Iraduknda yashoboye gutsinda bagenzi be anagirwa Nyampinga wagaragaje ubwiza mu kwifotoza (Miss Photogenic).

Kigali Today yaguhitiyeme amafoto 20 atandukanye yaranze iki gitaramo cyabereye mu nzu mberabyombi ya Kigali Convention Center (KCC).

Ababyeyi ba Miss Iradukunda bari baje kumushyigikira

Bamwe mu bagize umuryango we nabo bari baje kumushyigikira

Ibyiciro byose Iradukunda yagiye atorwa mu ba mbere

Itsinda rya Miss Rwanda 2017 ryose ryari rihari

Miss 2017 Iradukunda yari aberewe mu ikanzu y’icyatsi

Akanama nkemurampaka kari kayobowe na Miss France 2000, Sonia Roland

Umuhanzi Buravan yifashishije aba bakobwa mu kuririmba

Mu byo ba Nyampinga bagaragaje harimo n’imbyino z’umuco Nyarwanda

Biyerekanye no mu makanzu yari ababereye

Miss Habibah wamamaye ku mbuga nkoranyambaga nawe yari ahari

Abafanaga uwo bashyigikiye babikoraga nk’abogeza ruhago

Miss Rwanda 2032?

Iradukunda yari ashyigikiwe cyane muri rubanda

DJ Ira, umukobwa uri kubaka izina mu kuvangavanga imiziki

Uko bakurikiranaga ni nako bahanahanaga amakuru kuri za telefone y’uko bimeze

Bamwe bari babyambariye

Ngayo nguko

Bamwe ibitekerezo byari byose bibaza niba ba Nyampinga bashyigikiye hari icyo bari buze gucyura

Ni uko imitegurire yari imeze muri sale ya KCC

Ibirori byabereye mu nyubako ya KCC

Miss Iradukunda Liliane yambikwa ikamba

Iradukunda yungirijwe na Umunyana Shanitah nk’Igisonga cya Mbere na Irebe Umunyana Natasha Ursule watowe nk’Igisonga cya Kabiri.

Wari umuhango wabereye mu nzu mberabyombi ya Kigali Convention Center, ku mugoroba wo kuri uyu wa Gatandatu tariki 24 Gashyantare 2018.

Akimara gutorwa, Iradukunda yafashwe n’amarangamutima anashimirwa na bagenzi be mbere yo kwambikwa ikamba na Iradukunda Elsa wari ufite ikamba rya 2017.

Akimara gutorwa yagize ati "Mwakoze kuntora kuko sinari mbyiteze ariko iyi niyo ntangiriro yurugendo rwo gukora ibyo niyemeje."

Aha bari bakivuga izina rye, atarabyiyumvisha

Yiyemeje kuzakora umushinga wo guteza imbere ubukerarugendo bushingiye ku muco.

Miss Iradukunda yatowe kandi nka Nyampinga wagaragaje ubwiza mu kwifotoza (Miss Photogenic), naho Uwase Ndahiro Liliane akaba yabaye uwa Kane ahabwa ikamba rya Nyampinga uzi kubana neza n’abandi (Miss Congeniality).

Misss Iradukunda na bagenzi be bari bamaze igihe kigera ku byumweru bibiri mu mwiherero, aho bigishwaga amateka y’u Rwanda, umuco n’izindi nyigisho zijyanye n’indangagaciro z’igihugu.

Iradukunda Liliane, Miss Rwanda akaba na Miss Photogenic

Ku mugoroba wo kuri uyu wa Gatandatu tariki 24 Gashyantare 2018, niho umukobwa umwe muri 15 bahatanira ikamba rya Miss Rwanda ari bumenyekane.

Kigali Today irakomeza ibakurikiranire uko iki gikorwa kiri bugende n’abahabwa amahirwe yo kwegukana iri kamba.

Abahatana bamaze kuhagera

Aba nibo bemerewe kuzahagararira Intara y’i Burengerazuba muri Miss Rwanda 2018

Abagize akanama nkemurampaka bagarutse mu byicaro byabo, n’abakobwa bongera guhamagazwa bose.

