Ibi Amb. Olivier Nduhungirehe yabitangaje ubwo yafunguraga ku mugaragaro Inama ihuza aba Minisitiri b’Ingabo n’umutekano mu Karere ka Afurika y’Iburasirazuba yateraniye I Kigali muri Kigali Convention Centre.

Ba Minisitiri b’Ingabo n’umutekano mu Karere ka Afurika y’Iburasirazuba bateranye mu rwego rw’inama ngarukamwaka y’umutwe w’Ingabo zihora ziteguye gutabara aho rukomeye mu Karere ka Afurika y’Iburasirazuba (Eastern Africa Standby Force).

“Aka kanama gakwiye kwibanda cyane mu gushakira umuti ibibazo bitera amakimbirane n’umutekano mucye mu Karere ka Afurika y’Iburasirazuba. Mfite icyizere ko binyuze mu bufatanye no guhuriza hamwe, dushobora kugira intambwe dutera mu gukumira, guhangana no gukemura amakimbirane habe muri Afurika y’Iburasirazuba no muri Afurika muri rusange,”.

Inama ya 33 y’umutwe wa EASF yari ifite insanganyamatsiko igira iti: “Imyaka 20 ishize y’ubushake mu guteza imbere amahoro n’umutekano mu Karere.

Inama y’umutwe w’Ingabo zihora ziteguye gutabara aho rukomeye mu Karere ka Afurika y’Iburasirazuba igizwe n’ibice bitatu; Inama y’impuguke, iy’abagaba bakuru b’Ingabo ndetse n’Inama ya ba Minisitiri b’Ingabo.

U Rwanda rusoje manda y’umwaka umwe ruyoboye umutwe wa EASF. Ku munsi wa nyuma w’iyi nama, habayeho guhererekanye ubuyobozi ku rwego rwa ba Minisitiri b’Ingabo n’abagaba bakuru b’Ingabo, hagati y’u Rwanda na Somalia. Minisitiri w’Ingabo wa Somalia Abdulkadir Mohamed Nur, ni we ugiye kuyobora umutwe wa EASF mu gihe cy’umwaka.

Umugaba mukuru w’ingabo z’u Rwanda Gen. Mubarakh Muganga

Minisitiri w’Ingabo w’u Rwanda Juvenal Marizamunda avuga ko hashyizwe imbaraga nyinshi mu guhugura abasirikare, abapolisi n’abasivile bose bagize uyu mutwe w’Ingabo.

“Hari ibikorwa dukora bigamije gukumira amakimbirane, kuko n’ubwo wagira ubushobozi bwo gutabara, byaba byiza ugize n’ubushobozi bwo gukumira mbere y’uko amakimbirane aba. Ibindi bikorwa dukora, harimo gukurikirana amatora mu bihugu byo muri aka Karere,”.

Umuyobozi mushya w’umutwe w’Ingabo wa EASF akaba na Minisitiri w’Ingabo wa Somalia Abdulkadir Mohamed Nur avuga ko hakenewe ibitekerezo bishya mu rwego rwo guhangana n’ikibazo cy’amakimbirane mu Karere ka Afurika y’Iburasirazuba.

Yagize ati“Somalia ni igihugu cyahuye n’ibibazo by’intambara n’amakimbirane mu myaka 30 ishize, ndetse n’ubu turacyahanganye n’imitwe y’iterabwoba mu gihugu cyacu. Nta muntu uturusha kumenya akamaro ko kugira amahoro n’umutekano."

Umutwe w’Ingabo wa EASF ugizwe n’ibihugu icumi birimo u Burundi, Comoros, Djibouti, Ethiopia, Kenya, Seychelles, Somalia, Soudan, Uganda n’u Rwanda.

Reba ibindi muri iyi Video:

Rwanda Day igiye kuba ku nshuro ya 11 iteganyijwe ku itariki ya 2 n’iya 3 Gashyantare 2024, ikazabera mu nyubako ya Gaylord National Resort & Convention Centre.

Rwanda Day igiye kubera i Washington DC itegerejwe n’abantu benshi by’umwihariko Abanyarwanda baba mu mahanga n’inshuti z’u Rwanda kuko hari hashize imyaka ine itaba kubera impamvu zitandukanye zirimo n’icyorezo cya COVID-19.

