Handball muri 2023, u Rwanda rwongeye kwiyereka amahanga

U Rwanda rwakinnye bwa mbere igikombe cy’isi cya Handball (U19)

U Rwanda rwakoze andi mateka yo kwitabira bwa mbere igikombe cy’isi

Hari ku wa Gatanu tariki ya 2 Nzeri 2022 muri BK Arena, ubwo u Rwanda rwandikaga amateka mu mukino wa Handball, aho rwabonye itike y’igikombe cy’Isi cyagombaga kubera muri Croatia mu 2023, nyuma yo kunganya na Algeria ibitego 30-30.

Inzozi zaje kuba impamo, ikipe y’Igihugu y’u Rwanda y’abatarengeje imyaka 19 yerekeza ku mugabane w’i Burayi, aho yahereye i Madrid muri Espagne mu myitozo yamaze ibyumweru bibiri, nyuma berekeza muri Croatia mu mujyi wa Varazdin na Rijteka ahabereye igikombe cy’Isi.

Ikipe y’u Rwanda U19 yahawe idarapo mbere yo kwerekeza i Madrid na Croatia

Mu mikino irindwi u Rwanda rwakinnye mu gikombe cy’Isi, rwasoje irushanwa rutsinzemo itatu rutsindwa ine, mu mikino y’amatsinda u Rwanda rwatsinzwe itatu (Portugal, Croatia na Algeria), ruza kujya mu mikino yo guhatanira imyanya, muri iyo mikino u Rwanda rwatsinzemo itatu irimo Maroc, Nouvelle Zélande ndetse na Leta Zunze Ubumwe za Amerika, rusoza ku mwanya wa 27.

U Rwanda rwabashije gutsinda imikino itatu muri irindwi bakinnye

Croatia, abakinnyi babiri b’u Rwanda bahawe ibihembo

Muri iki gikombe cy’Isi, abakinnyi babiri b’u Rwanda bahawe ibihembo byo kuba abakinnyi bitwaye neza mu mukino (Player of the Match), abo ni Akayezu André wahembwe ku mukino u Rwanda rwatsinzemo Maroc ibitego 33-32.

Undi ni Kayijamahe Yves wakibonye inshuro ebyiri, ku mukino u Rwanda rwatsinzemo Nouvelle Zelande (New Zealand) ibitego 44-17, n’umukino wa nyuma u Rwanda rwatsinzemo Leta Zunze Ubumwe za Amerika ibitego 41-29.

U Rwanda rwasoje igikombe cy’isi rutsinda USA ibitego 41 kuri 29

Muri iki gikombe kandi, ku rutonde rw’abatsinze ibitego byinshi muri iri rushanwa, Umunyarwanda Kayijamahe Yves yaje ku mwanya wa 5 n’ibitego 55 mu gihe Mbesutunguwe Samuel we yaje ku mwanya wa 6 na we n’ibitego 55. Mu yindi mibare, Umunyarwanda Muhumure Elyse yaje ku mwanya wa mbere mu kwambura imipira abo bahanganye aho yabashije kubatwara imipira 27.

Yves Kayijamahe yabaye umukinnyi mwiza w’umukino inshuro ebyiri

Akayezu Andrew nawe yahembwe nka Player of the Match

Abatarengeje imyaka 17 begukanye igikombe muri Tanzania

Ikipe y’u Rwanda y’abangavu batarengeje imyaka 17 yegukanye igikombe itsinze u Burundi ibitego 32-13, mu mikino y’Akarere ka gatanu muri Handball yasojwe tariki 30 Mata 2023 muri Tanzania, bibahesha itike yo kwerekeza ku rwego rwa Afurika, aho begukanye umwanya wa gatatu muri Afurika mu irushanwa ryabereye muri Côte d’Ivoire.

U Rwanda rwegukanye igikombe muri Tanzania

Abakobwa b’u Rwanda bazengurutse umujyi wa Kigali berekana igikombe

U Rwanda rwegukanye umwanya wa gatatu muri Afurika i Brazzaville

Nyuma yo kwegukana igikombe cy’akarere ka gatanu mu batarengeje imyaka 20 i Nairobi muri Kenya, u Rwanda rwabonye itike yo guhatanira iki gikombe cya Afurika cyabereye i Brazzaville, irushanwa riza kurangira u Rwanda rwegukanye umwanya wa gatatu.

Ikipe y’igihugu y’abatarengeje imyaka 20 yatahanye umwanya wa gatatu muri Afurika, mu mikino yaberaga Brazzaville

ECAHF, Gicumbi na Police ntizakabije inzozi, ariko zatahanye imidali

Mu irushanwa rihuza amakipe yo mu karere ka Afurika y’Iburasirazuba no hagati ’ECAHF’, amakipe yari ahagarariye u Rwanda ari yo Police HC na Gicumbi HT, zabashije zose gusohoka mu matsinda zibona itike ya 1/2.

Ikipe ya Police ntiyabashije kugera ku mukino wa nyuma (Final), nyuma yo gutsindwa na Cereals yo muri Kenya ibitego 28 kuri 25, mu gihe Gicumbi yo yageze kuri Final itsinze Prisons yo muri Uganda ibitego 33-23 .

Police HC yegukanye umwanya wa gatatu i Nairobi muri Kenya

Ikipe ya Police HC yegukanye umwanya wa gatatu itsinze Prisons ibitego 30 kuri 27, naho Gicumbi itsindirwa ku mukino wa nyuma ibitego 34 kuri 32 na Cerelas yo muri Kenya.

Mu mikino y’abafite ubumuga amakipe y’u Rwanda yaraserutse

Ikipe y’Igihugu ya Amputee Football yitabiriye irushanwa ry’Igikombe cya Afurika cy’Umupira w’Amaguru ukinwa n’abantu bafite Ubumuga, ryabereye mu gihugu cya Ghana, ikipe yegukana umwanya wa Gatanu. Iri rushanwa ryari ryitabiriwe n’Ibihugu umunani rikaba ryarakinwaga ku nshuro ya mbere ku mugabane wa Afurika.

Ikipe y’u Rwanda ya Amputee Football yari yitabiriye bwa mbere imikino Nyafurika y’umupira w’amaguru w’abafite ubumuga yabereye muri Ghana yegukanyemo umwanya wa gatanu

U Rwanda rwatangiye rutsinda ikipe y’Igihugu ya Kenya ibitego 2-1, ariko rutsindwa na Angola ibitego 3-1 na Misiri ibitego 4-2, ruhita rujya guhatanira umwanya wa Gatanu rwabonye rutsinze Liberia ibitego 2-1.

Ikipe y’u Rwanda y’abagabo ya sitting volleyball uyu mwaka yitabiriye Igikombe cy’Isi cyabereye mu Misiri yegukanye umwanya wa cyenda mu makipe 10

Muri Sitting Volleyball amakipe y’u Rwanda mu bagabo n’abagore yitabiriye igikombe cy’Isi 2023 cyabereye mu Misiri, hagati y’itariki 11 na 18 Ugushyingo 2023. Muri iri rushanwa Ikipe y’abagabo yegukanye umwanya wa cyenda mu makipe 13 mu gihe ikipe y’abagore yo yegukanye umwanya wa karindwi.

Aya makipe akaba yaranabishimiwe tariki ya 9 Ukuboza 2023 .

Volleyball y’u Rwanda ku rwego mpuzamahanga mu mwaka wa 2023. Incamake

Mu nkuru zaranze umwaka mu mukino wa Volleyball ariko cyane cyane ku rwego mupuzamahanga, zikubiye mu bice nka 3. Aho igice cya mbere ari imikino yo ku rwego rw’amakipe (clubs), aho ay’u Rwanda rwitabiriye hanze y’Igihugu, imikino yo ku rwego rw’amakipe (clubs) rwakiriye ndetse n’imikino yo ku rwego rw’Igihugu amakipe y’Igihugu y’u Rwanda yitabiriye.

Muri rusange u Rwanda rwitabiriye mu mikino mpuzamahanga ari yo: Imikino mpuzamahanga ihuza abapolisi bo mu karere k’Iburasirazuba (EAPCO GAMES 2023), igikombe gihuza amakipe yabaye aya mbere iwayo ku mugabane wa Afurika abagabo n’abagore (CAVB Club championship 2023), igikombe cy’Afurika cy’ibihugu abagabo n’abagore (CAVB NATIONS CHAMPIONSHIP 2023), irushanwa mpuzamahanga rya KAVC, imikino mpuzamahanga yo kwibuka ku shuro ya 29 Jenoside yakorewe Abatutsi, irushanwa rya Nyerere cup, ndetse n’irushanwa mpuzamahanga ry’akarere ka gatanu ry’amakipe, ZOVE V.

