Kuri iyi nshuro, Umuyobozi w’Akarere wungirije ushinzwe Imibereho Myiza y’Abaturage, Imanishimwe Yvette, ubwo yari yifatanyije n’abakozi ndetse n’abayobozi b’ibitaro mu gikorwa cyo kwibuka, yihanganishije abarokotse Jenoside yakorewe Abatutsi mu 1994, abifuriza gukomera no kwiyubaka.

Umuyobozi w’Akarere wungirije ushinzwe Imibereho Myiza y’Abaturage, Imanishimwe Yvette

Yavuze ko ibyabereye kwa muganga muri Jenoside ari amahano ndengakamere, dore ko hiciwe abahakoraga, abari bahahungiye n’abari baje kwivuza, ikibabaje kurushaho kikaba ari uko abari bashinzwe kuvura na bo bijanditse mu bwicanyi.

Yagize ati “Iyo tuvuga ibitaro cyangwa ahatangirwa serivisi zo kwa muganga, tuba tuvuga aho umurwayi aza arwaye agakira ibikomere. Ariko ntabwo ari ko byagenze muri Jenoside yakorewe Abatutsi mu 1994. Abarwayi n’abaganga barishwe, ariko ikibabaza kikanatera agahinda ni uko hari abize ndetse na bo bakora uwo mwuga bijanditse muri Jenoside bakambura abandi ubuzima.”

“Kwibuka ni umwanya wo kumvira hamwe ubwo buhamya bwose n’amateka y’Igihugu cyacu. Ni igihe ariko twese hamwe duharanira ko Jenoside itazongera kubaho ukundi, tukarangwa n’urukundo, ubumwe n’ubudaheranwa, tukabaho ubuzima buzira amacakubiri, buzira ivangura iryo ari ryo ryose, kugira ngo twirinde kuzasubira inyuma. Tuzirikane ko ku bitaro ari aho gufashiriza abarwayi, utugannye arira, atahe aseka, ntabwo ari aho akwiye kuburira ubuzima.”

Umuyobozi w’Ibitaro bya Nyamata, Dr. Sebajuri Jean Marie Vianney, avuga ko nk’abakora kwa muganga, by’umwihariko kuri ibyo bitaro, biyemeje kwita ku barwayi bose nta kuvangura. Yagize ati “Jenoside yakozwe n’abantu b’ingeri zitandukanye, harimo n’abitaga ku buzima nk’abaganga, abaforomo, ababyaza n’abandi. Rero ni yo mpamvu ibitaro bya Nyamata na byo byihaye gahunda yo guhora bizirikana iki gikorwa cyo kwibuka.”

Umuyobozi w’Ibitaro bya Nyamata, Dr. Sebajuri Jean Marie Vianney

Yongeyeho ati “Mu rwego rwo guhindura isura mbi bamwe mu bari bashinzwe kuramira ubuzima bagaragaje ahubwo babwambura abantu, ibitaro bya Nyamata byigisha ku rwego rwa kabiri, bifite intego ijyanye n’uko tugomba kubaka Ubunyarwanda, tukirinda amacakubiri cyangwa se ivangura iryo ari ryo ryose, ndetse tukimakaza guteza imbere Igihugu cyacu, ndetse duteza imbere umwuga wo kuvura no kwita ku barwayi, tutavanguye, tukita ku Munyarwanda uwo ari we wese ufite ikibazo cy’ubuzima, natwe hagati yacu nk’abakora umwuga wo kwita ku buzima, tukarwanya icyatuma tugira amacakubiri hagati yacu, tugasenyera umugozi umwe, ndetse tugateza imbere urwego rw’ubuvuzi.”

Muri iki gikorwa cyo kwibuka ku nshuro ya 32 Jenoside yakorewe Abatutsi, Ibitaro bya Nyamata byatanze Sheki ya Miliyoni eshatu z’Amafaranga y’u Rwanda, nk’umusanzu wo kwishyurira ubwisungane mu kwivuza abaturage batishoboye barokotse Jenoside yakorewe Abatutsi.

Ibitaro bya Nyamata byatanze Miliyoni eshatu z’Amafaranga y’u Rwanda, azakoreshwa mu kwishyurira ubwisungane mu kwivuza abaturage batishoboye barokotse Jenoside yakorewe Abatutsi

Umunyamabanga w’Umuryango IBUKA mu Karere ka Bugesera, Uwibambe Clementine yashimiye Ibitaro bya Nyamata byibuka buri mwaka, bikanafasha abaturage batishoboye barokotse Jenoside yakorewe Abatutsi

Igikorwa cyo Kwibuka ku nshuro ya 32 Jenoside yakorewe Abatutsi mu Bitaro bya Nyamata cyabanjirijwe no gushyira indabo ku Rwibutso rwa Jenoside rwa Ntarama ruri mu Karere ka Bugesera, ruruhukiyemo imibiri y’Abatutsi isaga ibihumbi bitanu

Byagize ingaruka ku miryango 26 yasenyewe inzu ndetse n’ibikoresho byo mu rugo birangirika. Hari n’abafite imyaka yangiritse irimo urutoki, amasaka, umuceri, n’ibindi.

Nyinshi mu nzu zifite ibisenge byagurutse, kugeza ku wa Gatatu tariki 27 Gicurasi 2026 ziracyarangaye hejuru, ntizirasakarwa. Bene zo babaye bacumbikiwe n’abaturanyi, abandi baba mu ruhande rw’inzu rwasigaye rusakaye.

Umwe mu bagizweho n’ingaruka z’ibyo biza ni uwitwa Uwitonze Monica. Avuga ko impamvu inzu yabo ikirangaye ari uko ibiza byabaye bibatunguye, nta bushobozi bafite.

Yagize ati “Byarantunguye bisanga nta mafaranga mfite, biba ngombwa ko mba ncumbitse kugira ngo ndebe ko hari icyo nazabona, ubu ndacyategereje.”

Mugenzi we witwa Mukandayisenga Mathilde, na we igisenge cy’inzu ye cyaragurutse kigwa mu murima uri muri metero nk’icumi, amabati arangirika cyane ku buryo ngo batari kubona uko bayasubizaho. Ubu inzu iracyarangaye hejuru.

Igisenge cy’inzu y’umuryango wa Mukandayisenga Mathilde cyagurutse uruhande rumwe

Agira ati “Nanjye nta bushobozi mfite, byabaye bintunguye, ubu ntegereje ko hariumuntu wagira icyo amfasha. Byabaye ntahari, ibintu byose byo mu nzu byarangiritse, ibyo kurya, ibyo kuryamaho, imyenda, urebye mu nzu nta na kimwe nakuyemo, ubu ni umugiraneza wabaye ancumbikiye.”

Nsengiyumva Jonathan uyobora Umudugudu wa Murambi wabayemo ibyo biza, avuga ko hari abagerageje kwishakamo ubushobozi bwo kwisanira, ariko imiryango myinshi yibasiwe n’ibyo biza ngo nta bushobozi irabona bwo gusana inzu zabo zangiritse.

Ati “Imiryango myinshi iracyacumbikiwe n’abaturanyi. Twifuza ko mwadufasha mu buvugizi, abaturage bakabasha kubona ubufasha nk’amabati n’ibikoresho byo mu nzu.”

Abaturage babajijwe niba hari amakuru baba baramenye mbere ababurira ko bashobora kwibasirwa n’ikiza cy’umuyaga ukaze, baba bo ndetse n’Umuyobozi w’Umudugudu bavuga ko ntayo bamenye mbere, ari na yo mpamvu byabatunguye.

Hari abo igisenge cyagiye burundu n’ibyo mu nzu birangirika, ubu bakaba bacumbitse mu baturanyi

Naho ku kijyanye no kumenya niba baba baraziritse inzu ku buryo bukwiye kugira ngo ibisenge bitazaguruka, bavuga ko inzu zari ziziritse uko bikwiye, ahubwo ngo umuyaga wari ufite ubukana.

Mu gihe cy’ibiza, abaturage bafashwa bate mu gusubizwa mu buzima busanzwe?

Niyonizeye Placide, umukozi w’ihuriro ry’imiryango y’abantu bafite ubumuga mu Rwanda (NUDOR), ni umwe mu bo itangazamakuru ryasanze mu Karere ka Gisagara mu Murenge wa Gikonko ahabereye ibyo biza. Avuga ko ku bufatanye n’Akarere ka Gisagara hari umushinga bahakorera babifashijwemo n’Umuryango CBM (Christian Blind Mission) ugamije kureba uburyo abaturage bitwara mu gihe cy’ibiza, ndetse tukareba n’uko igihe byabaye basubizwa mu buzima busanzwe. Nk’umufatanyabikorwa w’Akarere rero, twageze hano kugira ngo tubikurikirane ibyerekeranye n’ibi biza byabaye hano mu cyumweru gishize.

Mu byo nka NUDOR yitaho by’umwihariko harimo abantu bafite ubumuga bajya bibasirwa n’ingaruka cyane mu bihe by’ibiza, bigatuma bakenera ubutabazi n’ubufasha bwihariye. Niyonizeye avuga ko bategereje raporo irambuye y’Akarere igaragaza ibyiciro byose byagizweho ingaruka kugira ngo barebe niba hari icyo bakora mu rwego rwo gufasha abaturage kugira imibereho myiza. Ati “muri iyo raporo tuzamenya muri ibyo byiciro abana, abafite ubumuga, abanyantege nke, aho tuzasanga hari ibishoboka gukemura, tuzabikora dufatanyije n’Akarere.”

Umukozi w’Akarere ka Gisagara ushinzwe imicungire y’ibiza, Hakizimana François, ni umwe mu bakorana bya hafi n’abafatanyabikorwa kugira ngo barebe uko bagoboka abaturage bahuye n’ibiza bikabagiraho ingaruka.

Agira ati “Mu by’ukuri iyi mvura yaguye itunguranye nubwo twari twayimenyeshejwe n’ikigo gishinzwe ubumenyi bw’ikirere, Meteo Rwanda, ntabwo twabonaga ko iza kugws mu buryo yaguyemo ifite ubukana. Hano mu Murenge wa Gikonko ni ho twagize ikibazo cy’umwihariko cy’inzu zabaturage zasakambuwe n’umuyaga.”

Usibye ibisenge by’inzu byagurutse imyaka irimo urutoki, ibishyimbo, amasaka n’umuceri uhingwa cyane muri aka gace ka Gikonko, na yo yarangiritse

Nubwo avuga ko hari amakuru bari babonye y’uko imvura izagwa, abatuye mu gace ibiza byebereyemo bo bagaragaza ko ayo makuru hari igihe atabageraho kugira ngo bitegura hakiri kare, niba hari ibyo basana babisane imvura itaragwa, cyangwa niba hari n’ibindi yarengera abyiteho mbere. Hakizimana na we asanga hakwiye kunozwa uburyo bwo kugeza ayo makuru ku baturage hakiri kare.

Ati “Gufasha abaturage kubimenya ni ngombwa kuko na Meteo Rwanda ndetse na Minisiteri y’Imicungire y’Ibiza (MINEMA) baba baduhaye amakuru ahagije. Tukimara kuyabona rero tugomba kuyasakaza mu nzego z’ibanze kugera ku Mudugudu, ku buryo ayo makuru agera kuri buri muturage. Urebye ntibirafata neza kuko ni ibintu batari bamenyereye, ngo bamenye ko niba imvura iri bugwe baza kuba bamaze kwanura cyangwa se baze kuba hafi y’abafite ubumuga n’abanyantege nke kugira ngo bataza guhura n’ingaruka ziturutse kuri ibyo biza.”

Nyuma y’uko ibyo biza bibaye, Umukozi w’Akarere ka Gisagara ushinzwe imicungire y’ibiza, Hakizimana François, avuga ko abo baturage batazirengagizwa, kuko ibiza bikimara kuba, ubuyobozi bwahise butangira kureba ibyangiritse, ibikenewe n’ibyo buri wese yafashwa. Biteganyijwe ko raporo yuzuye iboneka kuri uyu wa Kane, kugira ngo Akarere n’abafatanyabikorwa, buri wese arebe icyo yafasha mu kugoboka abibasiwe n’ibyo biza.

Mu buryo bwo gukumira ibiza kandi, uyu muyobozi avuga ko hari ubutumwa banyuza mu nteko z’abaturage, mu nama no mu miganda, aho bakangurira abaturage kuzirika ibisenge, gutunganya neza inzira z’amazi no gucukura imirwanyasuri.

Ni ibirori byaranzwe n’ibyishimo ndetse n’umunezero ku barangije amasomo ndetse n’abo mu miryango yabo. Abarangije amasomo banagaragarijemo ubumenyi bahakuye ndetse n’uko biteguye kuzuza inshingano biyemeje.

Perezida Paul Kagame n’abandi bayobozi batadukanye na bo bitabiriye ibi birori, byatangiwemo n’impanuro zireba cyane cyane abarangije amahugurwa, Abanyarwanda muri rusange, ndetse n’abandi bo mu nzego z’umutekano.

Reba amwe mu mafoto y’ingenzi yaranze ibyo birori:

Reba uko ibirori byagenze muri izi Videwo:

Impinduka ziri muri iri tegeko ngo ni izijyanye no kunoza uburyo inzego zisaba zikanahabwa sitati yihariye.

Muri sitati rusange igenga abakozi ba Leta, imishahara igenwa hakurikijwe imbonerahamwe y’imirimo y’urwego yemezwa n’Inama y’Abaminisitiri. Iyo mishahara ibarwa hashingiwe ku gaciro k’umubare fatizo w’urwego, intera y’umwanya w’umurimo n’inshingano z’ukora ako kazi.

Ku birebana n’imishahara mu nzego zihariye: imishahara yemezwa n’inama z’ubuyobozi bw’izo nzego kandi hagendewe ku mategeko azishyiraho.

Naho ku birebana n’Iteka rya Minisitiri w’Intebe n° 016/03 ryo ku wa 22/05/2026 rihindura Iteka rya Minisitiri w’Intebe n° 024/03 ryo ku wa 19/10/2022 ryerekeye indamunite (agahimbazamusyi) z’abakozi ba Leta n’amafaranga y’ishyingura, impinduka zikubiye muri iri teka zihuje n’impinduka mu bwiteganyirize bwa pansiyo, hagamijwe ko umushahara utahanwa n’abakozi ba Leta udahinduka. Bityo nta kwiyongera cyangwa kugabanuka k’umushahara iri tegeko rishyiraho. Agaciro k’iri teka gahera tariki ya 1 Mutarama 2025; ari na yo tariki impinduka mu bwiteganyirize bwa pansiyo zatangiriye gushyirwa mu bikorwa.

Ikindi MIFOTRA yasobanuye ni uko izi mpinduka zireba abakozi bose ba Leta, si abayobozi gusa. Agahimbazamusyi k’ubuyobozi gahabwa gusa abakozi ba Leta bayobora bagenzi babo bari ku rwego rumwe rw’umurimo nk’uko bikubiye mu mbonerahamwe y’imyanya y’imirimo y’urwego bakozera. Urugero: Umuyobozi w’Ishami ry’Imari mu rwego runaka, uyobora abakozi bashinzwe imari bari ku rwego rwa “specialist”, ahabwa ako gahimbazamusyi kuko mu busanzwe we n’abo ayobora baba bari ku rwego rumwe rw’umurimo.

MIFOTRA ivuga ko nta cyahindutse ku mafaranga yatangwaga y’icumbi, ay’urugendo n’ay’ubuyobozi atahanwa. Imbumbe y’utwo duhimbazamusyi ni yo gusa yahinduriwe uburyo ibarwa kugira ngo ihuzwe n’impinduka mu bwiteganyirize bwa pansiyo. Ibi bivuze ko imbumbe ibarwa ku buryo indamunite cyangwa se amafaranga y’inyongera afatwa nk’agahimbazamusyi umukozi atahana adahinduka.

Uwayezu Obed ni we washinze akaba n’umuyobozi wa starshine.rw

Muri uko kwibaza uko umuhanzi nyarwanda yakwinjiza amafaranga aturutse mu bihangano bye mu buryo bwa nyabwo kandi bugezweho, igisubizo cy’iki kibazo kiragenda kigaragara binyuze ku rubuga rwa Internet rwitwa Starshine.rw, urubuga rwashinzwe na Uwayezu Obed. Uru rubuga rwitezweho guhindura uburyo abahanzi n’abakunzi babo bahuriraho.

Uru si urubuga rusanzwe rwo kumviraho indirimbo gusa, ahubwo ni ihuriro rigezweho rihuza abahanzi n’ababakunda, rikabafasha gukorana no gutezanya imbere mu buryo bworoshye kandi bwizewe.

Uburyo budasanzwe bwo gushyigikira abahanzi

Kimwe mu bintu bikomeye cyane Starshine.rw izanye ni uko umuhanzi wese ushoboye gufungura konti kuri uru rubuga yemerewe gushyiraho indirimbo ze ku buntu, nta kiguzi na kimwe asabwe mbere.

Iyo umuhanzi amaze gushyiraho indirimbo ye, ashyiraho amafaranga yifuza ko umuntu uzashaka kuyitwaraho kopi (download) azamwishyura. Umufana ashobora kuyumva mbere (preview cyangwa streaming). Iyo ayikunze, arayigurira kugira ngo ayitunge muri telefone cyangwa ku kindi gikoresho cye.

Ibi bivuze ko amafaranga ajya mu mufuka w’umuhanzi binyuze mu bihangano bye bwite. Ni uburyo bushya bushobora kongera imbaraga n’icyizere ku bahanzi nyarwanda, kuko abakunzi babo baba bafite uruhare rutaziguye mu kubateza imbere.

Abasesenguzi b’imyidagaduro bavuga ko ibi bishobora guhindura imyumvire y’abantu ku muziki nyarwanda, aho umufana atazaba akiri umuntu wo kumva gusa, ahubwo azaba umuterankunga n’umufatanyabikorwa mu iterambere ry’umuhanzi akunda.

Mu butumwa bwe, Perezida kagame yagize ati “Turashimira Arsenal F.C., abafatanyabikorwa bacu ba #VisitRwanda, ku kuba begukanye igikombe cya Shampiyona y’u Bwongereza (Premier League) nyuma y’umwaka w’imikino waranzwe n’ihangana rikomeye.

Perezida Kagame asanzwe ari umufana ukomeye wa Arsenal, akaba no mu bashyigikiye cyane ubufatanye bw’u Rwanda n’iyi kipe mu kwamamaza ubukerarugendo mu Rwanda, binyuze muri gahunda ya Visit Rwanda.

Ikipe ya Arsenal itwaye igikombe cya Shampiyona y’u Bwongereza, nyuma y’uko Manchester City bari bahanganye itakaje amanota inganyije na AFC Bournemouth igitego 1-1.

Arsenal icyegukanye ifite amanota 82, naho Manchester City ifite amanota 78 mu gihe hasigaye umukino umwe ngo Shampiyona irangire.

Congratulations to #VisitRwanda partner @PSG_inside on reaching the UEFA Champions League Final after an impressive run. Wishing both finalist teams the very best in what promises to be a great final!

— Paul Kagame (@PaulKagame) May 6, 2026

Amakuru yerekeranye n’ikoreshwa ry’iyi mipaka aravuga ko abanyeshuri, abakora ibikorwa by’ubutabazi (humanitarians), abatwara ibiribwa, ndetse n’abatashye iwabo, barakomeza koroherezwa gutambuka.

Abaturage barasabwa gukomeza kubahiriza ingamba zo kwirinda harimo gukaraba intoki n’amazi meza n’isabune, kwirinda gusuhuzanya n’intoki, kwirinda ingendo zitari ngombwa cyane cyane ahantu hagaragaye icyorezo cya Ebola, kwihutira kujya kwa muganga mu gihe umuntu agaragaje ibimenyetso birimo umuriro mwinshi, kuribwa mu ngingo, kuva amaraso, n’ibindi.

Ifungwa ry’iyi mipaka y’i Rusizi rije rikurikira iry’imipaka ya Rubavu ryabaye ku Cyumweru tariki 17 Gicurasi 2026, mu rwego rwo gukumira icyorezo cya Ebola byavugwaga ko gishobora kuba cyageze i Goma mu mujyi wegeranye cyane n’uwa Rubavu.

Minisiteri y’Ubuzima mu Rwanda, ku mugoroba wo ku Cyumweru, yatangaje ko nubwo ingamba zo kwirinda zakajijwe, mu Rwanda nta murwayi wa Ebola wari wahaboneka.

Kuri ubu uwemererwa kwambuka ni Umunyarwanda utashye iwabo ariko na we akabanza gusuzumwa, ndetse n’Umunyekongo utashye iwabo. Mu nzira zitemewe zizwi nka ‘panya’ zajyaga zifashishwa mu buryo butemewe na ho hashyizwe abagenzura ko nta muntu uhanyura.

Umuyobozi w’Akarere ka Rubavu, Mulindwa Prosper, yemeje amakuru y’ifungwa ry’umupaka, asaba abaturage kubahiriza icyo cyemezo, no kwirinda kunyura mu nzira zitemewe, kuko bigamije kubarinda kwibasirwa na Ebola.

Ati “Abaturage babyumve kandi ntibahatirize kuko biri mu nyungu zacu twese.”

Mulindwa avuga ko nta muntu wari wagaragaraho icyo cyorezo mu Rwanda, ingamba zafashwe zikaba ari izigamije kugikumira.

Icyorezo gishya cya Ebola kimaze iminsi kivugwa mu Ntara ya Ituri mu Burasirazuba bwa RDC, aho cyishe abantu 80, abarenga 240 baracyandura. Biracyekwa ko cyaba cyageze i Goma mu mujyi utuwe cyane kandi wegeranye n’u Rwanda, ibituma hashobora gushyirwaho ingamba zikomeye zo kugikumira.

Kabuga Félicien

Kabuga yafashwe ku wa Gatandatu tariki 16 Gicurasi 2020, afatirwa mu Bufaransa n’Igipolisi cyaho, nyuma yo kumushakisha ku bufatanye na Polisi y’u Bubiligi, u Bwongereza ndetse n’Urwego rwasigariyeho icyari Urukiko Mpuzamahanga Mpanabyaha rwashyiriweho u Rwanda na Yugoslavia (IRMCT).

Icyo gihe ubuzima bwa Kabuga mu myaka 26 yari ishize bwaranzwe no kwihishahisha mu bihugu binyuranye, abifashijwemo n’inzego zitandukanye ndetse n’abana be.

Dr. Gakwenzire avuga ko hari byinshi bamaze igihe bibaza kuri Kabuga. Ati “Hari ibibazo dukwiye kwibaza. Ko yafatiwe mu Bufaransa, ese yahageze ryari? Ese yahageze ate? Yashyigikiwe na nde? Yari ahamaze imyaka ingana iki? Icyo tuzi ni uko yagenderaga ku mpapuro z’inzira (Pasiporo) na Visa byatanzwe n’inzego zibifitiye ububasha, atari ibyangombwa by’ibihimbano. Izo nzego rero zamuhaye ibyo byangombwa byo kugira ngo agende acika ubutabera imyaka n’imyaka kugera igihe afatwa, hakaza noneho kuvuga ko adashobora guhagarara imbere y’ubutabera, abo bose bakwiriye kubiryozwa, kuko bananije ubutabera, kandi ibyo bihugu byasinye amasezerano mpuzamahanga yo guhana no gukumira icyaha cya Jenoside.”

Ati “Twebwe rero nk’umuryango IBUKA tubona ko hakwiriye kureba uburyo bwo gusubiza amaso inyuma, noneho izo nzitizi zose zagiye zibamo zigakurikiranwa, ababigizemo uruhare bagahanwa, naho ubundi ntacyo twaba dukora, kandi tugomba gushyigikira ko icyaha cya Jenoside gicika, atari mu Rwanda gusa nk’uko twabyiyemeje, ahubwo n’ahandi ku Isi hose.”

Ku wa Gatandatu tariki 16 Gicurasi 2026, itariki ihura n’iyo yafatiweho, nibwo byatangajwe ko Kabuga Félicien ufatwa nk’umuterankunga wa Jenoside yakorewe Abatutsi mu 1994 mu Rwanda, yapfiriye mu bitaro yari arwariyemo i La Haye mu Buholandi.

Kabuga yari amaze imyaka itatu ari mu kigo cy’Umuryango w’Abibumbye mu Buholandi nyuma y’uko yari akurikiranweho ibyaha birimo gutera inkunga no gushishikariza abantu gukora Jenoside.

Urubanza rwe rwaburanishwaga n’Urugereko rw’Urukiko Mpanabyaha rwashyiriweho u Rwanda rwahawe kurangiza imanza z’insigarira (IRMCT) i La Haye mu Buholandi, rwari rwahagaritswe nyuma y’aho impuguke z’abaganga zasuzumye ubuzima bwa Kabuga, zikora raporo igaragaza ko ubuzima bwe n’ubushobozi bwo gutekereza bitamwemerera gukomeza urubanza.

Ku wa 8 Nzeri 2023, urukiko rwafashe icyemezo cyo guhagarika urubanza igihe kitazwi, kubera ko Kabuga yabonwaga nk’utagifite ubushobozi bwo kuburana, runategeka ko akomeza gufungirwa ahakorera Umuryango w’Abibumbye kugeza igihe ikibazo cyo kumurekura by’agateganyo kizakemukira.

Mu gihe yitabaga Imana, Kabuga yari ategereje kurekurwa by’agateganyo no koherezwa mu gihugu cyemera kumwakira ku butaka bwacyo.

Bagiranye ibiganiro byibanda ku nsanganyamatsiko zikurikira: “Kwivanga kw’Amahanga mu bibazo bya Afurika: Imbogamizi n’Inzira y’igisubizo” ndetse na “Umutungo kamere n’iterambere rirambye: Amahirwe Afurika ifite.”

Mu ijambo rye, Minisitiri w’Ingabo, Juvenal Marizamunda, yagaragaje ko ibibazo by’umutekano Afurika ihura na byo bisaba ingamba zihuriweho hagati y’ibihugu bya Afurika.

Yagize ati “Dufatiye urugero ku Rwanda, mu 1994 igihe amahanga yareberaga Jenoside yakorewe Abatutsi iba, kugeza aho abarenga Miliyoni bishwe, kugeza ubwo kandi habayeho kubohora Igihugu Jenoside igahagarikwa, ibyo byose byagaragaje ko nta muntu n’umwe wakwitaho kurenza uko wakwiyitaho wowe ubwawe. Kuri ubu ubuyobozi bwiza burangajwe imbere na Nyakubahwa Perezida Paul Kagame, ibyo byose byabashije gushoboka, twiyemeza gufata inshingano ndetse no gutekereza cyane.”

Minisitiri w’Ububanyi n’Amahanga, Ambasaderi Olivier Nduhungirehe, agaragaza ko hakenewe imikoranire myiza hagati y’ibihugu bya Afurika mu rwego rwo kugabanya ingaruka zo kwivanga kw’amahanga.

Yagize ati “Tubwizanyije ukuri, ahazaza ha Afurika hazagenwa n’Abanyafurika mu buryo bwa politiki, ubukungu, ingabo n’ibindi. Ni ibintu rero bigomba gutegurwa, harimo gukorana kuko ni byo bigomba kuturanga, twirinda amakimbirane.”

Iyi nama ngarukamwaka itegurwa n’Ishuri Rikuru ry’Ingabo z’u Rwanda ryigisha ba Ofisiye bakuru ku bufatanye na Kaminuza y’u Rwanda. Igamije gufasha abanyeshuri b’aba Ofisiye bakuru kurushaho gusobanukirwa ibibazo by’umutekano Afurika ihanganye na byo muri iki gihe, ndetse no gutyaza ubumenyi n’ubushobozi bwabo mu guhangana n’ibibazo bikomeye by’umutekano bishobora kuvuka mu gihe kizaza.

Kureba andi mafoto, kanda HANO

Hari abakunda gucukura ubwiherero burebure buri muri metero zirenga 30, hakaba n’abandi usanga bacukura ubwiherero bugufi guhera kuri metero imwe. Hari abandi usanga bashyiramo umunyu ndetse n’amabuye kugira ngo ubwiherero burusheho kuba burebure.

Gucukura ubwiherero buri hejuru ya metero esheshatu z’ubujyakuzimu ngo si byiza kuko imyanda yo mu bwiherero iyo igiye mu kuzimu kure yanduza amazi ari munsi y’ubutaka.

Imodoka zikunze kwifashishwa mu kuvana imyanda mu bwiherero, ibizwi nko kuvidura, buriya ngo zigira ubushobozi bwo kuvana imyanda mu bwiherero butarengeje metero esheshatu z’ubujyakuzimu, nk’uko bisobanurwa na Rutagungira Methode, Umuyobozi w’ishami rishinzwe Isuku n’Isukura muri WASAC Group.

Agira ati “Ni yo mpamvu dusaba abantu ko mu gihe bacukura ubwiherero, batarenza metero esheshatu z’ubujyakuzimu kugira ngo ziriya modoka zishobore kuyividura. Ikindi ni uko uko ukomeza ucukura ujya hasi, ni ko ugenda wegera ikigega cy’amazi yo mu kuzimu ariya avamo amasoko. Abantu rero ntibakwiye kurenza metero esheshatu kugira ngo batajya kwanduza amazi bazakenera gukoresha.”

Ubwiherero buba bugomba kubakirwa mu mpande no ku ndiba kugira ngo imyanda idacengera mu butaka ikanduza amazi

Indi nama Rutagungira atanga ni uko na za metero esheshatu zubakirwa haba mu ndiba ndetse no ku nkuta hifashishijwe nk’amatafari, isima, amabuye,… mu rwego rwo gukumira imyanda ngo itinjira mu butaka ikangiza ya mazi ari mu bisa n’ibigega by’amazi bibitse munsi y’ubutaka.

Mu gihe abacukura ubwiherero bagirwa inama yo kutarenza metero esheshatu z’ubujyakuzimu, hari abibaza ubwiherero bugufi abantu batagomba kurenza, cyane ko hari nk’ahazwi mu bice by’Amajyaruguru no mu Burengerazuba bw’u Rwanda, aho usanga bacukura ubwiherero bugufi bitewe n’imiterere y’ubutaka bwaho usanga bugoye gucukura kubera ko bugizwe n’amakoro.

Rutagungira avuga ko muri rusange nta burebure bushingirwaho umuntu adakwiye kujya munsi mu gucukura ubwiherero bwitwa ko ari bugufi cyane, kuko byose biterwa n’uko imyanda bayikoreye imiyoboro, ndetse n’uko bita ku kuyividura. Kuri ubu kandi usanga abatuye mu butaka bugoye gucukura, hari uburyo bagirwamo inama yo kubaka ubwiherero bajya hejuru, aho kujya mu kuzimu.

Ni inama yibanda cyane ku guteza imbere ubukungu bwa Afurika, ishoramari, ubufatanye hagati ya Leta n’abikorera, no gushakira hamwe ibisubizo by’iterambere ry’umugabane.

Africa CEO Forum yatangirijwe i Genève mu Busuwisi mu 2012, itangijwe n’ikigo Jeune Afrique Media Group gifite ikinyamakuru Jeune Afrique
ku bufatanye n’Ishami rya
Banki y’Isi rishinzwe Iterambere ry’Imari ry’abikorera (International Finance Corporation/IFC).

Nyuma yaje kwimurirwa muri Afurika kugira ngo yegerezwe abagenerwabikorwa bayo, hagamijwe guteza imbere ubucuruzi n’ishoramari muri Afurika, guhuza abayobozi ba Leta n’abikorera,
kuganira ku mbogamizi z’ubukungu, gukurura abashoramari, no gushaka ibisubizo birambye ku bibazo byugarije umugabane.

Intego yayo nyamukuru ni ukubaka Afurika ikaba hamwe mu hantu hakomeye mu bukungu ku Isi, (Making Africa the next global economic powerhouse).

Perezida Paul Kagame ni umwe mu bakuru b’Ibihugu bakunze kuyitabira aho akunze kuba umwe mu batanga ibiganiro bigaruka cyane cyane ku ikoranabuhanga, ubufatanye bwa Afurika,
ishoramari, n’imiyoborere.

Africa CEO Forum y’umwaka ushize (2025) yabereye i Abidjan muri Côte d’Ivoire.

Kuri iyi nshuro, inama ibera mu Rwanda muri Kigali Convention Centre yitabiriwe n’abarenga 2000, baturutse hirya no hino ku Isi. U Rwanda rugiye kuyakira ku nshuro ya gatatu kuko ku nshuro ya mbere rwayakiriye mu 2019, rwongera kuyakira mu 2024.

Ifoto ya AI

Uyu munyamakurukazi usanzwe akorera ikinyamakuru The New Times, mu ibaruwa ndende yanditse ku itariki 13 Gicurasi 2026, avuga ko mu mpera z’ukwezi kwa Cyenda 2025 mu masaha y’ijoro, yagiye kuri RIB (mu kigo Isange One Stop Center ku Kacyiru) gutanga ikirego cy’ihohoterwa rishingiye ku gitsina yakorewe, ariko ntiyanyurwa n’uburyo yakiriwe, haba kuri icyo kigo, ndetse no ku Bushinjacyaha Bukuru. Icyo gihe ngo yaraye kuri icyo kigo, akorerwa isuzuma ndetse ahabwa n’umujyanama mu by’imitekerereze wamuganirizaga.

Iribagiza agaragaza ko abamwakiriye bakoreshaga imvugo zitari nziza, ndetse rimwe na rimwe yabaza aho dosiye igeze ntabone ibisubizo bifatika by’aho icyo kibazo kigeze.

Yasabaga ko uwo yashinjaga kumuhohotera (utavuzwe amazina) yafatwa agafungwa kugira ngo atazatoroka ubutabera, ariko ntibyahita bikorwa nk’uko yari yabisabye ndetse nk’uko bari babimwijeje.

Nyuma yaho yandikiye ibiro by’Umukuru w’Igihugu aha kopi Imbuto Foundation, aza guhabwa igisubizo ariko yongera kwandikira abakimuhaye, ababwira ko kitamunyuzea. Ngo yabwiwe ko ikibazo cye kirimo gukurikiranwa n’inzego zibishinzwe, kandi ko akwiye kuzigirira icyizere.

Yongeye kubaza muri Isange One Stop Center, bamumenyesha ko dosiye ye yohererejwe urwego rw’Ubushinjacyaha mu Karere ka Nyarugenge.

Nyuma yaho, inshuti ye yamubwiye ko wa muntu yashinjaga kumuhohotera yafashwe arafungwa, ariko hadaciyemo kabiri ararekurwa, hashingiwe ku mpamvu Iribagiza avuga ko atigeze amenya.

Uku kutanyurwa n’uburyo inzego zibishinzwe zitwaye mu gukurikirana iki kibazo, niko yahereyeho asaba Umukuru w’Igihugu kwinjira ubwe muri iki kibazo no kumufasha kubona ubutabera.

Nyuma y’uko ashyize ahagaragara iby’iki kibazo, Urwego rw’Ubugenzacyaha (RIB) rwagize icyo rubivugaho. Mu butumwa banditse ku mbuga nkoranyambaga mu masaha y’ijoro kuri uyu wa Gatatu tariki 13 Gicurasi 2026, RIB yagize iti “Nyuma yo kwakira ikirego cya Glory Iribagiza, Urwego rw’Igihugu rw’Ubugenzacyaha (RIB) rwakoze iperereza, ukekwaho icyaha arafatwa kandi arafungwa. Dosiye y’urubanza yarateguwe ishyikirizwa Ubushinjacyaha mu gihe uregwa yari agifunze. Nyuma yaho, Ubushinjacyaha bwajyanye uregwa mu rukiko, hanyuma ukekwaho icyaha aza kurekurwa hashingiwe ku byagaragajwe muri raporo y’ibizamini byo kwa muganga.”

Bamwe mu bakoresha imbuga nkoranyambaga bamwihanganishije, basaba ko yahabwa ubutabera bukwiye kandi bwihuse, niba ibyo avuga ari byo, kuko uko gutinza ubutabera ngo biri mu bica intege abandi bahohoterwa bagahitamo kubiceceka no kudatanga ibirego.

Hari abandi bavuga ko iki kibazo yari akwiye kubanza kukigeza ku zindi nzego zibishinzwe zirimo nka Minisiteri y’Ubutabera, Perezida w’Urukiko rw’Ikirenga, n’Umuvunyi Mukuru, mbere yo gusaba Perezida Kagame kuba ari we wagikemura.

Gusa hari abandi bavuze ko abari mu nzego z’ubutabera bakwiye gushishoza cyane kuko ibirego by’ihohoterwa no gufatwa ku ngufu cyangwa gusambanywa ku gahato bitari ukuri, ari intwaro bamwe bakoresha kugira ngo bashyirishe mu kaga abandi.

Iyi ni ibaruwa ifunguye Iribagiza yandikiye Perezida Kagame (mu rurimi rw’Icyongereza) agaragaza akarengane yahuye na ko:

Ingero za hafi niboneye ubwanjye zirimo ubwo umunsi umwe nari nasuye inshuti yanjye muri Kigali yari ifite imbwa yitwaga Jamaa (umuvandimwe cyangwa umwe mu bagize umuryango) yabonaga umuntu wese uje mu rugo igahita iryama hasi ikagarama kugira ngo ayagaze (ayishimashime).

Abo muri urwo rugo bambwiye ko ibyo ngo ibikora n’igihe habaga haje abajura muri urwo rugo, aho kubamerera nabi, ahubwo ikagarama kugira ngo bayagaze.

Undi munsi mu rugo haje umujura nijoro, imbwa iramoka, agerageza kuyirwanya iramwirukankana, ariruka arayicika. Ku manywa ubwo iyo mbwa twarimo dutemberana mu muhanda, yahuye n’umuntu usanzwe uzwiho ubujura muri ako gace, iramwirukankana, abantu babihuza n’uko muri iryo joro mu rugo hari haje umujura ikamwirukankana akayicika, bakeka ko ari uwo muntu yari yongeye kubona.

Kugira ngo dusobanukirwe byinshi ku myitwarire y’imbwa n’ubushobozi bwayo mu kurinda urugo, twaganiriye na Rurangwa Gaston wamenyekanye hambere mu buhanzi mu itsinda rya KGB nka Mr Skizz uri mu bantu biyeguriye gukunda no kwita ku mbwa, akabifatanya n’akandi kazi akora kamutunze.

Rurangwa utuye ku Ruyenzi, afite imbwa zibarirwa muri 28 harimo 16 yatije abantu zibafasha mu bijyanye n’umutekano aho ziganjemo inkazi zihangana n’abajura, akagira n’izindi 12 afite mu rugo, ziri mu bwoko butandukanye.

Rurangwa avuga ko imbwa zikora akazi ko kurinda urugo (guarding dogs) ari imbwa zikorana n’icyo bita ‘reconnaissance’. Ati “ Niba itakuzi ntikuzi, ntacyo muvugana. Urayihunga, urayica, cyangwa irakwica. Abo mu rugo iba ibazi ntabwo yababangamira. Ariko nk’umujura kuvuga ngo asimbutse igipangu aje kwiba, ubwo nibahura urabyumva. Urayihunga cyangwa se ikwangize kugeza nubwo yakwica, cyangwa se wowe uyice nubibasha, kuko urumva iba ifite bite force (PSI) ni ukuvuga ingufu ikoresha mu kuruma.”

Ati “Niba irumye ikageza nko kuri PSI ya 520, urumva kugira ngo izarekure, bisaba izindi tekinike zo kugira ngo irekure. Bisaba umuntu ubizi, ubana na zo uzi uko abigenza, cyangwa utegereza igihe yo yumva ikugiriye impuhwe ikurekure. Ni hamwe ubyuka mu gitondo ugasanga imbwa ifite umuntu mu kanwa yamufashe, yamuraranye ijoro ryose.”

Hari n’izindi mbwa z’imitako zo mu rugo zitagira amahane cyane. Na zo zishobora gucunga umutekano ikaba yabona umuntu itazi cyangwa umujura ikamoka, igasakuza ishaka kumenyesha nyiri urugo, ariko zo ngo ntizihita zigucakira, ntabwo ari ‘attacking dogs’.

Rurangwa avuga ko imyitwarire y’imbwa akenshi iterwa n’uko yatojwe, ati “ushobora gutoza imbwa yawe nabi ikaba ikigoryi, n’igihe abajura baje bakaganira nk’inshuti zayo, ariko ushobora no kuyitoza ko ntabyo igomba gutindamo n’umuntu itazi. Biterwa n’uko wayitoje ariko guarding dogs zo biri ‘automatic’ ni ibintu biri muri kamere yazo, uwo itazi ntimuzi.”

Mu kugaragaza ubushobozi bw’imbwa cyane cyane mu kumva ibintu runaka, Rurangwa avuga ko abantu imbwa bazibeshyaho bakazifata nk’ibigoryi, nyamara imbwa iyo yumvise icyuya cy’umuntu cyangwa umwuka umuturukamo, irabimenya ko ayanga cyangwa ayikunda, ku buryo n’iyo uwo muntu yaza ayibeshya, ayikinisha ashaka kuyereka ko ayikunda, yo irabimenya ko atayikunda.

Nubwo imbwa zimwe zimerera nabi abantu zitazi, akenshi iyo umuntu agiye mu rugo irimo iri kumwe n’abo muri urwo rugo, hari igihe itamushotora, kuko akenshi imbwa imoka cyangwa igafata umuntu ishaka gutabaza abo mu rugo.

Nubwo hari imbwa zigira amahane n’ubukana bwinshi, ubusanzwe imbwa ngo iyo utayirwanyije ntishobora kukugirira nabi nubwo yaba itakuzi, ahubwo iramoka ndetse ikaba yagufata nk’imyenda ikakugumana cyangwa ikagutangatanga ikakubuza kugenda, kugira ngo ba nyiri urugo baze bagufate, cyangwa bakubaze ikikugenza. Icyakora mu gihe uyirwanyije cyangwa ushatse guhunga, ishobora kugukomeretsa kugeza no kuba yanakwica, ibyiza bikaba ngo ari ukuguma hamwe ukirinda kwiruka mu gihe ikumokeye.

Mu bindi bisa n’ibitangaje ku mbwa, ngo ni uko hari abantu banga imbwa ngo zirara zimoka zisakuza, ariko burya ngo hari igihe ziba zirimo kurwana n’imyuka mibi igenda mu ijoro irimo koherezwa n’abapfumu cyangwa abarozi utamenya aho baturuka n’aho bajya, nk’uko Rurangwa Gaston yabisobanuye, ati “Urabona nk’aba bantu baza nijoro barimo abarozi, abacuraguzi baza nijoro bashaka kugirira nabi abo mu rugo, ntabwo ashobora kugera ahantu hari imbwa,ntibinabaho, ntibishoboka. Ibyo byo rwose mbifitiye n’ubuhamya, bariya bazirana n’ahantu haba imbwa, kuko zimwumva akiri nko muri metero 300. Ushobora no kumva imbwa ku baturanyi isakuza kandi nta mujura uhari. Imbwa zifite akamaro abantu benshi batazi. Usibye kuba ikumira abajura, no mu myemerere igira akamaro gakomeye ko kwirukana ibyo bintu by’imyuka mibi, jyewe ubuhamya kuri ibyo bintu ndabufite.”

Rurangwa agira inama abantu bafite imbwa kujya bazitaho bakazifata neza haba mu mirire no mu kuzigirira isuku. Anenga abazigaburira imyanda kuko iri mu bituma ziba mbi ndetse ntizinagaragaze ubushobozi bwo gukora ibyo ziba zigomba gukora ndetse zikagira n’imyitwarire mibi.

Ati “Imbwa kuzigaburira bisaba tekiniki. Abantu bazi ko imbwa zirya inyama gusa, ariko si byo. Inyama ni ingenzi ku mbwa nk’uko ari ingenzi kuri twe. Buriya zirya indyo yuzuye nk’iyo natwe dukenera, gusa zizira ibiryo birimo ibirungo, umunyu n’amavuta. Hari abantu usanga bazigaburira ibiryo nk’ibyo na bo barya birimo ibirungo. Umunyu n’amavuta, iyo mbwa ntabwo yamara kabiri.”

Ubwo basuraga Kaminuza yigenga ya ULK iherereye ku Gisozi mu Mujyi wa Kigali, umuyobozi wa HEC, Dr. Edward Kadozi, ari kumwe na Minisitiri w’Uburezi, Joseph Nsengimana, ndetse n’uwashinze Kaminuza ya ULK, Prof. Dr. Rwigamba Balinda, n’abayobozi n’abarimu muri iyo kaminuza, baganiriye ku bibazo rusange bireba amashuri makuru na za kaminuza, harimo ibijyanye n’abarimu bakaneye ubumenyi bwisumbuyeho ndetse n’ibikoresho bihagije kandi bijyanye n’igihe.

Umuyobozi wa HEC, Dr. Edward Kadozi, aganira n’itangazamakuru nyuma y’ibyo biganiro, yagize ati “Twumvikanye uko tugomba kubikemura. Icya mbere ni ukubaka ubushobozi bw’abarimu, dushaka uko dutangiza Porogaramu nyinshi za Doctorat, dushyiraho umurongo w’uburyo bwo kwigisha no kuyobora abakorera za Doctorats, no gukomeza kuzana abanyeshuri bavuye hanze b’abanyamahanga. Twaganiriye uko babafasha, uko babacumbikira, mwabonye ko ULK igerageza. Ifite amacumbi y’abanyeshuri bava hanze, icyo twasabye ni ukugira ngo izo serivisi zikomeze zizamuke, bakomeze bazane n’abandi, ariko dukemure n’utubazo tumwe batubwiye abo banyeshuri baba bafite kugira ngo batangire amasomo yabo hano mu Rwanda.”

Umuyobozi wa HEC, Dr. Edward Kadozi

Mu bindi HEC yasabye ULK, harimo kongera uburyo bufasha abanyeshuri kwiga porogaramu zimwe hifashishijwe ikoranabuhanga (online/blended). Ikindi babasabye ni uko serivisi nyinshi zatangwa mu buryo bw’ikoranabuhanga kugira ngo abanyeshuri bashobore kuzibona mu buryo bwihuse. Zirimo nko kwishyura no kubona ibindi bakeneye nk’ibyangombwa bibemerera gukorera no gukomereza amashuri mu Rwanda (equivalence).

Dr. Edward Kadozi ati “twabiganiriyeho kandi kaminuza zirabyumva, n’izo serivisi biyemeje kuzongeramo imbaraga. Ubona ko Kaminuza zirimo kugerageza, zirashyiraho ibikoresho, abanyeshuri barimo kwiga, ariko hakenewe ko byongerwamo ingufu hakongerwamo ibikoresho bigezweho, no kureba ukuntu na bariya bo mu bikorera na bo bagira uruhare mu kuza kwigisha, mu gufasha za kaminuza gushyiraho porogaramu zijyanye n’ibiri ku isoko kugira ngo abanyeshuri bibafashe.

Abajijwe icyo yavuga ku bashidikanya ku ireme ry’uburezi ritangirwa mu mashuri makuru na za Kaminuza cyane cyane izigenga, aho bamwe usanga bishakira impapuro gusa zemeza ko barangije kwiga, za kaminuza na zo ugasanga zirishakira amafaranga, Dr. Edward Kadozi yagize ati “Ntitwavuga ko ireme ry’uburezi muri za kaminuza zigenga zose ridahari. Icyo tuganira ni ukureba uko twazamura iryo reme ry’uburezi muri rusange haba muri za kaminuza zigenga ndetse no muri Leta, tureba ku bikoresho, tureba no kuri porogaramu bashyiraho z’imyigishirize ndetse no ku bushobozi bw’abarimu, uko zihuzwa n’isoko ry’umurimo, ndetse n’uruhare rw’abikorera muri ibyo byose.”

Abasuye Kaminuza yigenga ya ULK, barebye ibyerekeranye n’inyubako ndetse n’ibikoresho. Basuye za Laboratwari n’ibindi bikoresho bifasha abanyeshuri mu gukora imyitozo, kwihugura no kwimenyereza cyane cyane abiga ibyerekeranye n’ubumenyi ngiro.

Prof. Dr. Rwigamba Balinda washinze Kaminuza ya ULK, avuga ko iyo kaminuza itoza n’abanyeshuri kurangwa n’imyitwarire myiza izatuma abo banyeshuri bigirira akamaro bakakagirira imiryango yabo n’Igihugu.

Yagize ati “Gusurwa ni ikintu cyiza. Umuntu amenya ibitekerezo by’abamusuye, na bo bakumva ibitekerezo byacu. Inshingano yacu nka kaminuza ni ukugira ngo dusohore abanyeshuri bafite ubumenyi n’ubushobozi bwo hejuru, ariko bafite n’indangagaciro n’amahame mazima.”

Prof. Dr. Rwigamba Balinda washinze Kaminuza ya ULK

Asobanura icyo barimo gukora kugira ngo ibyo babigereho, Prof Balinda yagize ati “Hano duhugura abayobozi bose, abarimu n’abanyeshuri nkabibutsa ko uwaje aha amenya ko yazanywe no gukora. Mbabwira ko umunyeshuri utazitabira amasomo yose nka 80% atazemererwa gukora ikizamini. Kugaragaza abitabiriye (attendance list) ubu ntibigikorwa nka kera abantu bashyira ukuboko hejuru, ubu ni imashini ibikora aho ukozamo igikumwe buri uko winjiye mu ishuri. Hari abanyeshuri bumva ko kwiga ari imikino ariko hano si ko bimeze. Hano tubabwira ko nta munyeshuri ugomba gusiba ishuri, keretse nibura arwaye. Tubakangurira no guhora basubiramo amasomo igihe cyose badategereje gusa igihe cy’ikizamini. Ikindi tubakangurira ni ugukorera hamwe mu matsinda mato mato y’abanyeshuri batarenze batandatu kugira ngo basubiremo ibyo bize.”

Mu bindi uyu muyobozi avuga bibafasha kwimakaza ireme ry’uburezi harimo guteza imbere amasomo y’ikoranabuhanga yo ku rwego rwo hejuru umunyeshuri aba agomba kwiga kandi akayakoramo ibizamini. Abanyeshuri basabwa no kumenya Icyongereza neza, haba mu kukivuga no mu kucyandika, ariko bakamenya n’Ikinyarwanda.

Prof Balinda ati “Ikindi tubakangurira ni ugusoma ibitabo. Ubu hariho icyo twita ‘Digital Library’ aho kaminuza itanga amafaranga hanze muri Canada, Amerika n’i Burayi, tugakodesha ibitabo byaho bigezweho, bikaza kuri Internet, abanyeshuri bacu bakabisoma. Ubu ikoranabuhanga ryatanze imiyoboro myinshi cyane yo kunguka ubumenyi.”

Minisitiri w’Uburezi, Joseph Nsengimana

Minisitiri w’Uburezi, Joseph Nsengimana, na we uri mu basuye Kaminuza ya ULK, yasabye ko habaho gukorana hagati y’amashuri makuru na za Kaminuza za Leta n’izigenga hagamijwe kugera ku ntego imwe yo guteza imbere ireme ry’uburezi no gutanga ubumenyi bufasha abazigana . Ibi yabigarutseho ubwo yasuraga Kaminuza Yigenga ya Kigali (ULK) ari kumwe n’abayobozi b’Ikigo cy’Igihugu cy’Amashuri Makuru (HEC).

Ibikorwa byo gusura amashuri makuru na za Kaminuza, birakorwa mu rwego rwo kureba uko abanyeshuri bategurwa mu masomo azabafasha kwitwara neza ku isoko ry’umurimo, ndetse hagamijwe no gukomeza kuzamura ireme ry’uburezi, hibandwa ku bufatanye n’imikoranire hagati y’inzego zitandukanye.

Iperereza ry’ibanze ryagaragaje ko abafashwe bacuze umugambi wo kugurisha ubutaka, aho buri wese yari afite icyo ashinzwe muri uwo mugambi. Hari abigize abakomisiyoneri, abandi bigira ba nyiri ubutaka, umuvandimwe wa nyiri ubutaka, hiyongeraho na notaire wigenga wabafashije kwemeza ihererekanya ry’ubutaka (Mutation).

Aba bafashwe bamaze kugurisha ubutaka bufite agaciro ka 15,000,000Frw buherereye mu Karere ka Rubavu, Umurenge wa Rugerero, Akagari ka Gisa, Umudugudu wa Shwemu hanyuma bakayagabana bose uko ari barindwi.

Umwe mu bakurikiranweho ibi byaha witwa Nsabimana Straton, muri Mutarama uyu mwaka yari yarekuwe by’agateganyo n’Urukiko ngo akurikiranwe ari hanze ku cyaha cyo kwihesha ikintu cy’undi hakoreshejwe uburiganya, aho we n’akandi gatsiko bibaga amafaranga ku ma sitasiyo ya essence bakoresheje uburiganya bwo kuri Mobile Money.

Dosiye yabo ubu ikaba yaroherejwe mu Bushinjacyaha. Bararegwa ibyaha bine ari byo; kwihesha ikintu cy’undi hakoreshejwe uburiganya, icyaha cyo guhimba, guhindura inyandiko no gukoresha inyandiko mpimbano, gushyiraho umutwe w’abagizi ba nabi cyangwa kuwujyamo n’icyaha cyo kugurisha ikintu cy’undi. Ibi byaha byose baregwa igifite igihano gito ni umwaka umwe w’igifungo naho igihano kinini ni imyaka 10.

RIB irakomeza kuburira abantu bose bishora mu byaha nk’ibi kubireka ahubwo bagashaka imibereho myiza mu buryo bukurikije amategeko. RIB irongera kwihanangiriza ba noteri bigenga bakoresha ububasha n’inshingano bahabwa n’itegeko mu nyungu zabo bwite kubihagarika. RIB kandi irasaba abantu bose gukomeza kugira amakenga igihe cyose bagura umutungo uwo ari wo wose, bakajya bashishosha mbere yo kugira icyo bishyura, cyane cyane umutungo utimukanwa.

Inguzanyo yo kwiga (Buruse) itangwa hashingiwe ku bumenyi bukenewe cyane ku rwego rw’Igihugu no ku bushobozi buhari bwemejwe mu ngengo y’Imari ya Leta.

Abifuza gusaba inguzanyo itangwa na Leta yo kwiga mu mahanga baragirwa inama yo kubanza kureba ibyiciro by’amasomo n’ubumenyi bikenewe cyane (National Higher Education Priority Fields 2026).

Muri ayo masomo harimo ayerekeranye n’iby’indege, ikoranabuhanga, ubuzima, ubumenyi mu by’ingufu za Nikereyeri (Nuclear Science And Technology), Ibikorwa Remezo (Infrastructure), ndetse na Siporo n’Imyidagaduro (Sport And Leisure).

Urutonde rw’amasomo yemerewe inguzanyo ku bashaka kuyiga, warubona unyuze HANO.

Umubyeyi wo muri urwo rugo witwa Ingabire Eugenie, avuga ko inzu bari basanzwe babamo yendaga kugwa, ku buryo iyo imvura yabaga ishaka kugwa bahangayikaga. Yagize ati “Twari mu nzu yendaga kugwa yarangiritse cyane, tubona abaterankunga none tugiye kuba mu nzu nziza. Byari bimeze nabi. Iyo twabonaga imvura nyinshi igiye kugwa harimo n’umuyaga, hari ibyumba bibiri na salon twabonaga bigiye kugwa. Twahitaga tuvamo tukaza tukicara mu ruhande rutangiritse cyane, kugira ngo wa muyaga nuhuha muri ya mvura hatagira impanuka iba.”

“Haba nijoro twarabyukaga cyangwa haba no ku manywa tukajya muri urwo ruhande rutangiritse cyane. Ubu rero turashima Imana ko tugiye kuba mu nzu nziza. Tugiye kujya dusinzira nta kibazo, abana batekane bari mu nzu. Mbese turasinzira twizigure, ubu nta mutima uhagaze dufite.”

Yongeyeho ati “Hari n’igihe imvura yagwaga tudahari, twatekereza abana twasize mu rugo, umuntu agakora adakoze, tuvuga tuti dushobora kumva inkuru mbi ko abana bahuye n’impanuka iturutse kuri iyo nzu. Ubu nzajya njya mu yindi mirimo nta mutima uhagaze, kandi nituba turi mu rugo imvura ikagwa tuzajya tujya mu nzu twicare twizeye ko ihita ikadusiga amahoro. Abatwubakiye mbere na mbere turabasabira umugisha ku Mana, dusaba ko yagura ibikorwa byabo.”

Abahawe iyo nzu biyemeje kuyisigasira kugira ngo itazangirika biturutse ku burangare no kutayitaho.

Pastor Willy Rumenera

Pastor Willy Rumenera washinze Umuryango Comfort My People Ministry (Humuriza Abantu Banjye) ukora ibikorwa by’ubugiraneza, ari na wo wubakiye uwo muryango inzu yo kubamo, avuga ko bishimira kubona uwo muryango wabonye aho uba heza.

Yagize ati “Turishimye kuba aba bavandimwe babonye inzu nziza bagiye guturamo. Imana yongeye kurema uyu muryango nyuma y’uko bari barapfushije abantu benshi muri Jenoside yakorewe Abatutsi.”

Nubwo ibibazo byose by’ibanze by’uyu muryango bitakemutse , Pasiteri Willy Rumenera avuga ko bafite icyizere ko Imana izakomeza kuwufasha no mu bindi. Ati “Iyi ni yo yari intambwe ya mbere. Iyo ubonye aho uba, iba ari intangiriro nziza yo gushaka n’ibindi. Washaka umugati, ibishyimbo, ariko ufite aho utaha.”

Niyoniringira Celestin na Ingabire Eugenie barashima ubuyobozi n’abafatanyabikorwa kuko babasaniye inzu yendaga kubagwaho

Avuga ko uwo muryango ufasha nta bushobozi budasanzwe ufite, ahubwo ko icya mbere ari umutima, kuko iyo ufite umutima Imana iragukoresha ikaguha n’ubushobozi. Ibyo ngo bituma bashakisha uburyo bwose bwabafasha guhumuriza abantu, nk’uko biri mu izina ry’uwo muryango (Confort My People).

Yasabye abubakiwe iyo nzu ko nubwo bahemukiwe mu gihe cya Jenoside yakorewe Abatutsi, bakwiye kubabarira, ati “tugomba kunesha ikibi tukineshesheje icyiza. Nitubabarira, Imana izatugirira neza.”

Umuryango Comfort My People Ministry umaze kubaka inzu hafi 80 hirya no hino mu Turere dutandukanye, mu rwego rwo gufatanya na Leta gushakira abatishoboye aho kuba heza.

Pasiteri Rumenera yasabye abantu ko niba bavuga ko bakunda Imana batabona, bakwiye kubihamya bakunda abantu kuko ari bo babona, dore ko Imana igaragarira mu bantu kuko yabaremye mu ishusho yayo. Ati “Nidukunda abantu tukabakorera tuzaba dukoreye Igihugu, tuzaba dukoreye n’Imana.”

Biziyaremye Chrysostome wari uhagarariye ubuyobozi bw’Umurenge wa Mwogo yashimye iki gikorwa giteza imbere imibereho y’abaturage

Biziyaremye Chrysostome, umukozi ushinzwe imiyoborere myiza mu Murenge wa Mwogo mu Karere ka Bugesera, avuga ko nk’ubuyobozi bw’umurenge bishimiye icyo gikorwa, bashimira n’umuryango Comfort My People wubatse iyo nzu ya Niyoniringira Celestin na Ingabire Eugenie n’abana babo umunani.

Ati “ni umuryango ugizwe n’abantu icumi. Kuba rero nk’umuntu warokotse Jenoside yakorewe Abatutsi yari abayeho nk’utishoboye, adafite aho aba heza, akaba yashyikirijwe iyi nzu, ni igikorwa cyiza. Turashimira abafatanyabikorwa bayimwubakiye. Dusanzwe dukorana na bo kandi tugakorana neza. Ni abafatanyabikorwa bakora ibikorwa bisobanutse, biteza imbere imibereho myiza y’abaturage, kandi bakabikora mu mucyo.”

Uyu muyobozi asobanura impamvu uyu muryango ari wo wubakiwe, yavuze ko Umufatanyabikorwa atari we wihitiramo uwo agomba gufasha, ahubwo amwerekwa n’ubuyobozi buba bufite urutonde rwabo kandi baratoranyijwe n’abaturage, ku buryo ngo bikorwa mu mucyo kandi ubufasha bugahabwa ubukwiye.

Iyi gahunda yahereye muri Kaminuza y’u Rwanda, Koleji y’Ubumenyi n’Ikoranabuhanga (UR College of Science and Technology), yahoze yitwa KIST, aho abayobozi muri Minisitiri y’Uburezi na HEC basuye Laboratwari zifasha abanyeshuri gushyira mu ngiro ibyo biga, bikazabafasha guhatana n’abandi ku isoko ry’umurimo.

Umuyobozi Wungirije wa Kaminuza y’u Rwanda, Prof Kayihura Muganga Didas, avuga ko n’ubwo muri rusange Kaminuza y’u Rwanda ihagaze neza, ariko ku rundi ruhande hari ahakigaragara icyuho. Yagize ati “Ntabwo navuga ko duhagaze nabi. Birumvikana ntiduhagaze ijana ku ijana uko twifuza, ariko muri rusange duhagaze neza, Laboratwari zacu nyinshi ziri ku rwego mpuzamahanga, zakira abashakashatsi n’abanyeshuri baturutse mu bihugu bitandukanye, bakishimira ibyo dukora hano. Icyakora dukeneye ko twagenda tuzamura uko bishobotse kose, tukagenda twongeramo ibikoresho. Laboratwari uko mwazibonye ni nyinshi, ariko zose ntiziri ku kigero kimwe. Hari iziri ijana ku ijana ku rwego mpuzamahanga, hari iziri ku kigero cya 80%, hari n’iziri hasi gatoya. Ubwo rero inama turimo kujya hano dufatanyije na Minisiteri y’Uburezi n’Ikigo gishinzwe Amashuri Makuru (HEC) ni ukureba uko n’izo zisigaye zazamurwa zikagera ku rwego rwo hejuru. Turarebera hamwe ibisabwa kugira ngo zibe zemewe ku rwego mpuzamahanga, kuko icyo gihe iyo zemewe, ntiziba zigikoreshwa gusa mu kwigisha, ahubwo dushobora no gufasha urwego rw’abikorera, kandi ibyo tubafashije bikaba byemewe ku rwego mpuzamahanga.”

Muri rusange abitabiriye iki gikorwa baganiriye ku bibazo rusange bya kaminuza y’u Rwanda (UR), hakaba n’ibibazo byihariye bya Koleji yasuwe kuri uyu wa Mbere birimo ikibazo cy’izo Labolatwari zikeneye kuzamurwa zikagera ku rwego mpuzamahanga. Hari n’ikibazo cy’abakozi bacye baahagije cyane cyane abafasha mu mikoreshereze y’izo Laboratwari, ndetse n’umubare w’abarimu idahagije, kuko umubare w’abanyeshuri urazamuka cyane ariko ntibizamukana n’imibare y’abarimu, abayobozi bareberera Kaminuza y’u Rwanda ndetse n’abafatanyabikorwa ,bakaba bijeje ubufasha bugiye butandukanye.

Umuyobozi Mukuru wa HEC, Dr. Edward Kadozi

Umuyobozi Mukuru wa HEC, Dr. Edward Kadozi, yasobanuye bimwe mu byo barimo kureba mu mashuri makuru, ati “iby’ibanze bimwe ni ukureba uko abari mu burezi bakorana n’abikorera mu gukemura ibibazo biri mu burezi., birimo iby’ubuenyi abanyeshuri bavana ku ishuri ndetse no kubona akazi. Ikindi tureba ni uko twakorana na kaminuza mu gushyiraho ibyangombwa bikenewe bidahari. Turanareba niba abanyeshuri babona umwanya uhagije wo kwimenyereza muri za Laboratwari ndetse no ureba niba babona abarimu babigisha bafite ubumenyi buhagije.”

Minisitiri w’Uburezi, Nsengimana Joseph, avuga ko kimwe mu byo bifuza ari uko abanyeshuri bazajya basohoka muri Kaminuza bazi neza ibyo bagiye gukora kandi bigakorwa ku bufatanye n’inzego z’abikorera.

Minisitiri w’Uburezi, Nsengimana Joseph

Yagize ati “Gusura amashuri makuru bizafasha mu kuzamura ireme ry’uburezi muri Kaminuza. Murabizi ko iyo abanyeshuri barangije muri Kaminuza bahita bajya ku isoko ry’umurimo. Rero iyo basohotse bataritoje uburyo ibyuma bakoresha bikora, usanga basigara inyuma. Ni ngombwa rero ko bazajya bitoza bakamenya neza ibyo bagiye gukora basohotse muri kaminuza kandi bakongera ubumenyi kugira ngo noneho nibajya hanze bagiye gukora, bazajye batangira akazi bakora neza. Ibi tuzabifatanyamo n’abikorera, batubwira ibyo bakeneye kuko muri ubwo bufatanye no gukorana, nibwo tuzazamura ireme ry’uburezi, noneho Abanyarwanda n’abanyamahanga biga hano mu Rwanda bakazajya barangiza bavuyemo umuntu koko ufite ubumenyi nyabwo.”

Usibye Kaminuza n’amashuri makuru bya Leta, izi nzego zifite gahunda yo kuzasura Kaminuza n’amashuri makuru yigenga akorera mu Rwanda.

Iyi gahunda izanatanga urubuga rwo kuganira n’abayobozi b’ibigo, abarimu, ndetse n’abandi bagize umuryango mugari w’uburezi, hagamijwe gusuzuma ibibazo byugarije uburezi mu mashuri makuru na za Kaminuza, gukusanya ibitekerezo, no gufatanya gushaka ibisubizo n’impinduka zikenewe.

Izanatanga kandi urubuga rwo kuganira n’abayobozi b’ibigo, abarimu, ndetse n’abandi bagize umuryango mugari w’uburezi, hagamijwe gusuzuma ibibazo byugarije uburezi mu mashuri makuru na za Kaminuza, gukusanya ibitekerezo, no gufatanya gushaka ibisubizo n’impinduka zikenewe.

Izo nka zapfuye umushumba arangije gukama iya nyuma, ku bw’amahirwe we ntacyo yabaye.

Inka n’intama zakubiswe n’inkuba ni izari hamwe mu itsinda, mu gihe izindi zari hirya muri urwo rwuri zo ntacyo zabaye.

Inzego z’ubuyobozi kuva ku Karere, zihutiye kuhagera, ndetse na bagenzi be b’aborozi n’abaturage, baramwihanganisha, biyemeza no kumushumbusha inka 25 n’amatungo magufi icyenda.

Umunyamabanga Nshingwabikorwa w’Umurenge wa Mpanga, Hakizamungu Adelite, yabwiye Kigali Today ko uwo mworozi nta bwinshingizi yari afite, ariko ko bakomeje gukangurira aborozi n’abahinzi kwitabira gufata ubwishingizi kuko ibyago bitera bidateguje.

Perezida Kagame yagiranye ibiganiro byihariye na mugenzi we wa Tanzania, Samia Suluhu Hassan, biganisha ku kwagura umubano uhuriweho n’ibihugu byombi.

Muri uru ruzinduko kandi byitezwe ko baganira ku kurebera hamwe andi amahirwe mashya y’ubufatanye hagati ya Tanzania n’u Rwanda, rukanashimangira ubumwe n’ubufatanye mu by’ubukungu hagati y’ibihugu bigize Afurika y’Iburasirazuba (East African Community).

Perezida Kagame muri Tanzania, arabisikana na mugenzi we wa Kenya William Ruto uzahagirira uruzinduko rw’iminsi ibiri kuva tariki 4 kugeza tariki 5 Gicurasi 2026.

Perezida Paul Kagame, yasinye mu gitabo cy’abashyitsi nyuma gato yo kugera ku Ngoro y’Umukuru w’Igihugu i Dar es Salaam mu ruzinduko rw’akazi.

Nyuma y’ibiganiro bagiranye byabereye mu muhezo, mu Biro by’Umukuru w’Igihugu i Dar es Salaam, abayobozi b’ibihugu byombi bakurikijeho ikiganiro bagiranye n’itangazamakuru.

Muri icyo kiganiro bagaragaje ko ibihugu byombi bifitanye amateka y’imibanire myiza. By’umwihariko Perezida Kagame yibukije ko u Rwanda ruri mu minsi 100 yo #Kwibuka32, avuga ko u Rwanda rurimo gutegura kuzashimira mu ruhame bamwe mu Banye-Tanzania bakoze ibikorwa by’ubutwari ndetse bagaragarije n’impuhwe Abanyarwanda mu gihe cya Jenoside yakorewe Abatutsi mu 1994.

Imbwa yananiranye cyangwa iyo nyirayo adashaka, aramuhamagara akaza akayitwarira. Atwara kandi n’izizerera, izo abantu baba banze bakazijugunya, ndetse n’izapfuye arazifata akajya kuzishyingura mu irimbi rya Hegitari yaguze Miliyoni 17 Frw i Bumbogo.

Ibyo kwita ku mbwa Bagaragaza yabitangiye muri 2007 ubwo yakoraga muri KK Security. Bamwohereje muri Kenya kujya kubyihuguramo, nyuma aza no kubona andi mahugurwa yahawe n’Abarusiya.

Avuga ko kuri ubu imbwa hari abayifata nk’inshuti y’umuryango, cyangwa umwe mu bagize umuryango. Bigaragarira no mu buryo ifatwa aho mbere wasangaga hakoreshwa amagambo yo kuzipfobya nko kuyimanika bashaka kuvuga kuyishyingura. Ubu ibibwana ngo hari ababyita abana, kubwagura bakavuga kubyara, mu rwego rwo kubaha imbwa no kuyiha agaciro.

Bagaragaza ati “Imbwa uyisiga mu rugo ugasanga yakurereye abana, ikabakinisha ndetse ikanabacungira umutekano. Ubu iyo ipfuye, dufata umubiri wayo ugashyirwa ahantu hatagayitse. Ubu ibyo kuyishyira mu mufuka bakagenda bakajugunya ntibikigezweho. Ubu tuyishyingura ahantu ku buryo na nyirayo nyuma yajya aza kuhasura. Imbwa ni inshuti idahemuka. Nanjye niyita ‘Imbwa Nkuru’ kandi numva binshimishije, kuko mba nshaka kubungabunga izindi mbwa nkazitaho, sinzihemukire.”

Yongeyeho ati “Mu rugo iyo mfite umubare muto wazo, mba mfite imbwa nka 15. Izo tubana mu rugo umunsi ku munsi ni za mbwa abantu bamwe na bamwe bumva banze, badashaka, noneho bakampamagara bakambwira ko imbwa bafite bashaka ko ibavira mu rugo, bakansaba kuyitwara cyangwa se niba ntabishoboye bakayitorongeza (bakayirukana mu rugo ikajya kuzerera ku gasozi). Nk’icyo kintu iyo ncyumvise birambabaza kuko atari ko bikwiye kugenda. Imbwa ndagenda nkayifata ikaza mu rugo, nkayimenyereza, niba ari n’imyitwarire mibi yari ifite nkayifasha kuyihindura, kuko ndi umwarimu wazo. Aho kugira ngo abantu bazijugunye ziteze ikibazo mu muhanda, jyewe iyo mbimenye mbasaba kuzinzanira nkazitaho, nabona uyikeneye nkayimuha kandi nkamusaba kuyifata neza.”