Muri Rwanda Day zatambutse, abantu benshi bagiye bagaragaza icyifuzo cy’uko iri huriro ry’Abanyarwanda batuye mu mahanga ryajya rimara iminsi ibiri. Icyifuzo cyabo cyahawe agaciro, ku buryo Rwanda Day Washington izamara iminsi ibiri.

Ku wa Gatandatu tariki 3 Gashyantare 2024, ni wo munsi nyamukuru kuko ari bwo Perezida wa Repubulika Paul Kagame azaganira n’abasaga ibihumbi bitanu bazaba bitabiriye iki gikorwa.

Rwanda Day yaherukaga kubera i Bonn mu Budage mu mpera za Kanama 2019

Mbere y’uko umukuru w’Igihugu aganiriza abitabiriye Rwanda Day, hazaba ibiganiro bitandukanye kimwe no ku munsi wa mbere, bigaruka ku nsanganyamatsiko zinyuranye.

Kimwe muri ibyo biganiro ni ikizagaruka ku “Iterambere ry’Ubukungu binyuze mu mikino n’imyidagaduro” - Economic Development through Sports and Entertainment. Ni ikiganiro kizagaragaramo umuhanzi Bruce Melodie, umaze gutera imbere muri muzika, haba mu Rwanda no hanze yarwo.

Biteganyijwe ko Bruce Melodie azaganiriza abazaba bitabiriye Rwanda Day ibijyanye n’urugendo rwe muri muzika, iterambere amaze kugeraho abikesha umuziki, n’uburyo imyidagaduro ikomeje kubyazwa umusaruro binyuze muri business kuruta uko yaba iyo gushimisha abantu gusa.

Bruce Melodie

Mu bandi bazatanga ikiganiro kuri iyi nsanganyamatsiko, harimo Clare Akamanzi, Umuyobozi Mukuru wa NBA Africa, Masai Ujiri washinze umuryango wa Giants of Africa ndetse n’umushoramari Eugene Ubalijoro, akaba ari Visi Perezida w’ikigo cya Molson Coors, cyenga ibinyobwa.

Hari n’ibindi biganiro bizaba birimo nk’ikizagaruka ku bucuruzi hagati y’Abanyarwanda babarizwa mu mahanga n’imbere mu Gihugu (Business and Careers, between Diaspora and Home).

Hari n’ikindi kizibanda ku rugendo rw’imyaka 30 ishize u Rwanda rwibohoye; n’isura y’u Rwanda mu ruhando mpuzamahanga.

Ibi biganiro kimwe n’ibindi byose biteganyijwe ndetse n’Ijambo rya Perezida wa Repubulika muzabikurikira ku bitangazamakuru n’imbuga nkoranyambaga bya Kigali Today, kuko ihababereye.

Rwanda Day Washington ifite insanganyamatsiko igira iti “U Rwanda: Umurage wacu twese aho turi hose”.

Abahawe imyitozo na RDF bari mu myiyereko

Ibi Perezida Faustin-Archange Touadéra yabitangarije I Bangui tariki 24 Ugushyingo 2023 nyuma yo kuyobora umuhango wo gusoza amasomo ya Gisirikare yahawe abasore n’inkumi bagera kuri 512 binjiye mu ngabo z’igihugu za Santarafurika (FACA).

Perezida Touadéra yagize ati; “Murabizi ko twahuye n’ibizazane byinshi. Kugira ngo tuve muri ibi bibazo by’umutekano mucye, twagiranye amasezerano hagati yacu n’u Rwanda kugira ngo batange amahugurwa ku ngabo zacu.”

Perezida wa Santarafurika arihera ijisho imyitozo yahawe abasirikare bashya

Aba basirikare bashya binjiye mu ngabo z’igihugu batojwe n’Ingabo z’u Rwanda binyuze mu masezerano ibihugu byombi byagiranye, hari muri 2019.

Perezida wa Santarafurika avuga ko amahugurwa nk’aya ya Gisirikare ari ikimenyetso kigaragaza umusaruro utangiye kuva mu masezerano y’ubufatanye buri hagati y’ibihugu byombi mu bya Gisirkare.

