Mukandinda Odette, umwe muri abo baturage, yavuze ko ibyo bakoze ari ikimenyetso cyo kwerekana urukundo bakunda Perezida Paul Kagame ndetse ko biteguye gukora ibishoboka byose akongera kubayobora.

Abaturage b’i Muko mu Karere ka Gicumbi bitwaje inzoga, ibiseke n’inkangara basaba ko Kagame yakomeza kubayobora.

Byashimangiwe na Gatabazi Gaspard uvuga ko igikorwa cyo kuzana intango y’inzoga ari urukundo bakunda perezida Paul kagame kubera ibyo yabakoreye.

Atanga ingero z’ibikorwa by’iterambere bamaze kugeraho, yavuze ko byose babikesha Perezida Kagame kubera umutekano yahaye u Rwanda.

Yagize ati “Ibi twakoze twabiteguye kugirango tubereke ko iyo umuntu yakunze umuntu ashobora gutanga ibyo afite byose ariko akamubona bakabana akaramata.”

Depite Kabasinga Chantal yabatangarije ko impamvu nyamukuru bari mu biganiro n’Abanyarwanda bose ari uruguha umwanya abantu bose kugira ngo batange ibitekerezo ku ivugururwa ry’ingingo y’101 y’Itegeko Nshinga.

Ernestine Musanabera