Iyi nka yari ibyaye ubwa kabiri kandi mbere yabyaye inka imeze neza. Umutoniwase, umwana wa nyir’inka ari nawe uzibamo, avuga ko akibona inka yabo yabyaye ikimasa kidasanzwe yabanje kugira ubwoba akeka ko bayiroze cyangwa ari uguterwa nabi intanga. Gusa ngo yaje kubwirwa ko ari ibisanzwe.

Inka yabyaye ikimasa gifite amaguru atandatu.

Doctor Ndazigaruye Gervais, umwarimu mu ishuri ry’ubuvuzi bw’amatungo muri Kaminuza y’u Rwanda, ishami rya Nyagatare, avuga ko ibi ari ibisanzwe bibaho ku matungo ndetse no ku bantu.

Ngo nta burwayi inka ifite nta n’ubwo ari amarozi, ahubwo ngo biterwa n’igihe cy’irema ry’ikiri mu nda rikorwa nabi hakabamo kugira ibice byinshi nk’amaguru, umutwe ukaba waba nk’uw’indi nyamanswa n’ibindi.

Iyi nka niyo yabyaye ikimasa gifite amaguru atandatu, ariko mbere yari yabyaye inka imeze neza.

SEBASAZA Gasana Emmanuel