“Nifuje gushimira Perezida Paul Kagame n’Ingabo z’u Rwanda baje hano kudufasha kuva muri ibi bizazane. Mboneyeho kandi gushimira Ingabo za Santarafurika zatangiye kuzamura urwego. Icyo nababwira ni uko nezerewe kuko nabonye ko batojwe neza. Nizeye ko amahugurwa nk’aya azahabwa n’urundi rubyiruko mu rwego rwo kuzamura urwego rw’abasirikare bacu.”

Mu muhango wo gusoza aya masomo, abasore n’inkumi binjiye muri FACA, berekanye ubumenyi bungutse mu bijyanye n’umwuga wa Gisirakare. Babanje kwiyereka mu karasisi kashimishije abaturage benshi bari bitabiriye uyu muhango kuri Stade ya Camp Kassai.

Nyuma habayeho imyiyereko mu bijyanye no guhangana n’umwanzi hakoreshejwe imbaraga z’umubiri ndetse n’izibikoresho bya Gisirikare, aho berekanye ubuhanga mu kurasa no kudahusha.

Igihugu cya Santarafurika cyahuye n’ibibazo by’intambara mu bihe bitandukanye ariko biza kuba bibi cyane muri 2013 ubwo inyeshyamba z’Abayisilamu zitwa Seleka zafataga ubutegetsi zihiritse uwahoze ayobora iki gihugu Francois Bozize.

VIDEO: Perezida wa Repubulika ya Santarafurika arashimira mugenzi we w’u Rwanda Paul #Kagame n’Ingabo z’u Rwanda ku muhate bakomeje kugaragaza mu rugamba rwo kugarura amahoro n’umutekane mu gihugu cye.
Ibi Perezida Faustin #Touadéra yabitangarije I Bangui tariki
24 Ugushyingo… pic.twitter.com/gduCSb0SK8

— Kigali Today (@kigalitoday) November 24, 2023

Amafoto: Olivier Mugwiza

Abanyamakuru ba Kigali Today basuye zimwe mu nsengero zo muri Rubavu mu rwego rwo kureba niba amadini n’amatorero atandukanye ashobora guterana.

Zimwe mu nyubako n’ibikoresho byangijwe n’ibiza, nk’uko bigaragara muri aya mafoto na Videwo.

Reba ibindi muri iyi Videwo:

Amafoto: Moise Niyonzima

Videwo: Richard Kwizera

Lucia Ingabire yaburiyemo abana batatu n’umugabo. Yaganiriye na Kigali Today ku byo yibuka muri iryo joro atazibagirwa mu buzima bwe.

Bikurikire muri iyi Video yatunganyijwe na Richard Kwizera:

Hashize imyaka ine MRCD-FLN igabye ibitero mu bice by’Amajyepfo ashyira mu Burasirazuba bw’u Rwanda hakagwamo abantu 9, abandi benshi barakomereka ndetse n’imitungo irangizwa. Igikorwa cyo kwibuka cyabereye hagati mu ishyamba rya Nyungwe ahabereye ibi bikorwa by’iterabwoba.

Mu bitabiriye uyu muhango barenga 40, harimo abarokokeye muri Nyungwe ubwo inyeshyamba za MRCD-FLN zatwikaga imodoka zitwara abagenzi zikica abantu. Harimo n’abandi bagizweho ingaruka n’ibitero bya FLN byagabwe i Nyabimata, Rusizi na Kitabi.

Bibukiye mu ishyamba rya Nyungwe ryabereyemo ibi bitero

Abitabiriye uyu muhango bakoze urugendo rugufi hagati mu ishyamba mu rwego rwo kwibuka ababo baguye muri ibi bitero. Bari bitwaje ibyapa biriho ubutumwa bwamagana ibikorwa by’iterabwobwa bya MRCD-FLN yari iyobowe na Paul Rusesabagina.

Barashima ko abagize uruhare muri ibi bikorwa by’iterabwoba bafashwe ndetse bakagezwa imbere y’ubutabera. Icyakora bari bafite ibyapa bigaragaza ko batishimiye umwanzuro w’urukiko ujyanye no guhabwa indishyi z’akababaro.

