Mbere y’uko indirimbo yose isohoka, habanje gucicikana agace kayo karimo amashusho agaragaza Rutaremara na Karasira bambaye umukenyero batambuka ku ngazi, bageze aho bicara Muzehe Tito asoma ku itama rya Karasira.

Ni indirimbo igaragaramo kwirekura cyane bitari bimenyerewe ku banyacyubahiro, ariko ikanumvikanamo gushimagiza ubutwari bwa Tito anashimirwa ko yabaye urumuri rw’abakiri bato.

Mu ndirimbo, hari aho Karasira agira ati “Rutaremara wampaye byose ay’ibambe ukwiriye ibyiza. Rutaremara wampaye umutima yewe nsanze uri ingabirano. Uri ingabire”

Amagambo menshi agize iyi ndirimbo, ni ayo gushimagiza uyu munyacyubahiro usanzwe ukunda injyana zirimo umuco gakondo, dore ko na Clarisse atahwemye kuvuga ko akunda uyu musaza.

Hari n’aho Karasira yagize ati “Iyaguhanze, ntibyayigwiririye. Iyaguteye ni na yo ikuhirira. Yakugenje uko yabishatse, nguko uko twakumenye. Iyakunyujije mu nzira y’inzitane yaguhaye umutima rutare. Yarakuzigamye nk’icyanzu cy’abato. Ejo heza ndahabona. Ugira umukunda ntagira umususu, siba gusuhererwa susuruka. Iyo nseko yawe nisesekare. Burya useka neza mutakwasuku.”

Reba indirimbo “Rutaremara” ya Clarisse Karasira

Iki cyaha biravugwa ko cyakozwe ku itariki ya 21 Ugushyingo 2020 mu Murenge wa Ndera, mu Karere ka Gasabo.

Igisirikare cy’u Rwanda cyirizeza buri wese ko ubutabera buzatangwa mu mucyo, kikamagana byimazeyo uwo ari we wese wica amategeko y’u Rwanda,aya RDF, n’undi wese mu bakozi ba RDF unyuranya n’imyitwarire n’indangagaciro bya RDF.

RDF yavuze ko ibikorwa byo gushakisha ukekwa birakomeje.

Sergeant Robert yamamaye kuri iri zina nk’umuhanzi, yamamara na none mu muziki kubera itsinda rya Army Jazz Band rya gisirikare. Ubu arashakishwa n’inzego z’umutekano akekwaho guhohotera umwana w’umukobwa w’imyaka 15, bikavugwa ko yahise atoroka n’ubwo bitazwi aho aherereye.

Sgt Robert wamamaye mu ndirimbo nka Weekend, Impanda n’izindi, ni umwe mu bahanzi banditse izina kandi umaze imyaka muri muzika, akabifatanya no kuba mu ngabo z’igihugu.

Ingingo ya 133 y’itegeko rigena ibyaha n’ibihano ivuga ko uhamijwe icyaha cyo gusambanya umwana ahanishwa igifungo kitari munsi y’imyaka makumyabiri ariko kitarenze imyaka makumyabiri n’itanu.

Iyo gusambanya umwana byakorewe ku mwana uri munsi y’imyaka cumi n’ine , igihano kiba igifungo cya burundu kidashobora kugabanywa kubera impamvu nyoroshyacyaha.

Iyo gusambanya umwana ufite cyangwa urengeje imyaka cumi n’ine byamuteye indwara idakira cyangwa ubumuga, igihano kiba igifungo cya burundu.

Joe Biden na Visi perezida we Kamala Harris

Joe Biden, ni Umugabo ufite inararibonye muri politike, dore ko ayirimo kuva mu 1970 ubwo yinjiraga muri sena ya Leta zunze ubumwe za Amerika, azwiho imvugo ireshya benshi.

Ku majwi 284, habazwe amajwi y’itsinda ritora bwa nyuma rihagarariye rubanda (Eelectoral College cyangwa Grands Electeurs), Biden yatorewe kuyobora igihugu cy’igihangange nka Leta zunze ubumwe za Amerika atsinze Donald Trump wari usanzwe ku butegetsi. Ni ibintu byabayeho gake muri Amerika ko uwari usanzwe ku butegetsi atongera gutorerwa indi manda.

Uwo byaherukaga kubaho na we ni umurepubulikani George Hubert Bush, watsinzwe na Bill Clinton ubwo yageragezaga kwiyamamariza manda ya kabiri bikanga burundu.

Gutsinda kwa Joe Biden ntabwo gusubirwaho, kuko Trump ntayandi mahitamo afite uretse gusohoka muri White House.

Ikigaragaza ko Biden yaba yaratsinze amatora cyera ariko Amerika ikabanza kwitonda ngo ibanze irinde Perezida wayo mushya, ni uko ku munsi wa nyuma hari hasigaye Leta enye, ariko Biden akimara gutsinda muri Pennsylvania aho avuka, n’izindi zari zisigaye zahise zitangaza amajwi yazo, eshatu muri izo Biden arazitsinda nk’uko byari byitezwe, naho Trump atsindamo imwe, ibitari kugira icyo bimumarira.

Ntabwo ari ibintu byari byoroshye kuko henshi muri za Leta zituwe n’abantu benshi ari na zo zitanga amahirwe yo kuba Perezida, wasangaga abakandida bombi barabanje kumera nk’abazigabana, uretse ko Biden yaje kwereka igihandure Trump ubwo yatsindaga muri Leta ya Calfornia. Byasabaga nibura amajwi 270 ngo umukandida yegukane intsinzi.
Biden yahanganye na Trump mu gihe cy’iminsi ibiri ya mbere yo kubarura amajwi rusange, ariko mu minsi itatu isigaye ya nyuma, Biden agenda imbere cyane ya Trump.

Mu migi itandukanye ya Leta zunze ubumwe za Amerika, abambari ba Joe Biden barimo barapfundura za shampanye, abandi barimo barabyina umusaturamano, bishimira intsinzi.

Mu bandi bishimiye intsinzi ya Biden, ni Mitt Romney. Uyu ni umu Repubulikani wari inyuma ya Trump yanahanganye na Obama mu matora yo muri 2012.

Yagize ati “Turabizi neza ko yaba Biden ndetse na Visi Perezida Kamala Harris bose ari bantu beza, kandi bazashobora akazi kabo. Turimo turasenga Imana ngo izabashoboze akazi kabo”.

Undi ni Barack Obama, kandi birumvikana. Yagize ati “Ishya n’ihirwe nshuti yanjye Joe Biden na Kamala Harris, Perezida na Visi Perezida w’ahazaza wa Amerika.

Abayobozi batandukanye ku isi, barimo Angela Merkel, inshuti y’Abademokarate, Emmanuel Macron, Boris Johnson, n’abandi benshi mu Burayi barimo barandika ubutumwa bwa Twitter bishimira intsinzi ya Joe Biden.

Si indi mpamvu abayobozi bo mu Burayi barimo bishimira intsinzi ya Biden

Barabizi neza ko Trump yari yaramaze kuvana Leta zunze ubumwe za Amerika mu masezerano ya Paris yo kugabanya ibyuka byoherezwa mu kirere no kubungabunga agakingirizo k’izuba kitwa ‘Couche d’Ozone’. Byitezwe ko Biden azahita asubuza iki gihugu mu masezerano ya Paris.

Ikindi ni uko Trump yashwanye bikomeye n’imiryango ishamikiye ku Muryango w’Abibumbye, nka OMS yagabanyijemo amafaranga kimwe n’inkunga mu miryango mpuzamahanga Amerika yashyiragamo, Trump akayagabanya.

Uretse kubyina intsinzi no gutsinda mu buryo budasubirwaho kwa Joe Biden, uyu mugabo Joe Biden yaciye n’agahigo kataracibwa n’undi mukandida mu mateka ya Leta zunze ubumwe za Amerika.

Mu majwi rusange, ubu Biden arabarirwa milioni 74 n’ibihumbi 857 birenga, ahita aca agahigo kari kashyizweho na Barack Obama wari watsinze afite milioni 69 n’ibihumbi 400.

Aya majwi, nta wundi mukandida uwo ari we wese wigeze ayagira mu mateka ya Leta zunze ubumwe za Amerika, imyaka irenda gukabakaba 300, ntawe uragira aya majwi.

Uwari washyizeho aka gahigo ni Barack Obama mu 2008, ubwo yagiraga amajwi milioni 69,400.

Amerika yose yavugije induru kubera iyi ngano y’amajwi ku mukandida umwe, ariko Biden yatsindiye kuba Perezida anakuraho aka gahigo katigeze gakorwa n’undi muntu mu mateka y’iki gihugu.

Donald Trump yakomeje kuvuga ko yibwe amajw. Ibi ntawabyitayeho, kubera impamvu imwe. Mu myaka 170 ishize muri Amerika habarurwa amajwi muri ubu buryo, ubushakashatsi bwakozwe bugaragaza ko 99.8 by’abatoye bagaragaje ko kubarura amajwi binyuzwa mu mucyo n’ubwisanzure buhagije, bikanagaragaza ko ikigero cyo kwiba amajwi muri Amerika kiba kiri ku ijanisha rya 0.2% gusa.

Gutsinda kwa Joe Biden, bihise birangiza guhangana kwari hagati y’Abanyamerika baturuka mu mashyaka abiri akomeye, ndetse ubu, itangazamakuru ry’Abanyamerika barimo barandika bati “Time to Reunite”. Ni igihe cyo kwishyira hamwe tukayoboka Perezida mushya, kandi ni nawo muco w’Abanyamerika, ko nyuma y’amatora, bashyira hasi ubukeba bagakorana n’ubuyobozi bugiyeho.

Umugabo ugiye kubana n’isi ari peresida w’igihugu gikomeye ni muntu ki? Ubu ni we muntu utorewe kuyora Amerika afite imyaka myinshi kurusha abamubanjirije

Joseph Robinette Biden Jr. yavutse tariki ya 20 Ugushyingo 1942, avukira mu bitaro byitiriwe Mutagatifu Mariya i Scranton, ho muri Pennsylvania.

Ababyeyi be ni Catherine Eugenia Biden wabayeho hagati ya 1917–2010 ndetse na Joseph Robinette Biden Sr. ( 1915–2002). Ni imfura mu muryango w’Abagatolika w’abana 4, ababyeyi babo ibisekuru byabo bibarizwa mu Burayi mu Bwongereza, u Bufaransa na Ireland.

Se wa Biden yari umukire cyane, gusa nyuma aza gusa n’uhungabanye mu bukungu ubwo Biden yavukaga. Agace ka Scranton Biden yavukiyemo, ubukungu bwako bwaje kuzahara cyane mu myaka yo mu 1950, se wa Biden iki gihe ntiyabashaga kubona akazi gahamye ngo atunge umuryango mu buryo bunoze.

Mu ntangiriro za 1953, uyu muryango wabaga muri Apartement zo muri Claymont, Delaware, nyuma baza kwimukira mu nzu yabo i Wilmington, Delaware ubwo se wabo yari amaze kwisuganya neza mu by’ubukungu.

Ku itariki ya 27 Kanama 1966 Joe Biden yashyingiranywe na Neilia Hunter waje kwitaba Imana mu 1972 bamaze imyaka itandatu babana. Babyaranye abana batatu : Joseph R. "Beau" Biden III witabye Imana mu 2015 yaravutse mu 1969, Robert Hunter Biden yavutse mu 1970, undi akaba Naomi Christina "Amy" Biden.

Mu 1968, Biden yabonye impamyabumenyi mu by’amategeko muri Syracuse University College of Law, yari yabaye uwa 76 mu banyeshuri 85, yahise yinjira mu banyamategeko b’abakorerabushatse ’Delaware bar’ mu 1969.

Bitewe no kugira umuryango urimo abantu bakomeye by’umwihariko mu butabera, aho yazamutse cyane muri politike. Mu 1972, Biden yatangiye kwiyamamariza kwinjira muri politike ya Amerika, iki gihe yahise atsinda J. Caleb Boggs wari uhagarariye Delaware muri sena ya Amerika.

Tariki ya 18 Ukuboza 1972, habura igihe gito ngo yinjire muri sena, umugore we Neilia n’umukobwa wabo wari ufite umwaka umwe basize ubuzima mu mpanuka yabereye Hockessin, Delaware, abahungu be babiri na bo, Beau na Hunter barakomereka cyane.

Byari ibihe bikomeye cyane kuri we kuko n’abahungu be Beau na Hunter bazahajwe n’imvune z’iyi mpanuka harimo no kwangirika ubwonko, byaramushobeye kugeza ubwo Biden ashatse kwegura ngo abanze abavuze, ariko Leader Mike Mansfield wari uhagarariye sena amwumvisha ko atagomba kwegura.

Ku wa 05 Mutarama 1973, Biden yarahiriye kwinjira muri sena ya Amerika, icyo gihe abahungu be bari barwaye ni bo bari bahari ndetse n’abandi bantu bake bo mu muryango. Ku myaka 30 yahise aba umusenateri wa gatandatu muto winjiye muri sena ya Amerika mu mateka.

Kubona abana be barwaye buri munsi byaramushegeshaga cyane kugeza ubwo yatekerezaga ko Imana yamwibagiwe. Biden yaje kujya mu rukundo n’undi mugore wari umwarimu Jill Tracy Jacobs, bahuye mu 1975 baza gushyingiranwa mu 1977 tariki ya 17 z’ukwa Gatandatu, babyarana umukobwa Ashley Blazer mu 1981.

Beau Biden yaje kuba umucamanza wavuganiraga ingabo za Amerika zabaga muri Iraq, nyuma aza kuba Perezida w’Urukiko rw’Ikirenga wa Leta ya Delaware, yaje guhitanwa na cancer y’ubwonko mu 2015. Hunter Biden we ubu ni umucamanza ukomeye muri Washington akaba n’umushoramari.

Joe Biden ku itariki ya 09 Kamena 1987, yatangaje ko aziyamamariza kuyobora Leta zunze ubumwe za Amerika mu matora yo mu 1988. Icyo gihe yari akanganye cyane ku bo bari kuba bahanganye bitewe n’uburyo yari amaze kumenyekana muri sena ya Amerika, byari bigiye gutuma aba Perezida wa kabiri wa Leta zunze ubumwe za Amerika ukiri muto nyuma ya John F. Kennedy.

Gusa byaje gusa n’ibyanga, ubwo abantu benshi bamukuragaho amaboko nyuma yo kumenya ko imbwirwaruhame akoresha akenshi aba ari kwigana iby’abandi, bifatwa nk’ubujura, (plagiarism). Byatumye kandidatire ye ayikuramo, ngo kuko yari amaze kugenda agaragara nabi bitewe n’amakosa yakoze mu myaka yari yaratambutse.

Mu kwa kabiri 1988, nyuma yo kumara igihe kinini ababara ijosi, Biden yashyizwe mu mbangukiragutabara ajyanwa mu ivuriro rya Walter Reed Army Medical Center ngo abagwe. Yabazwe ubwonko bwari bwaramaze kugaragaza ko butari ku murongo neza, cyangwa se bujagaraye ibyitwa (intracranial berry aneurysm).

Ubwo yari ari gukira aho bari bamaze kumuvura yongeye guhura n’indwara zifata ibihaha zigatuma uhumeka insigane, byatumye amara amezi agera kuri arindwi atagaragara muri sena ya Leta zunze ubumwe za Amerika.

Biden ni umwe mu bantu barambye muri sena ya Leta zunze ubumwe za Amerika ndetse arangwa no kugira uruhare rukomeye muri imwe mu myanzuro yagiye ifatwa mu gihe cye nk’ukuriye sena, aho nko mu 1999 mu ntambara yo muri Kosovo, Biden yashyigikiye umugambi wa NATO wo kwatsa umuriro wa bombe kuri Ygoslavia yari ihanganye n’inyeshamba zo muri Albania.

Iki gihe we na John McCain basabye Peresida Clinton kwifashisha imbaraga zishoboka zose, zirimo ingabo zo ku butaka ngo bahangane n’ubutegetsi bwa Yugoslavia bashinjaga ivangura ku bwoko bw’Abanyalbania muri Kosovo.

Uretse ibi kandi, Biden yongeye kumenyekana cyane ubwo yashyigikiraga intambara yo muri Afghanstan mu 2001 yo gukura abatalibani ku butegetsi ngo iki gihugu kitaba indiri y’umutwe w’iterabwoba wa Al-Qaida, Biden yumvikanye avuga ko icyo basabwa cyose bagomba kugira.

Nka Perezida wa sena ya Leta zunze ubumwe za Amerika mu gashami gashinzwe ububanyi n’amahanga, mu 2002 Biden yatangaje ko Saddam Hussein ari ikibazo gikomeye ku mutekano w’igihugu kandi ko agomba kwigizwayo, biza kurangira hatowe ko Amerika yigarurira Iraq.

Mu matora yo mu 2008, Joe Bidden yashakaga kwiyamamaza, ariko biza kurangira akuyemo kandidatire ye kubera Barack Obama wari umuri imbere. Gusa mu ibanga, Obama yabwiye Biden ko ari kumushakira umwanya ukomeye mu butegetsi ubwo azaba abaye perezida, gusa Biden yabiteye utwatsi. Umwanya yavugaga wari ukuba Visi Perezida.

Biden yabyanze avuga ko byatuma abura umwanya ukomeye n’ijambo muri sena, gusa biza kurangira ahinduye ibitekerezo yiyemeza kubera Obama visi peresida. Ni umwanya yamazeho imyaka igera mu munani ategekana na Obama.

Ubwo manda yabo yari irangiye, ibitangazamakuru bitandukanye hagati y’umwaka wa 2016 na 2019 byagaragazaga Biden nk’umuntu ushobora kuba umukandida ukwiriye mu matora ya perezida mu mwaka wa 2020. Ntabwo yabihakanaga gusa ntiyanatoboraga ngo abyemeze. Nyuma yaje gutangaza ati "Nziyamamaza nimba nkibasha gutera agatambwe”.

Icyo wamenya kuri uyu mugabo ni uko yatorewe inshuro esheshatu zose kujya muri sena ya Leta zunze ubumwe za Amerika, akaba kandi yarabaye Visi Perezida wa 47 w’iki gihugu.

Akiri muto yari afite ingorane ikomeye cyane y’ubumuga bwo kutavuga neza mu buryo busanzwe, yakomeje kugira kugeza yiga mu ishuri ryisumbuye. Yaje kubikira akoresheje uburyo bwo kwitoza kuvuga ari imbere y’indorerwamo.

Imbuga nkoranyambaga zitandukanye zagiye zikwirakwiza aya mafoto na ba nyiri ubwite barayakwirakwiza ariko ntibagira byinshi basobanura.

Hari benshi baketse ko Bruce Melodie yaba ari mu rukundo n’uyu mukobwa uzwi nka Miss Gisabo, bikanarushaho gushyira mu rujijo kuko ntacyo bigeze basobanura kuri aya mafoto.

Iyo ukurikiye imbuga nkoranyambaga zabo bombi, usanga hashize igihe kirenga umwaka bifotozanya amafoto ameze nk’ay’abantu babiri bari mu rukundo, ariko uko bagiye kuyashyira hanze, babanza gushyiraho ibirango byamamaza telefone.

Ikibazo cyakunze kuba kuri aya mafoto yabaga yasohotse atariho ibirango bya telefone bamamaza, uburyo hari abayabonye bagakeka ko abo bombi bari mu rukundo.

Mu kiganiro Boda to Boda cyo kuri KT Radio ku wa Kane tariki 29 Ukwakira 2020, umwe mu bakurikira iki kiganiro yanditse ubutumwa burebure kuri Radio amenyesha ko yishimiye kuba Bruce Melodie agiye gushyingiranwa na Miss Gisabo.

Yaragize ati “Impamvu binshimishije ni uko bose nsanzwe mbakunda, none kubona bashyingiranwa byanshimisha.”

Gusa uyu mukunzi w’aba bombi, ubanza atasobanukiwe ko Bruce Melodie asanzwe afite umugore babana, kandi barerana abana babiri.

Mu mafoto yavugishije abantu cyane, ni nk’ifoto igaragara Melodie apfukamiye Miss Gisabo asa n’ushaka kumwambika impeta, ndetse n’andi mafoto yigeze kujya hanze bagaragara nk’abari gukorana imyitozo ngoramubiri ari babiri bonyine.

Ibi byashyize mu rujijo benshi mu bayabonye, nyamara aya mafoto yose yari agamije ubucuruzi no kwamamaza ubwoko bw’amatelefone acururizwa hano mu Rwanda aba bose bakaba ari ba ambasaderi b’iyi telefone.

Junior Giti

Junior uri mu b’imbere mu gusobanura filime zikunzwe zirebwa hano mu Rwanda, uretse aka kazi, anagaragara mu bikorwa byinshi by’imyidagaduro nko kugaragara mu ndirimbo. Ni n’umuvandimwe wa Yanga na we wasobanuye filime igihe kirekire.

Mu kiganiro Kigali Today yagiranye n’uyu mugabo umaze kwamamara mu gusobanura filime kubera guhimba amwe mu magambo akamamara mu Rwanda hose, yaduhishuriye ko gukora aka kazi neza bisaba kuba usanzwe uzi kuganira, kumenya indimi z’amahanga zikinwamo filimi, kuba uzi gushakisha filimi zigezweho no kuba uzi icyo Abanyarwanda bagukeneyeho muri iyo minsi.

Kigali Today (KT): Watangiye gusobanura filme ryari?

Junior: Natangiye kubikora kera nkiri mu mashuri, ariko muri 2015 nibwo natuje mbikora nk’akazi, mbere yaho nabivangaga n’ishuri.

KT: Mukuru wawe Yanga yarabikoraga. Ni we wakwigishije?

Junior: Nabyinjiyemo atangiye kubivamo, ndetse nagenze mu njyana ye, nyuma nanjye nza kurema inzira yanjye kuko isoko ryacu n’irye(Yanga) biratandukanye cyane kuko twe twazamuye agasobanuye ku rwego rwubashywe na buri wese.

KT: Umaze kubigeramo, wasanze ari akazi wishimira? Kakwinjirizaga bingana gute?

Junior: Nabigezemo tubanza kurwana no guhindura ishusho y’agasobanuye uko twagasanze. Mbere agasobanuye nta muntu wagahaga agaciro, karebwaga n’abantu badasobanutse. Ubu gaca ku mateleviziyo menshi mu Rwanda no mu Burundi. Byabaye akazi nk’indi myuga yose kandi ni umurimo uhemba neza cyane.

KT: Umaze kugira izina rinini muri aka kazi. Kugira ngo ugere kuri urwo rwego byagusabye iki?

Junior: Byansabye kubanza gusobanukirwa neza ko Abanyarwanda ndetse n’abanyamahanga nkorera filime bumva ikinyarwanda, ari abantu bakuru ndetse basobanukiwe, bityo byansabye guhindura imivugire, imitekerereze no gufata umwanya uhagije nkabategurira ibyo filimi zigisha kandi zikaruhura mu mutwe.

KT: Wifuza kuzagera he muri aka kazi?

Junior: Ndifuza ko agasobanuye gakomeza kubahwa kakagera hejuru cyane ku buryo Abanyarwanda bose bagomba kumenya ko nta wundi murimo usimbura kureba agasobanuye.

KT: Wumva ibyo bizashoboka?

Junior: Bizashoboka cyane ndetse ubu bamwe batangiye no kubishoramo amafaranga kandi ni akazi gatunze benshi atari natwe dusobanura gusa, kuko hari n’abandi bazigurisha bitunze.

KT: Hari abantu bavuga ko ibyo mukora ari ukwangiza ibihangano by’abandi. Ubivugaho iki?

Junior: Abavuga ko dukora ibidakwiye bazatwegere tubereke neza ibyo dukora, kuko nta kintu na kimwe cyakorwa kitemewe ku butaka bw’u Rwanda, birazwi dufite Leta ikaze mu bugenzuzi bw’ibyangombwa.

KT: Uruganda rwo gusobanura Filime mu Rwanda ubona ruzaba ruhagaze rute mu myaka 10 iri imbere?

Junior: Ruzaba ari uruganda rufite uruhare runini mu myidgaduro yo mu Rwanda cyane ko tudahwema gukora no gushaka icyateza imbere ‘showbiz’ yacu muri rusange.

KT: Iyo hasohotse filime iri mu rurimi utumva ubigenza ute?

Junior: Bisaba guhora usoma, guhora wagura ubwonko bwawe, kuko n’indimi twita ko tuzi buri munsi zirahinduka cyane ko filime zo hanze inyinshi zikorwa bifashishije amagambo y’inshoberamahanga cyangwa yumvikanweho n’abanyarurimi (slangs). Bisaba guhora wiyigisha indimi nk’igifaransa, icyongereza, igihindi n’icyespanyole.

KT: Turabashimiye Junior

Junior: Namwe murakoze Kigali Today

Mu kiganiro aherutse kugirana na Kigali Today, Fireman yavuze ko yamaze igihe kinini yumva ubuzima bwe ntacyo bumubwie cyane, icyakora akajya akora umuziki ngo azibere ikirangirire.

Ubwo yinjiraga mu muziki, yahise atangira gukoresha ibiyobyabwenge, kandi ngo yabikoraga yumva nta muntu atinya kabone nubwo byari kumukoresha amakosa.

Abajijwe impamvu yifataga gutya, Fireman yarasubije ati “Jyewe nkiri muto, numvaga nta muntu ntinya. Nakoraga ibyo nshatse kuko nta mubyeyi, nta marume, nta mama wacu cyangwa undi muvandimwe nari kuba ntinya kuko bose bagiye”.

Mu kiganiro, Fireman yabaye nk’ugira amarangamutima kuri iyi ngingo, ariko ahita yigarura ati “Byajyaga bimbabaza nkiri muto kuba ntafite umuntu n’umwe nita mwenewacu, ariko ubu mfite inshuti nyinshi mfata nk’abavandimwe abandi nkabafata nk’ababyeyi”.

Mu ngaruka mbi ibi byamugizeho, avuga ko harimo kunywa ibiyobyabwenge byaje kumugira imbata kugeza ubwo yisanze ari mu kigo ngororamuco cya Iwawa, aho yamaze umwaka wose wa 2019.

Nyuma yo kuva mu ruhererekane rw’ibibazo birimo kujyanwa Iwawa no gufungirwa muri gereza ya gisirikare, ndetse no guhura n’ingaruka za Covid-19, Fireman yagarutse mu muziki akora indirimbo zirimo ‘Ni neza’ yakoranye na Symphony Band bivugwa ko yaririmbiye umukunzi we wamubaye hafi igihe yari Iwawa.

Bruce Melodie aha yari muri Kigali Arena mu gitaramo cyakurikiye umuhango wo Kwita Izina wabaye tariki 06 Nzeri 2019

Yahereye ku yo yatanzemo ubutumwa bwo gukunda u Rwanda no kurukundisha abanyamahanga, ariko abafana bamwe banze kumushira amakenga bakeka ko ari igitutu cy’abamaze iminsi banenga abahanzi baririmba indirimbo zirimo ibisa n’urukozasoni ndetse n’ubusambanyi.

Mu butumwa Bruce Melodie yashyize kuri Twitter, yagize ati “Nk’uko twabisezeranye, urugendo rwanjye muri gakondo ruratangiye ku mugaragaro.”

Kuri ubu butumwa, ni ho yashyize agace k’indirimbo yumvikanamo amagambo ataka u Rwanda avuga ko ari igihugu cyiza gisurwa na ba mukerarugendo b’abanyamahanga, avuga ko ubu u Rwanda ari igihugu gishya.

Benshi mu bamukurikira ku rubuga rwa Twitter, batangiye kumwandikira bamubwira ko iyo atari injyana ye ndetse ko bitazamuhira, n’ubwo hari n’abandi bamugaragarizaga ko bishimiye kumwumva mu njyana gakondo.

Nkuko Twabisezeranye,Urugendo Rwanjye muri Gakondo Ruratangiye ku mugaragaro #24 Is Out Now 🔥🔥 https://t.co/cd8cYNZMub pic.twitter.com/OlpuYQB2Gc

— Bruce Melodie 🎵 (@BruceMelodie) October 25, 2020

Bamwe mu basubije ubwo butumwa yanditse, bavuze ko ashobora kuba yinjiye mu njyana ya Gakondo kubera igitutu n’amagambo aherutse gutangazwa n’Umunyamabanga wa Leta muri Minisiteri y’Urubyiruko n’Umuco, Bamporiki Edouard, avuga ko urwego ayoboye rutazihanganira abahanzi baririmba indirimbo zirimo amagambo aganisha ku busambanyi n’andi magambo ahungabanya umuco nyarwanda.

Iki gihe, Bamporiki yanavuze ko aho kugira ngo ananirwe gukemura iki kibazo, ashobora no kwegura ku mirimo.

Abumvise amagambo ya Bamporiki rero, bahise babwira Bruce Melodie ko ashobora kuba yagize ubwoba bw’aya magambo, kuko indirimbo yari amaze iminsi asohoye yitwa saa moya, ari imwe mu zitaravuzweho rumwe, ndetse abantu bayitangaho urugero rw’indirimbo zikabije konona umuco no kuvuga amagambo bamwe bita ibishegu.

Ku rundi ruhande ariko, na mbere y’aya magambo y’umunyamabanga wa Leta, Bruce Melodie yigeze kumvikana avuga ko n’ubwo arimo yamamaza indirimbo ye ‘Saa Moya’ azakurikizaho injyana gakondo ndetse ngo afite mu migambi ye kwamamaza iyi njyana.

Abakurikiye ubu butumwa, na bo babyanditse kuri Twitter bamubwira ko yubahirije isezerano yari yarabahaye, ryo gukora iyi njyana.

Umva Bruce Melodie muri iyi ndirimbo yaririmbyemo mu buryo bwa gakondo

Safi Madiba yagiye muri Canada mu ntangiro z’umwaka wa 2020, agiye kubana na Niyonizera Judith bari barashyingiranwe mu mategeko.

Agezeyo yakoze amashusho y’indirimbo ‘I Love you’ na bwo kandi yari yabanje gutandukana n’inzu ya The Mane yari asanzwe abarizwamo, na byo bitera induru ndende hagati ye na Baadrama uyobora iyo nzu.

Mu kwezi kwa kabiri k’umwaka wa 2020, Safi Madiba yahamirije Kigali Today ko yagiye uri Canada agiye kubana n’umugore we, ariko iki gihe yavugaga ko azahita agaruka agakomereza umuziki we mu Rwanda.

Ubwo yabazwaga niba azagaruka mu Rwanda, yaragize ati “Nzagaruka vuba n’ubu ni uko hano indege bazifunze nakagombye kuba naragarutse”.

Mu minsi mike yakurikiyeho, ubwo mu Rwanda hari hatangiye gahunda ya Guma mu rugo, hamenyekanye amakuru ko Safi n’umugore we Judith bafitanye ibibazo, ndetse ko Safi yafashe iya mbere akajya kurega umugore we mu nzego z’ibanze z’agace bari batuyemo muri Canada, amushinja kumuhoza ku nkeke.

Umuziki wa Safi wabaye nk’ugenda biguruntege, ku buryo yari amaze igihe cy’amezi arindwi nta gikorwa na kimwe cya muzika agaragayemo.

Mu kwezi kwa Nzeri kwa 2020, uwari umugore wa Safi yagarutse i Kigali asiga umugabo we muri Canada, ndetse biza kuvugwa ko ari mu rukundo n’umusore wamusabye ko bazashakana.

Mu kwezi kwa Kanama na bwo, Safi yari yemereye bamwe mu banyamakuru bo mu Rwanda ko yamaze gutandukana n’umugore we imbere y’amategeko, ko umwe ashobora gufata ikindi cyemezo cy’ubuzima bwe.

Nyuma y’amezi arindwi rero Safi ari muri ibi bibazo, yongeye gushyira hanze indirimbo yise ‘Sound’ yakozwe na Element, bigashoboka ko indirimbo yakozwe n’ubundi Safi ari muri Canada.

Mu ndirimbo yise ‘Ubugoryi bwanjye’ agaruka ku ndirimbo nka Saa moya, Igare, Ubushyuhe n’izindi, akavuga ko kuba hari abadakora bene izi ndirimbo kandi ari abahanzi, badakwiye kwitwa ‘Ibigoryi’ kuko izi ndirimbo zirimo zangiza indangagaciro z’urubyiruko.

Hari aho agira ati “Dore saa moya, dore ubwo bushyuhe, munyonga igare munyicira abana, ni iki twavuga tumariye rubanda cyangwa ni ukwirirwa tubaha uwo mwanda”.

Ni ndirimbo Ama G The Black yanze gushyira ku rubuga rwe rwa YouTube ariko tukaza kuyibona, yumvikanamo kunnyega abahanzi nyarwanda ko aho gufasha mu kubaka umuryango nyarwanda ahubwo bari kurushaho kuwusenya.

Mu kiganiro kigufiya twagiranye ku murongo wa telefone, Ama G yavuze ko gukora iyi ndirimbo atari agamije guhangana n’umuhanzi uwo uri we wese, ahubwo ko icyo yari agamije kwari ugutanga impuruza ngo umuryango nyarwanda udasenywa n’ibihangano by’abahanzi.

Ni indirimbo yumvikanamo gusubiramo kenshi ijambo ‘Ubugoryi’ ubundi akavuga ko ubugoryi bwe ari injyana yazanye.

Ibi twarabimubajije atubwira ko nta muhanzi yatutse, ahubwo ko ari we washatse kwiyita ikigoryi akazana injyana zitazakundwa ku isoko kuko ataririmbye ibishegu.

‘Ubugoryi bwanjye’ ya Ama G The Black, ni indirimbo itaragera ku bantu benshi, icyakora yaduhishuriye ko mu minsi mike iba yageze hanze.

Gateka Filly Chersy w’imyaka 21 ni Umurundikazi, yiga mu mwaka wa kabiri muri INES-Ruhengeri. Muri iyi filimi, akina yitwa Cece, agakina ari umugore ukize ariko w’umunyampuhwe ufasha umwe mu bantu baba badafite aho kuba n’ubushobozi bwo kwitunga akamuremera ubuzima.

Gateka avuga ko gukina filimi byahoze ari inzozi ze kuva cyera kuko aniyamamariza kuba Miss wa Ines Ruhengeri, umushinga we kwari ukuzamura impano zinyuranye zirimo no gukina filimi.

Ati “Byahoze ari inzozi zanjye kuva cyera, kandi narushijeho kwishima kuko nazigezeho ndi mu Rwanda, kuko iyo ukina umuco w’ikindi gihugu uhungukira byinshi cyane”.

Kugeza ku gace ka kane k’iyi filimi bamaze gushyira hanze, Gateka avuga ko nta kintu cyigeze kimugora kuko yari amenyereye gutanga ibiganiro bisaba ko bamufata amashusho, kandi akaba yarasaga n’uwamaze kwiyemeza gutanga ubutumwa binyuze muri filimi.

Icyakora avuga ko gukina akoresha Ikinyarwanda ari ho yagiye ahura n’akabazo, kuko hari amwe mu magambo y’Ikinyarwanda adahura neza n’Ikirundi, ariko na byo avuga ko aho kubibona nk’imbogamizi abibona nk’uburyo bwo guhaha ubundi bumenyi bw’ururimi.

Abategura iyi filimi ‘Ikiriyo cy’urukundo’ bavuze ko ari byiza kuba umwe mu bakinnyi ngenderwaho ari Umurundikazi kuko n’ubundi intego ihari ari uguhuriza hamwe imico inyuranye yo mu biyaga bigari, ikagaragara muri iyi filimi.

Nshimiyimana Jean de Dieu ari na we mwanditsi wayo, yagize ati “Ubu mu bice bizakurikiraho tuzakinisha Abagande n’Abanyekongo, mu rwego rwo guhuriza hamwe umuco wo muri aka karere.

Gateka Filly Chersy yiga mu mwaka wa kabiri mu ishami rya Biomedical Laboratory Sciences ,yabaye igisonga cya mbere cya Miss Bright INES tariki 3 Mata 2019, yungiriza Miss Umutoni Adeline, naho filimi ‘Ikiriyo cy’urukundo’ ikinirwa mu Mujyi wa Musanze.

Uretse kuba itambuka ku rubuga rwa YouTube rwitwa ‘IRIS TV’, nta rindi soko iyi filimi irabona, uretse ko abayitunganya bavuga ko bazakomeza gushaka andi masoko y’aho bashobora kunyuza filimi yabo.

Iri serukiramuco ryatangiye ku itariki 4/10/2020, ryateguwe ku buryo abantu batazahurira hamwe nk’uko byajyaga bigenda, ubu ibiganiro no kugaragaza za Filimi (secreening) bikorerwa kuri Television mu masaha y’umugoroba, igihe abantu bageze mu rugo.

Kaneza Floriane ukuriye iri serukiramuco, ubwo yagiranaga ikiganiro na KT Radio mu mpera z’icyumweru gishize, yagaragaje ko icyorezo cya Covid-19 cyaje hari ibikorwa bimwe by’iri serukiramuco byari byaramaze gutegurwa, ndetse amatariki iri serukiramuco riberaho ntabwo ajya ahinduka ku buryo abafatanyabikorwa mpuzamahanga bari baramaze kwitegura gukorana na bo.

Ibi rero ni byo byatumye badahagarika iri serukiramuco nk’uko ibindi bikorwa bihuza abantu byagenze, ahubwo biyemeza kugikorera kuri Television mu gihe cy’icyumweru kuva ku itariki 4/10 kugeza ku itariki 11/10/2020.

Abajijwe niba bitari bigoye gutegura iserukiramuco ryo kuri Televiziyo, Kaneza yagize ati “Ni akazi gakomeye kagiyemo ibitekerezo by’abantu benshi, kuko twifuzaga kureba aho abagore bo mu Rwanda bageze”.

Uyu muyobozi avuga ko mu myaka ine yashize, iri serukiramuco ryakoze akazi kenshi mu guhuza abakora sinema mu Rwanda n’abandi bayikorera hanze, ariko ngo kuri iyi nshuro ya gatanu, bifuzaga kubanza kureba aho Umunyarwanda ageze.

Ati “Buriya ku nshuro ya gatandatu umwaka utaha, turi gutegura ikintu gikomeye kirenze kure ibyo twakoze muri iyo myaka itanu ishize, kugira ngo rero tuzakigereho, byadusabaga ko ku nshuro ya gatanu tubanza kureba aho Abanyarwanda bo bageze”.

Iri serukiramuco rizagaragaramo ibiganiro bine byiswe ‘Umutima w’iserukiramuco’, birimo icyo bahariye ishoramari muri sinema nyarwanda, Isoko Nyarwanda rya Filimi, Ubuhanzi mu ruganda rwa Sinema, n’ikiganiro kizaba kivuga ku burenganzira ku gihangano buganisha ku iterambere.

Iserukiramuco rya Urusaro ryashyizweho n’umuryango utegamiye kuri Leta uhuza abagore bakora sinema, rigamije guteza imbere abagore bakora umwuga wa sinema mu Rwanda, rikana ryaramaze gufata ingengabije idahinduka kuva ku itariki ya 4-11/10 buri mwaka.

Uyu muhanzi wanakoze itangazamakuru imyaka irenga umunani, amaze igihe agaragara mu mukino wo gusetsa witwa Kimondo Kidi unyura kuri YouTube ku muyoboro witwa SEC Channel afatanyije na Emma Claudine na we wahoze ari umunyamakuru.

Yinjiye muri iyo mikoranire nyuma y’uko azanye Comedy zihariye kuko zivugisha ibikorwa nta magambo zigakundwa, zikaba ziboneka kuri YouTube channel ye yitwa Ben Nganji Inkirigito. Izo comedy yahereyeho ni Gatumwa, Umunsi w’Umwaku, n’Amadorari 100, nyuma atangira gukorana na Emma Claudine.

Ben Nganji yabwiye Kigali Today ko igitekerezo cy’uyu mukino Kimondo Kidi, cyaje ubwo yari akimara gusohora undi mukino yise “Gatumwa” na wo wanyuze kuri YouTube ugakundwa na benshi.

Ubwo uyu mukino wari ukimara gusohoka, Ben Nganji ngo yagiranye ibiganiro na Emma bumvikana ko bagomba gukora umukino ugamije gukebura umuryango, ari na yo mpamvu muri Kimondo Kidi akina ameze nk’umubyeyi w’umugabo akinana n’umwana we w’umukobwa.

Uyu mukino umaze kugera ku gace kawo ka gatanu, ugaragaza imyitwarire y’umubyeyi w’umugabo imbere y’umwana we, ukagaragaza uburenganzira bw’umwana hamwe n’ubusabane umwana ashobora kugirana n’abagize umuryango ariko byose bikinnye mu buryo bugaragara nk’ubusekeje.

Ben Nganji avuga ko ikimushishikaje muri iyi nkuru y’urwenya, ari ugukebura ababyeyi kugira ngo bite ku bana babo no kubaha uburere bukenewe kugira ngo umwana azabashe gukura ari ingirakamaro.

Reba zimwe muri Video z’urwenya Ben Nganji agaragaramo

Fireman waranzwe no kumwenyura muri iki gikorwa, ntabwo yavugaga amagambo menshi, uretse gusa ko yazanye umukobwa mu cyumba cyari cyateguwe, kirimo indabo n’ibipirizo byagizwe umutako, amugejeje mu kaziga k’indabo amuha ururabo.

Muri urwo rurabo harimo impeta, Fireman yahise ayikuramo ashyira ivi rimwe hasi asaba umukobwa kuyimwambika na we, umukobwa utajuyaje yahise yemera ko azaba umugore wa Fireman.

Ni umunsi wahuriranye n’umunsi w’isabukuru y’amavuko ya Kabera Charlotte, wari wateguriwe umutsima byavuzwe ko na wo washatswe na Fireman, maze muri ibi birori bitari birimo abantu benshi, nibwo yakoze iki gikorwa cyo gutera ivi.

Fireman wari ufite ibyishimo byinshi yahise yandika kuri Instagram ye avuga ati “Ibi ni ibihe bitazibagirana, uri akagirwamana kanjye”, mu gihe mu yandi mashusho yari yabanje, Fireman yanditse ati “Yavuze Yego”.

Hashize igihe gito uyu musore avuye kugororerwa Iwawa aho yajyanywe bivugwa ko yabaswe n’ibiyobyabwenge, gusa nyuma y’igihe gito agarutse ubuzima bwe bugaragaza impinduka zikomeye zirimo no gufata icyemezo nk’iki cyo gushaka umugore.

Mu ntangiriro za 2020, ni bwo Safi Madiba yagiye muri Canada avuga ko asanze umugore we, ibihe bya Covid-19 biza kugera Safi ataragaruka, avuga ko icyorezo ari cyo cyamubujije kugaruka, nyamara amakuru akavuga ko Judith yari yarafatiriye urupapuro rwe rw’inzira (Passeport).

Byanavuzwe ko Safi Madiba yagiye kurega umugore we mu nzego z’ibanze z’agace batuyemo muri Canada, amushinja kumuhoza ku nkeke, nyuma aza no kuva mu rugo ajya gucumbika ku nshuti, ari na bwo yatangiraga ubuzima bwo kubaho nk’impunzi yibana muri Canada.

Ibi rero byaje gutuma uyu muryango utandukana, Judith aba ukwe na Safi ajya kwibana, banatandukana mu mategeko nubwo byatinze gutangazwa.

Aganira na Janvier Iyamuremye wa Inyarwanda, Safi Madiba yagize ati “Ntabwo twumvikanye. Abantu babiri bashobora kutumvikana bitewe n’imico n’ibindi. Natandukanye n’umugore nta kindi. Hari abashidikanya ariko ni byo”.

Gutandukana kwa Safi n’umugore we, byakunze kuvugwa mu itangazamakuru ariko aba bombi bakabihakana, ndetse bikanavugwa ko Judith yari asanzwe afite undi mugabo bibaniraga muri Canada, akabonana gake na Safi igihe bari mu Rwanda gusa, mu gihe Safi na we byavuzwe ko ashobora kuba ashaka gusubirana na Parfine bigeze gukundana bagatandukana.

Ku itariki ya 01 Ukwakira 2017, ni bwo Safi na Judith bakoze ubukwe mu buryo butunguranye, iki gihe akaba yari anamaze igihe gito atandukanye na bagenzi be bo muri Urban Boys, ku buryo mu bukwe bwe atanatumiye uwari Mugenzi we Nizzo Muhamed.

Benshi bahoraga bibaza inkomoko y’inganzo y’uyu mubyeyi usazanye ijwi ry’umwimerere n’imbaraga zo gushayaya bya Kinyarwanda, ariko aherutse guhishura ko ubuhanga bwe abukura mu muryango aho akomoka.

Ubwo umunyamakuru wa Isimbi TV yamubazaga aho akomora inganzo, Kayirebwa yavuze ko hari abahanzi yemera batabashije no gusohora indirimbo zabo ku maradiyo kuko icyo gihe byari bigoye, ariko avuga ko aho yabanje kwigira kuririmba ari mu rugo rw’ababyeyi be, kuko ngo Se yari umuririmbyi muri Koraliyo kuri Paruwasi y’Umuryango Mutagatifu.

yagize ati “Ku rukundo rw’indirimbo no kuririmba nabivanye iwacu. Data yari umuririmbyi wanabikundaga cyane. Kuwa gatandatu abagabo bazaga iwacu kwitozanya na Papa kuko ku cyumweru babaga bazaririmba muri misa nkuru, n’iyo indirimbo za kiriziya zarangiraga, Data yaturirimbiraga izindi ndirimbo zisanzwe natwe tukamuririmbira izo ku ishuri tukigishwa kuririmba ariko nannjye narabikundaga cyane”.

Uretse ubu bumenyi bw’ibanze yakuye kuri Se, Kayirebwa yanahishuye ko yakundaga gukurikira umuziki wa Rugamba Sipiriyani, ndetse ngo baranahuye baramenyana, anamenyana na ‘Ibihangange bya Sentore’, hamwe n’andi matorero y’Abanyarwanda yasanze mu nkambi i Bujumbura, harimo iryatozwaga na Uwera Florida.

Aba bose ngo yagiye abakuraho ubuhanga n’ubumenyi bwo kuririmba injyana gakondo, uretse ko avuga ko na we yabikundaga ku buryo ibyo yabonaga byahuraga n’ubushake bwo kubibyaza ubuhanzi.

Mu ndirimo ye yitwa ‘Talihinda’, hari aho yumvikanisha ko mu bahanzi bari mu Rwanda ntawe uruta Rujindiri, ndetse akagaruka no kuri Munzenze, bikumvikanisha ko aba na bo afite ibyo yabigiyeho mu iterambere ry’umuziki we.

Umusore yatereye ivi Miss Josiane ndetse amwambika impeta

Ku mugoroba wo kuri uyu wa Gatandatu, nibwo ku mbuga nkoranyambaga hasakaye amafoto n’amashusho magufi agaragaza Miss Josiane mu ikanzu y’igitenge, yambikwa impeta abasore basanzwe bambika abo bifuza ko bazarushingana.

Ni ibirori byagaragaraga ko byateguwe kuko hari hari n’abantu baringaniye mu cyumba gitatse indabo n’ikipe y’abashinzwe gufata amashusho, ndetse mu mashusho humvikanaga amajwi y’abakobwa bavuzaga akaruru bamusaba kwegera imbere ngo asanganire umukunzi we aho yari apfukamishije ivi rimwe ari na byo byitwa gutera ivi.

Muri uyu muhango ugaragara mu mashusho nk’uwamaze umwanya muto, Miss Mwiseneza Josiane yagaragaraga nk’uwari utunguwe, yegera umukunzi we yipfutse n’ikiganza mu maso, yemera kwambara impeta yari ahawe, abari aho bakomera amashyi icyarimwe.

Uku kwambikwa impeta, kwaciye amarenga ko aba bombi bashobora kuba bagiye kurushinga, n’ubwo bitazwi neza igihe bazarushingira.

Mu bihe bitandukanye, Miss Josiane yakunze guhakana ko adafite umukunzi, ndetse mu ntangiriro z’uyu mwaka, Kigali Today yagiranye ikiganiro na Miss Josiane wari ku ishuri muri INES-Ruhengeri, yongera kuvuga ko ikimushishikaje ari ugukomeza amashuri ye ndetse ko ibyo gukundana bitari muri gahunda.

Young Grace na Piqué bamaze igihe bakundana ndetse bakabigaragaza

Mu kiganiro uyu muhanzikazi yagiranye na KT Radio mu kiganiro Boda to Boda, yavuze ko agaya bikomeye abagabo batera inda abakobwa barangiza bakihunza inshingano zo kurera abana.

Ingingo yo kuba Rwabuhihi Hubert uzwi nka Piqué yaratanye umwana Young Grace, ntabwo yashimishije uyu muhanzikazi muri iki kiganiro ndetse yasabye umunyamakuru kutaguma kumubaza kuri iyi ngingo y’uwo babyaranye.

Gusa muri iki kiganiro, Young Grace yaragize ati "Umugabo uhunga inshingano zo kurera ntakiba kigenda, kuko umwana ntabwo akenera ibintu byinshi umugabo atabona. Mwibaze namwe ibintu umugore wenyine ashobora ariko umuntu w’umugabo akabihunga."

Abayizera Marie Grace uzwi nka Young Grace mu buhanzi yanavuze ko yatangije ikiganiro kuri YouTube yise "Single Mothers Vibe" kigamije kumenya impamvu nyamukuru ituma abagabo bihunza inshingano zo kurera abana.

Muri iki kiganiro, Young Grace atumira abagore babyaranye n’abagabo ariko bakabasiga, hakaba hatahiwe abagabo bataye abana ngo na bo bazabazwe impamvu zibatera ibyo.

Young Grace yabyaye mu mwaka wa 2019 abyarana na Piqué wakinaga ruhago ariko batandukana umwana ataravuka, Young Grace ubu akaba ari we wita ku mwana wenyine.

Umuvugizi wa Polisi y’u Rwanda CP John Bosco Kabera, yemereye Kigali Today ko aba bombi bafungiwe kuri imwe muri sitasiyo za Polisi mu Mujyi wa Kigali.

Yagize ati “Ni byo, bafungiwe kwangiza amabwiriza ya Leta yo kwirinda ikwirakwira rya Covid-19 no guteza urusaku”.

Shadyboo asanzwe ari umugore uzwi cyane ku mbuga nkoranyambaga, cyane cyane kuri Instagram.

Naho Bruce Melodie, afunzwe nyuma yo gutaha bwije akarenza amasaha yateganyijwe (saa tatu), bikavugwa ko yafatiwe mu Mujyi wa Kigali atwaye imodoka yihuta cyane.

Aba bombi mu mpera z’icyumweru bari bagiye gusura umuntu, bahageze ngo bacuranga imiziki isakuza cyane, ndetse mu gutaha barenza amasaha yagenwe (saa tatu), ari na bwo baje gutabwa muri yombi.

The Ben

Ubu butumwa bwanyujijwe kuri Twitter y’abantu batandukanye, bwavugaga ko Bruce Melodie uri mu bihe bye byiza muri iki gihe, ngo yaba yarasinyishije The Ben amasezerano yo gukorana nk’umuntu uri mu biganza bya Bruce Melodie.

Nyamara ibi bikimara gutangazwa, The Ben yanditse ku mbuga nkoranyambaga avuga ko yumijwe no kubona abantu bashobora kumwandikaho amakuru nk’aya asa n’amwangiriza izina.

Yanditse ati “Jyewe ndi izina rikomeye, ridakwiye gukora ibibonetse byose, ndi Igisamagwe cya nyacyo [nk’uko akunda kubyiyita]”

Icyashyushyaga abantu mu mutwe, ni ukuntu umuntu nka Melodie watangiye umuziki The Ben amaze imyaka irenga 6 yaramamaye, yaba abashije kumusinyisha amasezerano akemera no kugenzura ibikorwa bye byose.

Bruce Melodie

Nyamara Bruce Melodie na we ku mbuga nkoranyambaga yavuze ko uretse no gusinyisha The Ben n’iyo nzu ashyiramo abahanzi ntayo afite, nk’uko bamwe babimwitiriye.

Yagize ati “Nta Label mfite. Hari abantu babyitiranije no kuba ndi gufasha abahanzi 2 bakizamuka, ariko bariya mbafasha bisanzwe bitari mu masezerano nk’uko naba mfite Label.”

Bruce Melodie amaze igihe agaragaza urwego rwo hejuru mu muziki wo mu Rwanda, akaba yaraninjiye mu ishoramari rigize aho rihuriye n’umuziki harimo nko gushinga Televiziyo, ku buryo bishoboka ko ari ho bamwe bahereye bavuga ko yaba agiye no gusinyisha The Ben.

Guma Guma Guma ya mbere 2011, Rafiki yari inkingi ya mwamba mu muziki

Uretse kuba byari ubunararibonye bwiza ku muhanzi, iyo usubiye inyuma kuri buri muhanzi ubona ko byari ibihe bitoroshye ugendeye ku kuntu umuhanzi yagaragariraga amaso, ubwoko bw’imyambaro yari igezweho icyo gihe, no kuba benshi bari bakiri bato mu myaka, ni urwibutso benshi bazasigarana mu mwuga wo kuririmba.

Twahisemo kubereka amwe mu mafoto y’ibikorwa bya Primus Guma Guma Super Star mu myaka itandukanye, uhereye muri 2011.

Amafoto:

2013, Jay Polly ni we watwaye Guma Guma, ahembwa na Joseph Habineza wari Ministre w’Umuco na Siporo icyo gihe

Ku rubyiniro Senderi yarapfukamaga agasenga asaba Imana ko yamufasha agakomeza

Ijonjora rusange, Makonikoshwa ntiyigeze yibonamo

Ibyapa byo ku muhanda ni uko byabaga bimeze

2014 ubwo Active yari ije mu irushanwa bwa mbere

Bruce Melodie yari akiri umuririmbyi ufasha abandi 2011-2012

Bakoraga n’ibikorwa byo gufasha abatishoboye. TMC ni uko yanganaga

Buri muhanzi yabaga ategerezanyine ubwoba, kumenya niba akomeza cyangwa asezererwa

Emmy mu bikorwa byo gusura abana

Ishimwe ryo kwitabira Guma Guma

Abashyushyarugamba (MCs) ba Guma Guma, Anita, Arthur na MC Tino

Mu kiganiro Kigali Today yagiranye n’umuvugizi wa Shanita, Alphonse yavuze ko uyu mushinga wari uhari na mbere yuko covid-19 iza, ati “umukobwa watsindiye guhagararira u Rwanda muri Miss Supranational yari gukora ubukangurambaga n’ubuvugizi ku bakobwa b’abangavu baterwa inda, yagombaga gutangira muri Werurwe bihurirana n’uko abanyeshuri bahise bataha kandi ubukangurambaga bwagombaga gukorera mu bigo”.

Kuri ubu bukangurambaga buzanafasha gukusanya amafaranga azafasha abana babyariye mu ngo imiryango yabo ikaba itakibafasha kuba basubira mu ishuri nk’uko Alphonse yabisobanuye.

Ati “Hari abana usanga baratwise bakiri ku ishuri ariko iwabo ntibabafashe nyuma yaho, turi gukusanya amafaranga kugira ngo tubafashe kubona ayo kwishyura ishuri kuko hari n’abo usanga bashaka kujya mu mahugurwa y’igihe gito”.

Miss Shanitha Umunyana yatangiye gukusanya amikoro mbere y’uko amashuri atangira kugira ngo Nzeri izagere ubukangurambaga bukomeje. Hari code ya mobile money ihari yo koherezaho amafaranga ndetse n’uburyo (link) bwo kuba bwakoherezwaho amafaranga.

Bruce Melody

Ni inkuru yatangiye muri 2015 ubwo Bruce Melody yari muri kamwe mu tubari turi i Nyamirambo, umukobwa witwa Agasaro Diane akamuzanira umwana w’uruhinja avuga ko yarambiwe gukomeza kumurera wenyine kandi afite uwo bamubyaranye.

Mu mugoroba w’itariki 20 Ugushyingo 2015, ahagana saa yine z’ijoro, nibwo Agasaro Diane yazanye umwana mu kabari Bruce Melody yarimo anyweramo hamwe n’inshuti ze, atangira gutera hejuru asaba Bruce Melody gufata umwana we kuko ngo kumurera wenyine atari akibishoboye.

Byabaye birebire kuko uretse gukwira mu itangazamakuru, byaje no kugezwa mu bugenzacyaha, kuko uyu Agasaro yagiye gutanga ikirego mu ishami rya Polisi ryari rishinzwe kugenza ibyaha (CID), ndetse na Bruce Melody aratumirwa.

Gusa muri iri joro ry’imvururu, Bruce Melody utarigeze wemera umwana, yaje kuva i Nyamirambo arataha, agenda avuga ko uyu mukobwa yaba yaguriwe n’abantu runaka bagashuka uriya mukobwa ngo azanire umwana Bruce Melody mu rwego rwo kumwicira izina.

Mu kiganiro Bruce Melody aherutse kugirana na Television ye yitwa Isibo TV, umunyamakuru yamubajije uko iki kibazo cyarangiye maze Bruce Melody arasubiza ati “Urakoze kumbaza icyo kibazo. Ni ikibazo gikomeye cyane ariko icyo navuga, ni uko na n’ubu ntaremera uriya mwana kuko nyine ntakwemera umwana utari uwanjye.”

Umunyamakuru yamwibukije ko uwo mwana ubu asigaye arerwa n’abagiraneza kuko na nyina atakimurera, Bruce Melody arasubiza ati “Ndi umubyeyi kandi sindi umubyeyi gito ku buryo nakwanga kurera umwana. Ikibazo ni uko uwashakaga ko murera yabivugaga amwita uwanjye kandi abana banjye barazwi sinakwihakana umwana kandi ndi umubyeyi nyine.”

Amubajije ikigaragaza ko uyu mwana atari uwe, Bruce Melody yavuze ko ubwo iki kibazo cyabaga, yahamagawe kuri Polisi abwirwa ko yarezwe. Iki gihe ngo yitabye inshuro eshatu zose ahagera agasanga uwamureze ntawuhari, inzego za Polisi zamutumizaga zimusaba kwigendera kuko umurega bigaragara ko yanze kwitaba.

Uyu muhanzi ngo yanasabye uyu mubyeyi ko yazana umwana bakajya gupima ibizamini by’amaraso bizwi nka ADN, ariko uyu mubyeyi arabyanga. Bruce Melody yagize ati “Ubwanjye naramubwiye ngo aze tujye gupima ibizamini bya ADN kugira ngo impaka zishire, ariko yarabyanze.”

Byigeze kuvugwa ko uyu Agasaro Diane yaba yarataye umwana akajya kurerwa n’abandi naho we agatoroka.

Mu kiganiro uyu Diane aherutse kugirana n’urubuga rwa Yambi TV, yavuze ko uyu mwana atamutaye ahubwo ko yagiye gushaka akazi ku Gisenyi akamusiga i Kigali bikitwa ko yamutaye, nyuma umwana afatwa n’abandi bagiraneza ari na ho akiri kugeza ubu.

Muri iki kiganiro, Diane yongeye gushimangira ko umwana ari uwa Melody, avuga ko ibyo gutanga umwana ngo afatwe ibizamini bya ADN ntabyigeze bibaho.

Yaragize ati “Nahamagawe na Polisi bambaza imyirondoro yanjye ariko ibyo gupima umwana ntabyo bambwiye, ariko hari igihe Melody we ubwe yari yavuze ko tuzajya gupimisha ari ku wa mbere, hageze avuga ko umunyamategeko we yagize ibyago.”

Kugeza ubu, yaba Diane Agasaro na Bruce Melody ntawugifite uruhare runini kuri uyu mwana, kuko ubu arerwa n’umugiraneza wamwiyanditseho, nyuma y’uko Agasaro asinyiye ko atagishoboye kurera umwana.

DJ Pius

Mu kiganiro yagiranye na Kigali Today, DJ Pius yavuze ko mu minsi ishize byari bikomeye ku buryo hari abahanzi bamwe babuze n’ibiribwa bakagomba kugobokwa n’abaturage, ariko avuga ko n’abatarageze kuri uru rwego batari borohewe kuko hafi ya bose batungwa n’ibitaramo cyangwa ibikorwa bihuza abantu benshi.

Muri icyo kiganiro, DJ Pius yabajijwe uko yumva byagenda gahunda y’ibitaramo idasubukuwe vuba, maze agira ati “yebaba weeeeeeeee, sinzi ko n’uyu mwaka washira, n’abafite ubushobozi bumaze gushira burundu”

Abajijwe we uko abayeho cyane ko yasohoye n’indirimbo, yasobanuye ko na we atorohewe, icyakora ngo ikimufasha ni udufaranga duke abona kubera ibihangano bye bigurishwa kuri murandasi, ariko avuga ko ari duke cyane tudashobora kumubeshaho uko bikwiye.

Utu dufaranga ngo ni natwo yakozeho atunganya indirimbo yitwa “Ubushyuhe” akaba yarayikoze ashaka kugira igikorwa akora muri iyi minsi kugira ngo izina rye ritibagirana ibyo we yise [Kuzima].

Yavuze ko muri iyi minsi abahanzi nyarwanda nta bushobozi na buke bafite arebeye muri rusange, ari na yo mpamvu n’abagerageza gukora indirimbo basohora izifite amajwi gusa, kuko badafite ubushobozi bwo gutunganya amashusho yazo.

Mu gihe hashyirwagaho gahunda yo kuguma mu rugo, hari abahanzi bamwe bumvikanye bavuga ko bamerewe nabi ku buryo hari n’abagobotswe n’abagiraneza babaha ibiribwa binyuze mu ishyirahamwe ry’abahanzi, abandi berura ko bagiye gushaka imfashanyo y’ibiribwa ku mirenge n’utugari.

Igitaramo gishobora kuba cyakurikiwe n’Abanyarwanda benshi ni icya Iwacu Muzika Festival cyanyuraga kuri YouTube no kuri Televiziyo y’igihugu.

Masamba Intore hamwe n’Itorero Urukerereza, ni bo bari abahanzi bakuru muri iki gitaramo.

Massamba yaririmbye nyinshi mu ndirimbo yahimbiye urugamba hamwe n’izo yahimbye nyuma zo gusingiza ubutwari bw’Inkotanyi, yunganirwa n’urukerereza na rwo rwari rufite umudiho wanogeye benshi muri iki gitaramo.

Uretse kuba iki gitaramo cyanyuzwaga kuri Televiziyo y’Igihugu, cyanatambukaga ku rubuga rwa YouTube rw’iyi Televiziyo ari na ho hanyujijwe ibitekerezo byinshi by’abari bakurikiye iki gitaramo.

Nyuma y’iki gitaramo, hahise hatangira ikindi gitaramo cyahawe izina “Inganzo yaratabaye” cyarimo Jules Sentore na Clarisse Karasira hamwe n’abandi bahanzi banyuranye baririmba gakondo.

Iki na cyo cyatambukaga kuri Televiziyo y’u Rwanda kikanatambuka kuri YouTube imbonankubone.

Muri iki gitaramo, Clarisse Karasira yageneye impano mugenzi we Jules Sentore amuha urwibutso rwo kumushimira ko ari umuhanzi utajya ucika intege mu guteza imbere umuco ndetse akaba yarahindutse icyitegererezo ku bakiri bato benshi.

Ikindi gitaramo cyanatangiye hakiri kare, ni icya Nel Ngabo umuhanzi ukizamukira mu nzu ya Kina Music, wari ugiye kumurika Album ye ya mbere.

Nelson Byangabo Cyusa uzwi nka Nel Ngabo, yari amaze iminsi ateguza abantu ko azabagezaho Album ye ya mbere yise “Ingabo” yatuye ingabo zabohoye u Rwanda mu rugamba rwo kwibohora. Iki gitaramo na cyo cyatambutse imbonankubone ku rubuga rwa YouTube yitwa MK1 TV, imaze iminsi inyuzaho ibindi bitaramo byabaye muri iki gihe cyo kuguma mu rugo.

Nel Ngabo

Undi muhanzi wakoze igitaramo ni Cyusa Ibrahim wagikoze mu masaha akuze kuko icye cyatangiye saa sita z’ijoro mu gihe mbere yari yavuze ko kizatangira saa moya z’umugoroba.

Iki gitaramo cyatambukaga imbonankubone ku rubuga rwe rwa YouTube, yanyujijeho indirimbo 30 ziganjemo iz’urugamba n’izishima inkotanyi zabohoye u Rwanda, harimo n’indirimbo yahimbiye umukuru w’igihugu cy’u Rwanda Paul Kagame nk’uwari uyoboye uru rugamba.

Mu ijoro ryo ku wa 03 Nzeri 2020, hari igitaramo cyari cyabimburiye ibindi na cyo cyiswe Inkotanyi ni ubuzima, cyahuje abahanzi nka Bonhomme, Munyanshoza, Mariya Yohani n’abandi bahanzi, gitambuka kuri Televiziyo ya BTN no ku rubuga rwa YouTube rw’iyi Televiziyo.

Benshi mu batanze ibitekerezo kuri ibi bitaramo, bagaragaje ko bishimiye ubu buryo bushyashya abahanzi bashyizeho bwo gukora ibitaramo binyuze kuri YouTube, kuko babasha kubikurikira bari mu rugo kandi umuntu akaba yanakurikira igitaramo kirenze kimwe mu gihe hari kuba byinshi.

Muri rusange umunsi wo Kwibohora, wizihijwe mu buryo budasanzwe kubera icyorezo cya Covid-19, cyahagaritse ibikorwa by’imikino n’imyidagaduro bihuza abantu benshi.

Ku munsi w’itariki 4 Nyakanga 2020 ubwo u Rwanda ruba rwizihiza umunsi wo kwibihora, nibwo Cyusa akora iki gitaramo yise “Inkera yo kwibohora” akaba aririmbamo indirimbo zizwi na benshi zahoze ziririmbwa mu gihe cy’urugamba rwo kwibohora.

Mu guhuza izi ndirimbo, Cyusa yibanze cyane ku ndirimbo za Isamaza, indahemuka, iza Muyango n’iz’abandi bagiye baririmba indirimbo zongereraga ingufu (Morale) abari ku rugamba, ariko na we ngo yahimbye indirimbo imwe yihariye yageneye Umukuru w’Igihugu cy’u Rwanda Paul Kagame nk’uwari uri ku isonga ry’uru rugamba.

Ni byo Cyusa yasobanuye ati “Hari n’indirimbo y’umwihariko nahimbiye Nyakubahwa Paul Kagame, kuko ni we wari uyoboye uru rugamba, iyo na yo nzayiririmba uwo munsi.”

Cyusa avuga ko afite impamvu nyinshi zatumye ashima inkotanyi muri iki gitaramo, ariko imwe muri izo ngo ni ukuba zaramufashije kubona ubuzima nyuma yo kurokoka.

Yagize ati “Hari umuntu wandokoye wari mu batarahigwaga, kuko rero yabaga yagiye gushaka imibereho, iyo yagendaga yansigaga mu kigo cya Gisirikare abasirikare b’Inkotanyi rero barankunze cyane ku buryo byatumye nanjye nkura nkunda Inkotanyi.”

Iki gihe Cyusa yari afite imyaka ine gusa, ariko abasha kwibuka ibyiza yakorewe n’Inkotanyi muri icyo gihe ubwo yirirwaga mu nkambi ya gisirikare.

Iki gitaramo cyateguwe na Cyusa, kizatambuka ku rubuga rwa YouTube rwe rwitwa Cyusa Ibrahim, kikazatangira ku isaha ya saa moya z’umugoroba kugeza saa tatu tariki 04 Nyakanga 2020.

Iby’ubukwe bwa Alpha na Liliane, byamenyekanye bitewe n’imbuga nkoranyambaga zabyutse zishyira hanze urupapuro rw’ubutumire rugaragaza ko ubukwe bwabo buri ku itariki 22 Kanama 2020, bukazabera i Montreal muri Canada.

Urukundo rwa Alpha na Liliane ntabwo rwigeze rumenyekana cyane, uretse gusa inshuti z’aba bombi zari zibizi, gusa mu ntangiriro z’umwaka wa 2020 nibwo byatangiye guhwihwiswa ko Alpha yaba agiye gushinga urugo n’umukobwa icyo gihe wari utaramenyekana.

Amakuru yemeza ko bari bateguye gukora ubukwe mu kwezi kwa Gicurasi ariko bigahagarikwa n’icyorezo cya Covid-19, niko kubyimurira muri uku kwezi kwa Munani 2020.

Uretse ubutumire bwagiye hanze, nta yandi makuru Alpha aratangaza, uretse gusa ifoto ye yashyize kuri Instagram yandikaho ati “Love wins” bishatse kuvuga ngo “urukundo ruratsinda”.

Alpha Rwirangira agarutse mu nkuru z’urukundo nyuma y’igihe kirekire Iby’urukundo rwe abigira ibanga, nyuma y’uko yari amaze gutandukana na Miss Esther Uwingabire bakaza gutandukana nabi muri 2015.

Muri Mata mu 2015, Uwingabire Esther wari waratewe inda na Alpha Rwirangira, yibarutse umwana w’umuhungu ariko ajya kubyarira mu gihugu cy’amahanga aho byavuzwe ko yari yaratwawe n’umugabo w’umunyamafaranga bahise banibanira kandi atwite inda ya Alpha Rwirangira.

