Kiyovu (Sitade ya Kirehe)

Itariki 21 ukwakira 2018

AS Muhanga vs Police (Sitade ya Muhanga)
AS Kigali vs Musanze (Sitade ya Kigali I Nyamirambo)
Marines vs Bugesera (Sitade Umuganda)

Ikipe ya AS Kigali mu myitozo yitegura Rayon Sports

Bakame ugifite amasezerano muri Rayon Sports yahagaritswe kubera imyitwarire mu gihe kitazwi.

Kuri uyu wa Gatatu tariki 26 Nzeri 2018, AS Kigali yakoze imyitozo yitegura guhura na Rayon Sports mu irushanwa ryiswe Agaciro Development Fund 2018.

Bakame we yakomereje imyitozo muri AS Kigali itozwa na Eric Nshimiyimana, wanahise atangariza Kigali Today ko iyo kipe imwifuza.

Yagize ati “Twe turamushaka nawe aradushaka, yavuze ko nta kipe afite. Niba yaje gukora imyitozo, twe ntabwo turaganira kuko afite ibyo agomba Rayon Sports. Agomba gutandukana na Rayon Sports ariko kubera ko ari umukinnyi nzi, ndamureka agakora imyitozo.

“Bibaye ngombwa kumufata twumvise ko yarangije ikibazo na Rayon Sports nawe ari tayari nta kibazo.”

Bizeye kuzitwara neza imbere ya Rayon Sports

Bibaye nyuma y’amasaha make Bate Shamiru, umunyezamu wa mbere wa AS Kigali yerekeje muri Kiyovu Sports mu buryo bwatunguye n’abo bakinana muri AS Kigali.

Kayumba Soter, capitaine wa AS Kigali yatangaje ko ikipe ye yiteguye kwitwara neza nubwo batangiye imyitozo batinze.

Ati “Kuri twe byagize ingaruka kuko urabona no gutangira bitinze ntabwo byari bikwiye, kuko AS Kigali n’ikipe yatangiraga imyitozo imbere y’izindi ariko ndatekereza neza ko bizagenda bigaruka mu buryo.”

AS Kigali igiye gukina irushanwa rya Agaciro Development mu gihe Umujyi wa Kigali wagabanije inkunga utera iyo kipe.

Abakinnyi batangiye imyitozo nyuma yo guhabwa ikirarane cy’umushahara wa Nyakanga mu gihe basigaje guhembwa n’aya Kanama.

Iryo rushanwa rizatangira tariki 28 Nzeri, rizitabirwa na Rayon Sports, APR Fc, As Kigali na Etincelles.

Imikino yose iteganijwe izabera kuri stade Amahoro iteye itya:

APR FC vs Etincelles Saa cyenda n’igice
As Kigali vs Rayon sports Saa kumi n’ebyiri

Ikipe ya Gucumbi FC

Byatangajwe nyuma y’inama ya komite nyobozi y’ishyirahamwe ry’umupira w’amaguru mu Rwanda (FERWAFA) yabaye kuri uyu wa Kabiri tariki 17 Nzeri 2018.

FERWAFA yatangaje ko hateganijwe ko imikino kamparamaka ari yo izerekana ikipe izazamuka mu cyiciro cya mbere.

Tariki tariki 30 Kanama 2018, ni bwo ubuyobozi bwa Intare FC bwatangaje ko butakitabiriye imikino ya shampiyona y’u Rwanda ya 2018-2019.

Byahise binayihesha igihano cyo kutazakina mu cyiciro cya mbere mu myaka ibiri iri mbere.

Komite nyobozi ya FERWAFA yaje gufata icyo cyemezo ikurikije itegeko 10.4 rigenga amarushanwa ya FERWAFA rivuga ko ”Mu gihe umubare w’amakipe yo mu kiciro cya mbere bibaye ngombwa ko yongerwa, komite nyobozi ya FERWAFA izakoresha imikino izahuza amakipe abiri yamanutse mu kiciro cya kabiri n’amakipe abiri yatsinzwe muri kimwe cya kabiri mu kiciro cya kabiri.”

AS Muhanga na Intare FC nizo zari zabonye itike yo gukina shampiyona ya 2018-2019. Intare itozwa na Rubona Emmanuel yari yanegukanye igikombe, nyuma yo gutsinda ikipe yo mu Karere ka Muhanga ibitego 2-1.

