Ikanzu y’umweru igaragaza ko umugeni ari umuziranenge

Mu mwaka wa 1840 nibwo umwamikazi w’ubwongereza witwa Victoria yagaragaye yambaye ikanzu yera ku bukwe bwe.

Ubusanzwe abageni b’icyo gihe bambaraga ikanzu y’ibara ritukura ariko kuva icyo gihe abageni bose bahise batangira kwambara amakanzu y’umweru. Ibara ry’umweru ngo rishushanya kandi ubusugi n’ubuziranenge bw’umugeni.

Indabo umugeni afata mu ntoki mu gihe cy’ubukwe zo zivugwaho byinshi. Mu bihe bya kera ngo isuku y’abantu yari nke bityo umugeni akambara mu mutwe ikamba ry’indabo zihumura.

Uko ibihe bisimburana indabo umugeni yaje kuzitwara mu ntoki. Abandi bakemera ko bwari uburyo bwo kwirukana imyuka mibi.

Mu gihe cy’ibyorezo bidasanzwe umugeni yakoreshaga tungurusumu kugira ngo umwuka mubi watewe n’uburwayi ntiwumvikane.

Kwambara agatimba ku bageni byaturutse ku myumvire itandukanye nko gukingira umugeni imyuka mibi n’ibindi.

Mu bihe byo hambere umugeni yabaga ahishe atagomba kugaragarira amaso ya rubanda ngo bamenye amarangamutima cyangwa inenge afite.

Umugabo ashyira umugore we ibumoso mu rwego rwo kumurinda

Akenshi mu bihe byahise hari abashyingirwaga ku gahato cyangwa habayeho kumvikana kw’ababyeyi abana batabigizemo uruhare, bakabashyingira bataziranye umugabo akabona umugeni ku munsi w’ubukwe amutwikuruye ishuka kuko agatimba kari kataraza.

Undi muco wo hambere ni uw’uko umuhungu yabaga agombaga guhitamo umukobwa umwe mu bandi, uwo ahisemo akamutwikira ishuka nk’ikimenyetsio cy’uko ariwe yahisemo.

Kwambara impeta y’ikimenyetso cy’isezerano (Alliance) ku kuboko kw’ibumoso ku rutoki rukurikira agahera bifite igisobanuro kijyanye n’imyemerere y’Abanyamisiri bizeraga ko urwo rutoki rufite umutsi w’urukundo utwara amaraso byihuse ku mutima.

Kwambara impeta ku bageni bifite inkomoko mu Misiri

Impamvu umugore ajya ibumoso bw’umugabo we bifite igisobanuro cyo kurinda umugeni.

Mu gihe cyo ha mbere ubwo umugabo yagombaga gushimuta umugore we, umugabo yashyiraga umugore we ku rutugu rw’ibumoso kugira ngo arwanishe inkota iri mu kaboko k’iburyo.

Byaje kuba umuco umugabo wese agatwara umugore we ibumoso kugira ngo amurinde uwaba atishimiye ubukwe bwabo. Kugera n’ubu umugabo afata umugeni we mu kaboko k’ibumoso.

Guca bugufi usaba umukobwa ko mwabana aribyo ubu bizwi nko gutera ivi, bijyanye n’imyemerere y’abo hambere ijyanye n’umuco w’icyo gihe wo gusenga.

Bikajyana nanone no mu gihe cy’ingabo n’abami aho ingabo zacaga bugufi imbere y’umwami zimuha icyubahiro akwiye.

Kuri ubu rero umusore atera ivi agaca bugufi nk’ikimenyetso cy’uko yubashye umukunzi we kandi ko umukunzi we afite uburenganzira bwo kwemera cyangwa kwanga ko babana. Icyemezo kikava ku mukobwa.

Abakobwa cyangwa abahungu baherekeza umugeni bifite inkomoko mu ba Romani.

Abakobwa cyangwa abahungu (Les demoiselles/garcons d’honeur) baherekeza umugeni bafite inkomoko mu ba romani.

Mu bihe bya kera bemeraga ko habaho imyuka mibi. Niyo mpamvu umugeni yajyaga gusezerana aherekejwe n’abagenzi be bambaye kimwe bityo bikaba uburyo bwo kumurinda imyuka mibi n’ibyago.

Gutera indabo kw’umugeni ngo hagire umwe muri bagenzi be b’abakobwa uzifata bifite igisobanuro cy’uko uwo ziguyeho aba ari umunyamahirwe.

Benshi uwo muhango bawukoraga bakiva mu Kiliziya cyangwa mu rusengero kuko bizeraga ko izo ndabo ziba zahawe umugisha. Umunyamahirwe ziguyeho nawe akazagira ibirori byiza.

Indabo zifite igisobanuro gikomeye ku bageni

Imwe muri iyo mico ubu ifite igisobanuro gitandukanye n’icyo yari ifite mu nkomoko yayo.

Ese gusuhuza umuntu utanga umukono cyangwa ikiganza byaturutse he?

