Muri ibi birori byabereye muri sitade ya Gaborone, Perezida Boko muri Kositimu y’ubururu bwerurutse, ishati year na karuvati y’umukara, yarahiriye imbere y’imbaga yari yitabiriye, maze abizeza kuzuzuza inshingano ahawe ndetse abizeza kutazabatenguha no kubabera indahemuka.

Ni umuhango witabiriwe n’abakuru b’ibihugu birimo Zimbabwe, Zambiya na Namibiya.
Hari hari kandi n’abandi baperezida bakiriho bayoboye Botswana ndetse n’abahagarariye abatavuga rumwe n’ubutegetsi mu bihugu bimwe bya Afurika bagaragaje kwishimira iyi ntambwe ya Demukarasi igihugu cya Botswana cyateye.

Bimwe mu bikomeye bitegereje Perezida Boko, harimo ubukungu bw’igihugu cye no kumenya ahazaza ha Diyama nk’imwe mu mitungo Kamere igihugu cyubakiyeho.

Imibiri y’abasirikari yagejejwe muri Ukraine

Aya makuru yatangajwe n’igihugu cya Ukraine ntiyagaragaje niba habayeho kumvikana gusa cyangwa se habayeho indi ngurane.

Ibiro Ntaramakuru by’Abafaransa dukesha iyi nkuru, byavuze ko muri iyi mibiri yoherejwe muri Ukraine, harimo iyakuwe ku rugamba aho abo basirikari baguye ndetse hakaba n’abandi bari barajyanywe mu buruhukiro bwo mu bitaro by’u Burusiya.

Ku rundi ruhande ariko perezida wa Ukraine yavuze ko hari abasirikari ibihumbi 11 bavuye muri Koreya ya Ruguru bagiye kunganira igihugu cy’Uburusiya, akongeraho ko bamwe muri bo bamaze gusogongera ku muriro w’ingabo za Ukraine. Cyakora aya makuru y’abanyakoreya b’abacanshuro bagiye kunganira Uburusiya ku rugamba, nta muyobozi n’umwe mu Burusiya wigeze ayemeza cyangwa ngo ayahakane.

Imyigaragambyo mu mujyi wa Amsterdam bamagana igihugu cya Israel

Igisirikare cya Isiraheli cyatangaje ko abasirikari ba Isiraheli babujijwe kujya mu gihugu cy’ubuholandi cyane cyane abari mu kazi, kugeza igihe aya mabwiriza azakurirwaho.

Ibi ngo byashingiwe ku busesenguzi bwimbitse bwakozwe hagamijwe kugenzura umwuka mubi n’ihohotera byaranze abafana b’ikipe y’ubuholandi muri uyu mukino nk’uko iyi nkuru dukesha Radiyo mpuzamahanga y’abafaransa ikomeza ibivuga.

Bongeraho ko ubwo busesenguzi bwagaragaje ko abafana b’ikipe ya Isiraheli bibasiwe ndetse bakagabwaho ibitero, ibintu igihugu cyabo cyafashe nko kubibasira bishobora no kubaviramo kubura ubuzima.

Ku ruhande rw’Ubuholandi ariko, ubuyobozi bw’igihugu bwamaganye ibi bikorwa bya kinyamaswa byibasiye abanya isiraheli ndetse bunatangira gukurirana buri wese wabigaragayemo.

Ikinyamakuru TV5 Monde cyivuga ko Igipolisi cy’ubuhorandi cyatabaye kuko imyigaragambyo yari imaze gukaza umurego, abantu 5 bakaba bahakomerekeye naho abarenga 60 bagatabwa muri yombi.

Muri uyu mukino warangiye ikipe y’ubuholandi itsinze iya Isiraheli ibitego 5 ku busa, ngo uku gushyamirana no kwibasira abafana b’abanya Isiraheli muri uyu mukino, kwatewe n’uko abantu bakomeje gushinja iki gihugu guteza umutekano mucye no kwica aba Palesitina.

Mu gufasha gutaha abanya Israheli baba mu Buholandi, hateguwe indege ibafasha gusubira iwabo.

Minisitiri w’ubucuruzi n’inganda azahagararira u Rwanda mu nama ya COMESA

Ibi bitandukanye n’amakuru yakomejeje gucicikana ku mbuga nkoranyambaga avuga ko Muri iyi nama ya 23 ya COMESA u Rwanda ruzahagararirwa na Perezida wa Repubulika, Nyakubahwa Paul Kagame.

Minisitiri w’Ububanyi n’Amahanga, Olivier Nduhungirehe, yabwiye Kigali Today ko ayo makuru atari ukuri.

Yagize ati: Ni byo, u Rwanda ruzitabira inama ya COMESA, rukazahagararirwa na Minisitiri w’ubucuruzi n’inganda, Prudence Sebahizi.”

Minisitiri w’ububanyi n’amahanga w’u Rwanda, Olivier Nduhungirehe

COMESA yashinzwe mu Kuboza 1994, igamije guteza imbere ubusugire n’ubwigenge bw’ibihugu mu mutungo kamere n’imibereho myiza y’abaturage.

COMESA igizwe n’ibihugu binyamuryango 21. Iyi nama ya 23 ikaba ifite insanganyamatsiko igira iti: “Kwihutisha kwishyira hamwe kw’ibihugu byo mu karere, hagamijwe guteza imbere ubuhinzi buhangana n’imihindagurikire y’ibihe, ubucukuzi bw’amabuye y’agaciro n’ubukerarugendo”.

Mu itangazo yanyujije ku rukuta rwayo rwa Twitter, Minisiteri y’ubuzima yavuze ko ibimenyetso by’iyo ndwara ari umuriro mwinshi, kuribwa umutwe bikabije, kuribwa mu mitsi, kuribwa mu nda no kuruka. Abahanga bavuga ko iyo iyi ndwara yakuzahaje ushobora kuva amaraso ahantu hanyuranye nko mu maso n’ahandi, ndetse hakaba n’abayitiranya na Ebola.

Minisiteri y’ubuzima ikomeza ivuga ko iyi ndwara ikwirakwizwa no gukora ku maraso n’amatembabuzi y’abantu bayirwaye, cg se ikaba yakwanduzwa n’inyamaswa ziyirwaye. Gusa ishobora no kwandurira mu gukoresha cyangwa gukora ku bikoresho byakoreshejwe n’urwaye iyi virus nk’imyenda cyangwa amashuka n’ibindi.

Abaganga n’abakora kwa muganga bagirwa inama yo kwitwararika, kuko mu gihe bikomerekeje n’ibikoresho byakoreshejwe ku barwaye iyo ndwara na byo bibanduza. Ishami ry’umuryango w’abibumbye ryita ku buzima (OMS) yongeraho ko n’umuntu wishwe n’iyi ndwara aba ashobora kwanduza uwamukoraho wese adakoresheje ibikoresho bimurinda mu buryo bwabugenewe. Umuntu wanduye iyi ndwara aba ashobora kwanduza mu gihe cyose virusi ya Marburg ikimuri mu maraso.

OMS ivuga ko uwanduye iyi ndwara aba ashobora kugaragaza ibimenyetso mu gihe kiri hagati y’iminsi 2 na 21. Minisiteri y’ubuzima ivuga ko iyi ndwara idakwirakwizwa binyuze mu mwuka.

Minisiteri y’ubuzima yongeyeho ko harimo gukorwa iperereza ku cyaba gitera iyi ndwara, ndetse no gushakisha uwo ari we wese waba yahuye n’urwaye iyi ndwara ngo yitabweho n’abaganga, ndetse banasaba buri wese wagaragarwaho n’ibimenyetso by’iyi ndwara, kugana ivuriro rimwegereye cyangwa se agahamagara ikigo cy’igihugu gishinzwe ubuzima RBC ku 114.

Kugeza ubu ntiharamenyekana umubare w’abarwaye iyi ndwara, minisiteri y’ubuzima ikaba isaba abantu kudakuka imitima no gukomeza imirimo yabo, ariko bakita cyane ku bijyanye n’isuku.

Iri tangazo rishyizwe ahagaragara nyuma y’iminsi hacaracara amakuru avuga ko mu Rwanda hari indwara itaramenyekana ndetse hakaba n’abavuga ko hari abamaze guhitanwa na yo. Gusa mu itangazo rya minisiteri y’ubuzima ntiyavuze ko haba hari abamaze kwicwa n’iyo ndwara, cyakora yemeye ko hari abayirwaye barimo kwitabwaho n’abaganga.

Ishami ry’umuryango w’abibumbye ryita ku buzima rivuga ko iyi ndwara ari mbi cyane kuko ishobora kwica ku kigero cya 88% by’abayirwaye. OMS ikomeza ivuga ko iyi ndwara itagira umuti wagenewe kuyivura cyangwa urukingo, cyakora ngo havurwa ibimenyetso hifashishijwe imiti itandukanye.

Virus ya Marburg yavumbuwe mu 1967 mu gihugu cy’ubudage na Seribiya, nyuma iza gukwira hirya no hino mu bihugu binyuranye.

Umuyobozi w’umujyi wa Kigali yavuze ko hakozwe urutonde rw’izo nyubako ndetse bene zo banahabwa igihe cyo kuba bubahirije ibisabwa.

Mu gusobanura icyo kibazo umuyobozi w’umujyi wa Kigali bwana Samuel Dusengiyumva yagarutse kuri izo nyubako avuga ko hari urutonde ndetse kandi kuri urwo rutonde hariho n’inyubako za Leta.

Yagize ati: “Urutonde rurahari rwose kuva ku rwego rw’akagali n’umurenge. Gusa umubare sinywibuka ariko na wo urahari. Muri ayo mazu kandi harimo n’amazu ya Leta.”

Umuyobozi w’umujyi wa Kigali yongeyeho ko ayo mazu yose yahawe igihe cyo kuzuza ibisabwa b atabyubahiriza bakayafunga. Ku mazu ya Leta yo ariko yavuze ko barimo gukorana n’inzego bireba ngo yuzuze ibisabwa.

Buri karere kari gafite abagahagarariye aho mu karere ka Kicukiro hari hiyamamaje abakandida 9, Nyarugenge hiyamamaza 13 mu gihe mu karere ka Gasabo hari hiyamamaje abakandida 21.

Muri aba bakandida bose uko ari 43, hagombaga kuvamo 6 bazamuka bahagarariye uturere mu nama njyanama y’umujyi wa Kigali.

Nyuma y’amatora, Akarere ka Gasabo gahagarariwe na Baguma Rose hamwe na Gatera Frank. Akarere ka Kicukiro gahagarariwe na Nyinawinkindi Liliose Larisse
Hamwe Tsinda Aimé.

Akarere ka Nyarugenge ko kahagarariwe na Semakula Muhammed hamwe na Urujeni Martine wari unasanzwe ari umuyobozi w’umujyi wa Kigali wungirije ushinzwe imibereho myiza y’abaturage.

Aba Bajyanama, bariyongera ku bandi batandatu bashyizweho na Perezida wa Repubulika, maze bitoremo biro ya njyanama ndetse na komite nyobozi y’umujyi wa Kigali bitarenze uyu munsi.

Maombi wari witeguye kurahira, yakuwe ku rutonde ikubagahu

Umunyamabanga Nshingwabikorwa wa Komisiyo y’Igihugu y’Amatora, Charles Munyaneza, yatangarije Kigali Today ko ibyo ishyaka Democratic Green Party ryakoze byemewe mu buryo bw’amategeko. Yagize ati: “Ni byo koko ubusabe bw’ishyaka twabubonye kandi ibyo bakoze byemewe n’amategeko. Mu bihe nk’ibi icyo twe dukora ni ukumenyesha inteko maze uwemejwe n’ishyaka akaba ari we urahira. Yongeyeho ko icyo Komisiyo y’igihugu y’amatora ikora mu bihe nk’ibi, ari ukubimenyesha inteko maze uwemejwe n’ishyaka akaba ari we urahira”.

Ku bijyanye n’icyateye izi mpinduka, kugeza ubu ntikiramenyekana ariko biravugwa ko Carine Maombi usanzwe ari Visi Perezida w’ishyaka, wari ku rutonde rw’abagomba kwinjira mu nteko uyu munsi, yakuweho kubera ko akekwaho ibyaha birimo n’impapuro mpimbano kandi ngo ibyo bintu bikaba byari bimaze igihe bigenzurwa. Uwamusimbuye yitwa Icyizanye Masozera we akaba asanzwe ari umubitsi w’ishyaka Democratic Green Party.

Cyakora kuri ibi byaha, Kigali Today yabajije umuvugizi w’urwego rw’igihugu rw’ubugenzacyaha (RIB), avuga ko ayo makuru ntayo azi ariko yongeraho ko agiye kuyagenzura akamenya ukuri kwayo.

Si ishyaka Democratic Green Party gusa ryasabye izi mpinduka kuko N’umuryango RPF Inkotanyi naryo ku munsi w’ejo ryasabye NEC ko Musonera Germain wari mu badepite bagomba kurahira none asimburwa na Jean Claude Mazimpaka.

Muri iri tangazo M23 yakomeje ivuga ko bimaze kuba akamenyero ko, Ingabo za Repubulika iharanira Demukarasi ya Congo, zitwaza ubu buryo bwo gusaba guhagarika imirwano ariko atari uko bifuza amahoro ahubwo ari ukugira ngo babone uko bisuganya maze bakomeze umugambi mubisha wo gutsemba abatutsi mu burasirazuba bwa Congo.

M23 yongeyeho ko tariki 7 Werurwe 2024, habayeho ubwumvikane bwo guhagarika imirwano ku mpande zombi, hakarebwa uburyo buboneye bwo gushaka ibisubizo by’ibibazo bafitanye mu mahoro.

Gusa ngo ibyo ntibyubahirijwe kuko kuva icyo gihe kugeza ubu, bakomeje guhangana n’ibitero bagabwaho n’ingabo za Kinshaka umunsi ku wundi.

Aha M23 yavuze ko ukwo kwitabara byemewe n’amategeko kandi bakaba babikora bagamije kurengera ubuzima bw’abasivile buri mu kaga muri ako gace.

M23 kandi yongeye kwibuitsa ko inzira imwe rukumbi yo gushakira amahoro abatuye mu burasirazuba bwa Repubulika iharanira Demukarasi ya Congo, ari inzira y’ibiganiro hagati ya M23 na Leta ya Kinshasa maze bagasasa inzobe bagamije gukemura ibibazo bihari bahereye mu mizi.

Uyu mwanzuro u Rwanda na DRC bari bumvikanyeho, wafatiwe mu nama yabereye I Luwanda muri Angola, ukaba wanavugaga ko uko guhagarika imirwano kuzagenzurwa n’itsinda rihuriweho n’u Rwanda, DRC na Angola, maze iryo tsinda rigahabwa imbaraga mu bijyanye n’iperereza, yewe rikanareba uko ibindi Bihari byakemuka.

Muri iki kiganiro Dr Uwicyeza yatangiye avuga ko u Rwanda rwamenye amakuru y’uko u Bwongereza bwafashe icyemezo cyo kutohereza abimukira bagombaga kuza mu Rwanda nk’uko amasezerano hagati y’ibihugu byombi yabivugaga.

Ati: “Nagira ngo mbabwire ko ubufatanye muri iyi gahunda bwavutse biturutse ku cyifuzo cyazanywe na Leta y’u Bwongereza kugira ngo bakemure ikibazo cyari cyibahangayikishije cyijyanye n’abimukira. U Rwanda rwagaragaje ubushake bwo gufatanya mu gukemura iki kibazo nk’uko rwari rusanzwe rubikora no ku bandi hagamijwe guha impunzi n’abimukira aho barambika umusaya kandi bagakomeza ubuzima bwabo batekanye.”

Yunzemo ati: Ibi si bishya ku Rwanda, mwarabibonye twarabikoze ku mpunzi zavuye muri Libiya, mwarabibonye twakiriye impunzi z’abanyeshuli zivuye muri Sudani ndetse baraza banakomeza amasomo yabo, uroye ibi si bishya ahubwo ni kimwe mu byo dusanzwe dukora nk’igihugu.”

Umunyamakuru yabajije Dr Uwicyeza icyo u Rwanda ruvuga ku bivugwa na Leta y’ubwongereza ku kuba amwe mu mafaranga batanze hitegurwa kwakira aba bimukira yasubizwa, maze asubiza agira ati: U Rwanda n’ubwongereza ni ibihugu bisanganywe ubufatanye n’imikoranire mu bintu binyuranye, kandi amasezerano yo kohereza impunzi n’abimukira mu Rwanda ni kimwe muri iyo mikoranire. Kugeza ubu U Rwanda rwakomeje gukora ibyo ibihugu byombi byari byumvikanye kandi ntirwigeze ruca ku ruhande ibyari biteganyijwe mu masezerano, ndetse yewe ubu noneho twongereye n’ubushobozi bwo kunoza uburyo twakiramo abimukira n’impunzi batugana nk’igihugu. Twariteguye bigahije. Niba hari amafaranga bakwifuza gusubizwa ni ibintu byaganirwaho, ariko nta tegeko rihari ribidusaba nk’u Rwanda.

Umunyamakuru wa BBC News yakomeje abaza Dr Uwicyeza icyo avuga ku byo Perezida Kagame yigeze kuvuga mu minsi ishize, aho yabwiye abanyamakuru ko mu gihe abimukira bataje mu Rwanda, Ubwongereza buzasubizwa amafaranga bwatanze kuri iyi gahunda.

Dr Uwicyeza yagize ati: Niba warabonye raporo yakozwe na komite y’ubugenzuzi, yagaragaje ko u Rwanda rwakoze ibyasabwaga byose bijyanye n’imyiteguro kugira ngo abimukira bazakiwe neza. Twakoresheje imbaraga nyinshi n’amikoro kugira ngo ibyo bigerweho. Turabyumva ko impindika zishobora kubaho mu mikorere y’ibihugu, birumvikana cyane kandi ko buri gihugu kigira ibyo gishyira imbere cyangwa se cyafata nk’ibyihutirwa, ariko nakwibutsa ko aya yari amasezerano yakozwe hagati y’ibihugu kandi nk’u Rwanda turizera ko ubwo bushake bugihari.

Umunyamakuru yongeye kubaza uko bakomeza kugira icyizere ko ubushake bugihari ndetse na gahunda yo kohereza abimukira mu Rwanda ikaba yakomeza, nyamara u Rwanda rukomeje gushyirwa mu majwi n’imiryango mpuzamahanga nk’igihugu cyidafite umutekano ndetse cyitubahiriza uburenganzira bwa muntu.

Dr Uwicyeza yasubije atazuyaje kuri iki kibazo, maze aterura agira ati: Ntekereza ko aho bipfira nyine ari uko mubyita gahunda (deal). Ntabwo u Rwanda ari deal u Rwanda ni igihugu gifite abagituye kandi gifite amategeko n’amabwiriza akigenga. u Rwanda ni igihugu kigira imirongo ya politiki kigenderaho, byose byubakira ku mateka yacu nk’igihugu. Ntabwo mukwiye kwita u Rwanda gahunda, ni igihugu.

Tugarutse kuri iyo miryango mpuzamahanga ivuga ko u Rwanda Atari igihugu gifite umutekano, igihugu cyitubahiriza uburenganzira bwa muntu, nakubwira ko bavuga ibyo nyamara dukorana umunsi ku wundi, muri gahunda yo kwakira impunzi n’abimukira. Twarakoranye twakira abavuye Lybiya, Twarakoranye twakira abavuye muri Sudani, twarakoranye twakira n’abavuye ahandi hanyuranye kuko kugeza ubu u Rwanda rucumbikiye impunzi n’abimukira baturutse hirya no hino ku isi, kandi bahageze amahoro, baratekanye, ndetse bamwe banatangiye no kubona amahirwe abafasha kugera ku iterambere n’indoto zabo.

Ibi rero bitubwa twibaza ngo none se ko n’ubu dukomeje ubwo bufatanye, ibyo bibazo by’umutekano mucye no kutubahiriza uburenganzira bwa muntu bakaba batarabivuze kuri izo mpunzi n’abimukira bava ahandi? Kubera iki bihinduka ikibazo bigeze ku bava mu Bwongereza?

Ni ikiganiro cyashimwe na benshi ku mbuga nkoranyambaga cyane cyane bagaruka ku buryo Dr uwicyeza yasubizaga ibyo abazwa ashize amanga kandi afite ikinyabupfura.

Dr Doris Picard Uwicyeza mbere yo kuba Umuhuzabikorwa w’Itsinda rishinzwe ishyirwa mu bikorwa ry’Amasezerano y’Ubufatanye mu Iterambere ry’Ubukungu no kwita ku Bimukira, yari umujyanama mu bya tekiniki muri Minisiteri y’Ubutabera.

Muri raporo yakoze nyuma y’urugendo rwe, Ndiaye yanditse ko inkambi ziri imbere mu Gihugu, zituyemo Abanyarwanda bari hagati y’ibihumbi 900 na Miliyoni. Icyo gihe hari hashize amezi abiri gusa Umuryango w’Abibumbye utangaje ko umubare w’abari baravuye mu byabo mu Rwanda (IDPs) wari hafi ibihumbi 350. Ibyo bivuze ko, mu byumweru umunani byonyine, Abanyarwanda bakomeje kumeneshwa no gukurwa mu byabo bakajya gutura mu nkambi bikubye inshuro zirenga ebyiri.

Icyo gihe ubuzima bwari bugoye, umutekano wari ntawo, imirire mibi yari yugarije abana bari munsi y’imyaka itanu, ariko n’abandi baturage bari mu nkambi babonaga amafunguro bigoranye ndetse hakaba n’ubwo bayabura. Si ibyo gusa ariko, kuko n’indwara ziterwa n’umwanda zari zarabibasiye.

Ngubwo ubuzima bamwe mu Banyarwanda bari barimo, ngiyo impumeko bari bafite, aho amahoro n’umutekano byari inzozi babona nk’izitazigera zisohora. Tubibutse ko ibyo bihe byakurikiwe na Jenoside yakorewe Abatutsi, yagejeje u Rwanda mu majye, irutwara abantu n’ibintu, Igihugu gitemba imivu y’amaraso, hirya no hino huzuye imirambo n’amatongo.

Muri iyi nkuru ya kabiri y’umushinga wacu, tugiye kukwereka uko u Rwanda rwavuye ahabi haruta ahandi, rukubaka amahoro n’umutekano birambye imbere mu Gihugu, rukubaka igitinyiro n’icyubahiro mu ruhando rw’amahanga, rukanakomerezaho ibikorwa byo kubungabunga no kugarura amahoro mu bihugu binyuranye. U Rwanda kandi ubu ni iwabo w’abanyamahanga benshi bava mu bihugu byabo bagahitamo kuza gutura mu Rwanda.

