Knowless akigera Amsterdam yakiriwe n’umujynama (manager) we, Kitoko Abdoul n’abagize group exotic night

Ngo bagerageje guhindura amatariki y’ibitaramo ariko ntibyabakundira; ni ukuvuga ko Knowless azitabira gusa igitaramo cy’ejo mu Bubiligi cyo gutora Nyampinga (Miss East Africa); nk’uko byatangajwe n’umujyanama wa Knowless, Kitoko.

Knowless ibyishimo byamurenze

Knowless Butera yageze i Burayi mu gihugu cy’u Bubiligi aho azitabira igitaramo ku munsi cyo gutora Miss East Africa tariki 31/03/2012.

Groupe exotic night itegereje Konowless ku kibuga cy’indege

Kitoko Abdou, umujyanama (manager) wa Knowless yatangaje ko yishimye cyane ndetse ko byamurenze kuba Knowless yagezeyo amahoro. Yagize ati “kuri njye na groupe exotic night twabyakiriye neza cyane ariko jye ni nk’inzozi kuko nk’uko mu bizi kuva natangira gukorana na Knowless nka manager ni ubwa mbere tubonanye urunva byandenze”.

Knowless na Adboul Kitoko

Kitoko Abdou amaze imyaka itatu akorana na Knowless nk’umujyanama we ariko ni bwo bwa mbere babonanye amaso kumaso.

Knowless yahagurutse tariki 28/03/2012 kugira ngo abone umwanya wo kwitegura igitaramo afite ejo tariki 31/03/2012 aho azaba ari kumwe n’abandi bahanzi nka Jackie na Cindy bo mu gihugu cya Uganda, Ray Blaze wo muri Nigeria, Lil P uba mu Bwongereza na Arrows’N’ Spearz wo mu Bubiligi.

Kitoko, manager wa Knowless n’abandi bakorana muri groupe exotic night bategereje Knowless

Knowless atangaza ko yishimiye cyane kuba ageze ku mugabane w’i Burayi kandi ko yiteguye kubataramira bakishima.

Amafoto twahawe na Exotic Night agaragaza ko ibyishimo birenze byaranze Knowless. Umujyanama we ndetse n’abandi bose bagaragaye ku kibuga baza kwakira Knowless.

Marie Clemence CYIZA UWIMANIMPAYE