Muhanga: Abaturage bahangayikishijwe n’imvura ikomeje kugwa ari nyinshi

17-04-2013 - 10:33'
Ibitekerezo ( )

Bamwe mu bahinzi mu karere ka Muhanga baratangaza ko bakomeje guhangayikishwa n’imvuira ikomeje kugwa ari nyinshi ikangiza imyaka yabo bari batezeho amaramuko.

Nk’uko babivuga ngo iyi mvira yaguye itunguranye kuko yatangiye kugwa itinze aho ibonekeye ikagwa ari nyinshi cyane ku buryo buri kubatera ubwoba.

Uwitwa Mukandemezo avuga ko atunzwe n’ubuhinzi none ngo iyi mvura yaramwangirije ku buryo bukabije.

Yagize ati: “twateye ibishyimbo aho kugirango bibone imvura ahubwo izuba riba ariryo ribikarira, nyuma nibwo twaje kubona igihu kibyaye imvura yaje ari simusiga aho kugirango izazamura ibyari bihari yarabihuhuye”.

Abahinzi bakomeje guhangayikishwa kandi n’imvura ikomeje gutwara ubutaka bwabo kuko igihe yaguye iteza inkangu ikomeye cyane ko aka karere kari mu turere dufite imisozi ihanamye.

Inkangu itwara ubutaka bwera.
Inkangu itwara ubutaka bwera.

Si abahinzi bafite ikibazo cy’imvura ikomeje kugwa muri iki gihe kuko n’abakoresha imihanda cyane nabo bakomeje kwibubira uburyo imihanda iri kurengerwa n’inkangu cyangwa igatwarwa n’isuri.

Abashoferi batwara abagenzi bajya mu bice by’icyaro cyane cyane mu mirenge iri mu misozi ihanamye bavuga ko imwe mu mihanda y’ibitaka yangiritse kuburyo hari aho imodoka zijya zikahahera.

Aha bavuga ko biba ngombwa ko biyambaza abaturage kugirango babafashe gukura imodoka zabo mu ishayo; ibi byose ngo akaba ari ibibatwara amafaranga menshi.

Bafite impungenge ko hari ubwo bashobora kugira ikibazo ibinyabiziga byabo bikagwa mu gihe cy’ijoro aho abaturage bashobora kutabatabara ahubwo bakabasahura kuko hari aho bijya biba.

Barasaba ubuyobozi ko bwakora imihanda igaragara kuburyo itangizwa n’ibiza byose bije. Aha ubuyobozi bukaba bukunze gushishikariza abaturage kutajya bahinga begereje imihanga kuko iyo begereje ariho haza inkangu igakunkumura ibitaka mu muhanga, ugapfa.

Gerard GITOLI Mbabazi

Andi makuru - imbere mu gihugu
Muhanga: Icyenda barimo n’umugore barakekwaho kuyogoza umujyi
4/09/2015

Abagabo umunani n’umugore umwe bari mu maboko ya Polisi Sitasiyo ya Muhanga bakekwaho kwiba ibyuma by’ikoranabuhanga n’byo mu ngo.
Kamonyi: Abagabo 3 bapfuye nyuma yo gushyamirana n’abagore babo
4/09/2015

Mu gihe cy’ibyumweru bibiri bishize, abagabo batatu barapfuye mu gihe bari bafitanye amakimbirane n’abagore babo.
11 bamaze guhitanywa n’inkuba zo kuri iki gicamunsi (YAVUGURUWE)
3/09/2015

Abantu 11 ni bo bamaze gupfa, abandi 53 barakomereka bitewe n’inkuba zakubise mu bihe bitandukanye mu gihugu kuri iki gicamunsi.
Kirehe: Ntibakirarana n’amatungo kuko Polisi yabegereye
2/09/2015

Abatuye umurenge wa Kigarama, akarere ka Kirehe, baratangaza ko ubujura bw’amatungo bwatumaga bararana na yo bwagabanutse bitewe n’uko polisi (...)
1 | 2 | 3 | 4 | 5 | 6 | 7 | 8 | 9 | ... | 989

Ibitekerezo

Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

    AMAKURU

    IBIGANIRO

    Inkuru zikunzwe cyane
    1
    2
    3
    4
    5
    Dukurikire
    Rwanda Districts

    Menya amakuru yo muri buri karere ku Rwanda