Hakurikije ibisubizo byatanzwe n’aba bakobwa bifite 45%, uburanga bufite 25% no gukurikiranya ingingo z’ibisubizo kuri 35% akanama nkemurampaka gakuriwe na Butera Isheja Sandrine, kemeje aba:

No 01 UWIMBABAZI Alliance
No 2 GACUKUZI BELYSE
No 03 NEEMA NINA
No 4 IRADUKUNDA Liliane
No 5 ISIMBI Chanelle
No 6 UWASE Fiona

Abakemurampaka bamaze kwemeza batandatu bazahagararira Intara y’i Burasirazuba

Muri 7 bari bagaragaje ko bujuje ibisabwa, umwe gusa niwe udakomeje mu cyiciro gikurikira.

Guhera saa tanu z’amanywa, abakobwa bahatanira ikamba rya Miss Rwanda mu Burengerazuba bari batangiye kugera ahabera amajonjora, bamwe baherekejwe n’imiryango yabo abandi bararitse inshuti zabo ngo zibaherekeze.

Mu bakobwa bose bari biyandikishije muri iyi ntara, barindwi gusa nibo bagaragaye ko bujuje ibisabwa, nyuma yo gupimwa ibiro, uburebure no kugenzura ibyangombwa.

Aba ni bo bacaguwemo batandatu bazahagararira Intara y’u Burasirazuba

Mu ntambuko nk’iya banyampinga, n’amakanzu y’amabara anyuranye agera ku birenge, aba bakobwa bose babanje kwiyereka akanama nkemurampaka, nyuma hatangira kuza umwe kuri umwe bakurikije numero baba bahawe.

No 01 UWIMBABAZI Alliance, wavukiye muri aka karere ka Rubavu, imbere y’akanama nkemurampaka yarase ubwiza bw’intara y’u Burengerazuba, yibanda ku kiyaga cya Kivu kirobwamo amafi kikanakorerwamo ubukerarugendo.

Uwimbabazi alliance

No 2 GACUKUZI BELYSE, Witabiriye iri rushanwa akomotse Kicukiro, avuga ko afite ubwiza bufite intego n’icyizere gihagije.

Mu rurimi rw’igifaransa, Belyse yasobanuriye akanama nkemurampaka ko aramutse abaye Miss Rwanda yakoresha ubukangurambaga mu itangazamakuru, agamije kurwanya ibiyobyabwenge mu rubyiruko, yita ejo hazaza h’igihugu.

Gacukuzi Belyse

No 03 NEEMA NINA, wabanje kugaragaza ubwoba mu maso, yabajijwe igihe cya nyacyo yumva abakobwa bajya bashingira ingo mu Rwanda, asubiza ko byaba byiza bagejeje ku myaka 21, kuko aribwo umuntu aba akuze.

NINA utarigeze yitwa izina ry’Ikinyarwanda, yavuze ko afata Se nk’icyitegererezo cy’ubuzima bwe.

Neema Nina

No 4 IRADUKUNDA Liliane, Ukunda imideri, yavuze ko azateza imbere ibyakorewe mu Rwanda (Made In Rwanda) naramuka abaye nyampinga w’u Rwanda.

Iradukunda Liliane

No 5. ISIMBI Chanelle. Ngo yiyiziho guhora yisekera no kudakomeza ubuzima no kugerageza kutagirana ikibazo n’abantu.

Uyu yabajijwe uko yifuza kubona ejo he hazaza, asubiza ko yifuza kuzaba umushoramari ukomeye, nubwo ataramara guhitamo ibyo azashoramo imari.

Isimbi chanelle

No 6. UWASE Fiona , Imfura mu bana 4 waje aturutse ku Gisozi mu karere ka Gasabo, avuga ko yasanze ikintu cyafasha u Rwanda gutera imbere byihuse, ari ugukoresha umuco.

Yashimangiye ko aramutse abaye Miss Rwanda, yasaba Ministeri y’uburezi na Ministeri y’umuco bagashyiraho isomo ryihariye ryigisha umuco mu mashuri.

Uwase Fiona

No 7. UMUKUNDWA Divine. Yaje kwitabira ijonjora avuye i Nyamirambo mu karere ka Nyarugenge, yagowe no gusobanura uburyo yateza imbere umukobwa aramutse abaye Miss Rwanda.

