Umunya-Koreya y’Epfo niwe wegukanye ikamba rya Miss Supranational 2017

Uyu mukobwa w’imyaka 24 y’amavuko, yegukanye iryo kamba mu birori byabereye mu gihugu cya Polonye mu ijoro ryo ku wa gatanu tariki ya 01 Ukuboza 2017.

Igisonga cye cya mbere ni Tica Martinez wo muri Colombia naho igisonga cye cya kabiri ni Bianca Tirsin wo muri Romania.

Igisonga cya gatatu yabaye Miss Ethiopia witwa Bitaniya Yosef naho igisonga cya kane aba Miss Puerto Rico witwa Larissa Santiago.

Jenny Kim, umurika imideli mu gihugu cye, amaze kwambikwa ikamba yanahawe sheki iriho ibihumbi 30 by’amadolari ya Amerika, abarirwa muri miliyoni 25RWf.

Yanditse amateka kuko niwe munya-Korea wa mbere wegukanye ikamba mu marushanwa mpuzamahanga y’ubwiza abaho. Muri 2016 yahatanye Miss Universe.

Miss Supranational 2017 yahembwe ibihumbi 30 by’Amadolari ya Amerika

Ingabire Habiba wari witabiriye irushanwa rya Miss Supranational 2017 ahagarariye u Rwanda ntiyabashije kuza muri 25 ba mbere batoranyijwemo uwo wegukanye ikamba.

Gusa ariko nubwo atabashije gukomeza, yagaragaje impano yo kuririmba ubwo we na Nyampinga wo muri Afurika y’Epfo na Nyampinga uhagarariye Ubuhinde baririmbaga indirimbo yitwa "Roar" y’umuririmbyi w’umunyamerika, Katy Perry.

Habiba ubwo yagaragazaga impano yo kuririmba

Aho hari mu rwego rwo kugaragaza impano ba Nyampinga bahatanira ikampa rya Miss Supranational 2017 bafite.

Miss Supranational yatangiriye muri Polonye mu mwaka wa 2009. Iyabaye muri uyu mwaka wa 2017 yabereye mu bihugu bibiri aribyo Slovakiya na Polonye.

Miss Supranational 2017 n’ibisonga bye

Igisonga cya mbere yabaye Miss Colombia, Tica Martinez

Igisonga cya kabiri yabaye uwo muri Romania, Bianca Tirsin

Igisonga cya gatatu ni Miss Ethiopia, Bitaniya Yosef

Igisonga cya kane cyabaye Miss Puerto Rico, Larissa Santiago

Top 10

Colombia
Ethiopia
Korea
Poland
Romania
Philippines
Puerto Rico
Thailand
Portugal
Costa Rica

Top 25

Indonesia
Vietnam
Albania
Ethiopia
Brazil
Korea
Poland
Thailand
Portugal
South Sudan
India
Serbia
Mexico
Colombia
Costa Rica
Australia
Italie
Philippines
Romania
Wales
Peru
Japan
Jamaica
Bolivia
Puerto Rico

Safi ubwo yari ari muri studio ya KT Radio yahamije ko aticuza kuva muri Urban Boys

Yabitangaje ubwo yari ari mu kiganiro cya KT Radio cyitwa KT Breeze cyatambutse kuri uyu wa gatanu tariki ya 01 Ukuboza 2017.

Yagize ati “Nta kintu na kimwe nicuza. Ntabwo nkunda kwicuza njyewe byari ngombwa, byari isomo ry’ubuzima byari bikwiriye. Igihe n’ubundi cyari kuzagera bikaba. Hari ibintu utahindura ntacyo nicuza.”

Akomeza avuga ko aho yagiye, ubuzima bwo gukora wenyine ari bwo bwiza kurusha uko byari biri muri Urban Boys.

Ati “Nari mvuye ahantu hamwe ngiye aheza cyane. Biraryoshye kubera ko ni solo, ni njye njyenyine.”

Akomeza agaragaza ko iyo umuntu akora wenyine byoroha gufata ibyemezo bizima kurusha kubifata ari abantu benshi.

Ati “Guhuza ibitekerezo muri batatu cyangwa benshi biragora. Hari igihe biba ngombwa ko ugira ibyo wemera ariko utabyemeye, ukabikora kugira ngo rya tsinda rikomeze ribeho.”

Safi avuga ko nta kintu kidasanzwe yapfaga na Nizzo. Ahubwo ahamya ko ari ibibazo bisanzwe byari biri mu itsinda.

Ati “Nta kintu kidasanzwe mfa na Nizzo. Ahubwo ibibazo byari biri mu itsinda muri rusange. Ntabwo bibaye uyu mwaka bimaze igihe. Twagerageza kubikemura bikanga, tukwiyambaza inshuti bikanga.”

Safi avuga ko gukora wenyine bizatuma agera kure

Akomeza agaragaza ko ibyo bibazo byari biri muri Urban Boys byari bimeze nk’indwara ya kanseri yanze gukira kuko ngo barabikemuraga ntibishire.

Ati “Hari igihe umuntu arwara kanseri bagaca ukuguru, bikongera bagaca ukuboko, bikongera bikagera aho ubona ko hasigaye guca umutwe.”

Safi avuga kandi ko kuba mu itsinda byamweretse aho afite imbaraga n’aho afite intege nke ku buryo ngo kwikorana bitazamugora.

Akomeza avuga ko atajya aha umwanya abamuvuga nabi kuko ngo ntawe ukundwa na bose kandi yemera ko hari benshi bamukunda.

Safi avuga ko atita ku bamuvuga nabi

Uwo muririmbyi ahamya ko icyatumye atangira akorana indirimbo n’undi muririmbyi ari uko yabonaga ari byo byari bikwiye. Avuga ko ariko ku itariki ya 27 Ukuboza 2017 azashyira hanze indirimbo ari wenyine.

Agira ati “Icyo dushyize imbere ni ukwibanda mu gukora umuziki mpuzamahanga. Turashaka kubishyira mu bikorwa atari ukubivuga gusa."

Akomeza agira ati “Ndashaka ko umwaka wa 2018 uzansiga ndi umuhanzi uri ku rwego mpuzamahanga kandi kubigeraho ni ibikorwa.”

Safi yavuze ko afite ibikorwa byinshi aho hari indirimbo yakoreye muri Uganda n’izo akiri gukorerayo, avuga ko no muri Tanzaniya naho ahafite ibikorwa ndetse aho hombi akaba ari no gukorana n’abahanzi baho.

Miss Aurore ahamya ko musaza we umaze imyaka itanu yitabye Imana ari mu ijuru

Hirwa Henry waririmbaga mu itsinda ry’abaririmbyi ryitwa KGB hamwe na Skizzy na MYP, yitabye Imana ku itariki 01 Ukuboza 2012 aguye mu kiyaga cya Muhazi.

Urupfu rwe rwababaje benshi by’umwihariko abari bamuzi cyane kuko yari umuhanzi ubana neza n’abandi.

Miss Aurore wari ukiri mu byishimo byo kwegukana ikamba rya Nyampinga w’u Rwanda 2012, uwo mwaka yawusoje nabi kubera urupfu rwa musaza we yakundaga cyane.

Ako gahinda Miss Aurore akomeza kukagaragaza igihe cyose uko umwaka utashye ku itariki ya 01 Ukuboza.

Uyu munis nabwo,abinyujije ku rubuga rwe rwa Instagram yongeye kwerekana ko yakundaga musaza we cyane.

Agira ati “Henry, imyaka itanu iruzuye tutari kumwe. Ndashimira Imana ishobora byose yagukunze cyane, nishimira ubuzima yaguhaye, n’igihe yaduhaye ngo tubane na we. By’umwihariko nkanyurwa n’uko icyo gihe Imana yaguhaye wagikoresheje ukwiza urukundo mu bo mwabashije kumenyana bose.”

Mu ibaruwa ndende yakomeje agaragaza ko yashimishijwe no kuba yarabashije gukurana na we, kumenyana na we, kugirana nawe ibihe byiza ariko nanone akababazwa n’uko ibyo bihe byiza atazongera kubibona.

Ati “Gusa menya ko wambereye musaza wanjye mwiza kurusha uko abandi byababaho, ukwiriye kuba mu ijuru. Njyewe n’abandi bashiki bawe ntituzongera kugirana ibihe byiza nawe nka bashiki bawe ariko ubu dufite umumalayika murinzi mu ijuru.”

Henry it’s now 5 years without you. I’m thankful to the Lord almighty who loved you more, I’m thankful for the life he gave you and the time he gave us to spend with you most importantly I’m thankful and happy that you used well your time by spreading love to each and everyone who crossed your path. I’m happy that I had a chance to grow up by your side and learn from you,Thank you for all the memories even tho today we can’t have those precious moment anymore, just know you was the best brother in the world and you deserve to be in heaven. I and my big sisters can no longer have a brother&sister moment but we know we have a guardian angel. i know you will not be happy to see me crying that’s why I chose to be happy and thankful for the life you lived. God took you back at his own good timing and I accept it because he knows what is good for us. I can’t promise you that I’ll never cry again because of your absence but I promise that I will always remember the good moments we shared, your jokes,sense of humor and laugh.On top of everything thank you so much for the choice you made by being a singer, everyday when I watch KGB’s songs it make you alive again and it reminds me how you used come in my room and tell me&show me and make listen to what you were working on and ask me what I think about it.I promise you I’ll be the person you always wanted me to be, that little sister your trusted, whenever I fall I will always remember that you used to tell me that I’m capable and I can be anything I want to be. I promise to make you proud, I promise that I will do my best to take a good care of our family. And I promise that I’ll try my best to achieve what you wanted and wished,except singing 😂 that’s not my talent. May the lord strengthen us(family)friends and fans, Hirwa wacu may you keep resting in eternal peace till we see you again. Que la terre te soit légère. Du fond du cœur la où tu es gravé Je t’aime beaucoup. ❤️

A post shared by Hirwa❤️ (@aurorekayibanda) on Nov 30, 2017 at 10:31pm PST

Miss Aurore kandi yanakomoje ku buhanzi bwa Henry avuga ko yishimira kuba Henry yarabaye umuhanzi kuko iyo amukumbuye asubira kureba indirimbo za KGB yaririmbagamo bigatuma yongera kumva amuri hafi, bari kumwe.

Yongeraho ati “Bituma nibuka uko wajyaga unsanga mu cyumba cyanjye ukandirimbira ibyo muri gukoraho (indirimbo zitarasohoka) ukambaza icyo mbitekerezaho.”

Miss Aurore yasoje ibaruwa yongera kwemerera musaza we Henry ko azakora uko ashoboye kugira ngo atamutenguha, amusezeranya kuzagera ku byo yamwifurizaga nka musaza we wamukundaga cyane.

Akomeza amwizeza kandi ko nubwo yateshuka gato azajya yongera agahaguruka agasubira ku murongo.

Ati "Nyagasani akomeze ahe imbaraga umuryango wacu, inshuti n’abafana bacu. Hirwa wacu komeza uruhukire mu mahoro kugeza igihe tuzakubonera. Mbikuye ku ndiba y’umutima wanjye, ndagukunda cyane!"

Miss Rwanda 2017 yasesekaye ku kibuga cy’indege cya Kanombe ku mugoroba wo ku itariki ya 29 Ugushyingo 2017.

Miss Elsa ahamya ko muri Miss World yahigiye kwigirira icyizere

Akigera i Kigali yagaragaje ko yagiriye ibihe byiza mu marushanwa y’ubwiza ya Miss World 2017, gusa ariko avuga nta kidasanzwe yayabonyemo.

Agira ati “Buriya amarushanwa ni amarushanwa nyine kandi amarushanwa yose ahora asa, ni kimwe.”

Akomeza avuga ko yashimishijwe no gusanga abakobwa bose aho baba baturuka hose, iyo bahuriye hariya bose baba ari umwe.

Ati “Ikintu nabonye hariya kikanshimisha ni uko turi abakobwa batandukanye bava mu bihugu bitandukanye ariko twese buriya turi umwe.”

Agira ati “Twese tuba dufite intego imwe yo guteza imbere ibihugu byacu, no gufashanya kugira ngo twubake sosiyete nziza tubamo. Ni cyo kintu numva cyanshimishije.”

Ubwo Miss Elsa yiyerekanaga muri Miss World

Miss Elsa avuga kandi ko ikintu cy’ingenzi kurusha ibindi yigiye muri Miss World 2017 ari ukwigirira icyizere birenze uko byari bisanzwe.

Ati “Ikintu gikomeye nakuyemo ni uko uko waba umeze kose, uko waba usa kose, aho waba uva, ni ugukomeza kwigirira icyizere.”

Akomeza agira ati “Ukamenya ko inzozi zawe, uko byaba bimeze kose kugira ngo uzigereho ugomba kwigirira icyizere kuko ugenda uhura n’abaguca intege bakubwira ko udashoboye ariko nyine ugomba guhorana icyizere.”

Ikamba rya Miss World 2017 ryegukanywe n’umukobwa wo mu Buhinde w’imyaka 20 witwa Manushi Chhillar.

Miss Elsa avuga ko nta kidasanzwe yabonye muri Miss World

Miss Elsa ntiyabashije kuza muri ba Nyampinga 40 batoranyijwemo uwegukanye ikamba.

Miss Rwanda yavuye mu irushanwa rya Miss World 2017 ryabereye mu Bushinwa, abanza kunyura mu Bufaransa mu bikorwa by’umushinga we wo kumenyekanisha ibikorerwa mu Rwanda (Made in Rwada).

Abaye umunyarwandakazi wa kabiri witabiriye irushanwa rya Miss World nyuma ya Miss Mutesi Jolly wari Nyampinga w’u Rwanda 2016.

Miss World 2017, Manushi Chhillar

Charly na Nina bageze kure imyiteguro y’igitaramo cyabo

Kuri ubu bakomeje imyitozo basubiramo indirimbo, bagorora n’amajwi babifashijwemo n’itsinda ry’abacuranzi ryitwa Neptunez Band bazwi muri Jazz Junction n’ababyinnyi bo mu itsinda rya Machinal bagizwe n’abasore batandatu.

Biteganijwe ko kumurika iyo Alubumu yabo bise "Imbaraga" bizaba ku itariki ya 01 Ukuboza 2017. Bizabera ahahoze ari Camp Kigali.

Ubwo Kigali Today yasuraga abo baririmbyi aho bakorera imyitozo muri Rosty i Kimironko, yasanze imyiteguro bayigeze kure.

Charly yavuze ko kumurika "Album" y’indirimbo yabo ya mbere ari igikorwa gikomeye ku buryo ngo abigereranya no kubyara.

Agira ati "Ni nko kwibaruka umwana nyine! Ni ikintu natwe duteguye bwa mbere, dufite icyizere ko bizagenda neza cyane! Urebye nyine dutegereje umunsi nyawo ariko twebwe turishimye cyane byaturenze.”

Charly na Nina bahamya ko kumurika Album yabo ya mbere ari nko kwibaruka umwana

Mugenzi we Nina agira ati “Twiteguye, turi gukora imyitozo ya nyuma hanyuma turatumira abantu bose ko batazabura kuko igitaramo kizatangira kare hanyuma bazaze twishimane.”

Muyoboke Alex, umujyanama w’abo bahanzi yadutangarije ko mu bahanzi bose yabashije gukorana nabo, Alubumu ya Charly na Nina ari yo yishimiye kurusha izindi zose.

Agira ati “Ngira ngo urabizi namuritse Album nyinshi harimo iza ba Tom Close, Urban Boys, Dream Boys, Riderman n’abandi ariko iyi ya Charly na Nina iranshimishije cyane."

Akomeza agira ati "Hariho indirimbo nyinshi abantu batazi, ’live’ nziza, mbese ni ibintu maze amezi arenga atatu ntegura! Ibindi reka tubihe Imana ku wa gatanu.”

Charly na Nina bari kumwe n’abazabafasha mu gitaramo cyabo

Dj Pius, umwe mu bahanzi bazagaragara mu gitaramo cya Charly na Nina nawe yari yaje mu myitozo.

Atangaza ko yiteguye kuzaha abafana be umuziki mwiza azaririmba anabyina, akazanaboneraho kuririmbira indirimbo ye nshya bazahamenyera.

Abandi bahanzi bazagaragara mu gitaramo cya Charly na Nina harimo Andy Bumuntu, Yvan Buravan, Big Fizzo (Farious) na Julianna Kanyomozi.

Amafoto: Muzogeye Plaisir

Andi mafoto menshi kanda hano

Butera Knowless na Bruce Melody muri studio za KT RADIO

Yabitangarije mu kiganiro yagiranye na KT RADIO, Radio ya Kigali Today kuri uyu wa 28 Ugushyingo 2018, ubwo we na Bruce Melody bari mu Kiganiro KT Breeze.

Muri icyo kiganiro abo bahanzi bavugaga byinshi ku bijyanye n’indirimbo bakoranye ndetse n’igitaramo bateganya mu mpera z’umwaka wa 2017.

Knowless Yagize ati “Gukorana na Bruce Melody ntabwo byangoye kuko twari dusanganywe,twakoranye nk’aho twari dusanzwe dukorana mu itsinda”.

Butera Knowless ngo ntibyamugoye gukorana na bruce Melody

Bruce Melody ku ruhande rwe, nawe yavuze ko gukorana na Knowless yabyishimiye kandi bitamuruhije.

Abajijwe impamvu yatinze gukorana nawe mu gihe cyose bamaze mu muziki yagize ati “Buri kintu kigira igihe cyacyo, buriya byari mu mishinga ariko igihe kitaragera…”

Indirimbo “Deep in Love” ngo yanditswe n’abo bahanzi bari hamwe bungurana ibitekerezo ku bitero ndetse no mu miririmbire. “

Bruce Melody yaririmbiye abakunzi ba KT RADIO

Iyo ndirimbo kandi ngo irategura igitaramo bafitanye bise “Holiday Cheer” kizabahuza bombi mu mpera z’uyu mwaka.

Avuga kuri icyo gitaramo, Bruce Melody yagize ati “Ni ubwa mbere twateguye igitaramo cyihariye atari ukumurika alubumu cyangwa ngo ni ikigo runaka cyagiteguye, ni igitaramo cyacu ubwacu.”

Abo bahanzi kandi bakanguriye abafana babo ndetse n’abakunzi babo muri rusange kuzitabira icyo gitaramo,kuko kizaba ari igitaramo kidasanzwe kirimo byinshi biryoshye bitarabonwa n’amaso y’abantu.

Amashusho y’iyo ndirimbo ntarasohoka kuko bashaka kuzabifatira umwanya kugira ngo izabe ari videwo ibanyuze, ikananyura abafana babo nk’uko Knowless yabisobanuye aho yavuze ko izitonderwa igakorwa nyuma y’igitaramo.

Igitaramo cyabo ngo bizeye ko kizitabirwa kandi kikagenda neza

Igitaramo cy’abo bahanzi bombi bacyise “Holiday Cheer” kikaba giteganijwe ku itariki 23 Ukuboza 2017 muri Radisson Blu guhera ku isaha ya saa kumi n’ebyiri z’umugoroba.

Kwinjira ni amafaranga y’u Rwanda ibihumbi icumi (10.000Frw) mu myanya isanzwe na n’ibihumbi cumi na bitanu (15000 Frw) mu myanya y’icyubahiro.

Miss Earth 2017 abaye Karen Ibasco wari uhagarariye Philippines

Byabaye mu gitaramo gisoza iri rushanwa cyabereye mu murwa mukuru wa Philippines, Manila.

Ni umuhango watangiye ku isaha ya saa mbiri z’ijoro za hariya muri Philippines, ni ukuvuga saa munani za hano mu Rwanda.

Muri uyu muhango wari witabiriwe n’abantu baturutse impande zose, habanje gutoranywamo abanyampinga 16 ba mbere aribo Miss Thailand, Mis USA, Miss Russia, Miss Tonga, Miss Colombia, Miss Angola, Miss Guatemala, Miss Vietnam, Miss Switzeland, Miss Bosnia & Herzegovina, Miss Australia, Miss Philippines, Miss Venezuela, Miss Netherlands na Miss Cameroon.

Muri aba ba Nyampinga, hongeye gutoranywamo umunani ba mbere aribo Miss Australia, Miss Philippines, Miss Thailand, Miss Venezuela, Miss Colombia, Miss Czech Republic, Miss Netherlands na Miss Russia.

Aba ba Nyampinga nibo babaye Top 4 ari bo Colombia, Australia, Philippines na Russia

Muri aba hongeye gutorwamo bane ari nabo bagombaga kuvamo Miss Earth 2017 n’ibisonga bye bitatu.

Abo ni Miss Colombia, Miss Australia, Miss Philippines na Miss Russia. Miss Philippines yegukanye ikamba asimbuye Miss Katherina Espin w’imyaka 23 akaba ari uwo mu gihugu cya Ecuador.

Abakurikiranaga uyu muhango uko wagendaga “Live” kuri facebook, mubitekerezo batangaga wabonaga benshi baha amahirwe Miss Philippines ari nawe byaje kurangira yegukanye insinzi.

Igice cya kabiri cya ba Nyampinga baje muri Top16 harimo Switzeland, Bosnia & Herzegovina, Australia, Philippines, Venezuela, Netherlands na Cameroon

Ubwo yabazwaga umwanzi wa mbere w’isi yaba azi yasubije agira ati “Umwanzi wa mbere w’isi ntabwo ari imihindagurikire y’ikirere ahubwo nitwe kuko ibi byose ari twe tubigiramo uruhare.”

Miss Earth 2017 abaye Karen Ibasco wari uhagarariye igihugu cya Philippines asimbura kuri uyu mwanya Miss Katherine Espin wo muri Ecuador.

Miss Water (Ushinzwe kuvuganira amazi) yabaye umunya-Colombia, Miss Air (Ushinzwe kuvuganira umwuka) yabaye umunya-Australia naho Miss Fire (ushinzwe kuvuganira umuiro) aba Umurusiya.

Irushanwa rya Miss Earth ni irushanwa ryatangiriye mu gihugu cya Philippines kuva mu 2001 ari naho rikunze kubera inshuro nyinshi cyane.

Ni irushanwa ngarukamwaka ry’ubwiza no guteza imbere ibidukikije, rikaba ari rimwe mu marushanwa y’ubwiza ane ya mbere akomeye ku isi.

Senderi ngo ntatewe ipfunwe no kuba asigaye agenda n’amaguru cyangwa moto ngo kuko hit ye iracyariho

Hashize iminsi Bivugwa ko Senderi yibaswiwe n’ubukene, biturutse ko imodoka yari asanzwe agendamo yakoze impanuka ariko ikaguma iparitse ahantu yagongewe igihe kirenga ukwezi kugeza n’aho byavugwaga ko yatangiye kumeraho ibyatsi.

Ariko Senderi we yabiteye utwatsi avuga ko abamushinja kwibagirana ari abareba ibyabandi nyamara bakabanje bagakurikirana ibyabo.

Yagize ati “Abo bavuga ngo narazimye babanze bakemure ibyabo. Njye nkora ibitaramo buri munsi abo bayomba bakiryamye. Rero bareke, haduyi mbana nazo ndazizi bihorere.”

Ngo ntazi icyo itangazamakuru rimuhora. Ati: “Nanjye sinzi icyo bampora. Mbere bakinaga indirimbo zanjye ariko ubu benshi ntibakizikina sinzi impamvu kandi aribo banzamuye.”

Imodoka ye aho yagongeye ni naho yagumye

Kigali Today yamubajije icyo yaba akeka kibitera, avuga ko atakizi gusa avuga ko hari ubwo bazamura umuntu akaba umusitari nyamara wareba ibikorwa bye ukabibura.

Muri iyi minsi ngo agenda n’amaguru kandi ntazi n’igihe azongera gutungira imodoka Ati: “Nta modoka mfite ngenda n’amaguru nta kibazo ariko ntabwo bikuraho hit. Imodoka ni amafaranga. Yagize impanuka nk’uko n’uwo muntu uvuga ngo nta modoka mfite nawe yagira impanuka. Impanuka ntiteguza rero yasanze nta mafaranga mfite.”

Yongeyeho ko umuntu aba afite gahunda nyinshi mu buzima ko icyihutirwa atari ugukoresha imodoka ahubwo ko ari ugukora indirimbo nshya n’amashusho yazo.

Ati “Nabuze amafaranga ariko si nanjye ukennye n’isi irakennye. Nayo ubwayo ifite ibibazo by’ubukene.”

Senderi kandi ngo ubu bukene arimo nibwo butuma atari gushyira hanze amashusho y’indirimbo ze kuko akiri gushaka amafaranga.

Avuga ko videwo imwe imutwara agera muri miliyoni eshatu hakaba n’iziyarenza bitewe n’ubwoko bwazo.

Avuga ko indirimbo zo kwibuka zimuhenda cyane birenze miliyoni eshatu, hagakurikiraho izijyanye na gahunda z’igihugu hagaheruka indirimbo z’urukundo n’ubwo nazo ngo biterwa n’abantu yakoresheje n’umubare wabo, ibiyirimo ndetse n’aho yayikoreye.

Senderi International Hit watangiye umuziki mu mwaka wa 1998, atangaza ko atari yaba umusitari ngo kuko we yicisha bugufi akaba yumva azaba umusitari muri 2020.

Ama-G The Black na Rosine wahoze ari umukunzi we banabyaranye. Aha ni muri 2012 ubwo bari bitabiriye ibirori bya Salax Awards muri Serena Hotel

Kuri izo mpapuro handitseho ko gusaba no gukwa bizaba ku itariki 24 Ukuboza 2017 bikabera ku Ruyenzi ahazwi nka Guest House saa satu za mu gitondo naho saa cyenda z’umugoroba bakajya kwiyakirira muri Tellavista Garden ku Kicukiro.

Kuri ubu abagomba kuza mu bukwe bwe batangiye kubona ubutumire. Mu bazaza ariko ntiharimo Rosine wahoze ari umukunzi we ndetse banabyaranye umwana.

Ama-G yatangarije Kigali Today ko atazigera amutumira.

Agira ati “Ntabwo mbiteganya (kumutumira). Ariko ntibyakuraho ko wenda…ni byinshi. Ni impamvu zanjye bwite (kuba ntazamutumira).”

Rosine na Ama-G bakundanye igihe kirekire. Banagaragaye mu birori bya Salax Awards byabereye muri Serena Hotel mu mwaka wa 2012.

Mu mwaka wa 2015 byatangiye kuvugwa ko Ama-G The Black na Rosine babana mu nzu nyuma yo kumutera inda. Ama-G yabanje kubihakana nyuma aza kuzatangaza ko yamaze kujya kwirega iwabo wa Rosine.

Ama-G n’umuhungu we Shami yabyaranye na Rosine

Ama-G The Black kandi yigeze gutangaza ko muri Gashyantare 2015 azakora ubukwe na Rosine ariko abantu barategereza baraheba.

Muri Gicurasi mu mwaka wa 2017 nibwo byamenyekanye ko Ama-G The Black n’umugore we Rosine bamaze gutandukana; aha Ama-G akaba yaratangaje ko hashize nk’amezi ane batandukanye.

Nyuma yaho gato nibwo byatangiye kuvugwa ko Ama-G yaba afite undi mukunzi banasigaye babana mu nzu; n’ubwo nabyo yabihakanaga.

Liliane Uwase ugiye gukora ubukwe na Ama-G The Black

Mu ntangiriro za Nyakanga 2017; ku isabukuru y’amavuko ya Ama-G The Black, nibwo yerekanye ku mugaragaro Liliane Uwase bagiye kubana.

Uyu muhanzi aritegura gushyira hanze indirimbo yakoranye na Rafiki yitwa “Ikigunda”. Biteganyijwe ko izajya hanze mu minsi iri imbere.

Ni indirimbo bavugamo ko aho guturana n’umuturanyi mubi ukwinjirira mu buzima birutwa no guturana n’ikigunda.

Buravan yafashe icyemezo cyo gusubira muri New Level

Burabyo Yvan uzwi nka Buravan, ni umuhanzi watangiye kwigaragaza mu gihe gishize afashwaga n’inzu itunganya umuziki ya New Level.

Ariko nyuma yatangaje ko ayivuyemo, ibintu byaje kumenyekana mu mpera z’ukwezi kwa gatanu muri 2017.

Akimara kuvamo, mu mezi yakurikiye uyu muhanzi ntiyongeye kuvugwa nka mbere ubwo yari akiri muri New Level.

Akiyirimo yazengurukaga mu bitangazamakuru bitandukanye kubera ibikorwa binyuranye bikomeye yabaga afite.

Kuri uyu wa gatatu tariki ya 01 Ugushyingo 2017 nibwo yangaje ko yasubiye muri New Level. Yatangarije Kigali Today ko yafashe icyemezo cyo gusubirayo kuko kuri ubu bari kumvikana.

Agira ati “Niko bimeze nasubiyemo, kubera ko ubu noneho turi ku murongo umwe. Tugiye gukora kurusha uko twakoraga mbere, twabonye ko imbaraga zacu turi kumwe ziruta iz’umwe ari ku giti cye.”

Abagize Imirasire Band bose bize umuziki ku Nyundo

Kuri ubu mu Rwanda habarirwa amatsinda atanu y’abacuranzi n’abaririmbyi agizwe n’abarangije ku Nyundo ndetse n’abakihiga.

Ayo ni Sebeya Band icuranga muri Guma Guma; Ibisonga Band; Imuzi Band;
Symphony Band (igizwe n’abakiga ku Nyundo) na Imirasire Band.

Kigali Today yaganiriye n’abagize Imirasire Band bayitangariza ko kuva barangiza kwiga nta kindi bakora kibinjiriza amafaranga uretse kuririmba ahantu hatandukanye.

Iryo tsinda rigizwe n’abantu bane aribo Nikeza Alice, Jabo Ignaces, Mulinda Adolphe na Console Nyirandashimye ariko iyo bibaye ngombwa biyambaza na bagenzi babo bakiri ku ishuri bakaba icyenda.

Mulinda Adolphe avuga ko itsinda ryabo rikunze gutumirwa kuririmba ahantu hatandukanye mu bukwe no mu bindi birori kuburyo ngo buri cyumweru baba bafite ahantu baririmba hamwe cyangwa harenze hamwe.

Ahamya ko iyo batumiwe nk’itsinda bishyurwa ibihumbi 200RWf kugera ku bihumbi 500RWf cyangwa arenga.

Baririmba mu birori bitandukanye birimo ubukwe

Hari n’igihe ngo babona ibitaramo byinshi ntibabashe kubijyamo byose kuko bihurirana bikaba ngombwa ko babirangira abandi bagize andi matsinda y’abize ku nyundo.

Mulinda avuga ko kandi buri wese mu bagize itsinda ryabo yinjiza amafaranga ari hagati y’ibihumbi 200RWf na 300RWf.

Agira ati “Buri wese aribana muri Kigali, akabasha kwishyura inzu, akabasha kurya. Njye nishyura n’ishyuri niga muri University of Kigali. Byose kandi bivamo.”

Akomeza avuga ko batangije Imirasire Band nyuma yo gutumirwa kuririmba ahantu bituma bigira inama yo kubikomeza. Iryo tsinda niryo rya mbere ryavukiye ku Nyundo.

Abakurikirana umuziki wo mu Rwanda cyane cyane abacuranzi bo hambere bacuranga mu matsinda, ibyo abantu bakunze kwita “Ibisope”, bahamya ko abana bize umuziki ku nyundo bazakomeza kuzamura umuziki w’u Rwanda.

Umuhanzi Bizimana Ntwali John uzwi nka Bizi, washinze itsinda (Pandola Band), avuga ko abo bana bize umuziki ku nyundo bazarushaho gutera imbere nibibanda mu kuririmba mu njyana gakondo.

Agira ati “Ntabwo wavuga muzika nyarwanda kuko abana bose bavuye hariya ku Nyundo nabo barashaka guhita baba ibyamamare bagahimba bagendeye ku ndirimbo zo hanze, zo muri Nigeria kandi si byiza.”

Buri cyumweru ngo Imirasire Band iba ifite ahantu igomba kuririmba

Sebigeri Paul uzwi nka Mimi la Rose, uririmba akanacuranga muri Orchestre Impala ahamya ko ishuri rya muzika ryo ku Nyundo n’abanyeshuri bariturukamo bizatuma umuziki uzamuka cyane.

Agira ati “Urabona twebwe turimo gusaza, bariya bana nibo bazaba u Rwanda rw’ejo. Bagombye no kujya baza tukabaha inama mu muziki kuko mu muziki habamo n’amabanga menshi cyane.”

Akomeza avuga ko kuba abarangije muzika ku Nyundo barinjiye mu muziki wo mu Rwanda bacuranga nka Band ari byiza.

Ahamya kandi ko ntacyo byahungabanije ku zindi Band zacurangaga mu bukwe kuko ngo ibiraka n’ubukwe biba ari byinshi.

Mimi La Rose avuga ko umuziki wo mu Rwanda uzarushaho gutera imbere abahanzi bo mu Rwanda nibareka kuba ba nyamwigendaho.

Urupapuro rwamamaza iri serukiramuco

Iryo serukiramuco rigiye gutangira kuri uyu wa mbere, rikaba rizamara icyumweru, guhera ku itariki 23 Ukwakira kugeza kuri 29 Ukwakira 2017.

Muri iryo serukiramuco hazaba amahugurwa agamije kuzamura urwego rw’abakora filime bo mu Rwanda nk’uko twabitangarijwe na Eric Kabera, umuyobozi wa Kwetu Film Institute ari nayo itegura iryo serukiramuco.

Muri iryo serukiramuco kandi, bazerekana filime zizaba zivuye hirya no hino ku isi nk’uko Kabera yabitangaje.

Yagize ati “Gahunda dufite uyu mwaka ni ukwerekana filime zavuye hanze, hari izavuye muri Amerika, mu Buyapani, mu Bushinwa cyane cyane ni zo tuzerekana.”

Biteganijwe ko hazerekanwa filime zose hamwe zigera kuri 50, zikaba zizerekanirwa ahantu hanyuranye harimo kuri Marriot Hotel ari naho iserukiramuco rizafungurirwa.

Ahandi iryo serukiramuco rizabera ni kuri Kigali Public Library, kuri Kwetu Film Institute, Club Rafiki, i Musanze n’i Rubavu.

Intego nyamukuru ya Rwanda Film Festival ngo ni ukuzamura sinema Nyarwanda ikagera ku rwego mpuzamahanga.

Ibyo bikubiyemo kuzerekana filime Nyarwanda muri iryo serukiramuco ndetse no guhuza abakora filime mu Rwanda n’abo hanze yarwo mu rwego rwo kwagura ubumenyi no kubasha kwinjira ku isoko mpuzamahanga.

Kwinjira muri iryo serukiramuco ni ubuntu kandi imiryango irafunguye kuri buri wese ubyifuza.

Bamwe mu bagore cyangwa abakobwa babarirwa mu myidagaduro bo usanga bambara imyambaro ihenze abandi bakisiga uruhu rwabo rugahinduka kuburyo uwari ubazi imbere abona ko bahindutse cyane.

Kigali Today yabahitiyemo bamwe muri abo banyarwandakazi bagaragaza impinduka ku mubiri ugereranyije nuko bari bameze mbere bataraba ibyamamare.

Knowless

Uwo ni Knowless mbere na nyuma yuko yinjira mu byo kuririmba

Umuririmbyi Butera Knowless yatangiye kumenyekana mu mwaka wa 2010 ubwo yashyiraga hanze indirimbo ye “Komeza”.

Kuri ubu iyo urebye uyu muririmbyi ubona ko yaba imyambarire nuko yasaga muri iyo myaka ishize byose byahindutse.

Priscillah

Uwo ni Priscillah mbere na nyuma yo kwinjiza mu bya muzika

Umuratwa Priscillah wamamaye mu muziki nyarwanda nka Priscillah yinjiye mu muziki akiri mu mashuri yisumbuye.

Muri 2012 byaje kuvugwa ko yatsinzwe ikizamini cya Leta kubera umuziki biba ngombwa ko asubira kwiga.

Uyu muririmbyi wamenyekanye mu ndirimbo nka “Mbabarira” iri mu zo yahereyeho, yaje kwerekeza muri Amerika (USA). Aho agereyeyo bigaragara ko yahindutse cyane ku mubiri no mu myambarire.

Shaddy Boo

Uko niko Shaddy Boo yari ameze mbere nuko ameze ubu

Mbabazi Shadia wamamaye nka Shaddy Boo, ni umunyamideli akaba na rwiyemezamirimo.

Ni umwe mu banyarwandakazi bakurikirwa n’abantu benshi ku mbuga nkoranyambaga bitewe n’amafoto ashyiraho.

Yatangiye kugaragara ubwo yajyaga mu mashusho y’indirimbo ya King James yise “Buhoro Buhoro” amu mpera za 2011.

Shaddy Boo nawe ni umwe mu banyarwandakazi babarizwa mu myidagaduro bagaragaza impinduka cyane cyane ku mubiri.

Allioni

Mbere Allioni yari isine ariko kuri ubu ni inzobe

Buzindu Uwamwezi Aline wamenyekanye ku izina ry’ubuhanzi rya Allioni nawe ni umwe mu bahanzi bo mu Rwanda bagaragaje imihindagurikire iri ku rwego rwo hejuru.

Uyu muhanzikazi nawe yinjiye mu muziki akiri muto mu mpera za 2010, yarakuze maze uruhu rw’isine yari afite ruhinduka inzobe.

Kate Bashabe

Aya mafoto ya Kate ubwayo arivugira

Bashabe Catherine wamamaye nka Kate Bashabe, yabaye Nyampinga wa MTN mu mwaka wa 2010. Muri 2012 nabwo yabaye Nyampinga w’Akarere ka Nyarugenge.

Kate ni umunyamideli wabigize umwuga, akaba anafite inzu y’imideli ye yise “Kabash Fashion House” n’irindi duka yise “Kabash House”.

Kuri ubu Kate ni umwe mu bakurikirwa n’imbaga y’abantu ku mbuga nkoranyambaga cyane kubera amafoto ashyiraho. Kuba bari bamuzi mbere babona ko yarahindutse cyane.

Young grace

Aya mafoto ya Young Grace agaragaza uburyo uyu muririmbyi yahindutse cyane

Abayizera Grace nawe winjiye mu muziki akiri muto muri 2010. Yinjiye muri muzika afite imyitwarire n’imyambarire nk’iy’abasore. Kimwe na bagenzi be, guhinduka bitewe no gukura byamugezeho.

Young Grace kandi yageze aho yiyambura ibyo kuba nk’abasore atangira kwiyitaho nk’izindi nkumi zose z’ibyamamare. Kuri ubu abari bamuzi agitangira ibya muzika ntibashidikanya kuvuga ko yahindutse cyane.

Charly

Uwo ni Charly wa kera n’uw’ubu

Charlotte Rulinda wamamaye ku izina rya Charly mu itsinda “Charly na Nina”, nawe ni umwe mu baririmbyi b’abanyarwanda bagaragaraho guhinduka cyane.

Charly watangiye kumenyekana mu muziki muri 2012 ubwo yafashaga kuririmba abahanzi bahatanira Primus Guma Guma Super Star; yaje nawe gutangira kuririmba ku giti cye ariko nyuma aza kwifatanya na mugenzi we Nina bakora itsinda rya “Charly na Nina”.

Nina

Nina nawe aya mafoto ye agaragaza uburyo yahindutse

Umuhoza Fatuma uzwi nka Nina; yafatanyije na Charly bakora itsinda rya “Charly na
Nina” mu mwaka wa 2014. Ayo mafoto ye agaragaza ko yahindutse cyane.

Oda paccy

Oda Paccy wa Kera n’uw’ubu ni uko bameze

Uzabumwana Pacifique wamamaye ku izina rya Oda Paccy, ni umuraperi wabitangiye akiri muto.

Oda Paccy wa cyera agitangira umuziki, nawe ahabanye cyane na Oda Paccy w’uyu munsi nkuko ayo mafoto abigaragaza.

Andy Bumuntu azwiho kuririmba indirimbo zituje zikora ku mitima abatari bake

Uwo muririmbyi ufite imyaka 22 y’amavuko ni umwe mu bahanzi bakizamuka batanga icyizere cy’ahazaza h’umuziki wo mu Rwanda kubera ubuhanga bwe.

Andy Bumuntu, ubusanzwe witwa Kayigi AndyDick Fred amaze gushyira hanze indirimbo eshatu gusa zakunzwe b’abatari bake kubera amagambo zifite n’uburyo aziririmbamo n’ijwi rituje ricengera abaryumva bakaryoherwa n’injyana y’indirimbo.

Uyu muhanzi umaze gushyira hanze indirimbo eshatu gusa, amaze kumenyeka nk’umwe mu bahanzi bazi kuririmba kandi bagira umwihariko mu bihangano byabo.

Andy Bumuntu uvukana n’Umutare Gaby, usigaye uba muri Australia, avuga ko yatangiye kwiyumvamo iby’umuziki afite imyaka 11 y’amavuko. Icyo gihe ngo yiganaga indirimbo z’abandi.

Agira ati “Nta Korali nagiyemo, narebaga video zo hirya no hino uko bikorwa. Nagiye kuririmba ku rubyiniro bwa mbere niga mu mashuri yisumbuye mu mwaka wa 2009, n’ubwo ntabikoraga nk’umwuga, gusa narabikundaga.”

Akomeza avuga ko nyuma yaho muri 2012 aribwo yagiye mu itsinda ry’abaririmbyi n’abacuranzi (Band). Muri iryo tsinda ngo bigishanyaga gucuranga no kuririmba.

Muri iryo tsinda kandi niho yandikiye indirimbo ye ya mbere yitwa “Ndashaje”. Iyo ndirimbo yakunzwe n’abatari bake. Kuva ubwo ngo nibwo yahise yinjira mu muziki mu buryo bw’umwuga.

Andy Bumuntu ahamya ko indirimbo ze zose azihimbira

Andy Bumuntu avuga ko yanditse iyo ndirimbo agendeye ku gitekerezo cyo kugira inama urubyiruko mu rwego rwo gusigasira indangagaciro nyarwanda bivuye mu nyigisho umubyeyi ukuze aba agira umwana we.

Kuyandika, kuyitunganya n’indi mirimo ikorwa mbere y’uko isohoka byamutwaye amezi ane, ayishyira hanze muri Nyakanga 2016.

Nyuma yahoo yakurikijeho indirimbo yitwa “Mukadata”. Nayo yamutwaye amezi ane kugira ayishyire hanze muri Gashyantare 2017.

Iyo ndirimbo ivuga ku ihohoterwa rikorerwa abana, rikorwa na bamwe mu babyeyi gito. Igitekerezo nyamukuru yagikuye ku nshuti ye yabayeho muri ubwo buzima.

Indirimbo ya gatatu yashyize hanze ku itariki ya 11 Ukwakira 2017, yayise “Mine”. Kugira ngo ayishyire hanze byamutwaye amezi atanu ayitunganya.

Andy Bumuntu ahamya ko yatangiye ibyo kuririmba afite imyaka 11

Andy Bumuntu avuga ko iyo ndirimbo ituje, ivuga ku rukundo hagati y’abantu babiri.

Agira ati “Muri njye numvaga nshaka kuvuga ku rukundo hagati y’abantu babiri. Numva nshaka kuvuga ku magambo babwirana mu rwego rwo guhumurizanya mu rukundo rwabo.”

Akomeza avuga ko indirimbo ze zose aziyandikira, akanishakira injyana ubundi Producer Bob akamufasha kuzitunganya neza afatanyije n’abacuranzi.

Avuga ko kandi ibitekerezo aririmbaho abikura mu bintu binyuranye; ibyo abona, aho agenda, inzozi afite mu buzima, ibitekerezo by’abandi n’ibindi binyuranye akagerekaho no kurebera kuri buri muhanzi wese.

Andy Bumuntu afite n’impano yo gukina Ikinamico, filime no kubyina. Atangaza ko impano ze zimutunze n’ubwo umusaruro utari waba mwinshi.

Umva indirimbo ye nshya yitwa "Mine"

Clare Akamanzi umuyobozi mukuru wa RDB yakira igihembo cyahawe u Rwanda

Ibyo bihembo byatangiwe muri Radisson Blu Hotel na Kigali Convention Center kuri uyu wa kabiri tariki 10 Ukwakira 2017.

Nibwo bwa mbere u Rwanda ruhawe igihembo cya “World Travel Awards” mu gihe ibyo bihembo byo biri gutangwa ku nshuro ya 24.

Clare Akamanzi umuyobozi mukuru w’Ikigo cy’Igihugu cy’Iterambere (RDB), avuga ko icyo gihembo gishimishije cyane. Aho niho yahereye ashimira abagize uruhare bose kugira ngo ibyo bihembo bigere mu Rwanda.

Agira ati “Ku Rwanda iki gihembo kirakomeye cyane kuko giha icyizere abashoramari mu by’ubukerarugendo ko u Rwanda ruyoboye mu by’ubukerarugendo. Igikurikiyeho ni ugukomeza kurushaho gukora neza ibyo dusanzwe dukora neza.”

Akomeza avuga ko u Rwanda rwashoye amafaranga menshi mu by’ubukerarugendo hubakwa Kigali Convention Center, habungabungwa Pariki y’Akagera n’iyo mu Birunga.

Radisson Blu Hotel na Kigali Convention Center byahawe igihembo nk’ibigo biyoboye ibindi mu kwakira inama muri Africa

Mu Rwanda hari amahoteli akomeye nka Marriott, Radisson Blu. Icyo gihembo rero ngo kigaragaza ko u Rwanda hari icyo rwakoze kugira ngo ubukerarugendo bugere ku yindi ntera.

Ibindi bigo byo mu Rwanda byegukanye ibihembo muri “World Travel Awards” harimo Marriott Hotel yegukanye umwanya wa Hoteli ya mbere mu Rwanda mu gukora iby’ubucuruzi (Rwanda’s Leading Business Hotel).

Ikigo cya Primate Safaris Rwanda cyahawe igihembo nk’ikigo cya mbere mu Rwanda gifasha ba mukerarugendo kugera aho bagiye gusura (Rwanda’s Leading Tour Operator).

Abakozi ba Radisson Blu Hotel na Kigali Convention Center bishimira igihembo

Radisson Blu Hotel na Kigali Convention Center byahawe igihembo nk’ibigo biyoboye ibindi mu kwakira inama muri Afurika (Africa’s Leading Conference Hotel; Rwanda’s Leading Conference Hotel).

Mu bindi byahawe ibihembo harimo Nyungwe House; Kigali Serena Hotel (Rwanda’s Leading Hotel Suite) na Satguru Travels Kigali (Rwanda’s Leading Travel Agency).

Ibindi bigo bitandukanye byo muri Afurika bifite aho bihurira n’ubukerarugendo nabyo byahawe ibihembo. Igihugu cya Afurika y’Epfo nicyo cyegukanye ibihembo byinshi.

Ibihembo ku rwego rw’isi bya “World Travel Awards” bizatangwa ku itariki ya 10 Ukuboza 2017 ku kirwa cya Phu Quoc muri Vietnam.

Marriott Hotel yegukanye umwanya wa Hoteli ya mbere mu Rwanda ikora ibijyanye n’ubucuruzi (Rwanda’s Leading Business Hotel)

Dieudonne Ntasinzira (ibumoso) na John Bunyeshuri (hagati) mu kiganiro n’abanyamakuru

Ku ikubitiro, ibirori byo kumurika imideli byiswe “Kigali International Fashion Week” bizabera i Burayi mu Budage, Ubuholandi n’Ububiligi. Ibyo birori bizatangira muri Mutarama 2018.

Kuva ku itariki ya 12 kugera kuya 14 Mutarama 2018 bizabera i Berlin mu Budage; ku wa 26 kugera ku wa 28 Mutarama 2018 bibere i Amsterdam mu Buholandi naho kuva ku wa 19 kugera ku wa 25 Werurwe 2018 bibere i Buruseli mu Bubiligi.

Bamwe mu banyamideli bazamurika imyambaro ikorerwa mu Rwanda harimo Colombe Akiwacu wabaye Nyampinga w’u Rwanda 2014 uba mu Bufaransa na Kundwa Doriane wabaye Nyampinga w’u Rwanda 2015 kuri ubu ubarizwa muri Canada.

Miss Doriane Kundwa ari mu bazamurikira abanyaburayi ibikorerwa mu Rwanda

Mu kiganiro n’abanyamakuru, John Bunyeshuri umuyobozi wa Kigali Fashion Week itegura icyo gikorwa atangaza ko azaba ari umwanya mwiza wo kwereka amahanga n’isi muri rusange ko Abanyarwanda nabo bashoboye.

Agira ati “Nk’uko twambara Gucci, Nike n’indi myenda tukumva turabyishimiye cyane, kuki abanyamahanga nabo batakwambara amashati n’imyenda byanditseho “Made in Rwanda?”

Dieudonne Ntasinzira umuyobozi wa BerexInvest Corporation ikorera mu Bubiligi, umufatanyabikorwa mukuru wa Kigali International Fashion Week, avuga ko abanyarwanda bifuza kumurika ibyo bakora babegera bagakorana.

Miss Colombe Akiwacu nawe azamurika imideli muri Kigali International Fashion Week

Bakomeza bavuga ko icyo gikorwa nikigenda neza i Burayi, mu myaka itaha bazanakigeza no muri Amerika, Aziya n’ahandi.

Daddy de Maximo, umunyamideli uw’umunyarwanda maze uba mu Burayi niwe uri gufasha icyo gikorwa mu guhitamo abanyamideli babizobereyemo cyane cyane b’Abanyarwanda bari ku mugabane w’Uburayi.

Umukinnyi wa filime Willy Ndahiro wamenyekanye nka Paul muri filime “Ikigeragezo cy’ubuzima”

Mu butumwa burebure yanyujije ku rubuga rwe rwa Instagram, yagaragaje ko icy’ibanze kimunga sinema nyarwanda ari “Piracy”, “Piratage”, aho abantu batanguranwa gushaka za filime bakazihanaha cyangwa bakazigurisha rwihishwa ba nyirazo batabizi.

Ndahiro avuga ko ibyo bikomeje, sinema nyarwanda itazigera itera imbere gusa avuga ko benshi mubabikora baba bataziko ari bibi.

Agira ati “Hano mu by’ukuri inzego zibifite mu nshingano zikwiye kubidufashamo kuko mubigaragara ‘Piratage’ ni kimwe mubyaciye intege cyane abakora filime b’Abanyarwanda.”

Akomeza agira ati “Gusa hano iwacu mpamyako Abaguzi ba filime zacu babikora batazi ko ari byo bakora.”

Umwe mu bakunzi ba Cinema nyarwanda yarambajije ati "Ese buriya harabura iki kugirango mukore film zifite qualité(Umwimerere) n'uburyohe nka ziriya za Hollywood? Ati ko tuzi bamwe muri mwe mujya munagerayo (Hollywood)kuki mutajya mubigana ariko mukaduha film ziryoshye kandi nziza?" Muvandimwe wambajije ikibazo cyiza cyane, nagusubiza ko kugirango Cinema ya Hollywood igere kuri ruriya rwego hashize imyaka itari munsi ya 200. Iyo mu Rwanda ntiramara 20 years nkurikije igihe umunyarwanda wambere yagaragaye akorana nibura film nabanyamahanga ariko bakora kunkuru yo mu Rwanda(Producer). Tugarutse kuri films zikoze mu Kinyarwanda zikozwe nabanyarwanda niba ntibeshye IKIGERAGEZO CY'UBUZIMA niyo yabimburiye izindi iranakundwa muri 2007, ntirarenza 10years. Rero nagusubiza ko kugirango Cinema yacu izatere imbere igere ku rwego abakunzi bayo nabayikora twifuza hari intambwe zitandukanye binyuramo : 1.UBUMENYI (SKILLS) Aha ndavuga ko tugomba gukora ibintu dufitiye ubumenyi. Hari kwitabira amahugurwa ya Cinema, ndetse Ningendo shure zirafasha cyane. Kubijyanye Ningendo shure, numva abayobozi yaba Federation ya Cinema mu Rwanda,Rwanda Art Council kubufatanye na Minispoc, PSF nizindi nzego babidufashamo,cyane cyane: producers, directors , actors, ndetse nabacuruza films bakajya mubihugu bizwi ko bimaze guterimbere muri uyu mwuga nubwo twahera hafi muri Africa Nka; -Nigeria ,Ghana, South Africa.....Haribyinshi twabigiraho mubijyanye nisoko ndetse nibindi ndetse tukaba twanaganira nabo uburyo bw'imikoranire. 2.UBUYOBOZI KUDUFASHA KURWANYA PIRACY(Piratage) Iyo ushoye 10millions muri film wayisohora kwisoko babandi bafite udu computer muma Quaritier bakayisamira hejuru bagatangira kuyi pirata, ukarwana no gutanguranwa nabo kwisoko nkaho mwashoye angana, nigihe bafashwe ntibahanwe mugitondo ukongera ukababona bafunguye za computer zabo kandi mubyukuri itegeko riri clear.hano mubyukuri inzego zibifite munshingano zikwiye kubidufashamo kuko mubigaragara Piratage ni kimwe mubyaciye intege cyane producers babanyarwanda. 3.ISOKO Iyo ubonye isoko rya Cinema mu Rwanda mubyukuri ni hafi ya ntaryo kuko nirihari ryo mugikari cya Fantastic riracumbagira bitewe -N'impamvu navuze hejur

A post shared by Willy Ndahiro (@iam_willyndahiro) on Oct 5, 2017 at 8:32am PDT

Ndahiro ahamagarira abakunzi ba filime zo mu Rwanda kuzigurira ahazwi habugenewe kuko ngo iyo baziguze ku bazigurisha rwihishwa ntacyo baba bamariye iterambere rya sinema nyarwanda.

