Ibi bije nyuma y’aho Peter Okoye ari we mpanga nkuru muri babiri bahoze bagize P Square, ahinduye izina akiyita Mr P. Mu minsi yashyize kandi yashyize hanze, ku giti cye, indirimbo zirimo nk’iyitwa “Look into my eyes.”

P Square yarasentutse irongera irasubirana ariko ibyo bakora bishobora guteza urujijo.

Peter wakoze igitaramo nk’umuhanzi ku giti cye tariki 7 Mata 2016, i Dubai, yagize ati “Ni amategeko mashya y’itsinda agiye kujya yemerera buri umwe muri twe kuririmba wenyine mu gihe abyifuje. Ni byo twabonye byahesha amahoro umuryango.”

Murumuna we Paul we ati ”Turabinginze mukomeze kudushyigikira buri wese mu byo arimo, nyamara ntibizatubuza kujya tunakorera hamwe nk’itsinda. Turacyari hamwe, turacyari umuryango.”

Gutandukana kwa P Square kwavuzwe cyane mu minsi yashize ni ko kwatumye mukuru wabo wari umujyanama wabo muri muzika, Jude Okoye, yegura ku mirimo ye.

Isoko y’ubwumvikane buke hagati y’aba basore bakunzwe bikomeye muri Afurika, ntivugwaho rumwe na na benshi.

Uyu ni Jude Okoye, mukuru wabo akaba n’umujyanama wabo bombi.

Bamwe bakeka ko byatewe n’uyu mukuru wabo, Jude Okoye, wakundwakazaga Paul muto muri bose. Yanamugaragarizaga ko impanga nkuru Peter ntacyo amarira itsinda mu bijyanye no kuririmba, cyane ko we yari umuhanga cyane mu byo kubyina.

Hari n’amakuru ahwihwiswa ko nyina ubabyara, yaba yarapfuye azize ko aba basore bamutanzeho igitambo mbere gato yo kwamamara bakorana n’abahanzi nka Akon na Rick Ross.

Aba basore bigeze gutaramira Abanyarwanda kuri Stade Amahoro mu Ukuboza 2012 mu ndirimbo zibyinitse nka “Alingo”.

Aya makuru yose n’imikorere mishya bavuga ko bagarukanye, benshi ntibabishira amakenga. Ikibazo gikomeye kiragira kiti ”Ese P Square izongera kubaho? ”

Bisanzwe bikorwa akenshi n’abahanzi b’abanyamerika nka Lil Wayne n’abandi, baterera amafaranga hejuru andi bakayaryamamo. Gusa Lil G we yagaragaye asa n’uyacamo kabiri.

Iyi ni ifoto Lil G yashyize ku mbuga nkoranyambaga.

Abajijwe niba ibyo yakoze bidashobora kumukoraho akaba yabihanirwa n’amategeko, mu kiganiro Lil G yagiranye na KT radio yagize ati “Babwiwe n’iki ko ariya nari mfite ari amafaranga nyakuri?”

Lil G yasobanuyeko kariya kayabo k’amafaranga yasaga n’uyinezezamo kandi byose byari bijyanye n’ifatwa ry’amashusho y’indirimbo ye nshya yifuza gushyira ahagaragara mu minsi micye.

Gusa ariko yagize ati “Ndabiziko hari abantu baba batamenyereye umuziki nshobora kuba naracumuje, bambabarire rwose.”

Lil G yari amaze iminsi ashyiraho amafoto atandukanye agaragaza amafaranga.

Lil G avugako atakiri umwana wo guta umutsima . Lil G, umuraperi wakuriye mu ruganda rwa muzika Nyarwanda, kuri ubu ni umugabo ufite umugore n’umwana umwe.

Ingingo ya 486 mu gitabo cy’amategeko ahana ibyaha mu Rwanda, ivugako umuntu utesha agaciro amafaranga y’u Rwanda ashobora guhanishwa igifungo n’ihazabu y’amafaranga hagati y’ibihumbi magana abiri na miliyoni eshatu.

Urukundo rwa Selena Gomez na Justtin Bieber rwari rumaze iminsi rusa n’urwabyutse, none rwongeye gukonja.

Justin Bieber akiri mu rukundo na Selena Gomez.

Hollywoodlife.com yatangaje ko iyo basubukuye umubano wabo, Taylor Swift, burigihe abwira Selena Gomez amagambo y’urucantege agaragaza ko urukundo rw’aba bana bombi b’ibyamamare rutazashoboka.

Kimwe mu byo Taylor Swift ashinja Bieber harimo kuba ngo nta rukundo yigirira, bityo ngo akaba ari uwo gukomeretsa imitima y’abakobwa gusa.

Umuhanzi Chris Brown ni we wari wateye akanyabugabo Justin Bieber amubwira ko adakwiriye gutuma Selen Gomez amucika niba yumva akimwiyumvamo. Yamubwiraga ko nakomeza gukina imikino y’ubwana azicuza ubuzima bwe bwose.

Taylor Swift ushinjwa kwitambika mu rukundo rwa Bieber na Gomez.

Ibyo yabishingiraga ko ngo nawe yicuza icyatumye atandukana n’uwo yafataga nk’urukundo rw’ubuzima bwe ariwe Rihanna.

Kuva yatandukana na Selena Gomez, Justin Bieber uzwi mu ndirimbo nka “Sorry” ntarabona umukunzi uhamye dore ko yagiye agerageza gutereta abahanzikazi nka Ariana Grande bakamutera utwatsi.

Mu minsi ya Pasika aba bahanzi bombi bamaranye amajoro atatu muri Hotel, nyuma y’uko Selena Gomez yari yitabiriye igitaramo cya Justin Bieber i Las Vegas, gusa ibi byose birangira badasubiranye kumugaragaro.