Iyo imbwa amaze kuyisubiza ku murongo, umuntu uje uyishaka barumvikana akamusubiza ku byo yakoresheje ayitaho, kugira ngo abone ubushobozi bwo kwita ku zisigaye no ku zindi abantu bamusaba kuza gutwara kuko baba batazikeneye. Uwo ayihaye bumvikana ko agomba kuyifata neza.

Mu byo akoresha azitaho harimo kuzikingiza, kuzigaburira ndetse no guhemba abakozi bamufasha kuzitaho. Zimwe mu zo yitaho ni nk’ingore ziba zacitse ba nyirazo zigahura n’izindi z’ingabo zigasenzanya (zigakora imibonano mpuzabitsina), zikabwegeka (zigahaka/zigatwita), ba nyirazo babona batazashobora kwita ku bibwana byayo, bagahitamo kumuhamagara ngo aze ayitware. Iyo ibwaguye (hari ishobora kubwagura ibibwana nk’icumi), kwita ku bibwana ngo biramuhenda kuko ikibwana kimwe gikenera gukingirwa inshuro eshatu kugira ngo kibeho neza, kandi buri rukingo rutwara amafaranga ibihumbi 30 Frw, kongeraho ibyo kuzitunga.

Yaguze ubutaka bwo gushyinguramo imbwa

Mu myaka ya 2015 na 2017 Bagaragaza yaguze isambu ya Miliyoni 17 Frw ingana na Hegitari imwe yo gushyinguramo izapfuye. Iyo sambu iherereye mu Kagari ka Ngara mu Murenge wa Bumbogo muri Gasabo. Ati “Nabonye hari izipfa nkabura aho nzishyira. Ubu ndagenda nkazishyingura nkishima ari uko umubiri wayo ubungabunzwe, nta kuwushinyagurira. Ndasaba abantu bose babona imbwa cyangwa injangwe yapfiriye ku muhanda yaba igonzwe n’imodoka cyangwa yazize ikindi, bajye bampamagara njye kuzishyingura aho kuzijugunya hirya no hino ku mihanda, muri za ruhurura, mu bishanga cyangwa mu migezi."

Iyo sambu ngo ishobora gushyingurwamo imbwa ibihumbi 70 kandi ubu haracyari umwanya munini kuko amaze gushyinguramo izibarirwa muri 200.

Iryo rimbi ry’imbwa n’injangwe ririmo ibyiciro ndetse n’ibiciro bitandukanye

Bagaragaza avuga ko muri iryo rimbi harimo ahiyubashye cyane (VIP), icyiciro cyo hagati, ndetse n’aha rusange, bikajyana n’uburyo bakoresha mu gushyingura. Ati “igice cyo muri rusange gihagaze mu bihumbi 40 Frw, igice cyo hagati gihagaze mu bihumbi 60 Frw, naho igice cya VIP ni ibihumbi 80 Frw. Aho mvuga hiyubashye cyane (VIP) tuhashyingura nk’imbwa z’abanyacyubahiro ziba zapfuye, mu kuzishyingura bikadusaba ibintu byinshi bizihesha agaciro nk’amashuka ndetse n’indabo, tugashyiraho n’ikimenyetso ku buryo nyirayo nahagaruka azamenya aho imbwa ye yari iherereye.”

Nubwo icyo ashyira imbere ari urukundo rwazo, ariko akuramo n’inyungu. Ati “Ni itungo ringaburira, rikancungira umutekano mu rugo, kuko jyewe iwanjye sinjya nkinga. Rimfasha no kubona ubushobozi bwo kwishyurira amashuri abana bo mu muryango. Ntuye muri Kigali ndubatse mfite inzu yanjye mbamo. Ndashima ko imbwa hari aho zankuye n’aho zangejeje bitewe n’urukundo nagiye nziha, na zo zagiye zirungarurira kandi rwinshi.”

Avuga iki ku barya imbwa?

Bagaragaza abajijwe niba nta bantu bajya baza kumusaba imbwa yo kujya kubaga, cyangwa niba ntaho azi bazirya, yavuze ko ajya abyumva ariko ko atarabibona cyangwa ngo ahure n’abamusaba iyo bajya kubaga.

Yagaye abantu bashobora kuba barya imbwa, ati “Numva bivugwa ariko sindabona aho bayibaga, gusa ndanabyamagana, kuko kurya imbwa numva ari nko gufata mugenzi wawe cyangwa umwana wawe ukamurya.

Mu byo asaba ubuyobozi by’umwihariko muri Kigali, harimo kuba bafatanya bakabarura imbwa ziri muri Kigali, ndetse buri yose bakayiha ikiyiranga kigaragaza na nyirayo (nk’uko inka usanga zambikwa amaherena) ku buryo imbwa zizerera cyangwa zitoragurwa ku muhanda byoroha kumenya nyirayo cyangwa se aho ikomoka. Naho ku wakenera ko bakorana mu kumutoreza imbwa (kuyimenyereza) cyangwa kumufasha kuyitaho cyangwa kuyishyingura, yamubona kuri nimero ya Telefone 0788606743.

Mu gushyingura iyapfuye, hari aho bifashisha amasanduku, imisaraba n’amashuka

German Shephered, imwe mu mbwa zikunzwe cyane mu Rwanda

Umwe mu bakunzi b’imbwa utashatse ko amazina ye atangazwa, yoroye izo mu bwoko bwa ‘German Shepherd’. Ni ubwoko bw’imbwa z’inkazi, zikura zikaba nini kandi zikagira imbaraga n’ubwenge bwo gukurikiza amabwiriza zihawe. Zikunze gukoreshwa mu gucunga umutekano wo mu rugo no kwifashishwa na Polisi mu gushakisha intwaro cyangwa ibiyobyabwenge.

Yabitangiye ahereye ku ngabo imwe yo kurinda urugo, nyuma azana indi y’ingore zombi zimaze gukura zikajya zisenzanya, zirororoka. Uwo muntu uzoroye ati “Ibibwana iyo bivutse, mu minsi 45 usanga ikibwana tukigurisha ku mafaranga hagati y’ibihumbi 150 Frw n’ibihumbi 250 Frw. Hari ubwoko bwiza (pure) abantu bakunda cyane ikibwana kigeza no mu bihumbi 500 Frw. Ntabwo imbwa zikiri izo kuba mu rugo gusa no kurinda urugo cyangwa guhiga nka bimwe bya kera, kuko izanjye zo ntizijya zinasohoka mu rugo, zifite ahantu hanini ho kwirukanka no gukinira.”

Kugira ngo zigirire akamaro uzifite ariko ntibisaba guterera iyo, ahubwo bisaba kuzitaho nk’uko uyu muntu uzifite akomeza abisobanura, ati “Si za mbwa zijya guhiga amajeri n’imbeba zo kurya, ziba zifite ingengo y’imari (budget) y’ibyo zigomba kurya ku kwezi., ariko nanjye nkaba nizeye ko nizibwagura zizagira uruhare mu kwinjiza amafaranga yo kugura ibizitunga.”

Ibiryo byazo uko ari ebyiri bishobora kugera mu bihumbi 80 Frw ku kwezi, gusa hari n’aborozi babigize umwuga bakoresha amafaranga menshi cyane mu kuzigaburira.

Ati “Igishimishije ni uko Abanyarwanda basigaye bakunda imbwa cyane cyane izigezweho zitari za zindi dukunda kwita ‘Kanyarwanda’ cyangwa imisega, nubwo ari ubwoko bwiza kuko iriya ntipfa kurwara, n’iyo irwaye irivura. Ntikenera ibinini by’inzoka, ni za mbwa nkeka ko mu tunyangingo twazo ziba zarubatsemo ubudahangarwa. Izi zacu rero bisaba ko buri mezi abiri cyangwa atatu ziterwa inshinge zizirinda inzoka, mu mezi atandatu zigahabwa za vitamine zikomeza amagufa cyangwa se azirinda udukoko dushobora kwangiza uruhu rwazo. Tugura n’imiti yo kuzoza buri cyumweru. Zitwara amafaranga menshi yo kuzitaho ariko na zo zigira uruhare mu kuyinjiza.”

Uyu muturage w’i Bugesera avuga ko mu kamaro kazo harimo gukina n’abana ntibicwe n’irungu igihe bari mu rugo, no kurinda umutekano wo mu rugo kuko aho ziri nta mujura wapfa kuhisukira.

Ishyirahamwe ry’abakunzi b’imbwa - Rwanda Dog Lovers

Uyu muturage afite bagenzi be basaga 300 bihurije hamwe mu ihuriro ryitwa Rwanda Dog Lovers (Abakunzi b’imbwa bo mu Rwanda) bose bakaba boroye imbwa, bakifashisha urwo rubuga mu guhanahana amakuru yerekeranye n’imbwa, cyane cyane mu gihe hari ukeneye kugura cyangwa kugurisha.

Muri rusange agaruka ku myumvire ituma abantu barimo kuyoboka ubworozi bw’imbwa, yagize ati “Sinzi niba bijyana no gusirimuka kw’Abanyarwanda, ariko bigenda bigaragaza uko abantu bumva akamaro ko kubana n’aya matungo batorora bagamije kuyarya.”

Imbwa ifite agaciro ka Miliyoni eshatu z’Amafaranga y’u Rwanda

Umuhanzi Rurangwa Gaston wamenyekanye mu itsinda rya KGB nka Mr Skizzy na we ari mu bantu biyeguriye gukunda no kwita ku mbwa. Avuga ko urukundo rwe n’imbwa ari urwo kuva mu bwana.

Ati “no muri karitsiye barabizi, mama naramubwiraga ko nshaka ikibwana akakizana, ejo nkamubwira ko nshaka ikindi na cyo akakizana. Kera twabaga dufite izisanzwe zimwe bita ‘Kanyarwanda’. Kubona ubwoko bwisumbuyeho bwo mu mahanga byari bigoye.”

Uko Rurangwa yagiye akura, yabonaga ubwoko butandukanye bw’imbwa nziza akabugura kubera ko azikunda we ubwe, atari ukuvuga ko agiye kubikoramo ubucuruzi. Icyakora abantu bagiye babona imbwa nziza afite bakifuza ko yazaboroza akabaha ikibwana kubera ko na bo bazikunda cyangwa se kubera ko bashaka kuzifashisha mu gucunga umutekano.

Nyuma yo kubona abantu benshi bazikunda, yatangiye uburyo bwo kubikora nk’umwuga, ashinga urubuga yise SKENNELS (Skizzy Kennels) ku mbuga nkoranyambaga nka Instagram kugira ngo rumuhuze n’abantu baba bazishaka. Ati “Nzorora mu buryo bwa kinyamwuga ariko si ibintu namamaza cyane, ahubwo nziha abantu bitewe n’uko tugenda tumenyana. Muri uko kuzikunda byatumye norora ubwoko butandukanye buva mu mahanga, ntangira no kubikoramo iyo bizinesi ntoya, kuko nanjye hari igihe zibwagura nkumva ntashaka kuzitanga ahubwo nazigumana.”

“Hari n’abo nziha nk’impano kuko ureba inshuti yawe ikubwira ko ikunda imbwa, ukareba kumuca amadolari ibihumbi bibiri (hafi Miliyoni eshatu z’Amafaranga y’u Rwanda), ukabona ntayo ari bubone ugahitamo kuyimuha nk’impano.”

Ibibwana bya Cane Corso bidashobora kwigonderwa na buri wese

Abajijwe niba ikibwana cy’imbwa gishobora kugeza kuri ayo mafaranga, Rurangwa yatangaye, ati “Ahubwo ziranayarenza. Hari nk’ubwoko bwa ‘Cane Corso’ ushobora gutumiza hanze ikibwana kikagera mu Rwanda kigutwaye amadolari ya Amerika ibihumbi bitandatu (abarirwa muri Miliyoni 8 n’ibihumbi 700 Frw) harimo ibihumbi bitatu byo kukigura, n’ubwikorezi bwo kukigeza mu Rwanda. Hano mu Rwanda rero ikibwana kugitangira Amadolari ibihumbi bibiri urumva haba hajemo n’ubuvandimwe.”

Kuri ubu Rurangwa afite imbwa zibarirwa muri 28 harimo 16 yatije abantu zibafasha mu bijyanye n’umutekano aho ziganjemo inkazi zihangana n’abajura, akagira n’izindi 12 afite iwe mu rugo ku Ruyenzi, ziri mu bwoko butandukanye.

Mu bijyanye no kuzitaho, Rurangwa Gaston, avuga ko bisaba kuzitaho haba mu mirire n’isuku. Anenga abazigaburira imyanda kuko iri mu bituma ziba mbi ndetse ntizinagaragaze ubushobozi bwo gukora ibyo ziba zigomba gukora ndetse zikagira n’imyitwarire mibi.

Ati “Imbwa kuzigaburira bisaba tekiniki. Abantu bazi ko imbwa zirya inyama gusa, ariko si byo. Inyama ni ingenzi ku mbwa nk’uko ari ingenzi kuri twe. Buriya zirya indyo yuzuye nk’iyo natwe dukenera. Imbwa zirya kawunga, zirya dodo, ibihaza, ibijumba,ukabitekana n’inyama n’imifupa kuko ituma imbwa zikomera, … gusa zizira ibiryo birimo ibirungo, umunyu n’amavuta.”

Umuyobozi w’Akarere ka Bugesera, Richard Mutabazi

Yabigarutseho kuri uyu wa Kane tariki 30 Mata 2026 mu gikorwa cyo kwibuka ku nshuro ya 32 Jenoside yakorewe Abatutsi mu 1994, hanazirikanwa abana n’abagore bishwe muri Jenoside, ndetse hibukwa by’umwihariko abiciwe muri urwo rufunzo.

Iki gikorwa cyabereye ahari ikimenyetso cy’urwibutso rwa Jenoside yakorewe Abatutsi kiri ku rufunzo rwa Cyugaro, cyitabirwa n’abarimo Guverineri w’Intara y’Iburasirazuba, Pudence Rubingisa, abayobozi n’abakozi batandukanye bo mu Karere ka Bugesera, Abadepite, abagize Inama Njyanama y’Akarere, abahagarariye umuryango IBUKA, inzego z’umutekano, abaturage, inshuti n’imiryango y’abafite abiciwe muri uru rufunzo n’abaharokokeye.

Ubwo yahaga ikaze abaje kwifatanya na bo mu kwibuka, Umuyobozi w’Akarere ka Bugesera yagarutse ku mateka y’urwo rufunzo, agira ati “Turazirikana imiryango yacu yishwe muri Jenoside yakorewe Abatutsi ikicirwa muri uru rufunzo kandi imibiri yabo ntibashe kuvanwamo kuko yamizwe n’isayo. Uru rufunzo rwamize benshi, ariko nanone na bake barokotse ni rwo rwabaramiye. Ni urufunzo rumira rukanaramira. Uyu munsi ku rwego rw’Akarere turibukira hano ku rufunzo (CND) tunazirikana umwihariko w’abana n’abagore bishwe muri Jenoside yakorewe Abatutsi. Mureke bose tubunamire.”

Urufunzo rwa Cyugaro ruhuza imirenge ya Ntarama, Musenyi yo mu Karere ka Bugesera n’Umurenge wa Mugina wo mu Karere ka Kamonyi mu Ntara y’Amajyepfo.

Tariki 30 Mata 1994, Abatutsi benshi biciwe muri urwo rufunzo, bicwa n’Interahamwe n’abasirikare bavuye ahantu hatandukanye haba mu kigo cya gisirikare cya Gako, Ngenda na Gashora, abavuye muri Komine Bicumbi, Gikomero, Mbogo, Nyamabuye n’ibindi bice bya Gitarama, Mugina n’ahandi. Baje ari benshi muri bisi za ONATRACOM, bavuza induru n’amafirimbi, bigabanyamo ibitero byinshi maze bagota urwo rufunzo.

Abasirikare n’Interahamwe babanzaga no gusaka abo bishe ngo babacuze ibyo bambaye cyangwa barebe ko nta mafaranga bafite maze bagera ku bakobwa bakabanza kubasambanya, barangiza bakabatera ibisongo mu myanya ndangagitsina cyangwa bakabakubitamo imihoro babashinyagurira bakabasiga bambaye ubusa.

Ibyo bitero byo mu rufunzo byabaga biyobowe n’uwari umuyobozi w’ikigo cya Gisirikare cya Gako, Colonel Pheneas Munyarugarama, uwahoze ari Superefe wa Superefegitura Kanazi, Gasana Djuma, Gatanazi Bernard wari Burugumesitiri wa Komine Kanzenze, n’abandi.

Imishinga itanu myiza iyobowe n’urubyiruko, yageze ku cyiciro cya nyuma nyuma yo gutsinda irushanwa rikomeye ryitabiriwe n’abasaga 1,200 baturutse hirya no hino mu gihugu. Abageze ku cyiciro cya nyuma kuri uyu munsi bahataniye ibihembo bifite agaciro ka miliyoni 65 Frw.

Muri iyi mishinga uwabaye uwa mbere ni uwitwa Goodness of God (GOG) Ltd wa Mutoni Goodluck wahanze agashya k’uburyo ibimera byavamo umuti utuma umusatsi umera neza ukaba mwinshi, ahabwa Miliyoni 30 Frw.

Yakurikiwe na Techplus Trust Ltd, ihagarariwe na Isidole Niyigirimpuhwe, yakoze indege zidatwarwa n’abapilote (Drones) zifashishwa n’abahinzi mu gutera imiti mu myaka, ahabwa Miliyoni 20 Frw. Muyombano Happy Axel ufite kampani yitwa Ampere Vision Rwanda yegukanye umwanya wa gatatu ahabwa Miliyoni 15 Frw, naho Samuel Shema Sonny Munyaneza wo muri Vexta Sachet Ltd ahabwa Miliyoni ebyiri nk’uwahanze agashya gatanga icyizere cy’ahazaza.

Mutoni Goodluck wabaye uwa mbere, aganira na Kigali Today, yagize ati “Ndishimye, ni ukuri ndashima Imana, ndashima Heifer, ndashima abahinzi dukorana na bo. Iyo baba bataremeye ko dukorana kuva kera, ubu ntituba tubonye aya mafaranga. Ndashima n’ikipe dukorana. Icyo ngiye gukoresha aya mafaranga, birumvikana nari nsanganywe amasoko yarambanye manini. Ubu rero amasoko ngiye kuyahaza, ngiye kongera abakozi, nongere umubare w’abahinzi kubera ko na byo byari byarabaye bicye, mbega ibintu byose byari byarabaye bicyeya, isoko ari ryo rinini gusa.”

Isidole Niyigirimpuhwe wabaye uwa kabiri we yagize ati “Imbogamizi twahuraga na yo, twari dufite drone ya litiro icumi. Twatangiye dufite iya Litiro imwe , ariko twazamuye urwego rw’ibyo dukora, dufite iya Litiro icumi. Ibogaizi twari dufite ni uko yari imwe gusa. Ntabwo abantu babiri baduhamagariraga icyarimwe ngo bikunde mu munsi umwe. Ariko ubu tugiye gukora ubushakashatsi no guteza imbere ibyo dukora, ku buryo twifashisha n’ibikoresho bihendutse ku buryo twagira drones zigera muri enye mbere y’uko uyu mwaka urangira, noneho tukabasha kugera ku bahinzi benshi mu gihugu hose, ku buryo drones enye zabasha kugera mu turere dutandukanye zose zigakora.”

Umuyobozi wa Heifer International Rwanda, ari na we utanga ibi bihembo, avuga ko gushora mu buhinzi mu rubyiruko ari ingenzi kuko ari zo mbaraga z’Igihugu, kandi ko utatekana ushonje, bityo ko bazakomeza gushyira imbaraga mu dushya duhangwa n’urubyiruko mu buhinzi.

Yagize ati “Urubyiruko ni rwinshi cyane mu Rwanda no muri Afurika muri rusange. Rero ubuhinzi n’ubworozi buracyari urwego rutanga akazi, rutugaburira. Iyo bavuga Igihugu cyigenga, ni uko kiba gifite umutekano w’ibiribwa kandi ubuhinzi bugatanga inyungu. Rero tubona ko ikoranabuhanga no guhanga udushya mu buhinzi byafasha cyane kugira ngo urubyiruko rubone akazi, kandi urubyiruko rwinshi rwize rukunda ikoranabuhanga. Rero umwanya wabo bashobora kuwukoresha neza bakazana ubuhanga mu buhinzi n’ubworozi. Hari byinshi birimo gukorwa hirya no hino mu Gihugu bitamenyekana. Ni yo mpamvu twashyizeho aya marushanwa kugira ngo tumenye aho bari n’ibyo barimo gukora, n’umusaruro ibyo bakora Bizana mu rwego rw’ubuhinzi n’ubworozi.”

Minisitiri w’Ubuhinzi n’Ubworozi, Dr Telesphore Ndabamenye, avuga ko bashyize imbere intego yo guha urubyiruko amahirwe, rukajya kwiga rugakoresha imbaraga rufite mu guteza mbere ubuhinzi, kandi ko abona bitanga icyizere akurikije udushya arimo kubabona mu rubyiruko ruri mu buhinzi.

Yagize ati “Aba batsinze barushije abandi n’ubundi iyo ubireba ubona ko bose bakoze ibintu byiza, ariko mu beza habamo abarusha abandi, kandi n’abandi bakazazamo ubutaha. Minisiteri rero izakomeza kubahuza n’abandi bafatanyabikorwa batandukanye, kuko nk’uko mwabibonye ibitekerezo byabo bigana kuri bizinesi, mu buryo bwo gushaka ubushobozi bw’amafaranga no gutera imbere. Birasaba ko bazakomeza gukenera inkunga z’ubumenyi. Tuzakomeza kubashakira abantu babahugura mu bijyanye n’ibyo barimo gukora, kugira ngo babinoze, ibyatangiye bidahagarara, ahubwo bizagere ku yindi ntera, Minisiteri isanzwe ifite izo nshingano zo kubafasha.”

Yagize ati “Mwe bato, mumenye ko ukuri n’ubwo tuvuga ko guca mu ziko ntigushye ndetse igihe cyose gutsinda umwijima, ariko ntikwirwanirira.
Bisaba abantu bahaguruka bakagushyira ahagaragara, bakoresheje ubwenge n’ubushishozi kuko abarwanya ukuri bahora bashakisha uko bayobya abantu.”

Ubutumwa burambuye bwa Madamu Jeannette Kagame:

Umurage ku Bato: U Rwanda ruzima, rutazima!

Imyaka 32 irashize ariko bisa nk’aho ari ejo!

Bato bacu, uyu munsi nifuje kongera kwandika, mbatekerezaho by’umwihariko.

Umubyeyi wese akora ibiri mu bushobozi bwe ndetse n’ibirenze, ngo arinde abe kumva ijwi n’ibikorwa by’inabi!

Bana bacu, 32 irashize twibuka Jenoside yakorewe Abatutsi ndetse n’urugamba rwo kuyihagarika.

Mbega ukuntu twifuzaga ko urugamba rwo kuyirwanya rurangirana natwe!

Mbega ukuntu twizeraga ko imvugo “Jenoside ntizongere ukundi” ibaye ingiro ubuziraherezo!

Mbega ukuntu twari tumaze kwizera ko intugu zanyu, zitazaremererwa n’umutwaro w’aya mateka asharira ya Jenoside? Kandi ko intekerezo zanyu zitazasakurizwa n’imvugo mbi yakoreshejwe mu icuraburindi twaciyemo yuzuye urwango n’inabi!

Mbega byinshi byiza twatekerezaga bitakunze!

Imyaka 32 irashize! Imbaraga mbi zashakaga kuzimya igihugu cyacu hakabura gato ngo zibigereho, zakomeje kubaho, zongera kwisuganya, zongererwa ubushobozi n’amaboko! Zabohewe igishura kizifureba, n’abaturanyi n’inshuti zabo.

Ni nde wari gutekereza ko Umuryango mpuzamahanga ari wo wadutunga urutoki tuzira kwirwanaho ngo tubeho? Nyamara wirengagije ko hari n’abasabye imbabazi, ko bahisemo kurebera mu gihe ubuzima bwacu, igihugu cyacu, agaciro k’ikiremwamuntu; ubusanzwe bashyira imbere, byari mu kaga?

Nigeze kugira nti “Jenoside si ikamba twirata!” Ariko se ntibiteye isoni kubona Intwari zitanze ayo mahanga arebera, zigaharika Jenoside, zikongera kubaka igihugu giha bose uburenganzira bw’ikiremwamuntu, ayo mahanga azishyira ku ntebe y’abashinjwa uyu munsi?

Izo ntwari zacu zirahorwa ko zikomeza kurinda amahoro yacu n’abadukomokaho, ngo tutazongera kugerwaho n’icuraburindi ryashegeshe abatubanjirije. Barahorwa ko bakomeje guharanira gusohoza isezerano rikomeye ry’uko Abanyarwanda batazapfa bwa kabiri.

Ni ibirego bidafite ishingiro!

Mbega agahomamunwa! Mbega uko ukuri kwahinduwe ibinyoma, bikaba ari byo bihabwa intebe! Kuvuga ko abatugejeje ku gihugu aho buri mwana ashobora kwiyumva nk’Umunyarwanda, aho twese turi Abanyarwanda, ari bo noneho baba ababiba urwango n’amacakubiri!

Ko abashyize ubuzima bwabo mu kaga kugira ngo twese tubeho, ari bo uyu munsi bitwa abicanyi n’abakora ibya mfura mbi!

Mbega agahinda ko kubona abarokotse aribo bitirirwa ingengabitekerezo y’ababahekuye, bakabica, bakabagirira nabi!

Ngira ngo nta muto wo kuba atabona cyangwa atumva ibi bintu!

Twari tumenyereye ko inkuru z’ibinyoma zigoreka ukuri mu bihe byahise zagiraga ibihe byazo, bigasa n’ibikurikiza ingengabihe runaka, ariko ubu zisa nk’izihoraho. Hari ubwo usanga zivuzwe n’abo isi yita ibihangange mu ijwi riranguruye, ubundi ukumva zigabanyije umurindi.

Ibi bigatuma nongera kwibaza nti ni nde wari kubitekereza? Ni nde wari gutekereza ko hari ubwo tuzaba mu bihe nk’ibi?

Umuntu ntiyavuga ko ari impanuka. Bisa n’uruganda rw’ibinyoma rukora ubutitsa.

Kugera ku kuri bisaba imbaraga n’ubushake bwo kunyura mu mateka yacu akomeye kandi agoye gusobanukirwa.

Hagati aho, abashaka kugoreka aya mateka no gutesha agaciro ibimaze kugerwaho, bahimba inkuru zuzuye ibinyoma bakwirakwiza hose, ikibabaje kandi, hari benshi bagwa mu mutego wo kuzemera bakabayobya.

Ibi ariko ntimukwiye kubyemera! Mu Kinyarwanda, turabizi ko ibuye ryagaragaye riba ritakishe isuka: Jenoside yakorewe Abatutsi yateguwe igihe kirekire, binyuze mu nyigisho z’urwango zatangwaga n’ubuyobozi, ndetse n’imyitozo ya gisirikare yigishaga kwica Abatutsi.

Jenoside yakozwe n’abantu benshi, ikorwa mu ruhame, ikorerwa ku misozi aho abaturanyi bishe abo babanaga kandi basangiraga; muri za kiriziya no mu nsengero, ariko cyane cyane yitabiriwe n’urubyiruko.

Nimuhumure ariko! Urubyiruko dufite uyu munsi ruratandukanye. Nkomeza kubitegereza nkababonamo gushishoza n’inyota yo gushaka ukuri. N’ubwo hari urusaku rwinshi rw’amajwi ashaka kubayobya, namwe muritwararika, mugashishoza, ntimupfe kwemera ibyo muhawe byose nk’amakuru.

Nzakomeza kwizera ubushishozi bwanyu n’umutima wanjye wose.

Ntabwo tuvuga ngo “Ntibizongere Ukundi” kubera ko twizera ko ikibi cyacitse burundu, cyangwa kubera ko urugamba rwarangiye; tubivuga kuko twasobanukiwe ko tugomba guhora turwanya ubutitsa, icyo kibi cyagerageje kudutanya no kuturimbura ku isi.

Nta yandi mahitamo ahari!

Bana bacu, ntimuzemere ko iyo nkota y’amugi abiri ari yo yakomeza kugena ahazaza hanyu.

Birashoboka se ahari ko n’ubundi byari uburyarya? Indangagaciro zitugenga nk’ikiremwamuntu zikaba zitarigeze zigira agaciro, tukaba ari twe tutabimenye kare?

Dufite ubuyobozi bwiza, Leta y’Ubumwe idukangurira kwiyunga no gushyira hamwe, ngo tubashe kongera kwiyubaka.

Abarokotse Jenoside batanze imbabazi nka kimwe mu by’ingenzi bari basigaranye! Babigiriye bo ubwabo, abadukomokaho ndetse n’igihugu cyacu, ngo kitazabona ukundi ibyo babonye.

Tuzahora tubibashimira.

Hari benshi bashegeshwa n’amahitamo twafashe yo guharanira ejo heza! Bikaba nka wa wundi unegura inka n’icebe ryayo! Ndetse byinshi mu bikorwa, bikoma mu nkokora inabi bagambiriye! Ubanza bakwiriye kwitegura ko bizabavuna iteka, kuko ntiduteze kudohoka guharanira kubaho kandi neza kw’Abanyarwanda.

Nongera kwibaza kandi nti: None se Mana y’i Rwanda iyi si iragana he?

Muri iyi si, aho ukuri kwacu kubangamira abiyemeje kugoreka amateka yacu, wowe warokotse Jenoside, rubyiruko, munyarwanda, ijwi ryawe ni ingenzi kurusha ibindi bihe byose.

Muri ibi bihe tugezemo, aho imvugo z’urwango n’ibinyoma bihabwa intebe, kwimenya, kwirwanaho no kurwana ku gaciro kacu ni intwaro ikomeye yo kwanga kongera gupfa! Kuko guceceka ntibibuza ugambirira inabi urugendo yateganyaga! Ahubwo biha urwaho uwifuza kugoreka amateka yawe no kuyahindura uko abyumva, bitewe n’uko yaramutse cyangwa n’inyungu yishakira.

Kuba turi mu gihugu cy’amahoro dukesha intwari zabiharaniye, ntibizigere biturangaza ngo dukure mu ruge. Urugamba rwacu ubu ni uru! Nk’uko abakurambere babidusigiye “Uzarwanire u Rwanda, n’ubundi twe tugira iherezo ariko u Rwanda rwo ntiruzima”.

Ntangira ubu butumwa navuze ko n’ubwo 32 ishize umuntu yumva ari nk’ejo! Natekereje ubu butumwa mu ijoro ribanziriza umunsi utangira icyumweru cy’icyunamo! Mbwandikana umutima uremereye, ariko nsanga ari ngombwa gukomeza ubu butumwa.

32 ishize yatweretse byinshi! Hari ibimenyetso twagiye tubona, ko igihe tutarebye neza hari uwatugarura mu mateka mabi. Icyo gihe twaricaraga tugashaka umuti tukawunywa twese kandi tukabitsinda!

32 ishize twahanganye n’ihungabana rikomeye, kugendera ku bikomere tukubaka kandi byose mu bumwe bwacu budakuka.

32 yabaye igihe cyo kubaka inzego, umuryango wongera kugira icyanga cyo kubaho n’abana bavuka bagakura neza, tugahererekanya ubumwe n’ ubudaheranwa.

32 ishize, uwavutse icyo gihe ubu ni umubyeyi na we! Ni umuyobozi na we!

32 ishize yabaye imyaka yo guhamya intego n’icyerekezo cyo kubaka u Rwanda ruzima rutazima. Ariko nanone ni igihe gito cyane cyane ko twe twabanje kurwana n’ibikomeye ndetse na n’ubu!

Ntitukibeshye rero ngo twirare: ku mugabane wacu no hirya no hino ku isi, hari byinshi biteye impungenge.

Ubugizi bwa nabi buragenda bumenyerwa, bugafatwa nk’imigirire isanzwe.

Benshi bayoborwa no guharanira inyungu zabo bwite.

Ibi ni ibihe bidasanzwe, ariko tugomba kumenya uko tubyitwaramo neza.

Ni byo koko, uko tugeze mu gihe cyo Kwibuka, abakomerekejwe n’ayo mateka bongera kuremererwa. Bakongera kugorwa cyane nayo, kandi niko isi nayo irushaho kuba ahantu hadaha agaciro ayo mateka.

Turabibona. Turabibona iyo musabwa mu buryo buziguye cyangwa butaziguye koroshya ijwi, kugabanya uburemere bw’ububabare bwanyu n’ibikomere mwatewe n’ayo mateka.

Kuri mwe mwarokotse Jenoside, mutwaye umutwaro uremereye! Bisa nk’aho kwibuka ku mugaragaro, bihungabanya ituze ry’abakomeza guhitamo kurebera no kugoreka ukuri kw’ayo mateka.

Icyo gitutu kigenda kiyongera kikazavamo guceceka. Uko guceceka nta mahoro yemwe nta n’ikindi cyiza byazana, usibye kongera guha umwanzi icyuho cyo kudusonga no gusibanganya ibimenyetso.

Ibi tugomba kubyanga dushize amanga. Bisaba ubutwari budasanzwe kuri buri muntu warokotse Jenoside, ngo abashe kuvuga akaga yanyuzemo. Uwo ni umwe mu misingi ikomeye igihugu cyacu cyubakiyeho. Izo mbaraga z’umutima zo kwirenga.

Turiho kuko namwe muriho. Turiho kuko mwemeye gukora amahitamo akomeye yo KUBAHO.

Rubyiruko, mukeneye kuba maso mukagira ubushishozi,

Bana b’u Rwanda muzumva kenshi ababavuga, bavuga amateka bayagoretse, bakoresheje ibinyoma byatekerezanijwe ubuhanga budasanzwe.

Mwe bato, mumenye ko ukuri n’ubwo tuvuga ko guca mu ziko ntigushye, ndetse igihe cyose gutsinda umwijima, ariko ntikwirwanirira. Bisaba abantu bahaguruka bakagushyira ahagaragara, bakoresheje ubwenge n’ubushishozi, kuko abarwanya ukuri bahora bashakisha uko bayobya abantu.

Bakomeza guhimba amayeri mashya ajyanye n’ibihe n’izindi nyungu babifitemo ariko ntibacogora. Uko ni nako barushaho gushakisha imbuga zitandukanye bavugiramo basakaza ibinyoma byabo, ndetse uburemere n’ingaruka bigira ku bantu nabyo birushaho kwiyongera no kugira ubukana.

Natwe ariko ntitwicaye turebera, turakura kandi dutera imbere. Tugomba kunoza no gukomeza kuvugurura uburyo tuvugamo, tugaragaza ukuri kwacu no kurinda ubusugire bw’u Rwanda.

Babyeyi b’u Rwanda, abato n’abakuru,

Twe nk’ababyeyi, tugomba kurera no gutoza urubyiruko ruzirikana rukanaha agaciro Kwibuka, ariko ntibigarukire aho gusa. Tugomba kurera urubyiruko rusobanutse, rubasha kubaza, gusesengura, gushishoza, rukagenzura ukuri kw’imvano y’amakuru bumva, kandi ruvuga rushize amanga, rufite n’ibimenyetso bifatika. Tugomba kurera urubyiruko rufite umutima wo gukunda igihugu.

Twese tuzi aho igihugu cyacu cyavuye. Uyu munsi, turi kubaka u Rwanda twifuza. Intera n’itandukaniro biri hagati y’amateka mabi twanyuzemo n’ejo heza turi kubaka, bizakomezwa n’uko twubakira ku kuri, tukakurinda kandi iteka tukakuvuga uko kuri, ntitwemere kugira icyo duhindura.

Tuzi neza ko urwango n’amagambo aruherekeza bizakomeza kugaragara muri iki gihe cyo Kwibuka. Ubu tumaze kumenya uko biza, uko byigaragaza n’igihe bizira.

Iyo ayo majwi yongeye guhaguruka, turayumva tukayamenya kandi ntabwo tuyumva ducecetse, turayarwanya, dukoresheje ukuri kwacu.

Tuyarwanya duhitamo gukomeza gutwara no guhererekanya urumuri rw’icyizere n’amahoro. Urumuri rumurika kandi rukamurikira bose ku buryo ntaho umubisha yamenera.

Turibuka! Ntiturata igiti.

Uyu munsi turiho kandi tuzakomeza kwimana u Rwanda.

Abana bacu bazaba heza.

Iri ni isezerano kandi ni n’igihango dufitanye n’igihugu cyacu cy’u Rwanda.

Mpore Rwanda.

Uru ruzinduko ruzabanzirizwa n’Inama ya kabiri ya Komisiyo ihoraho ihuriweho n’u Rwanda na Botswana ishinzwe ubufatanye (JPCC), iteganyijwe ku matariki ya 4 – 5 Gicurasi 2026, igamije gushimangira ubushake bw’ibihugu byombi mu bufatanye bwitezweho umusaruro.

Uru ruzinduko rugaragaza intambwe ikomeye mu guteza imbere umubano hagati ya Botswana n’u Rwanda, cyane cyane mu guteza imbere ubufatanye mu bukungu bufite inyungu zigaragara, bushingiye ku byagezweho kuva mu ruzinduko rwo mu 2019, harimo n’amasezerano yo gushyiraho Komisiyo ihoraho ihuriweho (JPCC) nk’urwego rwo kurushaho guteza imbere ubufatanye hagati y’ibihugu byombi.

Mu gihe cy’uruzinduko, abayobozi b’ibihugu byombi bazagirana ibiganiro byibanda ku bucuruzi hifashishijwe ikoranabuhanga, ubukerarugendo, inkingo z’amatungo, inzira z’ubwikorezi, ndetse n’ubufatanye mu ruhererekane rwo kongerera agaciro amabuye ya diyama. Biteganyijwe ko Perezida Kagame azasura ikigo cy’ubucuruzi bwa diyama cya Botswana (DTCB).

Muri uru ruzinduko kandi hateganyijwe gusinywa amasezerano atandukanye, arimo ajyanye n’ubucuruzi n’ishoramari, ubufatanye hagati y’urwego rwa Botswana rushinzwe ishoramari n’ubucuruzi (BITC) ndetse n’Urwego rushinzwe Iterambere mu Rwanda (RDB). Hazasinywa n’amasezerano yo kwirinda gusoresha kabiri agamije koroshya ubucuruzi n’ishoramari hagati y’ibihugu byombi.

Hazaba n’inama yiga ku bucuruzi n’ishoramari ku itariki ya 5 Gicurasi 2026, izahuriza hamwe abashoramari n’abayobozi batandukanye hagamijwe kurebera hamwe amahirwe mashya y’ubufatanye.

Perezida Kagame azaba aherekejwe n’abaminisitiri, abayobozi bakuru muri Guverinoma y’u Rwanda ndetse n’intumwa z’abashoramari, mu rwego rwo gukomeza guteza imbere ubufatanye bw’ibihugu byombi.

Perezida Kagame, ari kumwe na Madamu Jeannette Kagame, yaherukaga kugirira uruzinduko rw’akazi rw’iminsi ibiri muri Botswana tariki 27 Kamena 2019, yakirwa mu Murwa Mukuru Gaborone na Dr. Mokgweetsi Eric Keabetswe Masisi wari ku butegetsi icyo gihe.

Abantu basabwa gukuraho ikintu cyose kirimo amazi adatemba kuko gishobora kwifashishwa n’imibu y’ingore igateramo amagi avamo indi mibu

Yagize ati “Isuku n’isukura ni ikintu twirengagiza, tukajya gukora isuku mu bihuru ariko dusize amazi aretse mu ngo zacu. Aho twasuye mwabonye ko twasanze amajerekani ari mu rugo aretsemo amazi amaze igihe kinini cyane ndetse arimo imibu n’amagi y’imibu amazemo igihe kirekire.”

“Isuku ni ngombwa cyane. Umuganda ukwiye guhera iwawe ukabanza ukareba ko nta hantu hari ubwororokero bw’imibu, mbere y’uko ujya gushaka imibu yamaze kuba mikuru, banza uyishake ikiri amagi, ikiri mitoya, twa tunyorogoto udushake mu rugo iwawe, wirinde ko ya mibu mikuru izaboneka.”

Mu bindi usanga birekamo amazi yororokeramo imibu harimo imipine itagikoreshwa, ndetse no mu byobo bifata amazi iyo bidapfundikiye neza.

Isuku n’isukura ni imwe mu ngamba u Rwanda rwitaho mu kurwanya Malariya, ari na yo mpamvu kuri uyu wa Gatandatu tariki 25 Mata 2026 ku Munsi Mpuzamahanga wo kurwanya Malariya, wizihirijwe ku rwego rw’Igihugu mu Karere ka Kicukiro mu Murenge wa Gahanga mu Kagari ka Kagasa, hakozwe umuganda wibanze ku isuku n’isukura.

Bamwe mu bitabiriye uyu muganda batembereye mu rugo rwo muri aka gace, basanga abahatuye bagiye gusenga, bahasanga ibintu byororokeramo imibu nyamara byirengagizwa na ba nyiri urwo rugo, kubera wenda kutabimenya ko ari byo byororokeramo imibu, birimo igice cy’ijerekani cyaretsemo amazi amaze igihe kirekire, imipine y’imodoka yegetse iruhande rw’inzu na yo yaretsemo amazi amaze igihe kirekire, ibyobo bifata amazi bidatwikiriye neza, ibihuru, n’ibindi.

Abahasuye basanzemo imibu mikuru, amagi n’indi mibu n’iminyorogoto yitegura kuvamo imibu mikuru. Abitabiriye umuganda kandi basobanuriwe ko iyo mibu yororokera ku rubaraza rw’inzu, usibye kwibasira abo muri urwo rugo, ijya no mu baturanyi ikabateza uburwayi nubwo iwabo baba bahakoze isuku, basabwa gukuraho ikintu cyose cyororokeramo imibu.

Dr. Aimable Mbituyumuremyi asaba abantu kurwanya Malariya bahereye ku bwororokero bw’imibu bugaragara aho batuye

Usibye kwimakaza isuku n’isukura, Ikigo gishinzwe Ubuzima mu Rwanda (RBC) kivuga ko mu kurwanya malariya hari izindi ngamba zafatiwe imirenge yugarijwe na Malariya kurusha iyindi hirya no hino mu Rwanda.

Muri izo ngamba harimo gutera mu nzu imiti yica imibu. Guhera mu kwezi kwa cyenda k’umwaka ushize wa 2025 Imirenge 98 yari izahaye cyane kurusha iyindi yaterewe imiti mu nzu z’abaturage.

Hari n’ingamba yo gutanga inzitiramibu zikoranye umuti aho batabashije guterera umuti. Iyo gahunda yo gutanga inzitiramibu yibanda mu mirenge yugarijwe na Malariya ariko atari ku rugero rwo hejuru cyane bikabije. Inzitiramibu zirimo gutangwa muri Kigali no mu Ntara mu Mirenge 117.

Abantu bahabwa inzitiramibu basabwa kuzikoresha neza, baziryamamo buri joro, birinda no kuzikoresha ibindi zitagenewe nko kuzirobesha, kuzubakisha utuzu tw’inkoko, kuzigurisha, n’ibindi.

Abanduye Malariya basabwa no kwivuza hakiri kare, bagana abajyanama b’ubuzima baboneka muri buri mudugudu, nk’uko Dr Aimable Mbituyumuremyi, yabisobanuye. Yagize ati “Dufite abajyanama b’ubuzima bane baturanye natwe mu midugudu, mu ngo zacu, inshuti zacu, abavandimwe,… Abo bamaze guhugurwa neza, bapima Malariya neza nk’uko kwa muganga bayipima bakayivura mu buryo bwizewe. Imiti ikoreshwa ni imwe, nta mpamvu yo gutonda umurongo ku kigo nderabuzima usize umujyanama w’ubuzima muturanye, kandi afite imiti n’ibipimo ugiye gushaka ku kigo nderabuzima kandi ubisize aho utuye.”

RBC ivuga ko kwivuza Malariya kare ari ingenzi kuko bigabanya Malariya y’igikatu, bikagabanya n’abahitanwa na Malariya.

Ahareka amazi hose hororokera imibu

Udukoko tw’umukara turi mu mazi ni imibu iba itaramenya kuguruka

Epaphrodite Habanabakize wo muri RBC asobanura ko Coartem na yo ikirimo kwifashishwa kandi ifite ubushobozi bwo kuvura Malariya nubwo haje indi miti mishya iyunganira

Umuyobozi Ushinzwe Ubukangurambaga no kurwanya Malariya mu Ishami Rishinzwe Kurwanya Malariya muri RBC, Epaphrodite Habanabakize, yasobanuye imikoranire y’iyo miti yifashishwa mu kuvura Malariya.

Yagize ati “Gahunda yo gukoresha imiti irenze umwe mu kuvura Malariya yaje nyuma y’uko ubushakashatsi bwagaragaje ko umuti umwe twakoreshaga wa Coartem wari waratangiye gucika intege. Ntibivuze ko wavuye ku isoko ahubwo hari abarwayi bake itabashaga kuvura neza bigatuma bongera kugaruka ku mavuriro. Ubushakashatsi rero bumaze kubigaragaza, hafashwe ingamba ko hagomba gushakwa indi miti iza gufasha cyangwa kunganira Coartem mu gukomeza guhangana na Malariya.”

Iyo miti mishya ibiri ni Pyronaridine-Artesunate (ASPY) n’undi witwa Dihydroartemisinin-Piperaquine (DHAP).

Iyo miti uko ari itatu ntabwo ikoreshwa hose mu Rwanda icyarimwe, ahubwo u Rwanda rwagabanyijwemo ibice bitatu noneho umuti umwe ugakoreshwa mu gice kimwe mu gihe cy’umwaka,noneho iyo miti igahinduranywa.

Habanabakize wo muri RBC ati “Ibyo bigamije kugira ngo udukoko dutera Malaria tutamenyera umuti umwe ukaba wagabanya ubudahangarwa. Iyo dukoresheje umuti umwe muri zone ubutaha tugakoresha undi, ni nko gucanganyukisha twa dukoko kugira ngo tutamenyera umuti umwe, yose igacika intege, tukabura umuti wo kuvuza.”

Habimana Pierre Celestin, umuforomo ku kigo nderabuzima cya Shyorongi mu Karere ka Rulindo, avuga ko bo muri zone yabo barimo gukoresha Pyronaridine-Artesunate (ASPY) umurwayi akaba awunywa mu minsi itatu. Yasobanuye imikorere yawo mu kuvura Malariya, agereranyije na Coartem bari basanzwe bakoresha, ati “Uko Coartem yakoraga ntabwo ari ko uyu muti urimo ukora. Wasangaga Coartem tuyiha umuntu, nyuma y’icyumweru akongera akagaruka, twamusuzuma tukongera tukamusangamo Malariya. Ariko aho uyu muti waziye, nta muntu uragaruka avuga ko Malariya yakomeje kumurembya. Ni ukuvuga ngo imikorere yawo ni myiza, ukiza abarwayi bacu.”

Habimana Pierre Celestin ukora ku kigo nderabuzima cya Shyorongi muri Rulindo avuga ko nta barwayi bavurisha umuti mushya wa Malariya ngo bagaruke kwivuza kuko wanze kubavura

Umubyeyi witwa Muhawenimana Cecile utuye mu Mudugudu wa Kabaraza mu Kagari ka Bugaragara mu Murenge wa Shyorongi mu Karere ka Rulindo, na we ashima imiti mishya ivura Malariya. Yagize ati kuva iriya miti mishya yaza turayinywa tukumva tumeze neza. Ntabwo tukimara igihe kirekire turwaye, kandi ubu ntabwo tukigaruka kuko iriya miti ituvura neza. Coartem yo twarayinywaga tukongera tukagaruka, rimwe na rimwe Malariya ntibanayibone, rero baduhaye iyi miti mishya twumva biradushimishije.”

Kuri uyu wa Gatandatu tariki 25 Mata 2026 u Rwanda rwizihije umunsi mpuzamahanga wo kurwanya Malariya ku nsanganyamatsiko igira iti “Kurandura Malariya bihera kuri jye”.

Ikigo cy’Igihugu gishinzwe Ubuzima mu Rwanda (RBC) n’abafatanyabikorwa bamaze iminsi mu bikorwa by’ubukangurambaga ku kurwanya Malariya bijyanishwa no gutanga inzitiramibu zikoranye umuti, gutera mu nzu imiti yica imibu, gushishikariza abaturage kwihutira kwivuza hakiri kare, ndetse n’iyi gahunda yo gukoresha indi miti yunganira Coartem mu kuvura Malariya.

Abaturage b’i Shyorongi muri Rulindo bahawe inzitiramibu zikoranye umuti basabwa kuzikoresha uko bikwiye mu kwirinda kurumwa n’imibu

Umujyanama w’ubuzima arapima umuriro

Kuri ubu mu Rwanda iyo uvuze Umujyanama w’Ubuzima, usanga hafi buri wese yumva uwo ari we kuko baboneka muri buri Mudugudu, ndetse bakaba mu ba mbere bitabazwa bwangu iyo havutse ikibazo cyerekeranye n’ubuzima.

Hari abibaza ku bumenyi n’ubushobozi bwabo mu gihe batize amashuri y’ubuganga. Muri iyi nkuru twaganiriye na Ingabire Pauline, Umujyanama w’Ubuzima ufite imyaka 50 y’amavuko akaba ari umujyanama kuva mu mwaka wa 2000 (abimazemo imyaka 26).
.
Ingabire nubwo we yize akagarukira mu wa Kane w’amashuri yisumbuye, ibyo yigaga ntaho bihuriye n’ubuvuzi kuko yigaga Ubucuruzi n’Ibaruramari (Commerce et Comptabilité). Ubusanzwe kuba umujyanama w’ubuzima nta myaka ishingirwaho ahubwo bisaba umuntu usanzwe uzwi ko agira ubwitange ndetse akaba n’inyangamugayo, akaba azi gusoma no kwandika Ikinyarwanda.

Umujyanama w’ubuzima nta gihembo akorera, ni ubukorerabushake. Ni na yo mpamvu mu kubatoranya ku ikubitiro hadashingirwa ku mashuri, cyangwa ku myaka, ahubwo urwego rw’umudugudu cyangwa inzego z’ibanze zireba niba umuntu afite ubushake akaba n’inyangamugayo, Inteko rusange y’abaturage yamushima, akajya mu bajyanama b’ubuzima.

Gahunda y’Abajyanama b’Ubuzima mu Rwanda yatangiye mu mwaka wa 1995. Yatangijwe na Minisiteri y’Ubuzima (MINISANTE) nyuma ya Jenoside yakorewe Abatutsi mu 1994, mu rwego rwo gukemura ikibazo cy’ubuke bw’abakozi mu nzego z’ubuzima no kwegereza abaturage serivisi z’ubuvuzi, icyakora iza kugenda itera imbere, ndetse ihindura n’imikorere.

Abajyanama b’ubuzima batangiye bibanda ku bukangurambaga, bareba imirire y’abana mu rwego rwo kurwanya igwingira, bakabakangurira kurya indyo yuzuye no kugana ibigo nderabuzima kugira ngo bibiteho.

Bafashaga n’abantu barwaye kutarembera mu rugo ahubwo bakabashishikariza kugana ikigo nderabuzima kugira ngo bivuze kare, kuko icyo gihe hagaragaraga impfu nyinshi.
Ubu bavura Malariya yoroheje (itaraba igikatu, uwo basanzemo iy’igikatu bamwohereza ku kigo nderabuzima). Bavura impiswi, umusonga, bakurikirana abagore batwite kuva bagisama, ndetse baha serivisi abashaka kuboneza urubyaro.

Ingabire Pauline

Bimwe mu byo bakora bisa n’ibihambaye harimo gutera urushinge abashaka kuboneza urubyaro, ndetse no gufata amaraso mu rutoki igihe basuzuma Malariya.

Ingabire yasobanuye mu magambo ibyo bakora mu gufasha umugore ushaka serivisi yo kuboneza urubyaro akoresheje uburyo bw’urushinge. Ati “Hari agacupa kaba karimo umuti. Tuvoma uwo muti dukoresheje urushinge tuwumaramo mu gacupa. Tuba dufite ipamba n’undi muti duhanagura uwo muntu, hanyuma tukamuterana ubushishozi tugenzura n’aho tugomba kumutera urushinge. Urushinge rwo kuboneza urubyaro turutera ku kuboko cyangwa ku kibero.”

Uko byagenze mu gutera urushinge rwo kuboneza urubyaro ku munsi wa mbere

Ingabire avuga ko nyuma yo guhugurwa, ababahuguriraga ku kigo nderabuzima cya Nyamata bamaze kubona ko ubumenyi babufite, hakurikiyeho gushyira mu bikorwa ibyo bize. Ingabire ni we wahawe umuntu wa mbere wari uje kuboneza urubyaro akoresheje urushinge rw’amezi atatu. Ati “mu kumutera urushinge uwo muntu wa mbere, nabanje gusa n’ususumiye ho gake kubera ubwoba, kuko ari nanjye wa mbere wari ugiye gukora icyo gikorwa mpagarikiwe n’abari bampaye ubwo bumenyi, ariko bari bamaze no kumbwira ko ntagomba kugira ubwoba. Icyo gihe batwambikaga amataburiya y’umweru, noneho ngira n’ibyago nsanga umukiriya ngiye gukorera ni umuturanyi wanjye, tuziranye, ariko ntiyigeze amenya ko ndimo nimenyereza ngo nzajye mbikora mu mudugudu, ahubwo yagize ngo nahawe akazi mu kigo nderabuzima kuko twabaga twambaye amataburiya y’abaganga. Namufashije muri byose uko bikurikirana, ndangije mwuzuriza ifishi azajya yitwaza aje ku kigo nderabuzima, arataha, kandi nta kibazo byigeze bimutera.”

Nyuma y’iryo gerageza ryabereye kwa muganga, yabikomereje mu mudugudu aho atuye, kandi kugeza ubu ngo nta muturage uragaya cyangwa ngo agirweho ingaruka mbi na serivisi yamuhaye. Ati “Abaturage ubu bamaze kutugirira icyizere kuko serivisi tubaha nta ngaruka ziba zirimo, tuba twarahuguwe bihagije.”

Yatinyutse ate gusuzuma Malariya afata ikizamini cy’amaraso cyo mu rutoki?

Ibyo bamaraga guhugurwamo, ntabwo bahitaga bajya kubikorera mu midugudu aho batuye, ahubwo babanzaga kubikorera ku kigo nderabuzima imbere y’ababahuguye. Ati “Iyo babonaga ufite ubwoba babanzaga kukumara impungenge, bakabona kuguha imiti n’ibindi bikoresho bakakubwira bati manuka hasi ujye gukorera abaturage.”

Umujyanama w’ubuzima arafata ikizamini cy’amaraso mu rutoki rw’uwaje kwisuzumisha Malariya

Ku bijyanye no kuvura Malariya, mu gihe bahugurwaga, babanzaga gufatirana amaraso hagati yabo nk’abajyanama b’ubuzima, buri wese agafata amaraso mu rutoki rwa mugenzi we, ibyo bikaba biri mu byabatinyuye, bibamara ubwoba kuko abenshi babaga basusumira no muri icyo gihe bagiye gufatirana ibipimo hagati yabo.

Ingabire avuga ko umuturage wa mbere yafatiye ikizamini yabimukoreye neza, amusangamo Malariya, amuha imiti arataha, akomeza kumukurikirana no kumenya amakuru ye, kugeza ubwo yakize.

Naho mu gihe umurwayi yaramuka agize ubwoba, ngo uramuhumuriza ukamwihanganisha ukamwumvisha ko ari ibintu byoroshye, akabyakira.

Mu magambo, Ingabire yasobanuye iby’ingenzi bakora mu gihe cyo gusuzuma no kuvura Malariya. Ati “Abenshi ni abo tuba duturanye hafi aho mu mudugudu. Mwakira iyo mfite imiti n’ibindi bikoresho, kuko iyo ntabifite byombi ntabwo mba nemerewe kwakira umurwayi. Iyo imiti n’ibikoresho mbifite, umurwayi iyo aje mu rugo mwakirana ubwuzu. Mba mfite aho nicaza abarwayi, hanyuma nkamubaza uko arwaye, akakubwira, nawe ukamutega amatwi. Nyuma ndamusuzuma namusangamo Malariya ngahita muha umuti. Mufata amaraso yo mu rutoki, nkayashyira ku gakoresho kabugenewe k’umweru. Tuba dufite amazi navuga ko ayungurura ya maraso kugira ngo Malariya igaragare. Kuri ka gakoresho haba hariho utundi tumenyetso tukwereka ko mu maraso y’uwo muntu harimo Malariya cyangwa se ntayirimo. Icyo gihe ntabwo ubikora ubihisha umurwayi ahubwo ubikorera imbere y’umurwayi. Iyo hajemo akarongo kamwe bigaragara ko nta Malariya irimo. Ako karongo kamwe ni akagaragaza ko icyo gikoresho ari kizima. Iyo karenze kamwe ubwo Malariya iba yagaragaye. Iyo tubaye dutatu biba bivuze ko Malariya imurimo ari nyinshi.”

Ingabire amara impungenge abashidikanya ku bumenyi n’ubushobozi bw’abajyanama b’ubuzima

Ingabire Pauline avuga ko mu by’ukuri amahugurwa bahabwa ari ingirakamaro kuko abongerera ubumenyi ku bintu bitandukanye byerekeranye n’ubuzima, ku buryo nta bakwiye kubagiraho impungenge.

Nko mu gutanga imiti, avuga ko baba bafite inyoboramivurire bakurikiza mu kuvura abantu bari mu byiciro bitandukanye. Ati “Niba duhereye ku mwana w’amezi atandatu, ntabwo imiti ya Malariya uwo mwana afata ari yo umwana w’imyaka itanu afata. Imyumvire yo kutizera ibyo dukora yigeze kubaho kera, ariko ubu ntayikiriho. Ubu umunyeyi wese wo mu Mudugudu ubonye umwana we afite ikimenyetso runaka cy’uburwayi, abanza guhamagara umujyanama w’ubuzima. Niba uwo muntu atinyuka kuguhamagara kandi afite uburyo bwo kuba yajya no kuvuriza uwo mwana ahandi, ariko akihutira kuguhamagara ukamuha serivisi, numva jyewe nta cyizere kirenze icyo. Ikindi gituma batwizera ni uburyo dukurikirana abana mu mudugudu bagapimwa buri kwezi, ukamenya niba umwana afite imirire mibi cyangwa niba ntayo afite. Batubona hafi tukabakurikiranira hafi. Ubu umujyanama w’ubuzima yabaye ijisho rya buri muturage. Niba hari umwana ufite ikibazo cy’igwingira, umujyanaa w’ubuzima agomba kuba abizi.”

Ingabire avuga ko no mu minsi ishize hari abantu baturutse muri Maroc baza kubigiraho uko iyi gahunda y’abajyanaa b’ubuzima ikora kandi basubirayo bayitangariye.

RBC ishima uruhare rw’abajyanama b’ubuzima mu kwita ku mibereho myiza y’abaturage

Umuyobozi Ushinzwe Ubukangurambaga no kurwanya Malaria mu Ishami Rishinzwe Kurwanya Malariya muri RBC, Epaphrodite Habanabakize, ashima umusanzu w’abajyanama b’ubuzima cyane cyane mu kurwanya Malariya. Yagize ati “Abajyanama b’Ubuzima ni igisubizo cyaje gikenewe.”

Epaphrodite Habanabakize ashima umusanzu ukomeye utangwa n’abajyanama b’ubuzima

Batangiye gukora cyane mu myaka ya 2011 na 2012. Mbere bavuraga abana bari munsi y’imyaka itanu, nyuma bahabwa uburenganzira bwo kuvura Malariya ku bantu b’ibyiciro byose. Aho batangiriye kuvura abantu bose, imibare y’abicwa na Malariya yagiye igabanuka.

Guhera muri 2017 imibare y’abavurwa Malariya n’abajyanama b’ubuzima iba iri hejuru y’abavurirwa mu mavuriro asanzwe. Habanabakize ati “Hari aho twageze tugera uri 60% bya Malariya yavuwe n’abajyanama b’ubuzima. Bafasha abaturage kubarinda kwicwa na Malariya ndetse serivisi bakazibona hafi, bibarinda ingendo n’amafaranga bazitangagaho bajya kwivuza.”

Naho ku bijyanye n’ubumenyi bwabo, Habanabakize na we yemeza ko nubwo batagiye kwiga ubuvuzi mu mashuri, ariko babonye amahugurwa ahagije abaha ubushobozi mu byo bakora, kandi ko n’ibizamini bafata mu kuvura Malariya bitagoye. Ati “Abashidikanya ku bushobozi bw’abajyanama b’ubuzima, ikibazo cyaba kibariho kuruta uko kiba ku bajyanama b’ubuzima cyangwa kuruta uko cyaba kuri politiki ibashyiraho. Ubushobozi bafite kugeza uyu munsi burahagije mu kuba bapima bakanavura Malariya kandi bagatanga imiti neza nk’uko bisabwa. Buri gihe bahora bahugurwa iyo haje ikintu gishya bakakimenya ku buryo baba bafite amakuru ahagije mu gupima no kuvura Malariya.”

Ku rwego rw’Igihugu ubu hari abajyanama b’ubuzima ibihumbi 60, kuri buri mudugudu hakaba hari abajyanama b’ubuzima bane. Batangiye mbere babiri ari bo bavura, ariko ubu barimo guhugurwa kugira ngo bose bazajye bavura.

Gusuzuma no kuvura,... byose umujyanama w’ubuzima abikorera imbere y’uwaje kumusaba serivisi

Mbonyumuvunyi Radjab uyobora Akarere ka Rwamagana yasobanuriye abaturage ko guhabwa inzitiramibu bidahagije ahubwo ko bakwiye kuyiryamamo uko bikwiye. Yanenze abazihabwa ariko ntibaziryamemo cyangwa bakazigurisha

Umuyobozi w’Akarere ka Rwamagana, Mbonyumuvunyi Radjab, yabasabye kudasuzugura indwara ya Malariya, kuko iyo umurwayi atinze kuyivuza ihinduka igikatu. Yagize ati “Malariya ni indwara yica. Iyo bayivuye nabi cyangwa ugatinda kwivuza, ijya mu bwonko, ari yo bamwe bita Malariya yo mu mutwe. Umuntu atinda kwivuza Malariya, yata ubwenge abantu bakavuga ngo ‘bamuroze’. Muve muri bamuroze. Umuntu niba afite ibimenyetso bya Malariya birimo kuruka, umuriro mwinshi, gutengurwa,… mwihutire kumugeza ku mujyanama w’ubuzima, muri buri Mudugudu turamufite, aba afite n’ibikoresho bipima Malariya, cyangwa se umuntu yihutire kugera ku ivuriro ry’ibanze turaryifitiye hano iwacu. Twirinde bya bindi byo kuvuga ngo turabanza kujya kubaza (mu bapfumu no mu bavura amarozi).”

Mbonyumuvunyi yahaye abaturage bo muri Fumbwe urugero rw’umugore uherutse kwitaba Imana azize inzoga yanyweye zihumanye, ariko aho kwihutira kujya kwa muganga abanza kujya ‘kubaza’ umukecuru w’ahitwa Bicaca, agera kwa muganga yatinze, yanarembye, arapfa, mu gihe abandi baturage bari basangiye izo nzoga, bagejejwe kwa muganga, baravurwa barakira.

Mbonyumuvunyi ati “Ntimukagire ahandi mubanza kunyura ngo murabaza abakuru, mwihutire kugera kwa muganga. Malariya ni indwara yica, ariko na none iyo umuntu yayivuje mbere, ikira vuba kurusha izindi. Iyo urwaye inkorora n’izindi, baguha ibinini unywa mu minsi irindwi, ariko iyo urwaye Malariya baguha ibinini unywa mu minsi itatu yonyine ukaba wakize ukisubirira mu kazi kawe. Rero mwivurize ku gihe kuko iyo utagiye kwa muganga, umuriro urakurenga ukaruka, kurya bikakunanira, ugatakaza amazi menshi. Iminsi ibiri irahagije kugira ngo umuntu ajye muri ‘coma’ cyangwa abe yanapfa.

Muri rusange, ingo 8,974 zo mu Murenge wa Fumbwe mu Karere ka Rwamagana zahawe inzitiramibu 21,650 hagendewe ku mubare w’uburiri buri rugo rufite. Abaturage bahawe inzitiramibu babyishimiye, kuko zizabarinda kurumwa n’imibu yabateraga Malariya.

Nyirasangwa Mariya utuye mu Mudugudu wa Kabirizi, ni umubyeyi ufite abana babiri. Yagize ati “Nishimye cyane kuko izo bari baraduhaye mbere zari zarashaje. Hano haba Malariya cyane ndetse muri iyi minsi umwana wanjye yarayirwaye. Ubanza biterwa n’uko duturiye ikiyaga cya Muhazi.”
Umusaza witwa Nkarante Theoneste ufite imyaka 78 y’amavuko, na we yahawe inzitiramibu. N’akanyamuneza mu maso, yagize ati “Inzitiramibu nari nyikeneye cyane. Imibu yararaga induhira hejuru. Ubu ngiye guhita nyimanika, nze kuyiraramo, biranshimishije cyane rwose kuko iyo nari mfite irashaje kuko hashize nk’imyaka umunani bayiduhaye.”

Imirenge ya Fumbwe na Muyumbu yo muri Rwamagana igaragaramo 50% bya Malariya yose iri muri ako Karere. Ni ukuvuga ko abarwayi ba Malariya baboneka muri iyo mirenge ibiri, bangana n’ababoneka mu yindi mirenge 12 yo muri Rwamagana ubateranyije. Bikekwa ko impamvu imirenge ya Fumbwe na Muyumbu ibonekamo Malariya nyinshi, biterwa no kuba yegereye ikiyaga cya Muhazi. Ni na yo mpamvu yitaweho muri gahunda ya RBC yo kurwanya Malaria.

Muri iyi minsi, Ikigo gishinzwe Ubuzima mu Rwanda (RBC) n’abafatanyabikorwa, bari mu bukangurambaga bwo kurwanya Malariya. Barateganya gutera umuti wica imibu mu nzu zo mu mirenge 96, naho inzitiramibu zo zizatangwa mu mirenge 117 yo hirya no hino mu Gihugu.

Bitarenze mu kwezi kwa Gatanu muri uyu mwaka wa 2026, RBC n’abafatanyabikorwa barateganya kuzaba bamaze gutanga inzitiramibu Miliyoni ebyiri n’ibihumbi 900, hibandwa ku mirenge y’Uturere dukunze kwibasirwa cyane na Malariya.

Inzitiramibu zihabwa abaturage zisimbuzwa mu gihe kiri hagati y’imyaka ibiri n’itatu kuko zishobora kuba zarashaje, cyangwa umuti waragabanutsemo, ariko ntibivuze ko ziba zitagikora ndetse iramutse itarashaje cyangwa itaracitse, uyifite yemerewe gukomeza kuyiryamamo mu buryo bwo gukumira imibu ngo itamugeraho.

Umwe mu bashima abajyanama b’ubuzima ni umubyeyi witwa Mukampfizi Alphonsine utuye mu Mudugudu wa Gatare ya mbere, Akagari ka Nyamata mu Murenge wa Nyamata mu Karere ka Bugesera, dore ko aka Karere kari no mu twiganjemo Malariya.

Mu buhamya bwe, Mukampfizi yagize ati “Turashimira Leta y’ubumwe kubera ko yatwegereje ubuvuzi. Umuntu yararwaraga akarembera mu rugo cyangwa se wagera no kwa muganga ukahasanga abantu benshi ukaba waremberayo. Ariko ubu urafatwa gato ugahita wirukankira ku mujyanama w’ubuzima. Batwakira neza bakatuvura. Bagupima Malariya basanga uyifite bakaguha imiti utiriwe ujya ku bitaro cyangwa ku kigo nderabuzima. Turashimira iyi Leta yatwitayeho ikatuzanira ubuvuzi mu midugudu yacu, nta muntu ukirembera mu rugo.”

Mukampfizi avuga ko kwivuriza ku mujyanama w’ubuzima bibarinda gutakaza umwanya bajya kwivuriza kure, ati “Umujyanama w’Ubuzima akwakira byihuse, akakuvurira ku gihe kandi ugahita ukira.”

Usibye Malariya, abaturage bashima ko abajyanama b’ubuzima basuzuma bakanavura izindi ndwara zikunze kwibasira abana nk’impiswi, inkorora n’umusonga.

Munderere Viateur umaze imyaka 15 ari Umujyanama w’ubuzima, atuye mu Murenge wa Nyamata mu Karere ka Bugesera. Avuga ko hari igihe Malariya yigeze kuba nyinshi ariko nk’abajyanama b’ubuzima bakaba bagira uruhare rukomeye mu kuyirwanya.

Ati “Umuturage yivuriza hafi atiriwe ajya gutonda umurongo ku kigo nderabuzima. Umuturage adusanga mu rugo tukamufata ikizamini. Iyo tumusanzemo Malariya tumuha imiti, bigatuma adatakaza umwanya. Turanamukurikirana mu rugo, tukamenya niba imiti ayinywa neza, kugeza yorohewe.”
Munderere avuga ko iyo bapimye umurwayi uje ubagana afite ibimenyetso bya Malariya nk’umuriro , kubabara umutwe cyangwa ‘grippe’ntibamubonemo Malariya bamwohereza ku kigo nderabuzima kuko hari igihe ashobora kuba afite ubundi burwayi bo badashobora gupima nk’abajyanama b’ubuzima.

Munderere amara impungenge abashidikanya ku bumenyi n’ubushobozi bw’abajyanama b’ubuzima mu kuvura Malariya nubwo batabyize mu mashuri ya kaminuza cyangwa ayisumbuye asanzwe yigisha ubuvuzi. Ati “Twarahuguwe bihagije ku kuvura Malariya. Twize ibimenyetso byayo, uko yandura, ibiyitera, n’ibindi byose byerekeranye na yo. Rero abadushidikanyaho nabamara impungenge rwose.”

Usibye kuyisuzuma no kuyivura kandi, abajyanama b’ubuzima baganiriza n’abaturage cyane cyane mu nteko z’abaturage, bakabakangurira kuyirinda, bakuraho ibihuru n’ibindi byose umubu uyitera wororokeramo nk’ibizenga by’amazi cyangwa ibindi bimene biba byaretsemo amazi aho batuye.

Umuyobozi Ushinzwe Ubukangurambaga no kurwanya Malaria mu Ishami Rishinzwe Kurwanya Malariya muri RBC, Epaphrodite Habanabakize , na we yemeza ko abajyanama b’ubuzima bafite akamaro kanini kuko bafasha umuturage kwivuza kare, bityo akirinda Malaria y’igikatu.