Yakomeje ahamagarira n’abandi bacuruza filime kureka kwegera ba nyirazo bityo baganire uburyo bakora.

Willy Ndahiro ahamya ko sinema nyarwanda izatera imbere ari uko "Piratage" icitse burundu

Ndahiro avuga ko kandi igituma sinema yo mu Rwanda ikiri ku rwego rwo hasi ari uko hari abayikoramo batandukanye badafite ubumenyi buhagije bujyanye no gukina no gukora filime.

Ahamya ko abakinnyi ba filime ndetse n’abazikora bo mu Rwanda babonye amahugurwa kandi bakagira n’ingendoshuri mu bihugu bimaze gutera imbere muri sinema muri Africa nka Nigeria, Ghana na Africa y’Epfo bakwigirayo byinshi.

Ati “Hari byinshi twabigiraho mu bijyanye n’isoko ndetse n’ibindi ndetse tukaba twanaganira nabo uburyo bw’imikoranire.”

Ndahiro yifuza ko abakora filime n’abakina fillime mu Rwanda bajya babona ingendoshuri hanze y’u Rwanda

Yongeraho avuga ko ikindi gisubiza sinema y’u Rwanda hasi ari isoko rito. Ndahiro ahamya ko mu Rwanda hari isoko rito rya sinema kandi ngo n’iryo rito rihari ntirikora uko bikwiye kuko ririmo “Piratage.”

Ndahiro agaragaza ko ariko sinema nyarwanda izatera imbere kuko nta n’imyaka nyinshi ishize ishinze imizi mu Rwanda.

Agira ati “Kugira ngo sinema ya Hollywood (muri Amerika) igere kuri ruriya rwego, hashize imyaka itari munsi ya 200.”

Akomeza agira ati “Iyo mu Rwanda ntiramara imyaka 20 nkurikije igihe umunyarwanda wa mbere yagaragaye akorana filime n’abanyamahanga ariko bakora ku nkuru yo mu Rwanda.”

Akomeza ahamya ko “Piratage” nicika mu Rwanda kandi abakora filime n’abakinnyi ba filime bakabona amahugurwa n’ingendo shuri, sinema nyarwanda izatera imbere.

Ismael Ntihabose umuyobozi w’Inama Nkuru y’Abahanzi

Ibi bitangazwa mu gihe hari abahanzi batandukanye bo mu Rwanda bagiye batumirwa mu bitaramo hanze y’u Rwanda ariko bakabura uko bajyayo kubera ko nta mafaranga abagezayo babaga bafite.

Mu itangazo ryashyizwe hanze n’inama nkuru y’Abahanzi handitsemo ko abahanzi bazajya bagira ikibazo nk’icyo bazajya bayegera ikabafasha.

Itangazo rigira riti “Inama y’igihugu y’abahanzi iramenyesha abahanzi batumirwa kujya guhagararira igihugu hanze mu rwego rw’ubuhanzi bakabura ubushobozi bwo kwitabira ubutumire, ko bajya bihutira kumenyesha inama y’igihugu y’abahanzi kugira ngo harebwe icyakorwa gishoboka hakiri kare.”

Ismael Ntihabose, umuyobozi w’inama nkuru y’abahanzi agira ati “Ni byiza ko bajya batugeraho hakiri kare tukareba icyo twabafasha. Sinshaka umuhanzi ubura amahirwe.”

Abahanzi batandukanye bahamya ko bagiye babura uko bitabira ibitaramo n’amaserukiramico batumiwemo hanze y’u Rwanda, banabyitabira bakagenda byabagoye cyane.

Umuhanzi Mani Martin avuga ko yigeze gutumirwa mu iserukiramuco rya muzika muri Zanzibar rizwi nka “Sauti za Busara” ariko gushaka amafaranga yo kumujyanayo biramugora.

Umuhanzi Mani Martin nawe yigize kugorwa no kwitabira iserukiramuco ryabereye muri Zanzibar

Avuga ko byamusabaga Amadorari y’Amerika 1700, abarirwa muri miliyoni imwe n’ibihumbi 400RWf, kugira ngo abashe kugerayo ari kumwe n’abacuranzi be.

Akomeza avuga ko hari abari barabemereye kubarihira ayo mafaranga ariko ntibayabaha biba ngombwa ko biyambaza abandi bantu bakora iby’imyidagaduro, bateranya ayo mafaranga babona kugenda.

Si abahanzi gusa baburaga ubushozi bwo kwitabira ibyo baba batumiwemo hanze y’igihugu.

Ba Nyampinga na bo ni bamwe mu bahura n’ibibazo by’ubushobozi bibabuza kwitabira amarushanwa y’ubwiza agenda abera hirya no hino ku isi.

Miss Kwizera Peace ntiyabashije kwitabira irushanwa ry’ubwiza rya Miss United Continent 2016 kubera kubura ubushobozi

Nka Miss Kwizera Peace mu mwaka ushize wa 2016 yatumiwe mu irushanwa rya “Miss United Continent 2016” ryabereye mu gihugu cya Equateur ntiyajyayo kubera kubura ubushobozi.

Avuga ko byamusabaga Amadorari ya Amerika 6,500, abarirwa muri miliyoni eshanu n’ibihumbi 400RWf ariko abura aho ayakura.

Itangazo ryatanzwe n’Inama y’Igihugu y’Abahanzi

Charly na Nina bazamurika Album yabo ya mbere mu Ukuboza 2017

Muyoboke Alex, umujyanama w’abo bahanzi avuga ko iyo Alubumu izagaragaza ibyo atigeze akora mu myaka yatambutse.

Agira ati “Igihe kirageze ngo bashyire alubumu hanze, bageze mu mwaka wa kabiri bakunzwe. Burya iyo ufite indirimbo ya mbere igakundwa, iya kabiri bikagera muri eshanu, esheshatu haba hageze ko ukora alubumu.”

Yongeyeho ati “Ibyo ntakoze mu myaka yashize yose ngiye kubikora ubu ngubu kugira ngo abantu barebe ko dufite abahanzi bashobora no kuduserukira bakajya n’ahandi ugasanga ni abahanzi beza kandi bashoboye.”

Alubumu ya mbere ya Charly na Nina bayise “Imbaraga” ikaba izamurikwa ku itariki ya mbere Ukuboza 2017. Izaba igizwe n’indirimbo 10 hariho n’indirimbo zabo zakunzwe cyane kuva batangira umuziki.

Witegereje urupapuro rwamamaza ibirori byo gushyira hanze iyo Album, ubonaho Charly na Nina bambaye mu buryo badasanzwe bamenyereweho.

Bambaye imyambaro ya kinyafurika bateze ibitambaro mu mutwe, bafite n’imitako mu maso igaragaza umunyafurikakazi.

Muyoboke asobanura ko ibyo babikoze bashaka kugaragaza isura nyayo y’umunyafurikakazi.

Ati “Abo bakobwa ni Abanyarwandakazi b’abanyafurika. Kandi iyo album twise Imbaraga igaragaza ko abanyafurikakazi, abagore bafite imbaraga.”

Akomeza avuga ko kandi iyo Album bayitiriye indirimbo yitwa “Dufite Imbaraga”. Iyo ndirimbo ngo izajya hanze ku munsi wo kumurika iyo Album.

Ati “Indirimbo zabo hafi ya zose ziri mu njyana zikomoka muri Afurika. Twibanda kuri Afurika ntabwo twibanda ku muziki w’abazungu cyane.”

Ikindi kandi ngo iyo Allbum bayise “Imbaraga” mu rwego rwo kugaragaza imbaraga z’abagore n’uruhare rw’umugore mu kuzamura igihugu ndetse n’isi muri rusange.

Iyi filime ngo yatwaye arenga miliyoni 5RWf

Iyo filime yakiniwe mu Rwanda yitwa “Jibu”, Assia avuga ko yamutwaye amafaranga y’u Rwanda arenga miliyoni eshanu. Igaragaramo n’abandi bakinnyi bo mu Rwanda.

Iyo filime ivuga ku bana b’abakobwa bashukwa guhabwa akazi kandi nyamara bagiye kubacuruza.

Iyo filime izerekanwa bwa mbere ku buntu ku wa gatandatu tariki ya 30 Nzeli 2017.

Umutoni Assia yamenyekanye mu ma filime atandukanye yo mu Rwanda harimo n’iz’uruhererekane nka “Seburikoko” na “City Maid”.

Assia ahamya ko kubona Kigosi ngo akine muri Filime ye byamuhenze ariko ngo ntiyamugoye.

Agira ati “Ntabwo byangoye. Nagiye uri Tanzania musaba ko twakorana arabyemera, ntabwo byangoye kuko bazi sinema icyo ari cyo. Byarampenze cyane kuko ari ubwa mbere nari nkoranye n’abantu bo hanze y’u Rwanda.”

Assia ahamya ko amafaranga yagiye kuri iyo filime ariwe ubwe wayatanze nta bandi baterankunga yiyambaje. “Jibu” ni filime ya gatatu uyu mukinnyi wa filime akoze.

Mani Martin azatangirira i Rubavu ibitaramo bye bya "Afro Tour"

Ibyo bitaramo yise “Afro Tour” biteganijwe gutangirira i Rubavu ku itariki ya 30 Nzeli 2017.

Mani Martin avuga ko ibyo bitaramo azabikora ari kumwe n’itsinda ry’abaririmbyi ryitwa "Yemba Voice" n’irindi ry’abacuranzi ryitwa "Kesho Band".

Akomeza avuga kandi ko n’abahanzi bo mu ntara azaba yagiyemo azabaha umwanya na bo bakaririmba muri ibyo bitaramo kugira ngo nabo bigaragaze.

Yongeyeho ko kugeza ubu nta rutonde afite rw’abahanzi bo ntara bazakorana kuko bo bazajya baba ari nk’abashyitsi (Guest Artists).

Agira ati “Ubusanzwe iyi ‘Tour’ igamije kumurika alubumu yanjye “Afro”. Abari ku rutonde ruhoraho bazaririmbamo ni njyewe na Kesho Band hanyuma hakiyongeraho Yemba Voice. Abandi bose baba ari nka “Guests Artists” bitewe n’aho tuzajya tuba twagiye kuririmbira.”

Mani Martin aherutse gutangariza KT Radio mu kiganiro cyayo cya KT Idols ko ibyo bitaramo byo kuzenguruka mu ntara birimo ibyiciro bibiri.

Icyiciro cya mbere ari nacyo azatangirira i Rubavu, kizakomereza i Huye ku itariki ya 07 Ukwakira 2017, i Musanze ku itariki 14 Ukwakira, Rusizi ku itariki ya 21 Ukwakira n’i Kigali ku itariki 04 Ugushyingo 2017.

Aho azahera i Rubavu, azaba ari kumwe n’abahanzi bahakomoka barimo itsinda ry’abaririmbyi “The Same”, Khalid n’Itsinda ry’abanyamuziki ryo ku Nyundo.

Mani Martin kandi yadutangarije ko ibijyanye n’icyiciro cya kabiri cy’ibitaramo bye atari yamenya gahunda neza kubera ubushobozi bwo kugera aho yifuza butaraboneka.

Itsinda Tuff Gang ryarasubiranye

Iryo tsinda, rizwiho kuririmba mu njyana ya Hip Hop, ryongeye gusubirana ku buryo ubu banashyize hanze indirimo yitwa “For Someone”.

Kuri ubu iryo tsinda rigizwe na Green P, Fireman, Bull Dogg na Jay Polly. Bivuze ko P Fla warihozemo mbere atarimo.

Nyuma yo gusubirana, abakunzi batandukanye b’iri tsinda bibaza niba batazongera gutandukana nk’uko batandukanye mu myaka ishize.

Jay Polly abamara impungenge avuga ko ritazongera gusenyuka kuko ubu bose bafite intumbero imwe ya “Business” mu gihe mbere ngo byari ubuvandimwe gusa.

Agira ati “Ni ibiganiro byabaye. Ndibaza ko cyera twatangiye iri tsinda turi batoya ari urukundo rw’umuziki, ari ubuvandimwe busanzwe twakuranye n’ibindi byinshi.”

Akomeza agira ati “Ariko kuri ubu ikiduhuje harimo ibintu byinshi cyane bishobora gutuma tutakongera gutandukana. Ibi bishingiye ku buvandimwe ni byo ariko bishingiye cyane kuri ‘business’, ntabwo rero twahungabanya ‘business’ turimo turakora. Ni birebire, ni iby’igihe kirekire kabisa, ni sosiyete y’ubucuruzi (Company).”

Jay Polly akomeza avuga ko nyuma yo gushyira hanze indirimbo ““For Someone”, mu gihe gito ngo baraba bashyize hanze n’amashusho yayo, nyuma y’aho bashyire hanze indirimbo ya kabiri bise “This Nigga” bari gukorana na “The Ben”.

Akomeza avuga kandi ko bari guteganya igitaramo kinini gikomeye mbere y’uko uyu mwaka wa 2017 urangira.

Tuff Gang yashyize hanze indirimbo yitwa "For Someone"

Green P, murumuna w’umuhanzi The Ben nawe akaba umwe mu bagize Tuff Gang, yanyuzwe n’imikorere mishya bazanye mu itsinda ryabo.

Agira ati “Ni byiza cyane kuko ni imbaraga twashyize hamwe twese, buri wese yari amaze kugira imbarga ku giti cye,kuba twongeye guhuza ni imbaraga tuba dushyize hamwe tugakora ikintu kinini cyane.”

Muri iki gitaramo Sauti Sol izaba iri kumwe na Miss Shanel na Teta Diana

Biteganijwe ko icyo gitaramo kizabera ahitwa Birmingham Palace ku wa gatanu tariki ya 15 Nzeli 2017.

Uretse abo bahanzi bazaba bakirimo, hazaba harimo n’inzobere mu kuvangavanga imiziki (Djs) zirimo Dj Princess Flor na Dj Eric Gava.

Amakuru y’icyp gitaramo akimenyekana yavugaga ko Sauti Sol, itsinda ry’abaririmbyi ryo muri Kenya rizataramira abatuye mu Bubiligi riri kumwe na Miss Shanel, umuririmbyi wo mu Rwanda usigaye uba mu Burayi.

Miss Shanel azaba ari muri icyo gitaramo

Gusa we abinyujije ku rubuga rwe rwa Facebook, umuhanzi Teta Diana nawe yatangaje ko azaba ari muri icyo gitaramo kizacurangwa mu buryo bwa “Live”.

Agira ati “Nshimishijwe no kubamenyesha ko turi kumwe mu gitaramo cya Sauti Sol kizabera i Buruseri, Birmingham Palace kuri uyu wa gatanu 15/09 (2017).

Nzabasogongeza (ku) ndirimbo ebyiri ziri kuri album ndiho ntegura. Muzaze muri benshi nzishimira cyane kubana namwe.”

Icyo gitaramo cyateguwe n’itsinda ryitwa Team Production. Kigamije guhuriza hamwe Abanya-Afurika batuye mu Bubiligi mu rwego rwo gusabana.

Teta Diana nawe azataramira abo mu Bubiligi

Kanyana Angel (w’imbere) niwe watowe nka Miss Abanyagasani

Kibonke yabitangarije Kigali Today agira ati “Miss yitwa Kanyana angel. Ntabwo twamutoye ngo abe Miss biriya abantu basanzwe bamenyereye ahubwo twe ni uzajya adufasha kuvuganira Abanyagasani mu bikorwa by’urukundo dusanzwe dukora.

Kumenyekanisha ibikorwa byacu kandi by’umwihariko asanzwe anakina comedie mu Banyagasani.”

Akomeza avuga ko ari ubwa mbere bamutoye, bakaba bazajya bamutora rimwe mu gihembwe.

Kanyana Angel watowe nka Miss w’Abanyagasani yahembwe kuzajya ahabwa ama-inite 1000RWf ya interineti buri cyumweru.

Kanyana Angel

Abanyagasani kandi banatora Umunyagasani witanga kurusha abandi mu rwego rwo kurushaho gushyigikira abitanga. Kuri ubu Abanyagasani bazwi babarirwa muri 200 nubwo hari n’abandi benshi babyifuza.

Abanyagasani nibo ubwabo bishyira hamwe bagateranya amafaranga bakoresha ibikorwa by’urukundo.

Bimwe mu bikorwa by’urukundo bamaze gukora harimo gusangira n’abana bo ku muhanda. Icyo gikorwa bagikoreye kuri Rafiki i Nyamirambo kuri Noheli ya 2016.

Abanyagasani bakora ibikorwa by’urukundo bitandukanye. Aha bari i Muhanga bafasha umubyeyi utishoboye

Muri Mata 2017 ho bafashije umubyeyi w’i Muhanga, bamuha ibikoresho bitandukanye byo mu rugo n’ibiribwa banamuha ihene ebyiri n’amafaranga ibihumbi 50RWf.

Kibonke ni Umunyarwenya wabigize umwuga, akaba akina filime akanaririmba. Azwi muri filime zitandukanye zirimo iy’uruhererekane yitwa “Seburikoko”.

Bamwe mu bagize Abanyagasani

Umunyarwenya uzwi nka "Kibonge" muri filime Seburikoko

Umuririmbyi Tekno azataramira Abanyarwanda ku cyumweru

Patrick Lipscombe, umwe mu bari gutegura icyo gitaramo cyiswe “My250 Concert 1st Edition” yabwiye Kigali Today ati “ Abakunzi ba Tekno bitegure igitaramo gikomeye, tumaze amezi menshi tumutegereje kandi abahishiye byinshi.”

Akomeza avuga ko Tekno ashobora kuzarara ageze mu Rwanda ku wa gatandatu ku itariki ya 09 Nzeli 2017, bugacya ataramira Abanyarwanda. Kizatangira ku i saa munani z’amanywa.

Igitaramo cya Tekno kizabera muri Camp Kigali cyateguwe na Brainwave ifatanyije na Positive Production, kikazaba kirimo n’abandi bahanzi b’ibyamamare nka Lilian Mbabazi, Bruce Melody, Neptunez Bands n’abandi.

Tekno yamenyekanye mu ndirimbo zitandukanye zirimo “Pana”, “Duro”, “Rara” n’izindi. Uyu muririmbyi ni umwe mu baririmbyi bakunzwe muri Afurika.

Uyu muririmbyi agiye kuza i Kigali nyuma yuko hari ikindi gitaramo yagombaga kuzamo mu Rwanda mu mpera za Nyakanga 2017 ariko bikarangira gisubitswe.

Abategura icyo gitaramo batangaje ko impamvu cyasubitswe ari uko ngo habayeho kwihuta mu gutangaza ko Tekno aza mu Rwanda kandi hari ibyo bari batarumvikana.

Bruce Melody avuga ko nta yindi ndirimbo yashyira hanze muri iyi minsi

Iyi ndirimbo “Ikinya” Bruce Melody yayishyize hanze mbere gato y’uko yerekeza muri Kenya ubwo yari yitabiriye amarushanwa yo kuririmba ya “Coke Studio”, muri Gicurasi mu mwaka wa 2017.

Uyu muhanzi mu gihe kingana n’icyumweru yamaze muri Kenya, yagarutse mu Rwanda asanga indirimbo yasize ikunzwe mu buryo bukomeye.

Ageze no mu Rwanda iyo ndirimbo yakomeje gukundwa, icurangwa ahantu hatandukanye mu tubari, mu tubyiniro mu mudoka ku maradio n’ahandi.

Muri Kanama iyi ndirimbo yaje kuyisubiramo, ayishyira hanze yitwa “Ntidukina”. Iyi ikaba yari igamije kwizihiza intsinzi ya Parezida Paul Kagame.

Bruce Melody ahamya ko kuri ubu nta yindi ndirimbo yahita ashyira hanze kuko ngo "Ikinya cyiracyakunzwe cyane".

Agira ati “Ndi kwibaza ko “Ikinya” kikiri gukora akazi kacyo, nanjye ndacyari mu kandi kazi ko gutegura indirimbo nziza kuruta “Ikinya”, ubwo ibyo aribyo byose ni mu minsi iza kandi bizakunda.”

Akomeza avuga ko kandi “Ikinya” yayikoze igihe kigera ku mwaka n’igice abona kuyishyira hanze.

Ati “Niko nkora ubusanzwe, ntabwo nkunda gutanga ibintu mpubukiye, ibintu byanjye mbiha umwanya.”

Indirimbo "Ikinya" yarakunzwe mu buryo bukomeye

Izina “Ikinya” ngo ni izina yumvise akwiriye kwita indirimbo ye ariko ngo ntaho bihuriye n’ubuzima busanzwe abayemo.

Bruce Melody avuga ko kandi iyi ndirimbo yamutwaye akabakaba miliyoni 3RWf abariyemo ibyayigenzeho byose haba kuyikora mu majwi no mu mashusho.

Uyu muririmbyi ariko ntiyemera gutangaza amafaranga imaze kumwungura mu gihe cy’amezi ane ashize igiye hanze.

Ati “Ibyo byo nta gisubizo ndi bubitangeho, ariko ku isoko ry’umurimo ndi
mubahanzi bahagaze neza.

Ku bintu bijyanye n’amafaranga ntabwo nkunze kubiganiraho ariko byose ni byiza. Ntabwo iyi ngiyi yaza ngo inyinjirize amafaranga iyo ziriya zindi ziba zidahari.

Ni ukuyiha umwanya wenda tukareba nk’igihe hazaba hasohotse indi nibwo iki kibazo nagisubiza.”

Bruce Melody ntiyemera gutangaza amafaranga "Ikinya" imaze kumwinjiriza

Hejuru y’ibitaramo binyuranye agenda atumirwamo kubera iyi ndirimbo, Bruce Melody yatangiye no gukora imipira n’ingofero byanditseho “Ikinya”.

Bruce Melody niwe muhanzi wa mbere wo mu Rwanda agiye mu marushanwa ya “Coke Studio”. Akaba abyishimira cyane ndetse anasanga bizageza umuziki nyarwanda ku rwego rwo hejuru.

Senderi ahumuriza imiryango y’abariwe n’ingona zo muri Nyabarongo

Atangaza ibyo nyuma y’uko bamwe mu baturage bo muri Kamonyi baturiye Nyabarongo, bariwe n’ingona ubwo bajyaga kuvoma amazi muri uwo mugezi.

Senderi avuga ko ayo magare azabaha azatuma badasubira kuvoma amazi ya Nyabarongo ahubwo ngo bazajya bayanyonga bajya kuvoma amazi meza.

Agira ati “Ndi kwihanganisha abafana banjye bariwe n’ingona muri iyi minsi ndetse n’abandi wenda tuba tutamenye bitewe n’uko wenda aba ari abashumba baturanye n’akagera na Nyabarongo.

Rero ubu ndi gutegura amagare ngiye kugura kugira ngo nka bariya bahuye na biriya bibazo babone amagare bajye gushaka amazi meza bareke gusubira muri Nyabarongo.”

Akomeza avuga ko ari gutegura ibitaramo azakuramo ayo mafaranga kuko we byose ngo abikesha abafana be.

Ati “Birumvikana nzahera i Mageragere na hariya Kamonyi, hari n’ahandi hantu tuba tutazi. Ni igitekerezo Imana yampaye ngo ngitekerezeho, abafana banjye mbasure tu.”

Senderi ahamya ko icyo gikorwa ari kugitegura neza ku buryo ngo azagikora bitarenze Noheli ya 2017.

Nyuma y’uko ikibazo cy’ingona zirya abaturage gikomeje guhangayikisha abaturiye umugezi wa Nyabarongo, cyane cyane mu Karere ka Kamonyi, ubuyobozi bw’Intara y’Amajyepfo bwabujije abaturage gusubira kuri uwo mugezi.

Guverineri w’iyo ntara, Mureshyankwano Rose yabwiye abo baturage ko ku bufatanye n’ikigo cy’igihugu gishinzwe gukwirakwiza amazi (WASAC) bagiye gukora ibishoboka bakabagezaho amazi meza.

Senderi yaherukaga kugaragara, ubwo yari mu gikorwa cyo kwamamaza Perezida Paul Kagame, wari umukandida w’umuryango wa FPR-Inkotanyi. Avuga ko icyo ari kimwe mu byamushimishije cyane.

Ati “Ni uko bitavuzwe cyane ariko buriya byaranshimishije cyane kubona
umukuru w’igihugu ashima indirimbo yanjye akanayivugaho.”

Senderi akomeza avuga ko kuri ubu, yasoje ikiruhuko yari yarihaye.Ubu ngo ari gukora amashusho y’indirimbo ye yitwa “Convention”. Ikaba izajya hanze mu minsi iri imbere.

Arateganya kandi ko ateganya gushyira hanze indirimbo nshya yise “Tonton”, ahamya ko izaryohera cyane abafana ba muzika ye.

Patoranking ubwo yari ari ku rubyiniro

Patoranking niwe waririmbye bwa nyuma mu gitaramo cy’umunsi wa mbere wa KigaliUp!, cyabaye ku wa gatandatu tariki ya 19 Kanama 2017.

Abahanzi bamubanjirije barimo King James, Israel Mbonyi, Soleil Laurent na Ismael Lo bose baririmbye bacurangirwa imbonankubone (Live) ibintu byashimishije cyane abitabiriye icyo gitaramo.

Gusa ariko bamwe baje gutungurwa n’uburyo Patoranking wari utegerejwe n’abatari bake yageze ku rubyiniro akaririmbira kuri CD, ntawe umucurangira uretse DJ wamufasha kuvangavanga imiziki ye.

Yaririmbye indirimbo zitandukanye zirimo iyitwa “My Woman, My Everything ”, yaririmbye ubwo umukobwa w’umunyarwanda yamusangaga ku rubyiniro.

Parotanking ari kumwe n’uwo munyarwandakazi

Hashize umwanya munini Patoranking ari kumwe n’uwo mukobwa ku rubyiniro bigera aho uwo muririmbyi akuramo ingofero n’ishati abiha uwo mukobwa anamuha amadarubindi.

Nyuma yaho nibwo yahise asezera abari bitabiriye icyo gitaramo avuga ko azagaruka i Kigali noneho azanye n’itsinda rye rimucurangira.

Agira ati “Nzagaruka i Kigali! Ningaruka nzazana n’itsinda ryanjye ryose atari jye gusa. Mwakoze cyane mwese kuza.”

Byagaragaraga ko uyu muhanzi yishimiye Kigali. Usibye kuba yabibwiye abari bitabiriye icyo gitaramo, yanabinyujije ku rubuga rwe rwa Twitter.

Thank you Kigali for the Love ❤❤❤❤ Asante Sana 🙏

— PATORANKING (@patorankingfire) August 19, 2017

Muri rusange igitaramo cy’umunsi wa mbere wa Kigali Up! Cyishimiwe nubwo hari aho byageze imvura ikagwa.

King James na Israel Mbonyi ubwo baririmbaga, hagwaga imvura nyinshi bituma abafana babo bajya kugama. Ibyo ariko ntibyabujije ko hari abemera imvura ikabanyagira ariko bakareba abahanzi bakunda.

King James yaririmbye Live

Soleil Laurent, umuririmbyi wo muri Amerika nawe waririmbye KigaliUp!, yagaragaje ubuhanga mu gucuranga gitari ye.

Yakurikiwe n’umuririmbyi Ismael Lo wishimiwe cyane kuburyo abakunzi be bamufashaga kuririmba indirimbo ze ndetse bakanaganira ari nako bamusaba indirimbo.

Ismael Lo ntiyagaragaje ubuhanga mu kuririmba ahubwo yanagaragaje ko ibyuma bya muzika hafi ya byose abizi kuko uko yaririmbaga ni nako yasubiraga inyuma akagenda akina buri cyuma cya muzika cyari kiri ahongaho.

Ismael Lo ku rubyiniro

Umuririmbyi Phiona avuga ko KigaliUp! ari uburyo bwiza bwo kugaragaza aho muzika nyarwanda igeze

Phiona wamenyekanye bwa mbere muri “Tusker Project Fame Season 06” ni umwe mu bahanzi bo mu Rwanda bazitabira KigaliUp!.

Avuga ko kwitabira iryo serukiramuco ari ikintu gikomeye kuri we no ku muziki Nyarwanda kuko rizaba ririmo abahanzi bakomeye ku rwego rw’isi.

Agira ati “Kuririmbira hamwe n’ibyamamare nka Alpha Blondy, ni ibintu binejeje. Ikindi kinshimishije ni uko Umunyarwandakazi agiye kugaragaza icyo Abanyarwandakazi bashoboye.”

Uretse Phiona uzitabira KigaliUp!, abandi baririmbyi bo mu Rwanda bazayitabira barimo King James, Mani Martin, Israel Mbonyi, Riderman na Strong Voice.

Mu kiganiro n’abanyamakuru cyabaye ku itariki ya 17 Kanama 2017, Jacques Murigande uzwi nka Mighty Popo akaba ari nawe utegura KigaliUp!, avuga ko ikigambiriwe ari ukuzamura umuziki wo mu Rwanda.

Agira ati “Niyo mpamvu dushaka kuzamura umuziki Nyarwanda! Kuki se abahanzi Nyarwanda batakwinjiza amafaranga nk’ayo ingagi zinjiza?”

KigaliUp! itegurwa n’abahanzi Nyarwanda kugira ngo izamure abahanzi Nyarwanda. Niyo mpamvu usanga ari bo barimo benshi.

Ukuntu tubonye amahirwe yo kumushyira ku rubyiniro ngo akure natwe azaduserukire hanze, ni ishema kuri twebwe.”

Abanzi b’abanyamahanga bazitabira KigaliUp! barimo Alpha Blondy, Ismael Lo, Patoranking, Soleil Laurent, Manou Gallo, n’abandi batandukanye.

Soleil Laurent umuririmbyi w’umunyamerika ahamya ko yanyuzwe n’imibyinire y’Abanyarwanda

Yabitangaje ubwo yageraga ku kibuga cy’indege i Kanombe ku mugoroba wo ku itariki ya 17 Kanama 2017.

Soleil ugeze mu Rwanda ku nshuro ya gatatu, ubwo yabazwaga ikintu yaba yibuka ku bahanzi bo mu Rwanda mu nshuro ebyiri amaze guhurira nabo muri KigaliUp! yahise avuga ko akunda cyane uburyo babyina.

Agira ati “Nkunda cyane uburyo babyina, uburyo buri wese akunda kubyina. Ubushize umukobwa mwiza w’umunyarwandakazi yanyigishije kubyina. Ntabwo ndabimenya neza ariko narabikunze cyane.”

Uyu muhanzi waje aherekejwe na se umubyara, ubwo yabazwaga niba yakwemera gukorana indirimbo n’abahanzi bo mu Rwanda, yahise avuga ko byamushimisha cyane.

Ati “Uwo ariwe wese witeguye gutambutsa ubutumwa bw’ubumwe, urukundo, amahoro, uwo twakorana ntakibazo.”

Umuririmbyi Soleil Laurent ni umuhanga mu gucuranga gitari

Soleil uzwi mu ndirimbo zivuga ibijyanye n’amahoro, ubumwe n’urukundo yatangaje ko ibyo yigiye ku Rwanda azabijyana iwabo muri Amerika kubibigisha.

Ati “Ibyabaye mu Rwanda ndabizi, Jenoside yakorewe Abatutsi ndayizi nanasuye urwibutso ubushize ubwo nazaga.

U Rwanda rwariyubatse, mubayeho mu mahoro, urukundo n’umutekano, ni ikintu ngomba kuzigisha Amerika kuko twe iwacu hagarutse amacakubiri.

Kubona umuntu akurira mu Rwanda rwabayemo Jenoside ariko akabirenga akagira urukundo, agatera imbere, ni ikintu gikomeye cyane iwacu muri Amerika dukwiye kwigira ku Rwanda.”

Byavugwaga ko Phiona na Mico bari mu rukundo.

Uyu muhanzikazi wamenyekanye cyane kubera irushanwa rya Tusker Project, yabitangarije muri Kt Idols, ikiganiro gitambuka kuri Kt Radio kuwa gatandatu wa buri cyumweru.

Ubwo yabazwaga niba afite umukunzi, yavuze ko akibitekerezaho.

Abajijwe ku rukundo rwavuzwe kenshi hagati ye na Mico The Best; Phiona yeruye agira ati “Reka noneho mbivuge, nta rukundo rwigeze ruba hagati yanjye na Mico, twabikoze dushaka hit. Ni hit rwose twashakaga kandi twarayibonye. Phiona nibwo yari akiva muri Tusker ataramenyekana, ariko nyuma yahoo ahantu hose wabaga wumva ngo Phiona, Phiona. Rero ni Hit twashakaga.”

Phiona yakomeje ashimangira ibi agira ati “Hari ifoto yanjye na Mico mwigeze mubona? Hari ubwo mwigeze mumbonana na Mico?”

Ntiyatinye no kuvuga ko ari ikintu abahanzi benshi bajya bakoresha kugira ngo bavugwe cyane nyamara ngo benshi ntibabishyire ku mugaragaro ngo bahamye ko babikoze bashaka kuvugwa gusa.

Mbabazi Phiona yasoje atangariza abakunzi ba muzika akora ko mu minsi iri imbere mike azashyira hanze indirimbo ebyiri yirinze gutangaza amazina, akaba azaziririmba bwa mbere mu iserukiramuco rya Kigali Up rigiye kuba tariki 19 na 20 Kanama 2017.

Yanabasabye kandi kujya bihanganira ko rimwe na rimwe ajya atinda kubagezaho ibihangano bye, ahamya ko Atari ukutabazirikana ahubwo ko ari uko aba ataratunganya neza ibyo agomba kubaha.

Miss Elsa yabanje kwerekana ko koga abizobereye

Yabitangaje ubwo yatangizaga irushanwa ngarukamwaka ryo koga yise "Ndi Nyampinga Swimming Competition" ryabereye kuri Cercle Sportif ku ku wa gatandatu tariki ya 12 Kanama 2017.

Miss Elsa yavuze ko afite inzozi zo kugza kuru rundi rwego umukino wo koga mu Rwanda kuburyo abawukina bajya bajya gupigana nabo mu bindi bihugu kandi bagatahana imidali.

Agira ati “Icyo nifuza cyane ni ukubona abakinnyi b’umukino wo koga bacu natwe
bajya mu mikino ya Olempike.

Nkuko amavubi (Football) ashobora guserukira u Rwanda mu mikino yo hanze, nanjye ndashaka kuzabona umukino wo koga ugeze ku rundi rwego bakaba babasha nko kujya mu marushanwa mpuzamahanga. Aho niho nifuza kuzabona umukino wo
koga mu Rwanda.”

Miss Elsa yambika imidali abatsinze iryo rushanwa

Akomeza avuga ko yifuza kuzabona abantu bitabira umukino wo koga nk’uko bitabira indi mikino ikunzwe cyane hano mu Rwanda.

Agira ati “Njya gutekereza iki gikorwa ni uko ari siporo nkunda kandi nakuze nkora
kuva nkiri umwana ariko nkabona ntabwo abantu benshi bayitabira nk’uko bitabira
Basketball, Football.

Bintera kumva ko nanjye nshobora kuyizamura nkayivana ku rwego rumwe nkayigeza ku rundi. Ni muri urwo rwego nateguye iri rushanwa.”

Iri rushanwa ryitabiriwe n’abana bakabakaba 70, abakobwa n’abahungu, bari mu matsinda yo koga atandukanye nka Cercle Sportif, Vision Jeunesse, CBS Karongi n’abandi baturuste i Kigali, Rubavu na Karongi.

Inyogo zarushanyijwemo harimo nka “Free Style”; “Butterfly (Bunyugunyugu);
Backstrocke (Ngarama) na Dog Paddle.

Iryo rushanwa ryo koga ryitabiriwe n’abantu batandukanye

Bugingo Emmanuel, wari uhagarariye Minisiteri y’Umuco na Sport (MINISPOC) nawe yashimye icyo gikorwa.

Agira ati “Igikorwa nk’iki tugifata nk’igikorwa giteza imbere umukino wo koga.
Umukino wo koga ni umukino utagira amarushanwa menshi cyane cyane ko n’ibikorwa
remezo ari bike, iyo rero habonetse abategura igikorwa nk’iki turabyishimira.”

Umukino wo koga, ni kimwe mubyo Nyampinga w’u Rwanda Elsa Iradukunda azaserukana mu marushanwa ya Miss World azabera mu Bushinwa.

Miss Elsa avuga ko koga ari umukino mwiza ufasha umuntu kugira ubuzima bwiza

Yabitangaje ubwo yari ari kuri KT Radio, Radio ya Kigali Taday, mu kigarino cyayo cya KT Idols cyabaye ku itariki ya 05 Kanama 2017.

Biteganyijwe ko iryo rushanwa rizatangira ku itariki ya 12 Kanama 2017 ribere kuri “Cercle Sportif”.

Miss Elsa usanzwe akina umukino wo koga avuga ko yateguye iryo rushanwa ryo koga mu rwego rwo gufasha abakobwa bagenzi be gukora siporo.

Agira ati “Murabizi ko ari umukino (wo koga) abakobwa benshi badashyiramo imbaraga, kandi nkumva ko ari umukino nashishikariza abandi kuwukora.

Urafasha, uravura bimwe na bimwe nk’umugongo. Uranaruhura. Iyo umuntu afite stress akoga araruhuka.”

Akomeza avuga ko iryo rushanwa ngarukamwaka rireba abantu bafite imyaka iri hagati y’umunani na 25. Gusa ariko ntiyatangaje ibihembo bizahabwa abazatsinda kuko ngo bakivugana n’abaterankunga.

Miss Elsa yatangiye umukino wo koga afite imyaka icyenda gusa. Avuga ko impamvu awukunda cyane ari uko iyo umuntu yoga ingingo zose zikora.

Akomeza avuga ko kandi amarushanwa yose yagiye yitabira yo koga yagiye yegukana umwanya wa mbere cyangwa uwa kabiri. Ashobora koga ahangana na metero 100 na 200.

Hari bamwe batekereza ko umukino wo koga ari uw’abakire cyangwa se abandi bantu bahaze bari kwishimisha.

Miss Elsa avuga ko ibyo atari byo. Ati “Ntabwo koga ari umukino abantu bakora ari uko bahaze, ni siporo nk’izindi. Iyo woga umubiri wose urakora.”

Biteganijwe ko iryo rushanwa ryo koga rizahuriramo amatsinda y’abantu basanzwe bakora umukino wo koga nk’abanyamwuga. Kuri iyi nshuro ariko ngo aboga ku giti cyabo ntibemerewe guhatana.

Miss Elsa kuri ubu,ari kwitegura kujya mu irushanwa ry’ubwiza ryo ku rwego rw’isi (Miss World 2017), rizabera mu Bushinwa kuva ku itariki ya 18 Ugushyingo 2017.

Laura Musanase, ukina yitwa Nikuze muri "City Maid" ahamya ko ubuzima akina muri iyo filime ntaho buhuriye n’ubuzima bwe busanzwe

City Maid ni filime y’uruhererekane yerekanwa kuri Tereviziyo y’igihugu. Ikinirwa mu mujyi igaragaza ubuzima bwa buri munsi bw’aho haba mu ngo ndetse no mu rubyiruko.

Laura ayikinamo yitwa Nikuze. Aba ari umukobwa waturutse mu cyaro, ukora akazi ko mu rugo muri uwo mujyi. Ako kazi akora ahuriramo n’ibibazo birimo no guhohoterwa mu buryo butandukanye.

Abakunzi b’iyo filime bakunda uburyo Laura ayikinamo. Laura w’imyaka 24 y’amavuko, yatangarije Kigali Today ko mu buzima busanzwe abantu batandukanye baba bashaka kumubona bibaza ku buzima bwe.

Agira ati "Kuriya ngaragara kuri televiziyo,abenshi iyo bambonye baba bamfitiye amatsiko, hari bamwe baba bababaye iyo bambonye. Hari n’abo duhura bakarira kubera ibyo mba nkina! Iriya ni filime mba nkina.”

Laura Musanase, ukina yitwa Nikuze ahamya ko City Maid ariyo filime yari akinnyemo bwa mbere

Akomeza abwira abakunzi be ko ibyo akina muri “City Maid” ntaho bihuriye n’ubuzima bwe busanzwe. Ahamya ko abana n’umuryango we kandi akaba afite ababyeyi be bombi.

Laura avuga kandi ko hari bamwe bamutinya nyamara ngo bitari bikwiye. Ati “Abambona, ntabwo ntinyitse, n’uwambona akamvugisha nta kibazo.

Nkunda abafana banjye, nkunda abantu banyishimira, nibo mbaraga zanjye kandi bajye bakomeza kumba hafi, bangire inama, bankosore, muri make ntabwo ndi umuntu utinyitse cyane.”

Laura Musanase yavukiye muri Tanzania ariko akurira mu Rwanda. Amashuri abanza yayigiye mu kigo cya "Bright Academy Primary School" mu Karere ka Nyagatare.

Amashuri yisumbuye yo yayatangiriye muri “Lycee de Kigali” ayasoreza muri “FAWE Girls’ School”.

Laura Musanase aracyari ingaragu, abana n’umuryango we

Nta kindi kintu akora uretse gukina filime. Yatangarije Kigali Today ko yabaye ahagaritse amashuri. Yari ageze mu mwaka wa kabiri wa Kaminuza mu ishami ry’Ubukungu (Economics) muri University of Kigali.

Ibyo gukina filime ngo yabigiyemo kubera inshuti ze zirimo nyinshi zikina filime. Ubusanzwe ngo akiri mu umwana inzozi ze zari izo kuzacuruza imodoka kuko yazikundaga.

City Maid ni yo filime ya mbere akinnyemo kandi ngo ntaho yigeze yiga ibyo gukina filime.

Umuhanzi Masamba nawe yari yagiye kwakira Kitoko

Yegeze mu Rwanda mu ijoro ryo ku wa gatatu tariki ya 12 Nyakanga 2017.

Akigera ku kibuga cy’indege cya Kanombe yakiriwe n’abantu batandukanye barimo umuryango we, inshuti n’abafana be. Yakiriwe kandi n’abahanzi banyuranye barimo Masamba Intore na Engineer Umusaza Kibuza.

Kitoko yageze mu Rwanda aturutse mu Bwongereza aho aba. Nyuma yo kugera muri Kigali, yatangaje ko yishimiye kuba ageze mu Rwanda, atangaza ko aje mu gikorwa cy’amatora, akazamara iminsi 20 gusa.

Kitoko kandi yakiriwe n’umuryango we

Akomeza avuga ko afite amatsiko yo gutembera u Rwanda rwose ahamya ko aho yabashije kugera hamweretse uburyo mu Rwanda hahindutse cyane hakaba heza kurushaho.

Kitoko arakunzwe cyane muri iyi minsi kubera indirimbo ye yitwa "Amadayimoni".

Amafoto: Muzogeye Plaisir

Dream Boys ihamya ko miliyoni 24RWf begukanye muri PGGSS7 atari nyinshi nkuko bamwe babitekereza

Platini, umwe mu bagize Dream Boys avuga Miliyoni 24RWf bahembwe muri PGGSS7 zizabafasha gukomeza muzika bakora.

Agira ati “Gahunda dufite ni iyo gukomeza imfuruka z’umuziki wacu. Abantu bitegure ko tugiye gukora ibihangano byiza bifite n’ubushobozi burenze ubw’ibyo twari dufite mu minsi yatambutse."

Akomeza avuga ko nta mushinga udasanzwe bafite. Ariko ngo muri uko kongera imbaraga z’umuziki wabo hazabamo no gukorera hanze y’igihugu no gukorana n’abahanzi bakomeye hirya hino ku isi.

Platini avuga kandi ko, ziriya Miliyoni bahembwe atari nyinshi nk’uko hari bamwe babitekereza.

Ati "Ariya mafaranga twabonye buriya ntugire ngo ni na menshi y’ikirenga, abandi hanze bayakoresha video imwe. Ariko twebwe tuzagerageza tuyakoreshe ibiri mu bushobozi bwayo ariko tuzabikora kandi byiza abantu bazishimira.”

Akomeza avuga ko nubwo bakoze cyane mu irushanwa rya PGGSS7, nta kiruhuko bigeze bajyamo kandi ngo nta n’icyo bateganya nyuma yo kwegukana iryo rushanwa.

Dream Boys ivuga ko miliyoni 24RWf begukanye zizabafasha mu kwagura muzika yabo

Abahanzi bagize itsinda rya Dream Boys batangaza ko batangiye guhatanira irushanwa rya PGGSS bafite imyaka 21 y’amavuko ariko baryegukana bafite imyaka 28.

Aha niho Platini ahera abwira abahanzi bakizamuka kudacika intege mu byo bakora byose.

Ati “Ntabwo ari intambara iba yoroshye. Mu muziki iyo ucitse intege biba birangiye. Twumvaga ku ikubitiro ko ari twe turi buyitware kandi koko twazaga muri bane ba mbere n’ubwo ari twe twari abana.

No mu zindi zakurikiyeho ntitwigeze tuza mu myanya y’inyuma, twahoraga mu bahabwa amahirwe ariko bikarangira tutayibonye ariko igihe cyarageze turayibona. Na bo rero bareke gucika intege bakomeze bakore."

Dream Boys igizwe na Nemeye Platini na Mujyanama Claude uzwi nka TMC. Yegukanye irushanwa rya PGGSS7 isanga iya Tom Close, King James, Riderman, Jay Polly, Butera Knowless, na Urban Boys.

Akon azitabira Youth Konnekt Africa Summit 2017

Akon, ubundi witwa Aliaume Damala Badara Thiam, yaherukaga mu Rwanda mu myaka ibiri ishize mu mushinga we wo kugeza amashanyarazi henshi mu gihugu.

Amakuru yo kwitabira "Youth Connekt Africa Summit" kwa Akon yemejwe na Njoya Tikum, umuyobozi ushinzwe kurwanya ruswa mu ishami ry’umuryango wa bibumbye ryita ku iterambere (UNDP) abinyujije ku rubuga rwe rwa “Twitter”.

UNDP, umufatanyabikorwa wa Youth Connekt Africa, niyo yatumiye Akon. Nyuma yo ku mutumira Akon nawe yemeye kwitabira ubwo butumire ku buryo hatagize igihinduka mu minsi iri imbere yaba ari mu Rwanda.

Akon naza mu Rwanda azaba ari kumwe n’abandi bantu banyuranye barenga 1500 nabo bazitabira “Youth Connekt Africa Summit”.

Akon ubwo aheruka mu Rwanda mu mwaka wa 2015

U Rwanda ni kimwe mu bihugu 14 byo muri Afurika Akon ateganga kugezamo umushinga we w’amashanyarazi uzacanira abarenga Miliyoni 600.

Jack Ma, umuherwe wo mu Bushinwa watangije urubuga rwa interineti rukorerwho ubucuruzi rwitwa “Alibaba”, nawe ategerejwe i Kigali muri Youth “Connekt Africa Summit”.

Biteganijwe ko mu bazitabira harimo abayobozi b’ibigo bikomeye byo hirya no hino muri Afurika, abahanzi, ba rwiyemezamirimo bakomeye n’abandi bantu banyuranye bakomeye.

Hagiye gukorwa igitaramo cyo kwibuka Kamaliza

Uru rubyiruko rwibumbiye mu muryango utegamiye kuri Leta "Easy and Possible" ukorera mu Rwanda, rufatanyije n’urubyiruko rw’abanyarwanda baba muri Diaspora Nyarwanda hirya no hino bakunze Kamaliza.

Bateguye iki gitaramo mu rwego rwo kwibuka Kamaliza no gufasha mukuru we Mariya wasigaranye imfubyi yasize.

Mukiganiro na Niyigena Sano Francois uzwi nka Seno umwe mubari gutegura iki gikorwa, avuga ko bifuza gufasha uyu muryango binyujijwe mu gitaramo kizagaragaza ibyo yasize akoze.

Yagize ati "Nk’urubyiruko dukunda twanakunze Kamaliza, twagiye gusura abo bana yareraga, na mukuru we Mariya tureba ubuzima babayemo, inzu babayemo ni iyo batijwe na Caritas, dusanga tugomba kugira icyo dukora ngo tubafashe."

Mariya mukuru wa Kamaliza

Seno yakomeje atubwira ko barimo gukora filime mpamo (Documentaire) kuri Kamaliza ikaba izamurikwa muri icyo gitaramo ndetse na Alubumu y’indirimbo ze.

Uru rubyiruko kandi rwabanje kuvugana n’umuryango wa Kamaliza ndetse n’abana yareraga kuri ubu barerwa na mukuru we Mariya w’imyaka 66.

Iki gitaramo kandi ngo azaba ari umwanya mwiza wo gushimira Mariya, kubera icyo gikorwa cyiza yakoze dore ko Kamaliza yari yafashe abana batatu naho nyuma mukuru we akaza kongeraho abandi bakaba 18.

Abana Kamaliza yasize bavuga ko bakunda indirimbo ze cyane kandi bahora banazumva, dore ko ngo yajyaga azibacurangira bakiri bato, nk’uko uwitwa Solange yasize afite imyaka ine abivuga.

Abahanzi bazaririmba muri iki gitaramo harimo Masamba Intore, Muyango, Suzanna Nyiranyamibwa, Mariya Yohana, Patrick Nyamitari, Jules Sentore n’abandi benshi.

Mutamuliza Annonciata (Kamaliza) yitabye Imana mu Ugushyingo 1996 azize impanuka, akaba ari umwe mu bakobwa barwanye urugamba rwo kubohora igihugu, wari ufite ipeti rya Sergent mu ngabo za APR.

Zimwe mundirimbo ze ni "Humura Rwanda", "Laurette", "Naraye ndose", "Kamariza" yanamwitiriwe n’izindi.

Abitabiriye igitaramo cya Rwanda Fiesta cyabereye i Nyamata kuri Golden Tulip abenshi bari bajyanwe no kureba Diamond (Photo Twitter)

Icyo gitaramo cyabereye muri Golden Tulip i Nyamata, cyahuje abahanzi bo mu Rwanda n’abo hanze yarwo. Abaririmbye barimo Dj Pius, Charly na Nina, Yvan Buravan, Vanessa Mdee, Diamond Platnumz na Morgan Heritage, tariki ya 02 Nyakanga 2017.

Iki gitaramo cyari giteganyijwe gutangira ku isaha ya saa kumi n’imwe, cyarakererewe gitangira ahagana mu ma saa tatu n’igice z’ijoro.

Uko gutinda kwatumye abaje mu gitaramo batangira kurambirwa kubera gutegereza igihe kirekire kandi abenshi bari bashishikajwe no kuririmbirwa na Diamond, umuririmbyi wo muri Tanzania.

Ariko mbere yuko aririmba habanje kuririmba abandi bahanzi batandukanye barimo Dj Pius waririmbye indirimbo zirimo “Agatako”, “Imitobe” n’izindi.

Vanessa Mdee yageze ku rubyiniro abantu batangira guhaguruka

Yaje gukurikirwa na Charly na Nina bishimiwe cyane abitabiriye igitaramo batangira guhaguruka. Nabo bakurikirwa na Yvan Buravan na Vanessa Mdee wo muri Tanzania.

Ubwo uyu mukobwa yageraga ku rubyiniro yishimiwe n’abatari bake kubera imibyinire n’imyambarire ye n’ababyinnyi be n’uburyo yaganirizaga abafana.

