Igitaramo cya Buravan, urupfu rwa Bush, umuryango wa Jay z na Beyonce muri Afurika ni bimwe mu byaranze iyi weekend

Dore bimwe mu byaranze iyi weekend.

Silent Disco

Kuwa gatanu nimugoroba ubwo weekend yari igitangira, abahanga mu kuvanga imiziki bashimishije abantu muti The Monor Hotel, basusurutsa abanyamugi bumvira imiziki muri ecouteurs (Silent Disco.) ni ibirori byaryoheye ababyitabiriye, kubera ubuhanga bw’abavangaga imiziki nka Phil Peter, DJ Iraa, JD Lenzo n’abandi.

Imikino ikomeye ya Volley na Basket

Umukino wa Patriote na IPRC Kigali wari injyanamuntu

Abatari bari muri iki gitaramo, barimo bakurikira imikino y’umunsi wa mbere wa shampiyona ya Basket ball yaberaga muri Petit stade i Remera. Umukino wari ukomeye cyane, ukaba warahuje ikipe ya Patriots na IPRC Kigali bakunze guhangana cyane, ariko birangira Patriots itsinze amanota 105 kuri 85 ya IPRC Kigali.

Umunsi wo kuwa gatandatu, abantu benshi usanga barawupangiye ubukwe n’ibirori by’imiryango, ariko muri Kigali byari ibicika ku bakunzi b’umuziki n’imyidagaduro.

Shampiyona ya Volley Ball yari yakomeje, ibiro bivuza ubuhuha muri Petit stade, Mikasa (Umupira wa Volley) zicurikwa nk’uko abakunzi b’uyu mukino bakunze kubivuga.

Hari abantu binjiye muri Stade saa sita batangirana n’umukino wa Kirehe na UTB VC basohoka muri Stade saa tatu z’ijoro harangiye umukino w’ishiraniro wahuzaga UTB VC na GISAGARA VC.

Uyu mukino warangiye UTB utsinze Gisagara bakizwa na Sewuru (Seul).

Igitaramo Buravan yise ‘Love Lab’

Buravan yaryoheje weekend mu gitaramo cye

Muri uwo mugoroba, byari ibicika mu gitaramo cya Yvan BURAVAN, wamurikaga umuzingo we wa mbere yise The Love Lab. Abakunda indirimbo z’urukundo bararyohewe karahava ndetse igitaramo cyashoje batarashaka gutaha. Ni igitaramo cyabaye intangarugero mu bitaramo bya Live bibaye mu mwaka wa 2018.

Ugutsindwa kwa Rayons Sport

Umunsi wo Ku cyumweru wo waranzwe n’imikino mu Rwanda ndetse n’imikino mpuzamahanga ikunda kurwaza abantu imitima.
Rayon Sport yari imaze imyaka 6 idatsindwa na mukeba wayo Kiyovu Sport, yatunguwe no gutsindwa ibitego 2 kuri 1, ku mukino wabereye I Nyamirambo, Kiyovu itahana amanota 3 n’amafrw abarirwa muri za Millioni isaruye mu bakunzi b’umupira binjiye kuri Stade.

Rayons Sport yatsinzwe na Mukura bitungura bamwe

Premier League nayo yari yakomeje Arsenal inezeza abayifana

Mu bwongereza, Arsenal imaze iminsi yitwara neza, yatsinze Tottenham Hotspur ibitego 4-2, Chelsea itsinda ibitego 2 ku busa bwa Fulham naho Liverpool ibona igitego kimwe ku munota wa nyuma itsinze umukeba w’ibihe byose Everton.

Global Citizen Festival Igitaramo cyamaze amasaha arenga 8

Uyu muryango wa Jay Z na Beyonce wabyinishije abanyafurika y’Epfo karahava

Abakurikira Television baraye bihereye ijisho ibirori by’iserukiramuco ry’akataraboneka bya Global Citizen Festival Mandela 100 cyitabiriwe n’abarenga ibihumbi 94 bari buzuye Stade ya FNB i Johannesburg muri Afrika y’Epfo.
Ni ibirori byarimo abakomeye ku isi barimo Perezida Kagame wasabye abanyafurika gukurikiza umurage wa Mandela wo kubaka Afrika ifite ubushobozi.