Ati “Uruhare rw’abajyanama b’ubuzima ni runini cyane kubera ko iyo umuturage yivuje kare kandi akivuriza hafi, bimurinda kurwara Malaria y’igikatu ndetse ishobora kumuhitana. Kwivuriza Malariya ku rwego rw’umujyanama w’ubuzima ni ubuntu. Abajyanama b’ubuzima badufasha kuvura kare, kubona ubuvuzi bwegereye umuturage kandi butamusaba ikindi kiguzi. Mu ntego y’Igihugu twifuza ko nibura hejuru ya 60% by’abaturage bose twabonye barwaye Malariya bagomba kuvurwa n’abajyanama b’ubuzima.”

Muri raporo y’umwaka ushize wa 2024/25 hafi 50% by’abarwaye Malariya (ni ukuvuga ababarirwa mu bihumbi 550) bavuwe n’abajyanama b’ubuzima.

Minisiteri y’Ubuzima irateganya gukomeza guha ubushobozi abajyanama b’ubuzima binyuze mu kubongerera amahugurwa, ibikoresho n’ubundi bufasha.

Abajyanama b’ubuzima ubu barimo guhugurwa ku buryo bushya bwo kuvura Malariya no gutanga raporo bakoresheje telefoni aho kwifashisha ibitabo gusa.

Kuri uyu wa Kane tariki 16 Mata 2026, ihuriro ry’ibigo by’ubwishingizi mu Rwanda ryagiranye ibiganiro na Perezida w’Urukiko rw’Ikirenga, Hon. Mukantaganzwa Domitilla, hagamijwe kureba uko amakimbirane n’ibibazo biri mu bwishingizi byakemuka hatisunzwe inkiko, ahubwo binyuze mu kumvikanisha impande zombie, ari byo bizwi nk’ubuhuza.

Perezida w’Urukiko rw’Ikirenga, Hon. Mukantaganzwa Domitilla avuga ko u Rwanda rushyize imbere Ubuhuza nk’uburyo bufite imizi mu muco nyarwanda bwo gukemura amakimbirane binyuze mu biganiro hagati y’impande zifitanye ikibazo, zikumvikana ku mwanzuro, kandi ntibusige amakimbirane mu mitima y’ababuranyi

Mukantaganzwa asanga no muri izo manza 892 ziri mu nkiko hakiri amahirwe yo kuzirangiza hakoreshejwe ubuhuza aho kugira ngo zigume mu nkiko, gusa akihanangiriza Abavoka bashobora kubangamira ubwumvikane bw’impande zombi, bagashyigikira ko abarega bajya mu nkiko babizeza ko ari bwo bazabona inyungu nyinshi y’amafaranga.

Yagize ati “Icyo ni ikibazo gikomeye, ni yo mpamvu muri iyi nama twatumiye Umukuru w’Urugaga rw’Abavoka, kugira ngo na we yumve uko abayobozi bakuru b’amasosiyete y’ubwishingizi batubona. Bariya Bavoka bakora nabi barahari. Iyo batangiye kwizeza abarega ko bazabona inyungu nyinshi, ni uko ubwo baba bafite n’abandi bantu bazabibafashamo kugira ngo babigereho, akenshi bikazamuka binaherekejwe na ruswa. Rwaba ari urugaga rw’Abavoka ntirubishyigikiye, mu nkiko ho ni ikizira, mu masosiyete y’ubwishingizi na ho barabikurikirana. Ikindi ni uko abo ba Avoka bakora nabi mu by’ukuri barakurikiranwa kandi barabihanirwa, kuko u Rwanda ni Igihugu kivuye kure, kandi kigeze aheza. Ntabwo rero dukwiye gufata intambwe nziza tugezeho ngo tube ari twebwe tuyisubiza inyuma. Abo Bavoka batagendera ku mategeko, batagendera ku kuri ahubwo bagashaka gushyira imbere ibyifuzo byabo bakayobya abaturage ni abo kwamaganwa kubera iyo myitwarire idahwitse.”

Kuri icyo cy’Abavoka bizeza abarega ko nibajya mu nkiko aribwo bazabona inyungu z’umurengera, Perezida w’Urugaga rw’Abavoka mu Rwanda, Me Nkundabarashi Moise, avuga ko ikibazo usanga kiri ku bigo by’ubwishingizi bishaka guha intica ntikize uregera indishyi, n’ubwo adahakana ko hari abavoka bagira iyo myitwarire yo gushaka indishyi z’umurengera, akavuga ko biyemeje kwicarana nk’impande bireba bagasuzuma ahari ikibazo cyabangamira ubuhuza kuko bose babushyigikiye.

Impungenge ku Bavoka bizeza abaturage inyungu iri hejuru nibaramuka bagiye mu nkiko, zagarutsweho na Alex Bahizi uri mu buyobozi bw’ihuriro ry’ibigo by’ubwishingizi (ASSAR).

Ati “Ni ikibazo kinini dukunze kubona. Abavoka mu mwuga wabo harimo no kunganira abantu. Rero iyo babwiye abantu ko babunganira bakajya mu nkiko bagatsindira amafaranga menshi, na bwo biba biri mu kazi kabo, ariko ntibivuze ko iteka biba bibereye abakiriya b’ibigo by’ubwishingizi cyangwa ibyo bigo. Gusa natwe nk’ibigo by’ubwishingizi tuba dufite Abavoka. Icyo twasaba abakora umwuga w’abanyamategeko ni uko yaba umwavoka w’ikigo cy’ubwishingizi, yaba n’umwavoka uhagarariye uwishingiwe, bagombye kureba ibifitiye akamaro uwo bahagarariye harimo gukemura ikibazo mu gihe gito, kwirinda ko ikibazo kigendaho ibintu byinshi mu kugikemura, ariko kigakemuka hagasigara ubwumvikane, abantu bagakomeza gukorana.”

Raporo y’umusaruro wavuye mu buhuza igaragaza ko nko mu mwaka ushize wa 2025 imanza 3,648 zarangijwe hifashishijwe ubuhuza. Mbere yaho mu 2024 imanza 2,456 ni zo zarangijwe hifashishijwe ubuhuza.

Abitabiriye ibiganiro bagize umwanya wo kungurana ibitekerezo

Iryo tegeko mu ngingo yaryo ya 26 ryahaga Minisitiri w’Ubutegetsi bw’Igihugu ububasha bwo gusenya ibikorwa by’ishyaka iryo ari ryo ryose ryagaragaje imyitwarire ya gisirikare, ariko nyamara ishyaka rya MRND rya Habyarimana ryabirenzeho rishyiraho umutwe w’Interahamwe ndetse ryiyemeza kuwushakira ibikoresho, ariko ntihagira igikorwa. Ibi ngo bigaragaza ko Perezida Habyarimana yari ashyigikiye Interahamwe zakoze Jenoside yakorewe Abatutsi.

Mupenzi Eustache agaragaza ko ibyo gushyigikira Interahamwe Habyarimana yabigaragarije mu nama (mitingi) yakoranye n’Interahamwe, yabereye kuri Sitade mu Ruhengeri tariki 15 Ugushyingo 1992, aho yavuze ko azakora ku Nterahamwe ze akazambika, maze bakamanuka, kandi ubwo hari haragiyeho itegeko rizirwanya.

Icyo gihe Habyarimana yagize ati “Mitingi ntiziratangira ku giti cyanjye. Igihe zizatangirira, nzatuma ku Nterahamwe maze tumanuke koko. Ni yo mpamvu nsaba umunyamabanga mukuru wacu ku rwego rw’Igihugu kumvikana n’abacuruzi kugira ngo dushake ibitambaro by’Interahamwe, kuko Interahamwe iyo ziri mu mwambaro wazo ziraberwa koko.”

Iyo Mitingi ni na yo yanavugiyemo ko amahoro atazanwa n’impapuro, ashaka kumvikanisha ko imishyikirano hagati ya RPF Inkotanyi n’ubutegetsi bwariho mu Rwanda nta mahoro bizazana, ahubwo ko azifashisha Interahamwe mu kuzana amahoro.

Mupenzi Eustache yatanze ikiganiro mu #Kwibuka32 i Ntarama mu Karere ka Bugesera

Abasesenguzi bagaragaza ko kuvuga ko amasezerano ya Arusha y’amahoro nubwo yari yarayasinye ariko nta gaciro yari kuyaha kuko yayitaga ibipapuro, kandi ko atari yo azazana amahoro.

Tariki 04/08/1993, i Arusha muri Tanzania, hasinywe Amasezerano hagati ya Leta ya Habyarimana yayoboraga u Rwanda icyo gihe, na RPF Inkotanyi.

Gusinya ayo masezerano byafashwe nk’igisubizo cy’amateka, kuko yari yitezweho gutuma intambara ihagarara hagati y’impande zombi. Nubwo Habyarimana Juvenal yashyize umukono kuri ayo masezerano, hari abasanga ku mutima yari agifite umugambi wo kuzarimbura Abatutsi, kuko we ku giti cye yayitaga ‘ibipapuro’.

Kwita Amasezerano ya Arusha Ibipapuro, ni kimwe mu bigaragaza ko Habyarimana atari afite ku mutima inzira y’amahoro. Bikanashimangirwa n’uburyo yagiye adindiza ishyirwa mu bikorwa ryayo, kugera aho yarinze ahanurwa mu ndege n’Abahezanguni b’Abahutu mu ijoro ryo ku itariki 6/04/1994, bagahita batangiza Jenoside bari barateguye igihe kinini yo kurimbura Abatutsi.

Abasesengura bavuga kandi ko ‘Gukora ku Nterahamwe ze bakamanuka’ na byo byari bifite ubutumwa bitanga, ari bwo gufata imihoro, amacumu, amashoka n’amafuni, bakirara mu Batutsi bakabamara, dore ko Leta ya Habyarimana imaze kubona ko itorohewe n’igitutu cy’amashyaka menshi, yayaciyemo ibice yifashishije ruswa, bakayaremamo za “POWER”, zahinduye umuvuno zikagaragaza ko ikibazo u Rwanda rufite atakiri Inkotanyi gusa, ahubwo ikibazo ari Umututsi aho ava akagera, bityo akaba agomba gutsembwa.

Igihe cyaje kugera mu ijoro ryo ku itariki ya 6/04/1994, Habyarimana arivuganwa, maze abahezanguni b’Abahutu bamwivuganye, babeshya ko ari Inkotanyi zimwishe, bashyira mu bikorwa umugambi wa Habyarimana, bakora ku Nterahamwe baramanuka barimbura Abatutsi basaga Miliyoni mu mezi atatu gusa, bahagarikwa n’Inkotanyi batageze ku ntego yo kubamara.

Ibi bishimangira ko Jenoside yakorewe Abatutsi yateguwe, ishyirwa mu bikorwa n’intagondwa z’Abahutu zacuze umugambi w’ihanurwa ry’indege ya Perezida Habyarimana, nk’uko byagaragajwe na raporo zitandukanye.

Nyuma yo gupfa, tariki 08 Mata 1994 hashyizweho Guverinoma yiyise iy’Abatabazi yari iyobowe na Sindikubwabo Théodore.

Mupenzi Eustache ati “Iriya Guverinoma yayoborwaga na Sindikubwabo, nta yindi gahunda yari ifitiye abo yayoboraga. Kwari ugutanga umurongo w’uko Jenoside ikorwa, gutanga intwaro, gushishikariza Abahutu kurimbura Abatutsi. Iminsi yamaze ku buyobozi nta kindi yakoze, ni icyo.”

Mupenzi ashimangira ko Jenoside yari yarateguwe mbere, ko icyakurikiye urupfu rwa Habyarimana ari ukuyishyira mu bikorwa. Yanenze ingabo z’amahanga n’ibihugu byarebereye ubwo yakorwaga ntibigire icyo bikora ngo bitabare abicwaga.

Kureba andi mafoto yaranze igikorwa cyo #Kwibuka32 i Ntarama, kanda HANO

Pastor Willy Rumenera na Mukandori wasaniwe inzu

Comfort My People Ministry basaniye inzu uyu mukecuru nka kimwe mu bikorwa basanzwe bakora cyo gufasha abatishoboye by’umwihariko abarokotse Jenoside yakorewe Abatutsi.

Mukandori atuye mu Mudugudu wa Marembo, Akagari ka Nyarukombe, mu Murenge wa Muyumbu ho mu Karere ka Rwamagana.

Yishimiye kuba yasaniwe inzu kuko ari kimwe mu bibazo by’ingutu yari afite.

Avuga ko yahoranaga impungenge z’uko inzu yari atuyemo yashoboraga kuzamugwaho kandi nyamara nta mikoro ahagije yo kuyisana yari afite.

Ati “Nta bushobozi nari mfite bwo kuba nayisana. Bayishyizeho umucanga na sima, bayikorera amasuku yose, bashyiraho fondasiyo, inzugi zikomeye. Ubu ndaryama ntekanye kubera uyu muryango.”

Pastor Willy Ntayoberwa Rumenera, Umuyobozi akaba n’uwashinze Comfort My People Ministry, yavuze ko mu ntego z’uyu muryango harimo gufasha abatishoboye by’umwihariko kubakira no gusana inzu z’abarokotse Jenoside yakorewe Abatutsi, byose bigaherekezwa no kuvuga ubutumwa bwiza.

Pastor Willy Rumenera

Avuga ko ibi bikorwa bisobanuye guhumuriza abantu kandi bikaba no mu mujyo wo kwibuka ariko abantu baniyubaka nk’uko isanganyamatsiko yo kwibuka ku nshuro ya 32 Jenoside yakorewe Abatutsi mu 1994 ibivuga.

Ati:” Amagambo agomba kujyana n’ibikorwa.”

Pastor Rumenera yahumurije Abarokotse Jenoside yakorewe Abatutsi, ababwira ko u Rwanda rufite ubuyobozi bwiza burangajwe imbere na Perezida Paul Kagame wahagaritse Jenoside amahanga arebera.

Ati: “Dukomeze dukundane tugire ubumwe twubake u Rwanda rwiza turugire paradizo.”

Umuyobozi ushinzwe imibereho y’abaturage mu Murenge wa Muyumbu, Adolphe Gashumba, avuga ko bashimira uruhare rwa Comfort My People mu bikorwa by’iterambere.

Ati: “Icya mbere ni uko uyu muryango ufasha abaturage mu kwivana mu bukene no gufasha abarokotse Jenoside batishoboye cyane cyane muri iki gihe twibuka ku nshuro ya 32.”

Avuga ko gusanira Mukandori bigiye gukomeza kumufasha kudaheranwa n’agahinda no kumva ko atari wenyine, ko hari inshuti, abavandimwe n’Igihugu bamuhoza ku mutima.

Mukandori yishimiye ko ubu agiye kuryama atekanye nyuma y’uko inzu ye yasanwe

Umuryango ‘Comfort My People’ washinzwe mu 2006, ni umuryango utagamije inyungu ushingiye ku myizerere ya gikirisitu, wagize uruhare mu guhindura ubuzima bw’abantu banyuranye barimo n’abagizweho ingaruka na Jenoside yakorewe Abatutsi mu 1994.

Uretse kubakira abatishoboye, uyu muryango unafasha mu gusubiza ku murongo abana bo ku muhanda n’urubyiruko rwabaswe n’ibiyobyabwenge aho banyuzwa mu kigo cyatangijwe n’uyu muryango, ndetse kugeza ubu batangiye ubuzima bushya.

Ibi babitangaje ubwo bibukaga ku nshuro ya 30 Jenoside yakorewe Abatutsi mu Murenge wa Nyarugenge mu Karere ka Nyarugenge, mu Mujyi wa Kigali, igikorwa cyabereye ahazwi nka Camp Kigali.

Uwimana Claudine warokokeye mu Biryogo, yavuze ku mateka ye muri Jenoside yakorewe Abatutsi, ubwo Interahamwe zamwiciraga umwana n’umugabo, na we akagenda asimbuka impfu nyinshi, akaza kurokoka. Avuga ko abibwira ko ihanurwa ry’indege ya Habyarimana ryaba ari yo ntandaro ya Jenoside, bakwiye kwibariza Abanyabiryogo.

Yagize ati “Jyewe n’umugabo wanjye ntitwashoboraga kubona uruhushya rwo gutura mu yahoze ari Segiteri Biryogo. Bari bararutwimye, byadusabaga kujya kurwaka muri Segiteri Nyakabanda. Ni ho hari konseye watwumvaga, ni na we waduhaga uruhushya rwo gutura.”

Ati “Noneho igihe cy’amashyaka menshi kigeze, byakomeye cyane CDR ibayeho. Hahise haza intagondwa zo muri CDR n’Interahamwe aho hantu nari ntuye bagakunda kuza kubera ko hari ku muhanda iruhande rw’umusigiti hariya mu Biryogo, bakaza kundirimbira bambyinaho bankandagira baririmba ngo ishyaka ni rimwe ni CDR, ngo umwanzi ni umwe ni Umututsi.”

Uhagarariye IBUKA mu Murenge wa Nyarugenge, Safari Hamudu, yibukije abaturage ko kwibuka ari uguha agaciro abapfuye bazira uko Imana yabaremye, ko ari umwanya wo kubwira ababakomokaho ibyabaye, no kubigisha ko bitazongera kubaho ukundi.

Yagize ati “Kwibuka Jenoside yakorewe Abatutsi ni umwenda ukomeye tubafitiye muri rusange, ariko by’umwihariko ku Bacitse ku icumu kuko guhora twibuka ni bwo buryo bwo kubaha agaciro n’icyubahiro bambuwe ubwo bicwaga bunyamaswa ariko bagenda gitwari. Nyagasani akomeze abatuze aheza mu ijuru baruhukire mu mahoro. Icyo twiyemeje, ntimuzazima duhari.”

Yongeyeho ati “Kwibuka nyabyo kandi ni inkingi ikomeye y’ubumwe bw’Abanyarwanda. Tuyikomereho nk’Abanyarwanda, turwanye abagifite umugambi mubisha wo guhakana no gupfobya Jenoside.”

Umushyitsi mukuru muri uyu muhango, Depite Kalisa Jean Sauveur, yavuze ko umugambi muremure wamaze imyaka irenga 30 wo gutsemba Abatutsi ntaho wari guhurira n’ihanurwa ry’indege, byatumye u Rwanda rugwa mu kangaratete ko kugira impfubyi n’abapfakazi, ndetse Igihugu kirasenyuka burundu.

Yagize ati “Jenoside ntiyatewe n’ihanuka ry’indege y’uwari Perezida Habyarimana nk’uko bamwe babivuga, ahubwo wari umugambi wari warateguwe igihe kirekire. Nta Jenoside ishobora kubaho itarateguwe, kandi n’iyabaye mu Rwanda ni ko byagenze. Uyu mugambi wubakiye ku ngengabitekerezo y’irondabwoko yigishijwe Abanyarwanda mu gihe kirenga imyaka 30. Iyo ngengabitekerezo ikaba yarakomotse kuri politiki y’amacakubiri yatangijwe n’abakoroni igakwirakwizwa cyane cyane mu bantu bize, na bo bayigeza mu baturage. Jenoside yakorewe Abatutsi mu 1994 yabaye isozwa ry’izo nyigisho z’urwango n’amacakubiri yari imaze igihe kirekire itegurwa, inakwirakwizwa mu Banyarwanda.”

Mu Murenge wa Nyarugenge ni ho hari ikigo cya Camp Kigali cyari icyicaro cy’Ingabo z’Igihugu, ni ho hiciwe ingabo 10 z’Ababiligi babaga muri MINUAR, ndetse ni ho hatangirwaga imbunda na Gerenade zakoreshwaga n’Interahamwe mu kwica Abatutsi bari bahakikije. Aha kandi ni ho hari Radio Rwanda na Radio RTLM yagize uruhare rukomeye mu gucengeza amacakubiri y’urwango rwo kwibasira Abatutsi.

Uyu Murenge uherereye mu gace gafatwa nk’izingiro ry’Umujyi wa Kigali, wiciwemo Abatutsi benshi guhera tariki 07 Mata 1994, by’umwihariko kuri CHUK tariki 10 Mata 1994 hicirwa abarwayi n’abarwaza n’abaganga, bicwa nabi bigizwemo uruhare n’abarindaga Habyarimana, abasirikare, abajandarume, Interahamwe n’Impuzamugambi za CDR.

Ibitero byinshi byishe Abatutsi muri uyu Murenge byabaga biyobowe n’Interahamwe n’abasirikare bo mu nzego zo hejuru zikomeye nka Colonel Renzaho Tharcisse, General Laurent Munyakazi, Burugumesitiri Bizimana, Karera, n’abandi barimo Angelina Mukandutiye uherutse kongera gufatanya na Rusesabagina mu bitero byo kwica Abanyarwanda mu minsi ishize, Nyirabagenzi Odette, Karushara Rose, Padiri Munyeshyaka Wenceslas uba mu Bufaransa, n’izindi Nterahamwe nyinshi.

Yagize ati “Iki ni icyerekana ko amateka yacu atazazima. Abana baribuka ba sekuru. Ibi bivuze ihame ryo kuzirikana, kuko ni cyo tugomba abacu bagiye ari inzirakarengane, rero tuzahora tubibuka.”

Muri iki gikorwa cyabaye ku mugoroba wo ku wa Gatanu tariki 10 Mata 2026 i Kibagabaga mu Murenge wa Kimironko, Depite Murora Beth yihanganishije ababuriye ababo muri uwo Murenge, abifuriza gukomeza gukomera.

Depite Murora Beth

Ni igikorwa kandi cyitabiriwe n’abandi bayobozi batandukanye n’abaturage batuye muri Kimironko ndetse n’abaharokokeye Jenoside bafite ababo bahashyinguye, bashyira indabo ku Rwibutso,banatanga ubutumwa bujyanye no Kwibuka.

Umunyamabanga Nshingwabikorwa w’Umurenge wa Kimironko, Musasangohe Providence, yashimiye abantu bose bo mu ngeri zitandukanye baje kwifatanya na bo mu gikorwa cyo kwibuka.

Yagize ati “Turabashimira mwe mwese muri hano mwaje kudufata mu mugongo, mwaje kudufasha gutaramira abacu ibihumbi makumyabiri na bitatu n’ijana na mirongo ine n’umwe (23,141) baruhukiye muri uru rwibutso. Turabashimiye ko mwaje kubana natwe kuri uyu mugoroba twageneye abacu baruhukiye aha ngo tubibuke kandi tubasubize icyubahiro bambuwe bazira uko bavutse.”

Umunyamabanga Nshingwabikorwa w’Umurenge wa Kimironko, Musasangohe Providence, yashimiye abaje kwifatanya na bo mu gikorwa cyo kwibuka

Umuturage witwa Mushimire Eric wavukiye mu Murenge wa Kimironko ufite mukuru we washakishwaga cyane witwa Nzaramba Jean Pierre, ndetse wishwe bwa mbere uri ako gace, agaruka ku mateka ya Jenoside yaharanze, avuga ko bahisemo kwibuka ku itariki 10 Mata kuko ari yo tariki yapfuyeho abantu benshi, kuko mu yandi matariki yabanje, Abahutu n’Abatutsi bari bagifitanye ubumwe, ndetse bafatanya kurwanya Interahamwe zazaga kubica ziturutse ahandi, ariko ziragenda zihuruza abasirikare bari bafite imbunda.

Perezida w’Umuryango IBUKA mu Murenge wa Kimironko, Ndayishimiye Théogène, ashima ubuyobozi n’abafatanyabikorwa baba hafi abarokotse, bubakira abatishoboye, basana urwibutso, batanga n’ubufasha bugamije kunganira abakora ubucuruzi.

Yagize ati “Nk’Umuryango IBUKA turashimira ubuyobozi bw’Umurenge wa Kimironko n’abaturage ba Kimironko badufashije kugira ngo tugere kuri ibyo bikorwa byose.”

Nubwo hari ibyagezweho, ariko haracyari benshi bagikeneye amacumbi n’abakeneye gusanirwa. Bifuza ko no gutera inkunga imishinga mito ibyara inyungu byakongerwamo imbaraga kandi bikagera kuri benshi, muri gahunda yo kurwanya ubukene bukabije bukigaragara kuri bamwe mu barokotse Jenoside kandi bukaba isoko y’ihungabana.

Yanashishikarije abantu gukomeza gutanga amakuru y’ahakiri imibiri itarashyingurwa mu cyubahiro. Yasabye abafite ababo bashyinguye mu rwibutso rwa Kibagabaga ko batanga amazina y’ababo bahashyinguye kugira ngo umwaka utaha azandikwe ku rukuta ruri ku rwibutso.

Ndayishimiye Théogène uhagarariye Umuryango IBUKA mu Murenge wa Kimironko yasabye ko ubuyobozi bwabafasha kubona aho bibukira kuko aho babikorera bahatira. Ati “Ejo aha dushobora kuzaba tutahafite, aba bana mwabonye bibukaga bakazabura aho bibukira imiryango yabo bakahabura, cyaba ari ikibazo gikomeye, twabasabaga ko mwabishyiramo imbaraga.”

Yashimye ingabo zari iza RPF Inkotanyi zahagaritse Jenoside, ati “Inkotanyi ni ubuzima, kandi dufitanye igihango nk’abarokotse Jenoside kandi tugomba kuzazitura. Aba bana bose mwabonye ni Inkotanyi. Ni cyo gihango numva tuzabitura.”

Iki gikorwa cyitabiriwe n’abagize umuryango nyarwanda, abahagarariye Leta ya New Zealand, abadipolomate, abashinzwe uburenganzira bwa muntu, ndetse n’inshuti z’u Rwanda, bose bahuriye ku mugambi wo kwibuka no kunamira abazize Jenoside.

Igikorwa cyatangijwe no gucana urumuri rw’icyizere (candle lighting) byakozwe n’urubyiruko rw’Abanyarwanda, rufatanyije n’abitabiriye igikorwa, nk’ikimenyetso cyo kwibuka no guha icyubahiro abazize Jenoside. Hakurikiyeho umunota umwe wo kwibuka inzirakarengane zirenga miliyoni imwe zishwe muri Jenoside yakorewe Abatutsi.

Mu ijambo rye, Madamu Rehema Uwamahoro, Perezida w’Umuryango w’Abanyarwanda baba muri New Zealand, yagaragaje ko ari ngombwa kwibuka amateka mabi igihugu cyanyuzemo, anashimangira ko Abanyarwanda bagomba gukomeza ubumwe no kurwanya abahakana Jenoside n’abakwirakwiza ingengabitekerezo yayo. Yasabye buri wese kugira uruhare mu kubaka ejo hazaza hatarangwa urwango, anunamira abazize Jenoside anasaba kurengera ukuri n’ubumuntu.

Bwana Innocent B. Muhizi, Intumwa Nkuru y’u Rwanda muri New Zealand, na we yagejeje ijambo ku bitabiriye, abanza kubashimira no kubasuhuza. Yasobanuye amateka ya Jenoside yakorewe Abatutsi, agaragaza uko yateguwe ikanashyirwa mu bikorwa ku butegetsi bwa Juvénal Habyarimana. Yanagaragaje impungenge ku ikwirakwizwa rikomeje ry’ingengabitekerezo ya Jenoside n’imvugo zibiba urwango.

Yanashimiye byimazeyo ingabo za RPA Inkotanyi, ziyobowe na Nyakubahwa Perezida Paul Kagame, zahagaritse Jenoside. Yasabye urubyiruko rw’Abanyarwanda kwigira ku mateka kugira ngo rwubake ejo hazaza heza harangwa ubumwe n’iterambere, hatarangwamo amacakubiri.

Mu bandi batanze ijambo harimo Lady Clare de Lore, Uhagarariye u Rwanda nk’Umuyobozi w’Icyubahiro (Honorary Consul General) muri New Zealand, washimiye abitabiriye iki gikorwa. Yagaragaje ko nubwo isi ivuga “Ntibizongere kubaho ukundi (Never Again)”, Jenoside n’ihohoterwa bikomeye bikomeje kugaragara mu bice bitandukanye by’isi, asaba buri wese gukomeza kugira uruhare mu kubirwanya.

Muri gahunda kandi hatanzwe umuvugo wo kwibuka watanzwe n’umwe mu rubyiruko rw’Abanyarwanda baba muri New Zealand, ndetse hanerekanwa amashusho agaragaza urugendo u Rwanda rwanyuzemo kuva muri Jenoside yakorewe Abatutsi kugeza ku iterambere rumaze kugeraho uyu munsi.

Ijambo nyamukuru ryatanzwe n’uhagarariye Komisiyo y’Uburenganzira bwa Muntu muri New Zealand, wagaragaje ko iki gihugu cyagize uruhare rukomeye mu kuba mu bya mbere byise Jenoside yakorerwaga Abatutsi Jenoside mu Muryango w’Abibumbye. Yashimangiye ko kwibuka ari umusanzu ukomeye mu gukumira Jenoside n’ibyaha bisa na yo, anasaba buri wese kugira uruhare kugira ngo intero ya “Ntibizongere kubaho ukundi” ibe impamo.

Igikorwa cyo Kwibuka ku nshuro ya 32 i Auckland cyasojwe hashimangirwa ubutumwa bw’ubumwe, kwibuka no gufata inshingano, hagamijwe gukomeza kurwanya Jenoside, urwango n’akarengane aho ari ho hose ku Isi.

Ibikoresho by’ubuvuzi byatanzwe bifite agaciro karenga miliyoni 30 Frw, bikazagira uruhare rukomeye mu kongera ubushobozi bwo kubaga no kwita ku barwayi.

Iki gikorwa kigaragaza umubano ukomeye hagati y’u Rwanda n’u Bushinwa, by’umwihariko mu guteza imbere ubuvuzi bufite ireme no kurokora ubuzima bw’abantu.

Kuri uyu wa Gatanu, mu Bitaro bya Masaka, Ambasade y’u Bushinwa mu Rwanda ifatanyije n’Itsinda ry’Abaganga b’Abashinwa bakorera mu Rwanda, bateguye igikorwa cyo gutanga inkunga igamije gukomeza guteza imbere serivisi z’ubuvuzi.

Ibikoresho by’ubuvuzi byatanzwe bifite agaciro… pic.twitter.com/srVvpqYqno

— Kigali Today (@kigalitoday) April 10, 2026

Kureba andi mafoto, kanda HANO

Ngo banze kumuhungana kuko babonaga ko azicwa, bamugira inama yo kuzamuka ku Irebero akajya kureba Inkotanyi zari zihari. Akihagera, umwe mu basirikare b’Inkotanyi yikuyemo ikote yari yambaye ararimufubika akomeza kuryambara kugeza rishaje.

Uwanyirigira yarezwe na nyina wabo wari warapfushije umugabo n’abana barindwi, uwo mubyeyi akaba nta bushobozi buhagije yari afite. Ashima ubuyobozi bwiza bwabitayeho, yishyurirwa amashuri n’ikigega FARG, ashima na AVEGA Agahozo yafashije ababyeyi batari bishoboye, ndetse n’umuryango IBUKA wagize uruhare mu kububakira amacumbi yo kubamo.

Inkotanyi zo avuga ko ntacyo yabona azitura, ati “Imana yo mu ijuru izazihembe!” Uwanyirigira ubu ni umubyeyi ufite abana bane. Afite icyizere cyo kuzagira abuzukuru n’abuzukuruza, ndetse ubu ubu abana bazi ko kubaho ari uburenganzira bwabo, mu gihe muri Jenoside nta burenganzira bo bari bafite bwo kubaho.

Ibi yabigarutseho mu buhamya yatangiye mu Murenge wa Kigarama mu Karere ka Kicukiro tariki 10 Mata 2026 mu gikorwa cyo Kwibuka ku nshuro ya 32 Jenoside yakorewe Abatutsi. Cyabanjirijwe no gushyira indabo ku Rwibutso rwa Jenoside rwa Gikondo aharuhukiye Abatutsi barenga 300 n’abandi bagera ku 1,000 bishwe batwitswe muri Jenoside yakorewe Abatutsi, ibiganiro bijyanye no Kwibuka bikomereza ahazwi nko kuri ‘Mwana Ukundwa’ mu Murenge wa Kigarama.

Abarokotse Jenoside batuye mu Murenge wa Kigarama bashima ubuyobozi n’abafatanyabikorwa barimo amadini n’amatorero ku bw’uruhare rwabo mu kububakira no kubasanira amacumbi, bibafasha kubaho neza.

Uhagarariye umuryango IBUKA muri uwo Murenge yagize ati “Turashimira Umunyamabanga Nshingwabikorwa w’Umurenge wacu, Umubyeyi Médiatrice, kuba atuba hafi. Ntacyo adakora ngo tugire ubuzima bwiza. Nubwo Leta itabasha kuduha ubushobozi bwose icyarimwe, we adushakira abafatanyabikorwa barimo amadini n’amatorero ndetse n’abandi bafatanyabikorwa badufasha gusana inzu. Ubu abarokotse Jenoside turatekanye.”

Ni igikorwa cyabanjirijwe no kunamira ndetse no gushyira indabo ku rwibutso rwa Jenoside rwa BK, rw’abahoze ari abakozi bayo, ruri ku cyicaro cy’iyo banki mu Mujyi wa Kigali.

Abahoze ari abakozi ba BK bibukwa barimo Bukombe Ignace, Semuhungu Faustin, Namahoro Thacien, Gapira Edison, Masengesho Emmanuel, Mudenge Alain, Karega Callixte, Eulade Ndayambaje, Laetitia Umugwaneza, Athanasie Bamurange, Uwayirege Esperance, Ndejuru Thadée, Munyantwari Simon, Claver Kayumba na Maniraho Joseph.

Umwe muri aba 15 witwa Kayumba Claver wishwe muri Jenoside yakorewe Abatutsi mu 1994, na n’ubu ngo ntiharaboneka undi wo mu muryango we, cyangwa se amakuru y’umuryango we. BK yongeye gusaba uwagira amakuru ku muryango w’uyu mukozi ko yayabasangiza.

Mu buhamya bwe, umukozi wa BK witwa Kamanzi Innocent wo mu Bugesera ariko ukomoka ku Gisenyi avuga ko bataje mu Bugesera bimutse ahubwo ko bahaje bashaka ubuhungiro. Yagaragaje ko itotezwa ryatangiye kera, ababyeyi be barahunga mu 1959, barasenyerwa, inka zabo ziraribwa, itotezwa no kumeneshwa birakomeza kugeza mu 1994, agashima Inkotanyi zahagaritse Jenoside yakorewe Abatutsi.

Ati “Turashima Inkotanyi zatubohoye, twagarutse ntacyo turiho, dutangirira kuri zeru, dutangira ubuzima, none turubatse, dufite abagore n’abana, turi mu gihugu cyiza gitanga uburenganzira kuri buri wese.”

Mu ijambo rye, Dr. Uzziel Ndagijimana uyobora BK Group Plc, yavuze ko bazakomeza kuba hafi y’imiryango y’abari abakozi bayo.

Dr. Uzziel Ndagijimana uyobora BK Group Plc

Yagize ati “Abakozi bose b’ibigo bitanu bigize BK Group, twihanganishije imiryango yabuze ababo bazize Jenoside yakorewe Abatutsi, bari abakozi ba Banki ya Kigali mu 1994. Tubafashe mu mugongo, turi kumwe kandi tuzakomeza kubaba hafi nka bamwe mu bagize umuryango wacu mugari wa BK Group.”

Hon. Marie Alice Kayumba Uwera ushinzwe Ubumwe n’Ubudaheranwa muri Minisiteri y’Ubumwe bw’Abanyarwanda n’Inshingano Mboneragihugu (MINUBUMWE) wari umushyitsi mukuru, yatanze ubutumwa bw’ihumure ku barokotse Jenoside yakorewe Abatutsi n’imiryango yabo, ati “Nimukomere muri iki gihe twibuka ku nshuro ya 32 Jenoside yakorewe Abatutsi. Mboneyeho no gushimira by’umwihariko BK Group kuba yarateguye uyu munsi ikawuharira kwifatanya n’Abanyarwanda kwibuka ku nshuro ya 32 Jenoside yakorewe Abatutsi. Uyu munsi ikiragano gishya gishyize imbere kwiyubaka no kwigira ku mateka mabi Igihugu cyacu cyanyuzemo aha hakaba ari na ho tuvoma imbaraga zo guhagarara twemye tukavuga ko Jenoside itazongera kubaho ukundi.”

Hon. Marie Alice Kayumba Uwera ushinzwe Ubumwe n’Ubudaheranwa muri MINUBUMWE

Abari abakozi ba Banki ya Kigali 15 bishwe muri Jenoside yakorewe Abatutsi

Gahama François watanze ikiganiro ku mateka y’u Rwanda

Yavuze ko tariki 01 Ukwakira 1990 ubwo ingabo za RPA zatangizaga urugamba Leta yayoborwaga na Perezida Habyarimana Juvenal, aho kugira ngo ijye kurwana n’ababateye, yahise itangiza umugambi wo kwica Abatutsi mu Gihugu hose.

Ubwo butegetsi bwakoresheje inzego zose za Leta zari ziriho icyo gihe mu gucengeza amatwara yamamaza urwango rw’Abahutu ku Batutsi, bijyana n’iyicwa ryabo mu bice bitandukanye by’Igihugu.

Ubutegetsi bwa Habyarimana bwanifashishije itangazamakuru ryariho icyo gihe ryaba irya Leta ndetse n’ibindi bitangazamakuru byari byarashyiriweho gucengeza urwo rwango birimo Ikinyamakuru Kangura na Radio RTLM bikomeza kubiba urwango rw’Abahutu ku Batutsi.

Nko mu 1993 Ikinyamakuru Kangura cyasohoye amategeko 10 y’Abahutu yashishikarizaga Abahutu kwitandukanya no kwirinda Abatutsi mu buryo bwose.

Gahama François watanze ikiganiro ku mateka y’u Rwanda yo hambere yagejeje kuri Jenoside yakorewe Abatutsi, ashima ingabo za FPR zahagaritse Jenoside, na Leta y’Ubumwe bw’Abanyarwanda ishyira imbere Ubunyarwanda kuruta ikindi cyose umuntu yakwibonamo. Yasabye Abanyarwanda gukomera ku bumwe bwabo no kurwanya abashaka kugarura amacakubiri.

Rusekampunzi Lin uhagarariye Umuryango IBUKA mu Murenge wa Kicukiro, agaragaza ko u Rwanda rwahuye n’ishyano ryo guhekurwa n’abaturage barwo, ariko ashima abandi baturage barwo (Inkotanyi) bahagaritse Jenoside yakorerwaga Abatutsi mu 1994.

Yagize ati “Inkotanyi zari ziganjemo abakiri urubyiruko nk’urwo mbona imbere yanjye, ziyobowe na Nyakubahwa Perezida Kagame icyo gihe batari na benshi, batanashyigikiwe, bahagurukira kurwana urugamba rukomeye, baratubohora, Igihugu kiva mu icuraburindi, turarokoka. Abavugaga ngo ntihazagire n’usigara wo kubara inkuru baratsinzwe kuko ubu mpagaze aha ngaha mbara inkuru, nshima Inkotanyi. Jyewe narokotse impfu enye. Uwashima Inkotanyi bwakwira bugacya. Ubu duhagaze neza, abarokotse bari abana n’impinja ubu barabyaye, ni abagabo n’abagore babyariye Igihugu.”

Rusekampunzi Lin uhagarariye Umuryango IBUKA mu Murenge wa Kicukiro

Nubwo hashize imyaka 32 Jenoside yakorewe Abatutsi ihagaritswe, Rusekampunzi yagaragaje ko abarokotse Jenoside n’ubu bagitotezwa nubwo Leta ikoresha imbaraga zose kugira ngo ako karengane gacike. Yasabye ko abantu bagikora ayo mahano n’abagihembera ingengabitekerezo ya Jenoside bamaganwa, ati “hirya no hino abarokotse Jenoside baracyicwa, bakangirizwa imitungo nko gutema inka zabo, gutema intoki, kurandurirwa ibishyimbo,… kugira ngo babababaze. Abakuru muri aha mureke turerere u Rwanda abazarwubaka bakarugira rwiza, abana bacu bazamukane urukundo, mubakundishe Igihugu kugira ngo kizakomeze gutemba amata n’ubuki bivuye mu mbaraga z’abo Igihugu cyibarutse.”

Visi Perezida w’Inama Njyanama y’Umurenge wa Kicukiro, Manirakiza Bonaventure, yavuze ko nk’abayobozi mu Murenge wa Kicukiro, biyemeje kujya bavuga ‘Umurenge mwiza wa Kicukiro’ kuko biyemeje ko uwo murenge uba intangarugero, amahano yahabereye muri Jenoside n’ibindi bibi ntibizongere ukundi. Yagize ati “Twanze ko amahano yahabereye yakongera kuzahabera. Ntiwakwita ikintu cyiza ngo wongere ukizanemo umwanda, Jenoside yabereye muri Kicukiro ntizongere kuba ukundi.

Yagaragaje ko ibivugirwa mu biganiro byo kwibuka ari amateka asharira, ariko atagomba kwibagirana, ari na yo mpamvu mu gihe nk’iki habaho guhurira mu biganiro bakayasubiramo kugira ngo bayazirikane, kugira ngo hatazagira uwibeshya ko byibagiranye agasubiramo ubwicanyi nk’ubwo muri Jenoside.

Ati “Ibyo ntabwo bishoboka, tubibahayemo isezerano nk’Umurenge wa Kicukiro. Niba harabayeho ubuyobozi bubi bwateguye bukanashyira mu bikorwa Jenoside, ubu tukaba dufite ubuyobozi bwiza butwigisha kuba umwe nk’Abanyarwanda, budutoza kurandura ingengabitekerezo ya Jenoside n’imizi yayo, ntabwo ari ukubivuga mu magambo gusa, ahubwo hagomba kubaho ibikorwa bifatika byo kuyirwanya.”

Visi Perezida w’Inama Njyanama y’Umurenge wa Kicukiro, Manirakiza Bonaventure, yijeje abaturage ko ubuyobozi bwiza bubazirikana kandi buharanira ko umuturage aba ku isonga

Manirakiza yasabye ababyeyi ko aho gutoza umwana imico mibi y’inzangano n’ubwicanyi, babaganiriza uburyo biteza imbere, gukundana, kugandukira ubuyobozi, kumvira gahunda nziza za Leta iriho ubu, no gukorera hamwe kugira ngo biteze imbere.

Yabijeje ko ubuyobozi bwa Leta y’Ubumwe bw’Abanyarwanda buzirikana abaturage kandi bubafitiye gahunda nziza, kandi buhora bwiteguye gukumira icyahungabanya abaturage icyo ari cyo cyose, ariko abasaba n’ubufatanye kugira ngo bakumire abashaka kwangiriza u Rwanda batabona icyuho.

Umunyamabanga Nshingwabikorwa w’Umurenge wa Kicukiro, Mukandahiro Hydayat, yashimiye abaje kwifatanya na bo mu Kwibuka32

Umuhanzi Senderi yaririmbye zimwe mu ndirimbo ze zijyanye n’ibihe byo kwibuka

Amafoto: Fraterne Rugwizangoga/Kicukiro

Umuyobozi Nshingwabikorwa Wungirije w’Akarere ka Kicukiro, Monique Huss

Yashimye kandi Ubwitange n’Ubutwari byaranze ingabo z’Inkotanyi zahagaritse Jenoside ndetse zubaka Igihugu cyari cyarasenyutse mu nzego zose.

Yabivugiye mu gikorwa cyo kwibuka ku nshuro ya 32 Jenoside yakorewe Abatutsi mu 1994 mu yahoze ari Komini Gikondo. Ni igikorwa cyabanjirijwe no gushyira indabo ku rwibutso rwa Jenoside yakorewe Abatutsi rwa Gikondo ruruhukiyemo imibiri y’Abatutsi barimo n’abishwe batwitswe. Ibikorwa byo Kwibuka ku rwego rw’Akarere ka Kicukiro byakomereje mu Murenge wa Kigarama ahazwi nko kuri "Mwana ukundwa".

Lt Col (Rtd) Gerard Nyirimanzi

Lt Col (Rtd) Gerard Nyirimanzi watanze ikiganiro, yagaragaje ko Abakoloni ari bo bazanye ingengabitekerezo yagejeje u Rwanda kuri Jenoside yakorewe Abatutsi. Yagaragaje ko mu muco nyarwanda nta ndangagaciro y’ingengabitekerezo yabagamo, ari yo mpamvu hari abatarashoboye gukurikira ingengabitekerezo yazanywe n’Abakoloni. Lt Col (Rtd) Nyirimanzi avuga ko amacakubiri yazanywe n’Abakoloni ntacyo ashingiraho kuko no mu bantu bavukana harimo abarebare n’abagufi, abafite amazuru manini n’amato.

Depite Murumunawabo Cécile wari umushyitsi mukuru, yavuze ko inzirakarengane z’Abatutsi bishwe muri Jenoside bazize ubuyobozi bubi, ashima ubudaheranwa bukomeje kuranga abarokotse kandi asaba Abanyarwanda muri rusange kurwanya abahakana bakanapfobya Jenoside yakorewe Abatutsi.

Yagize ati “Uyu munsi ni umunsi wo kuzirikana amateka mabi y’igihugu cyacu cyanyuzemo kigasenyuka muri byose. Ariko kwibuka si ukureba inyuma gusa, ni no gufata umwanya wo kwigira ku mateka, kuko aya mateka yatweretse ko ntakidashoboka. Yatweretse ko ubuyobozi bwiza bubaho. Ndahamya ko ubuyobozi bw’u Rwanda n’Isi yose ishobora kubwifuza.”

Amwe mu matariki yo kwibukiraho muri Kicukiro harimo tariki 09 Mata 2026 aho Imirenge irindwi izibuka harimo Umurenge wa Gikondo, Gatenga, Kicukiro, Masaka, Kanombe, Niboye, na Kagarama.

Tariki 10 Mata 2026 Imirenge itatu izibuka ari yo Nyarugunga, Gahanga, na Kigarama.

Tariki 11 Mata ni Indi tariki izirikanwa muri Kicukiro no mu Rwanda muri rusange, kuko aribwo Ingabo z’Umuryango w’Abibumbye zatereranye Abatutsi bari bahungiye mu ishuro ry’imyuga rya ETO Kicukiro, babasiga mu maboko y’abicanyi. Kuri iyo tariki hateganyijwe urugendo rwo kwibuka ruzatangirira ahahoze ari muri ETO Kicukiro (ubu ni muri IPRC Kicukiro) ruzatngira saa cyenda z’amanywa, rukomereze ku rwibutso rwa Nyanza ya Kicukiro, mu rwego rwo kwibuka amateka y’urugendo rwakozwe n’abavanywe muri iryo shuri bakicirwa kuri uwo musozi wa Nyanza ya Kicukiro no gufata ingamba zo kwibuka twiyubaka no gusigasira ubumwe bw’Abanyarwanda.

Ku itariki ya 13 Mata 2026, Icyumweru cyo Kwibuka muri Kicukiro kizasozwa hibukwa abanyapolitiki bazize Jenoside yakorewe Abatutsi, bashyinguye mu rwibutso rwa Rebero.

Tariki 24 Mata 2026 hazibukwa imiryango yazimye. Iyi gahunda izajya iba buri mwaka aho buri Karere kazajya kazirikana abari bagatuyemo bishwe ntihasigare n’umwe wo mu muryango w’umugore, umugabo n’abana. Muri Kicukiro, iyi miryango izibukirwa mu Murenge wa Nyarugunga wari utuyemo uwari Perezida Habyarimana Juvenal, wayoboye Leta yateguye ikanashyira mu bikorwa Jenoside yakorewe Abatutsi. Uyu murenge uri no mu yatangirijwemo ubwicanyi.

Abaturage bakanguriwe kwitabira izi gahunda zo kwibuka no gufata mu mugongo abarokotse Jenoside yakorewe Abatutsi mu 1994.

Yavuze ko nyuma ya Jenoside yakorewe Abatutsi mu 1994, Abanyarwanda bahisemo kongera kubaka Igihugu bafatanyije bose hamwe, ibyo bikajyana n’isezerano ryo kutazigera na rimwe bemera ko politiki ya Jenoside yongera kugira aho ishinga imizi mu Rwanda.

Mu ijambo rye ritangiza Icyumweru cy’Icyunamo n’iminsi ijana yo #Kwibuka32, Perezida Kagame yagize ati “Ndababwiza ukuri Jenoside ntishobora kongera kuba hano. Ntizongera ukundi. Nubwo mwumva hari urusaku mu Karere rw’abantu bahurira mu nama bavuye i Burayi n’ahandi hirya no hino bagahurira i Kinshasa, bakazana umuhungu wa Habyarimana na benewabo n’abandi baturutse hirya no hino bagahura,... Ibyo byose ni urusaku, nta kintu na kimwe bashobora kugeraho cyateza ibibazo hano nk’ibyabaye. Ibi ndabivuga kuko nzi ko buri Munyarwanda yaba umuto n’umukuru na we yabihamya.”

Perezida Kagame yongeyeho ati “Muri uru rugendo, Abanyarwanda twakomeje guhura n’abanenga ibiduturutseho n’abashaka kugoreka amateka yacu inshuro nyinshi, ariko imbaraga tuzahorana iteka ni ugukoresha ubwenge bwacu kugira ngo tubone ukuri, no gukoresha amajwi yacu tukavuga iyo tubona hari ikitagenda neza.”

“Tugomba gusobanura neza ibyago tubona bigihari. Igihe Leta yakoze Jenoside yatsindwaga muri Nyakanga 1994, abasirikare bayo n’Interahamwe bahungiye hakurya y’umupaka mu cyitwaga Zaire, bajyana ku gahato n’imbaga y’abaturage babarirwa mu mamiliyoni. Mu nkambi bongeye kwisuganya baza kuvamo umutwe uzwi uyu munsi nka FDLR, hanyuma batangira ibitero byambukiranya umupaka batera u Rwanda, bihitana ubuzima bw’Abanyarwanda ibihumbi n’ibihumbi. Icyo gihe cyiswe icy’Abacengezi , kandi umupaka w’u Burengerazuba wabashije kugira umutekano usesuye mu mpera z’imyaka ya 1990 binyuze mu mbaraga n’ubufatanye bw’ingabo zacu n’abaturage bo muri ako gace bagize ubutwari bukomeye.
Kuva icyo gihe ingamba zacu z’ubwirinzi zidufasha kwirwanaho no kurinda Igihugu, duharanira ko ibitero nk’ibyo bitazongera na rimwe kugabwa ku Rwanda biturutse hakurya y’imipaka yacu.”

Kureba andi mafoto, kanda HANO

Abazatangira gukoresha iyi Gaz bwa mbere ni abantu batekera hamwe, barimo ibigo by’amashuri, ibigo bicumbikira abantu benshi icyarimwe, ibitaro…. naho abandi iyi gahunda ikazabageraho nyuma.

Yabigarutseho kuri iki Cyumweru tariki 05 Mata 2026 mu kiganiro ‘Urubuga rw’Itangazamakuru’ cyagarukaga ku ku ngamba z’u Rwanda mu guhangana n’ingaruka z’izamuka ry’ibiciro by’ibikomoka kuri Peteroli.

Ingaruka z’izamuka ry’ibiciro by’ibikomoka kuri Peteroli ni kimwe mu bibazo byugarije Isi biturutse ku ntambara Leta Zunze Ubumwe za Amerika na Israel bagabye kuri Iran, maze icyo gihugu mu kwihimura, gifunga umuhora wa Hormuz (Strait of Hormuz) ucamo 20% by’ibikomoka kuri Peteroli na Gaz bikoreshwa ku Isi.

Uyu muhora ni inzira y’amazi ikomeye cyane iri hagati ya Iran n’ibirwa bya Oman, ihuza ikigobe cya Peresi (Persian Gulf) n’inyanja y’u Buhinde. Uyu muhora ufite akamaro kadasanzwe mu bukungu bw’isi kuko unyuramo hafi 20% by’ibikomoka kuri peteroli na gaze bikoreshwa ku isi yose.

Iran yatangaje ko uyu muhora ufunze bitewe n’intambara yahuje Iran na Amerika ndetse na Israel kuva muri Gashyantare 2026.

Iran yatangiye gahunda yo kwishyuza amato anyura muri uwo muhora, aho yayashyize mu byiciro bitatu (inshuti, ababogamiye hagati, n’abanzi). Amato y’ibihugu bifatwa n’abanzi (nka Amerika na Israel) ntiyemerewe kuhanyura.

Guhagarara kw’ubwikorezi muri uyu muhora byatumye ibiciro bya peteroli ku isi bizamuka cyane. Ingaruka zageze no mu karere, aho muri Tanzania igiciro cya lisansi cyazamutseho amashilingi asaga 950 kuri litiro muri Mata 2026.

Ibihugu bisaga 40 byatangiye ibiganiro byo gushaka uko uyu muhora wafungurwa mu buryo bwa dipolomasi. Mu mpera za Werurwe, Perezida Donald Trump yahaye Iran amasaha 48 yo kuba Iran yawufunguye, ariko biba iby’ubusa.

Uyu muhora ufite ubugari bwa kilometero 33 gusa mu gice cyawo gito cyane cy’amazi y’inyanja ari hagati y’ubutaka, bikaba byorohera ingabo za Iran kuwugenzura byuzuye.

Abakirisitu bawizihiza bawufata nk’umunsi mukuru wo kwibuka no kwizihiza izuka rya Yezu Kristu nyuma y’iminsi itatu abambwe ku musaraba. Ni ikimenyetso cy’intsinzi y’ubuzima ku rupfu n’ibyiringiro by’ubugingo buhoraho.

Ni na yo mpamvu abenshi bazindukira mu nsengero na za Kiliziya mu masengesho, nyuma bagakomereza mu bindi birori mu ngo, mu miryango, cyangwa mu bitaramo byo kuramya no gusingiza Imana.

Mu mafoto, irebere uko hirya no hino i Kigali byari byifashe kuri uyu munsi.

Kureba andi mafoto, kanda HANO

Mu Mujyi wa Kigali igiciro cyabaye 59.28 FRW ku mugenzi ku kilometero, naho mu Ntara: igiciro kiba 41.58 FRW ku mugenzi ku kilometero.

Ibi biciro bishya byashyizweho hashingiwe ku izamuka ry’ibikomoka kuri peteroli. Guhera kuri uyu wa Gatandatu tariki 4 Mata 2026, saa kumi n’ebyiri za mu gitondo (6:00), Lisansi iragura Amafaranga y’u Rwanda 2,303 kuri Litiro, naho Mazutu iragura Amafaranga y’u Rwanda 2,205 kuri Litiro.

Ibiciro by’ibikomoka kuri peteroli byaherukaga kuvugururwa ku itariki 4 Werurwe 2026, aho Lisansi yaguraga 1,989Frw kuri litiro, bivuze ko yiyongereyeho amafaranga y’u Rwanda 314 kuri litiro, mu gihe Mazutu yaguraga 1,948Frw kuri litiro, yiyongereyeho amafaranga y’u Rwanda 257 kuri litiro.

Uko ibyo biciro biteye:

Albert Nkundabagenzi (wambaye ingofero) ni we nyiri aha hantu hakorerwa ubuhinzi bw’umwimerere. Aho barakora ifumbire itari mvaruganda

Imyaka yeza iyo ayigejeje ku isoko ngo barayirwanira kuko nta ngaruka yatera ku buzima. Afite umusozi akoreraho ubworozi n’ubuhinzi bw’umwimerere (Organic Agriculture) ku buryo abantu baza kumwigiraho uburyo ahinga akanorora adakoresheje imiti n’amafumbire ya kizungu. Ni imirimo akorera mu Ntara y’Iburasirazuba mu Karere ka Ngoma mu Murenge wa Rurenge mu Kagari ka Rugese.

Mu byo ahinga harimo inyanya, ibigori, ibishyimbo, soya, intoryi, dodo, karoti, amashu, avoka, amapapayi n’ibindi bitandukanye.

Hagati y’imirima ateramo n’ibyatsi bimwe binukira udukoko twangiza ibindi bihingwa tugahunga, cyangwa se ibindi byatsi bikadufata bikatubuza kwangiza ibihingwa.

Yorora n’amatungo arimo inka n’ingurube biri mu bitanga ifumbire yifashisha mu buhinzi.

Ibyatsi babikoramo umuti batera ku bihingwa ukirukana udukoko bidasabye gukoresha ya miti yo mu nganda yangiza imirima

Abajijwe ku cyo atekereza ku buhinzi n’ubworozi bwa kizungu burimo kwiganza cyane, bwamamazwa, kandi butanga umusaruro mwinshi kandi mu gihe gito, Nkundabagenzi na we yemera koko ko abantu bakeneye ibibatunga biboneka mu gihe gito kandi byinshi, ariko akagaragaza ko mu gihe byakomeza gutyo, ubutaka buzakomeza kwangirika.

Yagize ati “Birumvikana abantu bakeneye kurya, ariko dukwiye no kwibaza ngo abantu bazarya kugeza ryari? Uburyo dukomeza gukoresha izo nyongeramusaruro ibyo bintu bigabanya ubushobozi bw’imirima mu gutanga umusaruro mwinshi, ari na cyo twishimira ko Leta itangiye kubibona, igasaba abahinzi kuvanga ifumbire mvaruganda n’imborera.”

Ati “Kuko na Leta yemera ko ibyo bintu (ubuhinzi bw’umwimerere) ari byiza, ariko bikaba atari igisubizo cyihuse cy’ibiribwa. Bemera ko ari igisubizo cyane cyane ku mihindagurikire y’ikirere, kuko birengera iyangirika ry’ubutaka.”

Ubusanzwe amafumbire mvaruganda avugwaho kwica udukoko tuba mu butaka ducagagura ifumbire ikabasha kugirira akamaro ibihingwa. Ayo mafumbire n’imiti kandi bivugwaho kujya mu mazi abantu banywa cyangwa se barya ibihingwa yakoreshejweho bikagira ingaruka ku buzima bw’abantu.

Uyu muhinzi mworozi ndetse n’Umuryango Nyarwanda ROAM (Rwanda Organic Agricultural Movement) uteza imbere ukanamamaza ubuhinzi bw’umwimerere, bagaragaza ko hakenewe ubuvugizi abantu bakiga mu mashuri ubuhinzi bw’umwimerere mu Rwanda, kuko nko mu bindi bihugu usanga bwigishwa kugeza ku byiciro byo hejuru muri kaminuza na PhD.

Nkundabagenzi avuga ko ubuhinzi bw’umwimerere ari ingenzi kuko burinda iyangirika ry’ubutaka n’ihindagurika ry’ibihe

Ni byo bakomeza basobanura bati “Ntabwo tubangamira gahunda za Leta, ahubwo turuzuzanya. Ni no kugira ngo nujya ku isoko, wowe nk’umuguzi ugire amahitamo. Impamvu umuguzi agura inyanya zateweho umuti wo mu ruganda, ni uko nta zindi nyanya ziba zihari. Turashaka ko abantu benshi bitabira ubu buhinzi bw’umwimerere. Ntabwo ari urugendo rworoshye ariko twizera ko buhoro buhoro bizashoboka, ayo mategeko akajyaho, n’imyigire ikajyaho.”

Abakora ubuhinzi bw’umwimerere bemeza ko iyo bukozwe neza na bwo butanga umusaruro mwinshi kandi wujuje ubuziranenge. Imbogamizi bagifite ni ukubona ifumbire ihagije. Mu gihe Leta yabishyigikira hakabaho nka nkunganire ku ifumbire y’imborera, ubutaka ngo bwakwera neza kurusha ndetse n’ubwashyizwemo ifumbire mvaruganda, kuko ifumbire bikorera ngo baba bizeye ko yujuje ibyangombwa byose nk’ibiri mu mafumbire mvaruganda.

Ibirungo biva mu nyanya, umutobe, imbuto (seeds)...biva mu byo aba yahinze adakoresheje amafumbire mvaruganda n’imiti ya kizungu

Albert Nkundabagenzi avuga ko ubuhinzi bw’umwimerere bumurinda gusohora amafaranga menshi ajya kugura ibyo bakoresha kuko ibyinshi arabyitunganyiriza. Ati “Nk’ifumbire nkoresha iva ku matungo, iy’iminyorogoto, iyo dukora mu mazi ndetse n’imborera iva mu bisigazwa by’imyaka n’ibindi byatsi (compost). Tuba twarashyizeho iyi mirima kugira ngo twereke abantu ko bishoboka. Jyewe umurima mpingamo karoti cyangwa se amashu nkuramo umusaruro umwe n’uwahingishije imvaruganda cyangwa nkamurusha, hakiyongeraho ko ibyanjye ari umwimerere.”

Abantu batandukanye bakorera urugendo shuri mu mirima Albert Nkundabagenzi akoreramo ubuhinzi bw’umwimerere bagasobanurirwa uko bukorwa

Ku rundi ruhande, Umuhanzi Tuyizere Papi Clever na Ingabire Dorcas na bo ni umugabo n’umugore babana kuva mu 2019, na bo bakaba bakorana umuziki nk’itsinda ryitwa ‘PaPi Clever & Dorcas’

Ushobora kuba wibaza uko bahuza inshingano zo mu rugo n’umuziki, uko baba biyumva, ndetse n’uko babigenza kugira ngo babashe gukorana umuziki ari umugabo n’umugore.

Iyi ngingo basabwe kugira icyo bayivugaho ubwo bari mu kiganiro n’itangazamakuru kuri uyu wa Gatanu kigamije gusobanura byinshi ku gitaramo bazahuriramo kuri Pasika muri BK Arena.

Ben Serugo yahereye ku nkuru y’uwigeze kumubaza kera ati “mubishobora mute ko wicara n’umugore wawe mugakora umushinga, mukamara iminota itanu mujya inama y’uko ibyo bintu mubikora mutari mwashwana?”

Ben Serugo

Uwo muntu ngo yakomeje abwira Ben ko we nta kintu yashobora gukorana n’umugore we ngo bamarane iminota irenze icumi batarashwana. Ben ati “Ndamubwira nti ubayeho nabi uragowe.”

Ben Serugo avuga ko mu by’ukuri umugore we ari umuntu w’ingenzi mu muziki bakora, ariko nanone bombi bakaba buzuzanya.

Ati “Ni umugisha kuri jye, nanjye ndi umugisha kuri we, kandi iyo turi kumwe twembi babiri, tujya dukora ikintu nkabona kiratunganye. Bakuyemo umuntu umwe sinamenya niba undi yabikora bigakunda. Gusa nigeze kubikora na mbere y’uko tubana hari uturirimbo nigeze nsohora tukampfana umunsi ku wundi, nkazisohora ntizikundwe, ubanza hari n’izo abatunganya umuziki (producers) banyimaga kuko ubanza barabonaga ko zidashinga. Ariko aho tubaniye ibintu byarakunze, dukora indirimbo noneho nkabona aba producers barayimpaye, twayiririmba nkabona birakunze.”

Ben yakomeje ati “Ku rubyiniro (stage) iyo adahari sinshobora kujyayo, ntibikunda. Nushaka kuzantumira jyenyine, wenda azantumire nze mvuge ubutumwa, ariko kuririmba mu by’ukuri turirimbana twembi, nta cyiza nka byo. Kubera ko tumaranye n’imyaka myinshi tubikora, hari ukuntu andeba turi kuri stage nkahita menya icyo ambwiye, nanjye namureba agahita amenya icyo mubwiye kandi tutavuganye. Rero ni byiza kandi bigenda birushaho no gukuza ubuzima bwacu mu by’umwuka kuko ibintu byinshi turabiganira, tugasengera hamwe, tukaganira ku ndirimbo turi hamwe.”

Mbanza Chance

Tuyizere Papi Clever na we avuga ko mbere y’uko abana na Ingabire Dorcas yari asanzwe akora umuziki ariko ko utabashaga kugera kure. Ati “Nari nsanzwe ndi umuhanzi nkora jyenyine, ariko ibikorwa byanjye byarushijeho kumenyekana maze kubana na Dorcas. Ikindi kugeza kuri uyu munsi abantu bakunda kubona dukora duhozaho, ariko biterwa na Dorcas kuko hari ibyo nkora muri studio, ariko Dorcas azi kwifata amajwi (recording). Aragenda akajya muri studio namusigiyemo ibyo aza gukora agafata amajwi, nkaruhuka nkaza kugaruka yabirangije, ngakomerezaho, uwo ni umugisha.”

Tuyizere Papi Clever

“Ikindi ni uko byatwongereye igikundiro kuko uyu munsi dufite abakurikira umuyoboro wacu wa YouTube (subscribers) barenga Miliyoni imwe n’ibihumbi 200, kandi yasanze mfite ibihumbi 15. Mu mezi ane twari tumaranye twari tumaze kugira abadukurikira ibihumbi 50. Murumva akamaro ke mu buzima bwanjye, kandi byatumye nkura, ndubahwa, abantu bamenya nk’umugabo, ikindi kandi no mu buryo bw’amafaranga twaragutse.”

Ingabire Dorcas na we ntajya kure y’ibyavuzwe n’umugabo we, akavuga ko ibyo bagezeho ari umugisha w’Imana. Yagize ati “Ubundi urugo ni umugisha uva ku Mana, ni yo mpamvu n’Imana irushyigikira iyo utabifashe nk’ibintu biri aho ngaho ngo ubiteshe agaciro, ukiga kurwubaha ukamenya ko ari umushinga w’Imana. Imana irabashyigikira muri babiri kurusha uko yagushyigikira uri umwe.”

Tuyizere Papi Clever na Ingabire Dorcas bishimira iterambere Imana yabagejejeho nyuma yo kubana nk’umugabo n’umugore

“Nshima Imana kubera uko dukorana twembi. Ni umugisha, ntabwo mfite ukuntu nabisobanura ariko umugisha tugira uwo ari wo wose ukomoka ku kuba dukorana twembi nk’abashakanye. Bituma twaguka mu buryo bw’umwuka, urukundo rugakura, kandi no mu buryo bw’umubiri (financially) biraguka kurusha uko umwe yaba ahiga ukwe undi ahiga ukwe. Iyo mufatanya ibintu bigenda neza kandi Imana irahaba cyane kurusha uko umwe yaca ukwe undi agaca ukwe.”

Papi Clever na Dorcas ni bamwe mu bahanzi bazasusurutsa abazitabira igitaramo cyiswe ‘Easter Jubilee Music Gathering’ cya Ben na Chance kizabera muri BK Arena tariki 05 Mata 2026 kuri Pasika. Iki gitaramo kizaba kirimo abandi bahanzi ba Gospel b’abavandimwe bazwi nka Alicia na Germaine.

Ni ubwa mbere Ben na Chance bagiye gukora igitaramo kuri Pasika, ndetse ni n’ubwa mbere bagiye gutaramira muri BK Arena mu gitaramo cyabo bwite.

Reba indirimbo nshya ‘Kare mu museke’ Ben na Chance basohoye mbere yo gutaramira muri BK Arena kuri Pasika

Mu gusubiza, Perezida Kagame yemeje ko ubufatanye hagati ya RDC na FDLR buriho kandi bukomeje.

Naho ku bijyanye n’umubare, yavuze ko atari cyo kintu cy’ingenzi. Ati "Baba ari magana cyangwa ibihumbi, icyo bategura n’icyo baharanira, icyerekezo cyabo n’ubufasha bahawe na Guverinoma ya RDC ni cyo kibazo gikomeye. Urebye gusa ku mubare, waba wirengagije icy’ingenzi. Nta tandukaniro ry’umubare hagati ya FDLR na ADF [Allied Democratic Forces], abakomoka ku itsinda rya Leta ya Kisilamu intambara yo muri Uganda irimo imyaka myinshi ku butaka bwa RDC, ku bwumvikane na Tshisekedi.

Nubwo Guverinoma ya Kongo yakunze kuvuga ko ifite ubushake bwo guhagarika ibikorwa bya FDLR, ariko ibisubizo ntibiboneka.

Perezida Kagame yavuze ko mu turere M23 igenzura, ikora neza mu guhangana na FDLR n’indi mitwe y’abagizi ba nabi, ariko mu turere twa Masisi, Walikale n’ahandi ingabo za FARDC zigenzura, FDLR iracyahaboneka aho ifatanya n’ingabo za Guverinoma. Ati "icyinshishikaje si ukuvuga amagambo yo kwitaka, ahubwo ni ukuri kw’ibigaragara."

Ntirenganya Jean Claude ni umwe mu baganirije abanyeshuri ku byaha bikorerwa ku mbuga nkoranyambaga n’ingaruka zabyo

Muri ibyo byaha harimo nko guhererekanya amashusho y’urukozasoni, guhoza abantu ku nkeke no kubashyiraho iterabwoba bifashishije amafoto n’amashusho n’ibindi baba babasaba. Hari ibyaha bikururira urubyiruko mu kujya mu icuruzwa ry’abantu, hakaba n’abatekamutwe babeshya abantu ku mbuga nkoranyambaga no ku ikoranabuhanga, bakabizeza ibintu bitandukanye bagamije kubiba.

Ntirenganya Jean Claude, umukozi wa RIB ushinzwe ibikorwa byo gukumira ibyaha, yagize ati “Ibyo byaha biriyongera kubera ko byoroherezwa n’ikoranabuhanga, kandi usanga ababikora n’ababikorerwa biganjemo urubyiruko n’ubwo n’abo mu bindi byiciro na bo babigaragaramo. Ni ngombwa rero ko urubyiruko rufata iya mbere rugafata ingamba kugira ngo batisanga mu gukora ibyo byaha, cyangwa se bakanabikorerwa. Ibyinshi bigendana no kwizezwa ibitangaza, ubukire bwihuse n’ibyiza, cyane ko baba bakiri mu myaka ikiri micye, ntibashishoze, bababwira ibyiza bakagendera mu kirere. Ku rubyiruko rero iyo barwizeza ibyo byiza, babyumva vuba ugasanga barabigwamo cyane, ni yo mpamvu tugomba kubabwira uko babyitwaramo, bakabyirinda. Muri ibi biganiro tubibutsa amategeko ahana abafatiwe muri ibyo byaha.”

Urubyiruko rwasabwe kwirinda guha amafoto n’amashusho by’ubwambure bwabo abantu bitwa ko bakundana kuko mu gihe bashwanye bashobora kuyakoresha mu kwihimura cyangwa nk’igikangisho bakagira ibindi babasaba nk’amafaranga.

Usibye urubyiruko, RIB inakangurira ababyeyi kumenya uruhare rwabo mu gukumira ibyaha byugarije umuryango nyarwanda.

Abanyeshuri basobanuje ibyo batari basobanukiwe byerekeranye n’ibyaha bikorerwa ku mbuga nkoranyambaga ndetse n’ibikorwa hifashishijwe ikoranabuhanga

Muri ibyo biganiro hatanzwe urugero rw’umwana w’umunyeshuri wagiye ku mbuga nkoranyambaga ahura n’abantu bamwizezaga kumuha amafaranga, bamusaba nimero za konti ya banki y’ababyeyi be bamubeshya ko ari yo bashaka kuzajya banyuzaho amafaranga, nyamara atari byo, ahubwo barashakaga kubiba.