Uko abaririmbyi basimburanaga ku rubyiniro byafataga umwanya munini bigatuma abitabiriye igitaramo bakomeza kurambirwa ariko banga gutaha kuko bari bategereje Diamond.

Diamond yageze ku rubyiniro mu ma saa saba za mu gitondo abantu bamwe batangiye kurambirwa

Diamond wari utegejwe na benshi yageze ku rubyiniro ku isaha ya saa saba zirenzeho iminota irindwi za mu gitondo, ku wa mbere tariki ya 03 Nyakanga 2017.

Akigera ku rubyiniro benshi bahise bagaragaza ibyishimo, barirekura barabyina, bigaragara ko ariwe muhanzi bari bategereje.

Diamond yaririmbyi indirimbo ze zitandukanye maze ntiyazuyaza kuvuga ku buranga bw’Abanyarwandakazi, bamwe abahamagara ku rubyiniro babyina bivuye inyuma.

Kubera gutinda kw’icyo gitaramo, Diamond amaze kuririmba indirimbo ya mbere bamwe bahise batangira kwitahira ubona ko barambiwe.

Diamond yamaze amasaha arenga abiri ku rubyiniro ariko yagiye gushira abafana barenga icya kabiri bamaze gutaha. Icyo gitaramo cyarangiye mu ma saa cyenda za mu gitondo tariki ya 03 Nyakanga 2017.

Charly na Nina nabo bahagurukije abantu

Young Grace uzwi mu bakobwa batajya barya iminwa mu kuvuga, ari mu mishinga yo gushinga televiziyo ye.

Ibi yabitangarije mukiganiro Kt Idols cyo kuri KT Radio, ubwo yabazwaga ku mishinga ari gutegura.

Yagize ati: “Ndi mu mushinga wa televiziyo yanjye, muri uyu mwaka ndifuza gushyira hanze “Young Grace TV, ndi mu mushinga nakwita w’utwenda tw’imbere tw’abahungu n’abakobwa twanditseho “Young Grace”, niyo mishinga yanjye.”

Young Grace yakomeje avuga ko iyo Televiziyo ateganya izaba ari televiziyo nk’izindi zizwi haba mu Rwanda no hanze; ikazaba yibanda cyane cyane ku bijyanye n’imyidagaduro n’ibiganiro bya Gikristu.

Yatangaje kandi ko afite abaterankunga bari kubimufashamo kuburyo uyu mwaka uzajya kurangira “Young Grace TV” yatangiye gukora.

Young Grace kandi aherutse no kugaragara mu mashusho magufi yafashwe aririmba indirimbo “Ikinya” ya Bruce Melody, akaba yaragaragaye muri aya mashusho ameze nk’uwasinze anafite inzoga mu ntoki ari kunywa.

Kuri aya mashusho, Young Grace yasobanuye ko yabikoze abishaka, asa nk’uri gukina (Acting).

Ati: “Narakinaga. Njye ndi umukinnyi mwiza ku buryo nshobora gukina ndi kurira kandi ntababaye. Nshobora no gukina nk’uwasinze kandi ndi muzima.”

Young Grace kandi yabwiye abibaza ko bitari bikwiriye umukobwa nkawe ko ariwe ushinzwe ubuzima bwe.

Ati: “Narindi kubikina ariko nari nananyoyeho gake. Ikindi imyaka yanjye inyemerera kunywa; ndi hejuru y’imyaka 18, ndanywa gusa nywa murugero, ikindi, ndi Manager w’ubuzima bwanjye (ninjye ubushinzwe).

Ndumva uretse Imana yonyine, uretse ko nayo idashobora kuncira urubanza, rero abibajije kuri video ibintu byinshi, nababwira ngo bihangane nyine ntakundi, uwo niwe njyewe.”

Young Grace kandi yashyize hanze indirimbo yise “Ikofi” yafatanyije na Syntex, umuhanzi uri kuzamuka.

Muri iyi ndirimbo Young Grace avugamo ko umusore utamurusha ku ikofi (amafaranga) atamwemerera ko bakundana.

Uyu muhanzikazi ari gutegura alubumu w’indirimbo ze, alubumu ya kabiri yise “Vingt à vingt deux ans”.

Ama G The Black yatandukanye n’umugore we bari bamaranye imyaka ibiri

Uyu muhanzi ubusanzwe witwa Hakizimana Amani, Amakuru yo gutandukana n’umugore we bari bamaranye imyaka ibiri babana, yamenyekanye mu kwezi kwa Gicurasi 2017.

Uyu muhanzi avuga ko iyo yiriwe mu rugo wenyine nta rungu agira nubwo uwamumaraga irungu batakibana.

Agira ati "Haba hari amateleviziyo, mba ndi kwikinira n’inkoko, n’inuma, utuntu nk’utwo. Ntabwo ngira irungu cyane."

Akomeza kandi ahakana amakuru amuvugwaho ko yaba yarahise ashaka undi mugore, agira ati “Ibyo ni ibyo baba bandika, bavuga, babeshya, kandi ntabwo wababuza kwandika."

Uyu muhanzi ukunda korora mu buzima bwe, ahamya ko korora inuma bimushimisha kandi bikanamuha amahoro kuko atazigurisha cyangwa ngo azirye, ahamya ko ashimishwa no kuzireba gusa.

Mu rugo iwe uhasanga inkoko, imbwa, inuma. Bimukundiye ngo yanorora ihene ariko aho atuye ngo ntibyamworohera.

Uyu muhanzi usa n’umaze iminsi atigaragaza cyane mu muziki, ahamya ko n’ubwo atakigaragara cyane bitavuze ko adakora. Ahamya kandi ko azamurika alubumu y’indirimbo ze mbere y’uko uyu mwaka wa 2017 urangira.

Umuryango wa Tom Close wibarutse umwana w’umuhungu

Uwo muryango wibarutse umwana w’umuhungu bahise bita Elan kuri iki cyumweru tariki ya 25 Kamena 2017.

Uwo mwana bibarutse ni uwa kabiri muri uwo muryango nyuma ya Ineza Ella wavutse ku tariki ya16 Kanama 2014.

Abinyujije kuri Instagram, mu ma saa sita z’amanywa, Tom Close yasangije inshuti ze n’abamukurikira bose inkuru y’ukwibaruka kwabo ndetse anabasangiza ifoto y’umwana wabo.

Yagize ati “Mudufashe gushima Imana kuko yaduhaye umugisha wo kubyara umwana w’umuhungu witwa Elan.”

Tom Close kandi yahise anasangiza abakunzi be konti ya Instagram yitwa “@elan_tclose” bahise bafungura, abantu bazajya basangaho amafoto y’uwo mwana.

Bamwe bibajije uburyo Danny Nanone aza ku mwanya wa 9

Ibyo byagaragaye mu birori bisoza PGGSS7 byabereye muri Parking ya Stade Amahoro, tariki ya 24 Kamena 2017.

Ugutungurana kwa mbere kwabayeho ni uburyo umuraperi Danny Nanone yaje ku mwanya wa cyenda kandi ari umwe mu bahanzi bamaze igihe muri iryo rushanwa kandi bigaragara ko yakoze.

Abakunzi ba muzika bamwe bakibaza uburyo umuhanzi Queen Cha wari wagiye muri iryo rushanwa bwa mbere asimbuye Charly na Nina barisezeyemo, aza ku mwanya wa gatanu maze Danny Nanone akaza ku mwanya wa cyenda.

Queen Cha yaje ku mwanya wa gatanu ari ubwa mbere ageze muri irushanwa rya PGGSS

Ubwo Bull Dogg yageraga ku rubyiniro, abafana be bamwakiranye ibyishimo bakoma amashyi banabyina bigaragara ko bari bafite icyizere ko ariwe wegukana iryo rushanwa.

Nawe yagaragaje ko afite icyizere cyo kuryegukana, aririmba indirimbo zitandukanye ageze hagati agira ati “Naje gitwara miliyoni zanjye! Sinabibabwye cyera ko izi rere (amafaranga) nzazijyana! Iki nicyo gihe cyanjye! Uyu munsi ndashaka kurarana amafaranga! Uyu munsi ndashaka kurara mpfumbase ipinda!”

Ariko yaratunguwe n’abafana be baratungurwa ubwo yahamagarwaga ku mwanya wa gatatu, agahabwa igihembo cya miliyoni 4RWf.

Bull Dog yari yizeye intsinzi birangira atunguwe

Umuhanzikazi Oda Paccy nawe yaratunguwe n’abafana be baratungurwa ubwo yahamagarwaga ku mwanya wa gatandatu akaza inyuma ya Queen Cha wari witabiriye bwa mbere iri rushanwa.

Muri PGGSS, umuririmbyi abona amanota menshi iyo iyo yitwaye neza ku rubyiniro bitewe nuko agaragara n’uburyo yahagurukije abafana bakabyina.
Ikindi cyatunguranye ni uburyo abahanzi bakorera mu nzu itunganya umuziki imwe (Lebel) bagiye bakurikirana.

Oda Paccy nawe yaratunguwe

Dream Boys yabaye iya mbere na ikorera muri Kina Music. Christopher wabaye uwa kabiri nawe yayihozemo.

Mico The Best, Queen Cha na Odda Paccy uko bakurikirana bafashwa n’inzu itunganya umuziki ya Super Level.

Active, Danny Nanone na Davis D uko bakurikiranye muri PGGSS7 bafashwa na Producer Bernard.

Dream Boys nyuma yo kwegukana instinzi

Dore uko abahanzi bakurikiranye:

1. Dream Boys yahawe igihembo cya miliyoni 24RWf

2. Christopher yahawe igihembo cya miliyoni 4.5RWf

3. Bull Dogg yahawe igihembo cya miliyoni 4RWf

4. Mico The Best

5. Queen Cha

6. Oda Paccy

7. Social Mula

8. Active

9. Danny Nanone

10. Davis D

Yvan Buravan ahamya ko ataratekereza ibyo kugira umukunzi

Iby’urukundo hagati ya Yvan Buravan na Hoza Idol byatangiye kuvugwa nyuma y’ifoto yagiye hanze y’aba bombi bari kumwe.

Buravan, wavutse mu 1995 ahamya ko uwo mukobwa bifotoranyije bahuye, baramenyana barifotoza birangira ubwo ntibongera kubonana habe no kuvugana; nkuko yabitangarije Kigali Today.

Agira ati “Nifotozanya n’abantu benshi sinzi impamvu uriya ariwe bavuga. Duherukana kuri uriya munsi ifoto yafatiweho niyo mpamvu mba nibaza nti iyo abonye biriya bintu abyibazaho iki?”

Iyi foto niyo abantu baheraho bavuga ko abo bambi bari mu rukundo

Buravan avuga ko muri iki gihe icyo ashyize imbere ari akazi naho ngo ibyo gukundana cyangwa gushaka umukunzi bizaza nyuma. Ubu ngo ari kwitegura igitaramo kitwa “Fiesta” kizaba ku itariki 02 Nyakanga 2017.

Ati “Urukundo mu busanzwe ni ikintu utamenya iyo kivuye, gusa nyine icyangombwa ni uko tudakundana, niseguye kubaba baracyetse ko aribyo.

Babyihanganire nyine bijya bibaho ko amakuru amwe n’amwe aba atariyo ariko icyo bamenya cya mbere ni uko ubu ngubu turi mu kazi ibyo bindi ntibiraza.”

Hoza Idol bivugwa ko ari mu rukundo na Buravan

Akomeza abwira abakunzi b’umuziki we ko nabona umukunzi azamubereka. Agahamya ko akiri muto kuburyo ataragira igitekerezo cyo kugira umukunzi.

Agira ati “Ndacyafite imyaka ndi mutoya. Wumve ngo sindanabitekereza. Nimara kubona ko ndi tayari gushaka umukunzi nibwo nzatangira kubitegura ariko ubu bwo ntabyo mfite mu mishinga kabisa.

King James asanzwe asusurutsa ababa bitabiriye Rwanda Day

Abo mu Rwanda ni King James na Teta Diana naho ababa mu Bubiligi ariko bakomoka mu Rwanda ni Inki, Soul T na Jali.

Kuri uyu wa Gatandatu tariki ya 10 Kamena 2017 nibwo hateganijwe Rwanda Day ibera mu Mujyi wa Bruxelles mu Bubiligi.

Iritabirwa n’Abanyarwanda n’inshuti z’u Rwanda ziba mu Bubiligi n’abandi baturutse hirya no hino mu bihugu by’i Burayi hari kandi n’abayitabira baturutse mu Rwanda.

Teta Diana nawe azasusurutsa abazitabira Rwanda Day yo mu Bubiligi

Rwanda Day ni umunsi udasanzwe ku Banyarwanda bo muri Diaspora n’inshuti z’u Rwanda kuko bahura n’abayobozi bakuru b’u Rwanda barangajwe imbere na Perezida wa Repubulika Paul Kagame.

Kuri ubu Abanyarwanda batandukanye bazitabira Rwanda Day ibera mu Bubiligi batangiye kugera mu Mujyi wa Bruxelles.

Miss Elsa ubwo yari ari mu gikorwa cyo kuvuza abarwaye Ishaza muri Rubavu. Ari gushaka ubufasha bwo kuvuza n’abandi

Muri Gicurasi 2017, Miss Elsa afatanyije n’Ibitaro bya Kabgayi yavuje abantu 200 barwaye “Ishaza” mu jisho bo mu Ntara y’Iburengerazuba.

Ishimwe Dieudonné, umuyobozi wa Rwanda Inspiration Back Up itegura Miss Rwanda ari nayo ireberera inyungu za Nyampinga, yatangarije Kigali Today ko hari hiyandikishije abarwayi 200 ariko ngo haje abarenga.

Niyo mpamvu ngo hari gushakwa uburyo icyo gikorwa cyo kuvuza abantu “Ishaza” cyakomereza no mu zindi ntara.

Agira ati “Ubufatanye bwatangiye ari ugufasha abo mu Ntara yiyamamarijemo nka Nyampinga w’u Rwanda ariko bikurikije ukuntu twasanze ari ikibazo kinini turimo kuganira n’ibitaro bya Kabgayi kugira ngo turebe ko twajya no mu zindi Ntara kuko ni ibintu bigora.”

Ntatangaza igihe icyo gikorwa kizatangiriraho ariko ahamya ko ibiganiro bari kugirana n’ibitaro bya Kabgayi nibirangira hazamenyekana icyo gukorwa.

Miss Elsa yavuje abantu 200 Ishaza. Uyu ni umwe muri bo wari umaze kuvurwa

Ikindi ngo ni uko kuri ubu Miss Elsa yatangiye kwitegura irushanwa ry’ubwiza ryo ku rwego rw’isi (Miss World) rizabera mu Bushinwa mu mpera za 2017. Abazaryitabira bazagera mu Bushinwa mu ntangiriro z’Ugushyingo 2017.

Ari kwitegura iryo rushanwa mu buryo butandukanye haba mu gukora siporo no kwerekana imideli; nkuko Ishimwe abisobanura.

Agira ati “Irushanwa ryo kuritegura ku bijyanye na gahunda ya siporo n’ubundi asanzwe akora siporo. Kwitegura kuzerekana impano muri siporo, asanzwe akora siporo yo koga by’umwuga, abyitoza rero buri munsi, aho ho urumva ko nta kibazo.

Kwerekana imideli asanzwe n’ubundi aribyo akora; ikijyanye no kwerekana impano yihariye, ari kubyigaho. Ikijyanye n’ubwiza bufite intego ntabwo aricyo dukorera kuko n’ubusanzwe ibikorwa ari gukora ni nabyo tuzerekana.”

Miss Elsa kandi ngo ari gutegura igikorwa cyo gukundisha abantu ibikorerwa mu Rwanda (Made In Rwanda), igikorwa kizamara hafi ukwezi n’igice. Azazenguruka hirya no hino mu gihugu asura inganda anamamaza ibikorwa bakora.

Uwanditse iyi filime ngo yibye igitekerezo cyayo

Umunyamerika uwitwa Stephen Cummings niwe wajyanye mu nkiko James Cameron, asaba ko yamwishyura indishyi ya miliyoni 300 z’Amadolari ya Amerika ($), abarirwa muri miliyari 240RWf.

Inkuru dukesha TMZ ivuga ko Stephen Cummings yemeza ko James Cameron yifashishije inkuru ye mpamo mu gukora filime “Titanic”.

Agahamya ko we ubwe ari we yakuyeho igitekerezo cyo gukora umukinnyi w’imena Jack Dawson, wakinwe na Leonardo DiCaprio.

Akomeza avuga ko inkuru ikubiye muri filime Titanic, ari ibyabaye ku bantu babiri bo mu muryango we bari bari mu bwato nyabwo bwa Titanic, bwarohamye mu 1912.

Ubwo bwarohamaga umugore niwe warokotse, umugabo we yitaba Imana, bisa neza n’ibyo muri filime Titanic aho Rose ari we urokoka naho Jack akitaba Imana.

Stephen yemeza ko iyi nkuru yagiye ayibwira inshuti ze akemeza ko ariho James Cameron yayikuye.

James Cameron wanditse akanayobora filime "Titanic"

Gusa ariko kuba James Cameron yaba yarifashishije iyi nkuru y’uyu Stephen cyangwa yaba atarayifashishije, ntibituma agomba kuzishyura ayo mafaranga.

Kuko itegeko rirengera umuhanzi muri Amerika (USA) ntirirengera ibitekerezo (idees) cyangwa ibyo umuntu yungutse abikuye ku bandi (inspirations),bivuze ko kuba yaba yabikoresha nta tegeko rimuhana.

Gukora Filime Titanic, byatwaye James Cameron miliyoni 200$ (arenga miliyari 160RWf) ariko kugeza ubu imaze kwinjiza abarirwa muri miliyari 2.5$. Ni imwe mu mafilime ane amaze kwinjiza amafaranga menshi ku isi.

DJ Pius niwe muririmbyi wo mu Rwanda watangiye gucururiza indirimbo ze kuri wasafi.com

Urubuga rwa interineti rwa www.wasafi.com rwashinzwe na Diamond, nirwo ruri gucururizwaho izo ndirimbo za DJ Pius zirimo “Play it again”, “Agatako yafatanyije na Chameleon” na “Wabulila wa.”

Diamond abinyujije ku rubuga rwe rwa Instagram yahise abisangiza abantu ahamagarira n’abandi baririmbyi bo mu Rwanda gucuruzaho indirimbo zabo.

Kugeza ubu, DJ Pius niwe muhanzi wo mu Rwanda wenyine uri kugaragara kuri urwo rubuga ruriho abandi bahanzi bagera muri 96 na Diamond ubwe arimo.

DJ Pius agira ati “Ndi umuhanzi gusa uri gucuruza ibihangano byanjye. Gusa ninjye wa mbere wo mu Rwanda, nagombaga kubisangiza abandi kugira ngo babibone.

Nta kintu navuganye na Diamond, kuba yabisangije abantu ari njye uriho ntabwo ari ibintu bihambaye kuko arimo kwikorera, iyo aza kuba atabifitemo inyungu ntiyari kubikora.”

Akomeza avuga ko atari abahanzi b’ibyamamare gusa bajyaho kuko umuhanzi wese ubishaka yajya kuri Clouds TV bakavugana akabaha ibihangano bye, basanga bimeze neza bakabishyiraho.

Izo nizo ndirimbo DJ Pius yatangiye gucuruza kuri interineti

Abandi baririmbyi bo muri Afurika bacuruza indirimbo zabo banyuze kuri www.wasafi.com barimo Tekno, Ray C, T.I.D, Cecy, Barnaba Classic, Rich Mavoko, Ray Vanny, Harmonize, Yamoto Band, Professor J, Kassim Mganga, Navy Kenzo n’abandi.

Abaririmbyi bo mu Rwanda batandyukanye nabo bagurishirijeho indirimbo zabo bwaba ari bumwe mu buryo bwabafasha gukomeza kwinjiza amafaranga

Charly na Nina bahamya ko baryama amasaha ane gusa cyangwa ari munsi yayo

Babitangaje ubwo bari mu kiganiro “Live with Chris and Caissy” cya KT Radio cyatambutse kuri uyu wa kane tariki ya 18 Gicurasi 2017.

Muri icyo kiganiro nibwo babajijwe niba akazi kenshi baba bafite gatuma babona umwanya wo kuryama ngo baruhuke.

Nina yasubije avuga ko hari igihe baryama amasaha ane gusa cyangwa ari munsi yayo bitewe n’akazi bafite. Yemeza ko ariko bitabahungabanya kuko ngo mbere y’uko bishyira hamwe bagakora itsinda ry’abaririmbyi barakoraga cyane.

Yagize ati: “Ndumva Imana yaraduhaye igihe gihagije cyo kuryama. Ikindi wagira ngo ibintu twaciyemo byari ukudutegura. Ibintu bya Guma Guma twarakoraga cyane.

Twe twakoraga kuva kuwa mbere kugera kuwa gatanu, kuva saa mbiri kugeza saa kumi n’imwe, rero uko gukora cyane, ngira ngo byari ukudutegura.”

Abo baririmbyi mbere y’uko baba abahanzi bazwi, babanje gukora akazi ko gufasha kuririmba (Backing) abaririmbyi bo muri Guma Guma Super Star.

Charly na Nina ubwo bari bari muri Studio ya KT Radio

Nina akomeza avuga ko gukora cyane no kuryama amasaha make cyane byabanje kubatera ubwoba.

Ati “Byabanje kudutera ubwoba bigitangira ariko ubu tubikora twumva bidushimishije.”

Akomeza avuga ko ariko atari buri gihe baryama igihe gito kuko biterwa n’iyo bafite igikorwa gikomeye gikeneye umwanya wabo cyane.

Agira ati “Nk’iyo hari nko kumenyekanisha indirimbo cyangwa se nka video yasohotse, cyangwa dufite nk’ibitaramo turi gutegura, kujya muri studio, nibwo turyama amasaha make ashoboka ariko bitavuze ko igihe cyose turyama amasaha ane.”

Charly na Nina bamaze iminsi mike bavuye muri Nigeria aho bamaze igihe kigera ku cyumweru. Bahamya ko bari baragiye kuruhuka no kureba uburyo ikirere cya muzika muri kiriya gihugu kimeze, bizabafasha kuba bakwinjira muri muzika y’aho.

Aba baririmbyi bavuga ko bavuyeyo bamaze gukorana indirimbo n’umuririmbyi wo muri icyo higugu witwa Orezi. Iyo ndirimbo biteganijwe ko izasohoka nyuma ya “Mfata” bamaze iminsi mike bashyize hanze.

Iyi filime niyo iri guhatanira ibihembo bya AMAA

Urutonde rw’abahatanira ibyo bihembo biri mu bikomeye ku mugabane wa Afurika, rwatangarijwe muri Kigali Convention Center ku gicamunsi cyo ku cyumweru tariki 14 Gicurasi 2017.

Dusabejambo ari kuri urwo rutonde rw’abahatanira ibyo bihembo bigiye gutangwa ku nshuro ya 13, abikesha filime ngufi yitwa “A Place for Myself”, yakoze mu mwaka wa 2016.

Iyo filime ivuga ku mwana w’imyaka itanu ufite ubumuga bw’uruhu wagorwaga no kwiga kubera bagenzi be batamwakiraga no mu buzima busanzwe agahezwa ahantu hatandukanye. Yaje gufashwa na nyina guharanira uburenganzira bwe yavutswaga.

“A Place for Myself” iri guhatanira igihembo cya AMAA, bimwe mu bihembo bya filime bikomeye muri Afurika, mu cyiciro cya filime nziza ngufi.

Ihanganye n’izindi filime umunani ari zo "Bout" yo muri Nigeria, "Malabo" yo muri Senegal "On Monday Last Week" yo muri Ghana/USA, "Silence" yo muri Nigeria, "Kieza" yo muri Angola, "Yemoja: Rise of the Orisa yo muri Nigeria/UK, "Marabout" yo muri Senegal na "A Place in the Plane" yo muri Senegal.

Umuhango wo gutanga ibihembo bya AMAA uzabera i Lagos muri Nigeria muri Kamena 2017. Ukazahuza abaturutse mu bihugu bigera muri 50 bya Afurika, n’abazaturuka hanze yayo.

Clementine Dusabejambo ubwo yegukanaga igihembo muri Zanzibar International Film Festival

Muri Werurwe muri uyu mwaka wa 2017, “A Place for Myself” yegukanye igihembo cya “Thomas Sankara”.

Iyi filime kandi yegukanye igihembo mu Iserukiramuco rya Sinema y’abagore CINEF (Festival Cinéma au Féminin) muri 2016.

“A Place for Myself” yegukanye ibihembo bitatu muri Zanzibar International Film Festival 2017 (Golden Dhow Award, Ousmane Sembene Award, Signis Award). Yanegukana igihembo muri Journées cinématographiques de Carthage 2016 (Tanit de Bronze).

Iyi filime kandi uyu mwaka yahatanye (nomination) muri Toronto Black Film Festival (TBFF) mu gihugu cya Canada.

Clementine kandi yegukanye igihembo cy’umwanditsi mwiza wa filime muri Goethe Institut muri 2016.

Dusabejambo Clementine ni umunyarwandakazi wavukiye i Kigali mu 1987. Kuri filime ngufi eshatu gusa amaze gukora, amaze kubaka izina yegukana n’ibihembo.

Clementine Dusabejambo ubwo yegukanaga igihembo cya Thomas Sankara na Le Prix de la Chance

Filime ye ya mbere “Lyiza” yegukanye igihembo muri Tribeca Film Festival i New York ho muri Amerika (USA), muri Festival of Africa no muri “Asian and Latin American Cinema of Milan” muri 2012.

Iyi filime ye “Lyiza” yahereyeho, ni filime yakoze muri 2011 ivuga ku munyeshuri wabonye ababyeyi be bicwa muri jenoside, nyuma aza gusanga ise w’umunyeshuri mugenzi we biganaga ariwe wabishe. Mwarimu we niwe wamufashije kubabarira.

Filime ye ya kabiri yise “Behind The Word” ntiragaragara mu bihembo.

Ibihembo bya AMAA

AMAA ni ibihembo bya sinema bikomeye muri Afurika. Bihabwa abanditsi ba filime, abakinnyi ba filime, abayobozi ba filime bazo (Directors) na filime nziza kurusha izindi muri Afurika.

Kuva iryo rushanwa ryatangirizwa muri Nigeria mu mwaka wa 2005, ni ubwa mbere abahatanira ibyo bihembo batangarijwe i Kigali.

Bamwe mu bagize akanama nkemurampaka k’ibihembo bya AMAA

Mbere bagiye batangarizwa mu bihugu bitandukanye birimo Malawi, Ghana, Gambia, Tanzania, Namibia, Guinea, Senegal, Afurika y’Epfo, Kenya, Cameroon, Uganda, Algeria, Nigeria na Misiri.

Abagize akanama nkemurampaka ni bo bahitamo abahatanira ibyo bihembo mu byiciro 28.

Muyoboke avuga ko ibyo abavuga ko yatandukanye na Charly na Nina ari ibihuha

Muyoboke, usanzwe ari umujyanama wa Charly na Nina, atangaje ibyo nyuma y’iminsi bivugwa ko yaba ari mu nzira zo gutandukana n’abo baririmbyi.

Abayatangaza banayashimangira berekana ko Charly na Nina ubwo berekezaga muri Nigeria bagiye bonyine batari kumwe na Muyoboke kandi ntaho bari basanzwe bajya batari kumwe.

Hari n’amakuru avuga ko ibyo gutandukana kwabo byaba byaratangiriye ku bitaramo bakoreye i Burayi aho bivugwa ko baba baragiranye ibibazo by’amafaranga.

Muyoboke yatangarije Kigali Today ko abatangaza ayo makuru ari abanyabinyoma kuko ngo nta gahunda yo gutandukana n’abo baririmbyi ihari.

Agira ati “Bambwirire uti ‘muribeshya! Amasezerano y’imyaka irindwi (ubu hashize itatu) iracyahari kandi Pius namwoherejeyo ajyayo mbere, aragenda ibyo gukora arabikora kandi akazi karimo karakorwa neza.”

Akomeza avuga ko bafite akazi kenshi akaba ari yo mpamvu yabaretse bakagenda bonyine we agasigara ategura igitaramo bafite ku itariki 13 Gicurasi 2017.

Yongeraho ko muri icyo cyumweru bazamara muri Nigeria harimo no kuruhuka kuko bamaze igihe kinini bakora bataruhuka.

Ati “Nta kibazo gihari na kimwe. Uri kuvuga ibyongibyo mureke avuge. Mureke avuge kubera ko n’ubundi n’ejo azavuga. Ubuze icyo atuka inka aravuga ngo dore urucebe rwayo.”

Charly na Nina bari muri Nigeria. Aha bari kumwe n’umuhanzi Orezi wo muri icyo gihugu bari gukorana indirimbo

Yakomeje avuga ko nta kuntu baba bafitanye ibibazo ngo babe baragiye i Burundi baranakoranye n’ibindi bitaramo binyuranye bamazemo iminsi.

Umunyamakuru wa Kigali Today yabajije Nina kuri ibyo biri kuvugwa maze amusubiza akoresheje WhatsApp agira ati “Wow! Ndabona ibintu byose byagiye hanze! Urakoze kumpa ayo makuru!”

Abaririmbyi batandukanye bibaza byinshi ku mikorere ya RSAU

Babitangaje nyuma yo kugirana inama yari igamije kunononsora ibijyanye n’iyo gahunda nyamara ntiyitabirwe n’ubuyobozi bwa RSAU, tariki ya 08 Gicurasi 2017.

RSAU, ishinzwe kurengera inyungu z’abahanzi ifatanije n’ikigo cy’igihugu cy’iterambere (RDB) bafashe icyemezo cy’uko guhera muri Nyakanga 2017 ibitangazamakuru bitandukanye (Radio na TV) n’abandi bazatangira kwishyura abahanzi mbere yo gucuranga indirimbo zabo.

Muri iyo nama abahanzi bari bategereje gusobanurirwa ibijyanye n’uko bazajya bishyurwa ariko inama irangira ntacyo basobanuriwe nta n’umwanzuro ufashwe ku bijyanye n’iyo gahunda.

Ibyo byatumye abahanzi bibaza imikorere y’iyo sosiyete ibitirirwa. Ntibashidikanya kuvuga ko gahunda yayo ari nziza ariko banavuga ko ishobora kutabazanira inyungu kuko batazi uburyo izajya ibishyuriza; nk’uko Rurangwa Gaston uzwi nka Skizzy abivuga.

Agira ati “Tuvuye mu isi yo kumenyekana ya hit aho umuhanzi yikoreraga byose ari we ubyirukamo, tugiye mu isi ya ‘Business’ aho umuhanzi akeneye kwicara agahanga ibindi bikagira ababyirukamo.

Ese ibyo byose Leta yiteguye kubishyiramo amafaranga? Tutazamera nk’akanozasuku.”

Yatanze urugero ku “Kanozasuku” ashaka kwerekana ko kavuzwe cyane nyamara kagera ku isoko abatwara moto n’abagenzi ntibitabire kukagura bigatuma gahomba kakava ku isoko.

Niho yahereye yerekana ko gahunda ya RSAU idasobanuwe neza nayo ishobora kumera nk’uko byagendekeye “Akanozasuku”.

Ismael Ntihabose umuyobozi w’Inama Nkuru y’Abahanzi (hagati) hamwe n’abo bari kumwe muri komite nyobozi

Abahanzi bakomeza berekana ko RSAU n’abahanzi badahanahana amakuru ngo bamenye ikigomba gukorwa. Bifuza ko bagira uruhare mu buyobozi bw’iyo sosiyete.

Ismael Ntihabose, umuyobozi w’Inama Nkuru y’Abahanzi avuga ko bari batumiye ubuyobozi bwa RSAU ngo busubiza ko butaza mu nama irimo abahanzi n’abanyamakuru.

Akomeza avuga ko ibibazo byose abahanzi bibaza bigomba gusubizwa na RSAU.

Agira ati “Igihari ni uko twe promotion (kumenyekana) turayikeneye. N’abafite aho bageze uyu munsi ni promotion yabagize. Bivuze rero ngo twe dukeneye promotion ku rwego rwo hejuru, dukeneye kandi ko abahanzi bagomba gutera imbere.

Icyakemura ibyo byose ni ibiganiro. Ibiganiro twabonye ko ari ngombwa ko bijyaho ari byinshi, twabonye ko ari ngombwa ko abantu bafata umwanya noneho bakaganira ku bintu bagashaka igisubizo.”

Epa Binamungu, umuyobozi wa RSAU utaragaragaye muri iyo nama y’abahanzi, yatangarije Kigali Today ko atigeze atumirwa muri iyo nama. Agira ati “Ntabwo twatumiwe.”

Tom Close arashyira hanze indirimbo yitwa "Igikomere"

Biteganyijwe ko iyo ndirimbo ayishyira hanze kuri uyu wa gatatu tariki ya 03 Gicurasi 2017.

Tom Close avuga ko “Igikomere” yayikoranye n’umuraperi wo mu Rwanda, Bull Dogg.

Agira ati “Nayise gutyo bitewe n’inkuru irimo. Ni ibintu bisanzwe ariko bibabaje. Abantu benshi bagira ibikomere. Iravuga ku bintu bibabaje biba byarabaye ku muntu wese.”

Akomeza avuga ko amashusho y’iyi ndirimbo nayo azahita atangira gukorwaho vuba. Ahamya ko mu ntangiriro z’ukwezi kwa Kamena izajya ahagaragara.

Tom Close ashyize hanze indirimbo “Igikomere” nyuma y’iyo yise “Ferrari”. Izaba iri ku muzingo wa karindwi w’indirimbo ze arimo gutegura.

Umuhanzi Teta Diana yashyize hanze video ya "Birangwa"

Amashusho y’iyo ndirimbo yakorewe mu Rwanda no mu Bubiligi, yashyizwe hanze ku wa mbere tariki ya 01 Gicurasi 2017.

Teta Diana avuga ko yifuza ko buri wese wareba iyo ndirimbo yayiha igisobanuro kimunyuze bitewe n’ibyo imwibutsa.

Agira ati "Numvaga buri muntu namureka akayumva akanayireba, akayisobanurira uko abyumva bitewe n’icyo yamwibutsa. Icyo navuga ni uko ari video yansabye ingufu nyinshi."

Amashusho y’iyi ndirimbo yafatiwe mu Rwanda no mu Bubiligi ariko ayo mu Rwanda yafashwe Teta adahari.

Ati "Yafashwe ndi i Burayi. Amashusho yo mu Rwanda yafashwe k’ubufatanye n’umusore witwa Fabrice Musafiri nshimira cyane by’umwihariko kuko inyandiko ngenderwaho mu gukora video, kuyisobanura kuri telefoni cyangwa e-mail ntibyari byoroshye."

Akomeza avuga iyo nyandiko ngenderwaho mu gukora iyo video (script) ari we ubwe wayiyandikiye abifashijwemo n’itsinda rigizwe n’Umufaransa witwa Sylvestre Stalin hamwe n’Umunyahongiriya witwa Zoilly Molnar.

Ati "Kari akazi katoroshye gusobanura kiriya Kinyarwanda cyose ngo bacyumve bahuze amashusho n’amagambo nk’uko nabyifuzaga, ariko twabigezeho."

Ni amashusho agaragaramo abana bakiri bato nyuma bakaza kongera kugaragara barakuze basigaye bakora akazi kanyuranye kandi kababeshejeho.

Reba video ya "Birangwa"

Abazahatanira ibihembo bya sinema bya AMAA bazatangarizwa mu Rwanda

Ibirori byo guhitamo abahatanira ibyo bihembo, bigiye gutangwa ku nshuro ya 13, bizabera muri Kigali Convention Center, ku matariki ya 13-14 Gicurasi 2017.

AMAA ni ibihembo bya sinema bikomeye muri Afurika. Bihabwa abanditsi ba filime, abakinnyi ba filime, abayobozi ba filime bazo (Directors) na filime nziza kurusha izindi muri Afurika.

Kuva iryo rushanwa ryatangirizwa muri Nigeria mu mwaka wa 2005, ni ubwa mbere abahatanira ibyo bihembo bagiye gutangarizwa i Kigali.

Mbere bagiye batangarizwa mu bihugu bitandukanye birimo Malawi, Ghana, Gambia, Tanzania, Namibia, Guinea, Senegal, Afurika y’Epfo, Kenya, Cameroon, Uganda, Algeria, Nigeria na Misiri.

Ibyo birori byitabirwa n’ibyamamare muri sinema nyafurika bitandukanye.

Ibyo birori bizabera mu Rwanda ku bufatanye bwa RwandAir, Ikigo cy’u Rwanda cy’Iterambere (RDB), Radisson Blu na Kigali Convention Center; nk’uko byatangajwe na Tony Anih umuyobozi mukuru mu bategura AMAA.

Abazitabira ibyo birori bazataramirwa na bamwe mu bahanzi barimo KCEE wo muri Nigeria.

Abagize akanama nkemurampaka nibo bahitamo abahatanira ibyo bihembo mu byiciro 28.

Tony yavuze ko ku tariki 13 Gicurasi 2017, hazabaho amahugurwa naho ibirori byo gutangaza urutonde rw’abahatana bikazaba ku munsi ukurikiyeho.

Akomeza avuga ko ibyo birori bizatuma u Rwanda na Nigeria birushaho kugirana ubufatanye mu guteza imbere ubukerarugendo mu bihugu byombi.

Umuhango wo gutanga ibihembo bya AMAA uzabera i Lagos muri Nigeria ku tariki 18 Gicurasi 2017. Ukazahuza abaturutse mu bihugu bigera muri 50 bya Afurika, n’abazaturuka hanze yayo.

Kanyombya avuga ari kwitegura gukina filime ya Yesu

Uyu munyarwenya wasengeraga muri Kiliziya Gatolika, yabatirijwe mu Rusengero rwa Rehoboth (Rehoboth Pentecostal church) kuri Pasika tariki 16 Mata 2017.

Kanyombya ufite imyaka 59 y’amavuko avuga ko nyuma yo kubatizwa agiye no gukina filime ya Yesu. Ahamya ko agiye kuyikina abisabwe n’abapasiteri. Iyo filime kuri ubu ngo yatangiye gutegurwa.

Akomeza avuga ko n’ubwo yakiriye agakiza, akabatizwa mu mazi menshi, ntakizahinduka ku bijyanye n’akazi ke.

Agira ati “Akazi k’umuntu aragakora kuko kaba kareba imbaga nyinshi ariko rero ni ukuvuga ngo ntabwo wareka akazi ko gukina filime, ngo ureke akazi ko gukora ibintu byo gusetsa tuvuge nko gukora ikinamico n’ibiki, ni ukuvuga ngo biratandukanye.”

“Roles (ibyo akina muri filime) ntaho zihuriye no kwemera Yesu no kwemera Imana. Role ni role nyine. Iyo role rero ntaho bihuriye no kwemera Imana.”

Ahamya ko ahubwo aho agomba guhinduka ari mu buzima busanzwe.

Ati “Mbere y’uko mbatizwa urumva ko hari bimwe na bimwe nanengaga hari n’ibindi ngomba kunenga nyuma yo kubatizwa. Niba tuvuge wari ufite kuba urakara, ukava mu burakari mbese nka wawundi uvuga ngo ibintu ni ukubisuzugura ukabireka.”

Kanyomya avuga kandi ko,yitegura gusezerana imbere y’Imana, ibintu ateganya gukora mu mwaka wa 2018. Yasezeranye imbere y’amategeko mu Kwakira 2012.

Kanyombya yavuze ko ubukwe busaba imyiteguro ihagije ku bijyanye n’amafaranga akaba ngo ari yo mpamvu amaze icyo gihe cyose.

Ati “Nabyo rero bigomba imyiteguro miremire, ugomba kwitegura neza, ukabanza ukagira amafaranga. Ukabanza ukareba ko abashyitsi b’imena ushobora kubabona atari abari bo bose.

Ariko ukareba ko ushobora kureba ko wategura ibyo byose. Ni imyiteguro miremire ndumva muri 2018 ari bwo naba narabirangije.”

Akomeza avuga gusenga no gufatanya n’abandi bakirisitu nibyo bizamufasha kwegera Imana bityo azagere igihe cyo gusezerana imbere yayo nta kibazo afitanye nayo.

Kanyombya yabatijwe mu mazi menshi kuri Pasika

Kanyombya avuga ko kuri ubu yiyumva nk’umuntu udasanzwe. Akaba ngo yarahisemo kubatirizwa mu mazi menshi kubera ko ngo yasanze ari ko kubatizwa k’ukuri.

Ati “Ni ukubera ko numvise ko ngomba kubatizwa mu mazi magari bitari bya bindi byo kubatizwa bya nyirarureshwa.”

Aha niho ahera ahamagarira n’abandi bahanzi bose kubatizwa. Ati “Meze neza cyane. Ahubwo nashishikariza n’abandi bahanzi bose baba abaririmbyi baba n’abakora filime kugira ngo nibura bamenye ko kubatizwa ari ikintu cyiza.”

Yongeyeho ko kubatizwa kwe atari ikinamico. Ikindi ngo kuba yarategereje iki gihe cyose kugira ngo abatirizwe mu mazi menshi ngo nta kibazo na kimwe abibonamo.

Yanavuze kandi ko kuba yarahisemo kubatirizwa muri Rehoboth ari amahitamo ye nk’uko umuntu wese agira amahitamo.

Ubwo abahanzi bari muri Primus Guma Guma basuraga Urwibutso rwa Gisozi

Abo bahanzi bari guhatanira kwegukana irushanwa rya PGGSS ku nshuro yaryo ya karindwi, baherekejwe n’abategura iryo rushanwa aribo EAP na Bralirwa, basuye urwibutso rwa Jenoside rwa Gisozi mu mujyi wa Kigali, kuri uyu wa gatatu tariki ya 12 Mata 2017.

Bishyize hamwe bakaba banatanze sheki y’ibihumbi 500RWf yo gufasha urwo rwibutso.

Mu gikorwa cyamaze hafi amasaha abiri, abahanzi batemberejwe Urwibutso rwa Gisozi, basobanurirwa byinshi kuri Jenoside yakorewe Abatutsi.

Platini, umwe mu bagize wo itsinda rya Dream Boys, wari uhagarariye bagenzi be yavuze ko gusura Urwibutso rwa Gisozi ari igikorwa gikomeye kuko hari byinshi batari bamenye.

Nk’umuhanzi bizamufasha cyane mu buhanzi bwe kuburyo ngo azajya ahimba indirimbo ku mateka y’u Rwanda azi neza.

Abahanzi bari muri Primus Guma Guma bashyize indabo ku Rwibutso rwa Jenoside rwa Gisozi

Mushyoma Joseph uzwi nka Boubou ukuriye EAP ifatanya na Bralirwa gutegura PGGSS, avuga ko bahisemo Urwibutso rwa Jenoside rwa Gisozi kuko ari rwo rufite amateka yihariye abo bahanzi bagomba kumenya.

Iki ni igikorwa cya kabiri aba bahanzi bakoreye hamwe nyuma yo gutorerwa guhatanira PGGSS. Bahereye ku gikorwa gikorwa cy’umuganda bakoreye mu Karere ka Rubavu.

Bazakurikizaho igikorwa cyo gufasha abarokotse Jenoside yakorewe Abatutsi batuye i Rubavu, ku itariki ya 20 Mata 2017.

Andi mafoto menshi kanda hano

Amafoto: Plaisir Muzogeye

Danny Vumbi na Bruce Melody bahuriye mu ndirimbo yo kwibuka bise "Twibuke twubaka"

Iyo indirimbo iri mu njyana ituje ya “Soul”, irimo ubutumwa buhumuriza Abanyarwanda kandi bunabahamagarira kurwanya ingengabitekerezo ya Jenoside.

Amwe mu magambo yayo agira ati “Kwibuka twubaka ni bibe intero mu Rwanda rushya; amateka twanyuzemo atubere intwaro y’ejo heza.

Twubake igihugu kizira amacakubiri! Turwubake ruzira ingengabitekerezo ya Jenoside, urw’umutuzo n’umutekano, u Rwanda rwiza u Rwanda rwacu.”

Danny Vumbi avuga ko bahisemo kuririmba iyo ndirimbo mu njyana ya “Soul” bagamije gutanga ubutumwa mu njyana ituje.

Agira ati “Twashatse amanota harimo akantu k’akababaro hanyuma dushaka nanone ya njyana wakumva ituje itatuma ushaka guhaguruka ngo usimbuke.”

Aha niho ahera avuga ko injyana zose zidakwiriye gukorwamo indirimbo yo kwibuka Jenoside yakorewe Abatutsi; nkuko abahanzi bamwe babivuga. Ahubwo ngo Abanyarwanda baba bakeneye indirimbo zituje zibahumuriza.

Ati “Hari ibiganirompaka bikunze kuvugwa cyane cyane muri ibi bihe byo kwibuka, abantu bavuga ko injyana zose umuntu yakoramo indirimbo yo kwibuka ariko njye ntabwo ariko mbyumva.

Njye ndumva gukora indirimbo ishobora kuba yabyinisha abantu cyangwa yatuma babyina mba numva ari imyidagaduro cyane.”

Miss Elsa n’abagize Ndayisaba Fabrice Foundation ubwo bari ku Rwibutso rwa Jenoside rwa Gisozi

Kuri iki cyumweru tariki ya 09 Mata 2017, nibwo bakoze urwo rugendo bahereye ku Kinamba berekeza ku Rwibutso rwa Jenoside rwa Gisozi, mu mujyi wa Kigali.

Urwo rugendo rwari rurimo urubyiruko rutandukanye harimo n’abana bato bo muri Ndayisaba Fabrice Foundation barenga 80.

Nyuma yo gushyira indabo ku Rwibutso, urwo rubyiruko rwasuye Urwibutso rwa Jenoside rwa Gisozi basobanurirwa amateka ya Jenoside yakorewe Abatutsi.

Miss Elsa yahamagariye urwo rubyiruko kurwanya ingengabitekerezo ya Jenoside, bashyigikira ibyiza u Rwanda rumaze kugeraho.

Bakoze urugendo rwo kwibuka abana bazize Jenoside yakorewe Abatutsi

Ubwo bashyiraga indabo ku Rwibutso rwa Gisozi

Miss Elsa n’abagize Ndayisaba Fabrice Foundation banasuye Urwibutso rwa Jenoside rwa Gisozi

Miss Elsa nyuma yo gukora urugendo rwo kwibuka abana bazize Jenoside yakorewe Abatutsi

Umuraperi Navio ahamya ko mbere yo gusubira muri Uganda azabanza gukorana indirimbo n’abaririmbyi bo mu Rwanda

Navio yageze mu Rwanda ku wa kane tariki ya 30 Werurwe 2017, aje mu gitaramo cyiswe Jameson Connects Rwanda kibera hejuru y’inyubako ya CHIC (Chic Building), guhera saa kumi n’ebyiri z’umugoroba kuri uyu wa gatanu tariki 31 Werurwe 2017.

Nyuma y’amasaha make akigera mu Rwanda yahise ajya mu kiganiro kuri KT Radio, abanyamakuru bamubaza byinshi kuri icyo gitaramo ndetse no ku buzima bwe nk’umuhanzi.

Ubwo yari ari mu kiganiro, umunyamakuru yamubajije niba hari umuririmbyi wo mu Rwanda yifuza gukorana indirimbo nawe, asubiza ko abyifuza cyane.

Agira ati “Nkeneye gukorana indirimbo n’abahanzi nyarwanda mbere y’uko nsubira muri Uganda.”

Abajijwe abo yifuza gukorana nabo, mu gusubiza yaciye amarenga agaragaza ko yaba ari mu biganiro na Dj Pius ndetse na Charly na Nina.

Navio ubwo yari ari mu kiganiro kuri KT Radio

Ubwo yari ari mu kiganiro yumvikanye avuga izina DJ Pius ndetse yanumvikanye asubiramo agace gato k’indirimbo Owooma ya Charly na Nina baririmbanye na Geosteady.

Navio yakomeje avuga ko azi abahanzi bo mu Rwanda. Abajijwe kuvuga abo azi yahereye kuri Urban Boyz na Miss Shanel (Nirere Shanel).

Akomeza avuga ko abona umuziki wo mu Rwanda umaze gutera imbere ku buryo ngo no muri Uganda yumva hari radio na tereviziyo zicuranga indirimbo z’abaririmbyi bo mu Rwanda.

Ikindi ngo ni uko umuziki wo muri Afurika y’Iburasirazuba uzarushaho gutera imbere mu gihe abaririmbyi baho bakoreye hamwe, bagakorana indirimbo aho kujya gukorana indirimbo n’ab’abaririmbyi b’ahandi.

Navio waherukaga mu Rwanda muri 2016, ubwo yabazwaga ibintu akumbura iyo avuye mu Rwanda yahise avuga ko akumbura ibiryo byaho cyane cyane burusheti ya zingaro.

Umuraperi Navio yaciye amarenga ko ashobora gukorana indirimbo na Charly na Nina

Uyu muraperi ni umwe mu bahanzi bo muri Uganda bamamaye cyane mu myaka ishize biturutse ahanini ku ndirimbo ze zinogeye amatwi yaririmbaga mu rurimi rw’icyongereza zirimo iyitwa “One & Only” na “On and On”.

Kuva muri 2010 yari ari mu itsinda ry’abaririmbyi bo muri Afurika ryitwa "One 8", rigizwe n’abaririmbyi nka 2Face (Nigeria), Fally Ipupa (DRC), 4x4 (Ghana), Movaizhaleine (Gabon), JK (Zambia), Amani (Kenya) na Ali Kiba (Tanzania).

Iryo tsinda ryaririmbye indirimbo yitwa Hands Across the World yanditswe n’umuririmbyi kabuhariwe wo muri Amerika, R. Kelly.

Umuririmbyi Diamond yatangaje ibi abinyujije kuru rubuga rwe rwa Instagram

Umuririmbyi Diamond wo muri Tanzania, ufite inzu itunganya umuziki yitwa Wasafi Records, yatangeje ibyo abinyujije ku rubuga rwe rwa Instagram, ku mugoroba wo kuri uyu wa kabiri tariki ya 28 Werurwe 2017.

Agira ati “Bahanzi b’Abanyarwanda, nejejwe no kubamenyesha ko mu cyumweru gitaha (kizatangira tariki ya 03 Mata) ishami rya Wasafi.com rizaba ritangijwe mu Rwanda.

Bidatinze nzabamenyesha ahantu n’uburyo mwakorana mukabasha gucuruza ibihangano byanyu binyuze muri wasafi.com.”

Abakurikirana Diamond, umuririmbyi w’icyamamare muri Afurika, kuri urwo rubuga bashimishijwe n’iki gikorwa bagaragaza ko na Wasafi Records izashyira ikagera mu Rwanda.

Ifoto yashyize kuri Instagram, igaragara ari kumwe n’umuyobozi wa televiziyo imwe ikorera mu Rwanda, basinyana amasezerano.

Wasafi.com ni urubuga rwa Interineti rwatangijwe na Diamond. Rucururizwaho indirimbo zitandukanye z’abaririmbyi bo muri Afurika.

Miss Fanique yifatanyije n’abafite ubumuga mu gutangiza shampiyona yabo y’umupira w’amaguru

Miss Fanique, wabaye igisonga cya kane cya Miss Rwanda 2017 afatanije n’abafite ubumuga, yatangije shampiyona yitwa “Rwanda Amputee Football Championship”, tariki ya 25 Werurwe 2017.

Icyo gikorwa cyabereye ku Kimisagara, kitabiriwe n’amakipe y’abafite ubumuga yo mu Karere ka Gakenke, Musanze, Nyarugenge n’i Kigali.

Uyu nyampinga niwe ubimburiye abandi gushyira mu bikorwa imishinga yabo, nyuma y’ukwezi kumwe gusa hatowe Nyampinga w’u Rwanda 2017, Iradukunda Elsa.

Yatangarije Kigali Today ko anezerewe kuba yaratangiye gushyira mu bikorwa inshingano yiyemeje.

Agira ati “Kuba narabitangiye byaranshimishije cyane kuko natangiye kwesa imihigo hakiri kare kandi ni ibintu byerekana ko koko ibintu wavuze bitari ukuryoshya abantu ngo bagutore ahubwo ari ibintu wiyumvagamo kandi wari ufite ubushake bwo kuzakora.”

Miss Fanique avuga ko ibikorwa byo gufasha abafite ubumuga azabikomeza

Miss Fanique akomeza avuga ko ibyo yiyemeje azakomeza kubishyira mu bikorwa azamura impano z’abafite ubumuga ahantu hatandukanye.