Alpha yahishwe amakuru y’uko umwana we yavutse, abyumvana abandi bantu, bituma atangaza ko ababaye bidasanzwe ndetse yumva agize igikomere cyo kudasubira mu rukundo.

Inkuru zavugaga ko mu gihe Alpha yari muri Amerika yari yarashakiye Esther inzu yo kubamo mu Karere ka Kicukiro kugira ngo azabyarireyo, akanamuha ibyo yari akeneye byose, kuko yazaga mu Rwanda nibura rimwe cyangwa kabiri mu mwaka gusa.

Umuryango wa Alpha urimo babyara be ngo bazaga kumusura muri iyi nzu bategereje ko azabyara bakamwitaho, nyamara mu buryo batasobanukiwe, Esther yumvikanye avuga ko adashaka kubyarira mu Rwanda, anavuga ko yabonye undi mukunzi mushya wemera kumurongora anatwite inda y’undi musore.

Kuva ubwo, ntabwo Alpha yongeye kumenya amakuru y’uyu mukobwa, uretse gusa ibyo yabwirwaga n’inshuti ze, kuko we atari akimwitaba bikagera aho akanamuhisha numero akoresha.

Alpha Rwirangira

Mu kwezi k’Ukuboza kwa 2014 Alpha yumvikanye abwira ikiganiro Salus Relax ko buri uko atekereje urukundo amarira ahita ashoka, avuga ko ababajwe cyane no kuba atazabasha kubona umwana we.

Nyuma y’imyaka itandatu, Alpha agiye gushyingiranwa n’undi mukobwa utazwi cyane mu ruhando rw’imyidagaduro mu Rwanda gusa amakuru akaba avuga ko aba bombi baba muri Amerika.

Ni igitaramo cyarimo abandi banyempano barimo abakora imivugo, abaririmba n’abandi benshi by’umwihariko Itsinda ry’abacuranzi rya Symphony rimaze kumenyerwa cyane mu gukora bene ibi bitaramo ririmo benshi mu bo Igor Mabano yigishije umuziki.

Muri iki gitaramo, Igor Mabano yaririmbye indirimbo ze nyinshi zirimo nka Araje (Dear Mashuka), Urakunzwe, iyo utegereza n’izindi harimo n’inshyashya abantu bari batarumva, avuga ko nyuma y’uyu musogongero abantu bagomba kwitegura kubona Album vuba.

Yanavuze ko zimwe muri izi ndirimbo zamaze kugera kuri Internet aho bagurishiriza indirimbo, ku buryo uwazishaka yazibona byoroshye, anavuga ko nta ndirimbo azagurisha hadakoreshejwe ikoranabuhanga.

Igor Mabano yakoze igitaramo kitarengeje iminota 40, uretse ko abamukurikiye batabuze kwishima, nk’uko byagaragaraga ku butumwa bwoherezwaga ako kanya kuri YouTube ahanyuzwaga iki gitaramo.

Iwacu Muzika Festival, ni iserukiramuco ribaye ku nshuro ya kabiri kuri ubu rikaba riterwa inkunga na Banki ya Kigali. Ubwa mbere riba muri 2019 ryarazengurukaga u Rwanda rwose, ariko muri uyu mwaka kubera icyorezo cya Covid-19, igitaramo gifatirwa amashusho mu nyubako ya Intare Conference Arena iri Rusororo, bigatambutswa kuri Televiziyo y’u Rwanda no kuri YouTube, bakagendera ku ntego ivuga ngo “Susurukira mu rugo”.

Ni igitaramo cyari kibereye ijisho nk’uko bigaragara muri aya mafoto:

Kureba andi mafoto menshi, kanda HANO

Amafoto: Plaisir Muzogeye/Kigali Today

Indirimbo bise “Ntiza” ni imwe muzavuzweho cyane ahanini kubera amagambo arimo aho umuhungu aba asaba umukobwa ko bakorana imibonano mpuzabitsina ariko akoresheje amagambo ajimije.

Indirimbo yasohotse hashize igihe gito aba basore bagize itsinda rya Bigomba Guhinduka batangije urwenya bise “Showbiz Live” aho bagaruka ku myitwarire y’abahanzi, bakanavuga ku ndirimbo zabo mu buryo busekeje.

Mu gutegura iki kiganiro, Japhet usanzwe akora itangazamakuru yagaragaye nk’umunyamakuru n’ubundi, yakira Etienne 5K wari wihinduye umuhanzi mu izina rya Mr Kagame, mu buryo busekeje cyane bakora ikiganiro kirimo urugendo Mr Kagame yaba yarakoze kugirango iyi ndirimbo isohoke.

Ubwo bari batumiwe muri Studio za KT Radio mu kiganiro Boda to Boda, basobanuye ko ari uburyo bushya barimo bakoresha bagaragaza imvune abahanzi bahura na zo, bakanagaragaza ukuntu ibihangano byakirwa iyo bigeze hanze.

Uretse iki kiganiro gishya batangiye gica kuri YouTube, banatangije urundi rwenya rugenewe abanyeshuri bo mu mashuri yisumbuye, aho bahisemo kubakorera ikiganiro cyihariye ku buzima babayemo muri iki gihe amashuri yabaye afunze kubera Covid-19, iki kiganiro cyo kikazarangira mu kwezi kwa Cyenda.

Reba ikiganiro cy’aba banyarwenya ubwo bari kuri KT Radio:

Kuba Liverpool yatwara igikombe byasaga n’ibyitezwe kuva mu kwezi kwa Kabiri ubwo imikino yo mu Bwongereza yasubikwaga, kuko icyo gihe yarushaga ikipe ya Manchester City bikurikiranye amanota 21.

Gusa imibare yagaragazaga ko bisaba Liverpool gutsinda umukino umwe na Manchester igatsindwa undi mukino, cyangwa bigasaba Liverpool gutsinda imikino ibiri nta yandi mananiza igahita itwara iki gikombe, bityo imikino isigaye, igakinwa ari ukurangiza umuhango.

Nyuma y’uko Liverpool itsinze Crystal Palace ibitego bine, hari hasigaye gusa gutegereza ikiva mu mukino wa Chelsea yari yakiriye Manchester City, ubundi igikombe kigataha kwa Liverpool, ari nako bigenze, ubu Liverpool ikaba ari yo itwaye igikombe cya Shampiyona y’umupira w’Abongereza mu mwaka w’imikino wa 2019/2020.

Kibaye igikombe cya 19 Liverpool itwaye, nyuma y’icyo yaherukaga mu 1990. Iki gikombe igitwaye ifite amanota 86 irusha Manchester City iyikurikiye amanota 23, mu gihe umwaka ushize wa 2018/2019 Manchester City yatwaye iki gikombe irusha Liverpool inota rimwe gusa.

Umujyi wa Kigali ni hamwe mu hantu hagezweho muri Afurika habera inama zitandukanye mpuzamahanga, bikaba n’umuhigo wa Leta y’u Rwanda kugira uyu mujyi ahantu h’ubukerarugendo bushingiye ku nama n’amahugurwa.

Uretse izi nama z’abakomoka hirya no hino ku isi, n’ibigo by’imbere mu gihugu usanga bikora inama n’amahugurwa biteguye neza, ari na ho havutse ubundi buryo bwo gukorera amafaranga ku nzobere mu gutegura ibikorwa bihurije hamwe abantu benshi, abakunda kugaragara cyane, bakaba ari abakobwa bakira abantu, ababafasha kwicara n’ababahereza icyo bakeneye nk’amafunguro y’ibiribwa n’ibinyobwa, kimwe n’abafasha mu kwamamaza ibikorwa by’abashoramari.

Ibigo bikora aka kazi usanga biganwa n’abakobwa benshi b’ikimero kuko ari na bo baba bakenewe muri aka kazi, gusa binagaragara nk’uburyo bushya bwo gutanga akazi kuri aba bakobwa, n’ubwo babanza guhabwa amahugurwa y’ibijyanye no kwakira abashyitsi.

Uretse gukora akazi nk’aka bahembwa, ni na kimwe mu bimenyekanisha abakobwa bakaba babona andi mahirwe yo kubona akazi cyangwa bikanaborohera kwihangira akazi kuko baba bahuye n’abantu batandukanye.

Ikigo Sensitive Limited kizwiho gutegura ibirori, inama n’iminsi mikuru, ni kimwe mu bigo byo mu Rwanda bikoresha abakobwa benshi kandi kikabahemba neza.

Umuyobozi w’iki kigo bwana Mugwema N. Wilson, yabwiye Kigali Today ko mu gihe cy’umwaka umwe ashobora gukoresha nibura abantu 1000 batandukanye, muri abo benshi baba ari abakobwa bakora akazi ko kwakira abantu mu bikorwa by’inama n’iminsi mikuru aba yahawe gutegura.

Yagize ati “Nshobora gukoresha abantu 1000 nko mu gihe cy’umwaka umwe, kandi benshi muri abo baba ari abakobwa, kuko abakobwa ni bo bakenerwa cyane mu bikorwa byo kwakira abantu no kwamamaza.”

Icyakora Mugwema N. Wilson avuga ko gukoresha abakobwa bisaba kwitwararika ku myitwarire ya bamwe, kuko iyo umukobwa afite imyitwarire mibi ashobora kwangiza isura y’ibyo yarimo yamamaza cyangwa bikangiza isura y’ikigo ahagararariye.

Abajijwe ukuntu ahitamo abakobwa, yasobanuye ko kenshi agendera ku bakobwa bagaragara neza, bashobora kwambara bakaberwa, byaba byiza bakaba bashinguye mu gihagararo kandi bafite imico myiza. Ibi iyo umukobwa abyujuje, aba ashobora guhabwa amahugurwa yo kwakira abantu cyangwa amahugurwa yo gufasha mu kwamamaza.

Naho umukobwa iyo yamaze kugera mu kazi ariko akagaragaza imyitwarire mibi ishobora kubangamira imirimo ahamagariwe, Wilson yavuze ko ako kanya ahita amusezerera kuko bishobora kwangiza isura y’ikigo cya Sensitive Limited cyangwa bikangiza izina ry’ikigo kiba cyatanze aka kazi.

Yagize ati “Umukobwa tumusaba kwambara akikwiza kandi akambara ibintu bitamugaragaza nabi, ni nayo mpamvu nta mukobwa dukoresha wemererwa kwambara ikabutura, ijipo cyangwa ikanzu bimwambika ubusa.

Ibivugwa na Mugwena N. Wilson byenda guhura n’ibitangazwa na Rukundo Patrick uzwi nka Patycope, akagira n’ikigo cyitwa Patycope Ltd gitegura ibirori, inama n’iminsi mikuru.

Patycope yabwiye Kigali Today ko aka kazi akamazemo imyaka 4 kuko yabitangiye muri 2016, ubwo yari amaze gushinga ikigo cyamwitiriwe.

Uyu musore uzwi cyane mu byerekeranye n’imyidagaduro mu Rwanda akanamenyekana ku mbuga nkoranyambaga, avuga ko mu mwaka ashobora gukoresha abakobwa barenga 100 bitewe n’ingano y’akazi yabonye.

Buri mukobwa ukora bene aka kazi, ku munsi aba ashobora guhembwa hagati y’ibihumbi 15 na 20 iyo ari mu mujyi wa Kigali, naho hanze y’umujyi wa Kigali ahabwa ibihumbi hagati ya 25 na 30 ariko akagaburirwa akanagezwa aho ari bukorere akazi.

Patycope yagize ati “Ubundi biterwa n’akazi tuba tugiye gukora, ariko hari amafaranga umukobwa atajya munsi mu gihe agiye gukora Protocol. Amake bishyurwa ni ibihumbi 15, ariko habaho n’ibiraka biba byishyura amafaranga menshi, byose biterwa n’uko akazi gateye.”

Abajijwe niba agira abakobwa bahoraho cyangwa niba ahinduranya, yagize ati “Ntabwo navuga ko mfite abahoraho kuko akazi ntabwo gahoraho. Umukobwa mushobora gukorana uyu munsi, ejo akazatera indi ntambwe akabona akandi kazi akagenda, ugashaka undi cyane ko aba bashaka aka kazi baba ari benshi.”

Ikintu cy’ingenzi aba bombi bahuriraho, ngo ni uko mu gutoranya aba bakobwa basaba ibyangombwa kugira ngo badakoresha umuntu uri munsi y’imyaka 18, ubundi bakavuga ko muri aka kazi baba bafite inshingano zikomeye zo kurinda aba bakobwa kuko hari ababasanga mu kazi bakifuza kubakoresha ibihabanye n’akazi bagiyemo.

Umuyobozi wa Sensitive Ltd we yanagarutse ku buhamya bw’ukuntu yigeze kujyana abakobwa mu kazi mu Karere ka Rubavu, kandi bari buhakorere iminsi ibiri bakabona kugaruka i Kigali.

Mu gihe abakobwa bari bageze mu Karere ka Rubavu, ngo benshi muri aba bakobwa batangiye gusaba impushya ko bafite inshuti bagiye gusura, abandi bavuga ko bifuza kujya kurara mu miryango yabo n’inshuti zabo ziri muri aka karere.

Yagize ati “Barabisabye hafi ya bose ariko mbereka ko bitari mu masezerano yabo kuko abakobwa bose tubasaba kuryama ahantu hamwe nta mukobwa ujya kwiraza ahantu ha wenyine. Iyo utabishaka, tugusubiza aho twagukuye ukajya muri gahunda zawe, cyangwa tukagusaba inyandiko y’umubyeyi wawe ikwemerera kurara aho usaba kujya kurara.”

Wilson kimwe na Patycope, bavuga ko bene aka kazi ari akazi gasaba ikinyabupfura kuko udashobora kujya kwakira abantu kandi ufite izina ryanduye, ndetse ngo abakobwa b’imyitwarire mibi ntabwo bajya bahabwa umwanya muri aka kazi.

N’ubwo muri aka kazi abakobwa ari bo bakunda kugaragara cyane, abategura ibi birori bavuga ko muri aka kazi bakunda no gukenera abasore b’ibigango bashinzwe umutekano, bagakenera abafite ibyuma by’amajwi, abashinzwe kurimbisha ahabera igikorwa, abafata amafoto, abahanzi cyangwa abandi baza gufasha mu kwidagadura, n’abandi.

Andi mafoto:

Amafoto: Sensitive Ltd & Patycope Ltd

Ku cyumweru nibwo hasakaye amashusho yagaragaje ubwambure bwa Sunny nyuma yo kubyina yimenaho inzoga yari afite mu kirahure abikorera ku rubuga rwe rwa Instagram mu byo yari yise Instagram Live akanabirarikira abamukurikira.

Abamukurikiye akiri no muri uku kwiyerekana, bamubwiraga amagambo atandukanye harimo abamubwira ko ibyo akoze bidakwiye umuhanzikazi w’umunyarwanda, byongeyeho w’umubyeyi dore ko afite umwana ubu w’imyaka 11, abandi batangira kumuhimba amazina ahuzwa n’umukobwa wicuruza cyangwa witesha agaciro.

Nyuma y’iminsi ibiri akoze ibi, Sunny yarebye ubutumwa bw’abamwandikiye ngo asanga ibyo yakoze ntibyari bikwiye ndetse abwira bamwe mu nshuti ze ko yicuza igikorwa yakoze cyo kwigaragaza muri ubwo buryo bwashyize imyanya ye y’ibanga hanze.

Abinyujije mu buryo bwa Live busa nk’uko yari yabikoze ku cyumweru, Sunny yagize ati “Sinzi ibyo nakoze mu ijoro ryashize, ariko nabikoze nasinze. Nakoze ibidakwiye imbere y’ibihumbi by’abankurikira kandi barimo n’abadafite nibura imyaka y’ubukure. Ku bw’ibyo ndasaba imbabazi kuko nabikoreshejwe n’inzoga.”

Sunny Dorcas Ingabire utuye muri Kenya, yari amaze iminsi ari we ugarukwaho cyane ku mbuga nkoranyambaga kubera ibyo yakoze ku munsi wo ku cyumweru ndetse benshi bamushinja kwiyandarika no kwangiza isura y’ubuhanzi bwe.

Uretse kuba umuhanzi w’indirimbo nka Kungola, ni n’umucuruzi w’imyenda n’ibirungo by’ubwiza ku bagore aho afite amaduka abiri muri Kenya aho atuye, akanakorera ubucuruzi mu bihugu nka Thailand na Vietnam.

Umuhanzi Jay Polly umaze ighe atandukanye n’inzu ya The Mane yajyaga imufasha, hejuru y’impano y’umuziki, yamaze kongeraho gukina filimi akaba avuga ko ubu buhanzi bwombi ashobora kubufatanya akabubyaza umusaruro kuko byose ngo asanzwe ari ibintu akunda.

Filimi “Ishyano ry’ikibero” Jay Polly agiye kujya agaragaramo, ibice byayo bya mbere byatangiye kujya hanze ariko ibice Jay Polly agaragaramo ntabwo birajya hanze kuko bikiri gutunganywa.

Umuyobozi w’ikigo gitunganya iyi Filimi bwana Nyandwi Alex, avuga ko yahisemo jay Polly kuko ari umwe mu bahanzi bakunzwe kandi bazwi mu Rwanda, icyari kigamijwe kikaba ari ukugira ngo ubutumwa bwo kubaka umuryango buri muri iyi Filimi burusheho kumvikana butanzwe n’umuntu uvuga rikijyana.

Filimi “Ishyano ry’ikibero” ni Filimi y’uruhererekane ishingiye ku nkuru y’abagize umuryango (umugabo n’umugore) baba batagirana ibiganiro mu muryango, bigatuma bananirwa kumvikana ku micungire y’umutungo no ku bikorwa byo gushora imari.

Ni ibintu byabaye ku mugoroba wo ku wa Gatandatu tariki 20 Kamena 2020 ubwo uyu muhanzikazi yabwiraga abamukurikira ko agiye kuganira na bo imbonankubone ku rubuga rwa Instagram ibyo bita “Instagram Live”, benshi bahita bitegura kumukurikira.

Ubwo yahagararaga imbere ya telefone ye yifata amashusho, yari afite ikirahure mu ntoki bigaragara ko yarimo anywa inzoga itarahise imenyekana ubwoko bwayo, maze atangira kuganiriza abantu ababwira ko yumva akeneye kwishima no kubashimisha, akajya anyuzamo akabyina zimwe mu ndirimbo nyarwanda harimo n’izo yakoze nka “Kungola” na Property”.

Ubwo yageraga ku ndirimbo Property, yatunguye abantu, atangira kumanura ipantaro yari yambaye, asigarana akenda k’imbere, akuramo n’agashati yari yambaye abantu babirebaga barumirwa batangira kumwandikira ubutumwa bugira buti “Kuramo byose utwiyerekere”.

Sanny wari ukiri kunywa ku kirahure ntabwo yazuyaje, yahise yisukaho cya kirahure cy’inzoga atangira kuyisiga umubiri wose, ageze ku bice by’ibanga akuramo akenda kari kabihishe (ntitwashimye kubyerekana hano) akomeza kwisiga za nzoga mu buryo abasore bise “Gushotorana”.

Yamaze umwanya munini akora ibi bintu bituma ubwambure bwe butangira gukwiragira ku mbuga nkoranyambaga, benshi bamwoherereza ibitekerezo bigira biti “Tubabajwe n’umwana wawe uzakura agasanga wakoze ibiteye isoni” hakaba n’abamubwira bati “ibyo ukoze ntabwo bikwiye umwari w’umunyarwandakazi”.

Icyakora hari na benshi bamurebaga bamwogagiza bamubwira ko bishimiye kuba babonye ubwambure bwe, bamusaba gukomeza kububereka.

Ubwo yajyaga kurangiza iki kiganiro cy’imbonankubone, yagize ati “Telefone yange igiye kuzima ngiye guhagarika Live, ariko mwakoze kwitabira” akomeza agira ati “Abanyarwanda muravuga, ntegereje ibyo mugiye kumvugaho. Umubiri ni uwanjye, na Instagram ni iyanjye muvuge ibyo mushaka. Umuntu abaho rimwe gusa kandi mu buzima ngomba kwishimisha uko mbishaka”.

Sanny ni umuhanzikazi wakunze kugaragaza udushya mu mibereho y’ubuhanzi bwe, benshi bagahuza udushya yakoraga no gushaka kumenyekana. Kuri ubu atuye mu gihugu cya Kenya aho akorera imirimo ye y’ubucuruzi, agakunda kuza mu Rwanda kureba imitungo ye harimo n’amazu aherutse kuzuza mu gace ka Kagugu ahazwi nka Sanny Apartments.

Harmonize (w’imisatsi y’umweru) na Diamond Platinumz baratandukanye nyuma yo kumara igihe bakorana muri muzika

Byavuzwe ko icyatandukanyije Diamond na Harmonize ari uko mu ndirimbo “inama” bahuriyemo, Diamond yaririmbye izina ry’umutaliyanikazi witwa Sarah Michelotti ukundana na Harmonize ngo yaryamanye n’umusore wahoze ashinzwe umutekano w’aba bahanzi.

Ibi Harmonize yabifashe nko kutubaha ubuzima bwite bw’umukunzi we, ndetse ashyamirana na Diamond cyane kugeza ubwo bafata icyemezo cyo gutandukana.

Hari n’andi makuru yavuzwe ko izi nshuti za kera zapfuye amafaranga yavaga mu bihangano byabo no mu bitaramo, kuko ngo Diamond yakoreshaga amazina y’aba basore bahoze mu nzu ye, akinjiza amafaranga menshi nyamara akabagenera make bigaragara nko kubahenda ubwenge.

Ibyavuzwe byose nta na kimwe cyizewe ko kwaba ari ukuri kwa nyako, ariko ikizwi ni uko Harmonize yaciwe amafaranga y’uko yivanye mu masezerano yari afitanye na Wasafi, ariko ayatanga bwangu kugira ngo ahite ashinga inzu ye yitwa ‘Konde’.

Nyuma yo gushinga iyi nzu, Harmonize yabonye amafaranga menshi, ndetse yatangiye kwigurishiriza ibihangano bye mu gihe mbere byagurishwaga n’inzu ya Wasafi, atangira no gukora amasezerano ye y’akazi, anatumirwa mu bitaramo bikomeye.

Ibinyamakuru byandika imyidagaduro muri Tanzania, bihwihwisa ko nyuma y’umwaka umwe uyu musore amaze yikorana umuziki, yahise yinjiza hafi miliyoni y’amadolari, mu gihe mu myaka yose yari amaze muri Wasafi yatahiraga kuba ikirangirire gusa ariko amafaranga akinjira muri Wasafi.

Gutandukana na Wasafi byanamushyize ku gitutu cyo gukora cyane, kuko ubu amaze gutunganya imizingo (albums) ibiri harimo umwe wamaze kujya hanze, naho mu bindi yungutse, ni uko kuva yashinga inzu ya Konde yahise yigarurira imitima y’abategetsi bakuru muri Tanzania barimo na John Pombe Magufuli uyoboye iki gihugu.

Mu kiganiro n’abanyamakuru ubwo hamurikwaga ku mugaragaro itangira ry’ibitaramo byiswe “Iwacu Muzika Festival”, uwari uhagarariye Ministeri y’Umuco n’Urubyiruko yabajijwe icyo uru rwego rwa Leta ruzafasha abahanzi kugira ngo babashe kubaho muri ibi bihe ibitaramo byahagaze, maze asobanura ko Minisiteri y’Umuco n’Urubyiruko irimo ishaka uburyo hanozwa ubucuruzi bw’ibihangano by’abanyarwanda kuri murandasi.

Uyu muyobozi yanavuze ko bagiye gufasha abahanzi mu nzego zitandukanye kubona amahugurwa mu byo bahanga kugira ngo bibashe kujya ku isoko ry’ibikenewe, ariko avuga ko n’abafite ubumenyi bazashakirwa aho bakorera kugira ngo babashe gutunganya ubuhanzi bwabo.

Muri ibi bihe byo guhagarika imyidagaduro kubera icyorezo cya Covid-19, abahanzi ni bamwe mu bagezweho n’ingaruka cyane kuko ibitaramo biri mu byabanje guhagarikwa kandi bisanzwe ari yo soko nini y’amafaranga ku bahanzi cyane cyane ku bakora umuziki, abanyarwenya n’abandi bakorera akazi kabo imbere y’abantu, ariko n’abandi bakora ubuhanzi bunyuranye nk’abashushanya, abasiga amarange ntibabuze guhura n’ingaruka z’iki cyorezo.

Minisiteri ivuga ko iki kibazo ikizi ku buryo izagikemura mu buryo bwa burundu, kuko nihamara kujyaho urubuga rwo kugurishirizaho ibihangano, urubuga ruzajya ruba ruzwi hajyeho ibihangano byose umuhanzi abashe kwinjiza amafaranga no mu gihe yibereye mu rugo.

Umuhanzi Mico The Best (wambaye umupira w’umweru) hamwe n’Umuyobozi w’Ikigo cy’igihugu gishinzwe Ubuzima (RBC) mu bukangurambaga bwo kurwanya Igituntu

Ni ikiganiro cyabaye kirekire hakoreshejwe uburyo bw’ikoranabuhanga kuko cyamaze igihe kirenga isaha, Mico The Best aganira n’ikipe nini y’abakozi ba OMS, nyuma aza no kuganira na Dr Lucica Ditiu ushinzwe kurwanya igituntu ku isi muri iri shami.

Muri iki kiganiro, Mico The Best yabanje gusobanura ko ari we wihitiyemo kuba umukorerabushake ushinzwe kurwanya indwara y’igituntu akoresheje izina rye nk’umuhanzi ufite abafana bamukurikira.

Mu byo yabajijwe, harimo uko akora ubukangurambaga muri iki gihe cya Covid-19, igihe isi yose ihanze amaso iki cyorezo bigasa n’aho ubukangurambaga bwo kwirinda ibindi byorezo buburizwamo.

Mico yasobanuye ko igituntu ari indwara yandura mu buryo bwenda gusa n’ubwa Covid-19 kuko zose ari indwara zandurira mu myanya y’ubuhumekero, kandi umuntu urwaye igituntu akaba yazahazwa na Covid-19 kurusha utakirwaye.

Mico The Best yagiranye imihigo n’umuyobozi ushinzwe kurwanya igituntu muri OMS amwizeza ko bazakomeza gufatanya mu guhashya iyo ndwara, ndetse bemeranya kuri byinshi bagiye gufatanya mu guhangana n’igituntu muri Afurika, byinshi mu bikorwa bazakorana bakaba bazabitangira ubwo icyorezo cya Covid-19 kizaba kimaze gucogora.

Aline Gahongayire ashaka ko indirimbo ze zajya ziririmbwa mu tubyiniro no mu tubari

Mu kiganiro yagiranye na KT Radio kuwa Gatandatu tariki ya 13 Kamena, Gahongayire yagarutse ku ndirimbo ye ‘Ndanyuzwe’ imaze kurebwa n’abarenga miliyoni ebyiri ku rubuga rwa YouTube, maze agaragaza ko iyi ari yo ndirimbo yaboneyeho ko abantu bakunze ubutumwa bw’Imana bubasubizamo imbaraga.

Iyi ndirimbo ngo yaririmbwe ahantu hatandukanye harimo n’ahadakunda gucurangirwa indirimbo zo kuramya, ku buryo na we ngo byamutunguye cyane ukuntu yohererezwaga amashusho abantu bo mu tubari cyangwa mu tubyiniro barimo bayiririmba bishimye.

Yagize ati “Najyaga kubona nkabona abantu banyohereje amashusho abantu banezerewe barimo baririmba ‘Ndanyuzwe’ muri ya masaha y’igicuku abantu bamaze kuruha bagatangira gucuranga gospel, nkumva birantunguye cyane, bituma mvuga ngo icyampa indirimbo zanjye zikazajya zicurangwa no muri turiya tubari no mu tubyiniro”.

Gahongayire avuga ko impamvu yifuza ibi, ari uko muri ziriya nzu z’utubyiniro usanga batajya babona umwanya wo kumva ubutumwa bwiza bw’ijambo ry’Imana kandi babukeneye, bityo ngo baramutse bumva bene izi ndirimbo kenshi byabafasha.

Tumubajije niba ashobora no kujya kuririmbira mu tubyiniro cyangwa utubari, yagize ati “Ubundi jyewe nta hantu numva ko ntaririmbira kuko abo ni na bo baba bafite inyota yo kwakira ubwo butumwa bwiza. Ahubwo nabuzwa kujyayo no kuba nzi ko Pasiteri wanjye ari buhite ampana nta kindi”.

Aline Gahongayire yagiranye ikiganiro na KT Radio arimo anamurika indirimbo ye nshyashya yitwa ‘Nzakomeza’, anaduhishurira ko agiye gusubira muri sinema vuba, nyuma yaho akazajya kwiga ibijyanye n’umuziki kuko ngo ashaka kuba umuhanzi mpuzamahanga.

Aha hari muri kimwe mu bitaramo bya Iwacu Muzika Festival by’umwaka ushize wa 2019

Muri ibi bihe ibikorwa by’imyidagaduro byabaye bihagaritswe kubera icyorezo cya Covid 19, si benshi batekerezaga ku itegurwa ry’ibitaramo dore ko n’ibyagerageje kuba byaberaga kuri murandasi, bikarebwa n’abaguze interineti (bundles) bityo ntibigere ku bantu benshi.

Byabaye nk’ibitungurana ubwo ikigo cya ‘East African Promoters’ gisanzwe gitegura ibitaramo binini mu Rwanda, cyashyiraga hanze itangazo rihamagararira abantu kwitegura ibitaramo bya Iwacu Muzika Festival, byazengurutse u Rwanda mu mwaka ushize wa 2019.

Aho bitandukaniye n’iby’umwaka ushize, ni uko iby’ubu bitazazenguruka uduce dutandukanye, ahubwo abahanzi bakazajya bakirwa kuri televiziyo bagakora igitaramo, gutyo gutyo.

Ntabwo haramenyekana abahanzi bazitabira ibi bitaramo, ariko byitezwe ko bashobora kuba benshi muri uyu mwaka kurusha umwaka ushize, kuko nta muhanzi uzakora ibitaramo birenze kimwe nk’uko ubushize byagendaga, aho wasangaga hari umuhanzi ugiye mu turere turenze kamwe.

Hashize iminsi mike Priscillah ashyize hanze indirimbo ‘Mutima’ na yo ije nyuma y’iminsi mike ashyize hanze indi ndirimbo yise ‘Ihumure’, nyamara yajyaga amara iminsi myinshi adakoze indirimbo, rimwe na rimwe abantu bakanamwibagirwa.

Uku guhindura imikorere kwa Priscillah usigaye waranahinduye izina akitwa ‘Scillah’, bigaragaza ko hari ibanga ribyihishe inyuma ari na ryo Priscillah yadusobanuriye.

Agira ati “Mu minsi ishize rero nari mpugiye mu gutunganya album yanjye maze igihe kitari gito nkoraho, kuri ubu nkaba ngeze aho gusohora zimwe mu ndirimbo ziyigize! Ni yo mpamvu ibikorwa biri kugaragara n’ibindi byinshi biri mu nzira”.

Priscillah avuga ko impamvu yakundaga gukora buhoro mu gihe cyashize ari uko yari afite umwanya mutoya. Ati “Mu gihe cyashize kuwubona ntibyari binyoroheye byasabye ko nitonda ngashaka inzira ngomba gukoramo ishingano zose mfite, n’umuziki ukaba ingenzi ntihagire igihezwa inyuma”.

Uku kubura umwanya rero ngo byagoye cyane uyu muhanzikazi ariko muri iki gihe cyo kuguma mu rugo yabonye umwanya uhagije wo gukora indirimbo uko abyifuza.

Abajijwe igihe azagarukira mu Rwanda, yahise avuga ko kuza mu Rwanda arimo kubitegura vuba, nubwo ataramenya igihe azazira.

Avuga ko ibikorwa byo gukora cyane arimo muri iyi minsi biri muri gahunda yo kwitegura urugendo ashaka kuzagirira mu Rwanda, kugirango azabone ibihangano bihagije yazana mu Rwanda.

Ati “Ntabwo ndabimenya kubera igihe kigoranye turimo muri iyi minsi kubera Covid-19, gusa ndizera ko bizaba vuba”.

Priscillah avuga ko abasha gukorera amafaranga y’umuziki muri Amerika kubera ko hari uburyo bwinshi bwo kubonamo amafaranga bityo ngo abasha kubona ibyo akeneye.

Patrick Nyamitari

Nyamitari yatangiye umwaka wa 2020 ari mu Rwanda, ariko ntiyahita yigaragaza mu muziki kuko igihe yiteguraga gushyira hanze indirimbo yari yarakoze, hahise haduka icyorezo cya Covid-19.

Hashize iminsi mike ashyize hanze indirimbo yise “Inyenyeri” yasohoreye mu Rwanda, akavuga ko yari yanasohoye iyayibanjirije yitwa “Love” itaramenyekanye cyane kuko atigeze ayikorera imenyekanisha.

Mu kiganiro kirekire yagiranye na Kigali Today, Nyamitari yasobanuye ko ubu afite umwanya uhagije wo gukorera umuziki ku butaka bw’u Rwanda, ku buryo ashaka gutungwa n’umuziki ubuzima bwe bwose.

Aho yari ari mu gihugu cya Kenya, Nyamitari avuga ko yahakoze imirimo itandukanye irimo kuririmba no kuba umukemurampaka mu marushanwa y’impano, gutoza abandi bahanzi kuririmba kuko hari n’ama Studio yari asigaye amwiyambaza ngo ayafashe kuyobora imiririmbire.

Gusa ngo ntabwo ibi byari kumutunga byonyine kuko yanashatse ikigo asinyana na cyo amasezerano gikora ibijyanye na telefone ariko ngo yagarutse i Kigali aya masezerano ageze ku musozo.

Mu gihe yamaze muri Kenya, Nyamitari yavuze ko yigiye byinshi ku banyamuziki bo muri Kenya cyane cyane ibijyanye no gukora cyane ndetse no gukora byinshi, imyitozo no kumenyekanisha ibikorwa byabo.

Yavuze ko kuva yajya mu irushanwa rya Tusker yahindutse cyane bitewe n’ubunararibonye yakuye muri iri rushanwa, ati “Mbere yo kujya muri Tusker nagiraga isoni nkanakora utuntu duke ku rubyiniro kandi ibyo byaranzitiraga cyane.”

Patrick Nyamitari ni umuhanzi w’ubunararibonye muri muzika nyarwanda uhereye mu muziki waririmbiwe Imana mu myaka irenga 10 ishize kugeza ubwo yahinduraga umuvuno atangira kuririmba ubwoko bwose bw’injyana anitabira amarushanwa anyuranye arimo na Tusker Project Fame.

Abahanzi bifatanyije mu butumwa bwo kwirinda Coronavirus

Ni indirimbo yahuriwemo n’abahanzi benshi barimo Bruce Melodie, Uncle Austin, Tom Close, Ngarambe François, DJ Pius, Knowless Butera, Aline Gahongayire, Jules Sentore, Charly&Nina, Riderman na Danny Vumbi, iyi ndirimbo ikaba yarakozwe n’inzu ya 1K Entertainment irimo na DJ Pius.

Igitero cya François Ngarambe muri iyi ndirimbo, kigaruka ku kuvuganira umwana muri iki gihe amashuri atarimo gukora, n’uruhare rw’ababyeyi mu burere bw’umwana muri iki gihe abana bari mu rugo.

Aragira ati “Babyeyi muganire n’abana, musubize ibibazo bibaza, kuko ari mwebwe ba mbere mushinzwe uburere bwabo”.

François Ngarambe asaba ababyeyi kuganira n’abana bakumva ibibazo byabo

Iyi ni yo ndirimbo ihuriwemo n’abahanzi benshi mu bukangurambaga bwo kurwanya Coronavirus, icyakora bamwe mu bahanzi bayiririmbamo harimo abagiye bakora ubu bukangurambaga mu bundi buryo nk’abakoreshaga imbuga nkoranyambaga zabo, abaririmbye kimwe n’abagaragaye mu mashusho y’ubundi buryo bakangurira abafana babo kwirinda iki cyorezo.

Ngarambe François nk’umuhanzi mukuru wagaragaye muri iyi ndirimbo, ntabwo yari aherutse kugaragara mu ruhando rwa muzika, uretse ko ari umwe mu bahanzi bakuru bakunda kwifatanya n’abandi bahanzi mu bikorwa bitandukanye, ariko ubundi akunze kwifashishwa mu ndirimbo zo kuririmbira abana.

Byabaye nk’ibitungurana ubwo hongerega kwamamaza iki gitaramo cyasubitswe ubugira kabiri, ndetse ku nshuro ya mbere kikaba cyarahagaritswe banatangiye kuririmba ariko Polisi ibazingisha ibyuma ndetse inatwara abari bategute igitaramo n’abarimo baririmba.

Ubwo cyahagarikwaga bwa kabiri, abantu batangiye gukwirakwiza amakuru avuga ko n’ibitaramo byo kuri murandasi bitemewe, nyamara umuvugizi wa Polisi y’u Rwanda, CP John Bosco Kabera yahise atangaza ko ibitaramo kuri murandasi byemewe ikibujijwe ari ukubikora hatubahirije amabwiriza yo kwirinda Covid-19.

Nk’urugero, umuvugizi wa Polisi yavuze ko igitaramo cya Tuff Gangz ubwo cyahagarikwaga cyatangiye, aho cyarimo kibera ku Kicukiro, basanze hari hari abantu barenga 50 kandi begeranye cyane, benshi batanafite udupfukamunwa ku buryo byateye impungenge inzego zishinzwe umutekano.

Kuri iyi nshuro, inyandiko zamamaza iki gitaramo zashyizwe kuri murandasi, ziriho amagambo agaragaza ubwitonzi kuri aba bahanzi “Back to sphering and Displine” bongeraho bati “Dukomeze kwirinda ikwirakwizwa rya Covid-19 nk’uko Leta ihora ibidusaba”.

Iki gitaramo kiratangira ahagana saa saba z’amanywa kuri iki cyumweru tariki 31 Gicurasi 2020, bikaba biteganyijwe ko kiza kumara hagati y’isaha n’igice n’amasaha abiri, abahanzi bose bari bagize iri tsinda bakaba baza kuririmba.

Ni igitaramo kinyuzwa ku murongo wa Youtube kikamara hagati y’isaha imwe n’ebyiri mu rwego rwo kumara irungu abantu bakunda umuziki badaheruka ibitaramo.

Ubwo twavuganaga ku murongo wa telefoni, Igor yagize ati “Niteguye gushimisha abantu bari bube bankurikiriye mu rugo nkabamara irungu, kuko uburyo bwo gukorera kuri interineti burimo burifashishwa cyane mu gususurutsa abantu mu bitaramo”.

Abajijwe niba mu gitaramo nk’iki hari amafaranga ashobora kuvamo agahabwa umuhanzi, Igor Mabano yagize ati “Barishyuye rwose. Ba nyiri iriya channel tuzakoreraho barishyuye, ariko umubare sinawumenya buriya bavuganye na Management yanjye ariko barishyuye”.

Igor yavuze ko muri ibi bihe byo kuguma mu rugo, abafite imirongo ya YouTube bagiye bishyura abahanzi kuri ibi bitaramo byaba ari ibintu byiza, ahubwo agasaba ko ibi bitaramo bigiye bibaho kenshi muri iki gihe byafasha abahanzi cyane.

Igor avuga ko muri iki gitaramo bakora ibishoboka byose bakubahiriza amabwiriza yo kwirinda Covid-19, kugira ngo iki gitaramo cyabo na cyo kitaza guhagarikwa nk’uko byagendekeye itsinda rya Tuff gangs, ubwo igitaramo cyabo cyasubikwaga ubugira kabiri kubera kutubahiriza aya mabwiriza.

Nubwo Igor Mabano agiye gukora iki gitaramo cyiswe “Urakunzwe”, avuga ko atabyita kumurika album nk’uko yari yabiteguye mu kwezi kwa Werurwe, ahubwo ko icyorezo cya Covid-19 nikimara kujya uruhande rumwe azategura ikindi gitaramo kinini abantu bari hamwe.

Ikigo cy’Abanyafurika y’Epfo cyitwa MultiChoice Africa gicuruza amashusho ku ikoranabuhanga ni cyo cyateguye iki gitaramo hagamijwe gukusanya inkunga izafasha imiryango yagizweho ingaruka n’icyorezo cya Covid-19, ariko bafatanya na Africa Music Fest na One Africa Global Foundation.

Ni igitaramo cyahurijwemo abahanzi 16 b’ibyamamare bo muri Afurika bafite amazina azwi kurusha abandi, mu Rwanda The Ben akaba ari we watoranyijwe kuririmba muri iki gitaramo.

Mu kiganiro yagiranye na KT Press, The Ben yagize ati “Ni igihe cya Afurika cyo gufatanya Abanyafurika bagashaka ibisubizo by’abavandimwe babo. Nanjye rero nishimiye guhagararira igihugu cyanjye u Rwanda.”

Umuhanzi Davido wo muri Nigeria aha yari mu gitaramo yakoreye i Kigali muri Werurwe 2020

The Ben yavuze ko yiteguye gukora igitaramo hamwe n’abacuranzi be ndetse n’ikipe imufasha, akavuga ko azatanga icyo afite cyose mu muziki ngo ashimishe abazakurikira iki gitaramo.

Igitaramo The Ben aririmbamo kuri iki cyumweru, kiratangira saa moya z’umugoroba kirangire saa yine kinyujijwe ku mirongo ya Murandasi y’ikigo MultiChoice Africa buri muhanzi akaba azaririmbira mu rugo iwe, kubera gahunda yo kuguma mu rugo.

Aba ni bo bahanzi bazaririmba hamwe na The Ben muri iki gitaramo

Ku wa Gatandatu tariki 23 Gicurasi 2020 nibwo Tuff Gang yari yitezweho gushimisha abayikundaga binyuze mu gitaramo cyari cyatangiye kirimo kubera kuri YouTube, ariko gisubikwa hamaze kuririmba Bull Dogg na Fireman gusa, abandi bahita bakusanywa na Polisi barara muri Stade ya Kicukiro kubera kutubahiriza amabwiriza yo kwirinda Covid-19.

Mu ma saa kumi n’imwe z’urukerera rwo ku Cyumweru, nibwo abateguye iki gitaramo barekuwe barataha, bahita bongera kwamamaza ko iki gitaramo kizasubukurwa kuri uyu wa mbere tariki 25 Gicurasi 2020 saa munani z’Igicamunsi.

Gusa ubwo igitaramo cyongeraga gusubukurwa, hari abagendeye ku byatangajwe n’umuvugizi wa Polisi y’u Rwanda avuga ko ibitaramo bitemewe, impungenge ziba zose bibaza ko kitaza kuba.

Ubwo haburaga iminota mike ngo iki gitaramo cyongere kibe, abari bagiteguye batangaje ko kitakibaye, bongera gushyira amafoto hanze agira ati "Cancelled" bivuga ko cyasubitswe.

Gusubikwa kw’igitaramo cya mbere byavuzwe ko byaturutse ku kuba ahakorerwaga igitaramo bari bahahuriye ari benshi kandi bamwe batambaye udupfukamunwa ndetse batanasize intera hagati y’abantu n’abandi.

Abahanzi bagize itsinda rya Tuff Gang mu bihe bya kera bagitangira umuziki

Ni igitaramo cyari gikurikiwe na benshi ahanini kubera uburyo cyamamajwemo ko kizahuriza hamwe abasore batanu bahoze mu itsinda rya Tuff Gang bari bamaze igihe badahurira hamwe barimo Bull Dogg, Fireman, Green P, Jay Polly na P Fla.

Mu gihe Bull Dogg na Fireman bari bakimara kuririmba, uwari uyoboye iki gitaramo yagarutse ku rubyiniro avuga ko bibaye ngombwa ko igitaramo gisubikirwa aho cyari kigereye abari bakurikiye bagwa mu kantu, itsinda ry’abacuranzi rya Symphony rihita riva ku rubyiniro igitaramo gihagarara gutyo.

Ntabwo abantu bahise basobanukirwa ikibaye, gusa igitaramo cyaberaga ahantu hegeranye kandi bigaragara ko abari aho cyaberaga bari benshi ku buryo nta ntera ya metero yari iri hagati y’abantu, ndetse hari n’abatari bambaye udupfukamunwa.

Polisi ubwo yahageraga, yahise ita muri yombi abahanzi bose n’abateguye iki gitaramo, bahita bajyanwa kuri Stade ya Kicukiro.

Uko byagaragaraga mu mashusho yo kuri murandasi, itsinda ricuranga ni ryo ryonyine ryari ryambaye udupfukamunwa mu gihe abandi basigaye batari batwambaye kandi bagahererekanya indangururamajwi, ibintu bihabanye cyane n’amabwiriza yo kwirinda Covid-19.

Abari bakurikiye iki gitaramo bagaragaje ko bari bishimiye kongera kubona abagize iri tsinda baririmbira hamwe.

Yanga yitabye Imana

Younger (Yanga) yamamaye mu gusobanura filimi zari zigezweho hagati y’umwaka wa 2000 kugera muri 2013, umwuga we umuhesha amafaranga menshi nk’uko na we yakunze kubivuga mu biganiro yagiranaga n’itangazamakuru.

Amaze guhagarika uyu mwuga, yagiye mu bindi bikorwa bitandukanye bimwinjiriza amafaranga, asa n’ubuze burundu muri uyu mwuga aranawusezera burundu.

Mu kiganiro yagiranye na Isimbi TV, yavuze inkuru ndende y’uburwayi bwamufashe atazi ubwo aribwo, abanza kugira ngo ni ukurwara mu nda bisanzwe, ajya kwa muganga bamubwira ko afite ikibazo cya acide nyinshi mu mu gifu, ariko imiti bamuhaye ntigire icyo imumarira.

Yakomeje kwivuza, nyuma yo kwipimisha ahantu hatandukanye bamubwira ko yarwaye Cancer yo mu nda, kandi ko ishobora kumuhitana ativuje neza, ahita afata inzira ajya kwivuriza muri Afurika y’Epfo aho umugore we w’umuzungu akorera.

Muri iki kiganiro, Yanga yasobanuye uburyo akigera muri Afrika y’Epfo yashyizwe ku miti ikomeye mbere y’uko abagwa, akomeza kuribwa ari nako atakaza ibiro buri munsi, kugeza ubwo yavuye ku biro birenga 90 agera ku biro 74, na we atangira kwiheba abona ko agiye gupfa.

Yagize ati “Nararwaye ndaremba bambwira ko Cancer yanjye igeze ku rwego rwa kane, ntangira kwiheba numva ko mpfuye birangiye. Abaganga bakajya bankomeza ariko mbibona ko ari ukwanga kunkura umutima, byari bikomeye.”

Icyakora ngo mu gihe yarimo yivuriza muri iki gihugu ahagana mu mpera z’umwaka wa 2019, ngo yaje kwigira inama yo gutangira gusenga, ndetse ngo anategura gahunda yo kuzabonana n’aba Pasteri bakomeye barimo na TB Joshua w’umunya-Nigeria.

Ngo yumvaga naramuka agize amahirwe akabonana n’umwe mu ba Pasiteri bazwiho gukora ibitangaza azamukoraho agahita akira.

Yagarutse mu Rwanda muri Gashyantare 2020, aje gushaka Visa no gutega indege izamujyana muri Nigeria gushaka TB Joshua ngo azamusengere.

Nyamara mu gihe yiteguraga kugenda, ngo mu buryo bw’inzozi yarose umupasiteri wo muri Uganda arimo amukiza, anamuha ububasha bwo kuba umukozi w’Imana, bituma abyuka atega indege ajya muri Uganda kureba uwo mu Pasteri.

Bakibonana, uyu mupasiteri ngo yakoze kuri Yanga aramubwira ngo “Urakize igendere.”

Aya magambo ngo Yanga yanze kuyemera nk’aho akize, ariko asubiye kwisuzumisha muri Afrika y’Epfo aho yari asanzwe yivuriza, umuganga amubwira ko nta Cancer akibona mu mubiri yipimisha hose asanga Cancer yarakize burundu.

Yaragize ati “Umuganga wansuzumye bwa kabiri, yari afite Raporo y’umuganga wansuzumye bwa mbere. Yantumyeho ngo nze ampe ibisubizo bya Kabiri, arambwira ngo ‘ibi sinigeze mbibona’. Bose barumiwe ukuntu umuntu yakira Cancer iri ku rwego rwa kane.”

Guhera ubwo, ubu Yanga yiyemeje kuba umurokore unabwiriza ubutumwa, naho ibyo gusobanura filimi ngo ntanashaka kubyibuka kuko ari ibintu yakoze mu gihe cyabyo ubu akaba agiye kujya mu byo gukorera Imana.

Yanga ni umugabo wakunzwe n’abatari bake igiye yari ayoboye ibyerekeranye no gusobanura Filimi mu myaka irenga 10 yamaze akora aka kazi.

Kanda hano urebe amwe mu magambo yakoreshwaga mu Gasobanuye.

Ni amafoto yatangaje benshi bayabonye ku mbuga nkoranyambara, bamwe bishimira impinduka kuri uyu muhanzi utangiye gukura, abandi bagaragaza ko bitari ngombwa guhindura byinshi ku mubiri we.

Umukozi ushinzwe iyamamazabikorwa muri iyi nzu ya Boss Papa, yabwiye Kigali Today ko aya mafoto yafashwe hagamijwe kwamamaza indirimbo nshya y’uyu muhanzi yitwa “Isubireho” aririmbamo umukobwa witwa Mukamana wari ufite imyitwarire mibi.

Ni indirimbo icuranze mu buryo bwa kizungu buvanze na gakondo, aho umuduri wiganza, ikumvikanamo ubutumwa bwenda kumera neza nk’ubwo mu ndirimbo “Mariya Jane” yamamaye ku izina rya Igisupusupu.

Ku bijyanye no guhindura imisatsi, amaherena n’ibindi, Amandine ushinzwe kwamamaza ibikorwa yagize ati “Nta kidasanzwe, ni uko twashakaga guhindura uko abantu basanzwe bamubona.”

Abajijwe niba bizahinduka ubwo indirimbo izaba imaze kwamamara, yagize ati “Bizaterwa n’uko tuzabona ibintu. Ni nk’uko wakwiyogoshesha ukamaraho, umusatsi wamara gukura ukongera ukiyogoshesha ku bundi buryo.”

Ku mbuga nkoranyambaga, Nsengiyumva yagaragaye mu mashusho arimo ashimira inzu ya Alain Muku, avuga ko uyu mugabo yahinduye ubuzima bwe akamuvana mu mwuga wo guhinga no guca inshuro mu masoko, ubu akaba ari umuhanzi urangamiwe na benshi mu bakunda umuziki.

Amafoto: Boss Papa

Ni amafoto afotoye mu buryo bumwe n’imyenda yari yambaye yari imwe, bigatandukanywa n’uko hamwe yari atwite ahandi akaba yari ateruye umwana, kuri we akavuga ko ibi na byo ari ubuhanzi buhambaye bugaragara mu kwifotoza no kubika amateka y’ubuzima bwe n’ubw’umwana we.

Yagize ati “Nagiye hariya hantu naniwe kuko nari ntwite, nsaba Imana ngo izamfashe kugaruka hano mfite umwana wanjye.”

Young Grace avuga ko aya mafoto ari impano y’igitangaza azabikira umwana we witwa Diamante akazamushimisha ubwo azaba akuze kuko azabona amafoto ye akiri mu nda, akongera no kwibona ari kumwe na nyina nanone akiri uruhinja.

Mu mafoto ya mbere ubwo uyu muhanzi yari atwite, hari aho yagaragaye ari kumwe n’umugabo wamutemberezaga mu bwato, ariko ubwo yasubiragayo ntabwo uyu mugabo babonanye.

Young Grace yabwiye Kigali Today ko yifuza kongera kwifotozanya n’uwo mugabo, afite umwana, ariko ngo yasanze yagize ibyago ajya gutabara, byiyongeraho kuba Covid-19 itaramworoheye kugaruka vuba, gusa ngo bavuganye kuri telefoni.

Abayizera Marie Grace wamamaye ku mazina ya Young Grace, yabyaranye na Rwabuhihi Hubert bakunda kwita Piqué, ariko aba ntabwo barambanye kuko Young Grace avuga ko ari we usigaye yita ku mwana mu gihe Piqué yahise abasiga akigendera.

Umwana wabo ubu amaze amezi umunani avutse, muri iki gihe cy’icyorezo cya Covid-19 Young Grace akaba yibereye mu rugo rw’ababyeyi be aho arimo arerera umwana we.

Amafoto: Young Grace

Miss Teta Sandra umaze igihe akundana na Weasel Manizzo, yari amaze igihe agaragaza ko yishimiye kuba atwite inda y’uyu mukunzi we, akaba yari aherutse no gutangariza Kigali Today ko we na Weasel bategerezanyije amatsiko menshi umwana wabo.

Umuhanzi Dr Jose Chameleone umuvandimwe wa Weasel Manizzo, ni we wahishuye ifoto y’umwana, ubwo yabasuraga aho babyariye mu bitaro bya Kisubi, amwifuriza kuzagira imigisha kuri iyi si, anifuriza ababyeyi umugisha.

Weasel Manizzo na we yahise ashyira ifoto y’uruhinja rwe kuri Instagram avuga ati “Nguyu Star Maria Mayanja”

Ubu butumwa bwa Weasel bwakurikiwe n’ibitekerezo byinshi by’abafana byamushimiraga kuri uru rwunguko, ariko harimo n’ubutumwa bwamubazaga impamvu abyara abana benshi ku bagore batandukanye.

Nk’uwitwa Ninda Victoria, yagize ati “Buri kwezi urabyara, ubu no mu kwezi gutaha uritegura kwakira undi mwana. Komeza ubyare abana benshi kuko hari abantu turimo tubura kubera Coronavirus.

Muri Uganda, Weasel Manizzo ari mu byamamare bizwiho kugira abana benshi, abamuzi bakavuga ko mbere yo gucudika na Teta yari afite abana 20 bityo Star Maria Mayanja yabyaranye na Teta akaba yujuje umubare wa 21.

Mu gihe cyose uyu musore yabazwaga ku bijyanye n’urubyaro rwe, yirindaga kuvuga umubare gusa akavuga ko abana be ari benshi nta kindi arengejeho.

Liza Kamikazi avuga ko ubu atakigenga (Photo:Internet)

Ubwo twamuganirizaga ku ndirimbo ye nshyashya yitwa ‘Sinakwibagiwe’, Liza Kamikazi yatubwiye ko n’iyi ndirimbo ubwayo atariwe wayihimbye ko ahubwo ari indirimbo yavuye mu buhanuzi Imana yanyujije mu mukozi wayo witwa Pastor Linkoln.

Yagize ati “Icyo gihe nari mfite ibibazo binkomereye, umwigisha w’Umwongereza aza ku rusengero rwacu, atangira guhanurira abaririmbyi bo mu itsinda riramya. Buri umwe yamubwiraga ibye, maze jyewe angezeho arambwira ngo ‘Humura ntabwo yakwibagiwe”.

Aya magambo umwigisha yamubwiye, ngo ni yo Liza Kamikazi yahereyeho ahimba iyi ndirimbo agamije kwibutsa abantu ko nubwo baba bari mu bibazo Imana ikibazirikana.

Kuva Liza Kamikazi yashinga urugo, umuziki we watangiye gucumbagira, aza no guhindura ubwoko bw’umuziki we yibanda cyane ku ndirimbo zo kuramya na zo zitaraba nyinshi. Byatumye bamwe bamufata nk’uwaretse umuziki cyangwa uwukora atabishaka, nyamara we si ko abibona.

Mu kiganiro twagiranye, Liza yagize ati “Abavuga ko nasubiye inyuma ndabumva cyane. Ubu ntabwo nkiri umuntu wigenga kuko Imana nkorera ni yo mugenga wanjye. Icyo namaze kwiga, ni uko iyo umaze gushyira ubuzima bwawe mu biganza by’Imana, Imana ni yo ihita iba boss wawe ikaguha umurongo wo kugenderaho”.

Liza avuga ko na we yabanje kubona bigenda buhoro akumva yanakoresha imbaraga ze ngo agere ahantu yashakaga kugera, ariko ngo yaje gusanga atikoresha.

Kuva yatangira gukora indirimbo zaririmbiwe Imana, amaze gukora indirimbo eshanu ariko izo yasohoye ni eshatu gusa. Avuga ko ateganya gushyira hanze album ariko akavuga ko nta gitutu kimuriho, kuko Imana izayihutisha cyangwa ikayigendesha gake bitewe n’icyo ishaka kumukoresha.

Liza Kamikazi ni umuhanzikazi wamamaye guhera muri 2009 kugera muri 2012, iki gihe akaba yari umwe mu bakobwa bayoboye umuziki wo mu Rwanda mu ndirimbo zakunzwe cyane nka Mpobera, Nkiri Muto, Ngukunde Nte n’izindi.

Nziza Désiré yamamaye mu ndirimbo Kula Kulipa

Nziza Désiré wamamaye cyane mu ndirimbo ‘Kula Kulipa’ avuga ko yari amaze iminsi ahugiye mu bibazo by’umuryango bitamworoheye hamwe n’akandi kazi kamutunze, bituma umuziki we utagenda neza cyane.

Mu gihe mu gihugu cye cy’u Burundi bahugiye mu matora y’umukuru w’igihugu, Nziza yahisemo kongera gusubukura ibikorwa by’umuziki we, ndetse ngo ashobora no gukora umuzingo y’indirimbo (Album) n’ubwo ataramenya igihe azawurangiriza.

Nziza Désiré ni umuhanzi wakunzwe cyane mu Burundi mu myaka ya 2004 kuzamura, indirimbo Kula Kulipa ikaba iri mu zamumenyekanishije cyane muri aka karere.

Ni umuvandimwe mukuru w’umuhanzi Dr Claude wanamuteraga inkunga mu bikorwa by’umuziki we, ariko yaje gucumbagira mu muziki bitewe no kwinjira mu bindi bikorwa bibyara inyungu (ubushabitsi) no kwita ku muryango we.

Nsengiyumva François wamamaye ku izina rya Igisupusupu avuga ko ameze neza (Phoro:Internet)

Nsengiyumva François yazamuwe n’indirimbo yitwa "Mariya Jeanne’, yumvikanamo ijambo ‘Igisupusupu’ ubwo yari atangiye gufashwa n’inzu y’umuziki ya Alain Mukurarinda mu mpera za 2018, ahita yamamara cyane ndetse indirimbo ye ‘Mariya Jeanne’ irimo ijambo Igisupusupu ikaba imaze kurebwa n’abantu milioni 2,700,000 kuri Youtube.

Intangiriro z’umwaka wa 2019 zari amata n’ubuki kuri uyu muhanzi, ariko mu mpera zawo atangira kuburirwa irengero kugeza n’ubu ntabwo arimo yumvikana cyane.

Mu kiganiro duherurse kugirana n’umwe mu bakora akazi ko kwamamaza ibihangano mu nzu ya Alain Muku, yatubwiye ko Nsengiyumva François ameze neza, ndetse ko hari imishinga myinshi amaze iminsi ategura, ariko imishinga ikaba itaragiye hanze kubera icyorezo cya Covid-19.

Icyorezo cya Covid-19 cyadutse uyu muhanzi n’ubundi adaheruka kumvikana, ariko abamushinzwe baguma kuvuga ko ari mu mishinga y’indirimbo zinyuranye yenda gusohora.

Indirimbo uyu muhanzi aheruka gushyira hanze, yayisohoye mu kwezi k’Ugushyingo 2019, ayita ‘Uzaze urebe mu Rwanda’. Amezi atandatu akaba ashize uyu muhanzi acecetse.

Indirimbo ’Uzaze urebe mu Rwanda’ ni yo Nsengiyumva aheruka gusohora (Photo:Internet)

Mu kiganiro kigufi duherutse kugirana n’umuhanzi Senderi International Hit, yaduhishuriye ko ku itariki 8 Werurwe 2020 ku munsi mpuzamahanga w’umugore, abahanzi barimo Masamba, Senderi, Staff Sergent Robert na Nsengiyumva François ngo batumiwe mu gitaramo bari gukorera mu Karere ka Ngoma, babwirwa ko iki gitaramo kitakibaye habura umunsi umwe gusa ngo bagere aho bazataramira.

Kuva icyo gihe, Nsengiyumva yibera mu rugo iwe mu Karere ka Gatsibo mu Murenge wa Kiziguro aho yimukiye vuba, mu nzu nziza yubakiwe na Alain Mukurarinda amuvana ku ivuko mu Murenge wa Remera muri Gatsibo.

Mu kiganiro aherutse kugirana n’umunyamakuru witwa Yago wamusuye mu rugo iwe, yamubwiye ko iki cyorezo cyatumye ibikorwa bye bidindira birimo nk’indirimbo yagombaga gusohora, ariko gahunda ya Guma mu rugo itambamira ifatwa ry’amashusho bituma itajya hanze.

Yagize ati “Meze neza nta kibazo na kimwe mfite, uretse iyi gahunda ya Guma mu rugo yatumye tudatunganya amashusho y’indirimbo ariko amajwi yo yararangiye”.

Abajijwe impamvu adakunda kugaragara cyane, yasobanuye ko umuyobozi w’ibikorwa bye ari we ugena igihe cyo gusohorera indirimbo akanamutegurira ibitaramo agomba kwitabira ariko kutagaragara ntibivuga ko aba atakiri mu kazi.

Ati “Boss Papa [Mukurarinda] aba azi gahunda zose tugomba kujyamo kuko ni we umbwira icyo nkora. Iyo adahari [Kuko akunda kuba hanze] aba yarasizeho abandi ba boss batoya bampa gahunda”.

Nsengiyumva François ugaragaza amarangamutima menshi iyo agiye kuvuga Alain Muku, avuga ko no muri ibi bihe bya Coronavirus, Mukurarinda ari we wamumenyeraga amafaranga ahagije yo gutunga umuryango we, akamumenyera icyo akeneye cyose ku buryo yari mu bantu babayeho neza.

Ku bijyanye n’ibyavugwaga ko ubuzima bwe butameze neza, Nsengiyumva avuga ko ubuzima bwe buhagaze neza cyane, ko ibyavuzwe ko haba hari abamugiriye nabi byari ibihuha ko na we yabyumvise bivugwa ntanabyiteho.

Uretse kwita ku muryango we no kuganira n’abaturanyi, muri iki gihe cyo kuguma mu rugo ngo yirirwaga yandika indirimbo anicurangira ibicurangisho gakondo asanzwe akoresha, cyane cyane umuduri wamumenyekanishije.

Miss Umunyana Shanitah yapfushije umubyeyi

Amakuru aravuga ko uyu mubyeyi yaba yazize indwara ya Cancer yari amaranye iminsi.

Uyu mubyeyi yaguye kwa muganga asubiyeyo bwa kabiri kuko ubwa mbere yari yagiyeyo aravurwa aroroherwa anasubira mu rugo bigaragara ko ameze neza, ariko mu gihe gito yongera kuremba asubizwa ku bitaro ari na ho yaguye.

Miss Shanitah yamamaye cyane ubwo yinjiraga mu irushanwa rya Miss Rwanda 2018 agatahana ikamba ry’igisonga cya mbere, uwo mwaka anitabira irushanwa rya Miss Africa University, naho muri 2019 yambikwa ikamba rya Miss Supranational ahita anahagararira u Rwanda muri Miss Supranational yabereye muri Polonye.

The Ben asanzwe agaragaza ko ashyigikiye umuziki wa Green P. Aha The Ben yazanye Green P. ku rubyiniro mu gitaramo yakoze akigaruka mu Rwanda muri 2017

Cyari igitaramo cyari gitegerejwe n’abatari bacye bakurikira umuziki wa The Ben, kuko yari yaracyamamaje hakiri kare ko kizaca kuri YouTube na Instagram.

The Ben wafashwaga na Symphony Band kuririmba no gucuranga, yatangiye igitaramo ibintu bidashyushye cyane, ariko igitaramo cyagiye kiryoha uko umwanya wagendaga ushira.

Umuhanzi Mike Kayihura yaje guhabwa umwanya muri iki gitaramo ngo yiyereke abari bagikurikiye, agaragaza ko ari umuririmbyi mwiza n’umucuranzi mwiza wa Piano, ariko ku bw’ibyago, ikoranabuhanga rimutenguha amaze kuririmba indirimbo ebyiri amara umwanya aririmba indirimbo hafi enye amajwi atabasha gusohoka.

Mike Kayihura na we yaririmbye muri iki gitaramo

Byarakaje cyane abari bakurikiye iki gitaramo, ndetse bamwe batangira kuva ku rubuga, aho hakurikiraga abarenga 1700 hasigara hareba abatarenga 400, ariko nyuma amajwi aza kugaruka, abareba na bo bariyongera kugera ubwo igitaramo cyaje gusozwa bageze ku 2,200.

Mike Kayihura wari wahuye n’ibyago byo kuririmba amajwi atagera ku bari bakurikiye igitaramo kuri Internet, yaje kugaruka aririmba indirimbo zirimo “Genda Rwanda uri nziza” n’indirimbo ye nshya yitwa “Sabrina” agaragaza ko ari umuhanzi ukomeye n’ubwo hari benshi batari bamuzi.

Green P na we yaje guhamagarwa imbere ya Camera aririmbira abari bakurikiye igitaramo

Kuva igitaramo kigitangira, The Ben yari yakomeje kuvuga ko afite agaseke gapfundikiye ahishiye abakurikiye igitaramo, bituma abantu bategereza. Ubwo igitaramo cyari kigeze hagati, nibwo Green P wari umaze igihe muri Gereza yahamagawe na mukuru we, maze baririmbana nyinshi mu ndirimbo za Tuff Gang zo hambere, Green P anaririmba indirimbo nshyashya amaze igihe ahimbiye muri gereza abantu barabikunda cyane.

Bull Dogg na we wari watumiwe muri iki gitaramo, yaje guhamagarwa na The Ben, baririmbana “Imfubyi z’u Rwanda” bishimisha benshi ariko Bull Dogg yumvikanaga nk’uwibagiwe imirongo y’iyi ndirimbo ku buryo yaririmbyeho akantu gato ibindi bitero bikanga.

Muri Rusange The Ben yakoze igitaramo cy’amasaha abiri agerageza kuvanga injyana afatanyije n’aba bahanzi bose. Abari bakurikiye iki gitaramo bari bafite uburenganzira bwo gusaba indirimbo The Ben agahita ayiririmba, ariko hari izo bamusabaga za kera agasanga yarazibagiwe zirimo indirimbo “Uzaba uza.”

Muri iki gitaramo kandi The Ben yahembye abantu batatu basubije ibibazo yari babajije byerekeye amateka y’umuziki we, nk’aho yabajije igihe yashyiriye hanze indirimbo ye ya mbere, ibihembo bya Salax yatwaye, indirimbo yakoranye na Kamichi n’ibindi. Buri umwe mu basubije ibi bibazo, yamuhembye ibihumbi 100 by’Amafaranga y’u Rwanda.

The Ben akoze igitaramo nyuma y’igihe kinini ari mu Rwanda kuko ari ho Gahunda yo kuguma mu rugo yamusanze, akaba ari umwe mu bahanzi bahisemo gukoresha impano ye mu gutuma abantu basusuruka muri iki gihe cyo kubahiriza amabwiriza yo kwirinda Covid-19.

Inkuru yo gufungwa k’uwo muyobozi yemejwe n’Urwego rw’Igihugu rw’Ubugenzacyaha kuri uyu wa 8 Gicurasi 2020, akaba yari amaze iminsi akurikiranwa.

Amakuru Kigali Today ifite ni uko ubugenzacyaha bwatangiye gukurikirana uwo muyobozi mu mpera z’ukwezi kwa kabiri, ndetse mu kwezi kwa Gatatu inzego zibishinzwe zahise zimwambura impapuro ze z’inzira cyane ko asanzwe agenda mu bihugu by’amahanga.

Mu mpera z’ukwezi kwa Gatatu ubwo umunyamakuru wa Kigali Today yamenyaga amakuru ko uwo muyobozi arimo akurikiranwa n’ubutabera, amakuru yavugaga ko yaba yaragiranye imibonano mpuzabitsina n’umwe muri abo bakobwa, amwizeza ko azamufasha gutwara ikamba rya Miss Rwanda cyangwa akamufasha kugera kure hashoboka muri iryo rushanwa.

Ubwo amakuru yamenyekanaga ko uwo muyobozi afunze, umuvugizi w’urwego rushinzwe ubugenzacyaha Umuhoza Marie Michelle yabwiye ikinyamakuru Funclub ati “Ni byo, ari gukurikiranwa ariko dosiye ye twarangije kuyishyikiriza Ubushinjacyaha”.

Uwo muyobozi ukurikiranyweho ibyaha byo kwitwaza umwanya afite n’ubushobozi agashuka umukobwa kuryamana na we, anakurikiranyweho gukoresha imibonano mpuzabitsina ku gahato, icyaha kiri mu gitabo cy’amategeko ahana mu ngingo ya 196 ihanisha uwakoze iki cyaha igifungo cy’imyaka itanu kugeza kuri 7.

Ibyaha ashinjwa, yaba yarabikoze amaze ukwezi kumwe akoze ubukwe.