Igitero giheruka cya MRCD-FLN ni icyabaye mu kwezi kwa Gatandatu uyu mwaka wa 2022, aho batwitse Bisi ya RITCO hagapfa abantu babiri, abandi barakomereka. Uyu muhango wo kwibuka wabereye hagati mu ishyamba mu Kagari ka Kagano, Umurenge wa Kitabi, nko mu birometero umunani ukinjira muri Nyungwe werekeza i Rusizi.

Reba ibindi muri iyi video:

Gahunda nk’iyi yabaye no mu Kagari ka Gatare, kamwe mu tugari dutatu tugize Umurenge wa Niboye muri Kicukiro.

Nduwayezu Leon, Chairman wa FPR Inkotanyi muri ako Kagari, yasobanuye ko Inteko rusange, ari umwanya mwiza aho Komite nyobozi n’abanyamuryango bahura bakarebera hamwe ibyagezweho ndetse bakiyemeza kongera imbaraga mu bitaragerwaho.

Nduwayezu Leon

Yagize ati “Iki ni igikorwa ngarukamwaka dutegura mu rwego rwo kubahiriza amahame y’Umuryango FPR-Inkotanyi. Tugaragariza abanyamuryango ibikorwa twagezeho dufatanyije ndetse n’iteganyamigambi ry’ibikorwa duteganya kuzageraho.”

Muri iyi nteko rusange, abanyamuryango ba FPR Inkotanyi mu Kagari ka Gatare, bagejejweho n’ikiganiro kivuga ku ntekerezo shingiro y’imiyoborere y’u Rwanda kuva mu mwaka w’1994.

Habayeho n’igikorwa cyo kuremera abaturage babiri batishoboye bo muri aka Kagari, aho bahawe imashini zo kudoda.

Jeannette Umutesi

Jeannette Umutesi, PMM (Political Mass Mobilization) w’Akagari ka Gatare, yakomoje ku byo bagezeho bishimira. Yagize ati “Hari byinshi tugenda tugeraho kubera ubuyobozi bwiza. Twabashije kubaka ibikorwa remezo bitandukanye birimo imihanda ya kaburimbo ndetse n’inyubako ya etage y’ibiro by’Akagari.”

Abanyamuryango ba FPR Inkotanyi mu Kagari ka Gatare barishimira ko bongeye guhura bagasabana, nyuma y’igihe kirekire cyari gishize batabikora kubera icyorezo cya COVID-19. Ibi byagaragariye mu mbyino n’ubusabane byakurikiye ibiganiro.

Reba ibindi muri iyi Video:

Kimwe n’ahandi yasuye mbere, abaturage bo mu gace ka Quionga mu Karere ka Palma na bo barashima inzego z’umutekano z’u Rwanda zabagaruriye icyizere cyo kongera kubaho.

Benshi mu baganiriye na Kigali Today, bifuza ko Ingabo na Polisi by’u Rwanda baguma muri Cabo Delgado igihe kirekire.

Bikurikire muri iyi video:

Video: Richard Kwizera/Kigali Today
Amafoto: Mugwiza Olivier/The New Times

Umunyamakuru wa Kigali Today yasuye aka gace asanga abaganga bo mu ngabo na Polisi by’u Rwanda barimo gutanga ubuvuzi kuri aba baturage.

Ni gahunda imenyerewe ku ngabo na Polisi by’u Rwanda bari mu butumwa bw’amahoro hirya no hino ku isi, aho begera abaturage babasanze aho batuye, bakabaha serivise z’ubuvuzi ku buntu. Aba baturage bahabwa serivisi z’ubuvuzi bw’ibanze zirimo iz’amaso, amenyo, uruhu n’izindi zitandukanye.

Reba ibindi muri iyi video:

Video: Richard Kwizera/Kigali Today
Amafoto: Olivier Mugwiza/The New Times

Mu nzira werekeza mu mujyi wa Mocimboa da Praia, ugenda uhura na bimwe mu bimenyetso bigaragaza uburyo habereye imirwano ikomeye, ndetse n’ingaruka yagize ku buzima bw’ako gace.

