APR Fc na AS Kigali mu mukino usoza imikino ibanza

Yanditswe na

Sammy Imanishimwe

6-04-2016 - 09:32' | Ibitekerezo ( )

Kuri uyu wa gatatu nibwo hakinwa imikino ibiri ya nyuma y’ibirarane isoza imikino ibanza muri Shampiona y’cyiciro cya mbere u Rwanda

Ku bibuga bya Stade ya Kigali na Stade Umuganda haraza kuba habera imikino ya Shampiona itari yarabereye igihe,aho by’umwihariko umukino utegerejwe na benshi ari umukino uza guhuza APR Fc na AS Kigali kuri Stade ya Kigali i Nyamirambo.

APR Fc ntiyabashije gutsinda umukino wa Marines yakinnye kuri iki cyumweru

Uyu mukino ikipe iramutse iwutsinze yarangiza imikino ibanza ya Shampiona iri ku mwanya wa mbere n’amanota 32,mu gihe AS Kigali nayo iwutsinze yahita isimbura APR Fc ku mwanya wa gatatu n’ubwo zaba zinganya amanota,gusa AS Kigali ikaba irusha APR Fc umubare w’ibitego izigamye.

Undi mukino utegerejwe uraza kubera kuri Stade ya Rubavu,aho ikipe ya Etincelles iri ku mwanya wa 15 ku rutonde rw’agateganyo rwa Shampiona,iza kwakira Police Fc iri ku mwanya wa 5,umukino uteganijwe nawo gutangira Saa cyenda n’igice z’amanywa.

Urutonde rw’agateganyo

Ikipe	Imikino	Amanota
01 RAYON SPORTS	15	32
02 MUKURA VS	15	32
03 APR FC	14	31
04 AS KIGALI	14	28
05 POLICE FC	14	27
06 KIYOVU SPORTS	15	23
07 GICUMBI FC	15	21
08 BUGESERA FC	15	21
09 SUNRISE FC	15	19
10 AMAGAJU FC	15	18
11 MARINES FC	15	17
12 MUSANZE FC	15	15
13 ESPOIR FC	15	15
14 RWAMAGANA CITY FC	15	9
15 ETINCELLES FC	14	6
16 AS MUHANGA	15	4