Am-G The Black yasusurukije abatuye umujyi wa Musanze biratinda

      8-09-2013 - 15:48'
Ibitekerezo ( 1 )

Am-G The Black, umuhanzi wo mu Rwanda uririmba injyana ya Hip Hop yasusurukije abatuye umujyi wa Musanze mu karere ka Musanze, benshi mu biyabiriye igitaramo baranyurwa cyane, abiganjemo urubyiruko buzura aho yaririmbiraga babyina.

Hari kuri uyu wa gatandatu tariki ya 07/09/2013 ubwo Am-G The Black yagaragaraga mu gikorwa cyo kwamamaza serivisi ya banki yitwa “mVISA” muri gare yo mu mujyi wa Musanze. Uyu muhanzi bigaragara ko afite abafana benshi muri Musanze yageze aho baririmbira (stage) abafana be batera hejuru cyane bamwishimiye maze nawe abaririmbira zimwe mu ndirimbo ze zikunzwe muri iki gihe.

Abaje kumva Am-G The Black bateraga hejuru kubera ibyishimo
Abaje kumva Am-G The Black bateraga hejuru kubera ibyishimo

Am-G The Black yaririmbye indirimbo zinyuranye, ariko izitwa Uruhinja, Care n’Agakaye nizo zashimishije cyane abari aho muri gare ya Musanze.

Aha Am-G The Black yaririmbaga indirimbo ye Care ikunzwe cyane na benshi mu rubyiruko
Aha Am-G The Black yaririmbaga indirimbo ye Care ikunzwe cyane na benshi mu rubyiruko

Ubwo yaririmbaga indirimbo “Care” abakunzi be bateye hejuru cyane kuko iri mu ndirimbo zigezweho muri iyi minsi. Amaze kuyiririmba yabaye nkuva kuri “stage” asubira mu rwambaririo ariko abakunzi be batera hejuru cyane basaba ko agaruka.

Benshi mu bari mu mujyi wa Musanze baje kwihera ijisho
Benshi mu bari mu mujyi wa Musanze baje kwihera ijisho

Ibyo byahise bituma bashyiramo indirimbo “Agakaye” maze agaruka ku rubyiniro aririmba agace aririmbamo wenyine muri iyo ndirimbo ubundi afatanyije n’abandi bitwa Two4Real na Bruce Melodie.

Bamwe babyinnye biratinda
Bamwe babyinnye biratinda

Am-G The Black yasusurukije abafana be b’i Musanze ari kumwe n’ababyinnyi babiri b’abahungu. N’ubwo hari ku manywa, mu masaha y’akazi nyuma ya saa sita, ntibyabujije imbaga y’Abanyamusanze kuza kureba no kwishimira Am-G The Black ari benshi.

Norbert Niyizurugero

Andi makuru - Muzika
Umuririmbyi Papa Wemba yapfuye urw’amarabira
24/04/2016

Umuririmbyi w’Umunyekongo wamamaye cyane, Papa Wemba w’imyaka 66 y’amavuko, yitabye Imana kuri iki Cyumweru, tariki 24 Mata 2016 aguye ku rubyiniro i Abidjan muri Côte (...)
Abahanzi bahanze amaso Federation ku bibazo byari byarabaye karande
23/04/2016

Abahanzi batandukanye bemeza ko bizeye ko federasiyo y’abahanzi mu Rwanda bishyiriyeho izabafasha gukemura ibibazo by’umuziki mu Rwanda byari byaranze (...)
10 bahatanira Guma Guma baremeye inshike
9/04/2016

Ubuyobozi bwa Bralirwa bufatanyije na EAP bajyanye abahanzi 10 bahatana mu irushanwa rya Guma Guma Primus Super Star 6, mu Karere ka Kayonza, aho basuye bakanagabira incike za (...)
Munyanshoza arasaba abahanzi bakiri bato kwanga amacakubiri
8/04/2016

Umuhanzi Munyanshoza Dieudonne wamenyekanye nka Mibirizi arasaba abahanzi bavutse nyuma ya Jenoside kwanga amacakubiri n’ikibi kuko ejo hazaza ari (...)
1 | 2 | 3 | 4 | 5 | 6 | 7 | 8 | 9 | ... | 180

Ibitekerezo

ndabona amagy yarabahaye care!!!

joe yanditse ku itariki ya: 11-09-2013
Ohereza igitekerezo
Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Inkuru zikunzwe cyane
1
2
3
4
5
Dukurikire
Rwanda Districts

Menya amakuru yo muri buri karere ku Rwanda