Ati “Nzakomereza kuri biriya by’impano kugira ngo twongeremo n’izindi atari ugukina ‘Football’ gusa! Ndetse n’iriya Football igire ahantu iva n’ahandi ijya.

Batangire bitabire n’imikino yo hanze y’igihugu kuko barayishoboye rwose! Ni uko batari baratangiye, ariko iriya yabaye intangiriro, yatangiye ari shampiyona mu gihugu cyose.”

Akomeza avuga ko azatangiza amarushanwa mu yindi mikino izagaragaramo abakobwa atari umupira w’amaguru gusa. Ibi ngo arateganya kuzabitangira nyuma y’iyo shampiyona y’umupira w’amaguru.

Miss Fanique avuga kandi ko ateganya gushakira ubufasha bamwe mu bafite ubumuga bakeneye insimburangingo.

Miss Fanique avuga ko kandi azashakira ubufasha bamwe mu bafite ubumuga bakeneye insimburangingo

Uyu nyampinga avuga ko ibi azabigeraho afatanije n’abaterankunga batandukanye azagenda ashaka.

Umuhanzi Kizito Buzizi

Uyu muryango uvuga ko bakimara kuyishyira hanze babashatse ngo bavugane bababwire impamvu babikoze batababajije bakanga kubitaba. Ubwo babazaga iri tsinda ngo ryababwiye ko bajya mu nkiko.

Mu ibaruwa uyu muryango wa Buzizi wageneye ibitangazamakuru hari aho bagira bati:

"Tubandikiye iyi baruwa tugira ngo tubasabe twe abana ba Nyakwigendera Kizito Buzizi ko indirimbo Rukundo Bambe yiganywe n’itsinda Trezzor itanyuzwa mu gitangazamakuru mubereye umuyobozi kuko ibi binyuranye n’amategeko agenga umutungo ujyanye n’ibihangano kuko abiganye iyi ndirimbo babikoze batabiherewe uburenganzira n’umuryango wa Nyakwigendera.”

Ku ruhande rw’itsinda rya Trezzor, Yves Kana umuyobozi waryo yavuze ko bemeye ko iyi ndirimbo ihagarikwa ariko bababazwa no kuba Abanyarwanda batarasobanukirwa ibijyanye no gusubiramo indirimbo (cover) icyo ari cyo.

Yagize ati “Twemeje ko iyo ndirimbo bayihagarika nk’uko babyifuza, itangazamakuru ryayihagarika kubera ko bo ntabwo bumva ijambo cover icyo ari cyo, bumva ko twasubiyemo igihangano cyabo tutasabye uruhushya umuryango wabo.

Mu muziki twebwe dukora ntabwo dukeneye kuba twabangamira umuntu runaka uwo ari we wese.

Nimara guhagarikwa batwemereye kuzaduha uwundi mwanya tukagirana ibiganiro runaka, ntabwo tuzi ibizavamo wenda nibwo nanone tuzabitangariza ibinyamakuru.”

Yves Kana yakomeje avuga ko babyemeye atari ukubera gutinya inkiko cyangwa itegeko.

Yagize ati: “Nta tegeko rihana cover ariko nta n’impamvu yo gukurura ibintu ngo bibe birebire kandi ibintu byose mu biganiro bishobora gukunda.”

Yves Kana avuga kandi ko babasubije uburenganzira kuri iyi ndirimbo cyangwa ntibabubasubize nta kibazo kirimo kuri bo kuko atari indirimbo bari bategerejeho byinshi cyane ku buryo bazahomba.

Yatanze inama ku muntu wese ufite umubyeyi wari umuhanzi wa kera ko yari akwiriye kuzigira mu bubiko, kugira ngo nk’Abanyarwanda tutazibagirwa abahanzi bacu ndetse n’ibihangano byabo bikazima.

Ibaruwa ihagarika indirimbo “Rukundo Bambe” yasubiwemo

Umva Indirimbo "Rukundo bambe" ya kizito Buzizi

Umva " Rukundo bambe" yasubiwemo n’itsinda rya Trezzor

Senderi yaguriye ibisuguti abanyeshuri nyuma yo kumubwira ko bashonje

Ibyo byabaye ubwo bari bateraniye muri iyo stade mu gikorwa cyahariwe kurwanya ibiyobyabwenge, kuri uyu wa gatanu tariki ya 24 Gashyantare 2017.

Senderi yari ari muri Stade i Nyamirambo ari gushyushya abahateraniye barimo abanyeshuri, bategereje abashyitsi bakuru ngo icyo gikorwa nyirizina gitangire.

Yaririmbye barabyina ariko hashira igihe kirenga isaha icyo gikorwa kitaratangira, abanyeshuri batangira kurambirwa. Bahise babwira Senderi ko bashonje maze ahita atangira kubagurira ibisuguti na shikareti na bombo.

Abo Senderi yaguriye ibisuguti batangiye kuzirya bishimye

Yabanje kubagurira shikareti za 300RWf anabagurira ibisuguti bya 3000RWf ariko ntibyabakwira arongera abagurira ibisuguti bya 2000RWf arakomeza kugeza bose bibagezeho.

Abanyeshuri n’urundi rubyiruko rutari ababyeshuri rwaguriwe ibisuguti na Senderi, babyishimiye cyane bagarura morali babyinana nawe biratinda.

Senderi yabaguriye ibisuguti batangira kubirwanira

Nyuma yo kurya ibisuguti na shikareti baguriwe na Senderi batangiye kubyinana nawe

Mbere yuko Senderi abagurira ibisuguti bari bakonje batabyina

Senderi akibagurira ibisuguti byagaragaye ko koko bari babikeneye

Umubyeyi wa Gasumuni yitabye Imana azize uburwayi

Tariki ya 21 Gashyantare 2017 nibwo uyu mubyeyi wa Atome, witwa Niwemuto Philippe yitabye Imana azize indwara ya Diyabeti. Yari afite imyaka 81 y’amavuko.

Biteganyijwe ko umuhango wo gushyingura uyu mubyeyi uzaba ku wa gatandatu tariki 25 Werurwe 2017 i Rusororo, saa cyenda z’amanywa.

Hazabanza igitambo cya Misa yo kumusabira no kumusezeraho i saa sita za ku manywa kuri Regina Pacis i Remera.

Ntarindwa Diogene ni umuhanzi uzwi mu bitaramo bitandukanye byo gusetsa, mu makinamico no muri sinema.

Umuhanzi Ntarindwa Diogene wamenyekanye nka Gasumuni cyangwa Atome

Alice Nyiramajyambere uboha imyenda mu budodo.

Nyiramajyambere ufite imyaka 24 yatangarije Kigali Today urugendo yanyuzemo kugira ngo abe ageze aho ageze ubu. Yatangiye kuboha afite imyaka ine, ubwo yajyaga kuba mu kigo kirera abana b’imfubyi.

Avuka mu Ntara y’Iburengerazuba, mu cyahoze ari Gisenyi. Kubera ubupfubyi yaje kujya mu kigo cy’impfubyi, ari naho yatangiye kubona abandi baboha, arabikunda, nawe atangira kubyiga.

Yabanje gutangira akoresha uduti akaboha amasogisi akayagurisha. Ku myaka itandatu ishyira irindwi yari yaratangiye kurya ku mafaranga y’umwuga we nubwo yari akiri makeya.

Alice Nyiramajyambere yatangiye kwiga kuboha akigera mu kigo cy’impfubyi.

Yagize ati “Ku myaka itanu, itandatu natangiye kujya mbyigana nkajya nicara impande z’abo bantu babikoraga cyane.

Ku myaka irindwi nari maze kumenya kubikora hahandi nagiye mbikora nkajya mbigurisha abashyitsi babaga basuye orphelinat, nkajya nkora za gants nkajya kuzicuruza mu isoko bigenda biza gutyo gutyo.”

Kuri iyo myaka kandi ngo ni nabwo yatangiye gukora kuvureri (couvre-lit) nubwo itabaga isa neza, kuko yari akiri muto ariko ngo zaragurwaga. Gusa abo yarebeyeho yaje kubibarusha kandi aribo yigiyeho kuboha.

Alice Nyiramajyambere yakuriye mu kigo kirera impfubyi.

Yatangiye amashuri abanza akiboha, kwiga bibanza kumugora, kuko aho yabaga ari hose yabaga yumva, yaba aboha kabone nubwo abandi babaga barimo kwiga. Buhoro buhoro amenyera ishuri ibyo kuboha akabikora nyuma y’amasomo.

Mu kigo yabagamo, babahaga indodo na koroshi bakoreshaga, ku buryo nta kibazo yagiraga. Imbogamizi za mbere mu mwuga we wo kuboha zatangiye ubwo yari ageze mu mashuri yisumbuye, kuko bwo yigaga aba ku ishuri bikamusaba kuboha ari uko agiye mu biruhuko.

Arangije amashuri yisumbuye nibwo yabaye nk’utangiye kubikora by’umwuga. Gusa nabwo kubera ko byari bitaratangira kumuha amafaranga ahagije ashaka akazi akajya abifatanya.Icyo gihe ibyo yabohaga yabitangagamo impano.

Alice Nyiramajyambere ariyambika akanambika abakiliya.

Ati “Nanze kubireka burundu ahubwo nkajya mboha nkabitangamo impano ku nshuti zanjye kuko nari nziko ntabona abaguzi. Byageze ubwo abantu benshi batangira kunsaba ngo mbakorere bituma ntangira kubigurisha.”

Yatangiye kwambika n’abanyamahanga

Nyiramajyambere avuga ko aho akorera hakunze kuba abanyamahanga. Iyo babonye ibyo aboha bakunze kumusaba nawe kubabohera, bakamugurira.

Nyiramajyambere mu myenda yiboheye.

Akora akazi k’ubucungamutungo i Rwamagana ariko ngo iyo akazi ari gakeya afata koroshi akaboha ntibibabere imbogamizi.

Nubwo afite akazi, ibyo aboha ni byo bimuha menshi, ku buryo ashobora kwinjiza ibihumbi 200Frw ku kwezi. Ayo amufasha kwishyura ubukode bw’inzu no gufasha umuryango we muri rusange.

Afite inzozi zo kuzakora akagera kure, akagura ibikorwa bye, ashingiye kuri gahunda ya “Made in Rwanda”. Yumva kandi uko ubushobozi buzagenda bwaguka azanigisha abandi akanatanga akazi.

Couvre lit yaboshywe na Nyiramajyambere.

Ati “Biragoye ko wakwaguka ukora wenyine niyo mpamvu ntekereza kuzigisha abandi tugakorera hamwe nkaguka.”

Afite imbogamizi zo kuba atazi kuboha n’imashini kuko ngo hari imideli atekereza gukora afatanyije igitenge n’ubudodo bikamunanira kubyikorera. Avuga ko hari igihe bimusaba kureba umutayeri akamukorera. Ibi byatumye afata ingamba zo kuziga no kudoda n’imashini.

Izindi mbogamizi ahura nazo ni ukugira ngo abantu bamwizere kuko kugeza ubu umuntu amubwira ibyo amukorera akabona kubikora, bityo hari abatinya kumuha amafaranga bibwira ko atari bubikore.

Kuba kandi aba i Rwamagana kandi abakiriya be benshi baba i Kigali biramugora akaba ateganya kuzimukira i Kigali akaba ariho akorera.

Akangurira abandi bakobwa kubyaza umusaruro amahirwe bafite mu Rwanda bagakura amaboko mu mufuka bakareba impano bafite bakazibyaza umusaruro aho gukomeza bategereje akazi cyangwa akimuhana dore ko kaza imvura ihise.

Avuga ko uwamushaka kugira ngo bakorane yamubonera kuri nimero zikurikira 0786108832.

Igitaramo Seka Live ngo mu myaka iri imbere kizaba iserukiramuco ry’urwenya

Ku cyumweru tariki ya 26 Werurwe 2017 nibwo biteganyijwe ko icyo gitaramo kizaba ku nshuro ya mbere. Kizabera muri Kigali Serena Hotel guhera saa kumi n’ebyiri z’umugoroba.

Rutura avuga ko icyo gitaramo kizajya kiba buri mwaka, kuri ubu agiye kugitangiza ari kumwe n’abanyarwenya barimo Eric Omondi na Chipkeezy bo muri Kenya n’Abanyarwanda barimo Michael, Babu, Herve, George na Divin.

Avuga ko ariko afite gahunda yo kongera umubare w’abanyarwenya bakitabira.

Agira ati “Seka Live izahinduka ‘festival’ (iserukiramuco) mu myaka itaha. Niyo mpamvu nayihaye izina ryoroshye. Turashaka kuzajya tuyikora mu ntangiriro za buri mwaka.

Tugende twogeraho abanyarwenya kuburyo igihe kizagera gihinduke ‘Seka Festival’ kuko nta serukiramuco rya comedie (ry’urwenya) dufite hano mu Rwanda. Niyo mpamvu natangije iki gitaramo.”

Abazitabira iki gitaramo kandi bazanasusurutswa n’itsinda riririmba indirimbo zihimbaza Imana rizwi ku izina rya Beauty For Ashes mu ndirimbo zabo nshya.

Kigali Fashion Week yo muri 2017 izarangwa n’ibintu bitandukanye birimo kumurika imodoka

Ubusanzwe bimenyerewe ko muri ibyo birori byo kwerekana imideli, hamurikwa imideli itandukanye y’imyenda ikorwa n’abanyamideli b’Abanyarwanda cyangwa se n’abaturutse mu mahanga.

Ariko muri Kigali Fashion Week yo muri 2017, biteganyijwe ko izatangira tariki ya 24 kugera tariki 26 Gicurasi, hazabamo ibintu bishya binyuranye birimo kumurika imodoka, bizaba ku munsi wa kabiri w’icyo gikorwa.

Daniel Ndayishimiye, umufatanyabikorwa muri Kigali Fashion Week ntatangaza byinshi ku bijyanye no kumurika imodoka ariko ngo biri mu bizashimisha abantu.

Akomeza avuga ko abanyamideli bazamurika ibyo bakora harimo Abanyarwanda 10, umwe ukomoka muri Leta Zunze Ubumwe za Amerika, babiri bazava muri Ghana n’umwe wo muri Congo (DRC).

Hazaba kandi hari abaturutse muri Cameroon, Sudan, Kenya, Uganda, Ubuhinde, Nigeria, Afurika y’Epfo, Ubwongereza, Ububiligi, Afurika y’Epfo, Etiyopia, Ubuyapani, Uburundi n’ahandi.

Ikindi ngo ni uko muri ibyo birori byo kumurika imideli hazibandwa cyane ku bikorerwa mu Rwanda no guha umwanya munini abahanga imideli ba mu Rwanda; nkuko Martin Munguzi, ushinzwe ibya tekiniki (Technical Assistant) muri Kigali Fashion Week abivuga.

John Bunyeshuri, umuyobozi wa Kigali Fashion Week kuri ubu uri kubarizwa mu gihugu cy’Ubwongereza, aho yitabiriye ibikorwa binyuranye bijyanye n’imideli avuga ko imyiteguro imeze neza kandi ngo benshi mu banyamideli batumiye bamaze kwemera ubutumire.

Ku munsi wa mbere wa Kigali Fashion Show hazaba amahugurwa azabera muri Kigali Serena Hotel.

Ku munsi ukurikiyeho hazaba umwiyereko w’imodoka. Biazabera muri Kigali Heights naho ku munsi usoza ari nawo munsi uzaberaho ibirori bisoza, bizabera muri Kigali Serena Hotel.

Kigali Fashion Week ni igikorwa cyatangijwe n’Abanyarwanda kigamije kuzamura imideli mu Rwanda n’abanyamideli b’Abanyarwanda. Yatangiye mu mwaka wa 2011.

Umuhanzi Said Braza ubwo yari Iwawa (Umuremure mu bandi)

Saidi Braza ari mu bantu bagaragajwe na Polisi y’u Rwanda nyuma yo gufatanwa ibiro 300 by’urumogi bifite agaciro ka Miliyoni esheshatu.

Rwafatiwe mu Mirenge ya Nyarugenge, Rwezamenyo na Gitega yo mu Karere ka Nyarugenge no mu wa Kigarama muri Kicukiro.

Aganira n’umunyamakuru wa kigalitoday kuri uyu wa gatatu tariki 15 Werurwe nyuma yo gufatwa yavuze ko ababajwe ndetse anaremerewe no kuba yongeye gufatirwa mu biyobyabwenge.

Aha ngo yababajwe cyane no kuba yarabisubiyemo kandi ariwe wisabiye kujyanwa Iwawa ndetse akanatangiza Ishyirahamwe mu bahanzi ryo kubirwanya.

Yagize ati: “Ndemera ko nkoresha ibiyobyabwenge koko,kuko natangiye kunywa ganja urumogi hashize imyaka hagati 15 na 20.”

Said Braza Iwawa niwe washyushyaga abandi

Yakomeje avuga uburyo kuba bagenzi be bavanye Iwawa barakomeje kubinywa akaba ariwe usigara, byageze aho bikamuganza.

Ati “Kwa kundi ukurura ikigukurura, buriya gukoresha ibiyobyabwenge ni ikibazo gikomeye cyane kuko imbaraga zo kwihangana ubibona mu maso yawe bihari ntibikunda.”

Yavuze ko bagenzi be kubera ko barunywaga abareba ariwe ubibabuza byageze ubwo bimurusha imbaraga yisanga ngo yabisubiyemo.

Ibi ngo bimuteye agahinda no kuba aribwo bwa mbere yambaye amapingu, kandi aba ntako atagize ngo ahangane nabyo.

Ikibazo cy’ibiyobyabwenge mu bahanzi gikunze kuvugwa cyane kugeza ubwo hari abahagarika ubuhanzi bwabo kubera gusarikwa ibiyobyabwenge.

Umuvugizi wa Polisi y’igihugu Theos Badege asaba Abanyarwanda gufatanya kurwanya ibiyobyabwenge, bagaragaza aho babikeka hose.

Iserukiramuco rya Filime rya Mashariki African Film Festival rigiye kongera kubera mu Rwanda

Iryo serukiramuco rigiye kubera mu Rwanda ku nshuro ya gatatu, rizabera muri Kigali Conference and Exhibition Village (KCEV), ahahoze hitwa Camp Kigali rikazajya ritangira saa kumi n’imwe z’umugoroba.

Floriane Kaneza, umuyobozi w’iki gikorwa aganira yabwiye Kigali Today ko imyiteguro bayigeze kure. Kandi ngo iryo serukiramuco rizerekanwamo filime 45.

Igikorwa cyo kwereka Abanyarwanda izo filime kizatangira tariki 26 kugera tariki 30 Werurwe 2017. Zizajya zerekanirwa muri “Impact Hub” mu Kiyovu no kuri “Iriba Center”, guhera ku saa kumi n’imwe n’igice z’umugoroba.

Muri iri serukiramuco kandi hazatangirwamo amahugurwa anyuranye harimo n’ajyanye n’itangazamakuru azatangwa na Olivier Barlet, ukomoka mu Bufaransa.

Ayo mahugurwa azabera muri “Rwanda Arts Initiative” ku Kimihurura no mu kigo cy’Abadage cya “Goethe Institute” kiri mu Kiyovu.

Iserukiramuco rya Mashariki African Film Festival ryatangijwe mu rwego rwo guteza imbere filime zikorerwa muri Afurika, iz’Abanyafurika ubwabo cyangwa se izo hanze ya Afurika ariko zivuga ku buzima bw’Abanyafurika.

Umuhanzi ngarukiye avuga ko iturufu yo kwemeza Abanyaburayi ari ukubaririmbira muri gakondo

Uyu muhanzi uzwi kuririmba mu njyana gakondo, akoresheje inanga, atangaza ko ibi mu gihe amaze umwaka urenga aba ku mugabane w’Uburayi, mu Bufaransa

Ngarukiye avuga ko nk’umuhanzi wo muri Afurika by’umwigariko wo mu Rwanda, gukorera ibijyanye na muzika mu Burayi bitoroshye. Ariko ngo iturufu ya mbere yo kubemeza ni ugukora umuziki wa gakondo.

Agira ati “Umuziki w’aha rero (i Burayi) haba hari abantu b’abahanga benshi kugira ngo ugere ku rwego rwo hejuru ni uko uba ufite umuziki mwiza utandukanye n’uw’abandi.

Ukoze nk’ibyabo ukabigana bakurusha, kimwe nk’uko nabo bakwiganye bagakora nk’iby’iwacu twabarusha. Mbese hano ukora umuziki uri Gakondo niho baguha agaciro kuko uba uri kubaha umuziki badasanzwe bumva.”

Akomeza avuga ko ibyo binatuma iyo umuhanzi yateguye igitaramo cyitabirwa kuko abakitabira baba bazi ko agiye kubacurangira umuziki badasanzwe bumva cyangwa babona.

Ati “Kubijyanye n’ibitaramo hano biraboneka icya mbere ni uko uba ukora ibintu byiza. Baba Abanyarwanda bahaba barabyitabira ndetse na ba kavukire b’aha upfa kubyamamaza bakabimenya.”

Kwamamaza ibitaramo n’ibindi bikorwa byabo ngo bifashisha ibitangazamakuru byo mu Rwanda ariko ngo hari n’igihe bifashisha n’iby’i Burayi.

Ikigoye cyane ngo ni ugukoresha indirimbo mu nzu zaho zitunganya umuziki kuko bihenda cyane.

Ngarukiye avuga ko indirimbo y’amajwi gusa kuyikora bisaba wishyura Amayero 600 ( arenga ibihumbi 500RWf) naho indirimbo y’amashusho kuyikorwa hishyurwa amayero 1000 (abarirwa mu bihumbi 864RWf).

Umuhanzi Ngarukiye avuga ko ateganya kugaruka mu Rwanda kumurika umuzingo w’indirimbo ze

Akomeza avuga ko ahitamo kuva mu Bufaransa, akajya gukorera mu nzu zitunganya umuziki z’Abanyarwanda baba mu Bubiligi. Ni naho yakoreye indirimbo “Iwabo w’Imanzi” aherutse gushyira hanze.

Agira ati “Akenshi niko mbigenza kuko haba ‘umuproducer’ nkunda uzi gukora neza injyana Gakondo.”

Daniel Ngarukiye avuga ko kandi azagaruka mu Rwanda mbere yuko uyu mwaka wa 2017 urangira mu rwego rwo kongera gutaramira abakunzi be anabamurikira umuzingo w’indirimbo uzaba iriho zimwe mu ndirimbo yakoreye mu Rwanda atarajya kuba i Burayi.

Miss Mutoni Jane (uwa kabiri imbere uturutse ibumoso) yegukanye umwanya w’igisonga cya mbere mu marushanwa y’ubwiza ya Nyampinga w’Umuco ku isi

Yegukanye uwo mwanya mu birori byabereye muri Afurika y’Epfo mu ijoro ryo ku itariki 18 Gashyantare 2017.

Umufaransakazi ufite imyaka 20, Miss Theodora Marais niwe wegukanye iryo rushanwa yambikwa ikamba rya w’Umurage ku si (Miss Heritage Global) akaba ari nawe mufaransakazi wa mbere wegukanye iri kamba.

Naho Nyampinga w’Umurage wari uhagarariye Afurika y’Epfo ari nayo itegura iki gikorwa, yegukana umwanya wa kane.

Miss Mutoni Jane yitabiriye ayo marushanwa nyuma yuko yagombaga kuyajyamo mu mpera za 2016 ariko bigahinduka ku munota wa nyuma yaramaze kwitegura, ubwo iri rushanwa ryahindurirwaga itariki.

Yahuye n’izindi mbogamizi bituma agera muri Afurika y’Epfo nyuma y’abandi kuko yatinze kubona ibyangombwa by’urugendo.

Miss Mutoni Jane ( uwa mbere imbere uturutse ibumoso) yegukanye uwo mwanya akurikira umufaransakazi watsinze ayo marushanwa

Nubwo ibi byose byamubaye, ntibyamuciye intege kuko amaze kugerayo yashoboye kwitwara neza bimuviramo kwegukana umwanya w’igisonga cya mbere.

Iri rushanwa ryitabiriwe n’ibihugu 28 byo ku isi. Umwaka ushize, u Rwanda rwari rwahagarariwe na Miss Bagwire Keza Joannah wegukanye umwanya wa kane ku isi.

Bamwe mu bahanzi bari muri Studio bakora indirimbo zihamagarira abantu gusigasira Ikinyarwanda

Ku bufatanye n’ Inteko Nyarwanda y’Ururimi n’umuco (RALC), abo bahanzi bazakora indirimbo eshatu harimo imwe iri mu njyana Gakondo izaririmbwa n’abaririmba Gakondo n’ubusanzwe, iri mu njyana igezweho (modern) izaririmbwa n’abaririmba mu njyana zigezweho n’indi imwe bahuriyemo bose.

Dr Jacques Nzabonimpa, ushinzwe umuco muri RALC avuga ko izo ndirimbo abo bahanzi bagiye kuzikora mu rwego rwo guhigura umuhigo bahize ubwo baheruka mu itorero ry’Abahanzi.

Akomeza avuga ko abo bahanzi banditse abagambo y’izo ndirimbo ubundi Inteko y’ururimi n’umuco irayakosora.

Kuri ubu abo bahanzi batangiye kujya mu nzu zitunganya umuziki, gukora izo ndirimbo.

Makanyaga Abdul, umwe muri abo bahanzi avuga ko ubutumwa buri muri izo ndirimbo ari ubuhamagarira abantu batandukanye cyane cyane urubyiruko, kuvuga neza Ikinyarwanda, batavangavanga.

Agira ati “Ubundi ubutumwa buri mu ndirimbo bugenda buhoro buhoro. Ubutumwa ni nk’ahantu ubona hari ibuye amazi atonyangiraho. Amazi aratonganya akazagera ubwo acukura umwoko kuri iryo buye kubera ingufu zayo.

N’ubundi ubutumwa buzagenda buhoro buhoro ariko buzagera ubwo buri Munyarwanda azajya aba azirikana ko ururumi rw’igihugu cye rufite agaciro.”

Umuhanzi Mico The Best, we avuga ko ababazwa nuko abica ururimi atari urubyiruko gusa.

Agira ati“Ururimi rwacu rwasaga naho rwasinziriye ukuntu. Mu ndirimbo nyine turagaragaza uburyo ururimi rubabaje, uburyo rugenda rukendera.”

Aba ni abari kubacurangira mu ndirimbo bari gukora

Jules Sentore we avuga ko kuri we yari asanzwe akoresha neza ururimi rw’Ikinyarwanda. Asanga ariko hakenewe imbaraga za buri wese mu kurusigasira.

Agira ati “Ntekereza ko buri wese akwiye gushyiraho uruhare rwe kugira ngo turusheho kumenya ururimi rw’Ikinyarwanda dore ko hari amagambo ya cyera atagikoreshwa bitewe n’uruzungu usanga abantu bavanga mu rurimi rwacu.”

Bamwe mu bahanzi bazaririmba izo ndirimbo harimo Mariya Yohana, Suzana Nyiranyamibwa, Munyanshoza Dieudonne, Tonzi, Danny Vumbi, Andy Bumuntu, Yvan Buravan, Patrick Nyamitari, Emmanuel Rwanamiza, Fiona, Aline Gahongayire, Intore Tuyisenge, Semanza n’abandi.

Ismael Ntihabose, umuyobozi w’inama nkuru y’abahanzi avuga kwishyuza abahanzi ngo bacurangirwe indirimbo ntaho byabaye

Batangaza ibi mu gihe hashize iminsi mu Rwanda hatangiye ikompanyi yitwa FEROS Music yiyemeje guca akajagari mu icurangwa ry’indirimbo z’amahanzi ku maradio na televiziyo byo mu Rwanda.

Iyo kompanyi ihamya ko ubusanzwe muri iki gihe mu Rwanda gucuranga indirimbo kuri Radio cyangwa kuri Televiziyo birimo ruswa.

Kuko ngo indirimbo z’umuhanzi runaka zishobora gucurangwa inshuro runaka kubera ko yahaye amafaranga ushinzwe kuzicuranga, utayamuhaye indirimbo ze ntizicurangwe. Ibyo byose kandi ngo bikorwa ubuyobozi bwa Radio cyangwa Televiziyo butabizi.

Habiryayo Ernest, umuyobozi wa FEROS Music avuga ko mu guca iyo ruswa, buri muhanzi agomba kujya yishyura amafaranga ubuyobozi bwa Radio cyangwa Televiziyo runaka binyuze mu masezerano bagiranye, bityo indirimbo ze zigacurangwa uko abyifuza.

Ibi ariko ntibivugwaho rumwe ukurikije abantu batandukanye baganiriye na Kigali Today. Bamwe bavuga ko ahubwo bizatuma abahanzi basubira inyuma aho gutera imbere.

Ismael Ntihabose, umuyobozi w’inama nkuru y’abahanzi (Rwanda Arts Council) avuga kwishyuza abahanzi ngo bacurangirwe indirimbo ntaho byabaye kuko ngo ahubwo umuhanzi akwiye gutungwa n’ibihangano bye.

Agira ati “Uko mubyumva natwe niko twabyumvise gusa byaba bibabaje kuko ubundi Radio nibo bakiriya ba mbere b’abahanzi. Kuba uri umukiriya w’umuntu ntabwo ukora ibinyuranye n’iby’umukiriya.”

Akomeza avuga ko bategereje icyo abahanzi babivugaho ariko ahamya ko bidakwiriye. Ahamya ko batewe impungenge n’uko ibi bintu bishobora kuzazana umwuka mubi hagati y’abahanzi n’ibitangazamakuru kandi mu by’ukuri hari harimo umwuka n’imikoranire myiza.

Akomeza avuga ko bari gukora ibishoboka byose kugira ngo hatazagira abakomeza gukora ibyo bishakiye mu bijyanye n’ubuhanzi.

Dr Jacques Nzabonimpa avuga ko umuhanzi akwiye gutungwa n’ibihangano bye

Dr Jacques Nzabonimpa, Umuyobozi w’umuco mu Nteko Nyarwanda y’ururimi n’umuco, by’umwihariko akaba anakurikiranira hafi ibibazo by’abahanzi, avuga ko abahanzi batagomba kwishyura kugira ngo ibihangano byabo bicurangwe.

Akomeza avuga ko ahubwo Radiyo arizo zigomba kwishyura abahanzi kuko umuhanzi agomba gutungwa n’igihangano cye.

Aha niho ahera avuga ko ahubwo batangije Sosiyete Nyarwanda y’Abahanzi (RSAU) izajya ifashasha abahanzi, ikanabashakira amafaranga.

Agira ati “Nta ndirimbo izongera kujya ikinwa ku maradiyo cyangwa ahandi hantu, ibihangano byabo bajyana mu mahoteli! Iyo ‘association’ niyo izajya igenda yishyuze iyahe abahanzi. Ku isi yose birakorwa, mu Rwanda niho byari bitaragera.”

Abahanzi babivugaho iki?

Kwishyuza abahanzi kugira ngo indirimbo zabo zicurangwe ntibyakiriwe kimwe n’abahanzi batandukanye.

Safi Madiba ntiyumva ukuntu abahanzi bagomba kwishyura ibitangazamakuru kugira ngo indirimbo zabo zicurangwe

Safi Madiba, umwe mu bagize itsinda rya Urban Boys, atangaza ko bitazaca akajagari ko ahubwo bigiye kwimakaza ruswa.

Agira ati “Aho umuziki wateye imbere amaradiyo niyo yishyura abahanzi ntabwo abahanzi aribo bishyura amaradiyo. Uko byagenda kose ahubwo njye ndumva ruswa bayishyize kumugaragaro. Ubundi indirimbo ni igihangano gifite agaciro, yari ikwiriye kugurwa. Hanze niko bigenda. Ahubwo iradiyo niyo yari ikwiriye kugura ya ndirimbo y’umuhanzi ikayicuranga.”

Abajijwe icyo yumva cyakorwa mu gihe haba hari ibitangazamakuru bibishyize mu bikorwa, yavuze ko abahanzi biteguye kuzabirwanya.

Mico The Best, ni umwe mu bahanzi bayobotse iyo gahunda. Avuga ko ibisobanuro yahawe na FEROS Music byamunyuze.

Kuri we akaba abona ko kiriya gikorwa gikozwe ntakibazo. Avuga ko ariko atari yagirana nabo amasezerano y’imikoranire.

FEROS Music ngo yiyemeje guca akajagari mu icurangwa ry’indirimbo z’abahanzi ku maradio na televiziyo byo mu Rwanda

Umuyobozi wa FEROS Music avuga ko hari ibitangaza makuru batangiye kugirana amasezerano.

Akomeza avuga ko ariko nta mafaranga runaka yashyizweho umuhanzi utanze indirimbo azajya yishyura. Ahubwo ngo umuhanzi azajya yishyura amafaranga bitewe n’ubwumvikane yagiranye n’igitangazamakuru.

Marchal Ujeku yiyemeje kuririmba amenyekanisha umuco w’abatuye ikirwa cya Nkombo avukaho (Photo Internet)

Uyu muhanzi ufite imyaka 25 y’amavuko, kuri ubu akorera ibijyanye n’ubuhanzi bwe mu Mujyi wa Kigali. Ubuhanzi nyirizina, yabwinjiyemo mu ntangiriro z’umwaka wa 2016.

Azwi mu ndirimbo nka “Musisemisemi” na “Bombole Bombole” ziganjemo ururimi rw’Amahavu, ruvugwa n’abavuka ku nkombo. Zombi ziri mu njyana yise Saama Style, injyana gakondo y’abatuye ku Nkombo.

Nubwo urwo rurimi aririmbamo rwumvwa gusa n’abatuye ku Nkombo, avuga ko yahisemo kurukoresha mu bihangano bye agamije kuzana umwihariko mu buhanzi no gutuma abahavuka babona ko kuhavuka nta kibi kirimo.

Agira ati “Nta mpungenge numvaga mfite, kubera ko hari abantu benshi bavuka muri icyo kirwa, bamwe batanamera ko bahavuka ahari kubera ibyerekeranye n’amateka, cyangwa kubera ibyerekeranye n’ubushobozi buke abaho bafite.

Ariko njyewe rero mu kururirimba numvaga nta soni bintera kuko arirwo rwangize uwo ndiwe, nicyo kirwa cyankujije nkaba uwo ndiwe.

Ahubwo numvaga ntewe ishema cyane no kuba mpaturuka kugira ngo noneho n’abahihakana bavuga ko batahavuka wenda babone ko ari nta mpamvu. Babone ko ari nk’uko Umunyarwanda wese yavuka mu murenge cyangwa mu kagari runaka.”

Akomeza avuga ko urwo ruririmo rw’Amahavu arukoresha mu bihangano bye agamije kurumenyekanisha kuko hari abataruzi.
Agira ati “Nahisemo rero kuba naruririmba kugira ngo Abanyarwanda benshi batari baruzi barumenye kuko n’Abanyarwanda benshi bararukunda ariko ikibazo kikaba uburyo bwo kurumenya.

Nashatse kuririmba urwo rurimi ndetse nkamenyekanisha n’ikirwa mvukamo kuko n’ubwo hari abantu bahazi hari benshi batahazi kandi bashaka kuhamenya no kuhasura batabona uburyo bwo kuhagera ibyo byose rero nabikoze mbinyujije muri muzika.”

Yatangiye iby’ubuhanzi ryari?

Marchal Ujeku avuga ko yatangiye iby’ubuhanzi akiri umwana yiga mu mashuri abanza. Yaririmbaga indirimbo zo kurwanya ibyorezo, mu marushanwa anyuranye harimo nk’iryitwaga “Umwana w’umunyafurika.”

Marchal Ujeku avuga ko yiyemeje kuririmba mu rurimo rw’abatuye ku Nkombo mu rwego rwo kuharatira abatahazi (Photo Internet)

Yakomereje mu itorero ry’ababyinnyi n’abaririmbyi ryo ku Nkombo yitwa “Abasamyi”, aba ariho akurira.

Akomeza avuga ko yavuye ku Kirwa cya Nkombo, agiye kwiga amashuri yisumbuye. yahise ajya mu itsinda ry’abaririmbyi “Amis des Jeunes” ry’icyahoze ari Cyangugu.

Yavuye muri iryo tsinda kubera amasomo no kwitegura ikizamini gisoza icyiciro rusange cy’amashuri yisumbuye.

Yasubiye mu by’ubihanzi arangije Kaminuza. Yize muri Kaminuza ya Mount Kenya, ibijyanye n’ubucuruzi mpuzamahanga (International Business). Yize kandi no muri Makerere University muri Uganda, ibijyanye n’ubwubatsi.

Marchal Ujeku kuri ubu yashyize hanze indirimbo yise “Africa” ihamagarira abanyafurika kunga ubumwe.

Iyi ndirimbo yayikoranye n’amahanzi nka Natty Dread na Pass Lee ukomoka muri Tanzaniya. Abo bahanzi ngo yabahisemo mu rwego rwo gutambutsa ubutumwa bwe mu rurimi rw’icyongereza no mu Giswahili, zumvwa n’abatari bacye muri Afurika.

Indirimbo “Africa” yakorewe mu nzu itunganya umuziki yitwa “Culture Empire” ikozwe na Producer Mastola.

Uyu muririmbyi ahamya ko mu rugendo rwe rw’ubuhanzi, yahuye n’ingorane zitandukanye zirimo ubushobozi bucye. Ahamya ko serivizi zitandukanye zirimo kujya muri studio gukoresha indirimbo, zamusabaga amafaranga yaba ntayo afite ako kanya indirimbo ye igatinda gusuhoka.

Marchal Ujeku ahamya ko hari bamwe mu bavuka ku Nkombo bahisha ko bahavuka (Photo Internet)

Ikirwa cya Nkombo giherereye mu kiyaga cya Kivu. Abajya kuri icyo kirwa, bambukira ku cyambu kiri ahitwa “Mubudike”.

Kuva kuri icyo cyambu kugera ku kirwa cya Nkombo hari urugendo rw’iminota ibarirwa muri 40, ukoresheje ubwato bwa moteri.

Ikirwa cya Nkombo kandi, ni umwe mu mirenge igize Akarere ka Rusizi. Ugizwe n’utugari dutanu, ukaba utuwe n’abaturage 17994.

Ikirwa cya Nkombo ukirebye uri mu kiyaga cya Kivu

Indirimbo BOMBOLE BOMBOLE ya Marchal Ujeku aririmba mu rurimi rwo ku Nkombo

Nisengwe Nadia ari kumwe n’umwana we Karangwa Natacha

Natacha ni umwe mu bana b’abasizi barushije bagenzi babo mu marushanwa ya “Kigali Itatswe n’Ubusizi” yabaye tariki 28 Mutarama 2017, ategurwa na Transpoesis.

Muri ayo marushanwa Natacha, w’imyaka 19 y’amavuko yabaye uwa mbere mu bavuze imivugo yo mu rurimi rw’Icyongereza.

Nisengwe, umubyeyi wa Natacha, ubwo yaganiraga na KT Radio mu kiganiro gifasha abahanzi bakiri bato yavuze ko abaha hafi umwana we mu buryo bushoboka kandi akanamuha uburenganzira bwe akifatira ibyemezo.

Ibyo ngo nibyo byatumye umwana we amenya impano afite y’ubusuzi, arayikurikirana bituma yitabira n’amarushanwa arayatsinda.

Akomeza avuga ko buri mubyeyi akwiye gushyigikira umwana we mu mpano afite aho kumutererana no kumubuza uburenganzira bwo kwihitiramo.

Yungamo ko buri mubyeyi agirira impungenge umwana we bitewe n’ibyemezo ashobora kwifaitira ariko ngo ni ngombwa kumugirira icyizere.

Agira ati “Ugomba kumugirira icyizere,ukamenya ko uburere wamuhaye, ibyo wamubwiye, bitaciye ku ruhande. Kandi nta buryo wamenya ko byagize umumaro ku buzima bwe utamuretse kugira ngo nawe akore umurebe.

Umugenzure, umukurikirane, kandi kumuha uruhusa n’uburenganzira si ukumwihorera ngo umujugunye.”

Akomeza avuga ko nyuma y’uburere umubyeyi aba yarahaye umwana we agomba kumureka akagira amahitamo ye.

Ati “Iyo ureze umwana menya ko atari ivase utereka mu nzu. Wamuhaye uburere ariko nawe ni umuntu afite amahitamo ye, afite amarangamutima ye, afite ibyo akunda ntakunda, afite ibyo ashoboye ntashoboye afite n’imbaraga ntafite.

Uyu mubyeyi akomeza avuga ko usanga hari igihe umwana biba ngombwa ko ajya muri gahunda ze nijoro. Aho ngo ntibiba byoroshye ariko ngo iyo bibaye ngombwa umubyeyi yaherekeza umwana we aho kumubuza uburenganzira.

The Ben ni umwe mu byamamare byo ku Rwanda bikunze kwambara amadarubindi arinda imirasire y’izuba

Ibyamamare bitandukanye byo mu Rwanda n’abandi bantu biganjemo urubyiruko usanga bambara ayo madarubindi ku manywa mu rwego rwo kwirinda imirasire y’izuba ariko hari n’abayambara nk’umurimbo kuburyo banayambara nijoro.

Nk’abaririmbyi bamwe bo mu Rwanda usanga bakunze kuyambara nijoro iyo bari ku rubyiniro bari gutaramira abafana babo.

Abakunze kwambara ayo madarubindi arinda izuba bahamya ko bayambara mu rwego rwo kwirinda iyo mirasire ariko hari n’abayambara bagamije kurimba; nkuko umuririmbyi Young Grace abivuga.

Agira ati “Hari n’ubwo nzambara bitewe n’imyambaro nambaye cyangwa se imirimbo (bijoux) nambaye. Ni muri urwo rwego, ndajyanisha n’amaherena nambaye, ariko ahanini nzambara mu gihe cy’izuba.”

Akomeza avuga rimwe na rimwe ajya azambara nijoro ari ku rubyiniro kugira ngo zimurinde urumuri rw’amatara yo ku rubyiniro.

Young Grace yemeza ko hari ubwo yambara amadarubindi arinda imirasire y’izuba kugira ngo ajyanishe n’ibyo yambaye (Photo Internet)

Derek Sano, umwe mu bagize itsinda ry’abaririmbyi ryitwa Active, akunze kwambara amadarubindi arinda izuba. Avuga ko azambara mu rwego rw’umurimbo no kwirinda urumuri rwinshi.

Agira ati “Nzambara kugira ngo zindinde urumuri rwinshi cyane cyane iyo hari izuba ryinshi, cyangwa nk’igihe mba ndi ku rubyiniro kumwe haba hari amatara menshi, ahindagurika.

Hari ukuntu akubangamira n’amaso akaba yakwangirika. Rero iyo wambaye ariya mataratara aragufasha.”

Derek Sano (wo hagati) avuga ko yambara amadarubindi arinda izuba yirinda imirasire y’izuba no kurimba (Photo Internet)

Umuririmbyi Nyamitari we avuga ko azambara kugira ngo zimurinde imirasire y’izuba kuko ngo iyo atayambaye akajya ku zuba umutwe umurya.

Nyamitari ahamya ko yambara amadarubindi arinda izuba kuko ngo iyo ari kuzuba atayambaye umutwe umurya (Photo Internet)

Afite inkomoko mu Bushinwa n’i Roma

Ubusanzwe amadarubindi arinda imirasire y’izuba afite inkomoko mu Bushinwa no muri Roma.

Muri Roma ya kera no mu Bushinwa bwa kera barayambaraga. Icyo gihe ntabwo yakoreshwaga mu rwego rwo kurinda urumuri rwakwangiza amaso nk’uko urubuga rwa Wikipedia rubitangaza.

Muri Roma ya kera umwami Nero yari afite akantu kameze nk’amadarubindi yareberagamo igihe yabaga areba imikino yakorwaga n’abacakara aho babaga bari kurwana.

Mu Bushinwa amadarubindi yijimye yatangiye gukoreshwa mu kinyejana cya 12.

Yambarwaga n’abacamanza mu rukiko kugira ngo bahishe amaso yabo mu gihe babaga bari kubaza abatangabuhamya. Ibyo byatumaga abatangabuhamya batanga amakuru bisanzuye nta bwoba bafite.

Mu kinyejana cya 18, James Ayscough umuhanga mu bijyanye n’indwara z’amaso ukomoka mu gihugu cy’Ubwongereza, yakoze amadarubindi yijimye nk’ayo yo mu Bushinwa ariko we akora afite amabara atandukanye.

Yakoze ayo madarubindi kugira ngo ajye amufasha kureba abantu bafite ibibazo bimwe na bimwe by’amaso. Ntabwo yayakoze mu rwego rwo kurinda amaso imirasire y’izuba.

Meddy nawe ari mu byamamare byo mu Rwanda bikunze kwambara amadarubindi arinda izuba (Photo Internet)

Amadarubindi y’izuba ameze nk’ayo tubona muri iki gihe yahanzwe n’Umunyamerika witwa Sam Foster mu mwaka wa 1929. Ayo mataratara akaba yarayakoze mu rwego rwo kurinda uyambaye imirasire y’izuba.

Foster yagurishaga ayo madarubindi ku bantu babaga basohokeye ku mucanga mu mujyi wa Atlantic City.

Ayo madarubindi yamenyekanye cyane ubwo abakinnyi ba filime b’icyo gihe batangiraga kuyambara kugira ngo abarinde urumuri rw’amatara babamurikagaho bari gukina filime kuko rwabaga rumeze nk’urw’izuba.

Mu ntambara ya kabiri y’isi aya mataratara yongeye kumenyekana cyane no gukundwa ubwo abantu batandukanye babonaga abasilikare bayambaye.

Kuri ubu, i Xiamen mu Bushinwa niho hambere ku isi hakorerwa amataratara arinda izuba aho arenga miliyoni 120 buri mwaka akorwa, bakayohereza mu bindi bihugu byo ku isi.

Ntihabose watorewe kongera kuyobora Inama Nkuru y’Abahanzi

Ntihabose yatorewe uwo mwanya, mu matora yabaye ku wa gatatu tariki ya 14 Ukuboza 2016.

Atowe nyuma y’amezi arindwi yari amaze ayobora Inama Nkuru y’Amahanzi y’agateganyo. Icyo gihe ni nabwo iyo nama yari itangijwe, ikaba ifite intego yo guteza imbere abahanzi Nyarwanda.

Nyuma yo gutorwa, Ntihabose yashimiye abahanzi bagenzi be bamugiriye icyizere avuga ko atazabatenguha.

Avuga ko afatanyije n’abo bagiye kuyoborana bazagerageza gukora kuburyo umuhanzi aho ava akagera agira agaciro.

Agira ati “Ubushobozi buracyari hasi. Ubushobozi nshatse kuvuga ni ubushobozi bw’imikorere.

Hari ibigaragaza ko ibyo abahanzi bakora bishobora koherezwa hanze ariko hari ikintu cy’ubushobozi kikiri imbogamizi numva twakongeramo intege cyane.”

Akomeza avuga ko ikindi yabonye kigoye kandi bagomba guhangana nacyo ni uko abahanzi n’abakorana n’abahanzi bakeneye kumva ko bagomba gukora ubuhanzi bukabatunga.

Ati “Gutangira gushakira umuntu uburyo yatera imbere, kumushakira uburyo yabaho ubushobozi ari bukeya bw’ibyo akoresha ni ibintu biremereye cyane ariko turibaza ko uko twabigaragaje kubashobora kuba badufasha turibwira ko bishobora kuba byiza.

Ayo matora yitabiriwe n’imbaga esheshatu zose zigize Inama Nkuru y’Abahanzi. Yitabiriwe kandi n’Inteko Nyarwanda y’Ururimi n’Umuco (RALC) ari nayo yita ku bahanzi.

Ubwo bari bari mu gikorwa cy’amatora

Abandi batorewe kuyobora Inama Nkuru y’Abahanzi harimo Kibibi Jean de Dieu watorewe ku mwanya wa Visi Perezida na Munezero Ferdinand watorewe kuba Visi Perezida wa kabiri.

Hiyongeraho Nyirishema Celestin watorewe ku mwanya w’umunyamabanga n’Umwanditsi na Dukuzumuremyi Chantal watorewe ku mwanya w’umubitsi.

Igitaramo cya Chorale de Kigali kizabera muri Kigali Conference & Exhibition Village-KCEV ahahoze ari Camp Kigali

Iki gitaramo ngarukamwa cyitwa “Christmas Carols Concert” (igitaramo kigizwe n’indirimbo za Noheli) kizabera muri Kigali Conference & Exhibition Village-KCEV (Camp Kigali).

Umuyobozi wa Chorale de Kigali, Alexis Nizeyimana avuga ko abazitabira icyo gitaramo bazaririmbirwa indirimbo zitandukanye ziganjemo iz’injyana ya “Classics”.

Akomeza avuga ko abazakitabira bazaririmbirwa indirimbo zakunzwe mu gihe cya kera kugeza n’ubu zirimo iza “Messiah” igice cyayo cya mbere zahimbwe na G. F. Handel.

Abazitabira icyo gitaramo kandi ngo bazaririmbirwa indirimbo y’irushanwa rihuza amakipe yabaye aya mbere iwayo ku mugabane w’Iburayi, (UEFA Champions League) iririmbwa mu Gifaransa, Icyongereza n’Ikidage.

Akomeza avuga ko kandi Chorale de Kigali izaririmba imwe mu ndirimbo iri mu Cyongereza yitwa “The Voice of the Lord” yahimbwe n’umwe mu baririmbyi b’iyo korali.

Chorale de Kigali imaze imyaka 50 ibayeho

Nizeyimana avuga ko biteguye gushimisha abazitabira icyo gitaramo. Ni nayo mpamvu ngo bagishyize ahantu hisanzuye.

Agira ati “Twateguye ahantu hikubye kabiri aho twari dusanzwe dukorera kuko mu myaka yashize abantu barazaga bagahagarara abandi bakabura aho bajya bagataha. Gusa ntibitume abantu bibwira ko imyanya ihari ngo bazaze ku munota wa nyuma.”

Chorale de Kigali yabayeho kuva mu mwaka wa 1966. Mu kwezi kwa Kanama 2016 yizihije Yubile y’imyaka 50 imaze iririmbira Imana.

Kuri ubu ifite abaririmbyi babarirwa mu 100. Ifite imizingo (album) y’indirimbo z’amajwi 12 na Album ibyiri z’amashusho nazo ziri ku isoko.

Kayirebwa na Jef Neve biteguye guha abakunzi babo umuziki uyunguruye

Ibi babitangarije abanyamakuru mu kiganiro bagiranye nabo cyabereye mu mugi wa Kigali ku wa kane tariki 8 Ukuboza 2016.

Aba bahanzi biteguye guhuriza hamwe uburyohe bw’umuziki Nyarwanda n’uw’Ababiligi, mu birori bibera mu nyubako ya Rwanda Revenue Authority (RRA) ku Kimihurura, guhera 19h30, tariki ya 09 Ukuboza 2016.

Cecile Kayirebwa avuga ko atari ubwa mbere agiye gukora igitaramo nk’icyo kuko asanzwe aririmbana n’abahanzi banyuranye b’abanyamahanga bagahuriza hamwe bikanyura benshi.

Agira ati“Mu myaka ibiri yose hari gahunda nari mpuriyemo n’abanyamahanga yitwaga “Les Fleurs d’amour” (indabo z’urukundo), twari abadamu.

Harimo uwo muri Etiyopiya, uwo muri Madagascar, uwo muri Haiti nanjye. Twahurizaga hamwe umwe akaririmba abandi bakamuherekeza kandi bikaryoha.”

Cecile Kayirebwa avuga ko atari ubwa mbere aba aririmbanye n’uwotudahuje umuco n’ururimi

Jef Neve we avuga ko afite amatsiko menshi yo kureba uburyo Abanyarwanda bari bwakire umuziki we kuko ari ubwa mbere aba abataramiye.

Agira ati “Ni ubwa mbere mba mbaririmbiye, ni ubwa mbere mba ndirimbanye na Cecile ariko mu gitaramo muraza kumva ko biba bimeze nk’aho dusanzwe tuziranye cyane, nk’aho dusanzwe turirimbana mubuzima bwacu bwose.

Kuko nzi neza kandi nemera ko umuziki ufite imbaraga zo kurenga imbibi z’umuco ukihuza n’uwundi kandi ukagera kuri bose.”

