Amaze kubwirwa ko agomba kuriha ibiro birenga ku byo yemerewe, bitewe n’igikapu cya kabiri yari afite, James McElvar yiyemeje kugerekeranya imyenda yari atwaye kugira ngo agabanye uburemere bw’umuzigo.

Umuhanzi wo muri Ecosse, Mc Elvar yambaye imyambaro myinshi yanga kuyishyurira mu rugendo rwo mu ndege bimutera kurabirana yisanga mu bitaro.

Yambaye imipira y’amoko magufi itandatu, arenzaho imipira y’imbeho ine, amakoti abiri, amapantaro y’amakoboyi atatu, amapantaro abiri bakorana siporo ndetse n’ingofero ebyiri.

Ku bw’amahirwe makeya, aya mayeri ye yaje kumugaruka, kuko ubwinshi bw’imyenda yari yambaye bwatumye ashyuha birenze bimuviramo kugwa yataye ubwenge.

Nyuma y’iyo mpanuka yikururiye yabwiye igitangazamakuru DailyMail ati «Byatangiye mbura umwuka, hanyuma njye nkeka ko ari ikibazo cy’umutima ngize!»

Yakomeje agira ati «Byambereye ikibazo gikomeye, kuko nataye ubwenge inshuro ebyiri zose. Tugeze i Glas¬gow nahise njyanwa kwa muganga. » Icyakora mu bitaro ntiyatinzeyo kuko yahise akira.

Marie Claire Joyeuse