Birakekwa ko umubano hagati ya Safi n’umugore we utifashe neza (Photo:Internet)

Muri Werurwe 2020, ni bwo Safi Madiba yatangiye gushyira hanze amafoto amugaragaza ari muri Canada, gusa ntabwo bizwi neza umunsi yuririye indege agenda nubwo bikekwa ko yagiye rwagati mu kwezi Gashyantare.

Safi yagiye muri Canada asanzeyo umugore we Judith bamaranye imyaka ibiri n’igice basezeranye byemewe n’amategeko, inkuru zikaba zaravugaga ko aba bagiye kubana maze Safi agatura muri Canada burundu akajya aza mu Rwanda nk’umushyitsi.

Muri Mata 2020, Safi Madiba yaganiriye na Kigali Today avuga ko ari muri Canada, ariko ko atagiye guturayo kuko ngo yabuze aho anyura ngo agaruke. Ati “Nabuze aho nyura kubera ibi bihe”.

Nubwo yatubwiye gutya, inshuti za Safi ziba mu Rwanda zivuga ko yazisezeyeho azibwira ko agiye gutura muri Canada, kuko yari amaranye iminsi impapuro zimwemerera guturayo, nubwo yazibonye bigoranye.

Safi akimara kugera muri Canada, yagiye kubana na Judith mu nzu imwe nk’uko umugabo n’umugore babigenza ariko hatarashira igihe, hakwirakwira ibiganiro bya telefoni Safi yagiranaga na Parfine bahoze bakundana bakaza gutandukana nabi, ari na bwo yahitaga akundana na Judith basigaye babana.

Ibi biganiro byagiye hanze, byagaragazaga ko Safi yasubiye mu rukundo na Parfine, ndetse hari aho Parfine yagiraga ati “Ndagukunda, uruhuke neza kandi ujye wiyitaho cyane”.

Byari bivuye ku kuba Safi yari yamwandikiye amubwira ko yumva afite umunaniro wo mu mutwe (Stress), amubwira ko kuva yagera muri Canada atigeze yoroherwa n’ubuzima.

Mu cyumweru gishize, ni bwo inkuru zongeye gucicikana ku mbuga nkoranyambaga zivuga ko Safi Madiba yagiye kuri Polisi y’agace abamo, ajya kurega umugore we amushinja ko amutesha umutwe.

Ibi byaje bikurikira inkuru zavugaga ko Safi yaba ari mu migambi yo gusaba gatanya n’umugore we, kuko ngo batigeze babana neza kuva yagera muri Canada.

Mu kiganiro twagiranye na Safi muri Mata, ntabwo Safi yigeze ashaka kuvuga ikintu na kimwe cyerekeye ibi bibazo byo mu muryango we, ndetse ntiyashatse ko tunamubazaho byinshi.

Kuva Safi Madiba yagera muri Canada, yahasohoreye indirimbo imwe yiswe ‘I love You’, ubu iri mu ndirimbo nshyashya ziri gucurangwa cyane hano mu Rwanda.

Ngo agiye kujya asohora indirimbo buri mezi atatu (Photo:Internet)

Ubwo yasohoraga indirimbo yise “Rwagasabo Baraka” Mighty Popo yabwiye umunyamakuru wa Kigali Today ko impamvu yari amaze iminsi adashyira hanze indirimbo byatewe n’ibyago yagize byo kubura umubyeyi.

Yaragize ati “Umubyeyi wanjye Kazayire Marisiyana, namuburiye mu mahanga ariko tuza kumushyingura mu Rwanda, kandi ni we wamfashaga kwandika indirimbo za Kinyarwanda no kuzinonosora biba nk’ibinkozeho”.

Popo avuga ko akimara kubura uyu mubyeyi, yagumye mu Rwanda abanza kwiha akaruhuko gato adakora umuziki, ahita anatangira akazi ko kuyobora ishuri ry’umuziki rya Nyundo, ibi ngo bikaba byaratumye adakomeza gusohora indirimbo nk’uko bisanzwe.

Agira ati “Kuyobora iri shuri ni ibintu mparira umwanya wanjye wose, hamwe n’ibitekerezo byose kugirango rigende neza. Na n’ubu ni ko mbikora, uretse ko nabonye aka kanya gato katewe na Covid-19 mbasha gusohora indirimbo kwa Clement (Umuyobizi wa Kina Music).

Mu gukora iyi ndirimbo, Might Popo yisunze inzu ya Kina Music inakoramo Igor Mabano wabaye umunyeshuri we, hamwe na Clement ni bo bamukoreye iyi ndirimbo, ni na bo bazakora izindi ndirimbo zizakurikiraho.

Gahunda afite ngo ni uko buri mezi atatu azajya ashyira hanze indirimbo imwe, ku buryo mu myaka nk’ibiri yazaba yarangije gusohora umuzingo, nubwo atigeze atangaza igihe uyu muzingo yazawusohorera.

Jacques Muligande, ukoresha izina rya Might Popo, ni umunyamuziki wakoreye umuziki we mu Burundi no muri Canada, ubu akaba asigaye afata umwanya munini mu gutanga amasomo no kuyobora ishuri ryigisha umuziki n’ubugeni rya Nyundo.

Mighty Popo kandi ni na we utegura iserukiramuco rukumbi riba mu Rwanda ryitwa ‘Kigali Up Festival’.

N’ubwo Leta yafashe icyemezo cyo kuba yemereye ibikorwa bimwe gukomeza, hari indi mirimo imwe n’imwe itarasubukurwa harimo n’amashuri azasubukurwa mu kwezi kwa Nzeri.

Inzego zishinzwe uburezi muri iki gihe, zirimo zirakoresha ikoranabuhanga n’itangazamakuru kugira ngo abanyeshuri bari mu ngo babashe kwihugura amasomo no kwiga ibindi bishya.

Kigali Today yashatse kumenya uko abanyeshuri bigishirizwa umuziki mu ishuri rya Nyundo barimo bagezwaho amasomo mu gihe bari mu rugo, maze ivugana na Jacques Muligande uzwi nka Mighty Popo uyobora iri shuri, atubwira ko aba banyeshuri na bo bashyiriwe amasomo ku rubuga rw’ikigo Rwanda Polytechnic gisanzwe gifite iri shuri mu nshingano.

Ahandi aba banyeshuri bakura amasomo, ni mu matsinda yakorewe ku rubuga rwa Whatsapp aha na ho hakaba hanyuzwa amasomo afasha ndetse muri aya matsinda harimo n’abarimu babo bahura na bo kenshi.

Mighty Popo yagize ati “Muri ayo matsinda no kuri urwo rubuga, ni ho tunyuza amasomo ndetse mu minsi mike tuzakora isuzumabumenyi tureba uko amasomo yakiriwe.”

Muri iri shuri ryigisha umuziki, hafi 2/3 by’igihe cy’amasomo bakimara bakora imyitozo yo kuririmba, gutunganya indirimbo, gucuranga n’ibindi bikorwa bibahuza n’ibikoresho bya muzika.

Abajijwe uko bizakorwa, Mighty Popo yasobanuye ko bikigoye cyane kuko ibikoresho bikoreshwa ari iby’ikigo bivuze ko abanyeshuri benshi badafite ibikoresho by’umuziki mu ngo zabo, bityo ko gusubiramo umuziki no gukora imyitozo yo gucuranga bikiri ingorabahizi.

Yagize ati “Icyo ni igikorwa gisaba kuba abantu bari kumwe aho basanzwe bakorera, kuko ubundi mu bihugu byateye imbere usanga buri munyeshuri yizanira igikoresho cye ariko iwacu ntabwo abantu bafite ubwo bushobozi.”

Abanyeshuri ba Nyundo kimwe n’andi mashuri yigisha imyuga n’ubumenyingiro agengwa na Rwanda Polytechnic, basabwe gukurikira amasomo kuri murandasi mu gihe cyose amashuri atarafungurwa, bikaba byarakozwe mu rwego rwo gufasha abanyeshuri gukomeza kwihugura muri iki gihe bari mu rugo.

R.Kelly utorohewe n’ibyo ashinjwa, ubu noneho ngo afite n’ibibazo bimukomereye by’uburwayi

Ni inshuro ya gatatu uyu muhanzi asaba ko yarekurwa agakurikiranwa adafunze, nyuma y’uko ashinjwa ibyaha birimo guhata abangavu ibiyobyabwenge akajya abagurisha ku bagabo mu bikorwa bimeze nko gucuruza abangavu.

Akimara gufungwa, umunyamategeko we Steven Greenberg, yasabye urukiko ko rwamurekura akaburana ari hanze, ariko urukiko rwakomeje kugaragaza ko impamvu zitangwa n’uruhande rwa R. Kelly zidafatika akomeza gukurikiranwa afunze.

Kuri iyi nshuro ya gatatu, R Kelly yagaragaje impapuro z’abaganga zivuga ko arwaye Diabete n’umuvuduko w’amaraso, ibintu bimuteye ubwoba ko aramutse yanduye Covid-19 yahita abura ubuzima kuko iki cyorezo kimeze nabi cyane muri Amerika.

Umucamanza ukurikirana uru rubanza Ann Donnelly, yerekanye ko kugira ngo R. Kelly arekurwe, urwego rw’amagereza rugomba kugaragaza ibindi bimenyetso byerekana ko ubuzima bwa R. Kelly buri mu mazi abira kandi ko hakozwe ibipimo by’ubuzima bwe bihagije.

R. Kelly yagaragarije urukiko ko indi mpamvu asaba kurekurwa ari uko adafite ubushobozi bw’amafaranga bumwemerera gutoroka kuko ngo ubu atanafite ubushobozi bwo kwitegera indege, ariko ibi byo umucamanza yagaragaje ko nta shingiro bifite, kuko mu ntangiro z’umwaka Kelly yakiriye ibihumbi 200 by’Amadolari avuye ku bamufasha mu rubanza, ndetse ko afite abantu benshi baziranye bashobora kumuha amafaranga no kumutorokesha.

R. Kelly mbere y’uko afungwa

Icyakora kugira ngo R. Kelly arekurwe by’agateganyo, birasaba ko urwego rw’amagereza ruzakora inyandiko igaragaza ko ubuzima bwe buri mu kaga, kuko Leta ya Amerika nta bwiriza yashyizeho ryihariye ryo gufungura abantu kubera icyorezo cya Covid-19.

Kugeza ubu, R. Kelly afunzwe by’agateganyo kuko ataratangira kuburana mu mizi, abanyamategeko be bakanabiheraho basaba y’uko yafungurwa kuko kugeza ubu abarwa nk’umwere kuko urukiko rutaramuhamya icyaha.

Justin Bieber na Ariana Grande bakoze indirimbo izavamo ubufasha ku bagizweho ingaruka na COVID-19 (Photo:Internet)

Ni indirimbo ibi birangirire byiyemeje gukora ikazasohoka ku itariki 8 Gicurasi 2020, hagamijwe gukusanya amafaranga azashyirwa mu mushinga usanzwe ufasha abana witwa ‘First Responder Children’s Foundation’, andi mafaranga akazafasha abantu bitangiye gukiza amagara y’abantu muri iki gihe cya Covid-19.

Byitezwe ko iyo ndirimbo izamamazwa ku buryo budasanzwe kugira ngo ivemo amafaranga menshi, kuko batangiye no kwamamaza izina ry’iyi ndirimbo kuri Instagram zabo bombi zifite abazikurikira barenga millioni 316.

Iyi ndirimbo igisohoka, izashyirwa ku mbuga za interineti zisanzwe zigurisha imiziki, bikaba biteganyijwe ko yabyara arenga millioni enye z’amadolari ya Amerika, amwe muri ayo akazishyurira amashuri abana bagizweho ingaruka n’iki cyorezo, andi agatangwa nk’agahimbazamusyi k’abantu biyemeje gukora muri ibi bihe bakiza ubuzima bw’abantu.

Meghan Markle yatsinzwe urubanze ariko agiye kujurira

Ni ikirego gishingiye ku ibaruwa Meghan Markle yandikiye umubyeyi we mbere y’uko ubukwe bwe butaha, amusaba kutazivanga mu buzima bwe n’umugabo we Harry.

Umubyeyi we utarashimishijwe n’iyi baruwa, yashinjaga Meghan ko atamufasha kandi afite ubushobozi, maze ahitamo kujyana iyi baruwa mu itangazamakuru, Meghan akavuga ko gushyira hanze iyi baruwa byari bigamije kumwandagariza urugo no kutiyubaha.

Meghan Markle yatanze ikirego mu rukiko rwa Londre, arega iki kinyamakuru cyamwandagarije umuryango, akirega ibyaha bitatu birimo gusebanya, kwinjira mu buzima bwe bwite n’ubw’umuryango we, ndetse no gushyira hanze amakuru atagomba kujya mu itangazamakuru.

Mu cyiciro cya mbere cy’urubanza, umucamanza Mark Stephens uhugukiwe amategeko ajyanye n’itangazamakuru, yagaragaje ko iki kirego cya Meghan nta shingiro gifite, kuko asanga ibyo Mail on Sunday yatangaje bitangiza ubunyamwuga bw’itangazamakuru.

Meghan Markle utanyuzwe n’imikirize y’urubanza, yavuze ko agiye kujuririra iki cyemezo abinyujije mu banyamategeko be, akaba azajuririra mu rukiko rukuru rwa London, kuko ngo yarenganyijwe kenshi n’itangazamakuru ry’u Bwongereza kubera umuryango akomokamo.

Meghan Markle hamwe n’umugabo we, batangiye kwinjira mu bibazo bakimara kuvuga ko basohotse mu bajyanama bakuru b’umuryango w’Ibwami, bagatangaza ko bagiye kwishakira amafaranga azabatunga mu buzima bwabo bw’ahazaza, abakurikiranira hafi bakavuga ko ari na byo biri gutuma itangazamakuru ry’Abongereza ribibasira.

Intore Tuyisenge, uhagarariye urugaga rw’abahanzi nyarwanda aratabariza abahanzi

Nubwo ibikorwa byose byahagaze ku itariki 20 Werurwe 2020, abahanzi n’abandi bakora ibihuza abantu benshi byari byahagaritswe hakiri kare kuko nk’igitaramo cyiswe Each One Reach One cyari kubera ku Intare Arena, cyahagaritswe ku itariki 7 Werurwe 2020.

Kuva kuri iyi tariki, nta muhanzi wongeye kwemererwa gukora igikorwa gihuza abantu uhereye ku bitaramo cyangwa ubukangurambaga, ari na byo bikorwa ahanini bigaburira abahanzi nyarwanda.

Guhera icyo gihe abahanzi batangiye gusonza, cyane ko benshi batunzwe n’ibikorwa by’umuziki. Abari bakigerageza, ni abatungwaga no kuririmba mu bitaramo bito bibera mu tubari, ariko na byo byahise bihagarikwa ku buryo gufunga ibikorwa byagiye kuba bamwe mu bahanzi bamaze ibyumweru bibiri badakora ikintu na kimwe kinjiza amafaranga.

Leta y’u Rwanda iherutse gutangaza ko guhera kuri uyu wa mbere w’itariki 4 Gicurasi 2020, ibikorwa bimwe bizasubukurwa, ariko ibihuza abantu benshi ntabwo biri mu byakomorewe kubera gahunda yo kwirinda ikwirakwizwa rya Covid-19.

Aya makuru akimara kumenyekana, bamwe mu bahanzi batangaje ko bagowe kurusha uko ibintu byari bimeze mbere, ku buryo basanga Leta cyangwa abandi baterankunga bakwiye kubitaho kuko ubushobozi bwabo bwamaze kurangira.

Mu kiganiro Kigali Today yagiranye na Intore Tuyisenge, uhagarariye ishyirahamwe ry’abahanzi, yagize ati “Abahanzi bakeneye ubufasha kurusha n’uko bari babukeneye mu minsi ishize, kuko n’abari bagifite utwo bizigamiye ubu twamaze kubashiraho, kuko ibikorwa byacu byo byahagaze mbere y’ibindi”.

Intore Tuyisenge yavuze ko mu minsi ishize ubuyobozi bw’ishyirahamwe ayoboye bwabashije kubona ubushobozi buke bagafasha abahanzi barenga 260, ariko ngo muri rusange abari bakeneye ubufasha barengaga 500.

Ubu bufasha bwari burimo ibyo kurya byashatswe mu bafatanyabikorwa, ariko na byo ngo ntabwo byari bihagije ku buryo n’ubundi ababihawe batabuze kuba bashonje.

Tuyisenge yihereyeho, yavuze ko benshi mu bahanzi bari batunzwe no gukora ibitaramo bakwiye gushaka ikindi baba bakora mu gihe ibikorwa byose bitarasubukurwa, ndetse we ngo yamaze gusubira mu bikorwa by’ubwubatsi kuko ari na byo yigiye.

Ngo hari n’abandi bahanzi bamaze kujya mu bindi bikorwa by’ubucuruzi n’iyindi mirimo, ku buryo Tuyisenge afite impungenge ko igihe icyorezo kizaba cyashize umuziki uzaba nk’uwibagiranye kuko abahanzi bashonje bazigira mu bindi bakora.

Imvugo ya Tuyisenge uhagarariye ihuriro ry’abahanzi, ayihuje na Gatsinda Jean Paul uzwi nka Jay P, unakuriye ishyirahamwe ry’abatunganya indirimbo.

Ubwo twavuganaga kuri telephone, yatubwiye ko mu rugo iwe hari abatunganya indirimbo barimo bamugeraho baje gutwara ibiribwa by’imfashanyo bahawe n’abaterankunga, ariko akavuga ko ibi biribwa bidahagije.

Producer Jay P, na we asanga abahanzi bakeneye ubufasha bwihuse

Yagize ati “Ibi biribwa ntibihagije kuko twebwe rwose akazi kacu karahagaze burundu. Iyo abahanzi batarimo bakora ibitaramo, nta bwo babona amafaranga yo kwishyura Studio kandi amafaranga yabo ni yo adutunze”.

Jay P avuga ko abahanzi n’abatunganga umuziki ari bamwe mu bamerewe nabi, ku buryo asaba ko bakwitabwaho nk’abantu bahagarikiwe ibikorwa na mbere y’uko ibindi bihagarikwa.

Ibitabo Humble Jizzo ari gushishikariza abana gusoma, ni ibitabo birimo inkuru zishimisha abana mu byiciro bitandukanye, bimwe birimo ubumenyi bwunganira ubwo mu ishuri, ibindi bigamije kubatoza gusoma, bikaba biboneka mu ikoranabuhanga rya telefone muri ‘Application’ yitwa ‘NABU’.

Humble Jizzo, avuga ko muri izi nkuru zishimishije yifuza ko abana bakurikira harimo nk’igitabo kirimo inkuru y’umwana witwa ‘Kazungu’ hamwe n’indi nkuru yitwa ‘Gapira ku gicugutu’.

Iyi ‘Application’ ngo iriho ibitabo birenga 700 byanditse mu Kinyarwanda ku buryo byoroheye umwana kubisoma, ariko ngo hari n’ibizagenda bihindurwa mu cyongereza mu rwego rwo gufasha abana gusoma indimi zitandukanye mu gihe bari mu rugo.

Manzi James uzwi nka Humble Jizzo avuga ko nk’umubyeyi yabonye ari ngombwa gufasha abana bari mu rugo kuguma gukarishya ubwenge kandi bakabifashwamo n’ababyeyi babo kuko ari bo baba bafite amatelefoni.

Abana benshi bari mu ngo zabo, ubu barimo barakurikirana amasomo hakoreshejwe ikoranabuhanga, nk’aho abana bohererezwa amasomo kuri Telefone z’ababyeyi babo, cyangwa bakigira kuri Radio na Televiziyo, mu rwego rwo kwirinda ko abana basubira inyuma mu myigire.

Niyitegeka yabonye umwanya wo gusoma ndetse no kwandika imikino inyuranye

Niyitegeka Gratien wamamaye nka Seburikoko cyangwa Papa Sava bitewe n’imikino y’uruhererekane akinamo, avuga ko muri iyi minsi yo kuguma mu rugo, umunsi we uba ugizwe n’ingengabihe idahinduka cyane nko kubyuka akandika ibihangano bishya mu masaha ya mugitondo cyangwa gusubiramo ibyo yanditse mbere, kujya ku meza agafata amafunguro, gusoma ibitabo no gukora ubushakashatsi cyangwa kureba ibyegeranyo birimo ubuhanga, imyitozo ngororamubiri, kuganira n’inshuti ze ku mbuga nkoranyambaga ubundi mu masaha y’umugoroba akareba televiziyo akajya kuryama.

Muri iyi minsi yo kwandika, Seburikoko avuga ko amaze kwandika imikino 25 ya Papa Sava (filimi y’uruhererekane inyura kuri Youtube), amaze kwandika imivugo myinshi , hamwe n’imikino mishya ibiri y’ikinamico azakina wenyine yise ‘Nyakamwe’.

Umunyamakuru wa Kigali Today amubajije ibitabo yasomye, Seburikoko yagaragaje urutonde rw’ibitabo yasomye birimo byinshi bivuga ku mateka y’u Rwanda, harimo Ibirari by’insigamigani Imigenzo imiziro n’imiziririzo, Inganji Karinga, Abambari b’inganzo ngari, Inganzo y’ubwanditsi, Bagiramenyo, Imigani migufi, ibisakuzo n’inshamarenga n’ibindi.

Impamvu y’ibi bitabo byose bivuga ku Rwanda Seburikoko avuga ko ahorana amashyushyu yo kumenya umuco w’u Rwanda ndetse n’imibereho y’Abanyarwanda bo hambere, kuko na we akuramo inganzo imufasha mu bihangano bye.

Uretse gukina filimi n’imikino isekeje, anavuga amazina y’inka, akandika akanavuga imivugo, agakesha imihango y’ubukwe bwa Kinyarwanda, n’ibindi byinshi bimuhuza n’umuco, ku buryo kuri we gusoma ibi bitabo ngo bimugirira akamaro cyane.

Uretse ibi twanamubajije uko imibereho ye imeze cyane ko muri iyi minsi ubushobozi bwa benshi bwasubiye hasi, ndetse Seburikoko n’abandi bakinana filimi bakaba babonaga amafaranga avuye mu byo bakora bya buri munsi.

Yagize ati “Kwinjiza byarahindutse cyane kuko wenda aho umuntu yakuraga nko mu biraka by’impera z’icyumweru (MC & amazina y’inka) byarahagaze, ikinamico twakinaga mu bukangurambaga zarahagaze, no kuri Youtube byagabanutseho nka 60% kubera ko abo dukorana na bo ni Leta zunze Ubumwe za Amerika, kandi na bo barakorera mu rugo, nta kwamamaza”.

Gusa nubwo bimeze bitya, Seburikoko avuga ko we ku giti cye ataragira ikibazo cy’amafaranga kuko yari yarizigamiye mu byo yakoze cyane. Agira ati “Jyewe ndacyagerageza nta kibazo mfite”.

Seburikoko ni umwe mu bakinnyi ba filimi uhemba bagenzi be bakinana mu mikino nka Papa Sava n’indi. Hari abo duherutse kuvugana na bo muri aba bakinnyi batubwira ko ubukene bumeze nabi kuko imirimo yabo yahagaze, gusa uyu muhanzi yatubwiye ko mu bo ashinzwe guhemba barimo Ndimbati, Digidigi n’abandi bavugana kenshi, ku buryo iyo hari ugize ikibazo muri iyi minsi amufasha kugikemura kuko abizi ko akazi kabo kahagaze.

Ati”Abo dukinana mpemba dufite imbuga duhuriraho kandi tuvugana kenshi, ntawufite ikibazo kidasanzwe, ariko n’iyo hari ukigize turavugana tugashaka igisubizo”.

Gahunda yo kuguma mu rugo yabaye isomo rikomeye ku Banyarwanda benshi cyane cyane ku bijyanye no kuzigama no gukorera akazi mu rugo, hamwe no gukoresha ikoranabuhanga kurusha uko ryakoreshwaga mbere.

Ibi ntibitandukanye cyane n’ibyo Gratien Niyitegeka avuga yigiye muri ibi bihe, kuko ibintu bitatu by’ingenzi iyi gahunda izamusigira ari ukugerageza kuzigama amafaranga yamufasha mu bihe bikomeye, guhorana ibihangano byinshi byaba ibyanditse cyangwa ibitunganyije ashobora kubika akazabisohora mu gihe runaka, ndetse ngo byamwigishije kwihatira gukoresha ikoranabuhanga kurusha uko yarikoreshaga mbere, akanabishishikariza abahanzi bagenzi be.

Niyitegeka Gratien uzwi nka Seburikoko cyangwa Papa Sava, ni umuhanzi w’ibihangano binyuranye, kuko yamenyekanye bwa mbere ubwo yagaragaraga muri filimi yitwaga Zirara zishya, aho yakinagamo ari Sekaganda, nyuma agenda ajya mu zindi filimi nyarwanda zitandukanye, ariko iyongeye kumwamamaza cyane ni Seburikoko itambuka no kuri Televiziyo Rwanda.

Ni umukinnyi w’ikinamico mu itorero Indamutsa akaba n’umwanditsi wayo, akanakora amasoko menshi yo kwamamariza ibigo bitandukanye by’ubucurizi. Mbere y’uko yirundururira mu mwuga w’ubuhanzi, akaba yarigishaga mu mashuri yisumbuye amasomo ya siyansi.

Iyo uvuganye na benshi mu basanzwe bazwiho gutunganya Filimi nyarwanda, bavuga ko muri iyi minsi batari gutunganya filimi nk’ibisanzwe kuko nabo bari mu Rugo mu rwego rwo gukurikiza amabwiriza yo kwirinda ikwirakwizwa rya Covid-19, gusa ngo barimo barandika kuburyo Filimi zo mu mpaparo bazigeze kure.

Zacu TV nirwo rubuga runini mu Rwanda rugurishirizwaho Filimi z’abanyarwanda runasurwa na benshi bakunda ibihangano byo mu Rwanda.

Muri iki gihe cyo Kuguma mu rugo, uru rubuga ngo rwarasuwe cyane bigaragarira abaruyobora ko abanyarwanda bashakaga kureba Filimi nyamara abantu barusuragaho basangagaho filimi za cyera bigatuma badatinda kuri uru rubuga.

Misago Wilson Nelly uyobora uru rubuga yagize ati “Umubare w’abantu bareba warazamutse cyane kuburyo bugaragara, ariko barazaga bakaburaho Filimi nshyashya bagahita bavaho, kuburyo usanga mu rubuga amasaha bamaragaho ari macye cyane.”

Ubwo gahunda yo kuguma mu rugo yatangiraga, Ubuyobozi bw’uru rubuga hamwe na Afrifame, batanze amatangazo amenyesha abakunzi ba cinema nyarwanda ko Filimi z’uruhererekane bajyaga bareba zizaba zihagaze, kuburyo na televiziyo zahise zihagarika amakontaro yabo kuko batabonye umwanya wo gukora ibice bishyashya.

Gutambutsa izi Filimi byahagaze mu gihe abantu aribwo bakeneye kuzireba bituma abareba izi filimi bunubira kutazibona.

Kuri iki kibazo, Nelly avuga nabyo byabahaye isomo rikomeye ku buryo ubu yamaze kwiga uburyo bwo kujya agura filimi nshyashya nyinshi akazibika, kuburyo ngo ubu amaze kwandika filimi abantu bashobora kureba amezi 3 igihe haba indi mpamvu ituma gutunganya Filmi bihagarara.
Uretse ibi, anavuga ko babanje guhura n’imbogamizi kuko aho bagura Filimi hadahagije kuko izikorwa mu Rwanda ziba ari nkeya cyane.

Ikibazo cyo kuba ari nkeya, cyatumye nko kuri Zacu TV basubizaho filimi ya SAKABAKA, yakinwemo na Nyakwigendera Denis Nsanzamahoro.

Akemera ko ari ikosa rikomeye bakoze ryo kudashaka za filimi hirya no hino cyangwa ngo batange amafaranga hakinwe filimi nshyashya zo kubika, ariko ngo ibi byababereye isomo rikomeye kuburyo Gahunda ya Guma mu rugo ikirangira bazahita bakora filimi nyinshi.

Nelly Misago twanamubajije imibereho ye nk’umuntu uri mu rugo, ndetse n’uko abandi bakorana filimi bamerewe muri iyi minsi, avuga ko bitaboroheye kulo hari abakinnyi usanga bahembwa amafaranga macye, ubu bakaba bafite ibibazo by’ubuzima.

Ibi ngo byatewe n’uko abafatanyabikorwa bashyiraha amafaranga muri Filimi bahagaze gahunda ya Guma mu rugo igitangira, abatunganya filimi nabo bagahita bahagarika amasezerano y’abakinnyi, ubu abakinnyi bamwe bakaba bamerewe nabi kuburyo bamwe bagowe n’imibereho.

Nelly yanavuze ko abanyarwanda bakwiye kwiga uburyo bwo gutunganya Filimi zikorerwa amashusho abantu batagiye hanze izizwi nka “Animation” kugirango igihe hari impamvu ituma abantu badahura kubona filimi nshyashya ntibihagarare.

Gusa izi filimi nazo ngo zisaba ubushobozi bwihariye bw’amamashini ahenze cyane na porogaramu za mudasobwa zigura akayabo.

Mu kwezi kwa Mata 2020 nibwo Bushayija yashyize indirimbo hanze yise “Nzaririmba” yakozwe na Jay P iza ikurikira izindi ndirimbo yasohoye mu minsi yabanje, harimo na Elina yazibanjirije zose akaza no kuyisubiramo.

Ni indirimbo Bushayija yanditse hagati ya 1986 – 1989 ubwo yari umwalimu mu ishuri ry’ubugeni ryo ku Nyundo.

Bushayija avuga ko muri iki gihe gusohora indirimbo bitari byoroshye kuko uretse guhenda mu mafaranga, no kubona aho zikorerwa bitari byoroshye kuko byasabaga gutonda umurongo kuri Radio Rwanda cyangwa ku yindi Studio imwe yari iri mu Mujyi wa Kigali. Uyu muhanzi yavugaga ko nagera i Kigali wenda ibintu bizagenda neza, ariko ngo ubwo yahageraga mu 1998, akazi ko gukora ibikorwa by’ubugeni ntikamworoheye ku buryo bitari kumushobokera gukora indirimbo.

Agira ati “Naraje ntangira gushaka ubuzima, nsanga ibyo gukora umuziki ntibyanyorohera kuko narimo nkora akazi k’ubugeni bwo gushushanya”

Kuri Bushayija, ngo iki ni cyo gihe cyiza cyo gushyira hanze izi ndirimbo zose ku buryo azazikoramo n’umuzingo (Album).

Umunyamakuru wa Kigali Today yabajije Bushayija niba azamurika uyu muzingo, abisobanura muri aya magambo, ati “Ndateganya kuwushyira hanze, ariko sindamenya igihe nzawumurikira numva icya mbere ari ukubanza gushyira hanze izi ndirimbo.”

Ku ndirimbo “Nzaririmba” Bushayija avuga ko ari umwihariko w’ubutumwa yageneye abantu bataye icyizere abizeza ko ubuzima bugomba gukomeza.

Indirimbo y’umwihariko muri izi ndirimbo yanditse hambere, ni “Elina” yasohoye aririmbamo umukobwa yakunze bagatandukana akaza kumubura burundu. Iyi ni inkuru y’urukundo rwa nyarwo yabaye kuri Bushayija inamutera igikomere cy’urukundo ari na yo mpamvu yayishyize hanze mbere y’izindi zose.

Mu ndirimbo azashyira hanze harimo iyo yahisemo kuririmba mu buryo bw’ibihozo azaririmbira abakobwa be (Umuhoza na Umutesi) anabavuga mu mazina nk’uko umubyeyi yaririmbira abana be ibihozo. Akavuga ko iyi ndirimbo izaba irimo kwereka abana be urukundo kuko yabashije kubarera neza no mu gihe bari bamaze gupfusha nyina bakiri bato.

Bushayija Pascal yanakomoje ku bijyanye n’umuziki w’ubu, kuko byumvikana ko harimo itandukaniro ugereranyije n’uko byari bimeze mu myaka ya 1980.

Uyu muhanzi yavuze ko byabanje kumugora cyane kuko yari amenyereye ama Studio yakoraga umuziki mu buryo bw’imbonankubone kandi hakaba hari ibikoresho byose bikenewe mu gutunganya indirimbo.

Nyamara ngo muri iyi minsi, yatunguwe no kujya muri Studio akajya asanga ibintu byinshi birakorwa na mudasobwa, ibi rero bikaba bituma hari ikintu cyangirika ku mwimerere w’indirimbo.

Mu buhamya bwe, ati “Nagiye muri Studio ebyiri zitandukanye ariko najya gukora indirimbo nkumva indirimbo bampaye ntabwo ari ya yindi najyanyeyo. Naje kugira amahirwe mpura na Jay P, nsanga we afite ukuntu avanga iby’ubu n’ibya kera kandi agashyiramo ibyuma byose ushaka gushyira mu muziki, ni we twabashije guhuza kugeza ubu.”

Abakurikira indirimbo za Bushayija, ngo bamusaba kenshi gukora amashusho kuko na yo yongera ubushobozi bw’indirimbo.

Kuri iyi ngingo, Bushayija avuga ko bigoye kuba yakora amashusho, ariko ngo agomba kubikora kuko yubaha ibyifuzo by’abamusaba amashusho, ngo na yo agomba kuyakora.

Bushayija kandi yemereye Kigali Today ko arimo ategura ubukwe n’ubwo atasobanuye igihe ubu bukwe buzabera ntanavuge byinshi ku mugeni we.

Uyu muhanzi yagize ibyago mu mwaka wa 2001 apfusha uwo bashakanye, asigarana n’abana babiri b’abakobwa babyaranye.

Muri iyi myaka 19 ishize, ntabwo Bushayija yigeze atekereza kongera gushyingirwa kuko abana bari batarakura. Ati “Nabanje gutegereza ko abana bagira aho bagera, none ubu barangije kaminuza ubu bameze neza na byo ndabishimira Imana.”

Umunyamakuru wa Kigali Today yongeye kubaza Bushayija ku bijyanye n’umugeni we, cyane ko amaze gukura, Bushayija asobanura ko uwo bazashakana benda kunganya imyaka kuko asanga ashyingiranwe n’umuntu muto cyane batabasha kumvikana kuko ngo yajya amugereranya n’abakobwa be.

Agira ati “Urabibona nawe uko ngana sinashyingiranwa n’umwana w’imyaka 25 kuko ntabwo twakwiyumvanamo 100% nzashaka umuntu uri mu kigero cyanjye wenda n’ubwo twaba tutanganya imyaka neza ariko hatarimo itandukaniro rinini.”

Bushayija Pascal ni umwe mu bahanzi bamaze igihe bazwi mu Rwanda ariko badakunda gushyira hanze indirimbo nyinshi, kuko akunda gukora ubugeni bwo gusiga amarangi no gukora za tabulo (Tableau).

Muri iki kiganiro kirekire yagiranye na Kigali Today, Bushayija yarushijeho gusaba Abanyarwanda kubahiriza gahunda yo kuguma mu rugo kugira ngo birinde Covid-19, anasaba Abanyarwanda kujya bamuha ibitekerezo n’inyunganizi ku ndirimbo akora kugira ngo arusheho kunoza ibyo yiyemeje.

Umuhanze The Ben ahamya ko Tom Close ari we wamufashije kugera aho ageze ubu

The Ben abajijwe kuri Tom Close, yavuze ko bamenyanye akiga mu mashuri yisumbuye, naho Tom we ari bwo akigera muri kaminuza.

Iki gihe Tom yari umuhanzi utangiye kumenyekana, naho The Ben we ni bwo yari agitangira kuririmba ku giti cye ndetse yari ataranasohora indirimbo, icyakora yafashaga Tom mu majwi mu ndirimbo nyinshi.

Avuga ku mubano we na Tom Close, The Ben yagize ati “Ni amateka ashishikaje cyane, twabaye abavandimwe turanabivuga mu bantu ko turi abavandimwe, natwe turabyumva ko turi abavandimwe.

Tom ni we muntu navuga ko yamfashe akambwira ngo nze anyereke inzira, ku buryo ibyo nkora byose mbikesha Tom. Yego nanone mbikesha Imana, ariko Tom ni we Imana yakoresheje kugirango mbe ndi ahangaha”.

Tom Close na we wakurikiye iki kiganiro, yanditse kuri Instagram ubutumwa bushimagiza The Ben, amubwira ko ari inshuti idasanzwe, agaragaza ko aciye bugufi ku bw’iki cyubahiro Then Ben amuhaye, ndetse avuga ko nubwo hakiri urugendo rurerure rwo kugenda, ariko aho banyuranye Imana yabanye na bo bakaryoherwa n’ibyo banyuragamo.

Asoza agira ati “Uri umuntu utangaje Imana iguhe umugisha”.

Tom Clos ni we wafashije The Ben kugera aho ageze mu muziki

Mu mwaka wa 2007, ni bwo Tom Close yatangiye gukorana na The Ben ari na bwo bamenyanye, ndetse mu myaka ya 2008 na 2009, The Ben yakundaga kuza gufasha Tom Close kuririmba mu bitaramo byabaga byateguwe muri Kaminuza y’u Rwanda i Butare, ku buryo itangazamakuru ryajyaga rivuga ko Tom Close ari mubyara wa The Ben.

Aline Gahongayire

Byavugiwe mu kiganiro cy’imbonankubone umunyamakuru Mike Karangwa yatumiragamo abantu batandukanye kuri Instagram bakaganira ku buhanzi bwo mu Rwanda na Business maze abantu bagatanga ibitekerezo by’uko babona ubuhanzi bukwiye kujyanishwa n’ubucuruzi.

Muri iki kiganiro na Aline Gahongayire yari akurikiye, Mike Karangwa yabajije abantu uko babona uyu muhanzikazi akwiye guhuzwa n’ibikorwa by’ubucuruzi, maze abantu bavuga ko byaba ari byiza isura ye n’izina bye bishyizwe ku mavuta cyangwa isabune, bikagura igiciro kidahanitse cyane, iki gihe ngo byahita bigurwa bidasanzwe kandi na Aline na we akabyungukiramo.

Abari bakurikiye iki kiganiro, batanze ingero z’ukuntu hari ubwoko bw’ifarini isigaye yamamazwa na Bruce Melody ubu ikaba igurwa cyane kubera gusa iri zina, cyangwa imifariso yamamazwa na Jay Polly na Shaddyboo ubu ikaba isigaye igurwa cyane kubera abayamamaza.

Abatangaga ibitekerezo, bemeje ko nta kabuza haramutse hari amavuta cyangwa isabune bigiyeho ifoto n’amazina bya Aline Gahongayire (Alga) ngo abantu babigura ku bwinshi cyane ko afite abamufana batari bake.

Muri iki kiganiro, bavuzemo ko ubutaha bazatumira Aline Gahongayire akagira icyo avuga ku bijyanye n’uko na we abona isura ye n’ibihangano bye byakoreshwa mu kubyara amafaranga.

Kanye West ubu atunze miliyari y’amadolari ya Amerika

Imibare mishya itangazwa n’ikinyamakuru Forbes cyandika ku mitungo y’abantu n’uduhigo mu mafaranga, igaragaza ko umuhanzi Kanye West yujuje miliyari y’amadolari ya Amerika ayavanye mu kugurisha umuziki we hamwe n’amasezerano yagiranye n’uruganda rwa Adidas mu kigo yise ‘Yeezy Sneakers Empire’, agurishirizamo imideri cyane cyane inkweto zigezweho.

Mu ntangiriro z’umwaka wa 2019, Kanye yigeze kubazwa n’umunyamakuru ingano y’amafaranga afite, yanga kuyamubwira ariko avuga ko hari umubare runaka w’amafaranga yifuza gutunga kandi ko nawugira azahita awuvuga.

Icyo gihe yagize ati “Sinitaye ku by’imibare, imibare singombwa. Icyo nshaka ni ukuzuzuza miliyari y’amadolari kandi ninyuzuza nzababwira”.

Kanye West usanzwe anamurika imideri, mu mpeshyi ya 2016 ni bwo yasinye amasezerano yo gucuruza inkweto za Adidas, iki gihe akaba ari bwo yatangiye kuzamuka mu mafaranga ku buryo mu mpeshyi y’umwaka wa 2019, yari amaze kugwiza miliyoni 890.

Iki gihe umugore we Kim Kardashian yakomoje kuri aya mafaranga menshi barimo babona, aho yahishuye ko mu minsi mike bazaba bitwa “Billionaire” bivuga ko bari kuba bujuje miliyari y’amadolari.

Mu gihe kitageze ku mwaka, Kanye West abashije kwinjiza miliyoni 110 z’amadolari, ahita yuzuza miliyari ifunze, akaba yinjiye mu ruhando rw’abandi bahanzi bake bujuje aya mafaranga barimo mugenzi we Jay Z, Paul McCartney waririmbye mu itsinda rya The Beatles, hamwe na Andrew Lloyd Webber bose bamaze kuzuza aya mafaranga.

Ubwo umunyamakuru wa Kigali Today yavuganaga na Safi Madiba ari mu gihugu cya Canada, yabanje kumubaza uko amerewe muri iki gihe cyo kuguma mu rugo maze agira ati “Nabuze aho nyura ngo nigarukire mu Rwanda.”

Byatumye umunyamakuru amubaza niba ateganya kugaruka mu Rwanda cyane ko hari amakuru yari yavuzwe ko agiye gutura muri Canada hamwe n’umugore we atazagaruka mu Rwanda vuba, yanga kwerura ngo avuge ku iby’aya makuru agira ati “Ndi muri Canada tu!”

Safi yagiye muri Canada agiye gusura umugore we Judith, akaba yari anafite ibitaramo muri iki gihugu hamwe no muri Amerika muri uku kwezi kwa Gatanu ariko byose byasubitswe kubera Icyorezo cya COVID-19.

Umunyamakuru yamubajije impamvu abisubitse akererewe, Safi asubiza ko yakekaga ko mu kwezi kwa Gatanu icyorezo kizaba cyaragabanutse wenda ibitaramo bikongera bigasubukurwa, ariko ngo arabona nta cyizere.

Ku rukuta rwe rwa Instagram, Safi yashyizeho ifoto igaragaza ko ibitaramo bitanu byose bisubitswe, maze yandika munsi y’ifoto ati “Icyorezo kirakomeye ni ukwihangana tukaba tugumye mu rugo.”

Ibitaramo Safi asubitse, ni byo bya mbere yari agiye gukorera hanze y’u Rwanda kuva yatandukana n’itsinda rya Urban Boys bamaranye imyaka hafi 10 mbere y’uko batandukana muri 2017.

Patient Bizimana wenda gushyingiranwa na Uwera

Patient Bizimana na Uwera bakundanye mu buryo bw’ibanga kugeza ubwo Kigali Today yigeze kuvugana na Patient imubaza niba ari mu rukundo agasubiza ati “Imana iracyanshakira umugeni”.

Iki gisubizo Patient yagitanze mu ntangiriro za 2019, nyamara amakuru avuga ko iki gihe imyiteguro y’ubukwe yari igeze kure hamwe na Uwera.

Mu ibanga rikomeye cyane, amakuru atugeraho avuga ko umuryango wa Patient Bizimana wamaze kumusabira irembo mu muryango wa Uwera, bikaba byarabaye mu mpera z’umwaka wa 2019, ndetse mu kwezi kwa Kamena k’uwo mwaka Patient yasezeranye na Uwera mu mategeko nk’umugabo n’umugore.

Umukobwa witegura kurushinga n’umuramyi Patient Bizimana

Nubwo bitazwi neza igihe uyu muryango kugeza ubu wemewe n’amategeko uzashyingirirwa imbere y’Imana, hari amakuru avuga ko ubukwe bwabo bwari buteganyijwe muri Kamena 2020, ariko imihango yo gushyingiranwa kwabo ikaba yarimuwe bitewe n’icyorezo cya Covid 19, bakaba bashobora kwimurira ubu bukwe mu mpera z’uyu mwaka.

Kugeza ubu, Patient Bizimana nta kintu arashaka kuvuga kuri aya makuru yerekeye ubukwe bwe.

Kibonke Clapton yabonye umwanya wo kwandika filime ’Umuturanyi’ (Photo:Internet)

Mu kiganiro kirekire twagiranye kuri telephone, Kibonke yavuze yabonye Leta isabye abantu ko baguma mu rugo, yibaza icyo agiye kuhakora biramuyobera, ariko nk’umuhanzi, ahita akoresha umwanya we wose mu kwandika, ku buryo ubu yarangije kwandika filimi y’uruhererekane azahita atangira gutunganya igihe icyorezo cya Covid-19 kizaba kirangiye.

Umuturanyi, filimi yanditswe na Kibonke, ni filimi izaba igizwe n’uduce twinshi turimo urukundo ruvanze n’urwenya, ikazanagaragaramo abakinnyi bashyashya gusa uretse we abandi bose bazaba ari ubwa mbere bagaragaye bakina filimi.

Tumubajije niba ibi atari imbogamizi kuzana abantu bashyashya badafite ubunararibonye, yagize ati “Jyewe nkunda kuzana abantu bashya kugira ngo na bo bamenyekane kuko nanjye ni ko naje, kandi abo na bo nimbazana bazahita bamenyekana”.

Uretse urubuga rwe rwa Youtube ruzanyuzwaho iyi filimi, nta handi hantu Kibonke yavuze izanyuzwa, gusa ngo afite abaterankunga barimo bashaka n’ahandi iyi filimi yanyuzwa ikagera ku bantu benshi.

Tumubajije uko ubuzima bwe n’umuryango we bumeze nk’umuhanzi uri mu rugo utarimo akorera amafaranga, Kibonke yavuze ko aho iminsi igereye yari akibasha kubona ibyo kurya n’ibyo kunywa, ndetse avuga ko n’iminsi bongeyeho ashobora kuyigerageza akayinyuramo nta kibazo ahuye na cyo, ariko ngo iminsi yongeye kwicuma bishobora gutangira kumugora.

Agira ati “ Kwihangana birimo birananirana, ariko tugize Imana akazi kakongera gusubukurwa nyuma y’iyi minsi yashyizweho naba nkigerageza, ariko birenze byatangira kunkomerana”.

Kobonke avuga ko isomo rikomeye yigiye muri iyi gahunda ya #GumaMuRugo, ari ukuzigama kuko ngo abahanzi batajyaga bagira uyu muco cyane, ku buryo harimo n’abo azi bahembwa amafaranga yabo bakarara bayanywereye.

Yongeyeho ko abakinnyi ba filimi badahembwa kimwe ntibanakoreshe amafaranga yabo kimwe, ku buryo ngo hari bagenzi be azi neza ko bamerewe nabi kuko batari bafite ubushobozi bwo kwihanganira iyi minsi yose.

Mugisha Emmanuel uzwi nka Claptoni Kibonke, ni umukinnyi wa filimi wamenyekanye cyane muri Seburikoko, aza no kwamamara cyane kubera umwuga wo gusetsa cyane cyane igihe yari muri Day Makers. Kimwe n’abandi Banyarwanda, ubu ari mu rugo hamwe n’umugore n’umwana we.

Ubwo abanyamakuru bamusangaga muri Studio ya Kina Music iri mu rugo rwa Ishimwe Clement mu Bugesera, Platini yavuze ko nubwo ahari ataje muri gahunda yo gukora indirimbo cyangwa gupanga ibijyanye n’akazi, ahubwo we ngo aba ari gufasha abandi iby’akazi ka Studio.

Mu kiganiro yagiranye n’abanyamakuru ba Kigali Today, Platini yaragize ati “Jyewe imiziki naradepye mfite myinshi cyane. Sindimo nshaka gukora izindi muri iyi minsi ahubwo ubu nabonye akanya ko kuruhuka no kureba za filimi ntari nararebye”.

Platini avuga ko mbere y’uko gahunda yo kuguma mu rugo itangira, ngo yari ahugiye muri gahunda nyinshi z’akazi, bigatuma atabona akanya ko kuruhuka ku buryo kuri we ngo gahunda yo kuguma mu rugo yamukuye ahakomeye.

Nemeye Platini, ariko arakora umuziki ku giti cye nyuma y’uko mugenzi we TMC baririmbanaga muri Dream Boys amusize mu Rwanda akigira gutura muri Amerika, ubu Platini akaba yaratangiye inzira yo kwikorera umuziki anabivanga n’ubucuruzi atarashaka gushyira hanze kugeza ubu.

Edouce avuga ko muri gahunda ya GumaMuRugo ari gukora cyane

Gahunda ya #GumaMuRugo yagoye benshi barimo n’abahanzi, nyamara Edouce Softman mu rwego rwo kwirwanaho ngo atagira irungu akarambirwa vuba, yahisemo gukora cyane akazi ke k’ubuhanzi muri ibi bihe, agafata umwanya munini yandika indirimbo, anazikora muri Studio nk’uko yabitubwiye.

Ati “Ni ibihe bigoye kuri buri wese nannjye ndimo, ariko jyewe kuko ndi umuhanzi, ubuhanzi mbukorera mu rugo nkiha amabwiriza yo gukora cyane ku buryo njya kuryama naniwe nakanguka ku munsi ukurikiyeho ngasubira mu kazi k’umuziki”.

Edouce yavuze ko indirimbo “Mpisemo” ari umusaruro w’ibi bihe byo kuguma mu rugo, kuko yayikoze ashaka gushimisha abantu bari mu rukundo muri ibi bihe.

Iyi ndirimbo Edouce asohoye muri ibi bihe byo kuguma mu rugo, yumvikanamo amagambo y’urukundo ikaba no mu njyana asanzwe amenyereweho ya RnB, akavuga ko ashaka kugaruka muri iyi njyana kuko na yo yasanze ifite abakunzi benshi kandi ngo ni yo yatumye amenyekana.

Mu minsi yashize yigeze kuva muri iyi njyana ayoboka injyana zibyinitse zirimo n’iyo yashyize hanze umwaka ushize yitwa “Ntafatika”, ariko nyuma yayo yongeye kugaruka muri iyi njyana yitonze ishimisha abakundana, kuko na mbere umwaka wa 2020 ugitangira yari yashyize hanze “Ni wowe” ikundwa n’abatari bake.

Ni indirimbo bise ‘AFRICA’ yari imaze igihe yaranditswe na Ben Adolphe ndetse atangira kuyikorera amajwi ariko ntiyayisoza ahita ayireka, ariko ayihagarika yarayumvishije mugenzi we Shizzo usanzwe ukorana bya hafi n’inzu ya The Mane.

Mu gihe muri Amerika gahunda yo kuguma mu rugo yari imaze gukazwa, nibwo Shizzo yibutse ko hari indirimbo yari yarumvanye Adolphe itarangiye, amusaba ko bayisubiranamo, bahuza amajwi bikozwe na Noxy Beat na we ukorana na The Mane indirimbo irarangira, ubuyobozi bwa The Mane buhitamo kuyishyira hanze.

Baad Rama uyobora The Mane yavuganye na Kigali Today iyi ndirimbo igisohoka, asobanura ko iki ari kimwe mu bikorwa byinshi bakoze muri iki gihe cyo kuguma mu rugo, anavuga ko hari ibindi bikorwa bitandukanye bagiye bakora bizagenda bijya hanze birimo n’indirimbo za Queen Cha na Marina hamwe na Shizzo wisunze iyi nzu vuba.

Ben Adolphe wanditse iyi ndirimbo, asanzwe ari umwanditsi n’umuririmbi wabyigiye mu ishuri ryo ku Nyundo, akaba yari asanzwe afashwa na Shizzo binyuze mu nzu ye yise Bugoyi, ariko ubu ibikorwa bya Shizzo bisa n’ibyihuje cyane na The Mane ari na yo mpamvu Shizzo yisanze arimo akorana na The Mane ku nshuro ye ya mbere.

Ku ruhande rwe, Adolphe yabwiye Kigali Today ko iby’imikoranire na The Mane batarabiganiraho, icyo barimo bakora muri iyi minsi gusa ubu ngo ni ukwita kuri iyi ndirimbo ngo barebe ko yagera kure.

Kanda munsi hagati wumve indirimbo ‘AFRICA’ ya Shizzo na Ben Adolphe

Eddy Kenzo

Edrissah Musuuza ukoresha amazina ya Eddy Kenzo mu muziki wa Uganda, amaze iminsi ari muri Côte d’Ivoire aho yagiye agiye mu kazi ko kuririmba, ariko yarahageze arangije akazi ke, igihugu cye gitangaza ko ingendo zose zihagaritswe kubera gahunda yo gukumira icyorezo cya COVID-19, ndetse ubu na Côte d’Ivoire arimo nta muntu ushobora gusohoka mu nzu.

Mu ntangiriro z’ukwezi kwa Mata, byabanje gutangazwa n’ikinyamakuru Chimpreports ko Eddy Kenzo atamerewe neza aho ari muri Hotel kuko amafaranga yamushizeho.

Icyo gihe yabwiye umunyamakuru wa Uganda ko amahirwe yagize ari uko yaje kubona umukobwa umwe w’umugandekazi ushobora kumutekera, ariko ubundi atamerewe neza.

Ku itariki 14 Mata 2020, Leta ya Uganda yongeye iminsi 21 ku gihe cyari gisanzwe cyo kuguma mu rugo, bikavuga ko iki gihe kizarangira hagati muri Gicurasi.

Ubwo iki gihe cyari kikimara kongerwa, Eddy Kenzo ukiri muri Côte d’Ivoire yahise yandika kuri Twitter ye ati “Nabonye Perezida yongeraho iminsi 21 kandi jyewe ndenda gupfa bavandimwe. Ni nde wanyoherereza amafaranga kuri Western Union? Ndamuha imodoka yanjye, naho ubundi merewe nabi.”

Yongeraho ko aho muri Côte d’Ivoire bageze ku barwayi 700.

Umuhanzi Eddy Kenzo yabwiye itangazamakuru rya Uganda ko icyamugoye cyane mu buzima bwo kwibana muri Côte d’Ivoire ari ukwitekera, ibi na byo bikaba byaramuhenze cyane kuko byabanje kumusaba kujya agura ibiryo.

Yagize ati “Nagize ibyago byo gukurira mu buzima bwo mu muhanda ku buryo ntazi ibyo guteka.”

Ubwo yavuganaga n’ibinyamakuru bya Uganda mu cyumweru gishize, yavuze ko yari asigaranye udufaranga duke cyane ku buryo tugiye kumushirana.

Tom Close azataramira abakunzi be yibereye iwe (Photo:Internet)

Mu butumwa yanyujije ku rukuta rwe rwa Instagram, Tom Close yabajije abantu niba biteguye gutaramirwa, maze agira ati “Mu rwego rwo kuguma mu rugo nta rungu, twabateguriye igitaramo kizamara isaha imwe kuri Youtube channel no kuri Instagram”.

Iki gitaramo, Tom Close azagikora ari mu rugo iwe ku buryo aho azashobora kuvuganira n’abazakitabira, ari mu butumwa buzoherezwa ku rukuta rwa Instagram no kuri YouTube gusa.

Tom Close ni umuhanzi wa gatatu mu Rwanda ugiye gushimisha abakunzi be yibereye mu rugo iwe na bo bari mu ngo zabo, nyuma y’igitaramo cyakozwe na Adrien na Gentil Misigaro, ndetse n’igiheruka gukorwa na Bruce Melodie.

Ubu bukaba ari bumwe ku buryo bushoboka bwo gufasha abantu gususuruka muri iki gihe isi yose irimo inyura mu bihe bigoye by’icyorezo cya Covid-19, aho abantu bose bari mu ngo zabo mu rwego rwo kwirinda iki cyorezo.

Nyiranyamibwa Suzanne yahanze indirimbo zitandukanye zo Kwibuka harimo izo yahereye ku rupfu rwa nyina wavuye i Burayi yagera mu Rwanda agahita yicwa (Ifoto: Internet)

Nyiranyamibwa Suzanne ni umuhanzi ufite indirimbo zirenga 50 zikorewe nibura amajwi muri Studio, n’izindi nyinshi avuga ko yanditse ariko atarashyira hanze amajwi yazo, ni ukuvuga ko zajya kuri Album nibura 6 ariko izirenze 10 muri izo, ni izo yahariye Kwibuka Jenoside yakorewe Abatutsi.

Kuririmba kuri Jenoside yakorewe Abatutsi, ni ibintu avuga ko atazi uko byaje kuko yisanze arimo aririmba indirimbo irimo agahinda ubwo yari agikandagira mu Rwanda avuye mu Bubiligi agasanga Ingabo z’inkotanyi zamaze guhagarika Jenoside, ariko imirambo y’Abatutsi igaragara ahantu hose muri Kigali aho yabashaka kuzenguruka.

Mu zo yaririmbye, harimo iyo yise “Ese Mbaze Nde”.

Inkuru y’iyi ndirimbo ni imwe mu zishingiyeho inkuru y’ubuzima bw’umuryango wa Nyiranyamibwa by’umwihariko iyi ndirimbo ngo akaba yarayituye nyina wishwe muri Jenoside.

Aganira n’umunyamakuru wa Kigali Today, yagize ati “Sinavuga ko ari ubuhanzi nakoze, n’ubwo muyikunda ariko rwose si ubuhanzi, buriya ni ubuzima nabayemo.”

Ni indirimbo Nyiranyamibwa yakoze mu 1995, ayikorana n’izindi nyinshi zirimo n’imivugo.

Nyiranyamibwa avuga ko Se yishwe mu 1959 akavuga ko icyo azi ari uko bamwiciye ku Rusumo, ariko ntabwo yabasha kumenya neza aho bamwiciye. Ngo babajyananye n’abandi bagabo b’Abatutsi, guhera ubwo nyina aba umupfakazi afite imyaka 40, nyiranyamibwa n’abavandimwe be ngo bari bakiri bato nyina abarera mu buryo bugoye.

Umubyeyi we yanyuze mu buzima bwa Parmehutu, n’ubutegetsi bwakandamizaga Abatutsi, inkubiri y’amashyaka, n’ibindi kugera yishwe muri Jenoside yakorewe Abatutsi. Nyiranyamibwa asanga Nyina yarishwe afite ubunararibonye bukomeye ku miyoborere mibi yaranze u Rwanda.

Mu 1973 ubwo itoteza ry’abo mu bwoko bw’Abatutsi ryari rikomeje, Nyiranyamibwa wari waramaze gushinga urugo yahungiye muri Zaire yinginga nyina ngo bahungane ariko arabyanga avuga ko azaguma mu Rwanda, ngo asigarana n’abandi bana bashatse ko bagumana.

Nyiranyamibwa yaje kuva muri Zaire ahungira mu Bubiligi, akomerezayo umwuga w’ubuganga aho yashoboraga noneho kubona n’amafaranga yo koherereza umuryango we.

Mu mpera za 1993, Nyiranyamibwa yashakiye nyina ibyangombwa ajya kwivuza mu Bubiligi, ariko amaze gukira ngo bamusabye kuba agumye mu Bubiligi ngo barebe uko ibintu bigenda kuko babonaga inkubiri y’amashyaka imeze nabi kandi babona ko imishyikirano ya Arusha igenda izamo amananiza ku ruhande rwa Leta ya Habyarimana.

Umukecuru (nyina wa Nyiranyamibwa) ngo yaramusubije ati “Reka ngende njye kureba bene nyoko batazabamarira ku icumu, ntiwabona aho unkwiza muri iyi mihanda yanyu.”

Uyu mukeuru ngo yahise amusaba ko amutegera indege akaza mu Rwanda, ariko akigera mu Rwanda Interahamwe zihita zimwica kuko yahageze Jenoside igahita itangira.

Nyiranyamibwa rero, umwe mu batangije umuryango IBUKA, ngo igihe batangizaga uyu muryango baramubwiye ngo we n’abandi bahanzi nibashake indirimbo, ariko Nyiranyamibwa ngo ahita ababwira ko indirimbo n’amagambo byose abifite aribwo avuga ati “MBAZE NDE”

Nyiranyamibwa avuga ko gukora iyi ndirimbo byamuvuye kuko asanga kugerageza kuvuga ibyamubayeho ngo byari nko gukora mu gisebe, ariko ngo nk’umuhanzi byaje kumufasha cyane.

Nyuma yaje guhimba izindi ndirimbo agendeye ku buzima bw’abandi bacitse ku icumu, ngo atangira guhimba ashaka kubahoza no kubahumuriza, ari nabwo yahimbaga “Mbahoze Nte” iyo yise “Nyumva Mana” n’izindi zitandukanye.

Umuzingo wa nyuma Nyiranyamibwa aheruka gushyira hanze, ni uwo yashyize hanze muri 2013, umuzingo yise “MAMA” ndetse indirimbo itangira uwo muzingo na yo yayise “Mama”.

Kuri we, ngo iyi ndirimbo ni ituro yatuye nyina kuko yahoraga yumva amufitiye ideni kandi akumva arishinja kuba atarakoze uko ashoboye ngo amubuze kugaruka mu Rwanda.

Nyiranyamibwa nk’umuhanzi, ngo yishimira kuba indirimbo ahimba zubaka benshi, zaba izo kwibuka, izo yahimbiye urugamba, yewe ngo n’iz’urukundo yakoze harimo nk’iyo yise “Telefone”. Ibi ngo biramushimisha, akanashimishwa nanone no kuba izi ndirimbo zibohora imitima ya benshi mu Banyarwanda.

Byari bimenyerewe ko Abanyarwanda bari mu mahanga bahurira hamwe kuri za Ambasade cyangwa ahandi hateguwe bagakora igikorwa cyo kwibuka, ariko kuri iyi nshuro ntabwo byashobotse ko abantu bahura, nyamara kwibuka ntabwo byahagaze.

Ambasaderi w’u Rwanda muri Leta zunze Ubumwe za Amerika, Amb. Mathilde Mukantabana, yashyize iyi foto kuri Twitter, avuga ko Kwibuka abazize Jenoside yakorewe Abatutsi ari kimwe mu byo u Rwanda ruha agaciro gakomeye

Nko muri Leta Zunze ubumwe za Amerika, Abanyarwanda bahuriye mu kiganiro bifashishije ikoranabuhanga babasha kuganira kuri Jenoside yakorewe Abatutsi, n’uburyo u Rwanda rwiyubatse nyuma y’ibi byago u Rwanda rwari rumaze kugira.

Binyuze muri Ambassade, ku murongo wa Internet habaye ikiganiro cy’iminota 45 cyatangiye saa saba z’igicamunsi.

Abanyarwanda bari mu Bushinwa, na bo bakurikiye ikiganiro ku buryo bw’ikoranabuhanga bagezwagaho na Ambasaderi w’u Rwanda muri icyo gihugu, Ambasaderi James Kimonyo.

Muri iki kiganiro, Ambasaderi James Kimonyo yasabye Umuryango Mpuzamahanga ko watanga umusanzu wawo ku kugeza mu nkiko abakoze ibyaha bya Jenoside bakidegembya mu bihugu by’amahanga.

Naho Abanyarwanda baba mu Bufaransa, bavuga ko n’ubwo byari bigoye cyane ariko babashije gushyira indabo ku nzibutso ziri mu Bufaransa zirimo ururi i Strasbourg.

Hatirengagijwe amabwiriza yo gukumira COVID-19, Umuyobozi wa Ibuka Prof. Dusingizemungu Jean Pierre, yavuze ko hari abantu babiri cyangwa batatu bagiye kuri buri rwibutso bashyira indabo kuri uru rwibutso banafata akanya ko kwibuka Abatutsi bishwe muri Jenoside mu 1994.

Umuryango w’Abanyarwanda uba mu Bubiligi na wo waributse hanakorwa ikiganiro gikomeza abacitse ku icumu bababwira ko u Rwanda rutazongera kugwirwa n’amahano nk’ayo.

Mu masaha ya mugitondo, Abanyarwanda bake bahagarariye umuryango mugari w’Abanyarwanda mu Bubiligi bagiye ku rwibutso bashyiraho indabo banunamira inzirakarengane zazize Jenoside.

Ambasaderi w’u Rwanda mu Bubiligi Amandin Rugira yakoresheje ikoranabuhanga atanga ikiganiro ku Banyarwanda n’inshuti z’u Rwanda, azikangurira kubaka u Rwanda no gukomeza abarokotse Jenoside.

Abanyarwanda baba muri Repubulika Iharanira Demokarasi ya Congo na bo baributse, ariko na byo bikorwa ku buryo bw’ikoranabuhanga. Ambasaderi Vincent Karega uhagarariye u Rwanda muri iki gihugu, yavuze ko Abanyarwanda bakwiye kurushaho kwiyemeza ko ibyabaye mu Rwanda bitakongera.

Mu bihugu bitandukanye byo ku isi birimo Abanyarwanda benshi, gahunda zo kwibuka zakorewe kuri murandasi abandi bahererekanya ubutumwa ku mbuga nkoranyambaga bakomezanya banafatanya kwibuka muri ibi bihe byo kwirinda COVID-19.

Umunyamabanga Mukuru wa Loni, Antonio Guterres yifatanyije n’Abanyarwanda Kwibuka ku nshuro ya 26

Umuryango w’Abibumbye, ni rwo rwego rukomeye kurusha izindi, rwafashe iya mbere mu kwifatanya n’Abanyarwanda kwibuka ku nshuro ya 26 Jenoside yakorewe Abatutsi.

Mu gitondo cyo ku itariki ya 7 Mata 2020, Umunyamabanga Mukuru w’uyu muryango, Antonio Guterres, yagaragaye mu mashusho agira ati “Uyu munsi turibuka Jenoside yakorewe Abatutsi mu Rwanda, igihe abarenga miliyoni y’Abatutsi bishwe mu minsi 100 gusa.

Abicwaga bari Abatutsi hamwe n’abandi batari bashyigikiye Jenoside. Uyu munsi, turunamira abishwe, tukanigira ku barokotse babashije kugira imbaraga zo kwiyunga no kugarura amahoro”.

Yakomeje agira ati “Ntidushobora kwemera ko ayo marorerwa yakongera. Tugomba kuvuga Oya ku mvugo zihembera urwango n’ubugizi bwa nabi. Tugomba kwanga itonesha iryo ari ryo ryose, tugashyira imbere gukunda igihugu no kukirinda.

Dukwiye kwibuka ko twese turi umuryango umwe w’abantu dusangiye umubumbe umwe, kandi bizadufasha kwivana mu byago byinshi duhura na byo uhereye kuri COVID-19 kugera ku ihindagurika ry’ikirere.

Uhereye kuri Jenocide, u Rwanda rwagaragaje ko rushobora kugira imbaraga zo gukira no kubaka umuryango ukomeye”.

Antonio Guterres kandi yavuze ko mu gihe isi iri gushyira imbaraga mu ntego z’iterambere rirambye, abatuye isi bakwiye gufatira isomo ku Rwanda.

Abayobozi ba Ethipia na bo bagaragaje ko bifatanije n’u Rwanda muri ibi bihe byo kwibuka ku nshuro ya 26 Jenoside yakorewe Abatutsi.

Dr. Abiy Ahmed, ari kumwe na Parezida Kagame

Minisitiri w’Intebe wa Ethipia, Dr. Abey Ahemed, yanditse kuri Twittwe agira ati “Nifatanyije n’abaturage b’Abanyarwanda ndetse n’umuvandimwe wannjye Paul Kagame mu gihe mwibuka ku nshuro ya 26 Jenoside.

Ni abaturage bavuye mu mwijima bagashyiraho ubumwe, izuka n’imbabazi. Iyo ni intwaro yadufasha twese kurenga ibibazo turimo uyu munsi”.

Madame Sahle-Work Zewde, Prezida wa mbere w’umugore uyoboye Ethiopia, yagize ati “Ibyabaye ku Rwanda ari yo Jenoside yakorewe Abatutsi mu myaka 26 ishize, byagaragaje ikibi abantu bashobora gukora.

Sahle-Work Zewde, Perezida wa Ethiopia

Ni amahirwe kuri twebwe nk’Abanyafurika ko twakwigira kuri icyo gihugu uyu munsi. Nta mwanya w’ingengabitekerezo muri Afurika twifuza”.

Louise Mushikiwabo uyobora Umuryango wa Francophonie, we yagize ati “Bagerageje kudutaba, ariko ntabwo bigeze bamenya ko twari imbuto.

Uyu munsi w’itariki 7 Mata, mureke twibuke Jenoside yakorewe Abatutsi mu Rwanda mu 1994”.

Ambasaderi Ron Adam

Ron Adam, ni Ambassaderi wa Israel mu Rwanda. Yagize ati “Ambasade ya Israel mu Rwanda, yifatanije n’Abanyarwanda kwibuka ku nshuro ya 26 Jenoside yakorewe Abatutsi mu 1994. Turasengera ubugingo bw’izo nzirakarengane no komora ibikomere by’abayirokotse. Ntibizongere”.

Israel, nacyo ni igihugu cyabayemo Jenoside yakorewe Abayahudi, aho abarenga milioni esheshatu bishwe mu gihe cy’intambara ya kabiri y’isi.

Umuryango w’Ubumwe bwa Afurika, washyize ubutumwa kuri Twitter, uvuga ko hamwe na nyakubahwa Mussa Faki Mahmat, Perezida wa Komisiyo y’uyu murynago, yifatanyije n’Abanyarwanda kwibuka Jenoside yakorewe Abatutsi, avuga ko umunsi w’itariki 7 Mata, ari umunsi wahariwe kwibuka Jenocide yakorewe Abatutsi.