Akomeza avuga ko abahanzi bafite imbaraga zo guha urukundo abantu baje kubareba n’ubwo bwaba ari ubwa mbere babataramiye kandi bakaryoherwa cyane.

Cecile Kayirebwa na Jef Neve mu nama n’abanyamakuru

Jef Neve ni umuhanzi mu njyana ya Jazz na Classics ukomoka mu Bubiligi. Akaba yaratangiye iby’umuziki ku myaka 14 y’amavuko gusa.

Yaje mu Rwanda avuye gutaramira abo muri Uganda, akaba ndetse yarigeze no kuririmbira muri Kenya.

Abanyamakuru bari bitabiriye ikiganiro cya Kayirebwa na Jef Neve

Kaminuza y’u Rwanda ishami rya Huye igiye kongera gutora Nyampinga

Biteganyijwe ko icyo gikorwa kizaba ku itariki ya 10 Gashyantare 2017.

Abategura igikorwa cyo gutora Nyampinga,bahamya ko kuri iyi nshuro hazaba harimo ibintu bishya bitari bisanzwe bigaragara mu matora ya Nyampinga.

Hodari Bizimungu, uhagarariye abategura igikorwa cyo gutora Nyampinga wa Kaminuza y’u Rwanda ishami rya Huye, yatangarije Kigali Today ko mbere yuko hatorwa Nyampinga, abapiganwa bazajya mu mwiherero.

Agira ati “Twateguye ibintu bitandukanye n’ibyo bari basanzwe bazi. Twateguye umwiherero (Boot Camp) tugira ngo abakobwa cyangwa se umukobwa uzagirirwa icyizere cyo gutorwa azabe afite izindi ndangagaciro.

Nko gukunda igihugu, umuco Nyarwanda, kwihangira imirimo, n’ibindi ku buryo n’iyo waba utabaye Nyampinga ariko uzakuremo ibizagufasha.”

Akomeza avuga ko Kaminuza iri kubafasha kandi nabo basanzwe bafite ingengo y’imari yabyo. Ikindi kandi ngo banafite abaterankunga.

Bizimungu avuga ko Nyampinga uzatorwa, bazajya bamukurikirana bityo ibyo yiymeje gukora, akabishyira mu bikorwa.

Agira ati “Twaje dusa nk’abagiye gukosora amakosa yagiye aba mu bikorwa byo gutora ba Nyampinga bitandukanye byabaye mu myaka yashize, aho usanga Miss agumana icyubahiro gusa ariko ntagire ikintu afasha.

Biri no mu byatumye tubategurira ‘Boot Camp’ kandi hari n’amasezerano bazajya basinya avuga ibikorwa agomba kuzakora naramuka abaye Nyampinga.”

Kaminuza y’u Rwanda ishami rya Huye

Kuri ubu kwiyandikisha byaratangiye kubifuza guhatanira kuba nyampinga wa Kaminuza y’u Rwanda ishami rya Huye. Abiyandikisha bajya ku rubuga (www.misshuyecampus.rw) rwagenewe itorwa rya Nyampinga muri iyo kaminuza.

Kwiyandikisha bizasozwa tariki 14 Ukuboza 2016. Hakazatoranywamo abakobwa 10 bazajya mu mwiherero uzatangira tariki 17 Ukuboza 2016.

Kuki gutora nyampinga byari byarahagaze?

Ruzigana Fabien, ushinzwe abanyeshuri (Dean of students) muri Kaminuza y’u Rwanda ishami rya Huye ahamya ko gutora Nyampinga bifasha abanyeshuri.

Agira ati“Icyo tugamije cyane ni ukugira ngo uwo muco ugumeho kubera ko hari hashize igihe bidakorwa.

Twifuje rero ko byakongera bikagaruka kuko ni ibintu bifasha abanyeshuri kuguma bishimye bafite icyo batumbiriye, no mu by’imyidagaduro kandi ni n’umuco mwiza.”

Yakomeje avuga ko kuba hari hashize imyaka itatu hadatorwa Nyampinga ahanini byatewe no guhuza za Kaminuza. Ahamya ko kuri ubu bimeze neza kandi icyo gikorwa kizakomeza kuba buri mwaka.

Ba Nyampinga batowe muri UR-Huye

2012: Isimbi Deborah

2010: Mutesi Dorothy

2009: Umulisa Viviane

2008: Uwimbabazi Sandrine

2007: Utamuliza Rusaro Carine

2006: Akanyana Sharon

Iki gitaramo cyari kubera Huye tariki 3/12 cyimuriwe 15/12

Iki gitaramo cyasubitswe kubera umuhango uzabera muri uyu mujyi wo gushyingura Byemayire Masabo Lambert wahoze ari Visi Perezida w’Ishyirahamwe ry’ umukino w’ Amagare mu Rwanda, nk’uko byatangajwe na Mpendwanzi Alphonse uri kugitegura.

Yagize ati “Nibyo koko igitaramo cyahagaze kubera umuhango wo gushyingura umuvandimwe wacu.

Ntabwo twaba twagize ibyago ngo tujye no kwishima mu gitaramo. Urban Boys twaravuganye ejo turabibasobanurira barabyumva.”

Yakomeje atubwira ko igitaramo cyimuriwe tariki 16 Ukuboza 2016 Kikazabera aho cyagombaga kubera muriHotel Credo.

Turacyagerageza kuvugana na Urban Boys ngo nabo batubwire uko babyakiriye.

Edouin Sabuhoro washinze Ibyiwacu Cultural Village kugira ngo afashe abahoze ari rushimusi, ibintu yakoze mu gufasha abakene kubera ubuzima bubi bw’ubukene nawe yakuriyemo. Kuri ubu ni umunyeshuri (PHD) muri Amerika.

Yabitangarije Kigali Today mu kiganiro yagiranye nayo ubwo yamusuraga mu kigo “Ibyiwacu Cultural Village”, ikigo yashinze gifasha abahoze ari ba Rushimusi gusubira mu buzima busanzwe no kubaho batunzwe n’imirimo y’amaboko yabo.

Yagize ati “Nakuze ndi mu bukene, ndi umwana w’umukene cyane, nkurira mu bukene kuva icyo gihe rero nanga ubukene. N’iyo mbonye umuntu ari umukene mba nshaka kumufasha kugira ngo ave muri ubwo bukene kuko mba nzi imbogamizi afite, ibibazo afite n’uko abayeho.

N’abakeneye kwirukana imbeho mu mbere babaha imbabura.

Niyo mpamvu rero ibyo nkora byose, nkora ari ugufasha abandi bantu, nkora ari ukureba ko bazamuka, cyane cyane no kureba ko abana bajya mu mashuri kwiga kuko iyo ntaza kwiga wenda simba meze ukunguku.”

Edouin ni ingaragu akaba afite imyaka 40. Ni umunyeshuri muri Amerika mu cyiciro cy’ikirenga (Doctorat) mu by’ubukerarugendo akaba kandi ari n’umwarimu muri RTUC n’izindi Kaminuza zinyuranye hano mu Rwanda.

Hariya mu Ibyiwacu Cultural Village baranateka bakarya.

Gutangiza iki kigo ngo babitangiye mu 2006 nyuma yo kubona uburyo ba rushimusi bahiga inyamaswa bakanangiza pariki y’ibirunga.

Amaze gukora ubushakashatsi, yakoranyije abahigi barenga igihumbi, baturiye pariki baraganira bemeranya gushyira hamwe bagakora ikigo kizabafasha kwibeshaho no gutungwa n’imirimo y’amaboko yabo.

Kabatsi Félicien w’imyaka 65 acurangira inanga abaje babagana.

Bakoze amashyirahamwe 10 akora ubukorikori bunyuranye bugaragaza umuco nyarwanda hanyuma bakabizana mu Ibyiwacu Cultural Village maze ba mukerarugendo baza gusura ingagi bakabigura.

Ibi ngo birabatunze. Ibyiwacu kugeza ubu ifite abantu 50 bakoreramo, hakiyongeraho n’ayo makoperative 10 bakorana aturiye pariki. Aba bantu bajya bahabwa amasomo yo kubahugura.

Ntawuhama Daniel we ni umuvuzi Gakondo.

Ibyiwacu Cultural Village ifatanyije n’abo bose bahoze ari ba rushimusi, binyuze mu bukorikori bunyuranye, imbyino n’ibindi binyuranye bivuga ku muco wacu baratira ba mukerarugendo, Ku mwaka babasha kwinjiza amadolari ari agera kuri miliyoni 32Frw.

Ntawuhama Daniel umwe mubakorera muri iki kigo, ni umuvuzi Gakondo. Yereka ba Mukerarugendo n’abandi babasura imiti ya kinyarwanda abakurambere bakoreshaga. Asanga bimufasha gutunga umuryango we ndetse n’abana bakabasha kujya mu ishuri.

N’ukeneye ibiryo gakondo barabimutekera.

Barora Leonidas w’imyaka 68 ni umubyeyi w’abana batanu nabo bashatse. Atuye mu mudugudu wa Nyabageni akagari ka Kabazungu, umurenge wa Musanze.

Barora kuri ubu ni Intore itaramira abasuye Ibyiwacu ndetse akanabigisha guhiga abereka uko babikoraga.

Ati “Twabonye umuterankunga Edouin aradukusanya turi abahigi atugisha inama, buri muntu azana igiti iwe twubaka hano, tuza guhimba iri shyirahamwe niryo ritubeshejeho. Kugeza ubungubu iki kigo ni icyacu, ni icy’abahigi.

Ibidutunga tunabikura ahangaha kuko agashahara nkorera ngenda ngashakamo ibyo kuntunga n’umuryango wanjye. Ubungubu tubayeho neza ntakibazo kuva twava mu ishyamba. Ntakibazo dufite.”

Kabatsi Félicien w’imyaka 65 utuye mugace kamwe na Barora nawe ni umwe mubahoze bashimuta inyamaswa babarizwa mu Ibyiwacu Cultural Village.

Kabatsi we, kuri ubu aba ari gucuranga inanga aratira abanyamahanga igicurangisho nyarwanda batagira iwabo.

Bambariye Pascasie, umubyeyi w’abana barindwi harimo batanu bubatse ingo zabo, yereka ababasura uko cyera basyaga amasaga ku rusyo nawe akaba atangaza ko bibatunze.

Yagize ati “Turakora ubundi tukabona agahimbazamusyi), ubundi tukanahembwa kukwezi, biradufasha cyane tukagaburira n’imiryango yacu.”

Kziboneye Ezekiyeli we yerekana uko cyera bacuraga ibyuma n’amacumu. Nawe avuga ko bimutunze we n’umuryango we.

Muri iki kigo kandi harimo n’ibindi bintu binyuranye byerekana umuco nyarwanda n’uburyo abanyarwanda bo hambere babagaho.

Tom Close avuga ko mu ndirimbo Ferrari aba agira inama abakundana

Tom Close ubundi witwa Muyombo Thomas, atangaza ko iyo ndirimbo yayihimbye bitewe n’uko muri iki gihe, mu bijyanye n’urukundo, abenshi bakururwa n’ibintu aho gukururwa n’umuntu.

Agira ati “Ferrari ni indirimbo y’urukundo aho umuntu aba abwira undi ko ataje yitwaje ibintu bihenze nka za Ferrari cyangwa ibindi, ko ahubwo azanye umutima w’urukundo ariwo ashyize imbere, amwiyeretse uko ari.

Nayihimbye kuko nasanze muri iki gihe abantu bakurikira ibintu byiza gusa. Ni ukubibutsa ko ibishashagirana byose atari zahabu.

Rimwe na rimwe ushobora gukurikira ibyo bintu nyamara ugaca ku muntu wagukundaga by’ukuri ntimukundane kubera ko wagiye kubishashagirana tu.”

Iyi ndirimbo ikoze mu njyana Zouk ivanzemo RNB.

Tom Close akomeza avuga ko atahinduye injyana ahubwo yakoze mu njyana yumvaga ko abakunzi be bakeneye kuko aribo aririmbira.

Yongeyeho ko binabaye ngombwa n’izindi njyana yaziririmbamo kugira ngo arusheho guha abakunzi be indirimbo bishimira.

Imodoka yo mu bwoko bwa Ferrari

Ubusanzwe Ferrari ni imodoka zamamaye ku isi, zitungwa n’abakire kuko zihenze cyane,zikaba zikorerwa mu gihugu cy’Ubutaliyani.

Mastola (wambaye ingofero) ubwo yari muri Congo ngo yakoreye indirimbo abahanzi batandukanye barimo Pegguy Tabu (wambaye amadarubindi)

Kikene Mastola Jacques, wamamaye ku izina rya Mastola atangaza ibi nyuma y’igihe agarutse mu Rwanda avuye muri Repubulika Iharanira Demokarasi ya Congo. Yari amaze imyaka itatu atagaragara mu Rwanda.

Avuga ko nyuma y’iyo myaka yasanze umuziko wo mu Rwanda warateye imbere kurusha aho yawusize mu mwaka wa 2013.

Mastola avuga ko ariko imikorere y’umuziki wo mu Rwanda itari yagera ku rwego rushimishije kubera ko abashoramari mu muziki bakiri bake.

Ikindi kandi ngo n’abahanzi bo mu Rwanda ntibashora amafaranga mu muziki wabo kugira ngo bakore indirimbo na video zazo bimeze neza cyangwa se ngo babe bakorana n’abahanzi bakomeye batandukanye.

Mastola ahamya ko icyo agambiriye ari uguhindura imikorere y’umuziki wo mu Rwanda ukagera ku rundi rwego utariho ubu.

Uko azabikora nta kundi uretse ngo gukorana n’abandi bantu barimo ibyamamare byo hanze y’u Rwanda.

Kuri ubu, Mastola akorera mu nzu itunganya umuziki yitwa “Culture Empire Records”, yihariye ku bicurangisho bya gakondo. Iyi nzu ni iy’umuhanzi Marshall Ujeku afatanyije na Mastola ubwe.

Mastola yabaye mu Rwanda kuva mu mwaka wa 2000 ubwo yabaga aje gusura umubyeyi we, agasubira muri Congo agiye kwiga.

Mu mwaka wa 2007 nibwo yatangiye gukorera abahanzi bo mu Rwanda batandukanye. Indirimbo ze za mbere ahamya ko yakoze zikamamara ni “Ndaje” y’umuhanzi Nelson Mucyo n’iyitwa “Kivu Sun Hotel”.

Bamwe mubahanzi yakoreye indirimbo zigakundwa cyane harimo umuhanzi Kitoko, Doctor Claude, Mani Martin, KGB n’abandi.

Mastola avuga ko mu mwaka wa 2013, ubwo yavaga mu Rwanda, yahise ajya i Dubai. Yahamaze umwaka n’igice nyuma ajya i Kinshasa iwabo ku ivuko.

Agueze yakomeje umwuga we wo gutunganya indirimo maze akorera indirimbo abahanzi batandukanye bo muri Congo barimo Koffi Olomide.

Mastola anahamya ko indirimbo ya Koffi Olomide yamamaye cyane yitwa “Selfie”, ariwe wayikoze nyuma yo guhura n’uwo muhanzi w’icyamamare ku isi.

Miss Umutesi Jolie avuga ko adatewe Ubwoba n’irushannwa agiyemo ryo Gutora Miss wo ku rwego rw’isi

Ibi yabitangaje mu kiganiro n’abanyamakuru, cyavugaga ku rugendo rwe nka Nyampinga wa mbere w’u Rwanda witabiriye iri rushanwa riri mu marushanwa ane ya mbere y’ubwiza akomeye ku isi.

Abajijwe intwaro yitwaje zizatuma aza mu ba mbere cyangwa akegukana ikamba, ibintu basanga bigoye kuko u Rwanda ari ubwa mbere rwitabiriye irushanwa.

yagize ati “Ni ubwa mbere u Rwanda ruzaba rwitabiriye ariko nta bwoba binteye, bariya bakobwa nta bwoba banteye kuko bose ni ubwa mbere bazaba bitabiriye, kandi nariteguye.”

Miss Jolly avuga kandi ko, aterwa imbaraga n’umubyeyi we (mama) udahwema kumushyigikira ndetse akanamugira inama.

Cogebanque, umuterankunga mukuru w’irushanwa rya Nyampinga w’u Rwanda, yavuze ko izakomeza kumuba hafi mu rugendo agiyemo, kandi bavuga ko atsinze byaba akarusho, kuko bakomeza gukorana ibikorwa bikomeye.

Yizeye kuzahigika bagenzi be agatahana igikombe cya Miss w’isi mu Rwanda

Ishimwe Dieudonné Umuyobozi wa Rwanda Inspiration Back Up, uzaherekeza Miss Jolly, yavuze ko afite amahirwe menshi yo kuba yatsinda cyangwa akaza mu ba mbere kubera ibikorwa yakoze.

Aha yagarutse ku bikorwa bitandukanye by’urukundo yakoze mbere yo kuba Nyampinga na nyuma, nk’aho yatanze ubwisungane mu kwivuza kuri bamwe mu banyarwanda batishoboye.

Miss Jolly yashimiye cyane Rwandair yamuhaye itike izamujyana ejo muri Leta Zunze Ubumwe za Amerika.

azahaguruka ejo kuwa gatanu hamwe na Ishimwe Dieudonné berekeza muri Leta Zunze Ubumwe za Amerika, aho bazamara ukwezi kose mbere y’irushanwa rya Nyampinga w’Isi.

Yatewe Inkunga na Rwandair na Cogebanque

Kugeza ubu ariko nta yandi makuru aratangazwa ku bijyanye n’iyi mfura y’ibi byamamare bizwi cyane muri muzika yo mu Rwanda.

Izina rizitwa uwo mwana naryo ntiriratangazwa nubwo bimenyerewe ko akenshi muri iki gihe usanga umwana afata izina ry’irinyarwanda rya se umubyara.

Amakuru aturuka mu nshuti z’uyu muryango, zirimo Dj Zizou, avuga ko Knowless yibarutse uwo mwana mu gitondo cyo kuri uwo munsi. Ariko ayo makuru yatangiye gusakara ku mugoroba.

Hari hashize iminsi mike akorewe ibirori byo kwitegura imfura ye (Baby SHower)

Twifuje kumenya uko umwana n’umubyeyi bamerewe, ariko Clement ntiyabasha kuboneka kuri telefoni ye igendanwa.

Hari amakuru amwe avuga ko muganga wakurikiraniraga hafi Knowless yari yaramubwiye ko azibaruka mu kwezi k’Ukuboza 2016 hagati cyangwa mu mpera zako.

Butera Knowless na Clement Ishimwe bakoze ubukwe tariki 7 Kanama 2016 nyuma y’igihe kinini bakundana. Bivuze ko Knowless yibarutse nyuma y’amezi arenga atatu akoze ubukwe.

Clement na Knowless bamaze kwibaruka imfura yabo, akaba ari umwana w’umukobwa.

Joe yari yambaye nk’umwami naho Ann yambaye nk’umwamikazi

Uwo muryango ugizwe na Joe McDonald n’umugore we Mary Ann McDonald, batuye mu mujyi wa Pennsylvania muri Leta Zunze Ubumwe z’Amerika, bakorewe ibyo birori tariki ya 18 Ugushyingo 2016.

Bambaye imyambaro ya Kinyarwanda, bakiriwe babyinirwa n’itorero Inganzo Ngari banavugirizwa ingoma ndetse banakata umutsima (Gateau/Cake) mu birori byabereye mu Kinigi mu Karere ka Musanze.

Muri ibyo birori hatangajwe ko abo bakerarugendo bageze mu Rwanda bwa mbere mu mwaka wa 2003 baje gusura ingagi ariko ngo nta gahunda yo kugaruka bari bafite.

Ariko ngo uburyo bahabonye n’uburyo bakiriwe byatumye bafata icyemezo cyo kuzakomeza baza kandi kenshi gashoboka.

Mu gushimira Joe na Mary bakase umutsima (Gateau)

Umuyobozi wa Pariki y’Igihugu y’Ibirunga, Uwingeri Prosper avuga ko uwo muryango wihariye kuko ubafasha kumenyekanisha ubukerarugendo bw’u Rwanda mu mahanga bakanazana n’abandi bamukerarugendo.

Agira ati “Uko baje baza ari babiri ariko bakazana n’abandi banyamahanga batandatu, buri gihe baba bari itsinda ry’abantu 8. Mu nshuro 100 zose urumva ko bamaze kutuzanira ba mukerarugendo 600.”

Uwo muryango niwo uza ku isonga mu gusura ingagi inshuro nyinshi. Bakurikirwa n’Umwongereza utatangajwe amazina, umaze gusura ingagi inshuro 50 nyuma ye hakaza umaze kuzisura inshuro 20.

Ibirori byo kubashimira byateguwe ku bufatanye n’abashoramari mu bukerarugendo Paul Muvunyi na Birori Joseph ari nabo bakorana bya hafi iyo baje mu Rwanda.

Joe na Mary mu birunga bari gufotora Ingagi mu birunga. Bamaze kuhaza inshuro 100

Joe Mc Donald yasobanuye ukuntu abo bamenyaniye mu bukerarugendo basigaye babafata nk’abavandimwe babo. Ahita ahamya ko nyuma y’iwabo ntahandi bakwishimira kuba atari i Rwanda.

Agira ati “Byaturenze. Turi ba mukerarugendo basanzwe, bazana andi matsinda ya ba mukerarugendo gutembera.

Ntitwibaza impamvu mudushimira bigeze aha; biraturenga. Kuruhande rwacu ntituzi uburyo tuzabashimira.”

Mary Ann we yavuze ko yishimiye kuba uyu mwaka wa 2016 yaratoranyijwe mu bise izina ingagi. Yise izina umwana w’ingagi wo mu muryango wa Kwitonda. Yamwise “Ntamupaka”.

Yongeyeho kandi ko ashimishijwe no kuba umugabo we Joe nawe yaratoranyijwe mu bazita izina abana b’ingagi mu biriro byo Kwita Izina byo mu mwaka wa 2017.

Umuyobozi wa Pariki y’Ibirunga avuga ko umuryango wa Joe na Mary uzana abandi bakerarugendo

Joe McDonald n’umugore we Mary Ann McDonald ni bagafoto babigize umwuga. Bafotora inyamaswa n’ibindi byiza nyaburanga bitatse isi.

Bamara igihe kinini buri mwaka basura ahantu hatandukanye muri Afurika n’ahandi ku isi, bafata amafoto.

Joe yatangiye gufotora mu mwaka wa 1966 naho Mary we yatangiye umwuga wo gufotora mu mwaka wa 1999.

Amafoto bafotora ndetse n’ibyo bandika baba babonye aho basuye babishyira mu bitabo bitandukanye. Ibyo bituma bahabwa ibihembo.

Andi mafoto

Barafotora bakanandika ibitabo

Bagize n’umwanya wo kwiga kuvuza ingoma za Kinyarwanda

Bagize n’umwanya wo gusabana no gufata amafoto y’urwibutso n’abatangiye babafasha mu bukerarugendo ariko ubu bakaba barabaye nk’abavandimwe babo

Bakiriwe banataramirwa n’itorero Inganzo Ngari

Baranakimbagiye

Barataramiwe biratinda

Umuraperi Danny Nanone ngo ntashidukira kujya mu rukundo

Uyu muhanzi wo mu Rwanda avuga ko ibyo bituma iby’urukundo abigendamo buhoro kugira ngo abanze ashoshoze.

Ahamya ko umutima w’umukobwa ariwe agenderaho aho kugendera ku kuba asa n’inzobe cyangwa igikara.

Danny Nanone ni umwe mu bahanzi nyarwanda badakunze kuvugwaho iby’urukundo, ariko ngo afite impamvu ikomeye ibimutera.

Agira ati “Navuga ko hari ibintu bimwe na bimwe mpa umwanya cyane kurusha ibindi kandi nzi neza ko urukundo ari kimwe mu bishingirwaho kugira ngo umuntu abe umuntu cyangwa se uzakore umuryango. Nibaza ko atari ikintu cyo gukinisha.

Impamvu ahari mbigendera kure ni uko mbyitondera cyane kugira ngo ntazabijyamo bigasa n’aho mbikinishije kandi nagakwiriye kubiha agaciro kugira ngo byubake ahazaza hanjye.

Ibyo mba ndi gukora byose mba ngira ngo ahazaza hanjye n’umuryango wanjye hazabe heza.”

Yigeze kuvugwaho kuba mu rukundo na Miss Fiona ariko birangira bagaragaje ko byari ukumufasha gusa mu kwamamaza indirimbo ye Imbere n’inyuma

Nubwo avuga gutyo ariko hari amakuru yavuzwe mu myaka yashize ahamya ko yaba yarabyaranye umwana n’umukobwa bari inshuti. Uyu muhanzi ariko we ntiyemera iby’ayo makuru.

Yigeze kandi kuvugwaho kuba mu rukundo na Miss Fiona ariko birangira bagaragaje ko byari ukumufasha gusa mu kwamamaza indirimbo ye “Imbere n’inyuma”.

Danny Nanone akomeza avuga ko atari mu rukundo gusa agenda buhoro ngo ahubwo no mu muziki atwara ibintu gahoro kugira ngo azakore igikorwa kigaragara.

Agira ati “Navuga ko nsigaye ngira ubwoba bwo gukora ikintu kubera ko nifuza gukora ikintu kirenze ibyo nakoze kandi cyane kubera ko namaze kubona ko byose bishoboka.

Umuhanzi w’umunyarwanda ashobora kugera ku rwego mpuzamahanga cyane, ubu dufite imyumvire irenze iyo twari dufite mbere.

Rero ngerageza noneho kugerageza gutwara ibintu gake kugira ngo nkore ibintu bifite ireme bishobora no kuzamara igihe kurusha ibyo twakoze mu gihe cyashize.”

Akomeza avuga ko ari ngombwa ko abahanzi bo mu Rwanda bareba kure bakagira inzozi zo kugera ku rwego mpuzamahanga bakareka kureba gusa kumenyekana mu Rwanda.

Iyi Alubumu ye ya kabiri agiye kuyimurika ku buntu nubwo yamutwaye amafaranga menshi

Biteganyijwe ko iyi Alubumu azayimurika mu gitaramo kizabera kuri ADEPR Nyarugenge, tariki ya 18 Ugushyingo 2016.

Umuhanzi Mutabazi Bonfils wamenyekanye ku izina rya Bobo Bonfils, uririmba indirimbo zihimbaza Imana, avuga ko gukora iyo alubumu y’indirimbo n’indi mirimo bigendanye bimaze kumutwara asaga ibihumbi 700RWf.

Akomeza avuga ariko nubwo yamuhenze nta kabuza aziyimurikira abakunzi be ku buntu mu rwego rwo gushimira Imana.

Agira ati “Nabigize ubuntu kubera ko nifuje gutura igitambo kitarimo ikiguzi na gito kandi numva nifuza ko abantu baza kumfasha gushimira Imana yanjye.”

Akomeza avuga ko iyi alumubu ya kabiri azaba ashyize ahagaragara, yitwa “isi yose ikubahe Mwami”.

Alubumu ya mbere yise “Yesu ni wowe” yo yishyuje abaje kureba imurikwa ryayo. Ariko iyo ya kabiri yo ngo ifite umwihariko.

Agira ati “Impamvu ntazishyuza kuri iyi ya kabiri si uko wenda ntazongera gukora igitaramo ngo nishyuze ahubwo iyi nayigize umwihariko, irimo ubutumwa bureba umuntu wese mu ngeri zitandukanye.

Kandi mu bushobozi butandukanye, nashatse ko abantu bose binjirira ubuntu kugirango bumve ubutumwa.”

Alumubu ya kabiri ngo irimo ibice bibiri, igizwe n’indirimbo zirindwi. Igice kimwe kivuga ubuhamya bw’ibyo Imana yamukoreye.

Ikindi gice kivuga ngo ineza y’Imana mu buryo idahwema kugirira neza abayiringiye no kongera kwibuka insinzi ya Kristo iva i Gorogota.

Bobo Bonfils avuga ko imyaka itandatu amaze mu aririmba, nta kintu nta mafaranga arinjiza. Ariko ngo mu buryo bw’umwuka ho, yaragutse, arushaho kwegera Imana.

Yari amaze imyaka atatu yarahagaritse ibyo kuririmba. Yabitewe ngo n’ibibazo by’ubizima na bamwe mu nshuti ze bamuhemukiye.

Danny Vumbi yandikira benshi mu bahanzi Nyarwanda indirimbo zabo zigakundwa

Uyu muhanzi avuga ko amaze kwandikira indirimbo zirenga 20 abahanzi bo mu Rwanda. Uwo mwuga ngo yawutangiye akiririmba mu itsinda ry’abaririmbyi yabarizwagamo rya The Brothers.

Zimwe mu ndirimbo yanditse zigakundwa harimo Niko Nabaye ya Zizou Alpacino Ft All Stars, Fata Fata, Ku ndunduro ya Social Mula, Agatege ya Charly na Nina, Active love y’itsinda Active na Ntundize ya Bruce Melodie.

Kuri zo hiyongeraho Ntibisanzwe ya King James, Amahitamo ya Social Mula n’Igikuba” ya Oda Paccy aheruka gushyira hanze.

Danny Vumbi avuga ko yandika amagambo gusa cyangwa agafasha n’uwo yayandikiye kuyishakira injyana. Ahamya ko kwandika izo ndirimbo bimwinjiriza amafaranga nubwo hari izo atangira ubuntu.

Mu myaka itatu ishize, indirimbo yandikiraga umuhanzi akamwishyura ibihumbi 50RWf, ubu asigaye ayandika bakamwishyura 500RWf.

Danny Vumbi ahamya ko mu mafaranga yinjiza mu muziki, kwandika indirimbo bimwinjiriza ku kigero cya 20%.

Akomeza avuga ko kandi ashimishwa no kubona indirimbo yandikiye umuhanzi runaka ikundwa mu Rwanda.

Agira ati “Ndabyishimira cyane iyo zikunzwe cyane. Nka Social Mula ari mu bahanzi ndimo gushima cyane kuko ahantu hose arabivuga ati ‘Danny Vumbi yaramfashije. Ni ikintu njye ndimo kwishimira.”

Impano yo kwandika indirimbo ayikomora ku kwandika imivugo n’ibisigo yakoraga mbere yo kwinjira mu muziki. Ariko ngo mu muryango we bamubwira ko hari sekuru we wacurangaga inanga.

Nyampinga Umutesi (wicaye) n’ibisonga bye bimukikije n’abaterankunga

Nyampinga Umutesi yiga ibijyanye n’Amateka, ubukungu n’ubumenyi bw’isi (HEG), mu mwaka wa gatandatu w’amashuri yisumbuye. Mu bihembo yahawe harimo ibihumbi 50RWf.

Avuga ko kuba yabaye Nyambinga agatsinda abandi bari bahangenye, yakabije inzozi ze kuko yabyifuje kuva kera.

Agira ati “Kuba mbaye Nyampinga ndabyishimiye cyane kuko kuva na cyera aho amarushanwa y’ubwiza yatangiriye, icyifuzo cyanjye cya mbere cyari ukuzegukana ikamba. Kuba mbigezeho ni ibintu binshimishije cyane.”

Akomeza avuga ko azagera ku bakobwa bangenzi be abashishikariza kwigirira icyizere, ahereye mu bigo by’amashuri byo mu Ruhango.

Nyampinga Umutesi yatangiye amarushanwa ahabwa amahirwe

Nyampinga Umutesi (wo hagati) yiga amashuri yisumbuye mu mwaka wa gatandatu

Nyampinga Mutesi avuga ko kanzi azarwanya icuruzwa ry’abantu, ibiyobyabwenge, iterabwoba n’ubuhezanguni.

Kambayire Annonciata, umuyobozi wungirije w’akarere ka Ruhango, ushinzwe imibereho myiza y’abaturage, avuga ko bateguye irushanwa rya Nyampinga w’Akarere ka Ruhango mu rwego rwo guhuriza hamwe urubyiruko.

Akomeza avuga ko atari gahunda y’abanyeshuri gusa n’ubwo aribo bitabiriye cyane. Ni gahunda ngo y’abakobwa bose bafite kuva ku myaka 16 kugeza kuri 20.

Agira ati “Ni igikorwa twatekereje cyera ariko ntitwabasha guhita tugishyira mu bikorwa. Twagitekereje kugira ngo duhurize hamwe abanyeshuri baba barangije ibizami kugira ngo bahure bidagadure.

Ariko noneho biri no mu rwego rwo kugaragaza ko umwana w’umukobwa iyo yitwaye neza, iyo agize ubuhanga, bimugirira akamaro ariko bikanagirira akamaro n’urundi rubyiruko muri rusange.”

Kambayire avuga bafite gahunda yo kuzatora Nyampinga wa Ruhango mu batarengeje imyaka 45.

Abahatanira ikamba rya Nyampinga wa Ruhango babanje kwiyerekana

Rutayisire Yvonne, umwe mu bitabiriye ibyo birori avuga ko yanyuzwe yanyuzwe nabyo. Asanga ngo igikorwa cyo gutora Nyampinga mu Karere ka Ruhango bizatuma abana b’abakobwa barushaho kwigirira ikizere.

Gusa ariko avuga ko abatsinze bakomeza kwitwara neza bakirinda guta umuco ukwiye umunyarwandakazi.

Andi mafoto yaranze ibirori

Inzu mberabyombi yabereyemo ibirori byo gutora Nyampinga wa Ruhango yuzuye abitabiriye bamwe bahagarara mu muryango wayo

Ibyo birori byari byitabiriwe n’abayobozi batandukanye

Amafoto: Kalimba Alphonse

Abahanzi batandukanye bari kubumba amatafari bifashishije ifomo

Tariki ya 26 Ukwakira 2016 nibwo abahanzi batandukanye bagera ku 162 bakoreye umuganda mu kagari ka Mpanga mu murenge wa Mukingo mu Karere ka Nyanza.

Uwo muganda wari ugamije kubakira uwacitse ku icumu rya Jenoside yakorewe abatutsi, gusura urwibutso rwa Jenoside no kuganiriza abatuye uwo murenge ibijyanye na gahunda ya “Ndi Umunyarwanda” n’ubumwe n’ubwiyunge.

Riderman umwe mubateruraga icyondo bahereza ababumbaga amatafari

Umuraperi Jay Polly avuga ko kuba ataritabiriye umuganda yahombye kuko atabashije gutanga umusanzu we mu kubaka igihugu.

Ikindi kandi ngo usibye kuba yari gusaba n’abandi, yari kuba ari n’amahirwe yo guhura n’abafana be b’i Nyanza.

“Kiriya gikorwa ni cyiza kabisa kubabashije kucyitabira, nanjye nari nifuje kuba nakwitabira ariko bazagikomeze n’ubutaha natwe tuzaba duhari.”

Akomeza avuga ko kuba ataragiyeyeo byatewe n’impamvu yari afite zijyanye n’akazi.

Senderi na Danny Vumbi mubabumbaga amatafari

Young Grace we ngo yari yaramaze gufata gahunda yo kwitabira uwo muganda ariko ngo uburwayi ntibwamwemereye. Ahamya ko hari ibyo yahombye.

Agira ati “Narahombye kuba ntaratanze umusanzu nka Young Grace muri icyo gikorwa, mpomba no kuba hari abafana banjye bari banyiteguye batambonye.”

Ciney nyuma yo gukora umuganda, yarimo yerekana aho bamusize icyondo

Oda Paccy ntiyabashije kwitabira umuganda w’abahanzi kuko yari arwaje umwana we. Ahamya ko ariko yahombye cyane kuba atarabashije gutanga umusanzu we nk’umunyarwanda. Ariko ngo niwongera kuba azawitabira.

Mu bahanzi b’abaririmbyi bakorera muri Kina Music nta n’umwe wabashije kwitabira umuhanda w’abahanzi.

Umujyanama wabo, Ishimwe Clement avuga ko batabonetse kubera gahunda z’akazi bari barimo ariko ngo ubugaha bazitabira.

Bruce Melody yari ari mu bari bari kuvoma

Abahanzi bitabiriye uwo muganda bagaragaje ko babyishimiye banatanga icyifuzo ko bishobotse wajya uba buri kwezi.

Intore Tuyisenge uhagarariye, urugaga rw’abahanzi mu Rwanda yemeje ko icyifuzo cy’aba bahanzi kizashyirwa mu bikorwa.

Agira ati “Ni gahunda twatangiye, twagiraga ngo turebe ubwitabire n’uko abahanzi babyakira ariko ni gahunda izakomeza.”

Abaturage bari baje kwirebera abahanzi, aha bari barimo kubaganiriza nyuma y’umuganda

Bamwe mu bahanzi b’abaririmbyi bitabiriye uwo muganda harimo Riderman, Senderi, Tonzi, Bruce Melody, Ama-G The Black, Active, Safi (Urban Boys), Theo Bosebabireba, Umutare Gaby, Mico The Best n’abandi.

Intore Tuyisenge aganiriza abaturage

Tonzi n’abandi bahanzi bagenzi be bashyira indabo ku Rwibutso rwa Jenoside

Nyampinga Uwase Annick n’ibisonga bye

Nyampinga Annick yambitswe iryo kamba nyuma yo guhigika abandi bakobwa 10 bari bahanganye mu muhango wabereye ku nshuro ya mbere kuri iryo shuri ku wa gatanu tariki ya 28 Ukwakira 2016.

Nyampinga Annick avuga ko yatunguwe no kuba ari we wegukanye iryo kamba kuko umwe mu bo bari bahanganye witwa Bella yari amufitiye ubwoba.

Agira ati “Byantunguye cyane, niga mu mwaka wa gatanu ntabwo nari mbyiteguye, Bella yari ashyigikiwe cyane yari anteye ubwoba ariko mbashije kumutsinda. Ni ibintu bikomeye cyane kuri njyewe.”

Yakomeje avuga ko kuri we ari ishema ahesheje ikigo cye kandi ko ibikorwa nk’ibi byerekana ko n’abakobwa bashoboye, atari ubwiza gusa.

Miss Uwase ari kumwe na Miss IPRC 2014

Mbere yo gutangaza uwegukanye ikamba rya nyambinga, abahatanaga babanje kwiyerekena mu myambaro itandukanye irimo n’iya Kinyarwanda.

Buri wese kandi yagendaga aserukana igikoresho yahisemo mu byamufasha kugera ku bumenyi ngiro.

Miss Uwase ubwo batangazaga ko ariwe wegukanye ikamba yishimye cyane

Nyuma yo kwiyerekana, hakurikiyeho guhatwa ibibazo n’akanama nkemurampaka mu rwego rwo guhuza ubwiza n’ubumenyi bwo mu mutwe.

Igisonga cya mbere

Igisonga cya mbere

Umuhanzikazi Tonzi, umwe mu bari bagize akanama nkemurampaka yishimiye iki gikorwa ahamya ko ibintu nk’ibyo bituma abana batinyuka.

Agira ati “Byari byiza! Ni initiative (igitekerezo) nziza y’abanyeshuri, bituma abana bitinyuka, wabonaga kandi ko bagize umwanya wo kwitegura, kandi ni byiza byatumye ubona ko impano zabo zigaragara.

Ni ibintu byiza mu rubyiruko, urabona ko abakobwa bashoboye. Byari byiza cyane kandi byagenze neza cyane.”

Miss Photogenic

Miss Popularity

Ibi birori kandi byitabiriwe na Nyampinga w’amashuri yisumbuye (Miss High School 2016) Ingabire Kenny n’abahanzi nka Ama-G The Black, Mr Gloire n’abandi.

Andi mafoto

Abahatanira ikamba rya Nyampinga wa IPRC Kigali TSS babanje kwiyerekana mu buryo butandukanye.

Ibyo birori byari byitabiriwe n’abantu batandukanye

Tonzi umwe mu bari bagize akanama nkemurampaka

Umuraperi AmaG The Black ari mu basusurukije abitabiriye ibyo birori

Amafoto: Muzogeye Plaisir

Sauti Sol niryo tsinda rya muzika rya mbere muri Afurika

Iri tsinda rya muzika ryo muri Kenya ryegukanye icyo gihembo mu ijoro ryo ku wa gatandatu tariki ya 22 Ukwakira 2016.

Abagize iryo tsinda bishimiye icyo gihembo babinyuza ku mbuga nkoranyambaga, bashimira uwabashyigikiye wese.

Bagize bati “Afurika y’Iburasirazuba muhaguruke! Nitwe tsinda rya mbere muri Afurika muri 2016. Mwarakoze MTV Base Africa kudushyira ku rutonde rw’abahatana. Turashimira byimazeyo uwariwe wese wadutoye.”

Sauti Sol yataramiye Abanyarwanda ubwo yakoreraga igitaramo i Kigali, ku mugoroba wo ku itariki ya 17 Nzeli 2016.

Ni itsinda riri kugaragaza intambwe ikomeye muri muzika. Ubwo Perezida Barack Obama yasuraga Kenya, baramuririmbiye.

Wizkid wabaye umuhanzi w’umwaka muri MTV AMAs nawe aherutse mu Rwanda

Muri MTV Africa Music Awards (MTV AMAs) bahigitse amatsinda bari bahanganye nka R2Bees (Ghana); Toofan (Togo); Navy Kenzo (Tanzaniya) na Mi Casa (Afurika y’Epfo).

Meddy, umunyarwanda wa mbere wagize amahirwe yo guhatana mu bihembo bya MTV AMAs nta gihembo yatahanye.

Mu cyiciro yari arimo cya “Listener’s choice”, intsinzi yegukanwe na Jah Prayzah wo muri Zimbabwe.

Yami Alade niwe muhanzi w’umugore w’umwaka muri Afurika

Abandi bahanzi batandukanye begukanye ibihembo muri MTV AMAs:

Umuhanzi w’umwaka: Wizkid

Indirimbo y’umwaka: My woman, my everything (Patoranking ft Wande Coal)

Indirimbo nziza ihuriyemo ahanzi benshi: Soweto Baby (Dj Maphorisa ft Wizkid & Dj Buckz)

Umuhanzi mwiza w’injyana ya Hip Hop: Emtee

Umuhanzi mwiza ukizamuka: Tekno Miles

Uwagaragaje ibikorwa by’indashyikirwa: Caster Semenya

Video y’umwaka: Niquer ma vie (Youssoupha)

Uwatoranyijwe n’abakurikirana indirimo: Jah Prayzah

Umuririmbyi w’umugabo w’umwaka: Wizkid

Igihembo cyagenewe inararibonye muri muzika: Hugh Masekela

Umuririmbyi mwiza uririmba mu gifaransa: Serge Beynaud

Itsinda rya muzika ry’umwaka: Sauti Sol

Umuririmbyi w’umugore w’umwaka: Yemi Alade

Meddy wabaye uwa mbere mu mateka y’u Rwanda mu guhatanira MTV AMAs

Ibyo babivuga kubera ko Meddy ari we muhanzi wa mbere mu mateka y’u Rwanda uhataniye ibihembo bya MTV AMAs (MTV Africa Music Awards).

Ibi bihembo ni bimwe mu bihembo bikomeye ku isi bikaba bihatanirwa n’abahanzi bakomeye ku rwego mpuzamahanga.

Charly na Nina batangarije Kigali Today ko kuba Meddy yaragaragaye mubahatanira biriya bihembo ari ikintu gikomeye cyane ku iterambere ry’umuziki wo mu Rwanda.

Charly agira ati: “Meddy ahagarariye u Rwanda, niwe ku giti cye ariko buriya ahagarariye u Rwanda. Ni ukuvuga ko mu mwaka utaha hashobora kubonekamo n’undi, umwaka ukurikiye hakabonekamo babiri.

Nko mu myaka itanu hakaba habonekamo batatu. Ni ibyo kwishimirwa cyane kuko umuziki wacu utangiye kugera ku rwego rukomeye.”

Mugenzi we Nina agira ati “Byaradushimishije cyane, kandi icyo nzi cyo buri muhanzi wese aharanira kujyamo.

Yaba umugande, yaba umutanzaniya, abahanzi bose bo muri Afurika baba baharanira kujya muri MTV AMAs birumvikana twarabyishimiye cyane.”

Charly na Nina hamwe na Geosteady mu ndirimbo nshya ‘Owooma’

Aba bahanzikazi kandi ngo banagerageje uko bashoboye mu gushyigikira Meddy bamwamamaza ku mbuga nkoranyambaga bakangurira ababakurikira kumutora.

Charly na Nina ni abahanzikazi bari kuzamuka kubera indirimbo zabo zakunzwe zirimo “Indoro” bakoranye n’umurundi Farious, Agatege, Yolo bakoranye na Riderman n’izindi.

Tariki ya 20 Ukwakira 2016 bashyize hanze indirimbo yabo nshya yitwa “Owooma” bafatanyije n’umuhanzi wo muri Uganda Geosteady uzwi mu ndirimbo nka “Ndiwamululu”, “Ntunulira”, “Same way”.

Banadutangarije ko mukwezi gutaha baraba bashyize hanze indi ndirimbo nshya mu rwego rwo kurushaho guha abakunzi babo ibihangano bibanogeye kandi batarinze gutegereza igihe kirekire.

Intore Tuyisenge ukuriye urugaga rw’abahanzi ba muzika mu Rwanda

Abagize urugaga rw’abahanzi ba muzika bazakorera umuganda udasanzwe mu Karere ka Nyanza bagamije kuganira n’abaturage kuri gahunda ya “Ndi Umunyarwanda.”

Uwo muganda uzakorerwa mu murenge wa Mukingo ku itariki ya 26 Ukwakira 2016; nkuko Intore Tuyisenge Jean de Dieu, umuyobozi w’urugaga rw’abahanzi ba muzika abisobanura.

Agira ati “Impamvu twahisemo guhera mu Karere ka Nyanza, ni nyuma y’uko hasohotse icyegeranyo kigaragaza ko mu karere ka Nyanza abaturage batarumva neza ibijyanye n’ubumwe n’ubwiyunge.

Hanyuma ikindi, nyuma y’uko hari abantu bagiye bagatwika indabo ziri ku rwibutso rw’inzirakarengane zazize Jenoside yakorewe abatutsi. Nk’urugaga rwa muzika rero twafashe gahunda yo kujya kuhakorera umuganda udasanzwe.

Ni ukugira ngo nyuma yo gukora uwo muganda tukaza kuganira n’abaturage kuri gahunda ya “Ndi Umunyarwanda” no kurwanya ingengabitekerezo ya Jenoside.”

Akomeza avuga ko umuganda ugamije mbere na mbere kwegera abaturage bakabaganiriza kuri gahunda za Leta cyane cyane gahunda zijyanye n’ubumwe n’ubwiyunge.

Intore Tuyisenge yemeza ko abahanzi bazitabira uwo muganda ku bwinshi nk’uko byagiye bigaragara mu minsi ishize mu bikorwa bimwe na bimwe bibahuza. Ikindi ngo kuba baranavuye mu itorero barasobanukiwe.

Kugeza ubu ngo baracyari gushaka abafatanyabikorwa kugira ngo iki gikorwa kirusheho kugenda neza.

Gusa ariko bamwe mu bahanzi baganiriye na Kigali Today bari bataramenya ibijyanye n’icyo gikorwa. Bakavuga ko ariko bazakitabira nibamenyeshwa gahunda yacyo; nkuko Young Grace abisobanura.

Agira ati “Yo ntabyo narinzi ariko nibiba ndi tayari kubyitabira.”

Oda Paccy we agira ati “Ntabwo mbizi pe. Uko biri nibabitangaza igihe kitararenga nzajyayo kuko ntacyambuza kwifatanya n’abandi.”

Senderi nawe iyi gahunda ngo ntiyari ayizi ariko ngo ntacyamubuza kujyayo. Ikindi ngo azasaba abayobozi n’abapasiteri kwigisha abaturage urugo kurundi guhindura imyumvire.

Young Grace arashaka kuzamura umwuga wo kudoda

Ni igikorwa yari yaratangiye ahereye ku bakobwa umunani muri Mutarama 2015.

Avuga ko mbere yakoreraga iwe, nyuma y’iki cyiciro ahita ahagarika, kugirango abanze ashake aho gukorera hagutse, agire n’ibikoresho bye kuko yakoreshaga imashini yatijwe.

Yagize ati: “Mu kwezi kwa 11 nibwo nzatangira, ndi gushaka ahantu ho gukorera hisanzuye kuko nakoreraga mu rugo. Ibikoresho byo birahari amamashini narayaguze hasigaye aho gukorera.”

Young Grace avuga ko kubera izi mpamvu zose atakoze neza uyu murimo yari yatangiye, ariko kuri ubu akaba yizera ko nta kizamubuza.

Bamwe mu bakobwa Young Grace yigishaga kudoda

Avuga ko intego ye ari ukwigisha urubyiruko bagenzi be mu rwego rwo kubafasha kwihangira imirimo ahereye kubanyeshuri.

Ibi ngo ni ukugira ngo babashe gutangira kwiteza imbere banakurane umutima wo kudategereza ak’imuhana cyangwa ngo barangize kwiga bicare bategereje guhabwa akazi.

Kwiga ni ubuntu kuko biri muri gahunda yo gufasha abana b’abakobwa ahubwo akungukira mubyo bazajya bagurisha bamaze kudoda.

Arateganya kandi kubikora nk’undi mwuga wiyongera ku buhanzi ku buryo nabyo byazamubyarira umusaruro urambye.

Young Grace aherutse gushyira hanze indirimbo nshya, aho yemeza ko azakomeza gukora n’ibindi bihangano byinshi.

Producer Lagaff ari muri Studio Ingenzi

Iyi gahunda izatangira tariki 08 Ukwakira 2016, izaba irimo abahanzi bakorana n’iyi nzu itunganya umuziki, kuva mu myaka itandatu imaze ishinzwe; nk’uko twabitangarijwe na Producer Lagaffa.

Agira ati “Ni gahunda twatangije kugira ngo dufashe abahanzi dukorana nabo. Twasanze nyuma yo kubakorera indirimbo no kubakurikirana, hanakenewe ibitaramo byo gutuma barushaho kwegera abafana babo no kumenyekanisha indirimbo zabo, bitabaye ngombwa gukomeza gutegereza gusa ibitaramo byateguwe n’abandi nabyo biza gake.”

Akomeza ko ari gahunda izakomeza ariko ngo ntibaragena amatariki n’igihe ibindi bitaramo bizabera.

Icyo gitaramo kitwa “Papampana Pool Party”. Kizabera mu mujyi wa Kigali guhera saa yine z’amanywa kugera saa yine z’ijoro. Hazaba harimo ibikorwa binyuranye nko koga no gususurutswa n’aba Dj banyuranye nka Dj Jincy, Dj Dizo, Dj Blow.

Papampana Pool Party

Abahanzi bazaba barimo ni abahanzi basanzwe bafashwa na Studio Ingenzi barimo Angel Mutoni, Assinah, City Yankees, Syntex, Vaga Vybz, Evap, Khalfan, Ricky Passwword, Since, T-Rock na 101Ent.

INGENZI Records ni iy’umuririmbyi wo mu Rwanda Mihigo François Chouchou

Enoch Ssemuwemba umuyobozi w’ishuri rya Sinema muri Kwetu Film Institute

Ryateguwe ku bufatanye bwa European Union mu Rwanda n’ikigo cyigisha ibyo gukora amafilimi no gutunganya amajwi Kwetu Film Institute, kiri i Kigali. Rizaba muri uku kwezi kw’Ukwakira 2016.

Ni mu rwego rwo guhuriza hamwe abakora umwuga wa sinema b’abanyarwanda n’abanyamahanga, kugirango bahugurane nk’uko European Union Rwanda ibivuga.

Enock Ssemuwemba umuyobozi w’ishuri rya Sinema muri Kwetu film Institute, avuga ko nta filime nyarwanda zizagaragaramo, ko gusa bo bazahugurwa.

Yagize ati “Hazabaho guhugura abakora umwuga wa Sinema bakiri bato hano mu Rwanda.

Bazahugurwa iminsi ine mubijyanye n’uburyo bwo gukora filime, kuyiyobora, indirimbo zijya muri filime, n’ibindi bikorwa binyuranye bizabera kuri Kwetu FIlms”.

Rizabera i Kigali, Huye na Rubavu. Rizaba rinagamije kwereka abanyarwanda imico inyuranye yo mu bihugu by’i Burayi, aho bazareba ibyiza n’ibibi bakagereranya n’umuco w’i Rwanda.

Amahugurwa azaba iminsi ine kuri Kwetu Films, ku batoranyijwe mubiyandikishije, bafite imyaka hagati ya 20 na 35 kuva tariki 13 kugera kuri 16 Ukwakira 2016.

