Perezida Kagame na Perezida Lungu mu kiganiro n’abanyamakuru

Zambia ni kimwe mu bihugu bicumbikiye impunzi nyinshi z’Abanyarwanda zirimo n’abakurikiranyweho uruhare muri Jenoside yakorewe Abatutsi mu 1994.

Ku myaka mike ishize u Rwanda na Zambia byagize ubucuti bukomeye bwavuye muri politiki bugera no mu mikoranire y’ubukungu.

Byatumye hari abibaza impamvu gahunda yo gucyura impunzi ziri muri iki gihugu itihutishwa ndetse n’abakekwaho Jenoside bahihishe bakagezwa imbere y’ubutabera.

Gusa Perezida Kagame yamaze impungenge ko nta gahunda u Rwanda rufite yo gushyira igitutu kuri Zambiya kuri iki kibazo.

Yavuze ko u Rwanda rwimakaje inzira y’ibiganiro kugira ngo iki kibazo kibonerwe umuti unyuze impande zombi.

Yabitangarije mu kiganiro we na Perezida Edgar Lungu bagiranye n’abanyamakuru, mbere gato y’uko asoza uruzinduko rw’iminsi ibiri yagiriraga mu Rwanda, kuri uyu wa Kane tariki 22 Gashyantare 2018.

Yagize ati “Byose ni amahitamo kuko ntiwahatira umuntu ubwenegihugu cyangwa ngo umuhatire gusubira iwabo utarebye niba bimwe mu byifuzo bye byarubahirijwe. Natwe ni muri urwo rwego u Rwanda rwagiye ruganira n’ibihugu bitandukanye.

“Ndizera kandi ko biri mu nzira bikorwa kandi impande zombi zibyumvikanaho, kuko n’abandi bafatanyabikorwa bagombwa kugaragaramo nk’abo mu Muryango w’Abibumbye bashinzwe iby’impunzi. Si ikibazo cy’ibihugu bibiri gusa.”

Perezida Lungu, uvugwaho ko igihugu cye gicumbikiye abakekwaho ibyaha bya Jenoside, avuga ko igihugu cye cyafunguye imiryango kititaye ku binjira kuko bose baje basaba ubuhunzi.

Gusa yongeyeho ko Zambia yiteguye gufatanya n’u Rwanda kugira ngo abakurikiranyweho ibyaha bya Jenoside bahihishe bagezwe imbere y’ubutabera.

Ati “Abanyarwanda twakiriye guhera mu 1994 ni Abanyarwanda baje ari impunzi ariko ntitwari tuzi ibyo basize bakoze kuko ntitwari aha (mu Rwanda). Ariko imiryango mpuzamahanga na UN bagiye badufasha gushyiraho uburyo bwo gutandukanya impunzi zari zarakoze ibyaha n’izari abere.”

Yavuze ko igihugu cye nta kibazo gifite cyo gufasha u Rwanda na UN gukurikirana Abanyarwanda bakurikiranyweho Jenoside bari mu gihugu cye. Anizeza ko Zambia itazacumbikira iteka ryose abantu bahaba nta mpamvu ifatika itumye batura.

Mbere y’uko Perezida Lungu asoza uruzinduko yagiriraga mu Rwanda, hanabayeho gushyira umukono ku masezerano anyuranye hagati y’ibihugu byombi. Mu yasinywe harimo ay’ubutwererane yashyizweho imikono na ba minisitiri b’ububanyi n’amahanga b’ibihugu byombi.

Hanasinywe kandi amasezerano y’ubufatanye mu bijyanye n’ishoramari, amasezerano y’ubufatanye mu bijyanye no guterana inkunga mu bumenyi n’ikoranabuhanga, amasezerano y’ubufatanye hagati z’urwego rw’abikorera mu Rwanda n’urwa Zambia.

Umuyobozi wa C&H Candy Ma ashyikiriza impano Perezida Edgard Lungu

Byari ku mugoroba wo kuri uyu wa 21 Gashyantare 2018, ubwo Perezida Edgard Lungu uri mu ruzinduko rw’iminsi ibiri mu Rwanda, yasuraga agace gakoreramo inganda kazwi nka Special Economic Zone, gaherereye i Masoro mu Karere ka Gasabo.