Amahoro n’umutekano byaragarutse

Abanyarwanda bari impunzi mu gihugu cyabo imbere, basubijwe mu byabo maze inkambi zose zifungwa mu 1995 nk’uko byatangajwe n’ibiro by’umuryango w’abibumbye byari bishinzwe ibikorwa by’ubutabazi mu Rwanda, tariki 5 Nyakanga 1995.

Gusa, mu gihe abantu bari babonye agahenge, mu mwaka wa 1998, abacengezi bateye igihugu bibasira ibice by’amajyaruguru n’uburengerazuba maze abanyarwanda batari bacye bongera kuzinga uturago, berekeza mu nkambi bongera kuba impunzi mu gihugu cyabo.

Icyakora ibyo ntibyatinze cyane kuko mu mwaka wa 2000 umutekano wari wagarutse, ndetse n’abaturage basubira mu byabo.

Igihugu cy’abihebye cyahindutse icy’umudendezo

Umutekano imbere mu gihugu wabaye uwa bose, umubare w’abanyamahanga bari mu Rwanda wikubye inshuro zirenga ebyiri, tutibagiwe n’impunzi zirenga 130,000 zicumbikiwe mu Rwanda. Ibi bishimangira ko u Rwanda ari igihugu gitekanye kandi cyakira abakigana kitarobanuye.

Umugore ku isonga

U Rwanda ubu ni igihugu giteza imbere umugore. Imibare yerekana ko mu mwaka wa 1993 abagore bari mu nteko ishinga amategeko bari 14.9% by’umubare w’abaturage bari batuye igihugu icyo gihe, ariko ubu bageze kuri 61%. Ibi bishyira u Rwanda mu bihugu byimakaje ihame ry’uburinganire mu ruhando mpuzamahanga.

Ububanyi n’amahanga bwashinze imizi

Mu 1988 u Rwanda rwari rufite ambasade 11 gusa hirya no hino ku isi, ariko ubu zabaye 49 ndetse urugendo rurakomeje. Si ibyo gusa kandi kuko ubu u Rwanda ruri mu bihugu byubashywe kandi bifite ijambo ku isi. Urwanda kandi ruri mu miryango mpuzamahanga ikomeye ndetse imwe ruranayiyoboye. Aha twavuga nk’umunyarwandakazi Madamu Louise Mushikiwabo, Umunyamabanga Mukuru w’Umuryango w’Ibihugu bikoresha Igifaransa (Francophonie).

Uwari umunyantege nke ubu ni we utabara abandi

Mu 1994 nta hantu na hamwe u Rwanda rwatangaga umusanzu mu kugarura amahoro cyane ko na rwo ubwarwo ntayo rwari rufite. Uyu munsi u Rwanda rufite ingabo zigera ku 5,929 ziri hirya no hino mu bikorwa byo kugarura no kubungabunga amahoro kandi rubishimirwa n’abatari bacye barimo n’Umuryango w’Abibumbye.

Imibare irivugira

Iki cyegeranyo ntikivuga imibare gusa ahubwo kiravuga akariho. Kirerekana ishusho y’ubudaheranwa, kwiyubaka n’agaciro k’Umunyarwanda n’ak’Igihugu.

Iyi mibare irerekana ko u Rwanda rwageze kure habi ariko ko rutahezeyo, ahubwo rwahavuye rukiyubaka ndetse rukaba rurimo gutanga n’umusanzu mu kubaka ibindi bihugu.
Iyi mibare kandi irerekana ahazaza heza ku gihugu nk’u Rwanda n’Abanyarwanda, twese tubigizemo uruhare.

Reka nongere ngire nti: icara neza wegame maze usome, ucurure wongere usome.

Muryoherwe kandi biracyaza !!!

Abandi bagize uruhare kuri iyi nkuru:

Fred Mwasa
Tabaro Jean de la Croix
Daniel Sabiti
David Rutaganda
Cyrien Akayezu

Ibi byegeranyo bishingiye ku mibare mpamo, bikaba bigaruka ku bice byose by’ubuzima, ariko uyu munsi tukaba tugiye guhera ku bukungu.

Umusogongero ku iterambere ry’u Rwanda

Mu ncamake, iterambere ry’u Rwanda ryareberwa mu bihe bibiri by’ingenzi; hagati ya 1962 na 1994 ndetse n’igihe cy’imyaka 30 iri hagati ya 1995 na 2024.

Kuva ku gusabiriza kugera ku bukungu bugabye amashami: Mu 1989, u Rwanda rwohereje mu mahanga amabuye y’agaciro yinjije amadovize angana na miliyoni 2.5, ariko mu 2023, u Rwanda rwakubye uyu musaruro inshuro amagana, aho rwinjije amadovize miliyari 1.1 y’Amadolari. Iterambere nk’iri rigaragaza ko ubukungu bw’u Rwanda bwagabye amashami.

Uburezi nk’imwe mu nkingi z’iterambere:

Kugera mu 1994, Abanyarwanda bari bamaze kurangiza kaminuza bari 2870. Nyamara uyu munsi, uyu mubare wikubye inshuro amagana ugera ku 431,606 (mu 2022)

Imihanda bivuze iterambere:

Igihugu kitagira imihanda, ntikigire uburyo bwo gutwara abantu buhamye, ubuhahirane buragorana, ibyo bigatuma abakora ingendo ndende babura uko bagira uretse kurara nzira, ugize amahirwe akurira ikamyo itwaye imizigo mu mihanda mibi ishobora no gushyira ubuzima bwe mu kaga.

Mu 1993, u Rwanda rwari rufite ibirometero 530 by’imihanda ya kaburimbo. Uyu munsi, imihanda ya kaburimbo yariyongereye igera ku birometero 2,652 ibi bikaba byoroshya ubuhahirane n’iterambere.

Ubuvuzi kuri bose:

Kugera mu 1994, Abanyarwanda 2.6% ni bo bari bafite ubwishingizi mu kwivuza. Ibyo bisobanuye ko ubuvuzi bukomeye bw’umuntu urembye bwashoboraga gusiga umuryango mu bukene, cyangwa se akanapfa atarabuhabwa. Uyu munsi, Abanyarwanda 97.3% bafite ubwishingizi mu kwivuza, ibi bikaba bivuze ko ntawe ukirembera mu rugo. Kuba serivisi z’ubuvuzi zariyongereye ndetse zikegerezwa rubanda na byo bisobanuye ubuzima buzira umuze n’icyizere kirambye cy’ahazaza.

Kwandikisha ubutaka:

Mbere ya 1994, umutungo w’ubutaka mu Rwanda warimo ibibazo byinshi kuko butabaga bwanditse, ku buryo byari isoko y’amakimbirane adashira. Kugeza muri uyu mwaka wa 2024, ibyangombwa by’ubutaka miliyoni 11.7 bimaze gutangwa, bikaba byarazanye umutuzo mu Banyarwanda.

U Rwanda, Igihugu cyihagazeho

Niba ushaka kumva iterambere ry’u Rwanda, fata u Buyapani nyuma y’Intambara ya Kabiri y’Isi. Igihugu cy’u Buyapani cyasenywe n’intambara, ariko ubu cyabaye ikigega cy’Isi. Nubwo wenda ubukungu bwabo n’ubw’u Rwanda bitangana, u Rwanda ni Igihugu kimaze kwandika amateka nk’Igihugu kidasanzwe kandi cyihuta mu iterambere.

Iyi ni inkuru y’u Rwanda, kandi tuguhaye ikaze muri uru rugendo rutangaje.

Icara wegame, ubundi usome kandi uryoherwe!

Mu gukora iyi nkuru twifashishije:

• Ibarura Rusange ry’Abaturage n’Imiturire ryo mu 1991
• Ibarura Rusange ry’Ubuzima 1992
• Ibarura Rusange ry’Abaturage n’Imiturire 2022
• Raporo za Banki y’Isi
• Raporo z’Ikigega cy’Isi cy’Imari
• Inyandiko z’ubushakashatsi
• Ibinyamakuru

Abandi bagize uruhare muri iyi nkuru:

Tabaro Jean de la Croix
Sabiiti Daniel
Fred Mwasa
Gasana Marcellin

Nyuma yo kuboneka, abana bashyikirijwe ababyeyi babo

Amakuru agera kuri Kigali Today aravuga ko aba bana basanzwe mu karere ka Kayonza mu murenge wa Murundi, mu kagali ka Karambi, mu mudugudu wa Gafunzo, bakaba bari bakuwe mu karere ka Gatsibo, Umurenge wa Rwimbogo akagali ka nyagatete mu mudugudu wa Gashenyi.

Aya makuru akomeza avuga ko abo bana bari batwawe n’undi mwana w’umukobwa uri mu kigero cy’imyaka hagati ya 12 na 13.
Kugeza ubu ntiharamenyekana icyabimuteye, cyakora iperereza ryo rirakomeje.

Ibintu nk’ibi iyo bibaye, bikangura abo bireba kuko bigaragaza icyuho cyiri mu gucunga umutekano w’abana yaba igihe bajya cyangwa se bava ku ishuli, yewe n’igihe bari mu rugo.

Umuyobozi w’akarere ka Gatsibo GASANA Richard, yatangarije Kigali Today ko kubona aba bana ari inkuru ishimishije kandi iruhuye imitima ya benshi yaba ababyeyi b’aba bana, abaturanyi babo ndetse n’ubuyobozi muri rusange.

Yunzemo anasaba ababyeyi kugira ibyo bitwararika: “Ababyeyi bakwiye kwita cyane ku bana babo by’umwihariko nk’abakiri bato, mu gihe cyo kujya cyangwa kuva ku ishuli bakabajyana kandi bakajya no kubacyura. Turateganya kandi no kugirana inama n’abarezi b’aba bana aho biga mu marerero ibi bakabyitaho, ku buryo umwana ava ku ishuli ari uko haje umubyeyi we kumutwara cyangwa se undi muntu ababyeyi batumye kandi byamenyeshejwe abarezi b’abana”.

Uretse ibi kandi hari n’ubundi butumwa bwagenewe ababyeyi nk’uko Mayor Richard akomeza abivuga.

“Ababyeyi bagomba kuzirikana ko gutangira amakuru ku gihe ari ingenzi. Turabasaba kujya batanga amakuru bihuse mu gihe babonye ikintu kidasanzwe aho batuye, Nk’iyi nkuru y’aba bana twayimenyeshejwe dutinze kandi ababyeyi bo babimenye kare. Buri wese abe ijisho rya mugenzi we ndetse n’abana barusheho kwitabwaho kandi n’ikibaye cyose bihutire gutanga amakuru kuko bifasha mu gukurikirana ikibazo no kugikemura”.

Biravugwa ko nyuma yo kugeza aba bana mu miryango yabo, bajyanywe kwa muganga kugira ngo basuzumwe bihagije, ngo harebwe uko ubuzima bwabo bumeze nyuma y’iminsi hafi 2 baburiwe irengero.

Amakuru yisumbuyeho tuzakomeza kuyabakurikiranira.

BRD ivuga ko uyu mushinga uzafasha ibi bigo kubona bus 120, maze bikazishyura ku nyungu ya 12% ku mwaka, mu gihe cy’imyaka 5.

Ibi bigo byahawe iyi nguzanyo ni RITCO, Remera Transport Cooperative, City Center Transport Cooperative, Nyabugogo Transport Cooperative hamwe na Jali Transport.
Twabibutsa ko ku wa gatanu w’icyumweru gishize, Umujyi wa Kigali wari watangaje ko haguzwe bus 100 zigahabwa ibigo 8 bizajya bitwara abagenzi mu mujyi wa Kigali.

Icyo gihe hari hanagaragajwe umubare w’imodoka buri kigo cyahawe aho Yahoo Car Express bavugaga ko ifite bisi 15, Remera Transport Cooperative ikagira bisi 10, Nyabugogo Transport Cooperative yo ikaba ifite bisi 10, City Centre Transport Cooperative ikaba ifitemo bisi 10 mu gihe S.UDire ct Services ifite bisi 5 naho Jali Transport ikagira bisi 13, 4G Ju Transport Ltd ikagira bisi 7 na RITCO ifitemo bisi 30.

Hagendewe ku bushakashatsi bwakozwe mu minsi yashize, umujyi wa Kigali wagaragaje ko hakenewe bisi 300 kugira ngo gahunda yo gutwara abantu n’ibintu irusheho kugenda neza.
BRD yatangaje ko yiteguye gutanga inguzanyo ku bashoramari babyifuza, ku kigero kingana na 70% bityo abakoresha bisi rusange bakarushaho kugenda neza, badatakaje umwanya kandi batekanye.

Iyi gahunda yo kongera imodoka zitwara abagenzi, ni umwe mu myanzuro y’inama y’igihugu y’umushyikirano yabaye umwaka wa 2023, aho hari hemejwe kugurwa bisi 300 ariko bikarangira hemejwe kugurwa bisi 200.

Bisi 100 muri izo zemejwe zamaze gushyikirizwa bene zo ndetse zanatangiye gutwara abagenzi mu mujyi wa Kigali, mu gihe izindi 100 zigera mu Rwanda bitarenze uku kwezi kwa mutarama 2024 nk’uko byatangajwe na Minisiteri y’ibikorwaremezo.

Umujyi wa Kigali uvuga ko ibigo byahawe izi modoka ari 8 nyuma yo kuzuza ibisabwa. ibyo bigo ni: Yahoo Car Express ifitemo imodoka 15, Remera Transport Cooperative yahawe bisi 10, Nyabugogo Transport Cooperative yahawe 10, City Centre Transport Cooperative ifitemo bisi 10, S.U Direct Services yegukanye bisi 5, Jali Transport yegukanye bisi 13, hakaza 4G Ju Transport Ltd ifitemo imodoka 7 na RITCO ifitemo biisi 30.

Umujyi wa Kigali kandi ukomeza uvuga ko buri bisi muri izi zose ifite ubushobozi bwo gutwara abantu 70 kandi zije ziyongera ku zindi modoka zitwara abantu mu Mujyi wa Kigali.

Ku rundi ruhande ariko, hari amakuru avuga ko n’ubwo ibi bigo byashyikirijwe izi modoka, ngo ntizirabandikwaho kuko yaba imodoka ubwazo n’ubwishingizi bwazo byose bicyanditse kuri Leta y’u Rwanda.

Biteganyijwe ko hazasinywa amasezerano hagati y’ibi bigo na Banki y’iterambere y’u Rwanda (BRD), ku bijyanye n’izi modoka maze abazitsindiye bakazegurirwa ku mugaragaro.

Izi bisi zose uko ari 100, umujyi wa Kigali uvuga ko zatangiye gutwara abagenzi hirya no hino mu mujyi wa Kigali.

Mu itangazo iyi minisiteri yasohoye mu kwezi k’Ugushyingo umwaka wa 2023, yari yavuze ko uko kwezi kurangira haje bisi 100. Icyo gihe 40 zari zamaze kuza hasigaye izindi 60.
Mu kiganiro Kigali Today yagiranye na Minisitiri w’ibikorwa remezo Jimmy Gasore, ku mugoroba wo ku munsi w’ejo, yavuze ko koko izo bisi zaje ndetse uyu munsi zitangira gukorera mu mihanda inyuranye zahawe.

Yagize ati: “Ni byo koko Bisi zaraje nk’uko twari twabivuze. Nyuma yaho habayeho kumenyesha abantu ko zihari, bityo abazifuza batangira gusaba kuzihabwa ngo bazikoreshe. Ibyo nabyo byarakozwe hakurikiraho gahunda yo kuzitanga, kuri uyu wagatanu turi bumurikire rubanda izo modoka, mumenye abazihawe n’aho zizajya zikorera”.

Iyi gahunda yo kongera imodoka ni umwe mu myanzuro yafatiwe mu nama y’igihugu y’umushyikirano, aho hagombaga kuza bisi 300 mu mezi atatu, nyuma biza kuba amezi atanu maze birangira abaye amezi hagati y’icyenda n’icumi kandi nabwo hakaba haraje imodoka 100 gusa, bitarenze mu mpera z’uku kwezi kwa mutarama 2024 hakazaza izindi 100 nk’uko byakomeje bigarukwaho na minisiteri y’ibikorwa remezo.

Ibi rero byatumye benshi bakunda Bugesera, ndetse bahitamo kwambuka Akagera, baza gutura Bugesera kugeza aho yabaye umujyi uri hafi gufatana na Kigali, dore ko Bugesera ari umujyi ugaragiye umurwa mukuru.

Leta kandi yajyanye imishinga ikomeye mu Bugesera, bituma n’abikorera nabo bahabengukwa.

Umwe mu mishinga igihugu cyose gitegereje uri mu Bugesera, ni Ikibuga cy’Indege mpuzamahanga cyatangiye kubakwa mu 2017 mu Murenge wa Rilima.

Ubwo yitabiraga inama y’ubukungu muri Qatar muri Gicurasi uyu mwaka, Perezida Paul Kagame yavuze ko uyu mwaka uzajya kurangira imirimo y’icyiciro cya mbere igeze kuri 70%, ikazarangira mu mwaka wa 2024/2025, gifite ubushobozi bwo kwakira nibura abagenzi bagera kuri miliyoni umunani ku mwaka.

Ikibuga cy’indege cya Bugesera cyiri hafi kuzura

Biteganyijwe kandi ko ibyiciro byombi bizarangira mu mwaka wa 2026 bitwaye miliyari ebyiri z’amadolari, kikazagenda cyongera ubushobozi bw’abagenzi cyakira kugera kuri miliyoni 14 ku mwaka, hamwe n’imizigo isaga toni 150,000.

Umuyobozi wa Aviation Travel and Logistics (ATL) Holding Jules Ndenga ari na bo bashinzwe gukurikirana imirimo yo kubaka iki kibuga, yabwiye Kigali Today ko imirimo yo kubaka imihanda ndetse na za parkingi igeze ku kigero cya 80%.

Ikibuga cy’indege cya Bugesera, gifite amateka maremare. Muri Nzeli 2016 ni ho Leta y’u Rwanda yagiranye n’ikigo cy’aba nya Portugali (Mota Engil Engenharia e Construcao Africa) yo kubaka iki kibuga.

Nyuma y’Umwaka, muri Kanama 2017 Perezida Kagame yashyize ibuye ry’ifatizo ahazubakwa iki kibuga cyari giteganyijwe kuzura mu byiciro bibiri byose hamwe byari gutwara miliyoni $818, bikuzura muwa 2018.

Ikibuga cy’indege mpuzamahanga cya Bugesera kizuzura gitwaye Miliyari ebyiri z’amadorali

Ariko imirimo yo kubaka igitangira, u Rwanda rwasanze ikibuga kidahuye n’ibyifuzo byarwo, maze umushinga usubirwamo, uragurwa.

Mu Kuboza 2019, u Rwanda rwasinyanye na Kompani y’Indege ya Qatar Airways amasezerano yo gukomereza aho abanya Portugali bari bagereje, muri uyu mushinga wari umaze kwagurwa.

Muri aya masezerano, Qatar yaguze imigabane 60% mu kibuga cy’indege cya Bugesera, ingana na miliyari 1.3 by’Amadolari ya Amerika.

Hagati aho, igice cy’umuhanda uzahuza Ikibuga cy’indege cya Bugesera n’umujyi wa Kigali cyamaze kuzura-ni umuhanda Sonatubes-Gahanga-Akagera wubatswe ku nguzanyo ya miliyoni 54 z’amadolari yatanzwe na Axim Bank yo mu Bushinwa.

Nk’uko umuyobozi w’ikigo gishinzwe guteza imbere ubwikorezi-RTDA Imena Munyampenda yabwiye Kigali Today mu nkuru ziheruka, igice kiva ku Kanyaru kikagera ku kibuga cy’indege cya Bugesera kizakorwa n’abubaka ikibuga cy’indege.

Undi mushinga watangiye mu Karere ka Bugesera ni uwo kubaka ishuri ryisumbuye rya Ntare School, rikaba ryaratangiye kubakwa mu mwaka wa 2019, mu Mudugudu wa Musagara, Akagari ka Kanazi mu Murenge wa Nyamata, ukaba uri kuri hegitari zirenga 40.

Ni ishuri ryo ku rwego mpuzamahanga, rifite ubushobozi bwo kwakira abanyeshuri 1100 baziga bacumbikiwe. Rifite ibyumba by’amashuri 35 bigenewe kwakira abanyeshuri 30 muri buri cyumba na laboratwari eshanu za siyansi.

Iri shuri ry’ikigitekerezo cy’abagize ihuriro ry’abize muri Ntare School muri Uganda, ni naryo ryizemo ba Perezida Yoweri Kaguta Museveni wa Uganda kuva mu 1962 kugeza mu 1966 hamwe na perezida Paul Kagame w’u Rwanda kuva mu 1972 kugeza mu 1976.

Ntare School / ifoto ducyesha ikinyamakuru Igihe

Mu gitaramo cyo gukusanya inkunga yo gutangiza umushinga wo kubaka iri shuri cyabereye i Kigali muri Werurwe 2015, umunyamakuru wa KT Press yanditse ko Perezida Kagame yatanze inkunga ya miliyoni 100 Frw, maze Museveni atanga amadorali ibihumbi 500,000.

Icyo gihe kandi amakuru yatangajwe yavugaga ko umushinga wo kubaka iri shuri uzatwara miliyari 6 z’amafaranga y’u Rwanda.

Ayo mafaranga amaze kwikuba inshuro zirenze enye. Nk’uko umugenzuzi mukuru w’imari ya Leta Alexis Kamuhire, yabigarutseho muri raporo y’umwaka w’ingengo y’imari 2021-2022.

Muri Gicurasi, umugenzuzi w’imari ya Leta yabwiye inteko ishinga amategeko ko Ntare School imaze gutwara miliyari 26,4 frw ahwanye na miliyoni 21.2 z’amadorali ya Amerika hakiyogeraho n’amayero 85,900 ariko ko imirimo y’ibanze yatuma ritangira kwigisha na yo ngo itarakorwa.

Muri Kamena uyu mwaka, Minisiteri y’uburezi yitabye inteko, aho yavuze ko bakeneye izindi miliyari eshanu zo kugura ibikoresho bikenewe muri Ntare School.

