Mu minsi ishize nibwo Minisiteri y’Uburezi (MINEDUC) yatangaje gahunda nshya yo gufasha abanyeshuri gukurikirana amasomo bifashishije uburyo bwa telefoni zigendanwa.

Ikibazo cyo kurekera abanyeshuri kwigana telefoni ntikivugwaho rumwe n’ababyeyi na leta.

Iyi gahunda ariko ntiyavuzweho rumwe n’ababyeyi kuko basanga ahubwo yagira uruhare mu kurangaza umwana.

Bamwe mu babyeyi bo mu karere ka Gakenke bari mu batumva iyi gahunda, bagasaba ko abarezi bayihagarika kuko abana bajya bahugira muri telefoni ugasanga ntibakurikiye neza.

Iyi gahunda yo kwigana telefoni ku banyeshuri isanzwe ikoreshwa mu bihugu byateye imbere nk’Amerika no ku mugabane w’u Burayi, aho ifasha abanyeshuri gukoresha ibitabo biboneka kuri internet (E-libray) batiriwe bagana amasomero.

Gusa bamwe mu babyeyi batarasobanukirwa neza akamaro k’iyi gahunda bumva ko atari ngombwa, nk’uko uwitwa Mukeshimana Odette wo mu murenge wa Rushashi abitangaza.

Agira ati “N’abagabo bubatse ingo iyo ageze kuri terefone kandi abarimo guterefonana n’umuntu bashaka ibintu bifite inyungu ubona ko hari akanya bishobora gutesha wa muntu.
Noneho umunyeshuri ibikorwa abayakurikiye n’ukwiga none ageze mw’ishuri mugenzi we akamuterefona gukurikira amasomo bikanga akikurikirira ya terefone.”

Umukozi w’akarere ka Gakenke ushinzwe uburezi Hakizimana Jean Bosco, nawe yemera ko telefoni ishobora kurangaza umuneyshuri ariko akavuga ko gahunda ihari ari uko bazajya babemerera kuyikoresha mu bushakashatsi gusa.

Ati “Ku banyeshuri n’uko usanga uburyo bwo kubaba hafi kugira ngo bazikoreshe neza uko zibabyarira umusaruro bashobora kuba ahubwo bazirangariramo biyoherereza ubutumwa hagati yabo.

Ibi byateye bya whatsApp ugasanga mubyukuri ntabwo zibahaye umusaruro wari witezwe kuruta uko baba bafite computer lab bakajyamo.”

Guverinoma y’u Rwanda yatangije ubu buryo mu kujyanisha n’uburezi bugezweho, itanga za mudasobwa ku banyeshuri, ikanakangurira abifitiye telefoni zifata internet kuzikoresha bagana ayo masomero yo kuri internet.

Abdul Tarib