Moussa Faki Mahmat, na we yashyize ubutumwa ku rukuta rwe bwite rwa Twitter agira ati “Mu gihe twibuka, mu bumwe no kwiyubaka, tugomba kongera imbaraga zo kurwanya ingengabitekerezo ya Jenoside, kuyihakana n’umuco wo kudahana”.

Charles Micheal uyobora Komisiyo y’Umuryango w’Ubumwe bw’Uburayi, na we yifatanyije n’Abanyarwanda mu gutangiza icyumweru cy’icyunamo.

Yagize ati “Uyu ni umunsi twibuka ku nshuro ya 26 Jenoside yakorewe Abatutsi. Turunamira ababuze ubuzima bwabo muri icyo gihe cy’umwijima w’amateka. Twifatanije na Guverinoma ndetse n’abaturage b’u Rwanda muri ibi bihe byo kwibuka”.

James Mountain Inhofe, Senateri wo mu ishyaka ry’Abarepubulikani muri Leta zunze ubumwe za Amerika uhagarariye Intara ya Oklahoma, yagize ati “Mfatanyije n’u Rwanda hamwe n’isi yose guha icyubahiro inzirakarengane zazize Jenoside yakorewe Abatutsi.

Umwaka ushize, nagize amahirwe yo gusura zimwe mu nzibutso mbunamira nshyiraho indabo”.

Uyu musenateri, aheruka mu Rwanda muri 2018 avuga ko aje mu Rwanda mu rwego rwo kurushaho kunoza umubano n’u Rwanda, aho yagaragaje ko mu Burayi bafite u Bwongereza nk’inshuti ikomeye ya Amerika naho muri Afrika bakagira u Rwanda.

Mu mwaka wa 2019, yagarutse mu Rwanda aje kwifatanya n’Abanyarwanda mu isengesho rya National Breakfast Prayer, abonana na Perezida Paul Kagame, anavuga ko u Rwanda rwahindutse mu buryo bw’igitangaza.

Umuhanzi Hope Azeda asanga COVID-19 ishobora kuzasiga ihungabana mu bahanzi

Hope Azeda washinze akanayobora itorero Mashirika, ubwo yari mu kiganiro Dunda kuri KT Radio, yavuze ko umwaka wa 2020 uzaba nk’upfira ubusa abahanzi, kuko watangiye nabi ukaba ugiye kugera muri ½ abahanzi bari mu gihombo gikomeye kimwe n’abandi Banyarwanda bose kubera ibihe bya COVID-19.

Yavuze ko kubera ibi bibazo, hari abahanzi barambiwe kuba mu rugo cyane ko benshi baba basanzwe bakora ingendo nyinshi zirimo n’ibitaramo byabatungaga, ku buryo aho bari mu rugo batangiye kugira ibibazo by’imitekerereze, agasanga igihombo bagize gishobora kubakururira ibibazo by’ihungabana.

Ati “Ni ikibazo kigaragara kuko abahanzi ni abantu birirwa bakora ingendo kubera akazi bakora kandi muri izo ngendo benshi ni ho bakura ubushobozi bw’amafaranga, kandi urabona ko byatangiye ari bwo umwaka ugitangira, none ugiye kugera muri ½.

Ubwo iki cyorezo kizaba kirangiye, bamwe mu bahanzi bazakenera inzobere mu by’indwara z’ibitekerezo kugira ngo babaganirize babashe gusohoka muri ibi bihe”.

Hope azeda hamwe na Tom Close, Alex Muyoboke na Deejey Pius bari abatumirwa, basesenguye uburyo urwego rw’imyidagaduro ruzasubira inyuma cyane cyane mu bijyanye n’amikoro, nk’uko bizagendekera izindi nzego z’ubuzima bw’Abanyarwanda nyuma y’uko Covid-19 izaba irangiye.

Ariko aba bahanzi bose basize batanze ubutumwa busaba abafana babo n’Abanyarwanda muri rusange kuguma mu rugo, kugira ngo icyorezo kirangire vuba ubuzima bukomeze.

DJ Miller yitabye Imana azize uburwayi (Photo:Internet)

Amakuru aturuka mu muryango we aravuga ko DJ Miller yari amaze iminsi mike mu bitaro byitiriwe Umwami Faisal, yivuza ikibazo cy’umutsi w’ubwonko utarakoraga neza, abandi bakavuga ko byatewe n’umunaniro ukabije w’ubwonko ahubwo waba warateye uguturika kwa tumwe mu dutsi tw’ubwonko.

Ikizwi ni uko yari amaze iminsi itanu ashyizwe mu bitaro, ngo avurwe bikanavugwa ko hari uruhande rumwe rutari rugikora neza kubera ubu burwayi.

Gusa mu minsi ibiri ya nyuma yari yabwiye inshuti ze ko arimo agenda amera neza ndetse ngo abaganga bari bamubwiye ko babona batazamubaga kuko uburwayi buri kugenda bugabanuka.

DJ Miller apfuye amaze umwaka umwe ashyingiranywe na Hope Nigihozo, kaba anamusigiye umwana w’uruhinja rw’ amezi arindwi.

Yari umwe mu bavanga imiziki bubashywe hano mu Rwanda no mu karere.

Imana imwakire.

Benshi muri aba bahanzi bakora indirimbo zo kwibuka, bavuga ko bari baramaze gutegura ibikorwa byo kwibukira ahantu hatandukanye nk’uko bajyaga babitegura na mbere, bakaba barimo batekereza icyo bakora ngo n’ubundi bazifatanye n’abo bari kuzafasha mu ngo zabo.

Munyanshoza Dieudonne twavuganye ari mu rugo iwe, twamubajije uko yiteguye ibihe byo kwibuka, agira ati “Natwe nk’abahanzi ubwo ni ukuguma mu rugo, nk’abandi Banyarwanda tukabanza tukirinda iki cyago”.

Munyanshoza yavuze ko muri iki gihe cyo kwibuka yari yarakoze indirimbo nyinshi nshyashya zo kwibuka, ariko ngo kuguma mu rugo byatangiye zimwe zitaranasohoka.

Yavuze ko hari indirimbo eshatu yakoze zirimo iyo yakoreye Akarere ka Huye, iyo yakoreye Remera yo muri Nyaruguru, n’iyo yakoreye Rutobwe muri Kamonyi.

Izi zo ngo zamaze gosohoka ariko izindi yari yakoze ntizigeze zisohoka kubera kuguma mu rugo.

Munyanshoza avuga ko igishoboka cyonyine ari uko bashobora gukorera ibiganiro mu itangazamakuru (Radio na Televiziyo) bakabasha kwifatanya n’Abanyarwanda bazaba bibukira mu rugo.

Munyanshoza avuga ko bazakoresha ibiganiro mu itangazamakuru bakifatanya n’Abanyarwanda mu kwibuka

Ati “Ndakeka ko igishoboka ari uko twajya dukorera ibiganiro mu itangazamakuru wenda tukabasha kuganira n’abantu, naho ubundi natwe ni ukuguma mu rugo”.

Uyu muhanzi yavuze ko muri iki cyunamo yari yarateganyije uburyo butatu bwo gukoramo ibitaramo byo kwibuka. Avuga ko hari ibitaramo yari yarateganyije byo gusura ibigo by’amashuri, imirenge n’utugari byose akabikorera ubuntu.

Hari kandi ibitaramo yavugaga ko azajya akora bisaba ko ahabwa ubushobozi runaka bwo kumugeza ahabera ibikorwa byo kwibuka, ndetse n’ibitaramo byo ku rwego rwa gatatu yavugaga ko yari kuzakorera ibigo bikomeye bifite ubushobozi bwinshi bikaba byanamwishyura amafaranga amutunga.

Ibi ngo byiyongeraho abantu n’ibigo biba byaramuhaye ubutumire bwa buri mwaka bameze nk’aho bahorana mu bikorwa byo kwibuka, ku buryo yari afite ingengabihe ikomatanyije, ibi byose bikaba bihagaze.

Muri iki gihe cyo kwibuka, Munyanshoza yatanze ubutumwa ku Banyarwanda n’abakunda ibihangano bye, ko baguma mu rugo bakazongera guhura basabana icyorezo kirangiye, kandi akanabifuriza gukomera muri ibi bihe bigoye.

Yagize ati “Ndabifuriza gukomera muri iki gihe cy’icyorezo no gukomera mu gihe cyo kwibuka, tugafatana urunana nk’uko twajyaga tubikora”.

Undi muhanzi twavuganye, ni Senderi International Hit, na we ufite indirimbo nyinshi zo kwibuka.

Uyu muhanzi yatubwiye ko nk’umuhanzi yifuriza abanyarwanda gukomera muri ibi bihe bikomeye, ariko avuga ko azanyura mu bitangazamakuru bizifuza kumutumira, akaba ari ho akorera ibikorwa byo kwibuka.

Umuhanzi Senderi na we arateganya gukoresha itangazamakuru mu kwifatanya n’Abanyarwanda kwibuka

Yagize ati “Ibitangazamakuru bizabyifuza, byadutumira nk’abahanzi tukaza tugakorera ibikorwa byo kwibuka kuri radiyo na televiziyo, kandi byafasha Abanyarwanda benshi kuko kwibuka bizaba bibera mu rugo”.

Senderi avuga ko u Rwanda nirugira amahirwe rugasohoka muri iki cyorezo gahunda y’iminsi 100 itararangira, wenda ari bwo yakongera kwifatanya n’abari bakeneye kubana na we mu bihe byo kwibuka.

Umuhanzi Bonhomme na we uririmba indirimbo zo kwibuka, avuga ko bigoye cyane ku bahanzi baba bifuza kwifatanya n’Abanyarwanda mu bihe byo kwibuka hamwe n’indirimbo baba barabahimbiye.

Avuga ko n’ubwo icyumweru cyo kwibuka cyarangira, ariko bizeye ko mu minsi 100 batazaburamo iminsi mike yo kwifatanya n’Abanyarwanda mu kwibuka.

Umuhanzi Bonhomme na we uririmba indirimbo zo kwibuka

Ati “Mba mfite ubutumire bwinshi muri ibi bihe, kandi si jyewe jyenyine, ni abahanzi bose muri rusange bakora mu gihe cyo kwibuka. Tuzaguma mu rugo, Imana nikora ibitangaza icyorezo kikagenda iminsi 100 yo kwibuka itararangira, tuzifatanya n’Abanyarwanda ahantu hatandukanye hazaba hasigaye mu kwibuka”.

Itangazo rya Komisiyo y’Igihugu yo kurwanya Jenoside (CNLG), rivuga ko muri uyu mwaka, icyumweru cy’icyunamo kizakorwa mu buryo budasanzwe, kuko abantu bazibukira mu rugo, naho ibindi biganiro bakabikurikirira kuri radio, televiziyo n’imbuga nkoranyambaga.

Umuyobozi w’iyi Komisiyo, Dr. Bizimana Jean Damascene, aherutse kuvuga ko iyi hahunda ari umwihariko mu cyumweru cyo kwibuka, avuga ko ibijyanye na gahunda y’iminsi 100 yo kwibuka, gahunda izagenda imenyeshwa uko iminsi igenda yegereza.

Fireman aherutse kuva Iwawa aho yari yaragiye kugororerwa kubera gukoresha ibiyobyabwenge (Ifoto: ISIMBI)

Ni ikiganiro aherutse kugirana n’umunyamakuru Yago gishyirwa ku rubuga rwa YouTube, asobanura byinshi ku buzima bwe, burimo ibyo kujyanwa Iwawa, gufungirwa muri gereza ya Gisirikare, gufungurwa, gukoresha ibiyobyabwenge, n’uburyo amerewe muri iyi minsi nyuma yo kugaruka mu buzima busanzwe.

Muri iki kiganiro, Fireman yavuze ko ari umwe mu bantu babayeho nabi kandi ko afite ubwoba ko yarushaho kubaho nabi igihe iki cyorezo cyaba kitarangiye vuba, kuko ngo nk’umunyamuziki uvuye mu gihome, ntabwo yigeze abona uburyo bwo gukorera amafaranga bityo kubaho bikaba bigoye.

Yasobanuye ko umuhanzi wese mu Rwanda atungwa n’amafaranga ava mu bitaramo cyangwa ahandi umuhanzi yaba afite amasezerano y’akazi, nyamara we ngo amaze umwaka urenga yibera Iwawa agororwa, avuyeyo ahita ajya gufungirwa muri gereza ya Gisirikare aho yashinjwaga ibyaha byo gukubita no gukomeretsa afatanyije n’undi musirikare bakoranaga bagorora abandi bagororerwaga ku kirwa cya Iwawa.

Fireman yagize ati “Ibintu birakaze. Ntabwo nakubeshya abasani (abahanzi) bose babona amafaranga ava mu bitaramo kandi nyine urabibona ko bitari kuba. N’abagifite utuntu runaka mu nzu zabo, bizagera aho bashirirwe kuko ntiwamenya igihe iki kibazo kizarangirira.”

Fireman yeruye ko we yamaze kwiyandikisha ku murenge kugira ngo azahabwe ubufasha kuko abona kuguma kwirwanaho bishobora kumunanira igihe iki cyorezo cyaba gikomeje gutuma abantu baguma mu ngo zabo.

Yongeyeho ati “Twebwe barimo baratwandika ku murenge. Ntabwo nakubeshya jyewe namaze kwiyandikisha, kandi numvise kuri Radio bavuga ko ubufasha bwa ba nyakabyizi buri hafi kandi natwe turimo.”

Fireman kandi muri iki kiganiro, yasabye abantu bafite ubushobozi kwita cyane ku bantu bashonje badafite ubushobozi, cyane cyane abajyaga bakora ku munwa ari uko bavuye guca inshuro, anakorera ubuvugizi abana bo ku muhanda bajyaga bashaka icyo kurya bagikuye ku bantu bakorera mu mijyi.

Muri iki kiganiro, Fireman avuga ko iki cyorezo gikwiye gusiga abantu biyambuye imico yo kwirata no kwishyira hejuru, avuga ko iri ari isomo ku bantu bose bajyaga bumva ko batareshya n’abandi kuko ubu noneho abantu bose bafungiwe mu rugo.

Bruce Melody

Iyi ni indirimbo Bruce Melody yari yakoze mu buryo butandukanye n’ubwo akoramo, kuko ibikorwa byose by’ikorwa ryayo byari byatangiye imbonankubone abafana be bari kuyireba ku rubuga rwe rwa Instagram, ihita inasohoka, ariko imaze iminsi mike ku rubuga rwa YouTube ihita ivanwaho nyuma y’ibirego bayireze bavuga ko irimo amagambo y’urukozasoni.

Uwiyita The Catbabalao ni we wabanje kuvuga ko iyi ndirimbo atayishaka kuri YouTube, ndetse ahita anavuga ko Bruce Melody natabasaba imbabazi indirimbo ye bahita bayirega ibirego ikavanwa ku rubuga rwa YouTube byihuse.

Uyu yamuhaye amasaha 48 ntarengwa ngo abe yamaze gusaba imbabazi, ariko Bruce Melody ngo yanga gusaba imbabazi birangira indirimbo ivanywe ku rubuga.

Indirimbo ikivanwa ku rubuga, Bruce Melody yanditse itangazo amenyesha abakunzi be ko adashaka guterana amagambo kubera ikinyabupfura yatojwe, ariko yizeza abafana be ko indirimbo izagaruka vuba nyuma yo kwandikira urubuga rwa YouTube.

Yari yavuze ko ku ku wa mbere w’itariki 30/03/2020, aribwo uru rubuga ruzamusubiza nyuma yo gukora isuzuma ry’ibirego bareze igihangano cye.

Mbere y’uko ibi biba, The Catbabalao umwe mu bari bareze iyi ndirimbo, yasabye abamukurikira ko bemeza niba Bruce Melody ababarirwa cyangwa akanirwa urumukwiye, ijanisha rinini rimusabira ko ababarirwa, indirimbo ihita igarurwa kuri YouTube mbere y’uko ku wa mbere hagera.

Nta kintu Bruce Melody yahise ashaka gutangaza ku by’iyi ndirimbo.

Mu kiganiro kirekire Jay Polly yagiranye na Kigali Today, yagize ati “Ubuzima ubu bwabaye ubwo kwikinira n’umwana, ubundi ngasoma ibitabo, cyangwa nkiyicarira muri salon ngakoresha Telephone nganira n’abantu nanareba televiziyo.”

Jay Polly avuga ko kuva yatangira kuguma mu rugo, asigaye aryama atinze cyane ku buryo hari n’igihe ajya kubona akabona saa cyenda z’ijoro zirageze, ariko ngo no kubyuka aratinda kenshi ngo abyuka saa yine z’amanywa cyangwa saa tanu.

Jay Polly avuga ko uretse gusoma ibitabo, anyaruka akanasenga, akanitekerezaho.

Jules Sentore we yabwiye Kigali Today ko bimugoye cyane ku buryo atunzwe no kwirebera ibyandikwa kuri Internet akanareba Filimi.

Yagize ati “Ntunzwe na Filimi wangu na YouTube wangu.”

Uyu muhanzi avuga ko amasaha yivanze cyane ku buryo atakibasha kumenya uko umunsi we uteye, kuko aryama bitewe n’igihe ibitotsi biziye, akanabyuka igihe aboneye, ngo nta gahunda ihamye yavuga ko agenderaho muri iki gihe.

Jules Sentore na we avuga ko anafata akanya agasenga, kuko muri ibi bihe udasenze ngo wanagira ibibazo byo mu mutwe.

Baad Rama uyobora inzu ya The Mane akanashingwa inyungu za Queen Cha na Marina, yavuze ko atagira igihe cyo kubyukira cyangwa icyo kuryama kuko ngo ibi byose umuntu abipanga ari uko afite izindi gahunda ashaka ko zijya ku murongo.

Yagize ati “Nta saha ngira yo gusinzira, iyo nsinziriye nyine ni ibyo. Hari igihe nsinzirira mu ntebe zo muri salon cyangwa nkanasinzirira hanze bitewe n’aho udutotsi tumfatiye, nakanguka ngakomeza kuba ndi aho nyine.”

Baad Rama yongeyeho ko ubuzima bwo kuguma mu rugo bumugora ariko ngo yahisemo kudasohoka, kuko gusohoka ari byo bibi bishobora kwanduza no gukwirakwiza icyorezo.

Ati “Mpitamo rero kuguma mu rugo ngategereza ikizaba nyuma, kuko nanjye kimwe n’abandi sinzi igihe ikibazo kizakemukira.”

Baad Rama avuga ko ikintu akora kenshi mu rugo ari ugusenga, no kwitekerezaho agerageza no gutekereza uko akazi ke kazasubira ku murongo igihe ibi bizaba birangiye.

Ishimwe Clement uyobora inzu ya Kina Music, we avuga ko ashobora gukorera ibintu bike mu rugo, ariko ngo akorerayo nka 20% gusa.

Asobanura uko gahunda ye y’umunsi iba iteye. Yagize ati “Mu gitondo ni ukubyuka tugafata amafunguro ya mu gitondo hamwe n’umuryango, nkakina n’umukobwa wanjye kugeza saa sita, tugafata amafunguro, guhera nka saa munani nkakora akazi kuri computer kugeza nka 4:30pm ubundi nkareba movies cyangwa se gukina Playstation kugeza nka 23h00.”

Uretse aba bahanzi bavuze byinshi ku buzima bwabo muri iyi minsi ya COVID-19, hari n’abandi barimo Bruce Melodie uvuga ko amasaha ye menshi aba arimo akina n’umwana we w’umukobwa, ariko nyuma ya saa sita agakora imyitozo ngororamubiri. Naho Senderi we avuga ko muri iyi minsi yize guteka no kugura amasafuriya n’ibindi bikoresho byo mu gikoni, na we amasaha menshi akaba ayamara ari kuganira n’abantu kuri Whatsapp.

Abahanzi benshi bavuga ko hari amasaha agera bakabura icyo bakora, ariko bagashishikariza Abanyarwanda kuguma mu nzu zabo kuko ngo nibubahiriza aya mabwiriza bazasubira mu buzima busanzwe bidatinze.

Kenny Rogers yitabye Imana afite imyaka 81 (Photo:Internet)

Byabaye nk’ibitungurana kuko ngo yagiye kuryama ari muzima nk’uko bisanzwe, ariko mu gitondo bagasanga yashizemo umwuka, kuburyo umuryango we wavuze ko yatabarutse mu mahoro.

Imyaka 60 akora umuziki adahagarara, Kenny Rogers yanyuze imitima ya benshi mu myaka ya 1960 kuzamura.

Yagurishije kopi zirenga miliyoni 100 z’imiziki ye ku isi yose, ari na byo byamushyize mu bahanzi b’ibihe byose mu kugurisha umuziki, urutonde ahuriyeho n’abahanzi nka The Beatles, Elvis Presley, Michael Jackson, Madonna, Led Zeppelin na Rihanna.

Ku giti cye, Kenny Rogers yamaze ibyumweru 200 imiziki ye ari yo yumvwa na benshi ku mwanya wa mbere, abikesha indirimbo ze 120 yashyize hanze mu bihe bitandukanye.

Ni umwe mu bahanzi bahiriwe n’umuziki kugeza mu myaka ye ya nyuma, kuko yatangaje ko ahagaritse gukora ibikorwa by’umuziki muri 2017, ubwo yumvaga imbaraga zimaze kumushirana.

Mu buzima bwe bwite yashakanye n’abagore batanu, uwo bari baherutse gushakana ni Wanda Miller, bashakanye mu 1997 ari na we bari bakiri kumwe.

Diamond atewe impungenge no kuba abaganga basanze COVID-19 muri Sallam Sharaff ushinzwe inyungu za Diamond (Ifoto: Internet)

Uyu mugabo yabishyize ku rubuga rwe rwa Instagram agira ati “Ibizamini byaje bigaragaza ko ndwaye Coronavirus, ariko meze neza.”

Yasabye abantu batarandura kwitwararika bakaguma mu ngo zabo kugira ngo badahura n’iki cyorezo.

Mu bantu bamuhaye ubutumwa bwo kumwihanganisha, barimo umuhanzikazi Juliana Kanyomozi wo muri Uganda, wamwifurije no gukira bwangu, kimwe na Diamond wamwifurije gukira vuba.

Diamond bahorana kenshi mu buzima bw’umuziki n’ubuzima busanzwe, yabwiye itangazamakuru rya Tanzania ko yumva adafite ubwoba, ariko nanone agaragaza ko bitabura kumuhangayikisha kuko Sallam Sharaff ari umuntu bahorana ku buryo kwanduzanya iyi ndwara ari ibintu bishoboka cyane, gusa kugeza ubu ntabwo Diamond arajya kwipimisha iyi ndwara.

Idris Elba yatangaje ko yafashwe n’icyorezo cya COVID-19 (Ifoto: Internet)

Elba yifashe video na telefoni ye ari ahantu hameze nko mu cyumba avuga ko yagiye kwipimisha agasanga arwaye indwara ya Coronavirus, avuga ko yacyetse ko yarwaye ku wa gatanu w’icyumweru gishize.

Yagize ati “Iki gitondo cyo ku wa mbere, naripimishije nsanga ndwaye. Nahuye n’umuntu ku munsi wo ku wa gatanu, bamaze kumupima basanga ararwaye, nanjye mpita nishyira mu kato njya kwipimisha nsanga ndarwaye. Meze neza, kandi ndabinginga bavandimwe mukomeze gukaraba intoki zanyu kenshi, kwirinda kujya ahahuriye abantu no kuguma mu ngo zanyu. Nzajya mbamenyesha uko meze kandi ntimuhangayike.”

Elba yavuze ko n’ubwo basanze arwaye ariko nta bimenyetso afite, bityo agasaba abantu kuguma mu ngo zabo kuko hari abantu benshi barwaye kimwe na we ariko batagaragaza ibimenyetso.

This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing 👊🏾👊🏾 No panic. pic.twitter.com/Lg7HVMZglZ

— Idris Elba (@idriselba) March 16, 2020

Umugore we bari bari kumwe ubwo yifataga amashusho, yavuze ko we ataripimisha, ariko avuga ko yizeye ko ameze neza, anasaba abantu kudahagarika imitima ahubwo bakubahiriza inama z’abashinzwe ubuzima.

Uretse Idris Elba, ku wa gatanu w’icyumweru gishize nabwo mugenzi we Tom Hanks ukina Filme n’umugore we Ritha barasuzumwe basanga barwaye COVID-19. Aba bahise bishyira mu kato mu rugo rwabo bakomeza gukurikiranwa n’abaganga, ariko bagumya gutangaza ko bameze neza.

Nadine Dorries: Uyu ni Minisitiri w’Ubuzima mu Bwongereza. Ni we munyepolitiki wa mbere mu Bwongereza wapimwe bakamusangamo iyi virus. Akimara gusuzumwa, yahise yishyira mu kato mu rugo iwe kuva ku itariki 10 Werurwe 2020.

Peter Dutton: ni Minisitiri ushinzwe umutekano mu gihugu cya Australia. Yasanganywe Coronavirus ahuta ashyirwa mu kato mu bitaro.

Massoumeh Ebtekar: ni Visi Perezida wa Iran wasanzwemo iyi virus. Ni we muyobozi wo ku rwego rwo hejuru muri iki gihugu urwaye COVID-19 kugeza ubu.

Kurwara kwe byagize ingaruka ku bandi bayobozi batandukanye yagiye ahura na bo, barimo Minisitiri w’Ubuzima wungirije, n’abandi.

Sophie Gregoire Trudeau: uyu ni umugore wa Justin Trudeau, Minisitiri w’intebe wa Canada. Byatangajwe ko yapimwe iyi virus avuye mu rugendo mu Bwongereza, ahita ashyirwa mu kato. Umugabo we na we yabaye agiye mu kato mu rugo rwe, akaba ari na ho arimo akorera imirimo ya Leta.

Irene Montero: Minisitiri w’Uburinganire n’Ubwuzuzanye muri Espagne, yasanganywe iyi Virus ku itariki 15 Werurwe 2020 ahita ashyirwa mu kato kimwe n’umwungirije bayoborana minisiteri.

Frank Riester: Minisitiri w’umuco mu Bufaransa, ushobora kuba yaranduriye iyi Virus mu murwa mukuru wa Paris aho asanzwe atuye, dore ko u Bufaransa ari kimwe mu bihugu by’i Burayi birimo umubare munini w’abafite iyi virus.

Francis Suarez: Umuyobozi w’umujyi wa Miami. Yamenye ko arwaye iyi virus ku itariki ya 13 Werurwe 2020.

Fabio Wajngarten: ni umukozi w’ibiro bya Perezida wa Brazil, akaba n’umwe mu bajyanama be, yanduye iyi ndwara nyuma y’urugendo yagiriye muri Amerika, akabonana na benshi barimo na Donald Trump we waje gupimwa bagasanga nta virus afite.

Michal Wos: Minisitiri w’Ibidukikije muri Pologne, ni we witangarije ko arwaye iyi virus abinyujije kuri Twitter.

Luis Sepulveda: Ni umwanditsi wo muri Espanye wanahawe igihembo cy’uwagurishije cyane arwaye iyi virus.

Mikel Arteta: Umutoza mukuru wa Arsenal.

Callum Hudson-Odoi: Umukinnyi usatira izamu mu ikipe ya Chelsea.

Paulo Dybala: Umukinnyi w’umunya Argentine ukinira ikipe ya Juventus mu Butaliyani (u Butaliyani ni cyo gihugu cya mbere ku isi gifite abarwayi benshi).

Rudy Gobert: Umukinnyi wa Basketball ukinira ikipe ya Utah Jazz muri NBA.

Donovan Mitchell: Umukinnyi wa Basketball ukinira ikipe ya Utah Jazz muri NBA.

Fernando Gaviria: Umunya-Colombia ukina umukino w’amagare wayanduye mu gihe yari yitabitabiriye amarushanwa mu bihugu by’Abarabu, kimwe na mugenzi we, Dmitry Strakhov banduriye hamwe muri iyi mikino.

Miss Rwanda 2020, Nishimwe Naomie

Mu ibaruwa Nishimwe Naomie yanditse mu cyongereza ikagera ku munyamakuru wa Kigali Today, Miss Rwanda 2020 yanditse ko kubera inshingano ze azahuza n’inyungu z’umushinga we wo kwita ku bafite ibibazo byo mu mutwe, ahisemo kuba ari we wigenzurira inyungu ze n’ibikorwa bye mu gihe cyose yambaye ikamba rya Miss Rwanda.

Ntabwo yavuze niba hari ikibazo yagiranye n’ubuyobozi bwa Rwanda Inspiration Backup, ari na bo bategura iri rushanwa, cyane ko byari biteganyijwe no ari yo izajya imureberera inyungu n’ibikorwa bye, nk’uko byagenze kuva muri 2016.

Miss Rwanda 2020 Nishimwe Naomie, akoze ibi, nyamara hari ibimenyetso byagaragazaga ko akimara gutorwa yahise agirana ubufatanye n’iki kigo cyamutoresheje, kuko hashize ibyumweru 2 atowe, umunyamakuru wa Kigali Today yaramuhamagaye amusaba ko bagirana ikiganiro, ahita amubwira yihuta ko yavugana na Ishimwe Dieudonné uyobora Rwanda Inspiration Backup.

Icyo gihe yagize ati “Ku bijyanye n’ikiganiro mwavugana na Prince Kid (nk’uko Ishimwe Dieudonné bakunda kumwita) ni we ushinzwe inyungu zanjye no kumenya za gahunda ngomba kwitabira.”

Ukurikije igisubizo yahaye umunyamakuru icyo gihe, byumvikanaga ko hari imikoranire mu minsi mike yakurikiye itorwa rya Miss Rwanda 2020, nyamara rikaba rihise rihagarara ku mpamvu zitarasobanuka.

Turacyashaka kumenya icyo uruhande rutegura Miss Rwanda rubivugaho….

Iyi ni yo baruwa Miss Rwanda Nishimwe Naomie yanditse amenyesha abantu izo mpinduka

Urubanza rwabo wasangaga rwitabiriwe n’abantu benshi (Ifoto: Internet)

Aba bose bemejwe icyaha cy’ubwinjiracyaha bw’ubwicanyi urukiko rwasanze ari umugambi wo gukora icyaha, bityo bakatirwa imyaka 25 y’igifungo.

Uyu mugambi, ni wo watumye mugenzi wabo Mukamana Sandrine akubitwa anangirizwa imyanya ye y’ibanga, ubushinjacyaha bukavuga ko aba bose bari bagamije kwica uwahohotewe, mu gihe abireguraga bo bemeraga icyaha cyo gukubita no gukomeretsa ariko bagahakana icyaha cyo kugambirira kwica bityo bagasabira imbabazi ibyaha bibiri bemeraga, kuko bamwe banavugaga ko babitewe n’ubusinzi.

Ku itariki ya 5 n’iya 9 Werurwe 2020 nibwo urubanza rwaburanishirijwe mu ruhame, icyumba cy’urukiko cyuzuyemo abaje gukurikirana uru rubanza, mu gihe uwakorewe icyaha we atigeze agaragara mu rukiko.

Ku itariki ya 16 Werurwe 2020 ubwo urukiko rwasomaga ibyemezo by’urukiko kuri uru rubanza, abaregwa na bo nta n’umwe wari uri mu rukiko, nta n’uwo mu muryango wabo wari uhari kubera icyemezo cyafashwe cyo kudahuriza abantu hamwe kubera kwirinda no gukumira icyorezo cya COVID-19.

Uretse gukatirwa gufungwa imyaka 25, urukiko rwategetse ko abaregwa bazatanga ihazabu ya miliyoni zisaga enye (4, 470, 425 Frw), na telefone eshatu za bamwe mu baregwa zigatezwa cyamunara amafaranga avuyemo agashyirwa mu isanduku ya Leta.

Mu butumwa yoherereje umunyamakuru wa Kigali Today, Cyusa yavuze ko bavuye mu Rwanda bafite amakuru ko u Bubiligi bwari butaratangira guhagarika ibikorwa bihuza abantu benshi, ku buryo bumvaga ko bashobora kugira amahirwe bagakora ibitaramo byabo bibiri bari batumiwemo.

Icyakora ubwo bari bamaze kugera muri iki gihugu, Leta y’u Bubiligi yahise itangaza ko guhera ku wa 13 Werurwe 2020 saa sita z’ijoro nta gikorwa gihuza abantu benshi kizongera kuba kugeza igihe hazasohokera irindi bwiriza rishya.

Ubundi Cyusa n’itsinda rye yise Gakondo, bagombaga gukora igitaramo cya mbere ahitwa Embrella kuri uyu mugoroba wo ku wa Gatanu bakageza saa sita nk’uko uruhushya rwabo rwabiteganyaga, mu gihe icya kabiri cyagombaga kuzaba ku wa Gatandatu ku itariki 14 Werurwe 2020.

Kubera ko itegeko riteganya ko ibikorwa bihagarikwa guhera saa sita z’ijoro, Cyusa n’itsinda rye bahise bakomeza igitaramo cyabo cyo ku wa gatanu bakagisoza saa tatu z’ijoro.

Abanyarwanda benshi baba mu Bubiligi, bari bamaze igihe biteguye iki gitaramo, kandi abenshi bagombaga kuzitabira igitaramo cya kabiri cyari kuzabera i Bruxelles ahitwa St. Lambert.

Icyorezo cya Coronavirus cyagize ingaruka zikomeye ku muziki n’imyidagaduro muri rusange. Hari ibitaramo bikomeye birenga 53 byamaze gusubikwa nyamara amatike yabyo yaramaze no kugurishwa.

Muri ibyo bitaramo harimo ibyo Mariah Carey yari kuzakorera i Burayi, ibitaramo bya Miley Cyrus, Madona n’abandi bahanzi benshi bari mu bikorwa byo kwitegura ibitaramo bizenguruka Amerika n’u Burayi.

Mu Rwanda hasubitswe ibitaramo 3 bikomeye birimo icyari cviswe “Each One Reach One” cy’abavandimwe Adrien na Gentil Misigaro, icyari cyiswe “Ikirenga mu bahanzi” cyari guhemberwamo Cecile Kayirebwa, n’icyari giteganyijwe mu cyumweru cya 3 cya Werurwe Igor Mabano yagombaga kuzamurikiramo Umuzingo we wa mbere.

Diamond Platnumz na we yahagaritse ibitaramo bitanu yagombaga gukorera mu mijyi itandukanye yo mu bihugu by’u Burayi.

Kuri uyu wa Gatanu tariki 13 Werurwe 2020 nibwo Platnumz yagombaga gukora igitaramo cya mbere i Bruxelles mu Bubiligi, bukeye bwaho ku wa Gatandatu agakorera igitaramo i Helsinki muri Finland, ku wa 28 Werurwe 2020 agakorera igitaramo mu mujyi wa Dortmund mu Budage, ku wa 03 Mata 2020 agakorera igitaramo mu mujyi wa Marseille mu Bufaransa, n’icyo yari kuzakorera Gothenburg muri Suwedi.

Ibi bitaramo byose uyu muhanzi atangaje ko byahagaritswe abinyujije ku mbuga nkoranyambaga ze avuga ko ibyerekeranye no gusubukura bazabimenyeshwa nyuma.

Mu Burayi, ibikorwa byose bihuza abantu benshi birimo ibitaramo, imikino, n’ingendoshuri n’imyidagaduro byahagaritswe kugeza n’aho hari abahagaritse amashuri, n’amasoko ahuza abantu benshi.

Ifoto ya Kitoko Bibarwa asomana n’umukunzi we

Mu minsi ishize, ni bwo kuri Instagram ye yagaragaje ifoto agaragara mu maso ari gusomana n’umukobwa, bitoroshye guhita tumenya uwo ariwe. Benshi batangiye kwibaza byinshi kuri iyi foto bibaza niba ari umukunzi we koko.

Kitoko wamenyekanye mu muziki w’u Rwanda guhera muri 2008, ubwo umunyamakuru wa Kigali Today yamubazaga kuri iyi foto, yasubije ko uyu ari umukunzi we, yifuza ko bazabana.

Yaragize ati “Uyu ni umukunzi wanjye, duteganya kubana vuba aha. Ubukwe bwacu buzabera mu gihugu cy’amavuko cy’u Rwanda, ariko ntimugire ikibazo nzabamenyesha vuba”.

Abazi Kitoko babona ko yahinduye cyane uburyo bwo kubaho, ukurikije ukuntu asigaye ashyira hanze amafoto y’umukobwa bakundana nyamara mbere bitarabagaho, agashyira ku mbuga nkoranyambaga amafoto y’umwana we w’umukobwa w’imyaka hagati y’umunani n’icumi, n’uburyo abanye n’abantu muri iyi minsi.

Kitoko Bibarwa ni umwe mu bahanzi bamaze imyaka irenga 11 bazwi mu Rwanda ndetse banakoze indirimbo zakunzwe na benshi zirimo nka Bella yakoranye na Dream boys, Akabuto, na Ikiragi yatumye amenyekana ubwo yari akirangiza amashuri yisumbuye i Nyanza muri Espanya.

Amaze amaze imyaka umunani yibera mu Bwongereza, aho we avuga ko yabanje kwiga amashuri ya kaminuza, ubu akaba ari umukozi usanzwe ubifatanya n’umuziki.

Iri ni itangazo rya Kina Music risubika icyo gitaramo

Mu masaha y’umugoroba w’itariki ya 10 Werurwe 2020, nibwo Ishimwe Clement uyobora Kina Music yashyize hanze itangazo risaba ko abari bategereje icyo gitaramo bakwihanganira isubikwa ry’iki gitaramo cyaburaga iminsi 11 gusa ngo kibe.

Mbere y’uko iri tangazo risohoka, umunyamakuru wa Kigali Today yavuganye na Ishimwe Clement amubwira ko bazagira icyo batangaza mu mpera z’icyumweru, bamaze kuvugana n’Umujyi wa Kigali.

Abajijwe niba hari ikindi bavugana n’Umujyi wa Kigali gitandukanye n’amabwiriza ya Minisitiri w’Intebe yo gukumira no kwirinda Coronavirus, Ishimwe Clement yavuze ko baza kugira icyo batangaza vuba.

Mu masaha make yakurikiyeho, nibwo Ishimwe Clement yasohoye itangazo rivuga ko igitaramo gisubitswe, ariko asaba abafite amatike kuyagumana kugeza igihe icyorezo kizagabanya ubukana, ibikorwa bihuza abantu benshi bigasubukurwa.

Mu gitondo cyo kuri uyu wa mbere tariki 09 Werurwe 2020, nibwo abashinzwe kwamamaza iki gitaramo, batangiye gukwirakwiza umurongo wa YouTube abantu bashobora gukurikiriraho iki gitaramo, ariko mu cyumba cy’igitaramo nta bantu bari barimo, uretse gusa itsinda ry’abaririmbyi, abacuranzi n’abahanzi bagombaga gutarama.

Umwe mu bashinzwe gufata amafoto muri iki gitaramo, yabwiye Kigali Today ko abahanzi bishimiye kuba bakoze igitaramo, yongeraho ko mu cyumba cy’igitaramo nta muntu n’umwe waje gufana urimo.

Itsinda ry’abaririmbyi ryo kuramya no guhimbaza ni ryo ryabanje ku rubyiniro, hakurikiraho umuzungu wigishije umwanya muto ijambo ry’Imana, maze hakurikiraho rya tsinda ry’abaririmbyi ryanafashije abahanzi kuririmba, rihereye kuri Adrien Misigaro.

Iki gitaramo cyatambukaga kuri YouTube ya Adrien Misigaro, cyatangiye gikurikiwe n’abantu bari hagati ya 300 na 350, bagenda bazamuka ari nako mu bitekerezo bashimaga ko n’ubwo igitaramo cyari cyahagaritswe ariko ko kibashije kubera kuri YouTube abari bafite inyota y’aba bahanzi bakabasha kugabanya amatsiko.

Misigaro Adrien ari ku rubyiniro, yanyuzagamo akavuga ati “Imana ishimwe ko Igitaramo cyacu cyabaye, n’ubwo dufite ubwoba bw’Indwara ariko indwara zaratsinzwe mu isina rya Yesu. Nk’umuntu mfite agahinda mu mutima kuba twarateguye concert ingana gutya ariko umwanzi Satani akabyivangamo akoresheje indwara, ariko ntumbiriye imbere kandi sinzasubira inyuma.”

Joeboy wari umuhanzi w’imena muri iki gitaramo, yabanjirijwe n’abandi bahanzi bo muri Incredible Records nka Kevin Kade, Seyn, hamwe na Davis D.

Davis D hamwe n’ababyinnyi be, yaririmbye indirimbo ye ‘DEDE’ abari mu gitaramo bose barahaguruka baririmbana na we, bamwereka urukundo.

Umuhanzi Niyo Bosco na we akoresheje Guitar, yashimishije abitabiriye iki gitaramo, bigaragara ko na we amaze kumenyekana no gukundwa na benshi.

Nyuma y’aba bose, Joeboy yagiye ku rubyiniro ategerejwe na benshi, aririmba indirimbo zitandukanye zirimo My Baby, Biginning, n’izindi zitandukanye zahagurukije icyumba cyose hamwe n’abari bari mu myanya y’icyubahiro (VIP).

N’ubwo abandi bahanzi bamubanjirije bakoreshaga amajwi yabo n’ibyuma bya muzika (Live), Joeboy we yaririmbye yifashishije umuziki we ucuranze (Playback) bitungura bamwe, ariko ntibyabujije benshi kwishima.

Dore amwe mu mafoto y’ icyo gitaramo

Joeboy yishimiwe n’Abanyakigali

Davis D

Umuhanzi Seyn ni gutya yaserutse yambaye

Kevin Kade

Niyo Bosco

Amafoto: Kamanzi Natasha

Mu masaha y’umugoroba nibwo TMC yashyize ifoto ku rukuta rwe rwa Instagram bigaragara ko ari mu rugendo, arangije yandikaho ijambo rigira riti “Ni cyo bivuze”.

N’ubwo ntawahita amenya igisobanuro nyacyo cy’iri jambo TMC yakoresheje ku ifoto ye, abafana ba Dream Boys banditse ahajya ibitekerezo basa n’abamwanjama bamubaza impamvu ashenye itsinda bari bamaze imyaka 11 bubaka.

TMC yafashe indege ijya muri Amerika mu gihe mugenzi we Platini yibereye mu biraka bya Tour du Rwanda aho arimo yamamaza ibikorwa by’ikigo cya Canal + gicuruza amashusho ya Televiziyo, na cyo kiri mu baterankunga ba Tour du Rwanda.

Mu kiganiro gito Kigali Today yagiranye na Platini kuri telefone, Platini yemeje ko TMC yamaze kujya muri Amerika ndetse ko yuriye indege atamusezeye, ndetse ngo hari n’amakuru ko ashobora kuba atasezeye abandi bakoranaga mu nzu ya Kina Music bose.

Platini Nemeye (ibumoso) na Claude Mujyanama (TMC) bamaranye imyaka myinshi mu itsinda rya Dream Boys (Ifoto: Internet)

Mu mpera z’umwaka ushize wa 2019, nibwo amakuru yatangiye gucicikana ko iri tsinda ryatandukanye, n’ubwo ba nyiri ubwite bageragezaga kubihisha.

Platini yatangiye kwikorana zimwe mu ndirimbo ndetse atangira gushaka abafatanyabikorwa bashya ari wenyine, mu gihe TMC we yari ahugiye mu gushaka ibyangombwa byo kujya gutura muri Amerika, n’ubwo we avuga ko ikimujyanye ari ukwiga.

TMC na Platini bari bamaranye imyaka 11 bakorana umuziki, ndetse benshi bari bazi ko ari abavandimwe dore ko banabanaga mu nzu muri iyi myaka yose bari bamaranye.

Nishimwe Naomie ni we wegukanye ikamba rya Miss Rwanda 2020 (Photo:Internet)

Nishimwe wambitswe iri kamba aserukiye Umujyi wa Kigali, agomba gushyira mu bikorwa umushinga ujyanye no kurwanya kanseri y’ibere mu Rwanda, ari na wo wamuhesheje amanota yo kwegukana ikamba nyuma yo gutoranywa mu bakobwa 10 bajya mu cyiciro cya nyuma.

Nishimwe Naomie yambitswe ikamba rya Miss Rwanda nyuma y’inkuru zamuvuzweho ko ashobora kuba yaraje mu irushanwa ashyigikiwe n’umwe mu baterankunga bakomeye b’irushanwa, ndetse bishyira igitutu kuri iki kigo hamwe n’abategura irushanwa.

Mbere yo guhitamo utoranywamo Miss Rwanda ndetse n’ibisonga bye, habanje gutoranywa abakobwa 10 bahatana mu cyiciro cya nyuma, hagendewe ku bunararibonye bw’akanama nkemurampaka, nyuma yo kumva ibisubizo byatanzwe n’aba bakobwa ku bibazo bitandukanye babazwaga.

Buri mukobwa yabazwaga ikibazo kimwe gusa, akagisubiza mu minota hagati y’ibiri n’itatu.

Abakobwa 10 babajye gutoranywa ni:

Abakobwa 10 babanje gutoranywa (Photo:TNT)

Nishimwe Naomie (No 31), Umutesi Denise (No 43), Ingabire Gaudence (No 8), Umwiza Phionah (No 47), Mutegwantebe Chanice (No 27), Irasubiza Alliance (No 11), Teta Ndenga Nicole (No ,35) Musana Teta Hense (No 26), Umuratwa Anitha (No 42) na Akaliza Hope (No 1).

Ni bo batowemo nyampinga hamwe n’ibisonga bye, bitabujije ko mu bandi icyenda bari basigaye bashoboraga gutoranywamo nka Miss Popularity, cyangwa umukobwa uzi kwifotoza kimwe na nyampinga w’umurage.

Aba 10 batoranyijwe, babazwaga ku bijyanye n’imishinga yabo, n’uburyo bazayishyira mu bikorwa.

Nishimwe Naomie, Miss Rwanda 2020 (Photo:TNT)

Nishimwe agiye kumara umwaka ahembwa ibihumbi 800 by’amanyarwanda buri kwezi, ahabwe imodoka nshya yo mu bwoko bwa Suzuki Suift n’amavuta yayo.

Azahabwa umwaka wose akoresha imisatsi n’inzara, anambikwa imyenda y’ibirori ku buntu mu gihe akeneye amakanzu.

Azahabwa serivisi za banki umwaka wose ahabwe ubwishingizi bwo kwivuza umwaka wose, gusohokera muri resitora umwaka wose kimwe no kuryama mu cyumba cya hoteli yabakiriye mu mwiherero.

Azarihirwa ikiruhuko mu Mujyi wa Dubai n’itike y’indege anishyurirwe ibijyanye n’urwo rugendo byose n’ibindi byinshi bitandukanye birimo no guhabwa imyenda ya Siporo igihe ayikeneye mu gihe cy’umwaka wose.

Igisonga cya mbere ni Umwiza Phiona wahembwe 1,200,000Frw, mu gihe Umutesi Denise yagizwe igisonga cya kabiri yahembwe 1,200,000Frw, bombi bakazahabwa icyumba cya hoteli umunsi umwe buri kwezi mu gihe cy’amezi atandatu bari kumwe n’umuryango wabo.

Ibirori byo gutora Miss Rwanda 2020 byitabiriwe na ba Miss bo muri bimwe mu bihugu bya Afurika (Photo:Internet)

Irasubiza Alliance yahawe ikamba ry’uwakunzwe na benshi (Miss Popularity) anahembwa 1,500,000FRW, iPhone 8Plus ya 64 GB ndetse anahabwe guhamagara no gukoresha interineti ku buntu mu gihe cy’umwaka azamarana iri kamba.

Nishimwe Naomi kandi yahawe ikamba ry’umukobwa uzi kwifotoza (Miss Photogenic) umukobwa wifotoza akaberwa n’amafoto, yagenewe igihembo cya 1,200,000Frw.

Teta Ndenga Nicole, yambitswe ikamba rya Nyampinga w’umurage (Miss Heritage), Umwiza Phiona yagizwe nyampinga wabanye neza na bagenzi be (Miss Congeniality).

Miss Nishimwe Naomie (hagati) n’ibisonga bye (Photo:TNT)

Nishimwe Naomie abaye Miss Rwanda wa karindwi wambitswe ikamba mu marushanwa yateguwe na Rwanda Inspiration Back Up, akaba na Miss wa 10 muri ba Miss bose babayeho biswe izina rya “Miss Rwanda”.

Mu gitondo cyo kuri uyu wa mbere tariki 17 Gashyantare 2020 nibwo abategura iri rushanwa bashyize itangazo ku rubuga rwa Twitter bavuga ko : Ingabire Jolie Ange adashobora gukomeza guhatanira ikamba n’ubwo nta yandi makuru arenzeho yatangajwe.

Ingabire Jolie Ange avuye mu irushanwa habura icyumweru ngo hatangwe ikamba yari amaze amezi 2 ahatanira, ibi bikaba bivuze ko mu mwiherero hasigaye abakobwa 19 gusa.

Ingabire Jolly Ange wari ufite nimero icyenda (9) arangije amashuri yisumbuye mu mateka, mu bukungu n’ubuvanganzo.

Umushinga we ni ugukangurira urubyiruko kwizigamira, aho azanashinga amatsinda y’urubyiruko hagamijwe kwizigamira kugira ngo bibe umuco mu bakiri bato.

Yari yiyamamarije mu Ntara y’Amajyepfo.

Uyu mukobwa wiyamamarije mu Ntara y’Uburengerazuba, akaza no kujya muri 20 ubu bari mu mwiherero, yavuze ko ikimuraje ishinga ari ugukora ubukangurambaga ku bakobwa bagakangukira kwiga amasomo ya Siyansi n’Ikoranabuhanga kuko asanga abakobwa biga bene aya masomo bakiri bake bigatuma benshi batajyana n’umuvuduko w’iterambere ry’igihugu.

Ishami ry’Umuryango w’Abibumbye rishinzwe Uburezi, Umuco na Siyansi, rigaragaza ko 30% gusa by’abakobwa biga mu mashuri makuru na kaminuza ari bo babasha gukurikira amasomo ya Siyansi n’Ikoranabuhanga naho 12% gusa bakaba ari bo bari mu kazi kajyanye na Siyansi, bikaba bigira ingaruka ku iterambere ry’ibihugu muri rusange.

Iki rero ngo ni ikibazo Miss Rwiririza ashaka guhangana na cyo, naramuka abaye Miss Rwanda. Uburyo azabikoramo, ngo ni ukuzenguruka amashuri yisumbuye na kaminuza akora ibiganiro mpaka bigamije ubukangurambaga bwo gukangurira abakobwa kwiyumvamo ubushobozi no gutinyuka aya masomo kuko ngo ari amasomo nk’ayandi.

Perezida Paul Kagame yahereye kuri Evode Uwizeyimana wahoze ari Umunyamabanga wa Leta muri Minisiteri y’Ubutabera ushinzwe kurinda Itegekonshinga n’andi mategeko, avuga ko bibabaje kuba hari umuyobozi ku rwego rwa Minisitiri ushobora gukubita umukobwa ushinzwe umutekano ku nyubako y’ubucuruzi nk’iyo Evode yari yinjiyemo.

Agendeye ku makuru yuzuye yahawe, Umukuru w’Igihugu yavuze ko Uwizeyimana Evode yabanje gukora ikosa ryo guparika imodoka ahantu hadakwiye guhagarikwa imodoka.

Iri kosa amaze kurikora, ngo ntiyabyitayeho ahubwo akomeza mu nyubako y’ubucuruzi, ashaka kwinjira atanyuze aho basakira, yanga ko bamusaka ananga kunyura mu byuma byifashishwa mu gucunga umutekano (Scanner).

Umukobwa wari uri aho basakira, ngo yaramwegereye n’ikinyabupfura, amubwira ko aho atari ho abantu banyura, aho kumwumva ngo aramukubita anamuhirika hasi aribarangura.

Perezida Kagame yagize ati “Sibwo bwa mbere, si ubwa kabiri akora ibi. Niko asanzwe abigenza, ahubwo mwarabibonye muraceceka. Kuki mwarebaga Minisitiri akora ibyo mukabyihorera? Kugeza igihe nzabimenyera nkabaza Minisitiri w’Intebe na Minisitiri w’ubutabera?”

Umukuru w’Igihugu yavuze ko aya makosa atari ubwa mbere yari abaye, ariko akavuga ko hari bamwe mu bayobozi bari basanzwe babizi ko akora ayo makosa ntibabigaragaze.

Ku kibazo cya Dr. Isaac Munyakazi, Umukuru w’Igihugu yagaragaje ko habaye amakosa yise ko “ateye isoni”.

Yagize ati “Munyakazi yari Minisitiri w’Uburezi. Ngo hari uburyo bashyira mu myanya ibigo by’amashuri byatsinze kurusha ibindi. Abayobozi b’ishuri bajya kureba Munyakazi, kuko ishuri ryabo ryari ryabaye irya nyuma.”
Iki gihe ngo Munyakazi yemeye guhindura ishuri ryari irya nyuma arishyira mu myanya y’imbere, bamuha ruswa y’ibihumbi magana atanu by’amanyarwanda (500,000 Rwf).

Umukuru w’Igihugu avuga ko ibi Munyakazi yaje no kubyemera amaze gufatirwa mu cyuho, kuko hari ibimenyetso byamushinjaga.

Umukuru w’Igihugu yavuze ko ikibabaje ari uko n’iyo atamuhagarika ngo nta muyobozi wari gutinyuka kuvuga amakosa yakoze. Ati “Iyo njya kumureka tukazana hano, ntawari kuza ngo ambaze ngo kuki uyu turi kumwe hano, kandi ari umunyamakosa. Mwari kubiceceka.”

Dr. Diane Gashumba na we yavuze ko bitari inshuro imwe akora amakosa arimo no kubeshya.

Perezida Kagame ati “Sinzi ukuntu byanjemo mu gitondo mbyutse, ntelefona bamwe mu bayobozi nanajya kwa Minisitiri w’Intebe ndavuga nti iriya Virus yateye mu Bushinwa, ko tugiye kujya mu mwiherero twese badupimye twajyayo tumeze neza kuko tuba tuzateranira mu cyumba kimwe dusabana, tunaganira. Badupime kandi bampereho.”

Ati “Hari hashize iminsi bambwiye ko twiteguye guhangana n’iki cyorezo kandi ko twamenya ko yatugezemo.”

Ariko ngo haje ubutumwa buvuye kwa Dr Diane Gashumba buvuga ko atari ngombwa ko abajya mu mwiherero babanza gupimwa, Umukuru w’Igihugu abyibazaho.

Gusa ngo Gashumba yari yanatanze amakuru ko hari ibikoresho byapima abantu ibihumbi 3500, avuga ko bavanyemo ibikoresho bipima abantu 400 bagiye mu mwiherero byaba byangije ibikoresho kandi bitari ngombwa.

Uwo Perezida yari atumye, ngo yabwiye Gashumba ko icyifuzo cy’Umukuru w’Igihugu gishobora no kuba itegeko, amubwira ko niba atabikoze yakwihamagarira Perezida akabimwibwirira.

Byageze aho abashinzwe umutekano bajya kugenzura muri Minisiteri y’Ubuzima bajya kureba niba koko ibyo bikoresho bipima abantu 3500 bihari, ariko ngo bagezeyo, basanze hari ibikoresho byo gupima abantu 95 gusa.

Umukuru w’Igihugu amaze kubona raporo ivuye mu nzego z’umutekano, yongeye kubaza Dr. Gashumba niba koko ibyo abona muri Raporo ari byo, Minisitiri Gashumba yemera ko ibyo bikoresho bidahari ndetse yemera ko byari ikinyoma.

Umukuru w’Igihugu yasoje ijambo rye asaba abayobozi bateraniye mu mwiherero kwiga kuvugisha ukuri no ku bibazo biba bihari, no kudahishira abanyamakosa bari mu buyobozi. Yanasabye abakiri bato muri Leta kutagendera ku kinyoma mu gihe bashaka ko u Rwanda rutera imbere.

Umwiherero wa 17 w’abayobozi b’u Rwanda, uteraniyemo abayobozi 400 mu nzego nkuru za Leta, mu rwego rwo kwigira hamwe uko hakemurwa ibibazo Abanyarwanda bahura na byo.

Amafoto: Village Urugwiro

Ku mirongo y’imbere ahicara abanyacyubahiro bishyuye akayabo, Madamu Jeannette Kagame yagaragaye yishimira zimwe mu ndirimbo za kera z’itsinda rya Kassav, hamwe n’umuhanzi w’umunyarwanda Christopher.

Igitaramo kigitangira, yabanje kwicara mu byicaro byari byamuteguriwe, ariko uko igitaramo cyagendaga gishyuha aza kugera aho arahaguruka, yishimira uburyohe bw’umuziki hamwe n’abandi bari muri iki cyumba.

Benshi mu bandikaga ku mbuga nkoranyambaga, bagaragaje ko ari iby’agaciro kuba Madamu Jeannette Kagame ashyigikira umuziki n’ibitaramo bibera mu Rwanda.

Kassav ni itsinda ryavukiye muri Guadeloupe, rikaba rizwi cyane kuva mu myaka ya 1979. Ryamamaye cyane kubera kuririmba no gucuranga injyana za Zouk zibyinwa n’abegeranye kandi bakaririmba amagambo y’urukundo.

Bamenyekanye mu ndirimbo nka “Ou Le’, Kore’ Se’re’, Soulage Yo, n’izindi nyinshi zamenyekanye hafi ku mubumbe wose.

Uretse iri tsinda rije mu Rwanda ku nshuro ya mbere, iki gitaramo cyanaririmbyemo umunyarwanda Christopher na we wahagurukije abatari bake kuri uyu munsi w’abakundana, cyane ko ari umwe mu bahanzi Nyarwanda bafite indirimbo z’urukundo.

Inkuru bijyanye:

Kassav izasusurutsa Abanyarwanda ku munsi w’abakundana

Aho wasohokera kuri uyu munsi w’abakundana

Ingabire Marie Immaculée yatanze ikiganiro ku bakobwa 20 bari mu mwiherero

Umwaka ushize wa 2019 muri Mutarama ubwo irushanwa rya Miss Rwanda ryarimo rishaka uzambara ikamba [ubu ryambawe na Nimwiza Meghan], Ingabire Marie Imaculée ukurikirwa na benshi kuri Twitter, yanditse ku rukuta rwe ati “Nagerageje kumva akamaro ka Miss ariko wapi narakabuze. Sinzi icyo imariye Abanyarwanda dore ko n’abayizi ari bake cyane. N’ababaye ba Miss kugeza ubu simbona akarusho bazanye mu iterambere ry’igihugu. Pfffff”.

Bamwe bemeranyije na we bavuga ko ari irushanwa ridafite akamaro, ariko abandi bamwandikira bamunenga ko akwiye gutera intambwe agasobanukirwa icyo irushanwa rimaze aho kugaragara nk’urirwanya.

Nyuma y’umwaka umwe gusa avuze ibi, byatunguye abantu ubwo amafoto y’uyu mugore uvuga rikijyana yamugaragazaga ari imbere yigisha aba bakobwa ibijyanye no kurwanya ihohoterwa rikorerwa igitsina gore, n’irikorerwa abana.

Atangira gutanga ikiganiro, Ingabire yaragize ati “Mbere y’umwaka ushize sinakurikiraga Miss Rwanda, ariko hari ikintu nayikundiye ko iha umwanya umwana w’umukobwa akigirira icyizere”.

Ingabire aganiriza abakobwa bari muri Miss rwanda 2020

Mu kiganiro kirekire yagiranye n’abakobwa 20 bari i Nyamata mu mwiherero, yagarutse ku kamaro k’irushanwa mu guteza imbere umwana w’umukobwa, abereka ko ari bo igihugu giteze amaso mu minsi iri imbere, kuko ari bo bazavura Abanyarwanda, ndetse abibutsa ko bazanaba ababyeyi b’ejo hazaza bazarerera u Rwanda.

Kuri iyi nshuro ubwo yasuraga aba bakobwa, amafoto ya Ingabire Marie Immaculée yagaragaye ku mbuga za Miss Rwanda. Mu butumwa bwe, Ingabire yanashimiye cyane abategura iri rushanwa abasaba gukomeza iki gikorwa kuko giteza imbere abana b’abakobwa.

Siyansi igaragaza ko hari abana benshi bavukana ibibazo by’ubusembwa n’ubumuga buturutse ku kuba uturangamurage two mu maraso twarigabanyije nabi mu gihe cy’isamwa ry’umwana.

Ibi bitera icyakwitwa nk’impanuka mu kwirema kw’ibice by’umwana haba ku mubiri hagaragara cyangwa se ku bwonko bw’umwana, bigatuma avukana ibibazo bishobora no kumuherekeza kugeza mu zabukuru.

Miss Kamikazi Rurangirwa Nadege urimo wiyamamariza ikamba rya Miss Rwanda muri 2020, yakoze umushinga wo kwita kuri aba bana bavukana bene ibi bibazo, kuko ngo bahura n’itotezwa, ihezwa no kudahabwa uburenganzira bwabo, ndetse ngo hari n’imiryango ibica bakivuka.

Mu gihe yiyamamazaga, Kamikazi urangije amashuri yisumbuye mu by’ubumenyi bwa Mudasobwa yavuze ko azakora porogaramu ishyirwa muri Telefoni ifasha ababyeyi kumenyesha ibibazo by’aba bana, gukusanya inkunga no gushyiraho ikigega cyo gufasha aba bana kugira ngo abakeneye kubagwa babikorerwe n’abakeneye kwigishwa mu buryo bwihariye bigishwe.

Iyi porogaramu izakorwa, izahabwa inzego z’ubuvuzi zo mu Rwanda kugira ngo ifashe mu kwigisha ababyeyi iby’izi ndwara, binigishwe abajyanama b’ubuzima kugira ngo bajye batanga amakuru ku mwana ugaragaje ibimenyetso by’ubu busembwa.

Zimwe mu mpamvu zituma Miss Rurangirwa yita kuri aba bana, ngo ni uko aba bana basa n’abahabwa akato gakabije bakanimwa uburenganzira bwabo.

Benshi muri aba bana ngo bafungiranirwa mu nzu, abandi imiryango ikabafata nk’udukoko tutagize icyo tumaze.

Kamikazi Rurangirwa Nadege ari mu bahatanira ikamba rya Nyampinga w’u Rwanda 2020 (Ifoto: Miss Rwanda)

Ikibazo cy’abana bavukana ubumuga n’ubusembwa kirakomeye mu Rwanda. Dr. Ntaganda Edmond uvura abana bavukana ubusembwa mu bitaro bya CHUK, aherutse kubwira Kigali Today ko buri mwaka, muri ibi bitaro havuka nibura abana 1000. Benshi muri aba bana baba bakeneye kubagwa kugira ngo bavurwe neza, ariko uyu muganga avuga ko bafite ubushobozi bwo kubaga abana hagati ya 400 na 500 gusa.

Ubuke bw’aba baganga bita kuri bene ibi bibazo, buhangayikishije Ministeri y’Ubuzima, ariko ngo Kaminuza y’u Rwanda yabasezeranyije ko bidatinze izasohora abaganga bita kuri aba bana.

Kamikazi Rurangirwa Nadege ari mu mwiherero i Nyamata hamwe n’abandi bakobwa bagenzi be aho bitegura guhatanira ikamba rya Miss Rwanda. Aramutse atowe, uyu ni wo mushinga yakwihutira gukora mu rwego rwo kunganira aba bana.

Yvan Buravan yasohoye indirimbo “Ndagukunda” ari mu Bufaransa, ayimenyekanisha akoresheje imbuga ze nkoranyambaga.

Mu masaha yakurikiyeho, Buravan yagaragaye mu mafoto ari kumwe n’umuryango w’umuhanzi Ben Kayiranga na we uba mu Bufaransa. Buravan yabwiye Kigali Today ko amerewe neza muri iki gihugu amaze kumenyera kujyamo.

Buravan yagize ati “Ndi mu Bufaransa ariko si ho nzakorera igitaramo. Igitaramo mfite mu Burayi ni kimwe gusa kiri muri Sweden kuri St Valentin.”

Yvan Buravan asubiye i Burayi nyuma yo kuzenguruka ibihugu bitandukanye birimo n’u Bufaransa ku itike yari yahawe na Radio Mpuzamahanga y’Abafaransa (RFI) kubwo gutsindira igihembo cyitwa Prix Découvertes RFI gitangwa n’iyi Radio ku bahanzi b’Abanyafurika bakomoka mu bihugu bivuga Igifaransa.

Mutesi Denyse (28): Yiga muri Kaminuza mu ishami ry’ubucuruzi mpuzamahanga, umushinga we ni uwo kuvumbura impano mu rubyiruko no gukora ubujyanama ku bantu bakora imishinga itandukanye itanga akazi ku rubyiruko.

Ingabire Gaudence (8): Yiga muri kaminuza mu ishami ry’ubucuruzi n’imicungire. Umushinga we ugamije guteza imbere ubukerarugendo bw’imbere mu gihugu.

Ingabire Rehema (10): Afite umushinga wihariye ujyanye no gushyiraho isoko ryihariye ry’abarimu, kugira ngo babashe kubaho neza bijyanye n’umushahara bahembwa.

Musanase Hense (26): Arangije amashuri yisumbuye mu ishami ry’Ibinyabuzima, Ubutabire n’imibare. Umushinga we ujyanye no gukora ubukangurambaga ku bwirinzi bw’indwara ya Kanseri.

Kirezi Rutaremara Brune (17): Arangije amashuri yisumbuye mu ishami ry’Imibare, Ubukungu n’Ubumenyi bw’Isi. Umushinga we ujyanye no gufasha Abanyarwanda bahura n’ibibazo byo mu mutwe, aho azashyiraho porogaramu yo muri Telefoni izajya ituma abafite bene ibi bibazo bahura n’abashobora kubafasha.

Mukangwije Rosine (21): Uyu ni we wari ubitse ikamba rya Miss Elegancy 2019, uretse ko abashinzwe irushanwa ryamwambitse ikamba bavuze ko agomba kuryamburwa kuko yashinjwaga kugira imyitwarire mibi no kubura ikinyabupfura.

Yarangije amashuri yisumbuye mu ishami ry’Imibare, Ubugenge, n’Ubumenyi bw’isi. Azatangiza ubukangurambaga bwo kwihangira imirimo mu rubyiruko ku rwego rw’uturere.

Ingabire Diane (7): arangije amashuri yisumbuye mu ishami ry’amateka, ubukungu n’ubumenyi bw’isi. Umushinga we ni uw’ubukangurambaga mu kugabanya ikoreshwa ry’ibiyobyabwenge mu rubyiruko.

Ingabire Jolly Ange (9): arangije amashuri yisumbuye mu mateka, mu bukungu n’ubuvanganzo. Umushinga we ni ugukangurira urubyiruko kwizigamira, aho azanashinga amatsinda y’urubyiruko hagamijwe kwizigamira kugira ngo bibe umuco mu bakiri bato.

Mutegwantebe Chanisse (27): Yiga muri kaminuza mu ishami ry’icungamutungo. Umushinga we ujyanye no kugabanya umubare w’abana bo ku muhanda no kubakorera ubuvugizi ngo babone ubushobozi bwo kuva mu muhanda bakiteza imbere.

Kamikazi Rurangirwa Nadege (15): Yarangije amashuri yisumbuye mu by’ubumenyi bwa Mudasobwa n’imicungire y’ubucuruzi. Umushinga we ni ugufasha abana bavukana ibibazo.

Akaliza Hope (1): Yiga ubukungu, icungamutungo n’ubucuruzi muri Kaminuza ya Kigali, umushinga we ukaba ujyanye no gufasha abakobwa kwinjira mu bucyerarugendo.

Umuratwa Anitha (42): Yarangije amashuri yisumbuye mu mibare, Ubumenyi bw’isi n’ubukungu. Umushinga we ni ugufasha abakiri bato kwivumburamo impano no kuzibyaza umusaruro, kugira ngo bazakabye inzozi zabo.

Marebe Benitha (18): arangije amashuri yisumbuye mu Mibare, Ubukungu n’ubumenyi bwa Mudasobwa. Umushinga we ujyanye no kwita ku bana bafite ubumuga no kubafasha kubona ibigo bibigisha ubumenyingiro, bityo bakabasha kwihangira akazi.

Teta Ndenga Nicole (35): arangije amashuri yisumbuye mu ishami ry’Amateka, ubukungu n’ubumenyi bw’Isi. Umushinga we ni ukurwanya imirire mibi n’igwingira mu bana, by’umwihariko akaba azashyiraho uburyo bwo kwigisha abakozi bo mu ngo bahorana n’abana.

Uwase Aisha (51): Afite umushinga wo gufasha abana bafashwe ku ngufu n’abagore basambanyijwe kuva mu bwigunge, no gufasha abagizweho ingaruka no gufatwa ku ngufu, aho azashinga ikigo kitwa “Malayika Center.”

Nyinawumuntu Rwiririza Delice (33): Yiga ibijyanye no kwakira abantu muri kaminuza. Umushinga we ujyanye n’ubukangurambaga bwo gutinyura abakobwa kwiga amasomo ya Siyansi.

