Amwe mu mafoto agaragaza ubukana bwa Jenoside yakorewe Abatutsi mu Rwanda

Iri murika ry’amafoto ryabaye tariki 10 Ugushyingo 2017, ryari ribaye ku nshuro ya kane ritegurwa n’umuryango Ibuka uharanira inyungu z’abarokotse Jenoside yakorewe Abatutsi.

Marc Duvivier, uyobora Umujyi wa Ath, yavuze ko Jenoside ari icyaha ndengakamere atanabasha kubonera izina. Yavuze ko iri murika rizafasha abatazi Jenoside yakorewe Abatutsi kumenya amateka yayo.

Yagize ati "Turashishikariza abaturage ba Ath n’Ababiligi bose muri rusange kumenya amateka ya Jenoside yakorewe Abatutsi mu Rwanda no kuzirikana ububi bw’icyo cyaha ndengakamere kugira ngo abantu babashe kugikumira cyoye kuzongera kubaho ukundi ku isi.”

Déo Mazina uyobora IBUKA, Ishami ryo mu Bubiligi, asobanura byinshi kuri iri murika

Yijeje abari aho ko Umujyi ahagarariye ugiye gufungura isomero ry’ibitabo birebana na Jenoside zose zabaye ku isi harimo n’iyakorewe Abatutsi bo mu Rwanda.

Déo Mazina uyobora IBUKA, Ishami ryo mu Bubiligi yashimiye abayobozi b’uyu mujyi bakiriye iri murika ry’amafoto.

Yagaragaje impungenge IBUKA iterwa no kubona ahari abakekwaho ibyaha bya Jenoside bakidegembya mu Burayi n’ahandi ku isi, ariko by’umwihariko mu Bubiligi.

Faustin Musare, Umujyanama wa mbere muri Ambassade y’u Rwanda mu Bubiligi(ibumoso), Déo Mazina uyobora IBUKA yo mu Bubiligi(hagati), n’ababakiriye mu mujyi wa Ath

Yashimye Ubushinjacyaha bw’u Bubiligi kuba bwaratangiye gukurikirana abagabo batatu bakekwaho ibyaha bya Jenoside aribo Fabien Neretse, Ernest Gakwaya uzwi cyane nka Camarade na Emmanuel Nkunzuwimye uzwi cyane nka Bomboko.

Iri murika rimaze kuzenguruka ibihugu byinshi by’i Burayi na Amerika. Ryerekanywe mu gihugu cya Canada no muri Leta Zunze Ubumwe za Amerika no mu Muryango w’Abibumbye.

Abo bahanzi nibo bazasusurutsa abazitabira icyo gitaramo

Uwo muganura uzizihizwa mu gitaramo kizabera i Blankenberge, mu nzu yubatse hagati mu mazi yitwa PIER, iherereye kuri Zeedijk, 261- 8370, ku itariki ya 19 Kanama 2017.

Icyo gitaramo kizasusurutswa n’abahanzi b’Abanyarwanda n’ abakomoka mu bindi bihugu.

Emmanuel Mwiseneza (Manu), utegura icyo gitaramo avuga ko n’abatazabasha kwitabira uwo muganda ndetse n’umuganura, nabo bemerewe kwitabira icyo gitaramo.

Abahanzi bazasusurutsa abazitabira icyo gitaramo harimo abaririmba indirimbo za karahanyuze nka Maréchal De Gaulle. Hazaba hari n’umuhanzi Fayçal uzwi ku izina rya KODE, Ras Kayaga (Maguru) na Hope.

Kuri abo hiyongeraho umuhanzi ukomoka muri Ghana witwa Kaye Styles, uzwi mu ndirimbo ikoreshwa muri filime y’uruhererekane yamamaye ya “Prison Break”.

Icyo gitaramo kandi kizashyushywa n’abasore bazwi mu bihugu by’Ububiligi, Ubuholandi n’Ubufaransa ari bo DJ Saido na DJ Deliciaz.

Icyo gitaramo kizabera muri iyi nzu iri mu mazi

Icyo gikorwa cy’umuganda kizabanziriza ibyo birori by’umuganura, ni igikorwa gisanzwe kitabirwa n’Abanyarwanda baba mu Bubiligi.

Hashize imyaka ine bitabira uwo muganda mu Karere ka Flandres y’Iburengerazuba. Ni ukuvuga mu Karere k’Ababiligi bavuga ururimi rw’Igifurama.

Ako gace gakoresha uru rurimi kabamo abaturage batari bazi u Rwanda mu myaka nka 20 ishize.

Bakaba baratangiye kurumenya buhoro buhoro biturutse ku Banyarwanda bagiye kuhatura banahashaka imirimo. Ako gace kabamo akazi kenshi mu birebana n’ubukerarugendo.

Abanyarwanda baba muri ako karere, cyane cyane akegereye inkengero z’inyanja y’amajyaruguru (Mer du Nord), bamenyekanye kuva muri 2000.

Bamenyekanye ubwo abatari bacye bari bamaze kwinjira mu kazi k’aho maze ababakoresha n’ababagana bagatangira kwibaza aho baturuka. Baje kwishimira umuco n’imikorere by’Abanyarwanda bituma bashaka kubamenya byimbitse.

Binyujijwe ku buyobozi bwa DRB-Rugari (Diaspora Nyarwanda iba mu Bubiligi) ishami rya Flandres y’Iburengerazuba, Abanyarwanda baba muri ako karere bashatse uburyo bahatangiza ibikorwa by’umuganda.

Abanyarwanda bagize DRB-Rugari, ishami rya Flandres y’Iburengerazuba rya Diaspora Nyarwanda mu Bubligigi bategura umuganda buri mwaka bagamije gufasha abaturage baturiye inkombe z’Inyanja ya Ruguru gukora isuku

Bifatanyije n’ubuyobozi bw’amashyirahamwe y’abakorera ku nkombe z’inyanja ya ruguru n’Ubuyobozi bwa Komine ya Blankenberge, batangiye ibikorwa ngarukamwaka by’umuganda kuva mu mwaka wa 2013. Mu mwaka wa 2016 nibwo haje kwiyongeraho Umuganura.

Umuganda wabaye ipfundo rikomeye ry’ubufatanye hagati y’Umujyi wa Blankenberge n’Umuryango Nyarwanda uba mu Bubiligi ku buryo havukiye mo n’umushinga w’ubufatanye hagati y’Akarere ka Bugesera mu Rwanda n’akarere Blankenberge.

Yvette Umutangana, uhagarariye Abanyarwanda baba mu Karere k’Iburengerazuba mu Bubiligi avuga ko ibyo bikorwa byose bihesha agaciro n’ishema u Rwanda.

Nyuma y’umuganda, abawitabiriye bahurira mu biganiro bigamije gusobanura inkomoko yawo ndetse n’icyo umarira abawukora n’aho ukorerwa.