Abajijwe icyo avuga ku miterere y’umukobwa w’i Nyamirambo nk’uko bijya byumvikana mu mvugo zigezweho, Divine yavuze ko hari abakobwa ba Nyamirambo bafite umutima nawe yishyizemo.

Umukundwa Divine

Abazahagararira i Burengerazuba bamenyekanye

Miss Jolly, Elsa, Gisabo na Geulda bose baciye muri iyi ntara biyamamaza

Mu buryo busa no guca agahigo, Rubavu niko gace kamaze guturukamo ba nyampinga babiri bikurikiranya, bambaye ikamba rya Miss Rwanda. Abo ni Miss Mutesi Jolly 2016, n’uwo yahaye ikamba, Miss Iradukunda Elsa 2017.

Miss Rwanda 2016 na Miss Rwanda 2017 bose biyamamarije Rubavu

Ni nako gace kagiye kavamo abanditse amazina muri iri rushanwa, barimo nka Miss Hirwa Honorine wamamaye nka Miss Gisabo, wanambitswe ikamba rya Nyampinga ukunzwe n’imbaga mu marushanwa ya 2017.

Miss Igisabo yandikiye izina i Rubavu

Aha kandi hakomotse Shimwa Guelda igisonga cya 2 cya Miss Rwanda 2017, umwe mu bakobwa bagaragaje gusubiza mu buryo bwihagazeho, uhereye mu majonjora kugera ku munsi wa nyuma w’irushanwa ry’umwaka ushize.

Shimwa Guelda nawe yakomotse Rubavu

Uyu mujyi ufatwa nk’uw’ubukerarugendo, ni nawo wakomotsemo Uwamahoro Natasha, wabaye Igisonga cya Miss Rwanda 2012, kubwa Aurore Kayibanda. Uyu Natasha yari yaranigeze kuba Nyampinga w’icyahoze ari Ishuri rikuru ry’imari n’amabanki (SFB) mbere yo kwitabira Miss Rwanda.

Uwamahoro Natacha aba igisonga cya Miss Rwanda 2012

Rubavu imaze kuba nk’igicumbi cy’amahirwe y’abakobwa bahatanira iri kamba, igiye gukorerwamo amajonjora y’ibanze ku gicamunsi cyo kuri uyu wa 14 Mutarama, hatoranywe abazahatana n’abandi bakobwa baturutse mu gihugu hose.

Amakuru agera ku munyamakuru wa Kigali Today, aravuga ko mu barenga 100 biyandikishije mu gihugu hose, imyirondoro y’abarenga 20 ari iy’abiyandikishirije mu burengerazuba.

Aba ni bo bazaserukira Intara y’Amajyaruguru mu marushanwa ya Miss Rwanda 2018

Akanama nkemurampaka kagizwe na Dr Higiro Jean Pierre, Butera Isheja Sandrine na Rwabigwi Gilbert, kafashe iminota 10 kegeranya amanota y’abahatana, bemeza ko abakobwa batandatu, aribo baserukira iyi ntara mu kiciro gikurikiraho muri Miss Rwanda.

Butera Isheja Sandrine wari uhagarariye aka kanama nkemurampaka, yavuze ko batanze amanota bakurikije Uburanga bw’umukobwa ku manota 25%, Ubuhanga 45%, naho Uburyo umuntu yashyiraga ku murongo ibyo asubiza bifite amanota 35%.

Ibi ngo ni byo bashingiyeho bemeza aba batandatu bakurikira ko aribo bazaserukira Intara y’Amajyaruguru mu marushanwa ya Miss Rwanda 2018.

No 1 USANASE Shamim Irene
No 11 UMUTONIWASE Paula
No 2 ISHIMWE Belly Stecy.
No 8 IREBE Natasha Ursule
No 3 Umuhoza Linda
No 4 INGABIRE DIVINE

Uhereye ibumoso ni Gilbert Rwabigwi, Sheja Butera Sandrine na Dr Higiro bari gukemura impaka muri aya marushanwa ya Miss Rwanda 2018

Mu bakobwa 13 bageze ahabera amarushanwa, 10 nibo bari bujuje ibisabwa.
Musanze ahabereye amajonjoya ya Miss Rwanda 2018, abakobwa 13 nibo bageze ahasuzumirwa ibisabwa, hatambuka 10, ari nabo bagiye imbere y’akanama nkemurampaka.