EAPCO GAMES.

Mu magambo arambuye EAPCO bivuze (Eastern Africa Police Chiefs Cooperation Organization) iyi akaba ari imikino ihuza abapolisi bo mu karere ka Afurika y’Iburasirazuba aho muri uyu mwaka iri rushanwa ryabereye mu Rwanda, ndetse u Rwanda rukaba rwaraserutse mu mikino itandukanye irimo na volleyball.

Ikipe ya Police VC y’abagabo isanzwe ikina mu cyiciro cya mbere muri shampiyona yo mu Rwanda, yaraserutse aho yari ihanganye n’amakipe arimo Kenya n’u Burundi.

Ikipe ya Police VC ni yo yegukanye iki gikombe cya EAPCO Games, aho yatsinze ikipe ya Police ya Kenya ku mukino wa nyuma.

Iyi mikino isa nk’aho ari yo yatangiye umwaka wa 2023 mu ishyirahamwe ry’umukino wa Volleyball (FRVB), kuko yabaye muri Werurwe 3023.

Muri Gicurasi mu mwaka wa 2023, amakipe yatwaye ibikombe bya shampiyona mu mwaka wa 2022 ari yo REG Volleyball Club mu cyiciro cy’abagabo na APR Women Volleyball Club, yerekeje mu gihugu cya Tuniziya muri CAVB CLUB CHAMPIONSHIP 2023.

Taliki ya 9 kugeza ku ya 22 Gicurasi, ni bwo habanje gukinwa irushanwa ry’abagabo naho abagore (APR VC) ikurikiraho kuva tariki ya 13 kujyeza 26 Gicurasi.

Aya makipe yombi yabashije kurenga ¼ ariko kwerekeza mu cyiciro gikurikira ntibyaboroheye, kuko bose begukanye umwanya wa 6 ku ruhando rwa Afurika kugeza ubu.

Muri Kanama tariki ya 14-25/2023 ikipe y’abagore yitabiriye imikino y’igikombe cy’Afurika cy’ibihugu, CAVB (Nations Championship 2023), yabereye mu mujyi wa Yaoundé muri Cameroun, guhera tariki ya 14 kugeza 25 Kanama 2023.

Muri iyi mikino y’igikombe cya Afurika, ikipe y’Igihugu y’u Rwanda (abagore), yakozemo amateka dore ko ku nshuro ya mbere mu mateka yabashije kugera mu makipe ane ya mbere, aho yasoreje imbere ya Kenya yegukanye igikombe, Tuniziya yabaye iya kabiri ndetse na Cameroon yabaye iya 3 naho u Rwanda rukaza ku mwanya wa 4.

Guhera tariki ya mbere Nzeri ni bwo basaza babo nabo bahise berekeza mu gikombe cya Afurika cyabereye mu Misiri (Egypt) kuva tariki ya 1-15 Nzeri mu mujyi wa Cairo.

Muri iri rushanwa ryamaze hafi ibyumweru 2, ikipe y’Igihugu yegukanye umwanya wa 6 inyuma ya Misiri, Libya, Cameroon, Tuniziya na Algeria.

Tukiri ku makipe y’Igihugu yagiye yitabira imikino mpuzamahanga, ay’umukino wa Volleyball yo ku mucanga mu bato yitabiriye irushanwa ryahuje amakipe y’abato mu bihugu bikoresha ururimi rw’Icyongereza (Youth Commonwealth Games), ryabereye mu gihugu cya Trinidad and Tobago aho u Rwanda rwari ruhagarariwe n’amakipe y’abahungu ndetse n’abakobwa.

Mu cyiciro cy’abagabo u Rwanda rwasezerewe muri ¼ naho abakobwa begukana umwanya wa 10.

Mu makipe y’imbere mu gihugu, mu kwezi kwa Kanama uyu mwaka, POLICE y’abagabo na APR VC y’abagore berekeje mu irushanwa ngarukamwaka rya KAVC mu gihugu cya Uganda, aho iri rushanwa ryatashye mu Rwanda kuko aya makipe yombi ari yo yegukanye ibikombe maze abizana mu rw’imisozi igihumbi.

Nyerere Intenational Volleyball Tournament

Irindi rushanwa mpuzamahanga ryitabairiwe n’amakipe yo mu Rwanda, ni irushanwa ngarukamwaka rya Nyerere Intenational Volleyball Tournament.

Ku itariki ya 7 Ukwakira 2023, ni bwo amakipe ya APR, Police na RRA Volleyball Club, yahagurutse mu Rwanda yerekeza muri Tanzania mu irushanwa ngarukamwaka ryo kwibuka uwahoze ari Perezida w’iki gihugu, ndetse wanaharaniye ubwigenge bwacyo, Mwalimu Julius Kambarage Nyerere witabye Imana tariki 14 Ukwakira 1994.

Iri ryamaze icyumweru, ryabereye mu mujyi wa Moshi ho mu ntara ya Kilimandjaro ryaje naryo gutaha mu Rwanda mu byiciro byose, aho ikipe ya Rwanda Revenue ari yo yaryegukanye mu cyiciro cy’abagabo naho ikipe ya APR VC ikaza kuryegukana mu cyiciro cy’abagabo.

ZONE V

Guhera tariki ya 13-19 Ugushyingo, u Rwanda rwakiriye irushanwa mpuzamahanga ry’akarere ka gatanu rihuza amakipe yabaye aya mbere iwayo, mu byiciro byombi abagabo n’abagore (CAVB ZOVE V CLUB CHAMPIONSHIP) aho iri rushanwa ryitabiriwe n’ibihugu bitandukanye birimo U Rwanda rwakiriye irushanwa, Uganda, u Burundi na Kenya.

Iri rushanwa ryarimo amakipe nka Sport-s na KCCA yo muri Uganda, Amicale yari yavuye i Burundi, Kenya Pipeline yo muri Kenya ndetse n’amakipe yo mu Rwanda arimo APR VC, POLICE, REG VC ndetse na KEPLER VC.

Iri rushanwa ryarebwe n’umubare munini w’Abanyarwanda mu nyubako y’imikino ya BK ARENA, ryaje kwegukanwa n’amakipe ya Kenya Pipe line mu cyiciro cy’abagore ndetse na POLICE VC mu cyiciro cy’abagabo.

Basketball y’u Rwanda ku rwego mpuzamahanga mu mwaka wa 2023. Incamake

Basketball y’u Rwanda ku rwego mpuzamahanga mu mwaka wa 2023 yari ihagaze neza, kuko yaba amakipe y’Igihugu yaba amakuru ndetse n’ay’abato, yose yabashije kwitabira imikino mpuzamahanga kandi yaserutse neza, ndetse tutibagiwe n’amakipe y’imbere mu gihugu.

Muri Kanama uyu mwaka u Rwanda rwakiriye igikombe cya Afurika cy’abagore "WOMEN AFRO BASKET 2023"

Ikipe y’igihugu y’abagore yitabiriye imikino yo gushaka itike y’igikombe cya Africa (FIBA women’s AfroBasket 2023)

Muri Gashyantare ikipe y’Igihugu y’abagore ya Basketball yatangiye umwiherero w’iminsi 10 yitegura kwerekeza mu gihugu cya Uganda, mu marushanwa y’akarere ka gatanu yo gushaka itike y’igikombe cya Africa (FIBA women’s AfroBasket 2023), n’ubwo u Rwanda rwari rufite itike nk’igihugu kizakira iryo rushanwa ryabaye kuva tariki ya 14 kugeza tariki ya 19 Gashyantare muri Uganda mu nzu y’imikino ya Lugogo Arena mu mujyi wa Kampala.

Tariki 28 Ukwakira 2023, i Kigali hatangiye imikino yo gushaka itike yo kwitabira imikino nyafurika ihuza amakipe yabaye aya mbere iwayo (FIBA AFRICA WOMEN BASKETBALL LEAGUE QUALIFIERS)

Ibihugu byitabiriye iyi mikino yari Uganda yari yakiriye iyo mikino, u Rwanda, Misiri, Sudani y’Epfo ndetse na Kenya, ariko u Rwanda ntirwahiriwe n’iyo mikino kuko mu mikino yose rwakinnye uko yari 4 nta n’umwe rwabashije gutsinda.

