Shampiyona izasubukurwa mu mpera z’Ukwakira 2020

Kuri uyu wa Kane Ishyirahamwe ry’umupira w’amaguru mu Rwanda “Ferwafa”, rimaze gushyira ahagaragara ingengabihe y’umwaka w’imikino wa 2020/2021, ndetse n’igihe imikino ya Playoffs yo guhatanira kujya mu cyiciro cya mbereza izakinirwa.

Imikino izahuza amakipe yaje imbere mu matsinda yo mu cyiciro cya kabiri, azaba ahatanira itike yo kwerekeza mu cyicoro cya mbere guhera Tariki 02 kugera 17/10/2020, aho amakipe azajya akina umukino umwe itsinzwe igahita isezererwa, imikino yose ikazabera mu mujyi wa Kigali.

Shampiyona y’icyiciro cya mbere n’icya kabiri mu bagore by’umwaka wa 2020 bizakinwa guhera tariki 03/10 kugera tariki 20/12/2020, mu gihe iz’umwaka wa 2021 icyiciro cya mbere kizatangira tariki 19/02 kugera tariki 31/07/2021, naho icya kabiri kikazakinwa guhera tariki tariki 20/02 kugera tariki 24/07/2021.

Shampiyona y’icyiciro cya mbere mu bagabo iba inategerejwe na benshi, izakinwa guhera tariki 30/10 isozwe tariki 20/05/2021, mu gihe shampiyona y’icyiciro cya kabiri mu bagabo izakinwa guhera tariki 31/10, ikazasozwa tariki 29/05/2021.
Igikombe cy’Amahoro kizakinwa kuva tariki 04/02 kugera tariki 05/06/2021 mu gihe igikombe cy’Intwari cya 2021 kizakinwa guhera tariki 19/01/2021 kugera tariki 01/02/2021,

Shampiyona y’icyiciro cya mbere mu bagabo iba inategerejwe na benshi, izakinwa guhera tariki 30/10 isozwe tariki 20/05/2021, mu gihe shampiyona y’icyiciro cya kabiri mu bagabo izakinwa guhera tariki 31/10, ikazasozwa tariki 29/05/2021.

Ferwafa yatangaje kandi ko kwandikisha abakinnyi bazakina shampiyona bizakorwa inshuro ebyiri nk’uko bisanzwe mu mwaka w’imikino, aho inshuro ya mbere abakinnyi bazandikishwa kuva tariki 16/08 kugera tariki 24/10/2020, naho inshuro ya kabiri ikazaba kuva tariki 18/01/2021 kugera tariki 05/02/2021, ibi bikaba ari muri shampiyona y’icyiciro cya mbere mu bagabo.

Ingengabihe y’umwaka w’imikino wa 2020/2021 ku buryo burambuye

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )