Abashakashatsi bo muri kaminuza ya Pittsburgh bemera ko ibinure byinshi ku kibuno no ku matako y’umugore bigira uturemangingo (cells) dufite akamaro cyane ku mikorere y’ubwonko bw’umwana.

Ubu bushakashatsi busobanura ko ari yo mpamvu abagore bamaze igihe gito babyaye bibagora kugabanya umubyibuho cyane cyane uwo ahagana hepfo, kubera ko biba byarikoze mu buryo karemano kugira ngo bizafashe umwana uri munda gukura neza n’igihe yageze ku isi.

Professor Will Lassek wa Kaminuza ya Pittsburgh yasobanuriye ikinyamakuru The Sunday Times ko ubuzima bw’ubwonko n’imikorere yabwo bikenera ibinure byinshi, ari nayo mpamvu igice kibamo ubwonko usanga gikungahaye mu byo bita DHA, (docosahexaenoicacid), aside ifitiye akamaro kenshi ubwonko bwa muntu.

Prof Will Lassek akomeza avuga ko nta gushidikanya, ibi ni byo bisobanura impamvu abagore bagira impinduka mu mubiri iyo batwite, ugasanga ikibuno cyabo cyariyongereye kugeza babyaye.

Iyi nkuru dukesha metro.co.uk irasoza igira iti ‘bagore, nihagira umuntu ubaseka ko mufite ikibuno kinini, mujye mwisekera muryumeho kuko abo babaseka bashobora kwisanga umwana wawe ari we ubabereye boss (shebuja) mu buzima buri imbere.

Gasana Marcellin

MENYA UMWANDITSI

Gasana Marcellin

Umunyamakuru

@ Gasana_M

Reba inkuru zose nanditse ( 529 )