Umunyamakuru wa Kigali Today, Richard Kwizera, yasuye uyu mujyi, aganira n’abaturage bashimira cyane inzego z’umutekano zabafashije mu guhashya inyeshyamba no kugarura umutekano.

Muri iki cyegeranyo, aratugezaho ibyerekeranye n’urugamba rwo kubohoza aka gace ndetse n’umukino wa gicuti mu mupira w’amaguru wahuje abasirikare b’u Rwanda n’abaturage ba Mocimbao da Praia.

Bikurikire muri iyi video:

Hashize amezi 14 u Rwanda rwohereje Ingabo na Polisi muri Mozambique mu rwego rwo gufasha Leta y’icyo gihugu kugarura umutekano mu Ntara ya Cabo Delgado.

Ni Intara yari imaze igihe yibasirwa cyane n’umutwe w’Iterabwoba wa Al Sunnah wa Jama’ah.

Umunyamakuru wa Kigali Today, Richard Kwizera, yabiduteguriye muri iyi video:

Mu kiganiro yagiranye n’itangazamakuru tariki 26 Gicurasi 2022, yasobanuye uko babayeho muri Gereza. Nsabimana Callixte yanageneye ubutumwa abashaka guhungabanya umutekano w’u Rwanda.

Bikurikire muri iki kiganiro:

Ni ikibuga cyavuguruwe ku bufatanye bwa gahunda ya Giants of Africa, aba bakaba ari abanyabigwi b’Abanyafurika mu mukino wa Basketball. Kuri Club Rafiki hatorezwa urubyiruko ndetse n’abana bato.

Perezida Kagame yongeye kwerekana impano ye mu mukino wa Basketball, ubwo yinjizaga umupira mu nkangara, ababibonye bose baratangara.

Birebe muri iyi video:

Kureba andi mafoto menshi y’iki gikorwa, kanda HANO

Ishimwe Dieudonné

Ibi byatangajwe n’Umuvugizi w’Urwego rw’Igihugu rw’Ubugenzacyaha Dr. Murangira B. Thierry, mu kiganiro yagiranye na RBA.

Ishimwe Dieudonné asanzwe ayobora ikigo gitegura irushanwa rya Miss Rwanda cyitwa ‘Rwanda Inspiration Backup’.

Yafashwe tariki 26 Mata 2022, afungirwa kuri sitasiyo ya RIB y’i Remera mu Mujyi wa Kigali.

Sibomana Jean Nepo

Sibomana Jean Nepo yarokotse Jenoside. Mu buhamya yatanze mu muhango wo gutangiza icyunamo ku nshuro ya 28, Sibomana yagarutse ku mateka ya Jenoside mu cyahoze ari Komini Murambi, ubu ni mu Karere ka Gatsibo.

Sibomana avuga ko mu gihugu cyose, i Murambi ari ho hamenyekanye izina ‘Interamwete’ ryahawe abagore b’Abahutukazi bafashaga basaza babo (Interahamwe) kugira ngo badacika intege ku mugambi wo gutsemba Abatutsi.

Bikurikire muri ubu buhamya:

Bikurikire muri iyi video:

Ni umwe mu bantu 37 bahoze ari abarwanyi b’imitwe y’iterabwoba ya P5 na RUD-Urunana bakurikiranyweho ibyaha bifitanye isano n’ibikorwa by’iterabwoba no kugambirira kugirira nabi ubutegetsi bwo mu Rwanda.

Ubushinjacyaha bwa Gisirikare na we bwamusabiye igifungo cya burundu. Muri iyi video urumva ibyaha ubushinjacyaha bumurega n’ibihano bumusabira, hanyuma wumve uburyo we n’umwunganira mu mategeko bisobanura imbere y’urukiko.

Paul Rusesabagina wari umuyobozi w’umutwe MRCD/FLN, we na bagenzi be 20 bashinjwa ibyaha birimo kurema umutwe w’Ingabo utemewe, kuba mu mutwe w’iterabwoba, gutera inkunga iterabwoba, ubwicanyi nk’igikorwa cy’iterabwoba n’ibindi.

Ubushinjacyaha bwasabiye Paul Rusesabagina igihano cyo gufungwa burundu, hanyuma Nsabimana Callixte bumusabira igifungo cy’imyaka 25. Abandi na bo bagiye basabirwa ibihano birimo igifungo cya burundu no gufungwa imyaka 25.