Dore mu mafoto Perezida Edgard Lungu ahabwa impano n’abayobozi ba C&H

Iyi mpano yahawe na C&H yamushimishije cyane

Yahise anayambara mu rwego rwo kwerekana ko ayishimiye

Abayobozi ba C&H bakomeje kumwereka imyambaro itandukanye bakora

Bakorera isoko rypo mu Rwanda ndetse bakaba bafite n’amasoko hanze yarwo

Abakozi b’uruganda C&H bamweretse urugwiro ubwo yabasuraga

Perezida Edgard Lungu asobanurirwa ibikorerwa muri aka gace kahariwe ingana muri Kigali

Yari aherekejwe na Minisitiri w’Ubucuruzi n’inganda Munyeshyaka Vincent na Minisitiri w’Uburezi Dr Mutimura Eugene

Perezida Edgard Lungu yanasuye kandi uruganda Uruganda Africa Improved Foods, rukora ifu ikungahaye ku ntungamubiri

Yatemberejwe muri uru ruganda asobanurirwa uburyo rukora

Muri urwo ruzinduko abakaraza b’urukerereza bari bahari bashimisha abarwitabiriye mu murishyo

Ibiganiro byari byashyushye ku meza bari bicayeho

Yabitangaje ubwo yakiraga ku meza mugenzi we wa Zambia Perezida Edgar Lungu, ku mugoroba wo kuri uyu wa Gatatu tariki 21 Gahyantare 2018.

Perezida Kagame yasangiye na Perezida Lungu, nyuma y’ingendo zitandukanye yakoreye muri Kigali, zirimo kureba amateka yaranze Jenoside ku rwibutso rwa Kigali ruherereye ku Gisozi no kuba yarasuye igice cyahariwe inganda cya "Special Economic Zone."

Perezida Kagame afata uruzinduko rwa Lungu mu Rwanda nk’ikimyenyetso gifatika kiranga ubumwe bukomeje bukwiye kuranga Abanyafurika.

"Ku bucuti"

Yagize ati "Duhujwe cyane n’ubushake mu kubaka Umuryango wa Afurika yunze Ubumwe uhamye kandi ukora neza, ufite ubushobozi bwo guha serivisi zinoze abatuye uyu mugabane.

Yavuze ko ubumwe buranga Abanyafurika muri iki gihe ari ikimenyetso cy’uko Afurika itangiye gusatira kwibohora yaharaniye kuva kera.

Perezida Kagame yashimye ubucuti buranga ibihugu byombi

Uretse ubucuti u Rwanda na Zambia bisanganywe, bihuririra mu miryango itandukanye yo mu karere, harimo uwa IGCLR ushinzwe guharanira umutekano n’uw’ubucuruzi wa COMESA.

Perezida Lungu arasoza uruzinduko rwe rw’iminsi ibiri yagiriraga mu Rwanda kuri uyu wa Kane tariki 22 Gashyantare 2018.

Perezida Lungu nawe yemeje ko "ifuni ibagara ubucuti ari akarenge"

Minisitiri w’Intebe Edouard asuhuza umwe mu bashyitsi

Perezida Lungu yunamiye abashyinguye mu Rwibutso rwa Jenoside rwa Kigali

Perezida Lungu yatemberejwe ibice bigize uru rwibutso, anasobanurirwa amateka atandukanye y’u Rwanda kuva ku gihe cy’ubukoloni no kugeza muri Jenoside.

Mu butumwa yageneye uru rwibutso, yavuze ko yababajwe n’aho politiki y’ubukoloni muri Afurika yo "Gucamo abaturage ibice kugira ngo ubayobore" yagejeje u Rwanda.

Yagize ati "Dufite byinshi twakwigira aha nk’Abanyafurika. Ntidukwiye gukomeza kwemera gucibwamo ibice. Nta n’ubwo dukwiye gukomeza guhanga amaso amahanga, ahubwo dushikame ku Bunyafurika."

Yakiriwe na Minisitiri w’Umuco na Siporo Uwacu Julienne

Perezida Lungu ari mu Rwanda kuva mu gitondo cyo kuri uyu wa Gatatu tariki 21 Gashyantare 2018. Ari busure n’igice cyagenewe inganda giherereye i Masoro, mbere yo gusangira ku meza na Perezida Kagame ku mugoroba.

Ari mu Rwanda mu rwego rw’imibanire hagati y’u Rwanda n’igihugu cye, n’ubundi isanzwe ihagaze neza.

Yatemberejwe mu bice bigize urwibutso rwa Jenoside rwa Kigali yirebera amateka yaranze Jenoside

Nyuma yo gusura uUrwibutso yasize ubutumwa butanga isomo ku Banyarwanda no kuba Nyafurika muri Rusange

Bamuyoboye ku mva ishyinguyemo 250,000 y’abatutsi bishwe muri Jenoside

Amaze kunamira Abatutsi bashyinguye ku Gisozi yaganirije abanyamakuru

Perezida Kagame yakira Perezida Lungu wari ukimara kugera i Kanombe

Ahagana ku isaha y’isaa Tanu n’igice zo kuri uyu wa Gatatu tariki 21 Gashyantare 2018, nibwo Perezida Lungu yari ageze ku kibuga k’indege cya Kanombe.