Muri aba bakomeye harimo kandi umuryango wa Jay Z & Beyonce watumiwe gususurutsa abitabiriye iri serukiramuco, umwongereza Ed Sheeran, Oprah Winifred, Pharrell Williams, Usher Raymond n’abandi. Muri izi mpera z’icyumweru kandi, nibwo George H.W Bush wayoboraga Amerika yapfuye, inkuru iba kimomo kuwa Gatandatu.

Ballon d’or

Uyu munsi utwaye Ballon d’or aramenyekana

Weekend kandi isa n’itararangira ku bijyanye n’ibirori, kuko kuri uyu munsi wa mbere, aribwo hari bube ibirori byo gutanga umupira wa Zahabu (Ballon D’Or) aho ibirangirire byo mu mupira biri buhirire Paris bagatoranywamo umwe ubahiga agahembwa n’ikinyamakuru France Football.

Hari abantu bazwi ko babaye ibirangirire kubera gushyira ku mbuga nkoranyambaga amafoto yabo gusa, abantu bagakunda uko bateye, cyangwa bagakunda ibyo baba bikoze mu mafoto n’amashusho bashyira ku mbuga nkoranyambaga. Gusa hari n’abakoresha izi mbuga bakamamaza ibyo bakora, kuburyo usanga barushaho kuba ibirangirire kurusha uko byari kuba bimeze iyo ziba zidahari.

Mu ngeri nyinshi z’abantu bakoresha imbuga nkoranyambaga, twahisemo kubereka bamwe mu bakobwa bagaragara nk’abami b’urubuga rwa Instagram hano mu Rwanda.

1. Natasha Ndahiro

Uyu ni umukobwa ukurikirwa n’abarenga ibihumbi 75 kuri IG, akaba yaramamaye cyane bitewe n’amafoto agaragara nk’ayakurura abasore ashyira ku rukuta rwe, ndetse hakaba n’abamukundira uburyo agaragara mu maso n’uburyo umubiri we uteye.

2. N-SUPER SEXY

Ni umwe mu bakorwa bakurikirwa cyane mu Rwanda ku mbuga nkoranyambaga kubera ahanini amafoto amugaragaza uko ateye. Azwiho kwifotora agaragaza ikibuno cye, kuburyo nawe ubwe akunze kuvuga ko ikibuno ari Impano Imana yamwihereye. Mu mashusho mato mato akunda gushyira ahagaragara, yose aba agaragaza imiterere y’ikibuno cg nawe ubwo akaba arimo akinyonga ashishikariza abakunzi be kukireba. Amashusho nk’aya, usanga yakuzwe n’abatagira ingano. Ubu akurikirwa n’abarenga ibihumbi 233.

3. ANTO MIGNO (ANTOINE MIGNONE)

Aba ni abantu babiri bamamaye kuri Instagram kubera kumara igihe kinini mu rukundo Bambara imyenda isa cyangwa ijyanishijwe mu mabara no muri Mode, kandi bagakunda kwambara ibigezweho, bakanagaragara bifotoreza ahantu hahenze cyane. Aurore Mignone na Antoine ubu bamaze gukora ubukwe. Gusa nta kindi kintu cyatumye uyu Aurore abona abamukurikira cyane uretse gushyira ahagaragara amafoto ye n’umukunzu we bambaye ibisa.

4. ALINE KEZA

Akurikirwa n’abarenga ibihumbi 21, akaba ari umwe mubakunda gushyira hanze amafoto agakundwa bitewe n’uko asa ndetse n’imiterere y’umubiri we.

5. ARIANE UWIMANA

Uyu yamenyekanye kubera kwitabira amarushanwa ya Miss Rwanda inshuro 2, ndetse mu 2016, aza kuba umwe mu bisonga bya Miss Jolly, ariko ubu ni umwe mu bashyira hanze amafoto menshi kandi meza atuma abantu bamukurikira.

6. NADIA_UMUTONI

Uyu ntabwo amaze igihe kuri uru rubuga, ariko ntabuze kuba akurikirwa n’abarenga ibihumbi 46, kubera uburyo yahisemo kwamamaza ikibuno cye, n’imiterere y’umubiri. Kubera uburyo ateye, abantu basigaye bamwifashisha mu kwamamaza imyenda n’amazu y’imideri.

7. ANITA PENDO

Uyu ni umunyamakurukazi, akaba umushyushyarugamba, akanavanga imiziki. Nubwo asanzwe azwi na benshi, amafoto asekeje, n’amashusho asekeje akunda gushyira kuri Instagram ye, bituma bimwongerera gukurikirwa cyane. Ubu ni umwe mu bakurikirwa cyane, kuko afite ibihumbi hafi 200.