U Rwanda rukuye intsinzi kuri Tunisia

Ni umukino wa kabiri u Rwanda rwitwaye neza mw’itsinda rya B nyuma yo gutsinda Algeria 81-63.

Abasore b’umutoza Murenzi Yves bakomeje kugaragaza icyizere muri aya marushanwa nyuma yo gutangira neza umukino aho agace kambere kaje kurangira u Rwanda ruri imbere amanota 9 kuri 8 ya Tunisia.

Mu gace ka kabiri k’umukino, Tunisiya itozwa na Zouhaier Ayachi yaje kuzamura imikinire babuza abasore b’u Rwanda kwigaragaza. Igice cya mbere cy’umukino gisozwa u Rwanda ruri inyuma n’inota rimwe (25-26).

Amakipe yombi yari yatakanye bikomeye

Mu gace ka gatatu, nubwo u Rwanda rwarushijwe kuri rebounds na Tunisiya ntibyabujije umutoza Murenzi afatanyije na Kamanzi Janvier guhindura umukino Amavubi asoza ari imbere (39-37).

Ngoga Elias (amanota 15) na Jean de Dieu Umuhoza baje gufasha u Rwanda gutsinda Tunisiya 62-58 no kuyobora itsinda rya B n’amanota 4.

Muri uyu mukino, Jean de Dieu Umuhoza niwe yinjije amanota menshi muri uyu mukino n’amanota 19 mu gihe Yacine Toumi ukinira Tunisiya yinjiza n’amanota 15.

Kuri iki cy’umweru, u Rwanda rurahatana na Angola umukino uteganijwe saa tanu n’iminota 15 za n’ijoro amasaha yo mu Rwanda.

Ikipe y’u Rwanda y’abatarengeje 18

Ikipe ya Tunisia yari ihanganye n’iy’u Rwanda

Amavubi y’abatarengeje imyaka 18 yitwaye neza

Mu mukino wa basketball waberaga i Bamako mu gihugu cya Mali, Amavubi y’abatarenge imyaka 18 yatsinze Algeria amanota 81-63.

Ikipe ya Algeria yatangiye neza irusha cyane u Rwanda agace ka mbere k’umukino 21-9. Nyuma yo gutangira nabi, abasore b’umutoza Murenzi Yves ntibacitse intege kuko bagiye kuruhuka u Rwanda ruri imbere amanota 36 kuri 28 ya Algeria.

Agace ka gatatu, Amavubi yakomeje kwongera intera y’amanota imbere ya Algeriya n’amanota 24 kuri 17.

Nkundwa Thierry yaje kwigaragaza aho yatsinze muri rusange amanota 31 yafashije u Rwanda kwegukana intsinzi ya mbere 81 kuri 63 ya Algeria.

Kuri uyu wa gatandatu, u Rwanda ruzahatana na Tunisia imwe mu makipe akomeye muri iri rushanwa riri kubera I Bamako muri Mali.

Ahaei mu karuhuko kaba mu mukino hagati

Mashami Vincent (wambaye ikoti ry’umukara) umutoza mushya w’Amavubi mu kiganiro n’abanyamakuru

Ni umuhango wabereye ku cyicyaro cy’ishyirahamwe ry’umupira wa maguru mu Rwanda (FERWAFA), mu gihe habura iminsi 18 umukino wa kabiri mu itsinda rya H uzahuza Amavubi na Cote d’Ivoire uzabera i Kigali ku itariki 9/09/2018.

Mashami wari usanzwe ari umutoza wungirije yemejwe nk’umutoza mukuru

Mu bakinnyi 32 bahamagawe hongeye kugaragara amazina akomeye nka Meddy Kagere na Jimmy Mbaraga bari bamaze imyaka ine batongeye gukinira ikipe y’igihugu y’umupira w’amaguru.

Umunyezamu Ndayishimiye Eric Bakame ntabwo yagaragaye kuri urwo rutonde nyuma y’aho Staff y’Amavubi yasanze ko yabanza gukemura ikibazo afitanye n’ikipe ya Rayon Sports.

Rwabugiri Omar, Iragire Saidi na Cyiza Hussein bakinira Mukura VS bahamagawe mu Mavubi baturutse mw’ikipe iherutse kwegukana igikombe cy’Amahoro.