REG, i Dakar muri Senegal yitwaye neza ihakura itike ya BAL yabereye muri BK Arena

Muri werurwe 2023 taliki ya 7, ikipe ya REG BBC yerekeje i Dakar muri Senegal aho bari bagiye guhatana mu marushanwa ya BAL 2023 mu itsinda ryiswe Sahara Conference, ryari rigizwe n’amakipe 6 aturutse mu bihugu bitandukanye mu rwego rwo guhatanira kuzitabira imikino ya nyuma ya BAL 2023, yari igiye kuba ku nshuro ya 3, bikaba inshuro ya kabiri yikurikiranya ikipe ya REG BBC yongeye guhagararira u Rwanda muri iri rushanwa rya BASKETBALL AFRICA LEAGUE (BAL).

Imbere y’abafana batari bake, ikipe ya REG BBC yasezerewe na AL Ahly yo mu Misiri muri 1/4 muri BK ARENA

Ikipe ya REG BBC yaje kwitwara neza i Dakar, maze ibona itike yo gukina imikino ya nyuma yabereye i Kigali.

Taliki ya 20 Gicurasi, akadomo kashyizwe ku rugendo rwa REG BBC mu irushanwa rya BAL, nyuma yo gutsindirwa muri ¼ n’ikipe ya Al Ahly yo mu Misiri amanota 94 kuri 77, ibyo byatumye ikipe ya REG BBC yuzuza inshuro ebyiri zikurikiranya isezerererwa muri ¼.

BAL 2023 yaje kwegukanwa n’ikipe ya Al Ahly yo mu Misiri, itsinze ku mukino wa nyuma ikipe ya AS Douane yo muri Senegal ku manota 80 kuri 65.

Hasinywe amasezerano mashya yo kwakira BAL mu yindi myaka....

Tariki ya 25 Gicurasi uyu mwaka ni bwo Minisiteri ya siporo y’u Rwanda, yasinyanye amasezerano n’Ishyirahamwe ry’umukino wa Basketball ku mugabane wa Afurika (FIBA-AFRICA), yo gutegura no kwakira igikombe cya Afurika mu bagore (FIBA Women AfroBasket 2023) cyabye muri Kamena 2023.

Tanzania, u Rwanda rwahatanye n’u Burundi ruhakura itike yo kwerekeza muri AfroCAN

Ubwo ikipe y’u Rwanda yahagurukaga yerekeza muri Angola mu mikino ya AfroCan

Muri kamena uyu mwaka, ikipe y’Igihugu ya Basketball yerekeje mu gihugu cya Tanzania, mu gushaka itike yo kwitabira imikino nyafurika ihuza abakinnyi bakina imbere muri afurika, AFRO CAN 2023, u Rwanda ruhabonera itike nyuma yo gutsinda ikipe y’Igihugu y’u Burundi ku mukino wa nyuma mu majonjora ya ‘FIBA Afro-Can Zone 5’, ruyitsinze amanota 70-48.

Ibi byayihesheje kwegukana igikombe ndetse inakatisha itike yo kuzahagararira akarere ka Gatanu mu Mikino Nyafurika ihuza abakina kuri uyu mugabane, yabaye muri Nyakanga ikabera muri Angola, aho u Rwanda rwitwaye neza rutahana umudali w’umwanya wa 3, rutsinze Congo yari ibitse iki gikombe ku manota 82 kuri 73.

U Rwanda rwakiriye AfroBasket mu bagore

Muri Kanama uyu mwaka u Rwanda rwakiriye igikombe cya Afurika cy’abagore "WOMEN AFRO BASKET 2023"

Muri Kanama uyu mwaka u Rwanda rwakiriye igikombe cy’Afurika cy’abagore, AFRO BASKET WOMEN 2023, aho ndetse rwaje kwegukana umwanya wa 4 nyuma yo gutsindwa na Mali mu mukino wo guhatanira umwanya wa 3, aho u Rwanda rwari rwaratsinzwe na Nigeria muri 1/2, aba bakinnyi bakaba baranabonye umwanya wo guhura na Perezida Paul Kagame, abashimira kuba barabashije kugera muri 1/2 mu irushanwa nyafurika.

Ubwo abakobwa b’u Rwanda bageraga muri 1/2, bakiriwe n’umukuru w’igihugu Paul Kagame

REG WBC yakuye umwanya wa Kane i Cairo mu Misiri

Byabaga ari ibyishimo ku bakobwa ba REG WBBC

Muri uku kwezi REG WBBC yerekeje mu Misiri mu irushanwa "FIBA Africa Women’s Basketball League", nyuma yo kubonera itike y’aya marushanwa aho baje gutsindirwa ku mukino wa nyuma na KPA yo muri Kenya inabatwara igikombe

Mu Misiri, REG WBBC yatsinze imikino yose yo mu matsinda, inatsinda uwa 1/4 ariko itsindirwa muri ½ na Kenya Ports Authority amanota 101-97, iza no kubura umwanya wa 3 itsinzwe na Inter Club yo muri Angola amanota 96-89, bituma ikipe ya REG WBBC yegukana umwanya wa 4.

2018 yongeye kuba umwaka abanyarwanda bagaragaje ko bashoboye mu mukino w’amagare, Basketball ho REG na Patriots zikomeze gukubana, mu gihe imikino ngororamubiri yihariwe n’umunyarwandakazi Nyirarukundo Salome.

Amagare

Areruya Joseph yatangariwe na benshi muri 2018, wari umwaka we

2018 isigiye intsinzi abanyarwanda zizahora zibukwa mu mateka y’umukino w’amagare. Bwa mbere abanyarwanda begukanye irushanwa rya La Tropicale Amissa Bongo ryabereye muri Gabon muri Mutarama ritwawe na Areruya Joseph ari kumwe na bagenzi be mu ikipe y’igihugu.

Nsengimana Jean Bosco na Areruya Joseph begukanye imidari muri Shampiona Nyafurika

Muri Gashyantare u Rwanda rwakiriye amarushanwa nyafurika ku nshuro ya kabiri nabwo abanyarwanda bitwara neza aho begukanye imidari 10 u Rwanda ruza ku mwanya wa gatatu mu gutwara imidari myinshi inyuma ya Eritrea na Ethiopia.

Areruya Joseph yatangariwe na benshi muri 2018, wari umwaka we

Areruya Joseph kandi yagukanye Tour de l’Espoir, irushanwa ryitabiriwe n’amakipe y’ibihugu abakinnyi bakomeye muri Afurika batarengeje imyaka 23 mu gihe muri Gicurasi Uwizeyimana Boneventure yakoze andi mateka yegukana Tour du Cameroun ariyo nshuro ya mbere yari yegukanywe n’umunyarwanda.

Ku nshuro ya kane yikurikiranya,Tour du Rwanda yegukanywe n’umunyarwanda

Mugisha Samuel akora amateka yo kuba ariwe mukinnyi wegukanye iri rushanwa akiri muto ku myaka 20 gusa, iyi ikaba ari nayo Tour du Rwanda ya nyuma yari mu cyiciro cya 2.2 mbere y’uko izamurwa igashyirwa kuri 2.1 guhera mu kwezi kwa kabiri umwaka utaha.

Gasore Hategeka yegukanye Rwanda Cycling Cup 2018

Amarushanwa ngarukamwaka ya Rwanda Cycling Cup yabaye ku nshuro ya kane yegukanwa na Gasore Hategeka wa Nyabihu Cycling Club, mu gihe ay’abakobwa yatwawe na Nzayisenga Valentine wa Benediction Club naho Muhoza Jean Eric wa Fly Cycling Club atwara irushanwa ry’ingimbi.

Aimable Bayingana asoje umwaka ari umuyobozi ku rwego rw’Isi

Uyu mwaka kandi usize umuyobozi w’ishyirahamwe ry’umukino w’amagare mu Rwanda (Ferwacy) atorewe kuyobora ishyirahamwe ry’umukino w’amagare mu muryango w’ibihugu bikoresha ururimi rw’igifaransa (Union Francophone de Cyclisme) aho yasimbuye kui iyi ntebe umunya Maroc Mohammed Belmahi mu matora yabereye i Paris mu Kwakira.

Muri uyu mwaka kandi nibwo Bayingana Aimable yongeye gutorerwa kuyobora Ferwacy mu gihe cy’imyaka ine iri imbere.

Ku rundi ruhande 2018 isize intimba mu mitima y’abakunzi b’umukino w’amagare aho watwaye ubuzima bw’uwahoze ari umuyobozi n’umutoza w’ikipe ya Les Amis Sportifs, Nyakwigendera Rugambwa Jean Baptiste wazize impanuka ubwo yari avuye i Musanze yerekeza iwe i Rwamagana nyuma y’amasiganwa yateguraga Tour du Rwanda muri Nyakanga.