8. AGAHOZO PRETTY NATION 250

Uyu nawe ntabwo amaze igihe kirekire kuri Instagram. Gusa aho yagiriyeho yihatiye kwamamaza amafoto agaragaza imiterere ye no kugaragaza ikibuno, akanagaragara mu mashusho mato abyina indirimbo z’abahanzi mu Rwanda, bigatuma akurikirwa cyane. Ubu akurikirwa n’abarenga ibihumbi 12.

9. SIMBI FANIQUE

Uyu aziho kuba yaritabiriye amarushanwa ya Miss Rwanda, ari naho iri zina ryatangiye kumenyekanira muri 2017. Nyuma yaho nta kintu kidasanzwe yakunze kugaragaramo kuko yari n’umunyeshuri muri Kaminuza I Huye, ariko amafoto menshi agaragaza imiterere ye, yatumye kuri ubu akurikirwa n’abarenga ibihumbi 46.

10. VANESSA UWASE (HER MEJESTY)

Uyu nawe yamenyekanye bwa mbere kubera kwitabira Miss Rwanda aba n’ibisonga cya 1 ubwo Miss Jolly yambikwaga ikamba rya 2016. Nyuma yahoo yabaye ikirangirire kubera gutegura ibitaramo hamwe Teta Sandra, ariko ahanini gukundana n’aba Stars nka Olivis byamwongereye abamukurikira kuri Instagram, ariko biba akarusho kubera gushyira hanze amafoto agaragaza imiterere ye kuri Instagram. Ubu akurikirwa n’abarenga ibihumbi 125.

11. SHADDY BOO

Hari abavuga ko ariwe numero ya mbere mu bakurikirwa ku mbuga nkoranyambaga hano mu Rwanda. Abasoma iyi nkuru benshi muzi iri zina. Buri foto na buri video ashyira ku mbuga nkoranyambaga ze, aba ashaka kugaragaza ubwiza bwe bwo mu maso ndetse n’imiterere y’ikibuno cye, ubundi agakoresha amafoto magufi, asa n’ushaka kugaragaza imyanya ye y’ibanga.

12. ASNA_ASHANTI

Ni umwe mu bakobwa b’abanyamakuru kazi bakoresha cyane Instagram, rimwe akaririmba indirimbo z’abahanzi, ubundi akgiaragaza ari muri Studio za Radio akorera, n’andi mafoto menshi. Ubu akurikirwa n’abagera ku bihumbi 24.

13. ISHIMWE ELCY

Yamenyekanye cyane ubwo byahwihwiswaga ko yaba akundana na King James. Ababonye amafoto ye mu binyamakuru batangiye kuyakunda nawe ahita akoresha ayo mahirwe atangira gukoresha Instagram n’ubwo yari akiri umunyeshuri. Kuvugwa mu binyamakuru byaje guhagarara ubwo yakoraga ubukwe n’umuntu utari uzwi cyane n’itangazamakuru. ariko nta gushidikanya ko Ubwiza bumugaragaraho inyuma, ari kimwe mubyamufashije kugira ibihumbi birenga 34 by’abantu bamukurikira.

14. Rosine Bazongere

Uyu yamenyekanye kubera gukina muri filme nyarwanda ya City Made, ariko kuri ubu ni umwe mu banyarwanda bakurikirwa cyane kuri Instagram.

15. CHANTY Rutayisire

Uyu akurikirwa n’abarenga ibihumbi 56. Azwiho kuba ari umukobwa w’umukire ugenda mu modoka zihenze, akaba yaranavuzweho urukundo n’ibirangirire byasuraga u Rwanda, ndetse hari ibinyamakuru byigeze kumwandika ko ari mu rukundo na Yaya Toure wakinnye muri Manchester City na Barcelone, akanakinira Cote d’Ivoire. Amafoto amugaragaza uko ateye n’uko asa, atuma abatagira ingano bamukurikira.

16. Sainte Nadege Mimi

Uyu ni umukinnyi wa Filme nyarwanda. Akurikirwa abarenga ibihumbi 33, kubera imiterere ye ndetse n’uburyo akunda kwifotoza yambaye.

17. Miss heritage 2015

Iri ni izina rikoreshwa kuri Instagram na Miss Keza Joannah witabiriye Miss Rwanda muri 2015, akaza no kuba Miss Heritage uwo mwaka. Abarenga ibihumbi 81 baramukurikira bagamije kwirebera ubwiza byuri mu mafoto ashyira hanze.