Kigali Today yabateguriye icyegeranyo ku mavu n’amavuko y’uru rubanza.

Bikurikire muri iyi videwo:

Imihango yo kumusezeraho yabereye mu rugo iwe nyuma aza gushyingurwa mu irimbi rya Rusororo mu Karere ka Gasabo, aho yaherekejwe n’abo mu muryango we, inshuti ze ndetse na bamwe mu bayobozi bakuru b’igihugu, barimo Perezida wa Sena, Dr Iyamuremye Augustin.

Bikurikire muri iyi Video:

Uyu munyamategeko w’imyaka 62 yirukanywe ku butaka bw’u Rwanda nyuma y’aho arenze ku mategeko akajya mu rukiko kunganira Paul Rusesabagina kandi nta burenganzira abifitiye.

Umuyobozi mukuru w’Urwego rw’Igihugu rw’Abinjira n’Abasohoka Lt. Col Regis Gatarayiha avuga ko Vincent LURQUIN yinjiye mu Rwanda tariki 16 Kanama ahabwa visa yo gusura y’iminsi 30, ariko ku itariki ya 20, Lurquin agaragara mu rukiko nta burenganzira abifitiye ndetse nta n’icyangombwa (work permit) afite.

Irebere muri iyi video uko yurijwe indege agasubizwa iwabo:

Hari bamwe mu baturage babonaga abantu bambaye utu jillets turiho ibirango bya Polisi n’Umujyi wa Kigali bakabikanga. Ese urubyiruko rw’abakorerabushake ni bantu ki?

Kigali Today yaguteguriye icyegeranyo gikurikira ku ruhare rukomeye rw’urubyiruko rw’abakorerabushake mu gufasha Abanyarwanda kubahiriza no gushyira mu bikorwa ingamba zo kwirinda COVID-19, no mu bindi bikorwa bigamije iterambere ry’igihugu.

Bikurikire muri iyi video:

Mu biganiro Perezida Suluhu yagiranye na Perezida Paul Kagame, abakuru b’ibihugu bombi biyemeje kurushaho kwagura ubufatanye n’imikoranire mu nzego zitandukanye mu nyungu z’abaturage ba Tanzania n’u Rwanda.

Mugenzi wacu Richard Kwizera yadukoreye icyegeranyo cy’ibyaranze uruzinduko rw’iminsi ibiri Perezida Suluhu yagiriye mu Rwanda.

Bikurikire muri iyi Video:

Dore uko biba byifashe mu nama y’Abaminisitiri

Abo ni Aishatu Aliyu Musa wa Repubulika ya Nigeria, Antoine Anfré w’u Bufaransa na Omar Daair w’u Bwongereza na Ireland y’Amajyaruguru.

Reba muri iyi Video uko icyo gikorwa cyagenze

Minisiteri y’Uburezi (Mineduc), yatangaje ko mu banyeshuri batangiye ibizamini bya Leta bisoza amashuri y’icyiciro rusange n’ayisumbuye harimo 106, barwaye icyorezo cya Covid-19, ndetse bashyiriweho uburyo bwo gufashwa.

Bikurikire muri iyi Video:

Reba uko icyo gikorwa cyagenze muri iyi Video:

Umuturage witwa Daniel Barakengera wo mu Gatenga muri Kigali ni umwe mu bapimwe kuri uyu wa Gatandatu tariki 17 Nyakanga 2021 bamusangamo COVID-19.

Muri iki kiganiro arasobanura uko yabyakiriye n’icyo agiye gukora

Hagaragajwe ko ubwiyunge bushyigikiwe kandi buzamurwa n’inkingi zirimo, gusobanukirwa amateka y’Igihugu no gutekereza ahazaza h’u Rwanda, kwiyumva mu bunyarwanda (Ndi Umunyarwanda), icyizere n’uruhare by’abaturage mu miyoborere, umutekano n’imibereho myiza, ubutabera, ndetse n’imibanire.