Urubyiruko kandi rwasabwe kutizera ibinyura ku mbuga nkoranyambaga byose kuko atari ukuri.

Padiri Emile Nsengimana, Umuyobozi w’ishuri ryisumbuye rya Saint Ignace ari na ryo ryakiriye RIB kugira ngo iganirize abanyeshuri ku ikoreshwa ry’ikoranabuhanga n’ingaruka zishobora kubaho igihe rikoreshejwe nabi, avuga ko ibi biganiro ari ingirakamaro kuko igihe umwana agiye gukoresha rya koranabuhanga azajya yibuka ibiganiro yahawe, akibuka ibyaha bishobora gukorerwaho, yaba ahuye n’abashaka kumushuka kuri iryo koranabuhanga akibuka ko yigeze kuganirizwa, akirinda kugwa muri icyo cyaha, na we ubwe akirinda kugikora.

Padiri Emile Nsengimana, Umuyobozi w’ishuri ryisumbuye rya Saint Ignace, asaba ababyeyi kugenzura ibyo abana bakorera kuri mudasobwa na telefone igihe bari mu ngo

Abanyeshuri ni bamwe mu bakoresha ikoranabuhanga cyane ko muri iki gihe rirushaho gutera imbere. Umuyobozi w’ikigo avuga ko mu kigo batabemerera gutunga telefone, agasaba n’ababyeyi kugenzura ibyo abana bakoresha telefone na mudasobwa igihe bari mu rugo, kuko hari abitwaza ko barimo kubyifashisha mu gusubiramo amasomo, ariko bakigira mu bindi bibarangaza, bashobora no guhuriramo n’ababashuka.

Raporo ziherutse kugaragaza ko amashuri yo mu cyaro 27% gusa ari yo afite internet, ugereranyije na 75% by’amashuri yo mu mijyi ayifite. Mu mpera z’umwaka wa 2024, amashuri 62% by’amashuri yose mu gihugu ni yo yari yageragamo Internet, aho Leta yari ifite intego yo kugera ku mashuri 80% afite Internet bitarenze impera za 2025.

Ikiganiro cya none kiragaruka ku mbogamizi ziterwa no kutagira Internet mu mashuri yo mu cyaro, n’ingaruka bigira ku ikoreshwa ry’ikoranabuhanga mu burezi.

Kiragaruka kandi ku buryo bufatika bwafasha amashuri y’icyaro gukoresha ikoranabuhanga ahakigaragara ibibazo bya Internet igoranye .

Kiranasobanura uko abashoramari mu guhanga udushya bafatanya na Leta n’abatanga serivisi mu gushakira hamwe ibisubizo by’amashuri yo mu cyaro.

Ikiganiro #EdTechMondays gikorwa ku bufatanye n’umuryango Mastercard Foundation hamwe n’Urwego rushinzwe Ikoranabuhanga mu Rugaga rw’Abikorera (Rwanda ICT Chamber). Kiratambuka mu Kinyarwanda kuri KT Radio saa kumi n’ebyiri z’umugoroba kugeza saa moya (18h00-19h00), ndetse no ku muyoboro wa YouTube wa Kigali Today.

Ni ahantu hahoze ishyamba rya pinus ryasaruwe, ariko kubera ko ridatoha, umusozi usigara wambaye ubusa. Kuri iyi nshuro hatewe ibindi bindi byiganjemo ibiti bya gakondo birimo amoko atandukanye arenga atanu, bizwiho kugira umwihariko mu kubungabunga ubutaka no kurwanya imihindagurikire y’ibihe. Ibyo biti kandi byitezweho gufata ubwo butaka buri ku musozi kugira ngo isuri itazabutwara bukangiza amazi y’ikiyaga cya Muhazi kiri hafi aho.

Umuganda rusange wo kuri uyu wa Gatandatu wahujwe n’ibirori byo kwizihiza Umunsi Mpuzamahanga w’Amashyamba, Umunsi Mpuzamahanga w’Amazi ndetse n’Umunsi Mpuzamahanga w’Ubumenyi bw’Ikirere.

Buri mwaka, u Rwanda rwifatanya n’Isi yose mu kwizihiza iyo minsi itatu, mu Rwanda ibikorwa byo kuyizihiza bigahurizwa hamwe mu rwego rwo gushimangira ubwuzuzanye buri hagati y’amazi, amashyamba, n’ubumenyi bw’ikirere.

Minisitiri w’Ibidukikije, Dr. Bernadette Arakwiye, yifatanyije mu muganda rusange n’abatuye mu Mirenge ya Rutunga na Gikomero mu Karere ka Gasabo

Minisitiri w’Ibidukikije, Dr. Bernadette Arakwiye, yibukije ko muri iki gihe mu Rwanda ndetse no ku Isi hose ingaruka z’imihindagurikire y’ikirere zirushaho kwiyongera, harimo imvura nyinshi itera imyuzure ikangiza umutungo kamere w’amazi n’amashyamba ndetse bigatera ingaruka ku mibereho y’abaturage.

Ati “Birakenewe byihutirwa, ko twese duhuriza hamwe imbaraga mu kurinda no kubungabunga umutungo kamere w’amashyamba, n’uw’amazi ndetse no gukurikiza inama tugirwa n’abahanga mu by’ubumenyi bw’Ikirere. Twese hamwe, turasabwa kuzirikana akamaro k’amazi, amashyamba, ndetse na serivisi z’ubumenyi bw’ikirere mu buzima bwacu bwa buri munsi.”

Yasabye buri wese kwiha intego yo kugira uruhare mu kubungabunga umutungo kamere w’amazi hakorwa ibikorwa byo kubungabunga ibyogogo (kurwanya isuri hacibwa amaterasi ndetse n’imirwanyasuri), gukoresha neza umutungo kamerewe w’amazi, kubungabunga ibikorwa by’amazi yo kunywa n’iby’isuku n’isukura, kubungabunga amashyamba hirindwa kuyangiza, haterwa andi mashyamba n’ibiti bivangwa n’imyaka, n’ibiti by’imbuto.

Yasabye kandi abantu kwibanda ku gukoresha ibicanwa bidahumanya ikirere nka Gaz n’ibindi, no gukurikiza inama zitangwa na serivisi z’ubumenyi bw’ikirere, mu rwego rwo kugabanya ingaruka ziterwa n’ibiza.

Yashimiye abafatanyabikorwa batandukanye barimo ARCOS, GIZ, IUCN, ECOPLANET BAMBOO ndetse n’abandi bose bafatanyije mu gutegura igikorwa cyo kwizihiza Umunsi Mpuzamahanga w’Amazi, Amashyamba n’ Ubumenyi bw’Ikirere, asaba abatuye ahatewe ibiti kubibungabunga.

Kayinamura Jean Marie Vianney yasobanuye akamaro k’isuku yo mu kanwa n’ingaruka ziterwa no kutayitaho

Kayinamura Jean Marie Vianney wo mu ihuriro ry’abavuzi b’indwara zo mu kanwa n’amenyo, agaragaza ko isuku yo mu kanwa ari ingenzi mu kwirinda indwara zitandukanye zo mu kanwa, dore ko izi ndwara zibasira ababarirwa muri Miliyari 3 na Miliyoni 700 mu basaga Miliyari umunani batuye ku Isi.

Yagize ati “Isuku yo mu kanwa n’amenyo ni ingenzi kugira ngo twirinde indwara zo mu kanwa zifata ishinya n’izifata amenyo. Koza mu kanwa bigomba gukorwa igihe cyose umuntu amaze kurya. Tuvuga gatatu ku munsi kubera ko umuntu akenshi afata icyo kurya cya mu gitondo cyoroheje, akarya saa sita na nijoro. Ni yo mpamvu tuvuga gatatu ku munsi cyangwa igihe cyose amaze kurya kugira ngo yirinde za ndwara zirimo iz’ishinya no gutoboka kw’amenyo. Ikindi ni uko tubagira inama yo gukoresha uburoso n’umuti w’amenyo wabugenewe kandi biraboneka ku isoko mu buryo bworoshye.”

Yongeyeho ati “Hari abantu benshi batita ku isuku yo mu kanwa bikabaviramo indwara zitandukanye zifata ishinya n’amenyo, ugasanga yaba umwana cyangwa umuntu mukuru yatobotse amenyo, kandi akenshi iyo atangira gutoboka ntabwo ubimenya, ariko uko agenda atoboka cyane umuntu uyarwaye agenda aribwa, yafata ikintu cyo kunywa cyangwa cyo kurya ndetse iryinyo rikaba rishobora kukurya rikaba ryakubuza kujya ku ishuri niba uri umunyeshuri cyangwa rikaba ryakubuza kujya ku kazi, kandi n’iyo ugiye kwa muganga utanga amafaranga bikagutwara n’umwanya, ibindi wari gukora bikadindira. Rero ni ngombwa kwita ku isuku yo mu kanwa kugira ngo wirinde izo ndwara.”

Abanyeshuri basobanuriwe akamaro k’isuku yo mu kanwa

Tariki 27 Werurwe 2026, mu Rwanda no ku Isi hizihijwe Umunsi Mpuzamahanga wahariwe kwita ku buzima bwo mu kanwa. Ku rwego rw’Igihugu wizihirijwe mu Karere ka Gasabo mu Murenge wa Bumbogo ku rwunge rw’amashuri ya Bumbogo, ku nsanganyamatsiko igira iti: “Twite ku isuku yo mu kanwa, tubeho neza”.

Mu rwego rwo gushyigikira isuku kuri icyo kigo cyigaho abanyeshuri babarirwa mu bihumbi bitatu, cyahawe ibigega bine bijyamo amazi kimwe cya meterokibe eshanu. Buri munyeshuri yahawe uburoso bw’amenyo n’umuti woza mu kanwa, basobanurirwa ko uburoso bukoreshwa mu gihe cy’amezi atatu.

Ikigo cya GS Bumbogo cyahawe ibigega by’amazi bizafasha mu kwita ku isuku

Albert Nkundabagenzi ni umuhinzi mworozi wabigize umwuga. Ni imirimo akorera mu Ntara y’Iburasirazuba mu Karere ka Ngoma mu Murenge wa Rurenge mu Kagari ka Rugese. Mu bworozi akora harimo n’ubw’amafi. Yaganiriye na Kigali Today, asobanura muri rusange uko ubu bworozi bukorwa.

Bisaba kuba ufite amazi meza kuko amafi akenera amazi atembera. Hagomba kuba ari ahantu amazi mashya yinjiramo, amazi ashaje agasohoka, kuko amafi akenera amazi arimo umwuka mwiza (Oxygène).

Ati “Iyo ushyizemo amazi ntuyahindure, iyo Oxygène iri mu mazi ishizemo amafi ahita apfa. Ni yo mpamvu bisaba ko hajyamo andi mazi cyangwa se ugashyiramo uburyo bwo kongeramo umwuka. Hari ababikora bagashyiramo udukoresho twohereza umwuka mu mazi.

Amazi yinjirira hejuru, ashaje agasohokera munsi. Kugira ngo ayo mazi ashaje adasohokana n’amafi, aho amazi asohokera bisaba kuhafungisha ikintu kimeze nk’akayunguruzo gitangira amafi ariko kitabuza amazi gusohoka.

Amafi akenera kugaburirwa. Arya ibisigazwa by’imboga, ibyatsi, ariko akenera n’ibiryo byo mu nganda kugira ngo akure neza kandi vuba.

Ahororerwa amafi haba hagomba kurangwa n’isuku, kandi umworozi wayo akagenzura uko ubuzima bw’amafi bumeze neza.

Umworozi ashyiramo ingano cyangwa se umubare w’amafi bitewe n’ubunini bw’icyuzi yororerwamo.

Akenshi amafi usanga yororerwa mu mibande no mu kibaya, ariko no mu ngo cyangwa hejuru ku musozi ngo yahororerwa, hapfa kuba hari ibyangombwa bikenerwa.

Hari uburyo bwinshi bunyuranye bwo kubaka icyuzi. Hari abacyubaka imbere bagashyiramo sima, cyangwa bagakoresha ibimeze nka pulasitike cyangwa shitingi.

Mu gufukura icyuzi mu bujyakuzimu, Nkundabagenzi avuga ko ushobora gucukura nk’ahareshya na metero imwe n’igice z’ubujyakuzimu. Meterokare imwe ngo wayibarira amafi makuru ari hagati y’ane n’umunani, ariko iyo ari utwana two dushobora kujyamo ari twinshi.

Ku bijyanye n’umutekano wayo, bisaba kuyororera ahantu wizeye umutekano, ndetse ushobora no kubaka akantu hejuru gatangira inyoni n’ibindi bisiga bishobora gushaka kuyaroba.

Ni byiza kutavanga ubwoko bunyuranye bw’amafi kuko amwe arya andi bidahuje ubwoko cyangwa ubunini. Nk’izitwa Catfish (ndende zifite ubwanwa) usanga zirya izitwa tilapia.

Ifi iba ikuze mu gihe kiri hagati y’amezi icumi na cumi n’abiri. Icyo gihe iba ishobora gupima hagati y’amagarama 900 n’ikilo kimwe.

Ibindi umuntu ushaka korora amafi yitaho ngo ni ukumenya icyororo cyiza kuko hari amafi akura vuba akaba manini, hakaba n’andi aba ari makuru ariko ingano yayo ntibe nini. Ngo ni byiza gushaka icyorororo cyiza ku bantu babizi akamenya n’ubwoko agiye korora.

Hejuru y’icyuzi usanga hakunze kuba hubatse utuzu twororerwamo inkwavu, ukaba wakwibaza aho inkwavu zihurira n’amafi. Albert Nkundabagenzi asobanura ko amaganga n’amahurunguru y’inkwavu ndetse n’ibisigazwa by’ibyatsi inkwavu zirya iyo bigiye mu mazi hazamo ibindi binyabuzima byitwa plankton cyangwa algae bimeze nk’urubobi, bikaba ibiryo bitunga amafi. Hari n’aho usanga ku mpande bashyiraho ifumbire cyangwa indi myanda na yo ivamo ibitunga amafi. Gusa umworozi w’amafi yirinda ko ibyo binyabuzima bindi biba byinshi mu mazi kugira ngo bidacura umwuka mwiza amafi.

Ubu watunga icyuzi cy'amafi
ukarya iyo wiyororeye🐟🐟
Dore ibyo wamenya bikenerwa mu bworozi bw'amafi: https://t.co/I4eKyIAvb1 pic.twitter.com/2odvDTXwWJ

— Malachie Hakizimana (@h_malachie) March 30, 2026

Senateri Dr. Frank Habineza yabajije Guverinoma ingamba ifite zo gukemura iki kibazo.

Ku kibazo cy’imishahara idahagije, Minisitiri w’Intebe, Dr Justin Nsengiyumva, yavuze ko kitoroshye, kandi ko kitari mu bakora mu buvuzi gusa.

Ati “Tuzi ko umushahara babona mu by’ukuri udahagije. Ujyanye n’amikoro ahari uyu munsi, ariko dukwiye gutangira gutekereza bidasanzwe kuko imibereho y’umuganga ntabwo ari amafaranga y’umushahara abona ku kwezi gusa, harimo n’ibindi akenera nk’iyo agiye mu kiruhuko cy’izabukuru, iyo arwaye afatwa ate? Iyo ashatse inguzanyo muri Banki ayibona bigenze bite? Ibyo byose dukwiye kubisuzuma tukabyitaho.”

Minisitiri w’Intebe, Dr Justin Nsengiyumva yanavuze ko Guverinoma ifite gahunda yo gufasha mu gucunga neza amakoperative agera kuri 520 ahuriramo abafasha Leta mu gucengeza amatwara yerekeranye n’ubuzima bo ku rwego rwa mbere, ndetse Guverinoma igashyiramo n’amafaranga muri ayo makoperative yabo.

Yagize ati “Ku bufatanye n’abaterankunga, amakoperative y’abajyanama b’ubuzima yo mu turere 13 yashyizwemo Miliyoni ebyiri n‘ibihumbi 800 by’Amadolari kugira ngo izo koperative zishobore no kubaguriza. Ikindi tubahuza na Muganga SACCO kugira ngo barebe uburyo bagurizanya.”

Ati “Icyo dukwiye gukora ni ugutegura ibyo bagenerwa (package) binini bitari umushahara wonyine, ahubwo birebana n’inyungu zose babona muri rusange. Iyo gahunda irimo kwigaho, twizeye ko tuzayirangiza vuba ikadufasha kwita ku mibereho y’abakozi no kubagumana kuko turabakeneye.”

Naho ku kibazo cy’abajya kwiga mu mahanga bakagumayo ntibagaruke gukorera mu Rwanda, Minisitiri w’Intebe agaragaza ko bakwiye kwihanganirwa, hakabaho icyo yise ‘flexibility’.

Minisitiri w’Intebe, Dr Justin Nsengiyumva, asanga umuganga ubonye amahirwe yo kwiga no gukora mu mahanga adakwiye kuyabuzwa

Ati “Iyo umuntu agiye kwiga mu mahanga twamuhaye buruse, nubwo yagumayo agakorayo ntagaruke, akenshi hari n’igihe aba Ambasaderi w’u Rwanda ku buryo tubyungukiramo no mu bundi buryo. Hari abo mujya mubona batuzanira abaganga b’inzobere zikaba zadukorera nk’ubuvuzi bukomeye nko kubaga amaso, gukuraho inenge zo ku mubiri, n’ibindi. Akenshi bazanwa n’abantu bagiye kwiga bakagumayo, bakadufasha kubona ibyo batashoboraga kudufasha bari hano mu Rwanda.”

Ati “Rero dukwiriye gutekereza mu buryo bwagutse, ntitunatekereze ko umuganga niba baramushyize i Kibogora akwiye kuzapfa ari i Kibogora, ko akwiriye koroherezwa agatekereza no ku yandi mahirwe (opportunities). Ahubwo icyo twebwe dukwiye gukora ni ugushora imari mu buryo tubona abaganga bahagije, ya gahunda twavuze ya 4x4 igakora, tugasohora abaganga bageze ku bihumbi 10 buri mwaka, tukabaha za nyungu (benefits) twavuze, ariko babona n’amahirwe yo kujya ahandi tukaborohereza kuko na byo biradufasha.”

Kongera umubare w’abaganga n’abandi bakora mu buvuzi, byitezweho kuzafasha mu guteza imbere imitangire ya serivisi nziza z’ubuvuzi.

Ba Minisitiri b’Ububanyi n’amahanga b’ibyo bihugu bamaganye ibitero Iran igaba ku bihugu bimwe na bimwe bikorana na Amerika na Israel hifashishijwe misile n’indege zitagira abapilote (drones), bikibasira ahantu hatuwe n’abaturage ndetse n’ibikorwa remezo bya gisivili birimo inganda za peteroli, inganda zitunganya amazi y’inyanja, ibibuga by’indege, inyubako z’imiturire n’ahantu h’inyubako za dipolomasi.

Bashimangiye ko nta mpamvu iyo ari yo yose iha ububasha igihugu cya Iran yo kugaba ibitero kuri ibyo bihugu cyitwaje ko gishaka kwihimura.

Abo ba baminisitiri banashimangiye ko ibyo bihugu bifite uburenganzira bwo kwirwanaho no kwitabara, basaba Iran kubahiriza amategeko mpuzamahanga agenga imibanire y’ibihugu.

Amakimbirane akomeye hagati ya Iran, Leta Zunze Ubumwe za Amerika, na Israel yafashe intera ndende, agera no ku bindi bihugu, aho Iran igaba ibitero ku birindiro by’ingabo za Amerika biherereye muri ibyo bihugu bitandukanye, igamije kwihorera.

Ushobora kuba ubona agakingirizo, nyamara hari ibibazo by’amatsiko ugafiteho nko ku miterere yako, ibyo gakozemo, itandukaniro ryatwo, inkomoko yako n’andi makuru wumvise mabi cyangwa meza akavugwaho. Kugira ngo tugufashe gusobanukirwa ibi byose, twaganiriye na Nzeyimana Zephanie, Umukozi ushinzwe kurwanya Virusi itera SIDA mu Kigo cy’Igihugu Gishinzwe Ubuzima (RBC), asobanura byinshi ku gakingirizo.

Ibi ni ibibazo n’ibisubizo ku gakingirizo:

Ese agakingirizo ni iki?

Agakingirizo ni agafuka korohereye, kareduka, kandi kanyerera gatandukanya ibitsina by’abarimo gukora imibonano mpuzabitsina ibi bikarinda gusama bitifujwe, n’indwara zandurira mu mibonano mpuzabitsina. Hariho agakingirizo k’abagabo, n’akabagore. Agakingirizo iyo gakoreshejwe neza, karinda kwandura virusi itera SIDA ku kigero kirenga 90%.

Igitekerezo cyo gukora agakingirizo cyaturutse he?

Igitekerezo cyaturutse ku gushaka kwirinda ingaruka z’imibonano mpuzabitsina, cyane cyane kwirinda gusama inda zitateganyijwe, no kwirinda indwara zandurira mu mibonano mpuzabitsina harimo na VIH/SIDA.

Mu mateka, abantu bagiye bagerageza uburyo butandukanye bwo “gupfuka” igitsina cyangwa “guhagarika intanga” hifashishijwe ibikoresho biboneka, hanyuma uko ubumenyi n’inganda byagiye bitera imbere, haboneka udukingirizo dukorwa mu buryo bugezweho kandi bugenzurwa ubuziranenge.

Hari abakita agafuka: Ese ni irihe tandukaniro ryako n’isashi, uruhago rw’inyamaswa, n’ibindi?

Agakingirizo (condom) kagezweho gatandukanye n’ibikoresho nk’ isashi cyangwa uruhago, amara by’inyamaswa (byakorwagamo udukingirizo mbere y’umwaka wa 1930 kuko:
• Gakorwa mu bikoresho byabugenewe (latex, polyurethane, polyisoprene) bigira uburyo buhamye bwo gufata no kurinda.
• Karakorwa kagapimwa ubuziranenge (quality control) kugira ngo harebwe ko katava, katacika byoroshye, kandi gafite umutekano ku mubiri.
• Gateye ku buryo koroha gukoresha, kakanashobora kuba karimo amavuta yagenewe kugabanya ubwumagare no gukomereka.

Isashi isanzwe ntiyagenewe uruhu, ishobora gucika, kunyerera, kugira impumuro cyangwa ibintu byangiza uruhu, kandi nta bipimo by’ubuziranenge iba yanyuzemo mu gukoreshwa nk’agakingirizo nk’ubwo udukingirizo tunyuramo.

Ngo kera bakoreshaga isashi isanzwe; ese ni byo?

Hari amakuru agaragara mu mateka ko bamwe mu bantu (mu bihe bitandukanye n’ahantu hatandukanye) bageragezaga gukoresha ibintu bisa n’udufuka, imyenda yoroshye, cyangwa ibindi bikoresho biboneka. Birashoboka ariko ikoranabuhanga ryakomeje gukora udukingirizo turushijeho kurinda indwara tujyanye n’ ikoranabuhanga rigezweho.

Amwe mu mafoto y’ udukingirizo twa kera:

Ubundi gakozwe mu ki? Ni ibiki byifashishwa mu kugakora?

Udukingirizo two muri iki gihe dukunze gukorwa muri:

• Latex (rubber isanzwe): ni yo ikoreshwa cyane ku isoko.
• Polyurethane: ikoreshwa ku bagubwa nabi cyangwa ku bafite ‘allergie’ ya latex, kandi ishobora kujyana n’amavuta amwe n’amwe.
• Polyisoprene: isa na latex ariko ikarushaho kugabanya ibibazo bya ‘allergie’ kuri bamwe.

Igiti gitanga latex zifashishwa mu gukora udukingirizo (Bubber tree, Hevea brasiliensis:

Agakingirizo iyo kamaze gukorwa kongerwamo:
• Amavuta (lubricant): ashobora kuba ashingiye ku mazi (water-based) cyangwa silicone (bitewe n’ubwoko).
• Ifu yoroheje cyangwa coating bigatuma kambarwa byoroshye.
• Hari n’udufite imiti yica intanga (spermicide)

Amavuta yako nta kibazo yatera mu mubiri? Ese avura ibiheri byo mu maso koko?

Amavuta yo ku gakingirizo yagenewe gukoreshwa mu mibonano, kandi iyo akoreshejwe uko bigomba, ntatera ikibazo ku muntu udafite ‘allergie’ cyangwa uburwayi bwihariye.

Ariko ku bantu bamwe ashobora gutera kuribwa/uburyaryate (irritation), ‘allergie’ (ku mavuta runaka, parfum, cyangwa latex).

Ku bijyanye no “kuvura ibiheri byo mu maso”: si wo mumaro wayo. Amavuta yo ku gakingirizo ashobora guteza ibindi bibazo kuko atagenewe gusigwa mu maso: Ashobora gufunga utwenge tw’uruhu (pores). Ntakwiye gukoreshwa mu maso nk’umuti. Ufite ibibazo by’ uruhu, akwiye kugana muganga cyangwa umujyanama w’ubuzima akamufasha.

Uburebure/umubyimba w’agakingirizo bihuzwa bite n’ingano y’igitsina gabo ko biba bitangana mu bunini no mu burebure?

Udukingirizo dukoreshwa ku buryo dufite elasticité (kurambuka) ku buryo duhuza ingano nyinshi zitandukanye, ariko hari na sizes (standard, large, snug fit) cyane cyane ku bugari (width) kurusha ku burebure.

Icy’ingenzi ni uko agakingirizo kagomba kwambarwa neza nta kugakanda cyane, kukajomba inzara, kandi kakagera ku mpera hagasigara umwanya ku musozo (tip/reservoir) wo kwakira amasohoro.

Ese ngo gashobora kujyamo ijerekani y’amazi ntigacike? Biterwa n’iki? Kajyamo Litiro zingahe?

Ibyo ni igerageza ryo kwerekana ko karambuka (elasticity), gakomeye kandi ko kihanganira gukururwa, ariko ntiribasha gupima neza umutekano wako mu mibonano (kuko imibonano mpuzabitsina igira ihindagurika mu bushyuhe, ububobere, ubwumagare, n’imikoranire itandukanye n’amazi).

Kudacika kw’agakingirizo biterwa n’ubwiza bw’ ibyo gakozemo (latex/polyurethane), uburyo kabitswe (kutabikwa ku zuba cyangwa ubushyuhe bukabije), kutarenza igihe karangira (expiry), no kuba katarangiritse (utwenge, gucikagurika).

Ku mubare wa litiro: ntawuhoraho uvugwa ku buryo bwizewe, kuko biterwa n’ubwoko n’uruganda; kandi kwishingikiriza kuri “litiro” si ikimenyetso cy’uko katacika mu mibonano.

Udukingirizo tw’abagore n’utw’abagabo dukoze kimwe? Turaboneka? Turakundwa? Kuki tutitabirwa? Ese turakenewe?

Udukingirizo tw’abagabo n’utw’abagore si kimwe: Agakingirizo k’abagabo (Male condom) kambarwa ku gitsina gabo hanze, ak’abagore (Female condom) gashyirwa imbere mu gitsina gore (vagina), kagira impeta/agace kagafasha kuguma mu mwanya.

Udukingirizo tw’abagore ku isoko mu bihugu byinshi turaboneka, ariko akenshi ni ducye ugereranyije n’utw’abagabo.

Impamvu zituma udukingirizo tw’abagore tutitabirwa cyane (kuri benshi):
– kutamenyera uko gakoreshwa,
– kuba gahenda cyangwa kataboneka henshi,
– imyumvire/isoni,
– kubura ubukangurambaga n’amahugurwa ku ikoreshwa.

• Ese turakenewe? Yego, kuko:
– duha abagore amahitamo yo kwirinda,
– ni ubundi buryo ku batabasha gukoresha utw’abagabo,
– kandi na two dufasha mu kwirinda indwara n’inda (iyo dukoreshejwe neza).

Ese agakingirizo ngo kagira utwenge duto tutaboneka, ntikagomba kwizerwa 100%: ni byo?

Udukingirizo twiza tunyura mu igenzura rikomeye harimo no kureba ko tutava (leak tests). Ariko mu buzima busanzwe:

• nta buryo bwo kwirinda buba “100%” iyo harebwe amakosa abantu badukoresha bajya bakora. Agakingirizo karinda kwandura virusi itera SIDA ku kigero kiri hejuru ya 90% iyo gakoreshejwe neza.
• Ibituma agakingirizo kangirika kakagira utwenge duto cyangwa tunini akenshi ni:
– kugakoresha nabi,
– kugafungura nabi (hakoreshejwe amenyo/ibikoresho bityaye),
– kubikwa nabi (izuba/ubushyuhe),
– gukoresha amavuta atari yo nka petroleum jelly azwi nk’ igikotori. Aya mavuta atuma gashyuha kagacirka mu gihe cy’ imibonano mpuzabitsina.

Muri macye udukingirizo twemerwa mu gihugu tumaze gusuzumwa ubuziranenge bwatwo imbere mu gihugu kandi n’inganda ziradusuzuma mbere yo kudushyira ku isoko.

Bigenda gute ngo agakingirizo gacike? Ese habaho utwa pirate/ututujuje ubuziranenge? Watubwirwa n’iki?

Gacika bishobora guterwa n’ibi:
• Gukoresha amavuta ya peteroli (Vaseline, amavuta yo kwisiga ya “oil-based”, amavuta y’imodoka n’ibindi) kuri latex: birayica.
• Kutakambara neza (kubura umwanya ku musozo, gusigamo umwuka mwinshi, kwambara nabi).
• Gukoresha agakingirizo karangije igihe.
• Kukabika mu bushyuhe/izuba cyangwa mu mufuka igihe kirekire (friction).
• Gukoresha agakingirizo kamwe inshuro irenze imwe.
• Gukoresha “size” itari yo.
• Yego, habaho n’utwiganano/ututujuje ubuziranenge. Gusa mu Rwanda ikigo cy’ igihugu gishinzwe ubugenzuzi bw’ imiti n’ ibiribwa, RFDA cyemeze ubuziranenge bwatwo mbere yo gutangwa ngo dukoreshwe.

Ibyo wamenya:
• reba ko ipaki ifunze neza kandi itamenetse,
• reba itariki yo kurangira,
• reba ko hari amakuru y’uruganda/ikimenyetso cy’ubuziranenge (batch/lot number, n’ibindi),
• iyo ipaki yumye cyane, ifite umwuka mwinshi, cyangwa isa n’ishaje, ntukwiye ku kagura cyangwa ugakoreshe.

Ni ikihe kindi abantu bakwiye kumenya ku gakingirizo?

Virusi itera SIDA iracyari icyorezo, buri wese akwiye kuyirinda akoresheje uburyo bwizewe nk’ agakingirizo n’ undi buryo butandukanye bubonerwa ku mavuriro yose ya leta. Iyo utekereza ko uwo mwabonanye yakwanduje virusi itera SIDA, ukwiye kujya kwa Muganga bakakugira inama byaba ngombwa bakaguha imiti ikurinda kwandura iyo utararenza amasaha 72 habaye uburyo bwakwanduje, imibonanompuza bitsina cyangwa gukomereka (Post exposure prophylaxis). Uwaba nawe yumva ahorana ibyago byo kwandura virusi itera SIDA, akwiye kugana ivuriro hakarebwa niba yahabwa uburyo bufatwa mbere y’ uko umuntu ahura na virusi itera SIDA bukamurinda (Pre-exposure prophylaxis).

Yari afungiwe muri gereza ya Gitega, uyu munsi akaba yarekuwe, ataha mu rugo iwe, nk’uko byemejwe n’abo mu muryango we.

Ni umwe mu bantu bahoze bakomeye mu Gihugu cy’u Burundi mbere y’uko afungwa, aza no gukatirwa n’Urukiko rw’ikirenga igihano cyo gufungwa burundu, nyuma yo guhamwa n’ibyaha birimo gushaka guhirika ubutegetsi, kwica Umukuru w’Igihugu no guhungabanya umutekano w’igihugu.

Gen. Bunyoni, yabaye Minisitiri w’Intebe muri Kamena 2020, akaba yaregujwe ku mirimo ye muri Nzeri 2022, nyuma y’iminsi mikeya Perezida Evariste Ndayishimiye w’u Burundi avuze ko hari abakomeye bashatse guhirika ubutegetsi bwe.

Mu bindi byaha yahamijwe harimo ibyo kwigwizaho imitungo mu buryo bunyuranyije n’amategeko no guhungabanya ubukungu bw’igihugu.

Urukiko kandi rwategetse ko imitungo ye ihita ifatirwa, harimo inzu enye n’izindi nyubako, ikibanza ndetse n’imodoka 14.

Minisitiri w’Ingabo, Juvenal Marizamunda (hagati) hamwe n’abandi bayobozi batangije ibikorwa by’Ingabo na Polisi byo gufasha abaturage mu mibereho myiza n’iterambere

Ibi yabigarutseho ubwo yatangizaga ibikorwa byo kubaka ibyumba by’amashuri 10 , inzu y’ubuyobozi bw’ishuri, Laboratwari, ubwiherero ndetse n’icyumba cy’umukobwa, ku kigo cy’amashuri cya TSS Kigese giherereye mu Kagari ka Masaka mu Murenge wa Rugarika mu Karere ka Kamonyi, mu Ntara y’Amajyepfo.

Ubuyobozi bw’ikigo, abanyeshuri n’ababyeyi, bishimiye ibi bikorwa remezo, kuko bizafasha mu kugabanya ubucucike bwari busanzwe buri ku bigo byegeranye n’aharimo hubakwa ibi byumba by’amashuri.

Dore ko hari aho wasangaga abanyeshuri biga bagera mu 100 cyangwa 90 mu cyumba kimwe, cyane cyane nko mu mashuri y’incuke no mu mashuri abanza, mu gihe abanyeshuri baba bagomba kuba bari hagati ya 40 - 45 mu cyumba kimwe.

Umuyobozi w’Akarere ka Kamonyi, Dr. Nahayo Sylvere, yagize ati “Twishimiye iki gikorwa, kandi turashimira ubuyobozi bw’Igihugu cyacu, kuba bahisemo ko iyi gahunda itangirizwa hano mu Karere ka Kamonyi. Ni gahunda izatuma abaturage bacu barushaho kugira imibereho myiza ndetse n’iterambere muri rusange. Iki gikorwa kizafasha abatuye muri uyu Murenge no mu nkengero zawo mu bijyanye no kugira ngo abana bacu babone aho bigira. Ni igikorwa twakiranye yombi, kandi twishimiye kuko kije gukemura ikibazo dufite muri uyu Murenge.”

Umuyobozi w’Akarere ka Kamonyi, Dr. Nahayo Sylvere, yashimiye ingabo na Polisi ku bw’ibikorwa by’iterambere batangirije mu Karere ka Kamonyi

“Turi ahantu abantu barimo baza gutura, bigatuma umubare w’abana wiyongera mu mashuri. Ibyo rero biduha umukoro ukomeye wo gukomeza kongera ibyumba by’amashuri. Ibyo twubatse ntibyabashije kudukemurira ikibazo twari dufite. Iyi gahunda rero ije gufasha gukemura ikibazo cy’ubucucike kuri iyi site ya Kigese mu mashuri ya hano muri Masaka na Kigese harimo GS Masaka, GS Ruramba, ndetse n’ishuri ribanza rya Masaka.”

Usibye ikibazo cy’ubucucike, hari n’ikibazo cy’ibyumba bishaje, bityo ibirimo kubakwa bikazafasha abanyeshuri kwigira ahantu heza.

Minisitiri w’Ingabo, Juvenal Marizamunda, asobanura impamvu y’ibi bikorwa, yagize ati “Tuzi neza kandi twemera ko umutekano n’iterambere bijyana. Nta mutekano, nta terambere. Kandi byagorana kubungabunga umutekano mu Gihugu kidakemura ibibazo birebana n’imibereho myiza y’abaturage bacyo. Ikindi kandi nk’uko byagaragaye, nta mutekano uhamye washoboka abaturage batabigizemo uruhare. Tukaba rero imwe mu ntego z’ibi bikorwa dukorana namwe ari ukugira ngo tubashimire uruhare rwanyu mu kubungabunga umutekano w’iki gihugu. Ibi bikorwa bigamije gukomeza gushimangira ubufatanye, kandi biri no muri gahunda twiyemeje nk’Abanyarwanda yo kwigira no kwishakamo ibisubizo.”

Ibikorwa bizibandwaho muri uyu mwaka birimo gutanga ubuvuzi, kubakira inzu imiryango itishoboye, kubaka ibyumba by’amashuri, kubaka ibiraro, gutanga amatungo, kugeza amazi meza ku baturage, gukangurira abaturage gukumira no kwirinda ibyaha, kubungabunga ibidukikije cyane cyane ibiti byatewe, no kurwanya isuri.

Minisitiri w’Ingabo, Juvenal Marizamunda, yasabye abaturage gukomeza ubufatanye n’ingabo mu kwicungira umutekano, no gusigasira ibikorwa remezo bubakirwa

Minisitiri Marizamunda yasabye abaturage gukomeza ubufatanye n’inzego z’umutekano, no gufata neza ibikorwa by’iterambere begerezwa, ati “Ntacyatunanira nidushyira hamwe. Ndabashimira ubufatanye bwaturanze kandi bukomeje kuturanga mu kwiyubakira umutekano w’iki gihugu cyacu, mu kwiyubakira iterambere ry’iki gihugu, ndetse no kugira ngo gikomeze kitubere, kizanabere cyiza abazakurikira mu bihe biri imbere.”

Biteganyijwe ko ibi byumba by’amashuri icumi bizuzura mu mezi atatu, ku buryo abanyeshuri bazaba bashobora kubyigiramo. Biziyongera ku bindi byumba 14 byari bisanzwe kuri iki kigo. Ibikorwa remezo bizubakwa kuri site ya Kigese muri iyi gahunda ihuriweho n’ingabo na polisi, bizatwara Miliyoni 498 Frw.

Ni ibihembo byari bihataniwe n’abantu bo mu bihugu bitandukanye byo muri Afurika mu byiciro 52, barimo n’abanyarwanda benshi bazwi mu myidagaduro.

Mu begukanye ibihembo harimo The Ben wabaye ‘Best Star Artist East Africa’, naho Bruce Melodie we aba ‘Best Male Artist East Africa’.

Abahanzi Alicia na Germaine baririmba indirimbo zo kuramya no guhimbaza, begukanye igihembo mu cyiciro cya "Best Star New Gospel Artist" ku rwego rwa Afurika ndetse n’umunyarwenya Clapton Kibonge yagukana igihembo mu cyiciro cya ‘Best Star Content Creator’ ku rwego rwa Afurika.

Umunyamakuru MC Tino yegukanye igihembo cya ‘Best Radio Personality of the Year’. Mu bandi Banyarwanda begukanye ibihembo harimo Bwiza, Noopja, Uhujimfura Claude, Rocky Kimomo, Mugabo Julius, Nelly Wilson Misago, Dj Zebra Queen, Massamba Intore n’abandi.

Muri rusange ibihembo byinshi byegukanywe n’abo mu Rwanda, Tanzania, Zambia na Ethiopia.

Mu bo mu bindi bihugu begukanye ibihembo harimo TopCheri wo muri Namibia wabaye umuhanzi mwiza mu Majyepfo ya Afurika, Juma Jux wo muri Tanzania wabaye umuhanzi w’umwaka, Noella wo muri Uganda wabaye umuhanzi mushya muri Afurika na Nomina wo muri Botswana wabaye umuhanzikazi w’umwaka muri Afurika.

Abitije Seraphin wari mu itsinda ritegura ibi bihembo yatangaje ko ababitegura bahisemo ko kuri iyi nshuro ya gatatu bitangirwa mu Rwanda kubera ubuyobozi bwiza ndetse n’umutekano.

Daniel Blessington Ouddar, umuyobozi mukuru akaba n’uwatangije ibi bihembo bya Shining Stars Africa, yashimiye abahatanye bose muri bihembo ndetse n’abitabiriye itangwa ry’ibi bihembo, avuga ko kuba baravuye mu bihugu bitandukanye bakaza kwifatanya na bo ari ikintu cy’agaciro gakomeye.

Dore urutonde rw’abegukanye ibihembo muri Shining Star Africa Awards 2026:

1. Best Star Upcoming Actress East Africa: Mama Lavie
2. Best Star Protocol: Kigali Protocal (Rwanda)
3. Best Star New Gospel Artist: Alicia And Germaine (Rwanda)
4. Best Star Female Dj: Dj Zebra Queen (Rwanda)
5. Best Star Female Artist East Africa: Bwiza (Rwanda)
6. Best Star Dancer East Africa: Iamkizii
7. Best Star Artist East Africa: The Ben
8. Best Star Actress East Africa: Jojo
9. Best Star Content Creator: Clapton Kibonge
10. Best Rising Star Southern/East Africa: Boni Shy
11. Best Male Artist East Africa: Bruce Melodie
12. Best Makeup Artist: Uwitonze Josiane
13. Best Lifetime Achievement (Music/Management): Noopja
14. Best Lifetime Achievement (Music): Massamba Intore
15. Best Lifetime Achievement (Movie/Media): Nelly Wilson Misago
16. Best Inspirational Man: Rocky Kimomo
17. Best Female Model: Miss Ivy
18. Best Fashion Designer East Africa: Dany Uno Model
19. Best Dancer: Divine Uwa
20. Best Artist Manager East Africa: Uhujimfura Jean Claude
21. Best Song Of The Year Prince Luv (Zambia)
22. Best Author: Nyericko Nyerere (Tanzania)
23. Best Young Achiever Of The Year: Anania Junior (Tanzania)
24. Best Videographer Of The Year: Alpha Anne (Gambia)
25. Best Song Writer Of The Year: Zyrah (Tanzania)
26. Best Artist Southern Africa: Topcheri (Namibia)
27. Best Band - Twangs Pepeta (Tanzania)
28. Best Actress: Helen Tesfay (Eritrea/Uganda)
29. Best Logistic Company Of The Year 2025/26: Xerin Logistics (Tanzania)
30. Best Star Agriprenuer Of The Year: Golden Agrochemicals (Tanzania)
31. Best Male Artist: Juma Jux (Tanzania)
1. Best Music Producer Of The Year: King Nachi (Zambia)
32. Best Fashion Designer: Ria Fernades (Tanzania)
33. Best Gospel Artist: Mungu Feni (Uganda)
34. Best Member Of Parliameny Of The Year: Menber Hon Mohammed Mcchengerwa (Tanzania)
35. Best TV Personality East Africa: Blandy Star
36. Best Star Photographer: Ck Media (Zambia)
37. Best Star Entrepreneur: Mugabo Julius (Rwanda)
38. Best Upcoming Actor: Shali Ahmed (Uganda)
39. Best Star Female Entrepreneur: Priscilla Ajoke Ojo (Nigeria)
40. Best Star Model Of The Year: Harara Tesfaya (Ethiopia)
41. Best Business Man: Hussein Jamal (Tanzania)
42. Best Upcomimg Artist: Noela (Uganda)
43. Best Rising Star East Africa: Davide (Tanzania)
44. Best Star Artist Southern Africa of The Year: Topcheri (Namibia)
45. Best Rising Star Southern Africa Of The Year: Deco (Zambia)
46. Best Dj - Dj Zebra (Rwanda)
47. Best Model Of The Year: Harare Tesfya (Ethiopia)
48. Best Make Up Artist Of The Year: Mikal Stanely (Tazania)
49. Best Actress In A Tv Series: Zodwa Khumalo
50. Best Female Artist Of The Year: Nomina (Botswana)
51. Best Star Techprenuer Of The Year: Ntaringwa Jackson (Rwanda)
52. Best Radio Personality of the Year: Mc Tino (Rwanda)

Clapton Kibonge yegukanye igihembo cya Best Star Content Creator muri Shining Stars Africa Awards 2026

Alicia na Germaine begukanye igihembo cya Best Star New Gospel Artist

Ni benshi bakunze kwibaza igishingirwaho ngo imbabazi zibeho ku bagororwa kandi nyamara batararangiza igihano bakatiwe n’urukiko.

Ese biba byagenze bite ngo Umukuru w’Igihugu atange imbabazi cyangwa habeho gutanga imbabazi ku mubare runaka w’abagororwa?

Perezida wa Repubulika afite ububasha bwo gutanga imbabazi ku muntu wakatiwe burundu n’urukiko, abisabwe cyangwa abyibwirije, kandi amaze kugisha inama Urukiko rw’Ikirenga.

Imbabazi zitangwa na Perezida wa Repubulika zivanaho ibihano byose cyangwa bimwe uwakatiwe yahawe cyangwa zikabisimbuza ibindi bihano byoroshye.

Hari no gusaba imbabazi bikorwa n’uwakatiwe igihano cyangwa umuhagarariye mu buryo bwemewe n’amategeko, hano usaba imbabazi agaragaza impamvu ashingiraho azisaba.

Ikindi ni uko gusaba imbabazi bikorwa mu nyandiko yandikirwa Perezida wa Repubulika, inyujijwe ku buyobozi bw’urwego rw’Igihugu rushinzwe imfungwa n’abagororwa iyo usaba imbabazi afunze, bikamenyeshwa minisitiri ufite ubutabera mu nshingano ze.

Iyo umuyobozi w’urwego rw’Igihugu rushinzwe imfungwa n’abagororwa amaze kubona urwandiko rusaba imbabazi, ahita akora raporo iherekeza urwandiko rusaba igaragaza umwirondoro w’usaba cyangwa usabirwa, icyaha afungiye, icyemezo cy’urukiko rwa nyuma rwamuhamije icyaha, igihe amaze mu gihano n’igihe gisigaje, imyitwarire ye muri gereza n’ibimenyetso bibigaragaza hamwe n’inama y’urwego rw’Igihugu rushinzwe imfungwa n’abagororwa ku busabe bw’imbabazi za Perezida.

Imbabazi rusange zitangwa na Perezida wa Repubulika zisabwa na minisitiri ufite ubutabera mu nshingano ze amaze kugaragaza impamvu ashingiraho, kandi ubusabe bwe bugaherekezwa na raporo y’umuyobozi mukuru w’urwego rw’Igihugu rushinzwe imfungwa n’abagororwa igaragaza umwirondoro w’usaba cyangwa usabirwa, icyaha afungiye, icyemezo cy’urukiko rwa nyuma rwamuhamije icyaha, igihe amaze mu gihano n’igihe gisigaje, imyitwarire ye muri gereza n’ibimenyetso bibigaragaza hamwe n’inama y’urwego rw’Igihugu rushinzwe imfungwa n’abagororwa ku busabe bw’imbabazi za Perezida.

Imbabazi za Perezida wa Repubulika zitangwa hakoreshejwe iteka rya Perezida.

Ikindi ni uko imbabazi zitangwa na Perezida wa Repubulika zishobora gutangwa nta mabwiriza agomba kubahirizwa cyangwa hari amabwiriza uwagiriwe imbabazi agomba kubahiriza avuzwe mu cyemezo cyazo.

Iyo ayo mabwiriza adakurikijwe, imbabazi ziherako zivanwaho kandi igihano kikarangizwa.

Ubusabe bw’igihano buhagarara kubarwa hagati y’igihe uwahawe imbabazi yazimenyeshejwe n’igihe yazamburiwe.

Uretse imbabazi zitangwa na Perezida wa Repubulika, hari n’imbabazi zitangwa n’itegeko, zikaba ari imbabazi zitangwa mu nyungu rusange ku byaha byakozwe mu gihe runaka. Izi mbabazi zisabwa na Guverinoma zikemezwa n’Inteko ishinga Amategeko.

Itegeko ntirivuga amazina y’abantu bahawe imbabazi ahubwo rivuga ibyaha byababariwe cyangwa icyiciro cy’abakoze icyaha kibabariwe.

Imbabazi zitanzwe n’itegeko zisibanganya icyaha, iyo igihano cyaciwe, zikivanaho hamwe n’ingaruka zose z’icyaha. Icyakora izi mbabazi ntizibuza uwakatiwe gutanga indishyi zikomoka ku cyaha yategetswe n’icyemezo cy’urukiko kimukatira igihano. Ntizinabuza kandi ko hatangwa ikirego cy’imbonezamubano gishingiye ku cyaha.

Iyo hari impurirane mbonezamugambi y’ibyaha, uwakatiwe aba agiriwe imbabazi kuri byose iyo icyaha cyatangiwe imbabazi giteganyirijwe igihano kiruta cyangwa kingana n’ibindi byaha yakurikiranyweho, kabone n’aho abacamanza baba baraciye igihano gito bamaze kwemera impamvu zigabanya ububi bw’icyo cyaha.

Iyo hari impurirane y’imbonezabyaha, imbabazi zireba icyaha cyatangiweho imbabazi gusa. Imbabazi z’itegeko kandi ntizigira ingaruka ku gihano cyatanzwe mu rwego rw’akazi. Itegeko ritanga imbabazi rishobora kugena ibigomba gukurikizwa.

Mu yindi myanzuro y’iyi nama harimo uvuga ko Edda Mukabagwiza wahoze ari Visi Perezida w’Inteko Ishinga Amategeko Umutwe w’Abadepite, yagizwe Perezida w’Inama y’Ubujurire ku Mpunzi n’abasaba sitati y’ubuhunzi.

Ni mu gihe Uwimanimpaye Jeanne d’Arc yagizwe Umuhuzabikorwa w’lkigo Ngororamuco cya Gitagata asimbuye Bahame Hassan wari umuyobozi wacyo, ubu akaba arimo gukurikiranwa mu butabera nyuma yo gukekwaho gukora ishimishamubiri rishingiye ku gitsina kuri bamwe mu bajyanwaga kugororerwa muri iki kigo.

Reba imyanzuro irambuye y’iyi Nama y’Abaminisitiri:

Iyi Ambasade irizeza abakenera serivisi zayo ko yiteguye gukomeza kuzibaha yifashishije ubwo buryo bw’ikoranabuhanga, kugeza igihe izabamenyesha ko imirimo yayo yongeye gukomeza mu buryo busanzwe.

Ku bafite ibibazo cyangwa se abakenera ubufasha bwihutirwa, bashobora kwifashisha imirongo ya Telefone ikurikira: +974 51070037 / +974 66286011 / +974 50200376 cyangwa bakifashisha email: ambadoha@minaffet.gov.rw.

Amakimbirane akomeye hagati ya Iran, Leta Zunze Ubumwe za Amerika, na Israel yafashe intera ndende, agera no ku bindi bihugu birimo na Qatar.

Guhera ku wa Gatandatu tariki ya 28 Gashyantare 2026, Amerika na Israel batangije ibitero byibasiye ibice binyuranye muri Iran, Iran nay o igaba ibitero byo kwihorera kuri Israel ndetse no ku birindiro by’ingabo za Amerika biherereye mu bihugu bitandukanye, harimo na Qatar.

Amatsiko n’amayobera yarushagaho kwiyongera, tukibaza ukuntu umuntu avugira muri Radio ari nk’i Kigali, tukamwumva turi mu Ntara.

Kugira ngo dusobanukirwe uko biba byagenze kugira ngo wumve Radio ivugira kure wibereye aho uri, twifashishije Shumbusho Denis ufite ubumenyi mu mikorere ya Radio, abisobanura muri ubu buryo burambuye:

Ubundi mu bijyanye n’itumanaho rikoresheje amajwi, habaho uburyo butatu bw’itumanaho: Ubwa mbere, hari uburyo bw’itumanaho rikorerwa mu byerekezo byombi, ni ukuvuga ibyerekezo bibiri.

Ni uburyo bita Full Duplex. Aha ngaha abantu bashobora kuganira umwe akavuga undi anamusubiza icyarimwe. Tubukoresha iyo tuganirira nko kuri telefone zanyu ngendanwa, cyangwa se telefone zikoresha imigozi.

Ubundi buryo, ni itumanaho na ryo ribera mu byerekezo bibiri, ariko hakabaho ko uwumva cyangwa uwakira afata akanya ko gutegereza akumva ibyo bamubwira, umubwira yasoza maze na we agafata akanya ko gusubiza bakamutega amatwi. Ntibashobora kuvugira icyarimwe. Ni uburyo bita Half Duplex. Bukoreshwa ku bantu bakoresha itumanaho rikoresha ibyombo cyangwa Talkie walkie.

Uburyo bwa nyuma ni itumanaho ribera mu cyerekezo kimwe gusa, bita Mode Simplex. Ni nabwo Radio cyangwa Televiziyo bikoresha. Bivuze ko Uwumva ibyo Radio itangaza cyangwa ureba ibyo televiziyo igaragaza nta bushobozi bwo gusubiza afite uwo urimo kuvuga.

Ijambo Radio, rishobora kugira inyito zitandukanye bitewe n’icyo ushaka gusobanura. Radio, ishobora kuba uyita icyo gikoresho ukoresha wumva amajwi yasakajwe (Inyakiramajwi: Radio receiver), ishobora kuba igice cy’imirongo y’ubwisubire ikoreshwa mu gusakaza ibintu mu kirere (Radio frequency) cyangwa se bamwe bakayitiranya n’ibikoresho by’amajwi bashyize hamwe bikabwira abantu bateraniye aho amakuru atandukanye cyangwa bikabumvisha umuziki (Public Address cyangwa Sonorisation).

Amajwi atangira ari amashanyarazi

Ubundi Radio ni ijambo rikunze gukoreshwa bashaka kuvuga Station ya Radio, igizwe n’ibikoresho bibumbiye hamwe bifite intego yo gusakaza ibiganiro bikoze mu majwi ku ntera ndende, hifashishijwe imiraba ifite imbaraga rukuruzi, ku murongo ufite ubwisubire runaka wemerewe wahawe n’ikigo kibishinzwe.

Muri ibi bikoresho bibumbiye hamwe twabishyira mu bice 3: Icya mbere ni Studio ya Radio, aho amajwi y’umunyamakuru (yavuye mu kunyeganyezwa k’umwuka), ahindurwamo amashanyarazi matoya bikozwe n’utwuma bita Microphone, ubundi ayo majwi akayungururwa akanatunganywa mu gikoresho bita Console Audio cyangwa mixeur audio, hanyuma akoherezwa ku gice cya kabiri ari cyo Umunara w’isakazamajwi.

Aha ni ho hakomeye kuko hari bya bikoresho noneho bifite ubushobozi n’imbaraga byo gusakaza ya majwi atwawe na ya miraba yifitemo imbaraga rukuruzi ku muvuduko munini.

Ibyo bikoresho bigize Umunara harimo iby’ingenzi twavuga ari byo: Insakazamajwi ari yo Emetteur Radio cyangwa se Radio Transmitter, ishinzwe gufata ya majwi ari ku rwego rwo hasi, ikayomeka kuri mwikorezi, Porteuse cyangwa se Carrier yo ifite ubwisubire buri hejuru, ikanagira ubushobozi bwo kwakirwa n’intuburambaraga ari yo Amplificateur de puissance cyangwa se Radio frequency Power Amplifier.

Aya majwi mwibuke ko aba akiri mu buryo bw’amashanyarazi abasha kugenda mu nsinga. Aherezwa rero ikindi cyuma gishinzwe guhindura ayo mashanyarazi mo imiraba y’imbaraga rukuruzi (ondes electromagnetiques cyangwa electromagnetic waves), cyitwa Antenne ubundi ikabijugunya bigasakara mu kirere.

Bitewe n’ikoranabuhanga antenne ikoranywe, imbaraga nyinshi zishobora gusakara mu mpande zose (tukabona antenne bita omni-directionel) cyangwa imbaraga zigasakara mu cyerekezo iki n’iki bikurikije aho wayirebesheje (tukabona antenne bita antenne directionel).

Bitewe kandi n’imbaraga n’aho ushaka kugeza ibyo bintu, ushobora gukoresha antennes nyinshi zikubiye ku munara umwe mu byo bita Systeme d’antenne cyangwa Antenna system bikajyana n’ubushobozi ya ntuburambaraga twavuze ifite.

Kwa komeka ya majwi kuri mwikorezi, bikorerwa mu nsakazamajwi, ari byo byitwa Modulation mu ndimi z’amahanga.

Mu gihe rero amajwi yiyometse kuri iyo mwikorezi, mu buryo ayo majwi ahindura imiterere y’ubwisubire cyangwa se frequence y’iyo mwikorezi, ni ho tuvuga ko habaye FM (frequency modulation cyangwa Modulation de Fréquence). Ubundi buryo ni igihe amajwi ushaka gusakaza ahinduye ubunini mu bijyanye n’umubyimba n’uburebure by’ubwisubire bwa ya mwikorezi.

Aha ho tuvuga ko habayeho AM (Amplitude modulation cyangwa (Modulation d’Amplitude). Muri ubu buryo habamo ibyiciro bitatu, hari Imiraba migufi (Short waves: SW), hakaza Imiraba yo hagati (Medium waves: MW) ndetse n’Imiraba miremire (Long waves: LW).

Ubu buryo bwa FM cyangwa AM bwifashishwa mu gusakaza amajwi ya Radio mu ikoranabuhanga rya Analogique, Ariko mu Rwanda uburyo bwa FM ni bwo bwaje kugenda busimbura ubu bwa AM kubera ibyiza yongereye mu gusakaza amajwi akakirwa asukuye.

Gusa hari ibihugu usanga bigikoresha ubu buryo kimwe n’uko ibindi bihugu byateye imbere, bimaze no kwinjira mu ikoranabuhanga rigezweho rya Digital mu gusakaza amajwi ya Radio, byitwa Digital Radio, ari ho dusanga ikoranabuhanga rya DRM (Digital Radio Mondiale) cyangwa DAB+ (Digital Audio Broadcasting Plus mu ndimi z’amahanga).

Ibi bintu bisakazwa, bishobora kuba ibiganiro mu majwi yumvikana, bishobora kuba kandi ibiganiro mu mashusho n’amajwi yayo bijyanye (bizwi nka Televiziyo), cyangwa bikaba ubundi bwoko bw’ibishobora gusakazwa nka murandasi, n’ibindi.

Igice cya gatatu nyuma ya studio ndetse n’umunara, ni umuntu wakira ya majwi yasakajwe akoresheje inyakiramajwi ya Radio, Récepteur Radio cyangwa Radio receiver.

Iyi na yo igomba kuba ifite Antenne yo kwakira, ni ukuvuga ihindura imiraba y’imbaraga rukuruzi yasakajwemo amashanyarazi akabasha kunyura mu bice by’inyakiramajwi hanyuma amajwi akabasha kumvikana.

Iyo ayo majwi ari mu buryo bw’amashanyarazi yinjiye mu nyakiramajwi, wowe ushaka kumva amajwi ku murongo w’ubwisubire runaka, uhitamo mwikorezi yazanye ibyo ushaka, maze hakabaho kwiyomora kw’ayo majwi kuri mwikorezi.

Uwo murimo witwa Démodulation mu ndimi z’amahanga. Ayo majwi anyuzwa mu ntuburamajwi (Amplificateur Audio cyangwa Audio amplifier), ubundi agaherezwa akuma gashinzwe kuyavana mu mashanyarazi kakayasubiza mu miraba yavuye mu kunyeganyezwa k’umwuka bita Indangururamajwi, Haut-Parleur cyangwa Loud Speaker mu ndimi z’amahanga. Ubundi tukabasha kuyumva n’amatwi yacu tubifashijwemo n’umwuka.

Mu by’ukuri, hagendewe ku masezerano mpuzamahanga, uyu munsi, igice cy’ imiraba yifitemo imbaraga rukuruzi y’ubwisubire buri hagati ya 9 kHz na 400 GHz nibwo bwagenwe mu gukoreshwa mu gusakaza ibintu bitandukanye mu kirere ku rwego mpuzamahanga kubera ko hejuru ya 50 GHz usanga hakoreshwamo utuntu dukeya usibye nko mu gice bita Radioastronomie. Ni ukuvuga ubushakashatsi bukorwa ku mitere cyangwa imikorere y’inyenyeri, imibumbe n’ibindi bintu karemano biri mu kirere.

Iyi miraba ifite imbaraga rukuruzi ntigaragara n’amaso, ntiwanayikoraho ngo uyumve, kandi yo niba itwaye amajwi, ibasha no gukwirakwira mu busa cyangwa muri Vide ahatagera umwuka, bitandukanye no ku majwi yandi atanyujijwe mu byuma kuko yo atabasha gukwirakwira mu busa.

Ibi ni ukubera ko umuvuduko wayo uba ari zeru. Iyi miraba yakomotse kuri mwikorezi (Carrier frequency) kandi yo irihuta cyane kuko isakara ku muvuduko nk’uw’urumuri ungana na Km 300 000/s. Uyu muvuduko ntiwawugereranya n’uw’amajwi asanzwe twumva ataranyuzwa mu byuma kuko yo, nko mu mwuka, asakara ku muvuduko wa 340 m/s.

Ibi nibyo bituma rero kugira ngo wumve amajwi ya radio iyi n’iyi wibereye iwawe, bisaba ko ayo majwi aba yanyujijwe mu byuma bifite ubushobozi bwo gukoresha ubwisubire bubasha kwikorera ayo majwi, bigaherezwa icyuma kiyajugunya mu kirere yabaye imiraba (Ondes radio cyangwa se Radio waves) hanyuma akabasha kugezwa kure cyane kubera uwo muvuduko bukoresha, maze nawe ugakoresha inyakiramajwi yawe ugahitamo mwikorezi yazanye amajwi ukeneye (aha ndavuga imirongo y’ubwisubire radio iyi n’iyi ikoreraho), ukabasha kuyumva.

Mu bukangurambaga buri gukorwa mu Mirenge igize Akarere ka Nyagatare ikora ku mipaka hasobanurwa icyaha cy’icuruzwa ry’abantu, hagaragajwe ko bamwe bakoresha imipaka nabi bakambuka bajya gushaka imirimo bikarangira bamwe baragiye gucuruzwa.

Ibi biganiro byabaye umwanya wo gusobanurira abaturage bo mu Karere ka Nyagatare ibyuho abantu bagwamo ndetse n’amayeri akoreshwa ngo abantu bajye gucuruzwa. Beretswe ko ubucuruzi bw’abantu ari ubushabitsi abantu bagize bugari kandi umuntu wese ashobora kubugwamo.

Mu mayeri rusange yagaragajwe ni uko mu gihe abakora ubucuruzi bw’abantu bashaka kubugushoramo bakwizeza inyungu z’umurengera kandi zihuse ari na byo bikunze gukururira benshi kumva ko nta cyababuza guhindurirwa imibereho.

Aha iyo udashishoje ngo ugire amakenga utekereze biruseho ni ho usanga wagiye mu bucuruzi bw’abantu kandi ingaruka zikurikira zikaba kwicuza ngo iyo mbimenya simba narabihaye umwanya.

Mu biganiro byatanzwe n’abakozi b’Ubugenzacyaha, hagarutswe ku bantu bambuka imipaka mu buryo butemewe kandi bakabikora mu ibanga, bigateza ibibazo biganisha ku gucuruzwa.

Njangwe Jean Marie, umuyobozi mu ishami ryo gukumira ibyaha n’ubushakashatsi muri RIB

Njangwe Jean Marie, umuyobozi ukorera mu ishami rishinzwe gukumira ibyaha n’ubushakashatsi, yavuze ko ubu gucuruza abantu atari icyaha gishya ariko ni ibidasanzwe ku bantu bazi agaciro k’umuntu.

Yagize ati “Ubusanzwe tuzi ko amatungo ari yo acuruzwa ariko ntibikwiye ko umuntu aba igicuruzwa. Ubucuruzi bw’abantu kugeza ubu bwahinduwe ubushabitsi (business) ngari irimo amafaranga menshi. Ni yo mpamvu rero hafashwe ingamba zo kurwanya ibi byaha kandi ibihano biraremereye.”

Patrick Ndemezo, umugenzacyaha mu ishami rishinzwe gukumira ibyaha by’icuruzwa ry’abantu, yasobanuye ko icuruzwa ry’abantu rikorwa abantu bagamije kubajyana mu bikorwa by’ubusambanyi, gukoreshwa amashusho y’urukozasoni, ndetse no gukoreshwa imirimo y’agahato.

Patrick Ndemezo, Umugenzacyaha mu ishami ryo gukumira icuruzwa ry’abantu

Akomeza avuga ko ubu bucuruzi bw’abantu bugira ingaruka mbi zirimo kwicwa, gukurwamo ingingo z’umubiri, n’ibindi.

Muri iki gihe rero ubu bucuruzi bw’abantu bukaba bukorerwa ku ikoranabuhanga, benshi bakaba ari ho bari gushukirwa bikarangira bacurujwe kubera kutagira amakenga no kwizezwa inyungu zihindura ubuzima bwabo.

Bamwe mu baturage bo mu Murenge wa Matimba mu Karere ka Nyagatare bavuze ko basobanukiwe n’icyaha cy’icuruzwa ry’abantu ari na ho baboneyeho gutanga amakuru ku hantu hakunze kuboneka icuruzwa ry’abantu.

Umwe mu mboni z’umupaka yagize ati: "Mu by’ukuri iki cyaha turakizi kandi tubona abaza kwambuka imipaka yewe rimwe na rimwe tukamenya amakuru yabo bagasubizwa mu miryango yabo. Ariko hari abaducika bakanyura ahandi bikarangira baragiye gucuruzwa."

Naho Bayiringire Innocent, we agira ati: "Iki cyaha nkatwe dutwara abantu usanga umuntu agutega ngo ngeza hafi y’umupaka ukamukeka ariko ukabona agiye nko ku kabari kari hafi yaho nyamara ukabona avuye kure ariko kugira ngo ube watahura ko agiye kwambuka bigasaba ubundi bumenyi. Benshi ni bo wumva ngo bahuye n’ibibazo bamaze kwambuka."

Ubukangurambaga ku icuruzwa ry’abantu no gushakira inyungu ku bandi, burimo buribanda ku turere 7 dufite imirenge ikora ku mipaka ari two Gicumbi, Burera, Nyagatare, Kirehe, Rubavu, Rusizi na Bugesera.

Umuturage wa Matimba muri Nyagatare abaza ibibazo

Umwe mu bayobozi b’inzego z’ibanze atanga icyifuzo

Umuturage wa Matimba avuga icyakorwa ku gukumira icuruzwa ry’abantu

RIB yegereza serivisi abaturage bagatanga ibirego bifashishije ibiro ngendanwa(Mobile station). Abategereye za sitasiyo za RIB batangira ibirego muri iyi modoka

Umuhanzi Intore Tuyisenge umenyerewe mu ndirimbo zerekeranye n’uburere mboneragihugu yasusurukije abitabiriye ubukangurambaga ku gukumira icuruzwa ry’abantu

Inama Njyanama y’Umurenge wa Nyamata yaje ku mwanya wa mbere mu gukora neza

Inama Njyanama z’Imirenge ya Kamabuye na Rilima zaje ku mwanya wa gatanu zombi zinganya amanota 92%), ku mwanya wa karindwi haza Mwogo (91%), ku mwanya wa munani haza Shyara (88%), ku mwanya wa cyenda haza Gashora (86%).

Imirenge ya Musenyi na Rweru yombi yaje ku mwanya wa 10 inganyije amanota 85%. Umurenge wa Ntarama waje ku mwanya wa 12 n’amanota 84%, Mareba ku mwanya wa 13 n’amanota 83%, ku mwanya wa cumi na kane haza Mayange (79%) naho ku mwanya wa 15 haza Nyarugenge n’amanota 70%.

Iri suzuma ry’imikorere y’Inama Njyanama z’Imirenge n’Utugari ryateguwe na Komisiyo y’Imiyoborere myiza mu Nama Njyanama y’Akarere, ibyavuye muri iryo suzuma bitangazwa tariki 21 Gashyantare 2026 ubwo muri ako Karere ka Bugesera hatangizwaga Icyumweru cy’Umujyanama cyatangirijwe mu Murenge wa Mwogo mu Kagari ka Rurenge mu Mudugudu wa Gitaraga.

Perezida w’Inama Njyanama y’Akarere ka Bugesera, Munyazikwiye Faustin, avuga ko iri suzuma ritashingiye ku bukungu cyangwa ibindi, ahubwo ko ryashingiye ku mikorere y’Inama Njyanama nk’uko itegeko rishyiraho Inama Njyanama ribigena.

Yagize ati “Twarebye nk’igihe Inama Njyanama zigomba gukoreramo inama, tureba niba izo nama zarabaye, ese ibyemezo byarafashwe, tureba niba byaranditswe, ese birabitse neza, ese raporo y’inama uko itegeko rigena ko inama njyanama y’umurenge iyo irangije inama igomba kohereza raporo n’ibyemezo ku rwego rukurikiyeho (ku rwego rw’Akarere) ese barabikora? Hanyuma iyo Inama Njyanama yateranye, ese iterana ite? Ubwitabire buba buhari? Ese inshingano z’Umunyamabanga Nshingwabikorwa w’Umurenge n’umukozi ushinzwe imiyoborere myiza mu murenge zo gufasha Inama Njyanama zirakorwa? Ibyo byose ni byo twagiye dusuzuma, tuzenguruka Imirenge yose kugira ngo tumenye uko Inama Njyanama z’Imirenge zikora n’uko zikorana n’abafatanyabikorwa, ariko icyari gikomeye muri ibyo byose, kwari ukureba uko zikora ariko tukanagira ngo dushishikarize abatarimo kubikora mu buryo bunoze, na bo babashe kubikora uko bikwiye.”

Muri rusange iri suzuma rigamije kureba niba abajyanama abaturage bitoreye hari icyo barimo kubafasha.

Perezida wa Njyanama, avuga ku manota Inama Njyanama zabonye mu isuzuma, yagize, ati “Ndashimira Imirenge ifite Inama Njyanama zahize izindi. Mwabonye Umurenge wa Nyamata, Rweru, Juru, Ngeruka,… mumfashe tubashimire. Iyo umuntu agushimiye mu ruhame, buriya aba akubitsemo umwenda. Ni ukuvuga ngo nitwongera isuzuma ry’umwaka utaha , uriya mwanya ntabwo mwagombye kuwujya munsi. Mwagombye guharanira kujya hejuru yawo cyangwa se kuwugumaho. Turashima n’indi Mirenge yose kuko nk’uko mwabibonye , nta n’umwe uri munsi y’amanota 70, kandi ni amanota meza, agaragaza ko ibyasuzumwe imirenge yose ibishyira mu bikorwa , wenda bigatandukanira mu karusho bamwe bashyiraho kurusha abandi.”

Perezida w’Inama Njyanama y’Akarere ka Bugesera, Munyazikwiye Faustin, yasabye Inama Njyanama zitwaye neza kudasubira inyuma, asaba izitarakoze neza kongeramo imbaraga

Icyumweru cy’Umujyanama mu Karere ka Bugesera cyatangiye tariki 21 - 28 Gashyantare 2026 gifite insanganyamatsiko igira iti: “Umuturage ku isonga, serivisi nziza, iterambere ryihuse.”