Umutesi Denyse (43): yarangije amashuri yisumbuye mu mateka, Ubukungu n’ubuvanganzo, umushinga we ukaba ari ugushishikariza abaguzi kumenya uburenganzira bwabo, abicishije mu nyigisho z’amatsinda.

Umwiza Phiona (47): Yarangije amashuri yisumbuye mu Bukungu, Imibare n’ubumenyi bw’isi. Umushinga we ujyanye no gufasha ababyeyi gutuma abana babo badahungabanywa.

Nishimwe Naomie (31): Arangije amashuri yisumbuye, yize Imibare, Ubukungu n’ubumenyi bw’isi, Umushinga we ujyanye no kugabanya ingaruka ziterwa n’ibibazo byo mu mutwe. Aramutse abaye Miss yashyiraho umurongo abantu bafite ibibazo byo mu mutwe bazajya bakoresha bakabona ubufasha.

Irasubiza Alliance (11): Yiga ubucuruzi mpuzamahanga muri Kaminuza. Ni we wa mbere wahawe amahirwe yo gukomeza kuko yari afite amanota menshi mu batoreye kuri murandasi n’ubutumwa bugufi.

Umushinga we ujyanye n’ubukangurambaga ku bana batwita inda zitateguwe.

Inkuru bijyanye:

Miss Rwanda: Abakobwa 20 bazajya mu mwiherero bamenyekanye

Amafoto: Miss Rwanda

Aba ni bo 20 bagiye kwerekeza mu mwiherero bakazatoranywamo Nyampinga w’u Rwanda wa 2020 (Ifoto: Miss Rwanda)

Abakobwa batoranyijwe, ni:

Irasubiza Alliance wambaye numero 11, kimwe na Nishimwe Naomie wambaye numero 31, bahise batambuka nta kindi kirebweho, kuko batowe n’umubare munini w’abatoreraga kuri Murandasi (internet) ndetse no ku butumwa bugufi.

Abandi bakobwa 18 bahawe gukomeza hakurikijwe uburyo basobanuye imishinga yabo n’uko bitwaye imbere y’imbaga bari bahagaze imbere harimo n’akanama nkemurampaka. Abo ni Mutesi Denyse (28), Ingabire Gaudence (8), Ingabire Rehema (10), Musanase Hense (26), Kirezi Rutaremara Brune (17), Mukangwije Rosine (21), Ingabire Diane (7), Ingabire Jolly Ange (9), Mutegwantebe Chanisse (27), Kamikazi Rurangirwa Nadege (15), Akaliza Hope (1), Umuratwa Anitha (42), Marebe Benitha (18), Teta Ndenga Nicole (35), Uwase Aisha (51), Nyinawumuntu Rwiririza Delice (33), Umutesi Denyse (43) na Umwiza Phiona (47).

Ibirori byatoranyirijwemo aba bakobwa, byitabiriwe n’abatari benshi ugereranyije n’ukuntu ibi birori bisanzwe bigenda, kuko abantu batari buzuye ihema uretse gusa igice cya VIP n’ahicaye ababyeyi, ahandi mu bafana wabonaga harimo intebe ziticaweho, bamwe bagakeka ko imvura yaguye hakiri kare yabigizemo uruhare.

Abakobwa batoranywaga, ntabwo bagowe cyane nk’ibisanzwe kubera ko bazaga imbere y’akanama nkemurampaka, bagasobanura imishinga yabo mu rurimi bahisemo bitandukanye n’uko mbere umukobwa yasabwaga gusubiza mu Kinyarwanda n’urundi rurimi rumwe mpuzamahanga (Igifaransa cyangwa Icyongereza).

Muri 54 hatoranyijwemo 20 bakomeza, abandi 34 barasigara (Ifoto: Miss Rwanda)

Abakemurampaka bari bagizwe na Miss Mutesi Jolly wabaye Nyampinga w’u Rwanda muri 2016, Umuhanzikazi Mariya Yohana ukunda kuririmba indirimbo z’umuco, Mukazibera Agnes wakoze Politiki mu Rwanda akaba no mu Nteko Ishinga Amategeko, Kaberuka Teddy uzobereye iby’ubukungu, n’umunyamakuru Munyaneza James, bivuze ko Miss Jolly ari we wenyine wagarutse muri aka kanama mu bo bakoranye amajonjora yazengurukaga intara.

Aba bakobwa 20 batoranyijwe bagiye guhita bajyanwa i Nyamata mu mwiherero w’ibyumweru bibiri, bavemo bajya gutoranywamo uzambikwa ikamba rya Miss Rwanda 2020 mu birori bizabera muri Kigali Arena

Inkuru bijyanye:

Miss Rwanda: Irebere uburanga bw’abakobwa 20 bakomeje n’imishinga bateganya gukora

Fireman nk’umusivili, yafungiwe muri gereza ya gisirikare kubera ko uwo bacyeka ko bakoranye icyaha ari umusirikare bituma bose bafungirwa muri gereza ya gisirikare banaburanira mu rukiko rwa gisirikare.

Ku wa 6 Mutarama 2020, urukiko rwa Gisirikare rwari rwategetse ko Fireman n’uwo bareganwa mu idosiye bakurikiranwa bafunze, by’umwihariko kuri Fireman ngo urukiko rwashingiye ku kuba adafite aho abarizwa hazwi ku buryo ubutabera bushobora kutamubona igihe bwamushakira.

Inshuti magara y’uyu muhanzi Jay C yatanze ingwate y’icyangombwa cy’ubutaka bwe kugira ngo yemererwe kuburana ari hanze ariko urukiko ntirwahita rwemera iyi ngwate.

Umunyamategeko wa Fireman yajuririye icyemezo cy’urukiko, bituma urukiko rwongera gutegeka ko afungurwa by’agateganyo akajya akurikiranwa ari hanze, ubu akaba yageze hanze nk’uko tubikesha inshuti ze zirimo Jay C na Bull Dogg.

Fireman yinjiye muri gereza amaze iminsi mike avuye kugororerwa Iwawa, aho yagiye muri 2018 agiye gusubizwa ku murongo nyuma yo kuganzwa n’ibiyobyabwenge, aha Iwawa akaba ari na ho bivugwa ko yakoreye ibyaha ashinjwa ubwo yari umuyobozi w’abandi bagororwa ashinzwe gukoresha akarasisi.

Igor Mabano ni umuhanzi utaratinze kuzamuka, kuva akimara gusohora indirimbo ye ya mbere muri Kamena 2018, none nyuma y’umwaka n’igice agiye kumurika umuzingo we wa mbere.

Uyu musore yaje mu muziki atararangiza no kwiga umuziki mu ishuri ryo ku Nyundo kuko yabanje kujya aririmba anakora umuziki muri Studio ya Kina Music yimenyereza umwuga (stage).

Ubwo yasohoraga indirimbo ye ya mbere ‘Iyo utegereza’ Ishimwe Clement uyobora Kina Music yabwiye Kigali Today ko batarasinyana amasezerano yo gukorana nk’umuhanzi wa Kina Music, ariko ko barimo bamufasha bisanzwe.

Nyuma uyu musore yaje gusinya amasezerano muri iyi nzu, benshi bavuga ko aje kuziba icyuho cyasinzwe na Christopher wari warisezereyemo ku bushake.

Nyuma y’igihe gito asinye muri Kina Music, Igor ubu amaze kuba umwe mu bahanzi beza bari mu gihugu.

Tariki 5 Ukwakira 2019, yabonye amahirwe yo kujya kuririmba muri Rwanda Day yabereye i Bonn mu Budage, hamwe n’abandi bahanzi nyarwanda bakomeye.

Uyu mukobwa akimara kwinjira mu bakobwa 20 baserukiye Umujyi wa Kigali muri Miss Rwanda, imbuga nkoranyambaga zahise zimwambika ikamba zititaye ku bindi bigenderwaho n’akanama nkemurampaka, zitanitaye ku rugendo rurerure rusigaye rurimo guhatana n’abandi bakobwa 54 bataranajya mu ijonjora rusange.

Nishimwe Naomie ni umwe mu banyarwandakazi bakurikiranwa na benshi ku mbuga nkoranyambaga, akaba ari n’umwe mu bakobwa bamamaza ibikorwa bya MTN, umufatanyabikorwa wa Miss Rwanda uzanatanga ibihembo ku mukobwa uzahabwa ikamba ry’uwakunzwe na benshi (Miss Popularity).

Urubuga rwe rwa Instagram rukurikiranwa n’abarenze ibihumbi 69 ari na rwo akunda gukoresha yamamaza ibikorwa nk’ibi by’ubucuruzi.

Ubwo yageraga ahateraniye abandi bakobwa bari baje kwiyamamaza, yabanje kumera nk’uwihisha itangazamakuru, ndetse anarangije amajonjora y’ibanze, yanze kuvugana n’itangazamakuru burundu, yinjira mu modoka aritahira.

N’ubwo ibi byabaye ikibazo mu itangazamakuru, byakomeye cyane ubwo isura ye yagaragaraga mu ndirimbo bise “Yello Nation” mu mabara ya MTN abyina anaririmba ibikorwa by’icyo kigo gicuruza ibyerekeranye n’itumanaho mu Rwanda.

Iyi ndirimbo ikimara gusohoka, abantu bibajije uburyo umuntu urimo wamamaza ibikorwa by’ikigo na we ahise ajya mu irushanwa rizaterwa inkunga n’icyo kigo, ariko birushaho gutera urujijo ubwo Umuyobozi ushinzwe ibyerekeranye n’ubucuruzi muri icyo kigo, bwana Alain Numa, yashyiraga ifoto ya Naomie kuri Instagram yambaye umwenda w’ikigo cye, amubwira ati “Komeza Komeza Naomie. Tuzahurire ku mwisho w’irushanwa”.

Abakurikira imbuga nkoranyambaga bakimara kubona iyi foto, bemeje ko nta kabuza uyu mukobwa ashobora kuba yarasezeranyijwe kugera mu cyiciro cya nyuma gishoboka cy’irushanwa ari na ho hazatorwamo uzambikwa ikamba rya Miss Rwanda na Miss Popularity.

Mu kiganiro n’itangazamakuru, ubwo umunyamakuru yabazaga kuri iki kibazo, abakobwa bose bari muri iri rushanwa bumvikanye bajujura basa n’abagaragaza ko kuba uwo bahanganye ari umukozi w’ikigo nterankunga mu irushanwa ari ikimenyetso cy’uko hashobora kubamo ubusumbane mu gihe cyo gutora abazambikwa amakamba.

Bamwe babona ko biramutse ari gutya bimeze, byaba bisa nk’aho ikigo cyizaniye uwo kizahemba muri iri rushanwa, cyane ko kuba akorana na cyo asanzwe anazi imikorere y’ubucuruzi bw’iki kigo.

Hari amakuru avugwa ko ubwo aba bakobwa bahuriraga ku kigo cya Afrifame gishinzwe gufata amafoto baje kwifotoza, Nishimwe Naomie yongoreye bagenzi be bari begeranye ati “Erega jyewe ikamba ryanjye rirahari. Namwe nimushake ayanyu”. Nubwo atasobanuye ubwoko bw’ikamba rye riri mu irushanwa, benshi baketse irya Miss Popularity.

Icyakora mu buryo butoroshye, Fanny Wibabara wari uhagarariye MTN muri icyo kiganiro n’abanyamakuru, yagize ati “Ikigo cyacu ni ikigo gitanga amahirwe angana kandi gikorera mu mucyo, ntabwo dushobora guha amahirwe umuntu umwe. Impamvu twakwirakwije amashusho arimo uyu mukobwa, ni uko turi muri gahunda yo kwamamaza igikorwa cya #ConnectRwanda kandi ntabwo twamamaje umukobwa twamamaje itsinda ryabo uko bahuriye mu ndirimbo”

Kugarukwaho cyane ku mbuga nkoranyambaga, no gukorana n’ikigo gitera inkunga irushanwa, ni ingingo zituma abantu bibaza niba Nishimwe Naomie anganya amahirwe na bagenzi be benda guhurira mu ijonjora ry’ibanze rya Miss Rwanda.

Icyakora Ishimwe Dieudonné ukuriye ibikorwa byo gutoranya Miss Rwanda, yavuze ko ibyo abantu batekereza n’ibyo bagenda bavuga bihabanye cyane n’ugushaka kw’akanama nkemurampaka, avuga ko akanama nkemurampaka ari ko kazahitamo Nyampinga kagendeye ku bushobozi bwa buri wese aho kugendera ku marangamutima y’abakoresha imbuga nkoranyambaga.

Yagize ati “Buri muntu wese afite uburenganzira bwo gushyigikira umuntu ashaka. Ndibaza ko nta tangazo ryemewe Ikigo cya MTN cyashyize hanze kivuga ko gishyigikiye Naomie, ahubwo ni umukozi w’ikigo wabishyize ku rukuta rwe kandi nta kosa ririmo. Ibyo guhitamo nyampinga ni uburenganzira bw’akanama nkemurampaka gashingiye ku bushobozi, kandi nta muntu n’umwe washyira igitutu kuri ako kanama ngo mutore uyu cyangwa uriya.”

Kuva muri 2015 umuntu wese wavuzwe na benshi ku mbuga nkoranyambaga bigashyushya irushanwa, byagiye bimuhesha ikamba rimwe mu makamba ahatanirwa muri Miss Rwanda cyane cyane kuba Miss Popularity.

Muri rusange, abakobwa bamaze gutorwa mu Rwanda hose ni 54, barimo 6 batowe mu Burengerazuba, 6 batowe mu Majyaruguru, 7 batowe mu Majyepfo na 15 batowe mu Ntara y’Iburasirazuba.

Ku itariki 21 Ukuboza 2019, irushanwa rya Miss Rwanda ryerekeje mu Burengerazuba bw’u Rwanda mu bakobwa 13 bari bujuje ibisabwa hatoranywamo abakobwa 6 bahagararira iyi ntara.

Intara y’Iburengerazuba

Akaliza Hope (No 7)

Uwamahoro Phoebe (No 11)

Uwimana Joyeuse (No 6)

Umutesi Denise (No 2 )

Umuratwa Anitha (No 10)

Uwase Aisha (No 1)

.

Intara y’Amajyaruguru

Ku itariki ya 28 Ukuboza 2019 mu Mujyi wa Musanze, hatowe abakobwa batandatu bazahagararira intara y’amajyaruguru. Abatowe ni aba:

Umubyeyi Natacha (No 1)

Mukabashambo Phionah (No.8)

Tumuhorane Braise (No.13)

Urujeni Melissa (No.9)

Umuhoza Doreen (No.3)

Mukangwije Rosine (No.14)

Intara y’Amajyepfo

Ku itariki 04 Mutarama 2020, mu Karere ka Huye hatowe abakobwa 7 bazahagararira Intara y’Amajyepfo.

Abatoranyijwe ni:

Imanishimwe Hope Joy (No 12)

Musana Teta Hense (No 4)

Umwaliwase Claudette (No 1)

Igihozo Diane (No 16)

Ingabire Jolie Ange (No 3)

Umutoniwase Nadia (No 10)

Mumporeze Josiane (No 6)

Intara y’Iburasirazuba

Tariki 11 Mutarama 2020, mu Karere ka Kayonza hatowe abakobwa 15 bazahagararira Intara y’Iburasirazuba. Ni aba bakurikira:

Ineza Charlène (No 5)

Ingabire Denyse (No 24)

Ingabire Diane (No 28)

Ingabire Rehema (No 7)

Kansime Deborah (No 9)

Munezero Grace (No 21)

Murangamirwa Ange (No 8)

Niheza Deborah (No 3)

Nikuze Icyeza Aline (No 15)

Numukobwa Dalillah (No 26)

Nyinawumuntu Rwiririza Delice (No 25)

Teta Ndenga Nicole (No 30)

Umutesi Nadege (No 17)

Umwiza Phiona (No 6)

Wihogora Phionnah (No 4)

Umujyi wa Kigali

Mu mpera z’iki cyumweru, Umujyi wa Kigali waciye agahigo ko kuba ari wo wa mbere waturutsemo abakobwa benshi, baruta abaturutse mu ntara eshatu zabanje gukorerwamo amajonjora.

Abatoranyijwe ni:

Tuza Prime Rose (No 22)

Mpinganzima Josephine (No 19)

Murerwa Blandine (No 3)

Irakiza Alliance (No 24)

Teta Mauren (No 4)

Uwimpaye Marlene (No 25)

Kamikazi Rurangirwa Nadine (No 5)

Utamuliza Ella (No 17)

Gaju Evelyne (No 28)

Umumararungu Ange Aline (No 10)

Mutesi Denyse (No 27)

Ishimwe Divine (No 14)

Ishimwe Melissa (No 21)

Kamikazi Celia (No 8)

Kirezi Rutaremara Brune (No 30)

Mutegwantebe Chanice (No 7)

Marebe Benitha (No 15)

Umulisa Rosemary (No 31)

Ingabire Gaudence (No 23)

Nishimwe Naomie (No 26)

Nyuma y’iri jonjora ry’ibanze, abakobwa bose bazahurira mu rindi jonjora rizaba ku itariki ya 01 Gashyantare 2020, hatoranywemo abakobwa 20 bazahita bajyanwa mu mwiherero.

Amafoto: Miss Rwanda

Abakobwa 20 bahagarariye Umujyi wa Kigali muri Miss Rwanda 2020

Byari akazi gakomeye ku kanama nkemurampaka, kuko kuri uyu wa Gatandatu tariki 18 Mutarama, ari na wo munsi wa nyuma w’ijonjora ry’ibanze, ahaberaga iri rushanwa hari hakubise huzuye abakobwa baje kugerageza amahirwe yasaga n’aho ari aya nyuma, kuko uwacikanwe azategereza umwaka utaha.

Umujyi wa Kigali wari wiyandikishijemo abakobwa 134, ariko aba bose si ko bakandagiye ahaberaga irushanwa. Hari abahinyuzaga basanga umurongo uhari bagahita bigendera, ariko ntibyabujije ko abakobwa 45 basuzumwa ibiro n’indeshyo, naho abakobwa 31 bemererwa kujya imbere y’akanama nkemurampaka.

Ahagana saa cyenda n’iminota 36, abakobwa bose bari bujuje ibisabwa bahamagajwe kwambara umwenda w’ibirori umaze kumenyerwa kuri buri mukobwa ugiye kurushanwa, bategereza ko babahamagara ngo banyure imbere y’akanama nkemurampaka kari kagizwe na Mutesi Jolly, Dr. Higiro Jean Pierre na Evelyne Umurerwa.

Buri mukobwa wese yahabwaga iminota iri hagati y’itanu n’irindwi nubwo hari abashoboraga kuyirenza abandi ntibayigezeho.

Guha umukobwa agahe gato ntibyabujije ko ijonjora ryafashe amasaha arenga atandatu, kuko ahagana saa yine z’ijoro ari bwo abakobwa bahagarariye Umujyi wa Kigali bamenyekanye, bamwe batangiye kurambirwa ababaherekeje bamwe banatashye.

Abakobwa 20 bazahagararira umujyi wa Kigali ni Tuza Prime Rose, Mpinganzima Josephine, Murerwa Blandine, Irakiza Alliance, Teta Mauren, Uwimpaye Marlene, Kamikazi Rurangirwa Nadine, Utamuliza Ella, Gaju Evelyne, Umumararungu Ange Aline, Mutesi Denyse, Ishimwe Divine, Ishimwe Melissa, Kamikazi Celia, Kirezi Rutaremara Brune, Mutegwantebe Chanice, Marebe Benitha, Umulisa Rosemary, Ingabire Gaudence na Nishimwe Naomie.

Abakobwa 20 batanzwe n’Umuji wa Kigali, bariyongera ku bandi 34 baturutse mu ntara, bose hamwe bakaba ari 54 bazahurizwa hamwe mu yandi majonjora azaba ku itariki ya 1/2/2020, hatoranywamo abakobwa 20 bazajya mu mwiherero.

Abakobwa 15 batowe mu Ntara y’Iburasirazuba

Umugi wa Kigali utahiwe, ni wo ukunda kuba isibaniro ry’abashaka kwegukana iri kamba kuko usanga ari ho hari umubare munini w’abiyandikisha, ariko hagatera ubwoba abatari bake.

Mu ntara enye hamaze guturuka abakobwa 34, barimo abakobwa batandatu bavuye mu Burengerazuba, batandatu bavuye mu Majyaruguru, barindwi bavuye mu Majyepfo, na 15 baheruka gutorerwa i Kayonza mu Ntara y’Uburengerazuba.

Kuki Uburasirazuba bwatowemo abakobwa benshi kurusha intara eshatu zabanje?

Mu mabwiriza mashya ya Miss Rwanda, harimo ibwiriza rivuga ko nta muntu uzatsindwa mu ntara imwe ngo yongere kwiyamamaza mu yindi ntara.

Bivuze ko uwafashe icyemezo cyo kujya kwiyamamariza mu ntara imwe, akanahatana, ubwo byarangiriye aho yahataniye.

Abakobwa batandatu batorewe mu Majyepfo

Mu ntara zitandukanye, hari abakobwa bagiye batubwira ko batashatse kuhiyamamariza, kuko bashakaga kubanza kureba imiterere y’irushanwa, bakareba uko abakobwa bagenzi babo bitwara, n’imibarize y’akanama nkemurampaka, bamara kubimenya bagafata icyemezo cyo guhatana.

Byatumwe benshi bo mu Ntara y’Uburengerazuba, Amajyaruguru n’Amajyepfo batari biyamamaje bajya guhatanira muri iyi ntara (Uburasirazuba), bituma umubare w’abafite ubushobozi uzamuka.

Ikindi cyatumye umubare utangira kuzamuka, ni uko hateganywa ijonjora ry’ibanza (Pre-Selection).

Batandatu batorewe mu Burengerazuba

Ku itariki 1/2/2020, abakobwa bose bavuye mu ntara n’Umujyi wa Kigali, bazahurira mu irushanwa hajonjorwemo abakobwa 20 bazajyanwa mu mwiherero.

Mbere yuko ijonjora rya Miss Rwanda rijya mu Burasirazuba, hari hamaze kuboneka abakobwa 19 gusa. Iyo ijonjora riguma kugendera kuri uyu muvuduko, gutoranya abakobwa byari kuzarangira habonetse abakobwa 31 cyangwa 32.

Kugira ngo ijonjora ry’ibanze rigire umubare ufatika w’abakobwa batoranywamo 20, akanama nkemurampaka kongereye umubare w’abakobwa mu Burasirazuba, bihesha amahirwe abakobwa benshi bazajya mu ijonjora ry’ibanze.

Ijonjora rya Kigali hazaca uwambaye

Abatorewe mu Ntara y’Amajyaruguru

Hari abakobwa barenga 130 bamaze kumenyekana ko biyandikishije kuza guhatana mu Mujyi wa Kigali, hakaba n’abandi bashobora kwiyongera kuko amasaha yo kwiyandikisha agihari.

Kigali yavuyemo Miss Rwanda 2019 Nimwiza Meghan, ihora yahuruje imbaga mu kwiyandikisha, ku buryo umwaka ushize abarenga 100 bahuriye ahaberaga ijonjora ry’ibanze, ijonjora ryamaze amasaha arenga atanu.

Hakurikijwe umubare w’abakobwa biyandikishirije i Kigali, birashoboka ko abakobwa bazaba benshi kandi bafite ubushobozi, ku buryo akanama nkemurampaka gashobora gufata umubare munini uruta uwafashwe mu zindi ntara.

Ku munsi wa nyuma wo kurushanwa, hari abakobwa baba baracikanwe mu zindi ntara, bakaza mu Mujyi wa Kigali kugerageza amahirwe yabo, kongeraho umubare w’abaturage benshi basanzwe batuye i Kigali, ibi na byo bikaba bigomba kuzazamura umubare w’abakobwa bazatoranywa muri Kigali.

Amakuru agera kuri Kigali Today aravuga ko imurika ry’iyi televiziyo rizaba kuri uyu wa Gatanu tariki 17 Mutarama 2020, i Gikondo ahazwi nko kwa Rujugiro aho isanzwe ikorera, bakaba baratumiye bamwe mu bafatanyabikorwa b’iyi televiziyo nshyashya, inshuti z’abahanzi za Melodie ndetse na bamwe mu banyamakuru.

Televiziyo ya Bruce Melodie yitwa ’Isibo’, izajya ifata amasaha menshi itambutsa umuziki n’ibiganiro by’abahanzi, akaba ari we muhanzi wa mbere mu Rwanda ushinze igitangazamakuru, akaba anateye ikirenge mu cya Diamond Platnumz ufite radio na televiziyo bya WASAFI bikunzwe cyane muri Tanzaniya.

Platini Nemeye (ibumoso) na Claude Mujyanama (TMC) bamaranye imyaka myinshi mu itsinda rya Dream Boys

Mu mwaka wa 2009 ubwo iri tsinda ryihuzaga bigizwemo uruhare na Studio ya Dream Records, ryinjiye ku isoko ry’umuziki wo mu Rwanda, rihirwa no gusohora indirimbo nyinshi z’ikinyarwanda n’igiswahili zakunzwe zirimo “Wanizingua”.

Muri 2009 bagitangira umuziki, guhura kw’iri tsinda byasabaga kwigomwa kuri TMC na Platini bari barigize, kuko Platini yigaga mu yahoze ari Kaminuza Nkuru y’u Rwanda i Huye, naho TMC akiga mu yahoze ari KIST. Mu gihe cyo gukora indirimbo, TMC yajyaga i Huye agasanga Platini kwa Nyakwigendera Dr Jacques, cyangwa Platini agasanga TMC i Kigali muri Dream Records na Lick Lick.

Muri iyi myaka irenga 11 bamaranye bakorana umuziki, babashije gushyira hanze imizingo (Albums) itandatu, bitabira irushanwa rya Primus Guma Guma Superstar (PGGSS) inshuro eshanu ndetse batwaramo imwe. Bageze kuri byinshi mu buzima bisanzwe birimo kubaka inzu zo guturamo, kugura imodoka zihenze bagendamo, n’ibindi bitandukanye.

Mu gihe cy’ibiruhuko, aba bombi batari ku masomo, babanaga mu nzu nk’abavandimwe, kugera n’uyu munsi aba bombi bamaze imyaka irenga 10 baba mu nzu imwe, ibintu binatangaza abantu benshi.

Gutandukana kwa Dream Boys birashoboka vuba cyane

N’ubwo aba bahanzi bamaranye imyaka irenga 11 ari nk’abavandimwe bakorana akazi, ubuzima bushobora kudakomeza gutya.

Muri 2014, TMC yabonye amahirwe yo kujya gukomeza amasomo ye muri kimwe mu bihugu byo mu Burayi ndetse atangira kuzuza impapuro zimuhesha ishuri.

Iki gihe, TMC yabwiye inshuti ze ko yaje kureka iby’iri shuri kuko yabonaga muri Dream Boys bafite ibikorwa byinshi by’umuziki n’amasezerano y’ibigo bya Leta n’ibyigenga bagombaga kubanza gusoreza amasezerano bituma TMC atajya ku masomo.

Mu mpera z’umwaka wa 2019, hongeye kumvikana amakuru avuga ko TMC agiye kujya gukorera akazi hanze y’u Rwanda akanahakomereza amasomo y’icyiciro cya kane cya kaminuza. N’ubwo ntawe yigeze abwira icyerekezo cy’aho azajya, bivugwa ko TMC ashobora kuba agiye kujya muri kimwe mu bihugu by’i Burayi cyangwa muri Leta zunze ubumwe za Amerika.

Mu kwezi k’Ugushyingo kwa 2019, umunyamakuru wa Kigali Today yigeze kubaza Platini niba Dream Boys itenda gusenyuka kubera ukugenda kwa TMC maze arasubiza ati “Ntabwo nabyemeza, ariko sinanabihakana. Gutandukana birashoboka kimwe n’uko bitashoboka. Twembi turakuze, kandi uko umuntu akura agenda abona andi mahirwe n’izindi nshingano ziba zimutegereje.”

Iki gihe, umunyamakuru yabazaga Platini amaze kumenya amakuru ko TMC arimo ashaka ibyangombwa byo kujya gutura muri kimwe mu bihugu by’i Burayi.

Mu ijoro ryo ku wa 9 Mutarama 2020, Platini yashyize hanze ifoto ari kumwe na Rayvanny wo muri Tanzania, bari muri Studio bakorana indirimbo.

Platini na Rayvanny muri Tanzania

TMC tumubajije iby’iyi foto yagize ati “Sinari nzi ko ari muri Tanzania wenda hazamo na Privacy.”

Tumubajije niba baba batandukanye koko nk’uko biri kuvugwa, yagize ati “Oya ntitwatandukanye, keretse niba ari Platini wabibabwiye.”

TMC avuga ko atazi niba koko Platini yakoze iyo ndirimbo ariko avuga ko ako ari akazi ka muzika gasanzwe kuko na we ngo mu Rwanda hari ibindi arimo.

Umuziki wa Platini wabaho ute adafite TMC?

N’ubwo bitaremezwa neza ko iri tsinda ryatandukanye, hari hashize iminsi rikora ricumbagira ku buryo byagaragaraga ko ibikorwa bya muzika by’itsinda bitabashishikaje.

Platini ni umuhanzi mwiza uzi kuririmba no kwandika neza, akagira n’umwihariko wo kumenya kubyina, ariko ibi byose yabikoraga ari kumwe na mugenzi we TMC.

Mu ntangiriro z’ugushingwa kw’itsinda, TMC yari umuririmbyi ngenderwaho naho Platini akunganira. Gusa ibi byaje kugenda bihinduka na we akajya afata inshingano zo kuyobora imiririmbire ya zimwe mu ndirimbo.

Indirimbo Platini aheruka kuririmbamo atari kumwe na TMC ni “Motema” yakoranye na Nel Ngabo wo muri Kina Music.

Kuba Platini yagiye gukorera indirimbo muri Tanzania, bishobora kuba bica amarenga ko arimo gupanga ubuzima bushya bw’umuziki utarimo TMC bafatanyije gukora imizingo irindwi, wanamubereye umuyobozi w’indirimbo muri icyo gihe cyose.

Dream Boys, ryari rimwe mu nkingi za mwamba hano mu Rwanda mu gihe cy’imyaka irenga 10, ni na rimwe mu bahanzi batasubiye hasi mu buhanzi muri iki gihe cy’ikinyacumi gishize.

Jay Polly ku bunani bwa 2019 ubwo yari afunguwe nyuma y’amezi atanu muri Gereza, yakiranywe urugwiro na The Mane

Mu butumwa yanditse ku mbuga nkoranyambaga ze, yagize ati “Ku bafana banjye n’itangazamakuru, nk’uko turimo dutangira umwaka wa 2020, ndashaka kubamenyesha ko nasoje amasezerano y’imikoranire na The Mane Music Label bitewe n’imikorere itarubahirijwe, nkaba ntaranyuzwe n’ibyakozwe muri ayo masezerano. Guhera uyu mwanya, umuziki wanjye n’ibindi bikorwa bitandukanye ntabwo bikiri mu biganza Bya The Mane. Mbifurije umwaka mushya muhire wa 2020.”

Ku bunani bw’umwaka wa 2019, Jay Polly yasohotse muri Gereza ya Mageragere aho yari amaze amezi atanu afungiwe, yakiranwa icyubahiro n’ubuyobozi bwa The Mane mu modoka y’abasirimu, ategurirwa n’ibirori byo ku mwakira byakesheje ijoro.

Nyuma y’ibi, byanavuzwe ko ubwo Jay Polly yari atarasubira mu rugo rwe kubera kutumvikana n’umugore we, The Mane yabaye icumbikiye Jay Polly muri Hotel i Nyarutarama nyuma baza no kumusinyisha amasezerano y’imikoranire asanga Queen Cha, Marina na Safi muri The Mane.

Agifungurwa, Jay Polly yavuze ko avuye muri Gereza yanditse umuzingo w’indirimbo yavugaga ko azawumurika muri 2019 ariko umwaka urangiye ashyize hanze indirimbo 4 gusa.

Inkuru bijyanye:

Muri Gereza Jay Polly yakoraga ibitaramo, afite abarinzi n’abakozi bashinzwe kumusasira

Jay Polly ati ’ibyabaye ni Satani gusa ndi umukirisitu wa ADEPR’

Mu gihe haburaga amasaha make ngo igitaramo kibe, Fally ashyize ubutumwa kuri Twitter ye mu ijoro ryo kuri uyu wa mbere, yihanganisha abari bamutegereje avuga ko atakije kuririmbira i Kigali.

Yagize ati "Ku bakunzi banjye ba Kigali, Bujumbura na Goma, mbabajwe no kubamenyesha ko ntabashije kuza mu bitaramo nari narabamenyesheje. Andi matariki azakurikiraho muzayamenyeshwa bidatinze. Ndiseguye ku bw’izo mpamvu".

Impamvu z’urugendo ni zo Fally Ipupa atanze mu gusubika iki gitaramo

Ibi bibaye mu gihe nta byumweru bibiri byari bishize n’ubundi uyu muhanzi asubitse igitaramo kinini yari yatumiwemo muri Uganda ahitwa Lugogo, nabwo avuga ko batewe n’impamvu z’urugendo rutamworoheye kandi nabwo yabimenyesheje habura amasaha make ngo igitaramo gitangire.

Iki gihe asubika igitaramo cya Lugogo, byaje kumenyekana ko abari bamutumiye batari bamwishyuye amafaranga yose bari bavuganye, ndetse ngo ntibari banamaze kumwishyurira amatike yose y’indege yagombaga kumuzana hamwe n’ikipe ye.

Ubuyobozi bwa Rwanda Events yari yateguye iki gitaramo, bwahise busohora itangazo ryemeza ko impamvu itumye Fally Ipupa ataza mu Rwanda ari ukubera uburwayi yagiriye i Abidjan muri Côte d’Ivoire, kuri ubu ngo akaba ari mu bitaro akurikiranwa n’abaganga.

Rwanda Events yavuze ko abaguze amatike bashobora kuyagumana kugeza igihe uyu muhanzi azakirira agasubukura iki gitaramo, ariko inashyiraho umurongo wakoreshwa ku bashaka gusubizwa amafaranga baguze amatike yabo.

Amakuru y’ubukwe bwa Gahima, ni we ubwe wayitangarije akoresheje urubuga rwe rwa Instagram ubwo yashyiragaho amafoto menshi amwe bari kurahira imbere y’amategeko mu murenge, andi barimo bifotoreza mu birori byarimo n’ababyeyi, arangije agira ati “It’s Official”.

Ubukwe bwa Gahima Gabriel na Nadege Narette bwabaye ku wa gatandatu tariki 28 Ukuboza 2019. Ni ubukwe butakorewemo imihango myinshi kuko habaye gushyingiranwa imbere y’ushinzwe irangamimerere mu Murenge wa Jali, hakurikiraho ibirori by’akanya gato byo gusangira n’inshuti n’imiryango yari iri aho aba bombi basezeraniye.

Nadege Narette washyingiranywe na Gahima, ni Umunyamerikakazi wuzuye akaba ari na ho atuye.

Ni umugore w’umuhanga mu masomo y’ubugenge akaba afite impamyabumenyi yakuye muri Kaminuza ya Rutgers muri New Jersey, akaba n’umukozi w’ikigo cyita ku buzima cyitwa Bethel Family Clinic.

Amakuru aravuga ko nyuma y’uku gushyingiranwa, umuryango wa Gahima na Narette uzahita wimukira muri Amerika aho umugore asanzwe afite akazi.

Gahima Gabriel (Gaby) yashyingiranywe na Aline Gahongayire muri 2013 batandukana hatarashira imyaka ibiri babana mu nzu. Umwana babyaranye, yahise apfa bitera igikomere Gahongayire watangaje kenshi ko atahiriwe n’urushako.

Mu itangazamakuru, Gahima yashinje Gahongayire kuba umugore udashobotse utajya umwubaha, naho Gahongayire akavuga ko Gahima ari we udashobotse wananiwe gufata inshingano z’urugo.

Abarenga 2/3 by’abakobwa biyandikishije muri aka karere ntabwo bakandagiye ahaberaga irushanwa, kuko hiyandikishije 75 ariko 23 gusa ni bo bakandagiye ahaberaga irushanwa.

Aba bakobwa na bo ntabwo ariko bari bujuje ibisabwa, kuko nyuma yo gusuzumwa hakurikijwe ibipimo bisabwa, abakobwa 9 bisanze hanze y’irushanwa bituma 14 gusa ari bo bambikwa amakanzu y’ibirori bagezwa imbere y’akanama nkemurampaka.

Jean Micheal Karangwa, Miss Mutesi Jolly na Evelyne Umurerwa bagize akanama nkemurampaka babajije ibibazo mu Kinyarwanda, hatoranywa Akaliza Hope, Uwamahoro Phoebe, Uwimana Joyeuse, Umutesi Denise, Umuratwa Anitha, na Uwase Aisha bahabwa impapuro zanditseho “PASS” nk’ikimenyetso ko bakomeje mu irushanwa.

Musanze, ni aha kabiri habereye ijonjora ry’ibanze muri Miss Rwanda 2020, rikaba ryarabanjirijwe n’iryabereye i Rubavu mu cyumweru gishize, naho mu cyumweru gitaha ijonjora rizakomereza mu Karere ka Huye hatoranywa abakobwa biyandikishirije mu Majyepfo.

Umwihariko uri muri iri jonjora, ni uko umukobwa watsindiwe ahantu hamwe atazemererwa kujya guhatana mu yindi ntara, nk’uko byari bisanzwe bimenyerewe.

Ku nshuro ya cyenda hagiye gutangwa iri kamba, no ku nshuro ya karindwi ikigo ‘Rwanda Inspiration Backup’ gitegura aya marushanwa, hari impinduka nyinshi zigaragara mu mitegurire, no mu mitangire y’ibihembo, hanahinduka amwe mu mabwiriza y’irushanwa.

1. Ku nshuro ya mbere Ikinyarwanda gihawe intebe itabangikanywa

Kuva irushanwa rya Miss Rwanda ryatangira kubaho muri 2009, ururimi rw’ikinyarwanda rwari ururimi rw’amaburakindi mu irushanwa, kuko kurukoresha rwonyine nta cyo byari kumarira uwarukoresheje, kabone n’ubwo yabaga afite ibitekerezo byiza.

Mbere y’uko umukobwa wese atangira ibazwa ry’ibanze, yatambukaga imbere y’akanama nkemurampaka kabaga kagizwe na batatu, barimo intyoza mu kubaza mu cyongereza, n’intyoza mu kubaza mu gifaransa, bakabanza kumubaza bati “Uretse ikinyarwanda, ni uruhe rurimi mpuzamahanga mu zikoreshwa hano mu Rwanda wifuza gusubizamo”?

Aha ni ho hatangiriraga ubwoba kuri benshi, bamwe bakanavuga indimi zitabaho ziswe “Indimi z’umuriro” bagerageza kwirwanaho.

Kenshi wasangaga umukobwa aho kugira ngo ashyire ibitekerezo ku murongo, afata umwanya apfundikanya ibice by’interuro z’icyongereza cyangwa igifaransa, kugira ngo abone uko yikura imbere y’akanama nkemurampaka.

Uwatangaga igitekerezo cyiza ariko akananirwa ururimi rw’amahanga, yarutwaga n’uwatanze igitekerezo kibi ariko adudubiza icyongereza cyangwa igifaransa.

Ku munsi wa nyuma w’itangwa ry’ikamba rya 2019, Ange Kagame wagaragaje ko yari akurikiye iri rushanwa icyo gihe, yavuze ko kubaza mu cyongereza (na cyo kirimo amakosa), bisa no gushaka gukoza isoni abana b’Abanyarwanda bari mu irushanwa maze yandika kuri Twitter yibaza niba kubazwa mu kinyarwanda gusa bidahagije, ati “Kuvuga mu kinyarwanda byaba bihagije. Mu irushanwa rya Miss Universe baba bafite abasemuzi, basobanurira abatavuga icyongereza, wakongeraho ibibazo ubwabyo bibajijwe mu cyongereza cya ntacyo”.

Iki gitekerezo cya Ange Kagame yari ahuriyeho na benshi mu Banyarwanda, gishobora kuba cyarahinduye byinshi mu mabwiriza mashya y’irushanwa rya Miss Rwanda, ubu umukobwa azajya asubiza mu kinyarwanda kugera no ku munsi wa nyuma.

Ishimwe Dieudonne, ukuriye itegurwa rya Miss Rwanda, yabwiye abanyamakuru ko umukobwa waramuka agiye muri Miss World avuga ikinyarwanda gusa azajya ahabwa umusemuzi.

Ati “Ubu umukobwa azajya akoresha ikinyarwanda ni biba ngombwa no muri Miss World ahabwe umusemuzi kuko ubwo bushobozi tumaze kubugira”.

2. Ni ubwa mbere hemejwe ko umukobwa uzatsindirwa mu ntara imwe bizaba birangiye

Mu myaka itandatu ishize hatoranywa Miss Rwanda, umukobwa yashoboraga gutsindwa mu ntara imwe, akajya mu yindi akahatsindira.

Mu ntara zose wasangaga huzuyemo Abanyakigali batazi n’akarere na kamwe ko muri iyo ntara, cyangwa atazi ibiranga intara avuga ko ahagarariye.

Hari abakobwa wasangaga atsindwa nka kabiri cyangwa gatatu, akazatsinda ku nshuro ya kane.

Mu karere ka Kayonza ahabera irushanwa ry’Intara y’Iburasirazuba, ni ho hakundaga kujya abakobwa babaga baratsindiwe i Rubavu, Musanze na Huye, naho Umujyi wa Kigali ugatinywa na bose, kuko yabaga irimo indobanure zo mu murwa kandi nyinshi.

Hari abataratinyaga kuvuga ko ijonjora rya Miss Rwanda ari nka “Tour du Rwanda” ubundi hakanibazwa impamvu yo kuzenguruka intara niba umukobwa atsindirwa hamwe akajya ahandi.

Mu mabwiriza mashya y’irushanwa, umukobwa wujuje ibisabwa ashobora kwiyamamariza mu ntara ashaka kandi yumva ko imuha amahirwe, ariko uzatsindwa hamwe bizaba birangiye, ibyo kuzenguruka ntibizongera.

3. Ni ubwa mbere hazahembwa abakobwa barenze umwe

Irushanwa rya Miss Rwanda, ni ryo rushanwa ryagaragaje ubushobozi buke bwo kutabasha guhemba undi mukobwa wagiye mu irushanwa mu myaka itandatu ishize, uretse Miss Rwanda gusa.

Benshi bibazaga uburyo umukobwa umwe ari we wenyine uhembwa kandi inyuma ye hari ibisonga n’abandi begukanaga amakamba atandukanye.

Kuri iyi nshuro, igisonga cya mbere kizatahana miliyoni n’ibihumbi magana abiri by’amafaranga y’u Rwanda (1,200, 000Rwf), naho igisonga cya kabiri ntibiramenyekana ayo kizatwara uwo munsi, gusa ngo hari ibiganiro biri kunozwa n’ikigo kizamuha igihembo kibazwe mu mafaranga ku munsi wa nyuma.

4. Miss Popularity (watowe na benshi) ikamba ry’umunyenga kurusha ibisonga

Mu marushanwa yose yabayeho ategurwa na Rwanda Inspiration Backup, umukobwa utorerwa kuba Miss Popularity usanga ari umukobwa ufite izina ryihariye, ryakoze agashya mu gihe cy’irushanwa rikanaguma ku mitima ya benshi no mu itangazamakuru nyuma y’irushanwa, hafi kugera ku rwego rwa Miss Rwanda.

Abantu benshi bazi Miss Umuhoza Sharifa watowe muri 2016, Uwase Hirwa Honorine uzwi nka Miss Gisabo muri 2017, na rurangiza muri bose Miss Mwiseneza Josiane muri 2019, ariko bose batahiraga kuvugwa no kwandikwa gusa.

Uyu mwaka wa 2020, Miss Popularity azarusha ibisonga guhembwa, kuko we azatahana miliyoni n’ibihumbi magana atanu by’u Rwanda (1.500.000frs), anahabwe utundi duhimbazamusyi na MTN mu gihe cy’umwaka kubera kwamamaza ‘Yolo’.

5. Uburyo bushya bwo guhanganisha abarushanwa

Miss Rwanda yari imenyerewe nk’irushanwa rishyira ubushobozi bwose bw’abakobwa ku karubanda mu gihe cyo guhitamo.

Igipimo cy’ubwenge, gusubiza ibibazwa ako kanya, kuvugira mu ruhame, kwisobanura n’isobanurabitekerezo byose byakorerwaga imbere y’abafana babo n’imbere y’akanama nkemurampaka.

Muri Miss Rwanda 2020, hazakorwa imikoro isa n’ikorwa ihanganisha abakobwa, ndetse bamwe basezererwe muri iyi mikoro batageze imbere y’abafana babo.

Abakobwa 10 gusa ni bo bazerekanwa babarizwa imbere y’akanama nkemurampaka.

6. Umwiherero ubu ni Ugutyaza ubwenge no Gutoranya intyoza

Nyuma y’uko abakobwa 20 batoranyijwe mu ntara zose z’igihugu babonetse, bazahita berekeza mu mwiherero gukarishya ubwenge no gucurwamo intyoza.

Mu mwiherero ni ho hazabera imikoro itandukanye irimo guhanganisha abakobwa mu gutanga ibitekerezo. Umwe mu bakobwa batwaye Miss Rwanda ni we uzayobora iri hangana ryiswe ‘Head to head challenge’.

Muri uyu mwiherero kandi abakobwa bazakoreshwa ibizamini byanditse. Aha ni ho bazarebera ubushobozi bw’abakobwa mu gukoresha ikoranabuhanga, gushyira ibitekerezo ku murongo, gutegura imishinga, n’ibindi bizajya bihererwa amanota, hanyuma hatoranywe abakobwa 10 b’intyoza bazajya imbere y’abantu kubazwa n’akanama nkemurampaka.

Mbere y’uko hatoranywamo Miss Rwanda, muri iri bazwa abakobwa 10 hazatoranywamo batatu, aho gutoranya batanu nk’uko byajyaga bigenda. Aba batatu bazatoranywamo hamaze kuvamo Miss heritage na Miss Popularity.

7. Umushinga wo kurwanya imirire mibi n’igwingira ni iturufu ya bwana

Umushinga wo kurwanya indyo mbi, imirire mibi n’igwingira ry’abana, ubu ni imari ikomeye mu irushanwa rya Miss Rwanda, ndetse ni iturufu ya bwana ku mukobwa uzi kwisobanura neza.

Uhereye kuri Miss Jolly watowe muri 2016 kugeza kuri Nimwiza Meghan ugiye gutanga ikamba, bagiye batandukira imishinga babaga baravuze biyamamaza, bakajya kubaka uturima tw’igikoni, guha abana amata, kwigisha imirire myiza, n’ibindi.

Muri 2019, Miss Mwiseneza Josiane wari uvuye mu gace k’icyaro, yazanye umushinga wo kurwanya igwingira ry’abana riterwa n’imirire mibi.

Imbere y’akanama nkemurampaka, yisobanuye avuga ko icyatumye ahitamo uyu mushinga ari uko yabonaga mu gace avukamo hari abana bugarijwe n’igwingira. Yabishimiwe na benshi barimo n’uwari Umunyamabanga wa Leta muri Minisiteri y’Ubutegetsi bw’Igihugu Mukabaramba Alvera.

Mu gihe kitarambiranye kandi mu buryo butasobanutse, Miss Rwanda 2019 Nimwiza Meghan bari bahanganye, yagaragaye arimo ashyira mu bikorwa uyu mushinga, akaba ari na kimwe mu byatumye aba umwe muri 20 mu bakobwa bafite ubwiza bufite intego muri Miss World.

Ishimwe Dieudonne utarashimishijwe no kubazwa iki kibazo, yabwiye itangazamakuru ati “Kuba umukobwa yavuga ko afite umushinga uyu n’uyu, ntibimuha uburenganzira ntakumirwa bwo kuwukora wenyine. Kugwingira kw’abana si ikibazo cy’umuntu ku giti cye, ni ikibazo cy’igihugu, uwabikoraho wese mu bakobwa nta kibazo kirimo. Ntabwo tureba uwabikoze ahubwo tureba icyakozwe”.

Ibi byumvikanishije ko no muri uyu mwaka uyu mushinga uzaguma guhagarara bwuma, cyane ko hari n’umuterankunga wihariye ucuruza ibiribwa birwanya imirire mibi.

8. Miss Rwanda yakopeye itegurwa rya Miss World hejuru ya 70%

Abakurikira irushanwa rya Miss Rwanda, bakunda kubona ko ari irushanwa rigenda rihinduka mu mitegurire n’imiterere.

Kuva 2016 ubwo u Rwanda rwabaga umunyamuryango wa Miss World, hatangiye kugaragara impinduka z’imitegurire hashingiwe ku mahame mpuzamahanga agenga Miss World.

Kimwe mu bitekerezo bitarambye byazanywe no kwigana Miss World, ni ugushyira irushanwa mu kwezi kwa mbere, kugirango Nyampinga ajye ava muri Miss World ahite atanga ikamba.

Ukurikiye nyinshi mu mpinduka za hato na hato ziba muri iri rushanwa, bigaragara ko ziterwa no gukurikiza imitegurire y’andi marushanwa mpuzamahanga cyane cyane Miss World.

Mu irushanwa rishize, ni ubwa mbere hari hatowe abakobwa batanu babanziriza itorwa rya Miss Rwanda. Uku ni ko bigenda mu marushanwa menshi, kuko nyuma ya Nyampinga n’ibisonga bibiri, Miss Worls yambikaga ikamba abandi bakobwa babiri bitwaga Princess, bose hamwe bakaba batanu umubare uhura neza n’uwari watowe muri Miss Rwanda 2019.

Muri Miss World 2019, aya makamba ya Princess ntabwo yigeze atangwa, ari na bwo Miss Rwanda yemezaga ko mu bakobwa 10 hazahita hatoranywamo batatu gusa.

Ikitwa imikoro muri Miss Rwanda cyatangiye umwaka ushize, abakobwa bagahabwa ibizamini mu mwiherero. Ibi ni byiza kuko bituma abakobwa bagaragaza ibitekerezo byabo no ku mpapuro, atari ukubivugira imbere y’ababafana gusa.

Uyu mwaka, ni bwo hongewemo guhanganisha abakobwa mu bitekerezo (Head to head challenge) bikorewe mu matsinda.

Ibi byose, ni bimwe mu bikorwa by’ingenzi bitanga amanota menshi mu marushanwa y’ubwiza ya Miss World na Miss Universe.

Ibi byose bigaragaza ko irushanwa rya Miss Rwanda ryanakiriye byinshi mu marushanwa y’ubwiza mpuzamahanga afatirwaho urugero nk’amarushanwa yamaze gutera imbere mu mitegurire.

Miss Muyango yakiriwe n’umukunzi we Kimenyi Yves

Urukundo rwa Kimenyi Yves na Miss Muyango, rwamamaye rwagati mu mwaka wa 2019 ndetse mu kwezi k’Ukwakira muri uyu mwaka, Muyango yakoreye umukunzi we ibirori byo kumwifuriza isabukuru nziza, amusezeranya urukundo rudashira, ndetse benshi batangira gutekereza ko aba bombi baba benda kubana nk’umugore n’umugabo.

Nyuma y’iminsi mike ibi birori bibaye, Muyango yahise ajya kuba i Dubai aho byavuzwe ko agiye mu kazi, gusa asiga yijeje umukunzi we ko bazakomeza gukundana n’ubwo aho bombi bari hari intera ibatandukanya.

Miss Muyango yakiriwe n’inshuti ze

Ubwo Muyango yatungukaga ku kibuga cy’indege mu mugoroba wo kuri iki cyumweru, yasanganiwe na bamwe mu bantu bo mu muryango we ndetse na zimwe mu nshuti ze, ariko umukunzi we Kimenyi yari imbere yabo afite indabo byongera gushyushya imbuga nkoranyambaga.

Miss Uwase Muyango Claudine yamamaye cyane mu irushanwa rya Miss Rwanda 2019, ubwo yaserukiraga Intara y’Amajyepfo, aza no kugaragara mu bakobwa 15 bageze mu cyiciro cya nyuma cya Miss Rwanda 2019.

Butera Knowless, yize icyiciro cya gatatu muri Kaminuza ya Christian University ibarizwa muri Leta ya Oklahoma muri Leta zunze ubumwe za Amerika, ari naho yambariye ikanzu y’abasoje amashuri, mu gihe icyiciro cya kabiri cya kaminuza yari yacyize muri Kaminuza yigenga ya Kigali (ULK) na bwo mu bijyanye n’ibaruramari.

Mu mafoto Butera Knowless ubwe yishyiriye ku rukuta rwe rwa Instagram, yagaragaye yambaye ikanzu y’abasoje amashuri makuru, n’igitabo cyanditseho “Christian University of Oklahoma” kirimo impamyabumenyi.

Ku butumwa yanditse munsi y’iyi foto, Knowless yagize ati “Amagambo: ntibibaho, ntibishoboka, kurekera, gutsindwa ntabwo aba mu nyunguramagambo yanjye”.

Ishimwe Clement washakanye n’uyu muhanzi, akaba ari na we ushinzwe inyungu ze, yanditse kuri Instagram ashimira umugore we kuba arangije kaminuza, anamusezeranya impano.

Miss world ni Toni-Ann Singh wo muri Jamaica

Toni-Ann Singh ni umukobwa wa kane ukomoka muri Jamaica utwaye ikamba rya Miss world, nyuma ya Carole Joan Crawford waritwaye mu 1963, Cindy Breakspeare waritwaye mu 1976 na Lisa Hanna waritwaye mu 1993.

Mbere y’uko hatoranywa Miss World n’ibisonga bye, habanje gutoranywa abakobwa 40 bashyirwa mu cyiciro cya nyuma hagendewe ku manota yatangwaga hakurikijwe uburyo abakobwa bagaragazaga impano icyiciro kibarizwa mu “ubwiza bufite intego” (Beauty with Purpose).

Mu buhanga bukomeye, Toni-Ann Singh yabyinnye injyana z’iwabo muri Jamaica anaririmba Live indirimbo ya Whitney Houston yitwa “I have nothing” bimuhesha itike yo kujya mu bakobwa 40 bajya mu cyiciro cya nyuma aza no kwegukana iri kamba.

Muri ibi birori byaberaga mu Bwongereza mu mujyi wa London, Miss Rwanda Nimwiza Meghan wari uri muri iri rushanwa ahagarariye u Rwanda nta kintu yatahanye mu makamba ahatanirwa muri Miss world, gusa yashyizwe mu bakobwa 20 ku rutonde rukorwa hakurikije abafite imishinga myiza kurusha abandi, ibi na byo bikaba bibarirwa mu bwiza bufite intego (Beauty with Purpose) gusa muri aba 20 haba hagomba gutoranywamo abandi 10 ba mbere kandi Meghan ntiyajemo.

Mu marira menshi no gutungurwa kudasanzwe, Toni-Ann Singh akimara gutangazwa, yahobereye abandi bakobwa bari bahanganye barimo Umufaransakazi wabaye igisonga cya mbere n’Umuhindekazi wabaye igisonga cya 2, maze yambikwa ikamba n’umunya-Mexique Vanessa Ponce De Leon wabaye Miss World 2018.

Irushanwa rya Miss World rifatwa nk’irya mbere mu marushanwa akuze ku isi, ryayobowe n’umuririmbyi Peter Andre w’umunya Australia wafatanyije na Megan Young wo muri Philippines ufite ikamba rya Miss World 2013.

Umukobwa utwaye ikamba rya Miss World ahembwa akayabo k’ibihumbi 300 by’amadolari ya Amerika (arenga gato millioni 280 ubaze mu manyarwanda), agahabwa n’ibindi bihembo bitangwa n’abaterankunga birimo kuzenguruka Isi amenyekanisha umushinga we anamamaza ibikorwa by’ubucuruzi.

Gutangaza ko The Ben ari we muhanzi mukuru uzaririmba muri iki gitaramo bisa n’ibyatinze gutangazwa, ugereranyije n’igihe batangiriye kwamamaza iki gitaramo. Byabanje guhwihwiswa ko iki gitaramo kizasusurutswa n’umunyamahanga.

Wizkid wo muri Nigeria ni we washyirwaga mu majwi, ariko East African Promoters itegura iki gitaramo iza kuvuga ko atari we.

Igihe The Ben yatumirwaga mu gitaramo cya All African Music cyabereye i Dubai, yari akiri mu biganiro na EAP, ariko yari atararangiza kumvikana n’ubuyobozi bw’iki kigo ibijyanye no kuririmba muri iki gitaramo.

EAP ivuga ko The Ben ari umwe mu bahanzi barindwi bari ku rutonde rw’abazaririmba muri iki gitaramo, ariko ni we muhanzi mukuru uzaba utegerejwe muri iki gitaramo.

Ubuyobozi bwa EAP buvuga ko abandi bahanzi bazajya batangazwa buri munsi, uhereye igihe The Ben yatangarijwe.

East African Party ni igitaramo kiba ku mugoroba w’Ubunani kikaba kimaze kwandika izina mu Rwanda kuko cyatangiye gihamagara abahanzi bakomeye bo mu Rwanda, abo mu karere n’abahanzi mpuzamahanga. Ni igitaramo kigiye kuba ku nshuro ya 12, ikaba ari inshuro ya 5 abahanzi b’Abanyarwanda bagiye kwiharira urubyiniro nk’abatumirwa bakuru.

N’ubwo ubwitabire butari hejuru, abitabiriye bishimiye kubona ababyeyi bakuze bamurika imyenda irimo n’umukenyero wa Kinyarwanda, n’abagabo bamurikaga imyenda yadodewe mu Rwanda.

Rwanda Modesty Fashion ni irushanwa ritegurwa na Ngabitsinze Abdul Wahab ufite inzu y’imideri yitwa Berwa Platinum Ltd, yiyemeje guteza imbere imideri ikorewe mu Rwanda muri gahunda ya Made in Rwanda, no kugaragaza imyambaro ikwiye Umunyarwanda nyawe.

Inshuro zose iki gikorwa cyagiye kibaho, abamurika imideri bamurikaga imyambaro ibagaragaza baberewe mu buryo bwikwije, ari na yo ntego y’abategura iri rushanwa.

Dore amafoto agaragaza uko ibyo birori byari bimeze:

Amafoto: Nyirishema Fiston

Ihuriro ry’abanyamakuru bakora imyidagaduro (Rwanda Showbiz Journalists Forum) baramurika ihuriro ryabo kuri uyu wa gatanu tariki 06 Ukuboza 2019, mu gitaramo kizaba kirimo abahanzi nka Andy Bumuntu, Alyn Sano, Uncle Austin, Fireman, Yverry, P Fla, Riderman, Ruti Joel, Peace Jolis, Bruce Melodie, Victor Rukotana na Tom Close uzaba uyoboye iki gitaramo afatanyije na Anita Pendo na MC Tino.

Nyuma y’uko abanyamakuru bashyize hanze impapuro zamamaza iki gitaramo, bagaragaje kwishimira ubu bufatanye bw’abanyamakuru, benshi batangira kwamamaza iki gitaramo ku mbuga nkoranyambaga zabo, abandi basaba kuzaza muri iki gitaramo ngo bazashyigikire ihuriro.

Uncle Austin usanzwe ari umunyamakuru akaba n’umuhanzi, yavuze ko yishimiye cyane uku gushyira hamwe kuko yizera ko imbaraga z’abanyamakuru zishyize hamwe zageza kure cyane ibihangano by’Abanyarwanda.

Mu kiganiro yagiranye na Kigali Today, Uncle Austin yagize ati “Ni iby’agaciro kuba tugiye kugira ihuriro rizajya rikemurirwamo ibibazo bimwe na bimwe by’abanyamakuru bakora imyidagaduro. Nizera ko ari intambwe ikomeye mu guteza imbere ibihangano by’Abanyarwanda kandi nkanjye ndabyishimiye nk’umunyamakuru w’umuhanzi.”

Iki gitaramo giteganyijwe kubera mu ihema rya Camp Kigali ahasanzwe habera ibitaramo, kizatangira kuri uyu wa gatanu saa kumi n’ebyiri z’umugoroba.

Ni n’igitaramo cyatumiwemo inzego zitandukanye zifite aho zihurira n’abanyamakuru ndetse n’imyidagaduro.

Ihuriro ry’abanyamakuru b’imyidagaduro, ni igitekerezo kimaze imyaka myinshi ariko cyashyizwe mu bikorwa mu ntangiriro za 2019, ubwo habaga inama zitandukanye zabereyemo amatora y’inzego z’ubuyobozi bw’ihuriro, n’inama rusange yahuzaga abanyamuryango.

Zizou Al Pacino

Uyu musore uzwi cyane mu byo guhuriza abahanzi mu ndirimbo, ubu akaba anayoboye Studio ya Monster Records, yabwiye Kigali Today ko indirimbo yashyize hanze izakurikirwa n’izindi ndirimbo esheshatu azarangiza gusohora mu kwezi kwa kabiri ahite ashyira hanze Mixtape izi ndirimbo zihuriyeho.

Mu kiganiro kigufi yahaye Kigali Today, Zizou yahishuye ko n’ubwo yashyiraga hanze indirimbo nyinshi zihuriweho guhera muri 2011 zimwe muri zo zitazaba ziri kuri Mixtape agiye gushyira hanze.

Yagize ati “Mixtape nzashyira hanze mu kwezi kwa kabiri izaba iriho indirimbo zirindwi ariko ntabwo hazaba hariho izo nasohoye mbere.”

Indirimbo “Wimfatanya n’isi” yahurijemo Zigg 55, King James, Uncle Austin, Social Mula na Diplomate, imaze umwaka umwe gusa ashyize hanze, ni yo izabanza kuri Mixtape mu gihe izindi zose ari izo azashyira hanze mu minsi iri imbere.

Tumubajije uko yungukira muri izi ndirimbo cyangwa icyo abahanzi bakorana na we bungukiramo, yavuze ko impande zombi zumvikana zigakora indirimbo ku buryo buri muhanzi aba azi impamvu agiye kuririmba muri iyi ndirimbo.

Ibi ariko na we biramufasha nk’umuntu usanzwe afite inzu itunganya umuziki, akavuga ko bimufasha cyane kumenyekanisha inzu ye n’izina rye.

Yagize ati “Icyo nungukamo ni ukumenyekanisha ibikorwa byanjye kuko birancururiza, ni imwe mu nzira nahisemo kunyuramo ncuruza ibikorwa byanjye bya muzika.”

Nyinshi mu ndirimbo zihuriweho za Zizou ni zimwe mu zagiye zimenyekana cyane, harimo nka Arambona agaseka, Bagupfusha Ubusa, Niko nabaye, Fata Fata, Ibitenge n’izindi.

Muri 2013, nibwo hatoranyijwe bamwe mu bafite impano bagombaga kurihirwa na Leta binyuze mu kigo cya WDA, maze ku itariki 10 Werurwe 2014 batangira amasomo arimo Kwandika indirimbo, kuririmba, gucuranga, guhuza amajwi, ubucuruzi bwa Muzika n’ibindi bikorwa bitandukanye bijyana n’ubunyamwuga bwa muzika.

Nyuma y’imyaka itatu, abanyeshuri 29 ba mbere bahawe impamyabushobozi, binjira ku isoko ry’umurimo ku itariki 17 Werurwe 2017.

Mu mwaka wa 2016, Kigali Today yagiye gusura iri shuri aho ryakoreraga ku Nyundo mu Karere ka Rubavu, abanyeshuri bereka umunyamakuru ubumenyi bamaze kunguka mu myaka ibiri bari bamaze biga.

Iki gihe, umunyamakuru yabonye ibyumba bitandukanye birimo ibikoresho bigezweho bya muzika, abanyeshuri bimenyerezamo, ndetse abanyeshuri bahamyaga ko bamaze kunguka ubumenyi buhagije mu kuririmba.

Mbere y’uko aba banyeshuri basohoka, abakurikiraga imikorere y’aba banyeshuri bari bafite amashyushyu yo kubona icyo bazavana muri iri shuri bitewe n’impano babonaga muri aba bana.

Ku itariki ya 16 Nyakanga 2016, i igali hateraniye inama ikomeye y’umuryango wa Afurika yunze Ubumwe, yarimo abashyitsi bakomeye barimo n’abakuru b’ibihugu 26.

Aba banyeshuri bigaga ku nyundo, bagaragaye mu mihango yo gutangiza no gusoza iyi nama, baririmbira abashyitsi, ndetse mu majwi yabo ayunguruye, ni bo baririmbye indirimbo yiswe “Let Us All Unite and Celebrate Together” yubahiriza uyu muryango iri mu ndimi esheshatu.

Aba banyeshuri baririmbye mu nama ya Afurika yunze ubumwe yabereye mu Rwanda muri 2016

Mu gihe bari bakiri mu ishuri, bitabiriye amaserukiramuco atandukanye arimo ayo bagiyemo mu Burayi, muri Tanzania no muri Canada kandi hose bitwaraga neza ku bufatanye n’ishuri. Aha ni ho abakunda umuziki batangiye kubona ko mu minsi mike umuziki ushobora guhindura isura.

Ishuri rya Nyundo, rimaze gusohora abanyamwuga mu muziki 80 mu myaka itatu rimaze rishinzwe, bari hanze aha ku isoko ry’umurimo. Kimwe mu byo bateje imbere cyane, ni imiririmbire y’imbonankubone (Live) no kuririmba abantu banacuranga byatangiye gutera imbere cyane.

Umuyobozi w’iri shuri, Muligande Jacques uzwi nka Might Popo, yabwiye Kigali Today ko batungurwa no kujya mu tubari bagasanga hari abantu batazi biyita ko bize ku Nyundo bashaka gukurura abakiriya baza kumva umuziki muri Hotel. Ati “Ibyo ubwabyo bigaragaza ko ishuri rifitiwe icyizere niba abantu batwiyitirira.”

Abahanzi barimo Yverry, Adolphe, Igor Mabano, Symphony Band, Ignace Kalinijabo, Imirasire Band, Sebeya Band, Neema Rehema, Favor, Yvanny, Groovy Band n’amatsinda babarizwamo bose bize ku Nyundo mu bihe bitandukanye.

Bacuranze mu bitaramo bikomeye birimo Guma Guma, Iwacu Muzika Festival, Kigali Up Festival, Kigali Jazz Junction, no mu birori bikomeye byabaga byatumiwemo abahanzi mpuzamahanga nka Koffi Olomide, Davido, Diamond, n’abandi.

Kenshi banaserukiye u Rwanda mu maserukiramuco nka Jamafest yo muri Tanzania, Amani ribera i Goma muri Congo, abagiye muri FESPACO muri Côte d’Ivoire, abagiye muri Angola, kandi hose bagenda bitwara neza.

Symphony Band y’abarangije ku Nyundo irimo irabica bigacika

Umuhanzi nka Yverry amaze kuzuza inzu ye itunganya umuziki, Igor Mabano atunganyiriza umuziki muri Kina Music akanigisha umuziki ku Nyundo, abandi na bo bamaze kuba abanyamuziki batunzwe na wo nk’uko babyitangariza.

Leta y’u Rwanda itera inkunga iri shuri, iherutse gusaba ko iri shuri rirambagiza abandi banyeshuri bo muri Afurika kugira ngo ribe mpuzamahanga, ndetse mu minsi mike iri shuri riratangira kwigisha andi masomo arimo gukora no kwandika Filimi, kwandika amakinamico no kubyina, ku buryo ishuri rizahita rihindura izina rikitwa Rwanda School of Creative Arts and Music, mu gihe mbere ryari Nyundo Music School.

Yverry wize ku Nyundo ubu afite inzu ye itunganya umuziki

Sebeya Band yacurangaga muri Guma Guma na Iwacu Muzika Festival

Igor Mabano yize ku Nyundo ubu akaba anahigisha. Yabaye no muri Sebeya Band

Abagize Imirasire Band na bo bize ku Nyundo bakaba barimo umuhanzi Adolphe

Klint da Drunk yatumye abantu bitabiriye Seka Live bataha bikanda imbavu

Mu gihe kirenga gato iminota 45 ari ku rubyiniro, abumva neza icyongereza gikoreshwa muri Nigeria ntabwo bigeze bafatanya umunwa kuva atangiye kugeza asoje, aho yaje no gutera urwenya by’umwihariko ku cyongereza gikoreshwa iwabo muri Nigeria.

Kuri iki cy’ururimi, yagaragaje icyongereza cy’iwabo nk’ururimi rusetsa cyane Abanyamerika, atanga urugero ku ndirimbo Wizkid yakoranye na Beyonce aho abantu bumvaga amagambo ya Wizkid bakananirwa kumenya niba ari icyongereza.

Nkusi Arthur wari uyoboye iki gitaramo ari na we wagiteguye, yateye urwenya kuri gahunda za Polisi zirimo “Gerayo Amahoro”, impushya z’ibinyabiziga, anatera urwenya kuri Yesu yibaza ukuntu yagaruka agahindura amazi Divayi kandi Polisi yahita imuhuhishamo.