Volleyball

Mu mukino w’intoki wa Volleyball, ni umukino waranzwe cyane n’abakinnyi bavuye mu Rwanda bajya kugerageza amahirwe hirya no hino muri Afurika, ndetse n’ikipe y’igihugu y’abangavu yabonye itike y’igikombe cy’isi bwa mbere mu mateka.

Abakinnyi bakomeye bahinduye amakipe.

(A) Aberekeje hanze y’igihugu

Musoni Fred yerekeje muri shampiyona ya Finland
Yakan Guma Lawrence yerekeje mu Buyapani.
Mutabazi Yves yerekeje muri Bulgaria avuye muri Jordanie.
Murangwa Nelson yavuye muri Denmark yerekeza mu Bugereki.
Inkoramutima Martial wakiniraga REG yerekeje mu cyiciro cya kabiri muri Ukraine
Ubumwe Salomon yagiye muri Shampiyona y’u Butaliyani
Akumuntu Patrick Kavalo yerekeje muri shampiyona ya Jordanie.

Musoni Fred yerekeje muri shampiyona ya Finland

(B) Abakinnyi bahinduye amakipe imbere mu gihugu.

Nsabimana Mahoro Yvan yavuye mu Burusiya aza muri UTB
Mukunzi Christophe wakinnye muri Algeria, Qatar, Bulgaria na Turukiya yahinduye ikipe ava muri Gisagara yerekeza muri REG VC
Sibomana Placide Madisson wakinnnye muri Qatar na Jordanie yavuye muri Gisagara VC yerekeza muri UTB VC

Niyogisubizo Samuel bita Taison yavuye muri Kirehe yerekeza muri UTB.
Ndamukunda Flavien yavuye muri Gisagara yerekeza muri REG.

2018 yaranzwe kndi n’impinduka mu batoza, aho umutoza Nyirimana Fidele wari wafashije Gisagara kwegukana ibikombe byinshi yayivuyemo akerekeza muri UTB , Ntawangundi Dominique yerekeje muri Gisagara, Umunya-Uganda Benon Mugisha nawe yahawe gutoza REG.

APR VC mu bagore na REG zigaranzuye Gisagara na RRA zegukana Memorial Rutsindura

Ikipe ya APR y’abagore yegukanye Memorial Rutsindura

Umuryango Giants of Africa washinzwe mu 2003, ushinzwe na bimwe mu bihangange muri Basketball byiyemeje gusigira umurage abakiri bato muri Afurika. Watangije ibikorwa byawo mu Rwanda mu 2016.

Patriots mu bagabo na IPRC y’Amajyepfo mu bagore ni zo zaje kwegukana irushanwa ryiswe Legacy Tournament 2018.

Patriots BBC yaje kwegukana Legacy Tournament 2018 itsinze Espoir BBC amanota 86-84 ku mukino wa nyuma, naho mu bakobwa IPRC South yegukana iki gikombe itsinze APR WBBC amanota 66-57 ku mukino wa nyuma.

Iryo rushanwa ryari ryateguwe mu rwego rwo kwibuka no guha icyubahiro abagabo babiri Aimable Shampiyona na Nizeyimana Jean de Dieu bagize uruhare mu iterambere ry’umukino wa Basketball mu ishuri rya Lycée de Kigali no mu gihugu muri rusange, hagati y’umwaka wa 1995 na 2007.

Bank of Kigali,umuterankunga mushya muri basketball

Banki ya Kigali yatanze inkunga ya Miliyoni 300Frw azafasha umukino wa Basketball mu Rwanda ku bakuru n’abato.

BK ikaba yariyemeje gushyigikira Shampiona z’abakiri bato mu turere twose two mu Rwanda, ikazanatera inkunga Shampiona ya Basketball mu Rwanda (Abagabo n’abagore).

REG yegukana irushanwa rya Pre Season 2018

Ku nshuro ya kabiri yikurikiranya ikipe ya REG Basketball Club, yegukanaga igikombe kibanziriza shampiyona cyitwa ‘BK Preseason Tournament’ itsinze Espoir BBC amanota 80-63.

Mu bindi byaranze umukino wa basketball mu Rwanda n’igaruka ry’umutoza John Bahufite, uyu mutoza uzwi cyane mu ikipe ya Espoir BBC akanayihesha ibikombe bitandukanye, ubu akaba abarizwa mw’ikipe ya UR BBC nk’umutoza mukuru.

Hadi Janvier akaba agiye kongera gukina Tour du Rwanda bwa mbere kuva yasezera mu mukino w’amagare akagaruka

Mu bakinnyi 16 bari bamaze iminsi bari mu mwiherero i Musanze mu kigo cy’ikipe y’igihugu y’umukino w’amagare, Uwiduhaye Mike niwe utabashije kujya mu ikipe izakina Tour du Rwanda naho Hadi Janvier akaba agiye kongera gukina Tour du Rwanda bwa mbere kuva yasezera mu mukino w’amagare nyuma akaza kugaruka.

Muri aba bakinnnyi kandi harimo abakinnyi bane bagiye gukina Tour du Rwanda bwa mbere aribo Eric Manizabayo, Hakizimana Seth, Niyireba Innocent na Mugisha Moise mu gihe Gasore Hategeka ufite umuhigo wo kwitabira Tour du Rwanda inshuro nyinshi atazayikina uyu mwaka.

Gasore Hategeka niwe mukinnyi rukumbi wakinnye iri rushanwa inshuro zose uko ari icyenda kuva ryashyirwa ku ngengabihe ya UCI.

Nk’uko bisanzwe, U Rwanda ruzaba rufite amakipe atatu muri Tour du Rwanda ariyo ikipe y’igihugu, Benediction Club y’i Rubavu na Les Amis Sportifs y’i Rwamagana.

Iri rushanwa ry’uyu mwaka rizaba rikab ku nshuro ya cumi kuva ryashyirwa ku ngengabihe y’impuzamashyirahamwe y’umukino w’amagare ku isi UCI, rikazaba kuva tariki ya 5 kugera tariki ya 12 Kanama.

Ikipe y’igihugu Team Rwanda yiganjemo abakinnyi bakiri bato ariko bamaze kugaragaraza ubuhanga nka Mugisha Samuel wa Dimension Data y’abatarengeje imyaka 23 akaba yaranatwaye igihembo cyo kuzamuka muri Tour du Rwanda iheruka.

Harimo kandi Munyaneza Didier watwaye shampiyona y’igihugu uyu mwaka,Hakiruwizeye Samuel na Ruberwa Jean Damascene.

Les Amis Sportifs y’i Rwamagana yo izaba iyobowe na Ukiniwabo Jean Paul Rene afashijwe Hakizimana Sept, Tuyishimire Ephrem, Rugamba Janvier ndetse na Mugisha Moise.

Iyi kipe ubusanzwe yatozwaga na Rugambwa Jean Baptiste witabye Imana ku cyumweru gishize azize impanuka ya moto, izaba itozwa na Nathan Byukusenge wari usanzwe ari umutoza wungirije mu ikipe y’igihugu.

Indi kipe ihagararira u Rwanda ni Benediction Club y’i Rubavu ikazaba iyobowe na Nsengimana Bosco watwaye Tour du Rwanda 2015, ari kumwe na Byukusenge Patrick, Uwizeyiman Boneventure uherutse kwegukan Tour du Cameroun, Hadi Janvier na Manizabayo Eric ugiye gukina Tour du Rwanda ku nshuro ya mbere.

Gasore Hategeka uri imbere ibumoso ntazagaragara muri Tour du Rwanda 2018

Amakipe 16 agizwe n’abakinnyi 80 niyo azahatana muri Tour du Rwanda 2018. Mu bakinnyi bazakina uyu mwaka hakaba hatarimo Areruya Joseph wegukanye Tour du Rwanda umwaka ushize ubu akaba akinira ikipe ya Delko-Marseille yo mu Bufaransa.

Abakinnyi bazahagararira u Rwanda:

*Team Rwanda

1. Samuel Mugisha
2. Didier Munyaneza
3. Samuel Hakiruwizeye
4. Jean Damascene Rubwera
5. Niyireba Innocent

Umutoza Sterling Magnel
Ugirira imitsi:Ruvogera Obed
Umukanishi: ManirihoEric

*Les Amis Sportif

1 Jean Paul Rene’ Ukiniwabo
2 Hakizimana Seth
3 Ephrem Tuyishimire
4 Janvier Rugamba
5 Mugisha Moise

Umutoza: Byukusenge Nathan
Ugorora imitsi: Patrick
Umukanishi: Nzabonimpa Abdallah

*Benediction Club

1 Eric Manizabayo
2 Jean Bosco Nsengimana
3 Patrick Byukusenge
4 Bonaventure Uwizeyemana
5 Janvier Hadi

Umutoza: Sempoma Felix
Ugorora imitsi:Rocky
Umukanishi: Theoneste

Miroplast izamutse uyu mwaka yongeye gutakaza bwa kabiri

Iyi kipe yari yatsinzwe n’umukino ufungura shampiyona, yatangiye igice cya mbere yihagararaho aho yanageragezaga gusatira As Kigali gusa ntibyatinze kuko kuva ku munota wa 20, As Kigali yatangiye kuyirusha biza no kuyihira aho ku munota wa 31 w’igice cya mbere Ndarusanze Jean Claude yaje kubona igitego cya mbere igice cya mbere kirangira ari 1-0.