Kuwa 6 Ukuboza, Umunyamabanga uhoraho wa Minisiteri y’uburezi Charles Karakye yabwiye Kigali Today ko ikiguzi cy’inyubako za Ntare School batakizi kuko atari bo bari kuyubaka, kuko ngo bategereje ko irangira kubakwa, bakayishyikirizwa, hanyuma bagashyiramo ibikoresho bikenewe.

Nyamara n’ubwo avuga atya, raporo y’umugenzuzi mukuru w’imari ya Leta ivuga ko komite ya Ntare School Old Boys Association (NSOBA) yeguriye iri shuri Leta ku wa 28 Mutarama 2021.

Ibikoresho iyo bigurwa ngo iri shuri riba ryaratangiye kwakira abanyeshuri mu mwaka wa 2019, ariko ubu biteganyijwe ko rizatangira mu mwaka w’amashuri utaha wa 2024.

Ishuri rya Ntare ryubatse ku buso burenga Ha 40

Ntare School yashinzwe n’umunya Ecosse, William Crichton mu 1956, iherereye mu Mujyi wa Mbarara mu Burengerezuba bwa Uganda. Ni ishuri ryisumbuye ryarerewemo Abanyarwanda bagera ku 100 rikaba ryarizemo na bamwe mu bakomeye muri aka karere.

Undi mushinga ni uw’uruganda rw’amazi rwa Kanzenze, rukaba rwubatse mu Murenge wa Kanzenze.

Ni uruganda rwaje ari igisubizo ku baturage baburaga amazi mu Mujyi wa Kigali no mu Karere ka Bugesera, kubera ko rufite ubushobozi bwo gutunganya meterokibe ibihumbi mirongo ine z’amazi; zirimo ibihumbi mirongo itatu z’ayoherezwa muri Kigali, izisigaye zikoherezwa mu Karere ka Bugesera.

Umuyobozi ushinzwe itumanaho n’isakazamakuru mu kigo cy’igihugu gishinzwe amazi n’isukura (Wasac) Robert Bimenyimana yabwiye Kigali Today ko uru ruganda rwuzuye rutwaye miliyoni 63 $, harimo inyubako n’imiyoboro igeza amazi ku bigega biyakwirakwiza mu mujyi wa Kigali no mu karere ka Bugesera.

Undi mushinga washyizwe mu Karere ka Bugesera ni uwa kaminuza y’icyitegererezo mu kwigisha ikoranabuhanga rigezweho mu buhinzi n’ubworozi (RICA), yashinzwe ku bufatanye bwa Guverinoma y’u Rwanda n’umuryango Howard Graham Buffett Foundation.

Iyi Kaminuza iherereye mu Mudugudu wa Gaharwa, Akagari ka Mwendo mu Murenge wa Gashora, ikaba yarafunguye imiryango mu 2019, aho buri mwaka yakira abanyeshuri 84. Muri Kamena uyu mwaka yashyize imfura zayo 78 ku isoko ry’umurimo.

Iyi kaminuza yuzuye itwaye miliyoni 84 z’amadorali ya Amerika, nk’uko twabitangarijwe na Jean Claude Kayisinga, umuyobozi wayo wungirije ushinzwe iterambere.

Atangiza imirimo yo kubaka iri shuri muri Kanama 2018, Uwari Minisitiri w’Ubuhinzi n’ubworozi Gerardine Mukeshimana yashimiye umuterankunga Howard Graham Buffett Foundation ku bw’uyu mushinga w’ingirakamaro ku Rwanda n’akarere.

Yagize ati “Iri shuri rikuru uretse gutanga ubumenyi ku banyeshuri bo mu Rwanda n’abaturuka mu bindi bihugu, rizafasha abahinzi borozi kuzamura ubumenyi bwabo binyuze muri gahunda y’iyamamazabuhinzi kuko abanyeshuri n’abarimu bazakorera bumwe mu bushakashatsi mu mirima y’abahinzi n’aborozi.”

Ni ishuri ryigisha ibijyanye n’ubworozi bw’inka zitanga inyama n’amatungo magufi; ibijyanye no gutunganya ibikomoka ku mata; ubworozi bw’inkoko n’ingurube; ubuhinzi bw’ibiryo by’amatungo; ubuhinzi bw’imboga, ibiti, n’ibijyanye no kuhira ndetse no gukoresha imashini mu buhinzi.

Muri RICA ni naho kandi hubatse ikigo mpuzamahanga cy’imbuto, ku bufatanye n’ikigo gisanzwe gifasha abahinzi kugira ngo bagere ku iterambere, One Acre Fund.

Zimwe mu nyubako usanga mu ishuli rya Rica

Biteganyijwe ko imirimo yo kubaka icyo kigo izarangira mu myaka ibiri iri imbere.
Ikigo kizuzura gitwaye agera kuri miliyoni 12 z’amadolari nk’uko twabitangarijwe na Kayisinga.

Mu Karere ka Bugesera kandi hari umushinga w’ubworozi bw’inka z’inyama, “Gako Meat Company Ltd”. Ni umushinga wa Leta ugamije guteza imbere umusaruro w’inyama mu gihugu ndetse no hanze yacyo.

Ni umushinga uri kuri hegitare ibihumbi bitandatu (6000Ha) ziri mu ishyamba rya Gako, ziriho ibikorwa remezo nk’imihanda, amashanyarazi n’ibagiro rijyanye n’igihe zikorerwamo ubworozi bw’inka, ihene n’intama zitanga inyama.

Umuyobozi ushinzwe umutungo muri uyu mushinga Mbanda Jean Julien Adeodatus yabwiye Kigali Today ko hari byinshi bimaze gukorwa birimo gutunganya urwuri, kugeza amazi n’umuriro mu mirima n’urwuri, imihanda ihuza ibice bitandukanye by’urwuri, ubworozi bw’inka zitanga inyama, hamwe no kugeza ibikorwa remezo bijyanye no kuhira imyaka mu mirima (irrigation system).

Mbanda kandi akomeza avuga ko hari n’ibindi bikorwa bateganya gukora ari byo: Umushinga wo kubaka ibagiro rigezweho (Modern abattoir), Ubuhinzi buhangana ni imihindagurikire y’ikirere (irrigation and drainage system), Umushinga wo kubyibushya ibimasa (Feedlot), Umushinga wo gutunganya ibiryo by’amatungo (Feed mil).

Uyu mushinga wose uzuzura utwaye miliyari 44 z’amafaranga y’u rwanda, ni ukuvuga miliyoni 35.3 z’amadorari nk’uko Mbanda akomeza abivuga.

Mu Karere ka Bugesera kandi hari uruganda rutunganya ifumbire. Uyu mushinga uhuriweho na sosiyete nyarwanda ikora ibijyanye n’ifumbire (Rwanda Fertilizers Company), uruganda rwo muri Maroc rukora ifumbire OCP Group na leta y’u Rwanda.

Umwe mu bayobozi b’uru ruganda Christine Kabanda yabwiye Kigali Today ko uru ruganda rwuzuye rutwaye miliyoni 20 z’amadorali ya Amerika.

Uru ruganda rwitezweho kuzamura umusaruro binyuze mu kubonera ifumbire ku gihe kuko ruzaba rufite ubushobozi bwo gukora toni ibihumbi 100 ku mwaka.

Hari kandi n’umushinga wo kubaka umuhanda Ngoma-Bugesera ureshya n’ibirometero 52, ukazuzura utwaye Miliyari 64 z’amafranga y’u Rwanda. Umuyobozi w’ikigo cy’igihugu gishinzwe guteza imbere ubwikorezi, Imena Munyampenda yabwiye KT Press ko igice giherereye mu Karere ka Bugesera cyonyine kikaba kireshya na kilometero 29 kizatwara Miliyari 33 z’amafaranga y’u Rwanda, ni ukuvuga miliyoni 26.4 z’amadorali ya Amerika.

Mu Karere ka Bugesera kandi hatangiye kubakwa isoko ry’ubucuruzi rya Nyamata, akaba ari umushinga w’imyaka itanu, imirimo yo kubaka icyiciro cya mbere biteganyijwe ko izarangira mu gihe cy’imyaka ibiri.

Umukozi w’akarere ka Bugesera yabwiye Kigali Today ko umushinga wose uzarangira utwaye amafaranga y’u Rwanda Miliyali 24.3, ni ukuvuga miliyoni 19.4 z’amadorali ya Amerika.

Abandi bagize uruhare muri iyi nkuru:

Tabaro Jean de la Croix
Abdoul Talibu
Cyrien Akayezu

Ibarura rusange rya mbere ryabaye mu Rwanda muri Kanama 1978, ryagaragaje ko abaturage bose bari 4,831,527, abatuye mu mijyi icyo gihe bakaba bari 222,727 (4.6%), naho abatuye mu byaro bari 4,608,800 (95.4%).

Muri Kanama 1991 habaye ibarura rya kabiri, abaturage bose bari 7,157,551 abatuye mu mijyi bari 391,194 (5.5%) abatuye mu byaro bari 6,766,357 (94.5%).

Muri Kanama 2002, habaye ibarura rusange rya gatatu, abaturage bose bari 8,128,553, abatuye mu mijyi bari 1,372,604 (16.9%) naho abatuye mu byaro bari 6,755,949 (83.1%).

Muri Kanama 2012 habaye ibarura rusange rya kane, aho abaturage bose b’u Rwanda bari 10,515,973 abatuye mu mijyi bari 1,737,684 (16.5%) abatuye mu byaro bari 8,778,289 (83.5%).

Ibarura rusange ry’abaturage ryabaye mu mwaka wa 2022 ryagaragaje ko abanyarwanda ari miliyoni 13,2. Imibare igaragaza ko Abanyarwanda 72,1% batuye mu byaro, naho 27,9% bakaba batuye mu mijyi.

Nk’uko imibare ibigaragaza, umubare w’abaturage ugenda urushaho kwiyongera ari naho NISR ihera ivuga ko muri 2052 abatuye u Rwanda bazaba ari hagati ya miliyoni 23 na Miliyoni 24.

Abanyarwanda bazaba barikubye hafi 2 mu mwaka wa 2052

Ibi bituma u Rwanda ruza mu bihugu bya mbere bifite ubucicike bw’abaturage mu miturire nk’uko incamacye y’icyegeranyo cyakozwe na NISR ku bwiyongere bw’abaturage (RPHC5 Thematic Report_Population Projection) ibigaragaza.

Uku kwiyongera kungana gutya kuri hejuru kandi kuvuze byinshi haba mu miturire no mu mibereho. Uko abantu baziyongera bizanajyana n’aho baba. Ibyo bivuze ko uko bazagenda bubaka ari nako ubutaka bwo guhingaho buzagenda bugabanuka cyane ko abantu bo baziyongera ariko ubuso bw’igihugu bwo ntibwiyongere.

Ese ko uko umubare w’abatuye igihugu uba munini ari nako ingano y’ibyo barya irushaho kwiyongera, kandi aho guhinga hazaba hagabanutse, hazakorwa iki ngo abantu batazabura ibibatunga? Haba se harimo guteganywa iki ngo Politiki y’imiturire ihindurwe maze ijyanishwe n’uko kwiyongera kw’abaturage?

Mu gusubiza iki kibazo, umuyobozi mukuru w’ikigo cy’igihugu cy’imiturire, Rwanda Housing Autority (RHA) Alphonse RUKABURANDEKWE, yabwiye Kigalitoday ko harimo gutunganywa inyigo iha umurongo ibijyanye no kurengera ubutaka hamwe no kubukoresha neza.

Yagize ati: “Ntabwo twicaye ubusa hari ibyo turimo gutunganya. Nk’ubu turimo kunoza inyigo ijyanye no gukoresha neza ubutaka, kandi iyo tuvuze kubukoresha neza haba harimo no kubutunganya hamwe no kububungabunga.”

Alphonse Rukaburandekwe, Umuyobozi mukuru w’ikigo cy’igihugu cy’imiturire

“Ikindi twababwira ni uko iyi nyingo nimara gukorwa izagezwa ku banyarwanda bose kuko izaba itureba twese kandi kugira ngo ibashe gushyirwa mu bikorwa buri wese agomba kubigiramo uruhare.”

Ku rundi ruhande se uretse RHA Abashinzwe igenamigambi barimo gukora iki ngo ibindi bikorwa remezo nkenerwa bitazabura haba amashuli, amavuriro, gutwara abantu n’ibintu n’ibindi?

Ariane Zingiro, Umuyobozi mukuru ushinzwe igenamigambi ry’igihugu muri Minisiteri y’imari n’igenamigambi (MINECOFIN), yabisobanuye muri aya magambo:

“Ni byo koko abaturage baziyongera kandi uku kwiyongera kugomba kugendana n’ibikenerwa mu nzego zitandukanye z’imibereho y’abantu. Ni muri urwo rwego, Leta y’u Rwanda yashyizeho Icyerekezo 2050 gikubiyemo ingamba zitandukanye zigamije guteza imbere imibereho y’umunyarwanda, aho mu mwaka wa 2035, u Rwanda ruzaba rubarirwa mu bihugu bifite ubukungu buteye imbere ku rugero ruciriritse (upper-middle income country), naho mu mwaka wa 2050 rukazaba rufite ubukungu buteye imbere cyane (high-income country)”.

Yunzemo avuga ko Icyerekezo 2050 kirimo ingamba zizashyirwa mu bikorwa mu nzego zitandukanye (ubuzima, uburezi, ubuhinzi, imiturire, ubwikorezi, guhanga imirimo, ubutabera, n’ibindi) hagamijwe kuzamura imibereho myiza y’umuturarwanda, hanitawe ku bwiyongere bw’abaturarwanda.

Ikigo cy’igihugu cy’ibarurishamibare cyari cyatanze inama y’uko hakurikijwe ubu bwiyongere hakwiye kujyaho ingamba zihamye ku nzego zose hagamijwe ko ubutaka buhari bwakoreshwa neza abaturage bakazabona aho batura n’aho bahinga, ibyo bikaba bisaba ko bimwe mu bishushanyo mbonera byazanozwa ibindi bigasubirwamo hagendewe ku guhuza imicungire n’imikoreshereze y’ubutaka no kwiyongera kw’abaturage.

Indi nama batanze nk’uko bigaragara mu cyegeranyo ku kwiyongera kw’abaturage cyakozwe na NISR mu mwaka wa 2023 (RPHC5 Thematic Report_Population Projection), bavuga ko uko abaturage baziyongera ari nako bazakenera ibyo bakora, bityo NISR igatanga inama ko byaba byiza hagiyeho uburyo bwo guhanga imirimo myinshi ku ruhande rwa Leta no kwigisha kuyihanga kugira ngo ubushomeri butaziyongera cyane cyane mu rubyiruko.

Hakwiye kandi gukorwa ubukangurambaga buhoraho bwibutsa abantu gahunda yo kuboneza urubyaro kugira ngo bazabyare abo bazabasha kurera ariko n’ab’igihugu cyizabasha guha ibyo bakeneye.

Bijyanye n’uko icyizere cyo kubaho kigenda kiyongera bikazatuma abantu baramba kandi ari byiza, NISR isanga hanakwiye gutegurwa inyigo ihamye y’uko abageze mu zabukuru bazajya basindagizwa ndetse no gusaba abantu kwiteganyiriza kugira ngo ubuzima bwabo buzakomeze kuba bwiza no mu gihe bageze mu za bukuru.

Habarugira Venant, umuyobozi ushinzwe ibarura muri NISR avuga ko bategura ibarura bari baragennye ko rizarangira ritwaye Miliyari 30 z’amafaranga y’u Rwanda ariko kubera gukoresha ikoranabuhanga babona bazasagura.

“N’ubwo ibigomba gukorwa byose bijyanye n’ibarura bitararangira ubu tugenekereje turabona ko tuzakoresha agera kuri Miliyari 23 z’amafaranga y’u Rwanda, ni ukuvuga ko tuzasagura nibura hafi Miliyari 7 kuko ibihenze cyane byamaze gukorwa.”

Uyu muyobozi akomeza avuga ko kugeza ubu barimo kugana ku musozo w’ibyari biteganyijwe, ibisigaye akaba ari ukumenyekanisha ibyavuye mu ibarura kandi ngo ntibisaba amikoro ahanitse.

Habarugira akomeza avuga ko kugira telefoni zigezweho zifashishijwe mu ibarura byatumye hakorwa ibarura ryujuje ibisabwa ku rwego mpuzamahanga, amakuru akaba abitse neza mu buryo bw’ikoranabuhanga bitandukanye na cyera hagikoreshwa impapuro.

Ikindi iri koranabuhanga ryafashije ni uko bitari bikiri ngombwa kujya gukora ubugenzuzi kuko bari bafite uburyo bakurikirana buri mukarani w’ibarura batavuye aho bari, bakamenya aho yageze n’aho atageze ndetse bakanahita bamenya ahakenewe ubufasha mu buryo bwihuse.

Habarugira Venant, umuyobozi ushinzwe ibarura muri NISR

Ati: “Ibi rero byose byatwaraga amafaranga ariko kubera ikoranabuhanga twarayazigamye. Murabona ko ikoranabuhanga ari ryiza kandi uretse no kudufasha gusagura buriya ryoroheje n’akazi.”

Ibarura Rusange ry’Abaturage n’Imiturire ku nshuro ya 5 ryabaye muri Kanama 2022 ryagaragaje ko abanyarwanda ubu ari 13,246,394, bavuye kuri miliyoni 10,5 bariho mu 2012. Iyi mibare igaragaza ko 48,5% ari abagabo, naho 51,5% ni abagore.

Iri barura kandi ryagaragaje ko Intara y’Iburasirazuba ifite abaturage 3,563,145, Intara y’Amajyepfo ikagira 3,002,699 bangana na 22,7%, mu gihe Intara y’Iburengerazuba ifitemo 2,896,484 bangana na 21,9%, naho Intara y’Amajyaruguru ikagira 2,038,511 bangana na 15,4%, naho Umujyi wa Kigali wo ukaba utuwe na 1,745,555 bangana na 13,2%.

Iki gitaramo gisoza ibitaramo bya MTN iwacu muzika festival 2023, cyari giteguye mu buryo bwa gakondo yaba ku mitako yari mu nzu y’ibirori ya BK Arena, yewe haba no kubahanzi bakiririmbyemo.

Umukirigita nanga Sophie Nzayisenga niwe wafunguye iki gitaramo

Sophia Nzayisenga ni we wabanje ku rubyiniro maze akirigita inanga karahava. Yakurikiwe n’itorero Inyamibwa mu mbyino zinogeye buri wese maze hataho Cyusa akurikirwa n’ Ibihame by’Imana.

Umuhanzi Cyusa yataramye mu ndirimbo zo hambere yagiye asubiramo ndetse n’ize binyura benshi

Ruti Joel ni we wakurikiyeho n’ijwi ryiza riherekejwe n’umuhamirizo w’intore, asoje haza Inganzo Ngari zabyinnye neza nk’ibisanzwe, maze zitura uwo munsi uwahoze ari umuyobozi wabo uherutse kwitaba Imana.

Itorero Inyamibwa naryo ryasusurukije abitabiriye iki gitaramo

Umuhanzi Ruti Joel wigaruriye imitima y’abakuze n’abato mu njyana gakondo

Itorero Inganzo Ngari ryasusurukije abitabiriye iki gitaramo

Inganzo Ngari basoje ku rubyiniro hahise haseruka Muyango n’ijwi ryiza cyane ridakangwa n’imyaka nuko akurikirwa na Cecile Kayirebwa aho yaririmbye aherekejwe n’abakobwa b’impanga Ange na Pamella ndetse n’umuhanzi Alouette bose bamenyekanye basubiramo indirimbo ze.

Umuhanzi Muyango yizihiye abari muri BK Arena mu ndirimbo ze nka ‘Karame Uwangabiye’, ‘Sabizeze’ zasusurukije abantu cyane

Ku myaka 77 Kayirebwa aracyafite ijwi rizira amakaraza

Kayirebwa acyanzika, haserutse umwana muto wabonaga ko yizihiwe maze atangira kubyina

Kayirebwa yamushimye uburyo akunda umuco Nyarwanda

Kigalitoday yabateguriye inkuru y’amafoto abereka uko byari byifashe.

Basile Uwimana ni we wayoboye iki gitaramo cyari gifite uburyohe buhebuje

Reba ibindi muri iyi Video

Amafoto + Video: Eric Ruzindana / Kigali Today

Yolande Makoro, Umuvugizi wa Guverinoma

Umwanzuro uru rukiko rwatangaje uyu munsi, uvuga ko kohereza aba bimukira mu Rwanda bitubahirije amategeko.

Urukiko kandi rwavuze ko abimukira baramutse boherejwe mu Rwanda nta mutekano wizewe baba bafite.

Umuvugizi wa Guverinoma y’u Rwanda Yolande Makolo yavuze ko u Rwanda rubabajwe no kumva uru rukiko ruvuga ko abimukira baramutse baje mu Rwanda bataba bafite umutekano.

Yagize ati: “U Rwanda n’ubwongereza bamaze igihe bakorana bya hafi kuri iyi gahunda yo kohereza abimukira mu Rwanda, ndetse hanateguwe uburyo burambye bakwakirwa mu muryango nyarwanda mu gihe baba bageze mu gihugu.”

Yunzemo agira ati: “u Rwanda ni igihugu cyubahiriza amategeko mpuzamahanga. Umuryango mpuzamahanga wita ku mpunzi (UNHCR) ndetse n’indi miryango mpuzamahanga bashima ko u Rwanda rwita ku mpunzi mu buryo bw’intangarugero.

Umuvugizi wa Guverinoma yakomeje avuga ko u Rwanda rutazahwema kwita ku kiremwamuntu aho cyaba kiri hose cyane cyane mu gihe gikeneye ubutabazi, anongeraho ko u Rwanda rudateze kubitezukaho.

Abimukira bagombaga koherezwa mu Rwanda ni abageze mu gihugu cy’U Bwongereza mu buryo bunyuranyije n’amategeko.

Si ubwa mbere u Rwanda rwaba rwakiriye abimukira kuko kuva mu mwaka wa 2019, Guverinoma y’u Rwanda ku bufatanye n’Umuryango wa Afurika Yunze Ubumwe hamwe n’Ishami rya Loni ryita ku Mpunzi, bashyizeho gahunda yo gufasha abimukira bari babayeho nabi mu nkambi zitandukanye.

Urukiko rw’ikirenga rw’ U Bwongereza

Muri iyi mikoranire, u Rwanda rumaze kwakira abimukira 1500 bavuye muri Libiya mu gihe abasaga 900 muri bo bamaze kubona ibihugu bibakira.