Bikurikire muri iyi Video:

Ku rwego rw’Igihugu, Umunsi wo Kwibohora ku nshuro ya 27 wizihirijwe mu Murenge wa Kinigi mu Karere ka Musanze ahatashywe Umudugudu w’Icyitegererezo (Kinigi IDP Model village).

Uyu mudugudu uherereye mu bilometero 12 uvuye mu Mujyi wa Musanze rwagati, wubatswe n’Ingabo z’u Rwanda. Ugizwe n’inzu z’amagorofa zubakiwe imiryango 144 itishoboye.

Reba imiterere y’uyu mudugudu muri iyi Video:

Ku wa Gatanu tariki 25 Kamena 2021, Perezida w’u Rwanda Paul Kagame yakiriye mugenzi we wa DR Congo Félix Antoine Tshisekedi i Rubavu, hanyuma bukeye, Perezida Kagame na we agirira uruzinduko rw’akazi i Goma muri Repubulika Iharanira Demokarasi ya Congo.

Kimwe mu byaranze uruzinduko rw’abakuru b’ibihugu byombi, ni uburyo umutekano wari wakajijwe i Rubavu no hakurya i Goma.

Muri iyi video, murasangamo ya mashusho yakoze benshi ku mutima, aho umusirikare w’u Rwanda n’uwa Congo bagaragaye basuhuzanya. Ni ikimenyetso cyashimishije abantu benshi nyuma y’uko mu myaka yashize Ingabo z’ibihugu byombi wasangaga zirebana ay’ingwe.

Amashusho yatunganyijwe na Richard Kwizera

Dore uko Paul Rusesabagina, Nsabimana Callixte ‘Sankara’ na Nsengimana Herman ndetse n’abandi 18 bareganwa bageze ku rukiko rw’Ikirenga ruri ku Kimihurura aho urubanza rurimo kubera hirindwa icyorezo cya COVID-19.

Muri iki kiganiro, Muganga Iyamuremye yagarutse ku ngaruka za GumaMuRugo ku buzima bwo mu mutwe, ariko kandi agaruka no ku buryo abantu bakwiye kwitwara mu rwego rwo kwirinda izo ngaruka.

Bikurikire muri iyi Video:

Mu gihe abo muri uyu muryango biteguraga gushyingura Prof Thomas Kigabo kuri uyu wa Kabiri, bakiriye indi nkuru y’akababaro ivuga ko murumuna we witwa Sophany Gicondo wari utuye muri Australiya na we yitabye Imana azize uburwayi.

Gicondo wari ufite imyaka 55 y’amavuko yari atuye muri icyo gihugu aho yabanaga n’umugore we n’abana. Ngo yari amaze igihe arwaye, ariko yarushijeho kuremba nyuma yo kumva inkuru y’urupfu rwa mukuru we Prof Kigabo. Soma inkuru irambuye HANO.

Icyakora gahunda yo gushyingura Kigabo yakomeje kuri uyu wa Kabiri, nyuma yaho harategurwa n’indi yo gushyingura uwo muvandimwe we.

Reba video igaragaza uko umuhango wo guherekeza Prof. Kigabo wagenze:

Robert Kyagulanyi uzwi nka Bobi Wine ndetse na Yoweri Museveni usanzwe ayobora Uganda bari mu bahanganye cyane

Abanya-Uganda baba mu Rwanda bagize icyo basaba bene wabo bari bwitabire amatora.

Bikurikire muri iyi Video:

Abantu banyura mu Giporoso muri iyi minsi babona ko hagenda hahindura isura umunsi ku wundi.

Akajagari k’inyubako zishaje cyane cyane iz’ubucuruzi katangiye kugabanuka kubera gahunda ihari yo kuvugurura inyubako zihamaze igihe kirekire.

Nk’uko babaye aba mbere kugera muri aka gace, abagize Itorero Anglican ni na bo bafashe iya mbere mu kwitabira gahunda yo kuvugurura inyubako zishaje mu Giporoso.

Reba uko mu Giporoso hasigaye hasa muri iyi Video:

Umwaka wa 2020 waje ufite indi sura abantu batatekerezaga, haba mu Rwanda no ku isi muri rusange kubera ibihe bidasanzwe byatewe n’icyorezo cya COVID-19.