As Kigali yabanje mu kibuga

Ikipe ya As Kigali yaje kubona ikindi gitego igice cya kabiri kigitangira, aho Ngama Emanuel yagitsinze ku munota wa 49, Miloplast yarushwaga cyane muri iki gice yakomje kurwana no kudatsindwa ibindi bitego biranayikundira kuko umukin warinze urangira ari ibitego 2 bya As Kigali ku busa.

Miroplast Fc yazamutse mu cyiciro cya mbere itsinzwe umukino wa kabiri

Abakinnyi babanjemo ba As Kigali

Nizeyimana Alphonse,Iradukunda Eric,Mutijima Janvier,Ngandu Omar,Kayumba Soter,Nsabimana Eric,Murengezi Rodrigue,Ndayisaba Hamidu,Kalanda Frank,Ngama Emmanuel na Ndarusanze Jean Claude

Abakinnyi babanjemo ba Miloplast fc

Mutabazi Jean Paul, Rwigema Yves, Kagaba Jean Bosco, Mukamba Namasombwa, Mugwaneza Pacifique, Rucogoza Elias, Tot Clement, Aksante Dieu Merci, Irambona Fabrice, Kagabo Ismael na Tuyisenge Pekeyake.
Mu mukino wahagaze iminota irenga 10, APR yongeye gutakariza I Rubavu

Kuri Stade Umuganda i Rubavu, ikipe ya APR Fc yaherukaga kuhatsindirwa na Rayon Sports ibitego 2-0 mu gikombe kiruta ibindi, yaje kongera kuhanganyiriza na Marines igitego 1-1.

Ikipe ya Marines ni yo yafunguye amazamu ku gitego cyatsinzwe na Bahame Arafat, nyuma gato y’icyo gitego umukino uza guhita uhagarara bitewe n’imvura nyinshi yagwaga I Rubavu, gusa nyuma umukino uza kongera gukomeza, aho Djihad Bizimana yaje kwishyurira APR Fc, umukino urangira amakipe yombi anganya igitego 1-1.

Amagaju yihereranye Kirehe ya Nduhirabandi, akomeza no kuyobora urutonde rwa Shampiona

Kuri Stade Nyagisenyi I Nyamagabe, ikipe y’Amagaju yatsinze Kirehe ibitego 2-0, ibitego byatsinzwe na Amani Mugisho Mukeshe mu gice cya mbere, iza no gutsinda igitego cya kabiri mu gice cya kabir cyatsinzwe na Ndikumana Tresor, umukino urangira ari 2-0, bituma Amagaju akomeza kuyobora urutonde rwa Shampiona n’amanota, ndetse n’ibitego 4 azigamye.

Ikipe y’Amagaju yabanje mu kibuga ubwo yatsindaga Kirehe

Amagaju yari yakiriye Kirehe i Nyamagabe

Abatoza b’ikipe y’Amagaju barifuza gusoza Shampiona mu myanya y’imbere

Kirehe itabashije kwikura i Nyamagabe

Uko imikino yose uyu munsi yagenze

AS Kigali 2-0 Miroplast
Marines 1-1 APR
Espoir 1-1 Etincelles
Sunrise 1-0 Gicumbi
Amagaju 2-0 Kirehe

Iryo rushanwa ryari ribaye ku nshuro ya gatatu nyuma y’uko ryatangiye muri 2012 rikongera kuba muri 2015 ryitabirwa n’amakipe ane aba yarabaye aya mbere muri shampiyona ishize, iry’uyu mwaka rikaba ryari ryitabiriwe na Rayon Sports yabaye iya mbere muri shampiyona , Police yabaye iya kabiri, APR iya gatatu na As Kigali yari yabaye iya kane.

Yannick Mukunzi yari yishimye bidasanzwe nyuma yo gutsinda ikipe yamureze

Ikipe ya Police yatwaye irushanwa ryabanje yarangije iry’uyu mwaka itsinzwe imikino yose mu gihe APR yabaye iya kabiri n’aho As Kigali ikaba iya gatatu.

Kigali Today yasubije amaso inyuma itegura ibintu umunani wamenya byaranze iri rushanwa:

1. Police Fc niyo kipe yabaye insina ngufi

Ikipe ya Police niyo kipe yatunguye abakunzi b’umupira w’amaguru mu Rwanda banakurikiranye iyi mikino bigendanye n’abakinnyi ifite ndetse n’abo yaguze aho benshi bibazaga ko nk’ikipe yabaye iya kabiri muri shampiyona yagombaga kwitwara neza.

Police Fc buri wese yayikuyeho amanota atatu

Iyo kipe ntiyigeze itanga umusaruro abantu bari biteze kuko mu mikino itatu yakinnnye yose yayitsinzwe irangiza ku mwanya wa nyuma nta n’igihemb ibonye.

Ubwo iyo mikino yasozwaga umutoza wayo Seninga Innocent nawe yavuze ko yatunguwe n’imyitwarire y’abakinnyi be,avuga ko bamutengushye akaba yarijeje abakunzi ko n’ubwo atazagura abandi bakinnyi ariko ngo shampiyona izatangira yarakosoye amakosa bakoze.

2. Rayon yongeye gutsinda APR nyuma y’imikino itatu itayitsinda

Ikipe ya Rayon Sports yatwaye iki gikombe nyuma yo gutsinda APR 1-0 bagasanga amakipe atatu ariyo As Kigali,APR na Rayon anganya amanota hakitabazwa igiceri maze Ryon ikaba iya mbere,Rayon yari imaze igihe kinini idatsinda APR dore ko mu mikino iheruka itigeze iyitsinda.

Kuba yaratsinze APR kuri iyi nshuro abafana bayo barishimye bitewe n’inyota bari bamaranye igihe yo gutsida mukeba w’ibihe byose dore ko muri shampiyona ishize APR yatsinze Rayon rimwe banganya irindi,APR iza kuyisubira mu gikombe cy’amahoro yongera kuyitsinda .

3. Itariki Rayon Sports yatwariyeho igikombe cya mbere cy’Agaciro ni nayo yongeye gutwariraho icya kabiri.

Kuri uyu wa Gatandatu tariki ya 16 Nzeli 2017, nib wo Rayon Sports yegukanye igikombe cy’Agaciro ku nshuro yayo ya kabiri, hakaba hari huzuye neza imyaka itanu ubwo Rayon Sports yaherukaga kwegukana iki gikombe ubwo cyakinwaga ku nshuro ya mbere.

Rayon Sports yegukanye iki gikombe ku nshuro ya mbere

Ubwo cyakinwaga bwa mbere hari mu mwaka wa 2012 cyitwa Agaciro Development Cup, icyo gihe Rayon Sports yari yatsinze ku mukino wa nyuma ikipe ya Mukura Victory Sports 1-0 cyatsinzwe na Kambale Salita Gentil, naho muri ½ ho Rayon Sports yari yanyagiye Amagaju ibitego 6-0.

4. Karekezi Olivier yagabanyije igitutu ku bafana bari batangiye kumukemanga

Karekezi Olivier wamamaye cyane muri APR ihanganye na Rayon Sports, benshi mu bafana ba Rayon batangiye kumwibazaho nyuma yo guhabwa akazi aho bavugaga ko batiyumvisha ukuntu umuntu wakiniye APR akanakunda ndetse no kubabaza Rayon ukuntu azabaha ibyishimo.

Karekezi Olivier yagabanyije igitutu cy’abafana

Byaje kuba indi nyuma y’aho ikipe ya Rayon Sports yatsinzwe imikino itatu ya gicuti irimo uwo yatsinzwe na Simba, itsindwa n’Amagaju, itsindwa na Villa SC, nyuma yahoo yaje no gutsindwa na AS Kigali muri iri rushanwa.