U Rwanda kugeza ubu rutuwe n’impunzi zisaga ibihumbi 130, inyinshi zikaba ari izituruka muri Repubulika iharanira Demokarasi ya Congo n’u Burundi.

Ku ruhande rw’abunganira CG Gasana, bwagaragaje ko umukiriya wabo ibyo ashinjwa atabikoze ndetse banongeraho akwiye kuburana ari hanze kubera ko afite uburwayi budakira nka Diyabeti n’umuvuduko w’amaraso.
Aha banongeyeho ko hari n’ingwate biteguye ndetse mu rukiko bavuga ko iyo ngwate ari ubutaka ariko ntibagaragaza agaciro kabwo.

Urukiko rw’ibanze rwa Nyagatare rurimo kuburanisha uru rubanza, rumaze kumva impande zombi rwatangaje ko isomwa ry’urubanza ku ifungwa n’ifungurwa rizaba tariki 15 Ugushyingo 2023 saa cyenda z’amanywa.

CG Emmanuel Gasana CG (Rtd) Emmanuel Gasana yageze ku rukiko hagati ya saa kumi n’ebyiri na saa kumi n’ebyiri n’igice z’igitondo. Imodoka yamuzanye ntizwi n’ubwo ku rukiko hari hari iya RIB isanzwe ijyana abafungwa ndetse n’imodoka zirenze ebyiri za Polisi.

Mu gusohoka mu rukiko wabonaga umutekano urinzwe kuko yari aherekejwe n’abapolisi batandatu babiri imbere, babiri inyuma n’abandi babiri ku mpande ku buryo n’uwashakaga gufata ifoto ye bitari bimworoheye.

CG (Rtd) Emmanuel Gasanakurikiranyweho ibyaha bibiri, ari byo gusaba no kwakira indonke hamwe no gukoresha ububasha ahabwa n’amategeko mu nyungu ze bwite.

CG (Rtd) Emmanuel Gasana yafunzwe nyuma y’aho ahagaritswe mu mirimo yo kuyobora Intara y’Iburasirazuba, amakuru yamenyekanye biciye mu itangazo ryavuye mu biro bya Minisitiri w’Intebe, ryo ku wa Gatatu tariki 25 Ukwakira 2023.

CG (Rtd) Emmanuel Gasana yabaye Guverineri w’Intara y’Iburasirazuba muri Werurwe 2021, mbere yaho akaba yarayoboraga Intara y’Amajyepfo. Yabaye kandi Umuyobozi Mukuru wa Polisi y’u Rwanda, kuva ku wa 19 Ukwakira 2009 kugeza ku wa 18 Ukwakira 2018.

Ishimwe Dieudonné uzwi ku izina rya Prince Kid

Hari tariki 13 Ukwakira 2023 ubwo umucamanza mu rukiko rukuru, yahamyaga Ishimwe Dieudonné icyaha cyo gukoresha undi imibonano mpuzabitsina ku gahato, n’icyaha cyo gusaba cyangwa gukora ishimishamubiri rishingiye ku gitsina, maze Prince Kid waburanaga ari hanze ahita akatirwa igihano cyo gufungwa imyaka itanu.

Me Nyembo Emeline wunganira Prince Kid mu mategeko yabwiye Kigali Today ko kugeza ubu nta cyemezo umukiriya we arafata ku bijyanye no kujurira cyangwa se gusubirishamo urubanza ingingo nshya, ariko yongeraho ko dosiye ayikurikiranira hafi. Aha Me Nyembo yasobanuye ko ibyo akora byose abikora yunganira umukiriya we bityo akaba atifuza kugira byinshi yatangaza kuri iyi dosiye.

Ku bijyanye na dosiye ya Prince Kid, umunyamategeko wavuganye na Kigali Today yavuze ko inzira zishoboka ari eshatu.

Inzira ya mbere ni ugusubirishamo urubanza ingingo nshya

Ingingo ya 195 y’itegeko nº 027/2019 ryo ku wa 19/09/2019 ryerekeye imiburanishirize y’imanza z’inshinjabyaha ivuga ko Gusubirishamo urubanza ingingo nshya ari ugushaka ko urubanza rwaciwe burundu ruvanwaho rukongera gusuzumwa bundi bushya hubahirijwe impamvu ziteganywa n’iri tegeko.

Gusubirishamo urubanza nabyo bigira uko bikorwa aho ingingo ya 197 ivuga bimwe mu bishingirwaho.

Aha itegeko rivuga nk’iyo bamaze gucira ushinjwa urubanza ku cyaha yashinjwaga, hakaboneka urundi rubanza nk’urwo rwahannye undi muntu kandi rumuhanira icyo cyaha (Jurisprudence) izo manza zombi zivuguruzanya zikaba zigaragaje ko umwe mu bakatiwe yarenganye.

Bishoboka kandi iyo habayeho ruswa muri urwo rubanza yemejwe n’urukiko kandi ikaba yaragize ingaruka ku mikirize yarwo, cyangwa se iyo haciwe urubanza bashingiye ku mpapuro, ku buhamya cyangwa indahiro byaje kugaragara cyangwa kwemezwa n’urukiko ko ari ibihimbano nyuma y’icibwa ry’urwo rubanza.

Hari kandi n’iyo kuva aho urubanza ruciriwe, habonetse ikimenyetso gishya kimara impaka kigaragaza neza akarengane katewe n’urubanza rusabirwa gusubirwamo.

Ikindi ni igihe urubanza rushingiye ku byakozwe mu iburanisha bikozwe mu izina ry’umuntu utarigeze atanga ubwo bubasha mu buryo ubwo ari bwo bwose, cyangwa ngo yemere cyangwa yemeze ibyakozwe.

N’ubwo bimeze bityo ariko ingingo ya 201 y’iri tegeko ikavuga ko usubirishamo urubanza ingingo nshya bitarubuza kurangizwa, keretse iyo iryo rangizwa ryahagaritswe n’urukiko rwaregewe gusubirishamo urubanza ingingo nshya.

Inzira ya kabiri: Ubujurire bwa kabiri

Ubujurire bwa kabiri buteganywa mu ngingo ya 52 y’itegeko n°30/2018 ryo ku wa 02/06/2018 rigena ububasha bw’inkiko.

Iyi ngingo ivuga ko urukiko rw’ubujurire rwakira imanza zaciwe n’urukiko rukuru, rwaba urusanzwe, urw’ubucuruzi cyangwa urwa gisirikare.

Aha ariko, ubujurire bwemerwa ku manza zateza umutekano w’igihugu, imanza zatanzwemo ibihano bidateganyijwe n’amategeko, cyangwa zasomwe n’umucamanza utaraziburanishije.

Ikindi kandi, ubujurire bwakwemerwa mu manza zagenwemo igifungo kingana nibura n’imyaka cumi n’itanu (15).

Hagati aho, iyi ngingo ivuga ko mu manza nshinjabyaha igihano cy’igifungo cyagenwe ari cyo cyonyine gishingirwaho mu kugena ububasha bw’Urukiko rw’Ubujurire.

Inzira ya 3 ishoboka ni ugusubirishamo urubanza ku mpamvu z’akarengane hashingiwe ku ngingo ya 55 y’itegeko n°30/2018 ryo ku wa 02/06/2018 rigena ububasha bw’inkiko.

Me Nyembo Emeline ari kumwe n’umukiriya we mu rukiko

Umunyamategeko waganiriye na Kigali Today, ashingiye ku ngingo ya 66 y’iri tegeko, yagize ati: “Gusaba ko urubanza rwaciwe ku rwego rwa nyuma rusubirwamo ku mpamvu z’akarengane ntibihagarika irangiza ry’urubanza.”

Icyakora, iyi ngingo ikomeza ivuga ko iyo Perezida w’Urukiko rw’Ikirenga yemeje ko urubanza rwongera kuburanishwa ku mpamvu z’akarengane ariko rutararangizwa, irangizwa ryarwo rihita rihagarara kabone n’iyo imihango yo kururangiza yaba yaratangiye.

Dosiye ya Emmanuel Gasana yashyikirijwe ubushinjacyaha

Ni amakuru Kigali Today ikesha Umuvugizi w’Ubushinjacyaha bwana Nkusi Faustin aho yagize ati: “Dosiye ye, Ubushinjacyaha bwayishyikirijwe n’Urwego rw’Igihugu rw’Ubugenzacyaha (RIB), tariki 30 Ukwakira 2023, ikaba igomba gushyikirizwa urukiko uyu munsi tariki 6 Ugushyingo 2023".

Umuvugizi w’Ubushinjacyaha yakomeje avuga ko Emmanuel Gasana akurikiranyweho ibyaha bibiri ari byo; gusaba no kwakira indonke hamwe no gukoresha ububasha ahabwa n’amategeko mu nyungu ze bwite.

Emmanuel Gasana yafunzwe nyuma y’aho ahagaritswe mu mirimo yo kuyobora Intara y’Iburasirazuba, amakuru yamenyekanye biciye mu itangazo ryavuye mu biro bya Minisitiri w’Intebe, ryo ku wa Gatatu tariki 25 Ukwakira 2023.

Emmanuel Gasana yabaye Guverineri w’Intara y’Iburasirazuba muri Werurwe 2021, mbere yaho akaba yarayoboraga Intara y’Amajyepfo.

Gasana yabaye kandi umuyobozi Mukuru wa Polisi y’u Rwanda kuva ku wa 19 Ukwakira 2009 kugeza ku wa 18 Ukwakira 2018.

Isoko mpuzamipaka rya Rusumo

Abikorera bo mu turere aya masoko abarizwamo bagaragaza ko kuba aya masoko adakora ari igihombo kuri bo, ku buryo basanga umushinga wo kuyubaka wagombaga gutekerezwa neza, byaba ngombwa amafaranga yayubatse akaba yakoreshwa indi mishinga yabateza imbere aho kubaka ibizahombera igihugu n’abaturage.

Icyegeranyo Kigali Today yakoze kigaragaza ko Karongi, Nyamasheke, Rusizi, Kirehe, Rubavu, Burera na Nyaruguru ari tumwe mu turere dufite aya masoko y’ingenzi.
Muri iki cyegeranyo, abayobozi n’abaturage (abacuruzi) bagaragaje ibibazo aya masoko yagize, ndetse hamwe na hamwe berekana ibikenewe kugira ngo atange umusaruro ategerejweho.

Miliyari imwe na miliyoni Magana abiri ku nkombe z’ikiyaga cya Kivu

Mu 2018, akarere ka Karongi kashoye amafaranga miliyari imwe na miliyoni magana abiri mu kubaka isoko riri i Nyamishaba, ahitwa i Ruganda mu murenge wa Bwishyura, ku kiyaga cya Kivu.

Isoko ryubatse ahatagera urujya n’uruza bigatuma rititabirwa

Iri soko ryashyizwe ku birometero bisaga bine uturutse mu mujyi wa Karongi rifite ubushobozi bwo kwakira abacuruzi magana atandatu mu bice byaryo byose.
Uyu munsi, ubu iri soko rikoreshwa n’ababarirwa ku mitwe y’intoki bakoresha ikibuga cyaryo mu isoko ry’amatungo rirema rimwe mu cyumweru.

Abikorera bo mu mujyi wa Karongi bagaragaza ko isoko nk’iri bubakiwe ngo ribafashe mu ishoramari rishingiye ku guhahirana n’Abanyekongo ridakora neza ari igihombo kuri bo.
Bavuga ko icyateye iri soko kubura abarikoreramo ari imiterere y’aho riri, kuko ryitaruye umujyi, ndetse n’ingaruka za Covid-19 zatumye imipaka y’ibihugu byombi ifungwa.

Kuri ibi kandi hiyongeraho n’ibibazo by’imibanire hagati y’u Rwanda na Repubulika Iharanira Demokarasi ya Congo (DRC) itameze neza yatumye urujya n’uruza rugabanuka.

Umuyobozi w’urugaga rw’abikorera mu Karere ka Karongi Abimana Mathias avuga ko iri soko ryubatse ku nkombe z’ikiyaga cya Kivu ryari ryitezweho guhuza abaturage baturuka ku kirwa cy’Ijwi, Bukavu na Goma muri DRC.

Ahagenewe gucururizwa imbuto bigaragara ko zidaheruka kuhagera

Ibicuruzwa baza gutwara bihagurishirizwa kugeza ubu ni amatungo magufi arimo ingurube, ihene, intama n’inkoko, ibyo bigatuma isoko rirema gusa ku munsi wa gatanu w’icyumweru ubundi rikaba nta n’inyoni ihatamba.

Avuga ko ibyo bituma umusaruro wari uryitezweho utagerwaho, bakaba bari mu biganiro n’abashoramari bafite inganda mu Mujyi wa Kigali ngo bakoreshe ibyumba bihari bahageza ibicuruzwa bizajya byoherezwa mu bice bya DRC n’ubundi.

Agira ati, “Twasuye abikorera bafite inganda mu Mujyi wa Kigali ngo twumvikane uko bazana ibikoresho bitandukanye bikagurishirizwa ino, twanaganiriye n’abo muri Congo aho bizajya bijyanwa kuko abaturage ba Congo boroherwa cyane no kuza hano, kurusha kujya Bukavu na Goma, nibabona ibicuruzwa hafi bazitabira ari benshi.”

Inzu yagenewe amaduka ntikora kuko nta bicuruzwa bihagera

Ku kijyanye n’imbogamizi z’aho isoko riherereye kubera ko nta bantu bahatuye nta n’urujya n’uruza ruhari, Umuyobozi w’Akarere ka Karongi atangaza ko barimo kwiga uko bakubaka icyambu cya Karongi, gukora imihanda no gushyira ububiko bw’ibicuruzwa ahubatse iryo soko kugira ngo abantu bahagane bafite icyo bajya kuhakura.

Ububiko bufite ubushobozi bwo gukonjesha toni mirongo inani bupfa ubusa i Rusizi

Umuyobozi wa PSF mu Karere ka Rusizi Kamuzinzi, atangaza ko isoko Rusizi Crosss Border ryubatswe ritwaye asaga Miliyali y’amafaranga y’u Rwanda rigizwe n’ibice bitandukanye byo gucururizamo inyama, imboga n’imbuto, n’aho kubika ibicuruzwa.

Rusizi Cross Border market

Hari kandi n’ububiko bw’ibicuruzwa bwahubatswe n’abikorera ba Rusizi, ariko batangiye guhomba kuko inzu bubatse zidakorerwamo, ndetse n’isoko ubwaryo rikaba ribikwamo gusa imboga n’imbuto bitegerejwe kujyanwa kujyanwa muri DRC.

Kamuzinzi avuga ko baryubaka bari biteze gukurura Abakongomani bakazajya bagira icyo basiga mu Rwanda kuruta kubashyira ibicuruzwa iwabo, ariko hakaba hashize imyaka ine ridakora kubera ahanini ingaruka za Covid-19, no kuba Kongo itemerera abaturage bayo kumara umunsi wose mu Rwanda.

Agira ati “Kuva ryuzuye, Covid-19 yahise yaduka, noneho dushyiraho uburyo bwo kwambutsa inyama, imboga n’imbuto mu matsinda y’abacuruzi, bituma ari bwo buryo bukomeza gukoreshwa kubera ko na n’ubu ibicuruzwa tubibasangisha iwabo muri DRC”.
Yongeraho ati, “Ikibazo kiri muri Kongo kuko bafunga umupaka wabo saa 15:00’ z’amanywa urumva ko ayo masaha abangamiye abacuruzi n’urujya n’uruza rw’abaturage, buriya bizakemuka imibanire yongeye kunoga neza kuko ubu ibikoresho n’amazu biraho gusa ntacyo bikora”.

Bimwe mu bikoresho by’ingirakamaro byari byashyizwe muri iri soko ni ibyumba bine by’ububiko bukonjesha inyama, imboga n’imbuto. Buri cyumba gifite ubushobozi bwo kwakira toni 20.

Rubavu: Abakorera mu isoko ryambukiranya imipaka bahora mu bihombo

Ni isoko ryatangiye kubakwa mu Kwakira 2016 hagamijwe koroshya ubuhahirane hagati y’u Rwanda na Repubulika iharanira Demokarasi ya Congo by’umwihariko imijyi ya Gisenyi na Goma, gukumira ubucuruzi bw’akajagari ndetse no korohereza abagore bakora ubucuruzi bwambukiranya imipaka.

Isoko ryambukiranya imipaka rya Rubavu

Iri soko ryuzuye muri Werurwe 2019 ritwaye miliyoni eshatu z’amadolari ya Amerika, ni ukuvuga basaga Miliyari eshatu z’amafaranga y’u Rwanda yatanzwe na Trade Mark East Africa.

Cyakora abaturage barikoreramo bavuga ko leta yari kuyajyana mu bindi bikorwa kuko ubu ririmo kwangirika ridatanze umusaruro.

Uwamahoro Vilotte umuyobozi wungirije w’isoko ryambukiranya umupaka rya Rubavu avuga ko hari imyanya idakoreshwa, kuko nk’ahagenewe gucuruririza inyama hari imyanya 20 hakora 4 naho ahacururizwa amafi hari imyanya 22 hakora umwe.

Avuga kandi ko mu gice cyagenewe amabanki, ubu hibereyemo umurenge sacco, naho duterimbere ikaba yarakuyemo akayo karenge mu minshi ishize.

Yongeraho ko ibyumba biri hasi bikora ariko ibyumba bikorera hejuru bidakoreshwa cyane, mu gihe ibyumba bikonjesha hakora icyumba kimwe mu byumba bigera kuri bine byateganyijwe .“ Icyo ryubakiwe buri kintu kiri mu mwanya wacyo gusa habuze abarikoramo”.

Abagerageje kugana iri soko nabo bavuga ko bahora mu bihombo

Abakorera mu isoko ryambukiranya imipaka rya Rubavu bavuga ko ubuyobozi bwaritereranye kuko rishyizwemo abacuruzi abaguzi baboneka kuko n’abahagera babura ibyo bashaka bakigendera ibi bakaba babiterwa n’abazunguzayi bariba ku muryango bigatuma abaguzi bataryinjiramo.

Umwe mu barikoreramo agira ati “bakwinjira gushaka iki kandi ibyo bashaka babibona hanze ndetse ku mafaranga makeya? Nk’ubu kuva bwacya sindacuruza, ariko nanjye ngiye gutega hanze nacuruza. Ibi bigaragaza ko ubuyobozi budutererana, bufashije aba bazunguzayi kuryinjira nibura bakabanza kwisuganya bakazasora nyuma byadufasha natwe tugacuruza.”

Abakora mu isoko bavuga ko bishyuzwa ibihumbi 14 ku kwezi byo gukodesha aho bakorera, amafaranga bavuga ko ari menshi bitewe n’uko binjiza.

imiryango yagenewe gucururizwamo irafunze

Ubuyobozi bw’Akarere butangaza ko abantu barikoreramo bari kwiyongera kandi hari n’abamaze gukodesha gukorera mu byumba bikonjesha naho abakorera ahagenewe ubucuruzi bw’inyama ngo bahakorera nka Koperative.

Isoko ryambukiranya imipaka rya Rubavu rigizwe n’ibyumba 192 byo gucururizamo, rifite ibyumba bitanu bikonjesha, irerero, uburyo bwo gusukura amazi yakoreshejwe n’ahagenewe banki n’ibiro by’ivunjisha.

Ariko ibi byose byari bihateganyirijwe byinshi ntibikora kubera ko habuze abahakorera n’abemeye kuhakorera sibyo bahakorera kuko batabona abaguzi.

Isoko ryambukiranya imipaka ryubatswe ku mupaka muto wakoreshwaga n’abantu ibihumbi 50 bambukiranya umupaka ku munsi ariko ubu ntibarenza ibihumbi 3.

Kuri ibi bibazo byose, Guverineri w’intara y’Uburengerazuba Lambert Dushimimana avuga ko ari byo koko , akongeraho ko ari ibibazo ndetse binababaje kuba amasoko yarubatswe ahenze Leta ariko akaba adatanga umusaruro wari witezwe.

Ati: “Ni ibintu bibabaje cyane kandi ni n’igihombo, gusa hari akora. Nka Rusizi, irya Bugarama rirakora neza cyane ndetse 100% naho Rusizi ya 1 ho navuga ko rikora bidashimishije kuko ari nka 15%. Ibyo kandi tubibona n’ahandi nka Karongi na Rubavu.”

Impamvu y’ibi byose Guverineri avuga ko harimo nka Covid 19, urujya n’uruza rwagabanutse ku mipaka, n’ibindi.

Ku byagaragajwe n’abaturage byo kuba ibibanza cg imisoro biri hejuru, Bwama Dushimimana yavuze ko ari ibintu byaganirwaho maze bigafatirwa umurongo n’impande zombie yaba abasora n’abasoresha.

Guverineri w’intara y’uburengerazuba Dushimimana Lambert

Ku bazunguzayi babuza abari mu isoko gucuruza Rubavu, Guverineri Dushimimana yavuze ko ibi ari uburangare bw’abayobozi kuko bidakwiye kandi yemera ko bagiye kongeramo imbaraga ibi bigakosoka cyane ko nta kigoye kirimo ari ukuba gusa inzego zibishinzwe zikora neza.

Guverineri kandi agaruka kuri Karongi na we yemera ko ari isoko ryubatswe kure y’abaturage ariko akavuga ko ibi ntacyo babikoraho kuko byarangiye, ariko akungamo ati: “tugiye kureba ubiuryo twakorohereza abaturage nibura abaje kuhakorera ntibagorwe n’umusoro cg ubukode, ariko ni ibyo tuzafatira ingamba dufatanyije nk’ubuyobozi. Ubu hari n’ikindi gikomeye cyijyanye na parking kujo iri soko nta parking rigira ariko byose turimo kubishakira ibisubizo”

Ngo ikindi kigoye kuri aya masoko yose ni uko amwe atagira abayobozi ngo ibi nabyo barimo kubishakira igisubizo kuko iyo abayobozi babonetse n’imikorere iroroha ndetse n’ibibazo bigaragaye bigakemuka vuba.

Izindi ngamba zizafatwa muri rusange, ni ugufunga udusoko duto two ku ruhande, dukora no mu tujagari maze abatuvuyemo bakajya muri aya masoko meza bityo Leta ikabona imisoro ndetse n’abahashyize ibikorwa bagatangira kwinjiza ariko kandi bikanorohereza abakeneye ibicuruzwa kuko babisanga hamwe batavunitse.