Cyatangiriye mu Murenge wa Mwogo, kikazasorezwa mu Murenge wa Ntarama mu Kagari ka Kanzenze mu Mudugudu wa Nyamabuye, aho abajyanama bazifatanya n’abaturage mu muganda rusange usoza ukwezi kwa Gashyantare.

Iki cyumweru cyitezweho gusiga imyumvire y’abaturage izamutse kuri gahunda zitandukanye za Leta. Muri iki cyumweru kandi, Abajyanama bazarushaho kwegera abaturage, baganire kuri gahunda y’ubwishingizi mu kwivuza, kwizigamira muri EjoHeza, ubukangurambaga ku gutanga imisoro n’amahoro, kurwanya ibibazo bibangamiye imibereho myiza y’abaturage, kurwanya imirire mibi n’igwingira mu bana bato, n’ibindi.

Gahunda y’Icyumweru cy’Umujyanama yatangiye kuva mu 2018 igamije kugira ngo abajyanama batumwe kandi batowe n’abaturage, bagire umwanya wo kugaruka no kuganira na bo kuri gahunda zitandukanye z’iterambere, ariko bagire n’umwanya wihariye wo kumva no kujya inama ku bibazo bitandukanye biba biri mu baturage.

Abaturage bishimira ko Abajyanama bitoreye babegera bakaganira kuri gahunda z’iterambere

Ayo makipe ni iy’Umurenge wa Masaka yegukanye igikombe itsinze Umurenge wa Kagarama 1-0 mu bagabo. Mu mikino y’abagore igikombe ku rwego rw’Akarere cyatwawe n’Umurenge wa Gahanga watsunze Umurenge wa Kigarama kuri Penaliti 2-1 nyuma y’uko umukino wari warangiye banganya igitego 1-1.

Umuyobozi Nshingwabikorwa w’Akarere ka Kicukiro, Mutsinzi Antoine, avuga ku kamaro n’intego y’iyi mikino, yagize ati “Icya mbere ni ibyishimo ku baturage nk’uko mubibona, dushimira amakipe atandukanye yaturutse mu Mirenge ya Masaka, Kagarama, Gahanga na Kigarama, ikigaragara ni uko abaturage baba bishimye. Iyaba twabonaga ubushobozi ahubwo twajya tuyitegura kenshi. Kandi ikirimo gikomeye ni ubutumwa bw’imiyoborere myiza, ubutumwa bw’uruhare rw’umuturage, ubutumwa nyamukuru Nyakubahwa Perezida wa Repubulika ahora aduha.”

Mutsinzi Antoine yashimiye abateguye amarushanwa ku mirenge itandukanye muri aka Karere. Ati “Mu mupira w’amaguru, tugeze ku musozo ku rwego rw’Akarere. Ikipe yatsinze uyu munsi izahagararira Akarere mu Mujyi wa Kigali. Ubu rero icyo tugiye gukurikizaho, ni uguhatana ku Mujyi wa Kigali ariko twimakaza ibyishimo n’uruhare rw’umuturage mu miyoborere myiza no mu bimukorerwa. Uyu mwaka ntitwifuza kugarukira ku rwego rw’Umujyi wa Kigali, twiyemeje guhatana kugera ku rwego rw’Igihugu.”

Umunyamabanga Nshingwabikorwa w’Umurenge wa Masaka, Nduwayezu Alfred, ufite ikipe yabaye iya mbere mu Karere mu bagabo nk’uko byari byagenze mu marushanwa nk’aya y’umwaka ushize, yavuze ibanga ribashoboza kubigeraho, ati “ Ibanga ni ubufatanye, gushyira hamwe no kuzuzanya n’abaturage. Aya marushanwa ni ubusabane n’abaturage. Bituma kandi bibona mu bayobozi, siporo ikaduhuza twese hamwe, twese abayobozi n’abaturage tukagira intego imwe yo gutsinda.”

Muri iyi mikino kandi, abaturage bongeye kwibutswa kurangwa n’isuku, bibutswa ko ihera ku muntu ku giti cye, aho atuye, aho akorera, ndetse n’aho umuntu anyura hose.

Imikino ya nyuma mu mupira w’amaguru mu Karere ka Kicukiro ku wa Gatanu tariki 20 Gashyantare 2026, yaranzwe n’ishyaka ryinshi ndetse no guhatana, byose bikaba ngo ari ibigaragaza imiyoborere myiza yo guharanira kuba indashyikirwa, ariko abaturage bakanahura bagasabana ndetse bakidagadura.

Umuhanzi Mico The Best na Intore Tuyisenge basusurukije abitabiriye iyi mikino ya nyuma y’amarushanwa Umurenge Kagame Cup 2026 y’umupira w’amaguru mu Karere ka Kicukiro.

Muri byinshi yatubwiye, dore bimwe mu byo wamenya ku mikorere n’imibereho y’inzuki:

Umwamikazi cyangwa se urwiru ni we muyobozi w’izindi nzuki zose ziba mu muzinga. Ni na we utera amagi avamo inzuki. Ku munsi ashobora gutera amagi ibihumbi bitatu buri munsi. Ashobora kubaho mu gihe kingana n’imyaka itanu. Ariko uko agenda asaza, amagi agenda amushiramo agatera amagi makeya.

Umwamikazi iyo ashaje, inzuki zitegura undi mwamikazi mushya. Zifata igi rimwe mu yo yateye zikarikoramo undi mwamikazi zikamugaburira igikoma asanzwe anywa kugira ngo yuzuze ubushobozi nk’ubwumwamikazi. Avuka hagati y’iminsi 19 na 21. Iyo amaze kuvuka atangira gutera amagi kandi iyo akiri muto atera amagi menshi ashoboka.

Iyo inzuki zibaye nyinshi mu muzinga, zirema undi mwamikazi itsinda rishya ry’inzuki rigasohokana n’uwo mwamikazi zikajya gushaka ahandi ziba.

Mu gihe kitarenze iminsi 45 inzuki zisanzwe zirapfa kuko ziba zashaje, mu gihe umwamikazi we ashobora kumara imyaka itanu ariho, bitewe n’ibyo arya.

Umwamikazi mushya iyo amaze kuvuka, asohokana n’inzuki nkeya z’ingabo akajyana mu kirere n’inzuki z’ingabo ziri hagati ya 8-10, kubangurirwa k’umwamikazi n’izo ngabo bikaba ari ho bibera, umwamikazi agahita agaruka mu muzinga agatangira gutera amajyi. Kubangurirwa k’umwamikazi biba inshuro imwe mu buzima bwe. Uruyuki rw’urugabo rumaze kubangurira umwamikazi ruhita rupfa. Ni kimwe n’uruyuki iyo rudwinze umuntu akenshi ruhita rupfa kuko urubori rusohokana n’amara kuko biregeranye. Abavuga ko iyo uruyuki rudwinze umuntu ruhinduka umuyugira si byo ahubwo umuyugira ni ubwoko bw’inzuki.

Umwamikazi (hagati) aba aruta mu bunini izindi nzuki. Ni we upanga uko akazi gakorwa kandi agafatanya na zo imirimo

Mu muzinga habamo inzuki z’ingabo (drones), ingore (workers) n’umwamikazi(Queen). Mu mikorere yazo, habamo izirinda umuzinga ziwuguma hafi zimwe zishobora nko kurya abantu baza hafi yawo.

Ni yo mpamvu usanga nk’ingore zijya gushaka ibiryo cyangwa kuvoma amazi no gushaka ibyo gukoramo ubuki zitaryana aho uzisanze nko ku ndabo, mu bihingwa cyangwa ahanitse ifu, keretse iyo uruhohoteye wenda urukandagiye cyangwa urufashe n’intoki, rushobora kukurya rusa n’urwitabara. Hari n’izitunganya umuzinga, zikora amasuku, ibishashara byahindutse umukara zikongera zikabihindura umweru.

Izi ziba ziganjemo izishaje. Izirinda umuzinga ni iziba zivutse vuba zigifite amashagaga n’amahane, zitarabasha kujya hirya no hino mu bice bya kure. Ingore ni zo zikora ubuki zikajya gushaka n’ibyo zifashisha, naho umwamikazi we akazi ke ni ugutera amagi no gupanga no kugenzura akazi k’ibikorerwa mu muzinga. Ingabo akazi kazo kanini ni ukubangurira umwamikazi.

Inzuki z’ingabo ntabwo ziba ari nyinshi mu muzinga. Iyo zibaye nyinshi zirya ubuki cyane. Iyo zibaye nyinshi, umwamikazi arabigenzura, agatera amagi akurikije izizavamo abona zikenewe.

Ubuki ni byo biryo by’inzuki, ndetse n’ibyitwa insinda zikora zikabirya zivura cyangwa zirinda indwara. Ubusanzwe zibukora kugira ngo zizaburye cyane cyane mu bihe by’imvura aho ziba zidashobora gusohoka ngo zijye gushaka ibindi hanze. Nubwo abantu babuhakura bakabutwara.

Inzuki zikora ibimeze nk’inkongoro inzuki zishyiramo ubuki zigapfundikira mu rwego rwo kugira ngo bumere neza, ibisa no kubutara, ndetse no kugira ngo butandura

Umworozi wazo Naho Joseph ati “Ubundi nubwo ubuki tujya kubwiba, ziba zarabukoze kugira ngo zizabukoreshe mu gihe kibi cyane cyane mu mvura igihe zidasohoka. Ni ho bakunda guhera bavuga ngo “basanze zarabwinywereye.”

Inzuki zishobora kumenya ahari ibyo kurya zikoresheje uduhembe twazo (antennas) ndetse zikabwirana. Ni yo mpamvu ushobora kubona habanje kuza rumwe nko ku cyuma gisya, mu kanya gato ukabona zirimo kugenda ziyongera mu bwinshi.

Hari aho usanga imizinga yegeranye, ukibaza niba inzuki zidashobora kwivangavanga. Inzuki ntizivangavanga. Buri zose zimenya umuzinga wazo, uko zivukana, zikamenya n’umwamikazi wazo. Zigira impumuro izifasha gukururana no kumenyana hagati yazo.

Nubwo inzuki zishakira ibyo zikoramo ubuki n’ahari umwanda, ubuki zikora ntibuba bwanduye. Byinshi mu byo zikoresha ubuki ni amazi. Zirayavoma zikayanywa zikayatwara mu nda, ibindi nk’insinda zikabitwara ku maguru. Zishaka n’ibindi bimeze nk’umutobe biryohera zikura cyane cyane mu ndabyo, zikabivanga n’amazi, zigakoramo ubuki. Ibyo zikuye ku gasozi ziragenda zikabiha inzuki zikora ubuki zikabimira. Izo nzuki zabugenewe zifite uruganda mu nda yazo zisohora ubuki bumeze nk’umutobe nta mwanda na muke uburimo, zikabanza kubushyira mu bintu bimeze nk’inkongoro byabugenewe zikabipfundikira ku buryo nta mwanda wakwinjiramo. Uko ubwo buki bumaramo igihe ni ko bugenda burushaho kuba bwiza.

Inzuki zishobora gukora urugendo ruri hagati y’ibirometero 8-10 zijya gushaka ibyo kurya n’ibyo gukoramo ubuki rukamenya aho rugaruka.

Uruyuki rugira amaso atanu. Abiri manini ari ku mpande z’umutwe arufasha kureba neza ibintu birwegereye n’amabara y’indabo, n’andi maso atatu mato aba ku mutwe hejuru mu gahanga, arufasha kumenya aho urumuri ruturuka n’aho izuba riri kugira ngo rumenye inzira iruganisha ku muzinga.

Uruyuki rugira amaso atanu

Kubera iki bajya guhakura bagakoresha umwotsi? Umwotsi buriya ni nk’ikinya ku nzuki. Uzica intege ntizigire amahane, ariko ntizinapfe.

Umwotsi wifashishwa mu guhakura uca intege inzuki zigahunga izindi ntizigire amahane

Inzuki ziba mu mizinga yegeranye zishobora kwibana ubuki. Icyakora izigerageje kwinjira mu muzinga w’undi ngo zijye kwiba ubuki, zikunze kurwana zikaba zanahasiga ubuzima kuko haba hari izishinzwe kurinda umuzinga.

Ibivugwa ku nzuki ni byinshi, ntitwabivuga mu nkuru imwe ngo tubirangize. Ushobora kuba nawe hari ibindi uzi. Wabidusangiza hepfo mu mwanya wagenewe ibitekerezo.

Uruyuki rumaze kugirana imibonano mpuzabitsina n’umwamikazi ruhita rupfa

Ubuki nubwo abantu babuhakura, biba bisa no kubwiba inzuki kuko zibukora zigamije kuzaburya mu gihe cy’imvura igihe ziba zitabasha kujya hanze gushaka ibindi biryo

Nubwo imizinga yaba yegeranye ari myinshi, buri ruyuki ruba ruzi umuzinga rutahamo

Inzuki z’ingore ni zo zijya guhova (gushaka ibyo kurya n’ibyo gukoramo ubuki) kandi nta mahane zigira, keretse iyo zishaka kwitabara

Ibi ariko ngo si ko bimeze, ndetse iri koranabuhanga ngo nta mpungenge rikwiye gutera abantu, ahubwo rije kubafasha kunoza ibyo bakora.

Irere Claudette amara impungenge abarimu batekereza ko ubwenge buhangano (Artificial Intelligence - AI) buje kubasimbura

Umunyamabanga wa Leta muri Minisiteri y’Uburezi, Irere Claudette, yagize ati “Akenshi iyo tuvuga impinduka zirimo kuba mu ikoranabuhanga, iyo tuvuga ubwenge buhangano ikibazo cya mbere umuntu wese yibaza ni ukuvuga ngo abarimu bagiye kubura akazi kubera ko AI igiye kujya yigisha. Ariko mu by’ukuri, ntabwo ari ho Isi igana. Isi ntabwo igana ku kuvuga ngo abarimu bavuyeho, ahubwo Isi iragana ku kuvuga ngo ni gute abarimu bakoresha ubwenge buhangano kugira ngo noneho bigishe neza kurushaho? Uyu munsi natwe ni aho dushaka kugana. Turashaka gufasha abarimu kubwumva no kubukoresha.”

“Mu rwego rw’uburezi rero biratugarurira mu kumvisha mwalimu ko ari we fatizo. Ntawe uri bumusimbure, nta kiri bumusimbure, ahubwo ni gute yakwifashisha ubu bwenge buhangano kugira ngo abashe kwigisha neza, ntabutinye, ntabuze abanyeshuri kubukoresha, ahubwo ni gute agiye kubukoresha kugira ngo bumufashe kwigisha neza no gusobanura ibyo yigisha.”

Naho ku bagaragaza ko ubwenge buhangano butera ubunebwe abanyeshuri n’abarimu bakora ubushakashatsi, Minisitiri Irere yagize ati “Kimwe ntabwo gikuraho ikindi. Ahubwo ni gute muri iyi si aho ubwenge buhangano budufasha mu buryo bworoshye, bitakugira umunebwe ahubwo bukwigisha gukora ibirenze ibyo uyu munsi ugezeho? Niba baguhaye ibyo ukora, yego uri bwifashishe ubwenge buhangano ariko noneho nawe ubisuzume, bugufashe kwiha intego yisumbuyeho ntugarukire gusa kuri ibyo. Abarimu ntibagomba kuyitinya, kubwira abanyeshuri ngo mugende mukore ibi, mukongera mukagaruka mukabizana. Iyo wongeye ukabakoresha ibizamini uza kubona koko ko bimwe na bimwe batabyumvise. Ibizamini ntibizavaho, ahubwo ibyo ubwenge buhangano buguha ubimenye mubijyeho impaka kugira ngo murusheho kubyumva.”

Umunyeshuri witwa Irakoze Saidi wiga muri Lycée de Kigali mu mwaka wa Gatanu w’amashuri yisumbuye, asanga ubwenge buhangano (AI) nubwo bemerewe kubukoresha ariko batagomba kubukoresha buhumyi, ahubwo ko bakwiye kujya basesengura ibyo bubaha ndetse bakagerageza kubyumva kuruta kubikoresha gusa, ariko batabyumva.

Yagize ati “Twe nk’abanyeshuri ntidukwiye kuyikoresha nk’inzira ya bugufi ngo twizere ibyo iduha byose. Ahubwo tugomba kubanza kubyumva kimwe, kuko ejo uzagera mu kazi cyangwa mu kizamini aho ukenera kwerekana bwa bumenyi, nuba utarabyumvise neza, bizahita bigaragara ko nta bumenyi ufite, cyane cyane nk’ibizagusaba gushyira mu bikorwa. Kuko AI na zo zigira amakosa. Iyo utabyumva rero ntabwo ubasha kuvumbura amakosa yakoze. Iyo ubyumva ubona ko yabyishe ukabikosora ugatanga ibintu bizima.”

Minisitiri w’Abakozi ba Leta n’Umurimo, Amb. Christine Nkulikiyinka, na we agaragaza ko nta mpungenge ku hazaza h’umurimo mu Rwanda bitewe n’aho Isi igana mu ikoranabuhanga cyane cyane iry’ubwenge buhangano (AI).

Yagize ati “Ikoranabuhanga n’ubwenge buhangano ntabwo byagombye kudutera ubwoba. Ni ikintu twagombye gufata nk’ikintu kiza kudufasha gukora neza akazi twakoraga, kutworohereza akazi, kurusha kugitinya ngo kizadutwarira akazi. Hari ibyo izo mashini zidashobora gukora zigakenera abakozi basanzwe bo kuzifasha.”

Ikoreshwa ry’ubwenge buhangano (AI) ni kimwe mu byaganiriweho mu nama mpuzamahanga ku burezi (The Global Learning Conference 2026) iteraniye i Kigali tariki 19-20 Gashyantare 2026, aho impuguke mu burezi ziganira ku myigire igezweho ijyanye n’impinduka zirimo kuba ku Isi mu byerekeranye cyane cyane n’ikoranabuhaga.

Dr. Edward Kadozi uyobora HEC (ibumoso) na Minisitiri w’Uburezi, Joseph Nsengimana (iburyo), bitabiriye inama yiga ku kuzamura ubushakashatsi no guhanga udushya mu mashuri makuru na za Kaminuza

Mu gukemura iki kibazo, inzego zishinzwe uburezi mu Rwanda zirateganya gukorana n’urwego rw’abikorera (private sector) kugira ngo na bo bazemo, babe isoko y’amafaranga ifasha kuzamura ibyo bakora, binyuze mu giutera inkunga ubwo bushakashatsi n’ibikorwa byo guhanga udushya.

Ibi, Umuyobozi Mukuru w’Inama y’Igihugu ishinzwe Amashuri Makuru na Kaminuza (HEC), Dr. Edward Kadozi, yabigarutseho, ubwo yavugaga ku mbogamizi zituma amashuri makuru na kaminuza bitabasha gukora ubushakashatsi no guhanga udushya dukenewe mu gusubiza ibibazo biri muri sosiyete.

Yagize ati “ Bavuga ko amafaranga ataboneka kugira ngo bazamure ubushakashatsi no guhanga udushya. Turimo turaganira uko twafatanya n’abikorera kugira ngo batere inkunga ubushakashatsi n’udushya duhangwa, twafasha mu guteza imbere ibyo bakora. Ikindi kibazo ni ubushobozi bw’abashakashatsi. Turacyafite abashakashatsi bakeya muri za kaminuza, cyane cyane abantu bize ku rwego rwa za Doctorat no kuzamura, kugira ngo bayobore ubushakashatsi. Icyo tureba ni ukuntu twabazamura. Ikindi ni ukureba uko udushya za kaminuza zihanga tuva muri za kaminuza tukagezwa mu bikorera, mu nganda n’ahandi.”

Ibi ni bimwe mu byagarutsweho kuri uyu wa Gatatu i Kigali ahateraniye inama yo ku rwego rw’Igihugu yahuje amashuri makuru na za Kaminuza, abikorera n’inzego za Leta zitandukanye, aho baganira ku guteza imbere ubushakashatsi no guhanga udushya, ndetse no kuzamura ireme ry’uburezi mu mashuri makuru na za kaminuza.

Abateraniye muri iyi nama barimo abayobozi mu nzego z’uburezi, abarimu, abashakashatsi, abafatanyabikorwa mpuzamahanga, n’abandi batandukanye. Bararebera hamwe uburyo bwo gutegura abanyeshuri bagendanye n’igihe hakurikijwe iterambere rigezweho ndetse n’ibikenewe ku isoko ry’umurimo.

Ubu bukangurambaga bufite insanganyamatsiko igira iti “Uruhare rwanjye mu kubaka umuryango utekanye kandi ushoboye.”

Umunyamabanga Nshingwabikorwa w’Umurenge wa Kicukiro, Mukandahiro Hydayat, asobanura byinshi kuri ubu bukangurambaga, yagize ati “Turashaka ko Umurenge wa Kicukiro waba Umurenge w’Icyitegererezo mu kwigisha imiryango duhereye mu mizi. Turashaka ko ubutumwa butangiye guhera tariki 15/02 – 08/03 buzasozwa hizihizwa Umunsi Mpuzamahanga w’Umugore. Iki gihe nibura buri cyiciro cyose cy’abaturage buri wese azaba yamaze gusobanukirwa uruhare rwe n’icyo yakora, kandi natwe bizadufasha kumenya bimwe mu bibazo tutazi biri mu miryango, cyane cyane ibyugarije urubyiruko n’ingo harimo ibijyanye n’ubutane.”

Umunyamabanga Nshingwabikorwa w’Umurenge wa Kicukiro, Mukandahiro Hydayat, avuga ko muri ubu bukangurambaga buri muturage azasobanukirwa uruhare rwe mu kubaka umuryango utekanye kandi ushoboye

Ubu bukangurambaga bizeye ko buzatanga umusaruro ufatika, nk’uko yakomeje abisobanura, ati “Ni ubukangurambaga dufite icyizere ko bugiye kudufasha kubaka umuryango, kuko ari na wo shingiro ry’imbaga y’Abanyarwanda, akaba ari na wo icyerekezo cy’Igihugu cyacu gishingiyeho.”

Ibibazo bikibangamiye umuryango mwiza birimo kuba kuba umugore n’umugabo bataganira, kuba hari umwe uteshuka ku nshingano, hakaba n’ikibazo cyugarije urubyiruko kijyanye n’ibiyobyabwenge, harimo kwiheba no kugira agahinda gakabije, kudashaka kwihangira imirimo bahereye ku bushobozi buto buhari ku barangiza amashuri, ahubwo bakumva ko akazi bagomba kugahabwa n’abandi, ntibatekereze ko na bo bagira uruhare mu kwihangira umurimo.

Ubuyobozi bukangurira abagize umuryango kutihererana ibibazo bafite kugira ngo bitagera kure. Mu gihe abaturage bafite ibibazo bibaremereye bananiwe kwikemurira hagati yabo, bakanguriwe kwegera ubuyobozi cyangwa undi muntu uri hafi bakamubwira ikibazo bafite bagafatanya kugishakira igisubizo.

Mu bindi bibazo byugarije abaturage harimo abagore cyangwa abagabo barera abana bonyine n’abakobwa babyariye iwabo. Nubwo nta mibare ya nyayo ubuyobozi bufite ariko bwemeza ko bahari.

Ubuyobozi bw’Umurenge wa Kicukiro muri gahunda bufite ni uko tariki 26 Gashyantare 2026 buzaganira n’imwe muri iyo miryango ihagarariwe n’umuntu umwe mu muryango yaba umugabo cyangwa umugore. Abayobozi bazagira n’igihe cyo kuganira n’abandi bafite ibibazo byihariye kugira ngo bafatanye kubishakira ibisubizo.”

Ku bufatanye n’abafatanyabikorwa kandi, bazareba imwe mu miryango bigaragara ko idafite ubushobozi bwaba nko kwikura mu bukene, kuba abana babo batarimo kujya ku ishuri, kugira ngo barebe uko bafatanya mu gukemura ibyo bibazo.

Bishop Rose Karasanyi (uri hagati) yibukije abagize umuryango kurangwa n’urukundo hagati yabo kugira ngo bubake umuryango uhamye

Mu batanze ibiganiro muri ubu bukangurambaga bwo kubaka umuryango utekanye kandi ushoboye, harimo Bishop Rose Karasanyi, wibukije abagize umuryango ko nibarangwa n’urukundo, kubaha Imana, ubufatanye n’ubwuzuzanye, imiryango yabo izaba myiza kandi igatera imbere.

Kabahire Alice ushinzwe iterambere ry’umuryango no kurengera abana mu Murenge wa Kicukiro, we yibukije abitabiriye ubukangurambaga akamaro k’ibiganiro mu kubaka umuryango, agaragaza ko ibiganiro hagati y’abagize umuryango bituma barushaho gukundana no kunga ubumwe.

Muri ubu bukangurambaga harifashishwa amadini n’amatorero nka bamwe mu bafatanyabikorwa bahuza abaturage benshi kandi bigisha urukundo n’imibanire myiza, ndetse n’inararibonye mu mibanire y’imiryango, aho zitanga ibiganiro bigamije gufasha abaturage mu kubaka umuryango utekanye kandi ushoboye.

Guteza imbere imihanda mu bice by’icyaro byoroshya kugeza ku isoko umusaruro w’ubuhinzi n’ubworozi

Imibare itangwa na MININFRA igaragaza ko kuva mu mwaka wa 2014 kugeza muri Gashyantare 2026 mu bice by’icyaro hamaze kubakwa imihanda y’imigenderano ireshya n’ibilometero 4428.13 harimo imishya yahanzwe, iyongerewe ubunini, iyashyizwemo kaburimbo yoroheje, n’indi y’ibitaka ariko itunganyijwe neza.

Minisitiri w’Ibikorwa Remezo, Dr. Jimmy Gasore, avuga ko nubwo hari intambwe ishimishije u Rwanda rwateye mu kwita ku mihanda y’imigenderano mu cyaro, ariko hakiri n’indi myinshi ikwiye kwitabwaho. Yabigarutseho mu nama y’iminsi itatu yatangiye i Kigali kuri uyu wa Mbere tariki 16 Gashyantare 2026, yahuje abaturutse hirya no hino mu bihugu bya Afurika ndetse n’abafatanyabikorwa batandukanye, barangajwe imbere na Banki y’Isi.

Minisitiri Dr. Jimmy Gasore yagize ati “Intego ikomeye tuganiraho muri iyi minsi itatu ni uburyo twarushaho gukorana kugira ngo twongere imihanda y’imigenderano yo mu cyaro cyangwa se tuzamure ubukungu bwo mu cyaro ndetse tunazamura uruhare rw’ubukungu bwo mu cyaro mu iterambere ry’ibihugu bya Afurika. Iyi nama irareba Afurika yose ntabwo ari u Rwanda gusa.”

Minisitiri w’Ibikorwa Remezo, Dr. Jimmy Gasore

“Turaganira ku mihanda ituma umusaruro ugera ku isoko, turaganira ku biraro, ibyambu , amafumbire ava mu bindi bihugu, turareba uburyo dukorana neza ku mipaka, ndetse n’ububiko, aho tureba uko dushobora kubika ibyo dusarura. Turibaza ngo ni gute twazamura umusaruro w’ubuhinzi mu cyaro dukoresheje ubwikorezi?”

Avuga ku bijyanye n’uko u Rwanda ruhagaze mu bijyanye n’imihanda y’imigenderano, Minisitiri Gasore yagize ati “u Rwanda rwakoze byinshi kuva mu myaka 10 ishize, rwubaka imihanda myinshi yo mu cyaro (feeder roads), twubaka ibiraro, ariko haracyari byinshi byo gukora kuko haracyari ibice bimwe na bimwe by’Igihugu aho usanga abaturage bibagora kugeza umusaruro w’ubuhinzi n’ubworozi ku isoko. Turacyafite urugendo, rero ni yo mpamvu inama nk’iyi iba ije kugira ngo buri wese yigire ku bandi, dutange ibyiza twagezeho, tunagaragaze imbogamizi zihari, dufatanye kuzishakira ibisubizo.”

Imwe mu mihanda y’imigenderano ishyirwamo kaburimbo yoroheje, indi y’ibitaka igatunganywa neza ku buryo yoroshya ingendo

Guteza imbere imihanda y’imigenderano mu bice by’icyaro ntibigirira akamaro abahinzi gusa, ahubwo iyo mihanda ifasha n’abandi bakora ibikorwa bitandukanye gukora ingendo zabo nta nkomyi.

Gahunda ya Guverinoma y’imyaka itanu (2024-2029) iteganya ko hazubakwa, hanasanwe ibilometero bisaga 300 by’imihanda yo ku rwego rw’Igihugu. Hari kandi imihanda y’imigenderano igera ku bilometero 500 izakorwa, mu buryo bwo korohereza abahinzi n’abacuruzi kugeza umusaruro n’ibindi bicuruzwa ku masoko.

Polisi y’u Rwanda yungutse imodoka ya kizimyamwoto izafasha mu kwita ku mutekano w’abantu n’ibyabo

Iyo modoka ishobora kuzimya inkongi mu nzu ndende zifite uburebure bugera kuri metero 20. Ifite n’ibikoresho byifashishwa mu gihe mu nzira yahura n’imbogamizi z’ibiti cyangwa imodoka zagonganye abantu bagaheramo. Harimo n’ibyifashishwa mu gukata amadirishya n’inzugi by’inzu ahakenewe ubutabazi mu gihe nk’inzu yafashwe n’inkongi ikagwira abantu.

Iyo modoka ifite agaciro k’Amayero 759,100 ni ukuvuga abarirwa muri Miliyari imwe na Miliyoni 314 mu Mafaranga y’u Rwanda.

Umuvugizi wa Polisi y’u Rwanda, ACP Boniface Rutikanga, yavuze ko iki gikorwa gifite akamaro gakomeye mu rwego rwo kurinda ubuzima n’umutekano w’abantu, ndetse n’imitungo yabo. Yagize ati “Kwakira iyi modoka bigaragaza ko nubwo hari igikorwa cyiza cy’urugomero rutanga amashanyarazi rwubatswe n’iyi sosiyete, ariko amashanyarazi iyo akoreshejwe nabi ashobora guteza inkongi. Rero hanatekerejwe ku mutekano w’abazaba bakoresha uwo muriro, umutekano w’inzu zizacanirwa n’uwo muriro, ndetse n’umutekano w’abantu bashobora kugirwaho ingaruka n’inkongi z’umuriro. Iyi modoka rero izafasha mu kwita ku mutekano w’abantu n’ibyabo.”

Polisi isanganywe imodoka zitabazwa mu kuzimya inkongi, iyi ikaba ije ari inyongera kandi ko izoroshya akazi, nk’uko ACP Boniface Rutikanga yakomeje abisobanura. Yagize ati “Izi ni imbaraga ziyongereye. Murabizi ko tuba dukeneye kugira imodoka nyinshi zizimya umuriro hirya no hino mu Gihugu. Uko imijyi igenda yaguka n’ibikorwa by’iterambere bikagenda byiyongera, ni ko n’ubundi ibikorwa by’ubutabazi bigenda byiyongera. Birumvikana rero ko hari ahandi hagiye kugira amahirwe yo kugira ikinyabiziga nk’iki kizabafasha igihe habaye ibyago by’inkongi y’umuriro.”

Eric Mpayimana, Umuyobozi Mukuru wa Rusumo Power Company Limited n’ Umuyobozi Mukuru wa Polisi Wungirije Ushinzwe ibikorwa, CP Vincent Sano, bashyize umukono ku masezerano yo kwakira iyi mpano y’imodoka

Eric Mpayimana, Umuyobozi Mukuru wa Rusumo Power Company Limited, Sosiyete yubatse urugomero rw’amashanyarazi rwa Rusumo, avuga ko ubusanzwe gutunganya amashanyarazi no kuyakwirakwiza muri ibi bihugu bitatu (u Rwanda, Tanzania n’u Burundi) atari cyo gikorwa cyonyine bakora. Ati “Dufasha no kwita ku mibereho y’abaturage kugira ngo abegereye aho dukorera babone akarusho nk’ibyo dukora. Twahisemo gutanga imodoka zizimya umuriro kugira ngo nihagira impanuka iba, abaturage batabarwe mu buryo bwihuse.”
Iyi modoka yifashishwa mu kuzimya inkongi yashyikirijwe Polisi nk’urwego rusanzwe rufite inshingano yo gukumira no kuzimya inkongi.

Umuvugizi wa Polisi y’u Rwanda, ACP Boniface Rutikanga, avuga ko impdoka nshya bungutse izoroshya akazi ko gukumira no kuzimya inkongi

Abapolisi berekanye ubushobozi bw’iyi modoka mu guhangana n’inkongi

Iyi modoka ishobora kuzimya inkongi mu nzu ndende zifite uburebure bugera kuri metero 20

Reba ibindi muri iyi Video:

Ni gahunda ya Leta igamije gufasha urubyiruko kubona akazi, kurwanya ubukene no guhangana n’ikibazo cy’ubushomeri cyugarije abiganjemo urubyiruko.

Ni muri urwo rwego urubyiruko 20 rurangije amasomo yo gutunganya amafunguro (culinary arts) bari bamaze amezi atandatu bigira ku murimo mu kigo cya La Viva Motel giherereye ku Gisozi mu Mujyi wa Kigali.

Deborah Mutuyimana Mugabo ni umwe muri bo. Muri rusange bigamo ibyo gukora imigati n’ibindi bijyana na byo bikorwa mu ifu n’ifarini, guteka ibiryo bisanzwe, gutunganya salade, no kotsa.

Avuga ko mu ntangiriro nta kintu bari bazi. Ati “Twaje tutazi no gukata igitunguru. Hari ukuntu abatetsi babigize umwuga (chefs) bafata icyuma atari nka kuriya tugifata turi mu rugo. Dutangira, ntabwo amaboko yacu yihutaga ku murimo, twagendaga gacye cyane, ku buryo hari n’abitemaga. Ubu aho tugeze harashimishije.”

Mutuyimana avuga ko impamvu yahisemo kwiga guteka ari ukubera ko yakuze abikunda, yiyemeza kuzabyiga. Ati “Ni yo mpamvu nahisemo umwuga wo guteka nkawurutisha indi myuga.”

Mu gihe bamwe mu rubyiruko bavuga ko muri iyi minsi bugarijwe n’ubukene, Mutuyimana asanga ubukene bwa mbere ari mu mutwe, ati “Iyo ukennye mu mutwe nta kuntu utanakena mu buzima busanzwe. Iyo ufite imitekerereze mizima, ubuzima buroroha. Icyo ibi bidufasha, twigiye ku murimo, ntabwo twize ngo tujye kubika seritifika mu rugo, cyangwa se ngo ubumenyi tubonye tujye kububika mu rugo. Twarize kugira ngo dushake imirimo, nitutanayibona natwe ubwacu twakwihuza, abantu 20 ni benshi, twakwishyira hamwe tukaba twatangiza ibyacu natwe tukiteza imbere tukikura mu bukene bahora bashinja urubyiruko.”

Deborah Mutuyimana Mugabo, nyuma yo kurangiza amasomo ya kaminuza, yongeyeho no kwiga ibijyanye no gutegura amafunguro

Ubusanzwe Mutuyimana yize ibijyanye no gupima no gusuzuma imiterere y’ubutaka (Land surveying mu mashuri yisumbuye, na Surveying Engineering muri Kaminuza).

Abajijwe niba umuntu ashobora kurangiza Kaminuza akajya kwiga ibyerekeranye no guteka, yagize ati “Birashoboka cyane kuko kwiga ni uguhozaho. Kwiga ni ukugira umwete n’umurava. Ni yo mpamvu niyemeje no kwiga guteka nyuma y’amashuri ya Kaminuza.”

Mutuyimana ashimira abateguye aya mahugurwa kubera amahirwe bahaye urubyiruko cyane cyane abakobwa, dore ko ibyerekeranye no gutegura amafunguro mu mahoteli na Resitora usanga byiganjemo abahungu ndetse n’abanyamahanga. Ibi rero ngo bizafasha abakobwa na bo kwiteza imbere no kumva ko icyo umuhungu yashobora n’umukobwa yagikora.

Ndayishimiye Christian na we arangije amasomo y’amezi atandatu yo gutegura amafunguro yigiraga muri Motel La Viva iherereye ku Gisozi mu Mujyi wa Kigali. Ni nyuma y’uko mu mashuri yisumbuye yize ibijyanye n’ikoranabuhanga ariko akabona ko bidahagije, akiyemeza kongeraho n’ubumenyi mu gutegura amafunguro.

Ndayishimiye Christian yize amasomo yo guteka nyuma yo kurangiza kwiga ibyerekeranye n’ikoranabuhanga

Nubwo hari abumva ko iyo ari imirimo y’abagore n’abakobwa, Ndayishimiye avuga ko impamvu yiyemeje kubyiga biri mu murongo wo gufatanya n’abagore n’abakobwa gutegura amafunguro, ku buryo nta we ukwiye kumva ko ari umurimo w’abantu bamwe bonyine.

Ati “Tugomba kujya dufatanya iyi mirimo yo gutegura amafunguro haba mu mahoteli ndetse no mu rugo tugatekera n’ababyeyi kugira ngo babone akamaro ko kuba baratubyaye.”

Mbere yo kuza kwiga, ngo yaratekaga bisanzwe, ariko ubu abo atekera mu rugo bumva harimo itandukaniro rigaragara. Ubu yatangiye no gukora ibiraka byo kujya atekera ubukwe n’ibindi birori.

Ndayishimiye agira inama urubyiruko rwaba urwarangije amashuri n’urutarayarangije kwirinda kwisuzugura no gusuzugura ubumenyi ubwo ari bwo bwose ndetse n’umwuga uwo ari wo wose, ahubwo bagatinyuka bagatangirira ku guhanga ikintu gito, kuko gishobora kubageza ku bintu binini.

Uwase Pauline uhagarariye Motel La Viva yafashije mu guhugura aba banyeshuri mu gihe cy’amezi atandatu bari bamaze bahabwa ubumenyi, avuga ko bakiriye abo banyeshuri nyuma y’ihamagarwa ryateguwe n’Urwego rw’Igihugu rushinzwe tekiniki, imyuga n’ubumenyingiro (Rwanda TVET Board - RTB), ku nkunga y’Ikigega gishinzwe Guteza Imbere Ubumenyingiro (Skills Development Fund - SDF), iyo Motel irabisaba ndetse irabyemererwa, na yo itanga amatangazo haba mu bitangazamakuru, ku mbuga nkoranyambaga, no mu mahuriro y’abantu mu mirenge batuyemo, ko abujuje ibisabwa batanga ubusabe bwabo, hatoranywamo 20 mu babarirwa muri 40 bari basabye kwitabira ayo masomo.

Umunyeshuri yahabwaga ibyangombwa byose azakenera muri ayo mahugurwa y’amezi atandatu.

Uwase Pauline ati “Ababisabye bari benshi ariko twemererwa 20 bijyanye n’ubushobozi ikigo cyacu cyari gifite. N’ubu hari benshi bashaka ubu bumenyi usanga bakomeza kumpamagara.”

Avuga ko muri 20 bahuguwe harimo bane barangije kaminuza, hakabamo abarangije amashuri yisumbuye n’abatarayarangije. Bafashe abari mu byiciro bitandukanye kugira ngo bose bahabwe amahirwe yo kunguka ubwo bumenyi.

Ati “Hari ababa bararangije kaminuza ariko akazi ntikaboneke. Rero baraza bakigira ku murimo, ndetse na bimwe batunganyije bakabiha abakiriya.”

Uwase Pauline ari mu bafashije mu guhugura aba banyeshuri mu gihe cy’amezi atandatu

Ku bijyanye n’ubukene ndetse n’ubushomeri bivugwa mu rubyiruko, Uwase asanga iyi gahunda yaba igisubizo. Ati “Kuko iyo urebye usanga usibye kuba uwahuguwe yakora muri Hoteli cyangwa muri Resitora, na we aba ashobora kwihangira imirimo. Bafite ubumenyi bwo gutunganya ibiryo, kandi bashobora no kuba babicuruza. Nko gukora imigati, amandazi, ni ibintu bikenerwa buri munsi. Imirimo igenda yaguka, kandi kuyikora bisaba ko uba ubifitemo ubumenyi.”

Nyuma y’amasomo bahawe mu mezi atandatu, bahamya ko ubu bafite ubumenyi buhagije mu gutegura amafunguro

Uwase Pauline ashimira Leta itekereza igikenewe ku baturage bayo igaha amahirwe abiganjemo urubyiruko ndetse n’ibigo bibahugura, kandi ikabaha n’ubushobozi bwo kubafasha kwihangira imirimo. Yasabye abanyeshuri bahuguwe ko ubumenyi bungutse batazabupfusha ubusa, ahubwo bakabushyira mu bikorwa, bakazana impinduka.

Ibi byagarutsweho na ACP Toussaint Muzezayo ushinzwe ibikorwa byo gukumira no kurwanya magendu, ibiyobyabwenge, n’ibindi byaha byateguwe (Commissioner for Anti-Smuggling and Organized Crimes) mu kiganiro inzego zitandukanye z’ubutabera n’iz’umutekano zagiranye n’itangazamakuru kuri uyu wa Mbere tariki 09 Gashyantare 2026, ikiganiro cyibanze ku kurwanya ruswa mu nkiko.

ACP Toussaint Muzezayo yavuze ko Polisi ikirimo kugenzura niba nta bandi baba bakiri muri iyo rigole.

Aba bantu bakimara kwinjira muri rigole, hahise hashyirwa uburinzi bw’inzego z’umutekano zitegereza ko basohokamo. Umwe muri bo ni we byatangajwe ko yasohotsemo nyuma y’iminsi itatu saa munani z’ijoro, asohoka asaba amazi yo kunywa.

Abantu bakomeje kwibaza niba undi yaba akirimo, cyangwa niba nta buryo bwakoreshwa kugira ngo akurwemo, ariko kuri uyu wa Mbere Polisi yamaze impungenge abibaza irengero ry’uwo wa Kabiri, ivuga ko na we yavuyemo.

Muri bo harimo abacamanza, abanditsi, n’abandi mu byiciro bagera ku baturage.

Iyi ni imibare yatangajwe na Perezida w’Urukiko rw’Ikirenga, Hon. Mukantaganzwa Domitilla, ubwo yatangizaga Icyumweru cyahariwe kurwanya ruswa mu nkiko kuri uyu wa Mbere tariki 9 Gashyantare 2026.

Hon Mukantaganzwa, yagize ati “Iyi ni imibare igaragaza ko ruswa itihanganirwa, ariko si na ruswa gusa, ahubwo imyitwarire yose itari myiza ntiyihanganirwa.”

Yibukije abagana inkiko ko ubutabera ari uburenganzira bwabo ko butagurwa.

Icyumweru cyahariwe kurwanya ruswa mu nkiko kirizihizwa ku nshuro ya 16 ku nsanganyamatsiko igira iti “Serivisi mbi ni icyuho cya ruswa.”

Kiba mu cyumweru cya kabiri cy’ukwezi kwa Gashyantare buri mwaka.

Uru rugendoshuri rwateguwe na kompanyi nyarwanda ya Oldfox Tours and Travel ku bufatanye n’Umurenge wa Rubona. Oldfox ni kompanyi isanzwe itegura ingendoshuri ziganjemo iza Gikristo nk’izo ku butaka butagatifu bwo muri Isirayeli, Egiputa na Turikiya no mu gihugu cy’u Rwanda by’umwihariko mu rwego rwo gufasha ibyiciro bitandukanye gusobanukirwa amateka y’igihugu.

Urugendoshuri rw’aba baturage rwakozwe muri iki gihe u Rwanda rwizihiza ubutwari bw’Abanyarwanda batanze ubuzima bwabo kugira ngo babohore Abanyarwanda ingoyi y’imiyoborere mibi, akarengane, itotezwa n’ubwicanyi bwakorerwaga Abatutsi.

Abitabiriye uru rugendo bari bagizwe n’abayobozi bo mu nzego z’ibanze, abarimu, ababyeyi bakuze, n’urubyiruko rw’abanyeshuri. Bakigera ku mupaka wa Kagitumba bakiriwe n’umuyobozi ushinzwe gusobanura iby’amateka y’urugamba rwo kubohora Igihugu.

Urugendoshuri rwaranzwe n’ibikorwa bitatu: gusura umupaka wa Kagitumba aharasiwe isasu rya mbere ryo gutangiza urugamba ryo kubohora Igihugu ku itariki ya 01 Ukwakira 1990 nyuma y’uko ingabo za RPA zari zihawe amabwiriza n’Umugaba w’Ingabo, Major General Fred Gisa Rwigema.

Hasuwe n’umusozi wa Nyabwishongwezi aho Major General Rwigema yarasiwe arapfa, ndetse hasurwa agace ka Gikoba mu Murenge wa Tabagwe ahaherereye ubutaka bwiswe ‘Agasantimetero’ ari bwo butaka bwa mbere bwafashwe n’ingabo za RPA.

Basuye n’indaki ya mbere y’Umugaba Mukuru w’Ingabo za RPA-Inkotanyi, Major General Paul Kagame yubatswe mu gihe ingabo za RPA zarimo zisuganya ngo zihindure uburyo bw’imirwanire.

Kanyana Mutoni Nikita w’imyaka 17 ni umunyeshuri muri Agahozo Shalom Youth Village. Yavuze ko umurava n’ubutwari byaranze ingabo za RPA zabohoye Igihugu byamusigiye umukoro wo gutera ikirenge mu cyabo cyane ko aho Igihugu ubu gifite ibyo urubyiruko rukeneye bihagije.

Mutsinzi Theophile, umuturage wa Rubona, avuga ko kwigira amateka aho yabereye bizamufasha gushishikariza inshuti n’abaturanyi kugira uruhare mu kurushaho kugira uruhare mu gusigasira ibyiza Igihugu kimaze kugeraho.

Mukashyaka Chantal , Umunyamabanga Nshingwabikorwa w’Umurenge wa Rubona, yavuze ko gusobanukirwa amateka y’urugamba rwo kubohora igihugu bifasha abaturage kurushaho gukunda igihugu no kubitoza abazabakomokaho.

Uwera Winnie, Umuyobozi Mukuru w’Ikigo gitegura ubukerarugendo Oldfox, yavuze ko kumenya amateka y’Igihugu by’umwihariko ubutwari bwaranze ababohoye Igihugu bifasha Umunyarwanda wese kugira ishyaka n’umurava mu byo akora byose adacika intege ndetse akarinda neza ibyagezweho.

Oldfox Tours and Travel ifite intego yo gukora ingendoshuri nyinshi mu rubyiruko, abikorera, imiryango itari iya Leta n’ibindi byiciro byo mu nzego za Leta kugira ngo basobanukirwe amateka y’Igihugu bamenye aho kiva n’aho kigana.

Uru rugendo ni urwa kabiri nyuma y’uko basuye aho urugamba rwo kubohora Igihugu rwatangiriye i Kagitumba ndetse bagera no ku musozi wa Nyabwishongwezi umwanzi yarasiyeho Major General RWIGEMA Gisa Fred. Uru rugendo barusoreje i Gikoba ahazwi mu mateka y’urugamba rwo kubohora Igihugu nko ku Gasantimetero.

Bavuga ko gusura ahantu nk’aha biri mu mujyo wo kugira ngo buri Munyarwanda wese by’ umwihariko abatuye mu Kagari ka Ngoma, aya mateka yaranze urugamba rwo kubohora Igihugu ajye akomeza kubaha imbaraga mu bikorwa byose bakora, babikorane ubwitange, ubushake no gukunda Igihugu mu rwego rwo gukomeza kubaka u Rwanda rwifuzwa, ruzira amacakubiri, no gukomeza kubumbatira Ubumwe n’Ubudaheranwa bw’Abanyarwanda.

Intego nyamukuru y’ uru rugendo kandi ngo ni ukurushaho kumenya no kuzirikana amateka yaranze urugamba rwo kubohora Igihugu, kugira ngo bikomeze byongerere imbaraga buri Munyarwanda wese mu rugendo rwo kwigira no mu guteza imbere Igihugu cye muri rusange byose bishingiye mu gukomeza kubumbatira ubumwe n’ubudaherwa mu bikorwa bya buri munsi.

Abitabiriye uru rugendo bavuga ko by’umwihariko rugamije kwimakaza Umuco w’ Ubutwari mu rubyiruko, Kubumbatira Ubumwe n’Ubudaheranwa bw’Abanyarwanda, Kwigira ku mateka no gushimangira umuco w’ubwitange mu guteza imbere u Rwanda, Gukomeza kwanga ikibi cyasubiza u Rwanda mu mateka mabi, no Kurwanya Ingengabitekerezo ya Jenoside.

Iki gikorwa cyakorewe ku Mulindi w’ Intwari, mu Karere ka Gicumbi, mu Ntara y’ Amajyaruguru tariki 02 Gashyantare 2026 cyitabiriwe n’Abaturage batuye mu Midugudu itandukanye igize Akagari ka Ngoma bahagarariye abandi mu byiciro bitandukanye(abakuze n’urubyiruko), ibigo bitandukanye by’abikorera, ndetse n’abandi baturutse mu tundi tugari tugize Umurenge wa Kicukiro bifuje kwifatanya n’abaturage bo mu Kagari ka Ngoma, mu kwiga amateka y’urugamba rwo ku bohora u Rwanda.

Umuyobozi muri Minisiteri y’Abakozi ba Leta n’Umurimo ushinzwe Umurimo, Musonera Abdou, yabigarutseho ubwo yavugaga ku rubuga rw’ikoranabuhanga ‘Kazispace’ ruhuza abashaka akazi, abakora imirimo iciriritse n’abatanga akazi.

Yagize ati “Niba kompanyi irimo gutera imbere kandi ikaba irimo kuzana impinduka zifatika, dushobora kureba uko twakorana na bo.”

Ibi yabigarutseho mu gihe Inama y’Abaminisitiri yateranye tariki 28 Mutarama 2026 yagejejweho ibyerekeye urubuga rukusanya rukanasesengura amakuru ku Isoko ry’Umurimo (Labour Market Information System - LMIS), rugamije gufasha mu igenamigambi no kwihutisha iterambere ry’ubukungu bw’Igihugu.

Dieudonné Tumukunde Bizagwira washinze akaba ari na we muyobozi mukuru wa Kazispace, ubwo yari mu gikorwa gitegurwa n’Umujyi wa Kigali cyizwi nka JobNet gihuza abashaka akazi, abashaka kwimenyereza umwuga, abakeneye amahugurwa ndetse n’abatanga akazi, yasobanuye ko urubuga rwa Kazispace rukoresha uburyo bw’ikoranabuhanga bugezweho mu guhuza abakozi n’abakoresha kandi bizewe, mu ngeri nyinshi z’imirimo.

Yagize ati “Mu gukemura ibibazo by’ubushomeri, ndetse n’uburyo bwo gutanga akazi butanoze, urubuga Kazispace rutuma abashaka babasha kubona akazi keza, rugafasha n’abakoresha kubona impano zizewe vuba kandi mu buryo buhendutse.”

Dieudonné Tumukunde Bizagwira washinze akaba ari na we muyobozi mukuru wa Kazispace

Uru rubuga rufasha abashaka akazi k’igihe kirekire n’ak’igihe gito, mu rwego rwo kudaheza buri wese ukeneye akazi.

Kuri ubu urubuga Kazispace rukorera mu Rwanda, ariko rurateganya kwagurira ibikorwa byarwo muri Uganda, Kenya, Tanzania, Burundi na Repubulika Iharanira Demokarasi ya Congo. Tumukunde avuga ko bateganya ko ruzaba rukorana n’ibihugu byose bya Afurika bitarenze mu mwaka wa 2027.

Abantu bifuza kumurika ubumenyi bafite, ndetse n’ibigo bya Leta n’ibyigenga bikenera abakozi bishobora gufungura konti kuri uru rubuga https://kazispace.com/ bakuzuzamo amakuru y’ingenzi asabwa.

Abafite ubumuga bishimira ko guhurira hamwe bibakura mu bwigunge ahubwo bakaganira ku mishinga ibateza imbere

Bamwe mu bafite ubumuga bemeza ko kwibumbira mu matsinda hamwe na bagenzi babo byabafashije kwiteza imbere. Umwe muri bo ni uwitwa Mujawamariya Vanantie wo mu Karere ka Musanze. Avuga ko kuva atangiye kujya mu matsinda yo kugurizanya byamuhinduriye ubuzima.

Yagize ati “Bampaye amafaranga ibihumbi bitanu, ndagenda nyaguramo inkwavu eshatu, ebyiri z’ishashi n’imwe y’isekurume. Zarabyaye zigera ku nkwavu 12. Narazigurishije nguramo icyana cy’ingurube. Ubu nkimaranye umwaka, ku isoko ntibabura kumpa ibihumbi nka 50 cyangwa 40”

Habumugisha André utuye mu Karere ka Rwamagana, we yagize ati “Natangiye mu itsinda nguzamo amafaranga ibihumbi 35. Ikintu nakoze nayaguzemo intama nyuma ndayorora irabyara, kugeza ubu mfite intama eshanu kandi zahinduye uko nari mbayeho. Ubu mbona ifumbire yo gushyira mu buhinzi.”

Umunyamabanga Nshingwabikorwa wa NUDOR, Nsengiyumva Jean Damascene, avuga ko kuva mu mwaka wa 2013 iri huriro ryafashije abafite ubumuga barenga ibihumbi 60 kwibumbira mu matsinda abafasha kwiteza imbere. Buri tsinda riba ririmo abantu bari hagati ya 20 na 30.

Umunyamabanga Nshingwabikorwa wa NUDOR, Nsengiyumva Jean Damascene

Yagize ati “Kuva icyo gihe kugeza ubu tumaze gushinga amatsinda arenga 2,400 bamaze kwizigamira Miliyari imwe na Miliyoni 45. Muri ayo mafaranga, Miliyoni 805 barazikoresha mu kugurizanya no mu gukora ibikorwa bibateza imbere. Hari n’abo twafashije kwimenyereza umurimo mu bikorera. Ibyo byumvikana ko na bo barimo batera imbere. Hari n’abandi 68 na bo turimo dufasha kwihangira umurimo mu rubyiruko.”

Nsengiyumva yongeyeho ati “Birumvikana ko hari aho bageze, nabaha nk’urugero ko hari abafite ubumuga bakoresha abatabufite. Bigaragara ko umuntu ufite ubumuga na we afite uruhare mu iterambere ry’Igihugu, kuko mu bikorwa bakora barasora.”

Umuyobozi Mukuru w’Ihuriro ry’Imiryango y’abantu bafite ubumuga mu Rwanda, Dr. Mukarwego Beth Nasiforo, we agaragaza ko nubwo hamaze guterwa intambwe ishimishije, urugendo rwo guteza imbere abafite ubumuga rugikomeje.

Dr. Mukarwego Beth Nasiforo uyobora NUDOR ashima intambwe igezweho ariko akagaragaza ko hakenewe ubushobozi bwisumbuyeho bwabafasha kugera no ku bandi bo mu cyaro cyangwa bo mu mujyi kugira ngo bose bashobore kwiteza imbere

Yagize ati “Iyo urebye abafite ubumuga ubu ngubu, ugatekereza n’uko bari babayeho mu myaka ishize ubona ko bamaze kuzamuka kugera nko kuri 70% cyangwa 60%. Turacyafite urugendo rwo gufasha n’abandi. Tubonye ubushobozi twakongera umubare kugira ngo n’abandi bo mu cyaro cyangwa bo mu mujyi bose bashobore kwiteza imbere.”

Iterambere ry’abantu bafite ubumuga ryagarutsweho mu nama yahurije hamwe abagize ihuriro ry’imiryango y’abantu bafite ubumuga mu Rwanda (NUDOR) n’abafatanyabikorwa baryo tariki 31 Ukuboza 2025, aho bareberaga hamwe ibyakozwe mu guteza imbere abafite ubumuga mu byiciro bitandukanye.

NUDOR n’abafatanyabikorwa bahuriye mu nama yo kurebera hamwe akamaro k’amatsinda ahuriramo abafite ubumuga mu iterambere ryabo

Yagize ati “Iki ni igikorwa cy’amarushanwa yo gufata mu mutwe Korowani ndetse no gusobanura inyigisho z’intumwa y’Imana Muhammad zizwi ku izina rya Hadith (imvugo z’intumwa y’Imana ndetse n’ibikorwa yakoze), twita Imigenzo y’Intumwa y’Imana, bikaba rero ari hamwe dukomora inyigisho zacu ndetse n’ibikorwa dukora mu idini yacu ya Islamu. Aya marushanwa kuyategura bisanzwe biri muri gahunda dukora, ariko by’umwihariko kuri iyi nshuro ni uko twayafatanyije na Minisiteri Ishinzwe Ibikorwa by’Idini ya Isilamu n’ivugabutumwa mu gihugu cya Saudi Arabia.”

Ati “Ni urwego dusanganywe ubufatanye, ariko muri iyi minsi tukaba turi kongera ubufatanye. Turabashimira cyane, kandi tukaba twizeye ko hari n’ibindi byinshi turimo tuganiraho ku bufatanye bundi burenze ibi ngibi, kuko ni Minisiteri ishinzwe ibikorwa by’idini ya Islamu ndetse n’ivugabutumwa, kandi igira ibikorwa bitandukanye byinshi ikora ku rwego mpuzamahanga, rero natwe turimo kugirana ibiganiro bizatugeza ku bufatanye burambye.”

Ayo marushanwa yitabiriwe n’urubyiruko 24 rw’Abayislamu n’Abayislamukazi bo mu Rwanda baturutse mu Ntara no mu Turere dutandukanye. Barushanyijwe gusoma Korowani mu mutwe guhera ku cyiciro cy’abafashe mu mutwe amajuzu (ibice) 30, Amajuzu 15 ndetse n’abafashe Amajuzu atanu (5). Iki cy’Amajuzu atanu cyari kirimo abana batarengeje imyaka 12 y’amavuko.

Sheikh Al- Hafidh Nahayo Ramadhan, Umuyobozi w’Ishami rya Korowani mu Muryango w’Abayislamu mu Rwanda, avuga ko ayo marushanwa ari ku nshuro ya mbere yabereye mu Rwanda, ku bufatanye na Minisiteri y’Ibikorwa bya Kisilamu n’Ibwirizabutumwa muri Saudi Arabia.

Yagize ati “Turashimira Mufti w’u Rwanda, Sheikh Musa Sindayigaya, kubera kubaka imikoranire myiza n’abo bafatanyabikorwa bo muri Saudi Arabia, kuba aya marushanwa yarateguwe ku nshuro ya mbere iwacu, icyo bitumarira ni uko biduha gukomeza gutegura abana bacu no kureba igipimo bariho kugira ngo ya marushanwa mpuzamahanga iyo aje noneho babashe kuduhagararira neza, kandi biciye mu mucyo.”

Ku buzima bw’idini na bwo ngo ayo marushanwa arafasha kuko bituma abayitabira bagumana za ndangagaciro z’idini ya Islamu, bakabanirana neza abo bahuje n’abo badahuje imyemerere, bakumva ko bose ari Abanyarwanda, ndetse ko badakwiye kugirirana nabi. Bibarinda no kuba bagwa no mu bizwi nk’ubuhezanguni.

Sheikh Al- Hafidh Nahayo Ramadhan ashima amahirwe Igihugu cy’u Rwanda gishyiriraho abantu b’imyemerere itandukanye. Ati “Mu by’ukuri dufite Igihugu cyiza tunashimira inzego z’umutekano, uburyo ziducungira umutekano, abana bacu bakiga Korowani hirya no hino mu Gihugu. Ni ukubera umutekano Igihugu gifite ndetse n’imbaraga z’Imana, ni yo mpamvu tubashishikariza ko umutekano tugomba kuwusigasira kugira ngo Umunyarwanda wese atekane yaba uri mu idini ya Islamu ndetse no mu yandi madini. Tunashimira Umukuru w’Igihugu ugenda atanga umurongo utuma uwinjira mu gihugu cyacu agaragaza ko acyishimiye.”

Umuyobozi w’Idini ya Islam mu Rwanda (Mufti), Sheikh Musa Sindayigaya, avuga ku bijyanye n’amarushanwa, yagize ati “Ikidushimisha ni uko harimo urubyiruko rw’abahungu n’abakobwa, bikaba bitanga icyizere ku bwitabire, urukundo n’umurava byo kwiga Korowani. Gusoma Korowani kandi babifatanya no kwiga andi masomo mu mashuri asanzwe. Ibyo tubona ari intambwe nziza cyane kuko n’urubyiruko rwacu ruri mu mashuri, bigaragara ko na rwo rwitabira gahunda zo gusoma no gufata mu mutwe Korowani, kandi ntibibabuze no kwiga ubundi bumenyi mu mashuri.”

Yongeyeho ati “Mu by’ukuri umuntu ufata Korowani mu mutwe, buriya Korowani igira ibice 30. Buri gice kigira nibura impapuro icumi (ubwo ni paji 20) ukubye ibice 30 ni ukuvuga ngo ni amapaji 600. Rero kuzifata mu mutwe umuntu akaza akicara imbere y’akanama gashinzwe kubaza, bakamubaza aho ari ho hose atarambuye igitabo ari mu mutwe, urumva uwo muntu ufata mu mutwe paji 600, ntabwo wambwira ngo hari irindi somo ryamunanira mu masomo asanzwe. Ubwonko bwe n’ubwenge bwe buba butyaye kubera ko aba yaratojwe rwose. Aba bana ugiye no kureba no mu yandi mashuri biga baratsinda kandi cyane. Icyo ni ikintu cyiza cyane, hanyuma korowani ikaba ikubiyemo indangagaciro zibafasha no kubayobora mu buzima bwa buri munsi bw’imyemerere yabo.”

Abahize abandi mu gusoma Korowani mu mutwe bahembwe

Abarushije abandi muri aya marushanwa bahabwa ibihembo bigizwe n’amafaranga. Kuri iyi nshuro, Abarushanijwe muri Hadith 40 z’intoranwa, uwahize abandi ni Ndikumana Shaffi wahembwe ibihumbi ijana na mirongo ine (140,000 Frw) by’amafaranga y’u Rwanda. Yakurikiwe na Itangukwishaka Mudjahid n’amanota 99.5 atahana ibihumbi 120 y’u Rwanda.

Mu marushanwa ya Korowani icyiciro cy’amajuzu atanu, uwahize abandi ni Manishimwe Joshua Issa n’amanota 98.5% yegukana igihembo cy’amafaranga y’u Rwanda ibihumbi 290. Mu cyiciro cy’amajuzu 15 uwahize abandi ni Niyomutoni Madina n’amanota 99.16%, yegukana igihembo cy’amafaranga y’u Rwanda ibihumbi 340. Naho icyiciro cy’amajuzu 30 uwahize abandi ni Nizeyumuremyi Yazidi n’amanota 99.50% akaba yegukanye akayabo k’amafaranga y’u Rwanda ibihumbi 440.

Usibye ababaye aba mbere n’abandi barushanyijwe bagiye bahabwa ibihembo bitandukanye. Bitewe n’uko bagiye barushanwa.

Andi mafoto:

Muri rusange abakiriya ba MTN Rwanda bakomeje kwiyongera. Kuri ubu mu Rwanda abarenga Miliyoni umunani n’ibihumbi ijana bakoresha umuyoboro wa MTN Rwanda, mu gihe mu mwaka ushize mu gihembwe cya gatatu bari Miliyoni zirindwi n’ibihumbi 600.

Umuyobozi ushinzwe Imari muri Sosiyete ya MTN Rwanda, Dunstan Ayodele Stober, ubwo yari mu kiganiro n’abanyamakuru i Kigali

Iyi ni imwe mu mpamvu MTN Rwanda yiyemeje kwagura ibikorwa no gukomeza kugeza ku Rwanda ibyiza byinshi, guhanga udushya cyane cyane mu bijyanye n’ikoranabuhanga, bagamije kurushaho gutanga serivisi nziza.

Kuba mu mwaka ushize haragiye habaho ingorane mu mikorere imwe n’imwe, ibyo byatumye hafatwa ingamba zikomeye z’imikorere hagamijwe gutanga serivisi zinoze, kandi zigirira akamaro abakiriya ba MTN Rwanda.

Zimwe muri izo ngamba harimo kwagura uburyo bw’itumanaho cyane cyane bwerekeranye no gukoresha Internet yihuse ya 4G. Umuyobozi ushinzwe Imari muri MTN Rwanda, Dunstan Ayodele Stober, agaragaza ko nko mu gihembwe kimwe (mu mezi atatu) hari ahantu (sites) hasaga 150 hagejejwe Internet ya 4G, akizeza ko mu gihembwe cya mbere cy’umwaka utaha sites zose za MTN Rwanda zirenga 1,400 zizaba zagejejweho ubushobozi bwo gukoresha Internet ya 4G. Iki ni igisubizo ku bakiriya ba MTN Rwanda bagaragaje kwinubira Internet itari nziza ya MTN.

Mu zindi ngamba za MTN Rwanda, harimo uburyo bwitwa ‘Tunga Taci’ bufasha abakiriya badafite amikoro ahambaye gutunga telefone igezweho mu buryo bworoshye, aho uyishaka ayihabwa, akajya yishyura mu byiciro, mu mezi atandatu cyangwa cumi n’abiri.

Ubu buryo ngo bwizweho neza hashingiwe ku bundi busa na bwo bwariho mu bihe byashize ariko buza guteza igihombo kibarirwa muri Miliyari enye z’amafaranga y’u Rwanda, kuri iyi nshuro hakaba ngo nta mpungenge ziriho kuko abafatanyabikorwa muri ubu buryo bwo gutanga telefone mu buryo bw’inguzanyo bizewe.

Nyuma y’igihe gito ubu buryo butangijwe, bwitabiriwe n’abasaga ibihumbi bibiri, iki kikaba ari ikimenyetso kigaragaza ko buzafasha benshi gutunga telefone zigezweho, kandi binyuze mu mucyo.

Gahunda ya “Tunga Taci” kandi ikorana na Mobile Money (MoMo) kuko uwahawe telefone muri ubwo buryo yishyura akoresheje MoMo, bityo serivisi zombi zo kongera umubare w’abatunze telefone ndetse n’abakoresha MoMo zikazamukira hamwe.

Mu zindi ngamba MTN Rwanda ifitiye abakiriya bayo, harimo gushishikariza abaturage gukoresha uburyo bwo kutagendana amafaranga mu ntoki, ahubwo bakayoboka uburyo bwo gukoresha ikoranabuhanga rya telefone mu kwakira no kohereza amafaranga, kuko umutekano wayo ari bwo uba wizewe kuruta kuyatwara mu ntoki.

Ibi bizajyana no kongera umubare w’abacuruzi bakorana na MTN Rwanda, abazwi nk’aba Agents, ku buryo ubakeneye ababona hafi ye, cyane cyane mu bice by’icyaro.

MTN Rwanda igaragaza ko abafatabuguzi bakoresha umuyoboro wayo (mobile subscribers) biyongereyeho 6.9% mu gihembwe cya gatatu cy’umwaka wa 2025, bagera kuri Miliyoni umunani n’ibihumbi 100 mu gihe mu mwaka ushize muri icyo gihembwe bari Miliyoni zirindwi n’ibihumbi 600. Abakoresha Internet ya MTN na bo biyongereyeho 7.5% bagera kuri Miliyoni ebyiri n’igice. Abakoresha Mobile Money (MoMo) biyongereyeho 12.2% bagera kuri Miliyoni eshanu n’ibihumbi 800.

VIDEO - @MTNRwanda igaragaza ko abakoresha umurongo wayo (Mobile Subscribers) biyongereyeho 6.9% mu gihembwe cya gatatu cy’umwaka wa 2025, bagera kuri Miliyoni umunani n’ibihumbi 100 mu gihe mu mwaka ushize muri icyo gihembwe bari Miliyoni zirindwi n’ibihumbi 600. Abakoresha… pic.twitter.com/0Ek6zUpvZK

— KT Radio (@ktradiorw) November 5, 2025

VIDEO - Umuyobozi ushinzwe Imari muri MTN Rwanda, Dunstan Ayodele Stober, ashimira abakiriya, abafatanyabikorwa n’abandi bantu bose bakomeje guhitamo MTN, akizeza ko bazakomeza kugeza ku Rwanda ibyiza byinshi, bahanga udushya cyane cyane mu bijyanye n’ikoranabuhanga, bagamije… pic.twitter.com/Ex3uiXoLVx

— KT Radio (@ktradiorw) November 5, 2025

Itangazo uyu mutwe urwanya Leta ya Kinshasa wasohoye, rivuga ko imbunda ziremereye n’indege zidatwarwa n’abapilote zarashe ibisasu byinshi mu baturage mu bice bya Kibati, Bibwe, Nyabiondo, Bukombo no mu nkengero zaho.

Ubu bushotoranyi bwatumye abaturage barimo abana n’abagore bahasiga ubuzima, abandi barakomereka ndetse benshi bakurwa mu byabo barahunga.

AFC/M23 ivuga ko Kinshasa yatanze ubutumwa bw’uko yatesheje agaciro imbaraga zose zashyizwe mu biganiro by’amahoro, ahubwo ko icyo ishaka ari intambara ku baturage bayo.

AFC/M23 isanga nta kindi yakora usibye kwirwanaho. Yatangaje kandi ko igiye gukoresha imbaraga zishoboka mu kurinda umutekano w’abaturage, no guhangana n’ubutegetsi bubi bwa Kinshasa.

Ibi bibaye mu gihe impande zombi ku bufatanye n’abahuza barimo igihugu cya Qatar, barimo gushakisha uko hasinywa amasezerano y’amahoro bityo intambara igahagarara.

Icyiciro cya mbere cy’abantu 130 bagiye guhugurwa mu gihe cy’amezi atandatu

Ayo mabwiriza ateganya ko umuyobozi w’urusengero cyangwa w’umusigiti agomba kuba afite impamyabumenyi ya Kaminuza mu bumenyi bw’Idini yakuye muri kaminuza izwi kandi yemewe, cyangwa akaba afite impamyabumenyi ya kaminuza mu bundi bumenyi ariko yarakoze n’amahugurwa mu by’iyobokamana muri kaminuza yemewe, izo nyigisho yarazize mu gihe cy’amasaha atari munsi ya 1,200.

Mu Rwanda hari Aba Sheikh 130 gusa bujuje ibisabwa mu gihe hari imisigiti 456 hakaba hakenewe abarenga 300.

Nubwo hari ibindi insengero n’imisigiti byafunzwe byari byasabwe kuzuza, amabwiriza yo kugira abayobozi bujuje ibisabwa na yo yaje ari inyongera kuri ibyo byari byasabwe mbere.

Mu gutangiza ayo mahugurwa ku mugaragaro muri Kaminuza ya UTB, Umuyobozi w’Idini ya Islamu mu Rwanda (Mufti), Sheikh Musa Sindayigaya, yagize ati “Turi hano rero kugira ngo twubahirize iri bwiriza. Ni yo mpamvu twashatse abafatanyabikorwa barimo Kaminuza ya UTB, umuyobozi wayo turamushimira by’umwihariko n’abo bafatanya kuba baremeye ko izaberamo aya mahugurwa.”