Mbere yo gutangira kunyura imbere y’akanama nkemurampaka no kubazwa ibibazo, abakobwa biyandikishije babanza gusuzumwa niba bujuje cyangwa batarengeje ibiro bisabwa, uburebure no usuzuma umwirondoro.

No 1. USANASE Shamim Irene

niwe wabanjirije abandi kwigaragaza imbere y’akanama nkemurampaka.
Uyu asa n’uwatunguye akanama nkemurampaka ubwo yavugaga ibisekuru bye kugeza ku cya 9.

Ikibazo yabajijwe ni ikijyanye n’impamvu mu Rwanda bavuga ururimi rw’ikinyarwanda baruvanga n’izindi ndimi.

No 2. ISHIMWE Belly Stecy

Uyu yabajijwe ku nshingano za Miss Rwanda iyo amaze gutorwa, ndetse anabazwa icyo yakora kidasanzwe.

Ishimwe yasubije ko yatinyura urubyiruko rwo muri Musanze rukareka kwitinya, kandi akarwigisha indangagaciro.
Imbere y’akanama nkemurampaka, yabaye nk’ushima ibikorwa byakozwe n’abandi bambaye ikamba rya Miss Rwanda.

No 3. Umuhoza Linda

Mu cyongereza kinshi kivanze n’ikinyarwanda gicye, Umuhoza yagaragara nk’umukobwa ufite icyizere.

Isheja Sandrine wo mu kanama nkemurampaka, yamubajije kucyo atekereza ku bakobwa bihindura uruhu. Linda yavuze ko impamvu ari uko hari abakobwa baba bashaka gusa nk’abazungu, ndetse avuga ko aramutse yambaye ikamba rya Miss Rwanda 2018, yaca burundu amavuta yitwa Mukorogo abagore bisiga.

No 4. INGABIRE DIVINE

Yabajijwe niba irushanwa rya Nyampinga riramutse ritabayeho hari iccyo abanyarwanda baba bahombye. Nocole yavuze ko abanyarwanda baba bahombye kuko iri rushanwa rigira uruhare mu guteza imbere umuco w’u Rwanda.

No 5. UMUTESI Nicole

Nicole yagaragaje nk’utazi neza akarere ka Musanze n’igice cy’amajyaruguru muri rusange, ariko abajijwe niba hari icyo ahazi cyakurura abantu, asubiza ko hari ibirunga n’imisozi bitandukanye n’insi misozi iba muri Kigali.

No 7. ISHIMWE Henriette

Nicole utagaragazaga kumwenyura bihagije immbere y’abakemurampaka, yabajijwe niba yemeranya n’urubyiruko rusiganirwa kujya gutura mu mahanga, asubiza ko igihugu cy’u Rwanda gikeneye abanyarwanda bose ngo bacyubake, nacyo kizamere nk’ibyo bihugu bajya guturamo.

Abajijwe uko yiyumva n’icyo yabwira abandi batari imbere y’ako kana, yasubije ko ari ibintu bimukomereye ndetse asetsa abari mu cyumba cy’ijonjora ubwo yagiraga ati “Utabusya abwita ubumera”

No 8. IREBE Natasha Ursule

Uretse gusobanura izina rye [Ursule] nk’izina ry’inyamanswa yibera mu butita, Natasha yanabajijwe icyo yifuza kuzaba mu gihe kizaza, asubiza ko yifuza kuba umuhanga muby’ubukungu.

No 10. IBUKA INES Carine

Carine wikundira amasomo y’ubugenge, yabajijwe icyo indangagaciro na Kirazira z’umuco zizamumarira, nuko asobanura ko zizamufasha kuba umunyarwanda wa nyawe, kandi zikamufasha kugera ku ntego ze.