Burera: isoko ryubatswe na miliyari imwe n’igice rimaze imyaka itanu ridakora

Abatuye mu Karere ka Burera n’abahagana, bavuga ko bamaze imyaka isaga itanu bagitegereje ko isoko mpuzamipaka rya Cyanika ryubatswe ku mupaka uhuza u Rwanda na Uganda rikora none barahebye.

Isoko mpuzamipaka rya Cyanika

Iri soko ryubatswe mu Murenge wa Cyanika, ubwo ryuzuraga mu mwaka wa 2018, abaturage bari bijejwe ko rije koroshya ubuhahirane hagati y’abacuruzi n’abaguzi ku ruhande rw’u Rwanda, Uganda kimwe n’ibindi bihugu byo mu gace u Rwanda ruherereyemo; ariko nyuma baje gutungurwa n’uko ibyo babwirwaga byaheze mu mvugo gusa ntibyashyirwa mu bikorwa.

Uwitwa Tumukunde Xavier ati: “Imiryango y’amaduka yose irakinze, igituma rimaze iyi myaka yose abantu batariyoboka ngo baricururizemo turigane cyaratuyobeye. Iyo urebye udusoko two mu zindi santere z’ubucuruzi zegeranye n’aha iri soko riri ubona two dukora. Twibaza impamvu za miliyari zashowe ahangaha zitakoreshejwe mu bindi bikorwa biduteza imbere twarayobewe, muri macye ni inyubako ziteje ibihombo”.

Inyubako nini igeretse kabiri igizwe n’ibyumba byagombaga gucururizwamo, ikikijwe n’ikindi gice kinini gisakaye cyubatswemo ibisima ndetse na hangari nini igenewe kubikwamo ibicuruzwa, biri mu bice by’ingenzi bigize iri soko ryuzuye ritwaye Miliyari imwe na Miliyoni Magana atanu z’amafaranga y’u Rwanda (1,500,000,000).

Bagendeye ku gihe zimaze zidakorerwamo, abaturage basanga ari igihombo gikomeye, aho banatekereza ko amafaranga yashowemo yakabaye yarakoreshejwe mu yindi mishinga ibafatiye runini.

Zaninka Marie Claire ati: “Ryabuze abarikoreramo. Ibikoresho bimwe na bimwe biryubatse nk’ibirahuri, insinga z’amashanyarazi, amatara n’ibindi byagiye byangirika, usanga abana ari bo birirwa barikiniramo mbese habaye umusaka. Twari twiteze kuhabona ibicuruzwa biva hanze n’ibikorerwa hano mu Rwanda birihurizwamo tukajya tubihaha bitworoheye none ibyo byizere byabaye nk’inzozi, ntacyo ritumariye uretse kubona izi nyubako ziteretse aha gusa”.

“Twibaza impamvu leta idashyiramo ibindi bikorwa by’ishoramari bisimbura icyo ryubakiwe ngo zibyazwe umusaruro byaratuyobeye. Riramutse rizanzamuwe rigakora abaturage twaboneraho tukariyoboka ku bwinshi abahaha cyangwa abagurisha twese bikatworohera”.
Mu gice cy’inyubako igeretse ndetse n’ahagenewe imyanya y’ibisima habarurwa imyanya ikabakaba 170 yiyongeraho ibyumba bine byagutse bigenewe ububiko. Muri aha hose ibyumba bine gusa nibyo bikorerwamo ahandi hose imiryango ikinze.

Abaturage basanga Miliyari zashowe mu kubaka iri soko zakabaye zarakoreshejwe ibindi bikorwa by’amajyambere

Hari abakeka ko uku kudakora byaba bifitanye isano n’urujya n’uruza rw’abambukiranya umupaka bajya cyangwa bava muri Uganda byagiye bigaragara ko bagabanutse mu bihe bishize biturutse ku bibazo by’imibanire yagiye izamo agatotsi hagati y’u Rwanda na Uganda, mu gihe hari n’abatekereza ko abacuruzi baba barifashe kurikoreramo batinya imisoro n’ubukode bw’ibibanza byo gucururizamo.

Perezida w’Urugaga rw’Abikorera mu Karere ka Burera Jean de Dieu Munyembaraga na we agaragaza ko kuba iri soko rimaze igihe ridakora, ari igihombo ariko ngo abikorera bamaze iminsi bashakisha uko bahuza imbaraga ngo barebe uko batangira kurikoreramo.

Ati: “Kuba iyi myaka ishize yose ridakora birumvikana ko ari igihombo kuri twe nk’abacuruzi kuko icyari kigenderewe mu kuryubaka kwari ukugirango twagure ubucuruzi twiteze imbere n’igihugu muri rusange”.

“Gusa navuga ko ubu noneho hari icyizere ko bitarenze ukwezi k’Ugushyingo twinjiyemo, isoko rizaba ryatangiye gukorerwamo kuko tumaze iminsi tugirana ibiganiro n’abacuruzi bo hirya no hino muri kano Karere ka Burera n’ahandi byegeranye, aho twanamaze kwemeranya ko ryajya rikora kuwa mbere no kuwa kane wa buri cyumweru.

Ni iminsi ibiri twabaye twemeranyijweho gukoreramo ku ikubitiro kuko izaza yunganira indi minsi andi masoko harimo irya Gahunga n’isoko rya Rugarama na yo ari muri ako gace asanzwe aremeraho mu cyumweru”.

“Ubu ikirimo kunozwa ni ukureba uko mu minsi nk’itanu iri imbere twazahuza abacuruzi bahagarariye abandi, tukanoza uburyo bazajya bakoramo”.

Bateganya kuzaricururizamo ibiribwa, imyambaro n’ibindi bitandukanye byaba ibikorerwa mu Rwanda ndetse n’ibituruka mu bindi bihugu harimo Uganda. Mu buvugizi burimo gukorwa n’Urugaga rw’Abikorera muri aka Karere harimo no gusaba MINICOM kuzagena ibiciro byoroheye abacuruzi ndetse ubwo bazaba batangiye gucuruza bakaba bahabwa nibura amezi atatu y’imenyerezaseta.

Mu gushaka kumenya icyo inzego z’ubuyobozi zivuga kuri iki kibazo, Kigalitoday yegereye Mugabowagahunde Maurice, guverineri w’intara y’amajyaruguru maze yemera ko koko iryo soko ubu ridakora ariko avuga ko habaye inama ibisuzuma ndetse banemeranya uburyo ibibazo Bihari bigeye gukemurwa maze iryo soko rikongera rigakora.

Umuyobozi wa Njyanama mu karere ka Burera we yavuze ko bitarenze tariki 16 Ugushyingo 2023 iri soko rizaba ryatangiye gukora.

U Burasirazuba nabwo ntibwasiagaye inyuma mu kubaka aya masoko

Isoko ryambukiranya umupaka rya Rusumo

Isoko rya Rusumo ryuzuye by’agateganyo mu mwaka wa 2019, ryuzura ritwaye asaga Miliyari enye (4), ryatangiye kwakira abaricururizamo kuwa 15 Ukwakira 2023.
Umuyobozi w’Akarere ka Kirehe, Rangira Bruno, avuga ko zimwe mu mpamvu zatumye ritinda gukorerwamo harimo icyorezo cya COVID-19 kuko ryifashishwaga mu kwakira abantu bashyizwe mu kato.

Isoko mpuzamipaka rya Rusumo

Umuyobozi w’urugaga rw’abikorera mu Karere ka Kirehe, Ndungutse Jean Bosco, avuga ko nyuma y’uko icyorezo cya COVID-19 kirangiye ryatangiye gusanwa kubera ko hari utuntu twari tutameze neza ariko muri uku kwezi abacuruzi batangiye kurijyamo n’ubwo ibibanza byose bitarabona ababikoreramo.

Ati “N’ubwo ritarafungurwa ku mugaragaro ariko guhera tariki 15 z’uku kwezi kwa cumi, abantu batangiye kurijyamo, nta mbogamizi kuko ibiciriro biri hasi cyane kandi imiryango myinshi yarafashwe ahubwo ni uko benshi batari bazanamo ibintu.”

Avuga ko ibiciro by’isoko biri hasi ugereranyije n’abafite amazu asanzwe akorerwamo ku mupaka wa Rusumo kuko imiryango yo hasi ikodeshwa amafaranga 50,000 ku kwezi naho iyo hejuru ikaba amafaranga 30,000.

Isoko nyambukiranyamipaka rya Rusumo, rigizwe n’ibyumba 62 bicururizwamo ibintu bisanzwe (Amaduka), ahacururizwa ibiribwa ibisima 18 buri kimwe gifite utwumba 4, ubuhunikiro bw’ibicuruzwa ndetse n’amacumbi, ibyumba 24 ku bifuza kurara hafi n’umupaka, cyangwa abahageze bwije ku buryo batakwambukiranya umupaka, ahacururizwa inyama na Resitora.

Nyagatare huzuye isoko ryambukiranya imipaka ryatwaye asaga miliyari enye

N’ubwo twakomeje kuvuga amwe mu masoko yambukiranya imipaka yatwaye amamiliyari ariko akaba adakora, mu karere ka Nyagatare hamaze ukwezi huzuye isoko rya Kagitumba ryatwaye 4,137,000,000.

Iri soko rifite ibyumba by’ubucuruzi 60, amacumbi, isoko rito rigizwe n’ibisima 96 n’ahacururizwa imyambaro hakwakira abantu 100, ahafatirwa amafunguro n’ibinyobwa, ibyumba by’ububiko n’ibirimo ibyuma bikonjesha, ahakorera ibigo by’imari ndetse n’ibagiro.

Isoko nyambukiranyamipaka rya Kagitumba

Umukozi w’Akarere ka Nyagatare uyobora ishami ry’iterambere ry’ubucuruzi n’umurimo, Baguma Nkubiri Diminique avuga ko ubu bamaze kwakira ubusabe bw’abantu 100 bifuza kurikoreramo, kandi mu guhitamo abazahabwamo imyanya hakazanarebwa ku bafite ibicuruzwa bikenerwa n’abaturage b’ibihugu bituranye n’u Rwanda, ku gice cy’Akarere ka Nyagatare.

Ikindi nanone ni uko barimo kwigwa ku biciro ku buryo bizaba biri hasi, kugira ngo bitazagira uwo bikumira gukora ubucuruzi. Biteganyijwe ko iri soko rizatahwa ku mugaragaro muri uku kwezi k’Ugushyingo 2023.

Nyuma yo gukusanya aya makuru yose Kigalitoday yegereye Minisiteri y’ubucuruzi n’inganda maze iyibaza icyateye ibi bibazo n’ingamba zihari, umukozi wayo ubishinzwe avuga ko icyateye aya masoko kudakora nk’uko byari byitezwe cyane cyane ari COVID-19 aho imipaka imwe yari ifunze urujya n’uruza rukagabanuka. Byongeye kandi ngo hari imipaka ubu ikora amasaha make aho ifunga saa cyenda z’umugoroba (15:00).

Yunzemo ati: "Ingambazihari ni ugukomeza gukangurira abikorera kuzana ibicuruzwa mu masoko cyangwa kwegereza ibicuruzwa abaguzi nk’uko politiki y’ubucuruzi bwambukiranya imipaka ibiteganya. Gukangurira abacuruzi bakora ubucuruzi bwambukiranya umupaka guhahira mu isoko ryambukiramya umupaka. Ubukangurabanga buhuriweho n’abafatanyabikorwa batandukanye harimo n’abikorera burakomeje kandi bigeze ku rugero rushimishije.”

Inzu ikoreramo minisiteri y’ubucuruzi n’inganda

Muri rusange amasoko yambukiranya imipaka hirya no hino mu gihugu yatwaye hafi miliyari 20 z’amafaranga y’u Rwanda, kugeza ubu akaba ntacyo aratangira kwinjiriza igihugu ndetse hari n’abadatinya kuvuga ko iki ari igihombo bakanagaragaza ko aya mazu adakoreshejwe ibyo yagenewe hanarebwa ibindi byahakorerwa ariko ntakomeze kuguma aho adakoreshwa kuko amwe bishobora no kuyaviramo kwangirika.

Amakuru Kigalitoday yamenye ni uko mu minsi ishize habaye inama ivuga kuri aya masoko adakora ikabera mu karere ka Rusizi aho inzego bireba zemeranyijwe ko ibibazo bihari bigiye gukemurwa, aya masoko agakora icyo yagenewe bitarenze Ugushyingo uyu mwaka wa 2023.

Iyi nkuru yagizwemo uruhare n’itsinda ry’abanyamakuru ba kigalitoday rigizwe na:

Jean de la Croix TABARO
Ephrem MURINDABIGWI
Emmanuel Gasana SEBASAZA
ISHIMWE RUGIRA Gisele
Syldio SEBUHARARA

Mu gushaka kumenya amakuru y’impamo, Kigali Today yegereye Banki Nkuru y’u Rwanda, maze iyibaza icyaba gitera iri bura ry’Amadolari ku isoko nk’uko bivugwa.
Mu gusubiza iki kibazo, Guverineri wa Banki Nkuru y’u Rwanda, bwana John Rwangombwa, yavuze ko ibyo atari byo, ko ahubwo abakeneye Amadolari ari benshi ariko bitavuze ko abayacuruza bayabuze burundu.

Guverineri wa Banki Nkuru y’u Rwanda, John Rwangombwa

Guverineri Rwangombwa yagize ati: “Ayo makuru si yo rwose. Ntabwo Amadolari yabuze burundu ku isoko ku buryo uwayakenera atayabona. Ahubwo kuva mu kwezi kwa Kamena uyu mwaka, abakeneye Amadolari bariyongereye gusa ntibikuraho ko abakora ubwo bucuruzi bakomeza gukora. Abavuga ko yabuze burundu barabeshya kuko iyo turebye buri cyumweru hacuruzwa miliyoni 10 z’Amadolari. None se ayo yaba ava he niba koko ntayo ari ku isoko nk’uko mubivuga? Ubu ahubwo yarabonetse ugereranyije n’uko byari bimeze mu mezi ashize nka Kamena na Nyakanga.”

Guverineri wa Banki Nkuru y’u Rwanda ariko akomeza avuga ko hagaragaye igisa n’amanyanga muri ubu bucuruzi aho abafite Amadolari bayimana nkana, ndetse hanakozwe ubugenzuzi, aho bigaragaye hafatwa ingamba.

Yagize ati “Mu cyumweru gishize twakoze ubugenzuzi, maze abakozi bacu bagana Forex Bureaus zinyuranye bashaka Amadolari ariko dutungurwa n’uko bayabimana nyamara bayafite, nyamara haza abandi nyuma bakayabaha. Ibyo rero twarabibonye na camera zabo zirabyerekana ndetse bamwe baranahanwa abandi barahagarikwa.”

Guverineri Rwangombwa yunzemo ati: “Mu cyumweru kimwe gusa Forex Bureaus esheshatu (6) zarafunzwe, izindi zirenga 10 zihabwa ibihano birimo gucibwa amande.”

Abacuruza Amadolari bayimana nkana baraburirwa

Ushobora kwibaza impamvu umuntu wavuye mu rugo aje gucuruza, abona umukiriya amugana ariko akanga kumuha Amadolari kandi ayafite.

Bamwe mu baganiriye na Kigali Today bavuga ko hari ababikora nkana bagamije ko Amadolari akomeza kubura maze bigatuma igiciro cyayo gitumbagira bityo bakarushaho kunguka.

Banki Nkuru y’u Rwanda (BNR) ivuga ko abakora ubu bucuruzi bagirwa inama yo kureka ibisa bityo kuko abazabifatirwamo bazajya babihanirwa.

Ni umuhango wabereye mu ntara y’uburasirazuba mu karere ka kayonza mu murenge wa Kabarondo, witabirwa n’abandi bayobozi banyuranye barimo guverineri w’intara y’uburasirazuba Emmanuel Gasana, Mayor wa Kayonza Nyemazi John Bosco hamwe na Emmanuel Hamez, umuyobozi wa Airtel Rwanda.

Muri uyu muhango kandi hanamuritswe telefoni yo mu bwoko bwa simati yahawe izina rya “AirtelImaginePhone”, aho uyikeneye yishyura ibihumbi makumyabiri by’amafaranga y’u Rwanda, ku ikubitiro abanyakayonza 1573 bakaba bahise bahabwa izi telefoni ziherekejwe na Internet ya 4G.

Minisitiri w’Ubucuruzi n’Inganda, Dr Jean Chrysostome Ngabitsinze

Ibi ni bimwe mu byaranze ikiganiro Kigali Today yagiranye na Minisitiri w’Ubucuruzi n’Inganda, Dr Jean Chrysostome Ngabitsinze, maze avuga ingamba Leta ifite mu guhangana n’ibi bibazo.

Kigali Today: Ibiciro ku isoko birahanitse kandi bikomeza kuzamuka uko bwije n’uko bucyeye, ibi biraterwa n’iki?

Minisitiri Ngabitsinze: Urakoze, ni byo koko ibiciro muri rusange byarazamutse ariko dukunda gutinda cyane ku bikomoka ku buhinzi n’ubworozi, kuko ari byo ubuzima bwa muntu bwa buri munsi bushingiyeho.

Ni ibisanzwe mu bihe by’izuba ibiciro birazamuka, kuko umusaruro ugabanuka cyane bityo ibiciro ku masoko bigahinduka. Naho kuba byarenga impuzandengo yari isanzweho nabyo hari ibintu biba byabiteye. Nk’ubu twavuga nk’ubwikorezi ku rwego rw’Isi bwagiye buhenda, twanongeraho n’izamuka ry’Idorari ku kigero gihanitse, n’ifaranga ryacu ryataye agaciro ku kigero cy’8.8% … Ibyo byose bigira uruhare runini mu izamuka ry’ibiciro.

Ikindi twavuga ni imihindagurikire y’igihe kandi iki cyo kirakomeye. Ibi rero byatumye mu gihembwe giheruka tutarabonye umusaruro mwinshi, bityo no guhunika ntibishoboke kuko umusaruro uba wabaye mucye. Ku birayi byo n’ubu birahenze cyane, kugeza ku bahinzi inyongeramusaruro byakorwaga bitinze, yanaboneka ikaza ihenze bigatuma hari bamwe mu bahinzi batabihinga nk’uko byagenze mu kwezi kwa 6,7 n’ukwa 8, ariko kandi twanavuga no kwiyongera kw’abaturage no gushaka ibyiza rimwe na rimwe, tukanabishakira ahantu hamwe bityo ibihari bigahenda. Ariko iki si ikibazo cy’u Rwanda gusa, ahubwo hirya no hino ku Isi ni ikibazo rusange, hose ibiciro byarazamutse.

Kigali Today: Uko guhinga bicye ku biribwa nkenerwa cyane nk’ibirayi, ubwo biba bivuze iki kandi biterwa n’iki?

Minisitiri Ngabitsinze: Bivuze yuko hari imbogamizi zatumye bahinga bicye. Aha rero twavuga nko kutabonera ifumbire igihe ndetse n’izindi nyongeramusaruro zihenze. Ariko rero na bya bicye byabonetse kubigeza ku isoko na byo biracyari ikibazo. Ibyo rero byatumye hari abareka guhinga ibirayi bagahitamo guhinga imboga, kuko zera vuba kandi ntizibagore cyane nk’ibirayi.

Kigalitoday: Kubera iki igiciro cy’inyongeramusaruro nk’ifumbire cyazamutse?

Minisitiri Ngabitsinze: Ntabwo byabura guhenda kuko nk’ifumbire ntituyikorera ahubwo iva hanze. Kuba rero iva hanze bituma amafaranga ayigura atari twe tuyagena, ahubwo tugendera ku biciro ku masoko mpuzamahanga, kandi nyine nk’uko twabivuze ibiciro byarazamutse ku bintu binyuranye. Aha rero twagize n’ikindi kibazo cy’intambara ya Ukraine n’u Burusiya, kuko havaga ifumbire nyinshi intambara ikabikoma mu nkokora.

Gusa ubu ingamba zarafashwe kandi twizera ko nk’uko Minisiteri y’Ubuhinzi n’Ubworozi ibitubwira, ubu noneho byakozwe kare ku buryo inyongeramusaruro izagerera ku baturage ku gihe.

Kigali Today: Gahunda yo gukorera ifumbire mu Rwanda igeze he?

Minisitiri Ngabitsinze: Hari uruganda rugomba kudufasha gukorera ifumbire mu Rwanda, ubu rwatangiye kubakwa kandi ababikurikirana umunsi ku wundi bavuga ko rugeze ku kigero cya 60%, buriya nirwuzura ruzadufasha gukemura iki kibazo ku kigero cyo hejuru. Gutumiza ifumbire yose ukenera nk’Igihugu mu mahanga, biba ari ikibazo ariko nirwuzura hari icyo ruzadufasha.

Kigali Today: Kuba ifaranga ry’u Rwanda rita agaciro noneho ibintu bimwe nk’ubukode bw’inzu bigahabwa igiciro mu madorari, mubivugaho iki ko binyuranyije n’amategeko?

Minisitiri Ngabitsinze: Ibyo uvuga ni byo koko ntibyemewe, ariko sintekereza ko kontaro yabo ikorwa mu Madorari ahubwo wenda babibara mu Madorari, noneho bakayavunja mu Manyarwanda. Bibaye bikorwa mu Madorari ukishyura Amadorari kuri konti ya nyiri inzu, byaba bitangaje kuko ibyo bitemewe kandi na BNR irabikurikirana.

Kigali Today: Mu minsi yashize byagiye bigaragara ko mugena ibiciro by’ibiribwa, ariko ntibyubahirizwe ku isoko. Ibi mubisobanura mute?

Minisitiri Ngabitsinze: Ibiciro bigenwa birakurikizwa ahubwo abantu bakwiye kumenya ko biba byashyizweho ngo bikurikizwe mu gihe runaka. Abatabikurikiza bo barakurikiranwa, ariko kandi byadusigiye isomo uko hagiyeho ibiciro, tuzajya tunongeraho gusobanurira abaturage bakamenya ikigamijwe n’igihe ibyo biciro bizamara.

Ikindi nakongeraho ni uko ibiciro biba byagiyeho bishyirwa ku masoko manini. Ababirangura muri ayo masoko rero bakongeraho ayo kubigeza aho bacururiza, ntacyo biba bitwaye kuko ibiciro dushyiraho bitareba ahacururizwa hose mu gihugu, ahubwo ari ibireba amasoko banini gusa. Ariko nongere mbisubiremo, ibiciro bijyaho igihe runaka bikazamara igihe runaka. Ubwo tuzajya turushaho kubisobanura.