Mufti w’u Rwanda, Sheikh Musa Sindayigaya (hagati) hamwe n’abandi bayobozi barimo abahagarariye Kaminuza za UTB na IUIU batangije ku mugaragaro amahugurwa ya ba Imam

Yongeyeho ati “Kubera ko mu Rwanda nta Kaminuza ihari yigisha amasomo y’Idini ya Islamu, byabaye ngombwa ko dushaka abafatanyabikorwa mu mahanga, tubona Islamic University in Uganda (IUIU) iherereye mu Mujyi wa Mbale mu Burasirazuba bwa Uganda, tujyayo turaganira tubereka ikibazo dufite, bemera kutwakira, no gukorana mu gutanga aya mahugurwa dutangije azatangwa n’abarimu baho, rero turabashimira cyane.”

Ku ikubitiro, iki cyiciro cyiyandikishijemo abazahugurwa bagera ku 130 baturutse ku misigiti babarizwamo mu Turere 27 two hirya no hino mu Rwanda. Bazajya biga kuva ku wa Mbere kugeza ku wa Kane nyuma y’akazi mu buryo bw’ikoranabuhanga, bigishwa n’abarimu bamwe bari muri Uganda, abandi bari mu Rwanda. Ku wa Gatandatu no ku Cyumweru bazajya bigira muri Kaminuza ya UTB iri i Kigali kuva mu gitondo kugeza saa kumi n’imwe z’umugoroba.

Hari icyizere ko nibarangiza ayo masomo mu gihe cy’amezi atandatu, mu Rwanda umubare w’abujuje ibyangombwa byo kuyobora umusigiti uzaba wiyongereye. Iki gikorwa kandi kiri mu bizafasha ya misigiti yafunzwe gufungurwa.

Bashyize umukono ku masezerano y’ubufatanye muri iki gikorwa

Abagiye guhugurwa barangije za Kaminuza mu bundi bumenyi, bakaba bagiye guhugurwa mu bumenyi bw’idini. Harimo abafite za PhD, Master’s na Bachelor’s . Ubuhanga n’ubunararibonye basanganywe bwitezweho kuzana impinduka mu misigiti no kuzana iterambere muri rusange mu muryango mugari w’Abayislamu mu Rwanda.

Umuryango w’Abayisilamu mu Rwanda (RMC) uvuga ko ayo mahugurwa azamara amezi atandatu, azatwara Amadolari ya Amerika asaga ibihumbi 209 harimo amafaranga y’ishuri azishyurwa Kaminuza zemeye kubigisha (tuition fees) no kubafasha mu myigire yabo. Harimo kandi ayo kwishyura ingendo n’amacumbi by’abarimu n’abanyeshuri.

Mu ntego uwo muryango ufite harimo harimo kureba uko wagira kaminuza ya Kislamu mu Rwanda yigisha amasomo asanzwe ariko ikagira n’amasomo y’inyigisho z’Idini yakenerwa n’abashaka kuba ba Imam.

Abajijwe icyo avuga ku batekereza ko kwigisha ibyerekeranye n’ijambo ry’Imana ari umuhamagaro n’impano, ko bidasaba kujya kubyiga mu ishuri, Mufti w’u Rwanda, Sheikh Musa Sindayigaya, yagize ati “twebwe mu myemerere y’Idini ya Islamu ibyo ntabwo tubyemera. Ntabwo twemera ko hari abandi bantu bagihabwa ubutumwa bw’Imana ngo bahabwe uwo muhamagaro, ubutumwa bw’Imana bwasoreje kuri Muhammad (Imana imuhe amahoro n’imigisha), ibisigaye abandi ni ukubyiga bakagira ubumenyi. Nk’uko umuntu atavuga ngo ngiye kuvura atarize uby’ubuvuzi, nk’uko atavuga ngo agiye gukora iby’indege cyangwa imodoka atarabyigiye, no kwigisha no kubwiriza ubutumwa bw’Imana na byo bisaba kuba umuntu yarabyigiye. Twebwe rero icyo tuvuga ni uko dushyigikiye aya mabwiriza, kuko aba agamije kugira ngo abantu bahabwe ubutumwa bw’imyemerere, ariko babuhabwe n’umuntu ubizi, uzi icyo avuga n’igihe akivugira n’uburyo agomba kukivuga. Ntabwo twemera ko umuntu yahabwa umuhamagaro n’Imana atarabyigiye, ntabwo byashoboka.”

VIDEO – RGB iherutse gusaba ko umuyobozi w’urusengero cyangwa w’umusigiti agomba kuba afite impamyabumenyi ya Kaminuza, yaranahuguwe mu by’iyobokamana. Ese kwigisha ijambo ry'Imana ni umuhamagaro? Ni impano y'Imana? Cyangwa ni ubumenyi bwigwa mu ishuri? Umva icyo Umuyobozi… pic.twitter.com/61qKaFx5kF

— KT Radio (@ktradiorw) October 16, 2025

Mitali Lydia, umukozi wa YWCA

Mitali Lydia, umukozi wa YWCA, avuga ko uwo mushinga ugamije guharanira iterambere ry’umukobwa n’umugore ukiri muto.

Ati “Uyu mushinga waje ari igisubizo cyo gufasha abana b’abakobwa, ababyariye iwabo n’abafite ubumuga, kugira ngo babone amahirwe yo kugana muri za kaminuza. Ni abana baba batsinze neza ibizamini bya Leta mu masomo ya Siyansi (STEM), imyuga n’ubumenyi ngiro.”

Usibye kubafasha mu myigire, banabahuriza hamwe mu mwiherero. Abaganiriye na Kigali Today bari bahurijwe mu mwiherero w’iminsi itatu (Summer Camp) i Kigali kuva tariki 12-14 Nzeri 2025, aho bahura bagahabwa impanuro z’imyitwarire ikwiye kubaranga, ndetse bakanidagadura. Ni abakobwa 51 biga muri Kaminuza Gatolika y’u Rwanda (CUR) iherereye mu Majyepfo.

Mbere yaho mu cyumweru cyabanje kandi bari bahurije mu mwiherero abandi bakobwa 53 baturutse mu ishuri rikuru rya INES Ruhengeri na Muhabura Integrated Polytechnic College.

Kugira ngo bahitemo abo bafasha, bakorana na Minisiteri y’Uburezi, bagashyiraho ibyangombwa umuntu ufashwa n’uwo mushinga agomba kuba yujuje.

Raporo zigaragaza ko abakobwa biga Siyansi, Imyuga n’Ubumenyi ngiro muri Siyansi ari bacye. Ni na yo mpamvu uwo mushinga ufasha abana b’abakobwa bajya muri za kaminuza ariko ukibanda muri ayo masomo bigaragara ko abakobwa bayiga bakiri bacye.

Mu mwiherero bahabwa impanuro z’uko bagomba kwitwara neza

Uwo mushinga kandi ukorana na Kaminuza y’u Rwanda ndetse n’izigenga, bakagirana amasezerano (agreement) y’imikoranire y’uburyo impande zombie zizafatanya mu kwita ku burezi bw’abo bakobwa.

Uyu mushinga ukorera mu turere 10 turimo Bugesera, Kayonza, Muhanga, Kamonyi, Gicumbi, Musanze, Ngororero, Kicukiro, Nyarugenge na Rubavu.

Mu guhitamo abo bafasha, umushinga ukorana n’inzego z’ibanze kugira ngo zibafashe kumenya abana b’abakobwa baturuka mu miryango itishoboye bujuje ibisabwa.

Abafashwa n’uyu mushinga barashima

Mukamana Clementine ni umwe mu bafashwa n’uyu mushinga mu gihe cy’imyaka ine azamara yiga muri Kaminuza Gatolika y’u Rwanda, dore ko ubu ari mu mwaka wa mbere (Level 1) mu byerekeranye n’ubumenyi mu bya mudasobwa (Computer Science).

Afite ubumuga bw’ukuguru yagize yiga mu mashuri abanza. Nyuma yo kurangiza ayisumbuye mu ishami rya MCB (Mathematics - Chemistry – Biology), ntiyabashije kubona buruse ya Leta. Yaje kumenya amakuru ko uwo mushinga ugiye gufasha abakobwa bafite ubumuga, abatishoboye n’ababyariye iwabo, na we yandika asaba ubufasha, agira amahirwe baramwemerera.

Ati “Baduhaye ‘full scholarship’ ni ukuvuga ngo batumenyera ikintu cyose dukenera mu myigire mu gihe cy’imyaka ine. Icyo badusaba ni ugutsinda byonyine. Mbere nta cyizere cy’ubuzima bwiza twabaga dufite, ariko ubu twizeye kubaho neza mu myaka iri imbere. Nakundaga kwiga ibintu by’ikoranabuhanga none nagize amahirwe yo kubona ubufasha bwo kubyiga. Mfite inzozi zo kuzaba umuntu ukomeye mu ikoranabuhanga nkazagera kuri byinshi. Ndashimira YWCA iturihira. Imana ijye ikomeza ibaduhere umugisha.”

Yongeyeho ati “Batubwiye ko twasabye ubufasha turi abantu barenga ibihumbi bibiri ariko badufashe turi 51. Rero ni amahirwe akomeye twagize. Imana ijye ikomeza ibaturindire, isubize aho bakura, ikomeze ibahe imbaraga.”

Niyodusenga Ruth, na we ari mu bafashwa na YWCA. Yiga Computer Science muri Kaminuza Gatolika y’u Rwanda.

Niyodusenga Ruth, umwe mu bafashwa na YWCA

Niyodusenga abarirwa mu baturutse mu miryango itishoboye. Ashima ko bemeye kubafasha muri byose bakeneye mu myigire birimo kubishyurira ishuri, icumbi, n’ibibatunga. Avuga ko ibyo bibafasha kudaheranwa n’ubukene no kwiheba kubera imibereho mibi.

Ati “Abadufasha sinabona amagambo nkoresha mbibabwira, kuko ntabwo byoroshye kubona umuntu ugufata nk’umwana we, akakwitaho akakumenyera byose. Imana ijye ibaha umugisha. Natwe nitugera ku nzozi zacu tuzafasha abandi, twiture ineza batugiriye.”

Tuyishime Veronique na we ahabwa ubufasha na YWCA, mu cyiciro cy’abakobwa babyariye iwabo.

Tuyishime Veronique avuga ko ubufasha bahabwa bwabagaruriye icyizere cy’ubuzima

Ati “Uyu munsi turishimira ko hari aho twavuye n’aho tugeze kubera bo. Nyuma y’uko ndagije kwiga amashuri yisumbuye, numvaga bisa n’aho byarangiye. Twabonye itangazo rimenyesha abashaka ubufasha bwo kwiga muri kaminuza, ku bw’amahirwe turasaba baratwemerera. Twatangiye kwiga muri Werurwe 2025.”

Abadufasha turabashimira cyane, kuko twari tugeze aho twumvaga twarataye icyizere cy’ubuzima. Tubashimira n’inama baduha aho batubwira ko tutagomba gucika intege, kandi bakadusaba kwiga dushyizeho umwete.”

Mitali Lydia, umukozi wa YWCA muri uyu mushinga w’Uburezi Budaheza, yageneye ubutumwa abo bana b’abakobwa bafasha ndetse n’abandi bari hirya no hino, abashishikariza kwigirira icyizere kuko na bo bashoboye.

Ati “Abakobwa na bo bashoboye kwiga Siyansi n’ibindi bitandukanye abantu bashobora gutekereza ko abana b’abakobwa batashobora gukora. Usanga hari abantu bafite imyumvire ko umukobwa akora utuntu tworoheje (social), nyamara na Siyansi barazishoboye kuko aba dufasha baratsinda neza muri Kaminuza kandi ku manota ari hejuru. Kandi usanga biga amasomo nka Computer Science, Software Engineering, Biomedical Science and Laboratories, n’ibindi.”

Aba bakobwa bahamya ko imyumvire y’uko amasomo ya Siyansi akomera ndetse agafatwa nk’ay’abahungu ikwiye guhinduka kuko na bo bayashoboye

Ati “Rero ibi ni ibigaragaza ko abakobwa bashoboye. N’abandi bakobwa nibatinyuke bige amasomo ya Siyansi, imyuga n’ubumenyi ngiro kuko ubushobozi barabufite, icyo basabwa gusa ni ugutinyuka bakigirira icyizere.”

Yongeyeho ati “Ikindi ni uko niba uhuye n’ingorane, niba umukobwa afite ubumuga, ubuzima bwe ntabwo burangiriye aho. Agomba guharanira kumva ko izo ngorane zitagomba kumutsikamira ngo zitume atagera ku nzozi ze.”

Mitali yashishikarije abo bakobwa bafasha kwiga bashyizeho umwete, amahirwe babonye ntibayapfushe ubusa kugira ngo bazagere ku ntego zabo, bagere mu gihe cyo kwifasha ndetse na bo bafashe imiryango yabo n’Igihugu.

Umuryango Young Women’s Christian Association (YWCA) ufasha abo bana b’abakobwa ku nkunga iva muri Guverinoma ya Scotland ku bufatanye n’umuryango mpuzamahanga wa Oxfam urwanya ubukene.

Iyo bahuye bagira n’umwanya wo kwidagadura bishimira ko ubufasha bahawe bwabagaruriye icyizere cy’ahazaza heza

Icyo gikorwa kizatangira mu kwezi k’Ugushyingo 2025. Kugira ngo iyi ntego izagerweho, One Acre Fund yabanje kugirana ibiganiro n’abayobozi mu nzego z’ibanze kugira ngo bumve uruhare rwabo ndetse bazafashe mu gukangurira abaturage kwitabira gutera ibi biti no kubibungabunga.

Ibiganiro bihuza One Acre Fund n’abayobozi mu nzego z’ibanze, tariki 12 Nzeri 2025 byakomereje mu Karere ka Nyagatare mu Ntara y’Iburasirazuba, dore ko ari na hamwe mu hakenewe ibiti byinshi.

Ibiti Tubura yateye muri ako Karere kuva mu mwaka wa 2018 byatumye ubu imvura isigaye ihagwa, mu gihe mbere yabacaga hejuru ikajya kugwa mu tundi turere baturanye.

Nadege Nyirabukeye ukora muri Tubura mu ishami ry’ibiti uhagarariye Intara y’Iburasirazuba muri Porogaramu yo gutanga ibiti ku bahinzi, avuga ko nubwo usanga abahinzi bashaka cyane ibiti bya Gereveriya kuko bitanga imbaho, ibiti byose batanga bifite akamaro, agashishikariza abaturage kubikunda no kubitera.

Ati “Byose bifite akamaro kuko hari ibivamo inkwi dukoresha ducana, hari ibivamo imihembezo dukoresha dushingirira imyaka, hari n’ibidufasha kubona ifumbire. Abaturage rero bamenyereye Gereveriya kuko ari yo bazi cyane. Harimo ubundi bwoko bwinshi batamenyereye ariko bw’ingirakamaro, ni yo mpamvu dusaba abayobozi mu nzeo z’ibanze ngo babidufashemo babasobanurire akamaro k’ibyo biti, babikunde, noneho tureke no kugira ubwoko bumwe mu mirima. Ese nitwisanga mu murima dusigaranye Gereveriya gusa, byo bizatumarira iki? Hashobora kwaduka icyorezo cyibasira bya biti bimwe, tugahita tubura ibiti mu murima. Ni yo mpamvu rero dushishikariza abahinzi kugira ibiti bitandukanye ku buryo kimwe kiramutse kigize icyorezo, ibindi byaba bihari.”

Ibiti byatewe muri Nyagatare byatumye imvura igwa muri ako gace kasaga n’akagiye kuba ubutayu

Munderere Alfred, ushinzwe ubuhinzi (Agoronome) mu Murenge wa Rwimiyaga, nyuma y’ibiganiro byabahuje n’abakozi ba One Acre Fund, avuga ko hari imbogamizi zavuyeho zirimo nko kuba gutanga ibiti byakorwaga ku munsi w’isoko rya Rwimiyaga, ibi bakaba bumvikanye ko bigomba guhinduka.

Ati “Gutanga ibiti byajyaga bikorwa ku wa Mbere ku munsi w’isoko, umuturage akareba kuza gufata ibiti 12 akabihuza n’amafaranga yari bukorere ku isoko, agahitamo kutaza gufata ibyo biti. Icya kabiri, tugiye gukora ubukangurambaga bwimbitse tubugeze ku rwego rw’Isibo. Tuzakora inama zo kuri site, zo ku tugari, no ku mudugudu ndetse n’inama ku rwego rw’Umurenge n’abajyanama b’ubuhinzi, mu gutegura abaturage bateganyijwe kuzafata ibiti. Igihe cyo gufata ibiti kizagera abagomba kubifata bafite amakuru, babifate neza.”

Murindabigwi Joas, umukozi ushinzwe amashyamba mu Murenge wa Matimba, we avuga ko mbere ibiti bitaratangwa cyane na Tubura n’indi mishinga ibafasha mu gutera ibiti, bari bafite ibibazo by’izuba, bakabura imvura ndetse bakabura n’inkwi.

I Nyagatare no mu tundi turere hagiye hakorwa ibiganiro bihuza One Acre Fund n’abayobozi mu nzego z’ibanze, kugira ngo bategurire hamwe imigendekere myiza y’icyo gikorwa cyo gutera ibiti no kubibungabunga

Ati “Ingamba dukuye hano ni uko tugiye kumanuka mu mirenge tugakorana inama n’abayobozi bo ku Murenge n’abo ku Kagari, tubabwire gahunda yo gutera ibiti tuyibashishikarize, kuko ingemwe turazifite.”

Yongeyeho ati “Ubundi mbere ntabwo twabihuriragamo neza n’izindi nzego, ugasanga birimo kanyamashyamba na SEDO gusa, ariko noneho ubu tuzakorana n’inzego zose, inzego z’umutekano n’iz’ibanze.”

Matsiko Gonzague, Umuyobozi w’Akarere ka Nyagatare Wungirije ushinzwe Iterambere ry’Ubukungu, yashimye umufatanyabikorwa One Acre Fund (Tubura) kuko abafasha kwesa imihigo, cyane cyane iy’ubuhinzi no kurengera ibidukikije.

Yagize ati “Tubura turabashimiye kuko mwaje kudufasha gukora inshingano zacu, kandi muri mu bantu dukorana neza. Mudufasha kwegereza abahinzi bacu ifumbire n’imbuto mu buryo bwihuse.”

VIDEO - Matsiko Gonzague ushinzwe Iterambere ry'Ubukungu muri Nyagatare, yashimye One Acre Fund (Tubura) kuko ibafasha kwesa imihigo. Ibiti Tubura yateye muri ako Karere kuva mu 2018 byatumye ubu imvura isigaye ihagwa, mu gihe mbere yabacaga hejuru ikajya kugwa muri Gicumbi. pic.twitter.com/xOsHjYUeKK

— KT Radio (@ktradiorw) September 12, 2025

Mu Karere ka Nyagatare, Tubura ifitemo Pepiniyeri (ahatunganyirizwa ingemwe z’ibiti) 118.

One Acre Fund iteganya ko kuva mu mwaka wa 2018 kugeza mu mwaka wa 2030 bazaba bamaze gutera ibiti Miliyoni 250 hirya no hino mu Rwanda, by’imbuto n’ibindi bivangwa n’imyaka.

Aha ni ho uru rwego ruhera rugira inama abakozi bo mu bigo byigenga n’ibya Leta, kujya bareba niba abakoresha babo babatangira iyo misanzu banyuze ku rubuga www.imisanzu.rssb.rw , kuko ari uburenganzira bwabo.

Umuyobozi Mukuru wa RSSB, Regis Rugemanshuro, n’abandi bayobozi muri RSSB, bagiranye ikiganiro n’abanyamakuru, basobanura byinshi ku mikorere y’uru rwego

Umuyobozi Mukuru wa RSSB, Regis Rugemanshuro, ubwo yari mu kiganiro n’abanyamakuru kuri uyu wa Gatatu tariki 10 Nzeri 2025, yongeye kwihanangiriza bene abo bakoresha, ariko asaba n’abakozi kugenzura niba batangirwa imisanzu uko bikwiye.

Yagize ati “Dusanzwe tugirana ibiganiro n’abakoresha, ndetse hari amakuru dushyira kuri Internet, ariko icyo twabonye kigira umusaruro wa mbere ni ugufasha abakozi kumenya amakuru. Abakozi turabashishikariza gusura urubuga rwa Internet rwitwa imisanzu.rssb.rw barebe amakuru yabo, kuko hari n’igihe amafaranga abakoresha bayabakata ariko ntibayabatangire, bakayacuruza, bakayazunguza muri bizinesi.”

Yongeyeho ati “Iyo umukozi amenye amakuru asabwa guhita abitubwira, nubwo hari abatinya kubivuga kugira ngo bitabagiraho ingaruka zindi bakaba babura imirimo, ariko umukozi wamenye uburenganzira bwe, akamenya amakuru ku gihe, arabitubwira kandi na we bikamugirira akamaro, kuko ntiwabona abakozi bajya mu Gihugu hose gukora ubugenzuzi. Ni uburenganzira bw’Abanyarwanda n’abanyamuryango muri rusange gutangirwa iyo misanzu.”

Rugemanshuro uyobora RSSB yavuze ko barimo bubaka uburyo bw’ikoranabuhanga buzorohereza RSSB kumenya ahakiri ibirarane mu buryo bwihuse ku buryo buzabafasha gukurikirana ikibazo cy’abo bakoresha badatanga imisanzu baba bakase ku bakozi babo ndetse n’impamvu usanga hari abayitangira abakozi bamwe abandi ntibayibatangire.

Yongeye gukangurira abaturage kwitabira gahunda zo kwizigamira cyane cyane abakiri bato, kuko ari uburenganzira bwabo, ndetse ko kuba umukoresha yatangira umusanzu w’ubwizigame umukozi we ari uburenganzira bw’uwo mukozi atari impuhwe umukoresha we aba amugiriye.

Yanasabye abaturage kumenya neza uko imisanzu y’ubwizigame ibarwa n’uko iteganywa cyane cyane nko muri EjoHeza, kuko iyo umuturage abyumva neza, aba ashobora no kuzamura umubare w’amafaranga yizigamira.

Reba ikiganiro cyose RSSB yagiranye n’abanyamakuru:

Yagize ati “ Trump ni Perezida wa Amerika buri wese asa n’aho atinya. Afite uburyo bwe bw’imiyoborere. Sinzi niba ari we cyangwa abajyanama be babona ko ikibazo cya Congo ari amahirwe kuri Bizinesi."

Yongeyeho ko ubutegetsi bwa Felix Tshisekedi bwiyemeje kumuha icyo yashaka cyose kugira ngo akoreshe imbaraga ze arwanye M23, ariko bakamwereka impamvu y’urugamba itari yo. Aha yagize ati "Aho ni ho Tshisekedi yahereye ajya kumwinginga amubwira ngo ndaguha Congo yose ku buntu, kugira ngo umfashe ngume ku butegetsi. Ibyo ntibishobora gukemura ikibazo gihari."

Nangaa yerekana ko Congo yibwira ko M23 igamije gusahura, kandi nyamara ngo baharanira gutabara abakorerwa ivangura.

Yagize ati "Niba ashaka (Trump) amabuye naze tubiganireho tumuhe inzira ayafate. N’iyo yatwara ay’Igihugu cyose, hari Abanyekongo bakomeza kugaragaza ko bugarijwe n’ibibazo bitandukanye. Hari ibibazo by’imiyoborere. Congo ni Igihugu kitariho."

Muri ibyo bibazo, Nangaa yavuzemo ubusahuzi muri Katanga, Ituri n’ahandi, aho n’ubufasha butanzwe bwo kugoboka abagizweho ingaruka n’intambara busahurwa, maze Nangaa agira ati "Kinshasa ni umujyi wanduye kurusha indi. Hari umuntu utekereza ko ari Umunyekongo kurusha abandi ku buryo ategeka ko abandi bajya mu buhungiro. Jyewe na bagenzi banjye twavuze ko tutazasubira mu buhungiro, turarambiwe. Twatashye iwacu kandi tuzahaguma."

Nk’uko Nangaa n’abayobozi ba AFC/M23 bakunze kubisubiramo, uyu munsi bongeye n’ubundi kuvuga ko abatekereza ko bashobora gusubira inyuma bakava aho bafashe bibeshya kuko bidashoboka.

Yagize ati "abashaka ko tuva hano barashaka ko tujya he? Ibyo se ni byo mutekereza ko Trump azakora? Nubwo we yaba ari mu bucuruzi bwe, twebwe tuzamubwira ko tuzaguma hano kuko nta handi dufite ho kujya. Rero iyo mitekerereze ntabwo yakemura ikibazo gihari. Abashaka amabuye bazayatware, ariko twebwe dufite impamvu zifatika kandi zumvikana. Turashaka kuba iwacu kandi tukahaba dufite agaciro."

Nangaa yavuze kandi ko Tshisekedi yashenye Igisirikare cya FARDC, ku buryo kitakiri igisirikare, kandi ngo yakomereje no mu butabera abugira akarima ke.

Aha, yanakomeje avuga ko Tshisekedi atari mu mwanya we, kuko yagize ati "Ubutegetsi buriho ntibwemewe kuko ntiyigeze atsinda amatora. Turamushinja ko ari umujura, abeshya abantu bose, nanjye ndi mu bo yariganyije, ni umutekamutwe. Ikibazo cyacu rero ni uko atekereza ko hari Abanyekongo badafite uburenganzira. Ibyo bibazo byose ntaho bihuriye n’amabuye y’agaciro. Ibibazo biduhangayikishije ni iby’abantu bapfa muri Ituri, abagizwe abacakara muri Katanga, abicwa n’inzara muri Mbuji-Mayi. Abo bose ni Abanyekongo, tugomba kubarengera."

"Rero tugarutse kuri Trump, yego ni umuntu ukomeye, ariko jyewe nta kibazo mfitanye no gukomera kwe. Jyewe ndaharanira uburenganzira bwanjye, n’ubw’Abanyekongo. Aramutse ashatse gukoresha izo ngufu muri ibi bibazo, nta kinini izo ngufu zakemura.”

Bombi, bishimiye ko umuryango wabo wagutse kandi ko abana na nyina bameze neza.

Ubukwe bwabo bwabaye tariki 18 Ugushyingo 2023 bwaravuzwe cyane, ndetse bukurikirwa n’abantu benshi kuri za televiziyo no ku mbuga nkoranyambaga.

Mu babutashye harimo umuhungu wa Perezida Yoweri Museveni, Gen Muhoozi Kainerugaba ari kumwe n’umugore we, Charlotte Nankunda Kutesa. Perezida Museveni we yari ahagarariwe na Visi Perezida wa Uganda, Jessica Alupo, wavuze ko Perezida Museveni yifurije abageni ubukwe bwiza, abagabira inka 20.

Ubwami bw’Abasoga buherereye mu Burasirazuba bwa Uganda. Bwabayeho mu kinyejana cya 16. U Busoga kandi ni bumwe mu bwami butanu buboneka muri Uganda.

Ubundi ni Ubwami bwa Buganda, ubw’Abanyoro, Ubwami bwa Rwenzururu, n’Ubwami bw’Abatoro.

Yabigarutseho mu biganiro we n’itsinda bari kumwe, bagiranye n’abikorera bo mu Rwanda, barebera hamwe amahirwe ahari y’ubucuruzi n’ishoramari yabyazwa umusaruro ku mpande zombi.

Ni ibiganiro byateguwe n’Urwego rw’Igihugu rw’Iterambere (RDB), bikaba byabereye muri Kigali Convention Centre kuri uyu wa Kane tariki 28 Kanama 2025.

Mu ijambo rye, Perezida Daniel Chapo yagaragaje ko hakiri ikibazo cy’ingendo z’indege hagati y’ibihugu bya Afurika, aho usanga kujya mu gihugu cy’igituranyi bisaba kubanza guca i Burayi cyangwa i Doha (muri Aziya) ukabona kugaruka muri Afurika.

Ati “Natwe kugira ngo tuze hano (mu Rwanda), byadusabye kubanza guca i Addis Ababa muri Ethiopia. Indi nzira yadusabaga kubanza kunyura i Johannesbourg muri Afurika y’Epfo tukabona kuza i Kigali. Rero ejo navuganye na Perezida Kagame ko hakenewe inzira yihuse y’indege hagati ya Kigali na Maputo.”

Perezida Chapo yavuze ko Mozambique ifata u Rwanda nk’icyitegererezo mu guhanga udushya mu ikoranabuhanga no mu iterambere ry’imijyi, agaragaza ko Mozambique ishobora gufatanya n’u Rwanda muri iryo terambere itanga ingufu z’amashanyarazi n’ibindi bikenewe, mu buhahirane bw’ibihugu byombi.

Perezida Daniel Chapo yashimye kandi uruhare rw’ingabo z’u Rwanda mu kugarura amahoro muri Mozambique by’umwihariko mu Ntara ya Cabo Delgado.

Yanagaragaje ko Mozambique ari Igihugu gikungahaye mu byerekeranye n’ubuhinzi, ubworozi, uburobyi, ubukerarugendo, ubucuruzi, n’ibindi, ashishikariza abikorera gushora imari muri izo nzego kuko byazana inyungu hagati y’u Rwanda na Mozambique.

Kuri uyu munsi wa kabiri ari na wo wa nyuma w’uruzinduko rwe, Perezida Daniel Chapo yasuye icyanya cyahariwe inganda giherereye i Masoro mu Karere ka Gasabo, asura inganda zirimo urw’imyenda rwa Pink Mango ndetse n’uruganda rutunganya zahabu rwa Gasabo Gasabo Gold Refinery.

Ambasaderi Dr. Charles Murigande

Icyo gihe mu 1995 Abanyarwanda barenga Miliyoni eshatu bari bakiba mu nkambi z’impunzi hanze y’u Rwanda, none ubu baratashye. Icyo gihe kandi mu 1995 ingo zari zifite telefone ntizageraga ku bihumbi icumi, nyamara muri iyi minsi hafi buri rugo rwose rufite telefone, hakaba n’abafite izirenze umubare w’ababa mu rugo. Ati “icyo ni ikintu twashimira Imana.”

Amashanyarazi yageraga ku ngo zitarenze 3%, ariko uyu munsi ingo zirenga 83% zifite amashanyarazi.

Ambasaderi Murigande avuga ko igituma ibyo byose bishoboka ari uko ubu Abanyarwanda babanye mu mahoro n’umutekano, bafatanyiriza hamwe kubaka Igihugu cyabo.

Ati “Icyo gihe kubera ibyari bimaze kuba mu Rwanda (Jenoside yakorewe Abatutsi), imitima yari ishengutse, abantu bababaye, agahinda ari kenshi, umujinya ari mwinshi, ntawatekerezaga ko Abanyarwanda bashoboye kongera kubaka ubumwe barabana, abanyeshuri barigana ndetse bakararana ku bitanda bimwe batishishanya. Icyo gihe ibyari bitandukanyije Abanyarwanda uyu munsi barabirenze, babanye neza, barafatanyiriza hamwe kubaka u Rwanda, ni na yo mpamvu rugenda rutera imbere.”

Ingengo y’imari y’u Rwanda mu 1996 yari Miliyari 54 Frw mu gihe kuri ubu mu 2025 ari Miliyari 7,032.5 Frw ibi na byo bikaba imwe mu mpamvu zo gushima Imana.

Yatanze izindi ngero z’inama zikomeye u Rwanda rwagiye rwakira ndetse rukomeje no kwakira, ari ubwa mbere zibereye ku mugabane wa Afurika, ibikorwa remezo nk’amahoteli akomeye bikomeje kwiyongera, n’ibindi.

Ati “Guverinoma yubatse Hoteli Serena, abaterankunga bacu barimo Banki y’Isi, Ikigega cy’Isi cy’Imari (IMF), ibihugu by’i Burayi,… bose batubwira ngo turimo turonona amafaranga, kuko nta bantu tuzabona baza muri Serena. None ubu twubatse n’izindi zirimo Marriot, Radisson Blue, n’izindi ziracyaza.”

Ati “Icyavuyemo ni uko uyu munsi iyi Kigali ni wo mujyi wa kabiri ku mugabane wa Afurika wakira inama mpuzamahanga nyinshi. Abaturushaho gato ni Cape Town (muri Afurika y’Epfo) ariko na yo tuzayicaho mu minsi iri imbere. Rero impamvu zo gushima Imana ni nyinshi, navuga bukira bugacya.”

Kigali Serena Hotel iri mu za mbere zikomeye u Rwanda rwagize

Hoteli Serena yahoze yitwa InterContinental, yafunguwe mu 2004 nyuma y’imyaka 10 yari ishize mu Rwanda habaye Jenoside yakorewe Abatutsi. Yakiraga cyane cyane abashyitsi n’inama mpuzamahanga zaberaga i Kigali, dore ko ari yo Hoteli yari ku rwego ruhambaye yabonekaga mu Rwanda.

Izi ngero z’iterambere u Rwanda rugezeho, Ambasaderi Murigande yazitanze agaragaza impamvu y’igiterane ngarukamwaka cyiswe ‘Rwanda Shima Imana’ aho Igihugu cyose gihurira hamwe mu gushima Imana ku bw’ineza yayo n’imigisha ikomeje guhundagaza ku Rwanda.

Rwanda Shima Imana 2025 ije mu isura nshya

Ubusanzwe iki giterane cyakundaga kubera kuri Stade Amahoro, ariko muri uyu mwaka wa 2025 ‘Rwanda Shima Imana’ izizihirizwa mu Gihugu hose binyuze mu nsengero zifunguye zose z’amatorero n’amadini yose yo mu Rwanda, mu mpera z’ icyumweru hagati yo ku wa 29 na 31 Kanama 2025.

Ambasaderi Dr. Charles Murigande, Umuhuzabikorwa wa Rwanda Shima Imana ku rwego rw’ Igihugu, asobanura impamvu kuri iyi nshuro iki giterane kitazabera muri Stade Amahoro, yagize ati “Impamvu byavanywe kuri stade bikajyanwa mu matorero ni uko iyo bibereye kuri stade usanga ari Kigali Shima Imana mu by’ukuri, kuko Abanyakigali ni bo bashobora kuza kuri stade, ariko twaravuze ngo uyu mwuka wo gushima, uyu mutima ushima, reka turebe ko wagera hose mu Rwanda , kandi uburyo bworoshye ni uko twabikorera mu matorero, mu nsengero zose kuko muri izo nsengero hahurirwa n’Abanyarwanda bagera kuri 95%.”

“Uyu mwaka twaravuze tuti byaba byiza tuyegereje Abanyarwanda, kuko aho kugira ngo tuyitegure ibere kuri Stade Amahoro abandi bayikurikire kuri Televiziyo na Radio no ku zindi mbuga za Internet (Online), reka noneho tuyegereze Abanyarwanda aho basengera mu nsengero zifunguye, baba abasenga ku Cyumweru cyangwa se abasenga ku wa Gatandatu (Abadivantisiti) ndetse igere no ku Bayislamu na bo barasenga.”

“Twaravuze tuti ahantu hose Abanyarwanda bahurira basenga, reka tuzabasabe iyi weekend (impera z’icyumweru) insanganyamatsiko (Theme) izabahuza izabe iyo gushima Imana kubera ibyo Imana yashoboje Abanyarwanda kugeraho. Aho yatuvanye, aho itugejeje, ndetse tunayishimire n’aho ituganisha kuko itanga amasezerano meza ko izi imigambi myiza idufitiye yo kuduha amahoro n’iterambere.”

Abategura igikorwa cya ’Rwanda Shima Imana’ basobanuye byinshi byerekeranye n’iyo muri uyu mwaka wa 2025

Abafite insengero zifunze ngo bazifatanya n’abandi aho insengero zifunguye hafi y’aho batuye, ariko n’abatazabishobora kubera ko insengero zifunguye ziri kure cyane, ngo bazashima Imana aho bazaba bari hose.

Kuba Rwanda Shima Imana 2025 igiye kubera ku nsengero zo hirya no hino mu Gihugu, ngo ntibivuze ko itazongera kubera muri Stade Amahoro, nk’uko Amb. Murigande yabisobanuye, ati “Wenda umwaka utaha tuzabikora byombi. Twasanze tutabikora byombi uyu mwaka kuko bitwara umwanya kubitegura. Turavuga ngo reka tubanze tumenyereze kubikorera mu matorero, umwaka utaha wenda tuzabikora byombi. Mu nsengero zose zo mu gihugu ariko tunahurire hano i Kigali. Ubutumwa ni ukutibagirwa ibyiza Imana yadukoreye.”

Rwanda Shima Imana imaze imyaka 13 itangiye . Iya mbere yabaye muri 2012. Ni igitekerezo cyagizwe n’umuryango PEACE Plan, cyo kujya bahuza Abanyarwanda kugira ngo bashime Imana kubera aho yavanye u Rwanda n’Abanyarwanda n’aho irugejeje.

Rwanda Shima Imana y’ubushize yabereye muri Stade Amahoro tariki 29 Nzeri 2024, icyo gihe hagwa n’imvura nyinshi

Reba muri iyi Video uko Amb. Charles Murigande asobanura aho u Rwanda rwavuye nyuma ya Jenoside n’aho rugeze ubu.

Minisitiri Nduhungirehe aha amata abana

Ibyo birori byabereye i Brisbane muri Leta ya Queensland mu Majyaruguru ya Australia, byahurije hamwe abasaga 300 barimo Abanyarwanda baturutse hirya no hino muri Australia, inshuti z’u Rwanda n’abayobozi bo mu gace byabereyemo.

Byarimo kandi imbyino gakondo ndetse n’ifunguro rusange. Yabaye inshuro ya mbere bizihije uwo munsi mukuru bari hamwe n’uhagarariye Guverinoma y’u Rwanda.

Mu ijambo rye, Minisitiri Nduhungirehe yabagejejeho ubutumwa bwa Perezida wa Repubulika, Paul Kagame, abifuriza ibihe byiza, abashimira uko bitabiriye amatora, kandi bagakomeza kuzirikana Igihugu cyabo bakomokamo.

Minisitiri Nduhungirehe aganira n’Abanayarwanda baba muri Australia

Minisitiri Nduhungirehe yabasabye gukomeza kurangwa n’ubumwe, gukunda Igihugu, gushora imari mu Rwanda, kubungabunga no guteza imbere umuco nyarwanda.

Yagize ati "Kugera ku cyerekezo Igihugu cyiyemeje, birasaba ko twese duhuriza hamwe imbaraga zacu zose. Ushobora kuzana ubumenyi, ushobora guhuza abantu n’abandi, ushobora kuzana ibitekerezo bya bizinesi, umusanzu wose ufite agaciro. Twese hamwe dufatanyije, dushobora kubaka u Rwanda twifuza."

Minisitiri Nduhungirehe yari muri Australia mu ruzinduko rw’akazi kuva tariki 14 kugeza tariki 17 Kanama 2025. Muri uru ruzinduko, Minisitiri Nduhungirehe yari afitemo gahunda yo kubonana ndetse no kugirana ibiganiro n’abayobozi b’iki Gihugu, kwitabira umwiherero w’abayobozi ba Australia, abagize Guverinoma, abakora ibikorwa by’ubucuruzi ndetse na sosiyete sivile. Ni umwiherero wibanze ku ishoramari rihuriweho.

Mu rwego rwo kunoza iyo mikorere, abahuza bigenga babikora kinyamwuga, bashyizeho urugaga bahuriramo ruzwi nka ‘Rwanda Institute of Mediators – RIM’ kugira ngo bagire imikorere ifite umurongo uhamye.

Umuvugizi w’Inkiko, Harrison Mutabazi, ashima uru rugaga rw’abahuza b’umwuga. Yagize ati “Ihuriro nk’iri ry’abahuza bigenga ariko bafite intego yo guhuza abafitanye amakimbirane batisunze inkiko, biradufasha kandi bikadushimisha cyane kubera ko ni andi maboko urwego rw’ubutabera ruba rwungutse kugira ngo dufatanyirize hamwe gutanga ubutabera bubonewe igihe kandi bunoze.”

Umuvugizi w’Inkiko, Harrison Mutabazi, ashima akazi gakorwa n’abahuza b’umwuga

Yongeyeho ati “Abafitanye amakimbirane ntibarabamenya cyane ngo babayoboke, ari na yo mpamvu dufata umwanya nk’uyu nguyu kugira ngo tunamenyeshe abantu ko usibye abacamanza, abanditsi bakora ubuhuza bw’imanza zageze mu nkiko, dufite n’abahuza bigenga bari ku rutonde na bo bafite ububasha bwo gukora ubuhuza. Rero abafite amakimbirane bashobora kubagana bakabakemurira ikibazo, bakabona ubutabera bwihuse kandi bubonewe igihe.”

Eng. Fred Rwihunda, Perezida w’Urugaga rw’Abahuza b’Umwuga, avuga ko bishyize hamwe kugira ngo bateze imbere umwuga w’ubuhuza mu Rwanda.

Eng. Fred Rwihunda, Perezida w’Urugaga rw’Abahuza b’Umwuga

Na we ashimangira ko impamvu bahisemo ubuhuza ari yo nzira yoroshye mu gukemura ibibazo kuko butuma abantu barangiza ibibazo mu bwumvikane kandi bakagira uruhare mu kwifatira ibyemezo byo gukemuramo ibibazo bafitanye, bitandukanye no kujya mu nkiko aho abantu bahangana bakavayo rimwe na rimwe buri wese adashobora kumvikana n’undi. Ati “Iyo abantu bumvikanye mu buryo bw’ubuhuza bavayo buri wese yishimye, kandi umubano bari bafitanye mbere ugakomeza, ndetse ntibibatware amafaranga menshi, rero ni ikintu cy’ingenzi.”

Me Kavaruganda Julien, umunyamuryango w’urugaga rw’abahuza (Rwanda Institute of Mediators) na we avuga ko bifitiye akamaro kanini abaturage kuko babasha gukemura impaka z’ibibazo bahura na byo batagiye imbere y’ubucamanza ahubwo bakabikemura mu bwumvikane, kandi mu buryo bwihuse ndetse bw’ibanga kuko biba bitagiye mu rukiko.

Me Kavaruganda Julien

Ati “Ibibazo badashobora kuvugira mu ruhame bakaba babiganiraho n’ibibazo biri inyuma y’ibyo bagaragaje baba bashobora kubiganiraho neza mu buryo bukeye bakabona igisubizo kirambye gishobora gutuma imiryango yari yarashwanye, abavandimwe, abaturanyi bongera kubana neza.”

Ku bibazo byerekeranye n’ubushinjacyaha ho ngo bifite ukundi bikorwamo kuko haba harimo ubushinjacyaha n’ubugenzacyaha, ariko abahuza baba barakoze amahugurwa y’uburyo bashobora gufasha no muri urwo rwego.

Me Florida Kabasinga ni Umwavoka mu rugaga rw’Abavoka, akaba n’umuhuza. Avuga ko hari inyungu nyinshi mu buhuza kuko birwanya amakimbirane. Ati “Iyo abantu bagiye gukemura ibibazo byabo bakajya mu nkiko, haba harimo kugongana kwinshi, ariko mu buhuza murumvikana mu mutuzo ntawe uhutaza undi. Hari abantu b’umwuga babumvikanisha ku buryo ubuvandimwe cyangwa imikoranire mwari musanganywe bikomeza. Naho ubundi iyo mugiye mu nkiko murashwana cyane, bamwe bakaba bafungwa, hakazamo ibibazo byinshi cyane, imiryango ikagirana ibibazo, naho mu buhuza mwumvikanisha impande zose ku buryo ibibazo bikemuka neza mu mahoro.”

Me Florida Kabasinga

Kugeza ubu abahuza b’umwuga bigenga bari ku rutonde rw’Urukiko rw’Ikirenga ni 522. Urutonde rwabo ruboneka mu nkiko, bakaba bakorera hirya no hino mu Gihugu.

Abahuza bigenga basabwa gukora kinyamwuga, bubahiriza amahame agenga ubuhuza harimo kutabogama, ndetse no kugerageza guha amahirwe abafitanye ikibazo kugira ngo babe ari bo bishakamo igisubizo.

Abakobwa beretswe ko na bo bashobora kwiga amasomo y’ikoranabuhanga

Ni muri gahunda izwi nka African Girls Can Code Initiative (AGCCI) ibaye ku nshuro ya gatatu mu Rwanda, kuva tariki 22 Nyakanga kugeza tariki 01 Kanama 2025. Iyi gahunda ibera mu bihugu bitandukanye bya Afurika, mu Rwanda igategurwa na UN Women ku bufatanye na Minisiteri y’Uburezi, Minisiteri y’Ikoranabuhanga na Inovasiyo, ndetse na Minisiteri y’Uburinganire n’Iterambere ry’Umuryango. Igamije kuziba icyuho cy’umubare muto w’abakobwa bitabira siyansi n’ikoranabuhanga, no kubatinyura no kubereka ko na bo babishoboye.

Kavamahanga Jean Paul ushinzwe amahugurwa mu kigo cyitwa Creativity Lab gitanga ubumenyi mu bijyanye no gukora za robots ku bana biga mu mashuri abanza n’ayisumbuye, ni umwe mu bahuguye bo bakobwa.

Avuga ko mu minsi bamaranye igera hafi ku byumweru bibiri, babahaye ubumenyi bw’ibanze, babigisha ukuntu ama robots akoreshwa n’uburyo akorwa, bamaze kubyiga bikorera ayabo.

Bakoze robots zirimo iyifashishwa mu kuzimya inkongi, robots zifashishwa, hari abakoze ikoranabuhanga ryifashishwa nk’amatara ayobora ibinyabiziga azwi nka ‘Feux Rouges’, bakora n’imidugudu irimo ikoranabuhanga ry’ama robots.

Avuga ku kamaro k’ubu bumenyi, Kavamahanga yagize ati “Impamvu turimo twigisha ubu bumenyi abana bato, iyi si turimo tuganamo ni iy’ikoranabuhanga aho hazajya hakoreshwamo ubwenge buhangano (AI). Rero abantu bazakorana na ryo ni abazaba bararyize, barizi. Aho kugira ngo rizadutungure.”

Ahereye ku modoka bakoze izimya inkongi, yagize ati “Kubera ko abana ari abahanga mu guhanga udushya, bashobora kureba muri sosiyete ikibazo gihari bakagishakira igisubizo bifashishije ubumenyi bahawe.”

Hari itsinda ry’abana ryakoze robot imeze nk’imodoka irwanya inkongi. Ifite igice cy’imbere (sensor) kigenda cyumva ahari inkongi. Iyo igeze ahari inkongi, imodoka ihita ihagarara, moteri ishinzwe kuzamura amazi igahita iyazamura iyerekeza mu gice inkongi iturukamo.

Iyi robot ikoze mu buryo bw’imodoka ifite n’urwego rwakwifashishwa mu kuzimya inkongi no gutabara abari hejuru mu nzu ndende

Iyo robot iyo ibonye ko ya nkongi irangiye, ihita ihagarika kohereza amazi kugira ngo adapfa ubusa, noneho igakomeza kugenda ijya kureba niba nta handi hari inkongi kugira ngo niyihasanga iyizimye.

Iyi modoka ifite n’agace kazamuka kameze nk’urwego kugira ngo iramutse ari inzu ndende ahantu idashyikira, abajya gutabara bazamukire kuri urwo rwego babashe gutabara abari mu nzu ndende hejuru.

Hari abakoze ikoranabuhanga ryo kuhira imyaka mu mirima ryikoresha

Abahuguwe, mu cyumweru cya mbere bigishijwe bimwe mu bice bikoresha za moteri, amatara, gucomeka ibintu by’amashanyarazi, n’ibindi.

Mu cyumweru cya kabiri bahawe umwanya, batekereza uko bakwifashisha ibikoresho bafite imbere yabo n’ibindi byashoboka, bagakoramo ibintu bitanga igisubizo ku bibazo abantu bahura na byo mu buzima busanzwe, bitewe n’ibyifuzo byabo n’aho babona byatanga umusaruro.

Bamwe batekereje gukora ku mishinga itandukanye nk’abakoze iyo robot yakoreshwa mu kurwanya inkongi. Hari abakoze ku byerekeranye n’imihanda, inzu, uburyo bwo kuhira butuma iryo koranabuhanga rimenya igihe igihingwa gikeneye amazi, robot ikayarekura, ryamara kubona ko ahagije rikayahagarika.

Hari abakoze ikoranabuhanga ryo kuhira imyaka mu mirima ryorohereza abahinzi

Ubwo buryo ngo bwafasha umuhinzi gushyira imyaka mu murima akigendera, ntiyirirwe ajya kuhira, akazasubirayo ajya gusarura, kuko iyo robot imenya igihe ikimera gikeneye amazi runaka, ikagabanya cyangwa ikongera, bitewe n’ikigero igihingwa kigezemo, ndetse n’ingano y’amazi gikeneye.

Robots abo bakobwa b’abanyeshuri bigishijwe gukora no gukoresha, zitezweho korohereza abantu mu byo bakora bya buri munsi, nk’uko Kavamahanga Jean Paul, umwe mu babahuguye, yakomeje abisobanura, by’umwihariko ku kamaro kazo mu mibereho y’abantu.

Yagize ati “icya mbere bizanye ni ukorohereza abantu uburyo bakoragamo ibintu. Nk’urugero abana bakoze ku ikoranabuhanga ryakwifashishwa mu buhinzi berekanye ko umuturage usanzwe wakoreshaga uburyo bwa gakondo byamutwaraga igihe kinini ajya gusura ibihingwa bye, ajya kureba niba bitumye, niba bikeneye amazi, ugasanga arakoresha umwanya munini kandi yagombye kuwukoramo akandi kazi. Ariko mu gihe bize gukoresha uburyo bw’amarobots, robot izajya imurebera ibimera, ajye gukora indi mirimo, aze asange niba igihingwa cyari gitangiye kuma, azasanga ya robot yacyuhiye, niba yabonaga amazi ayakuye kure, robot izajya imufasha kuyapompa iyavane kure iyageze ku bimera.”

“Ikindi cya kabiri, bashobora no kwikorera ibinyabiziga byazajya byifashishwa mu gutunda ya myaka igihe isarura rigeze, mu gihe ubusanzwe bakoreshaga umutwe.”

Kavamahanga asanga aba bana ubwo bamaze kwiga imikoreshereze ya za robots, bashobora kumenya kwihangira robots zabo ku buryo bakomeje bakabona ubufasha buhagije, mu minsi iri imbere haboneka n’imodoka zakozwe n’abana b’Abanyarwanda bifashishije ikoranabuhanga rigezweho.

Niyibizi Lucky Laurraine wiga kuri Lycée Notre-Dame de Cîteaux i Kigali, yishimiye ubumenyi bungutse

Niyibizi Lucky Laurraine wiga kuri Lycée Notre-Dame de Cîteaux i Kigali mu mwaka wa mbere w’amashuri yisumbuye, ni umwe muri abo bana b’abakobwa bahuguwe. Avuga ko bize gukora porogaramu za mudasobwa, kwandika codes n’ibindi byinshi batakekaga ko umuntu yabasha gukora.

Ati “Twishimiye ubumenyi twungutse, ubu twabasha gukora robots no kuzikoresha. Ubumenyi twungutse tuzabusangiza abandi batabashije kugira amahirwe yo kuza ahangaha. Ku ishuri twigaga ikoranabuhanga (ICT) muri rusange, hano rero twungutse ubumenyi bwo gukoresha robots (programming) no kwandika codes (coding).”

Umunyamabanga wa Leta muri Minisiteri y’Uburezi, Irere Claudette, yashimye aho u Rwanda rugeze mu burezi bw’abana b’abakobwa, kuko imibare yabo igenda izamuka, noneho bikaba akarusho kuba bakomeje gutinyuka kwiga amasomo ya siyansi n’ikoranabuhanga, mu gihe mbere wasangaga hari imyumvire ko abahungu ari bo babishobora bonyine.

Umunyamabanga wa Leta muri Minisiteri y’Uburezi, Irere Claudette, avuga ko ubumenyi nk’ubu bazarushaho kubugeza ku bakobwa benshi kuko umubare wabo mu ikoranabuhanga na siyansi ukiri muto

Ati “Ikoranabuhanga rihora ritera imbere. Abana b’abakobwa baramutse batabigiyemo, haba hari igice kinini cy’abaturage basigaye. Porogaramu nk’iyi rero ni cyo ibereyeho. Umubare w’abiga amasomo ya siyansi (STEM) uracyari muto. Ibi rero bituma babimenya, bakanabigerageza, mwabonye imishinga bagiye bakora. Bituma mu mutwe wabo hafunguka, bigakuraho imyumvire yo kumva ko ari ibintu bikomeye, ahubwo bagasanga umuntu wese yabyiga kandi akabishobora. Turifuza ko mu minsi iri imbere imibare y’abitabira izi gahunda zo mu biruhuko yaziyongera. Uyu munsi twahuguye 120, mu myaka yananje babaga ari 50 cyangwa 70, rero turifuza kubona mu myaka iri imbere umubare munini w’abakobwa bitabira izi gahunda, babyiga kandi banabikunze.”

VIDEO - Abakobwa biga mu mashuri yisumbuye bakoze Robots zirimo iyifashishwa mu kuzimya inkongi, izivomerera imyaka, n’izikora ibindi bitandukanye zishobora gukemura ibibazo abantu bahura na byo mu buzima bwa buri munsi. https://t.co/WDT1twoTwT pic.twitter.com/Er5wdffjQx

— Kigali Today (@kigalitoday) August 1, 2025

Gahunda ya African Girls Can Code Initiative (AGCCI) ibaye ku nshuro ya gatatu mu Rwanda. Ubwa mbere yabaye mu mwaka wa 2023 yitabirwa n’abakobwa 50, ubwa kabiri iba mu 2024 bahugura abakobwa 75, naho kuri iyi nshuro ya gatatu hahuguwe abakobwa 120. Muri bo abangana na 5% ni abafite ubumuga, mu rwego rwo gushyigikira uburezi budasigaza n’umwe inyuma.

Abayobozi mu nzego zitandukanye bashishikarije abakobwa gukunda ikoranabuhanga rigezweho kuko na bo barishoboye

Abaturage biganjemo urubyiruko bacinye akadiho hamwe n’abayobozi

Ibi yabigarutseho ubwo yari mu Karere ka Karongi mu birori byo kwizihiza Umunsi Mpuzamahanga w’Abaturage, ufite insanganyamatsiko igira iti “Urubyiruko rufite ubuzima bwiza kandi rushoboye: Umusingi w’Iterambere ry’u Rwanda.”

Muri byo yagaragaje byashyiriweho kwita ku rubyiruko harimo nka gahunda y’uburezi kuri bose, ndetse n’amashuri y’ubumenyi ngiro ku barangije amashuri yisumbuye ariko batashoboye gukomeza mu mashuri makuru na za kaminuza.

Hari kandi n’uburyo bufasha urubyiruko kubona inguzanyo n’inkunga bityo bakabasha kugira ibikorwa bakora bibateza imbere.

Nubwo izo ngamba zihari ariko, hari ibyagaragajwe bikibangamira iterambere ry’urubyiruko harimo abangavu baterwa inda z’imburagihe, kwandura indwara zandurira mu mibonano mpuzabitsina, abana bata ishuri, ikoreshwa ry’ibiyobyabwenge, ndetse n’urubyiruko rudafite icyo rukora.

Avuga kuri izi mbogamizi, Guverineri Ntibitura yagize ati “Iterambere ni urugendo cyane cyane iyo rishingira ku kubanza guhindura imyumvire, bikaba bidusaba twese ko dukomeza kugira uruhare mu kwigisha uburenganzira, inshingano ndetse n’indangagaciro na kirazira ku bijyanye no kubaka urubyiruko cyane ko ubwarwo hari ibyo rutumva neza cyangwa se rutitaho kugira ngo rugire ubuzima bwiza, ubumenyi n’ubushobozi bwo gukora ibiruteza imbere.”

Guverineri w’Intara y’Iburengerazuba, Ntibitura Jean Bosco (wambaye indorerwamo) n’Umuyobozi w’Akarere ka Karongi, Muzungu Gerald, basabanye n’abaturage mu kwizihiza Umunsi Mpuzamahanga w’Abaturage

Yibukije abayobozi kuba hafi y’urubyiruko, ababyeyi bakaba hafi y’abana babo, kugira ngo ibyo batoza urubyiruko bizarufashe kwiteza imbere ubwarwo, guteza imbere imiryango yabo, ndetse n’Igihugu muri rusange.

Umuyobozi uhagarariye Ishami ry’Umuryango w’Abibumbye ryita ku Mibereho Myiza y’Abaturage (UNFPA) mu Rwanda, Dr. Adelakin Olugbemiga, yagaragaje ko kwizihiza Umunsi Mpuzamahanga w’Abaturage ari umwanya wo gusubiza amaso inyuma no kureba imbere, hatekerezwa uko Igihugu cyakoresha neza umutungo wacyo ukomeye kurusha indi, ari rwo rubyiruko. Yibukije ko 70% by’Abanyarwanda ari urubyiruko, bityo rukaba rutari ejo hazaza gusa, ahubwo ko ari imbaraga z’uyu munsi. Yashimye Leta y’u Rwanda kuko yarateye intambwe ikomeye mu gushora imari mu rubyiruko binyuze mu burezi, ubuzima, ikoranabuhanga n’ibindi.

Umuyobozi uhagarariye UNFPA mu Rwanda, Dr. Adelakin Olugbemiga, yashimye imbaraga u Rwanda rushyira mu kwita ku rubyiruko

Dr. Adelakin Olugbemiga yashimangiye ko hari inkingi ebyiri z’ingenzi zigomba kwitabwaho kugira ngo urubyiruko rufatwe nk’isoko y’iterambere: kugira uburenganzira bwo kubona serivisi z’ubuzima bw’imyororokere no guhabwa ubushobozi bwo kwiteza imbere mu bukungu. Yagaragaje ko ibi bidashobora gutandukanywa, kuko ubuzima bwiza butuma urubyiruko rufata ibyemezo byiza, rwirinda inda zitateganyijwe n’indwara zandurira mu mibonano mpuzabitsina, bityo rukabasha kwiga, gukora no kugira uruhare mu iterambere ry’Igihugu.

Binyuze mu ikinamico, ababyeyi basabwe kwirinda amakimbirane kuko agira ingaruka ku bana babo

Urubyiruko rwashishikarijwe kwirinda ibiyobyabwenge n’izindi ngeso mbi kuko byangiza ahazaza habo heza

Abaturage b’i Karongi bahawe na serivisi zitandukanye z’ubuvuzi

Mu hantu hatandukanye basuye harimo Urwibutso rwa Jenoside rwa Kigali ruri ku Gisozi mu rwego rwo guha icyubahiro inzirakarengane zazize Jenoside yakorewe Abatutsi mu 1994. Basuye ibice bigize uru rwibutso ndetse basobanurirwa byinshi ku mateka ya Jenoside yakorewe Abatutsi.

Syarafina Nasiri Seceonf ukora mu bunyamabanga bwa Ambasade ya Malaysia i Nairobi, ari na yo ireberera Malaysia mu Rwanda, yavuze ko ari ubwa mbere iryo tsinda ryari rigeze mu Rwanda. Yavuze ko muri rusange bababajwe n’amateka babonye ya Jenoside yakorewe Abatutsi, ariko bashimishwa n’uko u Rwanda rwiyubatse mu iterambere, nyuma y’ibihe bikomeye rwanyuzemo.

Yagize ati “Abanyarwanda ubona ko bunze ubumwe kandi baharanira kubaho neza. Twatangajwe n’uburyo u Rwanda rwari rwasenyutse, ariko rukaba rwarabashije kwiyubaka vuba mu myaka 31 yonyine ishize. Ndatekereza ko atari ibihugu bya Afurika byonyine bikwiye kwigira ku Rwanda, ahubwo buri gihugu cyose harimo na Malaysia.”

Usibye ku rwibutso, basuye Stade Amahoro, BK Arena, basura n’ahandi hatandukanye mu Mujyi wa Kigali hakorerwa by’umwihariko ibyerekeranye n’ubucuruzi n’ishoramari. Bagiranye ibiganiro n’abo mu nzego za Leta zirimo RDB, RGB, TVET, ndetse n’Umuryango w’Abayislamu mu Rwanda (RMC) . Abo bashyitsi basinyanye amasezerano y’imikoranire hagati y’Ubwami ba Perlis n’Umuryango w’Abayislamu mu Rwanda, aho nko mu burezi abo bashyitsi bemereye RMC ‘Bourses’ zizajya zihabwa Abanyarwanda bakajya gukomereza amasomo muri Malaysia.

Mu bindi bakunze ku Rwanda ni isuku, umutekano, ubupfura n’ubugwaneza babonanye Abanyarwanda.

Munyakazi Sadate umenyerewe mu bikorwa by’ishoramari, ni umwe mu babanye n’iryo tsinda kuva ryagera mu Rwanda ku wa Mbere tariki 21 Nyakanga 2025. Avuga ko yabigizemo uruhare kugira ngo baze mu Rwanda, kuko basanzwe ari inshuti ze mu buryo bw’umwihariko.

Munyakazi ati “Kubera ko basanzwe ari inshuti zanjye, byabaye ngombwa ko mbashishikariza kuza mu Rwanda kureba amateka Igihugu cyanyuzemo, n’ibyiza bimaze kugerwaho.”

Ku bijyanye no kumenya niba hari ibikorwa bateganya gushoramo imari mu Rwanda, Munyakazi avuga ko uko bazakomeza kuganira no kugenderanirana, mu byo bazaganira harimo no kureba ku mahirwe ahari y’imikoranire.

Igikomangoma Tuanku Syed Faizuddin Putra Jamalullail yababajwe n’ibyo yabonye ku rwibutso rwa Gisozi, ariko ashima uko u Rwanda rwiyubatse nyuma y’ibihe bibi rwanyuzemo

Ubushinjacyaha buvuga ko icyaha cyabaye ku itariki 09/07/2025, ahagana saa munani z’amanywa mu gishanga cya Gitega giherereye mu Mudugudu wa Gitega, Akagari ka Gitovu, Umurenge wa Busoro,Akarere ka Nyanza, ubwo yajyaga muri icyo gishanga agashimuta umusambi akawica.

Mu ibazwa rye, uregwa usanzwe uzwiho gutega inyoni, yemera icyaha; agasobanura ko ari we wahize uwo musambi awutegesheje umutego, awukuramo ari muzima arawica, awupfura amababa, hanyuma awujyana mu rugo iwe ari na ho yafatiwe n’abashinzwe kugenzura inyamaswa zikomye ubwo barimo bazenguruka bagenzura imibereho y’izo nyoni, bagera muri icyo gishanga bakabona imisambi ibiri gusa kandi harabagamo itatu, babaza abaturage bakababwira ko uwo musore ari we wawishe.

Icyaha cyo gushimuta inyamaswa yo mu gasozi uwo musore akurikiranyweho, giteganywa kandi kigahanishwa ingingo ya 56 y’Itegeko N° 064/2021 ryo kuwa 14/10/2021 rigenga urusobe rw’ibinyabuzima.

Iyo ngingo ya 56 iteganya ibihano bitandukanye biva ku mwaka umwe w’igifungo n’ihazabu y’amafaranga y’u Rwanda atari munsi y’ibihumbi magana atanu (500.000 FRW), kugera ku gifungo kitarenze imyaka icumi (10) n’ihazabu y’amafaranga y’u Rwanda atarenze miliyoni icumi, bitewe n’uburemere bw’icyaha.

Mwitende AbdoulKarim uzwi nka "Burikantu’

Abo bakobwa ngo bari bagiye kumureba tariki 20 Nyakanga 2025 kugira ngo abafashe kujya bakora ibiganiro bitambuka ku mbuga nkoranyambaga, aza gusaba umwe kumusanga mu cyumba arabyanga, arabakingirana ababwira ko basohoka ari uko bamwishyuye amafaranga yabatanzeho y’itike na Fanta.

Abo bakobwa bigiriye inama yo guhamagara Polisi iraza irabafungurira, Burikantu na we ahita atabwa muri yombi.

Uyu musore amaze iminsi avugwa ku mbuga nkoranyambaga, nyuma y’amashusho yemeje ko ari aye yagiye hanze amugaragaza arigata mu gitsina cy’umugore.

Yafatiwe muri Bulgaria hamwe n’abandi bantu babiri, Umunya-Bulgaria w’imyaka 43 n’Umubiligi w’imyaka 54 y’amavuko ukomoka muri RDC.

Bafatanywe ibilo 206 by’ikiyobyabwenge cya Cocaïne yari ifunze mu dupaki 179 twari mu bikapu bitanu. Bari bayitwaye mu modoka ifite ibyangombwa byo mu Bubiligi, bakaba barimo berekeza muri Turukiya. Inzego z’Ubutabera za Turukiya zabashinje kugerageza kunyuza ku mupaka ibiyobyabwenge bikomeye batabifitiye uburenganzira.

Mu gihe baramuka bahamwe n’ibyaha bakurikiranyweho, bahanishwa igifungo cy’imyaka iri hagati ya 15 na 20 nk’uko giteganywa n’amategeko ya Bulgaria ahana ibyaha by’icuruzwa ry’ibiyobyabwenge.

Umudiplomate wafashwe asanzwe ari umukwe wa François Beya, uyu akaba ari Umujyanama Mukuru wa Perezida Félix Tshisekedi.

Icyaha cy’ubwinjiracyaha bw’ubwicanyi buturutse ku bushake akurikiranyweho yagikoze ku itariki ya 17 Kamena 2025 mu Karere ka Kicukiro, Umurenge wa Kigarama, Akagari ka Bwerankori, Umudugudu wa Nyenyeri.

Ubushinjacyaha buvuga ko ubwo uregwa yari agiye kuri Sitasiyo ya Lisansi atwaye imodoka, yahasanze umugore wahakoraga yicaye arimo kureba muri Telefone, ava mu modoka arayimushikuza; nyuma ahita asubira mu modoka.

Uwo mugore amukurikiye ngo ayimwake, uregwa yafashe umuriro aramugonga yitura hasi, amukandagiza amapine amunyura hejuru akomereka mu maso, mu mutwe, mu mugongo, no mu mbavu.

Hari hashize iminsi mike, uyu mushoferi agiranye ikibazo kijyanye n’amafaranga n’uyu mugore, aho uyu mushoferi yamubwiye ko natayamuha azamugonga akamwica.

Icyaha cy’ubwinjiracyaha bw’ubwicanyi akurikiranyweho kiramutse kimuhamye yazahanishwa igihano cy’igifungo cy’imyaka 25 nk’uko biteganywa n’ingingo ya 21 n’iya 107 y’Itegeko no 68/2018 ryo kuwa 30/08/2018 riteganya ibyaha n’ibihano muri rusange.

Ubuyobozi bw’Akarere buvuga ko bizanazamura ibyishimo by’abaturage kuko n’ubundi bahoze bifuza ko ikipe yabo yaza gukinira iwayo bakayireba cyane ko no kuba ikorera mu kandi Karere byari bihenze Akarere ka Rutsiro.

Biteganyijwe ko imirimo yo kubaka iki kibuga nigenda neza izarangira nyuma y’amezi atatu.

Tariki ya 18 Mata 2023 nibwo Ishyirahamwe ry’umupira w’amaguru mu Rwanda (FERWAFA) ryasinyanye amasezerano n’uturere twa Rusizi, Rutsiro na Gicumbi kugira ngo rizatwubakire ibibuga bigezweho by’umupira w’amaguru.

Ni amasezerano yasinywe mu rwego rw’umushinga witwa “FIFA Forward” ugamije guteza imbere ibikorwa remezo bikenerwa mu iterambere ry’umupira w’amaguru.

VIDEO – Ikibuga cya Stade ya Mukebera mu Karere ka Rutsiro cyatangiye kuvugururwa. Iki kibuga nicyuzura gishobora kuzafasha ikipe ya Rutsiro FC gukinira imbere y’abaturage b’ako Karere, dore ko ubu yakirira imikino yayo mu Karere ka Rubavu.

Ubuyobozi bw’Akarere buvuga ko… pic.twitter.com/OczWxMCvis

— Kigali Today (@kigalitoday) July 21, 2025

Si Mohammed Rifki

Yabigarutseho mu Nama Mpuzamahanga yabereye i Kigali, yitabiriwe n’abiganjemo Abanyarwanda n’Abanya-Maroc, yateguwe n’Umuryango w’Abayislamu mu Rwanda (RMC) ku Bufatanye na Fondation Mohammed VI Des Oulemans Africains, inama yari ifite insanganyamatsiko igira iti : “Indangagaciro za Islam n’uruhare rwazo mu kwimakaza umuco w’amahoro muri Afurika.”

Mu ijambo rye, Si Mohammed Rifki yashimye imiyoborere myiza y’u Rwanda, avuga ko bimwe mu byo umubano wa Maroc n’u Rwanda wubakiyeho harimo no kubumbatira umuco w’amahoro no kuwusakaza ahandi ku Isi.

Yagize ati “Igihugu cyanyu cy’u Rwanda cyabashije kurenga ibihe bibi n’amateka mabi cyanyuzemo, maze cyubakira ku ndangagaciro z’umuco zihuje abaturage b’iki gihugu mu bwumvikane, mu biganiro, mu kubana mu mahoro. Iibyo byose ni byo byatumye u Rwanda rugera ku mutekano utangwaho urugero uyu munsi ahantu hatandukanye, ku bumwe bw’abatuye iki Gihugu.”

Umuyobozi w’Umuryango w’Abayislamu mu Rwanda (Mufti) akaba n’Umuyobozi wa Fondation Mohammed VI Des Oulemans Africains, Sheikh Sindayigaya Musa, yagaragaje ko indangagaciro z’Idini ya Islamu n’uruhare rwazo mu kwimakaza amahoro muri Afurika zirenga kuba imyemerere y’idini, ahubwo zikaba ubuzima n’imibereho ya buri munsi iranga abantu, kandi zikagira uruhare mu kubaka umuturage mwiza, urangwa n’ubumuntu, utunganye, ndetse ubereye Igihugu cye.

Sheikh Musa Sindayigaya yagaragaje ko indangagaciro z’Idini ya Islamu n’uruhare rwazo mu kwimakaza amahoro muri Afurika zirenga kuba imyemerere y’idini, ahubwo zikaba ubuzima n’imibereho ya buri munsi iranga abantu

Yanagaragaje kandi ko urugendo rwo kubaka Igihugu cy’u Rwanda gitekanye kandi kizira akarengane ari amahitamo meza Abanyarwanda bakoze barangajwe imbere na Perezida wa Repubulika, Paul Kagame, nyuma yo guhagarika Jenoside yakorewe Abatutsi mu 1994, ibyo bigahura n’inyigisho y’amahoro Idini ya Islamu yigisha.

Abitabiriye iyi nama mpuzamahanga na bo bemeza ko umwislamu wacengewe n’indangagaciro z’ukuri adashobora kwishora mu bikorwa bihungabanya amahoro, ahubwo ko izo ndangagaciro zimufasha kuba umusemburo w’amahoro aho yaba ari hose. Uwera Sauda, Umwalimu muri Kaminuza, ati “Uwacengewe n’indangagaciro za Kislamu aba Umwislamu w’ukuri, aba umwisilamu mwiza, umurinzi w’amahoro, kandi n’imbuto y’amahoro aho ari hose.”