Nyuma y’amahugurwa bazakorera hamwe filime izaba igendeye ku bumenyi bazaba bahawe, izaba ifite iminota 10 gusa.

Mu Rwanda hagiye kubera Iserukiramuco rya Filime

Kwinjira muri iri serukiramuco ryiswe “European Film Festival” bizaba ari ubuntu.

I Kigali bizabera muri Kigali City Tower- Century Cinema kuva kuwa 13 kugera kuwa 16 Ukwakira.

I Huye bizabera muri NSPA (Nile Source Polytechnic of Applied Arts) kuva kuwa 18 kugera kuwa 20.

Rubavu bizabera muri UTB (University of Tourism, Technology and Business Studies) kuva kuwa 21 kugera kuwa 23 Ukwakira 2016.

Muri iri serukiramuco, hazerekanwa filime zizaba ziturutse mu bihugu umunani bigize Umuryango w’Ubumwe bw’Ibihugu by’i Burayi.

Mu kiganiro n’abanyamakuru Sauti Sol yatangaje ko kuririmbira Perezida Obama ari inzozi zabo zari zibaye impamo (Photo Internet)

Babitangarije mu kiganiro n’abanyamakuru cyabereye mu mujyi wa Kigali, tariki ya 16 Nzeli 2016.

Sauti Sol baririmbiye Perezida wa Leta Zunze Ubumwe z’Amerika, Barack Obama, ubwo yakoreraga uruzinduko rw’iminsi ibiri muri Kenya, guhera ku itariki ya 24 Nyakanga 2015.

Mu kiganiro n’abanyamakuru babajijwe uko bakiriye kuririmbira uwo muyobozi. Bien-Aimé, umwe mubagize iryo tsinda, yavuze ko byabashimishije.

Akomeza avuga ko bifuje kuririmbira Perezida Obama kuva kera ariko bibaza inzira bizanyuramo. Nibwo ngo batangiye kujya bamwoherereza indirimbo zabo. Ntibizeraga ko zizamugeraho ariko ntibacitse intege.

Bien-Aimé avuga ko bari bafite icyizere cyo kuzamuririmbira ariko ngo bibazaga inzira bizacamo.

Agira ati “Burya icyo ureba nicyo kikubaho, icyo wifuza nicyo ubona! Twahereye cyera twoherereza indirimbo zacu Obama gusa nta n’imwe yigeze yumva.

Twumvaga ko tugomba kuzamuririmbira! Niba tuzahurira muri White House (inzuru irimo ibiro bya Perezida Obama), niba tuzahurira he! Ntitwabibonaga neza ariko tukumva ko byanze bikunze bigomba kuzaba.”

Akomeza avuga ko inzozi zabo zabaye impamo. Barahamagawe nuko baririmbira Perezida Obama ubwo yasuraga igihugu cyabo.

Sauti Sol ubwo yaririmbiraga Perezida Barack Obama (Photo Internet)

Bien-Aimé niho ahera asaba abahanzi bo mu Rwanda kujya barenza amaso u Rwanda. Bagatekereza gukora ibintu birenze imyumvire yabo kuko bashobora gutungurwa n’ibyavamo.

Abahanzi bagize itsinda rya Sauti Sol banashimye ubutwari bwa Perezida Paul Kagame. Niyo mpamvu ngo bamuririmbye mu ndirimbo yabo yitwa “Nerea”.

Bagira bati “Abaturage barakeye, umujyi urakeye, gutangira ubucuruzi mu Rwanda biroroshye, umutekano, mbega ni New York ya Afrika.”

Sauti Sol yageze i Kigali mu gitondo cyo ku itariki ya 16 Nzeli 2016. Irataramira Abanyarwanda kuri uyu wa gatandatu tariki 17 Nzeli 2016, mu gitaramo kibera i Gikondo ahasanzwe habera imurikagurisha.

Dorcas wiyamamariza kuba Miss RD Congo niwe watangaje ko Abazungu barusha abirabura ubwenge

Yarabitangarije mu kiganiro mpaka cyahuzaga abiyamamariza kuba Nyampinga wa Repubulika Iharanira Demokrasi ya Kongo, cyabaye mu mpera za Kanama 2016, ubwo babazwaga icyo batekereza ku kibazo cy’Abirabura birukira kujya mu bihugu by’Uburayi n’Amerika.

Yagize ati “Ntabwo ari ibyo twahisha, umuzungu afite ubwenge kurusha umwirabura.”

Yabuvize ashaka kugaragaza ko ari yo mpamvu Abaribaura bihutira kujya muri ibyo bihugu: bagiye kuba yo, kwiga yo cyangwa se gukora yo kuko baba bagiye yo kurahura ubwenge.

Nyuma yo gutangaza ibyo abari bateraniye mu cyumba cyaberagamo ibyo biganiro mpaka bavugije induru bamwamagana bamuziza ayo magambo yavuze, bafashe nk’irondaruhu.

Hari abatangije urwandiko rusaba ko Dorcas yakurwa muri Miss RD Congo

Nyuma y’igihe gito, video imugaragaza atangaza ibyo, yatangiye kuzenguruka ku mbuga nkoranyambaga zitandukanye nka Youtube, WhatsApp ndetse na Facebook.

Abayibona ntibashidikanya kuvuga ko yasuzuguye Abanyekongo ndetse n’abirabura muri rusange. Bamwe bagasaba ko akurwa muri iryo rushanwa. Hari n’abatangije urwandiko basaba abantu kurusinya (Petition) kugira ngo abategura Miss RD Congo birukane Dorcas.

Uyu nawe yanditse ku rubuga rwa Twitter asaba ko Dorcas yakurwa muri Miss RD Congo

Nyuma yo kubona ibyabaye, Dorcas yarababaye cyane avuga ko abantu bumvise nabi ibyo yashakaga kuvuga. Ibyo byatumye ku cyumweru tariki ya 04 Nzeli 2016 asaba imbabazi Abanyekongo n’Abirabura muri rusange.

Amarira abunga mu maso agira ati “Icyo nemera ni uko nta bwoko bw’abantu buruta ubundi, twese turi bamwe. Nzi ko hari bamwe mu bantu bamfashe nk’umurondaruhu! Si ndi umurondaruhu! Ibyo navuze ntibigaragaza uwo ndi we.”

Akomeza avuga ko iyo aba adakunda uwo ariwe n’ibira ry’uruhu rwe ataba yariyamamarije kuba Nyampinga wa Congo.

Nyampinga wa RD Congo azamenyekana tariki 10 Nzeli 2016. Dorcas ahanganye na Cynthia Ikapa, Anado Kabika, Andréa Moloto, Stella Furaha, Benita Domingo Banza, Grâce Liwoto na Déborah Kipulu.

Urupapuro rugaragaza igitabo Miss Peace yanditse.

Kuri iki cyumweru tariki 28 Kanama 2016, yatangarije Kigali Today ko icyo gitabo cyanditse mu Cyongereza, kigizwe n’impapuro 32, yacyanditse afatanyije n’abandi bantu banyuranye. Avuga ko ubutumwa bukubiyemo ari ubufasha abana gufata uwo muco wo kwandika no gusoma ibitabo.

Yagize ati “Ni igitabo gikubiyemo abantu bageze kuri byinshi ba hano mu Rwanda atari abo hanze.

Twifashishije abo mu Rwanda kubera ko naho barahari, ntabwo dukeneye kujya hanze gushaka ba Bill Gates, cyangwa umuyobozi mwiza, cyangwa umuntu ukora imideli mwiza kuko turabafite hano.”

Miss Peace avuga ko uyu mushinga uzakomeza kuko hazaza n’ibindi bice, kuko bitewe n’uko Abanyarwanda bazamushyigikira azandika n’ibindi bitabo bikurikiyeho.

Miss Peace Kwizera ari nawe watorewe kuba Miss Photogenic.

Ati “Nashyizemo imirimo 10 yonyine, kandi hari imirimo irenga n’ijana. Hari ibintu byinshi tugomba kugeza kubanyarwanda kandi nibwo tugitangira. Nifuza ko twazanacyandika mu kinyarwanda, hakazagera n’ubwo tugitangira ubuntu nibabidufashamo.”

Mu mishinga afite, harimo na gahunda yo kugendana n’abo bantu bakomeye bagaragara muri iki gitabo bagenda hirya no hino mu bigo by’amashuri, gushishikariza abana gukura bakunda banashyira imbaraga mubyo bifuza kugeraho.

Igikorwa cyo kumurika iki gitabo yise “Oh Rwandan Child” kizaba tariki 30 Nzeri 2016 mu Isomero Rikuru rya Kigali (Kigali Public Library).

Avga ko bamwe mu bo yanditse muri iki gitabo nabo bazaba bahari, kugira ngo baganirize abana n’ibibazo abana bifuza kubabaza babibaze, babasinyire ibitabo baguze n’ibindi.

Kwinjira muri iki gikorwa ni 10.000Frw ukanahabwa igitabo, na 5.000Frw ariko ntuhabwe igitabo, ukaba wakigurira ku ruhande ku 7.000Frw.

Urban Boys ni ryo tsinda ry’abahanzi rya mbere ryegukanye Primus Guma Guma Super Star.

Mu ruhame, Urban Boys yatsinze iri rushanwa ribaye ku nshuro ya gatandatu, iba itsinda rya mbere mu Rwanda riryegukanye.

Urban Boys yari ihanganye bikomeye na Christopher waje ku mwanya wa kabiri, Bruce Melody umwanya wa gatatu, Danny Vumbi waje ku mwanya wa kane, Young Grace ku mwanya wa gatanu, Allioni wa gatandatu, Jules Sentore wa karindwi, Danny Nanone wa munani, itsinda rya TBB umwanya wa cyenda naho Umutare Gaby aheruka urutonde rw’abahanzi icumi bari mu irushanwa.

Gutsinda kwa Urban Boys bihuje n’amakuru yari yatangiye guhwihwiswa mbere yo gutangaza abatsinze ku mugaragaro, aho Mushyoma Joseph, Umuyobozi wa EAP (East African Promoters) ari na yo ifatanya na Bralirwa gutera Primus Guma Guma yari yatangaje ko Urban Boys iza ku mwanya wa mbere, igakurikirwa na Bruce Melody naho Christopher akaza ku mwanya wa gatatu.

Primus Guma Guma isojwe nyuma y’amezi atatu itangiye, aho yatangiriye i Gicumbi ku wa 14 Gicurasi 2016. Urban Boys na Bruce Melody bari bagaragaje ko babimburira abandi bahanzi mu gukundwa mu bitaramo byabereye mu turere dutandukanye tw’u Rwanda.

Mu gihe Urban Boys yahembwe miliyoni 24Frw, Christopher wabaye uwa kabiri yahawe miliyoni zirindwi n’ibihumbi 500, mu gihe Bruce Melody wabaye uwa gatatu yahawe miliyoni zirindwi.

Primus Guma Guma Super Star yatangiye mu mwaka wa 2011 yegukanwa na Tom Close wahembwe miliyoni esheshatu no kuririmbana n’umuhanzi uvuye ku mugabane wa Amerika uretse ko bitakomeje. Icyakurikiyeho ni uko umuhanzi uba uwa mbere, ahabwa miliyoni 24Frw.

Tom Close, King James, Riderman, Jay Polly na Butera Knowless n’itsinda Urban Boys, kuri uyu wa 13 Kanama 2013, ni bo bahanzi bamaze gutsinda iri rushanwa rikunzwe kandi rikomeye muri muzika y’u Rwanda.

Itangazo ryamamaza iserukiramuco rya Kigali Up.

Oda Paccy ugiye kuririmbamo ku nshuro ya kabiri, yanyuzwe n’uburyo imiririmbire yaho iba ari umwimerere no kuririmbira hamwe na Didier Awadi wo muri Senegali.

Yagize ati “Uyu mwaka kubera hazaba hari abandi bantu baturutse mu bindi bihugu kandi nabo b’abahanga ndumva nzabigiraho byinshi cyane.”

Yvan Buravan, umuhanzi uri kuzamuka, we asanga ari ikintu kidasanzwe kuri we, kuzahurira ku ruhimbi n’ibyamamare mpuzamahanga.

Ati “Mu nzozi zanjye numva nshaka ko umuziki wanjye uba mpuzamahanga. Rero kubitangirira iwacu njya kurubyiniro rumwe n’abahanzi bakomeye cyane baje mu iserukiramuco iwacu ni intangiriro nziza cyane.”

Hari n’abandi nka Eric Mucyo nabo bahamya ko kuba Kigali Up izwi ku ruhando mpuzamahanga, kuririmbamo ari kimwe mu byafasha umuhanzi Nyarwanda kugaragara no mu bindi birori no hanze n’ibindi.

Ati “Iyo bagiye kugutumira babanza kukubanza ni he wagaragaye? Iyo witwaye neza nka hariya biba biri kugufungurira amayira henshi.”

Murigande Jacques “Mighty Popo” ukuriye kigali Up, avuga ko abahanzi Nyarwanda bakwiriye kubyaza umusaruro uko guhura n’abo bahanzi mpuzamahanga.

Ati: “Mu bushabitsi bwa muzika, kumenyana n’abantu nicyo kintu gikora cyane cya mbere, ni yo mpamvu tuzana bariya bahanzi bo hanze kubera ko bazana n’abatunganyiriza umuziki.”

Bamwe mubahanzi mpuzamahanga bazaza harimo Skyler Jett, Joey Blake, Soleil Laurent & Quantum Split bo muri Leta Zunze Ubumwe z’Amerika, Kareyce Fosto (Cameroon), One People Band ya Lucky Dube.

Mu bahanzi Nyarwanda harimo nka Christopher, Yvan Buravan, Oda Paccy, Eric Mucyo, Peace, Marshall Ujeku wo ku Nkombo na Danny.

Iki gitaramo kizaba tariki 30 na 31 Nyakanga 2016 kuri Stade Amahoro i Remera guhera saa saba. Kwinjira ni 5000 na 8000 munsi wa kabiri.

Bakinnye umukino To be or Not to be mu iserukiramuco ry’Ubumuntu.

Ubusizi mu Rwanda buri ku ntera ikiri hasi ugereranyije n’ubundi buhanzi nko kuririmba, gukina umupira, filime, kubyina n’imideli.

Yves Ndahiro uzwi ku izina ry’ubuhanzi rya Cyamatare agira ati “Hari imbaraga z’ubuyobozi zikenewe nko gushyigikira ubusizi nk’uko bashyigikira imikino, bagashyigikira umuziki n’ibindi.”

Ndizeye Frank we ati “Abantu bafite impano ntaho babona bazigaragariza bigatuma bacika intege bakabivamo bakigira mu bindi. Nta rubuga rw’abasizi ruhari, ntabwo bigisha ukuntu ubusizi buri mu buzima bwa buri munsi, mbona haramutse habonetse urubuga rw’abasizi mu buryo buhoraho ubusizi bwazamuka.”

Grieder Andrea hamwe na bamwe mu rubyiruko rw’abasizi akurikirana mubuhanzi bwabo.

Yifuza ko ubusizi bwahera mu mashuri mato bugashyigikirwa hakanakorwa amarushanwa mu bana bato.

Kugeza ubu, mu Rwanda hagaragara irushanwa rimwe ry’ubusizi ryiswe “Kigali itatswe n’Ubusizi”, ritegurwa n’umusuwisikazi Grieder Andrea abinyujije muri “Transpoesis” nyuma y’andi marushanwa anyuranye yagiye acika intege akazimira.

Yves na Frank ni bamwe mubaryitabiriye badutangarije ko ryabafashije. Basaba ababishobora kumutera inkunga, kugira ngo n’iryo rimwe basigaranye ritazagera ubwo ricika intege naryo rikazimira.

Tariki 30 z’uku kwezi kwa Nyakanga hazongera kugaragazwa zimwe mu mpano z’ubusizi mu irushanwa rya Kigali itatswe n’Ubusizi.

Andrea Grant avuga ko akigera mu Rwanda muri 2005 yabonye hari urubyiruko rufite impano yiyemeza kubafasha.

Ati “Kigali itatswe n’Ubusizi” iba rimwe mu gihembwe. Abifatanya n’amahugurwa ajya ategurira abasizi, kubashakira aho bagaragariza impano zabo mu maserukiramuco n’ibindi bikorwa.

Afite itsinda ry’abasizi bagera hafi muri 15 akurikirana umunsi ku wundi. Avuga ko hari ikizere ko ubusizi mu Rwanda buzagera aho bugatunga ababukora.

Ati “Icyo abasizi basabwa nibafate umwanya uhagije bahange, bahange ibibarimo kandi bagendere k’uburyo igihugu giteye bazatera imbere.”

“Kigali itatswe n’Ubusizi” iteganyijwe kuba tariki 30 Nyakanga 2016 ikabera mu kiyovu ahazwi nka “The Office” kuva saa kumi n’ebyiri n’igice z’umugoroba,aho kwinjira biba ari ubuntu.

Umukino Afro Man Spice wakinwe n’abagande bagaragazaga agaciro k’umugabo mu buzima bw’umugore uburyo utamufite aba amwifuza gusa banagaragaza umugabo ufata nabi umugore we kugeza ubwo amushakira inzaratsi

Umugore wo muri Afurika y’Epfo wakinnye umukino ari wenyine, umukino yise “Mother to Mother” ukaba ari umukino wagaragazaga ukuntu inzego z’umutekano zafataga abirabura n’abazungu mu buryo butandukanye.

Ngo ibyabaga muri icyo gihugu byose wasangaga bisa n’aho bibogamiye ku bazungu, hagira umuzungu ugira ikibazo abirabura bakaba bagize ibyago bagakubitwa, bakicwa nyamara hagira umwirabura ugira ikibazo ntihagire ubyitaho.

Umuhire Eliane, wakoze kuri uyu mukino yagize ati, “South Africa na Afurika muri rusange ifite amateka menshi, ni kenshi twibwira y’uko byavuzwe kenshi, twabyumvise bihagije, buri gihe ntihabura ibindi umuntu anyuramo akongera wenda akazamura cya kibazo, kuri njyewe byankozeho cyane kubera n’ibimaze iminsi biri kubera muri Amerika bijyanye n’ibibazo abirabura bari yo bari guhura nabyo,...”

Asaba buri wese gukunda mugenzi we ntitunarebere ibiri kuba ngo duceceke. Nk’umuhanzi kandi yumva umusanzu we azanawunyuza mu mpano ye abwira isi yose ibibi byo kubura ubumuntu mu bantu.

Kagame Cesar na we yasanze ibintu byose biterwa n’uko abantu bashakira ibibazo aho bitari. Ati “Ubundi twebwe tugomba kubanza kwimenya twebwe, ntitujye kureba ibyo abandi badukorera ukabanza kumenya uriya icyo arimo gukora nicyo nawe wakora uri mu mwanya we. Ukabanza ukimenya wowe ntujye kuvuga gusa uti uriya arandusha amafaranga, uriya niwe utera ibibazo byose.”

Indi mikino yagarutse kubibazo by’i Burundi, ibyabaye muri Srilanka, abagore n’abakobwa bafashwe ku ngufu n’ibindi byangiza ubumuntu mubantu.

Uyu munsi wa 3 haraba imikino nka “To be or Not to be” hamwe n’itsinda ry’abanyarwanda na Switzerland; “Face Off” hamwe n’itsinda ry’abanyarwanda n’abanyekongo; “Go Forth” umukino w’Abanyamerika; “The Tears of a Man Flow in His Belly” w’abo muri Gabon; “Those You Pass on the Street” yo muri Ireland; “Body Revolution” umukino wa Iraq n’Ububiligi.

Kiraba ku mugoroba wo kuri uyu wa 14 Nyakanga 2016 muri Kabana Club, abakitabira bakaza kuba bambaye nk’uko Michael Jackson yajyaga yambara kandi bakambara imyambaro yera.

Urupapuro rwamamaza iki gitaramo cyo kwibuka Michael Jackson na Papa Wemba

John Bunyeshuri usanzwe amenyerewe mu by’imideri akaba n’Umuyobozi wa Kigali Fashion Week ari na we wateguye iki gitaramo, avuga ko babikoze mu rwego rwo kwegereza abakunzi b’aba bahanzi, abahanzi bakunda nubwo baba batakiriho.

Ni igitaramo kizajya kiba buri kwezi, bakaba barahereye ku kwibuka Whitney Houston tariki 13 Gicurasi 2016 ubwo bamurikaga itsinda “The Chic” rigizwe n’abakobwa bane abereye umujyanama (Manager).

John Bunyeshuri yavuze ko iki gitekerezo yakigize kubera gukunda abo bahanzi nubwo bapfuye agahora abazirikana bityo agatekereza ko n’abandi babakunda byababera byiza kubibuka.

Yongeyeho ati “Bitabye Imana kandi narabakundaga. Nizera ubuzima nyuma y’urupfu.”

Tumubajije impamvu bahisemo Michael Jackson na Papa Wemba aho guhitamo Abanyarwanda dore ko na bo ari benshi bitabye Imana kandi bari bakunzwe cyane, yavuze ko yabitewe n’uko ibyo akora atabikorera Abanyarwanda gusa ko ahubwo areba ku rwego Mpuzamahanga bityo agasanga atagomba kugarukira ku Banyarwanda nubwo na bo azajya abateguraho.

Yagize ati “Ibi mbikorera abantu bose ntabwo ari Abanyarwanda gusa, mbikorera abantu bose harimo n’abanyamahanga.”

Ibi bikorwa ngo nta baterankunga bifite kuko abikora kubera kubikunda. Ngo yabitangije kandi mu gushyigikira umuziki no gufasha abantu kwidagadura mu bihangano by’abahanzi bakundaga batakiriho bakanabaha icyubahiro kibagomba.

Muri iki gitaramo, haragaragaramo amafunguro yo muri Congo n’ayo muri Amerika nk’uko bigaragazwa n’urupapuro rucyamamaza.

Igitaramo kirabera muri Kabana Club kuva saa kumi n’ebyiri z’umugoroba kugera bukeye, kwinjira bikaba ari ubuntu.

Young Grace yemera Umutare Gaby nk’umusore mwiza bihebuje.

Young Grace yagize ati “Nahisemo Umutare Gaby kubera ko ni umusore mwiza, ahanini ushobora gusobanura mu buryo bwihuse uburanga bw’umuhungu naririmbaga nakunze ikindi akaba ari umwe mu nshuti zanjye akaba yaranabimfashijemo akabyemera, ni muri ubwo buryo.”

Tumubajije niba nta rukundo yaba amufitiye asubiza ko ntarwo kandi ko ngo ajya yumva ko Umutare Gaby afite umukunzi.

Umutare Gaby we yabanje guseka, asubiza agira ati “Ntabwo byari ibintu bidasanzwe, ntabwo byari ibintu by’uburanga n’ibiki, indirimbo ubwayo narayikundaga bitewe n’injyana irimo n’ukuntu yanditse!

Narayikunze ndabimubwira nyine ko nkunda indirimbo ye turi muri Guma Guma,
hanyuma aza kumbwira ngo ariko se ubundi ntabwo nagukoresha nyine bya bindi by’imikino."

Umutare Gaby.

Akomeza avuga ko Young Grace yamubwiye ati "Ko nawe ntacyo ubaye nyine nshobora kugukoresha ibintu nk’ibyo ngibyo nyine; ...ni uko ndamwemerera turakorana ariko nta bintu by’uburanga, nta buranga nibonaho budasanzwe.”

Umutare cyakora na we avuga ko nta kiri inyuma yo kuba Young amubona nk’umusore mwiza bihebuje.

Ati "Njye namufashije nk’umuhanzi mugenzi wanjye numva twakorana ariko nta buranga ntabwo mbizi ubwo we afite uko abibona, kandi niba yarabonye ko namufasha bikagenda neza ni byiza."

Indirimbo “Ataha he” yagiye hanze kuri uyu wa 11 Nyakanga 2016, Umutare Gaby agaragaramo ameze nk’umwana w’Umwami aho aba afite ingabo zimurinda hanyuma agahura na Young Grace ajya ku isoko akamukunda, undi na we akamukunda ariko ntibavugane.

Young Grace akomeza amushakisha bikazarangira ageze iwabo w’Umutare akakirwa neza cyane kuko na we yari yaramukunze.

Mu rubanza rugaragara mu ndirimbo ’Tera imbuto y’urukundo’, Maurix aba yunganira uyu mugabo.

Maurix wamamaye muri “Maurix Music Studio”, avuga ko nyuma yo gushyira hanze iyi ndirimo ye, ngo abantu bagera kuri bane bamaze kumusaba ko yabunganira mu manza bafite, akabafasha kurenganurwa.

Ibi ngo babimusaba bashingiye ko mu mashusho y’iyo ndirimbo bigaragara ko umuntu yari yabereye umwunganizi (avoka), urubanza rusozwa bigaragara ko batsinze, bakumva na bo yabahagararira mu manza bafite, kugira ngo babashe gutsinda barenganurwa.

Ubwo yabwiraga iyi nkuru umunyamakuru wa Kigali Today, yagize ati “Abantu bagera kuri bane bamaze kunsaba kubunganira mu mategeko mu manza zabo, ngo babonye amashusho mbikora neza umuntu akarenganurwa, ni ko kunyiyambaza bambaza niba koko hanze y’ubuhanzi ndi umunyamategeko kugira ngo mbe nabunganira.”

Mu ndirimbo bigaragara ko urubanza yunganiyemo uyu bari kumwe barutsinda.

Uyu muhanzi ariko avuga ko atari umunyamategeko ahubwo ko kuba yaragaragaye mu mashusho ari umwunganizi mu manza ari umukino yakinnye mu ndirimbo ye ujyanye n’ubutumwa yashakaga gutanga bwo kwirinda kurenganya ahubwo abantu bakarenganura abarengana.

Ati “Uriya ni umukino nakinnye ujyanye n’ubutumwa buri mu ndirimbo, ntabwo ndi umu avoka, ahubwo ndi umuhanzi nkaba n’umucuranzi wa Piano, ndetse hanze y’ubuhanzi nkaba ndi n’umuhinzi wabyigiye, Ingenieur Agronome.”

Maurix ashima abantu bakomeje kumugaragariza ko banyuzwe n’ubutumwa bw’urukundo buri muri iyo ndirimbo anabizeza ko atazahwema kubagezaho ibihangano by’umwimerere kandi bibasusurutsa.

Maurix ni umuhanzi akaba n’umucuranzi wa Piano, ntabwo ari umunyamategeko.

Maurix ni umuhanzi akaba n’umuntu utunganya indirimbo z’amajwi aho yamenyekanye cyane mu Mujyi wa Huye muri Studio yitwa “Maurix Music Studio”, yakoze indirimbo z’abahanzi bakomeye mu Rwanda. Iyi studio abereye umuyobozi ikaba yarimukiye i Kigali mu Karere ka Gasabo.

Lil G muri studio ye "Round Music".

Aganira na Kigalitoday yagize ati “Abatunganya indirimbo (producers) hari ukuntu bakoraga; imvugo y’ubu bavuga kogosha; baguhaga gahunda nka saa munani z’amanywa ukageza nka saa moya z’ijoro ugitegereje, na terefoni ye itariho utazi niba uri bukore, ariko njyewe ntabwo byanciye intege; buriya ndi umuntu ugira umuhate, cyane ko mbanzi umugati ntegereje...”

Yakomeje ati “Gutinzwa, guhobagizwa nyine ugasanga nk’indirimbo imaze nk’amezi nk’ane muri studio, ni yo mpamvu burya nyuma yaho naje kugira indoto yo kugira studio yanjye.”

Lil G aha yatanze urugero rw’indirimbo ye yakoranye na Mani Martin bise “Akagendo” ngo bakaba baramaze amezi ane yose bategereje kuyihabwa.

Yongeyeho ati “Ibyo ni byo byandakaje bituma uwo munsi ntaha mfashe icyemezo cyo kwikorera studio.”

Mu gihe yagize izo nzozi muri 2010, muri uyu mwaka ni bwo abigezeho ashinga studio ye yise “Round Music” ikorera Kimihurura mu Rugando.

Lil G avuga ko yikurikiranira iyi studio ikorwamo na Producer Junior Multisystem kugira ngo hatazagira umuhanzi urangaranwa nk’uko na we byagiye bimubaho mu yandi mastudio.

Umuhanzi Lil G, umaze kubaka izina mu Rwanda, avuga ko kandi afasha abahanzi bakorera indirimbo zabo muri "Round Music" kuzimenyekanisha kuko ngo yumva biri mu nshingano ze.

Zimwe mu ndirimbo zakorewemo zizwi harimo nka “Vuba Vubaa” ya All Stars (yahuje abahanzi bazwi benshi), “Rihanna” ya Urban Boys, “Birarangiye” ya Dream Boys n’izindi.

Yasoje abwira abahanzi bakizamuka baba bari guhura n’ibibazo n’imbogamizi zinyuranye ko batagomba gucika intege kuko ngo "Nta mvura idahita."

Aha Kavutse Olivier na Amanda bari bavuye gusezerana mu mategeko muri Canada.

Aba bageni bitegura gushinga urugo kuwa gatandatu utaha, batangaje urubuga rw’ubukwe bwabo (kandahano urusure) rugaragaraho amafoto yabo bombi bari kumwe, ibijyanye n’ubukwe bwabo, uburyo bamenyanye, uburyo abifuza kwitabira ibirori byabo bazakenera gucumbikirwa bazakirwa n’ibindi binyuranye birebana n’urukundo rwabo ndetse n’ubukwe bwabo.

Kwinjira kuri uru rubuga usabwa umubare w’ibanga unagaragara ku rupapuro rw’ubutumire (1John419).

Kuri uru rubuga kandi, hagaragaraho aho ushobora kwiyandikisha mu gihe wifuza ko bakoherereza ubutumire bwabo aho uri mu rugo iwawe cyangwa ku kazi.

Aganira na Kigali Today, Kavutse Olivier yavuze ko bakoze urubuga kugira ngo borohereze abazabwitabira.

Yagize ati “Twarukoze kugira ngo dufashe gushyira amakuru yose ajyanye n’ubukwe ahantu hamwe cyane cyane ku bantu baba hanze.”

Kavutse kandi aratumira abakunzi ba muzika ye kuzitabira ubukwe bwe, akanatangaza ko yishimiye cyane intambwe yenda gutera yo gushinga urugo.

Yagize ati “Ndabatumira, ni karibu. Ndumva nishimye cyane ko ngiye gushinga urugo kuko ari ibintu by’abantu b’abagabo.”

Ubutumire.

Kavutse Olivier na Amanda Fung bazasezeranira i Rubavu muri Hakuna Matata Hotel ku wa gatandatu tariki 9 Nyakanga 2016 guhera saa saba z’amanywa, ari na ho hazabera n’indi mihango ijyanye no kwakira abashyitsi.

Kavutse Olivier, ni umuyobozi w’itsinda “Beauty For Ashes” riririmba indirimbo zihimbaza Imana aho aririmbana na Amanda Fung, Umunyamerikakazi ugiye kuba umugore we.

Aba bombi basezeranye imbere y’amategeko tariki 22 Gicurasi 2016 mu Mujyi wa Ottawa muri Canada.

Mbere y’uko Papa Wemba yitaba Imana, yasize akoranye indirimbo na Diamond bise “Chacun pour soi” ugenekereje bivuze ngo “Buri wese ku giti cye.”

Barayikoze tariki 28 Werurwe 2016 nk’uko byatangajwe kuri Youtube ya Papa Wemba ari na ho hashyizwe bwa mbere iyi ndirimbo.

Mu magambo yaherekeje iyi ndirimbo bagize bati “Nshuti bavandimwe, dore indirimbo ya nyuma ya Papa Wemba yakozwe tariki 28 Werurwe 2016. Iyi ndirimbo yari ayishimiye cyane. Ni indirimbo ihuza abacyera n’ab’ubu. Ndizera ko iri bubanyure. Aruhukire mu mahoro.”

Banatangaje ko ku wa mbere w’icyumweru gitaha bazashyira hanze amashusho agaragaza amagambo agize iyi ndirimbo (video Lyrics) kandi ko bari gutegura kuzayikorera video aho bazagerageza gushyiramo ibihe byamuranze, ikaba ishobora kuzajya hanze umwaka utaha.

Diamond Platnumz abinyujije kuri Instagram, na we yashyizeho iyi ndirimbo anayiherekeresha ubutumwa bwo kubwira abafana be ko indirimbo yagiye hanze byemewe n’amategeko.

Yagize ati “Duteganya ibintu ariko Imana ni yo ibisohoza. Ntituzigera tukwibagirwa. Icyubahiro kandi Imana ihimbazwe.”

Akomeza agira ati “Bafana banjye, indirimbo nakoranye na Papa Wemba ibyumweru bitatu mbere y’uko yitaba Imana yageze hanze mu buryo bwemewe. Mushobora kuyumva.”

Jules Shungu Wembadio Pene Kikumba wamenyekanye ku izina rya Papa Wemba ni umuhanzi w’icyamamare ukomoka muri Repubulika Iharanira Demukarasi ya Congo.

Yavutse tariki 14 Kamena 1949 yitaba Imana tariki 24 Mata 2016 aguye ku rubyiniro ubwo yaririmbiraga muri FEMUA Urban Music Festival i Abidja, muri Côte d’Ivoire.

Yari umuhanzi akaba n’umukinnyi wa filime aho yagaragaye muyakunzwe cyane yitwa “La vie est belle”. Mu ndirimbo ze zakunzwe cyane harimo nka Maria Valencia, Yolele, Wake up n’izindi.

Kanda hano wumve indirimbo ya nyuma ya Papa Wemba "Chacun pour soi".

Judith Heard muri Studio ya KT Radio.

Yabitangarije kuri KT Radio, mu kiganiro Evening Crooze, yakoze ku mugoroba wo kuri uyu wa gatatu tariki 22 Kamena 2016.

Yagize ati “Mu kumurika imideli habamo ibibeshyo byinshi, ukaba wahura na gafotozi akaba yagufotora amafoto wambaye ubusa akakubwira ukuntu agiye kukugira model ukomeye, ariko atari byo agiye gukora ahubwo amafoto yawe agiye kuyakoresha ibindi.”

Yakomeje agira ati “Barasabwa buri gihe kwitondera abantu baza babasanga bababwira ko bifuza kubateza imbere. Bamwe muri bo nibeza abandi sibeza. Barasabwa kwitonda bagafata umwanya bagahitamo uwo bizera. Kwitonda buri gihe.”

Judith afite se w’Umunyarwanda.

Judith Heard kandi yavuze ko kugira ngo ube wabasha kubigeraho usabwa kuba ubikunda kuko nta mafaranga abamo kuko urwego imideli muri Afurika iriho ruracyari hasi cyane.

Nubwo baba babona abanyamideli bakomeye ino bagenda hirya no hino mu bihugu binyuranye kwerekana imideli nyamara ngo bishyurwa make.

Kugira ngo we abigereho ni uko yigiriye ikizere, akurikira inzozi ze afite umuhate ko agomba kuzigeraho. Yongeyeho ko byose yabifashijwemo no kwizera Imana no gusenga ari nazo nama agira abakobwa bakiri bato bifuza kugira ibyo bageraho mubuzima bwabo.

Judith Heard, amazina ye yiswe n’ababyeyi ni Kantengwa Judith aza guhindura izina yitirirwa iry’umugabo we nyuma yo gushinga urugo.

Afite abana batatu barimo babiri b’impanga n’umwe arera. Avuka kuri se w’Umunyarwanda na nyina w’umugandekazi. Ise umubyara yishwe muri Jenoside yakorewe Abatutsi mu Rwanda muri 1994, nyina aba muri Uganda.

Ni umunyamideli ukomeye muri Afurika, ni umunyamakuru kuri Touch FM muri Uganda akaba ari na Rwiyemezamirimo.

Kuri ubu ari mu Rwanda aho yaje kwitabira Kigali Fashion Week, izaba kuri uyu wa gatanu tariki 24 Kamena 2016, aho azaba ari isura ya Motions Designer wo mu Rwanda ku myambaro azashyira hanze yise “Ruheru”.

Nyuma y’iminsi itatu atangaje ko afite umurinzi unamugira inama noneho ngo yamuburiye irengero.

Mu kiganiro KT Idols cyo ku wa 18 Kamena 2016 Senderi yavuze ko yabonye umugabo w’ibigango witwa Rwabugiri uzajya amugira inama akanamurinda.

Nyuma y’iminsi itatu gusa abitangaje, twifuje kumenya byinshi kumikoranire yabo Senderi adusubiza ko bamaze gushwana.

Yagize ati “Naramubuze twashwanye. Yakoze amanyanga namubuze. Ubu twashwanye ndimo ndashakisha undi.”

Yakomeje agira ati “Anywa inzoga nyinshyi, mbese ukabona icyerekezo nshaka ntabwo akigeraho, ntabwo ari ku muvuduko nshaka. Nk’ubu kuva ejo numero ye ntayiriho yagiraga tigo. Ubu se njye sinamubuze! Hari abantu banshakaga ngira ngo ajyeyo ndamubura. Hashize iminsi ibiri yose.”

Yatubwiye ko bari bamaranye amezi atandatu yose tumusabye ifoto ye atubwira ko ntayo afite. Twanamusabye nimero ya terefoni ya Rwabugiri ngo tumuvugishe akomeza atubwira ngo araje ayitwohereze, bigera ubwo agera aho akuraho terefoni.

Umwe mu nshuti za hafi za Senderi twamubajije iby’uyu Rwabugiri atubwira ko atamuzi. Tumubajije niba Senderi yaba afite umujyanama bari gukorana amera nk’utunguwe, atubwira ko atabizi, ko nta we arabona.

Mu kiganiro KT Idols Senderi yari yavuze ko we na Rwabugiri bakorana neza cyane. Yagize ati “Ibya muzika ntabwo abizi cyane. Ikintu nkundira Rwabugiri afite ibigango, akubiyemo ibintu bibiri kungira inama no kundinda. Urumva afite metero ebyiri na 15. Iyo ndi kumwe na we angira inama, wazana n’imizozo akagusunikisha akaboko ukigirayo.

Ntabwo ari Bounca (umurinzi) cyangwa se Manager ahubwo ni umujyanama undinda akanangira n’inama nyine z’uburyo bwo kwitwaramo. Ni ubwo buryo, imikorere mishya irimo umuntu uhabwa akazi ariko ashoboye ibintu byinshi.”

Senderi kandi yanatangarije abafana be muri KT Idols ko kuri uyu wa gatandatu tariki 25 Kamena 2016 azaririmbira Geita muri Tanzaniya, aho yatumiwe n’abacuruzi baho abikesha indirimbo aherutse gushyira hanze y’Igiswahili yise “Mapenzi ni somo”.

Knowless Butare mu marushanwa n’ibihangange muri muzika muri Afurika.

Butera Knowless amaze igihe akora ibikorwa binyuranye byo kwagura muzika ye aho agenda akorana n’abahanzi banyuranye bo hanze y’u Rwanda, agakorera amashusho y’indirimbo ze nyinshi hanze y’u Rwanda.

Agenda kandi ashyira ingufu mu gukora indirimbo mu ndimi z’amahanga cyane cyane igiswahili; none birimo kugenda bimuhesha amahirwe yo kugeza umuziki we ku rwego mpuzamahanga.

Kuri ubu, yashyizwe ku rutonde rw’abahatanira ibihembo muri Nijeriya mu kiswe “Nigerian Entertainment Awards” (NEA); ibihembo ngarukamwaka bigiye gutangwa ku nshuro ya 11.

Ni irushanwa rigaragaramo ibyamamare muri muzika muri Afurika nka Flavour, Iyanya, Wizkid ari na bo bayoboye kubera imyanya myinshi bahatanira.

Mu kiganiro twagiranye na Knowless yagize ati “Byanshimishije cyane, ni intambwe ishimishije cyane kandi ni n’igikorwa kinini nakwiye kwishimira, byanejeje muri rusange.”

Ibihembo by’iri rushanwa bizatangirwa i New York muri Leta Zunze Ubumwe z’Amerika tariki 4 Nzeli 2016.

Knowless Butera agaragara mu cyiciro cy’abahanzikazi b’Abanyafurika ariko badakomoka muri Nigeria bigaragaje kurusha abandi uyu mwaka akaba ahanganye na Vannessa Mdee wo muri Tanzaniya, Efya wa Ghana, Lira wo muri Afurika y’Epfo, MZ Vee wo muri Ghana, Sheebah Ndiwanjawulo wo muri Uganda, Adiouza wo muri Sudani na Victoria Kimani wo muri Kenya.

Umunyamabanga Uhoraho muri MINISPOC, Lt. Col. Rugambwa Patrice, ubwo yaganiraga n’abaturage b’i Mwulire ya Rwamagana.

Yabivugiye i Mwulire mu Karere ka Rwamagana, tariki 10 Kamena 2016, ubwo MINISPOC, Minisiteri y’Urubyiruko n’Ikoranabuhanga n’Urugaga rw’abahanzi, basuraga urwibutso rwa Jenoside yakorewe Abatutsi rwa Mwulire, bakanaremera abarokotse Jenoside batishoboye.

Uwitwa Muyombano Ildephonse warokokeye i Mwulire, yatanze ubuhamya bw’ubutwari bwaranze Abatutsi bari bahungiye ku gasozi ka Mwulire kuko babanje kwirwanaho mu gihe cy’iminsi 10 bakoresheje intwaro gakondo n’amabuye, bahangana n’ibitero by’abicanyi, kugeza ubwo bagabweho ibitero bikomeye by’abasirikare ba Leta yariho, bibaraganza.

Bunamiye imibiri ishyinguye mu rwibutso rwa Jenoside yakorewe Abatutsi rwa Mwulire.

Amaze kumva ubwo buhamya, Lt. Col. Rugambwa yagize ati “Reka mbanze nshimire by’umwihariko ubutwari bw’abantu twumvise ahangaha. Ndavuga abaturage ba Mwulire uko bagerageje kwirwanaho kugeza ku munota wa nyuma. Ubwo butwari ndifuza ko bwakomeza kuranga abaturage hano bukanabafasha kurwanya ingaruka za Jenoside.”

Muri iki gikorwa, MINISPOC yaremeye imiryango icumi itishoboye iyiha ibikoresho by’ibanze. Buri muryango wahawe umufariso, umufuka w’umuceri, umufuka w’ifu y’ubugali, akajerekani k’amavuta, indobo, ibase n’amasabune.

Muhutukazi Xaverine ugiye kubakirwa inzu ya miliyoni 6 yatanzwe na MINISPOC.

MINISPOC kandi yatanze sheki y’ibihumbi 500Frw yo kunganira Urwibutso rwa Jenoside yakorewe Abatutsi rwa Mwulire, inatanga miliyoni 6 zo kubakira Muhutukazi Xaverine, wagizwe umupfakazi na Jenoside. Inzu yari atuyemo ikaba yaramusenyukiyeho aho kuri ubu acumbikiwe n’ubuyobozi mu gihe hategerejwe kumwubakira inzu nshya yo kubamo.

Muhutukazi yavuze ko yishimiye cyane iki gikorwa cyo kumufasha kubona aho atura hakwiriye kuko inzu yahoranye yari yarashenywe n’Interahamwe muri Jenoside.

Muyombano Ildephonse warokokeye i Mwulire yatanze ubuhamya bw’ukuntu bari babanje kwirwanaho bakoresheje amabuye.

Miss Rwanda 2016 Mutesi Jolly ni we ufite iri kamba.

Aganira na Kigali Today, Dr Nzabonimpa yavuze ko kuri iyi nshuro, hatangiye gutangwa amasoko, ubu hakaba haratanzwe isoko ry’umwaka umwe gusa.

Yagize ati “Ubundi amasoko ya Leta ni ko atangwa. Nitubona bitangiye gukomera kuko ni bwo bwa mbere twe twari tubikoze, turashaka kugira ngo turebe niba abantu bazashobora kugendera ku mabwiriza twashyizeho, noneho nitubona bigenda neza, tuzajya twongera gutanga isoko ry’imyaka ibiri cyangwa itatu nk’uko muri MINISPOC bari babikoze.”

Yongeyeho ko uzatsindira iri isoko ari na we uzakurikirana inyungu (Managing) za Miss Rwanda 2017 akanarishakira amafaranga akora igikorwa, kuko Leta nta mafaranga ishyiramo uretse agendanye no gukurikirana imigendekere y’iki gikorwa, bigakorwa n’abakozi bayo.

Rwanda Inspiration Back Up ni yo yari isanzwe itegura iri rushanwa.

Patrick Nyamitari.

Mu kiganiro yagiranye na Kigali Today, Nyamitari yavuze ko inama afite zireba abahanzi bose muri rusange kuko abona bose basa n’abasangiye icyo kibazo.

Yagize ati “Si abahanzi bato gusa ahubwo twese dusome twongere ubumenyi kandi dutege amatwi twumve ibitekerezo by’abandi uvuge uti indirimbo yanjye ntabwo yagakwiriye gusohoka idafite ibitekerezo by’abantu benshi bashoboka.”

Ku bwe ngo bituma indirimbo z’umuntu ziza zidasa, buri yose ikazana umwihariko wayo. Ati “Abenshi dufite ikibazo cyo kudasoma. Niba ufite umuhanzi ukunda ugira ikitegererezo cyawe soma ibijyanye n’ubuzima bwe, usome ibijyanye n’ibyo akora, uburyo akora n’uburyo yandika.

Bizatuma tugira ba Diamond, ba Whiz Kid bigere aho natwe tubona abakorana n’abanyamerika.”

Nyamitari kandi yongeyeho ko n’indimi ari ikibazo mu bahanzi Nyarwanda hafi ya bose. Ati “Dusome, twige indimi. Uko usoma ibitabo byo muzindi ndimi, ukareba amafilime menshi azamura uburyo bwawe bwo kuvuga izindi ndimi n’ibindi bitandukanye bizagufasha. Ntabwo uzagera ku rwego mpuzamahanga uvuga ururimi rwawe gakondo gusa.”

Nyamitari avuga ko abahanzi bakizamuka badakwiye kurarikira amafaranga gusa, kuko no kugira ubumenyi mbere yabyose ari byo bizabafasha kugera ku rwgo bifuza.

Ubwo sosiyete Ikirezi Group yasinyanaga amasezerano na Yes Africa muri 2014.

Umuyobozi wa sosiyete “Ikirezi Group” itegura Salax Awards, Emma Claudine Ntirenganya, yabwiye Kigali Today ko barimo kuganira n’abafatanyabikorwa batandukanye kugira ngo iri rushanwa rikorwe neza kandi ku rwego rwisumbuye urwo ryari ririho.

Yagize ati “Imbogamizi zo ntabwo zijya zibura ariko dufite icyizere gikomeye. Mu mpera za 2014 twasinyanye amasezerano yo gufatanya ibikorwa na Yes Africa. Turafatanya gukora ibishoboka kugira ngo Salax Awards ikomeze ibeho kandi ntikomeze kubaho ku rwego rw’u Rwanda gusa, ahubwo no ku rwego twavuga ngo ni urwa East Africa muri rusange.”

Abategura iri rushanwa bavuga ko batarashobora kwihaza mu ngengo y’imari ya buri mwaka, ari na byo byatumye mu mwaka ushize iri rushanwa ritaba.

Emma Claudine Ntirenganya, Umuyobozi wa sosiyete Ikirezi Group itegura Salax Awards.

Cyakora ngo baracyakorana n’abafatanyabikorwa batandukanye kandi ngo hari icyizere kuko abo baganira ngo bagenda babyumva.

Irushanwa rya Salax Awards muri uyu mwaka ngo rizareba ku bikorwa by’abahanzi byo guhera muri Mutarama 2015 kugeza muri Kamena 2016. Abahatana bazatangazwa mu ntangiriro za Nyakanga naho ibihembo bitangwe tariki 23 Ukuboza 2016.

Nubwo hari bamwe mu bahanzi bagiye banenga iri rushanwa ku mitegurire mibi, benshi bemeza ko ryagize akamaro ko kuzamura impano z’abahanzi no gutuma bakora cyane.

Patrick Nyamitari, umwe mu bahanzi bishimiye ko Salax Awards igaruka, yagize ati “Nubwo hari byinshi byagiye biyivugwaho ko bitagendaga, hari icyo yari imariye abantu, hari imbaraga yagiye itera abahanzi. Gusa turabasaba kurushaho gukora kinyamwuga.”

Eric Senderi International Hit we ngo yishimira ko amaze imyaka ibiri afite igikombe cya Salax kuko umwaka ushize nta yabaye.

Ati “Icya mbere ni agahigo nciye kuba maranye igikombe cya Salax imyaka 2 nta muntu wari wakinkura mu maboko. Iryo ni ishema, ni agaciro mpa abantu bateguye iyi Salax Awards.”
Senderi ngo yizera ko ntawe uzakimukura mu biganza ahubwo ko azongera gutsinda.

Uncle Austin, umwe mu bari barasezeye Salax Awards, yadutangarije ko ibibazo yari ayifiteho byakemutse, akaba yiteguye kuyitabira.

Daniel Ngarukiye n’umugore we Orac.

Abinyujije kuri facebook, Daniel Ngarukiye yatangaje ko batazigera bamwibagirwa. Yagize ati: “Twaguhawe nk’Impano iturutse ku Mana, mugihe twari dutangiye kwishimira no kunyurwa nawe hano ku isi, Imana yahisemo kukwisubiza, igusubiza mu bamalayika bayo.

Ntituzigera tukwibagirwa Inyamibwa. Wavutse tariki 18 Gashyantare 2016 none utuvuyemo tariki 30 Gicurasi, tuzahora tukwibuka.”

Nyakwigendera.

Ngarukiye yavuze ko umwana we yari yagize ikibazo cyo kuruka inshuro ebyiri ku manywa ku cyumweru bakabona bidakomeye, bigeze mu ijoro umwana araremba bamujyana kwa muganga apfira mu maboko y’abaganga mu ma saa cyenda z’ijoro.

Daniel Ngarukiye ni umwe mu bahanzi Nyarwanda baririmba mu njyana Gakondo, bazwiho gukirigita inanga. Yarabarizwaga muri Gakondo Group mbere yo kwerekeza mu gihugu cya Roumania aho abana n’umugore we Lavinia Orac uhakomoka.

Daniel Ngarukiye n’umugore we bari bamaze amezi hafi atandatu basezeranye kubana akaramata, basezeranye tariki 22 Ukuboza 2015.

Igitaramo cyitabiriwe n’ubwo batari benshi bikabije.

Iki gitaramo cyabaye ku mugoroba wo kuri uyu wa gatanu tariki 28 Gicurasi 2016, cyari kigamije guhuriza hamwe abantu banyuranye bafite aho bahuriye n’imyidagaduro, abatera inkunga ibikorwa by’imyidagaduro n’abafana babo.

Hari hanateganyijwe kandi ko hari bubeho guhemba abantu b’indashyikirwa mu byiciro binyuranye bigize imyidagaduro.

Miss Teta Sandra na Miss Vanessa bateguye igitaramo Industry Night.

Ku ikubitiro hahamagawe umukinnyi w’umupira w’amaguru Ernest Sugira ariko ntiyaboneka.

Uwegukanye igihembo cy’umunyamideli mwiza yabaye Dusabe Jeannine ariko nawe ntiyagaragaye mu gitaramo.

Willy Ndahiro wegukanye igihembo cy’umukinnyi wa filime mwiza nawe ntiyigeze ahagaragara.

Active ku rubyiniro.

Knowless ku rubyiniro yinjiye aherekejwe n’abafana be.

Patient Bizimana niwe wegukanye igihembo cy’umuhanzi mwiza mu ndirimbo zihimbaza Imana ariko nawe ntiyabashije kuhaboneka.

Urban Boys nk’itsinda ryahawe igihembo cy’umuhanzi wabashije kugira intera ageza ku muziki Nyarwanda ku rwego mpuzamahanga umwaka ushize, nabo ntibahagaragaye.

Miss Teta Sandra yavuze ko aba bose bari batumiwe kandi ko nta wigeze ababwira ko atari buboneke.

Abahanzikazi Asinah na Paccy.

Gutanga ibi bihembo byagiye binyuranamo no kuririmba kw’abahanzi Charly na Nina, M One, itsinda rya Active na Knowless. Aba bahanzi bishimiwe ku buryo bugaragara.

Iki gitaramo cyaranzwe no kutubahiriza igihe ku buryo bukabije aho byari biteganyijwe ko gutambuka ku itapi itukura bitangira saa kumi n’imwe, ariko bikaza gutangira mu masambiri n’igice.

Charly na Nina nibamwe mubitabiriye igitaramo.