Nkusi Arthur uzwi nka Rutura utegura Seka Live na we ntiyatanzwe mu gusetsa abitabiriye iki gitaramo

Kuri iyi nshuro, ntabwo iki gitaramo cyitabiriwe nk’uko byari bisanzwe bigenda, kuko wabonaga mu myanya yo hagati n’inyuma abantu ari bacye, gusa ntabwo byabujije abaje kwishima no kugorora imbavu.

Wari umwanya kandi wo guha impano nshyashya zirimo Patrick , Divine, Milly na Mercy, aho nabo bahawe umwanya wo kwigaragariza abakunzi b’urwenya, bakabasha kugaragaza ko ejo hazaza habo ari heza mu gutera urwenya.

Dore mu mafoto uko iki gitaramo cyari kimeze

Dr Efenekwe w’umunyakenya na we yasekeje cyane abitabiriye Seka Live

Umwe mu bagize Bigomba guhinduka Team na we byamurenze araseka

Abitabiriye batashye batifuza gutaha

Kigali Today irakugezaho bimwe mu bitaramo biteganyijwe mu mpera z’iki cyumweru.

Kuwa gatanu tariki 22 Ugushyingo 2019

Uyu munsi ni bwo hatangizwa ku mugaragaro imurikagurisha rya “Made in Rwanda”.

Ni imurika ryafunguriwe ku mugaragaro ahasanzwe habera imurikagurisha hazwi ‘Gikondo expo ground’ (Kigali).

Abatuye mu mugi wa Huye barataramira ahitwa ‘Upendi’ hahoze hazwi nka Faucon. Haracurangira itsinda ryitwa Bortopra band.

Mu mikino kuri uyu wa gatanu, hari umukino uhuza APR FC na Espoir FC uza kubera kuri sitade ya Kigali ku isaha ya saa cyenda.

Mu karere ka Musanze, mu mujyi hari kubera imurikagurisha ry’intara y’Amajyaruguru.

Muri iri murikagurisha, buri munsi abaryitabiriye basusurutswa n’abahanzi batandukanye.

Kuri uyu wa gatanu barataramirwa na Urban Boys.

Kuwa Gatandatu tariki 23 Ugushyingo 2019

Igitaramo cyitezwe na benshi, ni ikitwa “Ma vie Album launch” umuhanzi Social Mulah azamurikiramo umuzingo we.

Ni igitaramo kizabera mu ihema rya Camps Kigali, cyatumiwemo abahanzi bakomeye nka King James, Big Farious, Bruce Melody, Yvan Buravan, Marina na Yverry.

Mu myidagaduro, ntitwakwibagirwa ibihembo bya ‘AFRIMA’ bizatangirwa muri Nigeriya.

Ni ibihembo bitangwa ku bufatanye n’umuryango w’ubumwe bwa Afurika.

Charly & Nina na The Ben ni bo Banyarwanda bari mu hatanira ibi bihembo.

Mu mikino yo mu Rwanda, umukino w’ibirori ni uzahuza abanyamugi babiri aribo AS Kigali na Kiyovu Sports, ubere kuri sitade ya Kigali saa cyenda.

Naho mu Bwongereza, Manchester City iri ku mwanya wa kabiri izakina na Chelsea iri ku mwanya wa gatatu bihanganye cyane mu manota.

Mu imurikagurisha ribera i Musanze, kuwa gatandatu abazaryitabira bazataramirwa na Riderman.

Ku cyumweru ku itariki ya 25 Ugushyingo 2019

Hari igitaramo ‘Seka Live with Arthur’ cyateguwe na Arthur Nkunsi.

Iki gitaramo cy’urwenya kimaze kuba ngarukamwaka, kizabera muri Kigali Marriott Hotel saa kumi n’ebyiri.

Cyatumiwemo abanyarwenya mpuzamahanga nka Klint (Nigeria) na Dr (Kenya) Da Drunk of Weneke, Merci, Zabra, Divine, Milly, Patrick n’abandi bakizamuka ba hano mu Rwanda.

Mu mikino, Abanyakigali bazareba umukino wa Gicumbi FC izakiramo Rayon Sports FC kuri sitade ya Kigali saa 15h00.

Mu imurikagurisha ribera i Musanze, kuri uyu munsi bazataramirwa na Theo Bosebabireba.

AFRIMA, ni ibihembo bya muzika bikomeye muri Afurika bitangwa n’ikigo ‘International Committee AFRIMA’ ku bufatanye n’umuryango w’ubumwe bwa Afurika, hagamijwe guteza imbere umuco wa Afurika binyuze mu buhanzi n’ibihangano.

Itsinda rya Charly&Nina, bahanganye n’andi matsinda icyenda akomeye mu cyiciro cy’abaririmba barenze umwe muri Afurika, indirimbo ibarangaje imbere muri aya matora ikaba ari “Komeza Unyirebere”.

Andi mazina bahanganye ni nka Sauti Sol yo muri Kenya, B2C Kampala Boyz rya Uganda, Dream Boyz & Nelson Freitas ryo muri Angola, Jano Band ryo muri Ethiopia, Kika Troupe ryo muri Uganda, Mi Casa ryo muri Afurika y’Epfo, Toofan ryo muri Togo, WCB Wasafi ryo muri Tanzania na Cairokee ryo mu Misiri.

Bakoresheje imbuga nkoranyambaga zabo, aba bakobwa berekanye ko bagiye i Lagos muri Nigeria, ahazatangirwa ibi bihembo bagiye bafite icyizere, ndetse ubwo bari bakimara gushyirwa kuri uru rutonde bavuze ko bizeye ko bazatahana iki gihembo mu Rwanda.

Ku nshuro ya gatandatu, ibi bihembo bizatangirwa muri Hotel y’inyenyeri eshanu, ‘Convention Centre Eko Hotel & Suites’, bikazatangwa ku itariki ya 23 Ugushyingo 2019, ariko guhera ku itariki 21, hazaba ibikorwa biteganyijwe birimo inama mpuzamahanga y’ubuhanzi muri Afurika, n’ibiganiro bitandukanye byo guteza imbere umuziki.

Miss Rwanda 2019, Nimwiza Meghan, agiye kujya mu Bwongereza guhatana n’abakobwa 113 bavuye mu bihugu bitandukanye, batwaye amakamba y’ibihugu byabo muri uyu mwaka wa 2019.

Ni inshuro ya kane u Rwanda rwitabiriye iri rushanwa, Miss Rwanda akaba ajyanye umukoro wo kuzana nibura rimwe mu makamba umunani ahatanirwa, harimo n’irihabwa umukobwa ukunzwe kuri murandasi, Abanyarwanda bashobora kumuhesha.

Muri 2016 ubwo u Rwanda rwajyaga muri iri rushanwa bwa mbere, rwaje mu bihugu 25, mu guhatanira ikamba rihabwa umukobwa w’ubwiza bufite intego nyuma yo kureba umushinga wa Miss Mutesi Jolly. Indi myaka u Rwanda rutahira kwitabira gusa.

Miss World ni ryo rushanwa rikuze kurusha andi y’ubwiza ari kuri uyu mubumbe, rikaba no mu marushanwa ane akomeye ku isi mu yandi marushanwa y’ubwiza.

Ku itariki ya 12 Ukuboza 2019, ni bwo hazatangwa ikamba ry’umukobwa uzasimbura umunya Mexique Vanessa Ponce waherewe iri kamba i Sanya mu Bushinwa, mu mwaka ushize wa 2018.

Miss Nimwiza Meghan aritabira irushanwa rya Miss World mu Bwongereza

Miss Umunyana Shanitah wambitswe ikamba rya Miss Supranational mu Rwanda akanabona itike, yamaze kugera muri Polonye aho agiye guhatana n’abarenga 100 bitabiriye iri rushanwa.

Mu masaha y’umugoroba saa mbiri n’iminota 45 kuwa mbere tariki ya 18 Ugushyingo 2019, ni bwo Miss Shanitah yahagurutse ku kibuga mpuzamahanga cy’indege cya Kigali, akaba yagiye yijyanye ariko biteganyijwe ko umwe mu bategura Miss Supranational mu Rwanda azamusangayo kugira ngo amufashe muri uru rugamba.

Miss Umunyana Shanita we yamaze kugera muri Polonye, aho yitabiriye irushanwa rya Miss Supranational

Biteganyijwe ko ibirori byo gutangiza iri rushanwa biba kuri uyu mugoroba wo kuwa Kabiri. Nyuma y’ibi birori, abakobwa bazakoreshwa amahugurwa, imyitozo n’amarushanwa binyuranye, naho umunsi wa nyuma wo kwambika ikamba uwatsinze ni ku itariki 6 Ukuboza 2019.

Mu masaha ya mugitondo cyo kuri uyu wa kane tariki 14 Ugushyingo 2019, ni bwo aba basore babiri (Etienne na Japhet) banditse ku mbuga nkoranyambaga zabo bavuga ko batakiri kumwe n’itsinda rya Daymakers yashinzwe na Kibonke, ahubwo bavuga ko basigaye bitwa “Bigomba Guhinduka”.

Mugisha Emmanuel uzwi nka Clapton Kibonke wari wahurije aba banyarwenga muri Daymakers, yatubwiye ko yatandukanye n’aba basore kuko amasezerano yabo yari arangiye, anavuga ko icyari gishishikaje Daymakers kwari ukuzamura impano nkuko n’ubu azaguma kubikora, kandi ko umaze kuzamuka aba afite uburenganzira bwo kugenda.

Yagize ati “Daymakers ubundi igamije gufasha impano kumenyekana no gutanga platforms, na bo hagize ugera aho yumva akeneye , amahirwe azahabwa undi ushaka kuzamuka” .

Yaba Etienne 5K cyangwa Japhet, batubwiye ko batandukanye na Daymakers nka Kompanyi, ariko ko badatandukanye na Kibonke nk’umunyarwenya.

Etienne yagize ati “Twebwe twasheshe amasezerano twari dufitanye, ariko jyewe na Japhet tuzakomeza gukorana nkuko byari bimeze”.

Japhet na Etienne 5K bavuye muri Daymakers

Japhet na Etienne bahimbye ‘Bigomba Guhinduka’ banakoreshaga mu bitaramo byinshi bya Daymakers, bavuze ko bagiye kwikorera ubwabo, ngo igihe bizaba ngombwa ko Kibonke abahamagara guhurira mu kazi azajya abishyura cyangwa bavugane nk’abaharanira inyungu zabo.

Gutandukana kw’iri tsinda bibaye nyuma yuko bakoze igitaramo cya kabiri cyiswe “Bigomba guhinduka”, cyitabiriwe n’abatari bacye cyabereye muri Camp Kigali.

Nubwo ari kimwe mu bitaramo byavuyemo akayabo mu mafaranga, hari abaketse ko uku gutandukana kwaba guhuye no kutagabana neza inyungu zavuye muri iki gitaramo, ariko bose babihakanye bavuga ko amasezerano bari bafitanye yarangiye.

Mbere yuko aba batandukana na Kibonke, Daymakers yari imaze kugirwa n’abanyarwenya icyenda, ibintu na byo byatumaga aba basore bamaze kwandika izina batabona urwinyagamburiro.

Daymakers iyobowe na Kibonke, ubu isigayemo Makanika wiyita ‘Mubi Cyane’, Nimu Roger, Divine uzwi nka Mabuja, Florence, n’umwana muto witwa Teta.

Maria Sharapova mu yasuye ingagi zo mu birunga

Umurusiyakazi Sharapova waje mu Rwanda mu buryo bw’ibanga, ni we washyize ku mbuga nkoranyambaga ze amafoto yifotoje ubwo yari mu birunga, atangaza ko ari iby’agaciro kuba yabashije kubona ubwiza bwa Silverback (Ingagi z’ingabo) yita ko zifite umubiri utangaje.

Mu magambo yanditse kuri Instagram ye yagize ati “Rwanda… Silver Backs, twakunze igihugu cyanyu cyane. Mu by’ukuri, mu rukerera twakoze urugendo rurerure dushakisha ingagi, tuzibona mu ishyamba ry’inzitane n’imvura, tubona silver back umubyeyi wazo agenda inyuma yacu”.

Yishimiye kureba ingagi zo mu birunga

Sharapova umaze iminsi mu bucyerarugendo, yaje mu Rwanda amaze iminsi mike avuye gusura pariki zitandukanye zo muri Botswana, na bwo akaba yarifotoje amafoto menshi ari kumwe n’inyamanswa zo mu gace ka Okavango.

Mu kwezi kwa Kamena uyu mwaka, Sharapova yari yasuye agace k’amateka k’ubukerarugendo kari i Mallorca muri Esipanye, karimo inzu zo mu binyejana bibiri bishize n’imanga z’imisozi zifite amateka.

Maria Sharapova, ni umwe mu bakobwa bakinnye Tennis bakiri bato, kuko ku myaka 18 ku nshuro ya mbere muri 2005, yabaye nomero ya mbere ku isi mu bagore. Gusa nyuma yaje kugenda asubira inyuma kubera kuvunika n’ibihano yigeze guhabwa kubera gukekwaho gukoresha imiti yongera ingufu.

Kanda munsi urebe andi mafoto na video, Maria Sharapova asura ingagi:

Voir cette publication sur Instagram

Rwanda🇷🇼!! Silverback 🦍’s!! We have fallen in love with your country. Truly! ☺️ Early morning treks to locate the gorillas, getting caught in a rainforest downpour, witnessing a silverback big daddy of all big daddies walk right past us without a care in the world ( thankfully!!) 😅..so special!!

Une publication partagée par Maria Sharapova (@mariasharapova) le 12 Nov. 2019 à 10 :36 PST

Ifoto TMC yifotoye ubwe (Selfie) yambaye ikanzu n’ingofero z’abarangije kaminuza, yayisakaje ku mbuga nkoranyambaga, ashimirwa n’inshuti ze mu muziki zirimo na Clement Ishimwe, umuyobozi wa Kina Music uyu muhanzi abarizwamo na Nzeyimana Olivier, umuyobozi wa Volcano Express usanzwe ari inshuti ye cyane.

Kwiga icyiciro cya gatatu byabanje kutamworohera kuko muri 2017 yiyandikishije kwiga muri Jomo Kenyatta University ndetse atangira amasomo, ariko bidatinze kaminuza iza gufunga imiryango, bisaba ko asubira gutangira muri Kaminuza y’u Rwanda.

Mu cyiciro cya kabiri cya Kaminuza, TMC yari yize amasomo ajyanye n’ubugenge (Physique). Igihe yasozaga amasomo y’icyiciro cya kabiri, yimenyereje mu bukanishi bw’imashini mu kigo gicuruza ibinyobwa.

TMC avuga ko kwiga ari ibintu akunda cyane ku buryo yumva ashobora no kujya kwiga amasomo y’icyiciro gihanitse cya kaminuza hanze y’u Rwanda.

Akenshi bwabaga ari ubukwe bw’ibyamamare, ubw’abantu barutana cyane mu myaka, ubw’abantu babukoze nta mikoro bafite, ndetse n’ubw’ababukoze n’abafite ubumuga.

Kigali Today yabateguriye urutonde rw’ubukwe 10 bwahuruje abantu benshi haba kubutaha, cyangwa kubuvugaho ku mbuga nkoranyambaga.

Kwizera Evariste na Mukaperezida Clotilde

Muri Mutarama 2019, ni bwo havuzwe ubukwe bwa Mukaperezida Clotilde wavugaga ko afite imyaka 48 na Kwizera Evariste wari ufite imyaka 21.

Ubu bukwe bwabanje gusakuza cyane ku mbuga nkoranyambaga, ubwo aba bombi basezeranaga mu mategeko mu murenge wa Musha mu karere ka Rwamagana.

Mukaperezida Clotilde yabwiye abashinzwe irangamimerere ko afite imyaka 48, ariko umukobwa we Uwamariya Francine ufite imyaka 31 akavuga ko nyina afite imyaka 55.

Ikinyuranyo cy’iyi myaka cyatumye abantu bahurura ubwo aba bombi bari bagiye gusezerana imbere y’Imana, amafoto n’amashusho yabo anakwirakwira cyane ku mbuga nkoranyambaga ku buryo aba bombi baje kuba ikimenyabose.

Umugabo wa Mukaperezida yaje gufungwa

Kugeza ubu, aba bombi ntabwo bakibana kuko Kwizera Evariste afungiwe gusambanya umwana utarageza ku myaka 18.

Umunyonzi Ndayitegeye wasezeranye na Mukeshimana Josée ufite ubugufi bukabije

Kuwa gatandatu tariki ya 12 Mutarama 2019, ni bwo Ndayitegeye Aaron yashyingiranwe na Mukeshimana Josée uzwi cyane mu mujyi wa Huye kubera indeshyo ye (Afite ubumuga bw’ubugufi bukabije).

Ubwo Kigali Today yavuganaga na Ndayitegeye, yavuze ko Imana ari yo yamubwiye gukorana ubukwe na MukeshimanaJosee.

Gusa abanyonzi bakorana, bo bavugaga ko Ndayitegeye yashituwe n’amafaranga ibihumbi 70 uyu mukobwa ahembwa ku kwezi, aho akora mu kigo cy’ingoro ndangamurage mu karere ka Huye.

Bivugwa ko uyu mukobwa afite imyaka irenga 40, mu gihe umusore we yari afite imyaka 26.

Amakuru aturuka ku baturanyi babo mu karere ka Huye, avuga ko ubu urugo rwabo rurimo amakimbirane, ndetse ngo umugabo aherutse gufungwa azira gukubita umugore we no kumuhoza ku nkeke, kuko ngo yamwemereye amafaranga mbere yuko bashakana kugeza ubu akaba atarayamuha.

Umugabo ubu asigaye akora akazi ko gupima ibiro by’abantu ku munzani mu karere ka Huye.

Ubukwe bwa Mukangamije na Ntakirutimana bo mu Ruhango

Ku itariki ya 13 Ukwakira 2019, ni bwo mu murenge wa Bweramana mu karere ka Ruhango, Ntakirutimana Gasana w’imyaka 23 yashyingiranwe na Mukangamije Eveliane w’imyaka 45.

Ubu bukwe bwahuruje imbaga kubera ikinyuranyo cy’imyaka.Umugabo yavuze ko ubwitonzi bwa Evaliane ari kimwe mu bintu byamukuruye cyane gushakana na we.

Ubwo itangazamakuru ryabazaga uyu mugore icyo atekereza ku kinyuranyo cy’imyaka, yavuze ko nta kidasanzwe abibonamo kuko icya mbere ari urukundo.

Uyu muryango ukoze ubukwe vuba, ndetse ubu baracyabana.

Ubukwe bwa Gasongo na Sweety Bombi bagufi

Ku itariki 01 Nyakanga 2017, ni bwo mu mujyi wa Kigali abantu bahururiye ubukwe bwa Ntirenganya Jean de Dieu na Nibagwire Veneranda bombi bafite ubugufi bukabije.

Ni ubukwe bwabereye muri Kimisagara naho gusaba no gukwa byari byabereye mu karere ka Kayonza.

Aba bombi basanzwe baba mu ishyirahamwe ry’abafite ubumuga bw’ubugufi bukabije, bari batumiye bagenzi babo, ndetse abafite ubu bugufi ni na bo babambariye.

Na n’ubu aba bombi baracyabanye neza.

Ubukwe bw’umupfumu Rutangarwamaboko

Umupfumu Rutangarwamaboko ni umwe mu bazwi cyane mu Rwanda kubera kwigisha ibijyanye n’umuco n’ibijyanye n’ubuvuzi bushingiye ku muco.

Ku itariki 31 Nyakanga 2017, ni bwo Rutangarwamaboko yakoze ubukwe bwa Kinyarwanda, akoresha ibiribwa birimo umutsima w’amasaka n’amata, anakoresha imyambaro ya Kinyarwanda n’imitako ya kinyarwanda.

Mu gihe abandi bambika impeta abo bagiye gushyingiranwa na bo, Rutangarwamaboko we yakoresheje icyatsi cyitwa “Umwishywa”.

Ubukwe bwa Ndahimana Narcisse wasezeranye yambaye Kambambiri

Ndahimana Narcisse ni umuturage wo mu murenge wa Shyogwe, mu karere ka Muhanga washyingiranwe na Mutuyemariya Consilie.

Mu gihe cyo gusezerana ku mu mategeko, Ndahimana yari yambaye inkweto zo kogana zitwa kamambiri.

Iyi foto yagiye hanze iramamara cyane, bituma abagiraneza bamuteranyiriza amafaranga bamutegurira ubukwe bwo gusezerana imbere y’Imana bwagombaga gukurikira, ndetse bamuremera ubuzima.

Ubu aba bombi bameze neza bafite moto n’umushinga w’ubucuruzi bahawe n’abagiraneza barimo umuhanzi Danny Vumbi n’umunyamakuru Murungi Sabin.

Ubukwe bwa Adrien Niyonshuti wagenze ku igare

Uyu ni umukinnyi w’umukino w’amagare wabigize umwuga, wakinnye igihe kinini muri Afurika y’Epfo no mu ikipe y’igihugu.

Umunsi yashyingirwaga yahetse umugore we ku igare bajya mu kiriziya, n’abamuherekeje bagenda ku magare akoreshwa mu isiganwa.

Ubwo basohokaga mu rusengero, abamuherekeje bakoze imirongo ibiri bamanika amagare hejuru anyuramo hagati.

Ubukwe bwa Kanyombya n’umugore we

Kuwa Kane tariki 25 Ukwakira 2012, umukinnyi wa filime Kayitankore Ndjoli uzwi nka Kanyombya, yazasezeranye imbere y’amategeko n’umugore we Umulisa Jeanne mu muhango wabereye murenge wa Gikondo mu Karere ka Kicukiro.

Ubwo yasezeranaga mu murenge, yanyuze mu mugi wa Kigali ahagaze mu modoka n’umugore bagenda biyereka abaturage, avuga ko azagurisha amashusho y’ubu bukwe bwe.

Abasore b’impanga bashatse impanga zivukana

Butoto Jean Claude n’impanga ye Bukuru Alphonse batuye mu mujyi wa Kigali, bakoreye ubukwe rimwe kuwa Gatandatu tariki 22 Ugushyingo 2013, banashaka abagore b’impanga Butoto Jeannette na Bukuru Cecile.

Aba basore b’abavandimwe barasa nk’intobo, ndetse n’abakobwa barasa nk’intobo. Inshuti zabo zitabiriye ubukwe byarazigoye gutandukanya Butoto na Bukuru, bikanagorana gutandukanya abageni babo.

Sebuyange w’imyaka 83 na Nyirabakire

Tariki ya 22 Mata 2018, mu karere ka Gakenke mu ntara y’Amajyaruguru, habereye ubukwe bw’akataraboneka kubera ahanini imyaka y’abashyingiranwe.

Muri gahunda yo gusezeranya ingo zabanaga zitarasezeranye, Sebuyange Anania ufite imyaka 83 na Nyirabakire Herena benda kungana bahisemo guhita basezerana imbere y’Imana muri kiriziya Gatolika.

Aba bombi bashyingiranywe bamaze imyaka 63 babana, bakaba bafite abana umunani, abuzukuru 82 n’abuzukuruza 12.

Ntabwo byaboroheraga gusubiza ibibazo bya Padiri mu kiriziya, kuko bombi batakibasha kumva neza, babaga basubirishamo Padiri.

Gusa ubu bukwe burangiye, umukecuru yabwiye umunyamakuru ko yishimiye iri sezerano ko ubu n’iyo yapfa yakwakirwa mu ijuru yishimye.

Bizimana Pierre yari arangije kaminuza

Iyi nkuru y’akababaro yatangajwe ku rubuga rwa Twitter rw’ishami rya Kaminuza rya Huye.

Bizimana yari arangije mu ishami ry’icungamutungo aho yabanje kwiga muri Koreji ya UR-CBE (Mburabuturo), na ho umwaka wa nyuma awiga muri Koreji ya Huye.

Bizimana apfuye habura iminsi itatu ngo yambare ikanzu yari avuye kuzana, kuko abandi banyeshuri bazambara aya makanzu mu birori bizabera muri Sitade ya Huye, kuwa gatanu tariki ya 8 Ugushyingo 2019.

Bizimana Pierre

Uwase Nadia wari kumwe na bo ubwo bafatwaga we yasabiwe kurekurwa ahita anataha.

Imbere y’umucamanza, ubushinjacyaha bwongeye kwerekana ibyaha aba bahanzi bashinjwa birimo gukoresha ibiyobyabwenge, ibi ubushinjacyaha bukabihamya bushingiye ku buhamya bwahawe n’abaturanyi n’ibipimo bya muganga byagaragaje ko mu mubiri w’aba bose basanzwemo ibiyobyabwenge.

Ubushinjacyaha bushingiye ku buremere bw’iki cyaha, bugasanga batarekurwa ngo bakurikiranwe bari hanze kuko bashobora gutoroka ubutabera.

Icyaha cyo gukoresha urumogi, Bushali na bagenzi be bagihakanye kuva ku munsi wa mbere w’ibazwa, kuko bo bavugaga ko ubwo bafatwaga binukirijwe ntibumvikane nk’abanyweye urumogi, naho ibyo kuba hari ikoti ryasanzwemo urumogi ryari mu cyumba aho baraye, basobanura ko ari iry’umuhungu wa nyir’inzu basanzwemo mu gitondo.

Babwiye urukiko ko bamaze igihe baretse kunywa urumogi, ariko urukiko rushingira kuri raporo ya muganga igaragaza ko mu maraso yabo harimo ibiyobyabwenge, bityo urukiko rutesha agaciro ibyo kwisobanura ko baruretse.

Urukiko rwahise rutegeka ko Hagenimana Jean Paul (Bushali), Nzeyimana Slum (Drip Slum) na Uwase Carine bafungwa iminsi 30 y’agateganyo, kugira ngo iperereza rikomeze, naho Uwase Nadia we yasabiwe gufungurwa kuko yavugaga ko amakuru yo kunywa urumogi atari ayazi ndetse, raporo ya muganga ikaba yarasanze adaheruka gukoresha ibiyobyabwenge.

Iki cyemezo gishobora kujuririrwa mu minsi itarenze 15.

Inkuru bijyanye:

Umuhanzi Bushali na bagenzi be bafungiwe kunywa urumogi

Ubwa mbere Mutesi Jolly ajya gusura iyi pariki, yari kumwe n’abakobwa bari bahanganiye ikamba rya Miss Rwanda 2016, iki gihe ngo hari zimwe mu nyamaswa atabonye zirimo n’isatura zari zitaragera muri iyi Pariki.

Mu kiganiro kigufi na Mutesi Jolly yagize ati “Ni urugendo ukora amasaha arindwi ariko ndakubwiza ukuri ururangiza utarambiwe kubera ibikoko n’inyamaswa zitandukanye uba ureba kandi umuntu yajyaga abibona kuri Televiziyo”

Mu nyamaswa zamutangaje cyane hamwe n’abo bari kumwe, ni musumbashyamba (Giraffe) kimwe n’isatura yari atarabona.

Ati “Nabonye filime yitwa Pumba, mbona ukuntu isatura ari inyamaswa y’inyamahoro, mbona irasekeje kuko igenda idafite icyerekezo, bituma ngira amatsiko yo kuyireba imbonankubone. Nasanze ari inyamaswa itangaje, nanashishikariza abandi Banyarwanda kujya kuyisura.”

Ikindi cyamutangaje, ngo ni ibyo yasobanuriwe n’abarinda Pariki hamwe n’abashinzwe kuyobora ba Mukerarugendo.

Aba ngo bamubwiye inkuru y’urupfu rw’inzovu yamamaye cyane yitwaga Mutware yakundaga abantu ikaza kuraswa mu gihe cya Jenoside yakorewe Abatutsi. Mbere y’uko iyi Nzovu ipfa, ngo yasize ibwiye indi nzovu yahimbwe Gasore ko igomba kuzitondera abantu kuko bahemuka cyane.

Jolly agira ati “Batubwiye ko Gasore ari yo isigaranye ubutware, ariko igira amahane iyo ibonye abantu, bityo badusabye kwitonda ndetse tugeze mu gace irimo nta n’ubwo twigeze twururuka imodoka ngo tuyifotore ni yo mabwiriza baduhaye, kuko ngo yashoboraga no kutugirira nabi.

Jolly wasuye iyi Pariki kuwa gatandatu tariki 26 Ukwakira 2019, we na bagenzi be bahagurutse mu rugo saa kumi n’imwe za mugitondo, bagera ku marembo ya Pariki saa tatu zuzuye, bakoresha amasaha arindwi bazenguruka pariki, basubira iwabo saa kumi n’ebyiri.

Mu buzima busanzwe, Jolly avuga ko yikundira ubukerarugendo no kubungabunga inyamaswa, ariko na none nka Nyampinga w’u Rwanda ngo akora ubukerarugendo kuko bimufasha gusobanurira abanyamahanga ibyiza bitatse u Rwanda cyane ko ahura na benshi bifuza kurusura muri gahunda ya #VisitRwanda .

Iyi foto iheruka igaragaza ubwa mbere Mutesi Jolly ajya muri Pariki y’Akagera muri 2016 ari kumwe n’abo bahataniraga ikamba rya Miss Rwanda

Ni igitaramo cyabereye mu ihema rya Camp Kigali, gitangira ahagana saa yine z’ijoro, gisozwa saa sita zuzuye.

Nubwo ubwitabire butari ikirenga, abaje muri iki gitaramo bagaragaje kwishima, ndetse bigeze ku mushyitsi mukuru ariwe Awilo Longomba, bahaguruka mu byicaro byabo babyinana nawe zimwe mu ndirimbo ze zakunzwe zirimo nka Gater le coin n’izindi.

Igitaramo cyatangijwe n’itsinda rya Neptunes Band nk’ibisanzwe, ikurikirwa na Mani Martin waje no guha akanya umuhanzi Bill Buzima, hanyuma hajyaho uwari wazinduye benshi ariwe Awilo Longomba.

Uyu muririmbyi wa Rumba yaririmbye igihe kitagera ku isaha abantu babyinira mu ntebe zabo karahava, ava ku rubyiniro saa sita zigeze bigaragara ko abantu bagishaka kubyiba ibihangano bye.

Kigali Jazz Junction Awilo Longomba yatumiwemo, ni igitaramo kimaze kuba ngarukakwezi, gitumira umwe mu bahanzi bakunzwe muri iyo minsi, cyangwa bakanyujijeho, uwari uherutse kuza mu kwezi gushize akaba ari umunya Nigeria Jonny Drille.

Dore amwe mu mafoto y’iki gitaramo:

Amafoto: Nyirishema Fiston

‘Nari High’ ni indirimbo nshya yakozwe na Safi Madiba, Jay Polly, Marina, Calvin Mbanda na Queen Cha, bose bahuriye mu nzu ya The Mane ikora ubucuruzi bw’umuziki n’ibihangano. Ni indirimbo igaragaza ibikunda kuba ku bantu banywa inzoga bagasinda, aho bamwe bashobora gutahanwa batabizi, abarara aho batazi, abandi bagakoreshwa ibikorwa bishimisha imibiri batabigambiriye ahubwo babikoreshwa n’umusemburo.

Ushinzwe ibikorwa by’iyi nzu akaba n’umuvugizi wayo Arstide Gahonzire yabwiye Kigali Today ko iyo ndirimbo yakozwe hagamijwe gukebura abantu banywa inzoga bagasinda zikanabakoresha ibyo bataramutse, avuga ko babihuzaga na gahunda ya Polisi y’u Rwanda ya ‘Gerayo Amahoro’.

Ati ”Abahanzi bacu bajya gukora iriya ndirimbo, twatekereje cyane ku bantu batwara imodoka basinze bikabaviramo kuba bahitana ubuzima bw’abantu cyangwa inzoga ubwazo zikabakoresha ibyo batari gukora iyo baba batazinyweye. Abahanzi bacu bahisemo gutanga umusanzu wabo mu gukebura abakunzi b’umuziki ngo nibura babone ko inzoga ari ikibazo, ngira ngo abareba amashusho mubona ko ziba zakoze ibintu bidakwiye.”

Iyi ndirimbo ‘Nari High’ ni yo ya mbere aba bahanzi bo muri The Mane bahuriyemo bose, ikaba igaragaramo Calvin Mbanda umuhanzi mushya muri iyi nzu, akaba yaranahawe ibitero bibiri muri iyi ndirimbo.

Polisi y’u Rwanda imaze igihe mu mukwabu wo gufata abantu batwara imodoka banyweye ibisindisha, ndetse bikaba byaranageze mu bahanzi, aho Meddy yari amaze iminsi itanu afungiwe kuri Station ya Remera akaba azanatanga amande y’ibihumbi 150 by’Amafaranga y’u Rwanda.

Iyi ndirimbo isohotse mu gihe umuyobozi w’iyi nzu Bad Rama ari muri Amerika, ubu ibikorwa byose by’aba bahanzi bikaba birimo bikurikiranwa na Gahonzire Aristide, na we umaze igihe gito muri iyi nzu.

Reba Video y’indirimbo Nari High y’abahanzi bo muri The Mane

Ngabo Medard (Meddy) warekuwe mu masaha ya mugitondo, yasohotse aho yari afungiye kuri Sitasiyo ya Polisi ya Remera, ahita akikizwa n’abo mu muryango we ndetse n’izindi nshuti ze za hafi kimwe n’abashinzwe umutekano w’abahanzi, bamukingiriza ngo adafotorwa n’abanyamakuru bashakaga no kumuvugisha.

Meddy yafatiwe i Remera n’abapolisi bashinzwe umutekano wo mu muhanda saa munani zo mu ijoro ryo ku cyumweru, akekwaho gutwara imodoka yanyoye ibisindisha. Uyu wa gatanu ni wo wari umunsi wa gatanu yari amaze atawe muri yombi nk’uko ibwiriza rya polisi y’u Rwanda ribivuga muri gahunda ya ‘Gerayo Amahoro.’

Uretse gufungwa iyi minsi itanu, Meddy agomba gutanga ibihumbi 150 by’Amafaranga y’u Rwanda biteganywa nk’igihano cy’uwatwaye imodoka yasinze n’ibihumbi 50 by’amafaranga y’u Rwanda byo kwishyura imashini ikora akazi ko guterura imodoka y’uwafashwe atwaye yasinze.

Hari amakuru avuga ko Meddy yagombaga kuba yaragiye muri Amerika ku wa kane tariki 24 Ukwakira 2019. Icyakora nyiri ubwite ntarashaka kwemeza niba uru rugendo rwarasubitswe, ariko ikizwi ni uko Meddy yafunguwe ahita yerekeza mu rugo iwabo aho yanakiriwe na nyina umubyara.

Inkuru bijyanye:

Meddy yatawe muri yombi

Inzego zitandukanye zirimo abakinnyi ba filimi, abayishoragamo imari, inzego za Leta n’abandi bari bashinzwe kugira icyo bakora kuri iki kibazo, batangiye kwitana ba mwana, ahari ikibazo harayoberana.

Cyakora muri 2016, hatowe inzego ziyobora Inama nkuru y’ubuhanzi mu Rwanda, buri gice cy’ubuhanzi na cyo gitora abagihagarariye harimo na sinema. Kuri Minisiteri y’Umuco na Siporo, iki cyari kimwe mu bisubizo byo kuzahura ubuhanzi burimo n’ubwa sinema cyane cyane ko byavugwaga ko ubujura bw’ibihangano (Piratage) ari kimwe mu bimunga sinema, kandi iyi nama nkuru y’ubuhanzi yari yiyemeje guhangana n’icyo kibazo.

Nyuma y’imyaka itatu iyi nama itowe, abakora sinema bavuga ko ibintu bigenda biba bibi kurushaho, kandi buri munsi hagaragara abahanzi bava muri uyu mwuga buri munsi.

Mu myaka ya 2009 kugera muri 2012, hari hari umuco wo gushyira hanze filimi nshyashya buri ku wa mbere, zikagurishirizwa ahitwa mu Gikari mu nyubako yo hafi yo kwa Rubangura. Hari igihe filimi enye zasohokeraga icyarimwe kandi zikarara zicurujwe mu gihugu hose.

Hirya no hino ku mihanda, hari abana benshi bacuruzaga ibikapu by’ama CD ariho za filimi zitandukanye ziriho amashusho y’abakinnyi benshi kandi zaragurwaga ku bwinshi.

Umwe mu bavuganye na Kigali Today wahoze acuruza izi filimi yagize ati “Nashoboraga gucuruza CD 80 ku munsi hakaba ubwo ncuruza na CD 100, urumva ko nanjye nabonaga akantu”

Abaranguriraga mu gikari, baranguraga CD imwe ku mafaranga 800 bakayicuruza ku gihumbi, bakungukaho amafaranga 200.

Iki gihe benshi bashoye amafaranga muri sinema banunguka andi muri iri soko ryasaga n’iryayobotswe na benshi.

Mu gihe gito cyane, isoko ryasubiye inyuma, abasohoraga filimi barabireka izindi zihera mu bubiko zidasohotse, abakinnyi bamwe baramburwa, abaciye akenge bimurira ibikorwa byabo kuri YouTube.

Ihuriro ry’abayobozi ba Sinema mu Rwanda risanga iterambere ryarasize bamwe

Israel Busine, umuyobozi w’ihuriro ry’abayobozi ba Sinema mu Rwanda (Directors union) avuga ko ikibazo cyabaye ari uko abantu bavuye kuri analog bakajya muri digital.

Ati “Mbere twagurishaga amafilm kuri DVDs abantu bakarebera aho, ariko ubu ntawe ukizigura. Ikindi habagaho television imwe abantu barambirwa bakagura lecteur ya CD. Andi masoko yateye imbere ya Hollywood bo bari bariteguye izo mpinduka kuva na mbere bashyiraho isoko ryo kuri murandasi bagurishirizaho, twe byabaye nkibintu bitwituyeho ubu abakora tukaba turi kwikusanya.”

Ikindi ni uko habura ubushake bwa leta mu gufasha iterambere rya sinema nyarwanda, kuko kuri ubu hari televiziyo zigenga zikorera mu Rwanda zirenga 12, ariko 60% bya filimi zirebwa kuri izo televiziyo zigenga ni filimi zo hanze.

Uyu muyobozi avuga ko icyakorwa ari uko inteko ishingamategeko yashyiraho itegeko ry’uko televiziyo zajya zishyiraho filime Nyarwanda, kuko izo televiziyo arizo mukiliya wa mbere ukomeye urebwa na benshi.

Ishyirahamwe ry’abanditsi ba sinema

Kugirango filimi igere ku isoko inakundwe, ni uko igomba kuba yanditse neza, ndetse ubwanditsi ni inking ikomeye cyane muri Sinema.

Ihuriro ry’abanditsi, naryo risanga ikibazo cyabaye ari uko nta nyigo ihamye y’isoko rya sinema nyarwanda yigeze iba.

Niyomwungeri Aaron ukuriye iri shyirahamwe, avuga ko hari abantu bakoze filime imwe irakundwa muri 2007, bishitura abantu benshi biroha muri sinema ariko batigeze bakora inyigo y’isoko.

Kubera uku gukundwa ngo mu myaka ya 2007-2013, abantu bagurishirizaga sinema ku muhanda, bituma habaho ubujura bukomeye bwa pirataje, abandi bakora izidafite ireme.

Niwemwungeri Aaron ati “Aho haziye amateleviziyo yigenga ntawari akigura CD, bituma isoko ryo mu Rwanda rihagarara, nibwo buri wese yakoraga uko ashoboye ngo utuntu twe adushyire kuri YouTube”

Mugisha James uhagarariye ishyirahamwe ry’abakina muri sinema, avuga ko gusubira inyuma kw’isoko rya sinema byazamuye cyane irindi soko ry’abasobanura mu Kinyarwanda sinema mpuzamahanga (Agasobanuye), n’ubwo nabyo asanga bishobora guteza ibibazo kuko nta masezerano bagirana n’abakoze iyo filimi.

Mugisha agira ati “Icyakorwa nuko leta yashyiramo ubushake nkuko yazamuye made in Rwanda no mu guca caguwa”

Bimukiye kuri Youtube bahunga ituburwa ry’ibihangano

Amategeko arengera abahanzi n’ibihangano mu Rwanda agaragara nk’akirimo icyuho kuko kugeza uyu munsi hari abagitubura ibihangano by’abahanzi bakabibyaza umusaruro nyamara abahanzi babikoze bakicwa n’inzara.

Sinema nyarwanda yabiguyemo cyane, bituma abayikoraga bahitamo kuva muri aka kazi, bagana inzira yo kunyuza ibihangano byabo kuri YouTube ngo nibura babona amafaranga aturutse ku mubare w’abasura uru rubuga.

Niyitegeka Gratien uzwi nka Seburikoko, ubu afite umukino anyuza kuri YouTube yitwa witwa ‘Papa Sava’.

Aganira na Kigali Today, yaragize ati “piratage ni yo yahombeje cimena nyarwanda ntacyo twakoreraga, abantu batwibaga ibihangano byacu ku mugaragaro twebwe tugahomba bo bakabyungukiramo, nibura youtube yo ikwishyura bikurikije uko wakoze n’uko warebwe”.

Yakomeje agira ati “ikindi kandi iyo mbishyizeho ni nko gutanga abagabo ko igihangano ari icyanjye, nubwo na ho babikuraho bakabitwara ariko nibura biratwitirirwa”.

Ibi abihuriyeho na Kalisa Ernest uzwi nka Samusure wakinnye filimi nyinshi ariko ubu akaba asigaye ashyira ibihangano bye kuri Youtube.

Yagize ati “twumva ko ababishinzwe babirimo ku buryo tutazongera kujya tugokera ubusa tugasohora ibihangano byacu bigahita byiganwa n’abandi, bitabaye ibyo tuzaguma kuri youtube kuko ni ho utoramo akantu”.

Nyamara uruganda rwa sinema mu Rwanda rwateye imbere: abayobora sinema mu Rwanda

Mazimpaka Kenneddy wungirije umuyobozi w’ihuriro ry’abakora sinema mu Rwanda, asobanura ko Cinema yo mu Rwanda irimo amoko abiri. Ngo hari isoko rya sinema n’uruganda rwa sinema. Ashingiye kuri ibi, asanga mu myaka 5 ishize, uruganda rwa cinema rwateye imbere, kuko ubu ama films ajyana hanze muma Festivals yariyongereye, ubu amahanga akaba azi ko mu Rwanda hari uruganda rwa cinema rukomeye.

Cyakora uyu muyobozi yemera ko hari sinema zikorwa ntizisohoke hanze, bitewe n’uko isoko ryizwe nabi.

Yagize ati « Mbere na mbere, isoko ry’izo films ryizwe nabi, bikorwa nta gahunda ihamye yo kuzicuruza ndetse no kuzirindira umutekano ihari». Avuga ko kuba nta buryo bwo kurinda umutekano bwashyizweho byatumye habaho « Piratage » nyinshi, bihombya abakoraga izo films, bagomba gukuramo amafaranga. Ati « Hakorwaga film, nyirayo yayishyira hanze abandi bakayikopiya kuri za CD bakicururiza, nyirayo ntauremo amafaranga, kandi akeneye guhemba abakinnyi nawe akunguka, agakora n’izindi. Ibi rero byabaciye intege bituma hafi ya bose babireka ».

Mazimpaka avuga ko kugirango isoko rya sinema risubire kumera neza mu Rwanda, bizasaba ko abari muri uru ruganda bicara bakigana ubushishozi uko sinema yacuruzwa, ariko akanavuga ko bakeneye ubufasha bwa Leta.

Kwangirika kw’iri soko ryo mu Rwanda, byatumye hari abakora izi filimi bakazijyana mu mahanga cyane cyane mu maserukiramuco. Urugero ni urwa Samuel Ndayishimiye ukunda kujyana filimi ze mu bihugu byo mu burayi harimo n’Ubudage, yabwiye Kigali Today ko yasanze i Burayi hari abaturage benshi usanga bagura amafilimi n’ibindi bihangano, kuburyo byamuteye kujya akora sinema atumbiriye isoko mpuzamahanga.

Ikindi cyamuteye imbaraga, ni ukuntu abo banyaburayi ngo bishimira kugura filimi zivuye muri Afurika kuko baba batazi byinshi ku muryango w’Abanyafurika.

Awilo Longomba yatoranyijwe kuza kuririmba mu Rwanda habaye ikimeze nk’amatora ku mbuga nkoranyambaga, akaba yari ahanganye na Suzan Awiyo wo muri Kenya, na Mya Harrison wo muri Leta zunze ubumwe za Amerika, ariko Longomba yatowe na benshi agira amajwi 67%.

Awilo Longomba ni umwe mu bahanzi banditse izina rikomeye mu muziki wo muri Afurika, ubwo yari amaze gusezera ku kazi ko gucuranga ingoma mu itsinda ryashinzwe na nyakwigendera Papa Wemba.

Iki gihe, Awilo Longomba yahise asohora umuzingo wa mbere witwa Moto Pamba, afashijwe na bagenzi be barimo na Ringo Star.

Kuva icyo gihe, Awilo Longomba yabaye itafari rikomeye mu muziki wa Congo (icyo gihe yitwaga Zaire), atangira kuzenguruka Afurika acuranga injyana Rumba.

Kuri uyu wa gatanu tariki 25 Ukwakira 2019, nibwo Awilo Longomba azataramira muri Camp Kigali, afatanyije na Mani Martin na Neptunes Band.

Reba Video ya Awilo Longomba ubwo yasesekaraga i Kigali

Amafoto & Video: Richard Kwizera/Kigali Today

Umwe mu barimu bo muri iri shuri wavuganye na Kigali Today, yavuze ko ubwo abanyeshuri bari bamaze gusohoka muri iri cumbi bagiye mu masomo nk’uko bisanzwe, bagiye kubona bakabona inyubako itangiye kugurumana, ndetse umuriro ngo wahise uba mwinshi kubera imifariso y’abanyeshuri yari irunze muri iri shuri.

Uyu mwalimu yavuze ko imodoka ya Polisi ishinzwe kuzimya umuriro yahageze yakererewe cyane ku buryo yasanze umuriro wanatangiye kugabanuka igatera amazi ahari hasigaye.

Mu gihe yi nkuru yandikwaga, umuyobozi w’ikigo Duniya Jean Marie Vianney ntabwo yabashije kwitaba telefoni ye igendanwa, ariko umwe mu bakozi b’iki kigo yabwiye Kigali Today ko umuyobozi w’akarere wungirije ushinzwe imibereho myiza y’abaturage yageze muri icyo kigo kugira ngo bashake uko abanyeshuri babaho muri iyi minsi isigaye ngo igihembwe kirangire.

View this post on Instagram

Inkongi y'umuriro mu Rwunge rw'amashuri rwa APAPEC MURAMBI. Icumbi ry'abahungu rirahiye. #BODA2BODA

A post shared by KT RADIO (@ktradio) on Oct 18, 2019 at 4:50am PDT

Hagenimana Jean Paul wamamaye ku izina rya Bushali ni umwe mu batawe muri yombi

Mu masaha ya mugitondo, nibwo umuhanzi Bushali ari kumwe na Slim Drip hamwe n’abakobwa babiri, babonywe mu rugo rw’umukecuru bifungiranye.

Nsabimana Desiré, Umunyamabanga Nshingwabikorwa w’Umurenge wa Nyakabanda ibi byabereyemo, yabwiye Kigali Today ko bari baraye muri iyi nzu y’uyu mukecuru bayihawe n’umwana we usanzwe ayiraramo ariko akaba yari yabimukiye yagiye kurara ahandi.

Ubwo uyu mukecuru yabyukaga mu gitondo, ngo yumvise abantu benshi bavugira mu nzu ye niko gutabaza inzego z’umudugudu n’akagari, akagari nako gatabaza Umurenge wa Nyakabanda, maze mu bufatanye n’inzego z’umutekano aba bahanzi n’abakobwa bari bararanye batabwa muri yombi.

Umunyamabanga Nshingwabikorwa w’umurenge wa Nyakabanda yasobanuye ko batazi ibyo aba barayemo ariko kuko bahamaze ijoro ryose, ariko ngo ubwo bafatwaga babasanganye ibiyobyabwenge.

Ati “Twabasanganye udupfunyika tubiri tw’urumogi n’ikindi gicupa kirimo ibintu banywaga tutazi kugeza ubu”

Urwego rw’Ubugenzacyaha (RIB) rwemeje amakuru y’itabwa muri yombi ry’abo bantu. Umuvugizi wa RIB Mbabazi Modeste yabwiye Kigali Today ati "Ni byo bafashwe bafungiye kuri RIB Station ya Nyamirambo."

Slip Drip bafatanywe basanzwe banaririmbana Trap

Bushali umaze kwamamara kubera amagambo ya "Ese ni Muebue" yahurije mu njyana ya Trap igezweho ubu, yagaragaye yicaye mu modoka itwara abakekwaho ibyaha, inzego z’ibanze za Nyakabanda zikaba zivuga ko bajyanywe ngo bakorweho iperereza ry’ibyaha bakekwaho byo gukoresha ibiyobyabwenge.

Bushali yitamirije inweri z’amabara ku mutwe, agakunda kwikura ishati hejuru n’agakapu gato atwara ku nda, ni umwe mu bakunzwe n’urubyiruko kubera kuririmba injyana igezweho yitwa Trap ifite imizi muri Amerika. Avuga ko ari we wayizanye mu Rwanda, ndetse Trap ikozwe mu kinyarwanda yayise Kinya-Trap, akongeraho akajambo ngo "Ku Mugongo" agaragaza ko ari we uyihetse.

Ikinyamakuru cyitwa Feeling Dakar gikunda kwandika ku makuru y’ibyamamare byo mu gihugu cya Senegal, cyakwirakwije inkuru y’amashusho ku rubuga rwacyo rwa YouTube, kivuga ko ubu Sadio Mane afite umukunzi mushya w’umunyarwandakazi witwa Kate Bashabe.

Ivi video itarimo ijwi na rimwe ry’abavuga, yari igizwe n’amashusho Kate aherutse gushyira hanze arimo azenguruka mu gace Sadio Mane atuyemo, n’andi mashusho uyu mukobwa ari muri Stade ya Liverpool yagiye gufana iyi kipe.

Ku gicamunsi cyo kuri uyu wa kane tariki 17 Ukwakira 2019, Kigali Today yavuganye na Kate Bashabe avuga ko na we aribwo akibona ayo mashusho, avuga ko nta kuri kuri muri aya mashusho, ndetse ashaka kugereranya abayakwirakwije nk’abadatekereza neza ati “Si bazima”.

Yagize ati “Wapi wapi nta hantu bihuriye. Buriya ni ukubera yapostinze iriya ndirimbo ya Meddy, cyangwa bakaba ari uko bambonye ndi i Liverpool ngiye kwirebera umupira”.

N’ubwo bitoroshye kwemeza ko Sadio na Bashabe baba bari mu rukundo cyangwa banaziranye byihariye, nta gihe gishize Bashabe agaragaye mu mujyi wa Liverpool azenguruka urusisiro rwa Merseyside ikipe ya Liverpool ibamo ari na ho Sadio atuye.

Icyo gihe, Kate yagaragaye ari mu maduka acuruza imyenda ya Liverpool agiye kugura umwenda yagombaga kurebana umukino wa Liverpool na Norwich, aza no kugaragara yifata amashusho menshi ari mu myanya y’icyubahiro muri Stade y’iyi kipe.

Bashabe ni umunyamideri wabigize umwuga utunzwe no kudoda imyenda akanayigurisha, akaba anazwi kubera kwitabira amarushanwa y’ubwiza yigeze gutegurwa n’umujyi wa Kigali aba Miss MTN ndetse yanitabiriye Miss Rwanda ariko yivanamo n’ubwo ari we wari uhagarariye Akarere ka Nyarugenge muri 2011.

Umunya-Senegal Sadio Mane aravugwaho gukundana na Kate Bashabe

Imodoka Igor Mabano yari atwaye ni uku yahindutse

Ahagana saa kumi n’imwe z’umugoroba wo kuri iki cyumweru tariki 13 Ukwakira 2019, nibwo Igor Mabano yakoze impanuka mu muhanda wa Huye-Kigali ageze i Kinazi yenda kwinjira mu Karere ka Nyanza.

Igor Mabano wari uvuye gusura abanyeshuri ku ishuri, yavuze ko impanuka yatewe n’imodoka yabitambitse, maze agerageje kuyikwepa asekura ikamyo bituma ahita ata umuhanda imodoka yikuba ku ruhande rwo hirya y’umuhanda.

Ku bw’amahirwe Igor Mabano n’abo yari atwaye babashije kurokoka iyo mpanuka (Ifoto yo mu bubiko)

Ukwikuba kw’imodoka byatumye ukuboko kwa Igor kwangirika cyane bituma ajya kwa muganga ngo ahabwe ubufasha bw’ibanze.

Imodoka Igor yari atwaye yangiritse bikomeye naho abandi bari kumwe mu modoka bakomereka bidakomeye, ubu bakaba bari kwa Muganga.

Itangazo ryemeza ugusesa aya masezerano ryasomewe imbere ya Camera amashusho anyuzwa ku rubuga rwa YouTube rwa Boss Papa, risomwa n’uwitwa Amandine ukorana na Alain Muku, ari kumwe na nyirubwite Karasira.

Iri tangazo ryari rigizwe n’amagambo macye ryagiraga riti “Ubuyobozi bwa Boss Papa Label buramenyesha muri rusange abakunzi b’indirimbo ndetse n’abakunzi by’umwihariko b’ibihangano by’umwimerere Nyarwanda, ko kubera impamvu ze bwite, umuhanzi Karasira Clarisse yasabye gusesa aya masezerano yo kumuhagararira mu buhanzi, yari afitanye na Label Boss Papa.”

Nyirubwite Karasira na we yasomye igice cya nyuma cy’iri tangazo kigira kiti “Nyuma y’iri tangazo rero rishyizwe ahagaragara n’impande zombi, ndabamenyesha ko ntakibarizwa muri iyi Label ya Boss Papa.”

Amakuru Kigali Today yaje kumenya ni uko ibaruwa yo gusezera kuri Alain Muku, yari imaze icyumweru kirenga yanditswe na Karasira, ndetse ngo yashakaga ko itangazo riba ryarasomewe rubanda mbere y’uyu munsi ryasomewe.

N’ubwo nta hantu hazwi uyu muhanzi agiye guhita yerekeza, biravugwa ko hari abantu bakunda ibihangano bye baba mu mahanga bifuza kumufasha atakiri mu biganza bya Alain Mukuralinda.

Karasira ni umuhanzikazi wari ufite amasezerano atandukanye cyane n’aya Nsengiyumva François(Igisupusupu) bari kumwe muri Boss Papa, kuko nk’indirimbo ze zose yazishyiraga ku rubuga rwe bwite rwa YouTube, mu gihe indirimbo za Nsengiyumva Francois zose zajyaga ku rubuga rw’ikigo cya Alain Muku kimwe n’abandi bahanzi bafashwa n’inzu ya Boss Papa.

Mu gihe cy’umwaka bari bamaranye, Inzu ya Alain Muku yafashije Karasira gukora zimwe mu ndirimbo zatumye amenyekana zirimo Kabeho yari aherutse gushyira hanze, Intamenya, Ubuto, Ntizagushuke, n’izindi zatumye uyu muhanzikazi aba icyamamare.

Mu butumwa yanditse mu gitabo cy’abashyitsi mu rurimi rw’igifaransa, Didier Yves Tébily Drogba yagize ati “Igihe kirashize kuva muri 2009 ubwo naherukaga hano mu Rwanda. Kugaruka kuri ubu butaka bwo kwibukiraho, ni umukoro, no kunamira inzirakarengane za Jenoside, ariko ni n’igihe cyo gukoresha kumenyekana kwanjye nkigisha urubyiruko rwa Afurika n’urw’Isi ingaruka z’igikorwa nk’iki.”

Ubutumwa bwa Drogba bunashimangira ko mu myaka 10 yari amaze adakandagira mu Rwanda, Abanyarwanda bakoze ibishoboka byose ngo bateze igihugu imbere.

Yakomeje agira ati “Nyuma y’imyaka 10, biturutse ku kwiyemeza no kugira intego kw’Abanyarwanda, iki gihugu cyabaye bandebereho mu gushyira hamwe, kubabarira n’iterambere.”

Drogba yasoje ubutumwa bwe avuga ko yishimiye kugaruka hano mu Rwanda, avuga ko kuba ari mu Rwanda yiyumva nk’uri mu rugo iwe.

Umunya-Nigeria Patrick Nnaemeka Okorie uzwi nka Patoranking na we waje gutaramira urubyiruko rwitabiriye Youth Connekt Africa 2019, na we yasuye urwibutso rwa Gisozi anasiga ubutumwa bw’urukundo.

Patoranking yanditse mu gitabo cy’abashyitsi ati “Nandikanye umubabaro mwinshi n’amarira menshi imbere n’inyuma. Warakoze Mana twabonye urukundo. Urukundo ruganze, u Rwanda ni urukundo.”

Youth Connekt yitabiriwe n’ibi byamamare, ni inama Nyafurika y’ihuriro ry’urubyiruko igamije gucura ba Rwiyemezamirimo, abashoramari, abavumbuzi n’abahanga bakomeye b’ejo hazaza. Didier Drogba ni umwe mu batanze ikiganiro ku munsi wa kabiri w’iyi nama, naho Patoranking ataramira abitabiriye iyi nama mu itangira ryayo.

Ubu ni bwo butumwa Drogba yanditse

Mu butumwa Patoranking yanditse, yagaragaje ko mu Rwanda ubu hari urukundo n’ubwo habaye Jenoside yakorewe Abatutsi

Drogba na Patoranking bombi basuye urwibutso mu bihe bitandukanye ariko baje kuhahurira umwe asohoka undi yinjira

Amafoto: Richard Kwizera

Ibumoso ni Elsa, hagati ni Meghan, iburyo ni Liliane

Ni urugendo bose batangiriye i Bonn mu Budage ubwo bitabiraga Rwanda Day yabaye ku itariki ya 5 Ukwakira 2019, barukomereza mu Bufaransa bazenguruka umujyi wa Paris bahura n’abantu batandukanye bifuza kuba abafatanyabikorwa b’iri rushanwa.

Kuri uyu wa kane tariki 10 Ukwakira 2019, Miss Iradukunda Elsa yabwiye Kigali Today ko bose barimo berekeza mu Mujyi wa Buruseli mu Bubiligi n’ubundi kubonana n’abafatanyabikorwa babo ariko yirinda kuvuga amazina y’abo bendaga guhura.

Biteganyijwe ko bazagaruka mu Rwanda ku itariki ya 24 Ukwakira 2019 baje gusubukura imishinga bafite mu Rwanda y’ibikorwa bya Nyampinga.

Bisa n’aho mu mujyi wa Paris ari ho bagiriye ibihe byiza. By’umwihariko Iradukunda Elsa yatemberanye n’umubyeyi we basura Stade y’ikipe ya Paris Saint Germain, basura umunara wa Eifer basura ikibuga cyitiriwe ubwigenge bw’Abafaransa n’ahandi hatandukanye.

Uretse gutembera, aba ba Nyampinga ngo banahuye n’ibigo hamwe n’abantu basanzwe batera inkunga irushanwa rya Miss Rwanda n’abashaka kuzayitera inkunga mu mwaka utaha wa 2020.

Miss Iradukunda Elsa na Miss Iradukunda Liliane

Liliane na we yasuye stade ya PSG

Meghan ku kibuga cy’ubwigenge mu Bufaransa

Elsa n’umubyeyi we basuye stade ya PSG

Didier Drogba ubu usigaye ari Ambasaderi w’ishami ry’umuryango w’abibumbye ritsura amajyambere (UNDP), yatumiwe mu Rwanda n’abategura YouthConnekt, akaba n’umwe mu bazatanga ibiganiro muri iri huriro ry’urubyiruko rurenga ibihumbi 10 baturutse hirya no hino muri Afurika.

Abagize ihuriro ry’abakunzi b’ikipe ya Chelsea bahise bagira igitekerezo cyo guhura n’iki cyamamare ngo bakorane urugendo mu mujyi wa Kigali banasangire, ndetse ngo bamaze gutegura uburyo bazamwakiriza indabo akigera ku kibuga cy’indege.

Benshi mu bari muri iri shyirahamwe batubwiye ko biteguye kwambara umwambaro w’ikipe ya Chelsea maze abaturuka impande zose z’igihugu bakagendana na Drogba bakerekeza kuri Kigali Convention Center mu rugendo rushobora kumara iminota 30.

Umwe mu bayobora iri huriro witwa Isimbi Justine yavuze ko ari igikorwa bateguye cyo kwereka Drogba ko ikipe yahoze akinamo igifite abakunzi benshi hano mu Rwanda, no kumwereka urukundo kubw’ibyiza yakoreye Chelsea.

Yagize ati “Buri muntu wese agira uburyo yerekana urukundo, natwe turashaka kwereka Drogba ko tumwishimiye tukanamushimira ibyiza yakoreye ikipe yacu.”

Muri 2015, iri huriro ryakiriye ku kibuga cy’indege Avram Grant watoje iyi kipe, ubwo yazaga mu Rwanda azanye n’ikipe ya Ghana yatozaga icyo gihe, banamugenera umupira wa Chelsea wanditseho Chelsea Fan Club Rwanda.

Kalisa Fidele uyobora iri huriro yaganiriye na Kigali Today agira ati “Muri urwo rwego rero hari byinshi biteganyijwe harimo n’icyo gikorwa cyo kwifatanya na we muri urwo rugendo Kigali Night Run rujyanye n’ubundi na gahunda yajemo nka Ambasaderi wa UNDP akaba ari we uzarutangiza.”

Abafana ba Chelsea ni ihuriro ryamaze kwandikwa mu Bwongereza mu mahuriro yemewe ya Chelsea, rikaba rikora ibikorwa bitandukanye by’ubugiraneza no gufasha abatishoboye, bakanakora siporo cyane ko banafite ikipe y’umupira w’amaguru ijya inahangana n’andi makipe y’abafana b’amakipe yo mu Bwongereza.

Mu kwezi kwa gatanu muri uyu mwaka wa 2019, mu Rwanda habaye irushanwa ry’abafana b’amakipe akomeye i Burayi, ikipe y’iri tsinda ry’abafana Chelsea ritwara umwanya wa gatatu batsinze abafana ba Manchester United ibitego 3 ku busa.

Mu bihe bitandukanye itsinda ry’aba bafana ryagiye rifasha abaturage batishoboye, bakora ibikorwa by’umuganda ndetse n’ibindi bikorwa bitandukanye bahuriraho birimo no gusabana.

Didier Drogba ni umukinnyi ufite ibigwi bikomeye mu ikipe ya Chelsea kuko yayifashije gutsindira ibikombe bitatu bya shampiyona y’icyiciro cya mbere, ayifasha gutwara igikombe cy’amakipe yabaye aya mbere i Burayi, na we ubwe atwara igikombe cy’umukinnyi watsinze ibitego byinshi mu Bwongereza inshuro ebyiri anahabwa ibihembo bibiri n’ishyirahamwe ry’umupira w’amaguru muri Afurika inshuro ebyiri n’utundi duhigo dutandukanye.

N’ubwo hari abagiye mu minsi yari yabanje, abahanzi, abanyamakuru, ba Miss Rwanda n’abandi bafite amazina azwi mu myidagaduro yo mu Rwanda basa n’abagendeye rimwe.

Byari ibyishimo kuri bose kuko bagiye n’indege imwe ya RwandAir yahagurutse i Kigali kugera aho bagiye ndetse banahabwa hotel imwe nk’abagiye mu gikorwa kimwe.

Uku kugendera hamwe byatumye mu mwanya muto bari bafite batembera umujyi, basura inyubako z’amateka mu rusisiro rwa Bonn bamwe bifata amafoto y’urwibutso ari na yo twashatse kubereka muri iyi nkuru.

Bamwe mu bahanzi n’abanyamakuru bishimiye ibihe byiza bagiriye i Bonn mu Budage

Bruce Melody na Charly

Igor Mabano ku kibuga cy’indege

Jules Sentore mu Budage

Jules Sentore na Sherrie Silver

Jules Sentore, Kitoko na King James

Miss Rwanda 2017 Iradukunda Elsa

Miss Rwanda 2018 Iradukunda Liliane

Esther & Ezekiel ni bo begukanye irushanwa

Ryegukanywe n’itsinda ry’abavandimwe bo muri Uganda ryitwa Esther & Ezekiel, batsinda Intayoberana zo mu Rwanda zabaye iza kabiri.

Byari ibirori byacaga kuri Televiziyo zitandukanye zirimo RTV yo mu Rwanda, Clouds TV yo muri Tanzania, Citizen TV yo muri Kenya na NBS yo muri Uganda.

Itsinda ry’Abanyarwanda ryagerageje gushimisha abakurikira izi Televiziyo ndetse ryari ryishimiwe na benshi, ku buryo hari ababahaga amahirwe yo kwegukana igihembo cy’ibihumbi 50 by’amadolari ya Amerika, ni ukuvuga asaga gato miliyoni 46 mu mafaranga y’u Rwanda.

Mu cyiciro cya nyuma hari hari Intayoberana zo mu Rwanda, Esther & Ezechiel bo muri Uganda, ababyinnyi bo mu itsinda rya DNA ryo muri Uganda, Jehovah Shalom Acapella ya Uganda, Janelle Tamara umwana wo muri Kenya wabaye uwa gatatu, na Spellcast yo muri Kenya.

Iri ni ryo rushanwa rihemba amafaranga menshi mu marushanwa y’impano muri Afurika, rikaba riri mu rwunge rw’amarushanwa yiswe Got Talent ashingiye ku kiganiro cya Televiziyo cyamamaye ku isi yose gikorwa n’umwongereza Simon Cowell.

Aba bana b’Abanyarwanda bo mu Itorero Intayoberana baje ku mwanya wa kabiri

Abana bo mu Itorero Intayoberana berekanye ubuhanga mu kubyina no guhamiriza

Alain Muku ubwo yari i Bonn mu Budage muri Rwanda Day yasobanuye uburyo yafashije Igisupusupu gutera imbere

Mukuralinda Alain cyangwa Alain Muku, yabanje kuvuga umwirondoro we agaragariza Abanyarwanda baba mu mahanga ko na we yize mu Bubiligi akanahakora akazi ko kunganira abantu mu nkiko, ariko nyuma aza gutaha akomereza akazi mu Rwanda.

Icyo gihe ataha mu Rwanda, umugore we wakoraga muri Banki of New York i Buruseli yamusabye ko bataha mu Rwanda bakaza gukorera i Kigali, maze aramukundira baza gukomereza ubuzima mu Rwanda.

Mu ncamake y’iminota micye mu kiganiro yatangaga, yavuze ukuntu yazamutse mu nzego kuva ku rwego rw’ubushinjacyaha kugeza abaye umuvugizi w’ubushinjacyaha bwa Leta, avuga uko yakoze umuziki, avuga uko yanditse igitabo cyitwa “Qui manipule qui?” avuga uko afasha abahanzi, ndetse n’uko asigaye afite ikigo gifasha mu bujyanama mu by’amategeko cyane cyane ku baba hanze y’u Rwanda.

Ubwo yavugaga ku byo gufasha abahanzi, yavuze cyane ku muhanzi afasha witwa Nsengiyumva François benshi bita ‘IGISUPUSUPU’ agaragaza ko yari umuntu wari ufite ubuzima bubi, wanyagirwaga nijoro mu rutoki hamwe n’umugore we n’umwana w’amezi atatu kuko batari bafite aho bikinga, nyamara kuko yari afite impano, yamufashije gutera imbere akoresheje umuziki we ku buryo ubu ari umuhanzi urebwa n’abarenga Miliyoni enye kuri murandasi akanabasha gutaramira abarenga ibihumbi 10 mu nyubako ya Kigali Arena.

Yageze aho asubiramo uburyo basangiye irindazi agamije kumutega amatwi. Muku yagize ati “Twaricaye mu gitondo ku ibaraza, maze kunywa ikawa we bamuzanira ikindazi. Ndakireba ndavuga nti nanjye munzanire, arabyanga ashaka ko tugabana kuko yakekaga ko ndi bubyange. Naremeye turagabana, arambwira ngo Boss, ubu sinkirara mu rutoki n’umugore n’umwana w’amezi atatu.”

Muku yavuze ko amaze kumva aya magambo yasheshe urumeza akumva biramurenze. Igisupusupu ngo yongeyeho amagambo agira ati “Nta muntu n’umwe uzi aho wamvanye, ni jyewe jyenyine uhazi.”

Aherereye kuri uru rugero rw’umuhanzi yafashije, yavuze ko mu Rwanda ibintu byose bishoboka asaba urubyiruko gutinyuka rugakora ibyo rwiyumvamo. Yasabye urubyiruko ruba mu mahanga kuza gukorera umuziki mu Rwanda yaba amajwi ndetse n’amashusho.

Nsengiyumva François wamamaye ku izina rya Igisupusupu avuga ko ari we wenyine uzi ahantu habi Mukuralinda yamuvanye

Gusa yongeye gusaba inzego bireba kudafata abahanzi b’abanyamahanga ngo babarutishe Abanyarwanda kuko Abanyarwanda na bo babishoboye.

Yagize ati “Bajye baduhemba menshi. Ibintu byo kuzana abanyamahanga bakabaha miliyoni no… natwe bajye bayaduha turabishoboye. Niba ari ibyo dukosora mubitubwire ariko ntimukaturutishe abandi.”