5. Irushanwa ryasize abatoza batatu bakinanye muri APR no mu Mavubi buri wese atsinze undi.

Muri iri rushanwa kandi abigeze gukinana mu ikipe ya APR ndetse no mu ikipe y’igihugu AMAVUBI, Eric Nshimiyimana wabatanze mu butoza utoza As Kigali, Mulisa Jimmy utoza APR ndetse na Karekezi Olivier utoza Rayon buri wese yatsinze undi.
Nshimiyimana Eric niwe wabimburiye abandi guha ikaze Karekezi Olivier ubwo As Kigali yatsindaga Rayon 1-0, Mulisa Jimmy nawe aramuhorera ubwo APR yatsindaga

APR Fc yitwaye neza muri iri rushanwa iza ku mwanya wa kabiri

As Kigali 2-1 mu gihe Karekezi Olivier nawe atatahiye aho kuko yisasiye Mulisa Jimmy ubwo Rayon Sports yatsindaga APR 1-0 bityo buri mutoza atsinda mugenzi we bakinanye.

6. Gutwara igikombe kuri Tombola byateje urujijo

Igikombe cy’uyu mwaka cyateje ururjijo kuko abenshi umukino wa APR na Rayon warangiye bagategereza ko bareba imikino yahuje impande zose banganya hakabarwa umubare w’ibitego amakipe azigamye ahubwo hakitabazwa Tombola ari nayo yatumye Rayon igitwara.

Ibi byatunguye benshi ndetse biteza urujijo byanatumye Mulisa Jimmy utoza APR avuga ko yatunguwe n’amategeko yakurikijwe aho yagize ati ’Kuri njyewe byantunguye kuko nari nzi ko hagomba gukurikizwa amategeko ya Fifa none nabonye ari amategeko ya Ferwafa nkibaza nti ni gute umuntu ajya gukora tombola!”

7.Savio Nshuti yaravunitse bishobora gutuma adatangira Shampiyona

Umukinnyi Nshuti Dominique Savio wavuzweho byinshi bitewe n’uburyo yavuye muri Rayon aguzwe na As Kigali miliyoni zisaga 16 z’amanyarwanda n’imodoka yo kugendamo ntiyasoje imikino y’agaciro bitewe n’imvune yayigiriyemo.
Uyu mukinnyi wakutse urutugu ku mukino wahuzaga As Kigali n’ikipe yavuyemo ya Rayon Sports ashobora kudatangira imikino ibanza ya shampiyona izatangira tariki ya 29 Nzeli 2017.

Savio uri gukinira AS Kigali ubu, yagize imvune ku rutugu yari asanzwe agira no muri Rayon Sports

Nshuti Dominique Savio yaje guhita ajyanwa kwa muganga

8. Abafana ba Rayon bari baguzwe na As Kigali barigarukiye

Rwarutabura yari yaragiye muri AS Kigali nyuma agaruka muri Rayon (Ifoto:Inyarwanda)

Mu minsi ishize hari amakuru yacicikanaga avuga ko Nkunda Match na Rwarutabura abafana bakomeye ba Rayon baba baraguzwe na As Kigali ndetse bakaba baranigeze kugaragara ku mikino yo kwishimira intsinzi ya Perezida Paul Kagame.
Aba bafana by’umwihariko Rwarutabura banagaragaye ku mukino wa mbere w’iri rushanwa ry’Agaciro, gusa nyuma aza gusaba imbabazi abakunzi n’abayobozi ba Rayon Sports asubira mu ikipe hamwe na bagenzi be

Kuri uyu wa Gatandatu taliki ya 01 Nyakanga 2017 mu karere ka Huye na Gisagara hatangiye ku nshuro ya 15 irushanwa ryo kwibuka Alphonse Rutsindura wahoze ari umwalimu w’ikilatini n’Umuziki, umutoza wa Petit seminaire Virgo Fidelis, n’Ikipe y’Igihugu y’Abagore.

APR Vc mu bagore yitwaye neza igera ku mukino wanyuma, aho izahura na Rwanda Revenue

Ni irushanwa ku munsi waryo wa mbere ryaranzwe guhangana ku makipe yose yaba akina icyiciro cyambere, ndetse n’abafana benshi aho amakipe yari yaryitabiriye yatangiye akina imikino y’amajonjora hagati yayo mu byiciro 5 byakinwe kuri uyu wa gatandatu .

Muri Gymanse ya Gisagra naho habereye imikino

Iyi mikino yabereye ku bibuga byinshi bya Huye na Gisagara

Iri rushanwa ryatangiye mu gitondo cyo kuri uyu wa Gatandatu hakinwa imikino y’amajonjora mu masaha ya mu gitondo , imikino ya ½ mu masaha y’Ijoro n’Umikino wa nyuma muri volley ball ikinirwa ku musenyi.

Imikino yakinwe mu byiciro 5, icy’abagabo bakina icyiciro cya mbere (Serie A) ,Icyiciro cya kabiri ( Serie B), Icyiciro cy’abagore, Icyiciro cy’abakanyujijeho muri volleyball na volley ball yo ku musenyi Beach Volley Ball.

Abaturage ba Huye na Gisagara bishimiye ko yari yasaranganijwe mu mpande zombi, ku bibuga bya IPRC Y’amajyepfo, Gymnase ya Gisagara ,Gymnase ya Kaminuza y’URwanda ,ENDP –Karubanda no ku bibuga bya Petit Seminaire Virgo Fidelis Karubanda.

Uko gahunda y’Imikino ya nyuma iteye n’uko amakipe ahura

Mu bakobwa APR VC irahura na RRA Saa tatu za mu gitondo ku kibuga cya Petit Seminaire Karubanda, abagabo Icyiciro cya kabiri Umukino wa nyuma urahuriraho amakipe asanzwe ari abakeba ariyo Petit seminaire Virgo Fidelis na GS Officiel de Butare I Saa tatu za mu gitondo ,

Umukino wa nyuma mu cyiciro cy’abagabo bakina icyiciro cya mbere urahuriraho APR VC na REG amakipe yari aherutse no guhura ku mukino wa nyuma mu irushanwa mpuzamahanga ryo kwibuka APR Igatsinda REG, uyu mukino wo uteganijwe ku isaha ya Saa ine n’igice.

Imikino ya Volley ball yo ku musenyi yari yitabiriwe n’amakipe atatu yagendaga ahura yose hagati yayo yo yashojwe ikipe y’Umucyo ariyo yegukanye igikombe , Ikipe yarimo Kayiranga Albert na mugenzi we bakorana muri kaminuza yo yarangije iri ku mwanya wa kabiri. Uretse iyo mikino ya nyuma iteganijwe ejo hanateganijwe imikino y’icyiciro cy’abiga mu cyiciro rusange (Tronc Commun) n’abiga mu mashuri abanza ibi byiciro byombi bizahera muri ½ .

Umuhango wo gutanga ibikombe uteganyijwe kuri iki Cyumweru ukazaba unarimo umukobwa wa Alphonse Rutsindura , ILIZA Alaine usanzwe uba muri Canada, aho mu bana be 4 yari yarabyaranye n’Umugore we, Mukarubayiza Verene ari we warokotse abandi bishwe mu gihe cya Jenoside yakorewe Abatutsi muri Mata 1994 bari kumwe n’abo babyeyi babo.

Mu mwaka ushize iki gikombe cyari cyegukanwe n’ikipe ya UTB mu bagabo, ntibashije kugera ku mukino wa nyuma kuri iyi nshuro.

Andi mafoto

Amafoto: Sesonga Junior

Rayon Sport muri Shampiyona ngo iri kuzuza umuhango

Muri uyu mukino ikipe ya Etincelles ni yo yafunguye amazamu ku munota wa 35, ku ishoti ry’imoso rya Kambale wahoze akinira Rayon.

Yaje kwishyura ku munota wa 55 w’igice cya kabiri kuri Penaliti yatewe na Tidiane Koné, nyuma y’aho Nsengiyumva Moustapha wagiye mu kibuga asimbuye yatanze umupira umukinnyi wa Etincelles akawugaruza ukuboko.

Ababanjemo:

Etincelles: Nsengimana Dominique, Mbonigaba Régis, Gasozera Haman, Nshimiyimana Iddy, Kayigamba Jean Paul, Galamossa Mabonda Guillain, Gikamba Ismael, Mumbele Saiba Claude, Mugenzi Cedrick, Niyonsenga Ibrahim, Kambale Salita

Rayon Sports: Ndayishimiye Eric Bakame, Abdoul Rwatubyaye, Manzi Thierry, Mutsinzi Ange, Fabrice Mugheni, Kwizera Pierrot, Mugisha François Master, Nova Bayama, Muhire Kevin, Manishimwe Djabel, Tidiane Koné

Ikipe ya Rayon Sports yanganyirije i Rubavu

Manishimwe Djabel ashaka aho anyuza umupira ...