Mu mezi umunani gusa abaperezida bombi bamaze kugendererana inshuro eshatu, zirimo uruzinduko rwabanje rwa Perezida Kagame muri Kamena 2017.

Ingendo ebyiri zisigaye zakozwe na Perezida Lungu, waje ubwa mbere mu Rwanda mu gihe cyo kurahira kwa Perezida Kagame, hakiyongeraho n’urw’uyu munsi.

Perezida Lungu yageze mu Rwanda ahagana ku isaha y’isaa Tanu n’igice

Perezida Kagame ubwo yaherukaga muri Zambia umwaka ushize

Perezida Lungu yaherukaga mu Rwanda mu gihe cy’irahira rya Prezida Kagame, aho yaje kumushyigikira ubwo yarahiraga tariki 28 Kanama 2017.

Perezida Kagame we yaherukaga muri Zambia tariki 19 Kamena 2017, aho yari agiye mu ruzinduko rw’akazi.

Icyo gihe abaperezida bombi basangiye ku meza, ku munsi wa kabiri asura akarere ka Kafue karimo uruganda rukora ibyuma rwa ’Kafue Steel Company’, mu rwego rwo kumenya imikorere y’inganda zo muri iki gihugu.

U Rwanda na Zambia bisangiye umubano mwiza ushingiye kuri Politiki. Minisitiri w’ububanyi n’amahanga wa Zambia yavuze ko uruzinduko rwa Perezida Kagame rwari ingenzi ku bihugu byombi kuko bikeneye kungurana ubumenyi.

Biteganyijwe ko mu ruzinduko rwe mu Rwanda, Perezida Lungu azasura urwibutso rwa Jenoside rwa Kigali ruherereye ku Gisozi, agakurikizaho gusura igice cyahariwe inganda cya ’Special Economic Zone’, mbere yo gusangira ku meza na Perezida Kagame.

Perezida Kagame na Edgar Lungu wa Zambia mu biganiro

Yabitangaje ku munsi wa mbere w’uruzinduko rw’akazi yagiriye mu gihugu cya Zambia, rwatangiye kuri uyu wa 19 Kamena 2017.

Mu biganiro yagiranye na Perezida Edgard Lungu wa Zambia, Perezida Kagame yashimye byinshi bimaze kugerwaho mu mubano w’u Rwanda na Zambia, ahamya ko ubufatanye bw’ibi bihugu buzatuma n’ibindi byinshi bigerwaho, cyane cyane mu bucuruzi.

Yagize ati “Ubucuruzi buracyari ku gipimo cyo hasi ariko bushobora kwiyongera. Nizeye ko dushobora kongera ubufatanye bwacu mu kohererezanya no gutumiza ibicuruzwa.

Turashaka kongera no gushyira ingufu mu mikoranire hagati y’abaturage b’ibihugu byombi, kugira ngo twubake umubano ukomeye ushingiye ku bukungu.”

Ibiganiro byitabiriwe n’abayobozi batandukanye mu bihugu byombi

Muri ibi biganiro kandi Perezida Kagame yavuze ko ubufatanye buri hagati y’ibihugu byombi, bwatumye Kompanyi Nyarwanda ikora ubwikorezi mu Ndege RwandAir, igira icyerekezo i Lusaka mu Murwa mukuru wa Zambia.

Yavuze ko u Rwanda rwishimiye cyane kuba iki gikorwa cyaragezweho, anizeza koi bi biganiro yagiranye na Perezida Edgar Lungu birushaho gukomeza uwo mubano mwiza usanzwe hagati y’ibihugu byombi.

Yanagarutse ku mavugurura y’Umuryango w’Ubumwe bwa Afurika yakoze afatanyije n’itsinda ry’inzobere icyenda , avuga ko Afurika ikwiriye gukomeza gushyira hamwe, ikavuga rumwe kugira ngo izabashe kugira ijambo mu ruhando Mpuzamahanga.

Ibiganiro byo ku munsi wa mbere byasoje hasinywa amasezerano y’ubufatanye mu by’indege, igisirikare, umutekano no kohererezanya abanyabyaha.

Hasinywe amasezerano y’Ubufatanye hagati y’ibihugu byombi

Muri uru ruzinduko rugikomeje abakuru b’ibihugu byombi banasuye uruganda rutunganya ibyuma ruherereye mu Mujyi wa Kafue, ndetse by’umwihariko Perezida Kagame ashyira indabo ku rwibutso rw’aho abaperezida batatu ba Zambia baheruka bitabye Imana bashyinguye.

Uruzinduko rwa Perezida Kagame muri Zambia rurakomeje

Reba Video y’Uruzinduko rwa Perezida Kagame muri Zambia