Kuri uyu wa kabiri tariki 21/08/2018, abakinnyi bakina imbere mu Rwanda baratangira umwiherero bitegura umukino ukomeye n’Inzovu za Cote d’Ivoire mu marushanwa yo gushaka itike y’igikombe cy’Afurika cya 2019 kizabera muri Cameroun.

Kuri uyu wa gatatu niho Amavubi azatangira imyitozo ikomeye izajya ibera I Nyamirambo mu gihe bazaba bategereje abakinnyi bakina hanze y’u Rwanda bazaba baje gusanga abandi bazaba batangiye imyitozo.

Ku kijyanye no gushaka imikino ya gishuti, umutoza Mashami Vincent yatangaje ko bigoye kubona imikino ya gishuti muri iyi minsi ko bagiye gushaka imikino mbere yo guhura na Cote d’Ivoire.

Amavubi aherutse gukina umukino mpuzamahanga ku itariki 12/06/2017 aho yatsindwaga na Repubulika ya Centrafrika ibitego 2-1

Urutonde rw’Amavubi rwahamagawe

Abanyezamu: Kwizera Olivier (Free State Stars, Afurika Yepfo), Kimenyi Yves (APR FC), Rwabugiri Omar (Mukura VS), Ntwari Fiacre (Intare &U -20)

Ba myugariro: Salomon Nirisarike (AFC Tubize, Ububiligi), Iragire Saidi (Mukura VS) , Usengimana Faustin (Khitan Sports Club, Kuwait), Rwatubyaye Abdoul (Rayon Sports) ,Rugwiro Herve (APR FC) , Manzi Thierry ( Rayon Sports), Michel Rusheshangoga (Utarabona ikipe), Fitina Ombolenga (APR FC), Emmanuel Manishimwe (APR FC ), Rutanga Eric (Rayon Sports)

Abakina hagati: Mukunzi Yannick (Rayon Sports), Mugiraneza Jean Baptiste (APR FC), Niyonzima Ally (AS Kigali), Bizimana Djihad (Beveren,Ububiligi), Haruna Niyonzima (Simba, Tanzaniya), Buteera Andrew (APR FC), Cyiza Hussein (Mukura VS), Iranzi Jean Claude (APR FC), Muhire Kevin (Rayon Sports), Sibomana Patrick (FC Shakhtyor, Belarus), Ngendahimana Eric (Police FC), Nizeyimana Djuma (Kiyovu Sports)

Ba rutahizamu: Kagere Meddy (Simba, Tanzania), Tuyisenge Jacques (Gor Mahia,Kenya), Usengimana Danny (Tersana FC, Misiri), Hakizimana Muhadjiri (APR FC), Mbaraga Jimmy (AS Kigali), Uwimbabazi Jean Paul (Kirehe FC)

Staff y’ikipe y’igihugu Amavubi

Umutoza mukuru: Mashami Vincent
Umutoza wungirije wa mbere: Jimmy Mulisa
Umutoza wungirije wa kabiri: Seninga Innoncent
Umutoza w’abanyezamu: Higiro Thomas
Team Manager: Rutayisire Jackson
Kit Manager: Peter Babaziki na Munyaneza Jacques “Rujugiro”
Abaganga: Rutamu Patrick na Osman

REG na Patriot ni amakipe abiri akomeye mu Rwanda ahora atsindagurana

Umukino watangiye n’imbaraga n’ishyaka ku mpande zombi aho REG yinjiye mu mukino neza, agace ka mbere k’umukino kaje kurangira REG iri imbere n’amanota 19 kuri 11 ya Patriots.

Umukino waje gushimisha abafana baje ari benshi benshi kuri Petit Stade aho Ndizeye Dieudonne wa Patriots yaje gutera dunk nziza habura iminota 6 n’amasegonda 45 ngo agace ka kabiri gasozwe.

Kami Kabange (REG) wari wagarutse neza nyuma y’imvune ku mukino wa mbere, yaje gutsinda amanota 9 afasha REG gusoza igice cya mbere iri imbere n’amanota 37 kuri 29 ya Patriots.

