Uyu mugore ukiri muto afata litiro enye cyangwa eshanu ku munsi, icyayi ndetse n’amazi menshi ariko icyitwa amafunguro akomeye nk’inyama, imboga, imbuto n’ibindi ngo ntazi uko bimeze nk’uko urubuga www.7sur7.be dukesha iyi nkuru rubitangaza.

Ibi byatewe n’indwara yitwa Achalasie ifata mu mihogo, yayirwaye akiri umwana muto w’imyaka ibiri, nk’uko urwo rubuga rukomeza rubivuga, ngo ikintu cyose yagerageje kurya yahitaga akiruka.

Umubyeyi we avuga ko icyo gihe yamuhaga umugati n’umuceri aho kubirya umwana akarira, nyina agakeka ko ari amayeri y’umwana ariko aza kubona ko umwana arwaye.

Ngo ababyeyi bamujyanye kwa muganga inshuro nyinshi abaganga bavuga ko bagomba kumubaga kugira ngo akire ariko ubushobozi burabura kuko bafite abandi batandatu bagomba gutunga.

Nshimiyimana Leonard