Depite Kayinamura Gedeon, perezida wa komisiyo y’ububanyi n’amahanga n’umutekano, yibukije inteko ko itegeko rizafasha ibitaro bya gisirikare bya Kanombe guhinduka ikigo cya Leta kandi kikabarirwa mu bitaro fatizo kuko ibisabwa byose kugirango bijye muri icyo cyiciro byose byuzuye.

Itegeko kandi rizahesha ibitaro ubuzima gatozi kuko bizagenerwa ingengo y’imari yabyo yihariye aho gukoresha iya minisiteri y’ingabo. Iri tegeko kandi rizakemura ibibazo by’imishahara yari hasi ku basirikare bafite impamyabumeyi zihanitse mu buvuzi kuko icyo gihe bazahembwa kimwe na bagenzi babo bakora mu bitaro bya Leta ako guhembwa hakurikijwe ipeti bafite.

Abagize inteko rusange y’umutwe w’abadepite bashimye imikorere myiza y’ibitaro bya Gisirikare bya Kanombe kandi bamwe muri bo bavuga ko bazakomeza kubikorera ubuvugizi ku nzego zibishinzwe kugirango bikomeze kongererwa ubushobozi hagamijwe kubifasha kugera ku nshingano zabyo no kudatezuka kuzikora neza.

Uyu munsi kandi abadepite batoye itegeko rigenga ikigo cya gisikari cy’ubwishingizi mu kwivuza (MMI). Iri tegeko riravugurura irindi ryari risanzwe rigenga icyo kigo kugirango ibyari birikubiyemo bihuzwe n’ibivugwa mu itegeko ngenga rishyiraho amategeko rusange yerekeye ibigo bya Leta. Iri tegeko kandi rishingira ku bikubiye mu itegeko rigenga umurimo w’ubwishingizi ku birebana n’imari shingiro y’ikigo cya Leta gikora umurimo w’ubwishingizi.

Muvara Eric