Miss Vanessa wari umushyushyarugamba yageze ku rubyiniro sayine n’iminota 22 ahamara micye ubundi aragenda.

Gahunda zongeye gusa n’izisubukuwe satanu na 15 kandi nabwo hagati ya gahunda n’indi hakanyuramo umwanya munini abantu bibaza ibigiye gukurikira.

Ku rwinjiriro rw’iki gitaramo cyabereye muri imwe mu tubari dukorera i Nyarutarama, bishyuzaga ibihumbi 10Frw ariko ntibyabujije ko ubwitabire bwagaragaye ugereranyije n’ibindi bitaramo bikozwe n’ubu buryo bikunda kubera muri Kigali.

Miss Teta Sandra na Miss D’Amour mu mwanya wo gutanga ibihembo.

Hari abantu b’ingeri zinyuranye.

Igitaramo cyabereye ahakikije amazi.

Itorero Urukerereza rigiye gutaramira Abanyarwanda mu nkera y’Abahizi.

Iki gitaramo kigamije kwimakaza umuco wo gutarama no guhiga, kizarangwa n’imbyino gakondo, imihamirizo n’umurishyo w’ingoma, byose biherekejwe n’ibicurangisho gakondo, bikazumvikanisha urwunge rw’amajwi y’indashyikirwa.

Umuhanzi Muyango Jean Marie utoza Urukerereza, yabwiye Kigali Today ko iki gitaramo giteguranywe ubuhanga, bityo anashishikariza Abanyarwanda kuzacyitabira.

Muyango Jean Marie (ibumoso) na Mariya Yohana (iburyo), abatoza b’Urukerereza ubwo bari mu gitaramo cy’Urukerereza mu mpera z’umwaka ushize wa 2015.

Yagize ati “Hashize igihe batababona. Abenshi kandi baheruka Urukerereza rwa cyera, ubu ni Urukerereza ruvuguruye. Hari ibintu byiza byinshi bashaka kwereka Abanyarwanda, nabashishikariza kuza kureba.”

Iyi nkera y’Abahizi izataramirwa i Kigali tariki 3 Kamena, muri Sitade Nto i Remera naho i Rubavu ni mu nzu mberabyombi y’Akarere ka Rubavu tariki 24 Kamena.

Mu mpera za 2015, Itorero Urukerereza ryakoze igitaramo ryise "Indamutso" cyitabiriwe n’abanyacyubahiro barimo Madamu wa Perezida wa Repubulika Jeannette Kagame.

Amafoto: Plaisir Muzogeye

Danny Vumbi yatahanye akazi akesha uburyo yitwaye neza ku rubyiniro.

Semivumbi Daniel uzwi ku izina ry’ubuhanzi rya Danny Vumbi, yatangarije Kigali Today ko yatahanye akazi akesha uburyo yitwaye i Karongi.

Yagize ati “Mfite akazi mu kanya ko kwandika indirimbo ikomeye kandi akazi nkabonye kubera uko nitwaye.”

Danny Vumbi yakomeje agira “Nkiva kuri stage (urubyiniro), hari umugabo wansabye ko nzamukorera indirimbo yamamaza, ansaba ko nzamuca amafaranga nshaka. Twahanye gahunda yo gutangira akazi.”

Mu magambo make, Danny Vumbi yavuze ko ari umushoramari wishimiye uburyo yitwaye.

Yagize ati “Kuri ubu, nta byinshi natangazaho kuko igikorwa kitaratangira. Ni umushoramari wishimiye kumbona ku nshuro ya mbere no kubona uburyo nitwaye ku rubyiniro.”

Danny Vumbi ni umwe mu bahanzi nyarwanda bazwiho ubuhanga mu myandikire y’indirimbo ndetse n’uburyo ibihangano bye biba bikoze.

Danny Vumbi kandi akunda kwandikira indirimbo abahanzi batandukanye bo mu Rwanda. Muri zo, harimo izakunzwe cyane nka “Ntibisanzwe” ya King James, “Ntundize” ya Bruce Melody, “Active love” y’itsinda rya Active, “Niko nabaye” na “Fata Fata” za Dj Zizou n’izindi.

Mu Karere ka Gicumbi ari naho habereye igitaramo cya mbere cya PGGSS ku nshuro yayo ya gatandatu, abahanzi nka Allioni, Danny Vumbi, Umutare Gaby na TBB batunguwe cyane n’uburyo basanze bimeze ndetse n’uburyo bakiriwe.

Allioni yahagurutse i Kigali afite ubwoba, abonye uburyo yakiriwe yiyemeza kuzarusha abafana Bruce Melody.

Danny Vumbi wishimiye gutombora nimero ya mbere ari ubwa mbere yitabiriye iri rushanwa, yatsinze ubwoba yatewe n’abahanzi bagenzi be bamubwiraga ko nimero ya mbere igoye.

Yagize ati “Banteyemo ubwoba ariko nishimiye uburyo abantu banyakiriye, njye nageze kuri stage nyifata nk’ibisanzwe, nkora ibyo nagombaga gukora kandi byagenze neza kabisa.”

TBB igizwe na Mc Tino, Benja na Bob nabo bitwaye neza cyane birenze uburyo babitekerezaga. Mc Tino wari usanzwe yitabira ibi bitaramo ari umushyushyarugamba nawe yaratunguwe.

Umutare Gaby ngo igitaramo cy’i Gicumbi cyamubereye ishuri.

Ati “Ngewe kuri stage nabonaga abantu basimbuka ndavuga nti oya! Habuze gato ngo nibagirwe n’ibintu nagombaga gukora iriya ariko byagenze neza kabisa.”

Umutare Gaby we ngo igitaramo cya mbere cyamubereye ishuri. Inyuma y’ibibazo byinshi yibazaga, ubwoba yari afite, byose byahise bigenda abasha kwigiraho n’uburyo azitwara mu bitaramo bizakurikiraho.

Ati “Sinatinya kubivuga numvaga mfite umutima uhagaze mvuga nti ndakora iki? Ibi bintu njemo bwa mbere bikora bite?

Ariko nishimye, nakoze uko nshoboye, abantu twaririmbanye, indirimbo zanjye barazizi, ni ukuri byanejeje ku rwego rwanjye ariko nanone binyereka indi shusho y’icyo ngomba gukora ubutaha.”

Allioni yabonye uburyo yashyigikiwe i Gicumbi bimuha isura y’uburyo umuziki we ukunzwe n’Abanyarwanda.

Allioni nawe wahagurutse i Kigali n’ubwoba bwinshi kugeza ubwo agenda ahumurizwa n’abahanzi bagenzi be kugera bageze i Gicumbi, yatunguwe cyane n’uburyo yakiriwe, ubwoba burashira arabaririmbira aniyemeza ko umwaka utaha azarusha Bruce Melody abafana.

Ati “Nabonye ukuntu Bruce Melody yagiye ku rubyiniro abantu baramwishimira cyane, mu ntego yanjye mfite umwaka utaha ndamutse ngiyemo, namurusha ko abantu bazamura amaboko.”

Stade ya Gicumbi yari yakubise yuzuye.

Iki gitaramo cyari cyitabiriwe cyane, aho Stade yose yari yuzuye ahasanzwe hicara abantu ndetse no mu kibuga hasi ahabera umupira, hose hari huzuye.

Buri muhanzi yagerageje gushimisha abari bitabiriye igitaramo akoresheje imbaraga ze zose.

Cyakora ntabwo abafana bagaragaje ibyishimo bingana n’umubare mwinshi wabo ku buryo hari abavuze ko byaba byatewe no kuba hari izuba ryinshi, abandi bakavuga ko nta dushya abahanzi bagaragaje dushitura abantu.

Nubwo byari bimeze gutyo ariko, wabonaga udutsinda duto duto tw’abafana bari bafite ibirango by’abahanzi baje bashyigikiye. Abo wabonaga bari bishimiye gufana cyane.

Abafana benshi bagaragaraga ko baturutse i Kigali kuko hari imodoka nini (Coaster) ebyiri zarimo abaje gufana Allioni, eshatu z’abaje gufana Super Level (Urban Boys) ndetse n’imwe yagaragaye yaje gufana TBB.

Umwe mu basore baje bashyigikiye itsinda rya TBB utashatse ko amazina ye agaragazwa, yadusobanuriye ko bishyuwe kugira ngo baze gushyigikira aba basore.

Muri iki gitaramo, hari bamwe mu bafana b’abahanzi bagaragaye bashyigikiye abandi mu gihe babaga barimo kuririmba.

Urugero ni nko mu gihe itsinda rya Urban Boys ryari ku rubyiniro, umwe mu bari baje gushyigikira TBB anambaye umupira wabo, yaje kugaragara abyina cyane ashyigikiye Urban Boys atitaye ku bamurebaga bamwibazaho.

Hari abandi bakobwa bafanaga cyane ubona ko bishimiye igitaramo bakaba bari bafite mu ntoki udutambaro twanditseho “Super Level” nyamara mu kiganiro twagiranye batubwiye ko bashyigikiye cyane Bruce Melody.

Abahanzi bahatanira iri rushanwa ku nshuro yaryo ya 6 ni Bruce Melody; Jules Sentore; Urban Boys; Christopher; Allioni; Danny Vumbi; Danny Nanone; Umutare Gaby; Young Grace na TBB.

Indirimbo “Indoro” aba bahanzi bakiri bashya mu ruhando rwa muzika bakoranye n’umuhanzi w’umurundi Big Fizzo, yabagejeje yarakunze inatuma babasha kwigarurira imitima y’abakunzi ba muzika batari bacye.

Charly na Nina bizeye ko indirimbo "Agatege" izakundwa nk’"Indoro."

Ni indirimbo yatumye babasha kwitabira ibitaramo byinshi mu Rwanda no muri Uganda, kuko wasangaga icurangwa hafi ku ma radiyo menshi no mu tubyiniro. Nyuma y’icyo gihe nta y’indi ndirimbo yayikurikiye nyarama ikomeza kwamamara.

Indi bise “Agatege” bavuga ko bizeye ko nayo izabasha gukundwa ikarenza Indoro“ yatumye bamenyekana henshi, nk’uko babitangarije mu kiganiro bagiranye na KT Radio, Radio ya Kigali Today.

Charly yagize ati “Turimo turayigeza ahantu hose hashoboka abafana bacu bashobora kuyibona cyangwa kuyumva biboroheye, turashaka gufata amashusho yayo mu cyumweru gitaha kandi turashaka ko azaba meza cyane kuburyo izivugira.”

Yongeyeho ko gukundwa cyane no kwamamara kw’indirimbo ari uruhare rw’abafana, kuko bashyizemo imbaraga bakanayiha igihe gihagije kugira ngo izageze ku rwego rw’indoro.

Ati “Twe icyo dukora ni ukuyiha abantu, tukayikorera amashusho meza cyane, tukagerageza kuyimenyekanisha, hanyuma uko abafana bayakiriye n’ukuntu bayikunze ni byo bituma indirimbo igera ahantu kure cyane”.

Mu minsi micye igeze hanze kandi ngo batangiye kwakira ubutumwa bw’abayikunze. Ati “Barayikunze baratuvugisha, abatubwirira kuri facebook, abatwandikira kumatelefoni yacu, kumbuga zitandukanye baratubwira.”

Bemeza ko mu byumweru bibiri amashusho y’indirimbo “Agatege” aba ageze hanze, bikagendana no gutegura ibitaramo bito bito mu rwego rwo kurushaho kuyimenyekanisha.

Itsinda Trezzor.

Yves Kana, ukuriye iri tsinda, yadutangarije ko ari mu rwego rwo gutangira kwiyegereza abafana babo cyane kuko ngo bagiye babibasaba kenshi.

Avuga ko abafana bagiye bababwira ko babona indirimbo zabo bakaba banazumva ariko itsinda Trezzor bakaba batajya baboneka. Kana ati “Ni muri urwo rwego twatangiye kubiyegereza mbere y’uko dukora igitaramo kinini.”

Avuga kuri iyo ndirimbo “Mpore Mpore” bari kumenyekanisha, yagize ati “Turagira tuti ‘mpore mpore nta mvura idahita’, urumva ko irahumuriza abantu muri rusange. Ni ukuvuga ngo sosiyete muri rusange ku isi yose burya buri muntu wese agira intambara arwana na yo.”

Yungamo ati “Ariko iyo ntambara abantu benshi bakunze kuyitsindwa kubera ko akenshi umutima wabo uba utabasha kubyakira, ngo iyo ntambara bumve ko ari iyabo kandi ko bagomba kwihangana.”

Avuga ko muri iyo ndirimbo baba bavuga ko nta joro ridacya, ko nta mvura idahita,...ariko burya ko iyo wirinze abaguca intege ukanagira ibyiringiro Imana yawe ibigufashamo.

Iri tsinda risanzwe rizwiho kuririmba indirimbo zitandukanye z’abahanzi batandukanye baba aba hano mu Rwanda ndetse n’abo hanze yarwo. Ni itsinda risanzwe rikora injyana ya Rock & Roll.

Zimwe mu ndirimbo zabo zakunzwe harimo nka “Love Song”, Urukumbuzi, Iwacu, Nyobora n’izindi.

Iki gitatamo kirabera muri The Mirror Hotel guhera saa mbiri z’ijoro kugera saa tanu kwinjira bikaza kuba ari ubuntu. Nyuma y’igitaramo, ibirori (After party) birakomereza muri “Class Club” hamwe na Dj Bloww.

Muri icyo gitaramo ngo hazagaragara itsinda rishya ry’abakobwa “The Chic” rizanaririmba zimwe mu ndirimo za Whitney Houston zakunzwe cyane.

Itsinda "The Chic" rizatangira ku mugaragaro mu gitaramo cyo kwibuka Whitney Houston.

John Bunyeshuli, ukuriye Kigali Fashion Week yateguye iki gitaramo, yadutangarije ko bahisemo umuhanzi Whitney Houston mu kumurika itsinda “The Chic” abereye umujyanama (Manager) kuko yasanze bahuriye kuri byinshi.

Yagize ati “Ni igitaramo cyo kwibuka Whitney Houston hakazanaririmbwamo indirimbo ze 10 zakunzwe cyane, zizaririmbwa n’itsinda rishya “The Chic”.”

Yavuze ko bahisemo Whitney kubera ko ari we bareberaho, kandi bakaba bafite byinshi bahuriyeho.

Ati “Yatangiye akiri muto cyane nk’uko na bo bimeze kandi bose batangiriye kuririmba mu rusengero … ari na ho baboneye ko bafite impano itangaje.”

Yakomeje avuga ko “The Chic” ari itsinda rishya muri muzika, ryibanda cyane mu kuririmba indirimbo zo mu njyana ya Jazz na Blues, bakaba kandi banasubiramo n’indirimbo nyinshi z’abahanzi b’ibyamamare.

“The Chic” rigizwe n’abakobwa bane ari bo Mungwakuzwe Marie Grace, Mungwasingizwe Marie Rose, Mireille Umutoni n’Agasaro Angele Lina.

Iki gitaramo kizatangira i saa kumi n’ebyiri z’umugoroba kigeze saa tanu kandi kwinjira ngo bizaba ari ubuntu.

Whitney Elisabeth Houston yavutse tariki 9 Kanama 1963 yitaba Imana tariki 11 Gashyantare 2012.

Yaranzwe n’ubuhanga buhanitse ndetse n’ijwi ryatangarirwaga na benshio ndetse bigatuma indirimbo ze nyinshi zigenda zisubirwamo n’abandi bahanzi banyuranye, zikanakoreshwa mu marushanwa mpuzamahanga ya muzika nka “American Idols”, “X-Factor” n’ayandi.

Ni igitekerezo umuhanzi The Son ngo yagize akigeza kuri Nyampinga Afsa na we amubwira ko yabitekerezagaho maze n’ubuyobozi bubemerera kubibateramo inkunga.

Umuhanzi The Son na Miss Afsa bari kumwwe na Agnes barimo kubakira.

The Son yagize ati “Twifuje kubakira uriya mu mama kuko ntiyishoboye. Ni we wenyine wari usigaye atarafashwa mu mudugudu.

Afite abana batatu kandi mu by’ukuri akeneye ubufasha. Twasije ikibanza tunamukorera isuku mu nzu, ibindi tuzabimenya nyuma y’inama dufitanye n’ubuyobozi ejo [tariki 01 Gicurasi 2016].”

Miss Afsa we avuga ko nubwo hari ibitaraboneka, bahisemo kuba basije ikibanza kugira ngo bizabatere imbaraga zo gukomeza.

Aha bari barimo gusiza ikibanza.

Baramutse babashije kubaka iyo nzu, cyaba ari cyo gikorwa cya mbere Miss Afsa akoze kuva yakwambikwa ikamba rya Nyampinga wa Rusizi 2016.

Nikuze Agnes, umubyeyi barimo gufasha, mu kiganiro gito twagiranye yadutangarije ko byamushimishije cyane.

Yagize ati “Byandenze, nabyakiriye neza cyane kumva imyaka 22 ishize kongera kubona abantu bamba bugufi, urubyiruko mbese abana batoya, ni ukuri byandenze! Imana izabashimire kandi izakomeze kubaha umutima w’urukundo.”

Ntivuguruzwa Gervais, Umukuru w’Umudugudu wa Batero uyu mubyeyi atuyemo, yagize ati “Igikorwa cyabaye ariko ntabwo cyarangiye, bakoze agace gato cyane. Bagitangije gusa ariko ntabwo bakirangije, ni igikorwa kigikomeje.”

Hari urubyiruko rwinshi rwari rwaje kubafasha.

Yakomeje ati “Urumva ni umuntu bagomba gufasha kubakira utishoboye wacitse ku icumu rya Jenoside kandi aho bazamwubakira ni naho inzu babamo iri.

Icyo bakoze uyu munsi ni ugusa n’abaca ikibanza mu mpande z’iyo nzu atuyemo no gutema ibihuru mu gihe hagishakishwa aho azaba yimuriwe.”

Isaie Kalinda, umwe mu bashinze Kigali-Buja Film Production Ltd irimo gutegura iyo filime yabidutangarije agira ati “Ubu ahantu igeze turi kuyikosora tuyinonosora, mbese irenda kugera ku musozo kuko gufata amashusho byo byararangiye. Tugiye gutangira kuyamamaza.”

Bamwe mu bazagaragara muri filime "Ca inkoni inzamba".

Yakomeje adutangariza ko bifuza ko izajya hanze muri Kanama 2016 kandi igacuruzwa bya kinyamwuga.

Fleury Ndayirukiy,e ufatanyije na Isaie Kalinda muri Kigali-Buja Film Production Ltd, na we yaduhamirije ko imirimo yo gutunganya iyi filime igeze kure aho hatagize igihiduka ngo izaba iri hanze mu kwezi kwa gatandatu k’uyu mwaka

Fleury Ndayirukiye wagize igitekerezo cyo kwegera mugenzi we w’Umunyarwanda Isaie Kalinda bagashinga iriya kompanyi iri gutegura iyi filime, ni umusore w’Umurundi wahungiye mu Rwanda kuva muri Gicurasi 2015.

Asanzwe ari umwe mu bakinnyi bakomeye ba filime mu Burundi, wanegukanye ibihembo muri FESTICAB (Festival International du Cinéma et de l’Audiovisuel du Burundi).

Aganira na Kigali Today, Fleury yagize ati “Naratekereje nti reka dukore film tugaragaze ko ibyo batekereza ko turimo atari byo turimo, kandi dufatanyije n’Abanyarwanda tubashe kubona ubushobozi bwo gusura bagenzi bacu mu nkambi”.

Umunyarwanda Irunga (Pastor Fake) akinana na Deborah w’Umurundikazi.

Yakomeje atubwira ko bizanatuma abakinnyi batungwa n’impano zabo aho kujya mu ngeso mbi. Abakinnyi b’Abarundi bose bari mu Rwanda barimo Danny, Deborah, Bella na Julienne bazagaragara muri iyi filime.

Bamwe mu Banyarwanda b’ibyamamare bazagaragaramo harimo Kayumba uzwi nka Manzi muri filime “Amarira y’Urukundo”, Irunga uzwi nka Pastor Fake, Maman Bonny wamenyekanye cyane mu “Intare y’Ingore”, Maman Rosine muri filime “Intare y’Ingore” n’abandi banyuranye.

Umushinga wo gukora iyi filime watangiye mu Ntangiriro z’ukwezi kwa Werurwe 2016.

Abaganiriye na Kigali Today bahuriye ku kuba nta byumba by’imyidagaduro byabugenewe bihari, ukwiganwa (piratage) kw’ibihangano no kutamenyekana ku rwego mpuzamahanga.

Abahanzi bari bitabiriye gutora abayobozi babahagarariye (Ifoto Irakoze R)

Umuhanzi ukizamuka Aimé Bluestone asanga Federasiyo izabafasha gutera imbere ku rwego mpuzamahanga.

Young Grace we avuga ko bafatiye ku rugero rw’abakina ruhago bashobora kugira aho bazajya bidagadurira, nk’uko muri ruhago haba amsitade.

Ati “Urabona nk’abantu bakina ruhago bafite stade ariko twebwe tukaba tudafite ahantu dushobora gukorera bigatuma rimwe na rimwe nintegura igitaramo cyangwa mugenzi wanjye bagihagarika kitarangiye, ariko kuri ubungubu nidushyira hamwe bizakemuka.”

Manzi Pacifique, ukora injyana ya Gakondo, asaba Federasiyo gukangurira abahanzi bakiri bato iby’umuco Nyarwanda.

Komite yatowe, uhereye hino ni Nyamitari, Tuyisenge, Uwineza na Jay P (Ifoto Irakoze R)

Ati “Bashishikarize cyane urubyiruko gukunda iby’umuco wacu cyane ko tuziko abantu bakora injyana za gakondo ari abakuru; nk’urubyiruko rubyiruka rwigira mu ndirimbo za kizungu.”

Patrick Nyamitali, Umuyobozi wungirije muri iri shyirahamwe, asanga ari inzira nziza yo gutanga umusanzu we mu kubaka igihugu, ikanamukemurira ibibazo ahuriyeho n’abandi bahanzi.

Asanga kandi asabwa kwegera abafite ubunararibonye kugira ngo abashe koko gutanga umusanzu umuhanzi nyarwanda akeneye mu rwego rwo kugira ngo Federasiyo igire byinshi imugezaho.

Intore Tuyisenge, niwe watorewe kuyobora iyi Federasiyo, avuga ko Federasiyo itandukanye n’andi mahuriro yazaga agamije inyungu z’abayashinze, biri no mubyatumye atamara kabiri. Nawe ahamya izabakemurira ibibazo byinshi ahuriyeho n’abandi bahanzi.

Ati “Icyo tugiye gukorera abanyamuryango cya mbere, turifuza gutegura amahugurwa atandukanye hagamijwe kubakira ubushobozi abahanzi haba mubijyanye n’ubumenyi, kuko abahanzi benshi ibyo dukora tubikora nk’impano.

Ariko dukeneye ko tubikora noneho dusa n’abafiteho n’ubumenyi mu bijyanye n’umuziki kugira ngo abanyamuziki koko babikore nk’umwuga.”

Tariki 4 Mata 2016 nibwo hatowe komite y’ishyirahamwe ry’abahanzi ku bufatanye na RALC.

Yabitangaje mu Kiganiro yagiranye na Kigali Today, aho yashishikarije abahanzi bakibyiruka kwanga ikibi no gufatanya.

Umwaka ushize nabwo Munyanshoza yakoze igitaramo nk’iki mu gicye cyo kwibuka.

Yagize ati “Dufatanye guhindura igihugu, dufatanye kongera kugarura urukundo, kwanga amacakubiri, gukunda igihugu, ni cyo nabashishikariza kugira ngo ibyabaye ntibizongere kugaruka.”

Munyanshoza yakomeje avuga ko bakwiriye no kwegera abakuru bakabasobanurira amateka y’u Rwanda.

Ati “Bajye bibuka babwire abakuru banabasobanurire, bababwire amateka yaranze igihugu cyacu, babasobanurire ikibi, intandaro yacyo, inkomoko yacyo, uburyo ki byakozwe n’ingaruka byakururiye igihugu.”

Yavuze ko biri mu biri bunagarukweho mu mugoroba wateguwe na Munyanshoza na Mariya Yohan, aho urubyiruko ruri mu myaka 22 rugira ubutumwa rutanga.

Araba afatanyije na Mariya Yohana.

Ni umugoroba bateguye wo kwibuka Jenoside yakorewe Abatutsi mu Rwanda mu 1994, ubera muri Serena Hotel ku mugoroba wo kuri uyu wa Gatanu, tariki 8 Mata 2016.

Baraba bari kumwe n’abandi bahanzi biganjemo abakuru nka Kayirebwa, Nyiranyamibwa, Muyango n’abandi.

Uyu mugoroba bawise “Ntacyambuza Kubibuka”, uraba guhera saa kumi n’ebyiri z’umugoroba aho kwinjira ku badafite ubutumire biraba ari ukugura album y’indirimbo za Mariya Yohana na Mibirizi zakusanyirijwe hamwe; harimo izisanzwe zizwi ndetse n’inshyashya.

Haraba harimo n’imivugo, ubuhamya, kandi n’igikorwa cyo gukusanya inkunga (Fundraizing) hamwe n’amafaranga yavuye muri alubumu afashishwe ababyeyi bagizwe incike na Jenoside yakorewe Abatutsi.

Iki gikorwa kigiye kuba ku nshuro ya kabiri. Mibirizi avuga ko ari igikorwa kizakomeza kuba kandi kikagenda cyaguka.

Umwaka ushize wa 2015, inkunga yavuyemo yashyikirijwe ababyeyi bagizwe incike na Jenoside bo mu Murenge wa Rwabicuma mu Karere ka Nyanza.

Aganira na Kigali Today, Ruremire yasobanuye ko atahinduye injyana akora ngo abe yinjiye mu ndirimbo zihimbaza Imana. Yongeyeho ko Abanyarwanda na cyera bakeneraga Imana mu buzima bwabo bwa buri munsi kandi n’ubu ngo ni ko bikimeze.

Umuhanzi Focus Ruremire.

Yagize ati “Njye nizera Imana mu buryo bukomeye ku buryo nari narayisabye ngo uzampe kuririmba ariko nzaririmba indirimbo ivuga Imana muzika yanjye imaze kumenyekana.”

NK’uko anabigaragaza mu ndirimbo ye "Ndi Uwawe", Ruremire Focus ngo iyo yitegereje ibiri ku isi, asanga umuntu adakeneye kumenya byinshi bihambaye ngo yemere ko Imana ibaho.

Yagize ati “Nabonye ngomba gushimira Imana nkanagaragaza uruhande mperereyemo mu buzima bwanjye kuri yo, uburyo nyemera n’uburyo mbona ko nta kindi ndi cyo usibye icyo Imana yangize. Ndavuga kuba ndiho. Kimwe n’abandi bose. Rero nifuzaga ko mu buzima bwanjye, nzaririmbira Imana.”

Yongeyeho ko iyo ayiririmba atwarwa cyane. Yagize ati “Ni yo nyota, nanakubwira ngo iyo nyiririmba, ni indirimbo ndirimba nkatwarwa cyane mu buzima kuko mba numva ko irimo kumpuza n’Umuremyi.”

Mu ndirimbo ye atangira agira ati “Amatwi n’amaso, ururimi n’umunwa, umutima utera ubutaruhuka, inda yanjye ni uruganda rutangaje. Impyiko n’ibice by’iyororoka, umubiri wanjye wose ni igitangaza. Ntibishoboka ko byabaho bityo.”

Akomeza agira ati “Nitegereje uko nteye mbona ko uriho. Nitegereje ibinkikije mpimbaza izina ryawe ndora ubuhanuzi bwawe, Mwami nizera Umwana wawe Yesu. Ndi uwawe ndi uwawe Mwami Imana. Ndi uwawe oh Yehova. Ndi uwawe iteka ryose ndi uwawe njye ndi uwawe.”

Harimo aho agira ati “Nitegereje imisozi n’ibibaya, iyi si yikaraga ubutaruhuka amazi ntaturengere... Izuba ritirimutse gato ga twashira, ni ubuhanga bwawe... Inyenyeri uruhumbirajana abahanga zarabayobeye.”

Yasoje ikiganiro twagiranye asaba abahanzi bose kugira intego kugira ngo babe babasha kugira ibyo bageraho, ariko by’umwihariko bakibuka ko byose babikesha Imana yabaremye.

Aganira na Kigali Today yavuze ko yifuzaga ko ayo mateka yabikwa, abajenosideri bapfobya bakanahakana Jenoside yakorewe Abatutsi bakazatsindwa kubera ko ibimenyetso Bihari.

Gasigwa afite filime Izingiro ry’Amahoro yashyize ku isoko.

Agira ati “Uko imyaka ishira, tutagize icyo dukora turi benshi twe twakwisanga Jenoside yakorewe abatutsi irangiriye mu kuyihakana.

Nka Antoine Mugesera yarambwiraga ati byaba byiza abahanzi n’abanyabugeni bakoze ibihangano, niba ari filime, niba ari ibitabo, niba ari iki, kugira ngo Jenoside yakorewe abatutsi itazibagirana.”

Yakomeje avuga ko hakiri gihamya y’uko amateka atasibangana abishingiye ku barwanye urugamba rwo guhagarika Jenoside batanga ibiganiro mu gihe cyo kwibuka, abakoze Jenoside bireze bakemera ibyaha nabo bagihari n’abacitse ku icumu bagihari.

Ati “Ni abatangabuhamya babibayemo. Abo ngabo rero tuzagenda dusaza uko imyaka izagenda iza.

Tutabitse ubwo buhamya bugaragara mu mashusho cyane cyane, ntabwo mu myaka iri imbere abantu bazajya baza gutanga ibiganiro niko nibwira. Hazajya hakoreshwa izo nkuru mpamo (Filme Documentaire).”

Mu kwezi gushize ubwo yakiraga igihembo filime ye Izingiro ry’Amahoro yari yegukanye.

Ahamya ko gukora filime kuri Jenoside bigoye, kuko bitagaragaza neza ibyabaye ngo uyireba abashe kubibona koko nk’uwabibayemo.

Gasigwa Leopold amaze gukora filime ebyiri harimo “Izingiro ry’Amahoro” iri ku isoko iherutse no kwegukana igihembo muri Rwanda Movie Awards. Yanakoze “L’Abces de la verité” igaragaza aho Kiriziya Gatorika ihuriye n’abayo bakoze Jenoside.

Hari kandi na “The Miracle and the Family” ivuga ku ifatwa ku ngufu muri Jenoside yatewe inkunga na UN Women, akazayimurika ku munsi Mpuzamahanga w’umupfakazi tariki 23 Kamena 2016.

Gasigwa azaba ari muri studio za KT Radio ku cyumweru tariki 3 Mata 2016 guhera ku isaha ya saa tatu n’igice z’ijoro, aho azaba avugaho byinshi kuri filime akora.

Byaturutse ku kuba bamwe mu bafana be batarishimiye kwakira ugusezera kwe muri iri rushanwa ry’abaririmbyi risumba ayandi mu Rwanda.

Teta Diana yasezeye muri PGGSS6.

Ndayisaba Eric, umwe mu bafana be, yagize ati “Ni ikintu cyabaye nk’ikinkora ku mutima kuko namuhaga amahirwe menshi yo kuba yatsinda, rero ku ruhande rwanjye ntabwo nabyakiriye neza...”

Uwitwa Noella we yagize ati “Kuba yavuyemo byatubabaje ariko ntabwo ari cyane kubera ko yavuze ko agiye kuba ‘busy’ (kugira akazi kenshi) hari imishinga arimo arakora ikaba ishobora kuzanezeza abakunzi be...Namubwira nti courage mu byo agiye gukora, azabigiremo umusaruro uruta uwo yari buzabone muri Guma Guma.”

Gentil Gedeon Ntirenganya, umwe mu banyamakuru bakurikiranira hafi iby’abahanzi asanga kuba Teta yarasezeye ntacyo bizamuhombya ku muziki we.

Yagize ati “Ikintu navuga wenda Teta atakaje amahirwe yo kugira audience yo mu Rwanda kuko aracyayikeneye cyane. Ariko na none Teta nta mwanya wo gukurikira ibintu bya Guma Guma, kuko afite ibitaramo muri Canada, mu Bubiligi, Amsterdam,...”.

Teta ku ruhande rwe, yihanganishije abakunzi be anabasaba kumushyigikira kuko yabitekerejeho.

Yongeyeho ati “Ggusa nababwira nti nizere ko batari bantegereje muri Guma Guma gusa ahubwo bakomeze banshyigikire, ni byo koko wenda bari bategereje uwo mwanya ariko icyemezo nagifashe ahubwo banshyigikire no mu byo ngiyemo kuko na byo bifite uburyo bitezamo umuziki imbere kandi imbere ni heza cyane.”

Mushyoma Joseph uzwi nka Boubou uhagarariye EAP ifatanya na Bralirwa gutegura Primus Guma Guma Super Star, asanga kuba Teta yasezera nta kibazo kirimo, na we agasaba abafana kubyakira.

Yongeyeho ati “Ku irushanwa ubwabyo nta kibazo bidutera cyane cyane ko benshi bavamo bafite impamvu kandi ntekereza ko n’abakunzi babo iyo bumvise basezeye kubera impamvu runaka zabo ku giti cyabo, abafana babo akenshi bashobora kumva umuhanzi wabo.”

Young Grace ni we ushobora gusimbura Teta Diana muri PGGSS6 kuko ari we wari ukurikiyeho ku rutonde. Cyakora, Mushyoma avuga ko bagiye kugenzura bakareba ko yujuje ibisabwa mbere yo kubyemeza.

Eric Karengera Kirenga, umwe mu bagize Umuryango udaharanira inyungu "CEKA I RWANDA" wateguye iki gitaramo (Inganzo ya Kayirebwa), yabwiye Kigali Today ko kizatangira guhera saa kumi n’ebyiri z’umugoroba wo ku Cyumweru, kizanamurikirwamo umuzingo (album) wa karindwi w’uyu muhanzi, yise “Urukumbuzi”.

Umuhanzi Cecile Kayirebwa ubwo yataramiraga mu Nkera Nyarwanda kuri KT Radio mu mwaka ushize wa 2015.

Cecile Kayirebwa benshi bemera nk’Umunyarwandakazi waharaniye kwimakaza umuco nyarwanda abinyujije mu buhanzi, yizihije isabukuru y’imyaka 30 amaze mu buhanzi mu mwaka wa 2014.

Icyo gihe, hari mu gitaramo cy’akataraboneka yise “Inganzo ya Kayirebwa”. Kuva muri uwo mwaka, igitaramo “Inganzo ya Kayirebwa” cyabaye ngarukamwaka.

Mu gitaramo "Inganzo ya Kayirebwa" cya tariki 27 Werurwe 2016, azaba amurika alubumu ye ya karindwi "Urukumbuzi".

Mu gitaramo cyo kuri iki Cyumweru, hateganyijwe imyanya 300 gusa, aho kwinjira ari amafaranga y’u Rwanda 15000. Amatike yo kwinjira akaba agurirwa ahazwi nko kuri “Innovation Village”, “Inzora Cafe” no kuri Hotel des Milles Collines.

Cecile Kayirebwa yitabiriye ibitaramo bikomeye byinshi ku rwego rw’isi, yegukana n’ibihembo binyuranye.

Igitaramo cyo kumurika “Gahunda” kirabera i Kicukiro kuri “+250 Lounge” kuri uyu wa18 Werurwe 2016. Kwinjira biraba ari 5000FRW.

Cindy Sanyu mu Rwanda mu gitaramo cyo kumurika "Gahunda" ya Kid Gaju.

Iki gitaramo cyagombaga kuba mu mpera za 2015 ariko kiza gisubikwa ikitaraganya kubera impamvu batashoboye gusobanura.

Mu gihe igitaramo cyasubitswe Cindy yageze mu Rwanda, bivugwa ko hari ibyo atari yashoboye kumvikanaho n’abamufasha mu muziki.

Cinderella Sanyu wamenyekanye cyane nka Cindy yavutse ku tariki 28 Kanama 1985 avukira i Mbale muri Kampala mu gihugu cya Uganda.

Yatangiye kuririmba akiri umwana muto ndetse ku myaka 15 yitabiriye "Capital Radio All Stars Talent Search, rimwe mu marushanwa akomeye muri Uganda, yegukana umwanya wa gatatu.

Yakoranye cyane na Producer Steve Jean amufasha cyane kugeza ubwo yitabira "Coca Cola Pop Stars", ari na byo byamugejeje mu kuba mu ba “Blue 3” muri 2003.

Yegukanye ibihembo byinshi birimo icy’umuhanzi mwiza (Best artist/Group) muri Uganda, amashusho meza y’indirimbo (Best Music Video) muri “Kisima Music Awards” muri 2005 n’ibindi.

Zimwe mu ndirimbo ze harimo nka “Mundeke nyimbe”, “Bitabula”, “Dat Dat”, “Still Standing”, “Ndi mukodo” yatanyije na Navio, “Gahunda” yafatanyije na Kid Gaju n’izindi.

Iri tsinda risanzwe rigizwe n’aba basore b’abahanga batatu rimaze amezi atanu gusa rishinzwe. Ni itsinda ryari ryitezweho byinshi cyane mu ruhando rwa muzika nyamara siko byaje kugenda kuko kuva ryashingwa kugeza ubu, ibikorwa byabo bikiri bike.

Three Hills igizwe na Eric Mucyo, Jackson Kalimba na Irakoze Hope.

Kugeza ubu bafite indirimbo ebyiri zizwi zirimo “Mfite urukundo” yanasohotse mu mashusho ndetse n’indirimbo baherutse gushyira hanze bise “Kamaliza”.

Mu kiganiro na Eric Mucyo yadutangarije ko bari babanje gusoza amasezerano bari baragize mbere y’uko bihuza nk’itsinda.

Yagize ati “Cya gihe twatangiye twahise tujya mu mezi y’ibirori kandi buri umwe yari afite amasezerano y’akazi kandi twagombaga kubanza kubahiriza ibyo twemereye abantu. Byabaye ngombwa rero kugira ngo tubanze kuyarangiza kugira ngo tubashe gukora neza tuboneka twese”.

Yakomeje avuga ko ubu ibikorwa bigiye kuba byinshi. Ati “Turimo turakora, duherutse gushyira hanze indirimbo twise “Kamaliza” , ndetse mu cyumweru kimwe amashusho yayo turaba dutangiye kuyakora”.

Yavuze ko kugeza ubu nta mujyanama bafite ariko ko bitababuza gukora kandi ko nibaramuka bamubonye bizarushaho kugenda neza.

Iri tsinda rigizwe na Eric Mucyo ukunzwe cyane unazwiho ubuhanga mu ndirimbo za Kinyarwanda akaba yarakunzwe cyane mu ndirimbo i Bwiza yakoranye na Jay Polly n’izindi.

Jackson Kalimba yamenyekanye cyane ubwo yari mu marushanwa ya Tusker Project Fame yari agiye no kwegukana hakabura gato.

Hope Irakoze, ni umuhanzi w’Umurundi w’umuhanga cyane dore ko we yanabashije kwegukana irushanwa rya Tusker Project Fame.

Umuziki wa Teta ukomeje gutera intambwe yerekeza ku ruhando mpuzamahanga. Kuri ubu, Teta yarambagijwe n’ikigo gikomeye ku isi cy’Itangazamakuru, ikigo cyo muri Amerika kizwi nka CNN, bakaba baratangiye kumukoraho Inkuru mu mashusho (film Documentaire) ngufi mu rwego rwo kugaragaza isura y’u Rwanda binyuze mu muziki.

Teta Diana akomeje kwagura ibikorwa bye ku ruhando Mpuzamahanga

Ubwo Kigalitoday yaganiraga na Teta Diana kubyo ahugiyemo yadutangarije ko ari gukorana na CNN ku nkuru barimo kumukoraho.

Yagize ati: “Ndi gukora, hari inkuru mu mashusho(documentaire) ndi gukorana na CNN, sinzi igihe izasohokera ariko tuzayirangiza tariki 5, Ni aga film gato...”

Mu gusobanura uburyo yagize ayo mahirwe yo gukorana na CNN, Teta Diana yagize ati: “CNN irakomeye cyane ifite ibiganiro bikomeye byibanda kuri Afurika muri rusange, igira ikiganiro cyitwa “Inside Africa” n’ikitwa “African Voices”.

Yakomeje ati: “Bahitamo igihugu bakahasura bakahareba, bagahitamo umuntu bakamukurikirana rero barantoranyije, ni akantu gato gusa ariko bifite ikintu gikomeye cyane bivuze kuri njye kandi ni no kumenyekanisha u Rwanda binyuze mu muhanzi, bakareba ubuzima bwe muri rusange ariko hagamijwe ahanini kugaragaza isura y’u Rwanda.”

Yakomeje atubwira ko atazi igihe iyi nkuru izatambukira ariko ko nimara kurangira bagiye kuyitambutsa nawe bazamuhaho (Copy). Yagize ati: “Gutambuka byo ntabwo nahita mbimenya, CNN ni company indenze ariko nimara gusohoka bazampa uko nayibona (link).”

Ari gukorwaho inkuru na CNN mu kugaragaza isura y’u Rwanda binyuze mu muhanzi

Twagerageje gushaka uko twavugana n’abari kumukoraho iyi nkuru ntibyadukundira. Teta afite ibindi bikorwa binyuranye arimo harimo no kwitegura ibitaramo binyuranye byo kurushaho kwiyereka abakunzi b’ibihangano bye.

Teta Diana kandi yadutangarije ko yashimishijwe cyane no kumva ko hari umunyamerikakazi wasabye Perezida Paul Kagame ko yifuza gukorana nawe gusa avuga ko uwo munyamerikakazi batari bavugana. Byamweretse ko muzika Nyarwanda igera kure kandi yarengaho abahanzi baramutse barushijeho gushyiramo imbaraga.

Imwe mu nshuti ye ya hafi yavuze ko kugenda kwe byagizwe ibanga kubera ko hari ibyangombwa yari atarabona, ngo abe yahita atangira kwiga nubwo yiseye kuzabibona vuba.

Ernesto ubwo yahagurukaga ava mu Rwanda.

Yagize ati “Yagiye muri Amerika kwiga Masters mu Itangazamakuru akaba azakurikirana ishami rya “Media and Technology” akaba ariko namara kumenyera azahita atangira gukorana ibiganiro n’Abanyarwanda baba hanze cyane cyane muri Amerika aho azibanda cyane ku bahanzi.”

Ibi biganiro ngo nibitangira, bizajya bitambuka kuri televiziyo y’u Rwanda RTV, nk’uko n’ubundi yari asanzwe akora. Biteganyyijwe koi bi biganiro bizatangira mbere y’uko uyu mwaka urangira.

Uyu munyamakuru ukunzwe mu biganiro binyuranye kuri RTV no kuri Magic FM, amaze ibyumweru birenga bibiri yerekeje muri Leta Zunze Ubumwe za Amerika, nyuma yo gufata indege tariki tariki 19 Gashyantare 2016.

Ernesto nyuma yo kugera muri Leta Zunze Ubumwe za Amerika.

Kuri ubu ari kubarizwa muri North Carolina ari naho ateganya kwiga muri Kaminuza yitwa “Charlotte University” habaye ari nta gihindutse.

Ubwo yaganiraga na Kigali Today tanazwa icyo yumva ikamba afite rizamumarira we ubwe, yadutangarije ko asanzwe afite impano y’ubugeni no kumurika imideli, akaba asanga rizamufasha kumenyana n’abantu bakomeye bazamufasha kubyaza umusaruro izo mpano ze.

Miss Sharifa ni umunyamideli wabigize umwuga

Yagize ati: “Iri kamba rizamfasha guhura n’abantu bakomeye bashobora kumfasha, mbere nari naratangiye ibintu by’ubugeni, nabitangiye ndi mutoya, gusa ntabwo byari byakagiye ahagaragara kubera imbogamizi z’amashuri. Ndumva aribyo nzakora. Iri kamba rizamfasha guhura n’abantu batandukanye bakomeye bashobora kungira inama babifitemo experience.”

Yakomeje agira ati: “Nkora imyenda, nkakora ibinigi, amaherena, inkweto, imitako n’ibindi. Nabitangiye mfite imyaka 13 niga mu wa mbere secondaire ariko mbere yaho niga muri primaire nkaba nari umu model nza gukomeza ubu model ariko nkora n’ibyo ngibyo by’ubugeni.”

Miss Umuhoza Sharifa

Kuri ubu Miss Sharifa yamaze kugirwa ambasaderi w’Intara y’Amajyaruguru ku mugaragaro, akaba yarakiriwe n’imbaga y’abantu nyuma yo kwegukana umwanya w’Igisonga cya kane cya Nyampinga w’u Rwanda ndetse no kuba Nyampinga ukunzwe cyane (Miss Popularity).

Yishimira kuba ubuyobozi bw’Intara n’abayituye bariyemeje kumufasha kwesa imihigo n’inzozi ze afasha abakobwa babyarira iwabo bigatuma bacikiriza amashuri. Azabitangira vuba.

Yagize ati: “Ubu ngubu ngiye gutangira gukora umushinga wanjye, mu mpera z’uku kwezi nibwo nzawufungura, ku muganda nibwo nzawutangira ku mugaragaro nkaba nzatangirira mu Ntara y’Amajyaruguru mu karere ka Musanze.”

Miss Sharifa asanzwe asanzwe ari umunyabugeni

Avuga ko atari icyo cyonyine azakora. Yagize ati: “Ibikorwa ni byinshi ino aha i Musanze ndumva nifuza gukorana n’urubyiruko kugirango twiteze imbere.

Umushinga wanjye nurangira nzahita nkomeza gukorana n’urubyiruko mu Ntara y’Amajyaruguru ibikorwa bitandukanye.”

Yumva azagera n’ahandi mu gihugu hose uko azabishobozwa. Yagize ati: “Nzagera n’ahandi ndangije Intara y’Amajyaruguru.”

Ni umunyeshuri muri Kaminuza ya Kigali yigenga (ULK) mu ishami ryayo rya Kigali, mu mwaka wa kabiri w’ubukungu (Finance).

Davis D wamenyekanye cyane ku ndirimbo ye yise “Biryogo”, yakunzwe kugeza nubwo bayimwitirira, yafatanyije n’umuhanzi ukunzwe mu Burundi Sat B wamamaye cyane mu ndirimbo ye “Satura amabafre”, bashyira hanze indirimbo bise “Umwana wo mu mujyi”.

Iyi ndirimbo ngobayikoze bagamije gutaka imijyi baturukamo, ari na yo mijyi baririmbiramo.

Davis D na Sat B.

David D yavuze ko iyi ndirimbo bashyize hanze kuri uyu wa Kabiri, tariki 1 Werurwe 2016, bashatse kuririmba ku mirwa mikuru y’ibihugu bakomokamo.

Yagize ati “Kigali - Bujumbura, ni byo bigarukamo cyane. Ni ukuvuga ngo ni umuziki wacu n’aho tuwukorera. Yaba we awukorera i Bujumbura nanjye umuziki wanjye nkawukorera muri Kigali.”

Yavuze ko nubwo umuziki we wagera hirya no hino hose ariko uba wabanje guturuka mu murwa mukuru w’igihugu cye.

Ati “Ni ukuvuga ngo ni ubwo buryo nayikozemo mu buryo bwo gutaka imijyi yacu yombi kuko hari ahantu mvuga nti ’Davis umwana wo mu mujyi, aho ntuye ni Kigali umujyi mwiza kurenza iyindi’, mba ndimo gutaka umujyi wanjye, mba ndimo gutaka capitale (umurwa) yanjye. ”

Iyi ndirimbo yakozwe na Producer Junior Multisystem, izakorerwa amashusho mu gihe kitarenze ukwezi kumwe, nk’uko yakomeje abitangaza.

Iyi ndirimbo Davis D ayikoze nyuma y’izindi nka “Nkwerekane” yaje nyuma ya “People”, “Mariya Kaliza” na “Biryogo”.

Mu kiganiro na Kigal Today, yagize ati “Ndateganya ko nzahaguruka hano mu gitondo kuko nzaca iy’ubutaka. Nzamara yo icyumweru dukora, ntihazabura nk’iminsi 10 bizantwara.”

Anaririmbira abageni mu bukwe.

Azaba agiye gukora indirimbo mu buryo bw’amajwi gusa naho amashusho akazayafatira mu Rwanda. Yagize ati “Amashusho yo indirimbo z’Umuco biba bisaba ko hagaragaramo iby’umuco wacu, hariya sinabibona nzagaruka nyakorere hano i Rwanda.”

Ashima cyane ubuhanga bwa Kabano, ngo ikaba ari yo mpamvu yemera agakora urugendo rurerure amusanga ngo amukorere indirimbo.

Ati “Tumaze igihe kinini dukorana kandi ibyo dukoze bigatanga umusaruro mwiza, mu ndirimbo zose twashoboye gukorana zarakunzwe. Ni umuntu wumva neza umudiho wacu wa Kinyarwanda. Ni Umunyarwanda ubayo, abyumva neza rero.”

Uwo Kabano ni we wamukoreye indirimbo zigize alubumu ye ya mbere yise “Ntungurishirize Umuco.” Iyo albumu iriho indirimbo nka “Urakowe”, “Igendere mwiza", “Cya Kijigija”, “Ntungurishirize Umuco” n’izindi.

Arateganya kuzamarayo icyumweru kimwe gusa ubundi akagaruka mu Rwanda gufata amashusho. Twifuje kumenya indirimbo azakorerayo adutangariza ko abona ari byiza ko yazabivugira rimwe byatunganye neza.

Ruremire Focus ni umwe mu bahanzi bakora injyana y’Umuco gakondo, ibi bikaba bitagarukira gusa mu gukora indirimbo ahubwo no mu bigaragara mu buzima bwe bwa buri munsi, usanga ari umuntu uharanira ko Umuco Nyarwanda utazima.

N’ubwo byari inzozi ze yarabiretse akurikira ibindi. Yagize ati: “Hari igihe nagerageje ibijyanye no kumurika imideli nkirangiza ariko mu by’ukuri ntabwo nasanze aribyo nkunze cyane. Nabikozemo igihe gitoya mbona si ibyanjye ndabireka ngeze muri kaminuza nsanga batora Nyampinga, yari edition ya kabiri. Nkurikirana neza nsanga biratandukanye n’ibyo kumurika imideli.”

Kuba Nyampinga asanga bituma umukobwa agera kure n’aho atashoboraga kugera imiryango myinshi ikamukingurirwa

Yakomeje agira ati: “Byo numvaga mu by’ukuri bidatuma ugaragara cyangwa se ugaragaza uwo uri we, ariko ibya Nyampinga twagize amahirwe yo kubisobanukirwa cyangwa se kubisobanurirwa numva ahubwo ni ibintu biva muri wowe biza hanze.”

Yasobanuye ibyatumye abyiyumvamao cyane agira ati: “Ni umwanya cyangwa se ni amahirwe yo kugaragaza noneho impano zawe niba uzifite, ni amahirwe yo kugaragaza urugero kubandi niba koko urufite, mbese ni umwanya wo gukora ibikorwa bifatika by’ingirakamaro yaba kuri wowe ku giti cyawe ndetse ni n’inzira nasanze yafungurira umuntu amahirwe menshi mu buzima. Numva rero ni ibintu binkuruye, ni uko nagiyemo.”

Umukunzi we yamwambitse impeta

Kubera ibyiza umuntu yungukira mu kuba Nyampinga nko gutinyuka kuvugira mu ruhame, gufungurirwa imiryango myinshi kandi ahakomeye hamugeza kuri byinshi, kugira inshingano n’ibindi, arashishikariza ababyeyi kutabuza abana babo kubijyamo mu gihe babyifuza kandi babishoboye.

Asaba Abanyarwanda bose kudatererana Nyampinga kuko kumushygikira bituma agera kuri byinshi kandi akemeza ko gutora Nyampinga bikenewe.

Miss Carine ubu ni umuyobozi mu Nzu Ndangamurage y’u Rwanda

Yagize ati: “Arakenewe, yakora byinshi cyane kuko ni ijwi. Ni twebwe rero bo kureba aho afite intege nke tumufashe tumuzamure, naba anasohotse tunamushyigikire ariko nitumureka nawe ni umuntu hari aho azagira intege nke kandi twese tubihomberamo.”
Nyampinga Utamuliza Carine yabaye Nyampinga w’icyahoze ari Kaminuza Nkuru y’u Rwanda mu mwaka wa 2007 aba n’igisonga cya mbere cya Nyampinga w’u Rwanda.

