Sitting Volleyball: Gisagara mu bagabo na Bugesera mu bagore zegukanye shampiyona ya 2023-2024
Ku Cyumweru tariki 24 Werurwe 2024 mu Karere ka Bugesera hasorejwe imikino ya shampiyona ya 2023-2024 muri Sitting Volleyball aho Gisagara SVB mu bagabo na Bugesera SVB mu bagore zegukanye ibikombe.
![Byari ibyishimo ku bakinnyi ba Bugesera SVB Byari ibyishimo ku bakinnyi ba Bugesera SVB](IMG/jpg/bugesera_2_-8.jpg)
Ni imikino ya nyuma yakinwe kuva ku wa Gatandatu tariki 23 Werurwe 2024 ubwo hakinwaga imikino ya 1/4 aho mu bagabo Gasabo yasezereye Rubavu iyitsinze amaseti 2-0 naho Gisagara SVB isezerera Rwamagana SVB iyitsinze amaseti 2-0. Ni mu gihe Musanze SVB yatsinze Burera amaseti 2-0, Rusizi SVB itsinda Nyagatare SVB amaseti 2-0. Muri 1/2 imikino yahise ikinwa uwo munsi maze Gasabo SVB igera ku mukino wa nyuma itsinze Rusizi SVB amaseti 2-0, ihurira ku mukino wa nyuma na Gisagara SVB yatsinze Musanze SVB amaseti 3-2.
Mu bagore ho bakinnye bahereye muri 1/2 ahari hagezemo amakipe ya Nyarugenge SVB, Gicumbi SVB, Bugesera SVB na Musanze SVB. Gicumbi SVB yatsinze Nyarugenge SVB amaseti 3-0 igera ku mukino wa nyuma ihahurira na Bugesera SVB, Ikipe ya Bugesera SVB isezerera Nyarugenge SVB iyitsinze amaseti 3-0.
![Gasabo yatsinzwe na Gisagara amaseti 3-2 ku mukino wa nyuma itahana umwanya wa kabiri muri shampiyona Gasabo yatsinzwe na Gisagara amaseti 3-2 ku mukino wa nyuma itahana umwanya wa kabiri muri shampiyona](IMG/jpg/gasabo-9.jpg)
Ku mukino wa nyuma Gisagara SVB mu bagabo yegukanye igikombe itsinze Gasabo SVB amaseti 3-2 (25-17, 22-25, 14-25, 26-24, 15-12) naho mu bagore cyegukanywe na Bugesera SVB yagitwaye ku nshuro ya gatandatu yikurikiranya itsinze Gicumbi SVB amaseti 3-2 (14-25, 23-25, 25-21, 25-16, 15-10).
Umwanya wa gatatu mu bagabo wegukanywe na Musanze SVB itsinze Rusizi SVB amaseti 3-0 naho mu bagore wegukanwa na Musanze SVB nyuma yo gutsinda Nyarugenge SVB amaseti 3-0.
![Mu bagabo Gisagara yegukanye igikombe itsinze Gasabo ku mukino wa nyuma Mu bagabo Gisagara yegukanye igikombe itsinze Gasabo ku mukino wa nyuma](IMG/jpg/gisagara_2_-2.jpg)
![Mu bagore Bugesera yegukanye igikombe itsinze Gasabo Mu bagore Bugesera yegukanye igikombe itsinze Gasabo](IMG/jpg/bugesera_3_-2.jpg)
![](IMG/jpg/bugesera_4_-3.jpg)
![](IMG/jpg/sitting_volleyball_13_-2.jpg)
![](IMG/jpg/sitting_volleyball_12_-2.jpg)
![](IMG/jpg/sitting_volleyball_14_.jpg)
![](IMG/jpg/sitting_volleyball_15_-2.jpg)
![](IMG/jpg/sitting_volleyball_8_-2.jpg)
![](IMG/jpg/sitting_volleyball_9_-2.jpg)
![](IMG/jpg/sitting_volleyball_11_-2.jpg)
![](IMG/jpg/sitting_volleyball_10_-2.jpg)
![Gisagara yari iherutse gusohokera Igihugu yongeye gushimisha abakunzi bayo Gisagara yari iherutse gusohokera Igihugu yongeye gushimisha abakunzi bayo](IMG/jpg/gisagara_3_.jpg)
Ibitekerezo
Ohereza igitekerezo
|