18. Aisha Mutesi

Yitabiriye Miss Rwanda 2017, akaba akurikirwa n’abarenga ibihumbi 25. Ubu asigaye yamamariza amazu amwe n’amwe y’ubucuruzi ndetse n’amazu y’imideri.

19. Sandrine Isheja

Uyu ni umwe mu bagore bahiriwe n’umwuga w’itangazamakuru kuburyo hari abamubarira mubagore bavuga rikijyana mu Rwanda. Nta mafoto adasanzwe akunda gushyira hanze, ariko ni umwe mu bakurikirwa n’imbaga y’abakoresha Instagram barenga ibihumbi 147.

20. Habiba H.A.B.I.B.A.H.

Yamamaye ubwo yashwanaga n’abagize akanama nkemurampaka muri Miss Rwanda mu 2016 bamubwiye ko adashoboye kurenga ijonjoira ry’ibanze, ariko ntibyamubujije kwitabira Miss Supranational nubwo naho atarenze umutaru. Kugeza ubu ariko, Instagram yamugize ikirangirire kuburyo akurikirwa n’abarenga ibihumbi 108.

21. Tonnyqwiny (La mysterieuse).

Nubwo adakurikirwa n’abantu benshi kimwe n’abantu twavuze haruguru, ni umwe mu bamaze igihe gito kuri Instagram, ariko amafoto ashyira hanze yambaye amakanzu amwegereye, atuma akurikirwa n’abarenga ibihumbi 16.

22. Akiwacu Colombe.

Miss Rwanda 2014, ubu ukunze kwibera mu bufaransa. Yakunze gushyira hanze amafoto byavugwaga ko ashotorana nk’amafoto yambaye utwenda two kogana, cganywa imyenda imwegereye abagore bakorana sport. Ubu akurikirwa n’ibihumbi 105.

23. Asinah Erra

Uyu ni umuhanzikazi, nyarwanda, ugaragaza ko atajya aripfana ku bijyanye no kwambara. Imyambambaro imwe imugaragaza uko ateye ndetse n’imbyino za hato na hato kuri Instagram byatumye ubu akurikirwa n’abarenga ibihumbi 84.

24. Olga-Love (Aline Gahongayire)

Umuririmbyikazi w’indirimbo zo kuramya Imana. Ni umwe mu bakunda gusangiza abanyarwanda bimwe mu bice by’ubuzima bwe, igihe ababaye, cg yishimye wabimenya igihe ukurikira Instagram ye. Byatumye ubu akurikirwa n’abarenga ibihumbi 121.

25. Colombe uwase

uyu nawe yamenyakenye mu kanya gato kubera kwitabira Miss Rwanda, ariko ntabwo yarenze umutaru. Gusa, ibi bishobora kuba ari kimwe mu byamufashije kuba ubu akurikirwa n’abarenga ibihumbi 80, kuburyo ubu asigaye akoresha Instagram ye akamamariza ama Hotels na Restaurent z’abasirimu muri Kigali.

26. Kate BASHABE:

Uyu ni umwe mu bakurikirwa cyane kuri Instagram, akanakoresha uru rubuga yamamaza ibikorwa bitandukanye by’ubucuruzi akora. Akunda kwifotoza ari mu ndege, mu modoka zihenze, ari mu bihugu by’uburayi na Amerika, ariko cyane cyane abantu bakanakunda uko agaragara mu mafoto ndetse n’imiterere ye igaragara inyuma. Ni umwe mu bakurikirwa cyane kuri Instagram, kuko abarenga ibihumbi 252, bahisemo kujya birebera ibyo akorera ku isi ya Instagram.

Uru rutonde si ntakuka, kuko hashobora kuba hari abantu bamamaye kuri Instagram. Niba hari undi uzi wamamaye kuri uru rubuga, wamushyira ahatangirwa ibitekerezo munsi y’iyi nkuru.

Mu ijoro ryo kuri uyu wa Gatanu ni bwo Iki gikamyo Break Down yagiherereje uruhande rumwe rw’umuhanda maze ingendo zirakomeza nta nkomyi.

Iyi kamyo yari yafunze umuhanda, yazamukaga umusozi wa Buranga uherereye mu Karere ka Gakenke yacitse imbaraga isubira inyuma yitura hasi ihita ifunga umuhanda.

