Champion’s League: Ikipe z’i Madrid zikomeje kwereka isi ko zikomeye

23-10-2014 - 16:26' | Ibitekerezo ( )

Mu mikino y’amarushanwa y’amakipe yabaye aya mbere iwayo i Burayi (champions league) yabaye ku mugoroba wa tariki 22/10/2014, amakipe yo mu mujyi wa Madrid muri Espagne yerekakanye ko akomeye yose atahana insinzi.

Ku kibuga cya Liverpool mu Bwongereza, Ikipe ya Real Madrid yatsinze ibitego 3-0 ibifashijwemo ba ba rutahizamu bayo barimo Cristiano Ronaldo na Karim Benzema wayitsindiye ibitego 2.

Atletico Madrid nayo yatsindiye iwayo Malmo ibitego 5-0, ibifashijwemo na Diego Godin, Mario Mandzukic, Antoine Griezman, Alessio Cerci na Koke.

Ancelloti utoza Cristiano Ronaldo yashimiraga Cristiano watsinze igitego cya mbere.

Uretse amakipe y’i Madrid muri Espagne, ikipe ya Borussia Dortmundyo mu Budage nayo ikomeje kugaragaza imbere ko ikomeye muri champion’s league. Ni nyuma yo gutsindira Galatasalay iwayo muri Turukiya ibitego 4-0. Kuri uyu wa 21 Ukwakira 2014, Bayern Munich nayo yatsinze AS Roma 7-1.

Mu yandi makipe akomeye, ikipe ya Juventus yatunguwe na Olympiakos iyitsinda igitego 1-0. Bayern Leverkusen itsinda Zenit 1-0. Ludogolets itsinda Basel igitego1-0, naho Monaco inganya na Benfica 0-0.

Ikipe ya Atletico Madrid ikomoka mu mugi umwe na Real Madrid, nayo yaraye inyagiye Malmo 5-0.

Ikipe ya Arsenal yo mu Bwongereza byayisabye iminota 6 ya nyuma ngo ibone inzitsi, nyuma y’aho yari yatsinzwe igitego 1 na Anderlect, iza kucyishyura inashyiramo icy’insinzi.

Safari Viateur