Guhana ibiganza uramukanya bifite icyo bisobanuye

Hambere mu myaka ya cyera , ku migabane itandukanye kubera intambara zagiye zibaho abantu bakagirira abandi nabi bifashije intwaro nk’imbunda cyangwa icyuma, nta muntu warukigirira undi ikizere buri wese yabaga afite impungenge ko uwo bahuye yamugirira nabi.

Gusuhuza umuntu umuhaye ikiganza bwari uburyo bwo kumwereka ko nta ntwaro ufite iyariyo yose kandi ko utagambiriye kumugirira nabi, uwo muhuye ukamuhereza ikiganza akabona ko ashobora kukugirira ikizere nawe akaguhereza ikindi.

Kugeze ubu rero uwo muco uracyahari, ubu ukaba ari umuco uranga imyitwarire myiza kuko utabikoze agaragara nk’udafite uburere.

Imvano yo kwayura umuntu ashyize ikiganza ku munwa

Kwayura ufashe ku munwa ni ikimenyetso cy’Ikinyabupfura

Kenshi uzasanga umuntu wayuye ntashyire ikiganza ku munwa abo bari kumwe bahindukiye bakamureba ndetse rimwe na rimwe bakamutangarira.

Kwayura ugashyira ikiganza ku munwa ubu ni umuco uranga ikinyabupfura ubikoze afite. Ariko Ushobora kwibaza aho byavuye.
Hambere ababikoraga bari bafite indi myumvire, bizeraga ko wayuye ntupfuke ku munwa roho ishobora kugucika ikaguruka ikigendera.

Icyo gihe rero uwayuraga yashyiraga ikiganza ku munwa kugirango roho itamucika. Hari n’abandi babikoraga mu myizerere yo kugirango hatagira imyuka mibi ya sekibi ibinjiramo iciye mu kanwa.

Ese ni iyihe mpamvu abantu bakuramo ingofero bitewe naho bagiye kwinjira?

Gukuramo ingofero ni ikimenyetso ubusanzwe kigaragaza icyubahiro umuntu ahaye abantu n’aho ari

Gukuramo ingofero biri mu bigaragaza icyubahiro n’ikinyabupfura nk’igihe umuntu agiye kwinjira aho basengera cyangwa ugiye gusuhuza ukuruta.

Uyu muco ariko waturutse mu mateka y’abaromani, aho bagiraga abasirikare bagendera ku ndogobe ndetse n’abami bafatwaga nk’imana, abo basirikare bubahaga cyane abami babo.

Babaga bambaye ingofero zikoze mu byuma zimanutse mu ijosi zigenewe kubarinda.

Mbere yo kwinjira mu ngoro y’umwami babanzaga gukuramo ingofero zabo kugirango ijosi rijye ahagaraga bagaca bugufi kugirango umwami niyifuza kubaca umutwe bimworohere.

Ibyo byakorwaga mu rwego rwo kwereka ikizere kidasanzwe umusirikare yagiriraga umwami.

Imvano yo kubwira uwitsamuye urakire

Iyo umuntu yitsamuye mu kinyabupfura bamubwira Urakire

Umuntu wese witsamuye atari wenyine abwirwa jambo” urakire” ni umuco uba mu ndimi zose mu bantu batandukanye b’isi bikaba ari nko kumwifuriza ibyiza.

Inkomoko yo kubwira umuntu ngo urakire ituruka k’ukuntu icyo gikorwa kigendana no guhagarara kwa kanya gato k’umutima k’uwitsamuye.

Iyo ukoze ubushakashatsi kuri internet ubona ibisubizo byinshi bitandukanye ; kubwira umuntu ngo arakire igihe yitsamuye ni nko kumwifuriza amahirwe mu buzima bushya aba atangiye nyuma yo kwitsamura kuko ngo umutima uba wahagaze mu gihe byabaga.

Abagereki bo batekerezaga ko hari umwuka w’Imana aho hafi iyo umuntu yitsamuraga ibyo bigatuma batanga ibyifuzo byabo.

Dore urutonde rwerekana uko bakurikirana mu mitungo bafite n’aho bayikomora

1. Alice Walton

Alice Walton umunyamerikakazi,aza ku mwanya wa mbere mu bagore b’abaherwe ku isi. Ni umugore w’imyaka 68 akaba umwe mu bashinze sosiyete ya Walmart ikora ibijyanye n’ibiribwa.

Kuri ubu,umutungo we ubarirwa muri miliyari 38 z’Amadorari ya Amerika asaga Tiriyari 32 na Miliyari 490 y’Amanyarwanda, akaba awukomora nawe ku muryango we wawumuraze.

2. Liliane Bettencourt

Liliane Bettencourt ukomoka mu Bufaransa, ni we mugore wazaga ku mwanya wa kabiri mu baherwe b’abagore ku isi. Yitabye Imana ku myaka 94 akaba umwe mu bashinze sosiyete ikora amavuta ndetse n’ibindi bikoresho by’ubwiza yitwa L’Oreal.

Iyo sosiyete ayikomora mu muryango we, aho kugeza ubu umutungo we n’ubwo atakiriho ubarirwa muri miliyari 36 z’Amadorari ya Amerika, asaga tiriyari 30 na miriyari 780 z’Amanyarwanda

3. Jaqueline Mars

Jaqueline Mars ni Umunyamerikakazi w’ imyaka 78. Ni we uza ku myanya wa wa gatatu mu bagore b’abaherwe ku isi .

