Gakenke: Abagore n’abakobwa 41 basambanyijwe ku gahato

Yanditswe ku itariki ya: 24-04-2013 - Saa: 11:14'
Ibitekerezo ( )

Imibare itangwa n’akarere ka Gakenke igaragaraza ko kuva mu ntangiriro z’uyu mwaka wa 2013, ibitaro n’ibigo nderabuzima byo muri ako karere byakiriye abakobwa n’abagore 41 basambanyijwe ku gahato.

Mu nama y’itsinda ry’abashinzwe urwego rw’ubuzima mu Karere ( DHMT) yateranye kuri uyu wa kabiri tariki 23/04/2013, abayobozi b’ibitaro bavuga ko abo bantu bose atari abo mu Karere ka Gakenke kuko hari n’abarwayi bakira bava mu turere bahana imbibi.

Aha, batanga urugero ko Ibitaro bya Ruli byakira abarwayi bava mu mirenge yo mu Turere twa Muhanga na Kamonyi n’ibitaro bya Nemba bikacyira abaturage ba mu mirenge y’Uturere twa Burera na Rulindo.

Ngo bamwe mu bakobwa n’abagore bahura n’ihohoterwa rishingiye ku gitsina bakunda kubihisha nyuma yo kwigishwa bakemera kwisuzumisha no kugeza ikibazo cyabo kuri Polisi kugira ngo ababikoze babiryozwe.

Muri iyo nama hagaragajwe kandi ko mu mezi ane ashize, abantu 44 bahuye n’ihohoterwa rikorewe ku mubiri (physical violence) bibaviramo kujya kwa muganga. Ibitaro bya Ruli biza ku isonga mu kwakira benshi aho abantu 21 bavuriwe muri ibyo bitaro.

Ibyo bitaro bibarizwa mu Murenge wa Ruli ucukurwamo amabuye y’agaciro, bityo amafaranga aturuka muri ubwo bucuruzi akaba ashobora kuba ari yo nyirabazana y’urugomo ruviramo bamwe kujya kwa muganga.

Abanyamabanga nshingwabikorwa b’imirenge bazagezwaho iyo mibare kugira ngo bongere imbaraga mu kwigisha abaturage kwirinda ihohoterwa rishingiye ku gitsina; nk’uko abitabiriye inama babyifuje.

Nshimiyimana Leonard

Andi makuru - Imbere mu gihugu
Karongi: Pasiteri afunze akekwaho gutanga ruswa
23/04/2015

Rev. Pasteur Musabyimana Zabulon afungiye kuri sitasiyo ya Polisi ya Rubengera akekwaho gutanga ruswa.
Nyamasheke: Yasanzwe mu kiyaga cya Kivu yashizemo umwuka
23/04/2015

Umurambo w’umuntu uri mu kigero cy’imyaka 25 na 28 watoraguwe mu mazi y’ikiyaga cya kivu mu Mudugudu wa Kazibo mu Kagari ka Muyange mu Murenge wa Nyabitekeri mu Karere ka (...)
Bugesera: Polisi yavumbuye uburyo bushya bukoreshwa mu guteka kanyanga
22/04/2015

Polisi y’Igihugu mu Karere ka Bugesera ngo yatahuye uburyo bushya abaturage basigaye bakoresha batetse inzoga itemewe ya kanyanga, aho basigaye bakoresha inkono zisanzwe za (...)
Bugesera: Umwe mu barohamye muri Cyohoha akomeje kuburirwa irengero
21/04/2015

Umuntu umwe muri batatu barohamye mu kiyaga cya Cyohoha ya Ruguru ku mugoroba wo ku wa 20 Mata 2015 ubwo bavaga mu Murenge Mareba bajya mu Murenge wa Mayange mu Karere ka (...)
1 | 2 | 3 | 4 | 5 | 6 | 7 | 8 | 9 | ... | 929

Ibitekerezo

Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Kigali Today

AMAKURU

IBIGANIRO

Inkuru zikunzwe cyane
1
2
3
4
5
Dukurikire
Rwanda Districts

Menya amakuru yo muri buri karere ku Rwanda