Uhereye ibumoso: K8 Kavuyo, Riderman na Tom Close ubwo bitabiraga Salax Awards ya mbere yabaye muri 2009

Ibihembo bya mbere bya Salax Awards byatanzwe mu kwezi kwa Werurwe 2009, mu birori byabereye mu cyahoze ari Kaminuza nkuru y’u Rwanda, i Butare mu Karere ka Huye.

Icyo gihe byatangiye mu masaha y’umugoroba maze abantu barenga ibintu bitatu buzura inzu y’imyidagaduro y’iyo kaminuza izwi ku izina rya Grand Auditorium.

Bamwe bicaye abandi bahagaze kubera kubura ibyicaro, bose bari bafite amatsiko yo kureba bwa mbere abahanzi bahabwa ibyo bihembo byari bishyigikiwe na Minisiteri y’umuco na siporo (MINISPOC).

Nubwo ibyo bihembo byari byatangiwe mu Ntara y’Amajyepfo, ntibyabujije ko abahanzi baba mu Mujyi wa Kigali, bakora urugendo rw’ibirometero birenga 130 bajya i Huye gufata ibihembo byabo no gususurutsa abafana bari babategereje.

Uhereye ibumoso: Umuririmbyi The Ben, Mani Martin n’umunyamideri Dady de Maximo nabo bari bitabiriye Salax Awards 2009

Gusa ariko nubwo bimaze imyaka umunani bitangiye, hamaze gutangwa ibihembo inshuro esheshatu gusa. Bivuze ko hari imyaka ibiri ibi bihembo bitatanzwe harimo uyu mwaka wa 2017 n’ushize wa 2016.

Ku bataragize amahirwe yo kwinjira muri ibyo birori bigitangira muri 2009, n’abatibuka uko byari bimeze, reka tubasubize muri Grand Auditorium mwihere ijisho, murebe n’imyambarire yari igezweho icyo gihe.

Bamwe mu bari bagize itsinda ry’abaririmbyi rya Just Family nabo ntibahatanzwe. Ibumoso ku ruhande hari umuraperi Lil G yambaye ikoti ry’umukara

Miss Jojo wari umwe mu baririmbyi bagezweho icyo gihe nawe yari yitabiriye Salax Awards muri 2009

Abakunzi b’umuziki barenga 3000 bari buzuye Grand Auditorium bareba abaririmbyi bakunda bahabwa ibihembo

Bamwe mu bari bagize itsinda ry’abaririmbyi ryitwa "Abakimaze" barimo nyakwigendera Dr Jack na Faruk Dinho ntibahatanzwe.

Ibirori bya Salax Awards muri 2009 byari byitabiriwe n’abantu batandukanye. Iyi foto irabigaragaza

Mike Karangwa n’umuririmbyi Liza Kamikazi (uwa kabiri uturutse iburyo) kuri red carpet mbere yuko ibirori bya Salax Awards yo mu 2009 bitangira

Ibyo ni ibihembo abaririmbyi bitwaye neza kurusha muri 2008 bahembwe

Uyu yari arimo abireba abigenzura neza

Miss Jojo yataramiye abitabiriye ibyo birori yambaye gutya

Mushyoma Joseph uzwi nka Boubou (ku ruhande ibumoso) na DMS (hagati) nabo bari bahari

Umuraperi K8 Kavuyo yari ahari akurikirana ibirori neza

Miss Shanel yari ahari bigaragara ko yishimye

Ba Nyampinga nabo bari babukereye

Nyakwigendera Dr Jack, wabanje gukora mu nzu itunganya umuziki ya Ubuntu Studio akaza kujya muri Maurix Music Studio nawe yari ari muri ibyo birori

Rafiki "Coga Style" yari ahari

Riderman niwe wegukanye igihembo cy’umuririmbyi mwiza wa Hip Hop muri Salax Awards yabaye muri 2009

Mani Martin nawe yegukukanye igihembo

The Ben avuga ijambo nyuma yo guhabwa igihembo muri Salax Awards yabaye muri 2009

Tonzi yishimiye cyane igihembo yahawe

Iyi foto ya Liza irivugira

Uwari Minisitiri w’umuco na Siporo muri icyo gihe, Habineza Joseph yari yaje gushyigikira Salax Awards yo muri 2009

Ibyishimo byari byose muri Salax Awards yabaye muri 2009

Iyi foto nayo irivugira

Bamwe mu batangije Salax Awards. Uhereye ibumoso: Emma Claudine, Cynthia Rupari, Kalisa Etienne, Rutayomba D. Tsuki, Mike Karangwa na Ally Soudy