Kigali Today: Ko bivugwa ko na bicye twejeje nk’ibiribwa binyuranye cyangwa nk’umukamo, bijyanwa hanze maze ku isoko ry’imbere mu gihugu bikabura n’ibibonetse, bikaba bihenze cyane. Ibi murabizi? Ese mubivugaho iki?

Minisitiri Ngabitsinze: Icyiza ni uko uvuze ko bivugwa ariko biterekanwa. Gusa nakubwira ko mu bucuruzi nta gufunga, ntiwafungira Congo cyangwa Uganda kuko natwe turabakenera. Mu bucuruzi nta gufunga kuko bimwe biva hano ibindi bikava iwabo maze tukuzuzanya. Gusa navuga ko nko ku birayi koko byigeze kubaho, byakwera byose bikigira Uganda ariko twaraganiriye hanyuma turebera hamwe ibigomba gusohoka n’ibisigara mu gihugu. Ariko nanone ntitwafunga burundu kuko nawe waba wifunze.

Ubu rero ikindi twongeyemo imbaraga ni ukureka umuhinzi akajyana ku ruganda umusaruro ashaka, aha turavuga nko ku muceri, ho dusigarana 20% nk’uko byahoze. Ibi koko twarabirebye dusanga bishobora guteza ikibazo. Ibyo byose bikorwa tugamije ko umuhinzi yihaza akabona gusahurira amasoko.

Kigali Today: Ibikorerwa mu Rwanda yaba imyenda n’ibindi usanga biri ku giciro gihanitse. Biterwa n’iki?

Minisitiri Ngabitsinze: Ariko Anne Marie, kuki Made in Rwanda igomba guhenduka? Aho turahaganira kuko ari ikibazo tutagombaga kuba twibaza. Ntidukwiye kugereranya imyenda ikorerwa iwacu n’indi ikorerwa mu mahanga nko mu Bushinwa n’ahandi. Bariya bamaze kubaka ubushobozi kandi na bimwe twe tubona biduhenze bo babibona biboroheye.

Ikindi ni uko bageze ku rwego rwo gukorera imyenda myinshi icyarimwe, aho twe imashini isohora nk’amashati 10 mu gihe mu ruganda rwo mu bushinwa basohora 1000 cyangwa Miliyoni ku isaha. Abo bantu bombi ntibashora ibingana, rero ntidukwiye no gutegereza ko bagurisha ku giciro kimwe. Ikindi kandi ntitukagereranye n’ibiciro kuko burya made in Rwanda ni brand. Niba dukoze Made in Rwanda tuba twifuza ko abanyagihugu bayikunda. Ku bwanjye ndeba iyo Brand ya Made in Rwanda, kuko ikigira umwenda mwiza no guhenda ni iyo brand.

Icyo rero tutarumva ni uko kugira brand ubwabyo bifite agaciro gakomeye karenze ak’uwo mwenda ureba. Ahubwo iyaba byashobokaga ngo tubashe gukora byinshi bigera no ku bantu benshi, byatuma dukora byinshi mu gihe gito kandi igiciro nacyo cyagabanuka. Ariko ubu niduhe agaciro iyo brand, kandi tuyikunde tunumve ko idakwiye kuba igura macye.

Kigali Today: Ubwo twemeranye n’abavuga ko iby’iwacu ari iby’abifite?

Minisitiri Ngabitsinze: Oya buri wese agira urugero rwe Anne Marie. Sindabona Umunyarwanda utambaye ariko kandi buri wese yambara bitewe n’uko ahagaze. Ikibi ni uko nk’Abanyarwanda twabura iby’ibanzi. Hanyuma kandi n’ibituruka ahandi ntibyahagaritswe kuko tuzi ko byunganirana n’ibyo twikorera, noneho buri wese akagira amahitamo.

Kigali Today: Ibiciro ku isoko ntibingana n’amikoro y’Abanyarwanda, cyane cyane abakorera imishahara kuko uko bihinduka umushahara wo udahinduka. Uyu munsi muhuza mute ubuzima bw’Umunyarwanda n’ibiciro ku isoko?

Minisitiri Ngabitsinze: Ni byo koko ibiciro birahanitse ndetse hari na bimwe mu bicuruzwa byikubye inshuro zitari nke. Umushahara na wo rero ntuzamuka koko nk’uko babivuga, ariko turabizi ko uko ibihe bigenda bihinduka n’umuntu agenda areba uko yahindukana na byo. Ni bwo koko ntukibasha kubaho uko wabagaho mbere, kandi na Leta irabibona ikagenda ireba uko amafaranga ibonye igenda ireba uko asubira mu baturage ndetse hakajyaho na gahunda zinyuranye zunganira abaturage.

Aha kandi turashimira Abanyarwanda kuko bakomeza kugerageza kubaho, ndetse bakanihanganira izi mpinduka, kuko nabo barabibona ko hari ibyo tutabona uko duhindura cyane cyane nk’ibitaduturukaho.

Kigali Today: Nka Minisitiri w’Ubucuruzi n’Inganda, muvuga iki ku nzira ibirayi binyuramo kuva mu murima kugera ku isoko, ko uwo binyuze mu biganza wese agira akantu agenda yongeraho noneho bigatuma n’igiciro cyabyo kizamuka?

Minisitiri Ngabitsinze: Ni byo koko kandi natwe ibyo turabibona. Ubusanzwe ntacyo abo twita abakomisiyoneri bagombye kuba batwaye, ariko turabibona ko hari ubwo bakora nabi ndetse bakanica ibiciro ku isoko. Gusa turimo kubigenzura kandi turanashaka kubagabanya bishoboka, nubwo bitoroshye kuko ukuraho bamwe none ejo hakavuka abandi, kandi byagombye kunyura mu nzira izwi yaba iya koperative n’impuzamakoperative zabo.

Kigali Today: Murakoze kuvuga kuri koperative. Niba kujya muri koperative ari ubushake kuki ku bahinzi b’ibirayi bihinduka itegeko?

Minisitiri Ngabitsinze: Ni byo koko kujya muri Koperative ni ubushake ariko kandi kugira ngo tugere ku bahinzi mu buryo bwo kubunganira, yaba mu kubaha ifumbire cyangwa imbuto, tugomba kugira uburyo bwo kubageraho kandi koperative ziradufasha cyane, ndetse tutabashyize hamwe byatugora. Gusa hano icyo navuga ni uko nta tegeko na rimwe ritegeka umuhinzi kujya muri koperative, ahubwo we ajyamo kuko abonamo inyungu.

Kigali Today: Kuki umuhinzi w’ibirayi atemerewe kuvana umusaruro mu murima ngo abijyane ku isoko nta handi binyuze?

Minisitiri Ngabitsinze: Hari koko ibinyura muri Koperative ariko hari n’abahinzi bizanira umusaruro wabo ku isoko ‘direct’. Ariko kandi ku babikora batyo ntabwo ubona liste ihoraho. Ibi rero bituma utamenya umusaruro uhari n’uko ugera ku isoko, ariko turimo kubikoraho dufatanyije na minisiteri y’ubuhinzi n’ubworozi kugira ngo turebe uburyo bwiza byakorwamo.

Kigali Today: Duhora mu ruhererekano rw’umusaruro wabonetse rimwe na rimwe ukanangirika maze icyo gihe bikagura macye cyane hanyuma hashira igihe gito wa musaruro ukaba mucye ku isoko ibiciro bigahita bitumbagira. Ikijyanye n’ububiko bw’ibiribwa byangirika hakaba hashira igihe bitabura ku isoko cyangwa ngo umuhinzi ahombe kuko atanguranwa n’uko byangirika, habuze iki? ingamba ni izihe?

Minisitiri Ngabitsinze: Icyabuze ni imikoranire myiza y’inzego. Iyo tugenda dufite ingamba zo kongera umusaruro ntiduteganye ikizakorwa umusaruro nuboneka, haba habaye ho imikorere mibi. Ubu rero ibi twashatse ingamba zo kubihindura kuko harimo kurebwa uko ububiko bwa gihanga bwaboneka buhagije, maze umusaruro tukabasha kuwubika neza.

Ibi bizagabanya ibibazo by’ibiciro dufite yaba kuba gito ku mwero cyangwa igihanitse mu gihe umusaruro usa n’urangira. Iki ni cyo cyambu gikomeye gihuza umuhinzi n’umuguzi bose bakuzuzanya ntawe uhenzwe.

Niba ushaka gukurikira ikiganiro cyose Kigali Today yagiranye na Minisitiri w’Ubucuruzi n’Inganda, wareb iyi video:

Ku mugoroba wo ku wa Kabiri tariki 03 Ukwakira 2023, hirya no hino kuri sitasiyo za lisansi na mazutu muri Kigali hagaragaye umurongo muremure w’ibinyabiziga

Ibi Minisitiri w’Ubucuruzi n’Inganda yabitangaje mu kiganiro cyihariye yagiranye na Kigali Today, aho yavuze ko abakoze ibyo bazabihanirwa kuko ari umuco utari mwiza kandi bidakwiye kuko iyo ibiciro bya lisansi byamanutse bahindura batinze kugira ngo babanze bacuruze ya yindi ihenze, ariko byazamuka bakibitse lisansi ihendutse, bagashaka guhita bahindura ibiciro.

Minisitiri Ngabitsinze yagize ati: “Ubundi haba mu kongera cyangwa kugabanya ibiciro by’ibikomoka kuri peteroli, tubikora twabanje kuvugana n’ababicuruza. Niba kandi nabwo tubitangaje, tubaha amasaha 24 mbere y’uko ibiciro bihinduka kugira ngo babanze bahindure pompe. Birababaje rero kumva umuntu mwafatanyije gahunda yose ahindukira agakora nka biriya, uwari ufite lisansi agahita atangaza ko ishize. Biriya ni ibintu bibi cyane, bagomba guhanwa kuko uko yaranguye mbere ntabwo aba ari ko agiye gucuruza mu by’ukuri. Dufatanyije na RURA n’izindi nzego twarabigenzuye kandi turabikurikirana urutonde rurahari kandi ababikoze bazabiryozwa.”

Minisitiri w’Ubucuruzi n’Inganda, Dr. Jean Chrysostome Ngabitsinze

Mu kiganiro kigufi Kigali Today yagiranye n’Umuyobozi Mukuru wa RURA, Evariste Rugigana, twamubajije niba nka RURA hari ubugenzuzi baba barakoze, asobanura ko bwakozwe, cyakora urutonde rw’abagaragaweho iyo mikorere itanoze ngo nta ruhari. Yabajijwe niba mu byo babonye haba hari abanze gutanga ibikomoka kuri Peteroli nkana, asobanura ko bakibisesengura ngo bamenye icyabaye n’icyabiteye. Abajijwe icyakorwa mu gihe byagaragara ko hari uwanze gucuruza nkana kugira ngo azunguke menshi bucyeye, yahise asubiza ko ari mu nama, ko atabasha gukomeza ikiganiro.

Bamwe mu bafite Sitasiyo bavuganye na Kigali Today, bavuze ko bo ibyo bikorwa batabigizemo uruhare ariko kandi mu mafoto yazengurutse hirya no hino ku mbuga nkoranyambaga, ndetse no mu buhamya bwa bamwe mu bafite ibinyabiziga bagiye gushaka lisansi, byagaragaye ko hirya no hino imodoka zari zitonze imirongo, bamwe mu bacuruza ibikomoka kuri Peteroli bakabiha bake, abandi bakababwira ko byashize.

Umuyobozi wa Banki ya Kigali, Diane Karusisi

Umuyobozi wa Banki ya Kigali Diane Karusisi yagize ati: “uyu munsi tunejejwe no kumurika ubufatanye bukomeye hagati ya Banki ya Kigali na PREV Rwanda Ltd. Uku gushyira hamwe bifite ikintu kinini bisobanuye kandi birenze kure ubucuruzi ahubwo ni uburyo bwo kugaragaza ubushake Banki ya Kigali ifite bwo gutanga umusanzu mu kubungabunga ibidukikije nk’ikigo kiri ku isonga mu bucuruzi.”

Banki ya Kigali ivuga ko ubu bufatanye bwatangiriye ku korohereza PREV Rwanda Ltd ikabaha inguzanyo ituma babasha kuzana imodoka zikoresha amashanyarazi mu Rwanda bityo abazishaka bakazibona biboroheye.

Umuyobozi wa banki ya Kigali ageza ijambo ku bari bitabiriye uwo muhango

Umuyobozi wa Banki ya Kigali akomeza agira ati: “twahisemo gukorana na PREV nk’imwe muri serivisi dutanga mu gutera inkunga imishinga ibungabunga ikirere.
Turabizeza ko gahunda nk’izi tutazahwema kuzishyigikira ndetse turakangurira abakiriya bacu kwitabira kugura izi modoka zikoresha amashanyarazi bagasezerera izihumanya umwuka duhumeka. Iyi ni intambwe ikomeye mu rugendo twatangiye rwo kubungabunga ibidukikije duharanira ko ahazaza hacu n’abacu hazaba hazira ikirere gihumanye kandi bigakorwa mu buryo burambye.”

Nyuma yo kumurikira rubanda ubwo bufatanye, bafashe ifoto y’urwibutso

Ikindi Banki ya Kigali ivuga ko yakoze, ni ugufata iya mbere mu gukodesha imodoka zigera ku icyenda (9) zikoresha amashanyarazi na PREV Rwanda LTD kugira ngo bakomeze gushyigikira iyi gahunda yo kurinda no kurengera ikirere maze n’abandi bantu bazikeneye bibabere urugero rwiza.

PREV Rwanda LTD ivuga ko gukoresha izi modoka z’umuriro w’amashanyarazi byoroshye kuko uyiguze ahabwa n’imigozi yifashisha mu kuzicomeka kandi akabikora bisanzwe nk’uko ucomeka telefoni.

SKYWELL ET5 SUV

Ikiguzi cy’izi modoka kiri hagati ya miliyoni 22 na miliyoni 50, ugahabwa garanti iri hagati y’imyaka 3 kugera kuri 4, ikibazo cyose igize kitaguturutseho, bakayigukorera ku buntu muri iyo myaka 3.

dongfeng S60 Sedan

Ikindi cyiza izi modoka zikoresha amashanyarazi zifite, ni uko uretse kubungabunga ikirere kuko nta myuka icyangiza zisohora, ngo ni n’uburyo bwiza bwo kwizigamira kuko uyicometse ikuzura uba ushobora kugenda ibirometero 500 kandi ukazigama hejuru ya 75% by’amafaranga watangaga kuri essence.

Dongfeng M5 mini Bus

Banki ya Kigali na PREV Rwanda bavuga ko bateganya kureba uburyo uwifuza iyi modoka yajya ayihabwa ku nguzanyo binyuze mu bufatanye hagati y’ibi bigo byombi, byamara kunozwa abakiriya ba Banki ya Kigali bagatangira gutunga izi modoka bitabagoye.

Inzu yahoze ari iy’imyidagaduro (Theatre de verdure) muri Kaminuza y’u Rwanda

Ni ubugenzuzi bwakozwe mu mpera za 2022 maze bwerekana ko muri ayo mazu 1040, agera kuri 61 ari mu mujyi wa Kigali, 301 ari mu ntara y’amajyepfo, 252 akaba mu ntara y’uburengerazuba, naho 245 bayasanga mu ntara y’amajyaruguru mu gihe 181 yo aherereye mu ntara y’uburasirazuba.

Muri aya mazu yose, Minaloc iri ku isonga mu kugira amazu menshi naho Minagri ikayigwa mu ntege.

icyari urukiko rwa Kanto muri Gakenke hamezemo igiti

Urebeye ku rwego rw’uturere, Gakenke iza ku isonga n’amazu 77 adakoreshwa, hagakurikiraho Gicumbi ifite 74. Uturere dufite amazu make adakoreshwa, ni Rwamagana ifite amazu umunani, na Kicukiro ifite amazu atanu.

Eraste Bimenyimana umuyobozi w’ishami rishinzwe gufata neza umutungo wa Leta muri RHA, yagize ati: “Muri rusange aya mazu yose arashaje ntajyanye n’lgihe. Ameze neza twagiye tuyaha inzego za Leta zishinzwe umutekano ngo ziyakoreshe”.

Ahigirwaga indimi muri Kaminuza hazwi cyane nka EPLM ni uku habaye

Amakuru dukesha RAB aravuga ko mu bugenzuzi bakoranye na RHA muri Gicurasi 2022, basanze iki kigo cyonyine gifite amazu 52 ameze neza, 308 akeneye gusanwa n’andi 68 akeneye gusenywa akavaho kuko yangiritse cyane.

Aya mazu yose abarizwa muri sitasiyo 13 za RAB ari zo: Rubirizi, Ngoma, nyagatare, Rwerere, Musanze, Muhanga, Songa, Rubona, Nyamagabe, Ntendezi, Gakuta, Tamira na Gishwati.

Sitasiyo ya RAB Gishwati mu Karere ka Nyabihu

Ese ni iki cyateye aya mazu kudakoreshwa?

Ikigo cy’Igihugu Gishinzwe Guteza Imbere Imiturire (RHA), kivuga ko aya mazu yiganjemo ayakorerwagamo n’inzego z’ibanze mbere y’amavugurura yagiye abaho ahuza ibyahoze ari Perefegirura, Superefegitura, Amakomini n’lmirenge.

Ibiro by’icyahoze ari Komini Bugarura

Harimo kandi ayahoze ari amacumbi ya ba Burugumestiri, abaperefe n’abandi.
RHA ikomeza ivuga ko aya mazu usangamo n’ayakorerwagamo n’inkiko mbere y’amavugururwa yahuje zimwe muri zo, hakaba n’ayahoze akorerwamo n’imishinga y’ubuhinzi n’ubworozi mbere ya Jenoside yakorewe abatutsi mu 1994, amenshi akaba abarirwa muri MINAGRI na RAB.

Inzu yahoze ari ari ububiko bw’imbuto z’indobanure mu karere ka Muhanga

Izi nzu zose ubwo abazikoreragamo bazivagamo, ngo zasigaye ntacyo zikoreshwa none zimwe muri zo zabaye umusaka.

Aha hahoze ari amacumbi y’abakozi ba NIRDA

Aya mazu yose arateganyirizwa iki?

Ikigo cy’Igihugu Gishinzwe Guteza Imbere Imiturire (RHA) ari nacyo gifite aya mazu mu nshingano kiragira kiti: “Ayangiritse cyane ni ukuyakuraho amaze guhabwa agaciro tugasigarana ibibanza. Dufatanije n’inzego z’ibanze turashaka kureba izabyazwa umusaruro zigatezwa cyamunara zigakoreshwa n’abikorera ku giti cyabo nyuma yo kuvanwa mu mutungo rusange wa Leta.”

Ahahoze hakorerwa imiti hazwi nka Labophar mu karere ka Huye ni uku hasigaye hameze

N’ubwo Bavuga batya ariko, ntitwabura kuvuga ko ibi byose bisaba amafaranga kuko dufashe nk’urugero kuri RAB gusa, ivuga ko bakeneye amafaranga arenga miliyari 6 na miliyoni 92 yo gusana amazu yabo atameze neza, bagakenera asaga miliyari 1 na miliyoni 66 yo kuvugurura akiri mazima hamwe n’andi arenga miliyoni 197 yo gusenya amazu yashaje akanangirika cyane.

Inzu yahoze ari imwe mu zakorerwagamo na Komini Buringa ubu ni mu Murenge wa Mushishiro

RHA iravuga ko igenagaciro ku rwego rw’igihugu ritararangira ngo hamenyekane ikizakorerwa aya mazu yose ya Leta, ndetse n’ingengo y’imari bizatwara.

Gusa kuba amazu 428 ya RAB azatwara miriyari zirenga 7, byatanga ishusho y’ingengo y’imari izagenda ku nzu 1040 leta ifite zidakoreshwa.

Abagize uruhare muri iyi nkuru:

Marie Claire Joyeuse
Ephrem Murindabigwi
Syldio Sebuharara
Ishimwe Rugira Gisele
Jean de la Croix Tabaro

The Pandemic Fund ni ikigega gishinzwe gukumira, kurinda no guhangana n’indwara z’ibyorezo kuva ku gihugu cyagaragayemo icyorezo bikagera ku karere giherereyemo ndetse no ku rwego rw’isi.

Ubu bukaba ari uburyo bwashyizweho nyuma ya Covid 19, biturutse ku gitekerezo cy’ibihugu bigize G20 kugira ngo bibashe gukusanya amafaranga yo gufasha ibihugu guhangana n’indwara z’ibyorezo, cyane cyane ku bihugu bikiri mu nzira y’amajyambere.

Inshingano z’ibanze za DR Sabin Nsanzimana hamwe n’umunya Indoneziya M. Chatib Basri bafatanyije kuyobora iki kigega ni ukuyobora inama zigamije kwiga ku mishinga yatanzwe n’ibihugu bisaba inkunga yo guhangana n’indwara z’ibyorezo maze igasuzumwa ndetse ikanahabwa umurongo, yakwemezwa hagatangira urugendo rwo gushakisha no gukusanya inkunga yasabwe binyuze muri iki kigega nk’uko twabitangarijwe na Minisiteri y’ubuzima mu Rwanmda.

Iki kigega kigizwe n’ibihugu binyuranye birimo u Rwanda, Amerika, Canada, Ubutariyani, Ubuyapani, Ubushinwa, Senegal Singapuru, n’ibindi. Harimo kandi n’imiryango itegamiye kuri Leta nka Bill & Melinda Gates , Foundation Rockefeller Foundation ndetse na Wellcome Trust.

Ni ibiganiro byibanze ku gutsura umubano w’ibihugu byombi, cyane cyane mu bijyanye n’ishoramari mu bikorwa remezo.

Mu bindi biganiro, bagarutse ku busabe bwa Arabiya Saoudite, aho basabye u Rwanda kuyishyigikira kugira ngo ibashe kwakira Imurikagurisha ry’isi.
Minisitiri w’ingufu muri Arabiya Saoudite yari aherekejwe na Faisal Alibrahim Minisitiri w’Ubukungu n’Igenamigambi.

Perezida wa Repubulika Paul kandi yakiriye Minisitiri w’Intebe wa Bangaladesh, Madamu Sheikh Hasina Wazed bagirana ibiganiro byibanze ku gukomeza umubano w’u Rwanda na Bangladesh.

Nk’uko tubisanga ku rukuta rwa Twitter rwa perezidansi kandi, Peresida Kagame yanahuye na Michael Bloomberg washinze ikigo cyizwi nka Bloomberg gikora ibijyanye n’imari, ikoranabuhanga n’itangazamakuru.