Abakinnyi ba REG bari bafite ishyaka ryinshi muri uyu mukino

Mu gace ka gatatu k’umukino, Kami Kabange wongeye kugaragaza ko ahagaze neza yaje gutsinda amanota 10 muri 16 y’ikipe ya REG. Ako gace karangira REG iyoboye n’amanota 53 kuri 40 ya Patriots.

Abakinnyi b’ikipe ya Patriots ntabwo bacitse intege mu gace ka kane, bakomeza kuzamura amanota babifashijwemo na Ndizeye na Hagumintwari Steven.

Habura umunota n’amasegonda 47, REG yayirushaga amanota 7 yonyine. Umukino waje kurangira ikipe ya REG itsinze Patriots amanota 73 kuri 65.

Abafana bari bakubise buzuye

Umukinnyi wabonye amanota menshi muri uru rugamba ni Kami Kabange watsinze amanota 24 hafi 1/3 cy’amanota ya REG.

Hagumintwari Steven niwe watsindiye amanota menshi ku ruhande rwa Patriots n’amanota 17.
Ngwijuruvugo Patrick umutoza wa REG yatangaje icyabafashije gutsinda umukino.

“Nari nagerageje kubabwira ko bagira ishyaka bose kuri uyu mukino kugira ngo umukino wa gatatu uzatworohere” umutoza Patrick aganira n’itangazamakuru.

Ku ruhande rwa Mugabe Aristide kapiteni wa Patriots yemeye ko ikipe ye yatangiye nabi umukino irushwa na REG.

“Navuga ko twatangiye agace ka mbere nabi, barangiza hari ikinyuranyo cy’amanota 10 byatumye byica imikinire yacu.

Dutangira gukina harimo igihunga ariko tugerageza kugaruka mu gace ka gatatu. Ikinyuranyo cyabaye mu gace ka mbere k’umukino”

Umukino wa gatatu wa kamarampaka uteganijwe ku wa kane tariki 2/08/2018 kuri petit stade.

Tubibutsa ko ikipe izabanza gutsinda imikino itatu kuri itanu iteganijwe izegukana igikombe cya Playoffs 2018.

-Abakinnyi 5 babanje ku ruhande rwa REG

Mukengerwa Benjamin- Shyaka Olivier- Kaje Elie – Kami Kabange – Kazingufu Ali

Abakinnyi 5 babanje ku ruhande rwa Patriots

– Sagambe Cedar -Makiadi Mike - Hagumintwari Steven -Kasongo Junior - Mugabe Aristide

Christ Mbondi yatsinzemo ibitego bibiri muri uyu mukino

Ku munota wa 32 w’umukino, Rayon Sports yatsinze igitego cya mbere, ku ishoti rikomeye ryatewe na Christ Mbondi, umunyenzamu wa Marines Fc wari uhagaze imbere ashiduka inshundura zinyeganyega.

Nyuma y’iminota itanu gusa, Christ Mbondi yatsinze igitego cya kabiri, giturutse ku mupira yari ahinduriwe neza na Muhire Kevin, igice cya mbere kirangira Rayon Sports itsinze 2-1.

Ku munota wa 75 w’umukino, Rayon Sports yatsinze igitego cya gatatu, ku mupira watewe n’umutwe na Mugabo Gabriel, umunyezamu agerageje kuwukuramo agwano nawo mu izamu.

Rayons Sport yahise ijya muri 1/2 cy’igikombe cy’Amahoro

Mu minota ya nyuma Marines yakomeje gushakisha igitego ariko ntibyakunda, umukino urangira ari ibitego 3-1.

Nyuma yo gutsinda uyu mukino Rayon Sports yahise ibona itike cyo kuzakina 1/2, aho izahura na Sunrise yasezereye Bugesera.

Ubusatirizi bw’amakipe yombi bwari bukomeye

Uyu mukino watangiye saa mbiri n’iminota 20 aho Petit Stade i Remera yari yuzuye abafana baje kwirebera urugamba hagati ya REG na Patriots.

Umukinnyi wa REG Kaje Elie niwe waje gutsinda amanota 2 ya mbere y’umukino. Agace kambere kaje kurangira ikipe ya REG iri imbere n’amanota 19 kuri 17 ya Patriots.