No 11. UMUTONIWASE Paula

Paula usanzwe atuye Kimironko ya Gasabo, akaba umufana wa Cecile Kayirebwa, yavuze ko aramutse abaye Nyampinga w’u Rwanda 2018, yashishikariza abakobwa kuva mu biyobyabwenge no kwirinda inda zitateguwe, avuga ko yanyura mu mashuri akora ubukangurambaga.

No 12. MUTONIWASE Alpha Buyinza

Umutoniwase ufata kuza muri iri rushanwa nk’ubushake bw’Imana, akanarahira ko atakwambara Bikini, yabajijwe gahunda ya Leta yamukoze ku mutima, avuga ko gahunda yitwa “Bye Bye Nyakatsi” yayishimye. Naho Gahunda ya Leta yaguma gushyirwamo imbaraga, ngo asanga ari gahunda yo kuva mu manegeka.

Dr Higiro Jean Pierre uri iburyo niwe wasimbuye Mike Karangwa uri i Bumoso wari umaze imyaka itanu ari umukemurampaka muri Miss Rwanda

Nubwo abategura irushanwa rya Miss Rwanda batangaza abagize akanama nkemurampaka igikorwa cyamaze gutangira, mu gitondo cyo kuri uyu wa gatandatu, Kigali Today yamenye amakuru avuga ko Mike Karangwa atari muri aka kanama, ndetse ashobora kuba yasimbujwe Dr Higiro Jean Piere, nawe wigeze kuba umukemurampaka muri iri rushanwa.

Mike Karangwa ni umwe mu bafite ubunararibonye mu gukemura impaka mu marushanwa y’ubwiza uhereye mu 2009 ubwo icyahoze ari kaminuza nkuru y’u Rwanda cyatoraga Nyampinga.

Ni n’umwe mu bagishwanama mu gikorwa cyo gutora nyampinga watowe nyuma ya Jenocide yakorewe Abatutsi, mu 2009.

Mu byaka itatu ishize, inshuro nyinshi Mike Karangwa yagiye ayobora aka kanama inshuro nyinshi.

Abategura iri rushanwa, ntacyo baratangaza kuri aka kanama, ariko bivugwa ko bahisemo kongeramo Dr Higiro uzwi nka Naïf nawe wagize uruhare mu itangiza ry’amarushanwa y’ubwiza nyuma ya Jenocide yakorewe Abatutsi.

Uzasimbura Miss Elsa azamenyekana muri Gashyantare 2018

Abategura irushanwa rya Miss Rwanda bagaragaza ko Intara y’Amajyaruguru ariyo imaze kugira abakobwa benshi biyandikishije kuko hamaze kwiyandikisha 39. Intara y’Iburengerazuba niyo ifite abakobwa bake biyandikishije bangana na 28.

Biteganyijwe ko amarushanwa abanza yo kujonjora abakobwa bazahatanira iryo kamba azatangirira i Musanze ku itariki ya 13 Mutarama 2018, bukeye bwaho bazahita bajya i Rubavu.

Ku itariki ya 20 Mutarama 2018 bazakomereza i Huye, ku itariki ya 21 Mutarama 2018 bajye i Kayonza naho ku itariki ya 28 Mutarama 2018, amajonjora azabera mu mujyi wa Kigali.

Umuyobozi wa Rwanda Inspiration Back Up, Ishimwe Dieudonne yavuze ko Miss Rwanda 2018 izarangwa n’impinduka nyinshi kugira ngo iryo rushanwa rikomeze kuba hejuru mu bwiza n’imitegurire.

Zimwe muri izo mpinduka ni uko mu gutora Miss Rwanda 2018, mu ntara zose n’umujyi wa Kigali hazatoranywa abakobwa 30 mu gihe mbere hatoranywaga 25.

Muri abo 30 bazatoranywamo 20 bazajya mu mwiherero ari nabo bazatoranywamo Miss Rwanda 2018.

Hazabaho icyiciro cyo gutora mbere imishinga y’abakobwa ihiga indi (pre-selection). Mu gihe hatorwaga ibisonga bine bya Miss Rwanda, ubu hazatorwa ibisonga bibiri.

Abo bakobwa kandi bazajya batoranya imishinga itatu ibe ariyo bazahuriraho mu kuyishyira mu bikorwa kuko ngo kuba buri wese yakoraga ku giti cye byatumaga umusaruro utagaragara uko bikwiye.