Aherutse kwambikwa impeta n’umukunzi we Mpayana Fion Logan bateganya gukora ubukwe tariki 2 Mata 2016.

Umuhanzi mu njyana zitandukanye ariko by’umwihariko injyana ya Reggae, Bisangwa Nganji Benjamin uzwi ku izina rya Ben Nganji, yamaze kwambikana impeta y’urudashira n’umukunzi we Yvette Ufitinema, mu birori byabaye ku wa gatandatu tariki 6 Gashyantare 2016.

Umuhango wo gusaba no gukwa wabereye ku Kicukiro ahitwa Tropikana naho gusezerana imbere y’Imana bibera muri Paruwasi ya Kicukiro. Kwakira abatumiwe byabereye muri Alpha Palace Hotel iri i Remera.

Umuhango wo gusezerana mu mategeko wo wabereye mu murenge wa Nyakabanda ku wa 28 Mutarama 2016 saa munani.

Ben Nganji yamenyekanye cyane ku gihangano cye yihariye we ubwe yise “Inkirigito”. Ni umusizi, umunyarwenya n’izindi mpano zitandukanye.

Ben Nganji kandi yamenyekanye kuri zimwe mu ndirimbo ze harimo nka “Mbonye umusaza”, “Rehema”, “Nsazanye inzara”, “Uyu mukecuru”, “Umwali umwaye”, “Mon garcon”, “Ramba ramba”, “Uzabe umugabo”, “Nyina w’u Rwanda” n’izindi.

Uyu muhanzi umaze kugira izina rikomeye mu buhanzi bwa Gakondo Nyarwanda, ni umwe mu bahanzi bamaze igihe kinini baririmba dore ko uyu mwaka azaba yizihiza isabukuru y’imyaka 35 amaze mu muziki.

Masamba avuga ko umuhango wo gusaba ari wonyine usigaranye mwihariko w’umuco Nyarwanda.

Masamba azaba yizihiza yubile y’imyaka 50 avutse, imyaka azuzuza mu mwaka utaha wa 2017 ariko kubera imirimo myinshi azaba arimo, yahisemo kubihuriza hamwe muri Nyakanga 2016.

Muri ibi birori kandi azanaboneraho kumurikira abakunzi b’umuziki umuzingo (alubumu) we wa gatandatu, anabonereho gusangiza abakunzi be urugendo yagize muri iyi myaka yose amaze ku isi by’umwihariko muri 35 amaze muri muzika.

Masamba aririmbira abageni mu muhango wo gusaba.

Masamba atangaza ko iki gitaramo kizaba ari ibirori kuruta kuba igitaramo nk’ikimenyerewe mu buhanzi.

Intore Masamba mu myaka 35 yose amaze muri muzika, afite alubumu yise “Wirira”, “Nyeganyega”, “Inka ni iy’urukundo”, “Mpinganzima” ndetse na “Amatage.”

Alubumu ye ya gatandatu arimo kuyitunganya abifashijwemo na Pastor P mu buryo bw’amajwi naho amashusho akazabifashwamo na Meddy Saleh.

Masamba Intore wiyemeje gusigasira Umuco Gakondo, abinyujije ku rukuta rwe rwa facebook, aherutse gutangaza ko umuhango wo gusaba no gukwa ari wo asanga usigaranye umwihariko Nyarwanda.

Yagize ati “Umuhango wo gusaba (dot), ni wo muhango wonyine dusigaranye utavangiye. Tuwukomereho.”

Imwe muri ayo mateleviziyo ni NTV akaba ahamya ko atazi uburyo yagezeyo, ibi ngo bikaba bimwereka uburyo akazi akora gashimwa na benshi.

Umuhanzi Teta Diana

Teta avuga ko byamutunguye cyane biranamushimisha kugeza ubwo abisangiza inshuti n’abafana be ku mbuga nkoranyambaga hose.

Ati “Byaranshimishije cyane binyereka ko umuziki Nyarwanda hari ahantu uri kugenda ugera, by’umwihariko kuba indirimbo yanjye yakinwa kuri ayo ma televiziyo. Numvise binshimishije cyane, cyane ko ntazi ngo yageze hariya gute, ntabwo nigeze nyijyanayo, nanjye naratunguwe.”

Yakomeje agira ati “Yangezeho nanjye ndatungurwa ngerageza no kubisangiza ku mbuga nkoranyambaga hose nyine nk’umuntu wishimiye icyo kintu.”

Teta avuga ko kuba ari umugisha w’Imana n’abantu bamufasha bituma agera ku byo ageraho.

Yagize ati “Ni wa mugisha, ni Imana yonyine imfasha n’abantu kuko ntabwo ari njye ukora gusa n’abandi barakora...”

Ibi byahaye Teta icyizere ko mu myaka itanu azaba amaze kugera ku rwego mpuzamahanga.

Yagize ati “Mu myaka itanu nzaba ndi hit. Nzaba ndi kure...kuzabigeraho, ibitekerezo umuntu aricara akarota, nta kintu ushobora kugeraho utarigeze ukirota. Mu myaka ibiri gusa maze, aho maze kugera binyereka ko mu myaka itanu ngomba kuba ndi ku rwego mpuzamahanga.”

Iki kigo Teta yasinyanye nacyo ni ikigo kibarizwa ku mugabane w’Uburayi mu Bwongereza, akaba ari kimwe mubigo bikomeye cyane ku isi mu gucuruza imiziki hifashishijwe internet.

Teta Diana akomeje kwigaragaza mu muziki Nyarwanda.

Mu kiganiro KT Idols kuri KT Radio, Teta yavuze ko byamushimishije cyane kuba baramuhisemo dore ko ngo aribo bamwihamagariye.

Yagize ati: “ Ni Kompanyi yitwa Africori ikaba ari Kompanyi iherereye ku mugabane w’Uburayi muri UK navuga ko ari imwe mu makompanyi atatu akomeye ku isi mu buryo bwo gucuruza imiziki .

Ikintu gishimishije cyane nzi ni uko bafite ibigenderwaho bikaze cyane kugira ngo babe bahitamo umuhanzi, so kuba bantoranya ni ibintu byanshimishije cyane.”

Yakomeje agira ati: “Bavuganye nanjye, bampa amasezerano mara ibyumweru bibiri nyigaho, ndeba uburyo ayo mafaranga naboneka uburyo azagabanwamo, nkora ubushakashatsi nyine ndeba ni ibiki bakora, bakorana na bande, harimo ba WizKid, harimo ba Sauti Solo n’abandi bahanzi muri Afurika.

Ku giti cyanjye nari nkeneye izo ngufu zindi zigeza umuziki wanjye ahandi hantu cyane cyane mu buryo bw’iyakure.”

Nta cyumweru kirashira Teta asinye aya masezerano nk’uko yakomeje abitangaza, akaba ari amasezerano azatangira gushyirwa mu bikorwa mu ntangiriro z’ukwezi kwa kabiri Gashyantare.

Itsinda rya Active rigizwe n’abasore batatu ari bo Derek, Tizzo na Olivis. Bavuga ko bakoze iyo indirimbo bagamije gusetsa no gushimisha abakunzi babo banabafasha kwidagadura.

Active bavuga ko bakoze "Amafiyeri" bagamije gusetsa abakunzi babo.

Iri tsinda rigira riti “Burya na fun (kwishimisha) ifasha Abanyarwanda. Indirimbo amafiyeri rero ni nk’inkuru , ni indirimbo irimo ibikabyo, irimo kuryoshya ntekereza ko n’icyo kintu kiri mu bintu umuntu aba akeneye kumva.”

Derek umwe muri aba basore, asobanura iyo ndirimbo, agira ati “Tubazaniye amafiyeri. Ubundi mu mafiyeri harimo n’akadanse; reka tukige twese noneho nituzajya tujya kuririmba amafiyeri tujye tukabyina na bo badufashe kukabyina.”

Akomeza avuga ko video y’iyo ndirimbo izasohoka mu cyumweru gitaha. Active kandi ngo bafite imigambi myinshi ariko imyinshi bahitamo kutayibwira abakunzi babo ahubwo bakabatungura.

Itsinda Active ryamenyekanye cyane mu ndirimbo “Udukoryo twinshi” bakoranye na Danny Nanone, “Active Love” yakunzwe cyane, “Kuki Njyewe” ndetse n’izindi.

Kanda hano wumve "Amafiyeri".

“Duharanire kuba Intwari” (kanda hano uyumve), ni indirimbo nshya y’umuhanzi Danny Vumbi yagiye hanze ku wa gatanu tariki 22 Mutarama 2016 ikaba ari indirimbo irata ubutwari bw’Intwari z’u Rwanda.

Danny Vumbi yakoze indirimbo ku butwari bw’Abanyarwanda.

Mu kiganiro KT Idols cya KT Radio, Danny Vumbi, yagize ati “Kuba ari njye bahisemo ni ikintu gikomeye cyane, ntekereza ko ari na zo nzozi z’abahanzi benshi kumva ko abagutega amatwi bashobora guha agaciro akazi ukora.”

Yakomeje avuga ko abibonamo kugirirwa icyizere no guha agaciro ibihangano bye n’ ubuhanzi bwe.

Ati “Bansaba gukora iyi ndirimbo ni ikintu nishimiye cyane rwose ku buryo ntigeze ntekereza no kubijyanye n’amafaranga cyane, ahubwo numvise ari ikintu nishimiye, ndetse nishima kurushaho ubwo nari nkimara kuyirangiza bayishimiye.”

Avuga ko gukora iyo ndirimbo yabisabwe n’Urwego rw’Igihugu rw’Intwari maze ngo abibemerera abifata nk’ubwitange aho gutekereza ku kiguzi.

Muri iyo ndirimbo, Danny Vumbi, agira ati “Kuva cyera na kare intwari twazivuze ibigwi, twazivuze imyato tuzitura impakanizi, zambitswe imidende, zambikwa impotore, zicanirwa uruti kuko zari inyemazi.”

Agaragazamo kandi ko umuco w’ubutwari ari umurage mu rwa Gasabo, ukaba uruhererekane rudasiga n’ubuvivi ndetse akanavugamo ko umuco w’ubugwari mu Rwanda wimwe icumbi, agakomeza asaba abakibyiruka gufatira urugero ku ntwari z’u Rwanda.

Abitangaje mu gihe benshi bakeka ko mu marushanwa ya Miss Rwanda hagenderwa ku bwiza, kuko hari n’abakunze kuyita “amarushanwa y’ubwiza.”

Miss Utamuliza Rusaro Carine.

Aganira na Kigali Today, Miss Carine wigeze no kuba Nyampinga wa Kaminuza (Nkuru) y’u Rwanda, yasobanuye ibikurikizwa ngo umukobwa abe yatoranywa mu bahagararira Intara, binaka ari na byo bimugeza ku kuba yabasha gutsindira ikamba rya Nyampinga w’Igihugu.

Yagize ati “Ibyo bintu harimo ibyo twita uburanga ndetse n’igikundiro; uko ubwiza bwe tububona n’uko atambuka. Nk’uko mwabibonye muri aka kanama nkemurampaka turi batatu, icyongicyo cyo navuga ko buri wese afite uko abona ubwo bwiza. Bikaba bifite amanota 30.”

Miss Utamuliza Carine ari kumwe na Maman Eminente na Mike Karangwa. Uko ari batatu bagize akanama Nkemurampaka mu marushanwa ya Nyampinga w’u Rwanda.

Miss Carine yakomeje avuga ko ibisubizo uhatana atanga ku bibazo baba bamubajije na byo bifite amanota 40 ari na yo menshi muri iki cyiciro, kuko baba bifuza umukobwa ufite ibitekerezo bifatika.

Ku cya gatatu na cyo gifitanye isano n’ibyo umukobwa azi, Miss Carine yagize ati “Ushobora kuba uhagaze neza ufite n’ibyo bitekerezo ariko uri umuntu utinya kuvuga imbere y’abantu; ugasanga na bya bindi wifuzaga kubagezaho ubutumwa ntibutambutse. Ibyo na byo bikaba biri ku manota 30.”

Ukurikije ibi byose, usanga ubwiza, igikundiro, intambuko n’uburyo umukobwa agaragara, biza nyuma y’ibindi byose kuko yanzuye agira ati “Muri make, ibyo duha agaciro cyane ni ibyo avuga n’uburyo abivuga. Kuko ibyongibyo byose biri ku manota 70. Na none Abanyarwandakazi ni beza, ubwo bwiza na bwo tugomba kubureba.”

Miss Balbine yabaye Nyampinga w’Amashuri yisumbuye ndetse binamuhesha amahirwe yo kuba igisonga cya kane cya Miss Rwanda 2015. Kuri iyi nshuro, Miss Balbine yongeye kwiyamamaza aho ari mu bahagarariye Intara y’Uburengerazuba bw’Igihugu.

Miss Balbine wo ku ruhande wambaye ikanzu y’umweru

Miss Balbine kimwe mu byatumye yongera kwiyamamaza nk’uko yabitangarije Kigali Today, ngo ni uko yarushijeho kwigirira ikizere kandi akaba asanga Miss Rwanda irushaho gutera imbere.

Yagize ati: “Icyizere cyo kirahari kuko iyo umuntu aje mu marushanwa icyizere cyo kiba gihari. Umwaka ushize nari ndi muri batanu bakoze neza, umwaka ushize nari nakoze ibishoboka byose, gusa uko umunsi ugenda uza hari ikintu umuntu agenda yiyongeraho, hari ubumenyi bukura, hari igikuriro ugira, hari byinshi bigenda byiyongera mu buzima.”

Abajijwe igituma yumva yifitiye icyizere cyane ndetse n’icyo abona yahinduye gishobora kuba cyatuma yabasha no kwegukana ikamba rya Nyampinga w’u Rwanda 2016 yasubije agira ati: “Nareka Abanyarwanda bakirebera, bakihera amaso kucyahindutse hagati yanjye w’ubu ngubu n’uw’umwaka ushize.”

Ati Miss Rwanda igenda ihinduka. Yagize ati: “Itandukaniro ryo ni rinini rirahari. Uko Miss Rwanda zigenda ziza, buri imwe igenda ihereza iyindi, ariko iyindi ije iza iteguye neza kurenzaho, ifite ama avantages menshi ihereza umwana w’umukobwa uba ari butsinde,

Niyo mpamvu mvuga ko n’iri ngiri yaba ibihembo bazatanga, yaba abantu mumenyana(connection), yaba ibituruka muri iri rushanwa nizera neza ko biruta ibiri mu y’umwaka ushize, ni byiza kurenzaho nabyo.”

Arifuza kuba Nyampinga wu Rwanda 2016. Yagize ati: “Mu by’ukuri ni wo mwanya umuntu wese aba arimo guhatanira ariko na none bitavuze y’uko igihe utawubonye wumva wacika intege cyangwa ngo wumve nyine ko ubuzima ari aho burangiriye.

Urakomeza ubuzima ukamenya ngo aya mahirwe yari ay’undi ariko hari ahandi amahirwe yanjye ari.”

Bamwe mu bo twaganiriye, badutangarije ko nta na rimwe bari bishima kuva batangira gukunda umupira, abandi bakavuga ko babibonye nko kubonekerwa.

Oda Paccy

Oda Paccy, umuraperikazi umaze kubaka izina rikomeye hano mu Rwanda ni umwe mu bo twaganiriye. Yemeza ko kuva yatangira gukunda umupira ari ubwa mbere yishimye cyane.

Yagize ati “Kuva umupira wabaho rwose, iri joro ndaranye umunezero pe! Amavubi atangiye irushanwa neza.”

Patrick Nyamitali, umwe mu baririmbye indirimbo y’iri rushanwa rya CHAN, ntiyari asanzwe akunda umupira. Ariko nk’umwe mu bahanzi baririmbye mu ndirimbo ya CHAN, yagiye gushyigikira ikipe y’Igihugu, areba umupira imbonankubone, ibintu byamunyuze cyane.

Yagize ati “Mbere na mbere nishimiye kureba umupira ndi muri stade amaso ku maso kuko ubusanzwe ntibiri mu kamenyero kanjye guhaguruka ngo ngiye kureba umupira.”

Yakomeje agira ati “Hanyuma rero ikipe y’igihugu cyanjye yatsinze, byanteye ishema cyane. Hanyuma kandi burya iyo wahagurutse ukajya mu mupira ufite ikipe ufana igatsindwa birakubabaza cyane kuruta iyo wari kuba uwurebera kuri televiziyo.”

Cyiza Fabien uzwi ku izina rya Fazzo Big Producer, nubwo intsinzi y’Amavubi yamushimishije cyane, we asanga igitego kimwe kitari gihagije.

Yagize ati “ Ni byiza cyane ko Amavubi yatsinze, nabyakiriye neza cyane ariko ntibyari bihagije, twagombaga gutsinda nk’ibitego bitatu.”

Muyoboke Alex uzwi cyane nk’umujyanama wagiye ufasha abahanzi banyuranye, kuri ubu akaba abereye umujyanama itsinda ry’abakobwa Charly na Nina; kuri we ngo yagize intsinzi ebyiri.

Patrick Nyamitali

Yagize ati “Mfite intsinzi ebyiri. Abakobwa banjye baririmbye neza n’Amavubi yanjye aratsinda.”

Charly na Nina, Muyoboke abereye umujyanama, bakaba ari bamwe mu bahanzi baririmbye mu birori byo gutangiza umukino wa CHAN.

Kwizera Ayabba Paulin na we yishimiye intsinzi y’Amavubi ariko ku rundi ruhande ababazwa n’uko ikipe ya Cote d’Ivoire afana kuva akiri muto cyane yatsindiwe mu gihugu cye.

Ntakirutimana Danny uzwi ku izina ry’ubuhanzi rya Danny Nanone, amaze hafi ibyumweru bitatu ategura indirimbo yise “Goal” ikaba ari indirimbo yahimbye ayitura by’umwihariko Amavubi, ayifuriza gutsinda ndetse akanayitura Abanyarwanda bose ngo bashyigikire Amavubi atsinde.

Danny Nanone

Iyi ndirimbo imaze iminsi itatu gusa irangiye gukorwa, yayimuritse tariki 16/01/2016 mbereho amasaha make ngo umukino wa CHAN utangire kandi Amavubi ahita atsinda ikipe ya Cote d’Ivoire igitego kimwe ku busa.

Danny Nanone ubwo twavuganaga nyuma y’uko ikipe y’Amavubi itsinze Cote d’Ivoire, yadutangarije ko yanezerewe cyane kuko yakabije inzozi kandi mu gihe gito.

Yagize ati “Iyi ndirimbo nayitekerejeho nayitegura mu rwego rwo kwifuriza Amavubi gutsinda, nsaba n’Abanyarwanda gushyigikira ikipe yacu. Imaze iminsi itatu irangiye, nayishyize hanze mbere ho gato ko umukino uba, urumva rero nakabije inzozi.”

Tumubajije icyo yabwira Amavubi nyuma y’uko ibyo yayifurizaga byabaye, yagize ati “Icya mbere ni ukubanza kubashimira kubera ko bahesheje ishema u Rwanda. Kandi bakomereze aho kubera ko urugendo ruracyari rurerure. Mbifuriza intsinzi kandi tubari inyuma.”

Mu ndirimbo “Goal” ya Danny Nanone avugamo ubutumwa bugenewe abantu batandukanye muri rusange hakaba n’aho agira ati “I need a goal” bishatse kuvuga ngo “Nkeneye igitego”.

Danny Nanone arateganya kumurika amashusho y’indirmbo “Imbere n’inyuma” ku wa Gatanu, tariki 22 Mutarama 2016., aya mashusho akaba amaze icyumweru cyose arangije gutunganyirizwa muri Incredible Records ari na ho uyu muhanzi abarizwa.

BBC dukesha iyi nkuru yatangaje ko Daniel Dion, musaza wa Celine Dion, yishwe na kanseri kuri uyu wa 16/01/2016, hafi ya Montreal mu gihugu cya Canada.

Musaza wa Celine Dion, Daniel Dion, na we yitabye Imana azize kanseri nyuma y’iminsi 2 gusa na muramu we apfuye.

Ibi bibaye nyuma y’uko Réné Angelil, umugabo wa Celine Dion, yari amaze iminsi ibiri gusa yitabye Imana (ku wa Kane, tariki 14 Mutarama 2016), akaba yaratabarutse afite imyaka 73.

Umugabo wa Celine Dion yaguye i Las Vegas azize kanseri yo mu muhogo naho musaza we akaba yazize kanseri yo mu muhogo, ururimi no mu bwonko nk’uko mushiki we Claudette yabitangarije ikinyamakuru cyandikirwa i Montreal.

Umugabo wa Celine Dion, Réné Angelil, na we yitabye Imana azize kanseri, mbere ho iminsi ibiri gusa y’urupfu rwa muramu we.

Claudette yagize ati “Yari yiteguye, kandi ntakiri kubabara ukundi. Yaruhukiye mu mahoro.”

Celine Dion abuze musaza we mu gihe ku wa Gatanu, tariki 22 Mutarama 2016 ari bwo umugabo we azashyingurwa, umuhango wo kumusezerano ukazabera muri Bazilika ya Notre Dame iri i Montreal ari na ho aba bombi basezeraniye.

Hashize igihe havugwa inyubako z’imyidagaduro zidahagije, iki kikaba ari kimwe mu bibazo byakunze kubazwa Minisiteri y’Umuco na Siporo (MINISPOC) mu myaka ishize.

Minisitiri Uwacu Julienne.

Hamwe mu hasanzwe hidagadurirwa usanga ari inyubako zitabugenewe kuko uburyo zikoze zituma ibirori cyangwa ibitaramo bidatanga umusaruro byakagombye gutanga cyangwa ngo bigende uko byakagombye kugenda nyamara nk’uko mu bihugu byateye imbere bigenda.

MInisitiri Uwacu atangaza ko ari kimwe mu bintu MINISPOC izashyiramo imbaraga cyane muri uyu mwaka hakanabaho kubikangurira n’abashoramari.

Agira ati “Kubijyanye n’inyubako zidahagije Icyo twatangiye kuganira n’inzego zitandukanye ndetse harimo n’abikorera ni uko bahabona nk’ahantu naho hakwiye gushorwa imari.”

Yongeraho bafite na gahunda yo kwifashisha inyubako z’ubuyobozi zigenda zubakwa hirya no hino ahashobora kuboneka salle cyangwa ibyumba bigaragara umuntu ashobora kwifashisha, bagasaba ababikoreramo kwemerera abahanzi cyangwa n’abandi bantu bashaka kuyikoreramo.

Yavuze ko banatangiye kubiganiriza abahanzi nabo kugira ngo bamenye uruhare rwabo kugira ngo bizagende neza.

Iki kibazo kigomba kuba kitakiri ku rwego cyariho umwaka ushize. Ati “Ntabwo inyubako umuntu yubaka rimwe ngo bucye yuzuye ariko turizera ko umwaka wa 2016 nibura uzajya kurangira hari izindi nyubako ziyongera kuzo dusanganywe kugira ngo bifashe gukemura icyo kibazo cyangwa kugabanya uburemere bwacyo.”

Uyu mwaka, MINISPOC yo nta nyubako y’imyidagaduro izubaka bitewe n’uko bitari mu mihigo bahize mu ngengo y’imari ariko ngo mu ya 2016/2017 bishobora kuzakorwa.

Ntakirutimana Danny uzwi ku izina ry’ubuhanzi rya “Danny nanone”, avuga ko yatekereje uyu mushinga nyuma yo gukora indirimbo zirimo ubutumwa, ariko akaza gusanga indirimbo zikundwa abantu bakishimira kuzibyina gusa ntibasigarane ubutumwa nk’uko bikwiriye.

Danny Nanone afite mu ntoki ikaye yakoze, ynyujijemo ubutumwa bugenewe urubyiruko.

Avuga ko yatangiye gutekereza ibintu binyuranye yanyuzamo ubutumwa, mu nyandiko kugira ngo bugere kubo bwagenewe muyindi sura itari iy’indirimbo, kugeza ubwo yaje kugera ku gitekerezo cy’amakaye.

Yagize ati “Natekereje kwandika igitabo nsanga ni ibintu birebire kandi buri mujene bitamugeraho, ntekereza ikintu gihura kenshi n’urubyiruko cy’inyandiko ntekereza amakaye. Amakaye ni ikintu bahura nacyo buri munsi.

Amakaye ndayakora, nshyiraho ifoto yanjye n’ibindi bitandukanye, nkora bugeni nziza ncishamo na bwa butumwa kugira ngo icyo nari ngambiriye nkigereho cy’inyandiko kandi koko akaba ari n’ikaye ifite qualite nziza irimo ubutumwa ndetse nyishyira kugiciro gisanzwe kugira ngo bwa butumwa buzabashe kugera kubo bwagenewe kandi bugire n’icyo bubamarira.”

Avuga ko n’ubwo byamugoye kubera igihe byamutwaye, ubu yishimiye imbaraga yashyizemo akabasha kugera ku nzozi ze.

Ariko avuga ko kugeza ubu nta bufasha yabashije kubona, kuko yakoresheje imbaraga ze ibi bituma atabasha gukora umubare w’amakaye yifuzaga ariko arizeza abanyeshuri ko batazabura amakaye.

Kugeza ubu, ari gukorana n’abantu banyuranye kugira ngo amakaye agezwe mu Ntara zinyuranye.

Aya makaye yageze hanze kuri uyu wa kane tariki 7 Mutarama 2016, Akaba aboneka ahasanzwe hagurishirizwa amakaye ku biciro bisanzwe by’andi makaye asanzwe.

Si ubwa mbere amashusho y’indirimbo ya Teta Diana arebwa cyane kandi mu gihe gito cyane dore ko n’amashusho y’indirimbo ye “Tanga Agatego” yaherukaga gushyira hanze mu gihe gishize; mu minsi itatu gusa yari amaze kurebwa n’abagera ku bihumbi bitanu.

Umuhanzi Teta Diana

Ubwo amashusho y’iyi ndirimbo “Tanga agatego” yasohokaga muri Kanama umwaka ushize wa 2015, benshi mu byamamare hano mu Rwanda bagiye bayikwirakwiza bishimira uburyo ikoze ibi bikaba byatuma umuntu yibaza ko yarebwe cyane biruseho kubera uku gukwirakwizwa n’ibyamamare.

Nyamara indirimbo ye “Velo” yasohotse muri iyi minsi mikuru itangira umwaka wa 2016 aho abantu benshi bari bahuze cyane bahugiye mu minsi mikuru no kwishimana n’imiryango yabo ndetse n’inshuti ku buryo uwavuga ko ibyamamare bitayamamaje ataba abeshye.

N’ubwo bimeze gutyo ariko, nyuma y’iminsi ibiri gusa imaze igiye hanze dore ko yayimuritse tariki ya 1.1.2016 ariko ikaba yari yaraye ishyizwe ku rubuga rwa Youtube kuri konti ye ya Teta Diana ku itariki 31.12.2015; iyi ndirimbo yari imaze kurebwa inshuro 8407 ubwo twakoraga iyi nkuru kuri uyu wa 2 Mutarama 2016.

Ibi bigaragaza uburyo uyu muhanzikazi ari kuzamuka neza no gushyira imbaraga zigaragara mu mashusho y’indirimbo ze.

Teta wakoranye na Meddy Saleh ku mashusho y’iyi ndirimbo Velo ari na we wamukoreye amashusho ya “Tanga Agatego”, avuga ko ibanga akoresha ari nta rindi uretse guha umwanya ibihangano bye, agafata igihe gihagije cyo kwiga kubyo yifuza gukora kugira ngo bizaze bimeze neza bishimishe abakunzi b’ibihangano bye.

Uyu mukobwa wa Senderi Hit avuga ko mu bahanzi b’Abanyarwanda yikundira Knowless ariko mu kuririmba akazakurikiza se.

Senderi Hit n’umukobwa we Kevine Hit

Uyu mwana ufite gusa imyaka 8 y’amavuko, amazina ye ni Keza Kevine ariko izina ry’ubuhanzi ngo akaba yarahisemo gukoresha Kevine Hit nk’uko se akoresha Senderi Hit.

Kevine Hit kuri ubu ari muri studio aho ari gutunganyirizwa indirimbo na Pacentho ikaba izasohoka mu minsi mike iri imbere. Ni indirimbo yise “Icyizere” ikubiyemo ubutumwa bwo kwigirira ikizere mu bikorwa bya buri munsi.

Ubwo twaganiraga na se kuri uyu wa 2 Mutarama 2016, yatwumvishijeho gato (sample) kuri iyi ndirimbo itari yasohoka, ariko uwayumva ntiyabasha kwemera ko ari umwana w’imyaka 8 wayiririmbye kandi ngo abashe kwemera ko ari indirimbo ye ya mbere aririmbye dore ko umwumva aririmba wagira ngo asanzwe ari umwuga akora.

Kugeza ubu ntiturabasha kuvugana na Kevine Hit, kuko azatangira neza kwigaragariza intagazamakuru ari uko indirimbo ye yamaze kujya hanze, bikaba biteganyijwe ko izajya hanze tariki 15 Mutarama 2016.

Uyu munya-Jamaica ukunzwe cyane yageze mu Rwanda mu ijoro ryo kuri uyu wa gatatu tariki 30 Ukuboza 2015 ahagana mu ma saa yine z’ijoro.

Konshens yageze mu Rwanda mu gicuku cyo kuri uyu wa gatatu.

Kuri uyu wa 31 Ukuboz 2015 arataramira Abanyarwanda mu gitaramo gisoza umwaka kizwi nka “Vibe Party” kirabera muri Century Park aho kwinjira biba ari 10,000FRW.

Ku wa 1 Mutarama 2016 azataramira muri Stade Amahoro i Remera mu gitaramo kizwi nka East African Party aho kwinjira bizaba ari 3000FRW mu myanya isanzwe na 10,000FRW mu myanya y’icyubahiro.

Muri East African Party azaba ari kumwe n’abahanzi b’abanyarwanda barimo Allioni, King James n’abandi.

Konshens yaruhukiye muri Grand Legacy Hotel iri imbere ya Alpha Palace ari naho aba ari mu gihe ari mu Rwanda.

Yaje gutaramira Abanyarwanda mu birori bisoza umwaka.

Konshens yavukiye Kingston ho muri Jamaica ku itariki 11 Mutarama 1985. Ni umuhanzi mu njyana ya Dancehall n Soca Music.

Akora umwuga wo kuririmba, gutunganya indirimbo (Producer), kuvanga imiziki (Dj) n’ubundi bushabitsi (Businessman). Amaze imyaka 10 mu muziki kuko yawutangiye muri 2005.

Zimwe mu ndirimbo z’umuhanzi Konshens zakunzwe cyane harimo iyitwa "Winner", "Rasta Impostor", "This Means Money", "Good Girl Gone Bad", "Gal Dem A Talk", "Realest Song", "Represent", "Do Sumn" , "Forward", "Gal a bubble" n’izindi.

Amafoto: Plaisir Muzogeye

Mu kiganiro yagiranye na KT Idols cya kuri KT Radio, Minisitiri Uwacu Julienne yasubije ibi nyuma yo kubaza ku cyo Leta ivuga ku kibazo cy’ihagarikwa ry’ibitaramo by’abahanzi byagiye bigaragara muri uyu mwaka wa 2015.

Minisitiri Uwacu avuga ko abakoresha ibitaramo bibangamira abandi bikwiye gucika.

Yavuze ko iki kibazo cy’urusaku kizongera kubaho, kuko nab a nyir’ubwite bahagarikiwe ibitaramo bavuze ko byabahombeje.

Yagize ati “Ntabwo uwagiye kwidagadura akwiye kubangamira utagiyeyo. Ikibazo cy’urusaku nta n’ubwo ari ukuvuga ngo ni uko Polisi yabivuze. Amategeko niko abiteganya. Urusaku rwa ninjoro iyo rubangamiye abantu ababikora barahanwa.

Hari ingingo z’amategeko zibivuga. Icyo rero tubona gikwiye gukorwa ni uko kwidagadura bibaho ariko ntibigire abo bibangamira cyangwa abo dutegeka kubibamo kandi batabiteganyije.”

Yakomeje avuga ko ababikora n’abasanzwe bafite inzu ziberamo ibitaramo bakwiriye kureba ibisabwa bashyiramo bituma urusaku rutagera kubatari mugihe cyo kwidagadura.

Yongeyeho ko abazubaka guhera mu mwaka utaha inzu zo kwidagaduriramo bagomba kuzubaka zujuje ibyangombwa bikenerwa ngo urusaku rudasohoka.

Ati: “Numva rero uyu mwaka dutangiye inyubako zigomba kubakwa zujuje ibyo bisabwa noneho n’abafite izo zihari zisanzwe zikoreshwa bagakora uko bashoboye nyine bagashyiramo ibyo byangombwa bituma urusaku rudasohoka ngo rujye hanze rubangamire abandi.”

Yakomeje avuga ko Minisiteri y’Umuco na Siporo yatangiye gukorana n’abahanzi kugira ngo nabo ubwabo bagire uruhare mu gukemura ibyo bibazo banamenye ko amategeko ahari, ko haba abarengera ariko akanabaha n’inshingano.

Ati “Ntabwo amategeko aberaho bamwe ngo abandi ntabarebe.”

Yagize ati: “Album yanjye iraremereye cyane ntabwo ari Album yo kumurikira muri club niyo mpamvu nateguye ikirori kugira ngo abantu bahabwe CD, baririmbirwe banishime ariko igitaramo kinini kiri umwaka utaha bitarenze mu kwa kabiri.”

Ikirango cyo kumurika Album ya Kid Gaju Sinzarambirwa

Yongeyeho ko kuba Radio na Weasel batarabashije kuboneka byatumye akora igitaramo gisanzwe aho kumurika Album kandi ko yifuje ko abahanzi bose bakoze kuri alubumu ye bazaba bari mu gitaramo cyo kuyimurika.

Yagize ati: “Ubundi njyewe Abanyarwanda ngomba kubazanira abahanzi bose bakoze kuri Album yanjye. Impamvu ntakoze concert nini ngo nanjye ntumire abantu kuri Serena, ni Album yatinze cyane kandi yakozweho n’abantu benshi; abo mvuga ni abahanzi bayiririmbyemo twakoranye cyane cyane abantu mfata nka famille yanjye muri music Radio na Weasel ari nabo bantu bakwiye gushimirwa cyane”

Yakomeje ati: “... kuba ngeze ku gikorwa cya Albumu mbikesha Radio na Weasel; ni abantu batagomba kubura muri launch ya Album yanjye ya mbere. Kubera ko gahunda twagerageje dusanga mu mpera z’umwaka ubu ngubu biragoye kugira ngo abantu bose ubahuze,...”

Ibi byatumye ategura igitaramo na bamwe mu bahanzi mu bo bakoranye bakazataramira Abanyarwanda bishimira ko barangije umwaka; akazanaboneraho kuba ahaye abakunzi be Album “Sinzarambirwa” iriho indirimbo ze 12 mugutegereza igitaramo gikuru cyo kuyimurika Radio na Weasel nabo bahari.

Abahanzi bazaza kwifatanya nawe harimo Cindy wo muri Uganda bakoranye “Gahunda”; Dream Boys bakoranye “Ndakurwaye” n’abandi bahanzi nka Jay Polly bakoranye “Ngabira agatabi”, Bruce Melody n’abandi.

Iki gitaramo kibanziriza Albumu “Sinzarambirwa” ya Kid Gaju kizaba kuri iki cyumweru tariki 27 Ukuboza 2015 kuri “People’s Club” guhera ku isaha ya saa mbiri za nijoro aho kwinjira bizaba ari amafaranga y’u Rwanda 5000. Album izagurishwa 5000.

Igitaramo cyo kumurika alubumu “Ese ujya unkumbura” kizabera ahitwa Kaizen Club mu Murenge wa Kabeza mu Mujyi wa Kigali tariki ya 26 Ukuboza 2015, saa moya z’ ijoro, kwinjira akaba ari 2000FRW.

Lil G agiye kumurika alumu ye "Ese ujya unkumbura?"

Azaba ari kumwe n’abahanzi nka Ama G The Black, Two4Real, Bull Dogg, Diplomate, Senderi International Hit, Mico The Best, Uncle Austin, Rafiki, itsinda rya TBB, Jessy na Young Grace.

Lil G winjiye mu muziki muri 2007 agahita akundwa cyane kuko ari we muhanzi muto wari uhari, yamuritse alubumu ye ya mbere muri Mutarama 2013 ayita “Nimba umugabo”.

Lil G kuri urimo kwitegura kumurika alubumu ye ya kabiri anafite inzu ye bwite itunganya umuziki. Uyu muhanzi ukiri muto yumva ari ibikorwa by’indashyikirwa amaze kugeraho mu muziki amazemo imyaka 8 gusa.

Lil G wari aganira Kigali Today kuri uyu wa 19 Ukuboza 2015 yashishikarije abana kwitinyuka bagakoresha impano zabo. Yagize ati “Nabasaba (abana) kwitinyuka bagakora batikoresheje kandi nibakora cyane inzozi zabo bazazigeraho ntakabuza.”

By’umwihariko ku bahanzi bakizamuka yagize ati “Nibareke gukora nk’ibyo twakoraga cyera, niba twararirimbaga cyane ku rukundo, bo nibashake ibintu bishya baririmbaho, barebe ibintu biri gushimisha abantu cyane muri iyi minsi.”

Uyu muhanzi w’inararibonye m’Umuco Nyarwanda akaba kandi ari umwe mubahanzi bakuze babera urugero benshi mu rubyiruko, avuga ko n’ubwo umuco ukura ariko habaho na za kirazira m’Umuco.

Mu bahanzi benshi bamureberaho harimo na Nirere Shanel. Aha yamuririmbiraga mubukwe bwe.

Yagize ati “Dufite byinshi byahindutse ariko bitari mu muco. Kubyinana uduseke, inkongoro, ibisabo ntibifite icyo bivuze. Tugomba gukora ibyubahirije umuco. Mu cyubahiro cy’u Rwanda ibyo tuzabikuramo.”

Yakomeje agira ati “Urugero nko kubyina, ntawe ujishura igisabo ngo akibyinane, icyo gihe kiba kibaye igicuma, kandi ubundi igisabo kirubahwa.”

Mariya Yohana kandi asanga no kuvuza ingoma kubagore atari umuco w’i Rwanda. Ati “Mu muco nyarwanda nta mugore uvuza ingoma, byari ukubaha amabere.”

Yakomeje agira ati “Nta mugore ubundi wavuzaga ingoma, ku cyubahiro cy’u Rwanda no kubaha umugore, byari icyubahiro cy’amabere. Kugira ngo amabere yihondagure, kandi uzi ko uvuza ingoma aba afite ingufu nyinshi, nta mugore uvuza ingoma. Muri Ballet ntitubyemera n’ubu mu gihugu ntibikemerwa.”

Mu muco Nyarwanda usanga hari byinshi bigenda bihinduka aho usanga hari n’ibyo mu muco w’ibindi bihugu biza mu muco wacu nyamara ngo byose siko bitwubaka kandi ngo “Agahugu kabuze Umuco karacika.”

Mu kiganiro twagiranye ubwo basuraga Kigalitoday, igitaramo bateguye kigamije gukuza no kuzamura abana basigasira umuco wacu.

Barizihirwa ababareba bakanyurwa

Bagize bati: “Ni igitaramo cyitwa “Umwana ni nk’undi, umwana ni umutware”.
Kizibanda cyane ku bana, kugira ngo turusheho kubakuza cyangwa se kubazamura mu myaka n’igihagararo basigasira umuco wacu dukunda cyane, umuco nyarwanda.

Itorero Intayoberana

Kikazaba ku itariki ya 23 Ukuboza 2015 guhera ku isaha ya saa kumi n’imwe n’igice z’umugoroba, kuri Kigali Serena Hotel”

Muri iki gitaramo, iri torero ryiteguye kugaragaza ibikubiye mubutumwa bageneye imiryango babinyujije mu ndirimbo n’imbyino gakondo ndetse n’indi myiyereko. Muri iki gitaramo kandi hazaba harimo ibihozo n’udukino dutandukanye by’abana hakaba hari n’umubare munini w’abana bazabyina.

Itorero Intayoberana ryitabira ibirori bitandukanye harimo n’ubukwe

Iki gitaramo kizatangira ku isaha ya saa kumi n’imwe n’igie z’umugoroba aho kwinjira bizaba ari amafaranga y’u Rwanda 10000 mu myanya y’icyubahiro na 5000 ahandi.

Itorero Intayoberana rikorera i Nyamirambo ku ishuri rya Mutagatifu Andereya (St André) ari naho bakorera imyitozo. Ni itorero rimaze umwaka hafi n’igice ritangiye, ariko rikaba rimaze kwesa imihigo myinshyi mu buryo bugaragara.

Nk’uko yabitangaje, Mariya Yohana, umuhanzikazi akaba n’umwe mubayobozi bakuru muri iri torero, yavuze ko iki gitaramo kizibanda ku mwimerere w’imbyino n’indirimbo by’u Rwanda.

Mu birori binyuranye iri torero rigaragaza Umuco Gakondo w’u Rwanda

Yagize ati: “Iki gitaramo kigamije guhesha agaciro umurage w’u Rwanda mu gihugu no mu mahanga hifashishijwe umuco wo gutarama no guhiga: mu mbyino n’imihamirizo, umurishyo w’ingoma, ubuvanganzo nyemvugo n’indi mikino n’imyidagaduro Ndangamuco byose biherekejwe n’ibicurangisho gakondo bizumvikanisha urwunge rw’amajwi y’Indashyikirwa”.

Itorero Urukerereza mu kwerekana Umuco Gakondo w’u Rwanda

Iki gitaramo kitangira saa kumi n’ebyiri z’umugoroba aho kwinjira bizaba ari amafaranga y’u Rwanda 10 000.

Amatike araboneka kuri Sitade Amahoro i Remera kuva ku munsi w’ejo tariki 15 Ukuboza 2015 kugera ku itariki 19 Ukuboza buracya igitaramo kikaba, naho tariki 20 ku munsi nyirizina w’igitaramo amatike akazagurishirizwa kuri Serena Hotel ahazabera igitaramo.

Aba babyinnyi baba baratoranyijwe kubera ubuhanga bwabo

Urukerereza ni Itorero Ndangamuco ry’Igihugu ryashinzwe mu mwaka w’I 1974 rifite inshingano yo guteza imbere umurage gakondo w’u Rwanda binyujijwe mu mbyino n’indirimbo.

Itorero ry’Igihugu Urukerereza riba rigizwe n’ababyinnyi batoranyijwe bavuye mu matorero yandi

Ni itorero ryagiye riserukira u Rwanda hirya no hino mu maserukiramuco hanze yarwo kandi aho rigeze hose rikiyerekana neza.

Mu bitangazamakuru binyuranye by’Iburayi, hari gucicikana inkuru y’uko umuhanzi Paul Van Haver uzwi nka Stromae ukomoka ku Munyarwanda yakoze ubukwe mu ibanga kuri uyu wa 12 Ukuboza 2015, we n’umugeni basezeranywa n’umupadiri Guy Gilbert.

Stromae n’umugore we ari nawe umuhimbira imyambaro yambara.

Amakuru dukesha urubuga www.sudinfo.be ari na rwo rwivuganiye neza n’Umuyobozi wa Hotel ubukwe bwabereyemo ni uko Stromae yakodesheje ibyumba byose by’iyo hotel 79 akiriramo abatumirwa be 170 bageza ku cyumweru bakirimo.

Stijn Beschuyt, Umuyobozi Mukuru wa Martin’s Patershof, Hotel y’inyenyeri 4 yahoze ari urusengero i Malines, ubwo yaganiraga na sudinfo.be yagize ati “Coralie yari mwiza cyane yari yaberewe cyane, imitako myiza igezweho, abatumirwa bari beza kandi bacyeye!”

Mu mpera za Nzeri 2015, Stromae mu kwamamaza ibitaramo bye muri Amerika yashyize hanze amashusho amugaragaza akora ubukwe nawe ubwe.

Stromae na Coralie Barbier ntibatana.

Ibi akaba yarabikoze bigendanye n’indirimbo ye “Tous les Mêmes”, indirimbo n’ubundi agaragaramo uruhande rumwe nk’umugore, urundi ruhande akongera akagaragaramo nk’umugabo; nk’uko tubikesha non-stop-people.com; akaba yaragize ati “Nkoze ubukwe nanjye ubwanjye kuko ndikunda”.

Coralie Barbier, umugore wa Stromae, ni we umuhimbira imyambaro (styliste) yambara, akaba anakunze kugaragara ahantu henshi Stromae aba yagiye kuririmba.

Martin’s Patershof Hotel, ihoteli y’inyenyeri 4 yahoze ari Kiriziya, akaba ari nayo Stromae yakodesheje akoreramo ubukwe.

Uyu mukunzi we kandi bari kumwe ubwo Stromae yazaga kuririmba mu Rwanda aho yari yanaherekejwe na mama we umubyara ndetse n’abavandimwe be.

Uyu musore ukiri muto, ku myaka 20 gusa amaze gutegura iki gikorwa gikomeye kiri ku rwego rw’igihugu ubugira kabiri dore ko ari igikorwa cyatangiye umwaka ushize wa 2014.

Mucyo Shaffy uri gutegura Rwandan Fashion Show

Mucyo Shaffy aganira na KT Radio mu kiganiro Showbusiness Time kuri uyu wa 11.12.2015 ubwo twamubazaga igihe yatangiye gutinyukira gutegura ibikorwa nk’ibi yatubwiye ko yabitangiye akiri mu kiciro cya mbere y’amashuri yisumbuye (Tronc-Commun) ubwo yateguraga ibirori bisanzwe bizwi nk’ibibera ku ishuri.

Yagize ati: “Natangiye gukunda ibintu byo gutegura ibitaramo (events, spectacles) kwakundi muri tronc commun, kwakundi muba mwiga ahantu ugasanga umuntu yateguye ikintu, so ni hariya ibitekerezo byagiye biva rero, ngenda mbizamura kugeza aho ntangiye gutegura ibintu, ibikorwa bifata igihugu cyose.”

Afite gahunda yo gukomeza gutegura n’ibikorwa bizarushaho kumuteza imbere. Yagize ati: “Usibye ibyo ku ishuri na Rwandan Fashion Show nta kindi gikorwa nari nategura gusa umwaka utaha Imana nimfasha hari ibindi mbahishiye byinshi.”

Kuri ubu ni umunyeshuri muri University of Kigali mu ishami rya Business Information and Technology. Akaba ari gutegura Rwandan Fashion Show afatanyije na bagenzi be batatu.

Ikirango cya Rwanda Fashion Show

Yagize ati: “Igikorwa cyacu gitandukanye n’izindi Fashion Show abantu bagiye babona. Ni ukuvuga ngo iki gitorwa cyacu kizabera kuri pisine. Ni Fashion Show yo kuri pisine navuga ko ivanze na “pool party”. Ikindi ni ubwa mbere bazaba babonye abanyamideli bagenda hejuru ya pisine.”

Ibi birori bizabera kuri pisine ya Hotel The Manor kuwa gatanu tariki 18 Ukuboza 2015 guhera ku isaha ya saa kumi n’ebyiri z’umugoroba. Aho kwinjira bizaba ari amafaranga y’u Rwanda 3000 mu myanya isanzwe, 5000 mu myanya y’icyubahiro ndetse na 8000 muri VVIP aho uzajya unahabwa icyo kunywa.

Ubwo iri rushanwa ryatangizwaga mu Rwanda muri uyu mwaka, icyari kigamijwe cya mbere ni uko u Rwanda rwabasha kubona uruhagararira mu marushanwa ya Miss Earth ku rwego rw’isi, ibi bikaba byaranagarutsweho cyane mu kwamamaza iki gikorwa no guhamagarira abakobwa kuryitabira.

Miss Earth Rwanda Erica Urwibutso Emmanuela ubwo yambikwaga ikamba. uwo uri iruhande rw’iburyo ni Saida umuyobozi wa Chichi Media Group yateguye iki gikorwa

Mu gutegura iri rushanwa mu Rwanda, hagaragayemo guhuzagurika no guhindaguranya iminsi igikorwa cyagombaga kuberaho, ndetse ku munsi nyir’izina igikorwa cyabereyeho tariki 25 Nzeri 2015 muri Kigali Serena Hotel hagaragara ubwitabire buri hasi cyane bw’abaje kureba ibi birori.

Nyampinga Urwibutso Erica Emmanuella wabashije kwegukana ikamba rya Miss Earth Rwanda yagombaga guserukira u Rwanda muri Miss Earth ku rwego rw’isi agahaguruka mu Rwanda tariki 18 Ugushyingo 2015 ariko kugeza ubu aracyari mu Rwanda.

Kugeza ubu, nk’uko Miss Erica Urwibutso abisobanura, abategura irushanwa rya Miss Earth ku rwego rw’isi bamaze kumwohereza ibyangombwa byose bisabwa kugira ngo abashe kwerekeza i Vienna muri Austria ariko uruhare rwa Chichi Media Group rwo kumubonera ubushobozi bw’amafaranga y’urugendo n’ibikenewe ntibyabaye.

Ubwo iki gikorwa cyabaga hagaragaye ubwitabire buri hasi cyane

Iri rushanwa ku rwego rw’isi muri uyu mwaka rizasozwa ku wa gatandatu tariki 5 Ukuboza 2015 i Vienna muri Austria.

Ubusanzwe, amarushanwa nk’aya ari kurwego rw’isi ni amarushanwa akomeye cyane ku buryo kuyategura ku rwego rw’igihugu (kubahagararira) bisaba kuba ufite ubushobozi bwo kohereza uzatorwa mu marushanwa ku rwego rw’isi.

Twifuje kuvugana na Saida Bahati umuyobozi wa Chichi Media Group ngo tumubaze icyo bateganyiriza Miss Erica Urwibutso ntibyadukundira.

Kuva tariki 6 Ugushyingo kugera tariki 5 Ukuboza 2015 iri torero ry’Abafaransa riri mu Rwanda, aho ryerekana uyu mukino uvuga kuri Jenoside yakorewe Abatutsi mu Rwanda mu 1994.

Komisiyo y’Igihugu ishinzwe kurwanya Jenoside (CNLG) n’ikigo Ishyo Arts Centre ari nabo bafatanyabikorwa b’iri tsinda, batangaza ko kuri uyu wa kane tariki 3 Ukuboza bazawerekanira kuri Stade Amahoro i Remera ku isaha ya saa cyenda z’umugoroba.

Naho kuwa gatandatu tariki 5 Ukuboza barikinire mu Mujyi wa Kigali rwagati, ahazwi nka “Car Free Zone”, ku isaha ya saa yine z’amanywa, saa saba na saa kumi z’umugoroba, hose kwinjira bizaba ari ubuntu.

Bahereye i Nyamata mu Karere ka Bugesera, ku cyumweru tariki ya 15 Ugushyingo bakomereza mu Ntara y’Amajyepfo i Huye tariki 20 Ugushyingo na Nyamagabe tariki 22 Ugushyingo, riza i Kigali ku kigo cy’Urubyiruko cya Kimisagara tariki 26 Ugushyingo no kuri Stade Amahoro tariki 27 Ugushyingo 2015.

Aba bahanzi b’Abafaransa bari kuzenguruka u Rwanda bakora ikinamico rivuga kuri Jenoside yakorewe Abatutsi mu Rwanda.

Umunyamabanga Nshingwabikorwa wa Komisiyo y’Igihugu yo Kurwanya Jenoside, Dr Bizimana Jean Damascène yabwiye abaturage ba Nyamata ati “Aba ni abafaransa bamenye ko mu Rwanda habaye Jenoside. Biyemeza kubyerekana binyuze mu mukino kugira ngo abantu bamenye ibyabaye kandi bifashe kurwanya abayihakana n’abayipfobya.”

Espérence Mutuyisa Broussard, Umunyarwandakazi wazanye n’iri torero ahagarariye Ibuka yo mu Bufaransa nawe yagize ati “Dufite inshuti nyinshi mu Bufaransa. Icyo aba bakinnyi bakora ni nk’icyo natwe dukora muri Ibuka. Ni urugamba rwo guhangana n’abahakana bakanapfobya Jenoside yakorewe Abatutsi.”

Aha bari kwerekana umukino i Nyamata.

Iri torero ryanakinnye uyu mukino mu Bufaransa, banafite gahunda yo kuzakomereza n’ahandi ku isi.