Alain Muku ni umwe mu bahanzi bakuze bareberwaho n’abatari bacye, ndetse amaze iminsi yinjiye mu rugamba rwo gufasha abandi bahanzi badafite ubufasha kandi bafite impano.

Muri iyi minsi yashyize hanze indirimbo yitwa ‘AB’UBU’, isanga izindi eshatu amaze gushyira hanze irimo iyamenyekanye yitwa ‘The One’ yakoranye na Ice Prince wo muri Nigeria. Mu kiganiro aherutse kugirana n’umunyamakuru wa Kigali Today, Magaly avuga ko agiye gukora indirimbo nyinshi harimo n’izo azakorera mu Rwanda.

Uyu mukobwa uba i Los Angeles muri Leta ya California muri Amerika, avuga ko yavutse afite inzozi zo kuzaba umunyamuziki, ariko imiterere y’ubuzima igenda imwerekeza ahandi atateganyije ari na yo mpamvu ubu umuziki awukorana n’akandi kazi.

Muri 2017, nibwo Magaly yinjiye mu muziki agerageza kuwukora nk’umwuga icyo gihe akaba yarakoze indirimbo yitwa ‘Nyemerera’, nyuma aza gukora izindi nka ‘Hold me’.

Magaly avuga ko mu ndirimbo ze no mu butumwa atanga, aba yifuza kumenyekanisha ko ari umunyarwandakazi, akagerageza kugaragaza umuco nyarwanda, ndetse agashishikariza abantu kugira urukundo no kwiha agaciro.

Ubwo yasohoraga indirimbo ‘THE ONE’ byavuzwe ko yaba akundana n’umusore w’ikirangirire wo muri Nigeria bakoranye iyi ndirimbo witwa Ice Prince. Mu kiganiro yagiranye na Kigali Today, yahakanye iby’uru rukundo asobanura ko ari inshuti ye isanzwe kandi bahujwe n’imbuga nkoranyambaga bagamije akazi.

Mu magambo ye ati “Ice Prince ni inshuti yanjye tumaze igihe kinini cyane tuziranye. Twamenyaniye ku mbuga nkoranyambaga, tugakunda kuganira, nyuma tuza guhurira muri BET Awards turasuhuzanya, nyuma rero ninjiye mu muziki nza kugira igitekerezo cyo kumwifashisha mu ndirimbo. Muvugisha ku by’indirimbo ntabwo nari nzi ko yabyemera, ariko yarantunguye ndetse aranyorohereza mu gukorana na we”.

Iby’urukundo rwa Magaly na Ice Prince byavuzwe cyane biturutse ku ndirimbo bakoranye yitwa ’The One’

Iby’uru rukundo byavuzwe, Magaly avuga ko byasakajwe kuri Instagram n’abantu badafite amakuru, ariko nta rukundo rwihariye ruhari.

Agira ati “Nabonye hari abantu bakoze amafoto yacu bayashyira kuri Instagram, bavuga ko dukundana kandi rwose nta rukundo rudasanzwe ruhari. Ice Prince mukunda kubera ko ari umuhanzi uzi ubwenge, ni umuhanzi mwicarana iminota itanu ukamuvanaho ikintu kizakugirira akamaro igihe kirekire”

Uyu muhanzi avuga ko azaza mu Rwanda vuba akazenguruka intara zitandukanye amurika ibihangano bye kandi ngo afite na gahunda yo kuza gukorera umuziki hano mu Rwanda akanakorana n’abandi banyamuziki bo mu Rwanda.

Turabumukiza Egide na Ntakirutimana Patrick bombi biga mu rwunge rw’amashuri rwa Saint Luc Mata mu karere ka Nyaruguru, babwiye Kigali Today ko bajya gutangira uyu muziki babonye umuntu ufite umuduri mu gace batuyemo, bifuza kujya bawucuranga, maze umwe muri bo asaba umubyeyi we ko yamufasha kubona igicuma akakizirika ku gati kabugenewe.

Ubwo bari mu birori byateguwe n’umushinga World Vision, byahuzaga ibigo by’amashuri mu murenge wa Ruramba, bavuze ko bihuje mu myaka ibiri ishize, indirimbo zabo zitangira kujya zitsinda mu marushanwa atandukanye ahuza abanyeshuri, rimwe na rimwe bagahembwa ibikoresho bitandukanye birimo n’iby’ishuri.

Aba banyeshuri babwiye umunyamakuru ko bifuza kuzamenyekana nk’uko Igisupusupu cyamenyekanye, kuko ngo indirimbo Mariya Jani yasohotse bamaze umwaka urenga bacuraga umuduri, birushaho kubongerera imbaraga n’icyizere ko na bo bazamamara.

Bagize bati “Igisupusupu cyamenyekanye tumaze nk’umwaka ducuranga kandi natwe twumva dushaka kwamamara nka we. Turifuza guhura na we akatuganiriza nk’iminota itanu, atatubwira uko umuntu yaba ikirangirire n’uburyo umuntu akora indirimbo muri Studio”.

Aba banyeshuri bavuga ko ku ishuri ryabo hari bimwe mu bikoresho bya muzika, ariko ngo ntabwo babona umwanya wo kubyiga kubera ubwinshi bw’ababishaka no kuba bari ku masomo.

Aba bana bifuza ko babona umuntu ubatera inkunga nibura umunsi umwe bakazasohora indirimbo muri Studio, bakavuga ko byazabafasha kumenyekanisha impano yabo vuba.

Ubusanzwe biririmbira indirimbo nyinshi zijyanye n’iminsi mikuru iba yateganyijwe nk’indirimbo zo kurwanya umwanda, izo kurwanya ubuzererezi, kandi ngo bafite ubushobozi bwo kwicara mu minota 30 bagahaguruka bamaze guhimba indirimbo.

Umwarimu wabo witwa Kagenza Syldio, avuga ko bafite impano ikomeye yo kuririmba no gucuranga, akavuga ko banafite indirimbo nyinshi zirimo izo mu buzima busanzwe, indirimbo z’Imana n’izindi, ariko akavuga ko bakeneye amahugurwa kugira ngo barusheho gutera imbere.

Ambasaderi Uwihanganye Jean de Dieu

Ikigo cyo muri Ghana cyitwa GhanaThink Foundation ari na bo bategura Africa Youth Awards, buri mwaka gishyira hanze urutonde rw’abantu bakiri bato ku mugabane wa Afurika bavuga rikumvikana. Ni urutonde rujyaho abo mu ngeri zitandukanye barimo abakinnyi ba sinema, abakinnyi b’umupira w’amaguru, abanyapolitiki, abakoze ubuvumbuzi n’abandi bose batandukanye baturuka mu bihugu 32 muri Afurika.

Amb. Jean de Dieu Uwihanganye, ari kuri uru rutonde kimwe n’amazina yandi akomeye ku mugabane wa Afurika arimo nka Pierre-Emerick Aubameyang, rutahizamu w’umunya-Gabon umwe mu bakomeye muri Arsenal, rutahizamu w’umunya-Senegal Sadio Mané ukinira Liverpool, Riyad Mahrez umunya-Algeria ukinira ikipe ya Manchester City yo mu Bwongereza wanafashije igihugu cye kwegukana igikombe cya Afurika, Mohamed Salah wa Liverpool, abahanzi nka Davido, Fatima Maada Bio umugore wa Perezida wa Siera Leone wahoze ari n’umukinnyi wa Sinema, umurundikazi Francine Niyonsaba wiruka muri metero 800 mu mikino ya Olympic n’abandi benshi barimo abashakashatsi, abavumbuzi, abaharanira uburenganzira bwa muntu, abashinze ibigo bikomeye n’abashoramari bakiri bato.

Uru rutonde rumaze gukorwa ku nshuro ya kane, rugakorwa hagamijwe gushishikariza ama miliyoni y’urubyiruko rwa Afurika gutinyuka rugakora ibikorwa bikomeye no gushimira ababa barabashije gukora ibikorwa biteza imbere ibihugu byabo n’ikiremwamuntu muri rusange.

Kuva uru rutonde rwatangira gusohoka, nibwo bwa mbere rugiyeho umubare munini w’abagore kuko kuri iyi nshuro abagore ari 52 naho abagabo bakaba 48, ibintu ngo byagaragaje ko muri uyu mwaka abagore bo muri Afurika bateje imbere ibyo bakora.

Ambasaderi Jean de Dieu Uwihanganye agiye kuri uru ruronde nyuma yo guca agahigo ko kujya muri Guverinoma ari we muto mu bo binjiranyemo muri Kanama 2017, kuko icyo gihe yinjiyemo afite imyaka 31 gusa agirwa umunyamabanga wa Leta ushinzwe ubwikorezi, akazi yakoze hafi imyaka ibiri.

Ambasaderi Uwihanganye ubu usigaye ahagarariye u Rwanda muri Singapore. Yize amashuri y’icyiciro cya gatatu muri kaminuza ya Manchester mu Bwongereza aho yavanye impamyabumenyi mu byo kuyobora imishinga minini y’ubwubatsi.

Byasaga n’ibimaze kumenyerwa ko hari amazina aba agomba kugaragara mu gitaramo cya Rwanda Day, arimo Alpha Rwirangira, Meddy, The Ben, King James, Teta Diana, Masamba n’itorero Urukerereza, ariko kuri iyi nshuro hari abahanzi bashya biyongereye ku rutonde, abandi bibura kuri uru rutonde.

Abagumye kuri uru rutonde rusa n’urudahinduka cyane, ni Intore Masamba, Jules Sentore na King James utarasiba Rwanda Day na rimwe. Aba biyongereyeho ya mazima mashya arimo nka Igor Mabano umuhanzi ukizamuka, itsinda rya Charly&Nina ry’abakobwa bamaze kwandika izina mu Rwanda, ndetse na Bruce Melodie ugiye i Burayi akubutse mu gitaramo cya East Africa’s Got Talent yakoreye muri Kenya.

Benshi mu banyamuziki bo mu Rwanda bagaragaje ko bishimiye uku guhinduranya abahanzi, kuko bifatwa nko gutanga amahirwe angana ku bakora umuziki babishoboye, ndetse no gutanga ibyishimo mu ngeri zose z’aba Diaspora bazaza muri iki gitaramo.

Umwe muri abo wishimiye ibi, ni Alex Muyoboke wavuganye na KT Press. Uyu muyobozi wa Decent entertainment, yagize ati “Nubwo igitekerezo ari cyiza, ariko simbona impinduka zidasanzwe kuko nifuza kubona andi masura menshi mashya y’Abanyarwanda asusurutsa Diaspora Nyarwanda.”

Umunyamakuru Rutaganda Joel we yagize ati “Nifuzaga kubona hariya hajya abahanzi b’Abanyarwanda baririmba kuri gahunda za Guverinoma nka Senderi International Hit cyangwa Intore Tuyisenge kugira ngo basobanure ibyo u Rwanda rwagezeho mu ndirimbo.”

Dinah Keza usanzwe utuye mu Budage ahazabera iyi Rwanda Day yavuze ati “Nishimiye kubona umuhanzi nkunda cyane Jules Sentore aza hano kimwe na Charly&Nina. Ndifuza ko ubutaha nazabona noneho bahamagaye Alyn Sano.”

Aba ni bamwe mu bahanzi berekeje muri Rwanda Day. Uhereye ibumoso: King James, Bruce Melodie, Jules Sentore, Nina, Igor Mabano na Charly. Bahagurutse i Kigali kuri uyu wa kane saa mbili n’igice za mu gitondo.

Muri rusange, abanyamuziki bazasusurutsa Rwanda Day yo mu Budage ni barindwi, barimo Kitoko usanzwe utuye mu Bwongereza, Bruce Melodie, Igor Mabano, Charly&Nina, Masamba, Jules Sentore na DJ Princess Flora uzaba ushinzwe kuvanga imiziki muri iki gitaramo.

Rwanda Day ni umunsi Abanyarwanda baba mu mahanga n’inshuti z’u Rwanda bahurira hamwe bakaganira n’umukuru w’igihugu, hagamijwe gusangira amakuru y’aho u Rwanda ruvuye n’aho rugeze mu iterambere.

Iki ni igikorwa cyatangiye muri 2011, gihera i Paris mu Bufaransa, muri 2012 i Boston muri Leta zunze ubumwe za Amerika, muri 2013 i Toronto ho muri Canada, 2014 ibera i Atlanta n’i Dallas, muri 2015 ibera mu Buholandi, muri 2016 Rwanda Day yabereye i San Francisco muri Leta zunze ubumwe za Amerika naho muri 2017 ibera i Brussels mu Bubiligi.

Kuri iyi nshuro, Rwanda Day izabera mu burengerazuba bw’u Budage mu mujyi witwa Bonn, umujyi urangwamo ibikorwa by’ubukerarugendo kubera inyubako za kera zirimo insengero n’umusigiti w’amateka, ndetse n’umugezi wa Rhine ufite inkengero zishitura benshi.

Ubwo aheruka mu Rwanda muri 2018 aje mu iserukiramuco rya Kigali Up Festival, Jah Bone D yijeje abitabiriye iri serukiramuco ko arimo abategurira umuzingo wagombaga kujya hanze mu mpera z’uwo mwaka. Gusa uyu muzingo ntabwo wagiriye hanze ku gihe, kuko uyu muhanzi yahise atangira gukorana n’abacuranzi bo muri Jamaica bamufasha kuvugurura umuziki we mu buryo buzatuma ucuruzwa ku masoko agezweho.

Ategura uyu muzingo, igitekerezo cye cyari ugukora Reggae ya kera nk’iyaririmbwaga na ba Peter Tosh cyangwa Bob Marley. Nubwo uyu muziki ukoze ku buryo bwa kera yawukundaga, Jah Bone D yabwiye umunyamakuru wa Kigali Today ko yageze ku bacuranzi bakamubwira ko akwiye guhindura uburyo yakoragamo kugira ngo bizamufashe gucuruza.

Agira ati “Hari igihe nagiye mvuga ngo Album igiye gusohoka kandi koko nari nayikoze, ariko naje kubona Label imfasha izanagurisha umuziki wanjye. Abankoreraga banjye barambwira ngo mpindure nkore ibyo bansabaga. Ibyo nari nakoze ntabwo nabisenye, ahubwo nabyuririyeho nkora ibyo bansabaga kandi nabonye bizatanga umusaruro.”

Itsinda ry’abahanzi b’abacuranzi n’abatunganya indirimbo bo muri Jamaica ni ryo ryamufashije gucuranga iyi Album, kandi ngo baramukunze kubera ko aririmba gakondo y’Abanyafurika.

Yakuye ubunararibonye ku bacuranzi bakoranaga na Bob Marley
Ubwo yari amaze gufata icyemezo cyo gukorana n’inzu izamufasha kugurisha umuziki we, yatekereje ko Reggae ikunzwe cyane kandi y’umwimerere ituruka muri Jamaica, ahitamo gushaka abacuranzi bazamufasha mu kuvugurura umuziki we.

Mu bunararibonye bukomeye yakuye kuri iri tsinda ry’abacuranzi ba Jamaica, yabonye ko aba bacuranzi bakunda Reggae y’umwimerere kandi bagakunda cyane umuntu ushobora kuririmba iyi njyana mu muco wabo. Gusa ngo yanavumbuye ko abanya Jamaica badakunda gufasha umuntu uririmba Reggae mu rurimi rw’iwabo (Icyongereza), anavumbura ko bakunda abahanzi bo muri Afurika kurusha abo mu bindi bice by’isi.

Yemeza ko ku isi yose nta muntu warusha abanya Jamaica gucuranga Reggae kuko iwabo byarenze kuba umuziki bikaba umuco wabo. Jah Bone D yatanze urugero ati “Nta muntu ku isi waririmba indirimbo gakondo z’Abanyarwanda kurusha Bwanakweri, Rujindiri cyangwa Rugamba n’abandi. Uko ni ko muri Jamaica bakora Reggae nabonye bigoye ko hari umuntu ku isi wabarusha kuko ni umuco wabo.

Jah Bone D avuga ko ateganya gukora ibitaramo mu Rwanda byo kumurika uyu muzingo n’ubwo adatangaza igihe ibi bitaramo bizabera n’aho bishobora kuzabera.

Butera Knowless avuga ko yavutse mu 1990 avukira mu Karere ka Ruhango ku babyeyi bakijijwe, ariko nyuma y’imyaka ine, Jenoside yakorewe Abatutsi imwambura ababyeyi, asigara ari impfubyi cyane ko yari yaravutse ari ikinege.

Yize amashuri abanza ku Kacyiru muri ESCAF, akomeza mu cyiciro cya mbere cy’amashuri yisumbuye muri APARUDE (Ruhango). Abamuzi bavuga ko ku ishuri yari umukobwa ucecetse utavuga menshi ariko ugerageza gusabana.

Yatangiye gushabuka cyane ageze muri APACE aho yize icyiciro cya kabiri cy’amashuri yisumbuye, ari na ho yatangiriye kuvumbura ko afite impano yo kuririmba.

APARUDE aho yize icyiciro rusange, ni ishuri ry’Abadivantisiti ndetse no muri APACE yari mu muryango mugari w’abanyeshuri b’Abadivantisiti b’umunsi wa karindwi, akaba no muri Korali Maranata kimwe n’abandi bahanzi bazwi hano mu Rwanda barimo Tonzi.

Iki gihe cyose cy’amashuri yisumbuye, nta muntu wari uzi izina Knowless Butera, kuko izina rye ryari Jeanne d’Arc Ingabire, umukobwa utari ufite umwihariko na muto mu buhanzi uretse gusa kuba hari ababonaga ari mwiza ku isura.

Inzira ye y’umuziki yatangiye muri 2009 ubwo yari arangije amashuri yisumbuye, iki gihe akaba ari umwe mu binjiye mu kiragano cy’umuziki ugezweho ubu, kirimo Kamichi, King James, Dream Boys, Oda Pacy n’abandi benshi.

Urugendo rwe rwa Muzika rwatangijwe na Safi Madiba na Kamichi

Muri 2016 Knowless Butera yabwiye urubuga rwa Igihe ko ajya gukora indirimbo bwa mbere yagiye muri Studio ya Unlimited Records yari inyamirambo yakorwagamo na Junior na Lick Lick, ariko icyo gihe ajyayo, Junior ni we wari uhari.

Ubusanzwe ngo Safi wari waramaze kumenyekana mu itsinda rya Urban Boys, ngo yajyaga abwira Knowless ko abona yashobora kuririmba, ariko akitinya gusa ngo yumvaga umunsi umwe azabikora.

Iki gihe ngo Kamichi na Safi basanze arimo aririmba muri Studio hamwe na Junior, bamutera imbaraga bamubwira ko akwiye gukora indirimbo aribwo yashyiraga hanze “Nyumva” ijya ku maradio iranacurangwa, amenya ko ashobora kuba umunyamuziki.

Kamichi wari umuhanzi akaba n’umunyamakuru kuri Voice of Africa, ndetse na Safi wari umaze kugira ubunararibonye bw’umwaka urenga mu muziki, bahetse ibihangano bya Knowless bamugeza mu itangazamakuru, Knowless atangira kumenyekana bitamuvunnye cyane.

Urukundo rwe na Safi ruri mu byatumye Abanyarwanda barushaho kumumenya, kuko aba bombi barandikwaga kenshi bakanavugwa mu itangazamakuru ry’imyidagaduro, bamwe bamwumva bagashaka kumenya indirimbo ze.

Ibihembo bya SALAX, irembo ryinjira mu bwiza bw’umuziki kuri Knowless

Ku nshuro ya kabiri y’ibihembo bya Salax Awards muri 2010, Butera Knowless wari umaze umwaka umwe atangiye umuziki yashyizwe ku rutonde rw’abahanzi bakizamuka bashobora guhabwa igihembo cya ‘Upcoming Artist.’

Mu bo bahanganaga cyane uwo mwaka, harimo Naason wari warakoze indirimbo ‘AMATSIKO’ yari umwe mu bahabwaga amahirwe yo kwegukana iki gikombe, abategura Salax bemeza ko iki gihembo ari icya Knowless ari na cyo gihembo rukumbi yari abonye kuva yatangira umuziki.

Iki gihembo cyabaye irembo rikomeye mu kwinjira mu bwiza bw’umuziki, kuko umwaka wakurikiyeho muri 2011 Knowless wari umaze gusohora indirimbo nyinshi yashyize hanze umuzingo we wa mbere (Album) yise ‘Komeza’ igitaramo cyo kumurika iyo Album kiritabirwa cyane, ndetse umukobwa wari muto atangira kujya ku byapa byamamaza by’ibigo bikomeye.

Umwaka wakurikiyeho, yagiye gukorera mu nzu ya Kina Music iyobowe na Ishimwe Clement bari baratangiye no gukundana mu buryo bw’ibanga.

Kina Music yahinduye umuziki n’isura bya Butera Knowless

Kuva yamenyekana, Knowless yari umuhanzi muto wari warasanze abandi bakobwa mu muziki w’u Rwanda barimo Priscillah wari waramutanze mu muziki, Miss Jojo wari izina riyoboye abandi mu muziki w’abagore ugezweho, yasanzemo kandi abahanzi nka Miss Shanel, Liza Kamikazi asangamo Oda Paccy, Queen Ally n’abandi.

Kugira impano no kwinjira muri Studio ntibyari bihagije ngo Knowless abashe kwireshyeshya n’aya mazina, ndetse byamusabaga imbaraga z’umurengera.

Gukundana na Safi byaramufashije ku ruhande rumwe kuko byamuhuzaga n’isi ya muzika, ariko ku rundi ruhande byatumaga Abanyarwanda bamufata nk’umukobwa ukangisha urukundo agakora umuziki.

Benshi mu banyamakuru n’abafana batiyumvagamo Urban Boys ya Safi bananiwe kwiyumvamo Knowless. Ibi byiyongeraho kuba yarakoreraga mu nzu zitandukanye akora umuziki akanakorana n’abatunganya imiziki batandukanye ku buryo kumenya umwimerere we byari bigoye. Muri iki gihe, umuntu wese yashoboraga guha isura ashaka Knowless, ku buryo hari n’abavugaga ko ari umuhanzikazi unywa inzoga nyinshi hakaba n’abavugaga ko yanywaga ibiyobyabwenge, gusa nyiri ubwite yakomeje kubihakana.

Ubwo yari amaze gushyira hanze Album ya mbere muri 2011 yise ‘Komeza’ yari yaramaze gutandukana na Safi wari umukunzi we, ndetse iki gihe bivugwa ko yari yaratangiye gukundana na Clement Ishimwe ubu wabaye umugabo we.

Mu ntangiriro za 2012, nibwo byemejwe ko Butera Knowless yinjiye muri Kina Music, Ishimwe Clement ahita amufasha gutunganya Album ye ya 2 yashyize hanze muri 2012, muri uwo mwaka akaba ari nabwo yitabiriye irushanwa rya Primus Guma Guma Super Star.

Icyo gihe nibwo Abanyarwanda batangiye kubona isura yindi ya Butera Knowless, isura yarimo gukora umuziki mwinshi no guhisha ubuzima bwite bw’uyu mwari wari usigaye akundana na Clement mu ibanga.

Muri icyo gihe umuvuduko wari mwinshi cyane kuri Knowless, ndetse muri 2014 yashyize hanze undi muzingo wa gatatu, aba ashyize hanze imizingo itatu mu myaka itatu, naho muri 2015 yatwaye igikombe cya Primus Guma Guma, aba umukobwa uciye aka gahigo mu mateka y’iri rushanwa, umwaka ukurikiyeho wa 2016 ashyira hanze undi muzingo wa kane.

Mu ruhando mpuzamahanga, Knowless yateye intambwe iruta iya benshi hano mu Rwanda

Muri 2015, Butera Knowless yasohoye indirimbo nyinshi ziri mu rurimi rw’igiswahili, bituma ahabwa igihembo cyitwa ‘Bingwa Award’ gitangirwa muri Kenya.

Uwo mwaka yongeye gutumirwa muri Kenya ahabwa ikindi gihembo cyitwa DIVA, anahabwa ibihembo bibiri bya HIPIPO Award 2018 gitangirwa muri Uganda, mu bihembo yahawe harimo icyahembwe indirimbo ye ‘Mbaye wowe’.

Muri 2015 yashyize hanze indirimbo ‘Te Amo’ yakoranye na Roberto wo muri Zambia, muri 2016 asohora indirimbo ‘Ujumbe’ zose zakunzwe muri ibi bihugu byo mu Burasirazuba bwa Afurika, muri 2017 ashyira hanze indirimbo yo mu rurimi rw’igiswahili yise ‘Peke Yangu’ naho mu ntangiriro za 2018 ashyira hanze Darling yakoranye na Ben Pol ukunzwe muri Tanzania.

Ku myaka 29 y’amavuko, Butera Knowless avuga ko ashimira Imana kubera ibyo amaze kugeraho kuko avuga ko Imana yamufashije kugera ku bintu byinshi agereranyije n’aho yavuye.

Mu gihe cy’imyaka icyenda amaze mu muziki nyarwanda, Butera Knowless ari mu bahanzi nyarwanda bafite ibihembo byinshi by’umuziki ndetse ni we mukobwa wa mbere ufite uduhigo n’ibihembo bya muzika mu mateka y’umuziki wa hano imbere mu gihugu.

Mu kiganiro gito yagiranye n’umunyamakuru wa Kigali Today yagize ati “Achievements (ibyagezweho) ni nyinshi zitandukanye, kandi zo kwishimirwa, kuko aho navuye n’aho njyeze ubu muri uyu mwaka harashimishije n’ubwo wenda atari ho nshaka kugera. Uyu mwaka by’umwihariko uzajya kurangira hari bimwe muri byinshi nifuje kugeraho nsohoje kandi nishimira.”

Knowless yanakomoje ku ndirimbo ye ‘Blessed’ yatinze gusohoka, atangaza ko noneho izasohoka ku wa kane w’iki cyumweru.

Peace Hoziyana

Peace Hoziyana yari yahawe amahirwe yo kujya mu cyiciro kibanziriza icya nyuma, nyuma y’uko aririmbye indirimbo “I Will Always Love You” ya Whitney Houston, ntiyayiririmba neza, ariko umukemurampaka Makeda w’umunyarwanda ahitamo kumuha andi mahirwe bituma yisanga mu cyiciro kibanziriza icya nyuma.

Muri iki cyiciro, Peace yahatanaga n’abandi banyempano batanu, hashakwamo babiri gusa basanga abandi bane bari baratoranyijwe mu byumweru byari byabanje.

Muri iri rushanwa rizasozwa mu mpera z’iki cyumweru, u Rwanda ruzaba ruhagarariwe n’itsinda Intayoberana rigizwe n’abana babyina gakondo, bakazahangana n’abandi banyempano batanu baturutse muri Uganda, Kenya na Tanzania.

Aba bana babyina gakondo ni bo basigaye mu irushanwa bahagarariye u Rwanda

Uzatsinda aya marushanwa, azahembwa ibihumbi 50 by’amadolari ya Amerika, ni ukuvuga agera muri miliyoni 50 z’Amafaranga y’u Rwanda.

Kugira ngo aba bana bazegukane iki gihembo, bazakenera amanota yo kuri SMS za Telefoni cyane ko ari na zo zifite amanota menshi kuruta ay’abakemurampaka. Abari mu Rwanda bashobora kohereza ubutumwa kuri 5040 mu rwego rwo kongerera aba bana amahirwe yo gutsinda.

Iri serukiramuco ryatangiye ku itariki ya 21 Nzeri 2019, ryari rifite insanganyamatsiko igira iti “Umusemburo w’ubusabane mu karere, Iterambere ry’Ubukungu n’Ubukerarugendo.”

Kimwe n’izindi nsanganyamatsiko zo mu myaka yabanje, JAMAFEST ifite intego yo guhuza imico y’abaturage batuye u Rwanda, Burundi, Kenya, Tanzania na Uganda, kuko ngo guhuza imico biteza imbere abaturage bo muri ako karere.

Claude Kabengera, umwe mu bashinzwe itumanaho ry’abanyarwanda bari muri iri serukiramuco, yabwiye Kigali Today ko Abanyarwanda bari muri iri serukiramuco ari 117, barimo ababyinnyi b’urukerereza, abanyeshuri bo ku Nyundo, abayobozi b’inzego zitandukanye zirimo RALC, MINISPOC, abatunganya sinema n’abandi bagiye kumurika ibikorwa by’ubugeni n’ubuhanzi muri iri serukiramuco.

U Rwanda ni rwo rukeshwa amavu n’amavuko ya JAMAFEST

Inama y’Abaminisitiri bashinzwe ibihugu bya EAC n’abaminisitiri b’ububanyi n’amahanga yateranye muri 2011, iyobowe n’umunyamabanga mukuru w’umuryango wa Afurika y’Iburasirazuba (Icyo gihe yari Dr Richard Sezibera), bemeranyijwe ko hakwiye kubaho iserukiramuco rihuza ibi bihugu.

Icyo gihe, inama yemeye ko ku nshuro ya mbere iserukiramuco rizabera mu Rwanda, hagakurikiraho Kenya, Uganda na Tanzania igezweho kuri ubu. Iyi nama ni na yo yemeje ko iri serukiramuco rizajya riba buri myaka ibiri.

Ubwo u Rwanda rwakiraga iri serukiramuco muri 2013, abarenga ibihumbi 17 bari baje muri iri serukiramuco, ibihugu byo muri EAC byemeranya ko rizajya riba buri myaka ibiri.

Urukerereza, abanyeshuri ba Nyundo, imideri na Sinema biri mu by’ingenzi u Rwanda rumurika

Ibikorwa nyamukuru byaranze icyumweru cya JAMAFEST ni umutambagiro, imbyino zinyuranye, imurikagurisha ry’ibihangano ndangamuco, ibiganiro nyunguranabitekerezo, ikinamico z’abana, kumurika filimi ndangamuco, imikino gakondo, kumurika ibiribwa gakondo by’ibihugu, gutanga ibihembo mu mikino inyuranye no kumurika ubwiza n’imideri.

Imurika ry’imideri, ni kimwe mu bishitura abantu kubera ubwiza bw’imideri gakondo ifite umwihariko. Mu kumurika iyi mideri, u Rwanda rwaserukiwe na Miss heritage 2019, Michaelle Kabahenda, akaba ari bumurike imideri kuri uyu wa kane.

Ku munsi wo ku wa gatatu w’itariki 25 Nzeri 2019, abanyeshuri bo ku Nyundo basuye ishuri ry’umuziki riherereye ahitwa Bagamoyo (Taasisi ya Sanaa na Utamaduni Bagamoyo - TaSUBa). Imiririmbire y’aba banyeshuri yashimishije cyane abantu barimo n’abanyeshuri b’iki kigo basuye.

Ni ishuri ryigisha umuziki ku buryo bwimbitse, rikanatanga impamyabushobozi n’impamyabumenyi ku barangije muri iri shuri rizwi nka ‘East African Centre of Excellence for Arts and culture Development’.

Dr. James Vuningoma uyobora RALC yaboneyeho umwanya wo kuganira n’umuyobozi w’iri shuri Dr. Herbert Francis Makoye bavugana uburyo ishuri rya Nyundo ryatangira imikoranire mu guhanahana abarimu, no guha abanyeshuri bo ku Nyundo imyanya muri iri shuri.

Abahanzi bo muri Tanzania bakunzwe, bagiye basimburana muri iri serukiramuco bashimisha ibihumbi by’abaryitabiriye. Abo bahanzi barimo Diamond Platnumz, Mbosso, Jux, Navy Kenzo n’abandi batandukanye.

Sinema nyarwanda ntiziragera ku rwego rwa Tanzania, Kenya na Uganda

John Kwezi uyoboye urugaga rwa sinema mu Rwanda uri no muri iri serukiramuco, yabwiye Kigali Today ko ahamurikirwa (Stand) sinema nyarwanda harimo gusurwa na benshi ndetse ngo hari abafite amatsiko yo kumenya ibikorerwa muri Sinema nyarwanda.

Gusa Kwezi yatubwiye ko barimo bigira byinshi ku bantu bo muri Tanzaniya na Kenya. Yagize ati “Icyo tumaze kubona ni uko hano bafite urwego rwa Leta rushinzwe sinema bita Tanzania Film Board n’urundi rwego rureba ubuhanzi muri rusange rwitwa BASATA (National Art Council) nyuma hakaba n’amahuriro y’abari muri sinema nk’uko natwe tuyafite na bo bafite Federation ya sinema yigenga.”

U Rwanda na Tanzaniya ni byo byamuritse simena ku wa kane, haherewe kuri filimi ebyiri. Africa United na Intore za Eric Kabera na zo zerekanywe mu zihatanira igihembo cy’ishimwe.

Umwihariko w’umuco Nyarwanda binyuze mu mbyino gakondo, imyambarire binyuze mu kumurika ubwiza bw’imideri, n’ibikorerwa mu Rwanda (Made in Rwanda) biri kugurwa n’abantu benshi basura stand iriho ibikorwa by’u Rwanda.

Nubwo Abanyarwanda benshi bakurikiye iri rushanwa rinyura kuri Televiziyo y’igihugu, Kigali Today yahisemo kubagezaho ibindi mushobora kumenya kuri iri rushanwa.

East Africa’s Got Talent ni irushanwa ryatangijwe n’ikigo ‘SYCOtv Company’ cy’uwitwa Simon Cowell wamamaye kubera ikiganiro cye gica kuri Televiziyo cyitwa ‘Got Talent’ kimaze imyaka 13 gihitamo impano z’Abongereza bazi kuririmba n’abandi bafite impano zitandukanye baturutse mu bihugu bine ari byo Kenya, u Rwanda, Uganda, na Tanzania.

Ikigo kabuhariwe mu gutegura Filime cyo muri Afurika y’Epfo, ni cyo cyahawe akazi ko gutegura iri rushanwa, naho amateleviziyo arimo RTV yo mu Rwanda, Citizen TV yo muri Kenya, Clouds Media yo muri Tanzania na NBS yo muri Uganda zihabwa uburenganzira bwo kunyuzaho iki kiganiro.

Izina ‘Got Talent’ ubu rifatwa nk’igihangano bwite mu by’ubwenge cya Simon Cowell guhera muri 2006, ubwo yatangizaga iki kiganiro kuri Televiziyo ya ITV, bituma azana irushanwa rizwi cyane ryitwa Britain’s Got Talent, aza no kwagurira iki kiganiro kuri NBC y’Abanyamerika na ho ahashinga irindi rushanwa ryitwa America’s Got Talent.

Ibiganiro bya Simon Cowell byo gutoranya impano, ni bimwe mu bikunzwe cyane cyane byanazamuye amazina y’abahanzi batari bazwi barimo nk’itsinda rya One Direction, itsinda rya Fifth Harmony, Westlife, Little Mix, Leona Lewis, Susan Boyle, n’abandi benshi bubatse amazina mu muziki w’isi.

Kubera uruhare rwe mu kubaka amazina y’ibirangirire no gutoranya impano zigakundwa, ikinyamakuru Times cyamushyize ku rutonde rw’abantu 100 bavuga rikijyana ku isi muri 2010.

Kimwe n’andi marushanwa ari mu bwoko bwa Got Talent, iri rushanwa ryo mu burasirazuba bwa Afurika ryari rigizwe n’ibice bibiri by’ingenzi, hakurikijwe uko abanyempano bigaragazaga. Igice cya mbere, cyari icyo kugaragaza impano hakurikijwe imijyi n’uduce abantu baturukamo, naho igice cya kabiri ari na cyo cya nyuma, ni icyo guhurira ahateganyijwe abafite impano bakajya imbere y’akanama nkemurampaka bakagaragaza impano zabo.

Uko iminsi igenda yicuma, ni ko irushanwa rya East Africa’s Got Talent ryagendaga rikurura abafana ndetse abagaragazagamo impano bagiye barushaho gukundwa n’abatari bake. Abanyarwanda benshi bishimiye uburyo itsinda ry’abana bato babyina gakondo muri iri rushanwa ryemeje akanama nkemurampaka kagizwe n’Umunyakenya uzwi cyane kuri Televiziyo Jeff Koinange, umuririmbyi akaba n’umunyamakuru wo muri Tanzania Vanessa Mdee, Umunyarwanda uvanga imiziki akaba n’umunyamakuru Makeda n’umunya-Uganda Gaetano Kagwa mu gihe umunyarwenya Anne Kansiime ari we uyobora ibirori akanahamagara abarushanwa ku rubyiniro.

Kuri iyi nshuro, iri rushanwa rifite abaterankunga babiri bakomeye ari bo Coca Cola izwiho gucuruza ibinyobwa na Safaricom icuruza itumanaho.

Abarushanwa bose bahabwa iminota ibiri yo kwerekana impano, urushanwa akaba yahitamo kutayuzuza bitewe n’indeshyo y’igihangano cye.

Akanama nkemurampaka iyo kemeza ukwiye gukomeza, bakoresha ibimenyetso bya “YES” ku wo bemereye, na “NO” ku wo batemereye. Abakemurampaka bane iyo baguhaye Yes amanota yawe arazamuka ukaba wagira amahirwe yo kujya mu cyiciro gikurikiraho, ariko ntibiba bihagije kuko hanabarwa amajwi y’abatoreye ku butumwa bugufi bwa Telefoni (SMS).

Umukemurampaka umwe ashobora kuguha “Yes” abandi baguhaye NO ariko ugakomeza, bitewe n’uko hari abandi bo mu byiciro byabanje basezerewe, cyangwa se ukagira amanota menshi kuri SMS bigatuma udasesezererwa.

Mu cyiciro kibanziriza icya nyuma, hinjiyemo abanyempano 18 barimo bane bavuye mu Rwanda, ariko mu cyiciro cya nyuma babiri baturutse mu Rwanda barasezerewe barimo Elisha The Gift n’itorero Himbaza ry’Abarundi ryamamaye kubera kuvuza ingoma.

Itorero Intayoberana ni ryo rimaze kwizera ko rizajya mu cyiciro cya nyuma, icyakora na Peace Hoziyana ari mu bategereje guhatana mu mpera z’iki cyumweru, bityo abe yabona itike imujyana mu cyiciro cya nyuma.

Umunyempano uzatsindira igihembo nyamukuru, azahembwa ibihumbi 50 by’amadolari ya Amerika, ni ukuvuga hari Miliyoni 50 z’Amafaranga y’u Rwanda.

Muri iri rushanwa, Kenya ni yo yari ifitemo ubwiganze bw’umubare munini w’abanyempano dore ko hari n’itsinda ry’ababyinnyi b’Abahinde bahatana ariko bakomoka muri iki gihugu cya Kenya.

Itangazo ryagiye ku rubuga rwa Twitter rwa Guverinoma y’u Rwanda, riragira riti “Ashingiye ku Itegeko Nshinga rya Repubulika y’u Rwanda ryo mu 2003 ryavuguruwe mu 2015, cyane cyane mu ngingo yaryo ya 80 igika cya mbere, agace ka 2, n’igika cya 5, none ku wa 20/9/2019, Nyakubahwa Perezida wa Repubulika ashyizeho Abasenateri bakurikira: Dogiteri IYAMUREMYE Augustin, Madamu NYIRASAFARI Espérance, Bwana HABIYAKARE François, Dogiteri MUKABARAMBA Alvera.”

Madamu Nyirasafari Espérance, ntiyakunze kugaragara cyane mu itangazamakuru kimwe n’abandi bayoboye minisiteri y’umuco na siporo bamubanjirije. Gusa mu gihe cye, ikipe y’igihugu “Amavubi” yatangiye gutsinda, ndetse ubwo u Rwanda rwatsindaga ikipe ya Seychelles uyu muyobozi yashimiye ikipe y’igihugu avuga ko yashakaga no kuzayakira agasangira n’abakinnyi bayo.

Nubwo uyu muyobozi atakoze byinshi mu mikino n’imyidagaduro, yagaragaye atangiza ibitaramo byiswe ‘IWACU MUSIKA FESTIVAL’ byazengurutse intara zitandukanye.

Nyirasafari mbere y’uko ajya muri ministeri y’umuco na Siporo, yari asanzwe ari Minisitiri w’uburinganire n’iterambere ry’umuryango MIGEPROF, Minisiteri yahawe kuyobora kuva ku wa 05 Ukwakira 2016 asimbuye Dr Diane Gashumba wari wagizwe Minisitiri w’ubuzima.

Yakoze imirimo itandukanye muri Leta, irimo no kuba mu nteko ishinga amategeko, n’indi mirimo itandukanye.

Ibyatangajwe n’abahanzi n’ibindi byamamare bitandukanye mu Rwanda byavuganye na Kigali Today bigaragaza ko ikipe ya FC Barcelone yo muri Esipanye, ari yo iraza ijoro abahanzi benshi ba hano mu Rwanda, indi iyikurikira ikaba ari Manchester United na Arsenal zo mu Bwongereza.

Dore bamwe mu byamamare mu Rwanda n’amakipe bafana

Senderi International Hit afana Manchester United

Kuva mu mwaka w’ibihumbi 2000, ni umufana w’ikipe ya Manchester United yo mu Bwongereza. Avuga ko yayikunze ubwo yarimo icyiswe ‘Generation 99’ yarimo ba Paul Scholes, Ryan Giggs n’abandi bakoze ibigwi muri iyi kipe hambere.

TMC afana FC Barcelone

Mujyanama Claude uzwi nka TMC avuga ko afana Barcelone kubera umukino mwiza. Avuga ko akunda umukino wa Tic Tac ukinwa n’iyi kipe, akanakunda by’umwihariko umukinnyi Lionel Messi afata nk’umukinnyi wa mbere mu mateka ya ruhago.

Nemeye Platini afana Manchester

N’ubwo atagaragaza igihe yatangiriye gufana iyi kipe, avuga ko yakunze iyi kipe igihe yari igitozwa na Sir Alex Ferguson. Yabifatanyaga no gukunda Real Madrid kubera umukinnyi Ronaldo, ariko ubu Real Madrid yarayiretse ajya kuri Juventus nyuma y’uko Ronaldo ayivuyemo.

Ishimwe Clement na Butera Knowless bombi bafana FC Barcelone

N’ubwo Clement adakunda kugaragara yambaye imyenda y’iyi kipe, ngo afite inzozi zo kuzajya kureba umukino wa Barcelone ku kibuga cyayo cyitwa Camp Nou, naho umugore we Knowless we ntiyihishira dore ko akunda no kwambara umwenda w’iyi kipe.

Safi Madiba ni umufana wa Liverpool

Uyu muhanzi avuga ko hatarashira igihe kinini afannye iyi kipe kuko yatangiye kuyifana muri 2018 ubwo iyi kipe yakinaga umukino wa nyuma wa Champions League na Real Madrid, umukinnyi wa Liverpool Mohamed Salah akavunwa urutugu na Sergio Ramos wa Real Madrid.

Icyo gihe ngo yarakariye cyane ikipe ya Real Madrid bituma ahita anafana Liverpool kuva uwo munsi.

Riderman ni umufana wa Barcelone

Riderman avuga ko akunda ikipe ya Barcelone bikomeye ariko byagera ku mukinyi wayo Lionel Messi bigakabya. N’ubwo nta kintu gifatika kigaragaza ko akunda Barcelone na Lionel Messi, avuga ko yahisemo kumuririmba mu ndirimbo ye yise ‘Inyuguti ya R’ aho avuga ngo “R ya Ronaldo, gusa jyewe nkunda Messi ukina ize adashyizemo ubwiyemezi”. Riderman avuga ko uyu murongo ari wo bendera rye rigaragaza urukundo akunda Messi.

Abahanzi Teta Diana, Ama G The Black, Jay Polly, na Oda Paccy bavuga ko ari abafana ba FC Barcelone.

Oda Paccy

Oda Paccy we akunda no kugaragara mu ruhame yambaye imyenda y’iyi kipe. Teta Sandra na we avuga ko afana FC Barcelone ngo kuko na basaza be bayihuriragaho mu kuyifana.

Bruce Melodie ni umufana wa FC Barcelone n’ubwo adakurikirana iby’umupira cyane. Mu mvugo ye yumvikanisha ko afana Barcelone kubera ko ikinamo Lionel Messi.

Fireman ni umufana wa FC Barcelone. Mbere y’uko ajyanwa Iwawa, yigeze kubazwa ikipe afana, avuga ko ari umukunzi wa FC Barcelone ndetse ngo yajyaga anambara imyenda iriho ibirango by’iyi kipe.

DJ Anita Pendo uzwi no mu itangazamakuru ni umufana ukomeye wa Manchester United. Aba no mu itsinda rigari ry’abafana b’iyi kipe baba mu Rwanda ryitwa ManUnited Till we Die.

Umunyarwenya Kibonke Clapton afana Manchester United. Inzozi ze ngo ni ukuzareba umukino w’iyi kipe ku kibuga cy’iyi kipe cyitwa Old Traford.

DJ Pius afana ikipe ya Manchester United

Miss Mutesi Jolly we afana Arsenal. Avuga ko n’ubwo adakunda kugaragara yambaye imyambaro y’iyi kipe, ngo ubusanzwe arayikunda cyane ku buryo aba akeneye kumenya amakuru yose ayerekeyeho, akanareba imikino yayo.

Miss Iradukunda (Miss Rwanda 2018) ni umufana wa Arsenal ariko avuga ko anakunda ikipe ya Real Madrid.

Samuel Mugisha uzwi cyane mu gusiganwa ku magare ni umufana wa Arsenal kimwe na Areruya Joseph na we ufana Arsenal.

Kate Bashabe yagaragaje ko ari umufana ukomeye wa Liverpool

Umunyamideri w’umunyarwanda Kate Bashabe yagaragaje ko ari umufana ukomeye w’ikipe ya Liverpool ubwo yarebaga umukino wayo wa mbere ufungura shampiyona ya 2019/2020.

Kate Bashabe

Kate Bashabe yarebye uwo mukino ubwo yari mu rugendo mu Bwongereza, yifotoreza mu iduka ry’imyenda y’ikipe ya Liverpool yandika kuri Instagram ye ko arimo agura umwenda aza kwambara ubwo aba areba umukino wa Liverpool na Norwich ubera Unfiled ku kibuga cya Liverpool.

Icyo gihe, mu nteruro ngufi yanditse munsi y’ifoto yifotoje agura umupira w’ikipe, yagize ati “Guhahira umukino wa nijoro, Ikipe y’umutuku mureke ndebe ibiganza byanyu”.

Mu masaha yari yabanje, Kate Bashabe yari yashyize hanze ifoto yicaye muri restaurant yo mu mujyi wa Liverpool, asa n’uri kwiruhukira.

Kate Bashabe aha yari muri Restaurant yo mu mujyi wa Liverpool

Umukino Kate Bashabe yashakaga kureba, ni umukino wa mbere wa shampiyona y’u Bwongereza wahuje Liverpool na Norwich, ukaba ari umukino wari witezweho kurebwa n’abakunzi benshi mu Bwongereza ndetse n’ahandi hatandukanye ku isi mu bakunda Liverpool.

Nyuma yo kugura umwambaro w’iyo kipe, Kate Bashabe yagaragaye ari ku kibuga umukino wabereyeho yambaye umupira wa Liverpool ndetse afana cyane iyo kipe.
Ni umukino warangiye utanze ibyishimo ku bafana ba Liverpool kuko yabashije gutsinda Norwich City ibitego bine kuri kimwe (4-1).

Social Mula yasabye abantu kumuhundagazaho amajwi

Urubuga rwa Internet rw’iyi Radio rwashyize hanze abahanzi 10 ba nyuma bazahatanira iki gihembo kuri uyu wa 16 Nzeri 2019.

Social Mula ni we muhanzi wo mu karere ka Afurika y’Iburasirazuba uri kuri uru rutonde. Undi muhanzi wegereye u Rwanda, ni Céline Banza wo muri Repubulika ya Demokarasi ya Congo.

Ibindi bihugu bisigaranye abahanzi muri iri rushanwa ni Cameroun ifitemo abahanzi 2, Maroc ifitemo umuhanzi umwe, Benin, Gabon, Côte d’Ivoire na Guinea.

Indirimbo ‘Ma Vie’ irimo amagambo y’Igifaransa, no ‘Ku ndunduro’ ni zo ndirimbo ziri ku rubuga rwa RFI, zigaragaza bimwe mu bihangano bikomeye bizasunika uyu muhanzi mu matora.

Ibihembo bya Prix découvertes RFI ni ibihembo bimaze imyaka 38 bihemba abahanzi b’Abanyafurika bafite impano yo kuririmba. Bigamije kwagura impano z’abo bahanzi bakomoka mu bihugu bivuga ururimi rw’igifaransa.

Ni ibihembo kandi bitanga akayabo k’ama Euro ibihumbi 10 ku watsinze iri rushanwa, ni ukuvuga hafi Miliyoni 10 z’Amafaranga y’u Rwanda, ndetse agahabwa kuzenguruka ibihugu 10 byo muri Afurika akora ibitaramo, akanakora igitaramo kinini mu mujyi wa Paris mu Bufaransa byose bikaba biri mu bihembo umuhanzi watsinze ahembwa.

Abinyujije ku rubuga rwe rwa Instagram yagize ati “Bantu banjye, nejejwe no kubamenyesha ko nagize amahirwe yo kuba nahatanira igihembo cya Prix Découvertes 2019 nkaba mbasaba kumba hafi.”

Amatora yaratangiye ndetse ubu Abanyarwanda babishaka bashobora gutora bakoresheje umurongo wa Internet w’iyi Radio: https://musique.rfi.fr/prix-decouvertes/vote

Robert Mugabe

Mu byumweru bibiri bishize, uwamusimbuye ku butegetsi Emmerson Mnangagwa yamenyesheje inama y’abaminisitiri ko ubuzima bwa Mugabe budahagaze neza nyuma y’aho abaganga barekeye aho kumuvura.

Guhera mu kwezi kwa kane, Mugabe yagize ibizazane by’ubuzima ajya kuvurirwa muri Singapore, ariko abaganga bakomeza kugorwa no kuvura uyu mukambwe w’imyaka 95.

Robert Gabriel Mugabe yavutse mu 1924, avukira mu gace ka Katuma mu birometero 80 uvuye mu murwa mukuru Harare.

Ni umwe mu birabura b’abanya-Zimbabwe barwanyije imitegekere y’abazungu b’Abongereza ubwo yari arangije amashuri ya Kaminuza, aza no kugirwa Minisitiri w’Intebe wa Zimbabwe mu 1980, nyuma y’imyaka 7 atorerwa kuba perezida w’iki gihugu.

Yavanywe ku butegetsi n’abasirikare muri 2017, bamushinja kugundira ubutegetsi no gusubiza inyuma igihugu mu bijyanye n’ubukungu, asimburwa na Emmerson Mnangagwa wahoze ari Visi perezida akaba n’umunyamabanga mukuru w’ishyaka ZANU PF.

Perezida Kagame hamwe n’abise amazina abana b’ingagi muri 2017

Uretse abayobozi b’ibigo bikomeye n’imiryango mpuzamahanga batumirwa mu muhango wo Kwita Izina, hari abandi bazwi mu mikino. imyidagaduro, no mu bindi bitandukanye.

Muri uyu mwaka wa 2019, hari ibyamamare ku rwego rw’isi byitezweho kuza mu Rwanda birimo umuhanzi w’umunyamerika Ne-Yo uzanaririmba mu gitaramo kizaba ku wa 07 Nzeri 2019, Louis Van Gaal watoje ikipe ya Manchester United na FC Barcelone, umunyamideri n’umukinnyi wa filimi w’umwongereza Naomi Campbell, n’abandi banyuranye.

Muri iyi myaka 3 ishize, ibindi byamamare byifatanyije n’u Rwanda mu muhango wo kwita izina ku butumire bw’urwego rw’igihugu rushinzwe iterambere RDB.

Dore bamwe muri bo:

Laureano Bisan Etamé-Mayer: Uwo benshi bakunda kwita Lauren yakiniye ikipe ya Arsenal yo mu bwongereza kuva muri 2000 kugera muri 2007. Ni umwe mu bakinnyi beza bugarira izamu Arsenal yagize mu myaka 20 ishize, akaba yaranakiniye ikipe y’igihugu cya Cameroun.

Izina yahaye umwana w’ingagi ni “IKIPE”

Laureano Bisan Etamé-Mayer, wahoze akinira ikipe ya Arsenal

Alexa Gray: Ni umunya Canada w’ikirangirire mu mukino w’intoki wa Volley Ball. Umwana w’ingagi yamwise “Kunesha”

Dr. Olusegun Obasanjo: Yabaye Perezida w’igihugu cya Nigeria, akaba n’umwe mu bakunze kuza mu Rwanda mu birori bitandukanye. Uretse kuba yaramenyekanye kubera kuyobora igihugu cy’igihangange muri Afurika, na nyuma y’uko avuye kuri uyu mwanya yakomeje kwamamara kubera ubunararibonye muri Politiki bwatumaga ajya gutanga ibiganiro bikomeye akanaba umuhuza w’ibihugu bitandukanye.

Obasanjo (ubanza iburyo) yise ingagi izina rye rya Aremu

Umwana w’ingagi yamwise “Aremu” izina rya kabiri rya Obasanjo, risobanura ngo buri mwana wese ni ingenzi mu muryango.

Theo Kgosinkwe & Nhlanhla Nciza: Aba ni abaririmbyi b’ibyamamare bo muri Afurika y’Epfo umukobwa n’umuhungu bagize itsinda rya Mafikizolo. Aba bise umwana w’ingagi “Akeza” ni na bo baririmbye mu gitaramo cyo kwita izina 2018.

Theo Kgosinkwe na Nhlanhla Nciza na bo baje mu Kwita Izina muri 2018

Strive Masiyiwa: ni umunya-Zimbabwe, akaba n’umwe mu baherwe bari muri Afurika bashoye imari mu itumanaho n’ikoranabuhanga. Forbes iherutse gutangaza ko afite umutungo wa Miliyali 2 na miliyoni 300 z’amadolari ya Amerika.

Strive Masiyiwa

Umwana w’ingagi yamwise “ISHUSHO”

Alex Scott: Ni umukinnyi mpuzamahanga w’umwongerezakazi wakinnye mu makipe atandukanye harimo Arsenal yakiniye hagati ya 2012 na 2018.

Umwana w’ingagi yamwise “Izahabu”

Patience Ozokwor: Uyu ni umukinnyi wa Filme akaba umunyamideri ndetse n’umuririmbyi w’indirimzo zaririmbiwe Imana wo muri Amerika wo muri Nigeria ndetse amaze kwamamara cyane ku mu gabane wa Afurika.

Umwana w’ingagi yamwise “Inkesha”

Veronika Vařeková: ni Umunyamideri wo muri Repubulika ya Tchèque uzwi cyane mu Burayi mu kumurika no guhanga imideri igezweho.

Izina yahaye umwana w’ingagi ni “Ubwiza”

Strive Masiyiwa(wa kabiri iburyo) hamwe na Olusegun Obasanjo na Graca Machel wahoze ari umugore wa Nelson Mandela baje muri gahunda yo Kwita Izina muri 2018

Mu bandi bazwi cyane bise izina mu myaka 3 ishize, harimo umuririmbyi w’umunyarwanda The Ben wahaye ingagi izina rya ‘Uruyange’.

Harimo kandi Howard Buffett, umushoramari w’umunya Amerika ndetse na Sean Penn: umukinnyi wa Filimi akaba n’umugabo w’umuririmbyi Madonna.

Mugisha Benjamin (The Ben) muri 2017 yise umwana w’ingagi ‘Uruyange’

Amakuru ya bamwe mu makinnyi ba sinema mu Rwanda yemeza ko mushiki wa Denis, umwe mu bari bamurwaje, ari we watangaje iby’uru rupfu, akaba yanabimenyesheje Alex Muyoboke ubwo yamuhamagaraga kuri telefoni arira, akavuga ko yari amaze iminsi ajyanywe kwa muganga ngo avurwe indwara ya Diabete yari amaze iminsi arwaye.

Rwasa yamenyekanye ubwo yakinaga muri filimi yiswe “Rwasa” na “Sakabaka” akaba yaranakinnye mu zindi filme zamenyekanye mu maserukiramuco mpuzamahanga nka ‘100 Days, ‘Sometimes in April’, na ‘Operation Turquoise’.

Ni umwe mu bantu bakurikiranwaga cyane ku mbuga nkoranyambaga cyane cyane kuri Instagram ndetse ni we munyarwanda wa mbere wujuje abamukurikira ibihumbi 100 mu ntangiriro za 2016.

Denis apfuye yari amaze iminsi micye akorana na The Mane irimo abahanzi Safi Madiba, Marina, Queen Cha na Jay Polly, ariko yari amaze iminsi asimbujwe nyuma yo kugaragara ko ubuzima butari bumworoheye.

Uretse kujya muri Sinema, Denis Nsanzamahoro yakoze kuri radio Flash FM kuva mu mwaka wa 2004 kugeza mu mwaka wa 2010 aho yakoraga mu biganiro nk’imboni y’umuguzi, Flashback Sunday, n’ikiganiro cya Kigali’s Top 20 cyanyuzagaho indirimbo 20 zigezweho ziganjemo iz’abahanzi nyarwanda.

Ne-Yo

Ni igitaramo gishobora kwandika amateka kubera impamvu nyinshi zirimo umubare w’abazacyitabira bashobora kugera ku bihumbi icumi. Ni n’igitaramo kandi gishobora kwitabirwa n’abashyitsi bakomeye bazaba bavuye impande z’isi baje mu muhango wo Kwita Izina abana b’ingagi.

Urwego rw’igihugu rushinzwe iterambere RDB rwamaze kwemeza ko Ne-Yo azaba ari kumwe n’itsinda ry’abantu 17 muri iki gitaramo barimo ababyinnyi, umufasha kuvanga imiziki ndetse n’abashinzwe inyungu ze, bikavugwa ko bagera mu Rwanda kuri uyu wa kane tariki 5 Nzeri 2019.

Shaffer Chimere Smith uzwi nka Ne-Yo mu muziki ni umunyamerika ufite uruvange rw’amaraso akomora kuri nyina umwe ufite inkomoko muri Afurika na se ukomoka mu Bushinwa.

Ababyeyi be bose bari abanyamuziki, ariko ntabwo yagize amahirwe yo kurerwa na bombi kuko batandukanye akiri muto arerwa na nyina gusa ari na we wamuhaye imyitozo ya mbere yo kuririmba.

Amaze gutandukana na se, Nyina yamujyanye gutura mu mujyi wa Camden wo muri Arkansas, bimukira mu Mujyi wa Las Vegas aho yatangiye kuririmba mu matsinda y’abana yitwa GoGo mu muziki, ndetse bitangira kumuhira, indirimbo ze zitangira kunyura mu biganiro bya Televiziyo byari bikunzwe mu myaka y’1989 n’1990.

Kugera mu mwaka w’2000, Smith (akazina yakundaga kwitwa) nibwo yaretse kuririmba mu matsinda atandukanye, atangira umuziki ku giti cye, anahindura izina yitwa Ne-Yo.

Ntabwo yahise amenyekana cyane bitewe n’imiterere y’umuziki wo muri Amerika, ariko yari umuhanga mu kuririmba, azi kubyina no kwandika indirimbo, ndetse zimwe mu ndirimbo yanditse yajyaga azigurisha n’abahanzi b’ibyamamare muri Amerika.

Mu 2004, yanditse indirimbo yitwa ‘Let Me Love You’ ayihera umuhanzi Mario indirimbo iramenyekana cyane, abantu bamenya ko ari Ne-Yo wayanditse ahita agira amahirwe yo gusinyana amasezerano n’inzu ya Def Jam ngo ajye ayandikira indirimbo.

Iyi nzu yasinyishije Ne-Yo yari ikomeye cyane kuko yari yarashinzwe n’ikigo Universal Music Group, kandi yarimo abahanzi bakomeye nka Big Sean, Ludacris, ikabamo na Jay-Z wari n’umuyobozi wayo.

Iyi nzu kandi ni yo yazamukiyemo Kanye West, Rihanna, Jehne Aiko, Justin Bierber, Nas, Two Chains, Iggy Azalea n’abandi.

Guhera muri Def Jam, Ne-Yo yaretse kwandika indirimbo aziha abandi atangira kwiyandikira indirimbo anaziririmba aza gushyira hanze umuzingo yise ‘In My own World’ yariho indirimbo ‘Stay’, yaje no kujya ku rutonde rw’indirimbo zikunzwe cyane (Billboard) ariko ntiyagera kure.

Kumenyekana bidasanzwe ku masoko y’umuziki ku isi yose, byakomeye mu 2008 ubwo Ne-Yo yashyiraga hanze umuzingo wa gatatu (album) witwa Year of the Gentleman. Uyu muzingo wariho indirimbo zakunzwe cyane nka Miss Independent, Closer, She got her own, Mad n’izindi.

Miss independent ni yo ndirimbo yatumye iyi album izamuka cyane, kuko yatangiye ari iya 98 mu ndirimbo 100 zikunzwe cyane muri Amerika, ariko irazamuka igera ku mwanya wa 7 kandi imara ibyumweru 32 kuri Billboard.

Yagize umwihariko wo gusubirwamo cyane n’abahanzi batandukanye barimo Jay Z, Fabulous, Kanye West n’abandi batandukanye. Iyi ndirimbo yatumye Ne-Yo ahabwa ibikombe bitandukanye kandi bikomeye, birimo BET Awards, Mobo Awards, n’ibihembo by’amashusho bitangwa na MTV.

Ne-Yo ukunda kwambara ingofero cyane kubera kutagira umusatsi, ni umwe mu bahanzi bubashywe muri Amerika kandi ufite ibigwi kuko uretse kuririmba asanzwe ari n’umukinnyi wa Sinema.

Nyuma y’ibyumweru bibiri uyu muhanzi apfuye azize impanuka ya Moto mu mujyi wa Abidjan muri Côte d’Ivoire, Leta y’icyo gihugu ibinyujije muri Minisiteri y’umuco yasabye ko habaho ijoro ry’icyunamo mu gihugu hose ndetse hakaba n’igitaramo cyo gusezera bwa nyuma kuri uwo muhanzi wari umaze kuba icyamamare muri Burengerazuba bwa Afurika.

Abatari baragize amahirwe yo gusezera ku murambo, bavugaga ko isanduku irimo umurambo wa DJ Arafat, yagombaga kuvanwa mu buruhukiro bw’ibitaro bya Abidjan ikazanwa hagati y’ibihumbi by’abafana biganjemo urubyiruko mbere y’uko umuryango we umushyingura mu gace ka Williamsville.

Bamwe muri aba bari bitabiriye iki gitaramo cyari cyatumiwemo ubishaka wese, bateje imvururu bavuga ko bashaka kumenya niba koko uwashyinguwe ari DJ Arafat, bituma bajya mu irimbi aho yashyinguwe bamena imva ye, bapfundura isanduku yarimo umurambo batangira gufotora isura y’umurambo wa Arafat, bahererekanya amafoto n’amashusho ku mbuga nkoranyambaga.

Polisi yarinze gukoresha ibyuka biryana mu maso kugira ngo itatanye abigaragambyaga inabuza ikwirakwizwa ry’amashusho yari yafashwe.

Urubyiruko rwari rwariye karungu, rwabwiye umunyamakuru wa France 24 ngo “Twashakaga kureba bwa nyuma icyamamare cyacu mbere y’uko ashyingurwa.”

Muri iryo joro, ibyamamare muri Afurika birimo Davido, Mamadou Sidiki Diabaté, Fally Ipupa na Serge Beynaud bohereje ubutumwa busomerwa ku kiriyo bavuga ko bashenguwe n’urupfu rwa mugenzi wabo DJ Arafat, bamusabira kuruhukira mu mahoro.

Mu ijoro ryari ryabanje nabwo, abarimo Didier Drogba wamamaye mu mupira w’amaguru na Perezida wa Côte d’Ivoire Alassane Dramane Ouattara bari banditse kuri Twitter ubutumwa bwo kwihanganisha no gukomeza umuryango wa Arafat banamwifuriza kuruhukira mu mahoro.

DJ Arafat wari umaze kuba ikimenyabose muri Afurika y’Iburengerazuba, yapfuye ku itariki 12 Kanama 2019 azize impanuka ya moto, akaba atabarutse afite imyaka 32 y’amavuko.

DJ Arafat yari umuhanzi ukunzwe cyane muri Afurika y’Iburengerazuba

Hari hasakaye amakuru avuga ko Nsengiyumva François yafunzwe

Amakuru yari yakwirakwijwe yavugaga ko Nsengiyumva abashinzwe umutekano basanze udupfunyika tw’urumogi mu myenda ye, bituma bamuvana aho acumbika ku Kicukiro bamujyana kumufungira kuri Station ya Polisi.

Kugira ngo iby’urumogi bimenyekane, hari umunyamakuru wanditse ku mbuga nkoranyambaga avuga ko habanje kuza abajura baje kwiba mu imyenda ya Nsengiyumva bakayirukankana, maze inzego zishinzwe umutekano zikahagoboka zikabatesha iyo myenda.

Imyenda abajura bateshejwe, ngo ni yo abashinzwe umutekano basanzemo udupfunyika tw’urumogi bahita bata muri yombi Nsengiyumva muri iryo joro.

Ubwo iyi nkuru yazengurukaga ku mbuga nkoranyambaga, urwego rw’ubugenzacyaha mu Rwanda rwaje gukoresha urubuga rwa Twitter maze rutangaza ko ibyavuzwe ari ibihuha, bagaragaza ko Nsengiyumva atigeze atabwa muri yombi.

Kigali Today yavuganye na Alain Mukuralinda ukurikirana inyungu za Nsengiyumva, avuga ko ibyakwirakwijwe ari ibihuha bitagize aho bihuriye n’ukuri.

Alain Mukuralinda yagize ati “Mwaramutse! Narabyumvise ariko ni ibihuha.”

Mu ijoro bivugwa ko Nsengiyumva yaraye kuri Polisi, yari yaririmbye mu masaha ya saa munani z’ijoro mu kabari kari ku Kacyiru kitwa People, kikaba cyari n’igitaramo cya mbere akoreye mu kabari kuva yatangira kumenyekana mu ndirimbo ‘Mariya Jeanne’ yamamaye nka Igisupusupu.

Kwizera yarongoye Mukaperezida umurusha imyaka 27 y’amavuko

Gwizimpundu Alice na IK (izina ryahawe umwana wasambanyijwe) baregeye urukiko bavuga ko icyaha cyo gusambanywa cyabaye ku itariki 03 Mata 2019, iki gihe hakaba hari hashize amezi atatu gusa Kwizera ashyingiranywe na Mukaperezida.

Kwizera yabanje guhakana icyaha cyo gusambanya umwana no kumutera inda, ariko ibizamini bya ADN byagaragaje ko inda yavuyemo yari ifite ibyumweru 12, yari ifite ibirango by’amaraso bingana na 99,99% bituma Kwizera uregwa yemera icyaha ndetse abisabira imbabazi mu rukiko.

Uruhande rwunganira Kwizera rwasabye ko uku kwemera icyaha kwahabwa agaciro akagabanyirizwa igihano, ibyo mu mategeko bita ‘Inyoroshyacyaha’ maze urukiko rwisumbuye rwa Ngoma rutegeka ko Kwizera afungwa imyaka 10.

Izina n’amafoto bya Kwizera Evariste byamamaye cyane mu ntangiriro z’umwaka wa 2019 ubwo yashyingiranwaga na Mukaperezida Clotilde umurusha imyaka 27 ndetse bamwe bakanashidikanya kuri iyi myaka ya Mukaperezida. Icyo gihe Kwizera yari afite imyaka 21 mu gihe Mukaperezida yavugaga ko afite imyaka 48, n’ubwo umukobwa we yavugaga ko nyina afite imyaka irenga 50.

Mukaperezida ashyingiranwa na Kwizera, byabanje kuzamo ibibazo kuko umuryango wa Mukaperezida harimo n’umukobwa we mukuru bavugaga ko batemera ko umubyeyi wabo ashyingirwa avanze umutungo na Kwizera kuko bavugaga ko umutungo atari uwe gusa ko ahubwo ari uw’umuryango wose, ndetse bakavuga ko Kwizera ari umugabo wa gatatu ubanye na Mukaperezida mu nzu.

Kwizera na Mukaperezida, bari bamaranye amezi umunani babana nk’umugore n’umugabo mu buryo bwemewe n’amategeko. Mbere y’uko uru rubanza ruba, byabanje kuvugwa ko Kwizera yabanje gutoroka, ariko nyuma aza kongera kugaragara mu ruhame avuga ko hari abantu bifuza ko yafungwa kuko batishimiye imibanire ye na Mukaperezida.

Inkuru bijyanye:

Kwizera w’imyaka 21 uherutse gukora ubukwe na Mukaperezida w’imyaka 48 yatawe muri yombi

Rwamagana: Umukobwa yashatse kubangamira ubukwe bwa nyina biba iby’ubusa

Kuki umusore arongora umukecuru bikaba ikibazo?

Diamond (Ibumoso) yavugiye i Kigali ko ataramenya ko Harmonize (iburyo) yasezeye muri WASAFI

Umunyatanzaniya Rajab Abdul Kahali uzwi nka Harmonize wanabaye inshuti y’igihe kirekire na Diamond wamuzamuye, aherutse kwandikira ibaruwa inzu ya WASAFI yakoreragamo ayimenyesha ko asezeye muri iyo nzu kuko yavugaga ko ashaka gushaka andi mahirwe hanze y’iyi nzu.

