Kugeza ubu mu Rwanda hamaze kugarurwa abantu batanu bari barahungiye hanze y’igihugu, kubera ibyaha bya Jenoside ariko hakaba hari n’abandi benshi bagishakishwa.

Siboyintore avuga ko bamaze kohereza hanze impapuro 294 z’abakekwaho gukora Jenoside.

Siboyinore yabitangaje kuwa kane tariki 16/04/2015, ubwo mu karere ka Nyanza hashyiragaho ibuye ry’ifatizo ahazubakwa urugereko rukuru rushinzwe kuburanisha ibyaha mpuzamahanga n’ibyambukiranya imipaka harimo na Jenoside.

Uyu muyobozi akavuga ko uru rugereko nirumara kuzura, ko bizorohera abacamanza gukurikirana izi mpanza mpuzamahanga, dore ko abazajya batabwa muri yombi baribarahungiye hanze y’igihugu, bazajya bahita bazanwa muri aka karere ka Nyanza kugira ngo ibyo baregwa bikurikiranwe.

Hashyirwa ibuye ry’ifatizo ahazubakwa urugereko rukuru rukurikirana ibyaha mpuzamahanga birimo na Jenoside.

Ashyira ibuye ry’ifatizo ahazubakwa uru rukiko, umuyobozi wurukiko rw’Ikirenga Prof. Sam Rugege, yavuze ko abakoze jenoside bagahungira mu bindi bihugu, ko bategerejwe, igihe cyose bazagarukira bazakurikiranwa, dore ko bubakiwe urukiko rwihariye.

Eric Muvara