Abagejejwe imbere y’urukiko barashinjwa ibyaha birindwi birimo ubwicanyi, kugambanira igihugu, ubufatanyacyaha mu bikorwa by’iterabwoba, kuba mu mutwe w’ibikorwa by’iterabwoba ugamije guhirika ubutegetsi, guhishira abagizi ba nabi n’ubufatanyacyaha mu bikorwa by’ubwicanyi.

Abashinjwa gukorana na FDLR baraburanira muri stade i Musanze.

Abaregwa bemeye ibyaha bimwe ibindi barabihakana uretse Nsengiyumva Jotham, ukorana n’umutwe wa FDLR wemeye ibyaha byose aregwa birimo gutera ibisasu inshuro ebyiri mu mujyi wa Musanze, akanarasa umupolisi wari ukuriye ubugenzacyaha mu karere ka Musanze agapfa. Ibi bisasu kandi byahitanye umwana w’umwaka umwe n’igice.

Abaturage bitabiriye gukurikirana urubanza ari benshi.

Abari bafatiwe ibi byaba bari 15, umwe wari umunyamabanga nshingwabikorwa w’Umurenge wa Cyuve mu Karere ka Musanze, Alfred Nsengimana, aza kuraswa arapfa ubwo yageragezaga gutoroka kuwa gatanu tariki 16/5/2014.

Abarimo kuburanisha urubanza.

FDLR ifatwa na Leta y’u Rwanda nk’umutwe w’iterabwoba witwaza intwaro igizwe ahanini n’abasize bakoze Jenoside mu Rwanda mu 1994.

Tubabereyeyo, amakuru arambuye turacyayakurikirana.

Nshimiyimana Leonard