Rwatubyaye Abdul wari wabanje mu kibuga yagaragaye ameze gutya mu musatsi

Kiyovu yanganije na As Kigali ihita ijya mu murongo utukura

Abakinnyi ba Kiyovu na AS KIgali baramukanya mbere yo gukina

Mu mukino wahuje ikipe ya As Kigali na Kiyovu Sport warangiye amakipe yombi anganya igitego 1-1 bituma Kiyovu ihita ijya mu makipe abiri ashobora ku manuka.

Mbere y’uyu mukino wabereye kuri stade ya Kigali i Nyamirambo, Kiyovu yasabwaga gutsinda kugirango amahirwe yo kuguma mu cyiciro cya mbere yiyongere.

Ntibyaje kuyihira kuko yanganyije 1-1 na As Kigali, icya Kiyovu cyatsinzwe na Romami Andre kuri Penalti, cyishyurwa na Ndahinduka Michel wa As Kigali, bikarangira amakipe yombi aguye miswi.

Abakinnyi babanjemo ba As Kigali

Mu izamu:Shamiru Batte

Ab’inyuma:Kayigamba Divin ,Mutijima Janvier,Tubane James na Bishira Latifu

Hagati:Tumaine Ntamuhanga,Murengezi Rodrigue,Ntwari Evode na Bizimana Emmanuel

Ba Rutahizamu:Mubumbyi Bernabe na Crespo Sebanani Emmanuel

AS KIgali Yabanje mu kibuga

Ababanjemo ba Kiyovu Sports

Mu izamu:Nzeyurwanda Djihad
Ab’inyuma:Yamini Salumu,Ngarambe Ibrahim,Ngirimana Alexis na Karera Hassan
Hagati:Niyitegeka idrissa,Mustapha Francis,Bigirimana Blaise na Nizeyimana Djuma
Ba Rutahizamu:Romami Andre na Nizeyimana Jean Claude

Kiyovu yabanje mu kibuga

Gicumbi fc Isize Kiyovu na Marine hagati y’Urupfu n’Umupfumu.

Mu wundi mukino w’umunsi wa 28 wa shampiyona wahuje Gicumbi na Musanze, warangiye ikipe ya Gicumbi yegukanye intsinzi ihita iva mu makipe abiri ashobora kumanuka, ihasiga Kiyovu na Marine.

Muri uyu mukino watangiye utinze kubera ikererwa ry’umwe mu basifuzi, wasoje Gicumbi Fc itsinze Musanze ibitego bibiri, icya Rachid Mutebi na Mudei Suleiman. Icya Musanze cyatsinzwe na Wai Yeka kuri Penaliti umupira urangira ari 2-1.

Gicumbi gutsinda byayizamuye iva ku mwanya wa 15 yari imazeho iminsi kuva shampiyona yatangira, igera ku mwanya wa 14.

Iyi kipe mu gihe yaba ikomeje kwitwara neza ku mikino ibiri isigaje irimo uwa Kirehe na Pepiniere, yaguma mu kiciro cya mbere.

Ababanje mu kibuga ku mpande zombi.

11 babanjemo ba Musanze FC : Ndayisaba Olivier, Runanira Hamza, Kimenyi Jacques, Hakizimana François, Kanamugire Moses, Uwamungu Moussa, Tuyisenge Pekeyake, Maombi Jean Pierre, Wayi Yeka, Munyakazi Youssuf na Moikima Pignol.

11 babanjemo ba Gicumbi: Nshimiyimana J Cl, Uwingabire Olivier, Uwineza Jean de Dieu, Rutayisire Egide, Mungwarareba Aphrodis, Hakorimana Hamadi, Mudeyi Suleimani, Nduwayo Valerie, Mutebi Rachid, Ntujyinama Patrick na Muhumure Omar.

Bigoranye Rayon Sports yatsinze Kirehe, isigara isabwa amanota atatu igatwara Shampiona

Kuri Stade ya Kigali i Nyamirambo, ikipe ya Rayon Sports yahatsindiye ikipe ya Kirehe ibitego 2-1, ibitego byose by’umukino byabonetse mu gice cya kabiri, aho Rayon Sports yatsinze yishyura igitego cyari cyatsinzwe na Kagabo Ismi ku munota wa 55 w’umukino.

Rayon Sports yabonye igitego ku munota wa 66 w’umukino gitsinzwe na Nshuti Dominique Savio ku mupira yari ahawe na Manzi Thierry. Iza gutsinda icya kabiri ku munota wa 74 gitsinzwe na Nsengiyumva Moustapha wari ugiye mu kibuga asimbura, birangira Rayon Sports isabwa amanota atatu gusa ngo yegukane igikombe cya Shampiona.

Kirehe Fc yabanje mu kibuga

Rayon Sports yabanje mu kibuga

Abatoza b’amakipe yombi basuhuzanya mbere y’umukino

Marines yarusimbutse, Pepiniere isubira mu cyiciro cya kabiri

Mu wundi mukino wari uvuze byinshi wahuzaga Pepiniere na Marines ku Ruyenzi, warangiye Marines itsinze 1-0 bituma yongera kugira icyizere cyo kuguma mu cyiciro cya mbere, aho ubu yujuje amanota 26 ndetse inafata umwanya wa 13.

Igitego cya Marines cyatsinzwe na Mbaraga Jimmy Ku munota wa mbere w’umukino, ikomeza kukiryamaho ndetse igice cya mbere n’icya kabiri birangira nta gihindutse ari 1-0, abakinnyi ba Marines bari ku gitutu cyo gusubira mu cyiciro cya kabiri bariruhutsa.

Umukino wabereye ku kibuga cya Ruyenzi

Umutoza Kayiranga Jean Baptiste wahoze atoza Pepiniere akegura igice kibanza cya shampiyona kikirangira yari yaje kwihera ijisho umukino

Marines Fc yatsinze yiyongerera icyizere cyo kutamanuka

Jimmy Mbaraga watsindiye Marines igitego

Pepiniere yabanje mu kibuga

Mu mpera z’iki cyumweru kuva tariki ya 5 Gicurasi kugeza ku wa 7 Gicurasi 2017 hateganijwe ibikorwa bitandukanye bijyanye n’imikino aho benshi mu bakunzi bayo batazicwa n’irungu.

Dore ibyo Kigali Today yakusanyije:

1. Umupira w’amaguru

Rayon Sport ishobora gukoza imitwe y’intoki ku gikombe mu gihe hari andi makipe ashobora kwisanga mu byago byo kutaguma mu cyiciro cya mbere.

Mu mupira w’amaguru shampiyona izaba igeze ku munsi wa 26 wa shampiyona aho amwe mu makipe yaba ahagaze neza ndetse n’adahagaze neza azaba ashakisha intsinzi.

Ikipe ya Police Fc irakina na Kiyovu i Nyamirambo kuri Stade Mumena

Igitegerejwe cyane ni nk’aho ikipe ya Rayon Sport isabwa amanota 6 gusa ngo itware igikombe mu mikino 6 isigaje gukina, izaba yisobanura na Kirehe kuri stade Regional i Nyamirambo izaba ishaka itsinzi kugira ngo nibura isigare ishakisha indi ntsinzi imwe.

Ku rundi ruhande ariko ku makipe ameze nabi ku rutonde rwa Shampiyona azaba ashaka uburyo yakwitwara neza kugirango yizere kutamanuka mu cyiciro cya 2, aho Kiyovu igomba kwitwara neza imbere ya Police bagomba gukina kuri uyu wa Gatanu kuri stade ya Mumena.

Marines irwana no kutamanuka iraba yakiriwe na Pepiniere bamaranye iminsi mu myanya ya nyuma

Naho amakipe nka Gicumbi ndetse na Marines ziramutse zisitaye ntizitsinde imikino yazo nazo zaba ziri kwiyongerera ibyago byo kwisanga mu cyiciro cya kabiri.
Kugeza ubu,Rayon Sport niyo ikiza imbere y’izindi n’amanota 61,igakurikirwa na APR ku mwanya wa kabiri n’amanota 51 ndetse na Police iza ku mwanya wa 3 n’amanota 48.