Aba bose, umukuru w’igihugu yabakiriye I Doha muri Qatar, aho ari kuva kuva ku munsi w’ejo tariki 23 Gicurasi, akaba yaritabiriye inama yiga ku Bukungu bw’igihugu cya Qatar (Qatar Economic Forum), igiye kuba ku nshuro ya 3.

Ni itsinda Perezida Kagame yakiriye kuri uyu wa kane maze baganira ku bufatanye mu bikorwa by’ubugiraneza, hibandwa ku burezi.

Ni umuryango wigenga, washinzwe na John hamwe na Carrie Morgridge mu mwaka wa 2008, ukaba ufite intego yo gukora ibikorwa bihindura ubuzima bikanazana ibisubizo ku bibazo Bihari.

Iki kigo kirebererwa na Perezidansi ya Repubulika, gifite intego yo guteza imbere ikoreshwa mu mahoro ry’ingufu za atomike hagamijwe iterambere rirambye ry’ubukungu n’imibereho myiza y’abaturage.

Iki kigo kandi gishinzwe kugira inama Leta mu bijyanye n’ingufu za atomike; guteza imbere ikoreshwa mu mahoro ry’ingufu za atomike; kugena imikoreshereze y’amashanyarazi aturuka ku ngufu za nikeleyeri n’indi mikoreshereze y’ingufu za atomike hubahirirjwe amahoro.

Umugabane wa Afurika kugeza ubu ufite ikibazo cy’uko abaturage bawo barenga miliyoni 600 nta muriro w’amashanyarazi bafite, nyamara ngo bakeneye kuwukoresha mu gutunganya no kwita ku musaruro ukomoka ku buhinzi hamwe no kubuteza imbere, nk’uko bitangazwa muri Raporo ya 2022 y’Ikigo Mpuzamahanga gishinzwe Ingufu (IEA).

Perezida Kagame kandi, iuri uyu wa Kabiri yakiriye Bill Woodcock, Umuyobozi Mukuru wa Packet Clearing House (PCH) umuryango mpuzamahanga utegamiye kuri Leta utanga ubufasha ku bijyanye n’ibikorwa remezo bya internet, baganira ku iterambere rirambye ry’ibikorwa remezo bya internet.

Nk’uko tubisanga ku rukuta rwa Twitter rwa minisiteri y’ububanyi n’amahanga, ni amasezerano yashyizweho umukono na Minisitiri w’Ububanyi n’Amahanga w’u Rwanda Dr Vincent Biruta, hamwe na na mugenzi we w’igihugu cya Malta, Ian Borg.

Aya masezerano azibanda ku bijyanye na serivisi zo mu kirere, ubufatanye mu mahugurwa kuri dipolomasi, ubukerarugendo ndetse no kwakira abashyitsi.

Amakuru dukesha urukuta rwa twitter rw’ibiro by’umukuru w’igihugu, aravuga ko Mahmoudi Ali Youssouf, Minisitiri w’ububanyi n’amahanga wa Djibouti aho yaje azanye n’ubutumwa perezida wa Djibouti Ismail Omar Guelleh yageneye perezida w’u Rwanda.

Bimwe mu byaganiriweho harimo umutekano w’ibihugu biherereye mu ihembe rya Afurika, ubutwererane n’umubano w’ibihugu byombi, bibanda cyane ku bucuruzi.

Iyi nama yahuje Perezida Kagame n’itsinda ryaturutse muri Djibouti, yabanjirijwe n’indi yahuje komisiyo ihuriweho n’ibihugu by’u Rwanda na Djibouti yabaye nayo kuri uyu wa gatatu.

Yanaboneyeho kandi umwanya wo kuganira n’abana n’abarezi bo mu Urugo Mbonezamikurire y’abana bato ruri mu Mudugudu wa cyahafi, Akagari ka Mucaca, Umurenge wa Nemba.

Mbere yo kuza mu karere ka Gakenke, umuyobozi wa World Vision ku isi, yabanjirije mu karere ka Gicumbi ku munsi w’ejo, aho yakiriwe n’abayobozi batandukanye ndetse we n’itsinda ayoboye basura ibikorwa binyuranye birimo: umuyoboro w’amazi Kageyo-Mwange, Ikigo Nderabuzima cya Muhondo, G.S Muhondo, Ivomero ry’amazi rya Mugomero, n’irerero riri mu mudugudu wa MWANGE, akagari ka KAGEYO mu murenge wa KAGEYO.

Aha, mu ijambo rye, bwana Edgar Sandoval Sr. yagize ati: "u Rwanda n’Abanyarwanda ni ikimenyetso cy’uko twese dufatanije twagera kuri byinshi, ubu bufatanye bukaba buduhaye umurongo wo kurwanya ingaruka zose mbi, tukaba tuzahora turi abafatanyabikorwa banyu, mu burezi, mu buzima n’ibindi byose bizaba bikenewe".

Guverineri Nyirarugero uyobora intara y’amajyaruguru, yashimiye umuyobozi wa World Vision ku isi ndetse anasaba abaturage kubungabunga ibyo bikorwaremezo bahawe kuko ari bo bifitiye akamaro, kandi bikazabageza ku iterambere rirambye.
Ibarura Rusange ry’Abaturage n’Imiturire rya 2022 ryagaragaje ko abaturage bafite amazi meza ku kigero cya 82.3%, ko kandi u Rwanda rufite intego ko mu mwaka wa 2024 abaturage bose bazaba bamaze kugezweho amazi meza 100%.

Ibyo bikazashoboka ku bufatanye bwa Leta n’abafatanyabikorwa batandukanye barimo an World Vision.

Ni uruzinduko Madamu Assoumpta arimo ku mugoroba wo kuri uyu wa kabiri tariki 9 Gicurasi, mu karere ka Nyabihu.

Nk’uko bitangazwa na Minisiteri y’ubutegetsi bw’igihugu, abaturage basuwe barashimira Leta ko yihutiye kubatabara kandi ikaba ikomeje gukurikirana imibereho yabo.

Madamu Ingabire yabashimiye uko bakomeje kwitwara aho bacumbikiwe, abasaba gukomeza kwita ku isuku; kubana neza; kohereza abana ku ishuri no kutihutira gusubira aho bavuye kuko imvura igihari kandi harimo gushakwa igisubizo kirambye cy’uko bava ahashyira ubuzima bwabo mukaga.

AKarere Nyabihu gafite "site" 21 zicumbikiye abaturage barenga 2,760.

Nk’uko byatangajwe ku rukuta rwa Twitter rwa Minisiteri y’ububanyi n’amahanga, iyi nama iribanda ku biza byibasiye uduce tw’amajyaruguru, uburengerazuba n’amajyepfo by’igihugu.

Ni inama igamije guha amakuru aba ba dipolomate no kubasobanurira uko ubuzima bwifashe muri izo ntara zibasize n’ibiza mu minsi ishize, ikaba yanitabiriwe na Minisitiri w’ibikorwa by’ubutabazi, Kayisire Marie Solange

Iyo mihanda yafunzwe by’igihe gito ni umuhanda wa Kimisagara, ariko nyuma ukaba waje gufungurwa hamwe n’uwa Rwandex wafunzwe ariko bakaba babikurikiranira hafi ngo barebe ko wafungurwa. Umuhanda wa Rugunga wo uracyafunzwe, aho Polisi y’Igihugu yasabye abasanzwe bawukoresha kunyura izindi nzira kuko wo utakiri nyabagendwa.

Mu kiganiro kigufi Umuvugizi wa Polisi, CP John Bosco Kabera, agiranye na Radio Rwanda, asabye abakoresha imihanda kwigengesera no kumvira ibyo abapolisi bababwira, anongeraho ko abakoresha imihanda iri mu bibaya bakwiye kuyirinda kuko mu gihe cy’imvura amazi yose ari ho yerekeza.

Yanaboneyeho kandi kubwira Abanyarwanda muri rusange ko mu gihe babona umuhanda urimo amazi bakwirinda kuyishoramo kuko afite imbaraga, dore ko hari na moto ishobora kuba yatwawe n’amazi.

Dr Kabano Ignace umuyobozi wa CIDRA LTD

Ibyo bigo ni Centre for Integrated Development Research and Action (CIDRA) hamwe na ICOS Consulting PLC byihuje bikaba ICOS-CIDRA Joint Ventures.
Uku kwihuza ni nabyo byabahesheje gupiganira no gutsindira isoko ryatanzwe n’ikigo cy’igihugu cy’Ubuzima(RBC) ryo gukora icyegeranyo ku igwingira mu Rwanda, Stunting Prevention and Reduction (Spar).

logo ya ICOS Consulting PLC

Amasezerano twabonye yasinywe hagati y’abakozi n’iyi company yavugaga ko akazi kagombaga kumara iminsi 45 kuva tariki 20 Mata 2022.
Nyamara, abakozi bavuga ko bageze mu kwezi kwa 11 batarahabwa amafaranga yose uko bayakoreye, uretse ko n’ababahaye akazi batabihakana n’ubwo batabyita ubwambuzi.

Mbere ngo abayobozi b’iyi company bababwiraga ko RBC itarishyura cyakora nyuma ngo babajije amakuru bamenya ko amafaranga yabo yishyuwe, hashize hafi ukwezi. Abakoresha bo, bavuga ko hashize iminsi ibarirwa ku mitwe y’intoki RBC ibishyuye.
RBC nayo ivuga ko nta kibazo kijyanye no kwishyura ifitanye n’umukiriya wabo.
Ubwo twavuganaga na Dr Kabano Ignace ukurijye CIDRA, yabanje kutwereka ko nta masezerano ikigo ayobora cyagiranye n’abakozi, ahubwo ibyo byose byabazwa ICOS kuko ari yo yabahaye akazi.

Dr Kabano Ignace umuyobozi wa CIDRA LTD

Icyakora yongeyeho ko ibivugwa n’abo bakozi “nta shingiro bifite.”
Nyuma ariko, ku makuru ahurizaho na Tessema Alehegn Moges uyobora ICOS, Dr. Kabano yavuze ko bahembye icyiciro cya mbere aba bakozi arenga miliyoni mirongo itanu (50.000.000 Frw), akaba yaratanzwe mu ntoki.
Ubu rero, ngo babasigayemo arenga miliyoni ijana na mirongo itanu(150.000.000 Frw), bakaba baratindijwe n’uko abakozi batinze kuzana numero za konti ngo bayabashyirireho.

Kabano agira ati “ibyo abo bakozi bavuga si byo. Ntabwo twabambuye. Ikibazo cyabaye ni uko RBC yatinze kutwishyura ariko n’aho iyaduhereye twasabye aba bakozi kuzuza ibisabwa ngo bahembwe bamwe barabikora abandi ntibabikora.”
Kabano avuga ko mu matsinda 20 y’abakozi bose, agera kuri 12 ari yo yatanze numero za konti akanasubiza ibikoresho bifashishaga mu kazi. Amatsinda umanani asigaye ngo ntaruzuza ibisabwa, bityo, ngo “ntibyabashobokera guhemba muri ako kajagari kose.”

Abajijwe igihe nyacyo cyo guhemba abujuje ibisabwa. Dr. Kabano ntacyo yashubije.
Abakozi ba ICOS-CIDRA bo bavuga ko igituma batishyurwa, amafaranga yabo ngo umukoresha wabo yaba ashaka kuyashora mu rindi soko yatsindiye. Icyakora, ayo makuru, nta gihamya bayafitiye kandi n’umukoresha wabo arayahakana.

Depite Mbonimana Gamariel yasabye imbabazi

Mu butuma yatambukije ku rukuta rwe rwa Twitter, depite Mbonimana yagize ati "Mbikuye ku mutima mbasabye imbabazi Nyakubahwa Perezida n’Abanyarwanda mwese. Nakoze icyaha cyo gutwara imodoka nanyweye inzoga. Nafashe umwanzuro wo kutazongera kunywa inzoga. Mwumve gutakamba kwanjye. Niteguye kuzuza neza izindi nshingano zose mungiriye icyizere."

Depite Mbonimana yanditse ibaruwa yo kwegura nyuma y’uko Umukuru w’Igihugu, Paul Kagame, ubwo yari mu birori bya Unity Club, avuze ku mudepite wafashwe atwara imodoka yasinze.

Inkuru bijyanye:

Depite Mbonimana Gamariel wavuzweho gutwara imodoka yasinze yeguye

Urubyiruko rwitabiriye urugerero

Amakuru dukesha ururkuta rwa Twitter rw’akarere ka Rubavu, aravuga ko Umuyobozi w’Akarere, wifatanyije n’uyu murenge yabwiye abari aho ko ibikorwa batangiye ari ingenzi mu kuzamura imibereho n’iterambere ry’abaturage.

Umuyobozi w’akarere aganiriza urubyiruko

Ati: "ibikorwa by’urugerero muzakora bizakomeza kunganira gahunda za leta zisanzweho zituganisha mu cyerekezo cyo kubaka igihugu twifuza".

umuyobozi w’akarere ka Rubavu bwana Kambogo Ildefonse

Ku ikubitiro inzego zinyuranye zikaba zifatanyije n’urubyiruko rw’umurenge wa Mudende mu muganda wo kubakira Abasigajwe inyuma n’amateka.

Abatuye Mudende batangiye bubakira abasigajwe inyuma n’amateka

Umuyobozi wungirije w’Ikigo cy’Igihugu cy’Ibarurishamibare (NISR), Yvan Murenzi, atangaza ko abazakora iri barura bagera ku bihumbi mirongo itatu, bose bazaba bafite telefoni zigezweho, maze amakuru yose bashyizemo agahita agera ku Kigo cy’Igihugu cy’Ibarurishamibare ako kanya.

Uyu muyobozi yavuze ko amakuru y’ingenzi yari akenewe kugira ngo ibarura rusange ritegurwe neza yose yamaze kwegeranywa ku buryo n’ibisigaye gukorwa igihe cy’ibarura kizagera byose biri ku murongo.

Iri barura rusange rya 5 biteganyijwe ko rizatwara Amafaranga y’u Rwanda asaga miliyari 20, rikazakorwa ku ngo zirenga miliyoni eshatu n’ibihumbi 300 zituwe n’Abanyarwanda ndetse n’abanyamahanga bari mu Rwanda.

Umuyobozi wungirije w’Ikigo cy’Igihugu cy’Ibarurishamibare yagize icyo avuga ku bantu bashobora kumva aya mafaranga ari menshi, ati «Umuntu yakumva ko aya mafaranga ari menshi cyane ndetse hari n’ibindi yakora by’ingenzi, ariko kandi ibarura rusange na ryo ni ingenzi kuko ritanga amakuru afasha kumenya ibikenewe mu igenamigambi ry’Igihugu ».

Abaturarwanda barasabwa kuzitabira iri barura, bakigomwa umwanya wabo kugira ngo basubize ibibazo babazwa n’abakarani b’ibarura. Baributswa kandi gutanga amakuru y’ukuri, iri barura rikaba rizakorwa imbonankubone, kuko kurikorera kuri telefoni cyangwa mu bundi buryo bw’ikoranabuhanga bitemewe.

Ibi Dr Iyamuremye yabivugiye mu Kiganiro Ubyumva Ute cyatambutse tariki 25 Mata aho bavugaga ku ndwara y’agahinda gakabije, ibiyitera, ibimenyetso byayo n’uko yakwirindwa.

Yunzemo avuga ko iyi mibare yabonetse mu bushakashatsi bwakozwe mu mwaka wa 2018 ari nayo bakigenderaho kugeza ubu, ariko ngo bafite impungenge ko kubera covid iyi mibare ishobora kuba yrikubye kabiri.

Abajijwe impamvu igituma urubyiruko rungana na 17% rurwaye iyi ndwara y’agahinda gakabije, Dr Iyamuremye yagize ati: “Usanga urubyiruko aria bantu baba batarabona byinshi ngo banabone ko bishoboka kubirenga bitaguhungabanyije, ibyo bituma ikibaye cyose kibakura umutima bakumva ko bibarangiriyeho. Urubyiruko kandi ni abantu baba bakiyubaka bityo bakanakenera byinshi kugira ngo bagere ku nzozi zabo. Iyo rero babuze ibyo bari bakeneye bibatera kwiheba. Hari n’ababiterwa no kumva ari bonyine nyamara bakikijwe n’abantu bakabura uwo bizera cg uwo baganiriza ibibahangayikishije, kubera ko abantu ari ba nyamwigendaho, bakabona ntawe ubitayeho, ntawe ubaha umwanya, n’ibindi. Ibi rero bituma haboneka bamwe mu rubyiruko bishora mu biyobyabwenge, ibisindisha cg n’ibindi bibi bibangiriza ubuzima.”

Uretse urubyiruko ruri hagari y’imyaka 15 na 35 bagera kuri 17%, agahinda gakabije kibasiye 8% mu bafite imyaka iri hagati ya 45 na 60 mu gihe 7% ubasanga mu bafite kuva ku myaka 60 kuzamura.

Ikindi gice kibasiwe n’agahinda gakabije ku kigero kiri hejuru, ni abarokotse Jenoside yakorewe abatutsi aho biri ku kigero cya 35%.

Ibimenyetso by’aka gahinda gakabije harimo kutanezezwa n’ibyari bisanzwe bikunezeza, kwigunga no gushaka kuba wenyine, guhindura imico uwari usanzwe acyeye ku maso akijima, umujinya ukabije, amagambo y’amaganya, n’ibindi. Abantu baragirwa inama yo kugira umuco wo kubana hafi no gufashanya haba hari ugaragaje ibi bimenyetso, bakamufasha kugera kwa muganga kuko agahinda gakabije ni indwara ivurwa kandi igakira, ariko iyo irangaranywe yatuma umuntu yiyambura ubuzima cyangwa se akabwambura n’abandi.

Mu gushakisha abagize uruhare muri Jenoside yakorewe Abatutsi, hamwe n’abayikekwaho hashyizweho impapuro zibata muri yombi, maze zoherezwa mu bihugu babarizwamo.

Amakuru dukesha Ubushinjacyaha bw’u Rwanda, avuga ko impapuro zose zatanzwe kugeza ubu ari 1147, zoherejwe mu bihugu 33. Igihugu gicumbikiye abantu benshi bakurikiranyweho icyaha cya Jenoside ni Repubulika iharanira Demokarasi ya Congo yahawe impapuro 408 igakurikirwa na Uganda yahawe impapuro 277. Afurika ikaba ari yo ifite abantu benshi.

Nyuma yo kohereza izi mpapuro, 28 gusa ni bo bamaze kugarurwa mu Rwanda, mu gihe 24 bo baburanishirijwe mu bihugu baherereyemo.

Umuvugizi w’Ubushinjacyaha, Nkusi Faustin

Nkusi Faustin, Umuvugizi w’Ubushinjacyaha, yatangarije Kigali Today ko ukurikije impapuro 1147 zatanzwe, ariko ababuranishijwe n’aboherejwe mu Rwanda bakaba batageze no ku 100, bigaragaza ko ibihugu by’amahanga bigenda gahoro mu kohereza abakekwaho Jenoside cyangwa se kubakurikiranira aho bari.

Impamvu y’uku kugenda buhoro, Umuvugizi w’Ubushinjacyaha yavuze ko ahanini ari ubushake buke bw’ibyo bihugu bwo kubahiriza amasezerano mpuzamahanga bashyizeho umukono ariko haracyari n’icyuho cy’amategeko aho hamwe muri ibi bihugu nta mategeko bafite ahana icyaha cya Jenoside.

Umuvugizi w’Ubushinjacyaha yakomeje avuga ko n’ubwo imibare ikiri hasi, batagomba gucika intege, ahubwo barushaho gushyira imbaraga mu biganiro bagirana n’ibyo bihugu ngo barebe ko byakongera imbaraga ariko kandi n’abatabikora bakabyumva maze na bo bagafasha ubutabera gukora akazi kabwo.

Umuntu wa mbere woherejwe mu Rwanda kubera icyaha cya Jenoside, yitwa Kagaba Enos wahageze tariki 26 Mata 2005 aho yari aje avuye muri Leta zunze ubumwe za Amerika. Iki gihugu kikaba kimaze kohereza abantu 6 mu mpapuro 26 cyahawe.

Uganda imaze kohereza abantu 3 gusa mu gihe yahawe impapuro 277, naho Repubulika iharanira Demokarasi ya Congo yohereje abantu 4 mu mpapuro 408 bahawe.

Ku mugabane w’u Burayi igihugu gifite abantu benshi bakurikiranyweho icyaha cya Jenoside ni u Bufaransa bwahawe impapuro 47, bugakurikirwa n’u Bubiligi bufite impapuro 40 zo guta muri yombi abahatuye bakekwaho kugira uruhare muri Jenoside yakorewe Abatutsi mu Rwanda. Kugeza ubu u Bubiligi bumaze kuburanisha abantu 9, uwahawe igihano kinini akaba yarakatiwe gufungwa imyaka 25, naho u Bufaransa bwo bwaburanishije 4, barimo 2 bahanishijwe gufungwa burundu.

Urutonde rugaragaza umubare w’impapuro zatanzwe n’ibihugu zoherejwemo:

Urutonde rugaragaza aboherejwe:

Urutonde rugaragaza ababuranishijwe mu bindi bihugu:

Amakuru ari muri uru rutonde Kigali Today iyakesha Ubushinjacyaha Bukuru

Kayirangwa Anita

Ati: “Bagirira nabi abantu batanu, icumi cyangwa magana abiri, abantu ntibakwiye kubirebera ngo baceceke. N’iyo yaba umuntu umwe wahohotewe azira ko yacitse ku icumu, bikwiye kwitabwaho cyane ko ari n’icyaha gihanwa n’amategeko. N’ubwo navuze ko ari bake bakigaragarwaho n’ibi bikorwa ariko, buriya nta burozi buba buke, kuko abakwirakwiza ingengabitekerezo n’abahohotera abarokotse kandi turacyafite n’abakwirakwiza ingengabitekerezo ya Jenoside bifashishije imbuga nkoranyambaga gusa na bo si benshi. Ariko n’ubwo ari bake bwose, burya nta burozi buba buke, tugomba gukora ibishoboka byose ku buryo ibyo bavuga cyngwa bakora bitazagenda ngo bigere mu bana babo, mu nshuti zabo cyangwa mu baturanyi ngo ejo na bo batazabyigana.”

Mu gihe cy’iminsi 7 y’icyunamo cyo kwibuka ku nshuro ya 28 Jenoside yakorewe Abatutsi, RIB yatangaje ko yakiriye ibirego 53 by’icyaha cy’ingengabitekerezo ya Jenoside n’ibifitanye isano na yo. Muri ibyo birego hakaba hakekwa abantu 68, barimo 43 bafunze, 3 bakurikiranwe bari hanze, 13 bagishakishwa n’abantu 9 batamenyekanye.