Ubwo Diamond yazaga mu Rwanda mu cyumweru cya gatatu cy’ukwezi kwa Munani, yabajijwe n’abanyamakuru ibyavugwaga ko Harmonize yaba yarasezeye mu nzu ya Wasafi, avuga ko atabizi ko nawe ari ubwo abyumvise agira ati “Wasanga ari inkuru y’aka kanya itunguranye ntaramenya, ariko ubwo ndaza kubimenya”.

Mu cyumweru cyakurikiyeho, inkuru zagumye gucaracara mu bitangazamakuru bya Tanzaniya kuko ubuyobozi bwa Wasafi bwari butaremeza neza aya makuru. Mu mpera z’icyumweru gishize, nibwo Sallam Sharaf uyobora ibikorwa bya Wasafi yavugiye kuri Wasafi FM ko Harmonize yabandikiye ibaruwa ibasezeraho ku bushake kwe.

Uyu muyobozi wa Wasafi wigeze no kuba ashinzwe inyungu za Diamond igihe kirekire, yemeje ko ukugenda kwa Harmonize ntacyo kuzahungabanyaho inzu yakoreragamo, ahubwo avuga ko ashobora kuryozwa amafaranga yatanzweho mu gihe iyi nzu yamuteguraga ngo azabe ikirangirire.

Harmonize wakuriye muri WASAFI akayivamo vuba aha ngo ashobora gukurikiranwa

Sallam Sharaf yaragize ati “Iyo ushaka kugenda uragenda nta kibazo, ariko ugomba kubanza gushyira ku murongo ibyo asabwa bitabaye ibyo abagenzuzi b’imari bazakora akazi kabo”.

Nubwo icyavanye Harmonize muri Wasafi kitaramenyekana, bivugwa ko yari asigaye afitanye umwuka mubi na bamwe mu bantu bayirimo ndetse bikanakekwa ko na Diamond washoye amafaranga muri iyi nzu ngo batari babanye neza.

Mu mpera z’iki cyumweru, byari biteganyijwe ko aba bombi bagomba guhurira I Londre mu bwongereza mu gitaramo cyiswe ONE AFRICA MUSIC FEST, ariko ku munota wa nyuma Diamond atangaza ko atazitabira iki gitaramo kubera impemvu zo gutinda kubona ibyangombwa. Bamwe baketse ko Diamond ashobora kuba yasubitse uru rugendo ku bushake yanga ko azahura na Harmonize.

Harmonize wiyise Konde Boy, birahwihwiswa ko ashaka gushinga inzu ye izitirirwa akabyiniriro ka Konde, akazayita Konde Gang, andi makuru akavuga ko Lava Lava na Rayvany babanaga muri Label nabo bashobora kumukurikira bakava mu kwaha kwa Diamond. Harmonize akurikiye Rich Mavoko umaze umwaka asezeye muri iyi nzu, ashinja Diamond gutsikamira umuziki we no kumubyaza umusaruro aho kumuteza imbere.

Alain Muku yasabye Zigirinshuti gusaba imbabazi bitaba ibyo akazirengera ingaruka

Umuhanzi Mukuralinda wabaye igihe kinini umuvugizi w’urwego rw’ubushinjacyaha bwa Leta, ubu akaba ari umushoramari mu muziki, yababajwe n’ibiherutse gutangazwa na Pasiteri Zigirinshuti Michael usanzwe ari umuvugabutumwa mu itorero rya ADEPR amwibutsa ko ibyo yavugiye mu rusengero bikamamara ku mbuga nkoranyambaga, ari icyaha gihanwa n’amategeko.

Mu nyandiko ya Alain Muku, agaragaza ko uretse icyaha cyo gutukana mu ruhame, Pasiteri Zigirinshuti ngo yakoze ikintu gikomeye cyo guca ibice mu bantu aho agaragaza ko hari igice cy’abantu bakorera Imana, badakwiye gucana uwaka na Nsengiyumva Francois yise ko akoreshwa na Shitani.

Muku yumvikanisha ko bishobora no kugera igihe bigahembera urwango hagati y’ibice bibiri ari byo ‘Abakiristo’ na ‘Abakorera Shitani’ nk’uko byavugwaga na Pasiteri, ku buryo uyu munyamategeko we asanga Pasiteri ashobora no gushumuriza abayoboke be bakagirira nabi umuhanzi Nsengiyumva Francois.

Uyu muhanzi kwamamara kwe kwatumye pasiteri Zigirinshuti amwigishaho mu rusengero

Ubwo yari mu rusengero yigisha imbaga y’abakristo, uyu mupasiteri yakoresheje amagambo agira ati “sha igiki? Igisupusupu Kiragatsindwa, syii… Ikintu, ubonye ukuntu cyamamaye, murakibonye ukuntu cyamamaye mu mezi angahe atatu?... Ikintu nka kiriya kikava Rwagitima cy’igisupusupu uwo mwanya kikaba kigize … ariko nta kintu mubonamo mwebwe? Mujye mumenya imbaraga zamamaza ibintu nka biriya izo ari zo. Kuki ibintu bya Satani byihuta ariko ibyacu bikagenda gahoro?”

Uretse aya magambo, hari aho Pasiteri Zigirinshuti yumvikanishaga ko hari amakorali menshi yo muri ADEPR yaririmbye indirimbo nyinshi ariko ntizimenyekane, ndetse na we ubwe yitangaho urugero aho yagiraga ati “Jyewe se nabwirije gake? Nabwirije ahangana iki? Ko bitarenze hano?”

Ibi byo kutamamara kwe cyangwa kutamamara kw’amakorali abisanisha n’umugambi wa Shitani, ndetse no kwamamara kwa Nsengiyumva wiririmbiye ‘IGISUPUSUPU’ akabihuza n’uwo mugambi yise uwa Shitani wo kwamamaza ibyo we yise ‘Ibishenzi’.

Pasiteri Zigirinshuti azwiho kwirekura cyane akivugira amagambo atungura benshi

Mu magambo ya Zigirinshuti, yumvikanishaga ko Umuhanzi Nsengiyumva atamufata nk’umuntu, ahubwo mu ngero zirenga eshanu yamuvugagaho asa n’udashaka kumuvuga mu izina, yaragiraga ati “Kiriya kintu” naho indirimbo ze akazita “Ibintu byavuye kwa Shitani”.

Mu nyandiko ndende yandikiwe abanyamakuru isinyweho na Alain Mukuralinda ushinzwe inyungu za Nsengiyumva Francois, yavuze ko yababajwe n’ibyatangajwe n’uyu mwigisha avuga ko akwiye kubisabira imbabazi mu ruhame imbere y’abakiristo yabibwiye kandi ibi bitaba akajyanwa mu nkiko.

Dore inyandiko ya Alain Muku kuri Zigirinshuti

Mu izina ry’umuhanzi mpagarariye bwana Zigirinshuti Michel yandagaje agamije kumwambura ubumuntu amwita «Ikintu gikorana na Satani» kugira ngo ace ibice mu bantu amuteranya n’abanyarwanda, agamije kuzana ihangana hagati y’abo yita abakorana na Satani n’abakoreshwa n’umwuka wera ndamusaba ko, avuguruza ibyo yavuze kandi akabikora akoresheje n’ubundi, uburyo yabikozemo ubwo yigishaga abakirisitu icyigisho gikubiyemo amagambo ahabanye n’ukuri amagambo ahubwo, ashobora kuzana intugunda n’impagarara mu bantu bibaza ukuntu umuntu ushinjwa ku mugaragaro n’umukozi w’Imana gukorana na Satani yidegembya!!

Kuko, uretse kuba mpamya nta gushidikanya ko ibyo bwana Zigirinshuti Michel yashinje Nsengiyumva ari ibintu yavanye mu mutwe we atahagazeho kuko ntabyabayeho, nanemeza ko ibyo amushinja nta gihamya cyangwa ikimenyetso ashobora kubitangira ngo agaragaze iyo Satani bakorana iyo ari yo, uburyo bakorana n’aho bahurira ngo banoze uwo mugambi uretse kutamwiyumvamo kubera impamvu ze azi wenyine no gushaka kumuteranya n’abadasengera mu itorero rye.
Nta burenganzira na buke rero afite bwo gutuka umuntu kariya kageni umwita « Ikintu », by’umwihariko muri icyo gitutsi agamije kumwambura nkana ubumuntu kuko, azi neza uko yitwa bitewe, n’uko adahwema kuvuga izina rye mu itangazamakuru yirirwa umuharangamo.

Kabone n’iyo ba bwana Zigirinshuti Michel na Nsengiyumva François mu muryango nyarwanda baba batari ku rwego rumwe, badahuje amashuri, imyumvire, imitekerereze, imyemerere mu idini dore ko ari ryo yitwaza amutuka cyangwa se, nk’umuhanzi, bakaba batabona cyangwa ngo basobanukirwe kimwe ibihangano bye ibi byose ntibigomba kumubera urwitwazo rwo kutubahiriza amategeko u Rwanda rugenderaho ngo yihandagaze atukane ku ka rubanda.

Niba hari ikintu bwana Zigirinshuti Michel atishimiye kuri Nsengiyumva François, nk’umuntu w’intiti yashoboraga kugikosora ukundi atamututse ngo amwandagaze amwambura ubumuntu bwe. Ariko yahisemo kwihagararaho mu kiganiro cyakurikiye, ashimangira ashize amanga ibitutsi no kumusebya yemeza ko ari we wabitukanye koko ! Si ibyo kwihanganirwa, ingaruka azazirengere!

Murakoze murakarama.

Mukuralinda Alain Bernard

The Ben utarakunze kugaragaza umukobwa bakundana, yavuzweho gukundana n’abakobwa beza bagaragara mu mashusho ya zimwe mu ndirimbo ze, nk’umunyafurikakazi uba muri Amerika wagaragaye mu mashusho y’indirimbo Vazi aheruka gushyira hanze.

The Ben abajijwe n’umunyamakuru wa Kigali Today niba akundana n’uyu munyamideri yashyize mu mashusho, yahakanye aya makuru avuga ko uyu mukobwa bahuriye mu kazi kuko ngo asanzwe agaragara no mu mashusho y’izindi ndirimbo z’abanyafurika harimo n’iza Eddy Kenzo na Khaligrapher wo muri Kenya.

The Ben yagize ati “Umukobwa twakoranye ntabwo ari umukunzi wanjye, ni umukobwa ukora ibintu by’amashusho mu buryo bw’akazi, navuga ko ari umukobwa w’umunyamwuga twahuriye mu kazi ntabwo ari umukobwa dukundana.

Mu minsi ishize ubwo The Ben yashyiraga hanze amashusho ya ‘Naremeye’ byavuzwe ko umukobwa ugaragara muri iyi ndirimbo yambaye umwambaro wo kogana, ngo yaba ari umukunzi we, ndetse benshi bavuze ko ashobora kuba amaranye igihe na The Ben ariko bombi nta kintu bigeze batangaza kuri ibi.

The Ben yavuze ko muri iyi minsi afite inganzo yisuka nk’imvura ituma ahanga akanashyira hanze indirimbo nyinshi, iki kikaba ari cyo gisobanuro atanga ku bijyanye no gushyira hanze indirimbo nyinshi muri iyi minsi ugereranyije n’indi minsi ishize.

‘Vazi’ ni indirimbo nshyashya ya The Ben yiganjemo amagambo menshi y’urukundo. Iyo ndirimbo yayiririmbye mu ndimi z’igifaransa, ikinyarwanda ndetse n’icyongereza. Amashusho yayo yakorewe muri Amerika aho The Ben asanzwe atuye ndetse no mu Bwongereza, afashwa na Lick Lick na Cedru bamaze kumenyerana.

Reba hano amashusho y’indirimbo nshya ‘VAZI’ ya The Ben

Nubwo bitazwi igihe uyu mubyeyi yari amaze arwaye, mu ku itariki 3/8/2019 Miss Aurore Kayibanda yashyize ifoto kuri Instagram ye igaragaza umubyeyi we arwaye ameze nk’urembye yegamye mu ntebe z’imisego.

Kayibanda Aurore apfushije se, nyuma y’imyaka irindwi apfushije Musaza we bakurikiranaga witwaga Hirwa Herny, wari umwe mu bari bagize itsinda rya muzika KGB,Hari tariki 01 Ukuboza 2012, ubwo yagwaga mu kiyaga cya Muhazi.

Uyu musaza yitahiye nyuma y’uko umukobwa we amweretse ibirori by’ubukwe mu mwaka ushize wa 2018, bikabera muri Leta zunze ubumwe za Amerika aho atuye.

Umusaza Ladislas Kayibanda ubyara Miss Aurore hamwe n’umufasha we ubwo bari bitabiriye ubukwe bw’abana babo mu 2018

Kayibanda Ladislas watabarutse, yashakanye na Mukazera Olive mu 1981 babyarana abana bane, bakaba bari muri Gahunda yo kwizihiza isabukuru y’imyaka 40 babana nk’umugabo n’umugore.

Miss Rwanda 2012 wari umaze umwaka umwe ashyingiranywe na Egide Mbabazi, apfushije se atarashira n’agahinda ka musaza we Henry kuko buri tariki ya mbere y’ukwa 12 yakundaga kugaragaza agahinda aterwa no kuba yarabuze musaza we ndetse yakundaga kubwira itangazamakuru ko kwiyakira bisa n’ibyamunaniye.

Aba basitari bashobora guhurira mu ndirimbo imwe mu minsi iri imbere

Igitaramo cyo gusoza iserukiramuco rya Iwacu Muzika cyitabiriwe n’abarenga ibihumbi 15, nicyo cyanahuruje umunyatanzaniya Diamond Platnumz wari umushyitsi mukuru muri iki gitaramo ndetse agaragaza ukwitanga ku rubyiniro no gushimisha abamurebaga akoresheje imbaraga nyinshi.

Gusa ntibyabujije ko n’abandi bahanzi b’abanyarwanda bitabiriye iki gitaramo bashimishije abari buziye imbuga ya Stade amahoro, ariko bigeze kuri Nsengiyumva Francois wadutse vuba, hajyamo itandukaniro ugereranije n’abandi bahanzi bo mu Rwanda, ndetse hari n’abatatinye kugereranya abafana n’uyu musaza muri iyi mbuga n’abafannye umushyitsi wari uvuye muri Tanzaniya.

Amashusho magufi ya nsengiyumva uherutse gusohora Rwagitima, yacicikanye ku mbuga nkoranyambaga, bigera no kuri Meddy wanagaragaje ko yakurikiye iki gitaramo, ahita asaba ko ababishinzwe bamufasha gukorana indirimbo na Nsengiyumva utaragira indirimbo zirenze enye.

Nsengiyumva uzwi nk’Igisupusupu amaze kwigarurira imitima ya benshi

Ubwo yavaga ku rubyiniro, uwamamaye kubera IGISUPUSUPU yabajijwe n’abanyamakuru icyo avuga ku kirangirire Diamond Platnumz, maze Nsengiyumva ntiyarya iminwa ahita avuga ko Diamond ari ikirengirire ariko kitamurutira abahanzi b’abanyarwanda, ndetse ahita atanga urugero rwa Meddy umaze kuba mpuzamahanga.

Nsengiyumva ati “Uriya ni ikirangirire ariko ntabwo yandutira Abanyarwanda. Mujya mwumva Meddy ubu yabaye mpuzamahanga, kandi Abanyarwanda natwe turashoboye. Ujya gutera uburezi arabwibanza, tugomba kubanza gushoma Abanyarwanda. Uriya ntabwo yandutira Abanyarwanda kuko nibura Meddy yanantera inkunga narwaye cyangwa akagira n’ikindi yamfasha. Sinamurutisha uriya Diamond”.

Aya magambo yavuze ku kavideo k’amasegonda 21 yakoze cyane ku mutima wa Meddy bituma agashyira ku rubuga rwe rwa Instagram, yandikaho ati “Imitekerereze myiza #Igisupusupu! Ndashaka indirimbo yacu twembi sasa. Ababishinzwe mubitugiremo”.

Iyi ndirimbi iramutse ishyizwe mu ngiro, ibiganiro byo gukora iyi ndirimbo byakorwa hagati y’abashinzwe inyungu za Meddy hano mu Rwanda, na Alain Muku ushinzwe inyungu za Nsengiyumva wamaze kwitwa IGISUPUSUPU.

Meddy yasabye ko ababishinzwe bategura umushinga w’indirimbo hagati ye na Nsengiyumva

Diamond wazindukiye mu Rwanda mu gitondo cyo kuwa Gatanu yitegura igitaramo azakorera mu mbuga ya Stade amahoro, yaganiriye n’abanyamakuru ku migendekere y’igitaramo muri rusange ariko anasubiza bimwe mu bibazo birimo imishinga y’indirimbo byakekwaga ko yakoranye n’Abanyarwanda.

Imbere y’ibyapa by’abafatanyabikorwa barimo Banki ya Kigali, Diamond uvuga ko umuhanzi wese ukora umuziki neza bashobora gukorana, yavuze ko yumva indirimbo nyinshi z’Abanyarwanda anavuga ko ari umuziki mwiza, ariko yirinda kuvuga mu izina umuhanzi yaba akunda kumva w’Umunyarwanda.

Hari amakuru yagiye akwirakwira mu bitangazamakuru byo mu Rwanda ko hari abahanzi barimo Meddy, The Ben na Sunny bakomanze ku muryango wa Wasafi bifuza gukorana na Diamond. Iki kirangirire mu njyana nyafurika, cyavuze ko hari imishinga y’Abanyarwanda iri muri Wasafi, yitsa ku ndirimbo yakoranye na Meddy yatinze gusohoka kubera kudahuza igihe.

“Indirimbo ya Meddy irahari ariko ntabwo irarangira kubera ko byagoranye guhuza umwanya ngo duhurire muri Studio tuyirangize, ariko mu minsi micye muzayumva”.

Umuhanzikazi ukizamuka Ingabire Dorcas wiyise Sunny, yabwiye ikinyamakuru Isimbi ko yakoranye indirimbo muri Wasafi ndetse yabwiye ibitangazamakuru bimwe byo muri Tanzania ko yakoranye indirimbo n’umuyobozi wa Wasafi Diamond Platnumz.

Umunyamakuru wa Kigali Today amubajije niba yarakoranye n’uwo munyarwandakazi, yavuze ati “Uwo muhanzikazi nakwifuza kumubona no kumwumva” bivana mu rujijo abari bakurikiye iki kiganiro ko nta ndirimbo ibahuza bombi yigeze ibaho.

Diamond yavuze no kuri ShaddyBoo wamamaye kubera imbuga nkoranyambaga, abwira abanyamakuru ko nta mubano udasanzwe afitanye nawe nkuko benshi babikeka ko ahubwo amufata nka mushiki we akunda kandi akurikira.

“Shaddyboo ni mushikiwange wamamaye ku mbuga nkoranyambaga nkurikira kandi mufata nka mushiki wange, nta wundi mubano wihariye hagati yange nawe”.

Nasibu Abdul Juma w’imyaka 30 uzwi nka Diamond Platnumz amaze kwigarurira umuziki w’agace k’afurika y’uburasirazuba, afite igitaramo mu Rwanda kizaba ku itariki 17 Kanama 2019, akaba ariwe mushyitsi mukuru mu bahanzi bazaririmba ku munsi wa nyuma y’iserukiramuco rya Iwacu Muzika.

East African Promoters nk’ikigo gitegura iri serukiramuco, kivuga ko igitaramo kizatangira saa kumi z’umugoroba, urubyiniro tukazabanzaho abandi bahanzi b’abanyarwanda barimo Bull Dogg, Massamba, Bruce Melodie, Queen Cha, Nsengiyumva, Amalon Sintex, Safi Madiba na Bushari.

Ibikorwa byo kubaka ahazabera iki gitaramo, byatangiye mbere y’iminsi 3, ku buryo mbere y’umunsi umwe ngo igitaramo kibe hari hasigaye ibikorwa byo gushyiraho ibyapa by’abaterankunga barimo na Banki ya Kigali irimo yamamaza gahunda yayo nshya igamije iterambere ry’abahinzi borozi izwi nk’ IKOFI.

Mbonyi yahagurutse i Kigali ku wa mbere tariki 12 Kanama 2019 afite imizigo y’ibikapu na Guitar ku mugongo yerekeza mu Bwongereza, akora urugendo rw’ijoro ryose kuko yageze ku kibuga cy’indege cya Manchester saa tatu za mugitondo, yakirwa n’inshuti z’Abanyarwanda bari barimo n’abamufashije gutegura igitaramo cye.

Uyu wamamaye mu ndirimbo zaririmbiwe Imana kuva muri 2015, azakora igitaramo cya mbere ku wa gatandatu tariki ya 17 Kanama 2019, nyuma y’icyumweru kimwe akorere ikindi gitaramo mu murwa mukuru w’u Bwongereza i Londres, yongere gukora ikindi gitaramo nyuma y’icyumweru akorere mu mujyi wa Birmingham uri mu Burengerazuba bw’u Bwongereza.

Nubwo ibi bitaramo ari byo bimaze kumenyekana n’amatariki bizaberaho, Israel Mbonyi yabwiye umunyamakuru wa Kigali Today ko ashobora gukora ibindi bitaramo bitandukanye mu Bwongereza cyangwa hanze y’u Bwongereza, ariko yirinda guhita abihamya kuko ngo ibiganiro bigikomeje.

Muri rusange, Israel Mbonyi ashobora kumara ukwezi mu Burayi akora ibitaramo. Bimwe muri ibi bitaramo, Mbonyi yizeye ko ashobora kubifatiramo amashusho ya zimwe mu ndirimbo ze nk’uko yabitangiye ku ndirimbo “Karame”, cyane ko gahunda ye ari ugukora amashusho y’indirimbo mu buryo bw’imbonankubone akoresheje amashusho avuye mu bitaramo.

Ishimwe Clement, umugabo wa Butera Knowless

Kwitabira iyi nama ya ASPEN ubwabyo kuri Clement, abifata nk’amahirwe adasanzwe kuko byatumye yitabira ibiganiro byo ku rwego rwo hejuru byatanzwe n’uwashinze urubuga rwa facebook Mark Zuckerberg, kimwe n’umunyamuziki Lonnie Corant Shuka Rashid uzwi nka Common muri Amerika.

Uretse ibi, Ishimwe Clement avuga ko nyuma y’iyi nama yagize amahirwe yo kuzenguruka zimwe mu nzu zitunganyirizwamo umuziki, zirimo nk’inzu y’umuhanzi Rob Drabkin, atemberera ahabera ibitaramo bikomeye, asura inzu z’amateka z’umuziki n’imbuga yakirirwamo ibitaramo bishimisha ibihumbi by’abantu.

Yanitabiriye ibitaramo bitegurwa na Chuck Morris umwe mu bateza imbere umuziki muri Amerika, anasura abantu batandukanye bafite aho bahurira n’umuziki na filme.

Muri byinshi yahabonye, Ishimwe avuga ko yasanze umuziki wa Amerika ari uruganda rwafashe igihe cyo kubakwa kandi rugategurwa imyaka myinshi, kuburyo asanga abanyamuziki bo mu Rwanda bakwiye gufata igihe kinini cyo kubaka umuziki wabo nk’uko ahandi byagenze.

Yaduhaye urugero rw’ukuntu ibitaramo yitabiriye bitegurwa na Chuck Morris, usanga itsinda rimwe ririmba Rock rishobora gukora ibitaramo bitatu mu minsi itatu ikurikirana, nyamara buri munsi hakitabira abarenga ibihumbi 40 itsinda ririmba ritahindutse. Avuga ko ubwinshi bw’abantu bujyana n’igiciro cy’itike yo kwinjira, kuko itike ya macye iba igura ama dollari 80, wagereranya n’ibihumbi birenga 70 mu Rwanda.

Aganira natwe yaragize ati “Nk’ahantu nagiye mu gitaramo muri Red Rocks, itike ya nyuma ya macye ni ama dollars 80 kandi usanga hakubise huzuye. Jyewe mpajya, nahasanze itsinda rya Rock rizakubita iminsi itatu, ariko abantu barenga ibihumbi 40 barazaga umunsi wa mbere, bugacye bakagaruka n’ubundi ugasanga haruzuye kandi abaririmba ari bamwe. Byanyeretse ko umuziki wa hariya bawuteguye igihe kirekire kandi barihangana barawubaka”.

Umuyobozi wa Kinamusic anavuga ko yashimishijwe no kugera muri Amerika agasanga indirimbo “Here to Stay” yakoreye umunyamerika Michael Franti afatanyije n’umugande Navio irakunzwe kuko ngo aba bombi barimo banayiririmba mu bitaramo byazengurukaga imigi imwe n’imwe muri Amerika.

Ishimwe Clement nk’umushoramari, avuga ko yigiye cyane kubyo yabonye mu muziki w’igihugu nka Amerika cyateye imbere, ariko anavuga ko yungutse inshuti z’abashoramari ba muzika ndetse n’abahanzi bari ku rundi rwego.

Smart Awards ni urugero rw’ibihembo bimaze kumenyekana mu Rwanda, bihemba ibyamamare mu gukoresha murandasi, ubu hakaba haranadutse Made in Rwanda Awards igamije guhemba abateza imbere ibikorerwa mu Rwanda.

Mu minsi ishize, abarenga 50 bashyizwe ku rutonde rw’abashobora gutoranywamo abahabwa ibihembo bya Made in Rwanda, barimo abakinnyi ba Filime, abanyarwenya, abaririmbyi, ababyinnyi gakondo, indirimbo, abanyamideri n’abandi batandukanye.

Ku ikubitiro, bamwe batangiye gutangaza ko badashaka kwitabira ibi bihembo barimo Junior Giti usobanura filime, n’umunyarwenya Zaba Missed Call.

Mu kiganiro na Bugingo Bonny uzwi nka Junior Giti usobanura filime, yabwiye Kigali Today ko ababiteguye batagombaga kumushyira ku rutonde batamubwiye kuko ngo gusobanura filime ari umwuga ufite uko ukorwa bitandukanye n’ibyo bakeka.

Yagize ati “Natangaje ku munsi wa mbere ko ntashaka kujyamo baranga bangumisha kuri website yabo, ibyo byonyine bigaragaza ko batari serious.”

Kimwe mu byatumye bamwe batangira kwikura muri ibi bihembo, ni uko ababitsindiye ku nshuro ya mbere harimo abemerewe amafaranga, ariko umwaka ukaba urangiye batarashyikirizwa amafaranga bemerewe yagombaga guherekeza ibi bihembo.

Ubuyobozi bw’ikigo cya Kalisimbi butegura ibihembo bya Made in Rwanda buvuga ko intego ya mbere kuri ibi bihembo atari uguha amafaranga abatsinze ahubwo ngo ni ukubafasha kubaka umwuga wabo no kubamenyekanisha.

Emmanuel Mugisha agira ati “Ikigamijwe ntabwo ari uguha amafaranga abatsinze, ahubwo nka bariya b’abanyamideri baba banafite amahirwe ko nk’umushoramari waza gushaka uwo akoresha ku byapa ahita asanga hari uwatwaye icyo gihembo akaba ari we wahabwa ako kazi.”

Mbere y’uko hatangizwa ibihembo bya Made in Rwanda, Emmanuel Mugisha yari asanzwe ategura ibihembo yise Smart Awards abinyujije mu kigo cya East Africa Youth Development Agency.

Ku ikubitiro muri 2015, hahembwe abanyamakuru mu nzego zitandukanye, bahabwa impapuro z’ishimwe, baza no kwemererwa guhabwa ama Telephone agezweho, ariko zihabwa bacye ugereranije n’abari batsindiye ibi bihembo.

Mugisha agira ati “Ntabwo twatanze ama Telephone ku banyamakuru bose batsinze kuko umuterankunga yahisemo ibyiciro bitewe n’ibyo yifuzaga. Gusa ntabwo byabujije guhesha ishema n’abatarabitsindiye kuko buri munyamakuru yahembwe igikombe anahabwa urupapuro rw’ishimwe.”

Mu mwaka ushize wa 2018, ubwo ibi bihembo byongeraga gutangwa, hari abatsinze bemerewe mudasobwa zigendanwa, abandi bemererwa za Telephone ariko kugeza ubu ntabwo bamwe barabona ibyo batsindiye.

Mugisha ati “Uwari watwemereye kuduha mudasobwa yari Minisiteri y’Ikoranabuhanga, batubwira ko mudasobwa zabonetse hashize amezi igikorwa kirangiye ariko twababwiye ko tuzazibaha mu bihembo bitaha kuko ntabwo wahereza umuntu igihembo umusanze mu rugo iwe.”

Mu kwezi kwa Werurwe 2019, hongeye gutangwa ibihembo bya Salax byari bimaze imyaka itatu bidatangwa.

Queen Cha wo muri The Mane yahembwe mu cyiciro cy’abagore gusa iby’amafaranga bari bemerewe byajemo ibibazo

Ikigo AHUPA cyongeye kubyutsa ibi bihembo cyavugaga ko uzatsindira iki gihembo azahabwa na miliyoni y’amafaranga y’u Rwanda naho uwashyizwe ku rutonde wese agahabwa ibihumbi 100 by’amanyarwanda.

Kuva mu kwezi kwa gatatu ibi bihembo bitanzwe, benshi mu bahanzi batsindiye ibi bihembo bababajwe cyane n’ukuntu ikigo AHUPA cyakomeje kubabeshya ko kizabaha amafaranga, kugeza n’ubu bakaba batarayabona.

Baad Rama uyobora inzu ya The Mane irimo Safi Madiba, Queen cha, Marina na Jay Polly, avuga ko atakinashaka kumva ibya Salax kuko abona harabaye ubwambuzi ku bahanzi batsindiye ibi bihembo.

Yagize ati “Ntunambwire ibya Salax ni ubwambuzi. Batubwiye ko bazaduha miliyoni kugeza n’ubu ntibarayaduha. Noneho numvise ngo bazadukata ibihumbi 300 ngo by’imisoro kandi ibyo ntabyo twumvikanye. Gute se utabyita ubwambuzi?”

Baad Rama avuga ko AHUPA itanishyuye amafaranga Jay Polly yakoreye kuri uwo munsi kuko ari umwe mu bahanzi bari bahawe ikiraka cyo kuririmba muri ibi birori.

Uyu muyobozi wa The Mane avuga ko ibyabaye abifata nk’imikino mu kazi, kuko ngo abona abategura ibi birori basa nk’abashatse gukinira mu ishoramari rya muzika mu Rwanda.

Uyu musaza ufite indirimbo zitarenga ebyiri arakunzwe cyane muri ino minsi

Nsengiyumva ukunzwe nyamara atanafite indirimbo nyinshi, niwe muhanzi wenyine wazengurukanye n’iserukiramuco rya Iwacu Muzika Festival, ndetse ni nawe muhanzi rukumbi mu banyarwanda umaze kwemezwa ko azakorana ku rubyiniro na Diamond Platnumz mu gusoza iri serukiramuco ku itariki ya 17 Kanama 2019.

Uku gukundwa kudasanzwe, niko kwatumye inzu ya The Mane itegura Kigali Summer Festival bihutiye kumwongera ku bahanzi bazasusurutsa iri serukiramuco rizabera Camps Kigali, bakavuga ko badakwiye kwirengagiza umwihariko uyu muhanzi umaze igihe gito yagaragaje mu muziki w’abanyarwanda.

Baadrama yagize ati “Ntabwo twakwirengagiza umwihariko wa Igisupusupu namwe mwarabibonye ko aho yakandagiraga mu ntara ivumbi ryatumukaga, urumva rero ntabwo twakwima abanya Kigali amahirwe yo kureba uriya Musaza”

Uretse Nsengiyumva, Rafiki Coga Style nawe yongewe ku bandi bahanzi ku munota wa nyuma, bikaba nk’umwe mu bahanzi wakoranye akanabana na Baadrama nyiri iyi nzu ya The Mane yateguye iri serukiramuco.

Mu bandi bazitabira iki gitaramo, harimo DJ Princess Flora, umunyarwandakazi umaze kuba ikirangirire mu kuvanga imiziki mu Burayi, ndetse n’abandi bavanga imiziki hano mu Rwanda.

Biteganyijwe ko ku itariki 27 Nyakanga aribwo iri serukiramuco rizaba rihuze abahanzi batandukanye bo mu Rwanda n’umugandekazi Sheebah Karungi bikabera ahabera mu kibuga cya Parikingi cya Camp Kigali.

Amakuru agera kuri Kigali Today aravuga ko Nsengiyumva Emmanuel uzwi nka Emmy agera mu Rwanda kuri uyu wa gatatu ku itariki 24 Nyakanga 2019, akagera ku kibuga cy’indege ahagana saa mbiri z’umugoroba.

Bamwe mu bo mu muryango we bemeje ko Emmy aba aje mu bukwe bw’umuryango, yarangiza agasura umuryango we wasigaye mu Rwanda. Icyakora ngo ashobora no gukora ibitaramo bito bitaratangazwa.

Mu ntangiriro z’umwaka wa 2012, umuhanzi Emmy yashyizwe ku rutonde rw’abahanzi 10 bagombaga kuzenguruka u Rwanda mu irushanwa rya PGGSS ryagombagaga guhera i Rusizi na Nyamagabe rigakorera ku masite 16 atandukanye mu Rwanda.

Emmy yatangiranye n’abandi bahanzi irushanwa, ariko akora ibitaramo bibiri gusa bibanza (Rusizi na Nyamagabe), ntiyongera kugaragara mu irushanwa ahita asimbuzwa Urban Boys itari yatoranyijwe mbere.

Inkuru zatangiye guhwihwiswa ko Emmy atakiri ku butaka bw’u Rwanda, ariko ubwe aza kubyitangariza ko yasanze umuryango we wari warimukiye muri Leta Zunze ubumwe za Amerika.

Emmy yagiye agaragara inshuro zirenze imwe, aho yaje muri Uganda kubonana n’umukobwa w’umunyarwanda byavugwaga ko bakundana, ariko ntabwo yigeze akandagira mu Rwanda, nubwo yabaga ari mu birometero bicye gusa yagumaga gutangaza ko akumbuye igihugu cyamubyaye.

Emmy yigeze kubwira umunyamakuru wa KT Radio ko yifuza kuza yatumiwe mu gitaramo kinini, nk’uko bagenzi be Meddy na The Ben byagenze, ariko ub biravugwa ko agarutse aje kwisurira umuryango we no gutaha ubukwe.

Ntabwo biramenyekana igihe Emmy azamara mu Rwanda, ariko amakuru ava mu muryango we avuga ko atazatinda gusubira muri Amerika.

Ubwo uyu musore yari akimara gufungurwa mu mpera za 2017, byavuzwe mu rukundo rugurumana n’umukobwa witwa Umutoni Aline, wari waramenyekanye kubera kigaragara mu mashusho y’indirimbo zitandukanye.

Urukundo rw’aba bombi bagiye banarwemera mu itangazamakuru, ndetse P Fla yigeze kubwira KT Radio ko ubu urukundo barurimo neza ubwo bari bazanye mu mu kiganiro kandi ngo ntabwo ruzabangamira akazi ko gukorana mu muziki.

Urukundo rwaje gutangira gusharira mu mpera za 2018, ndetse mu ntangiriro za 2019 haza kuvugwa amakuru y’uko Aline yaba ari mu rukundo na Jay Polly wari umaze ibyumweru bicye asohotse muri gereza.

Aline na P Fla barangwaga no kugendana haba mu bitaramo ndetse no mu biganiro mu itangazamakuru, ndetse byavugwaga ko banabanaga mu nzu nk’umugabo n’umugore.

Uretse urukundo, aba bombi banavugaga ko bakorana mu muziki nk’abafatanyabikorwa bagamije inyungu, kuko P Fla yavugaga ko Aline ariwe ushinzwe ibikorwa bye bya muzika, naho Aline akavuga ko yamaze gushinga inzu ya muzika (Label) ibarizwamo ibikorwa byose bya P Fla.

Mu minsi ishize, Aline aherutse kubwira itangazamakuru ko atakiri kumwe na P Fla, agaragaza ko yamubuze burundu, kuburyo byanishe akazi bakoranaga.

Muri iki kiganiro, Aline yanagaragaje ko P Fla yongeye gukoresha ibiyobyabwenge ikaba ari nayo mpamvu ituma ameze nk’uwavangiwe mu mutwe akica akazi.

Mu kiganiro kirekire Kigali Today yagiranye na P Fla, yavuze ko ibyo Aline bahoze bakundana yamuvuzeho byamutunguye agaragaza ko Aline yatanguranwe ajya mu itangazamakuru kubera ubwoba bwo gutinya ibizamuvugwaho nyuma.

Tumubajije niba koko yarabuze nk’uko Aline abivuga, P Fla yagize ati “Namwe murabibona ko mbeshyerwa. Ko mumpamagaye ntimuhise mumbona? Bisaba amasegonda macye yo kumpamagara kuri telephone ngo ube umbonye, kuko phone yange ntijya ivaho, n’iyo mvuye mu rugo ntwara charger. Ntabwo nkiri wa muntu uzimya phone ngo unshake umbure ibyo ni ibya cyera naranabyibagiwe”

Uyu muraperi wasubizaga ameze nk’uwarakaye, yavuze ko Aline yagendaga abeshya mu itangazamakuru ko afite inzu itunganya umuziki, akanavuga ko afasha P Fla mu gutunganya umuziki, ariko ngo byose yarabeshyaga nta na kimwe yamufashaga.

P Fla, avuga ko yahisemo gukorana na Aline kuko yamushakagaho kuzamukoresha mu kwamamaza ibihangano bye nk’umukobwa w’ikimero no kumushakira amasoko, ari nabyo byatumye yemera iby’urukundo.

“Jyewe naramubwiye ngo uri umukowa mwiza, ufite igihagararo, ufite abantu muziranye benshi, aho wajya ukomanga bagukingurira tukabona cash. Nta Studio Aline yagiraga, na Label yavugaga ntayo yari afite, nanakubwira ko ntan’inoti ya 500 Aline yigeze ampa cyangwa atanga ku muziki wange. Niba hari n’ifaranga rimwe yantanzeho azabereke inyemezabwishyu”.

Uyu muraperi yavuze ko yajyaga muri Studio agakora umuziki, yarangiza akamuhamagara ngo aze arebe aho bigereye akavuga ko byose yabikorana Aline atanabizi.

“icyo nakoraga, ni ukumubwira ngo ndi Studio ngwino undebe unamenye uko umuziki ukorwa, ariko ntabwo yabaga azi uko nabonye Studio, ntabwo yabaga azi uko nishyuye studio, ntiyabaga anazi ibyo ndimo”.

P Fla wiyise Capital P The Great, avuga ko kenshi yahamagaraga Aline kugirango amutware mu modoka kuko yari ayifite, cyangwa akamuhamagara kugirango azamuhuze n’abantu bakomeye baziranye bashoboraga kuba bamufasha muby’umuziki.

Mu kiganiro Aline aherutse gutanga ku kinyamakuru Isimbi, yavugaga ko P Fla yasubiye kunywa ibiyobyabwenge bikaba ari nabyo bituma atubaha akazi bakoranaga k’umuziki.

P Fla avuga ko bi byamutangaje cyane kubona Aline ariwe ufata iya mbere akajya mu itangazamakuru kumusebya, ari naho ahera avuga ko batigeze bakundana.

At “Ntakubeshya nta rukundo rwigeze ruhaba buriya byari Photoshop. Ubundi iyo ntaza kumuzana ntabwo abantu bari kumenya kuko nashakaga kumubyaza umusaruro. Byose nabikoze ngo akazi nifuzaga ko ankorera kagende neza ahubwo navuga ko namuhaye Promotion. Ibyo yakoze ni bimwe by’aba Slay queens bashaka kuzamukira ku izina ry’umuntu ariko jyewe nta mutima mubi mufitiye.”

Aline yavugaga ko yasinyishije P Fla amasezerano y’umwaka y’imikoranire, nyamara P Fla avuga ko iyo ayo masezerano aba ahari, Aline yari kuyerekana amazimwe agacika.

P Fla wakundaga kwiyita Imana y’I Rwanda, akomeza gushimangira ko ibyo Aline yakoze abantu bakwiye kubireba mu bundi buryo bw’imyitwarire y’umugore utiyubaha kandi utanubaha umuntu bigeze gukundana.

“Iyo aza kuba yarankunze, ntabwo yari kugaragara mu itangazamakuru amvugaho n’ikintu na akimwe. Iyo ukunda umuntu uramwubaha ukanamenya agaciro k’ibyo mwanyuranyemo, n’iyo mwatandukanye uramwubaha. Ntuzumva avuga ku mugabo babanye kimwe n’uko nange utazumva umugore twabyaranye amvuga kuko azi agaciro ampa”.

Tumubajije kucyo avuga ku kuba umuntu bakundanye basigaye bumvikana mu itangazamakuru baterana amagambo, P Fla yagize ati “Biriya bigambo bya Aline birambabaza cyane mu mutima wange kuko ubundi ibintu nka biriya byakagombye kuguma hagati yange na Aline ntabwo byagombaga kujya hanze. Jyewe narabibonye sinanamwandikira sinanamuhamagara ariko byarambabaje bikomeye”

Ku bijyanye no kunywa inzoga ndetse n’itabi bimaze igihe bigaragara mu mashusho ari kuri Youtube, P Fla yemera ko anyway inzoga zemewe kandi akaba yanasinda, ndetse yemera ko anywa n’itabi ricururizwa mu Rwanda ritari ibiyobyabwenge.

Avuga ko abamubonye agaragara nk’uwasinze bitavuze ko yasubiye mu biyobyabwenge, ahubwo ngo abamubazaga bamusanze mu rugo iwe arimo yinywera inzoga kandi ngo nta tegeko rihana umuntu unywera inzoga mu rugo rwe.

Mu bijyanye n’imibereho, uyu muhanzi avuga ko mu mwaka urenga avuye muri Gereza, ngo ntabwo wakumva ngo P Fla yarwanye, yafunzwe, cyangwa yakoze ikindi kibi kandi ibi ngo nibyo byajyaga bimuranga mbere y’uko afungirwa Mageragere.

Avuga ko na nyiri inzu abamo kimwe n’abaturanyi ari abatangabuhamya basobanura ko asigaye ari ku murongo mwiza.

Ngo ubuzima bwe ubu buri ku murongo, akanemeza ko nta kibazo afite kijyanye n’imibereho kuko ajya anabona amafaranga arinaniye agafasha abantu mu gihe ibikorwa bya muzika byagenze neza.

P Fla yatubwiye ko ahugijwe no gutunganya Album ye izaba iriho indirimbo zirenga 13, ndetse ngo ari gushaka ubushobozi ngo ashinge inzu ya muzika ye bwite izaba yitwa Quite Money. Imwe mu mpamvu zo gushing iyi nzu, ngo ni ukugirango izanafashe mushiki we wiga ibya Muzika mu ishuri ryo ku Nyundo.

Izina ry’umugandekazi Sheebah Karungi, niryo ryari rimaze igihe ryamamazwa ku mbuga nkoranyambaga nk’umuhanzi w’umunyamahanga uzitabira iserukiramuco ryiswe Kigali Summer Festival, ariko ubu yamaze kongerwaho abahanzi 14 b’abanyarwanda bazataramana nawe, ndetse hiyongeraho n’aba DJs bazavanga umuziki.

Bamwe mu bashyizwe ku rutonde rw’abazitabira iri serukiramuco ni Bruce Melodie, Uncle Austin, Riderman, Social Mulah, Active, Amalon n’abahanzi bahuriye mu nzu ya The Mane aribo Safi Madiba, Marina, Queen cha na Jay Polly n’abandi bahanzi b’abanyarwanda.

Ni igitaramo kizaba kirimo abavanga imiziki bazwi hano mu Rwanda ndetse na DJ Princess Flor umukobwa umaze kwandika izina mu kuvanga imiziki mu Bubirigi.

Mu gihe kingana n’amezi ane hategurwa iri serukiramuco, ubuyobozi bwa The Mane bwemeza ko aho iminsi igeze iby’ingenzi ngo igitaramo kibe byamaze gushyirwa ku murongo, ndetse ngo mu minsi 3 ibanziriza iserukiramuco abahanzi n’aba DJ baturuka hanze bazaba bageze mu Rwanda kugirango bitegure neza.

Baadrama agira ati “Twamaze gutunganya ibyo dusabwa kugirango iserukiramuco rugende neza, ndetse mu minsi nk’itatu ibanziriza iserukiramuco abazava hanze bazaba bageze I Kigali kugirango batigurane n’abandi”.

Nubwo abahanzi 15 aribo bari ku rupapuro rwamamaza, bivugwa ko hari abandi bahanzi 10 b’abanyarwanda bazaririmba muri iki gitaramo, kimwe n’abanyarwenya bashobora gutungurana muri iki gitaramo bakigizwe ibanga.

Biteganyijwe ko iki gitaramo kizaba kuya 27 Nyakanga 2019 muri parikingi ya Camp Kigali ahabereye igitaramo cya Don Moen, hakazaba hari uburyo butandukanye bwo kwidagadura buhuye n’ibihe by’impeshyi.

Nina wambaye amaherena na Charly bamaze imyaka 8 bakorana ibikorwa bya muzika

Nina utagaragaza imyaka yujuje kuri uyu munsi, yatuganirije ku bunararibonye bw’ubuzima bwe mu gihe amaze ku isi, ndetse n’igihe amaze ari icyamamare mu muziki wo mu Rwanda. Avuga ko kimwe mubyo ashimira Imana ari ukuba ariho kandi ari muzima, akavuga ko mu buzima umuntu agenda ahura na byinshi bibi ariko bikamusiga amahoro.

Akurikije igihe amaze kuri iyi si, ngo ubunararibonye bwo kugera ku ntsinzi, bibanzirizwa no gukora cyane, kudacika intege no gusenga cyane.

“Buriya abantu ntabwo babizi, ariko ndi umuntu usenga cyane, kandi ibintu byose mbiragiza Imana. Gutsinda cyangwa kugera ku bintu byiza, bisaba gukora cyane, gusenga kudacika intege no kwihangana, kuko nta yindi nzira yoroshye ihari”.

Ku myaka ye, yatubwiye ko atarabona icyerekezo cy’urugo cyangwa uwo bazashakana, kuko ibi bigenwa n’Imana.

Nubwo mu kiganiro wumva afite amarangamutima yo gushaka umugabo cyangwa kugira urugo, Nina yagize ati “Umugabo ntabwo ari ikintu wagenda ngo ukigure ku isoko, cyangwa ngo ushyiremo imbaraga zawe bwite ngo umubone. Ntegereje ubushake bw’Imana kuko niyo itanga urugo rwiza”.

Kuri we, ngo gushaka umugabo si ibintu byo guhubukirwa kuko ajya abona ingero nyinshi z’ingo zisenyuka bitewe n’uko umuntu umwe cyangwa bombi bashyizemo imbaraga, ariko ngo asanga bitaramba cyane.

Ku myaka amaze ku isi, ngo yamaze gusobanukirwa ko gukora umuziki ari imwe mu mpamvu zikomeye zatumye Imana imushyira ku isi.

“Mubyo maze kumenya ko Imana yashyiriye ku isi ni Umuziki, ariko wenda wasanga hari n’ibindi. Ubwo niba Bihari nabyo nzabimenya ariko mbona ndi ku isi kubera Impamvu z’Imana”.

NINA wizihiza isabukuru ye kuri uyu munsi, agiye kumara imyaka irenga 19 mu muziki, kuko yigeze kubwira Radio Rwanda ko mu myaka y’2000 yari umuririmbyi muri Hotel zikomeye muri Kigali kandi iki gihe ngo yari afite Imyaka 20.

Ijwi rye n’irya mugenzi we Charly, ni amajwi ahogoza benshi, ariko yatangiye kwihuza muri 2011 mu irushanwa rya Guma Guma, ubwo bakoraga nka bamwe mu baririmbyi bafashaga abahanzi kuririmba, nyuma baza kuva muri iri rushanwa bakora itsinda ryabo bombi, ubu rimaze gukomera hano mu Rwanda.

Kuwa 3 Nyakanga, Bonhomme yawugize ngarukamwaka wo gukoreraho igitaramo mu Rwanda, ariko uyu mwaka yongeyeho igitaramo cya kabiri azakorera mu gihugu cy’Ububiligi agamije gutaramana n’Abanyarwanda baba mu mahanga ngo asobanure akazi gakomeye kakozwe n’inkotanyi ubwo zarokoraga abatutsi bicwaga.

Inyito ‘Inkotanyi ni Ubuzima’, Bonhome yayikomoye mu buhamya bwinshi yajyaga atega amatwi ubwo yabaga yitabiriye ibiganiro byo kwibuka hirya no hino mu Rwanda.

Ati “Ndi umuntu ukunda gutega amatwi cyane ubuhamya bw’abarokotse. Akenshi umuntu yatangaga ubuhamya akavuga uko yihishe mu rufunzo, uko yari abunze mu masaka, ukuntu yabaga mu gisenge cy’inzu, akavuga urwo rugendo rwose, ariko yagera inyuma ukumva aravuze ngo [Ngiye kubona mbona Inkotanyi ziraje]. Icyo gihe mpita numva ko ubuhamya bugiye kurangira kuko ahita avuga ukuntu amaze kubonana n’Inkotanyi zahise zimutabara”.

Bonhomme avuga ko abantu babaga bihishe bakumva Inkotanyi, ngo bumvaga ijwi rivuga riti “Muhumure, abakiriho ntabwo mugipfuye”.

Iri jambo kuri Bonhomme arifata nk’iryatanze ubuzima ku Batutsi bari bataricwa, ariko akanongeraho ko n’ababaga bakomeretse Inkotanyi zabavuzaga cyangwa abashonje zikabashakira icyo kurya.

Iyi niyo mpamvu yahise ahimba indirimbo yitwa Inkotanyi ni Ubuzima, anategura ibitaramo ngarukamwaka mu ijoro ryo kwibohora, agamije kugaragaza ko Inkotanyi zatanze ubuzima.

Ikindi gituma ategura ibi bitaramo, ngo mu gihe cy’iminsi 100 yo kwibuka, abarokotse benshi baba bafite agahinda mu minsi yo kwibuka, agahitamo kubasusurutsa ngo binjire mu munsi wo kwibohora babohotse mu mitima.

Uretse igitaramo cyo mu ijoro ryo kuwa 3 Nyakanga amaze gukora inshuro 2, ubu Bonhomme yahisemo kwagura amarembo, kuko ku itariki 20 azataramira mu Bubiligi mu gitaramo nk’icyo akorera mu Rwanda, agamije gutaramana n’Abanyarwanda baba i Burayi.

Ati “Ndashaka gusangira n’Abanyarwanda baba i Burayi ibyishimo by’ubuzima twahawe n’Inkotanyi ubwo zarokoraga Abatutsi bicwaga muri Jenocide”.

Bonhomme amaze kubaka izina mu ndirimbo zo kwibuka ndetse n’izivuga ubutwari bw’Inkotanyi, akaba n’umwe mu Banyarwanda bamaze gukorera ibitaramo byinshi i Burayi muri gahunda yo kwibuka.

Alyn Sano na Yvan Buravan bateye utwatsi iby’urukundu ruvugwa hagati yabo

Yvan Buravan na Alyn Sano bombi bemeza ko badafite abakunzi, bamaze iminsi bagaragara mu mafoto bari kumwe bagaragara nk’abari mu bihe byiza.

Imbuga nkoranyambaga nizo zabanje gukwirakwiza amafoto ya bombi, zerekana ko bari mu rukundo ndetse bakongeraho ko bamaranye iminsi mu buryo bw’ibanga.

Alyn Sano yahakanye uru rukundo, ndetse na Yvan Buravan avuga ko Sano ari inshuti ye isanzwe ariko nta mubano wihariye bafitanye.

Ubwo bashyiraga hanze indirimbo bakoranye yitwa “WE THE BEST” byabaye nk’ibitungura bamwe, kuko indirimbo bari barayigize ibanga mu gihe kirenga ukwezi bayitegura.

Twongeye kubaza Sano niba ari mu rukundo na Buravan, avuga ko batigeze bajya mu rukundo n’umunsi umwe, ahubwo ngo hari abaguye ku mafoto bifotozanyije barimo batunganya amashusho y’indirimbo bayuririraho bahwihwisa urukundo rudahari.

Yagize ati “Nta rukundo hagati yanjye na Yvan, ahubwo mu gihe cy’ukwezi gushize twateguraga indirimbo bucece. Rero hari abantu baguye ku mafoto yacu dutegura amashusho, bayashyira hanze. Abo bayashyize hanze nibo bahimbye iby’urukundo ariko muby’ukuri twari mu kazi”.

Yaba Alyn Sano cyangwa Yvan Buravan, nta n’umwe wemera iby’uru rukundo, ariko nta n’uwemera ko yaba afite umukunzi, kuko bose bavuga ko bitari mu by’ibanze bagomba gukora.

Reba munsi indirimbo "We the best" ya Alyn Sano na Yvan Buravan

Nizeyimana Didier wiyise Mucoma kubera ko yigeze gukora akazi ko kotsa inyama mu tubari two muri Kenya, avuga ko yamaze igihe kinini adafite icyizere cyo kubaho, kubera ubuzima bushaririye yagiriye mu muhanda.

Urugendo rwe rwo gusatira ubuzima ni rurerure, ariko byose byatangiye ubwo yavaga iwabo muri Rubavu n’amaguru ahunga ubukene, akaza gushaka ubuzima i Kigali aho atari azi umuntu n’umwe.

Byatumye atangira ubuzima bwo kurara mu muhanda no ku mbaraza z’amazu nk’umwana w’umuhanda, ubunyoni bwavuga akabyuka akajya gushaka icyo asamura.

Ubuzima bwa Kigali bwaranze ahitamo kujya muri Kenya nabwo anyuze mu nzira igoye, kuko yagendaga adafite icyangombwa na kimwe atanafite ifaranga ryamugoboka mu nzira kandi agenda n’amaguru.

Ageze muri Kenya, ubuzima bw’umuhanda bwarakomeje, icyakora aza kubona ikigo gicumbikira abana badafite aho kuba, ariko akajya anashaka aho akura udufaranga two gukora umuziki kuko yari yaranditse impapuro nyinshi ziriho imirongo ya Hip Hop.

Mu buryo bw’amahirwe mu kigo yabagamo, abazungu b’abanyamerika baje gushaka abana bashobora gutwara, bageze kuri Mucoma baramuganiriza ariko ahita anabahishurira ko ari umuhanzi anabaririmbira zimwe mu ndirimbo yari yaranditse. Byatumye amahirwe yo kumutwara azamuka cyane kuko impano yari indi mpamvu ikomeye yatumaga umwana yemerwa.

Mu kiganiro yagiranye na Kigali Today, yagize ati “Hari ikintu ntari nigeze mvuga mu rugendo rw’ubuzima bwanjye. Kuririmba burya ni byo byatumye mbona visa yo kujya muri Amerika, kuko jyewe nagaragarije impano abazungu baremera, amahirwe yanjye yo kujya muri Amerika arazamuka.”

Kugeza ubu n’ubwo atarabona amafaranga menshi yo mu muziki, ngo uko abayeho uyu munsi umuziki wabigizemo uruhare cyane kuko iyo atajya muri Amerika ataba yarageze ku byo amaze kugeraho byose.
Mucoma kandi ngo yibuka ko ubwo yari muri icyo kigo cy’abana muri Kenya, indirimbo ye yigeze kujyanwa kugurishwa mu Butaliyani, abona bamuzaniye amadolari magana atanu bamubwira ko hari abazungu baguze iyo ndirimbo.

Agira ati “Ayo madolari navuga ko ari na yo menshi nakoreye mu muziki, ariko yanteye imbaraga nyinshi kuko najyaga nanakeka ko umunsi umwe abakunze iyo ndirimbo bazampamagara nkajya mu butaliyani kuririmba, ariko ntabwo bampamagaye.”

Avuga ko iyo aba akora umuziki wo kwishimisha yari kuba yarawuretse kera kuko yajyaga yemera inzara ikamwica, ariko akabika udufaranga duke tuzatuma ajya muri Studio, akagenda ibilometero byinshi n’amaguru ajya gushaka aho yakorera indirimbo.

Mu gukomeza umuziki, Mucoma amaze igihe gito akoze indirimbo yitwa “Ni guco mbaga” yakoze mu rurimi shami rw’Ikigoyi, ruvugwa n’abatuye mu Burengerazuba bw’igihugu aho avuka. Ibi ngo yabikoze agamije guteza imbere ururimi gakondo rw’agace akomokamo.

Senderi na Tuyisenge basubiyemo indirimbo nk’uko babisabwe na Perezida Kagame

“Indirimbo Ibidakwiriye Nzabivuga” ni indirimbo yamenyekanye mu bikorwa bihuza abaturage cyangwa mu ngendo Umukuru w’Igihugu agirira mu bice bitandukanye.

Iyi ndirimbo yumvikanaga nk’iyamamaza ibikorwa abanyarwanda bagejejweho na Perezida Kagame, yarimo amagambo agira ati “Ibidakwiriye nimbibona nzabivuga, kuko ibyo Kagame yatugejejeho ntawabisenya ndeba, oya kirazira”.

Ubwo Perezida Kagame yasuraga abaturage b’akarere ka Burera mu kwezi kwa Gicurasi uyu mwaka wa 2019, yashimye iyi ndirimbo, ariko asaba ko agace kumvikanamo amazina ye kavugururwa kakaririmbwa mu bundi buryo.

Mbere y’uko ageza ku baturage ijambo ry’uwo munsi, Perezida Kagame yabanje gushimira abahanzi Senderi na Tuyisenge ku ndirimbo nziza bakoze, gusa yongeraho ko hari akantu gakwiye gukosorwa.

Yagize ati “Ndashimira n’uwo muririmbyi, muzahindure akantu gato gusa, muzashyiremo ko ibyo twigejejeho, ntawabisenya tureba. Cyangwa ibyo Leta, cyangwa FPR yatugejejeho nta wabisenya tureba. Sibyo! Naho ubundi ni indirimbo nziza cyane”.

Icyo gihe Senderi yavuganye na Kigali Today atangaza ko yashimishijwe n’icyo umukuru w’igihugu yavuze ku ndirimbo kandi avuga ko bidatinze bazahita bahindura iyi ndirimbo.

Mu gihe kingana n’ukwezi n’iminsi 13, Senderi yashyize hanze indirimbo ivuguruye, irimo amagambo mashya agira ati “Ibidakwiriye nimbibona nzabivuga, kuko ibyo u Rwanda rwagezeho ntawabisenya ndeba, oya kirazira….. Ibidakwiriye nimbibona nzabivuga, kuko ibyo abaturage twagezeho ntawabisenya ndeba, oya kirazira…”

Mu kiganiro na Senderi iyi ndirimbo imaze gusohoka, yagize ati “Twahoraga tubazwa n’abaturage ndetse na bamwe mu bayobozi impamvu tutarabaha indirimbo ivuguruye tukabura icyo tubabwira kubera ubushobozi bwacu bwari butaraboneka.”

Senderi avuga ko we byamusabye kugurisha inyana yari atunze, ndetse na Tuyisenge agwatiriza ikibanza cye, kugira ngo babone amafaranga yo kwishyura uwabafashije gusubiramo iyi ndirimbo, gusa akavuga ko ubushobozi butatumye indirimbo isohoka ifite amashusho nk’uko babyifuzaga.

Abajijwe impamvu indirimbo itumvikanamo ijambo Umuryango wa RPF Inkotanyi, yadusubije ko iri jambo ryumvikana mu ndirimbo mu bundi buryo.

Ati “Indirimbo twashyizemo ibikorwa byose by’Umuryango, nk’aho tuvuga ibyo gusangira ubutegetsi, kwihesha agaciro, kubohora u Rwanda, n’ibindi byumvikana ko ari Umuryango wa RPF Inkotanyi wabikoze.”

Senderi na Tuyisenge bavuga ko bishimiye kuba bamaze gukosora iyi ndirimbo, gusa ngo barifuza ko umunsi umwe Umukuru w’Igihugu amakuru yazamugeraho ko bashyize mu bikorwa bwangu icyifuzo cye.

Aba bahanzi kandi bavuze ko barimo gutegura uko bombi bazasaba uburengenzira bwo kujyana iyi ndirimbo mu biro by’Umukuru w’Igihugu.

Kanda munsi wumve indirimbo ivuguruye

Umva noneho indirimbo ya mbere uko yari imeze

Aba basore bavuga ko uyu mushinga ari igerageza bakoze bashaka kureba ko hari igihe kizagera bakajya bakorera ibitaramo mu tubari cyangwa ahandi mu nyubako zikorerwamo ubucuruzi.

Ubusanzwe, ibitaramo byo gusetsa byajyaga bibera mu nyubako nini ziteguwe neza, ndetse ababyitabiriye bakishyura atari make, ariko ubu bizaba ari ubuntu.
Igitaramo cya mbere gifatwa nk’igerageza ry’umushinga, kiraba kuri uyu wa Gatanu tariki 21 Kamena 2019, kikazahuza Michael Sengazi usanzwe witabira ikiganiro cya televiziyo cyo gusetsa gica kuri Canal+ Afrique cyitwa ‘Parlement du Rire’.

Icyo gitaramo kandi kiritabirwa na Babu umwe mu bashinze Comedy Knights. Mu bandi banyarwenya bacyitabira harimo Joshua na George n’abasore bo muri Daymakers barangajwe imbere na Clapton Kibonke.

Michael Sengazi yabwiye Kigali Today ko bagiye gukora umwitozo udasanzwe mu rwego rwo gukundisha abantu ibitaramo bya Comedy no kwamamaza uburyo bushya bwo gusetsa.

Yagize ati “Ni uburyo bushya twahisemo bwo gukora ibitaramo kugira ngo abantu barusheho kubikunda, wenda nitubona babikunze tuzakomeza”

Comedy Knights na Daymakers, ni amatsinda abiri akomeye hano mu Rwanda ahitamo gukorana mu bitaramo byinshi mu rwego rwo guhuza imbaraga.

Candymoon avuga ko umuntu wese abwiye ko akora Hip-Hop ahita amufata nk’umukobwa w’ikirara kandi unywa ibiyobyabwenge.

Cyakora yemera ko amateka y’injyana ya Hip-Hop mu Rwanda atari meza ku buryo bituma abantu bayishisha.

Agira ati “Nkeka ko nka 90% by’abakora iyi njyana banywa n’ibiyobyabwenge bigatuma nanjye ari yo sura bambonamo.”

Tumubajije niba we atarigeze akoresha ibiyobyabwenge nk’umuntu wagendanaga cyane na P Fla, yemeje ko atigeze akoresha ibiyobyabwenge.

Ati “Ntabwo nigeze nkoresha ibiyobyabwenge, kuko nari mfite uko nitwaraga bitandukanye n’abo twagendanaga”

Amateka ya Candymoon si mashya kuko yinjiye mu muziki muri 2008, mu gihe mu Rwanda hari abakobwa bake bakora umuziki wo mu bwoko bwa Hip - Hop.

Muri 2010, Candymoon yifatanyije na P Fla wari umaze gutandukana na Tuff Gang, bashinga itsinda rishya ryitwaga Empire Mafia Land ryarimo na El Poeta wari umukunzi wa P Fla.

Iyi nyabutatu yabarizwagamo Candymoon, yahanganye n’abari basigaye muri Tuff Gang, baterana amagambo mu mirongo y’indirimbo biratinda.

Uku guterana amagambo, Candymoon avuga ko ari ibintu yakundaga cyane mu muziki, kuko ngo asanzwe akunda indirimbo zumvikana nko kwenderezanya.

Ati “Jyewe n’ubusanzwe ninjiye muri Hip Hop nikundira indirimbo zimeze nko kwenderezanya kuko nabonaga biteza imbere iyi njyana, ariko urebe kuri ubu aho kwenderezanya byahagarariye bagatangira kuririmba urukundo, ubona ko Hip Hop yasubiye inyuma.

Candymoon avuga ko yishimira uburyo P Fla aririmba n’uburyo akurikiranya amagambo ndetse ngo ni we areberaho mu muziki.

Uyu mwali yanatangaje ko yagiye acika intege kubera ubushobozi bw’amafaranga atabonaga ngo atunganye umuziki, ariko ubu ngo asigaye afite ubushobozi nibura bwatuma atunganya indirimbo yifuza.

Sunny aracyatsimbaraye ku bucuruzi bw’amavuta atukuza uruhu

Mu Ugushyingo kwa 2018, Perezida wa Repubulika y’u Rwanda Paul Kagame, yanditse kuri Twitter asaba ko hafatwa ingamba ku mavuta atukuza uruhu.

Nyuma gato, inzego zitandukanye zirimo na Ministeri y’ubuzima zatanze amabwiriza ko aya mavuta arimo ikinyabutabire cya ‘hydroquinon’ yahagarikwa ku gucururizwa mu Rwanda.

Muri 2018, Sunny wari umaze imyaka irenga 2 acuruza aya mavuta hirya no hino ku isi, yaje mu Rwanda ntiyahisha ko yitukuje ndetse ko yifuzaga gukora ubucuruzi bw’amavuta atukuza, n’ubwo yahise agongana n’ibwiriza riyahagarika.

Uyu muhanzikazi utajya ahisha ko yitukuza akoresheje amavuta, yavugiye mu kiganiro Boda to Boda cya KT Radio ko afite gahunda yo kwegera Minisiteri y’Ubuzima akayibaza ubwoko bw’amavuta atemewe n’ayemewe kugira ngo abone uko atangiza ubucuruzi bw’aya mavuta.

Muri iki kiganiro yanamurikiyemo indirimbo ye nshya ‘Proparty’, Sunny ukunze kuba muri Thailand, yavuze ko hari ubundi bwoko bw’amavuta atarimo hydroquinone yifuza gucuruza.

Abajijwe niba aya mavuta yo adatukuza, yatubwiye ko ashobora gutukuza kuko nawe ariyo asigaye akoresha, ariko avuga ko azashirika ubwoba akegera Minisiteri y’Ubuzima, akayibaza niba hari amwe mu mavuta ashobora gukomorerwa ku isoko ry’u Rwanda kugirango yagure ubucuruzi bwe.

Yagize ati “Ndashaka kuzajya kuri Minisiteri ibishinzwe nkabaza niba amavuta yose atukuza barayahagaritse, kuko hari andi mavuta akesha uruhu atarimo hydroquinone. Sindacika intege, nzabaza numve ninsanga babyemera mpite nyacuruza hano mu Rwanda.”

Abajijwe niba ubucuruzi bwe butazagongana n’amabwiriza yatanzwe n’inzego z’ubuyobozi mu Rwanda, Sunny yagize ati “Ubwo nyine nibambuza nzihangana nkomeze gucururiza muri Kenya kuko ho mpafite amaduka abiri”.

Sunny wumvikana nk’uwirekura cyane mu kiganiro, yavuze ko aya mavuta atukuza amaze kumwinjiriza amafaranga atari macye, ndetse akenshi yumvikana avuga ko uruhu rwe rwahindutse cyane bitewe n’aya mavuta akoresha yisiga.

Kate Bashabe wabaye miss MTN MU 2010

Nubwo umuziki atari umwuga we, Kate Bashabe yahisemo kuwifashisha atanga ubutumwa bw’icyizere ku Banyarwanda batifashe neza mu mikoro, n’abarwayi badafite ubufasha.

Mu mpera z’ukwezi kwa Gicurasi 2019, nibwo Bashabe yamuritse indirimbo yise “You & I”, igaragaramo abahanzi batanu avuga ko ari inshuti ze barimo The Ben, Christopher, Yvan Buravan, Man Martin na Andy Bumuntu.

Iyi ndirimbo ayimurika, yavuze ko nta yindi ndonke ategerejemo uretse gukangurira abatuye isi kugira umutima utabara. Avuga ko uko yagendaga azenguruka ibice by’icyaro, yahuraga n’abadashoboye bakamubwira ko bumva nta cyizere cy’ubuzima bafite.

“Murabizi ko nsanzwe nkora ibikorwa by’ubufasha mu giturage, ariko amagambo nganira n’abo duhura yatumye numva nkwiye kubaremera icyizere kuko ubuzima buzagenda neza. Gusa muri iyi ndirimbo harimo no gukangurira abatuye isi kugira umutima wo gufasha”.

Muri uku kwezi kwa Kamera, Kate Bashabe afatanyije n’abahanzi bakoranye muri iyi ndirimbo, bazagenera ubufasha abarwayi batishoboye barwariye mu Bitaro Bikuru bya Kaminuza bya Kigali (CHUK) ariko ngo ubu bufasha buzakomereza mu bindi bice by’igihugu.

Mu ndirimbo, Kate Bashabe yigaragaje nk’umuririmbyikazi uzi gutera inyikirizo, ibintu byatunguye benshi bari bazi ko adashobora kuririmba kuri urwo rwego. Kuri iyi nshuto, Bashabe yasobanuye ko asanzwe aririmba nk’utarabigize umwuga, ndetse ngo mu mashuri yisumbuye yabaga mu mitwe y’abaririmbyi itandukanye.