Biteganyijwe ko Miss Rwanda 2018 azamenyekana ku itariki ya 24 Gashyantare 2018.

Abategura irushanwa rya Miss Rwanda ubwo bari bari mu kiganiro n’abanyamakuru

Byatangajwe ubwo ubuyobozi bwa Inspiration Back Up, itegura Miss Rwanda, yagiranaga ikiganiro n’abanyamakuru kuri uyu wa gatatu tariki ya 13 Ukuboza 2017.

Muri icyo kiganiro cyabereye muri Kigali Convention Center, hatangarijwemo ko abifuza guhatanira ikamba rya Miss Rwanda 2018 batangira kwiyandikisha mu gicuku gishyira ku wa kane tariki ya 14 Ukuboza 2017.

Bariyandikisha banyuze ku rubuga rwa Miss Rwanda (www.missrwanda.rw) ruri butangire gukora muri icyo gicuku.

Biteganyijwe ko Miss Rwanda 2018 azamenyekana ku itariki ya 24 Gashyantare 2018.

Amarushanwa abanza yo kujonjora abakobwa bazahatanira iryo kamba azatangirira i Musanze ku itariki ya 13 Mutarama 2018, bukeye bwaho bazahita bajya i Rubavu.

Ku itariki ya 20 Mutarama 2018 bazakomereza i Huye, ku itariki ya 21 Mutarama 2018 bajye i Kayonza naho ku itariki ya 28 Mutarama 2018, amajonjora azabera mu mujyi wa Kigali.

Umuyobozi wa Rwanda Inspiration Back Up, Ishimwe Dieudonne yavuze ko Miss Rwanda 2018 izarangwa n’impinduka nyinshi kugira ngo iryo rushanwa rikomeze kuba hejuru mu bwiza n’imitegurire.

Agira ati “Nyampinga w’u Rwanda aba yuje uburanga burimo n’indangagaciro z’umuco Nyarwanda kandi afite ubwenge.”

Akomeza avuga agira ati “Tuzanajya no mu buzima bwe hanze y’aho bakorera umwiherero (Boot Camp) turebe uko yitwara, ku mbuga nkoranyambaga yitwara ate, ese ibyo yahize kuzakora hari nibura icyo ashingiraho avuga ko azabikora cyangwa hari icyo yakoze n’ubwo cyaba gito azaheraho?”

Miss Elsa yishimira ko yashyize mu bikorwa ibyo yari yiyemeje

Mu gutora Miss Rwanda 2018, mu ntara zose n’umujyi wa Kigali hazatoranywa abakobwa 30 mu gihe mbere hatoranywaga 25.

Muri abo 30 bazatoranywamo 20 bazajya mu mwiherero ari nabo bazatoranywamo Miss Rwanda 2018.

Hazabaho icyiciro cyo gutora mbere imishinga y’abakobwa ihiga indi (pre-selection). Mu gihe hatorwaga ibisonga bine bya Miss Rwanda, ubu hazatorwa ibisonga bibiri.

Abo bakobwa kandi bazajya batoranya imishinga itatu ibe ariyo bazahuriraho mu kuyishyira mu bikorwa kuko ngo kuba buri wese yakoraga ku giti cye byatumaga umusaruro utagaragara uko bikwiye.

Imodoka izahembwa Miss Rwanda 2018

Miss Rwanda 2017, Iradukunda Elsa, avuga ko yishimira ko yashyize mu bikorwa umushinga we wo kwamamaza ibikorerwa mu Rwanda, kandi akaba yarafashije n’abatishoboye.

Agira ati “Mvuye mu marushanwa ya Miss World 2017, nashimishijwe n’uko naje mu bakobwa batanu muri Afurika babashije kwerekana neza umuco wabo. Abantu ku isi bamenye umuco w’u Rwanda.”

Akomeza agira ati “Abantu benshi bakunze Made in Rwanda bamwe ntibabyemeraga, kandi imishinga yanjye yo kurihira abantu ubwisungane, gusura abarwayi n’ibindi nabikoze neza.”