RIB kandi yagaragaje ko mu myaka 6 ishize mu cyumweru cy’icyunamo imaze kwakira dosiye z’ibirego by’ibyaha by’ingengabitekerezo ya Jenoside n’ibifitanye isano na yo 1911.

Muri 2017 mu cyumweru cy’icyunamo RIB yakiriye dosiye 358 z’ibi birego, muri 2018 ziba 383, muri 2019 zirazamuka zigera kuri dosiye 404, muri 2020 ziba dosiye 377, naho muri 2021 ni dosiye 383.

RIB yagaragaje ko muri uyu mwaka ibi ibyaha byagabanutse ku kigero cya 53,5%.

Inzu yo gucumbikamo yubatswe binyuze mu bukangurambaga bwiswe ’One Dollar Campaign’

Hari amakuru yavugaga ko abana bari bacumbikiwe muri iyo nyubako birukanywemo hutihuti kugira ngo abo bimukira babone aho batuzwa.

Mu kiganiro Ubyumva ute cyatambutse kuri KT Radio tariki 18 Mata 2022, Madamu Doris Uwicyeza Picard; Umujyanama mu bya tekiniki muri Minisiteri y’Ubutabera, yatangaje ko koko icyiciro cya mbere cy’abazava mu Bwongereza bazatuzwa muri iyo nyubako ariko nta bana birukanywemo nk’uko byatangajwe.

Yunzemo ati: “Hope Hostel ntabwo ari inyubako ya Guverinoma, ahubwo ni iya AERG. Ni bo bayicunga, ni na ho bashoye imari yabo, bafite na kompanyi iyicunga mu rwego rwo kuyibyaza umusaruro. Iyi nyubako yari ituyemo abanyeshuri barokotse Jenoside yakorewe Abatutsi badafite aho baba, bakiga ari ho bataha ariko mu myaka 28 ishize Jenoside yakorewe Abatutsi ibaye, abari impinja bamaze gukura. Abenshi bamaze kurangiza amashuri babona akazi cyangwa se barashatse batuye mu ngo zabo.”

Muri iyo nyubako ngo hari hasigayemo abana 22.

Uwicyeza yakomeje avuga ko na mbere y’uko iyi nzu itoranywa aba bantu bari bararangije amashuri bizwi ko barimo gushaka akazi cyangwa gushakirwa akazi ariko hari ubwo bwumvikane ko n’iyo batabona akazi bazahabwa ubufasha bwo kujya kuba ahandi kugeza igihe baboneye akazi. Ati “Nta bantu birukanywe muri iyo nyubako, ni abantu n’ubundi bari bagiye kwimuka”.

Ibijyanye n’umubare w’abantu bazakirwa ku ikubitiro, Madamu Uwicyeza yasobanuye ko bataramenya imibare neza. Icyakora yavuze ko iriya nyubako izabakira ifite ubushobozi bwo kwakira abantu bagera mu ijana na mirongo.

Muri iki kiganiro kandi hanabajijwe ingano y’amafaranga azakodeshwa iyi nyubako buri kwezi, icyakora Madamu Uwicyeza yavuze ko amafaranga y’ubukode ataramenyekana kuko bikirimo kuganirwaho.

Avuga kuri aya masezerano, Minisitiri w’Ububanyi n’Amahanga n’Ubutwererane, Dr Vincent Biruta, yasobanuye ko biri mu nshingano z’amahanga kwita ku mutekano n’imibereho myiza y’abimukira, u Rwanda rukaba rwishimiye ubufatanye hagati yarwo n’u Bwongereza hagamijwe kwakira abashaka ubuhunzi no kubemerera gutura mu Gihugu.

U Rwanda kugeza ubu rutuwe n’impunzi zisaga ibihumbi 130, inyinshi zikaba ari izituruka muri Repubulika ya Demokarasi ya Congo n’u Burundi, ariko hakaba n’abaturuka muri Libya rukomeje kwakira ndetse n’abavuye muri Afghanistan.

Uko umukamo uboneka ku munsi wasaranganywa abanyeshuri n’abandi bantu basigaye

Minisitiri w’uburezi Eugene Mutimura abicishije kuri twitter yagize ati "Turasaba dukomeje amashuri yose y’inshuke, abanza n’ayisumbuye ko ku ifunguro bagenera abana bateganya byibura igice cya litiro y’amata ku munsi"

Nubwo minisiteri ivuga ibi ariko, hari abemeza ko ibyo bikozwe amata akenewe ataboneka kuko umukamo ukiri mucye.

Abayobozi b’amashuri twaganiriye bo bavuga ko icyo cyemezo cyabatunguye ndetse n’ishyirwamubikorwa ryacyo batarisobanuriwe neza.

Pasiteri Samuel Mutabazi ukuriye uburezi mu mashuri y’abaporotestanti mu Rwanda, avuga ko iki cyemezo ari cyiza ndetse cyanabashimishije kuko kigamije kwita ku bana b’u Rwanda, ariko cyaje kibatunguye.

Ati “iki ni icyemezo kije gitunguranye, amashuri yaramaze gukora ingengo y’imari igaragaza ibyo bazakenera n’uburyo bazabikoresha, noneho ugasanga n’icyo kiraje kikababera imbogamizi yo gushyira mu bikorwa ibyo biyemeje.

Ikindi ni uko usanga amashuri menshi n’ubundi ingengo y’imari bagenderaho iba n’ubusanzwe idahagije. Amafaranga ministeri itanga afasha umwana usanga ari make cyane n’ubundi asanzwe adahaza mu gufasha gukora ibintu byose.

Umusaruro w’umukamo wikubye inshuro zirenga 110 mu myaka 25 ishize

Ikindi gikomeye ni ubushobozi bucye ku babyeyi rimwe na rimwe butuma batabasha gufasha ishuri kugira ngo abana babo babone indyo yuzuye. Gusa iki gikorwa ni cyiza nta n’utakishimira ariko ishyirwa mu bikorwa ryacyo rirasa n’aho rigoranye.”

Pasiteri yakomeje avuga ko ibi byagombye kuvugwa mbere bakabyitegura, byaba na ngombwa ababyeyi bakaganirizwa buri wese akagaragaza uruhare rwe muri iki gikorwa.

Padiri Nduwayezu Janvier Ukuriye uburezi mu mashuri gatolika mu Rwanda nawe ashima iki gikorwa ariko ubushobozi bw’amashuri bushobora kuba imbogamizi. Ikindi agarukaho ni uko hatabayeho inama ngo basobanurirwe neza uko bizakorwa n’ahazava ubushobozi.

Gusa anagaruka ku kintu cyo gushishikariza amashuri agakorana n’abikorera bakaba babagezaho ayo mata atunganyije neza ndetse ababishoboye bakorora yaba inka cyangwa inkoko bityo abana bakabona amata cg amagi ku buryo bworoshye kandi bunoze.

Rose Baguma, umuyobozi umuyobozi muri MINEDUC ufite mu nshingano ze ibyo kugaburira abana ku ishuri, avuga ko bategura iki gikorwa bari baragennye n’ingengo y’imari izagiherekeza ariko ngo amafaranga ntiyaboneka nk’uko babyifuzaga maze nka minisiteri bahitamo kuba bahereye ku bana bato biga mu mashuri y’inshuke n’abo mu mwaka wa mbere w’amashuri abanza. Aya mafaranga azava kuri 56 yagenerwaga umwana umwe ku munsi abe 150frw.

tweet ya minisitiri w’uburezi yo muri Mutarama 2019 isaba ibigo guha byibura inusu y’amata buri mwana buri munsi

Yongeyeho mo mu gihe minisiteri itarabona ubushobozi bwo gutera inkunga iyi gahunda yo guha umwana amata, abayobozi b’ibigo by’amashuri bareba igishoboka bashingiye ku bushobozi basanganywe bityo abana bakabona indyo yuzuye.

Minisiteri y’uburezi yatangaje ko mu mwaka wa 2018 amashuri y’inshuke, abanza n’ayisumbuye yigagamo abana 3,626,362.

Ibi bivuze ko nibura hakwiye kuboneka litiro 1,813,181 z’amata buri munsi, kugira ngo abana bose bari mu ishuri babashe kubona igice cya litiro y’amata ku munsi.

Minisiteri y’ubuhinzi n’ubworozi ivuga ko ku mwaka umukamo wose ungana na litiro miliyoni 817. Iyi mibare uyishyize mu kwezi kumwe wabona litiro miliyoni 68,083,333.3 naho washaka kumenya umusaruro w’amata ku munsi ugasanga ungana na litiro 2,269,444.4.

Uyu mukamo rero uwanywemo amata angana na 79.8 % by’umukamo wose uboneka mu gihugu, hasigara litiro 456,263.4 ungana na 20.2% z’amata agasaranganywa mu bandi bantu bose basigaye bagera kuri miliyoni 8.1 (68.6%) hagendewe kuri raporo y’imiturire n’imibereyo y’umwaka 2016/2017, yavugaga ko abanyarwanda bose ari miliyoni 11.8; tutirengagije ko hari n’ashobora kwangirika ntakoreshwe.

Kuba byagaragara ko amata akenewe adahagije, Madamu Rose Baguma yatubwiye ko nabyo byashoboka ariko asobanura ko igikenewe uyu munsi ari ubushobozi bwo kubona amata ku mashuri, mu gihe byagaragara ko amata ari macye akaba yatangwa hagendewe ku bayacyeneye cyane kurusha abandi bahereye ku bana bato n’abarwaye.

Uyu mugabo w’imyaka 34, umuntu atatinya kuvuga ko yiyororeye ikishi, nyuma yo kwiyemeza korora umwami w’ishyamba, ngo yaje kuzubakira iwe mu rugo ndetse n’umubwiye ko ibyo arimo akora atari byo akamwima amatwi ndetse akanabasaba kutamwivangira mu buzima ahubwo bakareba ibibareba.

Ibyo byatumye uwo munyacekosorovakiya yihenura ku bantu bose, kugera no ku mubyeyi wamwibarutse maze umwanya we wose awuharira izo Rwabwiga.

Ibyo ariko ntibyarambye kuko nyuma y’imyaka ibiri gusa uyu mugabo yasanzwe yapfuye yivuganywe n’intare yiyororeye.

Amakuru y’urupfu rw’uyu mugabo yamenyekanye ubwo se umubyara yamusangaga mu kiraro cy’intare agatabaza polisi n’abaganga ariko ntibigire icyo bitanga kuko yari yamaze gushiramo umwuka.

Nk’uko ikinyamakuru 7sur7 dukesha iyi nkuru cyabitangaje, ngo abaturanyi b’uyu mugabo, wasangaga ntawe ubabajwe n’uko yabavuyemo ahubwo bamwe bagiraga bati “urwishigishiye ararusoma”, abandi bati “ariko twaramubwiye ni uko amatwi arimo urupfu atumva”.

Kugira ngo umutekano ugaruke aho hantu, nyuma yo gushyingura uwapfuye, byabaye ngombwa ko izo ntare zicwa habaho no kuganiriza abahatuye mu rwego rwo kubahumuriza.

Abayobozi batandukanye muri BDF no mu nama y’igihugu y’abagore muri aya mahugurwa

Ibi madame Jackline Kamanzi yabivuze kuri uyu wa gatanu, mu mahugurwa agenewe urubyiruko rw’abakorerabushake mu kwihangira umurimo no kwiteza imbere ku bufatanye hagati y’inama y’igihugu y’abagore n’ubuyobozi bw’uru rubyiruko.

Uru rubyiruko rugera ku 102 rw’abakoranabushake, nyuma y’amahugurwa rwahawe, ruzagenda ruhugure abo ruhagarariye nabo bahugure abandi, kugeza aho babasha gukemura ibibazo byugarije umuryango hirya no hino mu tugali aho batuye, nk’ umwanda, imirire mibi, amakimbirane yo mu miryango n’ibindi.

Umunyamabanga Nshingwabikorwa w’inama y’igihugu y’abagore yibukije uru rubyiruko ko rukwiye kwitabira gahunda z’igihugu nk’umuganda, umugoroba w’ababyeyi ndetse n’inama zose zaba zateguwe aho batuye kugira ngo batange umusanzu wabo batanga ibitekerezo byubaka igihugu.

Uru rubyiruko rw’abakorerabushake ngo rwasanze hari amahirwe menshi rufite rutari ruzi

Madame Carine Umugwaneza ushinzwe iyamamazabikorwa muri BDF yasobanuriye uru rubyiruko n’abagore amahirwe rufite hamwe n’ibyo rukwiye gukora kugira ngo ayo mahirwe atabacika, cyane cyane ku byo BDF ikora n’uburyo babibyaza umusaro.

Yagize ati “Nk’urubyiruko rurangije kaminuza, hari gahunda y’ubuhinzi n’ubworozi, aho umuntu ufite umushinga uhatana n’iyindi, Wabasha kuza muri 60 yambere ugahabwa inguzanyo ingana na miliyoni 10 yo kuwushyira mu bikorwa”.

Ni amafaranga yishyurwa mu myaka itanu, agizwe na 30% y’inkunga itishyurwa, n’10% y’umutahe wa nyir’umushinga na 60% azishyurwa.

Urubyiruko rwitabiriye aya mahugurwa rwagaragaje ko ari ibintu bari bacyeneye ndetse bamwe banagaragaza ko hari amahirwe bari bafite, ariko batari bazi kuri Ubu bakaba biteguye kuyabyaza umusaruro.

Ibi umuyobozi wa WASAC Aime Muzola yabitangarije mu kiganiro Ubyumva ute gitambuka kuri KTradio ndetse anasobanura uko iyi gahunda izakorwa.

Aha yavuze ko byose bizaba bikorerwa kuri internet umuntu akagaragaza icyo yifuza, noneho nabo bakabimuha umufatabuguzi atiriwe ajya kuri wasac.

Yagize ati “ubu buryo buzafasha cyane mu kwihutisha serivise ndetse no kugendana n’igihe aho umuntu atirirwa atonda imirongo cyangwa yangiza umwanya we, ahubwo byose abikorera aho ari.

Ubu buryo kandi buzanaca ibintu bya ruswa kuko nta muntu uzakira amafaranga mu ntoki kandi usaba serivisi n’uyitanga batigeze babonana imbonankubone.

Uburyo bushya bwo gutanga serivisi hifashishijwe ikoranabuhanga bwana Muzora uyobora WASAC avuga ko buzatangira gukurikizwa kuva mu ntangiriro z’ukwezi kwa Gashyantare uyu mwaka wa 2019.

Yagaragaje kandi ko uwifuza guhabwa amazi azajya ajya kuri website ya WASAC akabona inyandiko yuzuza agaragaza icyo yifuza, aho ikibanza cye giherereye ndetse n’amakuru yose akenewe kugira ngo ahabwe amazi nk’umufatabuguzi mushya.

Ubuyobozi bwa WASAC nabwo buzajya buhita bubireba nibasanga umufatabuguzi yujuje ibisabwa byose amazi ahite agezwa mu kibanza cye nta nkomyi kandi byihute ugereranyije n’uburyo byakorwaga.

Ubyumva ute ni ikiganiro kikugeraho kuva kuwa mbere kugera kuwa kane kuri KT Radio 19h30 - 20h30

Abatumirwa bagarutse ku buryo nihatagira igikorwa ngo ihuzagurika riri mu burezi bw’u Rwanda rihagarare, ahazaza h’igihugu hazaba hatizewe.

Kurikira ikiganiro cyose hano

Bishop John Rucyahana ngo yatangiye gukunda abana no kubafasha kuva akiri umusore

Safari Emmanuel, Umunyamabanga nshingwabikorwa wa CLADHO yavuze Bishop Rucyahana asanzwe afite igishyika cyo kuvugira abana no guharanira uburenganzira bwabo.

Ibyo bikaba ari bimwe mu byagendeweho agirwa Ambasaderi wa bo, ariko kandi ngo basanga kugira umuntu umwe wababera umuvugizi ndetse akageza ibyifuzo bya bo ku babishinzwe bizarushaho gutanga umusaruro no gutuma u Rwanda ruba ku isonga mu kubahiriza uburenganzira bw’umwana.

Philomène Baganineza, umwana uhagarariye abandi yavuze ko nk’abana bishimiye kugira Ambasaderi ubagereza ibibazo byabo aho batabasha kwigerera.

Bishop Rucyahana nawe yashimiye abamugiriye ikizere ndetse anavuga ko bimunejeje.

Ati “Sinzaba Ambasaderi w’abana mu kirere ahubwo nzaharanira ko dukora ibifatika dufatanyije”

“Nkunda abana atari uko nababyaye gusa ahubwo n’igihe nari muto nashakishaga amafaranga hanyuma nkishyurira abana bavuye mu ishuri kuva ndi umusore ntaranashaka”

Akomeza avuga ko ayo mafaranga yayakuraga mu kwigisha n’ubwo nawe atari amuhagije ariko agaharanira ko abo bana biga.

Ati “nkiri Uganda nafashaga abana bababaye b’imfubyi kuko ababyeyi babo bari barishwe na SIDA... nakoze ikigo cy’imfubyi cyita kuri abo bana, ubu ni abagabo n’abagore”

Avuga kandi ko nyuma ya Jenoside yashyinze ishuri Sunrise school agamije kujyana abana mu ishuri.

Avuga ko yahurijemo abana barokotse génocide, abafite ababyeyi bafunzwe, abo ababyeyi bataye bahunga n’abandi benshi. Ibyo bikaba byari bigamije ubumwe n’ubwiyunge buhereye mu bana.

Bishop Rucyahana yasabye kandi abamugize Ambasaderi ko igihe bashaka ko uburenganzira bw’umwana bwubahirizwa, barinda kandi barwanya icyorezo cyateye cyo kudaha umwana agaciro n’umugisha wo kuba umwana, hamwe no kwamagana imiryango itererana abana ibahora ko bafite ibibazo nk’uburwayi n’ibindi.

Ati “Burya umwana agira agaciro bihereye ku babibarutse. Ibyo birasaba ko ababyeyi bagira ubushake n’urukundo rw’abo bibarutse. Ibyo kandi bizagerwaho ari uko ubuvugizi buhereye ku babyeyi ubwabo.

Yasabye Cladho ko niba bashaka kuvugura umwana bya nyabyo n’uburenganzira bwe, bavana amategeko mpuzamahanga mu bazungu bayazane mu Rwanda kandi bakayakurikiza mu buryo bw’abanyarwanda.
Ati “ni gute uvuga ko abana ibihumbi n’ibihumbi barasambanyijwe ndetse bakanaterwa inda, ariko ababikoze ntibaratabwe muri yombi ngo babiryozwe?”

Bishop John Rucyahana ngo yatangiye gukunda abana no kubafasha kuva akiri umusore

Perezida Kagame na Perezida Lungu mu kiganiro n’abanyamakuru

Zambia ni kimwe mu bihugu bicumbikiye impunzi nyinshi z’Abanyarwanda zirimo n’abakurikiranyweho uruhare muri Jenoside yakorewe Abatutsi mu 1994.

Ku myaka mike ishize u Rwanda na Zambia byagize ubucuti bukomeye bwavuye muri politiki bugera no mu mikoranire y’ubukungu.

Byatumye hari abibaza impamvu gahunda yo gucyura impunzi ziri muri iki gihugu itihutishwa ndetse n’abakekwaho Jenoside bahihishe bakagezwa imbere y’ubutabera.

Gusa Perezida Kagame yamaze impungenge ko nta gahunda u Rwanda rufite yo gushyira igitutu kuri Zambiya kuri iki kibazo.

Yavuze ko u Rwanda rwimakaje inzira y’ibiganiro kugira ngo iki kibazo kibonerwe umuti unyuze impande zombi.

Yabitangarije mu kiganiro we na Perezida Edgar Lungu bagiranye n’abanyamakuru, mbere gato y’uko asoza uruzinduko rw’iminsi ibiri yagiriraga mu Rwanda, kuri uyu wa Kane tariki 22 Gashyantare 2018.

Yagize ati “Byose ni amahitamo kuko ntiwahatira umuntu ubwenegihugu cyangwa ngo umuhatire gusubira iwabo utarebye niba bimwe mu byifuzo bye byarubahirijwe. Natwe ni muri urwo rwego u Rwanda rwagiye ruganira n’ibihugu bitandukanye.

“Ndizera kandi ko biri mu nzira bikorwa kandi impande zombi zibyumvikanaho, kuko n’abandi bafatanyabikorwa bagombwa kugaragaramo nk’abo mu Muryango w’Abibumbye bashinzwe iby’impunzi. Si ikibazo cy’ibihugu bibiri gusa.”

Perezida Lungu, uvugwaho ko igihugu cye gicumbikiye abakekwaho ibyaha bya Jenoside, avuga ko igihugu cye cyafunguye imiryango kititaye ku binjira kuko bose baje basaba ubuhunzi.

Gusa yongeyeho ko Zambia yiteguye gufatanya n’u Rwanda kugira ngo abakurikiranyweho ibyaha bya Jenoside bahihishe bagezwe imbere y’ubutabera.

Ati “Abanyarwanda twakiriye guhera mu 1994 ni Abanyarwanda baje ari impunzi ariko ntitwari tuzi ibyo basize bakoze kuko ntitwari aha (mu Rwanda). Ariko imiryango mpuzamahanga na UN bagiye badufasha gushyiraho uburyo bwo gutandukanya impunzi zari zarakoze ibyaha n’izari abere.”

Yavuze ko igihugu cye nta kibazo gifite cyo gufasha u Rwanda na UN gukurikirana Abanyarwanda bakurikiranyweho Jenoside bari mu gihugu cye. Anizeza ko Zambia itazacumbikira iteka ryose abantu bahaba nta mpamvu ifatika itumye batura.

Mbere y’uko Perezida Lungu asoza uruzinduko yagiriraga mu Rwanda, hanabayeho gushyira umukono ku masezerano anyuranye hagati y’ibihugu byombi. Mu yasinywe harimo ay’ubutwererane yashyizweho imikono na ba minisitiri b’ububanyi n’amahanga b’ibihugu byombi.

Hanasinywe kandi amasezerano y’ubufatanye mu bijyanye n’ishoramari, amasezerano y’ubufatanye mu bijyanye no guterana inkunga mu bumenyi n’ikoranabuhanga, amasezerano y’ubufatanye hagati z’urwego rw’abikorera mu Rwanda n’urwa Zambia.