Jaqueline Mars afite imigabane myinshi muri sosiyete itunganya ibikomoka ku buhinzi yitwa Mars incorporated.

Iyo sosiyete yashinzwe na se umubyara Forrest Eduard Mars na Sekuru Franklin clarence Mars, baza kumugeneramo imigabane aho kugeza ubu,afite umutungo ubarirwa muri miliyari 32 z’Amadorari ya Amerika asaga Tiriyari 27 na Miriyari 360 y’Amanyarwanda.

4.Maria Franca Fissolo

Maria Franca Fissolo ni Umutaliyanikazi uza ku mwanya wa Kane ku rutonde rw’abagore b’abaherwe ku isi, akaba afite imyaka 76. Uyu mugore ayoboye sosiyete ikora chocolat yitwa Nutella.

Sosiyete Nutella ni imwe muri sosiyete umugabo we Michelle Ferrero yari ayoboye , akaba yarayiyoboye asimbura se witwaga Pietro Ferrero.

Umutungo wa Maria Franca Fissolo kuri ubu ubarirwa muri miliyari 22 z’Amadorari ya Amerika, asaga Tiriyari 18 na Miriyari 810 y’Amanyarwanda.

5.Susanne Klatten

Susanne KLatten ni Umudagekazi w’imyaka 55 y’amavuko, akaba aza ku mwanya wa gatanu kuri uru rutonde. Ubu ni umugenzuzi wa sosiyete ikora ibinyabiziga yitwa BMW.

Herbert Quandts ni umwe mu bashinze Sosiyete Bayerische Motoren Werke (BMW) akaba ari se wa Susanne Klatten. Yamusigiye imigabane ingana na 12% by’iyo sosiyete, Kuri ubu umutungo we, ubarirwa muri miliyari 20 z’Amadorari ya Amerika, asaga Tiriyari 17 na Miriyari 100 y’Amanyarwanda.

Bob Marley Umwami w’injyana ya Reggae

Mu by’ukuri, umuryango w’Abarasta watangijwe n’Umunya-Jamaica witwa Marcus Garven mu mwaka wa 1920, agendeye ku myumvire ndetse n’inzozi yari afite z’uko umwirabura yahabwa agaciro yimwaga n’abakoloni.

Marcus yagiye avuga amagambo atuma afatwa nk’intumwa cyangwa umuhanuzi aho yerekanaga ko umwirabura yagombye kuba yubashywe, akambikwa ikamba.

Yagize ati “Mwerekeze amaso yanyu muri Afrika aho umwami w’umwirabura agomba kwambikwa ikamba”

Ntibyatinze inzozi ze zabaye impamo mu mwaka wa 1930,muri Ethiopia himikwa umwami witwaga Ras Tafari waje kwitwa Haile Selassie wa mbere ajya ku ntebe y’ubwami.

Ni yo mpamvu amabara y’ibendera rya Ethiopia ahura n’ay’ibendera ry’Abarasta gusa bo bakongeramo intare nayo ifite igisobanuro cy’umuryango wa Israel. Umwami Haile Selassie bivugwa ko akomoka ku mwami Salomon uvugwa muri Bibiliya.

Haile Selassie wa mbere bivugwa ko akomoka ku Mwami salomon

Umuryango w’Abarasta ufite imyemerere ndetse n’amabwiriza ugenderaho ashingira cyane cyane,ku mirongo ya bibiliya,imyinshi iri mu isezerano rya cyera.

Muri ayo mategeko harimo abuza Abarasta kugira igikoresho gityaye gikora ku mutwe ari nayo mpamvu batogosha ubwanwa n’imisatsi.

Dore imwe mu myemerere ya Kirasta n’amategeko bagenderaho:

– Imana bayita Jah ikaba impine ya Jehovah

– Abanyafurika bakomoka k’Umuryango wa Israel

– Bibiliya ni igitabo cyasubiwemo mu nyungu z’abazungu kuko ubundi yezu yari
umwirabura.

– Kuri bo Ethiopiya ni igihugu cy’isezerano

– Abarasta ntibanywa ibisindisha (alcool)

– Kirazira kurya inyama ahubwo uzatungwa n’ibimera (ari naho bavana ko
kunywa urumogi nta cyaha kibirimo kuko ari ikimera)

– Nta gikoresho gityaye gikora ku mutwe w’umunyakuri

Imvano yo gusuka dreadlock iva muri ayo mategeko yabo aho bavuga ko umusatsi w’umuntu ugomba kwimeza nk’uko mu gitabo cyo muri Bibiliya kitwa Ibarura umutwe wa 6 umurongo wa 5 havuga. Iyi ni yo mpamvu batereka imisatsi y’umwimerere cyangwa bakayiboha

Amakuru dukesha urubuga rwa www.jesuiscultive.com, avuga ko imisatsi bayiboha kuko ari byo biborohera mu buzima bwabo bwa buri munsi, bitabasabye gusokoza cyangwa ngo bibasabe kwita ku misatsi cyane.