Kigali Today yabateguriye inkuru mu mashusho igaragaza ibyaranze umwaka wa 2020 mu ishusho ya COVID-19.

Ni umwaka wari wihariye kuko nta muntu watekerezaga ko abantu basabwa kudasohoka mu ngo zabo mu gihe kirenga ukwezi kose. Kuri bamwe ngo ni umwaka bashaka kwibagirwa ngo ariko biragoye kuwibagirwa.

Birebe muri iyi Video:

Depite Françoise Uwumukiza

Uyu we ni Depite wahisemo kwinjira mu buhanzi agakora indirimbo zijyanye n’ubukangurambaga kuri gahunda zitandukanye z’igihugu.

Yitwa Hon. Françoise Uwumukiza akaba ari umwe mu badepite bahagarariye u Rwanda mu Nteko Ishinga Amategeko y’umuryango wa Afurika y’Iburasirazuba (EALA).

Kumenya ko yifitemo impano yo guhanga indirimbo no kuririmba yabimenye mu gihe cya guma mu rugo, ubwo abantu bose basabwaga kuguma mu rugo mu rwego rwo kwirinda icyorezo cya COVID-19.

Amaze gushyira hanze indirimbo 17 yakoze mu gihe cy’amezi ane gusa, hagati y’ukwezi kwa kane n’ukwa karindwi.

Muri izo ndirimbo, harimo eshanu yashyikirije Minisitiri w’Ubutegetsi bw’Igihugu Prof. Shyaka Anastase mu cyumweru gishize.

Depite Françoise Uwumukiza mu kiganiro na Minisitiri Shyaka

Hari n’indi imwe yageneye Minisiteri y’Uburinganire n’Iterambere ry’Umuryango. Ibi byose ngo ntabwo abikora nk’ubucuruzi ngo ahubwo ni ugutanga umusanzu we mu gushyigikira gahunda zitandukanye z’igihugu.

Afite undi mushinga wo gukora umuzingo w’indirimbo 12 akazazishyikiriza Kiliziya Gatolika mu rwego rwo gushima ibyo Imana yamukoreye ndetse n’aho Abanyarwanda bageze biteza imbere. Muri zo, icyenda yarangije kuzandika, akaba asigaje kujya muri studio kuzitunganya.

Reba ikiganiro Hon. Françoise Uwumukiza yagiranye na Kigali Today muri iyi Video:

Iyo mpanuka y’imodoka yatewe n’iyi RAV4 yari ifite umuvuduko mwinshi ikagonga abantu bihitiraga

Iyo mpanuka yatewe n’imodoka yo mu bwoko bwa RAV4 ifite nimero za Puraki RAC820K yaturutse Nyabugogo ifite umuvuduko mwinshi igeze ku kabari kitwa Bella View igonga abagenzi n’abanyozi bihitiraga; mu gitondo cyo kuri uyu wa gatandatu tariki ya 22 Mata 2017.

Ababibonye bavuga ko abantu batatu bahise bahasiga ubuzima. Imodoka yakomeje imbere igonga urukuta rw’ako kabari irenga umukingo ihita yibirindura itangirwa n’inzu iri munsi y’umuhanda.

Muri uko kugenda yibirindura nibwo yagiye igonga abo bantu bandi bakomeretse. Polisi y’u Rwanda n’Imbangukiragutabara bahise bahagera, bakora ubutabazi bwihuse.

Iyo modoka yagonze abanyonzi bihitiraga

Abakomeretse bahise bajyanwa kwa muganga naho abaguye muri iyo mpanuka bahise bajyanwa mu buruhukiro.

Ababonye iyi mpanuka bavuga ko yatewe n’umuvuduko ukabije w’imodoka, bakemeza ko umushoferi wayo ashobora kuba yari yasinze.

Muri iyi imodoka hari harimo abantu babiri, bombi bavuyemo ari bazima. Umushoferi yahise ajyanwa kuri Polisi.

Iyo modoka yagonze urukuta rw’akabari kitwa Bella View imanuka mu kabande

Imodoka yatogotse mu kabande itangirwa n’inzu abayirimo babiri bavamo ari bazima

Polisi y’igihugu yahise iza gukora ubutabazi