Umuryango watangijwe n’Umwami wa Maroc, Mohammed VI w’Abamenyi ba Afurika (Fondation Mohammed VI Des Oulemans Africains) watangiye gukorera mu Rwanda no gukorana n’umuryango w’Abayislamu mu Rwanda (RMC) guhera mu mwaka wa 2017, mu bikorwa byibanda ku bushakashatsi ndetse n’uburezi.

Hon. Sheikh Mussa Fazil Harerimana, Visi Perezida w’Inteko Ishinga Amategeko Umutwe w’Abadepite, mu kiganiro yatanze, yifashishije inyigisho z’Idini ya Islam, agaragaza ko imiyoborere y’u Rwanda ari igisobanuro cy’Indangagaciro za Islam kuko nta n’umwe uhezwa yaba abayobozi n’abayoborwa, bose bagira uruhare mu miyoborere no mu kubaka Igihugu

U Rwanda ruvuga ko aya masezerano ari intambwe ikomeye iganisha ku kurangiza amakimbirane mu mahoro mu Burasirazuba bwa DRC, gukemura intandaro y’amakimbirane no kugarura ituze n’umutekano mu Karere.

Guverinoma y’u Rwanda kandi irashima uruhare rukomeye rwa Leta ya Qatar nk’umuhuza ku nkunga ya Leta zunze ubumwe za Amerika, byubakiye ku muhate w’Umuryango wa Afurika Yunze Ubumwe n’ibikorwa bihuriweho na EAC/SADC, bikaba byaragize uruhare ku ntambwe yagezweho uyu munsi i Doha.

U Rwanda rukomeza rushimangira ko buri wese akwiye gukomeza gushyigikira ibimaze kugerwaho kugeza ku musozo kandi ko rwiyemeje kugira uruhare mu bikorwa byimakaza amahoro arambye ndetse no guteza imbere ubukungu mu Karere k’Ibiyaga Bigari.

Hagati aho, Umujyanama Mukuru wa Perezida Donald Trump ku bibazo bya Afurika, Massad Boulos, nawe yavuze ko ishyirwaho umukono ku mahame ngenderwaho aganisha ku masezerano y’amahoro hagati ya Leta ya DRC na AFC/M23 bigaragaza intambwe ikomeye kandi iganisha ku mahoro arambye mu gukemura amakimbirane mu Burasirazuba bwa DRC.

Boulos yagize ati: "Gushyira umukono ku mahame ngenderwaho aganisha ku masezerano y’amahoro arambye i Doha hagati ya DRC na AFC/M23, bishimangira ubwitange buhuriweho mu biganiro, kuzuza inshingano ndetse n’inzira iganisha ku mutekano n’iterambere ku baturage b’Akarere."

Yashimye kandi ubuyobozi bwa Qatar n’impande zose zirebwa n’iki kibazo ku bw’umuhate wabo mu guharanira kwimakaza amahoro ndetse ashishikariza impande zombi kubahiriza ibikubiye muri aya mahame.

Ni nyuma y’ibiganiro byateguwe na Leta ya Qatar, bimaze iminsi bihuza intumwa z’impande zombi i Doha muri icyo gihugu kuva muri Werurwe 2025.

Biteganyijwe ko Minisiteri y’Ububanyi n’Amahanga ya Qatar itangaza ibikubiye muri iyo nyandiko mu kiganiro igirana n’abanyamakuru.

Muri aya masezerano harimo ingingo rusange zikubiyemo igitekerezo cy’ingenzi kivuga ko impande zombi, yaba M23, yaba na Leta ya Congo Kishansa bemeranya gukemura ibibazo by’intambara mu buryo bw’amahoro na diplomasi, ndetse ko kurinda abaturage ari inshingano ya buri wese.

Bemeranyije kandi ko bagomba kurenga ibyahise maze bagafungura ipaji nshya, kandi bakarenga amacakubiri n’imvugo zambura abantu ubumuntu kandi zihembera urwango.

Bemeranyije kandi ko bagomba kuganira ku byo guhagarika intambara, ku buryo bwa burundu, bikazarangwa no kudafata utundi duce, kandi hakabaho uburyo bwo kugenzura niba buri ruhande rwubahiriza amasezerano yo guhagarika imirwano.

Bazaganira kandi ku ngingo yo gufungura imfungwa zafashwe na buri ruhande.

Impande zombi zemeranyije ku yindi ngingo igomba kuganirwaho, ivuga ko inkingi ya mwamba y’aya masezerano ari ukuba Leta yaba iyobora ibice byose by’igihugu, nta na kimwe kivuyemo(bivuze kuba yasubirana ubuyobozi no mu bice M23 yafashe).

Aha, bavuze ko bazaganira uburyo Leta yasubirana ubwo bubasha.

Impande zombi zizaganira kandi ku bijyanye no gucyura impunzi no gusubiza mu byabo ababivanywemo mu buryo bwubahiriza uburenganzira bwa muntu, uyu mwitozo ukaba wagirwamo uruhare na Congo ubwayo, Ishami ry’Umuryango w’Abibumbye ryita ku Mpunzi, HCR ndetse n’ibihugu bicumbikiye izo mpunzi.

Muri uku kwemeranya amahame azagenderwaho, impande zombi zemeranyije kuzasinyana amasezerano y’amahoro arambye, agamije gushyiraho umutekano usesuye, iterambere, ubutabera ndetse no guharanira uburenganzira bwa muntu muri Congo, gucyura impunzi mu buryo bwiyubashye, kandi habanje kurandurwa imvano y’igitera ubwo buhunzi.

Ibyo biganiro byateguwe ku bufatanye n’Umuryango Nyafurika uharanira guteza imbere Ubuhinzi (AGRA) hamwe n’abafatanyabikorwa batandukanye bo mu Karere, byitezweho ko ababyitabiriye bo mu bihugu by’u Rwanda, Kenya, Somalia, Ethiopia, Tanzania, Uganda, u Burundi n’ahandi, bahuriza hamwe ibitekerezo ku bijyanye n’imihindagurikire y’ikirere, n’icyo babona za Guverinoma n’abafatanyabikorwa bakora, ariko bashingiye ku rubyiruko.

Ni byo Jean Paul Ndagijimana, Umuyobozi wa AGRA mu Rwanda yasobanuye, ati “Muzi ko muri Afurika n’u Rwanda by’umwihariko, abaturage benshi ni urubyiruko, kumva amajwi yabo, ibitekerezo, n’uruhare rwabo mu guhangana n’imihindagurikire y’ibihe, ni yo ntego nini y’iyi nama. Ibitekerezo bizavamo bizakusanywa hanyuma babisangize abandi bazajya mu nama izaba mu kwa cumi na kumwe yitwa COP30 izabera muri Brazil.”

Jean Paul Ndagijimana yagaragaje ko urubyiruko rwitezweho uruhare runini mu iterambere ry’ubuhinzi, ati “Imbaraga z’Igihugu ni urubyiruko. Turamutse tubahaye ubumenyi nk’ibi turimo kuganiraho, bikanarenga u Rwanda bakumva n’ibyo ibindi bihugu birimo gukora, barushaho guhana ibitekerezo bigatuma badahera kuri zeru, bakavuga bati n’abandi hari icyo bakoze, noneho twebwe nk’abaterankunga tukabafasha gushyira ibitekerezo byabo mu bikorwa, na Leta ikabafasha gushyira ibitekerezo byabo mu mirongo ngenderwaho Igihugu kigenda gishyiraho (policies), ntibibe ibintu bibituye hejuru, ahubwo bikaba ibintu bagizemo uruhare.”

Jean Paul Ndagijimana, Umuyobozi wa AGRA mu Rwanda

Ahereye ku rugero rw’ibiherutse kuba mu Rwanda aho ibiza byatwaye ubuzima bw’abantu, ubu Leta ikaba irimo kubakira abo byasenyewe, Ndagijimana asanga hari imyumvire isaba ko abantu bafatanya n’Igihugu mu kugabanya ingaruka z’ibiza cyane cyane ibiturutse ku mihindagurikire y’ibihe. Ati “Kimwe rero mu byo tuganirira hano ni ingamba twashyira mu bikorwa kugira ngo imvura niba nyinshi cyangwa amapfa naba menshi ntibigire ingaruka zikomeye. Urubyiruko rero ruramutse rubyumvise, ruba aba mbere mu kujya kubyumvisha abandi hirya kugira ngo nk’abatuye mu manegeka, abahinga mu buryo bwangiza ikirere, abantu batazi ko kuhira bishobora gufasha, urubyiruko rujyane ubwo bumenyi bunabafashe kubishyira mu bikorwa, maze Igihugu cyacu gikomeze kuba mu by’imbere bihangana n’imihindagurikire y’ibihe nta ngaruka bigize ku baturage.”

Modester Lynn wo muri Kenya witabiriye iyi nama, avuga ko yishimiye kwitabira ibi biganiro bigamije gushishikariza urubyiruko kugira uruhare mu guhangana n’imihindagurikire y’ibihe, rwihangira imirimo mu buhinzi bugezweho bugamije kwihaza mu biribwa.

Modester Lynn wo muri Kenya agaragaza ko urubyiruko ruramutse rwitabiriye ku bwinshi ubuhinzi butangiza ikirere, rwagira uruhare rukomeye mu kwihaza mu biribwa no mu guhangana n’imihindagurikire y’ibihe

Yagize ati “Ibi ni ingenzi cyane kuri twe by’umwihariko nk’urubyiruko turamutse tugize uruhare mu guhangana n’imihindagurikire y’ibihe twatanga umusanzu ukomeye mu buhinzi butangiza ikirere no kwihaza mu biribwa. Turasabwa guhanga udushya no gutanga imbaraga zikenewe kugira ngo ingamba zifatwa zishyirwe mu bkorwa kandi zitange umusaruro. Twiyemeje kuzamura ijwi ryacu nk’Akarere kose ka Afurika y’Iburasirazuba, kuruta uko Igihugu kimwe cyabigira ibyacyo cyangwa se umuntu umwe ku giti cye. Twiyemeje gukorera hamwe tukareba icyo twafasha nk’urubyiruko mu kwihaza mu biribwa, no guhangana n’imihindagurikire y’ibihe.”

Mugenzi we wo muri Tanzania, witwa Glory Kaaya, avuga ku ruhare rw’urubyiruko n’abagore mu iterambere ry’ubuhinzi butangiza ikirere, yagize ati “Abagore n’abakobwa ni twe akenshi duteka, ni twebwe tujya gushaka inkwi n’ibitunga umuryango, rero dukwiye kumva ko natwe turebwa n’ingamba zo gukumira ingaruka z’imihindagurikire y’ibihe. Kuko nitutabikora uzasanga ibyemezo byinshi bifatwa n’abagabo nyamara batazi ibibera mu gikoni, bityo ijwi ryacu ntiryitabweho.”

Glory Kaaya wo muri Tanzania ashishikariza by’umwihariko abagore n’abakobwa kumva ko na bo barebwa n’ingamba zo gukumira ingaruka z’imihindagurikire y’ibihe

Umunyamabanga Uhoraho muri Minisiteri y’Urubyiruko n’Iterambere ry’Ubuhanzi, Ngabo Brave, yagaragaje ko kuba urubyiruko rurimo kurushaho kwitabira ibyerekeranye n’ubuhinzi ndetse n’ikoranabuhanga, bitanga icyizere cyo kugera ku buhinzi bugezweho bwihanganira ihindagurika ry’ikirere.

Yagize ati “Urubyiruko rurabyitabira ku mubare munini uhereye ku mashuri ya kaminuza abyigisha, nk’aho bigisha ubuhinzi bukorerwa ahameze nko mu nzu (Greenhouses) ndetse hafite ikoranabuhanga ryo gupima ibijyanye n’ihindagurika ry’ikirere, ku buryo bashobora guhinga haba mu mpeshyi (mu gihe cy’izuba ryinshi) no mu gihe cy’imvura (mu itumba).”

Ati “Ibyo rero bigenda bigaragara cyane cyane mu rubyiruko rusohoka mu mashuri arimo kubyigisha mu Rwanda. Uko umubare ugenda uzamuka, usanga mu ikoranabuhanga urubyiruko rurimo, ariko noneho rutangiye kumva n’impamvu yo kujya mu buhinzi bw’umwuga kandi buteye imbere. Turacyari mu rugendo, ariko urubyiruko rurabyitabira. Imbogamizi bagihura na yo ni ukubyumva kugira ngo bumve ko ubuhinzi uyu munsi ari umurimo wakorwa kinyamwuga bugashobora kubateza imbere. Hari n’ikibazo cy’ubumenyi butaraba bwinshi , ariko hari icyizere ko ubumenyi bukomeza kwiyongera uko abanyeshuri bagenda barangiza muri za kaminuza. Indi mbogamizi ni ijyanye no kubona imari ibafasha gukora, ariko Leta yashyizeho ingamba zirimo gusaba ibigo by’imari korohereza urubyiruko kugira ngo rubone ubushobozi bwo gushora imari mu buhinzi buteye imbere.”

Umunyamabanga Uhoraho muri Minisiteri y’Urubyiruko n’Iterambere ry’Ubuhanzi, Ngabo Brave, agaragaza ko urubyiruko rurimo rwiga ubuhinzi muri za kaminuza rutanga icyizere cyo kubuteza imbere kuko babijyanisha no kwiga uko byakowa hifashishijwe ikoranabuhanga

Mu rwego rwo gufasha urubyiruko kwitabira ubuhinzi bugezweho, Umuryango AGRA uvuga ko muri gahunda ufite harimo gufatanya na za Leta mu guhangira urubyiruko akazi rushingiye ku ruhare rwarwo mu guhangana n’imihindagurikire y’ibihe (green jobs). Hari na gahunda yo guha urubyiruko ubumenyi ku ngaruka z’imihindagurikire y’ibihe, n’icyakorwa kugira ngo hafatwe ingamba zituma ingaruka zitaba mbi cyane. AGRA kandi ifasha n’urubyiruko gukorera urugendo shuri ahandi kugira ngo bafunguke amaso, bigire ku bandi. Nko mu kwezi kwa cyenda 2025 hari abo bazajyana muri Senegal kureba ibyo abandi bakora, mu kwezi kwa cumi na kumwe hari n’abandi bazafashwa kujya muri Brazil guhaha ubumenyi bwabafasha mu ntego n’icyerekezo cyabo.

Urubyiruko rwo mu bihugu bitandukanye bya Afurika rwunguranye ubumenyi ku ruhare bagira mu buhinzi bugezweho bwihanganira imihindagurikire y’ibihe

Uru rwego rwagaragayemo izamuka ry’umusaruro w’amabuye y’agaciro, ishoramari n’ivumburwa ry’amabuye y’agaciro mashya afite ubuziranenge buhanitse. Mu rwego rwo gukomeza guteza imbere ubucukuzi bw’amabuye y’agaciro, Inama y’Abaminisitiri yemeje itangwa ry’impushya zo gushakashaka no gucukura amabuye y’agaciro na kariyeri.

Umusaruro w’amabuye y’agaciro u Rwanda rujyana ku isoko ryo hanze wariyongereye cyane kuva mu 2017, kuko ayo rwinjiza yavuye kuri Miliyoni 373 z’Amadolari, agera kuri Miliyari 1.7 y’Amadolari mu 2024.

Mu 2024, u Rwanda rwohereje mu mahanga amabuye y’agaciro arimo Coltan ingana na toni 2.384 zinjije Miliyoni 99 z’Amadolari, Gasegereti ipima toni 4.861 yinjije Miliyoni 96 z’Amadolari, Wolfram yari toni 2,741 zinjije Miliyoni 36 z’Amadolari, mu gihe Zahabu yari 19,397 yinjije Miliyari 1.5 z’Amadolari.

Perezida Paul Kagame muri Gicurasi 2025 yasuye ahacukurwa amabuye y’agaciro mu Karere ka Rulindo

Perezida Paul Kagame ubwe muri Gicurasi 2025 yakoreye urugendo mu Karere ka Rulindo ahari ikirombe cya Nyakabingo giherereye mu Murenge wa Shyorongi, mu rwego rwo kureba ibihakorerwa, kikaba ari cyo cya mbere muri Afurika gicukurwamo amabuye menshi ya Wolfram cyangwa se Tungsten. Icyo kirombe gikoresha abakozi barenga 1,800 ndetse umusaruro iyi sosiyete ibona wikubye hafi kabiri mu myaka itatu ishize.

Bamukuyemo bamujyana mu bitaro by’i Nyamata na byo bimwohereza i Kanombe ku bitaro bya Gisirikare bya Kanombe akaba ari ho arimo kuvurirwa.

Basanze yakomeretse ku ijosi, avunika ukuguru, avunika n’urutirigongo.

Kwa muganga babwiye abo mu muryango we ko hakenewe amafaranga y’u Rwanda abarirwa muri Miliyoni eshatu n’igice yo kwishyura imiti, ibitaro n’ubuvuzi akorerwa burimo no kumubaga. Abo mu muryango we bavuga ko nta bushobozi bafite, bakaba bahangayikishijwe n’uko uko atinda mu bitaro ari nako amafaranga agenda yiyongera. Ngo nta kazi gafatika yagiraga, akaba yakoraga ibiraka mu bwubatsi. Nta na mituweli yagiraga kuko ari umunyamahanga, ubundi bwishingizi bw’ubuzima bwigenga na bwo ngo ntabwo yagiraga kuko buhenze.

IRENGE NTABALA Samuel wo mu muryango wa Sadiki Munganga Gloire, asaba uwabishobora wese kubafasha kubona ubushobozi bwo kuvuza uwo murwayi, dore ko hari impungenge ko natinda kuvurwa umubiri we uzatakaza ubushobozi bwo kumva no gukora (paralyzed).

Uwakenera kubafasha yakoresha MoMoPay Code: *182*8*1*199913# ibaruye kuri Samuel, ufite Tel No: 0780725726

Hari abanyeshuri bize imyuga itandukanye, ndetse hari n’abanyamuryango b’amatsinda atandukanye yashinzwe mu Karere ka Kicukiro baje kugaragaza ibyo bamaze kugeraho bivuye muri ayo matsinda kubera ko bashoboye kwishyira hamwe kugira ngo babashe kujyana n’abandi, bizigamire, bafate inguzanyo, bakore imishinga bashobore kwiteza imbere.

Murekatete Brigitte, umukozi wa NUDOR muri Porogaramu ishinzwe iterambere ry’abantu bafite ubumuga, avuga ko impamvu yatumye babahuriza hamwe na ba rwiyemezamirimo, bari bagamije kwibutsa ba rwiyemezamirimo uburenganzira bw’umuntu ufite ubumuga kugira ngo bumve ko na we atagomba gusigara inyuma, ko na we agomba kubona akazi, kuko ari bumwe mu burenganzira afite.
Murekatete yagize ati “Twabibukije n’uko bakuraho inzitizi kugira ngo umuntu ufite ubumuga ashobore gukora akazi neza kandi atekanye. Twanababwiye ko ya myumvire yo kumva ko umuntu ufite ubumuga ari umuntu udashoboye, w’umukene, ukwiriye gufashwa, ko atari yo kuko hari n’abafite ubumuga baba barize, cyangwa se nubwo yaba atarize ariko ko ashobora kubona akazi gasanzwe akagakora kandi neza. Rero ba rwiyemezamirimo bongeye kwibutswa kuri ibyo bintu, ubona ko na bo bibateye kongera gutekereza, bagashyira muri gahunda guha akazi umuntu ufite ubumuga.”

Emmanuel Biregeya wari uhagarariye ivuriro Legacy Clinics, ashima ko ibiganiro bahawe byongeye kubibutsa ko nk’abikorera badakwiye guheza abafite ubumuga

Ku ruhande rwa ba rwiyemezamirimo, Emmanuel Biregeya uhagarariye ivuriro Legacy Clinics rikorera muri Kicukiro ahazwi nko kuri 15, yagize ati “Twishimiye cyane kuba muri aya mahugurwa, twigiyemo ibintu byinshi, kuri iyi gahunda yo kurebera hamwe uburyo abantu bafite ubumuga bashobora kwisanga muri sosiyete ngari. Twumvise ko abantu bafite ubumuga na bo ari abantu nk’abandi, ko batagomba guhezwa, ntibasubizwe inyuma muri serivisi dutanga, ahubwo tukabakira nk’uko twakira abandi.”

Biregeya kandi avuga ko mu bindi bateganya, harimo guha akazi abantu bafite ubumuga bakaba abakozi nk’abandi, kandi bagahabwa uburenganzira bungana nk’ubw’abandi.

Gihozo Turinabo Brigitte waje muri ibyo biganiro ahagarariye Kaminuza ya Mount Kigali, we avuga ko na bo muri Kaminuza bafite ibiro bireberera abantu bafite ubumuga ku buryo baharanira ko uburenganzira bwabo bwubahirizwa. Muri iyo kaminuza bafite abanyeshuri 22 bafite ubumuga harimo abafite ubumuga bw’ingingo, n’abatabona. Bagira imashini zibafasha gusoma biboroheye. Kaminuza kandi ifite uko yubatse mu rwego rwo korohereza mu ngendo z’abafite ubumuga bw’ingingo, ku buryo biga nta mbogamizi.

Gihozo Turinabo Brigitte waje mu biganiro ahagarariye Kaminuza ya Mount Kigali

Ati “Muri ibi biganiro bongeye kudushishikariza no kutwibutsa kubona umuntu wese nk’undi, ntidushyire ku ruhande abafite ubumuga, ahubwo duharanire ko buri wese yisanga mu bandi ku buryo bahabwa serivisi ingana ijana ku ijana.

Imbogamizi ba rwiyemezamirimo bakigaragaza ni uko usanga muri kampani nta bantu barimo bazi ururimi rw’amarenga bikaba imbogamizi mu gukorana n’abafite ubumuga bwo kutumva no kutavuga. NUDOR yagiriye ba rwiyemezamirimo kwegera umuryango RNUD wigisha urwo rurimi kugira ngo ubahugurire abakozi muri urwo rurimi, ku buryo babasha kurumenya no kuvugana n’abandi barukoresha.

Bahuriye mu nama yo kurebera hamwe uko barushaho gukorera ubuvugizi abafite ubumuga bwo mu mutwe

Umuyobozi w’umuryango Disability Inclusion Rwanda, Mukabalisa Félicité, avuga ko abantu bafite ubumuga bwo mu mutwe usanga hari serivisi zimwe na zimwe batibonamo nk’aho usanga muri gahunda y’uburezi budaheza, hari abatemererwa kwigana n’abandi badafite ubumuga mu ishuri rimwe, bamwe bikabaviramo kutiga, mu gihe nyamara ngo hagakwiye gushyirwaho uburyo bufasha wa mwana ufite ubumuga bwo mu mutwe na we akigana n’abandi.

Nsengiyumva Innocent ufite ubumuga bwo mu mutwe, ubu afite imyaka 34 y’amavuko. ni umwe mu bagizweho ingaruka no kuba atarabashije kwiga, kubera ubumuga bwo mu mutwe yagize afite imyaka itandatu, agerageza gutangira mu mwaka wa mbere ariko kwiga ntibyamushobokera kubera ko ikigo yigagaho ndetse n’ababyeyi batamushyigikiye, nk’uko yabisobanuye. Kuri ubu avuga ko atazi gusoma no kwandika. Yifuza ko hashyirwaho nk’ikoranabuhanga rivuga ku buryo yakora nko ku kintu cyangwa inyandiko ikabasha kuvuga, bityo na we akabasha kubyumva no kubyungukiramo.

Nsengiyumva Innocent ufite ubumuga bwo mu mutwe, avuga ko yahejwe ku ishuri agitangira mu wa Mbere w’amashuri abanza. Ubu ntazi gusoma no kwandika, akaba yifuza ikoranabuhanga ryajya rimwunganira

Ibi Nsengiyumva abihurizaho na Abayisenga Inema Pacifique, Umuyobozi Wungirije muri Disability Inclusion Rwanda, aho agaragaza ko abantu bafite ubumuga bwo mu mutwe bahezwa bagasigazwa inyuma, ntibabone ikoranabuhanga ribunganira.

Ati “Hari abo usanga kwivugira bigoye cyangwa bikabagora kugira ibikorwa bimwe na bimwe bakora badafite ikoranabuhanga nyunganizi. Usanga nta porogaramu z’ikoranabuhanga zabashyiriweho zabafasha mu gusobanura icyo bashaka kuvuga bihuse, kuko hari abagira ubumuga bwo mu mutwe bigatuma bagira n’imbogamizi mu kuvuga no gusobanura neza ibyo baba bashaka kugeza ku babumva.Nk’uko n’abandi bafite ubumuga baba bafite inyunganizi, rero hari igihe usanga nko kwivugira ikibazo afite bigoye ariko aramutse afite ikoranabuhanga nyunganizi, yabasha guhita avuga ikintu akeneye ako kanya mu buryo bwihuse. Rero kubagezaho ikoranabuhanga nyunganizi si impuhwe ahubwo ni uburenganzira bwabo. Urugero hari nka porogaramu z’ikoranabuhanga zishobora kuba zashyirwa nko muri telefone zabo, noneho zikabasha kuba zabafasha kuvuga cyangwa kubavugira ibyo bakeneye kuko hari abo kuvuga bigora”

Abayisenga Inema Pacifique, Umuyobozi Wungirije muri Disability Inclusion Rwanda, agaragaza ko hari nka porogaramu (Applications) zishobora gushyirwa muri telefone zikaba zakunganira abafite ubumuga bwo mu mutwe badashobora kuvuga bihuta

“Urugero, hari nka porogaramu (Application) ishobora gushyirwa nko muri telefone, umwana niba akeneye ikintu cyo kurya akaba yakandaho, iyo porogaramu ikavuga mu buryo bumworoheye, ugomba kumuha icyo kurya, icyo kunywa cyangwa niba ari aho agiye kujya bikabasha guhita bimworohera kumenya serivisi uwo muntu akeneye. Niba agiye kwa muganga, akaba wenda yakanda inyuguti mu buryo bwihuse kuko wenda kuvuga bimugoye.”

Mu bundi buhamya bwatanzwe bugaragaza ko hakiriho ihezwa, ni aho mu mashuri amwe n’amwe ngo umwana ufite ubumuga ajyayo kwiga, ariko bakamubwira ko we ishuri rye agomba kwigamo atari iryo, bakamwohereza mu bigo bya kure byigamo abo bahuje ibibazo by’ubumuga. Ibi ngo bitandukanye na gahunda ya Leta iharanira uburezi budaheza.

Mu kazi na ho ngo abafite ubumuga bwo mu mutwe baracyahezwa, kuko iyo hatangwa akazi ngo hari igihe abagatanga bamenya ko umuntu bari bagiye kugaha afite ubwo mubuga bwo mu mutwe, bagahita bakamwima, izi ngero zikagaragaza ko hakiri urugendo rurerure kugira ngo ikibazo cyo guheza abafite ubumuga bwo mu mutwe kirangire.

Nubwo hakiri ibikenewe, umuryango Disability Inclusion Rwanda ushima ubushake bwa politiki u Rwanda rugaragaza bwo kwita ku bafite ubumuga nko kuba baherutse kwemererwa kwivuriza ndetse no guhabwa insimburangingo n’inyunganirangingo kuri mituweli, ndetse hagashyirwaho n’amategeko arengera abafite ubumuga, inyubako zorohereza abafite ubumuga, ariko ugasaba Leta gutekereza no kwita by’umwihariko ku bafite ubumuga bwo mu mutwe, hashyirwaho uburyo buborohereza kwigana n’abandi mu mashuri aho batuye, kandi bagashyirirwaho imfashanyigisho ziborohereza mu myigire hakurikijwe ubumuga bafite.

Umuryango Disability Inclusion Rwanda washinzwe mu 2020. Ibikorwa byawo ubifatanyamo na Inclusion Africa ku nkunga y’Umuryango International Disability Alliance ufasha abafite ubumuga ku rwego rw’Isi.

Umuyobozi w’umuryango Disability Inclusion Rwanda, Mukabalisa Félicité, avuga ko impamvu bibanda ku bafite ubumuga bwo mu mutwe, ari uko bibagiranye. Abenshi muri bo ngo ntibabasha kwivugira. Ati “Duharanira rero ko na bo bibukwa muri gahunda zose z’Igihugu. Hariho ibikoresho byabafasha, ariko aho wabisanga muri sosiyete nyarwanda ni hacye.”

Uyu muryango n’abafatanyabikorwa bawo barimo inzego za Leta, imiryango ikora ubuvugizi ku bafite ubumuga cyane cyane ubwo mu mutwe, ndetse n’abantu bafite ubumuga ubwabo, bateguye amahugurwa y’iminsi ibiri bahuriyemo tariki 24-25 Kamena 2025 i Kigali, bagamije gufatanya mu kuzamura ijwi, kugira ngo buri munyarwanda yumve ko bimureba. Mukabalisa ati “Ikigiye gukorwa cyose hajye hibukwa ubudaheza, twibuke n’abafite ubumuga bwo mu mutwe, twibuke ko bakeneye kwitabwaho mu buryo bwihariye kugira ngo na bo ubushobozi bwabo tubashe kubuzamura kugira ngo hatagira n’umwe usigara inyuma.”

Simon Wachira, Umunyamabanga Mukuru w’Umuryango Inclusion Africa ukorana na Disability Inclusion Rwanda, ashima uko u Rwanda ari intangarugero mu guteza imbere ikoranabuhanga, ibitanga icyizere ko n’iryunganira abafite ubumuga bwo mu mutwe ritazatinda kwitabwaho

Simon Wachira, Umunyamabanga Mukuru w’Umuryango Inclusion Africa ukorana na Disability Inclusion Rwanda ugakorera mu bihugu 30 byo hirya no hino muri Afurika, ashima imikoranire bafitanye n’uyu muryango wo mu Rwanda, agashima n’u Rwanda kuko ari intangarugero mu guteza imbere ikoranabuhanga. Ibi rero ngo bitanga icyizere ko ku bufatanye n’u Rwanda bashobora gutangiza ikoranabuhanga ryakwifashishwa n’abafite ubumuga haba mu Rwanda no muri Afurika muri rusange.

Yagaragaje akamaro k’ikoranabuhanga ryunganira abafite ubumuga bwo mu mutwe, yifashishije urugero rw’umunyeshuri wabaga uwa cumi atararihabwa, ariko nyuma yo kurihabwa aba uwa mbere, agaragaza ko ibi bikoresho by’ikoranabuhanga byunganira, bishyizwemo ingufu byafasha benshi babikeneye mu mibereho yabo.

Simon Wachira yahamagariye n’abandi bafatanyabikorwa, inzego za Leta n’abafata ibyemezo gutekereza uko iki kibazo cyakwitabwaho.

Umuyobozi w’umuryango Disability Inclusion Rwanda, Mukabalisa Félicité, asaba buri wese kuzamura ijwi rye mu kurwanya ihezwa ry’abafite ubumuga bwo mu mutwe

Habanabakize Thomas, Umuyobozi wa G.S. Bumbogo

Habanabakize Thomas, Umuyobozi w’icyo kigo cy’amashuri, abajijwe uko babasha kwita kuri abo banyeshuri kandi badahuje ibibazo, yagize ati “Birumvikana natwe ntabwo turi ku rwego rushimishije rwo kubafasha mu buryo buhagije, ariko nibura kugira ngo na bo babashe kuba hamwe n’abandi, tugerageza ibyo dushoboye byose dufatanyije n’abafatanyabikorwa barimo Ishyirahamwe Nyarwanda ryita ku bantu bafite ubumuga bwo kutumva no kutavuga (RNUD) ridufasha mu guha abarimu amahugurwa mu bimenyetso by’amarenga, kugira ngo babashe gufasha abandi barimu bagenzi babo ndetse n’abanyeshuri. Gusa turacyafite bakeya, ariko batwizeza ko bazagenda bahugura n’abandi ku buryo ikigo cyacu cyaba icyitegererezo mu kwakira abana bose.

Kuri icyo kigo higa abanyeshuri 21 bafite ubumuga, barimo abakobwa 13 n’abahungu 8. Abafite ubumuga bwo kutumva no kutavuga ni bane. Harimo umwe ugeze mu mwaka wa kabiri w’amashuri yisumbuye, n’abandi batatu biga mu mashuri abanza.

Umuyobozi w’ikigo avuga ko nubwo abo banyeshuri bafite ubumuga butandukanye, kubazana ku ishuri bibafasha kugira ubumenyi bunguka. Ati “Aho kugira ngo birirwe mu rugo, nibura nubwo atakwiga imibare cyangwa ibindi bihambaye, ariko nibura yiga kubana n’abandi no kwigirira isuku. Hari igihe aza ku ishuri atazi kwijyana ku bwiherero, ariko yagera ku ishuri tukabimwigisha. Hari ibindi yiga bijyanye n’imibereho ya muntu ya buri munsi.”

Abajijwe ku mibanire y’abanyeshuri bafite ubumuga n’abatabufite, uwo muyobozi w’ikigo yavuze ko hakiri bamwe mu banyeshuri usanga batabisanzuraho ijana ku ijana, aho usanga babita amazina abapfobya, ati “Ayo mazina bakunda kubita turayarwanya, tukabereka imvugo nyayo iboneye abo bana bagomba kwitwa. Twebwe tugeze ku rwego navuga ko rushimishije. Izo mvugo ntabwo zikunze kuhaboneka cyane. Ibijyanye n’imibanire n’abanyeshuri bagenzi babo, nta kibazo kirimo kuko barakina, harimo nk’uza ari mushya ugasanga wenda arashaka kwigunga, ariko ukabona abandi bamuhamagaye, rimwe na rimwe ntibashobore kumuvugisha ngo yumve, ariko bakagerageza guca amarenga bamwereka ko bakeneye gukinana na we, bikamufasha kwisanzura muri bagenzi be.”

Naho ku bijyanye n’ubumenyi ndetse n’ubushobozi bw’abarimu mu kwita kuri bene abo banyeshuri, Habanabakize Thomas uyobora iryo shuri avuga ko ubumenyi butaraba bwinshi, ariko umuryango RNUD ufasha iryo shuri guhugura bamwe, kugira ngo umunyeshuri wagira ibyo akeneye abandi badashobora kumva abashe kumutega amatwi.

Ati “Babaye baduhuguriye abarimu 13 mu barimu 71 bari kuri icyo kigo, abo na bo bakaba barimo gufasha bagenzi babo kugira ngo bose bagire ubwo bumenyi. Mu ntangiriro z’umwaka utaha RNUD yatwemereye guhugura abandi barimu ariko igahugura n’abanyeshuri kugira ngo bajye bafasha bagenzi babo, aho abarimu batari.”

Habanabakize asaba Guverinoma ko mu mashuri cyane cyane ayigisha ibijyanye no kwigisha (mu mashuri yisumbuye azwi nka TTCs cyangwa muri Kaminuza) yagerageza kongeramo isomo ryo kwiga ururimi rw’amarenga, bityo umwarimu akajya atangira akazi afite ubumenyi muri urwo rurimi.

Yasabye n’umuryango nyarwanda gufasha amashuri kwita kuri abo bana bafite ubumuga, baba abari ku ishuri ndetse n’ababa baraheze mu ngo kubera ko wenda imiryango yabo ibona ko ntacyo bashobora, na bo bakabohereza ku ishuri kuko ari abantu nk’abandi, bakeneye kwiga bakamenya, bagatera imbere, ejo habo hakazaba heza.

Abanyeshuri bafite ubumuga bwo kutumva no kutavuga bo barabivugaho iki?

Tuyishimire Denyse ni umwe mu banyeshuri bafite ubumuga bwo kutumva no kutavuga biga kuri G.S. Bumbogo. Yiga mu mwaka wa kabiri w’amashuri yisumbuye. Kuba biga abafite ubumuga n’abatabufite bose bavanze, bakiga mu ishuri rimwe. Tuyishimire yagize ati “Icyo ni cyo cyiza cya mbere kuko dushobora kubana nubwo dufite ubumuga abandi batabufite. Ikindi ni uko abarimu bamwe na bamwe ba hano bashoboye kwiga ururimi rw’amarenga, gusa ntibashobora kugera mu mashuri yose. Hari abanyeshuri bamwe ubona bashaka kumenya ururimi rw’amarenga kugira ngo bamfashe ariko bakagira imbogamizi yo kuba bataruzi, ariko uko bimeze muri rusange, biragenda.”

Tuyishimire Denyse, umwe mu banyeshuri bafite ubumuga bwo kutumva no kutavuga biga kuri G.S. Bumbogo

Abajijwe uko abona imyigire, niba abasha kwiga akabyumva ndetse agatsinda, yagize ati “Kubera ko abarimu bose batazi ururimi rw’amarenga kandi n’abaruzi ni gake gake, nta musemuzi mba mfite mu ishuri, ariko nkoresha ubushobozi bwose mfite nkagerageza kwiga neza. Gusa amanota ntabwo aba ari meza cyane ugereranyije n’aya bagenzi banjye. Ariko na none urebye kuko mfite ubumuga navuga ko atari mabi. Kandi ikindi naje ahangaha nari natsinze mu mashuri abanza, aho Leta yanyohereje bambwira ko badashobora kunyakira, ariko iri shuri ndarishimira ko ryemeye kunyakira nubwo nari mfite ubumuga bwo kutumva no kutabona.”

Tuyishimire abajijwe icyo abarimu bahuguwe babafasha, dore ko atari na bo babigisha amasomo yose, yavuze ko babafasha rimwe na rimwe, ariko kubera ko usanga ururimi rw’amarenga rudakoreshwa cyane mu ishuri, abarimu ngo bagenda bibagirwa bimwe na bimwe. Ariko nanone akavuga ko ari byiza kuba bamenye nibura iby’ibanze. Ati “Gusa nyine ntabwo bashobora kugera mu mashuri yose no mu masomo yose kubera ko abahuguwe ari bacye. Nk’abanyeshuri bafite ubumuga bwo kutumva no kutavuga biga mu mashuri abanza bo usanga bibagoye kurushaho. Gusa navuga ko uko byari bimeze mbere y’uko bahugurwa n’uko bimeze ubu bamaze guhugurwa, hari itandukaniro, bigenda biba byiza kurushaho.”

Tuyishimire asaba abafatanyabikorwa ba Leta n’ibigo by’amashuri cyangwa abandi bantu bafite ubushobozi gutera inkunga abana bafite ubumuga bwo kutumva no kutavuga kugira ngo bashobore kwiga neza byisumbuyeho, kubera ko amashuri menshi atabakira kandi impamvu ayo mashuri atabakira ngo ni uko abakozi bayo n’abarimu baba batazi ururimi rw’amarenga, amashuri afite abantu bazi ururimi rw’amarenga na yo ngo arahenze. Tuyishimire ati “Ni yo mpamvu nifuza ko yaba Leta cyangwa abafatanyabikorwa ba Leta bakomeza gushyiramo imbaraga n’inkunga, abana bafite ubumuga bagashobora kwiga neza.”

Umuryango RNUD usanga mu Rwanda hari intambwe yatewe, ariko haracyariho imbogamizi

Kwizera Clementine, umukozi w’ Umuryango Nyarwanda w’abantu bafite ubumuga bwo kutumva no kutavuga (Rwanda National Union of the Deaf - RNUD), ushinzwe gukurikirana ishyirwa mu bikorwa ry’umushinga Community Based Inclusive Development - CBID Tujyanemo, na we asanga inzego zose, abaturage, mbese buri muntu wese, akwiye kugaragaza uruhare rwe mu gushyigikira imibereho myiza y’abantu bafite ubumuga.
Iyi ni imwe mu mpamvu yatumye tariki 11 Kamena 2025 bategura ubukangurambaga bwitwa ‘Ring the Bell’ bisobanuye kuvuza impanda cyangwa inzogera.

Kwizera Clementine asaba buri muntu wese kugaragaza uruhare rwe mu gushyigikira imibereho myiza y’abantu bafite ubumuga

Ati “Icyo ubu bukangurambaga buba bugamije ni ukugira ngo dukangurire abantu bose harimo ababyeyi, abanyeshuri, abarezi, abayobozi mu nzego zitandukanye, ndetse n’abandi bafatanyabikorwa ba Leta, bumve ko umwana ufite ubumuga afite uburenganzira, by’umwihariko bwo kwiga kuko ni cyo tuba twibanzeho cyane, ariko si ukuvuga ko ari ukwiga gusa kuko n’ubundi burenganzira bwose atabuhejweho.”

Kwizera yongeyeho ati “Impamvu twatangiriye mu burezi ni uko usanga umubyeyi abyara umwana yabona afite ubumuga, akumva ko kwiga bitamureba, akavuga ati ese niyiga azabikoresha iki? Cyangwa se yakwiga akabishobora? Dufite ingero nyinshi n’ibihamya byerekana ko umuntu ufite ubumuga iyo yitaweho kuva mu buto bwe, akura akagirira akamaro sosiyete ndetse n’umuryango we.”

“Twabikoreye kuri iri shuri rya GS Bumbogo kuko risanzwe rifite abana bafite ubumuga bahiga, ariko noneho ni ukugira ngo n’abandi barimu bari hano, n’abanyeshuri bagenzi babo n’ubuyobozi bwa Leta buri hano, abafatanyabikorwa b’Umurenge by’umwihariko, bumve ko atari ibintu bireba umubyeyi gusa, cyangwa ishuri gusa, ahubwo bumve ko buri wese afite uruhare mu nshingano ze, mu byo akora, mu bushobozi bwe, afite uruhare kugira ngo umwana ufite ubumuga yige, kandi yige neza.”

Abajijwe mu Rwanda uko abona ubu burenganzira buhagaze, Kwizera yagize ati “Ibintu ntabwo ari bibi cyane. Hari byinshi byakozwe, hari politiki yashyizweho ya ‘Special Needs Education’ iteganya ko umwana ufite ubumuga yakwiga. Igituma dukora ubu bukangurambaga ni ukugira ngo dufashe Leta, cyangwa se n’abandi bafite mu nshingano ishyirwa mu bikorwa rya gahunda zitandukanye Leta iba yarashyizeho.”
“Iyo bavuze ngo ntihagire umwana uva mu ishuri (zero out of school), iyo bavuze ngo umwana wese agomba kwiga, ufite ubumuga hari ibyo bamugeneye kuko bazi ko afite intege nke bakavuga bati mu kizamini turamwongereraho iminota runaka, mu kizamini hari uburyo bwihariye bakosorwamo, ibyo byose ni ibintu byiza Leta yakoze kandi ikomeje gushyiramo imbaraga. Ariko nyine haracyari n’urugendo, ntitwavuga ko twagezeyo. Iyo turebye integanyanyigisho, abana bose biga amasomo amwe, kandi hari abafite ubushobozi buri hasi, cyangwa se badashoboye kugendana na ya nteganyanyigisho (curriculum). Abarezi uyu munsi ntabwo bose bafite ubushobozi bwo kwigisha umwana ufite ubumuga, abarezi bazi ururimi rw’amarenga ni bacye cyane, ndetse usibye ubumuga bwo kutumva no kutavuga, n’abafite ubumenyi mu gufasha abafite ubundi bumuga baracyari bacye. Usanga iyo ari imbogamizi. Yego umwana ashobora kuza ku ishuri, umubyeyi yabyumvise amwohereza ku ishuri, ariko nagera ku ishuri ukibaza ngo arabona serivisi ya nyayo koko? Araza kwiga? Nk’ubu iyo turebye abarimu bazi inyandiko ifasha abatabona (Braille) ni hafi ya ntabo. Amashuri ntafite ibyo bikoresho ku buryo umunyeshuri waza afite ubumuga bwo kutabona baba bafite ibikoresho yakenera, na byo biracyari imbogamizi. Mbese imbogamizi zihari ni ishyirwa mu bikorwa rya gahunda zitandukanye za Leta, ariko twavuga ko uko biri, hari intambwe igenda iterwa umunsi ku munsi.”

Blandine Uwimana, Umujyanama mu buyobozi bwa RNUD, avuga ko kwita ku bantu bafite ubumuga bikwiye kuva mu magambo bikajya mu bikorwa

Blandine Uwimana, Umujyanama mu buyobozi bwa RNUD, na we asanga ibyo kwita ku bantu bafite ubumuga bikwiye kuva mu magambo bikajya mu bikorwa. Ati “Twateguye ubukangurambaga ‘We ring The Bell’ buvuze ngo ‘tuve mu magambo, tujye mu bikorwa’ kugira ngo uburenganzira bw’umwana ufite ubumuga na bwo bugerweho nk’abandi. Dukangurire abarimu bashobore kuba bakwiga ururimi rw’amarenga kugira ngo bashobore gufasha ba bana bafite ubumuga bwo kutumva no kutavuga bari mu bigo by’amashuri, mbese bakoroherezwa kugira ngo babashe kugera ku burezi kimwe nk’abandi mu bigo by’amashuri.”

Ati “Ikindi cya kabiri muri ubu bukangurambaga rero, dukeneye gukangurira n’abana ngo na bo ubwabo bige ururimi rw’amarenga kugira ngo bashobore kuganira na bagenzi babo, no kubafasha mu buryo bworoshye. Ni gahunda ishingiye ku mushinga wo gufasha abanyeshuri ndetse n’abarezi kugira ngo bashobore gusobanukirwa ibijyanye n’uburezi budaheza.”

Umuryango RNUD ukangurira ababyeyi bafite abana bafite ubumuga gukurikirana ubumuga bwabo hakiri kare ku myaka itatu bakaba babajyana mu ishuri ku buryo batangirira ishuri ku gihe kimwe nk’abandi, batabanje gusigara mu rugo ngo bazajye ku ishuri bagize imyaka umunani cyangwa icumi.

Blandine Uwimana ati “Ubukangurambaga bwiswe ‘We Ring The Bell’ bisobanuye ngo nibakanguke, bite ku burenganzira bwa wa mwana ufite ubumuga kimwe nk’abandi. Ntiduhere mu gihe cyo gusinzira. Iyi nzogera isobanuye ikintu kinini, kugira ngo abantu bakanguke dukore ubuvugizi, wa mwana ufite ubumuga na we yitabweho kimwe nk’abandi, apana kumuhisha mu muryango. Ni yo ya nzogera tuvuza kugira ngo wa mwana aze mu ishuri na we agire uburenganzira n’uruhare kimwe nk’abandi, ntasigare mu muryango ngo yumve ko ari wenyine.”

Ubukangurambaga bwiswe ‘We Ring The Bell’ bwatangiye ku rwego mpuzamahanga muri 2012 ariko mu Rwanda butangira muri 2018. Bukorerwa mu bihugu 20 nibura bugakorwa rimwe mu mwaka

Abanyeshuri, abarimu, abayobozi n’ababyeyi baganirijwe ku kudaheza abantu bafite ubumuga, by’umwihariko abana bakaba bakwiye gushyigikirwa kugira ngo na bo bahabwe uburezi bukwiye

VIDEO – Mu bukangurambaga ‘We Ring The Bell’ abiganjemo abanyeshuri bo kuri G.S. Bumbogo mu Karere ka Gasabo baravuza ingoma, amafirimbi, inzogera n’ibindi bitandukanye, bagamije gukora ubuvugizi no gukangurira abantu kwita ku mwana ufite ubumuga kimwe nk’abandi. pic.twitter.com/r8M03ozW4W

— Kigali Today (@kigalitoday) June 23, 2025

VIDEO – Tuyishimire Denyse afite ubumuga bwo kutumva no kutavuga. Yiga mu mwaka wa kabiri w’amashuri yisumbuye kuri G.S. Bumbogo mu Karere ka Gasabo. Abasha kwigana ate mu ishuri rimwe n’abandi banyeshuri badafite ubumuga? Umva uko abisobanura(hifashishijwe umusemuzi). pic.twitter.com/HB5ffle8ql

— Kigali Today (@kigalitoday) June 23, 2025

Mufti w’u Rwanda, Sheikh Sindayigaya Musa, ashima Inkotanyi zahagaritse Jenoside, zikabohora u Rwanda

Yagize ati “Barwanyije ubutegetsi bubi barabutsinda, bahagarika Jenoside, babohora Abanyarwanda, ndetse babagarurira icyizere cyo kubaho, banimakaza imiyoborere myiza ihuza Abanyarwanda, ibashyira hamwe, ndetse baca amacakubiri n’ivangura iryo ari ryo ryose. Uru rugamba rwubahirije umuhamagaro w’Imana muri Korowani Ntagatifu, aho Imana isaba abantu guhaguruka bakajya mu rugamba rwo kurengera abanyantege nke batotezwa, bakorerwa akarengane, aho baba basaba Imana ngo ibahe ubatabara.”

Yongeyeho ati “Nkotanyi rero, duhereye ku nyigisho ivuga ngo udashimira abantu ntiyashimira Imana, natwe dufashe uyu mwanya ngo dushimire abari ingabo z’Inkotanyi, tuvuga tuti mwarakoze, Imana ikomeze ibarinde.”

Mufti w’u Rwanda, Sheikh Sindayigaya Musa, ibi yabigarutseho tariki 21 Kamena 2025 ubwo umuryango w’Abayisilamu mu Rwanda (RMC) wibukaga ku nshuro ya 31 Jenoside yakorewe Abatutsi. Abitabiriye iki gikorwa babanje gusura Urwibutso rwa Jenoside yakorewe Abatutsi rwa Kigali ku Gisozi, bunamira inzirakarengane zirenga ibihumbi 250 zihashyinguye.

Iki gikorwa cyitabiriwe n’abarenga 500 bahagarariye abandi baturutse mu turere 30 tw’Igihugu. Barimo abayobozi mu nzego zitandukanye z’Umuryango w’Abayisilamu mu Rwanda, abagore abagabo, ndetse n’urubyiruko rw’Abayisilamu. Sindayigaya avuga ko gusura urwibutso ari ngombwa cyane cyane ku rubyiruko kugira ngo rumenye amateka, Jenoside ntizongere ukundi.

Yagize ati “Nk’umuryango w’Abayislamu mu Rwanda, twifatanya n’abandi Banyarwanda muri iki gihe cyo kwibuka no gukomeza kuzirikana inzirakarengane zazize Jenoside yakorewe Abatutsi mu 1994, no kugira ngo ayo mateka tuyamenye, uko Jenoside yateguwe n’uko yashyizwe mu bikorwa, bitume turushaho kuyakumira kugira ngo bitazongera ukundi, kuko mu mateka umuntu yigiramo, hanyuma agafata ingamba z’igihe kizaza.”

“By’umwihariko twatumiyemo urubyiruko rwinshi kugira ngo aya mateka urubyiruko ruyamenye, ruyasobanukirwe neza, rumenye uko Jenoside yateguwe, uko yashyizwe mu bikorwa, ubukana yakoranywe, ndetse n’uburyo ingengabitekerezo yimakajwe mu Banyarwanda. By’umwihariko impamvu urubyiruko twahisemo ko rwitabira ku bwinshi, ni uko nk’uko mubona hirya no hino, urubyiruko ni rwo rwitabira gukoresha imbuga nkoranyambaga, kandi tubonamo abantu bapfobya Jenoside n’abandi batanga ubutumwa butari bwiza bakoresheje imbuga nkoranyambaga. Rero biba ari ukugira ngo urubyiruko ayo mateka ruyasobanukirwe neza. Mu birufasha kugira ubumenyi harimo n’izi gahunda zo kwibuka kugira ngo barusheho kumva ayo mateka no kuyasobanukirwa, maze barusheho kurinda u Rwanda n’ibyagezweho, bityo twese tujye mu njyana y’uko Jenoside itazongera ukundi mu Gihugu cyacu.”

Urubyiruko rwari rwiganje mu basuye urwibutso rwa Jenoside yakorewe Abatutsi ruri ku Gisozi kugira ngo rumenye amateka, Jenoside ntizongere ukundi

Sheikh Sindayigaya Musa yihanganishije abarokotse Jenoside yakorewe Abatutsi mu 1994, ati “Nimukomere, mutwaze, kandi dukomeze twibuke twiyubaka. Nagira ngo mbabwire ngo nimukomere, kuko mufite impamvu zituma mukomera, kandi mukanigirira icyizere. Mufite Imana Nyagasani, hanyuma mukagira Igihugu cy’u Rwanda kiyobowe na Nyakubahwa Perezida wa Repubulika Paul Kagame ukunda Abanyarwanda, kandi agahora adushakira ineza, ndetse akaba yaraduhaye igihango, atwizeza ko Jenoside itazongera ukundi.”

Amateka agaragaza ko ubuyobozi bw’Idini ya Islamu mu Rwanda butijanditse muri Jenoside yakorewe Abatutsi, kuko n’abayikoze b’Abayislamu bari abayoboke b’idini ya Islamu gusa, bakba nta mwanya w’ubuyobozi bari bafite mu idini. Mufti w’u Rwanda wariho icyo gihe witwa Sheikh Mugwiza Hamad, yasohoye inyandiko yo ku wa 12/03/1992 yasabaga Abayislamu kutishora mu bwicanyi, abibutsa ko ntawe ukwiye kwicwa azira uko yavutse.

Indi mpamvu yatumye Abayislamu benshi batajya mu ruhande rw’abishe ahubwo bakarwana ku bicwaga, ni imyigishirize ya Islamu ivuga ko kwica umuntu ari icyaha, kandi ko uwica Imana itazamubabarira. Ni mu gihe andi madini n’amatorero yo yigisha ko nta cyaha kitababarirwa.

Sheikh Sindayigaya avuga ko ubusanzwe Idini ya Islamu ifite amahame n’inyigisho igenderaho ku buryo bikurikijwe, Jenoside itashoboka kuko Islamu itegeka indangagaciro nyinshi zigamije kubaka ubumuntu no kubaka ubumwe, gushyira hamwe no gukundana, ikabuza amacakubiri n’ivangura iryo ari ryo ryose.

Ati “Kumena amaraso y’umuntu umwe bibarwa ko uba wishe abantu bose, ndetse n’iyo ukijije ubuzima bw’umuntu umwe uba ukijije ubuzima bw’abatuye Isi yose. Biratwereka ko amaraso y’umuntu ari ikintu gikomeye cyane ndetse gifite ubudahangarwa mu myemerere y’idini ya Islamu.”

Yasobanuye kandi ko inyigisho y’intumwa y’Imana igaragaza ko ku munsi w’imperuka, urubanza Imana izaheraho ica ari urwo kumena amaraso, icyo kikaba ari cyo cyaha Imana izabanza kuburanisha hagati y’imibanire y’abantu n’abandi.

Col Désiré Migambi Mungamba wo muri RDF yahaye ikiganiro abitabiriye igikorwa cyo kwibuka, asobanura ko ibikorwa by’ubutegetsi bubi bwariho mbere bwarangwaga n’amacakubiri, itoteza na Jenoside yakorewe Abatutsi ari byo byatumye habaho urugamba rwo kubohora u Rwanda, yizeza ko ingabo zabohoye Igihugu zigihari ngo zirinde ibyagezweho ariko yibutsa ko n’uruhare rwa buri wese rukenewe.

Minisitiri w’Ubutegetsi bw’Igihugu, Dr Patrice Mugenzi, yaburiye abayobora amadini n’amatorero bakirangwa n’ivangura n’amacakubiri, avuga ko batazihanganirwa

Minisitiri w’Ubutegetsi bw’Igihugu, Dr Patrice Mugenzi, na we wifatanyije n’Abayislamu mu kwibuka, yasabye abanyamadini n’amatorero kwirinda ibikorwa by’ivangura, ahubwo bakimakaza ubumwe bw’Abanyarwanda.

Yagize ati “Ibimaze kugaragara ni uko hari abayobozi b’amadini bagifite ivangura mu madini yabo. Abo rero turagira ngo tubashishikarize kongera kwisuzuma no gufata umugambi nyawo wo kubaka ubumwe bw’Abanyarwanda kuko umuntu wese uzatatira ubumwe bw’Abanyarwanda, azahanwa nk’umugome uwo ari we wese.”

Bishimiye ko akazi bahawe kazabafasha kwiteza imbere

Mu Karere ka Kicukiro, ako kazi kahawe Koperative y’urubyiruko yitwa ‘Kicukiro Youth Cooperative’. Nsengiyumva Théogène, Perezida w’iyo koperative, avuga ko kuri ubu bakorera mu Mirenge itandatu ari yo Kanombe, Kicukiro, Gatenga, Nyarugunga, Kigarama na Gikondo.

Kugeza ubu bafite abakozi 208 harimo urubyiruko 91 ruri hagati y’imyaka 18 kugera kuri 30 bakaba barahawe imirimo guhera mu kwezi kwa kane.

Iyo koperative irateganya kwagura aho bakorera muri uku kwezi kwa gatandatu n’ukwa karindwi mu mirenge ya Kagarama, Niboye ndetse na Masaka, muri rusange bakazagera mu mirenge yose ya Kicukiro, dore ko bategereje ko amasezerano y’ibigo byigenga bisanzwe bikora ako kazi arangira kugira ngo iyo koperative y’urubyiruko ikomerezeho.

Nsengiyumva Théogène, Perezida w’iyo koperative y’urubyiruko, ashima ayo mahirwe bahawe. Ati “Bizadufasha guha urubyiruko rwinshi akazi ndetse bidufashe kwiteza imbere mu bundi buryo. Hari abajene benshi batari bafite imirimo, ubu babonye imirimo.”

Usibye gukora isuku yo ku mihanda no mu busitani, barateganya n’indi mishinga nko guhumbika indabo n’ibiti biterwa ku mihanda, no gutunganya ifumbire mu myanda baba bakusanyije hirya no hino. Koperative yabo ifite abanyamuryango 54, ikagira abantu umunani bari mu buyobozi bwayo.

Nsengiyumva Théogène, Perezida wa koperative y’urubyiruko muri Kicukiro avuga ko aya mahirwe bahawe azafasha mu kurwanya ubushomeri

Nsengiyumva ati “Mu by’ukuri dukora neza nta kibazo, kandi turabona ko imbere ari heza, dufite n’iterambere mu bihe bizaza. Turashimira cyane ubuyobozi bw’Umujyi wa Kigali ndetse n’Igihugu muri rusange kuba baratekereje ku rubyiruko kugira ngo rubone imirimo, rwiteze imbere. Turabizeza ko natwe tuzakoresha imbaraga zacu zose kugira ngo aya mahirwe tuyabyaze umusaruro, duheshe urundi rubyiruko akazi, natwe twiteze imbere, bwa bushomeri bwavugwaga hano iwacu muri Kicukiro tuzabwita amateka kuko abenshi bazajya babona imirimo muri iyi koperative yacu.”

Abari basanzwe ari abakozi ngo nta mpungenge z’uko bazabura akazi kuko ari bo iyo koperative y’urubyiruko yahereyeho ibaha akazi irabagumana, ndetse ahubwo yongeraho abandi. Amafaranga bahembwaga na yo ngo yariyongereye. Abafite imodoka zitwara iyo myanda na bo abenshi bagiranye amasezerano n’iyo koperative bakomeza gukorana nk’umukoresha wabo mushya.

Umuhuzabikorwa w’Inama y’Igihugu y’Urubyiruko mu Karere ka Kicukiro Mutsinzi Mussa, avuga ko bashima imikoranire urubyiruko rufitanye n’inzego za Leta. Ati “Ziratwumva, zikadushyigikira mu bikorwa bitandukanye tuba twifuza kugeraho. Batugira inama, bakanadufasha mu buryo bw’ubushobozi, kugira ngo ya mihigo yacu tubashe kuyesa.”

Umuhuzabikorwa w’Inama y’Igihugu y’Urubyiruko mu Karere ka Kicukiro, Mutsinzi Mussa, ashima imikoranire urubyiruko rufitanye n’inzego za Leta

Mutsinzi yongeyeho ati “Amahirwe arahari Igihugu cyahaye urubyiruko, ahubwo urubyiruko rumenye ahari ayo mahirwe ruyakoreshe kugira ngo rutirirwa ruryamye mu rugo rugakuza ingeso y’ubunebwe rugatangira kwisanga mu ngeso zitari nziza, mu biyobyabwenge n’indi mico mibi idakwiriye urubyiruko rw’u Rwanda.”

Umuyobozi Nshingwabikorwa w’Akarere ka Kicukiro, Mutsinzi Antoine, na we ashima uruhare rw’urubyiruko mu iterambere ry’Akarere. Ati “Iyo turebye ibikorwa bitandukanye bagiramo uruhare cyane cyane ibikorwa byo kwiteza imbere, iyo turebye amakoperative bamaze kugira, ndetse n’amahugurwa bamaze iminsi batanga ku nzego zabo bagamije kurebera hamwe icyo bakora kugira ngo bajye na bo muri gahunda za Leta zirimo no guhanga umurimo, by’umwihariko twagize n’amahirwe aho Umujyi wa Kigali wahaye amahirwe urubyiruko bahabwa amasezerano yo gukora isuku ku mihanda, kandi tunashima n’uburyo barimo kubikora, tukabasaba kugira ngo bakomeze bashyiremo imbaraga. Ibyo rero biraduha icyizere cyo guha urubyiruko amahirwe, kuko rurashoboye. Tuzakomeza gushyiramo imbaraga kugira ngo dushake n’ahandi hose hari amahirwe twabasha gufatanya n’urubyiruko kugira ngo dukomeze iterambere ry’Igihugu.”

Umuyobozi Nshingwabikorwa w’Akarere ka Kicukiro, Mutsinzi Antoine, asaba urubyiruko kureka ubunebwe no kudasuzugura akazi, ahubwo bakabyaza umusaruro amahirwe Igihugu kibaha

Iki gikorwa cy’Umujyi wa Kigali cyo guha amahirwe urubyiruko no kurwubakira ubushobozi, ni kimwe mu byo urubyiruko rwa Kicukiro rwagaragaje ko rwishimira, ubwo rwari mu Nteko rusange y’Inama y’Igihugu y’Urubyiruko muri ako Karere tariki 13 Kamena 2025 .

Mu bibazo bagaragaje harimo ibibuga bidahagije bifasha urubyiruko mu mikino n’imyidagaduro. Ubuyobozi bw’Akarere bwabasezeranyije ko bugiye kuganira n’abafatanyabikorwa batandukanye kugira ngo barebere hamwe uburyo haboneka ibyo bibuga. Ku rundi ruhande ariko, urubyiruko rwasabwe gukura amaboko mu mifuka bagakora, bakareka ubunebwe ntibasuzugure akazi ako ari ko kose, kandi bakarangwa n’imyitwarire myiza.

Ibi biganiro bibaye mu gihe u Rwanda rwitegura kureba aho ruhagaze mu ntego rwihaye izwi nka NDC 3.0 yo kureba uko ruhagaze mu kwimakaza ubuhinzi n’ubworozi burengera ibidukikije.

Umuhuzabikorwa w’Ihuriro RCCDN, Vuningoma Faustin, avuga ko ibi biganiro byabaye tariki 10 Kamena 2025 bijyanye n’umugambi Leta yihaye ariko ukomoka mu masezerano mpuzamahanga agamije kurengera Isi yugarijwe n’ubushyuhe bwinshi bugatuma ibihe bigenda bihindagurika, bigatera ingaruka zigenda zigaragara hirya no hino ku Isi zirimo imyuzure, amapfa n’indwara.

Umuhuzabikorwa w’Ihuriro RCCDN, Vuningoma Faustin

Ati “Ni yo mpamvu buri gihugu cyose mu bihugu 186 harimo n’u Rwanda, byiyemeje gushyiraho uyu mugambi w’igihugu wo kugira ngo barebe uburyo bahangana n’imihindagurikire y’ibihe, ariko bakareba n’uburyo bakumira ibyo byuka byoherezwa mu kirere ari byo bitera Isi gushyuha.”

“Uwo mugambi rero u Rwanda ruwufitemo uruhare. Urugero nabaha ni uko umugambi urangiye ari wo bita NDC 2.0 havugwagamo ko u Rwanda rugomba kugabanya ibyuka byoherezwa mu kirere ku rugero rwa 38% kugeza muri 2030. Hakabamo rero ingamba zifatwa kugira ngo duhangane n’ibibazo by’imihindagurikire y’ibihe, hakabaho n’ingamba zifatwa kugira ngo dukumire kohereza ibyo byuka mu kirere.”

Vuningoma yongeyeho ati “Iyo rero tuvuga ngo Agroecology cyangwa imihingire irengera ibidukikije ishyirwe muri uwo mugambi, ni ukugira ngo uburyo duhingamo bwongere busubirwemo. U Rwanda rwacu ni Igihugu cy’imisozi miremire. Ni igihugu ugomba kwitondera ubutaka bwacyo kuko ubutaka ni butoya bugomba gufatwa neza bugakomeza bufite ubuzima kugira ngo abana badukomokaho, abuzukuru n’abuzukuruza, n’abazaza nyuma yacu cyane bazashobore na bo gutungwa n’ubu butaka kuko u Rwanda ntabwo ari urw’abantu bariho gusa muri iki gihe, ahubwo ni n’urw’abandi bazaza mu gihe kiri imbere.”

Mu gufata neza ubutaka, ihuriro RCCDN risanga hagomba kubaho imihingire ituma ubwo butaka buzakoreshwa no mu gihe kizaza. Kutabwitaho ngo byatuma buhingwa nabi kugeza igihe buzajya buhingwa ariko ntibwere kubera ko bwagundutse cyane. Byagaragajwe ko uko ubutaka bugunduka ari na ko buhinduka nk’umusenyi. Ibyo bituma amazi ashobora kumanuka akagera ku rutare hasi noneho yamara kuba menshi agasunika ubutaka, ari na byo bitera ubutaka cyangwa umusozi kugenda ukava aho wari uri.

Amatungo iyo atitaweho uko bikwiye na yo ahumanya ikirere

Ihuriro RCCDN n’abafatanyabikorwa, mu biganiro bagiranye, bagaragaje ko amatungo na yo agomba gufatwa neza kuko na yo agira uruhare mu gusohora imyuka ijya mu kirere ikacyangiza.

Ibi bituruka ku miti bayatera, abantu bakanywa cyangwa bakarya ibyaturutse kuri ayo matungo birimo iyo miti, bikagira ingaruka ku buzima bw’abantu. Iyi ni yo mpamvu amatungo na yo agomba gufatwa neza, agahabwa amazi ahagije, akavurwa neza, hakagenzurwa imiti ahabwa, n’igihe abantu bagiye kuyarya hakagenzurwa niba iyo miti nta ngaruka yagira ku bantu.”

Ibiganiro ku mihindagurikire y’ibihe ku rwego mpuzamahanga byatangiye mu 1992 kandi buri mwaka uko bibaye, bigenda bifata intera zitandukanye hakurikijwe uko ibihugu bigenda biganira.

Imibare igaragaza ko Afurika yohereza mu kirere 4% by’imyuka ihumanya ikirere, nyamara ingaruka zikagera kuri uwo mugabane ari nyinshi, bitewe n’uko ikirere kidasakaye. Ni ukuvuga ko ibikorerwa mu Buhinde, mu Bushinwa, muri Amerika,… bigaruka bikagira ingaruka kuri uyu mugabane zirimo ubushyuhe bwinshi bwatewe n’imyuka ihumanya ikirere, bigateza imihindagurikire y’ibihe. Ibi kandi bituma imvura itakigwira igihe yagwiraga, ahantu henshi hakaba amapfa cyangwa se hakaba imyuzure n’inkangu zitwara imisozi. Ihuriro RCCDN rigaragaza ko ari ngombwa ko Afurika muri rusange n’Abanyarwanda by’umwihariko bamenya ko bagomba guhangana n’icyo kibazo, bakamenya ko gihari, bakamenya n’ibyo bakwiye gukora. Niba bahinga, bagateganya n’uko bafata amazi yifashishwa muri ubwo buhinzi, kubera ko imvura usanga igwa nabi cyangwa izuba rikaba ryaba ryinshi rikangiza imyaka iri mu murima.

Leta yiyemeje gufatanya na Sosiyete Sivile muri ubu bukangurambaga

Dr. Ndayisenga Fabrice ushinzwe ibyerekeranye n’ubushakashatsi n’ikoranabuhanga mu bworozi mu kigo RAB, na we yemeza ko amatungo ashobora kuba yagira uruhare mu kwangiza ikirere. Yagize ati “Amatungo uburyo ashobora guhumanya ikirere ni uburyo yorowemo. Amatungo uburyo agenda arisha ku misozi, bya bimera agenda arishaho bishobora guhumanya ikirere kuko ashobora kubyangiza, ariko na ya mase agenda ata bitewe n’ibyo yariye, hari imyuka isohokamo ikaba ishobora guhumanya ikirere. Hari uburyo rero bw’imyororere abantu bagirwamo inama. Ubu tuvuga ko aborozi bashoboye gukoresha ubutaka neza bakororera mu biraro bishobora gufasha kugira ngo ya myuka ihumanya ikirere igabanuke. Itungo rishobora no gusohora imiti ryariye mu maganga cyangwa mu mase akajya mu masoko y’amazi bigahumanya ibidukikije birimo ayo mazi cyangwa se ubutaka.”

Dr. Ndayisenga Fabrice avuga ko amatungo iyo atitaweho uko bikwiye agira uruhare mu guhumanya ibidukikije harimo abantu, amazi, ubutaka, n’ikirere

Yongeyeho ati “Ingamba ziriho ni uko hari ibyo dukwiye kuba twitaho mu kurengera amatungo kugira ngo tubashe kuba mu isi y’ibidukikije birengewe. Mu buryo bwa mbere nko ku matungo ni ukororera mu biraro, gukoresha neza imiti, kurinda amatungo uburwayi, ibyo byose ni ibintu dushishikariza aborora, tukabashishikariza no kumenya ingaruka y’ibyo bakora kugira ngo babashe kwirinda, kandi bahitemo uburyo bwiza bwo guhindura imikorere.”

Dr. Ndayisenga avuga ko ubushakashatsi bugaragaza ko ku kigero cya 75% by’indwara zitandukanye ziva ku mikoreshereze mibi y’imiti, ndetse ku rwego rw’Isi ikibazo cy’ikoreshwa nabi ry’imiti kiri mu bibazo bigaragara ko bizaba ari ikibazo cy’icyorezo nka COVID cyangwa izindi ndwara z’ibyorezo.

Imibare igaragaza ko nihatagira igikorwa ari amatungo atazavurwa ngo akire, ari abantu bariye ya matungo afite bya bisigazwa by’imiti bikajya mu mubiri bigatuma umuntu narwara, agakenera guterwa umuti utazagira icyo umumarira. Ibyo rero ngo biri mu bituma indwara ziyongera ku Isi ku kigero cya 75%.

Dr. Ndayisenga ushinzwe ibyerekeranye n’ubworozi muri RAB ati “Dukwiye kugira icyo dukora kugira ngo abantu bamenye ko imiti ikwiye kuba ikoreshwa mu buryo bwabugenewe, na muganga wabugenewe, n’uko uwo muganga yakubwiye gukoresha ya miti.”