Habura iminota 4 igice cya mbere kirangire, umukinnyi Hagumintwari Steven ukinira Patriots yaje gutera dunk nziza yashimishije abafana bari baje kwirebera. Bitewe n’umukino ufunze ku mpande zombi, igice cya mbere cyaje kurangira REG ifite amanota 27 kuri 26 ya Patriots.

Habura iminota ine n’amasegonda 43, ni ho ikipe ya Patriots yaje kuyobora ku nshuro ya mbere amanota 35 kuri 33, ubwo umukinnyi Sagamba Sedar yatsinze amanota 2 ku mupira yahawe na Kasongo.

Abafana ba Patriots mu byishimo batangira kuririmba “Defence”, Sagamba Sedar wigaragaje cyane mu gace ka gatatu yafashije Patriots kujya imbere amanota 50 kuri 38 ya REG itozwa na Ngwijuruvugo Patrick.

Uyu mukino washimishije abafana bawurebye

Mu gace ka kane Patriots yakomeje gusatira ku ntsinzi yabo ya mbere, aho Steven yongeye guhagurutsa abafana ba Patriots atera dunk, ikipe ya REG itangira gukora amakosa no gutakaza imipira.

Saa ine n’iminota umunani za n’ijoro niho umukino waje kurangira Patriots itsinze REG amanota 63 kuri 58 ya REG.

Patriots yaje kurangira itsinze REG

<doc1

Umukino wa kabiri wa final ya Playoffs uteganijwe kw’itariki 29 Nyakanga 2018.

Abatsinze amanota menshi ku ruhande rwa Patriots

Sagamba Sedar 17
Hagumintwali Steven 14
Kasongo J 14

Abatsinze amanota menshi ku ruhande rwa REG
Shyaka Olivier 10
Nkurunziza Walter 10
Kazingufu Ali 8

Umukino wari ukomeye

Ni umukino wabaye kuri uyu wa gatanu kuri Petit Stade i Remera aho abasore b’umutoza Patrick beretse abakunzi b’umukino wa basket ko bafite inyota yo gutwara igikombe cya Playoffs.

Igice cya mbere cy’umukino cyaje kurangira ikipe ya REG iri mbere n’amanota 41 kuri 23 ya APR BBC itozwa na Aime Nkusi Karim. Mu gace ka gatatu habura iminota 3 n’amasegonda 48 ako gace gasozwe, ikipe ya APR yaje kuzamura aho byageze APR yarushwaga amanota 10 gusa(53 kuri 43 ya APR).

Mu gace ka kane kuwo mukino,ubunararibonye bw’abakinnyi ba REG barimo KAJE Elie baje kuzamura ikinyuranyo cy’amanota umukino uza kurangira ikipe ya REG yegukanye intsinzi y’amanota 84 kuri 79 ya APR BBC.

Mu wundi mukino wari utegerejwe n’abafana benshi, ikipe ya Patriots yabonye intsinzi imbere y’ikipe ya IPRC Kigali amanota 86-63.

Abasore b’umutoza Henry Mwinuka utoza Patriots batangiranye imbaraga bashaka gusiga intera y’amanota menshi ikipe ya IPRC Kigali itozwa na Buhake Albert.

Mu gace ka gatatu k’umukino IPRC Kigali yaje kuzamukana REG,abafana baje gushimishwa n’amanota arimo amayeri yatsindwaga n’abasore bakiri bato b’umutoza Buhake batangira gufana IPRC Kigali.

Nyamara byaje kuba impfabusa bitewe n’amakosa menshi n’uburangare bw’abakinnyi ba IPRC byaje gufasha Patriots kwongera amanota no gutsinda uwo mukino amanota 86 kuri 63 ya IPRC Kigali.

Umunsi wa mbere wa Playoffs (Ku wa Gatanu tariki ya 13 Nyakanga 2018)

REG 84-79 APR BBC (Lions)
PATRIOTS BBC 86 - 63 IPRC KIGALI

Umunsi wa kabiri wa Playoffs (Ku wa Gatandatu tariki ya 14 Nyakanga 2018)

IPRC Kigali BBC vs Patriots BBC (Amahoro) saa kumi n’ebyiri
APR BBC vs REG BBC (Amahoro) saa mbiri za nijoro.

Ikipe ya IPRC Kigali BBC

Ikipe ya Ppatriots n’abatoza ba yo