Uko imikino y’umunsi wa 26 wa shampiyona iteganyijwe:

Ku wa gatanu tariki ya 5 gicurasi 2017

Kiyovu vs Police(Stade Mumena)

Ku wa gatandatu tariki ya 6 gicurasi 2017

APR Fc vs Espoir Fc (Stade ya Kigali)
Gicumbi Fc vs Sunrise Fc (Gicumbi)
Bugesera Fc vs Musanze Fc (Bugesera)
Etincelles Fc vs AS Kigali (Stade Umuganda)
Amagaju Fc vs Mukura VS (Nyagisenyi)
Ku cyumweru tariki ya 7 gicurasi 2017
Rayon Sports vs Kirehe Fc (Stade ya Kigali)
Pepiniere Fc vs Marines Fc (Stade Ruyenzi)

Amakipe y’icyiciro cya kabiri azakomeza Shampiyona

Mu mpera z’iki cyumweru kandi amakipe atandukanye yo mu cyiciro cya kabiri mu matsinda yombi azakomeza shampiyona ku munsi wa 21 akina ahatanira kuzaza mu makipe 8 azakina ¼ ari naho hazavamo 2 agomba kuzamuka mu cyiciro cya 1 uyu mwaka.

Mu itsinda rya mbere As Muhanga niyo iyoboye iryo b tsinda na Rwamagana iyikurikira ni nazo zagaragaje imbaraga kurusha izindi dore ko ari nazo zikurikirana ku rutonde rwa Shampiyona aho zanasize izindi amanota menshi.

Mu itsinda rya kabiri naho amakipe nka Isonga na Miloplast nazo zirayoboye ah zinizeye kujya mu makipe 4 muri iryo tsinda azakina ¼.

Uko imikino izakinwa ku munsi wa 21 wa shampiyona :

Itsinda rya mbere

Ku wa gatandatu tariki ya 6 gicurasi 2017

Hope vs Vision Jeunesse Nouvelle
UR vs Nyagatare
Gitikinyoni vs Aspor
Vision FC vs As Muhanga
Sorwate vs Akagera
Rwamagana City Izaruhuka.

Itsinda rya Kabiri

Ku wa Gatandatu tariki ya 6 gicurasi 2017

United Stars vs Sec
Heroes vs Intare
Isonga vs Esperance
Miloplast vs Rugende
La Jeunesse izaruhuka

Shampiona y’abagore mu mupira w’amaguru igiye gutangira mu cyiciro cya mbere n’icya kabiri

Kuri uyu wa Gatandatu tariki ya 6 gicurasi 2017, Shampiona y’abagore mu mupira w’amaguru igiye gutangira aho by’umwihariko hiyongereyemo icyiciro cya kabiri
Amakipe 9 y’icyiciro cya mbere, n’amamkipe 8 y’icyiciro cya kabiri niyo agiye gutangira Shampiona y’abagore mu Rwanda mu mwaka w’imikino wa 2017, bikaba ari ubwa mbere mu Rwanda habayeho icyiciro cya kabiri muri Shampiona y’abagore.

Imikino y’umunsi wa mbere

Ku wa Gatandatu taliki ya 06 Gicurasi 2017

Inyemera WFC vs Gakenke WFC (Gicumbi, 13:00)
Nyagatare WFC (Izaruhuka)
Kamonyi WFC vs AS Kigali WFC (Remera Rukoma, 15:00)
Bugesera WFc vs Rugende WFC (Kamabuye, 15:00)
Rambura WFC vs ES Mutunda WFC (Rambura, 15:00)
Icyiciro cya kabiri

Ku wa Gatandatu taliki ya 06 Gicurasi 2017

Gatsibo WFC vs Ndabuc WFC (Kiramuruzi, 15:00)
Rwamagana WFC (Repos)

Ku Cyumweru taliki ya 06 Gicurasi 2017

Nasho Fc vs Scandinavia WFC (Nasho Mulindi, 15:00)
AS Kabuye WFC vs Imanzi WFC (Kabuye Paroisse, 15:00)

2. Amagare

Ku wa 6 Gicurasi 2017 hateganyijwe isiganwa ry’amagare rya kabiri muri shampiyona Rwanda Cycling Cup 2017 aho abasiganwa bazahagurukira Kigali Berekeza mu karere ka Nyagatare.

Abakuru bazahagurukira kuri stade amahoro I Remera berekeze Nyagatare aho bazakoresha ibirometero 152 naho abo mu cyiciro cy’ingimbi bahagurukire Kayonza bakoreshe ibirometero 88.

Amagare barahaguruka kuri Stade Amahoro berekeza i Nyagatare

Muri iri siganwa hitezwe guhangana ku makie 2 asanzwe akomeye ariyo Lea Amis Sportif ya Rwamagana ndetse na Benediction Club y’I Rubavu ndetse no kureba imyitwarire y’ikipe nshya ya Karongi Vison Sports Center izaba ari ku nshuro ya mbere yitabiriye amarushanwa.

Isiganwa rya mbere ryari ryabaye tariki ya 1 Mata 2017 aho ryegukanywe na Nsengimana Jean Bosco ukinira ikipe ya Benediction y’I Rubavu.

3. Volley Ball

Mu mukino w’’intoki wa Volley Ball ikitezwe n’amatora aho hagomba gutorwa Perezida w’ishyirahamwe ry’uyu mukino FRVB.

Muri aya matora ateganyijwe ku wa gatandtu tariki ya 6 Gicurasi 2017 kuri stade amahoro I Remera hamaze kumenyekana umukandida rukumbi uzatorerwa ku mwanya wa Perezida ariwe Karekezi Leandre.

Karekezi Leandre wiyamamariza kuyobora FRVB

Karekezi Leandre wifuzwaga cyane na bamwe mu bakinnyi bakina uyu mukino yari yatsinzwe amatora muri Gashyantare 2017 na Nkurunziza Gustave ku majwi 18 ku icyenda.

Nkurunziza Gustave we yaje kwegura ku buyobozi bwa FRVB mu kwezi Werurwe 2017 aho yari amaze ukwezi atowe, agatangaza ko yeguye ku mpamvu ze bwite ari nayo mpamvu hazaba amatora yo kusimbura.

4. Basket ball

Shampiyona y’umukino w’intoki Basket Ball irakomeza kuva kuri uyu wa gatanu tariki ya 5 Gicurasi 2017 kugeza ku cyumweru tariki ya 7 mu bahungu n’abakobwa.
Umukino utegerejwe cyane ni uhuza Patriots iherutse gutsindwa n’umukeba wayo REG BBC aho iri bukine na Espoir kuri uyu wa gatanu kuva sa mbiri z’ijoro.

Patriots iraza kuba icakirana na Espoir kuri uyu wa Gatanu

Uko imikino iteganyijwe

1. Abagabo

Ku wa gatanu tariki ya 5 Gicurasi 2017

APR BBC VS 30 Plus(18h00 Petit Stade)
Patriots BBC vs Espoir(20h00 ,petit stade)

Ku cyumweru tariki ya 7 Gicurasi 2017

CSK BBC vs REG BBC (13h00,petit stade)
Rusizi BBC vs IPRC/South(9h00,Rusizi)
IPRC/Kigali vs UGB (15H00,petit stade)

2.Abagore

Ku wa gatandatu tariki ya 6 gicurasi 2017

THE HOOPS Rwa vs UBUMWE BBC(15H00,Petit stade)

Tidiane Kone yafashije Rayon Sports kwikura i Musanze

Mu mukino wari utegerejwe n’abantu benshi, wahuje amakipe yari afite icyo ahatanira buri umwe ku giti cye, gusa waje kurangira ikipe ya Rayon Sports ishimishije abafana bayo bari benshi cyane I Musanze, maze itsida igitego kimwe cyatsinzwe na Tidiane Kone ku mupira yari ahawe na Nshuti Dominique Savio.

Gicumbi yatsinze Amagaju 1-0

Mu mukino wabereye kuri Stade ya Gicumbi, ikipe y’Amagaju ntiyahiriwe n’urugendo, aho yaje gutsindwa igitego hakiri kare ku munota wa 19 gitsinzwe na Harerimana Obed, kuri koruneri yari itewe na Muhumure Omar uzwi ku izina rya Figo.

Ikipe ya As Kigali yatsinze iya Pepiniere ibitego 2-1 mu umukino wabereye kuri Stade ya Kigal,i aho ku munota wa 5 gusa Cyubahiro Janvier wa As Kigali yabonaga igitego cya mbere, cyishyurwa na Habamahoro Vincent wa Pepiniere ku munota wa 7 w’igice cya mbere, ku munota wa 43 Cyubahiro yongeye gutsinda igitego cya 2, maze igice cya mbere kirangira ari 2-1 ari nako umukino warangiye kuko nta cyahindutse mu gice cya 2.

Uko imikino yagenze kuri uyu wa Gatandatu taliki 29/04/2017

AS Kigali 2-1 Pepiniere Fc
Gicumbi Fc 1-0 Amagaju Fc
Espoir Fc 0-0 Etincelles Fc
Musanze Fc 0-1 Rayon Sports

Imikino iteganyijwe kuri iki cyumweru taliki 30/04/2017