Abitabiriye iyi nama bunguranye ibitekerezo binyuze mu biganiro

Abanyeshuri n’umwarimu bakurikiranyweho gukubita umwana agapfa

Uwo mwarimu witwa Nibagwire Caline ngo yahaye abo banyeshuri amabwiriza yo gukubita mugenzi wabo kuko yari aje kurya kandi atize.

Bamaze kumukubita ngo yarabacitse ariruka agwa muferege ufata amazi ava ku mashuri ufite ubureburebure bwa m1.5 z’ubujyakuzimu. Ngo bamutegeye moto, ajyanwa ku kigo nderabuzima Miyove, ariko umuyobozi wacyo avuga ko uwo munyeshuri yahageze yapfuye.

Umurambo nta bikomere ufite bigaragara usibye ko ufite udusharure mu gatuza, bikekwa ko yakubise agatuza hasi arimo ahunga Abanyeshuri bamukubitaga.

Abanyeshuri bakekwa ndetse n’umurezi wabo watanze amabwiriza yo kumukubita bajyanwe gufungirwa kuri Sitasiyo ya Polisi ya Byumba.

Umurambo w’uwo munyeshuri wajyanywe ku bitaro bya Byumba ukaba ugomba koherezwa i Kigali ku kigo cy’ibimenyetso bya gihanga (RFI) kugira ngo ukorerwe isuzuma.

Urubyiruko rukora ubuhinzi n’ubworozi rugira bagenzi babo inama yo guhindura imyumvire bakitabira iyo mirimo kuko yabafasha kubona akazi no kwiteza imbere

Uwase Yvette wo mu Karere ka Rwamagana mu Ntara y’Iburasirazuba, asanzwe ari umworozi w’inkoko wize n’ibijyanye no kuvura amatungo.

Agira ati “Ubuhinzi n’ubworozi ni umwuga mwiza utarimo abantu benshi. Ndashishikariza urubyiruko bagenzi banjye kwitabira ubuhinzi n’ubworozi, ntibabitinye kuko kujya mu buhinzi cyangwa ubworozi ntibivuze ko uba usa nabi. Ntitubiharire abakuze bonyine, ahubwo natwe tubijyemo kuko ni ibyacu. Ntabwo biguhindura, urakomeza ukaba uwo wari we, ahubwo biguhindura mu buryo bwo kwiyongerera ubushobozi ukabikora kinyamwuga ukazamuka. Ubuhinzi n’ubworozi ni imyuga nk’iyindi yakugeza kure mu iterambere.”

Ku batabifiteho ubumenyi bagira impungenge zo guhomba, Uwase Yvette abagira inama yo kwitabira amahugurwa atandukanye atangwa yigisha ubuhinzi n’ubworozi ku buryo bazabikora kinyamwuga, kandi ntibabitinye ngo batekereze ko bizatuma basa nabi.

Naho ku bagaragaza imbogamizi z’igishoro, cyangwa se bagatinya guhomba, Uwase avuga ko biterwa cyane cyane no kujya buri bizinesi utayisobanukiwe.

Ati “Babanze babaze abantu babizi babihuguriwe babagire inama. Niba ushaka kujya nko mu bworozi ushobora kureba umuveterineri ubizi akakugira inama. Ku gishoro rero, ntabwo abantu bose batangirira hejuru, ushobora no gutangirira hasi ku nkoko eshatu ukazorora neza zikagera ku icumi, cumi n’eshanu,… ukagenda uzamuka gake gake. Watangiza igishoro ufite nk’amafaranga ibihumbi icumi, ushobora no gukora akandi kazi runaka kakaguha amafaranga ukayifashisha mu gutangira kwikorera.”

Uwase Yvette wo mu Karere ka Rwamagana (ari na we ugaragara haruguru ari mu bworozi bw’inkoko) avuga ko kuba urubyiruko rwakora ubuhinzi n’ubworozi bitababuza kugaragara nk’abasirimu, ahubwo ko byabateza imbere mu bukungu

Nyirahabineza Justine utuye mu Karere ka Musanze, we yirengagije abamucaga intege maze atangira ubuhinzi bwa kinyamwuga akirangiza amashuri yisumbuye mu mwaka wa 2018. Kuri ubu ahinga ibirayi, ibigori ndetse na karoti.

Hari abamusekaga, bakamubaza impamvu umubyeyi yamurihiye amashuri, none aho gushaka akazi akaba yarigiriye mu byo guhinga.

Ati “Jyewe kubera ukuntu nabikundaga nabonye ntakwicara ntacyo gukora mfite. Kubera ko nigiriye icyizere, niyemeje kubikora kandi nizeye ko bizangeza ku cyo nshaka.”

Uwera Rosine wo mu Karere ka Gisagara mu Murenge wa Mugombwa w’imyaka 21, we yoroye inkoko zisaga 500 ku buryo buri kwezi aturagisha imishwi isaga 400.

Uwo mukobwa yiga mu mwaka wa gatanu w’amashuri yisumbuye, akavuga ko atigeze ateza ibibazo ababyeyi be ababaza amafaranga y’ishuri.

Ati “Jyewe norora inkoko 500, kuko mba mu ishyirahamwe rifite imashini ituraga imishwi, jyewe ntabwo ndagira ubushobozi bwo kuyigurira. Igihe batarabona amagi ahagije yo kujyanamo, baranyemerera nk’umunyamuryango wabo nkashyiramo amagi yanjye ngaturagisha imishwi, mu minsi 21 imishwi iba imaze kuboneka ubundi nkayijyana ku isoko. Ku kwezi nshobora kuba mfite nk’imishwi 450 kandi agashwi kamwe ku isoko bakangurira ku 2,500 Frw nkagenda nkayabika muri SACCO. Ntabwo amafaranga nyavana mu mishwi honyine, ahubwo ngurisha n’ifumbire yazo.”

Umuryango Nyafurika uharanira guteza imbere Ubuhinzi (AGRA) ku bufatanye n’Umuryango Mastercard Foundation, biyemeje gushyigikira urubyiruko no kurushishikariza gukora ubuhinzi n’ubworozi, nk’uko bisobanurwa na Lucia Zigiriza, umukozi wa AGRA ushinzwe gukurikirana ibikorwa by’abafatanyabikorwa.

Ati “Turebye umubare munini w’Abanyarwanda ni urubyiruko rubarirwa muri 60%, ariko twareba abari mu buhinzi n’ubworozi ni umubare muto ugeze nko kuri 27% ugasanga ntabwo bihura. Niba abantu bakuze ari bo biganje mu buhinzi n’ubworozi kandi urubyiruko ari rwo rwinshi, birasaba ko tureba uburyo tubinjiza cyangwa se tubashyigikira mu bikorwa by’ubuhinzi n’ubworozi kugira ngo birusheho kwaguka, tugere ku ntego za Leta z’iterambere.”

Lucia Zigiriza, umukozi w’Umuryango Nyafurika uharanira guteza imbere Ubuhinzi (AGRA) avuga ko hamwe n’abafatanyabikorwa batandukanye, bagiye kurushaho gutera inkunga urubyiruko rukora ubuhinzi n’ubworozi kugira ngo barufashe kongera umusaruro no guhanga akazi

Ku byerekeranye n’imbogamizi urubyiruko rukunze kugaragaza yo kutabona inguzanyo ndetse no kutagira ubutaka, Lucia Zigiriza wo muri AGRA avuga ko bakurikije ibiganiro bagenda bagirana na Leta, hariho hamwe Leta igenda iha urubyiruko ubutaka rugahinga, umusaruro bavanyemo bakaba bawukoresha mu gukodesha ubundi butaka.

Ku bibazo bigendanye n’inguzanyo, ngo hari gahunda ihari mu ihuriro ry’abafatanyabikorwa ba Mastercard Foundation biciye muri BRD, hakaba harimo umushinga uzabafasha kugira ngo babone inguzanyo ku nyungu nto kugira ngo bakemure icyo kibazo cy’uko babona inguzanyo. Avuga ko hari n’abagaragaza imbogamizi zo kugeza umusaruro ku masoko, ariko ibyo byose bakaba bakomeje gufatanya kubikemura.

Ni no muri urwo rwego AGRA na Mastercard Foundation, bateguye umushinga ugamije gutera inkunga urubyiruko rukora ubuhinzi n’ubworozi mu gihe cy’imyaka itanu, kugira ngo habeho ibiribwa bihagije, ndetse ukazatanga akazi cyane cyane ku rubyiruko, abagore ndetse n’abafite ubumuga bakora ubuhinzi n’ubworozi babigize umwuga.

Bamwe mu rubyiruko rwo hirya no hino mu Gihugu ruri mu bikorwa by’ubuhinzi n’ubworozi baherutse guhurira mu biganiro i Kigali, bungurana ibitekerezo n’abafatanyabikorwa ku cyakorwa kugira ngo ubuhinzi n’ubworozi bwabo bwaguke

Umurenge wa Nyarugenge wibukira muri Camp Kigali, ahahoze ikigo cya gisirikare, hakorerwaga iyicarubozo ku Batutsi benshi by’umwihariko abari batuye muri uwo Murenge. Safari uhagarariye IBUKA mu Karere ka Nyarugenge asanga kuhibukira abahiciwe ari ngombwa, mu rwego rwo kubasubiza icyubahiro bambuwe ubwo bicwaga urw’agashinyaguro, ubuyobozi bukaba bushyize imbere kubaka Igihugu kizira amacakubiri.

Yagize ati “Uyu Murenge wiciwemo Abatutsi benshi guhera tariki 07 Mata 1994, by’umwihariko kuri CHUK tariki 10 Mata 1994 hicirwa abarwayi n’abarwaza n’abaganga, bicwa nabi bigizwemo uruhare n’abarindaga Habyarimana, abasirikare, abajandarume, Interahamwe n’Impuzamugambi za CDR.”

Yongeyeho ati “Ibitero byinshi byishe Abatutsi muri uyu Murenge byabaga biyobowe n’Interahamwe n’abasirikare bo mu nzego zo hejuru zikomeye nka Colonel Renzaho Tharcisse, General Laurent Munyakazi, Burugumesitiri Bizimana, Karera, n’abandi barimo Angelina Mukandutiye uherutse kongera gufatanya na Rusesabagina mu bitero byo kwica Abanyarwanda mu minsi ishize, Nyirabagenzi Odette, Karushara Rose, Padiri Munyeshyaka Wenceslas wibereye mu Bufaransa kandi yarasize akoze amarorerwa mu Rwanda, n’izindi Nterahamwe nyinshi.”

Perezida wa IBUKA mu Karere ka Nyarugenge, Safari Hamudu

Perezida wa IBUKA mu Karere ka Nyarugenge, Safari Hamudu, ashima ko ubuyobozi bwiza buriho mu Rwanda bugaragaza itandukaniro, kuko mu gihe abayobozi bo hambere bahindanyije umujyi, ubuyobozi buriho ubu bwashyizeho gahunda yo kubaka umujyi ukeye, by’umwihariko mu gace ka Nyarugenge gafatwa nk’izingiro ry’Umujyi wa Kigali.

Ati “Uyu Murenge mubona ukeye gutya, mu 1994 wari wuzuye imirambo y’Abatutsi, ubwo bashyiraga icyifuzo cya General Laurent Munyakazi mu bikorwa, kuko yari yavuze ko agomba kubona umwanda wuzuye mu mihanda. Umwanda yavugaga bari Abatutsi bagombaga kwicwa bagashyirwa mu mihanda kuko yahise abaha n’ibikoresho bigizwe na za gerenade. Turashima Leta y’Ubumwe ko uyu munsi yahagize ahantu harangwa n’isuku, hishimirwa na buri wese.”

Umunyamabanga Nshingwabikorwa w’Umurenge wa Nyarugenge, Murekatete Patricie, na we avuga ko Jenoside yakozwe mu bice bitandukanye by’uwo Murenge, ihitana abantu benshi, ariko ntibapfira gushira.

Ati “Turashima Imana ko hari abarokotse bo muri uyu Murenge wa Nyarugenge. Turashimira Ingabo zari iza RPA. Iyo bataba bo ntabwo tuba twicaye aha, iyo bataba bo ntabwo tuba twaragize Abatutsi barokoka, iyo bataba bo ntabwo tuba dufite iki gihugu, ndetse abantu baba baraheze ishyanga. Turashima na Perezida Paul Kagame wagaruriye Abanyarwanda Igihugu. Turashima ibyo akora, ndetse nk’abandi bayobozi dukwiriye kumureberaho kugira ngo tugere ikirenge mu cye.”

Umunyamabanga Nshingwabikorwa w’Umurenge wa Nyarugenge, Murekatete Patricie, yagaragaje ko hari abarokotse Jenoside yakorewe Abatutsi bagikeneye gufashwa mu buryo bw’imibereho

Muri iki gihe cyo kwibuka ku nshuro ya 31 Jenoside yakorewe Abatutsi, mu Murenge wa Nyarugenge bashima ko u Rwanda rwakoze imirimo itandukanye yo kwita ku barokotse Jenoside.

Umurenge wa Nyarugenge ku bufatanye n’Umujyi wa Kigali n’Akarere ka Nyarugenge, babashije kubakira amazu imiryango 27 ndetse hanasanwa amazu 41. Abana basaga 800 bishyuriwe amashuri, Intwaza eshatu n’abarokotse 65 bahabwa inkunga y’ingoboka buri kwezi.

Muri iyi minsi ijana yo kwibuka, ku bufatanye n’inzego zikorana n’Umurenge, barateganya gufata mu mugongo imiryango umunani yarokotse itishoboye, ndetse no guherekeza imiryango icyenda mu rwego rwo kwivana mu bukene.

Barateganya no gusoza inzu batangiye gusana y’umubyeyi utuye mu Kagari ka Rwampara mu Mudugudu wa Rwampara witwa Mukandori Hoziyana.

Ubuyobozi bw’Umurenge wa Nyarugenge bugaragaza ko nubwo hari byinshi byiza byagezweho, hari abarokotse Jenoside yakorewe Abatutsi bagikeneye ubufasha. Hari imiryango 55 idafite amacumbi yo kubamo, ndetse n’imiryango 76 y’abacitse ku icumu batishoboye bafite amazu ameze nabi.

Umunyamabanga Nshingwabikorwa w’Umurenge wa Nyarugenge, Murekatete Patricie, ati “Twifuza ko ku bufatanye n’Akarere ndetse n’abikorera, imiryango itari iya Leta, amadini n’amatorero, n’abandi bafatanyabikorwa basanzwe bakorana mu Murenge wa Nyarugenge twagerageza kwiha intego y’uko bariya bantu badafite aho kuba ndetse n’ariya mazu yo gusanwa twazagerageza kugenda dufatanya kugira ngo turebe ko bariya bacitse ku icumu bari ahantu hatameze neza twagerageza gufatanya kugira ngo ariya mazu asanwe. Turashima ibyakozwe ariko nanone turacyafite urugendo, ni yo mpamvu nifuza ko buri wese wakorwa ku mutima yagerageza kugira ibyo adufasha kugira ngo mu by’ukuri tubane n’abandi batekanye. Ndashima bamwe batangiye gutera intambwe no kutugaragariza uruhare rwabo, ariko turacyafite urugendo.”

Umuyobozi Nshingwabikorwa w’Akarere ka Nyarugenge, Ingangare Alexis, yihanganishije abarokotse Jenoside yakorewe Abatutsi bagifite ibibazo by’imibereho, abizeza ko ubuyobozi bw’Akarere bubari hafi, kandi ko buzakora igishoboka cyose kugira ngo ubuzima bwabo bube bwiza.

Mu #Kwibuka31 mu Murenge wa Nyarugenge, bunamiye Abazize Jenoside yakorewe Abatutsi, bashyira indabo ku rwibutso rwa Rwampara, ahubatse ikimenyetso cy’amateka ya Jenoside yakorewe Abatutsi, hahoze ibiro bya Segiteri Biryogo, hakaba handitse n’amazina y’abo bibuka

Mu minsi ishize abo bajyanama bafatanyije n’ikigo nderabuzima cya Bethsaida cyo mu Murenge wa Kicukiro, bareba abana bose bari munsi y’imyaka itanu, barapimwa. Hari abo basanze bari mu mirire mibi, barakurikiranwa, bitabwaho, ndetse baranakize. Habayeho no kuganiriza ababyeyi babo, ndetse by’umwihariko, buri mujyanama w’Umurenge wa Kicukiro yiyemeza gukurikirana urugo rurimo umwana wari waragaragaye mu mirire mibi kugira ngo akomeze kwitabwaho, atazasubira mu mirire mibi.

Ibi ni bimwe mu byagarutsweho mu Cyumweru cy’Umujyanama muri uwo Murenge cyabaye ku matariki ya 22-29 Werurwe 2025, ku nsanganyamatsiko igira iti “Umujyanama mwiza, Umuturage ku Isonga.”

Icyumweru cy’Umujyanama mu Murenge wa Kicukiro ni gahunda ngarukamwaka iba by’umwihariko mu kwezi kwa Werurwe. Muri uyu mwaka, abajyanama biyemeje kurushaho kwegera abaturage kugira ngo bakomeze kubafasha guhindura imyumvire, mu mibereho, mu isuku, n’ibindi.

Ababyeyi bari bafite abana bari mu mirire mibi baraganirijwe basobanurirwa uko bagomba kubitaho

Nubwo icyumweru kirangiye, ibikorwa by’Inama Njyanama birakomeza, haba mu kwegera abayobozi n’abaturage mu Tugari n’Imidugudu, baganira ku mikorere n’imikoranire, uko Inama Njyanama ikwiye kuba ikora ku Mudugudu, ku Kagari , ndetse biyemeza ko Inama Njyanama y’Akagari izajya imanuka ikegera Inama Njyanama y’Umudugudu, ndetse n’Imidugudu ikegera Amasibo kugira ngo bakomeze gushyira umuturage ku isonga.

Visi Perezida w’Inama Njyanama y’Umurenge wa Kicukiro, Manirakiza Bonaventure, avuga ko Ubuyobozi bw’Umurenge ndetse na Njyanama bazirikana abaturage mu bikorwa byabo bya buri munsi, haba mu kuzamura ubukungu bw’abaturage, ibijyanye n’imibereho myiza, uko uburenganzira bw’abaturage bwubahirizwa, bagahabwa ubutabera nyabwo aho bukenewe.

Ati “Ibyo byose kugira ngo tubigereho, tuba tubikesha imiyoborere myiza dukomora ku mutoza wacu mukuru, Perezida wa Repubulika, bikamanuka bikagera ku buyobozi bwiza dufite bw’Umurenge wa Kicukiro.”

Manirakiza asaba abaturage gukomeza kugirira icyizere Abajyanama babahagarariye, babagezaho ibyifuzo byabo, bakomeza no kumva inama ziba zatanzwe n’ubuyobozi kugira ngo bakomeze gufatanya mu kubaka Igihugu.

Muri iki cyumweru, Abajyanama b’Umurenge bahuye n’abayobozi mu ngeri zose, bahura n’abasaza b’inararibonye mu by’imiyoborere bashobora guha Inama Njyanama ibitekerezo kugira ngo ibashe kugira uruhare mu miyoborere myiza y’Umurenge.

Abajyanama kandi bakoranye inama nyunguranabitekerezo n’ibyiciro byihariye nk’icyiciro cy’abagore n’urubyiruko, kuko imiyoborere myiza itagerwaho hatabaye gukorana n’ibyo byiciro, ndetse n’abanyamadini n’abacuruzi nk’abagira uruhare runini mu iterambere ry’Umurenge n’Igihugu muri rusange. Baganiriye ku ishusho rusange y’uko Umurenge uhagaze, bungurana inama n’ibitekerezo bizashingirwaho mu gukora gahunda ihamye itanga icyerekezo cy’iterambere ry’Umurenge.

Mu gusoza Icyumweru cy’Umujyanama, Abajyanama bakoranye Umuganda rusange n’abaturage. Nk’uko icyumweru cy’Umujyanama cyatangiranye n’umukino w’umupira w’amaguru wahuje abiganjemo urubyiruko rw’abasore rwari ruhagarariye abacuruzi n’abakora mu by’ubuvuzi, no mu gusoza iki cyumweru habaye umupira w’amaguru wahuje urubyiruko rw’abakobwa n’abagore, ikipe yari ihagarariye Abajyanama itsinda iy’urubyiruko ibitego 6-0, nyuma y’umukino bahurira hamwe baridagadura, bahabwa n’ubutumwa bwerekeranye na gahunda za Leta.

Manirakiza Bonaventure yatowe na bagenzi be nk’umujyanama w’indashyikirwa w’umugabo

Abajyanama kandi batoye Manirakiza Bonaventure (Visi Perezida wa Njyanama) nk’Umujyanama w’Umugabo w’Indashyikirwa, ahabwa igikombe cy’ishimwe. Umwaka ushize hari hatowe umujyanama w’umugore witwa Mukeshimana Verra, uyu mwaka hakaba hari hatahiwe umujyanama w’umugabo.

Muri iki cyumweru habaye ibiganiro byahuje abayobozi, abajyanama n’abaturage baganira ku ruhare rwa buri wese mu Iterambere ry’Umurenge n’Igihugu muri rusange

Habayeho no kwidagadura binyuze mu mukino w’umupira w’amaguru

Nyuma y’umukino, Abajyanama, abakinnyi n’abandi baturage bacinye akadiho

VIDEO – Ikipe y’abagore ihagarariye Abajyanama b’Umurenge wa Kicukiro (yambaye ubururu) yatsinze iy’urubyiruko (yambaye umukara n’umuhondo) ibitego 6-0, nyuma y’umukino ntibyababuza guhurira hamwe no kwidagadura, bahabwa n’ubutumwa bwerekeranye na gahunda za Leta.
Bibukijwe ko… pic.twitter.com/akB6qljM1k

— Kigali Today (@kigalitoday) March 31, 2025

Amafoto: Fraterne Rugwizangoga/Kicukiro

Ibi biganiro byakurikiye ubushakashatsi buherutse kumurikwa n’Ikigo cy’Igihugu cyita ku Buzima (RBC) bwakozwe mu mpera za 2023, bwagaragaje ko abana 51% bari munsi y’imyaka 12 bakoze imibonano mpuzabitsina.

Iyi mibare igaragaza ko hakwiye kongerwa ingamba zo kwigisha urubyiruko ibyerekeranye n’ubuzima bw’imyororokere, kugira ngo nibura nibanakora imibonano mpuzabitsina, babe bafite amakuru ahagije yabafasha kudahuriramo n’ingaruka zitandukanye nk’inda cyangwa se indwara.

Impuguke mu byerekeye ubuzima bw’imyororokere, Dr. Anicet Nzabonimpa, wari uyoboye ibyo biganiro, asanga ikibazo nyamukuru kiri mu muco no mu myemerere yo kuva kera muri sosiyete nyarwanda, aho usanga idaha agaciro umwana w’umukobwa, ugasanga ari na we ugerwaho cyane n’ingaruka.

Dr. Anicet Nzabonimpa agaragaza ko hari ibikwiye guhinduka mu muco n’imyemerere y’Abanyarwanda

Ati “Ibibazo byinshi bishingiye ku muco n’imyemerere ya Sosiyete Nyarwanda itarakunze guha agaciro umwana w’umukobwa. Hari kandi ikibazo cy’abanyamadini usanga hari ibyo batigisha nko gukoresha agakingirizo, bigatuma mu gihe abakirisitu b’ayo madini n’amatorero bashobora kwisanga bakoze imibonano mpuzabitsina idakingiye.Dr. Nzabonimpa asanga amadini n’amatorero akwiye guhindura imyumvire akigisha abayoboke bayo akamaro ko gukoresha agakingirizo, kuko imibonano mpuzabitsina yo bigaragara ko bayikora.

Rosine Izabayo, umukozi w’umuryango IMRO Rwanda, na we agaragaza ko ubukangurambaga ku kubona amakuru nyayo na serivisi z’u buzima bw’imyororokere cyane cyane ku rubyiruko ari ikintu gikwiye kongerwamo imbaraga, akizera ko ku bufatanye bwa IMRO n’abitabira bene ibi biganiro barimo abanyamakuru n’imiryango ya sosiyete sivile, hari umusaruro bizatanga mu guhangana n’icyo kibazo.

Umubare munini w’Abanyarwanda basaga 60% ni urubyiruko. Iyi ni imwe mu mpamvu umuryango IMRO wiyemeje kwita ku buvugizi n’ubukangurambaga bugamije imibereho myiza y’urubyiruko, kugira ngo bazavemo abantu b’ingirakamaro haba ku giti cyabo ndetse no ku gihugu muri rusange.

Ntirenganya Jean Claude, umukozi wa RIB ushinzwe ibikorwa byo gukumira ibyaha, asaba abaturage kugira amakenga ku byo babwirwa kuko byose biba atari ukuri

Ubutumwa bugamije gushishikariza abaturage kwirinda ibyaha no kubikumira ni bumwe mu bukubiye mu bukangurambaga RIB imaze iminsi ikorera hirya no hino mu Gihugu, aho RIB iba yajyanye n’ibiro byimukanwa ikoresha yakira ibibazo by’abaturage, mu rwego rwo kubegereza serivisi zayo.

Bamwe mu baturage batuye mu Kagari ka Kagugu mu Murenge wa Kinyinya babashije kwegerwa na RIB, bavuga ko bamenye kwirinda ababashukaga bakabatekera umutwe, bakaba bashima ko RIB ikomeza kubibutsa uko bakwirinda uku gutekerwa umutwe.

Umwe muri bo agira ati “Ibi byaha tumaze kubisobanukirwa kenshi rwose usibye ko hari bamwe bagifite ubwo bujiji. Akenshi dukunda kubona ubutumwa bugufi (messages), umuntu akakubwira ngo amafaranga yanjye arayobye, mfasha uyansubize, wamubaza ngo ni angahe ukumva arashidikanya umubare, akakubwira ngo ni aya n’aya. Noneho wajya kureba umubare w’ayo ufite (balance) muri telefone ugasanga ya mafaranga ntayo yohereje. RIB turayishimira kuko iduha ubutumwa budufasha kwirinda abatekamutwe. Icyo dusabwa ni ukurushaho kumenya no kujijuka kugira ngo twumve neza ko mbere yo kugira ngo umuntu agushuke gutyo, nawe ugomba kubanza gutekereza.”

Mugenzi we agira ati “Mbere bigitangira bagiye badutuburira, ariko ubu abantu bamaze kubimenya, dore ko bagenda bahindura messages. Bajyaga batubwira ngo hari amafaranga yayobeye iwawe none MTN igiye kugufungira simcard, ngo yohereze batarayifunga. Ubu bageze kuri message ivuga ngo yanyoherereze vuba ndayakeneye. Icyo twakuye mu nama za RIB ni uko tugomba kugira amakenga, igihe ubonye message nk’iyo ugashishoza ugakurikirana ukareba niba koko ari mugenzi wawe ugusaba ubwo bufasha cyangwa niba ari umuntu ushaka kugutuburira. Iyo twitabiriye inama nk’uku tukamenya ko abatekamutwe bariho cyane mu Gihugu, ejo iyo bibaye uhita wibuka ibyo wigiye ahantu nk’aha.”

Ntirenganya Jean Claude, umukozi wa RIB ushinzwe ibikorwa byo gukumira ibyaha, avuga ko nubwo ababifatiwemo bahanwa, abaturage bakwiye kurushaho kugira amakenga, ndetse bagatangira amakuru ku gihe, kugira ngo abakora ibi byaha bajye bakurikiranwa hakiri kare.

Ni byo asobanura ati “Ikoranabuhanga hari benshi batararimenya cyane. Dukangurira abantu kumenya uko rikoreshwa ariko mu nzira nziza. Buri wese agomba kugira amakenga ku byo abonye ku ikoranabuhanga, kuko ibyo abonye byose ku ikoranabuhanga ntabwo biba ari ukuri. Izo nkuru abonye, ubwo butumwa yohererejwe, ibyo abwiwe, ibyo byose agomba kubanza kubigiraho ukuri, agashungura, agafata umwanya agatekereza, batakubwiye ngo kora uku n’uku, ngo nawe uhite ubikora. Nubikora uraba uguye mu mutego wa ba bandi bashaka kurya utwawe cyangwa ba bandi bashaka kukuyobya bagutwara no mu bindi bibi bitandukanye. Gira amakenga, shungura, fata umwanya utekereze, rimwe na rimwe n’ibyo utanasobanukirwa uhamagare RIB kuri 166 cyangwa kuri 116 cyangwa 3512 cyangwa ku biro bya RIB bikwegereye, cyangwa ku bundi buyobozi bukwegereye ugishe inama.”

Mu bindi byaha byiganje RIB isaba buri wese kugira uruhare mu kubirwanya, harimo ihohoterwa rishingiye ku gitsina, ubujura, gukubita no gukomeretsa, ibyaha bikoresha ikoranabuhanga, n’ibindi.

Muri iki gihe kandi u Rwanda n’isi byitegura kwibuka ku nshuro ya 31 Jenoside yakorewe Abatutsi, RIB isaba abantu kwirinda kugwa mu byaha byerekeranye no guhakana ndetse no gupfobya Jenoside cyangwa kugirira nabi abarokotse Jenoside yakorewe Abatutsi, kuko abazabikora batazihanganirwa.

Qatar ishyigikiye ko impande zirebwa n’iki kibazo zakomeza inzira y’ibiganiro kuruta imirwano ihitana ubuzima bw’abaturage ikadindiza n’iterambere.

Intambwe iganisha ku bwumvikane no guhosha imirwano mu Burasirazuba bwa DRC ije ikurikira ibiganiro Abaperezida b’Ibihugu by’u Rwanda na DRC bahuriyemo i Doha muri Qatar tariki 18 Werurwe 2025, byari biyobowe n’Umuyobozi w’Ikirenga wa Qatar, Sheikh Tamim bin Hamad Al Thani, biyemeza ko impande zose zihanganye zigiye guhagarika intambara kandi bidatinze.

Perezida w’Inama Njyanama y’Umurenge wa Kicukiro, Karayiga Anastase, yahaye ikiganiro abiganjemo urubyiruko

Yagize ati “Urubyiruko ni rwo rwubaka Igihugu, ni yo maboko y’Igihugu ya none n’ejo hazaza. Turamutse dufite urubyiruko rutameze neza, Igihugu nticyatera imbere. Rubyiruko rero, mugomba kugerageza kwitwara neza no kumenya gukora, mugateza imbere Igihugu cyacu, tukirinda ibiyobyabwenge, mugatekereza ejo heza, ukizigamira, ugatekereza icyo uzaba wagezeho mu myaka iri imbere. Kugira ngo ugire ibyo ugeraho bikomeye, ugomba gukora ukagira icyo winjiza, ariko ufite n’ubuzima bwiza, ukaba ufite mituweli, ugashyigikira gahunda z’Igihugu, ugafatanya n’abandi mu iterambere.”

Nubwo yageneye urubyiruko ubwo butumwa bwihariye, Karayiga yagaragaje ko uruhare rwa buri wese rukenewe kuko ubufatanye ari bwo buzatuma Igihugu kigera ku iterambere ryifuzwa. kubaho rufite intego y’Abajyanama bo mu Murenge wa Kicukiro mu Karere ka Kicukiro, bafatanyije n’ubuyobozi, abaturage ndetse n’abandi bahagarariye inzego zitandukanye muri uwo Murenge, bahuriye mu gikorwa cyo gusoza gahunda y’Icyumweru cy’Umujyanama, bishimira ibyagezweho muri icyo cyumweru.

Yagize ati “Abayobozi, abajyanama, abafatanyabikorwa b’Umurenge wacu n’abaturage muri rusange, tugomba gufatanya mu kubaka u Rwanda. Twubake Umurenge wacu wa Kicukiro ube intangarugero mu gukora neza no mu gutanga serivisi nziza mu Gihugu cyose. Tuzirikane ko guhabwa serivisi nziza inoze ari uburenganzira bw’umuturage.”

Yibukije urubyiruko n’abaturage muri rusange kuzirikana impanuro n’ingero nziza bahora bahabwa na Perezida Paul Kagame, ati “ni umwarimu mwiza w’Abanyarwanda bose, aratwigisha, aduha ingero nziza ku buryo nituzikurikiza Igihugu cyacu kizatera imbere nta kabuza.”

Mu Murenge wa Kicukiro, Icyumweru cy’Umujyanama cyatangiranye n’ibiganiro byahurijwe hamwe n’umukino w’umupira w’amaguru, mu rwego rwo gufasha urubyiruko gusabana no kuganira uko bafatanya mu kubaka Igihugu. Umukino warangiye ikipe yari ihagarariye abakora mu byerekeranye n’ubuvuzi (RPNCO) itsinze iy’abacururiza mu isoko rya ZINIYA ibitego 4-2.

Icyumweru cy’Umujyanama mu Murenge wa Kicukiro, ni gahunda ngarukamwaka iba mu kwezi kwa Werurwe, ku nsanganyamatsiko igira iti “Umujyanama mwiza, Umuturage ku Isonga.”

Agendeye ku nsanganyamatsiko y’iki Cyumweru, Perezida w’Inama Njyanama y’Umurenge wa Kicukiro, Karayiga Anastase, yasobanuye ko bategura iyi gahunda bagamije kurushaho kwegera umuturage. Ati “N’ubusanzwe umuturage turamwegera, ariko kumwegera noneho muri iyi gahunda tuba tugira ngo turusheho no gusuzuma ibikorwa byacu, tukarushaho koko gushyira umuturage ku isonga, agahabwa serivisi nziza, mbese tugamije ko Umurenge wacu ukora neza kandi uganisha ku iterambere ry’umuturage.”

Zimwe mu ngero z’ibikorwa bishimira bagezeho ku bufatanye n’abaturage, harimo kuba aba mbere mu Karere muri gahunda ya EjoHeza, kuba aba mbere mu bwisungane mu kwivuza, ndetse no mu isuku.

Muri iki cyumweru bibanda ku baturage bose ariko cyane cyane urubyiruko rwaba ururi mu mashuri n’urutari mu mashuri kuko ari rwo ruzafasha mu kubaka u Rwanda rw’ejo, barwereka amahirwe Igihugu kibaha, na rwo rugasabwa kuyabyaza umusaruro, rwitwara neza kandi rukunda n’Igihugu cyabo.

Amafoto: Fraterne Rugwizangoga/Kicukiro

Ubuyobozi bwa AFC/M23 buravuga ko icyo gitero cyateguwe na Perezida Félix Tshisekedi n’abo bafatanyije umugambi w’ubugizi bwa nabi.

AFC/M23 iravuga ko icyo gitero cyaguyemo abantu benshi barimo n’abari muri uwo mugambi mubisha, babiri muri bo bakaba bafashwe, hakaba hakomeje gushakishwa n’abandi bafatanyije.

Itangazo rya AFC/M23 riravuga ko amabwiriza yo kugaba icyo gitero yatanzwe Perezida Félix Tshisekedi ubwo yagiranaga ibiganiro n’uwahoze ari Guverineri wirukanywe i Bukavu.

AFC/M23 yavuze ko icyo gitero byanze bikunze kizagira ingaruka ku bagiteguye.

Inama idasanzwe ya SADC iheruka yatangaje ibirego byinshi ku Rwanda. U Rwanda rurabihakana

U Rwanda ruvuga ko RDF irinda imipaka y’Igihugu, igakumira ibitero byakwibasira abaturage, bityo ko RDF itagaba ibitero ku baturage.

U Rwanda ahubwo rugaragaza ko SADC yohereje ingabo zo gufasha Guverinoma ya DR Congo mu ntambara irwanamo n’abaturage bayo, abenshi bakaba barahungiye mu Rwanda n’ahandi mu Karere. Ni mu gihe kandi iyo Guverinoma ya Tshisekedi bashyigikiye yagaragaje ko ifite umugambi wo gukuraho ubuyobozi buriho mu Rwanda, nk’uko Perezida Tshisekedi yabivuze inshuro nyinshi mu ruhame.

Itangazo u Rwanda rwasohoye kuri iki Cyumweru rivuga ko kuba ingabo za SADC n’abandi bafatanyije nk’ingabo z’u Burundi, FDLR, n’abacanshuro b’Abanyaburayi barishoye muri iyo ntambara yo kurwanya abaturage bari mu gihugu cyabo, ndetse bagatera n’u Rwanda, ari ibikorwa bituma ibintu birushaho kuba bibi, ndetse bigakomeza ikibazo aho kugikemura.

U Rwanda ruvuga ko rufite amakuru y’ibyavumbuwe i Goma by’imyiteguro yarimo ikorwa n’ingabo za DR Congo zifatanyije n’iz’amahanga ndetse na FDLR yo kurwanya M23, no kugaba ibitero ku Rwanda.

U Rwanda rusaba ko ikibazo cy’umutekano mucye mu Burasirazuba bwa DRC cyakemurwa binyuze mu nzira za Politiki aho kuba iz’imirwano. U Rwanda kandi rushyigikiye igitekerezo cy’ibiganiro bihuriweho n’ibihugu bigize imiryango ya SADC na EAC mu gushakira hamwe umuti w’icyo kibazo.

Rosine Izabayo ushinzwe Porogaramu z’ubuzima bw’imyororokere ndetse n’ubuvugizi mu muryango Ihorere Munyarwanda, avuga ko iki gikorwa bagiteguye bagamije kwiga ku kibazo cy’abana b’abakobwa baterwa inda zitateganyijwe ndetse n’uko babona uburyo bubafasha kudasama inda (Access to contraceptives).

Yasobanuye ko batumiye abantu batandukanye kugira ngo buri wese arebe uruhare yagira mu kurwanya icyo kibazo. Ati “Ni ikibazo cyugarije abantu, imiryango muri rusange, ndetse n’Igihugu, aho buri mwaka ibipimo byiyongera haba mu gutwita, mu bwandu bwa Virusi itera SIDA, urumva ko haracyari ikibazo mu buzima bw’imyororokere. Ni yo mpamvu twatumiye abo muri Leta na Sosiyete Sivile kugira ngo buri wese atubwire uruhare rwe n’ibyo buri wese yasaba mugenzi we kugira ngo iki kibazo gishakirwe umuti.”

Rosine Izabayo avuga ko mu byo basanze bikwiye kongerwamo ingufu ari ugutanga amakuru haba mu bana no mu babyeyi, n’abari mu nzego z’ubuyobozi n’abandi batanga serivisi. Abana iyo badafite amakuru ahagije ngo bibagiraho ingaruka zikagera no ku miryango yabo ndetse izo ngaruka zikagera no ku Gihugu muri rusange.

Hariho n’ikibazo cy’ubukene nubwo Igihugu gitera imbere. Usanga hari abantu bamwe na bamwe bibasiwe n’ubukene bagateza n’ibibazo Igihugu. Abo bantu baramutse bafashijwe kuva mu bukene, umuryango ukazamukana n’iterambere ry’Igihugu, byagira uruhare mu mibereho myiza y’abagize umuryango. Ibi abitabiriye ibiganiro babihera ku kuba hari ababyeyi bajya mu mico itari myiza nk’ubusambanyi kugira ngo babone icyo bagaburira abana.

Dr. Anicet Nzabonimpa, impuguke mu bijyanye n’ubuzima bw’imyororokere, uri mu bayoboye ibi biganiro, avuga ko ari ngombwa kuganira ku bibazo by’umwangavu, cyane cyane ku nda ziterwa abangavu, n’uko babona ubushobozi bwo kugezwaho amakuru na serivise zo kubarinda izo nda batifuza.
Dr Nzabonimpa ati “Akenshi usanga iyo umukobwa atwaye inda agifite imyaka mike, hari igihe kubyara bimugora akaba yakomereka abyara, cyangwa agakomereka igihe ashatse kuyivanamo mu buryo butemewe. Dusanga no mu muco nyarwanda akenshi bavuga ko gutwara inda ari igisebo, ugasanga umukobwa watwaye inda byangiza imibanire ye n’abo bari kumwe mu muryango nk’ababyeyi n’abavandimwe be, ndetse n’umuryango mugari muri rusange, ugasanga bari kumwishisha cyangwa bamufata nk’uwakoze amahano, cyangwa icyaha, witwaye nabi, bikamuviramo guhabwa akato, bigatuma na we yigunga, bikaba byamugiraho ingaruka mu mitekerereze.”

Abitabiriye ibi biganiro batanze ibitekerezo, bagaragaza ibindi bibazo bishobora gutuma umwana w’umukobwa yatwara inda, ndetse bagaragaza n’ingamba zashyirwa mu bikorwa kugira ngo umwana w’umukobwa yisanzure haba mu muryango, ku ishuri cyangwa ahandi hose ari, abe yahabwa amakuru ku gihe, banamuhe impanuro zijyanye n’indangagaciro agomba kugenderaho kugira ngo yitware neza, yirinde no kuba yashukishwa ibintu by’ubusabusa, bikaba byamukururira kuba yatwara inda.

Mu bindi byagaragaye ni uko amategeko u Rwanda rugenderaho ndetse na politiki zihari usanga byanditse neza ndetse byarahawe n’umurongo, ariko kubishyira mu bikorwa bikaba ikibazo.

Ngo hari n’igihe usanga abatanga serivisi na bo nta makuru bafite, cyangwa bagaheranwa n’imyumvire ya kera ijyanye n’umuco cyangwa n’imyemerere, ugasanga ntibarimo guha serivisi urubyiruko ku buryo bwisanzuye, bikagira ingaruka ku ngimbi n’abangavu.

Mu myanzuro abitabiriye ibi biganiro bafashe, harimo kuba umwana w’umukobwa w’umwangavu yagezwaho amakuru na serivizi zijyanye no kumurinda inda zitifuzwa, kuko umukobwa usanga iyo atwaye inda atagira ikibazo kimwe, ahubwo hari n’ibindi bibazo bishamikiraho bitewe n’uko yaremwe, aho aba, uko abaho, ibibazo by’ubukene, kuba wenda atarize, cyangwa akaba afite ibindi bibazo by’uburwayi, cyangwa se bigaterwa n’uko afatwa mu muryango.

Aimable Rukundo, Umuyobozi w’Umuryango AGHR

Aimable Rukundo, umuyobozi w’umuryango AGHR avuga ko ayo mabwiriza amaze imyaka irenga icumi agiyeho, nyamara uyu munsi haracyagaragara inzu nshya zuzuye zitubahirije ibisabwa.

Yagize ati “Turimo kungurana ibitekerezo kugira ngo turebe ngo ikibazo kiri he? Hakorwa iki kugira ngo izo nzu zose zubakwa zitume abantu bafite ubumuga bagera kuri serivisi zitandukanye, bityo bagire uruhare mu iterambere ry’Igihugu nk’abandi baturage?”

Inyubako zifite ibyo bibazo ni nyinshi zirimo nk’amashuri aho usanga ayubatswe kera ibibaho biri hejuru, akagira na amadarajya (escaliers) ku muryango, nta nzira zorohereza abantu kugeramo zihari. Hari n’inzu z’ubucuruzi nk’amasoko usanga amwe adafite inzira, andi akagira inzira zifite ubuhaname bukabije ku buryo nk’umuntu uri mu igare cyangwa ugendera ku mbago ashobora kuzigwaho bikaba byateza impanuka, aho gutuma yagira uruhare mu bikorwa bikorerwa ahongaho.

Uyu muyobozi agaragaza ko hari n’inzu z’ubuyobozi zirimo ibiro by’Uturere, Imirenge,… na zo zifite ibyo bibazo, hakaba n’ubwiherero usanga ari buto bukabangamira umuntu munini ukenera kubujyamo, cyangwa se ugendera ku igare ntibimukundire kuryinjizamo, ubundi ugasanga bufite umwanda ku buryo bibangamira umuntu ufite ubumuga bw’ingingo ugenda akora hasi.

Izi mbogamizi zitandukanye baziganiriyeho n’inzego zibishinzwe kugira ngo bafatire hamwe ingamba bityo bazakore ubukangurambaga bibe byakosoka.

Aimable Rukundo ati “Turasaba cyane cyane Urwego rw’Igihugu rushinzwe inyubako, Rwanda Housing Authority, ko bafatanya kugira ngo hubahirizwe ibiri muri ‘Rwanda Building Code’ kugira ngo abafite ubumuga boroherezwe kugera mu nyubako rusange, bityo babashe kugira uruhare mu bikorwa bikorerwa mu Gihugu no gutanga umusanzu wabo mu kubaka iterambere ry’Igihugu.
Kalungi Rebecca uyobora ishami ry’ubuzima n’iterambere ry’imibereho myiza mu Karere ka Kicukiro, na we avuga ko mu bo baha serivisi harimo n’abantu bafite ubumuga, akemeza ko hakirimo imbogamizi cyane cyane mu bijyanye n’inyubako.

Ati “Hari aho usanga inyubako za kera uyu munsi bitaranoga ku buryo usanga hatarongereweho inzira zorohereza abantu bafite ubumuga. Wenda ku zigenda zubakwa ubungubu bigenda bikosorwa, kubera ko dufite amabwiriza avuga ko inyubako yose ugomba guteganya kuyubaka uteganya gushyiraho uburyo bworohereza abazayigana bose. Iza kera zo usanga hakirimo imbogamizi, ariko dukangurira abantu bose gukosora, bakanongeraho inzira zorohereza abantu bafite ubumuga.”

Byabagambi Theoneste, umukozi wa RHA

Byabagambi Theoneste, umukozi w’Ikigo cy’Igihugu gishinzwe imyubakire (RHA) ushinzwe gufata neza inyubako za Leta, avuga ko ku nyubako zirimo kubakwa nshyashya ubu nta kibazo kinini kirimo cyane cyane nk’ibiro, amahoteli, amavuriro.

Ati “Mbere yo kugira ngo bahabwe ibyangombwa byo kubaka, cyangwa se na nyuma yo kubaka kugira ngo bahabwe uburenganzira bwo kuyijyamo, tubanza gukora ubugenzuzi. Tuba dufite urutonde rw’ibyangombwa iyo nyubako igomba kuba yujuje, harimo no kugira uburyo bworohereza abantu bafite ubumuga kuyisanzuramo.”

Byabagambi na we avuga ko ahakiri ikibazo ari ku nyubako zubatswe mbere cyane ariko na byo bakaba bafite umurongo barimo bakurikiza mu kubikemura.

Me Andrews Kananga, Umuyobozi Nshingwabikorwa w’Ihuriro ry’Imiryango itanga Ubufasha mu by’Amategeko (Legal Aid Forum)

Ibi yabigarutseho mu gihe hizihizwaga Umunsi Mpuzamahanga w’Uburenganzira bwa muntu, avuga ko hari ibyo kwishimira n’ibyo babona byakongerwamo ingufu mu kwimakaza uburenganzira bwa muntu.

Yagize ati “U Rwanda ni Igihugu mwese muzi aho twavuye, ni igihugu cyabereyemo Jenoside yakorewe Abatutsi, ihohoterwa ry’uburenganzira bwa muntu ku kigero wavuga ko ari ndengakamere. Kuba uyu munsi ari Igihugu cyiyubatse, ayo mateka tukaba twarayavuyemo, ni bimwe mu byo kwishimira.”

Mu bindi avuga byo kwishimira byagezweho mu Rwanda, harimo guteza imbere umugore no kumuha ijambo, iterambere mu burezi kuri bose, nubwo ireme ry’uburezi ryifuzwa ritaragerwaho.

Habaye ibiganiro nyunguranabitekerezo ku burenganzira bwa muntu

Mu bikwiye kongerwamo ingufu, harimo kurandura ihohoterwa cyane cyane irikorerwa abana n’abagore, no kureba ibyo raporo zigaragaza ko u Rwanda rukwiye gukosora nk’Igihugu, bikitabwaho.

Me Kananga asanga kandi hakiri ikibazo cy’abaturage batarasobanukirwa uburenganzira bwabo, bikaba bigoye ko babuharanira mu gihe batarabumenya.

Ati “Ni yo mpamvu twebwe nka sosiyete sivile duhora tuvuga ngo abantu bigishwe, bahugurwe, kuko uburenganzira butangirana no kumenya ko ubufite. Noneho abantu bamara kumenya ko bafite uburenganzira, bazamenya ngo ni gute uwahohotewe akavutswa uburenganzira bwe, abigenza gute?”

Mu nshingano Legal Aid Forum ifite harimo gufasha abatishoboye kugera ku butabera. By’umwihariko ku bagore n’abakobwa. Mu gutanga iyo serivisi by’umwihariko mu gihe kirangiye cy’iminsi 16 yo kurwanya ihohoterwa, avuga ko abantu benshi bafashije nka 70% ari abakobwa n’abagore.

Batanze ibitekerezo ku cyakorwa mu rwego rwo kurushaho kwimakaza uburenganzira bwa muntu

Mu bindi Legal Aid Forum iteganya harimo kuzenguruka mu gihugu hose mu mwaka utaha wa 2025 bigisha abantu cyane cyane ibikubiye mu mategeko kugira ngo abaturage bamenye uburenganzira bwabo. Ibi ngo bizakorwa mu rwego rwo gufasha abaturage kugira ubumenyi kuko usanga abenshi bagwa mu byaha batabizi nyamara amategeko ntabure kubahana.

Umunyamabanga Uhoraho muri Minisiteri y’Ubutabera, Mbonera Théophille, na we ashima intambwe u Rwanda rwateye mu kwimakaza uburenganzira bwa muntu. Yagize ati “Twakoze urugendo rurerure ukurikije aho twavuye. Murabizi Igihugu cyacu cyanyuze muri byinshi cyane cyane guhera kuri Jenoside yakorewe Abatutsi mu 1994. Igihugu cyari cyaragizwe umuyonga, ari abantu, ari ibintu, ari n’ibikorwa remezo byose, ariko uyu munsi aho tugeze, bigaragara ko abantu nibura bishyira bakizana mu Gihugu, ntabwo amacakubiri yahozeho akiriho uyu munsi, ndetse n’ubundi buryo bwose bw’ivangura. Umutekano urahari ku buryo ntawishisha undi wese mu Gihugu, kandi ni ibintu n’abanyamahanga basura Igihugu bibonera, atari Abanyarwanda bonyine bagituyemo.”

Umunyamabanga Uhoraho muri Minisiteri y’Ubutabera, Mbonera Théophille, avuga ko aho u Rwanda rugeze mu kubahiriza uburenganzira bwa muntu hashimishije agereranyije n’aho rwavuye, urugendo rukaba rukomeje

Mbonera Théophille avuga ko gushyira mu bikorwa iyubahirizwa ry’uburenganzira bwa muntu ari urugendo rukomeje, u Rwanda rukaba ruharanira kurushaho gutera intambwe yiyongera ku bindi byagezweho.

Icyumweru cy’uburenganzira bwa muntu mu Rwanda cyatangiye ku wa 30/11/2024 kugeza ku wa 10/12/2024, aho inzego zitandukanye zateguye ibiganiro byerekeranye n’uburenganzira bwa muntu.

Ni icyumweru gisozwa tariki 10 Ukuboza, ku munsi mukuru mpuzamahanga w’ishyirwaho ry’itangazo mpuzamahanga ry’Uburenganzira bwa Muntu ryemejwe ku wa 10 Ukuboza 1948, buri mwaka, u Rwanda rukaba rwifatanya n’ibindi bihugu kwizihiza iyo sabukuru y’itangazo mpuzamahanga ry’Uburenganzira bwa Muntu.

Uyu mwaka byahuriranye no kwizihiza isabukuru y’imyaka 25 ishize mu Rwanda hashyizweho Komisiyo ifite inshingano zo guteza imbere no kurengera uburenganzira bwa muntu.

Ni mu gihe ku rwego mpuzamahanga bizihiza isabukuru y’imyaka 75 ishize iryo tangazo mpuzamahanga ry’Uburenganzira bwa Muntu ryemejwe.

Insanganyamatsiko ibihugu bizirikana uyu mwaka iragira iti “Uburenganzira bwacu, ahazaza hacu, tubuharanire uyu munsi.”

Imvo n’imvano y’uyu munsi ni igihe intambara ya kabiri y’isi yarangiraga, maze mu mwaka wa 1948 hasinywa amasezerano yo kurangiza intambara, hashyirwamo ingingo zivuga ko abantu bose bafite uburenganzira bungana, ibihugu bigize Umuryango w’Abibumbye byiyemeza kubahiriza ibikubiye muri ayo masezerano.

Itorero ry’abafite ubumuga bwo kutumva no kutavuga ryasusurukije abitabiriye ibirori, bishimira uko u Rwanda rwita ku burenganzira bw’abantu bafite ubumuga

Madamu Domitilla Mukantaganzwa yagizwe Perezida w’Urukiko rw’Ikirenga

Domitilla Mukantaganzwa yari asanzwe ari Perezida wa Komisiyo y’u Rwanda Ishinzwe Ivugururwa ry’Amategeko guhera tariki 04 Ukuboza 2019.

Agizwe Perezida w’Urukiko rw’Ikirenga asimbuye Dr. Faustin Ntezilyayo wari kuri uwo mwanya guhera tariki 04 Ukuboza 2019 (yari awumazeho imyaka itanu), akaba na we yari yarasimbuye Prof. Sam Rugege wari umaze imyaka umunani kuri uwo mwanya.

Alphonse Hitiyaremye ni we Visi Perezida mushya w’Urukiko rw’Ikirenga

Alphonse Hitiyaremye wagizwe Visi Perezida w’Urukiko rw’Ikirenga asimbuye Mukamulisa Marie-Thérèse wari usanzwe ari umucamanza mu Rukiko rw’Ikirenga.

Dr. Faustin Ntezilyayo yari amaze imyaka itanu ku mwanya wa Perezida w’Urukiko rw’Ikirenga

Nk’uko Itegeko Nshinga rya Repubulika y’u Rwanda rya 2003 , ryavuguruwe mu mwaka wa 2015 ribiteganya, Perezida na Visi Perezida b’Urukiko rw’Ikirenga bashyirwaho na Perezida wa Repubulika, abanje kugisha inama Inama y’Abaminisitiri n’Inama Nkuru y’Ubucamanza.

Mbere y’uko batangira inshingano, Perezida na Visi Perezida b’Urukiko rw’Ikirenga barahirira imbere ya Perezida wa Repubulika. Manda yabo ni imyaka itanu ishobora kongerwa inshuro imwe.

Perezida w’Urukiko rw’Ikirenga agomba kuba afite ubwenegihugu Nyarwanda bw’inkomoko kandi nta bundi bwenegihugu agomba kuba afite.

Urukiko rw’Ikirenga ni rwo rukiko rusumba izindi zose mu gihugu, ni na rwo rukiko rufata ibyemezo bya nyuma bijyanye n’ubutabera n’imanza.

Abaturage bo mu Kagari ka Rushyarara bavuga ko byabereye mu isantere y’ubucuruzi ya Rubyiruko iherereye mu Mudugudu wa Kageyo, tariki 13 Ugushyingo 2024 mu ma saa saba z’ijoro.

Bivugwa ko imwe mu mpamvu yatumye Sergeant Minani arasa abaturage ngo byatewe n’umujinya yagize nyuma yo guterana amagambo na nyiri akabari wamuhaye inzoga yamwishyuza mu ntoki undi agashaka kwishyura kuri telefone, ariko nyiri akabari arabyanga, bituma nyiri akabari agira ati «genda uzagwe mu ishyamba uzerera.»

Abaturage bavuga ko Sergeant Minani yagize umujinya agasohoka akagaruka arasa abari mu kabari ariko uwo bateranye amagambo anyura mu idirishya ashobora gukiza ubuzima bwe.

Icyo gihe Ubuyobozi bw’ Ingabo z’u Rwanda bwatangaje ko bwababajwe n’ibyo uwo musirikare yakoze, bwihanganisha imiryango n’inshuti babuze ababo.

Kureba uko urubanza rwagenze, kanda HANO

Iryo gerageza rizakorerwa ku muhanda wa Nyabugogo – Kabuga n’uwa Downtown – Kabuga.

Umugenzi ngo azajya akoza ikarita y’urugendo ku mashini nk’uko bisanzwe (tap in), ariko nagera aho asohokera yongere akozeho ikarita (tap out) kugira ngo asoze urugendo, bityo yirinde kwishyuzwa amafaranga y’urugendo rwose.

Itangazo rya RURA rigaragaza n’uko ibiciro biteye hakurikijwe ibirometero umugenzi yakoze. Ku ntera y’ikilometero kimwe n’ibilometero bibiri ni amafaranga 182 Frw, ku ntera y’ibilometero bitatu ni 205 Frw, amafaranga akazagenda yiyongera bitewe n’uko urugendo na rwo rwiyongera.

Zimwe mu ngero z’uburyo abagenzi bazajya bishyura:

– Downtown - Remera (10km), igiciro kizaba 388 Frw kivuye kuri 307 Frw

– Downtown - Rwandex (6km) igiciro kizaba 274 Frw kivuye kuri 307 Frw

– Downtown - Kanogo (3km) igiciro kizaba 205 Frw kivuye kuri 307 Frw

– Sonatube - Prince House (2km) igiciro kizaba 182 Frw kivuye kuri 307 Frw

– Nyabugogo - kuri 12 (14km) igiciro kizaba 543 Frw kivuye kuri 741 Frw

– Remera - Kuri 12 (3 km) igiciro kizaba 205 Frw kivuye kuri 420 Frw

– Nyabugogo - Kabuga (25km) igiciro kizaba 855Frw kivuye kuri 741Frw

Perezida wa Komisiyo y’Igihugu y’Uburenganzira bwa Muntu, Umurungi Providence, yasobanuye ko impamvu bahisemo gukorana umuganda n’abaturage b’i Mageragere, byari mu rwego rwo gutangirana na bo icyumweru cy’uburenganzira bwa muntu cyatangiye ku wa 30/11/2024 kikazageza ku wa 10/12/2024, kugira ngo baganire no kubyerekeranye n’uburenganzira bwa muntu.

Ati “Ni icyumweru dukora mu matariki abanziriza 10 Ukuboza, ari wo munsi mukuru mpuzamahanga w’ishyirwaho ry’itangazo mpuzamahanga ry’Uburenganzira bwa Muntu ryemejwe ku wa 10 Ukuboza 1948. Rero buri mwaka, u Rwanda rwifatanya n’ibindi bihugu kwizihiza iyo sabukuru y’itangazo mpuzamahanga ry’Uburenganzira bwa Muntu. Ni na ryo ritanga imirongo ngenderwaho n’amahame remezo y’uburenganzira bwa muntu ku Isi yose.”

Umurungi Providence avuga ko mbere y’uko itariki ya 10 Ukuboza igera, bategura ibikorwa bitandukanye, harimo n’icyo gutangiza icyo cyumweru, kuri iyi nshuro bakaba bahisemo kugitangiriza mu muganda rusange.

Mu bindi bikorwa biteganyijwe muri iki cyumweru, harimo ubukangurambaga buzakorwa mu baturage, aho abakozi b’iyo Komisiyo bazajya mu nteko z’abaturage bakabaganiriza ku burenganzira bwabo, bakakira n’ibibazo by’abaturage.

By’umwihariko, kwizihiza umunsi mukuru w’itangazo mpuzamahanga ry’Uburenganzira bwa Muntu uyu mwaka bizahurirana no kwizihiza isabukuru y’imyaka 25 Komisiyo y’Igihugu y’Uburenganzira bwa Muntu imaze ihawe inshingano zo guteza imbere no kurengera uburenganzira bwa muntu mu Rwanda.

Ni mu gihe ku rwego mpuzamahanga bazaba bizihiza isabukuru y’imyaka 75 ishize iryo tangazo mpuzamahanga ry’Uburenganzira bwa Muntu ryemejwe.

Inzego z’umutekano zakoranye n’abaturage umuganda rusange

Insanganyamatsiko ibihugu bizirikana uyu mwaka iragira iti “Uburenganzira bwacu, ahazaza hacu tubuharanire uyu munsi.”

Mu biganiro biteganyijwe by’umwihariko tariki 10 Ukuboza 2024 bizibanda ku kurebera hamwe ibyagezweho mu myaka 25 ishize u Rwanda rushyizeho Komisiyo yihariye igomba kureba no kurengera Uburenganzira bwa Muntu, n’ibyo Igihugu muri rusange cyakoze mu guteza imbere uburenganzira bwa muntu mu myaka 30 ishize.

Abajijwe uko abona uburenganzira bwa muntu buhagaze mu Rwanda, Umurungi Providence yavuze ko hari byinshi byo kwishimira. Ati “Nk’urwego rushinzwe kureberera no guteza imbere uburenganzira bwa muntu, Komisiyo ubwayo yagiye yiyubaka haba mu miterere ya Komisiyo, ariko n’Abanyarwanda muri rusange bagiye basobanukirwa uburenganzira bwabo. Twebwe turi nk’ijisho rya Leta mu kureba aho uburenganzira bwa muntu n’inzego zibishinzwe zigomba kurengera uburenganzira bw’abaturage , mu kureba aho bitagenda neza, aho inzego zarengereye, komisiyo izamo nk’ijisho rya Leta ariko ikanigisha.”

“Hari byinshi byo kwishimira kuko abaturage bamaze kumva uburenganzira bwabo. Azi ko niba ahohotewe yitabaza RIB, Umuvunyi cyangwa akaza no kuri Komisiyo, ariko abaturage bakanamenya amategeko n’inshingano zabo. Turacyafite urugendo, ariko uko Igihugu kigenda gitera imbere n’imyumvire igenda ihinduka. Ni yo mpamvu Komisiyo ihozaho cyane cyane mu kwigisha abaturage kumenya uburenganzira bwabo n’inshingano zabo.”

Perezida wa Komisiyo y’Igihugu y’Uburenganzira bwa Muntu, Umurungi Providence, yaganiriye n’abaturage nyuma y’umuganda

Umurungi Providence avuga ko mu bindi bishimira ari uko Komisiyo ikorana neza n’izindi nzego za Leta zirimo Polisi, RIB, Ubugenzacyaha, Inkiko, aho zuzuzanya ziharanira ko umuntu wese uri mu Rwanda yumva atekanye, azi ko uburenganzira bwe nk’umuntu bwubahirizwa.

Muri rusange uburenganzira bwa muntu buhagaze neza mu Rwanda nk’uko na raporo y’urwego rw’Imiyoborere (RGB) ibivuga, aho abaturage bagaragaje ko bumva batekanye nubwo ibibazo rimwe na rimwe bitabura, kandi ibyo ngo ni rusange ku Isi hose ngo nta gihugu wasanga ibintu byose bimeze neza 100%.

Umurungi Providence uyobora Komisiyo y’Igihugu y’Uburenganzira bwa Muntu, ati “Nibura kuba umuntu agenda, akaba azi ko umutungo we nta muntu uwumuteraho, akaba azi ko umwana we afite uburenganzira bwo kujya ku ishuri, akaba agomba guhabwa serivisi z’ubuzima nta vangura ririmo, navuga ko ishusho rusange y’uburenganzira bwa muntu mu Rwanda ihagaze neza. Ibisigaye ni kwa kundi tugomba guhozaho twigisha abaturage n’inzego dukorana kugira ngo niba hari ahabayeho kurengera, Komisiyo ibe ihari ikora akazi kayo.”

Bamwe mu bayobozi bahagarariye inzego zagize uruhare mu gutegura iki gikorwa no kugitera inkunga

Ni nyuma y’uko Legal Aid Forum (LAF) na Thomson Foundation ku bufatanye n’Ibiro by’u Bwongereza bishinzwe Ububanyi n’Amahanga (Foreign Commonwealth & Development Office - FCDO), bateguye gahunda yo gufasha abanyamakuru mu kubongerera ubumenyi n’ubushobozi mu buryo bw’amafaranga, kugira ngo babashe gukora inkuru zicukumbuye.

Ni gahunda yari ifunguye ku banyamakuru bose bo mu Rwanda, abanyamakuru 14 barushije abandi mu kuzuza ibisabwa bahabwa amahugurwa, bahabwa n’ubushobozi bw’amafaranga azabafasha mu gukora inkuru zicukumbuye.

Bize uko barushaho gutegura neza inkuru zicukumbuye, havamo batanu batsindira ibihembo bya Miliyoni ebyiri n’ibihumbi 200 by’amafaranga y’u Rwanda kuri buri muntu, abandi icyenda bahabwa ibihumbi 940 Frw buri muntu.

Umunyamakuru Simon Kamuzinzi wa Kigali Today ni umwe mu bitabiriye ayo mahugurwa ndetse ahabwa ubushobozi bw’amafaranga Miliyoni ebyiri n’ibihumbi Magana abiri azamufasha mu gukora inkuru.

Yagize ati “Itangazamakuru ricukumbura rirakenewe kuko usanga akenshi ridakunda gukorwa, kandi rifitiye akamaro kanini sosiyete kuko ryo rireba ibirenze ibiba byagaragaye, rikagaragaza ukuri kwihishe inyuma y’ibiba byatangajwe. Amasomo twahawe ndetse n’amafaranga biradufasha mu kunoza inkuru dukora.”

Abanyamakuru batanu bahize abandi bashyikirijwe ibyemezo by’ishimwe

Umunyamakuru witwa Mukazayire Immaculée ukorera ikinyamakuru cyitwa UBUMWE, na we wahawe Miliyoni ebyiri n’ibihumbi Magana abiri ashima amahugurwa bahawe kuko wasangaga badafite ubumenyi buhagije mu gukora bene izo nkuru bazijyanishije n’imiterere ndetse n’amateka (Context) y’Igihugu cy’u Rwanda.

Ati “Ubundi iyo usomye mu bitabo no kuri Internet usanga inkuru zicukumbuye ari inkuru ziba zikakaye cyane, zimwe ugasanga ntizirimo guhura na ‘Context’ yacu yo mu Rwanda. Ugasanga rero turazihorera kuko twumva ko zateza ibibazo, ikindi usanga ari inkuru zihenda zisaba ubushobozi bwinshi n’umwanya munini. Rero usanga ibigo byacu bidashobora kuguha izo miliyoni ngo uzikoreshe ku nkuru imwe uzamaraho amezi atatu cyangwa atanu, rero ugasanga izo mpamvu zituma gukora bene izo nkuru bititabirwa. Ubu dufite inkuru nyinshi kandi zanonosowe tugiye gukora. Twabanje gutegura ibitekerezo by’izo nkuru, inzobere muri bene izo nkuru zidufasha kunoza neza ibyo bitekerezo, baduha n’inkunga y’amafaranga, turizera ko bizadufasha mu kazi kacu.”

Mukazayire ahamagarira n’abandi bafatanyabikorwa kwegera abanyamakuru bakabatera inkunga kugira ngo babashe gukora bene izo nkuru zicukumbuye kuko zifite akamaro kanini.

Me Andrews Kananga yavuze ko biyemeje gushyigikira abanyamakuru kugira ngo bakore neza inkuru zicukumbuye kuko zifitiye akamaro kanini sosiyete

Umuyobozi Nshingwabikorwa w’Ihuriro ry’Imiryango itanga Ubufasha mu by’Amategeko, Me Andrews Kananga, yagarutse ku kamaro ko gukora neza inkuru zicukumbuye, ati “Inkuru iyo ikozwe neza iravuga cyane ikagera kuri benshi. Iyo inkuru isohotse idakoranye ubuhanga, cyane cyane inkuru zicukumbuye, hari igihe iza igateza ibibazo aho kugira ngo icyemure ibibazo. Icyo twakoze rero ni ukunganira abanyamakuru mu bushobozi kugira ngo bamenyere gukora bene izo nkuru.”

Iki cyiciro cy’abanyamakuru bahuguwe ku gukora inkuru zicukumbuye kije gikurikira ikindi cyiciro na cyo cyahuguwe umwaka ushize, ku bufatanye bw’Ihuriro ry’Imiryango itanga Ubufasha mu by’Amategeko (Legal Aid Forum), umuryango Thomson Foundation na Ambasade ya Leta zunze Ubumwe za Amerika mu Rwanda. Icyo gihe abanyamakuru 15 bize uko barushaho gutegura neza inkuru zicukumbuye, batanu bahabwa inkunga ya Miliyoni enye z’amafaranga y’u Rwanda kuri buri muntu, abandi icumi bagenerwa ibihumbi 600 Frw buri muntu, nk’uburyo buzabafasha mu gutunganya inkuru zicukumbuye batanzemo ibitekerezo, no gushyira mu bikorwa ibyo bize.

Abanyamakuru bahuguwe ku gukora inkuru zicukumbuye na bamwe mu bayobozi mu nzego zitandukanye bafashe ifoto y’urwibutso

Ni ibirori byaranzwemo urugwiro n’akanyamuneza, benshi bashima uruhare rwe muri Politiki y’u Rwanda. Tito Rutaremara ni umwe mu bagize uruhare runini mu rugamba rwo kubohora Igihugu ndetse akaba yaragiye ahabwa inshingano zitandukanye mu nzego z’ubuyobozi bw’Igihugu, nyuma ya Jenoside yakorewe Abatutsi mu 1994.

Inararibonye mu bya Politiki, Hon. Tito Rutaremara, yavutse tariki 21 Ugushyingo 1944 avukira i Kiziguro muri Gatsibo mu Ntara y’Iburasirazuba.

Amashuri abanza imyaka itanu (5) yayigiye i Kiziguro, umwaka wa Gatandatu (6) awigira mu Ruhengeri i Nemba. Nyuma ahavuye yize mu Isemiranari ku Rwesero imyaka ibiri (2) ndetse yiga umwaka umwe n’igice muri St André, ari bwo we n’umuryango we bahitaga bahunga bajya muri Uganda.

Ageze muri Uganda n’umuryango we, yaje gushaka ishuri ndetse araribona, yiga mu ishuri rikuru mu bijyanye no kwigisha ndetse ahakura Buruse yo kujya kwiga mu gihugu cy’u Bufaransa ahakura Licence, Maîtrise ndetse na Doctorat.

Hon. Tito Rutaremara yakoze imirimo myinshi, imwe muri yo harimo nko kuba umuyobozi w’akanama kashyizeho FPR-Inkotanyi mu 1987, ndetse yabaye mu ishyaka NRM riyoboye Uganda, ubwo ryafataga ubutegetsi Museveni akajya ku buyobozi.

Hon. Tito nk’umwe mu mpuguke n’inararibonye u Rwanda rufite, mu 2019 yagizwe Umuyobozi Mukuru w’Urwego rw’Igihugu Ngishwanama rw’Inararibonye, nyuma y’uko urwo rwego rutari rufite umuyobozi kuva Dr. Iyamuremye Augustin yagirwa Umusenateri akanatorerwa kuba Perezida wa Sena.

Mu yindi mirimo yakoze harimo kuba Umunyamabanga Mukuru wa FPR-Inkotanyi (1987-1989), Komiseri ushinzwe Ubukangurambaga (1989-1991), Umuhuzabikorwa wa Politiki n’igisirikare (1991-1993).

Yabaye n’umudepite (1995-2000), ayobora Komisiyo yo gushyiraho Itegeko Nshinga (2000-2003), aba Umuvunyi Mukuru (2003-2012), umwanya yavuyeho ajya kuba Senateri.

Aya ni amwe mu mafoto yaranze ibirori by’isabukuru ye y’amavuko:

Amafoto: Village Urugwiro